\id LUK KRIOL Nth Aust Luke (42 KR luk.txt) sildarwin@sil.org 
\h Luk 
\toc3 Luk 
\toc2 Luk 
\toc1 Luk Bin Dalim Ola Stori Blanga Jisas Langa Wan Jintail Men 
\mt1 Luk  
\mt2 Luk Bin Dalim Ola Stori Blanga Jisas Langa Wan Jintail Men  
\ip Wal dijan stori im det gudnyus blanga Jisas Krais. Wan dokta neim Luk bin raidimdan dijan gudnyus. Luk nomo bin luk Jisas garram im ron ai. Bat imbin album det mishanri neim Pol, en imbin go ebriweya garram im, en brom im na imbin irrim ola stori blanga Jisas, en afta imbin raidimdan dijan gudnyus. Wal Luk bin raidimdan dijan leda langa wan bosmen neim Thiyafalas blanga meigim im sabi det stori blanga Jisas brabli streitbalawei.  
\c 1  
\s1 Luk bin raidimdan leda langa Thiyafalas  
\p
\v 1 Wal loda pipul bin raidimdan stori blanga Jisas Krais en ol detlot ting weya bin hepin iya langa dijan kantri Judiya.  
\v 2 Sambala pipul bin luk detlot ting hepin brom stat, en deibin spredimat det gudnyus, en afta bigmob pipul bin irrim detlot stori, en deibin raidimdan.   
\p
\v 3 Wal aibin jinggabat ol detlot stori brabliwei, en aibin go raitbek en tjekoba ol detlot stori brom stat. En blanga tharran na aibin jinggabat blanga raidimdan ol detlot stori blanga streitinimap olabat blanga yu, Thiyafalas.  
\v 4 En aibin raidimdan ol detlot stori blanga album yu sabi brabliwei ol detlot ting weya deibin lenimbat yu. \fig |alt="Banner Left" src="DN00447b.tif" size="col" ref="1:0" \fig* \fig |alt="Banner Centre" src="WHD02.tif" size="col" ref="1:0" \fig* \fig |src="NTM 69.tif" size="col" ref="1:0" \fig*  
\p Wal iya na ol detlot stori blanga Jisas Krais.   
\s1 Einjul bin tok langa Sekaraiya  
\p
\v 5 Orait, det taim wen Herod bin jidan king langa Judiya, wan serramonimen neim Sekaraiya bin jidan deya du. Imbin blanga det kampani blanga det boswan serramonimen neim Abaija, en imbin abum waif neim Elisabeth hubin rileishan blanga det brabli haibala serramonimen neim Eran.\x + \xo 1:5 \xt 1 Kran 24:10\x*  
\v 6 Dubala bin jidan brabli gudbala langa Godwei, en dubala bin kipum ol detlot lowa blanga God brabliwei.  
\v 7 Bat dubala nomo bin abum eni biginini, dumaji Elisabeth kaan abum, en dubala bin brabli ol pipul na.   
\p
\v 8-9 Wal wandei Sekaraiya bin go langa det Serramoni Pleis blanga ola Juwish pipul, en detlot serramonimen bin pikimat im blanga gowin insaid langa det Serramoni Pleis en barnim det gudsmelwan medisin langa det teibul blanga ofring, dumaji deibin oldei pikimat wanbala serramonimen blanga dum det wek.  
\p Wal wen imbin taim blanga barnim det gudsmelwan medisin, Sekaraiya bin gowin insaid langa det Serramoni Pleis miselp,  
\v 10 en ola pipul bin prei atsaid.   
\p
\v 11 Wal wen Sekaraiya bin deya insaid langa det haus, wan einjul brom God bin kamat langa im, en det einjul bin jandap raidensaid langa det teibul blanga ofring weya dei oldei barnim det gudsmelwan medisin,  
\v 12 en wen Sekaraiya bin luk det einjul, imbin hatjamp, en imbin bradin du.   
\p
\v 13 Wal det einjul bin dalim Sekaraiya, “Yu nomo bradin, Sekaraiya. God bin irrim yu preya, en yu waif Elisabeth garra abum san blanga yu, en yu garra gulum im neim Jon.  
\v 14 Im garra meigim yu hepi, en yu garra jidan brabli gudbinji, en loda pipul garra gudbinji en hepi wen im bon du.   
\p
\v 15 “Wal det san blanga yu garra jidan brabli haibala langa Godwei, en im kaan dringgim eni wain en strongwan dringk. En det Holi Spirit garra jidan langa im brom det taim bifo im garra bon,\x + \xo 1:15 \xt Nam 6:3\x*  
\v 16 en im garra meigim loda pipul iya langa dijan kantri Isreil kambek langa God. Det san blanga yu garra meigim olabat kambek langa det Boswan blanga olabat,  
\v 17 en im garra go lida langa det boswan garram det Spirit en pawa brom God seimwei laik det speshalwan mesinja neim Ilaija bin dum, en im garra meigim ola dedi jinggabat olabat biginini en laigim olabat, en im garra tenimran detlot pipul hu nomo oldei duwit langa God lowa en meigim olabat jinggabat det gudbalawei, en im garra meigim detlot pipul jidan redi blanga det Boswan hu garra kaman.” Lagijat na det einjul bin tok langa Sekaraiya.\x + \xo 1:17 \xt Mel 4:5,6\x*   
\p
\v 18 Wal Sekaraiya bin askim det einjul, “Hau ai garra sabi dijan weya yu dalimbat mi im trubala? Dumaji mi olmen en main waif im olgamen na.”   
\p
\v 19 Wal det einjul bin tok, “Main neim Geibriyal, en mi oldei jandap deya wansaid langa God, en im na bin jandim mi blanga tok langa yu en dalim yu dijan gudnyus.\x + \xo 1:19 \xt Den 8:16; 9:21\x*  
\v 20 Trubala ai dalim yu. Wen im det rait taim, yu waif garra abum det beibi. Bat yu kaan tok na, dumaji yu nomo bin bilib langa mi. Yu garra jidan kwaitbala raidap det beibi garra bon.”   
\p
\v 21 Wal Sekaraiya bin jidan longtaim deya insaid langa det Serramoni Pleis, en detlot pipul hubin weidabat atsaid bin stat askimbat miselp blanga im.   
\p
\v 22 Bambai na wen Sekaraiya bin kamat, im nomo bin tok enijing, en ol detlot pipul bin sabi imbin luk samting deya insaid langa det Serramoni Pleis, en imbin tok langa olabat garram im bingga, dumaji im nomo bin tok garram im mawus na.\fig |src="MH-Luke1-5-ZachariasDumb.tif" size="col" ref="1:22" \fig*   
\p
\v 23 Wal wen det taim blanga Sekaraiya bin binij weya imbin dumbat det wek langa det Serramoni Pleis, imbin gobek langa im ron kemp.   
\p
\v 24-25 Bambai na Elisabeth det waif blanga Sekaraiya bin jidan femiliwei, en imbin tok, “Aibin oldei sheim, dumaji ai nomo bin abum eni biginini. Bat God bin deigidawei det sheim na. Nomeda imbin deigim im longtaim, bat stil God bin album mi.”   
\s1 Einjul bin tok langa Meri  
\p
\v 26 Bambai na wen det olgamen Elisabeth bin jidan femiliwei 6 mants, God bin jandim det einjul neim Geibriyal langa wanbala taun gulum Nesareth deya langa det kantri gulum Gelali, dumaji imbin abum wed blanga wan gel deya neim Meri.  
\v 27 Det gel bin pramis langa wan men neim Josef hubin grengrensan blanga King Deibid. Bat dubala nomo bin merrit yet, en det gel nomo bin kemp garram eni men.\x + \xo 1:27 \xt Meth 1:18\x*   
\p
\v 28 Wal wen det einjul bin kamat langa Meri, imbin tok, “Meri, God im laigim yu brabli, en im jidan garram yu.”\fig |src="CN01606b.tif" size="col" ref="1:28" \fig*   
\p
\v 29 Wal wen Meri bin irrim det wed, imbin gida shok, en imbin bradin du, en im nomo bin sabi wotfo det einjul bin tok langa im lagijat.   
\p
\v 30 Wal det einjul bin tok, “Yu nomo bradin, Meri, dumaji God im brabli gudbinji langa yu,  
\v 31 en yu garra abum boiwan beibi en yu garra gulum im neim Jisas.\x + \xo 1:31 \xt Meth 1:21\x*  
\v 32 Im garra jidan brabli haibala, en dei garra gulum im S an blanga det brabli haibala God, en God garra meigim im jidan brabli bigbala Bos jis laik im grengrenfatha Deibid bin jidan king,  
\v 33 en im garra lidimbat ola pipul langa Isreil olagija, en im garra jidan Bos olagijawan.”\x + \xo 1:33 \xt 2 Sem 7:12,13,16; Aisai 9:7\x*   
\p
\v 34 Wal Meri bin tok langa det einjul na, “Mi yanggel dijan. Ai nomo bin go garram men. Ai nomo bin silip garram eni men. Hau ai garra abum beibi?”   
\p
\v 35 Wal det einjul bin tok, “Det Holi Spirit garra kaman, en God pawa garra jidan langa yu. Lagijat na yu garra faindim det beibi, en blanga tharran na det beibi im speshalwan, en dei garra gulum im God san.   
\p
\v 36 “Wal yu jinggabat Elisabeth yu rileishan na. Im kaan abum beibi, dumaji im brabli olgamen.  
\v 37 Bat imbin jidan femiliwei 6 mants na, dumaji God gin dum enijing.” Lagijat na det einjul bin tok.\x + \xo 1:37 \xt Jen 18:14\x*   
\p
\v 38 En Meri bin tok, “Wal mi wekingel blanga God. Im na main Bos, en mi wandim det ting garra hepin langa mi lagijat gin weya yubin dalimbat mi.” Lagijat na Meri bin tok, en afta det einjul bin gowei.   
\s1 Meri bin go en luk Elisabeth  
\p
\v 39 Afta na Meri bin go langa det taun weya det olgamen Elisabeth bin jidan. Det taun bin deya langa det hil kantri langa Judiya,  
\v 40 en Meri bin go streit langa det haus blanga Sekaraiya, en wen imbin kamat deya, imbin tok gudei langa det olgamen.   
\p
\v 41 Wal wen det olgamen bin irrim Meri bin tok gudei, det beibi insaid langa det olgamen binji bin jamp, en det Holi Spirit bin gowin langa det olgamen,  
\v 42 en det olgamen bin jingat adbala langa Meri, “God im laigim yu, en imbin pikimat yu brom ola najalot gel, en det beibi weya yu garra abum, im brabli speshalwan.   
\p
\v 43 “Wal yubin meigim mi brabli gudbinji wen yu kaman iya, dumaji yu na mami blanga det brabli haibala Bos.  
\v 44 En wen aibin irrim yubin tok gudei, det beibi insaid langa mi bin jamp, dumaji imbin gudbinji.  
\v 45 En yu garra jidan gudbinji du, dumaji yubin bilib langa God, en ebrijing weya imbin dalim yu garra hepin truwan.” Lagijat na det olgamen bin tok.   
\s1 Meri bin preisim God  
\p
\v 46 Wal Meri bin tok na,  
\q1 “Mi preisimbat God det brabliwan Bos,\x + \xo 1:46 \xt 1 Sem 2:1-10\x*   
\q2
\v 47 en mi brabli gudbinji langa im,  
\q2 dumaji im na bin seibum mi.   
\q1
\v 48 Nomeda mi nomo haibala gel,  
\q2 bat stil God bin jinggabat mi.  
\q1 Nomeda mi oni wekingel blanga im,  
\q2 bat stil imbin pikimat mi,  
\q2 en brom tudei na ola pipul ebriweya garra gulum mi Blesidwan.\x + \xo 1:48 \xt 1 Sem 1:11\x*   
\q1
\v 49 Dei garra tok lagijat dumaji God bin dum loda gudbala ting blanga mi.  
\q2 God im brabli haibala,  
\q2 en im garram loda pawa.  
\q1 Im na det brabli Holiwan,   
\q1
\v 50 en im brabli kainbala langa ol detlot pipul brom ebri jinareishan hu rispek im.   
\q1
\v 51 God bin shoum im pawa langa ol detlot pipul hubin reken miselp haibala en meigimbat olabat ronwan plen.  
\q2 Imbin shoum im pawa wen imbin deigidawei ola enijing brom olabat en meigim olabat lobala.   
\q1
\v 52 God bin meigim ola haibala king jidan lobala,  
\q2 en imbin lidimap ola lobala pipul langa haibala pleis.\x + \xo 1:52 \xt Job 5:11; 12:19\x*   
\q1
\v 53 Imbin lukaftumbat ola hanggribala pipul garram olkain gudbala ting,  
\q2 en imbin jandimwei ola ritj pipul nomo garram enijing langa olabat bingga.   
\q1
\v 54 God bin kipum det pramis weya imbin meigim langa wi grengrenfatha Eibrahem,  
\q2 en imbin albumbat ol detlot pipul langa dijan kantri Isreil hubin bulurrum im.   
\q1
\v 55 Imbin jinggabat det pramis weya imbin meigim langa Eibrahem en langa ola biginini blanga im en langa olabat biginini du.  
\q2 Imbin tok im garra kain langa olabat olagija,  
\q2 en imbin duwit na.”  
\m Lagijat na Meri bin tok.\x + \xo 1:55 \xt Jen 17:7\x*   
\p
\v 56 Wal Meri bin jidan deya garram Elisabeth thrimants, en afta imbin gobek langa im ron kemp.   
\s1 Jon Beptis bin bon  
\p
\v 57 Bambai na det taim bin kaman blanga det olgamen Elisabeth blanga abum det beibi, en imbin abum lilboi,  
\v 58 en wen ola fren en ola femili blanga det olgamen bin irrim det gudnyus weya God bin gud langa im, deibin ol brabli gudbinji.   
\p
\v 59 Wal wen det beibi bin wan wik ol, imbin taim blanga sekamsais im en gibit im neim, en detlot pipul bin wandi gibit det lilboi im dedi neim Sekaraiya.\x + \xo 1:59 \xt Labid 12:3\x*  
\v 60 Bat im mami bin tok, “Nomo. Wi garra gulum im neim Jon.”   
\p
\v 61 Wal detlot pipul bin dalim det olgamen, “Yu kaan gulum im Jon, dumaji nobodi langa yu femili garram det neim.”  
\v 62 En deibin askim det lilboi dedi, “Olmen, wanim neim yu wandi gibit det lilboi?”   
\p
\v 63 Wal det olmen bin dalim olabat garram im bingga blanga gibit im samting blanga raidimdan det lilboi neim, en wen deibin gibit im, imbin raidimdan, “Im neim Jon.”  
\p Wal ol detlot pipul bin hatjamp wen det olmen bin gibit det neim,  
\v 64 en seimtaim God bin opinimap det mawus blanga det olmen, en streidawei imbin stat toktok en jinginat gudbinjiwei langa God.   
\p
\v 65 Wal ol detlot fren blanga det olmen bin gida shok wen deibin irrim wanim bin hepin, en det nyus bin spredat ebriweya langa det hil kantri weya deibin jidan,  
\v 66 en ol detlot pipul hubin irrim det nyus bin jinggabat wanim bin hepin, en deibin tok, “Wotkain men dijan lilboi garra jidan wen im growap?” Lagijat na deibin tok, dumaji deibin ol sabi God bin pikimat im blanga meigim im jidan speshalwan.   
\p
\v 67 Wal det Holi Spirit bin gowin langa det lilboi dedi Sekaraiya, en imbin meigim im tok wanim God bin wandim im blanga tok. Imbin tok,   
\q1
\v 68 “Wi garra preisim God det brabliwan Bos blanga dijan kantri Isreil,  
\q2 dumaji imbin kaman blanga album ola pipul blanga im en meigim wi fri.   
\q1
\v 69 God garra jandim det grengrensan blanga King Deibid.  
\q2 Det grengrensan im brabli strongbala,  
\q2 en im na garra seibum wi.   
\q1
\v 70 God bin meigim det pramis langa wi longtaim wen imbin dalim detlot speshalwan mesinja blanga im.   
\q1
\v 71 Imbin tok im garra seibum wi brom ola bedfren blanga wi en brom detlot pipul hu nomo laigim wi,   
\q1
\v 72 en imbin tok im garra jinggabat ola grengrenfatha blanga wi.  
\q2 En im garra kipum det pramis weya imbin meigim garram olabat.   
\q1
\v 73 Strongbalawei imbin meigim det pramis langa wi grengrenfatha Eibrahem,   
\q1
\v 74 en imbin pramis blanga gajim wi brom ola bedfren blanga wi wulijim wi garra wek blanga im en nomo bradin blanga enijing.   
\q1
\v 75 Im garra gajim wi wulijim wi garra jidan gudbalawei.  
\q2 Wi garra jidan raitwei langa im olagija.”  
\m Lagijat na Sekaraiya bin tok.   
\b  
\p
\v 76 Wal det Holi Spirit bin meigim det olmen Sekaraiya tok langa det lilboi na,  
\q1 “Main lilboi, dei garra gulum yu det speshalwan mesinja blanga det brabli haibala God.  
\q2 God garra jandim det Boswan gulum Masaiya,  
\q2 en yu garra go lida langa im,  
\q2 en yu garra meigim det roud redi blanga im.\x + \xo 1:76 \xt Mel 3:1\x*   
\q1
\v 77 Yu garra dalim ola pipul God garra larramgo olabat brom olabat nogudbalawei,  
\q2 en im garra meigim olabat jidan fri,  
\q2 dumaji det God blanga wi im brabli kainbala en soribala.   
\q1
\v 78-79 Wal detlot pipul hu nomo garram lait kaan luk det roud weya dei garra pudum olabat fut,  
\q2 en dei garra dai.  
\q1 Bat God garra gibit det lait brom hebin blanga shoum olabat det roud wulijim dei garra jidan laibala olagijawan.”  
\m Lagijat na Sekaraiya bin tok.\x + \xo 1:78-79 \xt Aisai 9:2\x*   
\p
\v 80 Wal wen det lilboi bin growap, imbin brabli gudbala men, en imbin jidanbat langa bush kantri raidap det taim blanga im bin kaman blanga shoum miselp langa ola Juwish pipul.   
\c 2  
\s1 Jisas bin bon  
\r Methyu 1:18-25  
\p
\v 1-3 Wal deibin abum wan haibala gabman bos neim Agastas deya langa det taun gulum Rom, en seimtaim wan men neim Kwariniyas bin jidan bos langa det kantri gulum Siriya.  
\p Wal Agastas bin wandi kaundimap ola pipul langa ebri kantri, en ebribodi bin lafta go langa olabat ron kantri en gibit olabat neim langa detlot gabman wekinmen deya.   
\p
\v 4 Wal Josef bin oldei jidan langa det lilwan taun gulum Nesareth deya langa det kantri gulum Gelali. Bat imbin lafta go langa det taun weya King Deibid bin bon. Dei gulum det taun Bethlahem, en im deya langa det kantri gulum Judiya, en Josef bin lafta go deya dumaji im grengrenfatha olabat bin kamat brom det taun na. \fig |src="GTLuke0245MaryOnDonkey.tif" size="col" ref="2:4" \fig*   
\p
\v 5 Wal Josef en im pramis Meri bin go langa Bethlahem blanga gibit dubala neim. Meri bin jidan femiliwei,  
\v 6 en det taim blanga im bin kaman deya na langa det taun,  
\v 7 en imbin abum det feswan beibi blanga im. Lilboi imbin abum, en imbin repdimap im garram speshalwan klos, en imbin lafta pudum im langa det pleis weya ola buligi bin oldei dagadagat daga, dumaji loda pipul bin silip insaid langa det haus en nomo eni rum bin deya.   
\s1 Stakmen bin kaman  
\p
\v 8 Wal sambala stakmen hubin oldei maindimbat ship bin jidanbat langa opin kantri deya gulijap langa Bethlahem,  
\v 9 en wanbala einjul brom God bin kamat langa olabat, en imbin jandap wansaid langa olabat, en det braitwan lait blanga God bin shain ebriweya langa olabat.  
\p Wal detlot stakmen bin brabli bradin.  
\v 10 Bat det einjul bin dalim olabat, “Yumob nomo bradin. Aibin kaman iya langa yumob blanga dalim yumob gudnyus, en det gudnyus garra meigim ebribodi brabli gudbinji.  
\v 11 Tudei na det beibi bin bon deya langa det pleis weya King Deibid bin bon longtaim. Det beibi na garra deigidawei ola nogudbala ting brom yumob. Im neim Jisas Krais, en im na det Bos blanga yumob.  
\v 12 Dijan im trubala ai dalim yumob. En yumob garra faindim det beibi silip deya langa det pleis weya ola buligi oldei dagadagat daga, en im mami bin repdimap im garram speshalwan klos.” Lagijat na det einjul bin tok.   
\p
\v 13 Wal streidawei bigmob einjul bin jandap deya wansaid langa det wanbala einjul, en ol detlot einjul bin gibit theingks langa God, en deibin jinginat,  
\v 14 “God im nambawan! Oni im na det brabli haibalawan langa hebin. En im na garra meigim yumob jidan gudbalawei, dumaji im laigim yumob. Im garra meigim ol detlot pipul weya im laigim garra jidan gudwei.” Lagijat na detlot einjul bin jingat, en afta deibin ol gobek langa hebin.\fig |src="praise.tif" size="col" ref="2:14" \fig*   
\p
\v 15 Afta na detlot stakmen bin tok, “Wi lafta go langa Bethlahem en lukabat det beibi weya God bin dalim wi.”  
\v 16 En deibin go, en deibin faindim Meri en Josef, en deibin faindim det beibi silip deya langa det pleis weya ola buligi bin oldei dagadagat daga. \fig |src="Shepherds arrive a manger.tif" size="col" ref="2:16" \fig*   
\p
\v 17 En wen deibin luk det beibi, deibin dalim ola pipul wanim det einjul bin tok blanga im,  
\v 18 en ola pipul bin hatjamp wen deibin irrim olabat toktok,  
\v 19 en det beibi mami bin oldei jinggabat brabli detlot wed weya detlot stakmen bin dalimbat olabat.   
\p
\v 20 Afta na detlot stakmen bin gobek, en deibin gibit theingks langa God blanga det beibi weya deibin luk. Deibin gibit theingks langa God blanga ebrijing deibin irrim en blanga ebrijing deibin luk, dumaji detlot wed weya det einjul bin dalim olabat bin trubala.   
\s1 Deibin gulum im neim Jisas  
\p
\v 21 Bambai na wen det beibi bin wan wik ol, deibin deigim im blanga sekamsais im, en deibin gulum im neim Jisas. Det neim na det einjul bin gibit im bifo im mami Meri bin abum im.\x + \xo 2:21 \xt Labid 12:3; Luk 1:31\x*   
\s1 Beibi Jisas langa det Serramoni Pleis  
\p
\v 22-23 Bambai na det taim bin kaman blanga Meri en Josef blanga abum det serramoni blanga meigim Meri fri weya imbin abum det beibi. Longtaim God bin gibit det lowa blanga det serramoni langa Mosis. En imbin gibit najawan lowa deya du. Det lowa im tok det mamiwan garra gibit det feswan boiwan beibi langa God.  
\p Wal dubala bin deigim det lilboi langa Jerusalem blanga gibit im langa God,  
\v 24 en seimtaim dubala bin gibit dubala yangwan dab o pijin langa detlot serramonimen blanga kilim blanga meigim det lilboi mami fri.\x + \xo 2:24 \xt Eksa 13:2,12; Labid 12:6-8\x*   
\p
\v 25 Wal seimtaim wen dubala bin deigim det lilboi langa det Serramoni Pleis, wan olmen neim Simiyan bin jidan deya langa det taun. Imbin gudbala olmen, en imbin oldei weidabat blanga det rait taim wen God garra larramgo fri ol detlot pipul blanga im langa Isreil.  
\p Wal det Holi Spirit bin jidan garram det olmen,  
\v 26 en imbin dalim det olmen, “Yu kaan dai raidap yu garra luk det Boswan gulum Masaiya weya God bin pramis im garra jandim.”   
\p
\v 27 Afta na det Spirit bin dalim det olmen blanga go langa det Serramoni Pleis blanga ola Juwish pipul,  
\v 28 en deya na wen Josef en Meri bin deigim det lilboi blanga det serramoni, det olmen bin gajim det lilboi, en imbin holdim im garram im bingga, en imbin gibit theingks langa God.  
\v 29-30 Imbin tok, “Main God, yubin dum wanim yubin dalim mi yu garra dum, en yu gin larram mi dai gudbalawei na, dumaji garram main ron ai aibin luk dijan lilboi weya yubin jandim blanga seibum ebribodi.\fig |src="prayer.tif" size="col" ref="2:29,30" \fig*  
\v 31 Ola pipul garra luk garram olabat ron ai wanim im garra dumbat blanga olabat.  
\v 32 Im garra meigim ola kantrimen blanga Isreil jidan haibala, en im garra shoum ol detlot najalot pipul wanim yu wandim olabat blanga dumbat.” Lagijat na det olmen bin tok. \x + \xo 2:32 \xt Aisai 42:6; 49:6; 52:10\x*   
\p
\v 33 Wal wen det mami en dedi blanga det lilboi Jisas bin lisin det olmen tok lagijat blanga det lilboi, dubala bin brabli hatjamp.   
\p
\v 34 Brom deya det olmen bin gibit gudbala wed blanga det lilboi mami en dedi, en afta imbin tok langa det lilboi mami, “God bin jandim dijan lilboi blanga album loda Isreil pipul en blanga binijimap loda Isreil pipul du. Im garra shoum ola pipul wotkain God.  
\v 35 En loda pipul garra tok najawei langa im en shoum im wanim olabat jinggabat insaid langa olabat selp.  
\p “Wal Meri, yu garra wori detmatj blanga dijan lilboi. Det wori garra jidan jis laiga shapwan naif weya kadim yu insaid langa yu hat.” Lagijat na det olmen bin tok.   
\p
\v 36 Wal wan olgamen neim Ena bin deya langa det Serramoni Pleis du. Imbin speshalwan mesinja blanga God brom Esha klen, en im dedi bin neim Fenyuwel. En wen det olgamen bin yanggel, imbin merrit. Bat afta 7 yiya imbin jidan widogel. En imbin brabli olgamen na. Imbin 84 yiya ol.  
\v 37 En imbin oldei jidanbat deya langa det Serramoni Pleis, en imbin oldei weship langa God deitaim en naitaim, en imbin oldei tok langa God, en im nomo bin oldei abum daga wen imbin bisi toktok langa God.   
\p
\v 38 Wal det olgamen bin kaman deya langa det pleis seimtaim wen det lilboi bin deya, en imbin sabi det lilboi, en imbin gibit theingks langa God, en imbin dalimbat ebribodi deya blanga det lilboi. Imbin toktokbat blanga det lilboi langa ol detlot pipul deya hubin oldei weidabat blanga det rait taim wen God garra meigim ola pipul blanga im deya langa Jerusalem go fri.   
\s1 Jisas bin growap  
\p
\v 39 Wal deibin binij dumbat ol detlot serramoni blanga det lilboi weya det lowa blanga God bin tok dei garra dum, en afta Josef en Meri en det lilboi bin gobek langa Nesareth deya langa Gelali, en deya na deibin jidan langa olabat ron kemp.\x + \xo 2:39 \xt Meth 2:23\x*   
\p
\v 40 Wal det lilboi bin growap deya na, en imbin strongbala, en imbin brabli klebabala du, en God bin brabli gudbinji langa im.   
\s1 Yangboi Jisas langa det Serramoni Pleis  
\p
\v 41 Wal ebriyiya det dedi en mami blanga Jisas bin oldei go langa Jerusalem blanga det bigwan serramoni gulum Pasoba,\x + \xo 2:41 \xt Eksa 12:1-27; Dyud 16:1-8\x*  
\v 42 en wen Jisas bin yangbala boi 12 yiya ol, bigmob pipul bin go langa det serramoni, en im mami en dedi bin deigim im du langa Jerusalem blanga det serramoni.   
\p
\v 43 Afta wen ebrijing blanga det serramoni bin binij, ola pipul bin stat blanga gobek langa olabat ron taun na. Bat Jisas bin stap biyain langa Jerusalem. En im mami en dedi nomo bin sabi imbin stap biyain.  
\v 44 Dubala bin reken imbin deya langa detlot najalot kantrimen blanga dubala.  
\p Wal dubala bin trebulin oldei, en wen imbin sangodan, dubala bin go en lukabat Jisas. Dubala bin go en askimbat dubala kantrimen en dubala fren olabat.  
\v 45 Bat dubala nomo bin faindim im, en ailibala neksdei dubala bin lafta gobek raitbek langa Jerusalem en lukabat im deya.   
\p
\v 46 Neksdei na dubala bin faindim det yangboi langa det Serramoni Pleis. Deya na Jisas bin jidan rait langa midul langa ol detlot lowamen, en imbin lisinbat langa olabat, en imbin askimbat olabat kwestjan du,  
\v 47 en ebribodi deya bin hatjamp langa Jisas, dumaji imbin oldei tok klebabalawei langa olabat.\fig |src="CN01647B.TIF" size="col" ref="2:47" \fig*   
\p
\v 48 Wal im mami en dedi bin hatjamp du, en im mami bin dalim im, “Main boi, wotfo yubin lagijat langa minbala yu dedi? Minbala bin lukabat yu ebriweya, dumaji minbala bin wori blanga yu brabli.”   
\p
\v 49 Wal Jisas bin dalim im mami, “Wotfo yunbala bin kaman en lukabat mi? Yunbala bina sabi mi jidan langa main Dedi haus.” Lagijat na Jisas bin tok.  
\v 50 Bat dubala nomo bin sabi wanim imbin toktok.   
\p
\v 51-52 Wal Jisas bin gobek garram dubala langa olabat kemp deya langa Nesareth, en imbin oldei lisin langa dubala, en imbin growap, en imbin brabli klebawan, en God bin brabli gudbinji blanga im, en ola pipul bin laigim im du. Bat im mami bin oldei jinggabat wanim bin hepin deya langa Jerusalem.\x + \xo 2:51-52 \xt 1 Sem 2:26; Prab 3:4\x*   
\c 3  
\s1 Jon bin beptaisimbat pipul  
\r Methyu 3:1-12; Mak 1:1-8; Jon 1:19-28  
\p
\v 1 Bambai na det rait taim bin kaman. Det men neim Taibiriyas bin jidan king 15 yiya, en Panshas Pailat bin jidan bos blanga Judiya, en Herod bin jidan bos blanga Gelali, en im braja Filip bin jidan bos blanga det dubala kantri gulum Ituriya en Trakonaitas, en Lisaniyas bin jidan bos blanga det kantri gulum Ebalin,  
\v 2 en det dubala men neim Enas en Kaiyafas bin jidan boswan haibala serramonimen langa Jerusalem.  
\p Wal det taim na wen ol detlot men na bin jidan bos, God bin tok langa det san blanga Sekaraiya neim Jon deya langa det bush kantri,  
\v 3 en Jon bin go rait thru langa ol detlot kantri wansaid langa det Jodan Riba, en imbin dalimbat det gudnyus langa ebribodi. Imbin oldei tok, “Yu garra libum det nogudbalawei blanga yu, en yu garra beptais, en God garra larramgo yu fri brom ol detlot nogudbala ting weya yubin oldei dumbat.”   
\p
\v 4 Wal Jon bin dum lagijat dumaji longtaim wan speshalwan mesinja blanga God bin raidimdan langa oltestaman wanim God bin tok. Det mesinja bin neim Aisaiya, en imbin tok,  
\q1 “Sambodi deya im jinginatbat langa deset kantri.  
\q2 Im dalimbat ola pipul blanga meigim det roud redibala blanga det Boswan,  
\q2 en im dalimbat olabat blanga streitinimat det wei blanga det Boswan wulijim im garra kaman langa olabat.   
\q1
\v 5 Dei garra meigim det roud redi blanga det Boswan blanga kaman.  
\q2 Dei garra lebulum ola hil en bilimap ola beli,  
\q2 en dei garra meigim det krukidwan roud jidan streitwan en det rafwan roud jidan gudbala.   
\q1
\v 6 En ebribodi garra luk det Boswan weya God garra jandim blanga seibum olabat.”  
\m Lagijat na Aisaiya bin tok. En det wed bin tok blanga Jon Beptis weya imbin dalimbat ola pipul blanga libum olabat nogudbalawei.\x + \xo 3:6 \xt Aisai 40:3-5\x*   
\p
\v 7 Wal bigmob pipul bin kaman langa Jon blanga beptais. En imbin dalim olabat, “Yumob kaninbala! Hubin dalim yumob blanga ranawei wulijim God kaan panishim yumob garram ola najalot pipul weya im garra panishim dregli?\x + \xo 3:7 \xt Meth 12:34; 23:33\x*  
\v 8 Yumob kaan bogi langa riba en meigim miselp gudwan. Yumob garra shoum detlot gudwan ebrijing langa ola pipul wulijim dei gin sabi yumob bin tenim miselp brom det nogudbalawei. Maitbi yumob reken God kaan panishimbat yumob, dumaji yumob grengrensan blanga Eibrahem. Bat yumob rong.  
\p “Ai dalim yumob. God gin binijimap ola pipul, en im gin gajim dislot ston iya en meigim nyuwan grengrensan blanga Eibrahem!\x + \xo 3:8 \xt Jon 8:33\x*  
\v 9 Ai sabi yumob. Yumob jis laiga nogudwan tri. Bat God garram det tomiyauk redibala blanga kadimdan ola nogudwan tri weya nomo meigim gudbala daga, en im garra rudimat detlot tri en tjakidawei olabat en barnimap olabat langa faiya.” Lagijat na Jon bin tok.\x + \xo 3:9 \xt Meth 7:19\x*   
\p
\v 10 Wal ola pipul bin askimbat Jon, “Wanim wi garra dum?”   
\p
\v 11 En Jon bin tok, “If yu garram dubala shet, wal yu garra gibit wanbala langa det men weya nomo garram enijing. En if yu garram daga, wal yu garra gibit langa detlot pipul hu nomo garram enijing.”   
\p
\v 12 Sambala wekinmen blanga det gabman bin kaman langa Jon blanga beptais, en deibin askim im, “Titja, wanim melabat garra dum?”\x + \xo 3:12 \xt Luk 7:29\x*   
\p
\v 13 En Jon bin tok, “Yu gin gajimbat det teks mani weya det gabman bin dalim yu. Bat yu nomo lau meigimbat yu ron prais blanga gajimbat mani blanga yu ronselp.”   
\p
\v 14 Sambala solja bin kaman langa Jon du, en deibin bin askim im, “Wanim melabat garra dum?”  
\p En Jon bin tok, “Yu kaan fosim enibodi blanga gibit yu mani, en yu kaan dalimbat laiya blanga gedim mowa mani, en wen yu gedim yu pei brom det gabman, yu garra sedisfaid.”   
\p
\v 15 Wal ola pipul bin jinggabat na, en deibin tok gija, “Maitbi dijan men na det Boswan gulum Masaiya. Maitbi im na Krais.”   
\p
\v 16 Bat Jon bin tok, “Nomo. Mi nomo det Boswan weya garra kaman. Det Boswan im mowa haibala langa mi. Mi lobala langa im, en mi nomo gudinaf blanga dum enijing blanga im. Ai beptaisim pipul garram woda. Bat im garra beptaisim pipul garram det Holi Spirit, en im garra panishim pipul garram faiya du.  
\v 17 Det Boswan im redi blanga kaman jis laiga fama wen im kadimat ola gudwan daga brom det nogudwan pat. Im garra hipimap ola gudwan daga, en im garra barnimap ola nogudwan pat deya langa det olagijawan faiya.” Lagijat na Jon bin tok.   
\p
\v 18-20 Wal olkainwei Jon bin dalimbat ola pipul det gudnyus, en imbin trai blanga meigim olabat libum detlot nogudbalawei, en imbin beptaisim olabat du.\x + \xo 3:18-20 \xt Meth 14:3,4; Mak 6:17,18\x*\f + \fr 3:18-20 \ft Det stori blanga Herod langa bes 19, 20 im jidan afta det stori weya Jon bin beptaisim Jisas langa bes 21, 22.\f*   
\s1 Jon bin beptaisim Jisas  
\r Methyu 3:13-17; Mak 1:9-11  
\p
\v 21 Afta na wen Jon bin beptaisim ola pipul, imbin beptaisim Jisas, en Jisas bin prei, en det skai bin opinap,  
\v 22 en det Holi Spirit bin kamdan langa im jis laiga bard, en God bin tok brom hebin, “Yu na main ronwan san. Mi laigim yu, en mi brabli gudbinji blanga yu.”\x + \xo 3:22 \xt Jen 22:2; Saam 2:7; Aisai 42:1; Meth 3:17; Mak 1:11; Luk 9:35\x*  
\p Wal Jon bin oldei dalimbat ola pipul blanga libum detlot nogudbalawei blanga olabat, en imbin dalimof det gabman bos neim Herod du. Imbin dalimof im streidat, dumaji Herod bin merrit langa Herodiyas det waif blanga im ronwan braja Filip, en imbin oldei dumbat olkain nogudbala ting du. En wen Jon bin dalimof im, Herod bin dum brabli nogudbala ting. Imbin pudum Jon langa jeil.   
\s1 Femili lain blanga Jisas  
\r Methyu 1:1-17  
\p
\v 23 Afta na wen Jisas bin beptais, imbin stat dumbat det speshalwan wek blanga im. Imbin 30 yiya ol wen imbin stat dumbat det wek, en deibin reken imbin san blanga Josef.  
\li1 Wal Josef bin san blanga Hilai,   
\li1
\v 24 en Hilai bin san blanga Methat,  
\li1 en Methat bin san blanga Libai,  
\li1 en Libai bin san blanga Melkai,  
\li1 en Melkai bin san blanga Jeinai,  
\li1 en Jeinai bin san blanga Josef,   
\li1
\v 25 en Josef bin san blanga Metathaiyas,  
\li1 en Metathaiyas bin san blanga Eimos,  
\li1 en Eimos bin san blanga Neiham,  
\li1 en Neiham bin san blanga Eslai,  
\li1 en Eslai bin san blanga Negai,   
\li1
\v 26 en Negai bin san blanga Meiyath,  
\li1 en Meiyath bin san blanga Metathaiyas,  
\li1 en Metathaiyas bin san blanga Simiyan,  
\li1 en Simiyan bin san blanga Josek,  
\li1 en Josek bin san blanga Joda,   
\li1
\v 27 en Joda bin san blanga Jowenan,  
\li1 en Jowenan bin san blanga Risa,  
\li1 en Risa bin san blanga Serababal,  
\li1 en Serababal bin san blanga Shiyaltiyel,  
\li1 en Shiyaltiyel bin san blanga Nerai,   
\li1
\v 28 en Nerai bin san blanga Melkai,  
\li1 en Melkai bin san blanga Edai,  
\li1 en Edai bin san blanga Kosam,  
\li1 en Kosam bin san blanga Elmadam,  
\li1 en Elmadam bin san blanga Yura,   
\li1
\v 29 en Yura bin san blanga Joshuwa,  
\li1 en Joshuwa bin san blanga Eliyeisa,  
\li1 en Eliyeisa bin san blanga Jorim,  
\li1 en Jorim bin san blanga Methat,  
\li1 en Methat bin san blanga Libai,   
\li1
\v 30 en Libai bin san blanga Simiyan,  
\li1 en Simiyan bin san blanga Juda,  
\li1 en Juda bin san blanga Josef,  
\li1 en Josef bin san blanga Jonam,  
\li1 en Jonam bin san blanga Eliyakim,   
\li1
\v 31 en Eliyakim bin san blanga Meliya,  
\li1 en Meliya bin san blanga Mena,  
\li1 en Mena bin san blanga Metatha,  
\li1 en Metatha bin san blanga Neithan,  
\li1 en Neithan bin san blanga Deibid,   
\li1
\v 32 en Deibid bin san blanga Jesi,  
\li1 en Jesi bin san blanga Obed,  
\li1 en Obed bin san blanga Bowes,  
\li1 en Bowes bin san blanga Selman,  
\li1 en Selman bin san blanga Neishan,   
\li1
\v 33 en Neishan bin san blanga Aminadeb,  
\li1 en Aminadeb bin san blanga Edmin,  
\li1 en Edmin bin san blanga Anai,  
\li1 en Anai bin san blanga Hesran,  
\li1 en Hesran bin san blanga Peres,  
\li1 en Peres bin san blanga Juda,   
\li1
\v 34 en Juda bin san blanga Jeikob,  
\li1 en Jeikob bin san blanga Aisik,  
\li1 en Aisik bin san blanga Eibrahem,  
\li1 en Eibrahem bin san blanga Tera,  
\li1 en Tera bin san blanga Neihowa,   
\li1
\v 35 en Neihowa bin san blanga Serug,  
\li1 en Serug bin san blanga Riyu,  
\li1 en Riyu bin san blanga Peleg,  
\li1 en Peleg bin san blanga Iba,  
\li1 en Iba bin san blanga Shela,   
\li1
\v 36 en Shela bin san blanga Keinan,  
\li1 en Keinan bin san blanga Apekshed,  
\li1 en Apekshed bin san blanga Shem,  
\li1 en Shem bin san blanga Nowa,  
\li1 en Nowa bin san blanga Leimek,   
\li1
\v 37 en Leimek bin san blanga Mathusala,  
\li1 en Mathusala bin san blanga Inak,  
\li1 en Inak bin san blanga Jered,  
\li1 en Jered bin san blanga Mahalalel,  
\li1 en Mahalalel bin san blanga Kenan,   
\li1
\v 38 en Kenan bin san blanga Inash,  
\li1 en Inash bin san blanga Seth,  
\li1 en Seth bin san blanga Edam,  
\li1 en Edam bin san blanga God.   
\c 4  
\s1 Seitin bin temtimbat Jisas  
\r Methyu 4:1-11; Mak 1:12,13  
\p
\v 1 Wal wen Jisas bin kambek brom det Jodan Riba weya Jon bin beptaisim im, det Holi Spirit bin jidan langa im, en det Holi Spirit bin deigidawei im langa det bush kantri,  
\v 2 en deya na det boswan dibuldibul neim Seitin bin temtimbat im blanga 40 deis.  
\p Wal Jisas nomo bin dagadagat eni daga wen imbin jidanbat deya langa det bush kantri, en langa det laswan dei imbin brabli hanggri,  
\v 3 en det dibuldibul bin dalim im, “Yu reken yu blanga God san. Wal yu dalim dijan iya ston blanga meigim miselp daga blanga yu.”   
\p
\v 4 Wal Jisas bin tok, “Nomo. Ai kaan duwit, dumaji langa oltestaman im tok, ‘Yu kaan jidan laibala jis brom dagadagat daga.’”\x + \xo 4:4 \xt Dyud 8:3\x*   
\p
\v 5 Brom deya det dibuldibul bin deigim Jisas langa top, en imbin shoum im kwikbalawei ola kantri langa dijan wel, en imbin dalim im,  
\v 6-7 “Ol dislot kantri iya olabat blanga main. Mi na bos blanga olabat, en ai gin meigim enibodi ai wandim jidan bos langa olabat. En if yu bulurrum mi, wal ai garra gibit yu ola pawa en meigim yu bos langa ol dislot kantri.”   
\p
\v 8 Wal Jisas bin tok, “Nomo. Ai kaan duwit, dumaji langa oltestaman im tok, ‘Yu garra weship God, dumaji oni im na Bos, en yu garra wek blanga im.’”\x + \xo 4:8 \xt Dyud 6:13\x*   
\p
\v 9 Brom deya det dibuldibul bin deigim Jisas langa Jerusalem, en imbin meigim im jidan ontop langa det brabli haiwan haus deya langa det Serramoni Pleis blanga ola Juwish pipul,  
\v 10 en imbin tok, “If yu blanga God san brabliwan, wal yu tjakamdan miselp brom dijan haiwan haus, dumaji langa oltestaman im tok, ‘God garra dalim ola einjul blanga im blanga lukaftumbat yu.’\x + \xo 4:10 \xt Saam 91:11\x*  
\v 11 En langa oltestaman im tok, ‘Detlot einjul garra holdim yu ontop garram olabat bingga wulijim yu kaan ardim miselp.’”\x + \xo 4:11 \xt Saam 91:12\x*   
\p
\v 12 Wal Jisas bin tok, “Nomo. Ai kaan duwit, dumaji langa oltestaman im tok, ‘Yu kaan meigim God duwit langa yu blanga testimbat im.’”\x + \xo 4:12 \xt Dyud 6:16\x*   
\p
\v 13 Wal det dibuldibul bin trai en temtimbat Jisas. Bat Jisas nomo bin duwit langa im, en afta det dibuldibul bin gowei brom im. Bat im nomo bin gowei olagijawan. Imbin gowei blanga weidabat blanga det rait taim.   
\s1 Jisas bin wek langa Gelali  
\r Methyu 4:12-17; Mak 1:14,15  
\p
\v 14 Afta na Jisas bin gobek langa Gelali, en imbin abum pawa brom det Holi Spirit, en imbin spredimat det gudnyus blanga God ebriweya deya langa det kantri.  
\v 15 Imbin go langa ola Miting Pleis blanga ola Juwish pipul, en imbin titjimbat olabat deya, en ebribodi bin oldei tok, “Dijan im brabli gudwan.”   
\s1 Jisas langa im ron taun  
\r Methyu 13:53-58; Mak 6:1-6  
\p
\v 16 Brom deya Jisas bin go langa Nesareth weya imbin growap, en wen imbin Sebathdei, imbin go langa det Miting Pleis blanga ola Juwish pipul, en wen imbin taim blanga ridim det oltestaman, imbin jandap,  
\v 17 en deibin gibit im det rolapwan peipa weya det speshalwan mesinja neim Aisaiya bin raidimdan.  
\p Wal Jisas bin deigimat det peipa, en imbin faindim det rait pleis, en imbin ridim na.  
\v 18 Imbin tok,  
\q1 “Det spirit blanga God im jidan garram mi,  
\q2 dumaji imbin pikimat mi blanga dalimbat det gudnyus langa ola powan pipul.  
\q1 Imbin jandim mi blanga dalim ola prisana God garra larramgo olabat fri,  
\q2 en imbin jandim mi blanga dalim ola blainwan pipul God garra meigim olabat luk gudwei,  
\q2 en imbin jandim mi blanga dalim ol detlot pipul hu oldei abumbat trabul God garra meigim olabat jidan gudbalawei.   
\q1
\v 19 Det spirit blanga God bin jandim mi blanga dalimbat ebribodi det taim bin kaman na weya God garra seibum ola pipul blanga im.”\x + \xo 4:19 \xt Aisai 61:1,2\x*   
\p
\v 20 Lagijat na Jisas bin binij ridimbat. En wen imbin binij, imbin rolimap det peipa, en imbin gibit det buk langa wan serramonimen deya, en imbin go en jidan na.  
\p Wal ol detlot pipul deya langa det Juwish Miting Pleis bin lukinat langa Jisas,  
\v 21 en imbin dalim olabat, “Tudei na wen yumob bin irrim mi ridimat det wed, det wed bin hepin trubala.”   
\p
\v 22 Wal wen detlot pipul bin irrim Jisas tok lagijat, deibin ol hatjamp, en deibin tok, “Hau im tok lagijat? Im san blanga Josef, indit?”   
\p
\v 23 Wal Jisas bin dalim olabat, “Ai sabi wanim yumob garra dalim mi bambai. Yumob garra tok, ‘Dokta, yu meigim miselp gudbala.’  
\p “Yumob sabi? Yumob bin irrim aibin dumbat klebabala ting langa det taun gulum Kapeniyam, en yumob garra dalim mi blanga dum detkain klebabala ting iya langa main ronwan taun du.  
\v 24 Bat ai kaan dum, dumaji ola pipul kaan shoum rispek en teiknodis langa eni speshalwan mesinja langa im ron taun.\x + \xo 4:24 \xt Jon 4:44\x*   
\p
\v 25 “Yumob jinggabat det taim wen det speshalwan mesinja neim Ilaija bin jidan iya langa dijan kantri Isreil. Rein nomo bin buldan gulijap 4 yiyas, en ola daga bin ranat ebriweya langa dijan kantri. En loda widogel bin jidan iya langa dijan kantri det taim.\x + \xo 4:25 \xt 1 King 17:1\x*  
\v 26 Bat God nomo bin jandim det speshalwan mesinja blanga album olabat. Imbin jandim det mesinja blanga album wanbala widogel langa det taun gulum Serafath deya langa det longweiwan kantri gulum Saidan.\x + \xo 4:26 \xt 1 King 17:8-16\x*   
\p
\v 27 “En yumob jinggabat du det taim wen det speshalwan mesinja neim Ilaisha bin jidan iya langa dijan kantri Isreil. Loda pipul iya langa dijan kantri bin abum det brabli nogudwan skin siknis langa olabat bodi. Bat God nomo bin dalim det speshalwan mesinja blanga meigim olabat gudbala. Imbin dalim im blanga meigim gudbala det men neim Neiman brom det longweiwan kantri gulum Siriya.” Lagijat na Jisas bin tok.\x + \xo 4:27 \xt 2 King 5:1-14\x*   
\p
\v 28 Wal wen detlot pipul deya langa det Juwish Miting Pleis bin irrim im tok lagijat, deibin ol brabli wail,  
\v 29 en deibin gidap en grebum Jisas, en deibin dregim im ontop langa det hil weya det taun bin jidan, en dei bina tjakamdan im. \fig |src="CN01680B.TIF" size="col" ref="4:29" \fig*  
\v 30 Bat Jisas bin jis wokawei brom olabat, en imbin go langa najawan pleis.   
\s1 Nogudbala spirit  
\r Mak 1:21-28  
\p
\v 31 Brom deya Jisas bin go langa det taun gulum Kapeniyam deya langa Gelali, en wen imbin Sebathdei, imbin go langa det miting pleis blanga ola Juwish pipul, en imbin toktok langa detlot pipul deya,  
\v 32 en wen deibin irrim im tok, deibin ol hatjamp, dumaji imbin titjimbat olabat garram pawa.\x + \xo 4:32 \xt Meth 7:28,29\x*   
\p
\v 33 Wal wan men hubin deya insaid langa det Juwish Miting Pleis bin abum nogudwan dibuldibul spirit insaid langa im, en imbin jingat adbala langa Jisas,  
\v 34 “Jisas brom Nesareth, wotfo yubin kaman iya langa melabat? Yubin kaman blanga binijimap melabat? Ai sabi hu yu. Yu na det Holiwan mesinja hubin kaman brom God.”   
\p
\v 35 Wal Jisas bin dalim det nogudwan spirit, “Yu jidan kwait en kamat brom det men.”  
\p Wal wen Jisas bin tok lagijat, det nogudwan spirit bin tjakamdan det men langa graun deya langa midul langa ol detlot pipul, en afta imbin kamat brom det men, en wen imbin kamat, im nomo bin ardim det men.   
\p
\v 36 Wal ol detlot pipul deya bin hatjamp, en deibin askim miselp, “Wotkain wed dijan? Imbin tok garram pawa wulijim im boswan. Im dalim nogudwan spirit blanga kamat, en dei duwit langa im.” Lagijat na detlot pipul bin tok.  
\v 37 En det nyus blanga Jisas bin spredat ebriweya langa det kantri Gelali.   
\s1 Jisas bin album bigmob sikbala pipul  
\r Methyu 8:14-17; Mak 1:29-34  
\p
\v 38 Afta na Jisas bin gowei brom det Juwish Miting Pleis, en imbin go langa det kemp blanga im wekinmen neim Saiman. Det mami blanga Saiman waif bin brabli sikwan, en im bodi bin barnbarn nomo lilbit.  
\p Wal deibin dalim Jisas blanga det olgamen,  
\v 39 en imbin go langa det olgamen, en imbin jandap wansaid langa im, en imbin dalim det siknis blanga gowei brom im, en det siknis bin gowei, en streidawei det olgamen bin gidap, en imbin gibit olabat daga.   
\p
\v 40 Wal wen det san bin godan, loda pipul bin bringimap ola sikwan fren blanga olabat langa Jisas, en imbin pudum im bingga langa ol detlot sikbala pipul, en imbin meigim olabat gudbala.  
\v 41 En imbin andimwei loda nogudwan dibuldibul brom insaid langa sambala pipul du, en wen detlot dibuldibul bin kamat brom detlot pipul, detlot dibuldibul bin jingat, “Jisas, yu na det San blanga God!” En Jisas bin dalim olabat blanga jidan kwait, en im nomo bin larram olabat tok, dumaji deibin sabi hu im. Detlot dibuldibul bin sabi im na det Boswan gulum Masaiya.   
\s1 Jisas bin go ebriweya langa Gelali  
\r Mak 1:35-39  
\p
\v 42 Ailibala neksdei Jisas bin gowei brom det taun, en imbin go langa kwait pleis blanga jidan miselp. Bat ola pipul bin lukabat im, en wen deibin faindim im, deibin wandi stapam im nomo blanga gowei.   
\p
\v 43 Wal Jisas bin dalim olabat, “Ai garra go langa ol detlot najalot taun du en dalimbat olabat det gudnyus blanga det Nyubalawei blanga God, dumaji God bin jandim mi blanga tharran na.” Lagijat na Jisas bin tok.  
\v 44 En afta imbin go ebriweya langa det kantri, en imbin oldei toktok langa ola pipul langa ola Juwish Miting Pleis.   
\c 5  
\s1 Thribala fishamen  
\r Methyu 4:18-22; Mak 1:16-20  
\p
\v 1 Bambai na wandei Jisas bin jandapbat wansaid langa Leik Gelali, en bigmob pipul bin jandap deya du, en deibin jadimap Jisas, dumaji deibin wandi irrim im toktok det wed blanga God.   
\p
\v 2 Wal Jisas bin luk dubala bout deya wansaid langa beingk weya detlot fishamen bin libum dubala wen deibin go blanga klinim olabat fishnet,  
\v 3 en Jisas bin gowin langa det bout blanga Saiman Pida, en imbin askim Saiman blanga pushum det bout lilbit longwei brom det beingk, en Jisas bin jidan langa det bout, en brom deya na imbin toktok langa detlot pipul langa det beingksaid.\x + \xo 5:3 \xt Meth 13:1,2; Mak 3:9,10; 4:1\x*   
\p
\v 4 Afta na wen Jisas bin binij toktok langa detlot pipul, imbin dalim Saiman, “Yu pushum dijan bout lilbit longwei langa milwoda. Deya na yumob garra pudumdan yumob fishnet.”   
\p
\v 5 Wal Saiman bin tok, “Bos, melabat bin wek olnait, en melabat nomo bin gajim eni fish. Bat if yu dalim mi, wal ai duwit langa yu.”\x + \xo 5:5 \xt Jon 21:3\x*   
\p
\v 6 Wal wen detlot fishamen bin pudumdan olabat fishnet, deibin gajim detmatj fish, en det fishnet bin gulijap breik,\x + \xo 5:6 \xt Jon 21:6\x* \fig |src="GW072a.TIFF" size="span" ref="5:6" \fig*  
\v 7 en olabat bin lafta jingat langa detlot najalot fishamen blanga kaman en album olabat pulumat det fishnet garram ola fish, en detlot najalot fishamen bin kaman, en deibin bilimap det dubala bout rait ful garram ola fish, en det dubala bout bin gulijap draun.   
\p
\v 8 Wal wen Saiman bin luk wanim bin hepin, imbin buldan lida langa Jisas, en imbin tok, “Bos, mi nomo gudbala. Mi nogudbala. En mi nomo gudinaf blanga yu.”  
\v 9 Lagijat na Saiman bin tok langa Jisas, dumaji olabat holot bin hatjamp wen deibin gajim detlot fish.  
\v 10 En det dubala meit blanga Saiman neim Jeims en Jon det dubala san blanga Sebadi, bin tok lagijat seimwei du.  
\p Wal Jisas bin dalim Saiman, “Yu nomo bradin. Brom tudei na yumob garra libum dijan fishingbat. Yumob kaan gajimbat fish. Yumob garra gajimbat pipul, dumaji yumob garra wek blanga God en meigimbat pipul sabi im.”   
\p
\v 11 Wal olabat bin lidimap det bout dubala ontop langa beingk, en detlot thribala fishamen bin libum ola ebrijing blanga olabat, en deibin bulurrum Jisas.   
\s1 Wanbala leprasimen  
\r Methyu 8:1-4; Mak 1:40-45  
\p
\v 12 Wal wantaim Jisas bin go langa wan taun weya wan men bin abum det brabli nogudwan skin siknis gulum leprasi ebriweya langa im bodi, en wen det men bin luk Jisas, imbin tjakam miselp lida langa im, en imbin askim im, “Bos, if yu wandim, yu gin meigim mi gudbala.”   
\p
\v 13 Wal Jisas bin pudumat im bingga, en imbin tatjim det men, en imbin tok, “Yuwai. Mi wandim. En yu gudbala na.”  
\p Wal streidawei det siknis bin gowei brom det men,  
\v 14 en Jisas bin dalim im, “Yu nomo go en dalim enibodi. Yu garra go streit langa det serramonimen en shoum miselp langa im. Yu garra larram im luk yu basdam, en afta yu garra abum det serramoni weya God bin gibit langa Mosis blanga meigim miselp fri wulijim ola pipul garra sabi yu gudbala.”\x + \xo 5:14 \xt Labid 14:1-32\x*   
\p
\v 15 Wal nomeda Jisas bin dalim det men nomo blanga dalim enibodi, bat stil det wed bin spredat ebriweya blanga Jisas, en brom ebriweya detmatj pipul bin kaman langa im blanga irrim im tok en blanga askim im blanga meigim olabat gudbala brom olkain siknis.  
\v 16 Bat Jisas bin oldei gowei langa kwaitbala pleis weya imbin oldei prei langa im Dedi langa hebin.   
\s1 Leimbala men bin gidap  
\r Methyu 9:1-8; Mak 2:1-12  
\p
\v 17 Bambai na wandei wen Jisas bin titjimbat ola pipul insaid langa haus, sambala serramonimen gulum Ferasi en sambala lowamen bin deya du. Detlot serramonimen en lowamen bin kaman brom ebri taun langa det dubala kantri gulum Gelali en Judiya en brom Jerusalem du.  
\p Wal God bin gibit pawa langa Jisas blanga meigim ola sikbala pipul gudbala,  
\v 18 en sambala men bin kaman langa det haus, en deibin garrimap wanbala leimbala men garram im sweig, en deibin wandi deigim im insaid langa det haus langa Jisas.  
\v 19 Bat dei nomo bin faindim rum blanga gowin insaid, dumaji detlot pipul bin jadimap det haus, en detlot men bin lafta galimap ontop langa det haus, en deibin deigimat det rufpat, en deibin larramdan det men garram im sweig rait lida langa Jisas.   
\p
\v 20 Wal wen Jisas bin luk olabat, imbin sabi deibin bilib langa im brabli, en imbin dalim det leimbala men, “Main fren, ai larramgo yu fri brom det nogudbalawei blanga yu.”   
\p
\v 21 Wal detlot serramonimen en lowamen bin toktok miselp na, “Wotkain men dijan? Im kaan tok lagijat, dumaji im laiya langa God, en im trai meigim miselp God. Nobodi kaan larramgo enibodi fri brom im nogudbalawei. Oni God gin larramgo im.”   
\p
\v 22 Wal Jisas bin sabi wanim deibin jinggabat, en imbin dalim olabat, “Wotfo yumob jinggabat lagijat?  
\v 23 Ai sabi yumob reken ai kaan dalim det leimbala men ai larramgo im fri brom det nogudbalawei blanga im. Wal wanim yumob reken? Ai gin dalim im blanga gidap en gajim im sweig en wok?  
\v 24 Ai dalim yumob. Mi na det Speshalwan Men, en ai garra shoum yumob mi bos blanga diskain ting, en ai garra shoum yumob ai gin larramgo enibodi fri brom im nogudbalawei.”  
\p Wal Jisas bin tok langa det leimbala men na, “Ai dalim yu. Yu gidap en gajim yu sweig en gobek langa yu kemp.”   
\p
\v 25 Wal streidawei detlot pipul bin luk det leimbala men bin gidap, en imbin gajim im sweig, en imbin gobek langa im kemp, en olawei langa roud imbin gibitbat theingks langa God.   
\p
\v 26 Wal wen detlot pipul bin luk det leimbala men, deibin ol brabli hatjamp. Nomeda deibin lilbit bradin, bat stil olabat bin jinginat langa God gudbinjiwei, en deibin tok, “Wibin luk brabli klebabala ting hepin iya tudei!”   
\s1 Libai bin bulurrum Jisas  
\r Methyu 9:9-13; Mak 2:13-17  
\p
\v 27 Afta na Jisas bin gowei brom det haus, en imbin luk wan men neim Libai bin jidanbat deya langa det haus weya imbin oldei gajimbat mani blanga det gabman, en Jisas bin dalim im, “Yu bulurrum mi.”  
\v 28 En streidawei Libai bin gidap, en imbin bulurrum im.   
\p
\v 29 Bambai na Libai bin meigim padi garram loda daga langa im kemp blanga Jisas, en detlot pipul hubin oldei wek garram Libai en sambala najalot pipul bin deya langa det padi.   
\p
\v 30 Wal sambala serramonimen gulum Ferasi en sambala lowamen bin deya du en deibin askimbat detlot wekinmen blanga Jisas, “Wotfo yumob dagadagat daga en dringgimbat garram detlot pipul hu oldei gajimbat mani en garram detlot najalot nogudbala pipul?”\x + \xo 5:30 \xt Luk 15:1,2\x*   
\p
\v 31 Wal Jisas bin ensim olabat, “If enibodi gudbala, wal im nomo go langa dokta, dumaji dokta kaan luk gudbala pipul. Im luk oni sikbala pipul.  
\v 32 En mi lagijat du. Ai nomo bin kaman blanga album gudbala pipul tjeinjim olabat laif. Aibin kaman blanga nogudbala pipul blanga album olabat tjeinjim olabat laif.” Lagijat na Jisas bin tok.   
\s1 Daga en wain  
\r Methyu 9:14-17; Mak 2:18-22  
\p
\v 33 Bambai na sambala pipul bin kaman langa Jisas, en deibin askim im, “Detlot wekinmen blanga Jon Beptis oldei prei en abum det serramoni weya dei nomo dagat daga. En detlot wekinmen blanga ola serramonimen gulum Ferasi oldei dum lagijat du. Wal wotfo yu wekinmen olabat nomo dum lagijat? Dei oldei dagadagat daga en dringgimbat, en dei nomo abum det serramoni.”   
\p
\v 34 Wal Jisas bin tok, “Wanim yumob reken? Wen dei abum det padi blanga det men weya im garra merrit, dei garra ol jidan hanggribala wen im deya garram olabat? Nomo. Dei kaan jidan hanggriwan. Dei garra dagat.  
\v 35 En im lagijat du langa mi. Wen det taim garra kaman weya dei garra deigidawei mi, det taim na main wekinmen olabat garra jidan nomo dagat daga.”   
\p
\v 36 Afta na Jisas bin dalim olabat dijan wed du, “Yu kaan breigim nyuwan klos blanga mindimap olwan klos. If yu dum lagijat, wal yu meigim det nyuwan klos nogud, en dubala kaan luk gud na.  
\v 37 En yu kaan pudum nyuwan wain jus insaid langa olwan skinbeig, dumaji wen det wain jus im babulap, im garra breigim det olwan skinbeig, en det wain en det skinbeig garra go nogud.  
\v 38 Yu garra pudum det nyuwan wain jus insaid langa nyuwan skinbeig.  
\v 39 En wen enibodi dringgim olwan wain, im kaan wandi dringgim nyuwan wain, dumaji im tok, ‘Det olwan im mobeda langa det nyuwan.’  
\p “Yumob sabi? Yu kaan miksimap det olbalawei garram det nyubalawei.” Lagijat na Jisas bin tok.   
\c 6  
\s1 Sebathdei  
\r Methyu 12:1-8; Mak 2:23-28  
\p
\v 1 Bambai na wan Sebathdei Jisas en im wekinmen olabat bin wok thru langa wan fam weya detlot sidgras blanga meigim flauwa bin gro, en detlot wekinmen bin gajimbat sambala sidgras, en deibin rabumbat blanga meigim det sid kamat, en deibin dagat na.\x + \xo 6:1 \xt Dyud 23:25\x*   
\p
\v 2 Wal sambala serramonimen gulum Ferasi bin luk olabat, en deibin dalim olabat, “Wotfo yumob breigim det lowa blanga wi? Yumob kaan gajimbat det sid daga wen im Sebathdei.”   
\p
\v 3 Wal Jisas bin ensim detlot serramonimen, “Maitbi yumob nomo bin ridim det longtaimwan stori blanga King Deibid.  
\v 4 Wen Deibid en im wekinmen olabat bin hanggri en dei nomo bin abum eni daga blanga dagat, Deibid bin go langa det haus blanga God, en imbin gajim det daga weya oni detlot serramonimen bin lau dagat, en imbin dagat det daga, en imbin gibit langa im wekinmen olabat blanga dagat du. Bat God nomo bin panishim olabat wen deibin dagat det daga lagijat.\x + \xo 6:4 \xt Labid 24:9; 1 Sem 21:1-6\x*   
\p
\v 5 “Yumob sabi? Mi na det Speshalwan Men weya God bin jandim, en mi Bos blanga det Sebathdei.” Lagijat na Jisas bin tok.   
\s1 Men garram kripulwan bingga  
\r Methyu 12:9-14; Mak 3:1-6  
\p
\v 6 Bambai na wan Sebathdei Jisas bin gowin langa wan Miting Pleis blanga ola Juwish pipul, en imbin titjimbat ola pipul deya.  
\p Wal wan men hubin deya bin abum kripulwan bingga raidensaid.  
\v 7 En sambala serramonimen gulum Ferasi en sambala lowamen bin deya du, en detlot serramonimen en lowamen bin wandi faindim folt langa Jisas, en deibin lukinat langa im brabliwei blanga luk if im garra meigim det men garram det kripulwan bingga gudbala langa det Sebathdei.   
\p
\v 8 Wal Jisas bin sabi wanim olabat bin jinggabat, en imbin dalim det men garram det kripulwan bingga. Imbin tok, “Yu kaman en jandap iya lida langa ebribodi.” En det men bin gidap en imbin go en jandap deya lida langa ebribodi.   
\p
\v 9 Brom deya Jisas bin tok langa detlot serramonimen en lowamen. Imbin tok, “Wanim det lowa blanga wi dalim wi blanga dum langa det Sebathdei? Im dalim wi blanga album enibodi o blanga ardim olabat? Im dalim wi blanga seibum enibodi laif o blanga deigidawei olabat laif?”   
\p
\v 10 Wal Jisas bin lukaran langa olabat na, en afta imbin tok langa det men garram det kripulwan bingga. Imbin tok, “Yu pudumat yu bingga.” En det men bin duwit, en streidawei im bingga bin gudwan.   
\p
\v 11 Wal ol detlot serramonimen en lowamen bin gitwail brabliwei wen Jisas bin meigim det men gudbala langa det Sebathdei, en deibin toktok miselp, “Wanim wi garra dum langa Jisas?”   
\s1 Twelbala speshalwan mishanri blanga Jisas  
\r Methyu 10:1-4; Mak 3:13-19  
\p
\v 12 Afta na Jisas bin gowap langa wan hil, en imbin jidanbat deya olnait blanga prei langa God. \fig Jesus praying in wilderness|src="cn01698B.tif" size="col" ref="6:12" \fig*   
\p
\v 13 Ailibala neksdei Jisas bin jingat langa im wekinmen olabat, en imbin pikimat twelbala men, en imbin meigim olabat jidan speshalwan mishanri blanga im.   
\p
\v 14-16 Wal Jisas bin pikimat dislot men na. Saiman en im braja Endru, Jeims en im braja Jon, Filip, Bathalamyu, Methyu, Tamas, Jeims det san blanga Elfiyas, Saiman Peitriyat, Judas det san blanga Jeims, en Judas Askeriyat.  
\p Jisas bin pikimat dubala Saiman, en imbin gulum det feswan Pida, en det sekanwan deibin gulum im Peitriyat. En det Judas Askeriyat im na det men hu garra hendimoba Jisas bambai langa detlot pipul hu garra kilim im ded.   
\s1 Jisas bin titjimbat pipul  
\r Methyu 4:23-25  
\p
\v 17 Brom deya Jisas bin kamdan brom det hil garram detlot speshalwan mishanri blanga im, en imbin jandap langa lebulwan pleis garram loda wekinmen blanga im, en bigmob pipul brom ebriweya bin kaman langa im. Deibin kaman brom ebriweya langa Judiya en Jerusalem en brom det dubala taun wansaid langa solwoda gulum Taya en Saidan.  
\v 18 En deibin ol kaman blanga irrim Jisas toktok det gudnyus, en blanga askim im blanga meigim olabat gudbala brom olabat siknis. En sambala pipul hubin abum nogudwan spirit insaid langa olabat bin kaman langa Jisas, en imbin meigim olabat gudbala du.  
\v 19 Ol detlot pipul na bin wandi tatjim Jisas, dumaji imbin abum pawa blanga meigim olabat gudbala.   
\s1 Gudbala en sedwan taim  
\r Methyu 5:1-12  
\p
\v 20 Wal Jisas bin luk langa ola wekinmen blanga im, en imbin tok, “Ol yumob pipul hu nomo meigim miselp haibala, yumob garra gudbinji, dumaji yumob blanga God brabli, en im na garra meigim yumob haibala.   
\p
\v 21 “Ol yumob pipul hu jidan hanggribala, God garra meigim yumob sedisfaid.  
\p “Ol yumob pipul hu kraikrai dumaji yu nogudbinji, yumob garra hepi en jinginat, dumaji yumob garra jidan gudbinjiwei.   
\p
\v 22 “Yumob garra gudbinji nomeda pipul heidim yu en andimwei yu en mokimbat yu en tok nogudbalawei langa yu dumaji yu bilib langa mi.\x + \xo 6:22 \xt 1 Pida 4:14\x*  
\v 23 Ola grengrenfatha blanga detlot pipul hu heidim yu bin tridim ol detlot speshalwan mesinja blanga God nogudbalawei du. En yumob garra gudbinji wen detkain ting garra hepin langa yu, en yumob garra dens en jinginat gudbinjiwei, dumaji God garram prais blanga yu langa hebin.\x + \xo 6:23 \xt 2 Kran 36:16; Eks 7:52\x*   
\p
\v 24 “Ol detlot ritj pipul hu jinggabat olabat ronselp garra abum raftaim, dumaji deibin abum det isibala laif olredi.   
\p
\v 25 “Ol detlot pipul hubin jidan sedisfaid garra jidan hanggribala.  
\p “Ol detlot pipul hubin jinginat gudbinjiwei garra nogudbinji en kraikrai.   
\p
\v 26 “Nomeda ola pipul tok gudbalawei blanga detlot pipul, bat stil detkain ting kaan album olabat. Ola grengrenfatha blanga detlot pipul hu tok gudbalawei blanga olabat bin tok detkain ting du blanga ol detlot laiyawan mesinja. Bat detkain ting nomo bin meigim detlot laiyawan mesinja gudbala.   
\s1 Yu garra laigim ola bedfren  
\r Methyu 5:38-48; 7:12  
\p
\v 27 “Wal ai garra tok na langa yumob hu garra lisin langa mi. Yu garra laigim ola bedfren blanga yu, en yu garra dum gudbala ting langa detlot pipul hu heidim yu,  
\v 28 en yu garra tok gudbalawei langa detlot pipul hu tok nogudbalawei langa yu, en yu garra prei blanga detlot pipul hu tridim yu nogudbalawei.   
\p
\v 29 “If sambodi hitim yu, wal yu kaan hitimbek im. En if sambodi deigidawei yu kout, wal yu kaan nogudbinji langa im.  
\v 30 En if sambodi askim yu blanga samting, wal yu kaan jidan gridiwan. En if sambodi pulumat enijing brom yu weya im nomo lau pulumat, wal yu kaan kipgon askimbat im blanga det ting en meigim im nogudbinji.   
\p
\v 31 “If yu wandim enibodi blanga tridim yu gudbalawei, wal yu garra tridim ebribodi gudbalawei.\x + \xo 6:31 \xt Meth 7:12\x*   
\p
\v 32 “If yu laigim ol detlot pipul hu laigim yu, en yu nomo laigim najalot pipul hu nomo laigim yu, wal God kaan gibit yu prais blanga tharran, dumaji ola nogudbala pipul du dei laigim ola pipul hu laigim olabat.   
\p
\v 33 “En if yu dum gudbala ting langa detlot pipul hu tridim yu gudbalawei, en yu nomo dum gudbala ting langa detlot najalot pipul hu tridim yu nogudbalawei, wal God kaan gibit yu prais blanga tharran, dumaji ola nogudbala pipul dum detkain ting du.   
\p
\v 34 “En if yu gibit enijing oni langa detlot pipul hu oldei gibitbek yu enijing, wal God kaan gibit yu prais blanga tharran, dumaji ola nogudbala pipul gibitbek miselp enijing du.   
\p
\v 35 “Yu kaan jidan wulijim detlot nogudbala pipul. Yu garra jidan difrin brom olabat. Yu garra laigim ola bedfren blanga yu, en yu garra tridim olabat gudbalawei, en yu garra gibit enijing langa enibodi nomeda yu nomo sabi if dei garra gibitbek yu enijing. If yu jidan lagijat, wal God garra gibit yu det brabli bigwan prais, en yu garra jidan jis laiga biginini blanga det brabli haibala God. Im na gudbala langa detlot pipul hu nomo gibit theingks langa im, en im gudbala langa detlot pipul hu dumbat nogudbala ting. En yu garra jidan lagijat du seimwei laik im.  
\v 36 Yu garra jidan kainbala jis laik yu Dedi God im kainbala.   
\s1 Yu nomo wandi faindim folt en pudum bleim langa enibodi  
\r Methyu 7:1-5  
\p
\v 37 “Wal yu nomo wandi faindim folt langa enibodi wulijim God kaan faindim folt langa yu, en yu nomo wandim pudum bleim langa enibodi wulijim God kaan pudum bleim langa yu. Yu garra larramgo enibodi fri wulijim God garra larramgo yu fri du.   
\p
\v 38 “Wen yu gibit enijing langa enibodi, God garra gibitbek langa yu. En if yu gibit olabat detmatj, wal God garra gibitbek yu mowa, en pipul garra gibit yu detmatj du.” Lagijat na Jisas bin tok langa im wekinmen olabat.   
\p
\v 39 Wal Jisas bin dalim im wekinmen olabat dislot wed du. Imbin tok, “If blainwan men trai en lidim najawan blainwan men, wal det dubala blain men garra buldan wen dubala kamat langa rafwan pleis.\x + \xo 6:39 \xt Meth 15:14\x* \fig |src="GTMat15&Lk06BlindLeader.tif" size="col" ref="6:39" \fig*   
\p
\v 40 “Yumob jinggabat na. Yu garra abum gudwan titja blanga meigim yu sabi det wei. Bat yu nomo haibala langa yu titja. Wen yu binij det treining, orait. Yu garra jidan seim laik yu titja na.\x + \xo 6:40 \xt Meth 10:24,25; Jon 13:16; 15:20\x*   
\p
\v 41 “Yumob irrim mi na. If yu braja abum lilwan samting langa im ai, wal yu kaan go en deigimat det ting wen yu garram bigwan ting langa yu ron ai.  
\v 42 Yu kaan dalim yu braja yu garra deigimat det lilwan ting brom im ai wen yu kaan luk dumaji yu garram det bigwan ting langa yu ron ai. Yu granggibala if yu trai en dum lagijat. Yu garra deigimat det bigwan ting brom yu ronwan ai basdam, en afta yu gin luk gudwei, en yu gin deigimat det lilwan ting brom yu braja ai na.  
\p “Yumob sabi? Yu garra streitinimat yu ronwan laif bifo yu gin album yu braja streitinimat im laif.   
\s1 Detlot daga blanga gudwan en nogudwan tri  
\r Methyu 7:16-20; 12:33-35  
\p
\v 43 “Wal yumob jinggabat det gudwan tri na. Det gudwan tri kaan abum nogudwan daga, en det nogudwan tri kaan abum gudwan daga.  
\v 44 En yu sabi det tri im gudwan o nogudwan wen yu luk wotkain daga im garram. Det gudwan figtri daga kaan gro langa det nogudwan jigininbala tri en detlot greip daga kaan gro langa det nogudwan bindiyai bushis.\x + \xo 6:44 \xt Meth 12:33\x*   
\p
\v 45 “Yumob sabi? Ola gudbala pipul dumbat gudbala ting, dumaji olabat gudbala insaid langa olabat hat. En ola nogudbala pipul dumbat nogudbala ting, dumaji olabat nogudbala insaid langa olabat hat. En im lagijat du wen yu tok. Ol detlot ting yu jinggabat langa yu hat, wal yu meigim detlot ting na kamat brom yu mawus.\x + \xo 6:45 \xt Meth 12:34\x*   
\s1 Dubala men bin bildimap haus  
\r Methyu 7:24-27  
\p
\v 46 “Wal yumob irrim mi na. Wotfo yumob gulum mi Bos wen yumob nomo duwit langa mi?  
\v 47 Det men weya im kaman langa mi en im irrim main wed en im duwit langa det wed, wal ai garra shoum yumob wotkain men im.  
\v 48 Im jis laik det men hubin bildimap im haus langa gudbala pleis brabli gudwei, en wen det fladwoda bin kaman, det fladwoda nomo bin deigidawei det haus, dumaji det men bin bildimap det haus brabli gudwei langa det gudbala pleis.  
\v 49 Bat detlot pipul hu irrim main wed en nomo duwit, olabat jis laik det najawan men hubin bildimap im haus eniwei langa nogudwan pleis, en wen det fladwoda bin kaman, streidawei det haus bin buldan, en det fladwoda bin deigidawei det haus holot.” Lagijat na Jisas bin tok langa im wekinmen olabat.   
\c 7  
\s1 Boswan solja bin bilib brabliwei  
\r Methyu 8:5-13  
\p
\v 1 Afta na wen Jisas bin binij dalimbat ol detlot wed langa detlot pipul, imbin go langa det taun gulum Kapeniyam.   
\p
\v 2 Wal wan boswan solja brom Rom bin jidan deya langa det taun, en wanbala wekinmen blanga im bin brabli sik en imbin gulijap dai.  
\p Wal det boswan solja bin laigim det wekinmen blanga im brabliwei,  
\v 3 en wen imbin irrim Jisas bin deya langa det taun, imbin jandim sambala olmen brom detlot Juwish pipul langa Jisas blanga askim im blanga kaman en meigim det wekinmen blanga im gudbala.   
\p
\v 4 Wal detlot olmen bin go langa Jisas, en deibin askimbat im soribalawei, “Yu garra album det men, dumaji imbin dum loda gudbala ting,  
\v 5 en im laigim ola pipul langa dijan kantri, en im na bin bildimap det Juwish Miting Pleis blanga melabat.”   
\p
\v 6 Wal Jisas bin go garram olabat, en wen imbin gulijap langa det haus blanga det boswan solja, det boswan solja bin jandim sambala fren blanga im blanga dalim Jisas nomo blanga kaman langa im haus, en wen deibin kamat langa Jisas, deibin tok, “Det boswan solja bin tok, ‘Im rait, bos. Yu kaan kaman langa main haus,  
\v 7 en ai kaan kaman langa yu du, dumaji mi nomo gudbala. Yu jis tok brom deya gin, en det wekinmen main garra gitbeda.  
\v 8 Ai sabi yu bos, dumaji mi bos du. Ai garram sambala boswan solja oba langa mi, en mi bos oba langa sambala solja du. En ai dalim wanbala solja blanga go, en im garra go. En ai dalim najawan solja blanga kaman, en im garra kaman. En ai dalim det wekinmen main blanga dum samting, en im garra duwit.’ Lagijat na det boswan solja bin tok.”  
\p Wal det boswan solja bin tok lagijat langa Jisas, dumaji imbin sabi Jisas im bos, en imbin sabi im garram pawa.   
\p
\v 9 Wal wen Jisas bin irrim det wed, imbin hatjamp, en imbin dalim detlot pipul hubin bulurrum im. Imbin tok, “Trubala ai dalim yumob. Ai nomo bin faindim enibodi hu bilib lagijat. Nomo enibodi iya langa dijan kantri Isreil bilib lagijat.”   
\p
\v 10 Afta na ol detlot fren blanga det boswan solja bin gobek langa im haus, en deibin faindim det wekinmen blanga det boswan solja bin gudbala.   
\s1 Widogel san bin gidap brom dedbala  
\p
\v 11 Brom deya Jisas bin go garram ola wekinmen blanga im langa det taun gulum Nein, en bigmob pipul bin bulurrum im deya,  
\v 12 en wen imbin kamat langa det taun, imbin luk deibin abum fyunral deya blanga wan widogel san. Oni det wanbala san na det widogel bin abum, en loda pipul brom det taun bin deya langa det fyunral. \fig |src="gw075.tif" size="col" ref="7:12" \fig*   
\p
\v 13 Wal wen Jisas bin luk det widogel, imbin fil sori blanga im, en imbin dalim im, “Yu nomo krai.”  
\v 14 En imbin go en tatjim det stretja garram det bodi, en ol detlot men hubin garrimap det stretja bin stap, en Jisas bin tok, “Yangmen, ai dalim yu. Gidap!”   
\p
\v 15 En det dedbala men bin gidap, en imbin stat toktok, en Jisas bin deigim im langa im mami.   
\p
\v 16 Wal ebribodi bin ol hatjamp, en seimtaim deibin preisimbat God. Deibin tok, “Brabli haiwan mesinja brom God bin kamat iya langa wi! God bin kaman blanga seibum ola pipul blanga im!”   
\p
\v 17 Wal det nyus blanga Jisas bin spredat ebriweya langa det kantri en ebriweya langa ola najalot kantri du.   
\s1 Jisas en Jon Beptis en det wei blanga God  
\r Methyu 11:2-19  
\p
\v 18 Bambai na ola wekinmen blanga Jon Beptis bin dalim Jon det nyus blanga Jisas,  
\v 19 en afta imbin jandim dubala wekinmen blanga im langa Jisas blanga askim im kwestjan,  
\v 20 en wen dubala bin kaman langa Jisas, dubala bin tok, “Jon Beptis bin jandim minbala blanga askim yu kwestjan. Yu na det Speshalwan Men weya Jon bin tok garra kaman? O maitbi melabat garra weit blanga najawan men?”   
\p
\v 21 Wal wen det dubala wekinmen blanga Jon bin deya kwestjanimbat im, Jisas bin meigimbat loda sikbala pipul gudbala, en imbin andimwei loda nogudbala spirit brom insaid langa sambala pipul, en imbin meigimbat loda blainwan pipul luk gudwei.   
\p
\v 22 Afta na Jisas bin dalim det dubala wekinmen, “Yunbala gobek en dalim Jon wanim yunbala bin luk en wanim yunbala bin lisin. Yunbala dalim im ol detlot blainwan pipul gin luk na, en ol detlot leimbala pipul gin wok na, en detlot pipul hubin abum leprasi olabat gudbala na, en ola defwan pipul gin lisin na, en detlot dedbala pipul bin gidap laibala na, en ol detlot po pipul bin lisin det gudnyus blanga God.\x + \xo 7:22 \xt Aisai 35:5,6; 61:1\x*  
\v 23 Ebribodi hu bilib langa mi brabliwei garra jidan brabli gudbinjiwei.” Lagijat na Jisas bin tok langa det dubala wekinmen blanga Jon.   
\p
\v 24 Wal det dubala wekinmen bin gobek langa Jon, en afta Jisas bin stat toktok langa ol detlot pipul deya blanga Jon. Imbin tok, “Wen yumob bin go langa Jon Beptis deya langa det bush kantri, wanim yumob bin reken yumob garra luk? Yumob bin reken yumob garra go en faindim oni gras deya?  
\v 25 Wanim yumob bin wandi luk? Yumob bin wandi luk men dresap garram purdiwan klos? Yumob kaan faindim detkain men hu dresap garram purdiwan klos langa bush kantri. Yumob faindim detkain men langa taun langa gudwan haus.   
\p
\v 26 “Wal yumob dalim mi na. Wanim yumob bin go blanga luk? Yumob bin wandi go en luk det speshalwan mesinja brom God? Trubala yumob bin luk mesinja. Bat im nomo bin odinriwan mesinja.  
\v 27 Langa oltestaman God bin tok, ‘Ai garra jandim main mesinja lida langa det boswan blanga meigim det roud redibala blanga im.’ En wen im tok lagijat langa oltestaman, im tok blanga Jon Beptis.\x + \xo 7:27 \xt Mel 3:1\x*  
\v 28 En ai dalim yumob. Jon im haibala langa ola pipul hubin bulurrum det olbala lowa blanga God. Bat ol detlot pipul hu irrim main wed en bulurrum det Nyubalawei garra jidan brabli haibala.” Lagijat na Jisas bin tok.   
\p
\v 29 Wal ola pipul bin lisin langa Jisas wen imbin tok lagijat, en ol detlot lobala pipul en ol detlot nogudbala pipul bin sabi imbin tok trubalawei, dumaji deibin duwit wanim God bin tok, en Jon bin beptaisim olabat.  
\v 30 Bat detlot haibala lowamen en serramonimen gulum Ferasi nomo bin teiknodis langa wanim God bin wandim, en dei nomo bin larram Jon beptaisim olabat.\x + \xo 7:30 \xt Meth 21:32; Luk 3:12\x*   
\p
\v 31 Wal Jisas bin kipgon tok langa ol detlot pipul, “Hau ai garra tok blanga ola pipul iya langa dijan kantri?  
\v 32 Ai dalim yumob. Olabat jis laik ola biginini olabat weya dei pleibat. Dei jingat, ‘Melabat bin pleiyim det song blanga weding blanga yumob, bat yumob nomo bin gudbinji, en yumob nomo bin dens blanga melabat. En melabat bin singim det song blanga fyunral blanga yumob. Bat yumob nomo bin krai blanga melabat.’ Lagijat na detlot biginini oldei jingat, dumaji dei kaan sedisfaid langa enijing.  
\p “En ola pipul iya langa dijan kantri olabat lagijat du. Dei kaan sedisfaid langa enijing.  
\v 33 Jon Beptis bin kaman, en im nomo bin dagadagat daga, en im nomo bin dringgimbat det wain. En pipul bin tok, ‘Yu luk det men. Im garram dibuldibul insaid langa im.’   
\p
\v 34 “Afta na aibin kaman biyain langa Jon Beptis, en aibin dagadagat daga, en aibin dringgimbat det wain. En pipul bin tok, ‘Yu luk det men. Im oldei dagadagat daga en dringgimbat det wain, en im fren blanga ola nogudbala pipul.’   
\p
\v 35 “Wal ola pipul hu tok lagijat nomo sabi brabliwei. Bat ol detlot pipul hu bilib langa God sabi im klebabala, en dei sabi det wei blanga God im trubala.” Lagijat na Jisas bin tok.   
\s1 Jisas langa kemp blanga serramonimen  
\p
\v 36 Afta na wan serramonimen neim Saiman bin askim Jisas blanga abum sapa garram im, en imbin go langa im kemp, en dubala bin jidan blanga dagat daga.   
\p
\v 37 Wal wan brabli nogudbala gel deya langa det taun bin irrim Jisas bin abum sapa deya langa det serramonimen kemp, en imbin go deya garram lilwan ston botul garram det gudsmelwan medisin,  
\v 38 en imbin go en jandap biyain langa Jisas langa im futwei, en imbin krai en wetim im dubala fut garram im tiyas, en afta imbin draiyim det dubala fut blanga Jisas garram im heya, en imbin kis langa im dubala fut, en imbin rabum dubala garram det gudsmelwan medisin.\x + \xo 7:38 \xt Meth 26:7; Mak 14:3; Jon 12:3\x*   
\p
\v 39 Wal det serramonimen bin luk wanim det gel bin dum langa Jisas, en imbin tok miselp, “If dijan men im trubala det speshalwan mesinja brom God, wal im bina sabi wotkain det gel weya im tatjimbat im. Im bina sabi det gel im brabli nogudbala.”   
\p
\v 40 Wal Jisas bin tok langa det serramonimen na, “Saiman, ai garra dalim yu samting.”  
\p En det serramonimen bin tok, “Wanim yu wandi dalim mi, titja?”   
\p
\v 41 Wal Jisas bin tok, “Dubala men bin boro mani brom wan ritjmen. Det wan men bin boro 500 en det najawan men bin boro 50,  
\v 42 en wen det taim bin kaman blanga peiyimbek det mani, det dubala men nomo bin abum det mani blanga peiyimbek det ritjmen, en det ritjmen bin dalim det dubala blanga fogedabat det mani, en imbin larramgo dubala fri.  
\p “Wal wanim yu reken, Saiman? Wujan men garra laigim det ritjmen brabli?”   
\p
\v 43 Wal det serramonimen bin tok, “Det men hubin owim im mowa mani garra laigim im brabli, dumaji imbin larramgo im fri wen imbin owim im bigmob mani.”  
\p En Jisas bin tok, “Gudwan ensa yubin gibit mi.”   
\p
\v 44 Afta na Jisas bin luk langa det gel, en imbin tok langa det serramonimen, “Yu luk dijan gel iya, Saiman? Wen aibin kaman iya langa yu kemp, yu nomo bin gibit mi eni woda blanga washim main fut. Bat dijan gel bin washim main fut garram im tiyas, en imbin draiyimbat main fut garram im heya.   
\p
\v 45 “Saiman, yu nomo bin welkam mi garram kis. Bat dijan gel im kipgon kiskis main fut.  
\v 46 En yu nomo bin gibit mi det speshalwan medisin blanga rabum main hed. Bat dijan gel bin rabum main fut ebriweya garram det gudsmelwan medisin.   
\p
\v 47 “Wal ai dalim yu, Saiman. If enibodi larramgo sambodi fri brom lilwan rong ting weya imbin dum langa im, wal im garra laigim im lilbit. Bat if im larramgo im fri brom eni bigwan rong ting weya imbin dum langa im, wal im garra laigim im brabliwei.  
\p “Yu sabi? Ol dislot ting weya dijan gel bin dum langa mi, dei shoum yu im laigim mi brabli, dumaji God bin larramgo im fri brom ol detlot nogudbalawei blanga im.”   
\p
\v 48 Wal Jisas bin tok langa det gel na, “Yu fri brom ol detlot nogudbalawei blanga yu.”   
\p
\v 49 Wal ol detlot najalot pipul hubin jidan deya langa det kemp bin irrim Jisas tok lagijat, en deibin toktok miselp, “Wotkain men dijan weya im tok im larramgo det gel fri brom ol detlot nogudbala ting weya imbin dumbat?”   
\p
\v 50 Wal Jisas bin dalim det gel, “God bin seibum yu, dumaji yu bilib langa main wed. Wal yu go na, dumaji yu fri.”   
\c 8  
\s1 Sambala gel bin bulurrum Jisas  
\p
\v 1 Bambai na Jisas bin go ebriweya langa ola taun en ola najalot lilwan pleis, en imbin dalimbat ola pipul det gudnyus blanga God weya imbin meigim wei blanga olabat blanga kaman langa im. Imbin go garram det twelbala wekinmen blanga im,  
\v 2 en loda gel bin bulurrum im du, dumaji imbin andimwei dibuldibul brom insaid langa olabat en imbin meigim olabat gudbala brom olkain siknis.  
\p Wal wan gel hubin bulurrum Jisas bin neim Meri Megdalin, en Jisas bin andimwei sebenbala nogudwan spirit brom insaid langa im.  
\v 3 En najawan gel hubin bulurrum Jisas bin neim Jowena. Imbin merrit langa wan men neim Tjusa hubin wekinmen blanga det gabman bos neim Herod. En najawan gel hubin bulurrum Jisas bin neim Susena. Detlot thribala gel en detlot najalot gel bin oldei lukaftumbat Jisas en im wekinmen garram olabat ron enijing.\x + \xo 8:3 \xt Meth 27:55,56; Mak 15:40,41; Luk 23:49\x*   
\s1 Stori blanga sid  
\r Methyu 13:1-9; Mak 4:1-9  
\p
\v 4 Wal loda pipul bin kipgon kaman langa Jisas brom ebri taun, en wen detmatj pipul bin deya, Jisas bin dalim olabat dijan stori blanga meigim olabat jinggabat.   
\p
\v 5 Imbin tok, “Wantaim wan men bin go blanga plentimbat sid, en imbin tjakam detlot sid ebriweya, en sambala sid bin buldan langa roud weya ola pipul bin pudumbut en ola bard bin dagat.  
\v 6 En sambala sid bin buldan langa stoniwan pleis, en wen detlot sid bin gro, deibin draiyap, dumaji dei nomo bin abum eni woda langa det stoniwan graun.  
\v 7 En sambala sid bin buldan insaid langa ola jigiwan gras, en wen deibin gro, detlot jigiwan gras bin jugum olabat.  
\v 8 En sambala sid bin buldan langa gudwan graun, en deibin gro gudwei, en deibin abum loda daga.”  
\p Lagijat na Jisas bin dalim det stori, en wen imbin binij, imbin tok, “Yumob hubin irrim dijan stori, yumob garra jinggabat na.”   
\s1 Wotfo det stori  
\r Methyu 13:10-17; Mak 4:10-12  
\p
\v 9 Afta na ola wekinmen blanga Jisas bin askim im wanim det stori bin tok,  
\v 10 en Jisas bin dalim olabat, “God garra meigim yumob sabi det nyubalawei blanga kaman langa im. Bat detlot najalot pipul kaan sabi. En ai garra oldei tok langa olabat garram detkain stori, dumaji dei garra irrim det trubala wed. Bat dei kaan sabi det wed. En dei garra lukabat det wei langa God. Bat dei kaan faindim det wei.\x + \xo 8:10 \xt Aisai 6:9,10\x*   
\s1 Jisas dalim olabat wanim det stori tok  
\r Methyu 13:18-23; Mak 4:13-20  
\p
\v 11 “Wal ai dalim yumob wanim det stori im tok. Det sid im jis laik det wed blanga God.   
\p
\v 12 “Detlot sid weya bin buldan langa roud, dei jis laik detlot pipul hu irrim det wed. Bat Seitin im kaman en deigidawei det wed brom olabat wulijim olabat kaan bilib langa det wed en God kaan seibum olabat.   
\p
\v 13 “Detlot sid weya bin buldan langa stoniwan pleis, dei jis laik detlot pipul hu irrim det wed en dei lisin langa det wed gudbinjiwei. Bat det wed nomo gowin insaid langa olabat, en dei nomo lisin langa det wed fo longtaim. Wen enikain trabul kaman langa olabat dumaji deibin bilib langa det wed, dei gibit bekboun langa det wed na.   
\p
\v 14 “Detlot sid weya bin buldan langa detlot jigiwan gras, dei jis laik detlot pipul hu irrim det wed en dei bilib langa det wed. Bat dei wori blanga enijing en dei jinggabat blanga mani en dei wandim olkain ting. Dei nomo gibit rum langa det wed, en det wed kaan wek langa olabat laif na.   
\p
\v 15 “Detlot sid weya bin buldan langa det gudwan graun, dei jis laik detlot pipul hu irrim det wed en dei bilib langa det wed, en det wed im wek langa olabat laif, dumaji olabat duwit wanim det wed dalim olabat blanga dum, en dei nomo gobek langa det nogudbalawei. Blendibala daga bin kamat brom detlot sid weya bin buldan langa det gudwan graun. En im lagijat na wen det wed im wek langa enibodi laif. Im meigim im jidan strongbala mowa en mowa ebridei.”   
\s1 Stori blanga lemp  
\r Mak 4:21-25  
\p
\v 16 Wal Jisas bin kipgon dalimbat olabat stori, “Wen enibodi laidim lemp, im kaan go en pudum det lemp andanith langa dram o andanith langa im bangk. Im garra heingimap det lemp blanga meigim lait wulijim enibodi gin luk det lait wen dei kaman insaid.\x + \xo 8:16 \xt Meth 5:15; Luk 11:33\x*   
\p
\v 17 “En im lagijat na langa det wed blanga God. Wen im blandim det wed blanga im, afta im garra shoum det wed. En wen im gaburrumap det wed blanga im, afta im garra meigim det wed kamat langa opin weya ebribodi gin sabi.\x + \xo 8:17 \xt Meth 10:26; Luk 12:2\x*   
\p
\v 18 “Wal yumob garra jinggabat brabliwei ol dislot ting weya mi dalimbat yumob, dumaji if yumob garram det wed langa yumob laif, wal God garra meigim yumob sabi mowa. Bat if yumob irrim det wed, en yumob nomo duwit, wal God garra deigidawei det wed brom yumob.” Lagijat na Jisas bin tok.\x + \xo 8:18 \xt Meth 25:29; Luk 19:26\x*   
\s1 Jisas en im femili  
\r Methyu 12:46-50; Mak 3:31-35  
\p
\v 19 Brom deya det femili blanga Jisas bin kaman langa im. Bat dei nomo bin gedim rum blanga go langa im, dumaji bigmob pipul bin deya,  
\v 20 en sambodi bin dalim Jisas, “Yu mami en yu braja olabat deya atsaid, en olabat wandi luk yu.”   
\p
\v 21 Wal Jisas bin tok, “Ol detlot pipul hu lisin langa det wed blanga God en duwit, olabat na main mami en main braja olabat.”   
\s1 Jisas bin stapam win en weib  
\r Methyu 8:23-27; Mak 4:35-41  
\p
\v 22 Bambai na wandei Jisas bin dalim im wekinmen olabat, “Kaman na. Wi go najasaid langa dijan bigwan leik.” En deibin gowin langa bout blanga krosim det woda,  
\v 23 en hafwei Jisas bin go silip, en wen imbin stil silip, strongbala win bin kaman langa det woda, en imbin blowimbat det bout ebriwei, en ola woda bin stat gowin langa det bout, en detlot wekinmen bin bradin, dumaji deibin luk miselp langa trabul,  
\v 24 en deibin go en weikimap Jisas, en deibin tok, “Bos! Bos! Wi binij na! Wi garra dai!”  
\p Wal Jisas bin gidap, en imbin dalim det strongbala win en bigbala weib blanga stap, en streidawei dubala bin stap, en ebrijing bin jidan kwaitbala.   
\p
\v 25 Afta na Jisas bin dalim detlot wekinmen, “Wotfo yumob nomo bilib langa mi?”  
\p Bat detlot wekinmen bin hatjamp en bradin, en deibin askim miselp, “Wotkain men dijan? Imbin dalim win en weib blanga stap, en dubala bin duwit langa im!”   
\s1 Nogudbala spirit en bigibigi  
\r Methyu 8:28-34; Mak 5:1-20  
\p
\v 26 Afta na wen Jisas en im wekinmen olabat bin krosim det bigwan woda, deibin kamat langa det kantri gulum Gerasa najasaid brom Gelali,  
\v 27 en wen Jisas bin godan brom det bout, wan men brom det taun bin midim im deya.  
\p Wal det men bin abum nogudbala spirit insaid langa im, en im nomo bin werrimbat klos brom longtaim, en im nomo bin jidanbat langa im kemp du. Imbin oldei jidanbat langa detlot keib weya deibin oldei pudumbat ola dedbala pipul.  
\v 28-29 Lodataim detlot pipul langa det taun bin trai en taiyimap det men langa im bingga en langa im fut garram tjein jis laiga prisana. Bat det nogudbala spirit bin oldei wek insaid langa im, en det men bin oldei breigim detlot tjein, en det nogudbala spirit bin oldei deigidawei im langa det bush kantri.  
\p Wal wen det men bin luk Jisas, imbin jingat adbala, en imbin buldan langa Jisas fut, en Jisas bin dalim det nogudbala spirit blanga gowei brom det men, en det men bin tok, “Jisas, ai sabi yu det san blanga det brabli haibala God. Wal wanim yu wandim brom mi? Yu pramis mi yu kaan ardim mi.”   
\p
\v 30 Wal Jisas bin askim det men, “Wanim yu neim?”  
\p En det men bin tok, “Main neim Bigmob.” Lagijat na imbin tok, dumaji bigmob nogudbala spirit bin jidan insaid langa im,  
\v 31 en detlot nogudbala spirit bin askimbat Jisas nomo blanga lokimap olabat langa det dipwan hol.   
\p
\v 32 Wal bigmob bigibigi bin fidabat deya wansaid langa det hil, en detlot nogudbala spirit bin askimbat Jisas blanga larram olabat go langa detlot bigibigi, en imbin larram olabat go deya.  
\v 33 Imbin andimwei olabat brom det men, en deibin gowin insaid langa detlot bigibigi, en ol detlot bigibigi bin randan langa det klif, en deibin buldan langa det woda, en deibin ol draun. \fig |src="gw017.tif" size="col" ref="8:33" \fig*   
\p
\v 34 Wal wen detlot men hubin lukaftumbat detlot bigibigi bin luk wanim bin hepin, deibin ol ranawei, en deibin go en dalimbat det nyus langa det taun en ebriweya langa det kantri,  
\v 35 en ebribodi bin go deya blanga luk wanim bin hepin, en wen deibin kamat langa Jisas, deibin luk det men weya bin oldei abum detlot nogudbala spirit insaid langa im. Det men bin jidanbat deya gudbalawei, en imbin werrimon klos, en imbin jinggabat raitwei.  
\p Wal wen detlot pipul bin luk det men, deibin ol bradin,  
\v 36 en detlot pipul hubin luk det ting bin hepin bin dalimbat detlot pipul hau detlot nogudbala spirit bin gowei brom det men en det men bin gudbala na.   
\p
\v 37 Wal detlot pipul deya langa det kantri bin askim Jisas blanga gowei brom olabat kantri, dumaji olabat bin brabli bradin, en Jisas bin gowin langa det bout blanga gowei,  
\v 38 en det men bin askimbat im, “Ai gin kaman garram yu?”   
\p
\v 39 Bat Jisas bin dalim im, “Nomo. Yu gobek langa ola femili blanga yu en dalim olabat wanim God bin dum blanga yu.” Lagijat na Jisas bin tok langa det men, en afta na imbin jandimwei im, en det men bin go ebriweya langa det taun, en imbin dalimbat ola pipul wanim Jisas bin dum blanga im.   
\s1 Lilgel en olgamen  
\r Methyu 9:18-26; Mak 5:21-43  
\p
\v 40 Afta na wen Jisas bin krosim det bigwan woda, loda pipul bin weidabat blanga im deya, en deibin gudbinji blanga im.   
\p
\v 41 Bambai na wan men neim Jairas bin kaman deya langa Jisas. Det men bin boswan blanga det Juwish Miting Pleis deya langa det taun, en imbin nildan langa Jisas fut,  
\v 42 en imbin askim im brabliwei blanga go langa im haus, dumaji im doda bin brabli sik, en imbin gulijap dai. En det men bin abum oni det wanbala doda na, en det lilgel bin 12 yiya ol.  
\p Wal Jisas bin go garram det men, en detmatj pipul bin bulurrum Jisas, en deibin bambumbat im ebriwei.   
\p
\v 43 Wal wan olgamen bin deya du garram detlot pipul. Det olgamen bin abum siknis 12 yiya, en imbin oldei lujim loda blad. Bat nobodi bin meigim im gudbala.   
\p
\v 44 Wal det olgamen bin kaman garram detlot pipul biyain langa Jisas, en imbin tatjim im klos, en streidawei det blad bin stap, en imbin gudbala na. \fig |src="LB00310B.TIF" size="col" ref="8:44" \fig*   
\p
\v 45 Wal Jisas bin tok, “Hubin tatjim mi?”  
\p Bat nobodi bin dalim miselp, en det wekinmen blanga im neim Pida bin tok, “Bos, yu luk bigmob pipul iya ebriweya dei bambumbat yu.”   
\p
\v 46 Bat Jisas bin tok, “Sambodi bin tatjim mi. Ai sabi, dumaji aibin filim det pawa bin gowei brom mi.”   
\p
\v 47 Wal det olgamen bin sabi Jisas bin sabi im, en imbin kaman bradinwei langa Jisas, en imbin tjakamdan miselp langa im fut, en deya na lida langa ebribodi imbin dalim Jisas wotfo imbin tatjim im en hau imbin meigim im gudbala streidawei.   
\p
\v 48 Wal Jisas bin dalim det olgamen, “Olgamen, yubin bilib brabliwei langa mi. En tharran na bin meigim yu gudbala. Wal yu gobek gudbalawei na, dumaji yu fri brom det trabul weya yubin abum.”   
\p
\v 49 Wal seimtaim wen Jisas bin toktok lagijat langa det olgamen, sambodi bin kaman brom det haus blanga det bosmen neim Jairas, en imbin dalim det bosmen, “Yu libum det titja na, dumaji yu doda bin dai, en yu kaan askimbat det titja blanga kaman langa yu kemp na.”   
\p
\v 50 Wal Jisas bin irrim olabat tok lagijat, en imbin dalim det bosmen, “Yu nomo nogudbinji. Yu garra bilib langa mi, en det lilgel garra jidan gudbala.”   
\p
\v 51 Afta na wen Jisas bin kamat langa det haus, im nomo bin larram enibodi gowin garram im. Oni det thribala wekinmen blanga im neim Pida, Jeims en Jon en det lilgel dedi en mami bin go garram im.   
\p
\v 52 Wal ebribodi deya langa det kemp bin ol nogudbinji en kraikrai blanga det lilgel, en Jisas bin tok, “Yumob nomo kraikrai. Det lilgel nomo dedwan. Im oni silip.”   
\p
\v 53 Wal deibin ol laf langa im, dumaji deibin sabi det lilgel bin dai.   
\p
\v 54 Bat Jisas bin grebum det lilgel bingga, en imbin tok, “Lilgel, yu gidap!”  
\v 55 En streidawei det lilgel bin laibala, en imbin gidap, en Jisas bin dalim olabat blanga gibit det lilgel daga.   
\p
\v 56 Wal det lilgel mami en dedi bin hatjamp brabliwei, en Jisas bin dalim olabat nomo blanga dalim enibodi wanim bin hepin.   
\c 9  
\s1 Jisas bin dalim im wekinmen blanga dum wek  
\r Methyu 10:5-15; Mak 6:7-13  
\p
\v 1 Bambai na Jisas bin jingat langa det twelbala wekinmen blanga im, en imbin tok, “Ai gibit yumob pawa blanga andimwei nogudbala spirit en blanga meigim sikbala pipul gudbala.  
\v 2 En yumob garra go ebriweya na en dalimbat ola najalot pipul blanga bulurrum det nyubalawei blanga God.  
\v 3 En wen yumob go, yumob kaan deigim enijing garram yumob. Yumob kaan garrimap wokinstik o beig o daga o mani o speyawan klos.  
\v 4 En wen yumob kamat langa eni taun en dei welkam yumob, wal yumob garra jidan langa det wan haus raidap yumob gowei brom det taun.  
\v 5 En wen yumob kamat langa eni taun en dei nomo welkam yumob, wal yumob garra gowei brom det taun. Bat bifo yumob gowei, yumob garra sheikim ola das brom yumob fut blanga gibit olabat woning, dumaji God garra panishim olabat.” Lagijat na Jisas bin tok langa im wekinmen olabat.\x + \xo 9:5 \xt Luk 10:4-11; Eks 13:51\x*   
\p
\v 6 Afta na detlot wekinmen bin gowei, en deibin go ebriweya langa ola lilwan taun, en deibin dalimbat ola pipul det gudnyus, en deibin meigimbat ola sikbala pipul gudbala.   
\s1 Herod bin wandi luk Jisas  
\r Methyu 14:1-12; Mak 6:14-29  
\p
\v 7 Wal det nyus blanga Jisas bin spredat ebriweya, en det gabman bos blanga Gelali bin irrim ol detlot ting bin hepining ebriweya. Det gabman bos bin neim Herod, en im nomo bin sabi hu Jisas, dumaji sambala pipul bin tok, “Jon Beptis bin gidap laibala.”  
\v 8 En najalot pipul bin tok, “Nomo. Det speshalwan mesinja blanga God hubin jidan longtaim neim Ilaija bin kambek.” En najalot pipul bin tok, “Nomo. Najawan mesinja hubin wokaran iya longtaim bin gidap laibala.”\x + \xo 9:8 \xt Meth 16:14; Mak 8:28; Luk 9:19\x*   
\p
\v 9 Wal Herod bin tok, “Aibin kilim Jon Beptis ded, dumaji aibin kadimof im hed. Bat hu dijan men? Aibin irrim im oldei dumbat olkain klebabala ting.” Lagijat na Herod bin tok. En imbin oldei wandi trai blanga luk Jisas.   
\s1 Jisas bin fidim 5,000 men  
\r Methyu 14:13-21; Mak 6:30-44; Jon 6:1-14  
\p
\v 10 Bambai na wen detlot twelbala speshalwan mishanri blanga Jisas bin kambek langa im, deibin dalim im blanga ol detlot ting weya deibin dumbat, en afta imbin wandi go garram olabat langa det taun gulum Bethsaida.   
\p
\v 11 Wal wen ola pipul bin irrim deibin wandi go langa det taun, deibin gajimap Jisas langa roud, en Jisas bin welkam detlot pipul, en imbin dalimbat olabat blanga det nyubalawei blanga God, en imbin meigim ola sikbala pipul gudbala.   
\p
\v 12 Wal wen imbin gulijap sangodan, detlot wekinmen blanga Jisas bin kaman langa im, en deibin tok, “Dijan im leit na, en wi longwei brom taun. Wal yu lafta jandimwei detlot pipul na wulijim dei gin go langa detlot gulijapwan fam en lilwan taun blanga baiyim olabat daga en faindim rum blanga silip.”   
\p
\v 13 Bat Jisas bin tok, “Yumob na gibit olabat daga.”  
\p Wal detlot wekinmen bin tok, “Melabat garram oni faibala damba en dubala fish! Yu wandim melabat garra go en baiyim daga blanga ol dislot pipul iya?”  
\v 14 Lagijat na hatjampwei deibin tok langa Jisas, dumaji 5,000 men bin deya.  
\p Wal Jisas bin dalim im wekinmen olabat blanga kadimatbat detlot pipul en meigim olabat jidan garram 50 pipul langa ebri grup,  
\v 15-16 en wen deibin jidan lagijat, Jisas bin gajim det faibala damba en det dubala fish, en imbin lukap langa top, en imbin gibit theingks langa God, en afta imbin breigim detlot daga, en imbin gibit langa im wekinmen olabat blanga gibitatbat langa detlot pipul.   
\p
\v 17 Wal ebribodi bin dagat na, en deibin ol sedisfaid, en afta detlot wekinmen bin bilimap twelbala baskit garram ola leftobawan daga.   
\s1 Pida bin tok Jisas Krais na det Masaiya  
\r Methyu 16:13-19; Mak 8:27-29  
\p
\v 18 Bambai na wandei wen Jisas bin preiprei miselp, im wekinmen olabat bin go langa im, en imbin askim olabat, “Hu ola pipul reken mi?”   
\p
\v 19 Wal detlot wekinmen bin tok, “Sambala pipul reken yu Jon Beptis, en sambala pipul reken yu det speshalwan mesinja blanga God hubin jidan longtaim neim Ilaija, en sambala pipul reken yu najawan longtaimwan mesinja.”\x + \xo 9:19 \xt Meth 14:1,2; Mak 6:14,15; Luk 9:7,8\x*   
\p
\v 20 Wal Jisas bin askim olabat, “Wal wotabat yumob? Hu yumob reken mi?”  
\p En Pida bin tok, “Yu na Krais det Masaiya weya God bin jandim.”\x + \xo 9:20 \xt Jon 6:68,69\x*   
\s1 Jisas bin tok im garra abum trabul en dai  
\r Methyu 16:20-28; Mak 8:30—9:1  
\p
\v 21 Wal Jisas bin dalim olabat nomo blanga dalimbat enibodi hu im,  
\v 22 en imbin tok, “Mi na det Speshalwan Men, en ai garra abum loda trabul, dumaji ola boswan olmen en ola haibala serramonimen en ola lowamen garra ol tjakidawei mi, en dei garra kilim mi ded. Bat thrideistaim ai garra gidap brom dedbala en jidan laibala.” Lagijat na Jisas bin tok langa im wekinmen olabat.   
\p
\v 23 Afta na Jisas bin jingat langa detlot najalot pipul blanga kaman langa im en im wekinmen olabat, en wen deibin kaman langa im, imbin dalim olabat, “If enibodi wandi kaman langa mi, wal im kaan jinggabat im ronselp. Ebridei im garra jidan redi blanga dai blanga mi, en im garra bulurrum mi.\x + \xo 9:23 \xt Meth 10:38; Luk 14:27\x*  
\v 24 En if enibodi jinggabat blanga seibum im ron laif, wal wen im dai, im garra dai olagija. Bat if enibodi lujim im laif blanga mi, wal nomeda im dai, bat stil God garra meigim im jidan laibala.\x + \xo 9:24 \xt Meth 10:39; Luk 17:33; Jon 12:25\x*   
\p
\v 25 “Wal im nogud blanga enibodi if im hipimapbat detmatj enijing blanga im ronselp iya langa dijan wel en im lujim im laif.  
\v 26 En if enibodi sheim blanga mi en det gudnyus main, wal ai garra sheim langa im du wen ai kambek garram det shainiwan lait main garram ola einjul garram detmatj pawa brom main Dedi.   
\p
\v 27 “Trubala ai dalim yumob. Sambala yumob iya bifo yumob dai, yumob garra luk det pawa blanga God wen mi kambek blanga jidan bos brabli.” Lagijat na Jisas bin tok langa detlot pipul.   
\s1 Ilaija en Mosis bin tok langa Jisas  
\r Methyu 17:1-8; Mak 9:2-8  
\p
\v 28 Brom deya nekswik Jisas bin deigim detlot thribala wekinmen blanga im neim Pida, Jon en Jeims, en deibin go ontop langa wan hil blanga prei.   
\p
\v 29 Wal wen Jisas bin preiprei, im feis bin tjeinj, en det klos blanga im bin go brabli shainiwan en brabli waitwan,  
\v 30 en streidawei dubala men bin deya toktok garram im. Det dubala men bin neim Mosis en Ilaija,  
\v 31 en dubala bin luk brabli shainiwan, dumaji dubala bin kaman brom hebin, en dubala bin toktok garram Jisas blanga hau im garra dai langa Jerusalem, dumaji God bin meigim det plen blanga Jisas lagijat na.   
\p
\v 32 Wal Pida en det naja dubala wekinmen bin silip, en wen deibin weikap, deibin luk Jisas bin jidan shainiwan, en deibin luk det naja dubala men jandapbat deya wansaid langa Jisas,  
\v 33 en afta wen det dubala men bin gowei brom Jisas, Pida bin tok, “Bos, gudwei yubin bringimap melabat iya. Wal melabat garra meigim thribala hampi. Wanbala blanga yu en wanbala blanga Mosis en wanbala blanga Ilaija.” Lagijat na Pida bin tok, bat im nomo bin sabi wanim imbin tok.   
\p
\v 34 Wal wen Pida bin stil toktok, wanbala klaud bin kamat langa olabat deya, en det shedo bin gaburrumap olabat, en detlot thribala wekinmen bin bradin wen det klaud bin gaburrumap olabat,  
\v 35 en deibin irrim God tok brom det klaud, “Dijan main san. Aibin pikimat im, en yumob garra lisin langa im.”\x + \xo 9:35 \xt Aisai 42:1; Meth 3:17; 12:18; Mak 1:11; Luk 3:22; 2 Pida 1:17,18\x*   
\p
\v 36 Wal afta wen God bin binij toktok, detlot thribala wekinmen bin luk Jisas bin jandap miselp. En detlot thribala wekinmen bin jidan kwaitwan, en dei nomo bin dalim enibodi wanim deibin luk.   
\s1 Jisas bin deigimat det nogudbala spirit brom insaid det lilboi  
\r Methyu 17:14-18; Mak 9:14-27  
\p
\v 37 Brom deya neksdei Jisas en detlot thribala wekinmen bin godan brom det hil, en loda pipul bin kaman langa Jisas.   
\p
\v 38 Wal wan men hubin deya garram detlot pipul bin kaman langa Jisas, en imbin tok, “Titja, mi askim yu blanga luk main san. Im na main oni san.  
\v 39 En wanbala nogudbala spirit oldei grebum im, en im meigim im jingat en deigim fit, en im meigim spit kamat brom im mawus. Det nogudbala spirit oldei ardimbat im, en im kaan gowei brom im.  
\v 40 Aibin askim yu wekinmen olabat blanga andimwei det nogudbala spirit. Bat dei nomo bin abum det pawa blanga andimwei im.”   
\p
\v 41 Wal wen det men bin tok lagijat, Jisas bin tok, “Wotfo yumob kaan bilib brabliwei? Haulong ai garra stap iya garram yumob? Haulong ai garra kipgon shoumbat yumob?”  
\p En langa det men Jisas bin tok, “Yu bringimap yu san iya.”   
\p
\v 42 Wal wen deibin bringimap det lilboi langa Jisas, det nogudbala spirit bin tjakam det lilboi langa graun, en imbin meigim im deigim fit.  
\p Wal Jisas bin dalim det nogudbala spirit blanga gowei brom det lilboi, en det lilboi bin gudbala na, en Jisas bin gibitbek im langa im dedi,  
\v 43 en wen detlot pipul bin luk det pawa blanga God, deibin ol hatjamp brabliwei.   
\s1 Jisas bin titjimbat im wekinmen olabat  
\r Methyu 17:22,23; Mak 9:30-32  
\p
\v 44 Afta na wen detlot pipul bin stil jinggabat wanim Jisas bin dumbat, imbin tok langa im wekinmen olabat, “Yumob jinggabat dijan wed na. Mi na det Speshalwan Men, en dei garra gibit mi langa detlot men hu garra kilim mi ded.”   
\p
\v 45 Wal detlot wekinmen nomo bin sabi wanim Jisas bin tokinabat, dumaji God bin blandim det wed brom olabat, en deibin bradin blanga askim Jisas blanga dalim olabat wanim imbin tok.   
\s1 Wujan im mowa haibala langa melabat  
\r Methyu 18:1-5; Mak 9:33-37  
\p
\v 46 Afta na detlot wekinmen bin stat agamin gija, en deibin askimbat miselp, “Wujan im mowa haibala langa melabat?”\x + \xo 9:46 \xt Luk 22:24\x*   
\p
\v 47 Wal Jisas bin sabi wanim olabat bin jinggabat, en imbin gajim wanbala lilwan biginini, en imbin meigim im jandap wansaid langa im,\fig |src="CN01734B.TIF" size="col" ref="9:47" \fig*  
\v 48 en imbin tok, “If yu album lilwan biginini dumaji yu laigim mi, wal im jis laik yu album mi. En if yu album mi, wal yu album main Dedi hubin jandim mi du. If yu wandim jidan haibala, wal yu garra meigim miselp lobala.” Lagijat na Jisas bin tok.\x + \xo 9:48 \xt Meth 10:40; Luk 10:16; Jon 13:20\x*   
\p
\v 49 Wal Jon bin tok langa Jisas na, “Bos, melabat bin luk wan men bin andimwei dibuldibul, en imbin yusumbat yu neim. En melabat bin dalim im blanga stap, dumaji im nomo wekinmen blanga yu laik melabat.”   
\p
\v 50 Wal Jisas bin dalim olabat, “Yumob nomo wandi stapam im, dumaji if enibodi nomo tok nogudbalawei blanga mi, wal im langa wi said.”   
\s1 Sambala pipul nomo bin wandim Jisas  
\p
\v 51 Bambai na wen imbin gulijap taim blanga God garra deigimbek Jisas langa hebin, Jisas bin jinggabat blanga go langa Jerusalem,  
\v 52 en imbin jandim sambala wekinmen lida langa im langa wan lilwan taun deya langa det kantri gulum Sameriya blanga meigim ebrijing redi blanga im.  
\v 53 Bat detlot pipul langa det taun nomo bin wandim Jisas blanga jidan deya, dumaji deibin sabi imbin wandi go langa Jerusalem.   
\p
\v 54 Wal wen det dubala wekinmen blanga Jisas neim Jeims en Jon bin luk detlot pipul nomo bin wandim Jisas blanga jidan deya, dubala bin askim im, “Bos, yu wandim minbala garra jingat blanga meigim faiya kamdan brom hebin en barnimap dislot pipul?”\x + \xo 9:54 \xt 2 King 1:9-16\x*   
\p
\v 55 Wal Jisas bin lukaran langa det dubala wekinmen, en imbin graul langa dubala,  
\v 56 en afta im en im wekinmen olabat bin gowei langa najawan taun.   
\s1 Detlot pipul hu wandi bulurrum Jisas  
\r Methyu 8:19-22  
\p
\v 57 Wal wen Jisas en im wekinmen olabat bin wokwok langa roud, wan men bin tok langa Jisas, “Ai garra bulurrum yu ebriweya yu go.”   
\p
\v 58 Wal Jisas bin dalim im, “Detlot wail dog gulum foks garram hol weya dei oldei silip. En ola bard garram olabat nes weya dei oldei silip du. Bat mi det Speshalwan Men, en ai nomo garram eniweya blanga silip en abum spel.”   
\p
\v 59 Wal langa najawan men Jisas bin tok, “Yu bulurrum mi.”  
\p En det men bin tok, “Bos, yu larram mi gobek basdam en lukaftum main dedi raidap im dai en ai berrim im.”   
\p
\v 60 Wal Jisas bin dalim im, “Yu larram ol detlot pipul hu kaan bulurrum mi lukaftum det olmen, en yu go en dalimbat ola pipul blanga det nyubalawei blanga God.”   
\p
\v 61 Afta na najawan men bin tok langa Jisas, “Bos, ai garra bulurrum yu. Bat yu larram mi gobek en askim main femili basdam.”\x + \xo 9:61 \xt 1 King 19:20\x*   
\p
\v 62 Wal Jisas bin dalim im, “If enibodi wandi wek blanga God, en im kipgon jinggabat enikain ting, wal God kaan yusum im blanga dumbat im wek.”   
\c 10  
\s1 Jisas bin pikimat 72 men  
\p
\v 1 Brom deya Jisas bin pikimat 72 men blanga go dubala gija, lida langa im ebriweya langa ol detlot taun weya imbin wandi go,  
\v 2 en imbin dalim olabat, “Loda pipul ebriweya olabat redi blanga bulurrum God. Bat oni lilbit wekinmen blanga dalim olabat hau dei garra bulurrum im.  
\p “Wal yumob garra askimbat God blanga jandim wekinmen blanga dalimbat detlot pipul.\x + \xo 10:2 \xt Meth 9:37,38\x*  
\v 3 En yumob garra go en dalimbat olabat du.  
\p “Wal ai garra jandim yumob langa deinjawan pleis. Im jis laik weya lilwan kidikidi go langa det pleis weya ola wailwan dog jidanbat.\x + \xo 10:3 \xt Meth 10:16\x*  
\v 4 En yumob kaan garrimap mani o beig o but, en yumob kaan stap en tok langa enibodi langa roud.  
\v 5 Yumob garra go streit langa det pleis, en wen yumob gowin langa enibodi haus, yumob kaan tok eniwei. Yumob garra jis tok, ‘God garra meigim yumob jidan gudwei.’ Lagijat na yumob garra tok.  
\v 6 En if det bos blanga det haus nomo agri langa yumob wen yumob tok det wed, wal God kaan album im jidan gudwei. Bat if im agri langa yumob, wal God garra album im,  
\v 7 en yumob garra jidan langa det wan haus. Yumob kaan go eniwei. Oni deya na langa det wanbala haus yumob garra dagadagat daga. Det men im garra lukaftum yumob blanga dagasaid dumaji yumob dumbat wek blanga God.\x + \xo 10:7 \xt 1 Karin 9:14; 1 Tim 5:18\x*   
\p
\v 8 “En wen yumob go langa eni taun en dei welkam yumob, nomeda wanim dei garra gibit langa yumob blanga dagat, bat stil yumob garra dagat.  
\v 9 En yumob garra meigim ola sikbala pipul langa det taun gudbala, en yumob garra dalim ola pipul deya. Yumob garra tok, ‘God wandim yumob blanga bulurrum im brabliwei.’ Lagijat na yumob garra tok.   
\p
\v 10 “En wen yumob go langa eni taun en dei nomo welkam yumob, wal yumob garra go en jandap langa midul langa det roud,  
\v 11 en yumob garra tok, ‘Dijan taun blanga yumob bin dastim melabat, en melabat sheikim ola das brom melabat fut blanga gibit yumob woning. Yumob jinggabat na. God bin wandim yumob blanga bulurrum im brabliwei.’ Lagijat na yumob garra tok.\x + \xo 10:11 \xt Meth 10:7-14; Mak 6:8-11; Luk 9:3-5; Eks 13:51\x*   
\p
\v 12 “Wal ai dalim yumob wekinmen main, wen det taim garra kaman weya God garra jadjim ebribodi, im garra panishim ol detlot nogudbala pipul langa det taun gulum Sadam. Bat im garra panishim brabliwei ol detlot pipul weya nomo welkam yumob.” Lagijat na Jisas bin tok langa detlot 72 men.\x + \xo 10:12 \xt Jen 19:24-28; Meth 10:15; 11:24\x*   
\s1 Detlot taun weya nomo bilib  
\r Methyu 11:20-24  
\p
\v 13 Afta na Jisas bin tok, “Im brabli nogud blanga ola pipul langa det dubala taun gulum Korasin en Bethsaida, dumaji aibin dum loda klebabala ting langa det dubala taun. Bat dei nomo bin bilib langa mi. En if ola nogudbala pipul langa det dubala taun gulum Taya en Saidan bin luk ol detlot klebabala ting weya aibin dum langa Korasin en Bethsaida, dei bina tenim miselp brom det nogudbalawei blanga olabat, en dei bina werrimon det sekbeigwan klos en rabum miselp garram eshis blanga shoum God olabat sori blanga ola nogudbala ting weya deibin dumbat.\x + \xo 10:13 \xt Aisai 23:1-18; Isik 26:1—28:26; Jowal 3:4-8; Eimos 1:9,10; Sek 9:2-4\x*   
\p
\v 14 “Wal wen det taim garra kaman weya God garra jadjim ebribodi, im garra panishim detlot nogudbala pipul langa Taya en Saidan. Bat im garra panishim brabliwei ol detlot pipul langa Korasin en Bethsaida.  
\v 15 En ola pipul langa det taun gulum Kapeniyam reken dei garra go langa hebin du. Bat najing. God garra tjakamdan olabat langa det helfaiya.” Lagijat na Jisas bin tok.\x + \xo 10:15 \xt Aisai 14:13-15\x*   
\p
\v 16 Afta na Jisas bin dalim im wekinmen olabat, “If enibodi lisin langa yumob, wal im lisin langa mi du. En if enibodi nomo teiknodis langa yumob, wal im nomo teiknodis langa mi du. En if im nomo teiknodis langa mi, wal im nomo teiknodis langa main Dedi du.” Lagijat na Jisas bin tok.\x + \xo 10:16 \xt Meth 10:40; Mak 9:37; Luk 9:48; Jon 13:20\x*   
\p
\v 17 Brom deya detlot 72 men bin go langa ol detlot taun, en wen deibin kambek langa Jisas, deibin brabli gudbinji, en deibin tok, “Bos, wen melabat bin yusumbat yu neim, ol detlot dibuldibul bin duwit wanim melabat bin dalim olabat.”   
\p
\v 18 Wal Jisas bin dalim olabat, “Aibin luk Seitin det boswan dibuldibul, en imbin buldan brom hebin jis laik laitining.   
\p
\v 19 “Wal yumob irrim mi na. Ai gibit yumob pawa en meigim yumob bos wulijim yumob gin wok ontop langa sneik en skopiyan, en yumob gin go oba det pawa blanga det enami blanga wi, en nomo enijing kaan ardim yumob.\x + \xo 10:19 \xt Saam 91:13\x*  
\v 20 En nomeda yumob garram det pawa blanga meigim ola nogudwan spirit duwit langa yumob, bat stil yumob kaan gudbinji blanga tharran. Yumob garra gudbinji dumaji God bin raidimdan yumob neim langa hebin.” Lagijat na Jisas bin tok langa detlot 72 men.   
\p
\v 21 Wal det taim na det Holi Spirit bin meigim Jisas brabli gudbinji, en Jisas bin tok langa God na, “Dedi, yu na Bos langa hebin en langa dijan kantri, en ai gibit yu theingks, dumaji loda ting deya yu nomo bin shoum langa detlot pipul hu gulum miselp klebabala. Bat yubin shoum detlot ting langa detlot pipul hu nomo gulum miselp klebabala. Yuwai, main Dedi, yubin dum lagijat na, dumaji yubin wandim lagijat.”   
\p
\v 22 Afta na Jisas bin tok langa ola pipul deya, “Main Dedi bin gibit mi ebrijing. Bat nobodi kaan sabi main Dedi san. Oni main Dedi sabi im san. En nobodi kaan sabi main Dedi du. Oni mi na sabi im, dumaji mi na det san blanga im. En detlot pipul weya ai garra pikimat en shoum main Dedi langa olabat, detlot pipul du garra sabi main Dedi.”\x + \xo 10:22 \xt Jon 3:35; 10:15\x*   
\p
\v 23 Afta na Jisas bin tenaran, en imbin tok langa im wekinmen olabat, “Yumob brabli lakiwan, dumaji yumob luk loda ting weya nobodi bin luk bifo.  
\v 24 Ai dalim yumob. Ol detlot longtaimwan mesinja blanga God en ol detlot longtaimwan bos langa dijan kantri bin ol wandi luk detlot ting. Bat dei nomo bin luk. En deibin wandi irrim wanim yumob irrimbat. Bat dei nomo bin irrim.” Lagijat na Jisas bin tok.   
\s1 Wan lowamen bin wandi trikim Jisas  
\p
\v 25 Brom deya wan lowamen bin kaman langa Jisas blanga trikim im, en imbin tok, “Titja, wanim ai garra dum blanga jidan laibala olagija?”   
\p
\v 26 Wal Jisas bin tok, “Wanim det lowa weya deibin raidimdan langa oltestaman im tok? Wanim yubin ridim deya?”   
\p
\v 27 Wal det lowamen bin tok, “‘Yu garra laigim God brabliwei. Yu garra gibit miselp laif langa im. Holbit yu garra gibit miselp langa im. En yu garra abum filing oni blanga im, en yu garra jinggabat im oldei langa yu main, en yu garra adwek blanga im.’ En ‘Yu garra laigim ola najalot pipul brabliwei jis laik yu laigim miselp.’” Lagijat na det lowamen bin tok.\x + \xo 10:27 \xt Labid 19:18; Dyud 6:5 \x*   
\p
\v 28 Wal Jisas bin tok, “Trubala tharran yu tok. En if yu duwit, wal yu garra jidan laibala olagija.”\x + \xo 10:28 \xt Labid 18:5; Mak 12:28-34\x*   
\p
\v 29 Wal det lowamen bin wandi bekat na, en imbin askim Jisas, “Wal hu najalot pipul ai garra laigim?”   
\p
\v 30 Wal Jisas bin tok, “Wantaim wan men bin gowei brom Jerusalem blanga go langa det najawan taun gulum Jeriko, en wen imbin wokwok langa roud, sambala men bin grebum im, en deibin beldim im, en deibin pulumat im ola enijing, en deibin kilim im haf ded, en deibin libum im deya wansaid langa det roud.   
\p
\v 31 “Bambai na wan serramonimen bin wokwok langa det seimwan roud, en wen imbin luk det hafdedwan men, imbin gopas det said langa det roud.  
\v 32 En lagijat gin wan men brom det Libai klen hubin wekinmen blanga detlot serramonimen bin wokwok langa det seimwan roud, en wen imbin luk det hafdedwan men, imbin go en lukinat langa im gulijap. Bat im nomo bin dum enijing blanga album det men. Imbin jis wokawei brom det hafdedwan men.   
\p
\v 33 “Bambai na wan men bin brom det kantri gulum Sameriya bin wokwok langa det seimwan roud. Im nomo bin kantrimen blanga det hafdedwan men seimwei laik det naja dubala. Bat wen imbin luk det men leidanbat deya, imbin fil sori blanga im,  
\v 34 en imbin go langa im, en imbin pudum det oil en wain medisin langa im, en imbin bendijimap im, en afta imbin pikimap det men, en imbin pudum im ontop langa im ronwan dongki, en imbin deigim im langa wan haus, en imbin maindimbat im deya.\x + \xo 10:34 \xt 2 Kran 28:15\x* \fig |src="GTLk1034GoodSamaritanW.tif" size="col" ref="10:34" \fig*   
\p
\v 35 “Ailibala neksdei na det Sameriya men bin gibit sambala mani langa det boswan blanga det haus, en imbin dalim det boswan, ‘Yu maindim det men, en wen ai kambek, ai garra peiyim yu blanga enijing weya yubin dum blanga im.’”   
\p
\v 36 Wal Jisas bin askim det lowamen na, “Wujan men brom detlot thribala men bin laigim det hafdedwan men?”   
\p
\v 37 En det lowamen bin tok, “Det men hubin album im.”  
\p En Jisas bin tok, “Wal yu garra go en dumbat lagijat du.”   
\s1 Dubala sista neim Matha en Meri  
\p
\v 38 Bambai na Jisas en im wekinmen olabat bin kamat langa det lilwan taun weya det gel neim Matha bin jidan, en det gel bin welkam olabat langa im haus.   
\p
\v 39 Wal det gel bin abum sista neim Meri, en Meri bin jidan deya lisinbat langa Jisas wen imbin titjimbat ola pipul langa det haus,\x + \xo 10:39 \xt Jon 11:1\x*  
\v 40 en im sista Matha bin nogudbinji, dumaji imbin dumbat ola wek miselp.  
\p Wal Matha bin kaman langa Jisas, en imbin tok, “Bos, wotfo yu nomo jinggabat mi? Main sista bin libum ola wek langa mi blanga dum. Wal yu dalim im blanga kaman en album mi.”   
\p
\v 41 Wal Jisas bin tok, “Matha, yu oldei jinggabat en wori blanga olkain ting.  
\v 42 Oni wanbala ting yu garra jinggabat. En yu sista Meri bin sabi det rait ting, en nobodi kaan deigidawei det ting brom im.”   
\c 11  
\s1 Jisas bin titjim im wekinmen olabat blanga prei  
\r Methyu 6:9-13; 7:7-11  
\p
\v 1 Bambai na wandei Jisas bin preiprei, en wen imbin binij, wanbala wekinmen blanga im bin askim im, “Bos, Jon Beptis bin titjim im wekinmen olabat blanga prei. Wal wotabat yu titjim melabat blanga prei du.”   
\p
\v 2 Wal Jisas bin dalim im wekinmen olabat, “Wen yumob prei, yumob garra tok lagijat,\fig |src="prayer.tif" size="col" ref="11:2" \fig*  
\q1 ‘Dedi langa hebin,  
\q2 yu neim im brabli haibala,  
\q2 en melabat nomo wandim enibodi garra yusum yu neim nogudbalawei.  
\q1 Melabat wandim yu garra kaman en jidan bos langa melabat.   
\q1
\v 3 Melabat askim yu blanga gibit melabat daga blanga dagat tudei.   
\q1
\v 4 Melabat bin larramgo fri detlot pipul hubin dumbat nogudbala ting langa melabat,  
\q2 en melabat askim yu blanga larramgo melabat fri du.  
\q1 Melabat askim yu nomo blanga larram enijing testimbat melabat brabli adbalawei.’  
\m Lagijat na yumob garra prei.”   
\p
\v 5 Wal Jisas bin dalim dislot wed langa im wekinmen olabat du, “If wanbala brom yumob go langa im fren haus midulnait, en yu askim im,  
\v 6 ‘Fren, yu gibit mi thribala daga, dumaji wan fren main bin kaman langa main haus brom longwei, en ai nomo garram eni daga blanga gibit im.’  
\v 7 Wal wanim yumob reken? Det fren blanga yu garra tok, ‘Yu nomo kaman en weikimapbat mi. Aibin lokimap det dowa na, en ola biginini main olabat silip. Ai kaan gidap en gibit yu enijing.’ Yumob reken im garra tok lagijat? Nomo. Im kaan tok lagijat.  
\v 8 Ai dalim yumob. If im kaan gidap en gibit yu det daga nomeda yu fren blanga im, wal im garra gidap en gibit yu det daga dumaji im nomo wandi meigim miselp sheim.   
\p
\v 9-10 “Wal ai dalim yumob na. Yumob garra askim God blanga enijing, en yumob garra gedim det ting, dumaji enibodi hu askim God blanga enijing garra gedim det ting. En yumob garra lukabat enijing, en yumob garra faindim det ting, dumaji enibodi hu lukabat enijing garra faindim det ting. En yumob garra nok langa eni dowa, en det dowa garra opin blanga yumob, dumaji God garra opin det dowa blanga enibodi hu nok langa det dowa.   
\p
\v 11 “Yumob jinggabat na. Wen yumob san askim yumob blanga fish, wanim yumob gibit olabat? Yumob gibit olabat jigiwan sneik o yumob gibit im fish?  
\v 12 En wen yumob san askim yumob blanga eig, wanim yumob gibit olabat? Yumob gibit olabat skopiyan o yumob gibit olabat eig?   
\p
\v 13 “Yumob sabi na? Nomeda yumob nogudbala, bat stil yumob sabi blanga gibit yumob biginini olabat gudbala ting. En yumob sabi yumob Dedi langa hebin im gudbala, en im oldei gibit brabli gudbala ting langa detlot pipul hu askim im. En if yumob askim im, wal im garra gibit yumob det Holi Spirit blanga im.” Lagijat na Jisas bin tok.   
\s1 Jisas en det boswan dibuldibul  
\r Methyu 12:22-30; Mak 3:20-27  
\p
\v 14 Wal wantaim Jisas bin andimwei dibuldibul brom insaid langa wan men. Det dibuldibul nomo bin oldei larram det men tok. Bat wen Jisas bin andimwei det dibuldibul, det men bin tok na, en ola pipul bin hatjamp.   
\p
\v 15 Bat sambala pipul bin tok, “Det boswan dibuldibul neim Belsibul bin gibit Jisas det pawa blanga andimwei dibuldibul.”\x + \xo 11:15 \xt Meth 9:34; 10:25\x*   
\p
\v 16 En najalot pipul bin wandi trikim Jisas, en deibin askim im blanga dum klebabala ting blanga shoum olabat sain brom God.\x + \xo 11:16 \xt Meth 12:38; 16:1; Mak 8:11\x*   
\p
\v 17 Bat Jisas bin sabi wanim olabat bin jinggabat, en imbin dalim olabat, “If ola pipul langa eni traib kadimat miselp en fait gija, wal detlot pipul blanga det traib garra binijimap miselp. En if ola femili langa wan kemp kadimat miselp en fait gija, wal det femili garra binijimap miselp du.  
\v 18 En im lagijat gin garram Seitin. If Seitin en im dibuldibul olabat kadimat miselp en fait gija, wal dei garra binijimap miselp gin, en afta Seitin kaan jidan bos.  
\p “Wal yumob bin tok mi andimwei dibuldibul garram det pawa brom Belsibul.  
\v 19 Bat if mi andimwei olabat garram det pawa brom Belsibul, wal wotabat detlot wekinmen blanga yumob. Dei garram det seimwan pawa laik mi blanga andimwei dibuldibul. En brom weya deibin gedim det pawa?  
\p “Yumob sabi? Yumob ronwan wekinmen olabat shoum yumob rong wen yumob tok det pawa bin kaman brom Belsibul.  
\v 20 Det pawa weya ai garram blanga andimwei dibuldibul bin kaman brom God, en det pawa shoum yumob God im iya olredi langa yumob.   
\p
\v 21 “Wal yumob jinggabat na. Wen strongwan men jidan en maindimbat im haus garram im spiya en naif redibala, nobodi kaan gowin langa det haus en stilim enijing.  
\v 22-23 Bat if brabli strongbala men kaman en fait langa im, det brabli strongbala men garra bidim im, en im garra deigidawei det spiya en naif en ola enijing blanga im. En im lagijat na wen mi andimwei dibuldibul.\x + \xo 11:22-23 \xt Mak 9:40\x*   
\p
\v 24 “Wal yumob jinggabat na. Wen enibodi andimwei nogudwan spirit brom insaid langa sambodi, det nogudwan spirit garra go ebriweya lukabat pleis blanga jidan. En if det nogudwan spirit kaan faindim pleis blanga jidan, im garra tok miselp, ‘Ai garra gobek langa det seim sambodi weya aibin jidan basdam.’  
\v 25 En wen det nogudwan spirit gobek langa det sambodi, im faindim det sambodi brabli klinwan en taidiwan insaid,  
\v 26 en det nogudwan spirit im gowei, en im gajim naja sebenbala spirit mowa nogudwan, en dei ol kaman en jidan insaid langa det sambodi. En wen dei dum lagijat, det sambodi im brabli nogudwan na, nomo laik bifo wen imbin abum oni det wanbala nogudwan spirit insaid langa im.  
\p “Wal yumob irrim mi na. If enibodi nomo langa main said, wal im fait langa mi. En if enibodi nomo album mi majurrumap pipul langa God, wal det sambodi andimwei olabat brom God.”  
\v 27 Lagijat na Jisas bin tok langa ol detlot pipul.  
\p Wal afta na wan gel bin jingat langa im, “Yu mami im brabli lakiwan imbin abum san laik yu.”   
\p
\v 28 Wal Jisas bin tok, “Trubala tharran yubin tok. Bat detlot pipul hu irrim det wed blanga God en duwit, olabat na brabli lakiwan.”   
\p
\v 29 Wal Jisas bin kipgon tok langa detlot pipul hubin majurrumap miselp langa im, “Loda pipul iya tudei olabat brabli nogudbala, en dei wandi luk klebabala ting. Bat God kaan shoum olabat klebabala ting. Dei garra jinggabat det klebabala ting weya God bin dum langa det speshalwan mesinja blanga im neim Jona.\x + \xo 11:29 \xt Meth 16:4; Mak 8:12\x*  
\v 30 Det mesinja bin gibit woning langa detlot pipul langa det taun gulum Ninaba.  
\p “En lagijat du ai gibit woning langa ola pipul iya tudei.\x + \xo 11:30 \xt Jon 3:4\x*  
\v 31-32 Wen det taim garra kaman weya God garra jadjim ebribodi, ola pipul brom Ninaba garra jandap, en dei garra pudum bleim langa yumob, dumaji olabat bin libum detlot nogudbala ting weya deibin dumbat wen Jona bin gibit olabat det woning. Bat yumob nomo bin libum det nogudbalawei blanga yumob.  
\p “En det gel hubin jidan bos blanga det kantri gulum Shiba garra jandap en pudum bleim langa yumob du, dumaji imbin kaman longwei brom im kantri blanga irrim det King Salaman dalimbat im olkainaba klebabala wed brom God, en imbin duwit langa detlot wed. Bat yumob nomo bin duwit langa det wed weya yumob bin irrim.  
\p “Wal ai dalim yumob. Sambodi iya langa yumob tudei im mowa haibala langa Jona en im mowa haibala langa King Salaman du.\x + \xo 11:31-32 \xt 1 King 10:1-10; 2 Kran 9:1-12; Jon 3:5\x*   
\p
\v 33 “Wal yumob jinggabat na. Nobodi kaan laidim lemp en blandim. Yu kaan pudum det lait andanith langa baskit. Yu garra pudum im langa top weya ola pipul gin luk det lait wen dei gowin insaid.\x + \xo 11:33 \xt Meth 5:15; Mak 4:21; Luk 8:16\x* \fig |src="HK00152B.TIF" size="col" ref="11:33" \fig*  
\v 34 En det dubala ai blanga yu, dubala jis laiga lemp blanga yu. Wen det dubala ai gudwan, yu gin luk det lait brabliwei. Bat wen dubala nogudwan, yu kaan luk det lait gudwei, en ebrijing im jidan dakbala.  
\v 35 Wal yu garra meiksho yu gin luk det lait brabliwei, dumaji yu nomo wandi jidan dakbala.   
\p
\v 36 “Yumob sabi? Det wed blanga God im jis laiga lait. En ai nomo bin blandim det lait brom yumob. En if yumob abum det lait langa yumob laif brabliwei nomo garram eni shedo, wal yumob garra jidan brabli gudwei jis laik weya yumob luk gudwei wen det lemp im lait braitwan.” Lagijat na Jisas bin tok langa detlot pipul.   
\s1 Jisas bin tok langa serramonimen en lowamen  
\p
\v 37 Afta na wen Jisas bin binij toktok, wan serramonimen deya gulum Ferasi bin askim im blanga go en dagat daga langa im kemp, en Jisas bin go garram im,  
\v 38 en det serramonimen bin hatjamp wen imbin luk Jisas nomo bin klinim im bingga bifo imbin dagat.   
\p
\v 39 Wal Jisas bin dalim det serramonimen, “Ol yumob serramonimen oldei klinimbat yumob kap en pleit en ebrijing. Bat yumob nomo klinbala. Yumob jidan brabli klinwan atsaidwei. Bat insaidwei yumob brabli gridibala en nogudbala.  
\v 40 Yumob granggibala! God bin meigim det atsaidpat, en imbin meigim det insaidpat langa yu du.  
\v 41 En if yu gibit ebrijing brom yu hat langa ola po pipul, wal God garra meigim ebrijing klinbala blanga yu.   
\p
\v 42 “Yu irrim mi na. Im garra brabli nogud blanga ol yumob serramonimen. Nomeda yumob oldei gibit haf ola enijing blanga yumob langa ofring, bat stil yumob nomo tridimbat ola pipul raitwei en yumob nomo laigim God brabliwei. Wal yumob garra tridimbat ola pipul brabliwei en laigim God brabliwei, en yumob garra kipgon gibitbat det ofring du.\x + \xo 11:42 \xt Labid 27:30\x*   
\p
\v 43 “Ai dalim yu. Im garra brabli nogud blanga ol yumob serramonimen, dumaji yumob oldei laigim jidan langa gudwan pleis deya insaid langa det Juwish Miting Pleis, en yumob oldei wandim ola pipul garra rispek yumob langa ebri shop wulijim ebribodi gin luk en sabi yumob haibala men.   
\p
\v 44 “Wal im garra brabli nogud blanga yumob, dumaji yumob jis laiga greibyad weya nobodi sabi. Nobodi kaan luk det greib, en wen dei wok ontop langa det greib, dei nomo sabi det greib im deya garram det nogudwan bodi insaid.  
\p “Yumob sabi? Atsaidwei yumob luk gudwan. Bat insaidwei yumob nogudwan.” Lagijat na Jisas bin tok langa det serramonimen.   
\p
\v 45 Wal wan lowamen deya bin dalim Jisas, “Titja, wen yu tok lagijat, yu tok nogudwei langa melabat.”   
\p
\v 46 Wal Jisas bin dalim det lowamen, “Im garra brabli nogud blanga ol yumob lowamen du, dumaji yumob oldei meigim det lowa brabli adbala blanga ola pipul, en yumob nomo dum enijing blanga album olabat.\fig |src="GTLuke1146HeavyBurden.tif" size="col" ref="11:46" \fig*   
\p
\v 47 “Bambai im garra brabli nogud blanga yumob. Yumob grengrenfatha olabat bin oldei kilimbat ded ola speshalwan mesinja blanga God, en afta yumob oldei abum serramoni blanga makam detlot greib blanga detlot mesinja.  
\v 48 En nomeda yumob makam detlot greib, bat stil yumob agri langa yumob grengrenfatha weya deibin kilimbat ded detlot mesinja.   
\p
\v 49 “Wal God bin sabi yumob grengrenfatha olabat garra kilimbat ded detlot speshalwan mesinja blanga im, dumaji longtaim langa oltestaman imbin tok, ‘Ai garra jandim ol detlot speshalwan mesinja en speshalwan mishanri langa detlot pipul, en detlot pipul garra kilim sambala ded en gibit sambala adtaim.’   
\p
\v 50-51 “Wal God garra panishim ola pipul hu jidanbat tudei. Im garra peibek blanga ol detlot mesinja weya deibin kilimbat ded brom det taim wen God bin meigim ebrijing en deibin kilimbat ded Eibul raidap weya deibin kilimbat ded Sekaraiya rait langa midul langa det Serramoni Pleis blanga ola Juwish pipul. Deibin kilim im ded langa midul langa det Seikridwan Pleis en det teibul blanga ofring.  
\p “Trubala ai dalim yumob. God garra panishim ola pipul hu jidanbat tudei blanga peibek blanga ol detlot mesinja weya deibin kilimbat ded longtaim.\x + \xo 11:50-51 \xt Jen 4:8; 2 Kran 24:20,21\x*   
\p
\v 52 “Trubala im garra brabli nogud blanga ol yumob lowamen. Yumob sabi det wei blanga God. Bat yumob nomo bulurrum det wei. En yumob nomo larram ola najalot pipul bulurrum det wei du.” Lagijat na Jisas bin tok langa det lowamen.   
\p
\v 53 Brom deya Jisas bin gowei brom det haus blanga det serramonimen, en brom det taim na ola serramonimen en ola lowamen bin oldei tok adbalawei langa Jisas,  
\v 54 en deibin oldei askimbat im olkain ting, dumaji deibin wandi trikim im en irrim im tok rongwei.   
\c 12  
\s1 Blanga hu yu garra bradin  
\r Methyu 10:26,27  
\p
\v 1 Wal bigismob pipul bin majurrumap miselp langa Jisas na. Detmatj pipul bin deya, en deibin oldei bambumbat miselp, en det namba blanga olabat bin thausen en thausen.  
\p Wal Jisas bin tok basdam langa im wekinmen olabat, “Yumob garra wotjim miselp blanga det wei blanga detlot serramonimen gulum Ferasi, dumaji olabat tufeis. Dei oldei dum gudwan ekshan atsaidwei blanga gaburrumap ola nogudwan ting weya dei oldei dumbat.\x + \xo 12:1 \xt Meth 16:6; Mak 8:15\x*  
\v 2 Enijing weya yumob trai en gaburrumap, God garra meigim det ting kamat, en yumob kaan blandim enijing weya nobodi kaan sabi.\x + \xo 12:2 \xt Mak 4:22; Luk 8:17\x*  
\v 3 En enijing yumob tok snikinwei naitaim garra kamat langa opin, en ebribodi garra irrim wanim yubin tok, en enijing yumob tok kwaitwei insaid langa haus garra kamat laudwan atsaid brom det haus.   
\p
\v 4 “Main fren olabat, yumob irrim mi na. Yumob nomo wandi bradin blanga detlot pipul hu gin kilim yumob ded oni wantaim. Dei gin kilim det bodi blanga yumob. Bat afta dei kaan dum enijing mowa langa yumob.   
\p
\v 5 “Ai dalim yumob blanga hu yumob garra bradin. Yumob garra bradin langa God, dumaji im gin kilim yumob ded, en afta im gin tjakam yumob langa det helfaiya. Trubala ai dalim yumob. Oni blanga im na yumob garra bradin.   
\p
\v 6 “Ebribodi sabi ol detlot lilwan bard dei nomo bigwan ting. Dei nomo kos loda mani. Yumob gin baiyim faibala blanga lilwan prais. Bat God im stil jinggabat blanga detlot bard.  
\v 7 En God im jinggabat yumob du, en im sabi ebrijing blanga yumob. Im sabi haumeni heya yumob garram langa yumob hed.  
\p “Yumob sabi? Yumob kaan bradin blanga enibodi, dumaji yumob laif mowa bigwan ting langa ol detlot lilwan bard.   
\p
\v 8 “Wal ai dalim yumob. If enibodi tok gudbalawei blanga mi langa ola pipul, wal ai garra tok gudbalawei blanga im langa ola einjul wen God garra jadjim ebribodi.  
\v 9 Bat if enibodi tok nogudbalawei blanga mi langa ola pipul, wal ai garra tok nogudbalawei blanga im langa ol detlot einjul.   
\p
\v 10 “En if enibodi tok nogudbalawei blanga mi, wal God gin larramgo im fri brom det ting. Bat if enibodi tok nogudbalawei blanga det Holi Spirit, wal God kaan larramgo im fri brom tharran.\x + \xo 12:10 \xt Meth 12:32; Mak 3:29\x*   
\p
\v 11-12 “Wal yumob irrim mi na. Wen dei deigim yumob eniweya langa serramonimen o gabman bos blanga kotimbat yumob, wal yumob kaan wori blanga wanim yumob garra tok, dumaji wen im taim blanga yumob blanga tok, det Holi Spirit na garra dalim yumob wanim yumob garra tok.” Lagijat na Jisas bin tok langa im wekinmen olabat.\x + \xo 12:11-12 \xt Meth 10:19,20; Mak 13:11; Luk 21:14,15\x*   
\s1 Stori blanga ritjmen  
\p
\v 13 Wal wan men deya langa detlot bigmob pipul bin tok langa Jisas na, “Titja, yu dalim main braja blanga gibit mi haf ol detlot enijing weya minbala dedi bin libum wen imbin dai.”   
\p
\v 14 Wal Jisas bin dalim det men, “Main fren, hubin gibit mi det rait blanga jadjim yunbala en meigim yu braja gibit yu haf ol detlot enijing weya yunbala dedi bin libum?”   
\p
\v 15 Wal Jisas bin tok langa ola pipul na, “Yumob garra wotjim miselp. Yumob kaan jidan gridi blanga olkain ting, dumaji nomeda haumatj ting yumob gajim, bat stil detlot ting kaan meigim yumob sedisfaid.”   
\p
\v 16 Afta na Jisas bin dalim olabat dijan stori, “Wan ritjmen bin abum fam, en imbin growimap loda daga langa det fam,  
\v 17 en afta imbin tok miselp, ‘Ai nomo garram naf haus blanga hipimap ola daga main. Wanim ai garra dum?  
\v 18 Ai sabi wanim ai garra dum. Ai garra pulumdan ola lilwan haus main en bildimap bigmob bigwan haus, en afta ai gin hipimap ola daga en enijing main deya na,  
\v 19 en ai gin dalim miselp, mi brabli lakiwan men, dumaji ai garram ebrijing ai wandim, en ai gin jidanbat en dagadagat en dringgimbat en abumbat gudtaim.’ Lagijat na det ritjmen bin tok miselp. \fig |src="AP-08-05.tif" size="col" ref="12:19" \fig*  
\v 20 Bat God bin tok langa im lagijat, ‘Yu granggibala! Tunait na yu garra dai. En hu garra gedim ol detlot ting weya yubin hipimapbat blanga yuselp?’”   
\p
\v 21 Afta na Jisas bin tok, “Wal im lagijat na langa detlot pipul hu pailimapbat olkain ting blanga olabat ronselp. Olabat nomo ritj langa Godwei.”   
\s1 Yu kaan wori  
\r Methyu 6:25-34  
\p
\v 22-23 Afta na Jisas bin tok langa ola wekinmen blanga im, “Yumob irrim mi na. Yumob nomo wandi wori en oldei jinggabat weya yumob garra faindim daga blanga dagadagat. En yumob nomo wandi wori en oldei jinggabat weya yumob garra faindim klos blanga werrimon, dumaji God nomo bin gibit yumob laif jis blanga dagat daga. En im nomo bin gibit yumob bodi jis blanga werrimon klos.   
\p
\v 24 “Yumob jinggabat detlot bard. Dei nomo growimap gadin blanga gajim daga, en dei nomo garram haus blanga pailimap olabat daga. God fidimbat olabat. En yumob mowa haibala langa detlot bard.   
\p
\v 25 “Wal wanim yumob reken? Yumob gin wori en meigim miselp jidan laibala longtaim?  
\v 26 Najing. Yumob kaan meigim miselp jidan laibala longtaim. Wal wotfo yumob wori blanga olkain ting?   
\p
\v 27 “Yumob jinggabat detlot purdiflawa. Dei nomo wek adbala blanga meigim det kala blanga olabat. Ai dalim yumob. King Salaman bin brabli ritjmen, en imbin abum olkainaba purdiwan klos.\x + \xo 12:27 \xt 1 King 10:4-7; 2 Kran 9:3-6\x*  
\v 28 Bat detlot klos blanga im nomo bin purdiwan laik ol detlot purdiflawa, dumaji God gibit detlot purdiflawa det kala. Nomeda det purdiflawa im laibala tudei en neksdei im binij, bat stil God gibit det kala langa im. En if God oldei dum lagijat langa purdiflawa, wal im garra lukaftum yumob du. Wal wotfo yumob nomo bilib langa im brabliwei?   
\p
\v 29 “Yumob nomo wandi wori blanga daga en dringk. Yumob nomo wandi jinggabat oldei wanim yumob garra dagadagat en dringgimbat.  
\v 30 Ol detlot pipul hu nomo bilib langa God oldei jinggabat detkain ting. Bat yumob Dedi langa top im sabi wanim yu wandim. Im sabi yu garra abum daga en dringk en klos blanga jidan laibala langa dijan kantri.  
\v 31 Wal yumob garra jinggabat God en bulurrum det wei blanga im, en im na garra gibit yumob ol detlot ting weya yumob wandim.   
\p
\v 32 “Main fren olabat, yumob nomo wandi bradin, dumaji yumob Dedi langa top bin gudbinji blanga yumob, en im garra larram yumob jidan garram im.   
\p
\v 33 “Wal yumob garra selim ola enijing yumob garram, en yumob garra gibit ola mani langa ola po pipul, dumaji yumob garra gedim det prais langa hebin weya kaan go nogud. Yumob garra hipimapbat ola enijing blanga yumob langa hebin weya detlot enijing kaan binij. Detlot enijing deya kaan binij, dumaji nobodi kaan stilimbat enijing deya, en nomo enijing kaan dagat detlot ting du.   
\p
\v 34 “Yumob jinggabat na. Pipul oldei jinggabat ola enijing blanga olabat, en dei oldei wandi go weya ola enijing blanga olabat jidan.  
\p “Yumob sabi wanim mi toktok? If yumob wandi jinggabat God, wal yumob garra hipimapbat ola enijing blanga yumob langa hebin.” Lagijat na Jisas bin tok langa im wekinmen olabat.   
\s1 Yu garra meigim miselp redi  
\p
\v 35-36 Wal Jisas bin kipgon tok langa im wekinmen olabat, “Wal yumob garra meigim miselp redibala jis laik detlot wekinmen weya dei weit blanga olabat bos. Dei abum olabat lait redibala, en dei weidabat blanga det bos blanga kambek brom det weding padi. En wen det bos kambek en noknok langa det dowa, detlot wekinmen garra opinim det dowa streidawei.\x + \xo 12:35-36 \xt Meth 25:1-13; Mak 13:34-36\x*  
\v 37 Detlot wekinmen hu jidanbat weik en weidabat blanga det bos garra kambek, wal olabat na garra gudbinji wen im kambek.  
\p “Ai dalim yumob. Wen det bos faindim olabat weidabat blanga im, wal im garra deigimat im kout en dalim olabat blanga jidan, en im garra gibit olabat daga na.  
\v 38 Nomeda im kambek midulnait o maitbi gulijap deilait, bat stil detlot wekinmen garra gudbinji if im faindim olabat redi blanga im.   
\p
\v 39 “Wal yumob jinggabat na. If det boswan blanga det haus sabi wotaim sambodi garra kaman en stilim enijing brom im haus, wal det boswan kaan silip en larram det sambodi stilim det ting.   
\p
\v 40 “Yumob sabi wanim mi toktok? Mi na det Speshalwan Men, en nobodi sabi wotaim ai garra kambek. Wal yumob garra meigim miselp redi, dumaji ai mait kambek enitaim weya yumob nomo sabi.” Lagijat na Jisas bin tok.\x + \xo 12:40 \xt Meth 24:43,44\x*   
\p
\v 41 Wal Pida bin tok langa Jisas na, “Bos, yu dalimbat dijan stori oni blanga melabat yu wekinmen o yu dalimbat blanga enibodi?”   
\p
\v 42 Wal Jisas bin tok, “Wujan wekinmen langa dijan najawan stori im gudwan en klebabala? Yumob jinggabat na. Wen det bos blanga det haus gowei, im pikimat wanbala wekinmen blanga lukaftum ola najalot wekinmen en wekingel,  
\v 43 en det boswan wekinmen garra gudbinji if det bos blanga im kambek en faindim imbin dum ebrijing weya imbin dalim im.   
\p
\v 44 “Ai dalim yumob. If det bos faindim im lagijat, im garra meigim det wekinmen jidan bos blanga ebrijing blanga im.  
\v 45 Bat if det boswan wekinmen reken det bos blanga im garra gowei longtaim, en im beldimbat detlot najalot wekinmen en wekingel, en im stat dagadagat en dringgimbat en im meigim miselp drangginbala, wal det bos blanga im garra kambek wen im nomo sabi im garra kambek.  
\v 46 Det wekinmen kaan sabi wotaim im bos garra kambek. En wen det bos kambek en faindim im lagijat, wal det bos garra kilim im ded seimwei laik ol detlot najalot pipul hu nomo bin bilib en duwit langa im.   
\p
\v 47 “Yumob sabi? Wen eni wekinmen sabi wanim im bos wandim im blanga dum, en im nomo meigim miselp redi en duwit, wal im garra gedim haiding brabliwei.  
\v 48 En wen eni wekinmen nomo sabi wanim im bos wandim im blanga dum, en im nomo dum wanim im wandim, wal nomeda im nomo bin sabi, bat stil im garra gedim haiding du. Bat oni lilwan haiding im garra gedim, dumaji im nomo bin sabi.  
\p “Yumob irrim mi na. If dei meigim yumob haiwan, wal yumob garra duwit. En if dei meigim yumob brabli haiwan, wal stil yumob garra duwit, dumaji wen yumob sabi mowa en mowa, yumob garra duwit mowa en mowa.   
\p
\v 49 “Wal aibin kaman blanga meigim ebribodi jinggabat wujei dei garra go. En dijan ting garra meigim trabul langa ebri kantri jis laiga faiya. En ai reken mobeda dijan ting bin go ebriweya olredi.  
\v 50 Bat ai garra abum main trabul langa det kros basdam. En mi nogud na, dumaji det trabul main nomo bin binij yet.\x + \xo 12:50 \xt Mak 10:38\x*   
\p
\v 51 “Wal maitbi yumob reken aibin kaman blanga meigim ebribodi jidan gudwei. Nomo. Aibin kaman blanga meigim ebribodi kadimat miselp.  
\v 52 Brom tudei na wen yu faindim faibala pipul langa wanbala haus, dei garra kadimat miselp, dumaji sambala bulurrum mi en sambala nomo bulurrum mi. Thribala garra fait langa dubala, en det dubala garra fait langa det thribala.  
\v 53 Det dedi garra fait langa im san, en det san garra fait langa im dedi. En det mami garra fait langa im doda, en det doda garra fait langa im mami. En det mamiwan garra fait langa im gajin du.” Lagijat na Jisas bin tok langa im wekinmen olabat.\x + \xo 12:53 \xt Maika 7:6\x*   
\p
\v 54 Afta na Jisas bin tok langa ol detlot pipul deya, “Wen yumob luk det klaud kaman brom sangodanwei, streidawei yumob tok, ‘Im garra rein.’ En im rein.  
\v 55 En wen yumob luk det win kaman brom sauthwei, yumob tok, ‘Im garra hot.’ En im go hot.   
\p
\v 56 “Yumob granggibala! Yumob gin luk dijan kantri en det skai en sabi wanim det win en rein garra dum. Wal wotfo yumob kaan irrim wanim God bin tok en sabi wanim im garra dum?  
\v 57 Yumob wandi jinggabat yumob ronselp wanim det raitwei.   
\p
\v 58-59 “Yumob jinggabat na. If yu dumbat nogudbala ting langa enibodi, en im wandi deigim yu langa kot, wal mobeda yu streitinimap det ting langa im bifo im deigim yu langa kot, dumaji if yu nomo streitinimap det ting langa im, wal im garra deigim yu langa kot, en dei garra faindim yu gilti, en det blijiman garra pudum yu langa jeil, en yu garra jidanbat deya raidap yu taim im binij.  
\p “Yumob sabi? Yumob garra jinggabat wanim God garra dum.” Lagijat na Jisas bin tok.   
\c 13  
\s1 Tenim miselp brom det nogudbalawei  
\p
\v 1 Afta na sambala pipul deya bin dalim Jisas blanga sambala kantrimen blanga im brom Gelali. Wen detlot kantrimen blanga im bin abum sekrifais serramoni blanga God, det gabman bos neim Pailat bin kilim olabat ded.   
\p
\v 2 Wal Jisas bin dalim detlot pipul, “Wanim yumob reken? Detlot pipul hubin dai bin brabli nogudbala pipul en ola najalot pipul hu nomo bin dai bin gudbala pipul?  
\v 3 Nomo. Ai dalim yumob. If yumob nomo tenim miselp brom yumob nogudbalawei, wal yumob garra ol dai jis laik olabat bin dai.   
\p
\v 4 “En wanim yumob reken blanga detlot 18 pipul hubin dai wen det haibala haus wansaid langa det krik gulum Sailowam bin buldan en kilim olabat ded? Yumob reken olabat bin brabli nogudbala pipul en ola najalot pipul deya langa Jerusalem bin gudbala pipul?  
\v 5 Nomo. Ai dalim yumob. If yumob nomo tenim miselp brom yumob nogudbalawei, wal yumob garra ol dai jis laik olabat bin dai.”   
\p
\v 6 Afta na Jisas bin dalim olabat dijan stori blanga meigim olabat jinggabat weya God gibit olabat taim. Imbin tok, “Wantaim wan men bin abum wan tri langa im gadin, en imbin go en lukabat det daga langa det tri. Bat im nomo bin faindim enijing.  
\v 7 En imbin dalim im wekinmen, ‘Yu luk det tri deya. Fo 3 yiya aibin kaman en lukinat det tri if im garram daga. Bat ai nomo bin faindim. Wal yu kadimdan det tri na. Im nogud det tri yusumbat ola gudwan graun fo najing.’  
\v 8 Bat det wekinmen bin tok, ‘Bos, yu libum det tri wanmo yiya, en yu larram mi grajim det graun en miksimap garram minyuwa.  
\v 9 En if det tri abum daga neksyiya, wal gud. Bat if najing, wal yu gin kadimdan im.’” Lagijat na Jisas bin tok blanga meigim olabat jinggabat.   
\s1 Jisas bin meigim kripulwan gel gudwan  
\p
\v 10 Afta na wan Sebathdei Jisas bin titjimbat ola pipul insaid langa det Juwish Miting Pleis blanga olabat,  
\v 11 en wan gel bin deya hubin abum nogudbala spirit, en det spirit bin meigim det gel sikwan. Det gel bin abum nogudwan bekboun, en im kaan jandap streitbala. Fo 18 yiya imbin lagijat.\fig |src="GTLuke1311BentLady.tif" size="col" ref="13:11" \fig*  
\v 12 En wen Jisas bin luk det gel, imbin jingat langa im, “Gel, yu fri brom det siknis.”  
\v 13 En imbin pudum im bingga langa det gel, en streidawei det gel bin jandap streitbalawei, en imbin gibit theingks langa God.   
\p
\v 14 Wal det boswan blanga det Juwish Miting Pleis bin gitwail, dumaji Jisas bin meigim det gel gudbala wen imbin Sebathdei. En det boswan bin dalim ola pipul, “Wi garram 6 dei blanga dum wek. En ola sikbala pipul garra kaman langa det 6 dei na. Dei kaan kaman langa Sebathdei.”\x + \xo 13:14 \xt Eksa 20:9,10; Dyud 5:13,14\x*   
\p
\v 15 Wal Jisas bin dalim det boswan, “Yumob ol granggibala! Nomeda im Sebathdei, bat stil yumob oldei deigimat yumob buligi en dongki brom det haus weya yumob oldei taiyimap, en yumob oldei go en gibit olabat woda.  
\v 16 En iya na dijan gel im grengrendoda blanga Eibrahem det grengrenfatha blanga wi, en Seitin bin taiyimap im 18 yiya. Wal wotfo ai kaan deigimat im en larramgo im fri wen im Sebathdei?”   
\p
\v 17 Wal wen Jisas bin tok lagijat, detlot pipul hu nomo bin laigim im bin ol sheim, en ola najalot pipul bin gudbinji blanga ol detlot gudbala ting weya imbin dumbat.   
\s1 Stori blanga lilwan sid  
\r Methyu 13:31,32; Mak 4:30-32  
\p
\v 18 Afta na Jisas bin dalim olabat dijan stori, “Ai garra dalim yumob hau det wed blanga God garra wek.  
\v 19 Im jis laik wen yumob abum det brabli lilwan sid brom det tri gulum mastadtri. Yumob go en plentim det lilwan sid langa gadin, en afta im gro bigwan tri garram loda bushis. Lagijat na oni lilbit pipul bin bulurrum det wed blanga God basdam. Bat mowa en mowa garra bulurrum det wed.”   
\s1 Stori blanga raising  
\r Methyu 13:33  
\p
\v 20 Wal wanmo Jisas bin dalim olabat, “Ai garra dalim yumob hau det wed blanga God garra wek.  
\v 21 Im jis laik wen det gel im gajim det raising en im miksimap garram bigmob flauwa raidap holbit raisap. Lagijat na det wed blanga God garra wek langa yumob laif holbit.”   
\s1 Det lilwan dowa  
\r Methyu 7:13,14,21-23  
\p
\v 22 Brom deya Jisas bin go en titjimbat ola pipul langa ola bigwan taun en langa ola lilwan taun wen imbin trebulin blanga go langa Jerusalem.   
\p
\v 23 Wal sambodi bin askim Jisas, “Bos, God garra seibum oni lilbit pipul, indit?”   
\p
\v 24 Wal Jisas bin tok, “Trubala ai dalim yumob. Yumob garra adwek blanga gowin thru langa det lilwan dowa, dumaji loda pipul garra trai en gowin thru langa det lilwan dowa. Bat dei kaan gowin.  
\v 25 Det boswan blanga det haus garra gidap en jadimap det dowa, en afta yumob garra kaman en jandap atsaid en noknok langa det dowa, en yumob garra tok, ‘Bos, opinim dijan dowa blanga melabat!’ Bat im garra tok, ‘Ai nomo sabi yumob. Ai nomo sabi brom weya yumob bin kaman.’  
\v 26 En yumob garra tok, ‘Melabat bin dagat en dringgimbat garram yu. En yubin titjimbat melabat langa melabat ronwan taun!’  
\v 27 Bat im garra tok wanmo, ‘Ai nomo sabi yumob. Ai nomo sabi brom weya yumob bin kaman. Yumob gowei brom mi, ol yumob nogudbala pipul!’\x + \xo 13:27 \xt Saam 6:8\x*   
\p
\v 28 “Wal yumob garra ol kraikrai detmatj wen dei tjakidawei yumob atsaid, en yumob garra luk Eibrahem en Aisik en Jeikob en ol detlot speshalwan mesinja blanga God deya insaid langa det pleis blanga God.  
\v 29 Pipul garra kaman brom ebriweya en joinin langa det bigbala padi weya dei garra abum deya langa det pleis blanga God.\x + \xo 13:29 \xt Meth 8:11,12; 22:13; 25:30\x*  
\v 30 Det taim na detlot pipul hu jidan lobala garra jidan haibala, en detlot pipul hu jidan haibala garra jidan lobala.” Lagijat na Jisas bin tok.\x + \xo 13:30 \xt Meth 19:30; 20:16; Mak 10:31\x*   
\s1 Jisas bin tok blanga Jerusalem  
\r Methyu 23:37-39  
\p
\v 31 Afta na sambala serramonimen gulum Ferasi bin kaman langa Jisas, en deibin tok, “Yu lafta gowei brom iya en go samweya, dumaji det gabman bos neim Herod wandi kilim yu.”   
\p
\v 32 Wal Jisas bin tok, “Yumob go en dalim det kaninbala aibin tok, ‘Tudei en tumorro ai garra andimwei dibuldibul en meigim sikbala pipul gudbala, en ai garra binijim main wek langa det namba 3 dei.’  
\v 33 Lagijat na yumob garra tok. Bat nomo oni tudei en tumorro en det neksdei. Ai garra kipgon dumbat main wek raidap mi binij, dumaji im nomo rait blanga kilim speshalwan mesinja blanga God eniweya. Oni langa Jerusalem dei gin kilim speshalwan mesinja ded.”   
\p
\v 34 Afta na Jisas bin tok, “Jerusalem! Ol yumob pipul langa Jerusalem! Yumob oldei kilimbat ola speshalwan mesinja blanga God! Yumob oldei stonimbat detlot men weya God bin jandim langa yumob! Loda taim aibin wandi majurrumap ol yumob pipul langa mi jis laik det mamiwan jukjuk majurrumap ola biginini blanga im. Bat yumob nomo bin larram mi majurrumap yumob! \fig |src="LB00061B.TIF" size="col" ref="13:34" \fig*   
\p
\v 35 “Wal God garra gowei brom det Serramoni Pleis blanga yumob na. Trubala ai dalim yumob. Yumob kaan luk mi raidap det rait taim wen yumob garra tok, ‘Melabat askim God blanga album dijan iya Boswan hubin kaman brom God garram im neim.’” Lagijat na Jisas bin tok.\x + \xo 13:35 \xt Saam 118:26; Jera 22:5\x*   
\c 14  
\s1 Jisas bin meigim sikbalamen gudbala  
\p
\v 1 Brom deya wan Sebathdei Jisas bin go langa det haus blanga wan boswan serramonimen gulum Ferasi blanga dagat daga, en ola pipul bin lukinat langa im brabliwei if im garra dum eni klebabala ting.   
\p
\v 2 Wal wan sikbala men bin kaman langa Jisas, dumaji im leig en bingga bin swelap,  
\v 3 en Jisas bin askim ola lowamen en serramonimen deya. Imbin tok, “Wanim det lowa blanga wi tok blanga Sebathdei? Wi gin album sikbala pipul wen im Sebathdei?”   
\p
\v 4 Bat olabat nomo bin tok enijing.  
\p Wal Jisas bin gajim det sikbala men, en imbin meigim im gudbala, en afta imbin jandimwei im.   
\p
\v 5 Afta na Jisas bin tok langa detlot lowamen en serramonimen, “If yumob san o maitbi det buligi blanga yumob buldan insaid langa dipwan wodahol wen im Sebathdei, wal yumob garra go en pulumat im streidawei, indit?”\x + \xo 14:5 \xt Meth 12:11\x*   
\p
\v 6 Bat olabat nomo bin ensim im blanga tharran du.   
\s1 Nomo meigim miselp haibala  
\p
\v 7 Wal loda pipul bin kaman langa det haus blanga det serramonimen, en Jisas bin luk sambala men bin pikimat gudbala pleis blanga jidan, en imbin dalim olabat dijan stori blanga meigim olabat jinggabat.  
\v 8 Imbin tok, “If enibodi askim yumob blanga kaman langa det padi weya im garra merrit, wal yumob kaan go en pikimat det gudbala pleis blanga jidan. Maitbi det boswan bin askim sambodi mowa haibala langa yumob blanga kaman langa det padi du.   
\p
\v 9 “Yumob sabi? Det boswan bin askim yumob en det haibala men blanga kaman langa det padi, en if yumob jidan langa det gudbala pleis, wal det boswan garra kaman langa yumob, en im garra andimwei yumob brom det gudbala pleis blanga gibit langa det haibala men, en im garra meigim yumob sheim, dumaji yumob garra jidan langa nogudwan pleis na.   
\p
\v 10 “Wal yumob nomo wandi dum lagijat wen yumob go langa eni padi. Mobeda yumob go en pikimat nogudwan pleis blanga jidan basdam wulijim det boswan garra kaman en dalim yumob blanga go en jidan langa gudbala pleis. En wen im dum lagijat langa yumob, im meigim yumob haibala men langa ola najalot pipul deya.\x + \xo 14:10 \xt Prab 25:6,7\x*   
\p
\v 11 “Wal yumob irrim mi na. Enibodi hu meigim miselp haibala garra jidan lobala, en enibodi hu meigim miselp lobala garra jidan haibala.” Lagijat na Jisas bin tok langa ol detlot pipul.\x + \xo 14:11 \xt Meth 23:12; Luk 18:14\x*   
\s1 Jidan kainbala langa detlot hu kaan peiyimbek yu  
\p
\v 12 Afta na Jisas bin tok langa det bos blanga det haus, “Wen yu abum dina o sapa, yu kaan go en askim yu gudwan fren o yu braja o yu rileishan o yu ritjwan fren en dalim olabat blanga kaman en dagat langa yu kemp, dumaji olabat garra askim yu blanga kaman en dagat langa olabat kemp afta, en wen dei dum lagijat, dei peiyimbek yu.  
\v 13 Nomo. Wen yu abum padi, yu garra go en askim ola powan en kripulwan en leimwan en blainwan pipul blanga kaman en dagat langa yu kemp,\fig |src="DN00477b.tif" size="span" ref="14:13" \fig*  
\v 14 en wen yu dum lagijat, God garra gudbinji langa yu, dumaji olabat kaan peiyimbek yu. God imselp garra peiyimbek yu wen det taim garra kaman weya ola gudbala pipul garra gidap laibala brom dedbala.”   
\s1 Stori blanga padi  
\r Methyu 22:1-10  
\p
\v 15 Wal wan men deya hubin irrim Jisas tok lagijat bin tok, “Detlot pipul hu garra jidan langa det padi langa det pleis blanga God garra gudbinji!”   
\p
\v 16 Wal Jisas bin dalim det men, “Wantaim wan men bin meigim bigbala padi, en imbin askim loda pipul blanga kaman langa det padi,  
\v 17 en wen imbin taim blanga det padi, imbin jandim im wekinmen blanga go en dalim detlot pipul.  
\p “Wal det wekinmen bin go, en imbin tok, ‘Yumob kaman na! Ebrijing redi!’  
\v 18 Bat detlot pipul bin ol tok dei kaan kaman langa det padi. Wan men bin tok, ‘Aibin baiyim fam, en ai garra go en luk det fam. Wal ai kaan kaman langa det padi.’  
\v 19 En najawan men bin tok, ‘Aibin baiyim tenbala buligi, en ai garra go en luk wotkain olabat. Wal ai kaan kaman langa det padi.’  
\v 20 En najawan men bin tok, ‘Ai kaan kaman langa det padi, dumaji aibin jis git merrit.’   
\p
\v 21 “Wal det wekinmen bin gobek, en imbin dalim det boswan wanim detlot pipul bin ol tok, en det boswan bin gitwail, en imbin dalim det wekinmen, ‘Yu go ebriweya langa taun, en yu go kwikbala en bringimbek ola powan en kripulwan en blainwan en leimwan pipul.’   
\p
\v 22 “Wal det wekinmen bin go, en imbin bringimbek detlot pipul streidawei, en imbin dalim det boswan, ‘Bos, aibin dum wanim yubin dalim mi. Bat loda rum stil deya yet.’   
\p
\v 23 “Wal det boswan bin tok, ‘Yu go en bringimbek ola pipul hu jidan atsaid brom dijan taun. Yu meigim olabat kaman wulijim dei garra bilimap dijan haus main.  
\v 24 En ai dalim yu. Ol detlot pipul weya aibin askim basdam, olabat kaan dagat main daga!’” Lagijat na Jisas bin tok blanga gibit woning langa ola pipul deya.   
\s1 Yu garra jinggabat wanim im garra kos blanga bulurrum Jisas  
\p
\v 25 Bambai na wantaim loda pipul bin wok garram Jisas, en imbin lukaran langa olabat,  
\v 26 en imbin tok, “If yumob kaman langa mi, en yumob wandi jidan main wekinmen, wal yumob garra laigim mi mowa langa yumob dedi en yumob mami en yumob waif en yumob biginini en yumob braja en yumob sista en yumob ronselp.\x + \xo 14:26 \xt Meth 10:37\x*  
\v 27 En if yumob nomo redi blanga dai blanga mi, en yumob nomo bulurrum mi, wal yumob kaan jidan main wekinmen.\x + \xo 14:27 \xt Meth 10:38; 16:24; Mak 8:34; Luk 9:23\x*   
\p
\v 28 “If enibodi wandi bildimap haus, im garra wekimat haumatj det haus garra kos, en im garra kaundimap ola mani blanga im blanga faindat if im garram naf blanga bildimap det haus.  
\v 29 En if im nomo kaundimap im mani basdam, en im stat bildimap det haus, wal afta im mait faindat im nomo garram naf mani blanga binij bildimap det haus, en ola najalot pipul garra luk, en dei garra laf langa im.  
\v 30 Dei garra tok, ‘Det men nomo bin binijim det haus weya imbin stat bildimapbat!’   
\p
\v 31 “En if wan king go garram 10,000 men blanga fait langa najawan king hu garram 20,000 men, wal det feswan king garra jinggabat if im garram naf strongwan men blanga bidim det najawan king.  
\v 32 En if im reken im nomo garram naf, wal im garra jandim wekinmen langa det strongwan king wen im stil longwei, en det wekinmen garra askim im wanim im bos garra dum blanga meigim fren langa im.”   
\p
\v 33 Wal Jisas bin kipgon tok, “Wal im seimwei du lagijat gin. Yumob garra jinggabat wanim im garra kos blanga bulurrum mi, dumaji nobodi kaan jidan main wekinmen if im nomo libum ebrijing biyain blanga bulurrum mi.   
\p
\v 34-35 “If yumob garram irriwol, wal yumob irrim mi na. Det solt im gudwan. Bat if det brabli soltipat im gowei, wal yumob kaan meigim det solt go soltiwan mowa, en det solt im nogud blanga enijing na. Yumob garra tjakidawei det solt.  
\p “Wal im lagijat na if yumob wandi jidan wekinmen blanga mi. If yumob nomo bilib brabliwei, wal God kaan sabi yumob, en im garra tjakidawei yumob.” Lagijat na Jisas bin tok.   
\c 15  
\s1 Stori blanga stakmen hubin lujim lilwan ship  
\r Methyu 18:12-14  
\p
\v 1 Bambai na wandei loda stilinbala en nogudbala pipul bin kaman langa Jisas blanga lisin langa im.   
\p
\v 2 Wal sambala lowamen en serramonimen gulum Ferasi bin deya du, en deibin gitwail wen deibin luk detlot pipul, en deibin tok, “Wotfo dijan men laigim ol detlot nogudbala pipul? Wotfo im oldei dagadagat daga garram olabat?”\x + \xo 15:2 \xt Luk 5:29,30\x*   
\p
\v 3 Wal Jisas bin dalim olabat dijan stori.  
\v 4 Imbin tok, “Geman wan stakmen bin abum 100 ship, en wanbala lilwan bin gitbush. Wal wanim yumob reken det stakmen garra dum? Im garra libum detlot 99 ship fidabat langa pedik, en im garra go en lukabat det wanbala raidap im faindim im, \fig |src="GTMat1813LostSheep.tif" size="col" ref="15:4" \fig*  
\v 5 en wen im faindim det lilwan ship, im garra brabli gudbinji,  
\v 6 en im garra pudum det ship langa im sholda en deigimbek langa im kemp, en afta im garra jingat langa ola fren blanga im, en im garra tok, ‘Mi gudbinji na, dumaji aibin faindim main lilwan ship weya bin gitbush. En yumob garra gudbinji garram mi du.’”   
\p
\v 7 Wal Jisas bin kipgon tok, “Ai dalim yumob. Im lagijat du langa hebin wen eni nogudbala pipul kambek langa God. Ola einjul oldei gudbinji blanga detlot pipul hu oldei jidan gudbalawei. Bat wen wanbala nogudbala pipul kambek langa God, ola einjul gudbinji brabliwei.”   
\s1 Stori blanga olgamen hubin lujim mani  
\p
\v 8 Afta na Jisas bin dalim detlot pipul najawan stori, “Geman wan olgamen bin abum tenbala bigwan mani, en imbin lujim wanbala. Wal wanim yumob reken im garra dum? Im garra laidim det lemp blanga im, en im garra klinim im kemp, en im garra lukabat ebriweya raidap im faindim det mani,  
\v 9 en wen im faindim det mani, im garra jingat langa im fren olabat, en im garra tok, ‘Mi gudbinji na, dumaji aibin faindim det mani weya aibin lujim. En yumob garra gudbinji garram mi du.’”   
\p
\v 10 Wal Jisas bin kipgon tok, “Ai dalim yumob. Seimwei lagijat na ola einjul blanga God olabat brabli gudbinji wen eni nogudbala pipul tenim miselp brom det nogudbalawei blanga im.”   
\s1 Stori blanga san hubin gowei  
\p
\v 11 Wal Jisas bin kipgon tok langa detlot pipul, en imbin dalim olabat najawan stori, “Wantaim wan olmen bin abum dubala san,  
\v 12 en det lilwan san bin dalim im dedi, ‘Dedi, ol detlot enijing weya yu garra gibit mi wen yu dai, wal yu gibit mi ol detlot enijing tudei na bifo yu dai.’ En det olmen bin kadimat detlot enijing blanga im san dubala.   
\p
\v 13 “Bambai na det lilwan san bin selim ola enijing blanga im, en imbin gajim det mani, en imbin gowei longwei langa najawan kantri, en deya na imbin weistimbat detlot mani langa olkain ting,  
\v 14 en imbin binijimap ola mani blanga im.  
\p “Afta na det kantri nomo bin abum rein, en deibin stat ranat blanga daga, en det lilwan san nomo bin abum enijing na,  
\v 15 en imbin lafta go en lukabat blanga wek.  
\p “Wal wan olmen langa det kantri bin gibit im wek langa im steishan blanga maindimbat ola bigibigi,  
\v 16 en det lilwan san bin jinggabat blanga dagat det bigibigi daga, dumaji nobodi bin gibit im daga blanga dagat.   
\p
\v 17 “Afta na imbin jinggabat, en imbin tok miselp, ‘Ola wekinmen blanga main dedi oldei abum blendibala daga blanga dagadagat. Bat mi iya gulijap dai blanga daga.  
\v 18 Wal ai lafta gobek langa main dedi en dalim im, “Dedi, aibin dum nogudbala ting langa God en langa yu.  
\v 19 Mi nomo gudbala. Mi nogudbala. En yu kaan gulum mi san. Yu lafta meigim mi wekinmen blanga yu.” ’   
\p
\v 20 “Brom deya det lilwan san bin gidap, en imbin gobek langa im dedi kemp, en wen imbin lilbit longwei yet, im dedi bin luk im kaminap langa det roud, en det olmen bin abum kainbala filing blanga im san, en imbin ran, en imbin grebum im san, en imbin kis langa im.   
\p
\v 21 “Wal det san bin tok, ‘Dedi, aibin dum nogudbala ting langa God en langa yu. Mi nomo gudbala. Mi nogudbala. En yu kaan gulum mi san na.’\fig |src="DN00485b.tif" size="col" ref="15:21" \fig*   
\p
\v 22 “Bat det olmen bin jingat langa ola wekinmen blanga im, ‘Kwikbala yumob bringimap det klos, dumaji im garra werrimon gudwan klos. En yumob bringimap det but blanga im blanga werrimon en det ring blanga pudum langa im bingga,  
\v 23 en yumob go en gajim det gudwan gabigabi en kilim im, dumaji wi garra abum bigbala padi.  
\v 24 Dijan san main bin wulijim dedbala. Bat im laibala na. Imbin gitbush. Bat wibin faindim im.’  
\p “Wal olabat bin abum bigwan padi na, en deibin abum detmatj daga, dumaji deibin brabli gudbinji blanga det lilwan san.   
\p
\v 25 “Bambai na det bigwan san blanga det olmen bin kambek brom wek, en wen imbin kaman gulijap langa det haus, imbin lisin olabat jinginat en densdens.   
\p
\v 26 “Wal det bigwan san bin jingat langa wanbala wekinmen, en imbin askim im, ‘Wotfo olabat meigimbat nois?’   
\p
\v 27 “En det wekinmen bin tok, ‘Yu lilwan braja bin kambek, en yu dedi bin kilim det gudwan gabigabi blanga dagat, dumaji im lilwan san bin kambek langa im laibala.’   
\p
\v 28 “Wal det bigwan braja bin gitwail, en im nomo bin gowin insaid langa det haus. Im dedi bin lafta kamat atsaid en askimbat im blanga gowin insaid.   
\p
\v 29 “Bat det bigwan san bin dalim im dedi wailwei, ‘Nomo, Dedi! Yu irrim mi basdam. Aibin oldei wek blanga yu gudwei jis laik detlot wekinmen blanga yu. Enijing yubin dalim mi, aibin oldei duwit langa yu. En wanim yubin gibit langa mi? Najing. Yu nomo bin gibit mi nenigout o enijing blanga abum padi garram main fren olabat.  
\v 30 Bat dijan iya lilwan san blanga yu bin weistimbat ola enijing blanga yu langa ola nogudbala yanggel. En wen imbin kambek, yubin kilim det gudwan gabigabi blanga im.’ Lagijat na det bigwan san bin tok.   
\p
\v 31 “Wal im dedi bin tok, ‘Main san, yu oldei jidanbat iya garram mi. Ebrijing ai garram, im blanga yu.  
\v 32 Bat wi garra abum padi en gudbinji, dumaji yu lilwan braja bin dedbala. Bat im laibala na. Imbin gitbush. Bat wibin faindim im.’”  
\p Lagijat na Jisas bin dalimbat stori langa detlot pipul.   
\c 16  
\s1 Jisas bin tok blanga hendulum mani klebabalawei  
\p
\v 1 Afta na Jisas bin dalim im wekinmen olabat dijan stori, “Wantaim wan ritjmen bin abum loda enijing, en imbin abum wanbala wekinmen hubin lukaftumbat ol detlot enijing blanga im.  
\p “Bambai na sambodi bin dalim det ritjmen, ‘Det wekinmen blanga yu im weistimbat yu mani.’   
\p
\v 2 “Wal det ritjmen bin jingat langa det wekinmen, en imbin tok, ‘Wanim dijan stori deibin dalim mi blanga yu? Yu dalim mi wanim yubin dum garram ola enijing main, en if det stori im trubala, wal yu kaan jidan wekinmen blanga main.’   
\p
\v 3 “Wal det wekinmen bin tok miselp, ‘Det bos blanga mi garra pudumat mi brom main wek. Wal wanim ai garra dum? Mi nomo strongbala men blanga adwek, en mi sheim blanga go askimbat enibodi blanga daga.’ Lagijat na det wekinmen bin jinggabat,  
\v 4 en imbin tok miselp, ‘Ai sabi wanim ai garra dum. Klebabala ting ai garra dum, en ol detlot pipul hubin boro enijing brom main bos garra welkam mi langa olabat kemp.’   
\p
\v 5 “Wal det wekinmen bin dalim detlot pipul hubin boro enijing brom im bos. Langa det feswan men imbin tok, ‘Haumatj yu garra gibitbek main bos?’  
\v 6 En det men bin tok, ‘Ai garra gibitbek im 100 dram garram det oliboil.’ En det wekinmen bin tok, ‘Wal yu deigim dijan buk en tjeinjim det namba brom 100 langa 50.’   
\p
\v 7 “Afta na det wekinmen bin askim det sekanwan men, ‘Wotabat yu? Haumatj yu garra gibitbek main bos?’ En det men bin tok, ‘Ai garra gibitbek im 1,000 beig garram det sid daga.’ En det wekinmen bin tok, ‘Wal yu deigim dijan buk en tjeinjim det namba brom 1,000 langa 800.’   
\p
\v 8 “Wal wen det nogudwan wekinmen bin dum lagijat, det bos blanga im bin tok gudwei langa im, dumaji imbin reken imbin hendulum det mani klebabalawei. En loda pipul iya langa dijan kantri olabat klebabala langa manisaid. Bat loda pipul hu bulurrum God nomo klebabala langa manisaid.”   
\p
\v 9 Wal Jisas bin kipgon tok, “Ai dalim yumob. Yumob garra hendulum det mani iya langa dijan kantri gudwei wulijim pipul garra laigim yumob en album yumob, en yumob garra hendulum det mani gudwei wulijim wen yumob dai en det mani binij, God garra welkam yumob langa im kemp olagijawan.   
\p
\v 10 “Yumob sabi? If yumob hendulum lilwan ting raitwei, wal yumob gin hendulum bigwan ting raitwei du. Bat if yumob hendulum det lilwan ting rongwei, wal yumob garra hendulum det bigwan ting rongwei du.  
\v 11 En if yumob kaan hendulum enijing iya langa dijan kantri raitwei, wal God kaan gibit yumob gudwan enijing brom hebin.  
\v 12 En if yumob kaan lukaftum ola enijing weya nomo blanga yumob, wal God kaan gibit yumob ronwan enijing.   
\p
\v 13 “Yumob sabi? Nobodi kaan jidan wekinmen blanga dubala bos, dumaji im garra laigim det wanbala en im garra heidim det najawan. En if yumob garram dubala bos, yumob garra lisin langa wanbala en nomo teiknodis langa det najawan bos. En if yumob wandi jidan wekinmen blanga God, wal yumob kaan meigim mani jidan bos blanga yumob.” Lagijat na Jisas bin tok.\x + \xo 16:13 \xt Meth 6:24\x*   
\s1 Stori blanga Lesaras en det ritjmen  
\r Methyu 5:31,32; 11:12,13; Mak 10:11,12  
\p
\v 14 Wal wen sambala serramonimen gulum Ferasi bin irrim det wed weya Jisas bin tok, deibin laf langa im, dumaji dei laigim mani.   
\p
\v 15 Wal Jisas bin dalim olabat, “Yumob meigim miselp gudwan atsaid wulijim ebribodi garra luk yu gudwan. Bat God sabi wanim yu garram insaid langa yu hat. Loda ting deya yumob reken olabat brabli bigwan ting. Bat detlot ting nomo bigwan langa God, dumaji detlot ting nomo bin kaman brom God.   
\p
\v 16 “God bin gibit lowa langa Mosis, en imbin gibit sambala wed langa ola speshalwan mesinja blanga im, en ol detlot ting na bigwan ting langa God. Ol detlot lowa brom God bin kipgon raidap Jon Beptis bin kaman, en brom Jon na melabat bin stat dalimbat det gudnyus blanga God, en loda pipul bin wandi bulurrum det nyubalawei blanga God.\x + \xo 16:16 \xt Meth 11:12,13\x*   
\p
\v 17 “Wal yumob irrim mi na. Det lowa blanga God nomo bin binij. Im maitbi isi blanga dijan graun garra binij. Bat nomo det lowa blanga God.\x + \xo 16:17 \xt Meth 5:18\x*   
\p
\v 18 “Yumob jinggabat na. If eni men libum im waif, en im merrit langa najawan gel, wal im breigim det lowa blanga God. En if enibodi merrit langa det gel hubin libum im hasbin, wal det men im breigim det lowa seimwei du. Yu si? Det lowa im stil kipgon.\x + \xo 16:18 \xt Meth 5:32; 1 Karin 7:10,11\x*   
\p
\v 19 “Wal yumob jinggabat dijan stori na. Wantaim wan ritjmen bin oldei werrimbat gudwan klos, en imbin abum ebrijing weya imbin wandim.  
\v 20 Bat det najawan men neim Lesaras bin deya du, en im nomo bin abum enijing. Imbin oni abum sowa ebriweya langa im bodi,  
\v 21 en deibin oldei bringimap im langa det ritjmen kemp, dumaji imbin wandi dagat ola daga weya bin oldei buldan langa graun brom det ritjmen teibul. Lesaras bin brabli powan, en ola dog bin oldei kaman en likim detlot sowa blanga im.\fig |src="GTLuke1619LazarusBegs.tif" size="col" ref="16:21" \fig*   
\p
\v 22 “Bambai na det pomen bin dai, en ola einjul bin deigidawei im, en imbin jidan wansaid langa det olmen Eibrahem deya langa det bigwan padi langa hebin.  
\p “Afta na det ritjmen bin dai, en deibin berrim im,  
\v 23 en imbin jidan langa det helfaiya. Deya na imbin ardimbat detmatj, en imbin luk langa top, en imbin luk Eibrahem longwei garram Lesaras wansaid langa im.   
\p
\v 24 “Wal det ritjmen bin jingat langa Eibrahem, ‘Grengrenfatha, yu jinggabat mi en album mi. Yu dalim Lesaras blanga pudum im bingga langa woda, en yu jandim im iya langa mi wulijim im garra wetim main tang, dumaji mi ardimbat iya langa dijan faiya.’   
\p
\v 25 “Wal Eibrahem bin tok, ‘Main san, yu jinggabat na. Wen yubin laibala, yubin abum olkain gudbala ting. Bat wen Lesaras bin laibala, imbin abum ola nogudbala ting. Bat tudei im gudbinji na en yu abum ola trabul.  
\v 26 Wal yu luk det dipwan gali nomo garram bodam langa midul langa wi. Nobodi kaan krosim det gali. Nobodi kaan go det said, en nobodi kaan kaman dijan said.’   
\p
\v 27 “Wal det ritjmen bin tok, ‘Wal Eibrahem, mi askimbat yu blanga jandim Lesaras langa main dedi kemp, dumaji ai garram faibala braja deya laibala yet.  
\v 28 Yu larram Lesaras go en gibit woning langa olabat wulijim dei kaan kaman iya langa dijan pleis weya ebribodi oldei ardimbat.’   
\p
\v 29 “Wal Eibrahem bin tok, ‘Yu braja olabat garram detlot wed brom Mosis en ola speshalwan mesinja blanga God. Olabat garra lisin langa det wed na.’   
\p
\v 30 “Bat det ritjmen bin tok, ‘Eibrahem, tharran nomo naf blanga meigim olabat tjeinjim olabatwei. Bat if sambodi gidap brom dedbala en go langa olabat, wal olabat garra libum det nogudbalawei blanga olabat.’   
\p
\v 31 “Wal Eibrahem bin tok, ‘If dei nomo lisin langa det wed blanga God, wal dei kaan teiknodis langa enibodi nomeda im gidap brom dedbala.’”  
\p Lagijat na Jisas bin dalimbat stori langa detlot serramonimen.   
\c 17  
\s1 Jisas bin tok blanga im wekinmen  
\r Methyu 18:6,7,21,22; Mak 9:42  
\p
\v 1 Afta na Jisas bin tok langa ola wekinmen blanga im, “Sambala pipul garra temtimbat yumob blanga meigim yumob go langa det nogudbalawei. Bat God garra panishim brabliwei ol detlot pipul hu temtimbat enibodi.  
\v 2 Mobeda detkain pipul garra taiyimap miselp garram bigbala ston langa im nek en tjakam miselp langa det solwoda en kilim miselp bifo im meigim enibodi bulurrum det nogudbalawei.  
\v 3 En yumob garra meiksho yumob nomo meigim enibodi go langa det nogudbalawei du.  
\p “Yumob irrim mi na. If yumob braja dum nogudbala ting langa yumob, wal yumob garra tok langa im, en if im sori blanga det ting, wal yumob garra larramgo im fri brom det nogudbala ting weya imbin dum langa yumob.\x + \xo 17:3 \xt Meth 18:15\x*  
\v 4 Nomeda maitbi im dum nogudbala ting langa yumob 7 taim langa wan dei, en ebritaim im kaman langa yumob en im tok, ‘Mi sori blanga det ting weya aibin dum langa yumob.’ Bat stil yumob garra larramgo im fri.” Lagijat na Jisas bin tok.   
\p
\v 5 Wal detlot speshalwan mishanri blanga Jisas bin dalim im, “Bos, melabat wikwan, en yu garra album melabat bilib langa God brabliwei.”   
\p
\v 6 Wal Jisas bin tok, “Nomeda yumob bilib lilbit, bat stil yumob gin dum bigbala wek blanga God. Trubala yumob garra dum bigbala wek blanga im.  
\v 7 Bat yumob kaan reken miselp.  
\p “Yumob jinggabat na. If sambodi abum wekinmen, wal wanim im dalim det wekinmen wen im binij im wek langa gadin o stakyad? Det bos nomo dalim im blanga go en dagat im daga streidawei.  
\v 8 Im dalim im blanga go en gugum det daga blanga im bos. Det wekinmen garra gugum ola daga blanga det bos basdam, en wen det bos binij dagat en dringgimbat, det taim na im larram det wekinmen go en dagat im daga.  
\v 9 En wen det wekinmen duwit langa im bos, det bos kaan tok theingkyu langa im, dumaji tharran na im wek.  
\v 10 En im lagijat du langa yumob wekinmen blanga God. Wen yumob duwit langa God wanim im dalim yumob blanga dum, yumob garra tok, ‘Melabat oni wekinmen, en melabat bin dum melabat wek.’ Lagijat na yumob garra tok.”   
\s1 Tenbala men garram leprasi  
\p
\v 11 Afta na wen Jisas bin trebulin blanga go langa Jerusalem, imbin bulurrum det roud langa det boda blanga det dubala kantri gulum Sameriya en Gelali,  
\v 12 en wen imbin kamat langa wan lilwan taun deya, tenbala men garram leprasi bin midim im. Olabat bin jandap brom longwei,  
\v 13 en deibin jingat langa im, “Jisas! Bos! Yu sori langa melabat!”   
\p
\v 14 Wal wen Jisas bin luk olabat, imbin tok, “Yumob go en larram det serramonimen luk yumob.”  
\p Wal olabat bin go, en wen deibin wokwok langa det roud blanga go langa det serramonimen, olabat bin go gudbala na.\x + \xo 17:14 \xt Labid 14:1-32\x*   
\p
\v 15-16 Wal wanbala men deya bin brom det kantri Sameriya, en wen imbin luk det siknis bin libum im bodi en imbin gudwan, imbin gobek langa Jisas, en imbin jinginat theingkyu langa God adbala. Imbin gobek raitbek langa Jisas, en imbin baudan langa graun, en imbin tok theingkyu langa im.\fig |src="DN00434b.tif" size="col" ref="17:15,16" \fig*   
\p
\v 17 Wal Jisas bin dalim ola pipul deya, “Tenbala sikbala men bin go gudbala. Wal wujei detlot najalot?  
\v 18 Wotfo oni wanbala bin kambek blanga sei theingkyu langa God? Dijan im brom najawan kantri. Bat imbin stil kambek.”   
\p
\v 19 Wal Jisas bin tok langa det wanbala men na, “God bin meigim yu gudbala, dumaji yubin bilib langa im. Wal yu gidap en go na.”   
\s1 Det Speshalwan Men garra kambek  
\r Methyu 24:23-28,37-41  
\p
\v 20 Wal sambala serramonimen gulum Ferasi bin askim Jisas, “Wotaim God garra jandim det boswan hu garra jidan king blanga wi?”  
\p Wal Jisas bin tok, “Yumob kaan luk wen det boswan garra kaman en jidan.  
\v 21 Nobodi kaan tok, ‘Yu luk! Iya im!’ En nobodi kaan tok, ‘Deya im! Yu luk!’ Dumaji im garra jidan insaid langa ola pipul.”   
\p
\v 22 Afta na Jisas bin tok langa ola wekinmen blanga im, “Mi na det Speshalwan Men, en det taim garra kaman wen yumob garra wandi luk mi garra kambek. Bat yumob kaan luk yet.  
\v 23 Sambala pipul garra tok langa yumob lagijat. Dei garra tok, ‘Yu luk! Iya im!’ O najalot pipul garra tok, ‘Deya im! Yu luk!’  
\v 24 Bat yumob kaan go en lukabat mi ebriweya, dumaji wen det rait taim garra kaman, ai garra kambek jis laik det laitining weya im tjakam det lait ebriweya langa skai.   
\p
\v 25 “Bat bifo ai garra kambek lagijat, ai garra abum det pein basdam, en ai garra ardimbat du, en ola pipul hu jidan laibala tudei garra tjakidawei mi.   
\p
\v 26 “Det taim wen ai garra kambek im garra jidan jis laik det taim blanga Nowa.\x + \xo 17:26 \xt Jen 6:5-8\x*  
\v 27 Ebribodi bin kipgon dagadagat daga en dringgimbat en merritmerrit gija raidap det dei wen Nowa bin gowin langa det bout en det fladwoda bin kaman en kilim olabat holot ded.\x + \xo 17:27 \xt Jen 7:6-24\x*   
\p
\v 28 “Det taim wen ai garra kambek garra jidan jis laik det taim blanga Lot det san blanga Eibrahem braja. Ebribodi bin kipgon dagadagat daga en dringgimbat en baiyimbat enijing en selimbat enijing en plentimbat gadin en bildimbat haus.  
\v 29 En det dei wen Lot bin gowei brom det taun gulum Sadam, det faiya en hotwan ston bin buldan brom top en kilim olabat holot ded.\x + \xo 17:29 \xt Jen 18:20—19:25\x*   
\p
\v 30-31 “Ai dalim yumob. Wen det taim garra kaman, det men weya im ontop langa im haus kaan godan blanga gajim enijing insaid langa det haus. En det men weya im wekin langa im gadin kaan gobek langa im kemp du.\x + \xo 17:30-31 \xt Meth 24:17,18; Mak 13:15,16\x*   
\p
\v 32 “Yumob jinggabat det waif blanga Lot. Imbin lukbek, en imbin dai.\x + \xo 17:32 \xt Jen 19:26\x*  
\v 33 En if enibodi trai en seibum im ron laif, wal im garra lujim im laif. Bat if enibodi lujim im laif blanga mi, wal im seibum im laif.\x + \xo 17:33 \xt Meth 10:39; 16:25; Mak 8:35; Luk 9:24; Jon 12:25\x*   
\p
\v 34 “Ai dalim yumob. Wen det taim garra kaman, if dubala silip, wal God garra deigidawei wanbala en libum det najawan biyain.  
\v 35-36 En if dubala gel grandimbat det sid daga, wal God garra deigidawei wanbala en libum det najawan biyain.” Lagijat na Jisas bin tok.   
\p
\v 37 Wal ola wekinmen blanga Jisas bin askim im, “Bos, weya dijan ting garra hepin?”  
\p En Jisas bin tok, “Ebriweya yu faindim dedbala enimul, ola bard dagat olabat deya gin.”\x + \xo 17:37 \xt Meth 24:28\x*   
\c 18  
\s1 Stori blanga boswan en widogel  
\p
\v 1 Afta na Jisas bin dalim im wekinmen olabat dijan stori blanga lenim olabat blanga oldei prei en nomo nokap.  
\v 2 Imbin tok, “Wantaim deibin abum wan boswan blanga det kot langa wan taun, en det boswan nomo bin bradin langa enibodi, en im nomo bin bradin langa God du.   
\p
\v 3 “Wal wanbala widogel bin jidan langa det taun, en imbin oldei go en askimbat det boswan blanga album im. Imbin oldei tok, ‘Yu kotim detlot pipul hubin dum rong langa mi.’   
\p
\v 4 “Wal longtaim det boswan nomo bin wandi dum enijing blanga det widogel. Bat afta imbin tok miselp,  
\v 5 ‘Nomeda mi nomo bradin langa God o enibodi, bat stil ai garra duwit wanim det widogel wandim, dumaji im meigim trabul langa mi, en if ai nomo duwit langa im, wal im garra kipgon askimbat mi en meigim mi nokap.’ Lagijat na det nogudwan boswan blanga det kot bin tok miselp.  
\v 6 En im garra album det widogel, en im garra go en kotim detlot pipul hubin dum rong langa im. \fig |src="GTLk18ImportunateWidow.tif" size="col" ref="18:17" \fig*   
\p
\v 7 “En wotabat God? Yumob reken im garra album im ron pipul olabat wen dei kipgon askimbat im deitaim en naitaim?  
\v 8 Yuwai. Im garra lisin langa olabat en album olabat streidawei.  
\p “Bat ai askim yumob. Wen ai kambek, maitbi ai kaan faindim enibodi iya langa dijan kantri hu bilib langa mi?” Lagijat na Jisas bin tok.   
\s1 Stori blanga det Ferasi en det teksmen  
\p
\v 9 Afta na Jisas bin dalim dijan stori langa sambala pipul hubin reken miselp gudwan en seimtaim dei nomo bin laigim ola najalot pipul.  
\v 10 Langa detlot pipul na Jisas bin tok, “Wantaim dubala men bin go langa det Serramoni Pleis blanga ola Juwish pipul blanga prei. Det feswan men bin serramonimen gulum Ferasi, en det sekanwan men bin oldei gajimbat teks mani brom ola pipul blanga det gabman.   
\p
\v 11 “Wal det serramonimen bin go, en imbin jandap miselp, en imbin prei lagijat. Imbin tok, ‘God, ai gibit theingks langa yu, dumaji mi nomo wulijim det nogudwan men deya hu oldei gajimbat teks mani blanga det gabman. En ai gibit theingks langa yu, dumaji mi nomo gridiwan. Mi nomo stilimbat enijing. Mi nomo silip garram najamen waif. Mi nomo nogudbala wulijim ola najalot pipul.  
\v 12 Mi gudbala, dumaji mi nomo dagat daga dubala dei ebri wik, en mi oldei gibit yu haf ola mani main.’ Lagijat na det serramonimen bin tok.   
\p
\v 13 “Bat det sekanwan men bin jandap lilbit longwei, en imbin sheim blanga lukap langa hebin, en imbin hitim miselp, dumaji imbin sori blanga im nogudbalawei, en imbin tok, ‘God, yu sori langa mi, dumaji mi nogudbala.’”   
\p
\v 14 Wal Jisas bin kipgon tok, “Ai dalim yumob. Wen det dubala men bin gobek langa dubala kemp, det serramonimen nomo bin jidan raitwei garram God. Oni det sekanwan men bin jidan raitwei. Trubala ai dalim yumob. Ol detlot pipul hu meigim miselp haibala, God garra meigim olabat lobala, en ol detlot pipul hu meigim miselp lobala God garra meigim olabat haibala.”\x + \xo 18:14 \xt Meth 23:12; Luk 14:11\x*   
\s1 Jisas en ola biginini  
\r Methyu 19:13-15; Mak 10:13-16  
\p
\v 15 Bambai na sambala pipul bin bringimap olabat biginini langa Jisas, dumaji deibin wandim im blanga pudum im bingga langa olabat en tok gudbalawei langa olabat. Bat wen detlot wekinmen blanga im bin luk olabat, deibin trai en andimwei olabat.   
\p
\v 16 Bat Jisas bin jingat langa detlot biginini, en imbin dalim im wekinmen olabat. Imbin tok, “Yumob larram detlot biginini kaman langa mi. Yumob nomo stapam olabat, dumaji ola pipul hu meigim miselp lobala wulijim dislot biginini garra jidan garram God.   
\p
\v 17 “Yumob jinggabat na. If yumob wandi jidan garram God, wal yumob garra trastim im seimwei laik biginini trastim im mami en dedi. En if yumob nomo trastim God lagijat, wal yumob kaan go en jidan garram im.” Lagijat na Jisas bin tok.   
\s1 Woning blanga ola ritjmen  
\r Methyu 19:16-30; Mak 10:17-31  
\p
\v 18 Afta na wan bosmen bin askim Jisas, “Gudbala titja, wanim ai garra dum blanga abum det olagijawan laif?”   
\p
\v 19 Wal Jisas bin askim im, “Wotfo yu gulum mi gudbala? Oni God im gudbala. En yu kaan gulum enibodi gudbala.   
\p
\v 20 “Wal yu sabi det lowa, indit? ‘Yu nomo lau silip garram najamen waif. Yu nomo lau medrim enibodi. Yu nomo lau stilimbat enijing. Yu nomo lau dalimbat laiya. Yu garra rispek en teiknodis langa yu mami en dedi.’”\x + \xo 18:20 \xt Eksa 20:12-16; Dyud 5:16-20\x*   
\p
\v 21 Wal det bosmen bin tok, “Brom lilboitaim aibin bulurrum ol detlot lowa.”   
\p
\v 22 Wal wen Jisas bin irrim det bosmen tok lagijat, imbin tok, “Oni wanmo ting deya yu nomo bin dum. Yu garra selim ola enijing blanga yu en yu gibit ola mani langa ola powan pipul. En wen yu dum lagijat, yu garra jidan ritjwan langa hebin, en afta yu garra kaman en bulurrum mi.”\fig |src="CN01774B.TIF" size="col" ref="18:22" \fig*   
\p
\v 23 Wal wen det boswan bin irrim Jisas tok lagijat, imbin nogudbinji, dumaji imbin brabli ritjwan men garram ebrijing.   
\p
\v 24 Wal Jisas bin luk det bosmen bin nogudbinji, en imbin tok, “Im brabli adbala blanga ola ritj pipul blanga bulurrum God en larram im jidan bos langa olabat laif.   
\p
\v 25 “Yumob jinggabat det kemul. Det kemul kaan gowin langa det hol blanga nidul. Bat ai dalim yumob. Im isibala blanga det kemul blanga gowin langa det hol. Bat im adbala blanga ritjmen blanga go langa hebin.”   
\p
\v 26 Wal detlot pipul hubin irrim Jisas tok lagijat bin tok miselp, “If im adbala lagijat, wal nobodi kaan go langa hebin! God kaan seibum enibodi!”   
\p
\v 27 Wal Jisas bin dalim olabat, “Pipul kaan dum miselp. Bat God gin dum, dumaji God gin dum enijing.”   
\p
\v 28 Afta na Pida bin dalim Jisas, “Melabat bin libum melabat ronwan enijing blanga bulurrum yu.”   
\p
\v 29-30 En Jisas bin tok, “Ai sabi yumob bin libum ebrijing lagijat. Bat ai dalim yumob. If enibodi libum im kemp o im waif o im braja o im sista o im mami o im dedi o im biginini blanga jidan raitwei garram God, wal God garra gibit im detmatj mowa iya langa im laif, en bambai God garra gibit im det olagijawan laif.”   
\s1 Jisas bin tok im garra dai  
\r Methyu 20:17-19; Mak 10:32-34  
\p
\v 31 Brom deya Jisas bin deigim det twelbala wekinmen blanga im wansaid, en imbin dalim olabat, “Yumob irrim mi na. Wi garra go langa Jerusalem, en deya na ebrijing weya detlot speshalwan mesinja blanga God bin raidimdan blanga det Speshalwan Men garra hepin trubala.  
\v 32 Dei garra gibit mi langa detlot najalot pipul, en dei garra mokimbat mi, en dei garra tok nogudbalawei langa mi, en dei garra spit langa mi,  
\v 33 en dei garra beldim mi garram wip, en dei garra kilim mi ded. Bat thrideistaim ai garra gidap laibala.” Lagijat na Jisas bin tok.   
\p
\v 34 Bat detlot wekinmen blanga im nomo bin sabi wanim imbin tokinabat, dumaji God bin blandim det wed brom olabat.   
\s1 Jisas meigim blainwan men luk gudwei  
\r Methyu 20:29-34; Mak 10:46-52  
\p
\v 35 Bambai na wen Jisas en im wekinmen olabat bin kaman gulijap langa Jeriko, wan blainwan men bin jidanbat deya wansaid langa det roud askimbat enibodi blanga mani,  
\v 36 en wen det blainwan men bin irrim detlot pipul wokpas, imbin askim olabat, “Wotfo ol yumob pipul kaman iya?”   
\p
\v 37 En deibin dalim im, “Jisas brom Nesareth im garra gopas.”   
\p
\v 38 Wal det blainwan men bin jingat na, “Jisas! Grengrensan blanga Deibid! Yu sori langa mi!”   
\p
\v 39 Wal detlot pipul deya bin gitwail langa det blainwan men, en deibin dalim im blanga jidan kwait. Bat imbin jingat mowa brabli adbala, “Grengrensan blanga Deibid! Yu sori langa mi!”   
\p
\v 40 Wal wen Jisas bin irrim im, imbin stap, en imbin dalim olabat blanga bringimap det blainwan men langa im, en wen imbin kaman gulijap langa im, Jisas bin askim im.  
\v 41 Imbin tok, “Wanim yu wandim ai garra dum blanga yu?”  
\p En det blainwan men bin tok, “Bos, ai wandi luk.”   
\p
\v 42 En Jisas bin tok, “Wal yu luk na! Yu gudbala na, dumaji yubin bilib langa mi.”   
\p
\v 43 Wal streidawei det blainwan men bin luk, en afta imbin bulurrum Jisas, en imbin gibit theingks langa God, en ol detlot pipul hubin luk wanim bin hepin bin ol preisimbat God.   
\c 19  
\s1 Jisas en Sekiyas  
\p
\v 1 Brom deya Jisas en im wekinmen olabat bin gopas langa Jeriko.   
\p
\v 2 Wal wan boswan men bin deya hubin oldei gajimbat teks mani brom ola pipul blanga det gabman. Imbin neim Sekiyas, en imbin ritjmen du,  
\v 3 en imbin wandi luk hu Jisas. Bat im nomo bin luk Jisas dumaji imbin lil shotwan men, en detmatj pipul bin jadimap Jisas.   
\p
\v 4 Wal det shotwan men bin ran lida langa detlot pipul, en imbin galimap langa wan tri gulum sikamotri blanga luk Jisas wen im gopas,  
\v 5 en wen Jisas bin kamat langa det tri, imbin lukap en imbin jingat langa det shotwan men. Imbin tok, “Sekiyas! Yu godan brom det tri kwikbala, dumaji ai garra kaman langa yu kemp tudei.” \fig |src="GTLk19ZacInTree.tif" size="col" ref="19:5" \fig*   
\p
\v 6 Wal Sekiyas bin godan kwikbala brom det tri, en imbin grebum Jisas gudbinjiwei.   
\p
\v 7 Wal detlot pipul deya bin gitwail, en deibin ol tok, “Wotfo dijan men im go langa det nogudbala men kemp?”   
\p
\v 8 Wal Sekiyas bin jandap deya, en imbin dalim Jisas, “Bos, yu irrim mi na. Ai garra gibit haf ola enijing main langa ola powan pipul, en wen aibin stilimbat mani brom enibodi, wal ai garra gibitbek olabat fobala taim.”   
\p
\v 9 Wal Jisas bin dalim det shotwan men, “Tudei na God bin seibum yu en ola femili blanga yu, dumaji yu rileishan blanga Eibrahem,  
\v 10 en aibin kaman blanga lukabat en seibum ol detlot pipul hubin gowei brom God.”\x + \xo 19:10 \xt Meth 18:11\x*   
\p
\v 11 Wal detlot pipul bin irrim Jisas wen imbin tok lagijat langa det shotwan men, en deibin reken God garra meigim im jidan king dregli, dumaji imbin gulijap langa Jerusalem.  
\s1 Stori blanga yusum mani gudwei  
\r Methyu 25:14-30  
\p Wal Jisas bin dalim olabat dijan stori.  
\v 12 Imbin tok, “Wantaim wan haibala men bin wandi go langa longwei kantri weya deibin meigim im king, en afta deibin jandimbek im langa im ron kantri.  
\v 13 Bat bifo imbin gowei brom im kantri imbin jingat langa tenbala wekinmen blanga im, en imbin gibit wanbala mani langa ebriwan wekinmen, en imbin tok, ‘Wen mi gowei, yumob garra yusum det mani blanga meigim mowa mani blanga mi.’   
\p
\v 14 “Wal ola kantrimen blanga det haibala men nomo bin laigim im, en wen imbin gowei, deibin jandim sambala men biyain langa im blanga tok, ‘Melabat nomo wandim dijan men garra jidan king blanga melabat.’   
\p
\v 15 “Wal nomeda olabat bin tok lagijat, bat stil deibin meigim im king, en imbin gobek langa im ronwan kantri, en streidawei imbin jingat langa detlot wekinmen blanga im, dumaji imbin wandi faindat haumatj deibin meigim garram det mani weya imbin gibit olabat basdam.   
\p
\v 16 “Wal det feswan wekinmen bin kaman, en imbin tok, ‘Bos, yubin gibit mi wanbala mani, en aibin meigim tenbala.’   
\p
\v 17 “En det haibala men bin tok, ‘Yubin dum gud wek. Yu gudwan wekinmen, en yubin hendulum dijan lilwan ting raitwei, en blanga tharran na ai garra meigim yu bos blanga tenbala taun.’   
\p
\v 18 “Wal det sekanwan wekinmen bin kaman na, en imbin tok, ‘Bos, yubin gibit mi wanbala mani, en aibin meigim faibala.’   
\p
\v 19 “En det haibala men bin tok, ‘Wal ai garra meigim yu bos blanga faibala taun.’   
\p
\v 20 “Afta na najawan wekinmen bin kaman, en imbin tok, ‘Bos, iya det wanbala mani blanga yu. Aibin pudum det mani iya langa dijan reig,  
\v 21 en aibin blandim, dumaji aibin bradin langa yu. Ai sabi yu admen en yu meigim najalot pipul dum ola wek en yu gajim ola mani. En blanga tharran na aibin bradin langa yu.’   
\p
\v 22 “Wal det haibala men bin tok, ‘Yu nogudbala wekinmen. Yu ronwan wed pudum bleim langa yu. Yu sabi mi admen en ai meigim najalot pipul dum ola wek en ai gajim ola mani.  
\v 23 Wal wotfo yu nomo bin yusum det mani blanga meigim mowa mani? Yu bina pudum det mani langa beingk wulijim ai bina gajimbek mowa.’   
\p
\v 24 “Wal det haibala men bin tok langa ol detlot pipul hubin jandapbat deya na. Imbin tok, ‘Yumob pulumat det mani brom det nogudwan wekinmen en gibit langa det wekinmen weya garram tenbala mani.’   
\p
\v 25 “Bat detlot pipul bin tok, ‘Bos, im garram tenbala mani olredi!’   
\p
\v 26 “Wal det haibala men bin tok, ‘Ai dalim yumob. If yumob garram enijing, yumob garra yusum gudwei. En if yumob yusum gudwei, wal dei garra gibit yumob mowa. Bat if yumob nomo yusum gudwei, wal dei garra pulumat yumob ola enijing.  
\v 27 En detlot pipul weya nomo laigim mi en nomo bin wandim mi garra jidan king blanga olabat, wal yumob bringimap olabat iya langa mi en kilim olabat ded iya na.’” Lagijat na det haibala men bin tok langa det stori weya Jisas bin dalimbat detlot pipul.\x + \xo 19:27 \xt Meth 13:12; Mak 4:25; Luk 8:18; Meth 25:14-30\x*   
\s1 Jisas bin go langa Jerusalem  
\r Methyu 21:1-11; Mak 11:1-11; Jon 12:12-19  
\p
\v 28-29 Brom deya Jisas en im wekinmen olabat bin go langa Jerusalem, en wen deibin kaman gulijap langa det dubala lilwan taun gulum Bethfaji en Bethani deya gulijap langa det hil gulum Olib, Jisas bin jandim dubala wekinmen blanga im lida.   
\p
\v 30 Imbin dalim dubala, “Yunbala go lida langa det wan taun, en deya na yunbala garra faindim wanbala yangwan dongki im taidap. Nobodi bin raidim det dongki bifo. En yunbala garra deigimat det roup en bringimbek det dongki iya langa mi.  
\v 31 En if enibodi askim yunbala wotfo yunbala deigimat det dongki, wal yunbala dalim im, ‘Dumaji bos wandim.’”   
\p
\v 32 Wal wen dubala bin go, dubala bin faindim det dongki taidap lagijat gin weya Jisas bin dalim dubala,  
\v 33 en wen dubala bin deigimat det roup brom det dongki, detlot boswan blanga det dongki bin askim dubala, “Wotfo yunbala deigimat det roup brom det dongki?”   
\p
\v 34 En dubala bin tok, “Dumaji bos wandim.”   
\p
\v 35 Afta na dubala bin bringimbek det dongki langa Jisas, en dubala bin deigimat dubala ronwan kout, en dubala bin pudum det dubala kout langa det dongki bekboun blanga meigim sofwan, en dubala bin album Jisas galimap langa det dongki,  
\v 36 en wen Jisas bin raidim det dongki, bigmob pipul bin deigimat olabat kout, en deibin pudum detlot kout langa det roud.   
\p
\v 37 Wal wen Jisas bin kaman gulijap langa Jerusalem deya langa det pleis weya det roud im godan brom det hil gulum Olib, detlot bigmob wekinmen hubin oldei bulurrum Jisas bin brabli gudbinji, en deibin ol jingat theingkyu langa God, en deibin preisimbat im adbala blanga ola klebabala ting deibin luk God bin dumbat.  
\v 38 \fig |src="praise.tif" size="col" ref="19:38" \fig*Deibin tok, “Melabat askim God blanga jidan kainbala langa dijan king hu kaman langa im neim. God im brabli haibala, en ebribodi garra jidan gudbalawei langa hebin.” \x + \xo 19:38 \xt Saam 118:26\x*   
\p
\v 39 Wal sambala serramonimen gulum Ferasi bin deya du garram detlot pipul, en deibin dalim Jisas. Deibin tok, “Titja, yu dalim yu wekinmen olabat blanga jidan kwait.”   
\p
\v 40 Bat Jisas bin tok, “Ai dalim yumob. If olabat jidan kwait, wal ol dislot ston iya garra stat jinginatbat.”   
\s1 Jisas bin krai blanga Jerusalem  
\p
\v 41 Wal wen Jisas bin kaman gulijap langa Jerusalem, imbin luk det taun, en imbin stat kraikrai blanga det taun,  
\v 42 en imbin tok, “Wotfo yumob pipul langa Jerusalem nomo sabi wanim yumob bina dum tudei blanga jidan gudwei? Wotfo yumob kaan luk?  
\v 43 Det taim garra kaman wen det enami blanga yumob garra kaman brom det longwei kantri en yadimap yumob. Dei garra pudum fens raidaran langa yumob, en dei garra yadimap yumob brabliwei,  
\v 44 en dei garra binijimap yumob holot langa dijan taun, en dei garra nokamdan ebri haus. Lagijat na dei garra dum, dumaji yumob nomo bin sabi tudei na God bin wandi seibum yumob!”   
\s1 Jisas bin go langa det Serramoni Pleis  
\r Methyu 21:12-17; Mak 11:15-19; Jon 2:13-22  
\p
\v 45 Wal wen Jisas bin kamat langa Jerusalem, imbin go langa det Serramoni Pleis blanga ola Juwish pipul, en deya na imbin luk loda pipul bin baiyimbat en selimbat olkain ting blanga yusum langa det serramoni, en imbin gitwail, en imbin andimwei ol detlot shopkipa atsaid brom det pleis,  
\v 46 en imbin tok, “Langa oltestaman God bin tok, ‘Dijan Serramoni Pleis main im oni blanga prei.’ Lagijat na God bin tok. Bat yumob bin tenimran dijan pleis en meigim blanga selimbat enijing en pulumatbat mani brom ola pipul.”\x + \xo 19:46 \xt Aisai 56:7; Jera 7:11\x*   
\p
\v 47 Wal ebridei Jisas bin oldei titjimbat ola pipul deya langa det Serramoni Pleis. En detlot haibala serramoni en lowamen en najalot bos blanga detlot pipul bin wandi kilim im ded.\x + \xo 19:47 \xt Luk 21:37\x*  
\v 48 Bat dei nomo bin faindim wei blanga kilim im, dumaji detlot pipul bin oldei kaman blanga lisin langa im, en dei nomo bin wandi misdim eni stori weya imbin oldei tok.   
\c 20  
\s1 Ola haibala bos bin askimbat Jisas kwestjan  
\r Methyu 21:23-27; Mak 11:27-33  
\p
\v 1 Wal wandei wen Jisas bin titjimbat en dalimbat ola pipul det gudnyus deya langa det Serramoni Pleis, detlot haibala serramonimen en lowamen en ola lidawan olmen bin ol kaman langa Jisas,  
\v 2 en deibin askim im, “Yu dalim melabat. Hubin gibit yu det rait blanga dum ol dislot ting weya yu dumbat iya langa dijan Serramoni Pleis? Hubin gibit yu det rait blanga titjimbat olabat pipul iya langa dijan pleis?”   
\p
\v 3 Wal Jisas bin tok, “Ai garra askim yumob kwestjan du. Yumob dalim mi na.  
\v 4 Hubin gibit det rait langa Jon Beptis blanga beptaisimbat pipul? Imbin gedim det rait brom God o brom men?”   
\p
\v 5 Wal detlot bosmen bin tok gija blanga tharran. Deibin tok, “Wanim wi garra tok? If wi dalim im Jon bin gedim det rait brom God, wal im garra askim wi wotfo wi nomo bin duwit langa det wed blanga im.  
\v 6 Bat wi kaan dalim im Jon bin gedim det rait brom men.” Lagijat na deibin tok gija, dumaji ola pipul bin reken Jon bin speshalwan mesinja brom God, en detlot bosmen bin bradin detlot pipul mait stonimbat olabat ded if dei tok Jon bin gedim det rait brom men.   
\p
\v 7 Wal detlot bosmen bin lafta dalim Jisas lagijat. Deibin tok, “Melabat nomo sabi hubin gibit Jon Beptis det rait blanga beptaisimbat pipul.”   
\p
\v 8 Wal Jisas bin tok, “Wal ai kaan dalim yumob du hubin gibit mi det rait blanga dumbat ola enijing weya mi dumbat.”  
\s1 Stori blanga detlot fama  
\r Methyu 21:33-46; Mak 12:1-12  
\p \fig |src="LB00103B.TIF" size="span" ref="20:9" \fig*  
\v 9 Afta na Jisas bin dalim ol detlot pipul deya dijan stori, “Wantaim wan men bin meigim ebrijing redi blanga growimap gadin, en afta imbin gajim sambala fama blanga rentim det pleis, en imbin gowei brom deya longtaim. \x + \xo 20:9 \xt Aisai 5:1\x*   
\p
\v 10 “Bambai na wen imbin taim blanga detlot fama blanga gibit det boswan sambala daga brom det gadin, det boswan bin jandim wanbala wekinmen blanga askim detlot fama blanga det daga. Bat detlot fama bin beldimap det wekinmen, en deibin jandimbek im langa det boswan nomo garram enijing.   
\p
\v 11 “Wal det boswan bin jandim najawan wekinmen, en detlot fama bin beldim im en tridim im nogudwei, en deibin jandimbek im nomo garram enijing du.  
\v 12 En det boswan bin jandim najawan wekinmen, en detlot fama bin beldim im en andimwei im du.   
\p
\v 13 “Wal det boswan bin jinggabat na, en imbin tok, ‘Wanim ai garra dum? Ai lafta jandim main ronwan san wulijim dei garra rispek im.’  
\v 14 Bat wen detlot fama bin luk det san blanga det boswan, deibin tok gija, ‘Dijan blanga det boswan san. Wal kaman na. Wi garra kilim im ded wulijim wi garra abum dijan gadin blanga wi ronselp.’  
\v 15 En deibin grebum det san, en deibin tjakidawei im atsaid brom det gadin, en deibin kilim im ded.”  
\p Wal Jisas bin askim detlot pipul na, “Wanim yumob reken det boswan blanga det gadin garra dum langa detlot fama?  
\v 16 Ai dalim yumob. Im garra kaman en kilim detlot fama ded, en im garra gibit det gadin langa najalot fama.”  
\p Wal wen detlot pipul bin irrim Jisas tok lagijat, deibin tok, “Det boswan kaan dum lagijat!”   
\p
\v 17 Wal Jisas bin luk langa olabat, en imbin tok, “Wal wotfo im tok lagijat langa oltestaman, ‘Sambala kapinta bin bildimap stonwan haus, en deibin tjakidawei det wan ston, dumaji deibin reken imbin nogudwan. Bat det ston bin det meinwan, en dei nomo bin sabi.’\x + \xo 20:17 \xt Saam 118:22\x*  
\v 18 En if enibodi buldan langa det ston, wal det ston garra kadim im brabliwei. En if det ston buldan langa enibodi, wal det ston garra bitsimap im.” Lagijat na Jisas bin tok, en imbin tokin blanga im ronselp en blanga detlot pipul hu nomo bilib langa im.   
\s1 Trikiwan kwestjan blanga teksmani  
\r Methyu 22:15-22; Mak 12:13-17  
\p
\v 19 Wal detlot serramonimen en lowamen bin wandi grebum Jisas en lokimap im streidawei, dumaji deibin sabi imbin tokin blanga olabat langa det dubala stori. Bat deibin bradin blanga ola pipul deya,  
\v 20 en deibin lafta weidabat blanga det rait taim blanga grebum im.  
\p Afta na detlot serramonimen en lowamen bin peiyim mani langa sambala men blanga go en askimbat Jisas kwestjan blanga trepam im wulijim dei gin hendimoba im langa det gabman bos blanga kotim im. Detlot men bin ekting laik gudbala pipul,  
\v 21 en deibin askim Jisas, “Titja, melabat sabi yu oldei tok en titjimbat ebribodi trubalawei, en yu nomo teiknodis langa wanim olabat jinggabat. Nomeda hau hai det men im jidan, bat stil yu oldei dalim im streidat blanga wanim God wandim im blanga dum.   
\p
\v 22 “Wal yu dalim melabat na. Yu reken im rait det haibala gabman bos gin meigim melabat peiyim teks mani? Melabat garra peiyim det mani o najing?”   
\p
\v 23 Wal Jisas bin sabi olabat bin wandi trikim im,  
\v 24 en imbin tok, “Yumob shoum mi wotkain det mani.” En wen deibin shoum im det mani, imbin tok, “Wal blanga hu pitja en neim langa dijan mani?”  
\p En deibin tok, “Blanga det haibala gabman bos neim Sisa.”   
\p
\v 25 Wal Jisas bin tok, “Yumob garra gibitbek langa Sisa detlot enijing blanga im, en yumob garra gibitbek langa God detlot enijing blanga im du.”   
\p
\v 26 Wal wen deibin irrim Jisas tok lagijat, deibin ol hatjamp brabliwei, en deibin jidan kwait na, en dei nomo bin trai en trikim im deya langa detlot pipul enimo.   
\s1 Trikiwan kwestjan blanga dedbala  
\r Methyu 22:23-33; Mak 12:18-27  
\p
\v 27 Afta na sambala serramonimen gulum Sedyusi bin kaman langa Jisas. Detlot Sedyusi bin reken dedbala pipul kaan gidap laibala, en deibin askim Jisas kwestjan blanga tharran, dumaji deibin wandi trikim im.\x + \xo 20:27 \xt Eks 23:8\x*  
\v 28 Deibin tok, “Titja, Mosis bin gibit melabat wan lowa deya weya im tok, ‘If eni men dai, en im waif nomo bin abum biginini, wal im braja garra merrit langa det gel wulijim im garra abum biginini blanga det dedbala.’\x + \xo 20:28 \xt Dyud 25:5\x*   
\p
\v 29 “Wal wantaim sebenbala braja bin jidan, en det bigiswan bin merrit, en wen imbin dai, im nomo bin abum eni biginini.  
\v 30 Afta det sekanwan braja blanga im bin merrit det seimwan gel. Bat imbin dai, en im nomo bin abum eni biginini du.  
\v 31 Lagijat gin imbin hepin langa ol detlot najalot faibala braja blanga dubala. Deibin ol merrit langa det seimwan gel, en wen deibin ol dai, dei nomo bin libum eni biginini,  
\v 32 en afta det gel bin dai du.   
\p
\v 33 “Wal yu dalim melabat na. Wen det taim garra kaman blanga ola dedbala pipul garra gidap laibala, blanga hu waif det gel garra jidan, dumaji imbin merrit langa ol detlot sebenbala braja gija?” Lagijat na detlot serramonimen bin askim Jisas.   
\p
\v 34 Wal Jisas bin tok, “Ebribodi iya langa dijan kantri dei merrit.  
\v 35 Bat detlot pipul hu garra gidap laibala brom dedbala bambai, dei kaan merrit det taim.  
\v 36 Dei garra jidan wulijim detlot einjul. En dei kaan dai du. Olabat garra gidap laibala. En blanga tharran na olabat biginini blanga God.   
\p
\v 37 “Yumob reken ola dedbala pipul kaan gidap laibala. Bat Mosis bin shoum yumob ola dedbala pipul garra gidap laibala. Det stori langa oltestaman blanga det tri weya bin barnbarn garram faiya, im tokabat God lagijat na. Im tok, ‘Mi na det God blanga Eibrahem en Aisik en Jeikob.’\x + \xo 20:37 \xt Eksa 3:6\x*   
\p
\v 38 “Yumob sabi? God nomo God blanga dedbala pipul. Im God blanga laibala pipul, dumaji im na meigim olabat jidan laibala.” Lagijat na Jisas bin tok.   
\p
\v 39 Wal sambala lowamen bin tok, “Titja, yubin gibit olabat gudwan ensa.”  
\v 40 En nobodi bin geim blanga askimbat im enimo kwestjan.   
\s1 Jisas bin askim adwan kwestjan blanga det Masaiya  
\r Methyu 22:41-46; Mak 12:35-37  
\p
\v 41 Wal Jisas bin askim olabat kwestjan na. Imbin tok, “Wotfo sambala pipul tok det speshalwan Bos gulum Masaiya im grengrensan blanga King Deibid?  
\v 42 Deibid imselp bin tok langa det buk gulum Saam.  
\v 43 Imbin tok, ‘God bin dalim main Bos, Yu jidan langa main raidensaid raidap ai garra bidim ola enami blanga yu en meigim olabat jidan lobala langa yu.’”\x + \xo 20:43 \xt Saam 110:1\x*   
\p
\v 44 “Wal yumob dalim mi na. Hau det Masaiya garra jidan grengrensan blanga King Deibid wen Deibid bin gulum im Bos?” Lagijat na Jisas bin tok langa olabat.   
\s1 Jisas bin gibit woning blanga detlot hu reken miselp  
\r Methyu 23:1-36; Mak 12:38-40  
\p
\v 45 Afta na wen ola pipul bin stil deya lisinbat langa im, Jisas bin tok langa im wekinmen olabat,  
\v 46 “Yumob garra wotjim miselp blanga detlot lowamen hu laigim werrimonbat longwan kout. Dei werrimonbat det longwan kout blanga meigim miselp haibala wulijim ola pipul garra teiknodis en rispek olabat wen dei go wokabat eniweya. En dei oldei pikimatbat ola gudwan tjeya blanga jidan langa detlot Juwish Miting Pleis, en dei oldei pikimatbat ola gudwan tjeya wen dei abum bigwan padi du.  
\v 47 En dei oldei pulumat mani brom ola widogel, en afta dei oldei abumbat longwan preya wulijim ola pipul garra luk olabat en tok olabat gudbala. Bat najing. Olabat nomo gudbala. En God garra panishim olabat brabliwei.” Lagijat na Jisas bin tok.   
\c 21  
\s1 Widogel bin pudum mani  
\r Mak 12:41-44  
\p
\v 1 Afta na Jisas bin lukaran langa det Serramoni Pleis, en imbin luk sambala ritjmen bin pudumbat mani langa det mani boks,  
\v 2 en imbin luk wanbala powan widogel bin pudum dubala lilwan mani langa det mani boks du.   
\p
\v 3 Wal Jisas bin dalim im wekinmen olabat, “Ai dalim yumob. Detlot ritjmen bin pudum loda mani langa det mani boks.  
\v 4 Bat det widogel bin pudum mowa mani langa olabat, dumaji detlot ritjmen bin pudum speyawan mani weya deibin abum. Bat det widogel bin oni abum det dubala lilwan mani, en imbin pudum holot langa det mani boks, en im nomo garram enijing blanga baiyim daga na.” Lagijat na Jisas bin tok.   
\s1 Jisas bin tok blanga det taim detlot trabul garra hepin bambai  
\r Methyu 24:1,2; Mak 13:1,2  
\p
\v 5 Bambai na sambala wekinmen blanga Jisas bin tokabat det Serramoni Pleis, dumaji det pleis bin purdiwan garram olkain bigwan ston weya deibin bildimap det haus en garram olkain purdiwan ting weya pipul bin gibit blanga meigim det pleis luk gudwan.   
\p
\v 6 Wal Jisas bin dalim olabat, “Yumob luk ol dislot ting iya? Wal wen det taim garra kaman, nomo eni ston garra jidan iya langa dijan Serramoni Pleis. Dei garra breigimdan ol dislot haus, en dei garra tjakamdan ebri ston.”   
\p
\v 7 Wal detlot wekinmen bin askim im, “Wotaim dislot ting garra hepin? Hau melabat garra sabi det rait taim?”   
\p
\v 8 Wal Jisas bin tok, “Yumob garra wotjim miselp en nomo larram enibodi meigim yumob jinggabat najawei, dumaji loda men garra kaman en tok, ‘Mi na Jisas Krais det Masaiya.’ En dei garra tok, ‘Im taim na.’ Bat yumob nomo wandi bulurrum olabat.  
\v 9 En wen yumob irrim eni nyus blanga faitfait ebriweya, yumob kaan bradin, dumaji detkain ting garra hepin basdam. Bat im nomo taim yet blanga God blanga binijimap dijan kantri.”   
\p
\v 10 Wal Jisas bin kipgon tok, “Pipul garra faidabat ebriweya. Ebri kantri garra fait langa najalot kantri, en ebri traib garra fait langa najalot traib,  
\v 11 en det graun garra sheik ebriweya, en loda pipul garra jidan hanggri nomo garram daga, en olkain siknis garra kamat ebriweya du, en olkain ting garra hepin langa skai, en ol detlot pipul garra bradin nomo lilbit.   
\p
\v 12 “Wal bifo detlot ting garra hepin, dei garra grebum yumob en meigim trabul blanga yumob, en dei garra deigim yumob langa kot langa ola Juwish Miting Pleis, en dei garra tjakam yumob langa jeil, en dei garra meigim yumob jandap lida langa gabman bos en ola haibala men. Dei garra dum lagijat langa yumob dumaji yumob bilib langa mi.  
\v 13 En yumob garra dalimbat olabat det gudnyus.   
\p
\v 14-15 “Wal yumob kaan wori, en yumob kaan jinggabat wanim yumob garra tok det taim, dumaji ai garra meigim yumob sabi, en ai garra gibit yumob klebawan wed blanga dalim detlot bedfren blanga yumob wulijim dei kaan tok eniwei en bidim yumob.\x + \xo 21:14-15 \xt Luk 12:11,12\x*   
\p
\v 16 “Wal det taim na yumob ron femili en fren olabat garra hendimoba yumob langa ola haibala men. Yumob ron mami en dedi en braja en ful rileishan garra hendimoba yumob en sambala yumob garra dai.  
\v 17 Ebribodi garra heidim yumob dumaji yumob bulurrum mi.  
\v 18 Bat dei kaan binijimap yumob, dumaji God garra lukaftumbat yumob.  
\v 19 En yumob kaan slekbek, dumaji if yumob bulurrum mi olawei, wal God garra seibum yumob.   
\s1 Det brabli nogudbala ting  
\r Methyu 24:15-21; Mak 13:14-19  
\p
\v 20 “Wal wen yumob luk ola ami jidan raidaran langa dijan taun Jerusalem, yumob garra sabi det taim bin kaman blanga dijan taun en dei garra binijimap dijan taun.  
\v 21 En ol detlot pipul iya langa dijan kantri Judiya lafta ranawei langa ola hil kantri. Detlot pipul hu jidanbat langa dijan taun lafta ol ranawei brom iya, en detlot pipul hu jidanbat langa najalot pleis kaan kaman iya langa dijan taun.   
\p
\v 22 “Det taim na God garra panishimbat ola pipul brabliwei, dumaji im garra dum wanim deibin raidimdan langa oltestaman longtaim.\x + \xo 21:22 \xt Hos 9:7\x*  
\v 23 Im garra brabli nogud det taim blanga detlot gel hu jidan femiliwei en blanga detlot gel hu garrimapbat lilwan beibi, dumaji bigiswan trabul garra kaman langa dijan kantri, en God garra panishimbat ola pipul.  
\v 24 Ola najalot pipul hu nomo bilib langa God garra binijimap dijan taun Jerusalem. Dei garra kilimbat sambala pipul garram naif, en dei garra deigidawei sambala pipul langa najalot kantri en meigim olabat jidan prisana. Dei garra pudumbut langa dijan taun ebriweya raidap olabat taim garra binij.   
\s1 Jisas garra kamdan garram klaud  
\r Methyu 24:29-31; Mak 13:24-27  
\p
\v 25 “Olkain difrin ting garra hepin langa det san en det mun en langa ola sta, en ola pipul langa ebri kantri garra abum trabul, en dei garra bradin langa det nois brom det weib langa solwoda.\x + \xo 21:25 \xt Aisai 13:10; Isik 32:7; Jowal 2:31; Reb 6:12,13\x*  
\v 26 Pipul garra bradin detmatj, dumaji dei kaan sabi wanim garra hepin langa dijan wel. En dei garra dai. En ol detlot strongbala ting weya jidan langa skai garra gowei brom olabat pleis.   
\p
\v 27 “Wal det taim na ai garra kamdan garram klaud. Mi na det Speshalwan Men, en ai garra shain detmatj garram main pawa.\x + \xo 21:27 \xt Den 7:13; Reb 1:7\x*   
\p
\v 28 “Wal wen yumob luk ol dislot ting hepin, yumob garra jandap en luk langa hebin, dumaji det taim im gulijap na weya God garra seibum yumob.” Lagijat na Jisas bin tok langa im wekinmen olabat.   
\s1 Stori blanga figtri  
\r Methyu 24:32-35; Mak 13:28-31  
\p
\v 29 Afta na Jisas bin dalim im wekinmen olabat dijan stori, “Yumob jinggabat det figtri en detlot najalot tri.  
\v 30 Wen yumob luk ola nyuwan lif kamat langa olabat, yumob sabi im gulijap hotwethataim.  
\v 31 En im lagijat du wen yumob luk ol dislot ting hepin. Yumob garra sabi det taim weya ai garra kambek im gulijap na.   
\p
\v 32 “Ai dalim yumob trubala dijan. Ol dislot pipul iya hu jidan laibala tudei, olabat kaan dai raidap ol dislot ting garra hepin.  
\v 33 Trubala ai dalim yumob. Hebin en dijan graun garra tjeinj, bat main wed kaan neba tjeinj.   
\s1 Jidan strongbala en wotjim miselp  
\p
\v 34 “Wal yumob garra wotjim miselp. En yumob nomo wandi oldei jinggabat blanga dagat en dringgimbat en woribat blanga ebrijing langa dijan laif, dumaji if yumob oldei jinggabat ol detkain ting lagijat, wal det dei garra kaman wen yumob nomo redi,  
\v 35 en im garra tuleit blanga yumob, dumaji det taim garra kaman langa ebribodi langa dijan wel.   
\p
\v 36 “Wal yumob garra oldei wotjim miselp en prei wulijim yumob garra jidan strongbala blanga go thru langa ol detlot trabul en jandap garram mi.” Lagijat na Jisas bin tok.\fig |src="DD01.tif" size="col" ref="21:36" \fig*   
\p
\v 37-38 Wal ebridei Jisas bin titjimbat ola pipul langa det Serramoni Pleis deya langa Jerusalem, en ola pipul bin oldei go deya ebri ailibala blanga lisin langa im. En wen imbin sangodan, Jisas bin oldei gowei brom det taun blanga kemp langa det hil gulum Olib.\x + \xo 21:37-38 \xt Luk 19:47\x*   
\c 22  
\s1 Deibin wandi kilim Jisas  
\r Methyu 26:1-5; Mak 14:1,2; Jon 11:45-53  
\p
\v 1 Bambai na imbin gulijap taim blanga abum det serramoni gulum Pasoba weya dei garra gugum det damba nomo garram raising.\x + \xo 22:1 \xt Eksa 12:1-27\x*   
\p
\v 2 Wal detlot haibala serramonimen en lowamen bin wandi kilim Jisas ded. Bat deibin bradin blanga ola pipul, en deibin trai en faindimwei blanga kilim im snikinwei.   
\s1 Judas bin agri blanga hendimoba Jisas  
\r Methyu 26:14-16; Mak 14:10,11  
\p
\v 3 Wal Seitin det boswan dibuldibul bin gowin insaid langa det wekinmen blanga Jisas neim Judas Askeriyat,  
\v 4 en Judas bin go langa detlot haibala serramonimen en boswan blijiman, en imbin tok langa olabat blanga hendimoba Jisas langa olabat.   
\p
\v 5 Wal olabat bin brabli gudbinji blanga tharran, en deibin tok blanga gibit im mani,  
\v 6 en Judas bin agri langa olabat, en imbin weidabat blanga det rait taim weya im garra hendimoba Jisas langa olabat snikinwei wulijim ola pipul kaan sabi.   
\s1 Deibin meigim sapa redi  
\r Methyu 26:17-25; Mak 14:12-21; Jon 13:21-30  
\p
\v 7 Wal det Pasoba Serramoni bin stat na, en det dei bin kaman weya dei garra kilim det lilwan ship blanga det bigbala Pasoba sapa.   
\p
\v 8 Wal Jisas bin dalim det dubala wekinmen blanga im neim Pida en Jon blanga go lida en meigim ebrijing redi blanga det Pasoba sapa blanga olabat.   
\p
\v 9 Wal dubala bin askim Jisas, “Wujei minbala garra meigim det sapa redi?”   
\p
\v 10 Wal Jisas bin tok, “Wen yunbala gowin langa det taun, yunbala garra midim wanbala men deya hu garrimap bakit garram woda, en yunbala garra bulurrum im langa det kemp weya im garra gowin,  
\v 11 en yunbala garra askim det bos blanga det kemp, ‘Minbala bos wandi faindat wujei im garra abum det Pasoba sapa garram ola wekinmen blanga im.’  
\v 12 En det bos blanga det haus garra shoum yunbala wan bigwan rum langa top. Det rum im garram ebrijing wi wandim, en deya na yunbala garra meigim ola daga redi.”   
\p
\v 13 Wal det dubala wekinmen bin go na, en dubala bin faindim ebrijing lagijat gin weya Jisas bin dalim dubala, en dubala bin meigim ebrijing redi blanga det Pasoba sapa.   
\s1 Jisas im abum laswan sapa garram im wekinmenmob  
\r Methyu 26:26-30; Mak 14:22-26; Fes Karinthiyans 11:23-25  
\p
\v 14 Wal wen det rait taim bin kaman blanga abum det Pasoba sapa, Jisas en detlot speshalwan mishanri olabat bin go langa det haus, en imbin jidan langa det rum garram ol detlot,  
\v 15 en imbin dalim olabat, “Aibin wandi dagat brabli dijan Pasoba sapa garram yumob bifo dei ardim mi.   
\p
\v 16 “Wal yumob irrim mi na. Ai kaan dagat dijan sapa garram yumob enimo raidap main Dedi jandimbek mi en ai jidan boswan brabliwei.”   
\p
\v 17 Brom deya Jisas bin gajim wanbala kap, en imbin gibit theingks langa God, en afta imbin dalim detlot speshalwan mishanri, “Yumob ol dringgim dijan.  
\v 18 En yumob irrim mi na. Ai kaan dringgim dijan enimo raidap main Dedi jandimbek mi en ai jidan boswan brabliwei.”   
\p
\v 19 Brom deya Jisas bin gajim wanbala damba, en imbin gibit theingks langa God, en afta imbin breigim det damba, en imbin gibit det damba langa detlot speshalwan mishanri, en imbin tok, “Dijan na main ronwan bodi weya ai garra gibit blanga yumob. Wal yumob dagat dijan daga blanga jinggabat mi.”   
\p
\v 20 Brom deya wen olabat bin binij dagadagat sapa, Jisas bin gajim wanbala kap garram wain, en imbin pasimran det wain langa olabat, en imbin tok, “Dijan wain det nyubalawei blanga God. Ai garra spilim main ronwan blad blanga yumob blanga opinimap det nyubalawei blanga God.\x + \xo 22:20 \xt Jera 31:31-34\x* \fig |src="CN01803B.TIF" size="col" ref="22:20" \fig*   
\p
\v 21 “En ai dalim yumob. Wanbala men iya langa wi garra hendimoba mi langa detlot pipul.\x + \xo 22:21 \xt Saam 41:9\x*  
\v 22 Mi na det Speshalwan Men, en ai garra dai, dumaji God bin meigim det plen blanga mi. Bat im garra brabli nogud blanga det men hu garra hendimoba mi langa detlot pipul blanga kilim mi ded.”   
\p
\v 23 Wal ol detlot mishanri bin askimbat miselp na, “Wujan men garra hendimoba im?”   
\p
\v 24 Brom deya detlot speshalwan mishanri bin stat agamin blanga hu mowa haibala langa olabat en hu garra jidan bos langa olabat.\x + \xo 22:24 \xt Meth 18:1; Mak 9:34; Luk 9:46\x*   
\p
\v 25 Wal Jisas bin dalim olabat, “Ola haibala bos blanga detlot pipul hu nomo bilib langa God garram pawa oba langa ola pipul, en laiyawei dei gulum miselp fren blanga detlot pipul.  
\v 26 Bat im nomo lagijat langa yumob, dumaji det haibala bos brom yumob garra jidan wulijim lobala men, en im garra jidan wulijim wekinmen blanga im pipul olabat.\x + \xo 22:26 \xt Meth 20:25-27; 23:11; Mak 9:35; 10:42-44\x*   
\p
\v 27 “Yumob jinggabat na. Det men weya bringimap ola daga, im lobala men. En det men weya jidan en dagat det daga, im haibala men. En aibin meigim miselp lobala langa yumob, en aibin wek blanga yumob.\x + \xo 22:27 \xt Jon 13:12-15\x*   
\p
\v 28 “Wal yumob bin jidan garram mi olataim. Nomeda aibin abum trabul, bat stil yumob bin jidan garram mi.  
\v 29 En ai garra meigim yumob jidan bos jis laik main Dedi bin meigim mi jidan bos.  
\v 30 En yumob garra dagat langa main teibul deya langa main pleis, en yumob garra jidan langa detlot speshalwan tjeya blanga jidan bos langa det twelbala klen blanga ola Isreil pipul.” Lagijat na Jisas bin tok langa im wekinmen olabat wen deibin askimbat miselp wujan brom olabat garra jidan haibala langa olabat.\x + \xo 22:30 \xt Meth 19:28\x*   
\s1 Jisas bin dalim Pida im garra tok laiyawei  
\r Methyu 26:31-35; Mak 14:27-31; Jon 13:36-38  
\p
\v 31 Afta na Jisas bin tok langa Saiman Pida, “Saiman, Saiman. Yu irrim mi na. God garra larram Seitin testimbat yumob blanga kadimat ola gudbala brom nogudbala jis laik det fama weya im deigimat det sid daga en tjakidawei ola nogudwan gras.   
\p
\v 32 “Wal aibin prei blanga yu, Saiman, wulijim yu garra bilib brabliwei en nomo slekbek. Bat ai sabi yu garra slekbek. Bat afta yu garra kambek langa mi. En wen yu kambek, yu garra album yu braja olabat bilib brabliwei du.”   
\p
\v 33 Wal Pida bin tok, “Bos, mi redi blanga go garram yu langa jeil en dai garram yu.”   
\p
\v 34 Wal Jisas bin tok, “Pida, yu irrim mi na. Ai sabi yu garra tok thritaim yu nomo sabi mi, en afta det jukjuk garra jingat.”   
\p
\v 35 Brom deya Jisas bin askim ola wekinmen blanga im, “Yumob bin abum eni trabul det taim wen aibin jandimwei yumob nomo garram eni mani beig o daga beig o but? Yumob bin wandim enijing mowa?”  
\p En deibin tok, “Najing. Melabat bin abum ebrijing.”\x + \xo 22:35 \xt Meth 10:9,10; Mak 6:8,9; Luk 9:3; 10:4\x*   
\p
\v 36 Wal Jisas bin tok, “If yumob garram mani beig o daga beig tudei, wal yumob garra deigim. En if yumob nomo garram naif, wal yumob garra selim yumob kout en baiyim naif.  
\v 37 Yumob garra dum lagijat dumaji langa oltestaman im tok dei garra tridim mi wulijim trabulmeika. En det ting garra hepin, dumaji ebrijing weya God bin tok langa oltestaman garra hepin trubala.”\x + \xo 22:37 \xt Aisai 53:12\x*   
\p
\v 38 Wal detlot wekinmen bin tok, “Bos, yu luk. Dubala bigwan naif iya.”  
\p En Jisas bin tok, “Wal im rait det dubala naif.”   
\s1 Jisas bin preiprei langa det hil gulum Olib  
\r Methyu 26:36-46; Mak 14:32-42  
\p
\v 39 Brom deya Jisas en im wekinmen olabat bin go langa det hil gulum Olib weya deibin oldei go,  
\v 40 en wen deibin kamat deya, Jisas bin dalim olabat, “Yumob garra prei wulijim yumob kaan slekbek wen trabul garra kaman langa yumob.”   
\p
\v 41 Brom deya Jisas bin go lilbit longwei brom olabat, en deya na imbin nildan langa graun, en imbin prei langa God.  
\v 42 Imbin tok, “Dedi, if yu wandim, yu gin deigidawei dijan trabul brom mi. Bat yu kaan dum wanim mi wandim. Yu garra dum wanim yu wandim.”\fig |src="prayer.tif" size="col" ref="22:42" \fig*   
\p
\v 43 Wal wanbala einjul bin kamat langa Jisas blanga meigim im strongbala,  
\v 44 en Jisas bin filim miselp brabli nogudbinji na, en imbin prei brabli strongbalawei, en imbin swetgidap wen imbin prei, en ola swet blanga im bin buldan langa graun wulijim blad.   
\p
\v 45 Afta na wen imbin binij tok langa God, imbin gobek langa detlot wekinmen, en imbin faindim olabat silip, dumaji deibin wori blanga im en deibin nokap.   
\p
\v 46 Wal Jisas bin weikimap olabat, en imbin dalim olabat, “Wotfo yumob silip? Yumob gidap en prei wulijim yumob kaan slekbek wen trabul garra kaman langa yumob.”   
\s1 Deibin grebum Jisas  
\r Methyu 26:47-56; Mak 14:43-50; Jon 18:3-12  
\p
\v 47 Wal wen Jisas bin stil toktok, Judas bin kaman langa olabat garram bigmob pipul, en imbin go streit langa Jisas blanga kis langa im,  
\v 48 en Jisas bin tok, “Judas, yu garra hendimoba mi garram kis?”   
\p
\v 49 Wal wen ola wekinmen blanga Jisas bin luk wanim garra hepin, deibin askim im, “Bos, yu wandim melabat blanga fait garram melabat bigwan naif?”  
\v 50 En streidawei wanbala wekinmen blanga Jisas bin deigimat im bigwan naif, en imbin kadimof det raidensaid irriwol blanga wanbala wekinmen blanga det haibala serramonimen.   
\p
\v 51 Wal wen det wekinmen bin kadimof det irriwol, Jisas bin tok, “Nomo lagijat!” En imbin tatjim det irriwol, en imbin meigim im gudwan.   
\p
\v 52 Brom deya Jisas bin tok langa detlot haibala serramonimen en blijiman en boswan olmen hubin kaman deya blanga grebum im. Imbin tok, “Wotfo yumob bin kaman garram stik en bigwan naif blanga grebum mi? Mi nomo trabulmeika.  
\v 53 Aibin oldei jidanbat deya langa det Serramoni Pleis titjimbat ola pipul. Wotfo yumob nomo bin grebum mi deya? Ai dalim yumob wotfo. Dumaji det rait taim bin kaman blanga det boswan dibuldibul na, en yumob na garra dum det wek blanga im.”\x + \xo 22:53 \xt Luk 19:47; 21:37\x*   
\s1 Pida bin tok im nomo sabi Jisas  
\r Methyu 26:57,58,69-75; Mak 14:53,54,66-72; Jon 18:12-18,25-27  
\p
\v 54 Wal deibin grebum Jisas na, en deibin deigim im langa det haus blanga det boswan haibala serramonimen, en det wekinmen blanga Jisas neim Pida bin bulurrum olabat biyain lilbit longwei.   
\p
\v 55 Wal sambala pipul deya bin meigim faiya atsaid langa det boswan haibala serramonimen haus, en Pida bin go en jidan garram olabat wansaid langa det faiya.   
\p
\v 56 Bambai na wan wekingel bin luk Pida deya langa det faiya, en imbin tok, “Dijan men bin deya garram Jisas.”   
\p
\v 57 Wal Pida bin dalim im laiyawei, “Gel, ai nomo sabi im!”   
\p
\v 58 Bambai na wan wekinmen bin luk Pida, en imbin tok, “Yu na wekinmen blanga Jisas.”  
\p Wal Pida bin dalim im laiyawei, “Men, mi nomo wekinmen blanga im!”   
\p
\v 59 Bambai na najawan wekinmen bin tok strongbalawei, “Trubala dijan men bin deya garram Jisas, dumaji im brom Gelali!”   
\p
\v 60 Wal Pida bin dalim im laiyawei, “Men, ai nomo sabi wanim yu toktok!”  
\p Wal streidawei wen Pida bin tok lagijat, det jukjuk bin jingat,  
\v 61 en Jisas bin tenaran, en imbin luk streit langa Pida, en Pida bin jinggabat wanim Jisas bin dalim im basdam. Jisas bin tok, “Bifo det jukjuk garra jingat, yu garra dalim laiya thritaim yu nomo sabi mi.”   
\p
\v 62 Wal Pida bin gowei brom det pleis na, en imbin kraikrai nomo lilbit.   
\p
\v 63 Brom deya detlot blijiman bin stat mokimbat Jisas na. Deibin beldimbat im,  
\v 64 en deibin gaburrumap im ai garram reig, en deibin askimbat im jigibalawei, “Yu dalim melabat! Hu tharran bin hitim yu?”  
\v 65 En deibin tok olkain nogudbalawei langa im.   
\s1 Jisas langa ola Juwish kaunsala  
\r Methyu 26:59-66; Mak 14:55-64; Jon 18:19-24  
\p
\v 66 Ailibala na wen det san bin gidap, ola serramonimen en ola lowamen en ola boswan olmen bin midap blanga abum kaunsal miting blanga tok blanga Jisas, en detlot blijiman bin deigim Jisas langa detlot kaunsala,\fig |src="cn01815B.tif" size="col" ref="22:66" \fig*  
\v 67 en deibin kotim im deya na. Deibin tok, “Yu dalim melabat! Yu na tharran Boswan weya God garra jandim gulum Masaiya?”  
\p Wal Jisas bin tok, “If ai dalim yumob, wal yumob kaan bilib langa mi.  
\v 68 En if ai askim kwestjan langa yumob, wal yumob kaan ensim mi du.  
\v 69 Bat ai dalim yumob. Brom tudei na det Speshalwan Men garra jidan langa det raidensaid blanga det brabli haibala God.” Lagijat na Jisas bin tok.   
\p
\v 70 Wal detlot kaunsala bin askim im na, “Yu reken yu San blanga God, indit?”  
\p En Jisas bin tok, “Wal yumob reken mi San blanga God.”   
\p
\v 71 En deibin ol tok, “Wi nomo wandim enibodi blanga dalim melabat enijing blanga dijan men na, dumaji wibin irrim wanim imbin tok en imbin pudum bleim imselp!”   
\c 23  
\s1 Deibin deigim Jisas langa Pailat  
\r Methyu 27:1,2,11-14; Mak 15:1-5; Jon 18:28-38  
\p
\v 1 Brom deya na ol detlot haibala serramonimen en lowamen en najalot bosmen bin deigim Jisas langa det gabman bos neim Pailat,  
\v 2 en deibin meigimap yan, en deibin dalim Pailat, “Melabat bin luk dijan men bin trai en meigim rong langa ola pipul. Imbin dalim olabat nomo blanga gibit det teks mani langa det king blanga dijan kantri, en imbin dalim olabat im na garra jidan king, en imbin gulum miselp det Masaiya.”   
\p
\v 3 Wal Pailat bin tok langa Jisas na, “Yu king blanga ol dislot Juwish pipul?”  
\p En Jisas bin tok, “Wal hu yu reken mi?”   
\p
\v 4 Brom deya Pailat bin tok langa detlot haibala serramonimen en ola najalot pipul deya. Imbin tok, “Ai kaan faindim eni rong langa dijan men.”   
\p
\v 5 Bat detlot pipul bin kipgon tok strongbalawei langa Pailat, “Wal imbin oldei toktok en trai en meigim trabul blanga ola pipul ebriweya langa dijan kantri Judiya. Imbin trai en meigim trabul langa Gelali basdam, en imbin kaman iya blanga meigim trabul langa melabat kantri na.”   
\p
\v 6 Wal wen Pailat bin irrim olabat tok lagijat, imbin askim olabat, “Trubala dijan men brom Gelali?”  
\v 7 Lagijat na imbin askim olabat, dumaji det gabman bos blanga Gelali bin neim Herod, en imbin deya gin langa Jerusalem weya deibin kotimbat Jisas. En wen deibin dalim Pailat Jisas bin kaman brom Gelali, imbin jandim Jisas langa Herod.   
\p
\v 8 Wal wen Herod bin luk Jisas, imbin gudbinji, dumaji imbin oldei irrim nyus blanga Jisas weya imbin oldei dumbat olkainaba klebabala ting, en fo longtaim imbin wandi tok langa Jisas en luk im dum klebabala ting.   
\p
\v 9 Wal Herod bin askimbat Jisas olkainaba kwestjan. Bat Jisas bin jandap kwaitbala, en im nomo bin tok enijing.   
\p
\v 10 Brom deya detlot haibala serramonimen en lowamen bin meigimap olkainaba yan, en deibin tok laiyawei blanga Jisas.   
\p
\v 11 Afta na Herod en ola solja blanga im bin meigim fan langa Jisas, en deibin meigim im werrimon det purdiwan klos weya king bin oldei werrimon, en deibin tisimbat im brabli nogudbalawei, en afta Herod bin jandimbek Jisas langa Pailat.   
\p
\v 12 Wal bifo tharran bin hepin, Herod en Pailat bin heidim gija. Dubala bin bedfren. Bat brom det taim na wen dubala bin kotim Jisas, dubala bin gudfren na.   
\s1 Pailat bin hendimoba Jisas blanga gitkil  
\r Methyu 27:15-26; Mak 15:6-15; Jon 18:39—19:16  
\p
\v 13 Wal Pailat bin jingat langa detlot haibala serramonimen en kaunsala en detlot najalot pipul, en imbin majurrumap olabat,  
\v 14 en imbin tok, “Yumob bin bringimap Jisas langa mi, en yumob bin dalim mi imbin trai en meigim ola pipul dum rong. En aibin tok langa Jisas rait iya langa yumob ai, en ai kaan faindim eni rong langa im.  
\v 15 Aibin jandim im langa Herod, en imbin tok langa im, en im nomo bin faindim eni rong langa im du, en imbin lafta jandimbek im langa mi na.  
\p “Wal Jisas nomo bin dum eni rong. Ai kaan faindim eni risan blanga kilim im.  
\v 16-17 Maitbi ai garra beldim im brabliwei garram shotbala wip en larramgo im.” Lagijat na Pailat bin tok.   
\p
\v 18-19 Wal ol detlot pipul nomo bin wandim Pailat garra larramgo Jisas. Deibin wandim im blanga kilim Jisas ded en larramgo det najawan prisana neim Barebas. Det men bin deya langa det jeil dumaji imbin joinin langa bigbala fait langa det taun en imbin medrim sambodi.  
\p Wal detlot pipul bin stat jinginat langa Pailat, “Kilim Jisas! Yu larramgo det najawan prisana neim Barebas!”   
\p
\v 20 Bat Pailat bin wandi larramgo Jisas fri, en imbin tok langa detlot pipul igin.  
\v 21 Bat olabat bin stil jingat adbala langa im, “Kilim im! Neilimap im langa kros en larram im dai deya!”   
\p
\v 22 Wal Pailat bin tok langa olabat thritaim, “Wanim rong ting imbin dum? Ai kaan faindim eni rong langa im blanga kilim im ded. Ai garra jis beldim im en larramgo im fri.”   
\p
\v 23 Bat detlot pipul bin kipgon jinginatbat adbalawei blanga neilimap Jisas langa det kros en kilim im ded. Deibin kipgon jinginatbat raidap deibin win,  
\v 24 en Pailat bin lafta dum wanim deibin wandim.  
\v 25 Imbin larramgo Barebas, en imbin hendimoba Jisas langa detlot pipul blanga neilimap im langa det kros.   
\s1 Deibin neilimap Jisas langa kros  
\r Methyu 27:32-44; Mak 15:21-32; Jon 19:17-27  
\p
\v 26 Brom deya ola solja bin deigimwei Jisas blanga neilimap im langa det kros, en deibin midim wan men deya langa det roud, en deibin meigim im garrimap det kros biyain langa Jisas. Det men bin neim Saiman, en imbin kaman brom det longweiwan kantri gulum Sairini.   
\p
\v 27 Wal bigmob pipul bin bulurrum Jisas biyain, en sambala olgamen bin deya du, en deibin kraikrai detmatj blanga Jisas, dumaji deibin nogudbinji blanga im.   
\p
\v 28 Wal Jisas bin tenaran, en imbin luk langa detlot olgamen, en imbin tok, “Yumob olgamen brom Jerusalem, yumob kaan krai blanga mi.  
\v 29 Yumob garra krai blanga yumob ronselp en blanga ola biginini blanga yumob, dumaji det taim garra kaman dregli wen dei garra tok, ‘Ol detlot gel hu nomo bin abum beibi en ol detlot gel hu nomo nesimbat beibi, olabat na brabli lakiwan.’  
\v 30 Det taim na ola pipul garra jingat langa ston blanga buldan langa olabat, en dei garra jingat langa hil blanga gaburrumap olabat.\x + \xo 23:30 \xt Hos 10:8; Reb 6:1\x*   
\p
\v 31 “Yumob sabi? If dijan trabul garra hepin langa mi, wal wanim garra hepin langa yumob?” Lagijat na Jisas bin tok langa detlot olgamen.   
\p
\v 32 Wal detlot solja bin deigim dubala nogudbala men blanga kilim dubala ded garram Jisas,  
\v 33 en wen deibin kamat langa det pleis gulum “Hed Boun”, deya na deibin neilimap Jisas langa det kros, en deibin neilimap det dubala nogudbala men langa dubala ronwan kros du, wanbala raidensaid en wanbala lefthensaid. \fig |src="GTLuke2333ThreeCrosses.tif" size="col" ref="23:33" \fig*   
\p
\v 34 Afta na Jisas bin tok langa God, “Dedi, yu larramgo ol dislot pipul blanga dijan nogudbala ting weya deibin dum, dumaji olabat nomo sabi wanim olabat dumbat.”\fig |src="prayer.tif" size="col" ref="23:34" \fig*  
\p Brom deya detlot solja bin gembul blanga det klos blanga Jisas.\x + \xo 23:34 \xt Saam 22:18\x*   
\p
\v 35 Wal bigmob pipul bin jandap deya lukinatbat Jisas, en detlot Juwish kaunsala bin laf langa im. Deibin tok, “Imbin seibum najalot pipul. Wal if im det Masaiya weya God bin jandim, wal larram im seibum imselp na!”\x + \xo 23:35 \xt Saam 22:7\x*   
\p
\v 36 Sambala solja bin mokimbat im du. Deibin trai blanga gibit im wain blanga tisimbat im,\x + \xo 23:36 \xt Saam 69:21\x*  
\v 37 en deibin jingat langa im, “If yu reken yu det bos blanga ola Juwish pipul, wal yu seibum miselp!”   
\p
\v 38 Wal sambodi bin pudum lilwan sainbod garram neim ontop langa det kros, en det sainbod bin tok, “Dijan im king blanga ola Juwish pipul.”   
\p
\v 39 Wal det wan nogudbala men wansaid langa Jisas langa det kros bin jingat langa im jigibalawei, “Yu det Masaiya? Wal yu seibum miselp, en yu seibum minbala du!”   
\p
\v 40 Bat det najawan nogudbala men bin dalim det najawan, “Yu nomo tok lagijat langa Jisas.  
\v 41 Wotfo yu nomo bradin langa God? Yunmi bin dumbat nogudbala ting, en dei garra kilim yunmi ded blanga tharran. Bat im nomo bin dum eni rong.”   
\p
\v 42 Afta na imbin tok langa Jisas, “Jisas, yu jinggabat mi wen yu kambek haibala bos brom hebin.”   
\p
\v 43 Wal Jisas bin dalim im, “Trubala ai dalim yu. Tudei na yu garra jidan garram mi langa det gudbala pleis.”   
\s1 Jisas bin dai  
\r Methyu 27:45-56; Mak 15:33-41; Jon 19:28-30  
\p
\v 44 Wal wen imbin dinataim, det san bin go dakbala, en det kantri bin jidan dakbala raidap aftanun kabaditaim.   
\p
\v 45-46 Afta na Jisas bin jingat adbala, en imbin tok, “Dedi, langa yu bingga ai libum main spirit!” En wen imbin tok lagijat, imbin larramgo im spirit, en imbin dai na, en seimtaim det bigwan ketin insaid langa det Seikridwan Pleis deya langa det Serramoni Pleis bin breikhaf.\x + \xo 23:45-46 \xt Eksa 26:31-33; Saam 31:5 \x* \fig |src="41Mat2751TempleCurtainTorn.tif" size="col" ref="23:45,46" \fig*   
\p
\v 47 Wal wen det boswan solja bin luk wanim bin hepin, imbin tok gudbalawei langa God. Imbin tok, “Trubala dijan imbin brabli gudbala men!”   
\p
\v 48 En afta wen ol detlot pipul hubin majurrumap miselp deya bin luk wanim bin hepin, deibin ol gobek langa olabat kemp, en deibin kraikrai en kilimbat miselp langa olabat tjes, dumaji deibin nogudbinji brabliwei.  
\v 49 Ol detlot pipul hubin sabi Jisas brabliwei bin lukinat brom lilbit longwei wanim bin hepin, en detlot gel hubin bulurrum Jisas brom Gelali bin deya du.\x + \xo 23:49 \xt Luk 8:2,3\x*   
\s1 Josef bin berrim Jisas  
\r Methyu 27:57-61; Mak 15:42-47; Jon 19:38-42  
\p
\v 50-51 Wal wan men deya bin neim Josef. Imbin brom det taun gulum Eramathiya deya gin langa det kantri Judiya. En imbin gudbala men, en imbin meigim miselp redi blanga det taim wen God garra kambek en jidan bos. En imbin Juwish kaunsala du. Bat im nomo bin agri langa detlot najalot kaunsala blanga kilim Jisas.   
\p
\v 52 Wal Josef bin go langa Pailat, en imbin askim im blanga Jisas bodi,  
\v 53 en imbin deigimat det bodi brom det kros en imbin repdimap det bodi garram bendij, en afta imbin pudum det bodi insaid langa nyuwan keib.   
\p
\v 54 Wal imbin Fraidei dijan, en imbin gulijap taim blanga det Sebathdei blanga stat. Bat det Sebathdei nomo bin stat yet,  
\v 55 en detlot gel hubin bulurrum Jisas brom Gelali bin bulurrum Josef langa det keib blanga luk det greib, dumaji deibin wandi luk wujei imbin pudum det bodi blanga Jisas,  
\v 56 en wen deibin luk, streidawei deibin gobek langa olabat kemp blanga meigim ol detlot gudsmelwan medisin redi blanga rabum det bodi blanga Jisas wulijim im kaan go nogudwan. Bat deibin lafta libum detlot gudsmelwan medisin, dumaji imbin Sebathdei na, en det lowa blanga olabat bin tok nobodi kaan dum eni wek Sebathdei.\x + \xo 23:56 \xt Eksa 20:10; Dyud 5:14\x*   
\c 24  
\s1 Jisas bin gidap laibala brom greib  
\r Methyu 28:1-10; Mak 16:1-8; Jon 20:1-10  
\p
\v 1 Sandei ailibala bifo det san bin gidap, detlot gel bin go langa det keibwan greib garram detlot gudsmelwan medisin blanga rabum Jisas bodi,  
\v 2 en deibin faindim det ston dowa langa det keib bin opin,  
\v 3 en deibin gowin insaid. Bat dei nomo bin luk det bodi blanga Jisas.  
\v 4 En wen deibin jandap deya lukinatbat det keib, dubala einjul bin kamat langa olabat. Det dubala einjul bin abum brabli braitwan shainiwan klos,  
\v 5 en detlot gel bin brabli bradin, en wen det dubala einjul bin tok langa olabat, deibin baudan garram olabat feis langa graun.  
\p Wal det dubala einjul bin tok, “Wotfo yumob lukabat det laibalawan weya ola dedbala oldei jidan?  
\v 6 Im nomo iya! Imbin gidap! Yumob jinggabat wanim imbin dalim yumob deya langa Gelali.  
\v 7 Imbin tok dei garra hendimoba im langa nogudbala pipul, en dei garra neilimap im langa kros. Bat thrideistaim im garra gidap laibala.”\x + \xo 24:7 \xt Meth 16:21; 17:22,23; 20:18,19; Mak 8:31; 9:31; 10:33,34; Luk 9:22; 18:31-33\x*   
\p
\v 8 Wal wen detlot gel bin irrim dubala tok lagijat, deibin jinggabat wanim Jisas bin dalimbat olabat bifo,  
\v 9-10 en deibin gowei brom det keib, en deibin gobek en dalimbat det nyus. Detlot gel bin Meri Megdalin, Jowena, en Meri det mami blanga Jeims. En deibin go en dalim detlot najalot gel, en afta deibin ol go en dalim detlot lebenbala speshalwan mishanri en ola najalot pipul wanim bin hepin deya langa det keib.  
\v 11 Bat detlot speshalwan mishanri nomo bin bilib langa detlot gel, dumaji deibin reken deibin dalimbat laiya.   
\p
\v 12 Wal Pida bin gidap, en imbin ran langa det keib, en wen imbin kamat langa det keib, imbin jandap atsaid, en im nomo bin luk enijing deya insaid. Oni detlot bendij weya deibin repdimap Jisas bodi imbin luk.  
\p Wal Pida bin hatjamp, en imbin gobek langa im kemp, en imbin jinggabat wanim bin hepin.   
\s1 Jisas bin shoum miselp langa dubala wekinmen blanga im  
\r Mak 16:12,13  
\p
\v 13 Wal det seim dei dubala men hubin bulurrum Jisas bin go langa det lilwan taun gulum Imeiyas. Det lilwan taun nomo bin longwei. Imbin oni 11 kilomita brom Jerusalem,  
\v 14 en wen dubala bin wokwok langa roud, dubala bin toktok blanga ol detlot ting weya bin hepin deya langa Jerusalem.   
\p
\v 15 Wal wen dubala bin toktok blanga detlot ting, Jisas bin kamat langa dubala, en imbin wok garram dubala,  
\v 16 en dubala bin luk im. Bat dubala nomo bin sabi hu im.  
\v 17 En imbin askim dubala, “Wanim yunbala toktok?”  
\p Wal wen Jisas bin askim dubala lagijat, dubala bin stap, en dubala bin luk langa im brabli sedwei,  
\v 18 en det wan men neim Kliyapas bin dalim Jisas, “Yu nomo sabi? Nomeda yu streinja langa Jerusalem, bat stil oni yu na nomo sabi wanim bin hepin deya las wik!”   
\p
\v 19 Wal Jisas bin tok, “Wanim bin hepin deya?”  
\p En dubala bin tok, “Det men neim Jisas brom Nesareth bin speshalwan mesinja blanga God, en ola pipul bin reken imbin oldei tok brabli strongbalawei garram pawa, en imbin dumbat ebrijing garram pawa du, en God bin brabli gudbinji langa im.  
\v 20 Bat ol detlot haibala serramonimen en kaunsala blanga melabat bin hendimoba im langa detlot solja blanga neilimap im langa det kros, en deibin kilim im ded deya.  
\v 21 Melabat bin ol reken im na garra meigim ola pipul iya langa dijan kantri Isreil jidan fri.  
\p “Wal im thrideistaim na brom det taim wen deibin kilim im ded,  
\v 22 en sambala gel blanga melabat bin meigim melabat hatjamp, dumaji ailibala deibin go langa det keib,  
\v 23 en dei nomo bin faindim im bodi deya. Deibin kambek, en deibin dalim melabat deibin luk sambala einjul deya, en detlot einjul bin dalim olabat Jisas im laibala.  
\v 24 En sambala men bin go langa det keib, en deibin faindim im lagijat gin weya detlot gel bin tok, en dei nomo bin luk im bodi.” Lagijat na det men bin tok.   
\p
\v 25 Wal Jisas bin tok, “Yunbala granggibala! Wotfo yunbala kaan bilib ebrijing detlot speshalwan mesinja blanga God bin tok?  
\v 26 Deibin tok det Boswan gulum Masaiya garra go thru langa ol detlot trabul na weya bin hepin langa Jisas, en im garra go thru langa detlot trabul bifo im garra jidan brabliwan bos garram det shainiwan lait blanga im.”   
\p
\v 27 Brom deya Jisas bin dalim dubala ebrijing wanim det oltestaman bin tok blanga im brom Jenasis raidap langa Melakai.   
\p
\v 28 Afta na wen deibin kaman gulijap langa det lilwan taun, Jisas bin wandi kipgon.  
\v 29 Bat dubala bin askim im, “Yu jidan garram minbala, dumaji det san im godan na, en im gulijap dakbala.”  
\p Wal Jisas bin stap garram dubala,  
\v 30 en wen deibin jidan blanga abum daga, Jisas bin gajim det damba, en imbin gibit theingks langa God, en afta imbin breigim det damba, en imbin gibit langa dubala.\fig |src="cn01863B.tif" size="col" ref="24:30" \fig*  
\v 31 En wen imbin dum lagijat, streidawei dubala bin sabi imbin Jisas. En seimtaim Jisas bin jis gowei bifo dubala bin luk im,  
\v 32 en afta dubala bin tok, “Deya langa det roud wen imbin dalim yunmi ebrijing det oltestaman bin tok blanga im, yunmi bin abum brabli gudwan filing insaid langa yunmi jis laik yunmi bin womim miselp langa faiya.”   
\p
\v 33 Wal streidawei dubala bin gidap, en dubala bin gobek langa Jerusalem, en wen dubala bin kamat langa det lebenbala wekinmen blanga Jisas en detlot najalot pipul, detlot pipul bin dalim dubala.  
\v 34 Deibin tok, “Trubala det bos bin gidap! Imbin shoum miselp langa Saiman!”   
\p
\v 35 En afta dubala bin dalim olabat wanim bin hepin langa dubala langa det roud en hau dubala bin sabi Jisas wen imbin breigim det damba.   
\s1 Jisas bin shoum miselp langa detlot lebenbala wekinmen  
\r Methyu 28:16-20; Mak 16:14-18; Jon 20:19-23; Eks 1:6-8  
\p
\v 36 Wal wen dubala bin dalimbat olabat, Jisas bin kamat langa olabat deya gin, en imbin tok, “Gudei main braja olabat.”   
\p
\v 37 Wal deibin ol bradin detmatj, dumaji deibin reken imbin dibuldibul.  
\v 38 Bat imbin dalim olabat, “Wotfo yumob bradin? Wotfo yumob kaan bilib langa mi?  
\v 39 Yumob luk main bingga en main fut. Trubala mi dijan! Yumob tatjim mi en yu garra sabi mi dijan, dumaji dibuldibul nomo garram bif en boun wulijim mi.”  
\v 40 Lagijat na Jisas bin tok langa olabat.  
\p En imbin shoum olabat im bingga en im fut.  
\v 41 Bat olabat stil nomo bin bilib, dumaji olabat bin hatjamp en gudbinji detmatj.  
\p Wal Jisas bin askim olabat, “Yumob garram enijing blanga dagat?”   
\p
\v 42 Wal deibin gibit im kukwan fish,  
\v 43 en imbin dagat en deibin lukinat langa im.   
\p
\v 44 Afta na imbin dalim olabat, “Blanga dislot ting na aibin oldei dalimbat yumob basdam. Ebrijing weya deibin raidimdan langa det oltestaman blanga mi bin hepin trubala. Ebrijing bin hepin trubala weya Mosis bin raidimdan en weya detlot speshalwan mesinja bin raidimdan en weya King Deibid bin raidimdan langa detlot song du.”   
\p
\v 45 Wal Jisas bin meigim olabat sabi brabliwei wanim det oltestaman bin tok blanga im,  
\v 46 en Jisas bin dalim olabat, “Dijan na wanim im tok langa oltestaman. Im tok det Boswan gulum Masaiya garra dai, en im garra gidap laibala thrideistaim.   
\p
\v 47-48 “Wal mi na det Masaiya, en yumob bin luk dislot ting bin hepin garram yumob ron ai, en yumob garra dalimbat det gudnyus blanga mi langa ebri kantri. Yumob garra stat iya langa Jerusalem, en yumob garra dalim ola pipul blanga libum det nogudbalawei en bulurrum mi wulijim God garra larramgo olabat fri brom det nogudbalawei.  
\v 49 En mi na garra jandim det Holi Spirit weya main Dedi bin pramisim yumob. Bat yumob garra weit iya langa dijan taun blanga det taim wen det pawa brom hebin garra kamdan langa yumob.” Lagijat na Jisas bin tok.\x + \xo 24:49 \xt Eks 1:4\x*   
\s1 Jisas bin gowap langa hebin  
\r Mak 16:19,20; Eks 1:9-11  
\p
\v 50 Brom deya Jisas bin deigim im wekinmen olabat atsaid brom det taun Jerusalem, en deibin go langa det lilwan taun gulum Bethani, en deya na imbin lidimap im bingga, en imbin gibit olabat im laswan wed,  
\v 51 en afta imbin gowei brom olabat, en imbin gowap langa hebin,\x + \xo 24:51 \xt Eks 1:9-11\x*  
\v 52 en deibin weship langa im, en afta deibin gobek langa Jerusalem brabli gudbinji, \fig |src="praise.tif" size="col" ref="24:52" \fig*  
\v 53 en ebridei deibin oldei gibitbat theingks langa God deya langa det Serramoni Pleis.  
\p Binij na.