\id 1CO - Rakhine Bible Translation
\usfm 3.0
\ide UTF-8
\ide 65001 - Unicode (UTF-8)
\h ၁ ကောရိန္သု
\toc1 ကောရိန္သု အသင်းတော်သို့ ပေါလု၏ ပထမအကြိမ် ပီးစာ
\toc2 ၁ ကောရိန္သု
\toc3 ၁ ကော
\mt1 ၁ ကောရိန္သု
\mt2 ကောရိန္သု အသင်းတော်သို့ ပေါလု၏ ပထမအကြိမ် ပီးစာ
\imt နိဒါန်း
\im \bk ကောရိန္သု အသင်းတော်သို့ ပထမအကြိမ် ပီးစာ\bk*ကို ခရစ်တော်မွီးဖွားပြီးနောက် ၅၅ နှစ် ဝန်းကျင်တွင် တမန်တော်ပေါလုမှ ရီးသားခြင်းဖြစ်၏ (\xt ၁.၁\xt*)။ ဤပီးစာသည် ကောရိန္သု အသင်းတော်သို့ ပေါလုရီးသားသော ပီးစာနှစ်စောင်ထဲမှ ပထမအကြိမ် ပီးစာဖြစ်၏။ သူသည် သူ၏ခရီးစဉ်၌ မာကေဒေါနိပြည်မှ ပြန်လာပြီး ကောရိန့်မြို့သို့ လည်ပတ်ရန် ရည်ရွယ်ထားသော သူ၏ခရီးစဉ်ကို မပြုမီ ဧဖက်မြို့၌ တည်းခိုနိန်စဉ် ဤပီးစာကို ရီးသားခြင်း ဖြစ်နိုင်ပေ၏ (\xt ၁၆.၅–၉\xt*)။
\ip ဤပီးစာသည် မတရားသောမေထုန်ပြုခြင်းနှင့် ကွဲပြားခြင်းများအပါအဝင် အသင်းတော်၌ ဟိသော အားနည်းချက် အမျိုးမျိုးအကြောင်းကို သင်းဝင်သော သူရို့တချို့ပါးမှ ပေါလု လက်ခံရဟိသော အကြောင်းအရာတိအား အစီရင်ခံခြင်းငှာ တုန့်ပြန်ထားသော စာတစ်စောင်ပင် ဖြစ်၏။ ကောရိန့်မြို့သည် မတရားသော မေထုန်ပြုခြင်း၌ လူသိများကြသောကြောင့် အသင်းတော်သည် ထိုပြဿနာများနှင့် ရင်ဆိုင်ကြုံတွိ့နိန်ရသည်မှာ အံ့သြစရာ မဟိပေ။ ကောရိန္သုအသင်းတော်သို့ ပထမအကြိမ်ပီးစာတွင် အခန်းကြီး (\xt ၁၃\xt*) ၌ မေတ္တာတရားနှင့်ပတ်သက်၍ ထင်ပေါ်သော အခန်းဖြစ်လေ၏။
\iot အကြောင်းအရာ အကျဉ်းချုပ်
\io1 ၁။ ကောရိန္သုအသင်းတော်သို့ ပေါလု၏ နှုတ်ဆက်ခြင်းနှင့် ထိုသူရို့အဖို့ ဘုရားသခင်ကို ကျေးဇူးတော်ချီးမွမ်းခြင်း \ior (၁.၁–၉) \ior*
\io1 ၂။ မိမိလက်ခံရဟိထားသော ကောရိန္သုအသင်းတော်၌ ကွဲပြားခြင်းအကြောင်းကို အစီရင်ခံ ပြောကြားခြင်း \ior (၁.၁၀—၄.၂၁)\ior*
\io1 ၃။ အချင်းချင်း တစ်ယောက်ကိုတစ်ယောက် တရားရုံး၌ အမှုတွိ့ခြင်းနှင့် မတရားသောမေထုန်တိနှင့် စပ်ဆိုင်သော ပြဿနာတိကို မိန်းခွန်းပြောကြားခြင်း \ior (၅.၁—၆.၂၀)\ior*
\io1 ၄။ လက်ထပ်ထိမ်းမြားခြင်း၊ ရုပ်ထုရှိ့၌ ပူဇော်ခြင်း၊ အများပြည်သူ ဝတ်ပြုကိုးကွယ်ခြင်း၊ ဝိညာဉ်ဆိုင်ရာ ဆုကျေးဇူးနှင့် ရှင်ပြန်ထမြောက်ခြင်း ဆိုင်ရာ လမ်းညွှန်ခြင်း \ior (၇.၁—၁၅.၅၈)\ior*
\io1 ၅။ နောက်ဆုံး၊ လူပုဂ္ဂိုလ်ဆိုင်ရာ ကိစ္စရပ်တိနှင့် အချို့သောလက်တွိ့ဆိုင်ရာ ကျင့်သုံးခြင်းများနှင့် ပတ်သက်၍ နိဂုံးချုပ်ခြင်း \ior (၁၆.၁–၂၄)\ior*
\ie
\c 1
\po
\v 1 ဘုရားသခင်၏ အလိုတော်နှင့်အညီ၊ ယေသျှုခရစ်တော်၏ တမန်တော်အဖြစ် ခေါ်ခြင်းခံရသောသူ ပေါလုနှင့် ငါရို့၏ညီ သုဿင်ထံမှ —
\po
\v 2 \x - \xo ၁.၂ \xo*\xt တ ၁၈.၁\xt*\x*ကောရိန္သုမြို့၌ဟိသော ဘုရားသခင်၏ အသင်းတော်သို့ လည်းကောင်း၊ အရပ်ရပ်မှ ငါရို့နှင့် သူရို့၏အသျှင် ဖြစ်တော်မူသော အသျှင်ယေသျှုခရစ်တော်ကို ကိုးကွယ်သောသူ အပေါင်းရို့နှင့်တကွ ခရစ်တော်ယေသျှုအားဖြင့် ဘုရားသခင်၏ သန့်ယှင်းသော လူများဟု ခေါ်ခြင်းကို ခံရကြသောသူ အပေါင်းရို့ထံသို့ လည်းကောင်း စာရီးလိုက်ပါ၏။
\po
\v 3 ငါရို့၏ အဖဘုရားသခင်နှင့် အသျှင်ယေသျှုခရစ်တော်ပါးမှ ကျေးဇူးတော်နှင့် ငြိမ်သက်ခြင်းသည် သင်ရို့၌ သက်ရောက်ပါစီသောဝ်။
\s ခရစ်တော်၌ ကောင်းကြီးမင်္ဂလာ
\p
\v 4 ငါသည် ခရစ်တော်ယေသျှုအားဖြင့် သင်ရို့ကို ဘုရားသခင် ပီးတော်မူသော ကျေးဇူးတော်ကို ထောက်၍ သင်ရို့အဖို့အလို့ငှာ ဘုရားသခင်၏ ကျေးဇူးတော်ကို အစဉ်ချီးမွမ်းပါ၏။ 
\v 5 အကြောင်းမူကား သင်ရို့သည် ခရစ်တော်၌ ဟိကြသဖြင့် နှုတ်သတ္တိ၊ ဉာဏ်သတ္တိနှင့်တကွ အစစအရာရာတွင် ကြွယ်ဝပြည့်စုံလျက် ဟိကြ၏။ 
\v 6 ငါရို့ သက်သီခံဟောပြောသော ခရစ်တော်၏အကြောင်း သတင်းကောင်းသည် သင်ရို့အထဲတွင် တည်ဆောက်လျက် ဟိ၏။ 
\v 7 သို့ဖြစ်၍ သင်ရို့သည် ငါရို့၏အသျှင် ယေသျှုခရစ်တော် ပြန်ကြွလာတော်မူမည်ကို စောင့်မျှော်လျက်နိန်စဉ် သင်ရို့မခံရသော ကောင်းကြီးမင်္ဂလာဟူ၍ မဟိ။ 
\v 8 ငါရို့ အသျှင်ယေသျှုခရစ်တော်၏ တရားစီရင်တော်မူရာနိ့တွင် သင်ရို့သည် အပြစ်တင်စရာအခွင့်နှင့် ကင်းလွတ်စီရန် ကိုယ်တော်သည် သင်ရို့အား အဆုံးတိုင်အောင် ခိုင်ခံ့စီတော်မူလိမ့်မည်။ 
\v 9 ဘုရားသခင်သည် သစ္စာနှင့်ပြည့်စုံတော်မူသည်ဖြစ်၍ သင်ရို့အား မိမိ၏သားတော်တည်းဟူသော ငါရို့၏အသျှင် ယေသျှုခရစ်တော်နှင့် မိတ်သဟာယဖွဲ့စီခြင်းငှာ သင်ရို့ကို ရွီးကောက်တော်မူ၏။
\s အသင်းတော်ထဲ၌ စိတ်ဝမ်းကွဲခြင်းများ
\p
\v 10 ညီအစ်ကိုမောင်နှမရို့၊ ငါရို့၏အသျှင် ယေသျှုခရစ်တော်၏ နာမတော်ကို အမှီပြု၍ ငါသည် သင်ရို့အားလုံးကို တောင်းပန်ပါ၏။ စိတ်ဝမ်းကွဲပြားမှုမဟိစီခြင်းငှာ သင်ရို့၏စကားအပြောအဆို၌ ညီညွတ်မှုဟိကြလော့။ တစ်စိတ်တစ်ဝမ်းတည်းဖြင့် စည်းလုံးမှုဟိကြလော့။ 
\v 11 ငါ့ညီအစ်ကိုမောင်နှမရို့၊ သင်ရို့၌ အချင်းချင်းခိုက်ရန်ဖြစ်လျက် ဟိကြကြောင်းကို ကလောဣ၏မိသားစုပါးမှ ငါ ကြားသိရ၏။ 
\v 12 \x - \xo ၁.၁၂ \xo*\xt တ ၁၈.၂၄\xt*\x*သင်ရို့တွင်၊ “ငါကား ပေါလု၏တပည့်ဖြစ်၏။ ငါသည်ကား အာပေါလု၏တပည့်ဖြစ်၏။ ငါသည် ကေဖ၏တပည့်ဖြစ်၏။ ငါသည် ခရစ်တော်၏တပည့်ဖြစ်၏” ဟု တစ်ယောက်တစ်မျိုးစီ ပြောဆိုနိန်ကြသောကြောင့် ငါဆိုလို၏။ 
\v 13 ခရစ်တော်ကို ကွဲပြားစီသလော၊\f + \fr ၁.၁၃ \fr*\fq ခရစ်တော်ကို ကွဲပြားစီသလော၊ \fq*\ft အချို့သော မူရင်းလက်ရီးမူကျမ်းများတွင် \ft*\fqa ခရစ်တော်သည် မကွဲပြားနိုင်ပေ၊ \fqa*\ft ဟူ၍ ပါဟိသည်။\ft*\f* ပေါလုသည် သင်ရို့အဖို့ လက်ဝါးကပ်တိုင်ထက်မှာ အသီခံပါသလော။ ထိုသို့မဟုတ် သင်ရို့သည် ပေါလု၏နာမကို အမှီပြု၍ ဗတ္တိဇံကို ခံယူခကြပါသလော။
\p
\v 14 \x - \xo ၁.၁၄ က \xo*\xt တ ၁၈.၈; \xt*\xo ခ \xo*\xt တ ၁၉.၂၉; ရော ၁၆.၂၃\xt*\x*ငါသည် ဘုရားသခင်၏ကျေးဇူးတော်ကို ချီးမွမ်းပါ၏။ အကြောင်းမူကား ငါသည် ကရိပ္ပုနှင့် ဂါယုမှ လွဲ၍ သင်ရို့အထဲမှ ဇာသူ့ကိုမျှ ဗတ္တိဇံမပီးခပါ။ 
\v 15 သို့ဖြစ်၍ သင်ရို့သည် ငါ၏နာမကို အမှီပြု၍ ဗတ္တိဇံခံယူကြသည်ဟု ဇာသူမျှ မပြောနိုင်။ 
\v 16 \x - \xo ၁.၁၆ \xo*\xt ၁ ကော ၁၆.၁၅\xt*\x*ငါသည် သတေဖန်နှင့် သူ၏မိသားစုကိုလည်း ဗတ္တိဇံပီးခ၏။ ထိုသူရို့မှလွဲ၍ အခြားဇာသူ့ကို ဗတ္တိဇံပီးခသည်ကို ငါ မမှတ်မိ။ 
\v 17 ခရစ်တော်သည် ငါ့အား စီရွှတ်တော်မူသည်မှာ ဗတ္တိဇံပီးခြင်းငှာ မဟုတ်၊ လက်ဝါးကပ်တိုင်ထက်တွင် ခရစ်တော်၏ အသီခံခြင်းတန်ခိုးသည် အ​ချည်း​နှီး​မဖြစ်စီခြင်းငှာ လူရို့၏ဉာဏ်ပညာနှင့် ယှဉ်သောစကားများကို အသုံးမပြုဘဲ သတင်းကောင်းတရားကို ဟောပြောရန်ပင် ဖြစ်၏။
\s ဘုရားသခင်၏ တန်ခိုးတော်နှင့် ဉာဏ်ပညာတော် ဖြစ်တော်မူသည့်ခရစ်တော်
\p
\v 18 အကြောင်းမူကား၊ ပျက်စီးခြင်းသို့ ရောက်သောသူရို့ဖို့ လက်ဝါးကပ်တိုင်ထက်၌ ခရစ်တော်၏ အသီခံတော်မူခြင်းတရားသည် အဓိပ္ပာယ်မဟိသော တရားဖြစ်၏။ သို့ရာတွင် ကယ်တင်ခြင်းခံရသော ငါရို့အတွက်မူကား ဘုရားသခင်၏ တန်ခိုးတော်ဖြစ်၏။ 
\v 19 ဇာကြောင့်ဆိုသော် ကျမ်းစာ၌ လာသည်ကား၊
\q1 “ပညာဟိရို့၏ ဉာဏ်ပညာကို ငါဖျက်ဆီးမည်။
\q2 ပညာတတ်ရို့၏ အသိပညာကိုလည်း ငါပယ်ယှားမည်” ဟူ၍ ဖြစ်၏။ 
\v 20 ထို့ကြောင့် ပညာဟိကား ဇာမှာနည်း။ ကျမ်းတတ်ဆရာရို့ကား ဇာမှာဟိသနည်း။ ဤလောက၌ ပညာအလိမ္မာဖြင့် စကားငြင်းခုံတတ်သောသူရို့ကား ဇာမှာဟိသနည်း။ ဘုရားသခင်သည် လောကီပညာကို အချည်းနှီး ဖြစ်စီတော်မူယာ။
\p
\v 21 အကြောင်းမူကား လူသည် မိမိကိုယ်ပိုင် ဉာဏ်ပညာဖြင့် ဘုရားသခင်အား မသိနိုင်စီခြင်းငှာ ဘုရားသခင်သည် မိမိ၏ဉာဏ်ပညာတော်ဖြင့် စီရင်တော်မူ၏။ “အချည်းနှီးသော” တရားဖြစ်သည်ဟု လူရို့ထင်မှတ်ထားသော ငါရို့ဟောပြောသော သတင်းကောင်းတရားအားဖြင့် ဘုရားသခင်သည် မိမိအား ယုံကြည်သူရို့ကို ကယ်တင်တော်မူခြင်းငှာ စိတ်ပိုင်းဖြတ်တော်မူလေ၏။ 
\v 22 ယုဒလူရို့သည် သက်သီအဖြစ် နိမိတ်လက္ခဏာများကို တောင်းကြ၏။ ဟေလသလူရို့မူကား ဉာဏ်ပညာကို ရှာဖွီကြ၏။ 
\v 23 ငါရို့ ဟောပြောကြေငြာသော လက်ဝါးကပ်တိုင်ထက်တွင် အသီခံတော်မူသည့် ခရစ်တော်၏အကြောင်းသည် ယုဒလူရို့အဖို့ ထိမိ၍ လဲစရာဖြစ်ပြီး၊ တခြားလူမျိုးရို့အဖို့မူကား အချည်းနှီးသော တရားဖြစ်၏။ 
\v 24 သို့ရာတွင် ယုဒလူဖြစ်စီ၊ တခြားလူမျိုးဖြစ်စီ၊ ဘုရားသခင် ခေါ်ထားတော်မူခြင်းကို ခံရကြသော သူရို့၌ကား ခရစ်တော်သည် ဘုရားသခင်၏ တန်ခိုးတော်နှင့် ဘုရားသခင်၏ ဉာဏ်ပညာတော်ဖြစ်ပေ၏။ 
\v 25 အကြောင်းမူကား ဘုရားသခင်၏ အချည်းနှီးဖြစ်သော ဉာဏ်ပညာသည် လူရို့၏ဉာဏ်ပညာဟိခြင်းထက် သာ၍ ကောင်း၏။ ဘုရားသခင်၏အားနည်းခြင်းသည် လူရို့၏ခွန်အားကြီးခြင်းထက် သာ၍ ကြီး၏။
\p
\v 26 ညီအစ်ကိုမောင်နှမရို့၊ ဘုရားသခင်သည် သင်ရို့အား ခေါ်သောအခါ လူ့အမြင်အားဖြင့် သင်ရို့တွင် ပညာဟိသူ၊ တန်ခိုးအာဏာဟိသူ၊ မျိုးရိုးကြီးမြင့်သူဟူ၍ များစွာမပါသည်ကို အောက်မိကြလော့။ 
\v 27 ဘုရားသခင်သည် ပညာဟိရို့ကို အရှက်ရစီခြင်းငှာ လောက၌ မိုက်မဲသောသူရို့ကို ရွီးကောက်တော်မူ၏။ လောက၌ ခွန်အားကြီးသောသူရို့ကို အရှက်ရစီခြင်းငှာ ခွန်အားနည်းသောသူရို့ကို ရွီးကောက်တော်မူ၏။ 
\v 28 လောက၌ မြတ်သောသူရို့ကို အရှက်ရစီခြင်းငှာ ယုတ်သောသူ၊ အထင်သေးခံရသောသူနှင့် လူရာမဝင်သောသူရို့ကို ရွီးကောက်တော်မူ၏။ 
\v 29 သို့ဖြစ်၍ ဘုရားသခင်၏ ရှိ့တော်၌ ဇာသူမျှ ဝါကြွားစရာမဟိ။ 
\v 30 သို့ရာတွင် ဘုရားသခင်အားဖြင့် သင်ရို့သည် ခရစ်တော်ယေသျှု၌ တည်နိန်ကြ၏။ ဘုရားသခင်သည် ခရစ်တော်အား ငါရို့အတွက် ဉာဏ်ပညာ ဖြစ်စီတော်မူ၏။ ထိုအရာကား ငါရို့အတွက် ဖြောင့်မတ်ခြင်း၊ သန့်ယှင်းခြင်းနှင့် ရွီးနုတ်ခြင်း ဖြစ်တော်မူ၏။ 
\v 31 ထို့ကြောင့် ကျမ်းစာလာသည်ကား၊ “ဝါကြွားလိုသောသူသည် သခင်ဘုရားပြုတော်မူပြီးသော အမှု၌သာ ဝါကြွားစီ” ဟု လာ၏။
\c 2
\s ကားတိုင်ထက်တွင် အသီခံတော်မူသော ခရစ်တော်၏အကြောင်းသတင်းစကား
\p
\v 1 ညီအစ်ကိုမောင်နှမရို့၊ ငါသည် သင်ရို့ထံပါးသို့ ရောက်လာ၍ ဘုရားသခင်၏ လျှို့ဝှက်နက်နဲသော သမ္မာတရား\f + \fr ၂.၁ \fr*\fq ဘုရားသခင်၏ လျှို့ဝှက်နက်နဲသော သမ္မာတရား၊ \fq*\ft အချို့သော မူရင်းလက်ရီးမူကျမ်းများတွင် \ft*\fqa ဘုရားသခင်အကြောင်း သက်သီခံချက် \fqa*\ft ဟူ၍ ပါဟိသည်။\ft*\f*ကို ဟောပြောသောအခါ စကားလုံးကြီးများ၊ တတ်မြောက်ထားသော ပညာများနှင့် ယှဉ်၍ ဟောပြောသည်မဟုတ်။ 
\v 2 အကြောင်းမူကား သင်ရို့နှင့်အတူ ဟိစဉ်က ငါသည် ယေသျှုခရစ်တော်၏ အကြောင်းနှင့် အထူးသဖြင့် လက်ဝါးကပ်တိုင်၌ ကိုယ်တော် အသီခံတော်မူသည့် အကြောင်းမှတစ်ပါး အခြားသောအရာ မှန်သမျှကို မိ့ပျောက်စီခြင်းငှာ စိတ်ပိုင်းဖြတ်ထား၏။ 
\v 3 \x - \xo ၂.၃ \xo*\xt တ ၁၈.၉\xt*\x* ထို့ကြောင့် ငါသည် သင်ရို့ထံပါးသို့ လာသောအချိန်၌ အားနည်း၍ ကြောက်ရွံ့တုန်လှုပ်လျက်၊ 
\v 4 ငါ၏ ဟောပြောခြင်းနှင့် သတင်းစကားတွင် လူရို့၏ဉာဏ်ပညာဖြင့် ကျွမ်းကျင်သောစကားများကို အသုံးမပြုဘဲ ဘုရားသခင်၏ ဝိညာဉ်တော်တန်ခိုးဖြင့် နားလည်သဘောပေါက်စီသော စကားများကိုသာ အသုံးပြု၏။ 
\v 5 သို့ဖြစ်၍ သင်ရို့၏ ယုံကြည်မှုသည် လူရို့၏ ဉာဏ်ပညာ၌ အမှီမပြုဘဲ ဘုရားသခင်၏ တန်ခိုးတော်၌သာ အမှီပြုစီလို၏။
\s ဘုရားသခင်၏ ဉာဏ်ပညာတော်
\p
\v 6 ငါသည် ဉာဏ်ပညာနှင့် ယှဉ်သောစကားကို ဝိညာဉ်ရေးရာ ရင့်ကျက်သော သူရို့အား ပြောဆိုပါ၏။ သို့ရာတွင် ထိုဉာဏ်ပညာကား ဤလောကနှင့် သက်ဆိုင်သည်မဟုတ်။ လောကီမင်းများနှင့်လည်း မသက်ဆိုင်။ လောကီမင်းရို့၏ တန်ခိုးအာဏာသည်လည်း ပျက်ပြယ်တတ်၏။ 
\v 7 ငါဟောပြောသော ပညာသည်ကား ဘုရားသခင်၏ ကွယ်ဝှက်ထားသော အရာဖြစ်၏။ ဘုရားသခင်သည် ဤလောကကို ဖန်ဆင်းတော်မမူမီကပင် ထိုဉာဏ်ပညာကို ငါရို့၏ ဘုန်းတန်ခိုးအတွက် ကြိုတင်သတ်မှတ်ထားတော်မူ၏။ 
\v 8 လောကီမင်းတစ်ဦးတစ်ယောက်မျှ ဤဉာဏ်ပညာတော်အကြောင်းကို မသိနားမလည်ကတ်။ အကယ်၍ သိနားလည်ကြလျှင် သူရို့သည် ဘုန်းတန်ခိုးတော်၏ အသျှင်ကို လက်ဝါးကပ်တိုင်တွင် တင်၍ သတ်ကြလိမ့်မည်မဟုတ်။ 
\v 9 သို့ရာတွင် ကျမ်းစာ၌ လာသည်အတိုင်း၊
\q1 “ဇာသူမျှ မမြင်ဖူး၊ မကြားဖူး၊
\q2 ဇာသူမျှ မဖြစ်နိုင်ဟု ထင်မှတ်ထားသောအရာကို၊
\q1 ဘုရားသခင်သည် မိမိအား ချစ်သောသူရို့အဖို့ ပျင်ဆင်ထားတော်မူ၏။”
\p
\v 10 သို့သော်\f + \fr ၂.၁၀ \fr*\fq သို့သော်၊ \fq*\ft အချို့သောမူရင်း လက်ရီးမူကျမ်းများတွင် \ft*\fqa အကြောင်းမူကား၊ \fqa*\ft ဟူ၍ ပါဟိ၏။\ft*\f* ထိုကွယ်ဝှက်ထားသော အမှုအရာကို ဘုရားသခင်သည် ငါရို့အား မိမိ၏ ဝိညာဉ်တော်အားဖြင့် ဖော်ပြတော်မူ၏။ ထိုဝိညာဉ်တော်သည် ခပ်သိမ်းသော အရာကို သာမက ဘုရားသခင်၏ ကွယ်ဝှက်ထားသည့် နက်နဲသော အကြံအစည်တော်များကိုပင်လျှင် ရှာဖွီတော်မူ၏။ 
\v 11 ငါရို့၏ အကြောင်းအလုံးစုံကို ငါရို့အထဲ၌ ဟိသော စိတ်ဝိညာဉ်ကသာလျှင် သိ၏။ ထိုနည်းတူ ဘုရားသခင်၏အကြောင်း အလုံးစုံကို ဘုရားသခင်၏ ဝိညာဉ်တော်ကသာလျှင် သိတော်မူ၏။ 
\v 12 ငါရို့သည် ဤလောကနှင့်ဆိုင်သော ဝိညာဉ်ကို ခံယူရဟိကြသည်မဟုတ်။ ငါရို့အား ဘုရားသခင် ပီးတော်မူသောအရာအားလုံးကို သိခြင်းငှာ ဘုရားသခင်ထံပါးမှ လာသော ဝိညာဉ်တော်ကိုသာ ခံယူရဟိကြ၏။
\p
\v 13 ထို့ကြောင့် ငါရို့သည် လူ၏ဉာဏ်ပညာအားဖြင့် သွန်သင်ဟောပြောခြင်းကို မပြုဘဲ၊ ဝိညာဉ်တော်ကို ခံယူရဟိကြသော သူရို့\f + \fr ၂.၁၃ \fr*\fq ဝိညာဉ်တော်ကို ခံယူရဟိကြသော သူရို့အား၊ \fq*\ft သို့မဟုတ် \ft*\fqa ဝိညာဉ်တော်အားဖြင့် ပီးသော နှုတ်ကပက်တော်နှင့်အတူ။\fqa*\f*အား ဝိညာဉ်ရေးရာနှင့်ဆိုင်သော အရာများကို ယှင်းပြသောအခါ ဝိညာဉ်တော်၏ သွန်သင်ပီးသော စကားများကိုသာ အသုံးပြုကြ၏။ 
\v 14 ဇာတိပကတိလူသည် ဘုရားသခင်၏ ဝိညာဉ်တော် ချပီးသည့်ဆုကျေးဇူးများကို မခံယူနိုင်။ သို့သော် ထိုသူရို့သည် ထိုအရာများကို အချည်းနှီးသောအရာများဟု ထင်မှတ်တတ်ကြ၏။ အကြောင်းမူကား ဝိညာဉ်တော်အားဖြင့်သာလျှင် ထိုအရာများကို သိနိုင်သည်ဖြစ်သောကြောင့် သူရို့သည် နားမလည်နိုင်ကြပေ။ 
\v 15 ဝိညာဉ်တော်ကို ခံယူရဟိသောသူသည် အရာခပ်သိမ်းရို့ကို ပိုင်းခြား၍ သိနိုင်၏။ သို့ရာတွင် ထိုသူအား မည်သူမျှ ပိုင်းခြား၍ မသိနိုင်။ 
\v 16 ကျမ်းစာ၌ လာသည်ကား၊
\q1 “ဇာသူသည် သခင်ဘုရား၏ စိတ်တော်ကို သိပါသနည်း။
\q2 ဇာသူသည် ကိုယ်တော်အား အကြံဉာဏ် ပီးနိုင်ပါမည်နည်း”
\m ဟူ၍ ဖြစ်၏။ သို့ရာတွင် ငါရို့မူကား ခရစ်တော်၏ စိတ်သဘောကို ရဟိကြ၏။
\c 3
\s ဘုရားသခင်၏ အခိုင်းအစီများ
\p
\v 1 ညီအစ်ကိုမောင်နှမရို့၊ အထက်က ငါသည် သင်ရို့အား ဝိညာဉ်တော်၌ အသက်ရှင်သော သူရို့ကို ဟောပြောသကဲ့သို့ ဟောပြော၍မဖြစ်။ လောကီသားရို့ ပြုမူကြသည့်အတိုင်း ပြုမူကြသော ခရစ်တော်၌ အသျှေတိကို ဟောပြောသကဲ့သို့ ဟောပြောရ၏။ 
\v 2 \x - \xo ၃.၂ \xo*\xt ဟေ ၅.၁၂,၁၃\xt*\x*ငါသည် သင်ရို့အား မာသောအစာကို ကျွေးသည်မဟုတ်၊ နို့ကိုသာ တိုက်၏။ အကြောင်းမူကား ယခုတိုင်အောင် သင်ရို့သည် အစာမကြီနိုင်ကတ်သိမ့်။ 
\v 3 ဇာကြောင့်ဆိုသော်၊ သင်ရို့သည် လောကီသားများကဲ့သို့ အသက်ရှင်ကြသိမ့်သောကြောင့် ဖြစ်၏။ အချင်းချင်း မနာလိုဖြစ်ကာ၊ တစ်ယောက်နှင့်တစ်ယောက် ရန်ဖြစ်နိန်ကြသည်မှာ လောကီသားများ၏ အသက်ရှင်ပုံ မဟုတ်ပါလော။ လောကီသားများကဲ့သို့ ပြုမူနီထိုင်ကြသည်ပင် မဟုတ်ပါလော။ 
\v 4 \x - \xo ၃.၄ \xo*\xt ၁ ကော ၁.၁၂\xt*\x* သင်ရို့ အထဲက တစ်ယောက်က၊ “ငါသည် ပေါလု တပည့်ဖြစ်၏။ အခြားတစ်ယောက်က၊ ငါသည် အာပေါလု တပည့်ဖြစ်၏” ဟု ပြောနိန်ကြလျှင် သင်ရို့သည် လောကီသားများကဲ့သို့ ပြုမူခြင်းပင် မဟုတ်ပါလော။
\p
\v 5 အာပေါလုကား ဇာသူနည်း။ ထိုနည်းတူ ပေါလုကား ဇာသူနည်း။ ငါရို့သည် ဘုရားသခင်၏ အခိုင်းအစီများသာလျှင် ဖြစ်၍ သင်ရို့ ယုံကြည်လာစီခြင်းငှာ ပြုစုပီးကြသူတိသာ ဖြစ်၏။ ငါရို့ တစ်ယောက်စီတိုင်းသည် သခင်ဘုရား သတ်မှတ်ပီးတော်မူသော အလုပ်ကို ဆောင်ရွက်ကြ၏။ 
\v 6 \x - \xo ၃.၆ က \xo*\xt တ ၁၈.၄–၁၁; \xt*\xo ခ \xo*\xt တ ၁၈.၂၄–၂၈\xt*\x*ငါသည် မျိုးစိ့ကို စိုက်ပျိုး၏။ အာပေါလုကား ရီလောင်း၏။ အပင်ကို ကြီးထွားစီတော်မူသော သူကား ဘုရားသခင်ပေတည်း။ 
\v 7 မျိုးစိ့ကို စိုက်ပျိုးသောသူနှင့် ရီလောင်းသောသူသည် အဓိကမဟုတ်။ အပင်ကို ကြီးထွားစီတော်မူသော သူတည်းဟူသော ဘုရားသခင်သာလျှင် အဓိကဖြစ်တော်မူ၏။ 
\v 8 မျိုးစိ့ကို စိုက်ပျိုးသောသူနှင့် ရီလောင်းသောသူရို့သည် ခြားနားမှုမဟိ။ ဘုရားသခင်သည် လူအသီးသီးရို့၏ လုပ်ဆောင်သည့်အတိုင်း အကျိုးကို ပီးတော်မူလိမ့်မည်။ 
\v 9 ငါရို့သည် ဘုရားသခင်ထံတော်၌ အတူတကွ လုပ်ဆောင်ကြသော လုပ်ဖော်ကိုင်ဖက်များသာ ဖြစ်ကြ၏။ သင်ရို့သည်ကား ဘုရားသခင်၏ ဥယျာဉ် ဖြစ်ကြ၏။
\p သင်ရို့သည် ဘုရားသခင်၏ ဗိမာန်တော်လည်းဖြစ်ကြ၏။ 
\v 10 ငါသည် ဘုရားသခင်ပီးသနားတော်မူသော ဆုကျေးဇူးကို အသုံးပြုလျက် ကျွမ်းကျင်စွာ တည်ဆောက်သောသူကဲ့သို့ အုတ်မြစ်ကို ချခ၏။ တစ်စုံတစ်ယောက်ကလည်း ထိုအုတ်မြစ်ထက်တွင် တည်ဆောက်၏။ သို့သော် ထပ်ဆင့်၍ တည်ဆောက်သောသူတိုင်းသည် မိမိဇာပိုင် တည်ဆောက်သည်ကို သတိပြုရမည်။ 
\v 11 အကြောင်းမူကား ဘုရားသခင်သည် ယေသျှုခရစ်တော်ကို တစ်ခုတည်းသော အုတ်မြစ်အဖြစ် ချနှင့်ထားပြီးဖြစ်၏။ ထိုအုတ်မြစ်မှတစ်ပါး အခြားသော အုတ်မြစ်ကို ဇာသူမျှ မချနိုင်။ 
\v 12 လူတချို့သည် ထိုအုတ်မြစ်ထက်တွင် ရွှီ၊ ငွီ၊ တန်ဖိုးဟိသောကျောက်များဖြင့် ထပ်ဆင့်၍ တည်ဆောက်ကြလိမ့်မည်။ လူတချို့မူကား သစ်သား၊ မြက်ခြောက်၊ ကောက်ရိုးဖြင့် ထပ်ဆင့်၍ တည်ဆောက်ကြလိမ့်မည်။ 
\v 13 ထိုသူရို့ တစ်ယောက်ချင်းစီ၏ တည်ဆောက်မှု အရည်အသွီးသည် ခရစ်တော်ကြွလာတော်မူရာနိ့၌ ထင်ရှားလာလိမ့်မည်။ ထိုနိ့၌ လူတစ်ယောက်ချင်းစီတိုင်း၏ အလုပ်ကို မီးအားဖြင့် ထင်ရှားစီလိမ့်မည်။ ထိုမီးသည် လူအသီးသီးရို့၏ အလုပ်ကို စစ်ဆီးပြီး၊ စစ်မှန်သော အရည်အသွီးကို ဖော်ပြလိမ့်မည်။ 
\v 14 ထိုအုတ်မြစ်ထက်တွင် တည်ဆောက်သည့်အရာသည် ၎င်းမီး၏ဒဏ်ကို ခံနိုင်လျှင် တည်ဆောက်သောသူသည် ဆုလာဘ်ကို ရလိမ့်မည်။ 
\v 15 သို့သော် ထိုသူတည်ဆောက်ထားသောအရာသည် လောင်ကျွမ်းလားလျှင် တည်ဆောက်သောသူသည် ဆုံးယှုံးမူကို ခံစားရလိမ့်မည်။ သို့ရာတွင် ထိုသူမူကား မီးဘေးမှ လွတ်မြောက်သောသူကဲ့သို့ ကယ်တင်ခြင်းကို ခံရလိမ့်မည်။
\p
\v 16 \x - \xo ၃.၁၆ \xo*\xt ၁ ကော ၆.၁၉; ၂ ကော ၆.၁၆\xt*\x*သင်ရို့သည် ဘုရားသခင်၏ ဗိမာန်တော်ဖြစ်ကြသည်ကို လည်းကောင်း၊ ဘုရားသခင်၏ဝိညာဉ်တော်သည် သင်ရို့အထဲ၌ ကျိန်းဝပ်တော်မူသည်ကို လည်းကောင်း သိကြသည်မဟုတ်လော။ 
\v 17 ဘုရားသခင်၏ဗိမာန်တော်ကို ဖျက်ဆီးသောသူအား ဘုရားသခင်သည် ဖျက်ဆီးတော်မူလိမ့်မည်။ အကြောင်းမူကား ဘုရားသခင်၏ ဗိမာန်တော်သည် သန့်ယှင်းတော်မူ၏။ သင်ရို့ကိုယ်တိုင် ထိုဗိမာန်တော် ဖြစ်၏။
\p
\v 18 ဇာသူမျှ မိမိကိုယ်ကို မလှည့်စားကတ်ကေ့။ သင်ရို့အထဲမှ တစ်စုံတစ်ယောက်သောသူသည် ဤလောကတွင် မိမိကိုယ်ကို ပညာဟိသည်ဟု ထင်မှတ်လျှင်၊ ထိုသူသည် စစ်မှန်သောပညာဟိ ဖြစ်လာခြင်းငှာ မိုက်မဲသောသူဖြစ်ပါစီ။ 
\v 19 အကြောင်းမူကား လောကီသားရို့ ထင်မှတ်ကြသော ဉာဏ်ပညာသည် ဘုရားသခင်၏ရှိ့တော်၌ မိုက်မဲသောအရာပင်ဖြစ်၏။ ကျမ်းစာ၌လာသည်ကား၊ “ဘုရားသခင်သည် ပညာဟိရို့အား မိမိရို့၏ ပရိယာယ်ထဲ၌ ထောင်ချောက်မိစီတော်မူ၏” ဟူ၍ ဖြစ်၏။ 
\v 20 တဖန် ကျမ်းစာ၌ လာသည်ကား “ပညာဟိရို့၏ အကြံအစည်သည် အချည်းနှီးဖြစ်ကြောင်းကို သခင်ဘုရားသိတော်မူ၏” ဟူ၍ ဖြစ်၏။ 
\v 21 သို့ဖြစ်၍ လူသားရို့၏ ပြုနိုင်သော အမှုအရာ၌ ဇာသူမျှ မကြွားဝါကတ်ကေ့။ အကြောင်းမူကား ခပ်သိမ်းသောအရာတိကို သင်ရို့ပိုင်ကြ၏။ 
\v 22 ပေါလု၊ အာပေါလု၊ ပေတရုရို့ကို လည်းကောင်း၊ ဤလောကကြီးကို လည်းကောင်း၊ အသက်ရှင်ခြင်းတရားနှင့် သီခြင်းတရားကို လည်းကောင်း၊ မျက်မှောက်ကာလနှင့် အနာဂတ်ကာလကို လည်းကောင်း — သင်ရို့ပိုင်ကြ၏။ 
\v 23 သင်ရို့ကို ခရစ်တော်ပိုင်တော်မူ၍ ခရစ်တော်ကို ဘုရားသခင် ပိုင်တော်မူ၏။
\c 4
\s ခရစ်တော်၏ တမန်တော်တိ
\p
\v 1 ငါရို့သည် ဘုရားသခင်၏ နက်နဲသော သမ္မာတရားတော်ကို စောင့်ထိန်းရသည့် ဘဏ္ဍာထိန်း ကဲ့သို့လည်းကောင်း၊ ခရစ်တော်၏ အခိုင်းအစီများကဲ့သို့လည်းကောင်း ဖြစ်သည်ဟု သင်ရို့ မှတ်ယူသင့်ကြ၏။ 
\v 2 ထိုသို့သော သူရို့တွင် ဟိရမည့် အရည်အချင်းတစ်ခုကား မိမိသခင်၌ သစ္စာစောင့်ခြင်းပင် ဖြစ်ပေ၏။ 
\v 3 ငါသည် သင်ရို့အားဖြင့် ဖြစ်စီ၊ လူ၏စံနှုန်းအားဖြင့် ဖြစ်စီ အစစ်ခံရသော်လည်း ငါသည် အမှုမထား။ ငါသည် မိမိကိုယ်ကိုပင်လျှင် မစစ်ကြောမစီရင်။ 
\v 4 ငါ၏ သြတ္တပ္ပစိတ်သည် ကြည်လင်လျက်ဟိပါ၏။ ထိုသို့ ဆိုသော် ငါ၌ အပြစ်မဟိဟု သက်သီပြသည်မဟုတ်။ ငါ့ကို စစ်ကြောစီရင်သောသူကား သခင်ဘုရားပေတည်း။ 
\v 5 သို့ဖြစ်၍ ချိန်းချက်တော်မူသောအချိန် မရောက်မီ ဇာသူကိုမျှ စစ်ကြောစီရင်ခြင်း မပြုကေ့။ သင်ရို့သည် နောက်ဆုံး တရားစီရင်တော်မူခြင်းငှာ သခင်ဘုရား ကြွလာတော်မူထိတိုင်အောင် စောင့်၍ နိန်ကြရမည်။ ကိုယ်တော်သည် မှောင်မိုက်ထဲ၌ ဝှက်ထားသောအရာများကို အလင်းတော်သို့ လည်းကောင်း၊ လူရို့၏စိတ်နှလုံး၌ ကွယ်ဝှက်ထားသော အကြံအစည်များကို လည်းကောင်း ထုတ်ဖော်တော်မူလိမ့်မည်။ ထိုအခါ လူတစ်ဦးစီတိုင်း မိမိရို့ခံထိုက်သည့်အလျောက် ဘုရားသခင်ထံမှ ချီးမွမ်းခြင်းကို ခံရကြလိမ့်မည်။
\p
\v 6 ညီအစ်ကိုမောင်နှမရို့၊ သင်ရို့အဖို့အလို့ငှာ ဤအကြောင်းအရာများတွင် အာပေါလုနှင့် ငါ့ကို ပုံဆောင်၍ ဖော်ပြထား၏။ ထိုသို့ ဖော်ပြရခြင်းမှာ “ကျမ်းစာကို မကျော်လွန်ကေ့” ဟု ပြောသောအရာများ၏ အနက်ကို ငါရို့ပါးမှ သင်ယူနိုင်ကြစီခြင်းငှာ ဖြစ်၏။ သင်ရို့သည် တစ်ဦးကို ချီးမွမ်းပြီး အခြားတစ်ဦးကို မထီလေးစားမပြုကတ်ကေ့။ 
\v 7 ဇာသူသည် သင်ရို့ကို သူတစ်ပါးထက် ထူးကဲစီပါသနည်း။ သင်ရို့၌ ဟိသမျှသောအရာသည် ဘုရားသခင်ချပီးတော်မူသော အရာများပင် မဟုတ်ပါလော။ ယင်းသို့ဖြစ်လျက်ပင် ဘုရားသခင် ချပီးတော်မူသော ဆုကျေးဇူးတိ မဟုတ်သကဲ့သို့ သင်ရို့သည် ဇာကြောင့် ဝါကြွားကြသနည်း။
\p
\v 8 သင်ရို့သည် လိုအပ်သမျှ ပြည့်စုံကြပြီလော။ ချမ်းသာကြွယ်ဝကြပြီလော။ ငါရို့သည် ဘုရင်မဖြစ်ဘဲ သင်ရို့သည် ဘုရင်ဖြစ်ကြပြီလော။ သင်ရို့ ဘုရင် ဖြစ်မှသာလျှင် ငါရို့လည်း သင်ရို့နှင့်အတူ စိုးစံနိုင်ကြမည်ဖြစ်သောကြောင့် သင်ရို့သည် အမှန်ပင် ဘုရင်များဖြစ်ကတ်ပါစီဟု ငါသည် ဆန္ဒပြု၏။ 
\v 9 လူထုရှိ့၌ အသီသတ်ဖို့ ထားသောသူများကဲ့သို့ တမန်တော်တိဖြစ်ကြသော ငါရို့ကို ဘုရားသခင်သည် လောကီသားများနှင့် ကောင်းကင်တမန်တိ ရှုစားကြစီခြင်းငှာ နောက်ဆုံး၌ ထုတ်ပြရန် ဖြစ်သည်ဟု ငါထင်မှတ်၏။ 
\v 10 ငါရို့သည် ခရစ်တော်အဖို့ ရူးသွပ်သောသူများဖြစ်ရ၏။ သို့သော် သင်ရို့ကား ခရစ်တော်၌ ပညာဟိများ ဖြစ်ကြ၏။ ငါရို့သည် အားနည်းသော သူများဖြစ်ကာ၊ သင်ရို့မူကား သန်စွမ်းသောသူများဖြစ်ကြ၏။ ငါရို့မူကား အသရေမဲ့သောသူများဖြစ်ပြီး၊ သင်ရို့မူကား အသရေဟိသောသူများ ဖြစ်ကြပါသည်တကား။ 
\v 11 ယခုအချိန်ထိ ငါရို့သည် ငတ်မွတ်လျက်ဟိကြ၏။ ငါရို့၏ အဝတ်အစားများလည်း နွမ်းပါးစုတ်ပြဲလျက်ဟိကြ၏။ ရိုက်ပုတ်ညှည်းဆဲခြင်းကိုလည်း ခံရကြ၏။ တစ်နီရာမှ တစ်နီရာသို့ လှည့်လည်နိန်သော သူတိဖြစ်ကြ၏။ 
\v 12 \x - \xo ၄.၁၂ \xo*\xt တ ၁၈.၃\xt*\x*ငါရို့ကိုယ်တိုင် ကိုယ့်လက်ဖြင့် ပင်ပန်းစွာလုပ်ဆောင်ကြရ၏။ ငါရို့သည် ကျိန်ဆဲခြင်းကို ခံရသောအခါ ကောင်းကြီးပီးကြ၏။ ညှည်းဆဲခြင်းကို ခံရသောအခါ သည်းခံကြ၏။ 
\v 13 ရိုင်းပြစော်ကားခြင်းကို ခံရသောအခါ တောင်းပန် ကြ၏။ ငါရို့သည် ယခုတိုင်အောင် ဤလောက၏အညစ်အကြေးများကဲ့သို့ လည်းကောင်း၊ မြီကြီးသားအပေါင်းရို့၏ လူညံ့လူဖျင်းကဲ့သို့ လည်းကောင်း ဖြစ်ကြ၏။
\p
\v 14 ငါသည် ဤသို့ ရီးပီးလိုက်ခြင်းမှာ သင်ရို့အား အရှက်ခွဲလို၍ မဟုတ်။ ငါ၏ချစ်သော သားသမီးများကဲ့သို့ မှတ်၍ သင်ရို့အား သွန်သင်ခြင်းဖြစ်၏။ 
\v 15 သင်ရို့၏ယုံကြည်သူ အသက်တာ၌ သွန်သင်မည့်ဆရာ ၁၀,၀၀၀ ဟိသော်လည်း ဖခင် တစ်ဦးတည်းသာ ဟိ၏။ ငါသည် သတင်းကောင်းကို ယူဆောင်လာခြင်းအားဖြင့် သင်ရို့အသက်တာတွင် ခရစ်တော်ယေသျှု၌ သင်ရို့၏ဖခင် ဖြစ်လာ၏။ 
\v 16 \x - \xo ၄.၁၆ \xo*\xt ၁ ကော ၁၁.၁; ဖိ ၃.၁၇\xt*\x*ထို့ကြောင့် ငါ၏စံနမူနာကို လိုက်ကြရန် ငါတိုက်တွန်းနှိုးဆော်၏။ 
\v 17 ဤအကြောင်းကြောင့် ငါသည် တိမောသေအား သင်ရို့ပါးသို့ ရွှတ်လိုက်၏။ သူသည် သခင်ဘုရား၌ ငါ နှစ်သက်မြတ်နိုးပြီးလျှင် သစ္စာဟိသော သားပင်ဖြစ်၏။ ခရစ်တော်ယေသျှုနောက်ကို ငါ ဇာပိုင်လိုက်လျှောက်သည် ကိုလည်းကောင်း၊ အရပ်ရပ်၌ဟိသော အသင်းတော်အပေါင်းရို့အား ငါဟောပြောသွန်သင်ခသော အရာတိကိုလည်းကောင်း သူသည် သင်ရို့အား သတိရစီပါလိမ့်မည်။
\p
\v 18 သင်ရို့အထဲမှ အချို့သောသူရို့က ငါသည် သင်ရို့ပါးသို့ မလာယာ ဟု ထင်မှတ်၍ မာနထောင်လွှားလျက် ဟိကြ၏။ 
\v 19 သို့ရာတွင် သခင်ဘုရားအလိုတော်ဟိလျှင် ငါသည် သင်ရို့ပါးသို့ မကြာမီ လာမည်။ ထိုအခါ ယင်းသို့ မာနထောင်လွှားသော သူရို့၏နှုတ်စကားကိုမျှသာ မဟုတ်ဘဲ၊ သူရို့၌ဟိသော တန်ခိုးကိုပင် ငါကိုယ်တိုင် သိရလိမ့်မည်။ 
\v 20 ဘုရားသခင်၏ နိုင်ငံတော်သည် စကား၌ မတည်။ တန်ခိုး၌သာ တည်၏။ 
\v 21 သင်ရို့သည် ဇာအရာကို အလိုဟိကြသနည်း။ ငါသည် ကြိမ်လုံးကိုကိုင်၍ သင်ရို့ပါးသို့ လာသည်ကို အလိုဟိကြသလော။ သို့တည်းမဟုတ် မေတ္တာနှင့်လည်းကောင်း၊ နူးညံ့သိမ်မွိ့သော စိတ်နှင့်လည်းကောင်း လာသည်ကို အလိုဟိကြသလော။
\c 5
\s အသင်းတော်၌ ကာမဂုဏ်လိုက်စားခြင်း
\p
\v 1 သာသနာပလူရို့ပင်လျှင် ပြုကျင့်ကြမည့်အရာ မဟုတ်သော ကာမဂုဏ်လိုက်စားမှုသည် သင်ရို့တွင် ဟိနိန်ကြောင်းကို ငါ ကြားသိရ၏။ လူတစ်ယောက်သည် မိမိ၏ မိထွီးနှင့် အိပ်လျက် ဟိသည်ဟု ငါအား ပြောကြ၏။ 
\v 2 သို့ဖြစ်၍ သင်ရို့သည် ဇာပိုင် ဝါကြွားနိုင်ကြသနည်း။ သင်ရို့သည် လွန်စွာဝမ်းနည်းပူဆွေး နိန်သင့်ကြ၏။ ထိုအမှုကို ပြုသောသူအား သင်ရို့အထဲမှ နှင်ထုတ်သင့်၏။ 
\v 3 ငါ၏ခန္ဓာသည် သင်ရို့နှင့် ကွာဝီးသော်လည်း စိတ်ဝိညာဉ်မူကား သင်ရို့နှင့်အတူ ဟိ၏။ သင်ရို့နှင့်အတူဟိနိန်သကဲ့သို့ ထင်မှတ်လျက် ထိုကြောက်ရွံ့ဖွယ်သော အမှုကို ပြုသူအား ငါရို့၏ အသျှင်ယေသျှု၏နာမဖြင့် အဂုပင် ငါတရားစီရင်၏။ 
\v 4 သင်ရို့ အတူတကွ စုဝေးကြစဉ် ငါသည် စိတ်ဝိညာဉ်အားဖြင့် သင်ရို့နှင့်အတူ ဟိနိန်၏။ ငါရို့၏အသျှင် ယေသျှု၏တန်ခိုးတော်သည်လည်း ငါရို့နှင့်အတူ ဟိ၏။ 
\v 5 သခင်ဘုရား၏ နိ့ရက်၌ ထိုသူ၏ ဝိညာဉ်သည် ကယ်တင်ခြင်းခံရမည့်အကြောင်း သူ၏ကိုယ်ခန္ဓာကို ဖျက်ဆီးစီခြင်းငှာ စာတန်မာရ်နတ်၏ လက်သို့ ပီးအပ်ကြလော့။
\p
\v 6 \x - \xo ၅.၆ \xo*\xt ဂလာ ၅.၉\xt*\x* သင်ရို့သည် မာန်မာနထောင်လွှားနိန်ကြသည်မှာ မကောင်း။ “တဆီးအနည်းချေက မုန့်ညက် တစ်ပုံးလုံးကို ဖောင်းကြွစီ၏” ဟူသော ဆိုရိုးစကားကို သင်ရို့ မသိကတ်လား။ 
\v 7 သင်ရို့သည် စင်ကြယ်စီခြင်းငှာ တဆီးဟောင်းတည်းဟူသော အပြစ်ဒုစရိုက်ကို ပယ်ကြလော့။ သို့မှသာလျှင် သင်ရို့သည် တဆီးမပါသော အသစ်သောမုန့်ညက်ကဲ့သို့ ဖြစ်လိမ့်မည်။ ငါရို့၏ ပသခါသိုးသူငယ်တည်းဟူသော ခရစ်တော်အား ယဇ်ပူဇော်ပြီးပြီ ဖြစ်သောကြောင့် ငါရို့အဖို့ ပသခါပွဲကျင်းပရန် အဆင့်သင့်ဟိ၏။ 
\v 8 ထို့ကြောင့် အပြစ်ဒုစရိုက်နှင့် ယုတ်ညံ့သောအကျင့်တည်းဟူသော တဆီးဟောင်းပါသည့်မုန့်ဖြင့် မဟုတ်၊ သန့်ယှင်းစင်ကြယ်ခြင်းနှင့် သမ္မာတရားတည်းဟူသော တဆီးမပါသောမုန့်ဖြင့် ပသခါပွဲတော်ကို ကျင်းပကြကုန်အံ့။
\p
\v 9 သင်ရို့အား ကာမဂုဏ်လိုက်စားသော သူရို့နှင့် မပေါင်းဖော်စီခြင်းငှာ ယခင်က သင်ရို့ပါးသို့ ရီးလိုက်သောစာ၌ ငါမှာထားခ၏။ 
\v 10 ထိုသို့ မှာကြားရာ၌ ဤလောက၌ ဟိသော မေထုန်လိုက်စားသောသူတိ၊ လောဘလွန်ကျူးသောသူတိ၊ သူခိုးတိ၊ ရုပ်တုဆင်းထုကိုးကွယ်သောသူတိနှင့် မပေါင်းဖော်ရဟု မဆိုလို။ ထိုသူရို့ကို ယှောင်ရမည်ဆိုလျှင် သင်ရို့သည် ဤလောကမှ လုံးဝထွက်ခွာလားရပေလိမ့်မည်။ 
\v 11 သင်ရို့ ယှောင်ရမည့်လူများမှာ မိမိကိုယ်ကို ယုံကြည်သူဟုဆိုလျက် မေထုန်လိုက်စားသောသူတိ၊ လောဘလွန်ကျူးသောသူတိ၊ ရုပ်တုဆင်းထုကိုးကွယ်သောသူတိ၊ အတင်းပြောသောသူတိ၊ ယစ်မူးမျိုးကိုသောက် ကြူးသောသူတိ၊ သူခိုးတိ ကို ဆိုလို၏။ ထိုသို့သော လူရို့နှင့်အတူ စားသောက်ခြင်းကိုပင် မပြုကတ်ကေ့။
\p
\v 12-13 အသင်းတော်ပြင်ပ၌ ဟိသောသူရို့ကို စစ်ကြောစီရင်ရန်မှာ ငါ၏ အလုပ်မဟုတ်။ ထိုသူရို့ကို ဘုရားသခင်သာ စစ်ကြောစီရင်တော်မူလိမ့်မည်။ သို့ရာတွင် သင်ရို့၏ မိတ်သာဟာယ၌ အသင်းဝင်ရို့ကို စစ်ကြောစီရင်သင့်ကြသည် မဟုတ်ပါလော။ ထို့ကြောင့် ကျမ်းစာလာသည်အတိုင်း “သင်ရို့ အထဲမှ ဆိုးညစ်သောသူကို ပယ်ယှားကြလော့” ဟု ဖြစ်၏။
\c 6
\s ခရစ်ယာန်ညီအစ်ကိုအချင်းချင်း တရားစွဲဆိုခြင်း
\p
\v 1 သင်ရို့အထဲမှ တစ်ယောက်ယောက်က အခြားသော ခရစ်ယာန်ညီအစ်ကိုနှင့် အမှုဖြစ်လျှင် ဘုရားသခင်၏လူများ၌ စီရင်ဆုံးဖြတ်ခြင်းကို မခံဘဲ ဇာကြောင့် ဘုရားတရားမဲ့သော တရားသူကြီးများပါးသို့ လားကြပါသနည်း။ 
\v 2 ဘုရားသခင်၏လူများသည် ဤလောကကို တရားစီရင်ရမည်အကြောင်း သင်ရို့ မသိကြသလော။ သင်ရို့သည် ဤလောကကို တရားစီရင်မည့် သူများဖြစ်သည်ဆိုလျှင် ငယ်သောအမှုကိစ္စများကို မစီရင်နိုင်ပါသလော။ 
\v 3 ငါရို့သည် ကောင်းကင်တမန်တိကို တရားစီရင်ရမည့်အကြောင်း သင်ရို့မသိကြသလော။ သို့ဖြစ်၍ လောကီအမှုကို သာ၍ စီရင်ထိုက်သည် မဟုတ်လော။ 
\v 4 ထိုအမှုကိစ္စမျိုး ပေါ်ပေါက်လာသောအခါ အသင်းတော်နှင့် မသက်ဆိုင်သော သူရို့ပါးသို့ လား၍ တရား စီရင်ဆုံးဖြတ်ခြင်းကို ခံယူမည်လော။ 
\v 5 သင်ရို့သည် ရှက်ဖွယ်ကောင်းလှ၏။ ခရစ်ယာန်ညီအစ်ကို အချင်းချင်း အမှုအခင်းဖြစ်ပွားကြသောအခါ သင်ရို့အသင်းတော်ထဲ၌ စီရင်ဆုံးဖြတ်နိုင်သည့် ပညာဟိသောသူ တစ်ယောက်မျှ မဟိသလော။ 
\v 6 သို့ရာတွင် သင်ရို့သည် မယုံကြည်သူ တရားသူကြီးတိ ရှိ့၌ ညီအစ်ကို အချင်းချင်း တရား စီရင်ကြပါသည်တကား။
\p
\v 7 ထိုသို့ သင်ရို့ အချင်းချင်း တရားစွဲဆိုခြင်းသည် သင်ရို့အဖို့ ဆုံးယှုံးမှုဖြစ်စီ၏။ ထိုသို့​တရားစွဲ​မည့်​အစား မတရား​ပြု​ခြင်း​ကို​သာ ဇာကြောင့်​မ​ခံ​ကြ​သနည်း။ လိမ်ညာ​လုယူ​ခြင်း​ကို​သာ ဇာကြောင့်​မ​ခံ​ကြ​သနည်း။ 
\v 8 အကယ်စင်စစ် သင်ရို့သည် ထိုသို့ ခံရမည့်အစား သင်ရို့ကိုယ်တိုင် ညီအစ်ကိုမောင်နှမ အချင်းချင်း တစ်ယောက်ကိုတစ်ယောက် မတရားပြုခြင်း၊ လုယက်ခြင်းများကို ပြုကြ၏။ 
\v 9 ဆိုးညစ်သောသူရို့သည် ဘုရားသခင်၏ နိုင်ငံတော်သို့ မဝင်ရကြောင်း သင်ရို့သိကြ၏။ သင်ရို့ကိုယ်တိုင် မရူးမိုက်ကတ်ကေ့။ မတရားသောကာမဂုဏ်လိုက်စားသောသူတိ၊ ရုပ်တုဆင်းထုကိုးကွယ်သောသူတိ၊ သူတစ်ပါး သားမယားကို ပြစ်မှားသောသူတိ၊ ယောက်ျားအချင်းချင်းသော်လည်းကောင်း မိန်းမအချင်းချင်းသော်လည်းကောင်း မှားယွင်းသောသူတိ၊ 
\v 10 သူတစ်ပါးဥစ္စာကို ခိုးသောသူတိ၊ လောဘလွန်ကြူးသောသူတိ၊ သီရည်သောက်ကြူးသော သူတိ၊ အတင်းပြောသောသူတိနှင့် လုယက်တိုက်ခိုက်သောသူရို့သည် ဘုရားသခင်၏ နိုင်ငံတော်သို့ မဝင်ရကြ။ 
\v 11 အယင်က သင်ရို့တွင် အချို့သောသူရို့သည် ထိုကဲ့သို့ ဆိုးယုတ်သောသူတိဖြစ်ခကြ၏။ သို့သော် ယခုတွင် သင်ရို့သည် အပြစ်မှ ဆီးကြောသန့်စင်ခြင်းကို ခံကြရသောသူများဖြစ်ပြီး၊ ဘုရားသခင်အား ဆက်ကပ်သောသူများ ဖြစ်ကြ၏။ အသျှင်ယေသျှုခရစ်တော်၏ နာမအားဖြင့် လည်းကောင်း၊ ငါရို့ဘုရားသခင်၏ ဝိညာဉ်တော်အားဖြင့် လည်းကောင်း သင်ရို့သည် ဘုရားသခင်၏ ဖြောင့်မတ်ခြင်းသို့ ရောက်ကြယာ။
\s သင်ရို့ခန္ဓာအား ဘုရားသခင်၏ ဘုန်းတော်အဖို့ အသုံးပြုကြလော
\p
\v 12 \x - \xo ၆.၁၂ \xo*\xt ၁ ကော ၁၀.၂၃\xt*\x*တစ်စုံတစ်ယောက်က “ငါသည် ဇာအမှုကိုမဆို ပြုခွင့်ဟိ၏” ဟု ဆိုလိမ့်မည်။ သင်ရို့ဆိုသည်အတိုင်း မှန်ပေ၏။ သို့ရာတွင် ခပ်သိမ်းသောအရာသည် သင်ရို့အဖို့ အကျိုးမဟိနိုင်။ ငါသည် ဇာအမှုကိုမဆို ပြုပိုင်ခွင့် ဟိသည်ဟု ဆိုသော်လည်း ငါသည် ဇာအမှု၌မျှ ကျွန်ခံလိမ့်မည်မဟုတ်။ 
\v 13 “အစားအစာသည် ဝမ်းအတွက်ဖြစ်၏။ ဝမ်းသည်လည်း အစားအစာအတွက်ဖြစ်၏” ဟု သင်ရို့ ဆိုလိမ့်မည်။ ထိုစကားသည် မှန်ပေ၏။ သို့ရာတွင် ဘုရားသခင်သည် ထိုနှစ်ခုလုံးကို ဖျက်ဆီးတော်မူလိမ့်မည်။ ကိုယ်ခန္ဓာသည် မတရားသောမေထုန် လိုက်စားခြင်းငှာ မဟုတ်၊ သခင်ဘုရား၏ အမှုတော်ကို ဆောင်ရွက်ခြင်းငှာ ဖြစ်၏။ သခင်ဘုရားသည်လည်း ခန္ဓာကိုယ်အဖို့ ထောက်ပံ့တော်မူ၏။ 
\v 14 ဘုရားသခင်သည် မိမိတန်းခိုးတော်အားဖြင့် သခင်ဘုရားကို သီခြင်းမှ ထမြောက်စီတော်မူ၏။ ငါရို့ကိုလည်း ဘုရားသခင်၏ တန်ခိုးတော်အားဖြင့် ရှင်ပြန်ထမြောက်စီတော် မူလိမ့်မည်။
\p
\v 15 သင်ရို့၏ ကိုယ်ခန္ဓာများသည် ခရစ်တော်၏ ကိုယ်အင်္ဂါများဖြစ်သည်ကို သင်ရို့သိကြ၏။ ငါသည် ခရစ်တော်၏ကိုယ်အင်္ဂါကို ယူ၍ ပြည့်တန်ဆာ၏ ကိုယ်အင်္ဂါ ဖြစ်ရစီမည်လော။ ထိုသို့ မဖြစ်စီနိုင်။ 
\v 16 ပြည့်တန်ဆာနှင့် ဆက်ဆံသောသူသည် ထိုပြည့်တန်ဆာနှင့် တစ်သားတည်းတစ်ကိုယ်တည်း ဖြစ်သည်ကို သင်ရို့မသိကြသလော။ ကျမ်းစာတော်၌ “ထိုသူနှစ်ယောက်ရို့သည် တစ်သားတစ်ကိုယ်တည်း ဖြစ်ကြလိမ့်မည်” ဟု လာ၏။ 
\v 17 သို့ရာတွင် သခင်ဘုရားနှင့်ပေါင်းဖော်သော သူသည် ထိုသခင်နှင့် တစ်​စိတ်​တစ်​ဝိညာဉ်​တည်း ဖြစ်၏။
\p
\v 18 မတရားသောမေထုန် လိုက်စားခြင်းကို ယှောင်ကြလော့။ လူပြုတတ်သော အခြားအပြစ်အားလုံးသည် ကိုယ်ခန္ဓာပြင်ပ၌ ဖြစ်သော်လည်း မတရားသောမေထုန် လိုက်စားခြင်းအပြစ်ကိုပြုသော လူတစ်ယောက်ကား မိမိ၏ခန္ဓာကိုယ်ကို ပြစ်မှားသောသူ ဖြစ်၏။ 
\v 19 \x - \xo ၆.၁၉ \xo*\xt ၁ ကော ၃.၁၆; ၂ ကော ၆.၁၆\xt*\x*သင်ရို့ ကိုယ်ခန္ဓာသည် သန့်ယှင်းသော ဝိညာဉ်တော်၏ ဗိမာန်တော်ဖြစ်ကြောင်းကို လည်းကောင်း၊ ဘုရားသခင် ပီးသနားတော်မူ၍ ဝိညာဉ်တော်သည် ကိန်းအောင်းတော်မူကြောင်းကို လည်းကောင်း မသိကြသလော။ သင်ရို့သည် ကိုယ့်ကိုယ်ကို မပိုင်။ ဘုရားသခင်သာလျှင် ပိုင်တော်မူပြီး၊ 
\v 20 ကိုယ်တော်သည် သင်ရို့အား အဖိုးအခဖြင့် ဝယ်ထားတော်မူ၏။ ထို့ကြောင့် သင်ရို့၏ ကိုယ်ခန္ဓာကို ဘုရားသခင်၏ဘုန်းတော် အဖို့ အသုံးပြုကြလော့။
\c 7
\s ထိမ်းမြားပေါင်းသင်းခြင်းအကြောင်း မိန်းမြန်းခြင်း
\p
\v 1 ယခု သင်ရို့ရီးသား၍ ပီးပို့လိုက်သော စာ၌ ပါဟိသော အကြောင်းအရာများနှင့် ပတ်သက်၍ ပြောရသောစကားမူကား၊ ယောက်ျားတစ်ယောက်သည် အိမ်ထောင်မပြုဘဲ နီနိုင်လျှင် ကောင်း၏\f + \fr ၇.၁ \fr*\fq ယောက်ျားတစ်ယောက်သည် အိမ်ထောင်မပြုဘဲ နီနိုင်လျှင် ကောင်း၏၊ \fq*\ft သို့မဟုတ် \ft*\fqa ယောကျ်ားတစ်ယောက်သည် အိမ်ထောင်မပြုဘဲ နီနိုင်လျှင် ကောင်း၏ ဟူ၍ သင်ပြော၏။\fqa*\f*။ 
\v 2 သို့သော် မတရားသောမေထုန်ပြုခြင်း များပြားနိန်သောကြောင့် ယောကျ်ားတိုင်း၌ မယားဟိအပ်၏။ မိန်းမတိုင်း၌လည်း လင်ယောက်ျား ဟိအပ်၏။ 
\v 3 လင်ယောက်ျားတစ်ယောက်သည် မိမိမယားအား ပြုအပ်သော ဝတ်ကို လည်းကောင်း၊ မယားသည်လည်း မိမိလင်ယောက်ျားအား ပြုအပ်သောဝတ်ကို လည်းကောင်း ပြည့်ဝစွာ ပြုလျက် တစ်ဦး၏အလိုကို တစ်ဦးက ဖြည့်ဆည်းပီးရမည်။ 
\v 4 မယားသည် မိမိ၏ကိုယ်ခန္ဓာကို မိမိမပိုင်၊ လင်ယောကျ်ားသာလျှင် ပိုင်၏။ ထိုနည်းတူ လင်ယောကျ်ားသည်လည်း မိမိ၏ကိုယ်ခန္ဓာကို မိမိမပိုင်၊ မယားသာလျှင် ပိုင်၏။ 
\v 5 သင်ရို့သည် ဆုတောင်းပတ္ထနာပြုခြင်းငှာ သဘောတူညီစွာ ဆိုင်းငံ့ခြင်းမှတစ်ပါး မိမိရို့၏လင်မယားဝတ်ကို ပြုရန် မငြင်းပယ်ကတ်ကေ့။ သို့ရာတွင် မိမိရို့၏စိတ်ကို ချုပ်တည်းခြင်းအားဖြင့် စာတန်မာရ်နတ်၏ သွီးဆောင်ခြင်းကို မခံရစီရန် ဆုတောင်းပတ္ထနာပြုကြ ပြီးသောအခါ ပြန်၍ လင်မယားဝတ်ကို ပြုကြလော့။
\p
\v 6 ဤသို့ ဆိုရာ၌ ငါသည် သင်ရို့အား အမိန့်ပီးခြင်းမဟုတ်။ သို့သော် အခွင့်ပီးထားခြင်းသာ ဖြစ်၏။ 
\v 7 အကယ်စင်စစ် ငါသည် လူတိုင်းကို ငါကဲ့သို့ပင် ဖြစ်စီလို၏။ သို့သော် လူတစ်ဦးစီ၌ ဘုရားသခင်ထံမှ မိမိရဟိသောဆုကျေးဇူး တစ်ယောက်တစ်မျိုးစီဟိ၏။
\p
\v 8 အဂု ငါပြောလိုသည်မှာ အိမ်ထောင်မပြုသောသူတိနှင့် မုဆိုးမရို့သည် ငါကဲ့သို့ တစ်ကိုယ်တည်းဆက်လက်၍ နီထိုင်နိုင်လျှင် သာ၍ကောင်း၏။ 
\v 9 သို့သော် သင်ရို့၏စိတ်ဆန္ဒကို မချုပ်တည်းနိုင်လျှင် အိမ်ထောင်ပြုကြလော။ ကိလေသာစိတ်ပူလောင်ခြင်း ဟိသည်ထက် အိမ်ထောင်ပြုခြင်းက သာ၍ကောင်း၏။
\p
\v 10 \x - \xo ၇.၁၀–၁၁ \xo*\xt မ ၅.၃၂; ၁၉.၉; မာ ၁၀.၁၁,၁၂; လု ၁၆.၁၈\xt*\x*အိမ်ထောင်သျှင်ရို့အဖို့ ငါ၌ ပညတ်တစ်ခုဟိ၏။ ယင်း ပညတ်သည်ကား ငါ့ပညတ်မဟုတ်။ သခင်ဘုရား၏ ပညတ်သာ ဖြစ်၏။ ထိုအရာကား၊ မယားသည် မိမိ၏လင်ယောကျ်ားကို မကွဲကွာရ။ 
\v 11 သို့သော် ကွဲကွာလျှင် တစ်ဦးတည်းနီထိုင်ရမည်။ ထိုသို့မဟုတ် မိမိလင်ယောကျ်ားနှင့် ပြန်၍ ပေါင်းသင်းစီ။ လင်ယောကျ်ားသည်လည်း မိမိမယားကို မကွာယှင်းရ။
\p
\v 12 အခြားသူရို့အား သခင်ဘုရား ပညတ်တော်မမူသော်လည်း ငါပညတ်လိုသည်ကား၊ ခရစ်ယာန် ယောက်ျားတစ်ယောက်၌ ယုံကြည်သူမဟုတ်သော မယားဟိ၍ ထိုမယားသည် မိမိလင်ယောက်ျားနှင့် ဆက်လက်ပေါင်းသင်းလိုလျှင် သူမအား မကွာယှင်းရ ဟူ၍ပင်ဖြစ်၏။ 
\v 13 ထိုနည်းတူ ခရစ်ယာန်မိန်းမတစ်ယောက်၌ ယုံကြည်သူမဟုတ်သော လင်ယောကျ်ားဟိ၍ ထိုယောကျ်ားသည် မိမိမယားနှင့် ဆက်လက်ပေါင်းသင်းလိုလျှင် သူ့အား မကွာယှင်းရ။ 
\v 14 မယုံကြည်သော ယောက်ျားသည် ယုံကြည်သူဖြစ်သော မိမိ၏မယားနှင့် စုံဖက်သောအားဖြင့် လည်းကောင်း၊ ယုံကြည်သူမဟုတ်သော မယားသည် ယုံကြည်သူဖြစ်သော မိမိ၏လင်ယောကျ်ားနှင့် စုံဖက်သောအားဖြင့် လည်းကောင်း၊ ထိုသူရို့သည် ဘုရားသခင်အား လက်ခံသူတိဖြစ်လာနိုင်ပေ၏။ အကယ်၍ ထိုသို့မဖြစ်လျှင် သင်ရို့၏သားသမီးများသည် ဘုရားတရားမဲ့သော သူတိကဲ့သို့ ဖြစ်ကြပေလိမ့်မည်။ သို့သော် အဂုတွင် ထိုသားသမီးရို့သည် ဘုရားသခင်အား လက်ခံသူတိဖြစ်ကြ၏။ 
\v 15 သို့ရာတွင် မယုံကြည်သောသူသည် မိမိ၏ ယုံကြည်သူ အိမ်ထောင်ဖက်အား ကွာယှင်းလိုလျှင် ကွာယှင်းနိုင်၏။ ဤအမှုမျိုးတွင် ထိုယုံကြည်သူသည် လင်ယောကျ်ားဖြစ်စီ၊ မယားဖြစ်စီ အနှောင်အဖွဲ့ကင်းကြစီ။ ဘုရားသခင်သည် သင်ရို့အား သင့်တင့်အီးချမ်းစွာ နီထိုင်ကြရန် ခေါ်ထားတော်မူ၏။ 
\v 16 ယုံကြည်သူဖြစ်သော အသင် အိမ်ထောင်သျှင်မ၊ သင်သည် မိမိ၏လင်ယောက်ျားဖြစ်သူကို ကယ်တင်\f + \fr ၇.၁၆ \fr*\fq သင်သည် မိမိ၏လင်ယောက်ျားဖြစ်သူကို ကယ်တင်နိုင်မည်မဟုတ်ဟု ဇာပိုင် သိနိုင်မည်နည်း၊ \fq*\ft သို့မဟုတ် \ft*\fqa သင်သည် ကယ်တင်နိုင်မည်ကို ဇာပိုင် သိနိုင်သနည်း။\fqa*\f*နိုင်မည်မဟုတ်ဟု ဇာပိုင် သိနိုင်မည်နည်း။ ယုံကြည်သူဖြစ်သော အသင်အိမ်ထောင်သျှင်၊ သင်သည် မိမိ၏မယားကို ကယ်တင်\f + \fr ၇.၁၆ \fr*\fq သင်သည် မိမိ၏မယားကို ကယ်တင်နိုင်မည်မဟုတ်ဟု ဇာပိုင် သိနိုင်မည်နည်း၊ \fq*\ft သို့မဟုတ် \ft*\fqa သင်သည် ကယ်တင်နိုင်မည်ကို … ဇာပိုင် သိနိုင်သနည်း။\fqa*\f*နိုင်မည်မဟုတ်ဟု ဇာပိုင် သိနိုင်မည်နည်း။
\s ဘုရားသခင် ခေါ်တော်မူသည်နှင့်အညီ အသက်ရှင်ခြင်း
\p
\v 17 လူအသီးသီးရို့သည် သခင်ဘုရားပီးတော်မူသော ဆုကျေးဇူးနှင့်အညီ ဘုရားသခင်သည် သင်ရို့အား ရွီးကောက်တော်မူစဉ်က ဟိခသည့်အခြေအနေအတိုင်း ဆက်လက်၍ အသက်ရှင်အပ်၏။ ဤပညတ်သည် အသင်းတော်အားလုံး၌ ငါဟောပြောသွန်သင်ခသော ပညတ်ဖြစ်၏။ 
\v 18 အရီဖျားလှီးခြင်းမင်္ဂလာကို ခံယူပြီးသောသူသည် ရွီးကောက်တော်မူခြင်းကို ခံရလျှင် အရီဖျားလှီးခြင်း မင်္ဂလာနှင့်ဆိုင်သော အမှတ်အသားများကို မစွန့်ပယ်ကတ်ကေ့။ ထိုနည်းတူ အရီဖျားလှီးခြင်းမင်္ဂလာကို မခံယူသောသူသည် ရွီးကောက်တော်မူခြင်းကို ခံရလျှင် အရီဖျားလှီးခြင်း မင်္ဂလာကို ခံယူရန်မလို။ 
\v 19 အရီဖျားလှီးခြင်း ခံယူသည် မခံယူသည်မှာ အဓိကမဟုတ်ပေ။ ဘုရားသခင်၏ ပညတ်ချက်များကို နာခံလိုက်လျှောက်ခြင်းသာ အဓိကဖြစ်၏။ 
\v 20 လူတိုင်း ဘုရားသခင်၏ ခေါ်ယူတော်မူခြင်းကို ခံရသောအချိန်၌ မိမိလုပ်ဆောင်နိန်သည့် အလုပ်ကို ဆက်လက်၍ လုပ်ကိုင် အပ်၏။ 
\v 21 ခေါ်ယူတော်မူခြင်းကို ခံရချိန်တွင် သင်သည် ကျွန်ဖြစ်နိန်သော်လည်း စိုးရိမ်ခြင်း မဟိကေ့။ သို့သော် သင်ရို့သည် ကျွန်အဖြစ်မှ လွတ်ခွင့်ရမည်ဆိုလျှင် ထိုအခွင့်ကို အသုံးပြုကြလော့။\f + \fr ၇.၂၁ \fr*\fq သို့သော် သင်ရို့သည် ကျွန်အဖြစ်မှ လွတ်ခွင့်ရမည်ဆိုလျှင် ထိုအခွင့်ကို အသုံးပြုကြလော့။ \fq*\ft သို့မဟုတ် \ft*\fqa သို့သော် သင်ရို့တွင် ကျွန်အဖြစ်မှ လွတ်ခွင့် ရမည်ဆိုလျှင်တောင်၊ ကျွန်တစ်ယောက် ဖြစ်နိန်စဉ်ခါထက် အကောင်းဆုံးသော အခြေအနေကို သာ၍ ရွီးယူကြလော့။\fqa*\f* 
\v 22 အကြောင်းမူကား ကျွန်ဖြစ်စဉ် သခင်ဘုရား၏ ခေါ်ယူတော်မူခြင်းကို ခံရသောသူသည် သခင်ဘုရား၏ လွတ်လပ်သောသူဖြစ်၏။ ထိုနည်းတူ၊ လွတ်လပ်သောသူသည် ခရစ်တော်၏ ခေါ်ယူတော်မူခြင်းကို ခံရသောအခါ ခရစ်တော်၏ ကျွန်ဖြစ်လာ၏။ 
\v 23 ဘုရားသခင်သည် သင်ရို့ကို အဖိုးအခပီး၍ ဝယ်ထားတော်မူသောကြောင့် လူတိကျွန် မဖြစ်လာကတ်ကေ့။ 
\v 24 ရောင်းရင်းရို့၊ သင်ရို့သည် ခေါ်ယူတော်မူခြင်းကို ခံရစဉ်က ဟိခသောအခြေအနေ၌ပင် ဘုရားသခင်နှင့် မိတ်သဟာယဖွဲ့လျက် ဆက်လက်၍ နီထိုင်အပ်၏။
\s အိမ်ထောင်မပြုသူများနှင့် မုဆိုးမများအကြောင်း မိန်းမြန်းခြင်း
\p
\v 25 ယခုတွင်ကား၊ အိမ်ထောင်မပြုဘဲ နိန်ကြသောလူတိအကြောင်းကို သင်ရို့ ရီးလိုက်သော စာနှင့် ပတ်သက်၍ သခင်ဘုရား၏ ပညတ်ချက်ကို ငါမရဟိပေ။ သို့သော် သခင်ဘုရား၏ ကရုဏာတော်ကြောင့် ယုံကြည်ထိုက်သူ တစ်ယောက်အဖြစ် ငါ၏ထင်မြင်ချက်ကို ပြောလိုက်ပါ၏။
\p
\v 26 မျက်မှောက် ကြုံတွိ့နိန်ရသော ခေတ်ဆိုးကာလ၌ ယောက်ျားတစ်ယောက်သည် ဟိမြဲ အခြေအနေအတိုင်း နီထိုင်သည်က သာ၍ ကောင်းသည်ဟု ငါထင်မှတ်၏။ 
\v 27 သင်သည် အိမ်ထောင်သျှင်ဖြစ်လျှင် သင်၏မယားကို စွန့်ပယ်ခြင်းငှာ မကြိုးစားကေ့။ သင်သည် လူလွတ်ဖြစ်လျှင် မယားရှာခြင်းငှာ မကြံစည်ကေ့။ 
\v 28 သို့သော် သင်သည် အိမ်ထောင်ပြုလျှင်လည်း အပြစ်ကို ပြုခြင်းမဟုတ်။ အိမ်ထောင်မပြုသော မိန်းမသည် အိမ်ထောင်ပြုသော်လည်း အပြစ်ကို ပြုခြင်းမဟုတ်။ သို့ပိုင်သျှောင် ငါသည် သင်ရို့အား အိမ်ထောင်သျှင်များ နိ့တိုင်း ကြုံတွိ့ကြရမည့် ဆင်းရဲဒုက္ခများနှင့် ကင်းဝီးစီလို၍ ဤသို့ ပြောရခြင်းဖြစ်၏။
\p
\v 29 ညီအစ်ကိုမောင်နှမရို့၊ ငါဆိုလိုသည်ကား၊ ကျန်ကြွင်းသော အချိန်ကာလသည် အလွန် တိုတောင်းလှ၏။ ယခုမှစ၍ အိမ်ထောင်သည် ယောက်ျားများသည် လူလွတ်ကဲ့သို့ နီထိုင်အပ်၏။ 
\v 30 ငိုကြွီးသောသူရို့သည် မငိုကြွီးသကဲ့သို့ လည်းကောင်း၊ ဝမ်းမြောက်သော သူများသည် ဝမ်းမြောက်ခြင်းမဟိသကဲ့သို့ လည်းကောင်း၊ ဥစ္စာပစ္စည်း ဝယ်ယူသော သူများသည် ထိုဥစ္စာပစ္စည်းကို မပိုင်ဆိုင်သကဲ့သို့ လည်းကောင်း၊ 
\v 31 ဤလောက၏ ဥစ္စာပစ္စည်းကို သုံးသောသူရို့သည် မသုံးသကဲ့သို့လည်းကောင်း နီထိုင်အပ်၏။ အကြောင်းမူကား ဤလောကကြီး၏ ပုံသ​ဏ္ဌာန်သည် ရွိ့လျားကွယ်ပျောက်နိန်၏။
\p
\v 32 ငါသည် သင်ရို့အား ပူပန်သောကနှင့် ကင်းဝီးစီလို၏။ လူလွတ်ဖြစ်သော ယောက်ျားသည် သခင်ဘုရား နှစ်သက်တော်မူသော အမှုကို ပြုလိုသောကြောင့် သခင်ဘုရား၏ အမှုတော်ကို အလေးအနက် ထားတတ်၏။ 
\v 33 သို့သော် အိမ်ထောင်ဟိသော ယောက်ကျ်ားမူကား မိမိ၏မယား နှစ်သက်စီခြင်းငှာ လောကီအမှုကို အလေးအနက် ထားတတ်၏။ 
\v 34 ထို့ကြောင့် သူသည် စိတ်နှစ်ခွ ဖြစ်နိန်၏။ လူလွတ်ဖြစ်သော မိန်းမနှင့် အပျိုရို့သည် သခင်ဘုရားအား မိမိ၏ကိုယ်ခန္ဓာနှင့် စိတ်ဝိညာဉ်ကို ဆက်ကပ်လိုသဖြင့် သခင်ဘုရား၏ အမှုတော်ကို အလေးအနက်ထား တတ်၏။ သို့ရာတွင် အိမ်ထောင်ပြုသော မိန်းမမူကား မိမိ၏ လင်ယောက်ျား နှစ်သက်စီခြင်းငှာ လောကီအမှုကို အလေးအနက်ထားတတ်၏။
\p
\v 35 ဤသို့ ငါပြောရခြင်းမှာ သင်ရို့၏ အကျိုးကို လိုလား၍ ပြောခြင်းဖြစ်၏။ သင်ရို့အား တင်းကြပ်လိုသောကြောင့် မဟုတ်။ သင်ရို့အား မှန်ကန်လျောက်ပတ်စွာ ပြုကျင့်ကြစီရန်နှင့် သခင်ဘုရား၏အမှုတော်ကို စိတ်ရှုပ်ထွီးခြင်း မဟိဘဲ အကြွင်းမဲ့ ဆောင်ရွှက်ကြစီခြင်းငှာ လိုလားသောကြောင့်ဖြစ်၏။
\p
\v 36 စိ့စပ်ထားပြီးနောက် အိမ်ထောင်မပြုရန် ဆုံဖြတ်ထားသော စုံတွဲတစ်တွဲ၌ ယောက်ျားသည် မိန်းမ၌ မိမိပြုမူပုံ မလျောက်ပတ်သည်ကို သိသောအခါ၌ သော်လည်းကောင်း၊ မိမိစိတ်ကို မထိန်းချုပ်နိုင်သောအခါ၌\f + \fr ၇.၃၆ \fr*\fq စိ့စပ်ထားပြီးနောက် … ထိမ်းမြားမင်္ဂလာပြုရာ၏၊ \fq*\ft သို့မဟုတ် \ft*\fqa ဖခင်တစ်ယောက်၌ အိမ်ထောင်မပြုရသိမ့်သော သမီး၊ ထိုဖခင်သည် သမီး၌ မိမိပြုမူပုံ မလျောက်ပတ်သည်ကို သိသောအခါ၌ သော်လည်း၊ သူမသည်လည်း အိမ်ထောင်ပြုရန် သင့်တော်သော အသက်အရွယ်ရလျှင် လည်းကောင်း၊ ဖခင်သည် မိမိဆန္ဒဟိသည့်အတိုင်း ပြုသင့်ပြီး ထိုသမီးကိုလည်း အိမ်ထောင်ပြုရန် ခွင့်ပြုရမည်။\fqa*\f* သော် လည်းကောင်း ထိုသူပြုလိုသည့်အတိုင်း ထိမ်းမြားမင်္ဂလာပြုရာ၏။ ဤသို့ ပြုခြင်း၌ ဇာအပြစ်မျှမဟိ။ 
\v 37 သို့ရာတွင် ယောကျ်ားသည် အိမ်ထောင်မပြုဘဲ နိန်ခြင်းငှာ စိတ်ပိုင်းဖြတ်၍ မိမိ၏ စိတ်ကိုလည်း တည်ကြည်ခိုင်မာစွာ လုံးဝချုပ်ထိန်းနိုင်သဖြင့် အိမ်ထောင်မပြုဘဲ\f + \fr ၇.၃၇ \fr*\fq အိမ်ထောင်မပြု၊ \fq*\ft သို့မဟုတ် \ft*\fqa မိမိ၏သမီးနှင့် အိမ်ထောင်ပြုရန် ခွင့်မပြု။\fqa*\f*နိန်လျှင် သာ၍ကောင်း၏။ ထိုသူသည် မိန်းမပျို\f + \fr ၇.၃၇ \fr*\fq မိန်းမပျိုနှင့် အိမ်ထောင်၊ \fq*\ft သို့မဟုတ် \ft*\fqa သူမကို အိမ်ထောင်ပြုခြင်းငှာ ခွင့်ပြုသည်။\fqa*\f*နှင့် အိမ်ထောင်မပြုဘဲ နိန်ခြင်းသည်ကား ကောင်းသောအမှုကို ပြုခြင်းဖြစ်၏။ 
\v 38 ထို့ကြောင့် အိမ်ထောင်ပြုသော ယောကျ်ား\f + \fr ၇.၃၈ \fr*\fq အိမ်ထောင်ပြု၊ \fq*\ft သို့မဟုတ် \ft*\fqa မိမိ၏သမီးကို အိမ်ထောင်ပြုခြင်းငှာ ခွင့်ပြုစီ။\fqa*\f*သည် ကောင်းသောအမှုကို ပြု၏။ သို့ရာတွင် အိမ်ထောင်မပြုဘဲ\f + \fr ၇.၃၈ \fr*\fq အိမ်ထောင်မပြု၊ \fq*\ft သို့မဟုတ် \ft*\fqa မိမိ၏သမီးကို အိမ်ထောင်ပြုခြင်းငှာ ခွင့်မပြု။\fqa*\f*နီသောယောကျ်ားသည် သာ၍ ကောင်းသောအမှုကို ပြုခြင်းဖြစ်၏။
\p
\v 39 အိမ်ထောင်ပြုသော မိန်းမသည် မိမိ၏ လင်ယောကျ်ား အသက်ရှင်သမျှ ကာလပတ်လုံး လွတ်လပ်မှုမဟိ။ သို့သော် လင်ယောကျ်ား သီဆုံးလားသောအခါတွင်မူ မိမိဆန္ဒအလျောက် ကြိုက်နှစ်သက်သောသူနှင့် လွတ်လပ်စွာ အိမ်ထောင်ပြုနိုင်၏။ သို့ပိုင်သျှောင် ထိုပေါင်းသင်းမှုသည် ယုံကြည်သူ အချင်းချင်း ပေါင်းသင်းမှုသာလျှင် ဖြစ်ရမည်။ 
\v 40 အကယ်၍ ထိုမိန်းမသည် အိမ်ထောင်မပြုဘဲ နီထိုင်သောအမှုကို နှစ်သက်လျှင် ထိုသို့ နီထိုင်စီ။ ဤသည်ကား ငါ၏ထင်မြင်ယူဆချက်ဖြစ်၏။ ငါသည်လည်း ဘုရားသခင်၏ ဝိညာဉ်တော်ကို ခံယူရဟိသူဖြစ်သည်ဟု ထင်မှတ်ပါ၏။
\c 8
\s ရုပ်တုအား ပူဇော်ထားသော အစားအစာအကြောင်း မိန်းမြန်းခြင်း
\p
\v 1 ယခု၊ သင်ရို့စာရီး၍ ပီးလိုက်သည့် ရုပ်တုများအား ပူဇော်ထားသော အစားအစာနှင့်ပတ်သက်၍ ငါပြောရသော စကားမူကား၊ ထိုသူရို့ ပြောသည့်အတိုင်း “ငါရို့အားလုံးသည်ပင် အသိပညာ ဟိကြ၏” ဟု ဆိုသောစကားသည် မှန်ပေ၏။ သို့ရာတွင် အသိပညာသည် လူတိကို မာန်မာနထောင်လွှားစီတတ်၏။ မေတ္တာမူကား တည်ဆောက်ခြင်းကို ပြုတတ်၏။ 
\v 2 ဇာသူမဆို တစ်စုံတစ်ရာ​ကို သိ​ပြီ​ဟု​ထင်မှတ်​လျှင် ထို​သူ​သည် သိ​သင့်​သည့်​အတိုင်း​ပင် မ​သိ​သိမ့်။ 
\v 3 သို့ပိုင်သျှောင် ဘုရားသခင်ကို ချစ်မြတ်နိုးသောသူအား ဘုရားသခင်သည် သိတော်မူ၏။
\p
\v 4 ထို့ကြောင့် ရုပ်တုကို ပူဇော်ထားသောအစားအစာကို စားသောက်ခြင်းနှင့်ပတ်သက်၍ ပြောရသော်၊ ရုပ်တုသည် ဘုရားအစစ်အမှန် မဟုတ်သည်ကို လည်းကောင်း၊ တစ်ဆူတည်းသော ဘုရားသခင်မှတစ်ပါး အခြားသောဘုရား မဟိကြောင်းကို လည်းကောင်း ငါရို့ သိကြ၏။ 
\v 5 အကြောင်းမူကား ကောင်းကင်နှင့် မြီကြီးထက်၌ “ဘုရားများ” ဟု ခေါ်ဆိုကြသော “နတ်ဘုရားများ” နှင့် “အသျှင်သခင်များ” ဟိစီကာမူ၊ 
\v 6 ငါရို့အဖို့ ဘုရားသခင်တစ်ပါးတည်းသာလျှင် ဟိတော်မူ၏။ ထိုအသျှင်သည်ကား ခမည်းတော်ဖြစ်တော်မူ၏။ ထိုအသျှင်သည် ခပ်သိမ်းသောအရာများကို ဖန်ဆင်းတော်မူ၏။ ထိုအသျှင်အဖို့ ငါရို့သည် အသက်ရှင်ကြ၏။ ငါရို့အဖို့ အသျှင်သခင် တစ်ပါးတည်းသာလျှင် ဟိ၏။ ထိုအသျှင်သခင်ကား ယေသျှုခရစ်တော်ပင်ဖြစ်၏။ ထိုအသျှင်အားဖြင့် ခပ်သိမ်းသောအရာများသည် ဖန်ဆင်းခြင်းကို ခံကြရ၏။ ထိုအသျှင်အားဖြင့် ငါရို့သည် အသက်ရှင်ကြ၏။
\p
\v 7 သို့ရာတွင် လူတိုင်း ဤအသိပညာကို ရကြသည်မဟုတ်။ အချို့သောသူရို့သည် ရုပ်တု​ကိုးကွယ်​သည့်​အလေ့အထဟိခ​သည်​ဖြစ်၍ အဂုကာလ၌ပင် ရုပ်တုကို ပူဇော်ထားပြီးသော အစားအစာကို စားသောအခါ ရုပ်တုနှင့်သက်ဆိုင်သော အစားအစာဟု မှတ်ယူလျက် စားနိန်ကြ၏။ ထို့ကြောင့် သူရို့၏ အားနည်းသောအသိစိတ်သည် သူရို့ကို မသိုးမသန့်​ဖြစ်​ရ​၏။ 
\v 8 အစားအစာသည် ငါရို့အား ဘုရားသခင်နှင့် သာ၍ နီးကပ်စီသည်မဟုတ်။ ထိုအစားအစာကို မစားဘဲနိန်လျှင် ငါရို့၌ ဆုံးယှုံးခြင်းသည် မဟိ၊ စားလျှင်လည်း အကျိုးမဟိ။
\p
\v 9 သို့ရာတွင် ဤသို့ သင်ရို့၏ လွတ်လပ်စွာ စားသောက်ခြင်းသည် ယုံကြည်ခြင်း အားနည်းသောသူများအဖို့ လွဲမှားစရာ မဖြစ်စီခြင်းငှာ သတိပြုကြလော့။ 
\v 10 အကယ်၍ ဤကိစ္စရပ်၌ အသိစိတ် အားနည်းသောသူသည် အသိပညာ ဟိသောသင်ရို့အား နတ်ကွန်းအတွင်း၌ ထိုင်လျက် စားသောက်နိန်သည်ကို မြင်တွိ့ကြသောအခါ ရုပ်တုအား ဆက်သသည့် ပူဇော်သကာကို စားရဲလာမည် မဟုတ်လော။ 
\v 11 သို့ဖြစ်၍ အားနည်းသော ညီအစ်ကိုအဖို့ ခရစ်တော်အသီခံတော်မူသော်လည်း သင်၏ အသိပညာကြောင့် ထိုသူသည် ပျက်စီးရလိမ့်မည်။ 
\v 12 ဤနည်းအားဖြင့် သင်ရို့သည် ညီအစ်ကိုများအား ပြစ်မှား၍ သူရို့၏အသိစိတ်အားနည်းခြင်းကိုလည်း ထိခိုက်စီပြီး ခရစ်တော်ကို ပြစ်မှားရာရောက်၏။ 
\v 13 ထို့ကြောင့် အစားအသောက်အားဖြင့် ညီအစ်ကိုအား လွဲမှားစီမည်ဆိုပါက ငါသည် ငါ၏ညီအစ်ကိုအား မလွဲမှားစီခြင်းငှာ အသားကို မစားဘဲနိန်မည်။
\c 9
\s တမန်တော်တစ်ပါး၏ လုပ်ပိုင်ခွင့်နှင့် တာဝန်ဝတ္တရားများ
\p
\v 1 ငါသည် လွတ်လပ်သောသူ မဟုတ်လား၊ တမန်တော်တစ်ပါးလည်း မဟုတ်လား၊ ငါရို့၏ အသျှင်ယေသျှုကို မြင်ရယာ မဟုတ်လား။ သင်ရို့သည် သခင်ဘုရားအဖို့အလို့ငှာ ငါ၏လုပ်ဆောင်မှု အသီးအပွင့်တိ မဟုတ်လား။ 
\v 2 အခြားသောသူများသည် ငါ့ကို တမန်တော်အဖြစ် လက်မခံကြသော်လည်း သင်ရို့သည် လက်ခံကြ၏။ ငါသည် တမန်တော်ဖြစ်ကြောင်းကို ပြသောသက်သီမှုကား သင်ရို့သည် သခင်ဘုရားနှင့် တစ်လုံးတစ်ဝတည်း အသက်ရှင်ကြသော သင်ရို့ကိုယ်တိုင်ပင် ဖြစ်ပေ၏။
\p
\v 3 ငါ့အား ဝေဖန်ပြစ်တင်ကြသောသူရို့ကို ငါပြောသည်ကား၊ 
\v 4 ငါ၏ လုပ်ဆောင်မှုအဖို့ ငါ၌ စားသောက်ခွင့် မဟိလား။ 
\v 5 ငါသည် ခရီးလားရာ၌ ပေတရုမှစ၍ သခင်ဘုရား၏ညီတော်များနှင့် အခြားတမန်တော်များကဲ့သို့ ယုံကြည်သူဖြစ်သော မယားကို ခေါ်ဆောင်ပိုင်ခွင့် မဟိလား။ 
\v 6 ထိုသို့မဟုတ် ငါနှင့် ဗာနဗသာလျှင် ငါရို့၏ စားဝတ်နေရေးအတွက် အလုပ်လုပ်ရမည်လော။ 
\v 7 ဇာစစ်သားသည် မိမိ၏စရိတ်ဖြင့် စစ်မှုထမ်းသနည်း။ ဇာဥယျာဉ်မှူးသည် မိမိစိုက်ပျိုးသော စပျစ်ဥယျာဉ်မှ စပျစ်သီးကို မစားဘဲ နိန်သနည်း။ ဇာသိုးထိန်းသည် မိမိထိန်းကျောင်းရသော သိုးများမှ နို့ကိုမသုံးဆောင်ဘဲ နိန်သနည်း။
\p
\v 8 ငါသည် လူ့သဘောအားဖြင့်သာ ပြောသည်မဟုတ်၊ ပညတ်ကျမ်း၌လည်း ဤအတိုင်းပင် ပြောထားပေ၏။ 
\v 9 \x - \xo ၉.၉ \xo*\xt ၁ တိ ၅.၁၈\xt*\x* မောသျှေ၏ ပညတ်ကျမ်းတွင် “တလင်းနယ်သည့် နွားကို နှာရုပ်တပ်၍ မထားရ” ဟု ရီးထား၏။ ဤသို့ မိန့်တော်မူသည်မှာ ဘုရားသခင်သည် နွား၏အကြောင်းကို မိန့်တော်မူသလော။ 
\v 10 အကယ်စင်စစ် ငါရို့အဖို့ မိန့်တော်မူသည် မဟုတ်လား။ ငါရို့အဖို့ ရီးသားထားခြင်းဖြစ်၏။ လယ်ထွန်သောသူနှင့် ရိတ်သိမ်းသောသူရို့သည် မိမိရို့၏ ဝီစုကို ရခြင်းငှာ မျှော်လင့်လျက် လုပ်ကိုင်ကြ၏။ 
\v 11 \x - \xo ၉.၁၁ \xo*\xt ရော ၁၅.၂၇\xt*\x* ငါရို့သည် သင်ရို့၌ ဝိညာဉ်ရေးရာနှင့်ဆိုင်သော မျိုးစိ့ကို စိုက်ပျိုးခပြီးနောက် သင်ရို့ပါးမှ ရုပ်ဝတ္ထုနှင့်ဆိုင်သော အကျိုးကျေးဇူးများကို ရိတ်သိမ်းကြလျှင် ငါရို့ လွန်ရာကျမည်လား။ 
\v 12 အခြားသူရို့သည် သင်ရို့ပါးမှ ဤသို့ရပိုင်ခွင့်ဟိလျှင် ငါရို့သည် သာ၍ပင် ရပိုင်ခွင့် ဟိသည် မဟုတ်လော။
\p သို့သော် ငါရို့သည် ထိုအခွင့်အရေးကို မသုံးခဘဲ ငါရို့သည် ခရစ်တော်၏ သတင်းကောင်းအဖို့ အတားအဆီး မဖြစ်စီခြင်းငှာ အရာခမ်းသိမ်း၌ သည်းခံခကြ၏။ 
\v 13 ဗိမာန်တော်၌ အလုပ်လုပ်သော သူရို့သည် မိမိရို့၏အစားအစာများကို ဗိမာန်တော်မှ ရကြသည်ကို လည်းကောင်း၊ ယဇ်ပလ္လင်၌ ယဇ်ပူဇော်သော သူရို့သည်လည်း မိမိရို့၏ဝီစုကို ယဇ်ကောင်မှ ရကြသည်ကို လည်းကောင်း သင်ရို့ မသိကြသလော။ 
\v 14 \x - \xo ၉.၁၄ \xo*\xt မ ၁၀.၁၀; လု ၁၀.၇\xt*\x* ထိုနည်းတူစွာ သတင်းကောင်းကို ဟောပြောသက်သီခံသောသူရို့သည်လည်း သတင်းကောင်းအားဖြင့် မိမိရို့၏ အသက်မွီးလောက်သောအစာကို ရသင့်၏ ဟူ၍ သခင်ဘုရား မိန့်မှာတော်မူခ၏။
\p
\v 15 သို့သော် ငါသည် ထိုအခွင့်အရေး တစ်စုံတစ်ခုကိုမျှ မယူခ။ ယင်းကဲ့သို့ အခွင့်အရေးများကို တောင်းဆိုလို၍ ဤစာကို ရီးလိုက်ခြင်းလည်းမဟုတ်။ ငါ၏ ဂုဏ်ယူဝင့်ကြွားခြင်းအခွင့်ကို တစ်စုံတစ်ယောက်အား ဖျက်ဆီးခွင့်ပြုလိုက်သည်ထက် အယင်သီရခြင်းကို ငါနှစ်သက်၏။ 
\v 16 ငါသည် ဧဝံဂေလိသတင်းကောင်းတရားကို ဟောပြောသောအခါ ဂုဏ်ယူဝင့်ကြွားခွင့်မဟိ။ အကြောင်းမူကား ဘုရားသခင်သည် ဧဝံဂေလိသတင်းကောင်းတရားကို ဟောပြောရန် ငါ့အား တာဝန်ပီးထား၏။ ငါသည် မဟောဘဲနိန်လျှင် ဇာလောက် အမင်္ဂလာ ဟိလိမ့်မည်နည်း။ 
\v 17 ငါသည် မိမိဆန္ဒအလျောက် အမှုတော်ကို ဆောင်ရွက်လျှင် အကျိုးဟိ၏။ သို့ရာတွင် မိမိဆန္ဒအလျောက်မဟုတ်လျှင် ဘုရားသခင်သည် ငါအား ဤအမှုတော်ကို လုပ်ဆောင်ရန် ပီးအပ်ထားခြင်းဖြစ်၏။ 
\v 18 သို့ဖြစ်၍ ငါသည် ဇာအကျိုးကို ခံစားရသနည်း။ ငါသည် အမှုတော်၌ အခကြေးငွီမယူ၊ ရပိုင်ခွင့်များကို မတောင်းဆိုဘဲ သတင်းကောင်းတရားကို ဟောပြောရသော အခွင့်ထူးပင်လျှင် ငါ၏ ခံစားရသောအကျိုးဖြစ်၏။
\p
\v 19 ငါသည် ဇာသူ့ကျွန်လည်း မဟုတ်၊ လွတ်လပ်သောသူ တစ်ယောက်ဖြစ်၏။ သို့သော် ငါသည် များစွာသောလူတိကို ရစီခြင်းငှာ လူတိုင်း၏ ကျွန်ဖြစ်၏။ 
\v 20 ငါသည် ယုဒလူမျိုးရို့၌ အမှုတော်ဆောင်စဉ် သူရို့ကို ရစီခြင်းငှာ ယုဒလူမျိုးတစ်ယောက်ကဲ့သို့ နီထိုင်၏။ ငါသည် မောသျှေ၏ ပညတ်တရားကို စောင့်သောသူမဟုတ်သော်လည်း ပညတ်တရားကို စောင့်သောသူရို့အား ရစီခြင်းငှာ ငါသည် ပညတ်တရားကို စောင့်သောသူကဲ့သို့ နီထိုင်၏။ 
\v 21 ထိုနည်းတူ ပညတ်တရားကို မစောင့်သော တခြားလူမျိုးရို့၌ အမှုတော်ဆောင်ရွက်စဉ် သူရို့အား ရစီခြင်းငှာ ပညတ်တရားကို မစောင့်သောတခြားလူမျိုးကဲ့သို့ နီထိုင်၏။ ဤသို့ဆိုရာ၌ ငါသည် ဘုရားသခင်၏ ပညတ်တော်ကို မလိုက်နာဟုမဆို။ အကယ်စင်စစ် ငါသည် ခရစ်တော်၏တရားတော်ကို လိုက်နာကျင့်သုံးသောသူဖြစ်၏။ 
\v 22 ငါသည် ယုံကြည်ခြင်း အားနည်းသော သူရို့အထဲသို့ ရောက်သောအခါ ထိုသူရို့ကို ရခြင်းငှာ ယုံကြည်ခြင်းအားနည်းသူကဲ့သို့ နီထိုင်၏။ လူအမျိုးမျိုးထဲမှ အချို့သောသူရို့ကို တစ်နည်းနည်းအားဖြင့် ကယ်တင်နိုင်ခြင်းငှာ ငါသည် အမျိုးမျိုးနီထိုင်ခ၏။
\p
\v 23 ငါသည် သတင်းကောင်းတရား၏ ကောင်းကြီးမင်္ဂလာကို မျှဝီပီးနိုင်ရန် ထိုသတင်းကောင်းတရားအကျိုးငှာ ထိုအရာအလုံးစုံကို ဆောင်ရွက်၏။ 
\v 24 အဗြီးပြိုင်ပွဲ တစ်ပွဲ၌ အဗြီးသမားများစွာ ဝင်ရောက်ယှဉ်ပြိုင်ကြသော်လည်း တစ်ယောက်တည်းသာလျှင် အောင်ဆု ရဟိသည့်အကြောင်းကို သင်ရို့သိကြ၏။ သို့ဖြစ်၍ သင်ရို့သည် အောင်ဆုကို ရနိုင်ခြင်းငှာ ဗြီးကြလော့။ 
\v 25 ပြိုင်ပွဲဝင်ခြင်းငှာ လေ့ကျင့်သော အားကစားသမားတိုင်းသည် တင်းကြပ်သော စည်းကမ်းများကို လိုက်နာရ၏။ ထိုသို့ လေ့ကျင့်ရသည့် အကြောင်းမှာ ညှိုးနွမ်းပျက်စီးနိုင်သော ပန်းဦးရစ်ကို ရခြင်းငှာ ပြုကြခြင်း ဖြစ်ပေ၏။ ငါရို့မူကား မညှိုးနွမ်းမပျက်စီးနိုင်သော ပန်းဦးရစ်ကို ရဟိခြင်းငှာ ပြုကြ၏။ 
\v 26 ထို့ကြောင့် ငါသည် ပန်းဝင်ရာသို့ တည့်မတ်စွာ ဗြီး၏။ ငါသည် လက်ဝှေ့ထိုးသောအခါ လီကို ထိုးသတ်သော လက်ဝှေ့သမားတစ်ယောက်ကဲ့သို့ မဟုတ်။ 
\v 27 ငါသည် သူတစ်ပါးအား ပြိုင်ပွဲဝင်ရန် ခေါ်ခပြီးနောက် မိမိကိုယ်တိုင်ပြိုင်ပွဲ၌ မယှုံးစီခြင်းငှာ ငါ၏ကိုယ်ခန္ဓာကို မာကြောအောင် ထိုးကြိတ်ခြင်းကိုခံ၍ လေ့ကျင့်လေ့ဟိ၏။
\c 10
\s ရုပ်တုကိုးကွယ်မှုနှင့် ပတ်သက်၍သတိပီးချက်
\p
\v 1 ညီအစ်ကိုရို့၊ မောသျှေ၏ နောက်သို့ လိုက်ကြသော ငါရို့ဘိုးဘေးတိ ဇာပိုင် ဖြစ်ပျက်တွိ့ကြုံခသည်ကို သတိရစီလို၏။ သူရို့သည် မိုးတိမ်၏ အကွယ်အကာဖြင့် ပင်လယ်နီကို ဘေးကင်းလုံခြုံစွာ ဖြတ်သန်းခကြ၏။ 
\v 2 သူရို့သည် မိုးတိမ်နှင့် ပင်လယ်ထဲတွင် မောသျှေ၏ တပည့်များအဖြစ် ဗတ္တိဇံမင်္ဂလာကို ခံယူကြ၏။ 
\v 3 သူရို့အားလုံးသည် တူညီသော ဓမ္မမုန့်ကို စားကြရပြီး၊ 
\v 4 တူသော ဓမ္မရီကိုလည်း သောက်ကြရ၏။ သူရို့နှင့်အတူ လိုက်လာကြသော ဓမ္မကျောက်မှ ရီကို သူရို့သည် သောက်သုံးကြ၏။ ထိုကျောက်ကား ခရစ်တော်ကိုယ်တိုင်ပင် ဖြစ်၏။ 
\v 5 သို့သော် ထိုသူရို့အထဲမှ လူအများစုကို ဘုရားသခင် နှစ်သက်တော်မမူ။ ထို့ကြောင့် သူရို့၏ သီပြီးသော ခန္ဓာကိုယ်များသည် တောကန္တာရ၌ ပြန့်ကျဲနိန်၏။
\p
\v 6 ဤဖြစ်ပျက်သမျှသော အရားအားလုံးသည် ငါရို့အဖို့ ပုံဥပမာများ ဖြစ်၏။ ဤသည်ကား အဂုခါ ဆိုးညစ်သော ဆန္ဒအတိုင်း သူရို့ပြုလုပ်ခသကဲ့သို့ မပြုလုပ်စီခြင်းငှာ ငါရို့အား သတိပီးခြင်းပင် ဖြစ်၏။ 
\v 7 ကျမ်းစာ၌လာသည်ကား “လူရို့သည် ထိုင်၍ စားသောက်ကြပြီးနောက် အသောက်ကြူးလျက် မြူးတူးပျော်ပါးကြ၏” ဟု လာသည်နှင့်အညီ ထိုသူရို့ထဲမှ လူတချို့ ပြုသကဲ့သို့ ရုပ်တုမကိုးကွယ်ကေ့။ 
\v 8 ငါရို့သည် ထိုသူအချို့ပြုခသကဲ့သို့ မတရားသောမေထုန်မလိုက်စားကတ်ကေ့။ တစ်နိ့၌ သူရို့အတွင်းမှ လူ ၂၃,၀၀၀ ရို့သည် သီဆုံးကြ၏။ 
\v 9 ငါရို့သည် ထိုသူအချို့ကဲ့သို့ သခင်ဘုရား\f + \fr ၁၀.၉ \fr*\fq သခင်ဘုရား၊ \fq*\ft တချို့သော လက်ရီးမူရင်း လက်ရီးမူကျမ်းများတွင် \ft*\fqa ခရစ်တော်၊ \fqa*\ft ဟူ၍ ပါဟိ၏။\ft*\f*အား မနှောင့်ယှက်ကတ်ကေ့။ နှောက်ယှက်သော သူရို့သည်ကား မြွီကိုက်၍ သီကျလားကြ၏။ 
\v 10 သင်ရို့သည် အချို့သော ထိုသူရို့ကဲ့သို့ မငြီးတွားကတ်ကေ့။ သူရို့သည် သီမင်းတမန်၏ လက်ချက်ဖြင့် ဆုံးပါးပျက်စီးရကြ၏။
\p
\v 11 ထိုသူရို့၌ ဤဖြစ်ပျက်သောအရာများသည် တခြားသူရို့အဖို့ ပုံဥပမာ ဖြစ်စီခြင်းငှာပင် ဖြစ်၏။ ကပ်ကာလအဆုံးသောအချိန်၌ အသက်ရှင်ရနိန်ကြ သောသူရို့ဖြစ်သည့်ငါရို့အား သတိပီးသောအားဖြင့် ထိုအကြောင်းအရာများကို ကျမ်းစာတော်၌ ရီးထားလျက်ဟိ၏။
\p
\v 12 သင်သည် ခိုင်ခံ့စွာရပ်တည်လျက် နိန်သည်ဟု ထင်လျှင် မယိုင်မလဲစီခြင်းငှာ ကောင်းစွာသတိပြုလော။ 
\v 13 သင်ရို့တွိ့ကြုံရသော စုံစမ်းနှောင့်ယှက်ခြင်းများသည် လူ၌ဖြစ်တတ်သော သာမန်စုံစမ်းနှောင့်ယှက်ခြင်းများသာဖြစ်၏။ ဘုရားသခင်သည် ကတိတည်တော်မူသော အသျှင်ဖြစ်တော်မူသဖြင့် သင်ရို့အား မခံနိုင်သော စုံစမ်းနှောင့်ယှက်ခြင်းကို ခံစီတော်မူလိမ့်မည်မဟုတ်။ စုံစမ်းနှောင့်ယှက်ခြင်း ခံရချိန်၌ ခံနိုင်သောခွန်အားကို ပီးတော်မူသဖြင့် ထိုစုံစမ်းနှောင့်ယှက်ခြင်းမှ လွတ်မြောက်ရာလမ်းကိုလည်း ပီးတော်လိမ့်မည်။
\p
\v 14 ထို့ကြောင့် ချစ်စွာသောညီအစ်ကိုရို့၊ ရုပ်တုကိုးကွယ်ခြင်းမှ ယှောင်ကြဉ်ကြလော့။ 
\v 15 ငါသည် သင်ရို့အား အသိအလိမ္မာ ဟိသောသူရို့ကဲ့သို့ ပြောနိန်ခြင်းဖြစ်၏။ ငါစကားကို သင်ရို့ကိုယ်တိုင် စဉ်းစားဆင်ခြင်ကြလော့။ 
\v 16 \x - \xo ၁၀.၁၆ \xo*\xt မ ၂၆.၂၆–၂၈; မာ ၁၄.၂၂–၂၄; လု ၂၂.၁၉,၂၀\xt*\x*ငါရို့သည် ဘုရားသခင်၏ ကျေးဇူးတော်ကို ချီးမွမ်း၍ ပွဲတော်ခွက်ဖလားမှ စပျစ်ရည်ကို သောက်ကြသောအခါ ခရစ်တော်၏ အသွီးတော်ကို ဝီငှခံယူ၍ သောက်ကြသည် မဟုတ်လော။ မုန့်ကို ချိုးဖဲ့၍ စားသောအခါ၌လည်း ခရစ်တော်၏ ကိုယ်ခန္ဓာတော်ကို ဝီငှခံယူ၍ စားကြသည် မဟုတ်လော။ 
\v 17 အကြောင်းမူကား၊ မုန့်သည် တစ်လုံးတည်းဟိသည်ဖြစ်၍၊ ထိုမုန့်တစ်လုံးတည်းကို ဝီငှ၍ သုံးဆောင်ကြသောကြောင့် ငါရို့သည် အရီအတွက်အားဖြင့် များသော်လည်း ခန္ဓာကိုယ် တစ်ကိုယ်တည်းသာ ဖြစ်ကြ၏။
\p
\v 18 ဣသရေလလူရို့ကို ကြည့်ရှုဆင်ခြင်ကြလော။ သူရို့သည် ပီးလှူထားသော ယဇ်ကောင်၏အသားကို ဝီငှ၍ စားကြသဖြင့် ယဇ်ပလ္လင်၌ ပူဇော်ခြင်းတွင် ပါဝင်ကြ၏။ 
\v 19 ထိုသို့ဆိုသော် ငါသည် ရုပ်တု၊ သို့မဟုတ် ရုပ်တုအား ပူဇော်သော အစားအစာသည် အရေးပါသောအရာ တချို့ဟိသည်ဟု ဆိုလိုသလော။ 
\v 20 ထိုသို့ ငါ မဆိုလို။ ဘုရားသခင်အား မကိုးကွယ်သောသူရို့၏ ပူဇော်သောယဇ်သည် နတ်ဆိုးများကို ပူဇော်သောယဇ်သာလျှင် ဖြစ်ပြီး၊ ဘုရားသခင်အား ပူဇော်သောယဇ် မဟုတ်ကြောင်းကိုသာလျှင် ဆိုလို၏။ ငါသည် သင်ရို့အား နတ်ဆိုးများနှင့် ဆက်ဆံခြင်း မဟိစီလို။ 
\v 21 သင်ရို့သည် သခင်ဘုရား၏ခွက်ဖလားကို သော်လည်းကောင်း၊ နတ်ဆိုးရို့၏ ခွက်ဖလားကို သော်လည်းကောင်း မသောက်နိုင်။ သခင်ဘုရား၏စားပွဲနှင့် နတ်ဆိုးများ၏စားပွဲ နှစ်ခုလုံး၌ မစားနိုင်။ 
\v 22 ငါရို့သည် သခင်ဘုရားအား အမျက်တော်ကို ထွက်စီလိုကြသလော။ ငါရို့သည် သခင်ဘုရားထက် ပို၍တန်ခိုးကြီးကြသလော။
\p
\v 23 \x - \xo ၁၀.၂၃ \xo*\xt ၁ ကော ၆.၁၂\xt*\x* “ငါရို့၌ ဇာအမှုကိုမဆို ပြုနိုင်ခွင့်ဟိ၏” ဟု သူရို့ဆိုကြသည်အတိုင်း မှန်သော်လည်း အရာခပ်သိမ်းသည် ကောင်းမွန်သည်မဟုတ်။ “ငါရို့တွင် ဇာအမှုကိုမဆို ပြုပိုင်ခွင့်ဟိ၏” ဟု ဆိုသော်လည်း အရာခပ်သိမ်းသည် ငါရို့၏ အကျိုးကို ပြုစုပီးသည်မဟုတ်။ 
\v 24 ဇာသူမျှ ကိုယ်ကျိုးကို မရှာစီကေ့။ သူတစ်ပါး၏ အကျိုးကိုသာလျှင် ရှာစီ။
\p
\v 25 သင်ရို့၏ သြတ္တပ္ပစိတ်ကိုထောက်၍ ဈီး၌ရောင်းသမျှကို မစစ်ကြောမမိန်းမြန်းဘဲ ဝယ်၍ စားကြလော့။ 
\v 26 အကြောင်းမူကား၊ “ဤမြီကြီးနှင့်တကွ မြီကြီးထက်တွင် ဟိသမျှသောအရာများကို သခင်ဘုရားသည် ပိုင်တော်မူ၏” ဟု ကျမ်းစာတော်၌ လာ၏။
\p
\v 27 မယုံကြည်သော သူတစ်ယောက်သည် သင်ရို့အား ဧည့်ခံကျွေးမွေးခြင်းငှာ ခေါ်ဖိတ်လျှင် သင်ရို့လားလိုက လားကြလော။ သင်ရို့၏ သြတ္တပ္ပစိတ်ကိုထောက်၍ သင်ရို့ရှိ့၌ ချကျွေးသမျှတိကို မစစ်ကြောမမိန်းမြန်းဘဲ စားလော့။ 
\v 28 သို့သော် တစ်စုံတစ်ယောက်က “ဤအရာသည် ရုပ်တုအား ယဇ်ပူဇော်သော အသားဖြစ်၏” ဟု ဆိုလျှင် ထိုသို့ ပြောသူကို လည်းကောင်း၊ သြတ္တပ္ပစိတ်ကိုထောက်၍ လည်းကောင်း ထိုအသားကို မစားကတ်ကေ့။ 
\v 29 သြတ္တပ္ပစိတ်ဆိုရာ၌ သင်ရို့၏ သြတ္တပ္ပစိတ်ကို မဆိုလို။ တစ်ပါးသူ၏ သြတ္တပ္ပစိတ်ကို ဆိုလို၏။
\p အကြောင်းမူကား “ငါ၏လွတ်လပ်မှုကို ဇာကြောင့် သူတစ်ပါး၏ သြတ္တပ္ပစိတ်ဖြင့် ကန့်သန့်ထားရပါမည်နည်း။ 
\v 30 အကယ်၍ ငါသည် အစားအစာအဖို့ ဘုရားသခင်၏ကျေးဇူးတော်ကို ချီးမွမ်းပြီး သုံးဆောင်သော အစားအစာနှင့်ပတ်သက်၍ သူတစ်ပါးက အကျွန့်ကို ဇာကြောင့် ဝေဖန်ရပါမည်နည်း။”
\p
\v 31 သင်ရို့သည် စားသည်ဖြစ်စီ၊ သောက်သည် ဖြစ်စီ၊ ဇာအမှုအရာကို ပြုသည်ဖြစ်စီ ဘုရားသခင်၏ ဘုန်းတော်အဖို့ ပြုကြလော့။ 
\v 32 ယုဒလူတိအတွက် ဖြစ်စီ၊ တခြားလူမျိုးတိအတွက် ဖြစ်စီ၊ ဘုရားသခင်၏ အသင်းတော်တိအတွက် ဖြစ်စီ ကဲ့ရဲ့စရာအကြောင်း မဖြစ်စီခြင်းငှာ နီထိုင်ကြလော့ — 
\v 33 သင်ရို့သည်လည်း ငါပြုသကဲ့သို့ ပြုကြလော့။ ငါသည် လူတိ ကယ်တင်ခံရမည့်အကြောင်း၊ ပြုသမျှသော အမှုတိတွင် ကိုယ်ကျိုးကိုမရှာဘဲ လူတိအကျိုးကို ငဲ့၍ သူရို့နှစ်သက်အောင် ပြု၏။
\c 11
\nb
\v 1 \x - \xo ၁၁.၁ \xo*\xt ၁ ကော ၄.၁၆; ဖိ ၃.၁၇\xt*\x*သို့ဖြစ်၍ ငါသည် ခရစ်တော်ထံမှ နည်းခံသကဲ့သို့ သင်ရို့သည်လည်း ငါ့ထံ၌ နည်းခံကြလော။
\s ဝတ်ပြုကိုးကွယ်ချိန်၌ ဦးဂေါင်းကို ဖုံးအုပ်ခြင်း
\p
\v 2 သင်ရို့သည် ငါ့ကို အစဉ်အောက်မိ့သတိရ၍ ငါပီးအပ်ခသော သွန်သင်ချက်အတိုင်း လိုက်နာပြုကျင့်သောကြောင့် သင်ရို့ကို ငါချီးကျူး၏။ 
\v 3 သို့သော် လင်ယောကျ်ား၏ဂေါင်းကား ခရစ်တော်ဖြစ်သည်ကို လည်းကောင်း၊ မယား၏ဂေါင်းကား လင်ယောက်ျားဖြစ်သည်ကို လည်းကောင်း၊ ခရစ်တော်၏ဂေါင်းကား ဘုရားသခင်ဖြစ်သည်ကို လည်းကောင်း သင်ရို့အား သိစီလို၏။ 
\v 4 ထို့ကြောင့် ယောက်ျားသည် ဆုတောင်းခြင်းကို ပြုသော်လည်းကောင်း၊ လူထုဝတ်ပြုအစည်းအဝေး၌ ဘုရားသခင်၏ သတင်းစကားကို ဟောပြောသောအခါ၌ သော်လည်းကောင်း မိမိ၏ဦးဂေါင်းကို ဖုံးအုပ်၍ ပြုလျှင် ထိုသူသည် ခရစ်တော်၏ အသရေတော်ကို ရှုတ်ချသောသူဖြစ်၏။ 
\v 5 ထိုနည်းတူ မိန်းမသည် လူထုဝတ်ပြုစည်းဝေးခြင်းတွင် မိမိ၏ဦးဂေါင်းကို မဖုံးမအုပ်ဘဲ ဆုတောင်းပတ္ထနာပြု သော်လည်းကောင်း၊ ဘုရားသခင်၏ သတင်းစကားကို ဟောပြောသော အခါ၌သော်လည်းကောင်း မိမိလင်ယောကျ်ား၏ အသရေကို ရှုတ်ချသောသူဖြစ်၍ သူမသည် ဂတုံးရိတ်ထားသော မိန်းမနှင့် မခြားနားပေ။ 
\v 6 မိမိ၏ဦးဂေါင်းကို မဖုံးအုပ်ဘဲ ထားသောမိန်းမသည် မိမိ၏ဆံပင်ကို ဖြတ်ထားလျှင် သာ၍ကောင်း၏။ ဆံပင်ဖြတ်ခြင်း၊ ဂတုံးရိတ်ခြင်းရို့သည် မိန်းမတစ်ယောက်အဖို့ ရှက်ဖွယ်ကောင်းသော အရာများဖြစ်သောကြောင့် သူမသည် မိမိ၏ဦးဂေါင်းကို ဖုံးအုပ်စီ။ 
\v 7 ယောက်ျားမူကား မိမိ၏ ဦးဂေါင်းကို ဖုံးအုပ်ရန် မသင့်ပေ။ အကြောင်းမူကား သူသည် ဘုရားသခင်၏ ပုံသဏ္ဌာန်တော်နှင့် ဘုန်းတန်ခိုးတော်ပင် ဖြစ်သတည်း။ မိန်းမသည်ကား ယောက်ျား၏ ဘုန်းဖြစ်၏။ 
\v 8 ယောက်ျားသည် မိန်းမပါးမှ ဖန်ဆင်းထားသောသူမဟုတ်။ မိန်းမသည်သာလျှင် ယောက်ျားထံမှ ဖန်ဆင်းထားသောသူ ဖြစ်၏။ 
\v 9 ယောက်ျားကို မိန်းမအဖို့ ဖန်ဆင်းထားတော်မူသည် မဟုတ်။ မိန်းမကိုသာလျှင် ယောက်ျားအဖို့ ဖန်ဆင်းထားတော်မူ၏။ 
\v 10 သို့ဖြစ်၍ ကောင်းကင်တမန်တိကို ထောက်သောအားဖြင့် မိန်းမကား မိမိသည် ယောက်ျား၏အုပ်စိုးခြင်းကို ဝန်ခံကြောင်းဖော်ပြရန် မိမိ၏ဦးဂေါင်းကို အုပ်ထားသင့်၏။ 
\v 11 သို့ရာတွင် သခင်ဘုရား၌ ယောက်ျားမပါဘဲ မိန်းမ မဖြစ်သည့်နည်းတူ၊ မိန်းမ မပါဘဲ ယောက်ျားဖြစ်သည်မဟုတ်ပေ။ 
\v 12 မိန်းမသည် ယောက်ျားမှ ဖန်ဆင်းသကဲ့သို့ ယောက်ျားသည်လည်း မိန်းမမှ မွီးဖွားခြင်းကို ခံယူသော သူဖြစ်၏။ ထိုနည်းတူ၊ အရာခပ်သိမ်းရို့သည်လည်း ဘုရားသခင်ကြောင့် ဖြစ်လာပေ၏။
\p
\v 13 မိန်းမသည် မိမိ၏ဦးဂေါင်းကို မဖုံးမအုပ်ဘဲ ဝတ်ပြုစည်းဝေးခြင်းတွင် ဘုရားသခင်အား ဆုတောင်းပတ္ထနာပြုခြင်းငှာ ပြုသင့်သည် မပြုသင့်သည်ကို သင်ရို့ကိုယ်တိုင် စဉ်းစားဆင်ခြင် ကြလော့။ 
\v 14 ဆံပင်ရှည်သည့်ယောက်ျားသည် ရှက်ဖွယ်ဖြစ်သည်ဟု သဘာဝတရားက သင်ရို့အား သွန်သင်ပီးသည် မဟုတ်ပါလော။ 
\v 15 သို့သော် ဆံပင်ရှည်သော မိန်းမမူကား ထိုဆံပင်သည် သူမ၏ ဘုန်းဖြစ်၏။ ထိုရှည်သောဆံပင်သည် မိန်းမအဖို့ ခြုံစရာအဖြစ် ပီးထားခြင်းဖြစ်၏။ 
\v 16 သို့သော် ဤကိစ္စနှင့်ပတ်သက်၍ ငြင်းခုံလိုသောသူအား ငါရို့၌လည်းကောင်း၊ ဘုရားသခင်၏ အသင်းတော်များ၌ လည်းကောင်း ဝတ်ပြုကိုးကွယ်သောအခါ ယင်းသို့ ဂေါင်းဖုံးအုပ်သည့်ထုံးစံမှတစ်ပါး အခြားသောထုံးစံ မဟိကြောင်းကို ငါဖြေဆိုအံ့။
\s သခင်ဘုရား၏ ပွဲတော်မင်္ဂလာ
\r (မဿဲ ၂၆.၂၆–၂၉; မာကု ၁၄.၂၂–၂၅; လုကာ ၂၂.၁၄–၂၀)
\p
\v 17 သို့ရာတွင် ဤညွှန်ကြားချက်များကို ပီးရာ၌ သင်ရို့အား ငါမချီးမွမ်း။ အကြောင်းမူကား သင်ရို့၏ဝတ်ပြုစည်းဝေးခြင်းများသည် ကောင်းကျိုးဟိသောအရာထက် ဆိုးကျိုးဟိသောအရာကိုသာ ပို၍လုပ်နိန်၏။ 
\v 18 ပထမအကြောင်းအရာမူကား၊ သင်ရို့သည် အသင်းတော်၌ စည်းဝေးကြသောအခါ စိတ်ဝမ်းကွဲပြားမှုများ ဟိကြောင်းကို ငါ ကြားသိရ၏။ ကြားသိရသည်အတိုင်း တချို့တစ်ဝက်မှန်၏။ 
\v 19 သင်ရို့၌ စိတ်ဝမ်းကွဲပြားမှု ဟိရမည်။ ထိုသို့ ဟိမှသာလျှင် မှန်သောဘက်၌ ဟိသောသူတိကို ပေါ်လွင်ထင်ရှားမည်။ 
\v 20 သင်ရို့သည် စုရုံးကြသောအခါ သခင်ဘုရား၏ ပွဲတော်မင်္ဂလာဝင်ခြင်း မဟုတ်ဘဲ စားသောက်ဖို့ငှာ လာကြ၏။ 
\v 21 အကြောင်းမူကား သင်ရို့စားကြသောအခါ သင်ရို့တစ်ဦးချင်းစီက မိမိအစာကို အယင်စားကြသဖြင့်၊ သီရည်သောက်သောသူက သောက်နိန်စဉ် ဆာလောင်သူက ဆာလောင်၍ ဟိနိန်ကြ၏။ 
\v 22 သင်ရို့စားသောက်ခြင်းငှာ သင်ရို့၌ အိမ်မဟိကြသလော။ ထိုသို့မဟုတ် ဘုရားသခင်၏ အသင်းတော်ကို ရှုတ်ချ၍ ဇာတစ်ခုမျှ မဟိသောသူကို အရှက်ရစီလိုသလော။ ဤအကြောင်းအရာနှင့် ပတ်သက်၍ သင်ရို့ကို ငါ ဇာပိုင်ပြောရမည်နည်း။ သင်ရို့အား ချီးကျူးရမည်လော။ အကယ်စင်စစ် ငါ မချီးကျူး။
\p
\v 23 အကြောင်းမူကား သင်ရို့အား ငါပီးအပ်မည့် သွန်သင်ချက်ကို သခင်ဘုရားထံတော်မှ ငါရဟိခြင်းဖြစ်၏။ ထိုအရာကား၊ အသျှင်ယေသျှုသည် ရန်သူ့လက်သို့ အပ်နှံခြင်းကို ခံတော်မူသည့် ည၌ မုန့်ကိုယူ၍၊ 
\v 24 ကျေးဇူးတော်ကို ချီးမွမ်းပြီးနောက် မုန့်ကို ဖဲ့တော်မူလျက် “ဤမုန့်ကား သင်ရို့အဖို့ စွန့်သော ငါ၏ကိုယ်ခန္ဓာဖြစ်၏။ ငါ့ကို အောက်မိ့သတိရခြင်းငှာ ဤသို့ ပြုကြလော့” ဟု မိန့်တော်မူ၏။ 
\v 25 ထိုနည်းတူ၊ ညစာစားပြီးနောက် စပျစ်ရည်ခွက်ကို ယူလျက် “ဤ ခွက်ကား ငါ၏သွီးဖြင့် တံဆိပ်ခတ်သော ဘုရားသခင်၏ ပဋိညာဉ်သစ်ဖြစ်၏။ ဤခွက်ဖလားမှ စပျစ်ရည်ကို သောက်သည့်အခါတိုင်း ငါ့ကို သတိရအောက်မိ့ခြင်းငှာ သောက်ကြလော့” ဟု မိန့်တော်မူ၏။
\p
\v 26 သင်ရို့သည် ထိုမုန့်ကို စား၍ ထိုခွက်ဖလားမှ စပျစ်ရည်ကို သောက်သည့်အခါတိုင်း သခင်ဘုရား အသီခံတော်မူကြောင်းကို ကိုယ်တော် ကြွလာတော်မူချိန်ထိတိုင် ကြေညာကြ၏။ 
\v 27 သို့ဖြစ်၍ မရိုမသီဘဲ သခင်ဘုရား၏မုန့်ကို စား၍ ကိုယ်တော်၏ခွက်ဖလားမှ စပျစ်ရည်ကို သောက်၏။ ထိုသူသည် သခင်ဘုရား၏ ကိုယ်ခန္ဓာတော်နှင့် အသွီးတော်ကို ပြစ်မှားရာရောက်၏။ 
\v 28 ထို့ကြောင့် လူတိုင်းမိမိကိုယ်ကို စစ်ဆီးပြီးမှ မုန့်ကိုစား၍ ခွက်ဖလားမှ စပျစ်ရည်ကို သောက်စီလော့။ 
\v 29 မုန့်ကိုစား၍ ခွက်ဖလားမှ စပျစ်ရည်ကို သောက်သောအခါ သခင်ဘုရား၏ ကိုယ်ခန္ဓာကို ပိုင်းခြား၍ နားမလည်သောသူသည် မိမိ၌ အပြစ်ဒဏ်ကျရောက်စီခြင်းငှာ စားသောက်သောသူဖြစ်၏။ 
\v 30 ထို့ကြောင့် သင်ရို့အထဲ၌ အားနည်းသောသူနှင့် မကျန်းမာသောသူ အများဟိပြီး သီသောသူများလည်း ဟိကြ၏။ 
\v 31 ငါရို့သည် ကိုယ့်ကိုယ်ကို အယင်ဦးစွာ စစ်ဆီးကြမည်ဆိုလျှင် ဤသို့ ဘုရားသခင်၏ တရားစီရင်တော်မူခြင်းကို ခံရကြလိမ့်မည်မဟုတ်ပေ။ 
\v 32 သို့သော် သခင်ဘုရားသည် ဤနည်းအားဖြင့် ငါရို့ကို တရားစီရင်တော်မူပြီး ဆုံးမတော်မူသည်မှာ ငါရို့အား ဤလောကသားများနှင့်အတူ တရားစီရင်ခြင်းကို မခံရစီရန်ဖြစ်၏။
\p
\v 33 ထို့ကြောင့် ညီအစ်ကို မောင်နှမရို့၊ သခင်ဘုရား၏ ပွဲတော်မင်္ဂလာကို စားသောက်ရန် စုဝေးကြသောအခါ တစ်ယောက်ကို တစ်ယောက် စောင့်ဆိုင်းကြလော့။ 
\v 34 သင်ရို့သည် စည်းဝေးကြသောအခါတွင် ဘုရားသခင်၏ ပြစ်ဒဏ်စီရင်တော်မူခြင်းနှင့် ကင်းလွတ်နိုင်စီခြင်းငှာ သင်ရို့ထဲမှ ဆာမွတ်သောသူသည် မိမိအိမ်၌ စားသောက်စီ။ အခြားသော ကိစ္စများနှင့်ပတ်သက်၍ ငါလာသည့်အခါ တဖန် ငါ ညွှန်ကြားမည်။
\c 12
\s သန့်ယှင်းသော ဝိညာဉ်တော်၏ ဆုကျေးဇူးများ
\p
\v 1 ညီအစ်ကို မောင်နှမရို့၊ ငါသည် သင်ရို့ မိန်းမြန်းသော ဝိညာဉ်တော်၏ ဆုကျေးဇူးများနှင့် ပတ်သက်၍ အမှန်တရားကို သင်ရို့အား သိစီလို၏။ 
\v 2 သင်ရို့သည် သာသနာပလူအဖြစ် ဟိနိန်စဉ်က အခြားသောသူများ၏ သွီးဆောင်ရာသို့ လိုက်ပါလမ်းလွဲကြပြီး အသက်မဲ့သော ရုပ်တုများအား ကိုးကွယ်ခကြကြောင်းကို သင်ရို့သိကြ၏။ 
\v 3 ထို့ကြောင့် ငါသည် သင်ရို့ကို သိစီလိုသည်မှာ ဇာသူမျှ ဘုရားသခင်၏ ဝိညာဉ်တော်နှင့် ပြောဆိုခြင်းအားဖြင့် “ယေသျှုကို မကျိန်ဆဲနိုင်” သည်ကို လည်းကောင်း၊ သန့်ယှင်းသောဝိညာဉ်တော်၏ လမ်းပြမှုမပါလျှင် “ယေသျှုသည် သခင်ဘုရား ဖြစ်ပါသည်” ဟု ဇာသူမျှ ဝန်မခံနိုင်ကြောင်းကို လည်းကောင်း သင်ရို့အား သိစီလို၏။
\p
\v 4 \x - \xo ၁၂.၄–၁၁ \xo*\xt ရော ၁၂.၆–၈\xt*\x*ဝိညာဉ်ဆုကျေးဇူးကား အမျိုးမျိုးဟိ၏။ သို့သော် ထိုဆုကျေးဇူးများကို ပီးတော်မူသော ဝိညာဉ်တော်သည် တစ်ပါးတည်းသာ ဟိတော်မူ၏။ 
\v 5 အမှုတော်ဆောင်ရန် နည်းအမျိုးမျိုးဟိသော်လည်း၊ အသျှင် တစ်ပါးတည်းသာ ဟိ၏။ 
\v 6 အမှုတော်ဆောင်ရန် စွမ်းရည်အမျိုးမျိုးဟိသော်လည်း လူအသီးသီး၌ ဟိသောစွမ်းရည်များကို ပီးတော်မူသော ဘုရားသခင် တစ်ပါးတည်းသာဟိ၏။ 
\v 7 လူအသီးသီးရို့ကို ကောင်းကျိုးဖြစ်စီခြင်းငှာ ဝိညာဉ်တော်က နည်းလမ်းတချို့ကို ပီးတော်မူ၏။ 
\v 8 ဝိညာဉ်တော်သည် လူတစ်ယောက်အား ဉာဏ်ပညာစကားကို လည်းကောင်း၊ ထိုဝိညာဉ်တော်အားဖြင့် အခြားတစ်ယောက်အား အသိပညာစကား ကို လည်းကောင်း ပီးတော်မူ၏။ 
\v 9 ထိုဝိညာဉ်တော်အားဖြင့် တစ်ယောက်သောသူအား ယုံကြည်ခြင်းပါရမီကို လည်းကောင်း၊ တစ်ယောက်သောသူအား အနာရောဂါ ပျောက်ကင်းစီနိုင်သော တန်ခိုးများကို လည်းကောင်း ပီးတော်မူ၏။ 
\v 10 ထိုဝိညာဉ်တော်သည် တစ်ယောက်သောသူအား နိမိတ်လက္ခဏာများ ပြနိုင်သောတန်ခိုးကိုလည်းကောင်း၊ အခြားတစ်ယောက်သောသူအား ပရောဖက်ပြုနိုင်သော အခွင့်ကိုလည်းကောင်း၊ တစ်ယောက်သောသူအား စိတ်ဝိညာဉ်ကို ပိုင်းခြားသိနိုင်သော ဉာဏ်ပညာကို လည်းကောင်း ပီးတော်မူ၏။ တစ်ယောက်သောသူအား အမျိုးမျိုးသော ဘာသာစကားကို ပြောဆိုနိုင်သော စွမ်းရည်ကိုလည်းကောင်း၊ တစ်ယောက်သောသူအား ထိုအမျိုးမျိုးသော ဘာသာစကားကို အနက်ပြန်ဆိုနိုင်သော စွမ်းရည်ကိုလည်းကောင်း ပီးတော်မူ၏။ 
\v 11 သို့ရာတွင် လူအသီးသီးအား တန်ခိုးစွမ်းရည် အားလုံးကို ပီးတော်မူသော ဝိညာဉ်တော် တစ်ပါးတည်းသာ ဟိ၏။ ထိုဝိညာဉ်တော်သည် မိမိအလိုတော်အတိုင်း လူတစ်ဦးစီအား ခြားနားသော ဆုကျေးဇူးတစ်ခုစီကို ချပီးတော်မူ၏။
\s ကိုယ်ခန္ဓာတစ်ခု၌ဟိသော အင်္ဂါအစိတ်အပိုင်းများ
\p
\v 12 \x - \xo ၁၂.၁၂ \xo*\xt ရော ၁၂.၄,၅\xt*\x*ခရစ်တော်သည် အင်္ဂါအစိတ်အပိုင်းများစွာဟိသော ကိုယ်ခန္ဓာတစ်ခုနှင့်တူ၏။ ကိုယ်ခန္ဓာသည် တစ်ခုတည်းသာဖြစ်သော်လည်း၊ မတူညီသော အင်္ဂါအစိတ်အပိုင်းများစွာ ဟိ၏။ 
\v 13 ထိုနည်းတူ ငါရို့အားလုံးသည် ယုဒလူမျိုးဖြစ်စီ၊ တခြားလူမျိုးဖြစ်စီ၊ ကျွန်ဖြစ်စီ၊ လွတ်လပ်သော သူဖြစ်စီ၊ ဝိညာဉ်တော်တစ်ပါးတည်းအားဖြင့် ကိုယ်ခန္ဓာတစ်ခုတည်းထဲ၌ ဗတ္တိဇံခံယူကြ၏။ ငါရို့ဟိသမျှသည် ဝိညာဉ်တော်တစ်ပါးတည်း၌ သောက်ကြရ၏။
\p
\v 14 ကိုယ်ခန္ဓာတွင် အင်္ဂါအစိတ်အပိုင်း တစ်ခုတည်းသာ ဟိသည်မဟုတ်၊ အများပင်ဟိပေ၏။ 
\v 15 ခြီက၊ “ငါသည် လက်မဟုတ်သဖြင့် ကိုယ်ခန္ဓာနှင့်မစပ်ဆိုင်” ဟု ဆိုကေတောင်မှ၊ ခြီသည် ကိုယ်ခန္ဓာ၏အစိတ်အပိုင်းပင် ဖြစ်၏။ 
\v 16 ထိုနည်းတူ နားကလည်း “ငါသည် မျက်စိမဟုတ်သဖြင့် ကိုယ်ခန္ဓာနှင့်မစပ်ဆိုင်” ဟု ဆိုကေတောင်မှ၊ နားသည်လည်း ကိုယ်ခန္ဓာ၏ အစိတ်အပိုင်းပင် ဖြစ်၏။ 
\v 17 ကိုယ်ခန္ဓာတစ်ခုလုံးသည် မျက်စိသာဖြစ်ပါလျှင်၊ ဇာပိုင်ကြားနိုင်ပါမည်နည်း။ ကိုယ်ခန္ဓာတစ်ခုလုံး၌ နားသာဖြစ်လျှင်၊ ဇာပိုင်အနံ့ရနိုင်ပါမည်နည်း။ 
\v 18 ထို့ကြောင့် ဘုရားသခင်သည် အလိုတော်ဟိသည်အတိုင်း ကိုယ်ခန္ဓာတွင် အင်္ဂါအစိတ်အပိုင်း အသီးသီးများအား သူ့နီရာနှင့်သူ ဟိစီတော်မူ၏။ 
\v 19 အင်္ဂါအစိတ်အပိုင်းများသည် အင်္ဂါတစ်ခုတည်းသာ ဖြစ်ခလျှင်၊ ကိုယ်ခန္ဓာဟူ၍ ဖြစ်လာနိုင်မည်မဟုတ်။ 
\v 20 ထို့ကြောင့် အင်္ဂါအစိတ်အပိုင်းများစွာ ဟိသော်လည်း ကိုယ်ခန္ဓာတစ်ခုတည်းသာလျှင် ဟိသတည်း။
\p
\v 21 ထို့ကြောင့် မျက်စိသည် လက်အား “သင့်ကို ငါ အလိုမဟိ” ဟု မဆိုနိုင် သကဲ့သို့ ဦးဂေါင်းကလည်း ခြီအား “သင့်ကို ငါ အလိုမဟိ” ဟု မဆိုနိုင်။ 
\v 22 ကိုယ်ခန္ဓာ၌ အားနည်းဟန်ဟိသော ကိုယ်အင်္ဂါများသည်လည်း ငါရို့၌ မဟိ၍မဖြစ်နိုင်ပေ။ 
\v 23 တန်ဖိုးမဟိဟု ထင်ရသော အင်္ဂါအစိတ်အပိုင်းများကို ငါရို့သည် သာ၍ ဂရုစိုက်ကြရ၏။ တင့်တယ်ခြင်းမဟိသော အင်္ဂါအစိတ်အပိုင်းများကို သာ၍တင့်တယ်စီရန် ပြုပြင်မွမ်းမံကြရ၏။ 
\v 24 လှပပြီးဖြစ်သော အင်္ဂါအစိတ်အပိုင်းများကိုမူ သာ၍ မွမ်းမံရန် မလို။ အသရေမဟိသော အင်္ဂါအစိတ်အပိုင်းကို ပို၍ အသရေဟိစီခြင်းငှာ ဘုရားသခင်ကိုယ်တော်တိုင် ကိုယ်ခန္ဓာ၌ ထားတော်မူ၏။ 
\v 25 ထို့ကြောင့် ကိုယ်အင်္ဂါအစိတ်အပိုင်း စိတ်ဝမ်းကွဲပြားခြင်းမဟိဘဲ၊ မတူညီသော အင်္ဂါအသီးသီးရို့သည် တစ်ခု၏အကျိုးကို တစ်ခုက ပြုစုလျက်ဟိပေ၏။ 
\v 26 အကယ်၍ ကိုယ်အင်္ဂါ အစိတ်အပိုင်းတစ်ခုသည် ဝေဒနာခံစားရလျှင်၊ အခြားအစိတ်အပိုင်းများသည်လည်း ထိုအင်္ဂါနှင့်အတူ ခံစားရကြ၏။ ကိုယ်အင်္ဂါအစိတ်အပိုင်းတစ်ခုသည် ချီးမွမ်းခြင်းခံရလျှင်၊ အခြားအစိတ်အပိုင်းများသည်လည်း အတူဝမ်းမြောက်ရကြ၏။
\p
\v 27 သင်ရို့အပေါင်းသည် ခရစ်တော်၏ ကိုယ်ခန္ဓာတော်ဖြစ်၏။ သင်ရို့အသီးသီးသည်လည်း ထိုကိုယ်ခန္ဓာတော်၏ အင်္ဂါအစိတ်အပိုင်း တစ်ခုဖြစ်၏။ 
\v 28 ဘုရားသခင်သည် တမန်တော်တိကို ပထမအရာ၌ လည်းကောင်း၊ ပရောဖက်တိကို ဒုတိယအရာ၌ လည်းကောင်း၊ သွန်သင်ပီးသော ဆရာတိကို တတိယအရာ၌ လည်းကောင်း၊ ထို့နောက် နိမိတ်လက္ခဏာပြသော သူတိကို လည်းကောင်း၊ အနာရောဂါများကို ပျောက်ကင်းစီနိုင်သော တန်ခိုးကို ရဟိသောသူတိကို လည်းကောင်း၊ သူတစ်ပါးအား ကူညီသောသူတိကို လည်းကောင်း၊ စီစဉ်ညွှန်ကြားနိုင်စွမ်းဟိသောသူတိကို လည်းကောင်း၊ အမျိုးမျိုးသော ဘာသာ စကားများကို ပြောနိုင်သောသူတိကို လည်းကောင်း အသင်းတော်တွင် ခန့်ထားတော်မူ၏။ 
\v 29 သူရို့အားလုံးသည် တမန်တော်တိ မဟုတ်။ သူရို့အားလုံးသည် ပရောဖက်တိလည်း မဟုတ်။ သူရို့အားလုံးသည် သွန်သင်ပြသော ဆရာတိလည်း မဟုတ်။ သူရို့အားလုံးသည် နိမိတ်လက္ခဏာပြနိုင်သော သူတိလည်း မဟုတ်။ 
\v 30 သူရို့အားလုံးသည် အနာရောဂါများကို ပျောက်ကင်းစီနိုင်သောသူတိလည်း မဟုတ်။ သူရို့အားလုံးသည် အမျိုးမျိုးသောဘာသာစကားကို ပြောဆိုနိုင်သောသူ၊ အနက်ပြန်ဆိုနိုင်သောသူတိလည်း မဟုတ်။ 
\v 31 သို့ဖြစ်၍ သင်ရို့သည် သာ၍ မြတ်သောဆုကျေးဇူးများကို အလွန်လိုချင်သော စိတ်ဟိကြလော့။
\p သို့ရာတွင် အမြတ်ဆုံးသော လမ်းကို ငါဖော်ပြမည်။
\c 13
\s မေတ္တာ
\p
\v 1 ငါသည် လူ့ဘာသာစကားများနှင့် ကောင်းကင်တမန် ဘာသာစကားများကို ပြောနိုင်သော်လည်း မေတ္တာမဟိလျှင် ငါ၏စကားသည် ဆူညံသော မောင်းကဲ့သို့ လည်းကောင်း၊ အသံမြည်သော လင်းကွင်းကဲ့သို့လည်းကောင်း ဖြစ်၏။ 
\v 2 ငါသည် ပရောဖက်ပြုနိုင်သော ဆုကျေးဇူးကို ရ၍ နက်နဲသောအရာ ဟိသမျှကို နားလည်သိကျွမ်းခြင်း အတတ်ပညာကို တတ်ကျွမ်းသော်လည်းကောင်း၊ တောင်များကို ရွှိ့နိုင်သော ယုံကြည်ခြင်းဟိသော်လည်းကောင်း မေတ္တာမဟိလျှင် အချည်းနှီးပင်ဖြစ်၏။ 
\v 3 ငါ၏ဥစ္စာဟိသမျှကို ဆင်းရဲသားရို့အား ပီးကမ်းစွန့်ကြဲပြီး ငါ၏ကိုယ်ခန္ဓာကို မီးဖြင့် ပူဇော်\f + \fr ၁၃.၃ \fr*\fq မီးဖြင့် ပူဇော်၊ \fq*\ft အချို့သော မူရင်းလက်ရီးမူကျမ်းများတွင် \ft*\fqa ဝါကြွားခြင်းငှာ၊ \fqa*\ft ဟူ၍ ပါဟိသည်။\ft*\f*သော်လည်း မေတ္တာမဟိလျှင် ငါ၌ အကျိုးမဟိ။
\p
\v 4 မေတ္တာသည် သည်းခံတတ်၏။ သနားကြင်နာတတ်၏။ မေတ္တာသည် မနာလိုစိတ်မဟိ။ ကြွားဝါမှု မဟိ။ မာန်မာန မဟိ။ 
\v 5 မလျောက်ပတ်သော အမှုကို မပြုတတ်။ တစ်ကိုယ်ကောင်းဆန်သောစိတ် မဟိတတ်။ အမျက်ဒေါသ မထွက်တတ်။ သူတစ်ပါး၏အပြစ်ကို မှတ်၍မထားတတ်။ 
\v 6 မကောင်းမှုဒုစရိုက်၌ မပျော်မွိ့တတ်၊ သို့သော် သမ္မာတရား၌သာ ဝမ်းမြောက်တတ်၏။ 
\v 7 မေတ္တာသည် အစဉ်သဖြင့် ဖုံးအုပ်ပီးတတ်၏၊ ယုံကြည်တတ်၏၊ မျှော်လင့်တတ်၏၊ သည်းခံတတ်၏။
\p
\v 8 မေတ္တာသည် အမြဲတည်၏။ ပရောဖက်ပြုခြင်းသည်လည်း မတည်မြဲ။ အမျိုးမျိုးသော ဘာသာစကားကို ပြောနိုင်သော အခွင့်သည်လည်း ရပ်တန့်လိမ့်မည်။ အသိပညာလည်း ကွယ်ပျောက်လိမ့်မည်။ 
\v 9 ငါရို့၏ အသိပညာဆုကျေးဇူးသည်လည်း မစုံလင်ဖြစ်ပြီး ပရောဖက်ဉာဏ်သည်လည်း မစုံမလင်သာ ဟိကြ၏။ 
\v 10 သို့သော် စုံလင်ခြင်းသို့ ရောက်သောအခါ မစုံလင်သော အရာဟူသမျှရို့သည် ကွယ်ပျောက်လိမ့်မည်။
\p
\v 11 ငါသည် အသျှေဖြစ်စဉ်အခါက၊ အသျှေကဲ့သို့ စကားကို ပြော၏။ အသျှေကဲ့သို့ စဉ်းစားရ၏၊ အသျှေကဲ့သို့ ဆင်ခြင်တွီးတော၏။ အဂု ကြီးပြင်းလာသောအခါမူကား အသျှေ၏အလေ့များကို ငါသည် ပယ်ယှား၏။ 
\v 12 ယခု ငါရို့သည် မှန်သားပြင်၌ မထင်မရီမြင်ရသော ပုံကဲ့သို့ တွိ့မြင်ရကြ၏။ ထိုအချိန်၌ကား မျက်ဝါးထင်ထင် တွိ့မြင်ရလိမ့်မည်။ ယခုအခါ ငါသည် မစုံမလင်စွာသိမြင်ရ၏။ ဘုရားသခင်သည် ငါ့ကို စုံလင်စွာ သိမြင်တော်မူသကဲ့သို့ ထိုအခါ၌မူကား ငါသည်လည်း စုံလင်စွာ သိမြင်ရလိမ့်မည်။
\p
\v 13 ယခုတွင် ယုံကြည်ခြင်း၊ မျှော်လင့်ခြင်း၊ ချစ်ခြင်းတည်းဟူသော ဤသုံးပါးရို့သည် တည်တံ့လျက် ဟိ၏။ ဤသုံးပါးရို့တွင် ချစ်ခြင်း မေတ္တာသည် အမြတ်ဆုံးဖြစ်သတည်း။
\c 14
\s ဝိညာဉ်တော်ထံပါးမှ ဆုကျေးဇူးများအကြောင်း ထပ်၍ဖော်ပြခြင်း
\p
\v 1 ထို့ကြောင့် သင်ရို့သည် မေတ္တာတရားအားဖြင့် ကြိုးစားအားထုတ်ကြလော့။ ဝိညာဉ်ဆုကျေးဇူးများ၊ အထူးသဖြင့် ဘုရားသခင်ထံမှ လာသော သတင်းစကားကို ဟောပြောနိုင်သော ဆုကျေးဇူးကို အလွန်လိုချင်သောစိတ် ဟိကြလော့။ 
\v 2 အမျိုးမျိုးသော ဘာသာစကားဖြင့် ပြောဆိုသောသူသည် လူကို ပြောဆိုသည် မဟုတ်။ ဘုရားကိုသာ ပြောဆိုခြင်းဖြစ်၏။ အကြောင်းမူကား ထိုသူရို့၏စကားကို ဇာသူမျှ နားမလည်။ ထိုသူရို့သည် ဝိညာဉ်တော်တန်ခိုးဖြင့် ကွယ်ဝှက်ထားသော သမ္မာတရားများကို ပြောဆိုခြင်းဖြစ်၏။ 
\v 3 သို့သော် ဘုရားသခင်၏ နှုတ်ကပတ်တော်ကို ဟောပြောသောသူသည်ကား တည်ဆောက်ခြင်း၊ အားပီးခြင်း၊ နှစ်သိမ့်ခြင်း ဖြစ်စီခြင်းငှာ လူတိကို ဟောပြော၏။ 
\v 4 အမျိုးမျိုးသော ဘာသာစကားဖြင့် ပြောဆိုသောသူရို့သည် မိမိရို့၏အကျိုးကို ပြုစု၏။ နှုတ်ကပတ်တရားတော်ကို ဟောပြောသော သူရို့မူကား အသင်းတော် တစ်ခုလုံး၏အကျိုးကို ပြုစု၏။
\p
\v 5 ငါသည် သင်ရို့အားလုံးကို အမျိုးမျိုးသော ဘာသာစကားကို ပြောဆိုခြင်းငှာ အလိုဟိ သော်လည်း၊ ဘုရားသခင်၏ သတင်းစကားကို ဟောပြောနိုင်သော ဆုကျေးဇူးအား သာ၍ ရစီလို၏။ အသင်းတော်တစ်ခုလုံး၏ အကျိုးကို ပြုစုစီခြင်းငှာ အမျိုးမျိုးသော ဘာသာစကား၏ အနက်ကို ဖော်ပြနိုင်သောသူ မဟိဘဲ ထိုဘာသာစကားများဖြင့် ပြောဆိုသောသူထက် ဘုရားသခင်၏ သတင်းစကားကို ဟောပြောသောသူသည် သာ၍ တန်ဖိုးဟိ၏။ 
\v 6 ထို့ကြောင့် ညီအစ်ကိုမောင်နှမရို့၊ ငါသည် သင်ရို့ပါးသို့ လာ၍ အမျိုးမျိုးသော ဘာသာစကားကို ပြောဆိုသော်လည်း ဘုရားသခင်၏ ဗျာဒိတ်တော်အားဖြင့် ဖြစ်စီ၊ အသိပညာအားဖြင့် ဖြစ်စီ၊ ပုရောဖက်ဟောပြောခြင်းအားဖြင့် ဖြစ်စီ၊ ဆုံးမသွန်သင်အားဖြင့် ဖြစ်စီ မဟောပြောလျှင် သင်ရို့၌ ဇာအကျိုးဟိမည်နည်း။
\p
\v 7 ပလွေ၊ စောင်းကောက်ကဲ့သို့သော အသက်မဲ့သော ဂီတတူရိယာများပင်လျှင် ပီပြင်သောတေးသံ မထွက်လျှင် ဇာသူသည် ထိုတူရိယာများ၏ တေးသွားကို သိနိုင်မည်နည်း။ 
\v 8 တဖန်၊ တံပိုးခရာမှုတ်သံသည် ယှင်းလင်းပီပြင်ခြင်း မဟိလျှင် ဇာသူသည် စစ်တိုက်ခြင်းငှာ ပျင်ဆင်လိမ့်မည်နည်း။ 
\v 9 ထိုနည်းတူ အမျိုးမျိုးသော ဘာသာစကားဖြင့် သင်ရို့ပြောသော စကား၏အနက်အဓိပ္ပာယ်သည် မယှင်းလင်းလျှင် ဇာသူသည် နားလည်နိုင်မည်နည်း။ သင်ရို့၏စကားများသည် လီထဲ၌ ပျောက်ကွယ်လားလိမ့်မည်။ 
\v 10 ဤလောက၌ ဟိသမျှသော ဘာသာစကားအမျိုးမျိုး၌ အဓိပ္ပ္ပ္ပာယ်ကင်းမဲ့သော ဘာသာစကားဟူ၍ မဟိ။ 
\v 11 သို့ရာတွင် ငါမသိသော ဘာသာစကားကို ပြောဆိုသောသူသည် ငါ့အဖို့ တခြားလူမျိုုးဖြစ်၏။ ငါသည်လည်း ထိုသူအဖို့ တခြားလူမျိုးဖြစ်ပေမည်။ 
\v 12 သင်ရို့သည် ဝိညာဉ်တော်၏ ဆုကျေးဇူးများကို လိုလားတောင့်တကြသည့်အလျောက် အသင်းတော် တည်ဆောက်ခြင်းကို အထောက်အကူပြုခြင်းငှာ သာ၍ ကြိုးစားအားထုတ်ကြလော။ 
\v 13 ထို့ကြောင့် အမျိုးမျိုးသော ဘာသာစကားဖြင့် ပြောသောသူသည် မိမိပြောသည့်စကား၏ အဓိပ္ပာယ်ကို ဖော်ပြနိုင်သော တန်ခိုးစွမ်းရည်ကို ရဟိခြင်းငှာ ဆုတောင်းပတ္ထနာပြုရမည်။ 
\v 14 ငါသည် အမျိုးမျိုးသော ဘာသာစကားဖြင့် ဆုတောင်းပတ္ထနာပြုသောအခါ ငါ၏ စိတ်ဝိညာဉ်သည် ဆုတောင်းနိန်သော်လည်း ငါ၏စိတ်နှလုံး၌မူကား အကျိုးမဟိပေ။ 
\v 15 ငါသည် ဇာသို့ ပြုရအံ့နည်း။ ငါသည် ငါ၏စိတ်ဝိညာဉ်နှင့် သော်လည်းကောင်း၊ စိတ်နှလုံးနှင့် သော်လည်းကောင်း ဆုတောင်းပတ္ထနာပြုမည်။ ငါ့၏စိတ်ဝိညာဉ်အားဖြင့် တေးခြင်းဆိုသည်သာမက အသိဉာဏ်အားဖြင့်လည်း သီဆိုမည်။ 
\v 16 သင်ရို့သည် စိတ်ဝိညာဉ်အားဖြင့်သာ ဘုရားသခင်၏ ကျေးဇူးတော်ကို ချီးမွမ်းကြလျှင် ထိုစုဝေးခြင်း၌ နားမလည်သောသူရို့သည် သင်ရို့ပြောဆိုသော စကားများကို နားမလည်နိုင်သဖြင့် သင်ရို့၏ဆုတောင်းပတ္ထနာ၌ “အာမင်” ဟု ဇာပိုင် ဝန်ခံနိုင်မည်နည်း။ 
\v 17 သင်ရို့၏ ကျေးဇူးတော်ချီးမွမ်းခြင်းသည် အလွန်ကောင်းသော်လည်း သူတစ်ပါးအဖို့ မည်သို့မျှ အကျိုးမဟိ။
\p
\v 18 ငါသည် အမျိုးမျိုးသော ဘာသာစကားကို သင်ရို့အားလုံးထက် ပို၍ပြောဆိုနိုင်သဖြင့် ဘုရားသခင်၏ ကျေးဇူးတော်ကို ချီးမွမ်း၏။ 
\v 19 သို့သော် အသင်းတော်ဝတ်ပြုခြင်း၌ အမျိုးမျိုးသော ဘာသာစကားများဖြင့် စကားအခွန်း အထောင်အသောင်းကို ပြောဆိုနိုင်ခြင်းထက် သူတစ်ပါးကို သွန်သင်ခြင်းငှာ နားလည်နိုင်သော စကားအခွန်း ငါးခွန်းကို ငါသာ၍ ပြောလို၏။
\p
\v 20 ညီအစ်ကိုမောင်နှမရို့၊ သင်ရို့သည် စဉ်းစားဆင်ခြင်မှု၌ အသျှေတိကဲ့သို့ မဖြစ်စီကတ်ကေ့။ ဆိုးညစ်သောအမှု၌ အသျှေတိကဲ့သို့ ဖြစ်ကြလော့။ သို့ရာတွင် သင်ရို့၏ စဉ်းစားဆင်ခြင်မှုတွင်ကား ရင့်ကျက်သောသူရို့ကဲ့သို့ ဖြစ်ကြလော့။ 
\v 21 ကျမ်းစာလာသည်ကား၊
\q “ဤလူရို့အား အမျိုးမျိုးသော ဘာသာစကားများဖြင့် ငါပြောမည်။
\q2 တိုင်းတစ်ပါးသားရို့၏နှုတ်ဖြင့် ငါပြောမည်။
\q1 သို့သော်လည်း ဤလူရို့သည်
\q2 ငါ့စကားကို နားထောင်ကြလိမ့်မည် မဟုတ်ဟု သခင်ဘုရားမိန့်တော်မူ၏”
\m ဟူ၍ ဖြစ်၏။ 
\v 22 ထို့ကြောင့် အမျိုးမျိုးသော ဘာသာစကားကို ပြောဆိုနိုင်သော ဆုကျေးဇူးသည် မယုံကြည်သောသူရို့၌ကား နိမိတ်လက္ခဏာဖြစ်ပြီး ယုံကြည်သောသူရို့၌ကား ထိုသို့ မဖြစ်။ ဘုရားသခင်၏ သတင်းစကားကို ဟောပြောနိုင်သောဆုကျေးဇူးကား ယုံကြည်သောသူရို့၌ နိမိတ်လက္ခဏာဖြစ်၏။ မယုံကြည်သောသူရို့၌ကား ထိုသို့ မဖြစ်။
\p
\v 23 သို့ဖြစ်၍ အသင်းတော်၌ စုဝေးသော အသင်းဝင်သူတိုင်းသည် အမျိုးမျိုးသော ဘာသာစကားဖြင့် ဟောပြောနိန်စဉ် ထိုစကားကို နားမလည်သောသူ တချို့နှင့် မယုံကြည်သောသူ တချို့ ရောက်လာကြလျှင် သင်ရို့အား ရူးသွပ်သောများဖြစ်သည်ဟု ဆိုမည် မဟုတ်လော။ 
\v 24 သို့သော် သင်ရို့သည် ဘုရားသခင်၏ သတင်းစကားကို ဟောပြောနိန်စဉ် မယုံကြည်သောသူရို့၊ သို့မဟုတ် နားမလည်သောသူရို့သည် ရောက်လာလျှင် သူရို့ကြားရသော တရားစကားအားဖြင့် သူရို့၏ အပြစ်ကို နားလည်သဘောပေါက်လာကာ သူရို့ကို သူရို့ စီရင်လိမ့်မည်။ 
\v 25 ထိုသူရို့၏ လျှို့ဝှက်သော စိတ်နှလုံးအကြံအစည်များသည် ထင်ရှားလာပြီး “ဘုရားသခင်သည် ဤအရပ်၌ သင်ရို့နှင့်အတူ ဧကန်အမှန် ဟိတော်မူပါသည်တကား” ဟု သူရို့သည် ထုတ်ဖော်ဝန်ခံလျက် ဘုရားသခင်အား ပျပ်ဝပ်ကိုးကွယ်ကြလိမ့်မည်။
\s အသင်းတော်၌ စည်းမျဉ်း
\p
\v 26 ညီအစ်ကိုမောင်နှမရို့၊ ငါဆိုသည်ကား ကိုးကွယ်ဝတ်ပြုခြင်းငှာ သင်ရို့ စုဝေးကြသောအခါ တစ်ယောက်သောသူက တေးဆိုခြင်း၊ တစ်ယောက်သောသူက သွန်သင်ခြင်း၊ တစ်ယောက်သောသူကား ဘုရားသခင်ထံမှ ဗျာဒိတ်တော်ကို ပြန်ကြားခြင်း၊ တစ်ယောက်သောသူက အမျိုးမျိုးသော ဘာသာစကားဖြင့် ပြောဆိုခြင်း၊ တစ်ယောက်သောသူက ထိုဘာသာစကားများ၏ အနက်အဓိပ္ပာယ်ကို ဖော်ပြခြင်းတိပင် ဖြစ်၏။ သင်ရို့ဆောင်ရွက်သမျှသော အမှုအရာများသည် အသင်းတော်ကို တည်ဆောက်ခြင်းငှာ ဖြစ်ရမည်။ 
\v 27 တစ်စုံတစ်ယောက်သောသူသည် အမျိုးမျိုးသော ဘာသာစကားဖြင့် ပြောမည်ဆိုပါက နှစ်ယောက်ဖြစ်စီ၊ အများဆုံး သုံးယောက်ဖြစ်စီ တစ်ယောက်ပြီးမှ တစ်ယောက် ပြောစီပြီးလျှင် တစ်စုံတစ်ယောက်က အနက်ကို ပြန်ဆိုရမည်။ 
\v 28 အကယ်၍ အနက်ပြန်သူမဟိလျှင် အမျိုးမျိုးသော ဘာသာစကားဖြင့် ပြောဆိုသောသူသည် အသင်းတော်၌ တိတ်ဆိတ်စွာနိန်၍ မိမိကိုယ်ကို လည်းကောင်း၊ ဘုရားသခင်ကို လည်းကောင်း ပြောစီ။ 
\v 29 ဘုရားသခင်၏ သတင်းစကားကို ဟောပြောသောသူ နှစ်ဦးဖြစ်စီ၊ သုံးဦးဖြစ်စီ၊ ထိုသူရို့ ဟောပြောသမျှကို ကျန်သောသူရို့က ဆင်ခြင်သုံးသပ်ကြစီ။ 
\v 30 သို့ရာတွင် ထိုင်နိန်သောသူများအထဲမှ တစ်ယောက်သည် ဘုရားသခင်ထံမှ ဗျာဒိတ်တော်ကို ခံရသည်ဆိုလျှင် ထိုဟောပြောနိန်သောသူသည် ရပ်နားစီ။ 
\v 31 လူတိုင်း သင်ယူနိုင်ခြင်းငှာ လည်းကောင်း၊ တိုက်တွန်းခြင်းငှာ လည်းကောင်း သင်ရို့အားလုံးပင် တစ်ယောက်ပြီးတစ်ယောက် ဘုရားသခင်၏ သတင်းစကားကို ဟောပြောနိုင်၏။ 
\v 32 ထိုသတင်းစကားကို ဟောပြောနိုင်သော ဆုကျေးဇူးသည်လည်း ဟောပြောသောသူ၏ ထိန်းချုပ်မှုအောက်၌ ဟိရမည်။ 
\v 33 အကြောင်းမူကား ဘုရားသခင်သည် ငါရို့အား စည်းကမ်းမဲ့စွာ ပြုမူခြင်းကို အလိုတော်မဟိ။ သင့်တင့်လျောက်ပတ်မှုနှင့် ငြိမ်သက်မှုကို နှစ်သက်သောကြောင့်ဖြစ်၏။
\p ဘုရားသခင်လူရို့၏ အသင်းတော်အားလုံး၌၊ 
\v 34 မိန်းမရို့သည် စည်းဝေးခြင်းများ၌ တိတ်ဆိတ်စွာနိန်ကြစီ။ သူရို့၌ စကားပြောခွင့် မဟိ။ ပညတ်ကျမ်းတွင် ဖော်ပြထားသည့်အတိုင်း မိန်းမရို့သည် အုပ်စိုးခြင်းကို ဝန်ခံရမည်။ 
\v 35 သူရို့သည် တစ်စုံတစ်ခုသောအကြောင်းအရာကို သိလိုလျှင် အိမ်၌ မိမိရို့၏လင်ယောက်ျားများကို မိန်းမြန်းကြစီ။ မိန်းမတစ်ယောက်သည် အသင်းတော်၏အစည်းအဝေး၌ စကားပြောခြင်းသည် ရှက်ဖွယ်သောအမှုဖြစ်၏။
\p
\v 36 ဘုရားသခင်၏ နှုတ်ကပတ်တရားတော်သည် သင်ရို့ထံမှ ထွက်လာသလော။ သို့တည်းမဟုတ် နှုတ်ကပတ်တရားသည် သင်ရို့ထံသို့သာ ရောက်လာသလော။ 
\v 37 မိမိကိုယ်ကို ဘုရားသခင်၏ သတင်းစကား ဟောပြောသောသူ ဖြစ်သည်ဟူ၍ လည်းကောင်း၊ ဝိညာဉ်ဆုကျေးဇူး ရဟိသောသူဖြစ်သည်ဟူ၍ လည်းကောင်း ထင်မှတ်သောသူသည်ကား ယခု ငါရီးလိုက်သော စာသည် သခင်ဘုရား၏ ပညတ်ဖြစ်ကြောင်း သိမှတ်စီ။ 
\v 38 သို့သော် ထိုသူသည် ဤအရာကို အသိအမှတ် မပြုလျှင် ထိုသူကိုလည်း အသိအမှတ် မပြုကတ်ကေ့။
\p
\v 39 သို့ဖြစ်၍ ညီအစ်ကိုမောင်နှမရို့၊ သင်ရို့သည် ဘုရားသခင်၏ သတင်းစကားကို ဟောပြောခြင်းငှာ လိုလားတောင့်တကြလော့။ သို့ရာတွင် အမျိုးမျိုးသော ဘာသာစကားများဖြင့် ပြောဆိုခြင်းကို မတားမြစ်ကတ်ကေ့။ 
\v 40 ခပ်သိမ်းသောအမှုများကို အစီအစဉ်အတိုင်း လျောက်ပတ်စွာ လုပ်ဆောင်ကြလော့။
\c 15
\s ခရစ်တော်၏ ရှင်ပြန်ထမြောက်ခြင်း
\p
\v 1 ညီအစ်ကိုမောင်နှမရို့၊ ငါသည် သင်ရို့အား ဟောပြောခသည့် သတင်းကောင်းတရားကို လက်ခံ၍ ယင်းအထက်၌ သင်ရို့၏ ယုံကြည်ခြင်းခိုင်မြဲစွာ ရပ်တည်လျက် ဟိကြောင်းကို ယခုတွင် ငါသည် သင်ရို့အား ပြန်၍ ငါ သတိပီးလို၏။ 
\v 2 ထိုသတင်းကောင်းတရားကား သင်ရို့ကို ငါ ဟောပြောခသည့် သတင်းကောင်းတရားပင် ဖြစ်၏။ သင်ရို့သည် ထိုဧဝံဂေလိတရားကို စွဲမြဲစွာယုံကြည်လက်ခံသောကြောင့် ကယ်တင်ခြင်းကို ခံကြရ၏။ ထိုသို့မဟုတ်လျှင် သင်ရို့ ယုံကြည်ခသည်မှာ အချည်းနှီးသက်သက် ဖြစ်၏။
\p
\v 3 ငါသည် ကိုယ်တိုင် ခံယူရဟိသည့် အဓိက​အကျဆုံး​သော​အရာ​ကို သင်ရို့အား ပီးအပ်သည့် အကြောင်းမှာ ကျမ်းစာလာသည့်အတိုင်း ခရစ်တော်သည် ငါရို့အပြစ်ကြောင့် အသီခံတော်မူ၏၊ 
\v 4 \x - \xo ၁၅.၄ \xo*\xt မ ၁၂.၄၀; တ ၂.၂၄–၃၂\xt*\x* ကိုယ်တော်သည် သင်္ဂြိုဟ်ခြင်းကို ခံပြီးနောက် ကျမ်းစာလာသည်အတိုင်း သုံးရက်မြောက်သောနိ့၌ သီခြင်းမှ ရှင်ပြန်ထမြောက်တော်မူ၏။ 
\v 5 \x - \xo ၁၅.၅ \xo*\xt မ ၂၈.၁၆–၁၇; မာ ၁၆.၁၄; လု ၂၄.၃၄,၃၆; ယော ၂၀.၁၉\xt*\x* ကိုယ်တော်သည် ပေတရုအား ထင်ရှားပြပြီးမှ တမန်တော်တစ်ကျိပ်နှစ်ပါးရို့အား ထင်ရှားပြတော်မူ၏။ 
\v 6 ထို့နောက် ကိုယ်တော်သည် မိမိ၏တပည့်တော် ၅၀၀ ကျော်ရို့အား တစ်ပြိုင်နက် ထင်ရှားပြတော်မူ၏။ ထိုသူရို့အထဲမှ အချို့သည် သီလွန်ပြီးဖြစ်သော်လည်း၊ လူအများစုမှာ ယခုတိုင်အောင် အသက်ရှင်လျက် ဟိကြ၏။ 
\v 7 ထို့နောက် ကိုယ်တော်သည် ယာကုပ်အား ထင်ရှားပြတော်မူပြီးမှ တမန်တော်အပေါင်းရို့ကိုလည်း ထင်ရှားပြတော်မူ၏။
\p
\v 8 \x - \xo ၁၅.၈ \xo*\xt တ ၉.၃–၆\xt*\x*နောက်ဆုံး၌ ကိုယ်တော်သည် လမစိ့ဘဲ မွီးသောသူ တစ်ယောက်ကဲ့သို့ ဖြစ်သော ငါ့ကိုလည်း ထင်ရှားပြတော်မူ၏။\f + \fr ၁၅.၈ \fr*\fq လမစိ့ဘဲ မွီးသောသူ၊ \fq*\ft သို့မဟုတ် \ft*\fqa မှားသောအချိန်၌ မွီးသောသူ။\fqa*\f* 
\v 9 \x - \xo ၁၅.၉ \xo*\xt တ ၈.၃\xt*\x*ငါသည် တမန်တော်ရို့တွင် အငယ်ဆုံးသောသူဖြစ်၏။ ဘုရားသခင်၏ အသင်းတော်ကို နှိပ်စက်ညှည်းဆဲခသောသူ ဖြစ်သောကြောင့် တမန်တော်ဟူ၍ အခေါ်ခံခြင်းငှာ မထိုက်။ 
\v 10 သို့သော် ဘုရားသခင်၏ ကျေးဇူးတော်ကြောင့် ငါဖြစ်သည့်အတိုင်း ငါဖြစ်၏။ ငါ့ကို ကိုယ်တော် ပီးသနားတော်မူသော ကျေးဇူးတော်သည်လည်း အကျိုးမဲ့မဖြစ်။ ငါသည် အခြားသော တမန်တော်ရို့ထက် ပို၍ ကြိုးစားလုပ်ဆောင်၏။ ထိုသို့ လုပ်ဆောင်နိုင်ခြင်းမှာ ငါ၏ တတ်နိုင်မှုကြောင့် မဟုတ်ဘဲ၊ ငါနှင့်အတူ လုပ်ဆောင်သော ဘုရားသခင်၏ ကျေးဇူးတော်ကြောင့်သာ ဖြစ်၏။ 
\v 11 သို့ဖြစ်၍ ငါဖြစ်စီ၊ ထိုသူရို့ဖြစ်စီ ဤအတိုင်း ဟောပြောကြ၏။ သင်ရို့သည်လည်း ဤအတိုင်းပင် ယုံကြည်ကြ၏။
\b
\s ငါရို့ ရှင်ပြန်ထမြောက်ခြင်း
\p
\v 12 ခရစ်တော်သည် သီခြင်းတရားမှ ရှင်ပြန်ထမြောက်တော်မူကြောင်းကို ငါရို့ဟောပြောလျက် ဟိသည်ဖြစ်၍ သင်ရို့ အထဲမှ တချို့သောသူရို့က သီခြင်းတရားမှ ရှင်ပြန်ထမြောက်ခြင်းဟူ၍ မဟိဟု ဇာကြောင့် ပြောဆိုနိန်ကြသနည်း။ 
\v 13 ရှင်ပြန်ထမြောက်ခြင်းမဟိလျှင် ခရစ်တော်သည်လည်း သီခြင်းတရားမှ ရှင်ပြန်ထမြောက်ခမည် မဟုတ်။ 
\v 14 ခရစ်တော်သည် သီခြင်းတရားမှ ထမြောက်တော် မမူခလျှင် ငါရို့၏ဟောပြောခြင်းသည် အကျိုးမဟိ။ ထို့နည်းတူ သင်ရို့၏ယုံကြည်ခြင်းသည်လည်း အကျိုုးမဟိ။ 
\v 15 ထိုမျှမက ငါရို့သည် ဘုရားသခင်၏အကြောင်းကို မှားယွင်းစွာ သက်သီခံသောသူတိသာ ဖြစ်ကြ၏။ ဇာကြောင့်ဆိုသော် ဘုရားသခင်သည် ခရစ်တော်ကို သီလွန်ရာမှ ရှင်ပြန်ထမြောက်စီတော်မူ၏ဟု ငါရို့ သက်သီခံနိန်သောကြောင့် ဖြစ်၏။ သို့သော် သီလွန်သောသူရို့ကို ထမြောက်စီတော်မမူလျှင် ကိုယ်တော်သည် ခရစ်တော်ကို ထမြောက်စီတော်မမူ။ 
\v 16 အကြောင်းမူကား သီလွန်သောသူရို့သည် ရှင်ပြန်ထမြောက်ခြင်းမဟိလျှင် ခရစ်တော်သည်လည်း ထမြောက်တော်မမူ။ 
\v 17 ခရစ်တော်သည် ရှင်ပြန်ထမြောက်တော်မမူလျှင် သင်ရို့၏ယုံကြည်ခြင်းသည် လွဲမှား၍ သင်ရို့သည်လည်း အပြစ်ဒုစရိုက်၌ပင် ဟိနိန်ကတ်သိမ့်၏။ 
\v 18 ခရစ်တော်၌ အိပ်ပျော်သော သူရို့သည်လည်း ဆုံးယှုံးခြင်းသို့သာ ရောက်ကြပေမည်။ 
\v 19 ခရစ်တော်၌ ငါရို့၏မျှော်လင့်ချက်သည် ယခုဘဝအဖို့သာ ဖြစ်လျှင်၊\f + \fr ၁၅.၁၉ \fr*\fq ခရစ်တော်၌ ငါရို့၏မျှော်လင့်ချက်သည် ယခုဘဝအဖို့သာ ဖြစ်လျှင်၊ \fq*\ft သို့မဟုတ် \ft*\fqa ယခုဘဝ၌ ငါရို့မှာဟိသော အရာအားလုံးသည် ခရစ်တော်၌ ငါရို့၏ မျှော်လင့်စရာဖြစ်လျှင်။\fqa*\f* ဤလောက၌ ငါရို့ထက် သနားစရာကောင်းသောသူဟူ၍ မဟိယာ။
\p
\v 20 သို့သော် ခရစ်တော်သည် သီခြင်းတရားမှ အမှန်စင်စစ် ရှင်ပြန်ထမြောက်တော်မူပြီး သီလွန်သောသူရို့၌ အဦးဆုံးသော အသီးဖြစ်တော်မူ၏။ 
\v 21 ဇာကြောင့်ဆိုသော် တစ်ယောက်သောသူအားဖြင့် သီခြင်းတရားသည် ဝင်ရောက်လာသည့်နည်းတူ တစ်ယောက်သောသူအားဖြင့် သီခြင်းတရားမှ ရှင်ပြန်ထမြောက်ခြင်းသည်လည်း ဝင်ရောက်လာ၏။ 
\v 22 အကြောင်းမူကား လူအပေါင်းရို့သည် အာဒံ၌ သီဆုံးကြရ၏။ သို့သော် ခရစ်တော်၌ ထမြောက်ရကြလိမ့်မည်။ 
\v 23 သို့ရာတွင် လူအသီးသီးရို့သည် အစဉ်အတိုင်းဖြင့် ရှင်ပြန်ထမြောက်ရကြမည်။ ခရစ်တော်ကား ဦးစွာ ရှင်ပြန်ထမြောက်တော်မူ၏။ ခရစ်တော်နှင့်ဆိုင်သော သူရို့သည် ကိုယ်တော်ကြွလာတော်မူသောအခါ ရှင်ပြန်ထမြောက်ကြလိမ့်မည်။ 
\v 24 ထို့နောက် ကပ်ကာလ ကုန်ဆုံးချိန် ရောက်လိမ့်မည်။ ထိုအခါ ခရစ်တော်သည် အလုံးစုံသော အုပ်စိုးခြင်းတိ၊ အခွင့်အာဏာတိနှင့် တန်ခိုးအာဏာတိကို ပယ်ဖျက်ပြီးနောက် နိုင်ငံတော်ကို ခမည်းတော်ဘုရားသခင်ထံသို့ ပီးအပ်တော်မူလိမ့်မည်။ 
\v 25 ခရစ်တော်သည် ရန်သူအပေါင်းကို မိမိ၏ခြီဖဝါးအောက်၌ ချထားတော်မူသည်အထိ အုပ်စိုးတော်မူရမည်။ 
\v 26 နောက်ဆုံးရန်သူဖြစ်သော သီမင်းကိုပင် အောင်နိုင်လိမ့်မည်။ 
\v 27 ကျမ်းစာ၌လာသည်ကား “ဘုရားသခင်သည် ခပ်သိမ်းသောအရာများကို ကိုယ်တော်၏ခြီဖဝါးအောက်သို့ ရောက်စီတော်မူ၏” ဟု လာသတည်း။ ထို “ခပ်သိမ်းသောအရာများ” ၌ ဘုရားသခင် မပါကြောင်း ထင်ရှား၏။ ဇာကြောင့်ဆိုသော် ခပ်သိမ်းသောအရာကို ခရစ်တော်၏ ခြီဖဝါးအောက်သို့ ရောက်စီတော်မူသော အသျှင်ကား ဘုရားသခင်ပင် ဖြစ်သောကြောင့်တည်း။ 
\v 28 သို့ရာတွင် ခပ်သိမ်းသောအရာများကို ခရစ်တော်၏ အုပ်စိုးခြင်းအောက်၌ ချထားသောအခါ၊ သားတော်ဖြစ်သော ခရစ်တော်ကိုယ်တိုင်ပင် ခပ်သိမ်းသောအရာကို မိမိခြီဖဝါးတော်အောက်၌ ချထားတော်မူသော ဘုရားသခင်၏ အုပ်စိုးခြင်းကို ခံယူတော်မူလိမ့်မည်။ ထိုအခါ ဘုရားသခင်သည် ခမ်းသိမ်းသောအရာများကို ပြည့်ဝစုံလင်စွာ အုပ်စိုးတော်မူလိမ့်မည်။
\p
\v 29 အဂုတွင် ရှင်ပြန်ထမြောက်ခြင်းမဟိလျှင် သီလွန်သော သူရို့ကိုယ်စား ဗတ္တိဇံမင်္ဂလာကို ခံယူသောသူရို့သည် ဇာကြောင့် ထိုသို့ ပြုကြသနည်း။ သီခြင်းမှ ရှင်ပြန်ထမြောက်ခြင်း လုံးဝမဟိလျှင် သူရို့သည် သီလွန်သောသူရို့၏ကိုယ်စား ဇာကြောင့် ဗတ္တိဇံမင်္ဂလာကို ခံယူကြသနည်း။ 
\v 30 ဇာကြောင့် ငါရို့ကိုယ်တိုင်ပင် ဘေးအန္တရာယ်နှင့် အချိန်တိုင်း ရင်ဆိုင်နိန်ရကြသနည်း။ 
\v 31 ညီအစ်ကိုမောင်နှမရို့၊ ငါသည် နိ့တိုင်း သီခြင်းတရားနှင့် ရင်ဆိုင်နိန်ရသည်ဟု ငါရို့၏အသျှင် ခရစ်တော်ယေသျှု၌ ဟိသော သင်ရို့ကြောင့် ငါသည် အမှန်ပင် ဝါကြွားနိန်၏။ 
\v 32 အကယ်၍ လူ့သဘောဖြင့်ဆိုလျှင် ငါသည် ဧဖက်မြို့တွင် “သားရဲ တိရစ္ဆာန်တိ” နှင့် တိုက်ခိုက်ခသော်လည်း ငါ့အဖို့ ဇာအကျိုး ဟိမည်နည်း။ သီလွန်သောသူရို့သည် ရှင်ပြန်ထမြောက်ခြင်းမဟိလျှင် “နက်ဖြန်နိ့၌ ငါရို့သည် သီဆုံးလားမည်ဖြစ်သောကြောင့် စားကြ၊ သောက်ကြကုန်အံ့။”
\p
\v 33 အလွဲမယူကတ်ကေ့။ “အပေါင်းအသင်း မကောင်းလျှင် ကောင်းသောအကျင့်ပင် ပျက်စီးတတ်၏။” 
\v 34 အမြင်မှန် ရကြလော့။ ဒုစရိုက်အပြစ်ကို မပြုကတ်ကေ့။ အကြောင်းမူကား သင်ရို့ထဲမှ တချို့သောသူရို့သည် ဘုရားသခင်​နှင့်​ပတ်သက်၍ အသိဉာဏ်​ကင်းမဲ့​ကြ​၏။ ဤသို့ ငါဆိုရာ၌ သင်ရို့ကို အရှက်ရစီခြင်းငှာ ဖြစ်၏။
\s ရှင်ပြန်ထမြောက်သော ကိုယ်ခန္ဓာ
\p
\v 35 လူတစ်စုံတစ်ယောက်က “သီလွန်သောသူရို့သည် ဇာပိုင် ထမြောက်ကြမည်နည်း။ ဇာပိုင် ခန္ဓာမျိုးနှင့် ပေါ်လာမည်နည်း” ဟု မိန်းလိမ့်မည်။ 
\v 36 အချင်းလူမိုက်၊ သင်သည် မျိုးစိ့တစ်စိ့ကို မြီ၌ စိုက်ပျိုးသောအခါ ထိုမျိုးစိ့သည် မပျက်စီးဘဲ အပင်မပေါက်တတ်။ 
\v 37 သင်သည် မြီ၌ ဂျုံစပါးမျိုးစိ့ဖြစ်စီ၊ အခြားမျိုးစိ့ တစ်မျိုးမျိုးဖြစ်စီ စိုက်သောအခါ နောင်၌ ဖြစ်လာမည့်အပင်ကို စိုက်သည်မဟုတ်။ အစိ့ကိုသာ စိုက်တတ်၏။ 
\v 38 ဘုရားသခင်သည် အလိုတော်ဟိသည်အတိုင်း ထိုမျိုးစိ့အား ကိုယ်ထည်ကို ပီးတော်မူ၏။ ကိုယ်တော်သည် မျိုးစိ့အသီးသီးအား သင့်လျှော်သော ပင်စည်ကို ပီးတော်မူ၏။
\p
\v 39 သက်ဟိသတ္တဝါအားလုံးရို့၏ အသားသည် တစ်မျိုးတည်းမဟုတ်။ လူ၏အသားသည် တစ်မျိုး၊ တိရစ္ဆာန်ရို့၏ အသားသည်ကား တစ်မျိုး၊ ငှက်တိကား တစ်မျိုး၊ ငါးတိမှာကား တစ်မျိုးဖြစ်၏။
\p
\v 40 ကောင်းကင်နှင့်ဆိုင်သော ခန္ဓာများဟိပြီး မြီကြီးနှင့်ဆိုင်သော ခန္ဓာများလည်း ဟိ၏။ ကောင်းကင်နှင့်ဆိုင်သော ခန္ဓာများ၏ ဂုဏ်အသရေကား တစ်မျိုး၊ မြီကြီးနှင့်ဆိုင်သော ခန္ဓာများ၏ ဂုဏ်အသရေကား တစ်မျိုးပင်ဖြစ်၏။ 
\v 41 နီ၏ဂုဏ်အသရေကား တစ်မျိုး၊ လ၏ဂုဏ်အသရေသည်လည်း တစ်မျိုး၊ ကြယ်တာယာများ၏ ဂုဏ်အသရေသည်လည်း တစ်မျိုးပင်ဖြစ်၏။ ကြယ်တစ်လုံးနှင့် တစ်လုံး၏ ဂုဏ်အသရေသည် မတူကြပေ။
\p
\v 42 ထိုနည်းတူ သီလွန်သောသူရို့၏ ရှင်ပြန်ထမြောက်ခြင်းသည်လည်း ဤအတိုင်းပင်ဖြစ်၏။ ကိုယ်ခန္ဓာသည် မြီကြီး၌ စိုက်ပျိုးခြင်းကို ခံရသောအခါ ပုပ်ပျက်ခြင်းဟိ၏။ ရှင်ပြန်ထမြောက်သောအခါ၌ ပုပ်ပျက်ခြင်းနှင့် ကင်းလွတ်လိမ့်မည်။ 
\v 43 စိုက်ပျိုးခြင်းကို ခံရသောအခါ ဂုဏ်အသရေပျက်၍၊ ရှင်ပြန်ထမြောက်သောအခါ၌ ဂုဏ်အသရေနှင့် ပြည့်စုံလိမ့်မည်။ စိုက်​သော​အ​ခါ အ​စွမ်း​မ​ဟိ။ ထ​မြောက်​သော​အ​ခါ တန်ခိုးနှင့် ပြည့်​စုံ၏။ 
\v 44 စိုက်ပျိုးခြင်းကို ခံရသောအခါ ဇာတိခန္ဓာဖြစ်၏။ ရှင်ပြန်ထမြောက်သောအခါ၌ကား ဝိညာဉ်ခန္ဓာဖြစ်လိမ့်မည်။ ဇာတိခန္ဓာဟိသောကြောင့် ဝိညာဉ်ခန္ဓာလည်းဟိ၏။ 
\v 45 ကျမ်းစာလာသည်ကား “ပထမလူအာဒံသည် အသက်ရှင်သော သတ္တဝါဖြစ်လာ၏” ဟု လာ၏။ နောက်ဆုံးဖြစ်သော အာဒံသည်ကား အသက်ရှင်စီတတ်သော ဝိညာဉ်ဖြစ်၏။ 
\v 46 ဝိညာဉ်ခန္ဓာသည် အယင်ဦးစွာ ဖြစ်လာသည် မဟုတ်။ ဇာတိခန္ဓာဖြစ်ပေါ်ပြီးမှ ဝိညာဉ်ခန္ဓာ ဖြစ်ပေါ်လာ၏။ 
\v 47 ပထမလူအာဒံသည် မြီကြီးမှ ဖန်ဆင်းထားသောသူဖြစ်၏။ ဒုတိယလူမူကား ကောင်းကင်ဘုံမှ လာသောသူဖြစ်၏။ 
\v 48 မြီကြီးသားရို့သည် မြီမှုန့်မှ ဖန်ဆင်းထားသောသူနှင့် တူကြ၏။ ကောင်းကင်ဘုံနှင့်ဆိုင်သော လူရို့သည် ကောင်းကင်ဘုံမှ လာသောသူနှင့် တူကြ၏။ 
\v 49 ငါရို့သည် မြီကြီးမှ ဖန်ဆင်းထားသူ၏ ပုံသဏ္ဌာန်၌ မွီးဖွားသကဲ့သို့ ကောင်းကင်ဘုံမှ ကြွလာတော်မူသော သူ၏ပုံသဏ္ဌာန်၌လည်း မွီးဖွားခြင်းကို ခံရကြလိမ့်မည်။\f + \fr ၁၅.၄၉ \fr*\fq မွီးဖွားခြင်းကို ခံရကြလိမ့်မည်၊ \fq*\ft အချို့သော မူရင်းလက်ရီးမူ ကျမ်းများတွင် \ft*\fqa ငါရို့ မွီးဖွားကြစို့၊ \fqa*\ft ဟူ၍ ပါဟိသည်။\ft*\f*
\p
\v 50 ညီအစ်ကိုမောင်နှမရို့၊ သင်ရို့အား ငါပြောလိုသည်မှာ လူ့အသွီးအသားသည် ဘုရားသခင်၏နိုင်ငံတော်ကို အမွီခံ၍ မရနိုင်။ ပုပ်ပျက်တတ်သော အရာသည်လည်း မပုပ်မပျက်တတ်သော အဖြစ်ကို မခံမယူနိုင်။
\p
\v 51 နားထောင်ကြလော့။ နက်နဲသော အရာကို သင်ရို့အား ငါပြောဦးမည်။ ငါရို့အားလုံးသည် အိပ်ပျော်ကြရမည် မဟုတ်။ 
\v 52 သို့သော် နောက်ဆုံး တံပိုးခရာမှုတ်သောအခါ မျက်စိတစ်မှိတ်လျှပ်တပြတ်၌ ပြောင်းလဲကြမည်။ အကြောင်းမူကား တံပိုးခရာမှုတ်သောအခါ အိပ်ပျော်သောသူရို့သည် ရှင်ပြန်ထမြောက်ကြ၍ သီခြင်းတရားနှင့် အစဉ် ကင်းလွတ်ကြ လိမ့်မည်။ ငါရို့အားလုံးသည်လည်း ပြောင်းလဲကြမည်။ 
\v 53 ဇာကြောင့်ဆိုသော် ပုပ်ပျက်တတ်သောအရာသည် မပုပ်မပျက်နိုင်သည့်အရာသို့ ပြောင်းလဲမည်။ သီဆုံးတတ်သောအရာသည် မသီဆုံးနိုင်သောအဖြစ်သို့ ပြောင်းလဲမည်။ 
\v 54 ပုပ်ပျက်တတ်သောအရာသည် မပုပ်မပျက်နိုင်သော အရာသို့လည်းကောင်း၊ သီတတ်သောအရာသည် မသီနိုင်သော အရာသို့လည်းကောင်း ပြောင်းလဲသောအခါ “သီခြင်းတရားကို ဖျက်ဆီးပစ်ယာ။ သီခြင်းတရားကို အောင်လီယာ” ဟူသော ကျမ်းစကားသည် မှန်ကန်လာပေလိမ့်မည်။
\q1
\v 55 “အို သီမင်း၊ သင်၏အောင်မြင်ခြင်းကား ဇာမှာနည်း။
\q2 အို သီမင်း၊ သင်၏အစွယ်ကား ဇာမှာနည်း။”
\p
\v 56 သီမင်း၏အစွယ်ကား ဒုစရိုက်အပြစ်ဖြစ်၏။ ဒုစရိုက်အပြစ်သည် ပညတ်တရားမှ တန်ခိုးကို ရဟိ၏။ 
\v 57 သို့ရာတွင် ငါရို့၏ အသျှင်ယေသျှုခရစ်တော်အားဖြင့် ငါရို့အား သီခြင်းတရားနှင့် အပြစ်တရားကို အောင်နိုင်ရသောအခွင့်ကို ပီးတော်မူသော ဘုရားသခင်၏ ကျေးဇူးတော်ကို ချီးမွမ်းပါ၏။
\p
\v 58 ထို့ကြောင့် ချစ်သောညီအစ်ကို မောင်နှမရို့၊ သင်ရို့၏ယုံကြည်ခြင်း၌ တည်တံ့ခိုင်ခန့်စွာ ရပ်ကြလော။ သခင်ဘုရား၏ အမှုတော်ကို ဆောင်ရွက်ခြင်းသည် မည်သည့်အခါမျှ အချည်းနှီးမဖြစ်ကြောင်းကို သိမှတ်ကာ အမှုတော်ကို အစဉ်အမြဲ ဆောင်ရွက်ကြလော့။
\c 16
\s ယုံကြည်သူများအဖို့ အလှူငွီ
\p
\v 1 \x - \xo ၁၆.၁ \xo*\xt ရော ၁၅.၂၅,၂၆\xt*\x*ယုဒပြည်၌ဟိသော ဘုရားသခင်၏လူရို့အား ထောက်ပံ့ခြင်းငှာ အလှူငွီများနှင့် ပတ်သက်၍ ဂလာတိပြည်၌ဟိသော အသင်းတော်များကို ငါ မှာထားခသည်အတိုင်း သင်ရို့ ပြုကြလော့။ 
\v 2 ငါ ရောက်လာသောအခါ အလှူငွီကောက်ခံဖို့ မလိုအပ်ရန် တလင်းဂနီနိ့တိုင်း သင်ရို့တစ်ယောက်ချင်းစီ၏ တတ်နိုင်သည့်အလျောက် ကောက်ခံ၍ စုဆောင်းထားကြလော့။ 
\v 3 ငါ ရောက်လာသောအခါ ထိုအလှူငွီကို ယေရုဆလင်မြို့သို့ ယူဆောင်လားစီခြင်းငှာ သင်ရို့ ထောက်ခံထားသော သူရို့ကို စာနှင့်တကွ ငါ စီရွှတ်မည်။ 
\v 4 အကယ်၍ ငါ လားဖို့လိုအပ်လျှင် ထိုသူရို့သည် ငါနှင့်အတူ လိုက်နိုင်ပါ၏။
\s ပေါလု၏အကြံအစည်
\p
\v 5 \x - \xo ၁၆.၅ \xo*\xt တ ၁၉.၂၁\xt*\x*ငါသည် မာကေဒေါနိပြည်လမ်းမှ လားရမည်ဖြစ်၍ ထိုပြည်ကို လွန်လျှင် သင်ရို့ထံသို့ လာမည်။ 
\v 6 ငါသည် သင်ရို့နှင့်အတူ ကာလအတန်ကြာ တည်းနိန်မည်။ ဆောင်းရာသီ တစ်ခုလုံးပင် သင်ရို့နှင့်အတူ နီကောင်းနီပါမည်။ ထို့နောက်မှ ငါ ခရီးပြုလိုရာအရပ်သို့ ပြုနိုင်ရန် သင်ရို့ ကူညီနိုင်ကြလိမ့်မည်။ 
\v 7 ငါသည် သင်ရို့ထံ၌ ခဏတစ်ဖြုတ် တည်းခိုရုံမျှဖြင့် မလာချင်ပါ။ သခင်ဘုရား ခွင့်ပြုတော်မူလျှင် ကာလအတန်ကြာ သင်ရို့နှင့် နီလိုပါ၏။
\p
\v 8 \x - \xo ၁၆.၈,၉ \xo*\xt တ ၁၉.၈–၁၀\xt*\x*ပင်တေကုတ္တေပွဲနိ့အထိ ဧဖက်မြို့၌ ငါတည်းခိုနိန်ပါမည်။ 
\v 9 ထိုမြို့၌ ငါ့ကို ဆန့်ကျင်ဖက်ပြုသောသူတိ ဟိသော်လည်း အကျိုးဟိသောအလုပ်ကို လုပ်ခြင်းငှာ ငါ့အဖို့ လွန်စွာကြီးသော တန်းခါးသည် ဖွင့်လျက်ဟိ၏။
\p
\v 10 \x - \xo ၁၆.၁၀ \xo*\xt ၁ ကော ၄.၁၇\xt*\x*အကယ်၍ သင်ရို့ထံသို့ တိမောသေရောက်လာလျှင် သူသည် စိုးရိမ်ခြင်းမဟိဘဲ သင်ရို့နှင့်အတူ နီထိုင်နိုင်ရန် ဂရုစိုက်ကြလော့။ အကြောင်းမူကား သူသည် ငါ့ကဲ့သို့ပင် သခင်ဘုရား၏ အမှုတော်ဆောင်ဖြစ်ပေ၏။ 
\v 11 သူ့ကို ဇာသူမျှ မလေးမစား မပြုစီကေ့။ သူသည် ငါ့ပါးသို့ ငြိမ်ဝပ်စွာဖြင့် ပြန်လည်ရောက်လာစီခြင်းငှာ ကူညီကြလော့။ အကြောင်းမူကား ငါသည် သူ့အား ယုံကြည်သူ ညီအစ်ကိုများနှင့်အတူ ငါ့ပါးသို့ လာလိမ့်မည်ဟု စောင့်မျှော် နိန်သောကြောင့် ဖြစ်၏။
\p
\v 12 ယခုတွင် ငါရို့ညီ အာပေါလု၏အကြောင်းကို ပြောရမည်ဆိုလျှင်၊ သူသည် အခြားယုံကြည်သူများနှင့်အတူ သင်ရို့ပါးသို့ လားရောက်လည်ပတ်ရန် ငါသည် သူ့အား အထူးပင် အားပီးတိုက်တွန်းပါ၏။ သို့သော် အဂုအခါ သူသည် လာဖို့ရန် ဆန္ဒ အလျင်းမဟိ\f + \fr ၁၆.၁၂ \fr*\fq ဆန္ဒ အလျင်းမဟိ၊ \fq*\ft သို့မဟုတ် \ft*\fqa ဤအရာသည် ဘုရားသခင်၏ အလိုတော် အလျင်း မဟုတ်။\fqa*\f*။ နောက်မှ အခွင့်ကောင်း ကြုံလာသည့်အခါ ရောက်လာပါလိမ့်မည်။
\s နောက်ဆုံး အမှာစကား
\p
\v 13 နိုးနိုးကြားကြားဟိကြလော့၊ ယုံကြည်ခြင်း၌ ခိုင်မာစွာ ရပ်တည်ကြလော့၊ ရဲစွမ်းသတ္တိနှင့်တကွ ခိုင်ခံ့ကြလော့။ 
\v 14 ခပ်သိမ်းသောအမှုများ၌ မေတ္တာနှင့် လုပ်ဆောင်ကြလော့။
\p
\v 15 \x - \xo ၁၆.၁၅ \xo*\xt ၁ ကော ၁.၁၆\xt*\x*သင်ရို့သည် သတေဖန်နှင့် သူ၏အိမ်သူအိမ်သားရို့အကြောင်းကို သိကြ၏။ သူရို့သည် အခါယပြည်၌ အဦးသီးသော ယုံကြည်သူများဖြစ်၍ ဘုရားသခင်၏လူရို့အား အစီခံရန် သူရို့ကိုသူရို့ ဆက်ကပ်ထားသော သူများပင် ဖြစ်ကြ၏။ ငါ၏ ညီအစ်ကိုမောင်နှမရို့၊ 
\v 16 ထိုသို့သောသူရို့၏ ခေါင်းဆောင်မှုကို လည်းကောင်း၊ သူရို့နှင့်အတူ အမှုတော်ဆောင်ရွက်ကြသော သူရို့၏ခေါင်းဆောင်မှုကိုလည်းကောင်း လက်ခံကြရန် သင်ရို့အား ငါ တောင်းပန်ပါ၏။
\p
\v 17 ငါသည် သတေဖန်၊ ဖော်တုနက်နှင့် အခါယကုရို့ ရောက်လာကြသဖြင့် ဝမ်းမြောက်ပါ၏။ သူရို့သည် သင်ရို့၏ကိုယ်စား ငါ့ကို ပြုစုပီးကြ၏။ 
\v 18 သူရို့သည် သင်ရို့၏စိတ်ဝိညာဉ်ကို ရွှင်လန်းစီသကဲ့သို့ ငါ့ကိုလည်း ရွှင်လန်းစီ၏။ ထိုသို့သောသူရို့သည် အသိအမှတ်ပြုခြင်းကို ခံထိုက်ပေ၏။
\p
\v 19 \x - \xo ၁၆.၁၉ \xo*\xt တ ၁၈.၂\xt*\x*အာယှိပြည်မှ အသင်းတော်များသည် သင်ရို့အား နှုတ်ဆက်ကြ၏။ အာကုလ၊ ပြစ်ကိလနှင့် သူရို့အိမ်၌ ဝတ်ပြုကိုးကွယ်ကြသည့် အသင်းဝင်များကလည်း သခင်ဘုရား၏နာမတော်ဖြင့် လိုက်လှဲစွာ နှုတ်ဆက်ကြ၏။ 
\v 20 ဤအရပ်၌ဟိသော ညီအစ်ကိုမောင်နှမ အပေါင်းကလည်း သင်ရို့ကို နှုတ်ဆက်ကြ၏။
\p သင်ရို့ အချင်းချင်းသည်လည်း သန့်ယှင်းသော အနမ်းဖြင့် နှုတ်ဆက်ကြလော့။
\p
\v 21 ငါ ပေါလုသည် ဤနှုတ်ဆက်ခြင်းကို ငါ့လက်ဖြင့် ကိုယ်တိုင် ရီးလိုက်ပါ၏။
\p
\v 22 ဇာသူမဆို သခင်ဘုရားကို မချစ်လျှင် — ကျိန်စာသင့်စီသတည်း။ “မာရားနာထာ” သခင်ဘုရား ကြွလာတော်မူပါ။
\p
\v 23 အသျှင်ယေသျှု၏ ကျေးဇူးတော်သည် သင်ရို့၌ သက်ရောက်ပါစီသတည်း။
\p
\v 24 ငါ၏မေတ္တာသည် ခရစ်တော်ယေသျှု၌ ဟိသော သင်ရို့အားလုံးတွင် တည်ပါစီသတည်း။ အာမင်။