\id 2CO - Rakhine Bible Translation
\usfm 3.0
\ide UTF-8
\ide 65001 - Unicode (UTF-8)
\h ၂ ကောရိန္သု
\toc1 ကောရိန္သု အသင်းတော်သို့ ပေါလု၏ ဒုတိယအကြိမ် ပီးစာ
\toc2 ၂ ကောရိန္သု
\toc3 ၂ ကော
\mt1 ၂ ကောရိန္သု
\mt2 ကောရိန္သု အသင်းတော်သို့ ပေါလု၏ ဒုတိယအကြိမ် ပီးစာ
\imt နိဒါန်း
\im \bk ကောရိန္သုအသင်းတော်သို့ ဒုတိယအကြိမ် ပီးစာ\bk*သည် တမန်တော်ပေါလုက ခရစ်တော် မွီးဖွားပြီးနောက် ၅၅–၅၆ နှစ် ဝန်းကျင်တွင် ရီးသားခခြင်းဖြစ်၏ (\xt ၁.၁\xt*)။ ထိုပီးစာသည် ပေါလုက ကောရိန္သုအသင်းတော်သို့ ရီသားခသော ပီးစာနှစ်စောင်မှ ဒုတိယအကြိမ် ပီးစာဖြစ်၏။ ပေါလုသည် ကောရိန္သုအသင်းတော်သို့ အရေးကြီးသော စာများကို အယင်က ရီးသားခသည်ဟု ပညာသျှင်များက ယုံကြည်ကြ၏။ ငါရို့သည် ဤစာကို အခြားတစ်ခုမှ ကူးယူထားခြင်းမဟိဘဲ \xt ၂.၃–၄\xt* ကို ကိုးကားထားခြင်းဖြစ်၏။ ပေါလုသည် ကောရိန္သုအသင်းတော်သို့ ဒုတိယအကြိမ် ပီးစာကို မာကေဒေါနိပြည် (\xt ၂.၁၃\xt*) ၌ ဟိသောအခါ ရီးသားခြင်း အလွန် ဖြစ်နိုင်ခြေ ဟိပါ၏။
\ip ကောရိန္သုအသင်းတော်သို့ ဒုတိယအကြိမ်ပီးစာသည် ကိုယ်ရေးကိုယ်တာ၊ ခံစားချက်နှင့် အလွန်ဆိုင်သော စာဖြစ်၍ ထူးခြား၏။ ပေါလုသည် တိတုထံမှ ကောရိန္သုအသင်းတော် အကြောင်းနှင့်ပတ်သတ်၍ ကောင်းသော တင်ပြချက်များကို လက်ခံရဟိသဖြင့် မိမိ၏ ဝမ်းမြောက်ခြင်းအကြောင်းကို ဖော်ပြခြင်းဖြစ်၏။ ငါရို့သည် ဓမ္မသစ်ကျမ်းစာရှုထောင့်၌ ပီးကမ်းခြင်းနှင့်ဆိုင်သော အသေးစိတ် သွန်သင်ချက်ကို ဤပီးစာတွင် တွိ့နိုင်သည်။ ထိုအကြာင်းအရာများကို ပေါလုသည် ယေရုဆလင်မြို့ (၈—၉) ၌ ဟိသော ယုံကြည်သူများအား ကူညီပီးရန်အတွက် ကောက်ခံရဟိသော ငွီများကို ယူဆောင်၍ ပီးရန် ညွှန်ကြားခ၏။ အသင်းတော်နှင့်မဆိုင်သော တမန်တော် အတုအယောင်တချို့သည် အသင်းတော်ထဲ၌ ပေါလုအား ဆန့်ကျင်ကြရန် ရန်လိုတတ်သော သူရို့ကို သွီးထိုးလှုံ့ဆော်ကာ အသုံးချကြ၏။ သူရို့သည် ပေါလု၏ အခွင့်အာဏာကို သံသယဝင်ကြပြီး ယေသျှုခရစ်၏ တမန်တော်အဖြစ် သူ၏အခွင့်အာဏာကို အခိုင်အမာ အတည်ပြုရန် လှုံ့ဆော်ခံရခြင်းကို ကောရိန္သုအသင်းတော်သို့ ဒုတိယအကြိမ် ပီးစာ၏ အဆုံး၌ ဖော်ပြထားသည်။
\iot အကြောင်းအရာ အကျဉ်းချုပ်
\io1 ၁။ ပေါလုသည် အသင်းတော်သို့ မိတ်ဆက်ခြင်းဖြင့် ပီးစာကို အစပြုခြင်း \ior (၁.၁–၇)\ior*
\io1 ၂။ ထို့နောက်၊ ပေါလုသည် သူ၏ ခရီးစဉ်ပြောင်းလားပုံ၊ သူရို့ပါးမှ တင်ပြချက်အကြောင်းကို လက်ခံရဟိခြင်းနှင့် အယင်က သူ၏စာအတွက် သူရို့၏ တုံ့ပြန်ခြင်းကို ပြောပြခြင်း \ior (၁.၈—၇.၁၆)\ior*
\io1 ၃။ တဖန်၊ ပေါလုသည် ယေရုဆလင်မြို့၌ ဟိသော ယုံကြည်သူများအတွက် ကောက်ခံရဟိသော ငွီများနှင့်ပတ်သက်၍ လမ်းညွှန်ပီးခြင်း \ior (၈.၁—၉.၁၅)\ior*
\io1 ၄။ နောက်ဆုံး၌၊ ပေါလုသည် မိမိ၏တမန်တော် အရာနှင့်ပတ်သက်၍ ကာကွယ်ခြင်းနှင့် သူ၏ နောက်တစ်ကြိမ် လည်ပတ်မှုအကြောင်း အသိပီးခြင်း \ior (၁၀.၁—၁၃.၁၀)\ior*
\ie
\c 1
\po
\v 1 \x - \xo ၁.၁ \xo*\xt တ ၁၈.၁\xt*\x*ဘုရားသခင်၏ အလိုတော်အားဖြင့် ခရစ်တော်ယေသျှု၏ တမန်တော်ဖြစ်သူ ငါ၊ ပေါလုနှင့် ငါရို့၏ညီ တိမောသေပါးမှ —
\po ကောရိန္သုမြို့၌ဟိသော ဘုရားသခင်၏အသင်းတော်မှစ၍ အခါယပြည်၌ဟိသော ဘုရားသခင်၏ လူစုတော်အားလုံးပါးသို့ စာရီးလိုက်ပါ၏။
\po
\v 2 ငါရို့အဖ ဘုရားသခင်နှင့် အသျှင်ယေသျှု ခရစ်တော်ထံပါးမှ ကျေးဇူးတော်နှင့် ငြိမ်သက်ခြင်းသည် သင်ရို့၌ သက်ရောက်ပါစီသတည်း။
\s ပေါလုသည် ဘုရားသခင်၏ ကျေးဇူးတော်ကို ချီးမွမ်းခြင်း
\p
\v 3 ကရုဏာတော်၏ အဖ၊ နှစ်သိမ့်ခြင်း အလုံးစုံတိကို ပီးတော်မူသော ဘုရားသခင်၊ အသျှင်ယေသျှုခရစ်တော်၏ ခမည်းတော်ကို ငါရို့ ချီးမွမ်းကြကုန်အံ့။ 
\v 4 ငါရို့သည် ဆင်းရဲဒုက္ခအမျိုးမျိုးကို ခံကြရသောအခါ ကိုယ်တော်သည် ငါရို့အား နှစ်သိမ့်ခြင်းကို ပီးတော်မူ၏။ သို့ဖြစ်၍ ငါရို့သည် ငါရို့ကိုယ်တိုင် ဘုရားသခင်ထံတော်မှ ရဟိသော နှစ်သိမ့်ခြင်းအားဖြင့် ဆင်းရဲဒုက္ခအမျိုးမျိုး ခံစားရသူရို့အား နှစ်သိမ့်ပီးနိုင်ရန်ဖြစ်၏။ 
\v 5 ခရစ်တော်၏ များစွာသောဒုက္ခဆင်းရဲကို ငါရို့ ခံစားရသည့်နည်းတူ ခရစ်တော်အားဖြင့် များစွာသော နှစ်သိမ့်ခြင်းကိုလည်း ခံစားရကြ၏။ 
\v 6 ငါရို့ ဆင်းရဲဒုက္ခခံရလျှင် ထိုအရာသည် သင်ရို့အတွက် နှစ်သိမ့်ခြင်းနှင့် ကယ်တင်ခြင်း ခံရစီရန် ဖြစ်၏။ သင်ရို့သည်လည်း ငါရို့ကဲ့သို နှစ်သိမ့်ခြင်းကို ခံရကြလျှင် ငါရို့ ခံစားရသော ဆင်းရဲဒုက္ခတိကို သည်းခံသောစိတ်နှင့် ခံနိုင်သော ခွန်အားကို ရကြလိမ့်မည်။ 
\v 7 သို့ဖြစ်၍ ငါရို့၏ မျှော်လင့်ခြင်းသည် သင်ရို့အတွက် ခိုင်မြဲလျက်ဟိ၏။ သင်ရို့သည် ငါရို့၏ ဆင်းရဲဒုက္ခတိ၌ ခံစားရကြသည့်နည်းတူ ငါရို့၏ နှစ်သိမ့်ခြင်းကိုလည်း ခံစားရကြကြောင်းကို ငါရို့သိကြ၏။
\p
\v 8 \x - \xo ၁.၈ \xo*\xt ၁ ကော ၁၅.၃၂\xt*\x*ညီအစ်ကို မောင်နှမရို့၊ အာယှိပြည်တွင် ငါရို့ခံခရသည့် ဆင်းရဲဒုက္ခအကြောင်းကို သင်ရို့ ပြန်လည်သတိရစီလို၏။ ငါရို့သည် မခံနိုင်လောက်အောင် ဆင်းရဲဒုက္ခ ခံခရ၍ အသက်ရှင်ဖို့ရန် မျှော်လင့်ချက် မဟိခပေ။ 
\v 9 ငါရို့သည် သီဒဏ်ကျခြင်းကို ခံရသူများဟု ကိုယ့်ကိုကိုယ် ထင်မှတ်ခကြ၏။ သို့ရာတွင် ဤသို့ဖြစ်ပျက်ရခြင်းမှာ ငါရို့သည် မိမိကိုယ်ကို အားမကိုးဘဲ သီသောသူရို့အား ရှင်ပြန်ထမြောက်စီတော်မူသော ဘုရားသခင်ကို အားကိုးကြစီရန်ဖြစ်၏။ 
\v 10 ဘုရားသခင်သည် ဤမျှလောက်ကြီးစွာသော သီဖီးမှ\f + \fr ၁.၁၀ \fr*\fq ကြီးစွာသော သီဖီး၊ \fq*\ft တချို့သော လက်ရီးမူရင်းကျမ်းတွင် \ft*\fqa ကြီးစွာသော သီခြင်း၊ \fqa*\ft ဟု ဖော်ပြထားသည်။\ft*\f* အကျွန်ရို့အား ကယ်တင်တော်မူခ၏။ ဆက်လက်၍ ကယ်တင်တော်မူလိမ့်မည်။ နောင်တွင်လည်း ကယ်တင်တော်မူလိမ့်မည်ဟု ကိုယ်တော်၌ မျှော်လင့်ကြပြီးလျှင်၊ 
\v 11 သင်ရို့သည်လည်း ဆုတောင်းခြင်းအားဖြင့် ငါရို့ကို ကူညီကြ၏။ သို့ဖြစ်၍ များစွာသော သင်ရို့၏ ဆုတောင်းခြင်းကိုလည်း နားညောင်းတော်မူပြီး ဘုရားသခင်သည် ငါရို့အား ပီးတော်မူသော ဆုကျေးဇူးတော်များအတွက် များစွာသော သူရို့သည် ငါရို့အတွက် ကျေးဇူးတော်ကို ချီးမွမ်းကြလိမ့်မည်။
\s ပေါလု၏ အစီအစဉ် ပြောင်းခြင်း
\p
\v 12 ငါရို့၏ ဝါကြွားစရာအကြောင်းမှာ ဤလောက၌ အသက်ရှင်စဉ်ကာလ အထူးသဖြင့် သင်ရို့နှင့် ဆက်ဆံရာတွင် လောကနှင့်ဆိုင်သော အသိဉာဏ်ကို အမှီမပြုဘဲ ဘုရားသခင်၏ ကျေးဇူးတော်ကို အမှီပြုလျက် ဟိသည်ကို လည်းကောင်း ဘုရားသခင် ပီးသနားတော်မူသော ရိုးသားဖြူစင်ခြင်း\f + \fr ၁.၁၂ \fr*\fq ရိုးသားဖြူစင်ခြင်း၊ \fq*\ft တချို့သော လက်ရီးမူရင်းကျမ်းတွင် \ft*\fqa သန့်ယှင်းခြင်း၊ \fqa*\ft ဟု ဖော်ပြထားသည်။\ft*\f*နှင့် သန့်ယှင်းစင်ကြယ်ခြင်းဖြင့် လည်းကောင်း ကျင့်ကြံပြုမူလျက်ဟိသည်ကို ကိုယ့်ကိုကိုယ်သိသောစိတ်က သက်သီခံလျက်ဟိ၏။ 
\v 13 အကြောင်းမူကား ငါရို့ ပီးပို့လိုက်သော စာများတွင် သင်ရို့ ဖတ်ရှုနားမလည်နိုင်သောအရာ တစ်ခုမျှ ငါ ရီး၍မပီး။ ငါမျှော်လင့်သည်ကား၊ 
\v 14 ငါရို့၏ သခင်ယေသျှု ကြွလာတော်မူရာနိ့၌ ငါရို့သည် သင်ရို့အတွက် ဝါကြွားနိုင်သကဲ့သို့ သင်ရို့သည် ငါရို့အတွက် ဝါကြွားနိုင်ကြစီရန် သင်ရို့သည် အဂု တစ်စိတ်တစ်ပိုင်းသာ နားလည်ကြသည့် အကြောင်းအရာများကို ပြည့်ဝစုံလင်စွာ နားလည်ကြလိမ့်မည်ဟု ငါမျှော်လင့်၏။
\p
\v 15 ငါသည် ဤသို့ ယုံကြည်စိတ်ချခြင်းဟိသဖြင့် သင်ရို့သည် နှစ်ဆသော ကောင်းကြီးကို ခံစားကြစီရန် ငါသည် သင်ရို့ပါးသို့ အယင်ဆုံးလာရန် အလိုဟိ၏။ 
\v 16 \x - \xo ၁.၁၆ \xo*\xt တ ၁၉.၂၁\xt*\x*မာကေဒေါနိပြည်သို့ လားပြီး ထိုပြည်မှ ပြန်လာ၍ ယုဒပြည်သို့ လားရန် လမ်းခရီးအတွက် သင်ရို့ပါးမှ အကူအညီ ရယူနိုင်ရန် ငါ၌ အကြံဟိ၏။ 
\v 17 ထိုသို့ ကြံစည်ခခြင်းမှာ ငါသည် ပေါ့ဆီပေါ့ဆ လုပ်ခသလား။ ငါ၏ ကြံစည် ဆုံးဖြတ်သည့်အခါများ၌ တစ်ကိုယ်ကောင်းသဘောဆန်၍ ကြံစည်ဆုံးဖြတ်သလား။ တစ်ချိန်တည်းမှာပင် “ဟုတ်မှန်၏” “မဟုတ်မှန်၏” ဟူ၍ စကားနှစ်ခွ ပြောခသလား။ 
\v 18 ဘုရားသခင်သည် သစ္စာနှင့်ပြည့်စုံသကဲ့သို့ ငါရို့၏စကားသည်လည်း “ဟုတ်မှန်၏” “မဟုတ်မှန်၏” ဟူ၍ မဆိုလို။ 
\v 19 \x - \xo ၁.၁၉ \xo*\xt တ ၁၈.၅\xt*\x*အကြောင်းမူကား၊ ငါမှစ၍ သိလွာနုနှင့် တိမောသေရို့ သည် သင်ရို့အား ဟောပြောခသော ဘုရားသခင်၏သားတော် ယေသျှုခရစ်တော်သည် “ဟုတ်မှန်၏” “မဟုတ်မှန်၏” ဟူ၍ ပြောသော သခင်မဟုတ်၊ အမြဲတမ်း ဟုတ်မှန်သော သခင်ဖြစ်တော်မူ၏။ 
\v 20 အကြောင်းမူကား ဘုရားသခင်၏ ကတိတော်အပေါင်းရို့သည် “ဟုတ်မှန်သည်” ဟု ဖော်ပြသော ခရစ်တော် ဖြစ်တော်မူ၏။ ထို့ကြောင့် ငါရို့သည် ဘုရားသခင်၏ ဘုန်းတန်ခိုးတော်အဖို့အလို့ငှာ ယေသျှုခရစ်တော်အားဖြင့် “အာမင်” ဟု ဆိုခြင်းဖြစ်၏။ 
\v 21 သင်ရို့နှင့် ငါရို့ကို ခရစ်တော်၌ တည်စီတော်မူသော အသျှင်မှာ ဘုရားသခင် ဖြစ်တော်မူ၏။ ကိုယ်တော် ငါရို့အား ဘိသိက်ပီးတော်မူ၍၊ 
\v 22 ကိုယ်တော်သည် ငါရို့၏ ပိုင်သျှင်အဖြစ် ငါရို့ကို တံဆိပ်ခတ်နှိပ်တော်မူ၍ ငါရို့၏ စိတ်နှလုံးထဲ၌ သန့်ယှင်းသော ဝိညာဉ်တော်ကို ငါရို့အတွက် သိုထားတော်မူသော အရာအားလုံး၏ စရံအဖြစ်ဖြင့် ပီးထားတော်မူ၏။
\p
\v 23 ငါသည် — ငါ့အသက်ဖြင့် အာမခံ၍ — ဘုရားသခင်ကို သက်သီအဖြစ် ထားလျက် ကောရိန္သုမြို့သို့ ပြန်မလာခြင်းမှာ သင်ရို့ကို ငဲ့ညှာသနားသောကြောင့်ဖြစ်၏။ 
\v 24 သင်ရို့သည် မည်သည့်အရာကို ယုံကြည်ရမည်ကို အမိန့်ပီးရန် ငါရို့ ကြိုးစားနိန်ခြင်းမဟုတ်။ ငါရို့ကလည်း သင်ရို့ဝမ်းမြောက်ခြင်းအတွက် သင်ရို့နှင့်အတူ လုပ်ဆောင်သောသူများသာဖြစ်၏။ အကြောင်းမူကား သင်ရို့၏ ယုံကြည်ခြင်းသည် ခိုင်မာလျက်ဟိကြောင်းကို ငါရို့ သိကြသောကြောင့်ဖြစ်၏။
\c 2
\nb
\v 1 ထို့ကြောင့် သင်ရို့ပါးသို့ နောက်တစ်ခေါက် ငါလာလျှင် သင်ရို့အား ဝမ်းနည်းစီမည်ဖြစ်၍ ငါမလာဖို့ရန် ဆုံးဖြတ်ထား၏။ 
\v 2 အကြောင်းမူကား ငါသည် သင်ရို့ကို ဝမ်းနည်းအောင် ပြုပါလျှင်၊ ငါ့ကြောင့် ဝမ်းနည်းရသူကလွဲ၍ ဇာသူက ငါ့ကို ရွှင်လန်းစီနိုင်မည်နည်း။ 
\v 3 ငါလာသောအခါ ငါ့ကို စိတ်ရွှင်လန်းစီမည့်သူများက ငါ့အား ဝမ်းနည်းစီမည်ကို စိုးရိမ်၍ ဤစာကို ရီး၍ ပီးလိုက်ခြင်းဖြစ်၏။ ငါပျော်ရွှင်လျှင် သင်ရို့သည်လည်း ပျော်ရွှင်ကြမည်ကို ငါအမှန် ယုံကြည်၏။ 
\v 4 သင်ရို့ကို ဝမ်းနည်းစီဖို့ရန်မဟုတ်ဘဲ သင်ရို့အား ငါဇာလောက် ချစ်ကြောင်းကို သိစီလို၍ ငါသည် ကြီးစွာသော ဒုက္ခ၊ စိတ်ပူပန်ခြင်းနှင့် မျက်ရည်များစွာကျပြီး ဤစာကို ရီးလိုက်ခြင်းဖြစ်၏။
\s ပြစ်မှားသူကို ခွင့်ရွှတ်ပီးခြင်း
\p
\v 5 တစ်စုံတစ်ယောက်က အခြားတစ်ယောက်ကို ဝမ်းနည်းစီသောအခါ ထိုသူသည် ငါ့ကိုသာ ဝမ်းနည်းစီသည်မဟုတ်ဘဲ သင်ရို့အားလုံး မဟုတ်သည့်တိုင်အောင် တချို့ကို ဝမ်းနည်းစီခြင်း ဖြစ်၏။ (ထိုသူ့ကို တင်းကျပ်စွာ မစီရင်လို၍ ဤသို့ ဆိုခြင်းဖြစ်၏။) 
\v 6 သင်ရို့အထဲမှ လူအများစု၏ ပြစ်ဒဏ်ပီးခြင်းသည် သူ့အတွက် လုံလောက်ပေ၏။ 
\v 7 သို့ဖြစ်၍ သူသည် ကြီးစွာသော ဝမ်းနည်းမှု မဖြစ်စီရန် ထိုသို့ ပြစ်ဒဏ်ပီးမည့်အစား အဂုတွင် သင်ရို့သည် သူ့ကို ခွင့်ရွှတ်၍ နှစ်သိမ့်အားပီးကြလော့။ 
\v 8 ထို့ကြောင့် သင်ရို့သည် သူ့ကို စစ်မှန်သော မေတ္တာထားကြောင်းကို ထိုသူ သိစီခြင်းငှာ သင်ရို့အား ငါတောင်းပန်၏။ 
\v 9 ထိုစာကို ရီးသားခရသည့်အကြောင်းမှာ သင်ရို့သည် စုံစမ်းခြင်းကို ခံနိုင်ရည်ဟိစီခြင်းငှာ လည်းကောင်း၊ ငါ၏ ညွှန်ကြားချက်များကို နာခံမှု ဟိစီခြင်းငှာ လည်းကောင်း သိလို၍ ဖြစ်၏။ 
\v 10 သင်ရို့သည် တစ်စုံတစ်ယောက်ကို ခွင့်ရွှတ်လျှင် ငါသည်လည်း ထိုသူကို ခွင့်ရွှတ်၏။ ငါသည် တစ်စုံတစ်ယောက်ကို ခွင့်ရွှတ်ရန် လိုအပ်လျှင် သင်ရို့ အကျိုးကိုထောက်၍ ခရစ်တော်၏ ရှိ့တော်၌ ထိုသူကို ခွင့်ရွှတ်၏။ 
\v 11 ထိုသို့ပြုလျှင် စာတန်သည် ငါရို့ကို အနိုင်မရစီရန် တားဆီးနိုင်မည်။ ဇာကြောင့်ဆိုသော် ငါရို့သည် စာတန်၏ အကြံအစည်များကို သိသောကြောင့်ဖြစ်၏။
\s တရောမြို့၌ ပေါလု၏ စိတ်ပူပန်ခြင်း
\p
\v 12 \x - \xo ၂.၁၂,၁၃ \xo*\xt တ ၂၀.၁\xt*\x*ခရစ်တော်၏အကြောင်း သတင်းကောင်းကို ဟောပြောရန် တရောမြို့သို့ ငါရောက်လာသောအခါ အမှုတော်ကို ထမ်းဆောင်နိုင်ရန်အတွက် သခင်ဘုရားသည် ငါ့အား တန်းခါးကို ဖွင့်ပီးတော်မူ၏။ 
\v 13 သို့သော် ငါရို့ညီအစ်ကို တိတုကို မတွိ့ရသဖြင့် ငါသည် အလွန် စိတ်ပူပန်ခြင်းဖြစ်၏။ ထို့ကြောင့် ငါသည် ထိုမြို့မှ လူတိကို နှုတ်ဆက်ပြီးလျှင် မာကေဒေါနိပြည်သို့ ထွက်လားလေ၏။
\s ခရစ်တော်အားဖြင့် အောင်မြင်ခြင်း
\p
\v 14 သို့ရာတွင် ငါရို့ကို ခရစ်တော်၌ အစဉ်မပြတ် အောင်ပွဲခံစီ၍ ကိုယ်တော့်ကို သိသောဉာဏ်၏ မွှီးကြိုင်သောရနံ့ကို နီရာတိုင်း၌ ငါရို့အားဖြင့် ပြန့်နှံ့စီတော်မူသော ဘုရားသခင်၏ ကျေးဇူးတော်ကို ချီးမွမ်းကြလော့။ 
\v 15 ဇာကြောင့်ဆိုသော် ငါရို့သည် ဘုရားသခင်အား ခရစ်တော်ပူဇော်သည့် မွှီးကြိုင်သောရနံ့ဖြစ်ကြပြီးလျှင် ထိုရနံ့သည် ကယ်တင်ခြင်း ခံရသော သူရို့ပါးသို့ လည်းကောင်း၊ ပျက်စီးခြင်းသို့ရောက်သော သူရို့ပါးသို့ လည်းကောင်း ပြန့်နှံ့လေ၏။ 
\v 16 ပျက်စီးခြင်းသို့ ရောက်သောသူရို့အတွက် ထိုရနံ့သည် သီခြင်းတရား၏ရနံ့ဖြစ်၍ ကယ်တင်ခြင်းခံရသော သူရို့အတွက် အသက်ရှင်ခြင်း၏ရနံ့ ဖြစ်ပေ၏။ သို့ဖြစ်၍ ဇာသူသည် ဤကဲ့သို့သော အမှုကို ဆောင်ရွက်နိုင်မည်နည်း။ 
\v 17 ငါရို့သည် များစွာသောသူရို့ ပြုသကဲ့သို့ ဘုရားသခင်၏ နှုတ်ကပါတ်တရားတော်ကို ကိုယ်ကျိုးအတွက် ဟောပြောခြင်း မဟုတ်ဘဲ ငါရို့အား ဘုရားသခင် စီရွှတ်တော်မူသောကြောင့် ကိုယ်တော်၏ ရှိ့တော်၌ ဖြူစင်သောစိတ်ဖြင့် ခရစ်တော်၏ အခိုင်းအစီများကဲ့သို့ ငါရို့ ဟောပြောကြ၏။
\c 3
\s ပဋိညာဉ်တရားသစ်၏ အခိုင်းအစီများ
\p
\v 1 ဤသို့ဆိုလျှင် ငါရို့သည် ကိုယ့်ကိုကိုယ် တဖန် ဝါကြွားစရာအကြောင်း ဖြစ်သလော။ အခြားသော လူတချို့ကဲ့သို့ ငါရို့သည် ထောက်ခံချက်တိကို သင်ရို့အား ပီးရန် လိုအပ်သလော။ မဟုတ်လျှင် သင်ရို့ပါးက ထောက်ခံချက်ကို ငါရို့ ယူရဦးမည်လော။ 
\v 2 သင်ရို့ကိုယ်တိုင်ပင် ငါရို့၏စာ ဖြစ်ကြ၏။ ထိုစာကို လူတိုင်းဖတ်ရှုပြီး သိစီနိုင်ဖို့ရန် ငါရို့၏ နှလုံးသားတွင် ရီးသားထား၏။ 
\v 3 ထိုစာကို ခရစ်တော်ကိုယ်တိုင်ရီး၍ ငါရို့အားဖြင့် ပီးပို့တော်မူသည်မှာ ထင်ရှား၏။ ထိုစာသည် မှင်နှင့် ရီးသောစာ မဟုတ်ဘဲ အသက်ရှင်တော်မူသော ဘုရားသခင်၏ ဝိညာဉ်တော်ဖြင့် ရီးသောစာဖြစ်၏။ ထိုစာသည် ကျောက်ပြားထက်တွင် ရီးသားခြင်း မဟုတ်ဘဲ လူ့နှလုံးသားထက်တွင် ရီးသားထားခြင်း ဖြစ်၏။
\p
\v 4 ငါရို့သည် ဘုရားသခင်၏ ရှိ့တော်၌ ခရစ်တော်ကို အမှီပြု၍ ထိုသို့ ယုံကြည်စိတ်ချမှုကို ရကြ၏။ 
\v 5 မိမိရို့သည် ဤအမှုကို လုပ်ဆောင်နိုင်သည်ဟု ပြောဆိုနိုင်ရန် ငါရို့၌ အစွမ်းအစမဟိ။ ငါရို့၏ အစွမ်းအစသည် ဘုရားသခင်ထံပါးမှ လာခြင်းဖြစ်၏။ 
\v 6 ပဋိညာဉ်တရားအသစ်အတွက် ဆောင်ရွက်နိုင်ရန် ကိုယ်တော်သည် ငါရို့အား အစွမ်းအစကို ပီးတော်မူ၏။ ထိုပဋိညာဉ်တရားအသစ်ကား ပညတ်တရားတွင် ပါဝင်သည်မဟုတ်။ ဝိညာဉ်တော်၏ တရားဖြစ်၏။ ရီးသားထားသော ပညတ်တရားသည် အသက်ကို သီစီတတ်သော်လည်း ဝိညာဉ်တော်မူကား အသက်ကို ရှင်စီတတ်၏။
\p
\v 7 ကျောက်ပြားထက်၌ ပညတ်တရားကို ရီးထွင်းစဉ်က ဘုရားသခင်၏ ဘုန်းတန်ခိုးတော် ထွန်းလင်းတောက်ပတော်မူ၏။ တဖြည်းဖြည်း မှေးမှိန်တတ်သော ရောင်ခြည်တည်းဟူသော မောသျှေ၏ မျက်နှာမှထွက်သော ရောင်ခြည်ကြောင့် ဣသရေလအမျိုးသားရို့သည် သူ့ကို စိ့စိ့ မကြည့်နိုင်ကြ။ သီခြင်းတရားကို ဖြစ်ပေါ်စီသည့် ပညတ်တရားကို ဤသို့သော ဘုန်းတန်ခိုးတော်ဖြင့် တောက်ပတော်မူပါလျှင်၊ 
\v 8 ဝိညာဉ်တော်၏ လုပ်ဆောင်မှုနှင့်ဆိုင်သော ဘုန်းတန်ခိုးတော်သည် ဇာလောက် သာလွန် တောက်ပလိမ့်မည်နည်း။ 
\v 9 အပြစ်ဒဏ်စီရင်ခြင်းနှင့် သက်ဆိုင်သော တရားသည် ဘုန်းတန်ခိုးတော်နှင့်ပြည့်စုံပါလျှင် ဖြောင့်မတ်ခြင်းနှင့်သက်ဆိုင်သော လုပ်ဆောင်မှုသည် ဇာလောက် သာလွန်၍ ဘုန်းတန်ခိုးတော်နှင့် ပြည့်စုံလိမ့်မည်နည်း။ 
\v 10 အဂုအခါ၌ သာလွန်တောက်ပသော ဘုန်းတန်ခိုးတော်ကြောင့် အယင်က တောက်ပသော ဘုန်းတန်ခိုးတော်သည် ကွယ်ပျောက်လားရ၏။ 
\v 11 မတည်မြဲသောအရာ၌ ဘုန်းတန်ခိုးတော်သည် တည်ဟိခပါလျှင် ထိုဘုန်းတန်တော်သည် ထာဝရ တည်မြဲသောအရာ၌ ဇာလောက်ထိ တည်ဟိလိမ့်မည်နည်း။
\p
\v 12 ထို့ကြောင့် ငါရို့သည် ဤသို့သော မျှော်လင့်ခြင်း ဟိကြသဖြင့် အလွန်ရဲရင့်ကြ၏။ 
\v 13 ငါရို့သည် မောသျှေကဲ့သို့ မဟုတ်။ သူသည် မိမိမျက်နှာမှ တောက်ပသောရောင်ခြည် မှေးမှိန်ကွယ်ပျောက်လားသည်ကို ဣသရေလအမျိုးသားရို့ မတွိ့မမြင်နိုင်ကြစီရန် မျက်နှာကို ပုဝါပိုင်းဖြင့် ဖုံးအုပ်ထားရလေ၏။ 
\v 14 ထိုသူရို့၏ စိတ်နှလုံးသည် ခိုင်မာလျက်ဟိ၍ ဤနိ့တိုင်အောင် ပဋိညာဉ်တရားဟောင်းကို ဖတ်သောအခါ သူရို့၏စိတ်နှလုံးသည် ထိုပုဝါပိုင်းဖြင့် ဖုံးအုပ်လျက်ဟိ၏။ ခရစ်တော်အားဖြင့်သာလျှင် ထိုပုဝါပိုင်းကို ဖယ်ယှားရ၏။ 
\v 15 ဤနိ့တိုင်အောင်ပင် မောသျှေ၏ ပညတ်ကျမ်းကို ဖတ်ကြသည့်အခါများ၌ သူရို့၏ စိတ်နှလုံးသည် ပုဝါပိုင်းဖြင့် ဖုံးအုပ်လျက်ပင် ဟိသိမ့်၏။ 
\v 16 သို့ရာတွင် ဇာသူမဆို သခင်ဘုရားထံတော်သို့ ပြန်လှည့်လာသောအခါ ပုဝါပိုင်းကို ဖယ်ယှားကြရ၏။ 
\v 17 အဂုတွင် သခင်ဘုရား ဟူသည်မှာ ဝိညာဉ်တော်ဖြစ်၏။ သခင်ဘုရား၏ ဝိညာဉ်တော် ဟိရာအရပ်၌ လွတ်လပ်မှုဟိ၏။ 
\v 18 ငါရို့အားလုံးသည် မျက်နှာကို မဖုံးအုပ်ဘဲ ဘုရားသခင်၏ ဘုန်းတန်ခိုးတော်သည် ထင်ဟပ်လျက် ဟိကြ၏။ ထိုဘုန်းတန်ခိုးတော်သည် သခင်ဘုရားထံမှ လာသော ဝိညာဉ်တော်ဖြစ်၏။ ထိုဝိညာဉ်တော်သည် ကြီးစွာသော ဘုန်းတန်ခိုးတော်၌ ကိုယ်တော်၏ ပုံသဏ္ဌာန်တော်နှင့်အညီ ငါရို့ကို ပြောင်းလဲစီတော်မူ၏။
\c 4
\s မြီအိုးထဲ၌ဟိသော ဝိညာဉ်ဘဏ္ဍာ
\p
\v 1 ဘုရားသခင်သည် မိမိ၏ကရုဏာတော်နှင့်အညီ ငါရို့အား ဤအမှုတော်လုပ်ငန်းကို ပီးအပ်တော်မူသည်ဖြစ်ရာ ငါရို့သည် စိတ်ပျက်အားလျော့ခြင်း မဟိ။ 
\v 2 ငါရို့သည် ဖုံးအုပ်ထားသော အရာအားလုံးနှင့် ရှက်ဖွယ်ကောင်းသော အပြုအမူများကို စွန့်ပယ်၍ လိမ်လည်မှုကိုမပြုဘဲ ဘုရားသခင်၏ နှုတ်ကပါတ်တော်ကို မှောက်လှန်၍ မဟောပြော။ ငါရို့သည် ဘုရားသခင်၏ မျက်မှောက်တော်၌ သမ္မာတရား၏အလင်းတွင် အသက်ရှင်လှုပ်ရှား၍ လူအပေါင်းရို့၏ အသိစိတ်ကို ကြည်လင်အောင် ပြုမူဆောင်ရွက်ကြ၏။ 
\v 3 အကယ်၍ ငါရို့ဟောပြောသည့် ဧဝံဂေလိတရားသည် ဖုံးအုပ်လျက်ဟိလျှင် ပျက်စီးဆုံးရှုံးခြင်းသို့ ရောက်သောသူတိအတွက်သာ ဖြစ်၏။ 
\v 4 ထို့ကြောင့် ဤလောကကို အစိုးရသောဘုရားသည် မယုံကြည်သောသူရို့၏စိတ်ကို အမှောင်ဖုံးထားသဖြင့် ဘုရားသခင်၏ ပုံသဏ္ဌာန်တော်တည်းဟူသော ခရစ်တော်၏ ဘုန်းတန်ခိုးတော်အကြောင်း သတင်းကောင်း၏ အလင်းကို သူရို့သည် မမြင်ရကြ။ 
\v 5 အကြောင်းမူကား ငါရို့သည် မိမိအကြောင်းကို ဟောပြောကြသည်မဟုတ်။ ယေသျှုခရစ်တော်သည် သခင်ဘုရား ဖြစ်တော်မူကြောင်းကို လည်းကောင်း၊ ငါရို့သည် ယေသျှုအတွက် သင်ရို့၏ အခိုင်းအစီများ ဖြစ်ကြောင်းကို လည်းကောင်း ဟောပြောကြ၏။ 
\v 6 ခရစ်တော်၏ မျက်နှာတော်တွင် ထွန်းလင်းလျက်ဟိသော ဘုရားသခင်၏ ဘုန်းတန်ခိုးတော်အကြောင်းကို သိနိုင်စီခြင်းငှာ ငါရို့၏ စိတ်နှလုံး၌ အလင်းကို ထွန်းလင်းစီတော်မူသော ဘုရားသခင်ကား “အမှောင်ထဲမှ အလင်းပေါ်ထွန်းလိမ့်မည်” ဟု မိန့်တော်မူခသော ဘုရားသခင်ပင် ဖြစ်သတည်း။
\p
\v 7 သို့သော် အလွန်ထူးမြတ်သော တန်ခိုးသည် ငါရို့ပါးက မဟုတ်ဘဲ ဘုရားသခင်ထံမှ ဖြစ်ကြောင်းကို ထင်ရှားစီရန် မြီအိုးထဲ၌ ထည့်ထားသော ဤဝိညာဉ်ဘဏ္ဍာသည် ငါရို့၌ ဟိ၏။ 
\v 8 ငါရို့သည် မကြာခဏ ဆင်းရဲဒုက္ခ ရောက်ကြသော်လည်း နာလန်မထူနိုင်အောင် ဖြစ်သည်မဟုတ်။ တစ်ခါတရံ ဝေခွဲမရ ဖြစ်နိန်သော်လည်း မည်သည့်အခါမျှ စိတ်မပျက်။ 
\v 9 ငါ့ရို့၌ ရန်သူအများ ဟိသော်လည်း မိတ်ဆွီကင်းမဲ့သည် ဟူ၍မဟိ။ အလဲထိုး ခံရသော်လည်း ဆုံးရှုံးခြင်းသို့မရောက်။ 
\v 10 ငါရို့သည် ယေသျှု အသက်ရှင်တော်မူကြောင်းကို ငါရို့၏ခန္ဓာကိုယ်၌ ထင်ရှားစီရန် ယေသျှု အသီခံတော်မူခြင်းဆိုင်ရာ ဒုက္ခဝေဒနာကို ငါရို့၏ ကိုယ်ခန္ဓာ၌ အမြဲတမ်း ခံယူထားကြ၏။ 
\v 11 ယေသျှု အသက်ရှင်တော်မူခြင်းသည် သီတတ်သော ငါရို့ကိုယ်ခန္ဓာ၌ ထင်ရှားမည်အကြောင်း ငါရို့သည် အသက်ရှင်လျက် ဟိသမျှကာလပတ်လုံး ယေသျှုအတွက် သီဖီးနှင့် ရင်ဆိုင်လျက် နိန်ကြရ၏။ 
\v 12 သို့ဖြစ်၍ ငါရို့ထဲ၌ သီခြင်းတရားသည် ရှင်သန်လျက် ဟိသော်လည်း အသက်ရှင်ခြင်း တရားသည် သင်ရို့ထဲ၌ ရှင်သန်လျက်ဟိ၏။
\p
\v 13 ကျမ်းစာတော်မြတ်တွင် “ငါယုံကြည်သောကြောင့် ငါဟောပြောသည်” ဟု ပါဟိ၏။ ထို​ယုံကြည်​ခြင်း​နှင့်ဆိုင်သော ဝိညာဉ်တော်ကို ငါရို့​ရဟိ​ကြ​သည်နှင့်အညီ ငါရို့သည်လည်း ယုံကြည်သောစိတ် ဟိသောကြောင့် ဟောပြောကြ၏။ 
\v 14 အသျှင်ယေသျှုအား သီခြင်းတရားမှ ရှင်ပြန်ထမြောက်စီသော ဘုရားသခင်သည် ငါရို့ကိုလည်း ယေသျှုနှင့်အတူ ရှင်ပြန်ထမြောက်စီတော်မူပြီးလျှင် သင်ရို့နှင့်အတူ ကိုယ်တော်၏ ရှိ့တော်မှောက်သို့ ခေါ်ဆောင်တော်မူမည့်အကြောင်းကို ငါရို့ သိကြ၏။ 
\v 15 ဤအမှုအရာအားလုံးသည် သင်ရို့၏ အကျိုးအလို့ငှာ ဖြစ်ကြ၏။ ဘုရားသခင်၏ ကျေးဇူးတော်ကို ခံစားရသူ ပို၍ပို၍ တိုးပွားလာသည်နှင့်အမျှ ဘုရားသခင်၏ ကျေးဇူးတော်ကို ချီးမွမ်းသောသူများသည်လည်း ပို၍ များပြားလာသောကြောင့် ဘုန်းတော် ထင်ရှားလာလိမ့်မည်။
\s ယုံကြည်ခြင်းအားဖြင့် အသက်ရှင်ခြင်း
\p
\v 16 ဤအကြောင်းကြောင့် ငါရို့သည် မည်သည့်အခါမျှ စိတ်ပျက်အားလျော့ခြင်း မဟိကြ။ ငါရို့၏ ကိုယ်ခန္ဓာသည် တဖြည်းဖြည်း ယိုယွင်းပျက်စီးလာသော်လည်း ငါရို့၏ ဝိညာဉ်မူကား တစ်နိ့ထက်တစ်နိ့ အသစ်ပြုပြင်ခြင်းကို ခံရကြ၏။ 
\v 17 အကြောင်းမူကား ငါရို့သည် ခဏတစ်ဖြုတ်သာ ခံစားရသော ပေါ့ပါးသည့် ဆင်းရဲဒုက္ခသည် အတိုင်းထက်အလွန် ကြီးမြတ်သော ထာဝရဘုန်းတန်ခိုးတော်ကို ငါရို့အား ခံစားစီလိမ့်မည်။ 
\v 18 ထို့ကြောင့် ငါရို့သည် မြင်နိုင်သော အရာများကို အာရုံမစိုက်ဘဲ မမြင်နိုင်သော အရာများကို အာရုံစိုက်ကြ၏။ မြင်နိုင်သော အရာများသည် ခဏတစ်ဖြုတ်သာ တည်သော်လည်း မမြင်နိုင်သောအရာမူကား အမြဲထာဝရတည်သတည်း။
\c 5
\p
\v 1 ယာယီတဲဖြစ်သော ငါရို့၏ မြီကြီးခန္ဓာသည် ပျက်စီးလားလျှင် ကောင်းကင်ဘုံ၌ လူ့လက်ဖြင့် မတည်ဆောက်ဘဲ ဘုရားသခင် တည်ဆောက်တော်မူသော ထာဝရအိမ် ဟိကြောင်းကို ငါရို့ သိကြ၏။ 
\v 2 ဤယာယီတဲတွင် အဂု နီထိုင်စဉ် ကောင်းကင်မှ ငါရို့၏ အိမ်ကို အလွန်တောင်းတသဖြင့် ငါရို့သည် ညည်းတွားကြ၏။ 
\v 3 ထိုသို့ ကောင်းကင်အိမ်သို့ ဝင်စားသောအခါ ငါရို့ကို အဝတ်ဗလာနှင့် တွိ့ကြရလိမ့်မည်မဟုတ်။ 
\v 4 ထိုမြီကြီးခန္ဓာ၌ နီရစဉ် ငါရို့သည် ဒုက္ခကို ခံစားရ၍ ညည်းတွားကြ၏။ ထိုသို့ ညည်းတွားခြင်းမှာ ငါရို့၏ မြီကြီးခန္ဓာကို ဖယ်ယှားလို၍မဟုတ်။ သီတတ်သောအရာကို အမြဲတမ်း အသက်ရှင်သည့်အရာသို့ ပြောင်းလဲစီရန် ကောင်းကင်ဘုံနှင့်ဆိုင်သော ခန္ဓာကို လိုချင်သောကြောင့်ဖြစ်၏။ 
\v 5 ဤသို့ပြောင်းလဲရန် ငါရို့ကို ပြုပြင်ပီးသော အသျှင်သည် ဝိညာဉ်တော်ကို ငါရို့အထဲ၌ သိုထား၍ ဇရံအဖြစ် ငါရို့အား ပီးတော်မူသော ဘုရားသခင်ပင် ဖြစ်သတည်း။
\p
\v 6 ထို့ကြောင့် ငါရို့သည် အမြဲတမ်း ယုံကြည်စိတ်ချမှုနှင့် ပြည့်ဝကြပေသည်။ ဤကိုယ်ခန္ဓာအိမ်၌ ဟိနိန်သမျှကာလပတ်လုံး ငါရို့သည် သခင်ဘုရား၏ အိမ်တော်နှင့် ဝီးကွာလျက်ဟိကြသည်ဟု ငါရို့သည် သိကြ၏။ 
\v 7 အကြောင်းမူကား ငါရို့သည် အမြင်အားဖြင့် မဟုတ်ဘဲ ယုံကြည်ခြင်းအားဖြင့် အသက်ရှင်ကြ၏။ 
\v 8 ငါရို့သည် ယုံကြည်စိတ်ချမှုနှင့် ပြည့်ဝကြပြီးလျှင် ဤခန္ဓာအိမ်ကို စွန့်ခွါ၍ သခင်ဘုရားနှင့်အတူ အိမ်တော်၌ နီထိုင်ရန် ပို၍ အလိုဟိကြ၏။ 
\v 9 ငါရို့သည် ဤအရပ်၌ ဟိသည်ဖြစ်စီ၊ ထိုအရပ်၌ ဟိသည်ဖြစ်စီ ကိုယ်တော် နှစ်သက်စီခြင်းငှာ သာ၍ အလိုဟိကြ၏။ 
\v 10 \x - \xo ၅.၁၀ \xo*\xt ရော ၁၄.၁၀\xt*\x*မည်သို့ပင်ဖြစ်စီ ငါရို့အားလုံးသည် တရားစီရင်ခြင်းကိုခံရန် ခရစ်တော်၏ တရားပလ္လင်ရှိ့သို့ ရောက်ရမည် ဖြစ်၏။ ငါရို့၏ခန္ဓာ အသက်ရှင်နိန်စဉ်က ပြုမူခသည့် ကောင်းမှု၊ မကောင်းမှုများအတွက် ထိုက်တန်သော အကျိုးအပြစ်ကို လူတိုင်း ခံရကြလိမ့်မည်။
\s ခရစ်တော်အားဖြင့် ဘုရားသခင်နှင့် မိတ်ဖွဲ့ခြင်း
\p
\v 11 သခင်ဘုရားကို ကြောက်ရွံ့ခြင်းနှင့် ပတ်သတ်၍ ငါရို့သည် သိသဖြင့် တခြားလူတိကို ကြိုးစား၍ စည်းရုံးရခြင်း ဖြစ်ကြ၏။ ဘုရားသခင်သည် ငါရို့ကို အကြွင်းမဲ့ သိတော်မူသည်ဖြစ်၍ သင်ရို့သည်လည်း သင်ရို့၏ စိတ်ထဲ၌ ငါ့ကို ကောင်းစွာသိလိမ့်မည်ဟု မျှော်လင့်၏။ 
\v 12 ငါရို့သည် သင်ရို့ရှိ့၌ မိမိကိုယ်ကို ချီးမွမ်းခံလို၍ တဖန် ကြိုးစားခြင်း မဟုတ်။ သင်ရို့သည် ငါရို့ကြောင့် ဂုဏ်ယူနိုင်ကြစီရန် ကြိုးစားခြင်းသာ ဖြစ်၏။ ထို့မှသာ လူ၏ အတွင်းသဘောကို မထောက်ဘဲ ပြင်ပသဏ္ဌာန်ကိုသာ ထောက်၍ ဝါကြွားတတ်သောသူရို့ကို သင်ရို့သည် ပြန်လည် ချေပနိုင်ကြပေမည်။ 
\v 13 ငါရို့သည် အမှန်ပင် ရူးသွပ်လေပြီလား။ ရူးသွပ်လျှင်မူကား ဘုရားသခင်အဖို့ ဖြစ်၏။ အကယ်၍ မရူးသွပ်လျှင်လည်း သင်ရို့အဖို့ ဖြစ်၏။ 
\v 14 ခရစ်တော်၏ မေတ္တာတော်သည် ငါရို့ကို လွှမ်းမိုးလျက်ဟိ၏။ အကြောင်းမူကား တစ်ယောက်သောသူသည် လူတိုင်းအတွက် အသီခံသည်ဖြစ်၍ လူအပေါင်းရို့သည် ထိုသူနှင့်အတူ သီလျက်ဟိကြောင်းကို အဂုအခါ ငါရို့သည် သိကြ၏။ 
\v 15 ကိုယ်တော်သည် လူအပေါင်းရို့အတွက် အသီခံတော်မူသည့်အကြောင်းမှာ အသက်ရှင်လျက်ဟိသော သူရို့သည် မိမိရို့အတွက် အသက်မရှင်ကြတော့ဘဲ မိမိရို့အတွက် အသက်ကို စွန့်တော်မူပြီး ရှင်ပြန်ထမြောက်တော်မူသော သခင်အဖို့ အသက်ရှင်ကြစီရန် ဖြစ်သတည်း။
\p
\v 16 သိုဖြစ်၍ ငါရို့သည် အဂုမှစ၍ မည်သူ့ကိုမျှ လူ့အမြင်အားဖြင့် မစီရင်ယာ။ အယင်က ခရစ်တော်အား လူ့အမြင်အားဖြင့် ငါရို့ စီရင်ခကြသော်လည်း အဂုကား ထိုသို့မပြုယာ။ 
\v 17 မည်သူမဆို ခရစ်တော်၌ဟိလျှင် အသစ် ဖန်ဆင်းခံရသော သတ္တဝါဖြစ်၏။ ဟောင်းသောအရာများသည် ကွယ်ပျောက်လား၍ ခပ်သိမ်းသောအရာရို့သည် အသစ် ဖြစ်လာကြ၏။ 
\v 18 ဤအမှုအရာ အားလုံးသည် ဘုရားသခင် ပြုတော်မူခြင်း ဖြစ်၏။ ဘုရားသခင်သည် ခရစ်တော်အားဖြင့် ငါရို့ကို မိမိနှင့် ပြန်လည်သင့်မြတ်စီ၍ ပြန်လည်သင့်မြတ်ခြင်းနှင့်ဆိုင်သော အမှုတော်ကို ငါရို့အား ပီးအပ်တော်မူ၏။ 
\v 19 ထိုအမှုတော်ကား ဘုရားသခင်သည် လောကလူသားအပေါင်းရို့အား ခရစ်တော်အားဖြင့် မိမိနှင့် သင့်မြတ်စီခြင်း\f + \fr ၅.၁၉ \fr*\fq ဘုရားသခင်သည် လောကလူသားအပေါင်းရို့အား ခရစ်တော်အားဖြင့် မိမိနှင့် သင့်မြတ်စီခြင်း၊ \fq*\ft သို့မဟုတ် \ft*\fqa ဘုရားသခင်သည် ခရစ်တော်အထဲ၌ လောကလူသားအပေါင်းရို့အား မိမိနှင့် သင့်မြတ်စီခြင်း။\fqa*\f*ဖြစ်၏။ ဘုရားသခင်သည် လောကီသားရို့၏ အပြစ်ဒုစရိုက်များကို မှတ်ထားတော်မမူ။ သူရို့အား ခရစ်တော်နှင့် ပြန်လည်သင့်မြတ်ခြင်းနှင့်ဆိုင်သော သတင်းစကားကို ငါရို့၌ အပ်ထားတော်မူပေသည်။
\p
\v 20 သို့ဖြစ်၍ ငါရို့သည် ခရစ်တော်၏ သံတမန်ဖြစ်ကြ၍ ဘုရားသခင်သည် ငါရို့အားဖြင့် သင်ရို့ကို တိုက်တွန်းတော်မူ၏။ သင်ရို့သည် ဘုရားသခင်နှင့် ပြန်လည်သင့်မြတ်ကြလော့ဟု ခရစ်တော်၏ကိုယ်စား ငါရို့သည် တောင်းပန်၏။ 
\v 21 ခရစ်တော်သည် အပြစ်ကင်းသော်လည်း ဘုရားသခင်သည် ငါရို့အပြစ်အတွက်ကြောင့် ခရစ်တော်အား အပြစ်ဟိသောသူဟု မှတ်တော်မူ၏။ ဤသည်ကား ငါရို့သည် ထိုအသျှင်အားဖြင့် ဘုရားသခင်ရှိ့တော်၌ ဖြောင့်မတ်သောသူ ဖြစ်မည်အကြောင်းတည်း။
\c 6
\p
\v 1 ငါရို့သည် ဘုရားသခင်၏ လုပ်ဖော်ဆောင်ဖက်များ ဖြစ်ကြသည်နှင့်အညီ သင်ရို့သည် ဘုရားသခင်၏ ကျေးဇူးတော်ကို ခံစားရသောသူများဖြစ်၍၊ ထိုကျေးဇူးတော်ကို အကျိုးမဲ့ မဖြစ်စီကြရန် သင်ရို့အား တောင်းပန်၏။ 
\v 2 အကြောင်းမူကား ဘုရားသခင်က၊
\q1 “ငါသည် သင်ရို့အား ကျေးဇူးပြုရန် အချိန် ရောက်လာသောအခါ၊
\q2 သင်ရို့ စကားကို ငါနားထောင်ယာ။
\q1 ကယ်တင်ရာနိ့ရက် ရောက်လာသောအခါ၊
\q2 သင်ရို့ကို ကူညီမစခယာ” ဟု မိန့်တော်မူ၏။
\m နားထောင်ကြလော့။ ဘုရားသခင်၏ ကျေးဇူးပြုခြင်းကို ခံရသောအချိန်ကား အဂုပင် ဖြစ်၏။ ကယ်တင်ရာနိ့ရက်သည်လည်း ဤနိ့ပင် ဖြစ်၏။
\p
\v 3 ငါရို့၏ အမှုတော်ဆောင်ခြင်းနှင့် ပတ်သတ်၍ ဇာသူလေ့ အပြစ်မရှာနိုင်စီရန် ငါရို့သည် သူတစ်ပါး၏လမ်းကို အတားအဆီး တစ်စုံတစ်ခုကိုမျှ မပြု။ 
\v 4 ငါရို့သည် ထိုသို့ပြုမည့်အစား ဆင်းရဲဒုက္ခများ၊ ပူပင်သောကများ၊ အခက်အခဲများကို အလွန် စိတ်ရှည်သည်းခံလျက် အရာရာတိုင်းတွင် ဘုရားသခင်၏ အခိုင်းအစီများဖြစ်ကြောင်း ထင်ရှားစီကြ၏။ 
\v 5 \x - \xo ၆.၅ \xo*\xt တ ၁၆.၂၃\xt*\x*ငါရို့သည် ရိုက်ပုတ် ခံခရခြင်း၊ ထောင်ကျခံခရခြင်းနှင့် ရုန်းရင်းဆန်ခတ်ပြုခြင်းကို ခံခရကြပြီးလျှင် အလုပ်ကို ပင်ပန်းစွာလုပ်ဆောင်ကြရပြီး အိပ်ရခြင်း၊ စားရခြင်း ဟူ၍ပင်မဟိ။ 
\v 6 စိတ်နှလုံးစင်ကြယ်ခြင်း၊ ပညာသတိဟိခြင်း၊ သည်းခံခြင်း၊ သနားကြင်နာခြင်းဖြင့် လည်းကောင်း၊ သန့်ယှင်းသော ဝိညာဉ်တော်အားဖြင့် လည်းကောင်း၊ ရိုးသားဖြူစင်သော မေတ္တာအားဖြင့်လည်းကောင်း၊ 
\v 7 သမ္မာတရားတော်ကို ဟောပြောခြင်းဖြင့် လည်းကောင်း၊ ဘုရားသခင်၏ တန်ခိုးတော်အားဖြင့် လည်းကောင်း ငါရို့သည် ဘုရားသခင်၏ အခိုင်းအစီများ ဖြစ်ကြောင်းကို ထင်ရှားစီကြ၏။ တိုက်ခိုက်ခြင်း၌ လည်းကောင်း၊ ကာကွယ်ခြင်း၌ လည်းကောင်း ငါရို့သည် ဖြောင့်မတ်ခြင်းတည်းဟူသော လက်နက်ကို အသုံးပြုကြ၏။ 
\v 8 ငါရို့သည် ချီးမြှောက်ခြင်းနှင့် ယှုတ်ချခြင်းကို လည်းကောင်း၊ ကဲ့ရဲ့ခြင်းနှင့် ချီးမွမ်းခြင်းကို လည်းကောင်း ခံရကြ၏။ လူလိမ်များဟု သတ်မှတ်ကြသော်လည်း ငါရို့သည် သစ္စာစကားကို ပြောဆိုကြ၏။ 
\v 9 လူသိနည်းသောသူများကဲ့သို့ ဖြစ်သော်ငြားလည်း အများကသိကြ၏။ သီသောသူများကဲ့သို့ ဖြစ်သော်လည်း အသက်ရှင်လျက် ဟိကြ၏။ သတ်ပုတ်ခြင်းခံရသော်လည်း ငါရို့သည် အသီသတ်ခြင်းမခံရပေ။ 
\v 10 ဝမ်းနည်းရသော်လည်း အစဉ်မပြတ် ဝမ်းမြောက်ရ၏။ သူဆင်းရဲများ ဖြစ်သော်လည်း လူအများကို ချမ်းသာကြွယ်ဝစီ၏။ တစ်စုံတစ်ခုမျှ မဟိသော်လည်း အလုံးစုံတိကို ပိုင်ကြ၏။
\p
\v 11 ကောရိန္သုမြို့၌ဟိသော မိတ်ဆွီရို့၊ သင်ရို့ကို ပွင့်လင်းစွာ ငါပြောဆို၍ ငါရို့၏စိတ်နှလုံးကို သင်ရို့အတွက် ကျယ်ကျယ် ဖွင့်ထားခယာ။ 
\v 12 ငါရို့သည် သင်ရို့အဖို့ ငါရို့၏ စိတ်နှလုံးကို ပိတ်၍ မထား။ သင်ရို့သာလျှင် ငါရို့အဖို့ သင်ရို့၏ စိတ်နှလုံးကို ပိတ်ထားကြ၏။ 
\v 13 ငါရို့ကို ကျေးဇူးတုံ့ပြန်သောအားဖြင့် သင်ရို့ စိတ်နှလုံးကို ကျယ်ကျယ် ဖွင့်ကြလော့ ဟု သင်ရို့အား ငါ၏ သားသမီးသဖွယ် ပြောဆို၏။
\s မယုံကြည်သူများနှင့် ပတ်သတ်၍ သတိပီးခြင်း
\p
\v 14 မယုံကြည်သူများနှင့် တွဲဖက်၍ မညီသောထမ်းပိုးကို မထမ်းကတ်ကေ့။ ဖြောင့်မတ်ခြင်းသည် မတရားမှုနှင့် မည်သို့ တွဲဖက်နိုင်မည်နည်း။ အလင်းသည်လည်း အမှောင်နှင့် မည်သို့ မိတ်ဖွဲ့နိုင်မည်နည်း။ 
\v 15 ခရစ်တော်သည် မိစ္ဆာနတ်ဆိုးနှင့် မည်သို့ သဘောတူနိုင်မည်နည်း။ ယုံကြည်သူသည် မယုံကြည်သူနှင့် မည်သို့ အကျိုးတူ ခံစားနိုင်မည်နည်း။ 
\v 16 \x - \xo ၆.၁၆ \xo*\xt ၁ ကော ၃.၁၆; ၆.၁၉\xt*\x*ဘုရားသခင်၏ ဗိမာန်တော်သည် ရုပ်တုများနှင့် မည်သို့ စပ်ဆိုင်နိုင်မည်နည်း။ ငါရို့သည် အသက်ရှင်တော်မူသော ဘုရားသခင်၏ ဗိမာန်တော်ဖြစ်ကြ၏။ ဘုရားသခင်က၊
\q1 “ငါသည် ငါ၏ လူစုတော်တွင် ကိန်းဝပ်၍၊
\q2 သူရို့ နှင့်အတူ လားလာ နိန်မည်။
\q1 ငါသည် သူရို့၏ ဘုရားဖြစ်၍
\q2 သူရို့သည်လည်း ငါ၏လူစုတော် ဖြစ်လိမ့်မည်။”
\m
\v 17 သို့ဖြစ်၍ သခင်ဘုရားက၊
\q1 “ထိုသူရို့ပါးမှ ထွက်လာကြလော့။
\q2 သူရို့နှင့် မပေါင်းဖော်ကတ်ကေ့။
\q1 မစင်ကြယ်သောအရာများကို မတို့မထိကတ်ကေ့။
\q2 ထိုသို့ပြုလျှင် သင်ရို့ကို ငါလက်ခံမည်။
\q1
\v 18 ငါသည် သင်ရို့၏ အဖဖြစ်မည်။
\q2 သင်ရို့သည်လည်း ငါ့သားသမီးတိ ဖြစ်ကြလိမ့်မည်ဟု၊
\q2 အနန္တတန်ခိုးသျှင် ဘုရားသခင် မိန့်တော်မူ၏” ဟု မြွက်ဆိုတော်မူ၏။
\c 7
\p
\v 1 ချစ်သော မိတ်ဆွီရို့၊ ဤကတိတော် အားလုံးသည် ငါရို့အတွက်ပင် ဖြစ်၏။ ထို့ကြောင့် ငါရို့သည် မိမိကိုယ်ကို ကိုယ်ခန္ဓာနှင့် စိတ်ဝိညာဉ် ညစ်ညူးခြင်း အပေါင်းမှ ကင်းစင်စီ၍ ဘုရားသခင်ကို ကြောက်ရွံ့ရိုသီခြင်းအားဖြင့် သန့်ယှင်းခြင်းနှင့် ပြည့်ဝကြကုန်အံ့။
\s ပေါလု၏ ဝမ်းမြောက်ခြင်း
\p
\v 2 သင်ရို့၏စိတ်နှလုံးထဲ၌ ငါရို့ကို လက်ခံကြလော့။ ငါရို့သည် ဇာသူ့ကိုမျှ မပြစ်မှား၊ မဖျက်ဆီးခ။ ဇာသူ့ထံမှ အကျိုးကျေးဇူးကို ရခြင်းငှာ မကြိုးစားခ။ 
\v 3 သင်ရို့အား အပြစ်တင်လို၍ ဤသို့ ငါပြောသည်မဟုတ်။ အကြောင်းမူကား အယင်က ငါပြောခသည့်အတိုင်း အသက်ရှင်သည်ဖြစ်စီ၊ သီဆုံးသည်ဖြစ်စီ သင်ရို့သည် ငါရို့၏စိတ်နှလုံးထဲမှာ အမြဲတမ်း ဟိနိန်သောကြောင့် ဖြစ်၏။ 
\v 4 ငါသည် သင်ရို့အား ယုံကြည်စိတ်ချ၍ သင်ရို့အတွက် များစွာဂုဏ်ယူ၏။ ဆင်းရဲဒုက္ခအားလုံးကို ငါရို့ ခံစားရသောအခါ သင်ရို့သည် ငါအား အလွန် နှစ်သိမ့်စီခသောကြောင့် ဝမ်းမြောက်ခြင်းနှင့်လည်း ပြည့်ဝလျက်ဟိ၏။
\p
\v 5 \x - \xo ၇.၅ \xo*\xt ၂ ကော ၂.၁၃\xt*\x*မာကေဒေါနိပြည်သို့ ရောက်သည့်အခါ၌ပင်လျှင် ငါရို့သည် အနားမယူခကြပေ။ ထိုအရပ်၌ အဖက်ဖက်မှ ဒုက္ခဆင်းရဲခြင်းများ၊ အချင်းချင်း အငြင်းပွားမှုများ ဟိကြသည်ဖြစ်၍ ငါရို့၏ စိတ်နှလုံး၌လည်း ကြောက်ရွိ့စိတ် ဟိခကြ၏။ 
\v 6 သို့သော် အားငယ်သောသူကို နှစ်သိမ့်ပီးတော်မူသော ဘုရားသခင်သည် တိတု ရောက်လာခြင်းအားဖြင့် ငါရို့ကို နှစ်သိမ့်ပီးတော်မူ၏။ 
\v 7 တိတု ရောက်လာခြင်းကြောင့်သာမက၊ သင်ရို့သည် သူ့အား နှစ်သိမ့်ပီးကြသည့် သတင်းကို သူ့ထံမှ ကြားသိရသည့်အတွက်ကြောင့်လည်း ငါရို့ကို အားတက်စီကြ၏။ သင်ရို့သည် ငါ့အား အလွန် တွိ့လိုသည်ကို လည်းကောင်း၊ ဝမ်းနည်းလျက် ဟိကြောင်းနှင့် ငါ့အား စေတနာစိတ် အလွန် ဟိကြောင်းကို လည်းကောင်း တိတု ပြောပြသဖြင့် ငါသည် သာ၍ပင် ဝမ်းမြောက်လျက်ဟိ၏။
\p
\v 8 အကယ်၍ ငါရီးလိုက်သည့်စာကြောင့် သင်ရို့အား ဝမ်းနည်းစီခလျှင် ထိုစာအတွက် ငါသည် စိတ်မကောင်းမဖြစ်။ ထိုစာသည် သင်ရို့အား ဝမ်းနည်းစီခသော်လည်း သင်ရို့၌ ခဏသာ ခံစားခရသည်ကို ငါမြင်ရသောကြောင့် ငါသည် ဝမ်းနည်းခြင်း မဖြစ်။ 
\v 9 သို့သော် အဂုပင် ငါရို့ဝမ်းမြောက်၏။ သင်ရို့ကို ဝမ်းနည်းအောင် ပြုခသည့်အတွက်ကြောင့် ငါဝမ်းမြောက်သည်မဟုတ်။ အကြောင်းမူကား သင်ရို့၏ ဝမ်းနည်းမှုသည် သင်ရို့အား နောင်တရစီသောကြောင့် ဖြစ်၏။ ဘုရားသခင်၏ အလိုတော်နှင့်အညီ ဝမ်းနည်းမှုဖြစ်၏။ ငါရို့သည် သင်ရို့အား ထိခိုက်နစ်နာမှု ဇာတစ်ခုကိုမျှ မပြုခ။ 
\v 10 အကြောင်းမူကား ဘုရားသခင် အလိုတော်နှင့်ညီသော ဝမ်းနည်းခြင်းသည် ကယ်တင်ခြင်းကို ရစီသည့် နောင်တစိတ်ကို ဖြစ်ပေါ်စီတတ်၏။ ထို့ကြောင့် ဝမ်းနည်းမိသည့်အတွက် စိတ်မကောင်းမဖြစ်သင့်။ သို့ရာတွင် လောကီ ဝမ်းနည်းခြင်းသည်ကား သီဆုံးခြင်းကို ဖြစ်စီတတ်၏။ 
\v 11 ဘုရားသခင်၏ အလိုတော်နှင့်ညီသော ဝမ်းနည်းမှုသည် သင်ရို့၌ ဇာပိုင် လုပ်ဆောင်ခသည်ကို ကြည့်ရှုလော့။ ထိုဝမ်းနည်းမှုသည် သင်ရို့အထဲ၌ ဇာပိုင် စိတ်အားထက်သန်ခြင်း၊ မိမိရို့၌ အပြစ်ကင်းကြောင်း ဖော်ပြရန် အလွန်လိုလားခြင်း၊ မခံမရပ်နိုင်ဖြစ်ခြင်း၊ သတိပီးခြင်း၊ အလွန်တောင့်တခြင်း၊ ဘုရားဖက်၌စိတ်အားကြီးခြင်း၊ ပြစ်မှားသောသူကို ပြစ်ဒဏ်ပီးရန် လိုလားခြင်းများကို လုပ်ဆောင်ခယာ။ သင်ရို့သည် ဤအမှုများတွင် မိမိရို့ အပြစ်ကင်းကြောင်းကို ထင်ရှားစီခယာ။
\p
\v 12 သို့ဖြစ်၍ အယင်က သင်ရို့ပါးသို့ ငါ စာရီးခရခြင်းမှာ ပြစ်မှားသော သူ၏ကိစ္စကြောင့် မဟုတ်။ ပြစ်မှားခြင်းကို ခံရသူ၏ ကိစ္စကြောင့်လည်းမဟုတ်။ ဘုရားသခင်၏ရှိ့တော်တွင် သင်ရို့သည် ငါရို့ကို ဇာလောက် စေတနာကြီးသည်ကို အမှန်ပင် သိသာထင်ရှားစီလို၍ ဖြစ်၏။ 
\v 13 ထို့ကြောင့် ငါရို့သည် နှစ်သိမ့်မှုကို ခံစားရ၏။
\p ငါရို့သည် နှစ်သိမ့်မှုကို ခံစားရသည် သာမက သာ၍ပင် ဝမ်းမြောက်ကြ၏။ အကြောင်းမူကား သင်ရို့အားလုံးသည် တိတုအား ပျော်ရွှင်စီသဖြင့် သူ၏စိတ်နှလုံးသည် အလွန် တက်ကြွလျက် ဟိသောကြောင့် ဖြစ်သည်။ 
\v 14 ငါသည် သင်ရို့အကြောင်းကို တိတုရှိ့၌ ဝါကြွားခသော်လည်း ငါ့ကို စိတ်မပျက်ခကတ်။ ငါရို့သည် သင်ရို့အား မှန်သောစကားကိုသာ အမြဲတမ်း ပြောကြားခသည့်နည်းတူ တိတုအား ငါရို့ ဝါကြွားပြောဆိုခသော အရာများသည်လည်း ဟုတ်မှန်ကြောင်း ထင်ရှားခယာ။ 
\v 15 သူ၏ညွှန်ကြားချက်များကို သင်​ရို့အားလုံးသည် နာခံကြသည်ကို လည်းကောင်း၊ သင်​ရို့သည် သူ့အား ကြောက်ရွံ့​တုန်လှုပ်​စွာ​ဖြင့် ကြိုဆို​လက်ခံကြသည်​ကို လည်းကောင်း သိသောအခါ သူ၏မေတ္တာသည် သင်ရို့၌ သာ၍ တိုးပွါးလေ၏။ 
\v 16 ငါသည် သင်ရို့အား ပြည့်ဝစွာ ယုံကြည်စိတ်ချရသောကြောင့် ဝမ်းသာလျက်ဟိ၏။
\c 8
\s ခရစ်ယာန် ပီးကမ်းခြင်း
\p
\v 1 \x - \xo ၈.၁–၄ \xo*\xt ရော ၁၅.၂၆\xt*\x*ညီအစ်ကိုမောင်နှမရို့၊ မာကေဒေါနိပြည်၌ဟိသော အသင်းတော်တိအား ဘုရားသခင် ပီးသနားတော်မူသော ကျေးဇူးတော်အကြောင်းကို သင်ရို့ သိကြရန် ငါရို့သည် အလိုဟိကြ၏။ 
\v 2 ထိုသူရို့သည် ကြီးစွာသော ဆင်းရဲဒုက္ခဖြင့် ပြင်းထန်သော စမ်းသပ်ခြင်းကို ခံစားရ၏။ သို့သော်လည်း သူရို့သည် အလွန် ဆင်းရဲကြလျက်ပင် ကြီးစွာသော ဝမ်းမြောက်သည့်စိတ်ဖြင့် ရက်ရောစွာ ပီးကမ်းစွန့်ကြဲကြ၏။ 
\v 3 သူရို့သည် မိမိရို့၏ စေတနာစိတ်အလျောက် တတ်နိုင်သည်ထက်ပို၍ ပီးကမ်းကြသည်ကို ငါသက်သီခံ၏။ 
\v 4 ထိုသူရို့သည် ယုဒပြည်၌ဟိသော သန့်ယှင်းသူရို့အား ကူညီပီးကမ်းခြင်း အခွင့်ထူးကို ရလိုခြင်းငှာ ငါရို့အား အနူးအညွှတ် တောင်းပန်ကြ၏။ 
\v 5 ဤသို့ ပြုကြခြင်းသည် ငါရို့မျှော်လင့်သည်ထက် ပိုလေ၏။ သူရို့သည် မိမိရို့ကိုယ်ကို သခင်ဘုရားအား ဦးစွာ ဆက်ကပ် ပြီးနောက် ဘုရားသခင်၏ အလိုတော်နှင့်အညီ သူရို့ကိုယ်တိုင် ငါရို့အား ပီးကမ်းကြ၏။ 
\v 6 သို့ဖြစ်၍ တိတုသည် ဤကျေးဇူးပြုခြင်းအမှုကို စတင်ခသူဖြစ်၍ ပြီးပြည့်စုံသည့်တိုင်အောင် သင်ရို့အား ကူညီဆောင်ရွက်ပီးရန် သူ့ကိုလည်း ငါရို့ တိုက်တွန်းကြ၏။ 
\v 7 သင်ရို့သည် ယုံကြည်ခြင်း၊ ဟောပြောခြင်းနှင့် အသိပညာ၌လည်းကောင်း၊ ကူညီမစခြင်းတွင် စိတ်အားထက်သန်ခြင်းနှင့် လည်းကောင်း၊ ငါရို့၌ထားသော သင်ရို့၏ ချစ်ခြင်းမေတ္တာ\f + \fr ၈.၇ \fr*\fq ငါရို့၌ထားသော သင်ရို့၏ ချစ်ခြင်းမေတ္တာ၊ \fq*\ft တချို့သော လက်ရီးမူရင်းကျမ်းတွင် \ft*\fqa သင့်အတွက် ငါရို့၏ ချစ်ခြင်း၊ \fqa*\ft ဟု ဖော်ပြထားသည်။\ft*\f* သည် လည်းကောင်း အလွန် ကြွယ်ဝကြပေ၏။ သို့ဖြစ်၍ သင်ရို့၌ ထိုကျေးဇူးပြုခြင်း အမှုကိုလည်း ကြွယ်ဝခြင်းငှာ ငါရို့ အလိုဟိ၏။
\p
\v 8 ထိုသို့ဆိုသော် ပညတ်ချက်အားဖြင့် ငါဆိုသည်မဟုတ်။ သို့သော်လည်း အခြားသူရို့သည် ကူညီလိုသော စိတ်အားထက်သန်မှုကို ဖော်ပြနိန်ခြင်းသည် သင်ရို့၏ ချစ်ခြင်းမေတ္တာ စစ်မှန်မှုကို စစ်ဆေးနိန်ခြင်းသာဖြစ်၏။ 
\v 9 အကြောင်းမူကား သင်ရို့သည် ငါရို့၏ အသျှင် ယေသျှု ခရစ်တော်၏ ကျေးဇူးတော်ကို သိကြ၏။ ကိုယ်တော်သည် ကြွယ်ဝသော်လည်း သင်ရို့၏အကျိုးကိုထောက်၍ ဆင်းရဲခြင်းကို ခံတော်မူ၏။ အကြောင်းမှာ ကိုယ်တော်၏ဆင်းရဲခံခြင်းအားဖြင့် သင်ရို့ကို ကြွယ်ဝကြစီခြင်းငှာ ဖြစ်၏။
\p
\v 10 လွန်ခသောနှစ်က အစပြုခသည့်အမှုကို အဂုအချိန်၌ အဆုံးသတ်ခြင်းသည် သင်ရို့အဖို့ သာ၍ ကောင်းမွန်သည်ဟု ငါထင်၏။ အကြောင်းမူကား၊ သင်ရို့သည် အပြုအမူအားဖြင့်သာ အစပြုခြင်း မဟုတ်ဘဲ စိတ်ဆန္ဒအလျှောက် ဆောင်ရွက်ကြသောကြောင့် ဖြစ်၏။ 
\v 11 သို့ဖြစ်၍ သင်ရို့သည် ထိုအမှုကို ပြီးဆုံးအောင် ဆောင်ရွက်ကြလော့။ သင်ရို့သည် စီစဉ်ထားသည့်အတိုင်း သင်ရို့၌ အဂု ဟိသောအရာနှင့် ဤအမှုကို စိတ်အားထက်သန်စွာဖြင့် ပြီးဆုံးအောင် ဆောင်ရွက်ကြလော့။ 
\v 12 သင်ရို့ ပီးကမ်းခြင်း၌ စေတနာစိတ်ဟိလျှင် ဘုရားသခင်သည် သင်ရို့၏ မတတ်နိုင်သည်ကို မထောက်ဘဲ တတ်နိုင်သည်ကိုသာ ထောက်၍ သင်ရို့၏ ပီးလှူခြင်းကို လက်ခံတော်မူလိမ့်မည်။
\p
\v 13 ငါရို့သည် သင်ရို့အား ဒုက္ခရောက်စီပြီး အခြားသူရို့အား သက်သာစီရန် မဟုတ်ဘဲ ညီတူညီမျှ ဖြစ်စီရန်သာ လိုလားခြင်းဖြစ်၏။ 
\v 14 အဂုအချိန်၌ သင်ရို့၏ ကြွယ်ဝမှုသည် သူရို့၏ လိုအပ်မှုကို ဖြည့်ဆည်းပီးသကဲ့သို့ နောင်တစ်ချိန်၌ သူရို့၏ ကြွယ်ဝမှုသည် သင်ရို့၏ လိုအပ်မှုကို ဖြည့်ဆည်းပီးလိမ့်မည်။ သို့ဖြစ်၍ ညီတူညီမျှ ဖြစ်စီရန် ဖြစ်၏။ 
\v 15 ကျမ်းစာတော်မြတ်က ဖော်ပြထားသည်အတိုင်း၊ “များများရသောသူလည်း မပို၊ နည်းနည်းရသောသူလည်း မလို” ဟူ၍ ဖြစ်၏။
\s တိတုနှင့် သူ၏အပေါင်းအဖော်များ
\p
\v 16 ငါရို့သည် သင်ရို့အား ကူညီမစရန် စိတ်အားထက်သန် သကဲ့သို့ တိတု၏ စိတ်နှလုံးထဲ၌ ထည့်သွင်းတော်မူသော ဘုရားသခင်၏ ကျေးဇူးတော်ကို ချီးမွမ်းပါ၏။ 
\v 17 တိတုသည် ငါရို့၏ အားပီးတိုက်တွန်းချက်ကို လက်မခံဘဲ၊ စေတနာစိတ်ဖြင့် မိမိဆန္ဒအလျောက် ကူညီရန် သင်ရို့ပါးသို့ လားဖို့ရန် စိတ်ဆုံးဖြတ်ထား၏။ 
\v 18 ဧဝံဂေလိတရားကို ဟောပြော၍ အသင်းတော်များ၌ အလွန် ရိုသီခြင်းကို ခံရသော ညီအစ်ကို တစ်ယောက်ကိုလည်း တိတုနှင့်အတူ ငါရို့ စီရွှတ်လိုက်၏။ 
\v 19 ထိုမျှမက သူသည် အလှူကောက်ခံမှုအတွက် ငါရို့နှင့်အတူ ခရီးပြုရန် အသင်းတော်များက ရွီးချယ်ခန့်ထားသော သူလည်းဖြစ်၏။ သခင်ဘုရား၏ ဘုန်းတန်ခိုးတော်နှင့် ကူညီမစခြင်း၌ ငါရို့၏ စိတ်အားထက်သန်ခြင်းကို ပြသရန်၊ ဤအမှုကို ဆောင်ရွက်ကြခြင်းဖြစ်၏။
\p
\v 20 ဤသို့ စေတနာတရားထက်သန်စွာ ပီးကမ်းကြသော အလှူငွီကို သုံးစွဲရာ၌ အခြားသူများက အပြစ်ရှာခြင်းမှ ကင်းလွတ်စီရန် ငါရို့သည် သတိနှင့် ဆောင်ရွက်လျက်ဟိကြ၏။ 
\v 21 ငါရို့သည် သခင်ဘုရား၏ ရှိ့တော်၌သာမက လူတိရှိ့၌လည်း မှန်ကန်သည့် အမှုကိုသာပြုကြရန် ရည်ရွယ်ချက် ဟိကြ၏။
\p
\v 22 သို့ဖြစ်၍ ငါရို့သည် ထိုသူရို့နှင့်အတူ အခြားညီအစ်ကိုတစ်ယောက်ကိုလည်း စီရွှတ်လိုက်ကြ၏။ ငါရို့သည် ထိုသူအား အကြိမ်ကြိမ် စစ်ဆေးကြည့်ရာ သူသည် အမြဲတမ်း ကူညီခြင်း၌ စိတ်အားထက်သန်သူဖြစ်ကြောင်း တွိ့ရ၏။ အဂုတွင် သူသည် သင်ရို့၌ ယုံကြည်စိတ်ချမှု များစွာဟိသဖြင့် ကူညီခြင်း၌ ပို၍ပင် စိတ်အားထက်သန်လျက် ဟိ၏။ 
\v 23 တိတုနှင့်ပတ်သတ်၍ ဖော်ပြရမည်ဆိုသော် သူသည် သင်ရို့ကို ကူညီရာ၌ ငါနှင့်အတူ ဆောင်ရွက်သောသူ၊ ငါ၏ လုပ်ဖော်ဆောင်ဖက်ဖြစ်၏။ သူနှင့်အတူ လိုက်လာကြသည့် အခြားသော ညီအစ်ကိုများမှာ ခရစ်တော်၏ ဘုန်းတန်ခိုးတော်ကို သယ်ဆောင်လာသော အသင်းတော်များ၏ ကိုယ်​စား​လှယ်များ ဖြစ်ကြ၏။ 
\v 24 ထို့ကြောင့် ငါရို့သည် သင်ရို့၏အကြောင်းကို ဂုဏ်ယူလျက်ဟိသည်မှာ မှန်ကန်ကြောင်းကို အသင်းတော်များက စိတ်ချမှုဟိစီရန် သင်ရို့၏ ချစ်ခြင်းမေတ္တာကို သူရို့အား ပြသကြလော့။
\c 9
\s ယုံကြည်သူများကို ကူညီထောက်ပံ့ခြင်း
\p
\v 1 ယုဒပြည်၌ဟိသော ဘုရားသခင်၏လူစုတော်အား ကူညီထောက်ပံ့ခြင်း အမှုနှင့်ပတ်သတ်၍ သင်ရို့ပါးသို့ ရီးသားရန် အမှန်ပင် မလိုအပ်ပေ။ 
\v 2 အကြောင်းမူကား သင်ရို့၏ ကူညီထောက်ပံ့လိုသော စေတနာစိတ်ကို ငါသိသည်ဖြစ်၍ သင်ရို့အကြောင်းကို မာကေဒေါနိပြည်သားတိအား၊ “အခါယပြည်၌ဟိသော ညီအစ်ကိုမောင်နှမရို့သည်၊ မနှစ်ကပင် ကူညီရန် အသင့်ဟိကြသည်” ဟု ငါသည် ဂုဏ်ယူလျက် ပြောခ၏။ သင်ရို့၏ စေတနာစိတ်ထက်သန်မှုသည် များစွာသောသူတိကို နှိုးဆော်ပီး၏။ 
\v 3 သို့ရာတွင် ငါရို့သည် သင်ရို့အကြောင်းကို ဂုဏ်ယူပြောဆိုခသောစကားသည် အလကားမဖြစ်စီဘဲ ငါပြောထားခသည်အတိုင်း သင်ရို့သည် သူရို့အား ကူညီပီးရန် အသင့်ပျင်ဆင်ထားရန် ညီအစ်ကိုမောင်နှမတိအား အဂုပင် ငါ စီရွှတ်လိုက်၏။ 
\v 4 အကယ်၍ မာကေဒေါနိပြည်သားရို့သည် ငါနှင့်အတူ လိုက်လာကြလျှင် သင်ရို့၌ အသင့်ပျင်ဆင်မှု မဟိသည်ကို တွိ့ရပါက သင်ရို့သာလျှင် အရှက်ရကြလိမ့်မည် မဟုတ်။ သင်ရို့အား ယုံကြည်စိတ်ချမိသည့်အတွက် ငါရို့ကိုလည်း အရှက်ရစီလိမ့်မည်။ 
\v 5 သို့ဖြစ်၍ သင်ရို့ ကတိပြုထားသည့်အတိုင်း ဤအလှူကို အသင့်ပျင်ဆင်နိုင်ရေးအတွက် ဤညီအစ်ကို မောင်နှမတိကို တိုက်တွန်း၍ သင်ရို့ပါးသို့ ကြိုတင် စီရွှတ်နိုင်ရန် လိုအပ်သည်ဟု ငါထင်မှတ်၏။ ငါရောက်လာသောအခါ အလှူသည် အသင့်ပျင်ဆင်ထားပြီးဖြစ်၍ သင်ရို့သည် ဝတ္တရားအရ ပီးကမ်းခြင်းမဟုတ်ဘဲ စေတနာအလျောက် ပီးကမ်းခြင်း ဖြစ်ကြောင်းကို ပေါ်လွင်လိမ့်မည်။
\p
\v 6 အနည်းချေသော မျိုးစိ့ကို ကြဲသောသူသည် အနည်းချေသာ ရိတ်သိမ်းရလိမ့်မည်။ များစွာသော မျိုးစိ့ကို ကြဲသောသူမူကား များစွာ ရိတ်သိမ်းရလိမ့်မည် ဖြစ်ကြောင်း သိမှတ်ကြလော့။ 
\v 7 လူတိုင်း မိမိစေတနာစိတ် ဟိသည်အတိုင်း ပီးကမ်းအပ်၏။ နှမြောသောစိတ် သို့မဟုတ် ပီးကမ်းရန် တာဝန်ဝတ္တရားဟိသည်ဟူသော စိတ်နှင့်လည်း မပီးကမ်းအပ်။ ဘုရားသခင်သည် ဝမ်းမြောက်ခြင်းနှင့် ပီးကမ်းတတ်သောသူကို နှစ်သက်တော်မူ၏။ 
\v 8 သင်ရို့၏ လိုအပ်သမျှတိကို အစဉ်မပြတ် ရပြီးလျှင် ကောင်းသောအမှု အမျိုးမျိုး၌ ကူညီမစနိုင်ကြစီရန် ဘုရားသခင်သည် သင်ရို့အား လိုအပ်သည်ထက် ပို၍ ပီးနိုင်တော်မူ၏။ 
\v 9 ကျမ်းစာတော်မြတ်၌ ဖော်ပြထားသည်မှာ၊
\q1 “သူသည် ဆင်းရဲသားရို့အား ရက်ရောစွာ ပီးကမ်း၏။
\q2 သူ၏ ဖြောင့်မတ်ခြင်းသည် ထာဝရတည်၏” ဟု ဖြစ်၏။
\m
\v 10 ပျိုးကြဲသောသူအား မျိုးစိ့ကို လည်းကောင်း၊ အစာအတွက် မုန့်ကို လည်းကောင်း ပီးတော်မူသော ဘုရားသခင်သည် ငါရို့လိုသမျှ အလုံးစုံသော မျိုးစိ့ကိုလည်း ပီးတော်မူ၍ အပင်ကိုလည်း ကြီးထွားစီကာ သင်ရို့၏ ဖြောင့်မတ်ခြင်းဆိုင်ရာ အသီးအပွင့်များကို တိုးပွါးစီတော်မူလိမ့်မည်။ 
\v 11 သင်ရို့သည် အချိန်တိုင်း၌ ရက်ရောစွာ ပီးကမ်းနိုင်ကြစီရန် ကိုယ်တော်သည် သင်ရို့အား အစဉ် ချမ်းသာကြွယ်ဝ စီတော်မူလိမ့်မည်။ သင်ရို့ ပီးကမ်းသော အလှူများကို ငါရို့ပါးက ခံယူကြသော များစွာသော သူရို့သည်လည်း ဘုရားသခင်၏ ကျေးဇူးတော်ကို ချီးမွမ်းတော်မူကြလိမ့်မည်။ 
\v 12 သင်ရို့၏ ဆောင်ရွက်မှုများသည် သန့်ယှင်းသူရို့၏ လိုအပ်သောအရာများကို ကူညီမစသည်သာမက၊ ဘုရားသခင်၏ ကျေးဇူးတော် ချီးမွမ်းခြင်းကိုလည်း များစွာ တိုးပွားစီတော်မူ၏။ 
\v 13 အကြောင်းမူကား ဤသို့ သင်ရို့၏ လုပ်ဆောင်မှုကြောင့် လူအပေါင်းရို့သည် ခရစ်တော်၏ သတင်းကောင်းကို သစ္စာဟိစွာ သင်ရို့ ခံယူကြသည်ကို လည်းကောင်း၊ သူရို့မှစ၍ တခြားသူအပေါင်းရို့အား ရက်ရောစွာ ဝီမျှပီးကမ်းကြသည်ကို လည်းကောင်း လူအပေါင်းရို့သည် ဘုရားသခင်၏ ဘုန်းတန်ခိုးတော်ကို ချီးမွမ်းကြပေလိမ့်မည်။ 
\v 14 ထို့အပြင် သင်ရို့အား ဘုရားသခင်ပီးသနားတော်မူသော ထူးမြတ်သော ကျေးဇူးတော်ကြောင့် သူရို့သည် အလွန် စိတ်နှလုံးပါလျက် သင်ရို့အတွက် ဆုတောင်းပီးကြလိမ့်မည်။ 
\v 15 ကိုယ်တော်၏ ဖော်ပြ၍မကုန်နိုင်သော ဆုကျေးဇူးတော်အတွက် ဘုရားသခင်အား ကျေးဇူးတော်ကို ချီးမွမ်းပါ၏။
\c 10
\s ပေါလုသည် မိမိ၏ အမှုတော်ဆောင်ခြင်းကို ကာကွယ်ခြင်း
\p
\v 1 ခရစ်တော်၏ နူးညံ့သိမ်မွေ့ခြင်းနှင့် သနားကြင်နာခြင်းအားဖြင့် ငါ ပေါလုသည် သင်ရို့အား တောင်းပန်ပါ၏။ ငါသည် သင်ရို့နှင့်အတူ ဟိသောအခါ ကြောက်တတ်သော်လည်း ဝီးကွာနိန်သောအခါ ရဲဝံ့ပြတ်သားသောသူ ဖြစ်၏။ 
\v 2 ငါရို့ကို လောကီအလိုသို့လိုက်၍ ဆောင်ရွက်သူများဖြစ်သည်ဟု ဝေဖန်စွပ်စွဲကြသော သူရို့အား ပြတ်သားစွာ ပြုမူရမည်ဟု ငါ ခံယူထားသည်အတိုင်း ငါရောက်လာသောအခါ ထိုသို့ ပြတ်သားစွာ ပြောဆိုခြင်းငှာ ဖိအားမပီးကြရန် ငါတောင်းပန်၏။ 
\v 3 ငါရို့သည် လောက၌ အသက်ရှင်နီထိုင်လျက် ဟိကြသည် မှန်သော်လည်း လောကီအလိုသို့လိုက်၍ တိုက်ပွဲ ဝင်နိန်ကြသည်မဟုတ်။ 
\v 4 ငါရို့ ကိုင်စွဲသော လက်နက်သည် လောကနှင့်ဆိုင်သော လက်နက်တိမဟုတ်။ ခံတပ်တိကို ဖြိုဖျက်နိုင်သည့် ဘုရားသခင်၏ တန်ခိုးတော်နှင့်ပြည့်စုံသော လက်နက်တိဖြစ်ကြ၏။ ငါရို့သည် မှားယွင်းသော ငြင်းခုံမှုများကို ပယ်ဖျက်၍၊ 
\v 5 ဘုရားသခင်အား သိကျွမ်းသောဉာဏ်ပညာကို ဆန့်ကျင်တားဆီးတတ်သော မာန်မာနဟိသမျှကို ချိုးဖျက်ကာ ငါရို့သည် တွီးတောကြံစည်မှု ဟိသမျှကို ချုပ်တည်းကာ ခရစ်တော်အား နာခံစီကြ၏။ 
\v 6 သင်ရို့သည် နာခံမှုနှင့် ပြည့်စုံကြသောအခါ မနာခံသောသူတိကို ပြစ်ဒဏ်ပီးခြင်းငှာ ငါရို့သည် အသင့်ဟိကြ၏။
\p
\v 7 သင်ရို့သည် အပြင်ပန်းသဏ္ဌန်ကိုသာ ကြည့်ရှုတတ်ကြ၏။ ဇာသူမဆို ကိုယ့်ကိုကိုယ် ခရစ်တော်နှင့် သက်ဆိုင်သောသူဖြစ်သည်ဟု ယုံကြည်စိတ်ချမှုဟိလျှင် ထိုသူရို့သည် ခရစ်တော်နှင့် သက်ဆိုင်သကဲ့သို့ ငါရို့သည်လည်း ခရစ်တော်နှင့် သက်ဆိုင်သောသူတိဖြစ်သည်ကို ပြန်လည်၍ စဉ်းစားဆင်ခြင်ကြလော့။ 
\v 8 အကြောင်းမူကား ငါသည် သခင်ဘုရား ပီးတော်မူသော အခွင့်အာဏာနှင့် ပတ်သတ်၍ အလွန်ပင် ဝါကြွားမိခသော်လည်း မရှက်ပါ။ ထိုအခွင့်အာဏာသည် သင်ရို့အား ဖြိုဖျက်ရန်မဟုတ်၊ တည်ဆောက်ပီးရန် အတွက်ဖြစ်၏။ 
\v 9 သို့ဖြစ်၍ ငါသည် သင်ရို့အား စာရီး၍ ခြောက်လှန့်နိန်သည်ဟု မထင်စီလို။ 
\v 10 အကြာင်းမူကား၊ “ပေါလု၏ စာများသည် ပြင်းထန်၍ အာဏာပါသော စာဖြစ်၏။ သို့သော် သူကိုယ်တိုင် ငါရို့နှင့်အတူ ဟိသောအခါ အားနည်းသောသူဖြစ်၍ အဟောအပြောသည်လည်း အထင်ကြီးစရာမဟိ” ဟု လူတချို့က ပြောဆိုကြ၏။ 
\v 11 ငါရို့သည် အဝီး၌ ဟိသောအခါက ရီးသားလိုက်သော စာ၌ ပါဟိသည့်အတိုင်း ငါရို့ရောက်လာချိန်၌ ထိုအမှုကိုပြုမည့် အကြောင်းကို ထိုသူရို့အား အသိပီးလိုက်ကတ်။
\p
\v 12 အကြောင်းမူကား ငါရို့သည် ကိုယ့်ကိုကိုယ် ချီးမြှောက်တတ်သူရို့နှင့် တစ်တန်းတည်းဖြစ်စီခြင်းငှာ လည်းကောင်း၊ နှိုင်းယှဉ်ခြင်းငှာ လည်းကောင်း မပြုဝံ့ပါ။ သူရို့သည် မိမိရို့၏ စံအားဖြင့် မိမိကိုယ်ကို တိုင်းတာ၍ ဆုံးဖြတ်ကြ၏။ ထိုသူရို့သည် အလွန် မိုက်မဲလှပါ၏။ 
\v 13 ငါရို့သည်ကား အတိုင်းအတာကို ကျော်လွန်၍ ဝါကြွားလိမ့်မည်မဟုတ်။ သင်ရို့၌ ငါရို့ လုပ်ဆောင်သော လုပ်ငန်းအပါအဝင် ဘုရားသခင် သတ်မှတ်ပီးထားသော လုပ်ဆောင်မှု၌သာ ငါရို့ ဝါကြွားကြ၏။ 
\v 14 သင်ရို့သည်လည်း ထိုသို့ သတ်မှတ်ထားသော လုပ်ဆောင်မှု၌ ပါဝင်သဖြင့် ငါရို့သည် သင်ရို့ပါးသို့ လာသောအခါ ခရစ်တော်၏ သတင်းကောင်းကို ယူဆောင်လာခြင်းသည် နယ်ကျွံရာမကျပေ။ 
\v 15 သို့ဖြစ်၍ ငါရို့သည် ဘုရားသခင်က သတ်မှတ်ပီးထားသည့် အလုပ်ကို ကျော်လွန်၍ သူတစ်ပါး၏ လုပ်ဆောင်ချက်များအတွက် ဂုဏ်ယူဝါကြွားခြင်း မဟိပေ။ သို့သော် သင်ရို့၏ ယုံကြည်ခြင်း ကြီးထွားလာသည်နှင့်အမျှ ငါရို့အတွက် ဘုရားသခင် သတ်မှတ်ပီးတော်မူသည့် နယ်ပယ်အတွင်း သင်ရို့ပါးတွင် အမှုတော်ကို ပိုမို ကျယ်ပြန့်စွာ ဆောင်ရွက်နိုင်ရန် ငါရို့ မျှော်လင့်၏။ 
\v 16 ထို့ကြောင့် ငါရို့သည် သင်ရို့၏ဒေသအပြင် အခြားဒေသများတွင် သတင်းကောင်းကို ဟောပြောနိုင်ခသဖြင့် အခြားသောသူတစ်ယောက် လုပ်ဆောင်ထားသော လုပ်ငန်းနယ်ပယ်နှင့်ပတ်သတ်၍ ဂုဏ်ယူဝါကြွားစရာ မလို။
\p
\v 17 သို့ရာတွင် ကျမ်းစာတော်မြတ်က “ဝါကြွားလိုသောသူသည် သခင်ဘုရား ပြုတော်မူသော အမှု၌သာ ဝါကြွားရမည်” ဟု ဆို၏။ 
\v 18 အကြောင်းမူကား သခင်ဘုရား နှစ်သက်တော်မူသောသူ ဟူသည်မှာ ကိုယ့်ကိုကိုယ် ချီးမြှောက်သောသူမဟုတ်။ ကိုယ်တော်က ချီးမြှောက်သောသူ ဖြစ်ရမည်။
\c 11
\s ပေါလုနှင့် တမန်တော်အတုအယောင်များ
\p
\v 1 အနည်းချေမျှသော ငါ၏မိုက်မဲမှုကို သင်ရို့သည် သည်းခံကြလိမ့်မည်ဟု ငါမျှော်လင့်၏။ ကျေးဇူးပြု၍ သည်းခံကြလော့။ 
\v 2 ဘုရားသခင်သည် သင်ရို့အား သဝန်တိုစိတ် ဟိသကဲ့သို့ ငါသည်လည်း သင်ရို့အား သဝန်တိုစိတ် ဟိ၏။ ငါသည် အပြစ်ကင်းသော အပျိုစင်နှင့် တူကြသော သင်ရို့ကို ခရစ်တော်တည်းဟူသော သူတစ်ယောက်နှင့် ထိမ်းမြားရန် ကတိပြုထား၏။ 
\v 3 မြွီသည် မိမိ၏ပရိယာယ်အားဖြင့် ဧဝကို လှည့်ဖြားသည့်နည်းတူ သင်ရို့၏စိတ်သည် ယိုယွင်းကာ ခရစ်တော်အား ဖြူစင်သန့်ယှင်းသော မေတ္တာစိတ် ပျောက်လားမည်ကို ငါ စိုးရိမ်မိ၏။ 
\v 4 အကြောင်းမူကား တစ်စုံတစ်ယောက်က သင်ရို့ပါးသို့ ရောက်လာ၍ ငါရို့ မဟောပြောဖူးသော အခြားသော ယေသျှုအကြောင်းကို လည်းကောင်း၊ ငါရို့ပါးမှ ကြားသိရသည့် သတင်းကောင်းနှင့် လုံးဝခြားနားသည့် သတင်းကောင်းကို လည်းကောင်း၊ အယင်က ခံယူထားသည့် ဝိညာဉ်တော်နှင့် လုံးဝခြားနားသည့် ဝိညာဉ်ကို လည်းကောင်း ဟောပြောသောအခါ၌ သင်ရို့သည် ဝမ်းမြောက်စွာ ခွင့်ပြုကြ၏။
\p
\v 5 သင်ရို့၌ ထင်ရှားသော “တမန်တော်ကြီးများ” ထက် အနည်းချေမျှ ငါသည် မနိမ့်ဟု ယူဆ၏။ 
\v 6 ငါသည် အဟောအပြော၌ ညံ့သော်လည်း အသိပညာ၌မူကား မညံ့။ ငါရို့သည် ဤအကြောင်းအရာများကို အချိန်တိုင်း အခြေနေအမျိုးမျိုးတိုင်း၌ သင်ရို့ပါးကို ယှင်းလင်းစွာ ပြခ၏။
\p
\v 7 သင်ရို့ ချီးမြှောက်ခြင်းခံရဖို့ရန် ငါသည် မိမိကိုယ်ကို နှိမ့်ချလျက် ဘုရားသခင်၏ သတင်းကောင်းကို သင်ရို့အား အခမဲ့ ဟောပြောခ၏။ ထိုအရာသည် မှားယွင်းပါသလော။ 
\v 8 ငါသည် သင်ရို့၌ အမှုတော်ဆောင်ရွက်စဉ်က ကုန်ကျစရိတ်တိကို တခြားသော အသင်းတော်များက ကျခံစီခ၏။ ငါသည် သင်ရို့အား ထောက်ပံ့ ကူညီရန် ထိုအသင်းတော်တိကို လုယူနိန်သကဲ့သို့ ဖြစ်၏။ 
\v 9 \x - \xo ၁၁.၉ \xo*\xt ဖိ ၄.၁၅–၁၈\xt*\x* ထို့အပြင် မာကေဒေါနိပြည်မှ လာကြသည့် ညီအစ်ကိုမောင်နှမရို့က ငါလိုသမျှကို ယူလာကြသည်ဖြစ်၍ ငါသည် သင်ရို့နှင့်အတူ ဟိနိန်စဉ် ငွီကြေးလိုအပ်ချိန်၌ သင်ရို့အား ဒုက္ခမပီးခ။ ငါသည် သင်ရို့အတွက် အယင်ကဖြစ်စီ၊ နောင်အခါ၌ဖြစ်စီ ဝန်ထုပ်ဝန်ပိုး ဖြစ်စီလိမ့်မည်မဟုတ်။ 
\v 10 ဤသို့ ငါ၏ ဝါကြွားမှုသည် အခါယပြည် တစ်လျှောက်လုံး ဇာသူမျှ ပိတ်ပင်၍ ရလိမ့်မည်မဟုတ်ကြောင်းကို ငါ၌ဟိသော ခရစ်တော်၏ သမ္မာတရားကို အမှီပြု၍ ငါဆို၏။ 
\v 11 ငါသည် ဤသို့ဆိုရသည့် အကြောင်းမှာ သင်ရို့အား မချစ်လို့လား။ သင်ရို့အား ငါချစ်သည်ကို ဘုရားသခင် သိတော်မူ၏။ 
\v 12 သို့ရာတွင် ငါရို့လုပ်သည့် နည်းတူ လုပ်ဆောင်နိန်ကြသည်ဟု အခြားသော “တမန်တော်များ” ဝါကြွားပြောဆိုခွင့် မရနိုင်ကြစီရန် ငါသည် အဂု လုပ်ဆောင်သည်အတိုင်း ဆက်လက် လုပ်ဆောင်လားလိမ့်မည်။ 
\v 13 ထိုသူရို့သည် စစ်မှန်သော တမန်တော်များ မဟုတ်၊ မှားယွင်းသောတမန်တော်များသာ ဖြစ်ကြ၏။ မိမိကိုယ်ကို ခရစ်တော်၏ စစ်မှန်သော တမန်တော်တိ ဖြစ်ယောင်ဆောင်လျက် လှည့်စားသောသူများဖြစ်၏။
\p
\v 14 သူရို့သည် ဤသို့ ပြုကြသည်မှာ အံ့ဖွယ်မဟုတ်။ စာတန်သည်ပင် အလင်း၏ ကောင်းကင်တမန် ဖြစ်ယောင်ဆောင်တတ်၏။ 
\v 15 သို့ဖြစ်၍ သူ၏အခိုင်းအစီများသည် ဖြောင့်မတ်ခြင်း၏ အခိုင်းအစီများ ဖြစ်ယောင်ဆောင်ကြသည်မှာ အံ့ဖွယ်မဟုတ်ပေ။ အဆုံး၌ သူရို့သည် မိမိရို့ ပြုမူကြသည့်အတိုင်း ထိုက်တန်သည့် အ​ကျိုးအ​ပြစ်​ကို ခံကြရလိမ့်မည်။
\s တမန်တော်ပေါလု၏ ဒုက္ခဆင်းရဲများ
\p
\v 16 တဖန် ငါဆိုသည်ကား၊ ငါ့ကို မိုက်မဲသောသူ ဖြစ်သည်ဟု ဇာသူလေ့ မထင်ကတ်ကေ့။ သို့သော်လည်း သင်ရို့ ထိုသို့ ထင်မှတ်ကြလျှင်လည်း ငါ၌ ဝါကြွားစရာ အနည်းချေ ဟိစီခြင်းငှာ မိုက်မဲသောသူအဖြစ်နှင့်ပင် ငါ့ကို လက်ခံကြလော။ 
\v 17 အဂု ပြောဆိုနိန်ခြင်းသည် သခင်ဘုရား၏ ပြောစီချင်သည့် စကားမဟုတ်ဘဲ မိုက်မဲသောသူ တစ်ယောက်ကဲ့သို့ ငါသည် ဝါကြွား ပြောဆိုနိန်ခြင်းဖြစ်၏။ 
\v 18 သို့သော်လည်း များစွာသော လူရို့သည် လောကီအရာများ၌ ဝါကြွားကြသည်ဖြစ်၍ ငါသည်လည်း ဝါကြွားမည်။ 
\v 19 သင်ရို့သည် ပညာဟိများ ဖြစ်သောကြောင့် မိုက်မဲသောသူရို့အား ဝမ်းမြောက်စွာ သည်းခံနိုင်ကြ၏။ 
\v 20 တစ်စုံတစ်ယောက်သောသူက သင်ရို့အား ကျွန်ပြုသည် ဖြစ်စီ၊ အခွင့်အရေးယူသည် ဖြစ်စီ၊ အသုံးချခံရသည် ဖြစ်စီ၊ အထင်အမြင်သေးသည် ဖြစ်စီ၊ ပါးကိုသတ်သည် ဖြစ်စီ ထိုသူကို သင်ရို့သည် သည်းခံကြ၏။ 
\v 21 ငါရို့သည် ထိုသို့ ပြုရန် မဝံ့မရဲ ဖြစ်ခသောကြောင့် ဝန်ခံရန်ပင် ငါသည် ရှက်၏။
\p သိုရာတွင် တစ်စုံတစ်ယောက်က တစ်စုံတစ်ခုသောအရာ၌ ဝါကြွားဝံ့သည်ဆိုလျှင် ငါသည်လည်း ဝါကြွားဝံ့သည်ဟု မိုက်မဲသောသူတစ်ယောက်ကဲ့သို့ ငါပြောဆို၏။ 
\v 22 သူရို့သည် ဟေဗြဲလူမျိုး ဖြစ်ကြသလော။ ငါသည်လည်း ဖြစ်၏။ သူရို့သည် ဣသရေလလူမျိုးများ ဖြစ်ကြသလော။ ငါသည်လည်း ဖြစ်၏။ သူရို့သည် အာဗြဟံ၏ အမျိုးအနွယ် ဖြစ်ကြသလော။ ငါသည်လည်း ဖြစ်၏။ 
\v 23 \x - \xo ၁၁.၂၃ \xo*\xt တ ၁၆.၂၃\xt*\x*သူရို့သည် ခရစ်တော်၏ အခိုင်းအစီများ ဖြစ်ကြသလော။ ငါသည်လည်း သာ၍ပင် ဖြစ်သည်ဟု အရူးတစ်ယောက်ကဲ့သို့ ငါဆို၏။ ငါသည် အလုပ်ကို ပို၍ အပင်ပန်းခံကာ လုပ်ဆောင်ခ၏။ ကြိမ်ဖန်များစွာ ထောင်ကျခံခရ၏။ ကြိမ်ဒဏ်များစွာကိုလည်း ခံခရ၏။ သီဖီးနှင့်လည်း ကြိမ်ဖန်များစွာ ရင်ဆိုင်ခရ၏။ 
\v 24 ငါသည် ယုဒလူမျိုးရို့၏ သုံးဆယ်ကိုးချက်သော ရိုက်နှက်ခြင်းကို ငါးကြိမ်တိုင်တိုင် ခံခရ၏။ 
\v 25 \x - \xo ၁၁.၂၅ \xo*\xt တ ၁၆.၂၂; \xt*\xt တ ၁၄.၁၉\xt*\x*ငါသည် ရောမအမျိုးသားတိထံ၌ သုံးကြိမ်တိုင်တိုင် ကြိမ်ဒဏ်ခံရခပြီး ကျောက်ခဲဖြင့် တစ်ကြိမ် အပစ်ခံရခ၏။ သင်္ဘောပျက်သည်မှာ သုံးကြိမ်ဖြစ်ပြီး ပင်လယ်ပြင်တွင် တစ်နိ့နှင့်တစ်ည မျောခရ၏။ 
\v 26 \x - \xo ၁၁.၂၆ \xo*\xt တ ၉.၂၃; \xt*\xt တ ၁၄.၅\xt*\x*ငါသည် ခရီးအကြိမ်ကြိမ် လားရာတွင် မြစ်ရီကြီးသည့်ဖီး၊ ဒါးပြဖီး၊ ကိုယ့်လူမျိုးဖြစ်သော ယုဒလူမျိုးရို့၏ဖီး၊ လူမျိုးခြားတိ ပြုသောဖီး၊ မြို့ကြီးများတွင် တွိ့ရတတ်သည့်ဖီး၊ ကျေးလက်တောရွာ၌ တွိ့ရသောဖီး၊ ပင်လယ်ပြင်၌ တွိ့ရသောဖီး၊ မိတ်ဆွီအတုယောင်များ၏ဖီးများနှင့် ကြုံတွိ့ခရ၏။ 
\v 27 အလုပ်ကို ပင်ပန်းခက်ခဲစွာ လုပ်ကိုင်ရခြင်း၊ မကြာခဏ အိပ်ပျက်ခြင်း၊ ဆာလောင်မွတ်သိပ်ခြင်းနှင့် ရီငတ်ခြင်း၊ မကြာခဏ အစာ ပြတ်လပ်ခြင်း၊ အအီးဒဏ်ခံရခြင်း၊ ဝတ်စရာ လုံလောက်စွာ မဟိခြင်းများကို ငါ ခံရခ၏။ 
\v 28 ထိုမျှမက အသင်းတော် အားလုံးအတွက် ငါ၏ စိုးရိမ်ပူပန်ခြင်းသည် နိ့စဉ်နိ့တိုင်း ငါ့ကို ဖိစီးလျက်ဟိ၏။ 
\v 29 တစ်စုံတစ်ယောက်သည် အားနည်းနိန်လျှင် ငါသည်လည်း အားနည်းရ၏။ တစ်စုံတစ်ယောက်သည် လမ်းလွဲနိန်လျှင် ငါသည် ပူပန်ခြင်းနှင့် ပြည့်နိန်၏။
\p
\v 30 ငါသည် ဝါကြွားရမည်ဆိုလျှင် မိမိ၏ အားနည်းချက်ကိုသာ အကြောင်းပြု၍ ဝါကြွားရမည်။ 
\v 31 ငါသည် မုသာသုံး၍ မပြောကြောင်းကို အသျှင်ယေသျှု၏ ခမည်းတော်တည်းဟူသော ဘုရားသခင်သည် သိတော်မူ၏။ ထိုအသျှင်၏ နာမတော်သည် ကာလအစဉ်အဆက် မင်္ဂလာဟိတော်မူပါစီသတည်း။ 
\v 32 \x - \xo ၁၁.၃၂,၃၃ \xo*\xt တ ၉.၂၃–၂၅\xt*\x* ဒမာသက်မြို့၌ အရေတဘုရင်၏ လက်အောက်ခံ မြို့ဝန်သည် ငါ့ကို ဖမ်းဆီးရန် မြို့တန်းခါးများတွင် တပ်သားတိကို အစောင့်ချထား၏။ 
\v 33 သို့ရာတွင် တပည့်တော်ရို့သည် ငါ့အား တောင်းထဲတွင်ထည့်၍ ပြူတင်းပေါက်မှတဆင့် မြို့ရိုးက လျှောချခသောကြောင့် ငါသည် ထိုသူ၏ လက်မှ လွတ်မြောက်ခရ၏။
\c 12
\s ပေါလု၏ ရူပါရုံများနှင့် ဗျာဒိတ်တော်များ
\p
\v 1 ဝါကြွားခြင်းသည် အကျိုးမဟိသော်လည်း ငါသည် ဝါကြွားရဦးမည်။ သို့ဖြစ်၍ သခင်ဘုရားက ငါ့အား ပီးသနားတော်မူသော ရူပါရုံများနှင့် ဗျာဒိတ်တော်များအကြောင်းကို အဂု ပြောပြမည်။ 
\v 2 လွန်ခသော တစ်ဆယ့်လေးနှစ်က ခရစ်တော်ကို ယုံကြည်သူတစ်ဦးသည် တတိယ ကောင်းကင်ဘုံတိုင်အောင် ဆောင်ယူခြင်းခံရသည်ကို ငါသိ၏။ ဤသို့ ဆောင်ယူခြင်းခံရသည်မှာ ခန္ဓာပါသည်၊ မပါသည်ကို ငါမသိ။ ဘုရားသခင်သာလျှင် သိတော်မူ၏။ 
\v 3-4 ငါဆိုသည်ကား၊ ထိုသူသည် ပရဒိသုဘုံသို့ ဆောင်ယူခြင်းခံရသည်ကို ငါသိ၏။ တဖန် ဤသို့ ဖြစ်ပျက်ခြင်းသည် ခန္ဓာပါသည်၊ မပါသည်ကို ငါမသိ။ ဘုရားသခင်သာလျှင် သိတော်မူ၏။ ထိုအရာကို လူ၏နှုတ်ဖြင့် မမြွတ်ဆိုနိုင်။ စကားလုံးအားဖြင့်လည်း မဖော်ပြနိုင်သောအရာများကို ထိုသူသည် ကြားခရ၏။ 
\v 5 သို့ဖြစ်၍ ငါသည် ထိုသူ၏ အကြောင်းကို ငါ ဝါကြွားမည်။ သို့သော် ငါ၏ အားနည်းချက်မှလွဲ၍ ငါ၌ အခြားသော ဝါကြွားစရာမဟိ။ 
\v 6 ငါသည် ဝါကြွားရန် အလိုဟိလျှင်လည်း မိုက်မဲသောသူ ဖြစ်လိမ့်မည် မဟုတ်။ ဇာကြောင့်ဆိုသော် ငါသည် မှန်သောစကားကိုသာ ပြောခြင်းဖြစ်၏။ သို့သော် မည်သူမျှ ငါ့ကို မြင်ရ၊ ကြားရသည်ထက် ပို၍ အထင်မကြီးစီလိုသဖြင့် ငါသည် ဝါကြွားလိမ့်မည် မဟုတ်။
\p
\v 7 ငါမြင်ရသည့် ဗျာဒိတ်တော်သည် အလွန် ထူးမြတ်သောကြောင့် ငါ့ကို ထောင်လွှားခြင်း မပြုစီရန် ငါ၏ ခန္ဓာတွင် နာကြင်စီသော ဆူးတစ်ခုကို ပီး၏။ ထိုဆူးသည် စာတန်၏ စီတမန်သဖွယ် ငါ့ကို ဒဏ်ခတ်၍ ငါ၏မာနကို ချိုးနှိမ်၏။ 
\v 8 ထိုအရာကို ငါ့ပါးမှ ဖယ်ယှားပီးရန် သခင်ဘုရားထံ သုံးကြိမ်တိုင်တိုင် ငါ ဆုတောင်းခ၏။ 
\v 9 သို့သော် ကိုယ်တော်က “ငါ၏ ကျေးဇူးတော်သည် သင့်အတွက် လုံလောက်ပေသည်။ အကြောင်းမူကား ငါ၏တန်ခိုးသည် အားနည်းခြင်းကို ပြည့်စုံစီ၏” ဟု ဖြေကြားတော်မူ၏။ သို့ဖြစ်၍ ခရစ်တော်၏ တန်ခိုးတော်သည် ငါ၌ တည်နိန်သည်ဖြစ်၍ ငါ၏အားနည်းချက်များနှင့်ပတ်သက်၍ ငါသည် အလွန်ဝမ်းမြောက်စွာ ဝါကြွားလိမ့်မည်။ 
\v 10 ခရစ်တော်အဖို့အလို့ငှာ ငါခံရသော အားနည်းခြင်း၊ စော်ကားခြင်း၊ ဒုက္ခခံရခြင်း၊ ညှည်းဆဲခံရခြင်း၊ ခက်ခဲခြင်းဝေဒနာများကို ငါနှစ်သက်၏။ အကြောင်းမူကား ငါသည် အားနည်းသောအခါ၌ သာ၍ ခွန်အားဟိတော်မူ၏။
\s ကောရိန္သုအသင်းသားများအတွက် ပေါလု၏ စိုးရိမ်ကြောင့်ကြမှု
\p
\v 11 ငါသည် မိုက်မဲသောသူကဲ့သို့ ဖြစ်နိန်ယာ။ သို့ရာတွင် သင်ရို့က ငါ့အား ထိုသို့ဖြစ်အောင် ပြုနိန်ခြင်းဖြစ်၏။ ငါသည် တစ်ခုမျှမဟုတ်သော်လည်း သင်ရို့၏ အလွန် ကြီးမြတ်သော “တမန်တော်တိ” ထက် နိမ့်ကျသည်မဟုတ်။ သို့ဖြစ်၍ သင်ရို့သည် ငါ့အား ထောက်ခံချီးကျူးသင့်ပေသည်။ 
\v 12 ငါသည် တမန်တော်တစ်ပါးဖြစ်ကြောင်းကို သင်ရို့ပါးတွင် များစွာသော သည်းခံခြင်းဖြင့် ပြုခသော သက်သီသည်ကား နိမိတ်လက္ခဏာများ၊ အံ့ဩဖွယ်ရာများ ဖြစ်၏။ 
\v 13 သင်ရို့ကို ငွီရေးကြေးရေး ကူညီပီးရန်အတွက် ဝန်ထုပ်ဝန်ပိုး မဖြစ်စီခသည်မှတစ်ပါး ငါသည် သင်ရို့အား အခြားအသင်းတော်များထက် နှိမ့်ချ၍ ဆက်ဆံခသလော။ ထိုသို့ ဖြစ်စီခလျှင် ငါ့အား ခွင့်ရွှတ်ကြပါ။
\p
\v 14 အဂု ငါသည် သင်ရို့ပါးသို့ တတိယအကြိမ် အလည်လာရန် အဆင်သင့်ဟိပြီ။ သို့သော် ငါသည် သင်ရို့အား ဝန်ထုပ်ဝန်ပိုး ဖြစ်စီမည်မဟုတ်။ သင်ရို့၏ ပိုင်ဆိုင်မှုတိကို ငါအလိုမဟိ။ ငါအလိုဟိသည်ကား သင်ရို့၏ ဥစ္စာများမဟုတ်၊ သင်ရို့ကိုသာ ဖြစ်၏။ သားသမီးတိက သူရို့မိဘတိအတွက် ဥစ္စာကို ဆည်းပူရသည် မဟုတ်ဘဲ၊ မိဘတိကသာလျှင် သားသမီးတိအတွက် ဥစ္စာကို ဆည်းပူးရ၏။ 
\v 15 ငါသည် သင်ရို့အား ကူညီရန် ငါ၌ ဟိသမျှတိကိုလည်းကောင်း၊ ငါ့ကိုယ်ကို လည်းကောင်း ဝမ်းမြောက်စွာ အသုံးပြုမည်။ ငါသည် သင်ရို့အား ဤမျှလောက်ချစ်လျက်ပင် သင်ရို့သည် ငါ့အား ချစ်ခြင်းမေတ္တာ လျော့နည်းကြမည်လား။
\p
\v 16 ငါသည် သင်ရို့အား ဝန်ထုပ်ဝန်ပိုး မဖြစ်စီခကြောင်းကို သင်ရို့သည် ဝန်ခံကြလိမ့်မည်။ သို့သော် ငါသည် သင်ရို့အား လိမ်လည်လှည့်စားလျက် ထောင်ချောက်ဆင်ခသည်ဟု တစ်စုံတစ်ယောက်က ပရိယာယ်ဖြင့် စွပ်စွဲလိမ့်မည်။ 
\v 17 ဇာပိုင် ငါလှည့်စားခသနည်း။ ငါ စီရွှတ်လိုက်သောသူ တစ်ဦးဦးအားဖြင့် ငါသည် သင်ရို့ပါးမှ အခွင့်အရေး ယူခဖူးသလား။ 
\v 18 ငါသည် တိတုအား သင်ရို့ပါးသို့ လားရန် တောင်းပန်ပြောဆို၍ အခြားသော ယုံကြည်သူ ညီအစ်ကိုတစ်ဦးနှင့်အတူ စီရွှတ်ခ၏။ တိတုသည် သင်ရို့ပါးက အခွင့်အရေး ယူခသည်ဟု ဆိုမည်လား။ သူနှင့်ငါသည် တူညီသော စိတ်သဘောဖြင့် တစ်လမ်းတည်း လျှောက်လှမ်းခကြသည် မဟုတ်လား။
\p
\v 19 ငါရို့သည် တစ်ချိန်လုံး မိမိကိုယ်ကို ကာကွယ်ရန် ကြိုးစားနိန်ကြသည်ဟု သင်ရို့ ထင်ကောင်းထင်ကြလိမ့်မည်။ ထိုသို့မဟုတ်။ ငါရို့သည် ခရစ်တော် ပြောလိုသည့်အတိုင်း ဘုရားသခင်၏ ရှိ့တော်မှောက်တွင် ပြောဆိုနိန်ကြခြင်းသာ ဖြစ်၏။ ချစ်သောအဆွီရို့၊ ငါရို့ပြုသမျှသည် သင်ရို့ကို တည်ဆောက်ရန်ပင် ဖြစ်ပေသည်။ 
\v 20 သင်ရို့ပါးသို့ ရောက်သောအခါ ငါတွိ့မြင်လိုသည်အတိုင်း သင်ရို့အား မတွိ့ရမည်ကို လည်းကောင်း၊ သင်ရို့ မြင်တွိ့လိုသည်အတိုင်း ငါရို့အား မတွိ့ရကြမည်ကို လည်းကောင်း၊ ခိုက်ရန်ဖြစ်ခြင်း၊ မနာလိုခြင်း၊ ဒေါသထွက်ခြင်း၊ တစ်ကိုယ်ကောင်းဆန်ခြင်း၊ ဂုဏ်ပြိုင်ခြင်း၊ စော်ကားပြောဆိုခြင်း၊ အတင်းပြောခြင်း၊ မောက်မာခြင်းနှင့် ဝရုန်းသုန်ကားဖြစ်ခြင်းများ တွိ့ရမည်ကို ငါ စိုးရိမ်၏။ 
\v 21 နောက်တစ်ကြိမ် ငါလာသောအခါ ငါ၏ ဘုရားသခင်သည် သင်ရို့ရှိ့၌ ငါ့အား နှိမ့်ချတော်မူပြီး အယင်က အပြစ်ပြုခသော သူများအတွက် လည်းကောင်း၊ သူတစ်ပါးမယားကို ပြစ်မှားခြင်း၊ ကိလေသာလွန်ကျူးခြင်းနှင့် ကာမဂုဏ်လိုက်စားခြင်း စသည့် အမှုအရာများကို ပြုလုပ်ခြင်းမှ နောင်တမရသောသူများအတွက် လည်းကောင်း မျက်ရည်ကျရမည်ကို ငါသည် စိုးရိမ်မိ၏။
\c 13
\s နောက်ဆုံးသတိပီးခြင်းနှင့် နှုတ်ဆက်ခြင်း
\p
\v 1 အဂု ငါသည် သင်ရို့ပါးသို့ တတိယအကြိမ် လာလည်အုံးမည်။ “အမှုကိစ္စမှန်သမျှကို သက်သီနှစ်ဦး သို့မဟုတ် သုံးဦး၏ ထွက်ဆိုချက်အရ မှန်ကန်ကြောင်း အတည်ပြု​ရမည်” ဟု ကျမ်းစာ၌ ဖော်ပြထား၏။ 
\v 2 အယင်က အပြစ်ကျူးလွန်ခသူများနှင့် တခြားသောသူ အားလုံးအား ဒုတိယအကြိမ် ရောက်ခသောအချိန်၌ သတိပီးခသည့်အတိုင်း အဂု တဖန် သင်ရို့နှင့် ဝီးနိန်စဉ် ငါသတိပီးသည်ကား၊ နောက်တစ်ကြိမ် ငါရောက်လာလျှင် သင်ရို့သည် ပြစ်ဒဏ်မှ လွတ်လိမ့်မည် မဟုတ်။ 
\v 3 ခရစ်တော်သည် ငါ့အားဖြင့် မိန့်တော်မူကြောင်း သက်သီအားလုံးကို သင်ရို့ တောင်းဆိုကြသည့်အတိုင်း ရကြလိမ့်မည်။ ခရစ်တော်သည် သင်ရို့နှင့်အတူ ဟိသောအခါ အားနည်းတော်မမူဘဲ မိမိ၏တန်ခိုးတော်ကို သင်ရို့၌ ထင်ရှားစွာ ပြတော်မူ၏။ 
\v 4 ကိုယ်တော်သည် လက်ဝါးကပ်တိုင်ထက်တွင် အသီသတ်ခံရစဉ်က အားနည်းသည့် အခြေအနေ ဟိခသော်လည်း ဘုရားသခင်၏ တန်ခိုးတော်အားဖြင့် အသက်ရှင်တော်မူ၏။ ထို့ကြောင့် ငါရို့သည်လည်း ကိုယ်တော်၌ အားနည်းကြသော်လည်း သင်ရို့ရှိ့၌ ဘုရားသခင်၏ တန်ခိုးတော်အားဖြင့် ကိုယ်တော်နှင့်အတူ အသက်ရှင်ကြလိမ့်မည်။
\p
\v 5 သင်ရို့သည် ယုံကြည်ခြင်း၌ တည်သည်၊ မတည်သည်ကို မိမိကိုယ်ကို ဆန်းစစ် ဆုံးဖြတ်ကြလော့။ သင်ရို့အထဲ၌ ယေသျှု ခရစ်တော်ဟိကြောင်းကို သေချာစွာ သိကြသလော။ သို့မဟုတ်လျှင် သင်ရို့သည် စုံစမ်းစစ်ဆီးခြင်း၌ ယှုံးနိမ့်ကြပြီလော။ 
\v 6 ငါရို့သည် ယှုံးနိမ့်သောသူတိမဟုတ်ကြောင်းကို သင်ရို့ သိလိမ့်မည်ဟု ငါ ယုံကြည်၏။ 
\v 7 သင်ရို့သည် မကောင်းသောအမှု တစ်စုံတစ်ခုကိုမျှ မပြုမည်အကြောင်း ဘုရားသခင်ထံ၌ ငါရို့ ဆုတောင်းကြ၏။ ဤသို့ပြုရခြင်းမှာ ငါရို့သည် အောင်မြင်သော သူတိဖြစ်ကြောင်း ထင်ပေါ်စီချင်၍မဟုတ်။ ငါရို့သည် ယှုံးနိမ့်သောသူများကဲ့သို့ ဖြစ်သော်ငြားလည်း သင်ရို့သည် ကောင်းမြတ်သည့်အမှုကို ပြုနိုင်စီရန် ဖြစ်၏။ 
\v 8 အကြောင်းမူကား ငါရို့သည် သမ္မာတရားကို ဆန့်ကျင်၍ ဇာအမှုကိုမျှ မပြုနိုင်ကြသော်လည်း သမ္မာတရားဖက်၌ နီမှသာလျှင် ပြုနိုင်ကြ၏။ 
\v 9 ငါရို့သည် အားနည်းသော်လည်း သင်ရို့သည် အားကြီးသောအခါ ငါရို့ ဝမ်းမြောက်ကြ၏။ သို့ဖြစ်၍ သင်ရို့သည် ပြည့်ဝစုံလင်သူများ ဖြစ်ကြရန်အတွက်လည်း ငါရို့ ဆုတောင်းကြ၏။ 
\v 10 သင်ရို့နှင့် ဝီးကွာသည့်ကာလ ဤစာကို ရီးရခြင်းမှာ သခင်ဘုရားက ငါ့အား ပီးတော်မူသည့် အခွင့်အာဏာကို ပြင်းထန်စွာ အသုံးမချရန်ဖြစ်၏။ ထိုအခွင့်အာဏာသည် သင်ရို့အား ဖြိုဖျက်ရန် အတွက်မဟုတ်ဘဲ တည်ဆောက်ရန် အတွက်ဖြစ်၏။
\p
\v 11 ညီအစ်ကိုမောင်နှမရို့၊ ဝမ်းမြောက်ကြလော့။ ပြည့်စုံစီရန်အတွက် ကြိုးစားအားထုတ်လော့။ ငါ၏ တိုက်တွန်းချက်ကို နားထောင်ကြလော့။ အချင်းချင်း စိတ်သဘောတူညီလျက် သင့်မြတ်စွာ နီထိုင်ကြလော့။ သို့ပြုလျှင် ဘုရားသခင်၏ မေတ္တာတော်နှင့် ငြိမ်သက်ခြင်းသည် သင်ရို့နှင့်အတူ ဟိတော်မူလိမ့်မည်။
\p
\v 12 သင်ရို့သည် တစ်ယောက်ကိုတစ်ယောက် သန့်ယှင်းသော အနမ်းဖြင့် နှုတ်ဆက်ကြလော့။ 
\v 13 သန့်ယှင်းသူအပေါင်းရို့သည် သင်ရို့အား နှုတ်ဆက်လိုက်ကြ၏။
\p
\v 14 အသျှင်ယေသျှု ခရစ်တော်၏ ကျေးဇူးတော်၊ ဘုရားသခင်၏ မေတ္တာတော်နှင့် သန့်ယှင်းသော ဝိညာဉ်တော်၏ မိတ်သဟာယဖွဲ့ခြင်းသည် သင်ရို့အားလုံးနှင့်အတူ ဟိပါစီသောဝ်။