\id MRK - Rohingya Bible
\ide UTF-8
\h Mark
\toc1 Markor Leka Kušir Hóbor
\toc2 Mark
\toc3 Mk
\mt1 Markor leka Kušir hóbor
\c 1
\s Torikotor gusol doya Yahya
\r (Moti 3:1-12; Luk 3:1-18; Yuhunna 1:19-28)
\p
\v 1 Allar Fut, Isa Mosir kušir hóboror babute šuru, 
\v 2 Esaiyah nobir kitabot iyan zendilla leka ase:
\q1 "Sa, ãi tor age ãr hóborguware defeṛair,
\q2 hite tor age zai tolla fõt saf goribo."
\q1
\v 3 "Bošoti sara elehat ek abaze guzori zanai der,
\q1 'Tũwara Mabudor fõt ṭik goro,
\q2 hibar rasta uzu goro.'"
\m
\v 4 He mozin torikotor gusol doya Yahyaye bošoti sara elehat hazir oiye edde guna maf faibolla gunattu mon firaito edde torikotor gusol loito hoiye. 
\v 5 Ehudiya beggullattu edde Zeruzalemor hár kiye niyoliyore hibar hãse giye. Hitara hitarar guna okkolore šikar goijje edde Zordan halot hibattu torikotor gusol loiye. 
\v 6 Yahyaye uṛor kẽšor hoor findito edde kĩyailot ekkan samorar duwali takito, ar hibaye firing edde fahari modu háiyore zibon haṛaiye. 
\v 7 Hibaye endilla hoi tobolig goijje: "Ãi bade en ekzon aiyer ze ãttũwaro šoktiwala, edde ãi niyuriyore hibar zutar fita kúlidibar laikka o ãi no. 
\v 8 Ãi tũwarare fani loi torikotor gusol diyi, kintu hibaye tũwarare he Pak Ruh loi torikotor gusol dibo."
\s Isar torikotor gusol edde dúha
\r (Moti 3:13-17; 4:11; Luk 3:21-22; 4:1-13; Yuhunna 1:32-34)
\p
\v 9 He šomot Isaye Galilor Nasarat farattu aišše, edde Yahyattu Zordan halot torikotor gusol loiye. 
\v 10 Hibaye fanittu uṛer mottor, asman fáṛi bag oiye edde dekedde Pak Ruh hoitoror ḍoilla oi hibar uwore lami aiyer. 
\v 11 Ar behostottu ei hota funa giye: "Tui ãr he adoijja Fut, tor uwore ãi kub kuši."
\p
\v 12 Iyar bade he Ruhuye hibare bošoti sara elehat loigiye, 
\v 13 ar hiba heṛe sališ din aššil edde šoitane dúha diye. Hiba heṛe fahari zanuwar okkolor fũwati aššil, edde hibare firista okkole šeba goijje.
\s Isaye hibar ham šuru goijje
\r (Moti 4:12-17; Luk 4:14-15)
\p
\v 14 Yahyare ziyolot diya oi bade, Isaye Galilot aišše edde Allar kušir hóbor tobolig goijje. 
\v 15 Hibaye hodde: \wj "Ṭaim oiye, Allar raijjo tũwarar hãse aišše.Tũwara mon firo edde ei kušir hóbor biššaš goro."\wj*
\s He foila sahabi okkol
\r (Moti 4:18-22; Luk 5:1-11)
\p
\v 16 Ek bar hibaye Galil doriyar hãsa bai gil, hen šomot hibaye Simon edde hitar bái Anderiyaze doriyat zal feledde deikke, kiyollahoile hitara aššilde zailla. 
\v 17 Isaye hodde, \wj "Aiyo, ãr fisa lo, toi ãi tũwarare manuš doribar zailla banaiyum"\wj* 
\v 18 Hehon hitara hitarar zal okkol felai raki Isar fisa loiye.
\p
\v 19 Toi hentu ar hoddur mummikka zaiyore Sebdeusor futain Yakub edde hitar bái Yuhannare deikke, hitara not boiyore zal baz gorer. 
\v 20 Toi hitarare deki mottor hibaye ḍak diye, ar hitara hitarar baf Sebdeusore muzur okkolor fũwati not diyore bade itara Isar fisa loiye.
\s Isaye Kofornahumot bod ruh dafaiye
\r (Moti 8:14–17; Luk 4:31–41)
\p
\v 21 Tarfore hitara Kofornahumot aišše, toi bade zehon dórmo din oiye, Isaye sinagogot giye edde šikka diye. 
\v 22 Isar šikkat beggune tajjuf oiye, kiyollahoile hibaye alem okkolor ḍoilla gori šikka no de bolke hibaye hitarare kemota loi šikka diye. 
\v 23 Ehon, heṛe hitarar muzolišhanar butore bod ruhuye faiya ekzon manuš aššil. Hite ḍak mari hodde, 
\v 24 "Oh, Nasarator Isa, õne loi ãrar loi ki talukkat? Õne ki ãrare naš goitto aiššo? Ãi zani õne honnuwa, õne to Allar he Pak zon!"
\p
\v 25 Kintu Isaye hitare dõk diyore hodde,\wj "Nizam o, ei manušwar butottu niyoli ai."\wj*
\p
\v 26 Toi he bod ruhuye manušware doro gori musori doijje edde zure guzori hitar butottu niyoli giyegoi. 
\v 27 Ei hanḍo deki beggune tajjuf oiye edde hitara nizor butore howahoi goijje edde hodde, "In ki? Ek noya šikka, kemota loi! Hibaye bod ruh okkolore hokum de, ar hitara hibar hota mane." 
\v 28 Toi hibar babute hóbor beši toratori Galil elehar hár mikka sorai giyegoi.
\p
\v 29 Bade hitara muzolišhanattu niyoli zaigoi mottor, hitara Simon edde Anderiyazor górot giye. Yakub edde Yuhanna o hitarar fũwati aššil. 
\v 30 Heṛe Simonor hori zor biyaram loi bisanat fori taikke. Isa aišše mottor hitara hiyan hibare hoiye. 
\v 31 Toi Isa hibar ḍake zaiyore hibare hate dori tuille, henot hibattu zor sari giyegoi, ar hibaye hitarare mehemandari goijje.
\p
\v 32 Beil ḍufigiyegoi edde hazinna oiye, manušzon okkole har biyaraimma okkolore edde bod ruhuye faiya manuš okkolore Isar hãse ainne. 
\v 33 ar šohor ṭĩya aiyore dorozar munttu dola oiye. 
\v 34 Isaye hár ḍoilla biyaraimma okkolore aram goijje edde bod ruh dafaiye. Kintu hibaye bod ruh okkolore hono hota hoito no de, kiyollahoile hiba Moside hiyan hitara zainto.
\s Isaye duwa gorer edde tobolig gorer
\p
\v 35 Tarforor din binna sore, andar takite Isaye uiṭṭe edde niyoli ekkan nirzon zagat giye, zeṛe hibaye duwa goijje. 
\v 36 Kintu Simon edde hitara Isare tuwaito giye, 
\v 37 toi hitara hibare tuwai faiyore hodde, "Beggune õnor talaš gorer!"
\p
\v 38 Isaye hitarare hodde, \wj "Aiyo, ãra eṛiyar ate hãsor fara okkolot zai, zene ãi heṛe o tobolig gori fari, hiyanolla to ãi aiššiyi."\wj* 
\v 39 Toi hibaye Galilor hár mikka giye, sinagog okkolot šikka diye, edde bod ruh okkolore dafaiye.
\s Ek kurus biyaraimmare Isaye aram goijje
\r (Moti 8:2–4; Luk 5:12–16)
\p
\v 40 Ek kurus biyaraimmaye Isar hãse aiyore hibar sarme fot uite fori foriyad goijje, "Õne issa gorile ãre foriškar gori fariba."
\p
\v 41 Manušwalla Isattu doya oiye, hat barai di hitare suiyore hodde, \wj "Ãi sai, tũi foriškar o!"\wj* 
\v 42 Ar hehon hitattu kurus sari giyegoi edde hite foriškar oiye.
\p
\v 43 Isaye hitare hora gori nišod goijje edde en hoiyore hehon dũrai diye: 
\v 44 \wj "Ei hota honokiyore no hois. Kintu zaiyore dórmiyo alem okkolore dehagoi, ar foriškar oi faijjosde hiyanolla Musar ain mozin kurbani gorgoi. Henot hitarar hãse tui foriškar oiyosde hiyanor forman oibo."\wj*
\p
\v 45 Kintu manušwaye zaiyore hár zagat ei hóbor en bafe sorai diye, ziyanor zoriya Isaye ar hono ekkan šohorot kulasa gori goli no fare, kintu baire nirzon zagat taikke. Tarfore o hár zagattu manuš okkol hibar hãse aišše.
\c 2
\s Ãtur biyaraimma aram oiye
\r (Moti 9:1–8; Luk 5:17–26)
\p
\v 1 Hoekdin bade, Isaye zehon abar Kofornahumot aišše, edde hiba górot asede funa giye. 
\v 2 Toi eto manuš dola oiye, dorozar bare udda ar zaga nu aššil. Hibaye hitarare kalam tobolig goijjede šomot, 
\v 3 ekzon ãtur biyaraimmare loi hoekzon manuš hibar hãse aišše, manušware sairzone boi ainne, 
\v 4 kintu zamila buli hitara hitare Isar hãse loizai no fare, hetolla Isa zeṛe aššil he borabor hitara góror salor uwore uiṭṭe edde ekkan fõt goijje, ar ze bisanar uwore ãtur biyaraimmawa aššil, hiyanor uwore gori hitare nise lamai diye. 
\v 5 Hitarar biššaš dekiyore, Isaye he ãtur manušware hodde, \wj "Fuwa, tor guna okkol maf gora oiye."\wj*
\p
\v 6 Heṛe hoekzon alem boiṛa aššil edde hitara nize nize bafa šuru goijje, 
\v 7 "Ei manušwaye endilla kiyolla hor? Hite kuferi gorer, šude Allah bade ar honokiye guna maf gori di no fare?"
\p
\v 8 Hitara in okkol bafedde Isaye hibar dilor butore hehon buzi faijje, edde hibaye hitarare hodde,\wj "Tũwara dilot hendilla kiyolla sinta goror?\wj* 
\v 9 \wj Ei ãtur biyaraimmare honnan howa asan oibo, 'tor guna maf gora oiye', ne naki 'tui uṭ, tor bisana lo edde aṭ'?\wj* 
\v 10 \wj Kintu duniyait guna maf gori dibar kemota Adomor fuwattu ase, hiyan zene tũwara zani faro."\wj* Hen hoi Isaye he leng manušware hodde, 
\v 11 \wj "Ãi tore hoir, uṭ, bisana tuli loiyore gór zagoi."\wj* 
\v 12 Hetunot hite uṛi hitar bisana tuli loiye edde beggunor sarmottu baire niyoli giyegoi. Henot beggune tajjuf oiye edde hitara Allar tarif goriyore hodde, "Ãra endilla ar hono oktot no deki."
\s Levire Isar fisa loibolla ḍaikke
\r (Moti 9:9–13; Luk 5:27–32)
\p
\v 13 Isaye abar niyoliyore doriyar farot giye, heṛe beši manuš okkol hibar hãse aišše, toi hibaye hitarare šikka diye. 
\v 14 Tarfore hibaye fõt bai zat maze dekedde Alfeyusor fuwa Levi hazna adai gorede zagat boiṛa, Isaye hitare hodde, \wj "Ãr fisa lo"\wj* Toi Leviye uiṭṭe edde hibar fisa loiye.
\p
\v 15 Tarfore Isaye hitar górot gorba giye, ar heṛe bout hazna adaigoroya okkol edde gunagar manuš okkol, Isa edde hibar sahabi okkolor fũwati hánar ṭebilot boišše, kiyollahoile boute aššil zara hibar fisa loil. 
\v 16 Foroši dolor alem okkole zehon Isa hazna adaigoroya edde gunagar manuš okkolor fũwati hána hadde deikke, hitara sahabi okkolore hodde, "Hibaye hazna adaigoroya edde gunagar okkolor fũwati kiyolla hána hár?"
\p
\v 17 Isaye ei hota fuinne edde hitarare hodde, \wj "Araimma mainšottu ḍakṭoror dorhar nai, kintu biyaraimma mainšottu dorhar ase. Ãi forhesgar okkolore no, kintu gunagar okkolore ḍakito aišši."\wj*
\s Ruzar babute šikka
\r (Moti 9:14–17; Luk 5:33–39)
\p
\v 18 Foroši okkole edde Yahyar šagirit okkole ruza rakkil. Toi hoekzone Isar hãse aiyore fusar goijje, "Foroši edde Yahyar šagirit okkole ruza rake, kintu õnor sahabi okkole kiyolla hen no gore?"
\p
\v 19 Isaye hitarare hodde, \wj "Dula fũwati taite kengori dular fũwajja okkole ruza raki faribo? Dula zetodin hitarar fũwati ase, hitara ruza raki no faribo.\wj* 
\v 20 \wj Kintu en šomoi aiyer, zẽtte hitarar hãsottu dulare loi zaiboi, edde toi he dinot hitara ruza rakibo."\wj*
\p
\v 21 \wj "Honokiye furan kurutat noya horor tali no sila. Kiyollahoile, he furan kurutattu noya taligan siri aibo, ar henot hanagan aro ḍõr oibo.\wj* 
\v 22 \wj Ar furan samorar hoillat honokiye tottoza šoraf no ḍale, kiyollahoile ḍalile šorafgune hoillagunore o fuṛaifelaibo, henot šoraf edde hoilla dunigun borbat oi zaiboi. No, tottoza šoraf noya samorar hoillat!"\wj*
\s Isa edde dórmor din
\r (Moti 12:1–14; Luk 6:1–11)
\p
\v 23 Hono ek dórmor din Isaye fõtot hono ek gĩyuketi bai gil, ar hibar sahabi okkole ãṛi zat maze giyũrdanar sora sijje. 
\v 24 Henot Foroši okkole hodde, "So, ain mozin dórmor din zin gora mana hitara hin kiyolla gorer?"
\p
\v 25 Hibaye hitarare hodde: \wj "Daud edde hibar fũwajja okkolottu zehon buk laggil edde haiddor obaf aššil hẽtte hibaye ki goijje, hin tũwara honodin no foro?\wj* 
\v 26 \wj Obiyator ḍõr imam aššilde ṭaimot, hibaye Allar górot goillil edde sarme rakkilde ruṭi háil, zin šude imam okkol sara ar honokiye háibar mana aššil. Hibaye aro hibar sãti okkolore o dil."\wj*
\p
\v 27 Isaye hitarare aro hodde, \wj "Manušolla dórmodin gora oiyede, kintu dórmor dinolla manuš gora no o.\wj* 
\v 28 \wj Hetolla Adomor Fut oilde dórmogóror uwore o malik."\wj*
\c 3
\s Isaye dórmor din aram gore
\p
\v 1 Hiba abar sinagogot góille, ar heṛe ekzon hat mozigiyegoide manuš aššil. 
\v 2 Dórmor din Isaye hitare aram gore ne naki no gore hiyan saibolla hodune hibar uwore bala gori nozor raikke, toi zene hitara hibar berudde hosuri di fare. 
\v 3 He hat mozigiyegoide manušware Isaye hodde, \wj "Uṛi beggunor munttu ai tiya!"\wj* Henot hite uṛi tiyaiye.
\p
\v 4 Toi hibaye hitarare fusar goredde: \wj "Dórmor din ki gora ezajot ase? Bala ham gora ne naki horaf ham gora? Foran basa ne naki foran dongšo gora?"\wj* Kintu hitara nizam mari taikke.
\p
\v 5 Isaye hitarar sairo mikka gušša gori saiye edde hitarar dil dorode dekiyore hibar dilor beši murot ferešan oiye, edde manušware hodde, \wj "Tor hattan mum mikka ṭan."\wj* Hite hen goijjebar hitar hattan ekkubare bala oi giyegoi. 
\v 6 Hetunot Foroši okkol baire giye edde Isare kene marifela za he babute Herudor dolor loi felain goijje.
\s Mainšor dol okkole Isar fisa loiye
\r (Moti 4:23-25; Luk 6:17-19)
\p
\v 7 Isaye sahabi okkolore fũwati loi lamat doriyar hãsat giye edde Galilottu ek ḍõr mainšor dole hibar fisa loiye. 
\v 8 Ar Ehudiyattu, Zeruzalemottu edde Idumiyattu, Zordanor dusora farottu edde Tiros edde Sidon elehar sairo mikkar zaga okkolottu beši manuš okkol, hibaye ze hár ham okkol goijje hin funiyore hibar hãse aišše. 
\v 9 Toi hibaye sahabi okkolore hiballa ekkan no ṭik gori rakito hoiye, zene mainše hibare suibolla ṭelaṭeli gori hibar uwore no foregai. 
\v 10 Kiyollahoile hibaye bout manuš okkolore aram goijjil, hetolla biyaraimma okkole hibare suibolla mummikka ṭelaṭeli goijje. 
\v 11 Napak ruh okkole zẽtte hibare dekito, hibar sarme meṛi uite fori guzori hoito, "Õne Allar Fut." 
\v 12 Kintu hibaye hitarare kub hora gori hokum dito, zene hiba honnuwa hiyan hitara honokiyore no ho.
\s Isaye he barozonore asab oibolla basona goijje
\r (Moti 10:1-4; Luk 6:12-16)
\p
\v 13 Tarfore hiba faharot uiṭṭegoi edde nizor issaye kissu manušore ḍaikke. Ar hitara hibar hãse giye. 
\v 14 Hibaye barozonore asab basona goijje zene hitara hibar fũwati fũwati take edde hibaye hitarare toboligot defeṛai fare, 
\v 15 edde bod ruh dafaibolla šokti fa. 
\v 16 Ze barozonore basi loiye hitara oilde:
\li1 Simon (Zare hibaye Fitor nam diye.)
\li1
\v 17 Sebudiyusor dui fuwa Yakub edde Yuhanna, (ar ei duizonore hibaye nam diye Buwanerges, zar mani ṭaṛalor futain)
\li1
\v 18 Anderiyaz,
\li1 Filip,
\li1 Bartolomeus,
\li1 Moti,
\li1 Tomas,
\li1 Alfeyusor fuwa Yakub,
\li1 Táddeyus,
\li1 Simon Zelot,
\li1
\v 19 Edde Ehudah Iskariyot, ze Isa loi beimani goijje.
\s Isa Mosi edde butor raza
\r (Moti 12:22-32; Luk 11:14-23)
\p
\v 20 Tarfore zehon hiba górot aišše, abar manuš okkol dola oiye, hetolla hiba edde hibar sahabi okkole kissu hái no fare. 
\v 21 Isar nizor manuš okkole ei hóbor faiyore hibare henttu niyolai loi aišše. Hitara hodde, "Iba fool oigiyegoi."
\p
\v 22 Zeruzalemottu aiššede alem okkole hodde, "Hitar butore Belsebul ase! Butor raza Belsebulor modote ite but bair gore."
\p
\v 23 Toi Isaye hitarare hibar hãse ḍaikke edde hitarare mesal kahani okkol loi hota hoiye: \wj "Šoitane kengori Šoitanore dafai faribo?\wj* 
\v 24 \wj Zodi raijjo ekkan nizor butore bag o, hiyan ṭiki tai no fare.\wj* 
\v 25 \wj Abar, zodi ekkan gór nizor butore bag o, toile he górgan o ṭiki tai no fare.\wj* 
\v 26 \wj Ar ehon, zodi šoitane hitar nizor berudde tiya edde hitar nizor butore bag o, toile hite ṭiki tai no faribo. Hite heddurot šeš.\wj* 
\v 27 \wj Kintu honokiye bolwala mainšor górot goli hitar dón šombotti luṭ gori no faribo, age zodi hite he bolwala manušware bandi no fele. Zodi bande, toi hitar górgan luṭ gori faribo.\wj* 
\v 28 \wj Ãi tũwarare soiyi hoir, mainšor hár ḍoilla guna edde kuferi maf gora oibo,\wj* 
\v 29 \wj kintu ze honokiye Pak Ruhor berudde kuferi gore, hitarare hono din maf gora no oibo, bolke hite azibon gunar dai tai zaiboi."\wj*
\p
\v 30 "Hibar butore ek napak ruh ase" hitara hen hoilde hetolla hibaye ei hota hoiyede.
\s Isar ma báiboinain hontara?
\r (Moti 12:46-50; Luk 8:19-21)
\p
\v 31 Tarfore hibar ma edde báiboinain okkol aišše. Hitara baire tiyai taki Isare aibolla hóbor defeṛaiye. 
\v 32 Isar sairo ḍakottu hẽtte ek ḍõr mainšor dol boiṛa aššil. Hitara hodde, "Õnor ma báiboinain okkol baire, edde õnor talaš gorer."
\p
\v 33 Isaye hodde, \wj "Ãr ma, báiboinain hontara?"\wj*
\p
\v 34 Zara hibar sairo ḍakottu boišše, hitarar uzu saiyore hodde,\wj "So, itara oilde ãr ma, báiboinain okkol!\wj* 
\v 35 \wj Kiyollahoile ze honokiye Allar issa falon gore, hitara oilde ãr bái, boin edde ma."\wj*
\c 4
\s Ekzon sašar mesal kahani
\r (Moti 13:1–23; Luk 8:4–15)
\p
\v 1 Isaye abar lamat doriyar hãsat manuš okkolore šikka diya šuru goijje. Hibar sairo ḍakottu eto beši ḍõr ek mainšor dol zoma oiye, hibaye halot ekkan not zai boiššegoi, ar manuš okkol doriyar farot tiyai aššil.
\p
\v 2 Hibaye mesal kahanir duwara bout kissur babute šikka diye edde hinor butore hibaye hodde, 
\v 3 \wj "Funo! Ekzon sašaye bizor dana šiṛibolla giye.\wj* 
\v 4 \wj Biz šiṛibar šomot, hodun biz fõtor kinare foijje, ar hin faik okkole aiyore háifelaiye.\wj* 
\v 5 \wj Ar hodun biz šil meṛir uwore foijje, zeṛe beši meṛi nuaššil. Meṛi mur nuaššil boli hin toratori fuṛi uiṭṭe.\wj* 
\v 6 \wj Kintu beil zehon uiṭṭe, hin hiṛa oigiyegoi edde šiyõr no takonor zoriya fuwai giyegoi.\wj* 
\v 7 \wj Abar hodun biz keṛarzaliwala zagat foijje, keṛarzali bari uiṭṭe, hinore sibi dori raikke, hetolla hinot gula no dore.\wj* 
\v 8 \wj Kintu abar hodun biz bala zobinot foijje edde fuṛi uiṭṭe edde gula doijje, kissuye ekšot gun, kissuye haiṭ gun, ar kissuye tiriš gun."\wj*
\p
\v 9 Toi hibaye hodde, \wj "Zattu funibar han ase hite funok!"\wj*
\p
\v 10 Hiba zẽtte ekela oiye, he barozon asab edde aro zara fũwati aššil hitara he mesal kahaniganor babute hibattu fusar goijje. 
\v 11 Isaye hitarare hodde, \wj "Allar raijjor gufon soiyi tũwarare zanibolla šuzug diya oiye. Kintu zara baire ase hitaralla hár kissu mesal kahanir duwara howa oiye, \wj* 
\v 12 \wj toi zene,\wj*
\q1 \wj "'hitara sa kintu no deke,\wj*
\q2 \wj ar fune kintu no buze.\wj*
\q1 \wj Ar no oile hitara Allar mikka firito edde maf gori diya oito.'"\wj*
\p
\v 13 Tarfore Isaye hodde, \wj "Tũwara zehon ei mesal kahanigan no buzor, toile kengori oinno mesalgunor mani buziba?\wj* 
\v 14 \wj Sašaye šittede hin Allar kalam.\wj* 
\v 15 \wj Fõtor kinarorgun oilde endilla manuš, zara kalam heṛe šiṭṭe, kintu zehon hin fuinna oiye, toi hehon šoitan aiyore hitarar butore ziyan šittil hiyan tuli loi zagoi.\wj* 
\v 16 \wj Hendilla ekkui bafe zin šil meṛiwala zagat šiṛa oiye, hitara oilde hitara, zitara kalam fune edde toratori kuši mone hin gose.\wj* 
\v 17 \wj Kintu hitarar butore šiyõr bala gori no boiye, hitara olfo dinolla tim take. Bade kalamolla boli zehon zulum aiye hetunot hitara fissa fori zagoi.\wj* 
\v 18 \wj Abar zin keṛar zaliwalat šiṛa oiye, itara oilde hitara, zara kalam fune,\wj* 
\v 19 \wj kintu duniyaibi šongšari sinta bafona, dón šombottir maya edde aro oinno hár ziniš okkolor lalsi aiyore he kalamore sibi dore, hetolla hibat hono gula no dore.\wj* 
\v 20 \wj Kintu zin bala zobinot šiṛa oiye, hitara oilde hitara, zara kalam fune edde hin gose, ar tirišgun, haiṭgun ar kissuye ek šotgun gula dora." \wj*
\s Boiṛonir uwore serag
\r (Luk 8:16–18)
\p
\v 21 Isaye aro hodde,\wj "Ekzon zẽtte serag loi butore aiye, hiyan ki ugguwa laiyor nise otóba haṭor tole rake? Hiyan ki boiṛonir uwore no rakibo ne?\wj* 
\v 22 \wj Kiyollahoile hono kissu lukaiya nai, zin forhaš no oi no takibo. Abar hono kissu gufon no takibo, kiyollahoile heṛe fohor aibo.\wj* 
\v 23 \wj Zodi honokiyottu funibolla han take, toile hite funok!"\wj*
\p
\v 24 Toi Isaye hodde, \wj "Tũwara zin funor he babute diyan do! Zendilla mafoni loi tũwara mafo, tũwaralla o hendilla gori mafa oibo, bolke aro beši tũwarare diya oibo.\wj* 
\v 25 \wj Kiyollahoile zattu ase, hitare aro diya oibo, kintu zattu nai, hitattu zin ase hin o loifela oibo."\wj*
\s Bizor mesal kahani
\p
\v 26 Hibaye aro hodde,\wj "Allar raijjo oilde endilla. Ekzon manuše zobinot biz šiṭṭe.\wj* 
\v 27 \wj Bade hite gum zar edde gumottu uṛer, rait or edde din or, eṛe bizottu šem fuṛer edde bari uṛer, kintu hin kengori or hin hite hoi no fare.\wj* 
\v 28 \wj Onegane zobinottu fodai gorer, foila sara, tarfore túr, bade túrottu sórat maze furafuri fõna dana.\wj* 
\v 29 \wj Dana zehon faikke, hite hinot haši golai de, kiyollahoile hin daibar ṭaim oiye."\wj*
\s Horoir danar mesal kahani
\r (Moti 13:31–32; Luk 13:18–19)
\p
\v 30 Abar hibaye hodde,\wj "Ãra ki loi Allar raijjor tulona goriyum? Hon mesal kahani hoiyore hiyan buzaiyum?\wj* 
\v 31 \wj Hiyan uggwa horoir danar ḍoilla, ziba šiṛibar šomot duniyair hár dana okkolottuwaro šoṛo,\wj* 
\v 32 \wj kintu hiba zehon laga o, hiba bari uṛe edde ketor hár sara okkolottuwaro ḍõr o edde en ḍõr ḍõr ḍeila okkol fuṛe, asmanor faik okkole hibar sabar tole baha bande."\wj*
\p
\v 33 Endilla aro bout mesal kahani okkol loi hibaye hitarar buz mozin hitare kalam hoito. 
\v 34 Mesal kahani sara hibaye hitarare hono kissu no hoito, kintu zẽtte hibar nizor sahabi okkol loi ekela oito, hẽtte hibaye beggun hitarare buzai dito.
\s Isaye tuwan tamaiye
\r (Moti 8:23–27; Luk 8:22–25)
\p
\v 35 He din zẽtte hazinna oiye, hibaye sahabi okkolore hodde, \wj "Solo, ãra doriyar ofarot zai." \wj*
\p
\v 36 Hetunot mainšor dolore fissa felai rakiyore hitara Isa ze not boišše hiyanot gori loiye, aro dusora no okkol o hibar fũwati aššil. 
\v 37 Bade kub beši bári ek tuwan uiṭṭe edde goiror fani nor butore foijje, toi nogan faniye furaiya owa šuru goijje. 
\v 38 Hẽtte Isa nor fis mikka balušor uwore gum giye. Hitara hibare ḍaki diyore hodde, "Ustad, ãra ḍufi zairgoide ki õne kiyal no goror ne?"
\p
\v 39 Toi hiba uiṭṭe, boyarore dõk diye edde doriyare hodde,\wj "Nizam, šanti o."\wj* Henot boyar tamigiyegoi edde hár kissu hehon nizam oigiyegoi.
\p
\v 40 Hibaye sahabi okkolore hodde, \wj "Tũwara eto ḍoror kiyolla? Tũwarattu ehon o biššaš no o neki?"\wj*
\p
\v 41 Toi hitara beša beši ḍoraiye edde ekzonore ekzone hodde, "Iba honnuwa? Boyar edde doriyar goire udda hibare mane!"
\c 5
\s Hoboror gãtor manušwa
\r (Moti 8:28–34; Luk 8:26–39)
\p
\v 1 Tarfore hitara doriyar dusora farot Geraseni okkolor dešot aišše. 
\v 2 Isaye nottu laimme mottor, napak ruhuye faiya ekzon manuš hoboror gãtottu niyoliyore hibar muntu aiššiye. 
\v 3 Ei manušwa hoboror gãt okkolot takito edde hitare honokiye bandi raki no farito, enki siyol loi udda no. 
\v 4 Kiyollahoile hitar hãt ṭeng hamiša beri edde siyol loi bandi raka oito, kintu hite siyol sirifelaito edde ṭengor beri bangi ṭura ṭura gorifelaito. Hitare honokiye samali no farito. 
\v 5 Hite dine raite hoboror gãt okkolot edde faharot guzori guri beraito edde fattor diyore nize nizor ga haṛito.
\p
\v 6 Isare durottu dekiyore hite dũri aišše edde hibar fõt uite foijje 
\v 7 edde guzori hodde, "Oh beši ḍõr šoktiwala Allar Fut, Isa, ãr loi õnor ki tallukat? Allar name duhai, õne ãre zala zontrona no diyo." 
\v 8 Ei hota hoiyede moksud oilde Isaye hitare hoiye, \wj "Tui napak ruh, ei manušwar butottu niyoli ai."\wj*
\p
\v 9 Tarfore Isaye hitare fusar goijje, \wj "Tor nam ki?"\wj*
\p Hite hodde, "Ãr nam Bahini, kiyollahoile ãra beši." 
\v 10 Toi he elehattu hitarare niyolai no dibolla hite bar bar fori dori Isar hãse foriyad goijje.
\p
\v 11 Heṛe faharor hãsat ḍõr ek šuworor zak soredde aššil. 
\v 12 Ar he napak ruh okkole fori dori foriyad gorilo, "Ãrare oi šuworgunor butore defeṛo, toi zene ãra hin okkolor butore goli fari." 
\v 13 Hibaye hitarare ezajot diye edde napak ruh okkol niyoli aiyore šuworgunor butore góille. Toi he šuworor zak, homsehom dui hazar oibo, hin okkol zure dũri faharor haindat giye edde doriyat fori fanit dufi moijje.
\p
\v 14 Šuwor soroya okkole hentu dai giyegoi edde farat edde heṛiyar ato hãse sairo mikka ei hóbor hoiyegoi, toi manuš okkole ki goṭṭil hin saito aišše. 
\v 15 Hitara zẽtte Isar hãse aišše, dekedde oi napak ruhuye failde manušwa hor findi šuida oi boi roiye, henot hitarattu ḍore doijje. 
\v 16 Zara ei goṭonagan dekkil, hitara he napak ruhuye failde manušwar edde šuworgunor ki halot oiye he babute mainšore zanaiye. 
\v 17 Henot manuš okkole Isare fori dori hoiye zene hiba hitarar eleha sari zagoi.
\p
\v 18 Toi Isa not giye, ar napak ruhuye failde manušwaye hibar fũwati zaibolla foriyad goijje. 
\v 19 Kintu Isaye hitare ezajot no de edde en hoiye, \wj "Tui tor góror nizor mainšor heṛe firizagoi edde tolla Mabude ze ham goijje edde tor uwore hoto doya dehaiye hin beggun hitarare hogoi."\wj* 
\v 20 Toi hite hentu giyegoi edde Isaye hitalla zin goijje hin beggun Dekapolis elehat howa šuru goijje. Henot manuš okkol tajjuf oiye.
\s Zairusor zi edde ze mayafuwaye Isar hor suiye
\r (Moti 9:18–26; Luk 8:40–56)
\p
\v 21 Isaye zẽtte abar no loi doriyar dusora farot gil, hẽtte hibar sairo ḍakottu ek mainšor ḍõr dol dola oil. Hiba hehon o doriyar farot, 
\v 22 hen šomot Zairus name ekzon muzolišhanar neta heṛe aišše. Hite Isare dekiyore hibar ṭengot uite foijje. 
\v 23 edde fori dori foriyad goijje, "Ãr zi morar fõtot, õne aiyore hibar uwore hat rakogai toi hiba aram oi faribo edde basibo." 
\v 24 Toi Isa hitar fũwati giye.
\p Ar ek ḍõr mainšor dol o fise fise gil edde hibar sairo ḍakottu ṭelaṭeli goijjil. 
\v 25 Heṛe butore ekzon beṛi maya fuwa aššil ze baro bosorfan kunzari loi duk fat ase. 
\v 26 Bout ḍakṭor okkolor hatot hibaye bout hošṭo faiye. Ar hibattu ze kissu aššil hin beggun horos gori felaiye bade o hono kissu no o, aram oibar bodole aro beši oigiyegoi. 
\v 27 Hibaye Isar babute fuinne edde he mainšor dolor butore hibar fisottu aiyore hibar saddorgan suiye. 
\v 28 Kiyollahoile hibaye baffil, "Zodi ãi šude hibar hor sui fari, toile ãi aram oi zaiyumboi." 
\v 29 Ar hehon hibar kunzari bondo oiye edde hibaye hibar gar butore buzi faijje ze hiba aram oiye.
\p
\v 30 Isaye hetunot buzi faijje ze hibar butottu šokti giye, hetolla hibaye mainšor dolor uzu saiyore hodde, \wj "Ãr hor hone suiye?"\wj*
\p
\v 31 Sahabi okkole hodde, "Õne dekor, õnore loi mainše kengori ṭelaṭeli gorer, ar tarfore o õne hoor, õnore hone suiye!"
\p
\v 32 Kintu ei ham hone goijje hiyan saibolla Isaye sairo mikka saiye. 
\v 33 Mayafuwawattu ken oiye buzi fariyore, hibaye ḍore hafi hafi Isar sarme uite foijje edde hibaye hár goṭonare hibare zanaiye. 
\v 34 Isaye hibare hodde: \wj "Oh zi, tor biššaše tore bala goijje, šantiye zagoi, tor ei duk bug gorodde hentu tui azad"\wj*
\p
\v 35 Isa ehon o hota howat ase, hen šomot muzolišhanar netar górottu manuš aiyore hodde, "Tũwar zi mori giyoi. Ustadore loi aro kiyolla diddari gora forer?"
\p
\v 36 Hitarar hota funiyore Isaye muzolišhanar netaware hodde, \wj "No ḍorais, šude biššaš gor."\wj*
\p
\v 37 Ehon, hibaye Fitor, Yakub edde Yakubor bái Yuhanna, hitarare bade ar honokiyore fũwati zaito no de. 
\v 38 Bade hitara zehon muzolišhanar netar górot aišše heṛe dekedde uzora uzori oiye, edde manuš okkole handa haṛi gorer edde bilag gorer. 
\v 39 Isaye butore zai mainšore hodde,\wj "Tũwara uzora uzori edde handa haṛi kiyolla goror? Hiba no more, gum zadde."\wj*
\p
\v 40 Hitara hibar hotat hãšše.
\p Toi hibaye beggunore góttu bare niyolai diye. He zerfuwar ma bab edde hibar sãti okkolore loiyore zerfuwawa zeṛe aššil heṛe butore góille. 
\v 41 Tarfore hibaye zerfuwaware hate doriyore hodde, \wj "Talita Kumi!"\wj*ziyanor mani \wj "Gura zi, tore hoir, uṭ!"\wj* 
\v 42 Ar hehon zerfuwawa uṛi tiyaiye edde aṛi bera šuru goijje. (Hibar boyoš aššilde baro bosor.) Ar hitara beggune kub beši ammuwak oiye. 
\v 43 Kintu hibaye hora gori hokum diye zene ei babute honokiye no zane edde zerfuwaware hono kissu haito dibolla hoiye.
\c 6
\s Nobi okkole nizor fara bade beggulla ijjot fa
\r (Moti 13:53–58; Luk 4:16–30)
\p
\v 1 Hiba henttu giyegoi edde nizor farat aišše, ar sahabi okkol o hibar fũwati aššil. 
\v 2 Dórmor din zehon aišše, hibaye sinagogot šikka diya šuru goijje. Bout kiye zara hibar hota fuinne, hitara tajjuf oiye.
\p Ar hodde, "Ei manušwaye in honttu faiye? Ei giyan in hibare diyede hiba honnuwa? Abar hibaye keramoti ham o gorer? 
\v 3 Iba ki gas mistiri no neki? Iba ki Moriyamor fuwa no neki? Yakub, Yusuf, Ehudah edde Simonor bái no neki? Hitar boinain okkol ki eṛe ãrar fũwati no take?" Ar endilla gori Isare loi mainšor dilot šondo aišše.
\p
\v 4 Hetunot Isaye hitarare hodde, \wj "Ekzon nobiye šude nizor farat, nizor egena edde nizor gór bade ar hár zagat ijjot fa."\wj* 
\v 5 Hiballa heṛe hono ḍõr keramoti ham gora šombob no o, šude hoekzon ošuikka manušor uwore hibaye hat raikke edde hitarare aram goijje. 
\v 6 Hitarattu biššaš naide dekiyore hibaye ammuwak oiye.
\s Asab okkolore tobolig goitto defeṛar
\r (Moti 10:1,9–15; Luk 9:1–6)
\p Tarfore Isaye sairo mikkar fara fara zai manuš okkolore šikka diya šuru goijje. 
\v 7 Hibaye he barozon asabore hibar hãse ḍaikke edde duizon duizon gori faṭai diye, hibaye hitarare napak ruhor uwore kemota diye.
\p
\v 8 In oilde hokum okkol: \wj "Baisar fõtolla šude ugguwa laṛi bade, ruṭi, gaṭṭi, zalit rufar foiša, hono kissu no loiyo.\wj* 
\v 9 \wj Ṭengor šendal loiba, kintu ugguwa bazuttuwaro beši no.\wj* 
\v 10 \wj Tũwara zẽtte ekkan górot goliba, he fara sari no zogoi foijjonto he górot taikko.\wj* 
\v 11 \wj Ar hono zagat zodi hitara tũwarare no gose edde tũwarar hota no fune, toile he zagattu zaibar šomot ṭengor tolar dúil udda zari felaiyo zene hiyan hitarar berudde goba o."\wj*
\p
\v 12 Toi hitara giye edde manuš okkolor hãse hitara gunattu mon firaibar babute tobolig goijje. 
\v 13 Hitara bout napak ruh dafaiye edde bout ošuikka manuš okkolor matat tel diye, hitarare aram goijje.
\s Herud edde torikotor gusoldoya Yahya
\r (Moti 14:1–12; Luk 9:7–9; Luk 3:19–20)
\p
\v 14 Isar bala nam ehon zana zani oigiyegoi boli badša Herude hibar babute fuinne. Kiye kiye hodde, "Torikotor gusoldoya Yahya mora okkolor butottu uwafes zinda uiṭṭe, hetolla hibar butore keramoti šoktiye ham goredde."
\p
\v 15 Ar kiye hodde, "Hiba Eliyas"
\p Ar kiye hodde, "Bout agor nobi okkolor ḍoil hiba o ekzon nobi."
\p
\v 16 Kintu Herude zẽtte fuinne, hite hodde, "Hiba he Yahya, zar ãi holla loilam, hiba morattu zinda uṛi giyegoide!"
\p
\v 17 Kiyollahoile ei Herud, zibaye nize Yahyare dori anibolla manuš defeṛail edde hibare bandiyore ziyolot felai rakkil. Hite iyan goijjilde oilde Herudiya, ziba aššil Herudor bái Filipor biyata bou, zibare abar Herude biya goijjil. 
\v 18 Hiyanor zoriya Yahyaye hitare hoil, "Tor bái bouwore tui biya gora hiyan tolla ain mozin no o." 
\v 19 Hetolla Herudiyattu Yahyar uwore beši rag taigilgoi edde hibare marifelaito sail, kintu hibaye he mozin gori no fajjil. 
\v 20 Kiyollahoile Herude Yahya ekzon forhesgar edde Paki manušde hiyanolla boli hibare ijjot goitto edde hibare rokka goitto. Herude zẽtte Yahyar hotabatra funito, hẽtte hitar dilot beši goṭboṭ oi zaitoi, tarfore o kintu hite hibar hota funito.
\p
\v 21 Šeše ek šuzug faiye. Herude hitar zormo dinor din hitar usol tokkar ofisar okkol, meliṭari komanḍar okkol edde Galilor zimmadar manuš okkol, itarare ugguwa hána diye. 
\v 22 Herudiyar zi aiyore naisse. Herud edde hitar meheman okkolore hibaye eto kuši goijje.
\p Hetunot badšaye hodde, "Tui zin sos ãi tore hin diyum?" 
\v 23 Ar hite ziyore hosom haiyore wada goijje "Tui zin sos, ãi tore diyum, enki ãr raijjo oddok udda."
\p
\v 24 Ziye zaiyore hibar mare hodde, "Ãi ki saiyum?"
\p Hibaye zuwabe hodde, "Torikotor gusoldoya Yahyar matawa."
\p
\v 25 Zerfuwaye hehon zaiyore badšare hodde, "Ekkan talot gori ãi torikotor gusoldoya Yahyar matawa ehon sai."
\p
\v 26 Ei hota funi badša beši ferešan oiye, kintu meheman okkolor muntu hosom háiye boli ziyor hotare no fela. 
\v 27 Toi badšaye hehon ekzon zollatore Yahyar matawa anibolla hokum loi defeṛaiye. Toi hite ziyolhanat zaiyore Yahyar mata haṛi loiyore, 
\v 28 ekkan talot gori loi aišše edde hiba zerfuwaware diye, bade hibaye mataware hibar mare diye.
\p
\v 29 Ei hóbor hibar šagirit okkole funiyore hitar aišše edde hibar lašwa loizai ek hoborot raikkegoi.
\s Isaye fãs hazar manušore hána diye
\r (Moti 14:13–21; Luk 9:10–17; Yuhunna 6:1–13)
\p
\v 30 Asab okkol abar Isar hãse ekotro oiye edde hitara ki ki goijje hin edde manuš okkolore zin zin šikka diye hin beggunor babute hibare zanaiye. 
\v 31 Toi, hibaye hitarare hodde, \wj "Ãr fũwati ekkan nirzon zagat aiyo zeṛe ãra alok oi faijjum edde ekka aram gorogai"\wj* Kiyollahoile heṛe beša beši manuš okkol aza goijjil boli hitara hána háibar ṭaim udda no fail.
\p
\v 32 Hitara not gori ekkan nirzon zagat giye. 
\v 33 Kintu bout kiye hitara zadde dekiyore hitarare sini faijje, ar hár fara okkolottu manuš dũri age zai heṛe hazir oiyegoi. 
\v 34 Isaye nottu zehon laimme ek ḍõr mainšor dol dekilo. Hibattu hitarar uwore beši maya oiye, kiyollahoile hitara soroya sara soolor ḍoil oiye. Toi hibaye hitarare bout kissur babute šikka diya šuru goijje.
\p
\v 35 Zehon din šeš oi aiššil, hetunot sahabi okkole Isar hãse aiyore hodde, "Zagagan nirzon zaga, ar din o giyegoi. 
\v 36 Itarare bidai gori do, zene itara ãte hasor zaga edde fara okkolot zai hána kini loi hái fare."
\p
\v 37 Kintu hibaye zuwabe hitarare hodde, \wj "Tũwara hitarare hána do na"\wj*
\p Hitara hodde, "Ãra ki zai dui šot dinaror ruṭi kini aniyore hitarare háito ditam neki?"
\p
\v 38 Hibaye hitarare hodde, \wj "Tũwarattu ruṭi howa ase, zo sogoi."\wj*
\p Toi hitara zai sai aiyore hodde, "Fãssuwa ruṭi edde duwa mas."
\p
\v 39 Toi hibaye hitara beggunore gurup gurup gori hail keror uwore buwai dibolla hitarare hokum diye. 
\v 40 Manuš okkole laine laine ek šot ek šot, ar kiye fõnzašzon fõnzašzon gori boigiyegoi. 
\v 41 Toi hibaye fãswa ruṭi edde duwa mas loiyore asmanor mikka suk tui šukurana duwa zanaiye, ar ruṭigunore ṭura ṭura gori sahabi okkolor hãtot diye, zene hitara manuš okkolore hin baṛi di fare. Hendilla gori he mas duniware o hibaye bag gori diye, hitara beggunor maze baṛi dibolla. 
\v 42 Hitara beggune feṭbori háiye. 
\v 43 Tarfore sahabi okkole baro barang banga ruṭi edde mas feṛai loi dola goijje. 
\v 44 Háilde hitarar butore onumanik fãs hazar morodfuwain aššil.
\s Isaye fanir uwottu ãiṭṭe
\r (Moti 14:22–33; Yuhunna 6:16–21)
\p
\v 45 Ar Isaye hehon hibar sahabi okkolore not uiṭṭo hoiye zene hitara hibar agottu zai dusora farot, Betsaidar mikka za, ar eṛe hiba nize manuš okkolore bidai goijje. 
\v 46 Toi manuš okkolottu bidai loi bade hiba munazat goribolla uwore faharot giye.
\p
\v 47 Toi zehon hazinna oiye, nogan doriyar maze aššil, hiba eṛe ekela zobinor kulot tai giyegoi. 
\v 48 Hibaye dekedde hitara beši hošṭo gori dar bar, kiyollahoile bataš hitarar uzan aššil. Dolfohor oibar age hiba doriyar uwottu ãṛiyore hitarar heṛe aišše. Hibaye hitarar ḍak bai zafan goijje. 
\v 49 Kintu hibaye fanir uwottu aṛedde dekiyore hitara but deker boli mone goijje edde kiskisai uiṭṭe, 
\v 50 Kiyollahoile hibare dekiyore beggune ḍoraiye.
\p Isaye hehon hitara loi hota hoiye edde hodde,\wj "Iba ãi, no ḍoraiyo!"\wj* 
\v 51 Toi hiba hitarar not uiṭṭe edde bataš tamigiyegoi, edde hitara beši ammuwak oiye. 
\v 52 Kiyollahoile ruṭir goṭona ziyan goṭṭil hiyan hitara buzi no fare, kiyollahoile hitarar dil doro taki gilgoi.
\p
\v 53 Toi hitara okule zehon faraiyore Gennesaretot tiya goraiye edde nogan bainde. 
\v 54 Hitara nottu laimme mottor, manuš okkole hibare sini faijje. 
\v 55 Edde hitara he elehar butore hár mikka dũra dũri gora šuru goijje edde ošuikka manuš okkolore haiṭṭat gori hiba zeṛe ase boli fuinne heṛe ana šuru goijje. 
\v 56 Ar hiba šohorot, farat otóba geramot, hiba zeṛe giye heṛiyar manuš okkole biyaraimma okkolore aniyore bazaror butore dola goijje, ar hitara hibare foriyad goijje zene hitara šude hibar saddoror hãsagan oile sui fare. Ar zeduggune hiyan suiye, hitara beggune aram oiye.
\c 7
\s Manušor diya ain edde Allar diya ain
\r (Moti 15:1–20)
\p
\v 1 Ar Zeruzalemottu aiššede hoekzon Forošiye edde dormiyo aleme Isa loi dola oiye. 
\v 2 Hitara Isar sahabi hoekzone napaki abostat mani hat no duiyore hána háito boiššede deikke. 
\v 3 Foroši okkole, edde hár Ihudi okkole hitarar furana amolottu loti soli aiyedde niyomore maniyore, hitara hat no duiyore hána no há. 
\v 4 Bazarottu aiyore hitara hat ṭeng no duite kissu no há. Hendilla dusora aro bout kissu hitara falon gorede ase, zenneki fiyala, gora edde tamar gala, haṭ falong, in okkolore dúwa.
\p
\v 5 Toi Foroši okkole edde dormiyo alem okkole hibare suwal goijje: "Furana amolottu loti soli aiyedde niyomore kiyolla tũwar sahabi okkole no maner, kintu hitara aduiya hate ruṭi hár?"
\p
\v 6 Toi hibaye hitarare zuwabe hodde, \wj "Tũwara munafek okkolor babute nobi Esaiyaye ṭik hoi giye, iyan zendilla leka ase: \wj*
\q1 \wj "'Ei zatiye ãre hitarar mukor uwottu šorman gore,\wj*
\q1 \wj kintu hitarar dil ãttu bout dure.\wj*
\q
\v 7 \wj hitara ãre mani sara fũza gore,\wj*
\q2 \wj hitarar šikka okkol mainšor diya ain okkol.'\wj*
\m
\v 8 \wj Allar hokumgunore bad goriyore, tũwara mainšor rosomore falon goror."\wj*
\p
\v 9 Ar hibaye hitarare hodde,\wj "Oi, Allar hokum bad goriyore tũwarar nizor rosom salu rakibolla tũwarattu kub šundojja rasta ase!\wj* 
\v 10 \wj Zendilla Musaye hoiye, 'Ma bafore šorman goro,' ar, 'Ze honokiye nizor baf mare bura hota ho hitare marifela oibo.'\wj* 
\v 11 \wj Kintu tũwara ho, honokiye hitar ma otóba bafore ho, 'ãttu ze ziniš loi tolla modot oito, hin kurban' mani Allar hãse kurbani gora oiye.\wj* 
\v 12 \wj Hen oile, tũwara hitare hitar baf edde malla hono kissu gorattu bad goror.\wj* 
\v 13 \wj Ei bafe tũwara Allar kalamore batil goriyore tũwara ze rosom faiyo hiyanore zari raikko. Aro bout kissu ase tũwara hendilla gorode."\wj*
\p
\v 14 Tarfore Isaye manuš okkolore abar ḍakiyore hodde, \wj "Tũwara beggune ãr hota funo edde buzo!\wj* 
\v 15 \wj En hono kissu nai zin manušor butore zaiyore hitare napak gori fare, bolke zin manušor butottu niyoli aiye hine napak gore.\wj* 
\v 16 \wj Zattu funibar han ase, hite funo!"\wj*
\p
\v 17 Tarfore Isaye mainšor dolore eri górot góille, hetunot hibar sahabi okkole he mesal kahaniganor manir babute fusar goijje. 
\v 18 Isaye hitarare hodde, \wj "Tũwara kissu no buzo? Tũwara buzi no faror ne, hono kissu zin mainšor butore gole hine hitare napak gori no farede?\wj* 
\v 19 \wj Kiyollahoile, hin hitar dilot no gole, kintu feṛot za ar tarfore gar bair oi zagoi."\wj* Ei hota loi Isaye buzai diye ze, hono ḍoilla hána napak nai.
\p
\v 20 Hibaye aro hodde,\wj "Mainšor butottu zin niyoli aiye, hine manušore napak gore.\wj* 
\v 21 \wj Kiyollahoile butottu, manušor dilor butottu, he horaf sinta okkol niyoli aiye: Beššagiri, suri, kun,\wj* 
\v 22 \wj zena, lub lalsi, horafi, oinnore hotigora, dúhabazi, bíyaṛa hota, kukiyal, gibod, nizore loi ohonkari gora, bekufai.\wj* 
\v 23 \wj Ei horaf in okkol beggun ekzon manušor dilor butottu niyoli aiye edde hitare napak gore."\wj*
\s Fonikiyar mayafuwar biššaš
\r (Moti 15:21–28)
\p
\v 24 Bade hiba uiṭṭe edde hentu Tiros elehat giye, heṛe hiba ek górot góille. Ar sail hiyan zene honokiye zani no fare, kintu hiba lukai taki no fare. 
\v 25 Ar hehon ek mayafuwa, zattu ek gura zi aiššil edde napak ruhuye fail, Isar babute funiyore aišše edde hibar fõt uite foijje. 
\v 26 He mayafuwawa aššilde Girik zuban hoiya, Siriya-Fonikiyar zormo, toi hibaye Isar hãse foriyad goijje hibaye zene hibar ziyor butottu he napak ruhure bair gori de.
\p
\v 27 Kintu Isaye hibare hodde,\wj "Age futziyainde feṭ bori háok, kiyollahoile futziyaindottu ruṭi loiyore hin kũirore diya hiyan bala no."\wj*
\p
\v 28 Toi hibaye zuwab diye edde hodde, "Oi, Malik, kintu kũir okkole o hánar ṭebilottu futziyaindor hánar guragara zin tole fore hin há."
\p
\v 29 Toi Isaye hodde,\wj "Tui endilla hoiyosde hiyanolla, ãi tore hoir, tui za, tor ziyor butottu napak ruh niyoli giyegoi."\wj*
\p
\v 30 Ar hibaye górot aiyore dekedde, ziwa bisanat neṛi taikke edde napak ruhuye sari giyegoi.
\s Ek nafang edde túta manušore Isaye aram goijje
\p
\v 31 Toi abar, hibaye Tiros eleha sari Sidon šohoror butottu diyore Galil doriyar hãsa hãsi Dekapolis elehar fara okkolot giye. 
\v 32 Heṛe hodun mainše ekzon manušore hibar hãse ainne, ze aššil nafang edde túta, ar hitar uwore hat rakibolla hitara hibar hãse foriyad goijje.
\p
\v 33 Isaye he manušware mainšor dolottu ek ḍaikka loizaiyore hibaye hitar dui hanot õl diye, ar sef loiyore hitar zilot ḍoille. 
\v 34 Tarfore hibaye asmanor mikka saiyore ek ḍor niyaš felaiye edde hitare hodde,\wj "Effata"\wj* mani \wj "kuli zagoi."\wj* 
\v 35 Henot hehon manušwar han kula oigiyegoi edde alazilgan eridiya oigiyegoi, ar hite foriškar gori hota howa šuru goijje.
\p
\v 36 Hibaye hitarare hokum diye zene honokiyore no ho, kintu hibaye zeto no hoito hoiye, heto hitara aro beši gori elan goijje. 
\v 37 Manuš okkole kub beši ammuwak oiye edde tajjuf oiyore hodde, "Hibaye hár ham zin gorer hin bala. Hibaye nafange funefan edde buke hota hoi farefan gorer."
\c 8
\s Sair hazar manušore hána diye
\r (Moti 15:32–39)
\p
\v 1 Ar ek bar hẽtte ek ḍõr mainšor dol dola oiye, edde hitarattu háibolla kissu nu aššil. Toi Isaye sahabi okkolore hibar hãse ḍaikke edde hodde, 
\v 2 \wj "Ei manuš okkololla ãr dilot doya or, kiyollahoile itara aijja tin din dori ãr fũwati ase, ar hitarattu háibolla hono kissu nai.\wj* 
\v 3 \wj Zodi ãi itarare uwašša górot defeṛai toile hitara fõtot bangi fori zaiboi, kiyollahoile eṛe kiye kiye bout durottu aiššede ase."\wj*
\p
\v 4 Sahabi okkole hodde, "Ei nirzon zagat itarare habaibolla edun ruṭi hontu faibo?"
\p
\v 5 Isaye hitarare hodde, \wj "Tũwarar hãse howa ruṭi ase?"\wj*
\p Hitara zuwabe hodde, "Hãttuwa"
\p
\v 6 Toi hibaye manuš okkolore meṛit boibolla hokum diye. Bade he ruṭi hãttuwa loi hibaye Allare šukuriya zanaiye, hinore bangi hibar sahabi okkolore diye zene hitara manuš okkolore baṛi de, ar hitara hinore manuš okkolore baṛi diye. 
\v 7 Hitarattu hougguwa šoṛo mas o aššil. Hibaye hinore loi duwa goijje edde hin o hitarare baṛi dito hoiye. 
\v 8 Ar hitara feṭ bori hái faijje, tarfore ze ṭura okkol fori roiye hin sahabi okkole tuli loiyore hãt barang oiye. 
\v 9 Heṛe onumanik sair hazar manuš aššil. Tarfore hibaye hitarare bidai diye. 
\v 10 Ar hibaye sahabi okkolore loi hehon not giye edde Dalmanuta elehat aišše.
\p
\v 11 Foroši okkole aišše edde Isa loi barabari gora suru goijje. Hibare forikka goribolla hitara hibare behostottu ekkan sinno dehaito hoiye. 
\v 12 Henot hibaye dilor beši murottu dukke hodde, \wj "Ei halor manuš okkole sinno kiyolla tuwa? Ãi tũwarare soiyi hoir, itarare hono sinno deha no oibo."\wj* 
\v 13 Tarfore hibaye hitarare eri zai abar not uṛi dusora farot giye.
\s Išottu hũšiyar
\r (Moti 16:5–12)
\p
\v 14 Kintu sahabi okkolottu ruṭi loite monot nuaššil, hitarattu šude ugguwa ruṭi bade not maze ar hono kissu no aššil. 
\v 15 Hen šomot Isaye hodde, \wj "Tũwara hũšiyar, Foroši edde Herudor išottu šabdan taikko."\wj*
\p
\v 16 Kintu hitara hitara howa hoi goijje: "Ãrattu ruṭi nai boli hibaye ei hota hodde."
\p
\v 17 Isaye hitara ki hodde buzi fariyore hodde,\wj "Tũwarattu ruṭi naide he babute kiyolla howahoi goror? Tũwara ehono buzi no faro ne? Tũwarar dil ki koṭin oigiyegoi neki?\wj* 
\v 18 \wj Tũwarattu suk takiyore o ki deki no faror? Han takiyore o ki funi no faror? Ar tũwarattu monot nai ne? \wj* 
\v 19 \wj Ãi zẽtte fãs hazar manušolla fãswa ruṭi bangilam hẽtte tũwara ho barang ruṭir ṭura feṛai loi dola goijjila?"\wj*
\p Hitara zuwabe hodde, "Baro barang"
\p
\v 20 \wj "Ar ãi zẽtte he sair hazarolla hãttuwa ruṭi bangilam hẽtte tũwara ho barang ruṭir ṭura feṛai loi dola goijjila?"\wj*
\p Hitara hodde "Hãt barang"
\p
\v 21 Hibaye hitarare hodde, \wj "Toile tũwara ehono kissu buzi no faror?"\wj*
\s Betsaidar anda manušwa
\p
\v 22 Bade hitara Betsaidat aišše, heṛe hodun mainše ekzon andare Isar hãse loi aišše, ar he manušware suibolla hibare foriyad goijje. 
\v 23 Isaye he anda manušware hate dori farar baire loigiye. Tarfore hitar sukot sef diye edde hitar uwore hat raikke edde fusar goijje, \wj "Tui ki hono kissu dekor ne?"\wj*
\p
\v 24 Hite saiye edde hodde, "Ãi manušore dekir, hitarare saite gasor ḍoilla, aṛerfan lager."
\p
\v 25 Ar ek bar Isaye he manušwar sukor uwore hat raikke. Toi suk kuligiyegoi, ar hite aram oiye edde beggun foriškar gori deki faijje. 
\v 26 Isaye en hoiyore hitare górot faṭai diye,\wj "Farar butore no zais."\wj*
\s Fitore Mosi šikar gorer
\r (Moti 16:13–20; Luk 9:18–21)
\p
\v 27 Isa edde hibar sahabi okkol Sesariyar Filifir atehasor šohoror okkolot aišše, fõtot hibaye hitarare fusar goredde, \wj "Ãi honnuwa, ei babute manuš okkole ki ho?"\wj*
\p
\v 28 Hitara zuwabe hodde, "Torikotor gusol doya Yahya, kintu kiye kiye ho nobi Eliyas, ar kiye ho nobi okkolor butottu ek nobi."
\p
\v 29 Toi hibaye hodde, \wj "Ar tũwara, tũwara ki ho ãi honnuwa?"\wj*
\p Toi Fitore zuwab diye, "Õne he Mosi."
\p
\v 30 Isaye hitarare hũšiyari diye zene hitara hibar babute honokiyore no ho.
\s Isaye nizor moron edde uwafes zindar babute hor
\r (Moti 16:13–20; Luk 9:18–21)
\p
\v 31 Bade Isaye hitarare šikka diya šuru goijje ze Adomor Futottu beši duk bug gora foribo edde hibare murobbi okkol, ḍõr imam okkol edde alem okkole batil goribo. Hibare mari fela oibo, edde tin dinor din bade abar uṛi zaibogoi. 
\v 32 Hibaye ei babute kulasa gori hoiye. Toi Fitore hibare ek ḍaikka loizaiyore jejeṛaiye.
\p
\v 33 Kintu Isaye firiyore sahabi okkolor mikka saiye edde Fitorore dõk diyore hodde, \wj "Šoitan, ãr hãsottu dur o, Allaye ziyan issa gorer tottu hiyanor baf nai, kintu šude manuše ziyan sa hiyan bafos."\wj*
\s Isar fisa lowa
\r (Moti 16:24–28; Luk 9:23–27)
\p
\v 34 Toi hibaye sahabi okkol edde oinno manuš okkolore ḍakiyore hodde, \wj "Honokiye zodi ãr fise aito issa gore, hite nizore ošikar gorok edde hite fotti din nizor kuruš handot loi ãr fise fise aiyok.\wj* 
\v 35 \wj Kiyollahoile ze honokiye hitar nizor zibon basaito sa hite hiyan haraibo, kintu ze kiye ãlla boli edde kušir hóborolla hitar foran hara hite hiyan basaibo.\wj* 
\v 36 \wj Zodi ekzone šara duniyai hamaiye, kintu hitar asol foran haraifele, toile hitar ki lab oiye? \wj* 
\v 37 \wj Ar hite ki kissu diyore asol foran hiyan uwafes firai faibolla kissu ase?\wj* 
\v 38 \wj Ei halor beiman edde gunagar manuš okkolor butore zodi honokiye ãre edde ãr hota loi šorma, Adomor Fut zẽtte pak fobitro firista okkolor fũwati hibar Bafor tozolli loi aibo, hẽtte hibaye o he manuš okkolore šormaibo." \wj*
\c 9
\p
\v 1 Toi hibaye hitarare hodde, \wj "Ãi tũwarare soiyi hoir, eṛe tũwarar butore en hozon ase zara Allar raijjo beši ḍõr šokti loi aiššede no deke foijjonto hitara hono mote moutor fiyala no fibo."\wj*
\s Isar dola fušak
\r (Moti 17:1–13; Luk 9:28–36)
\p
\v 2 Iyar so din bade, Isaye Fitor, Yakub, edde Yuhanna, itarare fũwati loi ek usol faharor uwore giye, zeṛe hitara ekela aššil. Hitarar sarme hibar siyara bodoli giyegoi. 
\v 3 Hibar fušak en dola oi giyegoi zenneki duniyair hono dufiye hor duiyore hendilla dola gori no faribo. 
\v 4 Toi heṛe Musa edde Eliyase hitarare deha diyore Isa loi hota hor.
\p
\v 5 Toi Fitore Isare hodde: "Ustad, ãra eṛe aside bala oiye. Ãra tinnan bãša banai, ekkan õnolla, ekkan Musalla, ar ekkan Eliyasolla."
\p
\v 6 (Kintu Fitore ki hoibo hiyan hibaye buzi uṛi no faijjil, kiyollahoile hitarare beši ḍore doijjil.)
\p
\v 7 Toi ekkan miyula aiyore hitarare guri felaiye, edde he miyular butottu ek abaz aišše, "Iba ãr he adoijja Fut, tũwara hibar hota funo!"
\p
\v 8 Bade hehon sahabi okkole sairo mikka saiye kintu Isa sara heṛe ar honokiyore no deke.
\p
\v 9 Faharottu lami aiyedde šomot, Isaye hitarare hokum diye ze hitara zin dekkil hin Adomor Fut morattu uwafes zinda no uṛe foijjonto honokiyore no ho.
\p
\v 10 Hitara ei hokum mainne, edde morattu uwafes zinda uṛar mani ki hiyan hitara hitarar butore biyasana goijje.
\p
\v 11 Toi hitara hibare fusar goredde, "He alem okkole kiyolla ho ze Mosi aibar age Eliyasottu aiya foribo?"
\p
\v 12 Zuwabe Isaye hodde, \wj "Oi, ei hota soiyi, Eliyase age aiyore hár kissure agor abostat firai anibo. Toile endilla kiyolla leka ase ze Adomor Fute beši duk bug goribo edde hibare batil gora oibo?\wj* 
\v 13 \wj Kintu ãi tũwarare hoir, Eliyasor babute pak kitabot zendilla leka ase hiba he mozin aiššil, ar hitara hibar uwore hitarar issa mozin hár kissu goijje."\wj*
\s Isaye ek bute faiya fuware aram goijje
\r (Moti 17:14–21; Luk 9:37–43)
\p
\v 14 Toi hitara zẽtte he dusora sahabi okkolor hãse firi aišše, dekedde oi sahabi okkolor sairo ḍakottu ek ḍõr manuš dol zoma oiye edde hoekzon aleme hitara loi barabari diye. 
\v 15 Mainše Isare deikke mottor hitara kub beši tajjuf oiye edde dũri zaiyore hibare solam zanaiye.
\p
\v 16 Toi Isaye hitarare fusar goredde,\wj "Tũwara utara loi kiyor babute barabari goijjilade?"\wj*
\p
\v 17 Dolor butottu ekzone zuwab diye, "Ustad, ãi ãr fuware loi õnor hãse aiššide, kiyollahoile hitare ek ruhuye faiye, zibaye hitare buk gori felaiye. 
\v 18 Hibaye zẽtte hitare dore hetunot asari meṛit felaide. Hitar galottu fena ane ar dat loi dat goše edde ebbe doro oi zagoi. Ei ruhure dafaidibolla ãi õnor sahabi okkolore foriyad goijjilam, kintu hitara no fare."
\p
\v 19 Hetunot Isaye hodde,\wj "Oh obiššaši manuš okkol! Ar hotokal ãi tũwarar fũwati takiyum, ar hotokal tũwarare bordaš goriyum? Tor fuware loi eṛe ai!"\wj*
\p
\v 20 Toi hitara hitare ainne. Hetunot he ruhuye zehon hibare deikke, hehon kub zure musori doijje, toi fuwawa meṛit fori giyegoi edde goijja šuru goijje, ar galottu fena ainne.
\p
\v 21 Isaye fuwar bafore fusar goredde, \wj "Itattu endilla oiyede hotodin oiye?"\wj*
\p Manušwaye hodde, "Šoṛo halottu loti. 
\v 22 Bout bar ei ruhuye hitare marifelaibolla oinot edde fanit felaidil. Kintu õne zodi kissu gori faribade oile, toile ãrar uwore doya deho edde modot goro."
\p
\v 23 Isaye hitare hodde, \wj "'Zodi ãi gori farile mani?' Ze biššaš gore hitalla hár kissu šombob."\wj*
\p
\v 24 Hetunot fuwar bafe guzori hodde, "Ãi biššaš gori, ãr butore ze obiššaš ase hin dur gori do!"
\p
\v 25 Bout manuš okkol dũri aiyedde dekiyore Isaye he ruhure dõk diyore hodde, \wj "Oh nafang edde buk ruh, ãi tore hokum dir, hitar butottu niyol, hitar butore ar hono din no gólis."\wj*
\p
\v 26 Hetunot ruhuye guzori fuwaware zure musori doijje edde hitar butottu niyoli giyegoi. Henot fuwawa morar ḍoil oi fori roiye edde beggune "hite morigiyegoi" boli hoiye. 
\v 27 Kintu Isaye hitare hate doijje edde modot goijje, toi hite uṛi tiyaiye.
\p
\v 28 Tarfore zehon Isaye góror butore giye, toi sahabi okkol hibar fũwati ekela aššil, hitara fusar goijje, "Ãra kiyolla ibare dafai no fari?"
\p
\v 29 Isaye hodde,\wj "Endillagunore šude munazat edde ruzar duwara dafa šombob."\wj*
\s Isaye dusora bar hibar moron edde uwafes zindar babute hor
\r (Moti 17:22–23; Luk 9:44–45)
\p
\v 30 Bade hitara hentu uṛi baisa diye edde Galil elehar butottu di giye ar hiyan hono kiye zani farok hibattu issa nuaššil, 
\v 31 kiyollahoile hibaye hibar sahabi okkolore šikka diyat aššil. Hibaye hitarare hodde,\wj "Adomor Futore manuš okkolor hatot tuli diya oibo. Hitara hibare mari felaibo, ar tin dinor din hiba uṛi zaiboi."\wj*
\p
\v 32 Kintu hibaye ki hoiye hin hitara buzi no fare ar he babute fusar goitte o ḍoraiye.
\s Beggunottuwaro hone ḍõr?
\r (Moti 18:1–5; Luk 9:46–48)
\p
\v 33 Hitara Kofornahumot aišše, toi hitara góror butore zehon oiye, hibaye hitarare fusar goijje, \wj "Tũwara fõtot kiyor babute barabari goijjilade?"\wj*
\p
\v 34 Kintu hitara nizam oi roiye, kiyollahoile fõtot hitara hone beggunottuwaro ḍõr he babute ekzone ekzon loi hotabartra hoil.
\p
\v 35 Toi hibaye boišše edde he barozonore ḍakiyore hodde, \wj "Zodi honokiye beggunor age oito sa toile hitattu beggunor šešottu taka foribo, ar beggunor šeba goroya owa foribo."\wj*
\p
\v 36 Bade hibaye ugguwa gura fuware loiye edde hitarar maze tiya goraiye. He gura fuwaware hibaye ãza mari loiyore hodde, 
\v 37 \wj "Ze honokiye ãr name itar ḍoilla hono gura fuware gose, hite ãre gose. Ar ze ãre gose hite šude ãre gosede no, bolke hibare gose, ze ãre defeṛaiye."\wj*
\s Ze ãrar bifokke no hitede ãrar fokke
\r (Moti 10:42; 18:6–7; Luk 9:49–50; 17:1–2)
\p
\v 38 Yuhannaye Isare hodde, "Ustad, õnor name ekzon mainše napak ruh saradde dekkilam, hite ãrar dolot nuaššil hetolla buli ãra hitare mana goijjilam."
\p
\v 39 Isaye hodde, \wj "Hitare mana no goijjo, kiyollahoile ãr name ekkan keramoti ham gori bade hehon honokiye ãr babute horaf hoi no faribo,\wj* 
\v 40 \wj kiyollahoile ze ãrar bifokke no hitede ãrar fokke ase.\wj* 
\v 41 \wj Ze honokiye tũwarare ek kaf fani fi haito de, kiyollahoile tũwara Mosir manušde hetolla Ãi tũwarare soiyi hoir: Hite hitar enam no haraibo.\wj*
\s Gunar fõtot no zaibolla mojbut tako
\r (Moti 18:8–10)
\p
\v 42 \wj "Ar ze honokiye ãr uwore biššaši ei šoṛo okkolor butottu honokiyore gunar fõtot loi za, toile hitare golat ugguwa ḍõr fattor bandi di doriyar mur fanit felai diya, bolke hitalla aro beši bala oibo.\wj* 
\v 43 \wj Tũwar hate zodi tũware gunat felaito sa, toile he hat haṛi felai do. Dui hat loi jahannamot, ze oin hono din no nifibo, heṛe golattuwaro, bolke tũṛa oi akeri zibonot gola tũwalla bala oibo.\wj* 
\v 44 \qt (Zeṛe log okkole hitarare hár, hin no morer, edde oinor zilha no nifer.) \qt* 
\v 45 \wj Tũwar ṭenge zodi tũware gunat felaito sa, toile he ṭeng haṛi felai do. Dui ṭeng loi jahannamot feli diyattuwaro, bolke tũṛa oi akeri zibonot gola tũwalla bala oibo.\wj* 
\v 46 (Zeṛe log okkole hitarare hár, hin no morer, edde oinor zilha no nifer.) 
\v 47 \wj Tũwar ek suke zodi tũware gunar fõtot ṭane, toile hiba niyalaifelo. Dui suk loi jahannamot felaidiya oibade hiyanottuwaro, bolke ek suk loi Allar raijjot gola tũwalla aro bala oibo,\wj* 
\v 48 \wj zeṛe, \wj*
\q1 \wj "'log okkole hitarare hár, hin no morer,\wj*
\q2 \wj ar oin o no nifer.'\wj*
\m
\v 49 \wj Kiyollahoile fotti manušore oin di forikka gora oibo, zendilla kurbanire nun di pak saf gore. \wj*
\p
\v 50 \wj "Nun bala ziniš, kintu nunottu zodi nunor moza zagoi, toile hin ken gori abar nun oi faribo? Tũwarar dilot nun rako edde tũwara ekzone ar ekzon loi šantit tako."\wj*
\c 10
\s Biya gora edde bou sárar babute šikka
\r (Moti 19:1–9)
\p
\v 1 Bade Isa hentu uiṭṭe edde Ehudiya Elehat edde Zordanor dusora farot giye. Abar hibar hãse manuš okkole ai zoma oiye, ar hibaye hibar niyom mozin hitarare šikka diye.
\p
\v 2 He šomot hoekzon Foroši aišše edde hibare forikka gori saibolla fusar goijje, "Ekzon manuše hitar nizor bouwore sarifela iyan ki ain mozin?"
\p
\v 3 Isaye hitarare hodde,\wj "Musaye tũwarare ki hokum diye?"\wj*
\p
\v 4 Hitara hodde, "Ekzon manuše hitar nizor bouwore sarhabos diyore dũrai dibar ejazot Musaye diye."
\p
\v 5 Toi hibaye hitarare hodde,\wj "Tũwarar dil koṭin boli Musaye tũwaralla ei ain leikke,\wj* 
\v 6 \wj Kintu sirištir šuruttu loti Allaye 'hitarare maya edde morod gori sirišti goijje.'\wj* 
\v 7 \wj 'Hetolla manuše hitar bab mare erizaibo edde hitar bou loi ek oibo, ar hitara duizon ek ga oibo,\wj* 
\v 8 \wj ar hitara duizon ek ga oibo;' hetolla hitara ar dui nai, kintu ek ga.\wj* 
\v 9 \wj Hetolla ziyan Allaye ekku fũwati zug goijje, manuše hiyanore aleda no gorok."\wj*
\p
\v 10 Toi góror butore hibar sahabi okkole ei ekkui befare Isare abar suwal goijje. 
\v 11 Hibaye hodde, \wj "Ze honokiye nizor bouwore sari diyore ar ekzonore biya gore hite hitar bouwor berudde zena gore.\wj* 
\v 12 \wj Ar zodi ekzon mayafuwaye hibar nizor zamaire sari diyore ar ekzon loi biya gore, toile hibaye o zena gore.\wj*"
\s Isa edde gura fuwain
\r (Moti 19:13–15; Luk 18:15–17)
\p
\v 13 Hitara gura fuwain okkolore o Isar hãse ainne, toi zene hibaye hitarare sui fare, kintu sahabi okkole hitarare gozgozaiye. 
\v 14 Isaye hen dekiyore hiba beši naraz oiye edde hitarare hodde,\wj "Gura fuwaindore ãr hãse aito do, ar hitarare banda no diyo, kiyollahoile Allar raijjo itarar ḍoilla mainšor.\wj* 
\v 15 \wj Ãi tũwarare soiyi hoir, ze honokiye ugguwa gura fuwar ḍoilla oi Allar raijjo no gose, hite hono mote heṛe goli no faribo."\wj*
\p
\v 16 Tarfore Isaye he gura fuwaindore hate ãza mari loiye, edde hibar hat rakiyore hitarare duwa goijje.
\s Isa edde he tuwangor manušwa
\r (Moti 19:16–30; Luk 1:18–30)
\p
\v 17 Isaye abar za šuru goijje, hetunot ekzon manuš dũri hibar hãse aišše edde hibar sarme ãṛu felaiyore hodde, "Oh bala ustad, akeri zibon faibolla ãttu bala ham ki gora foribo?"
\p
\v 18 Kintu Isaye hitare hodde,\wj "Ãre kiyolla bala hor? Allah ekzon sara ar honokiye bala no.\wj* 
\v 19 \wj Tũi to hokumgun zano: 'Kun no goijjo, zena no goijjo, suri no goijjo, misa goba no diyo, honokiyore no ṭokaito, tũwar baf mare šorman goro.'"\wj*
\p
\v 20 Hite hodde: "Ustad! Gura halottu loti ãi in okkol falon gori aiyir."
\p
\v 21 Isattu hitare ador laigge edde hitar mikka saiyore hodde, \wj "Ehon o tũwattu ekkan ham baki ase, zo, tũwattu za kissu ase hin beggun besifelogoi, ar hin gorib okkolore baṛidogoi, henot tũi behostot dón faiba, tarfore aiyore ãr fisa lo."\wj*
\p
\v 22 Kintu ei zuwabor zoriya hitar nakmuk hala oigiyegoi edde ferešan oiyore giyegoi, kiyollahoile hitattu beši šombotti aššil.
\p
\v 23 Ar Isaye sairo mikka saiye edde sahabi okkolore hodde, \wj "Tuwangor okkololla Allar raijjot gola hondilla koṭin oibo!"\wj*
\p
\v 24 Sahabi okkole hibar hota funiyore ammuwak oiye. Isaye abar hodde, \wj "Fuwain okkol, hitaralla Allar raijjot gola iyan hondilla koṭin!\wj* 
\v 25 \wj Tuwangor okkol Allar raijjot golattuwaro fũišor fai bai uṭ gola aro asan."\wj*
\p
\v 26 Henot hitara aro beši ammuwak oiye edde hitara ekzonore ekzone hodde, "Toile uddar hone oi faribo?"
\p
\v 27 Isaye hitarar hikka saiye edde hodde, \wj "Mainšolla iyan ošombob, kintu Allalla hár kissu šombob."\wj*
\p
\v 28 Toi Fitore endilla howa šuru goijje, "Ãralla ken oibo? So, ãra hár kissu felai aišši edde õnor fisa loiyi!"
\p
\v 29 Zuwabe Isaye hodde, \wj "Ãi tũwarare soiyi hoir, ze hono ekzone ãr namolla edde kušir hoborolla buli gór, bái boin, ma baf, futziyain ba zaga zobin eri difelaiye,\wj* 
\v 30 \wj hitara ekšot gun beši faibo, ar akéri zibon o faibo. Ei zugot o gór, bái, boin, ma, fuwain edde zaga zobin faibo, kintu fũwati ottisar o bug gora foribo edde aiyedde zugot akéri zibon faibo.\wj* 
\v 31 \wj Kintu funo! Hitarar foilar hataror bout kiye šešor hatarot oibo ar šešor hataror hitara foilar hataror oibo."\wj*
\s Isaye tisera bar hibar moron edde uwafes zindar babute hor
\r (Moti 20:17–19; Luk 18:31–34)
\p
\v 32 Hitara uwore Zeruzalem zadde fõtot, Isa hitarar age age ãṭṭil. Sahabi okkol ammuwak oiye edde zara hibar fise fise giye, hitara ḍoraiye. Abar hibaye he barozonore ek ḍaikka loigiye edde hiba nizor uwore zin goṭibo he babute howa šuru goijje. 
\v 33 Hibaye hodde, \wj "So, ãra Zeruzalem zair. Heṛe Adomor Futore ḍõr imam edde alem okkolor hatot tuli diya oibo. Hitara hibar bisar gori hibare moron šaza faibar laikka ṭoraibo, edde Oihudi okkolor hatot tuli dibo,\wj* 
\v 34 \wj hitara hibare loi ṭaṭṭa goribo edde hibare sep maribo, souk maribo edde marifelaibo. Bade tin dinor din hiba zinda uṛi zaiboi."\wj*
\s Šašon no goijjo, kintu šeba goroya o
\r (Moti 20:20–28)
\p
\v 35 Bade Sebdeusor fuwain Yakub edde Yuhannaye Isar hãse aiyore hodde, "Ustad, ãra ziyan sai hiyan õne ãralla goro."
\p
\v 36 Isaye hodde,\wj "Tũwara ki so? Ãi tũwaralla ki goritam?"\wj*
\p
\v 37 Hitara hodde, "Õne zẽtte kuduruti loi razagiri goriba hẽtte ãra ekzonore õnor den ḍakottu edde ar ekzonore ban ḍakottu boito do."
\p
\v 38 Isaye hodde, \wj "Tũwara kiyor babute sor hin tũwara no zano. Ze motor fiyala ãi fito zair hin ki tũwara fi fariba? Otóba ze torikotor gusol ãre gora or tũwara ki he gusol loi fariba?"\wj*
\p
\v 39 Hitara zuwabe hodde, "Ãra faijjum"
\p Isaye hitarare hodde,\wj "Ze motor fiyala ãi fiyum tũwara fiba, ar ze torikotor gusol ãre diya oiye he gusol tũwarare o diya oibo,\wj* 
\v 40 \wj kintu ãr ḍen ḍakottu otóba ban ḍakottu boito dibolla ãttu odihar nai. Ei zaga okkol in zaralla ṭik gori raka oiye, hitara hin faibo."\wj*
\p
\v 41 Baki došzone ei babute funiyore Yakub edde Yuhannar uwore gušša oiye. 
\v 42 Hetunot Isaye beggunore ekkui fũwati ḍakiyore hodde, \wj "Tũwara zano ze, zara Oihudi okkolor šašon goroya hitara hitarar uwore kemota sola, ar hitarar ḍõr manuš okkole hitarar uwore kemota sola,\wj* 
\v 43 \wj Kintu tũwarar butore hendilla no on sa, bolke tũwarar butore honokiye zodi ḍõr oito sa, hite tũwarar šeba goroya ok.\wj* 
\v 44 \wj Ar ze tũwarar butore foila oito sa, hitattu beggunor gulam owa foribo,\wj* 
\v 45 \wj kiyollahoile Adomor Fut udda šeba faibolla nu aiye, bolke šeba goitto aišše edde bout mainšor azadir dam hisabe hibar foran dibolla aišše."\wj*
\s Anda Bartimeus
\r (Moti 20:29–34; Luk 18:35–43)
\p
\v 46 Bade hitara Zeriku šohorot giye. Isa edde hibar sahabi okkole ek ḍõr dolor fũwati šohorottu niyoli zargoide šomot ekzon anda manuš fõtor ḍake horat magedde boiṛa aššil. Hitar nam aššilde Bartimeus, Timeusor fuwa. 
\v 47 Zehon hite fuinne ze hiba Nasarator Isa, hite guzora šuru goijje, "Daudor bongšor Isa, ãre doya goro."
\p
\v 48 Boute hitare dõk diye edde nizam taito hoiye, kintu hite aro beši guzora šuru goijje, "Daudor bongšor Isa, ãre doya goro!"
\p
\v 49 Isaye tamiyore hodde, \wj "Hitare eṛe aito ho!"\wj*
\p Mainše he andaware ḍaikke edde hodde, "Himmot gor, uṭ! Hibaye tore ḍaker." 
\v 50 Hetunot hite hitar saddorgan ek ḍaikka felai rakiyore falmari uiṭṭe edde Isar hãse aišše.
\p
\v 51 Isaye fusar goijje,\wj "Ãi tolla ki goriyum, tui ki sos?"\wj*
\p He anda manušwaye hodde, "Malik, ãi suke deki farifan gori do."
\p
\v 52 Toi Isaye hodde, \wj "Dór, za! Tor biššaše tore aram goijje."\wj*
\p Henot hite hehon deki faijje edde fõtot hite Isar fisa loiye.
\c 11
\s Isa Zeruzalem goler
\r (Moti 21:1–11; Luk 19:28–38; Yuhunna 12:12–16)
\p
\v 1 Hitara zẽtte Zeruzalemor hãsa hãsi oiye edde Zaitun faharor ḍake Betfage edde Betaniya farar hãse aišše, Isaye duizon sahabire 
\v 2 endilla hoi defeṛaiye,\wj "Oi sarmor farat zo, heṛe goli mottor ek gadar so banda dekiba, zibar uwore ehon o hono manuše no boiye. Hiba kuli ãlla loi anogoi.\wj* 
\v 3 \wj Ar zodi honokiye fusar gore, 'Tũwara hendilla kiyolla goror?' toile hoiba, 'Ibare Malikottu dorhar oiye edde ibare uwafes toratori eṛe firai dibo.'"\wj*
\p
\v 4 Toi hitara giye edde gadar soware rastat ekkan dorozar ḍake banda faiye. Hitara hibare kuille. 
\v 5 Henot heṛe zara tiyai aššilde hitara hodde, "Tũwara ki goror? Gadar sowa kiyolla kulor?"
\p
\v 6 Isaye zendilla hoito hoil hitara hendilla hoiye, toi hitarare ejazot diye. 
\v 7 Tarfore hitara gadar soware Isar hãse ainne edde hibar uwore hitarar saddor bisai diye, toi hibar uwore Isa boišše. 
\v 8 Bout mainše hibare šorman goribolla hoi hitarar saddor okkolore rastar uwore bisai diye, ar kiye maṛottu fatawala ḍeila okkol ani fõtot šiṛi diye. 
\v 9 Ar ze manuš okkol age edde fise gil hitara guzojje,
\q1 "Hosanna!"
\q1 "Malikor name ze aiyer hiba rahamoti!"
\q1
\v 10 "Ãrar Baf Daudor ze raijjo aiyer, hiba rahamoti."
\q1 "Uwore behostot Hosanna!"
\p
\v 11 Bade Isa Zeruzalemot goliyore butore dórmogóror uṛanot giye. Hibaye sairo mikkar hár kissur uzu saiye, tarfore beil giyegoi boli he barozon sahabire fũwati loi Betaniyat giyegoi.
\s Gula sara ḍũir gas
\r (Moti 21:18–22)
\p
\v 12 Tarfor din, hitara Betaniya sari zargoide šomot, Isattu bug laigge. 
\v 13 Hibaye durottu ugguwa fatawala ḍũir gas deikke edde hibat hono gula asene nai saito giye. Kintu hiba heṛe zaiyore fata bade ar kissu no fa, kiyollahoile hẽtte ḍũir gula dorede ainda no. 
\v 14 Toi hibaye gassware hodde,\wj "Ar hono din honokiye tottu gula no háibo."\wj* Ar ei hota hibaye hodde hibar sahabi okkole fuinne.
\s Dórmogór munazator zaga
\r (Moti 21:12–17; Luk 19:45–48; Yuhunna 2:13–16)
\p
\v 15 Bade hitara Zeruzalem aišše, ar Isa uwore dórmogóror uṛanot góille edde heṛe zara besa kina goijjil hitarare hentu lorai diya šuru goijje. Hibaye ṭiya bodolidoya okkolor ṭebil edde hoitor besoya okkolor ṭebil uldai diye. 
\v 16 Ar hibaye dórmogóror uṛan bai honokiyore hono besa kinar ziniš boi loizaito no de. 
\v 17 Bade hibaye šikka diye, \wj "Iyan endilla leka nai ne?, 'Ãr górore hár zatilla munazator gór ḍaka oibo'? Kintu tũwara iyanore ḍahaitor aḍḍahana banaifelaiyo!"\wj*
\p
\v 18 Ḍõr imam edde alem okkole ei hota fuinne edde hitara hibare marifelaibolla rasta tuwa šuru goijje. Hitara hibare ḍoraito, kiyollahoile manuš okkol hibar šikkat tajjuf oi zaitogoi.
\p
\v 19 Ar hazinna oile Isa edde hibar sahabi okkol šohoror baire zaitogoi.
\s Biššaš edde duwa
\r (Moti 21:18–22)
\p
\v 20 Toi hitara binna zadde ṭaimot dekedde ḍũir gasswa šiyorottu loti fuwai giyegoi. 
\v 21 Fitorottu Isar hota monot foijje edde hodde, "Ustad, so, ze ḍũir gasore õne bodduwa dila hiba fuwai giyegoi."
\p
\v 22 Hetunot Isaye hitarare zuwabe hodde,\wj "Allar uwore biššaš rako!\wj* 
\v 23 \wj Ãi tũwarare soiyi hoir, zodi honokiye ei faharore ho, 'Uṛiyore doriyat zai for,' ar hitar dile šondo no gore kintu hite ziyan hoiye hiyan oibode biššaš gore, iyan hitalla gora oibo.\wj* 
\v 24 \wj Hetolla ãi tũwarare hoir, tũwarar munazatot ze hono kissu so, biššaš goro ze tũwara hin faifelaiyo, ar hin tũwarar oibo.\wj* 
\v 25 \wj Ar tũwara zẽtte munazat goitto tiyo, honokiyor berudde hono kissu take, toile hitare maf goro, zene tũwarar behostor Bafe o tũwarar guna maf gori fare."\wj* 
\v 26 \wj (Kintu tũwara zodi maf no goro, toile tũwarare o tũwarar behostor Bafe tũwarar guna maf no goribo.)\wj*
\s Isar kemotar babute suwal
\r (Moti 21:23–27; Luk 20:1–8)
\p
\v 27 Hitara abar Zeruzalemot aišše edde dórmogóror uṛanot Isaye gura fira gorer, ḍõr imam okkol, he alem okkol edde bura murobbi okkol hibar hãse aišše, 
\v 28 edde hitara hibare hodde, "Har kemota loi tui in okkol goros? Otóba in goribolla ei kemota tore hone diye?"
\p
\v 29 Toi zuwabe Isaye hitarare hodde,\wj "Ãi o tũwarare ekkan hota suwal gori, ãre hiyanor zuwab do, toi ãi o tũwarare hoiyum har kemota loi ãi in okkol gori.\wj* 
\v 30 \wj Yahyar torikotor gusol, iyan ki Allattu naki mainšottu?" \wj*
\p
\v 31 Toi hitara ekzone ekzon loi mošora gori hodde, "Zodi hoi, 'Allaro torfottu,' hen oile hite hoibo, 'Toile tũwara Yahyare biššaš ka no goro?' 
\v 32 Naki endilla zuwab diyum, 'Mainšor torfottu?'" (Kintu hitara mainšore ḍoraiye, kiyollahoile beggune Yahyare ekzon soiyi nobi boli mainto.)
\p
\v 33 Toi hitara Isare zuwab diye, "Ãra no zani."
\p Hetunot Isaye hodde, \wj "Toile ãi o tũwarare no hoiyum har kemota loi ãi in okkol gori."\wj*
\c 12
\s Ãngur saša okkol edde mirazdar
\r (Moti 21:33–46; Luk 20:9–19)
\p
\v 1 Toi Isaye hitarare mesal kahani loi hota howa šuru goijje: \wj "Ekzon manuše ekkan ãngur keti goijje, ar hiyanor sairo ḍakottu gíra diyore butore šoraf banaibolla ugguwa gãt tiyar goijje, edde ekkan usol fahara gór bainde. Bade hite hoekzon sašar hãse hiyan lagaiyore bidešot giyegoi.\wj* 
\v 2 \wj Gular ainda zẽtte aišše, hite hitar gular bag loianibolla ekzon gulamore oi saša okkolor hãse defeṛaiye.\wj* 
\v 3 \wj Kintu hitara he gulamware doriyore maijje edde hali hate dũrai diye.\wj* 
\v 4 \wj Tafore hite ar ekzon gulamore hitarar hãse defeṛaiye. Hitara hitare o mata sai mari agat goijje edde ofoman goijje.\wj* 
\v 5 \wj Hite tarfore o aro ekzonore defeṛaiye. Hitara hitare mari felaiye. Tarfore hite aro bout zonore defeṛaiye, kintu hitarar butottu hoekzonore mara dora goijje, ar hoekzonore marifelaiye.\wj*
\p
\v 6 \wj "Heṛe defeṛaibolla hitattu basi aššilde šude ekzon, hiba oilde hitar nizor adoijja fut. 'Hitara ãr futore oile ijjot goribo' hen bafiyore šešottu hitare hitarar hãse defeṛaiye.\wj*
\p
\v 7 \wj "Kintu saša okkole ekzonore ekzone hodde, 'Ite mirazdar, aiyo, ãra itare marifelai, toi miraz ãrar oi zaiboi'.\wj* 
\v 8 \wj Hitara hitare dori marifelaiye. Tarfore ãngur ketir baire felai diye.\wj*
\p
\v 9 \wj "Toile ãngur ketir girose ki goribo, hosai? Hite aibo edde he saša okkolore marifelaibo ar ketigan o oinno kiyore difelaibo.\wj* 
\v 10 \wj Tũwara kitabor ei lekagun no foro ne:\wj*
\q1 \wj "'Ze fattorguware raz mistiri okkole batil goijje:\wj*
\q2 \wj hiba i beši dorhari fattor oi uiṭṭe.\wj*
\q1
\v 11 \wj Iyan Mabud nizor ham,\wj*
\q2 \wj ar hiyan ãrar sukot kub beši tajjuiffa.'"\wj*
\p
\v 12 Hetunot he dormiyo neta okkole Isare dorifelaibolla kušiš goijje, kiyollahoile hitara buzifaijjil ze Isaye mesal kahanigan hitarar berudde hoiye. Kintu hitara mainšore ḍoraiye, hetolla hitara zar zar bote te te giyegoi.
\s Hazna diyar babute suwal
\r (Moti 22:15–22; Luk 20:20–26)
\p
\v 13 Tarfore hitara Isar hotat doribolla hoekzon Foroši edde Herudiyo okkolore Isar hãse defeṛaiye. 
\v 14 Toi hitara Isar hãse aišše edde hodde, "Ustad, ãra zani õne hamiša soiyir uzu tako, ar mainše ki mone goribo hin õne forba no goro, kiyollahoile õne honokiyor suk saiya muk saiya kissu no goro, kintu Allar rastar babute ziyan soiyi hiyan šikka do.Toile Romor badšare hazna diya iyan ṭik ne naki beṭik? Ãra diyum ne naki no diyum?"
\p
\v 15 Kintu Isaye hitarar bonḍami sail buzi fariyore hitarare hodde,\wj "Tũwara ãre fãndot feilaito kiyolla sešta goror? Ãlla ekkan foiša ano edde ãi hiyan ekka sai!"\wj* 
\v 16 Hitara ekkan foiša anidiye. Bade Isaye fusar goredde, \wj "Iyanor uwore har sóbi edde nam ase?"\wj*
\p Toi hitara hodde, "Romor badšar"
\p
\v 17 Toi hibaye hitarare hodde, \wj "Toile zin zin Romor badšar hin Romor badšare do, ar zin zin Allar hin Allare do!" \wj*
\p Ei hotar uwore hitara ammuwak oiye.
\s Mora okkol uwafes zinda
\r (Moti 22:23–33; Luk 20:27–38)
\p
\v 18 Tarfore Sadduki okkol Isar hãse aišše, zara hoito heṛe hono uwafes zinda nai, toi hitara Isar hãse suwal goijje. 
\v 19 "Ustad, nobi Musaye ãralla leki giye, hono ekzonor bái zodi fuwain no owaite bouwore raki mori zagoi, toile hitar báiye he bouwore biya goribo, edde nizor báiyolla bongšo baraibo. 
\v 20 Ehon, hãt bái ase ek górot. Foilawaye biya goijje, kintu hono fuwain no raka abostat mori giyegoi. 
\v 21 Bade hibare dusorawaye biya goijje, kintu hite o hono fuwain no raka abostat mori giyegoi. Ar hendilla ekkui bafe tiserawaye goijje. 
\v 22 Hitara hãtozon honokiyottu fũwain no o. Šeše he mayafuwawa o morigiyegoi. 
\v 23 Henoile uwafes zindar šomot, hitara zẽtte uwafes zinda oibo, hitarar butottu hiba har bou oibo? Hibarede hãtozon beggune biya goijjil."
\p
\v 24 Isaye hitarare zuwab diye, \wj "Tũwara búl, kiyollahoile tũwara no buzo Allar kalam otóba no buzo Allar šoktire.\wj* 
\v 25 \wj Mora okkol zẽtte zinda oi uṛibo, hitara biya no goribo ar biya o diya no oibo, hitara behostot firista okkolor ḍoilla.\wj* 
\v 26 \wj Kintu mora okkol uwafes uṛar babute tũwara zolonto zúwãr kahani Torah šorifot no foro ne? Allaye Musare hodde, 'Ãi Ibrahimor Allah, Isakor Allah, edde Yakubor Allah.'\wj* 
\v 27 \wj Hiba mora okkolor Allah no, kintu zinda okkolor. Tũwara beši ḍõr búl fõtot aso!"\wj*
\s Foila hokumgan
\r (Moti 22:34–40; Luk 10:25–28)
\p
\v 28 Hitarar ekzon aleme heṛe aiyore hitarar barabari fuinne edde Isaye hondilla bala zuwab diyede hiyan buzi fariyore Isar hãse giye edde fusar goijje, "Hokum beggunor butore honnan beši zoruri?"
\p
\v 29 Isaye hodde, \wj "Beši zoruri oilde iyan, 'Funo Israili okkol! Ãrar Mabud Allah, Mabud oilde ek.\wj* 
\v 30 \wj Tũi tũwar hár dil, hár mon hár foran, hár šokti, diyore Allah Mabudore muhabbot goro.'\wj* 
\v 31 \wj Ar dusoragan oilde iyan: 'Ar tũwar ḍen gór bam gójjare nizor zani muhabbot goro.' Inottuwaro ar hono ḍõr hokum nai."\wj*
\p
\v 32 He aleme hibare hodde, "Ustad, bala hoiyo. Õne soiyi hoiyo ze Mabud oilde ek, Hiba sara ar oinno honokiye nai. 
\v 33 Ar hár dil, hár buddi edde hár šokti diyore hibare muhabbot gora edde ḍen gór bam gójjare nizor zani muhabbot gora oilde aro beši muilloban, hár fura-kurbani okkol edde kurbani okkolottuwaro."
\p
\v 34 He aleme hondilla giyani zuwab diye hiyan Isaye dekiyore, hibaye hitare hodde, \wj "Tui Allar raijjottu beši dure no."\wj* He oite honokiye ar hono suwal goitte himmot no gore.
\s Mosi honnuwa
\r (Moti 22:41–46; Luk 20:41–44)
\p
\v 35 Isaye dórmogóror uṛanot šikka dedde šomot, hibaye hodde, \wj "He alem okkole ken gori Mosire Daudor fuwa hoi fare?\wj* 
\v 36 \wj Daud nize, Pak Ruhur duwara elan goijje:\wj*
\q1 \wj "'Mabude ãr Malikore hodde:\wj*
\q2 \wj "Ãr ḍen ḍakottu boi,\wj*
\q1 \wj zetodin ãi tor dušmon okkolore\wj*
\q2 \wj tor ṭengor tole no raki."' \wj*
\m
\v 37 \wj Daude nize hibare Malik ḍaker, toile hiba ken gori Daudor fuwa oi faribo?"\wj*
\p Ek ḍor mainšor dole kušir sãte hibar hota fuinne.
\s Alem okkolor berudde hũšiyari
\r (Moti 23:1–36; Luk 20:45–47)
\p
\v 38 Ar šikka dedde šomot hibaye hodde,\wj "Alem okkolottu hũšiyar! Hitara lamba lamba hor findi beraito sa edde haṛot bazarot mainšor solam,\wj* 
\v 39 \wj muzolišhanar usol zagat edde mela šobar barik zagat buware foson gore.\wj* 
\v 40 \wj Hitara rari okkolor gór okkol dokol gore, ar mainšore dehaibolla lamba gori duwa gore. Hendilla mainše bisaror din bout beši šasti faibo."\wj*
\s Gorib rarir dan
\r (Luk 21:1–4)
\p
\v 41 Toi Isaye dórmogóror dan bakšur ḍake sarmottu boiyore, mainše hitarar nizor nizor ṭiyare dan bakšut rakedde saiye. Bout tuwangor okkole beši diye. 
\v 42 Kintu ekzon gorib rari maya fuwa o aišše edde duiyan šoṛo tamar foiša raikke, zinor muillo šude ho ek fiya. 
\v 43 Toi Isaye sahabi okkolore hibar hãse ḍaikke edde hodde, \wj "Ãi tũwarare soiyi hoir, oinno zara ei dórmogóror dan bakšut raikke, hitara beggunottuwaro ei gorib rari mayafuwawaye beši raikke.\wj* 
\v 44 \wj Kiyollahoile hitara beggune hitarar beši šombottittu dan bakšut raikke, kintu hibaye hiba obafi oi bade o, hibattu foran basaibolla zin aššil, hin beggun di felaiye."\wj*
\c 13
\s Šeš halor sinno okkol edde dórmogór dongšo
\r (Moti 24:1–2; Luk 21:5–6)
\p
\v 1 Toi Isa dórmogórottu niyoli zargoide šomot hibar sahabi okkolor ekzone hibare hodde, "Ustad, so, ken šundor šundor fattor okkol edde kuṭa okkol!"
\p
\v 2 Isaye hitare zuwabe hodde,\wj "Oi, tui ei ḍõr kuṭa okkol banaiyede dehor ne? Inor ekkan fattor o ar ekkan fattoror uwore no takibo, beggun bangi fela oibo."\wj*
\s Zulumor šuru
\r (Moti 24:3–14; Luk 21:7–19)
\p
\v 3 Toi Isaye dórmogóror uṛanor muntu Zaitun faharor uwore boišše ar Fitor, Yakub, Yuhanna edde Andreas hibar fũwati ekela aššil, hitara hibare fusar goredde, 
\v 4 "Õne ãrare ho, in okkol hõtte oibo edde in okkol beggun furon oibode hiyar sinno ki?"
\p
\v 5 Toi Isaye hitarare zuwabe howa šuru goijje: \wj "Saiyo, hono honokiye tũwarare dúhat felar ne!\wj* 
\v 6 \wj Kiyollahoile boute ãr namor béddori aibo, ar hoibo, 'Ãi hiba,' edde boutore búl fõtot loizaibo.\wj* 
\v 7 \wj Ar zẽtte tũwara larair babute funor edde larair andeikka hóborahóbor funiba, hẽtte no ḍoraiyo! In okkol hameka goṭa foribo, kintu hetunot o šeš no.\wj* 
\v 8 \wj Ek zatiye oinno zatir berudde edde ek raijjoye oinno raijjor berudde larai goribo. Ar bout zagat raṭ edde busal oibo. Kintu in okkol šude fuwa biyaibar šomot zontoronar šuru.\wj*
\p
\v 9 \wj "Tũwara hũšiyar taikko! Hitara tũwarare bisar šobar hatot tuli dibo, hitara tũwarare sinagogot bet maribo, ar ãlla boli tũwarattu šašon goroya edde raza okkolor muntu tiya foribo. Hitarar hãse ãr babute goba diba.\wj* 
\v 10 \wj Edde hár zatir hãse foila kušir hóbor tobolig gora foribo.\wj* 
\v 11 \wj Kintu hitara zẽtte tũwarare doribo edde bisarot loizaibo, hetunot ki hoiba he babute age loti sinta no goijjo, kintu he šomot ze hota tũwarare howa oibo, tũwara hin hoiba, kiyollahoile iyan endilla no ze tũwara hota hoiba bolke Pak Ruhye hota hoibo.\wj*
\p
\v 12 \wj "Báiye báiyore ar bafe fuwaindore dúha diyore moutor fõtot faṭaibo, ar fuwainde baf mar berudde tiyaibo edde hitarare kun goraibo.\wj* 
\v 13 \wj Ãlla boli tũwarare beggune hingša goribo, kintu ze šeš foijjonto ṭiki takibo, hite uddar faibo.\wj*
\s He bor zulum
\r (Moti 24:15–28; Luk 21:20–24)
\p
\v 14 \wj "Tũwara zẽtte 'šorbo naša hingšar ziniš' tiya gorai no farede zagat tiya goraiyede dekor, ze foré hite buzok! Hetunot zara Ehudiyat takibo hitara fahar okkolot dai zoggoi.\wj* 
\v 15 \wj Ze góror sádor uwore ase, hite hentu góror butottu hono kissu fũwati loi zaibolla nise lami no aiyok.\wj* 
\v 16 \wj Ze maṛot ase, hite gar saddor loibolla uwafes firi górot nu aiyok. \wj* 
\v 17 \wj Hẽtte hamilwala mayafuwain okkol edde dudor fuwaindor ma okkololla hondilla ze oibo!\wj* 
\v 18 \wj Duwa goro zene in okkol šit hale no goṭe,\wj* 
\v 19 \wj kiyollahoile en beši ḍõr hošṭo oibo, zin Allaye duniyaire sirišti goijje loti ei foijjonto hono šome no o, ar sarme o no oibo.\wj*
\p
\v 20 \wj "He din okkolore zodi Allaye homai no dito, toile honokiye no basito. Kintu hitara zarare hibaye basi loiye, hitarar zoriya he din okkolore hibaye homai diye.\wj* 
\v 21 \wj He ṭaimot zodi honokiye tũwarare ho, 'So, Mosi eṛe!' otóba, 'So, Mosi uṛe!' tũwara biššaš no goijjo.\wj* 
\v 22 \wj Kiyollahoile hẽtte bonḍo mosi okkol edde bonḍo nobi okkol muntu aibo ar keramoti edde sinnor ham goribo zene šombob oile Allar basaigora okkolore hitara dúha difare.\wj*
\s Adomor fũwa zẽtte aibo
\r (Moti 24:29–31; Luk 21:25–28)
\p
\v 23 \wj "Tũwara hũšiyar taikko. Ãi tũwarare in okkol hár beggun age bare hoi rakilam.\wj*
\p
\v 24 \wj "Kintu he din okkolot, ei mosibot farai zai bade,\wj*
\q1 \wj "'beil andar oi zaiboi,\wj*
\q2 \wj sande ar fohor no dibo.\wj*
\q1
\v 25 \wj Asmanottu tara okkol fori zaiboi,\wj*
\q2 \wj asmanor šokti okkolore hafai felaibo.'\wj*
\p
\v 26 \wj "He šomot hitara ḍõr šokti edde mohima loi Adomor Fut miyular butottu aiyedde dekibo.\wj* 
\v 27 \wj Hibaye firista okkolore defeṛaibo edde duniyair ek šimattu loti asmanor šeš šima foijjonto, sairo mikkattu hibar basai gora okkolore dola goribo.\wj*
\s Ḍũir gasor mesal šikka
\r (Moti 24:32–36; Luk 21:29–33)
\p
\v 28 \wj "Ḍũir gasor mesalottu ei šikkagan šiko: Hibar ḍeila zehon hail oiyore ṭũi niyole hẽtte tũwara zani faro ze, gorom hal hãse aišše.\wj* 
\v 29 \wj He bafe tũwara o zani fariba zẽtte in okkol goṭedde tũwara dekor, ze Adomor Fut hãse aigiyegoi, kub hãse, en ki, dorozat hazir.\wj* 
\v 30 \wj Ãi tũwarare soiyi hoir, in beggun no goṭibar age ei halor manuš okkolor mout no oibo.\wj* 
\v 31 \wj Asman zobin šeš oibo, kintu ãr hota hono din šeš no oibo.\wj*
\p
\v 32 \wj "Kintu he din edde šomoiganor babute honokiye no zane, behostor firista okkole o no, Fuwaye o no, šude Bafe zanede.\wj*
\s Tũwara seton tako
\r (Moti 25:13–15; Luk 19:12–13)
\p
\v 33 \wj "Hetolla seton tako, kiyollahoile he din edde šoimoiganor babute tũwara no zano.\wj* 
\v 34 \wj "Iyan oibode endilla, ek zon manuš bidešot musaferi goitto zar. Górottu baisa dibar age, hite hitar gulam okkolore hár hamor zimma gosai diye. Hite ekzon ekzon fotti gulamore ham diye, ar dorowanore seton takito hoiye.\wj*
\p
\v 35 \wj "Hetolla seton taki fahara do, kiyollahoile góror giros hõtte aiye, ki hazinna aiye naki ada raitta aiye naki kuraye bak dedde hiya aiye, naki binna aiye tũwara hoi no faro.\wj* 
\v 36 \wj Hiba atikka aiyore zene tũwarare gum zai taikkode no deke.\wj* 
\v 37 \wj Ãi ziyan tũwarare hoir, hiyan ãi tũwara beggunore hoir: 'Tũwara seton tako!'"\wj*
\c 14
\s Isare marifelaibolla felain goijje
\r (Moti 26:1–5; Luk 22:1–2; Yuhunna 11:45-53)
\p
\v 1 Uddar id edde iš adiya ruṭir id aite šude dui din baki. Ḍõr imam edde alem okkole gufone Isare dori marifelaibolla ufai tuwail. 
\v 2 Hitara hodde, "Idor šomot no, manuš okkolor butore gulmal uṛit fare"
\s Betaniyat Isare dami kušbo tel ḍali diye
\r (Moti 26:6–13; Yuhunna 12:1–8)
\p
\v 3 Isa Betaniyar kurus biyaraimma Šimonor górot aiššil. Hitara hána hadde šomot ekzon mayafuwaye ek dóla fattoror boyomot gori kub beši dami edde asoli kušbo tel loi hibar hãse aišše. Hibaye boyommuwa bainge edde telgunore Isar matat ḍali diye.
\p
\v 4 Heṛe zara hazir aššil, hitarar butottu ho ekzone naraz oiyore hodde, "Ei dami zinišgun kiyolla borbat gorifela or? 
\v 5 Ei tel to beši dame besa zaito edde ṭiyagun loi gorib okkolore modotolla diya zaito." Ar hitara mayafuwaware hora bafe zejeṛaiye.
\p
\v 6 Hetunot Isaye hodde, \wj "Tũwara hibare loi hen kiyolla goror? Hibaye ãlla ekkan bala ham goijje.\wj* 
\v 7 \wj Gorib okkol to hamiša tũwarar fũwati ase, ar zẽtte mone ho tũwara hitarare modot gori fariba, kintu ãre tũwara hamiša no faiba.\wj* 
\v 8 \wj Hibaye ziyan gori faitto hiyan goijje, hibaye ãr uwore ei kušbo tel ḍali diyore agottu loti ãre hoborolla tiyar goijje.\wj* 
\v 9 \wj Ãi tũwarare soiyi hoir, duniyair ze hono mikka zeṛe kušir hóbor tobolig gora oibo, heṛe ei mayafuwaware monot goribolla hibar ei hamor hota o howa oibo."\wj*
\s Ehudah Iskariyote Isare tuli dibolla razi oiye
\r (Moti 26:14–16; Luk 22:3–6)
\p
\v 10 Tarfore Ehudah Iskariyot, he baro zonor butoror ekzon, hite ḍõr imamor hãse giye edde hitarar hatot Isare tuli di faribo hoiye. 
\v 11 Hitara hendilla funiyore beši kuši oiye edde hitare ṭĩya dibo hoi wada diye. He oite hite hibare hitarar hatot kene tulidi faribo he šuzug tuwa šuru goijje.
\s Sahabi okkol loi Isar šeš hána
\r (Moti 26:17–25; Luk 22:7–14,21–23)
\p
\v 12 Iš adiya ruṭir idor foila dinot din, zẽtte rosom mozin uddar idor hánalla soolor so zorgora oito, sahabi okkole hibattu fusar goijje, "Malik, ãra hoṛe zai õnolla uddar idor hána tiyar goriyum so, zene õne uddar id falon gori faro?"
\p
\v 13 Toi hibaye hibar sahabi okkolor dui zonore endilla hoi defeṛaiye, \wj "Tũwara šohoror butore zo! Heṛe ekzon manuše ek góra fani boi loi zadde lot faiba. Tũwara hitar fise fise zaiba.\wj* 
\v 14 \wj Ar heṛe hite ze górot golibo, tũwara he góror girosore hoiba, 'Ustade fusar goijje, gorba gór hoṛe, zeṛe ãi ãr šahabi okkolore loi uddar idor hána hái fari?'\wj* 
\v 15 \wj Henot hite tũwarare tiyar goijja dui ṭalar uwore ekkan ḍõr rum dehai dibo. Heṛe zai ãralla tiyar gorogoi."\wj*
\p
\v 16 Toi sahabi okkole baisa diye edde šohoror butore giye. Ar Isaye zendilla hoil he mozin hin hitara faiye edde uddar idor hána tiyar goijje.
\p
\v 17 Bade hazinna zehon oiye, Isaye he barozon sahabire loi heṛe aišše. 
\v 18 Hitara hánar hádde šomot hibaye hodde,\wj "Ãi tũwarare soiyi hoir, tũwarar butottu ekzone ze ãr fũwati hána hár, hite ãre dušmonor hatot tuli dibo."\wj*
\p
\v 19 Toi hitara ferešan oiye edde ekzon bade ekzone hibattu fusar goijje, "Hiba ki ãi?"
\p
\v 20 Hibaye zuwab diye, \wj "Ze ãr fũwati hoddat ruṭi burar, hite.\wj* 
\v 21 \wj Kiyollahoile Adomor Futor morar babute zendilla leka ase, hendilla oibo. Kintu afsus he manušwalla, Adomor Fut loi ze beimani gorer! Hite honodin zormo no owa iyan hitalla aro beši bala oito."\wj*
\s Malikor hána
\r (Moti 26:26–29; Luk 22:15–20)
\p
\v 22 Hitara hána hadde šomot hibaye ruṭi loi šukuriya zanaiye edde hibaye ruṭiware bainge, toi sahabi okkolore diyore hodde,\wj "In lo, hó, in ãr ga."\wj*
\p
\v 23 Tarfore hibaye fiyala loiyore šukuriya zanaiye, hitarare diye edde hitara beggune hibattu fi háiye.
\p
\v 24 Toi Isaye hitarare hodde, \wj "In ãr lou, noya wadar suktir lou, zin beši mainšolla ḍali diya oibo.\wj* 
\v 25 \wj Ãi tũwarare soiyi hoir, ãngur gasor šoraf ãi ar honodin no fiyum, zeto din Allar raijjot abar noya gori hin no fiyi."\wj*
\p
\v 26 Tarfore hitara tarifor gan gaye, toi niyoli Zaitun faharot giye.
\s Isaye Fitoror ošikaror babute hor
\r (Moti 26:30–35; Luk 22:31–34)
\p
\v 27 Isaye hitarare hodde, \wj "Tũwara beggune fori zaibagoi edde ãre eri zaibagoi," Kiyollahoile iyan endilla leka ase:\wj*
\q1 \wj "'Ãi sool soroyare marifelaiyum,\wj*
\q2 \wj ar soolgun sairo mikka šiṛašitta oi zaiboi'\wj*
\m
\v 28 \wj Kintu ãi uṛizaigoi bade, ãi tũwarar age Galilot zaiyum."\wj*
\p
\v 29 Hetunot Fitore hodde: "Zodi õnore beggune felai zailegoi o, ãi hen no goijjum."
\p
\v 30 Isaye zuwabe hodde, \wj "Ãi tore soiyi hoir, ehon aijja raitor butore, rata kuraye dui bar bak no dite, tui ãre tin bar ošikar goribi."\wj*
\p
\v 31 Kintu Fitore aro zur diyore hodde, "Zodi ãttu õnor fũwati mora o fore, to ãi õnore ošikar no goriyum!" He ekkui hota hitara beggune hoiye.
\s Isa Mosi Getsemoni baganot
\r (Moti 26:36–46; Luk 22:39–46)
\p
\v 32 Ar hitara Getsemoni name ek zagat aišše, toi hibaye sahabi okkolore hodde, \wj "Ãi zetun duwa gori, tũwara eṛe boiyo."\wj* 
\v 33 Tarfore hibaye Fitor, Yakub edde Yuhannare fũwati loigiye edde monot kub beši zontrona edde hošto fa šuru goijje. 
\v 34 Ar hibaye hitarare hodde, \wj "Dukke ãr foran niyoli zargoi. Tũwara eṛe tako edde seton taikko." \wj*
\p
\v 35 Bade hiba hoddur dure zaiyore meṛit uite foijje edde munazat goijje zene šombob oile ei dukkor ṭaim hibar hãsottu dur oi zagoi. 
\v 36 Hibaye hodde, \wj "Abba, Baf! Tũwalla hár kissu šombob. Ãttu ei motor fiyalawa loifelo. Tarfore o ãr issaye no, šude tũwar issaye gora ok."\wj*
\p
\v 37 Tarfore hiba sahabi okkolor hãse uwafes firi aiyore hitarare gumot lot faiye. Hibaye Fitorore hodde, \wj "Simon, tui gum zodde neki? Ek gonḍa o ki seton tai no farili ne?\wj* 
\v 38 \wj Seton tako ar duwa goro zene forikkat no foro! Dile issa gorer, kintu tũwarar ga durbol."\wj*
\p
\v 39 Abar hibaye zaiyore he ekkui munazat goijje. 
\v 40 Hiba abar firi ai hitarare gumot foijja faiye, kiyollahoile hitarar sukot gum bári aššil. Ar hitara hibare ki zuwab dibo buzi no faijjil.
\p
\v 41 Tisera bar hiba hitarar hãse firi aišše edde hodde,\wj "Ehono tũwara gum zor edde aram goror? Beši oiye! Šomoi hãse aišše. Adomor Futore gunagaror hatot tuli diya or. \wj* 
\v 42 \wj Uṛo, solo, ãra zai! Ze ãre loi beimani gorer hite hãse aigiyegoi."\wj*
\s Isare doitto aišše
\r (Moti 26:47–56; Luk 22:47–53; Yuhunna 18:2–11)
\p
\v 43 Ar hehon, hibaye ehon o hota hor, hen šomot Ehudah, ze barozon sahabir ekzon, hite heṛe aišše. Hitar fũwati ek ḍõr dole suri edde laṛi loi aišše. Hitarare defeṛaiyede oilde ḍõr imam okkol, alem okkol edde manuš okkolor murubbi okkole.
\p
\v 44 Beimani goroyaye hitara loi ekkan sinno ṭik goijjil: "Ãi zare suma diyum hite oilde hiba. Tũwara hitare doriba edde fahara diyore loi zaiba." 
\v 45 Ar hite aišše edde toratori Isar hãse zai hodde, "Rabbi" en hoi hite hibare suma diye. 
\v 46 Toi hitara hibare doijje. 
\v 47 Heṛe tiyai aiššilde hitarar butottu ekzone hitar suri niyolaiye edde ḍõr imamor gulamore hamela goijje edde hitar han haṛi loi felaiye.
\p
\v 48 Isaye hitarare hodde,\wj "Ḍahait doitto zafan gori tũwara ãre kiyolla laṛi edde súri loi doitto aiššo? Ãi ki ḍahait?\wj* 
\v 49 \wj Fotti din ãi tũwarar fũwati aššilam edde dórmogóror uṛanot šikka diyi, kintu hẽtte to tũwara ãre no doro! Kintu kitabor hota endilla gori furon owa forer."\wj* 
\v 50 Hetunot sahabi okkol beggune Isare eri dáigiyegoi.
\p
\v 51 Ekzon zuwan fuwaye šude ekkan saddor findiyore Isar fise fise gil. Hitara hitare doijje, 
\v 52 kintu hite he saddor felaiyore lenḍa dai giyegoi.
\s Ḍõr šobar sarme Isa Mosi
\r (Moti 26:57–68; Luk 22:54–55,63–71; Yuhunna 18:13–14,19–24)
\p
\v 53 Hitara Isare ḍõr imamor hãse loigiye edde hár ḍõr imam okkol, he bura murobbi edde alem okkol beggune ekku fũwati dola oiye. 
\v 54 Kintu Fitore dure takiyore hibar fise fise zaite zaite, ḍõr imamor uṛanot foijjonto góille. Fitore heṛe faharadar okkolor fũwati oinor ṭalor ḍake boiyore oin fuhar.
\p
\v 55 Toi ḍõr imam okkol, bura murubbi okkol edde alem okkol, mani beggune Isare marifelaibolla hibar berudde goba zuhar goitto sail, kintu hitara honokiyore no fa. 
\v 56 Hibar berudde bout kiye misa goba diye, kintu hitarar goba no mile. 
\v 57 Hetunot ho ekzone uṛi tiyaye edde hibar berudde misa goba diye, 
\v 58 "Ãra hite endilla hodde fuinni, 'Ãi ei hate banaiya dórmogór bangifelaiyum edde tin dinor butore en ar ekkan tiyar goijjum, ziyan manušor hate banaiya no.'" 
\v 59 Kintu hitarar goba o no mile.
\p
\v 60 Hetunot ḍõr imame beggunor sarme tiyaiye edde Isare hodde, "Tor berudde hitara nališ goredde hinot tottu kissu hoibar nai neki?" 
\v 61 Kintu Isaye suf oi roiye edde hono zuwab no de.
\p Ḍõr imame hibare abar fusar goijje, "Tui ki he rahamoti Allar Fut, Mosi?"
\p
\v 62 Isaye hodde, \wj "Ãi oi. Tũwara Adomor Futore he Šorbo Šoktiwalar ḍen ḍakottu boiṛade edde asmanor miyulat gori aiyedde dekiba."\wj*
\p
\v 63 Henot ḍõr imame hitar nizor hor faṛifelaiye edde hodde, "Ar ãrattu gobar ki dorhar? 
\v 64 Tũwara to kuferigan fuinno. Tũwara ki bafo?"
\p Hitara beggune hibare duši goriyore moribar laikka hoi faisala diye. 
\v 65 Toi ho ekzone hibar gat sef maijje edde hibar muk bandi guša maijje edde hodde, "Tui nobi no ne? Sai, hosai tore hone maijje!" Ar faharadar okkole loizaiyore beši mara maijje.
\s Fitoror ošikar
\r (Moti 26:69–75; Luk 22:56–62; Yuhunna 18:15–18,25–27)
\p
\v 66 Fitor zẽtte lamat uṛanot aššil, hetunot ḍõr imamor ekzon bandi heṛe aišše. 
\v 67 Hibar nozor Fitore oin fuhadde hikka foijje edde hibaye bala gori Fitoror mikka saiyore hodde, "Tui o to oi Nasarator Isar fũwati aššili."
\p
\v 68 Kintu Fitore hiyan ošikar goijje. "Tui kiyor babute hor hin ãi no zani, no buzir," endilla hoi Fitor baror dorozar hãse giye, ar hetunot ugguwa rata kuraye bak di uiṭṭe.
\p
\v 69 Kintu mayafuwaye Fitorore heṛe dekiyore abar heṛe zara tiyai aššil hitarare hodde, "Ite o hitarar ekzon."
\p
\v 70 Kintu Fitore abar hiyan o ošikar goijje.
\p Aro hotun bade, zara heṛe tiyat aššil hitara o Fitorore hodde, "Hameka tui o utarar ekzon, kiyollahoile tui o to Galilor manuš, tor baša loi buza zar."
\p
\v 71 Kintu Fitore nizore bodduwa diyore hosom hái hodde, "Tũwara zar babute hota hor ãi he manušware no sini."
\p
\v 72 Ar hehon dusora bar rata kuraye bak diye. Toi Isaye Fitorore ki hoil hiyan hibattu monot foijje: \wj "Rata kuraye dui bar bak no dite tui ãre tin bar ošikar goribi."\wj* Toi hiba handa šuru goijje.
\c 15
\s Filator sarme Isa
\r (Moti 27:1–2,11–26; Luk 23:1–5,13–25; Yuhunna 18:33–40; 19:6–16)
\p
\v 1 Kub binna sore, ḍõr imam okkol edde murubbi okkol, edde alem okkol, ḍõr šobar beggune ek mošora goijje. Tarfore hitara Isare bandiyore loigiye edde Filator hatot gosaidiye.
\p
\v 2 Filate fusar goredde, "Tui ki Ihudi okkolor badša?"
\p Isaye zuwabe hodde, \wj "Tũi hor hendilla"\wj*
\p
\v 3 Ḍõr imam okkole hibar namot bout hosuri okkol diye. 
\v 4 Tarfore Filate Isattu abar fusar goijje, "Tui ki hono zuwab no dibi? Sa, hitara tore hodun hosuri der?"
\p
\v 5 Kintu Isaye ek ohor udda zuwab no de, henot Filat tajjuf oiye.
\p
\v 6 Fotti uddar idot Filate mainše zare saito hendilla ekzon bondire eridito. 
\v 7 He šomot Barabbas name ekzon manuš hokumotor ulda hórtal goroya okkolor fũwati ziyolot bondi aiššil, zara hórtalor butore ekzonore kun gorifelail. 
\v 8 Manuš okkole Filator hãse aiyore guzora šuru goijje, hite goittode hendilla goribolla.
\p
\v 9 Toi Filate hitarare hodde, "Tũwara so ne, ãi Ihudi okkolor badšare eridi?" 
\v 10 Dõr imam okkole ze hingša gori Isare hitar hatot tulidil hiyan Filate zaintode hetolla hite hen hoiyede. 
\v 11 Kintu ḍõr imam okkole mainšor dolore uskani diye zene Filate hitaralla Barabbasore eride.
\p
\v 12 Filate abar hitarattu fusar goijje, "Toile tũwara zare Ihudi okkolor badša hoi ḍako, tũwara ki so, ãi hitare ki goittam?"
\p
\v 13 Hitara guzori hodde, "Hitare kurušot do!"
\p
\v 14 Filate hodde, "Kiyolla, hite ki duš goijje?"
\p Kintu hitara aro zure guzoriyore howa šuru goijje, "Hitare kurušot do!"
\p
\v 15 Filate mainšor dol okkolore razi goitto saiye. Hite hitaralla Barabbasore eridiye, kintu Isare souk maraiye edde kurušot dibolla tuli difelaiye.
\s Šoinno okkolor ṭaṭṭa tõša
\r (Moti 27:27–31; Yuhunna 19:2–3)
\p
\v 16 Tarfore šoinno okkole Isare loi ḍõr šašon goroyar gõrot giye edde šoinno okkol beggunore ekkui fũwati goijje. 
\v 17 Hitara Isare baiyonna rongor hor findaiye, ar keṛa diyore ekkan taz banai matat findai diye. 
\v 18 Tarfore hitara Isare ṭaṭṭa gori hodde, "Mórhaba, Ihudi okkolor badša!" 
\v 19 Hitara ugguwa laṛi loi hibar mata sai bari maijje edde hibar gat sep maijje ar ãṛu felai hibare ijjot goijje. 
\v 20 Hibare loi ṭaṭṭa gori bade hitara he baiyonna rongor hoorgan kuli loi felaiye edde hibar nizor ho sour findai diye. Toi hitara Isare kurušot dibolla niyolai loigiyegoi.
\s Isare kurušot diya or
\r (Moti 27:32–44; Luk 23:26–43; Yuhunna 19:17–27)
\p
\v 21 Ar Simon name ekzon Kuroni šohoror manuš farattu he fõt bai aiššil. Hite aššilde Alekzendar edde Rufusor baf. Šoinno okkole hitare Isar kuruš boi loi zaibolla zur goijje. 
\v 22 Hitara hibare Golgata name ekkan zagat loigiye. Ei namor mani Mata kulir zaga. 
\v 23 Tarfore hitara Isare tita mišaiya horor roš fito diye, kintu hibaye hin no gose. 
\v 24 Tarfore hitara hibare kurušot diye edde hibar horgunolla har baiggot ki hor fore hiyan saibolla hitara loṭari maijje.
\p
\v 25 Hitara hibare kurušot diyede hiya binna nowa baijje. 
\v 26 Hibar berudde duš nama sainbuṛot leka aššil,
\pc "IHUDI OKKOLOR BADŠA."
\p
\v 27 Hibar fũwati hitara duizon ḍahaitore o kurušot diye, ekzonore ḍen ḍakottu ar oinno ekzonore bam ḍakottu. 
\v 28 (Henot Pak kitabor ei hota furon oiye: "Hibare oinnai goroya okkolor fũwati gona oiye.") 
\v 29 Zara he fõt bai giye hitara mata zaijje edde ofoman gori hoiye, "Tui no ne dórmogórgan bangi abar tin dinor butore hiyan tiyar gori farosde! 
\v 30 Henoile ehon nizore basa edde kurušottu lami ai!" 
\v 31 Hendilla ekkui bafe ḍõr imam edde alem okkole o Isare loi ṭaṭṭa goijje edde ekzonore ekzone hodde, "Hite oinno kiyore uddar goitto, kintu nizore uddar gori no farer! 
\v 32 Ei Mosi, Israilor badša, ehon kurušottu lami ai ok, zene ãra sai fari edde biššaš gori fari." Hitara zarare hibar fũwati kurušot diye hitara o hibare ofoman goijje.
\p
\v 33 Bade dũijja oiye loti tin gonḍa mula ek andar hara dešor uwore foijje. 
\v 34 Šomoi tinnuwa baijjede šomot Isaye ḍõr abaze guzori hodde, \wj "Eloi, Eloi, lema sabaktáni?"\wj* (Ziyanor mani \wj "Ãr Allah, ãr Allah, kiyolla tũi ãre felaigiyogoi?"\wj*)
\p
\v 35 Ḍake tiyat aššilde hitarar hoekzone ei hota funiyore hodde, "Funo, hite Eliyasore ḍakedde"
\p
\v 36 Ekzone dũri zaiyore ekkan hani rošot buraiyore hiyan nolor matat gori Isare fi haito diye.
\p Hite hodde, "Tiya! Sai, nobi Eliyase hono hitare uddar goitto aiye ne!"
\p
\v 37 Kintu Isaye zure guzoriyore šeš niyaš felaiye. 
\v 38 Ar dórmogóror forodagan uwottu loti nise foijjonto siri dui bag oi giyegoi. 
\v 39 Ze Romiyo ofisar Isar sarme tiyai aššil hite Isaye endilla gori šeš niyaš felaiyede deki hodde, "Soiyi, ei manušwa Allar Fut aššil."
\p
\v 40 Heṛe hoekzon mayafuwain o dure tiyat aššil, zara in okkol saiye. Hitarar butore aššilde, Salomi, Mogdaleni Moriyam, ar šoṛo Yakub edde Yusesor ma Moriyam. 
\v 41 Isa Galilor taite ei mayafuwain okkole hibar fise fise zaito edde hibar šeba gorito. Aro bout mayafuwain okkol, zara hibar fũwati uwore Zeruzalem aiššil, hitara o heṛe tiyai aššil.
\s Isare hobor diya or
\r (Moti 27:57–61; Luk 23:50–56; Yuhunna 19:38–42)
\p
\v 42 He dinnuwa aššilde tiyarir din, mani dórmor dinor agor din, ar hazinna oi giyegoi, 
\v 43 Arimatiya farar Yusuf, ze ḍõr šobar beši nam gora ekzon montri, hibaye Allar raijjolla boi aššil. Hibaye himmot gori zai Isar laššuwa faibolla Filator hãse foriyad goijje. 
\v 44 Ar Filat tajjuf oiye ze Isa eto toratori mori giyegoi, ar šenafotire ḍaki Isa morigiyegoide oi ne, hitattu fusar goijje. 
\v 45 Zehon šenafotir hãsottu hite foriškar zuwab zani faijje, toi laššuwa Yusufore diye. 
\v 46 Yusufe zai ekkan kafonor hor kinne, toi Isar laš nise lamaiyore he hoorgan beraiyore en ek hoborot raikkegoi, ziba faharor haindat kuinda aššil. Tarfore he hoboror mukot ugguwa fattor gorgorai loizai ouzai diye. 
\v 47 Hibare hoṛe hobor diye, Mogdaleni Moriyam edde Yusesor ma Moriyame deikke.
\c 16
\s Isar uwafes zinda
\r (Moti 28:1–10; Luk 24:1–12; Yuhunna 20:1–10)
\p
\v 1 Dórmor din šeš oi zaigoi bade, Mogdaleni Moriyam, Yakubor ma Moriyam, edde Salomi, hitara Isar lašot ḍoli dito zaibolla kušbo tel kinne. 
\v 2 Bade haftar foila din binna kub sore, zẽtte hitara hoboror hãse giye hẽtte beil uiṭṭe. 
\v 3 Hitara ekzone ekzonore hodde, "Hoboror mukottu fattorguware ãra hare diyore šoraiyum?"
\p
\v 4 Kintu hitara saiyore dekedde fattorguwa šoraiya. Hiba beši ḍõr aššil. 
\v 5 Hoboror butore goli hitara dola lamba hor finda ekzon zuwan manušore den ḍakottu boiṛa deikke, henot hitara beši ammuwak oiye.
\p
\v 6 Kintu hite hodde, "Ammuwak no oiyo, kurušot diya oiyede Nasarator Isare ze tũwara tuwor, hiba eṛe nai, hiba uṛi giyegoi. So, iyan he zaga ziyanot hitara hibare rakkil. 
\v 7 Ar tũwara zo, hibar sahabi okkolore edde Fitorore hogoi ze Hiba tũwarar age Galilot zar. Hibaye zendilla hoil he bafe tũwara heṛe hibar deha faiba."
\p
\v 8 Toi hitara kissu buzi uṛi no fari ḍore hafi hafi hoborottu niyoli giyegoi edde hentu dai giyegoi. Hitara ei babute ek or hota o honokiyore no ho, kiyollahoile hitara ḍorai gilgoi.
\s Isaye Sahabi okkolore deha diye
\r (Yuhunna 20:11–18)
\p
\v 9 \it Haftar foila din binna sore, Isa abar uṛizaigoi bade hibaye foila Mogdaleni Moriyamore deha diye, zibattu Isaye hãttuwa but dafail.\it* 
\v 10 \it Hibaye hentu giyegoi edde he hóborgan zara Isar fũwati takito, hitarare diye edde hitara hainde edde bilag gorat aššil.\it* 
\v 11 \it Kintu hitara zehon fuinne, ze Isa zinda ase edde hibare deha diye, hitara hiyan biššaš no gore.\it*
\p
\v 12 \it In okkol goṭi bade, Isaye oinno ruf dori hitarar dui zonore fõtot deha diye, zara baire farat zadde aššil.\it* 
\v 13 \it Itara o uwafes firi giye edde dusoragunore o he hóbor diye, kintu hitarare o hitara biššaš no gore.\it*
\p
\v 14 \it Šeše hiba he egarozon asabe hána háibolla dola oiyede šomot hitarare deha diye. Biššašor obaf edde dil dorode hiyanolla hitarare hibaye boka diye, kiyollahoile hiba uṛizaigoi bade zara hibare deikke hitarar hota itara biššaš no gore.\it*
\s Isar šeš hokum
\r (Moti 28:18–20; Luk 24:47–48)
\p
\v 15 \it Isaye hitarare hodde,\+wj "Duniyair hár mikka zo edde Allar diya kušir hobor hár manuš zatir hãse tobolig goro.\+wj*\it* 
\v 16 \it \+wj Ze honokiye biššaš gore edde torikotor gusol lo hite uddar faibo. Kintu ze biššaš no goribo, hitare duši ṭora oibo.\+wj*\it* 
\v 17 \it \+wj Zara biššaš gore hitarar butore ei sinnogun deha zaibo: Ãr name hitara bod ruh dafaibo, hitarar zile noya bášat hota hoibo,\+wj*\it* 
\v 18 \it \+wj ar hitara hate háf doribo, zodi hitara hono moron biš há, toile hitarar hono hoti no oibo. Ar zẽtte hitara biyaraimmar gat hat rakibo, hitara bala oi zaiboi." \+wj*\it*
\s Isare asmanot tuli loiza oiye
\r (Luk 24:50–53; Asab 1:9–11)
\p
\v 19 \it Malik Isaye hitarar loi hota hoi bade, hibare asmanot tuli loi za oiye edde Allar den ḍakottu boišše.\it*
\p
\v 20 \it Toi sahabi okkol baire giye edde hár zagat tobolig goijje. Ar Malike hitarar fũwati ham gorat taikke edde hitarare keramoti ham goribar šokti diyore forman goijje ze hibar kalam soiyi.\it* Amen!