\id LUK - Rohingya Bible
\ide UTF-8
\h Siyara Luk
\toc1 Lukor Leka Kušir Hóbor
\toc2 Luk
\toc3 Luk
\mt1 Lukor leka kušir hóbor
\c 1
\s Foriso
\p
\v 1 Ãrar bout kiye ãrar butoror goṭona okkol zin zin ãrar maze goiṭṭe hinore leka šuru goijje. 
\v 2 Foila loti hitara zara nizor suke deikke edde bala hóbor tobolig goijje hitara ãrar hãse zendilla zanaiye. 
\v 3 Hendilla ãi o šuruttu loti hár goṭonare bala gori zasai basai gori bade, o adoijja Teofilos, ãi tũwar hãse he goṭonagunore kulasa bafe leka bala mone gorilam. 
\v 4 Zene ze kissu šikka tũi faiyo, hin soiyi oi ne naki no zani faro.
\s Yahya zormo oibar agam hóbor
\p
\v 5 Ehudiyar badša Herudor ṭaimot, heṛe Abiyas dolor ekzon imam aššil, zar nam Zakariya. Hitar bou o Harun guštir maya fuwa. Hibar nam aššil Elizabet. 
\v 6 Hitara dunizon Allar šaikkat forhesgar aššil. Mabudor har hokum edde niyom mozin hitara niduši bafe solito. 
\v 7 Hitarattu hono fuwain no aššil, kiyollahoile Elizabet aššilde bázá. Ar hitarar umor o beši oil.
\p
\v 8 Ek din Zakariyaye hibar dolor fala mozin Allar sarme imamoti ham goijjil. 
\v 9 Toi imamoti hamor niyom mozin dusora imam okkole loṭari maijje, henot Zakariyar nam uiṭṭe edde hibattu Mabudor pak zagat goli duf zala foijje. 
\v 10 Duf zalaibar ṭaimot mainše battu tai munazat goijje.
\p
\v 11 En šomot dufgar ḍen ḍakottu Mabudor ek firistaye Zakariyare deha diye. 
\v 12 Toi Zakariyaye he firistare deki hibar mon hoisali oi uiṭṭe edde beša beši ḍoraiye. 
\v 13 Kintu firistaye Zakariyare hodde: "No ḍorais Zakariya, tor duwa kobul gora oiye. Tor bou Elizabete tolla ek futore biyaibo, ar tui hitar nam rakibi Yahya. 
\v 14 Hite tolla ek kuši edde ullaš oibo, ar hite zormo owa loi boute kuši oibo, 
\v 15 kiyollahoile hite Malikor nozorot mohan oibo, edde šoraf otóba hono ḍoilla mod no fibo; ar enki hite mar feṛottu loti he Pak Ruhuye furaiya oibo. 
\v 16 Hite Israilor beša beši manuš okkolore hitarar Allah Malikor hãse firai anibo. 
\v 17 Eliyas nobir ḍoil hanggam edde šokti loi, hite Malikor age aibo, bab okkolor mon fuwaindor uzu firaibolla, edde naforman mainšor monor báfore bodoli, Allar formandar mainšor monor báfor ḍoilla goribolla, zene Malikolla ek dol manušore furafuri bafe tiyar gori fare."
\p
\v 18 Zakariyaye firistare hodde, "Iyan ãi kene ekin goijjum? Kyollahoile ãi to bura, edde ãr bouwe fuwa biyaibar boyoš o farai giyegoi."
\p
\v 19 Firistaye hitare hodde, "Ãi Zibrail ze Allar sarme tiyai taki. Tor loi hota hoibolla edde ei kušir hóbor dibolla ãre defeṛa oiye. 
\v 20 Ar sa, ehon loti in okkol ze din goṭibo, he din foijjonto tui buk oi takibi edde hota hoi no faribi, kiyollahoile tui ãr hota biššaš no goros. Kintu ãi ze hota hoiyi hin šomoi mozin furon oibo."
\p
\v 21 Ar eṛe bare manuš okkole Zakariyalla entezar gori taikke. Dórmogóror pak zagar butore hibaye deri gorer deki hitara tajjuf oi bafa šuru goijje. 
\v 22 Bade Zakariya zehon niyoli aišše, hibaye hitara loi mati no fare. Hitara buijjede dórmogóror pak zagar butore hameka hibaye hono deha faiye, kiyollahoile hibaye hitarar loi šude išara bišara gorat roiye edde buk oi roiye.
\p
\v 23 Tarfore Zakariyar fala zehon šeš oiye, hite hitar górot firi giyegoi. 
\v 24 Hotodin bade Zakariyar bou Elizabet hamil oiye edde fãs maš foijjonto hiba mainšor arguwal oi roiye. 
\v 25 Elizabete hodde, "Iyan Mabudor ham. Mainšor sarme ãttu šorom no lagefan Allaye ehon ãr mikka suk tuli saiye."
\s Isa Mosi zormo oibar agam hóbor
\p
\v 26 Bade Elizabet so maišša hamil oiyede šomot, Allaye Zibrail firistare Galil elehar Nasarat farar ek kumarir hãse defeṛaiye. 
\v 27 Hibare loi badša Daudor bongšor Yusuf name ekzon loi hibar biyar hotabattara ṭik oil. He kumarir nam Moriyam. 
\v 28 Firistaye hibar munttu zaiyore hodde, "Tor šanti ok! Tui ḍõr rahamot faiyos! Mabud tor fũwati ase."
\p
\v 29 Ei hota funi Moriyamor mon beši hoisalit fori gilgoi, ar mone mone bafa šuru goijje ei solamor mani ki hoi. 
\v 30 Kintu firistaye hibare hodde, "No ḍorais Moriyam; kiyollahoile tui Allattu rahamot faiyos. 
\v 31 Ar fun! Tui hamil oibi edde tottu ek futore biyaibi, ar hibar nam rakibi Isa. 
\v 32 Hiba mohan oibo, hibare šorbo šoktiwalar fut ḍaka oibo. Allah Mabude hibar baf Daudor šingašon hibare dibo. 
\v 33 Yakubor bongšor uwore hibaye abadul abad razagiri goribo, ar hibar razagiri hono din šeš no oibo."
\p
\v 34 Moriyame firistare hodde, "En ken gori oi faribo? Ãi aizo kumari?"
\p
\v 35 Firistaye zuwabe hibare dedde, "Pak Ruh tor uwore aibo, edde šorbo šoktiwalar šokti tor uwore saiya oibo. Hetolla ze paki zon zormo oibo hibare Allar Fut ḍaka oibo. 
\v 36 Ar sa, tor egena Elizabet, hibattu o ei bura boyošot ek fut feṛot oiye. Hiba zare bázá hoito, hibattu iyan so mašor san. 
\v 37 Kiyollahoile Allattu ošombob kissu nai."
\p
\v 38 Moriyame hodde, "So, ãi Mabudor bandi, tũwar hota mozin ãr uwore har kissu ok." Tarfore he firista Moriyamor henttu giyegoi.
\s Elizabetor górot Moriyam
\p
\v 39 Hotodin bade Moriyame toratori gori Ehudiya elehar ek fahari farat giye, 
\v 40 zeṛe Zakariya take. Hiba heṛe Zakariyar górot góille edde Elizabet loi mulot oiye. 
\v 41 Elizabete zehon Moriyamor abaz fuinne hetunot hibar feṛor fuwaye fal mari uiṭṭe. Ar Elizabet he Pak Ruhuye furon oiye edde 
\v 42 zure ḍak mari hodde: "Har nari okkolor butore tore rahamot, ar rahamot ze fuwa tor gorbot ase. 
\v 43 Iyan ki bafe oi fare, ãr Malikor mattu ãr hãse aiya foijje? 
\v 44 Ãi zẽtte tor abaz funilam hẽtte ãr gorbot ãr fuwaye kušiye fal mari uiṭṭe. 
\v 45 Ar rahamot tore, tui biššaš goijjos, ar hetolla tor babute Mabude zen hoiye, hen furon oibo!"
\s1 Moriyamor šukurana gozol
\p
\v 46 Hetunot Moriyame hodde:
\q1 "Ãr forane Malikor šanor tarif gorer!
\q2
\v 47 ar ãr ruh ãr basailoya Allare loi kušiye ullaš,
\q1
\v 48 kiyollahoile hibaye ei nihait gorib bandir uwore nozor diye.
\q2 Ar so, ehonottu loti hár mainše ãre mubarak hoibo.
\q1
\v 49 kiyollahoile hiba, he Šoktiwalaye ãlla beši ḍõr ham okkol goijje,
\q2 paki oilde hibar nam.
\q1
\v 50 hibar doya bongšor bade bongšolla,
\q2 zara Hibare ḍorar.
\q1
\v 51 Allaye nizor ḍũwa loi ḍõr šoktir ham goijje.
\q2 Zarar nizor dilot ohonkare bora,
\q2 hitarare Allaye šiṛa šitta gori felaiye.
\q1
\v 52 Allaye šingašonottu raza okkolore lamai diye,
\q2 kintu nisorgunore usolot goijje.
\q1
\v 53 Zetarattu obaf ase, hitarare bala bala hána fani diye,
\q2 kintu tuwangor okkolore hali hate bidai goijje.
\q1
\v 54 Allaye ãrar fordada okkolor hãse ze wada dil,
\q2 he mozin hibaye hibar gulam Israilore ufohar goijje.
\q1
\v 55 Ibrahim edde hibar bongšor manuš okkolor uwore,
\q2 abadul abad adorhatir goribar hota Allaye monot raikke."
\p
\v 56 Ar Moriyam maš tin maš Elizabetor górot taki bade nizor górot uwafes firi giyegoi.
\s Torikotor gusol doya Yahyar zormo
\p
\v 57 Bade zehon Elizabete fuwa biyaibar din furon oiye, hibaye ek futore biyaiye. 
\v 58 ar hibar ḍen gór bam gójja edde egena okkole fuinne ze, Mabude hibare hoto ḍõr ador dehaiye, edde hitara hibar fũwati kuši goijje.
\p
\v 59 Ašṭo dinor din hitara fuware azomi goraito aišše, edde hibar bafor nam mozin hitara fuwar nam Zakariya rakito saiye, 
\v 60 kintu fuwar maye zuwabe hodde: "No, hitar nam Yahya raka oibo."
\p
\v 61 Hitara hibare hodde, "Tũwar egena okkolor butore hono kiyor nam to Yahya nai."
\p
\v 62 Bade hitara fuwar bafore išara gori hibattu zainto saiye fuwar nam ki rakito so hoi. 
\v 63 Zakariyaye ekkan lekibar silet maigge edde heṛe leikke: "Itar nam Yahya." Henot beggune ammuwak oiye. 
\v 64 Ar hehon Zakariyar muk kuligiyegoi edde zil eridiya oi giyegoi, toi hibaye Allare tarif gora šuru goijje. 
\v 65 Hen deki atehasor manuš okkol beggune beši ammuwak oiye. Henot ze hanḍo okkol goiṭṭe hinor babute Ehudiyar har fahari elehar manuš okkole howa hoi gora šuru goijje. 
\v 66 Mabudor hat ei fuwar uwore aššil buli zedune ei hota okkol fuinne hitara hin dilot raikke edde fusar goijje: "Ḍõr oile ei fuwa ki oibo?"
\s Zakariyar šukurana gozol
\p
\v 67 Hibar baf Zakariyaye he Pak Ruhuye furaiya oi nobi hisabe hota hoiye, hodde:
\q1
\v 68 "Israilor Allah Mabudor tarif ok,
\q2 kiyollahoile hibaye nizor mainšor uzu suk diye edde deha šunar bar loiye.
\q1
\v 69 Allaye ãralla hibar gulam Daudor bongšottu
\q2 ekzon šoktiwala basailoiya tuille.
\q1
\v 70 (Ei wadare Allaye bout age hibar pak nobi okkolor muke howaiye.)
\q1
\v 71 Dušmon okkolor edde zara ãrare hingša gore
\q2 hitarar hatottu basaibo.
\q1
\v 72 Allaye ãrar bafdadare doya dehaiye
\q2 edde hibar paki wadare monot raikke,
\q1
\v 73 he wadare hibaye ãrar baf, Ibrahimor hãse dil:
\q1
\v 74 Hetolla ãra dušmon okkolor hatottu ḍor sara uddar oiyi,
\q2 toi zene ãra zetodin basi, Allar sukor sarme
\q2
\v 75 pak saf edde soiyi bafe Allar šeba gori fari.
\q1
\v 76 Ar oh ãr fuwa, tore šorbo šoktiwalar nobi hoi ḍaka oibo,
\q2 kiyollahoile tũi Malikor age age zaibi edde Malikor fõt ṭik goribi.
\q1
\v 77 Edde Malikor manuš okkolore uddar sinaibi,
\q2 hẽtte hitarar guna maf gora oibo,
\q1
\v 78 kiyollahoile ãrar Allar doyaye boraiya.
\q2 Uworwalar fohor beil uṛefan oibo ãrar uwore,
\q1
\v 79 zara andarot edde morar sabat boi roiye,
\q2 edde ãrare šantir fõtot solai fare."
\p
\v 80 Ar fuwawa bari uiṭṭe edde ruhuye mojbut oiye; Israili okkolor munttu aibar age foijjonto Yahya bošoti sara elehat maze zibon haṛaiye.
\c 2
\s Isa Mosir zormo
\r (Moti 1:18–25)
\p
\v 1 Hẽttiyaror din okkolot Rom dešor badša Agustusor hokum zari oiye, ze šara raijjor hár manuš okkolottu nam leka diya foribo. 
\v 2 Siriyar šašon goroya Kuronir ṭaimot ei foila bar manuš gona oiye. 
\v 3 Har mainše nam leka dibolla nizor nizor farat za šuru goijje.
\p
\v 4 Ar Yusuf aššilde badša Daudor bongšor manuš. Badša Daudor zormostan aššilde Ehudiya elehar Betlehem šohorot. Hetolla Yusuf o nam leka dibolla Galil elehar Nasarat farattu uwore Daudor šohor Betlehemot gil. 
\v 5 Moriyam, zar loi Yusufor biyar hotabattara ṭik oil, ar he šomot hiba hamil aššil, hibaye o Yusufor fũwati nam leka dibolla heṛe giye. 
\v 6 Hitara heṛe giyede šomot hibar fuwa halasi oibar ṭaim oiye. 
\v 7 Toi hibaye foila fuwa morod fuwa halasi goijje. Ar hibaye he fuware hoor berai di hanḍailot neṛai diye. Kiyollahoile hitaralla heṛe hiyan sara ar hono mikka takibar zaga no aššil.
\p
\v 8 Heṛe maṛot ḍakeduke hoekzon soolsoroya aššil, zara raitta soolor zãk fahara dil. 
\v 9 Ar Allar ek firista ai hitarar sarme hazir oiye. Toi Allar nuror tozolli sairo mikka oiye, henot soolsoroya okkole beši ḍoraiye. 
\v 10 Firistaye hitarare hodde, "No ḍoraiyo, kiyollahoile so, ãi tũwarare beši ḍõr kušir hóbor zanaito aišši; ei kuši hár manušolla oibo. 
\v 11 Kiyollahoile aziya Daudor šohorot tũwaralla ek basailoya zormo oiye; hiba oilde Mosi, Malik. 
\v 12 Ei hota soyide hiyanor sinno oilde, tũwara ek gura fuware hanḍailot hoor beraiya neṛaiya dekiba."
\p
\v 13 Bade atikka he firistar fũwati ek ḍõr firistar dol behostottu ai zug diye edde hitara beggune Allare ganor šure tarif gora šuru goijje:
\q1
\v 14 "Uwore behostot Allar tarif ok,
\q2 edde duniyait hibar manuš okkolor maze,
\q2 zitarare loi Allah kuši hitarar uwore šanti ai ok!"
\p
\v 15 Firista okkol zehon hitarar henttu behostot giyegoi, soolsoroya okkole ekzone ekzonore hodde: "Aiyo, ãra Betlehem foijjonto zai, ze hota Allaye ãrare firistar duwara zanaiye hin saigoi."
\p
\v 16 Toi hitara toratori he zagat fõiššegoi, heṛe Moriyam edde Yusuf, hanḍailot neṛaiya he gura fuwar deha faiye. 
\v 17 Hitara he fuware deki bade he fuwar babute zin zin firistaye soolsoroya okkolore hoil hin hitara itarare zanai diye. 
\v 18 Ar zedun mainše soolsoroya okkolor hota fuinne, hitara beggune tajjuf oiye. 
\v 19 Kintu Moriyame he šob hota mone mone bafa šuru goijje edde hin nizor dilot gãti raikke. 
\v 20 Ar soolsoroya okkolore zendilla howa oil, hitara hendilla hár kissu deki funi Allare tarif edde šukuriya zaniye. Toi bade hitara henttu uwafes firi giyegoi.
\p
\v 21 Ašṭo din bade fuware azomi goraibar ṭaim oiye, ar hẽtte nam raka oiye Isa. Mar feṛot aibar age firistaye ei namman dil.
\s Fuwa Isare dórmogórot loigiye
\p
\v 22 Bade zehon Musar šoriyotot mozin pak saf oibar ṭaim oiye. Toi Yusuf edde Moriyame gura fuwa Isare Mabudor sarme tiya goraibolla Zeruzalemot loigiye. 
\v 23 Zendilla Mabudor ainot leka ase, "Foila zormor har morodore Mabudor dora oibo." 
\v 24 Hin bade o hitara kurbani goitto giye, zendilla ainot kurbani dibar hota leka ase: "Ek zura faikor so otóba duwa hoitoror basa."
\p
\v 25 Hẽtte Zeruzalemot Simeon name ekzon dórmiyo edde allawala manuš aššil. Allaye hõtte Israil zatir dukkore dur goribo he ṭaimolla hibaye sai aššil. Pak Ruh hibar uwore aššil, 
\v 26 ar Pak Ruhur duwara hibare batelai diya oi ze, Malik Messiyare no dekite hibar mout no oibo. 
\v 27 Toi hiba Pak Ruhor išara faiyore dórmogórot aišše. Ar zehon ma bafe fuwa Isare ainor rosom mozin furon goribolla dórmogóror butore ainne.
\s Simeonor Šukurana Gozol
\p
\v 28 Hetunot Simeone hibare fatarikula gori loiye edde Allar tarif gori hodde:
\q1
\v 29 "Mabud, tũi tũwar kalam mozin
\q2 tũwar gulamore ehon šanti gori bidai goijjo,
\q1
\v 30 kiyolla buli hoile ãr dui suke tũwar uddarore dekilam,
\q2
\v 31 ziyan tũi har zatilla bebosta goijjo.
\q1
\v 32 Oihudi okkolor hãse forhaš oibar nur,
\q2 ar tũwar zati Israilolla ijjot."
\p
\v 33 Hibar babute hoiyede hin okkolot fuwar baf edde ma tajjuf oiye. 
\v 34 Ar Simeone hitarare duwa goijje edde Isar mare hodde: "Sa, ei fuwaye Israilor butore boutore tole felaibo edde uwore tulibo, ar iba en ek sinno oibolla aišše zar bifokke boute matibo. 
\v 35 Henot hitarar monor sinta forhaš oi zaiboi. Hin bade o, Moriyam tor dilot surir agator ḍoilla duk oibo."
\p
\v 36 Ar heṛe Hanna name ekzon maya fuwa nobi aššil, hiba aššilde Ašar bongšor Panuwelor zi, hibar umor beši oil. Hiba zuwan hale hãt bosor zamair gór gori bade, 
\v 37 aši sair bosor umor o foijjonto rari boni takkil. Ar hiba dórmogórot ruza edde munazat loi dine raite Allar ebadotot fori takito. Hibaye dórmogór sari hono mikka no zaitogoi.
\p
\v 38 He šomot Hannaye o heṛe aiyore šukuriya adai gora šuru goijje edde zedun manuš Zeruzalem azadir entezarot aiššil, hitarare hibaye Isar babute hoiye.
\p
\v 39 Toi hitara Mabudor ain mozin hár kissu fura gori bade Galil elehat, hitarar nizor fara Nasaratot firi giyegoi. 
\v 40 Ar fuwawa bari uiṭṭe edde mojbut oiye, giyane furaiya oiye, edde Allar rahamot hibar uwore aššil.
\s Isa baro bosojja taite dórmogórot
\p
\v 41 Uddar idor šomot Isar ma bafe fotti bosor Zeruzalem zaito. 
\v 42 Toi hiba zẽtte baro bosor oiye, hẽtte hitara hitarar idor niyom mozin uwore Zeruzalem giye; 
\v 43 Toi idor din okkol šeš oi bade, hitara firi zargoide šomot, fuwa Isa fissa Zeruzalem tai giyegoi, ar hibar baf maye hiyan no zanito. 
\v 44 Isa mainšor fũwati maze ase mone gori ek dinor fõtor baisa foijjonto hitara ai giyegoi. Bade hitara hitarar egena edde sina funa manuš okkolottu Isar talaš gora šuru goijje. 
\v 45 Hitara zehon Isare tuwai no fa, hitara Isare tuwaibolla uwafes firi Zeruzalem giye. 
\v 46 Šeše, tin din bade hitara Isare dórmogórot tuwai faiye. Isaye heṛe alem okkolor maze boi hitarar hota funat aššil edde hitarare suwal fusar goijjil. 
\v 47 Zara Isar hota fuinne hitara Isar ahol deki edde zuwab funi beggune tajjuf oiye. 
\v 48 Isar baf maye Isare deki ammuwak oiye. Maye Isare hodde: "Oh fut, tũi ãrar loi en kiyolla goijjo? Tũwar baf edde ãi hoto suhara oi tũware tuwa šuru goijjilam."
\p
\v 49 Kintu Isaye hodde: \wj "Tũwara kiyolla ãre talaš goijjila? Tũwara no zano ze ãttu ãr bafor górot taka foribo?"\wj* 
\v 50 Kintu Isaye hitarare ki hoiye hin hitara buzi no fare.
\p
\v 51 Tarfore Isa hitarar fũwati Nasarat uwafes firi giyegoi, edde baf mar hota mani soille. Isar maye in beggunore dilot gãti raikke. 
\v 52 Isa giyane edde boyoše bari uiṭṭe, Allah edde manušor adore.
\c 3
\s Torikotor gusol doya Yahyar tobolig
\p
\v 1 Badša Ṭaiberiyar razagiri fundoro bosor soledde šommot, Ehudiya elehar govarnar aššilde Pontus Filat. Hẽtte Herud Galil elehar, ar hitar bái Filip, Ituriya edde Trakonitisor šašon goroya aššil. Ar Lusaniyas aššilde Abileniya elehar šašon goroya. 
\v 2 Annas edde Kaifas aššilde Ihudi okkolor ḍõr imam. Ṭik he šomot Allar kalam bošoti sara elehat maze Zakariyar fut Yahyar hãse aišše. 
\v 3 Ar hibaye Zordan giriyore asede hár zaga okkolot giye edde mon firaibar ek torikotor gusol tobolig goijje, ziyane guna okkolore maf diye, 
\v 4 Zendilla Esaiyah nobir kitabot iyan leka ase:
\q1 "Bošoti sara elehat ek abaze guzori zanaider,
\q1 'Tũwara Mabudor fõt ṭik goro,
\q2 hibar rasta uzu goro.
\q1
\v 5 Har ḍeil okkol bora oibo,
\q2 mura fahar fuwan gora oibo.
\q1 Behã sura fõt fuwan gora oibo,
\q2 bešoman rasta šoman gora oibo.
\q1
\v 6 Ar hár mainše Allar uddar dekibo.'"
\p
\v 7 Beši manuš okkole Yahyattu torikotor gusol loibolla niyoli giye edde hibaye hitarare hodde: "Hafor dol okkol! Tũwarare Allar gozob lami aiyerde henttu dai zaibolla hũšiyar gori hone dilo? 
\v 8 Toile gunattu mon firaiyode hiyanor laikka gula dorai tũwarar zibonot deho. Mone mone howa šuru no goijjo ze, 'Ãrattu baf Ibrahim ase.' Kiyollahoile ãi tũwarare hoir, Allaye ei fattor okkolottu Ibrahimolla fuwain fodai gori fare. 
\v 9 Ar gasor gurat kuroil ehon loti lagaiya ase. Ze hono gas zibat bala gula no doribo, hiba haṛi oinot felai diya oibo."
\p
\v 10 Toi mainšor dol okkole Yahyare fusar goredde, "Toile ãrattu ki gora foribo?"
\p
\v 11 Yahyaye hitarare hodde: "Zattu duwa kuruta ase, hite zattu nai hitare uggwa dok. Ar zar hãse haiddo ase, hite o hen gorok."
\p
\v 12 Ar heṛe hazna adaigoroya o torikotor gusol loibolla aišše. Hitara Yahyare hodde, "Ustad, ãrattu ki gora foribo?"
\p
\v 13 Hibaye zuwab diye, "Ainot zen ase henor beši adai no goijjo."
\p
\v 14 Šoinno okkol hoekzone o fusar goijje, "Ãrattu ki gora foribo?"
\p Hibaye hitarare hodde, "Hono kiyottu zurgori otóba oinnai bafe kissu adai no goijjo. Tũwara tũwarar beton loi razi tako."
\p
\v 15 Ar manuš okkole Mosilla entezar gori taikkede hisabe beggune mone mone bafa šuru goijjede,Yahya i Mosi oit fare. 
\v 16 Hetunot Yahyaye hitara beggunore hodde, "Ãi tũwarare fani loi torikotor gusol dir ṭik, kintu en ekzon aiyer, ze ãttuwaro šoktiwala. Ãi hibar zutar fita kuli dibar laikka o no. Hibaye tũwarare Pak Ruh edde oin loi torikotor gusol dibo. 
\v 17 Kula hibar hatot ase, hõlat gĩyur dana zari foriškar goribolla. Gĩyur dana hinore hibar nizor gudamot rakibo, kintu tušore hono din no nifede hendilla oin loi furaidi felaibo." 
\v 18 Yahyaye aro bout hota hoi manuš okkolore Allar diya kalam tobolig goijje.
\p
\v 19 Kintu Yahyaye badša Herudore jejeṛaiye, kiyollahoile hite hitar bái bou Herudiyare loi taikke edde aro bout kuham okkol goijje, 
\v 20 hitar oinno kuham okkolor fũwati aro ekkan noya kuham zug diye, hiyan oilde Yahyare ziyolot diye.
\s Isaye torikotor gusol loiye
\p
\v 21 Ar zẽtte hár manuš okkole Yahyar hãse zaiyore torikotor gusol lor, Isaye o torikotor gusol loiye. Ar hibaye munazat goredde šomot asman kuligiyegoi, 
\v 22 edde he Pak Ruh ek hoitoror sonna loi Isar uwore lami aišše, ar behostottu ei abaz aišše: "Tui ãr he adoijja Fut, tor uwore ãi kub kuši."
\s Isar bongšor nam okkol
\p
\v 23 Onumanik tiriš bosor oiyede šomot Isaye ham šuru goijje. Mainše mone goittode mozin Isa Yusufor fut, Yusuf Elir fut.
\p
\v 24 Eli Mattátor fut, Mattát Levir fut, Levi Melkir fut, Melki Zannaiyor fut, Zannaiyor fut Yusuf, 
\v 25 Yusuf Mottitiyar fut, Mottitiya Amošor fut, Amoš Nahumor fut, Nahum Ešalir fut, Ešali Nogir fut. 
\v 26 Nogi Mator fut, Mat Mottitiyar fut, Mottitiya Šimiyor fut, Šimiyo Yusekor fut, Yusek Zodar fut, 
\v 27 Zoda Yohananor fut, Yohanan Resar fut, Resa Serubabelor fut, Serubabel Salṭiyolor fut, Salṭiyol Nerir fut. 
\v 28 Neri Melkir fut, Melki Addir fut, Addi Kušomor fut, Kušom Elimadamor fut, Elimadam Eror fut, 
\v 29 Er Yosuvar fut, Yosuva Eliyesoror fut, Eliyesor Zorimor fut, Zorim Mattátor fut, Mottot Levir fut, 
\v 30 Levi Simeonor fut, Simeon Ehudar fut, Ehudah Yusufor fut, Yusuf Yonamor fut, Yonam Eliyakimor fut, 
\v 31 Eliyakim Meleyar fut, Meleya Minnar fut, Minna Mottotiyar fut, Mottotiya Natanor fut, Natan Daudor fut, 
\v 32 Daud Yasiror fut, Yasir Obedor fut, Obed Buazor fut, Buaz Salmonor fut, Salmon Nahušonor fut, 
\v 33 Nahušon Omminadabor fut, Omminadab Adomanor fut, Adoman Ornir fut, Orni Hešronor fut, Hešron Ferošor fut, Feroš Ehudar fut, 
\v 34 Ehudah Yakubor fut, Yakub Isakor fut, Isak Ibrahimor fut, Ibrahim Ṭerar fut, Tera Nahuror fut, 
\v 35 Nahur Šorugor fut, Serug Reuor fut, Reu Felegor fut, Feleg Eberor fut, Eber Šelar fut, 
\v 36 Šela Kenanor fut, Kenan Arpákšador fut, Arpákšad Šemor fut, Šem Nuhor fut, Nuh Lemekor fut, 
\v 37 Lemek Metúšalar fut, Metúšalah Honnukor fut, Honnuk Yaredor fut, Yared Mahalalelor fut, Mahalalel Kenanor fut, 
\v 38 Kenan Enošor fut, Enoš Šetor fut, Šet Adamor fut, adom Allar Fut.
\c 4
\s Isare dúha diya
\p
\v 1 Isa, Pak Ruhor šoktiye furaiya oiyore Zordanottu firi aišše edde he Pak Ruhor išaraye bošoti sara elehat sairi goijje, 
\v 2 zeṛe hibare sališ din foijjonto šoitane dúha diye, ar he din okkolot maze Isaye hána hono kissu no há, he din okkol šeš oi bade hibattu buk laigge.
\p
\v 3 Toi Šoitane Isare hodde, "Tui zodi Allar Fut oi, toile ei fattorguware ho ruṭi oizagoi."
\p
\v 4 Isaye hitare zuwabe hodde, \wj "Iyan endilla leka ase: 'Manuš šude ruṭi loi no base.'"\wj*
\p
\v 5 Tarfore Šoitane Isare ek usol faharor uwore loigiye edde ek sator butore duniyair hár raijjore dehaiye. 
\v 6 Toi Šoitane Isare hodde, "Ãi tore ei hár odihar edde zak zomok diyum; kiyollahoile in ãre diya oiye, ar ãttu zare issa lage ãi hitare di. 
\v 7 Hetolla tui zodi ãre sojida goros, toile in beggun tor oibo."
\p
\v 8 Isaye zuwabe hitare diye: \wj "Leka ase: 'Tũi tũwar Mabud Allare sojida goro, edde lehar hibare šeba goro.'" \wj*
\p
\v 9 Tarfore Šoitane Isare Zeruzalemor uwore loigiye edde dórmogóror tulir uwore tiya goraiyore hodde: "Tui zodi Allar Fut, toile enttu nise zaf mar. 
\v 10 Kiyollahoile kitabot leka ase:
\q1 "'Hibaye hibar firista okkolore tor babute hokum dibo,
\q2 tore uddar goribolla.
\q1
\v 11 Hitara tore hatot gori tuli loibo,
\q2 zene tor ṭengot fattoror ujaṭ no lage.'"
\p
\v 12 Kintu Isaye hitare zuwab diye, \wj "Iyan endilla howa oiye: 'Tũi tũwar Allah Mabudore forikka no goijjo.'"\wj*
\p
\v 13 Šoitane hibare hár ḍoilla gori dúha diya šeš oi bade, toi hite olfo ṭaimolla hibar hãsottu dur oigiyegoi.
\s Isa Nasarator sinagogot
\p
\v 14 Ruhor šoktit Isa Galilot firigiye edde elehar hár zagat hibar hóbor sorai giyegoi. 
\v 15 Isaye hitarar bout sinagog okkolot šikka diye edde beggune Isare tarif goijje.
\p
\v 16 Isa Nasarat fara aišše, zeṛe hiba zuwan oil. Dórmor din Isaye nizor rosom mozin sinagogot giye. Heṛe hibaye pak kalam foribolla uṛi tiyaiye. 
\v 17 Tarfore hibar hatot nobi Esaiyar leka kitabwa diya oiye. He rol beraiya kitabwa kuli hibaye he zagagan faiye zeṛe leka ase:
\q1
\v 18 \wj "Allah Mabudor Ruh ãr uwore ase,\wj*
\q2 \wj kiyollahoile Allaye ãre ṭik goijje \wj*
\q2 \wj zene ãi gorib okkolor hãse kušir hóbor tobolig gori.\wj*
\q1 \wj Hibaye ãre bondi okkolor hãse azadir hota,\wj*
\q2 \wj anda okkolor hãse nozor danor hota gušona goribolla defeṛaiye.\wj*
\q1 \wj Zene zara zulum far hitarare ãi rehai gori fari.\wj*
\q1
\v 19 \wj edde Mabudor rahamotor bosor elan gori."\wj*
\p
\v 20 Tarfore Isaye he rol beraiya kitabware berai hademor hatot diye edde boišše. Muzolišhanar fotti mainšor suk Isar uzu oiye. 
\v 21 Isaye hitarare en hoi šuru goijje, \wj "Pak kitabor ei kalam tũwara funone aziya hiyan furon oiye."\wj*
\p
\v 22 Henot beggune Isar babute goba diye edde Isar mukottu rahamoti hota funi hitara beggune tajjuf oiye. Hitara hodde, "Iba Yusufor fuwa no?"
\p
\v 23 Isaye hitarare hodde, \wj "Tũwara ãre hameka en boson hoiba: 'Ḍakṭor, age nizore aramgor!' Aro hoiba 'Kofornahum šohorot zen zen gora oiye boli funni hendilla eṛe niz farat o hen gori deha.'"\wj*
\p
\v 24 Isaye aro hodde: \wj "Ãi tũwarare soiyi hoir, hono nobire nizor farar mainše no gose.\wj* 
\v 25 \wj Ar ãi tũwarare hoir, soiyi oilde nobi Eliyasor ṭaimot zẽtte šaro tin bosor zór noddil edde har deš okkolot raṭ oil, hẽtte Israil dešot beša beši rari mayafuwain okkol aššil.\wj* 
\v 26 \wj Kintu Eliyasore hitara honokiyor hãse defeṛa no o, bolke Sidon elehar Šarifot farar ek rari mayafuwar hãse defeṛa oil.\wj* 
\v 27 \wj Nobi Elišar ṭaimot Israil dešot bout kurus biyaraimma okkol aššil, kintu hitara honokiyore aram gora no o, bolke Siriya dešor Namanore aram gora oil."\wj*
\p
\v 28 Ei hota funi he muzolišhanar manuš beggun guššaye oin oiye. 
\v 29 Ar hitara uṛi Isare he farattu ṭeli niyolai loi za šuru goijje. Hitara ze faharot fara bainde hiyanor haindar uwore loigiye edde Isare nise feli dito saiye. 
\v 30 Kintu Isaye hitarar mazottu ãṛi giyegoi, honokiye Isare sui no fare.
\s Isaye bod ruhuye faiya manuš bala goijje
\p
\v 31 Isaye nise Galil elehar Kofornahum šohorot giye edde dórmor din manuš okkolore šikka diya šuru goijje. 
\v 32 Manuš okkole Isar šikkat tajjuf oiye, kiyollahoile hibar kalam kemotawola aššil.
\p
\v 33 Heṛe sinagogot napak butor ruhuye failde ekzon manuš aššil. 
\v 34 He manušwaye ḍak mari hodde: "Oh, Nasarator Isa, õne loi ãrar loi ki talukkat? Õne ki ãrare binaš goitto aiššo? Ãi zani õne honnuwa, õne Allar he Pak zon!"
\p
\v 35 Kintu Isaye hibare dõk diyore hodde: \wj "Nizam o, ei manušwar butottu niyoli ai."\wj* Toi he bod ruhuye manušware mainšor sarme meṛit asari felai raki hitar butottu niyoli giyegoi, manušwar hono hoti no o.
\p
\v 36 Manuš okkol beggune tajjuf oiyore hitara ekzonore ekzone hodde: "In ki hota! Odihar edde šokti loi napak but okkolore hokum de, ar hitara niyoli aiye!" 
\v 37 Toi ei hóbor he elehar hár mikka sorai giyegoi.
\p
\v 38 Bade Isa muzolišhanattu niyoli Simonor górot giye. Hẽtte Simonor hori zor biyaram loi beši hošto fat aššil. Hetolla hitara hibare aram goribolla Isar hãse foriyad goijje. 
\v 39 Toi Isaye Simonor horir ḍake tiyai zor biyaramore dõk diye. Ar hibattu zor sari giyegoi edde hibaye hehon uṛi hitaralla hána danar bebosta goijje.
\p
\v 40 Beil dufedde ṭaimot maze, manušzon okkole har biyaraimma zara ḍoilla boḍoilla biyaram loi hoštofar, hitarare Isar hãse ainne. Isaye hitara fottizonor uwore hat raikke, edde hitarare aram goijje. 
\v 41 Ar beši mainšottu bod ruh niyoli giyegoi, bod ruh okkole guzori hodde, "Tũi Allar Fut!" Kintu Isaye hitarare dõk diye edde hoito no de, kiyollahoile hiba Moside hiyan hitara zainto.
\p
\v 42 Din zehon oiye Isaye he zagattu zaigoire ekkan nirzon zagat giye. Manuš okkole Isare tuwai tuwai hibar hãse giye. Hitara Isare berai dori taikke zene hiba hitarar hãsottu no zagoi. 
\v 43 Kintu Isaye hitarare hodde, \wj "Aro bout zagat zai ãttu Allar raijjor kušir hóbor tobolig goragoi foribo, kiyollahoile Allaye ãre in goribolla defeṛaiye."\wj* 
\v 44 Tarfore Isaye Ehudiya elehar sinagog okkolot zai zai kušir hóbor tobolig gorat taikke.
\c 5
\s Isar foila sahabi okkol
\p
\v 1 Ek šome Isa Gennesaret halor farot tiyaiye. Heṛe manuš okkole Isattu Allar kalam funibolla ṭelaṭeli goijje. 
\v 2 Isaye sadde halor hãsat duiyan no ase, kintu zailla okkole henttu lami zai zal duwer. 
\v 3 Henot oi duiyan nor butottu, Isaye Simonor not uiṭṭe. Ar hitare nogan kulottu ekkena dure loi zaibolla hoiye. Toi Isaye not boi manuš okkolore šikka diya šuru goijje.
\p
\v 4 Isaye hota howa šeš gori bade hibaye Simonore hodde, \wj "Tui tor noganore entu maze loi za, ar mas saibolla tor zal felagoi." \wj*
\p
\v 5 Simone hodde, "Ustad, ãra šara rait mehennot gori kissu no fai, tarfore o õne zehon hor, ãi zal felaiyum."
\p
\v 6 Hitara zal felaiye bade en masor ḍõr zãk dora foijje, zenneki hitarar zal udda siri zaitoi saiye. 
\v 7 Henot hitarar šiyardar okkol zara oinno not ase, hitarare o hate išara gori ḍaikke, zene hitara aiyore itarare modot gori fare. Hitara aiyore duiyan no en bafe mas loi botti goijje, zene no duniyan dufi zaibar alamot oiye.
\p
\v 8 Ei hanḍo deki Simon, zare Fitor hoi o ḍake, hite Isar sarme uite fori hodde, "Malik õne ãr hãsottu zogoi, ãi gunagar." 
\v 9 Kiyollahoile zalot eto mas dora foijje, Simon edde hitar sãti okkol beggune tajjuf oiye, 
\v 10 ar hendilla ekkui bafe Simonor šiyardar, Sebudiyusor fuwain Yakub edde Yuhanna o tajjuf oiye.
\p Hetunot Isaye Simonore hodde, \wj "No ḍorais, ehon loti tui manuš doribi." \wj* 
\v 11 Tarfore hitara hitarar nogunore kulor uwore tuli felaiyore, hár kissu felai raki Isar fisa loiye.
\s Ek kurus biyaraimma
\p
\v 12 Isaye ek bar ek šohorot giye. Heṛe ekzon kurus biyaraimma manuš aššil, zar hara ga gáye furaiya aššil. Isare deki he manušwaye meṛir uzu oi uite fori Isattu duwa sai hodde, "Malik, õne issa gorile ãre bala gori fariba."
\p
\v 13 Isaye hat ṭani hitare suiyore hodde, \wj "Ãi sai, tũi foriškar o!" \wj* Ar hehon hitar kurus biyaram bala oi giyegoi.
\p
\v 14 Isaye hitare endilla hokum diye, \wj "Ei hota honokiyore no hois, bolke zaiyore dórmiyo Alem okkolore dehagoi, toi bade saf oi faijjosde hiyanolla Musar ain mozin ekkan kurbani gorgoi. Henot mainšor hãse tui foriškar oiosde hiyanor forman oibo." \wj*
\p
\v 15 Tarfore o Isar hóbor aro beši sorai giyegoi. Isar hota funibolla edde biyaraimma okkol aram oibolla bout manuš okkol Isar hãse aiya šuru goijje. 
\v 16 Kintu Isaye hamiša nirzon zagat zai duwa gorito.
\s Ek leng manuš
\p
\v 17 Ek din Isaye šikka der, hen šomot Foroši \f + \fr 5:17 \fr*\fq Foroši \fq*\ft Zara Ihudi dórmor šasiyot goroya\ft*\f*okkol edde dórmiyo alem okkol Isar hãse ai boiššegai. Hitara aššilde Galil edde Ehudiya elehar bout fara okkolor edde Zeruzalem šohoror manuš okkol. Biyaraimma aram goribolla Mabudor šokti Isattu aššil. 
\v 18 Hetunot hoekzon mainše ekzon leng biyaraimmare haiṭṭa loi bar gori ainne. Hitara hitare butore loi zaiyore Isar sarme rakito saiye. 
\v 19 Kintu zamila buli hitare butore loizaibar fõt no fa. Hetunot hitara góror salor uwore uiṭṭe edde salor sani hana gori bisana šo hitare manuš okkolor maze Isar sarme lamai diye.
\p
\v 20 Isaye hitarar biššaš dekiyore hodde, \wj "Bondu, tor guna maf gora oiye!" \wj*
\p
\v 21 Henot dórmiyo alem edde Foroši okkole mone mone bafa šuru goijje, "Ite honnuwa, ze Allare ofoman gorer? Allah sara ar honokiye guna maf gori di no fare!"
\p
\v 22 Hitara mone mone ki sinta goijje Isaye buzi fariyore hodde: \wj "Tũwara mone mone hendilla ka bafor? \wj* 
\v 23 \wj Tor guna maf gora oiye howa asan oibo ne naki tui uṛi ãṛi bera howa asan oibo?\wj* 
\v 24 \wj Kintu duniyait guna maf gori dibar kemota Adomor Futottu ase, hiyan zene tũwara zani faro." \wj* Hen hoi Isaye he leng manušwar mikka firi hitare hodde, \wj "Ãi tore hoir, uṭ, tor bisanagan tuli loi górot zagoi." \wj* 
\v 25 Ar manušwa hehon beggunor sarme tiyaiye edde hite neṛi aššilde bisanagan tuli loiye, edde Allare šukuriya gori gori górot giyegoi. 
\v 26 Henot beggune kub tajjuf oiye edde Allare šukuriya zanaiye. Ar hitarattu Allar ḍor góille edde hodde, "Aijja ãra ki tajjuiffa ham dekilam!"
\s Ekzon Levire Isaye ḍaikke
\p
\v 27 Tarfore Isa henttu niyoli giyegoi edde dekedde Levi name ekzon hazna adaigoroya, hite hazna tulede zagat boi taikke. Isaye Levire hodde, \wj "Ãr fisa lo!" \wj* 
\v 28 Toi hite o uiṭṭe edde hitar hár kissu felai raki Isar fisa loiye.
\p
\v 29 Bade Levi manušwaye hitar górot Isalla ek ḍõr hána goijje. Heṛe aro bout hazna adaigoroya okkol edde aro bout manuš okkol šoho hitarar fũwati hána haito boišše. 
\v 30 Hetunot heṛe aššilde Foroši okkol edde hitarar dórmiyo alem okkole Isar sahabi okkolore nališ gori hodde, "Tũwara hazna adaigoroya edde gunagar okkol loi kiyolla há fiya goro?"
\p
\v 31 Kintu zuwabe Isaye hitarare hodde, \wj "Araimma mainšottu ḍakṭoror dorhar nai, kintu biyaraimma mainšottu dorhar ase.\wj* 
\v 32 \wj Ãi forhesgar okkolore no, kintu gunagar okkolore ḍakito aiššide, zene hitara gunattu mon fira." \wj*
\s Ruzar babute suwal
\p
\v 33 Toi hitara hibare hodde, "Yahyar šagirit okkole hamiša ruza rake edde munazat gore, Foroši okkolor šagirit okkole o hen gore, kintu õnor sahabi okkole há fiya gorat take."
\p
\v 34 Isaye hitarare hodde: \wj "Dula fũwati taite dular fũwajja okkolore ki tũwara ruza rakai fariba?\wj* 
\v 35 \wj Kintu en šomoi aiyer, zẽtte hitarar hãsottu dulare loi za oibo, ar he din okkolot hitara ruza rakibo." \wj*
\p
\v 36 Hibaye hitarare ekkan mesal kahani o hoiye: \wj "Noya kurutattu ṭura siri honokiye furan kurutat tali no laga. Kiyollahoile, hen gorile to noya kurutawa siri fela o. Ar he noya taligan o furan kurutar fũwati no mana.\wj* 
\v 37 \wj Otóba honokiye no ḍale tottoza šoraf furan samorar hoillat. Kiyollahoile ḍalile he tottoza šorafgune hoillagunore fuṛai felaibo, henot šorafgun o goli zaiboi edde hoillaguno o nošto oi zaiboi.\wj* 
\v 38 \wj No, tottoza šoraf noya samor hoillat raka foribo.\wj* 
\v 39 \wj Furan šoraf hái bade honokiye tottoza šoraf haito no sa, kiyollahoile hite hoibo, 'Furangun bala beši.'"\wj*
\c 6
\s Dórmor dinor babute suwal
\p
\v 1 Hono ek dórmor din Isaye fõtot hono ek gĩyuketi bai gil. Isar sahabi okkole giyũrdanar sora siri hatot góši góši há šuru goijje. 
\v 2 Hetunot hozon forošiye hodde, "Ain mozin dórmor din zin gora mana hin kiyolla goror?"
\p
\v 3 Isaye hodde: \wj "Daud edde hibar fũwajja okkolottu zehon buk laggil hẽtte ki goijje hin ki tũwara no foro?\wj* 
\v 4 \wj Hibaye to Allar górot goillil, edde sarme rakkilde ruṭi loi háil edde hibar fũwajja okkolore dil, zin šude imam okkole haibar ain ase."\wj* 
\v 5 Bade Isaye he Foroši okkolore hodde, \wj "Adomor Fut oilde dórmor dinor malik."\wj*
\p
\v 6 Ar ek dórmor din Isaye sinagogot giye edde šikka diye. Heṛe en ekzon manuš aššil zar ḍen hat mozigiyegoi. 
\v 7 Dórmiyo alem okkol edde Foroši okkole, Isaye dórmor din he manušware aram gore ki no gore hiyan saibolla, hitara Isar uwore bala bafe nozor raikke. Toi zene hitara Isare hosuri dibar haron tuwai fa. 
\v 8 Kintu Isaye hitarar monor sinta zainto. Hetolla he hat mozi giyegoide manušware Isaye hodde, \wj "Uṛi beggunor munttu ai tiya!"\wj* Henot hite uṛi tiyaiye.
\p
\v 9 Isaye dórmiyo alem okkol edde Foroši okkolore hodde,\wj "Ãi tũwarare ekkan hota fusar gori, dórmor din ki gora ezajot ase? Bala ham gora ne naki horaf ham gora? Foran basa ne naki foran dongšo gora?" \wj* 
\v 10 Tarfore Isaye sairo ḍakor beggunor mikka sai manušware hodde: \wj "Tor hattan mum mikka ṭan."\wj* Hite hen goijjebar hitar hattan ekkubare bala oi giyegoi. 
\v 11 Hetunot hitara guššaye heṛe uzora uzori oi giyegoi edde Isare ki gora zaibo he babute hitara hitara biyasana goijje.
\s Isaye he barozonore asab oibolla ḍaikke
\r (Moti 10:1-4; Mark 3:13-19)
\p
\v 12 He din okkolot ekdin hiba munazat goribolla ek faharor uwore uiṭṭe, edde heṛe hibaye Allar hãse munazat gorat šara rait haṛai diye. 
\v 13 Bade binna zehon oiye, hibaye hibar šahabi okkolore ḍaikke edde hitarar butottu barozonore basi loiye, zarare asab hoi nam diye:
\b
\li1
\v 14 Simon, zare Isaye Fitor hoi nam diye edde hitar bái Andreas,
\li1 Yakub,
\li1 Yuhanna,
\li1 Filip,
\li1 Bartolomeus,
\li1
\v 15 Moti
\li1 Ṭomas,
\li1 Alfeusor fuwa Yakub,
\li1 Simon, zare bahadur Zelot hoito,
\li1
\v 16 Yakubor fut Ehudah,
\li1 edde Ehudah Iskariyot, ze Isare dušmon okkolor hatot dori diye.
\s Isaye šikka diye edde biyaram bala goijje
\r (Moti 4:23–25; Mark 3:7–10)
\p
\v 17 Hibaye hitarare fũwati loi faharottu abar lami giye edde ekkan fuwainna zagat tiyaiye. Heṛe hibar ek ḍõr sahabi okkol edde Šara Ehudiyattu, Zeruzalem edde doriyar hãsar Sidon edde Tirosottu o aro bout beši manuš okkol, 
\v 18 zara heṛe hibar boyan funibolla edde biyaramottu aram oibolla heṛe aišše. Ar zara napak ruh loi duk fail, hitarare o hibaye bala goijje. 
\v 19 Edde hár mainše hibare suibolla kušiš goijje, kiyollahoile hibar butottu ek šokti niyoli gil edde harkiyore aram goijjil.
\s Bala edde burar babute šikka
\p
\v 20 Isaye sahabi okkolor uzu suk tuli hodde:
\q1 \wj "Allar rahamot tũwarar uwore zara gorib,\wj*
\q2 \wj Allar raijjo tũwarar.\wj*
\q1
\v 21 \wj Allar rahamot tũwarar uwore zara ehon waišša,\wj*
\q2 \wj tũwarar buk miṭa oibo.\wj*
\q1 \wj Allar rahamot tũwarar uwore zara ehon handor,\wj*
\q2 \wj tũwara hašiba.\wj*
\q1
\v 22 \wj Allar rahamot tũwarar uwore, zẽtte Adomor Futolla buli,\wj*
\q2 \wj mainše tũwarare hingša gore,\wj*
\q2 \wj tũwarare šomazottu niyolai de, ar ofoman gore,\wj*
\q3 \wj edde tũwarar nam horaf hoi tũwarare batil gore.\wj*
\p
\v 23 \wj "He dinot anondo goro edde kušiye fal maro, kiyollahoile, so, behostot tũwaralla enam beši ḍõr. Kiyollahoile hitarar bafdada okkole o nobi okkolor loi endilla bebohar okkol gorito.\wj*
\q1
\v 24 \wj "Kintu bifod tũwarare, zara tuwangor,\wj*
\q2 \wj tũwara tũwarar šantona faifelaiyo.\wj*
\q1
\v 25 \wj Bifod tũwarare zara ehon feṭ borai faror\wj*
\q2 \wj tũwarattu buk lagibo.\wj*
\q1 \wj Bifod tũwarare zara ehon hašor,\wj*
\q2 \wj tũwara bilak goriba edde handiba.\wj*
\q1
\v 26 \wj Bifod tũwarar, zẽtte hár mainše tũwarare šunam gore.\wj*
\q2 \wj Hitarar bafdada okkole o bonḍo nobi okkolore hendilla goitto.\wj*
\s Dušmonore o muhabbot goro
\p
\v 27 \wj "Kintu tũwara zara funor ãi hitarare hoir: Tũwarar dušmonore o muhabbot goro, zara tũwarare hingša gore hitarare balai goro.\wj* 
\v 28 \wj Zara tũwarare bodduwa de, hitarare duwa goro. Zara tũwarare ninda gore hitaralla munazat goro.\wj* 
\v 29 \wj Ze tũwar ek galot suwar mare, hitar mikka oinno galo lagai diyo, ar ze tũwar saddor kuli lor, hitare bazu kuli loite o mana no goijjo.\wj* 
\v 30 \wj Ar ze honokiye tũwattu kissu sa, hitare diyo, edde ze honokiye tũwarar hono kissu loi za, hin ar uwafes no saiyo.\wj*
\p
\v 31 \wj "Funo, mainše tũwarare zendilla gorok aša goro, tũwara o hitarar loi hendilla bebohar goro.\wj*
\p
\v 32 \wj "Ar zara tũwarare muhabbot gore, šudu hitarare muhabbot gorile tũwara ki gun faiba? Hendilla muhabbot to horaf mainše o gori take.\wj* 
\v 33 \wj Ar zara tũwarar ufohar gore, šudu zodi hitarar ufohar goro, toile tũwara ki gun faiba? Hendilla to gunagar mainše o gore.\wj* 
\v 34 \wj Ar zarar hãsottu uwafes faibar aša take, hali zodi hitarare udar do, toile tũwara ki gun faiba? Horaf mainše o horaf manuš okkolore udar de, zene hedun firaifa. \wj* 
\v 35 \wj Kintu tũwara nizor dušmonore o muhabbot goro edde hitarar balai goro. Uwafes faibar aša no raki udar do. Toile tũwarar enam ḍõr oibo edde tũwara šorbo šoktiwala Allar fuwain oiba. Haron Allah našukur edde horafore o doya gore. \wj* 
\v 36 \wj Tũwarar behostiyo Baf zendilla rahamoti, tũwara o hendilla rahamoti o.\wj*
\s Duši no goijjo
\p
\v 37 \wj "Ar tũwara bisar no goijjo, henot tũwarare o bisar gora no oibo. Duši no goijjo, henot tũwarare o duši gora no oibo. Tũwara sari do, henot tũwarare o sari diya oibo.\wj* 
\v 38 \wj Dan goro, henot tũwarare o diya oibo. Beši forimane sibi sibi, zankai zankai, zaf di forefan gori tũwarar kulot diya oibo, kiyollahoile tũwara ze bafe mafi do, he bafe tũwaralla o mafa oibo."\wj*
\p
\v 39 Ar hibaye ekkan boson o hoiye: \wj "Ekzon andaye ki ar ekzon andare fõt dehai faribo? Dunizon gorot fori no zaiboi ne? \wj* 
\v 40 \wj Šagirit ustator uwore no, kintu ze furafuri šikka fa, hite hitar ustator ḍoilla o.\wj*
\p
\v 41 \wj "Ar tũwar báiyor sukot ze hal ase hiyan kiyolla dekor, kintu tũwar nizor sukot ze gasor ḍõr seli ase hiyan kiyolla bafi no sor?\wj* 
\v 42 \wj Tũwar sukot ze gasor seli ase hiyan zehon no dekor, toile tũi ken gori ar ekzonore hoi faror, 'Bái aiyo, ãi tũwar sukottu hallan loifelai, 'Oh munafek! Age nizor sukor gasor ḍõr seli hiyan loifela, toi bade tor báiyor sukot ze hal ase hiyan loi felaibolla foriškar gori dekibi.\wj*
\s Gas edde gula
\p
\v 43 \wj "Bala gasot horaf gula dorede hendilla hono hota nai, ar hendilla horaf gasot o bala gula no dore.\wj* 
\v 44 \wj Gula sai gas sinaza. Mainše keṛarzalittu ḍuirgula ba kẽṛagasottu ãngur no tule.\wj* 
\v 45 \wj Bala manuše hitar dil boraiya balattu bala hota bair gori ane, ar horaf mainše hitar dil furaiya horafottu horaf hota bair gori ane, kiyollahoile zar dil zine furaiya, hitar gale hin ho.\wj*
\s Mojbut gór edde mojbut node gór
\p
\v 46 \wj "Tũwara ãre Malik, Malik hoi ka ḍako, ãi ziyan hoi hiyan zodi no goro?\wj* 
\v 47 \wj Ze honokiye ãr hãse aiye, ãr hota fune edde he mozin gore, hite hár ḍoilla ãi tũwarare dehai.\wj* 
\v 48 \wj Hite en ekzon manušor ḍoilla, ze gór bandibolla murgori meṛi kuijje edde fattoror uwore faiya gãijje. Bade he góror uwore boinna aišše edde ḍollor fani aišše, to górganore lari no fare, kiyollahoile hiyan mujbut gori banda oiye.\wj* 
\v 49 \wj Ar ze ãr hota fune, kintu he mozin no gore, hite en ekzon manušor ḍoilla, ze faiya no gãri meṛir uwore gór bainde. Bade he górot ḍollor fani aišše, hetunot he górgan fori ekkubare dongšo oi giyegoi."\wj*
\c 7
\s Ek šenafotir biššaš
\p
\v 1 Toi Isaye manuš okkolore šikka diya šeš gori bade hiba Kofornahum šohorot giyegoi. 
\v 2 Heṛe ekzon Rom šenafotir gulamottu ošuk oi foran zar zar oiye. Ei gulamore he šenafotiye beši ador gorito. 
\v 3 Hite Isar hóbor funi hoekzon Ihudi murobbi mainšore Isar hãse aroz goribolla defeṛaiye zene Isaye zai hitar gulamore aram gori fare. 
\v 4 Hitara Isar hãse zai Isare beša beši aroz gori hodde, "Õne zalla ei ham goriba hite iyan faibar laikka, 
\v 5 kiyolla buli hoile hite ãrar mainšore ador gore edde ãrare sinagog banai diye." 
\v 6 Henot Isa hitarar fũwati giye.
\p Isaye hitar góror hãsa hãsi aišše de hetunot, oi šenafotiye hitar hoekzon fũwajjare hoi defeṛaiyede: "Malik, nizore ar duk no diyo, kiyollahoile õne ãr góror salor tole aiyo, ãi he laikka no. 
\v 7 Ar ãre ãi o õnor hãse aibar laikka mone no gori. Kintu õnor muke ho, henot ãr gulam bala oi zaiboi. 
\v 8 Ãi iyan zani, kiyollahoile ãttu o oinno zonor hokum mozin sola fore, ar ãttu o šena okkol ase. Zodi ãi ekzonore 'Za,' hoi hite za. Ar ekzonore 'Ãi,' hen hoile hite aiye. Ar ãr gulamore 'Iyan gor' hen hoile hite hiyan gore."
\p
\v 9 Ei hota funi Isaye tajjuf oiye. Ze šob manuš okkol Isar fise fise aišše hitarar uzu firiyore hodde, \wj "Ãi tũwarare hoir, Israili okkolor butore o eto ḍõr biššaš ãi ar hono šome no deki."\wj* 
\v 10 Šenafotiye defeṛailde hitara górot firizai sadde he šenafotir gulammuwa aram oi giyegoi.
\s Ek rari mar lehar fuware zinda goijje
\p
\v 11 Hotun bade Isa Nain name ek farar mikka za šuru goijje. Hibar fũwati sahabi okkol edde ek ḍõr mainšor dol o giye. 
\v 12 ar hiba ṭon geiṭor hãsa hãsi aišše, toi ar so heṛe ek mora lašore bargori hoborstanot gãraito loizar. He lašwa aššilde ek mar lehar ek fut, he ma aššilde ekzon rari maya fuwa. Ar hibar fũwati šohorottu bout manuš okkol aššil. 
\v 13 Malik Isaye he rarir mayafuwaware deki beši doya laigge edde hibare hodde, \wj "No haindis!"\wj*
\p
\v 14 Tarfore Isaye hãse zai hãiṭṭagan suiye. Ar hãiṭṭa boi loizaoya okkole tiyaiye. Toi Isaye hodde, \wj "He zuwan fuwa, ãi tore hoir: Uṭ!"\wj* 
\v 15 Hen šomot he mora lašwa uṛi boišše edde hite hota howa šuru goijje. Toi Isaye hitare hitar mar hatot tulidiye.
\p
\v 16 Hetunot beggunor dilot Allar ḍor góille edde Allar tarif gori howa šuru goijje. "Ãrar maze ekzon moha nobi uiṭṭe, ar Allaye hibar bonda okkolor uzu mon diye!" 
\v 17 Bade šara Ehudiya edde hiyanor sairo mikkar elehat Isar hanḍor babute sorai giyegoi.
\s Isar hãse Yahyar šagirit okkol
\p
\v 18 Yahyar šagirit okkole ei šob goṭona beggun Yahyare funaiye. Ar Yahyaye duizon šagiritore ḍaikke, 
\v 19 edde hitarare Malik Isar hãse fusar goitto defeṛaiye, "Ze aibar hota, he zon ki õne, naki ãra oinno zonolla entezarot takiyum?"
\p
\v 20 Toi hitara Isar hãse zaiyore hodde, "Torikotor gusol doya Yahyaye ãrare õnor hãse defeṛaiye, 'Ze aibar hota he zon ki õne, naki ãra oinno zonor entezarot takiyum?'"
\p
\v 21 He šomot Isaye bout manuš okkolore biyaram, hošto edde bod ruh, in okkolottu hitarare aram goijje. Hibaye aro bout anda mainšor sukore bala gori diye. 
\v 22 Isaye Yahyar šagirit dunizonore endilla zuwab diye, \wj "Tũwara zo, zin deikko edde fuinno he hóbor Yahyare hogoi: Andaye deker, lenge aṛer, kurus biyaraimma pak saf or, nafange funer, mora uṛi zargoi, edde gorib okkololla bala hóbor tobolig gora or.\wj* 
\v 23 \wj Ar mubarok hite, ze ãr zoriya ujaṭ hái fori no zagoi"\wj*
\p
\v 24 Yahyar hoborguwa okkol zaigoi bade, hibaye manuš okkolore Yahyar babute howa šuru goijje: \wj "Tũwara bošoti sara elehat ki saito gilade? Boyare lorede hóir ne?\wj* 
\v 25 \wj No oile, ki saito gilade? Šundor hor findda ekzon manušore ne? So, dami hor finde edde zak zomok loi zibon haṛa, hitara mehelot take.\wj* 
\v 26 \wj Toile ki saito gilade? Ki ekzon nobi re? Oi, ãi tũwarare hoir, ekzon nobittuwaro beši! \wj* 
\v 27 \wj Iba oilde hiba zar babute kitabot leka ase:\wj*
\q1 \wj "'Sa, ãi tor age ãr hóborguware defeṛair,\wj*
\q2 \wj hite tor age zai tolla fõt saf goribo.'\wj*
\m
\v 28 \wj Ãi tũwarare hoir, narittu zormo oiyede hitarar maze, Yahyattuwaro mohan kiye nai; tarfore o Allar raijjot ze šobsaite beši šoṛo, hite o hibattuwaro mohan."\wj*
\p
\v 29 (Ar šomosto manuš okkol edde hazna adaigoroya okkole ei hota funi Allah niyaiban hoi kobul goijje, kiyollahoile hitara Yahyar hãsottu torikotor gusol loiye, 
\v 30 kintu Foroši edde dórmiyo alem okkole Yahyar hãsottu torikotor gusol no lowat hitara nizor šommonde Allar eredare befol goijje.)
\p
\v 31 \wj "Henoile ei zobanar manuš okkolore ãi har loi tulona goijjum? Hitara honḍoilla?\wj* 
\v 32 \wj Hitara en fuwaindor ḍoilla zara bazarot boi ekzone ar ekzonore ḍakiyore hodde:\wj*
\q1 \wj "'Ãra tũwaralla baši bazailam,\wj*
\q2 \wj kintu tũwara no nasila.\wj*
\q1 \wj Ãra dukkor gan gailam,\wj*
\q2 \wj kintu tũwara no handila.'\wj*
\m
\v 33 \wj Kiyollahoile torikotor gusoldoya Yahya aišše, edde hite ruṭi ba ãnguror roš no har, ar tũwara hor, 'Hitare bute faiye.'\wj* 
\v 34 \wj Ar Adomor Fut ai há fiya gorer buli tũwara hor: 'So, ei manušwa hánar lalsi bonda edde šorafkur, ar hazna adaigoroya mainšor bondu.'\wj* 
\v 35 \wj Kintu Allar giyanor butore ze za hitar zibone forman gore ze Allar giyan soiyi."\wj*
\s Ek gunagar mayafuwar guna maf gori diye
\p
\v 36 Ekzon forošiye hitar górot Isare hánar dawat diye. Hetunot Isa he forošir górot giye edde hána haito boišše. 
\v 37 Ehon, he šohorot ek gunagar maya fuwa aššil. Hibaye Isa he forošir górot hána hadde zani fariyore ek dola fattoror boyomot gori kušbo tel loi hiba heṛe aišše. 
\v 38 Bade hibaye Isar fis ḍakottu ṭengor hãse zai tiyaiye edde hainde. Tarfore sukor fani loi, Isar ṭengor fata bizai diye edde hibar matar sul loi hin fũsi loiye. Tarfore hibaye Isar ṭengor fatat suma diye edde kušbo tel maki diye.
\p
\v 39 Toi ze forošiye Isare dawat dil hite ei abosta deki mone mone hodde, "Ei manušwa zodi nobi oito toile zani farito, iba hon ḍoilla maya fuwaye suwer, kiyollahoile hiba ekzon gunagar maya fuwa."
\p
\v 40 Hetunot Isaye he forošire hodde, \wj "Simon, ãttu tore kissu hoibar ase."\wj*
\p Hite hodde, "Ustad, ho na."
\p
\v 41 \wj "Ekzon ṭĩya udar doyattu duizon mainše hozzo loiye. Ekzone hozzo loiye fãs šot ṭĩya, ar ekzone fõnzaš ṭĩya.\wj* 
\v 42 \wj Kintu hitarar he hozzo fuzibar ra no takone, ṭĩya udar doyaye hitara dunizonor hozzogun maf gori diye. Ehon, itarar butore hone he ṭĩya udar doyare beši muhabbot goribo?"\wj*
\p
\v 43 Simone hodde, "Zar beši hozzo maf oiye, hite boli mone gori ãi."
\p Isaye hodde, \wj "Tui ṭik hoiyos."\wj*
\p
\v 44 Toi Isaye he mayafuwawar uzu firiyore Simonore hodde, \wj "Ei mayafuwaware dehor ne? Ãi tor górot golilam, tui ãre ṭeng dúibolla fani no dos, kintu ibaye sukor fani di ãr ṭeng bizaiye edde nizor sul loi hin fũsi loiye.\wj* 
\v 45 \wj Tui ãre suma di solam no goros, kintu zehon loti ãi butore aišši, hibaye ãr ṭengor fatat suma diyat roiye.\wj* 
\v 46 \wj Tui tel di ãr matat maki no dos, kintu hibaye kušbo tel ãr ṭengot maki diye.\wj* 
\v 47 \wj Hetolla ãi tore hoir, Hibaye beši guna gorile o hibar guna maf gora oiye, ar etolla hibaye beši muhabbot dehaiye. Kintu zare olfo maf gora za, hite olfo muhabbot deha."\wj*
\p
\v 48 Bade Isaye he mayafuware hodde, \wj "Tor guna maf gora oiye."\wj*
\p
\v 49 Zara Isar fũwati hána haito boiššil hitara hitara howa hoi gora šuru goijje, "Iba honnuwa ze guna udda maf gori de?"
\p
\v 50 Isaye hetunot he mayafuwaware hodde, \wj "Tor imane tore uddar goijje, šanti gori zagoi."\wj*
\c 8
\s Maya fuwain okkol Isar sahabi
\p
\v 1 Tarfore Isaye elan goribolla edde Allar raijjor mutallek kušir hóbor tobolig goribolla fara fara, šohore šohore gura šuru goijje. Ar fũwati he barozon sahabi, 
\v 2 edde zara bod ruhuttu uddar faiye, biyaramottu aram faiye hendilla hoekzon mayafuwain o fũwati aššil. Hitarar butore aššilde: Moriyam zare Mogdaleni hoi o ḍakito edde zar butottu hãttuwa bod ruh niyoli gilgoi. 
\v 3 Joana ze badša Herudor menezar Kusar bou. Susanna edde aro bout mayafuwain okkol. Hitarar nizor šombottittu Isa edde he barozon sahabi okkolore solaito.
\s Ekzon bizor dana lagoyar kahani
\p
\v 4 Ar zẽtte beša beši manuš okkol bout šohor okkolottu aiyore Isar hãse ai birgorer. Toi Isaye hitarare šikka dibolla ei kahanigan hoiye: 
\v 5 \wj "Ekzon sašaye hitar bizor dana šiṛibolla giye. Biz šiṛibar šomot hodun biz fõtor kinare foijje, hin manušor fortole oiye edde faik okkole hái felaiye.\wj* 
\v 6 \wj Ar hodun biz šil meṛir uwore foijje edde hin heṛe fuiṭṭe, kintu fanir obafe saragun fuwai gilgoi.\wj* 
\v 7 \wj Abar hodun biz keṛarzaliwala zagat foijje, he saragun keṛarzalir fũwati bari uiṭṭe, edde hinore keṛarzaliye sibi dori raikke.\wj* 
\v 8 \wj Abar hodun biz bala zobinot foijje, hin bari uiṭṭe edde ek šot gun gula diye."\wj*
\p Ei kahanigan hoi bade Isaye zur gola loi hodde, \wj "Zar han ase hite funok!"\wj*
\p
\v 9 Hibar sahabi okkole ei mesal kahaniganor mani ki fusar goijje. 
\v 10 Isaye hodde, \wj "Allar raijjor gufon soiyi tũwarare zainto diya oiye, kintu hitarar hãse kahanir mesale howa oiye, zene,\wj*
\q1 \wj "'Hitara deke kintu no deke,\wj*
\q2 \wj ar fune kintu no buze.' \wj*
\p
\v 11 \wj "Ei mesal kahaniganor mani oilde endilla: Biz oilde Allar kalam.\wj* 
\v 12 \wj Fõtor kinare foijjede bizor mesal hitarare diya oiye, zara kalam fune, kintu Šoitane ai hitarar dilottu hiyan tuli loi zagoi. Henot hitara ar hiyanor uwore iman ani no fare boli uddar oi no fare.\wj* 
\v 13 \wj Šil meṛit foijjede bizor mesal hitarare diya oiye, ze he kalam fune edde kuširsate mani lo, kintu hitarattu hiyanor hono šiyõr nai; hitara olfo dinolla biššaš gore, ar forikkar šomot hitara fissa fori zagoi.\wj* 
\v 14 \wj Keṛarzaliwala zagat foijjede bizor mesal hitarare diya oiye, zara kalam fune kintu zibon fõtot soilte soilte, šongšari sinta bafona, dón šombotti edde aram aiyešor maze hin sibot fori zagoi, hetolla zibonot hono fona fól deha no de.\wj* 
\v 15 \wj Bala zobinot foijjede bizor mesal hitarare diya oiye ze soiyi šorol mone he kalam fune, edde mojbut gori kolobor butore dori rake ar hitarar sobori zibonot fona fól dore.\wj*
\s Deššir nise serag
\p
\v 16 \wj "Ar serag zali honokiye dešši loi guri no rake otóba haṭor tole no rake, kintu serag boiṛonir uwore rake, zene zara butore za, hitara fohor deki fare.\wj* 
\v 17 \wj Henot en gufon kissu no takibo zin forhaš no oibo otóba en sufaiya kissu no takibo zin zana no zaibo ba deha no zaibo.\wj* 
\v 18 \wj Hetolla tũwara hondilla gori funor he babute diyan do, kiyollahoile zattu ase hitare aro diya oibo. Ar zattu nai hite hitattu zin ase boli mone gore, hin o hitattu loifela oibo."\wj*
\s Isa Mosi loi zarar asol egenafoti
\p
\v 19 Ar Isar ma edde báiboinain okkole Isare saito aišše. Kintu hitara mainšor zamilalla buli Isa loi deha gori no faijjil. 
\v 20 Bade ekzone Isare hodde: "Õnor ma báiboinain okkole baire tiyai taikke, õne loi deha goitto sar."
\p
\v 21 Kintu hibaye hodde, \wj "Itara zara Allar kalam fune edde he bafe falon gore, hitara oilde ãr ma edde báiboinain."\wj*
\s Isaye tuwan tamaiye
\p
\v 22 Ek din Isa edde Isar sahabi okkol ekkan not uiṭṭe. Isaye hitarare hodde, \wj "Solo, ãra doriyar ofarot zai."\wj* Toi hitara no sajje, 
\v 23 edde hitara šor tulidi no solat maze Isa gumot fori giyegoi. Ar doriyat en tuwan oiye, henot hitarar nogan faniye furaiya owa šuru goijje. Henot hitara beša beši bifodot fori giyegoi.
\p
\v 24 Hitara Isar hãse zai Isare gumottu tulidi hodde, "Malik, Malik ãra ḍufizairgoi!"
\p Hetunot Isa uṛi boyarore edde goirore dõk diye, ar boyar edde goir hanta oiye, hár kissu nirol oi giyegoi. 
\v 25 Tarfore Isaye sahabi okkolore hodde, \wj "Tũwarar biššaš hoṛe?"\wj*
\p Kintu hitara ḍore ammuwak oiye edde ekzonore ekzone hodde: "Iba honnuwa? Hibaye boyar edde doriyare hokum gore, ar hitara hibar hota mane!"
\s Isaye horaf zine faiya manušore aram goijje
\p
\v 26 Tarfore hitara Geraseni okkolor dešot no loi fõisse, ziyan Galilor dusora faror mikka. 
\v 27 Ar Isa zẽtte farot laimme he šohoror ekzon bod ruhuye faiya manuš loi deha oiye. Bout dinottu loti ei manušwaye hor no finder edde górot no taker, kintu hoboror gãtot taker. 
\v 28 Hite Isar sarme meṛit uite fori guzori hodde: "Oh Isa, šoktiwala Allar Fut, ãlloi õnor ki tallukat? Õnor hãse ãi foriyad gorir, ãre zontrona no diyo!" 
\v 29 Isaye he napak ruhure manušwar butottu niyoli zaito hokum dilde hetolla hite hen goijje. Ei ruhuye bout din oite he manušware doijje. Ar hitare siyol edde beri loi bandi rakile o hite siyol siri bod ruhor kemotaye nirzon zagat zaitogoi.
\p
\v 30 Isaye hitare fusar goredde, \wj "Tor nam ki?"\wj*
\p Hite hodde, "Bahani" kiyollahoile hitar butore bout bod ruh okkol aššil. 
\v 31 Tarfore hitarare aṭai gãtot no defeṛaibolla Isare foriyad gora šuru goijje.
\p
\v 32 Heṛe faharor uwore ḍõr ek šuworor zak soredde aššil, he napak ruhugune Isare foriyad goijje šuworgunor butore hitarare goilto ezajot dibolla, ar hibaye hitarare ezajot diye. 
\v 33 Toi bod ruh okkole he manušwar butottu niyoli zai šuworgunor butore góillegoi. Henot he šuworor zakgun zure dũri faharor haindat giye edde henttu fori fori fanit dufi moijje.
\p
\v 34 Zara šuworor zak sorail hitara ei hanḍo deki henttu dai giyegoi. Ar ei goṭonaganore he šohorot edde farar hár zagat zai hoiyegoi. 
\v 35 Ki oiye hin saibolla hetunot manuš okkol niyoli aišše. Hitara Isar hãse ai dekedde, ze manušwar butottu bod ruh niyoli giyegoi, hite hor findi šuida oi Isar ṭengor ḍake boi taikke, hen deki manuš okkole ḍoraiye. 
\v 36 Zara he goṭonagan dekkil, hitara he bod ruye faiya manušwa ki bafe aram oil hin manuš okkolore hoiye. 
\v 37 Toi Geraseni elehar sairo mikkar šomosto manuš okkole Isare beši ḍoraiye hetolla hitara beggune Isare henttu zaiboilla foriyad goijje. Toi Isaye uiṭṭe edde henttu uwafes firi giyegoi.
\p
\v 38 Ze manušwattu bod ruh niyoli gilgoi, hite Isar fũwati zai faribo ne fusar goijje. 
\v 39 Kintu Isaye hitare en hoi bidai diye, \wj "Tui tor górot zagoi edde tolla ze ḍõr ham Allaye goijje, hin mainšore hogoi."\wj* Henot hite farat firi giyegoi edde Isaye hitalla ze ḍõr ham goijje hin šohoror agagura hoiye.
\s Ek mora zerfuwa edde ek biyaraimma maya fuwa
\p
\v 40 Isa zẽtte firi aišše manuš okkole hibare kuši mone goisse, kiyollahoile hitara beggune hiballa entezar gori aššil. 
\v 41 Ar so, Zairus name ekzon manuš, Isar sarme aišše. Hite aššilde muzolišhanar ekzon neta. Hite Isar fot fori hitar górot zaibolla Isare foriyad gora šuru goijje. 
\v 42 Kiyollahoile hitattu lehar ek zi aššil, boyoš hom beši baro bosor, ar hiba morar mukot.
\p Isa heṛe zadde šomot manuš okkole hibare har ḍakottu ṭelaṭeli goijje. 
\v 43 Heṛe butore ekzon beṛi maya fuwa aššil ze baro bosorfan kunzari biyaram loi duk fat ase. Ḍaktor okkolor fise har šombotti beggunore horos gori felai bade o honokiye hibare bala gori no fare. 
\v 44 Hibaye Isar fisottu zai Isar horor kuna suiye. Toi hehon hibar kunzari bon oi giyegoi.
\p
\v 45 Toi Isaye hodde, \wj "Ãre hone suiye?"\wj*
\p Kintu beggune ošikar goijje. Fitore hodde, "Huzur, mainše har ḍakottu ṭelaṭeliye zafdiforer."
\p
\v 46 Toi Isaye hodde, \wj "Ãre hono ekzone suiye, ãi ṭer faiyi ãr butottu šokti giyede."\wj*
\p
\v 47 Mayafuwawaye dekedde hiba luwai tai no faribo, hetunot hiba hafi hafi Isar munttu aišše. Hibaye Isar sarme uite fori kiyolla Isare suiye edde kibafe hehon hibar kunzari bon oiye, in okkol har manušor sarme hibaye hoi funaiye. 
\v 48 Toi Isaye hodde, \wj "Oh zi, tor biššaše tore bala goijje, arame górot firi zagoi."\wj*
\p
\v 49 Isa ehon o hota howat ase, hen šomot muzolišhanar netar górottu ekzon manuš aiyore hodde, "Tũwar zi mori giyoi. Huzurore loi ar diddari no goris."
\p
\v 50 Ei hota funiyore Isaye Zairusore hodde, \wj "No ḍorais, bolke biššaš gor, henot hiba aram oibo."\wj*
\p
\v 51 Bade Isa zehon Zairusor górot fõisse, Fitor, Yakub, Yuhanna edde he zerfuwar babma sara ar honokiyore Isaye góror butore golito no de. 
\v 52 Beggune hiballa handahaṛi edde bilag gorer kintu Isaye hodde, \wj "No haindo! Hiba no more, gum zadde."\wj*
\p
\v 53 Hitara hen funi Isare ṭaṭṭa uraiye, kiyollahoile hiba mori giyegoide hiyan hitara zainto. 
\v 54 Kintu Isaye hibar hat dori ḍaki hodde, \wj "Oh zi, uṭ!"\wj* 
\v 55 Henot hibar foran firi aišše edde hiba hehon uṛi tiyaiye. Ar Isaye hibare kissu haito dito hoiye. 
\v 56 Henot hibar babma ekkubare ammuwak oi giyegoi, kintu Isaye hitarare ei goṭonar hotagan honokiyore no hoibolla mana goijje.
\c 9
\s Asab okkolore tobolig goitto defeṛar
\p
\v 1 Bade he barozon asabore ekottoro gori ḍaikke edde hibaye hitarare har bod ruhor uwore edde biyaram bala goribolla šokti edde kemota diye. 
\v 2 Ar Allar raijjor tobolig goribolla edde biyaram aram goribolla Isaye hitarare faṭai diye. 
\v 3 Toi Isaye hitarare hodde: \wj "Tũwara fõtolla kissu no loiyo, laṛi otóba gaṭṭi, hána otóba ṭĩya kissu no loiyo. Findibar fušak o dui zura no loiyo.\wj* 
\v 4 \wj Ar tũwara ze górot zo, he fara sari no zogoi foijjonto he górot taikko.\wj* 
\v 5 \wj Zodi mainše tũwarare no gose, he šohor sari zaibar šomot tũwarar ṭengor tolar dul zari felaiyo, zene hine hitarar berudde goba oi tiya."\wj* 
\v 6 Toi sahabi okkol henttu giyegoi edde fara fara zai Allar raijjor kušir hóbor tobolig goijje edde biyaramma okkolore aram goijje.
\s Badša Herud edde Isa
\p
\v 7 Badša Herude Isaye zin zin gorer hin beggun fuinne kintu hite honnan biššaš goribo buzi uṛi no fajjil. Kiyollabulihoile kiye kiye hoito Yahya mora okkolor butottu uṛi giyegoi. 
\v 8 Ar kiye kiye hoito Eliyase deha diye, ar kiye kiye hoito, furan hailla nobi okkolor butottu ekzon zinda oi uiṭṭe. 
\v 9 Ar Herude hodde, "Ãi to Yahyar mata haṛi felailam, kintu iba honnuwa zar babute endilla hota funazar." Hetolla badša Herude Isare saibolla kušiš goijje.
\s Isaye fãs hazar manušore hána diye
\p
\v 10 Bade asab okkole zin zin goijje, firi aiyore hitara hinore kulasagori Isare zanaiye. Tarfore Isaye hitarare fũwati loi Betsaida farar ḍake ek nizam zagat giye. 
\v 11 Kintu mainše he hóbor zani fariyore hitara Isar fisa loiye. Toi Isaye hitarare rahamotor sãte goisse edde hitarar hãse Allar raijjor babute hota hoiye. Ar zara aram oibar dorhar aššil hitarare aram goijje.
\p
\v 12 Tarfore din šeš oi aišše, ar he barozon asabe Isar hãse zai hodde: "Õne ei manuš okkolore bidai do, zene itara sairo mikka farat, geramot zai rait haṛai fare edde hána fani tuwai loi fare, kiyollahoile ãra aside zagagan kissu naide zaga."
\p
\v 13 Kintu Isaye hitarare hodde: \wj "Tũwara hitarare hána do!"\wj*
\p Asab okkole hodde, "Fãswa ruṭi edde duwa mas sara ãrar hãse ar kissu nai. Ar ki ãra zai edun manušolla haiddo kini ani faijjum?" 
\v 14 (Heṛe onumanik fãs hazar furuš manuš aššil.)
\p Hetunot Isaye sahabi okkolore hodde, \wj "Itara beggunore fõnzašzon fõnzašzon grup gori buwai do."\wj* 
\v 15 Sahabi okkole hen goijje, beggunore buwai diye. 
\v 16 Tarfore Isaye he fãswa ruṭi edde duwa mas loi asmanor uzu suk tuli hinolla Allare šukuriya zanaiye edde hinore bangi sahabi okkolore diye, mainšore baṛi dibolla. 
\v 17 Toi beggune feṭbori hána háiye. Tarfore hitara zin hái bade guragara basi roiye hinore dola gori baro barang hána oiye.
\s Fitore Isare Allar Mosi šikar gorer
\p
\v 18 Isaye ek bar ekela munazat goredde šomot sahabi okkol o hibar fũwati heṛe aššil. Isaye hitarare fusar goredde: \wj "Ãi honnuwa, ei babute mainše ki ho?"\wj*
\p
\v 19 Hitara zuwab diye, "Torikotor gusol doya Yahya, kintu kiye kiye ho nobi Eliyas, ar kiye, beši agor nobi okkolor butottu ek nobi uṛigiyegoi."
\p
\v 20 Isaye hitarare fusar goredde: \wj "Kintu tũwara ki ho, ãi honnuwa?"\wj*
\p Fitore hodde, "Õne Allar he Mosi."
\p
\v 21 Hetunot Isaye hitarare ei hota honokiyore no hoibolla hũšiyari diye edde mana goijje. 
\v 22 Isaye hodde, \wj "Adomor Futottu beši duk buggora foribo. Ar murobbi okkol, ḍõr imam edde alem okkole hibare batil goribo edde mari felaibo. Ar tin dinor din hibattu morattu uṛizagoi foribo."\wj*
\s Isar fise lowa
\p
\v 23 Toi hibaye beggunore hodde: \wj "Honokiye zodi ãr fise aito issa gore, hite nizore ošikar gorok edde hite fotti din nizor duk hoštore bordaš gori ãr fise fise aiyok.\wj* 
\v 24 \wj Kiyollahoile ze honokiye hitar nizor foran basaito sa, hite hiyan haraibo. Kintu ze honokiye ãlla boli hitar nizor foran hara, hite hiyan basaibo.\wj* 
\v 25 \wj Hitar ki lab oiye, zodi šara duniyai hama, kintu nizore harai fele otóba nošto gori fele?\wj* 
\v 26 \wj Kiyollahoile ze honokiye ãre edde ãr kalamore mainšor munttu šorome ošikar gore. Adomor Fut zehon nizor, edde fobitro firista okkol edde Bafor tozolli loi aibo, hẽtte hibaye o he manuš okkolore ošikar goribo.\wj*
\p
\v 27 \wj "Ãi tũwarare soiyi hoir, eṛe tũwarar butore en hozon ase zara Allar raijjo no deke foijjonto hitara hono mote moutor fiyala no fibo."\wj*
\s Isa Mosir ruf
\r (Moti 17:1–8; Mark 9:2–8)
\p
\v 28 In okkol hoi ek hafta bade, Isaye munazat goribolla Fitor, Yuhanna, Yakub, itarare loi ek faharor uwore giye. 
\v 29 Munazat goribar šomot Isar mukor siyara bodoli giyegoi edde hibar fušak ujjol dola oi giyegoi. 
\v 30 Ar so, duizon manuš, Musa edde Eliyas, hitara Isa loi hota howa šuru goijje. 
\v 31 Hitara keramoti zak zomok loi deha diye edde Zeruzalemot Isaye ze moutor muamui oito zar, hitara he befare hotabatra hoiye. 
\v 32 He šomot Fitor edde hitar sãti okkol bári gumot aššil. Hitara seton oi Isar keramot edde oi duizon manuš zara Isar fũwati tiyai taikke hitarare deikke. 
\v 33 He duizon Isar hãsottu zargoide šomot Isare Fitore hodde: "Huzur, ãra eṛe aside bala oiye. Ãra tinnan bãša banai, ekkan õnolla, ekkan Musalla, ar ekkan Eliyasolla." (Kintu Fitore asole ki hor hin hite nize o no zane.)
\p
\v 34 Fitore hen hodde šomot ekkan miyula ai hitarar uwore saiya oiye. Hitara zẽtte miyular butore oiye, hẽtte hitara beši ḍoraiye. 
\v 35 Ar he miyular butottu endilla ek abaz funa giye, "Iba ãr fut, he basai gora, hibar hota fuinno." 
\v 36 Abaz oi mottor Isare ekela deha giye. Ar hitara suf gori taikke, zin zin sahabi okkole dekkil hin he šomot honokiyore no ho.
\s Isaye ek bute faiya fuware aram goijje
\r (Moti 17:14–18; Mark 9:14–20,25–27)
\p
\v 37 Tarfordin zehon hitara he faharottu lami aišše, bout mainše Isa loi deha goijje. 
\v 38 Ar so, zamor butottu ekzone guzori hodde, "Huzur, aroz gorir, ãr fuwawar uzu suk tuli so, kiyollahoile ite šude ãr lehar ek fut. 
\v 39 So, ek ruhuye itare hamela gorer, ar atikka kiskisai uṛe. He ruhuye itare musori dore, henot ite muk bai fena bair gore, ar ruhuye itare zal zal gori kub hošto di erizagoi. 
\v 40 Ãi õnor sahabi okkolore foriyad goijjilam, zene hitara ibare sarai de, kintu hitara no fare."
\p
\v 41 Toi Isaye zuwabe hodde: \wj "Oh obiššaši edde bonḍor dol! Ar hotokal ãi tũwarar fũwati takiyum edde tũwarare bordaš goriyum? Tor futore loi eṛe ai!"\wj*
\p
\v 42 He fuwawa aiyerde hen šomot oi bod ruhuye hitare felai diye edde hora gori musori doijje. Kintu Isaye he napak ruhure dõk diyore fuwaware aram goijje. Toi hitare bafor hãse firai diye. 
\v 43 Henot beggune Allar he mohimar šokti deki tajjuf oiye.
\s Isaye abar nizor motor babute hor
\r (Moti 17:22–23; Mark 9:30–32)
\p Toi hár manuš okkol Isaye goijjede hamot tajjuf oiyede šomot, Isaye sahabi okkolore hodde, 
\v 44 \wj "Tũwara ei šob hota mon di funo! Kiyollahoile Adomor Futore manuš okkolor hatot tuli diya oibo."\wj* 
\v 45 Kintu hitara he hota buzi no fare, edde he hotar mani hitarattu gufon raka oiye, zenneki hitara buzi uṛi no fare, ar he babute Isattu fusar goitte o hitara ḍoraiye.
\s Ḍõr hone
\r (Moti 18:1–5; Mark 9:33–37)
\p
\v 46 Sahabi okkol hone beggunottuwaro ḍõr hiyan loi hitarar butore hota haṛa haṛi oiye. 
\v 47 Isaye hitarar monor baf buzi fariyore ek gura fuware loi hibar ḍake tiyagoraiye. 
\v 48 Toi sahabi okkolore hodde, \wj "Ze honokiye ãr name ei gura fuwaware gose, hite ãre gose. Ar ze honokiye ãre gose, hite hibare gose ze ãre defeṛaiye. Kiyollahoile ze tũwarar butore beggunottuwaro šoṛo, hite oilde dõr."\wj*
\p
\v 49 Bade Yuhannaye hodde, "Ustad, õnor name ekzon mainše but saradde dekkilam, hite ãrar dolot node hetolla buli ãra hitare mana goijjilam."
\p
\v 50 Kintu Isaye hodde, \wj "Tũwara hitare mana no goijjo! Kiyollahoile ze tũwarar bifokke no hitede tũwarar fokke ase."\wj*
\s Sameriya farar mainše Isare no gose
\p
\v 51 Ar zehon Isare uwore tuli loi zaibar ṭaim hãse aišše, hetunot Isa Zeruzalemor mikka zaibolla ek mone ereda gori felaiye. 
\v 52 Ar Isaye zaibar age hóborguwa okkolore defeṛaiye. Ar hitara zai Sameri okkolor farat góille, Isalla entezam gori farefan. 
\v 53 Isaye Zeruzalem zaibo ereda goijje buli heṛiyar manuš okkole Isare no gose. 
\v 54 Hendilla deki Isar sahabi Yakub edde Yuhannaye fusar goredde, "Malik, õne ki issa goro, Eliyase zendilla goijje hendilla ãra hoi, asmanottu oin lami ai itarare dongšo gori felok?" 
\v 55 Kintu Isaye hitarar mikka muk firai dõk diye edde hodde, tũwara no zano ne, tũwarare hon ruh loi banaiye? Adomor Futore manušor zibon dongšo goribolla faṭa oiyede no, kintu uddar goribolla. 
\v 56 Tarfore hitara oinno ekkan farat giyegoi.
\s Isare manile dam diya fore
\r (Moti 8:19–22)
\p
\v 57 Hitara fõt bai zadde hen šomot ekzon manuše Isare hodde, "Õne zeṛe zo ãi o õnor fũwati heṛe zaiyum."
\p
\v 58 Isaye hitare hodde, \wj "Šiyal okkolottu gãt ase edde asmanor faikottu baha ase, kintu Adomor Fute mata rakibar hono zaga nai."\wj*
\p
\v 59 Isaye ar ekzonore hodde: \wj "Ãr fisa lo."\wj*
\p Kintu hite hodde: "Huzur, age ãr bafore dohon gorai aito do."
\p
\v 60 Isaye hitare hodde: \wj "Mora okkole mora okkolore dohon gora ok, kintu tui zai Allar raijjor tobolig gor."\wj*
\p
\v 61 Ar ekzone Isare hodde, "Malik, ãi õnor fisa loiyum, kintu age ãre ãr góror manuš okkolottu bidai loi aito do."
\p
\v 62 Isaye hitare hodde, \wj "Ze honokiye naholor kuṛi dori fis mikka firisa hite Allar raijjor laikka oi no fare."\wj*
\c 10
\s Hoittor duizonore toboligot defeṛaiye
\p
\v 1 Hiyar bade Malik Isaye aro oinno hoittor duizonor mainšore basona goijje. Ar Isa nize ze ze šohor ba fara okkolot zaibolla ereda goijje, he šomosto zaga edde šohorot hiba zaibar age duizon duizon gori hitarare defeṛaiye. 
\v 2 Isaye hitarare hodde, \wj "Hãsa, dán beši foille kintu dán daoya manuš hom. Etolla danor malikor hãse foriyad goro zene malike hibar dán daibolla manuš faṭai de.\wj* 
\v 3 \wj Tũwara zo! Ãi tũwarare sool hisabe genḍa bagor okkolor butore defeṛair.\wj* 
\v 4 \wj Ṭiyar beg, hoilla ba ṭengor šendal fũwati no loiyo, edde fõtot honokiyor loi mulot oibolla no tiyaiyo.\wj*
\p
\v 5 \wj "Kintu tũwara ze górot goliba, heṛe tũwara foila hoiba, 'Ei górot šanti aiyok.'\wj* 
\v 6 \wj Zodi heṛe šantir manuš take henoile tũwarar šanti hitar uwore ziraibo. Ar zodi hendilla honokiye no take hentoile tũwarar šanti tũwarar hãse firi aibo.\wj* 
\v 7 \wj Ar he górot taikko edde hitara zin há fiya gorito de hin haiyo, kiyollahoile ze ham gore hite beton faibar laikka. Ek gór sari ar ek górot no zaiyogoi.\wj*
\p
\v 8 \wj "Zodi hono farat zo edde heṛeiyar manuš okkole tũwarare gose toile hitara tũwarare zin de hin haiyo! \wj* 
\v 9 \wj He farar biyaraimma okkolore aram goijjo edde hoiba, 'Allar raijjo tũwarar hãse aišše.'\wj* 
\v 10 \wj Kintu zodi hono farat zo edde heṛiyar mainše tũwarare no gose, he farar rasta rasta zai en hoiba,\wj* 
\v 11 \wj 'Tũwarar farar ze dul ãrar ṭengot boijje hin o ãra zari felailam, tarfore o tũwara zani rako ze Allar raijjo hãse aišše.'\wj* 
\v 12 \wj Ãi tũwarare hoir, bisaror din he farattuwaro Súdum šohoror doša šowa zaibo.\wj*
\p
\v 13 \wj "Korasin šohor tor bifod! Betsaida šohor tor bifod! Ze šob keramot tũwarar butore gora oiye, hin okkol zodi Tiros edde Sidon šohorot gora oito, toile hitara bout din age salar šoṭ findi saiyot boi gunattu mon firaito.\wj* 
\v 14 \wj Kintu bisaror din tũwarar došattuwaro Tiros edde Sidon šohoror doša šowa zaibo.\wj* 
\v 15 \wj Ar tui Kofornahum šohor, tũi bole ki asman uwore uṛibi? Honodin oi no fare, tore meṛir nise fatalfurot feli diya oibo!\wj*
\p
\v 16 \wj "Zara tũwarar hota fune hitara ãr hota fune. Zara tũwarare hela gore, hitara ãre hela gore. Kintu zara ãre hela gore, hitara ãre ze defeṛaiye hibare hela gore."\wj*
\s He hoittor duizon kušir sãte firi aišše
\p
\v 17 He hoittor duizon ummote kušir sãte firi aišše edde hodde: "Malik, õnor nam dorile bod ruh okkole foijjonto ãrar hota fune!"
\p
\v 18 Toi Isaye hitarare hodde, \wj "Ãi Šoitanore asmanottu bizoli somkefana gori nise foredde dekki.\wj* 
\v 19 \wj So, ãi tũwarare haf edde bissure ṭenge fiši maribolla edde dušmon Šoitanor har šokti loi ziti faribolla šokti diyi. Hono kissuye tũwarare hoti gori no faribo.\wj* 
\v 20 \wj Kintu bod ruhuye tũwarar hota fune boli kuši no goijjo bolke behostot tũwarar nam leka oiye boli kuši goro."\wj*
\p
\v 21 Hetunot Isaye Pak Ruhur kušiye ullaš oi hodde, \wj "Ya Baf, tũi asman edde duniyair malik, ãi tũware šukuriya zanai, kiyollahoile ei hota okkol tũi giyani edde buddiman okkolottu lukairaki masum gura fuwaindor hãse forhaš goijjo. Oi, Baf, iyan tũwar bala issa.\wj*
\p
\v 22 \wj "Ãr Bafe ãr hatot hár kissu diye. Baf sara ar honokiye no zane Fuwa honnuwade hiyan, ar Fuwa sara honokiye no zane Baf honnuwade hiyan. Ar Fuwaye zar hãse Bafore forhaš goitto sa šude hite zane."\wj*
\p
\v 23 Toi hitara zehon ekela oiye, hibaye hitarar mikka firiyore hodde, \wj "Rahamot ok he suk okkolor uwore, tũwara dekodde hin zara deker.\wj* 
\v 24 \wj Ãi tũwarare hoir: Tũwara dekorde hin bout nobi okkole edde badša okkole saito issa goijje kintu saibolla no fa, ar funito issa goijje kintu funito no fa."\wj*
\s Ek Sameriyar rahamoti manušor kahani
\p
\v 25 Ar so, ekzon dórmiyo aleme Isare forikka gori saibolla hibar hãse aiyore hodde, "Huzur, akeri zibonor odihar faite ãttu ki gora foribo?"
\p
\v 26 Isaye hodde, \wj "Ainot ki leka ase? Heṛe hondilla foijjo?"\wj*
\p
\v 27 He hite hodde: "'Tũi tũwar šomosto dil, šomosto mon, šomosto foran, šomosto šokti, diyore Allah Mabudore muhabbot goro. Ar tũwar ḍen gór bam gójjare nizor zani muhabbot goro.'"
\p
\v 28 Isaye hitare hodde: \wj "Tũi ṭik zuwab diyo. Zodi tũi he mozin gorat tako, toi tũi o zibon faiba."\wj*
\p
\v 29 He aleme hitar nizor šorman basaibolla Isare abar hodde, "Bala, ãr ḍen gór bam gójja hontara?"
\p
\v 30 Zuwabe Isaye endilla hoiye: \wj "Ekzon manuš Zeruzalemottu fõt bai lami Zeriku šohorot zar, hen šomot hite ḍahaitor hatot foijje. Ḍahait okkole hitar findonor hoorgun kuli loi felaiye edde hitare mari ada mora abostat raki giyegoi.\wj* 
\v 31 \wj Goṭona sokkore ekzon imam o he fõt bai lami aišše. Hite he manušware deki rasta fašhaṛi gilgoi.\wj* 
\v 32 \wj Bade hendilla ekzon dórmogór šasiyot goroya Levi o he zagat ai manušware deki, hite o fašhaṛi giyegoi.\wj* 
\v 33 \wj Tarbade Sameriya elehar ekzon manuš, zarare šomazot niroš zat hisabe gona oito, he fõt bai zaite zaite oi manušwar hãsa hãsi aišše. Hitare deki tattu doya laigge,\wj* 
\v 34 \wj edde hitar ḍake zai, hitar gá okkolot tel edde ãnguror roš ḍalidi hinore bandi diye. Tarfore hitar nizor zanuwaror uwore buwai ek šoraihanat loigiye edde hitare šeba zotton goijje.\wj* 
\v 35 \wj Tarfordin he Sameriyar manušwaye duiyan dinar šoraihanar menezarore diyore hodde, 'Ei manušwar adorhatir goriba, beši za kissu horos o, hin ãi abar aile šud gori diyum.'\wj*
\p
\v 36 \wj "Ehon tũwattu ki mone o? Ei tinzonor maze hone he ḍahaitor hatot fora manušwar ḍen gór bam gójja?"\wj*
\p
\v 37 He aleme zuwabe hodde, "Ze manušwaye hitare ador hatir goijje hite."
\p Toi Isaye hitare hodde, \wj "Toile tũi o zo he mozin gorogoi."\wj*
\s Martá edde hibar boin Moriyam
\p
\v 38 Ar hitara zadde šomot Isaye hono ek farat góille, heṛe Martá name ek maya fuwaye hibar górot Isare meheman hisabe goisse. 
\v 39 Moriyam name ekzon hibattu boin aššil. Hibaye Malik Isar ṭengor ḍake ai boi Isar hota funer. 
\v 40 Kintu Martá góror harz harbare beši duwadit aššil. Hibaye hitara dunizonor hãse aiyore hodde: "Malik õne ki kissu bafi no sor ne, ãr boine ãre beggun halika ga gora diyede? Õne hibare ãre modot gori dito ho!"
\p
\v 41 Kintu malik Isaye zuwabe hodde: \wj "Martá! Tui bout hame duwadit edde sintat.\wj* 
\v 42 \wj Kintu ekkan šude zoruri ham ase. Moriyame he hamman basi loiye, hetolla hiyan hibattu loi fela no zaibo."\wj*
\c 11
\s Isaye sahabi okkolore munazat gora šikar
\r (Moti 6:9–15; 7:7–11)
\p
\v 1 Ek šome Isaye hono ek zagat duwa gorer. Duwa gora šeš oi bade Isar sahabi okkolor butottu ekzone Isare hodde: "Malik, Yahyaye zendilla hibar šagirit okkolore duwa gora šikaiye hendilla õne ãrare o duwa gora šikao." 
\v 2 Isaye hitarare hodde: \wj "Tũwara duwa goribar šomot endilla ho: \wj*
\q1 \wj "'Ya, ãrar behosti Baf, \wj*
\q1 \wj Tũwar nam fobitro boli mana ok. \wj*
\q1 \wj Tũwar raijjo aiyok.\wj*
\q1
\v 3 \wj Fotti dinor haiddo tũi fotti din ãrare do. \wj*
\q1
\v 4 \wj Ãrar har gunare maf gori do, \wj*
\q1 \wj zendilla ãra o maf gori hitarare, \wj*
\q1 \wj zara ãrar berudde hosuri gore. \wj*
\q1 \wj ar ãrare forikkat foitto no diyo.'" \wj*
\m
\v 5 Tarfore Isaye hitarare hodde, \wj "Mone goro! Tũwarar butore hono ekzonottu ekzon bondu ase. Ar hite zodi ada raitta hitar bondur hãse zai ho, 'Bondu, ãre tinnwa ruṭi udar do,\wj* 
\v 6 \wj kiyollahoile ãr ek bondu musafer oi ãr heṛe aišše, hitar munttu ani dibolla ãttu kissu nai.'\wj* 
\v 7 \wj Henoile ki he manušwaye butottu tai en zuwab dibo ne, 'Ãre hošto no diyo, ehon doroza banda, ar ãr fuwain ãr ḍake gum giye. Ãi uṛi tũware kissu di no farir.' \wj* 
\v 8 \wj Ãi tũwarare hoir, hite zodi bondu hisabe uṛi no de, tarfore o hite bar bar foriyad goredde hiyanolla buli oile o hite uṛibo edde hitar zorulot mozin hitare hin dibo.\wj*
\p
\v 9 \wj "Etolla ãi tũwarare hoir: Munazatot so, toi tũwarare diya oibo. Tuwo, toi tũwara tuwai faiba. Dorozat ṭulki maro, toi tũwaralla kula oibo.\wj* 
\v 10 \wj Zara mage hitara to fottizonore diya o, ze tuwa, hite tuwai fa, ar ze dorozat ṭulki de, hitalla doroza kula o.\wj*
\p
\v 11 \wj "Tũwarar butore endilla baf hone ase, fuwaye mas magile haf de,\wj* 
\v 12 \wj otóba ãnḍa magile bissu de?\wj* 
\v 13 \wj Tũwara zodi horaf oi bade o tũwarar fuwain okkolore uttom uttom ziniš di zano, toile ei hota hoto haṭi ze, zara mage hitarare behostiyo Bafe Pak Ruhure dibo!"\wj*
\s Bod ruh okkolor uwore Isar kemota
\r (Moti 12:22–30,43–45; Mark 3:22–27)
\p
\v 14 Ar ek bar Isaye ek buk but dafaiye. But zehon bair oigiyegoi, he buk manušwaye hota howa šuru goijje. Henot manuš okkol tajjuf oiye. 
\v 15 Kintu hitarar butore kiye kiye hodde, "Butor raza Belsebulor modote ite but bair gore." 
\v 16 Ar kiye kiye forikka gori saibolla Isare behostottu ekkan sinno dehaito hoiye.
\p
\v 17 Kintu Isaye hitarar monor baf buzi faijje edde hibaye hitarare hodde: \wj "Ze raijjo bag o hiyan dongšo o, ar gór zodi góror bifokke o hiyan dongšo o.\wj* 
\v 18 \wj Hendilla, Šoitane o zodi hitar nizor berudde ai tiya, toile ken gori hitar raijjo ṭikibo? Ar tũwara hor ãi Belsebulor modote but sarai.\wj* 
\v 19 \wj Ašša! Ãi zodi Belsebulor modote but sarai, toile tũwarar nizor manuš okkole har modote but sara? Tũwara soiyi hor ne hiyan hitara bisar gori sok.\wj* 
\v 20 \wj Kintu ãi zodi Allar kemota loi but sarai, henoile Allar raijjo tũwarar hãse aišše.\wj*
\p
\v 21 \wj "Ekzon bolwala mainše zodi hár ḍoilla ostro loi nizor gór fahara de, toile hitar mal fottoro nirafodot take.\wj* 
\v 22 \wj Kintu hitattuwaro bolwala honokiye zodi ai hitar loi zite, toile hite ze ostro okkolor uwore nirbor goijje hin oi manušwaye hari loi felaibo, ar luṛor mallun loi zai bag goribogoi.\wj*
\p
\v 23 \wj "Ãi hoir: Zodi honokiye ãr fokke no take toile hitede ãr bifokke roiye, ze ãr fũwati no feṛa hitede šiṛe."\wj*
\p
\v 24 \wj "Hono napak ruh zehon ekzon manušor butottu bair oi zagoi, hetunot hite aramor zaga tuwaibolla šuwana zagat zai gura fira gore. Bade zodi hite hendilla no fa, hite hode, 'Ãi ze górottu niyoli aiššyi he górot ãi abar firi zaiyumboi.'\wj* 
\v 25 \wj Firi ai sadde, górgan foriškar edde hãzaiya.\wj* 
\v 26 \wj Hetunot hite zai hitattuwaro aro hãt zon horaf napak ruhure fũwati loi ane edde heṛe goli bošobaš gore. Hiyanolla boli he manušwar doša foila barottuwaro šešor doša aro horaf o."\wj*
\p
\v 27 Isaye ei šob hota hodde šomot mainšor zamottu hono ek maya fuwaye guzori Isare hodde, "Mubarok he feṭ, ze õnore feṛot loiye edde bukor dud habaiye."
\p
\v 28 Kintu Isaye hodde: \wj "Iyanottuwaro hitarare mubarak zara Allar kalam fune edde hindilla gore." \wj*
\s Ei halor naforman manuš
\r (Moti 12:38–42)
\p
\v 29 Toi aro manuš okkole Isare sairo ḍakottu berai doijje, hetunot Isaye hodde, \wj "Ei halor manuš okkol horaf, hitara sinno tuwa, kintu Yunus nobir sinno bade ar hono sinno hitarare deha no oibo.\wj* 
\v 30 \wj Nineveh šohoror manuš okkololla zendilla Yunus nobi nize sinno oil, ṭik hendilla ei halor manuš okkololla o Adomor Fut sinno oibo.\wj* 
\v 31 \wj Bisaror din doin dešor raniye ei halor manuš okkolor fũwati uṛi itarare duši goribo, kiyollahoile hibaye badša Soloimanor giyanor hota funibolla duniyair šeš ḍakottu aiššil. Ar so, eṛe Soloimanottuwaro aro mohan ekzon ase. \wj* 
\v 32 \wj Bisaror din Nineveh šohoror manuš okkole ei halor manuš okkolor fũwati uṛi itarare duši goribo, kiyollahoile Yunus nobir toboligor duwara Nineveh šohoror manuš okkole gunattu mon firail. Ar so, eṛe Yunusottuwaro aro mohan ekzon ase.\wj*
\s suk oilde gar serag
\r (Moti 5:15; 6:22–23)
\p
\v 33 \wj "Serag zalai honokiye ũjja góror tole ba laiyor nise no rake, bolke hiyan seragor tokor uwore rake, zene zara butore za hitara fohor deke.\wj* 
\v 34 \wj Suk oilde gar serag, tũwar suk zodi taza o, hin hendilla oiyede haron oilde, gagan fohore furaiyade hetolla. Kintu suk zodi taza no o, hin hendilla oiyede haron oilde, gaganot andar ase.\wj* 
\v 35 \wj Hetolla so, tũwar butore ze fohor ase hiyan hono andarot ne.\wj* 
\v 36 \wj Tũwar šara ga zodi fohore furaiya o, edde ekkagori o andar no take, ṭik serag zendilla nizor teze tũware fohor de, hendilla tũwar hara ga furafuri bafe fohore furaiya oibo."\wj*
\s Isaye dórmiyo neta okkolor berudde hor
\r (Moti 23:1–36)
\p
\v 37 Isa hota howa šeš gori bade ekzon forošiye Isare hánar dawat diye. Hibaye butore zai hána haito boišše. 
\v 38 Isaye hána háibar age hat no duwede deki forošiwaye ammuwak oiye.
\p
\v 39 Kintu Malik Isaye hitare hodde: \wj "Tũwara Foroši okkole fanir fiyala edde deššir bar ḍakottu foriškar goro kintu tũwarar butore lalos edde naformaniye boraiya.\wj* 
\v 40 \wj Murokko manuš okkol! Ze baror ḍak banaiye, hibaye ki butoror ḍak o no bana ne?\wj* 
\v 41 \wj Bolke deššir butore za za ase hin gorib okkolore dan goro, toi dekiba, beggun tũwaralla foriškar oibo.\wj*
\p
\v 42 \wj "Bifod tũwara Foroši okkolore, kiyollahoile tũwara Allare fudina, tez fata edde hár ḍoilla hakor doš bagor ek bag di tako. Kintu niyai bisar edde Allar muhabbotor mikka diyan no do. Foilagan falon goribar fũware fũware dusoragan falon gora o tũwarar dorhari.\wj*
\p
\v 43 \wj "Bifod tũwara Foroši okkolore, muzolišhanar mum mikkar zagat boite edde rasta gaṛot ijjot fare muhabbot goro.\wj*
\p
\v 44 \wj "Bifod tũwara Foroši okkolore, tũwara en hobor okkolor ḍoilla zinor hono sinno no take, edde no zani mainše heṛe uwottu ãṛe, ar hitara napak o."\wj*
\p
\v 45 Hetunot dórmo šikoya alem okkolor butottu ekzone Isare hodde, "Huzur, õne ei hota hoi ãrare o ofoman goror."
\p
\v 46 Isaye hitarare hodde, \wj "Bifod tũwara dórmo šikoya alem okkolore! Tũwara manušor uwore bor fũza tuli do, kintu hitara hin mani farefan modot gori hoi uggwa õl o no laro.\wj*
\p
\v 47 \wj "Bifod tũwarare, tũwara nobi okkolor hoborore mazar banao, otoso tũwarar baf dada okkole hitarare kun goijje.\wj* 
\v 48 \wj Iyan deki buza zar ze tũwara tũwarar baf dadar hamot ekmot oiyo, kiyollahoile hitara mari felaiye ar tũwara hitarar hoborore mazar banayo.\wj* 
\v 49 \wj Etolla giyani Allaye Allar kalamot hodde, 'Ãi hitarar hãse nobi okkol edde asab okkolore defeṛaiyum. Hitarar butottu ho ekzonore hitara kun goribo edde ar kissur uwore ottisar goribo.'\wj* 
\v 50 \wj Hetolla duniyair foilar šuru oite šuru gori zetozon nobire kun gora oiye, hitarar louwor dai oibo ei halor manuš okkol.\wj* 
\v 51 \wj Habilor kun oiyede oite šuru gori Zakariya, zare pak zaga edde dórmogóror maza mazi zagat kun gora oiye. Oi, ãi tũwarare hoir, ei halor manuš okkol ei louwor dai oibo.\wj*
\p
\v 52 \wj "Bifod tũwara dórmo šikoya alem okkololla! Tũwara giyanor sabi nizor hãse raki diyo. Giyanor butore tũwara o no golila, ar zara butore goilto saiye hitarare o tiya garai felaiyo."\wj*
\p
\v 53 Toi Isaye hentu niyoli zargoide šomot dórmiyo alem okkol edde Foroši okkole mezaz gorom gori bout ḍoilla suwal okkol loi Isar uwore zafai foijje. 
\v 54 Hitara Isare mukor hotat bul doribolla fand buwai raikke.
\c 12
\s Bonḍami edde lalsir babute Isar hokum
\r (Moti 10:26–33; 12:32; 10:19–20)
\p
\v 1 Hen šomot hazar hazar manuš en bafe dola oiye, hitara ṭelateli gori ekzone ar ekzonor uwore fora šuru goijje. Hetunot Isaye foila sahabi okkolor uzu firi hodde, \wj "Tũwara Foroši okkolor šikkattu hũšiyar, hin tũwarar gat no farafan, kiyollahoile hin bonḍami.\wj* 
\v 2 \wj Guijja kissu nai, zin forhaš no oibo, edde gufon kissu nai, zin zana no zaibo.\wj* 
\v 3 \wj Otoso tũwara andarot za kissu hoiyo, hin fohorot funa zaibo, edde zin góror butore hane hane ho, hin sador uwottu guzori howa oibo.\wj*
\p
\v 4 \wj "O ãr bondu okkol, ãi tũwarare hoir, zara ga dongšo gori bade ar kissu gori no fare, hitarare no ḍoraiyo.\wj* 
\v 5 \wj Harare ḍoraiba ãi tũwarare hiyan hoir. Tũwarare mari felai bade jahannamot dibar kemota zattu ase hibare ḍoro. Oi ãi tũwarare hoir, hibare ḍoro.\wj* 
\v 6 \wj Fãswa fiyajjare ki dui foišaye no bese ne? Tarfore o Allaye hinor uggware o forai no fele.\wj* 
\v 7 \wj En ki tũwarar matar sullun o Allattu gona ase. No ḍoraiyo, tũwara beši fiyajja okkolottuwaro aro beši dami.\wj*
\p
\v 8 \wj "Ãi tũwarare hoir, ze honokiye manušor šaikkat ãre šikar gore, Adomor Fute o Allar firistar šaikkat hitare šikar goribo.\wj* 
\v 9 \wj Kintu ze honokiye ãre manušor šaikkat ošikar gore, Adomor Fute o Allar firistar šaikkat hitare ošikar goribo.\wj* 
\v 10 \wj Adomor Futor berudde honokiye hota hoile, hite maf faibo. Kintu ze honokiye Pak Ruhure hingša gore, hitare maf gora no oibo.\wj*
\p
\v 11 \wj "Ar mainše tũwarare zẽtte sinagogot edde šašon goroyar sarme loi za, hetunot ki zuwab diba ba ki hoiba he babute sinta no goijjo.\wj* 
\v 12 \wj Kiyollahoile hetunot ki howa foribo tũwarare Pak Ruhuye šikai dibo."\wj*
\s He bekub tuwangor manušwar mesal
\p
\v 13 Zamilar butottu ekzon manuše Isare hodde: "Huzur, ãr báiyore ãr loi miraz borat goitto ho!"
\p
\v 14 Kintu Isaye hodde, \wj "Bondu, tũwarar uwore bisarhar ba miraz bag gori doya hoi ãre hone tuille?"\wj* 
\v 15 Bade Isaye manuš okkolore hodde, \wj "Hũšiyar! Har ḍoilla lalsittu nizore basai rako, kiyollahoile ekzon mainšottu zafdi forefan dón šombotti oile o, hine zibon no de."\wj*
\p
\v 16 Ar Isaye hitarare ei mesal kahanigan hoiye, \wj "Ekzon zomidaror zobinot kethõla beši oiye.\wj* 
\v 17 \wj Henot hite mone mone sinta gori hodde, 'Ãi ehon ki goijjum? Ãttude hin rakibar zaga nai.'\wj*
\p
\v 18 \wj "Bade hite hodde, 'Ãi endilla goijjum. Ãr gudam górgun bangi felai hinore ḍõr ḍõr gori banaiyum edde ãi ãr kuraffati edde ãr zinišfati okkolore heṛe zoma gori rakiyum.\wj* 
\v 19 \wj Bade ãi nizor foranore hoiyum, foran, tolla bout bosorolla beša beši bala bala zinišfati dola goijja ase, há fiya gor, aram gor, asanot zibon haṛa.'\wj*
\p
\v 20 \wj "Kintu Allaye hitare hodde, 'O bekub, aijja raitta tor foran hori loi zaiboi, toile tui in zinor bondobos goijjos, hin har oibo?'\wj*
\p
\v 21 \wj "Ze nizolla dón zoma gore kintu Allar nozdikot dónban no hitalla hendilla oibo."\wj*
\s Allar uwore boroša goro, no ḍoraiyo
\p
\v 22 Bade Isaye sahabi okkolore hodde: \wj "Etolla ãi tũwarare hoir: Ki háiyum hoi foranor babute, otóba ki findiyum hoi gar babute sinta no goijjo.\wj* 
\v 23 \wj Kiyollahoile foran haiddottuwaro ar ga horottuwaro ḍõr ziniš.\wj* 
\v 24 \wj Hawagunor uzu so, hine no laga, ar no da. Hinottu gudam ba hãijja o nai, to kintu Allaye hitarare o ahar de. Ar tũwara to faikottuwaro bout dami!\wj* 
\v 25 \wj Ho sai, tũwarar butore bafa sinta gori hone šude ek gonḍa nizor aiyu barai fariba?\wj* 
\v 26 \wj Zehon tũwara hen šoṛo ham o gori no faro, toile baki befare kiyolla sinta goriba?"\wj*
\p
\v 27 \wj "Bafi so, full ken gori bare. Hine hono ham o no gore, hor banaibolla fũta o no haṛe. Kintu ãi tũwarare hoir: Badša Soloimane hibar šomosto zak zomokottu o inor ekkanor ḍoilla nizore hãzai no fare.\wj* 
\v 28 \wj Maṛot ze ker ase, zin hailla sulat felai diya oibo, hin zodi Allaye endilla gori hãzai fare, toile oh olfo biššaši okkol! Allaye tũwarare hãzaibode hiyan aro hoto beši haṭi!\wj* 
\v 29 \wj Ar ki há fiya goriba in loi tũwara no baiffo, sinta no goijjo.\wj* 
\v 30 \wj In okkol to zara Allare biššaš no gore hitara tuwa, kintu tũwarar bafe zane ze tũwarattu in okkolor dorhar ase.\wj* 
\v 31 \wj Hinottuwaro bolke Allar raijjor talaš goro, toi in beggun o tũwarare diya oibo."\wj*
\p
\v 32 \wj "Oh šoṛo dol, no ḍorais! Kiyollahoile tũwarar Bafor bala issa oilde, he raijjore tũwarare diya.\wj* 
\v 33 \wj Tũwarattu zin ase, hin besi horat hisabe dan goro. Ar behostot ofurani dón zoma goro, zeṛe sur o hãse nu aibo, fuk zuke o hoti gori no faribo.\wj* 
\v 34 \wj Kiyollahoile zeṛe tũwarar dón, heṛe tũwarar dil o takibo."\wj*
\s Adomor Futolla suk han kula rako
\p
\v 35 \wj "Tũwarar kiyail bandi tiyar tako edde serag zalai rako.\wj* 
\v 36 \wj Ar tũwara en mainšor ḍoilla o, zitara hitarar malik biyar melattu firi aiyer ne sai take, zendilla neki malik ai dorozat ṭulki dile, hitara malikore toratori doroza kuli di fare.\wj* 
\v 37 \wj Šuki he gulam okkol, zarare góror malike ai seton dekibo. Ãi tũwarare soiyi hoir, he malike kiyail bandi hitarare hánar ṭebilot buwaibo edde ḍake zai hitarare luid goribo.\wj* 
\v 38 \wj Šuki hitara, zarare góror malike ada raitta ba dolfohor ode hetunot ai o seton dekibo.\wj* 
\v 39 \wj Kintu iyan buzo: Sur hon šomoi loi aibo hiyan zodi góror malike zainto, toile seton takito, nizor górot šingar dito no dito.\wj* 
\v 40 \wj Hetolla tũwara o tiyar tako, kiyollahoile ze šomot mone no goriba, he šomot Adomor Fut aibo."\wj*
\p
\v 41 Hetunot Fitore fusar goredde, "Malik, ei mesal ki õne ãrare hodde naki beggunore hodde?"
\p
\v 42 Malik Isaye hodde, \wj "He biššaši, buddiwala menezar hiba honnuwa, zare hitar malike hibar gulam okkolor uwore buwaibo hitarare ṭãim motabek hána dibolla.\wj* 
\v 43 \wj Šuki he gulam, zare malike ai hendilla goredde dekibo.\wj* 
\v 44 \wj Ãi tũwarare soiyi hoir, hitare he góror malike hár kissur uwore zimma dibo.\wj* 
\v 45 \wj Kintu mone goro! He gulame zodi mone mone ho, ãr malik aite aro deri ase hoi gulam edde bandi okkolore mara dora gore edde há fiya gori fól owa šuru gore.\wj* 
\v 46 \wj Ze din Malik aibo hoi ofekka no gore edde ze šomoir hota hite no zane, he dinor he šomot he gulamor malik aibo edde hitare haṛi bag gori obiššaši okkolor fũwati hitar zaga ṭik goribo.\wj*
\p
\v 47 \wj "He gulam ze hitar nizor malikor issa zane, tarfore o hite tiyar no o ba malikor issa mozin no gore hitare beši fiṛa diya zaibo.\wj* 
\v 48 \wj Kintu ekzone hiyan no zane edde fiṛa faibar ham goijje, hitare hom šaza diya oibo. Zare beši diya oiye, hitattu beši dabi gora oibo, ar mainše zar hãse beši rake, hitattu beši uwafes lo.\wj*
\p
\v 49 \wj "Ãi duniyait oin zalaito aiššyi. Ar ehon zodi ãi issa goijjilamde mozin he oin zolito! \wj* 
\v 50 \wj Kintu ãttu dukkor torikotor gusol muwamui owa foribo, ar hiyan furon no o foijjionto ãi hoto sifor butore asi!\wj* 
\v 51 \wj Tũwara ki mone goror, ãi ki duniyaire šanti dito aiššyi? Ãi tũwarare hoir, hen no, bolke hiyanor ulda.\wj* 
\v 52 \wj Ehonottu loti ek góror fãszon aleda oibo, tinzon duizonor bifokke, duizon tinzonor bifokke lagibo.\wj* 
\v 53 \wj Baf fuwar bifokke, ba fuwa bafor bifokke, ma ziyor bifokke, ba zi mar bifokke, hori bouwor bifokke ba bou horir bifokke lagibo."\wj*
\s Sinnore sinilo
\p
\v 54 Mainšor dolore Isaye hodde, \wj "Tũwara zehon fosimottu miyula uṛede deko, hetunot onegane ho, 'Zór aibo', ar hendilla o.\wj* 
\v 55 \wj Ar zẽtte doinottu bataš badde deho, hetunot ho, 'Beši roidor gorom oibo,' ar hendilla o.\wj* 
\v 56 \wj Munafek okkol! Tũwara duniyai edde asmanor baf buzi faro, kintu ei ṭaim buzi no faror, iyan honḍoilla hota?\wj*
\p
\v 57 \wj "Niyai oinnai tũwara nize bisar gori kiya no sor? \wj* 
\v 58 \wj Zẽtte tũwara bifokkor manušor fũwati bisarharor hãse zo, fõtot maze rehai faibolla kušiš goro, ar no oile hite tũwarare bisarharor hãse ṭani loizaibo. Ar bisarhare fulišor hatot gosai dibo edde fuliše tũware ziyol golai eribo.\wj* 
\v 59 \wj Ãi tore hoir: Zetodin šeš foiša foijjonto fũzi no felos, hetodin tui hono mote hentu baire ai no faribi."\wj*
\c 13
\s Mon fira zorulot
\p
\v 1 He šomot hozon manuš Isar heṛe hazir oil. Hitara Galilor kissu mainšor babute Isare howa šuru goijje. Hitara hoiye ze, Filate ei Galilor manuššunore haṛi hitarar kurbanir zanuwaror louwor fũwati itarar louwore mišai felaiye. 
\v 2 Zuwabe Isaye hodde, \wj "He Galilor mainšor uwore endilla durgoti oiye boli ki hitara dusora Galilor manušottuwaro beši gunagar boli mone goro?\wj* 
\v 3 \wj Ãi tũwarare hoir, hen no! Bolke tũwara zodi o mon no firo, tũwara beggune o hendilla dongšo oi zaibagoi.\wj* 
\v 4 \wj Ar no oile he aṛarozon, zarar matar uwore Šilo guid bangi fori mori gilgoi. Tũwara ki mone goro, hitara ki ar baki Zeruzalemot bošobaš goredde hitarattuwaro beši gunagar aššil? \wj* 
\v 5 \wj Ãi tũwarare hoir, hen no! Bolke tũwara zodi o mon no firo, tũwara beggune o hendilla dongšo oiba."\wj*
\s Gula sara ḍũir gasor mesal kahani
\p
\v 6 Tarfore Isaye ei mesal kahanigan hoiye: \wj "Ekzon manuš, hitar ãngur ketit uggwa ḍuirgula gas aššil. Hite heṛe ai ḍuirgula tuwail, kintu no fa.\wj* 
\v 7 \wj Henot hite keti sõloyare hodde, 'Ãi eṛe ei gasot tin bosor mula ailam edde ḍuirgula tuwailam, kintu hono gula fa no za. Iba haṛi felaide! Iba eṛe taiyore kiyolla zobin nošto oito!'\wj*
\p
\v 8 \wj "Kintu keti sõloyaye hodde, 'Huzur, ibare ei bosor o raki do, ãi ibar šiyoror sairo ḍakottu kuri fãš diyum.\wj* 
\v 9 \wj Zodi gula lage toile to bala, ar no oile hiba haṛi felaiyo.'"\wj*
\s Isaye ek mayafuware aram goijje
\p
\v 10 Ek dórmor din Isaye hono ek sinagogot šikka dil. 
\v 11 Ar so, ekzon maya fuwa, zare aṛaro bosorfan ek bod ruhuye kuza gori raikke. Hiba en behã oi gilgoi hono mote uzu oi no farito. 
\v 12 Isaye zehon hibare deikke, toi hibare hãse ḍaikke, ar hodde: \wj "Oh maya fuwa, tui ošukottu azad oiyos!"\wj* 
\v 13 Hen hoi bade Isaye hãttan hibar uwore raikke. Ar hehon hiba uzu oi tiyai faijje edde hibaye Allar tarif gora šuru goijje.
\p
\v 14 Kintu Isaye dórmor din aram goijje boli muzolišhanar netaye naraz oiye. Hite manuš okkolore hodde: "So din ase he šob ham goribar. Ar he šomosto din okkolot aiššo edde aram oiyo, dórmor din no!"
\p
\v 15 Kintu Malik Isaye hitare zuwab diye, \wj "Munafek okkol! Tũwara fottizone ki dórmor din tũwarar goru sool okkolore urattu kuli fani habaito no loi zo?\wj* 
\v 16 \wj Toile ei maya fuwa, Ibrahimor šontan, zare Šoitane, so, aijja aṛaro bosor dori bandi raikke, he bandottu dórmor din azad fa ki zoruri no ne?" \wj*
\p
\v 17 Isaye ei hotabattara zehon hoiye, hibar bifokkor beggune šorminda oiye. Kintu Isar duwara ze šomosto mohimar ham oiye, henot baki šomosto manuš okkol kuši oiye.
\s Uggwa šoṛo dana edde išor mesal kahani
\p
\v 18 Tarfore Isaye hodde, \wj "Allar raijjo kiyor ḍoilla? Ki loi ãi hiyanor tulona diyum?\wj* 
\v 19 \wj Hiyan uggwa šoṛo danar ḍoilla, hono ekzone hiba loi zai nizor baganot lagaiye, bade hiba bari uiṭṭe edde uggwa gas oiye, ar faik okkole he gasor ḍeil okkolot baha bainde."\wj*
\p
\v 20 Isaye abar hodde, \wj "Ãi ki loi Allar raijjor tulona diyum?\wj* 
\v 21 \wj Hiyan išor ḍoil, zin mayafuwainde tin barang moidat maze mišaiye, šeše hin fuli uiṭṭe."\wj*
\s Haiṭṭa haṛiwala doroza
\p
\v 22 Ar Isaye šohore šohore edde fara fara guri guri šikka di di Zeruzalemor uzu giye. 
\v 23 Hetunot ekzone fusar goredde, "Malik, zara uddar far, hitara ki hom manuš?"
\p Isaye hitare hodde, 
\v 24 \wj "Haiṭṭa haṛiwala doroza bai golibolla har kušiš goro! Kiyollahoile ãi tũwarare hoir, bout kiye butore goilto kušiš goribo, kintu goli no faribo.\wj* 
\v 25 \wj Góror malike uṛi zehon doroza bandi felaibo bade tũwara baire tiyai doroza baijjai howa šuru goriba, 'Malik, ãralla dorozagan kuli do!'\wj*
\p \wj "Kintu Malike zuwab di hoibo, 'Ãi no sini tũwara hoṛiyar manuš.'\wj*
\p
\v 26 \wj "Toi tũwara howa šuru goriba, 'Ãra tũwar ekkui fũwati há fiya goijji, ãrare fõte fõte tũi šikka dila.'\wj*
\p
\v 27 \wj "Kintu he malike hoibo, 'ãi tũwarare no sini, tũwara honttu aiššo. Horaf manuš okkol, ãr sarmottu dur oi zogoi!'\wj*
\p
\v 28 \wj "He zagat tũwara handa haṛi goriba edde zala zontronaniye dat loi dat gošiba. Hetunot tũwara dekiba, Ibrahim, Isak edde Yakub edde nobi okkol Allar raijjor butore ase, ar tũwarare baire felai diya oiye.\wj* 
\v 29 \wj Ar fuk edde fosimottu, uttor edde doinottu manuš okkol ai Allar raijjot boibo.\wj* 
\v 30 \wj Ar so, šešor hataror hono hono manuš foila oibo. Ar foila hataror hono hono manuš šešor hatarot oibo."\wj*
\s Isa edde badša Herud
\p
\v 31 He šomot hoekzon Foroši Isar hãse aišše edde hibare hodde, "Huzur! Õne entu ar oinno hono mikka zogoi, kiyollahoile badša Herude tũware mari felaito sar."
\p
\v 32 Isaye hodde: \wj "Zo, tũwara zai he šiyalore hogoi, 'Aijja edde aiyerde hailla ãi bod ruh dafair edde biyaraimma okkolore aram gorir, ar tin dinor din ãr ham šeš goriyum.'\wj* 
\v 33 \wj Zen oibo ok, aijja, aiyerde hailla edde forure šeš gora foribo. Kiyollahoile en to oi no faribo, Zeruzalemor baire hono nobi dongšo o! \wj*
\p
\v 34 \wj "Zeruzalem! Zeruzalem! Tui nobi okkolore kun goros, tor hãse zarare defeṛa o, hitarare fattor mari takos! Faikor maye zendilla hibar so okkolore fakor nise ekkui fũwati gore, ãi hoto bar hendilla tor šontan okkolore ekkui fũwati goitto issa goijji. Kintu tũwara razi no oila.\wj* 
\v 35 \wj Hetolla sa, tũwarar gór tũwarar muntu hali fori taibo. Ar ãi tũwarare hoir, tũwara ãre ar deha no faiba zetun foijjonto tũwara no ho, 'Šukuriya ze Mabudor name aišše.'"\wj*
\c 14
\s Ek forosir górot Isa Mosi
\p
\v 1 Ek bar ekzon Foroši netaye Isare hitar górot hánar dawat diye. He din aššilde dórmor din, ar manušzone kub bala gori Isar uzu kiyal raikke. 
\v 2 Ar so, fula biyaram oiyede hendilla ekzon ošuikka manuš Isar sarme aišše. 
\v 3 Toi Isaye dórmiyo alem okkol edde Foroši okkolore fusar goredde, \wj "Musar ain mozin dórmor din honokiyore aram goro ki ejazot ase, naki nai?"\wj* 
\v 4 Kintu hitara nizam oi taikke. Hetunot Isaye he manušware hate dori aram gori bidai diye.
\p
\v 5 Tarbade Isaye he dórmiyo neta okkolore hodde, \wj "Tũwara honokiyor fũwa ba goru zodi kuwat fori zagoi, dórmor din oile o ki tũwara hitarare hehon hentu tuli no lo ne?"\wj* 
\v 6 Kintu hitara hiyanor zuwab o di no fare.
\s Šoṛo owar babute šikka
\p
\v 7 Ar dawatot aišše de manuš okkole ijjotor zaga ken gori basi lor deki, Isaye hitarare šikka dibolla ekkan kahani hoiye: 
\v 8 \wj "Zehon honokiye tũware melat dawat de, hetunot tũi hánar ṭebilor uworor zagat zai no boiššogoi. Kiyollahoile oitfare tũwattuwaro aro ijjotdar honokiyore heṛe dawat diya oiye.\wj* 
\v 9 \wj Ze tũware edde hibare dawat diye hiba ai zodi tũware ho, ei zaga iyan ubare do, hetunot to tũi šorom faiba. Ar tũwattu beggunottuwaro nisor zagat zai bowagoi foribo.\wj* 
\v 10 \wj Tũware honokiye dawat dile, bolke beggunottuwaro nisor zagat zai boiyo. Hen oile dawat diyede góror malike aiyore tũware hoibo, 'Bondu aro bala zagat zai boyogoi.' Hetunot oinno meheman okkolor sarme tũi ijjotta oiba.\wj* 
\v 11 \wj Kiyollahoile ze nizore usol gore hitare niso gora oibo, ar ze nizore niso gore hitare usol gora oibo."\wj*
\p
\v 12 Ar ze Isare dawat diye, hitare Isaye hodde, \wj "Tũi zẽtte dũijjar otóba hazinnar hána goro, hẽtte tũwar bondu ba báiyaindore otóba egena gušṭire ba tuwangor ḍen gór bam góijjare dawat no diyo. Hen gorile oitofare hitara o tũware dawat dibo. Ar ei bafe tũwar dawat fũzi zaiboi.\wj* 
\v 13 \wj Kintu tũi zẽtte hánar bebosta goro, hẽtte gorib, lula, anda edde ãtur, in okkolore ḍako.\wj* 
\v 14 \wj Henot tũwar balai oibo, kiyollahoile tũware firai dibolla hitarattu kissu no takibo, forhesgar okkol morattu uwafes zinda oibar šomot hinor enam faiba."\wj*
\s Ḍõr melar mesal kahani
\p
\v 15 Zara hána haito boišše hitarar butottu ekzone ei hota funi Isare hodde, "Hite hoto baggitta, ze Allar raijjot haito boibo."
\p
\v 16 Isaye hitare hodde, \wj "Doro, hono ekzon mainše ekkan ḍõr mela goijje. He melat bout mainšore dawat diya oiye. \wj* 
\v 17 \wj Mela zehon oiye, hite hitar gulamore di dawat diyede manuš okkolore hoito defeṛaiye, 'Aio, ehon hár kissu tiyar oiye.'"\wj*
\p
\v 18 \wj "Kintu hitara ekzonor bade ekzone beggune bahana deha šuru goijje. Foila ekzone hodde, 'Ãi kissu zobin kinni, ãttu zaire hin sagoi forer. Ãi dawatot zai no faridde hiyanolla maf sai.'\wj*
\p
\v 19 \wj "Ar ekzone hodde, 'Ãi fãs zura bolod goru kinni, hinore bala horaf forikka goitto zair. Ãi dawatot zai no faridde hiyanolla maf sai.'\wj*
\p
\v 20 \wj "Oinno ar ekzone hodde, 'Ãi biya goijji, hetolla ãi zai no farir.'\wj*
\p
\v 21 \wj "Toi he gulam firi zai hitar malikore ei šob hota zanaiyegoi. Henot góror malike hitar gulamore rag gori hodde, 'Tui toratori šohoror rasta rasta edde goliye goliye za, gorib lula, anda, ãtur okkolore eṛe loi ai.'\wj*
\p
\v 22 \wj "Hite giye edde malike zen zen hoiye hen hen goijje. Toi hite górot firi ai hodde, 'Huzur, kintu ehono kissu hána háibar zaga hali ase.'\wj*
\p
\v 23 \wj "Henot malike gulamore hodde, 'Šohoror baire rasta rasta edde fõte fõte za, eṛe aibolla mainšore zurgor, zene ãr gór bori zagoi.'\wj* 
\v 24 \wj Ãi tũwarare hoir, zarare dawat diya oiye hitarar butottu honokiye ãr ei melat hána hái no faribo."\wj*
\s Biššaši oite ki muillo diya fore
\p
\v 25 Bout manuš okkol Isar fũwati zat aššil. Isaye hitarar uzu muk firai hodde:
\p
\v 26 \wj "Ze ãr hãse aiye hite zene nizor baf ma, bou fuwain edde bái boin, enki nizore foijjonto ãttuwaro hom adoijja boli mone gore. Hen no gorile hite ãr biššaši oi no fare.\wj* 
\v 27 \wj Ze honokiye fotti din nizor duk hoštore bordaš gori ãr fise no aiye, hite ãr biššaši oi no fare.\wj*
\p
\v 28 \wj "Tũwarar butore zodi honokiye ekkan usol gór banaito sa, toile hite age boi horosor hisab gori no saibo ne? Hite saibo hiyan bandi šeš gori farefan hitattu ṭĩya ase ne nai. \wj* 
\v 29 \wj Kiyollahoile hite ṭuni gãri bade zodi bandi šeš gori no fare, toile ze mainše hiyan dekibo hitara beggune ṭaṭṭa uraibo.\wj* 
\v 30 \wj Hitara hoibo, 'Manušwaye banda šuru goijje kintu šeš gori no fare.'\wj*
\p
\v 31 \wj "Zodi ekzon razaye oinno ar ekzon raza loi zuddo gorito za, hite foila boi sinta goribo, kuri hazar šonnioye ãr loi zuddo goitto aiyer, šude doš hazar šoinno loi ki ãi hitarare tiya gorai fariyum?\wj* 
\v 32 \wj Zodi hite hitar loi no fare toile hite oinno raza dure taite hitar loi šanti sukti goribolla manuš defeṛaibo.\wj* 
\v 33 \wj "He bafe, tũwarar butore zodi honokiye bafi sinti hitar hár kissu sari no aiye, hen oile hite ãr biššaši oi no fare.\wj*
\p
\v 34 \wj "Nun bala ziniš, kintu nunor moza zodi nošto oi zagoi, toile hin ken gori abar nun oibo?\wj* 
\v 35 \wj Hetunot hin šude felai diya sara, zobinot fãš hisabe o ar bebar gora no zaibo.\wj*
\p \wj "Zattu funibar han ase hite funok!"\wj*
\c 15
\s Hãzi giyegoide soolor kahani
\p
\v 1 Ar hazna adaigoroya edde gunagar manuš okkol beggune Isar kalam funibolla Isar hãse aišše. 
\v 2 Henot Foroši okkole edde dórmiyo alem okkole monmonai endilla howa šuru goijje, "Ei manušwaye gunagar okkolore gose edde hitarar fũwati há fiya gore."
\p
\v 3 Isaye hetunot hitarare ei mesal kahanigan hoiye: 
\v 4 \wj "Doro! Tũwarar butore hono ekzonottu ek šottuwa berasool ase. Zodi hinor butottu uggwa berasool hãzi zagoi. Toile ki aro nobboi noware maṛot raki, he uggware zetun tuwai no fa he foijjonto ki tuwaito no zaibo ne?\wj* 
\v 5 \wj Ar hite zehon hiba tuwai faibo, hite kuši oi hibare handot tuli loibo.\wj* 
\v 6 \wj Bade górot ai hitar fũwajja okkol edde ḍen gór ba gójjare ḍaki hoibo, 'Aiyo! Ãr fũwati kuši goro, kiyollahoile ãr hãzi gilgoide berasoolguwa tuwai faiyi.'\wj* 
\v 7 \wj Ãi tũwarare hoir, ṭik hendilla, ekzon gunagar gunattu mon firaile behostot aro beši kuši oibo, zarattu monfira no fore, hendilla nobboi nozon forhesgaror babute heto beši kuši no oibo.\wj*
\s Hãzi giyegoide rufar foišar mesal
\p
\v 8 \wj "Otóba hono ekzon mayafuwattu doššan rufar foiša ase, hibaye zodi ekkan hãzai fele, toile serag zalai gór kũsai zetun hiyan tuwai no fa, he foijjonto bala gori tuwai no saibo ne?\wj* 
\v 9 \wj Toi hibaye zehon hiyan tuwai faibo, hibaye fũwajja okkolore, ḍen gór bam gójjare ḍaki hoibo, 'Aiyo! Ãr fũwati kuši goro, kiyollahoile hãzi gilgoide foišagan ãi abar tuwai faiyi.'\wj* 
\v 10 \wj Ṭik hendilla, ãi tũwarare hoir, ekzon gunagar gunattu mon firaile Allar firista okkolor maze kuši aiye."\wj*
\s Uwafes firi aiššede fuwar mesal
\p
\v 11 Isaye hodde: \wj "Ekzonottu duizon morod fuwain aššil.\wj* 
\v 12 \wj Šoṛo fuwawaye bafore hodde, 'Baba, šombottir ze borat ãr bagot fore, hiyan ãre difelo.' Henot hite hitar dui futor maze šombottigun borat gori diye.\wj* 
\v 13 \wj Hotodin din bade he šoṛo fuwawaye hitar har šombotti besi ṭĩya loi ek duror dešot giyoi. Ar heṛe hite altifalti zibon haṛai hitar nizor ṭĩya foiša urai felaiye.\wj* 
\v 14 \wj Hin horos goijja oiye, bade he dešot kub beši raṭ oiye. Henot hite obafot fora šuru goijje.\wj* 
\v 15 \wj Toi hite zai he dešor ek girostorot sahara loiyegoi. He manušwaye hitare šuwor soraibolla hitar maṛot defeṛaiye.\wj* 
\v 16 \wj Toi hite šuworor adar hái feṭ boraito saito, edde honokiye hitare hono kissu no dito.\wj*
\p
\v 17 \wj "Hite zehon hitar nizor bul buzi faijje, hite hodde, 'Ãr bafor góror hoto muzur okkole beši beši hána far, kintu ãi eṛe bukke morir.\wj* 
\v 18 \wj Ãi uṛi ãr Bafor heṛe zaiyum edde ãi hoiyumboi: O baf, ãi Allah edde tũwar berudde guna goijji.\wj* 
\v 19 \wj Ãre tũi tũwar fuwa ho he zuiggota ãttu ar nai, kintu ãre tũi šude tũwar oinno muzur okkolor ḍoil gori ãre rako.'\wj* 
\v 20 \wj Endilla hoi hite hitar bafor heṛe giye.\wj*
\p \wj "Hite dure taite bafe hitare deki hitalla doyaye dil bori uiṭṭe. Ar hite fuwar hãse dũri zai, gola sai berai dori galot suma diye.\wj*
\p
\v 21 \wj "Fuwaye hodde, 'O baf, ãi Allah edde tũwar berudde guna goijji. Ãre tũi tũwar fuwa ho he zuiggota ãttu ar nai.'\wj*
\p
\v 22 \wj "Kintu hitar bafe hitar gulam okkolore hodde, 'Toratori barik kurutawa ano edde itare gat diyai do, õlot õri, ṭengot šendal findai do.\wj* 
\v 23 \wj Ar boli muṭa goruror sowa ano edde hiba zorgorao. Aiyo, mela gori edde hafiya gori.\wj* 
\v 24 \wj Kiyollahoile ãr ei fuwa mori gilgoi edde ehon zinda oiye. Hite hãzigilgoi edde abar fa giye.' Toi hitara mela edde há fiya šuru goijje.\wj*
\p
\v 25 \wj "Hetunot ḍõr fuwawa bare ketit aššil. Hite aite aite zehon góror hãsa hãsi fõisse, hetunot tal bazana nasor abaz fuinne.\wj* 
\v 26 \wj Toi hite ekzonore ḍak mari fusar goredde: Eṛe ki oiyede?\wj* 
\v 27 \wj Hite hodde: Tor šoṛo bái firi aišše, hitare šušondane firai faiyede hetolla tor bafe boli muṭa gorur soware zorgoraiye.\wj*
\p
\v 28 \wj "Henot he ḍõr báiye gušša oiye edde górot no goilto saiye. Toi hitar bafe góror baire zai hitare górot golaibolla fot dori hoiye.\wj* 
\v 29 \wj Kintu hite bafore hodde, 'So, hara bosorṭiya ãi tũwalla gulami gori aiyir, ar hono din tũwar hokumor baire no zai. Hen abostat maze o tũi ãre fũwajja okkol loi kuši aiyaši goribolla hoi uggwa soolor so foijjonto no do.\wj* 
\v 30 \wj Kintu ze fuwaye tũi dilade ṭĩya foiša beggun beššiya okkolor fise hossa gori felaiye, bade górot firi aišše, hitalla boli tũi muṭa goruwa zorgoraiyo!'\wj*
\p
\v 31 \wj "Bafe hodde, 'O fut, tui hamiša ãr fũwati asos, ar zin ãttu ase hin tor.\wj* 
\v 32 \wj Kintu ãrattu mela gori kušiaši goron zorulot, kiyollahoile tor ei bái mori gilgoi, abar zinda oiye. Hite hãzigilgoi, abar hitare fa giye.'"\wj*
\c 16
\s Ošot menezaror mesal kahani
\p
\v 1 Isaye sahabi okkolore hodde: \wj "Hono ek tuwangor mainšottu ekzon menezar aššil. He tuwangor manušwaye mainšottu funedde ei menezare hitar dón šombotti sarhar gori feler.\wj* 
\v 2 \wj Hetunot hite menezarore ḍaki fusar goredde, 'Tor babute ãi in ki funir? Tor hamor hisab de, kiyollahoile tũi ar ãr menezar hisabe tai no faribi.'\wj*
\p
\v 3 \wj "Hetunot he menezare mone mone hodde, 'Ãi ehon ki goijjum? Ãr malikede ãre hamottu niyolai der. Ãttu meṛi haṛibar o šokti nai, ar ãttu horat magite o šorom lage.\wj* 
\v 4 \wj Zen oibo ok, malike hamottu niyolai dile, mainše zene ãre hitarar górot takito de he bebostalla ãttu ki gora foribo ãi zani.'\wj*
\p
\v 5 \wj "En hoi, zitara hitar malikor hãsottu šud loiye hitarare ekzon ekzon fottikiyore ḍaikke edde foila ekzonore hodde, 'Tui ãr malikottu hozzo hodun loiyos?'\wj*
\p
\v 6 \wj "Hite hodde: 'Ek šot mon tel.'\wj*
\p \wj "He menezare hitare hodde, 'Tor hozzor habosgan lo edde toratori boi, hiyanot fõnzaš mon lek.'\wj*
\p
\v 7 \wj "He menezare ar ekzonore hodde, 'Tor hozzo hodun?'\wj*
\p \wj "Hite hodde, 'No šot mon gĩyu.'\wj*
\p \wj "Menezare hitare hodde: 'Tor habosot hãt šot mon lek.'\wj*
\p
\v 8 \wj "He menezar ošot oile o hite aholor ham goijje boli hitar malike hitar bala nam goijje. Kiyollahoile ei duniyair manuš okkole nizor zatir babute fohoror fuwain okkolottuwaro beši buddiwala.\wj* 
\v 9 \wj Ãi tũwarare hoir, ei horaf duniyair dónor duwara mainšolloi egenafoti zurao, zenneki he dón furai gilegoi bade hitara abadul abad takibar zagat tũwarare gose.\wj*
\p
\v 10 \wj "Zare šoṛo befaror uwore biššaš gora za, hitare ḍõr befaror uwore o biššaš gora za, ar šoṛo befare zare biššaš gora no za, hitare ḍõr befare o biššaš gora no za.\wj* 
\v 11 \wj Ei duniyair dón šombottir befare zodi tũwarare biššaš gora no za hen oile tũwarare biššaš gori asol dón hone dibo?\wj* 
\v 12 \wj Oinnor šombottir uwore zodi tũi obiššaši o, tũware nizolla šombotti hone dibo?\wj*
\p
\v 13 \wj "Hono gulame dui malikor šeba gori no fare, kiyollahoile hite ekzonore hingša goribo ar ekzonore ador goribo, otóba hite ekzonor uzu mon dibo, ar dusora zonore hela goribo. Allah edde dón šombotti ei duior šeba o tũwara ekku fũwati gori no fariba."\wj*
\s Torar ain edde Allar raijjo
\r (Moti 11:12–13)
\p
\v 14 Toi Foroši okkol zara ṭĩya foišar lalsiwala, hitara Isar ei šob hota funni Isare loi ṭaṭṭai goijje. 
\v 15 Isaye hitarare hodde, \wj "Tũwarattu to mainšor muntu forhesgar kuwalaito mon, kintu Allaye tũwarar monor abasta zane. Manuše ziyan šorman mone gore hiyan Allar sukot niroš."\wj*
\p
\v 16 \wj "Torar ain edde nobi okkolor kitab mozin torikotor gusol doya Yahyar ṭaim foijjonto soille. Tarfore oite Allar raijjor kušir hóbor tobolig gora or, ar beggune heṛe golibolla ṭelaṭeli gorer. \wj* 
\v 17 \wj Tarfore o Musar šoryotottu uggwa horof bad forattuwaro bolke asman zobin šeš oi za aro bout asan oibo.\wj*
\p
\v 18 \wj "Ze honokiye nizor bouwore sari di ar ekzonore biya gore hite zena gore. Zamaiye sari diyede hendilla bouwore ze biya gore hite zena gore.\wj*
\s Lazarus edde ekzon tuwangoror mesal kahani
\p
\v 19 \wj "Ekzon tuwangor manuš ze baiyonna rongor hor edde dami dami horsuwor findito. Hite fotti din kub zak zomok há fiya loi zibon haṛaito.\wj* 
\v 20 \wj He tuwangor manušwar gaṛaṛ duwaror ḍake Lazarus name ekzon horat magoyare buwai dito. Hitar hara gat gá aššil.\wj* 
\v 21 \wj He tuwangor manušwar hánar tebilottu ze hána fori zaitoi hin hái hite feṭ boraito issa gorito. Kũir okkole hitar gá lekito.\wj*
\p
\v 22 \wj "Ek din he magoyawa mori gilgoi. Hetunot firista okkole hitare tuli loi zai Ibrahimor kulot buwai dilgoi. Tarfore ek din oi tuwangor manušwa o mori gilgoi, edde hitare hoborot garai fela oil.\wj* 
\v 23 \wj Hite jahannamot kub zontrona loi uworor mikka sail, ar durottu tai dekedde Ibrahimor kulot Lazarus.\wj* 
\v 24 \wj Hetunot oi tuwangor manušwaye ḍak mari hodde, 'Baf Ibrahim ãre rahamot goro. Lazarusore defeṛo, ãi zene hitar õlor matagan fanit bizai ãr zil ṭanḍa gori fari. Ei oinor zilhat ãi beši duk fair.' \wj*
\p
\v 25 \wj "Kintu Ibrahime hodde, 'O fut, mone gori sa, tũi basi takite hoto šuk goijjili ar Lasare hoto duk toziya faiye. Kintu ehon hite eṛe šuk gorer ar tui duk for.\wj* 
\v 26 \wj Hin bade o tũwara edde ãrar maze ekkan beši ḍõr fák ase, honokiye issa gorile o enttu farai tũwarar heṛe zai no fare edde henttu farai ãrar hãse ai no fare.'\wj*
\p
\v 27 \wj "Hetunot he tuwangorwaye hodde, 'Toile baf, meherbani gori Lazarusore ãr bafor górot defeṛo,\wj* 
\v 28 \wj zene ãr he fãs báiyore hite hũšiyar gori di fare. Ar no oilede hitara o ei zontronar zagat aibo.'\wj*
\p
\v 29 \wj "Kintu Ibrahime hodde, 'Musa nobi edde nobi okkolor kitab to hitarar hãse ase. Hitara hinottu diyan di funok.'\wj*
\p
\v 30 \wj "He tuwangor manušwaye hodde: 'No, no, baf Ibrahim, mora okkolor butottu honokiye zaile hitara gunattu mon firaibo.'\wj*
\p
\v 31 \wj "Toi Ibrahime hodde, 'Musa nobi edde nobi okkolor hota zodi hitara no fune toile morar butottu honokiye uṛile o hitara biššaš no goribo.'"\wj*
\c 17
\s Gunar uskani, mafgora
\p
\v 1 Isaye hibar sahabi okkolore hodde: \wj "Gunar fõtot loizaibar uskani sarme no aibo, hen to oi no fare, kintu bifod hitare, zar duwara hin aibo.\wj* 
\v 2 \wj Ze ei šoṛo okkolor butottu ekzonore honokiye gunar fõtot ṭani loi zade o, henoile hitare golat ḍõr fattor bandi di doriyat felai diya hitalla aro beši bala oibo.\wj* 
\v 3 \wj Hetolla tũwara nizor babute hũšiyar taikko.\wj*
\p \wj "Zodi tor báiye tor berudde hosuri gore, toile tui hitare hen no goribolla mana gor. Ar zodi hite mon fira toile tui hitare maf goride.\wj* 
\v 4 \wj Zodi ek dinor butore hite hãt bar tor berudde hosuri gore edde hãtobar ai ho, 'Ãi ei oinnaittu firi aišši,' toile hitare tottu maf gori diya foribo."\wj*
\p
\v 5 Ar asab okkole malik Isare hodde: "Ãrar iman barai do." 
\v 6 Isaye zuwabe hodde, \wj "Uggwa horoir dana borabor biššaš o zodi tũwarattu take edde ei gassware endilla ho, 'Ei gas, šiyõr udda šoho hãri zai doriyat fuṭgoi,' toile he gaswaye tũwarar hota manibo.\wj*
\p
\v 7 \wj "Ar tũwarar butore endilla hone aso, zar gulame al so otóba sool sora, hite górot aile hoiba 'Tui ehon ai, hána haito bošgai?'\wj* 
\v 8 \wj Bolke hitare ki no hoiba ne? 'Ãi ki háiyum hinor entezam gor! Ar zetun ãttu hána haiya no o, hetun kiyail bandi ãre šeba gor! Tarfore tui hána hái faribi!'\wj* 
\v 9 \wj He gulame malikor hokum mainne buli ki hitar malike hitare šukuriya zanaibo?\wj* 
\v 10 \wj He bafe har hokum mani bade o tũwara ho, 'Ãra niroš gulam, ziyan goribar zimma ãra šude hiyan goijji.'"\wj*
\s Doš zon kurus biyaraimma aram oiye
\p
\v 11 Ehon Isaye Zeruzalem zaibar šomot Sameriya edde Galilor mazottu di giye. 
\v 12 Hibaye hono ek farat góillede šomot došzon kurus biyaraimma manuš hibar sarme foijje. Hitara dure tiyaiye edde, 
\v 13 guzori hodde: "Isa, Malik, ãrare doya goro!"
\p
\v 14 Isaye hitarare deki hodde, \wj "Zo, imam okkolor hãse zai nizore dehogoi."\wj* Zaite zaite hitara faksaf oi giyegoi.
\p
\v 15 Toi hitarar butottu ekzone aram oi giyegoide otfaiyore hite guzori Allar tarif gorat uwafes firi aišše, 
\v 16 edde Isar fõt uite fori Isare šukuriya zanaiye. He manušwa aššilde Sameriyar manuš.
\p
\v 17 Isaye hodde, \wj "Došozon pak saf no o neki? Ar nozon hoṛe?\wj* 
\v 18 \wj Ei ofor manušwa sara ki ar honokiye Allare tarif goribolla no ailo?"\wj* 
\v 19 Toi Isaye hitare hodde, \wj "Uṭ edde zagoi! Tor biššaše tore bala goijje!"\wj*
\s Allar raijjo hõtte aibo
\r (Moti 24:26–28,37–41)
\p
\v 20 Ek bar Foroši okkole Allar raijjo hõtte aibo Isare fusar goijje. Isaye zuwabe hodde, \wj "Allar raijjor suke deha no za.\wj* 
\v 21 \wj Ar manušore o no hoibo, so, Allar raijjo ei zagat ba o zagat, kiyollahoile so, Allar raijjo to tũwarar butore ase."\wj*
\p
\v 22 Toi Isaye sahabi okkolore hodde: \wj "En šomoi aibo zẽtte tũwara Adomor Futor šomoir ekkan din dekibolla issa goriba, kintu deha no faiba.\wj* 
\v 23 \wj Hẽtte manuš okkole tũwarare hoibo, 'So, Adomor Fut o zagat!' So, 'Adomor Fut ei zagat!' Kintu tũwara heṛe no zaiyo, ba hitarar fisa no loiyo.\wj* 
\v 24 \wj Zendilla asmanor ek mikkattu bizoli somkile asmanor nise oinno mikka foijjonto fohor o, Adomor Futor dinot o hendilla oibo.\wj* 
\v 25 \wj Kintu ei šob goṭibar age, Adomor Futottu beša beši duk bug gora foribo. Ar ei halor mainše hibare batil goribo.\wj*
\p
\v 26 \wj "Ar Nuh nobir ṭaimot zendilla oiye, Adomor Futor ṭaimot o hindilla oibo.\wj* 
\v 27 \wj Manuš okkole há fiya goijje, biya goijje, biyata oiye, ze foijjonto Nuh nobi kištit no gole. Toi bor tuwan aišše edde beggunore šeš gori felaiye.\wj*
\p
\v 28 \wj "He bafe Lutor ṭaimot o hendilla oiye. Hẽtte mainše háiye edde fiye, beisse edde kinne, lagaiye edde banaiye.\wj* 
\v 29 \wj Kintu ze din Lut Súdum šohorottu niyoli giyegoi, hedin asmanottu oin edde oini šilor zór fori hitara beggunore dongšo gori felaiye.\wj*
\p
\v 30 \wj "Adomor Fut ze din nizore forhaš goribo, he din o hendilla oibo.\wj* 
\v 31 \wj He dinor din zodi honokiye góror sãdor uwore take, ar hitar šomošto zinišfati góror butore take, henoile hite hin loibolla lami no ai ok. Hendilla ze maṛot take, hite górot uwafes firi no ai ok.\wj* 
\v 32 \wj Lutor bouwor hota monot gori so!\wj* 
\v 33 \wj Ze nizor foran basaito sa, hite hiyan haraibo. Kintu ze foran hara, hite hiyan uddar faibo.\wj* 
\v 34 \wj Ãi tũwarare hoir: He raitta ek bisanat duizon takile ekzonore loi za oibo, ar oinno ekzon fori takibo.\wj* 
\v 35 \wj Duizon mayafuwain ek ḍeit gĩyur dana dufe. Hentu ekzonore loi za oibo, ar oinno ekzon fori takibo.\wj* 
\v 36 \wj (Zodi duizon manuš maṛot take, hentu ekzonore loi za oibo, ar oinno ekzon fori takibo.")\wj*
\p
\v 37 Toi sahabi okkole fusar goredde:
\p "Malik, hoṛe goṭibode?"
\p Isaye zuwabe hodde, \wj "Mora ga zeṛe, heṛe hawa aiye."\wj*
\c 18
\s Himmot no haraiyo, hamiša munazat goro
\p
\v 1 Toi hibaye hitarare ekkan mesal kahanir babute hoiye zene hitara hamiša munazat gore edde niraš no o. 
\v 2 Hibaye hodde,\wj "Ek šohorot maze ekzon bisarhar aššil. Hite no ḍoraito Allare, ar no manito manušore.\wj* 
\v 3 \wj Ar he šohorot ek rari maya fuwa aššil. Hibaye he bisarharor hãse zai hoitode, 'Oinnair berudde tiyai ãr bifokkor hatottu ãre uddar goro!'\wj*
\p
\v 4 \wj "Bisarhare hoto din foijjonto kissu no gore, kintu bade mone mone hite hodde, 'Zodi o ãi Allare no ḍorai, manušore no mani.\wj* 
\v 5 \wj Tarfore o ei rari mayafuwawaye ãre zalar, hetolla oinnaittu ibare ãi uddar goriyum. Ar no oilede hibaye hamiša ãre zalat takibo.'"\wj*
\p
\v 6 Toi Malik Isaye hodde, \wj "Ošot bisarhare ki hor funor ne!\wj* 
\v 7 \wj Toile zara din rait Allar hãse handa haṛi gore, he Allar basai gora okkolore ki hitarar oinnair berudde tiyai soiyi bisar no goribo? Naki hin goitte Allaye deri goribo?\wj* 
\v 8 \wj Ãi tũwarare hoir, hibaye toratori hitarar fokke niyai bisar gori dibo. Kintu Adomor Fut zẽtte aibo, hẽtte ki hibaye ei duniyait iman dekibo?"\wj*
\s Foroši edde hazna adai goroyar mesal
\p
\v 9 Zara nizore nize forhesgarde biššaš goitto ar oinno mainšore hela gorito, hendilla hoekzon mainšore Isaye ei mesal kahanigan hoiye: 
\v 10 \wj "Duizon manuše dórmogórot munazat goitto giye. Hitarar butore ekzon aššilde Foroši alem ar ekzon hazna adaigoroya.\wj* 
\v 11 \wj Foroši alemwaye zai en zagat tiyayegoi zeṛe hitare deha za. Toi hite hitar nizor babute duwa gorer, hite hodde, 'Oh Allah, ãi tũware šukuriya zanai ze ãi oinno mainšor ḍoilla no, ṭok, ošot edde zena goroya no, enki oi hazna adai goroyar ḍoilla o no.\wj* 
\v 12 \wj Ãi haftaye dui bar ruza raki, ãr šomosto hamanir doš bagor ek bag tũware di.'\wj*
\p
\v 13 \wj "Kintu hazna adaigoroya manušwaye dure tiyaiye edde asmanor uzu suk tuli o sai no farer, bolke hite buk bajjai bajjai hodde, 'Oh Allah, ãi gunagar, ãre rahamot goro.' \wj*
\p
\v 14 \wj "Ãi tũwarare hoir, he hazna adai goroyare Allaye forhesgar hoi mani loiye, hite arame górot firi giyegoi. Kintu he forošire no. Toile buzi so! Ze honokiye nizore usol gore hitare niso gora oibo, ar ze nizore niso gore hitare usol gora oibo."\wj*
\s Isa edde gura fuwain okkol
\p
\v 15 Hitara gura gura dudor fuwain okkolore o Isar hãse ainne, Isaye zene hitarar uwore hat rake. Sahabi okkole hen deki hitarare gozgozaiye. 
\v 16 Kintu Isaye gura fuwaindore hãse ḍaikke edde hodde, \wj "Gura fuwaindore ãr hãse aito do, hitarare band no diyo, kiyollahoile Allar raijjo itarar ḍoilla mainšor.\wj* 
\v 17 \wj Ãi tũwarare soiyi hoir, ze honokiye ugguwa gura fuwar ḍoilla oi Allar raijjo no gose, hite hono mote heṛe goli no faribo."\wj*
\s Isa edde ek tuwangor manuš
\p
\v 18 Ek Ihudi netaye Isare fusar goredde: "Oh bala ustad, akéri zibonor miraz faite ãttu ki gora foribo?"
\p
\v 19 Kintu Isaye hitare hodde, \wj "Ãre kiyolla bala hor? Allah ekzon sara ar honokiye bala no.\wj* 
\v 20 \wj Tũi to hokumgun zano, 'Zena no goijjo, kun no goijjo, suri no goijjo, misa goba no diyo, tũwar baf mare ijjot goro.'"\wj*
\p
\v 21 Hite hodde, "Gura halottu loti ãi in okkol falon gori aiyir."
\p
\v 22 Isaye ei hota funiyore hitare hodde, \wj "Ehon o tũwattu ekkan ham baki ase. Zo, tũwattu za kissu ase hin beggun besi felo, ar gorib okkolore baṛi do, henot behostot dón faiba. Tarfore ai ãr fisa lo."\wj*
\p
\v 23 Ei hota funi hite beši ferešan oiye, kiyollahoile hite aššilde ek ḍõr tuwangor manuš. 
\v 24 Toi Isaye hitar uzu saiyore hodde, \wj "Tuwangor okkololla Allar raijjot gola ken duk!\wj* 
\v 25 \wj Tuwangor okkol Allar raijjot golattuwaro fuišor fa bai uṭ gola aro asan."\wj*
\p
\v 26 Zara fuinne hitara hodde, "Henoile uddar hone oi faribo? Henoile Allar raijjot hone goli faribo?"
\p
\v 27 Isaye hodde, \wj "Ziyan mainšolla ošombob, hiyan Allalla šombob."\wj*
\p
\v 28 Toi Fitore hodde: "Ãralla ken oibo? So, ãra nizor hár kissu felai aišši edde õnor fisa loiyi!"
\p
\v 29 Isaye hitarare hodde, \wj "Ãi tũwarare soiyi hoir, ze honokiye Allar raijjolla buli nizor gór ba bou, bái boin, ma baf, ba fuwain eri diye,\wj* 
\v 30 \wj hitara fottikiyor ei zugot o bout gun edde aiyedde zugot o akéri zibon faibo."\wj*
\s Isar moron edde uwafes zindar agam hóbor
\p
\v 31 Bade Isaye hibar barozon sahabire ek ḍeikka loi zai hodde: \wj "So, ãra Zeruzalem zair, Adomor Futor befare nobi okkole zin zin leikke, he mozin ãre di furon oibo.\wj* 
\v 32 \wj He zonore Oihudi okkolor hatot tuli diya oibo. Hitara he zonore loi ṭaṭṭa edde ofoman goribo, ar hibar gat sep maribo,\wj* 
\v 33 \wj beša beši souk maribo edde hibare mari felaibo. Ar tin dinor din abar zinda uṛi zaiboi."\wj*
\p
\v 34 Kintu sahabi okkole in kissu buzi no fare. Hitarattu Isaye hoiyede hotar mani gufon roigiyegoi. Hitara Isar hota buzi uṛi no fare.
\s Isaye ek anda manušore bala goijje
\p
\v 35 Ar zẽtte Isa Zeriku šohoror hãsa hãsi aišše, he šomot ekzon anda manuše rastar kinare mager. 
\v 36 He anda manušwaye manuš okkolor ãṛar abaz funi fusar goredde: Ki oiyede? 
\v 37 Mainše hitare hodde: "Nasarator Isa ei fõt bai aiyer."
\p
\v 38 Hetunot hite guzori hodde: "Oh Nasarator Isa, Daudor šontan, ãre uwore doya goro."
\p
\v 39 Zara age age giye, hitara, suf tak, hoi he manušware dõk diye. Kintu hite aro beši sikkarai howa šuru goijje, "Oh Daudor šontan ãr uwore doya goro."
\p
\v 40 Toi Isa tiyaiye edde he manušware Isar hãse anibolla hokum goijje. Hite zehon Isar ḍake aišše Isaye hitare fusar goredde, 
\v 41 \wj "Tui ki sos, ãi tolla ki gorium?"\wj*
\p Hite hodde, "Malik, ãi suke deki farifan gori do."
\p
\v 42 Isaye hodde, \wj "Dor, deki far! Tor imane tore aram goijje."\wj* 
\v 43 Henot hite hehon suke deki faijje edde Allar tarif gori gori Isar fisa loiye. Ar manušor dol, zara iyan deikke hitara o Allar tarif goijje.
\c 19
\s Sakkeus
\p
\v 1 Bade Isa Zeriku šohoror butottu di zar. 
\v 2 Ar so, heṛe ekzon Sakkeus name manuš aššil. Hite oilde ekzon hazna adaigoroya okkolor mazi, ek tuwangor manuš. 
\v 3 Ar hite Isare saito kušiš goijje, kintu hite baiṭṭa buli manušor zamot Isare sai no fare. 
\v 4 Toi hite Isare sai farefan, mum mikka dũri zai ek ḍũir gasor uwore uiṭṭe, kiyollahoile Isa he fõt bai gil.
\p
\v 5 Bade Isaye zẽtte he zagat fõisse, hetunot Isaye uwor mikka sai hitare hodde, \wj "Sakkeus, toratori lami ai, kiyollahoile aijja ãttu tor górot taka foribo."\wj* 
\v 6 Henot Sakkeuse toratori lami aišše edde Isare kušir sãte mehemandari kobul goijje.
\p
\v 7 Kintu hen deki beggune monmonaiye, "Isaye ekzon gunagaror górot rait haṛaito zar."
\p
\v 8 Kintu heṛe Sakkeuse tiyai malik Isare hodde, "Malik so, ãr šombottir oddok ãi gorib okkolore dir. Ar zodi oinnai bafe honokiyor hono kissu ṭokai taki, toile hinor ãi sairgun firai diyum."
\p
\v 9 Hetunot Isaye hitare hodde: \wj "Uddar aijja ei górot aišše, Sakkeus o ekzon Ibrahimor šontan.\wj* 
\v 10 \wj Kiyollahoile zara hãzi giyegoi hitarare talaš edde basaibolla Adomor Fut aišše." \wj*
\s Doššan šunar mohoror kahani
\p
\v 11 Ar zara Isar hota funnil hitarare Isaye šikka dibolla ekkan mesal kahani hoiye, kiyollahoile Isa zeṛe aššil hentu Zeruzalem beši dure nuwaššil. Ar mainše mone goijje Allar raijjo hara deha zaibo. 
\v 12 Isaye hodde: \wj "Ek usol bongšor manuše razagiri firai anibo hoi ek duror dešot giye.\wj* 
\v 13 \wj Ar hite hitar nizor došzon gulamore ḍaki fottizonore ekkan ekkan šunar mohor diyore hodde, 'Ãi zeto din foijjonto firi no aiyi, in diyore šodori goijjo.'\wj*
\p
\v 14 \wj "Kintu hitar dešor mainše hitare hingša goitto, hitara hitar fise manuš defeṛaiye endilla hoibolla, 'Ãra no sai, ei manušwa ãrar raza ok!' \wj*
\p
\v 15 \wj "Zen oibo ok, ei manušware raza banaiye edde hite górot uwafes firi aigiyegoi. Toi hite ze gulam okkolore ṭĩya dil, hitara šodorit hone hodun amodoni goijje hin saibolla he gulam okkolore hitar hãse ḍaikke.\wj*
\p
\v 16 \wj "Toi foila ekzon ai hodde, 'Malik, tũwar ekkan šunar mohore aro doššan šunar mohor hamaiye.'\wj*
\p
\v 17 \wj "Razaye hitare hodde, 'Bala goijjos tui ãr bala gulam! Kiyollahoile tui oti šoṛo hamot o biššaš dehaiyos etolla doššan šohoror uwore šašon goribar kemota dilam.'\wj*
\p
\v 18 \wj "Toi dusora ekzon aišše edde hodde, 'Malik, tũwar šunar mohor loi aro fãssan mohor ãi hamaiyi.'\wj*
\p
\v 19 \wj "Toi razaye hitare hodde, 'Tore o fãssan šohoror uwore šašon goribar kemota dilam.'\wj*
\p
\v 20 \wj "Bade ar ekzone aiyore hodde, 'Malik, doro tũwar šunar mohorgan. Ãi iyan fakit nummalot bandi raki dilam.\wj* 
\v 21 \wj Ãttu tũware ḍor laigge, kiyollahoile tui ekzon hora manuš, zin no rako hin tũi tuli lo, edde zin no lago hin haṛo.'\wj*
\p
\v 22 \wj "Hite hitare hodde, 'O horaf gulam, ãi tor mukor hota loi tor bisar goriyum. Tui to ãi hora manuš de zaniti, zin no raki hin ãi tuli edde zin no lagai hin ãi dai.\wj* 
\v 23 \wj Henoile ãr ṭĩya udar loyare kiya no dos, hen goriti buli ãi aile šudor fũwati hin uwafes adai gori faittam?'\wj*
\p
\v 24 \wj "Toi heṛe aro zara tiyai aššil hitarare hite hodde: 'Itar hãsottu šunar mohorgan loifelo edde zattu doššan mohor ase hitare iyan o do.' \wj*
\p
\v 25 \wj "Hitara hodde, 'Malik, hitattu de age loti doššan mohor ase!'\wj*
\p
\v 26 \wj "Malike hodde, 'Ãi tũwarare hoir, zattu ase, hitare aro diya zaibo, kintu zattu nai, hitattu asede hin o loifela oibo.\wj* 
\v 27 \wj Tũwara zo! He dušmon okkol zara ãi raza oi no sa, hitarare eṛe ano edde ãr šaikkat hitarar holla lo.'"\wj*
\s Zeruzalemot Isa
\p
\v 28 Ei šob hota hoi bade Isaye hitarar age age Zeruzalemor mikka uṛa šuru goijje. 
\v 29 Bade zẽtte Isa zaitun faharor ato hãse asede Betfage edde Betani farar hãsa hãsi oiye, hetunot hibaye duizon sahabire faṭai diye endilla hoi: 
\v 30 \wj "Oi sarmor farat zo, heṛe goli mottor ek gadar so banda dekiba, zibar uwore hono manuš hono din no boiye. Hiba kuli ãlla loi anogoi.\wj* 
\v 31 \wj Honokiye zodi hiba kiyolla kulor hoi fusar gore, toile endilla hoiba, 'Ibare malikottu dorhar oiye.'"\wj*
\p
\v 32 Toi zarare defeṛa oiye, hitara zai Isaye hoiyede mozin hár kissu deikke. 
\v 33 Hitara he gadar so zehon kuilto saiye, giros okkole hitarare fusar goijje, "Tũwara gada sowa kiyolla kulor?"
\p
\v 34 Hitara giros okkolore hodde, "Iba malikottu dorhar ase."
\p
\v 35 Tarfore sahabi okkole he gadar soware Isar hãse ainne. Toi hibar fiṛot hitarar hor bisai di, heṛe uwore Isare buwaiye. 
\v 36 Bade Isa zehon za šuru goijje, hẽtte manuš okkole hitarar nizor nizor hor okkolore rastat bisai diya šuru goijje.
\p
\v 37 Ar Isa zehon Zaitun faharottu lamibar zagar hãsa hãsi fõissegai, hen šomot biššaši okkole ze šob kuduruti ham deikke, hin okkololla kušir sãte guzori guzori hitara beggune Allar tarif goijje. Hitara howa šuru goijje:
\q1
\v 38 "Rahamot he badšare, ze Malikor name aiyer!"
\b
\q1 "Behostot šanti ok ar Uwore Allar mohima ok!"
\p
\v 39 Manušor zamor butottu hoekzon forošiye Isare hodde, "Huzur, õnor sahabi okkolore mana goro."
\p
\v 40 Kintu Isaye hodde, \wj "Ai tũwarare hoir, itara zodi suf take, toile fattorgune guzori uṛibo."\wj*
\p
\v 41 Isaye Zeruzalemor hãsa hãsi fõssi šohoror uzu saiye edde hiyanolla sukor fani felaiye. 
\v 42 Ar hodde, \wj "Tui aijja o zodi šanti kiye de hiyan buziti, kintu tui no buzor, ehon he šob tor sukor arguwale oi taikke.\wj* 
\v 43 \wj Endilla ṭaim aibo zẽtte tor dušmon okkole sairo mikkattu zonzal bandibo, tore giri doribo edde tore šomosto kunattu geruwa goribo.\wj* 
\v 44 \wj Ar tore edde tor butoror šontan okkolore meṛi loi fišai felaibo, tor butore uggwa fattoror uwore fattor takito no dibo. Kiyollahoile Allaye tore basaito ze šuzug diye he šomoi tui sini no los."\wj*
\s Zeruzalemor dórmogórot Isa
\p
\v 45 Tarfore Isaye dórmogórot góille edde heṛe zara besa kina goijjil hitarare henttu baire lorai diye. 
\v 46 Isaye hitarare hodde, \wj "Leka ase: 'Ãr gór munazator gór oibo.' Kintu tũwara iyanore ḍahaiṭor aḍḍahana banai felaiyo."\wj*
\p
\v 47 Isaye fotti din dórmogórot zai šikka dito. Ar ḍõr imam edde alem ar mainšor neta okkole Isare furai felaibolla kušiš goijje. 
\v 48 Kintu hitara ki bafe hen goribo he ufai tuwai no fa, kiyollahoile manuš beggune diyan di ekmone Isar hota fuinto.
\c 20
\s Isar kemotar babute suwal
\r (Moti 21:23–27; Mark 11:27–33)
\p
\v 1 Ek din Isaye dórmogórot manušzon okkolore šikka der edde bala hóbor tobolig gorer. Hen šomot ḍõr imam okkol, alem okkol edde bura murobbi okkol hitara beggune fũwati ai Isare hodde, 
\v 2 "Ãrare ho, tũi har kemota loi in goror? Tũware ei kemota diye de hiba honnuwa?" 
\v 3 Isaye hitarare hodde, \wj "Ãi o tũwarare ekkan hota suwal goijjum. Ãre ho: \wj* 
\v 4 \wj Yahyar torikotor gusol, hiyan ki behostottu naki mainšottu?"\wj*
\p
\v 5 Toi hitara ekzone ekzon loi mošora gori hodde, "Zodi hoi, 'Allaro torfottu,' hen oile hite hoibo, 'Toile tũwara Yahyare biššaš ka no goro?' 
\v 6 Ar zodi hoi, 'manušor torforttu,' toile mainše ãrare fattor maribo, kiyollahoile mainše Yahyare nobi mane."
\p
\v 7 Hetolla hitara endilla zuwab diye, "Ãra hoi no fari hontu."
\p
\v 8 Toi Isaye hodde, \wj "Toile ãi o ki kemotaye ei šob gorir hin tũwarare no hoiyum."\wj*
\s Mirazdar edde ãngur ketir ošot ailla
\r (Moti 21:33-46; Mark 12:1-12)
\p
\v 9 Tarfore Isaye mainšore ei mesal kahanigan howa šuru goijje: \wj "Hono ekzon mainše ekkan ãngur keti goijje. Hiyan saša okkolore lagaiyore lamba ṭaimolla hite oinno dešot giyegoi.\wj* 
\v 10 \wj Ãnguror ainda zehon aišše, hite hitar gular bag loi anibolla ekzon gulamore oi saša okkolor hãse defeṛaiye. Kintu hitara he gulamware mar doir goijje edde hitare hali hate dũrai diye.\wj* 
\v 11 \wj Bade malike ar ekzon gulamore defeṛaiye, kintu hitara hitare o mar dor gori edde ofoman gori hali hate bidai diye.\wj* 
\v 12 \wj Hendilla hite tisera ekzon gulamore o defeṛaiye, kintu hitara hitare o mari reza reza gori baire felai diye.\wj*
\p
\v 13 \wj "Toi ãngur ketir giros hodde: 'Ãi ki goijjum? Ãi ãr adoijja fuware defeṛaiyum, oitofare hitara itare šorman goribo.'\wj*
\p
\v 14 \wj "Kintu saša okkole hitare deki ekzone ekzonore howa hoi goredde: Ite oilde mirazdar, aiyo, ãra itare mari felai, toi mirazgun ãrar oi zaiboi.\wj* 
\v 15 \wj Bade hitara hitare ãngur ketor baire loi zai mari felaiye.\wj*
\p \wj "Ãngur ketir girose hitarare loi ki goribo?\wj* 
\v 16 \wj Hibaye zai ei saša okkolore furai felaibo edde ketigan oinno mainšor hatot dibo."\wj*
\p Ei hota funi mainše hodde, "Endilla no ok!"
\p
\v 17 Kintu Isaye uzu hitarar mikka suk firaiyore hodde, \wj "Toile endilla ze leka ase hiyanor mani ki?\wj*
\q1 \wj "'Ze fattor raz mistiri okkole batil goijje,\wj*
\q2 \wj hiba i beši dorhari fattor oi uiṭṭe!' \wj*
\m
\v 18 \wj He fattoror uwore ze foribo, hite bangi ṭura ṭura oi zaiboi edde zar uwore he fattor foribo, hite guri oi zaiboi."\wj*
\p
\v 19 He šomot alem okkol edde ḍõr imam okkole Isare doitto saiye, kiyollahoile hitara buzi faijjil ze, oi kahanigan hitarar berudde hoiyede. Kintu hitara mainšore ḍoraiye.
\s Hazna diyar babute suwal
\r (Moti 22:15-22; Mark 12:13-17)
\p
\v 20 Hetolla hitara Isare suke suke raikke. Ar hitara Isare šašon goroya bisar šoktir hatot tuli di farefan hoekzon spai defeṛaiye. He spai okkole bed dori Isar sarme forhesgar boinne, zene hitara Isar hotattu Isare gollot dori fare. 
\v 21 Toi hitara Isare fusar goredde, "Huzur! Ãra zani, õne zin ho edde šikka do hin ṭik, õne honokiyor uzu ṭan no goro, kintu soiyi bafe Allar rastar babute šikka do. 
\v 22 Ãrare hosai, Romor badšare hazna diya iyan ãralla ṭik ki no?"
\p
\v 23 Kintu Isaye hitarar salaki buzi fari hodde, \wj "Ãre ekkan rufar foiša deho. Eṛe har foṭo edde nam ase?"\wj*
\p
\v 24 Hitara hodde, "Romor badšar"
\p
\v 25 Toi Isaye hitarare hodde: \wj "Toile zin zin badšar hin badšare do, ar zin zin Allar hin Allare do."\wj*
\p
\v 26 Henot hitara manušor sarme Isar hotat hono šer tuwai no fa, bolke hitara Isar zuwab funi tajjuf oiye edde suf gori taikke.
\s Uwafes zindar babute šikka
\r (Moti 22:23-33; Mark 12:18-27)
\p
\v 27 Hodun Sadduki dolor manuše Isar hãse aišše, zara hono uwafes zinda nai hoito. 
\v 28 Hitara Isare hodde, "Huzur, Nobi Musaye ãralla leki giye, hono ekzonor bái zodi fuwain no owaite bouwore raki mori zagoi, toile hitar báiye he bouwore biya goribo, edde nizor báiyolla bongšo baraibo. 
\v 29 Ehon, hãt bái ase ek górot. He ḍõr báiye biya goijje, kintu fuwain no owaite mori giyegoi. 
\v 30 Hitar nisor ḍõr báiye hibare biya goijje, 
\v 31 tarfore tisera zone edde hendilla hãtozone biya goijje. Hitara beggune fuwain no owaite no owaite mori giyegoi. 
\v 32 Šeše he mayafuwawa o mori giyegoi. 
\v 33 Ehon, hitara zẽtte uwafes zinda oibo, hitarar butottu hiba har bou oibo? Hibarede hãtozone biya goijje."
\p
\v 34 Isaye zuwabe hodde, \wj "Ei duniyair mainše biya gore edde biya difele.\wj* 
\v 35 \wj Kintu zarare he duniyai edde mora okkolor butottu he uwafes zinda oibar laikka boli gona oiye, hitara biya o no gore ba biya o no de.\wj* 
\v 36 \wj Kiyollahoile hitara ar mori no fare. Hitara firista okkolor ḍoilla. Hitara Allar góror fuwain, zarare morattu uwafes zinda gora oiye.\wj* 
\v 37 \wj Kintu mora okkol uwafes uṛibode Musa nobir oin zoledde zongolor kahanit dehaiye, kiyollahoile Musa nobiye Mabudore, 'Ibrahimor Allah, Isakor Allah edde Yakubor Allah boli hoiye.'\wj* 
\v 38 \wj Hiba mora okkololla Allah no kintu zinda okkololla, kiyollahoile Mabudor šaikkat hitara beggune zinda ase."\wj*
\p
\v 39 Hetunot hozon dórmiyo aleme hodde: "Huzur, õne bala zuwab diyo!" 
\v 40 He oite Sadduki dole ar hono hota suwal goitte šahoš no fa.
\s Mosi honnuwa
\r (Moti 22:41-46; Mark 12:35-37)
\p
\v 41 Isaye hitarare hodde, \wj "Mainše ken goriyore Mosire Daudor fut hoi fare?\wj* 
\v 42 \wj Daud nize Zobur kitabot hor:\wj*
\q1 \wj "'Mabude ãr Malikore hodde:\wj*
\q2 \wj "Ãr ḍen ḍakottu boi\wj*
\q1
\v 43 \wj zetodin ãi tor dušmon okkolore\wj*
\q2 \wj tor ṭengor tolat no raki."'\wj*
\m
\v 44 \wj Otoso Daude hibare 'Malik' ḍaker; toile hiba kengori hibar fut oi faribo?"\wj*
\s Alem okkolottu hũšiyar
\r (Mark 12:38-40)
\p
\v 45 Manuš okkole funedde šomot, Isaye sahabi okkolore hodde, 
\v 46 \wj "Alem okkolottu hũšiyar! Hitara lamba lamba hor findi beraito sa edde haṛot bazarot mainšor solam muzolišhanar usol zagat edde mela šobar barik zagat buware foson gore.\wj* 
\v 47 \wj Hitara rari okkolor gór dokol gore ar mainšore dehaibolla lamba gori duwa gore. Hendilla mainše bisarot aro beši šasti faibo."\wj*
\c 21
\s Gorib rari mayafuwar sodka
\p
\v 1 Bade Isaye suk tuli sadde, tuwangor manuš okkole dórmogóror dan bakšut hitarar nizor nizor sodka raker. 
\v 2 Ar o dekedde, ekzon gorib rari maya fuwaye o he bakšut duiyan foiša raikke. 
\v 3 Hetunot Isaye hodde, \wj "Ãi tũwarare soiyi hoir, ei gorib rari mayafuwawaye beggunottuwaro beši raikke.\wj* 
\v 4 \wj Kiyollahoile itara beggune nizor beši šombottittu kissu kissu dan bakšut raikke, kintu hiba obafi oi bade o, hibattu foran basaibolla zin aššil hin beggun di felaiye."\wj*
\s Kiyamotor alamot
\p
\v 5 Heṛe biššaši okkolor butottu kiye kiye dórmogór babute hoil, hiyan ki šundor šundor fattore edde dan goijjede ziniš loi hãzaiya. Kintu Isaye hodde, 
\v 6 \wj "Tũwara ei šob zin dehor, en din aiyer ekkan fattor ar ekkan fattoror uwore no takibo, beggun bangi fela oibo."\wj*
\s Zulumor šuru
\r (Moti 24:3–14; Mark 13:3–13)
\p
\v 7 Toi hitara fusar goredde, "Huzur, in hõtte oibode edde in okkol šuru oibode hẽtte sinno ki?"
\p
\v 8 Isaye zuwab diye: \wj "Saiyo, hono dúhat forizorgoi ne! Kiyollahoile boute ãr namor bed dori aibo, hoibo, 'Ãi Mosi' edde 'šomoi hãse aišše.' Kintu hitarar fise tũwara no zaiyo.\wj* 
\v 9 \wj Ar zẽtte tũwara larai edde gonḍugulor hota funiba, hẽtte no ḍoraiyo! Kiyollahoile in okkol hameka foila goṭibo, kintu hehon ze šeš iyan o no."\wj*
\p
\v 10 Bade Isaye hitarare hodde: \wj "Zatir bifokke zati edde raijjor bifokke raijjo tiyaibo.\wj* 
\v 11 \wj Ḍõr ḍõr busal oibo edde bout zagat raṭ edde bor biyaram okkol oibo. Ajib goṭona okkol goṭibo edde asmanot ḍor lagede hanḍo edde ḍõr sinno okkol deha oibo.\wj*
\p
\v 12 \wj "Kintu in goṭibar age manuš okkole tũwarare bondi goribo edde zulum goribo, sinagog edde ziyolot faṭaibo. Ar ãr namolla buli tũwarare raza edde šašon goroyar sarme ana oibo.\wj* 
\v 13 \wj Hetunot tũwara ãr babute goba diya šuzug oibo.\wj* 
\v 14 \wj Kintu tũwara ki zuwab diba hiyanolla agottu loti sinta no goribade hiyan ehon loti dilot yad rako.\wj* 
\v 15 \wj Kiyollahoile ãi tũwarar mukot hota zuhai diyum edde giyan diyum, tũwarar bifokkor honokiye tũwarare baron otóba zuwab di no faribo.\wj* 
\v 16 \wj Kintu en ki tũwarar bab ma, bái boin, egena fũwajja okkole tũwarare dušmonor hãtot tuli dibo. Ar tũwarar kiyore kiyore hitara mari felaibo.\wj* 
\v 17 \wj Mainše ãlla buli tũwarare hingša goribo.\wj* 
\v 18 \wj Kintu tũwarar matar ekkan sul o dongšo no oibo.\wj* 
\v 19 \wj Tũwarar nizor sofore tũwarar nizor zibon furaiya faiba.\wj*
\s Zeruzalem donšo oi zaiboi
\p
\v 20 \wj "Ar zẽtte tũwara Zeruzalemore armiye geruwa goijja dekiba, hẽtte hiyan donšo oibar ṭaim hãse aišše de zaniba.\wj* 
\v 21 \wj Hetunot zara Ehudiyat take, hitara fahari elehat dai zoggoi, ar zara šohorot take hitara baire dai zoggoi. Ar zara gang zagat take hitara šohorot no aiyok.\wj* 
\v 22 \wj Kiyollahoile ehon oilde šazar ṭaim, kitabot ze šob hota leka ase hin furon oibo.\wj* 
\v 23 \wj Afsus! He šomot hamilwala mayafuwain edde dudor fuwawala mayafuwain okkololla, kiyollahoile dešot beši durgoti oibo edde ei zatir uwore Allar gozob lami aibo.\wj* 
\v 24 \wj Manuš okkol toluwaror tole oi oi moribo edde bondi hisabe hár zatir heṛe loi za oibo. Zetodin Oihudi okkolor ṭaim šeš oi no zagoi hetodin foijjonto Zeruzalemore Oihudi okkole hitar ṭengor tole ḍolibo.\wj*
\p
\v 25 \wj "Ar san surzo asmanor tara okkolot nanan ḍoilla sinno deha zaibo. Duniyait hár manuš okkole zontrona faibo. Doriyar goiror uzore hitara ḍore suhara oi zaiboi.\wj* 
\v 26 \wj Duniyait zin goṭibo hinor ḍore manušor foran sulor agat zaiboi, kiyollahoile san, surzo, tara okkol oulzoul oi zaiboi.\wj* 
\v 27 \wj Ar he šomot hitara Adomor Futore ḍõr šokti edde mohima loi miyular butottu aiyedde dekibo.\wj* 
\v 28 \wj Ei hanḍo beggun šuru oile o tũwara uṛi tiyaiyo, matá tuillo, kiyollahoile tũwarar azadi hãse."\wj*
\s Ḍũir gasor mesal kahanittu šikka
\p
\v 29 Ar Isaye hitarare ei mesal kahanigan hoiye: \wj "Ei ḍũir gaswa edde ar har gasor uzu so!\wj* 
\v 30 \wj Zehon hinottu noya fata fuṛe, hetunot tũwara hin sai hoi faro horan hal hãse aišše de.\wj* 
\v 31 \wj He bafe tũwara o zẽtte ei šob oibode dekiba hẽtte zaniba Allar raijjo hãse aišše.\wj*
\p
\v 32 \wj "Ãi tũwarare soiyi hoir, ze foijjonto in okkol furon no o, he foijjonto ei halor manuš okkolor mout no oibo.\wj* 
\v 33 \wj Asman edde zobin šeš oibo, kintu ãr hota hono din šeš no oibo.\wj*
\s Seton tako, munazat goro
\p
\v 34 \wj "Hũšiyar tako edde tũwarar kolobore beši niša fani hafiyar folai loi edde šongšari sinta loi kobza gori no raikko, zen atikka he din fandor ḍoilla oi tũwarar uwore no fore gai.\wj* 
\v 35 \wj Kiyollahoile he dingan duniyair hár manuš beggunor uwore foribo.\wj* 
\v 36 \wj Kintu tũwara hamiša seton taikko, munazat goijjo, zene he šob zin goṭibo hin okkolottu dai zaigoi faribolla edde Adomor Futor sarme tiyai faribolla šokti fo."\wj*
\p
\v 37 Isaye fotti din dórmogórot zai šikka dito edde fotti raitta hibaye hentu bair oi Zaitun faharot zai takitogoi. 
\v 38 Ar hár manuš okkol Isar hota funibolla kub binna sore dórmogórot zai Isar hãse hazir oito.
\c 22
\s Isare doribar felain
\r (Moti 26:1–5,14–16; Mark 14:1–2,10–11)
\p
\v 1 He šomot iš no diya ruṭir idor din hãse aišše, ze idore uddar id o howa za. 
\v 2 Ar dõr imam edde alem okkole ki bafe Isare mari felai fare hitara gufone he kušiš goijjil, kiyollahoile hitara manuš zonore ḍoraito.
\p
\v 3 Toi Ehudah Iskariyot, oi barozon sahabir ekzon, hitar butore Šoitan góille. 
\v 4 Toi hite ḍõr iman okkol edde dórmogór sõloya garḍ okkol loi dola oito giye edde kibafe Isare hitarar hatot tuli di faribo he babute mošora goijje. 
\v 5 Henot hitara kuši oiye edde hitare ṭĩya dibo wada diye. 
\v 6 Ar henot Ehudaye o razi oiye edde manuš okkolor nozor arguwale Isare hitarar hatot tuli dibolla šuzug tuwa šuru goijje.
\s Isar šeš hána
\p
\v 7 Tarfore iš no diya ruṭir idor butore ze din uddar idor sool kurbani gora o, he din aišše. 
\v 8 Toi Isaye Fitor edde Yuhannare hoi defeṛadde, \wj "Tũwara zo, uddar idor hána tiyar gorogoi, ãra uddar idor hána háiyum."\wj*
\p
\v 9 Hitara hodde, "Hoṛe tiyar goijjum? Tũwar issa ki?" 
\v 10 Isaye hitarare hodde, \wj "Tũwara šohorot golile ekzon manuše ek gora fani boi loi zadde lot faiba. Tũwara hitar fise fise, hite ze górot golibo, heṛe zaiba.\wj* 
\v 11 \wj Ar he góror malikore hoiba, 'Huzure fusar goijje, gorba gór hoṛe, zeṛe ãi ãr šahabi okkolore loi uddar idor hána hái fari?'\wj* 
\v 12 \wj Henot hite tũwarare ekkan šaz guz goijja dui ṭalar uwore ekkan ḍõr kamera dehai dibo. Heṛe zai tũwara hána gorogoi."\wj*
\p
\v 13 Hitara baisa diye edde Isaye zendilla hoil, he mozin lot faiye, ar hitara uddar idor hána tiyar goijje.
\p
\v 14 Bade ṭaim mozin Isaye asab okkolore loi haito boišše. 
\v 15 Hetunot Isaye hitarare hodde, \wj "Ãi duk šoibar age tũwarar fũwati ei uddar idor hána háiyum, ãi kub issa goijji.\wj* 
\v 16 \wj Ãi tũwarare hoir, ze foijjonto Allar raijjo furon no o, ãi ar honokon ei idor hána na háiyum."\wj*
\p
\v 17 Bade Isaye fiyala loiye, šukuriya zanaiye edde hodde, \wj "Lo in, tũwarar maze bag gori lo.\wj* 
\v 18 \wj Kiyollahoile ãi tũwarare hoir, ze foijjonto Allar raijjo no aiye, ehon oite he foijjonto ãi ãnguror roš ar no fiyum."\wj*
\p
\v 19 Bade Isaye ruṭi loi šukuriya zanaiye edde hin bangi ṭura ṭura gori asab okkolore diyore hodde, \wj "In ãr ga, ziyan tũwaralla diya oiye. Ãre monot goribolla endilla goijjo."\wj*
\p
\v 20 Ar ekkui bafe, Isaye hána šeš oi bade fiyalawa hãtot loi hodde, \wj "Ei fiyala ãr louwor noya wadar sukti, ze lou tũwaralla ḍali diya oiye.\wj* 
\v 21 \wj Kintu so, ze ãlloi beimani goribo, hite ãr fũwati hána hár.\wj* 
\v 22 \wj Kiyollahoile zendilla faisala gori raikke, he bafe Adomor Fut zar. Kintu bifod hitar, ze Adomor Fut loi beimani gorer."\wj* 
\v 23 Hetunot asab okkole ekzone ekzon loi fusar gora šuru goijje ze hitarar butore endilla ham hone goribo.
\p
\v 24 Ar asab okkolor butore hone hokkolottuwaro ḍõr hin loi hitara hota haṛa haṛi goijje. 
\v 25 Hetunot Isaye hitarare hodde, \wj "Oihudi dešor raza okkolena hitarar mainšor uwore munifgiri deha. Ar hitara zonogonor dusto boli o ho.\wj* 
\v 26 \wj Kintu tũwara hendilla no oiyo. Bolke tũwarar butore ze beggunottuwaro ḍõr hite beggunottuwaro šoṛor ḍoilla ok. Ar ze neta hite šeba goroyar ḍoilla ok.\wj* 
\v 27 \wj Kiyollahoile hone ḍõr? Ki ze hánar ṭebilot haito boiye, hite, naki ze gulame hána baride, hite? Ze hánar ṭebilot haito boiye, hite no ne! Kintu ãi tũwarar maze šeba goroyar ḍoilla oi roiyi.\wj* 
\v 28 \wj Funo! Tũwara ãr har bola mosibot okkolot maze ãr fũwati roiyo.\wj* 
\v 29 \wj Ar ãr Bafe zendilla ãre šašon kemota diye, hendilla ãi o tũwara ekkan raijjo diyi.\wj* 
\v 30 \wj Zene tũwara ãr raijjot ãr mezot boi há fiya gori faro. Ar tũwara šingašonot boi Israilor baro bongšor bisar goriba.\wj*
\p
\v 31 \wj "Simon, Simon, sa! Šoitane tũwara beggunore gĩyur dana salefan salibolla dabi gorer.\wj* 
\v 32 \wj Kintu ãi tolla duwa gorir, zene tor iman komzur no o. Tui abar zẽtte ãr hãse firi aibi hẽtte tor báiyaindore tui tuwajjo dis."\wj*
\p
\v 33 Fitore Isare hodde, "Malik, õnor fũwati ãi ziyolot zaibolla edde moribolla o razi asi."
\p
\v 34 Isaye zuwabe hodde, \wj "Fitor, ãi tore hoir, aijja rata kuraye bak no dite, tui ãre no sinos hoi tin bar ošikar goribi."\wj*
\p
\v 35 Tarfore Isaye sahabi okkolore fusar goredde: \wj "Ãi zẽtte tũwarare ṭiyar toli, gaṭṭi edde zuta in hono kissu sara defeṛailam, tũwarattu ki hẽtte hono kissur obaf oil ne?"\wj*
\p Hitara hodde, "Na, no o."
\p
\v 36 Hetunot Isaye hodde, \wj "Kintu ehon zattu ṭiyar toli ase, te hin lok, ekkui bafe gaṭṭi o lok. Zattu toluwar nai hite hitar kuruta besi ekkan toluwar kinok.\wj* 
\v 37 \wj Kiyollahoile ãi tũwarare hoir, pak kalamot ze leka ase: 'Adomor Futore naforman okkolor fũwati gona oiye,' hendilla ãr duwara furon oibo. Kiyollahoile ãr babute zin howa oiye, hin furon or."\wj*
\p
\v 38 Hetunot sahabi okkole hodde, "Malik, so, eṛe duiyan toluwar ase."
\p Isaye hitarare hodde, \wj "Oiye oiye!"\wj*
\s Isaye Zaitun faharot duwa gorer
\r (Moti 26:36–46; Mark 14:32–42)
\p
\v 39 Bade Isaye niyoli zai nizor rosom mozin zaitun faharor mikka fõt bai za šuru goijje. Ar fũwati sahabi okkol o fise fise giye. 
\v 40 Isa heṛe fõsi bade sahabi okkolore hodde, \wj "Tũwara duwa goro, zene tũwara forikkat no foro."\wj* 
\v 41 Bade Isaye hitarattuwaro hom beši ek dolar fõtot giye edde ãṛu feli munazat gora šuru goijje. 
\v 42 Munazatot hodde, \wj "Ya, Baf, zodi tũi so, ãr hãsottu ei motor fiyala dur goro. Tarfore o ãr issaye no, tũwar issaye furon ok."\wj* 
\v 43 Hetunot behostottu ekzon firista aiyore Isare šokti diye. 
\v 44 Toi Isaye moron hoštoye mogno oi aro issa zuge munazat goijje. Ar Isar gar gám zen lour fuṛar ḍoilla oi meṛit fora šuru goijje.
\p
\v 45 Isaye munazat gori uṛi bade sahabi okkolor hãse aišše, ar dekedde hitarare, monor dukkor zoriya gumot fori giyoi. 
\v 46 Toi Isaye hitarare hodde, \wj "Gum zor kiyolla? Uṛo, forikkat no forofan duwa goro."\wj*
\p
\v 47 Isaye hota howat roiye, hen šomot so, heṛe ek ḍõr mainšor dol aišše. Ehudah, ze barozon sahabir ekzon, hite o hitarar fũwati age age aišše. Ehudaye Isare suma diyore dehai dibolla Isar hãse giye. 
\v 48 Kintu Isaye Ehudare hodde: \wj "Ehudah, sumar duwara ki Adomor Futore dori dor?"\wj*
\p
\v 49 Isar fũwati zara aššil hitara ki ki goṭibo hin buzi fariyore Isare fusar goredde: "Malik, ãra ki suri loi hamela goriyum?" 
\v 50 Ar hitarar butottu ekzone, ek ḍõr imamor gulamore hamela gori hitar ḍen han haṛi loi felaiye.
\p
\v 51 Kintu Isaye hodde, \wj "Tam, ar hen no goris!" \wj* Bade Isaye hitar han suiyore hitare bala gori diye.
\p
\v 52 Isare doribolla ze ḍõr imam okkol, dórmogór sõloya garḍ okkol edde murubbi okkol aišše. Isaye hitarare hodde, \wj "Ãi ki ḍahait ze tũwara laṛi sura, toluwar loi aiššo?\wj* 
\v 53 \wj Ãi zẽtte fotti din dórmogórot tũwarar fũwati aššilam, hẽtte to ãr uwore tũwara hat o no tulo. Kintu ehon tũwarar šomoi, andaror razotto soler."\wj*
\s Fitore Isare tin bar ošikar goijje
\p
\v 54 Toi hitara Isare dori loi giyegoi edde Isare ḍõr imamor górot ainne. Ar Fitor o dure taki hitarar fise fise giye. 
\v 55 Bade manuš okkol zara uṛanot oinor ṭal zali boišše hitarar fũwati Fitor o boišše. 
\v 56 Heṛe oinor ṭalor forot Fitor boiššede ek bandi maya fuwaye deki hitar mikka suk firai hodde, "Ei manušwa o utar fũwati aššil."
\p
\v 57 Kintu Fitore ošikar gori hodde, "He maya fuwa, ãi hitare no sini."
\p
\v 58 Ekkena gori bade ar ekzone Fitorore deki hodde, "Tui o to hitarar ekzon."
\p Fitore hodde, "Na, ãi no."
\p
\v 59 Gonḍa anik bade ar ekzone zure hodde, "Soiyi, ei manušwa o hitar fũwati aššil, kiyollahoile ite o Galil elehar manuš."
\p
\v 60 Hetunot Fitore hodde, "No, tui ki hor ãi buzi no farir." Fitore hen hoiya šeš no oite uggwa rata kuraye bak di uiṭṭe. 
\v 61 Hetunot Malik Isaye Fitoror mikka muk firai saiye. Henot Isaye ze hota hoil: \wj "Aijja ratakuraye bak no dite, tui ãre no sinos hoi tinbar ošikar goribi,"\wj* hiyan Fitorottu monot foijje. 
\v 62 Hetunot Fitore baire zai kub hainde.
\s Ihudi dórmor murobbi okkolor sarme Isa
\p
\v 63 Ar Isare sõi roiyede manuš okkole Isare loi ṭaṭṭa goijje edde maijje. 
\v 64 Hitara Isar suk bandi Isattu fusar goredde, "Tui zodi nobi oi takos toile ho sai, tore hone maijje?" 
\v 65 Ar hitara ingša gori Isar berudde aro bout hota okkol hoiye.
\p
\v 66 Din zehon oiye, Ihudi dórmo komitir murubbi okkol, ḍõr imam okkol edde alem okkol beggune ekkui fũwati dola oiye. Toi Isare hitarar munttu ana oiye 
\v 67 edde hodde, "Tui zodi he Mosi, toile ãrare ho!"
\p Isaye hitarare hodde, \wj "Zodi ãi tũwarare hoi, tũwara biššaš no goriba.\wj* 
\v 68 \wj Ar zodi tũwarare fusar gori, hono zuwab no diba.\wj* 
\v 69 \wj Kintu ehonottu loti Adomor Fut šoktiwala Allar ḍen ḍakottu boiṛa takibo."\wj*
\p
\v 70 Hetunot hitara beggune fusar goredde, "Toile ki tui Allar Fut?"
\p Isaye hitarare zuwab diye, \wj "Tũwara hor ze, Ãi Hiba."\wj*
\p
\v 71 Toi hitara hodde, "Ãrattu ar gobar ki dorhar? Ãra beggune hitar nizor mukottu funilam."
\c 23
\s Filator sarme Isar bisar
\p
\v 1 Bade hitara dol šoho beggune uṛi Isare Rom šašok Filator hãse loigiye. 
\v 2 Ar hitara Isar berudde en hoi nališ goijje, "Ãra dekki ei manušwaye ãrar zatire kufõtot loi zargoi. Romor badšare hazna no dibolla mainšore mana gorer, ar nizore Mosi edde badša dabi gorer."
\p
\v 3 Toi Filate Isare fusar goredde, "Tui ki Ihudi okkolor badša?"
\p Isaye Filatore zuwabe hodde, \wj "Tũi ze hor."\wj*
\p
\v 4 Toi Filate ḍõr imam okkolore edde manušor dolore hodde, "Ãi ei manušwar hono hosuri no fair."
\p
\v 5 Kintu hitara zid gori howa šuru goijje, "Ehudiya elehar har zaga okkolot šikka di di ite manuš okkolore gonḍogul bazaider. Ite in Galilottu loti šuru goijje, ar ehon eṛe aišše."
\p
\v 6 Ei hota funi, Filate manušwa Galilor ne ki hoi fusar goijje. 
\v 7 Isa badša Herudor šašonor tole asede zani fari Filate Isare Herudor hãse faṭai diye. Ar he šomot Herud Zeruzalemot aššil.
\s Isa Herudor sarme
\p
\v 8 Badša Herude Isare deki beša beši kuši oiye, kiyollahoile hite Isar babute bout hota funnil, ar bout din dori hite Isare saibolla issa gori aššil. Ar Herude aša goijje Isaye hono keramot gori dehaibo. 
\v 9 Herude Isattu bout suwal okkol fusar goijje, kintu Isaye hitare hono zuwab no de. 
\v 10 Ar ḍõr imam edde alem okkol tiyaiyore Isare beši hosuri diya šuru goijje. 
\v 11 Toi Herud edde hitar šena okkole o Isare ofoman goijje edde ṭaṭṭa goijje. Toi Herude Isare raz fušak findai abar Filator hãse faṭai diye. 
\v 12 Hedin Herud edde Filat hitara ekzon loi ekzon dusto oi giyegoi, hiyar age hitarar butore dušmonai baf aššil.
\s Filate Isare kurušot dibar rai funaiye
\p
\v 13 Tarfore Filate ḍõr iman okkol, neta okkol edde manuš okkolore ekkui fũwati ḍaki, 
\v 14 hitarare hodde, "Tũwara itare ãr hãse ainno edde hoiyo, ei manušwaye manuš okkolore kufõtot loizar. Ar so, ãi tũwarar šaikkat bisar gorile o, tũwara hitar uwore ze šob duš okkol dor, hinor butore ei manušwar hono hosuri no fair. 
\v 15 Ar Herude o no fa. Hetolla Herude itare ãr hãse uwafes faṭaiyede. Ar so, ei manušwaye moron šaza faibar laikka o kissu no gore. 
\v 16 Hetolla ãi hitare šasti diyore eri diyum."
\p
\v 17 (Filate ei šob hota hoiyede haron oilde he idor ṭaimot hitaralla ekzonore eridiya oito.)
\p
\v 18 Kintu hitara dol šoho beggune uzor diyore hodde, "Itare dur goro, ãralla Barabbasore sari do." 
\v 19 Ei Barabbas zare šohoror maze danga edde kunor harone ziyolot bondi gori raka oiye.
\p
\v 20 Deš šasiyot goroya Filate Isare eri dito saiye hetolla abar hite mainšor dolor hãse zanaiye. 
\v 21 Kintu manuš okkole guzori hodde, "Itare kurušot do! Kurušot do! Itare mari felo!"
\p
\v 22 Filate tin mottor barot hodde, "Kiyolla? Ite hosuri ki goijje? Ãi hitare šazaye mout dibar hono hosuri no dekir, hetolla ãi itare šasti di eri diyum."
\p
\v 23 Kintu Isare kurušot diya oibolla hitara zid gori beši uzor diya šuru goijje. Toi hitarar uzor kamiyaf oiye. 
\v 24 Filate hitarar issa mozin goribar hokum di felaiye. 
\v 25 Danga edde kungorar harone ze Barabbasore ziyolot raka oil, hitara hitare saiye. Toi Filate hitare hitaralla eri diye, kintu Isare mari felaibolla tuli diye. Hitarar issa furon oiye.
\s Isare kurušot diya or
\p
\v 26 Tarfore hitara Isare loi zadde šomot Šimon name ekzon Kuronir manuš farar butottu di aiššil. Hitara Isar fise fise kuruš boi loi zaibolla he manušwar handot kuruš tuli diye. 
\v 27 Ar bout mainšor dol okkol fise fise giye. Hitarar butore bout mayafuwain okkol aššil, zara Isalla bilag gorer edde šuk tuli hander. 
\v 28 Kintu Isaye hitarar mikka firiyore hodde, \wj "O Zeruzalemor hoinna okkol, ãlla no haindo, bolke nizolla edde nizor nizor fuwaindolla hando.\wj* 
\v 29 \wj Kiyollahoile so en šomoi aiyer zẽtte tũwara hoiba, 'Šuki he bázá mayafuwain okkol, zarar udore hono fuwain no owa, zarar buke hono din dud no de!'\wj* 
\v 30 \wj He šomot \wj*
\q1 \wj "'manuš okkole faharore hoibo, "Ãrar uwore for!"\wj*
\q2 \wj Ar mura okkolore hoibo, "Ãrare guri rak!"'\wj*
\m
\v 31 \wj Kiyollahoile mainše hail gasor uwore zodi en gore, toile fuwana gasor uwore ki no goṭibo?"\wj*
\p
\v 32 Aro dusora duizon ašami manušore o Isar fũwati mari felaibolla loi za oiye. 
\v 33 Hitara Matakuli name ek zagat fõsi bade heṛe šena okkole Isa edde he duizon ašamire kurušot loṭkaiye, ekzonore Isar ḍen ḍake ar ekzonore bam ḍake gori. 
\v 34 Hetunot Isaye Allare hodde: \wj "Ya Bab, itarare maf goro, kiyollahoile itara ki gorer hin itara no zane."\wj* Bade šena okkole Isar horgunore loṭari kelai bag goijje.
\p
\v 35 Manuš okkole tiyai sai taikke, kintu Ihudi neta okkole Isare loi ṭaṭṭa goijje edde hodde: "Ite oinno manuš okkolore basaito, zodi hite Allar he Mosi, Allar basai gora, toile ehon hite nizore basaok."
\p
\v 36 Ar šena okkole Isare horor roš dito saiye edde hitara ṭaṭṭa gori hodde, 
\v 37 "Tui zodi Ihudi okkolor badša os, toile nizore basa."
\p
\v 38 Ar Isar matar uwore ekkan sainboṛot mari diya aššil ziyanot leka ase: "Iba Ihudi okkolor badša."
\p
\v 39 Ar ze duizon hosurbonore kurušot ṭaikke, hitarar butore ekzone ṭiṭkari di Isare hodde, "Tui Mosi no ne? Tui nizore edde ãrare basasena!"
\p
\v 40 Kintu ar ekzon ze ase hite itare zejjeṛai hodde, "Tui šaza for, to ki Allare o boi no goros? 
\v 41 Ãra usit šaza fair, zin goijji hinor fól hisabe. Kintu Isayede hono kuham no gore."
\p
\v 42 Tarfore hite Isare hodde, "Huzur Isa, õne zẽtte nizor raijjot oiba hẽtte ãre monot raikko."
\p
\v 43 Isaye hitare hodde, \wj "Ãi tore soiyi hoir, aijja tui ãr fũwati zonnotot oibi." \wj*
\s Isar moron
\p
\v 44 Hẽtte šomoi onumanik dũjja, beilore ganda doijje. Ar šara deš tin gonḍa mula andar oi taikke. 
\v 45 dórmogóror forodagan uwottu loti siri dui bag oi giyegoi. 
\v 46 Isaye guzori hodde: \wj "Oh Baf, ãi tũwar hatot ãr ruh tuli dilam."\wj* Ei hota hoi bade Isaye hibar šeš niyaš felaiye.
\p
\v 47 Ei šob hanḍo deki ekzon Romor šenar boroye Allare tarif gori hodde, "Hãsa ei manušwa soiyi aššil." 
\v 48 Ar ze šomosto manuš okkole ei hanḍo saibolla zoma oiye, hitara zin zin goiṭṭe hin okkol deki buk bajjai bajjai henttu giyegoi. 
\v 49 Ar Isar sin foriso zara edde ze mayafuwain okkol Isar fũwati Galilottu aišše, hitara šoho beggune dure tiyai in okkol saiye.
\s Isare hobor diya or
\r (Moti 27:57–61; Mark 15:42–47; Yuhunna 19:38–42)
\p
\v 50 Ar heṛe Yusuf name ekzon manuš aššil, dórmo komitir ekzon ze bala edde soiyi. 
\v 51 Komitir mainše hormo hanḍo, solla mošora zin Isar babute goijje hinot ei manušwaye razi oi no fare. hiba aššilde Ehudiyar Arimatiya farar manuš. Hibaye Allar raijjolla boi aššil. 
\v 52 Hiba Filator hãse zaiyore Isar lašwalla saiye. 
\v 53 Bade laš lamai kafonor hoor berai di fattorot kuinda, en ek hoborot raikkegoi, zeṛe honokiyore age heṛe raka no o. 
\v 54 He din dórmo dinor tiyarir din, dórmor din onumanik šuru oi giyegoi.
\p
\v 55 Isar fũwati ze mayafuwain okkol Galilottu aiššil hitara Yusufor kure kure zai he hobor edde ki bafe Isar laš raka oiye hin saiyegoi. 
\v 56 Bade hitara firi giye edde kušbo mollom edde tel banaiye. Tarfore dórmor din Musar ain mozin hitara ziraiye.
\c 24
\s Isar uwafes zinda
\p
\v 1 Haftar foila dinot, binna kub sore, mayafuwain okkole hoboror hãse aišše, ze mosolla hin loi 
\v 2 Heṛe hitara dekedde hoboror mukor fattorgan algaiya. 
\v 3 Ar hitara hoboror butore zai sadde Malik Isar laš heṛe nai. 
\v 4 Hitara ammuwak oi ei befare bafedde šomot, so, ujjol fušak finda duizon manuš hitarar ḍake ai tiyaiyegai. 
\v 5 Henot he mayafuwain okkole ḍore meṛir uzu matá nise gori taikke. He duizone hodde, "Tũwara morar butore zindare kiyolla tuwor? 
\v 6 Hiba eṛe nai, hiba uṛi giyoi. Galilot takite Isaye tũwarare ki hoil hin monot goro. 
\v 7 Hibaye endilla hoilde no ne, \wj 'Adomor Futore gunagaror hatot tuli diya oibo edde kurušot diya oibo. Ar tin dinor din hiba abar uṛi zaiboi.'"\wj* 
\v 8 Hetunot Isar hota hitarattu monot foijje.
\p
\v 9 Toi hitara hoborottu firi giyegoi edde he egarozon asab edde aro oinno beggunore ei hota zanaiye. 
\v 10 He mayafuwain okkolor butore aššilde hitara oilde: Mogdaleni Moriyam, Joanna, edde Yakubor ma Moriyam. Ar hitarar fũwati oinno mayafuwain okkol edde aro zara aššil, hitara beggune asab okkolore ei šob hota hoiye. 
\v 11 Kintu zara ei šob hota fuinne hitarattu hin baze hota hoiye fan laigge. Hitara mayafuwaindor hotare biššaš no gore. 
\v 12 Tarfore o Fitore uṛi hoboror mikka dũr diye, ar heṛe zai holla niyuri sadde šude hor fori roiye. Ar zin goiṭṭe, hinot hite tajjuf oi he zagattu firi giyegoi.
\s Emmaus farat zade rastat
\p
\v 13 Ar so, hedin duizon sahabi Zeruzalemottu hãt mail dure Emmaus name ek farat zadde šomot, 
\v 14 hitara oi šomosto goṭonar babute hotabattara hor. 
\v 15 Hitara hotabattara hor edde fusar asar goredde hen šomot maze Isaye nize ai hitarar fũwati ãṛa šuru goijje. 
\v 16 Kintu hitarar suk zen bon oi giyegoi, hetolla Isare hitara sini no fare.
\p
\v 17 Isaye hitarare hodde, \wj "Tũwara ãṛat maze ekzonore ekzone ze šob hota howa hoi goror, hin ki?"\wj*
\p Hitara nak muk hala gori tiyai roiye. 
\v 18 Bade zar nam Kleofas, hite hodde, "Tũi šude ekzon Zeruzalemot zoya oibo, ei hodinor butore heṛe ze goṭona okkol oiye hin no zanode."
\p
\v 19 Isaye hitarare hodde, \wj "Ki goṭṭiyede?"\wj*
\p Hitara hodde, "In Nasarator Isar babute goṭona, ze Allah edde har mainšor šaikkat hotaye edde hame ek ḍõr kemotawala nobi aššil. 
\v 20 Kintu ken gori ḍõr imam edde ãrar dórmo komiṭir neta okkole moron šaza dibolla tuli diye edde kurušot mari felaiye. 
\v 21 Ãra aša goijjilam iba hiba, zibaye Israil zatire azad goribo. Ar hin bade o, aijja tin din oiye in okkol goiṭṭede. 
\v 22 Ar ãrar hozon mayafuwainde o ãrare tajjuf goijje, hitara binna kub sore Isar hoborot giye. 
\v 23 Hitara Isar lašor deha no fa. Ar hitara henttu firi ai zaigoi bade ãrare hoiye, hitara ze firistar okkolor deha fail hitara Isa zinda ase buli hoiye. 
\v 24 Ar ãrar fũwajja okkolor butottu kiye kiye hoboror hãse zai, he mayafuwainde zen hoiye, hendilla zasai goijjegoi, kintu hitara o Isare no deke."
\p
\v 25 Hetunot Isaye hitarare hodde: \wj "Tũwara hoto bekub! Ar nobi okkole ze šomosto hota hoiye, hin beggun biššaš goitte hoto durbol!\wj* 
\v 26 \wj Mosiye ei šob duk bug gori nizor šanot golibolla hin gora ki zorulot no ne?"\wj* 
\v 27 Tarfore Isaye Musar ain edde šomosto nobi okkolor kitabottu šuru gori har kitabot hiba nizor babute ze šob leka ase, hin okkol hitarare buzai diye.
\p
\v 28 Tarfore hitara zeṛe zar he farar hãsa hãsi fõssiyegai. Toi Isaye aro dure zaibar alamot dehaiye. 
\v 29 Kintu hitara hoisali gori hodde, "Ehon din to giyegoi, hãz oi giyegoi, õne ãrar fũwati tako." Henot Isa hitarar fũwati takibolla górot góille.
\p
\v 30 Tarfore Isa zehon hitarar fũwati hána haito boišše, hetunot Isaye ruṭi loi duwa goijje edde hin bangi hitarare diya šuru goijje. 
\v 31 Hetunot hitarar suk kuli giyegoi, hitara Isare sini faijje. Kintu Isa hitarar hentu gayeb oi giyegoi. 
\v 32 Toi hitara ekzonore ekzone hodde, "Isaye ãra loi fõtot maze hota hoiyede he ṭaimot edde ãrar hãse Pak kitabor mani kuli diyede hẽtte ãrar dilor butore zoli zoli no uṛe ne?"
\p
\v 33 Ar hitara hehon uṛi Zeruzalem firi giye. Toi he egarozon asab edde hitarar fũwajja okkol beggune zomula oiya deha faiye, 
\v 34 ar hitara en hodde fuinne, "Malik hameka uṛi giyegoi, Simonore deha diye." 
\v 35 Bade itara duizone o fõtor goṭonar babute edde ruṭi bangibar šomot hitara ki bafe Isare sini faijje, he šob hota hitara beggunore funaiye.
\s Isaye sahabi okkolore dehaiye
\p
\v 36 Hitara ekzone ekzon loi howa hoi goredde šomot Isa nize ai hitarar maze tiyaiyegai. Hitarare hodde, \wj "Tũwarar šanti ok."\wj*
\p
\v 37 Henot hitara ḍore somki uiṭṭe. Ar hitara but dekere buli mone goijje. 
\v 38 Isaye hitarare hodde, \wj "Tũwara ḍoror kiyolla? Tũwarar dilot andaša ka anor?\wj* 
\v 39 \wj Ãr hat ṭengor uzu so, so iba šoyong ãi. Ãre sui so, so ãre, butottu lou gusto no take zendilla ãttu asede dehor."\wj*
\p
\v 40 Ei hota hoi Isaye hitarare hat, ṭeng dehaiye. 
\v 41 Toi hitara eto kuši oiye, biššaš gori no fajjil ebbe ammuwak oi giyegoi. Toi Isaye hitarare hodde, \wj "Tũwarar hãse eṛe hono kissu háibolla ase ne?"\wj* 
\v 42 Toi hitara Isare ekkan baijja mas diye. 
\v 43 Ar Isaye hiba loi hitarar šaikkat háiye.
\p
\v 44 Tarfore Isaye hitarare hodde, \wj "Ãi tũwarar fũwati takite zin hoilam, he hota oilde endilla: Musar ain, nobi okkolor kitabot edde Zobur šorifot ãr babute ze hota leka ase hin hameka furon oibo."\wj*
\p
\v 45 Hetunot Isaye hitarar dil kuli diye zene hitara Pak kitabor kalam okkol buzi fare. 
\v 46 Toi Isaye hitarare hodde: \wj "Endilla leka ase ze: Mosittu toziya fa foribo edde tin dinor din hiba morattu uṛibo.\wj* 
\v 47 \wj Ar hibar name guna maf faibolla edde mon firaibar hóbor hokkol zatir hãse tobolig gora oibo. In Zeruzalemottu šuru oibo.\wj* 
\v 48 \wj Tũwara in okkolor goba.\wj* 
\v 49 \wj So, ãr Bafe ze wada goijje he wadare ãi tũwarar hãse defeṛaiyum. Ar behostottu šokti no fo foijjonto tũwara ei šohorot taikko."\wj*
\s Isare asmanot tuli loi za oiye
\p
\v 50 Bade Isaye sahabi okkolore Betaniya foijjonto loigiye edde hitarare hat tuli duwa diye. 
\v 51 Toi endilla oiye, hibaye hitarare duwa gorat maze hitarattu alok oi giyegoi, edde hibare asmanot tuli loi za oiye. 
\v 52 Ar sahabi okkole hibare sojida goijje edde beši kuši oiyore Zeruzalem firi giyegoi. 
\v 53 Toi hitara hamiša dórmogórot taki Allare šukurana guzar gorat taikke.