\id 3JN 
\ide UTF-8
\h 3. Jovan
\toc1 E Jovaneso trito bičhaldo lil
\toc2 3. Lil e Jovaneso
\toc3 3. Jn
\mt E Jovaneso trito bičhaldo lil
\c 1
\s E Jovanese pozdravura
\p
\v 1 Kava pisiv, me, o starešina o Jovane, e mangle Gajose kas mangav ano čačipe.
\p
\v 2 Mangleja amala! Molima ane sa te avol tuće šukar thaj te ave sasto, sar so si šukar će dušaće. 
\v 3 Golese but radujisaljem kana avile nesave phrala thaj svedočisade taro ćiro vernost e čačimase thaj tare gova sar tu phire ano čačipe. 
\v 4 Manđe naj po baro radost nego te šunav kaj mingre čhave palo čačipe phiren!
\s Briga paše Devlese bućarne
\p
\v 5 Mangleja amala, čače san verno ane sa so ćere e phralenđe čak i kolenđe save si abandžije. 
\v 6 Von svedočisade tare ćiro manglipe angli khanđiri. Šukar ka ćere te spremisadan len dromese sar so trubul anglo Dol. 
\v 7 Golese kaj von pojdisade ko drom paše Hristeso alav thaj khanči ni lije tare kola save ni pačan ano Dol. 
\v 8 Gija amen trubul te pomogni gasaven, lencar katane te ćera pašo čačipe.
\s O Jovane vaćarol taro Diotref thaj taro Dimitrije
\p
\v 9 Pisisadem lil e khanđiraće, al o Diotref, savo manđol te avol angluno maškar lende, ni manđol te primil amen. 
\v 10 Golese te aviljem, ka sikavav le save buća vov ćerol thaj klevetil amen e bilačhe lafurencar. Al ni gova naj lese dosta, nego korkoro e phralen ni primil thaj branil e phralen save manđen te primin len thaj tradol len andari khanđiri.
\p
\v 11 Mangleja amala! Ma dža palo bilačhipe, nego palo šukaripe. Ko ćerol šukar, taro Dol si. A ko ćerol bilačhe, ni dikhlja e Devle. 
\v 12 Taro Dimitrije savore lačhe svedočin, o čačipe golesa složil pe, pa gija i amen svedoči. A tu džane kaj o svedočanstvo amaro si čačukano.
\s Poslednja pozdravura
\p
\v 13 Vadži but isi man so te pisiv tuće, al ni mangav mastilosa thaj perosa, 
\v 14 al nadima kaj sigate ka dikhav tut thaj muj mujesa te vaćara.
\p
\v 15 Mir tusa! Pozdravin tut e amala. Pozdravi sa amare amalen palo alav.