\id ISA Kriol Isaiah (23 KR isa.txt) sildarwin@sil.org 
\h Aisaiya 
\toc3 Aisai 
\toc2 Aisaiya 
\toc1 Aisaiya Bin Gibit Wed Brom God 
\mt1 Aisaiya  
\mt2 Aisaiya Bin Gibit Wed Brom God  
\ip Wal dijan stori im blanga wan speshalwan mesinja blanga God neim Aisaiya. Imbin gibit woning langa ola king en pipul blanga Juda en Isreil. Aisaiya bin dum dijan wek lilbit longtaim, maitbi 40 yiya. Wal langa det taim det ami blanga Asiriya bin kaman en teikoba Isreil en deibin deigidawei ola pipul prisana. Dei nomo bin teikoba Juda, bat deibin meigim detlot Juda pipul peiyimbat olabat bigmob mani olataim. Aisaiya bin oldei dalim detlot Juda en Isreil pipul det wed brom God. Imbin dalim olabat God im brabli holiwan, en im na det bos blanga ola wel. Imbin dalim detlot pipul hubin jidan prisana langa Asiriya blanga libum ol detlot drimin sheip en weship oni langa God, en bambai God garra deigimbek olabat langa olabat ronwan kantri igin. En langa tjepta 52 en 53 imbin dalim olabat det pramis weya bambai God garra jandim wanbala wekinmen blanga larramgo olabat fri brom olabat nogudbalawei, en bambai im garra meigim nyubala wel nomo garram eni trabul.  
\c 1  
\s1 YAWEI bin tok strongbalawei langa im pipul olabat  
\p
\v 1 Wal dijan na detlot mesij weya YAWEI det trubala God bin gibit blanga det kantri gulum Juda en det taun gulum Jerusalem. Mi na Aisaiya det san blanga Eimas, en imbin gibit mi detlot mesij langa det taim wen difrindifrin men bin jidan king blanga Juda. Det fes king bin Yusaiya, en afta Jotham, en Eihes en Hesakaiya.\x + \xo 1:1 \xt 2 King 15:1-7,32-38; 16:1-20; 18:1—20:21; 2 Kran 26:1-23; 27:1-9; 28:1-27; 29:1—32:33 \x* \fig |src="ISAIAH Heading Banner2.tif" size="span" ref="1:0" \fig*   
\p
\v 2 Wal YAWEI bin tok langa Aisaiya, “Wal skai en graun yunbala lisin langa mi na. Ol detlot biginini weya aibin growimapbat bin gibit bekboun langa mi na.  
\v 3 Ol detlot buligi en dongki sabi hu olabat bos, en dei sabi hu oldei fidimbat olabat daga, bat blanga main ronwan pipul olabat, dei nomo bin len enijing, najing.   
\p
\v 4 “Wal ol yumob Isreil pipul garra ol binij du, dumaji yumob brabli nogudbala. Yumob oldei dumbat brabli nogudbala ting. Yumob brabli wikitwan en brabli nogudbala. Yumob bin libum det wei blanga God, en yumob bin gibit bekboun langa mi. Mi na YAWEI, det brabli holiwan God blanga ola Isreil pipul.  
\v 5 Wotaim yumob garra stap dumbat detlot nogudbala ting? Maitbi yumob laigim God garra kipgon panishimbat yumob? Blanga yumob hed im bastapwan na, en yumob garram sikwan hat, en yumob brabli wikwan du.  
\v 6 Brom yumob hed raitdan langa yumob fut, yumob nomo garram eni gudwan pleis, najing. Yumob garram detmatj sowa en ol detlot sowa jidan opinwan. Nobodi kaan klinimbat en taiyimapbat detlot sowa garram bendij, en pudumbat medisin blanga meigim detlot sowa jidan klinbala, najing.   
\p
\v 7 “Yumob bin lukinat detlot streinja pipul hubin kaman brom detlot najawan kantri en deibin bitsimap en barnimap detlot taun en meigim olabat jidan rabishwan na, en yumob bin jis wotjimbat olabat dumbat ol detlot ting langa yumob kantri.  
\v 8 Ol yumob enamimob jidan raidaran langa Jerusalem, en nobodi kaan album yumob na. Yumob jis laik det lilwan hampi weya jidan langa midul langa ola greiptri o langa melan fam.” Lagijat na YAWEI bin tok.   
\p
\v 9 Wal aibin tok, “If YAWEI det boswan God nomo bin larram sambala pipul jidan laibala, wal Jerusalem bina jidan wulijim det dubala taun gulum Sadam en Gamora weya God bin binijimap.\x + \xo 1:9 \xt Jen 19:24; Rom 9:29\x*   
\p
\v 10 “Ol yumob boswan en pipul hu jidan langa Jerusalem, yumob nomo gudwan. Yumob jis laik detlot pipul brom Sadam en Gamora. Irrim wanim YAWEI toktok. Yumob garra lisin wanim im dalimbat yumob.  
\v 11 Imbin tok, ‘Blanga yumob sekrifais ofring, olabat nomo enijing langa mi. Ai nomo wandim yumob garra gibitbat mi detlot ofring. Ai nomo wandim yumob garra gibitbat mi ship en buligi en ai nomo laigim detlot blad brom buligi en ship en nenigout wen yumob gibitbat sekrifais.  
\v 12 Yumob oldei bringimapbat detlot ofring langa mi. Hubin dalim yumob blanga kaman iya langa main seikridwan pleis?  
\v 13 Detlot sekrifais en detlot gudsmelwan medisin im brabli nogudwan weya yumob oldei gibitbat langa mi. Ai nomo laigim detlot nogudbala ting weya yumob oldei dumbat wen yumob abumbat serramoni gulum Nyumanth, o langa det namba 7 dei gulum Sebathdei, o langa det najalot taim wen yumob weshipbat. Detlot brabli nogudwan, dumaji yumob oldei dumbat brabli nogudbala ting.  
\v 14 Ai nomo laigim wen yumob abumbat det Nyumanth serramoni, en najalot serramoni. Im jis laik mi garrimapbat det hebiwan ting en mi brabli nokap na.\x + \xo 1:14 \xt Eimos 5:21,22 \x*   
\p
\v 15 “‘Nomeda haumatj yumob preipreibat langa mi, ai kaan lisin langa yumob, dumaji yumob bingga jidan garram detmatj blad brom detlot sekrifais.  
\v 16 Washim miselp brabli klinbala! Dumaji ai nomo laigim detlot nogudbala ting blanga yumob. Stap dumbat detlot nogudbala ting,  
\v 17 en len blanga jidan raitwei. Meiksho yumob gibitbat ebribodi feyago, en lukaftumbat detlot widogel en ol detlot biginini hu nomo garram mami o dedi, en albumbat ol detlot pipul hu oldei abumbat adtaim du.   
\p
\v 18 “‘Wal kaman na! Ai wandim yumob blanga kaman en sodimat dijan trabul. Det nogudbalawei blanga yumob meigim yumob jidan brabli dardiwan, bat ai garra meigim yumob jidan brabli klinbala na.  
\v 19 If yumob duwit langa mi, wal detlot daga garra gro brabli gudwan langa yumob kantri.  
\v 20 Bat if yumob gibit mi bekboun, wal blanga yumob enamimob garra kilim yumob ded.’” Lagijat na YAWEI bin dalim mi.   
\s1 YAWEI garra panishim Jerusalem  
\p
\v 21 Wal aibin kipgon tok, “Yumob pipul langa Jerusalem, yumob jis laik det gel hu nomo rili trubala langa im hasbin. Basdam Jerusalem bin abum bigismob gudbala pipul. Bat tudei na yumob taun garram loda krulbala pipul hu wandi kilimbat pipul oldei.  
\v 22 Basdam Jerusalem bin jidan jis laik det silba, bat tudei na yumob pipul meigim det taun jidan brabli rabishwan. Basdam Jerusalem bin jidan jis laik det gudwan wain, bat tudei na yumob pipul jis laik det wain weya nomo garram eni teist.  
\v 23 Ola lidamob nomo laigim mi. Olabat jidan fren blanga detlot stilinbala. En blanga yumob bosmob, olabat brabli trikiwan en oldei lukabat blanga presen en mani blanga bekimap olabat. Dei nomo gibit feyago langa detlot widogel, en detlot biginini hu nomo garram mami en dedi.” Lagijat na aibin tok.   
\p
\v 24 Wal YAWEI bin tok, “Wal mi na YAWEI det boswan God blanga ola Isreil pipul, en yumob garra irrim wanim mi toktok. Dumaji yumob main enami, ai garra lafta panishim yumob.  
\v 25 Wal ai garra panishim yumob, en ai garra barnimap ol detlot rabishwan ting langa yumob laif weya oldei stapambat yumob brom weshipbat mi brabli trubalawei.  
\v 26 Yumob pipul langa Jerusalem, ai garra pikimat sambala men blanga jidan bos langa det kothaus, en sambala men garra albumbat yumob wulijim yumob garra jidan raitwei jis laik detlot pipul hubin jidan basdam. Jerusalem garra abum nyuwan neim gulum Trubalawan en Feyagowan Taun.   
\p
\v 27 “Yumob pipul langa Jerusalem, if yumob kambek langa mi, ai garra seibum yumob. If yumob gibitbat ebribodi feyago ai garra larramgo yumob fri du.  
\v 28 Bat ai garra binijimap detlot nogudbala pipul weya nomo laigim mi en hubin gibit bekboun langa mi.   
\p
\v 29 “Yumob garra jidan brabli sheimwan na, dumaji yumob bin oldei weshipbat ola drimin sheip andanith langa detlot ouktri langa detlot speshalwan gadin.  
\v 30 Yumob garra jidan wulijim detlot ouktri weya gulijap dai, en jis laik det gadin weya nomo garram eni woda.  
\v 31 Detlot strongbala lida blanga yumob garra jidan wulijim detlot draiwan gras weya det faiya garra barnimap kwikbala. Nobodi kaan albumbat olabat wen dei barnbarn langa det bigbala faiya.” Lagijat na YAWEI bin tok.   
\c 2  
\s1 Gudbalawei garra jidan olagijawan  
\r Maika 4:1-3  
\p
\v 1 Wal dijan det mesij weya YAWEI det trubala God bin gibit langa mi. Mi na Aisaiya det san blanga Eimas, blanga dalim detlot pipul deya langa Juda en Jerusalem.  
\v 2 Aibin tok, “Bambai na det bigwan hil weya det Serramoni Pleis blanga YAWEI oldei jidan garra jidan mowa haibala. Im garra jidan mowa haibala langa ola najalot hil. Ola pipul brom najalot kantri garra kaman langa det hil,  
\v 3 en dei garra tok, ‘Kaman! Wi lafta go deya langa det bigiswan hil blanga YAWEI det trubala God blanga Jeikob, en weship im deya langa im Serramoni Pleis. YAWEI garra titjimbat wi detlot lowa en wi garra teiknodis en duwit langa im.’   
\p
\v 4 “Im garra stapam detlot pipul hu oldei kaman brom najawan kantri blanga fait gija. Dei garra bitsimap detlot bigwan naif en spiya, en dei garra meigim reik en shabul brom detlot na wulijim olabat kaan neba fait igin en kilimbat najalot pipul.\x + \xo 2:4 \xt Jowal 3:10\x*  
\v 5 Ol yumob pipul brom Isreil, wi garra wok langa det lait blanga YAWEI.”   
\s1 Detlot Isreil pipul bin bulurrumbat nogudbalawei  
\p
\v 6 Wal aibin kipgon tok, “YAWEI, yubin libum yu pipul olabat na, detlot Isreil pipul, dumaji olabat oldei bulurrumbat detlot pipul hu kaman brom sanraiswei, en olabat oldei weshipbat en bulurrumbat det wei blanga detlot Filastain pipul. En olabat bin meigim gudfren langa najalot kantri, en olabat bin gibit bekboun langa yu na.  
\v 7 Ola Isreil pipul garram detmatj mani en gol en silba en bigismob hosis en bagi du.  
\v 8 Langa olabat kantri, dei oldei weshipbat bigismob drimin sheip weya deibin meigim.   
\p
\v 9 “Wal olabat garra jidan sheimwan bambai, en olabat garra brabli nogudbinji du. YAWEI, yu kaan album olabat enimo.”   
\s1 Det dei weya God garra jadjim pipul  
\p
\v 10 Wal aibin kipgon tok, “YAWEI im brabli wail en im kaminap garram detmatj pawa. En im garra jidan garram det brabli shainiwan lait, en wen ebribodi garra luk langa im, ebribodi garra bradin nomo lilbit, en dei garra go en trai blandim miselp insaid langa ola keib en langa ola hol langa graun.\x + \xo 2:10 \xt 2 Thes 1:9; Reb 6:15 \x*  
\v 11 Bambai na wen YAWEI garra kaman, detlot pipul hu oldei jidan brabli praudbala garra jidan lobala, en oni YAWEI imselp garra jidan brabli haibala langa ola ebrijing.  
\v 12 Wal YAWEI det boswan God bin pikimat det dei wen detlot pipul hu oldei jidan praudbala en laigim miselp garra jidan brabli lobala.  
\v 13 Detlot brabli longwan sidatri blanga Lebanan garra ol binijap, en detlot ouktri blanga Beishan garra binij du,  
\v 14 en ola haiwan haiwan hil,  
\v 15 en ebri brabli strongbala haus,  
\v 16 en ol detlot bout weya oldei go langa solwoda garra binij du.  
\v 17-18 Wen det dei garra kaman, detlot praudbala pipul hu oldei laigim miselp garra jidan lobala. En ola drimin sheip garra binijap olagijawan du. Oni YAWEI na garra jidan brabli haibala.   
\p
\v 19 “Ebribodi garra lafta blandim miselp insaid langa ola keib en langa ola rok langa graun, dumaji YAWEI brabli wail langa olabat. En im garra kaman garram detmatj pawa, en im garra jidan garram det brabli shainiwan lait. Ola pipul langa dijan wel garra bradin nomo lilbit langa im en YAWEI garra sheikimap dijan graun du.  
\v 20 Detlot drimin sheip weya deibin meigimbat brom silba en gol, dei garra tjakidawei langa ola lilwan enimul gulum ret en bet.  
\v 21 Ebribodi garra bradin langa YAWEI, dumaji im garram detmatj pawa, en im garra jidan garram det brabli shainiwan lait. En im garra sheikap dijan graun en ola pipul langa dijan wel garra bradin nomo lilbit langa im, en olabat garra trai ranawei en blandim miselp langa keib en langa hil kantri.\fig |src="GT_Is0219_HidingInCaves.tif" size="col" ref="2:21" \fig*   
\p
\v 22 “Yumob stap trastimbat langa detlot pipul hu nomo garram eni pawa. Olabat garra ol dai. Wal hau olabat garra album yumob?”   
\c 3  
\s1 Trabul garra kaman langa Jerusalem en Juda  
\p
\v 1 Wal aibin kipgon tok, “YAWEI det boswan God garra deigidawei ola ebrijing brom ol yumob pipul langa Jerusalem en Juda. Im garra deigimwei ebrijing weya yumob wandim, ola woda en daga,  
\v 2-3 en ola solja en ola men hubin dum gudwan ting, en detlot hu oldei kotimbat yumob, en ola speshalwan mesinja, en ola lidamob, en ola boswan blanga detlot solja, en najalot boswan en titjamob, en det najalot hu oldei dalimbat stori en dumbat ola klebabala ting blanga det taim weya garra kaman bambai.  
\v 4 YAWEI garra meigim ola beibi en ola biginini jidan bos blanga yumob.  
\v 5 Yumob garra jidan brabli krulbala langa yumob ronwan fren en kantrimen. Ola yangwan pipul garra tok rafwei langa olabat bos. Nobodi kaan rispek detlot pipul hu jidan lida blanga yumob.   
\p
\v 6 “Sambala pipul garra go langa im ronwan rileishan en tok, ‘Yu stil garram kout. Wal yu garra jidan lida blanga melabat na, en yu garra lukaftum dijan rabishwan pleis.’   
\p
\v 7 “Bat im garra ensa, ‘Ai kaan dum eni gudbala ting blanga yumob. Yumob kaan meigim mi jidan lida blanga yumob. Ai nomo garram eni klos en daga langa main haus.’   
\p
\v 8 “Yumob pipul langa Jerusalem en Juda, yumob wed en ekshan nomo eni gudwan en yumob bin gibit bekboun langa YAWEI.  
\v 9 Blanga yumob feis shoum yumob bin dum mowa nogudbala ting wulijim detlot pipul langa det taun gulum Sadam, en yumob kaan haidim detlot nogudbala ting. Yumob garram bigiswan trabul na, en yumob bin bringimap ol dislot ting langa yumob ronselp.   
\p
\v 10 “Dalim detlot pipul hu teiknodis en duwit langa YAWEI, ‘Gudbala ting garra hepin langa yumob. Yumob garra gedim gudwan ting blanga wanim yumob bin dumbat.’  
\v 11 Dalim detlot pipul hu nomo teiknodis en duwit langa YAWEI, ‘Yumob garra abum bigiswan trabul. Wanim yumob bin dumbat langa najalot pipul garra kambek langa yumob igin.’  
\v 12 Nomeda yumob blanga YAWEI pipul olabat, ola wuman en biginini jidan brabli adbala bos blanga yumob. En ola lidamob garra meigim yumob jinggabat rongwei. Dei oldei lidimbat yumob langa rong roud.   
\p
\v 13 “Wal YAWEI im redi blanga jadjim ola pipul langa ebri kantri.  
\v 14 En im garra jadjim yumob lidamob en ola boswan blanga im ronwan pipul olabat du. En im garra tok, ‘Yumob bin bitsimap ola greiptri, en yumob bin bilimap yumob ronwan haus garram olkain ting weya yumob bin stilimbat brom ola powan pipul.  
\v 15 Yumob bin oldei ardimbat main pipul olabat, en yumob bin tridimbat ola po pipul nogudbalawei.’” Lagijat na YAWEI det boswan God bin tok.   
\s1 Woning blanga ola wuman brom Jerusalem  
\p
\v 16 “Wal YAWEI bin tok langa mi, ‘Detlot wuman brom Jerusalem olabat brabli praudbala, en olabat oldei wokwok en winkimbat olabat ai langa enibodi, en olabat nomo sheim blanga dum detkain ting. Olabat oldei werrimonbat purdiwan tjein langa olabat eingkul blanga meigimbat nois blanga meigim ebribodi luk langa olabat wen olabat wokwokbat.  
\v 17 Bat mi na YAWEI, garra meigim olabat hed garra jidan garram detmatj sowa. En ai garra meigim olabat jidan neigidwan.’   
\p
\v 18-23 “Wal wen det dei garra kaman na, ai garra deigidawei ol detlot ting brom detlot wuman, ol detlot purdiwan tjein weya olabat oldei werrimonbat langa olabat eingkul, en hed, en nek, en irriwol, en am, en nos en langa olabat bingga, en langa olabat klos. En ai garra deigidawei olabat heinggitjif, en belt, en gudsmelwan medisin, en ola klebabala ting, en speshalwan klos, en purdiwan klos, en het, en beig.   
\p
\v 24 “Olabat kaan abum eni gudsmelwan medisin ting. Olabat garra jidan jinggiwan. Olabat kaan werrimon belt. Olabat garra yusum roup. Olabat kaan taiyimap olabat heya en meigim miselp purdiwan. Olabat kaan abum eni heya langa olabat hed. Olabat kaan abum purdiwan klos. Olabat garra werrimonbat sekbeigwan klos. Olabat kaan jidan purdiwan na. Olabat garra jidan brabli sheimwan.   
\p
\v 25 “Ola men brom Jerusalem hu oldei go faitfaitbat, dei garra ol dai langa wo.  
\v 26 En detlot pipul deya langa Jerusalem garra kraikrai nomo lilbit, en dei garra jidan nomo garram enijing.”   
\c 4  
\p
\v 1 Wal YAWEI bin kipgon tok, “Wen dijan garra hepin sebenbala gel garra gajim seimwan men, en detlot gel garra tok, ‘Melabat garra baiyim melabat ronwan daga en klos. Yu garra merrit langa melabat, blanga meigim melabat gudbinji en nomo sheim.’” Lagijat na YAWEI bin tok.   
\s1 YAWEI garra album im pipul olabat hu stil jidan laibala  
\p
\v 2 Wal aibin tok, “Wal det taim im kaminap na wen YAWEI det trubala God garra meigim dijan kantri brabli gudwan igin en abum loda daga, en detlot Isreil pipul hu stil jidan laibala garra jidan brabli gudbinji wen olabat kantri garra abum loda frut daga en sid daga.  
\v 3 Ebribodi langa Jerusalem hu stil jidan laibala garra jidan brabli speshalwan pipul.  
\v 4 YAWEI garra jadjim det taun, en im garra washim detlot pipul klinbala brom ol detlot nogudbala ting weya deibin oldei dumbat.   
\p
\v 5 “Afta tharran YAWEI garra jandim bigbala klaud blanga jidan langa det taun en langa det miting pleis ebri deitaim, en im garra jandim smok en faiya ebri naitaim. YAWEI garra shain detmatj garram im pawa en im garra gaburrumap ebrijing langa Jerusalem jis laiga sheid haus.\x + \xo 4:5 \xt Eksa 13:21; 24:16\x*  
\v 6 Im garra meigim sheid brom det hotwan san en pleis blanga jidan seifwan en draiwan brom det rein.” Lagijat na aibin tok.   
\c 5  
\s1 Song blanga det greip fam  
\q1
\v 1 “Ai garra sing song blanga main gudfren.  
\q1 Imbin abum fam weya imbin oldei growim det greip daga langa det brabli gudbala graun langa det hil kantri.   
\q1
\v 2 Main gudfren bin grajim det graun en deigimat ola ston blanga plentim detlot brabli gudwan greiptri.  
\q1 Imbin bildimap brabli haiwan haus blanga wotjimbat detlot greiptri.  
\q1 Imbin meigim pleis blanga gajim jus brom detlot greip daga.  
\q1 Imbin reken detlot greiptri garra gro brabli switwan daga,  
\q1 bat imbin teist brabli bitawan.\x + \xo 5:2 \xt Meth 21:33; Mak 12:1; Luk 20:9 \x* \fig |src="LB00103B.TIF" size="col" ref="5:2" \fig*   
\p
\v 3 “Ol yumob pipul brom Jerusalem en Juda, yumob irrim mi na. Yumob garra jinggabat langa mi en langa main fam weya det greip daga bin gro.  
\v 4 Wanim mowa ai bina dum blanga main greiptri olabat? Aibin wandim switwan greip daga blanga gro, bat najing. Oni bitawan greip daga bin gro.   
\p
\v 5 “Wal ai sabi wanim ai garra dum na. Ai garra kadimdan detlot bushis, en det wol weya jidan raidaran langa det fam, ai garra nakimdan. Main greip fam garra jidan rabishwan na.  
\v 6 Im garra jidan eniwei du, nomo garram enijing. Nobodi garra lukaftumbat detlot greiptri. Im garra jidan garram loda jigiwan gras. En ai kaan jandim eni rein.   
\p
\v 7 “Mi na YAWEI, det boswan God blanga ola Isreil pipul langa Juda. Dumaji yumob na det greip fam weya mi oldei maindimbat gudwei. Aibin wandim yumob blanga jidan trubala en gibit yumob feyago, bat yumob nomo bin jidan raitwei. Yumob medra, en detlot pipul weya yumob bin medrimbat, dei jingat langa mi na.” Lagijat na YAWEI bin tok.   
\s1 YAWEI bin dalim Aisaiya blanga tok strongbalawei  
\p
\v 8 Aibin tok na, “Wal yumob garra abum bigiswan trabul na! Yumob oldei gajim detmatj haus en fam raidap nomo eni rum jidan deya na blanga najalot pipul blanga jidan langa dijan kantri.  
\v 9 Bat YAWEI det boswan God bin meigim dijan pramis langa mi. Imbin tok, ‘Detlot bigwan en gudwan haus garra jidan emtiwan, nomo garram enibodi blanga lukaftumbat.  
\v 10 Bigmob greiptri garra gibit yumob oni lilbit jus, maitbi 8 lita, en bigismob sid garra abum oni wanbala flauwabeig garram sid daga.’   
\p
\v 11 “Wal yumob garra abum bigbala trabul na! Yumob oldei gidap ailibala gin blanga stat dringgimbat en yumob kipgon jidan drangginbala olnait.  
\v 12 Wen yumob abum bigbala padi yumob kipgon dringgimbat, en yumob oldei abumbat olkain myusik. Bat yumob nomo jinggabat blanga YAWEI en wanim imbin dum.  
\v 13 Wal im pipul olabat nomo sabi enijing blanga im, najing. Blanga tharran na sambala yumob garra gowei prisana langa najawan kantri. En blanga yumob lidamob garra jidan hanggriwan raidap olabat garra dai, en ebribodi garra jidan thestiwan nomo garram eni woda du.  
\v 14 En det pleis weya ola dedbala pipul oldei go, im weidabat garram brabli waidwan mawus redi blanga dagat detlot lida brom Jerusalem, en detlot pipul hu oldei meigimbat loda nois, en detlot hu oldei laigimbat miselp detmatj.   
\p
\v 15 “Im pipul olabat garra jidan rabishwan, en ol detlot praudbala pipul garra jidan sheimwan du.  
\v 16 Bat YAWEI det boswan God, im stil bos langa ebrijing. Im brabli haibala, en imbin shoum wi im det trubalawan weya oldei gibit feyago langa pipul.  
\v 17 YAWEI garra meigimbat ol detlot taun jidan rabishwan na, en ola ship en gout garra dagadagatbat ola grinwan gras langa det pleis, dumaji nomo enijing mowa garra jidan deya.   
\p
\v 18 “Wal yumob garra abum bigbala trabul na! Dumaji yumob oldei dalimbat laiya. Im jis laik yumob pulumbat roup biyainwei langa yumob garram detlot nogudbala ting.  
\v 19 En yumob tok, ‘Wal larram YAWEI det holiwan God blanga ola Isreil pipul dum kwikbala detlot ting weya imbin pramisim, wulijim wi garra luk garram wi ronwan ai.’   
\p
\v 20 “Wal yumob garra abum bigbala trabul na! Yumob reken det rongwei im det raitwei, en yumob reken det dakbala im lait, en yumob reken det bitawan teist switwan.   
\p
\v 21 “Wal yumob garra abum bigbala trabul na! Dumaji yumob reken miselp brabli klebawan, bat najing.   
\p
\v 22 “Wal yumob garra abum bigbala trabul na! Dumaji yumob reken yumob brabli haibala wen yumob oldei dringgimbat en wen yumob miksimapbat olkain dringk.  
\v 23 Yumob oldei deigimbat mani, en larram giltiwan pipul jidan friwan nomo garram eni panishmen, en yumob oldei dumbat ola trikibala ting en nomo gibit feyago langa ola gudbala pipul.  
\v 24 Blanga tharran na yumob garra barnbarn langa det bigiswan faiya jis laik det gras weya barnbarnbat, dumaji yumob bin gibit bekboun langa YAWEI det boswan God blanga ola Isreil pipul, en yumob nomo lisin wanim im oldei titjimbat yumob. Wal det rut blanga yumob garra jidan nogudwan, en yumob purdiflawa garra jidan rabishwan en gobek langa det graun igin.  
\v 25 Wal yumob blanga YAWEI pipul, indit? Bat yumob bin meigim im brabli wail na, en im garra panishim yumob garram im brabli strongbala pawa. Ol detlot bigwan hil garra sheiksheik nomo lilbit, en ola dedwan bodi garra leidan oloba langa det strit, wulijim ola rabish. YAWEI garra kipgon panishimbat yumob. Lagijat na im garra dum.   
\p
\v 26 “Wal YAWEI bin dalim detlot pipul brom najalot kantri blanga kaman en fait langa yumob. Imbin blowin det longwan wisul, en olabat kaminap kwikbala.  
\v 27 En olabat nomo sabi nokap, najing. En olabat nomo silip o leidanbat, en wen olabat oldei ranranbat, olabat kaan buldan du. Olabat belt nomo slekwan, en olabat but kaan breik, najing.  
\v 28 Olabat garram brabli shapwan spiya, en olabat bo en erro im jidan redibala. Detlot hosis fut, olabat brabli adwan, wulijim adwan ston. Detlot wil blanga olabat bagi go raun en raun kwikbala, wulijim win.  
\v 29 Olabat jinginat adbala, wulijim detlot laiyan weya dei oldei gajimbat enimul en dregimwei olabat weya nobodi kaan album olabat na.   
\p
\v 30 “Wal langa det dei na wen olabat garra faitfaitbat, olabat garra jinginatbat adbala jis laik det bigwan solwoda weya im meigimbat bigbala nois. En wen yumob garra lukinatbat langa det kantri, yumob garra lukinat oni dakbala pleis en trabul, dumaji det dei na im garra jidan garram brabli hebiwan klaud en im garra jidan brabli dakbala.”   
\c 6  
\s1 YAWEI bin tok langa Aisaiya langa drim langa det Serramoni Pleis  
\p
\v 1 Wal aibin kipgon tok, “Langa det yiya na wen Yusaiya bin dai, aibin abum drim en langa main drim aibin luk YAWEI det trubala God bin jidanbat langa im speshalwan tjeya, en imbin jidan mowa haibala langa ola ebrijing, en blanga im klos bin spredat oloba langa det Serramoni Pleis.\x + \xo 6:1 \xt 2 King 15:7; 2 Kran 26:23 \x*  
\v 2 En rait raun langa im, detlot speshalwan einjul gulum serif bin flairanbat en olabat bin brabli shainiwan, en olabat bin abum siksbala wing. En olabat bin gaburrumap olabat feis garram dubala wing, en olabat bin gaburrumap olabat bodi garram naja dubala wing. En garram det naja dubala wing olabat bin yusum blanga flairanbat,  
\v 3 en olabat bin oldei jinginatbat gija,  
\q1 ‘Holi, holi, holi!  
\q1 YAWEI im det boswan God.  
\q1 Im garram mowa pawa langa enijing langa dijan wel.’\x + \xo 6:3 \xt Reb 4:8\x*   
\p
\v 4 “Wal wen detlot serif bin jinginat adbala det flopat blanga det Serramoni Pleis bin sheik nomo lilbit, en det Serramoni Pleis bin jidan garram loda smok.\x + \xo 6:4 \xt Reb 15:8 \x*   
\p
\v 5 “Afta na aibin jingat, ‘Trubala ai garra dai na. Aibin oldei toktokbat nogudbalawei, en detlot hubin jidan raidaran langa mi deibin oldei toktokbat nogudbalawei du. Bat tudei na aibin luk garram main ronwan ai det King, YAWEI det boswan God.’   
\p
\v 6 “Brom deya wanbala serif bin flai langa mi garram det hotwan tjakol langa im bingga, weya imbin gajim brom det teibul blanga ofring garram det silbawan ting.  
\v 7 Imbin kaman en tatjim main mawus garram det hotwan tjakol en imbin tok, ‘Dijan bin tatjim yu mawus, en yu fri na brom ol det nogudbalawei en yu nomo giltiwan na.’   
\p
\v 8 “Afta tharran aibin irrim YAWEI tok na, ‘Hu ai garra jandim? Enibodi iya gin jidan mesinja blanga wi?’  
\p “Wal aibin tok, ‘Ai gin go. Yu jandim mi.’   
\p
\v 9 “Wal YAWEI bin dalim mi blanga go en dalim im pipul olabat dislot wed na, ‘Yumob garra lisin main wed, bat yumob kaan sabi enijing. Yumob garra lukabat det trubalawei blanga God, bat yumob kaan faindim det wei.’  
\v 10 En YAWEI bin tok langa mi, ‘Yu meigim dislot pipul gibit mi bekboun. Jadimap olabat irriwol en olabat dubala ai en meigim olabat nomo sabi enijing wulijim olabat kaan kambek langa mi blanga meigim olabat gudbala.’ Lagijat na YAWEI bin tok.\x + \xo 6:10 \xt Meth 13:14,15; Mak 4:12; Luk 8:10; Jon 12:40; Eks 28:26,27 \x*   
\p
\v 11 “Aibin askim YAWEI na, ‘Haulong dijan ting garra jidan lagijat?’  
\p “Wal YAWEI bin tok langa mi, ‘Raidap olabat haus garra buldan en olabat taun garra bitsap en raidap olabat fam garra jidan nomo garram enijing,  
\v 12 en aibin jandimwei olabat longwei en nomo enibodi bin jidan deya en det kantri bin jidan rabishwan.  
\v 13 Nomeda if oni lilbit pipul jidan laibala, bat stil olabat garra ol binijap. Bat jis laik det rutpat blanga det tri weya jidan afta deibin kadimdan, wal sambala pipul weya aibin pikimat garra jidan laibala lagijat du.’ Lagijat na YAWEI bin tok.”   
\c 7  
\s1 Aisaiya bin dalim King Eihes nomo blanga gibap  
\p
\v 1 Wal wen Eihes det san blanga Jotham, en grensan blanga Yusaiya, bin jidan king langa Juda, King Resin brom Syria en King Peka det san blanga Remalai brom Isreil bin go blanga fait langa Jerusalem. Olabat bin meigim plen blanga teikoba det taun, bat dei nomo bin teikoba det taun. Najing.\x + \xo 7:1 \xt 2 King 16:5; 2 Kran 28:5,6 \x*  
\v 2 Bambai na wen det nyus bin kaman langa King Eihes weya detlot Siriya solja bin joinap garram ola Isreil solja, King Eihes en ebribodi langa Juda bin bradin nomo lilbit. Olabat bin ol sheiksheikbat nomo lilbit jis laik detlot tri weya det strongbala win oldei blowimbat.   
\p
\v 3 Wal YAWEI det trubala God bin tok langa mi na, “Yu deigim yu san Shiyajashab en yunbala go en luk King Eihes. Yunbala garra faindim im langa roud, gulijap langa det pleis weya dei oldei washimbat ola klos, wansaid langa det lilwan krik weya det woda kaman brom det topwan wodahol.  
\v 4 Yu garra dalim King Eihes nomo blanga wori tumatj. Im kaan bradin blanga det dubala king neim King Resin en King Peka. Dubala brabli wail orait, bat dubala nomo enijing. Dubala jis laik det faiya weya barnbarn en binij.  
\v 5 King Eihes kaan bradin blanga det plen dubala bin meigim.  
\v 6 Dubala bin reken dei garra kaman en lukaran Jerusalem en Juda en bidim olabat wen olabat fait, en dei wandim meigim det san blanga Tebiyel jidan det nyuwan king.   
\p
\v 7 “Wal mi na YAWEI en mi meigim pramis wulijim det ting kaan hepin.  
\v 8-9 Dameskas im det meinwan taun blanga Siriya, en King Resin im oni bos blanga Dameskas. En Sameriya im det meinwan taun blanga Isreil, en King Peka im oni bos blanga Sameriya. Bifo 65 yiya garra binij, det kantri Isreil garra binijap. En if King Eihes en im wekinmenmob kaan trastim langa mi, wal olabat kaan win.” Lagijat na YAWEI bin tok.   
\s1 Wanbala san neim Imenyuwel  
\p
\v 10 Wal wan mowa taim YAWEI bin tok langa King Eihes,  
\v 11 “Yu askim mi blanga shoum yu gudbala ting wanim yu nomo bin luk bifo, wulijim yu garra sabi main pramis garra jidan trubalawan. Yu askim mi blanga shoum yu samting garra hepin langa det wel weya ola dedbala pipul jidan, o deya langa skai.”   
\p
\v 12 Wal King Eihes bin tok, “Nomo YAWEI. Ai kaan testimbat yu.”   
\p
\v 13 Wal aibin tok, “Yumob irrim mi na, ol yumob brom King Deibid femili lain. Yumob oldei dumbat nogudbala ting en meigim mi brabli nokap, en yumob meigim YAWEI nokap du, dumaji yumob nomo wandim im garra shoumbat yumob dijan gudbala ting.  
\v 14 Bat YAWEI, im garra stil shoumbat yumob det gudbala ting. Wal wan singulwan yanggel garra jidan femiliwei, en im garra abum san, en im garra gulum im neim Imenyuwel.\x + \xo 7:14 \xt Meth 1:23 \x*  
\v 15-16 Bifo det lilboi garra gro bigiswan en im garra sabi wanim rait en wanim rong, im garra dagadagatbat milk en shugabeig, en det dubala kantri blanga det dubala king weya yumob oldei bradin, dei garra binijap.   
\p
\v 17 “Bat YAWEI garra kipgon meigimbat mowa en mowa trabul blanga yumob en blanga yumob kantri du. Yumob nomo bin sabi detmatj trabul brom det taim wen ola Isreil pipul bin gowei brom ola Juda pipul. En im garra bringimap det king brom Asiriya blanga kaman en fait langa yumob du.   
\p
\v 18 “Wal wen det taim garra kaman, YAWEI garra blowim det wisul en detlot ami garra kaman brom Ijip wulijim flai, en detlot ami brom Asiriya wulijim shugabeig flai.  
\v 19 Olabat garra jidan ebriweya. Olabat garra jidan langa rafwan hil kantri, en langa midul langa ola rok, en langa ebri bush kantri en oloba langa detlot pedik.   
\p
\v 20 “En wen det taim garra kaman, YAWEI garra meigim yumob jidan brabli sheimwan. Im garra peiyim det king brom Asiriya blanga bringimap shapwan naif brom najasaid brom det Yufreitis Riba, en dei garra sheibum yumob hed, en ola heya langa yumob bodi, en yumob wiska du. Det king blanga Asiriya garra jidan bos oba langa yumob.   
\p
\v 21 “En wen det taim garra kaman, nobodi garra abum mowa den wanbala yangwan gelwan buligi, en dubala ship,  
\v 22 bat detlot pipul garra stil abum blendibala milk blanga dringgim. Ebribodi hu stil jidan langa det kantri garra dringgim milk en dagadagatbat shugabeig.   
\p
\v 23 “Detlot gudbala fam blanga yumob garram 1,000 greip tri, en if yumob bina wandim selim wanbala fam maitbi yumob bina gedim 1,000 silbawan mani. Bat wen det taim garra kaman, detlot fam garra jidan oni garram jigiwan gras.  
\v 24 Yumob garra go deya blanga hanting garram yumob bo en erro, dumaji det kantri garra jidan garram detmatj jigiwan gras.  
\v 25 En detlot hil weya yumob bin plentimbat sid daga garra jidan garram loda rabishwan en jigiwan gras. Yumob garra bradin blanga go deya, en ol yumob buligi en ship en nenigout garra go wokaran ebriweya langa detlot hil kantri.” Lagijat na aibin tok.   
\c 8  
\s1 Aisaiya garra abum san  
\p
\v 1 Wal YAWEI det trubala God bin tok langa mi igin, “Yu gajim samting blanga raidimdan dijan wed. Yu garra raidimdan garram bigwan leda det neim Mahashalalhashbas.  
\v 2 Wal ai garra meigim Yuraiya det serramonimen, en Sekaraiya det san blanga Jebarekaiya jidan witnis blanga dijan.”   
\p
\v 3 Wal aibin tok, “Afta tharran mi en main waif bin abum san en YAWEI bin tok, ‘Gulum im neim Mahashalalhashbas,  
\v 4 dumaji bifo im garra tok mami o dedi, det king brom Asiriya garra go en fait en im garra deigidawei ola gudwan ebrijing brom det dubala taun gulum Dameskas en Sameriya.’   
\p
\v 5 “Wal afta YAWEI bin tok langa mi igin,  
\v 6 ‘Dislot pipul langa Juda nomo wandim det gudwan woda brom Shailowa, en olabat jidan brabli bradinwan blanga det dubala king neim Resin en Peka.  
\v 7 Wal ai garra jandim det king brom Asiriya, en im garra kaman en fait langa detlot Juda pipul garram im brabli strongbala ami. Im garra fait strongbalawei langa olabat, jis laik det fladwoda weya go ebriweya langa Yufreitis Riba.  
\v 8 Ol detlot solja blanga detlot enami garra go ebriweya langa Juda, jis laik det fladwoda weya kaman en gaburrumap yumob raidap langa yumob nek.’  
\p “Bat God im oldei iya garram wi, en im oldei maindimbat dijan kantri blanga wi du.   
\p
\v 9 “Holot yumob streinja pipul, yumob garra gitredi blanga go langa wo, bat yumob kaan win. Yumob garra ol bitsap en binijap.  
\v 10 Nomeda yumob majurrumap miselp en meigim plen, bat yumob kaan win, najing, dumaji YAWEI im oldei iya garram wi.”   
\s1 YAWEI bin gibitbat Aisaiya woning  
\p
\v 11 Wal aibin kipgon tok, “Wal YAWEI bin holdim mi garram im strongbala bingga en imbin tok, ‘Mi gibitbat yu woning. Yu nomo dum wanim dislot pipul bin oldei dumbat.  
\v 12 Yu nomo joinap garram dislot pipul wen dei meigim plen, en yu nomo jidan bradinwan blanga detlot ting weya bradinim olabat.  
\v 13 Oni langa mi na yu garra bradin, en yu garra shoum rispek oni langa mi na, det holiwan God, YAWEI det boswan God.\x + \xo 8:13 \xt 1 Pida 3:14,15\x*  
\v 14-15 Yu ran langa mi na blanga lukaftumbat yu. Mi jis laik det ston weya garra meigim detlot Juda en Isreil pipul buldan en breigim olabat bon. Mi jis laik det trep weya garra gajimbat detlot pipul brom Jerusalem. Olabat garra jidan prisana en detlot enami garra deigidawei olabat.’ Lagijat na YAWEI bin tok.”\x + \xo 8:14-15 \xt 1 Pida 2:8 \x*   
\s1 Aisaiya en im wekinmenmob  
\p
\v 16 Wal aibin kipgon tok, “Ol detlot mesij en ol detlot wed weya aibin raidimdan en titjimbat yumob, wal yumob garra jadimap garram bush gum en gibit langa main wekinmen olabat blanga lukaftumbat.  
\v 17 Ai garra kipgon trastimbat langa YAWEI na, nomeda im nomo bin gudbinji langa detlot Isreil pipul.\x + \xo 8:17 \xt Hib 2:13 \x*   
\p
\v 18 “Wal mi en main bigininimob garra jidan woning blanga detlot Isreil pipul brom YAWEI det boswan God hu jidanbat langa det bigwan hil gulum Saiyan.\x + \xo 8:18 \xt Hib 2:13 \x*   
\p
\v 19 “Wal maitbi sambodi garra tok langa yu, ‘Yu go langa detlot klebabala pipul hu oldei meigim nois, en askimbat detlot dedbala spirit. Mobeda yumob garra askimbat yumob ronwan drimin wanim yu garra dum.’   
\p
\v 20 “If enibodi nomo teiknodis langa det wed dei kaan jidan laibala blanga luk det deilait.  
\v 21 Olabat garra abum detmatj pein, en olabat garra jidan hanggribala, en olabat garra tok nogudbalawei langa olabat king en langa olabat drimin. Nomeda olabat garra trai lukabat blanga faindim sambodi langa skai blanga album olabat,  
\v 22 en langa dijan wel, bat olabat garra faindim oni bigiswan trabul en brabli dakbala pleis.”   
\c 9  
\nb
\v 1 “Bat detlot pipul hubin abumbat loda pein kaan abumbat pein enimo.”  
\s1 Wanbala king garra kaman  
\p Aibin kipgon tok, “Bifo, God bin meigim lobala det dubala kantri gulum Sebyulan en Neftali langa Gelali. Bat bambai na ol detlot kantri blanga ol detlot pipul hu jidan najasaid langa Jodan Riba, en olawei langa det solwoda gulum Medatareiniyan, God garra meigim detlot pipul brabli haibala.\x + \xo 9:1 \xt Meth 4:15 \x*  
\v 2 Detlot pipul hubin oldei wok langa dakbala pleis, bin luk brabli braitwan lait. En det lait bin shain langa ebribodi hu jidan langa det kantri langa brabli dakbala pleis.\x + \xo 9:2 \xt Meth 4:16; Luk 1:79 \x*  
\v 3 God, yu na bin meigim yu pipul olabat strongbala. Dumaji yu na oldei meigim olabat brabli gudbinji, en olabat oldei preisimbat langa yu na, jis laik wen detlot wekinmen weya wekwekbat langa olabat fam gajimbat detlot daga, o jis laik detlot soljamob wen olabat kadimatbat ola enijing wen olabat bin win langa fait.   
\p
\v 4 “Yubin breigim det pawa blanga detlot pipul hubin oldei ardimbat detlot pipul blanga yu en hubin oldei meigim olabat jidan prisana. Yubin album olabat jis laik wen yubin seibum detlot pipul blanga yu brom ola Midiyan pipul.  
\v 5 Detlot but weya meigimbat nois brom detlot ami wen olabat wokwokbat, en detlot klos blanga detlot ami, bin abum blad oloba. Ol detlot bin ol barnbarn langa faiya na.   
\p
\v 6 “Wal wanbala lilwan boi bin bon blanga wi. Det wanbala san garra jidan Bos blanga wi. Blanga im neim im Brabli Gudbala Titja, en Brabli Haibala God, en Olagijawan Dedi en Bos Blanga Det Gudbinjiwei.  
\v 7 Im pawa kaan neba binij, en im pipul garra jidan gudwei olagijawan. Im garra jidan bos blanga ol detlot pipul blanga im grengrenfatha King Deibid, en im garra meigim olabat jidan brabli strongbala. Im garra oldei jidan bos en im garra jidan brabli trubalawan en im garra oldei gibit pipul feyago. YAWEI det boswan God garra meiksho im dum ebrijing imbin tok.”\x + \xo 9:7 \xt Luk 1:32,33 \x*   
\s1 God garra panishim ola Isreil pipul  
\p
\v 8 Wal aibin kipgon tok, “YAWEI bin gibit woning langa ol detlot pipul brom Isreil,  
\v 9 en olabat bin sabi tharran, en ebribodi hubin jidan langa det taun gulum Samariya bin sabi du. Bat olabat bin brabli laigim miselp en nomo bin teiknodis, en olabat bin tok,  
\v 10 ‘Ola haus blanga melabat weya melabat bin meigim garram brik en garram det tri gulum sikamotri bin ol buldan langa graun, bat melabat garra bildimap haus garram ston en garram det tri gulum sidatri.’   
\p
\v 11 “Wal YAWEI bin meigim detlot enamimob fait langa olabat.  
\v 12 Imbin jandim detlot Eramiyan pipul brom sanraiswei en detlot Filastain pipul brom sangodanwei en olabat bin binijimap olabat. Wal YAWEI im stil wail langa olabat en im garra kipgon panishimbat olabat.   
\p
\v 13 “Bat olabat nomo bin teiknodis langa YAWEI det boswan God en olabat nomo bin weship langa im.  
\v 14-15 Langa wanbala dei, imbin kadimof olabat hed en teil en olabat lif en wadi. Detlot boswan en detlot lidamob bin det hedpat, en detlot laiyinwan speshalwan mesinja bin det teilpat.  
\v 16 Deibin oldei lidimbat olabat langa det rong roud, en olabat nomo bin sabi wanim blanga dum.  
\v 17 Wal YAWEI bin stil wail langa olabat, en im garra kipgon panishimbat olabat, dumaji olabat bin gibit bekboun langa im. Olabat bin brabli nogudbala, en bin oldei toktokbat nogudbala ting. God bin brabli wail en im nomo bin fil sori blanga ola yang pipul, widogel en biginini hu nomo garram mami en dedi.   
\p
\v 18 “Det nogudbalawei blanga olabat bin spredat jis laik faiya weya barnimap ola tri en gras, en imbin jidan brabli smokiwan oloba.  
\v 19 Wal YAWEI det boswan God im brabli wail na, dumaji olabat nomo bin kain gija en imbin yusum detlot pipul wulijim wadi blanga meigim faiya. Det faiya bin barnimap det kantri.  
\v 20 Nomeda olabat bin faitfaitbat en stilimbat daga bat stil olabat nomo bin sedisfaid. Olabat bin brabli nogudbala en bin kilimbat olabat ronwan biginini jis laik detlot wail enimul.  
\v 21 Det dubala klen blanga Ifreiyim en Manesa, nomo bin laigim gija en olabat bin fait gija. Afta tharran deibin ol majurrumap miselp blanga go en fait langa Juda pipul. Wal YAWEI im stil wail langa olabat en im garra kipgon panishimbat olabat.   
\c 10  
\p
\v 1 “Ol yumob pipul, yumob garra abum bigbala trabul na! Yumob oldei dumbat krulbala ting en meigimbat nogudwan lowa,  
\v 2 weya trikimbat ola po pipul hu nomo garram enijing, en yumob oldei stilimbat enijing brom ola widogel en ola biginini hu nomo garram mami en dedi.  
\v 3 Bat wanim yumob garra dum wen ola pipul brom najawan kantri garra kilim yumob en panishim yumob? Langa hu yumob garra go blanga albumbat yumob? Weya yumob garra haidim ola gudbala ting blanga yumob?  
\v 4 Oni wan ting blanga yumob. Yumob garra jidan prisana o yumob garra dai. Wal YAWEI im stil wail langa yumob en im garra kipgon panishimbat yumob.” Lagijat na aibin tok.   
\s1 YAWEI bin meigim plen blanga det king brom Asiriya  
\p
\v 5 Wal YAWEI det trubala God bin tok na, “Mi stil wail langa yumob, en ai garra yusum det king blanga Asiriya. Im garra jidan wulijim bigwan wadi blanga yumob,  
\v 6 blanga kilim ol yumob pipul hu nomo bilib langa mi. Mi brabli wail langa yumob, en ai garra jandim im blanga fait langa yumob. Im garra gajim ola ebrijing im wandim, en im garra wokwokbat brabli adbalawei ontop langa yumob, jis laik wen im wokwokbat langa det mad langa det strit.  
\v 7 Det king brom Asiriya im garram im ronwan plen langa im hed, dumaji im wandim binijimap ola kantri.” Lagijat na YAWEI bin tok.   
\p
\v 8 Wal det King brom Asiriya bin tok na, “Blanga ol main boswan ami men, olabat jidan jis laiga king.  
\v 9 Deibin olredi teikoba ol detlot pipul brom detlot taun gulum Kelno, Kakamish, Heimath, Apad, Sameriya en Dameskas.  
\v 10-11 En detlot drimin blanga Jerusalem en Sameriya olabat brabli wikwan, bat detlot drimin blanga detlot najalot kantri, olabat mowa strongbala. En ai garra binijimap Jerusalem en detlot drimin blanga olabat, en ola drimin sheip du, jis laik wen aibin dum langa Sameriya.” Lagijat na det king bin tok.   
\p
\v 12 Aibin tok na, “Wal YAWEI garra dum ebrijing im wandim langa Jerusalem en langa det bigwan hil gulum Saiyan. En afta tharran, im garra panishim det king brom Asiriya hu oldei laigim miselp en oldei toktokbat praudbalawei.  
\v 13 Im tok, ‘Aibin dum ol dislot ting garram main ronwan pawa, dumaji mi brabli klebawan. Aibin kilim ola king jis laik deibin wailwan buligi, en aibin teikoba olabat kantri, en aibin gajim ola gudwan ebrijing brom olabat kantri.  
\v 14 Aibin gajim ebrijing brom detlot kantri. Imbin mowa isiwan blanga go en gajim detlot eig brom det nes wen det bard nomo bin jidan deya.’   
\p
\v 15 “Yu king brom Asiriya yu lisin langa mi na. Yu reken det eks o sowa im mowa strongbala langa det men hu oldei yusumbat im? Yu reken det wadi gin lidimap det men hu holdimbat langa im?  
\v 16 YAWEI det boswan God garra jandim brabli nogudbala siknis blanga binijimap ol yu ami olabat, en det praudbalawei blanga yu garra barnbarn laiga bigis faiya.  
\v 17 Det brabli holiwan God, im na det lait blanga ola Isreil pipul. Im garra jidan wulijim det faiya, en ebrijing blanga yu garra barnbarn langa det faiya na, jis laik draiwan gras.  
\v 18 YAWEI garra binijimap ol detlot brabli gudbala bush kantri blanga yumob, en ol detlot gudwan fam, jis laik wen sambodi dai brom siknis.  
\v 19 En oni lilbit tri garra jidan deya, weya im isi blanga lilwan biginini blanga kaundimap olabat.”   
\s1 Oni lilbit pipul garra kambek  
\p
\v 20 Wal aibin kipgon tok, “Bambai na, det taim garra kaman wen detlot pipul brom Isreil en Juda hu stil jidan laibala garra trastimbat langa det brabli holiwan God blanga ola Isreil pipul. Olabat kaan kipgon trastim det king hubin oldei bidimbat langa olabat.  
\v 21-22 Bigismob Isreil pipul bin jidan, jis laik det sengraun weya jidan langa solwodasaid, bat oni lilbit pipul garra jidan laibala blanga kambek langa olabat brabli strongbala God. God bin dum raitwan ting wen imbin panishimbat im pipul olabat.  
\v 23 YAWEI det brabli boswan God bin meigim pramis blanga panishim ebribodi langa dijan wel.\x + \xo 10:23 \xt Rom 9:27 \x*   
\p
\v 24 “Wal YAWEI det brabli boswan God bin tok langa im pipul langa Jerusalem na, ‘Yumob nomo bradin blanga detlot Asiriya pipul, nomeda dei garra beldim yumob garram wadi, wulijim detlot Ijip pipul bin dum basdam.  
\v 25 Bambai na ai kaan wail langa yumob enimo. Ai garra panishim detlot pipul hubin deigimoba langa yumob.  
\v 26 Mi na YAWEI det boswan God garra beldim detlot Asiriya pipul garram wip, jis laik wen aibin dum langa detlot Midiyan pipul gulijap langa det Oreb Ston. En ai garra shoum yumob det seimwan strongbala pawa weya aibin yusumbat wen aibin meigim det roud blanga yumob blanga krosim langa det solwoda langa Ijip.  
\v 27 Langa det dei na, olabat kaan jidan bos blanga yumob kantri. Ebrijing garra jidan gudwei blanga yumob, en ol detlot adtaim weya yumob bin oldei abumbat garra binij.’   
\p
\v 28 “Wal detlot enami bin kaman brom Riman langa det taun gulum Ai. Olabat bin go thru langa det taun gulum Migron, en olabat bin pudum olabat ebrijing langa det taun gulum Mikmesh,  
\v 29 bifo olabat bin go najasaid langa det hil kantri weya olabat bin silip langa det pleis gulum Geba. Ol detlot pipul hubin oldei jidan langa det taun gulum Rema bin brabli bradin, en ola pipul langa det taun weya Sol bin bon gulum Gibiya, bin ol ranawei.  
\v 30 Yumob gin irrim ebribodi kraikraibat langa detlot taun gulum Gelim, Layisha, en det sedwan taun gulum Einathoth.  
\v 31 En nomo enibodi bin jidan langa det dubala taun gulum Medmena en Gebim, dumaji deibin ol bradin en bin ranawei.  
\v 32 Wal tudei na detlot enami garram kemp langa det taun gulum Nob, en deya na olabat sheikimbat olabat bingga brabli wailwei langa det hil gulum Saiyan langa Jerusalem.   
\p
\v 33 “YAWEI det boswan God garra yusum im brabli strongbala pawa blanga binijimap det king brom Asiriya en im soljamob jis laik im kadimdan ola longwan tri, en kadimdan ola bushis blanga detlot tri.  
\v 34 YAWEI garra kadimdan detlot enami jis laik im kadimdan ola tri garram eks langa det hil kantri blanga Lebanan.”\x + \xo 10:34 \xt Aisai 14:24-27; Niya 1:1—3:19; Sef 2:13-15\x*   
\c 11  
\s1 Gudbala taim garra kaman  
\p
\v 1 Wal aibin kipgon tok,  
\q1 “Jis laik wen sambodi kadimdan tri en detlot bushis kamat brom det draiwan wadi,  
\q1 wal wandei sambodi garra jidan king brom King Deibid femili lain.\x + \xo 11:1 \xt Reb 5:5; 22:16 \x*   
\q1
\v 2 Det Spirit blanga YAWEI det trubala God garra jidan garram im,  
\q1 blanga meigim im bulurrum det wei blanga God,  
\q1 en im garra gibit gudbala wed langa ebribodi.  
\q1 YAWEI garra meigim im sabi ebrijing,  
\q1 en im garra oldei shoum rispek oni langa YAWEI.   
\q1
\v 3 Im garra jidan brabli gudbinjiwan dumaji im dum wanim YAWEI wandim.  
\q1 Im kaan jadjimbat pipul rongwei,  
\q1 en im kaan teiknodis langa enibodi hu oldei meigimbat stori.   
\q1
\v 4 Detlot powan pipul en detlot pipul hu nomo garram enibodi,  
\q1 garra abum feyago en jidan brabli gudbalawei.  
\q1 Det wed blanga im garra jidan jis laik det wadi blanga panishim detlot nogudbala pipul.\x + \xo 11:4 \xt 2 Thes 2:8 \x*   
\q1
\v 5 Im garra jidan brabli trubala men,  
\q1 en im garra oldei gibitbat feyago langa ebribodi.\x + \xo 11:5 \xt Ifi 6:14 \x*   
\b  
\q1
\v 6 “Detlot lepad garra leidanbat garram ola nenigout,  
\q1 en ola wailwan dog garra leidanbat garram ola lilwan ship,  
\q1 en ola lilwan gabigabi en laiyan garra dagat daga mijamet,  
\q1 en ola lilwan biginini garra oldei lukaftumbat ol detlot enimul.   
\q1
\v 7 Ola kau en beya garra jidan mijamet langa det grinwan gras,  
\q1 en ola lilwan beibi blanga olabat garra silip mijamet.  
\q1 Ola laiyan en ola buligi garra dagat gras mijamet du.   
\q1
\v 8 Ola beibi garra oldei pleipleibat gulijap langa sneik hol.  
\q1 Olabat garra pudumbat olabat bingga langa det jigiwan sneik hol,  
\q1 bat det sneik kaan baidim olabat bingga, najing.\fig |src="GT Is 11-6.tif" size="col" ref="11:8" \fig*   
\q1
\v 9 Nomo eni jigiwan ting garra jidan langa det seikridwan hil blanga YAWEI.  
\q1 Jis laik det woda weya oldei bilimap det solwoda,  
\q1 det kantri garra jidan garram detmatj pipul hu oldei sabi blanga preisimbat oni langa YAWEI.”\x + \xo 11:9 \xt Aisai 65:25; Heba 2:14 \x*   
\s1 God pipul olabat garra kambek langa olabat ronwan kantri  
\p
\v 10 Wal aibin kipgon tok, “Wal det taim im kaminap na wen wanbala biginini blanga Deibid garra jidan sain blanga ola pipul brom ebri kantri blanga kaman mijamet. Olabat garra oldei bulurrumbat wanim im oldei tok, en im ronwan kantri garra jidan brabli haibala.\x + \xo 11:10 \xt Rom 15:12 \x*  
\v 11 En wen det dei garra kaman YAWEI garra pudumat im strongbala am, en im garra bringimbek ol im pipul hubin stil jidan laibala langa Asiriya, Ijip, Pethros, Ithiyopiya, Elam, Bebalon, Heimath, en deya langa detlot kantri wansaid langa solwoda.  
\v 12 Im garra gibit sain langa detlot kantri en im garra bringimbek ol detlot pipul weya olabat enamimob bin andimwei brom Juda en Isreil, en hubin spredat oloba langa dijan wel.  
\v 13 Ol detlot pipul brom Isreil garra stap jelasbat langa detlot pipul brom Juda, en olabat kaan jidan enami enimo.  
\v 14 Dubala garra go mijamet en fait langa detlot Filastain pipul deya sangodansaid. En olabat garra bidim detlot Idamait pipul en detlot Mowebait pipul en ol detlot Emanait pipul sanraiswei. Dei garra jidan bos langa olabat.  
\v 15 Det Redsi, gulijap langa Ijip, YAWEI garra meigim im jidan draiwan, en im garra jandim brabli hotwan win blanga kadim det Yufreitis Riba en meigim im jidan garram sebenbala krik, wulijim enibodi gin krosimbat isibalawei.\x + \xo 11:15 \xt Reb 16:12 \x*  
\v 16 En blanga im pipul olabat hubin jidan laibala, im garra meigim det roud brabli gudwan brom Asiriya jis laik det roud bin jidan gudwan blanga olabat grengrenfathamob wen olabat bin gowei brom Ijip.”   
\c 12  
\s1 Singim song en preisimbat YAWEI  
\p
\v 1 \fig |src="praise.tif" size="col" ref="12:1" \fig*Wal aibin kipgon tok, “Wal langa det taim na yumob garra sing,  
\q1 ‘Theingkyu YAWEI.  
\q1 Yubin oldei wail langa mi,  
\q1 bat yubin stap wailwailbat langa mi,  
\q1 en yubin meigim mi jidan brabli gudbinjiwei.   
\q1
\v 2 YAWEI main God, mi oldei trastimbat oni langa yu blanga seibum mi.  
\q1 Ai kaan neba bradin.  
\q1 Mi fil brabli strongbala brom det pawa blanga yu.  
\q1 Oni yu na bin seibum mi.\x + \xo 12:2 \xt Eksa 15:2; Saam 118:14 \x*   
\q1
\v 3 Wen pipul dringgimbat springwoda olabat jidan gudbinji.  
\q1 Seimwei, detlot pipul blanga God jidan brabli gudbinji wen im seibum olabat.’   
\b  
\q1
\v 4 “Langa det dei na yumob garra sing,  
\q1 ‘YAWEI, melabat brabli gudbinji langa yu.  
\q1 Melabat sei theingkyu,  
\q1 en melabat weship oni langa yu.  
\q1 Melabat garra dalim ola pipul wanim yubin oldei dumbat,  
\q1 en hau yu jidan brabli gudbala en haibalawan.   
\q1
\v 5 Dumaji yubin dum brabli gudbala ting,  
\q1 melabat garra singsing en preisimbat langa yu neim ebriweya langa dijan wel.’   
\q1
\v 6 Singim song yumob brom Saiyan,  
\q1 en preisim YAWEI det brabli holiwan God blanga Isreil pipul.  
\q1 God im jidan iya blanga album im pipul olabat.”   
\c 13  
\s1 YAWEI garra panishim Bebalon  
\p
\v 1 Wal aibin kipgon tok, “Wal dijan na det mesij weya YAWEI det trubala God bin gibit langa mi blanga detlot pipul brom det kantri gulum Bebalon.\x + \xo 13:1 \xt Aisai 47:1-15; Jera 50:1—51:64 \x*  
\v 2 ‘Yumob pipul pudumap fleig ontop langa det haiwan hil, en jingat adbala langa ola soljamob blanga bitsimap det geit blanga det taun weya ola praudbala pipul blanga Bebalon jidan.  
\v 3 YAWEI imselp bin tok strongbalawei langa im gudwan en praudbala soljamob blanga panishim detlot pipul langa Bebalon.’   
\p
\v 4 “Wal yumob irrim na. Bigmob pipul meigimbat bigiswan nois ontop langa detlot bigiswan hil! Detlot najalot kantri garra joinimap miselp. En YAWEI, det boswan God blanga ola ami, im garra bringimap ola ami mijamet blanga fait.  
\v 5 YAWEI im kaminap jis laiga faiya brom det longweiwan kantri. Im bringimapbat im spiya en bigwan naif blanga binijimap det bigwan kantri.   
\p
\v 6 “Yumob deya langa Bebalon, det taim im gulijap wen YAWEI garra binijimap yumob. Yumob garra kraikraibat brabliwei.\x + \xo 13:6 \xt Jowal 1:15\x*  
\v 7 Yumob garra bradin nomo lilbit en jidan brabli wikwan, en ola strongbala ekshan garra binij du.  
\v 8 Yumob garra abum detmatj pein en garra buldanbat ebriweya, jis laik wen det wuman abum det pein bifo det beibi garra bon. Yumob garra brabli lukinatbat gija, yumob feis garra luk brabli bradinwan.   
\p
\v 9 “Yumob irrim mi. Wen det taim garra kaman, YAWEI kaan fil sori blanga eni pipul. Im brabli wail, en im garra binijimap dijan graun, en ol detlot nogudbala pipul iya langa dijan wel.  
\v 10 Ol detlot sta deya ontop langa det skai kaan neba shainim eni lait, en det san en mun kaan shainim eni lait du. Im garra jidan brabli dakbala na.\x + \xo 13:10 \xt Isik 32:7; Meth 24:29; Mak 13:24,25; Luk 21:25; Reb 6:12,13; 8:12 \x*   
\p
\v 11 “Wal YAWEI bin tok, ‘Ai garra panishim dijan nogudbala wel en ol detlot pipul hu jidan nogudbalawei. Ai garra panishim ol detlot nogudbala pipul hubin oldei dumbat krulbala ting langa enibodi, en ai garra meigim ol detlot praudbala pipul jidan lobala.  
\v 12 Jis laik wen sambodi trai blanga faindim brabli gudwan gol, seimwei im garra brabli adbala blanga faindim eni laibala pipul.  
\v 13 Mi na YAWEI det boswan God. Mi brabli wail na, en det skai en graun garra sheik nomo lilbit.   
\p
\v 14 “‘Ebribodi garra trai ran langa olabat ronwan kantri, jis laik wen det diya oldei ranawei wen det hanta lukabat blanga im, en wen detlot ship nomo garram eni stakmen, olabat bin spredat ebriweya.  
\v 15 Detlot pipul hu jidan prisana garra gitkil brom det bigbala naif.  
\v 16 Olabat garra lukinatbat olabat bigininimob wen detlot men garra kilimbat olabat ded krulbalawei, en wen dei garra stilimbat ebrijing brom olabat haus, en wen dei garra fosimbat olabat waif du.   
\p
\v 17 “‘Ai garra jandim detlot Midiya pipul blanga fait langa det kantri gulum Bebalon. En wen detlot Bebalon pipul garra trai blanga gibit olabat silba o gol blanga album, dei kaan gajim.  
\v 18 Blanga olabat bo en erro garra kilim ol detlot yangmen en olabat kaan neba fil sori blanga detlot lilwan beibi, en ola biginini.   
\p
\v 19 “‘Det taun langa Bebalon, im garram detmatj pawa, en im oldei jidan brabli gudwan taun en ol detlot pipul hu oldei jidan deya, olabat brabli praudbala blanga det taun. Bat im garra jidan jis laik Sadam en Gamora afta wen ai garra binijimap im.\x + \xo 13:19 \xt Jen 19:24 \x*  
\v 20 Nomo enibodi garra jidan langa Bebalon. Detlot wokabatbala pipul kaan jidan deya, en ol detlot hu oldei maindimbat ola ship kaan larram olabat shipmob abum spel deya du.  
\v 21 Oni detlot deset enimul, det mukmuk en det bigwan bard gulum ostrij garra jidan langa det rabishwan pleis, en ola gout garra jamparanbat deya du.\x + \xo 13:21 \xt Aisai 34:14; Sef 2:14; Reb 18:2 \x*  
\v 22 Detlot wailwan dog en najalot enimul garra jinginatbat brom detlot bigwan haus blanga Bebalon en brom det brabli purdiwan bigwan haus blanga det king. Dumaji det taim im kaminap na blanga Bebalon garra binji.’ Lagijat na YAWEI bin tok.”   
\c 14  
\s1 Detlot pipul blanga YAWEI garra kambek langa olabat ronwan kantri  
\p
\v 1 Wal aibin tok, “YAWEI det trubala God garra kain langa detlot Isreil pipul, en im garra pikimat olabat blanga jidan im ronwan pipul olabat igin. Im garra bringimbek olabat langa olabat ronwan kantri en najalot pipul garra joinap garram detlot Isreil pipul du.  
\v 2 Wal najalot pipul garra album detlot Isreil pipul blanga gobek langa olabat ronwan kantri dumaji YAWEI bin gibit det kantri langa detlot Isreil pipul. En ol detlot Isreil pipul garra jidan bos langa detlot pipul hubin oldei jidan bos langa olabat, en detlot pipul garra jidan laiga prisana en dumbat adwek.   
\p
\v 3 “YAWEI garra larram yumob Isreil pipul jidan kwaitbala, dumaji yumob bin oldei jidan sedwan en abumbat detmatj pein en bin dumbat adwek olataim.  
\v 4 Afta na yumob garra meigimbat fan langa det king blanga Bebalon wen yumob singsingbat dijan song.  
\q1 ‘Det king, det brabli krulbala enimul, im binij na!  
\q1 Im kaan kilim melabat enimo.   
\q1
\v 5 YAWEI bin binijimap det pawa blanga ol detlot nogudbala king.   
\q1
\v 6 Olabat bin oldei jidan brabli krulwan,  
\q1 en nomo bin stap dumbat nogudbala ting langa ola pipul brom ebri kantri.   
\q1
\v 7 Ola pipul langa ebri kantri garra jidan brabli gudbalawei na.  
\q1 Olabat garra brabli gudbinji en oldei singsingbat hepiwan song.   
\q1
\v 8 King blanga Bebalon, ol detlot saiprastri en sidatri blanga Lebanan brabli gudbinji,  
\q1 dumaji nobodi kaan kadimdan olabat enimo.   
\b  
\q1
\v 9 ‘King blanga Bebalon, det pleis weya ola dedbala pipul oldei jidan,  
\q1 im weidabat blanga yu gudbinjiwei.  
\q1 Detlot spirit blanga detlot boswan hubin dai longtaim bin irrimbat yu kaminap.   
\q1
\v 10 En olabat garra tok, “Wal yu brabli wikwan du na, jis laik melabat.   
\q1
\v 11 Yu jidan iya langa dijan pleis blanga ola dedbala pipul,  
\q1 en det praudbalawei blanga yu bin binij,  
\q1 en ola myusik bin binij du.  
\q1 Detlot wem garra jidan blanga yu bleingkit,  
\q1 en detlot meggit garra jidan blanga yu sweig.”   
\b  
\q1
\v 12 ‘King blanga Bebalon, yubin jis laik det braitwan moningsta,  
\q1 bat yubin buldan na brom skai langa dijan wel!  
\q1 Yubin binijimap ola pipul brom najalot kantri,  
\q1 en yu na bin binijap du.\x + \xo 14:12 \xt Reb 8:10; 9:1 \x*   
\q1
\v 13 Yubin tok miselp, “Ai garra gowap langa skai,  
\q1 en ai garra meigim main pleis deya.  
\q1 Ai garra jidan mowa haibala langa ol detlot sta,  
\q1 en ai garra jidan garram detlot drimin weya jidan langa speshalwan hil langa nowathsaid.   
\q1
\v 14 Ai garra jidan mowa haibala langa detlot klaud, jis laik det brabli haibala God.”   
\q1
\v 15 Bat tudei na yu jidan deya andanith langa dijan wel garram ol detlot dedbala pipul.\x + \xo 14:15 \xt Meth 11:23; Luk 10:15 \x*   
\q1
\v 16 En ola pipul hu luk yu jidan dedbala garra hatjamp en tok,  
\q1 “Dijan na det men hubin meigim dijan wel sheiksheikbat,  
\q1 en ola pipul langa ola kantri sheiksheikbat nomo lilbit, indit?   
\q1
\v 17 Im na bin gajim ola pipul brom ebri taun en deibin jidan prisana,  
\q1 en im nomo bin larram olabat go fri en gobek langa olabat kantri en hom.  
\q1 Im na bin meigim ola kantri jidan wulijim deset kantri.”   
\q1
\v 18 Wen eni king dai, dei oldei pudum im bodi langa brabli speshalwan greib.   
\q1
\v 19 Bat yu, dei kaan pudum yu bodi langa speshalwan greib.  
\q1 Dei kaan berrim yu bodi.  
\q1 Im garra jis leidan eniweya ontop langa graun,  
\q1 en ola solja garra wokwok ontop langa yu jis laik breikinwan wadi,  
\q1 en dei garra tjakam yu en ola solja bodi langa stoniwan hol.   
\q1
\v 20 Dei kaan gaburrumap yu langa det graun laik najalot king.  
\q1 Yubin meigim yu kantri jidan rabishwan,  
\q1 en yubin medrimbat yu ronwan pipul olabat.  
\q1 Yu brabli krulbala enimul!  
\q1 Dei nomo wandim sabi blanga yu femilimob enimo.   
\q1
\v 21 Dei garra kilim yu sanmob blanga peibek yu blanga yu brabli nogudbalawei.  
\q1 Olabat kaan abum dijan kantri.  
\q1 Olabat kaan bildimap eni taun eniweya iya langa dijan graun.   
\b  
\q1
\v 22 ‘YAWEI det boswan God bin meigim pramis blanga binijimap Bebalon en ebriwan hu jidan deya, wulijim nobodi kaan jinggabat blanga olabat enimo.   
\q1
\v 23 Im garra binijimap ola pipul jis laik det brum weya swipimwei ola rabish,  
\q1 en det kantri garra jidan nogudwan garram loda woda,  
\q1 en oni detlot wailwan enimul garra jidan deya.’”   
\s1 YAWEI garra panishim Asiriya  
\p
\v 24 Wal aibin kipgon tok, “YAWEI det boswan God bin meigim dijan pramis na, ‘Wal ebrijing garra hepin jis laik aibin tok.  
\v 25 Ai garra binijimap ol detlot Asiriya pipul hu oldei jidan langa main kantri, en ai garra bitsimap detlot pipul hu oldei gogobat langa main bigwan hil. En ai garra meigim main pipul jidan fri, en detlot Asiriya pipul kaan gibit adtaim langa main pipul olabat enimo.  
\v 26 Aibin meigim dijan plen na blanga ola kantri ebriweya, en oni mi na, det brabli boswan, en mi na garra panishim pipul langa ebri kantri.  
\v 27 Wal mi na YAWEI, det boswan God bin meigim dijan plen. Mi redibala na blanga dum wanim aibin tok. Nomo enibodi kaan stapam mi.’ Lagijat na YAWEI bin tok.”\x + \xo 14:27 \xt Aisai 10:5-34; Niya 1:1—3:19; Sef 2:13-15 \x*   
\s1 YAWEI garra panishim detlot Filastain pipul  
\p
\v 28 Wal aibin kipgon tok, “Langa det yiya wen King Eihes bin dai, YAWEI bin gibit mi dijan mesij na,\x + \xo 14:28 \xt 2 King 16:20; 2 Kran 28:27 \x*  
\v 29 ‘Ol yumob Filastain pipul, yumob nomo jidan gudbinji dumaji det wadi bin breik na weya bin oldei panishimbat langa yumob. Det wadi na garra jidan wulijim jigiwan sneik, en afta im garra jidan wulijim det brabli poisinwan sneik.  
\v 30 Bat jis laik det stakmen oldei faindim brabli gudbala pleis blanga im ship, wal ai garra maindimbat ola po pipul en olabat garra jidan gudbalawei. Bat ai garra meigim sambala pipul jidan hanggriwan, en najalot pipul garra gitkil.   
\p
\v 31 “‘Ol yumob Filastain pipul, yumob lafta kraikraibat langa detlot geit blanga yumob taun. Yumob jidan brabli bradin, dumaji ola solja jidan redibala na en dei kaminap laiga loda smok brom nowathwei.’ Lagijat na YAWEI bin tok. \x + \xo 14:31 \xt Jera 47:1-7; Isik 25:15-17; Jowal 3:4-8; Eimos 1:6-8; Sef 2:4-7; Sek 9:5-7 \x*   
\p
\v 32 “Wal if eni mesinja kaman brom Filastain, yumob garra tok, ‘YAWEI na bin bildimap Jerusalem. Nomeda im pipul olabat bin jidan brabli powan, olabat garra jidan seifwei deya na.’”   
\c 15  
\s1 YAWEI garra panishim Moweb  
\p
\v 1 Wal aibin kipgon tok, “Dijan na det mesij blanga det kantri gulum Moweb. Langa wanbala nait det dubala taun gulum Eiya en Kira bin binijap. Moweb jidan rabishwei na.  
\v 2 Ebribodi langa det taun gulum Diban bin ol gowap langa detlot nogudbala serramoni pleis en olabat bin kraikraibat. En ol detlot pipul langa Moweb bin kraikraibat, en bin sheibum olabat wiska en hed dumaji wanim bin hepin langa det dubala taun gulum Neibo en Midaba.  
\v 3 En langa ol detlot taun en langa olabat kemp, ebribodi bin werrimonbat sekbeigwan klos en olabat bin kraikraibat nomo lilbit du.  
\v 4 Ola pipul brom Jeihas bin irrim detlot pipul kraikraibat langa Heshban en Eliyeila. En detlot solja blanga Moweb bin jinginat nomo lilbit. Olabat bin bradin nomo lilbit du.   
\p
\v 5 “Wal mi rili sori blanga detlot Moweb pipul. Olabat holot bin ol ranaweibat langa det kantri gulum Sowa en langa Iglashelishiya. Olabat bin kraikraibat olawei langa det roud, sambala raidap langa det taun gulum Luwith, en sambala raidap langa det taun gulum Horonaiyim. Olabat bin kraikraibat blanga wanim bin hepin.  
\v 6 Detlot riba langa Nimrim en detlot gras langa det kantri bin draiyap. Ebrijing na bin draiyap.   
\p
\v 7 “En detlot pipul brom Moweb gowei kwikbala na. Olabat krosoba langa det Wilo Krik, en olabat deigimbat ola ebrijing olabat gin garrimapbat.  
\v 8 Ebriweya langa Moweb en det dubala taun gulum Igleiyim en Biralim yu gin irrim detlot pipul kraikraibat soribalawei.  
\v 9 Det riba gulijap langa Diban jidan garram detmatj blad. Bat YAWEI det trubala God garra jandim mowa trabul langa detlot pipul langa Diban, dumaji detlot laiyan garra kilim ded pipul hubin ranawei brom Moweb.”   
\c 16  
\s1 Bigiswan trabul blanga Moweb  
\p
\v 1 Wal aibin kipgon tok, “Ol detlot Moweb pipul bin jandim sambala yangwan ship blanga presen blanga det boswan langa Jerusalem. Olabat bin deigim detlot ship thru langa det deset kantri, brom Sela raidap langa Jerusalem deya langa det bigwan hil gulum Saiyan.  
\v 2 Detlot wuman brom Moweb bin deya gulijap langa det Anan Riba blanga ranawei, wulijim bigismob bard spredatbat brom olabat nes.   
\p
\v 3 “Detlot mesinja blanga Moweb bin tok langa detlot pipul brom Juda na. Deibin tok, ‘Yumob jidan kainbala en album melabat. Yumob kipum melabat seif jis laik det sheid tri kipum melabat seif brom det hotwan san. Yumob blandim melabat pipul brom melabat enamimob.  
\v 4 Yumob larram melabat pipul jidan iya langa yumob kantri, en faindim seifwan pleis blanga jidan.’  
\p “Bambai Moweb, blanga yu krulbala enami garra ol gowei na. Olabat kaan kipgon faitfaitbat en bitsimap detlot taun blanga yu.  
\v 5 En afta na sambodi brom King Deibid femili lain garra jidan bos en im garra bildimap im kantri en im garra laigim ebribodi brabliwei en im garra gibit feyago langa ebribodi. Im garra dum brabli gudbala ting en meigim brabli gudbala lowa.   
\p
\v 6 “Wal melabat bin irrim blanga Moweb praudbalawei. Im pipul olabat bin oldei wokaranbat en toktokbat praudbalawei, bat nomo garram eni risan.   
\p
\v 7 “Blanga tharran na detlot pipul brom Moweb garra kraikrai nomo lilbit blanga olabat kantri. Dei garra krai soribalawei blanga ol detlot brabli gudwan greip daga brom Kireres.  
\v 8 Detlot fam weya growimap greip daga gulijap langa det dubala taun gulum Heshban en Sibma bin jidan brabli draiwan na. Detlot boswan blanga ola kantri bin oldei jidan drangginbala brom dringgimbat det wain weya deibin oldei meigimbat brom detlot greip daga weya deibin growimap langa det kantri gulijap langa det taun gulum Jeisa en sangidapwei langa det deset kantri en sangodanwei raidap langa det solwoda gulum Dedsi.  
\v 9 Wal mi kraikraibat wulijim Jeisa na, en blanga detlot fam weya bin growimap greiptri langa Sibma. Main tiyas randan brom main dubala ai blanga Heshban en Eliyeila, dumaji olabat enamimob bin binijimap ola frut daga en sid daga en nobodi kaan abumbat enimo gudbala taim en padi wen olabat kadimbat detlot sid daga.  
\v 10 Dumaji nomo enijing gro deya na dei kaan abumbat gudbala taim blanga gajimbat ola daga en bitsimap ola greip daga. God na bin dum dijan en olabat jidan nogudbinji.   
\p
\v 11 “Insaid langa main hat mi ardimbat blanga Moweb en Kireres.  
\v 12 Detlot Moweb pipul meigim miselp nokap brom gogobat langa detlot teibul blanga ofring blanga weshipbat en preipreibat langa olabat drimin. Bat tharran nomo album olabat.   
\p
\v 13 “Wal YAWEI bin olredi dalim detlot Moweb pipul blanga ol dislot ting,  
\v 14 en im tok na, ‘Wal langa thribala yiya ol detlot gudbala enijing blanga Moweb garra binij. Oni lilbit pipul garra jidan laibala, en dei garra jidan brabli wikwan.’”\x + \xo 16:14 \xt Aisai 25:10-12; Jera 48:1-47; Isik 25:8-11; Eimos 2:1-3; Sef 2:8-11 \x*   
\c 17  
\s1 YAWEI garra panishim Dameskas  
\p
\v 1 Wal aibin kipgon tok, “Dijan na det mesij weya YAWEI bin tok blanga det taun gulum Dameskas, ‘Wal Dameskas garra abum bigiswan trabul na. Im garra jidan brabli rabishwan taun.  
\v 2 En ol detlot lilwan taun olaran langa Eroya garra jidan nomo garram eni pipul. Oni ola ship garra jidan deya, en nomo enibodi kaan hambag langa detlot ship.  
\v 3 Isreil garra lujim ol im strongbala haus weya ola soljamob oldei jidan. Det kantri blanga Dameskas garra binijap du. Detlot pipul hu stil jidan laibala garra ardimbat seimwei wulijim ola Isreil pipul. Wal mi na YAWEI det boswan God meigim dijan pramis.\x + \xo 17:3 \xt Jera 49:23-27; Eimos 1:3-5; Sek 9:1 \x*   
\p
\v 4 “‘Wal wen det taim garra kaman, det brabli gudbala kantri blanga Isreil garra jidan lobala, en blanga im ritjwan pipul olabat garra jidan brabli bouniwan.  
\v 5 Isreil garra jidan wulijim det fam weya dei faindimbat oni lilbit sid daga langa det pleis gulum Refait Beli.  
\v 6 Oni lilbit pipul garra jidan langa Isreil. Im garra jidan wulijim det olibtri weya deibin kilimbat garram wadi blanga gajim ola daga, en libum oni lilbit daga, maitbi dubala o thribala langa det tri. Wal mi na YAWEI meigim dijan pramis.   
\p
\v 7 “‘Wal langa det taim na, detlot pipul garra kambek en trastim oni langa mi na hubin meigim ebrijing, det brabli holiwan God blanga ola Isreil pipul.  
\v 8 Olabat bin bildimap loda speshalwan pleis blanga barnimbat gudsmelwan medisin blanga det gelwan drimin gulum Eshara, en olabat bin pudumap seikridwan pol blanga im. Bat olabat garra stap weshipbat langa ol detlot pleis.   
\p
\v 9 “‘Basdam ola Isreil pipul bin teikoba loda strongbala taun en olabat bin andimwei ola pipul hubin oldei jidan deya. Bat langa det taim na ol dislot taun garra jidan brabli rabishwan, garram loda jigiwan gras en tri.   
\p
\v 10 “‘Isreil, yubin fogedabat mi na det God hubin seibum yu. Oni mi na det bigiswan ston. Oni langa mi na yu garra kaman blanga jidan seifwan. Yubin growimap brabli gudwan purdiflawa blanga shoum detlot drimin brom ola najalot kantri yu laigim brabliwei.  
\v 11 Bat nomeda detlot plent garra kamat en gro en abum purdiflawa langa det seimwan dei, bat im kaan jidan gudwan blanga yu en gibit yu daga, najing, dumaji yu garra abumbat detmatj pein olataim.’ Lagijat na YAWEI bin tok.”   
\s1 YAWEI garra lukaftumbat im pipul olabat  
\p
\v 12 Wal aibin tok, “Detlot ami blanga detlot strongbala kantri meigimbat loda nois wulijim detlot bigwan weib langa solwoda.  
\v 13 Bat nomeda olabat oldei jinginat jis laik detlot bigwan weib langa solwoda, God garra dalim olabat blanga tenbek. Olabat garra jidan wulijim graun, o wulijim det gras weya det win oldei blowimweibat.  
\v 14 Naitaim ola Isreil pipul jidan brabli bradinbala, bat wen ailibala kaman olabat enamimob garra ol binijap. Dijan na wanim oldei hepin langa detlot pipul hu kaman blanga teikoba en stilimbat ebrijing brom wi.”   
\c 18  
\s1 YAWEI garra panishim Ithiyopiya  
\p
\v 1 Wal aibin kipgon tok, “Det kantri gulum Ithiyopiya im sauthwei brom Ijip en im oldei jidan garram loda insek ebriweya.  
\v 2 Detlot Ithiyopiya pipul bin oldei jandim detlot mesinja garram bout langa det Nail Riba. Deibin oldei meigimbat detlot bout brom det longwan gras weya jidan langa riba. Yumob mesinja, gobek kwikbala langa Ithiyopiya, en deigim mesij langa detlot brabli longwan pipul garram brabli gudbala skin. Blanga olabat kantri im jidan miselpmiselp garram loda riba. Olabat brabli strongbala en krulbala du, en ebribodi oldei bradin langa olabat.   
\p
\v 3 “Wal ebribodi langa dijan graun, yumob irrim brabli gudwei na. Yumob garra irrim det longwan wisul garra jinginat, en yumob garra luk wanbala fleig ontop langa det bigwan hil.  
\v 4 Wal YAWEI det trubala God bin tok, ‘Ai garra jidan kwaitbala en ai garra lukdan brom top brom main kemp, wulijim det san weya jidan ebri dinataim o wulijim detlot klaud wen im jidan langa det taim wen dei oldei gajimbat ola sid daga.   
\p
\v 5 “‘Wal wen det purdiflawa bin binij en bifo det greip daga bin kukwan, God garra kadim det greiptri weya im stat blanga gro igin, en kadimap detlot wadi pat du.  
\v 6 Detlot pipul brom Ithiyopiya garra jidan daga blanga detlot bard gulum boltja wen det hotwethataim kaman, en blanga detlot wailwan enimul wen det kolwethataim kaman.  
\v 7 Detlot Ithiyopiya pipul garram gudbala skin en olabat brabli longwan. Ebribodi oldei bradin blanga olabat, dumaji olabat brabli strongbala en brabli krulbala du. Bat langa det taim na olabat garra kaman brom olabat kantri weya jidan garram loda riba, en olabat garra bringimap ola presen blanga YAWEI det boswan God. Olabat garra weship im ontop langa det bigwan hil gulum Saiyan.’”\x + \xo 18:7 \xt Sef 2:12 \x*   
\c 19  
\s1 YAWEI garra panishim Ijip  
\p
\v 1 Wal aibin kipgon tok, “Wal dijan na det mesij blanga detlot Ijip pipul. YAWEI det trubala God im kaminap langa detlot pipul en im garra kaman kwikbala garram klaud. Detlot Ijip pipul jidan brabli wikwan dumaji olabat bradin nomo lilbit, en olabat drimin sheip olabat sheiksheikbat.  
\v 2 En YAWEI im tok, ‘Ai garra meigim pipul langa Ijip stadimap wo garram olabat ronselp. Ola fren en rileishan en taun en ola bos blanga ola kantri langa Ijip garra fait gija.  
\v 3 Detlot pipul brom Ijip garra jidan brabli sedwan wen ai garra miksimap olabat plen. Olabat garra askim olabat drimin sheip, en detlot spirit blanga ola dedbala pipul en olabat klebabala pipul blanga dalim olabat wanim blanga dum.  
\v 4 Bat ai garra meigim brabli krulbala king brom najawan kantri jidan bos blanga detlot Ijip pipul. Dumaji mi na YAWEI det boswan God meigim dijan pramis.’ Lagijat na YAWEI bin tok.”   
\p
\v 5 “Det bigwan Nail Riba garra draiyap en im garra jidan brabli draiwan kantri.  
\v 6 En ol detlot lilwan krik garra jidan brabli jinggiwan, en detlot longwan gras weya gro gulijap langa detlot krik garra ol draiyap du.  
\v 7 Ol detlot fam weya jidan gulijap langa det Nail Riba garra jidan nomo garram enijing na, en ola plent garra ol binijap du.  
\v 8 En detlot pipul hu oldei go blanga fishingbat langa det Nail Riba garra nogudbinji en kraikraibat. Dei kaan yusum olabat huk en lain enimo.  
\v 9-10 En detlot wekinmen en wekingel hu oldei meigimbat ola matiriyal en detlot pipul hu oldei meigimbat ola klos kaan sabi wanim olabat garra dumbat, en olabat garra jidan brabli nogudbinji.   
\p
\v 11 “Detlot lida blanga det taun gulum Sowan, olabat dumbat silibala ting en olabat oldei toktok siliwei. Olabat tok praudbalawei langa det king, en reken dei jidan brabli klebawan, en olabat femilimob gobek langa detlot king en klebabalamen brom longtaim!  
\v 12 Wal king blanga Ijip, weya detlot klebabalamen na? Dei kaan dum enijing. Dei nomo sabi wanim YAWEI det boswan God garra dum langa Ijip.   
\p
\v 13 “Detlot lida blanga det dubala taun gulum Sowan en Mimfas, olabat brabli silibala en olabat nomo bin lidimbat ol detlot Ijip pipul gudbalawei.   
\p
\v 14 “Wal YAWEI bin meigim detlot lida blanga Ijip nomo sabi enijing, en blanga tharran na detlot lida nomo sabi wanim blanga dum blanga album olabat kantri. Olabat jis laik det drangginbala wen im wok en buldan langa im ronwan baku.  
\v 15 En nomo enibodi langa Ijip gin dum enijing, nomeda hu im.”   
\s1 Detlot Ijip pipul garra weshipbat YAWEI  
\p
\v 16 Wal aibin kipgon tok, “Wal langa det taim na, YAWEI det boswan God garram im brabli strongbala pawa garra panishim detlot Ijip pipul. Detlot pipul garra jidan brabli wikwan en olabat garra bradin nomo lilbit du.  
\v 17 Olabat garra bradin langa detlot Juda pipul, en dei garra bradin wen dei irrim det neim du. Dijan garra hepin, dumaji YAWEI det boswan God bin meigim dijan plen blanga detlot Ijip pipul.   
\p
\v 18 “Wal langa det taim na, pipul garra toktokbat det Hibru langgus langa faibala taun langa Ijip, en olabat garra bulurrum YAWEI det boswan God en meigim olabat pramis langa im neim. En wan taun garra abum det neim Taun blanga San.   
\p
\v 19 “En langa det taim na, deya langa Ijip olabat garra pudumap ofring teibul blanga YAWEI. En langa det boda blanga Ijip dei garra jandimap wan bigwan ston blanga jinggabat YAWEI.  
\v 20 Ol dislot na garra meigim detlot Ijip pipul jinggabat langa YAWEI det boswan God hu oldei jidan garram olabat. Wen olabat abum trabul en olabat askim im blanga album olabat, im garra oldei jandim sambodi blanga seibum olabat brom olabat enamimob.  
\v 21 En YAWEI garra shoum detlot ljip pipul hu im, wulijim olabat garra sabi blanga weship oni langa im na. Olabat garra bringimap sekrifais en ofring langa im, en olabat garra kipum olabat pramis langa im.  
\v 22 Bambai na afta YAWEI bin panishim detlot ljip pipul, ol detlot pipul garra tenbek langa im wei na. Im garra ensim olabat preya en detlot ljip pipul garra jidan gudwei.   
\p
\v 23 “Langa det taim na, wan gudbala roud garra go brom ljip raidap langa det kantri gulum Asiriya. En detlot Ijip pipul en Asiriya pipul garra wokabat langa det roud, en olabat garra ol weshipbat mijamet.  
\v 24 Ol detlot Isreil pipul garra joinap garram det dubala kantri en olabat garra albumbat ebribodi langa dijan wel.  
\v 25 YAWEI det boswan God garra gibit olabat det brabli gudbala wed, en im garra tok, ‘Detlot Ijip pipul, olabat main pipul, en aibin meigim detlot Asiriya pipul olabat jidan main pipul du, en detlot Isreil pipul, olabat jidan main ronwan pipul.’”\x + \xo 19:25 \xt Jera 46:2-26; Isik 29:1—32:32 \x*   
\c 20  
\s1 Aisaiya bin wonimbat detlot Ijip en Ithiyopiya pipul  
\p
\v 1 Aibin kipgon tok, “Wal King Sagon brom det kantri gulum Asiriya bin dalim im amimob blanga majurrumap miselp en deibin teikoba det Filistain taun gulum Eshdad.  
\v 2-3 Wal langa det seimtaim YAWEI det trubala God bin dalim mi, ‘Aisaiya, yu garra deigimat ol yu klos en yu but en ebrijing yu garram langa yu bodi.’ Orait aibin dum lagijat, en aibin wokaran deya neigidbala nomo garram but blanga thriyiya.  
\p “Bambai na YAWEI bin tok, ‘Wanim Aisaiya bin dum, im det woning blanga detlot Ijip pipul en ola Ithiyopiya pipul.  
\v 4 Det king brom det kantri gulum Asiriya garra deigidawei ebribodi na brom det dubala kantri, en dei garra gowei nomo garram eni klos en nomo garram eni but. Im garra deigimwei ola yang pipul en ola ol pipul. Olabat garra ol gowei prisana.  
\v 5 Olabat kaan sabi wanim olabat garra dum, en nobodi kaan album detmob na, dumaji olabat bin ol joinin garram detlot Ithiyopiya pipul en olabat bin tok praudbalawei blanga Ijip.’  
\v 6 Wen dijan garra hepin, detlot Filistain pipul hu jidan langa solwodasaid garra ol tok, ‘Yumob luk wanim bin hepin langa det dubala kantri na. Melabat bin go langa dubala blanga seibum melabat brom det king brom Asiriya, bat melabat kaan ran eniweya, dumaji melabat ol trep na.’”   
\c 21  
\s1 Det enamimob bin bidim detlot Bebalon pipul  
\p
\v 1 Wal aibin kipgon tok, “Wal dijan na det mesij blanga Bebalon. Detlot enamimob blanga Bebalon kaminap wulijim wiliwili brom det deset kantri sauthwei.  
\v 2 Aibin luk det brabli nogudwan sain langa main drim.  
\p “Yumob pipul brom Elam en Midiya, yumob majurrumap miselp raidaran langa detlot Bebalon pipul en fait langa olabat, dumaji YAWEI det trubala God bin meigim pramis blanga binijimap ola trabul en adtaim weya detlot Bebalon pipul bin gibit langa ol detlot najalot pipul.   
\p
\v 3 “Mi abumbat detmatj pein jis laik det wuman weya im garra abum im beibi. Mi hatjamp en mi garram detmatj pein, ai kaan irrim en luk gudwei, najing.  
\v 4 Main hed im spinspinbat en mi bradin en sheiksheikbat. Wen det san im oldei godan, im det taim weya ai laigim detmatj, bat im det nogudwan taim na.  
\v 5 Wal langa main drim aibin luk detlot haibala bos blanga Bebalon bin abumbat bigiswan padi. Olabat bin dringgimbat en dagadagatbat, wen sambodi bin jinginat adbala, ‘Ola boswan men, yumob deigim yumob pleis na. Yumob grebum yumob shild.’   
\p
\v 6 “Wal YAWEI bin tok langa mi na, ‘Yu jandim wanbala solja hu oldei wotjimbat blanga go en luk blanga faindat wanim hepinbat.  
\v 7 Wen im luk detlot solja garram hosis kaminap langa dubala lain, en det najalot solja kaminap garram dongki en kemul, wal yu garra dalim im blanga luk brabli gudwei.’   
\p
\v 8 “Wal det solja bin tok na, ‘Bos, ebridei en ebrinait mi oldei jidan deya ontop langa det haibala haus en wotjimbat.  
\v 9 Luk na. Sambala men garram hosis kaminap langa dubala lain.’  
\p “En streidawei sambodi bin jingat adbala, ‘Det taun gulum Bebalon bin buldan na. Ol detlot drimin sheip langa Belabon bin buldan en breik langa det graun.’\x + \xo 21:9 \xt Reb 14:8; 18:2 \x*   
\p
\v 10 “Wal main pipul olabat, ol yumob Isreil pipul, yumob bin abum brabli adwan taim, bat aibin dalim yumob wanim YAWEI det boswan God blanga Isreil pipul bin tok.”   
\s1 Mesij blanga Idam  
\p
\v 11 Aibin kipgon tok, “Wal dijan na det mesij blanga Idam. Sambodi brom Idam bin jingat langa mi, ‘Solja, wotaim naitaim garra binij?’   
\p
\v 12 “En aibin tok brom det pleis weya aibin oldei wotjimbat ebrijing, ‘Im gulijap ailibala na, bat bambai naitaim garra kaman igin. If yu wandim askim mi igin, wal yu gin kaman en askim mi igin.’”   
\s1 Mesij blanga Areibiya  
\p
\v 13-14 Wal aibin kipgon tok, “Wal dijan na det mesij blanga Areibiya. Ol yumob pipul brom Dedan, hu jidan langa det deset kantri langa Areibiya. Yumob garra dalim ola trebalamob blanga bringimap woda langa detlot hu jidan thestibala. Ola pipul blanga Tema, yumob garra bringimap daga langa dislot pipul hubin ranawei brom olabat kantri.  
\v 15 Olabat bin brabli nokap wen deibin ranawei brom detlot bigwan naif en shapwan spiya, dumaji olabat bin bradin blanga faitbek.   
\p
\v 16 “Wal YAWEI bin tok langa mi na, ‘Dregli, langa wanbala yiya, ola gudbala ting blanga Keda garra ol binijap.  
\v 17 Detlot men blanga Keda hu oldei yusumbat bo en erro bin jidan brabli strongbala, bat bambai oni lilbit strongwan men garra jidan laibala. Wal dijan na main pramis, dumaji mi na YAWEI det trubala God blanga ola Isreil pipul.’”   
\c 22  
\s1 Mesij blanga Jerusalem  
\p
\v 1 Wal aibin kipgon tok, “Wal dijan na det mesij blanga Jerusalem. Wanim bin hepin iya? Wotfo yumob abumbat padi ontop langa det fletwan ruf langa yumob haus?  
\v 2 Det taun blanga yumob im brabli noisiwan brom detlot pipul hu jinginatbat brabli adbala.  
\p “En detlot hubin dai deya, dei nomo bin gitkil langa det wo.  
\v 3 Detlot lida blanga yumob bin ol ranawei. Dei nomo bin faitbek, najing. Nomeda deibin ol ranawei, bat stil detlot solja bin gajim olabat.   
\p
\v 4 “Wal yumob libum mi iya miselp wulijim ai garra kraikraibat nomo lilbit. Yumob nomo trai en meigim mi gudbinji, dumaji main pipul olabat bin ol binijap.  
\v 5 Wal YAWEI det brabli boswan God bin pikimat dijan taim na blanga det brabli nogudbala ting blanga hepin langa Jerusalem. Detlot enamimob bin nakimdan ola wol blanga Jerusalem, en ola pipul nomo sabi wanim blanga dum, en langa det bigwan hil kantri pipul irrimbat olabat jinginat adbala blanga sambodi blanga albumbat olabat.   
\p
\v 6 “Wal detlot solja brom Elam en brom Kira bin kaman garram hosis en bagi en deibin abum olabat shild redibala du.  
\v 7 Ola solja bin jidan oloba langa detlot gudwan kantri, en olabat bin jidan bigismob redibala blanga fait langa detlot geit blanga Jerusalem.  
\v 8 Ol detlot strongbala ting weya yumob bin oldei trastimbat, dei kaan album yumob na.  
\p “Wen tharran bin hepin yumob bin gajim detlot bigbala naif en bo en erro brom yumob stowa rum.  
\v 9-11 Yumob bin luk detlot hol langa det atsaidwan wol blanga Jerusalem, en yumob bin pulumdan sambala breikinwan haus blanga gajim sambala ston blanga meigim det wol gudwei igin. En yumob bin bildimap pleis blanga pudum woda brom det olwan wodahol. Bat yumob nomo bin askim God blanga album yumob blanga ol dislot ting. Im na bin meigim dijan plen blanga Jerusalem longtaim.  
\v 12 Wen dijan ting bin hepin YAWEI det brabli boswan God bin dalim yumob blanga kraikraibat en imbin dalim yumob blanga sheibum yumob hed en jidan soribalawei blanga yumob nogudbalawei en blanga werrimon sekbeigwan klos blanga shoum yumob rili sori.  
\v 13 Bat yumob nomo bin teiknodis. Yumob bin kipgon densdens en pleiplei myusik en yumob bin abumbat padi garram bif en dringgimbat wain en yumob bin tok, ‘Wi garra dagadagatbat en dringgimbat en abumbat gudbala taim dumaji maitbi tumorro wi garra dai.’\x + \xo 22:13 \xt 1 Karin 15:32 \x*   
\p
\v 14 “Wal YAWEI det brabli boswan God bin dalim mi dijan pramis, ‘Ai kaan neba larramgo fri olabat blanga dijan nogudbala ting raidap olabat garra dai. Mi na YAWEI det brabli boswan God gibit yu dijan mesij.’”   
\s1 Woning blanga Shebna  
\p
\v 15 “Wal YAWEI det brabli boswan God bin gibit mi mesij blanga dalim det men gulum Shebna, det gabman bos blanga det speshalwan haus blanga det king.  
\v 16 YAWEI bin tok, ‘Hu yu reken yu? Yubin meigim brabli purdiwan greibyad blanga yu ronselp langa det rok weya ola dedbala king oldei jidan.  
\v 17 Yu reken yu brabli strongbala men indit? Wal ai garra gajim yu en tjakidawei yu.  
\v 18 En ai garra tjakidawei yu langa najawan kantri. Deya na yu garra dai en deya na blanga yu ola brabli gudwan bagi garra jidanbat breikapwan du. Yu nomo eni gud langa yu bos, najing.  
\v 19 Ai garra andimwei yu brom det haibala wek.   
\p
\v 20-21 “‘Wal langa det taim na ai garra gibit detlot speshalwan klos en det speshalwan wek en pawa blanga yu langa main wekinmen neim Eliyakim, det san blanga Hilkaiya. En Eliyakim im garra jidan det dediwan blanga ola Jerusalem pipul en blanga det king femili brom Juda du.  
\v 22 Ai garra gibit im det ki blanga det haus blanga Deibid, en im garra jidan haibala bos langa det speshalwan haus blanga det king. En eni dowa im garra opinimap, nobodi kaan neba jadimap im, en wen im jadimap eni dowa nobodi kaan neba opinim igin.\x + \xo 22:22 \xt Reb 3:7 \x*  
\v 23 Im garra jidan brabli trubala langa im femili neim, dumaji ai garra pudum im langa det pleis wulijim det peig weya holdimap det tent.   
\p
\v 24 “‘Im garra bos langa ebrijing en im garra jidan brabli trubala langa ol im femilimob en im garra lukaftumbat olabat gudwei jis laik det peig weya oldei holdimap det kap en pleit.  
\v 25 Wal langa det taim na ai garra pulumat det peig weya jidan brabli strongbala. Im garra kamat en buldan langa graun en ebrijing weya joinap mijamet garram det peig garra ol binijap.’” Wal lagijat na YAWEI bin tok.   
\c 23  
\s1 Mesij blanga Taya  
\p
\v 1 “Wal dijan na det mesij bin kaman langa mi brom YAWEI det trubala God blanga det taun gulum Taya. Ol yumob Taya men deya langa yumob bout redibala blanga bringimbek ola ebrijing, kraikrai nomo lilbit dumaji yumob bin irrim bednyus langa Saipras blanga yumob ronwan taun. Yumob taun en det seifwan pleis blanga ola bout bin binijap na.  
\v 2-3 Ol yumob pipul hu oldei jidan langa solwodasaid, en ol yumob shop menija brom Saidan, yumob kraikrai kwaitbalawei. Yumob bin jandim wekinmenmob garram detlot bout weya krosim det solwoda, blanga meigim yumob jidan ritjwan. Olabat bin go garram bout blanga bringimap ola sid daga brom Ijip, en blanga selimbat ola ebrijing langa ola difrindifrin kantri.   
\p
\v 4 “Det taun gulum Saidan weya oldei jidan langa solwoda, yu brabli strongbala taun indit? Bat yu garra sheim miselp na jis laik det gel hubin merrit basdam en nomo bin abum eni biginini.   
\p
\v 5 “Wen detlot pipul brom Ijip irrim det nyus blanga Taya, olabat garra brabli nogudbinji.   
\p
\v 6 “Ol yumob pipul hu jidan langa solwodasaid, yumob garra lafta krai en yumob lafta jampin langa yumob bout en krosoba det solwoda en gowei longwei brom iya.  
\v 7 Wal dijan bin det brabli hepiwan taun, indit? Bat im jidan rabishwan na. Imbin jidan iya longtaim, bat im pipul olabat bin spredat langa ola longweiwan kantri.  
\v 8 Wal hubin bringimap dijan nogudbala ting langa Taya? Imbin det nambawan taun langa dijan wel. Ola pipul bin oldei baiyimbat en selimbat ola ebrijing deya.  
\v 9 Wal YAWEI det boswan God bin meigim plen blanga binijimap ola praudbala pipul. Dumaji im nomo bin laigim detlot pipul hu oldei reken miselp en meigim miselp haibala.   
\p
\v 10 “Ol yumob pipul langa det kantri gulum Tashish garra lukaran ebriweya blanga wek. Nobodi kaan stapam yumob en yumob garra lafta wek langa yumob fam jis laik detlot Ijip pipul.  
\v 11 Wal YAWEI bin pudumat im bingga langa det solwoda blanga bradinim detlot king hu jidan ebriweya, en YAWEI bin binijimap detlot pleis weya detlot shop menija oldei jidanbat.  
\v 12 Wal YAWEI bin tok langa detlot pipul langa Saidan na, ‘Wal yumob pipul langa Saidan, ol detlot gudbala taim weya yumob bin oldei abumbat, im binij na. Yumob taun im binij du. Nomeda yumob ranawei langa det kantri gulum Saipras, bat stil yumob kaan jidan kwaitbalawei en gudbinjiwei deya, najing.’   
\p
\v 13 “Yumob jinggabat detlot Bebalon pipul. Detlot Asiriya pipul nomo bin binijimap Taya, bat detlot Bebalon pipul bin dum tharran. Det taun gulum Taya im jis rabishwan en ola wailwan enimul jidan langa det pleis na.  
\v 14 Nomo eni strongwan haus garra jidan deya na, najing. Wal yumob pipul hu oldei go garram bout, yumob garra lafta kraikrai blanga Taya.   
\p
\v 15 “Wal langa det taim na nomo enibodi garra jinggabat det taun gulum Taya fo 70 yiya. Im laik det 70 yiya weya eni king jidan laibala. En wen det 70 yiya bin gopas, Taya garra jidan wulijim det nogudbala gel langa dijan song.   
\q1
\v 16 ‘Yu nogudbala gel, yu gajim yu gita na en yu wokabat langa taun.  
\q1 Nobodi jinggabat yu enimo.  
\q1 Yu garra singsing bigismob gudbala song,  
\q1 en maitbi ola men garra jinggabat langa yu igin.’   
\p
\v 17 “Wal wen det 70 yiya garra gopas, YAWEI garra larram pipul jidan langa Taya igin en dumbat wek. Det taun garra stat selimbat ebrijing igin langa najalot kantri en meigimbat loda mani.  
\v 18 Bat nomo eni mani garra jidan deya langa det taun, dumaji det mani blanga YAWEI, en olabat garra yusum blanga baiyim ola daga en gudbala klos blanga detlot pipul hu oldei weshipbat langa YAWEI.”\x + \xo 23:18 \xt Isik 26:1—28:19; Jowal 3:4-8; Eimos 1:9,10; Sek 9:1-4; Meth 11:21,22; Luk 10:13,14 \x*   
\c 24  
\s1 YAWEI garra panishim dijan wel  
\p
\v 1 “Wal trubala YAWEI det trubala God garra binijimap dijan wel, en im garra meigim dijan wel jidan wulijim deset kantri. YAWEI garra spredimatbat ola pipul ebriweya langa dijan wel.  
\v 2 Ebribodi garra abum det seimwan trabul, ola serramonimen, ola odinri men en wuman, ola wekinmen en wekingel hu jidan laiga prisana, en ola boswan blanga detlot, en ol detlot hu oldei selimbat en baiyimbat, en detlot hu lendimbat, en detlot hu borobat mani, en ola ritjwan en powan pipul.  
\v 3 Dijan wel garra jidan nomo garram enijing. Najing. Trubala YAWEI bin tok blanga dijan.   
\p
\v 4 “Dijan wel garra jidan brabli draiwan en brabli wikwan du. Ola lidamob garra jidan nomo enijing du.  
\v 5 Dijan wel garra jidan brabli nogudwan, dumaji ola pipul bin oldei dumbat nogudbala ting langa God. Olabat bin breigim det speshalwan pramis weya deibin meigim garram im.  
\v 6 God garra jandim bigbala trabul langa dijan wel, dumaji ola pipul giltiwan. Deibin dumbat nogudbala ting. Bigmob pipul garra binijap. Oni lilbit pipul garra jidan langa dijan wel na.  
\v 7 Ol detlot greip fam kaan abum enimo greip daga, en ola wain gulijap binij du. Detlot pipul hubin oldei jidan hepiwan jidan sedwan na.  
\v 8 Detlot pipul hubin oldei pleipleibat myusik jidan kwaitbala na.  
\v 9 Ola gudbala taim en ola song weya olabat bin oldei abumbat wen deibin dringgimbat wain garra binij du, en ola wain garra teist brabli bitawan wen olabat dringgimbat.  
\v 10 Langa ola taun ebrijing garra jidan rabishwan. Olabat garra jadimap olabat haus blanga kipumat streinja pipul.  
\v 11 Bigismob pipul garra majurrumap miselp langa detlot strit, en dei garra kraikraibat dumaji dei nomo garram wain. Ola gudbala taim garra ol binijap na langa dijan wel.  
\v 12 Ola bigwan taun garra jidan rabishwan nomo garram enijing, oni breikapwan geit.  
\v 13 Dijan garra hepin oloba langa ebri kantri langa dijan wel wulijim det taim wen dei binij gajimbat ola daga brom ola olibtri en greiptri.   
\p
\v 14 “Bat afta, ol detlot pipul hu stil jidan laibala garra sing gudbinjiwei. Detlot pipul hu jidan langa sangodansaid garra preisimbat langa YAWEI gudbinjiwei.  
\v 15 En ol detlot pipul hu jidan langa sanraisaid langa det kantri, en ol detlot pipul hu jidan langa solwodasaid, garra preisim YAWEI det trubala God blanga ola Isreil pipul.  
\v 16 En wi garra irrim olabat brom ola longweiwan kantri singsingbat detlot song langa det God hu oldei gibitbat ebribodi feyago.  
\p “Bat main hat im jidan brabli hebiwan. Mi brabli nogudbinji. Dumaji nogudbala pipul oldei dumbat trikibala ting langa mi, en dei kipgon dumbat mowes ting langa mi.  
\v 17 Ola pipul hu jidan langa dijan wel, yumob irrim mi na. Yumob garra bradin nomo lilbit en yumob garra ol git trep, en yumob garra abum loda trabul.  
\v 18 Detlot pipul hu trai blanga ranawei garra buldan langa bigwan hol, en if enibodi trai kamat brom det hol im garra git trep deya igin. Brabli bigbala stom garra kaman, en dijan graun garra sheiksheikbat andanith langa yu.  
\v 19 Dijan graun garra jidan brabli breikinwan.  
\v 20 Dijan graun garra jidan wulijim drangginbala hu oldei buldanbat, en wulijim det tent weya yu oldei pudumap wen det bigbala rein kaman garram win. Ol detlot nogudbala pipul bin meigim dijan wel nogud. Im garra buldan olagijawan, en im kaan gidap igin.   
\p
\v 21 “Wal det taim im kaminap na, wen YAWEI garra panishim enikain pawa weya jidan langa skai, en ola king hu jidan garram pawa iya langa dijan wel.  
\v 22 Im garra majurrumap detlot king jis laik prisana langa bigwan hol insaid langa det graun. Im garra libum olabat deya raidap det taim blanga olabat panishmen.  
\v 23 YAWEI garra jidan bos langa det bigwan hil gulum Saiyan deya langa Jerusalem. Deya na im garra jidan brabli shainiwan en ola lida blanga ola pipul garra luk det lait garra shain, en im kaan neba binij. Bambai na det san en mun kaan shain enimo, bat YAWEI det boswan God garra kipgon shainbat detmatj.”   
\c 25  
\s1 Song blanga gibit theingks langa YAWEI  
\p
\v 1 \fig |src="praise.tif" size="col" ref="25:1" \fig*Wal aibin sing dijan song na.  
\q1 “YAWEI, yu na blanga main God.  
\q1 Mi rispek langa yu en preisimbat yu neim.  
\q1 Yu oldei dumbat brabli gudbala ting.  
\q1 Brabli longtaim yubin meigim plen blanga olabat,  
\q1 en yubin dum ebrijing yubin wandim dum.   
\q1
\v 2 Yubin bitsimap detlot taun en ola strongbala wol blanga detlot enami,  
\q1 en yubin meigim olabat haus jidan rabishwan,  
\q1 en dei kaan neba bildimbek detlot haus igin.   
\q1
\v 3 Ol detlot pipul hu jidan langa detlot strongbala kantri garra ol rispek langa yu,  
\q1 en detlot krulbala pipul garra bradin langa yu.   
\q1
\v 4 YAWEI, yu oldei maindimbat ola powan pipul en detlot pipul hu garram trabul.  
\q1 Yu wulijim det shelta brom win en rein blanga olabat.  
\q1 Yu wulijim sheid tri langa hotwan san weya barnimbat pipul.  
\q1 Detlot strongbala en krulbala enami weya kaman blanga faitfait,  
\q1 dei jis laik det brabli strongbala stom weya garra binijap ebrijing.  
\q1 Bat stil oni yu na YAWEI oldei maindimbat olabat.   
\q1
\v 5 En jis laik det san weya im oldei jidan brabli hotwan, detlot krulbala pipul kaman.  
\q1 Bat yu wulijim det klaud weya meigim det graun jidan kolbala langa det hotwan dei.  
\q1 Yubin bidim detlot enami, en dei nomo bin sing eni song.  
\q1 Dei nomo bin win.”   
\s1 YAWEI bin seibum melabat  
\p
\v 6 Wal aibin tok na, “Deya langa Jerusalem YAWEI det boswan God garra abum brabli gudwan padi blanga ebribodi langa dijan wel. Det padi garra abum brabli gudwan daga en bif en wain.  
\v 7 En langa det dei na, im garra deigimwei detlot greib klos weya gaburrumap dijan wel.  
\v 8 YAWEI det boswan God garra binijimap det pawa blanga det greibyad, en im garra lukaftumbat enibodi hu kraikraibat. Im kaan larram enibodi tok nogudbalawei en mokimbat langa im pipul olabat.\x + \xo 25:8 \xt 1 Karin 15:54; Reb 7:17; 21:4 \x*   
\p
\v 9 “En langa det dei na pipul garra tok, ‘YAWEI det trubala God bin seibum melabat. Melabat bin weidabat blanga im en imbin kaman en seibum melabat. Wal melabat garra preisimbat oni langa im.’   
\p
\v 10 “Wal YAWEI garram im brabli strongbala pawa garra lukaftumbat Jerusalem, bat det kantri gulum Moweb garra jidan rabishwan na, en im garra jidan wulijim draiwan gras langa wetwan pleis weya detlot buligi breigimap wen dei wokwokbat deya.  
\v 11 Detlot pipul blanga Moweb garra trai blanga ranawei, bat God garra meigim ola praudbala pipul jidan lobala nomeda olabat kipgon trai blanga ranawei.  
\v 12 Detlot brabli haibala wol blanga detlot taun langa Moweb garra binijap, en im garra buldan langa graun jis laik das.”\x + \xo 25:12 \xt Aisai 15:1—16:14; Jera 48:1-47; Isik 25:8-11; Eimos 2:1-3; Sef 2:8-11 \x*   
\c 26  
\s1 Song blanga preisimbat God wen imbin album im pipul olabat  
\p
\v 1 \fig |src="praise.tif" size="col" ref="26:1" \fig*Wal det taim im kaminap na wen ebribodi langa det kantri Juda garra singim dijan song na.  
\q1 “Blanga wi taun im jidan strongbala na.  
\q1 Wi jidan insaid langa bigwan wol,  
\q1 en God oldei lukaftumbat wi.   
\q1
\v 2 Opinimap det geit blanga detlot pipul hu jidan brabli gudbalawei,  
\q1 en hu oldei jidan trubala langa God.   
\b  
\q1
\v 3 “YAWEI garra kipum detlot pipul brabli gudwei hu oldei jinggabat im,  
\q1 en hu oldei trastimbat oni langa im.   
\q1
\v 4 Wi garra trastimbat oni langa YAWEI olataim.  
\q1 Oni im na det olagijawan.  
\q1 Im kipum wi seif jis laik brabli bigwan ston.   
\q1
\v 5 Im oldei meigim detlot praudbala pipul jidan lobala.  
\q1 Im meigim det taun hu reken miselp haibala, jidan rabishwan.   
\q1
\v 6 En ola powan en wikwan pipul garra pudumbut langa det taun.   
\b  
\q1
\v 7 “YAWEI, yu oldei gibit feyago langa detlot pipul hu oldei bulurrumbat en trastimbat yu.  
\q1 Yu na meigim det roud brabli gudwan, en nomo rafwan.   
\q1
\v 8 YAWEI, melabat wandim teiknodis langa yu lowa na.  
\q1 Blanga melabat hat jidan strongbala blanga preisimbat yu neim.   
\q1
\v 9 Ebri naitaim ai wandim yu brabliwei.  
\q1 Wen yu jadjim ola pipul iya langa dijan wel,  
\q1 olabat garra sabi yu lowa  
\q1 en olabat garra jidan gudbalawei.   
\q1
\v 10 Nomeda yu oldei kain langa ola nogudbala pipul,  
\q1 olabat nomo sabi dum gudbala ting raitwei.  
\q1 Olabat kipgon dumbat rong ting en nomo teiknodis langa yu.  
\q1 Dei nomo sabi yu brabli haibala.   
\q1
\v 11 YAWEI, olabat nomo luk yu bingga wen yu redi blanga panishimbat olabat.  
\q1 Yu shoum olabat yu oldei lukaftumbat yu ronwan pipul olabat,  
\q1 en maitbi olabat garra sheim miselp.  
\q1 Larram yu faiya barnimap ol yu enamimob.\x + \xo 26:11 \xt Hib 10:27 \x*   
\b  
\q1
\v 12 “YAWEI, yu meigim melabat jidan gudbinjiwei,  
\q1 dumaji ebrijing melabat bin dum,  
\q1 melabat bin dum garram yu pawa.   
\q1
\v 13 YAWEI, yu na blanga melabat God.  
\q1 Najalot pipul bin bos langa melabat,  
\q1 bat melabat garra weship oni langa yu.   
\q1
\v 14 Detlot pipul hubin jidan bos langa melabat bifo,  
\q1 olabat bin dai na.  
\q1 Olabat kaan kambek iya igin.  
\q1 Yubin panishim olabat en yubin binijap olabat,  
\q1 en nobodi kaan jinggabat blanga olabat enimo.   
\q1
\v 15 Melabat garra preisim oni langa yu YAWEI.  
\q1 Yubin gibit melabat detmatj kantri,  
\q1 en yubin meigim melabat kantri brabli bigwan.   
\q1
\v 16 YAWEI, wen yubin panishim melabat,  
\q1 melabat bin kambek en prei langa yu.   
\q1
\v 17 Dumaji wanim yubin dum langa melabat,  
\q1 melabat bin abumbat trabul en pein,  
\q1 jis laik det wuman weya im redi blanga abum beibi.   
\q1
\v 18 Melabat bin abum loda pein,  
\q1 bat melabat nomo bin abum beibi.  
\q1 Melabat nomo bin dum eni gudbala ting blanga melabat kantri,  
\q1 en melabat nomo bin abum eni biginini blanga teikoba dijan kantri.   
\b  
\q1
\v 19 “Detlot pipul hu bulurrum yu God garra jidan laibala,  
\q1 en olabat bodi garra gidap laibala igin.  
\q1 Detlot dedbala pipul langa greibyad garra gidap en sing gudbinjiwei.  
\q1 YAWEI yu na det lait weya gibit laif,  
\q1 wulijim det dyu weya im wetim det graun ailibala.  
\q1 Yu gibit laif langa ola dedbala pipul.”\x + \xo 26:19 \xt Den 12:2 \x*   
\s1 YAWEI garra meigim Isreil jidan gudwan igin  
\p
\v 20 “Main pipul olabat, yumob gobek langa yumob ronwan haus, en lokimap miselp insaid. Yumob blandim miselp raidap God garra stap wailwail langa ebribodi.  
\v 21 Luk! YAWEI im kaminap brom hebin blanga panishim ola pipul langa dijan wel blanga olabat nogudbalawei. Sambala pipul bin medrimbat sambala pipul. Ebribodi garra sabi hubin medrimbat olabat, dumaji det graun kaan kipgon gaburrumapbat detlot hubin gitkil.”   
\c 27  
\p
\v 1 Wal langa det taim na Labaiyathan det bigwan solwoda enimul garra trai blanga gowei bat YAWEI det trubala God garra kilim im garram det bigwan shapwan naif.\x + \xo 27:1 \xt Job 41:1; Saam 74:14; 104:26 \x*   
\p
\v 2 En langa det taim na YAWEI garra tok blanga im gudwan greip fam, “Wi garra singim song blanga detlot brabli gudwan daga langa detlot greiptri.  
\v 3 Ai garra maindimbat det greip fam, wulijim nobodi kaan go en bitsimap detlot greiptri. Ai garra wotjimbat det pleis deitaim en naitaim, en ai garra wodarimbat detlot greiptri du.  
\v 4 Ai kaan wail enimo langa det greip fam. En if det greip fam growimap eni jigiwan bushis ai garra barnimap detlot nogudwan plent.  
\v 5 En if detlot enami blanga main pipul olabat wandim mi blanga lukaftumbat olabat, wal olabat garra kaman en askim mi blanga jidan gudfren langa olabat. Trubala, olabat garra meigim miselp gudfren langa mi.” Lagijat na YAWEI bin tok.   
\p
\v 6 Wal aibin tok na, “Wandei detlot Isreil pipul garra abum rut wulijim tri. En dei garra abum bigismob frut daga, en dei garra jidan ebriweya langa dijan wel.  
\v 7 YAWEI nomo bin panishim detlot Isreil pipul brabliwei laik wen imbin panishim en kilim olabat enamimob.  
\v 8 Imbin panishim detlot Isreil pipul wen imbin jandimwei olabat longwei, jis laik hotwan win bin blowimwei olabat.   
\p
\v 9 “Wal oni wanwei detlot Isreil pipul garra jidan friwan brom olabat nogudbalawei. Olabat garra bitsimap detlot stonwan ofring teibul langa ebri drimin pleis, en dei garra nokamdan ola wadi en drimin sheip weya dei oldei weshipbat detlot drimin.  
\v 10 Ola brabli strongbala taun garra jidan rabishwan laik deset kantri, en nomo enibodi garra jidan deya na. Ola buligi garra wokabat ebriweya langa det taun, en dagat ola bushis langa ola tri.  
\v 11 Wen detlot wadi blanga detlot tri garra buldan langa graun, detlot wuman garra gajim detlot wadi en tjakambat langa faiya. Dumaji detlot pipul brabli granggibala, God hubin meigim olabat, kaan neba kain langa olabat igin.   
\p
\v 12 “Wal langa det dei na YAWEI garra sheikimap dijan wel brom det Yufreitis Riba raidap langa det boda blanga Ijip, en im garra bringimap ol im pipul olabat mijamet.   
\p
\v 13 “En langa det dei na yumob garra irrim im wen im garra blowim det longwan wisul brabli adbala. En bambai detlot Isreil pipul hubin jidan prisana langa Asiriya, en detlot Isreil pipul hubin ranawei langa Ijip garra kambek en weship langa YAWEI langa det seikridwan hil gulum Saiyan deya langa Jerusalem.”   
\c 28  
\s1 YAWEI garra panishim det taun gulum Sameriya  
\p
\v 1 Wal aibin kipgon tok, “Wal YAWEI det trubala God garra binijimap det nogudbalawei blanga detlot pipul langa det taun gulum Sameriya, dumaji detlot lida oldei jidan drangginbala. Olabat oldei gajimbat loda daga en wain, bat olabat garra jidan jis laik det purdiflawa weya im draiyap en dai.  
\v 2 Oni YAWEI im brabli strongbala en garram detmatj pawa, en im garra jandim det strongwan Asiriya amimob blanga binijimap olabat. Dei garra kaman en binijimap olabat jis laik det heilstom o bigiswan win o brabli bigiswan fladwoda weya binijimap ebrijing.  
\v 3 Detlot drangginbala langa Ifreiyim reken Sameriya im det nambawan taun, bat olabat enami garra pudumbut langa olabat.  
\v 4 Sameriya im jidan langa bigwan hil, bat detlot lida garra jidan jis laik det purdiflawa weya im draiyap en dai. Blanga im gudwan ebrijing garra ol binijap kwikbala, jis laik wen sambodi luk det kukwan fig daga, en im dagat streidawei.   
\p
\v 5 “Wal langa det taim na YAWEI det boswan God garra jidan det nambawan king blanga im pipul olabat hu stil jidan laibala.  
\v 6 Im garra gibit feyago langa detlot pipul blanga im en im garra meigim olabat strongbala wulijim dei garra bidim detlot enami wen dei trai teikoba olabat taun.”   
\s1 Nogudwan lida garra abum panishmen  
\p
\v 7 Wal aibin kipgon tok, “Ol detlot serramonimen en speshalwan mesinja oldei buldanbat, dumaji olabat oldei jidan drangginbala. Olabat nomo sabi det wed blanga God en dei nomo gibit feyago langa detlot pipul hu oldei wandim olabat blanga album olabat.  
\v 8 Blanga olabat teibul jidan garram baku, en nomo enijing jidan klinbala. Ebrijing jidan brabli dardiwan.   
\p
\v 9-10 “Wal detlot serramonimen en speshalwan mesinja tok langa mi na, ‘Yu kaan titjimbat melabat. Najing. Detlot wed weya yu toktokbat jis laik beibi tok. Yu toktok jis laik ola beibi oldei toktokbat en yu oldei dalimbat melabat ebrijing oba en oba igin.’   
\p
\v 11 “Wal if yumob kaan lisin langa mi, God garra titjimbat yumob garram streinja pipul garram difrinwan langgus.  
\v 12 Imbin wandim yumob blanga jidan gudbinjiwei langa yumob ronwan kantri, bat yumob nomo lisin langa im.\x + \xo 28:12 \xt 1 Karin 14:21 \x*  
\v 13 Blanga tharran na YAWEI garra dalim im mesij igin, jis laik im tok langa lilwan beibi. Im garra dalim yumob oba en oba igin. Bat yumob kaan sabi tharran mesij, en yumob garra buldan langa yumob bekboun langa graun en yumob garra ardimbat miselp en jidan prisana.”   
\s1 Woning blanga Jerusalem  
\p
\v 14 Wal aibin kipgon tok, “Ol yumob praudbala boswan langa Jerusalem, yumob irrim dijan mesij brom YAWEI na.  
\v 15 Yumob reken yumob gin bidim det greib en det pleis weya ola dedbala pipul oldei jidan. Wotfo yumob trastimbat yumob ronselp en laiyawan wed blanga kipum yumob seifwan brom yumob enamimob hu garra kaman laiga bigiswan fladwoda?  
\v 16 YAWEI det boswan God im tok, ‘Aibin pikimat wanbala brabli gudwan ston, en aibin meigim det ston det meinwan ston blanga det haus blanga mi, deya langa det taun gulum Saiyan. En ai garra meigim enibodi gudbinji hu oldei trastimbat mi.\x + \xo 28:16 \xt Saam 118:22,23; Rom 9:33; 10:11; 1 Pida 2:6 \x*  
\v 17 Yumob sabi detlot men hu oldei bildimapbat haus. Olabat oldei yusum detkain lain weya gin streitinimap ebrijing. Wal ai garra gibit ebribodi feyago en tridim ebribodi raitwei wulijim detlot men hu oldei yusum det lain blanga bildimap det haus.’ Lagijat na YAWEI bin tok.  
\p “Yumob bin oldei dalimbat laiya en trikimbat najalot pipul nogudbalawei. Yumob wulijim det haus weya im luk strongwan en seifwan, bat wen det bigwan rein en fladwoda kaman dei nokamdan en deigidawei det haus.  
\v 18 Yumob reken yumob gin bidim det greib en det pleis weya ola dedbala pipul oldei jidanbat, bat im nomo trubala tharran. Ai garra jandim bigismob enami blanga kaman langa yumob jis laik bigiswan fladwoda weya garra gaburrumap yumob.  
\v 19 En im garra jidan jis laik im reinreinbat oldei en olnait raidap det fladwoda garra washimwei yumob en yumob garra bradin nomo lilbit. Dijan nogudbala ting garra hepinbat lagijat langa yumob,  
\v 20 jis laik det sambodi hu nomo bin abum gudwan silip, dumaji det sweig blanga im bin shotwan, en det bleingkit blanga im bin brabli lilwan.  
\v 21 Wal YAWEI garra kaman en panishimbat yumob, jis laik imbin panishim detlot Filistain pipul langa det hil gulum Perasim, en detlot Emarait pipul langa det hil kantri gulum Gibiyan. Bat langa dijan taim na im garra dum samting blanga meigim yumob hatjamp. Im garra binijimap im ronwan pipul olabat!\x + \xo 28:21 \xt Josh 10:10-12; 2 Sem 5:20; 1 Kran 14:11 \x*   
\p
\v 22 “Wal yumob lafta stap toktokbat jigibalawei langa mi, bambai yumob abum mowa trabul. Aibin irrim YAWEI det boswan God tok strongbalawei blanga binijimap ol dijan kantri.”   
\s1 God im sabi ebrijing  
\p
\v 23 Wal aibin kipgon tok, “Wal yumob lafta teiknodis wanim mi oldei dalimbat yumob.  
\v 24 Det fama kaan kipgon grajimbat det graun.  
\v 25 Wen det graun im redi, im spredimat ol detlot difrinkain lilwan sid, en plentimbat detlot najalot sid langa det boda blanga pedik.  
\v 26 Olabat bin len dijan brom olabat God.  
\v 27 Bambai na, wen ola lilwan sid daga bin growap en bin kukwan, olabat yusumbat det lilwan wadipat blanga deigimat det sid daga, en nomo yusum wegan wil.  
\v 28 Bat wen olabat deigimat det sid daga brom bali o wit, olabat yusumbat det wegan wil blanga breigimap detlot sid daga.  
\v 29 Dijan na wanim detlot fama oldei dumbat en YAWEI det boswan God, hu sabi ebrijing, bin lenim olabat blanga dum lagijat.” Lagijat na aibin tok.   
\c 29  
\s1 Jerusalem garra abumbat adtaim  
\p
\v 1 Wal YAWEI bin tok, “Jerusalem, det taun blanga King Deibid, yu det speshalwan pleis blanga main. Yu garram bigiswan trabul na. Yu oldei abumbat bigismob serramoni ebriyiya.  
\v 2 Bat ai garra jandim nogudbala ting langa yu, en yu garra stil abumbat loda pein en yu garra jidan brabli soribala en yu garra oldei kraikraibat nomo lilbit du.  
\v 3 Ai garra kaman langa yu en fait langa yu brom ebrisaid, jis laik King Deibid bin dum.  
\v 4 En yu garra jingat brom andanith langa dijan graun blanga sambodi blanga kaman en album yu, en nobodi kaan adli irrim yu.   
\p
\v 5 “Bat afta na yu krulbala enami garra ol binij du wulijim det das weya det win oldei blowimbat.  
\v 6 En mi na YAWEI det boswan God garra kaman kwikbala en seibum yu, en det graun garra sheiksheik, en yu garra irrim det thanda garra jingat adbala en det faiya en win garra kaman.  
\v 7 En detlot krulbala pipul hu kaman en faitfaitbat langa yu en meigimbat yu oldei abumbat loda pein, dei garra gowei kwikbala, jis laik det drim weya gowei wen yu gidap brom silip.  
\v 8 En ol detlot pipul brom najalot kantri hu kaman en fait langa det bigwan hil gulum Saiyan, olabat garra jidan hanggriwan en thestiwan. Olabat garra oldei abum drim weya im abum blendibala daga en woda, bat olabat garra gidap brom silip stil hanggriwan en thestiwan.” Lagijat na YAWEI bin tok.   
\s1 Ola speshalwan mesinja hu dumbat nogudbala ting  
\p
\v 9 Wal aibin tok, “Yumob speshalwan mesinja, yumob nomo lisin langa mi en yumob kipgon dumbat nogudbala ting. Wal yumob kipgon jidan blainwan. En yumob jidan drangginbala, nomeda yumob nomo bin dringgimbat eni wain. Najing.  
\v 10 Dumaji YAWEI det trubala God na bin meigim yumob jidan jis laik yumob silipiwan. Yumob speshalwan mesinja garra lafta abum gudwan ai, bat YAWEI bin gaburrumap yumob ai.\x + \xo 29:10 \xt Rom 11:8 \x*  
\v 11 Wal dijan mesij blanga im, im jis laiga leda weya deibin jadimap garram det bushgam. Sambala pipul garra tok, ‘Melabat kaan ridim dijan, dumaji im nomo opinwan.’  
\v 12 En najalot pipul garra tok, ‘Melabat kaan ridim dijan dumaji melabat nomo sabi ridim dislot wed.’   
\p
\v 13 “Wal YAWEI bin tok na, ‘Dislot pipul oldei preisimbat langa mi garram olabat wed, bat olabat nomo rili jinggabat langa mi brabliwei. Dei oldei weship mi garram sambala lowa weya dei meigimapbat olabat ronselp.\x + \xo 29:13 \xt Meth 15:8,9; Mak 7:6,7 \x*  
\v 14 Wal blanga tharran na, ai garra dumbat olkain klebawan ting, en ai garra meigimbat olabat brabli hatjamp. Ai garra meigim olabat nomo blanga sabi enijing, nomeda olabat reken olabat sabi ebrijing.’ Lagijat na YAWEI bin tok.\x + \xo 29:14 \xt 1 Kran 1:19 \x*   
\p
\v 15 “Wal ol yumob pipul garra abum trabul if yumob trai blanga blandim yumob plen brom YAWEI, o if yu reken yu gin dum samting langa dakbala pleis weya nobodi kaan luk langa yu.  
\v 16 Yumob brabli granggibala. Det klei dish im kaan tok langa det men hubin meigim im, ‘Yu nomo bin meigim mi. Yu nomo sabi hau blanga meigim mi.’”\x + \xo 29:16 \xt Aisai 45:9; Rom 9:20 \x*   
\s1 Brabli gudbala ting garra kaman bambai  
\p
\v 17 Wal aibin kipgon tok, “Det kantri langa Lebanan garram bigismob tri, bat im garra jidan jis laiga gudwan fam dregli, en bambai det fam im garra abum bigismob tri igin.  
\v 18 En langa det taim na, detlot pipul hubin jidanbat defwan longtaim garra irrim sambodi ridimbat langa olabat, en detlot pipul hubin oldei jidanbat blainwan garra luk gudwei.  
\v 19 Detlot powan pipul, en detlot pipul hu nomo garram enibodi blanga lukaftumbat olabat, garra jinginatbat brabli hepiwan langa YAWEI det brabli holiwan God blanga ola Isreil pipul.  
\v 20-21 Bat detlot praudbala pipul hu oldei gibit bekboun langa God, en hu oldei dumbat krulbala ting langa najalot pipul, garra ol binijap mijamet garram detlot pipul hu oldei dalimbat laiyawan wed langa kothaus, en nomo larram najalot pipul blanga abum feyago.   
\p
\v 22 “Wal blanga tharran na, YAWEI hubin album Eibrahem wen imbin abum trabul, bin tok langa Jeikob bigininimob, ol detlot Isreil pipul. Imbin tok, ‘Main pipul olabat, yumob kaan nogudbinji en sheim miselp enimo.  
\v 23 Wen yumob luk ola biginini en ola ebrijing aibin gibit yumob, yumob garra preisim langa mi en shoum rispek langa mi, det brabli holiwan God blanga ola Isreil pipul.  
\v 24 En enibodi hu nomo sabi enijing, garra sabi ebrijing na, en detlot pipul hu oldei grambul en faindim folt langa enibodi, garra bilib en teiknodis wanim aibin titjimbat yumob.’ Lagijat na YAWEI bin tok.”   
\c 30  
\s1 Nomo trastimbat detlot Ijip pipul blanga albumbat yumob  
\p
\v 1 Wal aibin tok na, “Dijan na det mesij blanga YAWEI det trubala God blanga detlot nogudbala pipul blanga im hubin gibit im bekboun. Imbin tok, ‘Yumob bin oldei bulurrumbat yumob ronwan plen. Yumob nomo bin laigim bulurrum blanga main plen. Yumob bin joinap garram najalot kantri, en yumob nomo bin askim mi basdam, en yumob oldei kipgon dumbat nogudbala ting.  
\v 2 Yumob oldei trastimbat detlot pipul brom Ijip blanga lukaftumbat yumob. En yumob nomo bin lisin en teiknodis langa mi en yumob oldei jandimbat mesij langa Ijip blanga askim olabat king blanga kaman en album yumob.  
\v 3 Bat yumob garra jidan brabli nogudbinji en yumob garra sheim miselp du, dumaji yumob bin oldei trastimbat langa ola pipul brom Ijip, bat dei kaan albumbat yumob.  
\v 4 Det king blanga Juda bin jandim sambala mesinja langa Ijip en deibin go raidap langa det dubala taun gulum Sowan en Henes, bat olabat garra jidan brabli sheimwan na.  
\v 5 Detlot pipul brom Ijip kaan maindimbat yumob. If yumob reken detlot pipul brom Ijip garra albumbat yumob, yumob siliwan.’ Lagijat na YAWEI bin tok.   
\p
\v 6 “Wal dijan na det mesij blanga detlot enimul weya oldei jidan langa det deset kantri langa sauthsaid. ‘Ol yumob mesinja hu oldei meigimbat ola dongki en kemul garrimapbat ola gol en silba blanga Ijip, yumob go thru det nogudbala deset kantri weya im garram detmatj laiyan en brabli poisinwan sneik.  
\v 7 Bat detlot pipul brom Ijip kaan album yumob. Blanga tharran na aibin gibit Ijip najawan neim gulum Wikwan Kantri.’”   
\s1 Isreil bin gibit bekboun langa YAWEI  
\p
\v 8 Wal aibin tok, “Wal YAWEI bin dalim mi blanga raidimdan dislot wed langa buk, wulijim ola Isreil pipul garra sabi olataim ola nogudbala ting weya deibin dumbat.  
\v 9 Deibin gibit bekboun langa YAWEI, en dei nomo bin jidan trubalawei. Deibin oldei agamin langa YAWEI, en deibin oldei dalimbat im laiya en deibin oldei nokambek im en dei nomo bin teiknodis langa im wed.  
\v 10 En deibin dalim detlot speshalwan mesinja blanga jidan kwaitbala. Deibin tok, ‘Yumob kaan dalim melabat wanim YAWEI oldei shoumbat yumob. Yumob kaan dalimbat melabat wanim im rait. Yumob jis dalim melabat wanim melabat wandim irrim, nomeda im laiyawan stori.  
\v 11 Yumob stap dalimbat melabat wanim God oldei dalimbat yumob. Melabat nomo wandim irrim enimo blanga det holiwan God blanga ola Isreil pipul.’ Lagijat na detlot Isreil pipul bin tok.   
\p
\v 12 “Wal dijan na det mesij brom det brabli holiwan God blanga ola Isreil pipul, ‘Yumob nomo bin laigim main mesij, en yumob oldei trastimbat ola nogudbala en laiyinbala pipul.  
\v 13 Dijan nogudbalawei im jis laik det brabli bigwan wol weya im abum lilwan hol, en bambai im garra breik haf en haf en buldan.  
\v 14 En det wol garra bitsap ebriweya, jis laik det kleiwan dish weya yu bitsimap. En nomo enijing brom det wol kaan jidan blanga garrimapbat eni hotwan eshis o woda.’   
\p
\v 15 “Wal YAWEI det boswan God, det holiwan blanga ola Isreil pipul bin dalim yumob, ‘Ai garra lukaftumbat yumob if yumob tenbek langa mi. Ai garra meigim yumob jidan brabli strongbala if yumob trastim mi. Bat yumob nomo teiknodis langa mi. Najing.’  
\v 16 Bat yumob tok, ‘Nomo. Melabat garra ranawei garram faswan hosis.’ Bat detlot pipul hu ranimapbat langa yumob, garra go mowa faswan langa yumob.  
\v 17 Nomeda yumob bigismob pipul, bat stil wanbala o faibala enami solja garra ranimapbat yumob. En afta na, oni lilbit pipul garra jidan laibala, wulijim det wanbala fleig pol weya im jandap miselp ontop langa wanbala hil.   
\p
\v 18 “Bat YAWEI im weidabat blanga yumob blanga kambek langa im, dumaji im laigim yumob detmatj, en im brabli kainbalawan du en im fil sori blanga yumob. YAWEI na oldei dum ebrijing gudwei, en if yumob trastim im, wal yumob garra jidan brabli gudbinji.”   
\s1 YAWEI garra jidan kainbala langa im pipul olabat  
\p
\v 19 Wal aibin kipgon tok, “Ol yumob pipul langa Jerusalem, nomo kraikraibat enimo na. Dumaji YAWEI im brabli kainbalawan, en wen im irrim yumob kraikraibat en jinginatbat langa im blanga album yumob, wal im garra irrim yumob.  
\v 20 Wal YAWEI bin meigim yumob abum loda trabul en adtaim. Bat tudei na yumob garra luk langa im, det titja blanga yumob, en im garra gaidim yumob.  
\v 21 En if yumob tenim langa lefthensaid roud o raidensaid roud, yumob garra irrim sambodi tok, ‘Dijan na det roud yumob garra bulurrum.’  
\v 22 En brom deya yumob garra libum detlot drimin sheip weya yumob bin meigim brom silba en gol, dumaji olabat rabishwan. En yumob garra tjakidawei detlot ting, jis laik wen yumob oldei tjakidawei det brabli dardiwan reig.  
\v 23 En YAWEI garra jandim rein blanga wodarim detlot sid weya yumob bin plentimbat, en yumob fam garra abum loda sid daga en frut daga, en ola buligi blanga yumob garra dagat dagabat det grinwan gras.  
\v 24 En yumob garra gibit detlot brabli gudwan sid daga langa detlot buligi en dongki weya yumob oldei yusumbat blanga grajimbat det graun langa yumob fam.  
\v 25 Langa det dei na wen yumob garra binijimap yumob enamimob, en teikoba en nokamdan olabat strongbala haus, ola woda garra randan langa ebri krik en hil.  
\v 26 Afta tharran YAWEI garra kain langa im pipul olabat hu imbin oldei ardimbat, en im garra meigim gudwan detlot sowa. En im garra meigim det mun shain wulijim det san, en det san garra shain mowa braitwan. Im garra jidan brabli strongwan lait.”   
\s1 Asiriya garra abum panishmen  
\p
\v 27 Wal aibin kipgon tok, “Wal YAWEI im kaminap brom longwei garram faiya en bigismob smok en im brabli wail. Wen im toktokbat, detlot wed im jis laik faiya kamat brom im mawus.  
\v 28 YAWEI garra blowim im win en blowimwei ebrijing. En im garra binijimap im enami olabat langa najalot kantri, en im garra pudum bit langa olabat mawus en im garra lidim olabat blanga panishim olabat.  
\v 29 Bat detlot pipul blanga God garra singsingbat song gudbinjiwei, jis laik langa det naitaim wen olabat abum det speshalwan taim blanga YAWEI. Wal YAWEI na det strongwan ston blanga Isreil, en blanga im pipul olabat garra jidan brabli gudbinji jis laik det taim wen olabat bulurrumbat det myusikmob weya dei garra weship im langa Jerusalem langa det hil.   
\p
\v 30 “Wal YAWEI im brabli wail langa im enami olabat, en ebribodi garra irrim im bois, en im garra larram olabat luk im redibala blanga fait, en wen im wail, faiya garra barnbarn deya, en thanda garra basbasbat en ola heilston en rein garra buldanbuldan.  
\v 31 Wen detlot Asiriya pipul garra irrim det bois blanga God, en wen olabat garra luk im kaminap en hitimbat olabat garram det aiyanwan stik, olabat garra bradin nomo lilbit.  
\v 32 Im garra kipgon fait langa olabat, en ebritaim im hitimbat det aiyanwan stik, im pipul olabat garra pleipleibat det myusik.  
\v 33 Wal longtaim YAWEI bin abum pleis redibala blanga barnimbat det bodi blanga det king brom Asiriya. Det pleis im brabli dipwan en brabli bigwan, en bigismob wud im deya du, en YAWEI garra jandim det faiya blanga barnimap ebrijing na.”   
\c 31  
\s1 Nomo trastimbat det pawa blanga Ijip  
\p
\v 1 Wal aibin kipgon tok, “Yumob pipul hu oldei askimbat detlot pipul brom Ijip blanga album yumob, wal yumob garra abumbat trabul na. Yumob oldei trastimbat detlot solja garram detlot hosis en bagi en strongbala amimob. Bat yumob nomo jinggabat blanga YAWEI det brabli holiwan God blanga ola Isreil pipul en askim im blanga album yumob.  
\v 2 Wal YAWEI sabi ebrijing. Im gin dum wanim imbin pramis blanga dum, en im gin panishim en binijimap enijing. If yumob dum krulbala ting en albumbat detlot pipul hu oldei dumbat detlot nogudbala ting, wal yumob holot garra ol binijap.  
\v 3 Detlot pipul brom Ijip, olabat oni odinri pipul. Olabat nomo God. Blanga olabat hosis, olabat kaan jidan laibala olataim. Wen YAWEI shoum im pawa langa olabat, im garra binijimap detlot pipul brom Ijip, en ol detlot hubin trastimbat olabat.   
\p
\v 4 “Wal YAWEI det boswan God bin dalim mi, ‘Ai garra jinginat en fait jis laiga laiyan. Wen det laiyan kilim det ship, im kaan teiknodis langa detlot men hu oldei maindimbat detlot ship, en wen detlot men jinginat adbala langa det laiyan, im kipgon dumbat det seimwan ting. Wal lagijat na, ai garra kaman en fait ontop langa det bigwan hil gulum Saiyan.  
\v 5 Mi na YAWEI det Boswan God garra maindimbat Jerusalem wulijim detlot mamiwan bard hu oldei maindimbat olabat beibi langa nes.\fig |src="DN00426b.tif" size="col" ref="31:5" \fig*   
\p
\v 6 “‘Orait ol yumob Isreil pipul. Yumob bin gibit bekboun langa mi, bat yumob kambek langa mi na.  
\v 7 Det taim im kaminap na wen yumob garra tjakidawei detlot drimin sheip weya yumob bin oldei meigimbat brom silba en gol.  
\v 8 Detlot Asiriya pipul garra ol binijap, nomo garram detlot bigwan naif blanga pipul, bat garram det bigwan naif blanga God. Ola yangmen garra trai ranawei, bat sambodi garra gajim olabat en meigim olabat jidan prisana.  
\v 9 Detlot strongbala taun garra buldan wen detlot enami garra kaman. Ola boswan solja garra bradin nomo lilbit en ranawei.’ Lagijat na YAWEI bin tok, en im garram im hotwan faiya blanga sekrifais ofring deya langa Jerusalem weya pipul kaman en weship im.”   
\c 32  
\s1 Ebribodi garra abum feyago  
\p
\v 1 Wal aibin kipgon tok, “Wandei wanbala king en detlot nambawan boswan wekinmen blanga im garra jidan bos, en det king garra jidan brabli trubala men en gibit ebribodi feyago.  
\v 2 Det king en im wekinmenmob garra jidan jis laik det brabli seifwan pleis weya ola pipul gin go en blandim miselp brom det rein en win. Olabat garra jidan wulijim det riba langa deset kantri, en wulijim det bigwan ston weya gibitbat sheid brom det hotwan san.  
\v 3 Ebribodi garra opinim olabat dubala ai en lukabat God, en detlot hu garram irriwol garra irrim im bois, en teiknodis.  
\v 4 Detlot pipul hu dum ebrijing kwikbala en kaan weit blanga enijing, garra jinggabat gudwei, en enibodi hu nomo sabi hau blanga tok gudwei, wal dei garra tok gudwei na.  
\v 5 Nobodi kaan rispek detlot granggibala pipul, en nomo enibodi garra meigim detlot stilinbala pipul haibala.  
\v 6 Ola medwan pipul oldei tok nogudbalawei. Olabat oldei meigimbat plen blanga dumbat nogudbala ting, en dalimbat laiya langa YAWEI, en olabat garra libum detlot pipul hu nomo garram eni daga o woda. Olabat garra jidan hanggriwan en thestibala.  
\v 7 Detlot krulbala pipul oldei dalimbat laiya, en olabat oldei dumbat nogudbala ting, en olabat oldei wandim meigimbat krulbala plen blanga binijimap ola po pipul, nomeda deibin askimbat blanga gibit olabat feyago.  
\v 8 Bat yu gin trastim detlot pipul hu oldei meigimbat brabli gudbala plen.”   
\s1 Detlot wuman blanga Jerusalem garra abum panishmen  
\p
\v 9 Wal aibin kipgon tok, “Yumob irrim mi na, ol yumob wuman hu oldei jidanbat brabli leisibala en nomo jinggabat enibodi.  
\v 10 Yumob nomo wori blanga enijing, najing, bat wan yiya taim detlot greip daga kaan gro en yumob garra gedim shok.  
\v 11 Yumob wuman hu nomo abumbat adtaim, yumob garra sheiksheik nomo lilbit. Yumob garra deigimat yumob klos en yumob garra werrimon sekbeigwan klos na.  
\v 12 Yumob garra sori nomo lilbit, en yumob garra hitimbat yumob briskit garram yumob bingga, dumaji ola frut daga en greip daga bin binij na,  
\v 13 en detlot hepiwan femili hu jidan langa Jerusalem dei garra jidan sedwan, dumaji ol detlot pedik garra jidan garram jigiwan gras.  
\v 14 Det speshalwan haus blanga det king garra jidan emtiwan. Det taun bin jidan garram detmatj pipul, bat im garra jidan emtiwan du. Detlot strongbala taun en strongwan haus garra jidan kemp blanga ola dongki, en ola ship garra dagadagat gras deya.   
\p
\v 15 “Bat wen God garra jandim im spirit brom hebin, det deset kantri garra jidan brabli ritjwan garram loda frut daga en im garra abum loda gudbala tri.  
\v 16 Ebribodi garra abum feyago olataim.  
\v 17 En dumaji ebribodi garra abum feyago, ebribodi garra jidan gudbinjiwei langa seifwan pleis.  
\v 18 Ol yumob pipul blanga YAWEI, yumob garra jidan gudbinjiwei en seifwan,  
\v 19 nomeda heilston garra kaman en bitsimap ola tri en ola taun.  
\v 20 Yumob garra abum brabli gudbala ting brom God, wen yumob kipgon plentimbat yumob sid olawei langa det ribasaid, en blanga yumob dongkimob en ola buligimob garra wokabat friwan oloba langa det kantri.”   
\c 33  
\s1 Jerusalem garra jidan seifwan pleis  
\p
\v 1 Wal aibin kipgon tok, “Wal yumob pipul langa det kantri gulum Asiriya, yumob garra abum bigiswan trabul. Yumob bin oldei stilimbat ebrijing, en nomo bin git panishmen, en yumob nomo bin filim eni pein, najing. Yumob oldei wandim najalot pipul blanga shoum rispek langa yumob wen yumob oldei meigimbat pramis, bat yumob nomo bin kipum detlot pramis. Wal yumob garra binijap na.   
\p
\v 2 \fig |src="prayer.tif" size="col" ref="33:2" \fig* “Bat YAWEI, yu det trubala God hu oldei albumbat melabat, en melabat trastimbat oni langa yu. Melabat askim yu blanga jidan kainbala langa melabat, en yu meigim melabat jidan strongbala ebridei. Yu kaman langa melabat wen melabat abumbat trabul.  
\v 3 Detlot pipul brom najalot kantri garra ranawei ebriweya wen olabat irrim yu jinginat.  
\v 4 En melabat garra fait detlot enami en gajim ebrijing brom olabat, jis laik detlot grashopa weya dei oldei dagadagat en binijap ol detlot sid daga en greip daga.   
\p
\v 5 “Wal oni yu na YAWEI jidan langa hebin, en yu na brabli haibala langa ebrijing. Yu oldei gibit melabat gudbala ting, en yu na oldei gibitbat feyago langa ola pipul langa Jerusalem.  
\v 6 Oni yu na det brabli gudwan rok, en oni yu na gin seibum melabat en meigim melabat sabi ola gudbala ting. Wal melabat garra trastimbat oni langa yu, en nomo enijing mowa haibala wulijim yu.   
\p
\v 7 “Yu irrim detlot breibwan solja blanga wi. Olabat ranranbat thru langa ola strit jinginat blanga sambodi blanga album olabat. Blanga wi wekinmen bin deigim det mesij blanga trai en stapam ola enamimob brom faitfaitbat, bat najing. Detlot wekinmen bin ol kambek kraikraibat olawei.  
\v 8 Nomo eni pipul go langa eni roud enimo dumaji olabat nomo seifwan. Detlot pipul hu oldei meigimbat pramis blanga jidan fren blanga wi bin breigim olabat pramis, en olabat nomo shoumbat rispek langa enibodi hu oldei kipumbat pramis.  
\v 9 Detlot fam jidan nomo garram enijing en olabat brabli draiwan. Ol detlot tri langa det bigwan hil gulum Lebanan deibin binijap, en det hil kantri langa Sheran im jidan wulijim det deset kantri, en detlot tri langa Beishan en Kamul jidan nomo garram eni bushis na.” Lagijat na aibin tok.   
\s1 YAWEI bin gibit woning langa im enami olabat  
\p
\v 10 Wal YAWEI bin tok na, “Ai garra jandap en shoum yumob Asiriya pipul haumatj pawa ai garram.  
\v 11 Yumob nomo garram eni pawa. Ebrijing yumob dumbat, olabat jis najing. Im jis laik yumob oni blowimbat win, en faiya kamat brom yumob mawus en binijimap yumob.  
\v 12 En yumob garra barnbarn wulijim det draiwan gras weya det faiya oldei barnimap.  
\v 13 Ola pipul langa longweiwan kantri, en hu jidan gulijap, yumob kaman en luk wanim aibin dum. Yumob luk wanim aibin dumbat garram main strongbala pawa.” Lagijat na YAWEI bin tok.   
\p
\v 14 Wal aibin tok, “Ol detlot nogudbala pipul langa Jerusalem, olabat bradin en olabat sheiksheikbat nomo lilbit wen olabat askim, ‘Hau wi garra jidan gudwei wen det faiya im kipgon barnbarnbat?’  
\v 15 Bat blanga detlot pipul hu jidan gudbalawei, en detlot pipul hu oldei go en dalimbat det trubala wed en nomo wandim gajimbat mani rongwei, en detlot pipul hu nomo laigim medrimbat en faitfaitbat langa enibodi en dumbat krulbala ting,  
\v 16 detlot na garra jidan langa det brabli gudbala kantri ontop langa det brabli haibala hil. Deya na olabat garra abum loda daga en woda.”   
\s1 YAWEI im na det king blanga wi  
\p
\v 17 Aibin kipgon tok, “Garram yumob ronwan ai yumob garra luk det king garra kaman brabli shainiwan, en yumob garra luk det kantri blanga im weya im jidan.  
\v 18 Bambai na yumob garra askimbat miselp, ‘Weya detlot bosmen hubin meigim wi jidan bradinbalawei, en hubin oldei meigimbat wi peiyim olabat detmatj teks mani?’  
\v 19 Yumob kaan lukinatbat detlot pipul hu oldei laigimbat miselp, en jidan praudbalawei, en hu toktokbat difrinwan langgus weya yumob nomo sabi.  
\v 20 Yumob garra luk oni langa det bigwan hil gulum Saiyan weya yumob oldei go blanga weshipbat, en abumbat ola serramoni. Yumob garra luk Jerusalem garra jidan brabli strongbala na, wulijim det tent garram ola strongwan peig en nomo enijing kaan pulumat detlot peig, en im garra abum brabli strongbala roup weya im kaan neba breik.  
\v 21 YAWEI det brabli gudbala en kainbala God garra jidan garram wi. Det bigiswan riba garra jidan deya, en YAWEI garra kipum wi seifwan brom ol detlot enami garram bout.   
\p
\v 22 “Oni YAWEI na im bos blanga wi, en oni im na gin jadjim wi. Oni im na det king blanga wi, en oni im na gin album wi, en kipum wi seifwan.  
\v 23 Bat detlot enamimob jis laik det bigwan bout weya jidan garram breikinwan seil en ebrijing. Wandei wi en ol detlot leimwan pipul du garra gajim detlot ebrijing brom olabat.  
\v 24 En YAWEI garra larramgo ola Isreil pipul fri brom olabat nogudbalawei, en nomo enibodi garra tok, ‘Mi sikbala.’”   
\c 34  
\s1 God garra jadjim ola pipul langa dijan wel  
\p
\v 1 Wal aibin kipgon tok, “Kaman ol yumob pipul langa dijan wel. Kaman ola enimul en ebrijing weya jidan langa dijan wel. Kaman en irrim.  
\v 2 Dumaji YAWEI det trubala God im brabli wail langa ebri pipul langa ebri kantri, im garra kilim olabat.  
\v 3 En blanga olabat dedwan bodi garra leidanbat ebriweya langa graun en olabat bodi garra go nogudwan, en olabat garra jidan jinggiwan en detlot blad garra randan langa detlot hil.  
\v 4 En det skai garra binijap jis laik wen yu rolimap wanbala rolapwan peipa, en ola sta en ebrijing brom det skai garra buldan wulijim detlot bushis weya dei oldei buldan brom det draiwan tri.\x + \xo 34:4 \xt Meth 24:29; Mak 13:25; Luk 21:26; Reb 6:13,14\x*   
\p
\v 5 “Bambai na wen YAWEI bin binij im wek deya langa skai garram im bigwan naif, im garra kamdan langa det kantri gulum Idam, weya im garra panishim ol detlot pipul.  
\v 6 Det bigwan naif blanga YAWEI, im jidan garram loda blad en fet wulijim det naif dei yusumbat blanga kilim detlot ship en nenigout blanga sekrifais. Dumaji YAWEI garra abum dijan sekrifais langa det taun gulum Bosra, en langa ebri lilwan taun langa det kantri gulum Idam.  
\v 7 Detlot lidamob blanga Idam hu oldei jidan brabli strongbala, wulijim bigwan buligi garra ol dai. Ola olmen en ola yangwan men garra ol dai du, en det kantri garra jidan garram olabat blad en fet.  
\v 8 Wal YAWEI bin olredi pikimat det yiya en det dei wen im garra kaman en fait blanga wi langa Saiyan, en panishim wi enamimob.   
\p
\v 9 “Detlot riba langa det kantri gulum Idam garra jidan jis laik det bitjaman, en det graun garra jidan jis laik det faiya en hotwan ston, en det faiya garra barnimap det kantri.  
\v 10 Det faiya garra barnbarn oldei en olnait. En Idam garra jidan jis laik det deset kantri, en nomo enibodi garra trebul thru langa det kantri igin.\x + \xo 34:10 \xt Reb 14:11; 19:3 \x*  
\v 11 Ola mukmuk en igulok en wailwan enimul garra meigim olabat kemp deya na. God garra binijimap det kantri en libum im emtiwan.  
\v 12 Idam garra abum det neim Kantri Nomo Garram Enijing. En nomo eni king garra jidan deya.  
\v 13 Detlot haus blanga det king en ola strongbala haus langa detlot taun, garra abum loda jigiwan gras, en oni detlot wailwan dog gulum jekal, en bigwan bard gulum ostrij garra wokaranbat deya en meigim olabat kemp deya du.  
\v 14 Ola wailwan enimul garra wokaranbat deya, en detlot dibuldibul garra jinginatbat gija. Ola enimul hu oldei wokaran ebrinait taim garra jidan langa det rabishwan pleis blanga abum spel.  
\v 15 Ola mukmuk garra meigim nes blanga lukaftumbat olabat bigininimob, en detlot bigwan bard gulum boltja garra flaiflaibat en lukaranbat langa det pleis.   
\p
\v 16 “En langa det buk blanga YAWEI yumob gin luk, en yumob gin faindim weya olabat bin raidimdan. ‘YAWEI bin majurrumap ola enimul, garram im pawa en im spirit. Nomo enijing bin misat, najing.’  
\v 17 En YAWEI bin meigim plen weya detlot enimul garra jidan, en olabat garra jidan deya olagijawan.”\x + \xo 34:17 \xt Aisai 63:1-6; Jera 49:7-22; Isik 25:12-14; 35:1-15; Eimos 1:11,12; Oba 1-14; Mel 1:2-5 \x*   
\c 35  
\s1 Ebribodi garra luk det strongwan pawa blanga YAWEI  
\p
\v 1 Wal aibin kipgon tok, “Det deset kantri garra jidan gudbinjiwei, dumaji woda garra kaman en ola purdiflawa garra gro langa det deset kantri.  
\v 2 Det deset kantri garra sing en jinginatbat gudbinjiwei. En im garra jidan brabli purdiwan jis laik det hil kantri gulum Lebanon en brabli gudwan kantri garram fam jis laik Kamul en Sheran Beli. En ebribodi garra luk det strongbala pawa blanga YAWEI det trubala God.”   
\s1 God garra tjeinjimbat ebrijing  
\p
\v 3-4 “Wal dijan na det mesij blanga ol detlot pipul hu oldei jidanbat brabli wikwan, en hu gulijap buldan en hu oldei wori miselp, ‘Gidap en jidan strongbalawei, en nomo bradin. Blanga yumob God im kaminap na blanga panishim ol yumob enamimob. God garra binijimap olabat en im garra seibum yumob na.’\x + \xo 35:3-4 \xt Hib 12:12 \x*   
\p
\v 5 “En wen im kaman, detlot blainwan pipul garra luk, en detlot hu nomo irrim enijing, olabat garra irrim gudwei na.  
\v 6 En ol detlot pipul hubin jidan leimbala, garra jamparan ebriweya, wulijim det enimul gulum diya. Detlot pipul hubin abum nogudwan tang, garra jingat gija. Woda garra randan thru langa det deset kantri.\x + \xo 35:6 \xt Meth 11:5; Luk 7:22 \x*  
\v 7 Det brabli hotwan sengraun garra jidan garram bigiswan woda, en detlot graun weya nomo bin abum eni woda basdam, garra abum detmatj woda ebriweya. En deya langa det deset kantri weya ola wailwan dog gulum jekal bin jidan, det kantri garra jidan wetwan en garram detmatj gras.”   
\s1 Seikridwan roud blanga God  
\p
\v 8 “En brabli gudbala roud garra jidan deya, en dei garra gulum det roud Seikridwan Roud Blanga God. Oni pipul blanga God garra wok langa det roud. Detlot pipul hu nomo bin laigim weshipbat langa God kaan wok langa det roud, en nomo eni nogudbala pipul kaan wok langa det roud du.  
\v 9 Nomo eni laiyan en najalot wailwan enimul kaan kaman gulijap langa det roud. Oni detlot pipul weya YAWEI bin seibum garra wokwokbat deya.  
\v 10 Detlot pipul weya YAWEI bin seibum garra ol kambek singsingbat olawei wen olabat go langa Jerusalem. Olabat garra jidan brabli gudbinji en hepiwan olataim, en olabat kaan jidan sedwan en wori blanga enijing igin.”   
\c 36  
\s1 Detlot Asiriya solja jidan raidaran langa Jerusalem  
\r Sekan Kings 18:13-27; Sekan Kranakuls 32:1-19  
\p
\v 1 Wal aibin kipgon tok, “King Hesakaiya bin jidan king blanga Juda fo 14 yiya wen det king neim Senakerib brom Asiriya bin go en fait en teikoba detlot strongwan taun langa Juda,  
\v 2 bat im nomo bin teikoba Jerusalem. Najing. Det king brom Asiriya bin gibit oda langa im haibala wekinmen blanga libum det taun gulum Leikish en deigim bigismob ami langa Jerusalem. Wal det boswan bin go deya en jandap langa det roud gulijap langa det pleis weya sambala pipul bin oldei meigimbat en washimbat matiriyal langa det krik weya det woda oldei randan brom det wodahol topwei.   
\p
\v 3 “Wal thribala haibala wekinmen blanga King Hesakaiya bin kaman brom Jerusalem blanga midim im. Wanbala bin neim Eliyakim det san blanga Hilkaiya hubin det bos blanga det kantri. Det naja dubala bin neim Shebna, det nambawan men blanga albumbat Eliyakim, en Jowa det san blanga Eisaf, hubin oldei lukaftumbat detlot gabman peipa.  
\v 4 Wal det haibala wekinmen brom Asiriya bin dalim olabat na, ‘Ai garram mesij blanga King Hesakaiya brom det brabli haibala king brom Asiriya. Yumob askim King Hesakaiya hu im oldei trastimbat blanga album im.  
\v 5 Maitbi im reken im gin meigim det plen, en im gin win langa det wo brom oni toktokbat garram im wed. Hu garra album im na? Imbin tenim miselp brom det king brom Asiriya?  
\v 6 Maitbi King Hesakaiya wandim det king brom Ijip blanga album im, bat im kaan album im. Det king brom Ijip im jis laik det breikinwan wadi weya garra ardim im. \x + \xo 36:6 \xt Isik 29:6,7 \x*   
\p
\v 7 “‘Maitbi King Hesakaiya reken YAWEI det trubala God garra album im. Wal King Hesakaiya bin breigimap ol detlot speshalwan pleis weya deibin oldei weshipbat YAWEI ebriweya langa yumob kantri. En imbin dalim yumob brom Jerusalem en Juda blanga go en weship langa det wanbala pleis. Yumob reken YAWEI garra album im?  
\v 8 Wal det king brom Asiriya wandim meigim pramis garram yumob pipul, blanga gibit yumob 2,000 hosis if yumob garram naf solja blanga raidim detlot hosis.  
\v 9 Yumob oni garram lilbit ami. Yumob kaan bidim melabat. Yumob oldei wandim detlot solja en hosis en bagi brom Ijip blanga album yumob.  
\v 10 Yumob nomo foget. YAWEI bin jandim mi iya, en imbin dalim mi blanga binijimap yumob.’   
\p
\v 11 “Wal Eliyakim, Shebna en Jowa bin tok, ‘Bos, melabat nomo wandim detlot pipul brom det taun irrim wanim yu toktokbat. Yu lafta tok langa melabat garram det Erameiyak langgus, en nomo garram det Hibru langgus.’   
\p
\v 12 “Wal det haibala wekinmen brom Asiriya bin ensim olabat, ‘Blanga main king bin jandim mi blanga tok langa ebribodi, nomo oni langa yumob lidamob. Wal dislot pipul garra lafta dagadagat olabat ronwan guna en olabat garra dringgim olabat ronwan gumbu. En bambai yumob thribala garra dum lagijat du.’   
\p
\v 13 “Afta tharran imbin jingat brabli adbala wulijim ebribodi gin irrim im. Imbin tok garram det Hibru langgus, ‘Yumob irrim dijan woning brom det brabli haibala king blanga Asiriya.  
\v 14 Yumob nomo bulurrum King Hesakaiya. Im kaan seibum yumob.  
\v 15 Yumob nomo trastim im wen im dalim yumob YAWEI garra seibum yumob brom det king brom Asiriya.  
\v 16 Yumob nomo lisin langa King Hesakaiya. Yumob teiknodis langa main king. Yumob majurrumap miselp langa im. En blanga lilwail im garra larram yumob kipum yumob ronwan greip fam, en ola figtri, en ol detlot wel.  
\v 17 Brom deya im garra kaman en deigimwei yumob langa najawan kantri weya im jis laik dijan kantri, weya yumob gin plentimbat yumob ronwan greip fam en growimap yumob ronwan sid daga.   
\p
\v 18 “‘Wal yumob sabi King Hesakaiya bin tok, “YAWEI garra seibum wi.” Bat yumob nomo teiknodis langa im. Wanim yumob reken? Det najalot drimin bin seibum olabat kantri brom det king brom Asiriya?  
\v 19 Wanim bin hepin langa detlot drimin blanga Heimath, Apad en Sefabaim? Wanim yumob reken? Detlot drimin blanga Sameriya bin seibum det kantri brom det king brom Asiriya en im soljamob? Najing!  
\v 20 Nomo eni drimin bin seibum detlot pipul brom det king brom Asiriya. Wanim yumob reken? YAWEI det trubala God blanga yumob gin seibum Jerusalem?’ Lagijat na det haibala wekinmen blanga Asiriya bin tok.   
\p
\v 21-22 “Wal King Hesakaiya bin wonim langa Eliyakim, Shebna en Jowa nomo blanga ensim det men. En olabat bin breigim olabat klos soribalawei en olabat bin dalim King Hesakaiya ebrijing wanim det haibala wekinmen brom Asiriya bin tok.”   
\c 37  
\s1 King Hesakaiya bin askim Aisaiya sambala wed  
\r Sekan Kings 19:1-7  
\p
\v 1 Wal aibin kipgon tok, “Wal streidawei wen King Hesakaiya bin irrim det nyus, imbin breigim im klos, en imbin fil sori en imbin werrimon sekbeigwan klos. Afta tharran imbin go insaid langa det Serramoni Pleis blanga YAWEI.  
\v 2 Imbin dalim det haibala bos neim Eliyakim en im wekinmen neim Shebna en det boswan serramonimen blanga werrimon sekbeigwan klos en go en tok langa mi.  
\v 3 Wal deibin tok langa mi, ‘Aisaiya, dijan im brabli adwan en brabli nogudbala taim blanga wi pipul. Olabat jis laik det wuman hu jidanbat brabli wikwan, en kaan abum det lilwan beibi wen im redi blanga bon.  
\v 4 Aisaiya, yu garra prei blanga wi hu stil jidan laibala. Wal det king brom Asiriya bin jandim det haibala wekinmen blanga mokimbat det laibalawan God. Maitbi YAWEI bin irrim wanim imbin toktokbat, en maitbi im garra irrim yu en ensim yu preya.’   
\p
\v 5 “Wal wen detlot wekinmenmob blanga King Hesakaiya bin kaman langa mi,  
\v 6 aibin dalim olabat dijan mesij blanga King Hesakaiya brom YAWEI, ‘Mi na YAWEI det trubala God. Yu nomo wori blanga det mesinja brom det king brom Asiriya hubin mokimbat en toktokbat blanga mi.  
\v 7 Ai garra meigim det king jidan nogudbinji garram stori blanga wanim bin hepin langa im ronwan kantri. Im garra gobek, en deya na ai garra meigim im dai brabli krulbalawei.’ Tharran na det mesij brom YAWEI.”   
\s1 Det Asiriya king bin jandim leda  
\r Sekan Kings 19:8-19  
\p
\v 8 Wal det haibala wekinmen brom Asiriya bin irrim nyus det im king bin libum det taun gulum Leikish blanga fait langa det najawan taun gulum Libna, en imbin go deya na.   
\p
\v 9 Wal langa det seimtaim igin, det king brom Asiriya bin gajim det nyus na, hau det king neim Tairaka brom Ithiyopiya bin kaminap blanga fait langa im. Wal det king brom Asiriya bin jandim sambala mesinja garram leda langa King Hesakaiya.  
\v 10 Imbin tok, “Yu nomo trastimbat yu God en bilib langa im pramis blanga seibum Jerusalem brom melabat.  
\v 11 Yubin olredi irrim hau melabat, ola Asiriya pipul, bin binijimap ola najalot pipul. Wotfo yu reken yu garra jidan seifwan?  
\v 12 Detlot king brom Asiriya hubin jidan king bifo mi, bin binijimap detlot taun gulum Gosan, Heran, Resef en ebri pipul brom Betheden hubin jidan langa Telasa. Wanim gudbala ting olabat drimin bin dum blanga olabat?  
\v 13 Detlot king brom Heimath, Apad, Sefabaim, Hena en Ibaha bin ol binijap.” Lagijat na det leda bin tok.   
\s1 King Hesakaiya bin prei  
\p
\v 14 Wal afta King Hesakaiya bin ridimbat det leda brom det king brom Asiriya, King Hesakaiya bin deigim det leda insaid langa det Serramoni Pleis en imbin spredimat, wulijim YAWEI garra luk.  
\v 15 En imbin prei,  
\v 16 “YAWEI, yu det boswan God en yu God blanga ola Isreil pipul du. Yu jidan deya langa top langa yu speshalwan tjeya en det dubala golwan sheip garram wing jidan tusaid langa det tjeya. Yu na bin meigim det skai en dijan graun, en oni yu na wanbala jidan bos blanga ola kantri langa dijan wel.\x + \xo 37:16 \xt Eksa 25:22 \x*  
\v 17 YAWEI, yubin lisin hau Senakerib bin toktok nogudbalawei blanga yu, det laibalawan God.  
\v 18 Im trubala YAWEI, detlot Asiriya king bin meigim loda kantri jidan jis laik deset kantri.  
\v 19 En deibin binijimap detlot drimin sheip weya detlot pipul bin oldei meigimbat brom wud en ston blanga weshipbat.  
\v 20 Bat YAWEI, yu na God blanga melabat. Wal melabat askim yu blanga kipum melabat seifwan brom det Asiriya king, wulijim ebribodi brom ebri kantri langa dijan wel garra sabi oni yu na YAWEI det trubala God.” Lagijat na King Hesakaiya bin prei.   
\s1 Aisaiya bin go en dalim King Hesakaiya wanim YAWEI bin tok  
\r Sekan Kings 19:20-37  
\p
\v 21-22 Wal mi na Aisaiya bin go en dalim King Hesakaiya wanim YAWEI det trubala God blanga ola Isreil pipul bin tok, “King Hesakaiya, yubin prei langa mi blanga King Senakerib brom Asiriya. Wal dijan na wanim ai garra tok langa det king,  
\q1 ‘Detlot pipul blanga Jerusalem nomo laigim yu.  
\q1 Olabat meigimbat fan langa yu,  
\q1 en olabat oldei laflafbat biyain langa yu bekboun.   
\q1
\v 23 En yu King Senakerib, yubin mokimbat mi,  
\q1 en yubin tok nogudbalawei langa mi, det brabli holiwan God blanga ola Isreil pipul.   
\q1
\v 24 Yubin larram yu wekinmenmob mokimbat mi, YAWEI.  
\q1 En yubin reken miselp,  
\q1 dumaji yubin lidimbat ola hosis en bagi langa det brabli haibala hil kantri blanga Lebanan.  
\q1 En yubin go langa det bush kantri en kadimbat ola gudbala sidatri en saiprastri.   
\q1
\v 25 Yubin tok praudbalawei blanga meigimbat wel en dringgimbat woda langa loda difrinwan kantri,  
\q1 en hau yubin meigim ol detlot krik jidan draiwan langa Ijip.   
\b  
\q1
\v 26 ‘Wal King Senakerib, yu irrim mi na.  
\q1 Mi na YAWEI.  
\q1 Aibin meigim dijan plen blanga ol dislot ting longtaim.  
\q1 En yu nomo sabi mi na, det wanbala hubin meigim dijan plen wulijim yu gin dum ol dislot ting.  
\q1 Aibin larram yu blanga go en meigim detlot strongbala taun jidan rabishwan.   
\q1
\v 27 Ola pipul hubin jidan langa detlot taun bin brabli wikwan en bradin nomo lilbit,  
\q1 en dei nomo bin sabi enijing.  
\q1 Olabat bin jis laik detlot gras weya oldei jidan wansaid langa roud,  
\q1 o jis laik detlot gras weya oldei gro ontop langa ruf,  
\q1 en wen det hotwan win blo, im draiyap.   
\b  
\q1
\v 28 ‘Ai sabi ebrijing blanga yu,  
\q1 en hau yu brabli wail langa mi.   
\q1
\v 29 Aibin luk yu praudbalawei,  
\q1 en hau yu nomo laigim mi brabliwei.  
\q1 Wal ai garra pudum huk langa yu nos, en bit langa yu mawus,  
\q1 en jandimbek yu brom weya yubin kaman.’  
\m Lagijat na YAWEI bin tok.”   
\p
\v 30 Wal aibin tok langa King Hesakaiya, “King Hesakaiya, ai garra dalim yu wanim garra hepin. Langa dijan yiya en neksyiya yu garra dagat ola frut en sid daga weya bin gro miselp. En langa det namba thri yiya, yu garra plentimbat en growimap sid daga en greiptri, en yu garra dagat detlot daga weya yubin growimap.  
\v 31 En detlot pipul hu jidan laibala langa Juda garra jidan jis laik det tri garram rut raitdan insaid langa graun en bambai im garra abum loda frut daga.  
\v 32 YAWEI det boswan God garra meiksho sambala pipul garra kipgon jidan langa Jerusalem.   
\p
\v 33 “En YAWEI bin meigim dijan pramis blanga King Senakerib brom Asiriya. Imbin tok, ‘Det king kaan go deya langa Jerusalem, en im kaan tjakambat im spiya langa det taun, o meigim im soljamob gitredi blanga fait en majurrumap miselp raidaran langa det taun.  
\v 34 Trubala mi na YAWEI, en ai garra meigim det king gobek langa det seimwan roud weya imbin kaman brom, en im kaan neba go insaid langa Jerusalem.  
\v 35 Ai garra maindimbat det taun, dumaji main haibala neim en det pramis aibin meigim garram main wekinmen Deibid.’ Lagijat na YAWEI bin tok blanga King Senakerib.”   
\s1 King Senakerib bin dai  
\p
\v 36 Wal YAWEI bin jandim wanbala einjul langa det kemp blanga detlot Asiriya solja, en imbin kilim 185,000 men det nait. Ailibala det neksdei, det kemp bin bulap garram ola dedwan bodi.  
\v 37 Afta tharran, King Senakerib bin gobek langa Asiriya, en imbin jidan langa det taun gulum Ninaba.   
\p
\v 38 Wal wandei det king bin go en weshipbat insaid langa det serramoni pleis blanga im drimin gulum Nisrak wen im dubala san neim Edramelek en Sharesa bin kaman en kilim im ded garram dubala bigbala naif. En dubala bin ranawei deya langa det kantri gulum Eraret, en najawan san blanga im neim Esaradan bin jidan det nyuwan king.   
\c 38  
\s1 King Hesakaiya bin gulijap dai  
\r Sekan Kings 20:1-11; Sekan Kranakuls 32:24-26  
\p
\v 1 Wal langa det taim na, King Hesakaiya bin gitsik en imbin gulijap dai. Wal mi na, Aisaiya bin go deya langa im en aibin dalim im na, “YAWEI det trubala God bin tok, ‘Yu kaan gitbeda. Yu garra dai. Wal yu lafta dumbat wanim yu garra dum blanga gitredi blanga dai.’”   
\p
\v 2 Wal King Hesakaiya bin tenim miselp langa det wol en imbin prei na,  
\v 3 “YAWEI, yu nomo fogedabat mi. Aibin oldei jidan brabli trubala langa yu. Aibin oldei bulurrum langa yu brabliwei, en aibin dum wanim yubin dalim mi blanga dum.” En afta na imbin krai nomo lilbit.   
\p
\v 4-5 Brom deya YAWEI bin jandim mi langa King Hesakaiya garram mesij blanga im. YAWEI bin tok, “Mi na YAWEI, en yu grengrenfatha Deibid bin oldei weshipbat langa mi. Aibin irrim yu wen yubin prei langa mi, en aibin luk yubin kraikraibat. Wal ai garra larram yu jidan laibala blanga 15 yiya mowa.  
\v 6 Ai garra maindim yu en yu taun Jerusalem brom det king brom Asiriya.” \f + \fr 38:6 \ft Det dubala bes 21 en 22 im iya langa bes 6 blanga album wi sabi det stori. Luk det seimwan stori langa 2 Kings 20:4-11.\f*  
\p Wal aibin dalim detlot wekinmen blanga King Hesakaiya blanga bitsimap det frut daga brom det figtri blanga meigim medisin blanga det king sowa wulijim det sowa garra gitbeda. Afta na King Hesakaiya bin askim YAWEI blanga shoum im hau im garra sabi im garra gitbeda en go langa det Serramoni Pleis blanga weship YAWEI igin.   
\p
\v 7 Wal aibin tok, “YAWEI na garra shoum yu samting wulijim yu bilib im garra kipum im pramis.  
\v 8 Imbin tok, ‘Yu garra luk det san garra gobek kwikbala sangidapwei.’ En YAWEI bin dum lagijat na.”   
\s1 King Hesakaiya bin sing en preisim YAWEI  
\p
\v 9 Wal dijan na wanbala song King Hesakaiya bin raidimdan wen imbin gitbeda. \fig |src="praise.tif" size="col" ref="38:10" \fig*   
\q1
\v 10 “Aibin reken ai garra dai na langa main gudbala yiya,  
\q1 en jidan prisana olagijawan langa det greibyad garram ola dedbala pipul.   
\q1
\v 11 YAWEI, aibin reken ai kaan neba luk yu igin,  
\q1 en kaan neba luk enibodi hu jidan langa dijan wel.   
\q1
\v 12 Blanga main laif bin binij,  
\q1 jis laik det stakmen tent wen bigwan win bin blowimwei.  
\q1 Yubin kadimof main win,  
\q1 jis laik deibin kadimof det kotin brom det rolapwan kotin.  
\q1 Kwikbala aibin reken yu garra binijim main laif.   
\q1
\v 13 Raidap ailibala aibin reken yu garra bitsimap main boun na,  
\q1 jis laik det hanggriwan laiyan.  
\q1 Kwikbala aibin reken yu garra binijim main laif.   
\q1
\v 14 Aibin kraikraibat jis laik det lilwan bard,  
\q1 en aibin jinginat sedwei jis laik dab.  
\q1 Blanga main dubala ai brabli redwan brom lukinatbat blanga yu YAWEI.  
\q1 Mi ardimbat nomo lilbit.  
\q1 Yu kaman en album mi.   
\b  
\q1
\v 15 “Ai kaan tok enijing blanga ensimbek yu.  
\q1 Oni yu na wanbala gin dum dijan langa mi.  
\q1 Blanga main laif imbin go brabli sedwan na.  
\q1 Ai garra jidan lobala raidap ai garra dai.   
\b  
\q1
\v 16 “Wen yu tok langa enibodi yu gibitbat laif langa im,  
\q1 en langa mi du.  
\q1 Yu meigim mi jidan brabli strongbala igin.   
\q1
\v 17 Aibin abum loda adwan taim,  
\q1 bat yubin titjimbat mi.  
\q1 Yubin laigim mi en yubin lukaftumbat mi.  
\q1 Yubin seibum mi brom det greibyad,  
\q1 Brom ol detlot nogudbala ting weya aibin dumbat,  
\q1 yubin larramgo mi fri.   
\q1
\v 18 Nomo eni dedbala pipul gin tok theingkyu en preisim yu.  
\q1 Nomo enibodi langa greibyad gin sabi yu jidan brabli trubalawan.   
\q1
\v 19 Oni detlot pipul hu jidan laibala gin tok theingkyu,  
\q1 wulijim mi dumbat tudei na.  
\q1 Ol detlot pipul oldei dalimbat olabat bigininimob det trubalawei blanga yu.   
\q1
\v 20 Yu na YAWEI bin seibum mi.  
\q1 Ebridei melabat garra jidan laibala,  
\q1 melabat garra sing song langa yu Serramoni Pleis.  
\q1 Melabat garra pleipleibat ola gita blanga preisim yu.”  
\m Tharran na det song blanga King Hesakaiya.   
\p
\v 21-22 \f + \fr 38:21-22 \ft Det dubala bes 21 en 22 kaman afta bes 6 blanga album wi sabi det stori.\f*   
\c 39  
\s1 Aisaiya bin dalimbat King Hesakaiya wanim YAWEI bin tok  
\r Sekan Kings 20:12-19  
\p
\v 1 Wal Merodakbaladan, det san blanga Beiladan bin jidan king blanga Bebalon na. En wen imbin irrim det King Hesakaiya bin orait, imbin jandim leda en presen blanga im.  
\v 2 Wal King Hesakaiya bin welkam detlot hubin garrimap det leda blanga im, en imbin shoum olabat detlot silba, en detlot gol, en detlot gudwan sid daga, en detlot gudbala oil langa im stowa rum. Imbin shoum olabat weya imbin oldei kipum ol detlot enijing blanga yusumbat langa wo, en langa det king haus imbin shoumbat olabat ebrijing. Imbin shoum ebrijing langa ol im kantri du.   
\p
\v 3 Wal aibin tok langa King Hesakaiya na, “Weya dislot mesinja bin kaman brom? Wanim olabat wandim?”  
\p En King Hesakaiya bin tok, “Olabat bin kaman olawei brom Bebalon.”   
\p
\v 4 Wal aibin tok, “Wanim yubin shoum olabat?”  
\p En King Hesakaiya bin tok, “Aibin shoum olabat ebrijing na weya im jidan langa main kantri.”   
\p
\v 5 Wal aibin tok langa det king na, “Ai garram nyus blanga yu brom YAWEI det boswan God.  
\v 6 Wandei ol detlot gudbala ting weya yu en yu grengrenfathamob bin pudumweibat insaid langa yu haus, detlot Bebalon pipul garra deigimwei langa olabat kantri na, en nomo enijing kaan jidan deya blanga yu. Lagijat na YAWEI bin pramis.  
\v 7 Yu ronwan sanmob garra go langa Bebalon du weya olabat garra jidan sheimwan, en olabat garra oldei wekwekbat blanga det king langa im speshalwan haus.”\x + \xo 39:7 \xt 2 King 24:10-16; 2 Kran 36:10; Den 1:1-7 \x*   
\p
\v 8 Wal King Hesakaiya bin tok, “Det mesij yubin bringimap brom YAWEI im brabli gudwan.” Dumaji imbin reken blanga im kantri garra jidan gudbalawei raidap langa det taim im garra dai.   
\c 40  
\s1 YAWEI garra lukaftumbat im ronwan pipul olabat  
\p
\v 1 Wal melabat God im tok,  
\q1 “Main pipul olabat, nomo jidan soribala.  
\q1 Yumob garra jidan gudbinjiwei na.   
\q1
\v 2 Ai garra tok kainbalawei langa yumob deya langa Jerusalem.  
\q1 Aibin panishimbat yumob brabli adbalawei blanga yumob nogudbalawei,  
\q1 bat det panishmen im binij na.”   
\b  
\q1
\v 3 Sambodi im jinginatbat,  
\q1 “Deya langa det deset kantri yumob meigim det roud streitwan!  
\q1 Meigim det roud redibala blanga YAWEI det trubala God!\x + \xo 40:3 \xt Meth 3:3; Mak 1:3; Jon 1:23 \x*   
\q1
\v 4 Yumob meigim detlot rafwan pleis brabli gudwan en lebulwan.   
\q1
\v 5 En bambai yumob garra luk YAWEI kaminap.  
\q1 Yumob garra luk im pawa en im brabli shainiwan lait.  
\q1 YAWEI na bin pramisim dijan.”\x + \xo 40:5 \xt Luk 3:4-6 \x*   
\b  
\q1
\v 6 Sambodi bin dalim mi, “Yu jingat adbala!”  
\q1 En aibin askim im, “Wotfo ai garra jinginatbat?”  
\q1 “Tok dijan.  
\q1 Melabat jidan jis laik detlot gras en wailwan purdiflawa weya nomo jidan longtaim.   
\q1
\v 7 En wen YAWEI jandim hotwan win,  
\q1 ol detlot purdiflawa en gras ol binijap.  
\q1 Wal lagijat du, melabat jidan jis laik det gras.   
\q1
\v 8 Trubala, detlot purdiflawa en det gras kaan jidan longtaim.  
\q1 Olabat oldei draiyap en dai,  
\q1 bat det wed blanga God garra jidan olagijawan.”\x + \xo 40:8 \xt Jeims 1:10,11; 1 Pida 1:24,25 \x*   
\s1 Melabat God im iya  
\q1
\v 9 Dijan brabli gudbala nyus blanga det taun gulum Jerusalem.  
\q1 Yumob jingat brabli adbala brom det brabli haibala hil.  
\q1 Nomo bradin blanga jinginat langa detlot taun blanga Juda,  
\q1 “Melabat God im iya na.”   
\b  
\q1
\v 10 Trubala YAWEI det boswan God im kaminap.  
\q1 Im garra jidan bos garram im brabli strongbala pawa.  
\q1 Im bringimap ola gudwan ting imbin gajimbat brom im enamimob,  
\q1 en im garra gibit ol detlot ebrijing langa im pipul olabat.\x + \xo 40:10 \xt Aisai 62:11; Reb 22:12 \x*   
\q1
\v 11 YAWEI im oldei lukaftumbat im pipul olabat,  
\q1 jis laik det stakmen wen im oldei lukaftumbat detlot ship blanga im.  
\q1 Im oldei garrimap detlot lilwan ship langa im bingga,  
\q1 en im oldei lidimbat detlot mamiwan ship gudwei.\x + \xo 40:11 \xt Isik 34:15; Jon 10:11 \x*   
\s1 Enibodi jidan laik God?  
\q1
\v 12 Yumob sabi enibodi hubin meshurum ol detlot solwoda?  
\q1 Yumob sabi hubin meshurum det skai garram im bingga?  
\q1 Yumob sabi haumatj graun jidan langa dijan wel?  
\q1 Yumob sabi haumeni haiwan hil kantri jidan langa dijan wel?  
\q1 Yumob sabi hau hebi olabat?   
\q1
\v 13 Yumob sabi enibodi hubin dalim YAWEI wanim im garra lafta dum?  
\q1 Yumob sabi enibodi bin titjimbat im?\x + \xo 40:13 \xt Rom 11:34; 1 Karin 2:16 \x*   
\q1
\v 14 YAWEI bin askim enibodi blanga titjimbat im hau blanga sabi ebrijing,  
\q1 en hau blanga gibit ebribodi feyago?  
\q1 Hubin titjimbat YAWEI blanga sabi ebrijing?   
\b  
\q1
\v 15 Nomo eni kantri langa dijan wel jidan mowa haibala langa YAWEI.  
\q1 Detlot kantri jidan jis laik det bilibong weya im garram lilwan woda.  
\q1 Detlot kantri nomo enijing.  
\q1 If YAWEI holdim ola ailin langa im bingga,  
\q1 im nomo hebiwan.  
\q1 Im jis laik im garram lilbit sengraun langa im bingga.   
\q1
\v 16 Nomeda bigismob buligi en bigismob tri jidan langa det hil kantri langa Lebanan,  
\q1 olabat nomo naf blanga meigimbat det brabli gudwan sekrifais ofring langa God,  
\q1 dumaji im mowa haibala langa ebrijing.   
\q1
\v 17 God reken ola kantri nomo enijing langa im.   
\b  
\q1
\v 18 Yumob sabi enibodi hu jidan haibala jis laik God?  
\q1 Yumob gin faindim enijing blanga album yumob sabi wotkain God?   
\q1
\v 19 Det drimin sheip weya men bin meigim nomo jidan laik God.  
\q1 Deibin meigim det sheip garram kopa en lilbit gol en deibin meigim purdiwan garram silba.\x + \xo 40:19 \xt Eks 17:29 \x*   
\q1
\v 20 En yumob sabi detlot men weya meigim detlot drimin sheip garram brabli gudwan wud.  
\q1 Olabat meigim detlot drimin sheip wulijim dei kaan buldan.   
\s1 God na jidan boswan blanga dijan wel  
\q1
\v 21 Yumob nomo sabi?  
\q1 Yumob nomo bin irrim?  
\q1 Yumob nomo sabi God bin meigim dijan wel?   
\q1
\v 22 God na im bos blanga ol dislot kantri langa dijan wel,  
\q1 en ebribodi hu jidan langa dislot kantri olabat jis laik detlot lilwan insek.  
\q1 Im na bin spredimat det skai wulijim kaliko.   
\q1
\v 23 God na meigim ola boswan jidan lobala,  
\q1 en olabat nomo enijing.   
\q1
\v 24 Olabat jis laik detlot purdiflawa weya sambodi bin jis plentimat,  
\q1 en deibin stat blanga gro.  
\q1 Bat wen God jandim det hotwan win langa olabat,  
\q1 im draiyimap olabat,  
\q1 en det bigiswan win deigimwei olabat.   
\b  
\q1
\v 25 Det brabli holiwan God tok,  
\q1 “Hu yu reken jidan wulijim mi?  
\q1 Enibodi iya jidan lebul langa mi?”   
\b  
\q1
\v 26 Yu luk det skai naitaim.  
\q1 Hubin meigim detlot sta?  
\q1 Hubin gibit olabat neim?  
\q1 Hubin lidimbat detlot sta wulijim ami?  
\q1 YAWEI na im brabli strongbala garram detmatj pawa.  
\q1 Im jingat olabat neim en olabat kamat naitaim.  
\q1 Nomo eni sta bin gitbush.   
\s1 YAWEI meigim im pipul olabat strongbala  
\q1
\v 27 Ol yumob Isreil pipul oldei tok,  
\q1 “God nomo teiknodis langa wi.  
\q1 Im nomo lukaftumbat en tridimbat wi gudwei.”  
\q1 Wotfo yumob tok lagijat?   
\q1
\v 28 Yumob nomo sabi?  
\q1 Yumob nomo bin irrim?  
\q1 YAWEI na det olagijawan God.  
\q1 Im na bin meigim dijan wel.  
\q1 Im nomo wikwan.  
\q1 Im kaan neba nokap.  
\q1 Nomo ebribodi sabi wanim YAWEI jinggabat.   
\q1
\v 29 YAWEI na oldei meigim detlot brabli wikwan pipul jidan strongbala.   
\q1
\v 30 En ola yang pipul du brabli nokap,  
\q1 en olabat buldan.   
\q1
\v 31 Bat detlot pipul hu trastimbat langa YAWEI,  
\q1 im garra meigim olabat jidan brabli strongbala.  
\q1 Olabat garra jidan brabli strongwan wulijim detlot igulok weya flaiflai langa top.  
\q1 Detlot pipul garra wokwokbat en ranranbat,  
\q1 bat olabat kaan neba nokap.   
\c 41  
\s1 YAWEI im jidan bos blanga ebrijing  
\p
\v 1 Wal YAWEI det trubala God tok, “Yumob jidan kwait en irrim mi, ol yumob pipul brom ola longweiwan kantri! Yumob garra meigim miselp redi blanga abum kot. Yumob garra abum taim blanga tok. Wi garra ol majurrumap miselp en faindat hu langa rait.   
\p
\v 2 “Hubin bringimap dijan boswan brom sanraiswei? En hubin meigim im jidan boswan langa ebri kantri? Im bigwan naif en im bo en erro meigim ola pipul jidan wulijim das, en det bigwan win blowimwei olabat.  
\v 3 En im ranimapbat olabat brabli faswan, en blanga im dubala fut oni tatjim det graun lilbit en im kaan ardim im fut wen im ranranbat. Najing.  
\v 4 Wal hubin meigim dislot ting hepin lagijat? En hu boswan langa ol dislot ting weya bin hepin langa pipul? Oni mi na gin dum detlot ting. Mi na YAWEI. Aibin deya olataim. En ai garra jidan raidap ebrijing garra binij.   
\p
\v 5 “Ola ailin en ola najalot kantri bin luk wanim aibin dumbat. Dei jidan bradin en sheiksheik nomo lilbit wen olabat kaman gulijap.”   
\s1 Wanim drimin sheip gin dum?  
\p
\v 6 “Ol yumob pipul hu oldei weshipbat detlot drimin sheip, yumob garra tok gija en dalim miselp, Nomo wori!  
\v 7 Ol detlot pipul hu oldei kadimbat wud, en detlot pipul hu oldei meigim golwan ting, en detlot najalot wekinmenmob, yumob garra oldei tok gija gudwei en dalim miselp, ‘Wibin dum brabli gudwan wek.’ Afta tharran, olabat garra neilimap det drimin sheip langa wadi, wulijim im kaan buldan.”   
\s1 YAWEI bin pikimat im ronwan wekinmen  
\p
\v 8 “Ol yumob Isreil pipul, yumob na main wekinmenmob. Aibin pikimat yumob. Yumob femili blanga main fren Eibrahem.\x + \xo 41:8 \xt 2 Kran 20:7; Jeims 2:23 \x*  
\v 9 Aibin bringimap yumob brom det longweiwan kantri, en aibin tok, ‘Yumob na main ronwan wekinmen. Ai nomo bin fogedabat yumob.  
\v 10 Yumob nomo bradin blanga enijing. Mi oldei jidan garram yumob. Yumob nomo sheiksheik en bradin blanga enijing. Mi na yumob God. Ai garra meigim yumob brabli strongbala, en ai garra oldei maindimbat yumob garram main pawa en ai garra meigim yumob win wen yumob go langa wo.   
\p
\v 11 “‘Detlot pipul hu nomo laigim yumob, garra jidan nogudbinji en sheim miselp nomo lilbit, en detlot pipul hu faitfaitbat langa yumob garra ol binijap jis laik det win.  
\v 12 Yumob garra lukaran blanga detlot brabli krulbala enami, bat yumob kaan faindim olabat, dumaji olabat bin gowei.  
\v 13 Mi na YAWEI det trubala God blanga yumob, en mi na oldei maindimbat yumob. Wal yumob nomo bradin. Mi iya garram yumob blanga album yumob.   
\p
\v 14 “‘Ol yumob Isreil pipul, yumob nomo wori nomeda najalot pipul reken yumob wikwan jis laik detlot wem. Mi na det brabli holiwan God blanga ola Isreil pipul hu seibum yumob, en hu oldei maindimbat yumob.  
\v 15 Ai garra meigim yumob jidan jis laik det hebiwan wadi garram loda shapwan neil weya yumob yusum blanga gajim det sid daga. Nomeda yumob enamimob jidan haibala en praudbalawei jis laik ola bigwan hil. Yumob garra binijimap olabat, jis laik yumob yusum det wadi. Olabat garra jidan jis laik det das.  
\v 16 Det brabli strongbala win garra spredimat olabat oloba langa ebri kantri. En afta na, yumob garra abum bigbala padi, en yumob garra preisimbat mi na, det brabli holiwan God blanga ola Isreil pipul.’”   
\s1 YAWEI albumbat ola powan pipul  
\p
\v 17 “Wal wen detlot powan pipul en detlot hu nomo garram enibodi blanga lukaftumbat olabat jidan thestibala en olabat kaan faindim eni woda blanga dringgim, wal mi na, YAWEI det trubala God blanga ola Isreil pipul garra kaman en seibum olabat. Ai kaan neba foget olabat.  
\v 18 Ai garra meigim detlot riba randan garram woda langa ola draiwan hil kantri. Ai garra meigim detlot lilwan krik en ebri beli jidan garram woda. Ola draiwan kantri garra jidan garram woda, en olabat garra jidan wulijim bigwan bilibong.  
\v 19 Ai garra meigim det deset kantri jidan garram olkain tri. Detlot sidatri, saiprastri, olibtri, en ola najalot tri garra gro deya.  
\v 20 Ebribodi garra luk dijan en sabi aibin dum, dumaji mi na, YAWEI det brabli holiwan God blanga ola Isreil pipul.” Lagijat na YAWEI bin tok.   
\s1 Detlot drimin sheip nomo gudbala blanga enijing  
\p
\v 21 Mi na YAWEI, det king blanga Isreil pipul tok, “Yumob drimin sheip, yumob kaman en dalim melabat yumob trabul. Yumob shoum melabat wanim yumob garram.  
\v 22 Kaman gulijap langa melabat, yumob drimin sheip. Yumob dalim melabat blanga det taim brom longtaim, en melabat garra jinggabat blanga tharran. Dalim melabat blanga det taim weya im garra kaman bambai, wulijim melabat garra sabi wanim garra hepin.  
\v 23 Yumob trai dalim melabat wanim garra hepin blanga shoum melabat yumob jidan drimin en gin meigim ebrijing kaman trubala. Yumob trai dum gudbala ting en nogudbala ting, wulijim melabat gin hatjamp en brabli bradin.  
\v 24 Ol yumob drimin sheip, yumob nomo enijing. Yumob nomo garram eni pawa. Im brabli nogudbala blanga weship yumob.   
\p
\v 25 “Mi na, YAWEI bin pudum wanbala men blanga jidan bos langa nowathwei. Im kaman brom sanraiswei blanga meigim main neim mowa haibala. En im garra pudumbut langa detlot king jis laik wen pipul wokwok ontop langa det mad, en jis laik detlot pipul hu oldei wokwokbat langa det klei blanga meigim pot.  
\v 26 Yumob reken detlot drimin sheip blanga yumob bin sabi wanim garra hepin? Olabat bin dalim yumob wanim garra hepin? Najing. Nomo eni drimin sheip bin tok blanga dislot ting.   
\p
\v 27 “Mi na det feswan blanga dalim detlot pipul langa Jerusalem, ‘Yumob luk wanim garra hepin. Mi na, aibin dalim det gudnyus langa Saiyan.’  
\v 28 Nomo eni drimin sheip bin tok blanga dijan, en olabat nomo bin ensim ol main kwestjan olabat.  
\v 29 Olabat nomo enijing, en olabat kaan dum enijing. Olabat wulijim det lilwan win weya jis gopas.” Lagijat na YAWEI bin tok.   
\c 42  
\s1 Det wekinmen blanga YAWEI  
\p
\v 1 Wal YAWEI det trubala God bin kipgon tok, “Wal iya na det wekinmen blanga main. Aibin meigim im brabli strongbala. Oni im na aibin pikimat, en mi brabli gudbinji langa im. Aibin gibit im main spirit, en im garra gibit feyago langa ebribodi langa ebri kantri.\x + \xo 42:1 \xt Meth 3:17; 17:5; Mak 1:11; Luk 3:22; 9:35 \x*  
\v 2 Im garra tok gudbalawei langa pipul, en nomo jingat adbala langa olabat.  
\v 3 Im garra jidan kain langa detlot wikwan en powan pipul, en nomo binijimap olabat. Im garra gibit feyago langa ebribodi.  
\v 4 Im kaan neba stap dumbat im wek raidap det raitwei en trubalawei blanga im jidan ebriweya langa dijan wel, en ola pipul langa najalot kantri wandi sabi wanim im titjimbat.\x + \xo 42:4 \xt Meth 12:18-21 \x*   
\p
\v 5 “Wal mi na YAWEI bin meigim ebrijing langa top, jis laiga tent. Mi na bin meigim dijan graun en ebrijing weya gro langa dijan graun. En mi na gibitbat laif langa ebrijing weya jidan langa dijan graun. Wal yu lafta lisin wanim ai garra tok na.\x + \xo 42:5 \xt Eks 17:24,25 \x*  
\v 6 Aibin pikimat yu blanga gibitbat feyago langa ebribodi, en mi oldei jidan garram yu. Aibin meigim yu, en ai jandim yu blanga gibit lait langa ola pipul langa ebri kantri en blanga gibit main pramis blanga lukaftumbat olabat.\x + \xo 42:6 \xt Aisai 49:6; Luk 2:32; Eks 13:47; 26:23 \x*  
\v 7 Yu garra meigim detlot blainwan pipul luk igin en yu garra larramgo ola prisana fri.  
\v 8 Main neim im YAWEI. Ai kaan neba larram eni drimin sheip, o enibodi sherimbat main brabli gudbala neim en det preis ola pipul gibitbat mi.  
\v 9 Ebrijing weya aibin tok garra hepin basdam bin kaman trubala. Wal ai garra dalim yu wanim garra hepin bambai.” Lagijat na YAWEI bin tok.   
\s1 Singim song langa YAWEI det trubala God \fig |src="praise.tif" size="col" ref="42:10" \fig*  
\q1
\v 10 Ebribodi langa dijan wel sing nyubala song langa YAWEI.  
\q1 Preisim YAWEI yumob hu go garram bout langa solwoda.  
\q1 Preisim YAWEI yumob hu jidan longwei langa najalot kantri.   
\q1
\v 11 Preisim YAWEI ol yumob pipul hu jidan langa deset kantri.  
\q1 Yumob hu jidan langa hil kantri jingat gudbinjiwei en sing blanga preisim im.   
\q1
\v 12 Ebribodi brom ebriweya tok en preisim im.   
\q1
\v 13 YAWEI im wokwokbat wulijim wailwan solja.  
\q1 Im brabli strongwan.  
\q1 Im jinginatbat adbala,  
\q1 en im garra fait langa im enamimob en bidim olabat.   
\s1 YAWEI garra album im pipul olabat  
\q1
\v 14 YAWEI im tok,  
\q1 “Brom longtaim ai nomo bin gitwail.  
\q1 Bat ai garra gitwail en jinginat nomo lilbit na,  
\q1 jis laik det wuman wen im redi blanga abum im beibi.   
\q1
\v 15 Ai garra binijimap ola hil.  
\q1 Ai garra draiyimap ola plent en tri weya grogrobat,  
\q1 en ai garra meigim ola riba en bilibong jidan brabli draiwan.   
\b  
\q1
\v 16 “Main blainwan pipul olabat wokwok langa dakbala en rafwan roud.  
\q1 Bat ai garra lidimbat olabat langa nyuwan roud.  
\q1 Olabat nomo sabi det roud.  
\q1 Ai garra shainim lait langa det roud,  
\q1 en ai garra meigim det roud gudwan wulijim olabat kaan buldan.  
\q1 Dijan na main strongbala pramis.  
\q1 Trubala ai garra dum.   
\q1
\v 17 Detlot pipul hu weshipbat detlot drimin sheip,  
\q1 en reken olabat jidan drimin blanga olabat,  
\q1 ai garra meigim olabat jidan brabli sheimwan.”   
\s1 YAWEI pipul olabat nomo teiknodis  
\p
\v 18 Wal YAWEI bin tok, “Ol yumob pipul, yumob brabli defwan en blainwan, bat yumob garra lisin langa mi, en yumob garra luk langa mi.  
\v 19 Nomo enibodi jidan blainwan o defwan laik main ronwan mesinja olabat, detlot wekinmen blanga mi.  
\v 20 Olabat oldei luk en irrim brabli gudbalawei, bat olabat nomo teiknodis.” Lagijat na YAWEI bin tok.   
\p
\v 21 Wal YAWEI oldei dum ebrijing gudbalawei, en im wandim im lowa blanga jidan brabli gudwan blanga ola pipul.  
\v 22 Bat blanga im pipul olabat, deibin git trep en jidan prisana, en olabat nomo bin abum enibodi blanga album olabat. Najalot bin gajimbat olabat ebrijing, en nobodi nomo bin wandim gibitbek olabat enijing na.   
\p
\v 23 Wotfo im pipul olabat nomo teiknodis?  
\v 24 Ola Isreil pipul bin oldei dumbat nogudbala ting en nomo bin laigim dum wanim YAWEI bin oldei wandim olabat blanga dum, en nomo bin bulurrum im wed. Wal blanga tharran na YAWEI bin larram najalot pipul stilimbat ola ebrijing blanga olabat.  
\v 25 En imbin brabli wail, en imbin jandim wo langa olabat kantri en binijimap ebrijing garram faiya. Bat stil olabat nomo bin teiknodis. Olabat nomo bin wori wen det faiya bin barnbarn olaran langa olabat.   
\c 43  
\s1 YAWEI bin seibum im pipul olabat  
\q1
\v 1 Wal YAWEI det trubala God bin tok na,  
\q1 “Ol yumob Isreil pipul, mi na YAWEI bin meigim yumob.  
\q1 Yumob nomo bradin.  
\q1 Mi na bin seibum yumob.  
\q1 Mi na bin gulum yumob neim.  
\q1 Yumob na main ronwan pipul olabat.   
\b  
\q1
\v 2 “Mi deya garram yumob wulijim yumob kaan draun.  
\q1 Wen yumob garra wokwokbat thru langa faiya,  
\q1 yumob kaan barnbarn brom det faiya.   
\b  
\q1
\v 3 “Dumaji mi na YAWEI det trubala God blanga yumob,  
\q1 en det brabli holiwan God blanga ola Isreil pipul,  
\q1 en aibin seibum yumob.  
\q1 Aibin larramgo detlot Ijip en Ithiyopiya en Seba pipul blanga seibum yumob.   
\q1
\v 4 Aibin larramgo detlot pipul brom najalot kantri blanga seibum yumob.  
\q1 Yumob brabli speshalwan langa mi,  
\q1 en ai laigim yumob detmatj.   
\b  
\q1
\v 5 “Yumob nomo bradin.  
\q1 Mi iya garram yumob.  
\q1 Brom sanraiswei en brom sangodanwei ai garra bringimap yumob mijamet.   
\q1
\v 6 Ai garra dalim detlot langa nowathwei en sauthwei,  
\q1 ‘Yumob garra larramgo main sanmob en dodamob fri.  
\q1 Larram olabat kambek brom ola longwei kantri.   
\q1
\v 7 Olabat main ronwan pipul.  
\q1 Aibin meigim olabat holot blanga gibitbat mi theingks en preisimbat main neim.’”   
\s1 YAWEI im God imselp  
\p
\v 8 Wal YAWEI bin kipgon tok, “Ai garra bringimap main pipul olabat mijamet. Olabat garram dubala ai, bat olabat kaan luk, en olabat garram dubala irriwol, bat olabat kaan irrim.  
\v 9 Dalim ebribodi langa ebri kantri blanga majurrumap miselp raidaran. Nomo enibodi gin tok trubalawei, ‘Wibin dalim yu dijan garra hepin!’ If enibodi bin irrim olabat tok lagijat, wal yu dalim melabat na.   
\p
\v 10 “Main pipul olabat, yumob na jidan main witnis, en main ronwan wekinmen olabat. Mi na bin pikimat yumob. Ai wandim yumob garra sabi mi, en trastim mi en sabi oni mi na God. Mi na wanbala God olagijawan. Nobodi mowa jidan laik mi. Najing.   
\p
\v 11 “Oni mi na YAWEI, en oni mi na gin seibum yumob.  
\v 12 Aibin meigim pramis blanga seibum yumob, en aibin kipum main pramis. Yumob na main witnis. Nomo eni drimin bin dum dijan.  
\v 13 Mi na God, det olagijawan. Nomo enibodi kaan deigimwei yumob brom mi o jandap langa main wei.”   
\s1 YAWEI garra meigim redi det wei  
\p
\v 14 Wal YAWEI bin kipgon tok, “Mi na YAWEI garra seibum yumob. Mi na det brabli holiwan God blanga ola Isreil pipul, en dijan na main pramis. Blanga seibum yumob na ai garra jandim ami langa Bebalon, en det ami garra deigimwei ola pipul brom Bebalon prisana, en olabat garra kraikraibat.  
\v 15 Dumaji mi na YAWEI det brabli holiwan God blanga yumob. Aibin meigim ol yumob Isreil pipul, en mi na jidan king blanga yumob.   
\p
\v 16 “Mi na bin meigim det roud thru langa det brabli bigwan solwoda.  
\v 17 Aibin jandim ola solja blanga ranimap yumob garram olabat bagi en hosis, en olabat ol leidan dedwan na. Olabat kaan mub. Olabat jis laik det oil lemp weya sambodi bin audim det lait.”   
\s1 Fogedabat wanim bin hepin longtaim  
\p
\v 18 Wal YAWEI bin kipgon tok, “Yumob fogedabat wanim bin hepin longtaim. Nomo jinggabat blanga det taim.  
\v 19 Ai garra meigim samting nyuwan na. Luk tharrei! Yumob gin luk tharran? Aibin pudum roud thru langa det deset kantri blanga main pipul olabat blanga kambek, en aibin pudum sambala krik langa det draiwan kantri.  
\v 20 Ola wailwan enimul oldei preisimbat mi, en detlot wailwan dog gulum jekal, en detlot mukmuk du. Aibin pudum woda blanga olabat langa det deset kantri, en detlot lilwan krik du, blanga main ronwan pipul olabat.  
\v 21 Aibin meigim olabat jidan main ronwan pipul olabat wulijim dei garra preisimbat mi.   
\p
\v 22 “Bat main pipul olabat, yumob bin nokap, bat nomo brom weshipbat langa mi.  
\v 23 Yumob nomo bin meigim main neim jidan mowa haibala en gibitbat mi detlot ship en najalot enimul sekrifais. Ai nomo bin gibit yumob adwan taim en meigim yumob gibit eni sekrifais, o barnimbat det brabli gudsmelwan medisin.  
\v 24 Yumob nomo bin bringimap det brabli gudsmelwan medisin langa mi, en yumob nomo bin gibit langa mi det brabli gudwan pat blanga detlot enimul yumob bin sekrifais. Bat yumob bin oni dumbat ola nogudbala ting, en tharran na jis laik yumob meigim mi garrimap hebiwan loud.  
\v 25 Bat ai garra tjakidawei det nogudbalawei blanga yumob, dumaji mi na YAWEI. En ai garra fogedabat ol detlot rong ting yumob bin oldei dumbat.   
\p
\v 26 “Yumob bringimap ol yumob trabul langa mi, en midim mi langa kothaus, en dalim mi if yumob jidan raitwei.  
\v 27 Ol yumob grengrenfathamob hubin jidan longtaim, en detlot lidamob blanga yumob, nomo bin laigim mi en deibin oldei gibitbat mi bekboun.  
\v 28 Blanga tharran na, ai nomo wandim detlot serramonimen blanga wek blanga mi. En aibin binijimap ola pipul langa det kantri gulum Isreil, en olabat jidan brabli sheimwan.”   
\c 44  
\s1 YAWEI bin meigim pramis garram ola Isreil pipul  
\p
\v 1 Wal YAWEI det trubala God bin kipgon tok, “Ol yumob Isreil pipul, mi na bin pikimat yumob blanga jidan main ronwan wekinmen olabat.  
\v 2 Mi na bin meigim yumob, en mi na bin maindimbat yumob bifo yumob bin bon. Yumob nomo bradin! Ai laigim yumob detmatj, dumaji mi na bin pikimat yumob, en yumob na main ronwan speshalwan wekinmen olabat.   
\p
\v 3 “Ai garra gibit yumob bigmob woda blanga yumob draiwan kantri, en ai garra gibit main spirit langa ol yumob bigininimob.  
\v 4 Olabat garra growap wulijim gras, en wulijim det tri gulum wilotri weya gro gulijap langa wodasaid.   
\p
\v 5 “Olabat garra oldei weshipbat oni langa mi, en olabat garra jidan main ronwan pipul olabat. En dei garra raidimdan main neim langa olabat bingga.   
\p
\v 6 “Mi na, YAWEI det boswan God. Tharran na main neim. Mi na det basdamwan, en det binijimapwan, en oni mi na wanbala God. Ol yumob Isreil pipul, mi na bin seibum yumob, en mi na det king blanga yumob.\x + \xo 44:6 \xt Aisai 48:12; Reb 1:17; 2:8; 22:13 \x*  
\v 7 Yumob reken enibodi gin jidan gudbalawei wulijim mi? If enibodi reken im gin dum enijing wulijim mi, wal dalim mi na. Larram im tok wanim bin hepin brom det taim wen aibin meigim main kantri longtaim, en larram im tok wanim garra hepin bambai.  
\v 8 Nomo sheiksheik en baudan bradinbalawei! Aibin dalim yumob longtaim, indit? Maitbi yumob nomo bin irrim langa mi. Oni mi na wanbala God. Nomo enibodi mowa. Oni mi na det brabli strongbala rok.” Lagijat na YAWEI bin tok.   
\s1 Detlot drimin sheip kaan dum enijing  
\p
\v 9 Ol detlot pipul hu oldei meigimbat detlot drimin sheip, olabat nomo enijing. En detlot drimin sheip olabat oldei laigim, dei nomo enijing du. Detlot pipul hu oldei weshipbat detlot drimin sheip, olabat jidan blainwan en medwan en brabli granggibala.  
\v 10 Wotfo yumob oldei meigimbat drimin sheip weya im kaan dum enijing?  
\v 11 Detlot pipul hu oldei meigimbat drimin sheip, en detlot pipul hu oldei weshipbat drimin sheip, wal olabat oni pipul laik yumob hu jidan brabli sedwan en nogudbinji. Larram olabat kaman langa kothaus en luk langa mi, en dei garra bradin nomo lilbit.   
\s1 Ola drimin sheip en faiya wud  
\p
\v 12 Det sambodi hu oldei meigimbat drimin sheip garram aiyan en kopa, im oldei hotinimap langa faiya en yusumbat im hema. Garram im strongbala bingga im oldei holdim det hema wen im balbalbat det aiyan en kopa blanga meigim det drimin sheip. Bat im stil jidan hanggriwan en thesti, en im jidan nomo garram munda.   
\p
\v 13 Det sambodi hu oldei kadimbat en meshurumap det wud, im meigim mak blanga drimin sheip, en afta im kadimap brabli gudwei. Bambai na wen im binij dumbat, im luk laiga men na, en im pudum im langa det serramoni pleis.  
\v 14 Im gin yusum enikain tri, maitbi sidatri, o saiprastri, o ouktri brom bush kantri, o maitbi im gin pikimat paintri weya imbin plentimbat miselp, en det rein bin wodarimbat det tri wulijim im gin gro.  
\v 15 Sambala wud pipul yusum blanga meigim faiya en gugumbat daga en meigim miselp womwan. Sambala wud dei yusum blanga meigim drimin sheip, en afta wen deibin binij meigimbat det drimin sheip, dei pudumdan olabat hed en weship det drimin sheip.  
\v 16 Dei laigim det womwan faiya en det bif weya deibin gugum langa eshis.  
\v 17 Afta dei pudumdan olabat hed blanga weship langa det drimin sheip weya deibin meigimbat brom wud brom det seimwan tri, en dei tok, “Wal yu maindimbat melabat, dumaji yu na melabat drimin.”   
\p
\v 18 Wal ol detlot pipul hu laigim weshipbat langa detkain drimin sheip, olabat jidan medwan en dei jidan blainwan. Olabat nomo sabi wanim trubala.  
\v 19 Olabat granggibala en nomo jinggabat en tok miselp, “Aibin meigim faiya garram lilbit wud blanga gugum main damba en bif, en aibin meigim det drimin sheip garram det najapat blanga det wud. Wotfo ai weshipbat det wud? Im najing!”   
\p
\v 20 Wotfo sambala pipul medwan en trastim det samting wen det ting gin barnbarn langa faiya? Nomo enibodi kaan seibum miselp lagijat. Olabat nomo sabi det drimin sheip weya olabat oldei holdimbat garram olabat bingga, im nomo riliwan.\fig |src="CO01475B.TIF" size="col" ref="44:20" \fig*   
\s1 YAWEI kaan fogedabat im pipul olabat  
\p
\v 21 Wal YAWEI bin tok, “Ol yumob Isreil pipul, yumob na main ronwan wekinmen olabat. Wal yumob garra jinggabat ol dislot ting. Mi na bin meigim yumob, en yumob na main wekinmen olabat. Ai kaan neba foget yumob.  
\v 22 Yumob lafta kambek langa mi na. Dumaji mi na bin seibum yumob en aibin tjakidawei det nogudbalawei brom yumob en aibin larramgo yumob fri jis laik det win weya tjakambat det klaud ebriweya.” Lagijat na YAWEI bin tok.   
\s1 Singim song langa YAWEI en preisim im  
\q1
\v 23 Singsingbat ebrijing langa skai en dijan wel!  
\q1 YAWEI bin seibum im pipul olabat!  
\q1 Ola hil en ola tri langa bush kantri joinin en singimbat song.  
\q1 Olabat garra weship oni langa im na.   
\s1 YAWEI na bin meigim ebrijing  
\p
\v 24 Wal YAWEI bin tok, “Ol yumob Isreil pipul, mi na YAWEI det trubala God blanga yumob. Mi na gibitbat yumob laif, en aibin seibum yumob du. En mi na bin meigim ebrijing langa top, en langa dijan graun.  
\v 25 Ai garra shoum olabat ola laiyinbala wed ol detlot laiyinbala speshalwan mesinja tok. En detlot nogudbala pipul hu oldei dalimbat stori, ai garra meigim olabat jidan siliwan. Ai garra deigimwei detlot klebabalawan ting weya detlot men oldei jinggabat, en meigim olabat jidan rabishwan.\x + \xo 44:25 \xt 1 Karin 1:20 \x*  
\v 26 Bat wen main speshalwan mesinjamob toktok, detlot wed brabli trubala. Olabat toktokbat, ‘Main pipul olabat garra jidan langa Jerusalem igin en im garra abum loda pipul, en YAWEI garra bildimap igin detlot taun blanga Juda du.’   
\p
\v 27 “Mi na dalim detlot solwoda en ola riba blanga jidan draiwan nomo garram woda, en olabat jidan draiwan.  
\v 28 En mi na dalim Sairas, ‘Yu garra lidimbat main pipul olabat, en yu garra dum wanim ai dalim yu, en yu garra dalim detlot Juwish pipul blanga bildimap Jerusalem en det Serramoni Pleis igin.’ En im garra duwit.” Lagijat na YAWEI bin tok.\x + \xo 44:28 \xt 2 Kran 36:23; Esra 1:2 \x*   
\c 45  
\s1 Sairas bin dum wanim YAWEI bin dalim im  
\p
\v 1 Wal YAWEI det trubala God bin pikimat Sairas en imbin dalim im, “Ai garra holdimbat yu raidensaid bingga blanga album yu bidim ol detlot strongbala king en pipul langa najalot kantri. Ol detlot taun geit garra jidan opinwan blanga yu.  
\v 2 Ai garra go lida langa yu en meigim detlot hil kantri jidan lebulwan, en if eni taun abum aiyanwan en kopawan geit, wal ai garra breigimdan det geit.  
\v 3 Ai garra gibit yu ola silba en gol weya bin oldei jidanbat langa sigridwan pleis wulijim yu garra sabi, mi na YAWEI det trubala God blanga ola Isreil pipul, en mi na bin gulum yu neim.  
\v 4 Sairas, yu nomo sabi mi, bat mi na bin gulum yu neim en aibin meigim yu haibala, dumaji ai wandim yu garra album main Isreil pipul.   
\p
\v 5 “Oni mi na YAWEI det trubala God. Nomo eni drimin o enibodi jidan haibala laik mi. Aibin meigim yu jidan brabli strongbala, nomeda yu nomo bin sabi langa mi.  
\v 6 En ebribodi brom sanraiswei en sangodanwei garra sabi mi na jidan YAWEI det trubala God, en nomo eni drimin im riliwan.  
\v 7 Mi na bin meigim det lait en dakbala, en ai meigim pipul jidan hepiwan en sedwan. Mi na YAWEI dum ol dislot ting.  
\v 8 Ai garra jandim main pawa brom skai, jis laik rein, en dijan wel garra jidan redibala, wulijim ebribodi garra jidanbat friwan en abumbat feyago. Wal mi na YAWEI garra meigim dijan hepin.”   
\s1 YAWEI garram detmatj pawa  
\p
\v 9 Wal YAWEI bin kipgon tok, “Yumob Isreil pipul, yumob nomo garram eni rait blanga gitwail langa mi! Aibin meigim yumob! Yumob jis laik det kleiwan pot weya det men oldei meigimbat. Det kleiwan pot nomo askim im, ‘Wotfo yubin meigim mi lagijat? Hau dei garra holdim mi? Yu nomo bin meigim eni hendul.’\x + \xo 45:9 \xt Aisai 29:16; Rom 9:20 \x*  
\v 10 En biginini nomo garram rait blanga tok adbalawei langa im mami en dedi, ‘Wotfo aibin bon? Wotkain yubin meigim mi?’  
\v 11 Mi na YAWEI bin meigim ebrijing, en mi na det brabli holiwan God blanga ola yumob Isreil pipul. Wal wotfo yumob askimbat mi kwestjan blanga wanim aibin dum? Wotfo yumob trai dalim mi wanim blanga dum?  
\v 12 Aibin meigim dijan wel, en aibin meigim ola pipul blanga jidan langa dijan wel. Aibin spredimat det skai, en aibin pudum loda sta deya.  
\v 13 Aibin dum brabli gudbala ting wen aibin meigim Sairas blanga abum pawa, en ai garra meigim detlot roud isiwan blanga im blanga bulurrum. Mi na YAWEI det boswan God! En Sairas na garra bildimap main taun gulum Jerusalem igin, en im garra larramgo fri main pipul olabat, en nobodi kaan peiyim im mani, najing.” Lagijat na YAWEI det boswan God bin tok.   
\s1 Oni YAWEI imselp gin seibum pipul  
\p
\v 14 Wal YAWEI bin meigim pramis langa ola Isreil pipul. Imbin tok, “Main pipul olabat detlot ritjwan ebrijing blanga det dubala kantri gulum Ijip en Ithiyopiya, ai garra gibit langa yumob. Yumob garra meigim detlot longwan pipul brom Seba jidan prisana blanga yumob en dei garra dumbat adwek. Dei garra pudumdan olabat hed langa graun, en olabat garra tok, ‘Det brabli trubalawan God im oldei jidan garram yumob. Nomo enijing jidan haibala laik im.’”  
\v 15 Wal mi na Aisaiya tok, “Ol yumob Isreil pipul, oni melabat God na gin seibum melabat, bat im adwan blanga melabat blanga sabi.  
\v 16 Detlot pipul hu oldei meigimbat detlot drimin sheip, kaan sabi enijing, en bambai na olabat garra sheim nomo lilbit.  
\v 17 Bat YAWEI garra kipum melabat ola Isreil pipul seifwan, en melabat kaan neba sheim.”   
\s1 Ebribodi welkam  
\p
\v 18 Trubala, YAWEI na det trubala God. Imbin meigim skai en imbin meigim dijan wel blanga pipul na blanga jidan. Im nomo bin meigim rabishwan kantri weya pipul kaan jidan. Oni YAWEI na im God, en nomo enijing jidan haibala laik im.  
\v 19-20 Wal YAWEI nomo bin tok brom dakbala en sigridwan pleis. En im nomo bin dalim detlot biginini blanga Jeikob blanga trai faindim im. Najing. YAWEI oldei tok trubalawei, en dijan na imbin tok langa ebri pipul hu jidan laibala langa ebri kantri. Imbin tok, “Yumob kaman en majurrumap miselp raidaran langa mi en len, dumaji im nomo gud blanga yumob weya yumob weshipbat detlot wudwan drimin sheip en yumob oldei preipreibat langa detlot drimin weya kaan neba album yumob.  
\v 21 Wotfo yumob kaan majurrumap miselp en midim mi langa kothaus? Aibin dalim yumob longtaim wanim garra hepin, indit? Oni mi na wanbala God, en nomo enibodi jidan haibala laik mi. Mi oldei gibitbat yumob feyago, en ai garram det pawa blanga seibum yumob.   
\p
\v 22 “Mi welkam ebribodi langa dijan wel blanga kaman langa mi en ai garra seibum olabat. Oni mi miselp na God. En nomo enibodi jidan haibala laik mi.  
\v 23 Aibin meigim brabli strongbala pramis, en ai kaan neba breigim. Ebribodi garra pudumdan olabat hed en weship oni langa mi na.\x + \xo 45:23 \xt Rom 14:11; Falip 2:10,11 \x*   
\p
\v 24 “Dei garra ol sabi en tok, oni YAWEI gin gibitbat feyago. Enibodi hu oldei wail langa mi, dei garra jidan brabli sheimwan, en dei garra kambek langa mi.  
\v 25 Mi na YAWEI det trubala God garra album yumob win, en meigim ol yumob Isreil pipul jidan brabli haibala.”   
\c 46  
\s1 Detlot drimin brom Bebalon kaan album miselp  
\p
\v 1-2 Wal YAWEI bin kipgon tok, “Det dubala drimin gulum Bel en Neibo, nomo enibodi wandim weshipbat dubala enimo. Deibin gajim det dubala drimin sheip en pudum ontop langa detlot dongki bekboun, en detlot dongki bin abum detmatj loud. En detlot drimin nomo bin seibum miselp en deibin deigimwei dubala.  
\v 3 Yumob pipul brom Isreil hu jidan laibala, yumob lisin langa mi na, YAWEI. Brom det dei na wen yumob bin bon, aibin garrimapbat yumob olawei.  
\v 4 Ai garra stil jidan seimwei gin wen yumob garra abum waitwan heya en ai garra stil oldei maindimbat langa yumob. Dumaji aibin meigim yumob, en ai garra garrimapbat yumob, en ai garra kipum yumob brabli seifwan olataim.   
\p
\v 5 “Yumob sabi enibodi jidan laik mi? Enibodi jidan lebul langa mi?  
\v 6 Sambala pipul pei mani langa det men hu oldei meigimbat golwan enijing, en dei gibitbat im silba en gol blanga meigim drimin sheip blanga olabat blanga weshipbat.  
\v 7 Olabat oldei garrimap det drimin sheip langa olabat sholda, en olabat pudum im langa samting blanga meigim im jandapbat, bat im kaan mub. Olabat jinginat langa det drimin sheip wen olabat garram trabul, bat im nomo ensim langa olabat, en im kaan album olabat.  
\v 8 Wal yu garra kipum dijan ting langa yumob main, ol yumob nogudbala pipul, en yumob nomo fogedabat dijan.”   
\s1 Oni YAWEI na im God  
\p
\v 9 Wal YAWEI bin kipgon tok, “Mi na wanbala God. Nomo eni drimin en nomo enibodi jidan wulijim mi. Jinggabat wanim bin hepin longtaim.  
\v 10 Brom det basdamwan, aibin dalim yumob wanim garra hepin bifo imbin hepin. Aibin oldei kipum main wed,  
\v 11 en aibin bringimap sambodi brom longwei kantri blanga dum wanim aibin wandim im blanga dum. Imbin kaman brom sanraiswei, jis laik det igulok weya im lukabat enimul blanga dagat. Wal ai garra kipum main pramis na, en dum wanim aibin wandim dum.   
\p
\v 12 “Ol yumob pipul yumob brabli adwan pipul. Yumob oldei gibit mi bekboun, en yumob nomo jidan seifwan. Wal yumob lisin langa mi na.  
\v 13 Im nomo longtaim na en ai garra kaman en seibum yumob. Dumaji mi nomo jidan longwei en ai kaan weistimbat taim. Ai laigim yumob Isreil pipul detmatj, en ai garra seibum Jerusalem.”   
\c 47  
\s1 Det taun gulum Bebalon garra binijap  
\p
\v 1 Wal YAWEI bin kipgon tok, “Yumob pipul langa det taun gulum Bebalon, nobodi bin bidim yumob, bat im garra tjeinj na. Yumob garra gibap yumob speshalwan pawa, en yumob kaan jidan bos enimo. Yumob garra jidan langa det graun.  
\v 2 Yumob deigimat det heinggitjif brom yumob feis en stat grandimap det sid daga. Yumob deigimat yumob purdiwan klos en krosim detlot riba na.  
\v 3 Yumob garra ardimbat nomo lilbit en yumob garra sheim miselp nomo lilbit du brom jidanbat neigidbala, dumaji ai garra stat fait en peiyimbek yumob, en nomo enibodi kaan ranawei.   
\p
\v 4 “Mi na YAWEI det boswan God. Tharran na main neim. Mi na det brabli holiwan God blanga ola Isreil pipul en mi na garra seibum olabat.   
\p
\v 5 “Bebalon yu jidan kwaitbala en langa dakbala. Ola pipul blanga najalot kantri kaan larram yu jidan olabat bos enimo.  
\v 6 Aibin brabli wail langa main pipul olabat, en aibin panishim olabat wen aibin larram yu abum olabat kantri. Aibin meigim olabat jidan nogudbinji en jidan brabli sheimwan. Yu nomo bin fil sori blanga olabat, bat yubin jidan brabli krulbala langa olabat en langa ol detlot ol pipul du.  
\v 7 Yubin reken yu garra jidan bos olataim. Yu nomo bin jinggabat o wori wanim yubin oldei dumbat. Yu nomo bin jinggabat blanga det taim wen yu garra jidan prisana.   
\p
\v 8 “Yu reken miselp, en yu garram detmatj pawa. Yu reken yu kaan lujim yu hasbin, o lujim yu bigininimob. Yu oni jinggabat blanga abumbat gudbala taim olataim. Bat yu lisin wanim ai garra tok na.  
\v 9 Blanga yu klebabala pawa, en yu doktabala ting, dei kaan album yu, en yu garra jidan nomo garram hasbin, en yu garra lujim yu bigininimob. Detlot ting garra hepin kwikbala.\x + \xo 47:9 \xt Reb 18:7,8 \x*   
\p
\v 10 “Yubin oldei dumbat nogudbala ting en yubin reken yubin seifwan. Yubin oldei tok, ‘Nobodi kaan luk langa mi.’ Yubin reken yubin jidan klebabala en sabibala, bat tharran na bin trikimbat yu. En yubin reken miselp yubin jidan boswan blanga ebrijing.  
\v 11 Bat yu kaan gedim eni woning wen det brabli nogudbala trabul garra kaman langa yu, en blanga yu klebabala ting, dei kaan album yu.  
\v 12 Wal yu kipgon yusumbat yu klebabala pawa, en yu doktabala ting, weya yubin dumbat lagijat ola taim. Maitbi, yu garra bradinim sambodi!  
\v 13 Yubin meigim miselp nokap, dumaji yubin oldei askimbat wanim yu garra dum langa detlot pipul hubin oldei lukinatbat detlot sta, en hubin dalimbat yu wanim garra hepin manth afta manth. Wal yu go en askim olabat na hau yu garra jidan seifwan brom det nogudbala trabul weya garra kaman.   
\p
\v 14 “Detlot pipul hu oldei trastimbat ola sta, olabat kaan album yu. Olabat jis laik det gras weya barnap langa bigwan faiya. Nomo enibodi gin jidan wombala brom jidanbat wansaid langa det faiya weya dei oni pudumbat gras.  
\v 15 Brom yangtaim yubin oldei go langa detlot pipul hubin oldei dalimbat detlot klebabalawan stori. Bat olabat nomo sabi weya olabat gogobat, en olabat kaan neba seibum yu, najing.”\x + \xo 47:15 \xt Aisai 13:1—14:23; Jera 50:1—51:64; Rom 9:20 \x*   
\c 48  
\s1 YAWEI bin dalimbat im pipul olabat blanga olabat nogudbalawei  
\p
\v 1 Wal YAWEI bin kipgon tok, “Ol yumob Isreil pipul, yumob bin kamat brom Jeikob femili lain, en brom det klen blanga Juda. Yumob oldei tok blanga weship langa mi na YAWEI, bat yumob oldei dalimbat laiya.  
\v 2 Yumob oldei tok yumob jidan langa Jerusalem, en yumob oldei reken yumob trastim langa mi na, YAWEI det boswan God blanga ola Isreil pipul.   
\p
\v 3 “Brom longtaim aibin tok wanim garra hepin, en ai nomo bin gibit yumob najawan woning. Aibin dum kwikbala.  
\v 4 Aibin sabi yumob bin gibit mi bekboun, dumaji yumob brabli adwan jis laik det aiyan.  
\v 5 En aibin lafta dalim yumob ol dislot ting na, wulijim wen dei hepin yumob kaan tok, ‘Det drimin sheip wi oldei weshipbat bin dum dijan.’   
\p
\v 6 “Yumob bin irrim wanim aibin tok, en yumob bin luk imbin hepin. Yumob sabi im brabli trubala. Ai garra shoum yumob sigridwan ting weya yumob nomo bin sabi.  
\v 7 Tudei na ai garra dum samting brabli nyuwan, samting yumob kaan tok yubin irrim bifo.  
\v 8 Yumob nomo bin laigim irrim dislot wed weya aibin tok bifo yumob bin bon. Ai sabi yumob nomo bin laigim irrim wanim aibin tok, en yumob bin gibit mi bekboun.”   
\s1 YAWEI bin gibit woning langa ola Isreil pipul  
\p
\v 9 Wal YAWEI bin kipgon tok, “Mi na YAWEI, en mi brabli trubalawan. Ola pipul garra preisimbat oni langa mi na, dumaji ai nomo bin panishimbat en binijimapbat yumob.  
\v 10 Aibin testimbat yumob wen yumob bin abumbat adtaim, jis laik det silba wen dei meigim klinwan garram brabli hotwan faiya.  
\v 11 Aibin dum dijan, dumaji mi na God. Ai kaan larram eni drimin rabishim mi, o sherimbat det preis weya ola pipul gibit langa mi.   
\p
\v 12 “Isreil, yumob main ronwan pipul olabat. Yumob lisin langa mi na. Oni mi na YAWEI det trubala God. Mi na det basdamwan en det binijimapwan du.\x + \xo 48:12 \xt Aisai 44:6; Reb 1:17; 22:13 \x*  
\v 13 Garram main ronwan pawa aibin meigim dijan wel, en aibin spredimat det skai. En ebrijing langa dijan wel en skai oldei teiknodis langa main wed.”   
\s1 YAWEI bin tok langa ola pipul brom najalot kantri  
\p
\v 14 Wal YAWEI bin kipgon tok, “Wal yumob holot majurrumap miselp langa mi na. En irrim wanim ai garra tok. Yumob reken yumob drimin sheip bin sabi dijan garra hepin? Detlot drimin sheip nomo bin sabi aibin pikimat wanbala men hu ai laigim neim Sairas blanga go en binijimap Bebalon.  
\v 15 Mi na bin pikimat im. Aibin bringimap im brom longwei, en im garra dum det wek brabli gudwei.   
\p
\v 16 “Yumob kaman gulijap en irrim. Ai nomo bin kipum enijing sigridwan wen aibin toktokbat. En aibin jidan iya bifo det taim bin stat.” Lagijat na YAWEI bin tok.  
\s1 Im brabli gudwan ting blanga teiknodis en duwit langa YAWEI  
\p YAWEI det boswan God bin jandim mi na, Aisaiya, garram im spirit en pawa blanga gibit yumob dijan wed.  
\v 17 Imbin tok, “Ol yumob Isreil pipul, mi na YAWEI det brabli holiwan God, en oni mi na wanbala gin seibum langa yumob. Blanga yumob ronselp, aibin titjimbat yumob det gudbalawei, en aibin lidimbat yumob langa det raitwan roud blanga bulurrum mi.   
\p
\v 18 “Brabliwei aibin wandim yumob blanga duwit langa main wed. En if yumob bina duwit, ola gudwan ting bina kaman langa yumob wulijim fladwoda weya oldei randan langa riba, en yumob bina jidan gudbinjiwei.  
\v 19 Blanga yumob kantri bina jidan garram bigmob pipul jis laik detlot sengraun langa det solwodasaid. En ai nomo bina larram det kantri blanga yumob jidan rabishwan.   
\p
\v 20 “Bat stil yumob garra libum Bebalon. Yumob garra gowei gudbinjiwei. Yumob garra jidan brabli hepiwan, en jinginat adbala wulijim ebribodi garra irrim yumob tok, ‘YAWEI bin album ol im Isreil pipul.\x + \xo 48:20 \xt Reb 18:4 \x*  
\v 21 Imbin lidimbat melabat thru langa det deset kantri, en wen melabat bin jidan thestiwan, imbin meigim woda kamat brom det rok blanga meigim melabat sedisfaid.’   
\p
\v 22 “Bat YAWEI bin meigim dijan pramis, ‘Nomo enibodi hu dum nogudbala ting garra jidan gudbinjiwei.’”\x + \xo 48:22 \xt Aisai 57:21 \x*   
\c 49  
\s1 Wek blanga det wekinmen blanga YAWEI  
\p
\v 1 Wal aibin tok, “Ebribodi langa ebri kantri, en detlot pipul hu jidan najasaid langa det solwodasaid, yumob ol irrim mi na. YAWEI det trubala God bin pikimat mi, en imbin gulum main neim bifo aibin bon.\x + \xo 49:1 \xt Jera 1:5 \x*  
\v 2 Imbin meigim mi tok streidat langa najalot pipul, en det wed bin gowin langa olabat jis laik shapwan naif. Imbin oldei kipum mi brabli seifwan garram im pawa.\x + \xo 49:2 \xt Hib 4:12; Reb 1:16 \x*  
\v 3 Wal YAWEI bin tok langa mi, ‘Isreil, yu na main ronwan wekinmen wulijim ola najalot pipul garra shoum rispek langa mi.’”   
\p
\v 4 Wal aibin tok miselp, “Mi brabli nokap, en aibin weistim main taim. Bat stil aibin dum dijan blanga YAWEI en im garra gibit mi gudbala ting.”   
\p
\v 5 Brom longtaim, bifo aibin bon, YAWEI bin pikimat mi blanga wek blanga im blanga bringimbek ol detlot Isreil pipul langa im. En YAWEI na bin meigim mi strongbala en haibala.   
\p
\v 6 Wal YAWEI bin dalim mi na, “Im nomo naf blanga mi if yu oni jidan main wekinmen. Yu nomo oni garra bringimbek detlot Isreil pipul hu stil jidan laibala. Aibin pudum yu iya blanga shain wulijim lait blanga ola najalot pipul. Yu garra deigim main pawa weya gin seibumbat ebribodi langa dijan wel.”\x + \xo 49:6 \xt Aisai 42:6; Luk 2:32; Eks 13:47; 26:23 \x*   
\s1 YAWEI garra bringimbek im pipul olabat  
\p
\v 7 Wal YAWEI bin tok, “Ol yumob Isreil pipul, mi na YAWEI det brabli holiwan God, en oni mi na wanbala hu gin album yumob. Yumob jidan prisana blanga detlot boswan brom najawan kantri, en olabat oldei tridimbat yumob rafwei en dumbat nogudbala ting langa yumob. Wal dijan na main pramis. Detlot king en ola boswan garra shoum rispek langa yumob, en olabat garra nildan lida langa yumob fut. Yumob garra trastim oni langa mi, dumaji oni mi na YAWEI det brabli holiwan God hubin seibum yumob. Aibin pikimat yumob en yumob na main ronwan pipul olabat.”   
\s1 YAWEI garra lidimbat im pipul langa olabat ronwan kantri  
\p
\v 8 Wal YAWEI bin kipgon tok na, “Ai garra ensim yumob preya, dumaji aibin meigim det pramis blanga albumbat yumob, en mi kaminap blanga seibum yumob na. Aibin pikimat yumob blanga deigim main gudwan pramis langa najalot pipul. Yumob garra kambek en jidan deya en bildimap igin det kantri weya imbin jidan rabishwan.\x + \xo 49:8 \xt 2 Karin 6:2 \x*  
\v 9 Yumob garra larramgo ola prisanamob brom dakbala pleis, wulijim olabat garra luk det lait. Wen olabat garra wokwok bek langa det roud langa olabat ronwan kantri, olabat garra faindim loda daga blanga dagadagatbat, nomeda im langa draiwan hil kantri.  
\v 10 Olabat kaan jidan hanggriwan en thestiwan. Olabat kaan nogudbinji blanga det hotwan san, en hotwan win brom det deset kantri. Ai garra kain langa olabat, wen mi lidimbat olabat gudbinjiwei langa det springwoda.\x + \xo 49:10 \xt Reb 7:16,17 \x*   
\p
\v 11 “Ai garra meigim lebulwan detlot hil en ai garra meigim roud deya du,  
\v 12 wulijim main pipul olabat garra kambek brom detlot longweiwan kantri langa nowathwei en sangodanwei, en brom det taun gulum Eswan langa sauthwei.”   
\s1 YAWEI im brabli kainbala  
\p
\v 13 Sing gudbinjiwei skai! Dijan wel abum padi en singim song! Ola hil kaman en joinin en sing! Ola pipul blanga YAWEI bin oldei ardimbat en abumbat adtaim, bat YAWEI brabli kainbala en im oldei maindimbat langa olabat.   
\p
\v 14 Bat detlot pipul brom Jerusalem bin tok, “YAWEI bin gibit wi bekboun en imbin fogedabat wi.”   
\p
\v 15 Wal YAWEI bin ensim na, “Yumob reken det gel gin fogedabat im biginini hubin oldei wandim dringgimbat milk brom im? Yumob reken im garra libum im lilwan beibi hubin bon brom im ronwan bodi? Nomeda det gel gin fogedabat im beibi, bat ai kaan neba fogedabat yumob.  
\v 16 Main pipul langa Jerusalem, aibin raidimdan yumob neim langa main bingga. Ai oldei jinggabat yumob.   
\p
\v 17 “Detlot pipul hubin nokamdan yumob taun garra ol gowei, en yumob garra bildimbek im igin kwikbala.  
\v 18 Ola pipul blanga yu Jerusalem, olabat kaminbek na. Mi na YAWEI det trubala God, en trubala ai dalim yu, det taun garra jidan garram detmatj pipul, en olabat garra jidan gudbinjiwei.”   
\s1 Gudwan ting garra kaman langa Jerusalem  
\p
\v 19 “Wal Jerusalem im jidan rabishwan na. Nomo enijing jidan langa det taun. Bat ai garra bildimbek igin, en im garra abum loda pipul du. Ola krulbala enami blanga im garra ol gowei longwei na.  
\v 20 Jerusalem im jis laik det wuman hubin abumbat beibi wen imbin oldei jidan brabli sedwan, dumaji imbin lujim im hasbin. Detlot biginini blanga im garra kaman en lukabat det pleis nomo garram eni rum blanga olabat, dumaji detmatj pipul garra jidan langa det taun.  
\v 21 En Jerusalem garra askim na, ‘Mi na det mamiwan blanga olabat, indit? Hau aibin gibit olabat laif wen aibin stil kraikraibat langa streinjawan kantri? Hubin growimap dislot biginini? Brom weya olabat bin kaman?’”   
\p
\v 22 Wal YAWEI det boswan God bin tok na, “Bambai ai garra gibit sain langa ola kantri blanga bringimbek yu sanmob en dodamob langa Jerusalem.  
\v 23 Detlot king en olabat waifmob langa ol detlot kantri weya olabat bin growap garra kaman en pudumdan olabat hed langa graun. Olabat garra lukaftumbat ola sanmob en dodamob, jis laik det men hu wek bat nomo gedim eni pei wen im oldei maindimbat det biginini. Langa det taim na, yumob garra sabi mi na YAWEI. Yumob garra gudbinji if yumob trastimbat mi.” Lagijat na YAWEI bin tok.   
\s1 YAWEI det trubala God im jidan garram melabat  
\p
\v 24 Yumob reken yumob gin larramgo fri detlot prisana hu abum strongbala en krulbala bos?   
\p
\v 25 Wal YAWEI bin meigim im pramis blanga fait blanga melabat, en im garra seibum wi bigininimob brom detlot nogudbala pipul.  
\v 26 Im garra meigim detlot krulbala pipul faitfaitbat en kipgon kilimbat miselp, wulijim ebribodi garra sabi YAWEI im det strongbala God blanga ola Isreil pipul, en imbin seibum melabat.   
\c 50  
\s1 YAWEI garram pawa blanga panishim pipul  
\p
\v 1 Wal YAWEI det trubala God bin tok, “Ol yumob biginini, yumob garra irrim mi na. Ai nomo bin libum yumob mami. Ai nomo bin selim yumob oni blanga gajim mani blanga peiyimbek det mani. Nomo. Yumob bin libum mi, dumaji yumob bin oldei dumbat olkainaba nogudbala ting.   
\p
\v 2 “Aibin kaman en jinginat langa yumob, bat yumob nomo bin ensim langa mi. Ai nomo bin lujim main pawa blanga album en seibum yumob. Wen ai tok langa det solwoda en riba blanga jidan wulijim det deset, wal det woda jis draiyap, en ola fish dai en go jinggiwan, dumaji nomo eni woda bin deya.  
\v 3 Mi na oldei meigim det skai jidan dakbala jis laik det sekbeigwan klos weya yu oldei werrimonbat langa fyunral.” Lagijat na YAWEI bin tok.   
\s1 YAWEI wekinmen garra abum detmatj trabul  
\p
\v 4 Wal det wekinmen blanga YAWEI bin tok, “YAWEI det boswan God gibit mi det raitwan wed blanga album detlot wikwan pipul. Ebri ailibala im oldei weikimap mi blanga titjimbat langa mi.  
\v 5 YAWEI oldei meigim mi lisin gudwei en ai nomo ranawei en gibit im bekboun.  
\v 6 Ai larram detlot hu nomo laigim mi hitim mi langa main bekboun, en pulumbat main wiska. Ai nomo bin gibit olabat bekboun wen olabat bin tok nogudbalawei langa mi en spit langa main feis.\x + \xo 50:6 \xt Meth 26:67; Mak 14:65 \x*   
\p
\v 7 “Bat YAWEI det boswan God bin oldei lukaftumbat langa mi wen detlot pipul bin mokimbat langa mi. Aibin meigim miselp strongbala,  
\v 8 dumaji God im gulijap langa mi, en im garra meigim olabat sabi mi nomo giltiwan. Hu garra jandap iya en tok mi giltiwan? Larram minbala go langa kothaus mijamet! Larram im dalim olabat wanim nogudbala ting aibin dumbat!  
\v 9 YAWEI det boswan God garra tok blanga mi, en im garra meigim olabat sabi mi nomo giltiwan. Detlot pipul hu oldei tok nogudbalawei langa mi garra binijap jis laik detlot klos weya ola insek oldei dagadagatbat.\x + \xo 50:9 \xt Rom 8:33,34 \x*   
\p
\v 10 “Ol yumob pipul hu rispek langa YAWEI en dum wanim im wekinmen oldei dalim yumob blanga dum, nomeda yumob wokwokbat langa dakbala roud nomo garram lait, yumob kipgon trastimbat det neim blanga YAWEI det trubala God blanga yumob.  
\v 11 Bat yumob hu kipgon bulurrumbat det lait brom yumob ronwan faiya weya yumob bin meigimbat, YAWEI garra panishim yumob en im garra meigim yumob abumbat detmatj pein.” Lagijat na det wekinmen blanga YAWEI bin tok.   
\c 51  
\s1 YAWEI garra seibum Jerusalem  
\p
\v 1 Wal YAWEI bin tok, “Yumob irrim mi na! Ol yumob hu wandim dum raitwan ting en duwit langa mi na, YAWEI det trubala God, wal yumob garra bulurrum det wei blanga Eibrahem. Imbin jidan det basdam grengrenfatha blanga yumob, indit?  
\v 2 Wal God bin pikimat Eibrahem en Sera blanga jidan yumob grengrenfatha en grengrenmatha. YAWEI bin albumbat Eibrahem, en brom det wanbala men na, loda biginini bin kamat brom im.   
\p
\v 3 “Nomeda Jerusalem jidan rabishwan, mi na YAWEI garra meigim im jidan brabli hepiwan. Det taun garra jidan brabli purdiwan, jis laik det gadin langa Idin weya aibin meigim. En ola pipul langa Jerusalem garra abum bigwan padi, en dei garra brabli gudbinji en sing brabli gudbala song langa mi.”   
\s1 YAWEI garra win en det gudbala taim garra jidan olagija  
\p
\v 4 Wal YAWEI bin kipgon tok, “Irrim mi na main ronwan pipul olabat. Yumob garra teiknodis langa mi na. Wanim ai titjimbat yumob garra gibit feyago langa ebribodi, en meigim det lait shain langa ebri pipul langa ebri kantri.  
\v 5 Detlot pipul hu jidan deya najasaid langa det solwoda, olabat oldei weidabat blanga mi blanga seibum olabat. Mi brabli strongbalawan en mi jidan redibala. Det taim im gulijap na weya ai garra kaman blanga seibum olabat, en ai garra jidan bos langa ebri kantri.  
\v 6 Yumob luk gudwei langa det skai. En yumob luk langa det graun gudwei du. Det skai garra binijap jis laik det smok, en dijan wel garra binijap jis laik detlot olwan klos weya binijap. Ebribodi langa dijan wel garra dai jis laik detlot flai. Bat wanim ai dum kaan neba binij. Im garra kipgon jidan lagijat olagijawan.   
\p
\v 7 “Yumob irrim mi na! If yumob wandim dum wanim im rait, en duwit langa main wed, en pudum ebrijing langa yumob hat, wal yumob lafta teiknodis langa mi. Yumob nomo nogudbinji wen najalot pipul tok nogudbalawei blanga yumob, en dei trai ardimbat yumob.  
\v 8 Dei garra binijap jis laik detlot klos weya jidan rabishwan dumaji detlot lilwan badaflai bin dagadagatbat. Bat wanim ai dum blanga main pawa kaan neba binij. Im garra kipgon jidan olagijawan.” Lagijat na YAWEI bin tok.   
\s1 Yumob garra prei langa YAWEI blanga album yumob  
\p
\v 9 Wal aibin tok na, “YAWEI, yu kaman na, en dum samting. Yu jidan strongbala en yu oldei jidan redibala. Yu kaman na en dum wanim yubin dum longtaim blanga melabat pipul olabat wen yubin bidim Ijip, det pleis sambala pipul gulum Reiheb.  
\v 10 Yu na bin draiyimap det dipwan solwoda blanga meigim roud blanga yu pipul olabat blanga krosoba langa det riba, indit?  
\v 11 Wal detlot pipul hu yubin seibum, dei garra ol gobek langa Jerusalem na, en dei kaan neba stap preisimbat yu. Dei garra jidan brabli hepiwan. Dei kaan abumbat adtaim igin, en dei kaan jidan sedwan du.” Lagijat na aibin tok.   
\s1 YAWEI meigim pramis  
\p
\v 12 Wal YAWEI bin tok, “Mi na YAWEI hu oldei albumbat yumob. Wotfo yumob bradin blanga najalot pipul? Olabat jis laik det gras weya draiyap en dai.  
\v 13 Wal mi na bin spredimat det skai, en mi na bin meigim dijan wel. Bat yumob bin gibit bekboun langa mi. Mi na YAWEI, hubin meigim yumob du. Brom longtaim na yumob bin oldei bradin blanga detlot pipul hubin oldei wail langa yumob, en hubin oldei wandim ardimbat langa yumob. Wal weya olabat?  
\v 14 Enibodi hu oldei kraikraibat garram detmatj pein garra jidan friwan na, en ai garra album olabat en ai kaan larram olabat dai, en olabat kaan jidan hanggribala.  
\v 15 Ai garra oldei albumbat olabat, dumaji mi na YAWEI det boswan God blanga olabat, en aibin meigim det solwoda blanga jinginatbat adbala.  
\v 16 Aibin dalim yumob wanim blanga tok, en ai garra kipum yumob seifwan garram main pawa. Dumaji mi na bin spredimat det skai en meigim dijan wel. Wal mi tok na, ‘Ola pipul blanga Jerusalem, yumob jidan main ronwan pipul.’” Lagijat na YAWEI bin tok.   
\s1 Woning blanga Jerusalem  
\p
\v 17 Ola pipul langa Jerusalem, yumob gidap. Yumob gidap na. YAWEI bin gibit yumob detmatj panishmen, dumaji imbin brabli wail langa yumob, jis laik yumob bin dringgim grog en yumob drangginwan na. En yumob bin oldei buldanbuldanbat.\x + \xo 51:17 \xt Reb 14:10; 16:19 \x*  
\v 18 Nomo eni biginini blanga yumob deya blanga shoum yumob det wei, o blanga holdim yumob bingga blanga album yumob.   
\p
\v 19 Yumob bin abum detmatj trabul brom det wo, en brom weya det enamimob bin binijimap ebrijing langa yumob kantri en yumob nomo bin abum enijing blanga dagat. Ai kaan meigim yumob gudbinji.  
\v 20 YAWEI im brabli wail langa yumob, en langa ebri kona langa detlot strit, yumob bigininimob leidan ebriweya brabli wikwan, jis laik det enimul gulum diya wen im git trep langa net.   
\p
\v 21-22 Yumob langa big trabul na, en yumob jidan jis laik drangginbala, bat nomo brom det wain. Wal YAWEI det trubala God blanga yumob bin oldei maindimbat yumob. Wal yumob lisin brabli gudwei na langa im. Im tok, “Aibin deigimwei det kap garram trabul brom yumob. Imbin jidan brabli fulwan wen aibin wail. Tharran na bin oldei meigimbat yumob jidan jis laik drangginbala. Ai kaan neba meigim yumob dringk brom det kap garram trabul igin.  
\v 23 Bat na ai garra hendimoba det kap langa detlot krulbala enami, hubin oldei tridimbat yumob brabli nogudbalawei. Deibin tridimbat yumob rafwei, jis laik deibin wokwokbat ontop langa yumob.” Lagijat na YAWEI bin tok.   
\c 52  
\s1 Jerusalem garra abumbat padi  
\p
\v 1 Wal Jerusalem, yu gidap, en jandap brabli strongbalawei. Yu brabli seikridwan taun blanga God, yu werrimonbat detlot brabli speshalwan klos blanga yu. Detlot pipul brom najalot kantri hubin bitsimap yu, olabat kaan meigimbat eni trabul langa yu igin.\x + \xo 52:1 \xt Reb 21:2,27 \x*  
\v 2 Jerusalem, yu gidap brom det graun. Yu kaan jidan prisana enimo. Deigimat det roup brom yu nek.   
\s1 Ola trabul en nogudbala ting garra binij  
\p
\v 3 Wal YAWEI det boswan God bin tok na, “Main pipul olabat, wen deibin deigidawei yumob prisana langa najawan kantri nobodi bin peiyim mani blanga yumob. Wal yumob jidan friwan na, en ai kaan peiyim mani blanga yumob.  
\v 4 Longtaim yumob bin go langa det kantri gulum Ijip weya yumob bin oldei jidan streinja. Bambai detlot Asiriya pipul bin dum krulbala ting langa yumob.  
\v 5 Brom deya najalot pipul brom najawan kantri bin kaman en deigidawei yumob en meigim yumob jidan prisana blanga najing. Blanga yumob lidamob bin kraikraibat garram detmatj pein, en ebridei detlot najalot pipul bin oldei mokimbat main neim.\x + \xo 52:5 \xt Rom 2:24 \x*  
\v 6 Bat main pipul olabat, yumob garra sabi mi, en sabi im mi hu oldei toktokbat langa yumob, dumaji mi oldei jidan iya garram yumob.” Lagijat na YAWEI bin tok.   
\s1 Gudnyus blanga Jerusalem  
\p
\v 7 Luk! Brabli gudwan mesinja kaminap langa det hil! Im bringimat gudnyus blanga Jerusalem. Im tok, “Ai garram gudnyus blanga yumob. God bin seibum yumob. Yumob garra jidan gudbinjiwei. Blanga yumob God, im jidan king na.”\x + \xo 52:7 \xt Nei 1:15; Rom 10:15; Ifi 6:15 \x*  
\v 8 Detlot pipul hu oldei maindimbat det geit blanga Jerusalem, olabat jinginatbat gudbinjiwei, “Yumob luk! YAWEI im kaminbek langa Jerusalem na!”   
\p
\v 9 Ol yumob pipul brom Jerusalem, yumob gidap na brom yumob rabishwan haus. Jingat adbala en sing langa YAWEI neim. YAWEI bin meigim im pipul olabat brabli gudbinji na. Im kaminap blanga seibum im pipul olabat.  
\v 10 YAWEI garra seibum im pipul olabat garram im strongbala pawa, en ebribodi brom ebri kantri garra luk det brabli strongbala pawa blanga God.   
\s1 Yumob garra libum Bebalon  
\p
\v 11 Yumob libum det taun gulum Bebalon. Yumob nomo tatjim enijing weya im nomo klinbala. Yumob meigim miselp klinbala en redibala blanga garrimapbat ola seikridwan ebrijing blanga YAWEI.\x + \xo 52:11 \xt 2 Karin 6:17 \x*  
\v 12 Yumob nomo lafta ran kwikbala. Nomo enibodi garra ranimapbat yumob. YAWEI det trubala God blanga ola Isreil pipul garra lidimbat yumob en maindimbat yumob brom ola enami blanga yumob.   
\s1 Det wekinmen garra ardimbat detmatj  
\p
\v 13 Wal YAWEI bin tok, “Main wekinmen garra oldei dumbat gudbala ting en im garra win! En ebribodi garra shoum rispek langa im brabliwei en preisimbat im du.  
\v 14 Bigismob pipul bin gedimbat shok wen deibin luk wanim bin hepin langa im. Deibin gedimbat shok dumaji imbin ardimbat nomo lilbit raidap im nomo bin luk laik men na.  
\v 15 Bat main wekinmen garra meigim ola pipul brom ebri kantri redibala blanga weship oni langa mi. Ola king garra pudumdan olabat hed en jidan kwaitbala wen olabat jinggabat wanim deibin luk. Olabat garra luk en jinggabat ola ting dei nomo bin luk o jinggabat o sabi bifo.” Lagijat na YAWEI bin tok.\x + \xo 52:15 \xt Rom 15:21 \x*   
\c 53  
\s1 Wanim det speshalwan wekinmen blanga God bin dum blanga wi  
\p
\v 1 Wal aibin tok na, “Nobodi bin bilib wanim melabat bin dalim olabat. En nobodi bin bilib wanim YAWEI det trubala God bin dum garram im pawa. \x + \xo 53:1 \xt Jon 12:38; Rom 10:16 \x*  
\v 2 Wal jis laik det lilwan plent weya gro langa det draiwan graun, det wekinmen bin gro en dum wanim YAWEI na bin wandim im blanga dum. Im nomo bin jidan haibala king, en im nomo bin luk purdiwan. Wen melabat bin luk im, melabat nomo bin abum det gudbala filing blanga im.  
\v 3 Nomo enibodi bin laigim im, en melabat bin gibit bekboun langa im. Imbin abum loda trabul en pein langa im laif. Nobodi nomo bin wandim luk langa im. Melabat nomo bin rispek langa im, en melabat bin tok, ‘Im nomo enijing. Im najing.’   
\p
\v 4 “Melabat bin reken God bin panishim im wen imbin abum detlot trabul en pein. Bat najing! Imbin abum detlot trabul en pein blanga melabat.\x + \xo 53:4 \xt Meth 8:17 \x*  
\v 5 Dumaji blanga melabat nogudbalawei deibin beldim im, en gibit im loda pein langa im bodi. Imbin deigim det panishmen blanga melabat en imbin meigim melabat jidan brabli gudbalawei.\x + \xo 53:5 \xt 1 Pida 2:24 \x*  
\v 6 Melabat bin jis laik detlot ship hubin gitbush. Melabat bin ol go langa melabat ronwei. Bat YAWEI na bin gibit im det panishmen blanga melabat.\x + \xo 53:6 \xt 1 Pida 2:25 \x*   
\p
\v 7 “Deibin beldimbat im detmatj, bat im nomo bin tok enijing. Imbin jidan kwaitbala, jis laik det lilwan ship weya sambodi lidimbat im langa det yad blanga dai. En imbin jidan kwaitbala jis laik det ship wen olabat kadim im wuliwan heya.\x + \xo 53:7 \xt Reb 5:6\x*  
\v 8 Olabat bin gajulum im en deigim im blanga dai, dumaji nobodi bin gibit im feyago. Nobodi bin jinggabat wanim garra hepin langa im. Nobodi bin sabi imbin gibit im laif blanga det brabli nogudbalawei blanga melabat.\x + \xo 53:8 \xt Eks 8:32,33 \x*  
\v 9 Im nomo bin laiyinbala, en im nomo bin kilimbat enibodi, bat deibin berrim im laik ola brabli nogudbala pipul en deibin pudum im langa det greibyad blanga wan ritjwan men.” Lagijat na aibin tok.\x + \xo 53:9 \xt 1 Pida 2:22 \x*   
\p
\v 10 Wal YAWEI bin tok, “Wal lagijat na aibin meigim det plen blanga det wekinmen blanga abum det trabul en pein, en gibit miselp jis laiga sekrifais ofring blanga deigimwei ol detlot nogudbalawei blanga ola pipul, en meigim olabat jidan nomo giltiwan. Blanga tharran na, det wekinmen garra jidan laibala en luk hau imbin seibum detmatj pipul en ol detlot pipul hu garra kaman bambai. Imbin dum ebrijing wanim aibin wandim im blanga dum.  
\v 11 Afta det wekinmen abum ol detlot pein langa im laif, im garra jidan gudbinjiwei. Nomeda im nomo bin dum enijing rong, bat im garra deigim det panishmen blanga ola nogudbalawei blanga ola pipul, wulijim im garra larramgo olabat fri brom olabat nogudbalawei en olabat garra jidan nomo giltiwan.  
\v 12 En ai garra gibit im gudbala ting en meigim im jidan brabli haibala garram pawa, dumaji imbin gibit im laif. Sambala bin reken imbin dum nogudbala ting, bat imbin dai blanga ola nogudbalawei blanga ola pipul, en imbin prei blanga olabat blanga larramgo olabat fri brom olabat nogudbalawei.” Lagijat na YAWEI bin tok.\x + \xo 53:12 \xt Mak 15:28; Luk 22:37\x*   
\c 54  
\s1 YAWEI bin meigim pramis blanga maindimbat Isreil  
\p
\v 1 Wal YAWEI det trubala God bin kipgon tok, “Jerusalem, sing en jingat adbala. Yu jis laiga gel hu nomo bin abum eni biginini. Aibin meigim pramis. Yu garra abum mowa biginini langa det dubala hubin merrit longtaim.\x + \xo 54:1 \xt Galei 4:27 \x*  
\v 2 Wal yu meigim yu tent mowa bigwan. Meigim detlot peig jidan ebriwei, en taitinimap olabat brabliwei wulijim dei kaan kamat en buldan.  
\v 3 Yu en ol detlot bigininimob blanga yu weya garra kaman bambai, garra deigimoba detlot najalot kantri. Yu garra jidan deya langa detlot taun weya jidan ol bitsimapwan.  
\v 4 Yu nomo bradin en sheim. Yu kaan wori en nogudbinji. Fogedabat detlot nogudbala ting yubin dum basdam wen yubin yangbala, en nomo sheim miselp dumaji yu jidan widogel.  
\v 5 Mi na YAWEI det boswan God, det brabli holiwan God blanga ola Isreil pipul, en oni mi na jidan bos blanga dijan wel. Mi na bin meigim dijan wel, en mi jidan laiga hasbin blanga yu, en ai garra seibum yu.   
\p
\v 6 “Yubin jidan jis laik det yangwan gel wen im kraikraibat detmatj dumaji det hasbin blanga im bin libum im. Bat aibin deigimbek yu.  
\v 7 Blanga lilwan taim ai nomo bin wandim yu, bat dumaji mi laigim yu detmatj en ai garram det brabli gudbala filing blanga yu, ai garra pudum main bingga langa yu igin.  
\v 8 Oni blanga lilbit taim aibin tenawei, dumaji aibin brabli wail langa yu. Bat ai garra brabli kain langa yu en laigim yu olagijawan. Mi na YAWEI det trubala God blanga yu hu lukaftum yu, meigim dijan pramis langa yu.”   
\s1 YAWEI bin meigim pramis  
\p
\v 9 Wal YAWEI bin kipgon tok, “Longtaim aibin meigim pramis langa Nowa nomo blanga jandim bigwan fladwoda igin blanga binijimap dijan wel. En mi na meigim dijan pramis. Ai kaan neba gitwail en nogudbinji langa yumob en panishim langa yumob igin.\x + \xo 54:9 \xt Jen 9:8-17 \x*  
\v 10 Detlot lilwan hil en detlot bigwan hil maitbi ol garra binijap, bat ai garra oldei maindimbat en jidan brabli kainbala langa yumob. Ai kaan neba breigim main pramis weya aibin meigim garram yumob.”   
\s1 Nyubala Jerusalem  
\p
\v 11 Wal YAWEI bin kipgon tok, “Ol yumob pipul langa Jerusalem, yumob jis laik bigbala win bin nokamdan yumob, en yumob luk brabli sedwan en brabli nogudbinji, en nomo enibodi bin album yumob. Najing. Bat mi na, YAWEI garra bildimbek det taun igin, garram ol detlot purdiwan ston langa det flopat.  
\v 12 Detlot strongbala haus blanga yumob ai garra meigim garram redwan purdiwan ston, en detlot geit en det bigwan wol weya jidan raidaran langa Jerusalem garra jidan garram olkain purdiwan ston.\x + \xo 54:12 \xt Reb 21:18-21 \x*   
\p
\v 13 “Ai garra titjimbat ol yumob bigininimob, en ai garra meigim olabat jidan brabli gudwei en hepiwan.\x + \xo 54:13 \xt Jon 6:45 \x*  
\v 14 Ai garra gibit yumob feyago, en yumob kaan bradin blanga det laiyinbala stori. Ai garra deigimwei ol detlot ting blanga yumob weya meigimbat yumob wori oldei.  
\v 15 Ai kaan jandim enibodi blanga binijimap yumob taun igin, en if enibodi faitfaitbat langa yumob, wal yumob garra meigim detlot pipul jidan prisana en wek blanga yumob.   
\p
\v 16 “Yumob nomo foget aibin meigim detlot pipul hu oldei meigimbat aiyanwan ebrijing blanga fait. Dei meigim langa det hotwan faiya. En aibin meigim ol detlot solja hu yusum detlot aiyanwan ting blanga fait en bitsimap ebrijing.  
\v 17 Detlot spiya olabat meigimbat blanga kilim yumob, dei kaan ardim yumob, najing. En if enibodi tok nogudbalawei langa yumob, detlot wed kaan ardim yumob, najing. Main wekinmenmob langa Jerusalem ai garra kipgon lukaftumbat yumob wulijim yumob garra kipgon winwinbat.” Lagijat na YAWEI bin tok.   
\c 55  
\s1 YAWEI wandim ebribodi blanga kaman langa im  
\p
\v 1 Wal YAWEI det trubala God bin kipgon tok, “Kaman yumob hu oldei jidanbat thestibala. Yumob kaman en dringgimbat woda. Kaman yumob hu nomo garram eni mani. Yumob kaman en dagat wanim yumob wandim. Yumob gin kaman en dringgim wain en milk, en yumob kaan gibit langa mi eni mani.\x + \xo 55:1 \xt Reb 21:6; 22:17 \x*  
\v 2 Wotfo yumob weistimbat mani langa detlot rabishwan enijing weya nomo meigim yumob sedisfaid? Wotfo yumob dumbat brabli adbala wek blanga najing? Detlot ting kaan meigim yumob sedisfaid. Najing. Wal yumob irrim mi na brabli gudwei, en yumob garra brabli gudbinji blanga det brabli gudbala daga.   
\p
\v 3 “Yumob garra teiknodis langa mi. Yumob kaman langa mi wulijim yumob garra jidan laibala. Ai garra meigim strongwan pramis garram yumob. Ai garra kipgon laigim yumob detmatj en ai garra oldei jidan garram yumob, jis laik aibin meigim pramis langa King Deibid.\x + \xo 55:3 \xt Eks 13:34 \x*  
\v 4 Aibin meigim im jidan lida en imbin jidan bos blanga ola pipul langa ola difrinwan kantri, en imbin jidan main witnis langa olabat.  
\v 5 Yumob garra jingat langa detlot pipul brom najalot kantri, weya yumob nomo sabi olabat. En olabat nomo sabi yumob du, bat olabat garra ol kaman en ranranbat langa yumob, dumaji mi na YAWEI det brabli holiwan God blanga ola Isreil pipul, en mi na bin meigim olabat rispek langa yumob.” Lagijat na YAWEI bin tok.   
\s1 God wed im brabli strongbala  
\p
\v 6 Wal aibin tok na, “Yumob kambek langa YAWEI. Yumob gin stil faindim im. Yumob jingat langa God. Im nomo longwei, im gulijap.  
\v 7 Yumob tjakidawei detlot nogudbalawei blanga yumob, en stap jinggabat ola nogudbalawei. Kambek langa YAWEI det trubala God blanga wi. Im garra fil sori blanga yumob, en im garra larramgo yumob fri brom ola nogudbalawei blanga yumob.   
\p
\v 8 “Wal YAWEI bin tok, ‘Wen ai oldei jinggabat det wei blanga main, im nomo wulijim det wei blanga yumob.  
\v 9 Jis laik det skai im jidan mowa haibala langa dijan graun, wal wen ai jinggabat det wei blanga main, im mowa haibala langa yumob du.   
\p
\v 10 “‘Rein en sno oldei buldan brom skai. Dei wodarim dijan graun basdam blanga meigim ola sid gro blanga daga.\x + \xo 55:10 \xt 2 Karin 9:10 \x*  
\v 11 Lagijat du detlot wed blanga main. Detlot wed garra dum ebrijing ai wandim olabat blanga dum.’”   
\s1 God pipul olabat garra abum padi  
\p
\v 12 “Wal YAWEI bin kipgon tok, ‘Wen yumob jidan friwan na, yumob garra abum padi en gobek langa yumob kantri brabli gudbinjiwei. Detlot bigwan hil en lilwan hil garra singsingbat song wen yumob garra gopas langa olabat, en ola tri garra jidan brabli hepiwan.  
\v 13 Detlot tri gulum saiprastri en metiltri garra gro langa det graun weya bin abum loda jigiwan gras basdam. Wen yumob luk detlot tri yumob garra jinggabat wanim mi na YAWEI bin dum.’ Lagijat na YAWEI bin tok.”   
\c 56  
\s1 Ola pipul langa ebri kantri garra jidan pipul blanga God  
\p
\v 1 Wal YAWEI det trubala God bin tok, “Yumob jidan brabli trubalawan en yumob garra gibit feyago langa ebribodi. Dumaji ai garra kaman dregli blanga seibum yumob, en ebribodi na garra luk main strongbala pawa ebriweya langa dijan wel.  
\v 2 Ai garra dum gudbala ting langa enibodi hu oldei shoum rispek langa det seikridwan dei gulum Sebathdei en nomo wek, en langa ol detlot pipul hu nomo dum eni nogudbala ting.   
\p
\v 3 “Detlot pipul brom najalot kantri hu oldei weshipbat langa mi kaan tok, ‘YAWEI kaan larram wi jidan im ronwan pipul’. En detlot men weya kaan abumbat eni biginini kaan tok, ‘Wi jidan jis laik detlot draiwan tri’. Olabat jidan main pipul du.  
\v 4-5 Mi na, YAWEI tok langa olabat, ‘Yumob garra shoum rispek langa det Sebathdei, en teiknodis en duwit langa mi brabliwei, en kipum det strongbala pramis weya wibin agri gija, wulijim ai garra pudum yumob neim langa main Serramoni Pleis. Dijan na mobedawan den abumbat biginini, en yumob neim garra jidan deya olagija.’   
\p
\v 6 “En detlot pipul brom najalot kantri garra bulurrum mi. Olabat garra laigim mi, en olabat garra weshipbat main neim. Olabat garra shoum rispek langa det Sebathdei, en olabat garra kipum det pramis weya wibin agri gija.  
\v 7 Ai garra bringimap olabat langa main seikridwan hil, en deya na olabat garra preisimbat mi langa main haus weya olabat oldei weshipbat langa mi. Wen olabat garra gibit mi sekrifais en ofring langa main teibul blanga ofring, ai garra jidan brabli gudbinji. En olabat garra sabi det Serramoni Pleis blanga main garra jidan blanga ola pipul brom ebri kantri blanga prei langa mi.\x + \xo 56:7 \xt Meth 21:13; Mak 11:17; Luk 19:46 \x*   
\p
\v 8 “Wal mi na, YAWEI det boswan God bin meigim det pramis blanga bringimbek ol main pipul hubin gowei prisana, en ai garra larram najalot pipul joinin garram olabat du.”   
\s1 God tok adbalawei langa ola lida blanga ola Isreil pipul  
\p
\v 9 Wal YAWEI bin kipgon tok, “Jis laik wailwan enimul gajimbat enijing blanga dagadagat, detlot pipul brom najawan kantri garra kaman blanga gajimbat yumob.  
\v 10 Ol yumob lidamob blanga ola Isreil pipul, yumob shudbi wotjimbat en maindimbat main pipul olabat, jis laik det stakmen maindimbat im shipmob. Bat yumob nomo luk enijing, en yumob nomo gibit eni woning langa olabat. Ebri naitaim en deitaim yumob oldei silip en drimdrimbat. Lagijat na yumob oldei dumbat.  
\v 11 Yumob brabli granggibala lida. Yumob jis laik detlot hanggriwan dog hu nomo abum naf daga. Yumob jis laik detlot stakmen hu oldei tridimbat olabat shipmob nogudbalawei, jis blanga meigim miselp sedisfaid.  
\v 12 Yumob oldei dalim miselp, ‘Wi garra kipgon dringgimbat raidap wi garra jidan brabli drangginbala. En tumorro wi garra dum lagijat igin. Wi garra abum brabli gudbala taim.’”   
\c 57  
\s1 Ola pipul blanga God garra jidan gudbalawei  
\p
\v 1 Wal gudbala pipul blanga God gitkil, en nomo enibodi wori blanga olabat. En nomo enibodi sabi olabat jidan seifwan brom ol detlot nogudbala trabul weya garra kaman bambai.  
\v 2 Bat detlot gudbala pipul hubin duwit langa God, wen dei dai, dei garra jidan gudbalawei.   
\s1 YAWEI nomo laigim detlot drimin sheip  
\p
\v 3 Wal YAWEI det trubala God bin tok, “Yumob pipul nomo bulurrum mi brabliwei. Yumob oldei go langa detlot klebabala pipul hu oldei dalimbat yumob wanim ting garra hepin, en blanga weshipbat drimin sheip. Wal yumob irrim brabli gudwei na, en teiknodis.  
\v 4 Langa hu yumob oldei meigimbat fan? En langa hu yumob mokimbat? Yumob luk wanim detlot nogudbala ting bin dum langa yumob. Ebribodi sabi yumob brabli nogudbala en laiyinbala.  
\v 5 Yumob oldei weshipbat detlot drimin sheip wen yumob silipsilipbat garram enibodi andanith langa detlot sheidiwan tri. Yumob oldei sekrifais yumob ronwan biginini ontop langa detlot teibul blanga ofring blanga detlot drimin sheip. Yumob bin dumbat detkain langa detlot beli en langa detlot stoniwan pleis.  
\v 6 Yumob laigim blanga weshipbat detlot drimin sheip weya yumob bin meigim brom ston. Yumob bin gibitbat detlot wain en sid daga ofring. Yumob reken ai garra gudbinji langa yumob?  
\v 7 Yumob nomo bin jidan trubala langa mi wen yumob bin oldei gibit sekrifais ofring langa detlot drimin sheip langa ola haibala hil. Im jis laik yumob bin spredimat yumob sweig en silipsilipbat garram enibodi.  
\v 8 Langa yumob ronwan kemp, yumob oldei pudum detlot nogudbala drimin sheip raidaran langa yumob sweig. Yuwai, yumob bin gibit bekboun langa mi. Yumob bin oldei silipsilip garram detlot hubin oldei peiyimbat yumob mani.  
\v 9 Yumob oldei pudum olkain gudsmelwan ting langa yumob bodi blanga go en weshipbat det drimin neim Molek, en yumob oldei askimbat detlot spirit blanga detlot dedbala pipul blanga kaman en album yumob.  
\v 10 Nomeda yumob bin nokap wen yumob bin oldei go ranranbat ebriweya blanga lukabat najawan drimin, yumob kaan neba stap. Najing. Det brabli nogudwan filing blanga yumob, imbin meigimbat yumob kipgon dumbat detlot nogudbala ting.  
\v 11 Maitbi yumob bin fogedabat langa mi na, en yumob nomo jidan trubalawei. Maitbi yumob bradin nomo lilbit blanga sambodi, indit? Yumob reken aibin jidan kwaitbala longtaim, en blanga tharran na yumob nomo jinggabat langa mi.   
\p
\v 12 “Yumob reken miselp brabli gudbala, bat ai garra shoum yumob wanim trubala.  
\v 13 Wal yumob jingat langa detlot drimin sheip blanga seibum yumob wen yumob abum trabul. Yumob lafta wotjim miselp, dumaji oni lilwan win garra kaman en blowimwei ol detlot drimin sheip blanga yumob. Bat if yumob kaman langa mi blanga album yumob, wal dijan kantri en main seikridwan hil garra jidan blanga yumob olagijawan.”   
\s1 YAWEI album detlot wikwan pipul  
\p
\v 14 Wal YAWEI bin kipgon tok, “Meigim det roud streitwan en redibala blanga main pipul olabat blanga kambek.   
\p
\v 15 “Mi na det holiwan God, en ai jidan langa hebin olagijawan. Nomeda ai jidan iya langa top langa dijan holiwan pleis, mi iya du blanga album detlot pipul hu oldei jidan lobala, en hu oldei trastimbat oni langa mi.  
\v 16 Main pipul olabat, ai kaan jidan wailwan olataim, en ai kaan kipgon faindimbat folt langa yumob. Dumaji mi na bin meigim yumob. Ai nomo wandim yumob garra gibap.  
\v 17 Dumaji yumob bin jidan brabli gridibala blanga olkain ting, yumob bin meigim mi brabli wail en aibin lafta panishim yumob. En ai nomo bin wandim album yumob du dumaji yumob bin kipgon gobek langa det nogudbalawei.   
\p
\v 18 “Ai sabi wotkain yumob. Bat ai garra album yumob na, en lidimbat yumob, en ai garra lukaftumbat detlot pipul hu oldei kraikraibat.  
\v 19 En dei garra stat singsingbat song en preisimbat langa mi. Nomeda weya yumob jidan, mi na YAWEI garra album yumob en meigim yumob jidan gudbinjiwei.\x + \xo 57:19 \xt Ifi 2:17 \x*  
\v 20 Bat detlot wikitwan pipul olabat jidan jis laik det rafwan solwoda weya oldei tjakambat mad.  
\v 21 Olabat kaan jidan gudbinjiwei.” Lagijat na YAWEI bin tok.\x + \xo 57:21 \xt Aisai 48:22 \x*   
\c 58  
\s1 Brabli trubala wed  
\p
\v 1 Wal YAWEI det trubala God bin dalim mi blanga jingat dijan mesij adbala langa im pipul olabat deya langa Isreil. YAWEI bin tok, “Yumob bin dum nogudbala ting. Yumob bin gibit bekboun langa mi na YAWEI.  
\v 2 Ebridei yumob oldei kaman en weshipbat mi, en yumob reken yumob wandim len wanim mi oldei titjimbat langa yumob. Yumob reken yumob oldei dum ebrijing mi tok en dum wanim rait. Yumob askim mi blanga gibit yumob feyago, en yumob meigim yumob ronselp gudbinji wen yumob weshipbat mi. Bat yumob jis geman. Yumob nomo bulurrum mi brabli trubalawei.   
\p
\v 3 “Yumob oldei tok, ‘Wotfo YAWEI nomo teiknodis langa melabat wen melabat jidanbat nomo garram eni daga, en jidan lobala?’  
\p “Bat langa det seimdei wen yumob stap dagadagatbat daga, yumob oni jinggabat blanga yumob ronselp en tridimbat yumob wekinmen nogudbalawei.  
\v 4 Yumob oldei gitwail kwikbala, en yumob jidan redi blanga fait. Blanga tharran na ai kaan lisin langa yumob wen yumob preipreibat.  
\v 5 Yumob reken mi wandim yumob blanga stap dagadagatbat daga, en blanga jidan brabli lobala jis laik det gras weya det win blowimbat en meigim im buldan langa graun? Yumob reken mi wandim yumob blanga werrimon sekbeigwan klos en jidan langa eshis? Yumob reken mi wandim dislot wen yumob weshipbat mi?   
\p
\v 6 “Wal ai garra dalim yumob wanim yumob garra dum en hau blanga weshipbat langa mi det trubala God. Yumob garra deigimat detlot tjein brom detlot prisana hu nomo bin abum feyago. Larramgo fri detlot pipul weya yumob bin lokimap blanga najing.  
\v 7 Yumob garra gibit yumob daga langa detlot hu oldei jidanbat hanggribala, en yumob garra larram detlot powan pipul hu nomo garram eni kemp jidan garram yumob. Yumob garra gibit klos langa detlot hu nomo garram klos blanga werrimon, en nomo gibit bekboun langa yumob rileishanmob.\x + \xo 58:7 \xt Meth 25:35 \x* \fig |src="dn00421Cr.tif" size="col" ref="58:7" \fig*   
\p
\v 8 “If yumob dum lagijat na ai garra seibum yumob kwikbala jis laik det lait kaman kwikbala langa deibreik, en yumob garra gitbeda kwikbala du. If yumob bulurrum det trubalawei blanga main, ai garra oldei maindimbat yumob, en det shainiwan lait blanga main garra oldei bulurrumbat yumob en lukaftumbat yumob.  
\v 9 Wen yumob oldei askim mi blanga album yumob, ai garra ensim yumob, ‘Mi iya garram yumob.’  
\p “Wal yumob nomo tridim najalot pipul nogudbalawei, en dalim olabat laiya wed en tok krulbalawei langa olabat.  
\v 10 Yumob garra gibit daga langa detlot pipul hu oldei jidanbat hanggribala, en yu garra lukaftumbat detlot pipul hu nomo garram kemp. Det lait blanga yumob garra shain langa dakbala pleis, en yumob garra jidan braitwan jis laik det san.  
\v 11 Mi na YAWEI garra oldei lidimbat yumob en gibitbat yumob gudbala ting blanga dagadagatbat wen yumob jidanbat langa det deset kantri. Ai garra meigim yumob jidan strongbala en brabli gudbala. Yumob garra jidan jis laik det gadin weya garram loda woda o jis laik det springwoda weya neba binij.  
\v 12 Yumob garra bildimap detlot haus igin weya deibin jidan bitsapwan longtaim. Pipul garra sabi yumob na bin bildimap detlot haus igin, en ola wol en strit blanga det taun du.   
\p
\v 13 “Bat basdam yumob garra rispek det Sebathdei blanga abum brabli gudtaim blanga weshipbat mi. Yumob garra toktok oni gudbalawei, en yumob garra stap dumbat wek en nomo dum wanim yumob wandim dum langa dijan speshalwan dei.  
\v 14 If yumob dum lagijat, yumob garra jidan brabli gudbinji, dumaji yumob sabi mi. Ai garra larram ola pipul ebriweya rispek langa yumob, en ai garra larram yumob jidan gudbalawei langa det kantri blanga yumob grengrenfatha Jeikob.” Lagijat na YAWEI bin tok.   
\c 59  
\s1 Woning blanga ola pipul hu dumbat nogudbala ting  
\p
\v 1 Wal aibin tok na, “Yumob irrim mi na. YAWEI det trubala God nomo bin lujim im brabli strongbala pawa en im nomo bin jadimap im irriwol. Im gin irrim yumob wen yumob oldei askimbat im en im gin ensim yumob preya.  
\v 2 Im nomo laigim irrim yumob samtaim, dumaji yumob oldei dumbat ola nogudbala ting, en tharran na kadimat yumob brom God. Blanga tharran na im nomo oldei ensim yumob preya en im nomo larram yumob blanga luk langa im feis.  
\v 3 Yumob oldei dalimbat laiya, en yumob oldei wandim kilimbat en faitfaitbat. Yumob jidan brabli giltiwan en yumob bingga oldei jidan garram detmatj blad.   
\p
\v 4 “En yumob nomo gibit feyago langa najalot pipul, en yumob oldei dalimbat laiya langa det kothaus. Yumob oldei dumbat nogudbala ting en meigimbat trabul.  
\v 5-6 Yumob oldei meigimbat plen blanga dum nogudbala ting langa najalot pipul. Olabat jis laik ol detlot poisinwan sneik weya kamat brom detlot eig blanga det poisinwan sneik. En detlot plen im jis laik yumob trai blanga meigim klos brom det spidaweb, bat yumob kaan meigim klos garram det web en yumob kaan blandim miselp biyain langa tharran, dumaji yumob brabli nogudbala en krulbala.  
\v 7 Yumob oldei go kwikbala blanga dumbat rong ting, o blanga go en medrimbat gudbala pipul. En yumob oldei jinggabat blanga dumbat nogudbala ting. Ebriweya yumob go yumob oldei binijimap ola ebrijing, en yumob libum ebrijing jidan rabishwei.  
\v 8 Yumob nomo sabi hau blanga jidan gudwei, en yumob nomo gibit feyago langa najalot pipul du. Najing. Yumob oldei dumbat nogudbala ting garram yumob laif, en detlot pipul hu bulurrumbat yumob, olabat kaan faindim det gudbalawei.” Lagijat na aibin tok.\x + \xo 59:8 \xt Rom 3:15-17 \x*  
\s1 Detlot pipul tok sori blanga olabat nogudbalawei  
\p \fig |src="prayer.tif" size="col" ref="59:9" \fig*  
\v 9 Wal detlot pipul bin tok, “Nobodi bin kaman blanga album melabat en gibit melabat feyago. Melabat bin wandim luk det san weya im oldei shain, bat melabat bin oldei lukinatbat det dakbala.  
\v 10 Melabat oldei wokwokbat jis laik melabat blainwan, en melabat oldei buldan eniweya wen det san im stil langa top, jis laik im stil naitaim. Melabat kaan luk enijing. Melabat jis laik dedbala men.  
\v 11 Melabat jingat soriwei jis laiga hanggriwan beya. Melabat wandim God blanga seibum melabat en gibit melabat feyago, bat najing.   
\p
\v 12 “Haumeni taim melabat bin dum nogudbala ting en gibit bekboun langa yu, YAWEI? Blanga melabat nogudbalawei, im meigim melabat jidan giltiwan. Melabat bin oldei dumbat rong ting.  
\v 13 Melabat bin gibit yu bekboun, en melabat nomo bin laigim bulurrumbat yu. Blanga melabat hat, im oldei dalim melabat blanga kipgon dumbat nogudbala ting en melabat oldei dalimbat laiya. En melabat bin oldei dum krulbala ting langa najalot pipul, en melabat bin gibit bekboun langa yu.  
\v 14 Nomo enibodi gibit feyago langa enibodi. Nomo enibodi tok trubalawei langa det kothaus bat oldei toktok ola laiyawan wed.  
\v 15 Ebribodi oldei dalimbat laiya, en detlot pipul hu oldei gibit bekboun langa det nogudbala ting, olabat abum brabli adtaim na.” Lagijat na detlot pipul bin tok.  
\s1 YAWEI garra seibum im pipul olabat  
\p Wal wen YAWEI bin sabi det trubalawei bin gowei, imbin brabli nogudbinji.  
\v 16 En imbin hatjamp en brabli nogudbinji blanga sabi nobodi nomo bin wandim album detlot pipul hu nomo bin abum feyago. En blanga tharran na imbin kaman imselp garram im brabli strongbala pawa blanga seibum olabat en gibit olabat feyago.\x + \xo 59:16 \xt Aisai 63:5 \x*  
\v 17 YAWEI oldei gibit feyago langa ebribodi jis laik det speshalwan klos weya det solja werrimon blanga fait. En imbin seibum olabat, en tharran jis laik det speshalwan het weya det solja oldei werrimon blanga stapam enijing brom kilimbat im langa hed. Imbin panishim en peiyimbek ebribodi en tharran jis laik detlot speshalwan klos det solja werrimon blanga fait.\x + \xo 59:17 \xt Ifi 6:14,17; 1 Thes 5:8 \x*  
\v 18 Wal YAWEI garra brabli wail en panishim im enamimob blanga wanim olabat bin oldei dumbat langa im pipul olabat. Im garra panishim olabat nomeda olabat jidan gulijap o longwei.  
\v 19 Im garra kaman jis laik det fladwoda en det brabli strongbalawan win. En langa det taim na ola pipul brom sanraiswei en brom sangodanwei garra preisim im brabli gudbala neim en shoum rispek langa im.   
\p
\v 20 Wal YAWEI bin tok, “Ai garra seibum Jerusalem, en detlot bigininimob blanga Jeikob hubin tenim miselp brom olabat nogudbalawei.\x + \xo 59:20 \xt Rom 11:26 \x*  
\v 21 En ai meigim dijan strongwan pramis garram yumob. Ai garra gibit yumob main spirit en main mesij. Ai garra gibit olabat langa yumob en yumob femilimob olagijawan.” Lagijat na YAWEI bin tok.   
\c 60  
\s1 Det nyubala dei blanga Jerusalem  
\p
\v 1 Wal YAWEI bin tok, “Gidap ol yumob pipul langa Jerusalem! Jandap en larram det lait blanga yumob shain. Dumaji det lait brom YAWEI det trubala God im shain brabliwei langa yumob.  
\v 2 Ola pipul langa najalot kantri langa dijan wel oldei jidan langa dakbala, bat det brabli braitwan lait en pawa blanga mi na YAWEI garra oldei shain langa yumob.  
\v 3 Ola king en ola pipul brom detlot najalot kantri garra luk det lait, en olabat garra kaman langa yumob.”   
\s1 Ola pipul garra kaman langa Jerusalem  
\p
\v 4 Wal YAWEI bin kipgon tok, “Wal yumob opinim det dubala ai blanga yumob. Yumob luk olaran. Bigismob pipul kaminap. Ol yumob san kaminap brom longweiwan kantri, en sambala pipul garrimap yumob doda jis laik lilwan biginini.  
\v 5 Wen yumob garra luk dijan hepin, blanga yumob feis garra shain nomo lilbit. Yumob garra hatjamp en yumob garra jidan brabli gudbinjiwei. En najalot pipul garra bringimap ola gudbala ting brom detlot kantri najasaid langa det solwoda.   
\p
\v 6 “En bigismob pipul garra kaman garram olabat kemulmob brom det dubala kantri gulum Midiya en Ifa en dei garra bringimap ola gudwan enijing. En najalot pipul brom Shiba garra kaman garram ola gol en gudsmelwan medisin blanga preisimbat mi.  
\v 7 En detlot pipul brom det dubala kantri gulum Keda en Neibayoth garra bringimap ola ship blanga gibit langa yumob blanga detlot sekrifais ofring langa mi. En langa det dei na main Serramoni Pleis garra jidan mowa gudwan en purdibala.   
\p
\v 8 “Wanim tharran im floutfloutbat jis laik klaud deya langa top? Im flaiflaibat jis laik det bard gulum dab wen im gobek langa im nes.  
\v 9 Im ol detlot bigwan bout blanga Tashish redibala blanga bringimbek main pipul olabat. En olabat bringimap detmatj silba en gol blanga preisimbat mi na YAWEI det brabli holiwan God blanga ola Isreil pipul. En mi na bin meigim ol detlot pipul blanga najalot kantri blanga preisimbat yumob, main pipul olabat.”   
\s1 Dei garra bildimbek Jerusalem  
\p
\v 10 Wal YAWEI bin kipgon tok, “Jerusalem, detlot pipul brom najalot kantri garra bildimbek detlot wol blanga yu, en ola boswan garra wek blanga yu. Aibin wail langa yu en aibin panishim yu, bat ai garra shoum yu ai laigim yu detmatj, en ai garra kain langa yu.  
\v 11 Yu garra abum detlot geit jidan opinwan deitaim en naitaim wulijim detlot boswan langa najalot kantri garra bringimap ola pipul garram ol detlot gudbala ting blanga olabat langa yu.\x + \xo 60:11 \xt Reb 21:25,26 \x*  
\v 12 Bat detlot pipul brom najalot kantri, hu kaan dumbat wek blanga yu, olabat garra ol binijap.   
\p
\v 13 “Olabat garra gajimbat en bringimap langa yu detlot gudwan wud brom ola difrinkain tri langa det kantri gulum Lebanan. Olabat garra yusumbat ol detlot wud blanga bildimap main Serramoni Pleis en meigim im luk brabli purdiwan.  
\v 14 Detlot biginini blanga yu enamimob hubin heidimbat yu en tridimbat yu nogudbalawei, olabat garra kaman en nildan langa yu fut. Olabat garra tok, ‘Dijan na det taun gulum Saiyan. Im det taun blanga YAWEI det brabli holiwan God blanga ola Isreil pipul.’\x + \xo 60:14 \xt Reb 3:9 \x*   
\p
\v 15 “Basdam ola pipul bin fogedabat yu, en heidimbat yu. Bat ai garra meigim yu brabli bigwan en purdiwan, en ai garra meigim yu jidan brabli gudbinji olagija.  
\v 16 Yu garra abum ola gudwan ebrijing brom ola king brom najalot kantri, en yu garra sabi mi na det brabli strongbalawan God blanga ola Isreil pipul hubin seibum yu en larramgo yu fri.   
\p
\v 17 “Basdam aibin gibit yu wud en ston, bat dijan taim ai garra bringimap langa yu kopa en aiyan en gol en silba. Blanga yu boswan, ai garra meigim olabat jidan gudbalawei en olabat garra gibit ebribodi feyago.  
\v 18 En langa det taim yu kaan irrimbat enibodi faitfaitbat enimo. En nogudbala trabul kaan spredat langa yu kantri igin. Ai garra oldei maindimbat en lukaftumbat yu. Mi na jis laik det bigwan wol. Yu garra oldei preisimbat mi, dumaji aibin seibum yu.   
\p
\v 19 “Det san en mun kaan jidan enimo blanga gibit yu lait. Mi na YAWEI garra jidan det lait blanga yu, en main lait garra shain mowa braitwan langa det mun en san. Main brabli shainiwan lait garra shain langa yu.\x + \xo 60:19 \xt Reb 21:23; 22:5 \x*  
\v 20 Det soribala taim blanga yu garra binij, en mi na YAWEI garra jidan det olagijawan lait blanga yu.  
\v 21 Blanga yu pipul olabat garra dumbat ola raitwan ting, en olabat garra abum olabat ronwan kantri olagijawan. Olabat jis laik detlot tri aibin plentim en meigim olabat blanga shoum main strongbala pawa langa najalot pipul.  
\v 22 Eni lilwan femili garra jidan brabli bigwan femili en klen en traib. Wen det rait taim garra kaman bambai, ai garra meigim dijan hepin kwikbala.” Lagijat na YAWEI bin tok.   
\c 61  
\s1 Gudbala nyus  
\p
\v 1 Wal det spirit blanga YAWEI det boswan God im jidan garram mi na, dumaji im na bin pikimat langa mi en imbin jandim mi blanga dalimbat det gudbala nyus langa ola powan pipul, en blanga album detlot hubin jidanbat sedwan, en blanga dalimbat detlot hu jidan prisana olabat garra jidan friwan.  
\v 2 Imbin jandim mi blanga dalim olabat det taim bin kaman wen YAWEI det trubala God garra seibum im pipul olabat, en im garra panishim olabat enamimob. Imbin jandim mi blanga kain langa detlot pipul hu oldei kraikraibat en jidan soribalawei langa Jerusalem.\x + \xo 61:2 \xt Meth 5:4; 11:5; Luk 4:18,19; 7:22\x*  
\v 3 Imbin jandim mi blanga gibit olabat purdiflawa, dumaji olabat bin oldei jidan soribalawei. Imbin jandim mi blanga gibit olabat oliboil blanga meigim olabat jidan hepiwan, dumaji olabat bin oldei kraikraibat. Ai garra meigim olabat sing gudbinjiwei, dumaji olabat bin oldei jidan brabli nogudbinjiwei. Olabat garra jidan jis laik detlot tri weya YAWEI bin plentim wulijim olabat garra oldei preisimbat im neim.  
\v 4 En afta na, olabat garra bildimbek detlot taun weya bin jidan bitsapwan longtaim.   
\p
\v 5 Yumob Isreil pipul garra gajimbat pipul brom najalot kantri blanga lukaftumbat ola ship, en ola fam weya yumob oldei growimap ola greiptri.  
\v 6 En yumob garra jidan serramonimen en wekinmen blanga YAWEI. Yumob garra abum detlot silba en gol brom najalot kantri en yumob garra jidan brabli ritjwan.  
\v 7 Basdam pipul bin mokimbat yumob en meigim yumob abumbat adtaim, bat najing na. Yumob garra jidan brabli gudbalawei olagijawan.   
\s1 YAWEI wandim ebribodi garra abum feyago  
\p
\v 8 Wal YAWEI bin tok, “Ai garra gibit feyago langa main pipul olabat, bat ai nomo laigim pipul hu oldei stilimbat, en nomo tridimbat najalot pipul gudbalawei. Ai garra meigim strongbala pramis langa main pipul blanga lukaftumbat olabat olagijawan.  
\v 9 Detlot bigininimob blanga yumob garra jidan brabli haibala langa najalot pipul langa najalot kantri. Ebribodi garra luk langa olabat, en dei garra sabi mi na YAWEI bin oldei album dislot pipul.” Lagijat na YAWEI bin tok.   
\s1 Mi brabli gudbinji en mi jinginat brabli adbala  
\p
\v 10 Mi brabli gudbinji en mi jinginat brabli adbala, dumaji mi sabi YAWEI im main God. Imbin seibum mi en gibit mi feyago. Tharran im jis laik detlot klos weya mi oldei werrimbat. Olabat mowa purdiwan langa detlot najalot purdiwan ting det gel o boi oldei werrimon wen dei redi blanga git merrit.\x + \xo 61:10 \xt Reb 21:2 \x*  
\v 11 YAWEI det boswan God garra gibit ebribodi langa ola kantri feyago en seibum olabat. En olabat garra preisim im langa ebri kantri langa dijan wel, jis laik detlot purdiflawa gro langa ola gadin afta det rein im binij.   
\c 62  
\s1 YAWEI garra seibum ola pipul langa Jerusalem  
\p
\v 1 Wal aibin tok na, “Ol yumob pipul langa Jerusalem, ai garra tok blanga yumob gudbalawei. En ai kaan neba jidan kwaitbala, raidap yumob garra jidan brabli gudbalawei langa seifwan pleis, en yumob garra shain jis laik det gudwan faiya.  
\v 2 Wen yumob jidan gudwei, ola pipul brom ebri kantri en olabat king garra luk langa yumob. En YAWEI det trubala God garra gibit yumob nyuwan neim.  
\v 3 Yumob garra jidan jis laik purdiwan het langa YAWEI bingga, jis laik det het det king oldei werrimon.  
\v 4 Yumob neim im kaan jidan ‘Nomo Garram Enibodi’ enimo, bat det neim blanga yumob garra jidan ‘Merrit Gudbinjiwei.’ Yumob garra meigim YAWEI brabli gudbinji, en yumob kantri garra jidan jis laik im waif.  
\v 5 Yumob pipul garra teikoba det kantri, jis laik det yangboi weya im gajim det yanggel blanga jidan im waif. YAWEI garra brabli gudbinji blanga yumob, jis laik det men weya im gudbinji blanga im nyuwan waif.   
\p
\v 6 “Ol yumob pipul langa Jerusalem, YAWEI bin pudum solja blanga maindim detlot wol blanga yumob, en dei garra preipreibat langa YAWEI ebri deitaim en naitaim, en olabat kaan neba silip.  
\v 7 En dei kaan larram im silip du, raidap im garra meigim Jerusalem brabli strongbala en brabli haibala ebriweya.   
\p
\v 8 “Wal YAWEI bin gibit im wed, en imbin meigim dijan pramis, ‘Ai kaan neba gibit yumob enami olabat ol detlot sid daga en greip daga weya yumob bin plentimbat en dumbat adwek.  
\v 9 Trubala yumob bin gajimbat detlot sid daga en greip daga, en yumob garra dagat det damba en yumob garra jidan brabli gudbinji en preisimbat mi na YAWEI, en yumob garra dringgimbat det wain insaid langa main Serramoni Pleis.’   
\p
\v 10 “Ol yumob pipul langa Jerusalem, yumob opinim detlot geit. En yumob meigim det roud gudbala langa det taun, en deigimwei detlot ston langa roud, en pudumap det fleig blanga album detlot pipul brom najalot kantri blanga faindim det wei.  
\v 11 En dijan na YAWEI bin tok wulijim ola pipul langa dijan wel garra lisin, ‘Ai garra kaman dregli blanga seibum yumob pipul langa Saiyan deya langa Jerusalem, en ai garra gibit yumob gudbala ting.\x + \xo 62:11 \xt Aisai 40:10; Reb 22:12 \x*  
\v 12 Afta ai kaman, yumob neim garra jidan “Ronwan Pipul blanga YAWEI” en “Detlot Pipul weya YAWEI bin seibum”. En dei garra gibit Jerusalem nyubala neim, “Det Taun weya God Laigim” en “Det Taun weya Bigmob Pipul Jidan”.’”   
\c 63  
\s1 YAWEI bin win det wo langa ola najalot kantri  
\p
\v 1 Wal aibin tok, “Hu dijan kaminap brom det taun gulum Bosra deya langa det kantri gulum Idam garram redwan mak oloba im klos? Hu dijan brabli haibalawan wokwokbat garram brabli speshalwan klos?  
\p “En YAWEI bin ensim, ‘Mi na dijan, YAWEI det trubala God. Aibin win det wo na, en ai garram pawa blanga seibum yumob du.’   
\p
\v 2 “Wanim detlot redwan mak oloba langa yu klos? Im luk jis laik yubin wokwokbat langa detlot greip daga blanga meigim wain.   
\p
\v 3 “Wal YAWEI bin tok, ‘Aibin brabli wail, en aibin lafta pudum main but langa detlot pipul brom ol detlot najalot kantri, jis laik aibin pudum main but langa detlot greip daga, en nomo eni pipul brom eni kantri bin album langa mi. En wen aibin dum lagijat, imbin meigim main klos jidan garram olabat blad oloba langa main klos.\x + \xo 63:3 \xt Reb 14:20; 19:13,15 \x*  
\v 4 Aibin dum dijan blanga peiyimbek detlot enami, dumaji det taim bin kaman blanga seibum main pipul olabat.  
\v 5 Nomo enibodi bin deya blanga album en bekimap mi bat dumaji aibin brabli wail en tharran bin meigim mi mowa strongbala aibin win det wo.\x + \xo 63:5 \xt Aisai 59:16 \x*  
\v 6 Wen aibin brabli wail aibin pudum main but langa detlot pipul brom najalot kantri, en aibin meigim olabat buldan langa graun en olabat blad bin spil ebriweya langa dijan wel.’ Lagijat na YAWEI bin tok.”\x + \xo 63:6 \xt Aisai 34:5-17; Jera 49:7-22; Isik 25:12-14; 35:1-15; Eimos 1:11,12; Oba 1:1-14; Mel 1:2-5 \x*  
\s1 YAWEI im brabli gudbala langa im pipul olabat  
\p \fig |src="praise.tif" size="col" ref="63:7" \fig*  
\v 7 Wal aibin tok, “Ai garra dalim yumob blanga YAWEI en hau im kipgon laigimbat wi, en ai garra preisim im blanga ol detlot gudbala ting weya YAWEI bin dumbat blanga wi. Ai garra jidan gudbinjiwei langa im dumaji YAWEI bin shoum imbin kipgon laigimbat wi, en imbin jidan brabli kainbala en brabli gudbala langa wi, ola Isreil pipul.   
\p
\v 8 “YAWEI bin seibum im pipul olabat, en imbin tok, ‘Olabat na main pipul, en olabat kaan neba gowei brom mi en gibit mi bekboun eni mowa.’  
\v 9 Dumaji olabat bin oldei ardimbat, wal YAWEI bin oldei ardimbat lagijat du, en det einjul blanga im bin seibum ol im pipul olabat. YAWEI bin brabli kainbala en imbin seibum im pipul olabat. Imbin oldei maindimbat olabat en imbin oldei lukaftumbat olabat brom longtaim.  
\v 10 Bat detlot pipul blanga YAWEI bin gibit im bekboun en olabat bin meigim im holi spirit jidan brabli sedwan. En YAWEI bin jidan enami blanga olabat en bin faitfaitbat langa olabat.   
\p
\v 11 “Bat afta na im pipul olabat bin jinggabat wanim bin hepin longtaim wen Mosis, det wekinmen blanga God bin jidan. En deibin tok na, ‘YAWEI, imbin seibum ol detlot Isreil pipul wen imbin bringimap olabat thru langa det bigbala solwoda, indit? YAWEI bin gibit olabat lidamob im holi spirit du, indit?  
\v 12 Weya det strongbala pawa blanga YAWEI hubin oldei wokwokbat garram Mosis? Wi garra gibitbat theingks langa YAWEI olataim, dumaji im na bin kadimat det solwoda gulum Redsi.\x + \xo 63:12 \xt Eksa 14:21 \x*  
\v 13 Im na bin go lida langa im pipul olabat, jis laik strongwan hosis ranranbat en nomo buldan.  
\v 14 Blanga im spirit na bin oldei meigimbat olabat abumbat spel, jis laik detlot buligi weya abumbat spel langa hil kantri. Wi garra gibitbat theingks langa YAWEI olataim, dumaji im na bin dum ol dislot ting.’ Lagijat na detlot pipul bin tok.”  
\s1 Detlot pipul blanga YAWEI askim im blanga albumbat olabat  
\p \fig |src="prayer.tif" size="col" ref="63:15" \fig*  
\v 15 Wal detlot pipul blanga YAWEI bin prei na, “YAWEI, yu lukdan brom yu brabli holiwan en shainiwan pleis en yu luk wanim hepining iya langa dijan wel. Maitbi yubin fogedabat melabat? Weya yu pawa? Yu shoum melabat yu oldei laigim melabat, en yu oldei kain langa melabat.  
\v 16 Melabat grengrenfatha Eibrahem en Jeikob nomo bin sabi melabat. Bat yu stil jidan dedi blanga melabat. Yubin oldei seibum melabat brom longtaim.  
\v 17 Wotfo yubin larram melabat gowei brom yu, YAWEI? En wotfo yubin larram melabat nomo duwit langa yu? Melabat wandim yu blanga tjeinjim yu main. Dumaji melabat yu ronwan wekinmen, en yu ronwan pipul olabat du.   
\p
\v 18 “Det serramoni pleis blanga yu bin jidan blanga melabat, bat oni blanga lilwail, dumaji detlot enami blanga melabat bin pulumdan det serramoni pleis.  
\v 19 Melabat jidan jis laik yu nomo bin jidan bos blanga melabat, en yu nomo bin gulum melabat yu ronwan pipul olabat.”   
\c 64  
\p
\v 1 Wal detlot pipul bin kipgon prei, “YAWEI, yu kaman na, en opinimap det skai. Yu meigim dislot bigwan hil sheiksheikbat nomo lilbit du.  
\v 2 Yu stadimap det faiya en meigim det woda boilap wulijim detlot enami blanga yu garra sabi hu yu, en ola pipul langa ebri kantri garra sheiksheikbat nomo lilbit, dumaji olabat garra sabi yu kaminap gulijap na.  
\v 3 Longtaim yubin meigim melabat hatjamp en bradin nomo lilbit wen melabat bin luk wanim yubin dum, en detlot bigwan hil bin sheiksheikbat nomo lilbit du wen yubin kamdan.  
\v 4 Nomo enibodi bin luk o irrim lagijat brom drimin o enibodi dumaji oni yu na oldei dumbat ola klebabala ting blanga detlot pipul hu oldei trastimbat oni langa yu.\x + \xo 64:4 \xt 1 Karin 2:9 \x*  
\v 5 Yu oldei album detlot pipul hu oldei dum wanim yu wandim olabat blanga dum, bat yu oldei gitwail kwikbala wen olabat dumbat ola nogudbala ting. Longtaim na melabat bin kipgon dumbat nogudbala ting. Oni yu na gin album en seibum melabat.  
\v 6 Melabat nomo gudbala blanga kaman en weshipbat langa yu. Melabat gudbalawei jidan jis laik detlot dardiwan reig. Det nogudbalawei blanga melabat, im deigidawei melabat brom yu, jis laik det strongbala win deigidawei detlot draiwan lif.  
\v 7 Nomo eni pipul oldei kaman blanga weshipbat langa yu neim, o jidan brabli trubalawei langa yu. Yubin gibit melabat bekboun, en yubin larram melabat nogudbalawei tenimwei melabat brom yu du.   
\p
\v 8 “YAWEI, yu na jidan melabat dedi. Melabat jis laik det klei, en yu na bin meigim melabat.  
\v 9 Yu nomo jinggabat det nogudbalawei blanga melabat, en yu nomo gitwail langa melabat. Yu sabi melabat holot yu ronwan pipul.  
\v 10 Detlot taun blanga yu, olabat jidan deset kantri na, en Jerusalem im jidan moweswan.  
\v 11 Det seikridwan Serramoni Pleis blanga yu weya bin jidan langa Saiyan en weya melabat grengrenfathamob bin oldei preisimbat langa yu, imbin ol barnap langa faiya. Det purdiwan pleis jidan bitsapwan na.  
\v 12 Wen yu luk dislot ting hepinbat, wotfo yu jis jidan deya en larram melabat abumbat pein?” Lagijat na detlot pipul blanga YAWEI bin prei.   
\c 65  
\s1 YAWEI garra panishim ol detlot giltiwan pipul  
\p
\v 1 Wal YAWEI bin tok, “Wal mi na YAWEI det trubala God, en aibin ensim detlot pipul, nomeda olabat nomo bin askim langa mi, en detlot pipul bin faindim mi, nomeda olabat nomo bin lukabat mi. En langa olabat na aibin tok, ‘Wal mi iya na.’\x + \xo 65:1 \xt Rom 10:20 \x*  
\v 2 Aibin trai blanga album main ronwan pipul olabat, bat olabat bin brabli granggibala en nogudbala pipul hubin wandim go langa olabat ronwei.\x + \xo 65:2 \xt Rom 10:21 \x*  
\v 3 Olabat kipgon meigimbat mi wail, dumaji olabat oldei meigimbat fan langa mi wen olabat oldei gibit sekrifais ofring langa detlot drimin sheip langa detlot seikridwan gadin, en wen olabat barnimbat det gudsmelwan medisin ontop langa detlot stonwan teibul blanga ofring.  
\v 4 Naitaim olabat oldei go langa detlot greibyad blanga askim detlot spirit blanga dedbala pipul, en olabat oldei dagadagatbat det bigibigi bif, en olabat oldei gugumbat garram det jus weya olabat bin meigim brom detlot najalot daga weya olabat nomo bin lau blanga dagat.  
\v 5 En afta olabat oldei dalim najalot pipul, ‘Yumob nomo kaman gulijap langa melabat. Dumaji melabat brabli speshalwan blanga God.’ Olabat jidan jis laik det nogudwan smok weya oldei meigimbat main nos ardim nomo lilbit.   
\p
\v 6 “Luk iya na. Aibin raidimdan dijan, dumaji ai nomo bin wandim jidan kwaitbala enimo. Dumaji ai garra peiyimbek olabat blanga olabat nogudbalawei.  
\v 7 Dumaji mi na YAWEI garra meigim olabat pei blanga olabat nogudbalawei, en blanga detlot nogudbalawei blanga olabat grengrenfathamob du. Olabat bin meigim mi sheim wen olabat bin oldei barnimbat detlot gudsmelwan medisin ontop langa detlot bigwan hil.   
\p
\v 8 “Wal mi na YAWEI tok dijan. Jis laik yu kipum eni brabli gudbala greip daga blanga meigimbat wain, wal seimwei du ai kaan binijimap ol main pipul olabat. Ai garra seibum sambala wekinmen blanga mi hubin oldei jidan trubalawei.  
\v 9 Ai garra seibum sambala pipul blanga Isreil en Juda, en ai garra gibit olabat loda biginini. En olabat garra jidan iya langa dijan kantri en dijan kantri garra kipgon blanga olabat na.  
\v 10 Olabat garra kaman en weshipbat oni langa mi na. Brom det solwodasaid blanga Sheran en ol det kantri raidap langa det longwei pleis gulum Ekowa Beli holot garra jidan brabli grinwan blanga ola buligi en ship wulijim dei gin fidimbat en silip deya.\x + \xo 65:10 \xt Josh 7:24-26 \x*   
\p
\v 11 “Wanim mi na YAWEI garra dum if enibodi gibit bekboun langa mi, en fogedabat main seikridwan pleis? Wanim garra hepin langa enibodi hu gibitbat detlot daga en wain ofring langa det dubala drimin gulum Gudlak en Im Oldei Hepin Lagijat?  
\v 12 Blanga yumob gudlak, im garra binij na. Ai garra meiksho det bigbala naif garra kadimap yumob. Yumob nomo bin wandim ensim langa mi wen aibin jinginatbat langa yumob, en yumob nomo bin teiknodis langa mi du. Bat yumob bin kipgon dumbat wanim ai nomo bin laigim, en yumob bin sabi yumob bin oldei dumbat ola rongwan ting.   
\p
\v 13 “Wal mi na YAWEI garra gibit daga en woda langa main wekinmenmob, en olabat garra abum bigwan padi. Bat ol yumob nogudbala pipul garra jidan hanggribala en thestibala, en yumob garra sheim miselp nomo lilbit.  
\v 14 Main wekinmenmob garra laflaf en singsingbat, bat yumob garra kraikraibat garram detmatj pein en yumob garra jidan brabli sedwan na.  
\v 15 Mi na YAWEI det boswan God, bin meigim dijan pramis en yumob garra gitkil en detlot wekinmen blanga main garra yusumbat yumob neim nogudbalawei. Bat ai garra gibit main wekinmenmob nyubala neim na.  
\v 16 Mi na God. Yumob gin trastim langa mi. Yumob bin oldei abumbat loda trabul, bat im ol gon na. Ai kaan jinggabat tharran enimo na. Wen yumob oldei prei blanga sambodi blanga gajim ola gudbala ting, en wen yumob meigim eni pramis, yumob garra oldei dum tharran garram main neim, dumaji oni mi na wanbala God, en yumob gin trastim langa mi.”   
\s1 YAWEI bin meigimbat ebrijing nyubala  
\p
\v 17 Wal YAWEI bin kipgon tok, “Wal ai garra meigim det nyubala hebin en det nyubala graun. Nomo enibodi garra jinggabat det olbalawei igin.\x + \xo 65:17 \xt Aisai 66:22; 2 Pida 3:13; Reb 21:1 \x*  
\v 18 Yumob garra gudbinji en jidan brabli hepiwan olagija, dumaji ai garra meigim nyuwan Jerusalem, garram loda hepiwan pipul.  
\v 19 Ai garra abum bigwan padi langa Jerusalem garram ol main pipul olabat. Nomo enibodi kaan kraikraibat en jidan sedwan enimo langa det taun.\x + \xo 65:19 \xt Reb 21:4 \x*  
\v 20 Nomo eni lilwan beibi kaan neba dai deya, en ebribodi garra jidan raidap im jidan brabli olwan. Enibodi hu jidan 100 yiya ol, olabat garra reken im brabli yangwan, en if enibodi binij bifo im 100 yiya ol, ebribodi garra sabi aibin panishim im.  
\v 21 Main pipul olabat garra jidan langa detlot haus wen olabat bin bildimap. Olabat garra jidan brabli gudbinjiwan wen olabat dagadagat detlot greip daga brom olabat ronwan greip fam.  
\v 22 Nomo enibodi kaan neba deigidawei olabat haus en greip fam igin. Main pipul olabat garra jidan brabli olwan, jis laik detlot olbala tri, en olabat garra gudbinji blanga wanim olabat bin oldei dumbat.  
\v 23 Det wek blanga olabat, dei kaan weistim en olabat bigininimob kaan dai brom eni nogudbala siknis. Ai garra oldei albumbat olabat bigininimob, en olabat grenkid du.  
\v 24 Ai garra oldei ensim olabat preya bifo olabat binij preipreibat.  
\v 25 Ola wailwan dog en lilwan ship garra wokabat en dagadagat daga mijamet. En ola buligi en laiyan garra dagadagat gras mijamet du. Ola sneik garra dagadagat oni graun. Olabat kaan baidim enibodi o ardim enibodi langa main seikridwan hil.” Lagijat na YAWEI tok.\x + \xo 65:25 \xt Aisai 11:6-9 \x*   
\c 66  
\s1 Weship YAWEI trubalawei  
\p
\v 1 Wal YAWEI bin tok, “Wal ai jidan langa hebin en ai pudum main fut langa dijan graun. Wotkainaba haus yu garra bildimap blanga main blanga jidan?\x + \xo 66:1 \xt Meth 5:34,35; 23:22 \x*  
\v 2 Wal mi na YAWEI det trubala God bin meigim ebrijing. Detlot pipul weya mi laigim olabat brabliwei, dei oldei jidan lobala en dei oldei jinggabat oni langa mi blanga albumbat olabat, en olabat sheik wen dei irrim mi toktokbat.\x + \xo 66:2 \xt Eks 7:49,50 \x*   
\p
\v 3 “Yumob oldei sekrifais buligi langa mi, bat stil yumob laigim kilimbat enibodi. Yumob oldei gibit ship ofring blanga sekrifais langa mi, bat stil yumob sekrifais dog langa detlot drimin. Yumob oldei gibit sid daga ofring langa mi, bat stil yumob gibit det bigibigi blad blanga ofring langa detlot drimin sheip. Yumob oldei barnimbat gudsmelwan medisin langa mi, bat stil yumob oldei preisimbat langa detlot drimin sheip. Yumob bin meigimbat yumob ronwan plen blanga dum ol dislot nogudbala ting. Yumob reken detkain na meigim yumob brabli gudbinji.  
\v 4 Yumob bin jadimap yumob irriwol wen aibin oldei jingat langa yumob. En yumob nomo bin teiknodis langa main wed. Bat yumob bin dum ebrijing ai nomo laigim, nomeda yumob bin sabi deibin rong. Wal ai garra lafta panishim yumob garram detlot trabul weya meigim yumob brabli bradin.” Lagijat na YAWEI bin tok.   
\s1 YAWEI garra album Jerusalem  
\p
\v 5 If yumob sheiksheik wen YAWEI tok, yumob garra irrim langa im gudwei. Im tok, “Sambala yumob ronwan pipul nomo laigim yumob en olabat gibit bekboun langa yumob, dumaji yumob laigim en jidan trubala langa mi. Olabat oldei meigimbat fan blanga yumob en dei oldei tok ‘Larram YAWEI shoum im pawa. Larram wi luk im meigim olabat jidan brabli hepiwan.’ Bat detlot pipul hu tok ol dislot ting garra sheim miselp brabliwei.” Lagijat na YAWEI bin tok.  
\v 6 Yumob lisin det nois! Im kamat brom det taun, en brom insaid det Serramoni Pleis. Wal tharran na YAWEI. Im jinginat adbala en im panishimbat im enamimob.   
\p
\v 7 “Yumob bin irrim eni wuman bin abum im beibi bifo imbin abum pein?\x + \xo 66:7 \xt Reb 12:5 \x*  
\v 8 Hubin irrim dislot ting, en hu reken im hepin lagijat? Yumob reken ola pipul langa wanbala kantri gin bon seimdei, o gidap laibala seimtaim? Jerusalem im jis laik det mamiwan hubin stat abumbat pein, en det beibi bin bon streidawei.  
\v 9 Wal YAWEI na gibit laif langa ola biginini. En im garra larram Saiyan abum bigismob biginini.” Lagijat na YAWEI bin tok.   
\p
\v 10 Wal YAWEI bin tok, “If yumob laigim Jerusalem detmatj, wal yumob garra abum bigbala padi en yumob garra jinginat gudbinjiwei. En if yumob bin wori blanga det taun, wal yumob nomo kipgon woriworibat. Yumob garra jidan brabli gudbinji na.  
\v 11 Dumaji Jerusalem im jis laik yumob ronwan mami, im garra nesimbat en albumbat yumob raidap yumob garra sedisfaid. En yumob garra jidan brabli hepiwan langa det brabli gudbala taun.   
\p
\v 12 “En ai garra meigim Jerusalem abum bigismob ebrijing brom najalot kantri, en yumob garra jidan brabli ritjwan langa Jerusalem. En Saiyan garra nesimbat yumob, en ai garra garrimapbat yumob en ai garra holdimbat yumob olataim.  
\v 13 Ai garra oldei maindimbat langa yumob deya, jis laik det mamiwan weya im oldei maindimbat im beibi.  
\v 14 Wen yumob luk dislot ting hepin lagijat, yumob garra brabli gudbinji en ai garra meigim yumob jidan brabli strongbala. En ebribodi garra sabi mi na YAWEI oldei jidanbat garram main wekinmen olabat, bat ai oldei jidan wail langa main enamimob.” Lagijat na YAWEI bin tok.   
\p
\v 15 Wal YAWEI garra kaman garram strongwan wiliwili en faiya. Im garra brabli wail en im garra panishim im enamimob garram det faiya.  
\v 16 Det bigwan naif garram faiya blanga YAWEI garra gibit ebribodi feyago ebriweya langa dijan wel en im garra binijimap ol detlot pipul weya imbin faindim giltiwan.   
\s1 Nogudbala ting en gudbala ting garra kaman  
\p
\v 17 Wal YAWEI im tok, “Sambala pipul blanga yumob oldei meigim miselp redi blanga go langa det gadin blanga weshipbat det gelwan drimin brom najawan kantri. En olabat dagadagatbat det bif blanga bigibigi, en detlot lisid en detlot lilwan enimul gulum maus. Bat mi na YAWEI garra binijimap olabat dumaji olabat nomo bin kipum main lowa.  
\v 18-19 Ai sabi wanim yumob oldei dumbat, en wanim yumob jinggabat oldei. Wal det taim bin kaman na blanga bringimap ola pipul brom ebri langgus en brom ebri kantri en blanga shoum olabat main strongwan pawa blanga meigim olabat sabi wanim ai gin dum.  
\p “Ai garra jandim ol detlot pipul hu stil jidan laibala langa detlot kantri gulum Tashish, Libiya en Lidiya weya detlot pipul jidan klebabala garram bo en erro, en langa Tubal, en langa detlot ailin longweiwan blanga Gris. Ai garra jandim olabat blanga tokabat blanga main shainiwan lait en pawa langa detlot pipul langa najalot kantri hu nomo bin irrim blanga mi.  
\v 20 Olabat garra bringimap yumob rileishan brom najalot kantri, jis laiga ofring langa mi na YAWEI. Olabat garra kaman garram hosis en bagi, en kemul en najalot enimul langa Jerusalem, langa main seikridwan pleis. Im jis laik detlot Isreil pipul hu oldei bringimapbat det raitwan ofring langa main Serramoni Pleis.  
\v 21 En ai meigim pramis na. Sambala pipul garra jidan serramonimen, en det najalot pipul garra albumbat detlot langa main Serramoni Pleis.   
\p
\v 22 “En ai meigim dijan pramis du. Ai kaan neba fogedabat yumob en ol detlot biginini weya garra kaman bambai, jis laik det nyubala hebin en nyubala graun weya ai garra meigim, garra jidan olagijawan.\x + \xo 66:22 \xt Aisai 65:17; 2 Pida 3:13; Reb 21:1 \x*  
\v 23 Langa det Nyumanth Serramoni en langa det Sebathdei, ebribodi garra weshipbat oni langa mi. Mi na YAWEI bin tok dijan.  
\v 24 Blanga main pipul olabat garra go en luk langa detlot dedwan bodi blanga detlot pipul hubin gibit bekboun langa mi. Detlot wem deya langa detlot dedwan bodi kaan neba dai, en det faiya kaan neba stap barnbarnbat, en detlot bodi garra jidan brabli nogudwan blanga ebribodi.” Lagijat na YAWEI bin tok.\x + \xo 66:24 \xt Mak 9:48 \x*  
\p Binij na.