\id HEB - Romani Čergaš Biblija (RČB)
\ide UTF-8
\h Jevrejenđe
\toc1 Lil e Jevrejenđe
\toc2 Jevrejenđe
\toc3 Jev
\mt Lil e Jevrejenđe
\c 1
\s O Čhavo e Devlesko majmoćno si katar e anđelurja
\p
\v 1 O Del ande okoja vrjama but droma thaj pe but načinurja motholas amare pradadenđe kroz e prorokurja, 
\v 2 ali ande akala poslednje đesa amenđe motholas kroz piro Čhavo. Les odredisardas te avel nasledniko pe sa, thaj kroz kaste stvorisarda vi o them. 
\v 3 O Čhavo si odsjaj katar e Devlešći slava thaj čačo odraz katar lesko biće, savo inđarel sa pire silno alavesa. Pošto mulo te šilavel men katar o bezeh, bešlo ando nebo pe počasno desno rig e Devlešći savo sa šaj. 
\v 4 Gajda Vo postanisardas gadići majmoćno katar e anđelurja kozom o Del dija les majuzvisime alav katar lengo.
\p
\v 5 Kaj savešće katar e anđelurja o Del varekana phendas:
\b
\q1 “Tu san mungro Čhavo,
\q2 ađes bijandem tut”?
\b
\m thaj još:
\b
\q1 “Me avava lešće Dad,
\q2 a vo avela manđe Čhavo”?
\b
\m
\v 6 Thaj palem, kana e prvo bijande Čhave uvodil ando them, phenel:
\b
\q1 “Neka den koča angle leste sa e Devlešće anđelurja.”
\b
\m
\v 7 O Del phenel pale anđelurja:
\b
\q1 “Pire anđelen ćerel balvajenca
\q2 thaj pire slugen sar jagale plamenurja”,
\b
\m
\v 8 a e Čhavešće phenel:
\b
\q1 “Ćiro prestolje, Devla, ačhel pale uvek.
\q2 Pravedno vladis ćire Carstvosa.
\q1
\v 9 Volis e pravednost, a mrzis o bezakonje.
\q2 Zato o Del, ćiro Del, makhla tut
\q1 e uljesa katar o bahtalipe
\q2 sago ni jeće katar ćire drugaren”,
\b
\m
\v 10 thaj:
\b
\q1 “Ando početko tu, Gospode, čhutan e temeljurja e phuvjaće
\q2 thaj e nebesa delo si ćire vastengo.
\q1
\v 11 Tu ačhes, a von nestanina
\q2 thaj sa phurjola sago e drze.
\q1
\v 12 Paćareja len sago ogrtači,
\q2 zamenina pe sago e purane drze.
\q1 A tu san uvek isto,
\q2 ćire bršenđe naj krajo.”
\b
\m
\v 13 Ni jeće anđelošće o Del nikad či phendas:
\b
\q1 “Beš pe mungri počasno desno rig
\q2 dok či čhav ćire dušmajen tale ćire pungre.”
\b
\m
\v 14 Gajda, ko si e anđelurja? Von si duhurja save služin e Devlešće, bičhalde te služin okolenđe save nasledina o spasenje.
\c 2
\s Amaro baro spasenje
\p
\v 1 Zato još majbut trubul te las sama pe okova so ašundam, te či promašis o ciljo. 
\v 2 Kaj, o sikavipe savo o Del bičhalda prekal e anđelurja sikadilo kaj si čačo thaj svako prestup thaj neposluh primisardas pravedno kazna. 
\v 3 Sar askal amen gndis kaj nakhasa bi kaznako ako zanemaris gajda baro spasenje? Godova spasenje prvo najavisardas o Gospod, a amenđe potvrdisardine okola save ašundine les. 
\v 4 A o Del potvrdisarda les e znakonenca, e čudenca thaj e silne delenca, sago vi e Sveto Duhošće darenca, save razdelisardas pe piri volja.
\s O Isus si slično sago e phral
\p
\v 5 O Del či dija e namenisardas e anđelenđe te vladin e themeja savo avel a pale savo amen phenas. 
\v 6 Kaj, vareko varekaj posvedočisardas:
\b
\q1 “So si o manuš te des tu leste gođi?
\q2 Ili o čhavo e manušesko te vodis e briga pale leste?
\q1
\v 7 Pe harni vrjama ćerdan les cara majcikne katar e anđelurja,
\q2 okrunisardan les e slavava thaj e časteja,
\q2
\v 8 sa čhutan tale lešće pungre.”
\b
\m Kana o Del sa čhuta tale lešće pungre, gajda khanči či ačhilo so naj lešće podložime. Pa, ipak, još či dikhas kaj sa pokoril pe lešće. 
\v 9 Ali dikhas e Isuse, savo sas pe harni vrjama ćerdo cara majcikno katar e anđelurja, ali akana si okrunime e slavava thaj e časteja zato kaj pretrpisardas o smrto sar kroz e Devlešći milost okusisardas o smrto pale sa e manuša. 
\v 10 O Del, pale savo thaj kroz savo sa postojil, kamlas te avel les but čhave save učestvujina ande lešći slava, pa sas potrebno prekal e patnje ćerel savršeno e Isuse savo inđarel len ando spasenje. 
\v 11 Kaj, o Isus savo posvećuil len thaj vi okola save si posvetime silen isto Dad. Zato o Isus či ladžal te akharel len phralenca 
\v 12 kana phendas e Devlešće:
\b
\q1 “Objaviva ćiro alav mungre phralenđe,
\q2 đilabava najs tuće maškar e ćidine manuša.”
\b
\m
\v 13 Thaj još:
\q1 “Ande leste pouzdiva man.”
\b
\m Thaj još:
\q1 “Ake taman me thaj e čhavra saven o Del dija man.”
\b
\p
\v 14 Godola čhavra si katar o rat thaj o mas, gajda vi o Isus postanisardas manuš sago vi von, te pire smrtosa uništil e benđe saves sas vlast po smrto, 
\v 15 thaj te oslobodil okolen save sasto piro trajo robuin e daraće katar o smrto. 
\v 16 Kaj, jasno si kaj o Isus či avilo te pomognil e anđelenđe, nego e Avraamešće potomkonenđe. 
\v 17 Zato sas potrebno te ande sa avel slično e phralenđe, te šaj anglo Del te postanil milosrdno thaj paćivalo Baro rašaj, savo ostvaril o jartipe pale bezeha e manušenđe. 
\v 18 Kaj, pošto vi korkoro trpisarda dok sas iskušime, šaj te pomognil okolenđe save si iskušime.
\c 3
\s O Isus si majbaro katar o Mojsije
\p
\v 1 Zato, svete phralalen, tumen saven si udeo ando nebesko poziv, usmerin tumare gndurja po Isus, savo si Apostol thaj Baro rašaj amare paćimako. 
\v 2 Vo si verno e Devlešće savo postavisarda les, baš sago kaj sas vi o Mojsije verno e Devlešće ande sasto Devlesko ćher. 
\v 3 A e Isusešće pripadil majbari slava nego e Mojsiješće, baš sago kaj okolešće savo gradil o ćher pripadil majbari čast nego e ćherešće savo sas ćerdo. 
\v 4 Kaj, svako ćher vareko gradil, a o Del sagradisardas sa so postojil. 
\v 5 O Mojsije sas verno sago sluga ande Devlesko ćher, thaj svedočilas pale okova so o Del ande budućo vrjama objavila. 
\v 6 Ali o Hristo si verno sago Čhavo pe sasto lesko ćher. A lesko ćher sam amen, ako inćaras o pouzdanje thaj e nada savjava hvali men.
\s Upozorenje protiv o bipaćipe
\p
\v 7 Zato, sago kaj o Sveto Duho phenel:
\b
\q1 “Ađes ako ašunen lesko glaso,
\q2
\v 8 neka či zuravon tumare ile sago ande vrjama kana tumare pradada pobunisajle,
\q2 ando đes kana iskušisardine les ande pustinja,
\q1
\v 9 kaj tumare pradada iskušinas man thaj izazivinas man,
\q2 vi ako štarvardeš brš dićhenas mungre dela.
\q1
\v 10 Zato bari holji astarda man pe godova naraštaj
\q2 thaj phendem: ‘Uvek ileja durjon mandar,
\q2 thaj mungre droma či pindžardine.’
\q1
\v 11 Gajda ande mungri bari holji halem solah:
\q2 ‘Či dena ando than mungre odmorosko!’ ”
\b
\p
\v 12 Len sama, phralalen, te varekasko ilo maškar tumende či avel bilačho thaj bipaćivalo, pa te džaltar e džude Devlestar. 
\v 13 Nego, svako đes, ohrabrin jek avres dži kaj god si okova “ađes”, te na vareko tumendar zavedime katar o bezeh otvrdnil piro ilo. 
\v 14 Kaj sa amen si udeo ando Hristo ako dži ko krajo čvrsto inćaras o pouzdanje savo sas amen ando početko.
\p
\v 15 Sago kaj si mothodo ando Sveto lil:
\b
\q1 “Ađes ako ašunen lesko glaso,
\q2 neka či zuravon tumare ile sago ande vrjama kana tumare pradada pobunisajle.”
\b
\p
\v 16 Kaj save si godola save ašundine, pa pobunisajle? Zar nas okola saven o Mojsije inkalda andar o Egipat? 
\v 17 A pe save sas o Del holjariko štarvardeš brš? Zar nas pe okola save sagrešisardine thaj savenđe tela muline ande pustinja? 
\v 18 A savenđe godova hala solah kaj či dena ando than lešće odmorosko, ako či okolenđe save sas neposlušne? 
\v 19 Thaj dikhlam kaj našti dine ando than lešće odmorosko zbog piro bipaćipe.
\c 4
\s Odmor pale Devlešće manuša
\p
\v 1 Dakle vi ako još vredil e Devlesko obećanje kaj dasa ande lesko odmor, daran te varekašće či dogodil pe te či del inća. 
\v 2 Kaj, vi amenđe si propovedime e Bahtali nevimata, baš sago vi lenđe. Ali, lenđe o alav savo ašundine nas katar o korist, kaj či prihvatisardine les e paćipeja sago okola save čhutine kan leste. 
\v 3 Kaj ande lesko odmor das amen save paćajam, sago kaj o Del phendas:
\b
\q1 “Gajda ande mungri bari holji halem solah:
\q2 ‘Či dena ando than mungre odmorosko!’”
\b
\m Vo godova phendas vi ako si lešće dela završime još sar o them postanisardas. 
\v 4 Kaj, varekaj pale eftato đes gajda phenel: “A o eftato đes o Del odmorisajlo katar sa pire dela.” 
\v 5 A akate si palem phendo: “Či dena ando than mungre odmorosko.”
\p
\v 6 Okola save prve ašundine e Bahtali nevimata či dine ando odmor kaj nas poslušne e Devlešće. Dakle, akate si varesave aver džene save trubun te den ando than e odmorosko. 
\v 7 Zato o Del palem odredisarda aver đes, savo akharel “ađes”. Vo phenel pale godova đes but brš majposle prekal o David, sago kaj si već mothodo:
\b
\q1 “Ađes ako ašunen lesko glaso,
\q2 neka či zuravon tumare ile.”
\b
\m
\v 8 Godova than palo odmor naj o Hanaan ande savo inđarda len o Isus Navin. Kaj te avilosas gajda, o Del majposle či mothodasas pale aver đes e odmorosko. 
\v 9 Dakle, ipak ačhel o eftato đes palo odmor e Devlešće manušenđe, 
\v 10 kaj ko del ande Devlesko odmor, odmorisajlo katar pire dela sago vi o Del nakon so stvorisarda o them. 
\v 11 Zato, trudi men te das ando odmor thaj te khonik amendar či propadnil gajda kaj sledil o primer okolengo save sas neposlušne e Devlešće. 
\v 12 Kaj e Devlesko alav si džudo, delotvorno thaj majoštro si katar svako mačo e duj oštricenca, thaj del dži okote kaj razdelil e duša thaj o duho, e zgloburja thaj e kokala. Vo prosudil e gndimata thaj e namere e ilešće. 
\v 13 Thaj naj stvorenje savo si garado anglo Del, a angle lešće jakha si sa putardo thaj jasno dićhol. Lešće savora moraš te dasa o računo.
\s O Isus si amaro Baro rašaj
\p
\v 14 Zato trubul čvrsto te inćaras o paćipe savo ispovedis, kaj si men uzvisime Baro rašaj savo đelo po nebo – o Isus, e Devlesko Čhavo. 
\v 15 Kaj, amen si Baro rašaj savo haćarelpe amenca ande amare slabosti, kaj sas ande sa iskušime sago vi amen, samo či sagrešisardas. 
\v 16 Zato hrabro trubul te avas angle Devlesko prestolje milosti te primis milosrđe thaj milost baš kana si menđe potrebno.
\c 5
\p
\v 1 Svako baro rašaj losarelpe katar e manuša thaj pale manuša čhol pe anglo Del te prinosil darurja thaj žrtve pale bezeha. 
\v 2 Vo šaj avel kovle ileja prema okola save si ando bidžanglipe thaj ande zabluda, zato kaj vi les korkore si slabost. 
\v 3 Zbog godova kaj si vi les slabost vo moraš te prinosil žrtve pale pire bezeha thaj vi pale manušenđe bezeha. 
\v 4 Godoja čast khonik našti lel korkoro pale peste, nego o Del akharel les ande godoja služba, baš sago kaj akhardas vi e Aarone. 
\v 5 Gajda ni o Hristo či proslavisardas korkoro pes kana postanisardas Baro rašaj, nego proslavisarda les Okova savo phendas lešće:
\b
\q1 “Tu san mungro Čhavo,
\q2 ađes bijandem tut”,
\b
\m
\v 6 sago kaj vi pe aver than phenel:
\b
\q1 “Tu san rašaj dži ko veko
\q2 po redo e Melhisedekosko.”
\b
\p
\v 7 Vo pale vrjama kana trajilas pe phuv ando baro vapaj thaj ande jasva, prinosilas e molitve thaj e molbe Okolešće savo šaj spasilas les katar o smrto thaj sas uslišime zato kaj sas ponizno thaj pokorno e Devlešće. 
\v 8 Vi ako sas e Devlesko Čhavo, o Isus sićilo te avel poslušno kroz okova kaj patisarda. 
\v 9 A kana postignisardas savršenstvo, postanisardas izvor palo večno spasenje savorenđe save si lešće poslušne 
\v 10 thaj o Del proglasisarda les palo Baro rašaj po redo e Melhisedekosko.
\s Upozorenje te na peras katar o paćipe
\p
\v 11 Pale godova šaj but ćerdamas svato, ali phare si te objasnil pe, pošto postanisardine lenje te ašunen. 
\v 12 Thaj umesto te aven dži akana sikavne, tumenđe si palem potrebno te vareko sikavel tumen okola početne osnove e Devlešće alavešće. Još uvek si tumenđe potrebno thud, a na zuralo habe. 
\v 13 Kaj, ko još pravarel pe e thudeja, či haćarel so si, a so naj ispravno, zato kaj još si beba. 
\v 14 A o zuralo habe si pale okola save si zrele, thaj zbog godova kaj si zrele si len sposobnost te razlikuin o lačhipe katar o bilačhipe.
\c 6
\p
\v 1 Zato trubul te mukas pale amende o početno sikavipe palo Hristo thaj te džas anglal ando zrelo sikavipe, gajda kaj či boldas amen pe osnove save si: pokajanja pale dela save inđaren ando smrto, paćipe ando Del, 
\v 2 sikavipe palo bolipe, pale godova te čhonpe e vas pe manuša, palo uštipe andar e mule, thaj palo večno sudo. 
\v 3 Thaj vi akava ćerasa ako mućel Del.
\p
\v 4 Kaj si nemoguće te anen palem dži ko pokajanje okolen save već sas prosvetlime thaj okusisardine o nebesko daro thaj saven sas udeo ando Sveto Duho, 
\v 5 save okusisardine o lačhipe e Devlešće alavengo thaj e sila e vrjamaći savi avela, 
\v 6 a askal peline katar o paćipe, kaj von palem pale peste razapnin e Devlešće Čhave thaj javno ladžaren les.
\p
\v 7 O Del blagoslovil e phuv savi si natopime e bršndeja, savo često perel pe late thaj bijanel lačhe plodurja save si korisne pale okola save vi obradin lat. 
\v 8 A okoja phuv savi bijanel kangre thaj čičkurja, či mol khanči thaj paše si dži ko proklestvo – po krajo avela uništime ande jag.
\p
\v 9 Vi ako gajda mothas, drage mungralen, uverime sam pale tumende kaj tumen ažućarel okova so si majlačhe, okova so pripadil okolenđe saven o Del spasil. 
\v 10 Kaj, o Del naj nepravedno, pa te bistrel tumaro delo thaj tumari ljubav savi sikadine prema leste gajda kaj služisardine, thaj još služin e Devlešće manušenđe. 
\v 11 A amen kamas te svako tumendar sikavel isto revnost dži ko krajo te pherdol okova sošće nadin tumen, 
\v 12 gajda či postanina lene, nego sledina o primer okolengo save kroz o paćipe thaj strpljenje primin ando nasledstvo okova so o Del obećisarda.
\s E Devlesko obećanje del nada
\p
\v 13 Kaj, kana o Del dijas o obećanje e Avraamešće, pošto nas les vareko majbaro te hal solah, hala solah korkoro pesa, 
\v 14 phendas: “Čače blagosloviva tut thaj dava tut but potomkurja.” 
\v 15 Gajda o Avraam strpljivo ažućardas thaj dobisardas okova so o Del obećisarda.
\p
\v 16 Kaj e manuša han solah okolesa savo si majbaro lendar, a e solah potvrdil okova so si phendo thaj završil svako rasprava. 
\v 17 Gajda vi o Del kamlas te okolenđe save si naslednikurja palo obećanje jasno sikavel kaj či promenila piri odluka pa o obećanje potvrdisarda e solahasa. 
\v 18 O Del dijas o obećanje thaj e solah. Godova duj našti promenil pe thaj o Del našti hohavel. Zato, amen, save ando Del arakhas sigurnost, te šaj avas zurale ohrabrime te čvrsto inćaras e nada savi o Del čhuta angle amende. 
\v 19 Godoja nada si amen sago pouzdano thaj čvrsto sidro pale amare duše. Voj inđarel amen pale hramske firanglje, ande Svetinja pe Svetinje, 
\v 20 okote kaj o Isus dijas pale amende thaj postanisardas Baro rašaj pale uvek po redo e Melhisedekosko.
\c 7
\s O Melhisedek thaj o Avraam
\p
\v 1 A godova Melhisedek sas caro ando gav Salim thaj rašaj e Majbare Devlesko. Vo inkljisto anglo Avraam kana akava boldelas pe andar piri pobeda pe štar carurja thaj blagoslovisarda les. 
\v 2 A o Avraam dija les deš posto katar sa so ando rato osvojisarda. E Melhisedesko alav značil, prvo “caro e pravdako”, a askal caro Salimsko so značil “caro e mirosko”. 
\v 3 Lešće dadestar thaj lešće dejatar, sago vi lešće pradadendar, či džanel pe khanči. Isto gajda či džanel pe ni kana bijandilo ni kan mulo, a pošto si slično e Devlešće Čhavešće, ačhel rašaj pale uvek. 
\v 4 Dićhen samo kozom si baro godova kašće čak vi o Avraam, pradad amare themesko, dija deš posto katar sa majlačhe so lijas ando rato. 
\v 5 Doduše, vi e Levijevešće potomkonenđe save postanin rašaja, o Zakon zapovedil te len deš posto katar o them, godova si katar pire phrala, vi ako vi len si poreklo e Avraamesko. 
\v 6 Ali, o Melhisedek, savo naj andar o poreklo e Levijesko, lijas deš posto katar o Avraam thaj blagoslovisarda okoles save si e Devlesko obećanje. 
\v 7 A naj sumnja kaj uvek o majbaro blagoslovil okole majciknes. 
\v 8 A ando slučaj e rašajengo, dikhas kaj deš posto len e smrtne manuša, a ando slučaj e Melhisedekosko, deš posto lel o Melhisedek pale savo tvrdil pe kaj si još džudo. 
\v 9 Čak šaj phendasas pe kaj o Levije, savešće potomkurja len deš posto, dija deš posto e Melhisedekošće prekal o Avraam, 
\v 10 još kana o Levije nas bijando, ali postoilas ando telo pire pradadesko e Avraamesko, kana o Melhisedek inkljisto anglo Avraam.
\s O Isus si slično e Melhisedekošće
\p
\v 11 O levitsko rašajipe sas čhutino prekal o Zakon savo si dino e themešće. Ali ako o savršenstvo šaj postignil pe prekal o levitsko rašajipe, sostar još avilosas potrebno te o Del bičhalel rašajes savo si aver čhande, savo si slično e Melhisedekošće, a na andar e Aronosko redo? 
\v 12 A kana menjil pe o rašjipe, moraš te menjil pe vi o zakon. 
\v 13 A o Isus pale savo si akava phendo, pripadil aver plemenošće, a khonik katar godova pleme či služilas po žrtveniko. 
\v 14 Jasno si kaj amaro Gospod avel andar e Judasko pleme, a o Mojsija godova pleme či spomenisarda kana motholas pale rašaja. 
\v 15 A sa si još majasno kana postavil pe aver rašaj savo si slično e Melhisedekošće. 
\v 16 Vo godova či postanisarda gajda kaj pherelas e purani odredba te pripadil e Leviješe plemenošće, već ande sila e trajošći savi našti uništila pe. 
\v 17 Kaj pale leste tvrdil pe: “Tu san rašaj dži ko veko po redo e Melhisedekosko.” 
\v 18 Čhinel pe dakle, e zapovest savi sas majranije dini, kaj sas slabo thaj beskorisno. 
\v 19 A pošto o Zakon khonikas či ćerda savršeno, akana si dini amenđe majlačhi nada savjava avasa majpaše e Devleste.
\p
\v 20 Akava o Del potvrdisarda uz e solah, dok aver rašaja den ande služba bi e solah. 
\v 21 Ali o Isus postanisardas rašaj kana o Del phendas lešće thaj halas solah:
\q1 “O Gospod hala solah
\q2 thaj či menjila pesko gindo:
\q2 ‘Tu san rašaj pale uvek.’ ”
\b
\m
\v 22 Godole solahasa o Del potvrdil kaj o Isus postanisardas jamco e majlačhe savezosko. 
\v 23 Thaj rašaja sas but, kaj o smrto sprečisarda len te ačhen uvek ande služba, 
\v 24 ali pošto o Isus trajil pale uvek, lesko rašajipe nikad či naćhela. 
\v 25 Zato vo šaj jekhar thaj pale uvek te spasil okolen save kroz leste aven e Devleste, kaj vo pale uvek trajil te avel posredniko pala lende. 
\v 26 Kaj kasavo baro rašaj vi sas amenđe potrebno: sveto, bi došako, bi okaljime, odvojime katar e bezehale manuša thaj majuzvisime katar e nebesa. 
\v 27 Vo naj moraš sago aver bare rašaja svako đes te prinosil žrtva pale bezeha, prvo pale peste, a askal palo them, kaj vo ćerda godova jekhar thaj pale uvek kan prinesisardas pes sago žrtva. 
\v 28 O Zakono postavil pale bare rašaja e manušen saven si lenđe slabosti, ali e solah e Devlešći savi avili posle o Zakono, postavil e Čhave savo si zauvek savršeno.
\c 8
\s O Isus si amaro Baro rašaj
\p
\v 1 Glavno ande sa akava si: kaj amen si kasavo Baro rašaj savo bešlo pe desno rig katar o prestolje e veličanstveno Devlešće pe nebesa, 
\v 2 savo služil ando Svetište, savo si čačo Šator savo vazdas o Gospod, a na o manuš. 
\v 3 Svako baro rašaj čhutino si te prinosil darurja thaj žrtve. Zato sas potrebno te amaro Baro rašaj vareso prinesil. 
\v 4 Te akana trajil pe phuv, či ni avilosas rašaj, pošto akate već si rašaja save po Zakono prinesin darurja. 
\v 5 O than, kaj von obavin e služba samo si e slika thaj e senka e svetinjaći savi si ando nebo. Zato o Del upozorisardas e Mojsija kana trubuja te vazdel o Šator. Godoleja phendas lešće: “Le sama te ćeres sa sar sikadem tuće pe planina!” 
\v 6 A akana o Isus dobisardas majuzvisime služba katar lenđi, pošto vi o savez savesko si vo posredniko majlačho katar o purano savez kaj si utemeljime pe majlačhe obećanja. 
\v 7 Kaj te o prvo savez avilosas bi mana, či avilosas potrebno te rodel pe dujto. 
\v 8 Ali korkoro o Del arakhlas mana e savezošće pa phendas e themešće:
\b
\mi “Ake avel o đes, phenel o Gospod, kana pherava o nevo savezo e manušenca andar o Izrael thaj e manušenca andar e Judeja. 
\v 9 Godova či avela sago kana sklopisardem o savez lenđe pradadenca, ande okova đes kana lijem len palo vas thaj inkaldem len andar o Egipat. Pošto či ačhiline paćivale mungre savezošće, pa vi me boldem mungre dume lendar, phenel o Gospod. 
\v 10 A akava si o savez savo sklopiva e Izraelošće themesa posle godoja vrjama, phenel o Gospod. Čhava mungre zakonurja ande lenđe gndimata, thaj ramova len ande lenđe ile. Me avava lengo Del, a von avena mungro them. 
\v 11 Thaj khonik majbut či trubula te sikavela pire komšija niti pire phrales e alavenca: ‘Pindžar e Gospode’, kaj pindžarena man savora katar majcikno dži ke majbaro maškar lende. 
\v 12 Kaj, jartova lenđe lengo bilačhipe thaj majbut či dava man gođi ke lenđe bezeha.”
\b
\p
\v 13 A kana o Del phenel palo nevo savez značil kaj okova prvo phurilo. A sa so phurjol uskoro vi nestanil.
\c 9
\s E Devlešći služba ando šator pe akaja phuv
\p
\v 1 Vi ando prvo savez maškar o Del thaj maškar e Izraelcurja sas odredbe palo bogoslužje thaj palo svetište akate pe phuv. 
\v 2 Kaj o Šator sas agajda lačhardo: ando lesko prvo deo sas o čirako, e sinija thaj e svete mangre, a godova deo akhardolas Svetinja. 
\v 3 O dujto deo e Šatorosko palal e firanglja akhardolas Svetinja pe svetinje, 
\v 4 a ande leste sas o sunakuno kadiono žrtveniko thaj o Kovčeg e savezosko, sa obložime e sunakajesa. Ando Kovčeg sas o sunakuno čaro e manava, e Aronošći rovlji, savi mukla e patrja, thaj e barune ploče pe save sas ramome e Devlesko savez. 
\v 5 A opral po Kovčeg sas e sunakune anđelurja save akhardonas “heruvimurja”. Von prestavin e Devlešći slava, thaj pire buljarde phakenca zasenin o than kaj jarton pe e bezeha. Ali, pale godova akana našti ćeras detaljno svato.
\p
\v 6 Pošto godova sas gajda lačhardo, e rašaja stalno denas andre ando prvo deo e Šatoresko te obavin e služba, 
\v 7 a ande dujto deo e Šatoresko, šaj delas andre samo o baro rašaj thaj godova samo jekhar ando brš, e ratesa savo prinosil e Devlešće pale pire bezeha thaj pale bezeha e manušenđe save sas ćerde ando bidžanglipe. 
\v 8 Gajda o Sveto Duho sikavelas kaj o drom ande Svetinja pe svetinje još naj putardo sa dok ačhel o prvo Šator. 
\v 9 Godova si slika pale akaja vrjama, savi sikavel kaj e prinesime darurja thaj žrtve našti savršeno šilaven e savest okole manušešći savo služil e Devlešće, 
\v 10 pošto e žrtve thaj e darurja sas samo ando habe thaj ando pimo thaj ando razno obredno thoipe, a godova sas samo telesne pravilurja save vredinas dži ke vrjama kana avilo o nevo sustav.
\s E Hristo si savršeno žrtva
\p
\v 11 A o Hristo avilo sago Baro rašaj okole lačhipeja savo akana si men. Vo nakhlo kroz o majbaro thaj majsavršeno Šator savo či ćerdine e manušenđe vas thaj savo či pripadil akale stvorime themešće. 
\v 12 Vo či dija ande Svetinja pe svetinje e ratesa katar o jarco ili katar o guruv, nego dijas jekhvar pale uvek pire vlastito ratesa thaj gajda dobisarda pale amende večno otkupljenje. 
\v 13 Kaj ako o rat katar o jarco thaj katar o guruv thaj o praho e gurumnjako kana poškropil pes pe okola save si obredno nečiste, posvetil len te aven avrjal čiste, 
\v 14 kozom majbut o rat e Hristosko, savo kroz o večno Duho korkoro pes bi manako prinesisardas e Devlešće, šilavela amari savest katar e dela save inđaren ando smrto te šaj služisaras e džude Devlešće.
\p
\v 15 A o Hristo si posredniko e Neve savezosko zbog godova te šaj okola save si akharde primin o večno nasledstvo, savo o Del obećisarda, pošto o Hristo mulo sago otkupnina pale prestupurja save sas ćerde talo prvo savezo.
\p
\v 16 Kaj okote kaj postoil e oporuka moraš te utvrdil pe o smrto okolesko savo ramosarda e oporuka, 
\v 17 pošto e oporuka važil tek posle o smrto, a nikad či važil dok si džudo okova savo ramosarda piri oporuka. 
\v 18 Zato ni o prvo savezo či avilo pe snaga bi ratesko. 
\v 19 Kaj, kana o Mojsije objavisarda sa e themešće e zapovesti e Zakonešće, lijas o rat e guruvesko thaj e jarcosko e pajesa, e lole vunava thaj e biljkenca katar o isop, pa poškropisardas čak vi o lil thaj sa e themes. 
\v 20 Vo motholas: “Akava si o rat savo potvrdil o savezo thaj saves odredisardas tumenđe o Del.” 
\v 21 Isto gajda e ratesa poškropisardas o Šator thaj sa e predmeturja save sas odredime palo bogoslužje. 
\v 22 A po Zakono gata sa šilavel pe e ratesa thaj bi čhorde ratesko naj jartipe.
\p
\v 23 Sas, dakle, potrebno te e slika e nebeske stvarenđe šilaven pe kasave žrtvenca, a korkoro e nebeske stvarja si potrebno te šilaven pe e majlačhe žrtvenca katar akala. 
\v 24 Kaj, o Hristo či dijas ando svetište savo si ćerdo vastesa, savo si tek slika katar e pravo svetinja, nego ando nebo, te posredujil pale amende anglo muj e Devlesko. 
\v 25 Thaj godova na te korkoro pes majbut drom prinesil sago e žrtva, sago kaj o baro rašaj svako brš del andre ande Svetinja pe svetinja na pire ratesa, 
\v 26 kaj ande godova slučaj o Hristo trubujasas majbut drom te trpil e patnja katar o postanko e themesko. Nego, vo akana, po krajo e vekonengo, pojavisajlo jekhar pale uvek, te pire žrtvasa uklonil o bezeh. 
\v 27 Thaj sago kaj si e manušenđe odredime jekhar te meren, a pale godova avel o sudo, 
\v 28 gajda sas vi o Hristo jekhar prinesime sago žrtva, te inđarel e bute manušenđe bezeha. A pojavila pe vi dujto drom, ali na zbog o bezeh, nego te anel o spasenje okolenđe save ažućaren les.
\c 10
\s E Hristošći žrtva ćerel amen te avas savršene
\p
\v 1 O Zakon dela men samo e senka pale okova lačhipe savo avela, a na pravo obličije. Vo si samo odraz palo čačipe. E žrtve ando purano zakon stalno prinosin pe andar o brš ando brš, ali našti savršeno te šlaven e manušen save aven anglo Del. 
\v 2 Kana o Zakon godova šaj ćerdasas, zar godola žrtve či ačhilesas te prinosin pe? Kaj, okola save gajda služin avilesas jekhvar pale sa e vrjama šilade thaj či majbut haćardinesas pe kaj si došale pale pire bezaha. 
\v 3 Ali, e žrtve svako brš samo den gođi pe bezeha, 
\v 4 kaj o rat e guruvengo thaj e jarconengo nisar našti khosel e bezaha.
\p
\v 5 Zato o Hristo kana avilo po them phendas:
\b
\q1 “Či kamlan e žrtve thaj e prinose,
\q2 nego dijan man telo.
\q1
\v 6 Nas tuće ugodne e žrtve paljenice
\q2 niti e prinose pale bezeha.
\q1
\v 7 Askal phendem:
\q2 ‘Ake, avav – kaj pale mande ramol ande Sveto lil –
\q2 te pherav ćiri volja Devla!’”
\b
\m
\v 8 Prvo phendas: “Či kamlan žrtve thaj prinose, e žrtve paljenice thaj e prinose pale bezeha, niti sas tuće ugodne”, vi ako o Zakon phenel te prinosin pe. 
\v 9 A askal phendas: “Ake, avav te pherav ćiri volja.” Gajda vo čhinel o prve prinose te čhol e dujte prinose. 
\v 10 O Isus Hrist sas poslušno e Devlešće voljaće thaj dijas piro telo sar žrtva jekhvar pale uvek thaj gajda ćerda amen te avas svete.
\p
\v 11 Svako rašaj svako đes ćerel piri služba e Devlešće thaj neprestalno prinesil palem iste žrtve, save nikada našti len e bezeha. 
\v 12 Ali o Hristo prenesisardas korkore pes, sar jek žrtva pale bezeha pale uvek thaj bešlo pe počasno than pe desno rig e Devlešće. 
\v 13 Vo katar askal ažućarel sa dok lešće dušmaja či aven čhutine tale lešće pungre. 
\v 14 Kaj, vo jećhe jedino žrtvava ćerda pale uvek savršene okolen save si posvetime. 
\v 15 A pale godova svedočil amenđe vi o Sveto Duho kana phenel:
\b
\q1
\v 16 “Akava si o savez savo lenca sklopiva posle godoja vrjama, phenel o Gospod:
\q2 čhava mungre zakonurja ande lengo ilo
\q2 thaj ramova len ande lenđe gndimata.”
\b
\m
\v 17 Thaj:
\b
\q1 “Majbut či dava man gođi ke lenđe bezeha
\q2 niti ke lenđe bilačhe dela.”
\b
\m
\v 18 A kaj si e bezeha jartome, okote majbut či trubun žrtve pale lende.
\s Trubul te avas majpaše ko Del
\p
\v 19 Zato, phralalen, si amen pouzdanje kaj e Isusešće rateja das ande Svetinja pe svetinje, 
\v 20 e neve thaj e džude dromesa savo vo putardas amenđe kroz e firanglja – pire telosa. 
\v 21 A pošto si amen vi vrhovno rašaj savo vladil po ćher e Devlesko, 
\v 22 trubul te avas anglo Del e iskrene ileja thaj paćipeja savo si pherdo pouzdanja, kaj si amare ile šilade katar e bilačhi savest, a o telo thodo e čiste pajesa. 
\v 23 Zato trubul čvrsto te inćara men ke nada savi ispovedis kaj paćivalo si okova savo dijas o obećanje. 
\v 24 Thaj trubul te las sama pe godova te jek avres potaknis pe ljubav thaj pe lačhe dela. 
\v 25 Thaj te na propustis te avas pe amare zajedničke sastankurja, sar kaj varesaven si običaj, nego trubul te ohrabris jek avren. Akava ćeren sa majbut sar dićhen kaj si paše o đes kana avela o Gospod!
\p
\v 26 Kaj, ako namerno grešis nakon so pindžardam o čačipe, askal majbut naj žrtve palo bezah, 
\v 27 nego samo te ažućaras strašno sudo thaj e bari jag savi buktil savi nakhavela okolen save suprostavinpe e Devlešće. 
\v 28 Kaj, kana vareko odbacil e Mojsijesko Zakon, bi e milost avel mudardo pe izjava e duj ili trin svedokurja. 
\v 29 A zamislin kozom majgoro kazna primila okova save uštavel e Devlešće Čhave, thaj ko smatril kaj si bezvredno o rat e Neve savezosko savo posvetisarda les thaj ko uvredil e Duho milosti! 
\v 30 Kaj, amen džanas Okoles savo phendas: “Mungri si e osveta, me boldava!” Thaj palem: “O Gospod sudila pire themešće.” 
\v 31 Strašno si te perel pe ande vas e džude Devlešće!
\p
\v 32 Den tumen gođi ke okola prve đesa kana tek senas prosvetlime, thaj naćhenas kroz e but e patnje, ali ačhiline čvrste. 
\v 33 Varekana javno marenas muj tumendar thaj marenas tumen, a varekana pomogninas averenđe save trpinas isto. 
\v 34 Tumen učestuinas ande patnja okolenca saven phandavenas. Kana otmisardine tumendar sa so sas tumen, bahtasa godova prihvatisardine gajda kaj džanenas kaj ando večnost ažućarel tumen vareso majlačhe thaj trajno.
\p
\v 35 Zato, na odbacin o pouzdanje kaj godova anela tumenđe bari nagrada. 
\v 36 Aven ustrajne ande godova kaj ćeren e Devlešći volja thaj gajda primin okova so o Del obećisarda.
\b
\p
\v 37 Kaj:
\q1 “Još cara, još samo cara,
\q2 thaj avela Okova savo trubul te avel thaj či zakasnila.
\q1
\v 38 Mungro pravedniko trajila katar o paćipe,
\q2 Ali ako crdel pes palpale,
\q2 či avava zadovoljno lesa.”
\b
\m
\v 39 Ali, amen najsam katar okola save odustanin, pa crden pes palpale, nego sam katar okola save paćan thaj si spasime.
\c 11
\s O paćipe thaj e istrajnost
\p
\v 1 A o paćipe si pouzdanje ande okova sošće nadi men thaj uverenje pale okova so či dikhas. 
\v 2 Kroz o paćipe amare pradada dobisardine pohvala.
\p
\v 3 E paćimava džanas kaj o svemir si stvorime e Devlešće alaveja, thaj godova gajda kaj okova so dićhel pe stvorime si katar okova so či dićhel pe.
\p
\v 4 E paćimava o Avelj e Devlešće dijas majlačhi žrtva katar e Kainošći, thaj zbog o paćipe dobisardas pohvala kaj si pravedno, kaj o Del prihvatisarda lešći žrtva. Gajda o Avelj, vi ako si mulo još ćerel svato kroz piro paćipe.
\p
\v 5 E paćimava o Enoh sas vazdino ando nebo te na iskusil o smrto, thaj “našti arakhline les, kaj o Del lija les opre.” A majsigo nego so sas lino, dini sas lešće pohvala kaj ugodisarda e Devlešće. 
\v 6 Ali bi paćipe si nemoguće te ugodil pe e Devlešće, kaj okova savo kamel te avel anglo Del, trubul te paćal kaj vo postojil thaj kaj del nagrada okolenđe save roden les.
\p
\v 7 O Noja sas upozorime pe okova so još našti dićhelas. A e paćimava o Noja, ande ozbiljnost thaj ando poštuipe, haćardas o upozorenje thaj sagradisardas brodo te spasil pire familija. Gajda o them sas osudime, a o Noja opravdime kroz o paćipe.
\p
\v 8 E paćimava o Avraam kana sas akhardo te džal ando than savo majkasnije primila ando nasledstvo, čhuta kan e Devleste thaj teljardas, vi ako či džanelas kaj džal. 
\v 9 Paćimava nastanisajlo sago stranco ande obećime phuv thaj trajilas ando šator ande tuđina. Gajda trajinas vi o Isak thaj vi o Jakov, savenđe o Del dijas isto obećanje, 
\v 10 kaj ažućarelas o gav e večne temeljenca, savo zamislisardas thaj sagradisardas o Del.
\p
\v 11 E paćimava vi e Sara, savi našti bijanelas, ačhili khamni, vi ako nas majbut ande vrjama te bijanel kaj paćalas kaj o Del si verno savo dija lat o obećanje. 
\v 12 Gajda godole jeće manušestar e Avraamestar, savo sas but purano te avel les čhavra, bijandilo o bezbrojno them gajda baro sago e čereja po nebo thaj sago o pesko pe morsko obala.
\p
\v 13 Sa godola manuša ando paćipe muline, a te či primisardine so o Del obećisarda lenđe, već godova dikhline samo dadural thaj bahtasa priznajisardine kaj si pe phuv strancurja thaj prolaznikurja. 
\v 14 A okola save gajda phenen, sikaven kaj roden piri vlastito otadžbina. 
\v 15 Te gndisardinesas pe okoja phuv andar savi inkljistine, von arakhlinesas prilika te okote vi bolden pe. 
\v 16 Ali akana von čeznin pale majlačhi otadžbina, a godova si pale nebesko otadžbina. Zato o Del či ladžal te akharel pe lengo Del, kaj vo pripremisarda nebesko gav pale lende.
\p
\v 17 E paćimava o Avraam sas spremno te prinesil e Isaako sago žrtva kana o Del čhuta les pe kušnja. Okova savo primisardas o obećanje sas spremno te prinesil pire jedine čhaves, 
\v 18 okova kašće o Del phendas: “Ćiro potomstvo avela katar o Isaak.” 
\v 19 O Avraam sas uverime kaj e Devlešće si moguće vi andar e mule te vazdel, thaj šaj gajda phenel pe, kaj dobisardas e Isaako palpale andar e mule.
\p
\v 20 E paćimava o Isaak blagoslovisarda e Jakove thaj e Isave pale budućnost.
\p
\v 21 E paćimava o Jakov, kana sas po smrto, blagoslovisarda e Josifešće liduj čhaven thaj mukla o šoro tele pe rovlji kana slavisarda e Devles.
\p
\v 22 E paćimava o Josif, kana merelas, phendas palo izlasko e Izraelconengo andar o Egipat thaj dijas upute so te ćeren lešće kokalenca.
\p
\v 23 E paćimava e Mojsije garavenas lesko dad thaj lešći dej trin čhon kana bijandilo, kaj dićhenas kaj si o čhavro posebno thaj či darajle katar e carošći naredba.
\p
\v 24 E paćimava o Mojsije, kana barilo, či kamelas te akharen les čhavo e faraonešće čhejako. 
\v 25 Majrado lijas te zajedno e Devlešće themesa avel zlostavime, nego te pe harni vrjama uživil ando bezeh. 
\v 26 E nemilost ande savi pelo zbog o Hristo, inćarelas kaj si majlačhi katar o egipatsko barvalipe, kaj piro pogled čhuta ande nagrada savi dobila e Devlestar. 
\v 27 E paćimava đelotar andar o Egipat thaj či daralas katar e carošći bari holji, kaj zurale inćarelas pe sago kaj si o nevidljivo Del angle lešće jakha. 
\v 28 E paćimava proslavisarda e Pasha thaj uredisarda te dovratkurja poprskope e ratesa, te okova savo mudarel či mudarel izraelconenđe prve bijande čhaven.
\p
\v 29 E paćimava e Izraelcurja, sago pe šući phuv, nakhline o Lolo more, a kana godova kamline e Egipćanurja, tasadile ando paj.
\p
\v 30 E Izraelconenđe paćimava peline vi e zidurja ando Jerihon nakon so o them efta đes džalas oko lende.
\p
\v 31 E paćimava e bludnica e Raava, zato kaj šukar primisarda e špijunen, nas mudardi zajedno okolenca save sas neposlušne e Devlešće.
\p
\v 32 Thaj so još te phenav? Naj man vrjama te detaljno ćerav tumenđe svato palo Gedeon, Varak, Samson, Jeftaj, David, Samuilo thaj vi pale aver prorokurja, 
\v 33 save e paćimava pokorisardine e carstvurja, pravedno vladinas, dobisardine so o Del obećisarda, phandadine o muj e lavonenđe, 
\v 34 mudardine e sila e bare jagaći, spasisajle katar e dušmajenđe mačurja, dobisardine snaga ande slabost, zurajle ande borba, avrenđe vojsken ando našipe tradine. 
\v 35 E romnja, kroz o vaskrsenje dobisardine palpale pire mulen, save boldine pe ando trajo. Aver manuša sas čhutine pe muke, ali von majsigo kamline te meren, nego te odreknin pe e Devlestar sar avilesas oslobodime katar e muke. Von nadisajle kaj dobina vaskrsenje ando majlačho trajo. 
\v 36 Varesaven ladžarenas thaj marenas e bičosa, varesaven phandenas ande lancurja thaj ande tamnica. 
\v 37 Sas mudarde e barenca, čhinde po opaš, mudarde e mačonenca. Phirenas okolo ande bakhrenđe thaj buznjenđe morćha, sas čore, progonime thaj zlostavime. 
\v 38 O them nas lenđe dostojno. Lutinas e pustinjenca thaj e gorenca, garadonas ande pećine thaj ande hvja. 
\v 39 Thaj savora von si pohvalime zbog piro paćipe, ali či primisardine okova so o Del obećisarda lenđe. 
\v 40 Kaj e Devle sas majlačho plano pale amende, te von na dostignin o savršenstvo bi amengo.
\c 12
\s O Del vaspitil amen sago amaro Dad
\p
\v 1 Pošto sam, okružime gajda but svedokonca, trubul te čhudas amendar svako pharipe savo smetol amen, thaj o bezeh pe savo loće spotakni men, thaj ustrajno trubul te prastas e trka savi si angle amende! 
\v 2 Čvrsto dićhen po Isus, savo započnisardas thaj završila amaro paćipe. Vo zbog e bah, savi ažućarel les, podnesisardas o smrto po trušul thaj či marisardas palo ladžavo, thaj bešlo po počasno than pe desno rig ke Devlesko prestolje. 
\v 3 Gndin samo pe leste savo kasavo neprijateljstvo vo podnesisardas katar e bezehale, te tumen či aven obeshrabrime thaj te či klonin e duhosa.
\p
\v 4 Ande tumaro rato protiv o bezah još či aviline dži ke godova te den tumaro trajo. 
\v 5 Bistardine e opomena savi si tumenđe uputime sago e čhavenđe:
\b
\q1 “Čhaveja mungreja, na haćar samo tek gajda e Gospodešći stega,
\q2 thaj na av obeshrabrime kana o Del opomeni tut.
\q1
\v 6 Kaj, kas o Gospod volil, godole vi vaspitil e stegasa,
\q2 thaj kaznil svakones saves prihvatil sago čhaves.”
\b
\p
\v 7 Prihvatin e Devlešći stega kaj o Del tumenca postupil sago pire čhavenca. Kaj, savo si godova čhavo saves o dad či vaspitil e stegasa? 
\v 8 A ako naj sen vaspitime e stegasa sago sa rođene čhavra, askal sen kopilja, a na lešće čhavra. 
\v 9 Pa vi amare telesne dada vaspitinas men e stegasa thaj amen poštuisas len. Zar askal či još majbut podložisa men e duhovne Dadešće te avel amen čačo trajo? 
\v 10 Amare dada vaspitinas men jek harni vrjama e stegasa sar von smatrinas kaj trubul, a o Del godova ćerel pale amaro lačhipe, te avel men talo ande lešći svetost. 
\v 11 Ipak, svako vaspitno mera ando početko anel žalost, a na bah, ali majposle bijanel plodo savo anel miro thaj pravednost okolenđe save si vaspitime pe godova način.
\p
\v 12 Zato vazden tumare oslabime vas thaj ispravin e klecave koča. 
\v 13 Poravnin o drom pale tumare pungre, te e slabe pungre či uganin pe, nego te saston.
\s Akharde sam te čhas kan ko Del
\p
\v 14 Trudin tumen te trajin ando miro savorenca, čisto thaj sveto trajosa, kaj okola save naj svete či dićhena e Gospode. 
\v 15 Len sama te khonik či ačhel bi e Devlešći milost thaj te či inkljel varesosko ćerko koreno savo šaj ćerel nevolje thaj otrujil e buten. 
\v 16 Len sama te khonik či avel bludniko ili bidevlesko, sago o Isav, savo pale jek habe bićinda piro pravo sago prvo bijando. 
\v 17 Sago kaj džanen, posle godova kamlas te dobil e dadesko blagoslov, ali o dad odbisarda te del les, kaj našti promenisardas e dadešći odluka vi ako o blagoslov rodelas ande jasva.
\p
\v 18 Kaj, tumen či aviline sago e Izraelcurja angle gora savi šaj dotaknil pe thaj savi phabol ande jag. Či aviline po than kaj vladin e tama, e pomračina thaj e oluja, 
\v 19 ni anglo zvuko e trubako, ni anglo glaso savo gajda motholas lenđe kaj okola, save ašundine godova glaso, molinas te majbut či mothol lenđe. 
\v 20 Kaj našti podnesisardine okova so sas lenđe naredime: “Čak vi e životinja, ako dotaknil e planina, neka avel mudardi gajda kaj čhudena bara pe late.” 
\v 21 A o prizori sas gajda strašno kaj o Mojsije phendas: “Dar si manđe thaj izdrav!”
\p
\v 22 Tumen naprotiv, aviline ke Sionsko gora, ko gav e džude Devlesko, e nebesko Jerusalimešće thaj e bute milje anđelenđe po svečano skupo. 
\v 23 Aviline ando zajedništvo ke Devlešće prvo bijande čhavra, savenđe alava si ramome po nebo. Aviline anglo Del savo si sudija savorenđe thaj angle duhurja okolenđe save si pravedne save si ćerde te aven savršene. 
\v 24 Aviline anglo Isus, savo si posredniko palo Nevo savez, thaj anglo poškropime rat savo phenel majzurale katar o rat e Aveljesko.
\p
\v 25 Len sama te na odbin Okoles savo mothol. Kaj, ako či našline okola save odbisardine te čhon kan ke okova savo opomenisarda len pe phuv, sar našasa amen ako boldas men katar Okova savo opomenil amen katar o nebo? 
\v 26 Lesko glaso askal ćhinola e phuv, a akana del amen akava obećanje: “Još jekhvar ćhinova na samo e phuv nego vi o nebo.” 
\v 27 Akava “još jekhvar” sikavel kaj nestanila okova so šaj te ćhinolpe, godova si okova so si stvorime, te ačhel okova so našti ćhinolpe.
\p
\v 28 Zato kaj primis o carstvo savo našti ćhinolpe, trubul te avas zahvalne thaj te služis e Devlešće gajda sar si lešće milo, ando poštovanje thaj e dar. 
\v 29 Kaj, amaro Del si e jag savi phabarel.
\c 13
\s Završne opomene
\p
\v 1 Neka tumari phralenđi ljubav vi majdur vladil maškar tumende. 
\v 2 Na bistaren te aven gostoljubive e stranconenđe kaj varesave gajda ugostisardine e anđelen, a te godova či ni džanenas. 
\v 3 Den tumen gođi ke okola save si ande tamnica, sago kaj sen vi tumen okote lenca. Den tumen gođi ke okola save si zlostavime, sago kaj sen vi tumen lenca zlostavime.
\p
\v 4 O trajo maškar o rom thaj e romnji neka savora poštuin, a o rom thaj e romnji neka aven verne jek avrešće, kaj o Del osudila e bludnikonen thaj e preljubnikonen. 
\v 5 Na aven okola save volin e love, nego aven zadovoljne okoleja so si tumen. Kaj, o Del phendas:
\b
\q1 “Nikada či napustiva tut,
\q2 nikada či mukava tut.”
\b
\m
\v 6 Zato ando pouzdanje šaj phenas:
\b
\q1 “O Gospod si mungri pomoć, zato či darava.
\q2 So šaj ćerel manđe o manuš?”
\b
\p
\v 7 Den tumen gođi ke tumare vođe save propovedinas tumenđe e Devlesko alav. Gndin sar von trajinas thaj sar muline thaj pouzdin tumen ando Del sago vi von.
\p
\v 8 O Isus Hrist si isto vi araći, vi ađes thaj pale uvek.
\p
\v 9 Na den tumen te aven hohade katar o razno averengo sikavipe. Kaj, o ilo si lačhe te zurjarelpe ande milost, a na e obredne habenca katar save nas korist okolen save hanas len. 
\v 10 Amen si žrtveniko katar savo či troman te han okola save služin ando Šator.
\p
\v 11 O baro rašaj ande Svetinja pe svetinje anel o rat e životinjengo sago žrtva palo bezeh, ali e životinjenđe telurja den pe jag avrjal o tabor. 
\v 12 Zato vi o Isus trpilas avrjal e gavešće vudarestar, te posvetil e theme pire ratesa. 
\v 13 Zato hajde te džas leste avrjal o tabor, thaj te inđaras lesa lesko ladžavo. 
\v 14 Kaj amen akate naj gav savo ačhel pale uvek, nego ažućaras okova gav savo avela. 
\v 15 Kroz leste, dakle, či ačhas te das žrtva zahvalnica e Devlešće, plodo e vuštengo savo ispovedin lesko alav.
\p
\v 16 Thaj na bistaren te ćeren lačhipe thaj te delin tumaro lačhipe averenca, kaj kasave žrtve si ugodne e Devlešće! 
\v 17 Čhon kan ke tumare vođe thaj aven lenđe podložne, kaj von džugade len sama pe tumare duše sago okola save dena računo pale lende. Zato dićhen te von ćeren godova e bahtasa, a na e žalimava ando ilo. Godova ni tumenđe či avilosas korisno.
\p
\v 18 Molin tumen pale amende, kaj sam uverene kaj si amen čisto savest thaj kamas te ande sa lačhe ponaši men. 
\v 19 Naročito moliv tumen te molin tumen te so majsigo boldav man tumenđe.
\p
\v 20 A neka o Del e mirosko, savo zbog o rat e večno savezosko vazdas andar e mule amare Gospode Isuse, e bare Pastires e bakhrenđe, 
\v 21 osposobil tumen svako lačhipeja te izvršin lešći volja thaj neka ande amende ćerel okova so si lešće ugodno, kroz o Isuso Hristo kašće slava pale uvek. Amin.
\p
\v 22 Moliv tumen, phralalen, te prihvatin akala alava sago ohrabrenje, kaj čače ukratko ramosardem tumenđe.
\p
\v 23 Kamav te džanen kaj amaro phral o Timotej si oslobodime andar o phanglipe. Ako uskoro aresela, avava lesa tumende.
\p
\v 24 Pozdravin sa tumare vođen thaj sa e Devlešće manušen. Pozdravin tumen savora akatar andar e Italija. 
\v 25 Milost tumenca savorenca!