\id PHP - Romani Čergaš Biblija (RČB)
\ide UTF-8
\h Filipljanenđe
\toc1 Lil e Filipljanenđe
\toc2 Filipljanenđe
\toc3 Fil
\mt Lil e Filipljanenđe
\c 1
\s E Pavlešće pozdravurja
\p
\v 1 Akava lil ramov me, o Pavle, thaj o Timotej, sluge katar o Hristo Isus, sa e Devlešće manušenđe ando Hristo Isus save trajin ande Filipe, zajedno e starešinenca thaj e đakonenca:
\p
\v 2 Milost tumenđe thaj miro katar o Del, amaro Dad, thaj katar o Gospod Isuso Hristo.
\s E Pavlešći molitva pale manuša andar e Filipe
\p
\v 3 Zahvaliv e Devlešće kan god dav man gođi tumende. 
\v 4 Ande svako mungri molitva pale tumende uvek radujimasa moliv man 
\v 5 zbog tumari pomoć savi dine man katar o prvo đes dži akana dok buljarav e Bahtali nevimata. 
\v 6 Uverime sem ande akava: Okova savo ande tumende započnisarda o lačho delo, dovršla les dži ko Đes kana o Hristo Isus boldela pe.
\p
\v 7 Thaj pravo si te gajda gndiv pale sa tumende, kaj inđarav tumen ande mungro ilo. Tumen manca delin e milost savi dija man o Del, bilo te sem ande okurja, bilo te braniv e Bahtali nevimata thaj dokaživ kaj si čači. 
\v 8 O Del si mungro svedoko, kozom čezniv pale sa tumende ande ljubav e Hristošći Isusešći.
\p
\v 9 Thaj pale akava moliv man:
\b
\mi te tumari ljubav sa majbut napreduil ande spoznaja thaj ando potpuno uvid sar te ispravno trajin, 
\v 10 te šaj prosudin so si majlačhe thaj te aven čiste thaj besprekorne palo Đes kana boldela pe o Hristo, 
\v 11 pherde plodurja pravednosti save aven kroz o Isuso Hristo, pe slava thaj najs e Devlešći.
\s E Pavlešće nevolje
\p
\v 12 Kamav te džanen, phralalen, kaj sa akava so dogodisajlo manđe služil te napreduil e Bahtali nevimata. 
\v 13 Gajda kaj si sa e carošće stražarenđe thaj savorenđe akate jasno kaj me sem ande okurja zbog o Hristo, 
\v 14 a sa majbut phrala save si ohrabrime ando Gospod mungre okonenca, sa majbut troman te propovedin o alav e Devlesko bidarako.
\p
\v 15 Jek manuša propovedin e Hristo andar e zavist thaj te takmičinpe, a aver katar e lačhi volja. 
\v 16 Akala aver andar e ljubav, kaj džanen kaj me sem ando phanglipe te odbraniv e Bahtali nevimata. 
\v 17 A okola prve objavin e Hriste andar piri sebično volja, neiskreno thaj gndin kaj gajda ćerena te mungri nevolja avel još majbari ando phanglipe. 
\v 18 Pa so askal? Važno si te pe svako način, bilo te si iskreno, bilo te naj iskreno, phenel pe palo Hristo, thaj zbog godova radujiv man.
\p Thaj vi majdur radujiva man, 
\v 19 kaj džanav kaj kroz tumare molitve thaj uz o pomoć e Duhosko e Isuse Hristosko avava izbavime andar akala nevolje save astardine man. 
\v 20 Željno ažućarav thaj nadiv man kaj ni zbog soste či hava ladžavo, nego kaj avela man bari hrabrost te vi akana, sago vi uvek, o Hristos proslavilpe ande mungro telo, bilo mungre trajosa ili mungre smrtosa. 
\v 21 Kaj pale mande si o Hristo trajo, a o meripe dobitko. 
\v 22 A te trajiv majdur ando telo, godova pale mande značil te ćerav plodonosno bući palo Gospod. A pale soste odlučiva man, či džanav. 
\v 23 Ćićidino sem katar liduj riga: kamav te merav thaj te avav e Hristosa, so si but majlačhe, 
\v 24 ali zbog tumende si potrebno te ačhav te trajiv ando telo. 
\v 25 Uverime sem ande godova. Džanav kaj ačhava maškar tumende pale tumaro napretko thaj pale tumari bah ando paćipe, 
\v 26 te još majbut ponosin tumen zbog okova so o Hristo ćerda pale mande, zato kaj sem palem tumenca.
\p
\v 27 Samo, trajin dostojno e Hristošće Bahtale nevimataće. Gajda bilo te avav thaj dikhav tumen, bilo te sem odsutno thaj ašunav pale tumende, džanava kaj ačhen čvrsto ande jek duho, thaj jeće ileja borin tumen palo paćipe e Bahtale nevimatako, 
\v 28 thaj ande khančeste na te daran katar tumare protivnikurja. Lenđe si godova znako palo propast, a tumenđe palo spasenje, thaj godova si e Devlestar. 
\v 29 Kaj tumenđe si dini milost na samo ando Hristo te paćan nego pale leste vi te trpin. 
\v 30 Vodin borba sošći dikhline kaj me vodiv, a vi akana ašunen kaj vodiv.
\c 2
\s Sloga thaj e briga pale pašutne
\p
\v 1 Ako, dakle, si tumen varesavo ohrabrenje ando Hristo, ako si tumen uteha ande lešći ljubav, ako si tumen zajedništvo ando Duho, ako si tumen nežnost thaj suosećanje, 
\v 2 askal ćeren te mungri bah avel pherdi – aven složne, volin jek avren, aven jek ando duho thaj nek avel tumen isto ciljo. 
\v 3 Na ćeren khanči ande sebično volja niti ando barikanipe, nego ande poniznost smatrin jek avres majbare pestar. 
\v 4 Neka khonik či dićhel samo piri korist, nego vi e korist averenđi.
\p
\v 5 Gndin thaj trajin isto gajda sago kaj gndilas thaj trajilas o Hristo Isus.
\b
\q1
\v 6 O Hristo vi ako sas ande Devlesko obličje,
\q2 či rodelas piro pravo te avel jek e Devlesa,
\q1
\v 7 nego ponizisardas korkoro pes, lijas o obličje e robosko,
\q2 thaj bijandilo ando manušesko obličje.
\q1 Kana pojavisajlo sago manuš,
\q2
\v 8 ponizisarda korkoro pes thaj postanisardas poslušno dži ko smrto
\q2 thaj godova dži ko smrto po trušul.
\q1
\v 9 Zato o Del vazdas les pe majvučo than
\q2 thaj dija les alav savo si iznad svako aver alav,
\q1
\v 10 te pe Isusesko alav banđol svako koč
\q2 po nebo, pe phuv thaj tale phuv,
\q1
\v 11 thaj te svako čhib priznail kaj si o Isus Hristo Gospod,
\q2 pe slava e Devlešći Dadešći.
\s Okola save paćan si sago svetlo e themesko
\p
\v 12 Zato drage mungralen, sago kaj uvek čhonas kan mande – na samo kana me semas tumenca nego još vi majbut akana kana naj sem okote – ande dar thaj ando izdrape napreduin ande tumaro spasenje. 
\v 13 Kaj o Del si godova savo ćerel ande tumende te kamen thaj ćeren okova so si lešće ugodno.
\p
\v 14 So god te ćeren, na te mrmljin thaj na han tumen, 
\v 15 te aven besprekorne thaj čiste, e Devlešće čhavra bi manako maškar e bilačhi thaj rumome generacije, maškar save svetlin sago e čereja ando svemir. 
\v 16 Čvrsto inćaren o Alav e trajosko, gajda te avav ponosno pe tumende ando Đes kana o Hristo boldela pe thaj te šaj dikhav kaj či ivja prastajem e trka niti uzalud trudisajlem. 
\v 17 Pa čak vi ako mungro trajo trubul te čhordol sago žrtva pale tumaro paćipe, bahtalo sem thaj raduima tumenca. 
\v 18 Gajda vi tumen aven bahtale thaj raduin tumen manca.
\s O Pavle bičhalel e Timoteje thaj e Epafrodite
\p
\v 19 A nadiv man ando Gospod Isus kaj uskoro bičhalava tumende e Timoteje, te vi me ohrabriv man kana ašunav sar sen tumen. 
\v 20 Kaj naj man khonik ko si manđe gajda paše sago vo, ko gajda lačhe vodil e briga pale tumende. 
\v 21 Kaj, savora roden piro, a na okova so si e Isuse Hristosko. 
\v 22 A tumen džanen kaj o Timotej dokažisajlo, gajda kaj služilas manca sago o čhavo e Dadesa te buljol e Bahtali nevimata. 
\v 23 Zato nadiv man kaj bičhalava les tumenđe čim dikhav so avela manca. 
\v 24 A paćav kaj o Gospod pomožila manđe, te vi korkoro uskoro avava.
\p
\v 25 Ipak, smatriv kaj si potrebno te bičhalav tumenđe palpale e Epafrodite – mungre phrale, saradniko, thaj saborco, saves bičhaldine manđe te pomognil manđe ande mungre potrebe – 
\v 26 kaj, saste ileja kamel sa te dićhel tumen, thaj uznemirisajlo kaj ašundine kaj sas nasvalo. 
\v 27 A čače sas gajda nasvalo skoro po smrto. Ali o Del smiluisajlo lešće – thaj na samo lešće nego vi manđe, te či aresel man još majbari žalost. 
\v 28 Zato kamav so majsigo te bičhalav les te šaj palem raduin tumen kana dićhen les, a te me majbut či vodiv e briga pale tumende. 
\v 29 Primin les, askal ando Gospod e bare bahtasa, thaj poštuin kasaven sago kaj si vo. 
\v 30 Kaj, vo skoro mulo ande bući palo Hristo. Čhuta piro trajo ando opasnost te pomognil manđe ande okova so tumen našti, kaj naj senas manca.
\c 3
\s O Hristo si majdragoceno katar sa
\p
\v 1 Još te phenav tumenđe, phralalen mungralen, raduin tumen ando Gospod! Naj manđe pharo te ramov tumenđe palem isto, a pale tumende si majsigurno. 
\v 2 Len tumen sama katar okola džućhela, len tumen sama katar okola bilače radnikurja, len tumen sama te na sakatilpe tumaro telo. 
\v 3 Kaj, amen sam vi čače obrezime, amen save služisaras e Devlešće Duhosa thaj hvali men e Hriste Isuseja, a či uzdimen ando telo, 
\v 4 vi ako me šaj ando telo te pouzdiv man.
\p A te vareko gndil kaj šaj pouzdilpe ando telo, me šaj još majbut: 
\v 5 obrezime sem ohtoto đes nakon so bijandilem, andar o Izraelsko them sem, andar e Venjaminesko pleme, Židovo bijando katar o Židovo, po Zakono farisej, 
\v 6 ande mungri revnost progonivas e Khanđiri, pe pravda savi avel katar o Zakon semas besprekorno.
\p
\v 7 Ali okova so sas manđe varekana dobitko, godova zbog o Hristo inćarav kaj si gubitko. 
\v 8 Thaj na samo godova, inćarav kaj si sa gubitko kana uporedilpe koleja so si majvredno, a godova si te pindžarav e Hriste Isuse, mungre Gospode. Zbog leste sa hasardem thaj sa inćar kaj si gunoj, samo te dobiv e Hriste, 
\v 9 thaj ande leste te arakhav man – na kroz mungri pravednost savi avel katar o Zakono, nego katar koja savi avel kroz o paćipe ando Hristo: e pravednost savi avel e Devlestar, katar o paćipe. 
\v 10 Kamav te pindžarav e Hriste thaj e sila savi vazda les andar e mule. Kamav te avel man udeo ande lešće patnje thaj te avav sago vo ande lesko smrto, 
\v 11 či li varesar areslemas dži ko vaskrsenje andar e mule.
\s Ustrajno dži ko ciljo
\p
\v 12 Či phenav kaj godova već si man, niti kaj sem već savršeno, ali ustrajno trudiman te osvojiv godova ciljo kaj o Hristos Isus osvojisarda man. 
\v 13 Phralalen, me či gndiv kaj već osvojisardem o ciljo. Ali jek ćerav: bistarav okova so si pale mande, a inzarav man ke okova so si angle mande. 
\v 14 Prastav karingal o ciljo, te dobiv nagrada pale savi o Del ando Hristo Isus akharda man po nebo.
\p
\v 15 Savora, dakle, save sam paće ando paćipe, agajda trubul te gndisaras. A te pale varesoste naj tumen iste gndurja, o Del dela tumen te džanen godova jasno. 
\v 16 Samo, trubul te sledis o čačipe savo već sićilam.
\p
\v 17 Sledin mungro primer, phralalen, thaj sićon katar okola save trajin gajda sar sikadam tumenđe. 
\v 18 Kaj, but okola pale save često phenavas tumenđe, a akana e jasvenca phenav tumenđe, trajin sago dušmaja okolešće so propovedisaras pale Hristosko smrto po trušul. 
\v 19 Lengo krajo si lenđi propast, lengo del si lengo đi, ćerenpe barikane okoleja pale soste trubuinesas te ladžan thaj von gndin samo pe akava phuvjako trajo. 
\v 20 A amari otadžbina si pe nebesa, katar e ileja ažućaras e Spasitelje, e Gospode Isuse Hriste. 
\v 21 Vo pire silava – savjava sa šaj čhol tale piri vlast – promenila amaro bedno telo te avel sago lesko slavno telo.
\c 4
\p
\v 1 Zato, mungre drage phralalen, saven jedva ažućarav te dikhav, kaj tumen sen mungri bah thaj mungri nagrada pale mungro trudo, čvrsto ačhen ando Gospod sago kaj phendem tumenđe, drage mungralen!
\s E Pavlešće završne saveturja
\p
\v 2 Moliv e Evodija thaj e Sintiha te aven složne ando Gospod. 
\v 3 Ej, moliv vi tut, verno drugarina, pomognisar lenđe te aven složne, kaj zurale trudisajle te buljaren e Bahtali nevimata zajedno manca, e Klimentosa thaj e avere mungre saradnikonenca savenđe alava si ramome ande Lil e trajosko.
\p
\v 4 Uvek raduin tumen ando Gospod! Palem phenav: raduin tumen. 
\v 5 Neka tumaro lačhipe avel pindžardo maškar sa e manuša. Zato kaj si o Gospod paše! 
\v 6 Na den tumen ande bari briga ni pale soste, nego molin thaj roden katar o Del sa so trubul tumen ande zahvalnost, 
\v 7 thaj e Devlesko miro, savo našti haćarel ni jek manušešći gođi, lela sama pe tumare ile thaj pe tumare gndimata ando Hristo Isus.
\p
\v 8 Po krajo, phralalen, pheren tumare gndimata okoleja so si čače, so si plemenito, so si pravedno, so si čisto, so si šukar, so si po lačho glaso, so si časno thaj so si hvale vredno. 
\v 9 Okova so mandar sićiline, primisardine, ašundine thaj dikhline, godova ćeren thaj o miro e Devlesko avela tumenca.
\s O Pavle si zahvalno
\p
\v 10 Semas zurale bahtalo ando Gospod kaj palem sikadine tumari briga pale mande. Vodinas tumen e briga pale mande vi maj sigo, ali nas tumen prilika te sikaven godova. 
\v 11 Či phenav gadava zato kaj vareso trubul man; kaj, me sićilem ande svako situacija te avav zadovoljno. 
\v 12 Džanav te trajiv vi kana si man sa, vi kana naj man khanči. Sićilem pe sa thaj pe svašta: te avav čaljardo thaj vi bokhalo, te avel man but thaj te či avel man so trubul man. 
\v 13 Me sa akava šaj ande Okova savo del man snaga.
\p
\v 14 Ali, šukar si tumendar kaj podelisardine manca mungri nevolja. 
\v 15 A vi tumen, manušalen andar e Filipe, džanen kaj ando početko kana propovedilaspe e Bahtali nevimata tumenđe, thaj kana đelemtar andar e Makedonija, tumen senas jedino khanđiri savi dija man pomoć. 
\v 16 Čak vi ando Soluno varekozom drom bičhaldine manđe so trubul man. 
\v 17 Či phenav godova zato kaj rodav poklonurja tumendar, nego te tumari nagrada avel još majbari. 
\v 18 Akana si man sa so trubul man, čak vi majbut katar godova, sar kana katar o Epafrodit primisardem okova so bičhaldine manđe – prihvatljivo žrtva, gugle mirisosa, ugodno e Devlešće. 
\v 19 A mungro Del pherela svako tumari potreba prema piro slavno barvalipe ando Hristo Isus.
\p
\v 20 Amare Devlešće thaj Dadešće neka si e slava pale uvek. Amin.
\s E Pavlesko pozdrav
\p
\v 21 Pozdravin sa e Devlešće manušen ando Hristo Isuso. E phral save si manca pozdravin tumen. 
\v 22 Pozdravin tumen sa e Devlešće manuša, posebno okola andar e carsko ćher.
\p
\v 23 Milost e Gospodešći Isusešći Hristošći neka avel tumare duhosa. Amin.