\id NAM – ESR Marek Olah Unicode
\ide UTF-8
\h Nahum
\toc1 O Nahum
\toc2 Nahum
\toc3 Nah
\mt1 O Nahum
\c 1
\p
\v 1 O prorocko lav pal o Ninive. O zvitkos pal o viďeňje le Nahumoskro andral o Elkoš.
\s1 Le RAJESKRI choľi pro Ninive
\q1
\v 2 O RAJ hino žjarlivo Del, savo trestinel;
\q2 o RAJ hino pomsťiťeľis a hin les pherdo choľi.
\q1 O RAJ visarel pale olenge, ko pre leste džan,
\q2 a počinel la choľaha peskre ňeprijaťeľenge.
\q1
\v 3 O RAJ na choľisaľol sig, ale hin les bari zor
\q2 a na mukela le viňikos bi o trestos.
\q1 Andre bari balvaj the andre burka hin leskro drom,
\q2 a e chmara hin prachos tel leskre pindre.
\q1
\v 4 Pre leskro prikazis o moros šučol avri
\q2 a the savore paňa –
\q1 o Bašan the o Karmel šučon avri
\q2 a the o libanoňika kvitki.
\q1
\v 5 O verchi angle leste razisaľon
\q2 a o brehi rozdžan;
\q1 izdral angle leste e phuv,
\q2 o svetos the sako, ko andre bešel.
\q1
\v 6 Ko šaj ľikerel avri leskri choľi?
\q2 Ko šaj obačhel angle leskri bari choľi?
\q1 Peskri choľi čhivel avri sar jag;
\q2 a o skali angle leste pharon pro kotora.
\q1
\v 7 O RAJ hino lačho,
\q2 chraňinel peskre manušen andre oda džives, sar lenge hin phares.
\q1 Pridžanel pes ke ola,
\q2 ko pes ke leste denašen te garuvel.
\q1
\v 8 Le bare paňeha zňičinela o foros Ninive
\q2 a peskre ňeprijaťeľen tradela andro kaľipen.
\b
\q1
\v 9 So plaňinen pro RAJ?
\q2 Ov tumen zňičinela pro jekhvar,
\q2 na kampela leske dujtovar te demel.
\q1
\v 10 Avena zachudle andro trňi
\q2 našľona sar e mol le pijakenge;
\q1 calkom zlabona
\q2 sar o šuko phus.
\q1
\v 11 Se andral tu, Ninive, avľa avri o bijedevleskro radcas,
\q2 savo plaňinelas o nalačhipen pro RAJ.
\b
\p
\v 12 Kada phenel o RAJ peskre manušenge, le Izraelitenge:
\q1 „Kajte hine o Asirčana zorale a hine but,
\q2 ena zňičimen a našľona.
\q1 Mire manušale, te tumen trapinavas,
\q2 imar tumen na trapinava.
\q1
\v 13 Akana phagerava lengro jarmos pal tumari meň
\q2 a čhingerava tumare lanci.“
\b
\q1
\v 14 O RAJ diňa avri pre tute, Ninive, kada lav:
\q2 „Imar tut na ena čhave, save ľigendehas tiro nav!
\q1 Zňičinava le modlen the le sochen andral o chramos tumare devlengro;
\q2 pripravinava tuke o hrobos,
\q2 bo na sal lačho pre ňisoste.“
\s1 E lačhi sprava prekal e Judsko
\q1
\v 15 Dikh, pro verchos hine o pindre le posloskre,
\q2 savo anel e lačhi sprava a phenel: „Smirom tumenge!“
\q1 Oslavin, Juda, tire inepi
\q2 a doľikerel tire lava, so diňal.
\q1 Imar šoha pre tute na avela o nalačho manuš;
\q2 hino calkom zňičimen!
\c 2
\s1 O Ninive ela zňičimen
\q1
\v 1 O zhubcas avel pre tute, Ninive.
\q2 Stražin o hrados a pozorin o drom!
\q1 Pripravin tut pro mariben
\q2 a skide upre savori zor!
\b
\q1
\v 2 Se o RAJ obnovinela le Jakoboskri slava
\q2 sar e slava le Izraeloskri;
\q1 kajte o zhubci len zňičinde
\q2 a phagerde lenge o konara andro viňici.
\b
\q1
\v 3 O šťiti leskre hrďinengre hine lole;
\q2 o bojovňika hine urde andro šarlatos.
\q1 O trastune verdana bľišťisaľon andre oda džives,
\q2 sar pes skiden upre,
\q2 a o kopiji razisaľon.
\q1
\v 4 O verdana džan igen dzivones pal o uľici
\q2 a traden pal o pľaci andro foros.
\q1 Dičhon avri sar o jagale fakľi
\q2 a predžan sar o bleski.
\b
\q1
\v 5 O Ninive zvičinel peskre nekfeder slugaďen,
\q2 ale o pindre lenge poddžan pal o drom.
\q1 Siďaren ko hradbi
\q2 a ačhaven o šťiti pre ochrana.
\q1
\v 6 O ňeprijaťeľis phundravel o brani le paňeskre,
\q2 vašoda o palacis perel tele.
\q1
\v 7 Čhiven tele o gada pal e kraľovna
\q2 a ľidžan la andro otroctvos.
\q1 Lakre služki roven sar o holubici
\q2 a maren pes andro koľina.
\q1
\v 8 Sar o paňi čuľal avri andral o jazeros,
\q2 avke o manuša denašen het andral o Ninive.
\q1 Vareko vičinel: „Ačhen, ačhen!“
\q2 Ale ňiko pes na obdikhel palal.
\q1
\v 9 Čoren o rup,
\q2 čoren o somnakaj!
\q1 Hin ode igen but barvaľipen
\q2 the o pokladi savore vzacne vecendar.
\q1
\v 10 Na ačhiľa ňič, savoro ile het,
\q2 sa hin zňičimen!
\q1 O jile predaran a o khoča poddžan,
\q2 savoredžene izdran
\q2 a savore muja parňon avri.
\b
\q1
\v 11 Kaj hin akana oda foros, so sas sar o than le ľevengro?
\q2 Oda than kaj o terne ľevi džanas te chal,
\q2 o than kaj avenas o ľevos the e ľevica
\q2 a o ľevocis sas ode bi e dar.
\q1
\v 12 O ľevos čhingerelas but korisť peskre ciknenge;
\q2 tasavelas le džviren peskre ľevicenge;
\q2 peskri jama peske pherarelas oleha, so chudelas;
\q2 le čhingerde maseha peskro than.
\b
\q1
\v 13 „Me džav pre tute, Ninive“
\q2 phenel o Nekzoraleder RAJ.
\q1 „Zlabarava tire maribnaskre verdana,
\q2 ačhela lendar ča thuv,
\q2 a tire terne ľeven chala e šabľa.
\q1 Na mukava andre tiri phuv ňič, so iľal avrenge,
\q2 a o hangos tire poslengro imar na šunďola.“
\c 3
\s1 Vigos le foroske Ninive
\q1
\v 1 Vigos kale foroske!
\q2 Murdarel le manušen, furt ča klaminel;
\q1 hino pherdo le čorde vecenca;
\q2 šoha na preačhel te čorel.
\q1
\v 2 O bičos pukinel a o kereki šunďol;
\q2 o graja aven sig a o verdana džan dzivones.
\q1
\v 3 O jazdci pes mukle pro mariben;
\q2 o šabľi the o kopiji bľišťisaľon.
\q2 But džene hine murdarde, pherdo mule džene pro kopi.
\q1 Ajci mule manuša, hoj pes na den aňi te zgenel;
\q2 le manušenge pre lende poddžan o pindre.
\q1
\v 4 Kada savoro pes ačhela
\q2 vaš o baro lubipen le foroskro Ninive, ola lubňakro,
\q2 savi džanelas dojekhes te očarinel peskre šukaribnaha,
\q1 savi pricirdelas le naroden peskre lubipnaha
\q2 a le nipen peskre čarenca.
\b
\q1
\v 5 „Me džav pre tu, Ninive“
\q2 phenel o Nekzoraleder RAJ.
\q1 „Hazdava tuke upre e rokľa dži o muj;
\q2 sikavava le narodenge tiro langipen
\q2 a le kraľišagenge tiri ladž.
\q1
\v 6 Čhivava pre tute o džungipen,
\q2 kerava tuke ladž anglo manuša,
\q2 anava tut avri pro čudos.
\q1
\v 7 Sako, ko tut dikhela,
\q2 denašela tutar a phenela:
\q1 ‚O Ninive hino zňičimen! Ko pal leste rovela?‘
\q2 Kaj tuke te rodel olen, ko tut poťešinena?“
\b
\q1
\v 8 Či sal tu feder sar o foros Tebi\f + \fr 3,8 \fr*\ft E hebrejiko čhib: No-amon\ft*\f* paš o Nil,
\q2 pašal savo sas pherdo paňa?
\q1 O moros sas leskri ochrana
\q2 a o paňa leskro muros;
\q1
\v 9 o zoralo Kuš the o Egipt sas leskri ňekoňečno zor,
\q2 o Put the e Libija sas leske pre pomoca.
\q1
\v 10 The avke sas kada foros zailo
\q2 a geľa andro otroctvos.
\q1 The leskre čhave sas rozčhingerde
\q2 pro agora savore uľicengre.
\q1 Vaš leskre vodci pes losinelas
\q2 a savore leskre anglune murša sas zaphandle le lancenca.
\q1
\v 11 The tu, Ninive, mačoha;
\q2 džaha tut te garuvel
\q2 a kameha te denašel tire ňeprijaťeľiske.
\b
\q1
\v 12 Savore tire pevnosťi hine sar o figovňika,
\q2 pre save hin o ešebna figi.
\q1 Te pes lenca razinel,
\q2 peren andro muj oleske,
\q2 ko kamel te chal.
\q1
\v 13 Tire slugaďa hine sar čhajora;
\q2 o brani tira phuvakre hine phundrade le ňeprijaťeľenge,
\q2 bo e jag zlabarďa lengre zavori.
\b
\q1
\v 14 Hordin tuke akana o paňi,
\q2 bo aveha obkľučimen,
\q2 a zoraľar tuke tire pevnosťi!
\q1 Rozker e čik, ker tuke malta
\q2 ker tuke cehli,
\q2 hoj te zoraľares tire hradbi!
\q1
\v 15 No the avke tut zlabarela e jag a čhinela e šabľa;
\q2 zlabarela tut sar le kobilken.
\q1 Kajte san but sar kobilki,
\q2 but sar o maľakre grajora!
\q1
\v 16 Tire kupci hine buter sar o čercheňa pro ňebos,
\q2 ale akana džan het;
\q2 hine sar o kobilki, so chan avri e maľa a odľecinen.
\q1
\v 17 Tire vodci hine sar kobilki
\q2 a tire veľiťeľa sar kopa maľakre grajora,
\q2 so ačhen garude andro ohradi, sar hin šil;
\q1 ale sar avel o kham avri, ľecinen het,
\q2 a ňiko na džanel kaj.
\b
\q1
\v 18 Kraľina andral e Asirija, tire pasťjera zasute
\q2 a tire vodci peske pašľile tele.
\q1 Tire manuša hine roztradle pro verchi
\q2 a nane ko len te skidel upre.
\q1
\v 19 Našťi te sasťarel avri tiri dukh;
\q2 tiri rana hiňi igen bari.
\q1 Dojekh, ko šunela o hiros pal tute,
\q2 tuke radisaľola, hoj peľal,
\q1 bo na sas ňiko, ko na dopeľa pre tiro nalačhipen,
\q2 savo na preačhehas te kerel.