\id 3JN - Romani Čergaš Biblija (RČB)
\ide UTF-8
\h 3. Jovanesko
\toc1 E Jovanesko trito lil
\toc2 3. Jovanesko
\toc3 3. Jn
\mt E Jovanesko trito lil
\c 1
\s Pozdrav
\p
\v 1 Me o Jovano o starešina, ramov e Gajošće saves čače but voliv.
\p
\v 2 Drago mungro drugarina, moliv man te aves sasto thaj te ande sa avel tuće lačhe sago kaj si lačhe ćire dušaće. 
\v 3 Kaj but raduisajlem kana aviline varesave phral thaj mothodine amenđe pale ćiri vernost ando čačipe, sago kaj vi trajis ando čačipe. 
\v 4 Pale mande naj majbari bah, nego kana ašunav kaj mungre duhovne čhavra trajin ando čačipe!
\s Briga pale Devlešće radnikurja
\p
\v 5 Drago mungro drugarina, verno san ande sa so ćeres pale phrala, saven čak či ni pindžares. 
\v 6 Godola phral angle khanđiri mothonas pale ćire ljubav. Lačhe ćereja te dijan len so trubula len po drom sago kaj si dostojno anglo Del. 
\v 7 Kaj von teljardine po drom zbog o Hristosko alav thaj khanči či kamen te len katar okola kaj či pindžaren e Devles. 
\v 8 Amen sam dakle udžile te sikavas lenđe gostoprimstvo, te avas suradnikurja palo čačipe.
\p
\v 9 Ramosardem vareso e khanđirjaće, ali o Diotref, savo kamel te avel prvo maškar lende, či kamel te primil men. 
\v 10 Zato mothava lešće, te avilem, palo bilačhipe savo ćerel thaj pale bilačhe alava save mothol ando dilipe pale amende. Ali ni godova naj lešće dosta, nego sar vo korkoro či kamel te primil e phralen, gajda či mućel godova ni okolenđe save godova kamlinesas thaj andar godova tradel len andar e khanđiri.
\p
\v 11 Drago mungro drugarina, na dik sar ćerdanas bilačhipe, nego ćer okova so si lačhipe. Ko ćerel lačhipe, katar o Del si, a ko ćerel bilačhipe, či dikhla e Devle. 
\v 12 Palo Dimitrija savora šukar mothon, a vi o čačipe šukar mothol pale leste. Vi amen šukar mothos pale leste, a tu džanes kaj amen phenas okova so si čačipe.
\p
\v 13 Si man još but godova te phenav tuće, ali či kamav prekal o lil. 
\v 14 Nego nadiv man kaj sigo dikhav tut thaj kaj askal ćerasa svato jakha ande jakha.
\p
\v 15 Miro e Devlesko tusa.
\p Pozdravin tut e drugarja!
\p Pozdravisar amare drugaren svakones po alav.