\id ROM  
\h Roma 
\toc1 Paulus susura na fee lahenda kamahereꞌ rai kota Roma 
\toc2 Roma 
\toc3 Rm 
\mt2 Paulus susura na  
\mt2 fee lahenda kamahereꞌ rai kota  
\mt1 Roma  
\c 1  
\s1 Soda-moleꞌ  
\p
\v 1 Susuraꞌ ia neme au mai, Paulus. Manetualain here au, fo dadi uuꞌ Yesus Kristus lahenda nadedenun. Ma Ana soꞌu na au dadi uuꞌ Kristus atan fo uu tui-beka fee lahenda nai basa mamanaꞌ ain laꞌe-neuꞌ Ria Tutui Malole Na.   
\p
\v 2-3 Fai a ulu na, Manetualain ator memaꞌ, de mana nesi mata nara duiꞌ laꞌe-neuꞌ Tutui Malole nai Ria Susura Makamoi Na. Nai Susuraꞌ ria daleꞌ, Manetualain helu nau fee Ria Anan Yesus mai, fo dadi lahenda dae-bafoꞌ. Ma besaꞌ ia, Ria hehelu Na dadi so, nana huu Yesus mai dadi lahenda dae-bafoꞌ, neme mane Daud a tititi-nonosin mai.  
\v 4 Tehuu Manetualain natudu buti boe nae, Yesus Kristus nana Ria Ana boki Na. Huu fo Yesus Dula-dale Na, tebe-tebe Malalao-malalafuꞌ sama leoꞌ Manetualain. Ma Manetualain pake kuasa Na boe, fo fee Yesus nasoda seluꞌ neme mamate Na mai. Huu ria na, ita bubuluꞌ tae, Manetualain Ana Na, riꞌ Yesus, ita Ramatuan.   
\p
\v 5 Yesus natudu dale malole Na neuꞌ au, huu fo Ana here na au dadi uuꞌ Ria lahenda nadedenun, ela au tui-beka Ria hehelu na nai basa mamanaꞌ ara. Ana nau lahenda fo ta Yahudi fa boe ramahere Ni, ma rasoda tuka Ria hihii-nanaun. Au nau fo lahenda reme basa nusaꞌ ara ramahere Kristus, ma rasoda tuka Ria hihii-nanaun boe.   
\p
\v 6 Leoꞌ na boe neuꞌ emi nai kota Roma. Emi meme lahenda nusaꞌ dodouꞌ, nai mamanaꞌ dodouꞌ. Yesus Kristus fo riꞌ here na emi so nae, “Mai leo! Masoꞌ mai dadi meuꞌ Au lahenda kara!”  
\v 7 Huu ria na, de au haitua susuraꞌ ia fee emi nai Roma, ma fee nafarereneꞌ nae, Manetualain sue-lai emi. Ana hule emi ela dadi meuꞌ Ria lahendan fo masoda lalao-lalafuꞌ.  
\p Au hule-haradoi fo Manetualain ita Aman, ma Yesus Kristus ita Ramatuan, ratudu Sira dale malolen, ma fee emi masoda no tetu-temaꞌ, mole-dame, ma tesatei-tamadaleꞌ.   
\s1 Paulus hule-haradoi fee tia-lai nara  
\p
\v 8 Nai au susurak ia, masososa na au nau hule makasi dodouꞌ neuꞌ Manetualain, nana huu Yesus Kristus noi-tao nai emi dale mara. Au hule makasi boe, nana huu lahenda fo leo rai mana pareta Roma a nusa na katemaꞌ, ara beidea laꞌe-neuꞌ emi mamahere neuꞌ Yesus.   
\p
\v 9 Au hule-haradoi fee emi ta namaetun fa. Tebe! Manetualain riꞌ bubuluꞌ nae, hata fo au afadan ia, tebe. Ria boe bubuluꞌ nae au oi-tao no ao maseeꞌ, ela afada lahenda laꞌe-neuꞌ Ana Na Tutui Malolen.  
\v 10 Au hule-haradoi, sona au hule leo iaꞌ: “Manetualain, au ta bubuluꞌ eno na leo beaꞌ. Tehuu kalu Manetualain nau, sona soi enoꞌ fo au bisa uu dama tia-lai kara rai Roma.”   
\p
\v 11 Au hule-haradoi leoꞌ na, huu fo au ahiiꞌ an seli nau ita emi, fo au bisa bati fee emi kuasa neme Manetualain Dula-dale Na mai, fo ela emi dadi meuꞌ Manetualain lahendan fo nanenete nahere.  
\v 12 Au maksud ka leo iaꞌ: maneniko au dadi mai, fo leo oo emi, au nau atetea emi dale mara, ela emi namahere ma bisa boe-boe nahere. Ma au nau emi matetea au dale ka boe.   
\p
\v 13 Toranoo susue kara emin! Au ahiiꞌ emi bubuluꞌ mae, laiꞌ dodouꞌ au dale ka nau uu dama emi nai Roma. Tehuu losaꞌ besaꞌ ia au bei ta dadi uu boeꞌ. Maneniko au dadi mai, au amahehenaꞌ lahenda dodouꞌ bei ramahere tebe-tebe neuꞌ Kristus, sama leoꞌ nai mamana fekeꞌ ara. No ria na, au nonoi-tatao ki hapu buna-boa malole.\x + \xo 1:13 \xt Lahenda Nadedenuꞌ ara Tutuin 19:21\x*   
\p
\v 14-15 Leo mae leoꞌ bea boe oo, ameda an au muste tui-beka Manetualain Tutui Malole Na neuꞌ basa lahenda ra. Leo mae ria lahenda fo pake dedea Yunani do, lahenda dintiuꞌ fo pake dedea fekeꞌ do, lahenda bau-inaꞌ do, aanaꞌ do, lahenda mana sakolaꞌ, do mana sakola taaꞌ. Huu ria na au sadia so, fo nau leo Roma uu dama emi.   
\s1 Manetualain Tutui Malole Na nanuu kuasa fo poꞌi-tata naa basa lahenda ra  
\p
\v 16 Au ta maeꞌ baiꞌ boeꞌ laꞌe-neuꞌ Ramatua Yesus Tutui Malole na. Maneniko lahenda namahere Manetualain, sona Tutuiꞌ ria hapu kuasa nemeꞌ Ana mai, fo poꞌi-tata naa lahenda ria neme sala-siko na mai. Lahenda Yahudi ra bubuluꞌ rauluꞌ hata ia, besaꞌ ko lahenda nusa fekeꞌ ara.\x + \xo 1:16 \xt Markus 8:38\x*  
\v 17 Tutuiꞌ ria boe natudu Manetualain enon, fo tao na lahenda masalaꞌ a dadi roo-tetuꞌ. Basa sira bisa dadi, sadi lahenda ramahere Ni. Sama leoꞌ manaduiꞌ nai Manetualain Susura Makamoi Na nae,  
\q1 “Lahenda muste ramahere Manetualain dei,  
\q2 besaꞌ ko ara bisa malole roo Ni.  
\q1 Maneniko ara ramahere Ni,  
\q2 besaꞌ ko ara hapu sodaꞌ roo-tetuꞌ a.”\x + \xo 1:17 \xt Habakuk 2:4\x*   
\s1 Manetualain namanasa no lahenda fo ta nau ralelaꞌ Ana  
\p
\v 18 Tehuu Manetualain nafada nae leo iaꞌ: hapu lahenda ta tao daleꞌ neuꞌ Ana. Ma ruma tao hata tadalu rupaꞌ ara. Tehuu Manetualain ta sipoꞌ sira tataon ria fa. Nai lahenda ia ra dale nara, ara bubuluꞌ bea riꞌ roo-tetuꞌ. Leo mae leoꞌ na, tehuu ara tao raroo hata fo ta roo-tetuꞌ. Ara fufudi-leleꞌo lahenda losaꞌ lahenda sira boe ta bubuluꞌ bea riꞌ matetuꞌ soꞌ. Huu ria na, de Manetualain nau naonda fee si huhukuꞌ a neme lalai mai.  
\v 19-20 Lahenda ia ra ta hapu enoꞌ ela rae sira ta bubuluꞌ matetuꞌ, nana huu makaledo na riꞌ lahenda bisa bubuluꞌ hata fo laꞌe-neuꞌ Manetualain. Te Ria riꞌ natudu so! Au maksud ka leo iaꞌ: mulai neme Ana adu na lalai no dae-bafoꞌ a losaꞌ besaꞌ ia, maneniko lahenda nau bubuluꞌ laꞌe-neuꞌ Manetualain, ma Ria kuasa manaetu-manabasa taa na, boe bisa! Leo mae ita ta tita Manetualain fa, tehuu ita lahenda dae-bafoꞌ a bisa talelaꞌ Ana neme hata fo Ana adu a. Huu ria na, de au ae lahenda tadaluꞌ sira ta hapu enoꞌ, fo bisa rasalaꞌe ao nara rae, “Au ta bubuluꞌ hata-hata esa laꞌe-neuꞌ Manetualain boeꞌ.”   
\p
\v 21 De leo mae ara bubuluꞌ laꞌe-neuꞌ Manetualain, tehuu ara ta nau manaku Ni rae, “Manetualain nana, ita Manetualain!” Sira ta nau hule makasi neuꞌ Ana boeꞌ. Sira duduꞌa-aafi nara liu-aari, losaꞌ ara ta bubuluꞌ roo-tetuꞌ a riꞌ ubeaꞌ. Ara roi patararaaꞌ a ma doodoo-tatai rupaꞌ ara laꞌe-neuꞌ Manetualain. Ma sira dale nara dadi maiuꞌ.\x + \xo 1:21 \xt Efesus 4:17-18\x*   
\p
\v 22 Sira esa-esaꞌ ko io aon nae, “Au ia, lahenda fo bubuluꞌ hata dodouꞌ!” Leo mae ara afi leoꞌ na, tehuu matetu na, nana sira pakana nara leoꞌ apa.  
\v 23 Boe ma ara ta doꞌo-tabe Manetualain fo kahereꞌ nan seli, huu fo ara rae, “Ami ta parlu Manetualain rupa leo naꞌ a!” Tehuu ara mulai doꞌo-tabe patung fo rupa-lolen leoꞌ lahenda. Ara doꞌo-tabe patung fo rupa-lolen leoꞌ manupuiꞌ, leoꞌ banda fekeꞌ, losaꞌ rupa-lolen leoꞌ meke ra boe. No ria na, ara tipa heni Manetualain fo ta mate fa, de katin neniꞌ hata fo bisa mate!\x + \xo 1:23 \xt Tui Seluꞌ Laꞌe Neuꞌ Eno Sodaꞌ a 4:16-18\x*   
\p
\v 24 Huu ria na, de Manetualain noi nataaꞌ asa, fo ela ara tao tuka noi hihii-nanau mesa nara. Ana nataaꞌ asa, ela ara tao tuka hata tadalu rupaꞌ, fo riꞌ raoka-rasamu rai sira dale nara. Losaꞌ ara ta maeꞌ soꞌ. Boe ma ara tao makekeo-makakanu rupaꞌ neuꞌ ao-paa heheli nara, ma ara tao leo naꞌ neuꞌ lahenda fekeꞌ a ao-paa na boe.  
\v 25 Nai sira dale na, bubuluꞌ nanori-nafada matetuꞌ laꞌe-neuꞌ Manetualain so, tehuu ara ta nau tao daleꞌ neu fa. Sira duduꞌa-aafi nara ralulutuꞌ so, de ara afi rae, “Malole lenaꞌ, ela ami tao rupaꞌ ara losa tadadalu, huu fo ta hapu huhukuꞌ fa!” Ara doꞌo-tabe neuꞌ hata fo Manetualain tao, tehuu ara ta nau doꞌo-tabe neuꞌ Manetualain fo riꞌ adu na basa hata-heto sira! Ara tao ao nara leoꞌ lahenda malalaoꞌ, sekona te rouꞌ, isiꞌ taꞌa!  
\p Matetu na riꞌ, ita lahenda dae-bafoꞌ a muste io-oa ma fee hada-horomata neuꞌ Manetualain laꞌo naroo! Ria besaꞌ ko naraa!   
\p
\v 26 Huu no sira tadalun ria, de Manetualain foa ela si, fo ara tao makekeo-makakanu leo naꞌ, tuka noi sira hihii-nanau mesan. Ara hohoke rupaꞌ ara, ma ta maeꞌ ralelaꞌ fa. Saoina nara ta rahiiꞌ suku rooꞌ saotou nara, tehuu rahiiꞌ hata fo ta naraa fa. Huu fo inaꞌ suku nooꞌ inaꞌ!  
\v 27 Touꞌ ara boe leo naꞌ! Ara ta rahiiꞌ suku rooꞌ saoina nara, tehuu suku rooꞌ touꞌ! Ta maeꞌ ralelaꞌ baiꞌ boeꞌ! Huu ria na, de naraa ara hapu huhukuꞌ! Huu fo ara heo dooꞌ a reme eno matetuꞌ a mai so.   
\p
\v 28 Ara afi rae, “Malole lenaꞌ, bosoꞌ tao daleꞌ neuꞌ Manetualain.” Huu ria na, de Manetualain foa ela si, fo ara tao tuka noi sira hihii-nanau mesan! De, ara afi adaꞌ noi tadaluꞌ ara! Basa de ara tao hata taohiro-taohari!   
\p
\v 29 Soda nara henuꞌ no tadalu rupaꞌ ara. Ara ta tao ralelaꞌ malole, tehuu tao adaꞌ noi tadaluꞌ. Ara tendetuu lahenda hata-heton. Ara rapeda daleꞌ. Sosoa nara siꞌ namanasaꞌ a. Ara raisa lahenda. Ara rahiiꞌ rareresiꞌ kokosen. Ara rapuputaꞌ. Ara tipu-dai. Ara ratui dedea.  
\v 30 Ara rahiiꞌ dedea ralutu lahenda fekeꞌ nade na. Eteꞌao nara ro Manetualain. Manori taaꞌ. Ara rahiiꞌ ta hika-hadaꞌ neuꞌ lahenda. Ara rahiiꞌ io ao nara. Ara rahiiꞌ saka duduꞌa-aafi tadalu rupaꞌ ara. Ara rahiiꞌ ralena laka ina-ama ra.  
\v 31 Ara ta nau ralelaꞌ roo-tetuꞌ a riꞌ ubeaꞌ. Ara ralena laka seluꞌ neuꞌ sira hehelu nara, losaꞌ lahenda ta bisa ramahere si soꞌ. Ara ta sue-lai ralelaꞌ lahenda. Ara ta ranuu dale kasian baiꞌ boeꞌ soa-neuꞌ lahenda.   
\p
\v 32 Ara bubuluꞌ Manetualain atoran fo nae, lahenda fo tao tadalu rupa leo naꞌ ara, naraa hapu huhuku mamates. Leo mae ara bubuluꞌ atoran ria so, tehuu ara bei tao tadalu taohiro-taohariꞌ. Ta noi leo naꞌ a fa, tehuu sira odaꞌ duduku-papauꞌ lehenda fekeꞌ, ela ara tao tadalu leo naꞌ boe. Talalu ria so!   
\c 2  
\s1 Manetualain namanasaꞌ no lahenda nusa Yahudi fo Ana here naa si so a  
\p
\v 1 O mamanene laꞌe-neuꞌ bisinaꞌ a tadalu rupaꞌ ara so hete? De bate o afi mae, “Lahenda sira tadalu nara talalu so!” Maneniko o afi leo naꞌ, sona mata neneu o! Huu fo o tadalu leoꞌ na boe. Huu ria na, de o ta hapu enoꞌ fo masalaꞌe ao ma, leo mae o nana, bea. Maneniko o mae, lahenda fekeꞌ ara tadaluꞌ a ma naraa hapu huhukuꞌ, bosoꞌ mafarere henin mae, o sale seluꞌ ao-ina heheli ma boe. Huu fo o tao salaꞌ leoꞌ na boe!\x + \xo 2:1 \xt Mateos 7:1; Lukas 6:37\x*  
\v 2 Tehuu ita bubuluꞌ, maneniko Manetualain huku lahenda mana tao tadaluꞌ ara, tantu Ana naetuꞌ sira dedea no matetuꞌ.  
\v 3 Do, leoꞌ bea? Bate o afi mae, “Lahenda mana tao tadaluꞌ ara, naraa hapu Manetualain huhuku Na.” Sekona te o tao tadaluꞌ sama leoꞌ sira boe. Tehuu o afi mae, “Manetualain huhuku Na ta laꞌe au fa.” Duduꞌa-aafi leo naꞌ a neme beaꞌ mai?   
\p
\v 4 Manetualain natudu dale malole Na neuꞌ o. Ma Ria dale Na loaꞌ a laꞌe-neuꞌ o nonoi-tataom. Tehuu ubeaꞌ taon, de o mete Ni muniꞌ mata iꞌo ma? Bate o ta bubuluꞌ mae, Ana natudu dale malole ina Na neuꞌ o, fo foa ela sala-siko mara, ma matafali leo Ria mu.   
\p
\v 5 Tehuu o laka batuꞌ, ma ta nau mamanene fa! Ma o ta nau foa ela sala-siko mara baiꞌ boeꞌ! De, o tatao ma de huhuku ma boe-boe nambera. Huu fo maneniko dae-bafoꞌ a noe, neuꞌ ko Manetualain nau uku-sudi basa lahenda ra soda na. Ma neuꞌ ko basa lahenda ra bubuluꞌ rae, Manetualain naetuꞌ lahenda dedea na no matetuꞌ. Tepoꞌ ria te, Ana huku o beraꞌ a, nana huu Ana ta sipoꞌ o nonoi-tataom ria fa.  
\v 6 O masoda leo beaꞌ, sona neuꞌ ko Manetualain balas tuka o nonoi-tataom.\x + \xo 2:6 \xt Sosoda Iꞌio-oꞌoaꞌ ara 62:12; Dedea Lasiꞌ a 24:12\x*   
\p
\v 7 Lahenda fo tao naroo hata malole, neuꞌ ko Ana fee si soda matetuꞌ manaetu-manabasa taaꞌ a. Sira siꞌ sipo hada-horomata, nade malole, ma rasoda raroo ro Ni.  
\v 8 Tehuu Manetualain ta sipoꞌ lahenda fo tao tadaluꞌ a. Ana namanasa matetuꞌ no si, huu fo ara ralelaꞌ adaꞌ noi nalena lakaꞌ a. Ara ta tao tuka hata roo-tetuꞌ, ara tao tuka adaꞌ noi tadaluꞌ a.   
\p
\v 9 Basa lahenda fo tao hata tadaluꞌ, neuꞌ ko ara hapu susa ma soe a. Leo mae lahenda Yahudi do, ta Yahudi fa do, basa si hapu belaꞌ a.  
\v 10 Tehuu basa lahenda fo tao hata malole, neuꞌ ko Manetualain soꞌu nadedema si, ma fee hada-horomata neuꞌ asa ela rasoda no tetu-temaꞌ ma mole-dame. Leo mae sira lahenda Yahudi do, lahenda fo ta Yahudi fa, basa si hapu belaꞌ a.  
\v 11 Huu fo Manetualain ta hehere mataꞌ fa!\x + \xo 2:11 \xt Tui Seluꞌ Laꞌe Neuꞌ Eno Sodaꞌ a 10:17\x*   
\p
\v 12 Ria Atoran Na, tuda laꞌe basa lahenda ra. Maneniko lahenda fo ta nalelaꞌ Atoran ria a, ana tao salaꞌ, neuꞌ ko bika-bati neme Manetualain mai. Ma kalu lahenda fo nalelaꞌ Atoran ria, tehuu ana tao salaꞌ, neuꞌ ko Manetualain pake seluꞌ Atoran ria, fo naetuꞌ ria huhuku na. Sira boe neuꞌ ko bika-bati reme Manetualain mai, nana huu ara ralena laka neuꞌ Ria Atoran Na so.  
\v 13 Maneniko nau malole mo Manetualain, ta noi riꞌ mamanene Ria Atoran Na fo dai, hete. Huu fo lahenda muste tao tuka Ria Atoran Na, besaꞌ ko Ana nau sipoꞌ asa. Bosoꞌ adaꞌ noi mamaneneꞌ a!   
\p
\v 14 Leo mae lahenda fo ta Yahudi fa, ara ta ralelaꞌ Manetualain Atoran Na isi-liin, tehuu neme sira mai, hapu ruma tao tuka Atoran ria. Huu fo sira dale nara riꞌ nafada fee si, bea riꞌ matetuꞌ ma bea riꞌ sala.  
\v 15 No ria na, ara ratudu rae, Manetualain Atoran Na manaduiꞌ nai sira dale nara, sama leoꞌ abas fo Manetualain tenu ni nai dale nara. Sira dale nara siꞌ uku-sudi hata fo ara tao ni a. Sira duduꞌa-aafi mesa nara riꞌ rameda raan rae, ara tao salaꞌ do, tao matetuꞌ.  
\v 16 De maneniko dae-bafoꞌ a noe, sona neuꞌ ko Manetualain soꞌu na Yesus Kristus dadi Mana Ee Dedeaꞌ, Ana nau parisaꞌ nalulutuꞌ hata nino fo nanafuniꞌ nai lahenda dalen. Au anori-afada leo naꞌ, sama leoꞌ Manetualain Tutui Malole Na.   
\s2 Leo mae lahenda Yahudi ra tao tuka Manetualain Atoran Na, tehuu ria ta neni fee si sodaꞌ  
\p
\v 17 De emi lahenda Yahudi ra, leoꞌ bea? Emi mahiiꞌ io ao mara mae, noi emi riꞌ homu Manetualain Atoran fo Ana naondan tuka baꞌi Musa, hete? Emi boe mahiiꞌ maloloa bafa mara laꞌe-neuꞌ emi tututi-nanato mara mo Manetualain.  
\v 18 Tebe! Emi bubuluꞌ Manetualain hihii-nanaun so. Emi bubuluꞌ, bea riꞌ malole a nan seli. Emi bubuluꞌ basa hata ia ra, nana huu mesen nara ranori-rafada emi neme Manetualain Atoran Na mai so.  
\v 19 Emi mamahere ao-ina mara mae, emi bisa matudu enoꞌ neuꞌ lahenda fo ta bubuluꞌ nae leo beaꞌ neu. Emi tao ao-ina mara sama leoꞌ makaledoꞌ a nahaa soa-neuꞌ basa lahenda fo nasoda nai maiuꞌ a daleꞌ.  
\v 20 Huu no emi homu mahere Manetualain Atoran Na, de emi afi mae malelaꞌ basa-basan, ma emi homu basa-basan fo matetuꞌ a, hete? Huu ria na, de afi mae emi bisa manori-mafada lahenda pakanaꞌ a ma ana aanaꞌ fo ta nalelaꞌ hata-hata esa boeꞌ.   
\p
\v 21 De au nau atane leo iaꞌ: emi mahiiꞌ manori-mafada lahenda fekeꞌ ara, tehuu ubeaꞌ taon de emi ta nau manori hata-hata esa boeꞌ?! Emi meuꞌ kas lain, sona pareta mae, “Lahenda bosoꞌ namanaꞌo.” Tehuu ubeaꞌ taon de emi riꞌ mamanaꞌo?!  
\v 22 Emi manori-mafada mae, “Bosoꞌ hohoke.” Tehuu ubeaꞌ taon de emi riꞌ hohoke?! Emi eteꞌao mara mo hata sosokoꞌ a, tehuu ubeaꞌ taon de emi riꞌ mamanaꞌo hata-heto neme uma sosokoꞌ a mai?!  
\v 23 Emi dedea maloloa bafa mara laꞌe-neuꞌ Manetualain Atoran Na, tehuu ubeaꞌ taon de emi riꞌ malena laka neuꞌ Atoran ria, ma tao mamamaeꞌ Manetualain leoꞌ na?!  
\v 24 Huu fo neme fai a uluꞌ na mai, hapu manaduiꞌ nai Manetualain Susura Makamoi Na nae, “Huu no emi lahenda Yahudi ra tadalu mara, de lahenda fekeꞌ ara rahiiꞌ radadae Manetualain nade malole Na.”\x + \xo 2:24 \xt Yesaya 52:5\x*   
\s2 Leo mae lahenda Yahudi ra sunat, ria boe ta poꞌi-tata naa si  
\p
\v 25 Emi lahenda Yahudi ra muste sunat tuka Manetualain Atoran Na, hete? Memaꞌ emi sunat so. Sunat ria dadi tanda nae, emi manuu haak sipo Manetualain hehelu-barataan. Maneniko emi sunat so tehuu malena laka neuꞌ Manetualain Atoran fekeꞌ Nara, sona Manetualain ta sipoꞌ emi fa. Emi dadi sama leoꞌ lahenda fo ta Yahudi fa, fo riꞌ ta parnaa sunat.  
\v 26 Afi matalolole! Maneniko lehenda fo ta sunat, tao tuka Manetualain Atoran Na, neuꞌ ko Manetualain sipoꞌ ana, sama leoꞌ ria nana lahenda Yahudi fo sunat so, hete?  
\v 27 Tehuu, besa-besa! Huu no lahenda fo ta Yahudi fa ara ta tao tuka Manetualain Atoran Na fo sunat, neuꞌ ko ara ratudu ubea? Ara ratudu emi sala mara nae, emi lahenda Yahudi fo sunat so a, malena laka Manetualain Atoran fekeꞌ Nara, leo mae emi bubuluꞌ Atoran sira neme fai a ulu na mai.   
\p
\v 28 Bosoꞌ afi mae, lahenda fo dadi baꞌi Abraham tititi-nonosin, ma sunat nai rou na, ria riꞌ tao nan dadi neuꞌ Manetualain lahenda matetun. Taꞌa!  
\v 29 Dadi Manetualain lahenda matetun, nana riꞌ lahenda fo malole no Manetualain. Sunat matetuꞌ, fo tao na lahenda dadi reuꞌ Manetualain anan, nana ta riꞌ tanda nai rou na, tehuu tanda nai dale na, fo Manetualain Dula-dale Na tao a. Manetualain riꞌ io lahenda rupa leo naꞌ a, ta lahenda dae-bafoꞌ a riꞌ io fa.\x + \xo 2:29 \xt Tui Seluꞌ Laꞌe Neuꞌ Eno Sodaꞌ a 30:6\x*   
\c 3  
\s2 Leo mae lahenda Yahudi ra ranuu haak sipo posaka neme Manetualain hehelu na mai, ria boe ta poꞌi-tata naa si  
\p
\v 1 Kalu leoꞌ na, sona lahenda Yahudi fo sunat a, onto ubeaꞌ? Bate emi afi mae, lahenda Yahudi ra hapu dodouꞌ ma malole lena, neme lahenda fo ta Yahudi ra fa hete?  
\v 2 Tebe! Lahenda Yahudi ra hapu oontoꞌ nai hata dodouꞌ. Masososan, huu no Manetualain fee lahenda Yahudi ra nonoi-lakaꞌ, ela duiꞌ ma ranea ratalolole Ria Hara-dasin.  
\v 3 De leoꞌ bea? Bate emi afi mae, Manetualain ta bisa tao tuka hata fo riꞌ Ana nafada, nana huu lahenda Yahudi ruma ta ramahere Ni fa do?  
\v 4 Ta bisa fa! Leo mae basa lahenda rai dae-bafoꞌ ia mapuputaꞌ ara, tehuu Manetualain riꞌ dedea naroo matetuꞌ a! Mafarereneꞌ hata fo manaduiꞌ nai Susura Makamoiꞌ daleꞌ laꞌe-neuꞌ Manetualain nae,  
\q1 “Lahenda fo riꞌ tuꞌu salaꞌ nae,  
\q2 Ana naetuꞌ dedeaꞌ ta beibeberaꞌ.  
\q1 Tehuu neuꞌ ko ara bubuluꞌ rae,  
\q2 hata fo Ana dedea ni a, memaꞌ tebe.  
\q1 Tantu Ana naseki,  
\q2 nana huu Ana ta bisa dedea sala fa.”\x + \xo 3:4 \xt Sosoda Iꞌio-oꞌoaꞌ ara 51:4\x*   
\p
\v 5 Maneniko ita tao salaꞌ, tehuu Manetualain bei tao malole laꞌo naroo neuꞌ ita. Ria natudu ledo-ledo neuꞌ basa lahenda ra nae, hata fo Manetualain taon memaꞌ tebe natetu no Ria dedean. Kalu leo naꞌ, sona ita bei tae ubeaꞌ bali? Sakaꞌ tae, maneniko Manetualain naetu huhukuꞌ neuꞌ ita, sona ta beibeberaꞌ fa, do? (Huu fo lahenda ruma dedea rae leoꞌ na.)  
\v 6 Ta bisa fa! Maneniko Manetualain fee ita huhukuꞌ, sona Ana ta sala fa. Huu fo Ana nanuu haak de huku lahenda fo tao salaꞌ nai dae-bafoꞌ ia.   
\p
\v 7 Maneniko au ta atetu a hehelu ka, tehuu Manetualain natetu na hehelu Na laꞌo naroo, sona ria natudu nae, Ria nana, kahereꞌ. Ubeaꞌ taon de Ana parisaꞌ au soda ka, boe ma naetuꞌ au dedea ka nae, hata fo au tao ni a, sala?  
\v 8 Bosoꞌ leo naꞌ! Maneniko nau tuka duduꞌa-aafi leo naꞌ, emi tuka lahenda fo riꞌ nae, “Nemeꞌ na ela ita tao salaꞌ dodouinaꞌ, fo ela malole a boe tamba dodouꞌ!” Lahenda fo dedea nae leoꞌ na, naraa hapu huhukuꞌ. Tehuu lahenda tao namumulu au nade ka nae, au anori-afada lahenda leo naꞌ.   
\s1 Ta hapu lahenda esa dale na roos a matetuꞌ boeꞌ, huu fo basan tao salaꞌ  
\p
\v 9 De leoꞌ bea? Emi afi mae ita lahenda Yahudi a malole lena neme lahenda fo ta Yahudi ra fa? Ta bisa fa! Huu fo au atudu neuꞌ emi ae, basa lahenda ra tuda rala salaꞌ daleꞌ so, leo mae ria lahenda Yahudi do, ta Yahudi fa.  
\v 10 Sama leoꞌ manaduiꞌ nai Manetualain Susura Makamoi Na nae,  
\q1 “Ta hapu lahenda nasoda roo-tetuꞌ laꞌo naroo.  
\q2 Ta hapu esa boeꞌ!   
\q1
\v 11 Ta hapu lahenda bubuluꞌ matetuꞌ laꞌe-neuꞌ Manetualain.  
\q2 Ta hapu esa saka Manetualain boeꞌ.   
\q1
\v 12 Basa si heo reme eno masoda roo-tetuꞌ a mai.  
\q2 De ara ta dadadiꞌ soꞌ.  
\q1 Ta hapu lahenda natudu dale malole.  
\q2 Ta hapu esa boeꞌ!\x + \xo 3:12 \xt Sosoda Iꞌio-oꞌoaꞌ ara 14:1-3; 53:1-3\x*   
\q1
\v 13 Sira dedea-nafadan, naboo puru,  
\q2 sama leoꞌ rates fo lahenda ali seluꞌ ana.  
\q1 Sira bafa nara kalua adaꞌ noi napuputaꞌ a.  
\q1 Sira dedean fo kalua neme bafa nara mai,  
\q2 sama leoꞌ meke a raso na.\x + \xo 3:13 \xt Sosoda Iꞌio-oꞌoaꞌ ara 5:10; 140:4\x*   
\q1
\v 14 Sira bafa nara ralelaꞌ adaꞌ noi doꞌi lahenda,  
\q2 ma dedea tadaluꞌ fo tao fee lahenda dale hedi,  
\q3 huu fo ria riꞌ kalua neme sira dale tadalu nara mai.\x + \xo 3:14 \xt Sosoda Iꞌio-oꞌoaꞌ ara 10:7\x*   
\q1
\v 15 Ara ta biiꞌ raisa lahenda.   
\q1
\v 16 Ara leo beaꞌ reu sona,  
\q2 ara rahiiꞌ tao nahoteꞌ nai na,  
\q2 ma tao susa rupaꞌ ara neuꞌ lahenda.   
\q1
\v 17 Ara ta rasoda no mole-dame,  
\q2 ma ta rasoda no tesatei-tamadaleꞌ.\x + \xo 3:17 \xt Yesaya 59:7-8\x*   
\q1
\v 18 Ara ta bisa ranenete rala ao nara fa,  
\q2 nana huu ta bii Manetualain baiꞌ boeꞌ.”\x + \xo 3:18 \xt Sosoda Iꞌio-oꞌoaꞌ ara 36:2\x*   
\p
\v 19 No ria na, ta hapu lahenda esa bisa nae, ria salan taꞌa. Huu fo Ita bubuluꞌ tae, Manetualain fee Atoran Na neuꞌ lahenda, ela tao tukan. Neuꞌ ko dae-bafoꞌ ia noe, te basa lahenda nai dae-bafoꞌ ia muste rasare Manetualain, ela Ana naetuꞌ sira dedea nara nae, ara sala, do taꞌa.  
\v 20 Huu ria na, de ta hapu lahenda esa bisa nafada nae, “Manetualain tao au neuꞌ, lahenda dale roos, nana huu au tao tuka Ria Atoran nara katemaꞌ.” Ta bisa fa! Huu fo Manetualain Atoran Na riꞌ natudu nae, ita basa tao salaꞌ.\x + \xo 3:20 \xt Sosoda Iꞌio-oꞌoaꞌ ara 143:2; Galatia 2:16\x*   
\s1 Ita muste tamahere Ramatua Yesus, besaꞌ ko Manetualain tao ita neuꞌ lahenda dale roos  
\p
\v 21 Bosoꞌ moi patararaaꞌ a laꞌe-neuꞌ Manetualain eno Na ela ita bisa malole seluꞌ to Ni. Matetu na, ita bisa malole to Ni, ta huu ita tao tuka Ria Atoran Na fa. Ria Atoran na riꞌ manaduiꞌ leo naꞌ, ma Ria mana nesi mata fai ulu nara boe rafada leoꞌ na nai Manetualain Susura Makamoi Na daleꞌ.  
\v 22 Manetualain tao ita neuꞌ lahenda dale roos, de malole to Ni, tepoꞌ fo ita tamahere Yesus Kristus. Ana ta hehere mata fa, nana huu Ana tao leo naꞌ soa-neuꞌ basa lahenda fo ramahere Yesus.\x + \xo 3:22 \xt Galatia 2:16\x*   
\p
\v 23 Manetualain nana lalao-lalafuꞌ. No ria na, ita boe muste lalao-lalafuꞌ, besaꞌ ko Ana bisa sipoꞌ na ita. Tehuu basa lahenda tao salaꞌ. Huu ria na, de lahenda fo soba-soba tao aon malole no Manetualain, ta bisa lalao-lalafuꞌ sama leoꞌ Manetualain.  
\v 24 Leo mae leoꞌ na, tehuu Manetualain riꞌ natudu dale malole Na, ma naetuꞌ nae, ita salaꞌ taꞌa so. Ana sipoꞌ ita leoꞌ na, nana huu Yesus Kristus soi-tefa na ita teme sala-sikoꞌ ara mai so.   
\p
\v 25-26 Manetualain tudu na Yesus, fo dadi tutunu-hohotu napoti mamaeꞌ, ela sae-safe heni ita sala-siko nara. Tehuu ita muste tamahere Ni tae, Ana sipo na ita huhuku na. De Ana fee daa Na faa, ma mate kati ita. No ria na, Manetualain natudu nae, hata fo Ana naetuꞌ basan a, tebe. Fai a ulu na, Ana nanenete nan seli, de Ana here nau nafarene heni sala-sikoꞌ fo riꞌ maulu na lahenda tao a. Tehuu maneniko Ana ta huku lahenda masalaꞌ a, sona ta beibeberaꞌ fa. De Ana soi enoꞌ fo ela Yesus Kristus bisa lepa-nasaa ita lahenda masalaꞌ a huhuku na. Besaꞌ ia, Ana natudu neuꞌ basa lahenda ra nae, Ana tao malole naroo. Basa lahenda masalaꞌ fo ramahere Yesus, Ana naetuꞌ nan tao si reuꞌ lahenda dale roos.   
\p
\v 27 De leo beaꞌ? Bate afi mae emi bisa dedea bau-inaꞌ, nana huu Manetualain sipoꞌ na emi so, do? Ta bisa fa! Nau natudu Atoran esa, fo tao na emi malole mo Manetualain, do? Bate mae Manetualain sipoꞌ emi, nana huu emi tao hata malole, do? Ta bisa fa! Ita bisa tatudu adaꞌ noi Atoran fo nae, Manetualain sipoꞌ ita nana huu tamahere Yesus. Noi ri naꞌ so!   
\p
\v 28 Huu ria na, de besaꞌ ia ita bubuluꞌ leo iaꞌ: lahenda bisa malole no Manetualain, nana huu ara ramahere Ni, ta huu ara tao tuka Ria Atoran Na fa.   
\p
\v 29 Au nau atane leo iaꞌ: Manetualain sipoꞌ adaꞌ noi lahenda Yahudi ra do, Ana sipoꞌ lahenda fekeꞌ ara boe! Tebe! Ana sipoꞌ basa-basan!   
\p
\v 30 Manetualain nana, adaꞌ noi esaꞌ a. Ma Ana sipoꞌ adaꞌ noi enoꞌ esa, fo ita lahenda dae-bafoꞌ a bisa malole too Ni. Nana riꞌ ita tamahere Kristus. Enoꞌ ria riꞌ, soa-neuꞌ lahenda Yahudi ma lahenda ta Yahudi ra boe.\x + \xo 3:30 \xt Tui Seluꞌ Laꞌe Neuꞌ Eno Sodaꞌ a 6:4; Galatia 3:20\x*   
\p
\v 31 De au nau atane leo iaꞌ: maneniko ita tamahere Kristus, sona ose heni Manetualain Atoran Na, do? Taꞌa! Matetu na, tamahere Kristus riꞌ tao tatetea Manetualain Atoran Na.   
\c 4  
\s2 Natutuduꞌ neme baꞌi Abraham. Ana malole no Manetualain nana huu namahere Ni  
\p
\v 1 De hai conto neme lahenda Yahudi ra baꞌin Abraham. Ita bisa tanori ubeaꞌ nemeꞌ ana mai, laꞌe-neuꞌ lahenda malole ro Manetualain, nana huu namahere Kristus?   
\p
\v 2 Ita bisa tanori leo iaꞌ: kalu Abraham bisa malole no Manetualain nana huu ana tao hata malole, sona ria boe hapu neteꞌ fo bisa dedea bau-inaꞌ nai lahenda dae-bafoꞌ a matan. Tehuu nai Manetualain matan, ana ta bisa dedea hata-hata esa boeꞌ.  
\v 3 Huu fo manaduiꞌ nai Manetualain Susura Makamoi Na daleꞌ nae,  
\q1 “Huu no Abaraham namahere Manetualain,  
\q2 de Manetualain tao ni neuꞌ, lahenda dale roos fo malole no Ni.”\x + \xo 4:3 \xt Tutui Masososaꞌ 15:6; Galatia 3:6\x*   
\p
\v 4 Lahenda fo noi-tao, sona ana sipo kadi na. Kadi ria nana ta doi parsen fa, tehuu doiꞌ fo malaka a bae lahenda ria sosota na. Huu fo lahenda mana noi a haak na ria.  
\v 5 Manetualain riꞌ nanuu haak de nae, lahenda fo namahere Yesus Kristus bisa malole seluꞌ no Ni, leo mae maulu na lahenda ria tao salaꞌ, ma ta tao daleꞌ neuꞌ Manetualain. Ta hapu lahenda bisa tao hata esa, ela ana malole no Manetualain. Lahenda muste namahere Yesus Kristus, besaꞌ ko Manetualain tao ni neuꞌ dale roos, ma sipoꞌ ana.   
\p
\v 6 Mane Daud a boe nafada nae, lahenda namahoꞌo-natadale tepoꞌ fo Manetualain tao si neuꞌ nae, sira nana lahenda dale roos, leo mae ara ta tao hata-hata esa boeꞌ. Huu fo Daud duiꞌ nae:   
\q1
\v 7 “Leo mae lahenda ia ra ralena laka neuꞌ Manetualain Atoran Na,  
\q2 tehuu Ana sae-safe heni sala-siko nara so.  
\q3 Huu ria na, de ara raua-ranale ran seli!  
\q1 Lahenda fo ara tao tadaluꞌ,  
\q2 Manetualain nafarene heni sala-siko nara so.   
\q1
\v 8 Maneniko Ramatuaꞌ a ta bareken lahenda sala-sikon,  
\q2 sona lahenda ria naua-nanale matetu!”\x + \xo 4:8 \xt Sosoda Iꞌio-oꞌoaꞌ ara 32:1-2\x*   
\p
\v 9 Bate emi afi mae, adaꞌ noi lahenda Yahudi fo sunat, bisa naua-nanale, de malole no Manetualain, hete? Ma lahenda nusa fekeꞌ fo ta sunat, ta bisa fa, hete? Taꞌa! Duduꞌa-aafi leo naꞌ a, sala! Huu ria na, de ami fee emi nafarereneꞌ mae, huu no Abraham namahere Manetualain, de Ana tao ni neuꞌ lahenda dale roos fo malole no Ni.  
\v 10 Fai bea rina Manetualain tao Abraham leo naꞌ a? Fai fo ana sunat do, fai fo ana bei ta sunat fa? Matetu na nana, ta fai fo ana sunat basa, tehuu fai fo bei ta sunat.   
\p
\v 11 Tebe! Tepoꞌ fo Abraham bei ta sunat, Manetualain tao ni neuꞌ, lahenda dale roos, de malole no Manetualain. Nai mabui besaꞌ ko ana sunat ela dadi tanda nae, ana dadi lahenda kamahereꞌ neuꞌ Manetualain. No ria na, Abraham riꞌ soi enoꞌ fee basa lahenda fo ramahere Manetualain. Manetualain sipoꞌ basa lahenda fo ramahere Ni, ela ara malole roon, leo mae ara sunat, do taꞌa.\x + \xo 4:11 \xt Tutui Masososaꞌ 17:10\x*  
\v 12 Abraham boe soi enoꞌ fee ami lahenda Yahudi fo sunat. Nana ta \it huu no\it* ami sunat, tehuu no ami mamahere Kristus sama leoꞌ Abraham namahere Manetualain, tepoꞌ fo ana bei ta sunat.   
\s1 Maneniko ita tamahere Manetualain, sona ita sipo hata fo Ana helu a  
\p
\v 13 Manetualain helu-barataa neuꞌ Abraham no tititi-nonosi nara nae, neuꞌ ko dae-bafoꞌ a katemaꞌ dadi neuꞌ sira posakan. Manetualain helu leoꞌ na, nana huu Abaraham namahere Ni, de tao ni neuꞌ lahenda dale roos fo malole no Ni. Tehuu Manetualain ta helu leo naꞌ, nana huu Abraham tao tuka Ria Atoran nara.\x + \xo 4:13 \xt Tutui Masososaꞌ 17:4-6; 22:17-18; Galatia 3:29\x*   
\p
\v 14 Maneniko lahenda tao tuka adaꞌ noi Manetualain Atoran Na bisa sipo posaka fo riꞌ Manetualain helu a, sona ria sosoa na nae, namahere na neuꞌ Manetualain mana dadi taaꞌ. Ma Manetualain hehelun ria, boe ta nanuu sosoa-raraaꞌ fa.\x + \xo 4:14 \xt Galatia 3:18\x*  
\v 15 Manetualain Atoran na nai bea, sona nai na boe lahenda ralena laka neuꞌ Atoran ria. Maneniko lahenda ralena laka neuꞌ Manetualain Atoran na, sona Ana namanasa, de Ana huku si. Maneniko ta hapu Manetualain Atoran na, sona tantu ta hapu lahenda nalena laka neuꞌ Atoran ria.   
\p
\v 16 Huu ria na, de ita muste tamahere Ni, lena heni basa-basan. Manetualain nau natudu dale malole Na neuꞌ lahenda fo ramahere Ni. Ma kalu ita tamahere Ni sama leoꞌ Abraham, tantu ita sipo hata fo Ana helu a, leo mae ita lahenda Yahudi fo tao tuka Ria Atoran na, do taꞌa. De, ita basa fo riꞌ tamahere a, sama leoꞌ Abaraham tititi-nonosin.\x + \xo 4:16 \xt Galatia 3:7\x*  
\v 17 Nai Manetualain Susura Makamoin daleꞌ, Ana helu neuꞌ Abraham nae, “Au tao o dadi muꞌ lahenda nusaꞌ dodouꞌ bei-baꞌin.” Abraham namahere Manetualain, de Ana tao natetu hehelu-barataan. Ria riꞌ fee lahenda mana mateꞌ ara rasoda selu boeꞌ. Ana adaꞌ noi dedeaꞌ a boe, tantu basa-basan dadi.\x + \xo 4:17 \xt Tutui Masososaꞌ 17:5\x*   
\p
\v 18 Abraham namahere, de nahani Manetualain tao natetu Ria hehelu-barataan, leo mae bei ta nanuu anaꞌ fa. Huu ria na, de Manetualain tao nan dadi neuꞌ “lahenda nusaꞌ dodouꞌ bei-baꞌin.” Ria sama leoꞌ manaduiꞌ nai Ramatuaꞌa Susura Makamoi Na daleꞌ nae, “Neuꞌ ko tititi-nonosiꞌ dodouꞌ remeꞌ o mai.”\x + \xo 4:18 \xt Tutui Masososaꞌ 15:5\x*  
\v 19 Abraham namahere tebe-tebe Manetualain, leo mae ana bubuluꞌ nae namalasi nan seli, teu ni natun esa so. Ma Sara boe tedi ni, ma namalasi kokoo so.\x + \xo 4:19 \xt Tutui Masososaꞌ 17:17\x*  
\v 20 Tehuu Abraham namahere na ta nataleko fa. Ana namahere tebe-tebe nae, Manetualain tantu tao natetu Ria hehelu-barataan. Ana namahere tebe-tebe neuꞌ Manetualain, de ana soꞌu nadedema Manetualain nade Na.  
\v 21 Abraham namahere tebe-tebe nae, hata fo Manetualain helu so a, Ana nabeꞌi tao tukan.  
\v 22 Huu ria na, de Manetualain tao Abraham neuꞌ, lahenda dale roos fo malole no Ni.   
\p
\v 23 Tehuu Manetualain Susura Makamoi Na nae, Manetualain tao leo naꞌ ta noi neuꞌ Abraham mesaꞌ ana,  
\v 24 tehuu neuꞌ ita boe! Maneniko ita tamahere Ni, Ana tao ita neuꞌ lahenda dale roos fo malole to Ni. Manetualain riꞌ fee ita Ramatuan Yesus nasoda seluꞌ neme mamate Na mai.  
\v 25 Yesus mate, nana huu ita tatao sala-sikon. Basa boe ma Ana nasoda seluꞌ, de soi enoꞌ fo ita bisa malole seluꞌ to Manetualain.\x + \xo 4:25 \xt Yesaya 53:4-5\x*   
\c 5  
\s1 Lahenda bisa malole ro Manetualain sadi ara ramahere Yesus Kristus  
\p
\v 1 Huu no ita tamahere Manetualain, de Ana tao ita neuꞌ lahenda dale roos. De ita dale na boe dadi makamoiꞌ fee Manetualain, nana huu ita Ramatuan Yesus Kristus, fo riꞌ Manetualain fee Ni mai, Ana soi enoꞌ ela ita bisa tamole-tadame ao leoꞌ na.  
\v 2 Kristus natudu dale malole Na neuꞌ ita leoꞌ na, nana huu ita tamahere Ni. Huu ria na, de ita dale na bisa dadi tea-mepeꞌ. Ma ita tamahoꞌo-tatadale, nana huu ami bubuluꞌ mae, neuꞌ ko Manetualain nau soꞌu na ita fo tameda tita Ria kahere Na.   
\p
\v 3 Leo mae ita hapu susa rupaꞌ ara, tehuu ita tamahoꞌo-tatadale taroo. Ita bubuluꞌ tae, ita tanori neme susa a mai, fo ela ita bisa boe-boe tatea bali.  
\v 4 Kalu ita tanenete nai susa a daleꞌ, ria ta natuda ita fa, ma ita soda na tao na Manetualain namahoꞌo. Maneniko ita tasoda tea-mepeꞌ leoꞌ na, ria tao na ita tamahere teteaꞌ tae, neuꞌ ko Manetualain natudu dale malole Na neuꞌ ita.  
\v 5 Maneniko ita tamahere teteaꞌ leoꞌ na, ita ta maeꞌ fa. Huu fo Manetualain fee ita Dula-dale Malalao-malalafu Na, ela ita bisa bubuluꞌ nai ita dale na tae, Ana sue na ita seli.   
\p
\v 6 Ana natudu susue Na leo iaꞌ: tepoꞌ fo ita bei ta tabeꞌi tao ao-inaꞌ ara malole to Manetualain, te Ana fee Kristus mai ela mate soa-neuꞌ ita fo riꞌ tasoda ta tao daleꞌ neuꞌ Manetualain. Manetualain here na ledo-fai matetu-maraaꞌ leo naꞌ a.  
\v 7 Afi matalolole dei! Ta hapu lahenda sadia mate kati tia-lai dale roos na. Bate hapu lahenda ruma sadia mate, ela tulu-fali lahenda dale malole a.  
\v 8 Tehuu Manetualain natudu dale susue kadodou Na fee ita so. Nana huu, tepoꞌ fo ita bei tao salaꞌ, Kristus mate soa-neuꞌ ita.   
\p
\v 9 Manetualain tao ita neuꞌ lahenda dale roos fo malole to Ni, nana huu Kristus fee daa Na faa fo mate soa-neuꞌ ita. Sekona te, maneniko lahenda tao salaꞌ, sona Manetualain namanasa. Tehuu no Kristus tataon ria, ita fo tao salaꞌ a, ta hapu huhukuꞌ soꞌ.   
\p
\v 10 Fai a ulu na, ita musu to Manetualain. Tehuu Manetualain Ana Na riꞌ mate fo tao masufu Manetualain dale Na, fo ela ita bisa mole-dame to Ni. De besaꞌ ia ita ta musunooꞌ soꞌ, tehuu malole seluꞌ so. Lena-lenaꞌ bali, nana huu Kristus nasoda seluꞌ so, neuꞌ ko nai dae-bafoꞌ a nonoe na, Ana poꞌi-tata naa ita, ela bosoꞌ hapu Manetualain huhuku na bali.  
\v 11 Ta noi ria fa! Ita bisa tamahoꞌo-tatadale tae, “Manetualain nana, kahereꞌ nan seli!” nana huu ita nanahekeꞌ to Ni. Ita bisa dadi teuꞌ Ria lahendan, nana huu ita Ramatuan Yesus Kristus, mate soa-neuꞌ ita, de tao na ita mole-dame to Manetualain.   
\s1 Kalu ita tararaaꞌ Adam no Kristus, sona sama, tehuu esaꞌ ko enon  
\p
\v 12 De neme fai a ulu na mai, lahenda masososaꞌ, riꞌ baꞌi Adam, ana mulai tao salaꞌ. Huu ria na, de Manetualain ta nataaꞌ ana nasoda naroo fa. Mulai tepoꞌ ria, basa lehenda nai dae-bafoꞌ ia tao salaꞌ sama leoꞌ ria boe. Ma huu no ara tao salaꞌ sama leoꞌ ria, de basa si muste mate belaꞌ a boe.\x + \xo 5:12 \xt Tutui Masososaꞌ 3:6\x*  
\v 13 Fai a ulu na, tepoꞌ fo Manetualain bei ta naonda Atoran nara, lahenda tao salaꞌ nai dae-bafoꞌ ia katemaꞌ. Tehuu no bei ta hapu Atoran fa, de ta hapu esa reke lahenda sala-siko nara boeꞌ.  
\v 14 Neme baꞌi Adam mai, losa baꞌi Musa sipo Manetualain Atoran na, basa lahenda tantu mate. Leo mae ara ta ralena laka Manetualain paretan fo Ana feen neuꞌ Adam, tehuu ara bei tao sala-siko rupa fekeꞌ ara. Huu ria na, de ara muste mate, sama leoꞌ Adam.  
\p Maneniko ita tararaaꞌ baꞌi Adam no Ramatua Yesus, sona dua si sama, ma dua si esaꞌ ko enon boe. Adam sama leoꞌ gambar esa, de natudu Yesus rupa-lolen, fo neuꞌ ko toda mai.  
\v 15 Tehuu Adam tatao sala-siko na, ta sama leoꞌ Yesus tatao malole na soa-neuꞌ ita a. Lahenda esa, fo riꞌ Adam, nalena laka Manetualain pareta Na. Huu ria na, de basa lahenda muste mate. Tehuu Lahenda esa bali, fo riꞌ Yesus Kristus, tao malole rupaꞌ ara soa-neuꞌ ita, ma ta nahani lahenda balas Ria malole Na. Lahenda iseꞌ ria tatao na, namadai soa-neuꞌ basa lahenda ra, huu fo Manetualain nahiiꞌ tao malole fee ita.  
\v 16 Manetualain fee ita a, fekeꞌ nemeꞌ salaꞌ lahenda kaiseꞌ, fo riꞌ Adam tao a. Tepoꞌ fo ana tao salaꞌ, Manetualain naetuꞌ nae, “O sala. De o muste hapu huhukuꞌ!” Tehuu leo mae lahenda tao salaꞌ mauunuꞌ, Manetualain riꞌ parisaꞌ basa lahenda ra masoda na, bei nau natudu dale malole Na, ma naetuꞌ nae, “Au tao o neuꞌ ta sala fa. De, besaꞌ ia o poꞌiloaꞌ, ma ta hapu huhukuꞌ soꞌ. Mai fo malole seluꞌ mo Au!”  
\v 17 De lahenda esa, fo riꞌ Adam tao salaꞌ, ma nalena laka Manetualain pareta Na. Huu ria na, de besaꞌ ia basa lahenda ra muste mate. Tehuu Lahenda esa bali, fo riꞌ Yesus Kristus, tao malole. Huu no tatao Ni ria, de ita bisa malole to Manetualain. Ria sama leoꞌ Ana parsen fee ita hata esa. Ana nau ita hapu soda matetuꞌ, sama leoꞌ ita hapu kuasa, de pareta nai dae-bafoꞌ a sama-sama too Kristus.   
\p
\v 18 De lahenda esa tatao sala-sikon, soi enoꞌ fo basa lahenda ra muste hapu huhukuꞌ neme Manetualain mai. Ma Lahenda esa tatao roo-tetu Na bali, riꞌ soi enoꞌ fo basa lahenda ra bisa malole seluꞌ ro Manetualain, ela hapu soda matetuꞌ mana basa taaꞌ a.  
\v 19 Au maksud ka leo iaꞌ: Adam nana, lahenda esa rian fo ta nau namanene neuꞌ Manetualain, de nalena laka pareta Na. Ma lahenda dodouꞌ tao salaꞌ sama leoꞌ ria boe. Boe ma Yesus nana, Lahenda esa rian fo namanene neuꞌ Manetualain, ma tao tuka Ria hihii-nanaun. Ria riꞌ soi enoꞌ de lahenda dodouꞌ bisa malole seluꞌ ro Manetualain.   
\p
\v 20 Manetualain naonda Ria Atoran na neuꞌ baꞌi Musa, ela basa lahenda ra bubuluꞌ matetuꞌ, bea riꞌ sala. Tehuu nai mamanaꞌ bea lahenda sala na tamba dodouꞌ, nai na boe Manetualain natudu dale malole kadodouina Na.  
\v 21 Fai a ulu na, tadaluꞌ nai lahenda dalen nanuu kuasa de ator neuꞌ asa, losaꞌ ara tao salaꞌ fo neni huhuku mamates. Tehuu besaꞌ ia, hata malole fo ita Ramatuan Yesus Kristus tao ni a, Manetualain pake ni, fo natudu dale malole Na neuꞌ ita. Ma hata malole ria nanuu kuasa fo ator ita, boe ma ita bisa malole to Manetualain, de hapu soda matetuꞌ mana basa taaꞌ a.   
\c 6  
\s1 Ita muste foa ela sala-sikoꞌ ara, fo tasoda tuka Manetualain hihii-nanaun  
\p
\v 1 De besaꞌ ia ita tae ubea? Bate emi afi mae, “Manetualain nafarene heni ami sala-siko mara so, nana huu dale malole Na. Huu ria na, de malole lenaꞌ ami tao salaꞌ maroo, fo ela Manetualain natudu dale malole Na, lena-lenaꞌ neuꞌ ita.”  
\v 2 Ta bisa fa! Ta naraa kalu ita tao taroo salaꞌ, huu fo taetuꞌ tae, ita foa ela sala-sikoꞌ ara so. Ita ta nanahekeꞌ nai tadaluꞌ a soꞌ, de ria sama leoꞌ ita mate! Lahenda fo mate so a, ta bisa tao salaꞌ soꞌ hete? Maneniko ita mate, sona tao leoꞌ bea de ita bisa tao salaꞌ bali? Ta bisa fa hete?   
\p
\v 3 Bate emi ta bubuluꞌ mae, tepoꞌ fo ita sarani a, ria dadi tanda nae, ita foa ela masoda paraaꞌ a, de dadi lahenda bebeuꞌ, fo riꞌ nanahekeꞌ to Yesus Kristus. Ria sama leoꞌ ita mate sama-sama to Ni so.  
\v 4 Fai fo Kristus mate, ara ratoi Ni. Ma fai fo ita sarani, ria sama leoꞌ ita masoda paraa na boe maten, de ratoin. Amaꞌ Manetualain pake kuasa kahere Na, de fee Kristus nasoda seluꞌ neme mamate Na mai. Amaꞌ Manetualain nahiiꞌ ita sipoꞌ Ria kuasa Na, ela tasoda dadi lahenda bebeuꞌ seluꞌ.\x + \xo 6:4 \xt Kolose 2:12\x*   
\p
\v 5 Ria sama leoꞌ ita mate sama-sama to Yesus. De ita fo nanahekeꞌ to Ni, neuꞌ ko ita boe tasoda seluꞌ teme mamate ara mai, sama leoꞌ Ana nasoda seluꞌ so a.   
\p
\v 6 Fai a ulu na, ita dadi lahenda fo riꞌ tao sala rupaꞌ ara. Tehuu ita masoda paraa na, nalulutuꞌ, sama leoꞌ ara paku raisa ita nai ai kakeꞌ a sama-sama to Kristus. Besaꞌ ia, tadaluꞌ nai ita dale na ta nanuu kuasa fo ator ita soꞌ. Besaꞌ ia, ita ta nanahekeꞌ fo tao salaꞌ soꞌ. Ita ta sama leoꞌ ata fo ta nanuu haak ela nau tao ubeaꞌ.  
\v 7 Maneniko lahenda a mate, sona ria poꞌi-lotaꞌ, hete? Ta hapu esa bisa naseti ni fo ana tao salaꞌ bali.   
\p
\v 8 Huu ria na, de ria sama leoꞌ ita mate sama-sama to Kristus, sona ita tamahere tae, neuꞌ ko ita tasoda taroo to Ni boe.  
\v 9 Ita bubuluꞌ tae, huu no Kristus nasoda seluꞌ neme mamate Na mai, Ana ta mate nasarei soꞌ. Ta hapu hata esa nanuu kuasa, fo tao namate Ni.  
\v 10 Fai a ulu na, Ria mate laiꞌ esa, fo feꞌa heni salaꞌ a kuasa na. Tehuu besaꞌ ia, Ana nasoda fo natudu hada-horomata neuꞌ Manetualain.   
\p
\v 11 Emi muste tao ao-ina mara leo naꞌ boe. Sama leoꞌ emi mate, huu ria na de salaꞌ a ta nanuu kuasa neuꞌ emi soꞌ. De besaꞌ ia, emi muste leo-laꞌo matudu hada-horomata neuꞌ Manetualain, nana huu emi nanahekeꞌ mo Yesus Kristus.   
\p
\v 12 Bosoꞌ mataaꞌ tadaluꞌ nai o dale ma, nanuu kuasa bisa ator o, ela tuka adaꞌ noi ao-ina ma hihii-nanaun, fo tao tadaluꞌ ara. Huu fo neuꞌ ko o mate.  
\v 13 Ma bosoꞌ fee heni ao-ina ma, fo tao hata ta matetu ara, te ria sala boe. Tehuu fee heni ao-ina ma neuꞌ Manetualain, sama leoꞌ o mate, de masoda seluꞌ ela Ria riꞌ ator o. De pake o ao-ina katematua ma fo tao hata malole fee Manetualain.  
\v 14 Bosoꞌ mataaꞌ salaꞌ a ator emi, sama leoꞌ salaꞌ a dadi neuꞌ emi malaka ma. Besaꞌ ia ta parluu emi leo-laꞌo tuka Musa atoran nara bali, ela malole seluꞌ mo Manetualain. Emi masoda roo-tetuꞌ, nana huu Manetualain natudu dale malole Na neuꞌ emi so. De besaꞌ ia, dale malole Ni ria, riꞌ ator emi.   
\s1 Ita dadi sama leoꞌ ata fo toi-tao tuka Manetualain hihii-nanaun  
\p
\v 15 De leo beaꞌ? Emi bate afi mae, “Ta parluu ita tao tuka baꞌi Musa atoran na bali, ela malole to Manetualain. Kalu leoꞌ na, sona ela ita tao salaꞌ laꞌo naroo leo. Huu fo Manetualain bei nau natudu Ria dale malole Na neuꞌ ita!” Emi afi leo naꞌ, hete? Au afada, e! Ria nana, sala!   
\p
\v 16 Au hai conto neme malaka a no ata. Maneniko emi fee heni ao-ina mara, fo moi-tao fee lahenda esa, sona emi muste mamanene neuꞌ ana, ma tao tuka ria hihii-nanaun. Huu fo ria nana emi malaka ma. Ma emi nana, ria ata na. Leoꞌ na boe, emi bisa here nau tuka bea. Emi bisa here tao salaꞌ, boe ma emi dadi meuꞌ salaꞌ a atan. Tehuu maneniko emi here leo naꞌ, sona emi tao ma ao-ina mara bika-bati meme Manetualain mai. Do, emi bisa here tao roo-tetuꞌ, ma dadi ata de tao tuka hata fo Manetualain nadenu emi a. Maneniko emi here leo naꞌ, sona emi bisa malole mo Ni!   
\p
\v 17 Fai a ulu na, emi moi mataaꞌ a fo salaꞌ a riꞌ ator emi, tehuu besaꞌ ia emi mamanene neuꞌ dale mara, de tao tuka hata fo lahenda saraniꞌ ara ranori-rafadan neuꞌ emi a. Huu ria na, de au hule makasi neuꞌ Manetualain.  
\v 18 Manetualain poꞌi-tata na emi meme salaꞌ a kuasa na, losaꞌ salaꞌ a ta ator emi soꞌ. De besaꞌ ia, hata roo-tetuꞌ a riꞌ ator emi.   
\p
\v 19 Au dedea ia, pake conto fai-faiꞌ neme malaka a no ata, ela emi bubuluꞌ au maksud ka. Fai a ulu na emi fee heni ao-ina mara dadi sala-sikoꞌ a atan de masoda tao salaꞌ. No ria na Musa atoran na riꞌ nafada nae, emi dadi makekeo-makakanuꞌ so. Tehuu besaꞌ ia emi muste fee heni ao-ina mara dadi roo-tetuꞌ a atan de masoda tao noi roo-tetuꞌ, no ria na emi dadi lalao-lalafuꞌ nai Manetualain matan.   
\p
\v 20 Fai a ulu na, tepoꞌ fo emi adaꞌ noi mamaneneꞌ a, ma tao tuka salaꞌ a hihii-nanaun, de emi ta nau mamanene ma tao tuka roo-tetuꞌ a.  
\v 21 Au nau atane leo iaꞌ: Emi hapu buna-boa malole ubeaꞌ neme emi tataom ria mai? Ta hapu fa, hete? Sekona te buna-boaꞌ fo emi hapu a, tao namamaeꞌ emi. Neme emi nonoi-tatao sala leoꞌ na mara, de mateꞌe na Manetualain hiru nasadea emi.   
\p
\v 22 Tehuu besaꞌ ia Manetualain poꞌi-tata na emi meme malaka paraaꞌ a, de emi bosoꞌ tao salaꞌ bali. Besaꞌ ia emi muste dadi meuꞌ Manetualain lahenda mana noi nara. Neuꞌ mateꞌe na, emi dadi meuꞌ Ria lahenda malalao-malalafun, ma hapu soda matetuꞌ mana basa taaꞌ a.  
\v 23 Fai fo ita tao salaꞌ, ria seseba na, riꞌ Manetualain nasadea ita losa doo na neu. Ita mate so! Tehuu Manetualain sadia eno kalua esa fee ita. Ana nau parsen fee ita soda matetuꞌ mana basa taaꞌ a. Ma ita hapu sodaꞌ ria, kalu dadi teuꞌ Ramatua Yesus Kristus lahendan.   
\c 7  
\s1 Kalu lahenda mate, sona hohoro-lalaneꞌ a atoran na ta nanuu haak soꞌ  
\p
\v 1 Toranoo kara emin! Besaꞌ ia, au afada soa-neuꞌ emi fo riꞌ bubuluꞌ hohoro-lalaneꞌ a atoran nara. Leo iaꞌ: maneniko emi bei masoda, hohoro-lalaneꞌ atoran na nanuu haak fo ator emi. Tehuu maneniko emi mate, sona atoran ria ta nanuu haak fo ator emi soꞌ.   
\p
\v 2 Au hai natutuduꞌ neme atoran saoina-saotouꞌ a mai. Maneniko inaꞌ esa no saotou na sao, sona tuka atoran na, sira dua dadi saoina-saotouꞌ losaꞌ mate. Tehuu maneniko saotou na maten, sona ina falu ria ta nanahekeꞌ no atoran ria. Ana bole sao seluꞌ.  
\v 3 Ma kalu saotou na bei nasoda, tehuu ana sao lahenda fekeꞌ, tuka atoran na sona ana hohoke ria so. Tehuu, maneniko saotou na mate ni, sona atoran saotou-saoinaꞌ a ta laꞌe ni soꞌ. Ria poꞌilotaꞌ so. Boe ma kalu ana sao lahenda fekeꞌ, sona tuka atoran na ana ta hohoke ria fa.   
\p
\v 4 Leoꞌ na boe neuꞌ emi kamahereꞌ ara! Kristus mate so. Ria nana sama leoꞌ emi mate sama-sama mo Ni boe, ma foa ela emi masoda paraa mara. De hohoro-lalaneꞌ a atoran na ta laꞌe emi soꞌ. Besaꞌ ia, emi poꞌi-lotaꞌ memeꞌ atoran ria mai, ma nanahekeꞌ mo Kristus, fo riꞌ nasoda seluꞌ neme mamate Na mai a. Ria sama leoꞌ ina falu fo sao seluꞌ. Salaꞌ taꞌa. De besaꞌ ia, basa-basan fo emi tao a, soa-neuꞌ Manetualain.   
\p
\v 5 Fai a ulu na, ita tao tuka adaꞌ noi ita ao-paa na hihii-nanaun. Huu fo ita bubuluꞌ atoran, tehuu ita bei tahiiꞌ talena laka atoran sira, de tao hata ta matetuꞌ fa. Ita salan ria, riꞌ tao na Manetualain hiru nasadea ita.  
\v 6 Fai a ulun na, ita muste tao tuka atoran na. Tehuu besaꞌ ia, atoran na ta laꞌe ita, huu fo ita tuꞌu-tapa heni ita masoda paraa na so. Tuka eno paraaꞌ a hihii-nanaun, sona Musa atoran na fo manaduiꞌ nai Susura Makamoiꞌ a nanahekeꞌ neuꞌ ita. Tehuu tuka eno bebeuꞌ a hihii-nanaun, sona ita poꞌi-lotaꞌ teme atoran ria mai so. Huu fo Manetualain Dula-dale Na riꞌ ator ita! Huu ria na, de besaꞌ ia ita tao tuka noi Manetualain hihii-nanaun.   
\s1 Musa atoran na natudu fee tadaluꞌ fo nai ita dale na  
\p
\v 7 De ita tae ubeaꞌ? Bate emi afi mae, “Atoran fo riꞌ Manetualain feen neuꞌ Musa a, nana sala!” Taꞌa! Maneniko au ta bubuluꞌ atoran ria, sona au ta bisa bubuluꞌ hata fo ta roo-tetuꞌ nai au dale ka. Natutuduꞌ leo-leoꞌ, atoran fo riꞌ nae, “Bosoꞌ tendetuu nau hai lahenda nuu-enan.” Tehuu tao leoꞌ bea fo au bisa bubuluꞌ ae tendetuu rupa leo naꞌ a, nana sala, kalu au ta bubuluꞌ ae ria nanuu atoran? Ta bisa fa!\x + \xo 7:7 \xt Kalua reme Masir 20:17; Tui Seluꞌ Laꞌe Neuꞌ Eno Sodaꞌ a 5:21\x*  
\v 8 Huu no hapu atoran nae leoꞌ na, ria sama leoꞌ hata tadaluꞌ nai au dale ka tao na au tendetuu nau hai lahenda hata-heto rupa nara. Tehuu maneniko ta hapu atoran fo horo-lane, sona salaꞌ a boe ta nanuu kuasa ator ita.   
\p
\v 9 Fai a ulu na nai au masoda ka, au ta bubuluꞌ matetuꞌ Manetualain Atoran Na. Doo-doo, besaꞌ ko au bubuluꞌ no matetuꞌ. Huu ria na, de besaꞌ ko au ameda an ae, au alena laka Atoran ria, ma tao salaꞌ. Ma salaꞌ a babae na, riꞌ au muste mate.  
\v 10 Boe ma au dale ka nalulutuꞌ, nana huu bubuluꞌ ae, au ta bisa malole oo Manetualain, nana huu tao tuka Ria atoran na. Au araa hapu Manetualain nasa-boliin, riꞌ huhuku mamates, huu fo au alena laka Ria Atoran Na so. Sekona te hapu Atoran ela tao na lahenda bisa hapu soda matetuꞌ. Tehuu soa-neuꞌ au, sona Atoran ria riꞌ tao nalutu au, de tao na Manetualain hiru nasadea au.  
\v 11 Tebe Atoran ria natudu eno masoda matetuꞌ a. Tehuu no hapu tadaluꞌ a nasoda nai au dale ka, au tipu seluꞌ ao-ina ka de afi ae, au bisa malole oo Manetualain, sadi au tao tuka Ria Atoran Na. De nonooꞌ leo Atoran a riꞌ tataon losaꞌ Manetualain nahiaꞌ au, ma ta nau nabua noo au.\x + \xo 7:11 \xt Tutui Masososaꞌ 3:13\x*   
\p
\v 12 De maneniko bisinaꞌ a lahenda rae, “Atoran fo Manetualain feen neuꞌ Musa a, sala,” sona au ataa ae, “Taꞌa! Manetualain Atoran na nana, lalao-lalafuꞌ!” Ma basa pareta nai Atoran ria daleꞌ, boe lalao-lalafuꞌ, laꞌe, ma malole a.   
\p
\v 13 Huu fo leo mae au bubuluꞌ atoran ria, tehuu au bei amania-amanene neuꞌ tadaluꞌ fo nai au dale ka losaꞌ au tao salaꞌ. De au tatao sala ka riꞌ tao na Manetualain nasadea au. Memaꞌ atoran ria malole a huu fo ria natudu basa hata tadaluꞌ fo riꞌ tao na ita bika-bati teme Manetualain mai. Tehuu leo mae leoꞌ na boe au ta bisa tao tuka ni fa. No enoꞌ ria atoran na natudu ledo-ledo nae hata tadaluꞌ nai lahenda dala na memaꞌ tadalu nan seli.   
\s1 Hata malole a no hata tadaluꞌ a ratipa-toꞌa nai ita dale na  
\p
\v 14 Ita bubuluꞌ tae, Atoran fo Manetualain feen neuꞌ baꞌi Musa, nanaonda neme Manetualain Dula-dale Na mai. Tehuu au noi lahenda biasa de dale ka ta teaꞌ fa. De au amania-amanene neuꞌ hata tadaluꞌ fo nai dale makekeo-makakanu ka, losaꞌ au tao salaꞌ. Ria sama leoꞌ salaꞌ a dadi neuꞌ au malaka ka, ma au dadi uuꞌ salaꞌ a ata na.  
\v 15 Au laka ka dile. Au ta bubuluꞌ ae tao ubeaꞌ. Nana huu au tao ta tuka hata fo au nau tao ni. Tehuu au tao tuka hata fo au ta nau tao ni.\x + \xo 7:15 \xt Galatia 5:17\x*  
\v 16 Maneniko au tao tuka hata fo au ta nau taon, au manaku ae, Manetualain Atoran Na nana, laꞌe.  
\v 17 De ta au riꞌ ator ao-ina ka fa. Tadaluꞌ fo nasoda nai au dale ka riꞌ ator au!   
\p
\v 18 Au bubuluꞌ ae, ta hapu hata malole a nasoda nai au dale ka. Au nana, lahenda dae-bafoꞌ dale tadaluꞌ. Nau do ta nau fa, au ta bisa asusuu laka, fo tao roo-tetuꞌ. Au nau, tehuu ta dadi fa.  
\v 19 Au ahiiꞌ tao malole, tehuu ta tao ni fa. Ma au ta nau tao tadaluꞌ, tehuu au tao ni!  
\v 20 Maneniko au tao tuka hata fo au ta nau taon, ria nana ta noi au mesaꞌ ka fa, tehuu no tadaluꞌ fo riꞌ nasoda nai au dale ka.   
\p
\v 21 De leo iaꞌ: leo mae au nau tao malole, tehuu tadaluꞌ nai au dale ka riꞌ nalena laka.  
\v 22 Sekona te kalu au afi laꞌe-neuꞌ Manetualain Atoran na, sona au amahoꞌo.  
\v 23 Tehuu nonooꞌ nae hapu kuasa nai au dale ka de tao nalutu au. Au ahiiꞌ an seli tao malole, tehuu ta dadi fa. Ria sama leoꞌ kuasa tadaluꞌ fo nai au dale ka hopu na au, de naseti au tuka noi ria mesaꞌ ana.  
\v 24 Adoo, kasian! Au lahenda mana doidoso! Kuasa tadaluꞌ fo riꞌ nasoda nai dale ka tao na Manetualain nahiaꞌ au de hiru nasadea au. Huu ria na, de bea riꞌ bisa poꞌi-tata naa au eme kuasa tadaluꞌ ma Manetualain huhuku Na mai?   
\p
\v 25 Tehuu Manetualain riꞌ soi enoꞌ so, ela poꞌi-tata naa au! Makasi dodouꞌ neuꞌ Ana, nana huu ita Ramatuan Yesus Kristus bisa poꞌi-tataa naa au! De maneniko au asarai soda ka neuꞌ ao-ina ka, sona au doidoso. Leo mae au ahiiꞌ tao tuka Manetualain Atoran nara katemaꞌ, tehuu kuasa tadaluꞌ nai au dale ka de duduku-papauꞌ au, ela tao salaꞌ laꞌo naroo.   
\c 8  
\s1 Ita bisa tasoda roo-tetuꞌ, kalu ita nanahekeꞌ neuꞌ Manetualain Dula-dale Na  
\p
\v 1 De Manetualain ta huhukuꞌ lahenda fo nanahekeꞌ no Yesus Kristus!  
\v 2 Huu fo hapu enoꞌ dua: masososaꞌ a, maneniko ita nanaheke to Yesus Kristus, Manetualain Dula-dale Na fee ita kuasa fo bisa tasoda roo-tetuꞌ. Kadua a, tadaluꞌ fo nai ita dale na riꞌ fufudi-leleꞌo ita ela tao salaꞌ. Ma kalu ita tao salaꞌ, Manetualain nahiaꞌ ita, boe ma hiru nasadea ita. Maneniko Manetualain Dula-dale Na onda neuꞌ ita, sona Ana poꞌi-tata na ita teme salaꞌ a kuasa na mai.   
\p
\v 3 Leo mae ita tao tuka Musa Atoran a, ria ta bisa poꞌi-tata naa ita teme sala-sikoꞌ a kuasa na mai, nana huu ita adaꞌ noi lahenda biasa fo tao salaꞌ laꞌo naroo. Tehuu Manetualain riꞌ soi eno kalua. Ana fee Ana boki Na mai, de dadi lahenda dae-bafoꞌ sama leoꞌ ita. Leo mae lahenda dae-bafoꞌ fekeꞌ a tao sala rupaꞌ ara, tehuu Yesus ta parna tao salaꞌ hata-hata esa boeꞌ. Tamba neuꞌ, Ana dadi tutunu-hohotuꞌ ela sae-safe heni ita sala-sikon.  
\v 4 Manetualain fee Kristus mai, de Ana mate fo ela ita bisa tao tuka basa hata roo-tetuꞌ a, tuka Manetualain hihiin nai Ria Atoran nara. De besaꞌ ia ita ta tao tuka ita hihii-nanau mesan fa, tehuu tao tuka Manetualain Dula-dale Na hihii-nanaun.   
\p
\v 5 Lahenda fo rasoda tuka sira hihii-nanau mesan, sodaꞌ leo naꞌ nana huu ara afi raroo adaꞌ noi hata tadaluꞌ a. Tehuu lahenda fo nasoda tuka Manetualain Dula-dale Na hihii-nanaun, ara afi adaꞌ noi hata fo tao namahoꞌo Manetualain Dula-dale Na.  
\v 6 Lahenda fo nataaꞌ hata tadaluꞌ a ator ria duduꞌa-aafin, sama leoꞌ lahenda fo ta namanene neuꞌ Manetualain Dula-dale Na, huu ria na de ria dale na maten soa-neuꞌ Manetualain so. Tehuu lahenda fo nataaꞌ Manetualain Dula-dale Na fo ator ria duduꞌa-aafin, de ana hapu soda matetuꞌ ma dale na tama.   
\p
\v 7 Ita lahenda dae-bafoꞌ a hihii-nanaun soaꞌ Manetualain hihii-nanaun. De ita ta bisa taloe aoꞌ ara fo tamanene neuꞌ Manetualain.  
\v 8 Lahenda fo rataaꞌ sira hihii-nanaun nara ator neuꞌ asa, nau do ta nau, ta bisa tao na Manetualain dale Na namahoꞌo.   
\p
\v 9 Tehuu emi nana, lahenda fo ta masoda tadaluꞌ tuka emi hihii-nanau mesa mara soꞌ. Maneniko Manetualain Dula-dale Na nasoda nai dale mara, emi tao hata fo tao namahoꞌo neuꞌ Ana. (Tehuu maneniko lahenda fo Kristus Dula-dale Na ta nasoda nai ria dale na, ria boe ta dadi neuꞌ Manetualain nuun.)  
\v 10 Emi ao-ina ma neuꞌ ko mate, nana huu emi tao salaꞌ neme uluꞌ mai. Tehuu no besaꞌ ia Kristus nasoda nai emi dale mara, emi sumane ma neuꞌ ko nasoda naroo, nana huu Manetualain tao emi neuꞌ lahenda dale roos, de emi malole seluꞌ moo Ni.  
\v 11 Manetualain riꞌ fee Yesus nasoda seluꞌ neme mamate Na mai. De, maneniko Manetualain Dula-dale Na nai ita dale na, leo mae ita mate boe, neuꞌ ko Ria tao na ita tasoda seluꞌ. Ria sosoa na nae, Ana fee ita sodaꞌ, sama leoꞌ Ana fee Kristus nasoda seluꞌ.\x + \xo 8:11 \xt 1 Korintus 3:16\x*   
\s1 Manetualain Dula-dale Na nafada nae, ita dadi teuꞌ Manetualain ana nara  
\p
\v 12 De leo iaꞌ, toranoo kara! Ita tanuu hutaꞌ. Ta hutaꞌ fo tasoda tuka ita lahenda dae-bafoꞌ a hihii-nanaun fa, tehuu hutaꞌ fo tasoda tuka Manetualain hihii-nanaun.  
\v 13 Maneniko ita tasoda tuka noi tadaluꞌ fo nai ita dale na, tantu Manetualain hiru nasadea ita, ma huku namate ita! Tehuu maneniko ita tataaꞌ Manetualain Dula-dale Na tao nalulutuꞌ tadaluꞌ fo nai ita dale na, besaꞌ ko ita bisa hapu soda matetuꞌ mana basa taaꞌ a.   
\p
\v 14 Lahenda fo ramania-ramanene Manetualain Dula-dale Na fo Ana ator asa, sona sira nana, Manetualain ana nara.  
\v 15 Maneniko ita tataaꞌ Manetualain Dula-dale Na ator ita, sona ita ta sama leoꞌ fai ulu na ita dadi ata fo tasoda no bibii-namataꞌu. Tehuu no ita sipoꞌ Manetualain Dula-dale Na fo ator ita, de bubuluꞌ tae ita dadi teuꞌ Manetualain ana nara so. Huu ria na, de neuꞌ ko Ana namanene ita, kalu ita taloo neuꞌ Ana tae, “Papa Bokiꞌ!”\x + \xo 8:15 \xt Markus 14:36; Galatia 4:6\x*   
\p
\v 16 Ita daleꞌ na riꞌ nafada nae, ita dadi teuꞌ Manetualain ana nara. Ma Manetualain Dula-dale Na boe nafada leo naꞌ.  
\v 17 Maneniko ita dadi teuꞌ Manetualain ana nara, ma Manetualain dadi neuꞌ ita Aman, sona sosoa na nae, neuꞌ ko ita sipo Ria posaka Na. De maneniko Amaꞌ a fee posaka neuꞌ Ria Anan Kristus, ita boe sama-sama sipo Ria posaka na. Tehuu bei hata esa bali: Kristus hapu doidoso, de ita boe muste hapu doidoso, fo ela Manetualain bisa soꞌu nadedema ita, sama leoꞌ Ana soꞌu nadedema Kristus boe.\x + \xo 8:17 \xt Galatia 4:5-7\x*   
\s1 Neuꞌ ko Manetualain soꞌu nadedema ita  
\p
\v 18 Tehuu tuka au sona, doidoso fo besaꞌ ia ita hapu ni a sosoa-raraaꞌ taꞌa, kalu nararaaꞌ ana no basa hata kahereꞌ fo neuꞌ ko Manetualain natudun neuꞌ ita.  
\v 19 Basa-basan fo Manetualain adu naa si rai lalai ma dae-bafoꞌ a, rahani ma rahiiꞌ nau rita Ni natudu Ria ana matetu nara nana, siꞌ bea. Ana nau natudu neuꞌ asa no namahoꞌo-natadaleꞌ.  
\v 20 Huu fo Manetualain nataaꞌ dae-bafoꞌ a no oe-isin ela ara ta dadi malole sama leoꞌ hata fo Manetualain nau taon soa-neuꞌ asa nai ledo fai mana mai a. Manetualain nataaꞌ leo naꞌ, ta tuka dae-bafoꞌ a hihiin, tehuu tuka Manetualain hihii Na. Leo mae leoꞌ na, tehuu bei hapu namahenaꞌ.\x + \xo 8:20 \xt Tutui Masososaꞌ 3:17-19\x*  
\v 21 Dae-bafoꞌ a oe-isi nara, ruma puru si, ruma tadalus ma ruma mates, tehuu Manetualain poꞌi-tata naa dae-bafoꞌ a oe-isin ela bosoꞌ boe dadi leo naꞌ bali. Ana nau soꞌu nadedema ana nara ma poꞌi-tataꞌ naa si ela bosoꞌ tadalus.   
\p
\v 22 Ita bubuluꞌ tae, hapu susa ma doidoso dodouꞌ nai dae-bafoꞌ ia. Neme fai a ulu na mai losaꞌ besaꞌ ia, basa-basan fo Manetualain adu a, rahoo nana rameda hedis, tepoꞌ fo rahani ela Manetualain tao na basa-basan dadi bebeu. Ria sama leoꞌ inaꞌ fo nahoo nana nameda hedi bobokiꞌ.  
\v 23 Ta noi dae-bafoꞌ a mesaꞌ ana nahani, tehuu ita boe tahani leoꞌ na. Leo mae Manetualain fee nauluꞌ Dula-dale Na neuꞌ ita, ita boe tahoo nai daleꞌ ara. Ita tahani Manetualain soꞌu na ita dadi teuꞌ Ria ana matetu nara, ma poꞌi-tata na ita teme ao-paa fo riꞌ neuꞌ ko nalulutuꞌ.\x + \xo 8:23 \xt 2 Korintus 5:2-4\x*   
\p
\v 24 Tepoꞌ fo Manetualain poꞌi-tata naa ita, Ana helu nau fee ita hata malole ra boe. Tehuu besaꞌ ia ita bei tahani, nana huu bei ta dadi fa. Maneniko tita hata mana dadiꞌ esa, sona ta parluu ita tahani fo nau mete-relu hata ria bali. Lahenda ta nahani ela nau nita hata fo dadi so a, hete?  
\v 25 Tehuu maneniko ita tahani ela nau tita hata esa fo riꞌ bei ta dadi, ita bei bisa tanenete.   
\p
\v 26 Leoꞌ na boe, tepoꞌ fo ita tahani a, Manetualain Dula-dale Na boe tulu-fali ita, nana huu ita ta tabeꞌi fa, ma ta hule-haradoi talelaꞌ no matetuꞌ. Tehuu Manetualain Dula-dale Na riꞌ hule-haradoi kati ita, ela ita talelaꞌ noi nahohooꞌ a, ma ta bubuluꞌ hule-radoi tae ubeaꞌ.  
\v 27 Manetualain riꞌ bubuluꞌ basa-basan fo ita nau dedean nai ita dale na. Ria boe bubuluꞌ Dula-dale Na duduꞌa-aafin. Huu ria na, de Ana bubuluꞌ basa hata fo Ria Dula-dale Na dedean, ela tulu-fali ita. Manetualain Dula-dale Na duduꞌa-aafin, sama leoꞌ Manetualain duduꞌa-aafin. Ma Ria Dula-dale Na hule-haradoi neuꞌ Manetualain, hule fo Manetualain tulu-fali lahenda kamahereꞌ ara. Dula-daleꞌ a hule-haradoi tuka Manetualain hihii-nanaun.   
\p
\v 28 Besaꞌ ia ita bubulu so leo iaꞌ: Hata tadaluꞌ ma hata susa fo tameda taan nai ita masoda na, ita bubuluꞌ neuꞌ ko Manetualain tao naa basa-basan dadi malole. Neme uluꞌ mai Manetualain ator memaꞌ leo naꞌ soa-neuꞌ lahenda fo sue-lai Ni. Ma Ana naloo si nae, “Mai dadi meuꞌ Au lahenda Ki leo!”  
\v 29 Fai a ulu na, Ana nalelaꞌ memaꞌ asa, ma here naa si fo taos sama leoꞌ Ria Anan Kristus. No ria na, Kristus nana ulu bau-inaꞌ ma fekeꞌ ara dadi reuꞌ Ria fadi nara.  
\v 30 Lahenda fo riꞌ Manetualain nalelaꞌ asa neme fai a ulu na mai, Ana naloo naa si, fo dadi reuꞌ Ria lahendan boe. Fai a ulu na lahenda masala-masikoꞌ sira, tehuu Ana tao si dadi reuꞌ lahenda dale roos, ela ara malole seluꞌ ro Ni. Ma Ana soꞌu nadedema si boe.   
\s1 Manetualain sue na ita seli  
\p
\v 31 De ita nau tae ubeaꞌ laꞌe-neuꞌ hata ia ra bali? Manetualain nasuru-nahapaꞌ ita. Ma kalu leo naꞌ, sona bea riꞌ bisa soaꞌ ita bali? Ta hapu fa, hete?  
\v 32 Manetualain ta ena-natabaa Ana mane ise Na. Tehuu Ana fee heni Ni, fo mate dadi tutunu-hohotuꞌ, ela tulu-fali ita basa. Huu no Manetualain ta ena-natabaa Ana Na, de ita bisa bubuluꞌ tae, neuꞌ ko Ana parsen fee ita, basa hata malole ra. Tebe, hete?   
\p
\v 33 Bate emi afi mae, bei hapu lahenda bisa sale lahenda fo Manetualain here naa si so a? Tehuu ta hapu fa, hete? Manetualain riꞌ tao ita neuꞌ, lahenda dale roos fo ta hapu salaꞌ soꞌ, de ita malole to Ni.   
\p
\v 34 Bate emi afi mae, lahenda bei bisa nae Manetualain muste fee huhukuꞌ neuꞌ lahenda fo Ana here naa si so a. Tehuu ta bisa fa! Yesus Kristus mate so. Lena-lenaꞌ bali, Manetualain fee Ni nasoda seluꞌ neme mamate Na mai. Manetualain soꞌu Ni, fo natuuꞌ nai mamana hada-horomata nan seli nai Ria boboa ona Na. Nai naa Ria riꞌ hule-haradoi fee ita laꞌo naroo boe.   
\p
\v 35 Bate emi afi mae, lahenda do, hata do, bisa raseti Kristus losaꞌ Ana ta sue-lai ita soꞌ, do? Ta bisa fa! Leo mae ita hapu eꞌese-rurumuꞌ do, susa do, doidoso do, laa-roes do, kakao-papakeꞌ taꞌa do, hapu soe do, lahenda nau raisa ita do, tehuu Kristus sue-lai ita laꞌo naroo. Ta hapu esa boeꞌ fo bisa tao nan hahae sue-lai ita!  
\v 36 Sama leoꞌ manaduiꞌ nai Manetualain Susura Makamoi Na nae,  
\q1 “Hatu-leledon lahenda saka enoꞌ fo nau raisa ita,  
\q2 nana huu ita dadi teuꞌ Manetualain lahendan.  
\q1 Ara tao ita,  
\q2 sama leoꞌ bibi-lopo fo ara nau halan.”\x + \xo 8:36 \xt Sosoda Iꞌio-oꞌoaꞌ ara 44:23\x*   
\p
\v 37 De leo mae ita hapu susa leoꞌ bea boe, tehuu ita taseki, nana huu Kristus sue na ita seli!   
\p
\v 38 Au bubuluꞌ matetuꞌ leo iaꞌ: ta hapu hata esa bisa tao na Manetualain hahae sue-lai ita. Leo mae ita tasoda do, mate do, eilaꞌo-limalope reme nusatetu-ikutemaꞌ a mai do, mana homu pareta do, hapu kuasa do, hata mana dadi besaꞌ ia do, hata mana dadi nai fai mana maiꞌ a do,  
\v 39 kuasa nai lalai do, kuasa nai dae-bafoꞌ a do, hata fekeꞌ fo Manetualain adu na si a — ta hapu esa boeꞌ fo bisa heo heni ita teme Manetualain mai, de Ana ta sue-lai ita soꞌ! Huu no ita nanahekeꞌ to ita Ramatuan Yesus Kristus, fo riꞌ Manetualain fee Ni mai a.   
\c 9  
\s1 Manetualain here na lahenda Israel ara  
\p
\v 1 Ita fo riꞌ nanahekeꞌ too Kristus, dedea matetuꞌ. De, au ta dedea fufudiꞌ neuꞌ emi. Au dale ana boboko ka boe nafada au nae, Manetualain Dula-dale Na ator au dale ka.  
\v 2-3 Au afada leo iaꞌ: au dale ka susa. Au ameda an beraꞌ a leoꞌ na, nana huu au afarene lahenda kara. Au nau fo lahenda nusa Yahudi\f + \fr 9:2-3 \ft Lahenda \ft \+it Yahudi\+it* a nana, Israel nade feken, huu fo lahenda Yahudi ra leo rai Israel, ma rai mamana fekeꞌ boe. Tehuu leo \+it Yahuda\+it*, ta sama no lahenda nusa Yahudi a. Leo Yahuda nana, riꞌ esa neme Israel leo kasanahulu dua nara mai.\f* kara boe nanahekeꞌ ro Kristus, tehuu dodouꞌ ta ramahere Ni fa. Uniꞌ ko leo au bisa soi enoꞌ fee si, au sadia hule fo Manetualain huku au, ela kati si. Ma au boe sadia hule fo Manetualain heo heni au eme Kristus mai, fo ela au lahenda kara bisa nanahekeꞌ ro Ni.  
\v 4 Sekona te sira nana, lahenda Israel, riꞌ lahenda nusaꞌ esa fo naua-nanale nan seli. Neme fai a ulu na mai Manetualain soꞌu naa si dadi reuꞌ Ria ana nara so. Ana natudu kuasa kahere Na soa-neuꞌ asa. Ana heke hehelu-barataa rupaꞌ ara, no si. Ana fee Atoran Na neuꞌ asa. Sira siꞌ doꞌo-tabe neuꞌ Ana, ma ralalau Ni. Ana helu nau natudu dale malole Na neuꞌ asa.\x + \xo 9:4 \xt Kalua reme Masir 4:21; 14:22\x*  
\v 5 Sira nana tititi-nonosiꞌ reme ami bei-baꞌim, siꞌ baꞌi Abraham, baꞌi Isak, ma baꞌi Yakob (lahenda hai nadeꞌ ‘Israel’ neme baꞌi Yakob mai). Ma Kristus, nana riꞌ Manetualain helu memaꞌ neme fai a ulu na, fo nau feen mai, Ria boe tititi-nonosiꞌ neme ami lahenda Yahudi a bei-baꞌi mara mai. Kristus nana riꞌ Manetualain fo pareta basa-basan boe. De naraa kalu lahenda io-oa Ni losa doo na neu. Tebe!\x + \xo 9:5 \xt Tutui Masososaꞌ 32:22-32\x*   
\p
\v 6 Leo mae lahenda Israel dodouꞌ bei ta sipoꞌ Kristus, tehuu lahenda ta bisa rafada rae, Manetualain hehelu-barata na ta dadi. Huu fo ta basa lahenda fo dadi reme bei-baꞌi Israel nana, Manetualain lahendan fo riꞌ Ana here naa si.  
\v 7 Conto leo-leoꞌ, lahenda dodouꞌ dadi reme ami bei-baꞌim, riꞌ baꞌi Abraham. Tehuu sira basa ta Abraham tititi-nonosin fo Manetualain here a. Manetualain nafada neuꞌ Abraham nae, “Au alelaꞌ noi o tititi-nonosim fo riꞌ dadi reme o anam Isak mai.”\x + \xo 9:7 \xt Tutui Masososaꞌ 21:12\x*   
\p
\v 8 Ria sosoa na nae, neme fai a uluꞌ na mai losaꞌ besaꞌ ia, ta basa tititi-nonosiꞌ fo reme ita lahenda Yahudi a baꞌin Abraham mai, riꞌ dadi reuꞌ Manetualain ana nara. Adaꞌ noi tititi-nonosiꞌ fo riꞌ neme Manetualain hehelu na neuꞌ Abaraham a, riꞌ Manetualain rekeꞌ asa reuꞌ Ria ana matetu nara.  
\v 9 Manetualain heke hehelu-barataaꞌ no Abraham nae, “Teu manamaiꞌ ia te, Au atafali seluꞌ mai. Tepoꞌ ria te, o saom Sara boki na ana touꞌ esa so.”\x + \xo 9:9 \xt Tutui Masososaꞌ 18:10\x*   
\p
\v 10 Ta noi ria fa. Ami baꞌim Isak no saon Ribka boki ana kaduaꞌ.  
\v 11-12 Tepoꞌ fo Ribka bei ta boki si, ara bei ta tao hata malole do hata tadaluꞌ. Leo mae leoꞌ na, tehuu Manetualain nafada memaꞌ Ribka laꞌe-neuꞌ ana fo riꞌ kalua nauluꞌ nae, “Neuꞌ ko aꞌa a noi-tao fee fadi na.” Manetualain nafada leoꞌ na, ela natudu nae, maneniko Ana here na lahenda esa, Ana bubuluꞌ nau pake lahenda ria fo tao leo beaꞌ. Boe ma Manetualain here na fadiꞌ a ela dadi neuꞌ Ria lahendan. Ana ta nahani nau nita fadiꞌ a tao leo beaꞌ, nana huu Manetualain bubuluꞌ memaꞌ so.\x + \xo 9:11-12 \xt Tutui Masososaꞌ 25:23\x*  
\v 13 Sama leoꞌ Manetualain nafada nai Ria Susura Makamoi Na laꞌe-neuꞌ ana kaduaꞌ sira nae,  
\q1 “Au here Yakob,  
\q2 tehuu Au tipa heni Esau.”\x + \xo 9:13 \xt Maleaki 1:2-3\x*   
\p
\v 14 De ita bei tae ubeaꞌ? Bate ruma nau rae, “Manetualain naetuꞌ dedeaꞌ ta beibeberaꞌ?” Ta bisa fa!  
\v 15 Fai a ulu na Manetualain nafada neuꞌ baꞌi Musa nae,  
\q1 “Au atudu dale kasian ka neuꞌ lahenda fo Au here a.  
\q2 Ma Au sue-lai lahenda fo Au tudu a.”\x + \xo 9:15 \xt Kalua reme Masir 33:19\x*   
\p
\v 16 De Manetualain natudu dale kasian Na neuꞌ lahenda, ta huu lahenda ria hihii-nanaun do, nonoi-tataon, tehuu no Manetualain hihii-nanaun.  
\v 17 Sama leoꞌ manaduiꞌ nai Susura Makamoiꞌ a, Manetualain dedea no mane Masir a nae, “Au soꞌu o dadi mane, nana huu Au nau pake o, fo atudu kuasa Ka neuꞌ lahenda dodouꞌ. No ria na, lahenda rai dae-bafoꞌ ia katemaꞌ bisa soꞌu-fua Au nade Ka.”\x + \xo 9:17 \xt Kalua reme Masir 9:16\x*   
\p
\v 18 De maneniko Manetualain nau tao na lahenda esa laka batu, sona Ana tao tuka Ria hihii Na. Ma kalu Ana nau natudu dale kasian Na neuꞌ lahenda esa, sona Ana tao tuka Ria hihii Na boe.\x + \xo 9:18 \xt Tui Seluꞌ Laꞌe Neuꞌ Eno Sodaꞌ a 7:7-9\x*   
\s1 Manetualain bisa natudu dale kasian Na, tehuu Ana ta sipoꞌ tadaluꞌ a  
\p
\v 19 Uniꞌ ko leo lahenda fo nadedea laka neuꞌ au nae, “Kalu leoꞌ na, de maneniko Manetualain nau tao hata esa, sona bea riꞌ bisa nalena laka neuꞌ Ana? Taꞌa, hete? Ubeaꞌ taon de Ana nau sale ita? Ria ta beibeberaꞌ!”   
\p
\v 20 Kalu hapu ruma afi leo naꞌ, au ataa leo iaꞌ: “O afi mae o ia, nana bea?! O nau madedea laka neuꞌ Manetualain, do?” Bosoꞌ leo naꞌ! Huu fo nai Manetualain Susura Makamoi Na daleꞌ manaduiꞌ nae, “Maneniko lahenda tao hata esa, hapun nai bea hata ria bisa natane natafaliꞌ lahenda fo tao ni a nae, ‘Ubeaꞌ taon de o tao au leoꞌ ia!?’ ”\x + \xo 9:20 \xt Yesaya 29:16; 45:9\x*  
\v 21 Conto leo-leoꞌ mana tao ureꞌ a. Neme dae pilas kaboaꞌ esa mai, ana nanuu haak fo nau tao na kusi makadilaꞌ esa, ela lahenda io ni. Ria boe nanuu haak pake dae kaboaꞌ ria fo tao mamana kadafuꞌ, tuka noi ria hihii-nanaun.   
\p
\v 22 Leoꞌ na boe neuꞌ Manetualain. Ana nanuu haak fo tao tuka Ria hihii-nanaun. Ana nau natudu neuꞌ basa lahenda ra nae, Ana namanasa ma ta sipoꞌ lahenda tao tadaluꞌ hata-hata esa boeꞌ. Ria boe nau natudu neuꞌ lahenda nae, Ana nanuu kuasa dodou-inaꞌ, tehuu Ana bei nanenete neuꞌ lahenda tatao sala rupa nara. Sekona te lahenda fo tao salaꞌ, ara roi rahaniꞌ ledo-fai na fo ralulutuꞌ.  
\v 23 Ana nanenete leo naꞌ, ela natudu neuꞌ lahenda dodouꞌ nae, Ana nau natudu dale kasian Na neuꞌ lahenda ruma. Sira nana, siꞌ Ana here memaꞌ asa fo nau soꞌu nadedema si. No ria na Ana nau lahenda bubuluꞌ rae, Ria riꞌ kahereꞌ nan seli.  
\v 24 Ita boe nai daleꞌ sama-sama to lahenda fo riꞌ Ana soꞌu nadedema si a. Ana here memaꞌ ita fo dadi teuꞌ Ria lahenda nara. Ita ruma teme lahenda Yahudi a, ma ruma teme lahenda nusa fekeꞌ ara.  
\v 25 Fai a ulu na, Manetualain pake mana nesi matan Hosea, de duiꞌ laꞌe-neuꞌ lahenda fo ta Yahudi fa nae,  
\q1 “Lahenda fo fai a ulu na ta Au lahenda ki fa,  
\q2 tehuu Au nau aloo si ae,  
\q3 ‘Emi nana, Au lahenda ki.’  
\q1 Ma lahenda nusaꞌ fo fai a ulu na Au ta sue si fa,  
\q2 tehuu Au nau aloo si ae,  
\q3 ‘Emi nana, lahenda nusaꞌ fo Au sue-lai.’ ”\x + \xo 9:25 \xt Hosea 2:23\x*   
\p
\v 26 Ria boe duiꞌ nae,  
\q1 “Nai na,  
\q2 nai mamanaꞌ fo Manetualain nafada si nae,  
\q3 ‘Emi ta dadi meuꞌ Au lahenda Ki!’  
\q1 Neuꞌ ko Manetualain fo Masodaꞌ a nau nafada si nae,  
\q2 ‘Besaꞌ ia emi dadi meuꞌ Au ana kara so!’ ”\x + \xo 9:26 \xt Hosea 1:10\x*  
\p Ana dedea leoꞌ na, nana huu Ana kasian neuꞌ lahenda fo ta Yahudi ra fa.   
\p
\v 27 Manetualain mana nesi mata feken, Yesaya parnaa naloo bou-bou laꞌe-neuꞌ lahenda Israel ara nae,  
\q1 “Leo mae lahenda Israel ara dodou-inaꞌ asa,  
\q2 sama leoꞌ soroaeꞌ nai tasiꞌ a suu na,  
\q1 tehuu noi lahenda bai anaꞌ riꞌ neuꞌ ko Ramatuaꞌ a poꞌi-tata naa si,  
\q2 reme sira sala-siko nara mai.   
\q1
\v 28 Neuꞌ ko losa ledo-fain,  
\q2 fo Ramatuaꞌ a naetuꞌ basa lahenda nai dae-bafoꞌ ia dedean,  
\q3 sama leoꞌ Ana nafada memaꞌ so.  
\q2 Ana ta nahani soꞌ,  
\q3 tehuu Ana nalale huku si!”\x + \xo 9:28 \xt Yesaya 10:22-23\x*   
\p
\v 29 Fai a ulu na, Yesaya boe nafada laꞌe-neuꞌ lahenda Yahudi ra nae,  
\q1 “Ita taua-tanale,  
\q2 nana huu Ramatuaꞌ a Mana Kuasa Nan Seli,  
\q2 nataaꞌ ita tititi-nonosin ruma hapu sodaꞌ.  
\q1 Maneniko ta leo naꞌ fa, sona  
\q2 ita sapu-lalo,  
\q3 sama leoꞌ lahenda kota Sodom ara no Gomora ra.”\x + \xo 9:29 \xt Yesaya 1:9\x*   
\s1 Tutui Malole soa-neuꞌ lahenda Israel fo ta nau ramanene Manetualain  
\p
\v 30 De ita nau tae ubeaꞌ? Tae, lahenda fo ta Yahudi fa rai basa mamanaꞌ ain, fo riꞌ maulu na ta saka enoꞌ ela nau malole ro Manetualain, besaꞌ ia malole ro Ni so, nana huu ara ramahere Yesus Kristus.  
\v 31 Sekona te lahenda Israel ara, soba nau tao tuka Musa Atoran na ela ara bisa malole ro Manetualain, tehuu ta dadi boeꞌ.   
\p
\v 32-33 Ubeaꞌ taon de ara ta bisa malole ro Manetualain? Nana huu ara nau tao tuka adaꞌ noi Atoran, fo ela Ana sipoꞌ asa, sama leoꞌ lahenda dale roos, tehuu ara tao Yesus Kristus neuꞌ lahenda fo ta naraa ramahere Ni fa. Huu no sira namahere taan ria, de sama leoꞌ ara ratundu nai “batu natunduꞌ” esa. Ia riꞌ nai Manetualain Susura Makamoi Na nae,  
\q1 “Mete-mitaꞌ!  
\q2 Au peda-fua Lahenda esa  
\q3 nai lete Sion, nai kota Yerusalem.  
\q1 Lahenda ria sama leoꞌ batu esa,  
\q2 fo tao na lahenda ratundu.  
\q1 Tehuu bea riꞌ namahere Ni, sona  
\q2 ta parluu maeꞌ.”  
\p Batu ria, nana riꞌ Yesus. Tehuu lahenda Israel ara tipa heni Ni. Ria sama leoꞌ ara ratundu, de ara tuꞌu reu nana huu batu ria.\x + \xo 9:32-33 \xt Yesaya 28:16\x*   
\c 10  
\p
\v 1 Toranoo kara emin! Au ahii lahenda Israel ara dadi leo beaꞌ? Au hule-haradoi fo ela ara rataaꞌ Manetualain poꞌi-tata naa si reme sala-siko nara mai. Maneniko dadi leo naꞌ, besaꞌ ko au dale ka namahoꞌo!   
\p
\v 2 Au bisa afada laꞌe-neuꞌ lahenda ia ra hada-pariin: ara makate nau tuka Manetualain. Leo mae ara makate leoꞌ na, tehuu ara ta bubuluꞌ eno matetuꞌ a.  
\v 3 Nana huu ara ta bubuluꞌ eno fo tao na lahenda bisa malole ro Manetualain. Huu ria na, de ara soi ao nara enoꞌ, fo soba-soba nau malole ro Ni. No ria na, ara ta nau ramanene neuꞌ Ana. [Huu no ara ta bubuluꞌ eno masoda matetuꞌ fo riꞌ tao naa si bisa malole roo Manetualain, de ara soba-soba soi ao nara enoꞌ ela nau malole roo Ni. No ria na, ara ta nau ramanene neuꞌ Ana.]   
\p
\v 4 Maneniko lahenda tao tuka adaꞌ noi Atoran na, fo ela Manetualain sipoꞌ asa, sona ria bei ta namanoꞌu-namadai. Huu ria na, de Kristus tao natetu Manetualain atoran nara, fo ela ita bisa malole to Manetualain. Basa lahenda fo ramahere Yesus, bisa malole ro Manetualain.   
\s1 Manetualain nau poꞌi-tata naa basa lahenda reme sala-siko nara mai  
\p
\v 5 Fai a ulu na baꞌi Musa natudu enoꞌ nai Susura Makamoiꞌ a so, ela lahenda bisa malole ro Manetualain, sadi ara tao tuka Manetualain Atoran nara katemaꞌ. Ana duiꞌ nae, “Lahenda fo tuka Atoran ia ra katemaꞌ, neuꞌ ko ara hapu soda matetuꞌ a.”\x + \xo 10:5 \xt Malaka Agama ra Atoran 18:5\x*   
\p
\v 6 Tehuu Manetualain Susura Makamoi Na natudu eno fekeꞌ boe nae, lahenda bisa malole ro Manetualain sadi ara ramahere Kristus. Manaduiꞌ nae, “Bosoꞌ matane mae, ‘Bea riꞌ bisa ae leo nusatetu-ikutemaꞌ a neu?’ ” (Ria nonooꞌ leo lahenda nau ae neu nafada Kristus nae, ita lahenda dae-bafoꞌ a tahiiꞌ Ana onda mai ela poꞌi-tata naa ita.)  
\v 7 Susura Makamoiꞌ a boe manaduiꞌ nae, “Bosoꞌ matane mae, ‘Bea riꞌ nau onda leo Bolo Naraka neu, nai lahenda mana mateꞌ ara mamana na?’ ” (Ria nonooꞌ leo lahenda nau onda neu fo no Yesus ae faliꞌ neme mamate Na mai ela poꞌi-tata naa ita.)   
\p
\v 8 Ta parluu leo naꞌ fa! Huu fo Susura Makamoiꞌ a nafada basa laꞌe-neu Manetualain hehelu Na. De heheluꞌ ria nai emi matam, nai emi bafam ma nai emi dale mara so. Heheluꞌ fo riꞌ ita tafada lahenda tae, “Maneniko emi nau hapu popoꞌi-tatataꞌ, sona muste mamahere Kristus.”\x + \xo 10:8 \xt Tui Seluꞌ Laꞌe Neuꞌ Eno Sodaꞌ a 30:12-14\x*  
\v 9 Maneniko o manaku mae, “Yesus nana, au Ramatua ka,” ma o mamahere nai dale ma mae, Manetualain fee Yesus nasoda seluꞌ neme mamate Na mai, sona Manetualain poꞌi-tata naa o meme sala-sikom mai.  
\v 10 Maneniko o tebe-tebe mamahere Kristus nai dale ma, sona Manetualain tao o neuꞌ lahenda dale roos fo malole mo Ni. Ma kalu o manaku mae, Yesus dadi neuꞌ o Ramatua ma, sona Manetualain poꞌi-tata naa o meme sala-siko mara mai.  
\v 11 Nai Manetualain Susura Makamoi Na manaduiꞌ nae, “Lahenda fo namahere Manetualain, neuꞌ ko ta maeꞌ, huu fo Manetualain nau tao nadadiꞌ basa hata fo Ana nafada so a.”\x + \xo 10:11 \xt Yesaya 28:16\x*  
\v 12 Lahenda Yahudi ra, ro lahenda fo ta Yahudi ra fa, sama. Ta esaꞌ ko enon fa. Huu fo Ramatuaꞌ noi esaꞌ a, ma Ana dadi Ramatuaꞌ soa-neuꞌ basa lahenda nusaꞌ. Ana nau natudu dale malole Na soa-neuꞌ basa lahenda fo hule tutulu-fafaliꞌ neuꞌ Ana.  
\v 13 Sama leoꞌ manaduiꞌ nai Susura Makamoiꞌ a nae, “Basa lahenda fo hule tutulu-fafaliꞌ neuꞌ Ramatuaꞌ a, neuꞌ ko Ana poꞌi-tata naa si reme sala-siko nara mai.”\x + \xo 10:13 \xt Yoel 2:32\x*   
\p
\v 14 Tehuu tao leoꞌ bea fo lahenda bisa hule tutulu-fafaliꞌ neuꞌ lahenda esa, kalu ara bei ta ramahere ni? Ma tao leoꞌ bea fo ara bisa ramahere ni, kalu ara bei ta parnaa ramanene laꞌe-neuꞌ ana? Tao leoꞌ bea fo ara bisa ramanene laꞌe-neuꞌ ana, kalu lahenda ta nafada si?  
\v 15 Tao leoꞌ bea fo ara bisa rafada lahenda, kalu ta hapu esa nadenu si leoꞌ na? Nai Susura Makamoiꞌ a manaduiꞌ nae, “Maneniko lahenda neni Tutui Malole mai, sira mamain ria, malole a nan seli!”\x + \xo 10:15 \xt Yesaya 52:7\x*   
\p
\v 16 Tehuu emi bubuluꞌ mae, lahenda Israel ruma ta nau ramanene Manetualain Tutui Malole Na. Manetualain mana nesi matan Yesaya duiꞌ nae,  
\q1 “Ramatuaꞌ!  
\q2 Lahenda ra ta nau ramahere heheluꞌ  
\q3 fo ara ramanenen neme ami mai so a!”\x + \xo 10:16 \xt Yesaya 53:1\x*   
\p
\v 17 De Lahenda muste ramanene laꞌe-neuꞌ Kristus dei, besaꞌ ko bisa ramahere Ni. Ma muste tui-beka Manetualain Dedea-nafadan dei besaꞌ ko lahenda bisa ramanene.   
\p
\v 18 Au atane soba, leo iaꞌ: bate emi afi mae, lahenda Israel ara ta parnaa ramanene laꞌe-neuꞌ Kristus, do? Tantu ara ramanene so! Sama leoꞌ manaduiꞌ neme uluꞌ mai nai Manetualain Susura Makamoi Na daleꞌ nae,  
\q1 “Manetualain mana nesi mata nara helu laꞌe-neuꞌ Ramatuaꞌ a  
\q2 nanatui-nanabekaꞌ nai dae-bafoꞌ ia katemaꞌ so;  
\q1 Sira dedea-nafadan  
\q2 losa nai dae-bafoꞌ a bukun haas so.”\x + \xo 10:18 \xt Sosoda Iꞌio-oꞌoaꞌ ara 19:5\x*   
\p
\v 19 Au nau atane seluꞌ hata esa ae, “Lahenda Israel ara ta bubuluꞌ Manetualain eno Na, do?” Taꞌa! Baꞌi Musa nana, lahenda masososaꞌ fo duiꞌ laꞌe-neuꞌ hata ria nae, Manetualain nafada lahenda Israel ara leo iaꞌ:  
\q1 “Au nau tao hata esa  
\q2 soa-neuꞌ lahenda nusa fekeꞌ ara.  
\q3 Hata ria neuꞌ ko tao na emi eteꞌao mara.  
\q1 Ma Au nau tao hata esa,  
\q2 soa-neuꞌ lahenda fo emi afi mae, sira koa-pakanaꞌ.  
\q1 Hata ria neuꞌ ko tao na emi heku nisi mara.”\x + \xo 10:19 \xt Tui Seluꞌ Laꞌe Neuꞌ Eno Sodaꞌ a 32:21\x*   
\p
\v 20 Nai mabui baꞌi Yesaya naparani duiꞌ laꞌe-neuꞌ lahenda fo ta Yahudi fa nae,  
\q1 “Lahenda fo fai a ulu na ta saka Au,  
\q2 tehuu ara raneta ro Au so.  
\q1 Lahenda fo fai a ulu na ta hule ela rita Au,  
\q2 tehuu Au atudu ao-ina ka neuꞌ asa so.”\x + \xo 10:20 \xt Yesaya 65:1\x*   
\p
\v 21 Tehuu laꞌe-neuꞌ lahenda Israel, Manetualain nafada nae leo iaꞌ:  
\q1 “Hatu-leledon, Au apela lima dale Ka,  
\q2 fo ahani lahenda Israel ara leo Au mai.  
\q1 Tehuu ara ta nau ramanene neuꞌ Au,  
\q2 ma sira boe rahiiꞌ ralena laka neuꞌ Au.”\x + \xo 10:21 \xt Yesaya 65:2\x*   
\c 11  
\s1 Manetualain kasian neuꞌ lahenda Israel ara  
\p
\v 1 De au sakaꞌ atane leo iaꞌ: bate emi afi mae, “Huu no lahenda Israel ara ta nau ramanene neuꞌ Manetualain, de Ana tipa heni si so.” Leo naꞌ, do? Taꞌa! Au boe dadi eme sira mai! Au eme leo Benyamin mai. Benyamin papa na riꞌ, Yakob. Baꞌi na riꞌ, Isak. Isak papa na riꞌ, Abraham, fo riꞌ dadi neuꞌ basa lahenda Israel ara bei-baꞌin.\x + \xo 11:1 \xt Filipi 3:5\x*  
\v 2 Manetualain ta parnaa tipa heni Ria lahenda nara. Sira siꞌ Ana nalelaꞌ memaꞌ asa neme fai a ulu na mai. Emi bei mafarene hata fo manaduiꞌ nai Manetualain Susura Makamoi Na laꞌe-neuꞌ baꞌi Elia, do? Ana namumuu nai Manetualain laꞌe-neuꞌ lahenda Israel, boe ma ana hule fo Manetualain fee si huhukuꞌ  
\v 3 nae,  
\q1 “Ramatuaꞌ! Lahenda ia ra raisa mana nesi mata,  
\q2 fo Ramatuaꞌ a fee si mai a.  
\q1 Ara fate ralutu mei tutunu-hohotuꞌ,  
\q2 nai mamanaꞌ fo lahenda doꞌo-tabe neuꞌ Ramatuaꞌ a.  
\q1 Neme basa Ramatuaꞌ a mana nesi mata nara mai,  
\q2 noi au mesaꞌ ka riꞌ bei asoda.  
\q3 Tehuu sira boe saka enoꞌ,  
\q3 fo nau raisa au!”\x + \xo 11:3 \xt 1 Maneꞌ ara 19:10, 14\x*   
\p
\v 4 Tehuu Manetualain nataa nae, leo iaꞌ: “O dedea ma, sala! Au lahenda ki fo doꞌo-tabe neuꞌ Au, bei rifun hitu bali. Ara ranenete raroo, ma ara ta soko neuꞌ Baꞌal!”\x + \xo 11:4 \xt 1 Maneꞌ ara 19:18\x*   
\p
\v 5-6 Leoꞌ na boe, besaꞌ ia. Ta basa lahenda Yahudi ra rasadea Manetualain. Bei ela noi lahenda bai anaꞌ neme ami mai, riꞌ Manetualain here nau poꞌi-tata naa si, nana huu Ana nau natudu dale malole Na neuꞌ ami, ta huu no ami tao hata malole fa! Maneniko Ana \it muste\it* here na ami, nana huu ami nonoi-tatao malolem, ria sosoa na nae, Ana ta bisa naetuꞌ nau natudu, do ta natudu, Ria dale malole na neuꞌ ami. Kalu leoꞌ na, sona ria ta nade ‘natudu dale malole Na’ soꞌ.\x + \xo 11:5-6 \xt Tui Seluꞌ Laꞌe Neuꞌ Eno Sodaꞌ a 7:7-8\x*  
\v 7 De neuꞌ mateꞌe na leo iaꞌ: lahenda Yahudi dodouꞌ saka enoꞌ ela Manetualain natudu dale malole Na neuꞌ asa, fo sira boe bisa malole roo Ni. Tehuu ta dadi, nana huu sira laka batu, ma ta nau ramanene neuꞌ Ana. Tehuu ruma bali hapu enoꞌ, nana huu Manetualain here memaꞌ asa so.  
\v 8 Nai Manetualain Susura Makamoi Na manaduiꞌ laꞌe-neuꞌ lahenda laka batu sira nae,  
\q1 “Manetualain fee si,  
\q2 mataꞌ fo riꞌ ta bisa rita,  
\q2 ridooꞌ fo riꞌ ta bisa ramanene,  
\q2 ma dodoleꞌ fo riꞌ ta bisa duꞌa-afi.  
\q1 De ara ta bubuluꞌ roo-tetuꞌ a,  
\q2 losaꞌ faiꞌ ia boe.”\x + \xo 11:8 \xt Tui Seluꞌ Laꞌe Neuꞌ Eno Sodaꞌ a 29:4; Yesaya 29:10\x*   
\p
\v 9 Mane Daud a boe duiꞌ laꞌe-neuꞌ lahenda Yahudi ra nai Susura Makamoiꞌ a daleꞌ nae,  
\q1 “Nemeꞌ na ela ara raa ao nara feta-doten.  
\q2 Sira fetan ria riꞌ nala seluꞌ asa,  
\q3 te ara afi rae basa-basan malole a so.  
\q2 Ma sira hata-heto nara siꞌ tao naa si ratundu.   
\q1
\v 10 Nemeꞌ na ela sira mata nara dadi maꞌiu,  
\q2 fo bosoꞌ ara rita hata-hata esa boe!  
\q1 Nemeꞌ na ela ara lepa raroo lelepa mabera a,  
\q2 ela kotiai nara boe-boe pukudou!”\x + \xo 11:10 \xt Sosoda Iꞌio-oꞌoaꞌ ara 69:23-24\x*   
\s1 Manetualain nau poꞌi-tata naa lahenda fo ta Yahudi fa  
\p
\v 11 De au nau atane leo iaꞌ: ubeaꞌ taon de lahenda Yahudi ra ratundu? Ara tuꞌu reu so, do? Taꞌa! Tehuu ara ta nau ramanene neuꞌ Manetualain, ma ta nau ramahere Kristus. No enoꞌ ria, de soi enoꞌ fee lahenda fo ta Yahudi ra fa, ela bisa hapu popoꞌi-tatataꞌ neme sala-siko nara mai. Ma Manetualain tao leo naꞌ, nana huu Ana nau lahenda Yahudi ra ramuti, de ara ratafali mai tuka seluꞌ Ana.  
\v 12 Huu fo lahenda Yahudi ra ralena laka hata matetuꞌ a, de lahenda fekeꞌ reme dae-bafoꞌ ia katemaꞌ mai bisa rameda rita Manetualain dale malole Na. Lahenda Yahudi ra rugi bau-inaꞌ. Tehuu ria riꞌ tao na lahenda fo ta Yahudi fa raua-ranale bau-inaꞌ. Boe ma maneniko basa lahenda Yahudi ra boe malole seluꞌ roo Manetualain, ria malole lena bali!   
\p
\v 13 Au nau afada emi fo ta lahenda Yahudi fa leo iaꞌ: Manetualain nadenu au fo uu afada emi laꞌe-neuꞌ Ria Tutui Malole Na. Huu ria na, de au oi-tao tebe-tebe alalaꞌo nonoi-tatao malole inaꞌ ia.  
\v 14 Maneniko au alalaꞌo nonoi-tataoꞌ ia no malole, boso losa au tao a lahenda Yahudi kara ramuti, losaꞌ sira rumaꞌ a hapu popoꞌi-tatataꞌ reme sala-siko nara mai.  
\v 15 Tepoꞌ fo Manetualain tipa heni lahenda Yahudi nara, ria nana soi enoꞌ fo lahenda fekeꞌ ara hapu lelaꞌ ela ara bisa masoꞌ dadi reuꞌ Manetualain lahendan. Tehuu uniꞌ ko leo lahenda Yahudi ra mole-dame seluꞌ roo Manetualain, sona malole na seli. Ria sama leoꞌ ara rasoda seluꞌ reme mamate nara mai so!   
\p
\v 16 Hai natutuduꞌ neme lahenda nau tao roti. Maneniko ana hai na uuꞌ baiꞌ fo feen neuꞌ Manetualain, neuꞌ ko roti ria katemaꞌ boe dadi neuꞌ Ria nuu-ena lalao-lalafun. Ma kalu lahenda fee ai-huuꞌ a okan esa soa-neuꞌ Manetualain neuꞌ ko ai-huuꞌ ria katemaꞌ boe dadi neuꞌ Ria nuu-ena malalao-malalafun.   
\p
\v 17 Au nau araraaꞌ lahenda nusa Yahudi ra ro ai-huu saitun esa, nasoda nai okaꞌ daleꞌ. Manetualain beta heni ai-huuꞌ ria ranan ruma so. Tehuu emi fo ta Yahudi ra fa, sama leoꞌ saitun nura. Basa te Manetualain beta na emi ranam ruma, de naditeꞌ asa reuꞌ ai-huuꞌ fo nai okaꞌ daleꞌ a. No ria na, ranaꞌ neme ai-huuꞌ fo nai deaꞌ a, nasoda neme ai-huuꞌ fo nai daleꞌ a. Ria sama leoꞌ emi fo ta Yahudi ra fa, boe sipo Manetualain dale malolen fo Ana nau feen neuꞌ Ria lahenda Yahudi nara.  
\v 18 Tehuu besa-besa! Bosoꞌ koao, afi mae emi meme deaꞌ mai a, malole lena neme ai-ranaꞌ fo Manetualain beta heni si so a. Maneniko o nau io ao ma, bosoꞌ mafarene henin, te o adaꞌ noi ai-ranaꞌ esaꞌ a! O ta tao ma ai-huuꞌ ria natea-namepe fa. Ai okaꞌ a riꞌ tao na huu na, natea-namepe!   
\p
\v 19 Bate o nau mae, “Manetualain beta heni ai-ranaꞌ esa neme ai-huuꞌ, fo nasodaꞌ nai Ria oka na daleꞌ, de Ana bisa naditeꞌ faliꞌ au nai na, ela kati ai-rana paraaꞌ a.”  
\v 20 Tebe ria. Tehuu bosoꞌ mafarene henin mae, Manetualain beta heni ai-ranaꞌ sira, nana huu ara ta ramahere Kristus. Ma o kati si, nana huu o mamahere Ni. De bosoꞌ koao! Malole lenaꞌ, o besa-besa ma bosoꞌ tao rupaꞌ ara!  
\v 21 Lahenda Yahudi ra, sama leoꞌ ai rana teteaꞌ fo natabuku nauluꞌ. Tehuu Manetualain ta nataaꞌ asa ranenete ralaꞌ dooꞌ a nai naa. De maneniko o ta mamahere maroo Ni, bosoꞌ mamahena Ana nau nataaꞌ o manenete nai naa!   
\p
\v 22 De emi muste afi matalolole dei. Manetualain nanuu dale malole. Tehuu Ria fee huhuku mabera a boe. Neuꞌ ko Ana huku lahenda kamahere taaꞌ, fo ta malole roo Ni. Tehuu soa-neuꞌ emi fo ta lahenda Yahudi fa, Manetualain natudu dale malole Na, sadi emi nanahekeꞌ maroo moo Ni, ma mataaꞌ Ana tao malole soa-neuꞌ emi. Tehuu maneniko emi ta mataaꞌ Ana tao leo naꞌ, Ria boe nau beta heni emi neme huu Na mai.   
\p
\v 23 Leoꞌ na boe neuꞌ lahenda Yahudi ra. Maneniko ara saledale-tuꞌetei nara, fo mulai ramahere Kristus, neuꞌ ko Manetualain nau naditeꞌ faliꞌ asa reuꞌ ai-huu teaꞌ ria. Te Ana nanuu kuasa, fo bisa tao leo naꞌ!  
\v 24 Emi fo ta lahenda Yahudi fa, sama leoꞌ maulu na ai ranaꞌ saitun nura fo mori aon nai okaꞌ deaꞌ. Tehuu Manetualain here na emi, de Ana naditeꞌ emi meuꞌ ai saitun malole fo riꞌ Ana selen nai Ria okan daleꞌ, nemeꞌ na ela ai huuꞌ sira esaꞌ ko rupan. Huu fo kalu lahenda fo ta Yahudi fa boe bisa dadi leo naꞌ, lahenda Yahudi a leo beaꞌ bali. Lena-lenaꞌ bali, kalu Manetualain naditeꞌ faliꞌ lahenda Yahudi ra reuꞌ sira huu tetea na.   
\s1 Lahenda Yahudi ra neuꞌ ko malole seluꞌ roo Manetualain  
\p
\v 25 Toranooꞌ fo rai Roma! Emi muste bubuluꞌ hata ia fo riꞌ maulu na bei nino a. Maneniko emi bubuluꞌ ana, emi bosoꞌ koao, afi mae, emi malelaꞌ. Leo iaꞌ: besaꞌ ia lahenda Yahudi ra laka batuꞌ, ma ta nau ramahere Kristus. Tehuu ara ta leo naꞌ raroo fa. Maneniko lahenda fo ta Yahudi fa, Manetualain here naa si, ela ramahere Kristus, neuꞌ ko lahenda Yahudi ra boe ramahere Ni.  
\v 26 De maneniko ledo-fai ria mai so, neuꞌ ko Manetualain poꞌi-tata naa basa lahenda Yahudi ra reme sala-siko nara mai. Ria sama leoꞌ manaduiꞌ nai Susura Makamoiꞌ a nae,  
\q1 “Neuꞌ ko Lahenda esa mai,  
\q2 fo poꞌi-tata naa ita teme soe a.  
\q1 Ana mai neme lete Sion na, nai kota Yerusalem.  
\q2 Ria riꞌ neuꞌ ko tao na Yakob tititi-nonosin saledale-tuꞌetei nara.  
\q3 Huu fo ara rasoda ta tao daleꞌ neuꞌ Au,  
\q3 ma sira hiru rasadea Au eno masoda matetu ka so.\x + \xo 11:26 \xt Yesaya 59:20-21\x*   
\q1
\v 27 Au nau sae-safe heni sira sala-sikon.  
\q2 Au heke hehelu-barataaꞌ oo si leo naꞌ.”\x + \xo 11:27 \xt Yeremia 31:33-34\x*   
\p
\v 28 Lahenda Yahudi ra ramanene Kristus Tutui Malole Na, sira tao ao nara leoꞌ musunoꞌ fo soaꞌ Ana. No ria na, ara fee lelaꞌ neuꞌ emi fo ta Yahudi ra fa! Leo mae leoꞌ na, tehuu Manetualain bei sue emi, nana huu Ana sue sira bei-baꞌi nara, ma here naa si, ela dadi reuꞌ Ria lahenda nara.  
\v 29 Maneniko Manetualain fee heni hata esa, sona ta hela faliꞌ ana soꞌ. Ma kalu Ana naloo lahenda nae, “Ae! Mai tuka Au! Mai dadi meuꞌ Au lahenda Ki leo!” Ana ta usi heni si soꞌ.   
\p
\v 30 Fai a ulu na, emi fo ta lehenda Yahudi fa, ta nau mamanene neuꞌ Manetualain. Tehuu besaꞌ ia, emi riꞌ sipo Manetualain dale kasian Na, nana huu lahenda Yahudi ra ta nau ramanene Ni.  
\v 31 De sira siꞌ besaꞌ ia ta tao tuka Manetualain hihii-nanaun. Huu ria na, de Manetualain nau natudu dale kasian Na neuꞌ emi. Ma neuꞌ ko Ria boe nau kasian neuꞌ asa seluꞌ.  
\v 32 Besaꞌ ia Manetualain nita lahenda Yahudi ra sama roo lahenda fo ta Yahudi fa. Sira basa ta tao tuka Ria hihii-nanaun, sama leoꞌ sira nanaenaꞌ ma ta bubuluꞌ eno kalua. Ana nataaꞌ leoꞌ na, ela bisa natudu dale kasian Na neuꞌ basa lahenda.   
\s1 Manetualain nana, malole na seli!  
\q1
\v 33 Manetualain malela na seli!  
\q2 Ma Ria pake malela na boe fo tao malole.  
\q1 Ta hapu lahenda bisa nalelaꞌ matetuꞌ Ana.  
\q2 Ta hapu lahenda nalelaꞌ matetuꞌ laꞌe-neuꞌ Ana naetuꞌ dedeaꞌ.  
\q2 Ta hapu lahenda esa bubuluꞌ,  
\q3 ubeaꞌ taon de Ana tao hata esa.\x + \xo 11:33 \xt Yesaya 55:8\x*   
\q1
\v 34 Ta hapu lahenda bubuluꞌ matetuꞌ ita Ramatua na duduꞌa-aafin.  
\q2 Ta hapu esa bisa ranori-rafada Ni boeꞌ.\x + \xo 11:34 \xt Yesaya 40:13\x*   
\q1
\v 35 Ta hapu lahenda bisa parsen hata esa neuꞌ Ramatuaꞌ a,  
\q2 Ta hapu lahenda bisa naseti Ramatuaꞌ a ela Ana balas natafaliꞌ!\x + \xo 11:35 \xt Ayub 41:11\x*   
\q1
\v 36 Basa-basan raoka-rasamu rai Manetualain!  
\q2 Basan dadi, nana huu Ria!  
\q1 Basa-basan fo ita tao a,  
\q2 ita toi-tao soa-neuꞌ Ana.  
\q1 Ita io-oa neuꞌ Ana,  
\q2 losa doo na neu!  
\q3 Tebe leoꞌ na!\x + \xo 11:36 \xt 1 Korintus 8:6\x*   
\c 12  
\s1 Kalu ita nanahekeꞌ too Kristus, ita masoda bebeu na muste dadi leo beaꞌ?  
\p
\v 1 Toranoo susue kara emin! Huu no Manetualain natudu dale kasian Na neuꞌ ita so, de au hule fo emi fee heni ao-ina katematua ma neuꞌ Ana, sama leoꞌ tutunu-hohotu masodaꞌ. Ria riꞌ tao na Manetualain dale na namahoꞌo. Mahehere ao mara, fo tao tuka Ria hihii-nanaun, ma masoda lalao-lalafuꞌ, ria riꞌ natudu emi susue ma no hada-horomata ma neuꞌ Ana. Memaꞌ naraa emi doꞌo-tabe Ni leoꞌ na.  
\v 2 Bosoꞌ mataaꞌ lahenda dae-bafoꞌ besaꞌ ia a radenu emi muste tao leo beaꞌ, do masoda leo beaꞌ, tuka sira hihii-nanaun. Bosoꞌ moi tuka-tukaꞌ sira duduꞌa-aafin, sira masodan, do sira hada nara. Tehuu malole lenaꞌ, emi mataaꞌ Manetualain tao na duduꞌa-aafi mara dadi bebeuꞌ, ela emi duꞌa-afi basa-basan tuka eno bebeuꞌ. No ria na, emi bisa bubuluꞌ Manetualain hihii-nanaun neuꞌ emi a. Manetualain hihii-nanaun nana, malole a, tetu-temaꞌ, ma tao mamahoꞌo dale Na.   
\p
\v 3 Huu no Manetualain nadenu au, ma natudu dale malole Na neuꞌ au so, de au afada emi leo iaꞌ: uku-sudi ao-ina mara neniꞌ eno roo-tetuꞌ! Boso madedema ao mara lena neme roo-tetuꞌ a mai. Bosoꞌ pake uuku-susudiꞌ fo ta nanuu neteꞌ. Lahenda ra muste esaꞌ ko bubuluꞌ aon babatiꞌ fo Manetualain fee ni a, nana huu ana namahere Kristus so.   
\p
\v 4 Hai conto neme lahenda ao-ina na. Ao-inaꞌ esa nanuu babatiꞌ rupaꞌ ara. Ma babatiꞌ ara esaꞌ ko nonoi-lakan.  
\v 5 Leoꞌ na boe neuꞌ ita fo nanahekeꞌ too Kristus. Ita lahenda dodouꞌ, tehuu ita nanahekeꞌ dadi sama leoꞌ ao-inaꞌ esa. Ma lahenda ra esaꞌ ko nonoi-lakan, sama leoꞌ ao-inaꞌ a babati nara. Esa parluu neuꞌ esa. Conto leo-leoꞌ limaꞌ a tete etun neme ao-inaꞌ a mai, ta nanuu sosoa-raraaꞌ soꞌ, hete?\x + \xo 12:5 \xt 1 Korintus 12:12\x*   
\p
\v 6 Au maksud ka leo iaꞌ: Manetualain fee kuasa neuꞌ ita basa, ela talalaꞌo nonoi-laka rupaꞌ ara, nana huu Ana nahiiꞌ natudu dale malole Na neuꞌ ita. Conto leo-leoꞌ maneniko Manetualain fee o kuasa fo tui-mafada Ria hehelu Na, sona o muste tui-mafada katemaꞌ heheluꞌ ria. Tehuu bosoꞌ tui-mafada mala lenaꞌ neme heheluꞌ ria mai.  
\v 7 Maneniko Manetualain fee babatiꞌ neuꞌ o, fo malalau lahenda fekeꞌ, sona muste malalau pake kuasa ria. Maneniko Ana fee babatiꞌ neuꞌ o, fo manori-mafada lahenda laꞌe-neuꞌ Ana, sona muste manori-mafada lahenda pake kuasa ria.  
\v 8 Maneniko Ana fee babatiꞌ neuꞌ o, fo mafofoa lahenda, sona o muste mafofoa pake kuasa ria. Maneniko Ana fee babatiꞌ neuꞌ o, fo bisa tulu-fali lahenda fekeꞌ a muniꞌ hata fo manuu a, sona fee o hata-hetom ela tulu-fali si. Maneniko Ana fee babati neuꞌ o, fo mauli-malaka lahenda ela ara ralalaꞌo Ria nonoi-tataon malole lena, sona o muste makate fo mauli-malaka si pake kuasa ria. Maneniko Ana fee o dale kasian, fo nau tulu-fali lahenda susa a, sona o muste tulu-fali si no namahoꞌo-natadaleꞌ.\x + \xo 12:8 \xt 1 Korintus 12:4-11\x*   
\s1 Kristus lahenda nara, muste rasoda leo beaꞌ?  
\p
\v 9 Maneniko emi matudu susue-lalaiꞌ neuꞌ lahenda, sona matudu susue-lalaiꞌ roo-tetuꞌ: bosoꞌ dea-mataꞌ. Hiru masadea basa hata tadaluꞌ ara, ma homu ma basa hata malole ra.  
\v 10 Emi lahenda saraniꞌ a muste masue-malaiao esa no esa. Emi boe muste tebe-tebe matudu hada-horomata esa no esa.  
\v 11 Maneniko emi moi-tao soa-neuꞌ ita Ramatua na, sona no aomaseeꞌ ma mamahoꞌo-matadale, boso no dale poo seseriꞌ.  
\v 12 Emi dale ma muste namahoꞌo hatu-leledon, huu fo emi bubuluꞌ Manetualain nau tao leo beaꞌ soa-neuꞌ emi. Maneniko hapu susa, manenete. Hule-haradoi hatu-leledon; bosoꞌ sota.  
\v 13 Pake emi hata-heto mara, ela tulu-fali lahenda saraniꞌ fo parluu a. Maneniko hapu lahenda neme mamana fekeꞌ mai, sona fee si raa-rinu, do leo lalai reuꞌ emi uma mara. No ria na, emi matudu susue-lalaim neuꞌ asa.   
\p
\v 14 Maneniko lahenda tao rasususaꞌ emi laꞌo naroo, hule fo Manetualain tao hata malole fee si. Tebe! Bosoꞌ fee si kutuk!\x + \xo 12:14 \xt Mateos 5:44; Lukas 6:28\x*  
\v 15 Maneniko lahenda dale na namahoꞌo, sona mamahoꞌo belaꞌ a. Ma kalu lahenda dola nana huu dale hedi, sona dola belaꞌ a.  
\v 16 Masoda masue-malaiao ma daleꞌ esa. Bosoꞌ koao. Malole lenaꞌ, emi matiaꞌ moo lahenda mana dadi taaꞌ ara. Bosoꞌ matutua-madedema aom fo afi mae, noi o riꞌ malelaꞌ.\x + \xo 12:16 \xt Dedea Lasiꞌ a 3:7\x*   
\p
\v 17 Maneniko lahenda tao tadaluꞌ neuꞌ o, sona bosoꞌ balas muniꞌ tadaluꞌ. Tehuu o muste saka soba eno malole, fo basa lahenda bisa sipoꞌ.  
\v 18 Kalu bisa, sona saka enoꞌ fo masoda mole-dame moo basa lahenda ra.   
\p
\v 19 Toranoo susue kara emin! Bosoꞌ balas tadaluꞌ. Nemeꞌ na ela Manetualain riꞌ ator. Maneniko lahenda tao tadaluꞌ sona Ana namanasa, sama leoꞌ manaduiꞌ nai Susura Makamoiꞌ daleꞌ nae,  
\q1 “Ita Ramatua na riꞌ dedea nae,  
\q1 Au riꞌ anuu haak fo balas.  
\q2 Au riꞌ huku lahenda a tadalu nara.”\x + \xo 12:19 \xt Tui Seluꞌ Laꞌe Neuꞌ Eno Sodaꞌ a 32:35\x*   
\p
\v 20 Malole lenaꞌ, tao tuka hata  
\q1 fo Susura Makamoiꞌ a nafada neme uluꞌ mai nae,  
\q2 “Maneniko o musunoo ma namalaa,  
\q1 sona, fee ni naa.  
\q2 Maneniko o musunoo ma, maa na madaꞌ a,  
\q1 sona, fee ni ninuu.  
\q2 \f + \fr 12:20 \ft Susura Makamoiꞌ dedea Yunani manaduiꞌ nae, “sama leoꞌ tao ai-aaꞌ neuꞌ ria laka na.” Lahenda fo malelaꞌ laꞌe-neuꞌ Susura Makamoiꞌ a nae, ria sosoa na nae, “ana maeꞌ ma ana hadaꞌ natafaliꞌ o.”\f*  
\q2 Maneniko tao leo naꞌ, neuꞌ ko ana maeꞌ,  
\q2 ma hada-horomata natafaliꞌ o.” \x + \xo 12:20 \xt Sosoda Iꞌio-oꞌoaꞌ ara 140:10; Dedea Lasiꞌ a 25:21-22\x*   
\p
\v 21 Bosoꞌ mataaꞌ hata tadaluꞌ ara ator neuꞌ o. Malole lenaꞌ, hata malole ra siꞌ ator neuꞌ o. No ria na, o bisa maseki hata tadaluꞌ ara.   
\c 13  
\s1 Mamania-mamanene neuꞌ mana pareta ra  
\p
\v 1 Basa lahenda ra muste ramania-ramanene neuꞌ mana pareta ra. Huu fo ara ranuu haak ma kuasa de pareta lahenda ra. Ma ara homu pareta, nana huu Manetualain riꞌ fee si. Besaꞌ ia mana homu kuasa rai naa, nana huu Manetualain riꞌ soꞌu si.  
\v 2 De maneniko lahenda nalena laka leoꞌ na neuꞌ mana pareta ra, sama leoꞌ ara ralena laka neuꞌ hata fo Manetualain soꞌun. Maneniko ara tao leo naꞌ, neuꞌ ko hapu huhukuꞌ neme Manetualain mai.   
\p
\v 3 Maneniko emi tao roo-tetuꞌ, ta parluu emi biiꞌ lahenda fo homu pareta a. Tehuu maneniko emi tao tadaluꞌ, malole lenaꞌ emi bii si! De manea ao mara fo tao roo-tetuꞌ, sona ta parluu biiꞌ si. Ma kalu emi tao leo naꞌ, sona neuꞌ ko ara io emi.  
\v 4 Lahenda fo homu pareta, sira nana Manetualain here si, ela ralalau emi. Tehuu kalu emi tao salaꞌ laꞌo naroo, malole lenaꞌ emi besa-besa! Sira siꞌ ranuu haak, de ta huku pardeo emi fa. Sira sama leoꞌ Manetualain atan de huku lahenda mana tao tadaluꞌ ara. Manetualain ta sipoꞌ hata tadaluꞌ fo lahenda tao; Ana namanasa noo si.   
\p
\v 5 Huu ria na, de emi muste mamanene neuꞌ lahenda fo ara homu pareta. Huu fo emi bubuluꞌ nai dale mara mae, nonoi-tatao leo naꞌ a laꞌe. Ma emi boe bubuluꞌ mae, Manetualain namanasa kalu ita ta tao roo-tetuꞌ.   
\p
\v 6 Leoꞌ na boe, emi muste bae bea, nana huu lahenda fo homu pareta ara ralalaꞌo Manetualain nonoi-tataon.  
\v 7 De emi muste bae basa-basan tuka matetuꞌ na. Bae neuꞌ mana susu doi bea ra, basa doi bea fo emi muste bae a. Fee hada-horomata neuꞌ basa lahenda fo muste sipo hada-horomata. Ma kalu lahenda tao naroo hata malole, soꞌu-fua nade nara ela basa lahenda bubuluꞌ sira tao hata malole.\x + \xo 13:7 \xt Mateos 22:21; Markus 12:17; Lukas 20:25\x*   
\s1 Masue-malaiao esa no esa  
\p
\v 8 Bae etu o huta mara, fo bosoꞌ masoda no huta-buꞌu. Ela ita tahuta noi hata esaꞌ a, riꞌ nasue-nalaiaoꞌ a. Maneniko emi sue lahenda, sona sosoa na nae, emi tao tuka Manetualain Atoran nara ria so.  
\v 9 Atoran sira rae, “Bosoꞌ hohoke; bosoꞌ maisa lahenda; bosoꞌ mamanaꞌo; bosoꞌ tendetuu-dalesala lahenda fekeꞌ a hata-nuun,” ma fekeꞌ bali. Maneniko nau tao tuka basa Atoran ara, muste tao tuka Atoran esa ian, fo riꞌ nae, “O muste sue-lai lahenda fekeꞌ ara, sama leoꞌ o sue ao-ina heheli ma.”\x + \xo 13:9 \xt Kalua reme Masir 20:13-15, 17; Tui Seluꞌ Laꞌe Neuꞌ Eno Sodaꞌ a 5:17-19, 21; Malaka Agama ra Atoran 19:18; Mateos 22:39; Markus 12:29-31\x*  
\v 10 Maneniko ita tatudu susueꞌ ara neuꞌ lahenda fekeꞌ, ita ta tao tadaluꞌ neuꞌ ana fa, hete? De maneniko ita tatudu susue-lalaiꞌ laꞌo naroo, ita bisa tao tuka basa Atoran neme Manetualain mai.   
\s1 Ta dooꞌ a soꞌ, te Kristus natafali mai seluꞌ  
\p
\v 11 Manetualain nau poꞌi-tata na ita teme lahenda nai dae-bafoꞌ ia tadalu nara. Ma besaꞌ ia ledo-fai popoꞌi-tatata Na neuꞌ lahenda, naneneaꞌ so lena neme kalu tararaaꞌ ana no tepoꞌ fo ita besaꞌ ko tamahere Yesus Kristus. Huu ria na, de ita muste tasue-talaiao, nana huu ita bubuluꞌ hata ria. Nonooꞌ leo maulu na, ita suku. Tehuu besaꞌ ia losa ledo-fain so, de ita muste foa leo!  
\v 12 Ta dooꞌ a soꞌ, te basa hatuꞌ a, basa nana leledoꞌ a mai. De malole lenaꞌ, hahae teme ita sala-sikon mai leo. Ria sama leoꞌ lahenda fo nasoda nai maiuꞌ a, ma tao hata tadaluꞌ, huu fo ara afi rae ta hapu lahenda rita si. Tehuu besaꞌ ia ita muste dadi sama leoꞌ soldadu fo pake tee-tafa musu, de nahehere aon tao hata malole ra, sama leoꞌ lahenda fo nasoda nai makaledoꞌ a daleꞌ.  
\v 13 Ita muste tasoda roo-tetuꞌ, ela basa lahenda rita ita tao hata malole ra. De ta malole a fa kalu ita adaꞌ noi feta-dote rame-rame, ma tinu tamafuꞌ ao ara. Ta malole a fa kalu ita hohoke tao tamamaeꞌ aoꞌ ara, ma ita tareresiꞌ ii-onaꞌ. Ta malole a boe kalu ita tamuti nana huu ta nau lahenda lena neme ita mai.  
\v 14 Tehuu malole lenaꞌ, emi matafali dale mara fo dadi sama leoꞌ ita Ramatuan Yesus Kristus, fo riꞌ Manetualain fee Ni mai a. Ma kalu o mahiiꞌ man seli nau tao hata ta malole, sona bosoꞌ moi mataaꞌ a, fo o tao tuka hihii-nanau nafararaꞌu leoꞌ na ma. Manenete!   
\c 14  
\s1 Bosoꞌ sale mafararaꞌu neuꞌ emi toranoo lahenda sarani mara  
\p
\v 1 Hapu lahenda fo namahere Manetualain, tehuu bei kadudua ma ana bei ta bubuluꞌ hata dodouꞌ. Mapela lima mara fo sipoꞌ ana no malole. Bosoꞌ mareresiꞌ laꞌe-neu ria duduꞌa-aafin. Nemeꞌ na ela ana natiaꞌ noo emi.  
\v 2 Lahenda fo ramahere Manetualain, ana afiꞌ rae, lahenda saraniꞌ a bisa naa sudi ubeaꞌ a, leo-leoꞌ paaꞌ, do ubeaꞌ. Tehuu lahenda sarani fekeꞌ, fo bei ta ramahere tebe-tebe, rahiiꞌ raa noi ai-doo. Huu fo ara raluli paaꞌ.  
\v 3 Tehuu nenene! Lahenda saraniꞌ fo nameda nan bole naa sudi ubeaꞌ a, muste hika-hadaꞌ neuꞌ lahenda fo ta naa paaꞌ. Leoꞌ na boe, lahenda saraniꞌ fo ta naa paaꞌ, bosoꞌ nafada lahenda fo naa paaꞌ a nae, “Ae! Taa paaꞌ sona, sala!” Huu fo Manetualain sipoꞌ na dua si, dadi reuꞌ Ria lahendan so!   
\p
\v 4 Maneniko o sale laꞌo maroo toranoo lahenda kamahereꞌ ara leoꞌ na, afi mae o ia nana, bea? O manuu haak ubeaꞌ fo sale lahenda fekeꞌ a? Ria nana ta o lahenda mana noim fa! Ma o nana, ta ria malaka na fa. Adaꞌ noi ria Malaka na riꞌ, nanuu haak fo nafada ledo-ledoꞌ, ana tao a laꞌe, do sala. Tehuu bosoꞌ mafarene henin. Ria Malaka na, riꞌ neuꞌ ko sipoꞌ lahenda ria no malole, nana huu malaka na nabeꞌi tao natetea ni, ela ana bisa nanenete.   
\p
\v 5 Lahenda ruma raetuꞌ rae, fai esa malole lena neme fai fekeꞌ ara mai. Lahenda fekeꞌ ara afi rae, basa fai ra sama, ta esaꞌ ko enon fa. Lahenda ra muste raetuꞌ ao nara laꞌe-neuꞌ dedeaꞌ ria.  
\v 6 Maneniko lahenda afi nae, hapu fai fo malole lena neme fai fekeꞌ ara mai, ana tao leo naꞌ ela natudu hada-horomata neuꞌ ita Ramatua na. Lahenda fo naa paaꞌ ma nanaa fekeꞌ ara, bisa naa ela natudu hada-horomata neuꞌ ita Ramatua na, huu fo ana hule makasi neuꞌ Manetualain. Leoꞌ na boe lahenda fo ta naa paaꞌ. Ria boe nau natudu hada-horomata neuꞌ ita Ramatua na, ma ana hule makasi neuꞌ Manetualain boe.\x + \xo 14:6 \xt Kolose 2:16\x*   
\p
\v 7 Huu fo ita tasoda, ita ta tasoda soa adaꞌ noi ita ao-ina na fa. Ma kalu ita mate, ita ta mate soa adaꞌ noi ita ao-ina na fa.  
\v 8 Maneniko bei tasoda, ita nanahekeꞌ too ita Ramatua na. Leoꞌ na boe, maneniko mate, ita bei nanahekeꞌ too ita Ramatua na. De leo mae tasoda, do mate, ita bei dadi teuꞌ Ria nuun.  
\v 9 Huu ria na, de Kristus mate, basa de nasoda seluꞌ. Ana tao leo naꞌ ela Ana bisa dadi Ramatuaꞌ soa-neuꞌ lahenda mana mateꞌ ara, ma soa-neuꞌ lahenda fo bei nasoda boe.   
\p
\v 10 Ubeaꞌ taon de, o tao aom sama leoꞌ mana ee dedeaꞌ, fo sale neuꞌ o toranoo lahenda sarani ara? Ubeaꞌ taon de, o ta hika-hadaꞌ ana? Neuꞌ ko ita basa muste tasare Manetualain, ela Ana parisaꞌ ita esa-esa masoda na.\x + \xo 14:10 \xt 2 Korintus 5:10\x*  
\v 11 Meme fai a ulu na mai, manaduiꞌ nai Manetualain Susura Makamoin daleꞌ nae,  
\q1 “Ita Ramatua na riꞌ nafada nae,  
\q1 ‘Basa lahenda ra neuꞌ ko sundaꞌ undulaka nara fo raloe-radae ao nara reuꞌ Au,  
\q2 ma ratudu hada-horomata neuꞌ Au.  
\q1 Basa lahenda ra neuꞌ ko manaku  
\q2 rae, Au dadi uuꞌ sira Ramatuan  
\q3 nana huu Au ia, Manetualain.’ ”\x + \xo 14:11 \xt Yesaya 45:23\x*   
\p
\v 12 De ita basa neuꞌ ko muste lepa natataaꞌ fo tui Manetualain tae, ita tao leo beaꞌ, ma ubeaꞌ taon de ita tao leo naꞌ.   
\s2 Bosoꞌ tao matuda o toranoo lahenda sarani mara  
\p
\v 13 Maulu na emi nai Roma sale laꞌo naroo emi toranoom lahenda saraniꞌ ara. Bosoꞌ leo naꞌ bali! Malole lenaꞌ, ita taetuꞌ leo iaꞌ: ita bosoꞌ tao ita toranoo nara ratundu-rasaleuꞌ. Ita bosoꞌ soba tahihiiꞌ asa, ela ara tao salaꞌ.   
\p
\v 14 Huu no au nanahekeꞌ oo ita Ramatuan Yesus, de au bubuluꞌ matetuꞌ, leo iaꞌ: ta hapu hata esa, bisa tao nakekeo-nakakanu lahenda boeꞌ, losaꞌ ana ta bisa hule-haradoi neuꞌ Manetualain. Tehuu maneniko lahenda afi nae hata esa tao nan nakekeo-nakakanu, losaꞌ ana nameda nan ta nanuu haak huhule-haradoi, sona nemeꞌ na ela ana naluli ni.  
\v 15 Conto leo-leoꞌ, maneniko o mua paaꞌ, ma ria tao na o toranoo ma dale na susa, sona o ta matudu susue ma neuꞌ ana, hete? Manenete dei! Bosoꞌ tao malutu o toranoo ma, nana huu o nau mua hata esa! Huu fo Kristus mate soa-neuꞌ lahenda ria boe.  
\v 16 Ta malole a fa kalu o tao hata fo o mae malole a, tehuu lahenda fekeꞌ a dedea namamaeꞌ nade ma, nana huu ara afi rae o tataom ria, tadaluꞌ a.   
\p
\v 17 Afi matalolole! Manetualain nana, ita Mane na. Tehuu ita dadi teuꞌ Maneꞌ a lahendan, nana ta huu ita taa-tinu tuka adaꞌ noi atoran a. Taꞌa! Maneniko ita nau dadi teuꞌ Maneꞌ a lahendan, ita muste tao hata roo-tetuꞌ, ita dale na lalao-lalafuꞌ, tasoda roo-tetuꞌ ma mole-dame, ma ita dale na namahoꞌo. Basa ia ra bisa dadi, kalu ita nanahekeꞌ taroo too Manetualain Dula-dale Malalao-malalafu Na.  
\v 18 Lahenda fo nalalau Kristus leoꞌ na, tao na Manetualain dale Na namahoꞌo. Ma lahenda fekeꞌ a boe parisaꞌ natalolole lahenda ria masoda na, basa nana soꞌu-fua lahenda ria nade na nae, “Ria nana, malole!”   
\p
\v 19 De ita muste tahehere aoꞌ ara fo tasoda mole-dame, ma tatetea esa no esa.  
\v 20 Bosoꞌ tao malutu Manetualain nonoi-tataon nai lahenda fekeꞌ a masodan, nana huu nanaa-nininuꞌ. Manetualain nae bole mua sudi laꞌe ubeaꞌ, huu fo basa-basan malole nai Manetualain matan. Tehuu maneniko o malelena aoꞌ moo toranoo ma nana huu nanaa-nininuꞌ, sona o sala ria so. Bosoꞌ leo naꞌ!   
\p
\v 21 Malole lenaꞌ, o manenete! Bosoꞌ mua paaꞌ, do minu anggor, do mua-minu hata fekeꞌ fo tao na o toranoo mara ratundu.  
\v 22 Au maksud ka leo iaꞌ: maneniko o hule-haradoi neuꞌ Manetualain, basa boe ma maetuꞌ mae, o nau mamahere Ni laꞌe-neuꞌ nanaa-nininuꞌ, sona dai ria so. [Sona maua-manale, huu fo dai ria so.] Bosoꞌ aafi nau bubuluꞌ o tao salaꞌ, do taꞌa. Huu fo o maetuꞌ man leo naꞌ so.  
\v 23 Tehuu maneniko o dale ma kadudua, boe ma mua hata fo mameda man bisa neni fee o makekeo-makakanuꞌ, Manetualain sale o, nana huu fai fo mua-minu o ta tao tuka dale namahere ma. Maneniko o nau tao sudi ubeaꞌ, tehuu o mamahere mae, ria ta matetuꞌ nai Manetualain matan, sona sala ria so.   
\c 15  
\s1 Saka eno na fo tao matetea lahenda fekeꞌ ara namaheren  
\p
\v 1 Ita fo riꞌ tamahere teteaꞌ, muste tulu-fali no dale loaꞌ neuꞌ lahenda fo bei ta namahere teteaꞌ fa, ela ara ranenete nai susa daleꞌ. Maneniko ita tao tamahoꞌo adaꞌ noi neuꞌ ita ao-ina heheliꞌ ara, sona ta malole.  
\v 2 Au maksud ka leo iaꞌ: ita esa-esa muste saka eno na, fo tao malole soa-neuꞌ ita toranoo lahenda saraniꞌ ara, fo ela sira namahere na boe-boe natea. No ria na, ara ramahoꞌo roo ita.  
\v 3 Yesus Kristus boe noi Ria nonoi-tataon, fo ta tao namahoꞌo adaꞌ noi Ria dale Na, tehuu Ana nau tao namahoꞌo Manetualain dale Na boe. Ria sama leoꞌ manaduiꞌ memaꞌ nai Manetualain Susura Makamoin daleꞌ laꞌe-neuꞌ hata fo neuꞌ ko dadi neuꞌ Yesus nae,  
\q1 “Sira ramumulu-ramamaeꞌ O,  
\q2 sona laꞌe Au ria boe.”\x + \xo 15:3 \xt Sosoda Iꞌio-oꞌoaꞌ ara 69:8\x*   
\p
\v 4 Basa-basan fo fai a ulu na lahenda duiꞌ ana nai Manetualain Susura Makamoin daleꞌ, duiꞌ fo nanori-nafada ita. Ana natudu enoꞌ ela tao na ita dadi tea-mepeꞌ, tanenete tahere, ma Ria Dedea-nafadan boe nafofoa ita. No ria na, ita bisa tahani fo nau tita Manetualain natudu dale malole Na neuꞌ ita.   
\p
\v 5 Manetualain riꞌ tao na lahenda bisa tea-mepeꞌ, de ara ta heoꞌ fa. Ma Ana natetea ita dale na. Au hule-haradoi neuꞌ Manetualain ela emi masoda daleꞌ esa, tuka Yesus Kristus hihii-nanaun.  
\v 6 Maneniko emi daleꞌ esa leoꞌ na, emi bisa sama-sama io-oa Manetualain. Ria nana, ita Ramatuan Yesus Kristus Papa Na.   
\s1 Manetualain Tutui Malolen soa-neuꞌ lahenda Yahudi ma lahenda fo ta Yahudi fa  
\p
\v 7 De emi muste esa sipoꞌ esa, sama leoꞌ Kristus sipoꞌ emi. Maneniko emi masoda leo naꞌ, neuꞌ ko lahenda ra soꞌu-fua radedema Manetualain nade Na.   
\p
\v 8 Au afada leo iaꞌ: Kristus tao aon sama leoꞌ ata, ela tao natetu basa hata fo Manetualain helu memaꞌ nau taon soa-neuꞌ sira bei-baꞌi nara. No enoꞌ ria, Ana tulu-fali lahenda Yahudi fo riꞌ bubuluꞌ rae, Manetualain dedea matetuꞌ.  
\v 9 No ria na, basa lahenda nusa fekeꞌ fo ta Yahudi ra fa io-oa Manetualain. Huu fo ara bubuluꞌ rae, Ana nanuu dale kasian soa-neuꞌ ita basa. Sama leoꞌ fai a ulu na mane Daud a duiꞌ nai Susura Makamoiꞌ a daleꞌ nae,  
\q1 “Huu ria na, de au nau soꞌu-fua adedema Papa nade ma,  
\q2 soa-neuꞌ lahenda nusa fekeꞌ ara.  
\q1 Au nau soda sosoda iꞌio-oꞌoa laꞌe-neuꞌ Papa  
\q2 nai lahenda nusa fekeꞌ ara matan.”\x + \xo 15:9 \xt 2 Samuel 22:50; Sosoda Iꞌio-oꞌoaꞌ ara 18:50\x*   
\p
\v 10 Babati-lalane fekeꞌ nai Susura Makamoiꞌ a manaduiꞌ nae,  
\q1 “Ae! Emi lahenda dea meme basa mamana fekeꞌ ara mai.  
\q2 Mamahoꞌo-matadale,  
\q3 sama-sama moo Ramatuaꞌ a lahenda nara.”\x + \xo 15:10 \xt Tui Seluꞌ Laꞌe Neuꞌ Eno Sodaꞌ a 32:43\x*   
\p
\v 11 Babati-lalane fekeꞌ nai Susura Makamoiꞌ a, Daud a duiꞌ nae,  
\q1 “Emi fo riꞌ meme lahenda nusa feke ara,  
\q2 meu tui-mafada basa lahenda laꞌe-neuꞌ Ramatuaꞌ a kahere Na,  
\q3 ela sira boe io-oa ita Ramatua na.”\x + \xo 15:11 \xt Sosoda Iꞌio-oꞌoaꞌ ara 117:1\x*   
\p
\v 12 Babati-lalane fekeꞌ nai Susura Makamoiꞌ a baꞌi Yesaya duiꞌ nae,  
\q1 “Neme Isai anan, mane Daud,  
\q2 neuꞌ ko ria tititi-nonosin esa kalua mai.  
\q1 Ria riꞌ neuꞌ ko pareta lahenda nusa fekeꞌ ara.  
\q1 Ara bubuluꞌ Ana nau mai so.  
\q2 Boe ma ara rahani Ni,  
\q2 huu fo ara bubuluꞌ rae, Ria nana, bea.”\x + \xo 15:12 \xt Yesaya 11:10\x*   
\q3
\v 13 Manetualain dadi neuꞌ oka-samuꞌ neme basa-basan fo ita tamahena. Maneniko emi mamahere Ni, sona Ria riꞌ tao na emi dale mara ramahoꞌo ma tesa-tama. No ria na Manetualain Dula-dale Malalao-malalafun kuasa na, tao na emi tamba mamahere laꞌe-neuꞌ hata fo Ana nau tao a.   
\s1 Manetualain nadenu Paulus fo neu tui-beka Tutui Malole Na  
\p
\v 14 Toranoo kara emin! Au amahere ae, emi dale ma henuꞌ no hata malole ra, emi bubuluꞌ dodouꞌ laꞌe-neu roo-tetuꞌ, ma emi mabeꞌi manori-mafada esa no esa so.  
\v 15 Au duiꞌ ledo-ledo nai susuraꞌ ia, ela fee nafarereneꞌ laiꞌ esa seluꞌ neuꞌ emi laꞌe-neuꞌ dedea rupaꞌ ara. Au duiꞌ leo iaꞌ, nana huu Manetualain natudu Ria dale malole Na neuꞌ au,  
\v 16 tepoꞌ fo Ana soꞌu au dadi uuꞌ Yesus Kristus lahenda nadedenun, ela muste uu tui-beka Manetualain Tutui Malole Na neuꞌ lahenda fo ta lahenda nusa Yahudi ra fa. Au alalaꞌo nonoi-laka ka, sama leoꞌ malaka agama fo nau sadia na lahenda dodouꞌ dadi leoꞌ tutunu-hohotuꞌ esa, fo tao na Manetualain dale Na namahoꞌo. Manetualain Dula-dale Malalao-malalafu Na, tao naa si dadi makamoiꞌ, de Manetualain bisa sipoꞌ asa.   
\p
\v 17 Huu no au nanahekeꞌ oo Yesus Kristus, de au bisa botiꞌ laka ka nai Manetualain mata Na.  
\v 18 Au ta aparani dedea hata fekeꞌ. Au tui-afada adaꞌ noi Kristus nonoi-tataon, ma tao leoꞌ bea de Ana pake au. Besaꞌ ia lahenda fo ta Yahudi ra fa ramanene neuꞌ Kristus, nana huu Manetualain pake au, fo atudu enoꞌ uniꞌ au dedea-nafadak ma au nonoi-tatao ki.  
\v 19 Kristus fee au kuasa neme Manetualain Dula-dale Na mai, ela au bisa tao tanda heran rupaꞌ ara. Ana fee kuasa ria neuꞌ au fo nau natudu nae, Kristus nana, bea. No ria na, au afada lahenda nai basa mamanaꞌ ara, basa-basan laꞌe-neuꞌ Kristus Tutui Malole Na. De au tui-afada eme kota Yerusalem, rule-feo losa nusa Ilirikum naneneaꞌ Italia.  
\v 20 Neme fai a ulu na mai, au afi ae, “Au ahiiꞌ an seli tui-afada laꞌe-neuꞌ Kristus soa-neuꞌ lahenda fo riꞌ ta parnaa ramanene Ria Tutui Malole Na!” Au ta ahiiꞌ anori-afada nai lahenda fekeꞌ a mamanan, fo ara ranori-rafada so a.  
\v 21 Nai Manetualain Susura Makamoi Na, manaduiꞌ nae,  
\q1 “Lahenda nusaꞌ fo bei ta parnaa ramanene laꞌe-neuꞌ Manetualain,  
\q2 sira siꞌ, neuꞌ ko rita Ni.  
\q1 Lahenda fo ta parnaa ramanene hata-hata esa boeꞌ,  
\q2 sira siꞌ, neuꞌ ko bubuluꞌ laꞌe-neuꞌ Ana.”\x + \xo 15:21 \xt Yesaya 52:15\x*   
\s1 Paulus boboꞌo nau leo kota Roma neu  
\p
\v 22 Huu no au nonoi-laka ka leoꞌ na, de au bei ta dadi uu dama emi.\x + \xo 15:22 \xt Roma 1:13\x*  
\v 23 Tehuu besaꞌ ia au abasa nonoi-laka kara rai ia so. Ma ahiiꞌ uu dama emi dooꞌ a so, losa teu-tooꞌ ara.  
\v 24 Maneniko au leo nusa Spanyol uu, neuꞌ ko au nau tuli emi. Boe ma maneniko au tuli emi, emi bisa tulu-fali au meniꞌ doi laꞌo enoꞌ leo Spanyol uu.   
\p
\v 25 Tehuu besaꞌ ia, au nau leo Yerusalem uu dei, fo tulu-fali Manetualain lahenda kamahere nara rai naa.  
\v 26 Huu fo ita toranoon fo rai propinsi Makedonia, ma propinsi Akaya, fee doi tutulu-fafaliꞌ ela tulu-fali lahenda kasian rai Yerusalem fo riꞌ ramahere Kristus.\x + \xo 15:26 \xt 1 Korintus 16:1-4\x*  
\v 27 Ara nau tao leo naꞌ, nana huu ara rameda ran rahuta ita toranoo nara rai Yerusalem. Huu fo lahenda reme nusa fekeꞌ nai basa mamanaꞌ ara boe sipoꞌ hata malole fo Manetualain Dula-dale Na fee neuꞌ lahenda Yahudi fai uluꞌ ara. De naraa kalu lahenda saraniꞌ fo ta Yahudi ra fa nau pake sira hata-heto nara ela tulu-fali sira toranoo lahenda Yahudi ra.\x + \xo 15:27 \xt 1 Korintus 9:11\x*   
\p
\v 28 De maneniko au tao abasa nonoi-lakaꞌ ia, fo fee tutulu-fafaliꞌ neuꞌ ita toranoon nara rai Yerusalem, au nau tuli emi fai fo au leo Spanyol uu a.  
\v 29 Maneniko au mai, au nau uni ua-naleꞌ dodouinaꞌ neme Kristus mai.   
\p
\v 30 Toranoo kara emin! Huu no Yesus Kristus dadi neuꞌ ita Ramatuan, ma huu no Manetualain Dula-dale Na tao na emi masue-malaiao esa no esa, de au hule fo emi hule-haradoi tebe-tebe ela Manetualain tulu-fali au.  
\v 31 Hule fo Manetualain nanea au nai propinsi Yudea, ela lahenda fo ta nau ramahere Manetualain, bosoꞌ tao tadaluꞌ neuꞌ au. Ma hule fo maneniko au uu tulu-fali lahenda saraniꞌ fo rai Yerusalem, sona ara sipoꞌ au no malole.  
\v 32 Boe ma kalu tuka Manetualain hihii-nanaun, au bisa mai dama emi no dale namahoꞌo. Au nau hahae ao ki baiꞌ nai emi naa.  
\v 33 Au hule-haradoi neuꞌ Manetualain ela sama-sama no emi. Ria riꞌ bisa tao na lahenda nasoda no tesatei-tamadaleꞌ ma mole-dame. Tebe!   
\c 16  
\s1 Paulus haitua haraoe soda-moleꞌ fee toranoo fo rai Roma  
\p
\v 1 Au nau fee emi malelaꞌ ita susin Febe tuka susuraꞌ ia, ma hule fo emi sipoꞌ ana. Ria riꞌ ara soꞌu ni ela tulu-fali mauli-malaka saraniꞌ nai kota Kengkrea.  
\v 2 Au hule fo emi mapela lima mara ela sipoꞌ ana no malole, sama leoꞌ naraa fee lahenda saraniꞌ ara, nana huu ria nanahekeꞌ noo ita Ramatua na. Ana parluu ubeaꞌ, sona tulu-fali ni. Huu fo neme uluꞌ mai, ria riꞌ tulu-fali au o lahenda dodouꞌ.   
\q2
\v 3 Au haitua haraoe soda-mole balaroe-balanauꞌ fee susi Priskila\f + \fr 16:3 \ft Susura Makamoiꞌ dedea Yunani nai ia manaduiꞌ nae, “Priska”. Priska no Priskila nana, nadeꞌ dua, tehuu lahenda esa.\f* ma saon aꞌa Akila. Ami sama-sama malalaꞌo Yesus Kristus nonoi-tatao kadodou Na.\x + \xo 16:3 \xt Lahenda Nadedenuꞌ ara Tutuin 18:2\x*  
\v 4 Dua si hisadei na mate, nana huu ara nau tulu-fali ra au eme soe a mai. Tehuu ta noi au mesaꞌ ka riꞌ hule makasi neuꞌ asa fa. Lahenda fo ta Yahudi fa dadi lahenda saraniꞌ nai basa mamanaꞌ ara boe, hule makasi nana huu sira nonoi-tatao malolen.   
\q2
\v 5 Au haitua haraoe soda-mole fee basa lahenda fo rabua de masoꞌ rai Priskila no Akila uma na.  
\q2 Au haitua haraoe soda-moleꞌ fee au nonoo ki, aꞌa Epenetus. Ria nana lahenda masososaꞌ fo namahere Kristus nai propinsi Asia.   
\q2
\v 6 Au haitua haraoe soda-moleꞌ fee susi Mia. Ana noi-tao sota nan seli soa-neuꞌ emi.   
\q2
\v 7 Au haitua haraoe soda-moleꞌ fee aꞌa Andronikus no susi Yunia.\f + \fr 16:7 \ft Tuka lahenda malelaꞌ ara ramahere rae duduiꞌ fo duiꞌ ana ta sala bai boeꞌ neme Susura Makamoiꞌ dedea Yunani teteaꞌ a fo riꞌ manaduiꞌ nae, \ft \+it Yunia\+it* (nade inaꞌ ria). Ruma bali duiꞌ rae, susi \+it Yulia\+it* (nade inaꞌ ria). Mulai neme abad kasanahulu telun (ka-13), ruma bali duiꞌ rae, aꞌa \+it Yunias\+it* (nade touꞌ ria). Lasi Sarani fai uluꞌ ara afi rae, aꞌa Andronikus no susi Yunia nana saotou-saoinaꞌ fo riꞌ roi-tao soa-neuꞌ Manetualain, sama leoꞌ aꞌa Akila no susi Priskila.\f* Sira nana, lahenda Yahudi sama leoꞌ au. Ara ramahere Kristus so, tepoꞌ fo au bei ta amahere. Maulu na, ara rai bui daleꞌ sama-sama roo au. Sira boe dadi reuꞌ Manetualain lahenda nadedenun, ma lahenda dodouꞌ ralelaꞌ asa.   
\q2
\v 8 Au haitua haraoe soda-moleꞌ fee aꞌa Ampliatus. Au sue ni, nana huu ana nanahekeꞌ noo ita Ramatua na.   
\q2
\v 9 Au haitua haraoe soda-moleꞌ fee aꞌa Urbanus. Ria boe sama-sama no ami malalaꞌo Kristus nonoi-tataon.  
\q2 Au haitua haraoe soda-moleꞌ fee aꞌa susue ki Stakis.   
\q2
\v 10 Au haitua haraoe soda-moleꞌ fee aꞌa Apeles. Ana hapu sosobaꞌ, tehuu lui na aon. No ria na, ita bubuluꞌ tae, ana namahere tebe-tebe Kristus so.  
\q2 Au haitua haraoe soda-moleꞌ fee aꞌa Aristobulus kileoboboki nara katemaꞌ.   
\q2
\v 11 Au haitua haraoe soda-moleꞌ fee aꞌa Herodion. Ria lahenda Yahudi, sama leoꞌ au.  
\q2 Au haitua haraoe soda-moleꞌ fee katemaꞌ Narkisus kileobobokin fo ramahere Kristus so a.   
\q2
\v 12 Au haitua haraoe soda-moleꞌ fee susi Trifena no susi Trifosa. Sira boe ralalaꞌo ita Ramatua na nonoi-tataon.  
\q2 Au haitua haraoe soda-moleꞌ fee au tia ki, susi Persis. Huu fo ria boe noi-tao sota nan seli fee ita Ramatua na.   
\q2
\v 13 Au haitua haraoe soda-moleꞌ fee aꞌa Rufus. Ita Ramatua na here nan so.  
\q2 Au haitua haraoe soda-moleꞌ fee mama na boe. Ria nana, sama leoꞌ au mama boki ka.\x + \xo 16:13 \xt Markus 15:21\x*   
\q2
\v 14 Au haitua haraoe soda-moleꞌ fee aꞌa Asinkritus, aꞌa Flegon, aꞌa Hermes, aꞌa Patrobas, aꞌa Hermas, ma basa toranooꞌ fo sama-sama roo si a.   
\q2
\v 15 Au haitua haraoe soda-moleꞌ fee aꞌa Filologus, susi Yulia, aꞌa Olimpas, aꞌa Nereus no fadi ina na, ma basa lahenda saraniꞌ fo sama-sama roo si a.   
\p
\v 16 Maneniko emi mabua, fo esa sipoꞌ esa pake nadeꞌi lalao-lalafuꞌ fo naraa soa-neuꞌ lahenda kamahereꞌ ara. Kristus lahenda saranin fo rai ia ara haitua haraoe soda-mole balaroe-balanauꞌ fee emi boe.\x + \xo 16:16 \xt 1 Korintus 16:20; 1 Tesalonika 5:26\x*   
\s1 Paulus fee si lelea-nonoreꞌ  
\p
\v 17 Toranoo kara emin! Au hule emi besa-besa, o! Manea matalolole, huu fo lahenda tao ra emi tapasara, fo nau rahihiiꞌ ratuda emi. Hata fo ara rafada emi a, nana naseiꞌ no hata fo ami manori-mafadan neuꞌ emi so a. De bosoꞌ matiaꞌ mo lahenda rupa leo naꞌ ara!  
\v 18 Ara ta roi-tao soa-neuꞌ ita Ramatuan Yesus Kristus. Ara roi-tao fo noi sira mesaꞌ asa siꞌ hapu ria buna-boan. Sira lalame maa nara ro lahenda fo bei ta ralelaꞌ bea riꞌ malole, ma bea riꞌ tadaluꞌ. Ara lalame maa nara fo tipu-dai lahenda.   
\p
\v 19 Basa lahenda ra ramanene rae, emi tuka mahere Manetualain hihii-nanaun so. Huu ria na, de au amahoꞌo-atadale nana huu emi. Au nau emi malelaꞌ laꞌe-neuꞌ hata malole, ma bosoꞌ seseo-babaliꞌ moo hata tadaluꞌ ara.  
\v 20 Manetualain, riꞌ bisa fee ita tasoda no tetu-temaꞌ, mole-dame, ma tesatei-tamadaleꞌ. Ria riꞌ neuꞌ ko nalulutuꞌ nitu ra malaka bau-ina na kuasan, ma natudu nae, emi riꞌ maseki. Ria ta dooꞌ a soꞌ. Au hule-haradoi fo ita Ramatuan Yesus Kristus natudu dale malole Na neuꞌ emi.   
\q2
\v 21 Fadi ki Timotius, fo noi-tao sama-sama no au, ana haitua fee emi haraoe soda-moleꞌ.  
\q2 Aꞌa Lukius, aꞌa Yason, ma aꞌa Sosipater boe haitua haraoe soda-moleꞌ. Sira nana, lahenda Yahudi sama leoꞌ au.\x + \xo 16:21 \xt Lahenda Nadedenuꞌ ara Tutuin 16:1\x*   
\q2
\v 22 (Au, Tertius, fo riꞌ duiꞌ susuraꞌ ia tuka hata fo aꞌa Paul nadenu au duiꞌ a. Soda-moleꞌ neme au mai, huu fo au boe ita Ramatua na lahendan.)   
\q2
\v 23 Au leo lalai nai aꞌa Gayus uma na. Basa lahenda saraniꞌ fo rai ia, biasa rabua fo masoꞌ rai uma na. Ria boe haitua haraoe soda-moleꞌ.  
\q2 Aꞌa Erastus, fo dadi mana homu doiꞌ nai bendar a, ma ita toranoon Kuartus, boe haitua haraoe soda-moleꞌ.\x + \xo 16:23 \xt Lahenda Nadedenuꞌ ara Tutuin 19:29; 1 Korintus 1:14; 2 Timotius 4:20\x*   
\p
\v 24 [Au hule fo ita Ramatuan Yesus Kristus natudu dale malole Na neuꞌ emi basa. Noi ri naꞌ so!]\f + \fr 16:24 \ft Susura Makamoiꞌ dedea Yunani paraaꞌ, ma maloleinaꞌ a ta duiꞌ lalaneꞌ kadua hulu haan (ka-24).\f*   
\s1 Manetualain, kahereꞌ nan seli!  
\p
\v 25 Io-oa Manetualain! Ria riꞌ nanuu kuasa de tao na emi dadi tea-mepeꞌ. Ria Tutui Malole Na nae leoꞌ na, ma tepoꞌ fo au afada si laꞌe-neuꞌ Yesus Kristus, au anori-afada lahenda leo naꞌ boe. Manetualain riꞌ nafada fee ita basa laꞌe-neuꞌ Kristus, fo lahenda fai uluꞌ ara ta bubuluꞌ, nana huu bei nino.  
\v 26 Tehuu besaꞌ ia, hata fo Manetualain mana nesi mata fai ulu nara duiꞌ asa rai Susura Makamoiꞌ a daleꞌ nana, makaledoꞌ so. Manetualain fo masodaꞌ losa doo-doo naa neu, Ria riꞌ ator ela lahenda reme basa nusaꞌ ara mai bisa ralelaꞌ hata fo fai a ulu na bei nafuniꞌ. No ria na, ara bisa ramahere Ni, ma tao tuka Ria hihii-nanaun.  
\v 27 Adaꞌ noi Ria riꞌ, Manetualain. Adaꞌ noi Ria riꞌ mana bubuluꞌ basa hata a. Au ahiiꞌ io-oa Ni, nana huu Yesus Kristus nonoi-tataon! Tebe ria!  
\p Au susura ka teꞌe adaꞌ ia,  
\q2 Soda-moleꞌ,  
\q2 Paulus