\id JAS - Rakhine Bible Translation
\usfm 3.0
\ide UTF-8
\ide 65001 - Unicode (UTF-8)
\h ယာကုပ်
\toc1 ယာကုပ်ပါးမှ ပီးစာ
\toc2 ယာကုပ်
\toc3 ယာ
\mt1 ယာကုပ်
\mt2 ယာကုပ်ပါးမှ ပီးစာ
\imt နိဒါန်း
\im \bk ယာကုပ်ပါးမှ ပီးစာ\bk*သည် ယာကုပ်ကိုယ်တိုင် ရီးသားခသောစာဖြစ်၏။ သူသည် ကနဦးအသင်းတော်၏ ခေါင်းဆောင်တစ်ယောက် ဖြစ်သည့်အပြင် ယေရုဆလင်မြို့တော်ကောင်စီ၏ အဖွဲ့ဝင်တစ်ယောက်ဖြစ်သော ယေသျှု၏ညီတော် ယာကုပ် ဖြစ်နိုင်၏ (\xt တ ၁၅.၁၃\xt*)။ တမန်တော်ပေါလု၏ ဂလာတိအသင်းတော်သို့ ပီးသော စာစောင် ၂.၉ တွင် သူ့ကို အသင်းတော်၏ အရေးပါသော သူတစ်ယောက်ဟု ပြောဆိုထား၏။ ဤစာကို ခရစ်တော်မွီးဖွားပြီးနောက် နှစ် ၅၀ အကြာခန့်တွင် ရီးသားခကြောင်း ပညာသျှင်ရို့က ယုံကြည်ထားကြ၏။ ယာကုပ်သည် ယေရုဆလင်မြို့အသင်းတော်၏ ခေါင်းဆောင်တစ်ဦး ဖြစ်သောကြောင့် ထိုမြို့၌ နီထိုင်စဉ်တွင် ဤစာစောင်ကို ရီးသားခခြင်း ဖြစ်နိုင်၏။
\ip ယာကုပ်သည် မိမိ၏စာစောင်ကို “နိုင်ငံအရပ်ရပ်၌ ပြန့်နှံ့လျက်ဟိကြသော လူမျိုး ၁၂ မျိုး” ကို ရည်ညွန်းရီးသားထားခြင်းဖြစ်၏ (\xt ၁.၁\xt*)။ သို့သော်လည်း ယာကုပ်ထံမှ ပီးစာ၏ သင်ခန်းစာများသည် ခရစ်ယာန်အားလုံးနှင့် သက်ဆိုင်ပေ၏။ သို့ရာတွင် “လူမျိုး ၁၂ မျိုး” ဟု ဖော်ပြထားသော စကားလုံးများအရ ယာကုပ်သည် ယုဒလူမျိုး ခရစ်ယာန်တိကို တိုက်ရိုက် ရီးသားလိုက်ခြင်း ဖြစ်၏။ အကြောင်းမူကား ဤစာအုပ်သည် စာဖတ်ပရိသတ်များစွာကို ရည်ရွယ်ထားသောကြောင့် ခေါင်းစဉ်များစွာဖြင့် ဖော်ပြထားသောကြောင့်ဖြစ်၏။ ဤစာအုပ်၌ ယာကုပ်သည် ယုံကြည်ခြင်းနှင့် အကျင့်၏ အပြန်အလှန်ဆက်စပ်မှုကို ပေါ်လွင်အောင် ရီးသားထား၏။ စစ်မှန်သောယုံကြည်ခြင်းသည် အကျင့်အားဖြင့်သာ ထင်ရှားပေလိမ့်မည် (\xt ၂.၁၇\xt*)။ သူက လူချမ်းသာတိကို မျက်နှာမလိုက်ရန်လည်း သတိပီးထားသည် (\xt ၂.၁–၄\xt*)။ ထို့နောက် အပြောအဆိုတိကို သတိထားကြရန်လည်း ငါရို့ကို ဆုံးမထား၏ (\xt ၃.၁–၁၂\xt*)။
\iot အကြောင်းအရာ အကျဉ်းချုပ်
\io1 ၁။ ယာကုပ်သည် သူ၏ စာဖတ်ပရိသတ်များကို နှုတ်ဆက်ခြင်း \ior (၁.၁)\ior*
\io1 ၂။ ထို့နောက် ခရစ်ယာန်များ ဆင်းရဲဒုက္ခ ခံကြရသောအခါ သည်းခံကြရန် အားပီးတိုက်တွန်းထားခြင်း \ior (၁.၂–၂၇)\ior*
\io1 ၃။ ထို့အပြင် သူက ယုံကြည်ခြင်းကို အကျင့်ဖြင့် ဖော်ပြရန် လိုအပ်ကြောင်း ဆုံးမထားခြင်း \ior (၂.၁–၂၆)\ior*
\io1 ၄။ တဖန် တန်ခိုးကြီးသော နှုတ်ကပတ်တော်သည် ဇာပိုင် လုပ်ဆောင်နိုင်ကြောင်းကို ပြောပြထားခြင်း \ior (၃.၁–၁၂)\ior*
\io1 ၅။ ဘုရားသခင်၏ပညာသည် လောကီပညာနှင့် ခြားနားကြောင်းကို ယာကုပ်က ယှင်းပြထားခြင်း \ior (၃.၁၃—၄.၁၀)\ior*
\io1 ၆။ တဖန် စာဖတ်ပရိသတ်အား ကြွားဝါခြင်းကို ယှောင်ယှားကြရန် သတိပီးထားခြင်း \ior (၄.၁၁—၅.၆)\ior*
\io1 ၇။ အခန်း ၅ တွင် ယာကုပ်သည် ညွှန်ကြားချက်အချို့ကို ပီးထားကာ ဤစာစောင်ကို နိဂုံးချုပ်ထားခြင်း \ior (၅.၇–၂၀)\ior*
\ie
\c 1
\po
\v 1 \x - \xo ၁.၁ \xo*\xt မ ၁၃.၅၅; မာ ၆.၃; တ ၁၅.၁၃; ဂလာ ၁.၁၉\xt*\x*ဘုရားသခင်နှင့် ငါရို့၏အသျှင် ယေသျှုခရစ်တော်၏ အခိုင်းအစီတစ်ယောက်ဖြစ်သော ငါ ယာကုပ်သည်၊
\po အရပ်ရပ်၌ ကွဲပြားပြန့်နှံ့နိန်ကြသော လူမျိုးနွယ် ၁၂ စု ရို့အား နှုတ်ဆက်လိုက်ပါ၏။
\s ယုံကြည်ခြင်းနှင့် ဉာဏ်ပညာ
\p
\v 2 ငါ့ညီအစ်ကို မောင်နှမရို့၊ သင်ရို့သည် အမျိုးမျိုးသော စုံစမ်းနှောင့်ယှက်ခြင်းကို ရင်ဆိုင်ကြုံတွိ့ကြရသောအခါ ဧကန်အမှန် ဝမ်းမြောက်စရာ ဖြစ်သည်ဟု မှတ်ယူကြလော့။ 
\v 3 အကြောင်းမူကား သင်ရို့၏ယုံကြည်ခြင်းကို စမ်းသပ်ခြင်းသည် သည်းခံခြင်းကို တိုးပွားစီတတ်သည်ကို သင်ရို့ သိကြ၏။ 
\v 4 သင်ရို့သည် အလျှင်း မချို့တဲ့ဘဲ ရင့်ကျက်၍ ပြည့်စုံသောသူတစ်ယောက် ဖြစ်လာစီခြင်းငှာ အရာရာ၌ သည်းခံခြင်း ဟိကြလော့။ 
\v 5 သင်ရို့၌ မည်သူမဆို ဉာဏ်ပညာ မဟိလျှင် အပြစ်မမြင်ဘဲ အရာခပ်သိမ်းကို စေတနာစိတ်ထက်သန်စွာ ပီးတော်မူသော ဘုရားသခင်ထံ ဆုတောင်းကြလော့။ ကိုယ်တော်သည် ထိုသူအား ဉာဏ်ပညာကို ပီးတော်မူလိမ့်မည်။ 
\v 6 သို့ရာတွင် သူသည် သံသယမဟိဘဲ ယုံကြည်ခြင်းဖြင့် တောင်းရမည်။ အကြောင်းမူကား သံသယဟိသောသူသည် လီတိုက်ရာသို့ ရွိ့တတ်သော ပင်လယ်လှိုင်းနှင့် တူ၏။ 
\v 7 ထိုသူသည် ဘုရားသခင်ထံပါးမှ တစ်စုံတစ်ခုကိုမျှ ရလိမ့်မည်ဟု ထင်မှတ်စရာ မဟိပေ။ 
\v 8 ထိုသို့သောသူသည် စိတ်နှစ်ခွ ဟိသောသူ၊ မိမိပြုလေသမျှ၌ ဂနာမငြိမ်သောသူ ဖြစ်၏။
\s ဆင်းရဲခြင်းနှင့် ချမ်းသာခြင်း
\p
\v 9 နှိမ့်ချတတ်သော ညီအစ်ကို မောင်နှမရို့ ဘုရားသခင်သည် သင်ရို့အား ချီးမြှောက်သောအခါ ဂုဏ်ယူဝမ်းမြောက်ကြလော။ 
\v 10 သို့ရာတွင် ချမ်းသာသော ညီအစ်ကို မောင်နှမရို့ ဘုရားသခင်သည် သင်ရို့အား နှိမ့်ချသောအခါ၌လည်း ဂုဏ်ယူသင့်ပေ၏။ အကြောင်းမူကား ထိုချမ်းသာခြင်းသည် မြက်ပွင့်ကဲ့သို့ ကွယ်ပျောက်လားတတ်၏။ 
\v 11 နီသည် မိမိ၏အပူဟိန်နှင့် ထွက်လာသောအခါ ထိုမြက်ပင်သည် ညှိုးနွမ်းခြောက်သွိ့လားပြီးလျှင် ၎င်း၏အပွင့်သည်လည်း ကြွီကျ၍ ထိုအပွင့်၏ အလှတရားများသည်လည်း ပျက်စီးလားတတ်၏။ ထိုနည်းတူ ချမ်းသာသောသူရို့သည်လည်း မိမိရို့၏စီးပွားကို လုပ်ကိုင်လျက်နိန်စဉ်၌ပင် ဖျက်ဆီးခြင်းကို ခံရကြ၏။
\s စုံစမ်းခြင်းနှင့် သွီးဆောင်ခြင်း
\p
\v 12 စုံစမ်းစစ်ဆီးခြင်း၌ သည်းခံတတ်သောသူသည် မင်္ဂလာဟိ၏။ အကြောင်းမူကား ထိုသို့သော စုံစမ်းစစ်ကြောခြင်းကို အောင်မြင်သောသူသည် ဘုရားသခင်က မိမိကို ချစ်သောသူတိအား ကတိပီးထားတော်မူသည့် အသက်သရဖူကို ရလိမ့်မည်။
\p
\v 13 ဇာသူမဆို ဖျားယောင်းသွီးဆောင်ခြင်းကို ခံရသည့်အခါ “ဘုရားသခင်က မိမိအား သွီးဆောင်သည်” ဟု မပြောကတ်ကေ့။ အကြောင်းမူကား မကောင်းသောအမှုအရာအားဖြင့် ဘုရားသခင်ကို မသွီးဆောင်နိုင်။ ကိုယ်တော်သည်လည်း ဇာသူ့ကိုမျှ သွီးဆောင်တော်မမူ။ 
\v 14 သို့ရာတွင် စုံစမ်းသွီးဆောင်ခြင်းကို ခံရသောသူသည် မိမိတပ်မက်စိတ်၏ဆွဲဆောင်ရာသို့ လိုက်ပါခြင်းဖြစ်၏။ 
\v 15 တဖန် တပ်မက်သောစိတ်သည် ပဋိသန္ဓေ တည်၍ အပြစ်ကို မွီးဖွားတတ်၏။ အပြစ်သည်လည်း ကြီးပြင်းလာသောအခါ သီခြင်းတရားကို မွီးဖွားတတ်၏။
\p
\v 16 ငါချစ်သော ညီအစ်ကို မောင်နှမရို့၊ လှည့်ဖျားခြင်းကို မခံကတ်ကေ့။ 
\v 17 ကောင်းမြတ်၍ ပြီးပြည့်စုံသော လက်ဆောင်ဟူသည်ကား ကောင်းကင်ဘုံနှင့်ဆိုင်သော အလင်းကို ဖန်ဆင်းတော်မူသော ဘုရားသခင် ထံတော်ပါးမှ ဆင်းသက်လာခြင်းဖြစ်၏။ ထိုအဖ သည်ကား ရွိ့လျားတတ်သော အရိပ်ကဲ့သို့ ပြောင်းလဲနိန်သည်မဟုတ်။ 
\v 18 ကိုယ်တော်သည် မိမိဖန်ဆင်းတော်မူသော အရာအားလုံးတွင် အဦးသီးသောအသီးများ ဖြစ်လာစီရန် သမ္မာတရားနှင့်ဆိုင်သော နှုတ်ကပတ်တော်အားဖြင့် ငါရို့ကို မွီးဖွားစီခြင်းငှာ ရွီးချယ်တော်မူခ၏။
\s ကြားနာခြင်းနှင့် လုပ်ဆောင်ခြင်း
\p
\v 19 ငါချစ်သော ညီအစ်ကို မောင်နှမရို့၊ ဤအချက်ကို သိမှတ်ကြလော့။ လူတိုင်း နားထောင်ခြင်းကို ယင်ကတ်စီ။ စကားပြောခြင်းနှင့် အမျက်ထွက်ခြင်းကို နှေးကတ်စီ။ 
\v 20 အကြောင်းမူကား လူ၏ဒေါသအမျက်သည် ဘုရားသခင်နှစ်သက်သော ဖြောင့်မတ်ခြင်းတရားကို မရနိုင်။ 
\v 21 ထို့ကြောင့် ညစ်ညူးသောအကျင့်များနှင့် မကောင်းသောအမှု မှန်သမျှကို ဖယ်ယှား၍ သင်ရို့အထဲ၌ ထည့်သွင်းသော နှုတ်ကပတ်တော်ကို နူးညံ့သိမ်မွိ့သော စိတ်ဖြင့် ခံယူကြလော့။ ထိုနှုတ်ကပတ်တော်သည် သင်ရို့ကို ကယ်တင်နိုင်၏။
\p
\v 22 နှုတ်ကပတ်တော်ကို နားထောင်ရုံ မျှဖြင့် မိမိကိုယ်ကို လှည့်ဖျားသောသူများ မဖြစ်စီကြဘဲ၊ လက်တွိ့ ကျင့်သုံးသောသူတိ ဖြစ်စီကြလော့။ 
\v 23 မည်သူမဆို နှုတ်ကပတ်တော်ကို နားထောင်သော်လည်း လက်တွိ့မကျင့်သုံးသောသူသည် မိမိ၏ပကတိမျက်နှာကို မှန်၌ ကြည့်သော သူတစ်ယောက်နှင့် တူ၏။ 
\v 24 အကြောင်းမူကား ထိုသူသည် မိမိ၏ပုံပန်းသဏ္ဌာန်ကို ကြည့်ပြီးနောက် အဝီးသို့ ထွက်လားသည်နှင့် ချက်ချင်း မိ့လျော့လားတတ်၏။ 
\v 25 သို့ရာတွင် လွတ်မြောက်ခြင်းကို ပီးတတ်သော စုံလင်သည့် ပညတ်တော်ကို စိ့စိ့ကြည့်ရှုလျက် ထိုပညတ်တော်အတိုင်း ကျင့်သောသူသည် ကြားနာထားပြီးသော အရာများကို မိ့လျော့ခြင်းမဟိဘဲ၊ လက်တွိ့ လိုက်နာကျင့်သုံးသောသူဖြစ်၏။ ထိုသူသည် မိမိပြုသောအမှု၌ ကောင်းကြီးမင်္ဂလာကို ခံစားရလိမ့်မည်။
\p
\v 26 တစ်စုံတစ်ယောက်သည် မိမိကိုယ်ကို ဘာသာတရားကြည်ညိုသည်ဟု ထင်မှတ်လျက်၊ မိမိ၏လျှာကို မချုပ်တည်းလျှင် ထိုသူသည် မိမိကိုယ်မိမိ လှည့်ဖျားသောသူဖြစ်ပြီး သူ၏ ဘာသာတရားကြည်ညိုခြင်းသည်လည်း အချည်းနှီးသာဖြစ်၏။ 
\v 27 ငါရို့၏အဖ ဘုရားသခင် လက်ခံတော်မူသော ဘာသာတရားကြည်ညိုခြင်း ဟူသည်မှာ သန့်ယှင်းစင်ကြယ်၍ အပြစ်ကင်းခြင်း၊ ဆင်းရဲဒုက္ခရောက်နိန်ကြသည့် မိဖမဟိသော အသျှေတိနှင့် မုဆိုးမတိကို ကြည့်ရှုစောင့်ရှောက်ခြင်း၊ ကိုယ်တိုင်လည်း လောကီအညစ်အကြေးများနှင့် ကင်းစင်စီခြင်းပင် ဖြစ်၏။
\c 2
\s မျက်နှာလိုက်မှုကို သတိပီးခြင်း
\p
\v 1 ငါ၏ညီအစ်ကို မောင်နှမရို့၊ သင်ရို့သည် ငါရို့၏ဘုန်းတန်ခိုးတော်အသျှင် ဖြစ်တော်မူသော ယေသျှုခရစ်တော်၌ ယုံကြည်သောသူတိ ဖြစ်ကြသောကြောင့် သင်ရို့သည် လူ၏အပြင်ပန်းကို ကြည့်၍ မျက်နှာလိုက်ခြင်း မဟိကတ်ကေ့။ 
\v 2 သင်ရို့၏ဝတ်ပြုစည်းဝေးပွဲထဲသို့ ရွှီလက်စွပ်နှင့်တကွ တောက်ပြောင်သောအဝတ်ကို ဝတ်ဆင်ထားသော လူချမ်းသာတစ်ယောက်နှင့် ဟောင်းနွန်းသော အဝတ်ကို ဝတ်ထားသော သူဆင်းရဲတစ်ယောက် ဝင်လာကြသောအခါ၊ 
\v 3 သင်ရို့သည် တောက်ပြောင်သောအဝတ်ကို ဝတ်ဆင်ထားသောသူအား အရိုအသီပီးလျက် “သင်သည် ဤကောင်းသောနီရာ၌ ထိုင်ပါလော” ဟု ဆို၍ ထိုသူဆင်းရဲကို မူကား “သင်သည်ကား ထိုနီရာ၌ ရပ်နိန်လော၊ သို့မဟုတ်လျှင် ငါ၏ခြီရင်း ကြမ်းပြင်၌ ထိုင်နိန်လော” ဟု ဆိုလျှင် 
\v 4 သင်ရို့သည် အချင်းချင်း လူတန်းစား ခွဲခြားကာ ဆိုးညစ်သော အကြံအစည်ဖြင့် တရားစီရင်သောသူတိ ဖြစ်ကြသည် မဟုတ်လော။
\p
\v 5 ငါ ချစ်သော ညီအစ်ကို မောင်နှရို့၊ နားထောင်ကြလော့။ ဘုရားသခင်သည် ဤလောက၌ ဆင်းရဲသာသူရို့ကို ယုံကြည်ခြင်း အားကြီးသောသူများ ဖြစ်စီခြင်းငှာ လည်းကောင်း၊ ကိုယ်တော့်ကို ချစ်သောသူတိအား ကတိထားတော်မူခသော နိုင်ငံတော်ကို အမွီခံကြစီခြင်းငှာ လည်းကောင်း ရွီးကောက်တော်မူသည် မဟုတ်လော။ 
\v 6 သို့ရာတွင် သင်ရို့သည် ဆင်းရဲသောသူတိကို မထီလေးစား ပြုကြသည်တကား။ သင်ရို့ကို ဖိနှိပ်ကြသောသူ၊ တရားရုံးသို့ ဆွဲခေါ်လားသောသူရို့သည်ကား ဇာသူရို့လဲ။ ချမ်းသာသောသူရို့ပင် မဟုတ်ပါလော။ 
\v 7 သူရို့သည် သင်ရို့အဖို့ ပီးထားသော ကိုယ်တော်၏ ကောင်းမြတ်သော နာမတော်ကို ကဲ့ရဲ့ပြောဆိုကြသည် မဟုတ်လော။
\p
\v 8 သင်ရို့သည် ကျမ်းစာ၌ တွိ့ရသော “ကိုယ်နှင့်စပ်ဆိုင်သောသူကို ကိုယ်နှင့်အမျှချစ်ကြလော့” ဟူသော နိုင်ငံတော်၏ပညတ်တရားကို လိုက်နာကြလျှင် ကောင်းသောအမှုကို ပြုနိန်ကြခြင်းဖြစ်၏။ 
\v 9 သို့ရာတွင် အပြင်ပန်းသဏ္ဌာန်ကို ကြည့်ပြီး မျက်နှာလိုက်နိန်ကြလျှင် သင်ရို့သည် အပြစ်ကို ကျူးလွန်ကြသည်ဖြစ်၍ ပညတ်တရားကို ကျူးလွန်သောသူ တစ်ယောက်ကဲ့သို့ သင်ရို့သည် ပညတ်တရားအားဖြင့် အပြစ်စီရင်ခြင်းကို ခံရလိမ့်၏။ 
\v 10 အကြောင်းမူကား မည်သူမဆို ပညတ်တစ်ပါးကို ကျူးလွန်သောသူသည် ပညတ်တရားအားလုံးကို ကျူးလွန်သောသူ ဖြစ်၏။
\p
\v 11 အကြောင်းမူကား “အိမ်ထောင်ရေး မဖောက်ပြန်ရ” ဟု ပညတ်တော်မူသော အသျှင်သည် “လူအသက်ကို မသတ်ရ” ဟူ၍လည်း ပညတ်တော်မူ၏။ သို့ဖြစ်၍ သင်သည် အိမ်ထောင်ရေးဖောက်ပြန်မှုကို မပြုသော်လည်း လူအသက်ကို သတ်လျှင် ပညတ်တရားကို ကျူးလွန်သူဖြစ်၏။
\p
\v 12 ထို့ကြောင့် လွတ်မြောက်ခွင့်ကို ပီးသော ပညတ်တရားအားဖြင့် စီရင်ခြင်းကို ခံရမည့်သူများကဲ့သို့ ပြောဆို၍ ကျင့်ကြံကြလော့။ 
\v 13 အကြောင်းမူကား ကရုဏာတရားမဟိသောသူသည် ဘုရားသခင်၏တရားစီရင်ခြင်းကို ခံရသောအခါ ကိုယ်တော်၏ကရုဏာကို ခံရလိမ့်မည်မဟုတ်ပေ။ သို့သော်လည်း ကရုဏာတရားသည် တရားစီရင်ခြင်းကို အောင်မြင်တတ်၏။
\s ယုံကြည်ခြင်းနှင့် အကျင့်
\p
\v 14 ငါ့ညီအစ်ကို မောင်နှမရို့၊ တစ်စုံတစ်ယောက်သောသူက ငါ၌ ယုံကြည်ခြင်းဟိ၏ဟု ဆိုသော်လည်း အကျင့်မဟိလျှင် မည်သို့ အကျိုးဟိမည်နည်း။ ထိုသို့သော ယုံကြည်ခြင်းသည် ထိုသူကို ကယ်တင်နိုင်မည်လော။ 
\v 15 သင်ရို့၌ စားရန် ဝတ်ရန် မဟိသော ညီအစ်ကို မောင်နှမရို့ ဟိကြသောအခါ၊ 
\v 16 တစ်စုံတစ်ယောက်က “ဘုရားသခင်သည် သင့်အား ကောင်းကြီးပီးပါစီ၊ နွီးထွီးစွာ နီရပါစီ၊ ဝလင့်စွာ စားရပါစီ” ဟု သူရို့အား ဆိုလျက် — သူရို့၏အသက်ရှင်မှုအတွက် လိုအပ်ချက်များကို မပီးဘဲနိန်လျှင် ဇာပိုင် ကောင်းကျိုး ဟိပါအံ့နည်း။ 
\v 17 ထို့ကြောင့် အကျင့်မပါသော ယုံကြည်ခြင်းသည် တစ်ခုတည်းဖြစ်သောကြောင့် အသီဖြစ်၏။
\p
\v 18 သို့ရာတွင် “သင်၌ ယုံကြည်ခြင်းဟိ၏၊ ငါ၌ အကျင့်ဟိ၏” ဟု တစ်ဦး တစ်ယောက်က ပြောဆိုအံ့။ ငါ ဆိုသည်ကား “အကျင့်မပါသော သင်၏ယုံကြည်ခြင်းကို ငါ့အား ပြလော့။ ငါသည်လည်း ငါ၏အကျင့်အားဖြင့် ငါ၏ယုံကြည်ခြင်းကို သင့်အား ပြမည်” ဟူ၍ ဖြစ်၏။ 
\v 19 သင်သည် ဘုရားသခင် တစ်ပါးတည်း ဟိကြောင်းကို ယုံကြည်သည်မှာ ကောင်းပေ၏။ နတ်ဆိုးများပင် ထိုသို့ ယုံကြည်၍ ကြောက်ရွံ့တုန်လှုပ်ကြ၏။
\p
\v 20 အို၊ ပညာမဲ့သောသူရို့၊ အကျင့်မပါသော ယုံကြည်ခြင်းသည် အကျိုးမဟိကြောင်းကို သင် သိလိုသလော။\f + \fr ၂.၂၀ \fr*\fq အကျိုးမဟိ၊ \fq*\ft အချို့သော လက်ရီးမူကျမ်း၌ \ft*\fqa အသီဖြစ်၏၊ \fqa*\ft ဟု ပါဟိ၏။\ft*\f* 
\v 21 ငါရို့အဖ အာဗြဟံသည် မိမိ၏သား ဣဇာက်ကို ယဇ်ပလ္လင်ပေါ်၌ ပူဇော်သောအခါ သူ၏အကျင့်ကို ဖြောင့်မတ်သည်ဟု အသိအမှတ်ပြုခြင်းခံရခသည် မဟုတ်လော။ 
\v 22 သူ၏ယုံကြည်ခြင်းသည် သူ၏အကျင့်နှင့်အတူ လုပ်ဆောင်ခသည်ဖြစ်၍ ယုံကြည်ခြင်းကို အကျင့်အားဖြင့် ပြည့်စုံခြင်းသို့ ရောက်သည်ကို သင်ရို့ သိမြင်ကြလော့။ 
\v 23 ထိုအခါ “အာဗြဟံသည် ဘုရားသခင်ကို ယုံကြည်၏။ ထိုယုံကြည်ခြင်းကို သူ၏ဖြောင့်မတ်ခြင်းအဖြစ် မှတ်တော်မူ၏” ဟူသော ကျမ်းချက်သည် ပြည့်စုံခြင်းသို့ ရောက်လေ၏။ အာဗြဟံသည်လည်း ဘုရားသခင်၏ အဆွီဟု ခေါ်ဝေါ်ခြင်းကို ခံရလေ၏။ 
\v 24 ငါရို့သည် ယုံကြည်ခြင်း တစ်ခုတည်းဖြင့် ဖြောင့်မတ်ရာသို့ မရောက်၊ အကျင့်အားဖြင့်သာ ဖြောင့်မတ်ရာသို့ ရောက်သည်ကို သင်ရို့ သိမှတ်ကြလော့။
\p
\v 25 ထိုနည်းတူ ပြည်တန်းဆာ ရာခပ်သည်လည်း သူလျှိုတိကို လက်ခံ၍ အခြားသောလမ်းဖြင့် ပို့ဆောင်လိုက်သောအခါ သူမ၏လုပ်ဆောင်မှု အကျင့်အားဖြင့် ဘုရားသခင်နှင့် ဖြောင့်မတ်ရာသို့ ရောက်သည် မဟုတ်လော။
\p
\v 26 အကြောင်းမူကား ဝိညာဉ်နှင့်ကင်းသော ခန္ဓာသည် အသီဖြစ်သကဲ့သို့ အကျင့်နှင့်ကင်းသော ယုံကြည်ခြင်းသည်လည်း အသီဖြစ်၏။
\c 3
\s နှုတ်လျှာကို စောင့်ထိန်းခြင်း
\p
\v 1 ငါ့ ညီအစ်ကို မောင်နှမရို့၊ ဆရာဖြစ်ကြသော ငါရို့သည် သာ၍ တင်းကြပ်သော တရားစီရင်ခြင်းကို ခံရလိမ့်မည်ဟု သိမှတ်လျက် ဆရာဖြစ်ချင်သောသူ မများစီကတ်ကေ့။ 
\v 2 အကြောင်းမူကား ငါရို့ အားလုံးသည် နည်းအမျိုးမျိုးဖြင့် မှားယွင်းတတ်ကြ၏။ စကားအားဖြင့် မှားယွင်းခြင်းမဟိသောသူမူကား မိမိကိုယ်ခန္ဓာတစ်ခုလုံးကို ထိန်းချုပ်နိုင်သည့် စုံလင်သောသူ တစ်ယောက်ဖြစ်၏။
\p
\v 3 ငါရို့သည် မြင်းကို နိုင်စီခြင်းငှာ ပါးစပ်၌ ဇက်ကြိုးတပ်ကြ၏။ ထိုသို့ပြု၍ ငါရို့သည် ထိုမြင်းတစ်ကိုယ်လုံးကို လိုရာသို့ မောင်းနိုင်ကြ၏။ 
\v 4 သို့တည်းမဟုတ် သင်္ဘောတစ်စီး​ကို ကြည့်လော။ ထိုသင်္ဘောသည် အလွန်​ကြီးမား​၍ လီပြင်းတိုက်​ရာ​သို့ လွင့်ပါ​တတ်​သော်လည်း တက်မ​ချေတစ်ချောင်းဖြင့် တက်မကိုင်၏လိုရာသို့ လှည့်နိုင်​၏။ 
\v 5 ထိုနည်းတူ လျှာသည် ခန္ဓာကိုယ်၏ သေးငယ်သောအင်္ဂါအစိတ်အပိုင်း တစ်ခုဖြစ်သော်လည်း အလွန် ဝါကြွားတတ်၏။
\p မီးစချေ တစ်ခုဖြင့် တစ်တောလုံးကို လောင်ကျွမ်းစီနိုင်သည်ကို ဆင်ခြင်ကြလော။ 
\v 6 လျှာသည် မီးဖြစ်၏။ ကိုယ်အင်္ဂါအစိတ်အပိုင်းများ၏ ဒုစရိုက် လောကလည်း ဖြစ်၏။ ထိုလျှာသည်ကား လူ့တစ်ကိုယ်လုံးကို ညစ်ညူးစီပြီး ဘဝတစ်ခုလုံးကို လောင်ကျွမ်းစီကာ မိမိကိုယ်တိုင် ငရဲ၌ လောင်ကျွမ်းခြင်းကို ခံရ၏။
\p
\v 7 လူသည် ကျေးငှက်မျိုးမှစ၍ တွားလားသတ္တဝါနှင့် ငါးစသည့် တောရိုင်းတိရစ္ဆာန်အားလုံးကို ယဉ်ပါးအောင် လုပ်နိုင်ကြ၏။ 
\v 8 သို့ရာတွင် ထိုလျှာကို ယဉ်ပါးအောင် လုပ်နိုင်သောသူဟူ၍ မဟိ။ လျှာသည် ထိန်းချုပ်၍ မနိုင်သော ဒုစရိုက်လည်း ဖြစ်၏။ သီစီနိုင်သော အဆိပ်အတောက်နှင့် ပြည့်လျက်ဟိ၏။
\p
\v 9 ငါရို့သည် လျှာဖြင့် ငါရို့၏သခင်ဘုရားနှင့် ခမည်းတော်အား ကျေးဇူးတော်ကို ချီးမွမ်းလျက်၊ ဘုရားသခင်၏သဏ္ဌာန်တော်နှင့်အညီ ဖန်ဆင်းထားသော လူတိကို ထိုလျှာဖြင့်ပင် ကျိန်ဆဲတတ်ကြ၏။ 
\v 10 နှုတ်တစ်ခုထဲမှ ကျေးဇူးတော်ချီးမွမ်းခြင်းနှင့် ကျိန်ဆဲခြင်းတိ ထွက်တတ်ပါ၏တကား။ ညီအစ်ကိုမောင်နှမရို့၊ သင်ရို့သည်ကား ဤသို့ မဖြစ်စီကတ်ကေ့။ 
\v 11 ရီမျက်တွင်း တစ်တွင်းထဲမှ ရေချိုနှင့် ရီငန် နှစ်မျိုးစလုံး ထွက်တတ်သလော။ 
\v 12 ညီအစ်ကို မောင်နှမရို့၊ သဖန်းပင်သည် သံလွင်သီးကို သီးနိုင်သလော။ စပျစ်ပင်သည် သဖန်းသီးကို သီးနိုင်သလော။ ထို့အတူ ရီငန် ရီမျက်တွင်းမှ ရီချို မထွက်နိုင်ပေ။
\s အထက်အရပ်မှ လာသော ဉာဏ်ပညာ
\p
\v 13 သင်ရို့တွင် ဇာသူသည် ပညာဟိ၍ နားလည်နိုင်ကြမည်နည်း။ ထိုသူရို့သည် ကောင်းသောအကျင့်အားဖြင့် ထိုအရာကို ပြကြရမည်။ ထိုသူရို့သည် နူးညံ့သိမ်မွိ့ခြင်းနှင့် ပညာဟိခြင်းကို မိမိရို့၏ ကောင်းသောအကျင့်ဖြင့် သက်သီပြကြရမည်။ 
\v 14 သို့ရာတွင် သင်ရို့၏စိတ်နှလုံးထဲ၌ မနာလိုခြင်း၊ မုန်းတီးခြင်းနှင့် တစ်ကိုယ်ကောင်းဆန်ခြင်းများဟိလျှင်၊ သင်ရို့သည် မိမိရို့၏ ဉာဏ်ပညာနှင့်ပတ်သက်၍ ကြွားဝါခြင်းအားဖြင့် သမ္မာတရားကို ဆန့်ကျင်၍ ပြစ်မှားခြင်းသို့ မရောက်စီကတ်ကေ့။ 
\v 15 ထိုသို့သော ဉာဏ်ပညာသည် ကောင်းကင်မှ လာသည်မဟုတ်ဘဲ လောကနှင့်လည်းကောင်း၊ ဇာတိပကတိနှင့်လည်းကောင်း၊ နတ်ဆိုးများနှင့်လည်းကောင်း စပ်ဆိုင်ပေ၏။ 
\v 16 အကြောင်းမူကား မနာလိုခြင်းနှင့် တစ်ကိုယ်ကောင်းဆန်ခြင်းများ ဟိသောနီရာ၌ ရုန်းရင်းဆန်ခတ်ဖြစ်ခြင်းနှင့် အမျိုးမျိုးသော ဒုစရိုက်ပြုခြင်းများသာ ဟိတတ်၏။
\p
\v 17 သို့သော် အထက်အရပ်မှ လာသော ဉာဏ်ပညာသည် သန့်ယှင်းစင်ကြယ်ခြင်းနှင့်ဆိုင်သော အရာအားလုံးတွင် ပထမဖြစ်၏၊ ထို့နောက် ငြိမ်းချမ်းသောသဘော၊ ထောက်ထားညှာတာတတ်သောသဘော၊ နူးညံ့သိမ်မွိ့သောသဘော ဟိသည်ဖြစ်၍ ကရုဏာနှင့် ပြည့်ဝကာ ကောင်းမြတ်သော လုပ်ဆောင်မှု၏ အသီးအပွင့်ကို တိုးပွားစီတတ်၏။ ထိုဉာဏ်ပညာ၌ မျက်နှာလိုက်ခြင်း၊ ဟန်ဆောင်ခြင်းဟူ၍ မဟိပေ။ 
\v 18 ရန်ကို ငြိမ်းစီသောသူရို့သည် ဖြောင့်မတ်ခြင်းအသီးအနှံကို ရိတ်သိမ်းကြရ၏။
\c 4
\s လောကနှင့် မိတ်ဆွီဖွဲ့ခြင်း
\p
\v 1 သင်ရို့၌ ဇာအကြာင်းတရားတိက စကားများ ရန်တွိ့ခြင်းကို ဖြစ်စီကြသနည်း။ ထိုအကြောင်းတရားများသည် သင်ရို့အတွင်း၌ တိုက်ခိုက်လျက်ဟိသော သင်ရို့၏ တပ်မက်စိတ်များကြောင့် ဖြစ်လာရသည် မဟုတ်လော။ 
\v 2 သင်ရို့သည် တစ်စုံတစ်ခုကို လိုချင်ကြသော်လည်း ထိုအရာကို မရနိုင်ကြ။ သင်ရို့သည် လိုချင်စိတ် ပြင်းပြကြသော်လည်း ထိုအရာများကို မရနိုင်သောကြောင့် ရန်ဖြစ်၍ တိုက်ခိုက်ကြ၏၊ လူသတ်မှုကို ကျူးလွန်တတ်ကြ၏။ သို့ရာတွင် သင်ရို့သည် အလိုမပြည့်စုံရခြင်းမှာ ဘုရားသခင်ကို မတောင်းလျှောက်ကြသောကြောင့်ဖြစ်၏။ 
\v 3 သင်ရို့သည် တောင်းလျှောက်သော်လည်း မရကြပေ။ အကြောင်းမူကား သင်ရို့သည် လောကီပျော်မွိ့ခြင်းကို ခံစားဖို့ရန် လွဲမှားစွာဖြင့် တောင်းလျှောက်ကြသောကြောင့် ဖြစ်၏။
\p
\v 4 ဖောက်ပြန်တတ်သောသူရို့၊ လောကနှင့် မိတ်ဆွီဖွဲ့ခြင်းသည် ဘုရားသခင်ကို ရန်ဘက်ပြုခြင်းဖြစ်သည်ကို သင်ရို့ မသိကြသလော။ ထို့ကြောင့် လောက၏မိတ်ဆွီ ဖြစ်လိုသောသူသည် ဘုရားသခင်၏ရန်သူဖြစ်လာ၏။ 
\v 5 ကျမ်းစာက “ကိုယ်တော်သည် ငါရို့အထဲ၌ တည်စီတော်မူသော ဝိညာဉ်အား အလွန်နှမြောတော်မူ၏\f + \fr ၄.၅ \fr*\fq ကိုယ်တော်သည် ငါရို့အထဲ၌ တည်စီတော်မူသော ဝိညာဉ်အား အလွန်နှမြောတော်မူ၏၊ \fq*\ft သို့မဟုတ် \ft*\fqa ဘုရားသခင်သည် ငါရို့၌ ကိန်းဝပ်စီတော်မူသော ဝိညာဉ်တော်အား အလွန်မနာလိုသော သဘောဟိ၏။\fqa*\f*” ဟု ဆိုထားခြင်းသည် အကြောင်းမဲ့ ဆိုထားသည်ဟု သင်ရို့ ထင်မှတ်ကြသလော။ 
\v 6 သို့သော်လည်း ကိုယ်တော်သည် သာ၍ မြတ်သော ကျေးဇူးတော်ကို ငါရို့အား ပီးတော်မူ၏။ ထို့ကြောင့် ကျမ်းစာ လာသည်ကား
\q1 “ဘုရားသခင်သည် မာနထောင်လွှားသောသူရို့ကို ဆန့်ကျင်တော်မူ၏။
\q2 သို့ရာတွင် နှိမ့်ချသောသူရို့အား ကျေးဇူးပြုတော်မူ၏” ဟူ၍ ဖြစ်၏။
\p
\v 7 ထို့ကြောင့် သင်ရို့ကိုယ်တိုင် ဘုရားသခင်ကို နာခံကြလော့။ မာရ်နတ်ကို ခုခံတွန်းလှန်ကြလော့။ ထိုသို့ပြုလျှင် သူသည် သင်ရို့ပါးမှ ထွက်ဗြီးလားလိမ့်မည်။ 
\v 8 ဘုရားသခင်ထံပါးသို့ ချဉ်းကပ်ကြလော့။ သို့ပြုလျှင် ကိုယ်တော်သည် သင်ရို့ထံပါးသို့ ချဉ်းကပ် တော်မူလိမ့်မည်။ အပြစ်ကျူးလွန်သောသူရို့၊ သင်ရို့၏လက်ကို စင်ကြယ်စီကြလော့။ စိတ်နှစ်ခွဟိသောသူရို့၊ သင်ရို့၏စိတ်နှလုံးကို သန့်ယှင်းစီကြလော့။ 
\v 9 ဝမ်းနည်းပက်လက်ဖြစ်ခြင်းနှင့် ငိုကြွီးမြည်တမ်းခြင်း စိတ်မသာငြိမ်းတွားခြင်း ဟိကြလော့။ သင်ရို့၏ရယ်မောခြင်းကို စိတ်မသာငြိမ်းတွားခြင်းသို့ လည်းကောင်း၊ သင်ရို့၏ဝမ်းမြောက်ခြင်းကို ဝမ်းနည်းကြီကွဲခြင်းသို့ လည်းကောင်း ပြောင်းလဲစီကြလော့။ 
\v 10 သခင်ဘုရားရှိ့တော်၌ မိမိကိုယ်ကို နှိမ့်ချကြလော့။ ထိုသို့ပြုလျှင် ကိုယ်တော်သည် သင်ရို့ကို မစ တော်မူလိမ့်မည်။
\s တစ်ဦးကို တစ်ဦး တရားစီရင်ခြင်း မပြုရန် သတိပီးခြင်း
\p
\v 11 ညီအစ်ကို မောင်နှမရို့၊ သင်ရို့သည် တစ်ယောက်ကို တစ်ယောက် ပုတ်ခတ်ပြောဆိုခြင်း မပြုကတ်ကေ့။ မိမိ၏ညီအစ်ကိုကို ပုတ်ခတ်ပြောဆိုသောသူဖြစ်စီ၊ မိမိညီအစ်ကိုကို စီရင်သောသူဖြစ်စီ ထိုသူသည် ပညတ်တရားကို ဆန့်ကျင်ပြောဆို၍ ထိုပညတ်တော်ကို တရားစီရင်သောသူ ဖြစ်၏။ ထိုသို့ ပညတ်တော်ကို တရားစီရင်သော သင်သည် ပညတ်တရားကို လိုက်နာသောသူမဟုတ်ဘဲ တရားစီရင်သောသူဖြစ်၏။ 
\v 12 ပညတ်တရားကို ပီးသောသူ၊ တရားစီရင်သောသူသည် တစ်ပါးတည်းသာ ဟိတော်မူပြီး၊ ထိုအသျှင်သည် ကယ်တင်ခြင်းငှာ လည်းကောင်း၊ ဖျက်ဆီးခြင်းငှာ လည်းကောင်း တတ်စွမ်းနိုင်သော အသျှင် ဖြစ်တော်မူ၏။ သို့ရာတွင် သင်သည် ဇာပိုင်လူဖြစ်၍ မိမိ၏ညီအစ်ကိုအား တရားစီရင်ရသနည်း။
\s ဝါကြွားခြင်းနှင့်ဆိုင်သော သတိပီးခြင်း
\p
\v 13 ယခုအချိန်တွင် “အေနိ့ဖြစ်စီ၊ နက်ဖြန်ခါဖြစ်စီ၊ ငါရို့သည် မြို့တစ်မြို့သို့လား၍ ထိုအရပ်၌ တစ်နှစ်ပတ်လုံး နီထိုင်လျက် စီးပွားရှာကာ ငွီရအောင် စီးပွားရှာကြကုန်အံ့” ဟု ပြောဆိုတတ်သောသူရို့ နားထောင်ကြလော့။ 
\v 14 သင်ရို့သည် နက်ဖြန်ခါ မည်သို့ ဖြစ်လာမည်ကိုပင် မသိကြ။ သင်ရို့၏အသက်သည် မည်သို့သောအရာဖြစ်သနည်း။ သင်ရို့သည် တဒင်္ဂသာ ပေါ်လာ၍ ပျောက်ကွယ်လားတတ်သော အခိုးအငွိ့ ဖြစ်ကြ၏။ 
\v 15 ထို့ကြောင့် သင်ရို့ ပြောသင့်သည်မှာ “သခင်ဘုရား၏အလိုတော်ဟိလျှင် ငါရို့သည် အသက်ရှင်၍ ဤအမှုဖြစ်စီ၊ ထိုအမှုဖြစ်စီ ပြုကြကုန်အံ့” ဟူ၍ ဖြစ်၏။ 
\v 16 သို့ရာတွင် သင်ရို့သည် မာနထောင်လွှားကာ ဝါကြွားလျက်ဟိကြ၏။ ထိုသို့သော ဝါကြွားခြင်းဟူသမျှသည် မကောင်းသောအမှု ဖြစ်ပေ၏။
\p
\v 17 သို့ဖြစ်၍ မည်သူမဆို ကောင်းသောအမှုကို လုပ်သင့်သည်ဟု သိသော်လည်း၊ မလုပ်သောသူသည် အပြစ်ဖြစ်၏။
\c 5
\s ချမ်းသာသောသူရို့အား သတိပီးခြင်း
\p
\v 1 ယခုတွင် ချမ်းသာသောသူရို့၊ ငါ့စကားကို နားထောင်ကြလော့။ သင်ရို့ပါးသို့ ရောက်လာမည့် ဒုက္ခဆင်းရဲခြင်းများအတွက် ငိုကြွီးမြည်တမ်းကြလော့။ 
\v 2 \x - \xo ၅.၂ \xo*\xt မ ၆.၁၉\xt*\x*သင်ရို့၏ ဓနဥစ္စာများသည် ဆွီးလားခပြီးလျှင်၊ သင်ရို့၏အဝတ်များကိုလည်း ပိုးများက ကိုက်စားလေပြီ။ 
\v 3 သင်ရို့၏ရွှီငွီများသည်လည်း အညှိတက်ကြလေပြီ။ ထိုအညှိများသည် သင်ရို့၏တစ်ဖက်၌ သက်သီဖြစ်လျက် သင်ရို့၏အသားကို မီးကဲ့သို့ စားလိမ့်မည်။ ဤနောက်ဆုံးသောကာလ၌ သင်ရို့သည် ဓနဥစ္စာများကို သိုလှောင်ထားကြပေ၏။ 
\v 4 သင်ရို့သည် သင်ရို့၏လယ်ယာ၌ လုပ်ကိုင်ကြသော အလုပ်သမားတိကို လုပ်ခမပီးဘဲ နိန်ကြ၏။ ထို့ကြောင့် သူရို့၏ တိုင်ကြားခြင်းကို နားထောင်ကြလော့။ ကောက်ပဲသီးနှံရိတ်သိမ်းကြသောသူရို့၏ ငိုကြွီးသံများသည် အနန္တတန်ခိုးသျှင် ဘုရားသခင်၏ နားတော်သို့ ရောက်လေပြီ။ 
\v 5 သင်ရို့၏ဘဝသည် မြီကြီးထက်၌ ပျော်ပါးမှု၊ ဇိမ်ခံမှုတိနှင့် ပြည့်ဝကြပေ၏။ သင်ရို့သည် အသတ်ခံရမည့်နိ့အတွက် မိမိကိုယ်ကို ဆူဖြိုးအောင် လုပ်ထားကြ၏။ 
\v 6 သင်ရို့သည် အပြစ်ကင်းသောသူကို အပြစ်စီရင်၍ သတ်ကြ၏။ သို့သော်လည်း သူရို့သည် သင်ရို့ကို ဆန့်ကျင်ခြင်း မပြုကြပေ။\f + \fr ၅.၆ \fr*\fq သူရို့သည် သင်ရို့ကို ဆန့်ကျင်ခြင်း မပြုကြပေ၊ \fq*\ft သို့မဟုတ် \ft*\fqa သူရို့သည် သင်ရို့ကို ဆန့်ကျင်လိမ့်မည် မဟုတ်လော။\fqa*\f*
\s သည်းခံခြင်းနှင့် ဆုတောင်းခြင်း
\p
\v 7 သို့ဖြစ်၍ ညီအစ်ကို မောင်နှမရို့၊ အသျှင်ဘုရား ကြွလာတော်မူသည့်တိုင်အောင် စိတ်ရှည်သည်းခံကြလော့။ လယ်သမားသည် မိမိမြီမှ အဖိုးတန်သော အသီးအနှံကို မိုးရာသီ၊ ဆောင်းရာသီ ကာလတိုင်အောင် ဇာပိုင် စိတ်ရှည်စွာဖြင့် စောင့်မျှော်ကြရသည်ကို ကြည့်ရှုကြလော့။ 
\v 8 သင်ရို့သည်လည်း စိတ်ရှည်သည်းခံ၍ ခိုင်မြဲစွာ ရပ်တည်ကြလော့။ အကြောင်းမူကား သခင်ဘုရား ကြွလာတော်မူခြင်းသည် နီးလာပြီဖြစ်၏။
\p
\v 9 ညီအစ်ကို မောင်နှမရို့၊ သင်ရို့သည် တစ်ဦးကို တစ်ဦး ပြစ်တင်ပြောဆိုခြင်းကို မပြုကတ်ကေ့။ ထိုသို့ ပြစ်တင်ခြင်းကို ပြုလျှင် တရားစီရင်ခြင်းကို ခံကြရလိမ့်မည်။ တရားစီရင်သော အသျှင်သည် တန်းခါးဝ၌ ရပ်နိန်တော်မူ၏။
\p
\v 10 ညီအစ်ကို မောင်နှမရို့၊ ဆင်းရဲဒုက္ခနှင့် ရင်ဆိုင်ကြုံတွိ့ရသောအခါ၌ သခင်ဘုရား၏ နာမတော်မြတ်၌ ဟောပြောခသော ပရောဖက်ရို့ကို စံနမူနာယူ၍ စိတ်ရှည်သည်းခံကြလော့။ 
\v 11 သည်းခံတတ်သောသူရို့သည် မင်္ဂလာဟိကြ၏ဟု ငါရို့ သိကြ၏။ ယောဘ၏သည်းခံခြင်းကို သင်ရို့ ကြားဖူးကြပြီ။ နောက်ဆုံး၌ ထာဝရဘုရားသည် ပြုစုတော်မူသည်ဖြစ်၍ ကိုယ်တော်သည် သနားခြင်း ကရုဏာတော်နှင့် ပြည့်စုံတော်မူသော အသျှင်ဖြစ်ကြောင်းကို သင်ရို့ မြင်တွိ့ရကြ၏။
\p
\v 12 \x - \xo ၅.၁၂ \xo*\xt မ ၅.၃၄–၃၇\xt*\x*ညီအစ်ကို မောင်နှမရို့၊ အထူးသဖြင့် ကျိန်ဆိုခြင်းကို မပြုကတ်ကေ့။ ကောင်းကင်ကိုဖြစ်စီ၊ မြီကြီးကိုဖြစ်စီ၊ အခြားသော ကတိသစ္စာတစ်စုံတစ်ခုကို ပြုလျက်ဖြစ်စီ၊ ကျိန်၍ ပြောဆိုခြင်းကို မပြုကြနှင့်။ သင်ရို့သည် ဟုတ်သည်ကို “အဟုတ်” ဟူ၍ လည်းကောင်း၊ မဟုတ်သည်ကိုလည်း “မဟုတ်” ဟူ၍ လည်းကောင်း ပြောဆိုကြလော့။ သို့မဟုတ်လျှင် တရားစီရင်ခြင်းကို ခံရကြလိမ့်မည်။
\p
\v 13 သင်ရို့၌ ဒုက္ခရောက်နိန်သောသူ ဟိလျှင် ထိုသူသည် ဆုတောင်းပါစီ။ သင်ရို့၌ ဝမ်းမြောက်ရွှင်လန်းသောသူဟိလျှင်၊ ထိုသူသည် ချီးမွမ်းတေးခြင်းကို သီဆိုပါစီ။ 
\v 14 \x - \xo ၅.၁၄ \xo*\xt မာ ၆.၁၃\xt*\x*သင်ရို့၌ မကျန်းမမာသောသူ ဟိလျှင်၊ ထိုသူသည် အသင်းတော် အကြီးအကဲရို့ကို ခေါ်၍ သူရို့သည် သူ့ကို ဆီလူးကာ သခင်ဘုရား၏နာမတော်၌ ဆုတောင်းပီးကြစီ။ 
\v 15 ယုံကြည်ခြင်းဖြင့် ဆုတောင်းခြင်းသည် လူနာကို ကျန်းမာစီလိမ့်မည်။ သခင်ဘုရားသည်လည်း သူ့ကို ထူမတော်မူလိမ့်မည်။ သူရို့သည် အပြစ်ကို ပြုမှားမိခလျှင်လည်း ထိုသူ့ရို့ကို ခွင့်ရွှတ်တော်မူလိမ့်မည်။ 
\v 16 သို့ဖြစ်၍ သင်ရို့သည် ကျန်းမာခြင်းကို ရစီမည့်အကြောင်း တစ်ယောက်ကို တစ်ယောက် မိမိရို့၏ အပြစ်များကို ဖော်ပြဝန်ခံလျက် တစ်ယောက်ကို တစ်ယောက် ဆုတောင်းပီးကြလော့။ ဖြောင့်မတ်သောသူတစ်ယောက်၏ ဆုတောင်းပတ္ထနာသည် အလွန်တန်ခိုးပါ၍ အကျိုးဟိ၏။ 
\v 17 ဧလိယသည် ငါရို့ကဲ့သို့ လူ တစ်ယောက်ဖြစ်သော်လည်း မိုးမရွာမည့်အကြောင်း စိတ်အားထက်သန်စွာ ဆုတောင်းသောအခါ သုံးနှစ်နှင့် ခြောက်လတိုင်တိုင် မြီကြီး၌ မိုးမရွာဘဲ နိန်လေ၏။ 
\v 18 ထို့နောက် သူသည် နောက်တဖန် ဆုတောင်းသောအခါ အာကာပြင်မှ မိုးရွာသွန်း၍ မြီကြီးသည် အသီးအနှံများကို ဖြစ်ထွန်းလေ၏။
\p
\v 19 ညီအစ်ကို မောင်နှမရို့၊ သင်ရို့၌ တစ်စုံတစ်ယောက်သောသူသည် သမ္မာတရားမှ လွဲလားသောအခါ တစ်စုံတစ်ယောက်က သူ့ကို ပြန်လည်၍ ခေါ်ဆောင်ပီးလော့။ 
\v 20 \x - \xo ၅.၂၀ \xo*\xt ၁ ပေ ၄.၈\xt*\x*အပြစ်သားကို သူ၏ လွဲမှားနိန်သောလမ်းမှ ပြန်လည်ခေါ်ဆောင်ပီးသော သူသည် ထိုအပြစ်သား၏ စိတ်ဝိညာဉ်ကို\f + \fr ၅.၂၀ \fr*\fq ထိုအပြစ်သား၏ စိတ်ဝိညာဉ်ကို၊ \fq*\ft သို့မဟုတ် \ft*\fqa သူ၏ စိတ်ဝိညာဉ်ကို။\fqa*\f* သီခြင်းတရားမှ ကယ်တင်၍ များစွာသော အပြစ်များကို ခွင့်ရွှတ်ခြင်းရစီရန် ပို့ဆောင်ပီးသောသူဖြစ်ကြောင်း သိမှတ်ကြလော့။