\id 2JN - Romani Arli Bible (RAB)
\ide UTF-8
\h 2. Jovan
\toc1 O dujto lil e Jovanesoro
\toc2 2. Jovan
\toc3 2. Jn
\mt O dujto lil e Jovanesoro
\c 1
\s Uvod hem pozdrav
\p
\v 1 Me, o Jovan o starešina, pisinava e gospođaće\f + \fr 1,1 \fr*\fq e gospođaće…čhavenđe \fq*\ft Akate mislini pe upri lokalno khanđiri hem upro lakere vernici.\ft*\f* kojai birimi e Devlestar hem lakere čhavenđe kolen mangava ano čačipe – hem na samo me nego hem sa okola kola pendžarena o čačipe – 
\v 2 zbog o čačipe savo živini ana amende hem savo ka ovel amencar zauvek.
\p
\v 3 Milost, milosrđe hem mir e Devlestar e Dadestar hem e Isuse Hristestar, e Dadesere Čhavestar, ka ovel amencar ano čačipe hem ano mangipe.
\s Te živini pe ano čačipe hem ano mangipe
\p
\v 4 But radujinđum man so maškaro te čhave arakhljum nesaven kola živinena palo čačipe, baš ađahar sar so priminđam i naredba e Dadestar. 
\v 5 I akana molinava tut, gospođo – a na pisinava će nesavi nevi naredba, nego isto okoja savi isi amen taro anglunipe – te manga jekh avere. 
\v 6 A akavai o mangipe: te živina palo e Devlesere naredbe. Hem sar so šunđen taro anglunipe, adaja naredbai: živinen ano mangipe.
\p
\v 7 Adalese so, ano sveto iklile but hovavne manuša kola na priznajinena da o Isus Hrist alo ano telo. Đijekh esavkoi hovavno hem antihrist. 
\v 8 Arakhen tumen te na našalen okova zako so ćerđam buti, nego te priminen pherdeste i plata. 
\v 9 Đijekh kova na ačhola ano sikaviba e Hristesoro, nego cidela pe olestar, nane le e Devle. A ko ačhola ano adava sikaviba, isi le hem e Dade hem e Čhave. 
\v 10 Te neko avela tumende, a na anela adava sikaviba, ma priminen le ano čher hem ma pozdravinen le. 
\v 11 Adalese so, ko pozdravini le, učestvujini ano lesere bišukar delja.
\s Završna pozdravija
\p
\v 12 Pana but so isi man te phenav tumenđe, ali na mangava prekalo lil, nego nadinav man da ka avav tumende hem muj mujeja tumencar te vaćerav. Ađahar amari radost ka ovel pherdi.
\p
\v 13 Pozdravinena tut o čhave te phenjakere kojai birimi e Devlestar.