\id 1CO 
\ide UTF-8
\h 1. Korinćanurenđe
\toc1 Angluno bičhaldo lil e Korinćanurenđe
\toc2 1. Lil e Korinćanurenđe
\toc3 1. Kor
\mt Angluno bičhaldo lil e Korinćanurenđe
\c 1
\s E Pavlese pozdravura
\p
\v 1 Kava lil pisiv me, o Pavle, savo sem pale Devleso manglipe akhardo te avav apostol e Hristeso e Isuseso thaj o phral o Sosten 
\v 2 e Devlese khanđiraće ano Korint, kolenđe save si posvetime ano Hrist o Isus thaj akharde te aven sveta, thaj sa kolenđe save akharen ke svako than o alav amare Gospodeso e Isuseso e Hristeso, savo si lengo thaj amaro Gospod:
\p
\v 3 Milost tumenđe thaj mir taro Dol, amaro Dad thaj taro Gospod o Isus Hrist.
\s O Pavle zahvalil e Devlese
\p
\v 4 Stalno zahvaliv e Devlese paše tumende thaj paše leso milost savo dija pe tumenđe ano Hrist o Isus. 
\v 5 Ane leste barvaljen ane sa: ano dži jekh vaćaripe thaj ane sa o džanglipe. 
\v 6 Golese kaj o svedočanstvo taro Hrist zurajlo maškare tumende, 
\v 7 gijate naj tumen nisavo nedostatko ano nijekh milosno daro, dok ađućaren o iripe amare Gospodeso, e Isuseso e Hristeso. 
\v 8 Vov ka zuravol tumen dži o krajo te aven bizi mana ko đive kana ka iril pe amaro Gospod o Isus Hrist. 
\v 9 Verno si o Dol savo akharda tumen te živin katane lese Čhavesa e Isusesa e Hristesa, amare Gospodesa.
\s Čingara ani khanđiri
\p
\v 10 Phralalen thaj phejalen, moliv tumen e alavesa amare Gospodeso e Isuse e Hristeso, savore te vaćaren jekh thaj maškar tumende te ma ćeren čingara. Aven savršeno ujedinime ane jekh gođi thaj ani isto namera. 
\v 11 Golese so, phralalen thaj phejalen, dodžangljem tare nesave manuša tare Hlojinaći familija, kaj maškar tumende si čingara. 
\v 12 Dav gođi pe gova so dži jekh tumendar phenol: “Me sem e Pavleso”, aver: “Me sem e Apoloneso”, trito: “Me sem e Petreso”,\f + \fr 1,12 \fr*\ft Ki grčko čhib pisil: “Kifaso”.\ft*\f* a štarto: “Me sem e Hristeso.”
\p
\v 13 Dal o Hrist delisajlo? Dal o Pavle đelo ko krsto tumenđe? Il sena krstime ane Pavleso alav? 
\v 14 Hvala e Devlese kaj ni krstisadem nijekhe tumendar, sem e Krispa thaj e Gajo. 
\v 15 Gija khoni našti vaćarol kaj si krstimo ane mingro alav. 
\v 16 Va, krstisadem i e Stefanese familija, al ni džanav dal krstisadem khanika avere. 
\v 17 Golese kaj o Hrist ni bičhalda man te krstiv, nego te vaćarav o Lačho Lafi, al na lafurencar taro manušikano gođaveripe, te ma bi hasardola i zor tare Hristeso meripe ko krsto.
\s O Hrist si e Devleso džanglipe thaj lesi zor
\p
\v 18 Golese kaj o lafi taro krsto si dilipe kolenđe so meren, al amenđe save spasi amen, si e Devlesi zor. 
\v 19 Golese kaj si pisimo ano Sveto lil:
\q1 “Ka uništiv o gođaveripe e gođavere manušengo,
\q2 thaj o džanglipe e džangle manušengo ka čhudav.”
\p
\v 20 Kaj si o gođaver manuš? Kaj si o učitelji sikado ano zakon? Kaj si kova savo vodil e rasprave kale svetose? Na li ćerda o Dol o gođaveripe kale svetoso ano dilipe? 
\v 21 Golese so o Dol ane po gođaveripe ćerda o sveto te ni pindžarol le pale piro manušikano gođaveripe, nego prekalo “dilipe” taro kova so propovedil pe, o Dol odlučisada te spasin pe kola save pačan. 
\v 22 E Jevreja manđen čudesna znakura thaj e Grkura roden mudrost, 
\v 23 al amen propovedi e Hriste savo si čhuto ko krsto – gova si sablaza e Jevrejenđe thaj dilipe e abandžijenđe, 
\v 24 al kolenđe saven o Dol akharda, sar e Jevrejen gija i e Grkuren, o Hrist si e Devlesi zor thaj e Devleso gođaveripe. 
\v 25 Golese so, gova so dičhol sar dilipe e Devleso, po gođaver si tare manuša thaj gova so dičhol sar e Devleso bizuralipe si po zuralo tare manuša.
\p
\v 26 Dičhen, phralalen thaj phejalen, save sena kana tumen o Dol akharda! Naj maškar tumende but gođaver palo manušikano dičhipe, ni but zurale, ni but uticajna. 
\v 27 Nego o Dol birisada gova so si dilo ano sveto, te ladžarol kolen so si gođaver. O Dol birisada gova so si bizuralo ano sveto, te ladžarol kolen so si zurale. 
\v 28 O Dol birisada kolen save naj uticajna ano sveto thaj kolen pe save avera dičhen bezvredno; o Dol birisada gova so naj, te uništil gova so si, 
\v 29 te ma bi hvalila pe khoni anglo Dol.
\p
\v 30 Vov si izvor taro tumaro džuvdipe ano Hrist o Isus, savo amenđe postanisada gođaveripe taro Dol, pravednost, posvećenje thaj otkupljenje, 
\v 31 te bi avola sar so si pisimo ano Sveto lil: “Ko hvalil pe, nek hvalil pe e Gospodesa.”
\c 2
\s O Lačho Lafi taro krsto e Hristeso
\p
\v 1 Gija, phralalen thaj phejalen, kana aviljem ke tumende, ni aviljem bare lafurencar il bare gođaverimasa te vaćarav tumenđe o svedočanstvo taro Dol. 
\v 2 Dži kaj sema tumencar, odlučisadem kaj ni ka vaćarav khanči aver sem taro Isus o Hrist savo si čhuto ko krsto. 
\v 3 Kana aviljem ke tumende, sema slabo, but darava thaj tresisadem. 
\v 4 Mingre lafura thaj mingro propovedipe ni sesa tare gođaver thaj ubedljiva lafura, a dokaz taro mingro propovedipe sasa o zuralipe taro Sveto Duxo, 
\v 5 te ne bi tumaro pačajipe temeljilape po manušikano mudrost, nego pe Devleso zuralipe.
\s E Devleso gođaveripe thaj e Devleso Duxo
\p
\v 6 Amen vaćara taro gođaveripe maškar kola save si duxovno zurale. Al gova naj o gođaveripe tare kava sveto ni tare vladarura kale svetose, save properen. 
\v 7 Nego, amen vaćara taro gođaveripe e Devleso – tajna savi si garadi thaj savi o Dol odredisada paši amari slava angleder sar so sasa ćerdo o sveto. 
\v 8 Gova gođaveripe ni pindžarda nijekh vladari kale svetoso. Golese kaj, kana bi pindžarena le, ne bi čhuvena e slavnone Gospode ko krsto. 
\v 9 Nego sar si pisimo ano Sveto lil:
\b
\q1 “Kova so ni i jakh ni dikhlja,
\q2 ni o kan ni šunda,
\q2 so ni ano ilo e manušeso ni dija,
\q1 gova o Dol pripremisada
\q2 kolenđe save manđen le.”
\b
\p
\v 10 Al amenđe o Dol objavisada prekalo Duxo, golese kaj o Duxo ispituil thaj džanol sa, pa čak i e embare tajne e Devlese. 
\v 11 Golese so, ko tare manuša džanol so si ano manuš, ako na o duxo o manušikano, savo si ane leste? Isto gija khoni, sem e Devleso Duxo, ni džanol so si ano Dol. 
\v 12 Al amen ni primisadam o duxo kale svetoso, nego o Duxo savo si taro Dol, te pindžara sa so amen dija o Dol sar daro. 
\v 13 Tare gova i vaćara, al na gasave lafurencar save šaj sikaven pe taro manušikano gođaveripe, nego kole lafurencar save amen sikavol o Duxo; gija amen objasni e duxovna buća e duxovnone lafurencar. 
\v 14 Al o telesno manuš ni prihvatil gova so amen sikavol o Duxo e Devleso, golese kaj gova si lese dilipe. Vov gova našti haljarol, golese kaj trubul duxovno te prosudil pe. 
\v 15 O duxovno manuš šaj prosudil sa, al le khoni našti prosudil. 
\v 16 Sar so si pisimo ano Sveto lil:
\b
\q1 “Ko pindžarda e Gospodesi gođi
\q2 te sikavola le?”
\m Al amen isi gođi e Hristesi.
\c 3
\s Sluge e Devlese
\p
\v 1 A me, phralalen thaj phejalen, naštine te vaćarav tumencar sar kolencar so si duxovna, nego sar kolencar so si telesna thaj vadži si cikne čhave ano Hrist. 
\v 2 Dijem tumen thud a na zuralo xape, golese so vadži naj sena spremna te xan zuralo xape. Al ni akana vadži našti xan le, 
\v 3 golese kaj sen vadži telesna. Golese kaj, te si maškare tumende zavist thaj čingara, naj li sen vadži telesna thaj ni li živin gija sar e manuša ano sveto? 
\v 4 Golese kaj, te neko phenol: “Me sem e Pavleso” thaj aver phenol: “Me sem e Apoloneso”, na li golesa sikaven kaj sen manuša ano sveto?
\p
\v 5 Ko si o Apolon? Thaj ko si o Pavle? Amen sam samo sluge prekal kaste tumen lijen te pačan thaj dži jekh amendar ćerol kova so o Gospod manđol. 
\v 6 Me sadisadem, o Apolon čhorda paj, a o Dol dija te barol. 
\v 7 Gija naj bitno kova savo sadil, ni kova so čhorol o paj, nego o Dol savo dol te barol. 
\v 8 Kova savo sadil thaj kova so čhorol paj si sar jekh. Al solduj ka len i plata paše piro trud. 
\v 9 Golese kaj, amen solduj sam saradnikura ane Devlesi bući thaj tumen sen e Devlesi njiva, e Devlesi građevina.
\p
\v 10 Palo milost e Devleso savo dobisadem taro Dol, me sar šukar šorutno graditelji čhutem o temelji a aver zidil pe gova temelji. Al dži jekh trubul te dičhol sar ka zidil. 
\v 11 Golese kaj khoni našti te čhuvol aver temelji sem kova savo si već čhuto, a gova si o Isus Hrist. 
\v 12 Te khoni pe kava temelji zidil zlatosa, srebrosa, lačhe barencar, kaštencar, phusesa, il šuće čarasa, 
\v 13 leso kvalitet tari bući ka dičhol pe kana ka avol e Hristeso đive. Golese so, ane gova đive i jag ka sikavol dži jekhesi bući, i jag ka testiril le thaj ka sikavol leso pravo kvalitet. 
\v 14 Te ačhol i bući savi khoni zidisada, vov ka primil piri plata. 
\v 15 Al te khanikasi bući phabol, vov ka hasarol piri plata. Vov korkoro ka avol spasime, al sar maškari bari jag.
\p
\v 16 Ni li džanen kaj sen tumen o hram e Devleso thaj o Duxo e Devleso živil ane tumende. 
\v 17 Te khoni phađol o hram e Devleso, le o Dol ka phađol, golese kaj o hram e Devleso si sveto, a gova sen tumen!
\p
\v 18 Khoni ma te xoxavol tumen! Te khoni maškare tumende dol gođi kaj si gođaver sar so kava sveto dol gođi, nek avol dilo te bi avola čače gođaver. 
\v 19 Golese kaj o gođaveripe kale svetoso si anglo Dol dilipe. Sar so si pisimo ano Sveto lil:
\b
\q1 “O Dol e gođaveren dolol ane lengo lukavstvo.”
\b
\p
\v 20 Thaj palem:
\b
\q1 “O Gospod pindžarol kaj e gođa e gođaverenđe si čuče.”
\b
\p
\v 21 Golese, khoni te ma čhudol baripe gija so sledil nesave vođa! Golese kaj, sa si tumaro: 
\v 22 il o Pavle, il o Apolon, il o Petar,\f + \fr 3,22 \fr*\ft Ani grčko čhib pisil “Kifa”.\ft*\f* il o sveto, il o džuvdipe il o meripe, il kova so si akana, il kova so ka avol – sa si tumaro, 
\v 23 al tumen preperen e Hristese thaj o Hrist preperol e Devlese.
\c 4
\s O Pavle thaj e Korinćanura
\p
\v 1 Golese, e manuša trubun te smatrin amen sar sluge e Hristese save si zadužime te objasnin e Devlese tajne. 
\v 2 A kana khanika isi nesavo zaduženje, lestar rodol pe te ćerol gova šukar. 
\v 3 A ćerdem li me gija? Me ni mariv so sudin man tumen il o manušikano sudo. Al ni man korkore ni sudiv, 
\v 4 golese kaj mingro savest si čisto. Al golesa naj sem vadži opravdimo – o Gospod si gova savo man sudil. 
\v 5 Golese ma sudin khanči angleder dok ni ka avol o Gospod. Vov ka osvetlil e buća save si garade ano mrako thaj ka ikalol ko videlo so manđen e manušikane ile. Tegani dži jekh ka primil taro Dol pohvala savi zaslužil.
\p
\v 6 Phralalen thaj phejalen, zbog tumende lijem man thaj e Apolose sar primer, amendar te sikadon so značil: “Ma džan po dur tare kova so si pisimo ano Sveto lil.” Tegani khoni ni ka čhudol baripe jekhe manušesa, a te avol protiv aver manuš. 
\v 7 Ko vaćarol kaj san pošukar tare avera? So isi tut, a so ni dobisadan taro Dol? Thaj te dobisadan gova, sose čhude baripe sar kaj ni dobisadan gova?
\p
\v 8 Den gođi kaj sa već dobisaden? Den gođi kaj sen akana barvale thaj kaj lijen te carujin bizi amende? Kaj goja bax čače te postanisaden carura! Gija bi i amen tumencar carujisa. 
\v 9 Činil pe manđe kaj amen e apostoluren o Dol čhuta ko empaluno than, sar zarobljenikuren ano maripe save si osudime ko meripe ani arena, ko krajo tari pobedničko kolona, gija te dičhol amen sa o sveto – e anđelura thaj e manuša. 
\v 10 Amen sam dile pašo Hrist, al tumen den gođi kaj sen gođaver ano Hrist! Amen sam slaba, al tumen den gođi kaj sen zurale! Tumenđe den počastura a amencar maren muj. 
\v 11 Dži ke kava sato sam bokhale, trošale thaj urade sam sar čorore. Maren amen thaj sam bize čhera. 
\v 12 Mukasa ćera bući amare vastencar. Kana akušen amen, amen blagoslovi len. Kana traden amen, amen trpi gova. 
\v 13 Kana ponizin amen, amen iri lenđe šukare lafurencar. Postanisadam sar gunoj e svetoso. Lenđe sam sar bednikura sa dži akana.
\p
\v 14 Ni pisiv kava tumenđe te ladžarav tumen, nego te upozoriv tumen sar mingre mangle čhaven. 
\v 15 Golese kaj, te sasa tumen čak i deš milja (10 000) čuvara ano Hrist, naj tumen but dada golese kaj ano Hrist o Isus me postanisadem tumaro dad palo Lačho Lafi. 
\v 16 Golese moliv tumen, dičhen te aven sar me.
\p
\v 17 Golese bičhaldem tumende e Timoteje, mingre mangle thaj vernone čhave ano Gospod. Vov ka posetil tumen pe gova sar me živiv ano Hrist o Isus. A živiv gija sar so sikavav ke dži jekh than ane sa e khanđira.
\p
\v 18 Nesave tumendar ćerdile barikane, golese kaj den gođi kaj ni ka avav ke tumende. 
\v 19 Al te manglja o Gospod, ka avav ke tumende sigate thaj tegani ka dodžanav na samo gova so vaćaren, nego savi zor isi len gola barikane manuša. 
\v 20 Golese kaj o Carstvo e Devleso sikadol ano manušengo džuvdipe pale gova so ćeren, a na pale gova so vaćaren. 
\v 21 So manđen? Te avav te kazniv tumen il te avav ano manglipe thaj e krotkone duxosa?
\c 5
\s Sudo pašo blud
\p
\v 1 E manuša vaćaren kaj maškare tumende si blud thaj gova gasavo so naj ni maškare kola save ni pindžaren e Devle. Vaćaren kaj khoni tumendar sovol pe dadese romnjasa! 
\v 2 Thaj tumen golesa vadži džan ko baripe! Bi avola po šukar te aven žalosna. Kova savo ćerda gija khanči, trubul sigate te isključil pe andari tumari zajednica.
\p
\v 3 Golese i te naj sem telesno tumencar, ano duxo sem tumencar. Već osudisadem okole savo ćerda gova, sar so bi i ćerava te avava gothe. 
\v 4 Ćiden tumen ano alav amare Gospodeso e Isuseso! Mingro duxo thaj o zuralipe amare Gospodeso e Isuseso ka avol tumencar. 
\v 5 Preden gole manuše e Satanase ane vasta te avol leso telesno narav uništimo, gija te bi leso duxo šaj avola spasimo ko đive kana ka iril pe o Gospod.
\p
\v 6 Naj šukar kaj hvalin tumen. Ni li džanen kaj taro zala kvasaco šukljol sa o humer? Mučhen li jekhese te grešil, sigate gova greh ka širil pe. 
\v 7 Thodon taro purano kvasaco te bi avena nevo humer golese kaj tumen sen mangre bizo kvasaco. Amaro prazniko, i Pasha, si spremno golese so amaro Hrist, o pashalno bakro, sasa žrtvujimo. 
\v 8 Golese, trubul te proslavi o prazniko, na e purane mangresa ane savo si o kvasaco taro greh thaj bilačhipe, nego e mangresa bizo kvasaco, e mangresa taro šukaripe thaj čačipe.
\p
\v 9 Pisisadem tumenđe ano lil te ma družin tumen e bludnikurencar. 
\v 10 Al ni vaćardem gova paše bludnikura kale svetose, il paše pohlepnikura, il paše čora, il paše kola save klanjin pe e idolurenđe, golese kaj bi trubula te ikljen kale svetostar. 
\v 11 Na, pisisadem tumenđe te ma družin tumen kolesa savo akhardol tumaro phral ano Hrist, al si bludniko, kova savo manđol te avol le but, klanjil pe e idolurenđe, bilačhe vaćarol averendar, but pijol il si čor. Čak i te ma xan gasave manušesa!
\p
\v 12 Sose bi me sudiva kolen save si avral andari khanđiri? Ni li tumen sudin kolen save si ani khanđiri? 
\v 13 Al o Dol ka sudil kolen save si avral andari khanđiri. Sar so si pisimo ano Sveto lil: “Crden e bilačhe tumendar andari tumari zajednica!”
\c 6
\s Spor maškare hrišćanura
\p
\v 1 Te khoni tumendar isi le spor avere manušesa, sose džan te sudin pe angle manuša save si nepravedna, a na angle Devlese manuša? 
\v 2 Ni li džanen kaj e Devlese manuša ka sudin e sveto? A te sudisaden e sveto, naj li sen dostojna te sudin thaj e cikne buća? 
\v 3 Ni li džanen kaj amen ka sudi e anđeluren, a kamoli e buća kale svetose? 
\v 4 Gija, kana već isi tumen čingara save tičin pe tare kava džuvdipe, čhuven tegani sar sudijen kolen saven naj nisavo značaj ani khanđiri! 
\v 5 Ladžo te avol tumenđe! Dal maškare tumende naj ni jekh gođaver manuš savo bi džanola te presudil maškare duj phrala? 
\v 6 Nego, akana jekh phral sudil pe e dujtonesa, a tumen mučhen e bipačavnenđe te sudin len!
\p
\v 7 A gova si već baro poraz tumenđe so sudin tumen jekh averesa. Sose pošukar ni podnesin i nepravda? Sose pošukar ni trpin i šteta? 
\v 8 Nego tumen korkore ćeren nepravda thaj ćeren šteta čak i e phralenđe thaj e phejenđe!
\p
\v 9 Ni li džanen kaj e nepravedna ni ka nasledin o Carstvo e Devleso? Ma xoxaven korkore tumen! Ni e bludnikura, ni kola save klanjin pe e idolurenđe, ni e preljubnikura, ni kola murša save soven avere muršencar, 
\v 10 ni e čora, ni kola save manđen te avol len but, ni kola save but pijen, ni kola save bilačhe vaćaren averendar, ni kola save ćeren prevare, ni ka nasledin o Carstvo e Devleso. 
\v 11 A nesave tumendar sesa gasave. Al akana sen thode, posvetime thaj opravdime ano alav e Gospodeso e Isuseso Hristeso thaj ano Duxo amare Devleso.
\s Tumaro telo si Hram taro Sveto Duxo
\p
\v 12 “Sa si manđe dozvolimo”, tumen vaćaren, al naj manđe sa ko korist. Va, “sa si manđe dozvolimo”, al ni mangav gasave buća te vladin mancar. 
\v 13 Tumen vaćaren: “O xape si pašo vođi, a o vođi si pašo xape. Al o Dol ka uništil i jekh i dujto.” O telo naj pašo blud, nego pašo Gospod thaj o Gospod pašo telo. 
\v 14 Pe zorasa o Dol vazdija e Gospode tare mule thaj i amen ka vazdol tare mule pe zorasa. 
\v 15 Ni li džanen kaj amare telura si kotora tare Hristeso telo? Šaj li, gija, te lav e kotora tare Hristeso telo thaj te ćerav len e bludnicako kotor? Na, nisar! 
\v 16 Ni li džanen kaj kova savo džal e bludnicasa, postanil lasa jekh telo? Golese kaj, sar so si pisimo ano Sveto lil: “Kola duj ka aven jekh telo.” 
\v 17 Al ko si ano katanipe e Gospodesa, postanil jekh duxo e Gospodesa.
\p
\v 18 Našen taro blud! Tumen vaćaren: “Dži jekh greh savo o manuš ćerol, naj le khanči e telosa.” Al ko ćerol blud, grešil protiv piro telo. 
\v 19 Ni li džanen kaj tumaro telo si hram e Svetone Duxoso savo si ane tumende thaj savo primisaden taro Dol? Tumen ni preperen korkore tumenđe! 
\v 20 Tumen sen kuč poćinde. Golese, slavin e Devle tumare telosa [thaj tumare dušasa, savi si e Devlesi].
\c 7
\s Taro brak
\p
\v 1 Akana ka phenav tare kova so pisisaden manđe. Tumen vaćaren: “E muršese si pošukar te ma sovol džuvljasa.” 
\v 2 Al, te bi o manuš našola taro blud, nek dži jekh rom sovol pe romnjasa thaj dži jekh romni nek sovol pe romesa. 
\v 3 O rom trubul te ispunil pe dužnostura premal piri romni, isto gija thaj i romni trubul te ispunil pe dužnostura premal piro rom. 
\v 4 I romni naj gospodari pe piro telo, nego lako rom. Isto gija ni o rom naj gospodari pe piro telo, nego lesi romni. 
\v 5 Ma ačhaven tumen jekh averestar, sem ko dogovor thaj pašo nesavo vreme, te šaj posvetin tumen e molitvaće. Pale gova palem aven katane, te ne bi o Satana anola tumen ano iskušenje, golese kaj paše tumaro slabost tumen našti izdržin. 
\v 6 Al kava vaćarav tumenđe na sar zapovest, nego sar dopuštenje. 
\v 7 Mangava bi sa e manuša te aven sar me, biženime, al dži jekh manuš isi le piro daro taro Dol – jekhe isi gasavo daro, avere averčhando daro.
\p
\v 8 Al kava vaćarav e romen saven naj romnja, e romnjenđe saven naj roma thaj e romnjenđe kase roma mule: lenđe pošukar si te ačhen korkore sar me. 
\v 9 Al te našti uzdržin pe, nek len pe, golese so pošukar si te len khanika, nego te phabon taro strast.
\p
\v 10 Al e romen saven isi romnja thaj e romnjen saven isi roma dav zapovest savo ni avol mandar, nego taro Gospod: i romni našti rastavil pe tare piro rom. 
\v 11 Al te rastavisajli, ma te lol rome palem, il nek miril pe pe romesa. Thaj ni o rom ma te rastavil pe tare piri romni.
\p
\v 12 Averenđe vaćarav me, iako o Gospod ni zapovedisada kava putarde: Te nesavo phral ano Hrist isi le romni savi ni pačal ano Dol, al voj manđol te bešol lesa, tegani te ma rastavil pe latar. 
\v 13 Thaj te nesavi phen ano Hrist isi la rom savo ni pačal ano Dol thaj vov manđol te bešol lesa, tegani te ma rastavil pe lestar. 
\v 14 Golese so, o bipačavno rom posvetilpe pe pačavne romnjasa thaj i bipačavni romni posvetilpe pe pačavne romesa. Averčhande, tumare čhave bi avena duxovno melale, al akana si sveta.
\p
\v 15 Al te o bipačavno rom manglja te rastavil pe, nek rastavil pe. Ane gova si o pačavno phral il i pačavni phen slobodna, golese so o Dol akharol amen ano mir. 
\v 16 Ko džanol, šaj li tu, romnije, te spasi ćire rome? Il ko džanol, šaj li tu, roma, te spasi ćire romnja?
\p
\v 17 Samo, dži jekh tumendar trubul te živil gija sar o Gospod odredisada lese thaj sar so akharda le o Dol. Gija zapovediv gova ane sa e khanđira. 
\v 18 Te sasa khoni akhardo taro Dol kana sasa već sunetimo, ma te pokušil te promenil gova. Te sasa khoni akhardo taro Dol kana sasa bisunetime, ma te sunetil pe. 
\v 19 O sunetipe naj khanči, ni o bisunetipe naj khanči. Važno si te ićaren pe e Devlese zapovestura. 
\v 20 Dži jekh nek ačhol gija sar so si akhardo. 
\v 21 Sana akhardo sar robo? Ma čhuv gova ko ilo. Al te šaj dobi i sloboda, koristi goja prilika. 
\v 22 Golese so, o robo savo sasa akhardo ano Gospod, slobodno si ano Gospod. Isto gijate, o slobodno savo sasa akhardo ano Hrist, leso robo si. 
\v 23 Tumen sen kuč poćinde. Ma aven robura e manušenđe. 
\v 24 Phralalen thaj phejalen, dži jekh nek ačhol anglo Dol gija sar so si akhardo.
\p
\v 25 Akana ka phenav tare kova so pisisaden manđe: O Gospod ni zapovedisada kava putarde e čhejenđe save vadži ni lije romen, al dav tumen savet, sar kova kase pale Devleso milost, šaj te pačan. 
\v 26 Dav gođi, kaj zbog kala phare vremenura, e manušese pošukar si te ačhol gija sar so si akana. 
\v 27 Lijan li romnja? Tegani, ma rastavi tut latar. Ni li lijan romnja? Tegani, ma rode romnja. 
\v 28 Al te lijan romnja, ni ćere greh. Thaj gija i čhej, te dija pe, ni ćerol greh. Al kola save len pe, ka avol len but telesno bilačhipe, a me mangav te arakhav tumen tare gova.
\p
\v 29 Al kava mangav tumenđe te vaćarav, phralalen thaj phejalen: naj vadži but vreme! Od akana kola save isi len romnja, nek aven sar kola so naj len. 
\v 30 Thaj kola save roven, te aven sar kola save ni roven. Kola save radujin pe, te aven sar kola save ni radujin pe thaj kola save ćinen, te aven sar kola saven naj khanči. 
\v 31 Kola save koristin šukaripe kale svetoso, ma te aven sar kola save dičhen but ane gova. Golese kaj, o oblik e ađivesutne svetoso načhol. 
\v 32 Mangav te aven bize brige. O manuš savo si bizi romni brinil pe paše buća e Gospodese – sar te ugodil e Gospodese. 
\v 33 Al o manuš kas isi romni brinil pe paše buća akale svetose – sar te ugodil pe romnjaće, 
\v 34 thaj gija si ane peste ulado. E džuvlja sava naj la rom il si čhej, brinil pe paše buća e Gospodese, te avol sveto i telosa i duxosa. Al i džuvli sava isi rom brinil pe paše buća akale svetose – sar te ugodil pe romese. 
\v 35 Al kava vaćarav ano korist tumenđe, na te čhuvav tumenđe zabrana, nego te šaj živin lačhe thaj te ma avol tumen smetnja dok služin e Gospode.
\p
\v 36 Te khoni dol gođi kaj ni postupil šukar premal pi verenica thaj laće berša načhen thaj vov dol gođi kaj trubul te lol la romnjaće, nek ćerol gova so manđol, ni ćerol nisavo greh. Nek lol la romnjaće. 
\v 37 Al te khoni ačhol zurale ane piri odluka thaj naj talo pritisko thaj šaj obuzdil pe thaj odlučisada te ma lol romnjaće pe verenica, isto i vov ćerol šukar. 
\v 38 Gijate, kova savo lol romnjaće pe verenica, šukar ćerol, al kova savo ni lol romnja, ćerol vadži pošukar.
\p
\v 39 I džuvli si phangli ano brak, sa dok si lako rom džuvdo. Al te mulo lako rom, slobodno si thaj šaj te lol rome save manđol, al samo te si kova murš ano Gospod. 
\v 40 Al ka avol po baxtali te ačhol slobodno. Gova si mingro mišljenje thaj me dav gođi kaj si ane mande e Devleso Duxo.
\c 8
\s Žrtva e idolurenđe
\p
\v 1 A so pučljen pašo mas savo sasa žrtvujimo e idolurenđe, me ka phenav tumenđe. Džana kaj “savoren amen isi džanglipe.” Al o džanglipe inđarol ko baripe, a o manglipe izgradil amen. 
\v 2 Kova savo dol gođi kaj khanči džanol, gasavo vadži ni džanol sar so trubul te džanol. 
\v 3 Al kova savo manđol e Devle, o Dol pindžarol le.
\p
\v 4 A pašo xape savo sasa žrtvujimo e idolurenđe, džana kaj “o idol naj khanči ke kava sveto” thaj kaj “naj aver dol, sem jekh Dol.” 
\v 5 Golese kaj, i te si gasave save akhardon dolura, il ko nebo il ki phuv – sar so si but “dolura” thaj but “gospodarura” – 
\v 6 amen isi jekh Dol, o Dad. Lestar si sa thaj lese amen živi. Thaj si samo jekh Gospod, o Isus Hrist, maškar savo sasa sa ćerdo thaj i amen živi maškar leste.
\p
\v 7 Al dži jekh ni džanol kava čačipe. Nesave si vadži naviknime pe idolura thaj kana xan gova xape, xan le sar te si ando idolurenđe. Naj sigurna kaj šaj xan gova thaj golese paše lengo bizuralo savest osetin krivica. 
\v 8 “Al o xape ni anol amen popaše pašo Dol. Golese so, ni ka hasara khanči te ni xaljam, niti ka dobi khanči te xaljam.” 
\v 9 Al aračhen tumen te ne bi goja tumari sloboda inđarola kolen save si slaba ano savest, ano greh.
\p
\v 10 Golese so, te tu džane sa tare gola buća, thaj khoni kaso savest si slabo dičhol tut sar xa ano hram posvetimo e idolurenđe, ni li tu gija ka ohrabri le i vov te xal gova mas so sasa žrtvujimo e idolurenđe? 
\v 11 Gija kava slabo phral il phen, paše savo o Hrist mulo, ka avol uništimo paše tumaro “džanglipe”! 
\v 12 Kana gija ćeren greh protiv lende thaj povredin lengo slabo savest, ćeren greh i protiv o Hrist. 
\v 13 Golese, te o xape savo me xav, navodisada mingre phrale il pheja ko greh, tegani nikad vadži ni ka xav mas te ne bi perola mingro phral ni phen ano greh.
\c 9
\s O Pavle odreknil pe tare pe prava
\p
\v 1 Naj li sem slobodno? Naj li sem apostol? Ni li dikhljem e Isuse, amare Gospode? Naj li sen tumen plod tari mingri bući ano Gospod? 
\v 2 Te naj sem apostol averenđe, tumenđe sem. Golese kaj tumen sen pečato so sikavol kaj sem apostol ano Gospod.
\p
\v 3 Kava si mingri odbrana protiv kola save tužin man: 
\v 4 Naj li amen pravo te xa thaj te pija golestar so ćera bući? 
\v 5 Naj li amen pravo, sar so gova ćeren i avera apostolura thaj e Gospodese phrala thaj o Petar,\f + \fr 9,5 \fr*\ft Ki grčko čhib pisil “Kifa”. \ft*\f* te aven amen pačavne romnja saven ka inđara ko drom amencar? 
\v 6 Il samo me thaj o Varnava mora te ćera aver bući te bi šajine te živi?
\p
\v 7 Ko sar vojniko služil pe parenđe? Ko sadil vinograd thaj ni xal leso bijandipe? Il ko čaravol e bakren a ni pijol lengo thud? 
\v 8 Dal si gova manušikano gođaveripe, il gova phenol i o Zakon? 
\v 9 Golese kaj ane Mojsijaso zakon si pisimo: “Ma phande o muj e guruveso kana vršil o điv.” Dal o Dol brinil pe samo e guruvenđe? 
\v 10 Na li gova čače vaćarol amenđe? Va, golese kaj paše amende sasa pisimo. Ko oril i phuv, ćerol gova ani nada thaj ko vršil o điv, ćerol gova ani nada, kaj ka dobin piro kotor. 
\v 11 Te maškar tumende sejisadam duxovno seme, but li ka avol te ćida tumaro materijalno plod? 
\v 12 Te averen isi pravo te ulaven tumencar tumaro materijalno plod, sose amen ne bi avola vadži po but pravo pe gova? Al amen ni koristisadam gova pravo. Mesto gova, sa podnosisadam te ne bi čhuvasa prepreka po drom taro Lačho Lafi e Hristeso.
\p
\v 13 Ni li džanen kaj kola save služin ano hram, taro hram dobin xamase, thaj kola save služin ko žrtveniko, dobin kotor tare gova so sasa žrtvujimo po žrtveniko? 
\v 14 Gija i o Gospod odredisada kola save o Lačho Lafi propovedin, taro Lačho Lafi te živin. 
\v 15 Al me golestar khanči ni koristisadem. Ni kava ni pisisadem te avol i gija mancar. Golese kaj, pošukar si te merav i me, nego khoni te crdol man tari kaja hvala – te propovediv o Lačho Lafi bizo poćinipe. 
\v 16 Gija, kana propovediv o Lačho Lafi, našti hvali man, golese kaj si gova mingro dužnost. Golese, but pharo manđe te ni propovedisadem o Lačho Lafi!
\p
\v 17 Te ćerdem gova korkoro mandar, zasluživ i plata, al goja bući si manđe dindi, golese so me ni birisadem la. 
\v 18 Gija, savi si mingri plata? Gasavi, kaj kana propovediv o Lačho Lafi, naj sem počindo, te ma koristiv o pravo tari plata savi isi man golestar so propovediv.
\p
\v 19 Slobodno sem thaj ni preperav khanikase. Al me postanisadem robo savorenđe, te bi šajine vadži pobut dženen te anav anglo Dol. 
\v 20 E Jevrejenđe postanisadem sar Jevrejo, te anav e Jevrejen anglo Dol. Kolenđe save si tale Mojsijeso Zakon, postanisadem sar te sem talo Zakon – iako me korkoro naj sem talo Zakon – te anav anglo Dol kolen save si talo Zakon. 
\v 21 Kolenđe save si bizo Zakon, postanisadem sar te sem bizo Zakon – thaj ako ni sema anglo Dol bizo zakon, nego sem talo zakon e Hristeso – te anav anglo Dol kolen save si bizo Zakon.
\p
\v 22 E bizuralenđe postanisadem bizuralo, te anav anglo Dol e bizuralen. Savorenđe sem sa, te bi von spasina pe kobor šaj. 
\v 23 A kava sa ćerav pašo Lačho Lafi, te bi avola i man kotor ane leso blagoslov.
\p
\v 24 Ni li džanen kaj ani trka prasten kola save prasten, al samo jekh lol nagrada? Golese prasten gija te len i nagrada. 
\v 25 Dži jekh savo takmičil pe džal ke phare pripreme. Vov gova ćerol golese te lol o venco savo rumil pe, al amaro venco ni rumil pe. 
\v 26 Golese me prastav sar kova savo isi le cilj angle leste. Thaj kana čalavav dumukhencar, ni čalavav ano vazduho. 
\v 27 Zurale krotiv mingro telo thaj ićarav le ani stega, te ne bi me, savo propovediv o Lačho Lafi averenđe, sasa isključimo tari trka.
\c 10
\s Vaćaripe taro peripe ke koča e idolurenđe
\p
\v 1 Phralalen thaj phejalen, ni mangav te ni džanen, kaj sa amare paradada sesa ani pustinja, inđarda len o Dol e oblakosa thaj savore nakhle maškaro more ki šući phuv. 
\v 2 Savore krstisajle ano oblako thaj ano more sar kola save džan palo Mojsije. 
\v 3 Savore xalje gova isto duxovno xape 
\v 4 thaj savore pilje gova isto duxovno pijipe, golese kaj pilje tare duxovno baro bar savo pratisada len thaj gova baro bar sasa o Hrist. 
\v 5 Al but lendar ni ugodisade e Devlese thaj mudarde thaj rastrvime ani pustinja.
\p
\v 6 A kava sa postanisada amenđe sar primer, te ma avol amen želja pašo bilačhipe, sar so sasa len. 
\v 7 Ni ma aven kola save klanjin pe e idolurenđe, sar so sesa nesave lendar, golese kaj ano Sveto lil si pisimo: “Bešle e manuša te xan thaj te pijen thaj uštile nemoralno te čhelen.” 
\v 8 Ma te ćera blud, sar so nesave lendar dije pe ano blud thaj ane jekh đive mudardile bištetrin milja (23 000) džene. 
\v 9 Ni te kuši e Hriste, sar so nesave lendar kušisade thaj mudardile tare sapa. 
\v 10 Ni te mrmljin, sar nesave lendar mrmljisade thaj mudardile taro anđelo, o uništitelji. 
\v 11 Kava lenđe sasa sar primer, a pisimo amenđe sar upozorenje save živi ane poslednja đivesa.
\p
\v 12 Golese, kola save den gođi kaj ačhen zurale, te aračhen pe te ma peren. 
\v 13 E iskušenjura save avile pe tumende si katane sa e manušenđe. Al o Dol si verno thaj ni ka mučhol te aven pe tumende gasave iskušenjura save našti izdržin. Ane iskušenjura vov ka sikavol tumenđe sar te našen taro gova, gija te šaj izdržin.
\s Idolsko xape thaj i Gospodnjo večera
\p
\v 14 Golese, mingre mangle amalalen, našen tare gova te klanjin tumen e idolurenđe! 
\v 15 Vaćarav tumenđe sar gođavere manušenđe. Prosudin korkore tumen so vaćarav. 
\v 16 Naj li o tahtaj taro blagoslov, savese zahvali amen, zajedništvo ano rat e Hristeso? Thaj naj li o mangro savo phaga zajedništvo ano telo e Hristeso? 
\v 17 Golese kaj si samo jekh mangro, amen save sam but, sam jekh telo, golese so jekh mangro ulava. 
\v 18 Dičhen e manušen taro Izrael palo telo: Na li kola save xan e žrtva naj len khanči e žrtvenikosa?
\p
\v 19 Vaćarav li golese kaj o mas žrtvujimo e idolurenđe khanči značil? Il kaj idolura khanči značin? 
\v 20 Na! Al, i žrtva so žrtvujin, žrtvujin e bilačhe duxurenđe, a na e Devlese. A me ni mangav te avol tumen katanipe e bilačhe duxurencar. 
\v 21 Našti pijen taro tahtaj e Gospodeso thaj taro tahtaj e bilačhe duxurengo. Našti xan ko astali e Gospodeso thaj ko astali e bilačhe duxurengo. 
\v 22 Il dikha li te ćera amare Gospode ljubomorno? Dal sam amen pozurale lestar?
\s Tumari sloboda ke Devlesi slava
\p
\v 23 “Sa si manđe dozvolimo”, tumen vaćaren, al naj sa amenđe ko korist. Va, “sa si manđe dozvolimo”, al gova sa ni izgradil amen. 
\v 24 Nijekh ma te dičhol piro korist, nego o korist averengo.
\p
\v 25 Sa o mas so bićindol ko trgo, šaj xan thaj ma raspučen tumen tare gova mas, zbog o savest. 
\v 26 Golese kaj ano Sveto lil si pisimo: “E Gospodesi si i phuv thaj sa so si pe late.”
\p
\v 27 Te akharda tumen khoni tare bipačavne manuša ko xape thaj tumen manđen te džan, xan sa so ka den tumen thaj ma raspučen tumen paše gova xape, zbog o savest. 
\v 28 Al te khoni vaćarda tumenđe: “Kava mas sasa žrtvujimo”, tegani ma xan paše kova savo gova vaćarda tumenđe zbog o savest. 
\v 29 Al ni vaćarav te ma xan kava paše ćiro savest, nego paše koleso savo vaćarda tumenđe paše gova mas. Gova si jedino razlog golese kaj mingri sloboda ni odredil pe premal o savest avere manušeso. 
\v 30 Te mingre zahvalimasa prihvatisadem gova xape, sose khoni te sudil man paše gova xape?
\p
\v 31 Gija, kana xan il pijen, il bilo so ćeren, gova sa ćeren ki slava e Devlesi! 
\v 32 Ma aven sablaz ni e Jevrejenđe, ni e abandžijenđe, ni e Devlese khanđiraće, 
\v 33 sar so i me ane sa dikhav te ugodiv savorenđe. Me ni rodav mingro korist, nego o korist butengo, te šaj aven spasime.
\c 11
\p
\v 1 Dičhen tumen pe mande, sar so me dikhav po Hrist.
\s E džuvlja trubun te učharen piro šoro ki služba
\p
\v 2 Hvaliv tumen golese kaj ane sa den tumen gođi mandar thaj ićaren tumen po sikajipe gija sar so dijem tumenđe. 
\v 3 Al mangav te džanen kaj o Hrist si šoro dži jekhe manušese, o rom si šoro e romnjako thaj o Dol si šoro e Hristeso. 
\v 4 Dži jekh murš savo molil pe il prorokuil učharde šoresa, ladžarol piro šoro. 
\v 5 Thaj dži jekh džuvli savi molil pe il prorokuil biučharde šoresa, ladžarol piro šoro – a gova si isto sar kana bi voj randola piro šoro. 
\v 6 Te ni učharda i džuvli piro šoro, tegani šaj čhinol pe bala. Al te si ladžo i džuvli te čhinol pe bala il te randol po šoro, nek učharol piro šoro.
\p
\v 7 O murš ni trubul te učharol piro šoro, golese kaj vov si e Devlesi slika thaj slava, al i džuvli si slava e muršesi. 
\v 8 Golese kaj o angluno murš ni postanisada tari džuvli, nego i džuvli taro murš. 
\v 9 Ni o murš naj ćerdo paši džuvli, nego i džuvli pašo murš. 
\v 10 Golese e džuvlja trubul te avola po šoro khanči, so bi sikavola kaj si tale muršeso vlast. Gija trubul te ćerol pe i paše anđelura.
\p
\v 11 Al ano Gospod, i džuvli zavisil taro murš thaj o murš zavisil tari džuvli. 
\v 12 Golese, sar so i džuvli postanisada taro murš, gijate si o murš bijando tari džuvli, a sa si gova taro Dol.
\p
\v 13 Korkore maškare tumende sudin: šukar li si i džuvli te molil pe e Devlese biučharde šoresa? 
\v 14 Dal ni sikavol tumen korkori i priroda kaj si ladžo o murš te inđarol bare bala, 
\v 15 al te isi e džuvlja bare bala, gova si pe laći slava? Golese kaj laće dije pe bala sar učhardipe e šoreso. 
\v 16 Al te khoni manđol te ćerol čingara paše gova, šaj samo te phenav kaj amende naj gasavo adeti thaj ni gova ni ćeren ani khanđiri e Devlesi.
\s E Gospodesi večera
\p
\v 17 Al sar vaćarav tumenđe tare sa kava, ni hvaliv tumen, golese kaj tumaro ćidipe anol pobut bilačhipe, nego šukaripe. 
\v 18 Angleder, šunav thaj pozala ano gova pačav kaj kana ćiden tumen ani khanđiri, isi čingara maškare tumende. 
\v 19 Al činil pe manđe kaj trubul maškar tumende te aven i čingara, te bi dičhola pe save manuša maškar tumende si u pravu!
\p
\v 20 Golese, kana ćiden tumen te xan katane, naj gova e Gospodesi večera. 
\v 21 Golese so, kana tumen xan, savore angleder len pese piri večera thaj gija jekh ačhol bokhalo thaj aver matol. 
\v 22 Dal naj tumen čher kaj bi xana thaj pijena? Il čače maren muj e Devlese Khanđirasa thaj gija ladžaren kolen saven naj khanči? So te phenav tumenđe? Te hvaliv tumen? Paše kava našti hvaliv tumen.
\p
\v 23 Golese so me primisadem o sikajipe taro Gospod, kova so tumenđe i dijem: o Gospod o Isus ani rat kana sasa izdajimo, lija o mangro, 
\v 24 thaj kana dija hvala e Devlese, phaglja le thaj vaćarda: “Kava si mingro telo savo dol pe tumenđe. Kava ćeren te den tumen gođi mandar.” 
\v 25 Isto gija pali večera lija i o tahtaj e moljasa thaj vaćarda: “Kava tahtaj si nevo savez ane mingro rat. Kava ćeren svako drom kana ka pijen gova, te den tumen gođi mandar.” 
\v 26 Golese, svako drom kana ka xan kava mangro thaj pijen andaro kava tahtaj, objavin o meripe e Gospodeso, sa dži kaj vov ni ka avol.
\p
\v 27 Gija, ko nedostojno xal kava mangro il pijol andaro tahtaj e Gospodeso, bango si golese so ćerol greh pašo telo thaj pašo rat e Gospodeso. 
\v 28 Al o manuš te ispituil pes korkore, pa tegani o mangro te xal thaj te pijol andaro tahtaj. 
\v 29 Golese kaj, ko xal thaj pijol thaj ni poštujil e Gospodeso telo, tegani anol pe peste osuda kana xal thaj pijol. 
\v 30 Golese si maškare tumende but slaba thaj nasvale thaj but džene tumendar mule.
\p
\v 31 Golese kaj kana bi korkore amen ispitujisa, ne bi avasa osudime. 
\v 32 Al kana o Gospod sudil amen, vov vaspitil amen te ma ava sudime kolencar save si ano sveto. 
\v 33 Golese, mingre phralalen thaj phejalen, kana ćiden tumen te xan e Gospodesi večera, ađućaren jekh avere. 
\v 34 Te si khoni bokhalo, nek xal čhere, te ma bi anena osuda pe tumende kana ćiden tumen.
\p A paše avera buća ka dav tumen uputstvura kana ka avav.
\c 12
\s Duxovna darura
\p
\v 1 A paše duxovna darura, phralalen thaj phejalen, ni mangav te aven ano bidžanglipe. 
\v 2 Džanen kaj, dok ni pindžarden e Devle, sena nesar xoxade thaj inđarde ko bango drom premale lalore idolura. 
\v 3 Golese mangav te džanen kaj nijekh savo si inđardo e Devlese Duxosa našti phenol: “Harami e Isusese!” Thaj khoni našti vaćarol: “O Isus si o Gospod!”, sem kova savo si inđardo e Svetone Duxosa.
\p
\v 4 Isi različita duxovna darura, al o Duxo si jekh. 
\v 5 Isi i različito služipe, al o Gospod si jekh. 
\v 6 Isi različita načinura sar o Dol ćerol pi bući ano manuš, al o Dol si jekh, savo sa ćerol ane savorende. 
\v 7 A dži jekhese dol pe te sikadol o Duxo maškar leste, te avol savorenđe ko šukaripe. 
\v 8 Golese kaj, jekhese o Duxo dol lafi taro gođaveripe thaj averese gova isto Duxo dol lafi taro džanglipe, 
\v 9 thaj averese gova isto Duxo dol pačajipe thaj averese gova jekh isto Duxo dol darura te sastarol, 
\v 10 thaj averese te ćerol čudesura thaj averese te prorokujil, averese te razlikuil e duxuren thaj averese te vaćarol avere čhibencar thaj averese te tumačil gola čhiba. 
\v 11 Al sa kava ćerol jekh isto Duxo, savo dži jekhese dol pojedinačno sar manđol.
\s Jekh telo, a but kotora
\p
\v 12 Golese, sar so si jekh telo thaj isi le but kotora, sa e kotora, iako si pherdo, si jekh telo. Gija si i e Hristesa. 
\v 13 Golese, savore sama krstime ano jekh Duxo te bi avasa jekh telo, bizo obzir dal sam Jevreja, il abandžija, il robura, il slobodna manuša. Savore piljam tare jekh Duxo. 
\v 14 Golese kaj, o telo naj samo jekh kotor, nego but kotora.
\p
\v 15 Te vaćarda o pingro: “Me naj sem va thaj golese naj sem kotor taro telo”, dal golese naj kotor taro telo? 
\v 16 Il te vaćarda o kan: “Naj sem jakh thaj golese naj sem kotor taro telo”, dal golese naj kotor taro telo? 
\v 17 Kana bi sa o telo avola samo jakh, sar bi šajine te šuna? A kana bi sa o telo avola samo kan, sar bi šajine te miriši? 
\v 18 Al o Dol čhuta sa e kotora ano telo sar vov so manglja. 
\v 19 Kana bi sa e kotora avena jekh kotor, kaj bi avola o telo? 
\v 20 Gija isi but kotora, al si jekh telo.
\p
\v 21 Našti i jakh te vaćarol e vastese: “Ni trubu man!”, ni o šoro e pingrenđe: “Ni trubun manđe!”
\p
\v 22 Naprotiv, kola kotora e telose save dičhen pe kaj si slaba – von si potrebna. 
\v 23 Thaj kola kotora e telose paše save da gođi kaj si em ladžutne, da len pobaro čast. Posebno učhara e kotora e telose save ni trubun te dičhen pe, 
\v 24 dok e kotorencar e telose save dičhen pe, gova ni trubul. Al o Dol sastavisada o telo gija so dija pobaro čast kole kotorenđe saven naj čast, 
\v 25 te ma avol čingara ano telo, nego e kotora e telose jednako te dičhen jekh avere. 
\v 26 Te jekh kotor e teloso patil, sa avera kotora e telose, lesa patin. Te jekhe kotorese taro telo dol pe čast, sa avera kotora e telose si radosna.
\p
\v 27 Tumen sen o telo e Hristeso thaj dži jekh tumendar si leso kotor. 
\v 28 Thaj o Dol čhuta ani khanđiri angleder e apostoluren, dujtonen e prorokuren, a tritonen e učiteljuren. Tegani čhuta kolen so ćeren čudura, pa kolen so isi len darura te sastaren, te pomožin, pa kolen so šaj te aven vođe thaj kolen so isi len daro te vaćaren avere čhibencar. 
\v 29 Savore li si apostolura? Savore li si prorokura? Savore li si učiteljura? Savore li ćeren čudura? 
\v 30 Savoren li isi daro te sastaren? Savore li vaćaren avere čhibencar? Savore li tumačin e čhiba? 
\v 31 Manđen but te avol tumen pobare darura. A me ka sikavav tumenđe vadži drom savo si emšukar.
\c 13
\s Manglipe
\p
\v 1 Te vaćardem sa e manušikane il e anđelurenđe čhibencar, al naj ma manglipe, tegani bi avava samo sar zvono il činela savi ćerol buka. 
\v 2 Kana bi avola man daro te prorokujiv thaj te džanav sa e tajne, thaj kana bi avola man sa o džanglipe thaj gasavo pačajipe kaj lesa e bregura te crdav, al kana manglipe ne bi avola man, ne bi avava khanči. 
\v 3 Te dijem sa so isi man kolenđe so naj len khanči, te dijem i mingro telo te žrtvujil pe, al manglipe kana ne bi avola man, khanči ne bi pomožila manđe.
\p
\v 4 O manglipe but trpil, o manglipe si šukar. O manglipe ni zavidil, ni hvalil pe thaj naj barikano. 
\v 5 O manglipe naj nepristojno, ni rodol piro pravo, ni holjavol thaj ni pamtil o bilačhipe savo ćerda pe lese. 
\v 6 Ni radujil pe paši nepravda, al radujil pe pašo čačipe. 
\v 7 O manglipe sa podnosil, nikad ni ačhol te pačal, uvek nadil pe thaj sa trpil.
\p
\v 8 O manglipe nikad ni ačhol. A o daro taro proroštvo? Ka načhol! Daro taro vaćaripe ane čhiba? Ka hasardol! O daro taro džanglipe? Ka načhol! 
\v 9 Golese kaj samo zala amen džana thaj zala prorokuji, 
\v 10 al kana ka avol kova so si savršeno, tegani ka načhol kova so naj potpuno.
\p
\v 11 Kana sema cikno čhavoro, sar čhavoro vaćardem, sar čhavoro dijem gođi thaj sar čhavoro razmisliva. Al kana bariljem, čhudijem kova so si čhavorikano. 
\v 12 Golese so, akana dikha sar ano ogledalo thaj sar maškari magla, al tegani ka dikha muj mujesa. Akana pindžarav zala, al tegani ka pindžarav sa, sar so i man o Dol potpuno pindžarol.
\p
\v 13 Gija, akana ačhen kala trin: o pačajipe, i nada thaj o manglipe. Al embaro maškar lende si o manglipe.
\c 14
\s E darura taro prorokujipe thaj vaćaripe ane čhiba
\p
\v 1 Iskreno roden o manglipe! But manđen e duxovna darura! A posebno but manđen o daro taro prorokujipe. 
\v 2 Kova savo vaćarol avere čhibasa, ni vaćarol e manušenđe, nego e Devlese. Golese kaj khoni našti te haljarol so vaćarol. Vov vaćarol e tajne palo Duxo. 
\v 3 Al kova savo prorokujil, vaćarol e manušenđe te izgradil len, te zuravol len thaj te utešil. 
\v 4 Kova savo vaćarol avere čhibasa, duxovno izgradil samo korkore pes, al kova savo prorokuil, duxovno izgradil i khanđiri.
\p
\v 5 Me mangav savore te vaćaren avere čhibencar, al pobut mangav te prorokujin. Golese kaj po korisno si kova savo prorokujil, nego kova savo vaćarol avere čhibencar, sem te gova khoni tumačisada te bi duxovno izgradila pe sa i khanđiri.
\p
\v 6 Phralalen thaj phejalen, te aviljem tumende vaćarindoj avere čhibencar, sar ka avav tumenđe ano korist te ni andem tumenđe lafura taro otkrivenje, džanglipe, proroštvo ni sikajipe? 
\v 7 Gija i e instrumentura ćeren tonura, sar i flauta il i harfa. Te ni ćerde jasna tonura, sar o manuš ka pindžarol i melodija savi bašalol i flauta il i harfa? 
\v 8 Golese kaj, te šundilo e trubako glaso nejasno, ko ka avol spremno pašo maripe? 
\v 9 Gija si gova i tumencar. Te vaćarden lafura save khoni ni haljarol, sar ka džanol pe so vaćaren? Golese kaj ka vaćaren ani balval.
\p
\v 10 Ko sveto isi but različita čhiba thaj ni jekh naj bizo značenje. 
\v 11 Al te ni haljardem i čhib kolesi savo vaćarol, tegani gova manuš si manđe abandžija thaj me sem abandžija kolese so vaćarol. 
\v 12 Gija si gova i tumencar. A sar so but manđen e duxovno darura, dičhen te aven po but pherde gasave darurencar save izgradin i khanđiri.
\p
\v 13 Golese kova savo vaćarol avere čhibencar, nek molil pe te šaj te tumačil gova so vaćarol. 
\v 14 Golese kaj, te molisaljem avere čhibencar, molil pe mingro duxo, al mingri gođi gova ni haljarol.
\p
\v 15 So, gija, šaj te ćerav? Ka moli man mingre duxosa, al ka moli man i mingre gođasa. Ka zahvaliv e duxosa, al ka zahvaliv i e gođasa. 
\v 16 Golese kaj, te slavisadan e Devle samo ćire duxosa, sar khoni savo ni haljarol šaj phenol “Amin” ke ćiri zahvala te ni haljarol so vaćare? 
\v 17 Gija tu šaj šukar zahvali ani molitva, al kova savo šunol ni barol duxovno.
\p
\v 18 Hvala e Devlese so vaćarav avere čhibencar pobut, nego savore tumen. 
\v 19 Al ani khanđiri mangav te vaćarav pošukar pandž razumna lafura te bi sikavava i averen, nego te vaćarav deš milje (10 000) lafura avere čhibasa, save khoni ni ka haljarol.
\p
\v 20 Phralalen thaj phejalen! Ma den gođi sar čhavore. Mesto gova, ano bilačhipe aven nevina sar cikne čhavore, al ani gođi aven sar zrela manuša. 
\v 21 Ano Zakon si pisimo:
\q1 “Avere čhibencar thaj e abandžijskone vuštencar
\q2 ka vaćarav kale narodose,
\q1 al ni tegani khoni ni ka šunol man,”
\q2 phenol o Gospod.
\p
\v 22 Gija, o daro e čhibengo naj znako kolenđe save pačan, nego kolenđe save ni pačan. Al proroštvo naj kolenđe save ni pačan, nego kolenđe save pačan. 
\v 23 Te ćidija pe sa i khanđiri ko jekh than thaj savore vaćarde avere čhibencar, a avile gothe kola save ni haljaren il save ni pačan, ni li ka vaćaren kaj dilaljen? 
\v 24 Al te savore prorokuisade thaj te avilo khoni savo ni pačal ano Dol il kova savo ni haljarol, vov ka dičhol piro greh paše sa so šunol thaj sa so šunol ka sudil le. 
\v 25 Gija, o garajipe lese ileso ka ikljol ko svetlo. Tegani ka perol mujesa dži i phuv thaj ka klanjil pe e Devlese vaćarindoj: “Čače si o Dol tumencar!”
\s Redo ani khanđiri
\p
\v 26 So gija, trubul te ćeren, phralalen thaj phejalen? Kana ćiden tumen, nekas isi đili, nekas isi sikajipe, nekas isi otkrivenje, neko vaćarol avere čhibencar thaj neko tumačil len. Al sa kava trubul te avol savorenđe ki duxovno izgradnja. 
\v 27 Te neko vaćarol avere čhibencar, nek vaćaren po duj džene, pa embut trin, jekh po jekh, thaj neko nek tumačil so vaćarde. 
\v 28 Al te naj khoni ko šaj tumačil, ma te vaćarol pe ani khanđiri, al nek vaćarol korkoro pese thaj e Devlese.
\p
\v 29 A e prorokura duj il trin nek vaćaren, a avera nek rasudin so vaćarde. 
\v 30 Al te nekase averese savo gothe bešol, ka avol otkrivenje, kova so vaćarola angleder, nek ačhavol te vaćarol. 
\v 31 Golese kaj savore šaj prorokujin, jekh po jekh, savore te sikljon thaj savore te aven ohrabrime. 
\v 32 E duxura e prorokurenđe pokorin pe e prorokurenđe, 
\v 33 golese kaj o Dol naj Dol bizo redo, nego Dol taro mir. Gija si ane sa e khanđira e Devlese manušenđe.
\p
\v 34 E džuvlja te ma vaćaren ki služba ani khanđiri golese kaj lenđe naj dopustimo te vaćaren. Mesto gova, trubun te pokorin pe, sar so vaćarol i o Zakon. 
\v 35 Te manđen khanči te sikljon, nek pučen čhere pumare romen. Golese kaj naj šukar i džuvli te vaćarol ki služba ani khanđiri.
\p
\v 36 Tumendar li iklilo o Lafi e Devleso? Il tumenđe samo reslo? 
\v 37 Te khoni smatril pe kaj si proroko il isi le duxovno daro, nek džanol kaj gova so me pisiv si e Gospodeso zapovest. 
\v 38 Al te khoni kava ni prihvatisada, ni vov korkoro ni ka avol prihvatimo.
\p
\v 39 Golese, phralalen thaj phejalen mingralen, manđen but te prorokujin thaj ma branin te vaćaren avere čhibencar. 
\v 40 Al sa nek avol pristojno thaj uredno.
\c 15
\s E Hristeso uštipe tare mule
\p
\v 1 Phralalen thaj phejalen, dav tumen gođi po Lačho Lafi savo propovedisadem tumenđe thaj savo primisaden thaj ane savo ačhen ano pačajipe. 
\v 2 Kale Lačhe Lafesa sen spasime, te ićarden tumen pe gova so propovedisadem tumenđe. Te gija ni ćeren, džabe pačajen.
\p
\v 3 Golese so, ko angluno than dijem tumen kova so i me primisadem: kaj o Hrist mulo paše amare grehura sar so si pisimo ano Sveto lil, 
\v 4 kaj sasa prahome thaj kaj uštilo trito đive, sar so si pisimo ano Sveto lil, 
\v 5 thaj kaj sikadilo e Petrese,\f + \fr 15,5 \fr*\ft Ki grčko čhib pisil: “Kifa.”\ft*\f* a pale gova i so Dešuduje apostolurenđe. 
\v 6 Pale gova, tari jekh drom sikadilo e phralenđe thaj e phejenđe save sesa pobut tare pandžšel (500). Pobut lendar vadži ađive si džuvde, al nesave već mule. 
\v 7 Pale gova, sikadilo e Jakovese, pa tegani sa avere apostolurenđe. 
\v 8 A ko krajo sikadilo i manđe, sar nekase savo bijandilo angleder nego so trubul.
\p
\v 9 Golese kaj me sem emcikno maškare apostolura. Čak naj sem dostojno te akharav man apostol, golese kaj progonisadem i khanđiri e Devlesi. 
\v 10 Al me sem kava so sem, pale Devleso milost. Leso milost premal mande ni sasa džabe. Dikhljem te ćerav bući pobut savorendar lendar, al gova ni sema me, nego e Devleso milost savi si mancar. 
\v 11 Gija, bizo obzir dal me propovedisadem il von, amen vaćara isto haberi ane savo tumen pačajen.
\p
\v 12 Al te propovedisadam taro Hrist kaj uštilo tare mule, sar tegani vaćaren nesave tumendar kaj naj uštipe tare mule? 
\v 13 Te naj uštipe tare mule, gija ni o Hrist ni uštilo. 
\v 14 Al te o Hrist ni uštilo tare mule, tegani džabe si amaro propovedipe thaj džabe si i tumaro pačajipe. 
\v 15 Te e mule ni ušten čače, sar so nesave phenen, tegani i amen sikadiljam sar xoxavne svedokura e Devlese, golese so svedočisadam kaj o Dol vazdija e Hriste tare mule, save vov ni vazdija tare mule. 
\v 16 Golese kaj, te ni uštile e mule, ni o Hrist ni uštilo tare mule. 
\v 17 Al te o Hrist ni uštilo tare mule, džabe si tumaro pačajipe thaj tumen sen vadži ane tumare grehura. 
\v 18 Tegani i kola save mule ano Hrist, hasardile. 
\v 19 Te samo za ko kava džuvdipe uzdaji amen ano Hrist, tegani sam embibaxtale manuša savorendar.
\p
\v 20 Al o Hrist čače uštilo tare mule! Vov si garancija kaj kola save mule, ka ušten. 
\v 21 Golese kaj, sar o meripe avilo prekalo manuš, gija i o uštipe tare mule avilo prekalo manuš. 
\v 22 Golese kaj, sar so ano Adam savore meren, gija i savore save si ano Hrist ka ušten ano džuvdipe. 
\v 23 Al dži jekh pale piro redo: Angluno o Hrist thaj pale gova kola save si e Hristese, kana vov ka avol. 
\v 24 A pale gova ka avol o kraj, kana vov ka predol o Carstvo e Devlese e Dadese thaj ka phađol dži jekh šorutnipe, vlast thaj zor. 
\v 25 Golese kaj, o Hrist mora te carujil sa dok o Dol ni čhuvol tale pingre sa e dušmanuren lese. 
\v 26 A sar empaluno dušmano ka avol uništimo o meripe. 
\v 27 Sar so vaćarol o Sveto lil: “Sa pokorisada lese tale pingre.” Al kana vaćarol kaj sa pokorisada lese, jasno si kaj sa si pokorimo, sem o Dol, savo pokorisada lese sa. 
\v 28 Thaj kana ka avol e Hristese sa pokorimo, tegani i korkoro o Čhavo ka pokoril pe e Devlese savo pokorisada lese sa. Gija, te avol e Devle vlast ane sa.
\p
\v 29 Gijate, so ka ćeren kola save krstin pe umesto e mule? Te e mule uopšte ni ušten ano džuvdipe, sose krstin pe paše lende? 
\v 30 Sose i amen svako sato čhuva amen ano opasnost? 
\v 31 Phralalen thaj phejalen, xav man sovli ane tumende, save sen mo baripe ano Hrist o Isus, amaro Gospod, kaj dži jekh đive sem ano opasnost te merav. 
\v 32 Te dikhljam manušikane, savo korist isi man so borisaljem e divljone zveronencar ano Efes? Te e mule ni uštile, tegani
\q1 “ajde te xa thaj te pija,
\q2 golese kaj theara ka mera!”
\p
\v 33 Ma xoxadon: “Bilačho amalipe rumil šukar adetura.” 
\v 34 Rasvestin tumen sar so trubul thaj ma grešin vadži! Golese kaj nesave tumendar ni pindžaren e Devle. Gova tumenđe vaćarav te ladžarav tumen.
\s Amaro uštipe tare mule
\p
\v 35 Al khoni tumendar šaj pučol: “Sar ušten e mule? Savo telo ka avol len kana ka ušten?” 
\v 36 Bigođako! Kova so tu seji, ni ka uštol ano džuvdipe angleder so ni merol. 
\v 37 Thaj gova so seji, ni seji sar o telo savo ka barol, nego samo seme, bilo zrno taro điv il nesavo aver seme. 
\v 38 Al o Dol paše svako seme dol telo savo manđol thaj gija svako seme isi le posebno oblik. 
\v 39 Naj dži jekh telo isto. Nego, aver si telo manušikano, aver si telo životinsko, aver telo čirikljano thaj aver telo e mačhengo. 
\v 40 Isi nebeska thaj phuvaće telura, al aver si sjaj e nebeskone telurengo thaj aver si sjaj e telurengo ki phuv. 
\v 41 Aver si o sjaj e khameso, aver o sjaj e čhoneso thaj aver o sjaj e čerenjengo, a svako čereni razlikuil pe pale piro sjaj. 
\v 42 Gija si i e mulencar kana ka ušten ano džuvdipe. O telo so sejil pe, properol, al uštol sar gova so ni properol. 
\v 43 O telo sejil pe ani ladž, al uštol ani slava, sejil pe ano slabost, al uštol ani zor. 
\v 44 Sejil pe prirodno telo, al uštol duxovno telo.
\p Te isi prirodno telo, tegani isi i duxovno telo. 
\v 45 Sar so si pisimo ano Sveto lil: “Angluno manuš, o Adam, postanisada džuvdo manuš,” thaj o Hrist, o poslednjo Adam, postanisada duxo savo dol džuvdipe. 
\v 46 Naj angleder o telo duxovno, nego telesno thaj pale gova o duxovno. 
\v 47 Angluno manuš si tari phuv thaj vov si phuvalo. Dujto manuš si taro nebo. 
\v 48 Savo si o phuvalo manuš, gasave si i sa e phuvale manuša. Thaj savo si nebesko manuš, gasave si i sa e nebeska manuša. 
\v 49 Thaj sar inđara o oblik e phuvale manušeso, gija ka inđara i o oblik e nebeskone manušeso.
\p
\v 50 Al kava vaćarav tumenđe, phralalen thaj phejalen, kaj o telo thaj o rat našti nasledin o Carstvo e Devleso, ni kova so properol našti nasledil kova so ni properol. 
\v 51 Šunen, ka phenav tumenđe o garajipe: ni ka mera savore, al savore ka menji amen, 
\v 52 tari jekh drom, ano jekh treptaj e jakhako, kana ka šundol i paluni truba. Golese kaj, tegani kana ka šundol i truba, e mule ka ušten ano džuvdipe thaj nikad ni ka properen thaj amen ka ava menjime. 
\v 53 Golese kaj, kava telo so properol mora te uravol pe ano telo so ni properol thaj kava mulikano mora te uravol pe ano bimulikano. 
\v 54 Al kana kava so properol ka uravol pe ane kova so ni properol thaj kava mulikano ka uravol pe ano bimulikano, tegani ka pherdol kova so si pisimo ano Sveto lil: “I pobeda xalja o meripe!”
\q1
\v 55 “Tu o meripe, kaj si ćiri pobeda?
\q2 Tu o meripe, kaj si ći zor savasa dukhave?”
\m
\v 56 O meripe lol pi zor taro greh, a o greh lol piri zor savi avol taro Zakon. 
\v 57 Al hvala e Devlese savo dol amen pobeda prekalo amaro Gospod o Isus Hrist!
\p
\v 58 Golese, phralalen thaj phejalen mingre manglalen, aven zurale thaj ustrajna! Uvek te den tumendar sa ane buća e Gospodese, golese so džanen kaj tumari bući ano Gospod naj džabe.
\c 16
\s Dobrovoljno prilog paše khanđira ano Jerusalim
\p
\v 1 Pašo ćidipe o dobrovoljno prilog paše Devlese manuša, sar so vaćardem e khanđirenđe ani Galatija, ćeren i tumen gija. 
\v 2 Svako nedelja nek dži jekh tumendar ačhavol ko krajo khanči tare kova so zaradisada, te ma ćidol pe o dobrovoljno prilog tegani kana ka avav me. 
\v 3 Al kana ka avav, ka bičhalav kolen save tumen ka birin, mingre preporukencar, te inđaren ano Jerusalim tumaro dobrovoljno prilog. 
\v 4 Al te trubuja te džav i me, von ka džan mancar.
\s E Pavlese planura
\p
\v 5 Ke tumende ka avav kana ka nakhav maškar i Makedonija, golese kaj samo ka nakhav gothar. 
\v 6 Šaj ka ačhav tumende il čak ka nakhavav o jevend tumencar, te bi tumen pomožina man pašo drom odori kaj ka mangav te džav. 
\v 7 Golese kaj ni mangav kava drom te dikhav tumen samo ano načhipe, golese kaj nadiv man, te dija o Dol, te ačhav tumende nesavo vreme. 
\v 8 Ano Efes ka ačhav dži ki Pedesetnica, 
\v 9 golese kaj putajle manđe bare vudara te ćerav odori lačhi bući. Al isi man but dušmanura. 
\v 10 A kana ka avol o Timotej, dičhen te bešol tumende bizi dar, golese kaj vov ćerol e Devlesi bući sar so i me. 
\v 11 Gija khoni te ni marol muj lesa, nego te pomožin pašo drom thaj te avol ano mir ke mande, golese kaj ađućarav le e phralencar.
\p
\v 12 Pašo phral o Apolos, but molisadem le te avol e phralencar ke tumende, al vov nisar ni manglja akana te avol. Al vov ka avol aver drom, kana ka avol le pobut vreme.
\s1 E Pavlese palune pozdravura
\p
\v 13 Aven džungade! Ačhen zurale ano pačajipe! Ićaren tumen muršikane thaj aven zurale!
\p
\v 14 Sa so ćeren, ćeren ano manglipe. 
\v 15 Tumen džanen kaj e Stefanese čherutne si anglune pačavne tari Ahaja thaj predije pe ano služipe e Devlese manušenđe. Golese, phralalen thaj phejalen, moliv tumen 
\v 16 te aven i tumen pokorna gasave manušenđe thaj dži jekhese savo trudil pe thaj služil lencar.
\p
\v 17 Radujiv man kaj avilo o Stefane, o Fortunat thaj o Ahaik, golese kaj von pherde gova čučipe kana tumen ni sena akate. 
\v 18 Gija umirisade mingro thaj tumaro duxo. Golese, gasave manušen poštujin.
\p
\v 19 Pozdravin tumen e khanđira andari Cikni Azija. But pozdravin tumen ano Gospod o Akila thaj i Priskila thaj i khanđiri so si ane lengo čher. 
\v 20 Pozdravin tumen sa e phrala thaj e pheja. Pozdravin jekh avere svetone čumidimasa.
\p
\v 21 Me, o Pavle, pisiv kala pozdravura mingre vastesa.
\p
\v 22 Te khoni ni manđol e Gospode, nek avol harami! Marana ta!\f + \fr 16,22 \fr*\ft Akava značil: “Ava Gospode amareja”.\ft*\f*
\p
\v 23 Milost e Gospodeso e Isuseso e Hristeso nek avol tumencar.
\p
\v 24 Mingro manglipe nek avol tumencar savorencar ano Hrist o Isus. Amin.