\id 1CH 1ch KRIOL 1 Chronicles (13 KR 1ch.txt) sildarwin@sil.org 
\h Fes Kranakuls 
\toc3 1 Kran 
\toc2 Fes Kranakuls 
\toc1 Fes Kranakuls Ola Stori Blanga King Deibid 
\mt1 Fes Kranakuls  
\mt2 Ola Stori Blanga King Deibid  
\ip Wal dijan stori im blanga King Sol en hau imbin dai, en hau Deibid bin jidan king blanga ola Isreil pipul. Imbin meigim Jerusalem det speshalwan taun weya ola Isreil pipul bin oldei weship langa God. Bifo imbin dai, imbin jinggabat en meigim plen blanga det Serramoni Pleis blanga God deya langa Jerusalem, en imbin meiksho ola pipul bin sabi wanim dei garra dum deya langa det Serramoni Pleis. En im san Salaman na bin jidan det nyuwan king.  
\c 1  
\s1 Brom Edam raidap langa Eibrahem  
\r Jenasis 5:1-32; 10:1-32; 11:10-26  
\p
\v 1 Wal Edam bin det dedi blanga Seth, en Seth bin det dedi blanga Inash, en Inash bin det dedi blanga Kenan.  
\v 2 En Kenan bin det dedi blanga Mahalalel, en Mahalalel bin det dedi blanga Jered.  
\v 3 En Jered bin det dedi blanga Inak, en Inak bin det dedi blanga Mathusala, en Mathusala bin det dedi blanga Leimek.  
\v 4 En Leimek bin det dedi blanga Nowa. En Nowa bin abum thribala san en olabat bin neim Shem, Hem en Jeifeth. \fig |src="GT_1Chron LevitesCarryArk.tif" size="col" ref="1:0" \fig*   
\p
\v 5 Wal detlot san blanga Jeifeth bin neim Goma, Meigog, Medai, Jeiban, Tubal, Mishek en Tairas, en deibin jidan grengrenfatha blanga ol detlot pipul hu garram detlot neim.  
\v 6 En det femili lain blanga Goma bin detlot pipul langa Eshkenes, Rifeth en Togama.  
\v 7 En det femili lain blanga Jeiban bin detlot pipul langa Ilaisha, Tashis, Saipras en Rouds.   
\p
\v 8 Wal detlot san blanga Hem bin neim Kush, Ijip, Libiya en Keinan, en deibin grengrenfatha blanga ol detlot pipul hu garram detlot neim.  
\v 9 Det femili lain blanga Kush bin detlot pipul langa Seba, Habila, Sabta, Reiyama en Sabteka. En detlot san blanga Reiyama bin detlot pipul hu jidan langa Shiba en Dedan.  
\v 10 En Kush bin abum san neim Nimrod, en imbin brabli strongbala.   
\p
\v 11 Wal det femili lain brom Ijip bin ol detlot Ludait, Einamait, Leiyabait, Neftahait,  
\v 12 Pethrasait, Keslahait en Krit pipul. En detlot Filastain pipul bin kaman brom detlot Krit pipul na.  
\v 13-16 Wal Keinan san neim Saidan bin det bigiswan san. En Keinan bin grengrenfatha blanga detlot Hitait pipul, en ol detlot Jebusait, Emarait, Gegashait, Hibait, Akait, Sinait, Abadait, Semarait en Hemathait pipul.   
\p
\v 17 Wal detlot san blanga Shem bin neim Elam, Esha, Apekshed, Lad, Eram, As, Hul, Githa en Meshek. En deibin grengrenfatha blanga ol detlot pipul hu garram detlot neim.   
\p
\v 18 Wal Apekshed bin dedi blanga Shela, en Shela bin dedi blanga Iba.  
\v 19 En Iba bin abum dubala san. Det bigiswan san bin neim Peleg, dumaji langa det taim na detlot pipul deibin oldei kadimatbat miselp en jidan langa miselpmiselp kantri. En det najawan san bin neim Joktan.   
\p
\v 20-23 Wal det femili lain weya bin kamat brom Joktan bin Elmodad, Shelaf, Heisameibeth, Jera, Heidoram, Yusal, Dikal, Ibal, Abimeil, Shiba, Ofiya, Habila en Jobad.   
\p
\v 24-27 Wal det femili lain weya bin kamat brom Shem bin neim Apekshed, Shela, Iba, Peleg, Riyu, Serug, Neihowa, Tera, en Eibram. En det najawan neim blanga Eibram bin Eibrahem.   
\s1 Ola femili lain blanga Ishmeil  
\r Jenasis 25:12-16  
\p
\v 28 Wal Eibrahem bin abum dubala san neim Aisik en Ishmeil.  
\v 29-31 En detlot san blanga Ishmeil bin ol jidan boswan blanga olabat klen. Detlot san bin neim Neibayoth, Keda, Edbiyel, Mibsam, Mishma, Duma, Mesa, Heided, Tema, Jetuwa, Nefish en Kedema.   
\p
\v 32 Wal Eibrahem bin abum sekan waif neim Ketura en imbin abum siksbala san. Detlot san bin neim Simran, Jokshan, Midan, Midiyan, Ishbak en Shuwa. En Jokshan bin abum dubala san neim Shiba en Dedan.  
\v 33 En Midiyan bin abum faibala san neim, Ifa, Ifara, Henak, Abida en Eldeiya.   
\s1 Ola femili lain blanga Isau  
\r Jenasis 36:1-19  
\p
\v 34 Wal det san blanga Eibrahem neim Aisik bin abum dubala san neim Isau en Jeikob.  
\v 35 En detlot san blanga Isau bin neim Elifas, Ruwel, Jeyus, Jeilam en Kora.  
\v 36 En Elifas bin jidan dedi blanga Teman, Oma, Sefi, Geitam, Kenas, Timna en Amalek.  
\v 37 En Ruwel bin jidan dedi blanga Neihath, Sera, Shama en Misa.   
\s1 Detlot feswan pipul hubin jidan langa Idam  
\r Jenasis 36:20-30  
\p
\v 38-42 Wal detlot feswan pipul hubin jidan langa det kantri gulum Idam bin det femili lain blanga Siyiya. Wal Siyiya bin abum dislot san neim Lotan, Shobal, Sibiyan, Eina, Daishon, Isa en Daishan. Wal Lotan bin abum dubala san neim Horai en Homam. En Lotan bin abum sista gulum Timna du. En Shobal bin dedi blanga Elban, Menahath, Ibal, Shefi en Onam. En Sibiyan bin abum dubala san neim Aiya en Eina. Eina bin dedi blanga Daishon, en Daishon bin dedi blanga Hemran, Eshban, Itharan en Keran. En Isa bin dedi blanga Bilan, Seiban en Jakan. En Daishan bin dedi blanga Yus en Eran.   
\s1 Detlot king blanga Idam  
\r Jenasis 36:31-43  
\p
\v 43-50 Wal dislot king bin jidan bos blanga det kantri gulum Idam bifo Isreil bin abum eni king. Wal Bela bin det king blanga Idam en imbin jidan langa det taun gulum Dainaba. Bela bin det san blanga Biyowa. Afta Bela bin dai Johab hubin det san blanga Sera brom Bosra, bin jidan det nyuwan king. Afta Johab bin dai Husham, brom det kantri gulum Teman, bin jidan det nyuwan king. Afta Husham bin dai Heided, det san blanga Bedad bin jidan det nyuwan king langa det taun gulum Eibith. Imbin bidim det Midiyan traib langa fait deya langa det kantri gulum Moweb. Afta Heided bin dai Semla hubin brom Mesreka, bin jidan det nyuwan king. Afta Semla bin dai Shaul hubin brom Reiyaboth langa Ribasaid, bin jidan det nyuwan king. Afta Shaul bin dai Beilenan hubin det san blanga Ekbowa, bin jidan det nyuwan king. Afta Beilenan bin dai Heided bin jidan det nyuwan king langa det taun gulum Pau. Imbin merrit langa Mehetabel, det doda blanga Meitrid en grendoda blanga Misaheb.   
\p
\v 51-54 Wal detlot pipul brom Idam deibin kadimat miselp langa dislot klen na, Timna, Elba, Jetheth, Oholibama, Ela, Painan, Kenas, Teman, Mibsa, Megdiyel en Airam.   
\c 2  
\s1 Ola femili lain blanga Juda  
\p
\v 1-2 Wal Jeikob bin abum twelbala san en olabat bin neim Rubin, Simiyan, Libai, Juda, Isaka, Sebyulan, Den, Josef, Benjamin, Neftali, Ged en Esha.   
\p
\v 3 Wal Juda bin abum faibala san. Im waif bin neim Bathshuwa, en imbin Keinanait gel, en imbin abum thribala san, en olabat bin neim Yura, Onan en Shela. Det bigiswan san Yura bin brabli nogudwan en YAWEI bin binijimap im.  
\v 4 En Juda bin abum dubala san mowa brom Teima, det waif blanga im san, en imbin gulum dubala Peres en Sera.   
\p
\v 5 Peres bin abum dubala san neim Hesran en Heimul.  
\v 6 Im braja Sera bin abum faibala san neim Simri, Ithan, Heiman, Kelkol en Dada.  
\v 7 Ekan det san blanga Kamai, hubin biginini blanga Sera, imbin meigim loda trabul blanga detlot pipul langa Isreil wen imbin kipum sambala ting weya God nomo bin larram enibodi kipum blanga olabat selp, dumaji ol detlot ting bin blanga God.\x + \xo 2:7 \xt Josh 7:1\x*  
\v 8 En Ithan bin abum wanbala san en imbin neim Esaraiya.   
\s1 Ola femili lain blanga King Deibid  
\p
\v 9 Wal Hesran bin abum thribala san, en deibin neim Jeramiyel, Rem en Keilab.   
\p
\v 10-12 Dislot femili lain weya bin kamat brom Rem bin Aminadeb, Neishan, hubin boswan blanga det Juda klen, en Selman, Bowes, Obed en Jesi.   
\p
\v 13-17 Wal Jesi bin abum sebenbala san, en deibin neim Eliyab, Abinadeb, Shama, Nethanel, Reidai, Osem en Deibid. En imbin abum dubala doda du gulum Seruwaiya en Ebigeil. Seruwaiya bin abum thribala san, en deibin neim Ebishai, Jowab en Esahel. En Ebigeil bin merrit langa Jetha hubin brom det femili lain blanga Ishmeil, en dubala bin abum wanbala san neim Amasa.   
\s1 Ola femili lain blanga Hesran  
\p
\v 18 Wal det san blanga Hesran neim Keilab, imbin merrit langa Esuba, en dubala bin abum doda neim Jeriyath. Jeriyath bin mami blanga thribala san neim Jesha, Shobab en Adan.  
\v 19 Afta Esuba bin dai Keilab bin merrit langa Efrath en dubala bin abum wanbala san neim Huwa.  
\v 20 Huwa bin dedi blanga Yurai, en imbin grenfatha blanga Besalel.   
\p
\v 21 Wal wen Hesran bin 60 yiya ol, imbin merrit langa det doda blanga Mekiya dubala bin abum san neim Segab. Mekiya bin dedi blanga Giliyad.  
\v 22 En Segab bin dedi blanga Jaiyiya hubin jidan boswan blanga 23 taun langa det kantri gulum Giliyad.  
\v 23 Bat det dubala kantri gulum Geshuwa en Eram bin fait en bidim 60 taun deya, en deibin gajim detlot lilwan taun brom Jaiyiya en brom Kenath en detlot lilwan taun gulijap. Ol detlot pipul hubin jidan deya langa Giliyad bin femili lain blanga Mekiya.  
\v 24 Afta Hesran bin dai im san Keilab bin merrit langa Efrath, hubin det waif blanga im dedi. Dubala bin abum san neim Eshuwa, hubin stadimap det taun gulum Tekowa.   
\s1 Ola femili lain blanga Jeramiyel  
\p
\v 25 Wal Jeramiyel, det bigiswan san blanga Hesran bin dedi blanga Rem, Buna, Oren, Osem en Ahija.  
\v 26-27 Rem bin abum thribala san en deibin neim Meis, Jeimin en Eka. En Jeramiyel bin abum najawan waif en imbin neim Etara. Dubala bin abum san en imbin neim Onam.  
\v 28 Onam bin abum dubala san neim Shamai en Jeida. Shamai bin abum dubala san du, neim Neideb en Ebishura.   
\p
\v 29 Wal Ebishura bin merrit langa Ebiheil en dubala bin abum dubala san neim Eiban en Molid.  
\v 30 En det braja blanga Ebishura neim Neideb imbin abum dubala san neim Seled en Apaiyim, bat Seled bin dai en nomo bin abum eni biginini.  
\v 31 Apaiyim bin dedi blanga Ishai, en Ishai bin dedi blanga Sheshan, en Sheshan bin dedi blanga Alai.   
\p
\v 32 Wal Jeida bin braja blanga Shamai en imbin abum dubala san neim Jetha en Jonathan, bat Jetha bin dai en nomo bin abum eni biginini.  
\v 33 Jonathan bin abum dubala san neim Peleth en Sasa. Wal ol dislot na bin det femili lain weya bin kamat brom Jeramiyel.   
\p
\v 34 Wal Sheshan nomo bin abum eni san, imbin oni abum sambala doda. Imbin abum wanbala wekinmen neim Jaha brom Ijip,  
\v 35 en Sheshan bin gibit wanbala doda blanga det wekinmen blanga merrit. Dubala bin abum wanbala san neim Etai.  
\v 36-41 Det femili lain weya bin kamat brom Etai bin Neithan, Seibad, Eflal, Obed, Jeihu, Esaraiya, Heles, Eliyeisa, Sismai, Shalum, Jekamaiya en Ilaishama.   
\s1 Najalot femili lain blanga Keilab  
\p
\v 42 Wal det bigiswan san blanga Keilab det braja blanga Jeramiyel bin neim Misha. Misha bin det dedi blanga Sif hubin det dedi blanga Maresha, hubin det dedi blanga Hebran.  
\v 43 Hebran bin abum fobala san neim Kora, Tapuwa, Rekem en Shema.  
\v 44 Shema bin dedi blanga Reiham en det grenfatha blanga Jorakiyam. Rekem bin det braja blanga Shema en det dedi blanga Shamai,  
\v 45 en imbin dedi blanga Mayan, en imbin dedi blanga Bethsuwa.   
\p
\v 46 Wal Keilab bin abum najawan waif neim Ifa en dubala bin abum thribala san, en deibin neim Heran, Mosa en Gasas. En Heran bin abum san neim Gasas.   
\p
\v 47 Wal wan men neim Jadai imbin abum siksbala san neim Regem, Jotham, Geshan, Pelet, Ifa en Shaf.  
\v 48 Keilab bin abum najawan waif neim Meiyaka en deibin abum dubala san neim Shebara en Tairana.  
\v 49 Bambai imbin abum naja dubala san, Shaf, hubin stadimap det taun gulum Medmana, en Sheba, hubin stadimap det dubala taun gulum Mekbena en Gibiya. En Keilab bin abum doda neim Eksa.   
\p
\v 50 Dislot na det femili lain blanga Keilab. Huwa bin det bigiswan san blanga Keilab en im waif bin neim Efrath. Det san blanga Huwa bin neim Shobal en imbin stadimap det taun gulum Kiriyajerim.  
\v 51 Det sekanwan san blanga im bin neim Selma, en imbin stadimap det taun gulum Bethlahem, en det namba 3 san neim Heref bin stadimap det taun gulum Bethgada.  
\v 52 Shobal bin stadimap det taun gulum Kiriyajerim, en imbin grengrenfatha blanga detlot pipul brom Harowei en haf langa detlot pipul brom Menuhath,  
\v 53 en det najalot femili hubin jidan langa Kiriyajerim, detlot Ithrait, Puthait, Shumathait en Mishrait pipul. En detlot pipul brom det dubala taun gulum Sora en Eshtayol, deibin langa detlot femili na.   
\p
\v 54 Wal Selma hubin stadimap Bethlahem bin grengrenfatha blanga detlot pipul brom Netofath en Ethrobethjowab, en detlot Sorait pipul hubin brom det dubala femili langa det kantri gulum Menahath.   
\p
\v 55 Wal ol dislot femili bin brabli gudwan blanga raidimdan ebrijing, en deibin jidan langa det taun gulum Jeibes. Deibin detlot Tirathait, Shimiyethait en Sukathait pipul. Deibin Kenait pipul en deibin merrit langa detlot Reikebait pipul.   
\c 3  
\s1 Bigininimob blanga King Deibid  
\p
\v 1-4 Wal wen King Deibid bin jidan langa Hebran, imbin abum dislot san na. Emnon bin det feswan boi en im mami bin Ahinowam hubin kaman brom Jesriyel. En Denyul bin det sekanwan san, en im mami bin Ebigeil hubin kaman brom Kamul. En Ebsalom bin det namba 3 san en im mami bin Meiyaka hubin doda blanga King Telmai brom Geshuwa. En Edanaija bin det namba 4 san en im mami bin Heigith. En Shefataiya bin det namba 5 san en im mami bin Ebital, en Ithreiyim bin det namba 6 san en im mami bin Igla. Ol detlot siksbala san bin bon langa Hebran langa det seben en haf yiya wen Deibid bin jidan king deya.  
\p Afta na imbin jidan langa Jerusalem en imbin jidan king fo naja 33 yiya,\x + \xo 3:1-4 \xt 2 Sem 5:4,5; 1 King 2:11; 1 Kran 29:27\x*  
\v 5-9 en imbin abum mowa san deya, en deibin neim Shimiya, Shobab, Neithan en Salaman. En det mami blanga olabat bin Bethsheba, en imbin doda blanga Amiyel. En Deibid bin abum naja nainbala mowa san, en deibin neim Aiba, Ilaishuwa, Elpelet, Noga, Nefeg, Jeifiya, Ilaishama, Eliyada en Elifalet. En King Deibid bin abum mowa san igin brom im najalot waif. Imbin abum wanbala doda du en imbin neim Teima.\x + \xo 3:5-9 \xt 2 Sem 11:3\x*   
\s1 Ola femili lain blanga King Salaman  
\p
\v 10-14 Dijan na ola femili lain blanga King Salaman. King Salaman bin det dedi blanga Reiyabowam, en Reiyabowam bin det dedi blanga Abaija, en Abaija bin det dedi blanga Asa, en Asa bin det dedi blanga Jehosafet. En Jehosafet bin det dedi blanga Jehoram, en Jehoram bin det dedi blanga Eihesaiya, en Eihesaiya bin det dedi blanga Jowesh, en Jowesh bin det dedi blanga Amasaiya, en Amasaiya bin det dedi blanga Yusaiya, en Yusaiya bin det dedi blanga Jotham, en Jotham bin det dedi blanga Eihes, en Eihes bin det dedi blanga Hesakaiya, en Hesakaiya bin det dedi blanga Manesa, en Manesa bin det dedi blanga Eman, en Eman bin det dedi blanga Josaiya.  
\v 15 Josaiya bin abum fobala san neim Johanan, Jehoiyakim, Sedakaiya en Jowahes.  
\v 16 En Jehoiyakim bin abum dubala san neim Jehoiyakin en Sedakai.   
\s1 Ola femili lain blanga King Jehoiyakin  
\p
\v 17 Dijan na ola femili lain blanga King Jehoiyakin hu detlot Bebalon pipul bin deigimwei prisana. Jehoiyakin bin abum sebenbala san neim Shiyaltiyel,  
\v 18 Melkiram, Pedaiya, Shenasa, Jekamaiya, Hoshama en Neidabai.  
\v 19 Pedaiya bin abum dubala san neim Serababal en Shimiyai. Serababal bin dedi blanga dubala san neim Meshalam en Henanaiya, en wanbala doda neim Shelomith.  
\v 20 Imbin abum faibala mowa san neim Hashaba, Ohel, Berakaiya, Hasadaiya en Jushabesed.   
\p
\v 21 Henanaiya bin abum dubala san neim Pelataiya en Jeshaiya. Jeshaiya bin dedi blanga Refaiya, hubin dedi blanga Anan, hubin dedi blanga Obadaiya, hubin dedi blanga Shekanaiya.  
\v 22 Shekanaiya bin abum wanbala san neim Shemaiya en faibala grensan neim Hetash, Aigal, Baraiya, Niyaraiya en Shafat.  
\v 23 Niyaraiya bin abum thribala san neim Eliyeinai, Hiskaiya en Esrikam.  
\v 24 Eliyeinai bin abum sebenbala san neim Hodabaiya, Eliyashib, Pelaiya, Eikub, Johanan, Dalaiya en Einanai.   
\c 4  
\s1 Ola femili lain blanga Juda  
\p
\v 1 Wal Juda bin abum faibala san neim Peres, Hesran, Kamai, Huwa, en Shobal.  
\v 2 Shobal bin det dedi blanga Riyaiya, en Riyaiya bin det dedi blanga Jeihath, en Jahath bin det dedi blanga Ahumai en Lahad. Olabat bin grengrenfathamob blanga detlot pipul brom Sora.   
\p
\v 3-4 Wal Huwa bin det feswan san blanga Keilab en im waif neim Efrath, en im bigininimob bin stadimap det taun gulum Bethlahem. Huwa bin abum thribala san neim Itam, Penyuwel en Isa. Itam bin abum thribala san neim Jesriyel, Ishma en Aidbash, en wanbala doda neim Heisalelponai. Penyuwel bin stadimap det taun gulum Gedowa, en Isa bin stadimap det taun gulum Husha.   
\p
\v 5 Wal Eshuwa hubin stadimap det taun gulum Tekowa, imbin abum dubala waif neim Hela en Neira.  
\v 6 Eshuwa en Neira dubala bin abum fobala san neim Ahusam, Hefa, Temeni en Heihashtari.  
\v 7 En Eshuwa en Hela dubala bin abum thribala san neim Sereth, Isa en Ithnan.   
\p
\v 8 Wal Kos bin det dedi blanga det dubala san neim Enab en Sobeba en imbin grengrenfatha blanga detlot femili hubin kaman brom Eiherel det san blanga Haram.   
\p
\v 9 Wal wanbala men neim Jeibes imbin jidan brabli haiwan men langa im femilimob. Im mami bin gibit im det neim Jeibes, dumaji imbin abum adtaim wen imbin abum det beibi.  
\v 10 Jeibes bin prei langa det God blanga ola Isreil pipul. Imbin tok, “Dedi langa top, yu album mi, en gibit mi brabli gudwan kantri. Yu jidan garram mi, en seibum mi brom ola nogudbala ting weya oldei ardimbat main bodi.” Lagijat na Jeibes bin tok. En God bin kain langa im en imbin gibit im ebrijing weya imbin askim im.   
\s1 Najalot femili neim  
\p
\v 11 Wal Keilab bin det braja blanga Shuha en imbin abum san neim Mehira. Mehira bin det dedi blanga Eshtan,  
\v 12 en imbin abum thribala san neim Bethrafa, Paseya, en Tehina. Tehina bin stadimap det taun gulum Neihesh. Det femili lain blanga dislot men bin jidan deya langa det taun gulum Reika.   
\p
\v 13 Wal Kenas bin abum dubala san neim Othniyel en Seraiya. En Othniyel bin abum dubala san du, neim Hethath en Miyanothai.  
\v 14 En Miyanothai bin det dedi blanga Ofra.  
\p Wal Seraiya bin det dedi blanga Jowab hubin stadimap det pleis gulum Andikraf weya ola pipul hubin meigimbat brabli gudwan andikraf bin jidan.   
\p
\v 15 Wal Keilab, det san blanga Jefana bin abum thribala san neim Airu, Ela en Neim. Ela bin det dedi blanga Kenas.   
\p
\v 16 En Jehalalel bin abum fobala san neim Sif, Sifa, Tairiya en Eisarel.   
\p
\v 17-18 En Esra bin abum fobala san neim Jetha, Mered, Ifara en Jeilan. Wal Mered bin merrit langa Bithiya, en imbin det doda blanga det king brom Ijip. Dubala bin abum doda neim Miriyam en dubala san neim Shamai en Ishba. En Ishba bin stadimap det taun gulum Eshtamowa. Wal Mered bin merrit naja wanbala gel brom det Juda klen, en deibin abum thribala san. Det feswan san neim Jerad bin stadimap det taun gulum Gedowa, en Hiba bin stadimap det taun gulum Sako, en Jekuthiyel bin stadimap det taun gulum Seinowa.   
\p
\v 19 Wal Hodaiya bin merrit langa det sista blanga Neiham. Olabat bigininimob bin stadimap det femili gulum Gam, en deibin jidan langa det taun gulum Keila. En det najawan femili gulum Meiyakath, deibin jidan langa det taun gulum Eshtamowa.   
\p
\v 20 Wal Shimon bin abum fobala san neim Emnon, Rina, Benanan en Tailan.  
\p En Ishai bin abum dubala san neim Soheth en Binsoheth.   
\s1 Ola femili lain blanga Shela  
\p
\v 21 Wal Shela bin wanbala san blanga Juda, en sambala femili lain weya bin kamat brom Shela bin Yura hubin stadimap det taun gulum Leka, en Lada hubin stadimap det taun gulum Maresha, en deibin ol meigim matiriyal en deibin jidan langa det taun gulum Bethabiya.  
\v 22 Jokim en im pipul olabat bin jidan langa det taun gulum Koseba, en Jowesh en Saraf dubala bin merrit dubala gel brom Moweb, en deibin jidan langa Bethlahem.  
\v 23 En deibin oldei meigimbat pot garram klei blanga det king en deibin jidan langa det dubala taun gulum Netaim en Gedara. Dislot stori bin kaman brom longtaim.\fig |src="HK00140B.TIF" size="col" ref="4:23" \fig*   
\s1 Ola femili lain blanga Simiyan  
\p
\v 24 Wal Simiyan bin abum faibala san neim Nemyuwel, Jeimin, Jarib, Sera en Shaul.  
\v 25 En det san blanga Shaul bin Shalum, en im grensan bin neim Mibsam en det san blanga im bin neim Mishma.  
\v 26 En Mishma bin abum san neim Heimyuwel. Heimyuwel bin det dedi blanga Sekura en Sekura bin det dedi blanga Shimiyai.  
\v 27 Shimiyai bin abum 16 san en siksbala doda, bat im brajamob nomo bin abum bigmob biginini, wulijim det klen blanga Simiyan nomo bin go bigwan laik det klen blanga Juda.   
\p
\v 28-31 Wal raidap langa det taim na wen Deibid bin jidan king det femili lain blanga Simiyan bin jidan langa dislot taun gulum Biyashiba, Molada, Heisashuwal, Bila, Isim, Tolad, Bethyuwel, Homa, Siklag, Bethmakaboth, Heisasusim, Bethbiri en Sharaiyim.  
\v 32 En deibin jidan langa najalot lilwan taun gulum Itam, Eiyin, Riman, Token en Eshan,  
\v 33 en detlot najalot lilwan taun raidap langa Beilath. Deibin raidimdan ola femilimob en weya olabat bin oldei jidan.\x + \xo 4:33 \xt Josh 19:2-8\x*   
\p
\v 34-38 Wal dislot men bin bos blanga olabat femili, Meshabab, Jeimlek, Josha det san blanga Amasaiya, Jowal, en Jeihu det san blanga Joshabaiya. Joshabaiya bin det san blanga Seraiya en Seraiya bin det san blanga Eisiyel. Dislot du bin bos blanga olabat femili, Eliyeinai, Jakoba, Jeshohaiya, Esaiya, Ediyel, Jesimiyel, Benaiya, Sisa, hubin det san blanga Shifi, en Shifi bin det san blanga Elan. En Elan bin det san blanga Jedaiya, en Jedaiya bin det san blanga Shimri en Shimri bin det san blanga Shemaiya.   
\p
\v 39 Dumaji olabat femili bin kipgon gro bigwan na, deibin spredat sangodanwei raidap gulijap langa det taun gulum Gera, en olabat shipmob bin dagadagat gras sanraiswei langa det hil kantri gulijap langa det taun.  
\v 40 Deibin faindim gudwan kantri weya growimap loda gudwan daga, en imbin brabli gudwan en kwaitbala pleis deya.   
\p
\v 41 Basdam detlot pipul hubin jidan deya bin brom det femili lain blanga Hem. Bat langa tharran taim na wen Hesakaiya bin jidan king blanga Juda, detlot lidamob blanga Simiyan bin go langa Gera en deibin bitsimap ola tent en kemp blanga det femili lain blanga Hem en detlot Meyunait pipul hubin jidan deya. Deibin andimwei detlot pipul brom deya, en deibin jidan deya miselp na, dumaji imbin gudwan kantri blanga olabat shipmob.  
\v 42 Bambai 500 men blanga det klen blanga Simiyan, en deibin go sanraiswei langa Idam. Detlot san blanga Ishai bin lida blanga olabat, en deibin neim Pelataiya, Niyaraiya Refaiya en Yusiyel.  
\v 43 Deya na deibin binijimap detlot Amalekait pipul en deibin jidan deya olataim na.   
\c 5  
\s1 Ola femili lain blanga Rubin  
\p
\v 1 Wal dijan na det femili lain blanga Rubin, det feswan san blanga Jeikob. Dumaji imbin silipsilipbat garram wanbala waif blanga im dedi, wal im kaan jidan det nambawan san enimo. Im kaan abum ol detlot speshalwan ebrijing. Ol detlot ting bin go langa Josef.\x + \xo 5:1 \xt Jen 35:22; 49:3,4\x*  
\v 2 Bat imbin det klen blanga Juda hubin jidan brabli strongbala na, en det boswan blanga ola najalot klen bin kaman brom Juda.\x + \xo 5:2 \xt Jen 49:8-10\x*  
\v 3 Rubin bin jidan det bigiswan san blanga Jeikob en imbin abum fobala san neim Henak, Palu, Hesran, en Kamai.  
\v 4-6 Dislot na det femili lain weya bin kamat brom Jowal. Olabat neim bin Shemaiya, Gog, Shimiyai, Maika, Riyaiya, Beil en Bira. En Bira bin jidan lida blanga det klen. Det boswan blanga Asiriya gulum Tiglathpalisa bin deigim im prisana en imbin deigidawei im langa im ronwan kantri.\x + \xo 5:4-6 \xt 2 King 15:29\x*   
\p
\v 7-8 En ol dislot na bin jidan lida blanga det klen blanga Rubin. Olabat neim bin Jeiyel, Sekaraiya, en Bela, hubin san blanga Esas, en grensan blanga Shema, brom det femili blanga Jowal. Dijan femili bin jidan langa Eroya en langa det kantri nowathwei brom deya raidap langa Neibo en Beilmiyon.  
\v 9 Dumaji deibin abum loda buligi langa det kantri gulum Giliyad, wal deibin teikoba ola kantri sanraiswei raidap langa det deset weya im go langa Yufreitis Riba.   
\p
\v 10 Wal langa det taim na wen Sol bin jidan king, det klen blanga Rubin bin fait langa detlot Heigrait pipul, en deibin kilim olabat langa wo, en deibin teikoba olabat kantri, en deibin jidan deya sanraiswei langa Giliyad.   
\s1 Ola femili lain blanga Ged  
\p
\v 11 Wal det klen blanga Ged bin jidan nowathwei brom det klen blanga Rubin langa det kantri gulum Beishan en raidap sanraiswei langa det pleis gulum Salaka.  
\v 12 Jowal bin det lida blanga det feswan femili, en Shafam bin lida blanga det nekswan femili. Jeinai en Shafat dubala bin jidan bos blanga najalot femili langa Beishan.  
\v 13 Det najalot pipul blanga det klen bin kaman brom dislot sebenbala femili, Maikul, Meshalam, Shiba, Jorai, Jeikan, Saiya en Iba.  
\v 14 Deibin kamat brom det femili lain blanga Ebiheil, det san blanga Hurai. Hurai bin det san blanga Jarowa, en Jarowa bin det san blanga Giliyad, en Giliyad bin det san blanga Maikul, en Maikul bin det san blanga Jeshishai, en Jeshishai bin det san blanga Jado en Jado bin det san blanga Bus.  
\v 15 Eihi det san blanga Ebdiyel en det grensan blanga Gunai, bin bos blanga dislot femili.  
\v 16 Deibin jidan langa det dubala kantri blanga Beishan en Giliyad langa ol detlot taun deya, en oloba det kantri gulum Sheran.  
\v 17 Deibin raidimdan ol dislot wed wen Jotham bin jidan king blanga Juda, en Jerabowam bin jidan king blanga Isreil.   
\s1 Detlot ami blanga detlot klen sanraiswei  
\p
\v 18 Wal dislot klen blanga Rubin, Ged en Sanraiswei Manesa weya bin jidan sanraiswei bin abum 44,760 solja. Deibin brabli gudwan solja, en deibin yusum shild, en bigbala naif en bo en erro.  
\v 19 Deibin go blanga fait langa detlot Heigrait traib blanga Jetuwa, Nefish en Nodab.  
\v 20 Deibin trastimbat langa God, en deibin oldei prei langa im blanga album olabat, en God bin ensim olabat preya, en deibin bidim detlot Heigrait traib en olabat frenmob.  
\v 21 Deibin gajim brom detlot enamimob 50,000 kemul, 250,000 ship, en 2,000 dongki, en deibin deigim prisana 100,000 pipul.  
\v 22 Deibin kilim ded loda enamimob, dumaji God bin jidan garram olabat. En deibin kipgon jidan deya langa det kantri raidap det taim wen det Asiriya king bin deigim olabat prisana langa im kantri.   
\s1 Detlot pipul brom det Sanraiswei Manesa klen  
\p
\v 23 Wal detlot pipul brom det Sanraiswei Manesa klen bin jidan langa det kantri gulum Beishan en nowathwei langa Beilemon, Senira, en det hil gulum Heman, en deibin abum detmatj pipul na.  
\v 24 Dislot bin jidan boswan blanga olabat femili, Ifara, Ishai, Eliyel, Esriyel, Jeramaiya, Hodabaiya en Jadiyel. Deibin jidan brabli gudwan solja en ebribodi bin sabi deibin jidan boswan.   
\s1 Deibin deigimwei detlot pipul brom sanraiswei  
\p
\v 25 Bat olabat nomo bin bulurrum langa God laik olabat grengrenfatha bin bulurrum. Deibin gibit im bekboun, en deibin weship detlot drimin blanga detlot pipul weya God bin jandimwei.  
\v 26 Wal God bin meigim det boswan gulum Tiglathpalisa brom Asiriya kaman en teikoba ola kantri. Imbin deigimwei prisana detlot klen blanga Rubin, Ged, en Manesa hubin jidan sanraiswei, en deibin lafta jidan olataim langa detlot taun gulum Heila, Heiba, en Hera, en gulijap langa det Gosan Riba.\x + \xo 5:26 \xt 2 King 15:19,29; 17:6\x*   
\c 6  
\s1 Detlot femili lain blanga ola haibala serramonimen  
\p
\v 1 Wal Libai bin abum thribala san neim Geshan, Kohath, en Merarai.  
\v 2 En Kohath bin abum fobala san neim Emrem, Isa, Hebran, en Yusiyel.  
\v 3 En Emrem bin abum dubala san neim Eran en Mosis en wanbala doda gulum Miriyam. Eran bin abum fobala san neim Neideb, Abaihu, Eliyeisa, en Ithama.   
\p
\v 4-15 Wal dijan na det femili lain weya bin kamat brom Eliyeisa. Olabat na bin neim Finiyas, Ebishuwa, Bukai, Yusi, Serahaiya, Meraiyoth, Amaraiya, Ahitab, Seidok, Ahimas, Esaraiya, Johanan, Esaraiya, hubin wek langa det Serramoni Pleis weya King Salaman bin bildimap langa Jerusalem, Amaraiya, Ahitab, Seidok, Shalum, Hilkaiya, Esaraiya, Seraiya, en Jehosadek.  
\p Wal King Nebakanesa bin deigimwei Jehosadek en detlot najalot pipul hubin jidan seimtaim blanga Juda en Jerusalem. YAWEI na bin jandimwei ol dislot prisana.   
\s1 Najalot femili lain blanga Libai  
\p
\v 16 Wal Libai bin abum thribala san neim Geshan, Kohath en Merarai.  
\v 17 En deibin ol abumbat san. Geshan bin det dedi blanga Libnai en Shimiyai,  
\v 18 Kohath bin det dedi blanga Emrem, Isa, Hebran, en Yusiyel,  
\v 19 en Merarai bin det dedi blanga Malai en Mushai.   
\p
\v 20-21 Wal dijan na det femili lain weya bin kamat brom Geshan. Olabat neim bin Libnai, Jeihath, Sima, Jowa, Ido, Sera, en Jetharai.   
\p
\v 22-24 Wal dijan na det femili lain weya bin kamat brom Kohath. Olabat neim bin Aminadeb, Kora, Esiya, Elkana, Ibaiyasaf, Esiya, Teihath, en Yuriyel, Yusaiya, en Shaul.   
\p
\v 25-27 Wal Elkana bin abum dubala san neim Amasai en Ahimath. Wal dijan na det femili lain weya bin kamat brom Ahimath. Olabat neim bin Elkana, Sofai, Neihath, Eliyab, Jeroham, en Elkana.   
\p
\v 28 Wal Semyul bin abum dubala san neim Jowal en Abaija.   
\p
\v 29-30 Wal dijan na det femili lain weya bin kamat brom Merarai. Olabat neim bin Malai, Libnai, Shimiyai, Yusa, Shimiya, Heigith, en Esaiya.   
\s1 Detlot hubin oldei pleipleibat myusik langa Serramoni Pleis  
\p
\v 31 Wal dislot men na King Deibid bin meigim olabat jidan bos blanga det myusik langa det pleis weya dei oldei weshipbat YAWEI langa Jerusalem afta det Seikridwan Boks bin go deya.  
\v 32 Deibin dum det wek olataim langa det Seikridwan Tent weya YAWEI oldei jidan, bifo det taim wen King Salaman bin bildimap det Serramoni Pleis.   
\p
\v 33-38 Wal Heiman bin boswan blanga det fes singamob. Im femili lain bin gobek raitbek langa Jeikob. Olabat bin neim Heiman, Jowal, Semyul, Elkana, Jeroham, Eliyel, Towa, Suf, Elkana, Mahath, Amasai, Elkana, Jowal, Asaraiya, Sefanaiya, Teihath, Esiya, Ibaiyasaf, Kora, Isa, Kohath, Libai, en Jeikob.   
\p
\v 39-43 Wal Eisaf bin boswan blanga det sekan singamob. Im femili lain bin gobek raitbek langa Libai. Olabat neim bin Eisaf, Berakaiya, Shimiya, Maikul, Beiseiya, Melkija, Ithnai, Sera, Adaiya, Ithan, Sima, Shimiyai, Jeihath, Geshan en Libai.   
\p
\v 44-47 Wal Ithan bin boswan blanga det namba 3 singamob. Im femili lain bin gobek raitbek langa Libai. Olabat neim bin Kishai, Ebdi, Melak, Hashabaiya, Amasaiya, Hilkaiya, Emsi, Bani, Shemera, Malai, Mushai, Merarai en Libai.   
\p
\v 48 Ol detlot najalot Libaimen bin dum najalot wek langa det Serramoni Pleis.   
\s1 Ola femili lain blanga Eran  
\p
\v 49 Wal Eran en det femili lain weya bin kamat brom im, bin gibit detlot gudsmelwan ofring, en detlot sekrifais ofring deibin barnim langa det teibul blanga ofring. Deibin boswan blanga ola weship blanga det Brabli Seikridwan Rum, en blanga detlot sekrifais weya God wandim blanga larramgo fri ola Isreil pipul brom olabat nogudbalawei. Deibin dum ol dislot wek hau Mosis det wekinmen blanga God bin dalimbat olabat.   
\p
\v 50-53 Wal dislot na det femili lain weya bin kamat brom Eran. Olabat neim bin Eliyeisa, Finiyas, Ebishuwa, Bukai, Yusi, Serahiya, Meraiyoth, Amaraiya, Ahitab, Seidok en Ahimas.   
\s1 Det kantri weya detlot Libai pipul bin jidan  
\p
\v 54 Wal dijan na ol detlot kantri blanga det Libai klen. Libai en im thribala san neim Kohath, Geshan en Merarai bin gedim taun brom detlot kantri blanga ol detlot najalot klen en bambai deibin hendimoba langa olabat sanmob en grensanmob.  
\p Wal Eran, det grensan blanga Kohath, en det femili lain weya bin kamat brom im bin gedim ol dislot pleis na.  
\v 55 Deibin gedim det taun gulum Hebran, det seifwan taun langa Juda, en detlot gudwan kantri blanga buligi en ship gulijap langa det taun.  
\v 56 Bat ola najalot kantri en lilwan taun lilbit longwei brom Hebran bin go langa Keilab det san blanga Jefana.   
\p
\v 57-59 Wal deibin gedim ol dislot taun du Jeitiya, Libna, Eshtamowa, Hilen, Debiya, Eshan en Bethshemesh garram ola gudwan kantri blanga buligi en ship gulijap langa detlot taun.  
\v 60 En langa det kantri blanga Benjamin, deibin abum dislot taun en det gudwan kantri blanga buligi en ship gulijap blanga olabat, Geba, Elamath en Einathoth. Olabat bin abum 13 taun blanga jidan na.  
\v 61 En Kohath bin gedim tenbala taun du brom det Sangodanwei Manesa klen.   
\p
\v 62 Wal detlot femili blanga Geshan bin gedim 13 taun brom Isaka, Esha, en det Neftali klen, en det Sanraiswei Manesa klen hubin kaman brom Beishan.  
\v 63 En 12 taun brom detlot Rubin, Ged en Sebyulan klen bin go langa detlot femili blanga Merarai, det san blanga Libai.  
\v 64 Lagijat na ola Isreil pipul bin gibit det Libai klen ol dislot taun en detlot gudwan kantri blanga buligi en ship gulijap langa detlot taun.  
\v 65 Detlot taun langa detlot kantri blanga detlot thribala klen blanga Juda, Simiyan en Benjamin bin jidan lagijat na wen YAWEI bin album olabat.   
\p
\v 66-70 Wal sambala femili blanga det femili gulum Kohath bin abum sambala taun en gudwan kantri blanga buligi en ship brom det Ifreiyim klen. Deibin gedim Shekam, det seifwan taun langa det hil kantri blanga Ifreiyim, Gisa, Jomiyam, Betharan, Ejalan en Geriman. En langa det kantri blanga det Sangodanwei Manesa klen deibin abum dubala taun gulum Eina en Biliyam en det gudwan kantri blanga buligi en ship gulijap langa dubala taun.   
\p
\v 71 Wal detlot femili blanga Geshan bin abum dislot taun en det gudwan kantri blanga buligi en ship gulijap langa dislot taun. Langa det kantri blanga det Sanraiswei Manesa klen, deibin abum Golan langa Beishan en Eshtaroth.  
\v 72-73 En langa det kantri blanga det Isaka klen deibin abum dislot taun gulum Kedish, Daberath, Remoth en Einam.  
\v 74-75 En langa det kantri blanga det Esha klen deibin abum dislot taun gulum Mashal, Ebdan, Hukak en Reiyob.  
\v 76 En langa det kantri blanga det Neftali klen deibin abum dislot taun gulum Kedish langa Gelali, Heiman en Kiriyathaiyim.   
\p
\v 77-81 Wal ol detlot najalot femili blanga Merarai bin abum dislot taun garram olabat gudwan kantri blanga buligi en ship gulijap langa detlot taun. Langa det kantri blanga det Sebyulan klen deibin abum dislot taun gulum Rimono en Teibowa. En langa det kantri blanga det Rubin klen sanraiswei langa det Jodan Riba en weya yu garra gopas langa Jeriko deibin abum dislot taun gulum Besa, weya bin jidan langa det fletwan kantri ontop langa hil, en Jasa, Kedemoth, en Mefath. En langa det kantri blanga det Ged klen deibin abum dislot taun gulum Remoth langa Giliyad, Mahanaiyim, Heshban en Jeisa.   
\c 7  
\s1 Ola femili lain blanga Isaka  
\p
\v 1 Wal Isaka bin abum fobala san neim Tola, Puwa, Jeishab en Shimran.  
\v 2 Tola bin abum siksbala san neim Yusi, Refaiya, Jeriyel, Jamai, Aibsam en Shemuwel. Deibin jidan boswan blanga detlot femili lain blanga Tola, en deibin brabli gudwan solja du. Wen Deibid bin jidan king deibin jidan 22,600 pipul.   
\p
\v 3 Wal Yusi bin abum wanbala san neim Israhaiya en imbin abum fobala san neim Maikul, Obadaiya, Jowal en Ishaiya en deibin boswan blanga ol detlot femili.  
\v 4 Deibin abum detmatj waif en biginini, en 36,000 men brom detlot femilimob bin go blanga wek langa ami.  
\v 5 Det namba blanga ol detlot men hu gin fait langa ami brom det Isaka klen bin 87,000.   
\s1 Ola femili lain blanga Benjamin en Den  
\p
\v 6 Wal Benjamin bin abum thribala san neim Bela, Beka, en Jedaiyel.   
\p
\v 7 Wal Bela bin abum faibala san neim Esban, Yusi, Yusiyel, Jerimath en Airi. Deibin jidan boswan blanga detlot femilimob, en deibin brabli gudwan solja du. Det namba blanga ol detlot men hu gin fait langa ami brom det femili lain bin 22,034.   
\p
\v 8 Wal Beka bin abum nainbala san neim Semira, Jowesh, Eliyeisa, Eliyeinai, Omri, Jeramath, Abaija, Einathoth en Elamath.  
\v 9 Det namba blanga ol detlot men hu gin fait langa ami brom det femili lain bin 20,200.   
\p
\v 10 Wal Jedaiyel bin abum wanbala san neim Bilan, en Bilan bin abum sebenbala san neim Jeyus, Benjamin, Ihud, Kenana, Sethan, Tashish en Ahishaha.  
\v 11 Deibin jidan boswan blanga detlot femilimob, en deibin brabli gudwan solja du. Det namba blanga ola men hu gin fait langa ami brom det femili lain bin 17,200.   
\p
\v 12 Wal Shupim en Hupim bin blanga dijan klen du. En Den bin abum wanbala san gulum Hushim.   
\s1 Ola femili lain blanga Neftali  
\p
\v 13 Wal Neftali bin abum fobala san neim Jasiyel, Gunai, Jesa en Shalum. Deibin det femili lain weya bin kamat brom Bila.   
\s1 Ola femili lain blanga Manesa  
\p
\v 14 Wal Manesa bin abum dubala san brom im Eramiyan waif, en dubala bin neim Esriyel en Mekiya. Mekiya bin det dedi blanga Giliyad.  
\v 15 Mekiya bin faindim waif blanga Hupim en waif blanga Shupim. Deibin gulum det sista blanga Mekiya, Meiyaka. Det sekanwan san blanga Mekiya deibin gulum im Selafad, en imbin oni abum dodamob.   
\p
\v 16 Wal Meiyaka bin det waif blanga Mekiya en deibin abum dubala san neim Peresh en Sheresh. Peresh bin abum dubala san neim Yulam en Reikem,  
\v 17 en Yulam bin abum san gulum Bedan. Dislot na bin ola femili lain weya bin kamat brom Giliyad, det san blanga Mekiya en grensan blanga Manesa.   
\p
\v 18 Wal Giliyad bin abum sista gulum Heimaleketh en imbin abum thribala san neim Ishod, Abaiyesa en Mala.  
\v 19 En Shemida bin abum fobala san neim Eihaiyan, Shekam, Likai en Eniyam.   
\s1 Ola femili lain blanga Ifreiyim  
\p
\v 20-21 Wal dislot ola femili lain weya bin kamat brom Ifreiyim. Olabat neim bin Shuthela, Berad, Teihath, Eliyeida, Teihath, Seibad en Shuthela. Ifreiyim bin abum dubala najalot san afta Shuthela, en dubala neim bin Isa en Eliyeid. Dubala bin gitkil wen deibin stilimbat buligi brom detlot pipul hubin oldei jidan langa Geth.  
\v 22 Ifreiyim det dedi blanga dubala bin jidanbat brabli soribala longtaim, en detlot rileishan blanga im bin go langa im blanga meigim im jidan gudbinji.  
\v 23 Afta na imbin silipsilip garram im waif igin, en dubala bin abum san. Deibin gulum im Beraiya, dumaji loda trabul bin kaman langa im femilimob.   
\p
\v 24 Wal Ifreiyim bin abum wanbala doda neim Shira, en im na bin stadimap detlot taun gulum Apabetharan, Lowabetharan en Yusenshera.   
\p
\v 25-27 Wal Ifreiyim bin abum najawan san neim Refa, en det femili lain weya bin kamat brom Refa bin Reshef, Tela, Teihan, Leidan, Amihad, Ilaishama, Nan en Joshuwa.   
\p
\v 28 Wal deibin teikoba en jidan langa Bethel en detlot taun deya gulijap, en raidap sanraiswei langa Neiran en raidap sangodanwei langa Gisa en detlot taun deya gulijap du. Deibin teikoba dubala taun gulum Shekam en Aiya en ol detlot lilwan taun deya gulijap du.   
\p
\v 29 Wal detlot femili lain weya bin kamat brom Manesa bin teikoba detlot taun gulum Bethshan, Tanak, Magido en Nafodowa en ol detlot lilwan taun deya gulijap du. En detlot femili lain weya bin kamat brom Josef det san blanga Jeikob bin jidan langa dislot taun na.   
\s1 Ola femili lain blanga Esha  
\p
\v 30 Wal dislot ola femili lain weya bin kamat brom Esha. Imbin abum fobala san neim Imna, Ishba, Ishbai en Beraiya, en wanbala doda neim Sera.  
\v 31 Beraiya bin abum dubala san neim Hiba en Melkiyel. Melkiyel bin stadimap det taun gulum Bisaith.  
\v 32 Hiba bin abum thribala san neim Jeiflat, Shoma en Hotham, en wanbala doda neim Shuwa.  
\v 33 Jeiflat bin abum thribala san neim Pasak, Bimal en Eshbath.  
\v 34 Im braja Shoma bin abum thribala san neim Roga, Jehuba en Eram.  
\v 35 Im braja Hotham bin abum fobala san neim Sofa, Imna, Shelesh en Amal.  
\v 36 Ola san blanga Sofa bin, Suwa, Hanafa, Shuwal, Beri, Imra,  
\v 37 Besa, Hod, Shama, Shilsha, Itharan en Bira.  
\v 38 Ola san blanga Jetha bin, Jefana, Pispa en Era.  
\v 39 En ola san blanga Yula bin, Era, Heniyel en Risiya.  
\v 40 Ol dislot bin detlot femili lain weya bin kamat brom Esha. Deibin jidan bos blanga ola femili en deibin strongbala solja, en brabli gudwan lida. Wal det namba blanga ol detlot men hu gin fait langa ami brom det Esha klen bin 26,000.   
\c 8  
\s1 Ola femili lain blanga Benjamin  
\p
\v 1-2 Wal Binjaman bin abum faibala san. Olabat neim bin Bela, Eshbel, Eihera, Noha en Refa.   
\p
\v 3-5 Wal detlot san blanga Bela bin Eda, Gira, Abaihad, Ebishuwa, Neiman, Ahowa, Gira, Shefufan en Huram.   
\p
\v 6-7 Wal detlot san blanga Ihud bin Neiman, Ahija en Gira. Deibin jidan boswan blanga ol detlot femilimob hubin jidan langa Geba, bat sambodi bin meigim olabat gowei en jidan langa Menahath. Gira det dedi blanga Yusa en Ahihad bin go lida blanga olabat wen deibin go en jidan langa Menahath.   
\p
\v 8-10 Wal Shaharaiyim bin andimwei im dubala waif Hushim en Beira. Afta na wen imbin jidan langa det kantri gulum Moweb imbin merrit langa Hodesh, en dubala bin abum sebenbala san neim Jobab, Saibiya, Misha, Melkam, Jeyus, Sekiya en Mirama. Ol im san olabat bin jidan bos langa olabat femili.   
\p
\v 11 En imbin abum dubala mowa san blanga im feswan waif gulum Hushim en deibin neim Ebitab en Elpeil.  
\v 12 Elpeil bin abum thribala san gulum Iba, Misham en Shemed. Wal Shemed na bin bildimap det dubala taun gulum Ono en Lod en detlot najalot lilwan taun deya gulijap du.   
\s1 Ola femili lain blanga Geth en Aijalan  
\p
\v 13-16 Wal Beraiya en Shema, dubala bin jidan bos blanga ol detlot femili hubin jidan langa det taun gulum Aijalan, en deibin andimwei detlot pipul hubin jidan langa Geth. En detlot san blanga Beraiya bin Ahiyo, Shashak, Jeramath, Sebadaiya, Erad, Ida, Maikul, Ishpa en Joha.   
\s1 Detlot Benjamin pipul hubin jidan langa Jerusalem  
\p
\v 17-18 Wal detlot san blanga Elpeil bin Sebadaiya, Meshalam, Hiskai, Hiba, Ishmerai, Islaiya en Jobab.   
\p
\v 19-21 Wal detlot san blanga Shimiyai bin Jeikim, Sikri, Seibdai, Eliyeinai, Silethai, Eliyel, Adaiya, Beraiya en Shimrath.   
\p
\v 22-25 Wal detlot san blanga Shashak bin Ishpan, Iba, Eliyel, Ebdan, Sikri, Henan, Henanaiya, Elam, Entathija, Ifdeiya en Penyuwel.   
\p
\v 26-27 Wal detlot san blanga Jeroham bin Shamsherai, Sheharaiya, Ethalaiya, Jareshaiya, Ilaija en Sikri.   
\p
\v 28 Wal ol dislot na bin ola grengrenfatha boswan blanga ol detlot femili hubin jidan langa Jerusalem.   
\s1 Detlot Benjamin pipul hubin jidan langa Gibiyan en Jerusalem  
\p
\v 29 Wal Jeiyel bin stadimap det taun gulum Gibiyan en imbin jidan deya. Im waif neim bin Meiyaka.  
\v 30 En im feswan san bin neim Ebdan. En im najalot san bin neim Suya, Kish, Beil, Nera, Neideb,  
\v 31 Gedowa, Ahiyo, Sekaraiya en  
\v 32 Mikloth hubin dedi blanga Shimiya. Ol detlot femili na bin jidan langa Jerusalem gulijap langa detlot najalot femili langa olabat ronwan klen.   
\s1 Det femili blanga King Sol  
\p
\v 33 Wal Nera bin det dedi blanga Kish, en Kish bin det dedi blanga King Sol. Sol bin abum fobala san neim Jonathan, Melkishuwa, Abinadeb en Eshbeil.  
\v 34 Jonathan bin det dedi blanga Meribeil en imbin det dedi blanga Maika.   
\p
\v 35-37 Wal Maika bin abum fobala san neim Pithon, Melekai, Tareiya en Eihes. Eihes bin det dedi blanga Jehoyada, en imbin det dedi blanga thribala san neim Elamath, Esmabeth en Simri. Simri bin det dedi blanga Mosa, en Mosa bin det dedi blanga Biniya, en Biniya bin det dedi blanga Refa, en Refa bin det dedi blanga Eliyeisa, Eliyeisa bin det dedi blanga Esel.   
\p
\v 38 Wal Esel bin abum siksbala san neim Esrikam, Bokeru, Ishmeil, Shiyaraiya, Obadaiya en Henan.  
\v 39 Det braja blanga Esel gulum Eshek bin abum thribala san neim Yulam, Jeyus en Elifalet.   
\p
\v 40 Ol detlot san blanga Yulam bin jidan brabli gudwan solja, en deibin yusum olabat bo en erro gudwei du. Imbin abum 150 san en grensan. Ol dislot na bin brom det Benjamin klen.   
\c 9  
\s1 Detlot pipul hubin jidan prisana langa Bebalon bin gobek langa Jerusalem  
\p
\v 1 Wal deibin raidimdan ola neim blanga ebri femili blanga ola Isreil pipul. Ol dislot deibin raidimdan langa det buk gulum \it Det buk blanga ola king blanga Isreil\it*. Basdam ola Juda pipul bin jidan prisana langa Bebalon dumaji deibin abum panishmen blanga olabat nogudbalawei.  
\v 2 Ol detlot pipul hubin gobek basdam langa olabat kantri bin ol detlot serramonimen, Libai pipul, detlot hubin wek langa det Serramoni Pleis en najalot Isreil pipul du.  
\v 3 Deibin ol brom detlot Juda, Benjamin, Ifreiyim en Manesa klen hubin gobek en jidan langa Jerusalem.\x + \xo 9:3 \xt Esra 2:27; Niya 7:73\x*  
\v 4-6 Deibin abum 690 difrinwan femili brom det Juda klen hubin jidan langa Jerusalem. Dijan na ola neim blanga detlot pipul. Yuthai bin det boswan blanga det femili lain weya bin kamat brom det san blanga Juda neim Peres. Yuthai bin det san blanga Amihad en det grensan blanga Omri. Najalot grengrenfatha blanga im bin Imrai en Bani. Esaiya bin det boswan blanga det femili lain weya bin kamat brom det san blanga Juda neim Shela. Jeyuwel bin det boswan blanga det femili lain weya bin kamat brom det san blanga Juda gulum Sera.   
\p
\v 7-8 Wal ol dislot pipul blanga det klen blanga Benjamin bin jidan langa Jerusalem. Olabat neim bin Salu det san blanga Meshalam. Meshalam bin det san blanga Hodabaiya, en Hodabaiya bin det san blanga Hesanuwa. Aibneiya bin det san blanga Jeroham, en Ela bin det san blanga Yusi en det grensan blanga Maikri, en Meshalam bin det san blanga Shefataiya, en Shefataiya bin det san blanga Ruwel, en Ruwel bin det san blanga Aibnija, en deibin ol jidan langa Jerusalem.  
\v 9 Deibin abum 956 femilimob blanga dijan klen hubin jidan deya. Ol dislot men na bin jidan boswan blanga ola femili.   
\s1 Detlot serramonimen hubin jidan langa Jerusalem  
\p
\v 10-12 Ol dislot serramonimen bin jidan langa Jerusalem. Olabat neim bin Jedaiya, Jehoiyarib, Jeikin, en Asarai det san blanga Hilkaiya. Imbin bos blanga det Serramoni Pleis en im grengrenfathamob bin Meshalam, Seidok, Meraiyoth en Ahitab. Edaiya en Meisai bin serramonimen du. Edaiya bin det san blanga Jeroham en im grengrenfathamob bin Pashura en Melkija, en Meisai, bin det san blanga Ediyel en im grengrenfathamob bin Jasera, Meshalam, Meshilemith en Ime.  
\v 13 Detlot serramonimen hubin jidan bos langa ola femili bin 1,760. Deibin dum det wek brabli gudwei na langa det Serramoni Pleis.   
\s1 Detlot Libai pipul hubin jidan langa Jerusalem  
\p
\v 14-16 Ol dislot Libai pipul bin jidan langa Jerusalem, Shemaiya, Bekbaka, Heresh, Geilal, Metaniya, Obadaiya en Berakaiya. Shemaiya bin det san blanga Hesab, en im grengrenfatha dubala bin Esrikam en Hashabaiya brom det femili neim Merarai. Metanaiya bin det san blanga Mika, en im grengrenfatha dubala bin Sikri en Eisaf. Obadaiya bin det san blanga Shemaiya, en im grengrenfatha dubala bin Geilal en Jedathan. Berakaiya bin det san blanga Eisa, en im grenfatha bin Elkana, hubin jidan langa det kantri langa det taun gulum Netofa.   
\s1 Detlot wekinmen hubin maindimbat det Serramoni Pleis  
\p
\v 17 Wal dislot na ol detlot wekinmen hubin maindimbat det Serramoni Pleis en bin jidan langa Jerusalem. Deibin Shalum, Eikub, Talman en Ahiman. Shalum bin bos blanga olabat.  
\v 18 Wal raidap langa det taim na, detlot pipul blanga olabat klen bin jidan sanraiswei langa det King Geit langa det Serramoni Pleis. Bifo tharran, deibin jidan langa detlot geit blanga detlot kemp langa ola Libai pipul.   
\p
\v 19 Wal Shalum det san blanga Korei en det grensan blanga Ibaiyasaf, mijamet garram najalot brom det femili blanga Kora, olabat bin wotjimbat detlot geit blanga det Seikridwan Tent blanga YAWEI, jis laik ola grengrenfathamob bin dumbat basdam.  
\v 20 Finiyas det san blanga Eliyeisa bin bos blanga olabat bifo, en YAWEI bin jidan garram im.   
\p
\v 21 Wal Sekaraiya det san blanga Meshelemaiya bin jidan wekinmen blanga wotjimbat detlot geit blanga det Seikridwan Tent blanga YAWEI du.  
\v 22 Deibin pikimat 212 wekinmen blanga wotjimbat detlot geit. Deibin raidimdan olabat neim en det lilwan taun weya deibin jidan. Basdam King Deibid en det speshalwan mesinja gulum Semyul bin gibit olabat grengrenfathamob detlot wek blanga dum.  
\v 23 Detlot en olabat femili lain bin kipgon lukaftumbat detlot geit blanga det Serramoni Pleis.  
\v 24 Detlot geit bin feising ebriwei, nowathwei, sauthwei, sanraiswei en sangodanwei, en ebri geit bin abum boswan wekinmen.  
\v 25 Olabat femilimob hubin jidan langa detlot lilwan taun gulijap bin album detlot wekinmen hubin wotjimbat detlot geit blanga sebenbala dei.  
\v 26 Detlot fobala boswan wekinmen bin brom det Libai klen. Deibin oldei lukaftumbat ol detlot rum langa det Serramoni Pleis, en ola ebrijing deibin abum deya.  
\v 27 Deibin oldei jidan gulijap langa det Serramoni Pleis, dumaji deibin wekinmen deya, en deibin oldei opinimap detlot geit ebri ailibala.   
\s1 Detlot wek najalot Libaimen bin dumbat  
\p
\v 28 Wal najalot Libaimen bin lukaftumbat ola ebrijing deibin yusum blanga weshipbat. Ebritaim wen enibodi bin yusumbat detlot enijing olabat bin kaundimap ebrijing wen deibin deigimat en wen deibin bringimbek.  
\v 29 En najalot bin lukaftumbat ol detlot speshalwan ebrijing weya deibin yusumbat, en deibin lukaftumbat det flauwa, wain, oliboil, en ola gudsmelwan medisin du.  
\v 30 Bat ola wek blanga miksimap ola gudsmelwan medisin bin blanga detlot serramonimen.   
\p
\v 31 Wal wanbala Libaimen gulum Metithaiya, det feswan san blanga Shalum blanga det femili gulum Kora, bin meigimbat detlot damba blanga ofring.  
\v 32 En sambala pipul brom det femili gulum Kohath bin lukaftumbat det wek blanga meigimbat det speshalwan damba blanga det Serramoni Pleis weya deibin yusum ebri Sebathdei.   
\p
\v 33 Wal sambala Libaimen bin lukaftumbat det myusik blanga det Serramoni Pleis. Detlot boswan blanga olabat femili bin abum kemp langa Serramoni Pleis en dei nomo bin abum eni najalot wek, dumaji deibin wek deitaim en nait taim.  
\v 34 Ol detlot men bin boswan blanga ola Libai femili, dumaji olabat grengrenfathamob bin dum tharran bifo. Wal deibin ol jidan lidamob en deibin jidan langa Jerusalem.   
\s1 Ola femili lain blanga King Sol  
\r Fes Kranakuls 8:29-38  
\p
\v 35 Wal Jeiyel bin stadimap det taun gulum Gibiyan en imbin jidan deya. Im waif bin neim Meiyaka.  
\v 36 En im feswan san bin neim Ebdan, en im najalot san bin neim Suya, Kish, Beil, Nera, Neideb,  
\v 37 Gedowa, Ahiyo, Sekaraiya en Mikloth,  
\v 38 hubin det dedi blanga Shimiya. Olabat bin ol jidan deya langa Jerusalem gulijap langa najalot femili blanga olabat klen.   
\p
\v 39 Wal Nera bin det dedi blanga Kish, en Kish bin det dedi blanga Sol. Sol bin abum fobala san neim Jonathan, Melkishuwa, Abinadeb en Eshbeil.   
\p
\v 40 Jonathan bin det dedi blanga Meribeil en Meribeil bin dedi blanga Maika.   
\p
\v 41 Maika bin abum fobala san neim Pithon, Melekai, Tareiya en Eihes.  
\v 42 Eihes bin det dedi blanga Jera, en imbin dedi blanga thribala san neim Elamath, Esmabeth en Simri. Simri bin dedi blanga Mosa,  
\v 43 en Mosa bin dedi blanga Biniya, en Biniya bin dedi blanga Refaiya. Refaiya bin dedi blanga Eliyeisa, en Eliyeisa bin dedi blanga Esel.   
\p
\v 44 Esel bin abum siksbala san neim Esrikam, Bokeru, Ishmeil, Shiyaraiya, Obadaiya en Henan.   
\c 10  
\s1 King Sol bin dai  
\r Fes Semyul 31:1-13  
\p
\v 1 Wal ol detlot Filastain soljamob bin fait langa ol detlot Isreil soljamob deya na langa det hil gulum Gilbowa. Deibin kilimbat ded bigmob brom ola Isreil soljamob, en ola najalot Isreil soljamob bin ranawei, en Sol en detlot thribala san blanga im neim Jonathan, Abinadeb en Melkishuwa bin ol ranawei du.  
\v 2 Bat detlot Filastain solja bin gajimap olabat, en deibin kilim ded detlot thribala san blanga Sol.  
\v 3 En deibin ol fait en kilimbat miselp nomo lilbit deya, en wan Filastain solja bin shudum Sol garram bo en erro, en imbin ardim nomo lilbit.   
\p
\v 4 Wal Sol bin tok langa det wekinmen blanga im hubin oldei garrimapbat ol detlot ebrijing blanga fait. Imbin tok, “Yu deigimat yu bigwan naif en kilim mi ded, dumaji ai nomo wandim detlot Filastain soljamob hu nomo sabi God blanga kilim mi. Dei nomo sabi God, en dei mait mokimbat langa mi nogudbalawei.” Bat det yangmen bin bradin nomo lilbit blanga kilim im.  
\p Wal Sol bin lafta deigimat im ronwan bigwan naif, en imbin tjakamdan miselp ontop langa det bigwan naif blanga kilim miselp ded.  
\v 5 En wen det yangmen bin luk Sol bin ded, imbin tjakamdan miselp ontop langa im ronwan bigwan naif du, en imbin dai deya wansaid langa Sol.   
\p
\v 6 Wal lagijat na Sol en im thribala san bin dai, en blanga im femili lain dei nomo bin jidan king langa det kantri enimo.  
\v 7 En wen det bednyus bin spredat langa detlot Isreil pipul hubin jidan deya langa det Jesriyel Beli, en deibin irrim det bednyus blanga Sol en im san olabat, deibin ol ranawei brom olabat taun. En ola Filastain pipul bin teikoba ol detlot taun blanga olabat.   
\p
\v 8 Wal det neksdei na afta det fait, detlot Filastain pipul bin gobek blanga pulumatbat ola enijing brom detlot dedbala Isreil pipul, en deibin faindim detlot ded bodi blanga Sol en im thribala san deya ontop langa det hil gulum Gilbowa.  
\v 9 Deibin kadimof det hed blanga Sol, en deibin deigimat detlot speshalwan klos weya imbin oldei werrimon blanga fait, en deibin dalim sambala mesinja blanga deigim det hed en klos ebriweya langa det Filastain kantri, en detlot mesinja bin dalimbat det gudnyus langa ola pipul en langa ola drimin sheip blanga olabat.  
\v 10 Afta na deibin pudum detlot faiting giya blanga Sol langa wanbala serramoni pleis, en deibin neilimap det hed blanga Sol langa det serramoni pleis weya dei garram det drimin sheip gulum Deigan.  
\v 11 Wal detlot Isreil pipul brom det taun gulum Jeibesh deya langa det kantri gulum Giliyad bin irrim wanim detlot Filastain pipul bin dum langa det bodi blanga Sol.  
\v 12 Wal sambala men hu nomo bin bradin blanga enijing bin go en gajim detlot bodi blanga Sol en im thribala san. Deibin deigimbek detlot bodi langa olabat ronwan taun gulum Jeibesh, en deibin berrim detlot bodi andanith langa wan bigbala tri gulum ouktri deya langa det taun, en dei nomo bin dagat daga fo wanwik blanga shoum rispek langa det dedbala king blanga olabat.   
\p
\v 13 Wal Sol bin dai, dumaji imbin gibit bekboun langa YAWEI. Im nomo bin duwit langa YAWEI. Imbin lukabat blanga drimin sheip en spirit blanga dedbala pipul blanga shoum im wanim blanga dum,\x + \xo 10:13 \xt Labid 19:31; 20:6; 1 Sem 13:8-14; 15:1-24; 28:7,8\x*  
\v 14 en im nomo bin askimbat YAWEI. Wal YAWEI bin lafta kilim im en imbin meigim Deibid det san blanga Jesi jidan king.   
\c 11  
\s1 Deibid bin jidan king blanga Isreil en Juda pipul  
\r Sekan Semyul 5:1-10  
\p
\v 1 Wal afta na ola pipul blanga Isreil bin go langa Deibid deya langa det taun gulum Hebran, en deibin tok langa im, “Melabat na yu ronwan kantrimen.  
\v 2 En wen Sol bin jidan king, yubin oldei lidimbat ola solja blanga melabat blanga fait langa wo, en YAWEI det trubala God bin meigim pramis langa yu blanga meigim yu jidan boswan lida en lukaftumbat ol im pipul.” Lagijat na deibin tok.  
\v 3 Wal lagijat na detlot lida blanga ola Isreil pipul bin tok langa Deibid wen deibin go langa im deya langa Hebran. Wal Deibid bin agri garram olabat, en imbin meigim pramis langa olabat en langa YAWEI blanga jidan gudbala king blanga olabat. Deibin spilim det speshalwan oil ontop langa Deibid hed blanga meigim im jidan king blanga ola Isreil pipul, jis laik YAWEI bin pramis garram im speshalwan mesinja gulum Semyul.   
\p
\v 4 Wal afta wen detlot Isreil pipul bin meigim Deibid jidan king blanga olabat, im en im solja olabat bin go langa det taun gulum Jerusalem blanga fait langa det Jebusait traib hubin oldei jidanbat deya. Deibin gulum det taun Jebus.\x + \xo 11:4 \xt Josh 15:63; Jadj 1:21\x*  
\v 5 Detlot Jebusait pipul bin dalim King Deibid im nomo strongbala blanga kaman insaid langa olabat taun en bidim olabat. Bat King Deibid en im solja olabat bin bidim olabat, en deibin teikoba det strongbala taun gulum Saiyan, en deibin gulum im Deibidtaun.   
\p
\v 6 Wal King Deibid bin tok, “Det feswan solja hu garra kilim ded eni Jebusait, im garra jidan bos blanga ol main soljamob.” Wal Jowab, im mami bin neim Sewuwaiya, bin gowin feswan en imbin jidan lida na.  
\v 7 Bat afta wen King Deibid bin oldei jidan deya langa det strongbala taun, deibin gulum det taun Deibidtaun.  
\v 8 King Deibid bin bildimap det taun igin. Imbin stat bildimap det taun brom det pleis weya deibin hipimap loda graun sanraisaid langa det hil, en Jowab bin bildimap det taun du.  
\v 9 Wal King Deibid bin gro mowa strongbala olataim, dumaji YAWEI det boswan God bin oldei jidan garram im.   
\s1 Detlot nambawan soljamob blanga King Deibid  
\r Sekan Semyul 23:8-39  
\p
\v 10 Wal King Deibid bin abum sambala nambawan solja. Detlot solja en ola pipul blanga Isreil bin album Deibid jidan king jis laik YAWEI bin pramis im en deibin ol kipum det kantri strongbala.   
\p
\v 11 Wal det feswan solja imbin lida blanga Detlot Thribala Solja. Im neim bin Jeishabim. Imbin brom det femili gulum Hekman. Wantaim imbin fait langa 300 enami solja, im miselp garram im spiya, en imbin kilim olabat holot ded.  
\v 12 Det sekanwan solja blanga Detlot Thribala Solja bin neim Eliyeisa. Imbin det san blanga Dodo, brom det femili neim Eiho.  
\v 13 Imbin deya garram King Deibid en ola Isreil solja langa Pasdamim wen deibin fait langa ola Filastain solja hubin majurrumap miselp blanga fait. Imbin langa det pleis weya deibin growimap sid daga wen ola Isreil solja bin ranawei.  
\v 14 Bat Eliyeisa en im men nomo bin ranawei. Deibin jandapbat deya gin, en deibin fait langa detlot Filastain solja garram olabat bigwan naif, en YAWEI bin album olabat blanga win det fait.   
\p
\v 15 Wal wandei Detlot Thribala Solja brom detlot 30 gudwan solja bin go langa det keib gulijap langa det keib gulum Edulam weya King Deibid bin jidan. King Deibid bin jidan deya langa det keib ontop langa det strongwan hil, en sambala Filastain solja bin kemp deya gin langa det pleis gulum Reifait Beli.  
\v 16 Det dei King Deibid bin deya insaid langa det strongbala haus ontop langa hil, en sambala Filastain solja bin jidan langa det taun gulum Bethlahem du.  
\v 17 Wal King Deibid bin tok, “Mi thestiwan. Ai wandim woda brom det wel gulijap langa det geit langa Bethlahem.”  
\v 18 Wal Detlot Thribala Solja bin go snikibalawei thru langa detlot Filastain kemp, en deibin gajim woda brom det wel, en deibin deigimbek det woda langa King Deibid.\fig |src="GT_1Chro1118_David'sThreeMen.tif" size="col" ref="11:18" \fig* Bat King Deibid nomo bin wandi dringgim det woda. Imbin spilim det woda blanga gibit ofring langa YAWEI,  
\v 19 en King Deibid bin tok, “Ai kaan dringgim dijan woda dumaji Detlot Thribala Solja bin redi blanga gibit miselp laif blanga mi.” Wal im nomo bin dringgim tharran na. Dislot na ola ting Detlot Thribala Solja bin dum.   
\p
\v 20 Wal Ebishai det braja blanga Jowab bin lida blanga Detlot 30 Solja. Wantaim imbin fait 300 soljamob, im miselp garram im spiya, en imbin kilim olabat ded, en blanga tharran na ebribodi bin sabi im, en imbin jidan lida blanga Detlot 30 Solja.  
\v 21 Imbin jidan nambawan blanga Detlot 30 Solja, en imbin lida blanga olabat. Bat dei nomo bin meigim im jidan mowa haibala langa detlot solja dei gulum Detlot Thribala Solja, dumaji olabat bin brabli boswan.   
\p
\v 22 Wal najawan nambawan solja bin neim Benaiya. Imbin det san blanga Jehoiyada brom det taun gulum Kebsil, en imbin dum olkain breibwan ting. Wantaim imbin kilim ded dubala brabli strongwan solja brom det kantri gulum Moweb. En wen imbin kolwethataim, Benaiya bin godan insaid langa wan hol weya laiyan bin oldei jidan, en imbin kilim det laiyan ded.  
\v 23 En wantaim imbin kilim wan solja brom Ijip. Det solja bin brabli bigwan men, en imbin abum bigwan spiya langa im bingga. Benaiya bin fait langa im garram bigwan stik, en imbin grebum det spiya brom det men bingga, en imbin kilim im ded garram im ronwan spiya.  
\v 24 Ol detlot ting na Benaiya bin dum, jis laik Detlot Thribala Solja bin dum.  
\v 25 En King Deibid bin meigim im jidan bos blanga ola blijiman hubin oldei lukaftumbat im. Binaiya bin jidan nambawan brom Detlot 30 Solja. Bat im nomo bin jidan mowa haibala langa detlot solja weya ebribodi bin gulum Detlot Thribala Solja.   
\p
\v 26-47 Wal iya na ola neim blanga ola najalot brabli gudwan solja.  
\li1 Esahel hubin det braja blanga Jowab,  
\li1 Elanan hubin det san blanga Dodo brom det taun gulum Bethlahem,  
\li1 Shamoth hubin brom det taun gulum Harod,  
\li1 Heles hubin brom det taun gulum Pelet,  
\li1 Aira hubin det san blanga Aikesh brom det taun gulum Tekowa,  
\li1 Abaiyesa hubin brom det taun gulum Einathoth,  
\li1 Sibakai hubin brom det taun gulum Husha,  
\li1 Ailai hubin brom det taun gulum Eiho,  
\li1 Maharai hubin brom det taun gulum Netofa,  
\li1 Heled hubin det san blanga Beina brom det taun gulum Netofa,  
\li1 Ithai hubin det san blanga Ribai brom det taun gulum Gibiya deya langa det kantri blanga det Benjamin klen,  
\li1 Benaiya hubin brom det taun gulum Pairathan,  
\li1 Hurai hubin brom det beli gulijap langa det taun gulum Geiyish,  
\li1 Abaiyel hubin brom det taun gulum Aba,  
\li1 Esmabeth hubin brom det taun gulum Bahuram,  
\li1 Eliyaba hubin brom det taun gulum Shalbon,  
\li1 Hashem hubin brom det taun gulum Gison,  
\li1 Jonathan hubin det san blanga Shagi brom det taun gulum Herara,  
\li1 Eihaiyam hubin det san blanga Seka brom det taun gulum Herara,  
\li1 Elifal hubin det san blanga Yura,  
\li1 Hefa hubin brom det taun gulum Mekera,  
\li1 Ahija hubin brom det taun gulum Pelon,  
\li1 Hesro hubin brom det taun gulum Kamul,  
\li1 Neirai hubin san blanga Esbai,  
\li1 Jowal hubin braja blanga Neithan,  
\li1 Miba hubin san blanga Heigri,  
\li1 Selek hubin brom det taun gulum Eman,  
\li1 Neiharai hubin brom det taun gulum Biroth en imbin oldei garrimap ol detlot faiting giya blanga Jowab,  
\li1 Aira en Gareb hubin brom det taun gulum Jeitiya,  
\li1 Yuraiya hubin brom det traib gulum Hitait,  
\li1 Seibad hubin san blanga Alai,  
\li1 Edina hubin san blanga Shisa, en imbin wan boswan men brom det Rubin klen en blanga im ronwan grup garram 30 solja,  
\li1 Henan hubin san blanga Meiyaka,  
\li1 Hoshafet hubin brom det taun gulum Mithan,  
\li1 Yusiya hubin brom det taun gulum Eshtera,  
\li1 Shama en Jeiyel, det dubala san blanga Hotham hubin brom det taun gulum Eroya,  
\li1 Jedaiyel en Joha, det dubala san blanga Shimri hubin brom det taun gulum Tis,  
\li1 Eliyel hubin brom det taun gulum Mahaba,  
\li1 Jeribai en Joshabaiya, hubin det dubala san blanga Elnam,  
\li1 Ithama hubin brom det kantri gulum Moweb,  
\li1 en Eliyel, Obed en Jasiyel hubin brom det taun gulum Soba.   
\c 12  
\s1 Detlot soljamob hubin bulurrum Deibid brom det Benjamin klen  
\p
\v 1 Wal basdam wen Deibid bin jidan langa Siklag weya imbin go blanga ranawei brom King Sol det san blanga Kish, loda gudwan soljamob bin midap garram im,  
\v 2 en deibin ol kaman brom det klen blanga Benjamin, det seimwan klen weya Sol bin kaman. Deibin gudwan blanga bo en erro en tjakam spiya o ston, en deibin dum garram lefthen en raiden bingga.  
\v 3-7 Ahisa en Jowesh dubala bin boswan blanga olabat. Dubala bin san blanga Shemaya brom det kantri gulum Gibiya.  
\p Dislot na ola neim blanga detlot solja.  
\li1 Jesiyel en Pelet, hubin dubala san blanga Esmabeth,  
\li1 Beraka en Jeihu bin brom det taun gulum Einathoth,  
\li1 Ishmaiya brom det taun gulum Gibiyan, en imbin brabli gudwan solja en imbin boswan blanga Detlot 30 Solja,  
\li1 Jeramaiya, Jahasiyel, Johanan en Josabed hubin brom det taun gulum Gedara,  
\li1 en Elusai, Jerimath, Biyalaiya, Shemaraiya en Shefataiya, hubin brom det taun gulum Herif,  
\li1 en Elkana, Ishaiya, Esarel, Jowesa en Jeishabim, hubin brom det femili blanga Kora,  
\li1 en Jowala en Sebadaiya, hubin dubala san blanga Jeroham brom det taun gulum Gedowa.   
\s1 Detlot soljamob hubin bulurrum Deibid brom det Ged klen  
\p
\v 8 Dislot neim blanga ol detlot gudwan soljamob brom det Ged klen. Deibin joinap garram Deibid amimob wen deibin jidan langa det strongwan haus langa det deset kantri. Deibin yusumbat spiya en shild, en deibin luk wulijim jigiwan laiyan, en deibin brabli kwikbala wulijim det enimul gulum diya.  
\v 9-13 Dislot soljamob bin ola boswan. Nambawan bos bin Isa, namba 2 bos bin Obadaiya, namba 3 bos bin Eliyab, namba 4 bos bin Mishmana, namba 5 bos bin Jeramaiya, namba 6 bos bin Etai, namba 7 bos bin Eliyel, namba 8 bos bin Johanan, namba 9 bos bin Elsabed, namba 10 bos bin Jeramaiya, en det laswan bos bin Mekbanai.   
\p
\v 14 Wal sambala brom det Ged klen bin boswan blanga 1,000 men, en najalot bin boswan blanga 100 men.  
\v 15 Langa det feswan manth blanga wanbala yiya, langa det taim wen det Jodan Riba bin fladwoda, deibin krosoba det riba en bin andimwei ol detlot pipul hubin jidan langa det beli kantri langa sanraiswei en sangodanwei langa det riba.   
\s1 Detlot soljamob hubin bulurrum Deibid brom det Benjamin klen en det Juda klen  
\p
\v 16 Wal sambala men brom det Benjamin klen en det Juda klen bin go langa det strongwan haus langa det deset kantri weya Deibid bin jidan.  
\v 17 Deibid bin go blanga midap langa olabat en imbin tok, “If yumob kaman blanga meigim fren garram mi en album mi, wal yumob gin kaman. En yumob gin joinap garram melabat. Bat if yumob kaman blanga dalim main enamimob, nomeda ai nomo bin ardimbat yumob, wal det God blanga melabat grengrenfatha olabat garra sabi en im na garra panishim yumob.” Lagijat na Deibid bin tok.   
\p
\v 18 Wal det spirit blanga God bin jidan langa det wanbala solja gulum Amasai. Imbin jingat, “Deibid san blanga Jesi, melabat blanga yu wekinmen olabat, en melabat wandim yu blanga jidan brabli gudwan, en ol detlot hu albumbat yu du, dumaji God im jidan garram yu.” Lagijat na Amasai bin tok.  
\p Afta na imbin jidan boswan blanga Detlot 30 Solja. En Deibid bin welkam detlot men en imbin meigim olabat boswan blanga ol im amimob.   
\s1 Detlot soljamob hubin bulurrum Deibid brom det Manesa klen  
\p
\v 19 Wal sambala solja brom det Manesa klen bin bulurrum Deibid wen imbin go garram detlot Filastainmob blanga fait langa King Sol. Bat im nomo bin album detlot Filastainmob, dumaji detlot lidamob bin reken maitbi im garra gobek en fait garram Sol, wulijim deibin jandimbek im langa Siklag.  
\v 20 Dislot na ola neim blanga detlot solja brom Manesa hubin go en bulurrum langa Deibid wen imbin gobek langa Siklag. Deibin, Edna, Josabed, Jedaiyel, Maikul, Josabed, Ilaihu en Silethai. Basdam deibin ol jidan boswan blanga ebri 1,000 men.  
\v 21 Deibin wekinmen blanga Deibid en bin jidan bos blanga im soljamob, dumaji deibin ol gudwan solja. En brom deya longtaim afta, deibin jidan boswan blanga det ami blanga Deibid.  
\v 22 Ebridei mowa en mowa men bin joinap garram Deibid. Wal lagijat na det ami bin gro brabli bigwan.   
\s1 Ola neim blanga Deibid amimob  
\p
\v 23-37 Wal wen Deibid bin jidan langa Hebran, loda solja hubin sabi hau blanga fait en hubin jidan brabli gudwan solja bin joinap garram im amimob. Deibin wandim album Deibid jidan king blanga olabat, en nomo Sol, jis laik YAWEI bin pramisim. Dijan ola namba blanga olabat.  
\li1 Juda bin abum 6,800 solja garram loda ebrijing, en garram shild en spiya.  
\li1 Simiyan bin abum 7,100 men hubin lenimbat miselp gudwei blanga faitfait.  
\li1 Libai bin abum 4,600 men.  
\li1 Detlot hubin bulurrum Jehoiyada, det femili lain blanga Eran bin abum 3,700 men.  
\li1 Ol detlot rileishan blanga Seidok hubin gudwan yangboi solja bin abum 22 boswan men.  
\li1 Benjamin, det ronwan klen blanga Sol bin abum 3,000 men. Bifo loda pipul blanga Benjamin bin jidan garram Sol.  
\li1 Ifreiyim bin abum 20,800 men. Olabat bin brabli gudwan solja langa olabat ronwan femili.  
\li1 Sangodanwei Manesa bin abum 18,000 men deibin pikimat blanga go en meigim Deibid jidan king.  
\li1 Isaka bin abum 200 boswan lida, en detlot men hu jidan garram olabat. Ol dislot bin sabi wanim Isreil garra dum en wen det rait taim garra kaman.  
\li1 Sebyulan bin abum 50,000 gudwan men redi blanga fait, en deibin sabi hau blanga yusum olkain faiting ting.  
\li1 Neftali bin abum 1,000 boswan men, en 37,000 solja garram spiya en shild.  
\li1 Den bin abum 28,600 men hubin sabi blanga fait.  
\li1 Esha bin abum 40,000 men redi blanga fait.  
\li1 Detlot klen sanraiswei brom det Jodan Riba gulum Rubin, Ged en Sanraiswei Manesa bin abum 120,000 men hubin sabi hau blanga yusum olkain ting blanga fait.   
\p
\v 38 Wal ol dislot solja hubin redi blanga fait bin go langa Hebran. Deibin wandi meigim Deibid jidan king blanga ola Isreil pipul. Ola najalot Isreil pipul bin ol wandim tharran du.  
\v 39 Deibin jidan deya fo thribala dei garram King Deibid, en olabat kantrimen bin meigim redibala loda daga blanga olabat blanga dagat.  
\v 40 En detlot pipul brom Isaka, Sebyulan en det Neftali klen bin kaminap brom nowathwei, en deibin bringimap loda dongki, kemul, en buligi garram loda daga, flauwa, frut daga gulum fig en reisan, greip jus, en oliboil. Deibin bringimap ola buligi en ship blanga kilim en dagat. Dijan bin shoum ola gudbala filing olabat bin abum blanga Deibid oloba langa det kantri.   
\c 13  
\s1 Deibin gajim det Seikridwan Boks brom Kiriyajerim  
\r Sekan Semyul 6:1-11  
\p
\v 1 Wal King Deibid bin majurrumap ola boswan Isreil solja hubin bos blanga 1,000 men, en 100 men en Imbin tok langa olabat.  
\v 2 Afta na imbin tok langa ola Isreil pipul, “If yumob reken im rait, en im rait du langa YAWEI det trubala God blanga melabat, larram melabat jandim mesinja langa ola kantrimen blanga melabat, en ola serramonimen, en ola Libai pipul deya langa olabat taun, en dalim olabat blanga majurrumap miselp iya langa dijan pleis.  
\v 3 Afta na wi garra go en gajim det Seikridwan Boks blanga YAWEI, dumaji nobodi nomo bin yusum det Seikridwan Boks blanga askim YAWEI blanga album olabat wen Sol bin jidan king.” Lagijat na King Deibid bin tok.  
\v 4 Wal ol detlot pipul bin gudbinji blanga tharran en deibin ol wandi dum lagijat.   
\p
\v 5 Wal King Deibid bin majurrumap ola pipul brom Isreil en brom oloba langa det kantri, brom det boda blanga Ijip en langa sauthwei raidap langa det jampap gulum Heimath en langa nowathwei, blanga bringimap det Seikridwan Boks brom Kiriyajerim langa Jerusalem.\x + \xo 13:5 \xt 1 Sem 7:1,2\x*  
\v 6 En King Deibid bin deigim olabat langa det taun gulum Beila, en det najawan neim bin Kiriyajerim deya langa Juda. Imbin go deya blanga gajim det Seikridwan Boks blanga YAWEI blanga deigimbek langa Jerusalem. Det Boks bin abum det neim blanga YAWEI, dumaji olabat oldei reken im jidan deya ontop langa det Boks langa midul langa det dubala sheip garram wing.\x + \xo 13:6 \xt Eksa 25:22\x*   
\p
\v 7 Wal det Boks bin jidan langa det haus blanga wan men neim Abinadeb. King Deibid en detlot solja bin gajim det Seikridwan Boks brom im, en deibin pudum det Seikridwan Boks ontop langa nyuwan wegan. Yusa en Ahiyo bin lukaftumbat det wegan.  
\v 8 En King Deibid en ola Isreil pipul bin singsing en densdensbat brabliwei blanga preisimbat God, en sambala pipul bin pleiplei detlot gita gulum hap en laiyas, en sambala pipul bin pleipleibat ola dram en simbul.   
\p
\v 9 Wal wen deibin kamat langa det pleis blanga det wanbala men neim Kidon weya imbin oldei deigimatbat ola rabish brom detlot sid daga, detlot buligi weya bin pulumbat det wegan bin gulijap buldan, en det men neim Yusa bin pudum im bingga langa det Seikridwan Boks blanga holdimap.  
\v 10 Wal streidawei YAWEI bin gitwail langa det men, dumaji det men nomo bin jinggabat im nomo bin lau tatjim det Seikridwan Boks, en God bin kilim det men ded deya gin wansaid langa det Boks.  
\v 11 En blanga tharran na deibin gulum det pleis Det Panishmen blanga Yusa brom det taim na raidap tudei. Wal King Deibid bin gitwail langa YAWEI na, dumaji YAWEI bin gitwail langa det men en imbin kilim im ded.   
\p
\v 12 Bat afta na King Deibid bin bradin blanga God du, en imbin tok, “Wal ai kaan deigimbek det Seikridwan Boks garram mi.”  
\v 13 En im nomo bin deigim det Boks langa Jerusalem. Imbin libum det Boks langa det haus blanga wan men neim Obedidam hubin kaman brom det taun gulum Geth.  
\v 14 Deya na imbin libum det Boks, en det Boks bin jidan deya fo thribala mants, en YAWEI bin brabli gudbala langa det men en im femili olabat.\x + \xo 13:14 \xt 1 Kran 26:4,5\x*   
\c 14  
\s1 Ola ebrijing weya King Deibid bin dum deya langa Jerusalem  
\r Sekan Semyul 5:11-16  
\p
\v 1 Wal Hairam bin jidan king langa det kantri gulum Taya, en imbin jandim sambala men langa King Deibid, en imbin jandim sambala kapinta garram loda sidatri timba blanga album King Deibid meigimbat haus, en imbin jandim sambala wekinmen weya olabat sabibala blanga bildimap haus garram ston.  
\v 2 Wal wen King Deibid bin luk ol detlot men garram detlot enijing, imbin sabi streidawei YAWEI det trubala God bin meigim im jidan king blanga ola Isreil pipul, en imbin sabi YAWEI bin meigim im haibala blanga albumbat im pipul olabat.   
\p
\v 3 Wal wen King Deibid bin oldei jidan langa Jerusalem, deya na imbin gajim mowa waif, en imbin abum bigmob san en doda.  
\v 4-7 Wal iya na ola neim blanga detlot bigininimob weya imbin abum langa Jerusalem, Shamuwa, Shobab, Neithan, Salaman, Aiba, Ilaishuwa, Elpelet, Noga, Nefeg, Jeifiya, Ilaishama, Beliyada en Elifalet.   
\s1 King Deibid bin bidim detlot Filastain solja  
\r Sekan Semyul 5:17-25  
\p
\v 8 Wal wen detlot Filastain pipul bin irrim det nyus weya detlot Isreil pipul bin meigim Deibid jidan king blanga ola Isreil pipul, streidawei deibin jandim olabat solja blanga go en grebum im. Wal wen King Deibid bin irrim detlot Filastain solja bin lukabat im, imbin go blanga midim olabat.  
\v 9 Wal wen detlot Filastain solja bin kamat langa det pleis gulum Refait Beli, deibin stat deigimbat ebrijing.  
\v 10 Wen King Deibid bin irrim olabat bin deya, imbin askim God wanim im garra dum. Imbin tok, “Yu wandim mi blanga go en fait langa detlot Filastain solja? En if mi go en fait langa olabat, yu garra meigim mi bidim olabat?”  
\p Wal YAWEI bin tok, “Yuwai. Yu garra go en fait langa olabat, en ai garra meigim yu bidim olabat.”   
\p
\v 11 Wal King Deibid en ol im solja olabat bin go en fait langa detlot Filastain solja deya langa Beilperasim, en deibin bidim detlot Filastain solja. En King Deibid bin tok, “God bin album mi blanga binijimap main enamimob jis laik bigwan fladwoda.” En blanga tharran na deibin gulum det pleis Beilperasim.  
\v 12 Wal wen detlot Filastain solja bin ranawei, deibin libum ola drimin sheip blanga olabat biyain, en King Deibid bin dalim im solja olabat blanga barnim ol detlot drimin sheip.   
\p
\v 13 Bambai na detlot Filastain solja bin kambek langa det seimwan pleis gulum Refait Beli, en deibin stat deigimbat ebrijing igin.  
\v 14 Wen King Deibid bin irrim olabat bin deya, wanmotaim imbin askim God if im garra go en fait langa detlot Filastain solja. Wal God bin tok, “Yuwai. Bat yu kaan go en fait langa olabat brom iya. Yu garra goran biyainwei en meigim miselp redi blanga fait langa olabat gulijap langa detlot tri gulum balsamtri.  
\v 15 Wen yu irrim det nois ontop langa detlot tri jis laik sambodi wokwok, wal streidawei yu garra go en fait langa detlot Filastain solja, dumaji mi na wokwok lida langa yu, en mi na garra bidim detlot Filastain solja blanga yu.” Wal lagijat na God bin tok.   
\p
\v 16 Wal King Deibid bin dum wanim God bin dalim im blanga dum, en imbin pushumbek detlot Filastain solja olawei brom det taun gulum Gibiyan raidap langa det taun gulum Gisa.  
\v 17 En det nyus blanga King Deibid bin spredat ebriweya en YAWEI bin meigim ebribodi bradin brabliwei langa King Deibid.   
\c 15  
\s1 King Deibid bin meigim redi blanga shifdim det Seikridwan Boks  
\p
\v 1 Wal King Deibid bin bildimap blendibala haus blanga im langa Deibidtaun. Afta na imbin pikimat gudbala pleis en imbin pudumap wanbala tent deya weya det Seikridwan Boks blanga YAWEI det trubala God garra jidan.  
\v 2 Wal King Deibid bin tok na, “Detlot Libai pipul garra garrimap det Seikridwan Boks, dumaji YAWEI bin pikimat olabat na blanga garrimapbat det Boks en dei garra oldei wek blanga im.”\x + \xo 15:2 \xt Dyud 10:8\x*  
\v 3 Wal King Deibid bin wandim ol detlot Isreil pipul blanga kaman langa Jerusalem, dumaji dei garra shifdim det Seikridwan Boks langa det pleis weya imbin meigim redi.   
\p
\v 4 Afta na imbin jandim wed langa ola wekinmen hubin kaman brom detlot femili lain blanga Eran, en brom detlot Libai pipul.  
\v 5 Yuriyel bin det boswan blanga Kohath femili en det namba blanga detlot pipul hubin kaman bin 120.  
\v 6 Esaiya bin det boswan blanga Merarai femili en det namba blanga detlot pipul hubin kaman bin 220.  
\v 7 Jowal bin det boswan blanga Geshan femili en det namba blanga detlot pipul hubin kaman bin 130.  
\v 8 Shemaiya bin det boswan blanga Elisafan femili en det namba blanga detlot pipul hubin kaman bin 200.  
\v 9 Eliyel bin det boswan blanga Hebran femili en det namba blanga detlot pipul hubin kaman bin 80.  
\v 10 Aminadeb bin det boswan blanga Yusiyel femili en det namba blanga detlot pipul hubin kaman bin 112.   
\p
\v 11 Wal King Deibid bin jingat langa detlot serramonimen neim Seidok en Abaiyatha en det siksbala Libai lida neim Yuriyel, Esaiya, Jowal, Shemaiya, Eliyel en Aminadeb.  
\v 12 Imbin tok langa detlot Libai lida, “Yumob ola boswan lida na blanga det Libai klen. Yumob en yumob femili garra meigim miselp klinbala blanga serramoni wulijim yumob garra bringimap det Seikridwan Boks blanga YAWEI det God blanga ola Isreil pipul deya langa det pleis weya aibin meigim redi.  
\v 13 Yumob nomo bin garrimap det Seikridwan Boks basdam en YAWEI bin panishim wi, dumaji wi nomo bin duwit langa im gudwei.” Lagijat na King Deibid bin tok.   
\p
\v 14 Wal detlot serramonimen en detlot Libaimen bin meigim miselp klinbala blanga serramoni na, dumaji dei garra shifdim det Seikridwan Boks blanga YAWEI det God blanga ol detlot Isreil pipul  
\v 15 Wal detlot Libai pipul bin garrimap det Seikridwan Boks garram pol en deibin garrimap langa olabat sholda jis laik YAWEI bin dalim Mosis.\x + \xo 15:15 \xt Eksa 25:14\x* \fig |src="GT_1Chron1515LevitesCarryArk.tif" size="col" ref="15:15" \fig*   
\p
\v 16 En King Deibid bin dalim detlot lidamob blanga ola Libaimen blanga pikimat sambala blanga sing en plei det gudwan myusik garram det hap en simbul.  
\v 17-21 En brom det singamob deibin pikimat dislot men blanga plei detlot simbul, Heiman det san blanga Jowal, en im kantrimen Eisaf det san blanga Berakaiya, en Ithan det san blanga Kushaiya brom det femili blanga Merarai. Deibin pikimat dislot Libaimen blanga plei detlot lilwan hap. Olabat bin neim Sekaraiya, Jasiyel, Shemiramoth, Jehiyel, Yunai, Eliyab, Meiseiya en Benaiya.  
\p En dislot najalot Libaimen deibin pikimat blanga plei detlot bigiswan hap. Olabat bin neim Metithaiya, Elifaleihu, Mikneiya, Esasaiya, en dubala wekinmen hubin oldei maindimbat det Serramoni Pleis en dubala bin neim Obedidam en Jeiyel.   
\p
\v 22 Wal Kenanaiya bin brabli gudwan pleiya en deibin meigim im boswan blanga ola myusik.  
\v 23-24 Wal deibin pikimat Berakaiya, Elkana, Obedidam en Jehaiya blanga maindimbat det Seikridwan Boks. Deibin pikimat dislot serramoni men neim Shebanaiya, Hoshafet, Nethanel, Amasai, Sekaraiya, Benaiya en Eliyeisa blanga go lida langa det Seikridwan Boks en blowimbat detlot longwan wisul.   
\s1 Deibin shifdim det Seikridwan Boks langa Jerusalem  
\r Sekan Semyul 6:12-22  
\p
\v 25 Wal King Deibid en ol detlot boswan blanga ola Isreil pipul en ola solja bin go langa det haus blanga Obedidam, deibin go en gajim det Seikridwan Boks en deibin brabli gudbinji.  
\v 26 Deibin kilim sebenbala boiwan buligi en sebenbala ship blanga abum sekrifais ofring blanga YAWEI dumaji YAWEI bin jidan deya langa detlot Libaimen blanga album olabat garrimap det Seikridwan Boks.  
\v 27 Wal King Deibid bin werrimon im speshalwan klos deibin meigim brom gudwan matiriyal en imbin werrimon det speshalwan shet gulum ifad. Detlot hu oldei meigim myusik, en Kenanaiya det lida, en detlot Libai pipul hubin garrimap det Seikridwan Boks bin werrimon speshalwan klos deibin meigim brom gudwan matiriyal du.  
\v 28 En olawei langa roud, ol detlot Isreil pipul bin jinginatbat gudbinjiwei, en deibin blowimbat longwan wisul, en deibin plei det myusik garram det simbul en hap olawei raidap deibin gajimap Jerusalem garram det Seikridwan Boks.\fig |src="GT_1Chron 1528_DavidLeadsProcession.tif" size="col" ref="15:28" \fig*  
\v 29 Wal wen deibin deigim det Boks insaid langa det taun, det waif blanga King Deibid neim Mikal hubin det doda blanga Sol, bin lukinatbat detlot pipul brom im haus. En wen imbin luk King Deibid densdensbat lagijat, imbin brabli nogudbinji, en im nomo bin laigim im.   
\c 16  
\p
\v 1 Wal King Deibid bin olredi pudumap wanbala tent deya, en deibin pudumdan det Seikridwan Boks insaid langa det tent, en afta King Deibid bin abum sekrifais ofring blanga God, en imbin abum det serramoni blanga det ofring gulum feloship ofring.  
\v 2 En wen King Deibid bin binij detlot serramoni, imbin gibit gudbala wed langa ola pipul langa det neim blanga YAWEI det trubala God.  
\v 3 Afta na King Deibid bin gibitbat daga langa ebri men en ebri gel brom ol detlot Isreil pipul hubin jidan deya langa det serramoni. Imbin gibit olabat wanbala damba en wanbala kukwan bif en sambala daga gulum reisan.   
\p
\v 4 Wal King Deibid bin pikimat sambala Libaimen blanga lidimbat det feloship en singsingbat en preisimbat langa YAWEI, det trubala God blanga ola Isreil pipul deya lida langa det Seikridwan Boks.  
\v 5 Wal Eisaf imbin det lida, en Sekaraiya imbin det sekanwan men blanga im. En Jeiyel, Shemiramoth, Jehiyel, Metithaiya, Eliyab, Benaiya, Obedidam en Jeiyel deibin oldei plei gita gulum hap, en Eisaf bin oldei plei detlot simbul.  
\v 6 En dubala serramonimen neim Benaiya en Jahasiyel bin oldei blowimbat dubala longwan wisul lida langa det Seikridwan Boks.  
\v 7 Wal tharran na det basdamwan wen King Deibid bin gibit det wek langa Eisaf en langa detlot Libai pipul en deibin plei en singsingbat en preisimbat langa YAWEI.   
\s1 Det song blanga preisimbat YAWEI  
\r Ola Saam 105:1-15; 96:1-13; 106:1,47,48  
\q1
\v 8 \fig |src="Praise.tif" size="col" ref="16:8" \fig* Gibit theingks langa YAWEI en preisimbat im.  
\q2 Dalimbat ola pipul im na bin dum ebrijing.   
\q1
\v 9 Singsingbat en preisimbat langa YAWEI,  
\q2 en dalim ola gudbala ting imbin dum.   
\q1
\v 10 Jidan gudbinjiwei dumaji wi blanga im.  
\q2 En lukabat blanga faindim YAWEI.   
\q1
\v 11 Askimbat YAWEI blanga albumbat wi,  
\q2 en weship langa im ebridei du.   
\q1
\v 12-13 Ola femili lain blanga Jeikob det wekinmen blanga God,  
\q2 yumob femili blanga Isreil hu God bin pikimat.  
\q1 Yumob jinggabat ola gudwan ting weya imbin dum garram im pawa,  
\q2 en langa det panishmen imbin gibit.   
\q1
\v 14 Wal YAWEI det trubala God blanga wi.  
\q2 Im gibit feyago langa ebribodi langa dijan wel.   
\q1
\v 15 En yumob nomo foget det brabli strongwan pramis weya imbin meigim garram yumob olagijawan.   
\q1
\v 16 Det brabli strongwan pramis imbin meigim garram Eibrahem,  
\q2 en det pramis imbin meigim garram Aisik du.\x + \xo 16:16 \xt Jen 12:7; 26:3\x*   
\q1
\v 17 Wal YAWEI imbin meigim brabli strongwan pramis garram Jeikob,  
\q2 en det pramis bin jidan olagijawan blanga im.   
\q1
\v 18 Imbin tok, “Ai garra gibit yu det kantri gulum Keinan.  
\q2 Im blanga yu ronselp tharran.”\x + \xo 16:18 \xt Jen 28:13\x*   
\q1
\v 19 Wal blanga detlot pipul blanga God olabat bin oni lilbit pipul,  
\q2 dumaji olabat bin jidan streinja langa Keinan.   
\q1
\v 20 Detlot pipul bin wokabat oloba langa detlot kantri,  
\q2 brom wan kantri raidap langa najalot kantri.   
\q1
\v 21 Bat God nomo bin larram enibodi ardimbat olabat.  
\q2 Imbin oldei dalim detlot boswan king.   
\q1
\v 22 Imbin tok, “Nomo tatjim main wekinmen olabat.  
\q2 Nomo tatjim main speshalwan mesinja.”\x + \xo 16:22 \xt Jen 20:3-7\x*   
\q1
\v 23 Pipul brom ebri kantri singsingbat langa YAWEI,  
\q2 en dalimbat det gudnyus ebridei imbin seibum melabat.   
\q1
\v 24 Dalimbat ol detlot pipul im na det trubala God en im brabli shainiwan,  
\q2 en im oldei dum gudbala ting blanga ola pipul.   
\q1
\v 25 Wal YAWEI im brabli gudbala,  
\q2 en melabat garra preisimbat im brabliwei.  
\q1 Melabat garra rispek YAWEI mowa den detlot laiyawan drimin.   
\q1
\v 26 Detlot drimin brom najalot kantri, olabat oni laiyawan,  
\q2 bat YAWEI imbin meigim hebin.   
\q1
\v 27 Im brabli shainiwan en im jidan king,  
\q2 en det pawa en gudbinjiwei blanga im bin bilimap im Serramoni Pleis.   
\q1
\v 28 Pipul langa ebri kantri preisimbat YAWEI.  
\q2 Preisimbat im, dumaji im brabli strongbala.   
\q1
\v 29 Preisimbat im gudbala en haibala neim.  
\q2 Bringimap det ofring insaid langa det Serramoni Pleis.  
\q1 Weship im det haibala God, dumaji im na det holiwan.   
\q1
\v 30 Ebribodi langa dijan kantri garra baudan langa im.  
\q2 Dijan wel im jidan wan pleis en im kaan mubabat.   
\q1
\v 31 Det skai en dijan wel garra gudbinji langa im.  
\q2 Dalim ola pipul brom ebri kantri YAWEI im jidan haibala bos.   
\q1
\v 32 Det solwoda im garra jingat adbala en ola enimul blanga im du,  
\q2 en detlot fam kantri en ebrijing blanga yumob garra jidan gudbinji.   
\q1
\v 33 Detlot tri langa det bush kantri garra jingat brabli gudbinjiwei wen YAWEI garra kaman en jidan bos blanga dijan wel.   
\b  
\q1
\v 34 Gibitbat theingks langa YAWEI, dumaji im na brabli gudbala,  
\q2 en im laigim melabat olagijawan.\x + \xo 16:34 \xt 2 Kran 5:13; 7:3; Esra 3:11; Saam 100:5; 106:1; 107:1; 118:1; 136:1; Jera 33:11\x*   
\q1
\v 35 Tok langa im, “Seibum melabat. Yu na Seibya blanga melabat.  
\q1 Majurrumap melabat en seibum melabat brom ola najalot pipul,  
\q2 wulijim melabat garra gibitbat yu theingks olataim en preisimbat yu holiwan neim.”   
\q1
\v 36 Preisim YAWEI det God blanga Isreil pipul.  
\q2 Preisimbat im olataim.  
\p En ola pipul bin tok “Trubala”, en deibin preisimbat YAWEI.   
\s1 Deibin weshipbat deya langa Jerusalem en Gibiyan  
\p
\v 37 Wal King Deibid bin pudum Eisaf en najalot Libaimen blanga deigim feloship sebis langa det pleis weya det Seikridwan Boks bin jidan. Deibin lafta wek deya ebridei.  
\v 38 Obedidam det san blanga Jedathan bin gajim 68 men brom im femili blanga meigim olabat wekinmen. Hosa en Obedidam bin jidan bos blanga ola wekinmen hubin oldei wotjimbat ola geit.   
\p
\v 39 Wal King Deibid bin pikimat Seidok det serramonimen en im wekinmen olabat blanga lidim det feloship sebis blanga YAWEI deya langa det pleis gulum Gibiyan.  
\v 40 Ebri ailibala en sangodantaim deibin oldei barnimbat detlot sekrifais ofring holot langa det teibul blanga ofring, seimwei laik weya deibin raidimdan langa det buk garram ola lowa weya YAWEI bin gibit ola Isreil pipul.  
\v 41 En Heiman en Jedathan en detlot najalot hu deibin pikimat blanga preisimbat langa YAWEI bin deya du blanga preisim YAWEI, dumaji im laigim ola pipul olagijawan.  
\v 42 Heiman en Jedathan dubala bin boswan blanga det myusik weya deibin oldei plei en preisimbat garram song. Det femilimob blanga Jedathan bin jidan wekinmen blanga detlot geit.  
\v 43 Afta na deibin ol gowei langa olabat kemp, en King Deibid bin gowei langa im kemp blanga jidan langa im femilimob du.\x + \xo 16:43 \xt 2 Sem 6:19,20\x*   
\c 17  
\s1 Neithan bin gibit wed langa King Deibid  
\r Sekan Semyul 7:1-17  
\p
\v 1 Wal King Deibid bin jidan gudbalawei langa det nyuwan haus weya imbin bildimapbat. Wandei imbin dalim det speshalwan mesinja blanga God neim Neithan, “Yu luk. Mi jidan iya langa brabli gudwan haus wibin bildimap brom det gudwan sidatri wud, bat det Seikridwan Boks blanga YAWEI det trubala God stil jidan insaid langa det tent.”   
\p
\v 2 Wal Neithan bin tok, “Wal orait. Yu dum wanim yu jinggabat blanga dum, dumaji YAWEI im oldei jidan garram yu.”   
\p
\v 3 Wal afta na midulnait YAWEI bin dalim Neithan,  
\v 4 “Yu garra go en dalim King Deibid, det wekinmen blanga main wanim mi tok. ‘Yu kaan bildimap det serramoni pleis blanga mi,  
\v 5 dumaji brom det taim weya aibin deigidawei ola Isreil pipul brom Ijip raidap tudei mi nomo bin jidan langa serramoni pleis. En nomeda weya detlot Isreil pipul bin oldei go, aibin oldei go garram olabat, en aibin oldei jidan insaid langa tent.  
\v 6 En aibin oldei pikimat ola boswan blanga lukaftumbat detlot pipul. Bat ai nomo bin askimbat olabat wotfo dei nomo bin bildimap serramoni pleis blanga mi.’   
\p
\v 7 “Wal Neithan, yu garra dalim langa King Deibid, ‘Mi na YAWEI det boswan God, en mi na bin gajim yu deya langa det pedik weya yubin oldei lukaftumbat ola ship, en aibin meigim yu jidan bos blanga ol main Isreil pipul.  
\v 8 Aibin oldei go garram yu ebriweya yubin oldei go, en mi na bin oldei bidim ola enami blanga yu wen yubin oldei go en fait langa olabat. En mi na garra meigim yu neim haibala jis laik ola haibala bos langa ola najalot kantri.   
\p
\v 9-10 “‘Wal mi na bin pikimat dijan kantri blanga main pipul olabat, en ai garra meigim olabat jidan iya na, en dei garra jidan gudbalawei olagijawan. Dei kaan jidan wekinmen blanga najalot pipul enimo. En nomeda loda nogudbala pipul bin oldei kaman en fait langa olabat iya langa dijan kantri, bat stil brom tudei na dei kaan abum detkain trabul. Ai pramis blanga meigim yu jidan gudbalawei, nomo garram eni trabul brom yu enami olabat. En ai pramis blanga gibit yu bigismob biginini du.  
\v 11 En wen yu garra dai en dei garra berrim yu garram yu grengrenfatha olabat, wal ai garra meigim wanbala san blanga yu jidan king, en ai garra meigim im jidan strongbala king langa dijan kantri.  
\v 12 En det san na garra bildimap det serramoni pleis blanga mi. En ai garra meigim det femili lain blanga im kipgon jidanbat king olagijawan.  
\v 13 En ai garra jidan dedi blanga im, en im garra jidan jis laiga san blanga mi. En nomeda ai garra panishim im, bat stil ai garra laigim im. En ai kaan tjakidawei im seimwei laik aibin tjakidawei Sol blanga meigim yu jidan king.\x + \xo 17:13 \xt 2 Karin 6:18; Hib 1:5\x*  
\v 14 En det femili blanga im garra kipgon jidanbat olagijawan. En ai garra meigim sambodi brom im femili jidan king, dumaji det femili lain blanga yu garra kipgon jidanbat king olagijawan.’” Wal lagijat na YAWEI bin dalim Neithan wanim im garra dalim King Deibid.   
\p
\v 15 Wal Neithan bin go langa King Deibid, en imbin dalim im ebrijing wanim God bin dalimbat im.   
\s1 King Deibid bin gibit theingks langa YAWEI  
\r Sekan Semyul 7:18-29  
\p
\v 16 Wal afta na King Deibid bin go langa det Tent weya det Seikridwan Boks bin oldei jidan, en imbin jidan deya, en imbin prei langa YAWEI,\fig |src="Prayer.tif" size="col" ref="17:16" \fig* “YAWEI, det trubala God, mi en main femili olabat nomo gudbala, bat stil yu oldei lukaftumbat melabat.  
\v 17 En yu dumbat mowa gudbala ting blanga melabat, dumaji yubin meigim pramis blanga main femili olabat wanim garra hepin bambai. YAWEI, nomeda mi oni wekinmen blanga yu, bat stil yubin tok langa mi laik aibin jidan haibala.  
\v 18 Wal ai kaan tok enijing langa yu, dumaji yu sabi det filing blanga main olredi, bat stil yu rispek langa mi.  
\v 19 En yu na bin meigim det plen blanga dum dijan gudbala ting blanga shoum mi ol dislot ting yubin pramis.  
\v 20 YAWEI, yu na God, en nobodi haibala seimwei laik yu, en melabat bin irrim tharran brom longtaim.  
\v 21 En nomo eni pipul jidan speshalwan seimwei laik ola Isreil pipul jidan, dumaji yu na bin deigidawei melabat brom Ijip weya melabat bin jidan prisana, en yubin meigim melabat jidan yu ronwan pipul olabat. En det nyus blanga ola bigbala ting weya yubin dum blanga melabat bin go ebriweya, en det nyus bin meigim yu neim brabli haibala langa ebri kantri. Wen yubin seibum melabat brom Ijip blanga meigim melabat jidan blanga yu ronwan pipul olabat. Yubin andimwei ola najalot pipul brom olabat kantri wen melabat bin go langa detlot kantri blanga jidan.  
\v 22 En yu na YAWEI bin meigim miselp jidan God blanga melabat. En yubin meigim melabat jidan blanga yu ronwan pipul olagijawan.   
\p
\v 23 “Wal YAWEI, mi askim yu blanga dum wanim yubin pramis blanga dum blanga mi en main femili olabat.  
\v 24 En wen yu dum, det neim blanga yu garra jidan brabli haibala, en ola pipul garra oldei tok lagijat. Dei garra tok, ‘YAWEI det boswan God en im na det God blanga ola Isreil pipul.’ Lagijat na dei garra tok. En yu garra meigim det femili lain blanga main kipgon jidanbat king olagijawan.  
\v 25 Mi nomo bin bradin blanga tok blanga yu lagijat langa dijan preya, dumaji yubin shoum mi ol dislot ting weya aibin tokinabat. En nomeda mi oni wekinmen blanga yu, bat stil yubin dalim mi yu garra meigim sambala main bigininimob jidan king.  
\v 26 YAWEI, yu na boswan God, en yubin meigim brabli gudwan pramis langa mi.  
\v 27 Mi askim yu blanga jidan gudbala langa main femili olabat, wulijim dei garra kipgon jidanbat gudbinjiwei garram yu olagijawan. En yu na YAWEI bin kain langa olabat en yu kipgon jidanbat kainbala langa main femili olabat.” Wal lagijat na King Deibid bin prei langa God.   
\c 18  
\s1 King Deibid en im soljamob bin bidim detlot enamimob  
\r Sekan Semyul 8:1-18  
\p
\v 1 Wal bambai na King Deibid en im soljamob bin go en fait langa detlot Filastain pipul igin, en deibin bidim olabat. En deibin teikoba det taun gulum Geth en ol detlot lilwan taun gulijap.  
\v 2 Wal King Deibid en im solja olabat bin go en fait langa detlot Moweb pipul, en deibin bidim olabat. Lagijat na King Deibid bin meigim miselp jidan bos blanga ol detlot Moweb pipul, en detlot pipul bin oldei peiyimbat teks mani langa im.   
\p
\v 3 Wal King Deibid en im soljamob bin go en fait langa det king blanga det kantri gulum Soba en det king bin neim Heidadesa, en imbin go langa det Yufreitis Riba, dumaji imbin wandi teikoba sambala kantri deya.  
\v 4 King Deibid en im soljamob bin fait langa det king en im solja olabat, en deibin bidim olabat, en deibin gajim 1,000 bagi, en 7,000 hosmen, en 20,000 solja blanga det king. En King Deibid bin pikimat naf hosis blanga 100 bagi, en imbin breigim leig blanga ola najalot hosis.   
\p
\v 5 Wal detlot Siriya pipul brom det taun gulum Dameskas bin jandim solja blanga album King Heidadesa, en King Deibid en im soljamob bin fait langa detlot solja, en deibin kilim ded 22,000 solja.  
\v 6 Afta King Deibid bin meigim sambala solja blanga im kipgon jidanbat deya langa det Siriya kantri, en imbin jidan bos blanga ol detlot Siriya pipul, en detlot pipul bin oldei peiyim im teks mani. Wal YAWEI bin meigim King Deibid bidim im enami olabat ebriweya imbin oldei go blanga fait.  
\v 7 En King Deibid bin gajim ola goldinwan shild weya detlot bosmen blanga King Heidadesa bin oldei garrimapbat, en imbin deigim detlot shild langa Jerusalem.  
\v 8 En imbin gajim loda kopa du brom det dubala taun gulum Taibath en Kun weya King Heidadesa bin jidan. Bambai Salaman bin yusum detlot kopa blanga bildimap loda ebrijing langa det Serramoni Pleis.\x + \xo 18:8 \xt 1 King 7:40-47; 2 Kran 4:11-18\x*   
\p
\v 9 Wal det King Toi blanga det taun gulum Heimath bin irrim det nyus weya King Deibid bin bidim ola solja blanga King Heidadesa.  
\v 10 Imbin brabli gudbinji dumaji imbin bedfren langa King Heidadesa na, en imbin oldei fait langa im. En blanga tharran na wen King Deibid bin bidim King Heidadesa, King Toi bin jandim im san neim Joram blanga tok gudbalawei langa King Deibid. Wal Joram bin garrimap loda gol en silba en kopa blanga gibit langa King Deibid.  
\v 11 Wen imbin gibit im ol detlot enijing, King Deibid bin meigim detlot ting seikridwan blanga YAWEI. En King Deibid bin dum lagijat du langa ol detlot gol en silba weya imbin gajimbat brom detlot Idam pipul, en detlot Moweb pipul, en detlot Eman pipul, en detlot Filastain pipul, en detlot Amalek pipul wen imbin bidim olabat.   
\p
\v 12 Afta na Ebishai hu mami bin neim Seruwaiya det doda blanga King Deibid, bin go en fait langa detlot Idam pipul deya langa det pleis gulum Solt Beli, en imbin kilim 18,000 Idam solja ded.  
\v 13 En afta imbin meigim sambala solja blanga im kipgon jidanbat deya langa det Idam kantri, en imbin jidan bos blanga ol detlot Idam pipul, en detlot pipul bin oldei peiyim im teks mani. Wal nomeda weya King Deibid bin oldei go en fait YAWEI bin oldei meigim im bidim ola enami blanga im.   
\p
\v 14 Wal King Deibid bin jidan bos blanga ola Isreil pipul, en imbin tridimbat olabat raitwei, en imbin oldei gibit olabat feyago.  
\v 15 Wal det men neim Jowab hubin braja blanga Ebishai bin bos blanga ol detlot soljamob blanga King Deibid. En det men neim Jehosafet det san blanga Ahilad bin oldei maindimbat ola buk blanga King Deibid.  
\v 16 Seidok det san blanga Ahitab, en Ahimalek det san blanga Abaiyatha bin jidan serramonimen. En det men neim Seraiya bin raidimdan ola wed blanga King Deibid.  
\v 17 En det men neim Benaiya det san blanga Jehoiyada bin bos blanga ola blijiman hubin oldei lukaftumbat King Deibid. En ola san blanga King Deibid bin jidan haibala bos du.   
\c 19  
\s1 King Deibid bin bidim ola Emanait en Siriya pipul  
\r Sekan Semyul 10:1-19  
\p
\v 1 Bambai na det king blanga ola Emanait pipul bin dai. Det king bin neim Neihesh. En wen imbin dai, Henun det san blanga im bin jidan det king blanga ol detlot pipul na.  
\v 2 Wal wen King Deibid bin irrim det bednyus, imbin jinggabat det King Neihesh. En imbin tok, “Ai garra kain langa Henun jis laik im dedi bin kain langa mi.” En imbin jandim sambala mesinja langa Henun blanga shoum rispek langa im dumaji im dedi bin dai. Wal wen detlot mesinja blanga im bin kamat langa det kantri blanga detlot Emanait pipul blanga luk det king,  
\v 3 ola bosmen blanga detlot pipul bin dalim King Henan, “Yu reken King Deibid bin jandim detlot men blanga shoum rispek langa yu dumaji yu dedi bin dai? Nomo. Imbin jandim olabat iya blanga lukaran langa dijan kantri blanga wi, wulijim im garra sabi hau im garra teikoba dijan kantri blanga wi.” Lagijat na detlot boswan bin tok.   
\p
\v 4 Wal wen King Henun bin irrim olabat tok lagijat, imbin gajim detlot mesinja blanga King Deibid, en imbin kadimof olabat wiska, en imbin kadimof haf olabat klos du, en afta imbin jandimwei olabat.  
\v 5 Wal detlot mesinja bin brabli sheim miselp na, en dei nomo bin wandi gobek langa olabat ron kemp. Wen King Deibid bin irrim wanim bin hepin langa olabat, imbin jandim wed langa detlot mesinja blanga im, en imbin dalim olabat blanga stap langa det taun gulum Jeriko raidap olabat wiska garra grobek.   
\p
\v 6 Wal King Henun en detlot Emanait pipul bin sabi na deibin meigim King Deibid jidan enami blanga olabat, en deibin go en pei loda mani blanga gajim loda solja en bagi blanga album olabat fait langa King Deibid. Deibin gedim olabat brom Mesapoteimiya en brom det dubala kantri gulum Meiyaka en Soba deya langa Siriya.  
\v 7 Detlot 32,000 bagi deibin gajim deya en detlot solja brom det king brom det kantri gulum Meiyaka bin kaman en kemp gulijap langa Midaba. Detlot Emanait pipul bin kaman blanga fait garram olabat du.   
\p
\v 8 Wal wen King Deibid bin irrim detlot solja bin majurrumap miselp redi blanga fait, imbin jandim det boswan solja blanga im neim Jowab garram ola Isreil solja blanga fait langa olabat.  
\v 9 Wal detlot Emanait solja bin kamat brom olabat taun, en deibin meigim miselp redi blanga fait. En ola king en ola najalot solja weya bin kaman blanga album olabat bin meigim miselp redi blanga fait langa det plein kantri lilbit longwei brom det taun.   
\p
\v 10 Wal wen Jowab bin luk hau detlot enami solja bin meigim miselp redi blanga fait, imbin sabi detlot Isreil solja garra jandap langa midul en detlot enami solja garra fait langa olabat brom lida en brom biyain, en imbin go en pikimat ola gudwan solja, en imbin meigim olabat redi blanga fait langa detlot Siriya soljamob feis du feis.  
\v 11 Imbin meigim ola najalot Isreil solja redi blanga fait du langa detlot Emanait soljamob hubin jidan lida redibala. En imbin meigim im braja Ebishai bos blanga detlot Isreil soljamob hu garra fait feis du feis langa detlot Emanait soljamob.  
\v 12 Jowab bin dalim im braja, “If yu luk detlot Siriya solja stat bidimbat mi, wal yu garra kaman en album mi. En if ai luk detlot Emanait solja stat bidimbat yu, wal ai garra go en album yu.  
\v 13 Yu garra jandap brabli strongbala en nomo bradin, dumaji yunmi garra fait brabli adbala blanga yunmi pipul olabat en blanga ola taun weya God bin gibit langa wi. En if YAWEI det trubala God wandim wi blanga win, wal im garra meigim wi win.” Wal lagijat na Jowab bin tok.   
\p
\v 14 Wal Jowab en im soljamob bin go blanga fait langa detlot Siriya solja na, en wen detlot Siriya solja bin luk olabat kaminap blanga fait, streidawei deibin ol ranawei.  
\v 15 En wen detlot Emanait soljamob bin luk detlot Siriya soljamob bin ranawei, deibin ranawei brom Ebishai, en deibin gobek insaid langa det taun blanga olabat. En wen Jowab bin luk detlot Emanait soljamob bin gobek insaid langa det taun, imbin dalim ola Isreil soljamob blanga libum olabat, en deibin ol gobek langa Jerusalem.   
\p
\v 16 Wal detlot Siriya soljamob hubin ranawei bin jinggabat weya detlot Isreil soljamob bin bidimbat olabat, en deibin majurrumap miselp igin, en det king blanga olabat brom Soba neim Heidadesa bin jandim wed langa detlot najalot Siriya soljamob hubin jidan sanraisaid langa det Yufreitis Riba. Wal det bos blanga ola Siriya solja blanga King Heidadesa bin neim Shobak.  
\v 17 Wal wen King Deibid bin irrim detlot Siriya soljamob bin majurrumap miselp igin, imbin majurrumap ola Isreil soljamob du, en deibin go najasaid langa det Jodan Riba en deibin faindim miselp feis du feis langa detlot Siriya soljamob, en wen detlot Siriya soljamob bin luk olabat, deibin meigim miselp redi blanga fait. Wal deibin ol fait na,  
\v 18 en detlot Isreil soljamob bin bidim detlot Siriya soljamob, en deibin kilim ded 7,000 solja hubin oldei fait garram hos en bagi, en deibin kilim ded 40,000 solja hubin oldei wokwok. En detlot Isreil soljamob bin kilim ded Shobak det boswan solja du.  
\v 19 Wal wen detlot Siriya king hubin jidan garram King Heidadesa bin sabi detlot Isreil soljamob bin bidim olabat solja, deibin go langa King Deibid, en deibin meigim pramis garram im blanga jidan gudbalawei garram ola Isreil pipul, en King Deibid bin jidan bos langa ola Siriya pipul na. En detlot Siriya pipul nomo bin wandim blanga album detlot Emanait pipul igin.   
\c 20  
\s1 King Deibid bin teikoba langa Reiba  
\r Sekan Semyul 12:26-31  
\p
\v 1 Wal ebriyiya wen det kolwetha bin oldei binij, det taim na ola king bin oldei stat faitfait gija. Wal det neksyiya King Deibid bin jandim im soljamob garram Jowab blanga fait langa ola Emanait soljamob, en detlot Isreil soljamob bin bidim detlot Emanait solja, en afta deibin go en meigim olabat kemp raidaran langa det taun gulum Reiba blanga fait langa ola Emanait solja hubin jidan langa det taun, en deibin binijimap det taun.  
\p Wal King Deibid nomo bin go langa det fait. Imbin stap deya langa Jerusalem.\x + \xo 20:1 \xt 2 Sem 11:1\x*  
\v 2 Wal afta King Deibid bin go langa det taun. En King Deibid bin gowin langa det serramoni pleis blanga det drimin blanga Emanait pipul neim Molek, imbin pulumat det speshalwan golwan het brom det drimin sheip. Det weit blanga det het bin maitbi 34 kilogrem, en det het bin abum brabli purdiwan ston rait langa midul. Wen King Deibid bin gajim det het, imbin deigim det purdiwan ston en imbin pudum im langa im ronwan speshalwan het, en ola gudwan enijing brom det taun imbin gajim du.  
\v 3 Imbin meigim detlot pipul brom det taun jidan wekinmen blanga im, en imbin meigim olabat wek garram ola sau en tomiyauk en pik. En imbin meigim ola Emanait pipul brom ola najalot taun langa det kantri jidan wekinmen blanga im du. En afta na imbin gobek langa Jerusalem garram ola soljamob blanga im.   
\s1 Det bigwan fait garram detlot Filastain solja  
\r Sekan Semyul 21:15-22  
\p
\v 4 Bambai na detlot soljamob blanga King Deibid bin fait langa detlot Filastain soljamob deya langa det pleis gulum Gisa, en wan solja blanga King Deibid neim Sibakai brom det taun gulum Husha bin kilim ded wanbala bigwan Filastain solja neim Sipai. Wal King Deibid soljamob bin bidim det Filastain soljamob.   
\p
\v 5 Bambai na detlot solja blanga King Deibid bin fait langa detlot Filastain soljamob igin en wan solja blanga King Deibid neim Elanan det san blanga Jaiyiya bin kilim ded wanbala bigwan Filastain solja neim Leimai hubin braja blanga Galaiyath brom det taun gulum Geth, en det spiya blanga im bin brabli thikwan.\x + \xo 20:5 \xt 1 Sem 17:4-7\x*   
\p
\v 6 Bambai na detlot soljamob blanga King Deibid bin fait langa detlot Filastain soljamob igin deya langa det taun gulum Geth. Wanbala Filastain solja bin deya. Imbin bigiswan det men, en imbin abum siksbala bingga langa im dubala bingga en siksbala tou langa im dubala fut.  
\v 7 En imbin tok jigibalawei langa detlot Isreil soljamob wen imbin kaman blanga fait langa olabat. Bat Jonathan, det san blanga Shama hubin braja blanga King Deibid, bin kilim det bigiswan Filastain solja ded.   
\p
\v 8 Wal detlot thribala bigwan Filastain solja bin ol brom det femili lain blanga ola brabli longwan men brom det taun gulum Geth, en King Deibid en im soljamob olabat bin kilim olabat ded.   
\c 21  
\s1 King Deibid bin kaundimap ola pipul blanga Isreil  
\r Sekan Semyul 24:1-25  
\p
\v 1 Wal Seitin bin wandi bringimap trabul langa ol detlot Isreil pipul, en imbin tok langa King Deibid blanga kaundimap ola pipul en King Deibid bin duwit.  
\v 2 Wal King Deibid bin dalim Jowab det bos blanga ola solja blanga im. Imbin tok, “Yu en ol detlot boswan solja garra go ebriweya langa dislot kantri blanga ola Isreil pipul, en yumob garra kaundimap ola pipul, dumaji mi wandi sabi haumatj pipul wi garram.”   
\p
\v 3 Wal Jowab bin tok, “Bos, YAWEI det trubala God garra meigim ola Isreil pipul jidan detmatj, mowa en mowa. En olabat wekinmen blanga yu. Wal wotfo yu wandim kaundimap olabat tudei en meigim olabat jidan gilti blanga dumbat nogudbala ting?”   
\p
\v 4 Wal King Deibid nomo bin lisin langa Jowab, en imbin dalim Jowab en detlot boswan solja blanga dumbat wanim imbin wandim olabat blanga dum. Wal Jowab bin gowei brom King Deibid en imbin trebulin oloba det kantri blanga Isreil, en afta Jowab bin kambek langa Jerusalem.  
\v 5 Imbin go langa King Deibid, en imbin dalim im ebrijing, en det namba blanga ola men brom det Juda klen hu gin fait bin jidan 470,000, en det namba blanga ola men brom ola najalot Isreil klen hu gin fait bin jidan 1,100,000.  
\v 6 Bat Jowab nomo bin gudbinji garram det king blanga kaundimap ola pipul, wulijim im nomo bin kaundimap det Libai klen en det Binjaman klen.   
\p
\v 7 Wanim King Deibid bin dum bin meigim God brabli nogudbinji en imbin panishim ola Isreil pipul.  
\v 8 King Deibid bin tok langa God, “Aibin dum brabli nogudbala ting weya aibin kaundimap ola pipul, en mi askimbat yu blanga larramgo mi fri brom dijan nogudbala ting weya aibin dumbat.”  
\v 9 Afta na YAWEI bin tok langa det speshalwan mesinja neim Ged hubin oldei dalim King Deibid wanim God bin wandim im blanga dum.  
\v 10 Imbin tok, “Yu go en dalim King Deibid mi garram thribala difrinwan ting blanga panishim im. En im garra pikimat wanbala blanga mi blanga dum.”   
\p
\v 11 Wal Ged bin go langa King Deibid, en imbin dalim im blanga det wed weya YAWEI bin tok. Imbin tok, “Wal yu jinggabat wanim God garra dum langa yu na.  
\v 12 Yu wandim God garra meigim dijan kantri jidan nomo garram eni rein en nomo garram eni daga fo thribala yiya? O yu wandim God garra meigim detlot enamimob kaman iya en meigim yu ranawei fo thribala mants? O yu wandim God garra meigim bigiswan siknis kaman langa dijan kantri fo thribala deis? Yu garra jinggabat detlot thribala ting na, en yu garra dalim mi wujan yu wandim mi blanga dalim YAWEI blanga dum.”   
\p
\v 13 Wal King Deibid bin tok, “Mi brabli nogudbinji blanga dijan, en mi nomo sabi wanim blanga dum. Bat mi sabi mi nomo wandim eni men blanga panishim mi. Mi wandim YAWEI blanga panishim mi, dumaji im kainbala.”   
\p
\v 14 Wal wen King Deibid bin tok lagijat, det seim dei gin YAWEI bin jandim bigiswan siknis ebriweya langa det kantri, en loda Isreil pipul brom ebriweya langa det kantri bin dai. Det namba blanga olabat bin 70,000.  
\v 15 En God bin jandim wanbala einjul langa Jerusalem garram bigbala naif blanga binijimap ola pipul. Bat bambai YAWEI bin nogudbinji, dumaji loda pipul bin olredi dai, en imbin jingat langa det einjul. Imbin tok, “Jaldu na! Yubin naf kilim sambala!” Wal wen YAWEI bin jingat langa det einjul lagijat, det einjul bin deya wansaid langa det pleis weya det Jebusait men neim Arauna bin oldei deigimatbat ola rabish brom ola sid daga.   
\p
\v 16 Wal King Deibid bin luk det einjul garram det bigbala naif deya langa Jerusalem. Wen King Deibid en ola lidamob bin luk det einjul deibin werrimon sekbeigwan klos en deibin pudumdan olabat feis langa graun.  
\v 17 King Deibid bin prei langa God, “Wotfo yubin panishim ol detlot pipul? Dei nomo bin dum enijing rong. Yu bina panishim mi en main femili olabat, dumaji mi na bin dum det rong ting.” Lagijat na King Deibid bin tok.   
\p
\v 18 Wal langa det seim dei det einjul blanga YAWEI bin dalim Ged blanga go langa King Deibid, en dalim im, “Yu garra go langa det pleis weya Arauna oldei deigimatbat ola rabishwan gras brom ola sid daga, en deya na yu garra bildimap teibul blanga ofring blanga weship langa YAWEI.”  
\v 19 Wal King Deibid bin duwit langa YAWEI, en imbin dum wanim Ged bin dalim im blanga dum.  
\v 20 Imbin go langa det pleis weya Arauna en im fobala san bin oldei deigimatbat ola rabishwan gras brom ola sid daga, en wen detlot fobala san bin luk det einjul deibin ranawei en haidim miselp.  
\v 21 Wen Arauna bin luk King Deibid kaminap langa im, imbin baudan langa graun lida langa King Deibid blanga shoum rispek langa im.  
\v 22 Wal King Deibid bin dalim im, “Aibin kaman iya blanga baiyim dijan pleis brom yu, dumaji mi garra bildimap teibul blanga ofring blanga weship langa YAWEI blanga stapam dijan nogudwan siknis. Ai garra gibit yu det raitwan mani.”   
\p
\v 23 Wal Arauna bin tok, “Bos, yu gin abum dijan pleis na, en yu gin abum enijing yu wandim blanga gibit ofring langa YAWEI. Iya na det dubala buligi main. Yu gin deigim dubala blanga det ofring weya yu garra barnimap. En iya det wud weya aibin oldei yusum blanga deigimat det rabishwan gras. Yu gin deigim det wud blanga meigim faiya.” Lagijat na Arauna bin tok.   
\p
\v 24 Wal King Deibid bin tok, “Nomo. Yu kaan gibit mi dislot ting blanga najing. Mi garra baiyim brom yu, dumaji mi kaan gibit enijing langa YAWEI if ai nomo bin pei.”   
\p
\v 25 Brom deya King Deibid bin baiyim det pleis brom Arauna, en imbin gibit im 600 golwan mani.  
\v 26 En afta na King Deibid bin bildimap det teibul blanga ofring blanga weshipbat langa YAWEI, en imbin gibit barnapwan ofring langa YAWEI, en imbin gibit im det najawan ofring gulum feloship ofring du. Wal YAWEI bin irrim det preya blanga King Deibid, en imbin ensim im preya brom hebin en jandim faiya blanga barnimap det ofring langa det teibul blanga ofring.   
\p
\v 27 Wal YAWEI bin dalim det einjul blanga pudumwei det bigbala naif, en imbin duwit.  
\v 28 Wen King Deibid bin luk dijan, imbin sabi YAWEI bin ensim im preya, wulijim imbin gibit mowa sekrifais langa det pleis weya dei oldei deigimatbat ola rabishwan gras brom ola sid daga.  
\v 29 Wal det Seikridwan Tent blanga YAWEI weya Mosis bin pudumap deya langa det deset kantri, en det teibul blanga ofring weya deibin oldei gibitbat YAWEI barnapwan sekrifais ofring bin deya langa det pleis gulum Gibiyan.  
\v 30 Bat King Deibid nomo bin wandim go deya blanga weshipbat langa God, dumaji imbin bradin blanga det einjul hubin oldei jandap deya garram det bigbala naif blanga YAWEI.   
\c 22  
\nb
\v 1 En blanga tharran na King Deibid bin tok, “Iya na det Serramoni Pleis garra jidan blanga YAWEI det trubala God, en det teibul blanga ofring weya dei oldei gibit sekrifais garra jidan iya du.”   
\s1 King Deibid bin gitredi blanga bildimap det Serramoni Pleis blanga YAWEI  
\p
\v 2 Wal King Deibid bin dalim ol detlot pipul brom ola najawan kantri hubin jidan deya langa Isreil blanga kaman langa Jerusalem, en imbin meigim olabat wek. Sambala bin kadimbat ola ston blanga meigim det Serramoni Pleis.  
\v 3 King Deibid bin gibit detmatj aiyan langa ol detlot wekinmen blanga meigim neil, en detmatj pat blanga ola wudwan geit, en detmatj kopa weya nobodi gin sabi.  
\v 4 Imbin abum loda pipul brom det dubala kantri gulum Taya en Saidan bringimap blanga im loda sidatri wud.  
\v 5 Wal King Deibid bin jinggabat, “Det Serramoni Pleis weya mi wandim main ronwan san Salaman blanga bildimap garra jidan bigiswan en brabli purdiwan. Bat main san im oni yangboi en im nomo sabi. Wal ai garra gajim ebrijing redibala na bifo mi garra dai.” Lagijat na imbin jinggabat.   
\p
\v 6 Wal King Deibid bin dalim im san Salaman, “Yu garra bildimap det Serramoni Pleis blanga YAWEI, det God blanga ola Isreil pipul.  
\v 7 Main san, aibin wandi bildimap det Serramoni Pleis wulijim mi gin preisimbat langa main God,  
\v 8 bat YAWEI det trubala God bin dalim mi det aibin binijimap bigismob pipul langa loda wo. Wal dumaji loda pipul bin weistim olabat blad wen aibin dum lagijat, YAWEI nomo bin wandim mi blanga bildimap det Serramoni Pleis blanga im.  
\v 9 Bat imbin meigim pramis garram mi. Imbin tok, ‘King Deibid, yu garra abum san gulum Salaman, en im garra jidan gudwei, dumaji ai garra meigim im jidan fri brom ol im enamimob wulijim ola Isreil pipul garra jidan fri brom ola wori.  
\v 10 En im na garra bildimap det Serramoni Pleis blanga main. Im blanga main san, en mi na im dedi. Im femilimob na garra jidan boswan blanga ola Isreil pipul olagijawan.’\x + \xo 22:10 \xt 2 Sem 7:1-16; 1 Kran 17:1-14\x*   
\p
\v 11 “Wal main san, YAWEI im jidan langa yu, en im garra kipum det pramis blanga albumbat langa yu wen yu garra bildimap det Serramoni Pleis blanga im.  
\v 12 En YAWEI im garra meigim yu klebabalawan, dumaji yu na garra jidan boswan blanga detlot Isreil pipul, en yu garra kipum det lowa blanga im.  
\v 13 If yu duwit langa ol detlot lowa weya YAWEI bin gibit langa Mosis blanga ol Isreil pipul, yu garra jidan brabli gudbinji. Yu garra jidan strongbalawei, en nomo gibap, en nomo larram enijing meigim yu bradin en libum det lowa.\x + \xo 22:13 \xt Josh 1:6-9\x*  
\v 14 En blanga dijan Serramoni Pleis ai garram ola ebrijing iya, 4,000 tan gol, en 40,000 tan silba, en loda wud en ston, en bigismob kopa en aiyan redibala, en if yu wandim enijing mowa yu garra gajim.  
\v 15 Yu garram loda wekinmen blanga albumbat yu. Loda wekinmen garra wek blanga kadimbat detlot ston langa det hil kantri, en detlot hu kadimap det ston blanga meigim stonwan wol, en ola kapinta, en loda brabli klebabalawan du hu dum det wek brabliwei  
\v 16 garram ola gol en silba en garram kopa en aiyan. Wal yu garra stadimap det wek, en YAWEI garra jidan garram yu.” Wal lagijat na King Deibid bin tok.   
\p
\v 17 Wal King Deibid bin dalim ol detlot lidamob brom Isreil blanga albumbat langa Salaman.  
\v 18 Imbin tok, “Wal YAWEI det trubala God blanga yumob, imbin jidan garram yumob olawei, en imbin album yumob blanga bidim ola enami langa ola gulijapwan kantri. YAWEI bin album mi blanga bidim ola pipul hubin jidan langa dijan kantri, en tudei na YAWEI im bos blanga olabat en yumob kantri du.  
\v 19 En tudei yumob garra jidan wekinmen blanga YAWEI garram ol yumob hat en main. Yumob garra stat bildimap det Serramoni Pleis na, wulijim yumob gin pudum det Seikridwan Boks blanga YAWEI langa det Serramoni Pleis en ol detlot najalot seikridwan ebrijing weya yumob oldei yusumbat blanga weship langa YAWEI.” Wal lagijat na King Deibid bin tok.   
\c 23  
\p
\v 1 Wal wen King Deibid bin brabli olmen na, imbin meigim im san Salaman jidan king blanga ol detlot Isreil pipul.\x + \xo 23:1 \xt 1 King 1:1-40\x*   
\s1 Det wek blanga det Libai klen  
\p
\v 2 Wal King Deibid bin wandim majurrumap ola Isreil lidamob en ola serramonimen en ola men brom det Libai klen du.  
\v 3 Wal imbin kaundimap ol detlot men blanga det Libai klen en imbin raidamdan ol detlot hubin 30 yiya ol en oba. Det namba bin 38,000.  
\v 4 King Deibid bin gajim 24,000 Libaimen blanga wek langa det Serramoni Pleis, en 6,000 Libaimen blanga raidimdanbat ola ebrijing en kotim olabat wen dei abum agamin.  
\v 5 En imbin gajim 4,000 Libaimen blanga wotjimbat detlot geit, en najalot 4,000 Libaimen blanga preisimbat YAWEI det trubala God garram detlot myusik weya imbin gibit langa olabat.   
\p
\v 6 Wal King Deibid bin kadimat detlot Libai pipul langa thribala grup na. Detlot grup bin bulurrum det thribala femili lain blanga Geshan, Kohath en Merarai.   
\p
\v 7 Wal Geshan bin abum dubala san neim Leidan en Shimiyai.  
\v 8 En Leidan bin abum thribala san neim Jehiyel, Setham en Jowel.  
\v 9 Olabat bin detlot boswan brom detlot femili lain brom Leidan. Shimiyai bin abum thribala san neim Shelomoth, Heisiyel en Heran.  
\v 10-11 Shimiyai bin abum naja fobala san neim Jeihath, Sina, Jeyus en Beraiya. Dumaji Jeyus en Beraiya nomo bin abum loda biginini, wal deibin lafta miksap ol detlot langa wan femili na.   
\p
\v 12 Wal Kohath imbin abum fobala san neim Emrem, Isa, Hebran en Yusiyel.  
\v 13 Im feswan san neim Emrem, en imbin dedi blanga Eran en Mosis. Wal Eran en im femili lain olabat deibin jidan boswan blanga detlot seikridwan ebrijing olagijawan na, en blanga barnimapbat detlot gudsmelwan medisin wen deibin oldei weshipbat YAWEI en wek blanga im. En deibin oldei tok gudbala ting blanga detlot pipul langa im neim.\x + \xo 23:13 \xt Eksa 28:1\x*  
\v 14 Bat detlot san blanga Mosis det men blanga God, deibin kaundim garram det Libai klen.  
\v 15 En Mosis bin abum dubala san neim Gesham en Eliyeisa.  
\v 16 Wal det lida blanga detlot san blanga Gesham bin Shebuwel.  
\v 17 Wal Eliyeisa bin abum oni wanbala san neim Reiyabaiya, bat Reiyabaiya bin abum loda biginini na.   
\p
\v 18 Wal blanga Kohath sekanwan san neim Isa, imbin abum san gulum Shelomith en imbin jidan det boswan blanga det femili.   
\p
\v 19 Wal det namba 3 san blanga Kohath neim Hebran, imbin abum fobala san neim Jeraiya, Amaraiya, Jahasiyel en Jekamiyam.   
\p
\v 20 Wal det namba 4 san blanga Kohath neim Yusiyel, imbin abum dubala san neim Maika en Ishaiya.   
\p
\v 21 Wal Merarai bin abum dubala san neim Malai en Mushai. Malai bin abum dubala san neim Eliyeisa en Kish,  
\v 22 bat wen Eliyeisa bin dai im nomo bin abum eni san na, im oni bin abum doda. Im dodamob bin merrit detlot san blanga Kish hubin barnga blanga olabat.  
\v 23 Wal det sekanwan san blanga Merarai neim Mushai bin abum thribala san neim Malai, Ida en Jeramath.  
\v 24 Dislot na bin ola femili lain blanga det Libai klen en ebribodi femili neim deibin raidimdan. Ol detlot men brom 20 yiya olawei raidap langa ola olmen bin oldei wek mijamet langa det Serramoni Pleis blanga YAWEI.   
\p
\v 25 Wal King Deibid bin tok, “YAWEI det trubala God blanga ola Isreil pipul bin meigim ola pipul jidan gudbinjiwei, en im jidan langa Jerusalem olagijawan.  
\v 26 Wal blanga tharran na det Libai klen nomo lafta garrimapbat det Seikridwan Tent blanga YAWEI enimo en ol detlot najalot seikridwan ting weya deibin oldei yusumbat blanga weship.” Lagijat na King Deibid bin tok.\x + \xo 23:26 \xt Dyud 10:8\x*   
\p
\v 27 Wal King Deibid bin gibit laswan oda langa detlot Libai pipul. Brom dijan taim dei garra raidimdan ola men 20 yiya ol en oba,  
\v 28 en dei garra abum dislot wek. Dei garra albumbat detlot serramoni men langa det Serramoni Pleis weya dei oldei weshipbat. En dei garra oldei maindimbat det kotyad en detlot rum du, en dei garra kipum ebrijing seikridwan. Ol detlot serramonimen bin kaman brom Eran.  
\v 29 Olabat garra lukaftumbat det ofring daga blanga God, en det flauwa weya dei garra yusum langa detlot ofring, en det najakain daga nomo garram raising, en detlot kukwan ofring, en det flauwa weya bin miksap garram oliboil, en dei garra meshurum haumatj det ofring daga langa det Serramoni Pleis.  
\v 30 En dei garra preisimbat en gibit theingks langa YAWEI ebri ailibala en ebri aftanun,  
\v 31 en wen dei gibitbat barnapwan ofring langa YAWEI langa det namba 7 dei, en langa det serramoni gulum Nyumanth, en langa najalot serramoni. En deibin bulurrum det lowa blanga haumeni Libaimen garra dum det wek ebritaim. Det Libai klen garra lafta dum det wek ebridei blanga weshipbat langa YAWEI.  
\v 32 Deibin lukaftumbat det Seikridwan Tent blanga YAWEI en deibin lukaftumbat det Serramoni Pleis en albumbat ol detlot serramonimen hubin brom det femili lain blanga Eran.\x + \xo 23:32 \xt Nam 3:5-9\x*   
\c 24  
\s1 Ola wek detlot serramonimen garra dum  
\p
\v 1 Wal dislot pipul bin jidan femili lain blanga Eran. Wal Eran bin abum fobala san neim Neideb, Abaihu, Eliyeisa, en Ithama.  
\v 2 Wal Neideb en Abaihu bin dai bifo dubala dedi bin dai, en dubala nomo bin abum eni biginini. Wal wen Eran bin dai det dubala san gulum Eliyeisa, en Ithama bin jidan serramonimen na.\x + \xo 24:2 \xt Labid 10:1,2\x*  
\v 3 Wal King Deibid bin gajim detlot femili lain blanga Eran, en imbin pudum olabat langa grup na blanga olabat wek. Seidok brom det femili lain blanga Eliyeisa en Ahimalek brom det femili lain blanga Ithama bin album im.  
\v 4 Detlot femili lain blanga Eliyeisa bin meigim miselp langa 16 grup na, en detlot femili lain blanga Ithama bin meigim miselp langa 8 grup du. Deibin dum lagijat na dumaji loda men bin langa det femili lain blanga Eliyeisa.  
\v 5 En detlot men hu garra wek langa det Serramoni Pleis, en detlot serramonimen hubin femili lain blanga Eliyeisa en Ithama, dei garra sodimat det wek wen dei tjakambat det dubala speshalwan ston.  
\v 6 Detlot femili lain blanga Eliyeisa en blanga Ithama bin tjakambat det dubala speshalwan ston. En Shemaiya det san blanga Nethanel bin raidimdan ola neim blanga ebri grup blanga detlot Libai pipul. Wal ol dislot bin luk tharran, det king en ol im boswan, en det serramonimen neim Seidok, en Ahimalek det san blanga Abaiyatha, en detlot boswan lida langa detlot serramonimen femili, en ol detlot Libai femili.  
\v 7-18 Wal wen deibin tjakambat det dubala speshalwan ston, deibin pikimat dislot men na blanga jidan lida blanga olabat femili grup.  
\li1 Jehoiyarib bin feswan.  
\li1 Jedaiya bin namba 2.  
\li1 Herim bin namba 3.  
\li1 Seyorim bin namba 4.  
\li1 Melkija bin namba 5.  
\li1 Mijamin bin namba 6.  
\li1 Heikas bin namba 7.  
\li1 Abaija bin namba 8.  
\li1 Jeshuwa bin namba 9.  
\li1 Shekanaiya bin namba 10.  
\li1 Eliyashib bin namba 11.  
\li1 Jeikim bin namba 12.  
\li1 Hupa bin namba 13.  
\li1 Jeshabiyab bin namba 14.  
\li1 Bilga bin namba 15.  
\li1 Ime bin namba 16.  
\li1 Hesaira bin namba 17.  
\li1 Hepises bin namba 18.  
\li1 Pethahiya bin namba 19.  
\li1 Jeheskel bin namba 20.  
\li1 Jeikin bin namba 21.  
\li1 Gamul bin namba 22.  
\li1 Delaiya bin namba 23.  
\li1 Meisaiya bin det namba 24.   
\p
\v 19 Wal dislot men en olabat grup garra dum ol detlot wek deya langa det Serramoni Pleis jis laik olabat grengrenfatha Eran bin oldei dumbat blanga YAWEI det trubala God blanga ola Isreil pipul.   
\s1 Ola Libai femili lain  
\p
\v 20 Dislot najamob bin boswan blanga detlot femili hubin kaman brom det femili lain blanga Libai. Jedeiya bin det boswan blanga det femili lain blanga Shebuwel en Emrem.  
\v 21 Ishaiya bin det boswan blanga det femili lain blanga Reiyabaiya.  
\v 22 Jeihath bin det boswan blanga det femili lain blanga Isa brom Shelomith.  
\v 23 Hebran bin abum fobala san. Det feswan bin Jeraiya, det sekanwan bin Amaraiya, det namba 3 bin Jehasiyel, en Jekamiyam bin det laswan san blanga im.  
\v 24 Shamiya bin det boswan blanga det femili lain blanga Maika en Yusiyel.  
\v 25 Sekaraiya bin det boswan blanga det femili lain blanga Ishaiya en Yusiyel. Sekaraiya bin braja blanga Maika.  
\v 26 Malai, Mushai en Jasaiya, olabat bin det femili lain blanga Merarai.  
\v 27 Jasaiya bin abum thribala san neim Shoham, Sekura en Aibri.  
\v 28-29 Malai bin abum dubala san neim Eliyeisa en Kish. Wal Eliyeisa nomo bin abum eni san na, bat Kish bin abum wanbala san neim Jeramiyel.  
\v 30 Mushai bin abum thribala san neim Malai, Ida en Jeramath. Dislot na bin detlot femili lain blanga det Libai klen.  
\v 31 Wal wanbala boswan brom ebri femili en wan yangbala braja bin tjakambat det dubala speshalwan ston blanga faindat wanim wek olabat garra dum, jis laik olabat rileishanmob hubin detlot serramonimen brom det femili lain blanga Eran bin dumbat. Wal ol dislot bin luk tharran, King Deibid, Seidok, Ahimalek, en detlot boswan blanga detlot femili brom detlot serramonimen, en detlot Libai pipul.   
\c 25  
\s1 Detlot pipul hubin plei myusik langa det Serramoni Pleis  
\p
\v 1 Wal King Deibid en detlot lida brom det Libai klen, deibin pikimat sambala Libai pipul blanga lidimbat det feloship sebis. Detlot lida neim bin Eisaf, Heiman en Jedathan. Deibin lafta dalimbat blanga God wed garram det myusik en garram det gita gulum hap, en det lilwan drum gulum simbul. Dislot pipul garra lidimbat det sebis garram olkain myusik.  
\v 2 Detlot fobala san blanga Eisaf bin neim Sekura, Josef, Nethanaiya en Esharela. Det dedi blanga olabat bin jidan bos en imbin oldei dalimbat det wed blanga God wen det king bin askimbat im.  
\v 3 Wal detlot siksbala san blanga Jedathan bin neim Gedalaiya, Seri, Jeshaiya, Shimiyai, Hashabaiya en Metithaiya. Det dedi blanga olabat bin jidan bos en imbin oldei dalimbat blanga God wed garram myusik en garram det gita gulum hap, en garram song blanga preisimbat en gibitbat theingks langa YAWEI det trubala God.  
\v 4 Detlot 14 san blanga Heiman bin neim Bukaiya, Metanaiya, Yusiyel, Shebuwel, Jerimath, Henanaiya, Henanai, Eliyatha, Gidalti, Romatiyesa, Joshbekasha, Melothai, Hothira en Mahasiyoth.  
\v 5 God bin gibit det speshalwan mesinja blanga det king neim Heiman, dislot 14 san en thribala doda, blanga meigim im strongwan.  
\v 6 En ol im san bin oldei plei det myusik garram detlot gita gulum hap, en detlot lilwan drum gulum simbul. Olabat dedi bin jidan boswan blanga det sebis langa det Serramoni Pleis. En Eisaf, Jedathan en Heiman deibin wek blanga det king.   
\p
\v 7 Wal ol dislot 24 men deibin brabli klebabalamen garram myusik, en detlot najalot Libaimen bin plei brabli gudwei du. Det namba blanga detlot men bin 288.  
\v 8 Deibin tjakambat det dubala speshalwan ston blanga sodimat wanim wek dei garra dum, nomeda deibin yangboi o olmen o klebawan men o nomo klebawan.   
\p
\v 9-31 Dislot men na bin ola lida blanga detlot twelbala rileishanmob en wotaim dei garra wek.  
\li1 Josef hubin brom det femili lain blanga Eisaf bin det feswan na.  
\li1 Gedalaiya bin det namba 2.  
\li1 Sekura bin det namba 3.  
\li1 Seri bin det namba 4.  
\li1 Nethanaiya bin det namba 5.  
\li1 Bukaiya bin det namba 6.  
\li1 Esharela bin det namba 7.  
\li1 Jeshaiya bin det namba 8.  
\li1 Metanaiya bin det namba 9.  
\li1 Shimiyai bin det namba 10.  
\li1 Yusiyel bin det namba 11.  
\li1 Hashabaiya bin det namba 12.  
\li1 Shebuwel bin det namba 13.  
\li1 Metithaiya bin det namba 14.  
\li1 Jerimath bin det namba 15.  
\li1 Henanaiya bin det namba 16.  
\li1 Joshbekasha bin det namba 17.  
\li1 Henanai bin det namba 18.  
\li1 Melothai bin det namba 19.  
\li1 Eliyatha bin det namba 20.  
\li1 Hothira bin det namba 21.  
\li1 Gidalti bin det namba 22.  
\li1 Mahasiyoth bin det namba 23.  
\li1 Romatiyesa bin det namba 24.   
\c 26  
\s1 Detlot wekinmen hubin oldei wotjimbat det Serramoni Pleis  
\p
\v 1 Wal dislot na detlot wekinmen hubin oldei wotjimbat detlot geit. Meshelemaiya bin det san blanga Korei hubin brom det femili lain blanga Kora en Eisaf.  
\v 2 Meshelemaiya bin abum sebenbala san neim Sekaraiya, Jedaiyel, Sebadaiya, Jeithniyel,  
\v 3 Elam, Jehohana en Eliyeiyonai.   
\p
\v 4 En Obedidam bin wek deya du. God bin kain langa im en bin gibit im eitbala san neim Shemaiya, Jehosabed, Jowa, Seka, Nethanel,  
\v 5 Amiyel, Isaka en Peyulethai.\x + \xo 26:5 \xt 2 Sem 6:11; 1 Kran 13:14\x*   
\p
\v 6-7 Wal Shemaiya, det feswan san blanga Obedidam bin abum siksbala san neim Othni, Refeiyel, Obed, Elsabed, Ilaihu en Samakiya. Deibin brabli speshalwan men langa olabat femili, dumaji deibin klebabala. Det dubala yangiswan san bin brabli klebabalawan.   
\p
\v 8 Wal Obedidam bin abum 62 femilimob blanga dum det wek, en deibin brabli klebabala men du.   
\p
\v 9 Det femili lain blanga Meshelemaiya bin abum 18 klebabala men.  
\v 10 En brom det femili lain blanga Merarai bin Hosa. Imbin abum wanbala san neim Shimri hubin jidan boswan lida, dumaji im dedi bin meigim im jidan lida nomeda im nomo bin det feswan san blanga im.  
\v 11 Hosa bin abum thribala san neim Hilkaiya, Tebalaiya en Sekaraiya. Det femilimob blanga Hosa bin abum 13 wekinmen hubin wotjimbat detlot geit blanga det Serramoni Pleis.   
\p
\v 12 Wal detlot wekinmen bin meigim miselp difrin grup blanga olabat femili, en deibin wek blanga det Serramoni Pleis jis laik detlot najalot Libaimen bin dum.  
\v 13 Ebri femili nomeda bigwan o lilwan bin tjakambat det dubala speshalwan ston blanga sodimat wanim geit dei garra wotjimbat.  
\v 14 Shelemaiya bin lafta wotjimbat det Sanrais Geit, en im san neim Sekaraiya, hubin oldei tok gudwan ting, bin lafta wotjimbat det Nowath Geit.  
\v 15 Obedidam bin lafta wotjimbat det Sauthwei Geit, en detlot san blanga im bin lafta wotjimbat detlot stowa rum.  
\v 16 Shupim en Hosa bin lafta wotjimbat det Sangodan Geit en det Shaleketh Geit langa det topwei roud.  
\p Wal olabat bin sherimat det wek blanga wotjimbat detlot geit.  
\v 17 Langa det Sanrais Geit, siksbala wekinmen bin oldei wotjimbat ebridei. Fobala bin wotjimbat langa Nowath Geit, en fobala bin wotjimbat langa Sauth Geit. En fobala bin oldei wotjimbat det dubala stowa rum, dubala blanga wanbala stowa rum en dubala blanga najawan stowa rum.  
\v 18 Wal najalot fobala wekinmen bin oldei jidan gulijap langa det sheid haus sangodanwei. Deibin oldei wotjimbat det roud en det sheid haus.  
\v 19 Dislot na det wek weya det dubala femili lain blanga Kora en Merarai bin dumbat.   
\s1 Najalot wek blanga det Serramoni Pleis  
\p
\v 20 Wal najalot Libai pipul bin boswan blanga detlot mani, en langa detlot stowa rum weya deibin kipum ola seikridwan ebrijing blanga God.  
\v 21 Wal Leidan bin wanbala san blanga Geshan femili. Imbin det dedi blanga Jehiyel. Najalot blanga im femili lain bin jidan boswan lida blanga olabat femili.  
\v 22 Wal Leidan bin abum naja dubala san neim Setham en Jowal, en dubala garra jidan boswan blanga detlot stowa rum weya dei garra kipumbat detlot mani blanga det Serramoni Pleis.   
\p
\v 23 Wal dislot na ola najalot boswan brom detlot femili lain blanga Emrem, Isa, Hebran en Yusiyel.  
\v 24 Wal Shebuwel brom det femili lain blanga Gesham, det san blanga Mosis garra jidan boswan blanga detlot mani langa det Serramoni Pleis.  
\v 25 En blanga det braja blanga Gesham gulum Eliyeisa, imbin rileishan blanga Shelomith. En Eliyeisa imbin dedi blanga Reiyabaiya, en Reiyabaiya bin dedi blanga Jeshaiya, en Jeshaiya bin dedi blanga Sikri, en Sikri bin dedi blanga Joram, en Joram bin dedi blanga Sikri, en Sikri bin dedi blanga Shelomith.  
\v 26 Wal Shelomith en det femili blanga im bin boswan blanga ola speshalwan ebrijing weya King Deibid en detlot lida brom ola femili, en detlot lida brom ola klen, en detlot lida brom ola soljamob bin gibit langa God.  
\v 27 Wal deibin deigim sambala ting weya deibin gajim langa wo, en deibin meigim redi blanga yusumbat langa det Serramoni Pleis.  
\v 28 Wal Shelomith en im femili olabat deibin brabli bos na blanga ol detlot enijing weya deibin meigim klinwan blanga pudum langa det Serramoni Pleis, en blanga ol detlot ebrijing deibin bringimap brom det speshalwan mesinja gulum Semyul, en brom King Sol, en brom Ebna det san blanga Nera, en brom Jowab det san blanga Seruwaiya.   
\s1 Wek blanga najalot Libai pipul  
\p
\v 29 Langa det femili lain blanga Isa, det men gulum Kenanaiya en im sanmob bin lafta dum wek langa ofis. Deibin lafta dum det peipa wek en sodimat ola fait weya detlot Isreil pipul bin abum.   
\p
\v 30 Wal brom det femili lain blanga Hebran, Hashabaiya bin abum 1,700 rileishan hubin oldei dum ofis wek blanga detlot haibala serramonimen, en detlot haibala bos blanga det Isreil kantri ebriweya sangodanwei brom det Jodan Riba. Deibin ol speshalwan wekinmen.  
\v 31 Wal Jeraiya bin det lida blanga detlot femili lain blanga Hebran. Langa det namba 40 yiya wen Deibid bin jidan king deibin luk brabliwei langa det femili lain blanga Hebran, en deibin faindim brabli gudwan soljamob langa det femili lain hubin jidan langa det taun gulum Jeisa langa det kantri gulum Giliyad.  
\v 32 King Deibid bin pikimat 2,700 gudwan lida brom det femili blanga Jeraiya, en imbin meigim olabat boswan lida blanga Rubin, Ged en det Sanraiswei Manesa klen weya bin ol jidan sanraiswei langa Jodan Riba. Olabat bin dum ol detlot wek blanga God en blanga det king.   
\c 27  
\s1 Detlot pipul hubin lukaftumbat Isreil  
\p
\v 1 Wal dijan na detlot neim blanga ola lida brom ola Isreil femili, en detlot boswan brom detlot klen, en detlot wekinmen weya deibin oldei lukaftumbat Isreil. Wal ebri manth difrin grup garram 24,000 wekinmen bin oldei wek garram difrinwan bos.   
\p
\v 2-15 Wal dislot na bin detlot boswan blanga ebri difrinwan manth.  
\li1 Wal Jeishabim bin jidan bos langa det feswan manth. Imbin det san blanga Seibdiyel, en imbin brom det femili lain blanga Peres, en blanga det Juda klen.  
\li1 Dodai bin jidan bos langa det namba 2 manth. Imbin brom det femili lain blanga Ahohi. Mikloth bin det sekanwan bos.  
\li1 Benaiya bin jidan bos langa det namba 3 manth. Imbin det san blanga Jehoiyada det serramonimen. Imbin lida blanga Detlot 30 Solja. Im san Amisabad bin teikoba brom im dedi en jidan det boswan lida blanga det grup na.  
\li1 Esahel bin jidan bos langa det namba 4 manth. Imbin det braja blanga Jowab. Im san neim bin Sebadaiya en bin teikoba brom im dedi.  
\li1 Shamuth bin jidan bos langa det namba 5 manth. Imbin brom det femili lain blanga Isa.  
\li1 Aira bin jidan bos langa det namba 6 manth. Imbin det san blanga Aikesh brom det kantri gulum Tekowa.  
\li1 Heles bin jidan bos langa det namba 7 manth. Imbin brom det taun gulum Pelon langa det kantri blanga det Ifreiyim klen.  
\li1 Sibakai bin jidan bos langa det namba 8 manth. Imbin brom det kantri gulum Husha blanga det femili blanga Sara en blanga det Juda klen.  
\li1 Abaiyesa bin jidan bos langa det namba 9 manth. Imbin brom det kantri gulum Einathoth blanga det Benjamin klen.  
\li1 Maharai bin jidan bos langa det namba 10 manth. Imbin brom det kantri gulum Netofa blanga det femili gulum Sera.  
\li1 Benaiya bin jidan bos langa det namba 11 manth. Imbin brom det taun gulum Pairathan langa det kantri blanga det Ifreiyim klen.  
\li1 Heldai bin jidan bos langa det namba 12 manth. Imbin brom det kantri gulum Netofa en imbin brom det femili lain blanga Othniyel.   
\s1 Detlot men hubin lukaftumbat detlot klen blanga Isreil  
\p
\v 16-22 Wal dijan na detlot neim blanga ol detlot men hubin lukaftumbat detlot klen blanga Isreil.  
\li1 Eliyeisa det san blanga Sikri bin boswan lida blanga det Rubin klen.  
\li1 Shefataiya det san blanga Meiyaka bin boswan lida blanga det Simiyan klen.  
\li1 Hashabaiya det san blanga Kemyuwel bin boswan lida blanga det Libai klen.  
\li1 Seidok bin boswan lida blanga det Eran femili.  
\li1 Ilaihu bin wanbala braja blanga King Deibid. Imbin boswan lida blanga det Juda klen.  
\li1 Omri det san blanga Maikul bin boswan lida blanga det Isaka klen.  
\li1 Ishmaiya det san blanga Obadaiya bin boswan lida blanga det Sebyulan klen.  
\li1 Jeramath det san blanga Esriyel bin boswan lida blanga det Neftali klen.  
\li1 Hosheiya det san blanga Esasaiya bin boswan lida blanga det Ifreiyim klen.  
\li1 Jowal det san blanga Pedaiya bin boswan lida blanga det Sangodanwei Manesa klen.  
\li1 Ido det san blanga Sekaraiya bin boswan lida blanga det Sanraiswei Manesa klen.  
\li1 Jasiyel det san blanga Ebna bin boswan lida blanga det Benjamin klen.  
\li1 Esarel det san blanga Jeroham bin boswan lida blanga det Den klen.   
\p
\v 23 Wal King Deibid nomo bin pudumdan det namba blanga detlot pipul hubin anda 20 yiya ol, dumaji YAWEI det trubala God bin pramis blanga meigim det namba blanga detlot Isreil pipul bigiswan jis laik detlot sta langa top.\x + \xo 27:23 \xt Jen 15:5; 22:17; 26:4\x*  
\v 24 Bat Jowab hu mami bin Seruwaiya, imbin stat kaundimap detlot pipul bat im nomo bin binij dumaji YAWEI bin panishim detlot Isreil pipul. En blanga tharran na olabat nomo bin pudumdan det namba langa det speshalwan buk blanga King Deibid.\x + \xo 27:24 \xt 2 Sem 24:1-15; 1 Kran 21:1-14\x*   
\s1 Detlot men hubin lukaftumbat ola kantri blanga det king  
\p
\v 25-31 Wal dijan na detlot neim blanga ol detlot boswan hubin lukaftumbat ola ebrijing blanga det king.  
\li1 Esmabeth det san blanga Ediyel bin lukaftumbat detlot stowa rum blanga det king langa Jerusalem.  
\li1 Jonathan det san blanga Yusaiya bin lukaftumbat najalot stowa rum.  
\li1 Esrai det san blanga Kelab bin lukaftumbat detlot wekinmen blanga detlot fam.  
\li1 Shimiyai brom det pleis gulum Rema bin lukaftumbat detlot greip tri.  
\li1 Seibdai im brom det pleis gulum Shefam bin lukaftumbat detlot wain.  
\li1 Beilenan brom det pleis gulum Geda bin lukaftumbat detlot olibtri en najalot tri weya deibin growap sangodansaid langa detlot hil.  
\li1 Jowesh bin lukaftumbat ola oliboil langa det stowa rum.  
\li1 Shitai bin brom det pleis gulum Sheran en imbin lukaftumbat detlot buligi weya dei garram langa det plein kantri gulum Sheran.  
\li1 Shafat det san blanga Edlai bin lukaftumbat detlot buligi langa detlot beli.  
\li1 Obil brom detlot Ishmeil pipul bin lukaftumbat detlot kemul.  
\li1 Jedeiya brom det pleis gulum Meranath bin lukaftumbat detlot dongki.  
\li1 Jeisis hubin brom detlot Heigrait pipul bin lukaftumbat detlot ship en gout.   
\s1 King Deibid en detlot men hubin albumbat im  
\p
\v 32 Wal King Deibid anggul Jonathan, imbin brabli klebawan en imbin sabi ebrijing. Im en Jehiyel det san blanga Hekmanai dubala bin boswan wekinmen blanga titjimbat detlot san blanga det king.  
\v 33 En Ahithafel imbin det speshalwan wekinmen blanga album det king, en Hushai brom det femili lain blanga Akait imbin det speshalwan fren blanga det king.  
\v 34 Bambai wen Ahithafel bin dai, Abaiyatha, en Jehoiyada det san blanga Benaiya bin speshalwan blanga album det king. Jowab bin det boswan lida blanga detlot amimob.   
\c 28  
\s1 King Deibid bin dalim Salaman hau dei garra bildimap det Serramoni Pleis  
\p
\v 1 Wal King Deibid bin abum miting garram ol detlot hubin lukaftumbat detlot Isreil pipul deya langa Jerusalem. Ol detlot hubin lukaftumbat detlot klen, en detlot hubin lukaftumbat ol detlot ebrijing blanga det kantri, en detlot lida brom ola femili, en detlot boswan lida hubin lukaftumbat det kantri en detlot enijing blanga det king en blanga im sanmob, en ol detlot boswan brom det king haus, en detlot wekinmen hubin oldei dumbat speshalwan wek, en ol detlot lida blanga ola soljamob, en ol detlot brabli haibala men, deibin ol majurrumap miselp langa Jerusalem.  
\v 2 Wal King Deibid bin jandap lida langa detlot pipul en imbin dalim olabat. Imbin tok, “Wal main kantrimen olabat, yumob irrim langa mi na. Aibin wandi bildimap det speshalwan pleis weya wi gin pudum det Seikridwan Boks wulijim wi gin go deya blanga weshipbat langa YAWEI det trubala God blanga wi. Wal aibin meigim ebrijing redi blanga bildimap det Serramoni Pleis du,  
\v 3 bat YAWEI nomo bin larram mi blanga dum lagijat, dumaji mi solja, en aibin kilim ded detmatj pipul.   
\p
\v 4 “Wal YAWEI det trubala God blanga ola Isreil pipul, imbin pikimat mi en ol main femili lain blanga jidan bos blanga ola Isreil pipul olagijawan. Imbin pikimat det klen blanga Juda blanga gibitbat lida, en imbin pikimat main dedi femilimob brom ol detlot najalot femili langa Juda. Brom ol main femili imbin pikimat mi blanga jidan king blanga ola Isreil pipul.  
\v 5 Wal imbin gibit mi loda san na, en brom detlot imbin pikimat Salaman blanga jidan king blanga ola Isreil pipul hu jidan blanga YAWEI.   
\p
\v 6 “Wal YAWEI bin tok langa mi, ‘Blanga yu san Salaman, im na garra bildimap det Serramoni Pleis, dumaji aibin pikimat im blanga main san, en mi im dedi na.  
\v 7 Wal ai garra meigim im jidan boswan lida olagijawan if im kipgon dum langa main lowa en wanim ai dalim im blanga dum.’\x + \xo 28:7 \xt 2 Sem 7:1-16; 1 Kran 17:1-14\x*   
\p
\v 8 “Wal main pipul, yumob na jidan iya garram God, en yumob blanga YAWEI. Ai wandim yumob blanga dum ebrijing weya YAWEI dalimbat yumob, wulijim yumob garra kipgon jidanbat langa dijan gudwan kantri, en yumob gin gibit langa yumob biginini olabat olagijawan.   
\p
\v 9 “En yu na main san Salaman, yu garra oldei weship langa God en duwit langa im en jinggabat langa im garram ol yu hat en main. Im sabi wanim ting yu jinggabat blanga dum, en wanim yu wandim dum. If yu go langa im, im garra album yu, bat if yu gibit bekboun langa im, wal im garra gibit bekboun langa yu olagija.  
\v 10 Wal yu garra sabi YAWEI bin pikimat yu na blanga bildimap det Serramoni Pleis blanga weship im. Yu garra jidan brabli strongbala en dum det wek brabli gudwei.” Lagijat na King Deibid bin tok.   
\p
\v 11 Wal King Deibid bin dalim Salaman hau im garra bildimap detlot Serramoni Pleis, detlot stowa rum en detlot najalot rum, en det Brabli Seikridwan Rum weya blanga larramgo fri ola pipul brom olabat nogudbalawei.  
\v 12 Wal King Deibid bin kipgon dalimbat im hau im garra bildimap det kotyad langa midul en wujeiwujei detlot rum garra jidan insaidwei, en imbin dalim im blanga detlot stowa rum langa det Serramoni Pleis blanga pudumbat ola speshalwan ting weya dei oldei yusumbat blanga weshipbat en ol detlot speshalwan ting na weya dei oldei gibitbat langa YAWEI.  
\v 13 En King Deibid bin dalim Salaman blanga dalim detlot serramonimen en detlot Libai pipul hau dei garra dum olabat wek langa det Serramoni Pleis, en hau dei garra lukaftumbat detlot enijing dei garra yusum langa det Serramoni Pleis.  
\v 14 Imbin dalim Salaman haumatj silba en gol im garram yusum blanga meigim ola ebrijing dei garra yusumbat langa det Serramoni Pleis,  
\v 15 en blanga detlot lemp en blanga detlot lempsten,  
\v 16 en blanga detlot silbawan teibul, en blanga detlot goldinwan teibul weya dei garra pudum detlot damba blanga gibit det ofring langa God.  
\v 17 En imbin gibit im oda blanga haumatj brabli gudwan gol blanga meigim ola fok, boul en jag, en haumatj silba en gol blanga meigim ola dish.  
\v 18 En haumatj brabli gudwan gol blanga meigim det teibul blanga ofring weya dei garra barnim det gudsmelwan medisin, en meigim det dubala sheip garram wing weya spredat en gaburrumap det Seikridwan Boks blanga YAWEI.  
\v 19 King Deibid bin tok, “Ol dislot ting na deibin raidimdan langa peipa seim laik YAWEI bin dalim mi blanga dum.”   
\p
\v 20 Wal King Deibid bin tok langa im san Salaman, “Yu garra abum strongwan main en nomo gibap. Yu garra stat det wek na en nomo larram enijing stapam yu, wulijim YAWEI hu mi oldei bulurrumbat, im garra oldei jidan garram yu. Im nomo gibap langa yu. Im garra jidan langa yu raidap yu garra binijimap det wek blanga im langa det Serramoni Pleis.  
\v 21 Wal ol detlot serramonimen en Libai pipul dei garra dum det wek langa det Serramoni Pleis. Detlot wekinmen hu gin dum brabli klebabalawan wek garra album yu. En ol detlot pipul en lidamob dei garra lisin langa yu en duwit wanim yu tok.” Lagijat na King Deibid bin tok.   
\c 29  
\s1 Ola speshalwan ting pipul bin gibit blanga bildimap det Serramoni Pleis  
\p
\v 1 Wal King Deibid bin kipgon tok langa detlot pipul hubin lukaftum ebrijing, “God bin pikimat main san Salaman, bat im yangboi en im stil nomo sabi ebrijing. Det wek im brabli bigwan dumaji dijan nomo speshalwan pleis blanga pipul, bat im Serramoni Pleis blanga YAWEI det trubala God.\fig |src="CO01388Cr.tif" size="col" ref="29:1" \fig*  
\v 2 Wal aibin gajim ebrijing blanga dum det wek langa dijan Serramoni Pleis, gol, silba kopa, aiyan, wud en olkain shainiwan ston, en purdiwan ston blanga flopat, en loda ston gulum mabul.\x + \xo 29:2 \xt 1 Kran 22:5\x*  
\v 3 En aibin pudum sambala main ronwan silba en gol, dumaji mi laigim main God en im Serramoni Pleis detmatj.  
\v 4 Wal aibin gibit bigismob brabli gudwan gol en bigismob brabli gudwan silba blanga meigim brabli purdiwan detlot wol olaran langa det Serramoni Pleis,  
\v 5 en blanga ebrijing weya detlot klebabala wekinmen garra meigim. Wal yumob laigim YAWEI brabliwei? Wal hu garra gibit ola speshalwan ebrijing blanga bildimap dijan Serramoni Pleis?” Lagijat na King Deibid bin tok.   
\p
\v 6-7 Wal ola brabli boswan lida blanga detlot femili, en ol brabli boswan lida brom detlot klen, en ol detlot lida blanga detlot soljamob, en ol detlot haibala gabman bos blanga ola king kantri, deibin ol wandi gibit ol dislot ting blanga det Serramoni Pleis. Deibin gibit loda gol, en bigmob silba, en bigismob kopa, en bigismob aiyan.  
\v 8 En ebribodi hubin abum detkain purdiwan ston bin gibit blanga det Serramoni Pleis. Wal Jehiyel hubin brom det Geshan femili lain blanga det Libai klen bin oldei lukaftumbat tharran.  
\v 9 Wal King Deibid en ol detlot pipul deibin brabli gudbinji detmatj wen deibin gibit ol detlot enijing langa YAWEI.   
\s1 King Deibid bin preisimbat YAWEI  
\p
\v 10 \fig |src="Praise.tif" size="col" ref="29:10" \fig* Wal King Deibid bin jandap lida langa ola pipul en bin preisimbat YAWEI. Imbin tok, “YAWEI, yu na det trubala God blanga melabat grengrenfatha Jeikob, en ai wandi preisimbat yu olagijawan.  
\v 11 Yu na brabli haibala en yu na garram detmatj pawa. Yu brabli gudwan, en yu na det brabli shainiwan lait, en yu na det king. Ebrijing langa hebin en langa dijan wel blanga yu, en yu jidan det boswan king blanga ebrijing na.\x + \xo 29:11 \xt Meth 6:13\x*  
\v 12 Ola gudbala ting kaman brom yu. Yu boswan blanga ebrijing garram yu strongwan pawa, en oni yu na gin album enibodi jidan haibala en strongbala.  
\v 13 Wal dedi God melabat gibit yu theingks, en melabat oldei preisimbat yu haibala neim.   
\p
\v 14 “Wal melabat kaan gibit yu enijing, dumaji ebrijing kaman brom yu. Melabat gin oni gibitbek yu wanim melabat gajim brom yu.  
\v 15 Yu sabi YAWEI, melabat jidan langa dijan laif laik streinjamob, jis laik melabat grengrenfathamob bin dum. Melabat laif jidan jis laiga shedo, en melabat ol garra dai.  
\v 16 YAWEI, yu na det trubala God, en melabat bin kaman mijamet iya garram ol dislot ting blanga bildimap det Serramoni Pleis blanga yu en blanga preisimbat yu seikridwan neim, bat ol dislot ting bin kaman brom yu, en ebrijing im blanga yu.  
\v 17 Ai sabi yu testimbat ebribodi hat insaidwei, en yu brabli gudbinji langa pipul wen dei onap blanga olabat nogudbalawei en jidan trubalawei. Wal trubalawei aibin gibit ol dislot ebrijing langa yu na, en aibin luk hau ol dislot pipul hubin majurrumap miselp iya, deibin oldei gudbinji blanga bringimap ola ofring blanga yu.  
\v 18 YAWEI det trubala God blanga melabat grengrenfathamob Eibrahem, Aisik en Jeikob, olabat bin bulurrum yu brabliwei, wal yu album melabat blanga bulurrum yu brabliwei du en bilib langa yu olataim.  
\v 19 Gibit main san Salaman ebrijing im wandim blanga bulurrum yu olataim en duwit wanim yu wandim im blanga dum blanga yu en blanga bildimap det Serramoni Pleis gudwei, dumaji aibin pudum ol dislot speshalwan ting iya redibala.” Lagijat na King Deibid bin prei langa YAWEI.   
\p
\v 20 Wal King Deibid bin tok langa ola pipul, “Ol yumob na garra preisimbat YAWEI.” En ola pipul bin preisimbat YAWEI, det trubala God blanga olabat grengrenfathamob, en deibin weship im en deibin pudumdan hed langa im en langa det king du.   
\p
\v 21 En langa det neksdei deibin kilim enimul blanga abum det sekrifais serramoni blanga YAWEI, en deibin gibit langa detlot pipul blanga dagat. En deibin gajim 1,000 mowa buligi, en 1,000 boiwan ship, en 1,000 lilwan ship en pudum holbit langa det teibul blanga ofring en deibin barnimap. En deibin bringimap wain ofring du.  
\v 22 En det dei na, detlot pipul bin brabli gudbinji wen deibin dagadagat daga en dringgimbat en YAWEI bin deya garram olabat.  
\p Wal dijan na det sekantaim deibin meigim Salaman king. En langa det neim blanga YAWEI, deibin spilim oliboil langa im hed. En deibin meigim Seidok jidan det serramonimen blanga olabat.  
\v 23 Wal Salaman bin jidan king afta im dedi King Deibid, dumaji YAWEI bin wandim im blanga jidan king. Imbin gudwan lida na blanga detlot pipul, en deibin oldei duwit langa im.\x + \xo 29:23 \xt 1 King 2:12\x*  
\v 24 Wal ol detlot boswan lida, en detlot soljamob, en detlot najalot san blanga King Deibid, deibin ol pramis blanga duwit langa King Salaman.  
\v 25 Wal YAWEI bin meigim ol detlot pipul rispek langa King Salaman, en imbin jidan mowa gudwan king brom detlot feswan king weya deibin jidan bos blanga detlot Isreil pipul.   
\s1 King Deibid bin dai na  
\p
\v 26-27 Wal Deibid det san blanga Jesi imbin jidan king blanga detlot Isreil pipul fo 40 yiya. Imbin jidan king langa Hebran fo 7 yiya en langa det taun Jerusalem imbin jidan king fo 33 yiya.\x + \xo 29:26-27 \xt 2 Sem 5:4,5; 1 Kran 3:4\x*  
\v 28 En wen imbin brabli olmen imbin dai. Imbin brabli ritjwan en ola pipul bin rispek im. En afta imbin dai im san Salaman bin jidan king na.  
\v 29 Detlot thribala speshalwan mesinja gulum Semyul, Neithan en Ged bin raidimdan ola stori blanga King Deibid brom wen imbin fes stat en raidap imbin binij.  
\v 30 Detlot wed dalimbat hau imbin jidan strongbala king, en ebrijing det bin hepin langa im, en ebrijing det bin hepin langa ola Isreil pipul en langa detlot najalot kantri olaran langa Isreil.  
\p Binij na.