\id 2CO 
\ide UTF-8
\h 2. Korinćanurenđe
\toc1 Dujto bičhaldo lil e Korinćanurenđe
\toc2 2. Lil e Korinćanurenđe
\toc3 2. Kor
\mt Dujto bičhaldo lil e Korinćanurenđe
\c 1
\s E Pavlese pozdravura
\p
\v 1 Kava lil pisiv me, o Pavle, o apostol e Isuseso Hristeso palo Devleso manglipe thaj amaro phral o Timotej e Devlese khanđiraće ano Korint thaj sa e Devlese manušenđe ani sa i Ahaja:
\p
\v 2 Nek avol tumencar milost thaj mir taro Dol amaro Dad thaj taro Gospod o Isus Hrist.
\s Zahvala
\p
\v 3 Nek avol blagoslovimo o Dol thaj o Dad amare Gospodeso e Isuseso e Hristeso, o milosrdno Dad thaj Dol kastar avol sa i uteha. 
\v 4 Vov utešil amen ane dži jekh amaro pharipe, te bi šajine i amen te uteši kolen save si ano pharipe, gasave utehasa savasa i amen utešil o Dol. 
\v 5 Golese kaj, sar so si bare patnje e Hristese save aven pe amende, gija si bari thaj i uteha savi isi amen ano Hrist. 
\v 6 Te sam ano pharipe, gova si paši tumari uteha thaj tumaro spasenje. Thaj te sam utešime, i gova si paši tumari uteha, savi zuravol tumen te podnosin gova pharipe, savo podnosi i amen. 
\v 7 A amari nada paše tumende si zurali, golese so džana kaj sar so isi tumen kotor ane amaro pharipe, gija isi tumen kotor i ani amari uteha.
\p
\v 8 Phralalen thaj phejalen, manga te džanen taro pharipe savo sasa amenđe ani Cikni Azija. Sama opteretime pobut, nego so šajine te izdrži, gaći kaj čak hasardam amari nada kaj ka ačha džuvde. 
\v 9 Osetisadam kaj pripremil pe amenđe osuda ko meripe. Al sa gova sasa te ne bi avola amaro pouzdanje ane amende korkore, nego ano Dol savo vazdol e mulen. 
\v 10 Vov ikalda amen taro baro opasnost e merimaso thaj palem ka ikalol amen. Ane leste čhuva amari nada kaj vadži ka spasil amen. 
\v 11 Thaj tumen šaj pomožin amenđe tumare molitvencar. Tegani but manuša ka den hvala e Devlese paše amende – thaj o Dol ka blagoslovil amen paše tumare but molitve.
\s O Pavle menjil po plan
\p
\v 12 A kalesa hvali amen: amaro savest svedočil kaj amen ano sveto, thaj posebno maškar tumende, živisadam iskreno thaj čistone ilesa savo avol taro Dol, na ano manušikano gođaveripe, nego ano Devleso milost. 
\v 13 Golese kaj amen ni pisi tumenđe khanči so ne bi šajine te čitin il te haljaren. A nada isi man kaj ka haljaren sa 
\v 14 sar so zala haljarden amen, thaj kaj ane kova đive kana palem ka avol amaro Gospod o Isus, tumen ka hvalin tumen amencar, gija sar so amen ka hvali amen tumencar.
\p
\v 15 Ane kava uverenje mangljem angleder te avav tumende te avol tumen duj droma pobaro milost. 
\v 16 Mangljem te avav tumende kana ka džav ko drom za ki Makedonija thaj palem te avav tumende kana ka irima andari Makedonija, tumen te ispratin man ko drom za ki Judeja. 
\v 17 Gijate, dal me ločheste dijem gođi kana gova planirisadem? Il andem odluke sar so anol kava sveto, angleder te vaćarav “va, gija si”, a pale gova “na, naj gija”?
\p
\v 18 Al o Dol si svedoko kaj gova haberi so vaćarav tumenđe naj “va” il “na”. 
\v 19 Golese kaj o čhavo e Devleso, o Isus Hrist, save objavisadam tumenđe, me, o Silvan thaj o Timotej, ni sasa thaj “va” thaj “na”, nego ano Hrist si uvek “va”. 
\v 20 Golese kaj, bilo kobor isi e Devlese obećanjura, sa ane leste isi len piro “va”. Golese i amen prekal o Hrist vaćara “amin” ke Devlesi slava. 
\v 21 Al o Dol si gova, savo amen katane tumencar zuravol ano Hrist. Vov pomazisada amen, 
\v 22 thaj čhuta piro pečato ane amende thaj dija piro Duxo ane amare ile sar garancija paše kova so obećisada.
\p
\v 23 Me akharav e Devle sar mingre svedoko, golese kaj vov pindžarol mingro džuvdipe: ano Korint ni aviljem palem golese kaj mangljem te zaštitiv tumen. 
\v 24 Gova ni značil kaj amen manga te ava gospodarura pe tumaro pačajipe, nego ćera bući katane tumencar pašo tumaro radujipe, golese kaj tumen ačhen zurale ano pačajipe.
\c 2
\p
\v 1 Golese odlučisadem kaj ni ka anav tumenđe žalost kana ka avav palem tumende. 
\v 2 Golese kaj, te ćerdem te aven žalosna, ko ka radujil man? Dal kola savenđe andem žalost? 
\v 3 Thaj kava pisisadem tumenđe golese, kana ka avav, ma te avav žalosno paše kola savendar trubul te radujiv man. Golese so pačav kaj te sem me baxtalo, i tumen sen baxtale. 
\v 4 Golese kaj, taro but baro pharipe thaj andaro žalostivno ilo thaj i bute jasvencar pisisadem tumenđe. Al na te anav žalost tumenđe, nego te pindžaren kobor si baro mingro manglipe premal tumende.
\s1 Oprostipe e grešnikose
\p
\v 5 Te khoni khanika ćerda žalosno, ni žalostisada samo man, nego šaj phenav – te ma preteriv – savoren tumen. 
\v 6 Gasave manušese si dovoljno gova so ukorisade le but manuša. 
\v 7 Mesto gova, akana pošukar oprostin lese thaj utešin le, te ma bi phađola le o baro žalost. 
\v 8 Golese, moliv tumen te sikaven lese kaj vadži manđen le. 
\v 9 Kava tumenđe pisisadem golese, te proveriv tumen save sen thaj dal sen poslušna ane sa. 
\v 10 Kase tumen oprostin, oprostiv i me. Thaj te oprostisadem khanikase, te isi kase so te oprostiv, oprostisadem zbog tumende, anglo Hrist, 
\v 11 te ma nadmudril amen o Satana, golese kaj džana lese bilačhe namere.
\s Ani Troada
\p
\v 12 Kana aviljem ani Troada te propovediv o Lačho Lafi e Hristeso, o Gospod putarda manđe e vudara paši bući. 
\v 13 Al ni sasa man mir ane mingro duxo, golese so ni arakhljem odori mingre phrale e Tito. Golese oprostisaljem mingre phralencar thaj đeljem ani Makedonija.
\p
\v 14 Al hvala e Devlese savo uvek ćerol amen te ava pobednikura ano Hrist thaj prekal amende buljarol o miris taro džanglipe pestar ke sa e thana. 
\v 15 Golese kaj amen sam e Hristeso miris savo si ugodno e Devlese maškar kola save si spasime thaj i maškar kola save mudardon. 
\v 16 Jekhenđe si gova miris savo anol meripe, a averenđe si gova miris savo anol džuvdipe. Al ko si sposobno paše gasavo zadatko? 
\v 17 Čače, amen naj sam sar kola save trgujin e Devlese Lafesa, nego čačimasa vaćara ano Hrist anglo Dol, sar kola save si bičhalde taro Dol.
\c 3
\s1 Sluge pašo Nevo savez
\p
\v 1 Počni li palem korkore amen te hvali? Il trubul amenđe, sar nesave averenđe, preporuke tumendar il tumenđe? 
\v 2 Tumen sen amaro lil, pisimo ke amare ile, savo pindžaren thaj čitin sa e manuša. 
\v 3 Tumen sikadon kaj sen e Hristeso lil, bući tari amari služba, lil savo naj pisimo mastilosa, nego e Duxosa e džuvde Devlese, naj pisime ke barale ploče, nego ke ploče e manušikane ilenđe.
\p
\v 4 A gasavo pouzdanje isi amen anglo Dol kroz o Hrist. 
\v 5 Gova ni značil kaj amen korkore sam sposobna te tvrdi khanči paše amende. Amaro sposobnost avol taro Dol. 
\v 6 Vov osposobisada amen te ava sluge pašo Nevo savez, al na paše slovura, već pašo Duxo, golese so e slovura mudaren, al o Dux dol džuvdipe.
\p
\v 7 Te o služipe merimaso savo sasa slovurencar urezime ano bar, sasa gaći slavno kaj e Izraelcura naštine te dičhen ane Mojsijaso muj, zbog i slava savi već načhola tare leso muj, 
\v 8 kobor si poslavno o služipe e Duxoso? 
\v 9 Golese so, te sasa slavno o služipe savo anol osuda, kobor pobut ka avol slavno o služipe savo anol pravednost? 
\v 10 Čače, kova so sasa slavno, naj slavno kana uporedil pe e slavasa savi si pouzvisimi. 
\v 11 Te kova prolazno sasa slavno, kobor si pobari goja slava savi ačhol ane sa e đivesa!
\p
\v 12 Golese, kaj isi amen gasavi nada, vaćara bizi dar. 
\v 13 Naj sam sar o Mojsije, savo čaršafesa učharda po muj, te ma dičhen e Izraelcura o krajo e slavako savi načhol. 
\v 14 Al lenđe gođa sesa phangle. I ađive, lenđe gođa si učharde gole čaršafesa kana čitil pe o Purano savez. Gova čaršafi vadži učharol lenđe gođa te našti haljaren o čačipe, golese kaj samo ano Hrist gova čaršafi šaj crdol pe. 
\v 15 Dži ađive, kana čitin e Mojsijaso zakon, o čaršafi ačhol ke lenđe ile, 
\v 16 al kana neko iril pe premalo Gospod, o čaršafi crdol pe. 
\v 17 O Gospod si Duxo, a kaj si e Gospodeso Duxo, gothe si sloboda. 
\v 18 Thaj savore amen mujesa savo naj učhardo sikava e Gospodesi slava, menji amen thaj postani slična lese – tari slava ani slava, savi avol taro Gospod, savo si Duxo.
\c 4
\s O barvalipe si ane phuvale čare
\p
\v 1 Pale Devleso milost isi amen kaja služba thaj golese ni odustani. 
\v 2 Mesto gova odreknisaljam tare garade thaj ladžutne buća, ni ponaši amen lukavo thaj ni preiri o Lafi e Devleso, nego sikava o čačipe. Gija dži jekh manuš džanol ane po ilo save sam amen anglo Dol. 
\v 3 A te si amaro Lačho Lafi savo propovedi učhardo čaršafesa, učhardo si kolenđe save properen. 
\v 4 Von ni pačan, golese kaj o dol kale svetoso korada lenđi gođi, te ma dičhen o svetlo taro Lačho Lafi savo sikavol i slava e Hristesi, savo si i slika e Devlesi. 
\v 5 Golese so ni propovedi korkore amen, nego e Isuse e Hriste sar Gospode thaj amendar vaćara kaj sam tumare sluge pašo Isus. 
\v 6 Golese kaj o Dol savo vaćarda: “Nek o svetlo svetlil andaro kalipe!”, svetlisada ane amare ile, te pindžara e Devlesi slava savi svetlil po muj e Hristeso.
\p
\v 7 Al kava barvalipe isi amen ane phuvale čare, te dičhol pe kaj kava baro zuralipe si taro Dol, a na amendar. 
\v 8 Tare sa e riga ćićidol amen o pharipe, al našti phađol amen. Bunime sam, al naj sam razočarime. 
\v 9 Progonin amen, al naj sam ačhade. Peraven amen, al naj sam uništime. 
\v 10 Pe amare telura uvek amen inđara e Isuseso meripe, te bi e Isuseso džuvdipe sikadola pe amare telura. 
\v 11 Golese kaj amen, save živi, stalno sam ano opasnost te mudaren amen zbog o Isus, te bi e Isuseso džuvdipe sikadola pe amare mulikane telura. 
\v 12 Gijate o meripe delujil ane amende, al o džuvdipe ane tumende.
\p
\v 13 Golese kaj isi amen gova isto Duxo taro pačajipe, sar so si pisimo ano Sveto lil: “Pačajem, golese vaćardem”, i amen pača pa gija i vaćara. 
\v 14 Golese so džana kaj o Dol savo vazdija e Gospode e Isuse tare mule, ka vazdol i amen e Isusesa thaj katane tumencar ka čhuvol amen angle peste. 
\v 15 Golese kaj sa kava si paše tumaro šukaripe, te bi o milost e Devleso širila pe dži ke sa pobut manuša, thaj gija lengo zahvalipe te avol ko izobilje, ke Devlese ki slava.
\s1 Džuvdipe taro pačajipe
\p
\v 16 Golese, ni odustani. Nego, te i amaro biće avral properol, amaro biće andral dži jekh đive obnovil pe. 
\v 17 Golese so kava amaro privremeno cikno pharipe pripremil amen paši večno slava savi obilno nakhavol amaro pharipe ane savo sam akana. 
\v 18 Gija, amen ni da važnost ke kova so dičhol pe, nego ke kova so ni dičhol pe. Golese kaj kova so dičhol pe si privremeno, al kova so ni dičhol pe si večno.
\c 5
\s1 Nevo telo
\p
\v 1 Gija, amen džana kaj ako amaro phuvako šatori ane savo beša – amaro telo pe kaja phuv – rušil pe, isi amen čher taro Dol, večno čher ko nebo, savo naj ćerdo manušikane vastesa. 
\v 2 Golese ane kala telura amen uzdiši taro pharipe thaj but manga o Dol te dol amen amare nebeska telura. 
\v 3 Golese kaj kana ka urava le pe amende, ni ka ava nanđe. 
\v 4 Dži kaj beša ane kava phuvako šatori, uzdiši taro pharipe. Na golese kaj ni manga te ava urade vadži ane leste, nego golese so manga te ava urade ano nevo, nebesko telo, te bi o džuvdipe gutila kova so si mulikano. 
\v 5 Al o Dol si kova savo pripremisada amen pe kava thaj sar zalog dija amen o Duxo.
\p
\v 6 Gija sam pherde ano pouzdanje thaj džana kaj sam dur taro Gospod dži kaj sam ane kava telo, 
\v 7 golese so vadži živi palo pačajipe, a na palo kova so dikha. 
\v 8 Golese i me phenav kaj sam pherde ano pouzdanje. Amen manga te ačhava amaro telo thaj te dža te beša e Gospodesa. 
\v 9 Golese andare sa o ilo amen manga te ugodi lese, bizo obzir dal beša kate ano telo il odori leste. 
\v 10 Golese kaj savore mora te ačha anglo sudo e Hristeso. Dži jekh amendar ka primil piri plata paše kova so ćerda, dok sasa ano phuvikano šatori, bilo lačhe il bilačhe.
\s1 Te propovedi o Lafi taro pomirenje
\p
\v 11 A golese kaj amen džana paši dar anglo Gospod, trudi amen te uveri e manušen. O Dol potpuno džanol amen, thaj me nadiv man kaj i tumen pindžaren amen ane tumaro savest. 
\v 12 Amen ni manga tumenđe palem te preporuči amen, nego manga te da tumen prilika te čhuden baripe amencar. Gija ka odgovorin kolenđe save čhuden baripe kolesa so dičhol pe, a na kolesa so si ano ilo. 
\v 13 Te hasardam amari gođi, gova si pašo Dol. A te sama gođaver, gova si paše tumende. 
\v 14 Golese kaj postupi pašo manglipe e Hristeso savo amencar upravil golese so dodžangljam, kaj te jekh manuš mulo paše sa e manuša, tegani savore mule. 
\v 15 O Hrist mulo paše sa kola save si džuvde, te von ni živin vadži pese, nego Kolese savo mulo thaj uštilo tare mule zbog lende.
\p
\v 16 Golese od akana khanika ni sudi pale manušikane merila. I te nekad sudisadam e Hriste pale manušikane merila, akana gija ni ćera. 
\v 17 Golese, te si khoni ano Hrist, vov si nevo stvorenje. O purano nakhlo, akh, nevo postanil. 
\v 18 Al sa kava avol taro Dol, savo mirisada amen pesa prekalo Isus Hrist thaj dija amen služba taro pomirenje. 
\v 19 Golese kaj o Dol ano Hrist mirisada o sveto pesa. Vov ni đinda e manušenđe lenđe grehura, a amenđe dija te propovedi o lafi taro pomirenje. 
\v 20 Gija, amen ćera bući sar poslanikura e Hristese thaj o Dol opomenil prekal amende. Golese moliv tumen ano Hrist: mirin tumen e Devlesa! 
\v 21 Kole savo sasa bizo greh, o Dol ćerda te avol žrtva paše amare grehura, te bi ane leste avasa pravedna anglo Dol.
\c 6
\p
\v 1 Sar e Hristese saradnikura moli tumen, te ma len džabe o milost e Devleso. 
\v 2 Golese kaj o Dol vaćarol:
\q1 “Ane emšukar vreme šundem tut,
\q2 thaj pomožisadem tuće
\q2 ko đive taro spasenje.”
\m Šunen! Akana si emšukar vreme, akana si o đive taro spasenje!
\s E Pavlese nevolje
\p
\v 3 Trudi amen khanikase te ma ava prepreka, gija te ma bi khoni aračhola zamerka ki amari služba. 
\v 4 Nego, ane sa amen sikadiva sar e Devlese sluge: kana sam ano baro istrajnost, ane nevolje, ano čororipe, ano pharipe; 
\v 5 dži kaj maren amen, kana phanden amen, kana sam ane čingara, ano pharipe, ano bisojipe thaj ano bokhalipe. 
\v 6 Sikadiva sar e Devlese sluge ani čistota, ano džanglipe, ano strpljivost, ano šukaripe, ano Sveto Duxo, ano iskreno manglipe, 
\v 7 ano čačukano Lafi, ane Devlesi zor, e oružjesa taro pravednost pašo napad thaj paši odbrana. 
\v 8 Gasave sam kana slavin amen thaj kana ladžaren amen, kana sam ko lačho thaj ko bilačho glaso. Dičhen amen sar xoxavne, iako vaćara čačipe. 
\v 9 Dičhen amen sar kolen kas ni pindžaren, iako šukar džanen amen. Dičhen amen sar kolen save meren, al akh, amen živi! Kaznin amen, al naj sam mudarde. 
\v 10 Žalna sam, al palem uvek sam radosna. Čorore sam, al palem buten ćerdam barvalen. Amen sam sar kola kas naj khanči, al palem isi amen sa.
\p
\v 11 Korinćanuralen, vaćardam tumenđe iskreno, amare ile širom putardam tumenđe. 
\v 12 Amaro ilo naj phanglo tumenđe, al tumaro ilo phanglo si amenđe. 
\v 13 Vaćarav tumenđe sar mingre čhavenđe: Putaren amenđe tumare ile sar so amen putra amare ile tumenđe!
\s Hram e džuvde Devleso
\p
\v 14 Ma čhuven tumen ano jarmo e bipačavne manušencar. Golese so o pravednost naj le khanči katane e bizakonesa. Ni o svetlo naj le khanči katane e tamninasa. 
\v 15 Ane soste složin pe o Hrist thaj o beng\f + \fr 6,15 \fr*\ft Ane kava slučaj o beng isi le alav “Velijar”.\ft*\f*? Il so isi katane e pačavne thaj e bipačavne? 
\v 16 Il so isi i khanđiri e Devlesi e idolurencar? Golese kaj, amen sam o hram e džuvde Devleso, sar so vaćarda o Dol:
\q1 “Ka bešav ane lende
\q2 thaj ka phirav maškar lende;
\q1 ka avav lengo Dol
\q2 thaj von ka aven mingre manuša.”
\m
\v 17 Golese:
\q1 “Ikljen gothar,
\q2 thaj crden tumen lendar,”
\q2 vaćarol o Dol.
\q1 “Ma dolen tumen pe gova so si melalo
\q2 thaj me ka primiv tumen.
\q1
\v 18 Me ka avav tumaro Dad
\q2 thaj tumen ka aven mingre čhave thaj čheja,”
\q2 vaćarol o Gospod, o Vladari pe sa.
\c 7
\p
\v 1 Manglalen amalalen, isi amen kala obećanjura, golese te thova amen tare sa so meljarol o telo thaj o duxo! Thaj ani dar e Devlesi živin džuvdimasa savo si savršeno sveto.
\s E Pavleso radost
\p
\v 2 Ćeren than ane tumare ile amenđe! Khanikase ni ćerdam nisavo bilačhipe, khanika ni rumisadam, khanika ni čhinadam ane pare. 
\v 3 Ni vaćarav tumenđe gova te osudiv tumen. Golese kaj, angleder vaćardem kaj sen ane amare ile gaći kaj sam spremna katane tumencar te mera thaj te ačha džuvde. 
\v 4 Isi man baro pouzdanje ane tumende thaj but hvaliv ma tumencar! Pherdo sem utehasa thaj bute radujimasa, paše sa gova amaro pharipe.
\p
\v 5 Golese kaj, čak i kana aviljam ani Makedonija, naj sasa amen odmor, nego trpisadam ke sa e načinura. Avral sasa amen čingara thaj andral dar. 
\v 6 Al o Dol, savo tešil e poniznonen, utešisada amen kana avilo o Tito, 
\v 7 a na samo golesa so vov avilo, nego i e utehasa savi dijen lese. Vov vaćarda amenđe kobor manđen te dičhen man, kobor sen žalosna thaj kobor brinin tumen manđe. Gova vadži pobut radujisada man.
\p
\v 8 Golese kaj, te žalostisadem tumen mingre lilesa, ni žaliv kaj pisisadem le. A i te žalisadem, dikhav kaj gova lil samo zala rastužisada tumen. 
\v 9 Al akana radujiv man, na golese kaj žalostisadem tumen, nego golese kaj goja žal anda tumen ko pokajipe. Golese kaj tumari žal sasa pale Devlesi volja, gijate ke nisavo način ni dukhadam tumen. 
\v 10 I žal savi si pale Devlesi volja anol pokajipe savo inđarol ano spasipe – pokajipe paše savo ni žalil pe – dži kaj i žal tare kava sveto bijanol žalost savo inđarol ano meripe. 
\v 11 Dičhen akana sa so anda tumenđe goja žal savi sasa pale Devlesi volja. Kobor o manglipe anda tumen te branin tumaro nevinost, kobor i holi, kobor i dar, kobor o manglipe te dičhen amen, kobor i briga thaj o manglipe paši pravedno kazna kolese savo grešisada! Thaj ane sa gova sikadiljen kaj sena nevina. 
\v 12 Gija, te pisisadem gova tumenđe, naj sasa gova paše kova manuš savo grešisada, ni paše kova manuš premal kaste ćerdilo bilačhipe, nego golese, te šaj dičhen anglo Dol tumari briga paše amende. 
\v 13 Gova utešisada amen.
\p Al, osim paši goja uteha, pobut sama baxtale pašo radost e Titeso, golese kaj ohrabrisaden le ano duxo. 
\v 14 A me ni ladžaljem paše sa e šukar buća save lese vaćardem tumendar. Amen uvek vaćardam tumenđe sa čače thaj gija i amaro hvalipe anglo Tito sikadilo sar čačukano. 
\v 15 Lese osećanja premale tumende si akana pozurale kana dol pe gođi sar tumen šunden le thaj sar primisaden le darasa thaj poštujimasa. 
\v 16 Radujiv man kaj ane tumende šaj avol man but poverenje.
\c 8
\s O Pavle sikavol e hrišćanuren te den sa e ilesa
\p
\v 1 Phralalen thaj phejalen, akana bi mangasa te džanen so e Devleso milost ćerda e khanđirenđe ani Makedonija. 
\v 2 Sesa iskušime ano baro pharipe, al lengo baro radost thaj lengo baro čororipe nakhlo ano barvalipe, golese so dije sa e ilesa. 
\v 3 Šaj te svedočiv kaj dije gaći kobor šajine, pa i pobut tare gova, a sa gova ćerde pali piri slobodno volja. 
\v 4 Nekobor droma but molisade amen, te da len prilika i von te učestvujin ano gova te ćiden pare paše Devlese manuša ano Jerusalim. 
\v 5 Thaj dije i pobut, nego so amen nadisaljam. Angleder dije korkore pes e Gospodese a pale gova amenđe, golese kaj si gova e Devleso manglipe. 
\v 6 Golese molisadam e Tito sar so angleder počnisada, gija i te završil kaja milosno bući maškar tumende. 
\v 7 Al, sar so isi tumen sa obilno: pačajipe, propovedipe, džanglipe, želja pašo pomožipe thaj manglipe premal amende, nek avol tumen i obilno milost te den sa e ilesa.
\p
\v 8 Ni vaćarav tumenđe kava sar zapovest, nego dav tumen primer pašo revnost avere pačavnengo, te bi ispituiva dal si iskreno tumaro manglipe. 
\v 9 Golese so džanen o milost amare Gospodeso e Isuseso Hristeso: iako sasa barvalo, paše tumende postanisada čoro, te bi lese čororimasa tumen avena barvale.
\p
\v 10 A so tičil pe paše kaja bući, dav gođi kaj tumen trubul te završin kova so i korkore lijen te ćeren prošlo berš. Thaj na samo kaj tumen lijen te ćeren goja bući, nego gova i čače mangljen. 
\v 11 Golese akana dovršin kaja bući! Sar so sena spremna thaj mangljen te den, gija akana aven spremna te dovršin kaja bući gaći kobor šaj te den. 
\v 12 Golese kaj, te sen spremna te den averenđe, tegani gova daro ka prihvatil o Dol, premalo gova so isi tumen, a na premalo gova so naj tumen. 
\v 13 Naj amari namera, te avol pomoć averenđe kova so bi tumenđe avola pharipe. Na, nego amari namera si te avol katanipe maškar tumende. 
\v 14 Amen mangljam tumaro izobilje te zadovoljil lenđe potrebe, te bi kasnije lengo izobilje šajine te zadovoljil tumare potrebe. Gija ka avol tumen katanipe. 
\v 15 Sar so si pisimo ano Sveto lil:
\q1 “Kova savo but ćidija, naj sasa le but,
\q2 niti kova savo zala ćidija, naj sasa le zala.”
\s O Tito thaj e phrala džan ano Korint
\p
\v 16 Hvala e Devlese, kaj gasavo predanost savo isi man tumenđe, dija e Titose ano ilo. 
\v 17 Vov, na samo kaj prihvatisada tumari molba, nego tare piri volja thaj but baxtalo avol tumende. 
\v 18 Gija, bičhala lesa i e phrale save hvalin sa e khanđira golese kaj šukar propovedil o Lačho Lafi. 
\v 19 A na samo gova, nego e khanđira birisade le te putujil amencar ani kaja milosno bući savasa slavi e Gospode thaj sikava amaro spremnost te pomogni. 
\v 20 Dikha te ava oprezna, khoni te ma tužil amen sar amen postupi gole bare darosa savo si amenđe poverimo. 
\v 21 Golese kaj, manga te ćera pošteno bući na samo anglo Dol nego i angle manuša.
\p
\v 22 Lencar bičhala i avere phrale save ane but buća thaj but droma pindžardam kaj si predano. A akana manđol te pomognil vadži pobut, golese so isi le baro pouzdanje ane tumende. 
\v 23 A so tičil pe taro Tito, vov si mingro amal thaj saradniko ani bući tumenđe. A kala phrala si predstavnikura e khanđirenđe thaj anen i slava e Hristese. 
\v 24 Golese, sikaven lenđe tumaro manglipe te šaj dičhen sa e khanđira sose sam barikane tumencar.
\c 9
\s Ćidipe pomoć paše Devlese manuša
\p
\v 1 A taro služipe e Devlese manušenđe ano Jerusalim ni trubul te pisiv. 
\v 2 Golese kaj džanav sar manđen te pomognin. Golesa hvaliv tumen stalno e Makedoncurenđe vaćarindoj: “I Ahaja si spremno te pomognil taro prošlo berš.” Thaj tumaro predanost zurada i bute manušen te pomognin. 
\v 3 Golese, bičhalav tumenđe kale phralen, amaro baripe tumencar te ma avol samo čuče lafura, nego tumen te aven spremna, sar so vaćardem. 
\v 4 Gija, te avile mancar nesave Makedoncura thaj te arakhlje tumen nespremna, amen – a tumendar ni vaćarav – ka ava ani ladž pašo gaći poverenje ane tumende. 
\v 5 Golese dijem gođi kaj trubuja te bičhalav angleder kale phralen te posetin tumen thaj te pripremin tumaro daro, savo već obećisaden, te bi gova avola daro so den dobrovoljno, a na sar daro savo morajlo te dol pe.
\p
\v 6 Kava čhuven tumenđe ani gođi: ko zala sejil, zala i ka ćidol. A ko obilno sejil, obilno i ka ćidol. 
\v 7 Dži jekh nek dol gaći kobor odlučisada ano ilo, na žalosno niti so khoni teril le, golese kaj o Dol manđol kolen save den sa e ilesa. 
\v 8 O Dol šaj blagoslovil tumen but ane dži jekh milost, ane sa uvek te avol tumen dovoljno tumenđe thaj te ačhol tumen vadži, paše dži jekh šukar bući, 
\v 9 sar so si pisimo ano Sveto lil:
\q1 “Vov obilno dol e čororenđe.
\q2 Leso pravednost ačhol dži jekh đive.”
\m
\v 10 Akana, o Dol savo dol seme e manušese savo sejil thaj mangro xamase, ka pobrinil pe thaj ka umnožil tumare zalihe e semesa thaj ka ćerol i žetva taro tumaro pravednost te barol. 
\v 11 Tumen ka aven blagoslovime ane sa, te bi avena uvek sar kola save den obilno. Gija, tumare darura ka podstaknin avere manušen te zahvalin e Devlese.
\p
\v 12 Golese kaj, tumari služba savi ćeren, na samo so pomognil za ki potreba e Devlese manušenđe, nego ćerol but manuša izobilno te zahvalin e Devlese. 
\v 13 Sar so akale služimasa dokažisaljen, e manuša slavin e Devle golese so tumen pokorno priznajin e Hristeso Lačho Lafi thaj uladen putarde ilesa tumaro lačhipe lencar thaj savorencar. 
\v 14 Von ka molin tumenđe thaj ka čeznin pale tumende pašo baro milost savo sikada tumenđe o Dol. 
\v 15 Hvala e Devlese paše leso daro savo lafurencar našti phenol pe.
\c 10
\s E Pavlesi odbrana
\p
\v 1 A me, o Pavle, moliv tumen ano mirnipe thaj šukaripe e Hristeso – me, savo sem ponizno kana sem maškare tumende muj mujesa, al strogo sem kana naj sem tumencar. 
\v 2 Moliv tumen, dži kaj sem tumencar, ma terin man te avav strogo, sar so očekujiv kaj ka avav strogo kolencar save den gođi kaj amen živi pale telesna želje. 
\v 3 Iako amen živi ano telo, ni mara amen sar so o telo manđol. 
\v 4 Oružje savesa mara amen naj tare kava sveto, nego isi le e Devlesi zor te peravol e dušmanese tvrđave. Lesa perava o manušikano bilačho džanglipe 
\v 5 thaj dži jekh oholost savo vazdol pe protiv e Devleso pindžaripe thaj lesa phanda dži jekh razum, te bi avola poslušno e Hristese. 
\v 6 Thaj sam spremna te kazni dži jekh neposlušnost dži kaj tumaro poslušnost ni avol pherdo.
\p
\v 7 Tumen dičhen samo kova so si tumenđe angle jakha! Te si khoni uverimo kaj si e Hristeso, palem nek dol gođi kaj amen prepera e Hristese sar i vov. 
\v 8 Iako pobut hvalisaljem amare vlastesa savo dija amen o Gospod, ni ka ladžav golese kaj goja vlast isi amen te zurava tumen, a na te perava tumen. 
\v 9 Al ni mangav te dičhol kaj mangav te daravav tumen mingre lilencar. 
\v 10 Golese kaj nesave manuša vaćaren: “Lese lila si stroga thaj zurale, al kana si gothe amencar, slabo si thaj gova so vaćarol khanči ni vredil.” 
\v 11 Gasave manuša trubun te džanen kava: save sam ane lafura ane amare lila kana naj sam tumencar, gasave ka ava i kana ka ava tumencar.
\p
\v 12 Amen ni usudi amen te uporedi amen khanikasa save korkore pes vazden, ni te meri amen lencar. Von si bihaljarde kana korkore pesa merin pe thaj korkore pesa uporedin pe. 
\v 13 Al amen ni manga te hvali amen pobut, nego so trubul, nego samo pali mera savi dija amen o Dol. Goja mera si i paši amari bući maškar tumende. 
\v 14 Ni hvali amen pobut, sar so bi avola te ma avasa tumende, golese kaj amen angleder aviljam tumende e Lačhe Lafesa taro Hrist. 
\v 15 Ni hvali amen ni averese bućencar, al nadi amen kaj, kana tumaro pačajipe ka barol, ka širil pe o područije tari amari bući maškar tumende. 
\v 16 Tegani ka šaj propovedi o Lačho Lafi i ane phuva save si podur tare tumari phuv. Golese kaj ni manga te hvali amen bućencar save sesa ćerde ke avereso područije. 
\v 17 Al sar so si pisimo ano Sveto lil: “Ko hvalil pe, nek hvalil pe e Gospodesa.” 
\v 18 Golese kaj, naj šukar kova savo korkoro pes preporučil, nego kova kas o Dol preporučil.
\c 11
\s O Pavle thaj e xoxavne apostolura
\p
\v 1 O, kana bi trpina samo zala mingro dilipe! Va, moliv tumen te trpin man! 
\v 2 Golese kaj sem ljubomorno pe tumende e Devlese ljubomorasa. Obećisadem tumen jekhe romese, e Hristese, te ikalav tumen angle leste sar čisto čhej. 
\v 3 Al darav kaj sar so o sap prevarisada e Eva pe xoxaimasa, gija i tumari gođi šaj te crdol pe taro iskreno thaj čisto odanost e Hristese. 
\v 4 Golese kaj, but sen strpljiva kolesa so avol tumende thaj propovedil tumenđe taro aver Isus, save amen tumenđe ni propovedisadam. Thaj spremno primin gova duxo, savo razlikuil pe taro Duxo savo primisaden, thaj o lačho lafi, so si različito tare kova so primisaden. 
\v 5 Dav gođi kaj me naj sem khanči po cikno tare gola tumare “bare apostolura”. 
\v 6 Iako sem prosto ane lafura, ano pindžaripe naj sem. Golese kaj, gova ane sa jasno sikadam tumenđe.
\p
\v 7 Dal ćerdem greh golesa so korkoro man ponizisadem, te bi tumen avena uzvisime kana bize pare propovedisadem tumenđe e Devleso Lačho Lafi? 
\v 8 Tare avera khanđira lijem i plata te bi kandava tumen. 
\v 9 Thaj kana sema tumencar thaj kana khanči trubuja man, khanikase ni sema ko pharipe, golese kaj e phrala save avile andari Makedonija, pomognisade man ane sa so trubuja manđe. Ane sa pazisadem thaj ka paziv te ma avav tumenđe ko pharipe. 
\v 10 Xav sovli ane Hristeso čačipe savo so ane mande, khoni ni ka ačhavol man te hvaliv man pi celo Ahaja. 
\v 11 Sose? Golese li so ni mangav tumen? O Dol džanol kaj mangav tumen!
\p
\v 12 Kova so ćerav, ka nastaviv te ćerav vadži, te bi onemogućiva kolen save roden prilika te aven ista sar amen, ane kova savesa hvalin pe. 
\v 13 Golese kaj, gola manuša si xoxavne apostolura, nepoštena bućarne, save ćeren pe kaj si e Hristese apostolura. 
\v 14 Thaj naj ni čudo, golese so i o Satana ćerol pe kaj si anđelo e svetloso. 
\v 15 Tegani naj ni čudo so lese sluge ćeren pe kaj si sluge taro pravednost. Al ko krajo ka dobin kova so zaslužisade paše pire buća.
\s E Pavlesi patnja
\p
\v 16 Palem vaćarav: khoni te ma dol gođi kaj sem bigođako. Al i te dijen gija gođi, prihvatin man gasave, te šaj i me zala hvaliv man. 
\v 17 Kava so akana vaćarav, ni vaćarav sar so bi o Gospod vaćarola, nego sar nesavo bigođako manuš savo si sigurno ane peste. 
\v 18 Al te but džene hvalisade pe gija sar gova ćerol pe ano sveto, i me gija ka hvaliv man. 
\v 19 Golese kaj, tumen sen gaći gođaver kaj isi tumen strpljenje e bigođaverencar! 
\v 20 Tumen isi strpljenje kolesa savo zarobil tumen, savo koristil tumen, savo xoxavol tumen, savo ćerol pe barikano il čalavol tumen ki čham. 
\v 21 Ki mingri ladž vaćarav kaj i amen sama gaći slaba!
\p Al te khoni usudisada pe te hvalil pe – akana vaćarav sar bigođako – i me ka usudiv man! 
\v 22 Von li si Jevreja? I me sem. Von li si Izraelcura? I me sem. Von li si potomkura e Avraamese? I me sem! 
\v 23 Von li si sluge e Hristese? Kava vaćarav sar bigođako: me sem vadži pobaro! Pobut ćerdem bući, pobut sema ano phanglipe, but maripe xaljem, pherdo droma sema ano opasnost e merimaso. 
\v 24 Pandž droma dobisadem tare Jevreja po tranda thaj enja (39) udarcura e bičesa. 
\v 25 Trin droma sema šibimo, jekh drom bara čhudije pe mande, trin droma sema ano brodo savo phađilo, jekh đive thaj jekh rat sema ano paj e moreso. 
\v 26 But droma putuisadem thaj sema ano opasnost tare leja, ano opasnost tare razbojnikura, ano opasnost taro mingro narodo, ano opasnost tare abandžije, ano opasnost ano foro, ano opasnost ani pustinja, ano opasnost ko more thaj ano opasnost tare xoxavne phrala. 
\v 27 But ćerdem phari bući thaj mučisaljem. But droma ni sutem, sema bokhalo thaj trošalo, but droma sema bizo xape, ko šul thaj bize but šeja urado. 
\v 28 A te ma vaćarav i avera problemura, sar so mučin man e brige svako đive paše sa e khanđira. 
\v 29 Kana si khoni slabo, i me osetiv man slabo. Kana khoni perol ano greh, manđe si but pharo.
\p
\v 30 Te trubuja te hvaliv man, tegani mingre slabostesa ka hvaliv man. 
\v 31 O Dol, o Dad e Gospodeso e Isuseso, savo si blagoslovimo ane sa e đivesa, džanol kaj ni xoxavav. 
\v 32 Kana sema ano Damask, o upravniko e caroso e Areteso čhuta straža anglo foro te dolen man, 
\v 33 al nesave manuša mukhlje man taro džamo ani korpa prekale foroso duvari thaj našljem tare leso va.
\c 12
\s E Pavlese vizije thaj nevo dičhipe
\p
\v 1 Thaj trubul vadži te hvaliv man, iako naj tare gova nisavo korist.
\p Al me ka vaćarav akana tare vizije thaj taro dičhipe e Gospodeso. 
\v 2 Džanav manuše ano Hrist savo angle dešuštar (14) berš inđardo sasa dži ko trito nebo. Ni džanav dal ano telo il avral o telo – o Dol džanol. 
\v 3 Thaj džanav kaj kava manuš – dal ano telo il avral o telo, ni džanav, o Dol džanol – 
\v 4 inđardo sasa ano raj thaj šunda lafura save našti vaćaren pe thaj save o manuš ni tromal putarde te phenol. 
\v 5 Gole manušesa ka hvaliv man, al mancar korkorestar ni ka hvaliv man, osim mingre slabosturencar. 
\v 6 Golese kaj, te odlučisadem te hvaliv man, ne bi avava bigođako, golese kaj bi vaćarava čačipe. Al ni mangav te hvaliv man golese kaj ni mangav khoni tumendar te dol gođi kaj sem pošukar, nego so sikadiljem ane lafura thaj ane buća. 
\v 7 Al te ne bi hvaliva man gole but bare otkrivenjurencar, dijape manđe ano telo kangro, e Sataneso anđelo, bičhaldo te mučil man, te ma bi avava barikano. 
\v 8 Trin droma e Gospode molisadem te crdol kava mandar, 
\v 9 al vov vaćarda manđe: “Mingro milost si dosta tuće, golese kaj mingri zor emjasno sikadol ano slabost.” Golese pobut ka hvaliv man mingre slabosturencar, te bi e Hristesi zor bešola ane mande. 
\v 10 Golese, pašo Hrist, radujiv man kana sem slabo, kana vređin man, kana sem ano pharipe, kana progonin man thaj kana sem ano bilačhipe. Golese kaj, kana sem slabo, tegani sem zuralo.
\s Manglipe paše Korinćanura
\p
\v 11 Vaćardem, te phene kaj postanisadem sar bigođako, al tumen pe gova terisaden man! Tumen trubujen te aven gola save trubujen te hvalin man, golese kaj me naj sem gore tare kola “bare apostolura”, iako me naj sem khoni ni khanči. 
\v 12 E znakura save sikaven mingro apostolstvo si: čudesna znakura, čudesura thaj silna buća, save si ćerde maškar tumende ano baro strpljenje. 
\v 13 Ane so sen, tegani, pocikni khanđiri tare avera, sem so ni sema ko pharipe tumenđe? Oprostin manđe paši kaja “nepravda”!
\p
\v 14 Dičhen! Trito drom spremno sem te avav tumende thaj ni ka avav ko pharipe tumenđe. Golese kaj me ni rodav tumare pare nego tumen korkoren. E čhave ni trubun te ćeren imanje e dadenđe thaj e dejenđe, nego e dada thaj e deja e čhavenđe. 
\v 15 Al tare mingri rig, sa e ilesa me bi tumenđe dava so isi man, pa i man korkore. Te mangljem tumen pobut, dal ka manđen man pozala? 
\v 16 Al nek avol gija! Ni sema tumenđe ko pharipe, nego, sar so sem lukavo, doldem tumen ke prevare. 
\v 17 Dal iskoristisadem tumen prekal nekaste tare kola kas bičhaldem tumende? 
\v 18 Molisadem e Tito te posetil tumen thaj bičhaldem lesa jekhe phrale. Dal o Tito ane khanči iskoristisada tumen? Ni li phirdam me thaj o Tito jekhe duxosa thaj jekhe stopencar?
\p
\v 19 Den li gođi kaj sa o vreme brani amen angle tumende? Anglo Dol ano Hrist vaćara tumenđe kaj sa kava so ćera, manglalen, ćera te bi tumen barona. 
\v 20 Golese kaj darav, kana ka avav tumende, te ni arakhav tumen gasave save ni mangav, ni tumen te ni aračhen man gasave save ni manđen. Darav kaj maškar tumende ka arakhav čingara, ljubomore, holja, inatura, bilačho vaćaripe tare avera manuša, ogovaranjura, baripe thaj neredura. 
\v 21 Darav kaj kana palem ka avav, mingro Dol ka ponizil man angle tumende thaj ka žalostil man paše but džene tumendar save angleder grešisade thaj save ni crdije pe taro melalipe, taro blud thaj tare ladžutne buća save ćerde.
\c 13
\s1 Palune pozdravura
\p
\v 1 Kava si trito drom sar avav tumende. Ano Sveto lil si pisimo: “Dži jekh optužba si dokažimi palo svedočanstvo duje il trine svedokurengo.” 
\v 2 Kana sema tumencar o dujto drom, upozorisadem tumen. Thaj akana kana sem dur tumendar, palem upozoriv tumen. Opomeniv kolen save angleder grešisade, a i sa averen. A kana ka avav palem tumende, ni ka štediv tumen. 
\v 3 Golese so roden dokaz kaj vaćarol kroz mande o Hrist savo naj slabo premal tumende, nego si zuralo maškar tumende. 
\v 4 Iako sasa slabo kana čhute le ko krsto, akana si džuvdo e Devlese zorasa. Isto gija si čače kaj sam i amen ane leste slaba, al e Devlese zorasa ka živi lesa tumenđe.
\p
\v 5 Ispituin korkore tumen dal čače živin ano pačajipe. Proverin korkore tumen! Dal ni pindžaren kaj o Isus Hrist živil ane tumende? Al te o Isus Hrist ni živil ane tumende, tegani i provera ni nakhljen. 
\v 6 Al nadi man kaj ka haljaren kaj amen nakhljam goja provera. 
\v 7 Amen moli e Devle te ma ćeren nisavo bilačhipe. Ni ćera gova te bi sikadola kaj amen nakhljam goja provera, nego te bi tumen ćerena kova so si šukar, pa čak i te sikadilo kaj amen goja provera ni nakhljam. 
\v 8 Golese kaj khanči našti ćera protiv o čačipe, nego samo pašo čačipe. 
\v 9 Baxtale sam kana sam amen slaba thaj tumen zurale. A moli amen i paše gova te aven vadži posavršena. 
\v 10 Kava pisiv tumenđe vadži kana sem dur tumendar, te ma bi avava strogo premal tumende kana ka avav tumende. Golese kaj o Gospod dija man vlast te izgradiv tumen, a na te uništiv tumen.
\p
\v 11 Thaj empalal, phralalen thaj phejalen, radujin tumen thaj usavršin tumen. Ohrabrin jekh avere, aven jekh ano gođaveripe thaj živin ano mir! Thaj o Dol, o izvor taro manglipe thaj taro mir, ka avol tumencar!
\p
\v 12 Pozdravin jekh avere svetone čumidimasa. 
\v 13 Pozdravin tumen sa e Devlese manuša.
\p
\v 14 O milost e Gospodeso e Isuseso e Hristeso, o manglipe e Devleso thaj o katanipe e Svetone Duxoso nek avol tumencar savorencar!