\id JAS 
\ide UTF-8
\h Jakov
\toc1 Bičhaldo lil e Jakoveso
\toc2 Jakov
\toc3 Jak
\mt E Jakoveso bičhaldo lil
\c 1
\s E Jakovese pozdravura
\p
\v 1 Me, o Jakov, o sluga e Devleso thaj e Gospodeso e Isuseso e Hristeso, pozdraviv e Izraelska dešuduj plemenura save si rasejime pi phuv.
\s Pačajipe thaj gođaveripe
\p
\v 2 Manglalen phralalen thaj phejalen, aven radosna kana ka aven pe tumende bilo save kušnje. 
\v 3 Golese kaj džanen kana si tumaro pačajipe ani kušnja, barol tumaro ustrajnost. 
\v 4 A tumaro ustrajnost te ćerol pi bući ane tumende, te bi tumen avena savršena thaj potpuna, bize nisavo nedostatko.
\p
\v 5 Gija, te trubuja khanika mudrost, nek zamolil e Devle, savo ka dol tumen. Golese kaj o Dol dži jekhese dol obilno, bizo nisavo vaćaripe. 
\v 6 Al molin pačajimasa, bizo nisavo sumnjipe! Ko sumnjil, vov si nestabilno sar morsko talaso kas i balval inđarol akari – okori. 
\v 7 Gasavo manuš ma te dol gođi kaj ka primil khanči taro Gospod. 
\v 8 Vov si ulado ani pi gođi thaj si nestabilno ane sa so ćerol.
\p
\v 9 O pačavno phral so si čoro, nek hvalil pe golesa kaj o Dol vazdija le. 
\v 10 Al o pačavno phral savo si barvalo, nek hvalil pe golesa kaj o Dol ponizisada le. Golese kaj e barvale ka načhen sar luluđi ko polje. 
\v 11 Kana o kham ikljol, leso tatipe šućarol i luluđi. Lako cveto perol thaj o lačhipe lako hasardol. Isto gija si e barvalesa. I vov ka merol dok džal pe bućencar.
\s1 Kušnja
\p
\v 12 Blagoslovimo si o manuš savo strpljivo izdržil i kušnja. Kana sikadol kaj izdržisada e iskušenjura, ka primil o pobedničko venco – o džuvdipe, so o Dol obećisada kolenđe save manđen le.
\p
\v 13 Khoni ma te vaćarol kana avol ano iskušenje: “O Dol iskušil man”, golese kaj e bilačhimasa našti iskušil pe o Dol, niti o Dol ni iskušil khanika. 
\v 14 Nego dži jekhe iskušil le lesi požuda, savi inđarol thaj mamil le. 
\v 15 Tegani goja požuda si khamni thaj bijanol greh, a kana o greh potpuno barol, bijanol meripe.
\p
\v 16 Ma xoxadon, mingre mangle phralalen thaj phejalen! 
\v 17 Dži jekh šukar thaj savršeno daro si odupral thaj avol taro Dad savo ćerda e nebose svetlura, savo ni menjil pe sar senka. 
\v 18 O Dol odlučisada kaj ka bijanol amen palem e Lafesa taro čačipe, te ava anglune maškar sa lese stvorenjura.
\s Te šunol pe thaj te ćerol pe
\p
\v 19 Manglalen phralalen thaj phejalen, džanen kava: Dži jekh manuš sigate trubul te šunol, al pozala te vaćarol thaj ma sigate te holjavol. 
\v 20 Golese kaj e manušesi holi ni anol pravednost savi manđol o Dol.
\p
\v 21 Gija, čhuden tumendar dži jekh duxovno melalipe thaj dži jekh bilačhipe. Ponizno prihvatin e Devleso Lafi savo si sadime tumenđe ane ile, savo šaj spasil tumen.
\p
\v 22 Ma te aven kola save samo šunen e Devleso Lafi thaj gija pes xoxaven, nego aven kola save ćeren so e Devleso Lafi sikavol. 
\v 23 Golese ako khoni šunol e Devleso Lafi, a ni ćerol le, tegani si sar manuš savo šukar dičhol piro muj ko ogledalo, gasavo savo si, 
\v 24 golese, šukar dičhol pe, pale gova džal thaj sigate bistrol sar izgledisada. 
\v 25 Al ko šukar dičhol pe ano savršeno zakon savo oslobodil thaj ačhol te dičhol ane leste thaj ni bistrol so šunda, nego ćerol e buća, gova ka avol blagoslovimo ane kova so ćerol.
\p
\v 26 Ako khoni dol gođi kaj si devlikano, al ni kontrolišil pi čhib, korkoro pes xoxavol; leso devlikanipe si čučo. 
\v 27 O devlikanipe savo si duxovno thodo thaj bizo melalipe anglo Dol, o Dad, si kava: te pomognin e čhavorenđe save ačhile čorore thaj e udovicenđe ane lengo bilačhipe thaj te aračhen tumen taro melalipe savo avol tare kava sveto.
\c 2
\s Ma dičhen ko si ko
\p
\v 1 Phralalen thaj phejalen mingralen, ane tumaro pačajipe ano amaro slavno Gospod o Isus o Hrist ma te avol pristrasnost premal manuša. 
\v 2 Na primer, te avilo manuš ki služba zlatnone angrustikasa thaj ane barvale šeja a ano isto vreme te avilo i o manuš čororo ane pharade šeja, 
\v 3 a tumen sikaven posebno pažnja e manušese savo inđarol barvale šeja thaj vaćaren lese: “Tu beš kate ki jekh tare lačhe thana!”, a e čorore manušese vaćaren: “Ačh odori!”, il “Beš tu tele paše mingre pingre!” 
\v 4 Gija, so ćeren? Ni li ćeren razlika maškare tumende thaj aven sar sudije save anen bilačho sudo?
\p
\v 5 Šunen, manglalen phralalen thaj phejalen! Na li o Dol birisada gasaven save si čorore ane kava sveto, te aven barvale ano pačajipe thaj naslednikura ano Carstvo so o Dol obećisada kolenđe save manđen le? 
\v 6 Al tumen potcenisaden e čorore! Naj li baš e barvale kola save koristin tumen thaj vucin tumen ke sudura? 
\v 7 Naj li von kola save vaćaren bilačhe tare Hristeso šukar alav, kase tumen preperen.
\p
\v 8 Ako tumen čače ićaren tumen ko carsko zakon taro Sveto lil: “Mang ćire pašutne sar korkore tut”, tegani šukar ćeren. 
\v 9 Al te sen pristrasna, ćeren greh thaj o Zakon osudil tumen sar kola save phađen le. 
\v 10 Golese, ko ićarol pe ke sa o Zakon, al grešil ane jekh zapovest, bango si paše sa e zapovestura. 
\v 11 Golese o Dol savo phenda: “Ma čher preljuba!”, vaćarda i kava: “Ma mudar!” Te i ni ćerdan preljuba, al nekas mudardan, bango san golese kaj phagljan o Zakon.
\p
\v 12 Gija vaćaren thaj ćeren sa sar kola save ka aven sudime palo zakon savo oslobodil. 
\v 13 Golese kaj e Devleso sudo ka avol bizo milosrđe kolese savo ni sikavol milosrđe. O milosrđe pobedil i osuda.
\s O pačajipe bize šukar buća si mulo
\p
\v 14 Manglalen phralalen thaj phejalen, so isi tumen tare gova, te nesavo vaćarol kaj isi le pačajipe, al naj le buća šukar? Šaj li gasavo pačajipe te spasil le? 
\v 15 Te nesavo phral il phen naj len so te uraven thaj naj len so te xan svako đive, 
\v 16 so isi len tare gova, te nesavo tumendar phenol lenđe: “Dža ano mir, taton thaj čaljon”, al ni dol len so trubul len paše lengo telo?
\p
\v 17 Gija si thaj e pačajimasa: te si o pačajipe korkoro thaj naj le šukar buća, mulo si.
\p
\v 18 Al nesavo ka vaćarol: “Tut isi pačajipe, al man isi šukar buća.” Gija sikav manđe ćiro pačajipe bize šukar buća a me ka sikavav tuće mingro pačajipe ane šukar buća!
\p
\v 19 Tu pača kaj postojil samo jekh Dol? Lačhe ćere! Al i e benga pačan thaj tresin!
\p
\v 20 Bigođaće manušeja, manđe li te dodžane, kaj o pačajipe bize šukar buća naj khančese? 
\v 21 Na li o Avraam, amaro paradad, sasa opravdimo paše pe šukar buća, kana ko oltar anda e Isaako pe čhave sar žrtva? 
\v 22 Dičhe kaj leso pačajipe sasa ano katanipe lese šukare bućencar, a o pačajipe e bućencar avol savršeno. 
\v 23 Gija pherdilo o Sveto lil savo vaćarol: “O Avraam pačaja e Devle thaj o Dol đinda lese leso pačajipe sar pravednost.” Thaj akhardilo “e Devleso amal”. 
\v 24 Gija, dičhen kaj o manuš paše pe šukar buća opravdil pe, a na samo pašo piro pačajipe.
\p
\v 25 Gija i Raava savi sasa bludnica, ni li opravdisajli pe šukare bućencar, kana lija e glasnikuren thaj bičhalda len avere drumosa? 
\v 26 Tegani, sar si mulo o telo bizo duxo, gija si mulo thaj o pačajipe bize šukar buća.
\c 3
\s E pačavne trubun te pazin so vaćaren
\p
\v 1 Manglalen phralalen thaj phejalen, dičhen ma te avol maškare tumende but učitelja! Golese kaj džanen kaj amen e učitelja ka ava po but sudime. 
\v 2 Golese kaj savore amen greši but droma. Kova savo ni grešil e lafurencar, vov si savršeno manuš golese kaj šaj te kontrolišil po telo ane sa. 
\v 3 Čhuva li e žvale ano muj e grastese, te šunol amen, ločheste šaj upravi sa lese telosa te džal kaj amen manga. 
\v 4 Thaj den gođi taro brodo: iako si gaći baro thaj bare barvalja inđaren le, lesa upravil cikno kormilo, savo inđarol le kaj o kormilaro manđol. 
\v 5 Gija si thaj amare čhibasa. I čhib si cikno kotor taro telo, al falil pe bare bućencar. Den gođi sar cikni jag šaj phabarol o baro veš! 
\v 6 I čhib si jag! I čhib si bilačho sveto maškare kotora e telose thaj meljarol sa o telo. Šaj phabarol sa amaro džuvdipe jagasa savi avol tari jag savi ni ačhol.
\p
\v 7 O manuš šaj pokoril thaj pokorisada sa e životinjen thaj e čirikljen, e gmizavcuren thaj e morska životinjen, 
\v 8 al i čhib khoni tare manuša našti pokoril. Voj si nemirno bilačhipe, pherdi si merimaso otrovo. 
\v 9 Lasa blagoslovi e Gospode thaj e Dade thaj lasa da armaja e manušen save si ćerde ki slika e Devlesi. 
\v 10 Taro jekh muj ikljol blagoslov thaj armaja. Manglalen phralalen thaj phejalen, gija ma te avol! 
\v 11 Dal tare jekh izvor džal i guglo thaj londo paj? 
\v 12 Šaj li, manglalen phralalen thaj phejalen, i smokva te bijanol masline il i loza smokve? Gija o londo izvor našti te dol guglo paj.
\s Čačukano, e Devleso mudrost
\p
\v 13 Ko si maškar tumende džanglo thaj gođaver? Te sikavol gova šukar džuvdimasa, e bućencar save ćerol ano krotkost so avol taro gođaveripe. 
\v 14 Al ako si ane tumare ile ćerko zavist thaj sebičnost, ma grešin premal o čačipe gija so falin tumen kaj sen gođaver! 
\v 15 Gasavo gođaveripe ni avol taro Dol, nego tari phuv, taro beng thaj neduxovno si. 
\v 16 Golese, kaj si zavist thaj sebičnost, gothe naj redo thaj si sa e vrste taro benđipe.
\p
\v 17 Al o gođaveripe savo avol taro Dol, si angleder čisto, tegani miroljubivo, kovlo, popustljivo, pherdo milosrđe thaj šukar bijandipe, ni džal pale nisavi rig thaj naj dujemujengo. 
\v 18 A o pravednost si bijandipe savo ka ćiden kola save sejin ano mir – kola save ćeren mir.
\c 4
\s Amalipe e svetosa
\p
\v 1 Sostar čingara thaj maripe maškar tumende? Ni li gova avol tare tumare požude save maren pe ane tumare kotora e telose? 
\v 2 Tumen manđen, al ni dobin, golese mudaren. Zavidin, al našti gova te ostvarin. Ćeren čingara thaj maren tumen, al naj tumen, golese kaj ni molin tumen e Devlese. 
\v 3 Molin, al ni dobin, golese kaj molin andare bilačhe namere, gova te trošin ane tumaro sebično manglipe.
\p
\v 4 Tumen, e bipačavne! Džanen li kaj o amalipe e manušencar tare kava sveto si dušmanluko premalo Dol? Golese, ko manđol te avol amal e svetoso, ka avol dušmano e Devleso. 
\v 5 Il šaj den gođi kaj džabe ano Sveto lil vaćarol pe kaj o Dol ljubomorno manđol o duxo so ane amende čhuta le? 
\v 6 Al vov dol amen vadži po baro milost. Golese vaćarol:
\q1 “O Dol protivil pe e barikanenđe,
\q2 al e poniznonen dol milost.”
\p
\v 7 Gija, preden tumen e Devlese! Suprostavin tumen e benđese thaj vov ka našol tumendar! 
\v 8 Aven po paše e Devlese thaj vov ka avol po paše tumenđe! Thoven tumare vasta tare bilačhe buća, grešnikonalen! Thoven tumare ile, tumen save sen ke duj gođa! 
\v 9 Tugujin, aven žalna thaj roven paše tumare grehura! Tumaro asape te iril pe ano rojipe thaj tumaro radost ano žal. 
\v 10 Ponizin korkore tumen anglo Gospod thaj vov ka vazdol tumen!
\s Ma sudin
\p
\v 11 Manglalen phralalen thaj phejalen, ma vaćaren bilačhe jekh averendar! Ko vaćarol bilačhe taro phral thaj tari phen il osudil len, vaćarol bilačhe protiv e Devleso zakon thaj gija osudil o zakon. Al tu te sudi o zakon, tegani ni pokori tut lese, nego san leso sudija. 
\v 12 Samo o Dol si Zakonodavco thaj Sudija savo šaj spasil thaj mudarol. Al ko san tu te sudi e pašutne?
\s Ma hvali tut
\p
\v 13 Šunen man akana, tumen so vaćaren: “Ađive il theara ka dža ane gova thaj kava foro, ka ačha berš gothe, ka bikna thaj ka ćina thaj ka ačhol amen pare.” 
\v 14 Pa tumen ni džanen so ka avol theara tumare džuvdimasa? Golese, tumen sen sar magla savi sikadol ko tren thaj tegani hasardol! 
\v 15 Gija trubul te vaćaren: “Te manglja o Dol, ka ava džuvde thaj ka ćera kava thaj kova!” 
\v 16 Al akana hvalin tumen thaj ćeren tumen barikane! Dži jekh gasavo hvalipe si bilačho.
\p
\v 17 Gija, te khoni džanol sar te ćerol šukar, al ni ćerol, greh ćerol.
\c 5
\s Opomena e barvalenđe
\p
\v 1 Šunen man akana, tumen e barvale! Roven thaj kukin paše tumaro lošnipe so ka aračhol tumen! 
\v 2 O barvalipe tumaro ka ćermavol a e fostanura tumare ka xan e moljcura. 
\v 3 Tumaro zlato thaj o srebro ka rđil thaj lenđi rđa ka svedočil protiv tumende thaj ka xan tumare telura sar jag! Gova barvalipe ćidijen, a e đivesa si palune!
\p
\v 4 Dikh, e manuša ćerde bući ke tumare njive, al tumen ni poćinden len. Von akana den vika protiv tumende thaj o Gospodari pe vojske šunda o rojipe kolengo save ćerde bući ke tumare njive. 
\v 5 Ki phuv živisaden raskošno thaj uživisaden. Thuljiljen ko đive e čhinimaso! 
\v 6 Osudisaden thaj mudarden e pravedniko, savo ni protivisajlo tumenđe.
\s Strpljivost ano bilačhipe
\p
\v 7 Golese, manglalen phralalen thaj phejalen, aven strpljiva dži ko avipe e Gospodeso. Dikh! O manuš savo ćerol bući ki njiva, ađućarol o dragoceno bijandipe e phuvako thaj strpljivo ađućarol sa dži kaj ni avol o bršnd taro jesen thaj taro proleće. 
\v 8 Aven strpljiva i tumen thaj zuraven tumare ile golese kaj si paše o avipe e Gospodeso!
\p
\v 9 Ma vaćaren jekh protiv avereste, manglalen phralalen thaj phejalen, te ma aven sudime. Akh, o Sudija ačhol anglo vudar!
\p
\v 10 Manglalen phralalen thaj phejalen, sar primer dičhen tumen pe prorokura save vaćarde ano alav e Gospodeso. Von but trpisade thaj sesa strpljiva. 
\v 11 Dikh, akhara baxtalen kolen save ačhile. Šunden paše Jovoso strpljivost thaj dikhljen so ko palunipe o Gospod lese ćerda. Golese kaj o Dol si pherdo milost thaj milosrđe.
\p
\v 12 Angleder sa, mingre phralalen thaj phejalen, ma xan sovli ni e nebosa ni e phuvasa, ni avera sovljasa. Tumaro “va” nek avol “va” thaj tumaro “na” nek avol “na”, te ma bi perena ani osuda.
\s I zor e molitvaći
\p
\v 13 Patil li khoni maškar tumende? Nek molil pe! Radosno li si khoni? Nek đilabol ki slava e Devlesi!
\p
\v 14 Nasvalo li si khoni maškare tumende? Nek akharol e khanđiraće starešinen! Von te molin pe thaj te mačhen le uljesa ano alav e Gospodeso. 
\v 15 I pačavni molitva ka sastarol e nasvale thaj o Gospod ka vazdol le. Te grešisada, o Dol ka oprostil lese.
\p
\v 16 Gija, vaćaren jekh averese tumare grehura thaj molin jekh averese te saston! But šaj i molitva e pravednikosi thaj voj si zurali. 
\v 17 O proroko o Ilija sasa samo manuš sar amen, al kana but molisajlo te ma avol bršnd, ani Izraelsko phuv ni sasa bršnd trin berš thaj šov čhon. 
\v 18 Pale gova palem molisajlo thaj o nebo dija bršnd thaj i phuv dija po bijandipe.
\p
\v 19 Manglalen phralalen thaj phejalen, te nesavo tumendar hasavol taro čačipe thaj tegani khoni iril le, 
\v 20 te džanen: gova savo irisada e grešniko tare leso hasardo drom, ka spasil lesi duša taro meripe thaj ka učharol pherdo grehura.