\id 3JN - Romani Arli Bible (RAB)
\ide UTF-8
\h 3. Jovan
\toc1 O trito lil e Jovanesoro
\toc2 3. Jovan
\toc3 3. Jn
\mt O trito lil e Jovanesoro
\c 1
\s Uvod
\p
\v 1 Me, o Jovan o starešina, pisinava e mangle Gajese, kas mangava ano čačipe.
\p
\v 2 Mangleja amala, molinav man tuće te ovel će šukar ko sa hem te ove sasto, sar soi šukar hem te dušaće. 
\v 3 Adalese so but radujinđum man kad ale nesave phralja hem vaćerde tari ti vernost e čačipnase – adalestar so tu živineja palo čačipe. 
\v 4 Maje nane po bari radost nego kad šunava so mle čhave živinena palo čačipe!
\s O Jovan hvalini e Gaje
\p
\v 5 Mangleja amala, verno injan ano sa so ćereja e phraljenđe, đi hem okolenđe kolai abanđije. 
\v 6 On e khanđirjaće vaćerde te mangipnastar. Šukar ka ćere te spreminđan len zako drom ađahar sar so valjani anglo Devel. 
\v 7 Adalese so on zbog o anav e Hristesoro lelje te džan ko drom hem na priminena nisavi pomoć e manušendar kola na džanen e Devlese. 
\v 8 Adalese amen valjani te pomožina esavkenđe, te šaj zajedno ćera buti zako čačipe.
\s E Diotrefestar hem e Dimitrijastar
\p
\v 9 Pisinđum nešto e khanđirjaće, ali o Diotref, kova mangela te ovel prvo maškar olende, na mangela te primini amen. 
\v 10 Adalese, te aljum, ka podsetinav le ko okova so ćerela, hem sar ogovorini amen bišukare lafencar. Hem adava nane lese dovoljno, nego ov korkoro na primini e phraljen, ni na mukela okolenđe kola mangena adava te ćeren hem ikali len tari khanđiri.
\p
\v 11 Mangleja amala, ma dikh tut upro bišukaripe, nego upro šukaripe. Ko ćerela šukaripe, ovi e Devlestar. Ko ćerela bišukaripe, ov na dikhlja e Devle. 
\v 12 E Dimitrijastar sare vaćerena sa najšukar – đi hem o čačipe složini pe adaleja, i ađahar hem amen vaćeraja sa najšukar olestar. A tu džane dai okova so amen vaćeraja čačipe.
\s Završna pozdravija
\p
\v 13 Pana but so isi man te phenav će, ali na mangava prekalo lil, 
\v 14 nego nadinav man da ka dikhav tut sigate, hem ka vaćera muj mujeja.
\p
\v 15 Mir tuja. Pozdravinena tut o amala! Hem tu pozdravin e amalen, đijekhe palo anav.