\id 2TI - Romani Čergaš Biblija (RČB)
\ide UTF-8
\h 2. Timotej
\toc1 Dujto lil e Timoteješće
\toc2 2. Timoteješće
\toc3 2. Tim
\mt E Pavlesko dujto lil e Timoteješće
\c 1
\s Uvod thaj o pozdrav
\p
\v 1 Akava si lil savo ramosarda o Pavle, apostol e Isuse Hristosko savo si bičhaldo e Devlešće voljasa, te navestil o trajo savo o Del obećisarda kroz o paćipe ando Isuso Hristo.
\p
\v 2 Mungre voljeno čhavešće e Timoteješće: Milost tuće, milosrđe thaj miro katar o Del o Dad thaj katar o Isus Hristo amaro Gospod.
\s Zahvala e Devlešće
\p
\v 3 Timoteje, zahvalno sem e Devlešće, savešće služiv ando čisto savest sago vi mungre pradada, dok dav man gođi tute ande mungre molitve e đesenca thaj e raćenca. 
\v 4 Kana dav man gođi ke ćire jasva, astarel man e želja te dikhav tut thaj te razveseliv man.
\p
\v 5 Dav man gođi ke ćiro iskreno paćipe savo si tut ando Del – sago kaj sas majprvo ćire mamija e Loida, a askal vi ćire deja e Evnika. Uvereno sem kaj vi tut akana si kasavo paćipe. 
\v 6 Zato dav tut gođi te raspiris o duhovno daro savo dija tut o Del kana čhutem mungre vas pe tute. 
\v 7 Kaj o Del či dija men Duho te avas darane, nego dija men Duho savo del amen snaga, ljubav thaj razboritost.
\p
\v 8 Na ladža te svedočis palo amaro Gospod, niti pale mande, vi ako sem ando phanglipe! Av spremno te trpis manca zbog godova kaj navestis e Bahtali nevimata. O Del dela tut snaga pale godova. 
\v 9 Vo spasisarda men thaj akharda amen te trajisaras e sveto trajosa – na zato kaj godova zaslužisardam amare delenca, nego zato kaj godova sas lesko naum još katar o večnost te del amen piri milost ando Isus Hristo. 
\v 10 Akana sa godova objavisarda amenđe sar avilo amaro Spasitelj o Isuso Hristo, savo uništisardas o smrto thaj ćerda te zasjail o trajo thaj o bimeripe kroz e Bahtali nevimata. 
\v 11 O Del čhuta man te avav propovedniko, apostol thaj sikavno e Bahtale nevimatako. 
\v 12 Zbog godova vi trpiv sa akava. Ali či ladžav katar godova, kaj pindžarav okoles ande savo pouzdiv man thaj sigurno sem kaj Vo šaj araćhel okova so si manđe poverime dži ke okova đes.
\p
\v 13 O uzor neka avel tuće o lačho sikavipe savo mandar ašundan ando paćipe thaj volipe ando Isuso Hristo. 
\v 14 Lačhe arakh o dragoceno lačhipe savo si tuće poverime pomoću e Sveto Duhosa savo trajil ande amende.
\p
\v 15 Sago kaj džanes, sa andar e Cikni Azija boldine mandar e zeja – maškar lende si vi o Figel thaj o Ermogen.
\p
\v 16 Neka o Gospod sikavel pesko milosrđe e Onisiforošće familijaće kaj često ohrabrilas man thaj či ladžalas mandar kaj sem ando phanglipe. 
\v 17 Naprotiv, kana vo sas ando Rimo, brižljivo roda man thaj arakhla man. 
\v 18 Neka o Gospod del les piro milosrđe ande godova đes. Tu lačhe džanes pe kozom but načinurja vo pomožisarda man ando Efes.
\c 2
\s E Hristosko lačho vojniko
\p
\v 1 A tu Timoteje, čhaveja, zuravo ande milost savi del amen o Isuso Hristo! 
\v 2 Okova so ašundan mandar angle but e svedokurja, godova poverisar e paćivale manušenđe save avena sposobne avren te sikaven. 
\v 3 Delisar manca o pharipe sago lačho vojniko e Isuse Hristosko! 
\v 4 Khonik savo služil sago vojniko thaj kamel te ugodil pire zapovednikošće, či hamil pe ande svako đesešće trajošće buća. 
\v 5 Thaj ako vareko takmičil pe, či dobila e nagrada ako či takmičil pes pe pravila. 
\v 6 O zemljoradniko savo naporno ćerel bući trubul prvo te uživil ande plodurja pire trudošće. 
\v 7 Gndisar pe godova so phenav tuće! O Gospod dela tut te sa haćares.
\p
\v 8 Zapamtisar o Isuso Hristo savo uštilo andar e mule, savo si e Davidesko potomko, prema e Bahtali nevimata savi propovedisarav. 
\v 9 Pale late trpiv nevolje ande okurja sago kaj sem varesosko zločinco. Ali te sem me ande okurja, e Devlesko alav našti te avel okuime! 
\v 10 Spremno sem sa te trpiv pale okola saven o Del odabirisarda te isto gajda postignin o spasenje thaj večno slava ando Isuso Hristo.
\p
\v 11 Akava si sigurno čačipe:
\b
\q1 Te mulam e Isuseja,
\q2 lesa vi trajisarasa.
\q1
\v 12 Ako nastavisaras te trpisaras nevolje,
\q2 lesa vi caruisarasa.
\q1 Ako odrekni men lestar,
\q2 vi vo amendar odreknila pe.
\q1
\v 13 Ako sam lešće bipaćivale,
\q2 vo ačhela paćivalo
\q2 kaj vo našti odreknil pe korkoro pestar.
\s O radniko savo si potvrdime katar o Del
\p
\v 14 De gođi e manušen pe godova thaj upozorisar len anglo Del te na traden pe maškar pende zbog e alava. Kaj godova khanči či koristil, a po propast si okolenđe save čhon kan. 
\v 15 De sa tutar te sikaves tut anglo Del sago dostojno radniko saves naj sostar te ladžal, thaj savo ispravno inćarel o čačo alav. 
\v 16 Katar e bezbožne thaj dilivane svaturja le tut majdur kaj crden sa majbut ande bezbožnost. 
\v 17 Kasave alava si sago e putardi rana savi buljol. Maškar lende si duj manuša, o Imenej thaj o Filit. 
\v 18 Von dujrile katar o čačipe thaj tvrdin kaj o uštipe andar e mule već sas. Von godolesa crden varesaven katar o paćipe.
\p
\v 19 Ali e Devlesko čačipe ačhel čvrsto sago o temelji pe savo ramol: “O Gospod pindžarel okolen save si lešće” thaj “Ko god tvrdil kaj pripadil e Gospodešće nek lel pes majdur katar o bilačhipe.”
\p
\v 20 Ando barvalo ćher si vasurja ćerdine katar o sunakaj thaj katar o rup, ali vi katar o kaš thaj vi katar e glina. Jek koristin pe ande časne, a aver ande nečasne svrhe. 
\v 21 Ako o manuš šilavel pes katar sa godola bilačhe buća, avela posvetime, časno thaj koristime posuda pire Gospodešće, pripremime pale svako lačho delo.
\p
\v 22 Katar e ternikane požude naš! Dža pale, pravednost, paćipe, ljubav, miro, zajedno okolenca save čiste ilenca rode e Gospode! 
\v 23 Le tut majdur katar e dile thaj nerazumne rasprave, kaj džanes kaj godova anel samo čingara. 
\v 24 A o sluga e Gospodesko či tromal te hal pes, nego trubul te avel ljubazno prema savorende. Moraš te avel sposobno te sikavel thaj te avel strpljivo thaj te trpil o bilačhipe, 
\v 25 te ande blagost poučil e protivnikonen, sar o Del dijas len šansa te pokajin pe thaj te pindžaren o čačipe. 
\v 26 Thaj te aven peste, thaj len pes majdur andar e zamka e benđešći, savo zarobisarda len te ćeren lešći volja.
\c 3
\s Opasnost ande poslednjo vrjama
\p
\v 1 Akava zapamtisar Timoteje: ande poslednje đesa avela phari vrjama. 
\v 2 Kaj e manuša avena sebične thaj pohlepne pale love, avena ohole thaj barikane, vređona e Devle thaj avena neposlušne pire dadešće thaj pire dejaće, avena nezahvalne thaj khanči či avela lenđe sveto. 
\v 3 Avena bezosećajne, nepomirljive, okola save ogovorin, neopuzdane, surove, von či volina o lačhipe. 
\v 4 Avena izdajnikurja, okola save či gindin kana vareso ćeren, barikane, thaj majbut volina o užitko nego e Devle. 
\v 5 Ćerena pes kaj poštujin e Devle, ali či mućen te lešći sila promenil len. Le tut majdur katar kasave manuša! 
\v 6 Kasave si okola save crden pes ande ćhera thaj pridobin e manušnjen save si nestabilne thaj opteretime e bezahenca, savenca vladin e različite strasti. 
\v 7 Von uvek sićon, ali nikad či haćaren o čačipe. 
\v 8 Sago kaj o Janije thaj o Jamvrije usprotivisajle e Mojsijašće, gajda vi godola manuša usprotivisajle e čačipešće. Lenđe gođi si rumome thaj nepokorno ando paćipe. 
\v 9 Ali von či aresena gajda dur kaj savorenđe, lenđi dilimata avela jasno dikhlini sago kaj jasno sikhadili e dilimata katar o Janije thaj katar o Jamvirije.
\s E Pavlošće upute e Timoteješće
\p
\v 10 A tu Timoteje verno sledis mungro sikavipe, načino sar trajiv, mungro ciljo, mungro paćipe, mungri strpljivost, mungri ljubav, mungri istrajnost. 
\v 11 Džanes save progonstvurja thaj patnje sas man ande Antiohija, ande Ikonijum thaj ande Listra. Ali o Gospod andar sa izbavisarda man. 
\v 12 A vi savora save kamen te trajin pobožno ando Isuso Hristo, avena progonime. 
\v 13 E bilaćhe manuša thaj e varalice avena sa majgore thaj majgore, hohavena avren thaj vi korkoro avena hohade. 
\v 14 Ali tu Timoteje ačh ande okova so sićilan thaj ande soste san uverime, kaj svesno san kastar sićilan. 
\v 15 Thaj kaj katar o ciknipe pindžares e Svete lila, save dine tut mudrost te primis o spasenje po paćipe ando Isusu Hristo. 
\v 16 Svako si Sveto lil e Devlestar nadahnime thaj korisno palo sikavipe, te lel pe sama katar o bezeh, te ispravisaras e pogreške thaj te sikavel men sar te ispravno trajisaras, 
\v 17 te šaj e Devlesko manuš avel potpuno sposobno pale svako lačho delo.
\c 4
\p
\v 1 Dav tut solah anglo Del thaj anglo Isuso Hristo savo sudila e mulenđe thaj e džudenđe thaj pale godova kaj vo avel te vladil sago Caro: 
\v 2 propovedisar e Bahtali nevimata! Av spremno te ispunis ćiro zadatko vi kana si tuće zgodno vi kana si tuće nezgodno! Phen e themenđe so trubun te ćeren, opomenisar len kana grešin, ohrabrisar len strpljivo ande pouka. 
\v 3 Kaj avela e vrjama kana e manuša či kamena te čhon kan ko lačho sikavipe. Džana pale pire vlastite želje thaj pešće araćhena but aver sikavipe savo godila lenđe kanenđe. 
\v 4 Von boldena pire kan e čačipestar thaj džana pale hohamne paramiče. 
\v 5 Ali tu av ande sa godova trjazno. Podnesisar e patnja. Propovedisar e Bahtali nevimata. Potpuno ispunisar e dužnost savi dija tut o Del.
\s E Pavlešće poslednje alava
\p
\v 6 A so si dži mande, mungro trajo uskoro avela dino sago žrtva, thaj avili e vrjama kana trubul te džavtar katar akava them. 
\v 7 Lačhe borisajlem palo mungro Gospod, e trka završisardem, o paćipe inćardem. 
\v 8 Pripremime si manđe o venco pravednosti savo o Gospod, o pravedno sudco, dela man po đes kana avela. Thaj na samo manđe nego savorenđe save čeznin palo đes kana pojavila pe.
\s E Pavlošće završne poruke thaj o pozdravurja
\p
\v 9 Timoteje, moliv tut, av so majsigo mande. 
\v 10 O Dimas mukla man kaj zavolisardas akava them thaj đelotar ando Soluno. O Kriskent đelotar ande e Galatija, a o Tit ande Dalmacija. 
\v 11 Manca si samo još o Luka. An tusa e Marko kana aveja, kaj si manđe korisno pale služba. 
\v 12 E Tihiko bičhaldem ando Efes. 
\v 13 Kana aveja, an manđe o ogrtači savo muklem ande Karposko ćher ande Troada. An vi e knjige, posebno okola save si ćerde katar e morči.
\p
\v 14 O kovači savo akhardol Aleksandar andas manđe but bi lačhipe. O Gospod poćinela lešće prema lešće dela. 
\v 15 Vi tu le tut lestar sama kaj but protivisajlo amare alavenđe save propovedisardam.
\p
\v 16 Ke mungri prvo odbrana po sudo, khonik nas uz mande. Savora mukline man. Neka o Gospod godova či lel lenđe pale doš! 
\v 17 Ali o Gospod sas manca thaj dija man snaga te propovediv e Bahtali nevimata ande sasti punina te ašunen okola save či pindžaren e Devle. Thaj izbavisarda man andar e lavosko muj. 
\v 18 O Gospod izbavila man katar svako bilačhipe thaj araćhela man pale piro nebesko carstvo. Neka si lešće slava ande veke vekurja. Amin.
\s Poslednjo pozdrav
\p
\v 19 Pozdravisar e Priska thaj e Akila thaj e Onisiforosko ćher. 
\v 20 O Erast ačhilo ando Korinto, a e Trofime nasvale muklem ando Milit. 
\v 21 Siđar te aves akaringal majsigo nego so avel o ivend. Pozdravin tut o Evulus, Pud, Lin, Klaudija, thaj sa e phral.
\p
\v 22 Neka o Gospod avel ćire duhosa.
\p Milost tumenca!