\id 1TH 
\ide UTF-8
\h 1. Solunjanurenđe
\toc1 Angluno bičhaldo lil e Solunjanurenđe
\toc2 1. Solunjanurenđe
\toc3 1. Sol
\mt Angluno bičhaldo lil e Solunjanurenđe
\c 1
\s E Pavlese pozdravura
\p
\v 1 Kava lil pisiv me, o Pavle, o Silvan thaj o Timotej, e khanđiraće ano Solun savi si ano Dol o Dad thaj ano Gospod o Isus Hrist:
\p O milost thaj o mir nek avol tumencar!
\s O džuvdipe thaj o pačajipe e manušengo ani khanđiri ano Solun
\p
\v 2 Amen zahvali uvek e Devlese savorenđe tumenđe thaj ni ačha te moli amen tumenđe. 
\v 3 Uvek anglo Dol amaro Dad, da amen gođi tare tumare buća save ćeren e pačajimasa thaj taro tumaro trud potaknimo e manglimasa thaj taro tumaro strpljivost savo si nadahnutimo e nadasa ane amaro Gospod, o Isus Hrist.
\p
\v 4 Amen džana, phralalen thaj phejalen, kaj o Dol manđol tumen thaj birisada tumen, 
\v 5 golese kaj amaro Lačho Lafi tumenđe ni avilo samo lafurencar, nego zuralimasa, e Svetone Duxosa thaj ano baro uverenje ane leso čačipe. Korkore džanen sar živisadem maškare tumende, paše tumaro šukaripe. 
\v 6 A tumen dikhljen tumen pe amende thaj po Gospod golese so radosno primisaden o Lafi savo dol o Sveto Duxo, iako sena ane embare patnje. 
\v 7 Gija postanisaden lačho primer sa e pačavnenđe ani Makedonija thaj ani Ahaja. 
\v 8 Golese kaj, e Devleso haberi tumendar dureste šundilo, na samo ani Makedonija thaj ani Ahaja, već tumaro pačajipe ano Dol šundilo ke dži jekh than. Golese amen ni trubul khanči te vaćara. 
\v 9 Golese kaj e manuša korkore vaćaren tare gova sar primisaden amen thaj sar ačhaden e idoluren, te bi prihvatina thaj te bi služina e džuvde thaj e čačukane Devle 
\v 10 thaj kaj ađućaren lese Čhave taro nebo, e Isuse, save o Dol vazdija tare mule thaj savo ikalol tumen tari bari holi e Devlesi, savi ka avol.
\c 2
\s E Pavleso služipe ano Solun
\p
\v 1 Phralalen thaj phejalen, tumen korkore džanen, kaj kana aviljam tumende, ni sasa gova džabe. 
\v 2 Sar so džanen, angleder gova trpisadam ano Filipi thaj sama odori zlostavime. Al amen arakhljam zuralipe ane amaro Dol te vaćara tumenđe bizi dar e Devleso Lačho Lafi, iako but džene protivisaljen. 
\v 3 Golese kaj, kova so propovedisadam tumenđe, ni avilo tari zabluda ni tare bilačhe namere. Ni mangljam khanika te prevari. 
\v 4 Naj gija, vaćardam sar kola savenđe o Dol smatrisada kaj si dostojna te propovedin o Lačho Lafi. Ni manga te ugodi e manušenđe, nego e Devlese, savo ispituil amare ile. 
\v 5 Golese, sar so džanen, amen ni vaćardam barikane lafurencar thaj garade pohlepasa – o Dol si amenđe svedoko. 
\v 6 Amen ni rodijam hvala ni tare manuša, ni tumendar, ni averendar, 
\v 7 iako sar e Hristese apostolura šajine gova te roda. Al sama kovle maškare tumende, sar i dej savi parvarol thaj negujil pe čhaven. 
\v 8 Gija sama premal tumende gaći pherde manglimasa, kaj mangljam te da tumenđe na samo e Devleso Lačho Lafi, nego i amaro džuvdipe, golese kaj but mangljam tumen.
\p
\v 9 Golese, phralalen thaj phejalen, čače den tumen gođi tare amaro trud thaj amari phari bući. Kana vaćardam tumenđe e Devleso Lačho Lafi, rat thaj đive ćerdam bući, khanikase te ma ava ko pharipe. 
\v 10 Tumen sen amare svedokura, a i o Dol si amaro svedoko, kaj premal tumende save pačan sama sveta, pravedna thaj besprekorna. 
\v 11 Tumen džanen kaj premal dži jekheste tumendar ponašisaljam sar dad premal pe čhave. 
\v 12 Zuradam tumen, utešisadam tumen thaj opomenisadam te živin dostojno e Devlese, savo akharol tumen ane piro Carstvo thaj ane piri slava.
\p
\v 13 Golese uvek zahvali amen e Devlese, kaj kana prihvatisaden e Devleso haberi so šunden amendar, lijen le na sar manušikano haberi, nego gija sar so si čače – sar e Devleso haberi, savo delujil ane tumende save pačan.
\p
\v 14 Golese kaj tumen, phralalen thaj phejalen, dikhljen tumen pe khanđira e Devlese ani Judeja save si ano Isus o Hrist: tumen trpisaden tare tumare manuša, sar von tare Jevreja, 
\v 15 save mudarde e Gospode e Isuse thaj e prorokuren thaj i amen tradije. Von ni ćeren kova so si ugodno e Devlese thaj protivin pe sa e manušenđe. 
\v 16 Von ni den amen te propovedi e abandžijenđe te aven spasime. Gija, von stalno pheren i mera tare pe grehura. Al, golese ko kraj, reslja len e Devlesi holi.
\s O Pavle manđol palem te avol ano Solun
\p
\v 17 Phralalen thaj phejalen, zala vreme sama crdime tumendar mujesa, al ni sama ilesa. Vadži pobut thaj bare manglimasa mangljam te dikha tumen. 
\v 18 Golese kaj mangljam te ava tumende – me o Pavle, pobut droma mangljem, al o Satana sprečisada amen. 
\v 19 Golese so, ko si amari nada il radujipe, il venco savesa ka ava ponosna angle amaro Gospod o Isus kana ka avol? Naj li sen tumen? 
\v 20 Va, tumen sen amari slava thaj amaro radujipe!
\c 3
\s O Pavle bičhalol e Timoteje
\p
\v 1 Al kana naštine vadži te trpi, odlučisadam kaj si šukar te ačha korkore ani Atina. 
\v 2 Amen bičhala e Timoteje, amare phrale thaj saradniko e Devleso ano vaćaripe taro Lačho Lafi e Hristeso, te bi zuravola tumen thaj te bi ohrabrila tumen ane tumaro pačajipe, 
\v 3 khoni te ma avol obeshrabrime ane kava pharipe. Golese kaj tumen korkore džanen kaj sam amen odredime pašo pharipe. 
\v 4 A gija, kana sama ke tumende, već angleder vaćardam tumenđe kaj ka trpi o pharipe. Thaj sar so džanen, gija i sasa. 
\v 5 Golese, kana vadži naštine te trpiv, bičhaldem e Timoteje te dodžanav sar ačhen ane tumaro pačajipe. Daraljem te ni anda tumen o Kušači ano iskušenje thaj te ni sasa amaro trud džabe.
\p
\v 6 Al akana ke amende irisajlo o Timotej tumendar thaj anda amenđe šukar lafura tare tumaro pačajipe thaj tare tumaro manglipe. Phenda amenđe kaj stalno den gođi amendar palo šukaripe thaj kaj but manđen te dičhen amen, sar i amen tumen. 
\v 7 Golese, phralalen thaj phejalen, ane sa amari muka thaj amaro pharipe, amen utešisaljam paše tumaro pačajipe. 
\v 8 Amen sam akana čače džuvde, golese so džana kaj tumen zurale ačhen ano Gospod.
\p
\v 9 Sar te zahvali e Devlese paše tumende, paše sa o radost savo isi amen tumenđe angle amaro Dol? 
\v 10 Đive thaj rat sa e ilesa moli amen palem te dikha tumen thaj te dophera kova so vadži trubul tumare pačajimase.
\p
\v 11 A korkoro o Dol, amaro Dad thaj amaro Gospod o Isus Hrist te pripremil amaro drom te ava tumende! 
\v 12 O Gospod nek ćerol te baron thaj te aven pherde manglimasa jekh averese thaj paše sa e manuša, sar so sam amen pherde manglimasa tumenđe. 
\v 13 O Dol te zuravol tumare ile, te aven bizo nisavo banđipe thaj sveta angle amaro Dol thaj o Dad, kana ka avol amaro Gospod o Isus sa pe manušencar save preperen lese.
\c 4
\s Džuvdipe savo si ugodno e Devlese
\p
\v 1 Ko krajo, phralalen thaj phejalen, moli tumen thaj ohrabri tumen ano Gospod o Isus te živin sar so sikadam tumen, te aven ugodna e Devlese. Gija akana živin thaj džan po anglal. 
\v 2 Džanen e zapovestura save dijam tumen ano alav e Gospodeso e Isuseso.
\p
\v 3 Golese kaj, kava si so manđol o Dol: te aven sveta; te ićaren tumen podur taro blud; 
\v 4 te džanol dži jekh tumendar te aračhol piro telo\f + \fr 4,4 \fr*\ft Ani grčko čhib ačhol: čaro. \ft*\f* ano svetost thaj ano čast, 
\v 5 a na ano strast taro blud, sar so gova ćeren kola save ni džanen e Devlese; 
\v 6 te ma ćeren nepravda premal tumare phrala thaj te ma xoxaven len gija so soven lenđe romnjencar. Golese kaj o Gospod ka osvetil pe dži jekhese savo gova ćerol, sar so i angleder vaćardam tumenđe thaj upozorisadam tumen. 
\v 7 Golese kaj o Dol ni akharda amen te ava melale, nego te živi sveto džuvdipe. 
\v 8 Gija, ko čhudol kala zapovestura, ni čhudol e manuše, nego e Devle, savo dol tumen piro Sveto Duxo.
\p
\v 9 A pašo manglipe premale phrala ni trubul te pisi tumenđe, golese kaj tumen korkore sen sikade taro Dol te manđen jekh avere. 
\v 10 Tumen čače sikaven baro manglipe e phralenđe ani sa i Makedonija. Al moli tumen, phralalen thaj phejalen, te džan gija i po anglal.
\p
\v 11 Thaj andare sa o ilo manđen te živin mirno, te brinin tumen paše tumare buća thaj te ćeren tumare vastencar, sar so vaćardam tumenđe. 
\v 12 Gija ka avol tumen poštovanje angle bipačavne manuša thaj ni ka zavisin khanikastar.
\s Nada ano uštipe tare mule
\p
\v 13 Phralalen thaj phejalen, amen manga te džanen so ka avol kole manušencar save mule, golese kaj ni manga te aven žalosna sar kola save naj len nada. 
\v 14 Te pačajam kaj o Isus mulo thaj uštilo tare mule, tegani pača kaj o Dol e Isusesa ka vazdol i kolen save mule pačajimasa ano Isus.
\p
\v 15 Gova, so vaćara tumenđe, si e Devleso Lafi: amen, save ka ava vadži džuvde thaj save ačha dži o avipe e Gospodeso, sigurno ni ka resa e Gospode angleder tare kola save mule. 
\v 16 Golese kaj, kana ka šundol o vaćaripe e šorutne anđeloso\f + \fr 4,16 \fr*\fq šorutne anđeloso \fq*\ft Ani grčko čhib ačhol: arhanđelo.\ft*\f* thaj o bašalipe e Devlese trubengo, tegani korkoro o Gospod ka uljol taro nebo thaj angleder ka ušten kola save mule e pačajimasa ano Isus. 
\v 17 Pale gova amen, save ka ačha džuvde, ka ava vazdime katane lencar upre ane oblakura, te resa amen e Gospodesa. Gija ka ava zauvek e Gospodesa. 
\v 18 Golese, tešin jekh avere kale lafurencar!
\c 5
\s Aven spremna paše Devleso avipe
\p
\v 1 Phralalen thaj phejalen, ni trubul te pisiv tumenđe, kana thaj sar sa kava ka avol, 
\v 2 golese kaj tumen korkore šukar džanen kaj o Đive e Gospodeso ka avol sar čor ani rat. 
\v 3 Dži kaj e manuša vadži ka vaćaren: “Mirno si thaj sigurno”, tegani tari jekh drom ka napadil pe lende o uništipe sar i dukh e khamne romnja thaj von ni ka šaj te našen.
\p
\v 4 Al tumen, phralalen thaj phejalen, naj sen ano mrako, te bi o Đive e Gospodeso iznenadila tumen sar čor. 
\v 5 Golese so, tumen sen čhave e svetlose thaj čhave e đivesese. Amen ni prepera ni e mrakose ni e raćaće. 
\v 6 Gija, ma soven sar kola avera, nego aven džungade thaj trezna. 
\v 7 Golese so, kola save soven, soven ani rat thaj kola save maton, maton ani rat. 
\v 8 Al amen, save sam čhave e đivesese, te ava trezna thaj urade ano oklop e pačajimaso thaj e manglimaso thaj e kacigasa tari nada ano spasenje. 
\v 9 Golese kaj o Dol ni čhuta amen paši bari holi, nego te avol amen spasenje prekalo amaro Gospod o Isus Hrist. 
\v 10 Vov mulo amenđe, katane lesa te živi –– te sam džuvde il mule. 
\v 11 Golese ohrabrin thaj vazden jekh avere, sar so i akana ćeren.
\s Palune uputstvura so te ćeren
\p
\v 12 Moliv tumen, phralalen thaj phejalen, te poštujin kolen save trudin pe maškare tumende, kolen save vodin tumen thaj sikaven tumen ano Gospod. 
\v 13 Sikaven lenđe kaj but manđen len thaj poštujin len paši bući savi ćeren. Živin ano mir jekh averesa!
\p
\v 14 Amen ohrabri tumen, phralalen thaj phejalen, te opomenin kolen save ni manđen te ćeren bući, thaj zuraven kolen save si slaba ano duxo. Pomožin e slabonen thaj aven strpljiva savorencar.
\p
\v 15 Dičhen khoni te ma iril bilačhe pašo bilačhipe, nego uvek roden te ćeren šukaripe jekh averese thaj sa e manušenđe.
\p
\v 16 Uvek radujin tumen.
\p
\v 17 Molin tumen bizo ačhipe.
\p
\v 18 Zahvalin tumen paše sa, golese kaj si gova e Devlesi volja tumenđe ano Isus Hrist.
\p
\v 19 O Sveto Duxo ma gasin.
\p
\v 20 E proroštvura ma prezirin, 
\v 21 al sa proverin thaj ićaren tumen pe gova so si šukar. 
\v 22 Crden tumen tare dži jekh bilačhipe.
\s Palune pozdravura
\p
\v 23 A korkoro o Dol savo amenđe dol mir, nek ćerol tumen sveta ane sa! Nek aračhol sa tumaro biće – o duxo, i duša thaj o telo – te avol bizi nisavi mana dži kaj ni avol amaro Gospod o Isus. 
\v 24 Verno si o Dol savo akharda tumen. Vov i gova ka ćerol.
\p
\v 25 Phralalen thaj phejalen! Molin tumen i amenđe.
\p
\v 26 Pozdravin sa e Devlese manušen svetone čumidimasa.
\p
\v 27 Xav tumen sovli ano Gospod te čitin kava lil angle sa e phrala thaj e pheja.
\p
\v 28 O milost amare Gospodeso e Isuseso Hristeso te avol tumencar!