\id JON — Lovari Romani Bible
\ide UTF-8
\toc1 Ионаски кеньва
\toc2 Иона
\toc3 Иона
\mt Ионаски кеньва
\c 1
\s Иона нашэл катар о Дэл
\p
\v 1 Каринг о Иона, Амиттаёско щяво, сас ворба катар о Рай Яхва:
\p
\v 2 — Кидэ-ту, жя андо баро форо Ниневия ай пхэн манушэнгэ ворба, анда кадо кэ ғира па лэскэ чёрэ бутя арэслас жи Мандэ.
\p
\v 3 Алом о Иона кидас-пэ тэ нашэл катар о Рай Яхва андо Таршыш. Вов гэластар андэ Яффа, аракхлас бэро\f + \fr 1.3 \fr*\ft Бэро — «корабль», «лодка». Исконное слово цыганского языка (утрачено в некоторых диалектах). Происходит от древнеиндийского bēḍa «лодка», «корабль». \ft*\f*, саво жяластар андо Таршыш, потиндас пал традыпэ ай бэшлас пэ лэстэ тэ усый катар о Рай Яхва.
\p
\v 4 Алом о Рай Яхва щюдас по море бари балвал, ай ваздас-пэ касаво штормо, кэ о бэро сас тэ пхарадёл. 
\v 5 Саворэ налара\f + \fr 1.5 \fr*\ft Налари «речник», «моряк» — производное от ловарского нал «река». «Нал», утраченное в ряде говоров, восходит в древнеиндоарийскому nāḍī «полый стебель», «канал», «русло»; в индоарийских диалектах гуджарати, панджаби и др. означает «река».\ft*\f* дарайлэ, ай сако лас тэ рудий кай пэско дэл. Вон щюдэ андо паи са э пхаримата, савэ сас по бэро, тэ авэл вов май локхо.
\p Англа кадо о Иона мэклас-пэ тэлэ андо бэро, пашлилас котэ ай сутас зуралэ соимаса. 
\v 6 Бэроско паранчёдашы авилас лэстэ ай пхэндас:
\p — Со ту совэс? Уще, рудин-ту тирэ Дэвлэскэ! Вов шай жутый амэнгэ, ай амэ чи хасайвас.
\p
\v 7 Э налара пхэннас екх екхэскэ:
\p — Тэ щюдамас жребиё тэ жянас, анда кастэ амэ шай хасайваса.
\p Вон щюдэ жребиё, ай вов сыкадас по Иона.
\p
\v 8 Атунчи вон пущлэ лэс:
\p — Пхэн амэнгэ, кон дошало андо кадо баё? Че бутяса лэсту? Катар жяс? Анда че тхэм сан? Анда че мануш?
\p
\v 9 Вов пхэндас:
\p — Мэ сым евреё ай дав патив кай о Рай Яхва, о Дэл лэ Черэско, Саво кэрдас море ай э пхув.
\p
\v 10 Иона пхэндас э наларэнгэ, кэ вов нашэл катар о Рай Яхва. Кана вон жянглэ па кадо, лас лэн бари дар, ай вон пущлэ:
\p — Ай че баё кэрдан?
\p
\v 11 Ай лэ моряко паи ваздэлас-пэ са май зуралэс ай май учес, ай атунчи вон пущлэ лэстар:
\p — Со тэ кэрас туса тэ чендэшый-пэ о паи?
\p
\v 12 — Лэн ман ай щюдэн андо море, — пхэндас вов, — ай о паи чендэшыя-пэ. Мэ жянав, кэ кадо насул штормо пэлас пэ тумэндэ анда мандэ.
\p
\v 13 Вон лынэ тэ традавэн о бэро анда интрэги зор, тэ рэсэн жи кай пхув, алом вон чи биринас, анда кадо кэ о паи ваздэлас-пэ лэ балваляса инкэ май зуралэс.
\p
\v 14 Атунчи вон лынэ тэ мангэн лэ Рас лэ Яхвас:
\p — Эта, Рай Яхва, тэ на хасайвас амэ анда кадо мануш. Тэ на щёс пэ амэндэ бэзэх анда мударипэ на дошалэ манушэско, чяк Ту, Рай Яхва, кэрэс кодо, со камэс Ту.
\p
\v 15 Атунчи вон лынэ Ионас, щюдэ лэс аври анда бэро, ай холярнико паи чендэшысайлас.
\p
\v 16 Лас э манушэн бари дар катар о Рай Яхва, вон дынэ лэскэ жэртва ай солахадэ.
\s Рудипэ Ионаско
\p
\v 17 О Рай Яхва кэрдас кадэ, кэ баро мащё накхадас Ионас, ай вов сас андэ мащески дёмра трин дес ай трин ратя. 
\c 2
\p
\v 1 Кана сас андэ дёмра э мащески, Иона рудияс-пэ каринг о Рай Яхва, каринг пэско Дэл.
\p
\v 2 Вов пхэндас:
\q1 — Андэ брига манглэм лэ Рас лэ Яхвас,
\q3 ай Вов пхэндас мангэ палпалэ.
\q1 Мэ цыписардэм катар э мулэнги лума —
\q3 ай Ту шундан муро цыпипэ.
\q1
\v 3 Ту щюдан ма андо бифундоско паи,
\q3 ворта андо баро паенго ило;
\q3 круисардэ ман фолымата.
\q1 Са Тирэ таласура,
\q3 са Тирэ пая накхлэ па мандэ.
\q1
\v 4 Мэ пхэндэм:
\q3 «Нашадо сым катар Тирэ якха;
\q3 алом палэ дыкхава Тиро сунто Кхэр».
\q1
\v 5 Щерадэ ман лэ пая бифундоскэ,
\q3 ай лэнгэ чяра кхудэ-пэ по муро шэро.
\q1
\v 6 По фундо, кай лэ харэнгэ вуны, мэклэм-ма,
\q3 ай пхувакэ лэкатура пхандадилэ пала мандэ тэ на путрэн-пэ.
\q1 Алом Ту, Рай Яхва, муро Дэл,
\q3 лан ма анда гропа жювиндэс!
\q1
\v 7 Кана о траё мурдайвэлас андэ мандэ,
\q3 мэ дэм-ма гиндо па Рай Яхва,
\q1 ай авилас муро рудипэ жи Тутэ,
\q3 андо сунто Тиро Диз.
\q1
\v 8 Кодал мануш, кон дэн патив хохавнэ дэвлэнгэ,
\q3 мэклэ чячюнэ Дэвлэс.
\q1
\v 9 Ай мэ ашардэ диланца ло тэ анав Тукэ жэртвы.
\q3 Со щинадэм — кэро.
\q1 О фирипэ авэл катар о Рай Яхва!
\p
\v 10 О Рай Яхва дас аври лэ мащескэ, ай вов щюдас Ионас пэ пхув анда пэски дёмра.
\c 3
\s Иона андэ Ниневия
\p
\v 1 Ай по дуйто сас лэ Раски лэ Яхваски ворба каринг о Иона:.
\p
\v 2 — Кидэ-ту, жя андо баро форо Ниневия ай пхэн манушэнгэ ворба, сави Мэ тукэ пхэнав.
\p
\v 3 Иона патяяс лэ Раско лэ Яхваско муй, кидас-пэ тай гэлас андэ Ниневия. Ниневия сас баро форо — трубуяс май трин дес тэ пхирэс лэс опрэ. 
\v 4 Ай о Иона киздысардас тэ пхирэл па форо ай накхлас кати шай тэ пхирэс тэла екх дес, ай пхэнлас:
\p — Па штарвардэш дес Ниневия авла пхагэрды!
\p
\v 5 Лэ ниневитянура патяе лэ Дэвлэскэ ай лынэ тэ на хан и тэ на пэн, ай саворэ — катар барэ жи кай цынэ — урадэ-пэ андэ чёрэ похтанэскэ гада.
\p
\v 6 Кана кады ғира арэслас жи кай Ниневияко край, вов ущилас па пэско краицко тхан, лас тэлэ пэскэ краицка гада, урадас чёрэ гада ай андэ брига бэшлас по ватрако тхан. 
\v 7 Вов дас аври тэ пхэнэн андэ Ниневия:
\p — Краицко ай ранги ворба: «Мэк лэ мануш тэ на хан и тэ на пэн, ви э алатура: гурува, бакрэ ай бусня — тэ на хахавэн-пэ пэ мал ай тэ на пэн! 
\v 8 Мэк ви манушэн, ви алатон щяравэн чёрэ похтанэнца. Мэк сако анда са пэски зор мангэл лэ Дэвлэс. Мэк ащявэн пэскэ холярдэ бутя ай пэско насулыпэ. 
\v 9 Кон жянэл, кам шай о Дэл инкэ сунуя амэн ай парувла о гиндо, кам тордярэла пэски ягалы холи ай милоя-пэ амэндар, ай амэ чи хасайваса».
\p
\v 10 Кана о Дэл дыкхлас, со вон кэрдэ, ай сар ащядэ пэскэ насул дрома ай чёрэ бутя, Вов милосайлас ай чи бищядас пэ лэндэ бида, саваса Вов даравлас лэн.
\c 4
\s О Дэл щитярэл Ионас
\p
\v 1 Лэ Ионаскэ кадо зуралэс чи чялилас, ай вов холяйлас. 
\v 2 Вов лас тэ рудий-пэ лэ Раскэ лэ Яхваскэ:
\p — Эта, Рай Яхва! Па кадо мэ ви гиндыяс, кана сымас инкэ кхэрэ! Анда кадо ви нашлэм андо Таршыш. Мэ жянос, кэ Ту сан Дэл, кай кэрэл лащипэ, милако, рыбдымаско ай барвало камаимаса, ай чи камэс тэ бищявэс бида. 
\v 3 Ай аканак, Рая Яхва, лэ муро ди, анда кадо кэ май федэр тэ мэрав, сар тэ траий.
\p
\v 4 Алом о Рай Яхва пхэндас:
\p — Тукэ трубуй тэ холяйвэс кадэ?
\p
\v 5 Иона дас аври анда форо ай бэшлас пэ риг, кай ваздэл-пэ о кхам. Котэ кэрдас анда кранжи сыр цынкалово, бэшлас тэлэ андо щялин ай лас тэ дыкхэл, со кэрдёла лэ фороса. 
\v 6 Ай о Рай Яхва кэрдас тэ барол о бур, саво ваздас-пэ май учес, сар Иона, тэ на хал вов кино катар о кхам, ай Иона лошаяс кадалэскэ. 
\v 7 Алом по кавэр дес, коран, о Дэл бищядас лэ кэрмэс тэ рагий о бур, ай о бур шутилас. 
\v 8 Кана о кхам ваздилас, о Дэл бищядас пхабарды балвал, ай о кхам лас тэ пхабарэл лэ Ионаско шэро. Вов кадэ кинозысайлас, кэ камлас тэ мэрэл ай пхэндас:
\p — Май федэр тэ мэрав, сар тэ траий.
\p
\v 9 Ай о Дэл пхэндас Ионаскэ:
\p — Тукэ трубуй кадэ тэ холяйвэс анда бур?
\p — Трубуй, — пхэндас о Иона, — на фэри тэ холяйвав, ай ви тэ мэрав.
\p
\v 10 Алом о Рай Яхва пхэндас:
\p — Ту бунус анда буроро, пала саво чи грыжысас, саво чи барардан. Вов барилас тэла екх рати, ай тэла екх рати хасайлас. 
\v 11 Ай сар Мэ тэ на сунуй баро форо Ниневия, кай на фэри бут алатура, ай май бут сар екх шэл тай биш эзэра мануш чи жянэн, кай сы чячи риг, ай кай э стунго?