\id 1PE - Rakhine Bible Translation
\usfm 3.0
\ide UTF-8
\ide 65001 - Unicode (UTF-8)
\h ၁ ပေတရု
\toc1 ပေတရုပါးမှ ပထမအကြိမ် ပီးစာ
\toc2 ၁ ပေတရု
\toc3 ၁ ပေ
\mt1 ၁ ပေတရု
\mt2 ပေတရုပါးမှ ပထမအကြိမ် ပီးစာ
\imt နိဒါန်း
\im \bk ပေတရုပါးမှ ပထမအကြိမ် ပီးစာ\bk*သည် တမန်တော် ပေတရုက ရီးသားခခြင်း ဖြစ်သည်။ ပေတရုသည် မည်သူမည်ဝါ ဖြစ်ကြောင်းကိုလည်းကောင်း၊ ဇာသူ့ပါးသို့ ရီးသားထားသည်ကိုလည်းကောင်း၊ သူ၏ပီးစာကို အစပြုထားသည်။ ဤစာကို “သူစိမ်းများ” ဟုခေါ်သော ခရစ်ယာန်အားလုံးပါးသို့ ရီးသားခခြင်း ဖြစ်သည် (\xt ၁.၁; ၁.၁၇;\xt* နှင့် \xt ၂.၁၁\xt*)။ ဤကဲ့သို့ အကြိမ်ပေါင်းများစွာ သူ၏စာဖတ်သူများကို ရည်ညွှန်းထားခြင်းမှာ သူရို့သည် နိုင်ငံအသီးသီးတွင် ပြန့်ကြဲနိန်သောကြောင့် ဖြစ်သည်။ ဤစာသည် ဧဖက်မြို့၌ ဟိသော အသင်းတော်သို့ ပေါလု၏ပီးစာနှင့် ဆင်တူသောကြောင့် ခရစ်တော်မွီးဖွားပြီးနောက် ၆၅ နှစ်ခန့်တွင် ဧဖက်မြို့၌ ဟိသော အသင်းတော်သို့ ပီးစာကို ရီးသားပြီးနောက် ဤပီးစာကို ရီးသားခသည်ဟု လူအများက ယုံကြည်ကြသည်။ ပေတရုသည် ဗာဗုလုန်ဟု မိမိခေါ်ဆိုသော ရောမမြို့မှ ဤပီးစာကို ရီးသားခသည် (\xt ၅.၁၃\xt*)။
\ip ပေတရုက ဤပီးစာ၏ ရည်ရွယ်ချက်မှာ “အားပီးတိုက်တွန်းရန်နှင့် စစ်မှန်သော ဘုရားသခင်၏ ကျေးဇူးတော်ကို သက်သီခံရန်ဖြစ်သည်” ဟု ရီးသားဖော်ပြခသည် (\xt ၅.၁၂\xt*)။ \xt ၁ ပေ ၂.၁၁—၃.၇; ဧ ၅.၁၈—၆.၉;\xt* နှင့် \xt ကော ၃.၁၈—၄.၆\xt* အကြား များစွာ ဆင်တူကြသည်။ ဤကျမ်းစာအပိုင်း သုံးပိုင်းလုံးတွင် မိသားစု ဆက်သွယ်ရေးနှင့် အာဏာပိုင်များကို နာခံခြင်းဆိုင်ရာ လမ်းညွှန်ချက်ကို ပီးထားသည်။ နောက်ဆုံးသောကာလ နီးလာပြီဖြစ်သောကြောင့် ဆင်းရဲဒုက္ခခံရသည့်အခါ သည်းခံကြရန် ခရစ်ယာန်များအား တိုက်တွန်းထားသည် (\xt ၄.၁\xt*)။
\iot အကြောင်းအရာ အကျဉ်းချုပ်
\io1 ၁။ ပေတရုက ကိုယ့်ကိုကိုယ် မိတ်ဆက်ခြင်းနှင့် သူ၏စာဖတ်သူများကို မိန့်မှာခြင်း \ior (၁.၁–၂) \ior*
\io1 ၂။ ထို့နောက်၊ သူရို့အားလုံးရဟိသော ကယ်တင်ခြင်းနှင့် သူရို့၏ အဓိပ္ပါယ်ဟိသော အသက်ရှင်မှုအတွက် ဘုရားသခင်ကို ကျေးဇူးတင်ခြင်း \ior (၁.၃—၂.၁၀)\ior*
\io1 ၃။ တဖန်၊ သူသည် ယုံကြည်သူများအား ဤလောကတွင် မည်သို့ နီထိုင်ရမည်ကို သွန်သင်ထားပြီး လင်နှင့်မယား၊ ကျွန်နှင့် သခင်အကြား အမျိုးမျိုးသော ဆက်ဆံရေးများကို ကိုင်တွယ်ဖြေယှင်းပီးခြင်း \ior (၂.၁၁—၄.၁၁)\ior*
\io1 ၄။ ပြီးနောက်၊ ဆင်းရဲဒုက္ခ ကြုံရသည့်အခါ သည်းခံကြရန် ပေတရုက အားပီးတိုက်တွန်းခြင်း \ior (၄.၁၂—၅.၁၁)\ior*
\io1 ၅။ ထို့နောက်၊ သူ၏ပီးစာကို နိဂုံးချုပ်ခြင်း \ior (၅.၁၂–၁၄)\ior*
\ie
\c 1
\po
\v 1 ယေသျှုခရစ်၏တမန်တော် ပေတရုပါးမှ —
\po ပုန္တုပြည်၊ ဂလာတိပြည်၊ ကပ္ပဒေါကိပြည်၊ အာယှိပြည်နှင့် ဗိသုနိပြည်များတွင် အာဂန္တုအဖြစ်နှင့် ပြန့်နှံ့နီထိုင်လျက်ဟိကြသော ဘုရားသခင် ရွီးချယ်တော်မူသည့် လူစုတော်ထံသို့ စာရီးလိုက်ပါ၏။ 
\v 2 ခမည်းတော်ဘုရားသခင်သည် မိမိ၏ အကြံအစည်တော်အတိုင်း ယေသျှုခရစ်တော်ကို နာခံရန်နှင့် ကိုယ်တော်၏ အသွီးတော်အားဖြင့် စင်ကြယ်ကြစီရန်လည်းကောင်း၊ မိမိ၏ဝိညာဉ်တော်အားဖြင့် သန့်ယှင်းသောလူစု ဖြစ်စီခြင်းငှာ လည်းကောင်း သင်ရို့ကို ရွီးချယ်တော်မူ၏။
\po ကျေးဇူးတော်နှင့် ငြိမ်သက်ခြင်းကို သင်ရို့သည် ကြွယ်ဝစွာ ခံစားရပါစီသောဝ်။
\s အသက်ရှင်သော မျှော်လင့်ခြင်း
\p
\v 3 ငါရို့သည် ငါရို့၏အသျှင် ယေသျှုခရစ်၏ခမည်းတော် တည်းဟူသော ဘုရားသခင်၏ ကျေးဇူးတော်ကို ချီးမွမ်းကြကုန်အံ့။ အကြောင်းမူကား ကိုယ်တော်၏ မဟာကရုဏာတော်ကြောင့် ယေသျှုခရစ်ကို သီခြင်းတရားမှ ရှင်ပြန်ထမြောက်စီတော်မူခြင်းအားဖြင့် ငါရို့အား အသစ်သောဘဝကို ပီးတော်မူ၏။ သို့ဖြစ်၍ အသက်ရှင်သော မျှော်လင့်ခြင်းနှင့် ငါရို့အား ပြည့်ဝစီပြီးလျှင်၊ 
\v 4 ကိုယ်တော်၏ လူစုတော်အတွက် ဘုရားသခင် လျာထားတော်မူသော ချမ်းသာခြင်း ကောင်းကြီးမင်္ဂလာများကို ခံစားနိုင်ရန် ငါရို့ မျှော်မှန်းလျက် ဟိကြ၏။ ကိုယ်တော်သည် ထိုချမ်းသာခြင်း ကောင်းကြီးမင်္ဂလာများကို ယိုယွင်း၊ ပျက်စီး၊ မှေးမှိန်၍ မလားနိုင်သော ကောင်းကင်ဘုံတွင် သင်ရို့အဖို့ သိုထားလျက်ဟိ၏။ 
\v 5 ထိုအရာသည်ကား နောက်ဆုံးသောကာလ၌ ထင်ရှားရန် အသင့်ပျင်ဆင်ထားသည့် ကယ်တင်ခြင်းအတွက် ဘုရားသခင်၏ တန်ခိုးတော်၌ ယုံကြည်ခြင်းအားဖြင့် စောင့်ရှောက်ခြင်းကို ခံထားရသော သင်ရို့အတွက် ဖြစ်၏။
\p
\v 6 ဤအကြောင်းကြောင့် ဝမ်းမြောက်ကြလော့။ အကြောင်းမူကား သင်ရို့ခံစားရသော စုံစမ်းနှောင့်ယှက်ခြင်းများသည် အဂု တအောင့်ချေမျှသာ ဖြစ်၏။ 
\v 7 ထိုစုံစမ်းနှောင့်ယှက်ခြင်းများကို ခံရသည်မှာ သင်ရို့၏ ယုံကြည်ခြင်းသည် စစ်မှန်ကြောင်းကို သက်သီပြရန် ဖြစ်၏။ ပျက်စီးတတ်သော ရွှီကိုပင်လျှင် မီးဖြင့် စစ်ရသည်ဖြစ်ရာ ရွှီထက်များစွာ အဖိုးထိုက်သည့် သင်ရို့၏ ယုံကြည်ခြင်းကို ခိုင်ခံ့စီရန် စစ်ဆေးရမည်။ ထို့ပြင် သင်ရို့သည် အသျှင်ယေသျှုခရစ်တော် ပေါ်ထွန်းတော်မူသော နိ့၌ ချီးမွမ်းခြင်း၊ ဘုန်းကြီးခြင်းနှင့် ဂုဏ်ပြုခြင်းကို ခံရကြလိမ့်မည်။ 
\v 8 သင်ရို့သည် ကိုယ်တော့်ကို မမြင်ဖူးသော်လည်း ချစ်ကြ၏။ သင်ရို့သည် ကိုယ်တော့်ကို အဂု မမြင်ရသော်လည်း ယုံကြည်ကြပြီး နှုတ်ဖြင့် မဖော်ပြနိုင်သော ဝမ်းမြောက်ခြင်းနှင့် ရွှင်မြူးလျက် ဘုန်းတော်ကို ချီးမွမ်းကြ၏။ 
\v 9 အကြောင်းမူကား သင်ရို့သည် ထိုအသျှင်အား ယုံကြည်ခြင်း၏ အကျိုးတည်းဟူသော စိတ်ဝိညာဉ်၏ ကယ်တင်ခြင်းကို ရဟိသောကြောင့်ဖြစ်၏။
\p
\v 10 သင်ရို့အား ဘုရားသခင်ပီးတော်မူသော ဆုကျေးဇူးနှင့်ပတ်သတ်၍ ဟောပြောခသည့် ပရောဖက်ရို့သည် ထိုကယ်တင်ခြင်းအကြောင်းကို သေချာစွာ စုံစမ်းမိန်းမြန်းခကြ၏။ 
\v 11 မည်သည့်အချိန်၌ မည်သို့ ပေါ်ပေါက်လာမည်\f + \fr ၁.၁၁ \fr*\fq မည်သည့်အချိန်၌ မည်သို့ ပေါ်ပေါက်လာမည်၊ \fq*\ft သို့မဟုတ် \ft*\fqa မည်သို့သောသူသည် မည်သည့်အချိန်၌ ပေါ်ပေါက်လာမည်နည်း။\fqa*\f*ကို သူရို့သည် ကြိုးစား၍ ရှာဖွီခကြ၏။ သူရို့အထဲ၌ဟိသော ခရစ်တော်၏ ဝိညာဉ်တော်က ဤကာလတွင် ခရစ်တော်ခံရမည့် ဝေဒနာနှင့် ထိုသို့ ခံတော်မူပြီးနောက် ပေါ်ထွန်းလာမည့် ဘုန်းတော်ကို ကြိုတင်၍ ဖော်ပြခ၏။ 
\v 12 ထိုပရောဖက်ရို့ပြုခသည့် အရာများသည် သူရို့ကိုယ်ကျိုးအတွက်မဟုတ်ဘဲ သင်ရို့အဖို့ ဆောင်ရွက်ခြင်း ဖြစ်ကြောင်းကို သင်ရို့အား ဘုရားသခင် ဖော်ပြတော်မူပေ၏။ အဂု ထိုအရာများသည် ကောင်းကင်ဘုံမှ စီရွှတ်ခြင်းခံရသော သန့်ယှင်းသော ဝိညာဉ်တော်၏ တန်ခိုးတော်အားဖြင့် ဟောပြောသောသူတိမှတစ်ဆင့် သင်ရို့ကြားရသော သတင်းကောင်းတရားပင် ဖြစ်၏။ ထိုအကြောင်းအရာများကို ကောင်းကင်တမန်တိပင်လျှင် နားလည်ရန် အလိုဟိကြ၏။
\s သန့်ယှင်းစွာ နီထိုင်ရန် နှိုးဆော်ခြင်း
\p
\v 13 ထို့ကြောင့် သင်ရို့၏ စိတ်နှလုံးကို အသင့်ပျင်ဆင်၍ သမ္မာသတိ ဟိကြလော့။ ယေသျှုခရစ် ပေါ်ထွန်းတော်မူသောအခါ သင်ရို့ခံစားရမည့် ကျေးဇူးတော်ကို လုံးဝ မျှော်လင့်ကြလော့။ 
\v 14 မသိနားမလည်စဉ်အခါက မိမိရို့၏ စိတ်ဆန္ဒဟိသည့်အတိုင်း ပြုမူခသကဲ့သို့ ဆက်လက်မပြုမူဘဲ ဘုရားသခင်၏စကားကို နားထောင်ကြလော့။ 
\v 15 သင်ရို့အား ခေါ်တော်မူသော ဘုရားသခင်သည် သန့်ယှင်းတော်မူသည့်နည်းတူ သင်ရို့ ပြုမူသမျှ၌ သန့်ယှင်းကြလော့။ 
\v 16 အကြောင်းမူကား၊ “ငါသည် သန့်ယှင်းသည်ဖြစ်၍ သင်ရို့သည်လည်း သန့်ယှင်းရမည်” ဟု ကျမ်းစာ၌ ဆိုထား၏။
\p
\v 17 လူအပေါင်းရို့အား မျက်နှာမလိုက်ဘဲ မိမိရို့၏ ပြုကျင့်အတိုင်း တရားစီရင်တော်မူတတ်သော ဘုရားသခင်ထံသို့ ဆုတောင်းကြသောအခါ သင်ရို့သည် ကိုယ်တော်အား အဖဟု ခေါ်လျက် ဆုတောင်းကြ၏။ သို့ဖြစ်၍ ဤလောကတွင် အသက်ရှင်သမျှကာလပတ်လုံး ထိုဘုရားသခင်အား ကြောက်ရွံ့ရိုသီကြလော့။ 
\v 18 သင်ရို့သည် အဖိုးအဖီးတိပါးမှ လက်ဆင့်ကမ်း ယူဆောင်လာသော တန်ဖိုးမဟိသောဘဝမှ အဖိုးအခပီး၍ သင်ရို့အား ဇာပိုင် ရွီးနုတ်ခရသည်ကို သင်ရို့သိကြ၏။ ထိုအဖိုးအခသည် ရွှီ၊ ငွီကဲ့သို့သော ပျက်စီးနိုင်သည့် အရာမဟုတ်။ 
\v 19 အပြစ်အနာအဆာကင်းစင်သည့် သိုးသငယ်နှင့်တူသော ခရစ်တော်၏ အဖိုးထိုက်သော အသွီးတော်အားဖြင့် ဖြစ်၏။ 
\v 20 ဤကမ္ဘာ မတည်မဟိခင်ကပင် ကိုယ်တော်အား ဘုရားသခင် ရွီးချယ်တော်မူပြီးလျှင်၊ ဤနောက်ဆုံးသော အချိန်ကာလများ၌ သင်ရို့၏ အကျိုးအလို့ငှာ ပေါ်ထွန်းစီတော်မူခ၏။ 
\v 21 ကိုယ်တော်အား သီခြင်းတရားမှ ရှင်ပြန်ထမြောက်စီ၍ ဘုန်းတော် ထွန်းတောက်စီတော်မူသော ဘုရားသခင်ကို ကိုယ်တော်အားဖြင့် သင်ရို့သည် ယုံကြည်ကြ၏။ သို့ဖြစ်၍ သင်ရို့သည် ဘုရားသခင်ကို အမှီပြုလျက် ယုံကြည်ခြင်းနှင့် မျှော်လင့်ခြင်း ဟိကြ၏။
\p
\v 22 အဂုတွင် သင်ရို့သည် သမ္မာတရားကို လိုက်လျှောက်ခြင်းအားဖြင့် မိမိရို့၏ စိတ်နှလုံးအား စင်ကြယ်စီကြပြီး အခြားသော ယုံကြည်သူအချင်းချင်းကို ဟန်ဆောင်မှုကင်းလျက် ချစ်ကြသည်ဖြစ်၍ သင်ရို့ တစ်ယောက်ကိုတစ်ယာက် စိတ်နှလုံးအကြွင်းမဲ့\f + \fr ၁.၂၂ \fr*\fq စိတ်နှလုံးအကြွင်းမဲ့၊ \fq*\ft တချို့သော လက်ရီးမူရင်းကျမ်း၌ \ft*\fqa စိတ်နှလုံးကိုသန့်စင်လျက်၊ \fqa*\ft ဟု ဖော်ပြပါဟိသည်။\ft*\f* ချစ်ကြလော့။ 
\v 23 အကြောင်းမူကား သင်ရို့သည် သီခြင်းတရားနှင့်ကင်းလွတ်၍ ထာဝရ အသက်ရှင်တော်မူသော ဘုရားသခင်၏ နှုတ်ကပတ်တော်အားဖြင့် တဖန် မွီးဖွားလာသော သားသမီးများ ဖြစ်ကတ်ယာ။ 
\v 24 ကျမ်းစာတော်မြတ်၌၊
\q1 “လူအပေါင်းရို့သည် မြက်ပင်ကဲ့သို့ဖြစ်၍၊
\q2 သူရို့၏ ဘုန်းတန်ခိုးတော်သည် မြက်ပွင့် ကဲ့သို့ဖြစ်၏။
\q1 မြက်ပင်သည် ညှိုးနွမ်းခြောက်သွိ့၍ အပွင့်သည်လည်း ကြွီကျတတ်၏။
\q2
\v 25 ထာဝရဘုရား၏ နှုတ်ကပတ်တော်မူကား ကာလအစဉ်အဆက် တည်၏”
\m ဟူ၍ ဖော်ပြထားသည့်အတိုင်း ဖြစ်၏။ ထိုနှုတ်ကပတ်တော်သည်ကား သင်ရို့အား ကြေညာသည့် သတင်းကောင်းဖြစ်ပေ၏။
\c 2
\s အသက်ရှင်သောကျောက်နှင့် သန့်ယှင်းသောလူမျိုး
\p
\v 1 ထို့ကြောင့် သင်ရို့သည် လှည့်ဖျားမှု၊ ဟန်ဆောင်မှု၊ မနာလိုမှုနှင့် ပုတ်ခတ်ပြောဆိုမှုတည်းဟူသော မကောင်းမှုအမျိုးမျိုးကို ဖယ်ယှားကြလော့။ 
\v 2 မွီးစသျှေ ကဲ့သို့ ဝိညာဉ်ရေးရာနှင့်ဆိုင်သော သန့်ယှင်းသော နို့ရည်ကို အမြဲ လိုလားတောင့်တကြလော့။ အကြောင်းမူကား ထိုအရာကို သုံးဆောင်မှသာလျှင် သင်ရို့သည် ကြီးထွား၍ ကယ်တင်ခြင်းကို ခံရလိမ့်မည်။ 
\v 3 ကျမ်းစာတော်မြတ်က၊ “သခင်ဘုရားသည် အလွန် သနားကြင်နာတော်မူကြောင်းကို သင်ရို့ကိုယ်တိုင် သိကြပြီး ဖြစ်၏” ဟု ဆိုထား၏။
\p
\v 4 တန်ဖိုးမဟိသကဲ့သို့ လူတိ ပယ်ထားခြင်းကို ခံရသော်လည်း ဘုရားသခင်၏ ရွီးချယ်ခြင်းကိုခံရ၍ အဖိုးထိုက်သည့် အသက်ရှင်သောကျောက်တည်းဟူသော သခင်ဘုရားထံတော်သို့ လာကြလော့။ 
\v 5 ဝိညာဉ်ဆိုင်ရာ ဗိမာန်တော် တည်ဆောက်ခြင်း၌ သင်ရို့ကိုယ်တိုင်သည်လည်း အသက်ရှင်သော ကျောက်အဖြစ်နန့် အသုံးတော် ခံကြလော့။ ထိုဗိမာန်တော်တွင် သင်ရို့သည် ယေသျှုခရစ်အားဖြင့် ဘုရားသခင် နှစ်သက်တော်မူသော ဝိညာဉ်ဆိုင်ရာ ယဇ်ကို ပူဇော်ခြင်းငှာ သန့်ယှင်းသော ယဇ်ပုရောဟိတ်များကဲ့သို့ ဆောင်ရွက်ကြလိမ့်မည်။ 
\v 6 အကြောင်းမူကား ကျမ်းစာတော်မြတ်၌၊
\q1 “ကြည့်ရှုလော့၊ ငါသည် ကျောက်တစ်လုံးကို ဇိအုန်တောင်ထက်၌ ချထား၏။
\q2 ထိုကျောက်သည် ငါရွီးချယ်၍ အဖိုးထိုက်သော ထောင့်ချုပ်ကျောက် ဖြစ်လာ၏။
\q1 ဇာသူမဆို ထိုအသျှင်ကို ယုံကြည်သောသူသည် လုံးဝ စိတ်ပျက်ရလိမ့်မည် မဟုတ်” ဟု ဆိုထား၏။
\m
\v 7 ယုံကြည်သောသူရို့အဖို့ ထိုကျောက်သည် အလွန် တန်ဖိုးဟိ၏။ သို့ရာတွင် မယုံကြည်သော သူရို့အဖို့မူကား၊
\q1 “တိုက်ကိုတည်ဆောက်သူရို့ တန်ဖိုးမဟိ၍ ပယ်ထားသောကျောက်သည်
\q2 အရေးအကြီးဆုံးသော ထောင့်ချုပ်ကျောက် ဖြစ်လာ၏” ဟု ဖော်ပြထား၏။
\m
\v 8 တခြားသော ကျမ်းစာတော်မြတ်တွင်၊
\q1 “ထိုကျောက်သည် လူတိအတွက် ခလုံးတိုက်စရာ ဖြစ်စီ၍၊
\q2 တိုက်မိ၍လဲစရာ ကျောက်ဖြစ်လိမ့်မည်”
\m ဟု ဆို၏။ သူရို့သည် နှုတ်ကပတ်တော်ကို မယုံကြည်ကြသဖြင့် ခလုံးတိုက်စရာ ဖြစ်ရကြ၏။ ဤကား ထိုသူရို့အတွက် ဘုရားသခင်၏ အလိုတော်ပင် ဖြစ်သတည်း။
\p
\v 9 \x - \xo ၂.၉ \xo*\xt တိ ၂.၁၄\xt*\x*သင်ရို့မူကား ရွီးကောက်ခံရသောအမျိုး၊ တော်ဝင် ယဇ်ပုရောဟိတ်အမျိုး၊ သန့်ယှင်းသော လူမျိုး၊ ဘုရားသခင် ပိုင်တော်မူသော လူမျိုးတော် ဖြစ်ကြ၏။ ထိုသို့ ရွီးကောက်ခြင်း ခံရသည်မှာ ဘုရားသခင် ပြုတော်မူသော အံ့ဩဖွယ် အမှုအရာများကို ကြေညာနိုင်စီခြင်းငှာ၊ ဘုရားသခင်သည် သင်ရို့အား မှောင်မိုက်ထဲမှ အံ့ဖွယ်သော အလင်းထဲသို့ ခေါ်ယူတော်မူခြင်းဖြစ်၏။ 
\v 10 သင်ရို့သည် တစ်ခါက ဘုရားသခင်၏ လူစုတော် မဟုတ်သော်လည်း အဂုအခါ ကိုယ်တော်၏ လူစုတော် ဖြစ်ကြပြီ။ သင်ရို့သည် တစ်ခါက ဘုရားသခင်၏ ကရုဏာတော်ကို မခံရကြသော်လည်း အဂုမူကား ကိုယ်တော်၏ ကရုဏာတော်ကို ခံစားရကြပြီ။
\s ဘုရားသခင်၏ ကျွန်များ
\p
\v 11 အဆွီရို့၊ သင်ရို့သည် ဤလောကတွင် အာဂန္တုများဖြစ်ကြသဖြင့် စိတ်ဝိညာဉ်ကို အစဉ်သဖြင့် ဆန့်ကျင်တိုက်ခိုက်လျက်နိန်သော ကိုယ်ကာယတပ်မက်မှုများကို အယှုံးမပီးကြရန် ငါ တိုက်တွန်းနှိုးဆော်ပါ၏။ 
\v 12 သာသနာပလူရို့သည် သင်ရို့အား မကောင်းမှုပြုကြသူများဟု ပြစ်တင်စွပ်စွဲလျက် နိန်ကြစဉ် သင်ရို့၏ ကောင်းသောအကျင့်များကို မြင်သဖြင့် သခင်ဘုရား ကြွလာတော်မူသောနိ့၌ ဘုရားသခင်အား ချီးမွမ်းကြစီရန် သင်ရို့သည် ထိုသူရို့ရှိ့တွင် တင့်တယ်လျောက်ပတ်စွာ ပြုမူလျက် နီထိုင်ကြလော့။
\p
\v 13 သခင်ဘုရား၏ မျက်နှာတော်ကိုထောက်၍ လူသားနှင့်စပ်ဆိုင်၍ စီရင်အုပ်စိုးခြင်းတည်းဟူသော အထွတ်အမြတ်ဖြစ်သော ဧကရာဇ်​မင်းကို လည်းကောင်း၊ 
\v 14 လူဆိုးတိကို အပြစ်ပီးရန်နှင့်၊ ကောင်းသောအမှုကို ပြုသောသူတိကို ဂုဏ်ပြုချီးမွမ်းရန် ခန့်ထားသော အစိုးရမင်းများကို လည်းကောင်း နာခံကြလော့။ 
\v 15 သင်ရို့သည် ကောင်းသောအမှုကို ပြုခြင်းအားဖြင့် လူမိုက်ရို့၏ အသိဉာဏ်ကင်းမဲ့စွာ ပြောဆိုမှုကို ရပ်တန့်စီရန် ဘုရားသခင် အလိုဟိတော်မူ၏။ 
\v 16 လွတ်လပ်သောသူများကဲ့သို့ အသက်ရှင်နီထိုင်ကြလော့။ သို့သော်လည်း မကောင်းမှုများကို ဖုံးကွယ်ရန်အတွက် သင်ရို့၏ လွတ်လပ်မှုကို အသုံးမပြုကြဘဲ ဘုရားသခင်၏ ကျွန်များကဲ့သို့ အသက်ရှင်နီထိုင်ကြလော့။ 
\v 17 ခပ်သိမ်းသောလူတိကို ရိုသီကြလော့။ ယုံကြည်သူတိကို ချစ်ကြလော့။ ဘုရားသခင်ကို ကြောက်ရွံ့ရိုသီ ကြလော့။ ဧကရာဇ်မင်းအား ရိုသီလေးမြတ်ကြလော့။
\s ခရစ်တော်၏ ဆင်းရဲဒုက္ခခံရခြင်း ပုံဥပမာ
\p
\v 18 အခိုင်းအစီရို့၊ ရိုသီတတ်သောစိတ် အပြည့်အဝနှင့် သင်ရို့သခင်၏ အုပ်စိုးခြင်းကို ဝန်ခံရမည်။ စိတ်သဘောကောင်း၍ ညှာတာထောက်ထားတတ်သော သခင်များကိုသာမဟုတ်၊ ကြမ်းတမ်းသော သခင်တိကိုလည်း နာခံကြလော့။ 
\v 19 အကြောင်းမူကား သင်ရို့သည် ဘုရားသခင်၏ အလိုတော်ကိုသိသဖြင့် မိမိရို့မခံထိုက်သော ဒုက္ခဝေဒနာများကို သည်းခံကြလျှင် ဘုရားသခင်သည် သင်ရို့အား နှစ်သက်တော်မူလိမ့်မည်။ 
\v 20 သင်ရို့သည် ပြုမိသည့် အမှားများအတွက် ရိုက်နှက်ခံရသောအခါ သည်းခံကြလျှင် မည်သို့ ချီးမွမ်းစရာ ဟိကြမည်နည်း။ သို့ရာတွင် ကောင်းသောအမှုကိုပြု၍ ဒုက္ခဝေဒနာကို ခံရကြသောအခါ သည်းခံကြလျှင်မူကား ဘုရားသခင်သည် သင်ရို့အား ကျေးဇူးပြုတော်မူလိမ့်မည်။ 
\v 21 ထိုသို့အလိုငှာ ဘုရားသခင်သည် သင်ရို့အား ခေါ်တော်မူခြင်းဖြစ်၏။ ခရစ်တော်ကိုယ်တိုင်ပင်လျှင် သင်ရို့အတွက် ဒုက္ခဝေဒနာကို ခံတော်မူ၍ ခြီရာတော်အတိုင်း သင်ရို့ လိုက်လျှောက်နိုင်ကြစီရန် ပုံဥပမာကို ထားပီးတော်မူခ၏။ 
\v 22 ကိုယ်တော်သည် အပြစ်ကို မပြု၊ ကိုယ်တော်၏ နှုတ်တော်၌ မုသားကို မတွိ့ရ။ 
\v 23 ပုတ်ခတ်ပြောဆိုခြင်း ခံရသောအခါ ပြန်၍ မတုံ့ပြန်။ ဒုက္ခဝေဒနာ ခံတော်မူရသောအခါ ခြိမ်းခြောက်တော်မမူဘဲ ဖြောင့်မတ်စွာ တရားစီရင်တော်မူသော ဘုရားသခင်၏ လက်တော်သို့ မိမိကိုယ်ကို အပ်နှံတော်မူ၏။ 
\v 24 ငါရို့သည် အပြစ်တရား၌ သီဆုံး၍ ဖြောင့်မတ်ခြင်းတရား၌ အသက်ရှင်စီမည်အကြောင်း ခရစ်တော်သည် ငါရို့၏ အပြစ်များကို မိမိ၏ကိုယ်ခန္ဓာ၌ ယူဆောင်ကာ ကိုယ်တော်တိုင် လက်ဝါးကပ်တိုင်ထက်၌ အသီခံတော်မူ၏။ သင်ရို့သည် ကိုယ်တော်၏ ဒဏ်ရာဒဏ်ချက်တော်အားဖြင့် အနာပျောက်ကင်းခြင်း အခွင့်ကို ရကြ၏။ 
\v 25 သင်ရို့သည် သိုးများကဲ့သို့ လမ်းလွဲခကြသော်လည်း အဂုအခါ သိုးထိန်းဖြစ်တော်မူပြီး သင်ရို့၏စိတ်ဝိညာဉ်တိကို ကြည့်ရှုစောင့်ရှောက်တော်မူသော အသျှင်ထံသို့ ပြန်လည်၍ ရောက်ကြပြီ။
\c 3
\s အိမ်ထောင်သျှင်နှင့် အိမ်ထောင်သျှင်မများ
\p
\v 1 \x - \xo ၃.၁ \xo*\xt ဧ ၅.၂၂; ကော ၃.၁၈\xt*\x*ထိုနည်းတူစွာ အိမ်ထောင်သျှင်မရို့၊ သင်ရို့ အိမ်ထောင်သျှင်၏ အုပ်စိုးခြင်းကို ဝန်ခံကြလော့။ ထို့သို့ပြုလျှင် သင်ရို့၌ ဘုရားသခင်၏ နှုတ်ကပတ်တော်ကို မယုံကြည်သော အိမ်ထောင်သျှင်တိ ဟိပါက သူရို့သည် သင်ရို့၏ အပြုအမူကိုထောက်၍ ယုံကြည်လာကြလိမ့်မည်။ ထိုသို့ပြုလျှင် သင်ရို့၏ နှုတ်အားဖြင့် ပြောရန်ပင် မလိုပေ။ 
\v 2 ဇာကြောင့်ဆိုသော် သင်ရို့၏ စိတ်ထားစင်ကြယ်ခြင်းနှင့် ရိုသီလေးစားစွာ ကျင့်ကြံပြုမူခြင်းများကို သူရို့ တွိ့မြင်ကြမည် ဖြစ်သောကြောင့်ဖြစ်၏။ 
\v 3 \x - \xo ၃.၃ \xo*\xt ၁ တိ ၂.၉\xt*\x*သင်ရို့သည် ဆံပင်ကျစ်ခြင်း၊ အဆင်တန်ဆာ ဆင်ခြင်း၊ အဝတ်အစား ဝတ်ဆင်ခြင်းတည်းဟူသော အပြင်ပန်းကို ဆင်ယင်ခြင်း မဖြစ်စီဘဲ၊ 
\v 4 ဘုရားသခင်၏ ရှိ့တော်မှောက်၌၊ အလွန် အဖိုးတန်သည့် တည်ငြိမ်သော စိတ်သဘောနှင့် နူးညံ့သိမ်မွိ့သော စိတ်သဘောတည်းဟူသော မဖေါက်ပြန်မပျက်စီးတတ်သော အတွင်းစိတ်နှလုံးကို တန်ဆာဆင်ကြလော့။ 
\v 5 ရှီးအခါက ဘုရားသခင်ကို ရိုသီကိုင်းယှိုင်းသော မိန်းမရို့သည် မိမိရို့၏ အိမ်ထောင်သျှင်စကားကို နားထောင်ခြင်းအားဖြင့် လှပစီခြင်းငှာ တန်ဆာဆင်ကြ၏။ 
\v 6 စာရာသည် အာဗြဟံ၏စကားကို နားထောင်၍ သူ့ကိုလည်း သခင်ဟု ခေါ်သကဲ့သို့ သင်ရို့သည် မည်သည့်အရာကိုမျှ ကြောက်ရွံ့ခြင်းမဟိဘဲ ကောင်းသောအမှုကို ပြုကြလျှင် စာရာ၏သမီးများ ဖြစ်ကြ၏။
\p
\v 7 \x - \xo ၃.၇ \xo*\xt ဧ ၅.၂၅; ကော ၃.၁၉\xt*\x*ထိုနည်းတူ အိမ်ထောင်သျှင်ရို့၊ သင်ရို့၏ အိမ်ထောင်သျှင်မရို့သည် အားနွဲ့သူတိဖြစ်ကြောင်းကို သိမှတ်ကာ အတူတကွ နီထိုင်ကြလော့။ အကြောင်းမူကား သူရို့သည် အသက်နှင့်ဆိုင်သော ဘုရားသခင်၏ ဆုကျေးဇူးကို သင်ရို့နှင့်အတူ ခံစားရကြမည့်သူများ ဖြစ်သောကြောင့် သူရို့အား လေးစားစွာ ဆက်ဆံကြလော့။ ထိုသို့ ပြုလျှင် သင်ရို့၏ ဆုတောင်းခြင်းကို ဆီးတား ခံရလိမ့်မည် မဟုတ်ပေ။
\s ကောင်းမွန်စွာပြုသည့်အတွက် ခံရသည့် ဒုက္ခဆင်းရဲ
\p
\v 8 အချုပ်ဆိုရသော် သင်ရို့သည် တစ်ယောက်နှင့်တစ်ယောက် တစ်စိတ်တစ်ဝမ်းတည်းဟိလျက် ကြင်နာတတ်သောသဘော၊ ချစ်တတ်သောသဘော၊ သနားတတ်သောသဘော၊ နှိမ့်ချတတ်သောသဘော ဟိကြလော့။ 
\v 9 အဆိုးကို အဆိုးအားဖြင့်လည်းကောင်း၊ ကျိန်ဆဲခြင်းကို ကျိန်ဆဲခြင်း အားဖြင့်လည်းကောင်း၊ မတုံ့ပြန်ကတ်ကေ့။ ထိုသို့ ပြုမည့်အစား ကောင်းကြီးပီးကြလော့။ ဇာကြောင့်ဆိုသော် သင်ရို့သည် ဘုရားသခင် ကတိထားတော်မူသည့် ကောင်းကြီးမင်္ဂလာကို အမွီခံစီရန် ခေါ်တော်မူသောကြောင့်ဖြစ်၏။ 
\v 10 ကျမ်းစာတော်မြတ်၌၊
\q1 “အသက်ရှင်ခြင်းကို နှစ်သက်၍၊
\q2 ကောင်းသောနိ့ရက်ကို တွိ့မြင်လိုသောသူသည်၊
\q2 မိမိ၏လျှာကို မကောင်းသောစကားနှင့် ကင်းစီလော့။
\q2 မိမိနှုတ်သည်လည်း မုသားစကားနှင့် ကင်းစီလော့။
\q1
\v 11 သင်ရို့သည် ဆိုးသောအမှုကို ယှောင်ယှားလျက် ကောင်းသောအမှုကို ပြုရမည်။
\q2 ငြိမ်းသက်ခြင်းကိုရှာ၍ မှီအောင်လိုက်လော့။
\q1
\v 12 အကြောင်းမူကား သခင်ဘုရားသည် ဖြောင့်မတ်သောသူရို့အား ကြည့်ရှုစောင့်ရှောက်တော်မူ၍၊
\q2 သူရို့၏ ဆုတောင်းခြင်းကို နားညောင်းတော်မူသောကြောင့် ဖြစ်၏။
\q2 သို့ရာတွင် မကောင်းသောအမှုကိုပြုသော သူရို့ပါးမှ မျက်နှာလွှဲတော်မူ၏” ဟူ၍ ဆိုထား၏။
\p
\v 13 သို့ဖြစ်၍ ကောင်းသောအမှု၌ သင်ရို့သည် စိတ်အားထက်သန်ကြပါမူ မည်သူသည် သင်ရို့အား ထိခိုက်နိုင်မည်နည်း။ 
\v 14 \x - \xo ၃.၁၄ \xo*\xt မ ၅.၁၀\xt*\x*သို့သော် သင်ရို့သည် ဖြောင့်မတ်ခြင်းတရားကြောင့် ဒုက္ခဆင်းရဲ ခံရလျှင် မင်္ဂလာဟိကြ၏။ ဇာသူ့ကိုမျှ မကြောက်ကတ်ကေ့၊ မစိုးရိမ်ကတ်ကေ့။ 
\v 15 သို့သော် သင်ရို့၏ စိတ်နှလုံးတွင် ခရစ်တော်ကို သခင်ဘုရားအဖြစ် ရိုသီလေးမြတ်စွာ ခံယူကြလော့။ သင်ရို့ ခံယူထားသော မျှော်လင့်ချက်အကြောင်းကို မိန်းမြန်းလာသောသူအား အစဉ်မပြတ် ယှင်းလင်းဖော်ပြရန် အသင့် ဟိကြလော့။ 
\v 16 သို့ရာတွင် နူးညံ့သိမ်မွိ့ပြီး ရိုသီစွာဖြင့် ထိုအရာများကို လုပ်ဆောင်ကြလော့။ သင်ရို့သည် မိမိကိုယ်ကိုသိသောစိတ် ကြည်လင်လျက် ဟိသောကြောင့် ခရစ်တော်၌ သင်ရို့၏ ကောင်းသော ကျင့်ကြံပြုမူပုံကို သင်ရို့အား ကြမ်းတမ်းစွာ စော်ကားပြောဆိုသော သူရို့သည် မြင်သောအခါ အရှက် ရကြလိမ့်မည်။ 
\v 17 အကြောင်းမူကား ဘုရားသခင် အလိုတော်ဟိလျှင် မကောင်းသောအမှုကို ပြု၍ ဆင်းရဲဒုက္ခရောက်သည်ထက် ကောင်းသောအမှုကို ပြု၍ ဆင်းရဲဒုက္ခရောက်သည်ကား သာ၍ ကောင်း၏။ 
\v 18 ဇာကြောင့်ဆိုသော် မဖြောင့်မတ်သောသူတည်းဟူသော သင်ရို့အားလုံးကို ဘုရားသခင်ထံတော်သို့ ပို့ဆောင်ပီးခြင်းငှာ ဖြောင့်မတ်သောသူတည်းဟူသော ခရစ်တော်သည် ငါရို့အပြစ်တိအတွက် တစ်ကြိမ်တည်းနှင့်အပြီး အသီခံတော်မူခ\f + \fr ၃.၁၈ \fr*\fq အသီခံတော်မူခ၏၊ \fq*\ft များစွာသော လက်ရီးမူရင်းကျမ်းများထဲတွင် \ft*\fqa ဝေဒနာခံစားရခ၏၊ \fqa*\ft ဟု ဖော်ပြထား၏။\ft*\f* သောကြောင့် ဖြစ်၏။ ကိုယ်တော်သည် ကိုယ်ကာယအားဖြင့် အသီသတ်ခြင်းကို ခံရသော်လည်း ဝိညာဉ်တော်အားဖြင့် အသက်ရှင်လျက် ဟိတော်မူ၏။ 
\v 19 ကိုယ်တော်သည် အကျဉ်းကျခံနိန်ရသော ဝိညာဉ်များပါးသို့ လား၍ ဝိညာဉ်တော်အားဖြင့် တရားဟောခတော်မူ၏။ 
\v 20 ထိုဝိညာဉ်တိကား နောဧသည် သင်္ဘောကို တည်ဆောက်လျက် နိန်စဉ် ဘုရားသခင်သည် စိတ်ရှည်စွာဖြင့် စောင့်ဆိုင်းသော်လည်း စကားကို နားမထောင်ခသူရို့၏ ဝိညာဉ်များပင် ဖြစ်သတည်း။ သို့ရာတွင် သင်္ဘောထဲတွင် သျှစ်ယောက်မျှသော လူအနည်းငယ်သာ ရီအားဖြင့် ကယ်တင်ခြင်းကို ခံရ၏။ 
\v 21 ဤအရာသည် အဂု သင်ရို့ကို ကယ်တင်သော ဗတ္တိဇံမင်္ဂလာကို ပုံဆောင်ပေသည်။ ဗတ္တိဇံမင်္ဂလာ ခံယူခြင်းသည် ကိုယ်ကာယ အညစ်အကြေးများကို ဆီးကြောခြင်း မဟုတ်။ ကြည်လင်သောအသိစိတ်ဖြင့် ဘုရားသခင်၏ ရှိ့တော်၌ ကတိသစ္စာပြုခြင်း ဖြစ်ပေသည်။ ထိုဗတ္တိဇံတရားသည်ကား ယေသျှု ခရစ်တော်၏ ရှင်ပြန်ထမြောက်တော်မူခြင်းအားဖြင့် သင်ရို့အား ကယ်တင်ရာအကြောင်း ဖြစ်၏။ 
\v 22 ထိုအသျှင်သည် ကောင်းကင်ဘုံသို့ ကြွတော်မူသည်ဖြစ်၍ ဘုရားသခင်၏ လက်ယာတော်ဖက်၌ ဟိတော်မူပြီးလျှင် ကောင်းကင်တမန်များ၊ အာဏာစက်များနှင့် တန်ခိုးသျှင်များကို အုပ်စိုး၍ နိန်တော်မူ၏။
\c 4
\s ဘုရားသခင်အတွက် အသက်ရှင်ခြင်း
\p
\v 1 ခရစ်တော်သည် ကိုယ်ကာယ၌ ဝေဒနာကို ခံတော်မူခသည်ဖြစ်၍ သင်ရို့သည်လည်း ထိုသို့သော သဘောကို ခံယူကြရမည်။ အကြောင်းမူကား ကိုယ်ကာယ၌ ဝေဒနာကို ခံပြီးသောသူသည် ဒုစရိုက်အပြစ်နှင့် ပြတ်စဲပြီ ဖြစ်သောကြောင့်ဖြစ်၏။ 
\v 2 သို့ဖြစ်၍ ဤလောကတွင် သင်ရို့ အသက်ရှင်ရန် ကျန်နိန်သိမ့်သော အချိန်ကာလ၌ လူ့စိတ်အလိုသို့ မလိုက်ဘဲ ဘုရားသခင်၏ အလိုတော်ကို လိုက်၍ အသက်ရှင်နိုင်ရန် ဖြစ်သည်။ 
\v 3 လွန်ခသည့်ကာလက သင်ရို့သည် သာသနာပလူများ ပြုသကဲ့သို့ ပြုမူခကြ၏။ သင်ရို့သည် ညစ်ညမ်းစွာပြုမူခြင်း၊ ကာမဂုဏ် တပ်မက်ခြင်း၊ သီရည်သောက်ကြူးခြင်း၊ အပျော်ကြူးခြင်း၊ စားသောက်ပွဲများ ကျင်းပခြင်းနှင့် စက်ဆုပ်ဖွယ်ဖြစ်သော ရုပ်တုကိုးကွယ်ခြင်းများဖြင့် အသက်ရှင်လျက် အချိန်ကုန်ခကြ၏။ 
\v 4 အဂုမူကား သင်ရို့သည် သာသနာပလူများနှင့်အတူ ထိုသို့ အပျော်ကြူး၍ စည်းမဲ့ကမ်းမဲ့ သက်ရှင်မှုများတွင် မပါဝင်သောကြောင့် သူရို့သည် အံ့သြလျက် ကဲ့ရဲ့ပြောဆိုကြ၏။ 
\v 5 သို့ဖြစ်၍ သူရို့သည် အသက်ရှင်သောသူနှင့် သီသောသူတိအား တရားစီရင်ရန် အသင့် ဟိတော်မူသော ဘုရားသခင်၏ အထံတော်၌ စစ်ဆေးစီရင်ခြင်းကို ခံရလိမ့်မည်။ 
\v 6 ဤအကြောင်းကြောင့် သီလွန်သော သူရို့ကိုလည်း သတင်းကောင်းကို ဟောပြောရခြင်းဖြစ်၏။ ဤသည်ကား ထိုသူရို့သည် ကိုယ်ကာယအားဖြင့် အသက်ရှင်စဉ်အခါက လူတိုင်းနည်းတူ အပြစ်စီရင်ခြင်းကို ခံရသော်လည်း ဝိညာဉ်မူကား ဘုရားသခင်အားဖြင့် အသက်ရှင်ရန် ဖြစ်၏။
\s ဘုရားသခင်၏ ဆုကျေးဇူးများကို ကောင်းမွန်စွာ စီမံခန့်ခွဲသူများ
\p
\v 7 အားလုံးသော အမှုအရာများအတွက် နောက်ဆုံးသောအချိန် နီးကပ်လာပြီဖြစ်၏။ သို့ဖြစ်၍ သင်ရို့သည် ဆုတောင်းခြင်းအမှုကို ပြုနိုင်ရန် စိတ်ကို ထိန်းချုပ်လျက် နိုးနိုးကြားကြား ဟိကြရမည်။ 
\v 8 မေတ္တာသည် များစွာသော အပြစ်တိကို ဖုံးအုပ်နိုင်သောကြောင့် အရာအားလုံး၌ တစ်ယောက်ကိုတစ်ယောက် အလေးအနက်ထား၍ ချစ်ရကြမည်။ 
\v 9 သင်ရို့သည် မညည်းမညူဘဲ တစ်ယောက်ကိုတစ်ယောက် အာဂန္တုဝတ်ကို ကျေပွန်စွာ ပြုကြလော့။ 
\v 10 သင်ရို့တစ်ယောက်စီတိုင်းသည် ဘုရားသခင်၏ ခြားနားသော ဆုကျေးဇူးများကို ရဟိထားသည်ဖြစ်၍ ကောင်းသော စီမံခန့်ခွဲသူတစ်ယောက်ကဲ့သို့ ဘုရားသခင်ထံမှ မိမိရို့ရဟိထားသော အထူး ဆုကျေးဇူးများကို တခြားလူများ၏ အကျိုးအတွက် အသုံးပြုကြလော့။ 
\v 11 ဟောပြောသူသည် ဘုရားသခင်၏ ဗျာဒိတ်တော်ကို ဟောပြောစီ။ လုပ်ဆောင်သောသူသည် ဘုရားသခင်ပီးတော်မူသော အစွမ်းသတ္တိအတိုင်း လုပ်ဆောင်စီ။ သို့မှသာ ပြုလေသမျှသော အမှုများတွင် ယေသျှု ခရစ်အားဖြင့် ဘုရားသခင်၏ ဘုန်းတော်ကို ချီးမွမ်းကြလိမ့်မည်။ ထိုအသျှင်၏ ဘုန်းတန်ခိုးတော်သည် ကမ္ဘာအဆက်ဆက် ထွန်းတောက်တော်မူပါစီသတည်း။ အာမင်။
\s ခရစ်ယာန်များ ခံစားရသော ဆင်းရဲဒုက္ခ
\p
\v 12 အဆွီရို့၊ သင်ရို့သည် ပြင်းစွာသော စုံစမ်းစစ်ဆေးခြင်းကို ခံရသောအခါ ထူးဆန်းသည်ဟု ထင်မှတ်လျက် မအံ့သြကတ်ကေ့။ 
\v 13 သင်ရို့သည် ခရစ်တော်၏ ဒုက္ခဆင်းရဲထဲ၌ အတူပါဝင် ခံစားရကြသည်ကို ဝမ်းမြောက်ကြလော့။ သို့မှသာ ကိုယ်တော်၏ ဘုန်းတော် ပေါ်ထွန်းလာသောအခါ သင်ရို့သည် ဝမ်းမြောက်ခြင်းနှင့် ပြည့်ဝကြလိမ့်မည်။ 
\v 14 သင်ရို့သည် ခရစ်တော်၏ နာမတော်ကြောင့် စော်ကားခြင်းကို ခံရသောအခါ မင်္ဂလာဟိကြ၏။ ဇာကြောင့်ဆိုသော် ထိုသို့ ခံရသောအချိန်၌ ဘုန်းတော်နှင့် ပြည့်စုံသော ဘုရားသခင်၏ ဝိညာဉ်တော်သည် သင်ရို့အထက်၌ ကိန်းဝပ်တော်မူ၏။ 
\v 15 သင်ရို့တွင် လူသတ်မှု၊ ခိုးမှု၊ ရာဇဝတ်မှု၊ သူတစ်ပါး၏ကိစ္စတွင် စွက်ဖက်မှုစသည့် တစ်ခုခုသော အပြစ်များကြောင့် မည်သူတစ်ယောက်မျှ ဆင်းရဲဒုက္ခကို မခံရစီကေ့။ 
\v 16 သို့သော်လည်း ခရစ်ယာန်ဖြစ်သောကြောင့် ဆင်းရဲဒုက္ခခံရပါက ရှက်စရာအကြောင်းမဟိ။ ခရစ်တော်၏ နာမကြောင့်ခံရလျှင် ဘုရားသခင်ကို ချီးမွမ်းလော့။
\p
\v 17 အကြောင်းမူကား တရားစီရင်ခြင်းကို အစပြုမည့် အချိန်သည် ရောက်လာလေပြီ။ ဘုရားသခင်၏ လူစုတော်သည် တရားစီရင်တော်မူခြင်းကို ဦးစွာ ခံရကြမည်။ ငါရို့သည် ဦးစွာ တရားစီရင်တော်မူခြင်း ခံရကြလျှင် ဘုရားသခင်၏ သတင်းကောင်းကို မယုံကြည်သောသူတိကား မည်သို့ ဖြစ်လိမ့်မည်နည်း။ 
\v 18 ကျမ်းစာတော်မြတ်၌
\q1 “အကယ်၍ သူတော်ကောင်းများပင်လျှင် ကယ်တင်ခြင်းခံရရန် ခက်ခဲပါမူ
\q2 ဘုရားတရားကို မသိသော အပြစ်သားတိအဖို့ မည်သို့ ဖြစ်လိမ့်မည်နည်း” ဟူ၍ ဆိုထား၏။
\m
\v 19 သို့ဖြစ်၍ ဘုရားသခင်၏ အလိုတော်နှင့်အညီ ဆင်းရဲဒုက္ခခံရသော သူရို့သည် ကောင်းသောအမှုကို ပြုလျက် သစ္စာနှင့် ပြည့်စုံတော်မူသော ဖန်ဆင်းသျှင်၏ လက်တော်သို့ မိမိရို့အား အပ်နှံထားကြလော့။
\c 5
\s ဘုရားသခင်၏ သိုးစု
\p
\v 1 ခရစ်တော်၏ ဆင်းရဲဒုက္ခကို သက်သီခံသောသူ တစ်ဦးအဖြစ် လည်းကောင်း၊ ထင်ရှားလာမည့် ကိုယ်တော်၏ ဘုန်းတော်ကို မျှဝီခံစားသောသူတစ်ဦးအဖြစ် လည်းကောင်း ငါ့နည်းတူ အသင်းတော်၌ အကြီးအကဲတိဖြစ်ကြသော သင်ရို့အား ငါတိုက်တွန်းလိုက်ပါ၏။ 
\v 2 \x - \xo ၅.၂ \xo*\xt ယော ၂၁.၁၅–၁၇\xt*\x*သင်ရို့၌ အပ်ထားသော ဘုရားသခင်၏ သိုးစုကို စောင့်ရှောက်ကြလော့။ တာဝန်အရ စောင့်ရှောက်ခြင်းမဟုတ်ဘဲ ဘုရားသခင်၏ အလိုတော်နှင့်အညီ စိတ်အားထက်သန်စွာဖြင့် စောင့်ရှောက်ကြလော့။ သင်ရို့ လုပ်ဆောင်သည့်အခါ၌လည်း အဖိုးအခ ရရုံမျှသာ လုပ်ဆောင်ခြင်းမဟုတ်ဘဲ စစ်မှန်သော စေတနာစိတ်နှင့် လုပ်ဆောင်ကြလော့။ 
\v 3 စောင့်ရှောက်ရန် သင်ရို့အား အပ်ထားသော သူရို့အပေါ်၌ အာဏာဖြင့်အုပ်စိုးခြင်း မဟုတ်ဘဲ သိုးစုရှိ့၌ စံနမူနာကောင်းကို ဖြစ်စီလော့။ 
\v 4 သို့ဖြစ်လျှင် သိုးထိန်းကြီး ပေါ်ထွန်းတော်မူသောအခါ သင်ရို့သည် မည်သည့်အခါမျှ မညှိုးနွမ်းသော ဘုန်းတော်နှင့် ပြည့်စုံသည့် သရဖူကို ရကြလိမ့်မည်။
\p
\v 5 ထိုနည်းတူ ငယ်ရွယ်သောသူရို့၊ အသက်ကြီးသောသူရို့၏ စကားကို နားထောင်ကြလော့။ သင်ရို့အားလုံးသည် နှိမ့်ချခြင်း တန်ဆာကိုဆင်လျက် တစ်ဦးကိုတစ်ဦး အလုပ်အကျွေး ပြုကြရမည်။ ဇာကြောင့်ဆိုသော် ကျမ်းစာတော်၌ “ဘုရားသခင်သည် မာနကြီးသောသူကို ဆီးတားတော်မူ၍ စိတ်နှိမ့်ချသောသူကိုမူကား ကျေးဇူးပြုတော်မူ၏” ဟု ဖော်ပြထား၏။ 
\v 6 \x - \xo ၅.၆ \xo*\xt မ ၂၃.၁၂; လု ၁၄.၁၁; ၁၈.၁၄\xt*\x*သို့ဖြစ်၍ အချိန်တန်သောအခါ သင်ရို့အား ချီးမြှောက်တော်မူစီခြင်းငှာ ဘုရားသခင်၏ တန်ခိုးကြီးသော လက်တော်အောက်၌ မိမိကိုယ်ကို နှိမ့်ချကြလော့။ 
\v 7 သင်ရို့ကို ဂရုစိုက်တော်မူသောကြောင့် သင်ရို့၏ စိုးရိမ်ပူပန်ခြင်း ဟိသမျှတိကို ကိုယ်တော်၌ အပ်နှံကြလော့။
\p
\v 8 သမ္မာသတိဟိလျက် နိုးကြားစွာ စောင့်နိန်ကြလော့။ သင်ရို့၏ ရန်သူဖြစ်သော မာရ်နတ်သည် ဟောက်သောခြင်္သေ့ကဲ့သို့ မွားမျိုရမည့်သူကို လှည့်လည် ရှာဖွီလျက်ဟိ၏။ 
\v 9 သင်ရို့၏ ယုံကြည်ခြင်း၌ ခိုင်ခံ့စွာရပ်တည်လျက် မာရ်နတ်ကို ဆီးတားကြလော့။ ဇာကြောင့်ဆိုသော် သင်ရို့ သိကြသည့်အတိုင်း ကမ္ဘာတစ်ဝန်းလုံး၌ ဟိကြသော သင်ရို့၏ ညီအစ်ကိုများသည်လည်း ဤသို့သော ဆင်းရဲဒုက္ခနှင့် ကြုံတွိ့နိန်သောကြောင့်ဖြစ်၏။ 
\v 10 သို့ရာတွင် သင်ရို့သည် ဆင်းရဲဒုက္ခကို အနည်းငယ်မျှသာ ခံစားပြီးသောအခါ ခရစ်တော်နှင့် တစ်လုံးတစ်ဝတည်း ဖြစ်စီလျက် ထာဝရဘုန်းတော်ကို ဝင်စားခွင့်ပီးရန် ခေါ်တော်မူသောအသျှင်၊ ကျေးဇူးတော်အပေါင်းနှင့် ပြည့်စုံတော်မူသော ဘုရားသခင်ကိုယ်တော်တိုင်သည် သင်ရို့ကို စုံလင်စီ၍ ခွန်အားနှင့် ပြည့်ဝစီကာ ခိုင်ခံ့စွာ ရပ်တည်စီတော်မူလိမ့်မည်။ 
\v 11 ထိုဘုရားသခင်သည် ကာလအစဉ်အဆက် တည်ဟိတော် မူပါစီသတည်း။ အာမင်။
\s နောက်ဆုံး နှုတ်ဆက်စကားများ
\p
\v 12 \x - \xo ၅.၁၂ \xo*\xt တ ၁၅.၂၂,၄၀\xt*\x* သစ္စာဟိသော ညီအစ်ကိုအဖြစ် ငါမှတ်ယူထားသော သိလွာနု၏ အကူအညီဖြင့် သင်ရို့ပါးသို့ ဤစာကို ရီးသားလိုက်၏။ ငါသည် သင်ရို့ကို အားပီးတိုက်တွန်းရန်နှင့် သင်ရို့ ခံစားရသော ကျေးဇူးတော်သည် ဘုရားသခင်၏ ကျေးဇူးတော် အစစ်အမှန်ဖြစ်ကြောင်းကို သက်သီခံလို၏။ ထိုကျေးဇူးတော်တွင် ခိုင်ခံ့စွာ ရပ်တည်ကြလော့။
\p
\v 13 \x - \xo ၅.၁၃ \xo*\xt တ ၁၂.၁၂,၂၅; ၁၃.၁၃; ၁၅.၃၇–၃၉; ကော ၄.၁၀; ဖိလေ ၂၄\xt*\x*သင်ရို့နည်းတူ ဘုရားသခင်၏ ရွီးချယ်တော်မူခြင်းကို ခံရသည့် ဗာဗုလုန်မြို့အသင်းတော်နှင့်\f + \fr ၅.၁၃ \fr*\fk ဗာဗုလုန်မြို့၊ \fk*\ft ဗျာဒိတ်ကျမ်းကဲ့သို့ ရောမမြို့ကို ရည်ညွှန်းခြင်းဖြစ်တန်၏။\ft*\f* ငါ့သား မာကုကလည်း နှုတ်ဆက်လိုက်ပါ၏။ 
\v 14 ခရစ်ယာန်မေတ္တာဖြင့် အချင်းချင်း နှုတ်ဆက်ကြလော့။
\p ခရစ်တော်၌ဟိသော သင်ရို့အားလုံး၌ ငြိမ်သက်ခြင်း ဟိပါစီသောဝ်။