\id 1TI 
\ide UTF-8
\h 1. Timotej
\toc1 Angluno bičhaldo lil e Timotejese
\toc2 1. Lil e Timotejese
\toc3 1. Tim
\mt Angluno bičhaldo lil e Timotejese
\c 1
\s E Pavlese pozdravura
\p
\v 1 Kava lil pisiv me, o Pavle o apostol e Hristeso e Isuseso, palo zapovest e Devleso, amare Spasiteljeso thaj o Hrist o Isus, savo si amari nada.
\p
\v 2 E Timotejese, mingre čačukane čhavese ano pačajipe: Milost, milosrđe thaj mir taro Dol o Dad thaj taro Hrist o Isus, savo si o Gospod amaro!
\s O Pavle vaćarol e Timotejese tare xoxavne učitelja
\p
\v 3 Tu džane kobor zurale molisadem tut kana đeljem ani Makedonija, ačh ano Efes thaj te vaćare nesave manušenđe te ačhaven te širin o pogrešno sikajipe, 
\v 4 te ma bi hasarena o vreme e paramičencar save si beskorisna, e spiskurencar tare plemenura save anen po but vaćaripe thaj ni pomožin paše Devlesi bući savi ćerol pe pačajimasa. 
\v 5 A kava sa zapovediv golese te aven pherde manglipe, savo avol andaro thodo ilo, lačho savest thaj iskreno pačajipe.
\p
\v 6 Al nesave manuša crdije pe tare kava thaj đele ano čučo vaćaripe. 
\v 7 Gasave manđen averen te sikaven taro Zakon, a von ni haljaren so vaćaren thaj so uporno phenen. 
\v 8 Džana kaj si o Zakon šukar te ićardam le sar so trubul. 
\v 9 Gija, džana kaj o zakon naj paše manuša save ćeren o pravednost, nego dija pe kolenđe save phađen o zakon thaj si buntovnikura e Devlese, bizo Dol thaj grešnikura, save si melale thaj save ni pačan, kola save mudaren pumare daden thaj dejen, 
\v 10 e bludnicenđe thaj kole muršenđe so soven avere muršencar, kolenđe save trgujin e roburencar thaj e xoxavnenđe, kolenđe save xoxavne xan sovli thaj sa aver so si protivno pašo sasto sikajipe, 
\v 11 savo si palo Lačho Lafi e slavnone thaj blagoslovime Devleso, savo si manđe poverimo te vaćarav.
\s E Pavleso zahvalipe paše e Devleso milosrđe
\p
\v 12 Zahvalno sem e Hristese e Isusese, amare Gospodese, savo dol man zuralipe, so dikhlja kaj sem verno gole bućaće thaj dija man kaja služba, 
\v 13 man, e manuše savo hulila e Devle, savo rodijem te mudarav e Hristese sledbenikuren thaj nasilniko. Al o Dol sasa milostivo premal mande, golese so sa gova bilačhipe ćerdem golese kaj ni džangljem thaj ni pačajem. 
\v 14 Amaro Gospod but pherda man po beskrajno milost katane e pačajimasa thaj e manglimasa save si ano Isus Hrist!
\p
\v 15 Kava lafi si čačukano thaj zaslužno si te prihvatil pe: o Hrist o Isus avilo ko sveto te spasil e grešnikuren, tare save sem me embilačho. 
\v 16 O Dol manđe smiluisajlo, sar najbare grešnikose, te avav primer sar o Hrist o Isus savo sikada but baro strpljenje pe mande. Gova trubul te avol primer kolenđe save ane leste ka pačan thaj ka primin o džuvdipe bizo meripe. 
\v 17 Nek avol slava thaj čast e Devlese ane sa e đivesa. Vov si sa e đivesengo, savo ni dičhol pe thaj bimerimaso Caro, jekh Dol. Amin.
\s E Timotejeso odgovornost
\p
\v 18 Dav tut kava zapovest, Timoteje, čhaveja mingreja, savo si saglasno e proročanstvurenca save dije pe tuće angleder, te ićardan sa gova ka vodi lačho maripe. 
\v 19 Arakh šukar ćo pačajipe thaj ćo thodo savest. Nesave kava čhudije, pa sasa len brodolom ano pačajipe. 
\v 20 Maškar lende sesa o Imenej thaj o Aleksandar saven predijem e Satanase te bi sikljona te ma hulin po Dol.
\c 2
\s Sikajipe sar te kanda thaj te slavi e Devle
\p
\v 1 Angleder sa, mangav tumendar te molin tumen sa e manušenđe, te zastupin lenđe, te roden e Devleso milost thaj zahvalin paše lende. 
\v 2 Molin tumen paše carura, paše sa save si ko vlast, te šaj ano miro te beša ano tiho džuvdipe, ane sa o devlikanipe thaj o svetost. 
\v 3 Gova si šukar thaj lačhe amare Devlese amare Spasiteljese, 
\v 4 savo manđol sa e manuša te aven spasime thaj te aven ano pindžaripe o čačipe. 
\v 5 Golese kaj si jekh Dol, thaj jekh posredniko maškaro Dol thaj e manuša, o manuš o Hrist o Isus, 
\v 6 savo pes dija sar otkup sa e manušenđe. Kava si svedočanstvo savo dija pe te propovedil pe ano pravo vreme. 
\v 7 A me sem – čačipe vaćarav, ni xoxavav – apostol thaj propovedniko, kas čhuta o Dol te vaćarol e Devleso lafi, te sikavav e abandžijen ano pačajipe thaj ano čačipe.
\p
\v 8 Mangav e murša, bilo kaj te ćiden pe te molin, te vazden pe sveta vasta bizi holi thaj bize čingara. 
\v 9 Gija mangav e romnja te uraven pe pristojna šeja, skromno thaj dostojanstveno, te lačharen pe, na pletenicencar, ni zlatosa, il klejencar, il kuč fostanencar, nego šukar bućencar, 
\v 10 sar trubul e romnjenđe save ićaren pe šukar e Devlese ano devlikanipe.
\p
\v 11 I romni te sikljol ano mir thaj ano pokornost. 
\v 12 E romnja ni mukhav te sikavol thaj te avol po upreder po rom, nego čače te avol mirno. 
\v 13 Golese kaj o Adam angleder sasa ćerdo, pale gova i Eva. 
\v 14 Thaj o Adam ni xoxadilo, nego i džuvli xoxadili thaj ćerdili grešno. 
\v 15 Al i džuvli ka spasil pe bijanimasa čhaven, te ačhile ano pačajipe thaj ano manglipe thaj ano svetipe.
\c 3
\s Save trubun te aven e nadglednikura thaj đakonura
\p
\v 1 Kava lafi si čačipe: manđol li khoni te avol nadgledniko\f + \fr 3,1 \fr*\ft Ke nesave denominacije gova akhardol “biskup” \ft*\fp a ke nesave “episkop”, thaj gova si jekh odgovorno pozicija. \fp*\f*, gova manđol lačhi služba. 
\v 2 O nadgledniko trubul te avol bizo nisavo bilačhipe. Trubul te avol rom jekhe romnjako, staložimo, te šaj kontrolišil pe, pošteno, gostoljubivo thaj lačho učitelji, 
\v 3 te ni manđol te pijol but, il te manđol o maripe, mirno, te ni manđol čingara thaj te ni manđol barvalipe. 
\v 4 Vov trubul piro čher ko šukaripe te inđarol, trubul te avol le čhave save šunen le thaj paše sa kava ka avol le baro poštovanje. 
\v 5 Te ni džanglja piro čher ko šukaripe te inđarol, sar šaj te upravil šukar e Devlese Khanđirasa?
\p
\v 6 Nadgledniko našti avol nevo obratimo, te ma bi vazdola pe thaj te perol ane Devlesi osuda sar o beng. 
\v 7 Trubul te avol le šukar vaćaripe kolendar so naj ani khanđiri, te ma bi perola ani ladž thaj ani zamka e benđesi.
\p
\v 8 Gija thaj e đakonura trubun te aven poštujime, na dujemujenđe, na save pijen but mol, na pohlepna ko barvalipe. 
\v 9 Trubun e thode savestesa te ićaren pe ano duboko čačipe e pačajimaso. 
\v 10 A gola angleder te probin pe thaj te si bizi mana, te dol pe lenđe služba.
\p
\v 11 Gija e romnja te aven dostojna pašo poštujipe, na te ogovorin, te aven umerena thaj ane sa pouzdana.
\p
\v 12 E đakonura trubun te aven roma jekhe romnjenđe, save šukar upravin pe čhavencar thaj šukar si ane piro čher. 
\v 13 Golese kola save šukar služin sar đakonura, isi len šukar položaj thaj baro sigurnost ano pačajipe e Isuseso e Hristeso.
\s Čačipe tare amaro pačajipe
\p
\v 14 Kava pisiv tuće, al nadima kaj sigate ka avav tute. 
\v 15 Te majisaljem, te džane sar o manuš trubul te ponašil pe ano čher e Devleso, savi si i Khanđiri e Devlesi e džuvdesi, stubo thaj temelji e čačimaso.
\p
\v 16 Thaj sar si priznajimo, baro si garajipe taro devlikanipe:
\q1 O Isus sikadilo ano telo,
\q1 opravdime palo Duxo,
\q1 dikhlje le e anđelura,
\q1 e abandžije šunde so propovedisada pe lestar.
\q1 E manuša ano sveto ane leste pačaje
\q1 a vov si vazdimo ano nebo ani slava.
\c 4
\s Pogrešno sikajipe
\p
\v 1 O Sveto Duxo jasno vaćarol kaj ane palune đivesa nesave ka peren taro pačajipe thaj ka phiren pale xoxavne duxura thaj palo demonengo sikajipe. 
\v 2 Gasavo sikajipe ka vaćaren e dujemujenđe thaj e xoxavne kaso savest otupisada.
\p
\v 3 Von ka branin e manušenđe te ženin pe thaj te xan nesavo xape. Al gova xape o Dol ćerda, te šaj zahvalimasa te xan kola save pačan thaj pindžaren o čačipe. 
\v 4 Golese, sa so o Dol ćerda, šukar si thaj ni trubul te čhudol pe khanči so xal pe ano zahvalnost, 
\v 5 golese so si posvetimo e Devlese lafesa thaj e molitvasa.
\s Šukar sluga e Isuseso e Hristeso
\p
\v 6 Te sikadan kava e phralen thaj e phejen, ka ave lačho sluga e Isuseso e Hristeso. Parvardo san e lafurencar ano pačajipe thaj šukar sikajimasa, pale savo đeljan. 
\v 7 Crde tut tare bidevlikane paramiča thaj taro vaćaripe e purane romnjengo. Vežbi tut ano devlikanipe. 
\v 8 Taro telesno vežbipe isi zala šukaripe, a o devlikano vežbipe paše sa si šukar, golese kaj si ane leste obećanje za ko kava džuvdipe thaj za ko kova so ka avol. 
\v 9 Kava haberi si čačukano thaj trubul te avol prihvatimo ano potpunost. 
\v 10 Paše kava trudi amen thaj bori amen golese kaj amari nada čhuva ano džuvdo Dol, savo si Spasitelji sa e manušengo, a angleder kolengo save pačan ane leste.
\p
\v 11 Kava naredi thaj sikav. 
\v 12 Ma khoni te peravol tut paše ćiro ternipe. Mesto gova, av primer e pačavnenđe ano vaćaripe, ano ponašanje, ano manglipe, ano pačajipe thaj ani čistoća. 
\v 13 Dži kaj me ni avav, dikh te čiti o Sveto lil, zurav e pačavnen thaj sikav len.
\p
\v 14 Ma ačhav o duxovno daro savo si ane tute, savo dija pe tuće palo proroštvo kana e starešine čhute pe vasta pe tute. 
\v 15 Av vredno ane sa kava thaj ane gova posveti tut, te dičhen savore sar dža anglal. 
\v 16 Arakh korkore tut thaj o sikajipe! Ačh ane gova! Gova te ćerdan, ka spasi tut thaj kolen save šunen tut.
\c 5
\s Šukar sikajipe tare romnja kase roma mule, tare starešine thaj e robura
\p
\v 1 Purane manušesa ma vaćar bilačhe, nego vaćar lesa sar dadesa, ternencar sar phralencar, 
\v 2 purane romnjencar sar će dasa, čhejencar sar phejencar, ane šukar namere.
\p
\v 3 Poštuji e romnjen kase roma mule, save si ani potreba thaj naj len khoni. 
\v 4 Ako e romnja kaso rom mulo isi la čhave thaj unukura, von angleder trubun te sikljon te sikaven devlipe thaj te brinin pe paše piri familija thaj gija te irin pe dadenđe thaj pe dejenđe za sa kova so von ćerde lenđe. Gova si šukar e Devlese.
\p
\v 5 Koja savi si čače romni kaso rom mulo, savi si korkori, laći nada si o Dol, voj đive thaj rat rodol ani molitva e Devleso pomoć. 
\v 6 Al koja savi mukhlja pe ano luksuzno džuvdipe, voj si muli, i ako si džuvdi. 
\v 7 Gova naredi lenđe, te aven bizi mana.
\p
\v 8 Čače, te khoni ni dičhol pe familija, a angleder pe čherutnen, crdijape taro pačajipe thaj po bilačho si tare kova savo ni pačal ano Dol.
\p
\v 9 Ano popis tare romnja kase roma mule ma te čhuvol pe koja savi si po terni tare šovardeš berš. A te čhuvol pe ano popis romni sava sasa samo jekh rom, 
\v 10 al voj trubul te avol pindžardi pale lačhe buća: kaj barada čhaven, šukar ađućarda manušen, kana avena laće ano čher, služisada e svetone manušen\f + \fr 5,10 \fr*\ft thoda lenđe pingre\ft*\f*, e bibaxtalen dikhlja thaj ane sa e šukar buća sasa posvetimi.
\p
\v 11 Terne džuvlja kase roma mule ma te aven ano popis, golese, kana e telesna požude savladin lengo odanost e Hristese, manđen te len romen, 
\v 12 thaj gija anen osuda pe peste kaj crdije pe taro obećanje savo ko anglunipe sasa len. 
\v 13 A gija, o mrzalipe načhol lenđe ani navika thaj o phiripe taro čher dži o čher, thaj na samo so si mrzale nego počnin te ogovorin thaj vaćaren glupostura thaj kova so ni trubul. 
\v 14 Gija mangav: e terne romnja kase roma mule te len romen, čhaven te bijanen thaj te dičhen po čher. Gija e dušmanenđe ni ka dol pe povod za ko bilačho vaćaripe. 
\v 15 Golese kaj nesave već crdije pe taro Devleso drom thaj akana džan e Satanase dromesa.
\p
\v 16 A te nesavi pačavni džuvli brinil pe paši džuvli kaso rom mulo, nek nastavil te pomognil laće. Gija te ma avol i Khanđiri ko pharipe thaj te bi šajine te pomognil e romnjen kase roma mule save si čače ani potreba.
\p
\v 17 E starešine save ćeren šukar služba, den len duj droma čast thaj poćinipe, angleder kolen so trudin pe te propovedin thaj te sikaven. 
\v 18 Golese kaj o Sveto lil vaćarol: “Ma phande o muj e guruveso savo ćidol o điv” thaj “Vredno si o bućarno pe plataće.”
\p
\v 19 Premale e starešine ma prihvati e tužbe, sem te isi duj il trin kola save gova dikhlje il šunde. 
\v 20 Kola save ćeren bilačhe, angle savorende kori, gija i avera te daran.
\p
\v 21 Xav tut sovli anglo Dol thaj anglo Isus o Hrist thaj e birime anđelurencar te ićare sa kava bize predrasude thaj ma ćer khanči andro pristrasnost.
\p
\v 22 Ma siđar te položi će vasta pe khanikaste. Ma te ave saučesniko ane averenđe grehura. Ićar tut thodo.
\p
\v 23 Ma više pi samo paj, nego le zala mol paše ćire vođeso pharipe thaj ćire česta slabostura.
\p
\v 24 Nekase grehura šukar dičhen pe thaj angleder sikadol pe kaj ka aven osudime, al isi i gasave kase grehura tek kasnije ka dičhon. 
\v 25 Gija e šukar buća dičhen pe, al i kana ni dičhon, našti garaven pe.
\c 6
\s E robura
\p
\v 1 Sa e robura pe gospodaren nek poštujin te ma kaljarol pe e Devleso alav thaj o sikajipe amaro. 
\v 2 A kola robura kase si gospodarura pačavne, ma te dičhen len po cikne golese kaj si phrala ani pač. Po but te služin len, golese kaj si lenđe gospodara draga thaj katane ani pač thaj lenđe gospodarura isi len korist tari lenđi bući. Sikav e manušen gija te ćeren.
\s Xoxavno sikajipe thaj čačukano barvalipe
\p
\v 3 A ko sikavol aver khanči thaj ni složil pe kale lačhe lafurencar taro sikajipe e Gospodeso e Isuseso e Hristeso thaj amare sikajimasa taro šukar služipe e Devlese, 
\v 4 gova si barikano thaj khanči ni džanol. Gasavo manuš patil tare nasvalo manglipe te ćerol e čingara thaj te iril e lafura. Gova anol dži o zavist, raspravipe, vređipe thaj bilačho sumnjipe, 
\v 5 thaj ni ačhen e čingara e manušencar kas isi rumime gođa, save ni džanen so si čačipe. Von smatrin kaj si o služipe e Devlese način sar šaj te barvavon.
\p
\v 6 O služipe e Devlese si baro barvalipe te si manuš zadovoljno kolesa so isi le. 
\v 7 Khanči ni andam ko sveto, khanči našti inđara lestar. 
\v 8 Isi li amen xamase thaj urajimase šeja, te ava zadovoljna golesa. 
\v 9 Golese kola save manđen te barvavon, peren ane iskušenjura thaj lengo dilo thaj bilačho manglipe inđaren len ani zamka. Gasavo manglipe inđaren manuše ano peraipe thaj uništenje. 
\v 10 Golese kaj o manglipe e parenđe si koreno tare sa so si bilačho i golese nesave hasajle taro pačajipe thaj ćerde pese but patnje.
\s E Pavlese palune uputstva e Timotejese
\p
\v 11 Al tu, manušeja e Devleso, crde tut golestar! Praste palo pravednost, palo devlikanipe, palo pačajipe, palo manglipe, palo strpipe thaj palo šukaripe! 
\v 12 Mar tut šukar marimasa e pačaće, te bi dobisa o džuvdipe bizo meripe pe savo o Dol akharda tut tar savo but lačhe vaćardan angle but svedokura! 
\v 13 Vaćarav tuće anglo Dol, savo ane sa dol džuvdipe thaj anglo Isus o Hrist savo anglo Pontije Pilat dija šukar svedočanstvo: 
\v 14 Ićar tut thodo ane kava zapovest thaj besprekorno dži ko đive kana ka sikadol amaro Gospod o Isus Hrist. 
\v 15 Gova ka sikavol ano pravo vreme o blaženo Dol thaj jekh Vladari, Caro pe carura thaj o Gospodari pe gospodara. 
\v 16 Samo Vov si bimerimaso. Bešol ano svetlo ane savo našti avol pe. Le khoni tare manuša ni dikhlja niti ka šaj dičhol. Lese čast thaj večno zor! Amin.
\p
\v 17 E barvalenđe ane kava sveto zapovedi ma te aven barikane thaj ma te čhuven piro pouzdanje ano barvalipe savo naj sigurno, nego ano Dol savo dol amen sa ano izobilje pašo uživanje. 
\v 18 Zapovedi lenđe te ćeren šukaripe, te aven barvale šukar bućencar, te aven kola so manđen te den, te aven spremna te ulaven averencar. 
\v 19 Gija ka ćiden pese barvalipe savo ka avol šukar temelji pašo budućnost, te bi dobina čačukano džuvdipe.
\p
\v 20 Timoteje, arakh kova so dija pe tuće. Crde tut tare čučo svetovno vaćaripe thaj sikajipe savo si suprotno taro čačipe, a savo akharen “džanglipe”. 
\v 21 Nesave prihvatisade gova, taro pačajipe đele ani aver rig. Te avol tumencar e Devleso milost. Amin.