\id MAT  
\h Mateos 
\toc1 Ramatua Yesus Tutui Malole Na tuka Mateos susura na 
\toc2 Mateos 
\toc3 Mat 
\mt2 Ramatua Yesus Tutui Malole Na  
\mt2 tuka  
\mt1 Mateos susura na  
\c 1  
\s1 Ramatua Yesus bei-baꞌin nade nara  
\r (Lukas 3:23-38)  
\p
\v 1-2 Susuraꞌ ia tui laꞌe-neuꞌ Yesus Kristus, Lahenda fo riꞌ nemeꞌ uluꞌ mai Manetualain helu memaꞌ nau fee Ni mai. Ria nana, mane Daud ma baꞌi Abraham tititi-nonosin.  
\p Mulai neme baꞌi Abraham losa mane Daud a, nana tititi-nonosiꞌ sanahulu haa. Ria bei-baꞌin nade nara siꞌ:  
\q1 Abraham boki Isak,  
\q1 Isak boki Yakob,  
\q1 Yakob boki Yahuda no aꞌa-fadi nara,   
\q1
\v 3 Yahuda boki Peres no Sera (sira mama na, nade Tamar),  
\q1 Peres boki Herson,  
\q1 Herson boki Ram,   
\q1
\v 4 Ram boki Aminadab,  
\q1 Aminadab boki Nahason,  
\q1 Nahason boki Salmon,   
\q1
\v 5 Salmon boki Boas (ria mama na, nade Rahab),  
\q1 Boas boki Obet (ria mama na, nade Rut),  
\q1 Obet boki Isai,   
\q1
\v 6 Isai boki Daud.  
\p Neme Daud losa tepoꞌ fo lahenda nusa Israel nanatuꞌu leo Babel reu, nana tititi-nonosiꞌ sanahulu haa bali, siꞌ:  
\q1 Daud boki Soleman (ria mama na, riꞌ maulu na Uria sao na).   
\q1
\v 7 Soleman boki Rehabeam,  
\q1 Rehabeam boki Abia,  
\q1 Abia boki Asaf,   
\q1
\v 8 Asaf\f + \fr 1:8 \ft Dudui dedea Yunani masososaꞌ a ma malole inaꞌ a, duiꞌ \ft \+it Asaf\+it*. Hapu susuraꞌ ruma bali manaduiꞌ nae, \+it Asa\+it*. Lahenda ia sama no lahenda fo toda nai \+it 1 Israel no Yahuda Tutui na\+it* 3:10.\f* boki Yosafat,  
\q1 Yosafat boki Yoram,  
\q1 Yoram boki Usia,   
\q1
\v 9 Usia boki Yotam,  
\q1 Yotam boki Ahas,  
\q1 Ahas boki Heskia,   
\q1
\v 10 Heskia boki Manase,  
\q1 Manase boki Amos,\f + \fr 1:10 \ft Dudui dedea Yunani ruma duiꞌ \ft \+it Amos\+it*, ma ruma bali duiꞌ \+it Amon\+it*.\f*  
\q1 Amos boki Yosias,   
\q1
\v 11 Yosias boki Yekonya no fadi nara tepoꞌ fo sira nanatuꞌu leo Babel reu.\x + \xo 1:11 \xt 2 Maneꞌ ara 24:14-15; 2 Israel no Yahuda Tutui na 36:10; Yeremia 27:20\x*   
\p
\v 12 Tepoꞌ fo sira nanatuꞌu leo Babel reu losa Yesus, nana tititi-nonosiꞌ sanahulu haa bali, siꞌ:  
\q1 Yekonya boki Saltiel,  
\q1 Saltiel boki Serubabel,   
\q1
\v 13 Serubabel boki Abihut,  
\q1 Abihut boki Elyakim,  
\q1 Elyakim boki Asor,   
\q1
\v 14 Asor boki Sadok,  
\q1 Sadok boki Akim,  
\q1 Akim boki Eliut,   
\q1
\v 15 Eliut boki Eliasar,  
\q1 Eliasar boki Matan,  
\q1 Matan boki Yakob,   
\q1
\v 16 boe ma Yakob boki Yusuf.  
\p Yusuf, sao Maria. Maria, riꞌ boki Yesus Kristus.   
\p
\v 17 De, mulai neme Abraham losa Daud, nana tititi-nonosiꞌ sanahulu haa; neme Daud losa sira nanatuꞌu leo Babel reu tititi-nonosiꞌ sanahulu haa; ma neme Babel mai losa boki Kristus, nana tititi-nonosiꞌ sanahulu haa.   
\s1 Maria boki Ramatua Yesus  
\r (Lukas 2:1-7)  
\p
\v 18 Maria boki Yesus a, tutui na leo iaꞌ:  
\p Maria no Yusuf rahihii aoꞌ so. Dua si bei ta parnaa suku rabua sama leoꞌ sao touꞌ no sao inaꞌ, matetuꞌ na Maria nairu neme Manetualain Dula-dale Malalao-malalafu Na mai.\x + \xo 1:18 \xt Lukas 1:27\x*  
\v 19 Tepoꞌ fo Yusuf nalelaꞌ nae Maria nairu leo naꞌ, boe ma ana nau namaetuꞌ noo ni. Tehuu ana ta nau tao namamaeꞌ Maria nai lahenda dodouꞌ matan, nana huu ria nanuu dale lalao-lalafuꞌ. De ana nau namaetuꞌ namanininoꞌ.   
\p
\v 20 Ana bei afi neu-mai, hatuꞌ esa boe ma ana nala mei. Nai meis ria, ana nita Manetualain eilaꞌo-limalopen nai nusatetu-ikutemaꞌ a mai nafada ni nae, “Ae, Yusuf! O ia, mane Daud a tititi-nonosin. O dale ma bosoꞌ dodaꞌ sao Maria. Huu fo ana nairu anaꞌ ria, nana huu Manetualain Dula-dale Na kuasan.  
\v 21 Neuꞌ ko Maria boki naa ana touꞌ esa. Boe ma o muste foi Ni, nade \it Yesus\it*, huu fo Ria riꞌ neuꞌ ko poꞌi-tata naa Manetualain lahenda nara reme sala-siko nara mai.”\f + \fr 1:21 \ft Nadeꞌ \ft \+it Yesus\+it*, sosoa na nae, “Ramatuaꞌ a poꞌi-tata naa lahenda”.\f* \x + \xo 1:21 \xt Lukas 1:31\x*   
\p
\v 22 Hihii-nanauꞌ ia neuꞌ ko dadi leoꞌ na, nana huu Manetualain nafada memaꞌ neme uluꞌ mai so. Ana parnaa pake mana nesi matan Yesaya fo duiꞌ nae,   
\q1
\v 23 “Emi nenene! Neuꞌ ko ana feto esa bei ao-tema,  
\q2 tehuu nairu so.  
\q1 Boe ma boki naa Ana touꞌ esa.  
\q2 Ara foi Ni nade, \it Imanuel.”\it*  
\q1 (Nai dedea Ibrani, ‘Imanuel’ sosoa na:  
\q2 Manetualain sama-sama noo ita.)\x + \xo 1:23 \xt Yesaya 7:14\x*   
\p
\v 24 Yusuf nala mei basa, boe ma ana foa. Ana tuka memaꞌ Manetualain nafada Na. Ana sao na Maria,  
\v 25 tehuu ta suku noꞌ ana sama leoꞌ saotou-saoinaꞌ losaꞌ Maria boki heni Anaꞌ ria. Boki Anaꞌ ria, boe ma Yusuf foi Ni nade \it Yesus\it*.\x + \xo 1:25 \xt Lukas 2:21\x*   
\c 2  
\s1 Lahenda mana mete malela ruuꞌ, mai dama Yesus  
\p
\v 1 Tepoꞌ fo boki Yesus nai koro Betlehem nai propinsi Yudea, mane Herodes a homu pareta. Tepoꞌ ria, lahenda hida reme dae dooꞌ nai timudulu-sepelaka, leo kota Yerusalem mai. Sira nana lahenda mana mete malela ruuꞌ.  
\v 2 Ara losa Yerusalem, boe ma ratane reu-mai rae, “Lahenda Yahudi ra mane na fo riꞌ besaꞌ ko boki ni a, nai bea? Ami mita ruuꞌ esa nai dulu natudu tanda nae, boki Ni so. Huu ria na, de ami mai ela doꞌo-tabe Ni.”  
\v 3 Maneꞌ Herodes a namanene sira dedea na, boe ma dale na ta tama soꞌ. Ma basa lahenda rai Yerusalem ara rameda leoꞌ na boe.   
\p
\v 4 Boe ma mane Herodes a nabubua na malaka agama Yahudi malaka nara ma basa mesen agama ra, de natane si nae, “Soba emi mafada au dei! Kristus, fo riꞌ Manetualain helu memaꞌ a, boki Ni nai bea?”   
\p
\v 5 Ara rataa ni rae, “Papa maneꞌ! Nai koro Betlehem, nai propinsi Yudea. Huu fo neme uluꞌ mai Manetualain mana nesi matan Mika duiꞌ memaꞌ nae leo iaꞌ:   
\q1
\v 6 ‘Ae, emi lahenda Betlehem, nai propinsi Yudea.  
\q2 Bosoꞌ mae, emi koro ma,  
\q3 noi koro aanaꞌ de sosoa-raraaꞌ taꞌa.  
\q2 Huu fo neuꞌ ko lahenda bau-inaꞌ esa neme naaꞌ mai.  
\q3 Neuꞌ ko Ana dadi mana foo soa-neuꞌ Au lahenda Israel kara.’ ”\x + \xo 2:6 \xt Mika 5:1; 2 Samuel 5:2\x*   
\p
\v 7 Maneꞌ Herodes a namanene leoꞌ na, boe ma naloo namanininoꞌ lahenda mana mete malela ruuꞌ sira. Ana natane si nae, “Fai hidaꞌ a riꞌ emi mita ruuꞌ ria toda nai lalai?” De ara rafada ni.  
\v 8 Boe ma ana fee si leo Betlehem reu, ma nafada nae, “Emi meu fo saka matabebesa Anaꞌ ria nai naa. Maneniko maneta moo Ni, sona matafali mai mafada au. Huu fo au boe sakaꞌ uu doꞌo-tabe Ni.”   
\p
\v 9 Ramanene basa maneꞌ a dedea na, boe ma ara reu. Ara rita seluꞌ ruuꞌ fo riꞌ maulu na parnaa rita ni nai dulu a. Ruuꞌ ria toda nai sira matan, de laꞌo losaꞌ nateꞌe naraa no mamanaꞌ fo riꞌ boki Anaꞌ a.   
\p
\v 10 Ara rita leoꞌ na, boe ma ramahoꞌo-ratadale raan seli.  
\v 11 Ara masoꞌ leo uma ria daleꞌ reu, te rita Anaꞌ a no maman Maria. Boe ma ara sundaꞌ undulaka nara fo doꞌo-tabe Ni. Ara buka sira popoti-popole hadia hata-heto mabeli nara, fee Anaꞌ a. Ara fee lilo pilas, kamanyan ma ai-nana boo meniꞌ mabeli.   
\p
\v 12 Ta doo bea boeꞌ, te ara hapu meis neme Manetualain mai nae, “Emi bosoꞌ boe fali seluꞌ leo maneꞌ Herodes a meu.” Huu ria na, de ara fali leo sira nusa-namon reu, resiꞌ eno fekeꞌ.   
\s1 Yusuf asa ralai leo Masir reu  
\p
\v 13 Lahenda mana mete malela ruuꞌ sira fali, boe ma Manetualain eilaꞌo-limalopen rai nusatetu-ikutemaꞌ a esa mai nafada Yusuf nai meis daleꞌ nae, “Ae, Yusuf! Foa leo! Malale fo moo Anaꞌ a, no mama Na leo Masir meu. Leo mahaniꞌ naa losaꞌ Au afada ae fai hidaꞌ emi bole fali, huu fo maneꞌ Herodes a saka Anaꞌ a fo nau naisan!”   
\p
\v 14 Yusuf foa na aon, boe ma noo sao na ma Anaꞌ a, de ralai leo nusa Masir reu hatun ria.  
\v 15 Ara leo rai naa losaꞌ mate Herodes. No ria na, natetu na Manetualain dedean, sama leoꞌ neme uluꞌ mai Ria mana nesi matan Hosea nafada memaꞌ nae,  
\q1 “Au aloo faliꞌ Au Ana Ka, fo kalua neme Masir mai.”\x + \xo 2:15 \xt Hosea 11:1\x*   
\s1 Maneꞌ Herodes a naisa ana aanaꞌ ara rai Betlehem  
\p
\v 16 Maneꞌ Herodes a bubuluꞌ nae, lahenda mana mete malela ruuꞌ sira fufudiꞌ ana, boe ma namanasa naan seli. Ana pareta soldadu nara nae, “Leo koro Betlehem, ma koroꞌ fo raneneaꞌ rai naa. Maisa basa ana aana touꞌ, fo riꞌ teuꞌ dua leo daeꞌ mai.” Herodes pareta nae leoꞌ na, nana huu ana nafarene lahenda mana mete malela ruuꞌ ara tutui na. Ana reken mulai neme masososa na ara rita ruuꞌ a toda nai lalai a.   
\p
\v 17 Basa hihii-nanauꞌ ia ra dadi, tuka hata fo neme fai a ulu na mai Manetualain mana nesi matan Yeremia duiꞌ memaꞌ nae,   
\q1
\v 18 “Ramanene lahenda dola-namatani nai kota Rama.\f + \fr 2:18 \ft Rama nana, kota esa naneneaꞌ Yerusalem.\f*  
\q2 Rahel dola-namatani,  
\q3 nana huu mate katemaꞌ ana aana nara.  
\q2 Ana ta nau lahenda mai oꞌoe-nanasin,  
\q3 nana huu ana nara reꞌes ana so.”\x + \xo 2:18 \xt Yeremia 31:15\x*   
\s1 Yusuf asa fali reme Masir mai  
\p
\v 19 Boe ma mate maneꞌ Herodes a. Tepoꞌ ria Yusuf asa bei rai Masir. Manetualain eilaꞌo-limalopen nai nusatetu-ikutemaꞌ a mai, natudu ao na neuꞌ ana nai mei-afes daleꞌ.  
\v 20 Eilaꞌo-limalope ria nae, “Ae, Yusuf! Foa leo! Moo Anaꞌ a, noo mama na, fo fali Israel meu leo. Te lahenda fo riꞌ nau naisa Anaꞌ a, maten so.”  
\v 21 Yusuf namanene leoꞌ na, boe ma ana foa na aon. De noo faliꞌ asa leo nusa Israel reu.   
\p
\v 22 Tehuu ana namanene rae, maneꞌ Herodes a anan Arkilaus pareta nai propinsi Yudea, de ana biiꞌ fali leo naaꞌ neu. Boe ma Manetualain pareta seluꞌ ana nai mei-afes esa bali nae, “Yusuf, o bosoꞌ leo nai Yudea.” Huu ria na, de ana neu leo nai propinsi Galilea,  
\v 23 nai koroꞌ esa nade Nasaret. No ria na, natetu-naraa noo Manetualain dedea-nafadan, tuka hata fo Ria mana nesi mata nara duiꞌ memaꞌ rae, “Neuꞌ ko ara raloo Ni rae Lahenda Nasaret.”\x + \xo 2:23 \xt Markus 1:24; Lukas 2:39; Yohanis 1:45\x*   
\c 3  
\s1 Yohanis Mana Saraniꞌ a nanori-nafada lahenda ra  
\r (Markus 1:1-8; Lukas 3:1-18; Yohanis 1:19-28)  
\p
\v 1 Tepoꞌ fo Yesus nambau-ina, boe ma Yohanis Mana Saraniꞌ a mulai nanori-nafada lahenda ra nai mamana lino-nees, nai propinsi Yudea.  
\v 2 Ana nafada nae, “Toranoo susue kara! Emi muste manaku ma foa ela sala-siko mara, fo matafali leo Manetualain meu leo. Huu fo besaꞌ ia basa lahenda ra bisa dadi reuꞌ Manetualain lahenda nara so.”\x + \xo 3:2 \xt Mateos 4:17; Markus 1:15\x*   
\p
\v 3 Maulu na Manetualain mana nesi matan esa, nade Yesaya duiꞌ memaꞌ laꞌe-neuꞌ Yohanis nae,  
\q1 “Neuꞌ ko lahenda esa naloo bou-bou nai mamana lino-nees nae,  
\q2 ‘Basa lahenda rahehere ao nara tao ratalolole enoꞌ,  
\q3 fo sipoꞌ Manetualain mamai Na!  
\q2 Tao ra enoꞌ a roos soa-neuꞌ Ana!’ ”\x + \xo 3:3 \xt Yesaya 40:3\x*   
\p
\v 4 Yohanis eno masoda na sama leoꞌ Manetualain mana nesi mata fai ulu nara. Kakao-papaken, tao si reme banda onta a bulu na. Ria tali-ee na, tao ni neme banda a rou na. Ria nanaa-nininun, lamaꞌ ma fani-oe nura.\x + \xo 3:4 \xt 2 Maneꞌ ara 1:8\x*   
\p
\v 5 Tepoꞌ ria lahenda dodouꞌ mai fo nau raneta roo Yohanis. Ara reme Yerusalem mai, ma reme propinsi Yudea isi na katemaꞌ. Ma reme basa koroꞌ fo raneneaꞌ lee Yarden.  
\v 6 Ara manaku neuꞌ loan sira sala-sikon katemaꞌ, boe ma Yohanis sarani si rai lee Yarden.   
\p
\v 7 Tepoꞌ ria, partei agama Farisi ma partei agama Saduki lahenda nara boe mai hule Yohanis fo sarani si. Tehuu ana nita si, boe ma nasapaa nae, “Hee! emi ia sama leoꞌ meke mapuputaꞌ! Manetualain neuꞌ ko huku emi, nana huu nonoi-tatao tadalu mara. Wee! Bosoꞌ mae emi bisa kalua meme Ria huhuku Na mai.\x + \xo 3:7 \xt Mateos 12:34; 23:33\x*  
\v 8 De malole lenaꞌ emi matafali leo Manetualain meu, ma saledale-tuꞌetei mara. Boe ma tao hihii-nanauꞌ malole ra, sama leoꞌ ai huuꞌ fo neni buna-boa malole.  
\v 9 Bosoꞌ afi mae emi lui memeꞌ Ramatuaꞌ a huhuku Na, nana huu emi ia nana baꞌi Abraham tititi-nonosin. Mamahere Au! Huu fo Manetualain bisa tao na batu ia ra dadi reuꞌ baꞌi Abaraham tititi-nonosin.\x + \xo 3:9 \xt Yohanis 8:33\x*  
\v 10 Besa-besa! Huu fo Manetualain nahehere aon neni taꞌa sakaꞌ loꞌo heni basa ai huuꞌ fo boa nara ta malole a. Loꞌo basa nate, Ana tuꞌu si leo ai-pilaꞌ daleꞌ reu.\x + \xo 3:10 \xt Mateos 7:19\x*   
\p
\v 11 Besaꞌ ia au sarani emi pake oe, fo dadi tanda nae, emi saledale-tuꞌetei mara so. Tehuu neuꞌ ko Lahenda esa kahereꞌ lena au, sakaꞌ mai. Leo mae au dadi noi neuꞌ Ria atan boe oo, au ta araa. Neuꞌ ko Ana tao nahenu emi dale mara neniꞌ Manetualain Dula-dale Malalao-malalafu Na. Ria boe tao na emi dadi lalao-lalafuꞌ, sama leoꞌ lahenda hotu heni kadafuꞌ.\f + \fr 3:11 \ft Dedea Yunani teaꞌ a nae, “sarani neniꞌ Manetualain Dula-dale Malalao-malalafu Na, ma ai-pilaꞌ.” “Sarani neniꞌ Ria Dula-dale Na” sosoa-raraan nae, “tao nahenu emi dale ma neniꞌ Manetualain Dula-dale Malalao-malalafu Na.” “Sarani... neniꞌ ai-pilaꞌ” sosoa-raraan nae, “tao na emi lalao-lalafuꞌ, sama leoꞌ lahenda hotu heni kadafuꞌ.”\f*  
\v 12 Huu fo Ana homu niru fo isiꞌ nai daleꞌ, de sakaꞌ dai heni uu na. Boe ma Ana poꞌa isiꞌ sira leo soꞌa daleꞌ reu. Tehuu uuꞌ ara, Ana tuꞌu si leo ai-pilaꞌ manabasa taaꞌ a daleꞌ reu.”   
\s1 Yohanis sarani Ramatua Yesus  
\r (Markus 1:9-11; Lukas 3:21-22)  
\p
\v 13 Fai ria Yesus onda neme Galilea mai leo lee Yarden neu. Ana mai hule Yohanis fo sarani Ni,  
\v 14 tehuu Yohanis ta nau fa. Ana nadedea laka nae, “Tao leoꞌ bea fo au muste sarani Ramatuaꞌ a? Ta tabaleꞌ ia fa, do? Ramatuaꞌ a riꞌ muste sarani au. Huu fo ria riꞌ au parluu!”   
\p
\v 15 Tehuu Yesus nataa nae, “Ta hata-hata fa. Soa-neuꞌ besaꞌ ia o riꞌ sarani Au. No ria na, ita tuka Manetualain hihii-nanaun.”  
\p Yohanis namanene leoꞌ na boe ma nataa nae, “Neu, neme Ramatuaꞌ a mai.” Boe ma ana sarani Yesus.   
\p
\v 16 Sarani basa, boe ma Yesus kalua neme oe daleꞌ mai. Kekeneu te, lalai natahuꞌa. Boe ma Ana nita Manetualain Dula-dale Na sama leoꞌ manupui kalasi a onda mai de tena neuꞌ aoina Na lain.  
\v 17 Boe ma ara ramanene Manetualain haraoe Na neme lalai mai nae,  
\q1 “Ia nana, Au Ana susue Ka.  
\q2 Ana tao na Au dale Ka namahoꞌo.”\x + \xo 3:17 \xt Tutui Masososaꞌ 22:2; Sosoda Iꞌio-oꞌoaꞌ ara 2:7; Yesaya 42:1; Mateos 12:18; 17:5; Markus 1:11; Lukas 9:35\x*   
\c 4  
\s1 Nitu ra malaka na soba Ramatua Yesus  
\r (Lukas 4:1-13; Markus 1:12-13)  
\p
\v 1 Basa ria, boe ma Manetualain Dula-dale Na napipipi-nalalaꞌo noo Yesus leo mamana lino-nees neu, ela nitu ra malaka na soba Ni.\x + \xo 4:1 \xt Ibrani 2:18; 4:15\x*  
\v 2 Ana puasa nai naa hatu-leledon faiꞌ haa hulu. De Ana namalaa naan seli.  
\v 3 Fai fo Ana namalaa, boe ma nitu ra malaka bau-ina na mai soba Ni nae, “O ia nana tebe-tebe Manetualain Ana Na, hete? Maneniko tebe, sona pareta batu ia ra fo dadi reuꞌ nanaaꞌ leo.”   
\p
\v 4 Tehuu Yesus nataa nae, “Manaduiꞌ nai Manetualain Susura Makamoi Na daleꞌ nae:  
\q1 ‘Lahenda dae-bafoꞌ a ta nasoda nemeꞌ noi nanaa-nininuꞌ a mai.  
\q2 Tehuu sira boe muste ramanene Manetualain Dedea-nafadan,  
\q3 ma tao tuka Ria hihii-nanaun.’ ”\x + \xo 4:4 \xt Tui Seluꞌ Laꞌe Neuꞌ Eno Sodaꞌ a 8:3\x*   
\p
\v 5 Boe ma nitu ria noo Yesus leo kota Yerusalem neu, Manetualain kota malalao-malalafu Na. Ma noo Yesus leo mamana madema lain neu nai Uma Mamaso Yahudi Ina.  
\v 6 Boe ma nitu ria nae, “Maneniko tebe-tebe Manetualain Anan O, sona soba paraboku daeꞌ muu leo. Huu fo manaduiꞌ nai Manetualain Susura Makamoi na nae,  
\q1 ‘Neuꞌ ko Manetualain pareta Ria eilaꞌo-limalope nara reme nusatetu-ikutemaꞌ a mai,  
\q2 fo ranea O.’  
\p Nai Manetualain Susura Makamoi na boe manaduiꞌ nae,  
\q2 ‘Neuꞌ ko ratanee ra O reniꞌ lima nara,  
\q2 fo ela O ao-ina ma bosoꞌ hedis a, ma ta tetaꞌ laꞌe batu a boeꞌ.’ ”\x + \xo 4:6 \xt Sosoda Iꞌio-oꞌoaꞌ ara 91:11-12\x*   
\p
\v 7 Tehuu Yesus nataa nae, “Manaduiꞌ nai Manetualain Susura Makamoi Na daleꞌ boe nae,  
\q1 ‘Manetualain riꞌ nanuu haak fo pareta o.  
\q3 Huu ria na, de o bosoꞌ soba Ni.’ ”\x + \xo 4:7 \xt Tui Seluꞌ Laꞌe Neuꞌ Eno Sodaꞌ a 6:16\x*   
\p
\v 8 Basa de nitu ria noo Yesus leo lete kademaina esa lain neu. Boe ma natudu basa nusaꞌ nai dae-bafoꞌ a, ma sira lole-napun katemaꞌ.  
\v 9 Nitu ria natudu basa sira, boe ma nafada nae, “Sadi O sundaꞌ undulaka ma fo doꞌo-tabe au, neuꞌ ko au fee katemaꞌ sira reuꞌ O.”   
\p
\v 10 Tehuu Yesus nasapaa nae, “He, nitu on! O maheoꞌ meme iaꞌ mai! Huu fo Manetualain Susura Makamoi na nae,  
\q1 ‘O muste doꞌo-tabe Manetualain,  
\q2 ma o muste malalau adaꞌ neuꞌ Ana.’ ”\x + \xo 4:10 \xt Tui Seluꞌ Laꞌe Neuꞌ Eno Sodaꞌ a 6:13\x*   
\p
\v 11 Nitu ria namanene leoꞌ na, boe ma ana laꞌo ela Yesus. Tehuu Manetualain eilaꞌo-limalope nara reme nusatetu-ikutemaꞌ a mai de urus Ana.   
\s1 Ramatua Yesus mulai nanori-nafada nai Galilea  
\r (Markus 1:14-15; Lukas 4:14-15)  
\p
\v 12 Tepoꞌ ria, mane Herodes a ena Yohanis Mana Saraniꞌ a nai bui daleꞌ. Yesus namanene leoꞌ na, boe ma Ana fali leo Galilea neu.\x + \xo 4:12 \xt Mateos 14:3; Markus 6:17; Lukas 3:19-20\x*  
\v 13 Ana leo koro Nasaret na neu, basa de Ana laꞌo naroo fo neu leo nai koro Kapernaum. Koroꞌ ria nai dano Galilea a suu na, nai Sebulon no Naftali oe-daen.\x + \xo 4:13 \xt Yohanis 2:12\x*  
\v 14 No ria na, Ana tao tuka hata fo Manetualain mana nesi matan Yesaya duiꞌ memaꞌ nae,   
\q1
\v 15 “Sebulon oe-daen, ma Naftali oe-daen  
\q2 fo raneneaꞌ dano Galilea, nai lee Yarden pooꞌ muri.  
\q3 Lahenda fo ta Yahudi fa, leo rai naa.   
\q1
\v 16 Ara rasoda nai maiuꞌ daleꞌ,  
\q2 tehuu besaꞌ ia ara rita Makaledoꞌ a so.  
\q1 Huu fo besaꞌ ia, Makaledoꞌ a nahaa  
\q2 soa-neuꞌ basa lahenda fo bei ta ralelaꞌ Manetualain.”\x + \xo 4:16 \xt Yesaya 9:1-2\x*   
\p
\v 17 Neme tepoꞌ ria mai, boe ma Yesus mulai nanori-nafada lahenda nae, “Emi muste saledale-tuꞌetei mara, fo masoda lalao-lalafuꞌ leo! Huu fo besaꞌ ia basa lahenda ra bisa dadi reuꞌ Manetualain lahendan so.”\x + \xo 4:17 \xt Mateos 3:2\x*   
\s1 Ramatua Yesus naloo na lahenda manadolu-manadala haa fo tuka Ni  
\r (Markus 1:16-20; Lukas 5:1-11)  
\p
\v 18 Faiꞌ esa, boe ma Yesus laꞌo tuka dano Galilea a suu na. Ana nita lahenda dua aꞌa-fadiꞌ. Esa nade Simon, tehuu lahenda biasa raloo ni rae, Petrus. Ma fadi na nade Anderias. Dua si dala ikaꞌ nai dano a, nana huu sira dua, manadolu-manadala.  
\v 19 Yesus naloo si nae, “Ae, mai fo tuka Au leo! Emi biasa saka ikaꞌ, tehuu besaꞌ ia Au nau anori emi, ela dadi meuꞌ mana saka sumaneꞌ.”  
\v 20 Dua si ramanene leoꞌ na, boe ma foa ela sira dala na, de tuka tutiꞌ Yesus.   
\p
\v 21 Yesus asa laꞌo raroo seluꞌ baiꞌ, boe ma Ana nita Sabadeus ana nara. Aꞌa a nade Yakobis, ma fadi na nade Yohanis. Dua si sama-sama roo papa na rahii ratalolole pukaꞌ nai ofaꞌ daleꞌ. Yesus naloo si fo tuka Ni.  
\v 22 Dua si ramanene leoꞌ na, boe ma ara foa ela papa na ma sira ofaꞌ na, de reu tuka tutiꞌ Ana.   
\s1 Ramatua Yesus nanori-nafada lahenda ma puli na lahenda kamahedis ara  
\r (Lukas 6:17-19)  
\p
\v 23 Boe ma Yesus asa laꞌo rule-feo propinsi Galilea, fo Ana nanori-nafada nai lahenda Yahudi ra uma mamaso nara. Ana nanori-nafada laꞌe-neuꞌ Manetualain Tutui Malole Na, ma nafada eno na leo beaꞌ fo lahenda bisa tuka Manetualain pareta na. Ma Ana puli na basa lahenda ra reme hedi-raus rupa nara mai boe.\x + \xo 4:23 \xt Mateos 9:35; Markus 1:39\x*  
\v 24 Ta doo bea boeꞌ, te tutuiꞌ laꞌe-neuꞌ Yesus tataon ria, tui-bekan losa rule-feo basa propinsi Siria. Lahenda ra roo sira lahenda kamahedi rupa nara, leo Ria neu. Ara roo lahenda nitu hekeꞌ, manahedeꞌ, ma lukuꞌ ara. Boe ma Ana puli na katemaꞌ asa.  
\v 25 Tepoꞌ ria, lahenda dodouꞌ mai tuka Ni. Ara reme propinsi Galilea, ma reme \it Dekapolis\it*, fo riꞌ sosoa na nae, Kota Sanahulu. Ruma bali reme kota Yerusalem, reme propinsi Yudea, ma reme lee Yarden seriꞌ mai.   
\c 5  
\s1 Ramatua Yesus nanori-nafada nai leteꞌ lain  
\p
\v 1 Yesus nita lahenda dodouꞌ mai tuka Ni, boe ma Ana ae leo lete anaꞌ esa lain neu, de natuuꞌ neuꞌ naa. Ria ana mana tuka dean fo here naa si a, raneneaꞌ mai fo ramania-ramanene neuꞌ Ana.  
\v 2 De, Ana mulai nanori-nafada si nae,   
\s2 Lahenda fo tebe-tebe hapu ua-naleꞌ  
\r (Lukas 6:20-23)  
\q1
\v 3 “Lahenda fo kasian nai Manetualain matan ara raua-ranale,  
\q2 huu fo Manetualain nana, sira Mane malole na.   
\q1
\v 4 Lahenda fo luumata-pinuidu ara raua-ranale,  
\q2 nana huu Manetualain riꞌ oꞌoe-nanasi si.\x + \xo 5:4 \xt Yesaya 61:2\x*   
\q1
\v 5 Lahenda dale maloe-madae aoꞌ ara raua-ranale,  
\q2 nana huu neuꞌ ko ara sipo katemaꞌ ua-naleꞌ fo Manetualain helu a.\x + \xo 5:5 \xt Sosoda Iꞌio-oꞌoaꞌ ara 37:11\x*   
\q1
\v 6 Lahenda fo rahiiꞌ raan seli Manetualain eno roo-tetu na, ara raua-ranale,  
\q2 nana huu neuꞌ ko Ana tao naa si ramanoꞌu-ramadai.\x + \xo 5:6 \xt Yesaya 55:1-2\x*   
\q1
\v 7 Lahenda fo ratudu dale kasian, ara raua-ranale,  
\q2 nana huu neuꞌ ko Manetualain boe kasian neuꞌ asa.   
\q1
\v 8 Lahenda fo dale nara lalao-lalafuꞌ, ara raua-ranale,  
\q2 nana huu neuꞌ ko sira siꞌ rita Manetualain.\x + \xo 5:8 \xt Sosoda Iꞌio-oꞌoaꞌ ara 24:3-4\x*   
\q1
\v 9 Lahenda maneni mole-dame, ara raua-ranale,  
\q2 huu fo neuꞌ ko Manetualain nae, ‘Sira nana, Au ana kara.’   
\q1
\v 10 Lahenda fo hapu eese-rurumuꞌ nana huu tuka Manetualain, ara raua-ranale,  
\q2 nana huu Manetualain nana, sira Mane malole na.\x + \xo 5:10 \xt 1 Petrus 3:14\x*   
\p
\v 11 Maneniko lahenda fekeꞌ a tao doidoso emi, nana huu emi tuka Au, emi boe maua-manale. Maneniko ara dedea tadaluꞌ neuꞌ emi, ma tui rapuputaꞌ tao ralutu emi nadem, emi boe maua-manale.\x + \xo 5:11 \xt 1 Petrus 4:14\x*  
\v 12 Leo mae leoꞌ na, tehuu emi muste mamahoꞌo-matadale, nana huu Manetualain sadia balas fee emi babati ma, mauunuꞌ nai nusatetu-ikutemaꞌ a. Tehuu mafarereneꞌ! Ta noi emi riꞌ hapu doidoso leoꞌ na, huu fo fai a ulu na lahenda ra tao tadalu leo naꞌ soa-neuꞌ Manetualain mana nesi mata nara boe.”\x + \xo 5:12 \xt 2 Israel no Yahuda Tutui na 36:16; Lahenda Nadedenuꞌ ara Tutuin 7:52\x*   
\s2 Lahenda fo tuka Ramatua Yesus, sama leoꞌ masiꞌ ma makaledoꞌ  
\r (Markus 9:50; Lukas 14:34-35)  
\p
\v 13 “Maneniko ita nau tao nanaaꞌ a malada, sona parluu ita tao masiꞌ neu dei. Leoꞌ na boe lahenda fo rasoda nai dae-bafoꞌ ia, ara parluu emi. Tehuu maneniko masiꞌ a dadi mamis, sona sosoa-raraan ubeaꞌ? Adaꞌ noi tuꞌu henin nai enoꞌ fo ramolo-ratabuꞌ ana.\x + \xo 5:13 \xt Markus 9:50; Lukas 14:34-35\x*   
\p
\v 14 Emi boe muste masoda sama leoꞌ dededeꞌ, fo ela lahenda dodouꞌ rita-dae no malole. Emi muste pila loa-loa, sama leoꞌ kota fo nai leteꞌ lain, de basa lahenda ra ritan.\x + \xo 5:14 \xt Yohanis 8:12; 9:5\x*  
\v 15 Lahenda fo dede na dedede anaꞌ a, ara ta tatana etu dededeꞌ ria nai ure dae daleꞌ. Tehuu ara fua dededeꞌ ria nai mamana madema, ela bisa nahaa nabasa uma a oe-isin.\x + \xo 5:15 \xt Markus 4:21; Lukas 8:16; 11:33\x*  
\v 16 Emi boe muste masoda leo naꞌ. Emi muste mahaa-makaledo, fo ela lahenda fekeꞌ ara rita emi soda malole ma. Ma rita leoꞌ na neuꞌ ko ara io-oa Manetualain rae, ‘Emi Papa ma nai nusatetu-ikutemaꞌ a, marela-masaꞌa naan seli!’ ”\x + \xo 5:16 \xt 1 Petrus 2:12\x*   
\s2 Ramatua Yesus mai fo tao natetu Manetualain atoran na  
\p
\v 17 “Emi bosoꞌ afi mae, Au mai nai dae-bafoꞌ ia, fo nau ose heni Manetualain atoran fo Ana feen neuꞌ baꞌi Musa. Ma bosoꞌ mae Au ta tao daleꞌ neuꞌ hata fo Manetualain mana nesi mata nara rafada memaꞌ neme uluꞌ mai so a. Huu fo Au mai, nana nau tao a basa-basan dadi natetu no basa hata fo ara rafada so a.  
\v 18 Huu ria na, nenene matalolole! Basa Musa atoran nara, leo mae titiꞌ do koma esa boe bei pake raheren ma neuꞌ ko natetu na maksud na losaꞌ lalai ma dae-bafoꞌ a noe.\x + \xo 5:18 \xt Lukas 16:17\x*  
\v 19 Neme basa Manetualain lahenda nara mai, esa nalena laka Manetualain atoran na, nana huu ana afi nae, ‘Hee! Atoran ia aanaꞌ, ta nanuu sosoa-raraaꞌ fa!’ Boe ma ana nanori-nafada leo naꞌ soa-neuꞌ lahenda fekeꞌ, neuꞌ ko Manetualain nai nusatetu-ikutemaꞌ a tao naan dadi neuꞌ lahenda aanaꞌ. Tehuu lahenda fo tao tuka Manetualain atoran na katemaꞌ, basa nana ana nanori-nafada leo naꞌ soa-neuꞌ lahenda fekeꞌ, sona neuꞌ ko lahenda ria hapu hada-horomata nai Manetualain matan.  
\v 20 Mamahere Au! Maneniko emi ta masoda roo-tetuꞌ malole lena neme mesen agama, ma lahenda partei Farisi ra, sona emi ta bisa dadi meuꞌ Manetualain lahendan.”   
\s2 Ramatua Yesus nanori-nafada lahenda ra fo bosoꞌ ramananasa aoꞌ  
\r (Lukas 12:57-59)  
\p
\v 21 “Emi bubuluꞌ baꞌi Musa atoran fo riꞌ ana nafada memaꞌ neuꞌ ita bei-baꞌin nae, ‘Bosoꞌ maisa lahenda, huu fo bea naisa lahenda, neuꞌ ko ana hapu huhukuꞌ.’\x + \xo 5:21 \xt Kalua reme Masir 20:13; Tui Seluꞌ Laꞌe Neuꞌ Eno Sodaꞌ a 5:17\x*  
\v 22 Tehuu Au nau afada leo iaꞌ: bosoꞌ mamanasa, huu fo bea namanasa no toranoo na, neuꞌ ko ana hapu huhukuꞌ. Lahenda fo nasa na lua no ria toranoo na nae, ‘O dodole ea!’ Neuꞌ ko lahenda ria muste nataa nai lasi agama ra. Ma lahenda fo nasapaa ria toranoo na nae, ‘Pakanaaꞌ!’, neuꞌ ko ana hapu huhukuꞌ nai ai-pila naraka.   
\p
\v 23 De maneniko o muni tutunu-hohotuꞌ soa-neuꞌ Manetualain, tehuu mafarene mae, hapu toranooꞌ bei namanasa no o,  
\v 24 sona bosoꞌ fee tutunu-hohotuꞌ sira dei. O muu mole-dame mo toranoo ma dei, basa ria besaꞌ ko muu fee tutunu-hohotuꞌ ria soa-neuꞌ Manetualain.   
\p
\v 25 Maneniko lahenda nau nadedea no o, sona malole lenaꞌ malale muu mole-dame moo ni dei. Maneniko taꞌa, sona neuꞌ ko lahenda ria no o muu mataa nai mana ee dedeaꞌ a. Boe ma mana ee dedeaꞌ a fee heni o leo polisi ra muu, de ara ena o nai bui daleꞌ.  
\v 26 Au dedea teteaꞌ ia! Neuꞌ ko o leo mahaniꞌ bui daleꞌ, losaꞌ o bae etu huta ma katemaꞌ.”   
\s2 Ramatua Yesus nanori-nafada lahenda fo bosoꞌ hohoke  
\p
\v 27 “Emi bubuluꞌ baꞌi Musa atoran na nae, ‘Bosoꞌ hohoke.’\x + \xo 5:27 \xt Kalua reme Masir 20:14; Tui Seluꞌ Laꞌe Neuꞌ Eno Sodaꞌ a 5:18\x*  
\v 28 Tehuu Au nau afada leo iaꞌ: lahenda fo nita inaꞌ esa, boe ma dale na nahiiꞌ suku noꞌ ana, sona touꞌ ria hohoke inaꞌ ria nai dale na so.  
\v 29 Maneniko o tao salaꞌ muniꞌ mata ona ma, sona edo henin. Huu fo malole lenaꞌ o masoꞌ leo nusatetu-ikutemaꞌ a muu, muni noi mataꞌ esaꞌ a, beraꞌ ko ara tuꞌu o leo ai-pila naraka a muu muni matam dua si.\x + \xo 5:29 \xt Mateos 18:9; Markus 9:47\x*  
\v 30 Ma kalu o tao salaꞌ muniꞌ lima ona ma, sona tete heni limaꞌ ria. Huu fo malole lenaꞌ o masoꞌ leo nusatetu-ikutemaꞌ a muu, muni noi limaꞌ esaꞌ a, beraꞌ ko ara tuꞌu o leo ai-pila naraka a daleꞌ muu muni limam dua si.”\x + \xo 5:30 \xt Mateos 18:8; Markus 9:43\x*   
\s2 Ramatua Yesus nanori-nafada fo bosoꞌ ramaetuꞌ  
\r (Mateos 19:9; Markus 10:11-12; Lukas 16:18)  
\p
\v 31 “Emi bubuluꞌ baꞌi Musa atoran na nae, ‘Lahenda fo namaetuꞌ no sao ina na, sona ana muste fee susura namaetuꞌ leo inaꞌ ria neu.’\x + \xo 5:31 \xt Tui Seluꞌ Laꞌe Neuꞌ Eno Sodaꞌ a 24:1-4; Mateos 19:7; Markus 10:4\x*  
\v 32 Tehuu Au afada leo iaꞌ: maneniko lahenda namaetuꞌ no sao ina na, sekona te sao ina na ta parnaa hohoke, ria bei sama leoꞌ ara bei sao rahere. De kalu inaꞌ ria sao seluꞌ, sona ria sama leoꞌ sao ulu na tao naan hohoke. Ma kalu touꞌ esa sao na inaꞌ esa fo parnaa namaetuꞌ, sona sira dua hohoke ria so boe, huu fo ara ralena laka neuꞌ eno sasaoꞌ a.”\x + \xo 5:32 \xt Mateos 19:9; Markus 10:11-12; Lukas 16:18; 1 Korintus 7:10-11\x*   
\s2 Ramatua Yesus nanori-nafada laꞌe-neuꞌ sosoo-susupaꞌ  
\p
\v 33 “Emi bubuluꞌ baꞌi Musa atoran fo riꞌ ana nafada neuꞌ ita bei-baꞌi nara nae, ‘Maneniko o soo-supa pake Manetualain nade Na, sona o muste tao matetuꞌ hehelu-barataaꞌ ria.’\x + \xo 5:33 \xt Malaka Agama ra Atoran 19:12; Susura Dudui Nadeꞌ a 30:2; Tui Seluꞌ Laꞌe Neuꞌ Eno Sodaꞌ a 23:21\x*  
\v 34 Tehuu Au afada leo iaꞌ: maneniko o tao hehelu-barataaꞌ, sona bosoꞌ pake sosoo-susupaꞌ. Bosoꞌ soo-supa pake nusatetu-ikutemaꞌ a nade na, huu fo nusatetu-ikutemaꞌ a, nana Manetualain mamana leleon.\x + \xo 5:34 \xt Yakobis 5:12; Yesaya 66:1; Mateos 23:22\x*  
\v 35 Bosoꞌ soo-supa pake dae-bafoꞌ a nade na, huu fo dae-bafoꞌ a, nana Manetualain ei momolo-tatabun. Ma bosoꞌ soo-supa pake Yerusalem nade na, huu fo Yerusalem, nana Mane Bau-inaꞌ a kota na.\x + \xo 5:35 \xt Yesaya 66:1; Sosoda Iꞌio-oꞌoaꞌ ara 48:3\x*  
\v 36 Bosoꞌ soo-supa meniꞌ emi laka ma. Huu fo emi ta manuu kuasa fo pareta lakadooꞌ esa ela dadi keoꞌ do fulaꞌ.  
\v 37 De, maneniko emi nau tao hehelu-barataꞌ mae, ‘ya’, sona mafada mae, ‘ya’. Tehuu maneniko taꞌa, sona mae, ‘taꞌa’. Maneniko emi mafada lena neme naꞌ mai, sona ria naoka-nasamu nai nitu a.”   
\s2 Ramatua Yesus nanori-nafada fo bosoꞌ balas tadaluꞌ no tadaluꞌ, tehuu muste malalau no malole  
\r (Lukas 6:29-30)  
\p
\v 38 “Emi bubuluꞌ baꞌi Musa atoran na nae, ‘Maneniko lahenda tao nalutu o mata ma, sona balas ana fo tao malutu mata na boe. Ma maneniko lahenda tao namosu heni nisi ma, sona balas ana fo tao mamosu heni nisi na boe.’\x + \xo 5:38 \xt Kalua reme Masir 21:24; Malaka Agama ra Atoran 24:20; Tui Seluꞌ Laꞌe Neuꞌ Eno Sodaꞌ a 19:21\x*  
\v 39 Tehuu Au afada ae leoꞌ ia: bosoꞌ balas tadaluꞌ no tadaluꞌ. Maneniko lahenda fapa suke mi seri, sona nemeꞌ na ela ana fapa sukeꞌ seri bali.  
\v 40 Maneniko lahenda nau nadedea no o, fo nau hai na badu ma, sona fee seluꞌ badu hanas ma neu.  
\v 41 Maneniko soldadu esa naseti o fo lepa-masaa feen hata ni esa doo-doo na kilo esa, sona masaa maroon losa kilo dua.  
\v 42 Maneniko lahenda hule o hata ubeam, sona fee ni. Ma kalu lahenda nau tonda o hata ubeam, sona fee neu.”   
\s2 Ramatua Yesus nanori-nafada ela sue-lai lahenda fo eteꞌ ao nara ro ita  
\r (Lukas 6:27-28, 32-36)  
\p
\v 43 “Emi mamanene lahenda rafada rae, ‘Sue-lai o toranoom, ma eteꞌ ao ma moo lahenda fo eteꞌ aon no o.’\x + \xo 5:43 \xt Malaka Agama ra Atoran 19:18\x*  
\v 44 Tehuu Au afada leo iaꞌ: o muste sue-lai lahenda fo eteꞌ aon no o. Ma hule ela Manetualain fee ua-naleꞌ neuꞌ lahenda fo tao na o doidoso.  
\v 45 Maneniko o tao leo naꞌ, sona matudu mae, o ia nana Amaꞌ nai nusatetu-ikutemaꞌ a anan. Huu fo Ana adu-tao na ledo a nahaa soa-neuꞌ lahenda malole, ma soa-neuꞌ lahenda tadaluꞌ a boe. Ria boe naonda uda fee lahenda fo tao tuka pareta Na sama-sama roo lahenda fo ralena laka Ria pareta Na.  
\v 46 De, maneniko o sue-lai noi lahenda fo sue-lai o, sona bosoꞌ afi mae Manetualain muste balas o neniꞌ ua-naleꞌ. Huu fo lahenda tadaluꞌ boe sue-lai sira tia-lain fo sue-lai si a.  
\v 47 De, maneniko o fee haraoe soda-moleꞌ noi neuꞌ tia-laim, sona bosoꞌ afi mae ria lena neme lahenda fekeꞌ. Te lahenda fo ta namahere Manetualain, boe tao leo naꞌ.  
\v 48 De mafarereneꞌ! O Papa ma nai nusatetu-ikutemaꞌ a sue-lai basa lahenda ra. De o boe muste tao tuka leoꞌ na!”\x + \xo 5:48 \xt Malaka Agama ra Atoran 19:2; Tui Seluꞌ Laꞌe Neuꞌ Eno Sodaꞌ a 18:13\x*   
\c 6  
\s2 Ramatua Yesus nanori-nafada fo tulu-fali lahenda manatoꞌa-manataaꞌ ara  
\p
\v 1 Yesus nanori-nafada naroo nae, “Mafarereneꞌ! Bosoꞌ moi tuka-tukaꞌ agama a atoran na, fo ela lahenda io emi. Maneniko emi tao leo naꞌ, sona emi Papa ma nai nusatetu-ikutemaꞌ a neuꞌ ko ta seba emi hata-hata esa boeꞌ.\x + \xo 6:1 \xt Mateos 23:5\x*   
\p
\v 2 Kalu emi nau tulu-fali lahenda kasian ara, sona bosoꞌ meu matui dedea nai basa mamanaꞌ ain. Maneniko emi tao leo naꞌ, sona emi sama leoꞌ lahenda fo dedea fekeꞌ tao fekeꞌ. Ara rahiiꞌ lalaꞌo leo uma mamasoꞌ a reu, fo ela lahenda io si rae, ‘Ae, lahenda ia kahereꞌ.’ Au dedea tetebeꞌ! No hapu iꞌio leo naꞌ a, ara sipo ra seseba nara so.  
\v 3 De, maneniko emi nau tulu-fali lahenda kasian ara, sona bosoꞌ tutui esa boe!  
\v 4 No ria na, lahenda nai dae-bafoꞌ ia ta bubuluꞌ. Tehuu emi Papa ma nai nusatetu-ikutemaꞌ a riꞌ bubuluꞌ hata fo emi tao no namanininoꞌ a. Neuꞌ ko Ana balas emi neniꞌ ua-naleꞌ dodouꞌ.”   
\s2 Ramatua Yesus nanori-nafada lahenda huhule-haradoiꞌ  
\r (Lukas 11:2-4)  
\p
\v 5 “Emi hule-haradoi, sona bosoꞌ tao ao mara sama leoꞌ lahenda fo dedea fekeꞌ, tao fekeꞌ. Ara rahiiꞌ lalaꞌo rai eno-dala rame, ma rapadei rai uma mamasoꞌ daleꞌ, fo ela lahenda dodouꞌ rita ma io si rae, ‘Ae! Lahenda lalao-lalafuꞌ ia ra!’ Tehuu nenene! No saka iꞌio leo naꞌ, sira sipo ra seseba-babae nara so.\x + \xo 6:5 \xt Lukas 18:10-14\x*  
\v 6 Tehuu emi ta bole leo naꞌ fa. Maneniko emi hule-haradoi, sona masoꞌ leo kama daleꞌ meu fo ena lelesu a. Boe ma hule-haradoi nai dale mara neuꞌ emi Papa ma. Leo mae lahenda fekeꞌ ta nita, tehuu emi Papa ma riꞌ nita. Neuꞌ ko Ana balas emi neniꞌ ua-naleꞌ dodou-inaꞌ.   
\p
\v 7 Maneniko emi hule-haradoi, sona bosoꞌ dedea matafafali meu-mai. Te lahenda fo ta ralelaꞌ Manetualain boe oo bisa hule-haradoi leo naꞌ. Ara afi rae, Manetualain nahiiꞌ namanene sira huhule-haradoi manaru na.  
\v 8 Bosoꞌ tao sama leoꞌ sira! Huu fo leo mae emi bei ta hule hata-hata esa neme emi Papa ma nai nusatetu-ikutemaꞌ a, tehuu Ana bubuluꞌ memaꞌ hata fo emi parluu a.  
\v 9 De maneniko hule-haradoi, sona pake natutuduꞌ leo iaꞌ:  
\q1 ‘Amaꞌ nai nusatetu-ikutemaꞌ a! Amaꞌ a nade Ma Lalao-lalafuꞌ naan seli.  
\q2 Ela leoꞌ bea na basa lahenda ra soꞌu-fua radedema Amaꞌ a nade Marela-masaꞌa Ma.   
\q1
\v 10 Ela leoꞌ bea na Papa dadi Mane soa-neuꞌ basa lahenda ra!  
\q2 Ela leoꞌ bea na basa lahenda ra tao tuka Papa pareta ma nai dae-bafoꞌ ia,  
\q3 sama leoꞌ Papa eilaꞌo-limalope mara tao tuka Papa pareta ma nai nusatetu-ikutemaꞌ a.   
\q1
\v 11 Papa fee ami nanaa-nininu namanoꞌu-namadaiꞌ tuka-tuka faiꞌ.   
\q1
\v 12 Ami hule Papa sae-safe heni ami sala-siko mara,  
\q2 sama leoꞌ ami fee ampon neuꞌ lahenda sala-sikon fo ara taon soa-neuꞌ ami.   
\q1
\v 13 Papa, manea ami fo bosoꞌ tao salaꞌ.  
\q2 Ma poꞌi-tata maa ami meme nitu a kuasa na mai.  
\q1 [Huu fo Papa nana, Maneꞌ Manakuasa ma Marela-masaꞌa.  
\q2 Papa riꞌ homu maroo pareta.  
\q3 Papa, ami huhule-haradoi ma, noi ri naꞌ. Amin.]’\f + \fr 6:13 \ft b: Dudui dedea Yunani masososaꞌ a ta duiꞌ tamba babati mateꞌe ia.\f*   
\p
\v 14 Tehuu nenene! Maneniko emi fee ampon neuꞌ lahenda fo nasala no emi, neuꞌ ko emi Papa ma nai nusatetu-ikutemaꞌ a boe sae-safe heni emi sala-sikom.  
\v 15 Tehuu maneniko emi ta nau fee ampon neu lahenda fo nasala no emi, neuꞌ ko emi Papa ma boe ta fee ampon neuꞌ emi.”\x + \xo 6:15 \xt Markus 11:25-26\x*   
\s2 Ramatua Yesus nanori-nafada laꞌe-neuꞌ puasa  
\p
\v 16 “Maneniko emi hule-haradoi ma puasa, sona bosoꞌ marurutu sama leoꞌ lahenda fo dedea fekeꞌ tao fekeꞌ. Ara tao leo naꞌ fo ela lahenda io si rae, ‘Sira nana, lahenda lalao-lalafuꞌ.’ Tehuu nenene! No hapu iꞌio leo naꞌ, ara sipo ra seseba-babae nara so.  
\v 17 Tehuu maneniko emi puasa, sona marou makamomoi mata-idum, ma sau matalolole laka mara!  
\v 18 De, neuꞌ ko lahenda rita emi, ara ta bubuluꞌ rae, emi puasa. Tehuu emi Papa ma riꞌ bubulu. Neuꞌ ko Ana balas fee emi neniꞌ ua-naleꞌ dodouꞌ.”   
\s2 Ramatua Yesus nanori-nafada laꞌe-neuꞌ nabubua hata-heto nai nusatetu-ikutemaꞌ  
\r (Lukas 12:33-34)  
\p
\v 19 “Bosoꞌ moi-tao mela-maku fo mabubua hata-heto dodouꞌ nai dae-bafoꞌ ia. Huu fo neuꞌ ko fufuꞌ, ma rutuꞌ ara raa heni si. Ma naꞌo ra mai ramanaꞌo reni si.\x + \xo 6:19 \xt Yakobis 5:2-3\x*  
\v 20 Tehuu malole lenaꞌ emi moi-tao mela-maku mabubua hata-heto dodouꞌ nai nusatetu-ikutemaꞌ a. Huu fo nai naa fufuꞌ ma rutuꞌ ara ta raa si. Ma naꞌo ra boe ta bisa mai ramanaꞌo reni si.  
\v 21 Emi peda hata-heto mara rai bea, tantu emi dale ma boe rai naa.”   
\s2 Ramatua Yesus nanori-nafada laꞌe-neuꞌ sodaꞌ nai makaledoꞌ a daleꞌ  
\r (Lukas 11:34-36)  
\p
\v 22 “Lahenda mata na, sama leoꞌ dededeꞌ fo tao makaledo ria dale na. Maneniko mata na nita-dae, sona ana tuka eno soda matetuꞌ a, sama leo lahenda laꞌo nai makaledoꞌ a daleꞌ.  
\v 23 Tehuu maneniko mata na nasasapu, sona ana ta tuka eno malole a, sama leo lahenda laꞌo noi nafaroroeꞌ a nai maiuꞌ daleꞌ. De maneniko makaledoꞌ fo nai emi dale mara dadi maiuꞌ, sona emi boe masoda nai maiuꞌ daleꞌ.”   
\s2 Ramatua Yesus nanori-nafada lahenda fo bosoꞌ dale nara dodaꞌ nau rasoda tao leo beaꞌ  
\r (Lukas 16:13; 12:22-31)  
\p
\v 24 “Lahenda ta bisa noi-tao tebe-tebe soa-neuꞌ malaka dua, huu fo neuꞌ ko ria nahiiꞌ malaka esa, lena neme malaka fekeꞌ a. Neuꞌ ko ana tuka malaka esa, tehuu malaka esa bali sona ana ta tao daleꞌ neu. Huu ria na, o ta bisa mae ‘Manetualain riꞌ nanuu haak fo pareta au,’ kalu o tao doiꞌ a dadi neuꞌ malaka ma.   
\p
\v 25 Huu ria na Au afada leo iaꞌ: bosoꞌ dale mara dodaꞌ mae ami sakaꞌ masoda tao leo beaꞌ, ami sakaꞌ mia ubeaꞌ, minu ubeaꞌ, kao-pake ubeaꞌ? Emi bate mae masodaꞌ a nana noi riꞌ nanaa-nininuꞌ? Ma ao-inaꞌ a nana pake noi kakao-pakeꞌ? Ta leo naꞌ fa.  
\v 26 Soba mete masudi manupuiꞌ fo ara laa-laa rai lalai. Ara ta rasapute sele-tande ma etu-oru fo peda nanaaꞌ nai mamana pepeda-fufuaꞌ. Tehuu emi Papa ma nai nusatetu-ikutemaꞌ a naboi-nasamao naroo si. Ria boe tantu bisa naboi-nasamao emi lena neme ria mai bali. De afi matalolole dei. Huu fo Ana uku-sudi emi lena neme manupuiꞌ sira mai.  
\v 27 Maneniko lahenda napadeiꞌ nai tiroao a matan, boe ma dale na dodaꞌ, ana bisa tao namadema ria ao-ina na, do? Ta bisa fa!  
\v 28 Maneniko taꞌa, sona ubeaꞌ taon, de emi dale mara dodaꞌ laꞌe-neuꞌ kakao-papakeꞌ? Soba meu mete masudi buna bakung nai mooꞌ a. Ara ta tenu-heke fa.   
\p
\v 29 Tehuu nenene matalolole! Mane Soleman kakao-papake madidila-mabebeben boe oo, ta bisa leoꞌ bunaꞌ sira lole nara.\x + \xo 6:29 \xt 1 Maneꞌ ara 10:4-7; 2 Israel no Yahuda Tutui na 9:3-6\x*  
\v 30 Huu fo Manetualain tao daleꞌ neuꞌ bunaꞌ fo rasoda noi faiꞌ ia, boe ma balahaaꞌ te mate si, de lahenda tuꞌus leo ai-pilaꞌ daleꞌ reu. Maneniko Ana tao leo naꞌ, Ria boe tantu fee emi kao-pake lena neme bunaꞌ sira mai. Ubeaꞌ taon, de emi ta mamahere tebe-tebe neuꞌ Ana?  
\v 31 De, bosoꞌ dale mara dodaꞌ mae, ‘Ami sakaꞌ mia ubeaꞌ?’ do, ‘Ami sakaꞌ minu ubeaꞌ?’ do, ‘Ami sakaꞌ kao-pake ubeaꞌ?’  
\v 32 Lahenda fo ta nau ramahere Manetualain, ara sota raan seli ela hapu katemaꞌ hihii-nanauꞌ sira. Tehuu emi bosoꞌ leo naꞌ, huu fo emi Papa ma nai nusatetu-ikutemaꞌ a bubuluꞌ basa-basan fo emi parluu a.  
\v 33 Tehuu emi muste malalaꞌo Ria nonoi-tataon, ma muste tuka Ria pareta na dei, sona neuꞌ ko Ana fee tamba seluꞌ basa hihii-nanauꞌ fo emi parluu a.  
\v 34 De, bosoꞌ emi dale mara dodaꞌ neuꞌ hata fo emi parluu nai balahaaꞌ. Huu fo balahaaꞌ nanuu pupute-aai fekeꞌ bali. Fai ia susa na dai so.”   
\c 7  
\s2 Ramatua Yesus nanori-nafada fo bosoꞌ mapaneneoꞌ lahenda  
\r (Lukas 6:37-38, 41-42)  
\p
\v 1 “Emi bosoꞌ mapaneneoꞌ lahenda, fo ela Manetualain bosoꞌ napaneneoꞌ emi.  
\v 2 Emi mararaaꞌ lahenda leoꞌ bea, sona neuꞌ ko Manetualain nararaaꞌ emi leo naꞌ boe. Ma emi uku-sudi lahenda fekeꞌ a sala-sikon leo beaꞌ, sona neuꞌ ko Manetualain uku-sudi emi leo naꞌ boe.\x + \xo 7:2 \xt Markus 4:24\x*  
\v 3 O mahiiꞌ tanda noi lahenda sala-siko aana na, tehuu o sala-siko kabaꞌuina ma, sona o mae salaꞌ ta ria fa. Ria sama leoꞌ o mita afu sopuꞌ esa nai o tia-laim mata na. Sekona te baloꞌ kabaꞌuina a babaa etu o mata ma, tehuu ta mameda maan.  
\v 4 Tao leoꞌ bea, de o maparani dedea mae, ‘Toranooꞌ! Mai fo au kue heni afu ria neme mata ma mai dei.’ Sekona te o ta bisa mita hata-hata esa boeꞌ, huu fo baloꞌ a babaa etu o mata ma.  
\v 5 Ae! O nana tebe lahenda dea-mataꞌ! Afi fo, tuꞌu heni baloꞌ ria neme o mata ma mai dei, besaꞌ ko o bisa mita-dae, fo kue heni afu a neme o toranoo ma mata na mai.   
\p
\v 6 Hihii-nanauꞌ lalao-lalafuꞌ laꞌe-neuꞌ Manetualain, bosoꞌ manori-mafadan neuꞌ mana mamumuluꞌ ara. Huu fo sira nana sama leoꞌ busa maꞌaaꞌ, de neuꞌ ko natafali mai suu emi. Sira boe pakanaaꞌ sama leoꞌ bafi. Maneniko lahenda fee lilo mabeli, sona ana ta tao daleꞌ neu! Huu fo noi namolo-natabuꞌ ana.”   
\s2 Ramatua Yesus nanori-nafada fo hule-haradoi bosoꞌ namaetun  
\r (Lukas 11:9-13)  
\q1
\v 7 “Maneniko emi hule-haradoi,  
\q2 hule maroo neuꞌ Manetualain;  
\q3 neuꞌ ko Ana fee.  
\q1 Maneniko saka maroo;  
\q2 neuꞌ ko Ana natudu eno.  
\q1 Maneniko maloo maroo;  
\q2 neuꞌ ko Ana soi lelesu.   
\q1
\v 8 Lahenda fo hule raroo neuꞌ Manetualain,  
\q2 neuꞌ ko sipo.  
\q1 Saka naroo,  
\q2 neuꞌ ko hapu.  
\q1 Naloo naroo,  
\q2 neuꞌ ko Ana soi lelesu.   
\p
\v 9 Emi dodoo manenin! Maneniko anaꞌ a hule roti, tantu papa na ta feen batu fa, hete?  
\v 10 Do maneniko anaꞌ a hule ikaꞌ, papa na ta feen meke!  
\v 11 Maneniko lahenda tadaluꞌ rupa leoꞌ emi a, mahiiꞌ fee emi ana mara hata malole, tantu emi Papa ma nai nusatetu-ikutemaꞌ a fee hata fo emi hule Ni a, huu fo emi Papa ma riꞌ tebe malole a.   
\p
\v 12 De, hata fo o nau lahenda fekeꞌ taon soa-neuꞌ o, sona o muste tao leo naꞌ soneuꞌ ria boe. Huu fo ia nana, huu-pedaꞌ neme basa-basan fo baꞌi Musa no Manetualain mana nesi mata feke nara ranori-rafada memaꞌ neme fai a ulu na mai.”\x + \xo 7:12 \xt Lukas 6:31\x*   
\s2 Ramatua Yesus nanori-nafada laꞌe-neuꞌ lelesu bafa lutuꞌ  
\r (Lukas 13:24)  
\p
\v 13 “Maneniko lahenda nau masoꞌ nusatetu-ikutemaꞌ, sona ana muste laꞌo nesiꞌ lelesu bafa lutuꞌ a. Huu fo enoꞌ fo mudaꞌ laꞌesaꞌ ma lelesu bafa loaꞌ, riꞌ lahenda dodouꞌ rahiiꞌ resiꞌ ana. Tehuu besa-besa! Huu fo eno leo naꞌ a, riꞌ neni lahenda leo naraka neu, fo ara bika-bati reme Manetualain.  
\v 14 Lahenda fo nau masoꞌ nusatetu-ikutemaꞌ a, muste tuka eno susa, ma nesiꞌ lelesu bafa lutuꞌ ria. Huu fo leo mae noi lahenda bai anaꞌ a laꞌo resiꞌ na, tehuu eno bafa lutu leo naꞌ a riꞌ noo lahenda leo Manetualain neu.”   
\s2 Ramatua Yesus nanori-nafada fo bosoꞌ tuka mapuputaꞌ ara  
\r (Lukas 6:43-44)  
\p
\v 15 “Besa-besa mo manatipu-manadaiꞌ fo io ao nara rae, sira nana Manetualain mana nesi matan. Huu fo tao uni sira malole sama leoꞌ bibi-lopo. Sekona te sira tadaluꞌ, sama leoꞌ busa fuiꞌ maꞌaa.  
\v 16 Emi bisa malelaꞌ tao lahenda mana fufudiꞌ sira leoꞌ bea? Mete neme sira nonoi-tataon. Sama leoꞌ lahenda nita ai boaꞌ, fo nalelaꞌ ai boaꞌ ria huu na. Ai boa malole, ta kalua neme ai huuꞌ fo ta malole.  
\v 17 Huu fo ai huu malole neni buna-boa malole. Tehuu ai huu ta malole neni buna-boa ta malole.  
\v 18 Ta hapu ai huu malole neni buna-boa ta malole. Ma ta hapu ai huu ta malole, neni buna-boa malole.  
\v 19 Ai huuꞌ fo ta neni buna-boa malole, tantu ara mai beta henin fo tuꞌun leo ai-pilaꞌ daleꞌ neu.\x + \xo 7:19 \xt Mateos 3:10; Lukas 3:9\x*  
\v 20 Leoꞌ na boe soa-neuꞌ mana nesi mata fufudiꞌ ara. Emi bisa malelaꞌ asa neme sira nonoi-tataon mai.”\x + \xo 7:20 \xt Mateos 12:33\x*   
\s2 Ramatua Yesus nafada laꞌe-neuꞌ lahenda fo seseiꞌ Manetualain noi nai bafadoo nara  
\r (Lukas 13:25-27)  
\p
\v 21 “Neuꞌ ko lahenda raloo Au rae, ‘Ramatuaꞌ!’ Tehuu ara seseiꞌ noi nai bafadoo nara. Neuꞌ ko Manetualain nai nusatetu-ikutemaꞌ a tipa heni si. Noi lahenda fo tuka matetuꞌ Ria hihii-nanaun, riꞌ Ana sipoꞌ asa dadi reuꞌ Ria lahendan.  
\v 22 Neuꞌ ko dae-bafoꞌ a nonoe na, te lahenda dodouꞌ manaku rae, Au ia nana sira Ramatua na. Ara leleꞌo Au rae, ‘Ramatuaꞌ! Ami meu tui-beka Ramatuaꞌ a nanori-nafadam so. Ami boe usi nitu ra pake Ramatuaꞌ a nade Ma. Ma ami tao tanda heran rupaꞌ ara pake Ramatuaꞌ a kuasa Ma.’   
\p
\v 23 Leo mae ara leleꞌo Au laꞌo naroo leoꞌ na boe, tehuu neuꞌ ko Au afada si ae, ‘Emi ia nana bea? Au ta alelaꞌ emi, huu fo emi ta masoda tuka Manetualain hihii-nanaun. De maheoꞌ meme iaꞌ mai leo.’ ”\x + \xo 7:23 \xt Sosoda Iꞌio-oꞌoaꞌ ara 6:9\x*   
\s2 Ramatua Yesus nanori-nafada laꞌe-neuꞌ lahenda malelaꞌ ma lahenda pakanaaꞌ  
\r (Lukas 6:47-49)  
\p
\v 24 “Lahenda fo mai namanene neuꞌ Au, ma tao tuka Au dedea-nafada Ki, ria sama leoꞌ lahenda malelaꞌ a nafoa uma na nai fanderen batu.  
\v 25 Boe ma uda inaꞌ a onda mai losaꞌ faa ra. Ani inaꞌ a boe fae fee uma ria. Tehuu uma ria ta hea neu, nana huu ana napadei nai fanderen batu matea.   
\p
\v 26 Lahenda fo mai namanene neuꞌ Au, tehuu ta tao tuka Au dedea-nafada Ki, ria sama leoꞌ lahenda pakanaaꞌ a nafoa uma na neuꞌ soroaeꞌ lain.  
\v 27 Tepoꞌ fo uda inaꞌ a mai losaꞌ faa ra, ma ani inaꞌ a fae fee uma ria. Boe ma uma ria hea neu losaꞌ nalulutuꞌ.”   
\s1 Lahenda ra heran ramanene Ramatua Yesus nanori-nafada kahere na  
\p
\v 28 Yesus dedea basa leoꞌ na, boe ma basa lahenda ra heran ramanene Ria nanori-nafadan,  
\v 29 huu fo Ana nalelaꞌ matetuꞌ nanoriꞌ ria isi-liin. Ria eno nanori-nafadan, ta sama no sira mesen agama nara.\x + \xo 7:29 \xt Markus 1:22; Lukas 4:32\x*   
\c 8  
\s1 Ramatua Yesus puli na lahenda kamahedis kusta esa  
\r (Markus 1:40-45; Lukas 5:12-16)  
\p
\v 1 Yesus onda neme leteꞌ lain mai, boe ma lahenda dodouꞌ ranononda reu tuka Ni.  
\v 2 Kekeneu te, lahenda kamahedis kusta esa mai nasare Nan. Ana sundaꞌ undulaka na fo hule Yesus nae, “Ramatuaꞌ! Tulu-fali au dei! Kalu Ramatuaꞌ a nau, sona bisa mamopo au hedis ka, ela lahenda bosoꞌ rahiaꞌ au bali, fo au bisa hule-haradoi seluꞌ nai uma mamaso Yahudi.”   
\p
\v 3 Yesus namanene leoꞌ na, boe ma looꞌ lima Na neu, de nafaroe lahenda kamahedis kusta ria, ma dedea nae, “Au nau! O teꞌe leo!” Kekeneu te, lahenda ria hedis na mopon tutiꞌ.  
\v 4 Boe ma Yesus nafada ni nae, “Mafarereneꞌ! O teꞌe ma aom so, tehuu ta bole mafada lahenda esa boeꞌ. O muste tuka baꞌi Musa atoran na dei. De leo malaka agama muu, fo ana parisaꞌ ao-ina ma, ela ana bubuluꞌ nae o hedis ma teꞌe matetuꞌ so do, beiꞌ. Boe ma o muste fee tutunu-hohotuꞌ tanda makasi, ela basa lahenda bubuluꞌ rae, o teꞌe matetuꞌ so.”\f + \fr 8:4 \ft Malaka Agama ra Atoran 14:1-32\f*   
\s1 Ramatua Yesus puli na malaka soldadu Roma esa ana uma dalen  
\r (Lukas 7:1-10)  
\p
\v 5 Basa boe ma Yesus masoꞌ leo koroꞌ Kapernaum neu. Nai naa, malaka soldadu Roma esa mai hule tutulu-fafaliꞌ nae,  
\v 6 “Papa! Au ata ki esa namahedi beraꞌ nai uma. Ana ta bisa foa neme koi lain mai fa, huu fo ana doidoso naan seli.”   
\p
\v 7 Yesus nataa nae, “Malole! Neuꞌ ko Au uu fo puli an.”   
\p
\v 8 Tehuu malaka soldadu ria nae, “Papa! Papa bosoꞌ masosota aom mai bali, huu fo au ta araa sipoꞌ Papa nai au uma ka. Sadi Papa moi mafadaꞌ a meme iaꞌ mai, tantu au ata ka teꞌe tutiꞌ a.  
\v 9 Au bubuluꞌ hihii-nanauꞌ ia, nana huu au malaka kara ranuu kuasa fo pareta au. Ma au boe anuu kuasa fo pareta soldadu kara. Maneniko au pareta ei-lima ki esa ae, ‘Leo eleꞌ mu!’ tantu ana neu. Maneniko au ae, ‘Leo iaꞌ mai!’ tantu ana mai. Ma kalu au adenu ata ka ae, ‘Moi-tao ia!’ tantu ana tao leo naꞌ. De sadi Papa moi dedeaꞌ a, tantu au ata ki ria teꞌe tutiꞌ.”   
\p
\v 10 Yesus namanene leoꞌ na, boe ma Ana heran. Ana dedea neuꞌ lahenda kadodouꞌ fo tuka Ni a nae, “Heran! Doo-naru basa ia, tehuu Au bei ta parnaa aneta oo lahenda Yahudi esa, namahere tebe-tebe sama leoꞌ lahenda Roma ia boeꞌ!  
\v 11 Nenene! Neuꞌ ko lahenda dea dodouꞌ reme dulu ma reme muri mai sama leoꞌ lahenda Roma ia, ara ratuuꞌ raa feta sama-sama roo baꞌi Abraham, baꞌi Isak ma baꞌi Yakob rai Manetualain uma na nai nusatetu-ikutemaꞌ a.\x + \xo 8:11 \xt Lukas 13:29\x*  
\v 12 Leo mae Manetualain teka-here lahenda Yahudi ra fo dadi reuꞌ Ria lahendan, tehuu lahenda dodouꞌ ta tao daleꞌ neuꞌ Ana. Neuꞌ ko Ana tipa heni si leo mamana maiu-mahatuꞌ a reu. Nai naa ara dola-ramatani ma doidoso raan seli.”\f + \fr 8:12 \ft Mateos 22:13; 25:30; Lukas 13:28\f*   
\p
\v 13 Yesus dedea basa nae leoꞌ na, boe ma nafada malaka soldadu ria nae, “Papa fali leo. Huu fo ata ria teꞌe na aon so, sama leoꞌ papa namahere ma.” Naraa no oras ria boe, ata ria teꞌe tutiꞌ a.   
\s1 Ramatua Yesus puli na lahenda kamahedis dodouꞌ  
\r (Markus 1:29-34; Lukas 4:38-41)  
\p
\v 14 Laiꞌ esa de, Yesus leo Petrus uma na neu. Ana nita Petrus arina na napeuꞌ nai koi lain, huu fo ao na luu mai.  
\v 15 Yesus tai na lima na, boe ma ina lasiꞌ a ao luu mai na mopon tutiꞌ a. Basa de ana foa fo neu urus Yesus asa.   
\p
\v 16 Ledo a mulai tena, boe ma lahenda ra roo lahenda nitu heke nara mai. Yesus pareta nitu sira nae, “Nitu emin! Heoꞌ meme lahenda iaꞌ ra mai!” Boe ma nitu sira kalua tutiꞌ a. Ana puli na basa lahenda kamahedis ara boe.  
\v 17 Ana tao basa ia ra, ela natetu no hata fo Manetualain mana nesi matan Yesaya duiꞌ memaꞌ nae,  
\q1 “Ana puli na ita hedi-raun.  
\q2 Ma Ana lepa-nasaa na ita doidoso na.”\x + \xo 8:17 \xt Yesaya 53:4\x*   
\s1 Lahenda fo nau tuka Ramatua Yesus muste tuka no matetuꞌ  
\r (Lukas 9:57-62)  
\p
\v 18 Yesus nita lahenda dodouꞌ mai eo Ran. Boe ma Ana nafada ana mana tuka dea nara nae, “Mai hela laa fo leo dano seriꞌ teu.”   
\p
\v 19 Boe ma mesen agama esa mai dedea nae, “Papa mesen! Papa leo beaꞌ muu, sona au tuka ahere Papa!”   
\p
\v 20 Tehuu Yesus nataa ni nae, “Malole a boe! Tehuu mafareneꞌ leo iaꞌ. Basa lahenda ma banda ara esaꞌ ko nanuuꞌ mamana leleon. Busa fuiꞌ a fali leo bolo na neu. Manupuiꞌ a fali leo runu na neu. Tehuu Au, Ana Lahenda ia, ta anuu uma fo fali leo naaꞌ uu. Ai nulu lakaꞌ boe taꞌa.”   
\p
\v 21 Boe ma lahenda mana tuka dea feken esa bali, mai hule nae, “Ramatuaꞌ! Au nau tuka Ramatuaꞌ a, tehuu leoꞌ bea sona au fali fo urus ina-ama kara dei. Maneniko mate au papa ka, besaꞌ ko au tuka.”   
\p
\v 22 Tehuu Yesus dedea nae, “Leo iaꞌ! Nemeꞌ na ela lahenda fo ta ramahere Ramatuaꞌ a, urus sira lahenda mana mate nara. Tehuu maneniko o nau tuka Au, sona o muste tuka no matetuꞌ!”   
\s1 Ramatua Yesus tao na ruli a namate  
\r (Markus 4:35-41; Lukas 8:22-25)  
\p
\v 23 Basa de Yesus sama-sama no ana mana tuka dea nara ae leo ofaꞌ lain.  
\v 24 Ara leo dano a seriꞌ reu, boe ma Ana suku. Ta doo bea boeꞌ, te ruli a foa. Nafa ra rapepena, de oe a nala ofaꞌ daleꞌ.  
\v 25 Ana mana tuka dea nara rita leoꞌ na boe ma ara fafae Ni rae, “Ramatuaꞌ! Ramatuaꞌ, ee! Foa fo tulu-fali ami dei! Huu fo ita sakaꞌ bolo riaꞌ so!”   
\p
\v 26 Yesus nataa si nae, “Ubeaꞌ taon de emi biiꞌ? Emi ta mamahere Au fa, do?” Boe ma Ana foa, de nasaꞌai nafa-ani ria nae, “Mamate leo!” Boe ma nafa-ani tena tutiꞌ a.   
\p
\v 27 Yesus ana mana tuka dea nara heran, ma rae, “Awii! Te Lahenda ia nana bea ia? Tao leoꞌ bea, de Ana bisa pareta nafa-ani fo tuka Ria hihii-nanaun?”   
\s1 Ramatua Yesus puli na lahenda nitu hekeꞌ dua  
\r (Markus 5:1-20; Lukas 8:26-39)  
\p
\v 28 Ta doo bea boeꞌ, te ara losa dano a seriꞌ, nai lahenda Gadara ra\f + \fr 8:28 \ft Hapu duduiꞌ dedea Yunani ruma duiꞌ \ft \+it Gergesa\+it*, ma fekeꞌ ara bali, duiꞌ \+it Gerasa\+it*. Tehuu dudui dedea Yunani riꞌ sosoa na dekaꞌ no Mateos susuran fo manaduiꞌ \+it Gadara\+it*.\f* nusa na. Nai naa hapu lahenda nitu hekeꞌ dua, leo rahaniꞌ leaꞌ rates ara talada. Sira, makaresi nara seli, losaꞌ ta hapu lahenda esa naparani laꞌo nesiꞌ naa boeꞌ. Ara rita Yesus mai boe ma  
\v 29 bobouꞌ rae, “Ae, Manetualain Anan! Ubeaꞌ taon de O mai maepoꞌ ami? Leo mae bei ta losa ledo-fain fo huku ami, tehuu O nau mai ese-rumu ami ia so.”   
\p
\v 30 Ta dooꞌ a neme naaꞌ mai, bafi dodouꞌ totofi saka nanaaꞌ.  
\v 31 Boe ma nitu ra hule Yesus rae, “Maneniko nau usi ami, sona madenu ami masoꞌ leo bafi sira daleꞌ meu!”   
\p
\v 32 Yesus pareta si nae, “Meu leo!” Boe ma nitu ra kalua ela lahenda sira dua, de ara masoꞌ leo bafi ra daleꞌ reu. Bafi ra ralai ratotofaꞌ onda tuka lete a suu na, boe ma tuda rala dano daleꞌ, de mate basa si.   
\p
\v 33 Manea bafi ra rita leoꞌ na, boe ma ralai faliꞌ leo koroꞌ daleꞌ reu, ara tui basa-basan.  
\v 34 Lahenda kadodou-inaꞌ ara ramanene si tui rae leoꞌ na, boe ma ara leo mamanaꞌ ria reu. Ara raneta ro Yesus, boe ma ara hule doe-doe ro Ni fo laꞌo ela mamanaꞌ ria.   
\c 9  
\s1 Ramatua Yesus puli na lahenda lukuꞌ esa  
\r (Markus 2:1-12; Lukas 5:17-26)  
\p
\v 1 Basa de Yesus asa saꞌe ra seluꞌ ofaꞌ a, fo leo dano seriꞌ reu, boe ma ara losa Ria kota Na.  
\v 2 Nai naa lahenda rolo reni sira nonoon lukun, leo Ria neu. Yesus nita leo naꞌ boe ma Ana bubuluꞌ nae, ara ramahere Ni bisa puli na sira nonoon ria. Boe ma Ana dedea neuꞌ lahenda lukuꞌ ria nae, “Ana Ki on! Matetea dale ma dei! Huu fo Au sae-safe heni o sala-sikom so.”   
\p
\v 3 Tehuu mesen agama Yahudi hida rai naa, ramanene Yesus dedean ria. Boe ma dale nara hanas a, de bei dea rae, “Lahenda ia naparani laiesaꞌ dedea leo naꞌ! Noi Manetualain riꞌ bisa fee ampon neuꞌ lahenda sala-sikon. Tehuu lahenda ia dedea na, tao aon sama leoꞌ ria nana Manetualain. Ana namumulu-namamaeꞌ Manetualain ria so!”   
\p
\v 4 Tehuu Yesus bubuluꞌ sira dale na. Boe ma Ana dedea nae, “Ubeaꞌ taon de emi afi mae, Au dedea namumulu-namamaeꞌ?  
\v 5 Muda na riꞌ ubeaꞌ? Maneniko Au afada lahenda lukuꞌ ia ae, ‘O sala-sikom hapu ampon so,’ do, Au ae, ‘Foa fo fali leo.’  
\v 6 Maneniko ana foa tutiꞌ a, besaꞌ ko emi mita buti mae, Au nana, Ana Lahenda. Huu fo Au anuu haak fee ampon neuꞌ lahenda sala-sikon.”  
\p Boe ma Yesus pareta lahenda lukuꞌ ria nae, “Foa leo! Hai muni mamana napeu ma, fo fali leo!”   
\p
\v 7 Lahenda lukuꞌ ria foa tutiꞌ a, de ana fali neun.  
\v 8 Basa lahenda ra rita leo naꞌ, boe ma ara heran. Ara io-oa Manetualain nade Na rae, “Manetualain marela-masaꞌa naan seli! Ana fee kuasa bau-ina leo iaꞌ neuꞌ lahenda nai dae-bafoꞌ a so.”   
\s1 Ramatua Yesus naloo Mateos fo tuka Ni  
\r (Markus 2:13-17; Lukas 5:27-32)  
\p
\v 9 Yesus laꞌo neme naaꞌ mai, boe ma nita lahenda mana susu bea esa, nai mamana sususu bea. Ria nade, Mateos. Yesus leleꞌon nae, “Mai tuka Au!” Mateos namanene leoꞌ na, boe ma foa de neu tuka tutiꞌ Ana.   
\p
\v 10 Boe ma Mateos hule Yesus asa mai raa-rinu nai uma na. Ana hule nonoo mana susu bea nara, ma fui fekeꞌ ara boe, fo mai raa-rinu sama-sama roo si.   
\p
\v 11 Tehuu lahenda hida reme partei Farisi a, mai ramuu-radau nai Yesus ana mana tuka dea nara rae, “Ubeaꞌ taon, de emi mesen ma natuuꞌ naa-ninu sama-sama noo lahenda masala-masikoꞌ ara, leo-leoꞌ mana susu bea ra, ma sira tia-lai lahenda tadalu nara?”\x + \xo 9:11 \xt Lukas 15:1-2\x*   
\p
\v 12 Tehuu Yesus nafada si nae, “Tebe lahenda kamahedis ara parluu doter. Tehuu lahenda sodaꞌ a ta parluu soꞌ.  
\v 13 Malole lenaꞌ emi fali fo lees matalolole Manetualain Dedea-nafadan, fo riꞌ fai a ulu na Ana nadenu mana nesi matan Hosea duiꞌ nae,  
\q1 ‘Au hihii-nanau Ki, riꞌ,  
\q2 Au lahenda kara rasue-ralai ao ma ratudu dale kasian ara.  
\q1 Maneniko ara ta tao leo naꞌ, sona,  
\q2 sira banda tutunu-hohotun fo riꞌ reni fee Au a,  
\q3 ta nanuu sosoa-raraaꞌ hata-hata esa boeꞌ.’  
\p Ria riꞌ Manetualain nafada nae. Huu ria na, Au ta mai urus lahenda fo tao ao nara dadi lahenda roos, tehuu Au mai urus lahenda masala-masikoꞌ ara.”\x + \xo 9:13 \xt Mateos 12:7; Hosea 6:6\x*   
\s1 Lahenda ratane, ubeaꞌ taon de Ramatua Yesus ana mana tuka dea nara ta puasa  
\r (Markus 2:18-22; Lukas 5:33-39)  
\p
\v 14 Boe ma Yohanis Mana Saraniꞌ a ana mana tuka dea nara leo Yesus reu. Ara ratane rae, “Ami fo tuka Yohanis a, biasa puasa. Lahenda Farisi ra boe puasa. Tehuu ubeaꞌ taon, de Papa ana mana tuka dea mara raa-rinu raroo? Ara ta puasa ralelaꞌ fa, do?”   
\p
\v 15 Tehuu Yesus nataa si, pake nasasamaꞌ nae, “Leo iaꞌ: maneniko feta kakabiꞌ, fui ra ta puasa fa, tehuu ara raa-rinu rabete. Maneniko mana kabi touꞌ a bei nai naa, tantu ara raa-rinu. Tehuu maneniko laiꞌ esa nai ria lahenda fekeꞌ ara hopu roo mana kabi touꞌ a, boe ma tia-lai nara susa dei, faiꞌ ria besaꞌ ko ara puasa.   
\p
\v 16 Lahenda ta hai na temaꞌ bibia bebeuꞌ, fo tapa neuꞌ badu paraa saiꞌ a. Huu fo maneniko safe badu ria, temaꞌ bebeu manatapaꞌ a uꞌulu. No ria na badu paraaꞌ a sii nambera.   
\p
\v 17 Leoꞌ na boe, lahenda ta isi tua nasu beuꞌ neuꞌ hai paraaꞌ daleꞌ. Huu fo neuꞌ ko haiꞌ ria hean, boe ma tua nasu a nosi henin. De tua nasu beuꞌ a muste disin leo hai bebeuꞌ daleꞌ neu, fo ela haiꞌ a bosoꞌ hean ma tua nasuꞌ a ta nosi henin!”\f + \fr 9:17 \ft Dudui dedea Yunani teaꞌ a nae, “Bosoꞌ sali oe anggor bebeuꞌ leo tas paarou paraaꞌ daleꞌ neu, te bosoꞌ losa hean fo sii henin.”\f* [No ria na, Yesus nanori si nae Ria nanori-nafadan, bebeuꞌ. De bosoꞌ epo-seoꞌ ana no nanori-nafada paraaꞌ.]   
\s1 Ramatua Yesus puli na inaꞌ esa poꞌa-poꞌa mesan daa, ma fee ana fetoꞌ esa nasoda seluꞌ  
\r (Markus 5:21-43; Lukas 8:40-56)  
\p
\v 18 Yesus bei dedea no Yohanis ana mana tuka dea nara, te malaka uma mamaso Yahudi esa mai naneta no Ni. Lahenda ria sundaꞌ undulaka na neuꞌ Yesus matan, fo hule nae, “Papa, ee! Tulu-fali dei! Huu fo au ana feto ka besaꞌ ko maten. Papa mai fo fua lima ma neuꞌ ana dei, ela bisa nasoda seluꞌ.”   
\p
\v 19 Yesus namanene leoꞌ na, boe ma no ana mana tuka dea nara tuka tutiꞌ lahenda ria.   
\p
\v 20-21 Inaꞌ esa tuka no si rai eno taladaꞌ. Ana poꞌa-poꞌa mesan daa teuꞌ sanahulu dua, ta teꞌe matetuꞌ fa. Ana afi nai dale na nae, “Sadi au bisa afaroe laꞌe Yesus badu na, tantu au teꞌe a ao ki.” Huu ria na, de ana neu nafaroe Yesus badu peda na.   
\p
\v 22 Yesus nameda naan, boe ma Ana lipe aon fo mete inaꞌ ria. Ana dedea nae, “Ana Ki on! Matetea dale ma. Huu fo o mamahere tebe-tebe neuꞌ Au, de o teꞌe ma aom.” No besaꞌ ria boe, inaꞌ a teꞌe tutiꞌ a.   
\p
\v 23 Yesus asa laꞌo raroo leo malaka uma mamaso Yahudi a, uma na reu. Losa naa boe ma Ana masoꞌ leo uma daleꞌ neu, ma nita mana mamina musik luumata-pinuiduꞌ, ma lahenda dodouꞌ dola.  
\v 24 Tehuu Yesus nafada si nae, “Emi hahae dodolaꞌ a, fo fali leo! Huu fo anaꞌ ia ta maten fa, ana suku ria.” Tehuu ara hiꞌa ma peko bafa nara ro Ni.   
\p
\v 25 Basa lahenda sira kalua, boe ma Yesus masoꞌ leo anaꞌ ria kaman daleꞌ neu, ma tai na lima na. Boe ma anaꞌ ria nasoda seluꞌ.  
\v 26 Lahenda ra rita leoꞌ na, boe ma ara mulai ratuiꞌ rule-feo sira nusa-namon laꞌe-neuꞌ hata fo Yesus tao a.   
\s1 Ramatua Yesus puli na lahenda pokeꞌ dua  
\p
\v 27 Basa boe ma Yesus laꞌo naroo. Nai eno taladaꞌ, lahenda pokeꞌ dua tutukaꞌ Ana. Ara raloo bou-bou rae, “Mane Daud tititi-nonosin! Kasian neuꞌ ami dei!”   
\p
\v 28 Yesus masoꞌ uma daleꞌ neu, boe ma lahenda poke kaduaꞌ sira mai. Ana natane si nae, “Emi mamahere tebe-tebe, mae Au anuu kuasa fo tao emi bisa mita-dae?”  
\p Ara rataa rae, “Awii! Papa bosoꞌ matane bali, huu fo ami mamahere tebe-tebe neuꞌ Papa.”   
\p
\v 29 Yesus namanene leoꞌ na, boe ma Ana nafaroe sira mata nara, ma dedea nae, “Kalu leoꞌ na, sona ela dadi tuka emi namahere ma!”  
\v 30 Yesus dedea basa leoꞌ na, boe ma ara rita-dae tutiꞌ a. Yesus nafarereneꞌ fee si nae, “Mafarereneꞌ. Emi bosoꞌ mafada lahenda hata mana dadiꞌ ia!”   
\p
\v 31 Tehuu ara ta bisa ranenete fa. Boe ma ara laꞌo rule-feo nusaꞌ ria fo tui-beka laꞌe-neuꞌ Yesus nonoi-tataon.   
\s1 Ramatua Yesus puli na lahenda pakanaaꞌ  
\p
\v 32 Lahenda poke kaduaꞌ sira kalua, boe ma lahenda roo lahenda fekeꞌ esa leo Yesus neu. Lahenda ria ta bisa nadedea fa, huu fo nitu a heke naan.  
\v 33 Yesus nita leoꞌ na, boe ma Ana pareta nitu a kalua neme lahenda ria mai. Nitu a kalua boe ma lahenda ria bisa nadedea tutiꞌ a. Basa lahenda fo rai naa, ara heran, ma rae, “Awii! Ami lahenda Yahudi a bei ta parnaa mita leo iaꞌ fa!”   
\p
\v 34 Tehuu lahenda Farisi ra dale nara ta loaꞌ a. Ara dedea rae, “Ae! Nitu ra malaka na riꞌ feen kuasa fo ela Ana bisa usi kalua nitu.”\x + \xo 9:34 \xt Mateos 10:25; 12:24; Markus 3:22; Lukas 11:15\x*   
\s1 Ramatua Yesus nita lahenda dodouꞌ boe ma kasian neuꞌ asa  
\p
\v 35 Basa de Yesus laꞌo rule-feo kota ma koroꞌ dodouꞌ, fo nanori-nafada nai uma mamaso Yahudi ra. Ana nanori-nafada lahenda laꞌe-neuꞌ Manetualain Tutui Malole Na, ma tao leoꞌ bea fo ara bisa dadi reuꞌ Ria lahendan. Ana puli na basa hedis rupaꞌ ara, ma lahenda luku-lakaꞌ ara boe.\x + \xo 9:35 \xt Mateos 4:23; Markus 1:39; Lukas 4:44\x*  
\v 36 Yesus nita lahenda kadodouꞌ sira, boe ma Ana kasian neuꞌ asa, huu fo ara ta bubuluꞌ rae tao leo beaꞌ. Nana huu sira basa sama leoꞌ bibi-lopo fo ta ranuu mana foo.\x + \xo 9:36 \xt Susura Dudui Nadeꞌ a 27:17; 1 Maneꞌ ara 22:17; 2 Israel no Yahuda Tutui na 18:16; Yeskial 34:5; Sakaria 10:2; Markus 6:34\x*  
\v 37 Boe ma Yesus dedea no ana mana tuka dea nara nae, “Lahenda kadodouꞌ ia ra, sama leoꞌ oka-tine a buna-boan. Leo mae buna-boan dodouꞌ, tehuu lahenda mana noi ta dai fo etu-oru buna-boaꞌ sira, ma peda si reuꞌ mamana pepeda-fufuaꞌ.  
\v 38 Huu ria na, emi muste hule Manuu okaꞌ a fo fee lahenda mana noi seluꞌ, fo ela ara reu rabubua ra Ria buna-boa nara.”\x + \xo 9:38 \xt Lukas 10:2\x*   
\c 10  
\s1 Ramatua Yesus teka-here ana mana tuka dean sanahulu dua  
\r (Markus 3:13-19; Lukas 6:12-16)  
\p
\v 1 Boe ma Yesus naloo na ana mana tuka dea nara fo mai rabuaao nara. Ana fee si kuasa fo usi nitu, ma puli ra lahenda reme hedis rupaꞌ ara mai.  
\v 2 Ana mana tuka dea kasanahulu duaꞌ fo Ana nadenu si a, nade nara siꞌ:  
\q2 Masososaꞌ a, nade Simon (fo biasa lahenda raloon rae, ‘Petrus’),  
\q2 ma fadi na, nade Anderias,  
\q2 Yakobis,  
\q2 ma fadi na, nade Yohanis (sira dua, nana Sabadeus ana nara).   
\q2
\v 3 Filipus,  
\q2 ma Bertolomeos.  
\q2 Tomas,  
\q2 ma Mateos (mana susu bea).  
\q2 Yakobis (Alpius ana na),  
\q2 ma Tadius.   
\q2
\v 4 Simon (fo tuka partei Selot),\f + \fr 10:4 \ft Partei Selot ia, saka enoꞌ fo ara poꞌi-lotaꞌ reme mana pareta Roma mai. Boe ma ara hule partei ia rae ‘Patriot’.\f*  
\q2 ma Yudas Iskariot (fo riꞌ neuꞌ ko seꞌo heni Yesus).   
\s1 Ramatua Yesus nadenu ana mana tuka dea nara  
\r (Markus 6:7-13; Lukas 9:1-6)  
\p
\v 5-6 Boe ma Yesus nadenu ana mana tuka dean sanahulu duas, ma Ana fee si pareta nae, “Au adenu emi leo ita lahenda Yahudi nara meu, nana huu ita lahendan dodouꞌ ta tuka matetuꞌ Manetualain eno-dalan. Sira nana, sama leoꞌ bibi-lopo manasala-manamopoꞌ. Huu ria na, emi bosoꞌ leo lahenda fo ta Yahudi fa, conto leo-leoꞌ lahenda Samaria ra.  
\v 7 Meu mafada ita lahenda Israel nara mae, ‘Losa ledo-fain so, de basa lahenda Yahudi ra bisa dadi reuꞌ Manetualain lahenda nara.’  
\v 8 Meu puli ma lahenda kamahedis, fee lahenda mana mateꞌ ara rasoda seluꞌ, puli ma lahenda kamahedis kusta, ma usi kalua nitu. Manetualain fee emi dodouꞌ, tehuu Ana ta hule faliꞌ hata-hata esa boeꞌ. De besaꞌ ia emi muste meu ela fee dodouꞌ soa-neuꞌ lahenda fekeꞌ, tehuu emi bosoꞌ hule faliꞌ hata-hata esa neme sira mai boe.  
\v 9 Meu hihiiꞌ. Bosoꞌ meni doi-tali,  
\v 10 tua-lepa, kakao-papake lenaꞌ, sopatu, do teteꞌe. Huu fo lahenda fo riꞌ sipo nanori-nafada neme mana noi, muste fee hata fo naraa neuꞌ mana noi sira bisa rasoda.\x + \xo 10:10 \xt 1 Korintus 9:14; 1 Timotius 5:18\x*   
\p
\v 11 Maneniko emi masoꞌ leo kota esa, do koroꞌ esa meu, sona emi saka lahenda fo riꞌ nau sipoꞌ emi. Boe ma leo mahaniꞌ naa, losaꞌ emi foa ela mamanaꞌ ria.  
\v 12 Maneniko emi masoꞌ leo lahenda uman meu, sona mafada mae, ‘Soda-moleꞌ! Manetualain fee ua-naleꞌ soa-neuꞌ emi.’  
\v 13 Maneniko lahenda rai uma ria sipoꞌ emi no malole, emi hule fo Manetualain fee si ua-naleꞌ. Tehuu maneniko ara ta sipoꞌ emi, Manetualain boe ta fee si ua-naleꞌ.  
\v 14 Maneniko lahenda ta nau ramanene neuꞌ emi, sona kalua meme uma ria, do kota ria, ma sasapu heni afu a neme ei mara mai, ela dadi tanda nae, ara ta nau ramanene, de ara lepa ao nara natataaꞌ a.\x + \xo 10:14 \xt Lahenda Nadedenuꞌ ara Tutuin 13:51\x*  
\v 15 Maneniko Manetualain fee huhukuꞌ neuꞌ lahenda nai dae-bafoꞌ ia, neuꞌ ko Ana fee huhukuꞌ mabera neuꞌ lahenda Sodom ma Gamora fo riꞌ fai a ulu na tadalu raan seli a. Tehuu mafarereneꞌ. Huu fo Ana fee huhuku mabera lena bali soa-neuꞌ lahenda fo riꞌ ta nau sipoꞌ emi!”\x + \xo 10:15 \xt Lukas 10:4-12; Mateos 11:24; Tutui Masososaꞌ 19:24-28\x*   
\s2 Ramatua Yesus nafada ana mana tuka dea nara nae, neuꞌ ko ara hapu doidoso  
\r (Markus 13:9-13; Lukas 21:12-17)  
\p
\v 16 “Mafarereneꞌ. Huu fo Au adenu emi ia, sama leoꞌ Au poꞌi bibi-lopo a leo busa fui maꞌaaꞌ a talada neu. Huu ria na, emi muste pake duduꞌa-aafiꞌ sama leoꞌ meke malelaꞌ. Ma emi dale ma boe muste roo-tetuꞌ, sama leoꞌ manupui kalasi fo ta saka nalelaꞌ dedea lakaꞌ.\x + \xo 10:16 \xt Lukas 10:3\x*  
\v 17 Tehuu besa-besa! Huu fo neuꞌ ko lahenda ese-rumu emi sama leoꞌ busa fuiꞌ aa namate bibi-lopo. Neuꞌ ko ara hela roo emi leo mamana parisa dedea agama a meu. Ma neuꞌ ko ara liꞌu-fepa emi nai sira uma mamaso Yahudi na.  
\v 18 Neuꞌ ko ara hela roo emi meu mataa nai gubernor no maneꞌ a, nana huu emi tuka Au. Tehuu emi muste pake lelaꞌ ria fo tui-beka Au Tutui Malole Ka soa-neuꞌ asa. No ria na, lahenda fo ta ralelaꞌ Manetualain boe oo, ramanene laꞌe-neuꞌ Au.  
\v 19 Tehuu maneniko ara hela roo emi leoꞌ na, sona bosoꞌ biiꞌ mae, ‘Neuꞌ ko au dedea ae, leoꞌ bea?’ Do, ‘Neuꞌ ko au ataa ae, ubeaꞌ?’ Bosoꞌ dale mara dodaꞌ, huu fo losa ledo-fai na, te neuꞌ ko emi Amam nai nusatetu-ikutemaꞌ a riꞌ nafada emi muste dedea mae leoꞌ bea.  
\v 20 Hata fo emi dedean ta naoka-nasamu neme emi mai fa, huu fo Ria Dula-dale Malalao-malalafu Na riꞌ nanori-nafada, ela emi bisa dedea mae leoꞌ bea.\x + \xo 10:20 \xt Markus 13:9-11; Lukas 12:11-12; 21:12-15\x*   
\p
\v 21 Emi mete fa, nai uma esa daleꞌ, maneniko lahenda namahere Au, neuꞌ ko ria toranoo boki na riꞌ saka enoꞌ fo ela lahenda fekeꞌ naisa toranoon ria. Maneniko anaꞌ a namahere, neuꞌ ko papa na riꞌ naisa ni. Maneniko ina-ama ramahere, neuꞌ ko sira ana boki na riꞌ naisa si.\x + \xo 10:21 \xt Markus 13:12; Lukas 21:16\x*  
\v 22 Meten fa, neuꞌ ko basa lahenda eteꞌ ao nara ro emi, nana huu emi tuka Au. Tehuu lahenda fo nanenete losaꞌ babasa na, neuꞌ ko Manetualain poꞌi-tata naan.\x + \xo 10:22 \xt Mateos 24:9, 13; Markus 13:13; Lukas 21:17\x*  
\v 23 Maneniko lahenda ese-rumu emi nai kota esa, sona malai leo kota fekeꞌ meu. Tebe ria! Au ia, Ana Lahenda. Neuꞌ ko emi bei ta laꞌo rule-feo mabasa kota nai Israel, tehuu Au atafali mai so.   
\p
\v 24 Lahenda ra biasa fee hada-horomata neuꞌ mesen esa, lena neme ria ana sakola nara. Ma lahenda fee hada-horomata neuꞌ malaka esa, lena neme ria ata nara.\x + \xo 10:24 \xt Lukas 6:40; Yohanis 13:16; 15:20\x*  
\v 25 Maneniko ana sakola a nanori de malela na sama no ria mesen na, sona ana nameda naan dai so. Ma kalu ata a nanori, de malela na sama no ria malaka na, sona ana nameda naan dai so boe.  
\p De, mafarereneꞌ. Maneniko lahenda naloo manuu umaꞌ a nae, ‘O ia, nana Balsebul, fo riꞌ nitu ra malaka na!’ Sona tantu ria uma isi nara boe hapu nade tadaluꞌ lena bali.”\f + \fr 10:25 \ft Mateos 9:34; 12:24; Markus 3:22; Lukas 11:15\f*   
\s2 Bosoꞌ biiꞌ lahenda, huu fo Manetualain nanea-nasalaꞌe emi  
\r (Lukas 12:2-7)  
\p
\v 26 “De, emi bosoꞌ bii lahenda fo soaꞌ emi. Te hata fo lahenda tao nafufuniꞌ, neuꞌ ko basa lahenda ra rita.\x + \xo 10:26 \xt Markus 4:22; Lukas 8:17\x*  
\v 27 Hata fo Au anori-afadan noi neuꞌ emi, neuꞌ ko emi muste meu mafada basa lahenda ra. Ma hata fo Au afada oi abobotoꞌ a, neuꞌ ko emi muste meu mafada rule-feo nai basa mamanaꞌ.  
\v 28 Bosoꞌ bii lahenda, huu fo sira bisa raisa noi lahenda ao-ina na, tehuu ara ta bisa raisa lahenda sumane na. Huu ria na, emi muste biiꞌ Manetualain, te noi Ria riꞌ nanuu kuasa fo tuꞌu heni lahenda ao-ina na no sumane na leo tasi ai-pila mana mate taaꞌ a daleꞌ neu.  
\v 29 De matetea dale mara. Lahenda seꞌo manupui karutuꞌ nai pasar neniꞌ beliꞌ bai anaꞌ. Tehuu ta mate esa boeꞌ, kalu emi Papa ma nai nusatetu-ikutemaꞌ a ta nataa fa.  
\v 30 Emi Papa ma nai nusatetu-ikutemaꞌ a boe relu-natanae emi losa leo lulutu-raraeꞌ a. Emi lakadoo mara dedesi na boe, Ana reke naa si so.  
\v 31 De, emi bosoꞌ biiꞌ! Huu fo Manetualain uku-sudi emi beli ma lena neme basa manupui karutuꞌ sira mai.”   
\s2 Bosoꞌ maeꞌ manaku Ramatua Yesus  
\r (Lukas 12:8-9)  
\p
\v 32 Boe ma Yesus dedea bali nae, “Lahenda fo naparani manaku nae nalelaꞌ Au nai lahenda dodouꞌ matan nai dae-bafoꞌ ia, neuꞌ ko Au boe manaku ae alelaꞌ ana nai Au Papa ka matan, nai nusatetu-ikutemaꞌ a ae, ‘Ria nana Au lahenda Ki.’  
\v 33 Tehuu lahenda fo nalena Au nai lahenda dodouꞌ matan nae, ana ta nalelaꞌ Au, neuꞌ ko Au boe afada Papa Ka nai nusatetu-ikutemaꞌ a ae, ‘Au ta alelaꞌ lahenda ia.’ ”\x + \xo 10:33 \xt 2 Timotius 2:12\x*   
\s2 Ramatua Yesus mai tao na lahenda ra esa soaꞌ esa, ta radameao fa  
\r (Lukas 12:51-53; 14:26-27)  
\p
\v 34 “Emi bosoꞌ afi mae, Au mai uni mole-dame nai dae-bafoꞌ ia. Au mai fo tao a lahenda ra esa soaꞌ esa.  
\v 35 Au mai nai dae-bafoꞌ ia, tuka hata fo riꞌ Manetualain mana nesi mata nara duiꞌ memaꞌ so rae,  
\q1 ‘Neuꞌ ko ana touꞌ a soaꞌ papa na,  
\q2 ana inaꞌ a soaꞌ mama na,  
\q3 ma manafeu inaꞌ a soaꞌ arina na,   
\q1
\v 36 huu fo uma isiꞌ ara siꞌ esa musu no esa.’\x + \xo 10:36 \xt Mika 7:6\x*   
\p
\v 37 De, lahenda bea tebe-tebe nau tuka Au, ana muste sue Au \it lena\it* neme basa-basan; lena neme ina-aman, ma lena neme ria ana nara mai. Maneniko taꞌa, sona lahenda ria ta naraa dadi neuꞌ Au lahenda Ki.  
\v 38 Lahenda bea nau tuka Au, tehuu ta nau lepa doidoso, ana ta naraa dadi neuꞌ Au lahenda Ki.\x + \xo 10:38 \xt Mateos 16:24; Markus 8:34; Lukas 9:23\x*  
\v 39 Lahenda bea sadia mate nana huu ana tuka Au, neuꞌ ko nasoda naroo no Manetualain. Tehuu lahenda bea nasoda soa noi ria ao-ina hehelin, neuꞌ ko soda na sapu-lalo!”\x + \xo 10:39 \xt Mateos 16:25; Markus 8:35; Lukas 9:24; 17:33; Yohanis 12:25\x*   
\s2 Manetualain neuꞌ ko balas hata fo lahenda tao  
\r (Markus 9:41)  
\p
\v 40 “Lahenda bea sipoꞌ emi no malole, ria boe sipoꞌ Au. Ma lahenda bea sipoꞌ Au, ria boe sipoꞌ Manetualain fo riꞌ nadenu Au.\x + \xo 10:40 \xt Markus 9:37; Lukas 9:48; 10:16; Yohanis 13:20\x*  
\v 41 Lahenda bea sipoꞌ Manetualain mana nesi matan, huu fo sira dedea laꞌe-neuꞌ Manetualain, neuꞌ ko Manetualain balas ana sama leoꞌ Manetualain balas mana nesi mata esa. Ma lahenda bea sipoꞌ lahenda dale roo-tetuꞌ esa, huu fo lahenda ria tuka matetuꞌ Manetualain hihii-nanaun, neuꞌ ko Manetualain balas ana sama leoꞌ Manetualain balas neuꞌ lahenda dale roo-tetuꞌ esa.  
\v 42 Lahenda bea sipoꞌ lahenda aanaꞌ esa, huu fo ana tuka Au, tantu Manetualain balas ana. Leo mae lahenda fee noi oe hihiiꞌ galas esa boe, tantu Manetualain ta nafarene heni ni.”   
\c 11  
\s1 Yohanis Mana Saraniꞌ a fee lahenda nadedenuꞌ leo Ramatua Yesus reu  
\r (Lukas 7:18-35)  
\p
\v 1 Fai fo Yesus helu basa soa-neuꞌ ana mana tuka dean sanahulu duas, boe ma Ana laꞌo rule-feo koroꞌ nai nusaꞌ ria, fo nanori-nafada lahenda ma tui-nafada Manetualain Tutui Malole Na.   
\p
\v 2 Tepoꞌ ria, Yohanis nai bui daleꞌ. Ana namanene basa hata fo Yesus tao a, boe ma nadenu ana mana tuka dea nara reu ratane Yesus rae,  
\v 3 “Manetualain helu memaꞌ neme uluꞌ mai nae, Ana nau fee Kristus mai fo poꞌi-tata naa ita lahenda Yahudi. Papa nana, riꞌ Kristus, do? Do, ami muste mahani lahenda fekeꞌ bali?” Boe ma ara reu ratane Yesus.   
\p
\v 4 Yesus namanene leoꞌ na, boe ma nataa nae, “Emi mamanene, ma mita mataꞌ so. De fali leo fo tui aꞌa Yohanis mae, basa-basan dadi tuka hata fo Manetualain mana nesi matan Yesaya duiꞌ memaꞌ nae:   
\q2
\v 5 Lahenda pokeꞌ a, nita-dae.  
\q2 Lahenda lukuꞌ a, foa fo laꞌo.  
\q2 Lahenda kamahedis kusta, dadi makamoiꞌ.  
\q2 Lahenda pakeꞌ a, namanene.  
\q2 Lahenda mana mateꞌ a, nasoda seluꞌ.  
\q2 Lahenda kasian a, namanene Tutui Malole.\x + \xo 11:5 \xt Yesaya 35:5-6; 61:1\x*   
\p
\v 6 De leo iaꞌ: meu mafada aꞌa Yohanis mae, neuꞌ ko ana naua-nanale kalu namahere naroo Au. Huu fo neuꞌ ko Manetualain fee ua-naleꞌ neuꞌ lahenda fo namahere naroo Au, ma ta keke-boiꞌ fa!”   
\p
\v 7 Yohanis ana mana tuka dea nara fali, boe ma Yesus dedea no lahenda kadodouꞌ ara laeꞌneuꞌ Yohanis nae, “Tepoꞌ fo emi meu saka Yohanis nai mamana lino-nees a, emi afi mae nau meu mita lahenda rupa-lole leo beaꞌ? Emi bubuluꞌ ria ta lahenda noe-naꞌu sama leoꞌ oo teriꞌ, de ani a fuun sona liuꞌ neu-mai!  
\v 8 Ria boe ta lahenda pake papake mabeli, huu fo lahenda rupaꞌ leo naꞌ a leo-naparasa noi nai uma maneꞌ!  
\v 9 De emi meu mita lahenda rupa leo beaꞌ a nai naa? Ria nana Manetualain mana nesi matan. Tebe! Ria nana mana nesi mata fo kahereꞌ naan seli.  
\v 10 Huu fo Manetualain Susura Makamoi Na manaduiꞌ memaꞌ laꞌe-neuꞌ Yohanis nae,  
\q1 ‘Nenene! Au adenu lahenda Ki,  
\q2 fo neu soi enoꞌ soa-neuꞌ O.’\x + \xo 11:10 \xt Maleaki 3:1\x*   
\p
\v 11 Nenene matalolole! Nai dae-bafoꞌ ia, ta hapu lahenda esa kahereꞌ lena Yohanis boeꞌ. Tehuu neuꞌ ko lahenda ra manaku rae Mesias nana sira Manen. Ma basa lahenda ra, leoꞌ na boe lahenda fo aanaꞌ naan seli a, Manetualain tao si reuꞌ lahenda kahereꞌ lena neme Yohanis mai.  
\v 12 Mulai neme Yohanis noi ria nonoi-tataon losaꞌ besaꞌ ia, lahenda dodouꞌ dadi reu Manetualain nuun. Tehuu nai lahenda sira talada ruma afi sala. Ara makate raan seli losaꞌ rasetiꞌ lahenda fekeꞌ ara masoꞌ dadi reuꞌ Manetualain lahendan. Tehuu lahenda fo riꞌ raseti si a, ara ta sipoꞌ ma radedea laka neuꞌ Manetualain lahendan sira.  
\v 13 Losa leo Yohanis Mana Saraniꞌ a mamai na, ita lahenda Yahudi a bisa tuka baꞌi Musa ma Manetualain mana nesi mata nara atoran.\x + \xo 11:13 \xt Lukas 16:16\x*  
\v 14 De mamahere Au! Elia fo riꞌ Manetualain mana nesi matan nafada memaꞌ a ana natafali seluꞌ mai, riꞌ Yohanis!\x + \xo 11:14 \xt Maleaki 4:5; Mateos 17:10-13; Markus 9:11-13\x*  
\v 15 De, bea nau bubuluꞌ, muste nenene natalolole!   
\p
\v 16 Au nau fee nasasamaꞌ ela emi malelaꞌ lahenda besaꞌ ia ra, lahenda dae-bafo rupa ubeaꞌ. Huu fo sira sama leoꞌ anaꞌ fo ratuuꞌ rai pasar. Ara raloo bou-bou ro sira tia-lai nara rae,   
\q1
\v 17 ‘Ae! Ami fuu belaꞌ suling,  
\q2 tehuu emi ta roke-foti no namahoꞌo.  
\q1 Boe ma ami soda sosoda luumata-pinuiduꞌ,  
\q2 tehuu emi ta dola.’   
\p
\v 18 Emi ia sama leoꞌ ana aanaꞌ ara fo ta doaꞌ fa. Tepoꞌ fo Yohanis mai, ana nahiiꞌ puasa, ma ta ninuu anggor. Tehuu lahenda tao ni neuꞌ, ‘Nitu hekeꞌ!’  
\v 19 Besaꞌ ia Au, Ana Lahenda, mai so. Au ta puasa, ma inu anggor. Tehuu lahenda tao Au neuꞌ, ‘Lahenda maoroꞌ! Mana mafuꞌ! Ana neu natiaꞌ no mana susu bea ra! Partei esa no lahenda papake taaꞌ ara! Ta nameda aon!’ Nenene matalolole! Manetualain duduꞌa-aafi tanden nananitaꞌ nai Ria lahenda nara masodan.”   
\s1 Lahenda fo ara ta nau sipoꞌ Ramatua Yesus  
\r (Lukas 10:13-15)  
\p
\v 20 Boe ma Ramatua Yesus mulai nasaꞌai lahenda fo leo rai koroꞌ hida. Ana tao tanda heran dodouꞌ nai naa so, tehuu ara ta nau saledale-tuꞌetei nara, fo tuka Manetualain eno masoda roo-tetun.  
\v 21 Yesus nasaꞌai nae, “Emi basa lahenda Korasin, ma lahenda Betsaida! Besa-besa, ee! Neuꞌ ko emi soe! Au tao tanda heran rupaꞌ ara nai emi mata-idum, tehuu emi ta nau mamahere Manetualain. Sekona te, emi ia lahenda Yahudi, fo manaku mae malelaꞌ Manetualain. Tehuu uniꞌ ko leo tanda heran fo riꞌ Au tao si rai emi koro-tadum, dadi nauluꞌ nai kota Tirus ma kota Sidon, tantu doo-naru basa ia lahenda fo rai naa saledale-tuꞌetei nara, ma tuka Manetualain. Ma sira boe tantu pake papake luumata-pinuiduꞌ, ma kari afu neuꞌ laka nara fo dadi tanda nae, sira rasaledale no sala-siko nara. Sekona te lahenda Tirus ma lahenda Sidon, nana lahenda ta Yahudi fo manaku rae ralelaꞌ Manetualain.\x + \xo 11:21 \xt Yesaya 23:1-18; Yeskial 26:1—28:26; Yoel 3:4-8; Amos 1:9-10; Sakaria 9:2-4\x*  
\v 22 Tebe! Neuꞌ ko emi mita! Maneniko Manetualain naetuꞌ basa lahenda ra dedean, lahenda Tirus ma lahenda Sidon huhuku na bei kafaꞌ a reme emi huhuku ma mai.   
\p
\v 23 Emi lahenda Kapernaum! Besa-besa, ee! Emi bosoꞌ afi mae, neuꞌ ko Manetualain soꞌu emi leo nusatetu-ikutemaꞌ a meu. Taꞌa! Neuꞌ ko Manetualain tuꞌu emi leo naraka a meu! Uniꞌ ko leo tanda heran fo riꞌ Au taon nai emi koro ma dadi nauluꞌ nai kota Sodom, tantu Manetualain ta parluu tao nalulutuꞌ kota tadaluꞌ ria. Huu fo maneniko lahenda Sodom ara rita tanda heran sira, tantu ara foa ela sira tadalu nara so.\x + \xo 11:23 \xt Yesaya 14:13-15; Tutui Masososaꞌ 19:24-28\x*  
\v 24 Tebe! Neuꞌ ko emi mita! Maneniko Manetualain naetuꞌ basa lahenda ra dedean, lahenda Sodom ara huhuku na bei kafaꞌ a neme emi huhuku ma mai!”\f + \fr 11:24 \ft Mateos 10:15; Lukas 10:12\f*   
\s1 Ramatua Yesus naloo lahenda fo tuka Ni, ela ara dadi tea-mepeꞌ seluꞌ  
\r (Lukas 10:21-22)  
\p
\v 25 Yesus dedea basa nae leoꞌ na, boe ma Ana hule-haradoi nae, “Papa! Papa riꞌ manuu haak pareta basa-basan nai lalai ma dae-bafoꞌ a. Au hule makasi dodouꞌ, nana huu Papa mafuni huhukuꞌ neme lahenda tao ao nara malelaꞌ, ma mana koaoꞌ ara. Tehuu Papa soi basa huhukuꞌ sira reuꞌ loan soa-neuꞌ lahenda aanaꞌ ara ma lahenda dale balaroe-balanauꞌ ara.  
\v 26 Tebe, Papa! Huu fo ria riꞌ tao na Papa dale Ma namahoꞌo!”   
\p
\v 27 Yesus hule-haradoi basa leoꞌ na, boe ma nafada lahenda rai naa nae, “Nenene matalolole! Au Papa Ka nai nusatetu-ikutemaꞌ a fee Au kuasa a katemaꞌ so. Noi Au Papa ka, riꞌ nalelaꞌ Au. Ma noi Au ia fo Ana Na, riꞌ alelaꞌ matetuꞌ Amaꞌ a. Ma Au teka-here lahenda fekeꞌ ara, fo afada si, ela sira boe ralelaꞌ matetuꞌ Ana.\x + \xo 11:27 \xt Yohanis 3:35; 1:18; 10:15\x*   
\p
\v 28 Basa manamela-manamakuꞌ emin, mai tuka Au! Basa manalepa bera-bauꞌ emin, leo Au mai!  
\v 29 Maneniko emi sipoꞌ Au nanori-nafada Ki, fo laꞌo sama-sama mo Au, sona ita ia sama leoꞌ sapi luku dua hela belaꞌ luku esa. Huu fo Au, dale malole, ma Au dale balaroe-balanauꞌ. Maneniko emi tuka Au, sona emi dadi mapii-baraaiꞌ seluꞌ.\x + \xo 11:29 \xt Yeremia 6:16\x*  
\v 30 Huu fo Au nanori-nafada Ki, ta susa fa. Ma Au pareta Ka, ta beraꞌ a.”   
\c 12  
\s1 Lahenda sale Ramatua Yesus laꞌe-neuꞌ fai hahae aoꞌ  
\r (Markus 2:23-28; Lukas 6:1-5)  
\p
\v 1 Laiꞌ esa de, naraa laꞌe lahenda Yahudi ra fai hahae aon, Yesus no ana mana tuka dea nara laꞌo tuka lahenda oka-tinen. Huu no Ria ana mana tuka dea nara ramalaa, de ara etu ra hade gandum a pule na fo ara raa laꞌo-laꞌo.\x + \xo 12:1 \xt Tui Seluꞌ Laꞌe Neuꞌ Eno Sodaꞌ a 23:25\x*  
\v 2 Nai naa, lahenda hida reme partei Farisi fo riꞌ homu rahere sira hadas Yahudi na. Rita Yesus ana mana tuka dea nara tao leo naꞌ, boe ma ara rasaꞌai Ni rae, “O ana mana tuka dea mara etu hade gamdum naraa laꞌe fai hahae aoꞌ! Ta bole leo naꞌ fa! Huu fo ria nana nalena laka ita atoran.”   
\p
\v 3-4 Tehuu Yesus nataa si nae, “Leoꞌ bea? Emi ta mafarene baꞌi Daud tutui na? Baꞌi Daud no ana mana tuka dea nara ramalaa raan seli. Boe ma ara masoꞌ leo Manetualain Manetualain Laa Huhule-haradoi Na daleꞌ reu, de hai roti fo riꞌ malaka agama ra fee neuꞌ Manetualain, de ara raa. Sekona te noi malaka agama ra siꞌ bole raa roti ria. Lahenda fekeꞌ, sona ta bole fa. Baꞌi Daud asa raa, tehuu ta hapu lahenda sale si. Nonooꞌ leo emi ta lees Manetualain Susura Makamoi Na!\x + \xo 12:3-4 \xt 1 Samuel 21:1-6; Malaka Agama ra Atoran 24:9\x*  
\v 5 Nai naa boe manaduiꞌ laꞌe-neuꞌ malaka agama fo riꞌ ralalau nai uma mamasoꞌ, naraa laꞌe fai hahae aoꞌ. Tehuu ta sala fa.\x + \xo 12:5 \xt Susura Dudui Nadeꞌ a 28:9-10\x*  
\v 6 Nenene! Maulu na uma mamasoꞌ a riꞌ penting, tehuu besaꞌ ia ruma penting lena bali. Riꞌ Au, Ana Lahenda ia.  
\v 7 Nai Manetualain Susura Makamoi Na, Manetualain nae, ‘Au hihii-nanau Ka leo iaꞌ: Au lahenda kara muste ratudu dale kasian nara esa no esa. Maneniko ara ta tao leo naꞌ, sona sira banda tutunu-hohotun fo riꞌ reni fee Au a, sosoa-raraaꞌ taꞌa.’ Maneniko emi bubuluꞌ matetuꞌ Manetualain dedea Na, tantu emi ta sale mae Au ana mana tuka dea kara sala. Huu fo sira ta tao salaꞌ hata esa boeꞌ!\x + \xo 12:7 \xt Mateos 9:13; Hosea 6:6\x*  
\v 8 Au ia, Ana Lahenda. Au riꞌ anuu haak fo aetuꞌ ae, lahenda bole tao ubeaꞌ naraa laꞌe fai hahae aoꞌ.”   
\s1 Ramatua Yesus puli na lahenda naraa laꞌe fai hahae aoꞌ  
\r (Markus 3:1-6; Lukas 6:6-11)  
\p
\v 9 Basa boe ma Yesus laꞌo ela mamanaꞌ ria, fo leo sira uma mamaso Yahudi na neu.  
\v 10 Nai naa, hapu touꞌ esa mate liman seri. Lahenda Farisi ra rasaka enoꞌ nau sale Yesus, uniꞌ ko leo Ana puli na lahenda fo riꞌ mate liman seri a, naraa laꞌe fai hahae aoꞌ. Boe ma ara ratane Ni rae, “Tuka ita atoran agama na, lahenda bole puli na lahenda naraa laꞌe fai hahae aoꞌ do, taꞌa?”   
\p
\v 11 Yesus nataa si nae, “Maneniko lahenda bibi-lopon esa tuda nala boloꞌ daleꞌ, naraa laꞌe fai hahae aoꞌ, tantu manuu bibiꞌ a neu hela heni bibi-lopo ria leo deaꞌ mai, hete?\x + \xo 12:11 \xt Lukas 14:5\x*  
\v 12 Manetualain sue-lai lahenda dae-bafoꞌ a, lena neme manuu bibiꞌ a sue ria bibi-lopon. Huu ria na, lahenda bole tao hihii-nanauꞌ malole naraa laꞌe fai hahae aoꞌ.”   
\p
\v 13 Boe ma dedea noo lahenda fo riꞌ mate liman seri a nae, “Aꞌa, ee! Looꞌ lima ma mai!” Ana looꞌ lima mates na, boe ma teꞌe tutiꞌ a, sama leoꞌ lima masoda na.   
\p
\v 14 Lahenda Farisi ra rita leoꞌ na, boe ma nasa nara lua. De ara kalua ela uma mamasoꞌ ria, boe ma ara reu dedearaoꞌ rae, “Ita muste saka enoꞌ fo taisa Ni!”   
\s1 Manetualain riꞌ teka-here Yesus fo noi-tao fee Ni  
\p
\v 15 Tehuu Yesus bubuluꞌ sira dale tadalu na, huu ria na de Ana laꞌo leo mamana fekeꞌ neu. Lahenda dodouꞌ tuka Ni, boe ma Ana puli na basa lahenda kamahedis ara.  
\v 16 Tehuu Ana horo si nae, “Emi bosoꞌ mafada lahenda fekeꞌ a laꞌe-neuꞌ Au.”  
\v 17 Ana tao leo naꞌ tuka hata fo Manetualain nafada neuꞌ Ria mana nesi matan Yesaya nae,   
\q1
\v 18 “Soba mete! Ia nana Au lahenda nadedenu Ki fo riꞌ Au teka-here Ni a.  
\q2 Au sue-lain,  
\q3 ma Au dale Ka namahoꞌo naroo oo Ni.  
\q1 Neuꞌ ko Au fee Ni Au Dula-dale Ka,  
\q2 ela Ana neu nanori-nafada lahenda nai basa nusa-namo  
\q3 laꞌe-neuꞌ Au eno masoda roo-tetu Ka.   
\q1
\v 19 Ana ta io aon.  
\q1 Ana ta natutua-nadedema aon.   
\q1
\v 20 Ria dale na malole a.  
\q2 Ana ta tao nasususaꞌ lahenda.  
\q1 Ai fo sakaꞌ tepan, Ana ta helu henin.  
\q2 Dedede anaꞌ fo noi nasararaꞌ a, Ana ta fuu naisan.  
\q1 Ana nanori-nafada naroo lahenda, losaꞌ basa lahenda nusaꞌ ara bubuluꞌ de tuka Manetualain eno masoda roo-tetun.   
\q1
\v 21 Lahenda reme basa nusaꞌ ara mai, neuꞌ ko ramahere Au, huu fo ara bubuluꞌ rae Ria nana bea.”\x + \xo 12:21 \xt Yesaya 42:1-4\x*   
\s1 Mesen agama ra rae nitu ra malaka na riꞌ fee Ramatua Yesus kuasa  
\r (Markus 3:20-30; Lukas 11:14-23)  
\p
\v 22 Lahenda esa nitu a heke naan losaꞌ poken, ma ta bisa dedea fa, laiꞌ esa de lahenda ra roo ni leo Yesus neu. Boe ma Yesus puli naan, ma usi heni nitu ria. De lahenda ria bisa nita-dae, ma bisa dedea tutiꞌ a.  
\v 23 Basa lahenda ra rita leoꞌ na, boe ma ara heran. Ara bei dea rae, “Bate ia nana, Daud tititi-nonosin, fo riꞌ Manetualain mana nesi mata nara duiꞌ memaꞌ neme fai a ulu na mai. Ria nana, tantu riꞌ Lahenda fo ita tahanin a!”   
\p
\v 24 Tehuu lahenda Farisi ra ramanene leoꞌ na, boe ma ara ta sipoꞌ. De ara bei dea rae, “Ae! Lahenda ia bisa usi kalua nitu, nana huu nitu ra malakan Balsebul, riꞌ fee Ni kuasa.”\x + \xo 12:24 \xt Mateos 9:34; 10:25\x*   
\p
\v 25 Tehuu Yesus bubuluꞌ lahenda Farisi ra dedea na. Boe ma Ana nafada si nae, “Emi dedea ma, ta laꞌe fa! Maneniko nai nusaꞌ esa, anaraun nara ranalaao, tao leoꞌ bea fo nusaꞌ ria bei bisa natataꞌa! Leoꞌ na boe maneniko lahenda rai kota esa daleꞌ, do rai uma esa daleꞌ, esa naruiao no esa, tantu ara rabika-rabatiꞌ losaꞌ rasosopuꞌ.  
\v 26 De, maneniko nitu ra ranalaao ma rausiao, sona sira malaka na ta bisa homu pareta namanoso soꞌ!  
\v 27 Mafarereneꞌ. Hapu lahenda rai emi Farisi a talada, lahenda fekeꞌ ara rae sira ranuu kuasa fo usi nitu. Ara pake kuasa neme nitu a mai, do? Taꞌa! De emi bosoꞌ dedea mafararaꞌu mae, Au pake nitu a kuasa na fo usi nitu. Neuꞌ ko emi lahenda mara siꞌ raetuꞌ rae, hata fo emi mapaneneoꞌ ana a, sala.  
\v 28 Tehuu maneniko tebe-tebe Au usi nitu pake kuasa neme Manetualain Dula-dale Malalao-malalafu Na, ria natudu nae, tebe Manetualain Maneꞌ nai emi mata-idum.   
\p
\v 29 Maneniko lahenda nau mai ofe hata nai lahenda baraꞌaiꞌ esa uma na, ana muste heke naisaꞌ lahenda ria dei. Besaꞌ ko, ana bisa ofe neni lahenda ria hata-heton.\f + \fr 12:29 \ft No ria na, Yesus nafada nae, Ria baraꞌai na lena neme nitu ra malaka na mai, fo riꞌ biasa ara raloo rae ‘Balsebul’.\f*   
\p
\v 30 Mafarereneꞌ matalolole! Huu fo lahenda bea ta eiꞌ esa noo Au, sona ria nana Au musunoo Ki. Ma lahenda bea ta tulu-fali Au nai nonoi-tatao Ka, ria nanatao noi liuaariꞌ a.\x + \xo 12:30 \xt Markus 9:40\x*  
\v 31 De nenene matalolole Au dedea Ka! Manetualain sadia sae-safe heni lahenda sala-sikon. Ma kalu lahenda dedea ta malole soa-neuꞌ lahenda fekeꞌ, Manetualain bei sadia fee ni ampon. Tehuu maneniko lahenda naparani dedea ta malole soa-neuꞌ Manetualain Dula-dale Malalao-malalafu Na, Manetualain ta sae-safe heni ria sala-sikon.  
\v 32 Maneniko lahenda dedea tadaluꞌ soa-neuꞌ Au, Ana Lahenda ia, Manetualain sadia fee ampon neuꞌ ana. Tehuu maneniko lahenda dedea nadadae Manetualain Dula-dale Malalao-malalafu Na, leo mae losa dae-bafoꞌ a noe boe oo, Manetualain ta sae-safe heni ria sala-sikon!”\f + \fr 12:32 \ft Lukas 12:10\f*   
\s1 Ai huuꞌ a, ma boa na  
\r (Lukas 6:43-45)  
\p
\v 33 Boe ma Yesus dedea naroo neuꞌ lahenda Farisi ra nae, “Afi matalolole! Ai huu malole naboa boa malole. Tehuu ai huu tadaluꞌ a naboa boa tadaluꞌ. Huu fo neme ai huuꞌ a boa na mai, lahenda bisa bubuluꞌ nae, ai huuꞌ ria malole a, do taꞌa.\x + \xo 12:33 \xt Mateos 7:20; Lukas 6:44\x*  
\v 34 Tehuu emi sama leoꞌ meke mapuputaꞌ! Emi ta bisa dedea hihii-nanau malole ra. Nana huu hata fo nanapedaꞌ nai lahenda dale na, ria riꞌ neuꞌ ko kalua neme ria bafa na mai.\x + \xo 12:34 \xt Mateos 3:7; 23:33; 15:18; Lukas 3:7; 6:45\x*  
\v 35 Lahenda malole, tantu dedea malole nana huu hihii-nanau malole ra nanapedaꞌ rai ria dale na. Tehuu lahenda tadaluꞌ a, tantu dedea tadaluꞌ, nana huu hihii-nanau tadaluꞌ ara nanapedaꞌ rai ria dale na.   
\p
\v 36 Mamahere Au! Huu fo maneniko dae-bafoꞌ a noe, neuꞌ ko Manetualain parisaꞌ basa lahenda ra dedean. Tepoꞌ ria, lahenda ra muste esaꞌ ko nataa aon ria dedean fo riꞌ ta nanuu sosoa-raraaꞌ.  
\v 37 De besa-besa, ee! Huu fo neuꞌ ko Manetualain tai emi dedea-nafadam, ma naetuꞌ nae, emi hapu huhukuꞌ, do taꞌa.”   
\s1 Lahenda ra hule Ramatua Yesus natudu buti  
\r (Markus 8:11-12; Lukas 11:29-32)  
\p
\v 38 Ramanene Yesus dedea nae leoꞌ na, boe ma mesen agama hida ma lahenda Farisi ra hule Ni rae, “Papa Mesen! Ami mahiiꞌ mita Papa tao tanda heran, fo dadi buti nae, Papa kuasa Ma tebe-tebe neme Manetualain mai.”\x + \xo 12:38 \xt Mateos 16:1; Markus 8:11; Lukas 11:16\x*   
\p
\v 39 Tehuu Yesus nasapaa si nae, “Emi lahenda besaꞌ ia ta nau mamania-mamanene neuꞌ Manetualain! Emi tao noi tadaluꞌ a! Leo mae emi hule tanda heran, tehuu Au ta fee. Huu fo fai a ulu na Manetualain fee tanda heran so, pake Ria mana nesi matan Yunus. Ria dai so!\x + \xo 12:39 \xt Mateos 16:4; Markus 8:12\x*  
\v 40 Yunus leo hatu-leledon faiꞌ telu nai ika bau-inaꞌ a tein daleꞌ. Leoꞌ na boe Au, Ana Lahenda ia. Neuꞌ ko Au leo hatu-leledon faiꞌ telu nai leaꞌ roo-rates.\x + \xo 12:40 \xt Yunus 1:17\x*  
\v 41 Nai dae-bafoꞌ a nonoe na, maneniko Manetualain dadi mana ee dedeaꞌ, neuꞌ ko lahenda Niniwe ra dadi sakasii fo neo emi rae, ‘Emi basa ia nana, pakanaaꞌ!’ Maulu na, lahenda Niniwe ra ramanene neuꞌ Manetualain mana nesi matan Yunus, boe ma ara saledale-tuꞌetei nara. Tehuu emi taꞌa. Sekona te, besaꞌ ia Lahenda fo nai emi talada kahereꞌ lena neme Yunus mai, nana riꞌ Au ia. Tehuu emi ta nau tao daleꞌ neuꞌ Au baiꞌ boeꞌ.\x + \xo 12:41 \xt Yunus 3:5\x*  
\v 42 Nai dae-bafoꞌ a nonoe na, maneniko Manetualain dadi mana ee dedeaꞌ, ina mane Seba neme ona mai, dadi sakasii boe. Ana tudu lima uꞌu na, neo emi basa fo riꞌ masoda nai besaꞌ ia nae, ‘Emi basa ia nana, pakanaaꞌ!’ Maulu na ina maneꞌ ria neme dae dooꞌ mai fo nita mataꞌ mane Soleman malela na. Sekona te, besaꞌ ia Lahenda esa nai emi talada kahereꞌ lena neme Mane Soleman mai, riꞌ Au ia. Tehuu emi ta nau tao daleꞌ neuꞌ Au baiꞌ boeꞌ.”\f + \fr 12:42 \ft 1 Maneꞌ ara 10:1-10; 2 Israel no Yahuda Tutui na 9:1-12\f*   
\s1 Nitu a fali seluꞌ leo lahenda fo maulu na ana parnaa leo a  
\r (Lukas 11:24-26)  
\p
\v 43 “Maneniko nitu a nanausiꞌ heniꞌ neme lahenda esa mai, nitu ria leo mamana lino-nees neu fo saka mamana hahaeꞌ. Tehuu ana ta hapu mamana matetu-maraaꞌ fa.  
\v 44 Boe ma ana afi nae, ‘Hee! Ta hapu mamanaꞌ fa, de malole lenaꞌ au fali uu leo seluꞌ nai maulu na lahenda ria a.’ Basa de ana fali seluꞌ, te nita mamanaꞌ ria mana kakai makamoiꞌ ma nana ator natalololeꞌ so.  
\v 45 Boe ma nitu ria neu naloo nonoon hitu fo riꞌ makaresi lena neme ria mai bali. Boe ma basa si reu leo nai lahenda ria, de ara ese-rumu belaꞌ ana. De besaꞌ ia lahenda ria masoda na soe lena. Leoꞌ na boe soa-neuꞌ lahenda tepo-leleꞌ besaꞌ ia.”\f + \fr 12:45 \ft Fai ulu na, tepoꞌ fo ara rahani Mesiasꞌ a mamai na, ara tao tadalu boe. Tehuu besaꞌ ia ara raneta no Mesias so, boe ma ara tipa heni Ni. De besaꞌ ia ara tadalu lena.\f*   
\s1 Ramatua Yesus kileoboboki tea nara  
\r (Markus 3:31-35; Lukas 8:19-21)  
\p
\v 46 Yesus bei dedea no lahenda kadodouꞌ ara, boe ma Ria mama Na ma fadi nara mai fo nau raneta ro Ni. Ara rapadei rahaniꞌ uma deaꞌ, de radenu lahenda neu naloo Ni.  
\v 47 Boe ma lahenda mai nafada nae, “Papa! Papa mama ma, no fadi mara rai deaꞌ. Ara nau raneta ro Papa.”\f + \fr 12:47 \ft Duduiꞌ dedea Yunani ruma ta duiꞌ lalane kahaa hulu hitun.\f*   
\p
\v 48 Yesus nataa nae, “Au mama boki Ka riꞌ bea? Ma Au toranoo boki kara siꞌ bea?”  
\v 49 Boe ma Ana tudu leo lahenda fo ara tuka Ni, ma nafada nae, “Mitaꞌ, basa ia ra nana Au mama ka, ma Au toranoo kara.  
\v 50 Huu fo lahenda bea tao tuka Au Papa Ka nai nusatetu-ikutemaꞌ a hihii-nanaun, sira nana Au kileoboboki tea kara.”   
\c 13  
\s1 Ramatua Yesus fee nasasamaꞌ laꞌe-neuꞌ lahenda fo sele-kari bini-kee nai dae rupaꞌ  
\r (Markus 4:1-9; Lukas 8:4-8)  
\p
\v 1 Fai ria boe Yesus kalua neme uma ria mai, de neu natuuꞌ nai dano Galilea suu na.  
\v 2 Boe ma lahenda dodouꞌ mai fela-eo raa Ni. Ana ae leo ofa mananafuꞌ esa nai naa lain neu, de natuuꞌ fo nanori-nafada. Basa lahenda fo rai madaꞌ lain ara ramanene neuꞌ Ana.\x + \xo 13:2 \xt Lukas 5:1-3\x*  
\v 3 Ana nanori-nafada si pake dedea nasasamaꞌ dodouꞌ. Ana tui nae, “Lahenda maue-maosa esa neu kari bini-kee nai ria oka-tinen.  
\v 4 Fai fo ana kari bini-kee sira, ruma tuda rai enoꞌ. Boe ma manupuiꞌ ara mai, de seseu rabasa bini-kee sira.   
\p
\v 5 Bini-kee ruma tuda laꞌe dae batu. Bini-kee sira mori lalaiꞌ, nana huu dae a niis a.  
\v 6 Tehuu ledo a nahaa, boe ma nupu nara mamale, de mate si. Huu fo oka nara ta tora losa dae daleꞌ.   
\p
\v 7 Bini-kee ruma bali tuda rai matemaꞌ a talada. Boe ma matemaꞌ a amu naisa nupuꞌ sira.   
\p
\v 8 Tehuu bini-kee ruma tuda laꞌe dae isiꞌ. Bini-kee sira mori, boe ma rambau-ina losa rabuna-raboa. Ruma reni buna-boaꞌ desi lena laiꞌ telu hulu, ruma desi lena laiꞌ nee hulu, ma ruma desi lena laiꞌ natun esa.   
\p
\v 9 Bea nanuu ridooꞌ, sona nenene natalolole!”   
\s1 Ramatua Yesus nafada nae ubeaꞌ taon de Ana nahiiꞌ pake nasasamaꞌ  
\r (Markus 4:10-12; Lukas 8:9-10)  
\p
\v 10 Boe ma Yesus ana mana tuka dea nara mai ratane Ni rae, “Ubeaꞌ taon, de Papa manori-mafada lahenda kadodouꞌ sira pake nasasamaꞌ?”   
\p
\v 11 Yesus nataa nae, “Huu no emi nau bubuluꞌ matetuꞌ Manetualain pareta Na, de Au afada memaꞌ nasasamaꞌ ria sosoa na. Tehuu maneniko lahenda fekeꞌ, sona Au anori-afada pake noi nasasamaꞌ.  
\v 12 Huu fo lahenda bea nau saka matetuꞌ Manetualain hihii-nanaun, neuꞌ ko Ana fee ni boe-boe bubuluꞌ bali. Tehuu lahenda fo ta tao daleꞌ neuꞌ Manetualain hihii-nanaun, neuꞌ ko Ana tao naan dadi pakanaaꞌ.\x + \xo 13:12 \xt Mateos 25:29; Markus 4:25; Lukas 8:18; 19:26\x*  
\v 13 Au anori-afada si pake nasasamaꞌ, nana huu:  
\q1 ‘Ara rita,  
\q2 tehuu ta nau bubuluꞌ.  
\q1 Ara ramanene,  
\q2 tehuu ta nau ralelaꞌ.’   
\p
\v 14 Sira sama leoꞌ lahenda fo riꞌ Manetualain mana nesi matan Yesaya duiꞌ nae,  
\q1 ‘Neuꞌ ko emi mamanene,  
\q2 tehuu emi ta nau malelaꞌ.  
\q1 Neuꞌ ko emi mita,  
\q2 tehuu emi ta nau bubuluꞌ hata fo dadi so a.   
\q1
\v 15 Huu fo lahenda ia ra dale nara tea-mepeꞌ,  
\q2 sira tao rapake ridoo nara,  
\q3 sira tao rapoke mata nara.  
\q1 De nemeꞌ na ela sira ridoo nara pake si,  
\q2 ma nemeꞌ na ela mata nara poke si.  
\q3 Nemeꞌ na ela Au bosoꞌ puli a si,  
\q2 nana huu ara ta nau tao daleꞌ neuꞌ Au.’\x + \xo 13:15 \xt Yesaya 6:9-10\x*   
\p
\v 16 Tehuu emi, maua-manale! Huu fo emi mata mara rita, ma emi ridoo mara ramanene.  
\v 17 Mamahere Au! Fai a ulu na Manetualain mana nesi mata nara, ma lahenda dale roo-tetuꞌ ara rahiiꞌ rita hata fo riꞌ emi mitan, tehuu ara ta bisa fa. Sira boe rahiiꞌ ramanene hata fo riꞌ emi mamanenen, tehuu ara ta bisa fa.”\f + \fr 13:17 \ft Lukas 10:23-24\f*   
\s1 Ramatua Yesus nafada nasasamaꞌ bini-kee ria sosoa na  
\r (Markus 4:13-20; Lukas 8:11-15)  
\p
\v 18 Yesus dedea basa leoꞌ na, boe ma nafada si nae, “De besaꞌ ia emi nenene nasasamaꞌ ria sosoa-raraan.  
\v 19 Bini-kee fo tuda nai enoꞌ a, nana riꞌ lahenda fo namanene Dedea-nafadaꞌ laꞌe-neuꞌ Manetualain hohomu pareta na, tehuu ana ta nalelaꞌ matetuꞌ. Boe ma nitu ra malaka na mai nalea neni Dedea-nafadaꞌ a neme lahenda ria dale na mai.  
\v 20 Bini-kee fo tuda nai dae batu a, nana riꞌ lahenda fo namanene Manetualain Dedea-nafadan, boe ma ana sipoꞌ no dale namahoꞌo.  
\v 21 Tehuu Dedea-nafadaꞌ ria ta naoka-nasamu. Huu ria na, de ta nanapedaꞌ nalaꞌ dooꞌ a nai lahenda dale na. Leoꞌ na boe lahenda fekeꞌ a tao nasususaꞌ nana huu ana sipo Dedea-nafadaꞌ ria, ana tuꞌu-tapa heni si tutiꞌ a.  
\v 22 Ma bini-kee fo tuda nai matemaꞌ a talada a, sama leoꞌ lahenda fo namanene Dedea-nafadaꞌ ria. Tehuu ana nasapute no urusan rupaꞌ ara, fo bisa nasoda lole-napuꞌ. Boe ma urusan sira, seti heni Dedea-nafada ria neme dale na mai, losaꞌ ta nanuu sosoa-raraaꞌ soꞌ.  
\v 23 Tehuu bini-kee fo tuda nai dae isiꞌ a, sama leoꞌ lahenda fo pasaꞌ ridoo na ela sipoꞌ Dedea-nafadaꞌ ria, ma tuka Manetualain hihii-nanaun. Boe ma ana tao noi hihii-nanauꞌ malole ra, sama leoꞌ bini-kee mabuna-maboaꞌ ria. Ruma rabuna-raboa desi lena laiꞌ telu hulu, ruma desi lena laiꞌ nee hulu, ma ruma desi lena laiꞌ natun esa.”   
\s1 Ramatua Yesus fee nasasamaꞌ laꞌe-neuꞌ fii a nai okaꞌ a talada  
\p
\v 24 Yesus nafada seluꞌ nasasamaꞌ esa nae, “Manetualain hohomu pareta na, sama leoꞌ lahenda fo sele-kari bini-kee malole nai ria oka-tinen.  
\v 25 Nahatu de basa lahenda ra suku ramanee, boe ma lahenda tadaluꞌ a mai, de sele-kari fii nupuꞌ nai okaꞌ ria.  
\v 26 Fai fo okaꞌ ria mulai neni buna-boaꞌ, boe ma ata ra rita fii a mori rai naa sama-sama ro hade gandum.  
\v 27 Boe ma ara reu rafada manuu okaꞌ a rae, ‘Papa! Faiꞌ naa ra ami sele-kari bini-kee malole nai papa oka-tinem, hete? Ubeaꞌ taon, de besaꞌ ia hapu fii dodouꞌ so?’   
\p
\v 28 Malaka ria nataa nae, ‘Ria nana, lahenda tadaluꞌ a nonoi-tataon.’  
\p Boe ma lahenda mana noi ra rafadan rae, ‘Papa, ami meu faꞌu heni fii sira, do?’   
\p
\v 29 Tehuu ana nataa nae, ‘Bosoꞌ! Huu fo emi faꞌu fii ra, te neuꞌ ko faꞌu meni no hade gandum ara boe.  
\v 30 Nemeꞌ na ela ara mori sama-sama losa ledo-fai eetu-ooruꞌ. Neuꞌ ko fai ria, besaꞌ ko au afada lahenda manaoru ra ae, “Emi mabubua ma fii sira dei. Boe ma puputu mabua si, fo hotu henis. Basa sona besaꞌ ko mabubua ma buna-boa malole ra, fo madai si reuꞌ mamana pepeda-fufuaꞌ daleꞌ.”’ ”   
\s1 Ramatua Yesus fee nasasamaꞌ laꞌe-neuꞌ ai deke lutu anaꞌ  
\r (Markus 4:30-32; Lukas 13:18-19)  
\p
\v 31 Boe ma Yesus dedea bali nae, “Au tamba seluꞌ nasasamaꞌ esa bali, ela emi bisa bubuluꞌ mae Manetualain dadi Mane soa-neuꞌ lahenda dodouꞌ. Ria lahenda nara, mulai masososa na bai anaꞌ, sama leoꞌ ai deke lutu anaꞌ fo riꞌ lahenda selen nai oka-tine.  
\v 32 Leo mae ai dekeꞌ ria, lutu anaꞌ a naan seli, tehuu maneniko ana nambau-ina mai, sona dadi neuꞌ ai huu bau-inaꞌ nai oka-tine. Losaꞌ manupuiꞌ ara mai rarunu rai ria doo ranan.”   
\s1 Ramatua Yesus nafada nasasamaꞌ laꞌe-neuꞌ ralu teteiꞌ  
\r (Lukas 13:20-21)  
\p
\v 33 Yesus tamba seluꞌ nasasamaꞌ esa nae, “Manetualain lahenda nara, sama leoꞌ ralu teteiꞌ fo riꞌ inaꞌ esa ame nabuan noo uuꞌ saku esa.\f + \fr 13:33 \ft Dudui dedea Yunani nae, “uuꞌ σάτα \ft \+it (sata)\+it* telu”. \+it Sata\+it* esa, nana bate liter sanahulu dua. \+it Sata\+it* telu, nana riꞌ bate liter telu hulu nee, do saku esa.\f* Boe ma roti a aifuu losaꞌ bauꞌ basa, nana huu ralu tetei kabai anaꞌ ria.”   
\s1 Ramatua Yesus pake nasasamaꞌ, ela nanori-nafada hata bebeuꞌ fo lahenda bei ta parnaa ramanenen  
\r (Markus 4:33-34)  
\p
\v 34 Yesus nanori-nafada lahenda dodouꞌ pake tutuiꞌ rupaꞌ dodouꞌ leo naꞌ. Ana nanori-nafada lahenda dodouꞌ pake nasasamaꞌ.  
\v 35 Ana nanori-nafada leoꞌ na tuka hata fo Manetualain mana nesi mata na duiꞌ memaꞌ nae,  
\q1 “Neuꞌ ko Au anori-afada pake nasasamaꞌ.  
\q2 Neuꞌ ko Au afada hihii-nanauꞌ fo lahenda bei ta parnaa ramanenen,  
\q3 mulai neme Manetualain adu dae-bafoꞌ a losaꞌ besaꞌ ia.”\f + \fr 13:35 \ft Sosoda Iꞌio-oꞌoa ara 78:2\f*   
\s1 Ramatua Yesus nafada sosoa-raraaꞌ neme nasasamaꞌ laꞌe-neuꞌ fii a nai okaꞌ a talada  
\p
\v 36 Yesus laꞌo ela lahenda kadodouꞌ sira, de fali leo uma neu. Boe ma ana mana tuka dea nara mai hule Ni rae, “Papa! Mafada fee ami nasasamaꞌ laꞌe-neuꞌ fii a sosoa-raraan dei!”   
\p
\v 37 Yesus nataa nae, “Lahenda fo sele-kari bini-kee malole a, nana Au, Ana Lahenda ia.  
\v 38 Ma oka-tine a, nana riꞌ dae-bafoꞌ ia. Bini-kee malole a, nana riꞌ lahenda fo dadi reuꞌ Manetualain lahendan. Ma fii a, nana riꞌ nitu ra malaka na lahenda nara.  
\v 39 Boe ma lahenda tadaluꞌ fo riꞌ mai sele-kari fii nupuꞌ a, nana riꞌ nitu ra malaka bau-ina na. Ma ledo-fai eetu-ooruꞌ a, nana riꞌ dae-bafoꞌ a nonoe na. Lahenda manaetu-manaoru buna-boaꞌ a, nana siꞌ Manetualain eilaꞌo-limalopen rai nusatetu-ikutemaꞌ a mai.  
\v 40 Tepoꞌ fo dae-bafoꞌ a nonoe na, ara rabubua ra fii sira ela hotu henis.  
\v 41 Au, Ana Lahenda ia, neuꞌ ko fee eilaꞌo-limalope reme nusatetu-ikutemaꞌ a mai. Neuꞌ ko ara reu rabubua ra lahenda fo ta tuka Manetualain pareta Na. Ma sira boe rabubua ra basa lahenda fo duduku-papauꞌ lahenda fekeꞌ, ela bosoꞌ tuka Manetualain pareta Na.  
\v 42 Neuꞌ ko ara tuꞌu heni lahenda tadaluꞌ sira basa si leo ai-pila naraka a reu, sama leoꞌ hotu heni fii ra. Nai naa, besaꞌ ko ara doidoso raan seli, ma dola-ramatani losa dodoo na.  
\v 43 Tehuu lahenda bea nasoda roo-tetuꞌ tuka Manetualain hihii-nanaun, neuꞌ ko ara leo rahere roo sira Papa Mane na nai nusatetu-ikutemaꞌ a. Nai naa, ara rahaa-rakaledo sama leoꞌ ledo a. Lahenda bea nau bubuluꞌ neu Au, pasaꞌ natalolole ridoo na!”   
\s1 Ramatua Yesus fee nasasamaꞌ laꞌe-neuꞌ hata mabeli  
\p
\v 44 Yesus tamba seluꞌ nasasamaꞌ esa bali nae, “Lahenda fo nau bubuluꞌ Manetualain hohomu pareta na, sama leoꞌ lahenda fo nahiiꞌ hapu hata mabeli beraꞌ, lahenda parnaa nafunin nai dae bibia anaꞌ esa daleꞌ. Lahenda ria mai ali, boe ma ana hapu hata ria nai naa, huu ria na de namahoꞌo naan seli. Boe ma ana nadofu faliꞌ hata ria. Basa de ana nalale fali neun fo seꞌo heni ria hata-heton katemaꞌ. Boe ma ana neu asa na dae ria, fo ela ana bisa nanuu memaꞌ hata mabeli ria.”   
\s1 Ramatua Yesus fee nasasamaꞌ laꞌe-neuꞌ mutiara mabeli  
\p
\v 45 Yesus tamba selu nae, “Lahenda fo nau bubuluꞌ Manetualain hohomu pareta na, sama leoꞌ lahenda papalele esa nahiiꞌ hapu mutiara mabeli beraꞌ. Boe ma ana saka mutiara fo nau asa.  
\v 46 Fai fo ana nita mutiara malole inaꞌ esa, boe ma ana nalale fali neun fo seꞌo heni ria hata-heton katemaꞌ. Basa de ana neu asa na mutiara ria, fo ela ana bisa nanuu ni.”   
\s1 Ramatua Yesus fee nasasamaꞌ laꞌe-neuꞌ rahii pukaꞌ  
\p
\v 47 Yesus tamba bali nae, “Manetualain hohomu pareta Na, sama leoꞌ manadolu-manadala ra poꞌi pukaꞌ esa nai dano a. Pukaꞌ ria nala ika rupaꞌ ara.  
\v 48 Ikaꞌ henu pukaꞌ a, boe ma manadolu-manadala ra mai hela reni pukaꞌ ria leo dano a suu na neu. Boe ma ara ratuuꞌ de rahii ikaꞌ neme pukaꞌ a mai. Ika malole, sona ara peda si reuꞌ sosoroꞌ daleꞌ. Tehuu ikaꞌ fo ta malole, ara tuꞌu henis.  
\v 49 Leoꞌ na boe dae-bafoꞌ a nonoe na. Neuꞌ ko Manetualain eilaꞌo-limalopen reme nusatetu-ikutemaꞌ a mai, fo reu heo heni lahenda tadaluꞌ ara reme lahenda dale roo-tetuꞌ a mai.  
\v 50 Neuꞌ ko ara tuꞌu heni lahenda tadaluꞌ sira basa leo ai-pila naraka a reu. Nai naa, besaꞌ ko ara doidoso raan seli, ma dola-ramatani losa dodoo na.”   
\s1 Ramatua Yesus nanori-nafada laꞌe-neuꞌ nanori paraaꞌ, ma nanori bebeuꞌ  
\p
\v 51 Yesus dedea basa nae leoꞌ na, boe ma natane si nae, “Emi malelaꞌ basa-basan fo riꞌ bisinaaꞌ a Au dedea a, do?”  
\p Ara rataa rae, “Malelaꞌ, Ramatuaꞌ!”   
\p
\v 52 Yesus nataa natafaliꞌ asa nae, “Malole! Huu fo mesen agama fo homu nahere Musa atoran fo riꞌ manaduiꞌ memaꞌ neme fai a ulu na mai, ma ana homu nahere Au nanori-nafada besaꞌ ia ka, sona ria sama leoꞌ manuu umaꞌ esa nahiiꞌ soi mamana pepeda-fufuan, ela natudu ria hata-heto paraa nara, ma hata-heto bebeu nara.”   
\s1 Lahenda Nasaret ara tipa-tolaꞌ Ramatua Yesus  
\r (Markus 6:1-6; Lukas 4:16-30)  
\p
\v 53 Yesus nanori-nafada lahenda kadodouꞌ ara pake nasasamaꞌ, basa boe ma Ana laꞌo ela mamanaꞌ ria,  
\v 54 de fali leo Ria koro Na neu. Nai naa, Ana leo uma mamasoꞌ daleꞌ neu fo nanori-nafada lahenda ra. Basa lahenda fo ramanene Ni, ara heran raan seli. Ara bei dea rae, “Awii! Lahenda ia malela na seli! Ana nanori nai bea ia? Tao leoꞌ bea, de Ana bisa tao tanda heran sira?  
\v 55 Sekona te Ria nana noi tukan ai anan. Ita talelaꞌ Ria maman, Maria; ma Ria fadi nara, siꞌ Yakobis, Yusuf, Yudas ma Simon.  
\v 56 Ita boe talelaꞌ Ria feto nara, huu fo ita basa leo nai koroꞌ esa! De Ana hapu malelan ria, neme beaꞌ mai bali? Ma Ana hapu kuasa kaheren ria, neme beaꞌ mai bali?”  
\v 57 Huu ria na, de bolii nara puruꞌ, losaꞌ ara ta nau ramanene Ni soꞌ.  
\p Tehuu Yesus nafada nae, “Tebe! Nai mamana fekeꞌ, lahenda rahiiꞌ fee hada-horomata neuꞌ Manetualain mana nesi matan. Tehuu nai ria koro-tadun ma uma isi nara, lahenda ta nau fee hada-horomata neuꞌ ana.”\x + \xo 13:57 \xt Yohanis 4:44\x*  
\v 58 Huu no sira dale kamahere taa nara, de Yesus ta tao tanda heran dodouꞌ nai naa.   
\c 14  
\s1 Ara tati raisa Yohanis Mana Saraniꞌ  
\r (Markus 6:14-29; Lukas 9:7-9)  
\p
\v 1 Tepoꞌ ria, mane Herodes pareta nai propinsi Galilea. Ana namanene tutuiꞌ rupaꞌ laꞌe-neuꞌ Yesus boe.  
\v 2 Ana nafada pegawe nara nae, “Yesus nana, tantu Yohanis Mana Saraniꞌ fo riꞌ fai naa ra au adenu tete reni laka na. Besaꞌ ia ana nasoda seluꞌ so! Huu ria na, de ana nanuu kuasa fo tao tanda heran sira.”   
\p
\v 3 Mane Herodes a dedea nae leoꞌ na, huu fo maulu na ana nadedea noo Yohanis, losaꞌ ana hopu na Yohanis de teen leo bui daleꞌ neu. Dedeaꞌ ria tutui na leo iaꞌ: mane Herodes, sao na fadin Filipus sao na, nade Herodias. Sekona te Filipus noo Herodias bei ta ramaetuꞌ fa.  
\v 4 Huu ria na, de Yohanis nasaꞌai nasarerein nae, “Papa maneꞌ ta bole sao fadi ma sao na. Huu fo ria nalena laka neuꞌ ita hadas Yahudi na!”\x + \xo 14:4 \xt Lukas 3:19-20; Malaka Agama ra Atoran 18:16; 20:21\x*   
\p
\v 5 Tehuu Herodes ta nau tao daleꞌ neuꞌ ana, de ana sao na Herodias. Tuka matetu na, Herodes nahiiꞌ naisa Yohanis Mana Saraniꞌ. Tehuu ana lele lahenda kadodouꞌ ara, huu fo ara ramahere rae, Yohanis nana Manetualain mana nesi matan. Huu ria na, de ana nadenu lahenda nara, fo tee Yohanis leo bui daleꞌ neu.   
\p
\v 6 Tehuu nara laꞌe Herodes fai boboki na, boe ma ana tao feta. Faiꞌ ria, ina maneꞌ Herodias ana feto na roke nasare na fui ra. Ria roroke na malole a, losaꞌ tao na Herodes namahoꞌo naan seli.  
\v 7 Roke basa, boe ma Herodes naloo na ana fetoꞌ ria de nae, “O nau hule ubeaꞌ neme au mai, sona mafada leo! Huu fo neuꞌ ko au fee neuꞌ o. Tebe-tebe au homu ahere hehelu ki ia. Ma au soo-supa pake Manetualain nade Na.”   
\p
\v 8 Ana feto anaꞌ a mama na namanene maneꞌ a dedea nae leoꞌ na, boe ma ana duduku-papauꞌ ana feto na. Huu ria na, de ana hule nae, “Papa! Au hule Yohanis Mana Saraniꞌ a laka na. Tao ni neuꞌ dulang, menin leo iaꞌ mai, fee au.”   
\p
\v 9 Mane Herodes a namanene ana fetoꞌ a hule leo naꞌ, boe ma dale na susa. Tehuu ana ta bisa hela faliꞌ ria sosoo-susupan, nana huu basa fui ra ramanene basa so. Huu ria na, de ana tuka ana fetoꞌ ria hihii-nanaun.  
\v 10 Boe ma ana pareta fo lahenda reu tete ra Yohanis laka na nai bui daleꞌ.  
\v 11 Ara tete ra Yohanis laka na, boe ma tao ni neuꞌ dulang esa daleꞌ, de renin leo ana fetoꞌ a neu. Ana sipo na dulang ria, boe ma oꞌo nenin de feen leo mama na neu.   
\p
\v 12 Yohanis ana mana tuka dea nara ramanene ara tete reni laka na, boe ma ara mai rala popora na, fo reu ratoin. Basa de ara reu tui mana dadiꞌ ria neuꞌ Yesus.   
\s1 Ramatua Yesus nahao lahenda rifun lima lenaꞌ  
\r (Markus 6:30-44; Lukas 9:10-17; Yohanis 6:1-14)  
\p
\v 13 Yesus namanene tutuiꞌ laꞌe-neuꞌ Yohanis, boe ma no ana mana tuka dea nara nau heoꞌ reme mamanaꞌ ria mai. Basa de ara saꞌe ofaꞌ fo sakaꞌ leo mamana lino-nees reu, ela bisa hahae ao nara. Tehuu lahenda dodouꞌ rita Yesus asa ofa na tuka-tuka dano a suu na. Boe ma ara kalua reme koroꞌ ara mai, de ara laꞌo ralaiꞌ a tuka madaꞌ lain. Huu ria na, de ara leo mamanaꞌ ria reu a, losa rauluꞌ Yesus asa.  
\v 14 Fai fo Ana onda neme ofaꞌ lain mai, boe ma Ana nita lahenda dodouꞌ rahani Ni. Boe ma Ana kasian neuꞌ asa, de Ana puli na sira lahenda kamahedis nara.   
\p
\v 15 Ledo leo daeꞌ, boe ma Ria ana mana tuka dea nara mai rafada Ni rae, “Papa, ee! Malole lenaꞌ Papa madenu lahenda ia ra basa si reu asa nanaaꞌ nai koro maneneaꞌ ia ra. Huu fo ledo a sakaꞌ tena riaꞌ so! Nai ia nanaaꞌ taꞌa.”   
\p
\v 16 Yesus nataa nae, “Bosoꞌ! Emi riꞌ mahao si.”   
\p
\v 17 Tehuu ara rataa rae, “Awi, Papa, ee! Ami ta manuu hata-hata esa boeꞌ, fo mahao lahenda makadotoꞌ ia ra. Ami tao leo beaꞌ? Huu fo hapu noi roti lima, ma ikaꞌ boaꞌ dua!”   
\p
\v 18 Tehuu Yesus dedea nae, “Neu! Ria malole a so. Meni si mai leo!”  
\v 19 Boe ma Ana nadenu lahenda sira fo ratuu rabubua reuꞌ nau lain. Yesus hai na roti kalimaꞌ sira, ma ikaꞌ boa kaduaꞌ ara. Boe ma Ana nasare leo lalai neu fo hule makasi neuꞌ Manetualain. Basa de Ana tetebi roti sira, de loo si leo ana mana tuka dea nara reu, fo ara reu babati fee basa lahenda sira.  
\v 20 Basa si raa losaꞌ rabete. Raa basa, boe ma ara reu rabubua ra nanaa lenaꞌ ara, losaꞌ henu lapaneu rupia sanahulu dua.  
\v 21 Lahenda mananaa ra, nana bate touꞌ rifun lima. Bei ta rekeꞌ inaꞌ ara roo ana nara.   
\s1 Ramatua Yesus laꞌo nai oe lain  
\r (Markus 6:45-52; Yohanis 6:16-21)  
\p
\v 22 Ara raa basa, boe ma Yesus nadenu ana mana tuka dea nara saꞌe ofaꞌ fo rauluꞌ leo dano a seriꞌ reu. Tehuu Ana bei nahaniꞌ naa, ela nadenu lahenda makadotoꞌ sira fali reus.  
\v 23 Basa si fali, boe ma Yesus ae leo leteꞌ esa lain neu, fo hule-haradoi. Nahatu so boe, Ria mesaꞌ ana bei nai naa.  
\v 24 Ria ana mana tuka dea nara ofa na losa nai dano a talada so. Tehuu ara sefe sota raan seli, nana huu ani tatadaꞌ, ma nafa lolis ara.  
\v 25 Lole maluaꞌ, boe ma Yesus neu tuka si. Tehuu Ana laꞌo nai oe lain.  
\v 26 Ana mana tuka dea nara rita leoꞌ na, boe ma ara kekes ara. Ara dedea no bibiiꞌ rae, “Ae! Mitaꞌ sumane lahenda mana mateꞌ a rii naꞌ!”   
\p
\v 27 Tehuu Yesus dedea mataꞌ no si nae, “Ae! Emi bosoꞌ bii! Huu fo Au ia, Yesus!”   
\p
\v 28 Petrus namanene leoꞌ na, boe ma ana nataa nae, “Tete-tebe o nana Ramatuaꞌ, sona madenu fo au laꞌo usiꞌ oe lain leo Ramatuaꞌ a uu.”   
\p
\v 29 Yesus nataa nae, “Neu! Mai leo!” Boe ma Petrus kalua neme ofaꞌ a mai de ana laꞌo nai oe lain leo Yesus neu.  
\v 30 Tehuu Petrus nameda naan ani a nasaꞌ, de ana bii naan seli. Ana mulai bolo, boe ma naloo nae, “Adoo, Ramatuaꞌ, ee! Mai tulu-fali ma au dei!”   
\p
\v 31 Yesus nalale looꞌ lima Na neu, de lobeꞌ naan. Ana dedea nae, “Ae, Petrus, ee! Ubeaꞌ taon, de dale ma kadudua? O ta mamahere matetuꞌ Au fa, do?”   
\p
\v 32 Dua si ae leo ofaꞌ lain reu, boe ma ani a namate tutiꞌ a.  
\v 33 Ria ana mana tuka dea nara rita leoꞌ na, boe ma ara io Ni rae, “Awii! Papa ia, nana tetebes ara Manetualain Anan, oo!”   
\s1 Ramatua Yesus puli na lahenda kamahedis ara rai Genesaret  
\r (Markus 6:53-56)  
\p
\v 34 Yesus asa losa dano a seriꞌ, boe ma ara see reuꞌ koro Genesaret a namo sesee na.  
\v 35 Ara bei onda, te lahenda dodouꞌ ralelaꞌ tutiꞌ asa. Boe ma ara mulai bobouꞌ rae, “Ae! Yesus mai so!” Ara ralai reu rafada rule-feo nusaꞌ ria, de lahenda ra roo basa lahenda kamahedis ara mai.  
\v 36 Ara hule fo bisa rafaroe laꞌe Ria badu Na. Huu fo ara afi rae, “Sadi lahenda kamahedis ara rafaroe laꞌe Yesus badu peda Na boe, tantu ara teꞌe tutiꞌ a.” De basa lahenda kamahedis fo riꞌ rafaroe laꞌe Ria badu Na, ara teꞌe tutiꞌ a.   
\c 15  
\s1 Lahenda ra tao sira atoran fo kati neuꞌ Manetualain pareta Na  
\r (Markus 7:1-13)  
\p
\v 1 Faiꞌ esa, boe ma lahenda Farisi ma mesen agama bubuaꞌ esa reme Yerusalem mai raneta ro Yesus.  
\v 2 Lahenda Farisi ra homu rahere hadas Yahudi nara. Ara ramanene rae, Yesus ana mana tuka dea nara raa-rinu ta tao tuka hadas sasafe limaꞌ a fa, de eteꞌ ao nara. Ara mai sale Yesus rae, “Ubeaꞌ taon, de O ana mana tuka dea mara raa-rinu, tehuu ta tao tuka hadas sasafe limaꞌ a fa? Ria nana ralena laka neuꞌ ita hadas bei-baꞌin!”   
\p
\v 3 Tehuu Yesus nataa si nae, “Emi nana, tebe lahenda fo riꞌ dedea fekeꞌ ma tao fekeꞌ! Emi malena laka malelaꞌ Manetualain pareta Na, fo tuka noi bei-baꞌi mara hadas na.  
\v 4 Huu fo Manetualain pareta nae, ‘Fee hada-horomata neuꞌ ina-ama mara,’ Ma tamba bali nae, ‘Maneniko lahenda esa doꞌi ina-aman, muste huku mateꞌ ana.’\x + \xo 15:4 \xt Kalua reme Masir 20:12; 21:17; Malaka Agama ra Atoran 20:9; Tui Seluꞌ Laꞌe Neuꞌ Eno Sodaꞌ a 5:16\x*  
\v 5-6 Manetualain nanori-nafada leo naꞌ, tehuu emi manori-mafada fekeꞌ bali. Huu fo emi mae, ‘Maneniko lahenda esa helu sakaꞌ fee hata-heton leo Manetualain neu, sona leo mae ina-aman doidoso raan seli boe oo, ana ta tulu-fali si pake ria hata-heton sira.’ Tehuu no emi manori-mafada leo naꞌ, emi tuꞌu-tapa heni Manetualain pareta Na, fo kati meniꞌ emi atoran mara.  
\v 7 Huu ria na, de bisinaaꞌ a Au afada ae, emi nana, lahenda fo dedea fekeꞌ ma tao fekeꞌ! Ria naraa no hata fo Manetualain mana nesi matan Yesaya duiꞌ memaꞌ neme uluꞌ mai laꞌe-neuꞌ emi! Huu fo Manetualain pake ni fo duiꞌ nae,   
\q1
\v 8 ‘Lahenda io-oa Au,  
\q2 noi nai bafadoo peda na, tehuu daleꞌ taꞌa.   
\q1
\v 9 Leo mae ara tao leo naꞌ boe oo, mana dadi taaꞌ.  
\q2 Ara ta tao daleꞌ neuꞌ Au,  
\q2 huu fo ara tao daleꞌ noi neuꞌ lahenda dae-bafoꞌ a atoran na.’ ”\f + \fr 15:9 \ft Yesaya 29:13\f*   
\s1 Hata tadaluꞌ a kalua neme lahenda dale na mai  
\r (Markus 7:14-23)  
\p
\v 10 Boe ma Yesus naloo na lahenda fekeꞌ rai naa, de nanori-nafada si nae, “Pasaꞌ matalolole ridoo mara, ela emi bisa bubuluꞌ!  
\v 11 Hata fo masoꞌ leo lahenda bafan daleꞌ neu, ria ta tao nakekeo-nakakanu lahenda. Tehuu hata fo kalua neme lahenda bafan daleꞌ mai, ria riꞌ tao nakekeo-nakakanu.”   
\p
\v 12 Yesus ana mana tuka dea nara mai de rafada Ni rae, “Papa bubuluꞌ, do? Lahenda Farisi ra dale nara hanas a, nana huu ramanene Papa dedea-nafadam ria.”   
\p
\v 13 Tehuu Yesus nataa nae, “Au Papa Ka nai nusatetu-ikutemaꞌ a neuꞌ ko tuꞌu-tapa heni lahenda fo ta nanori-nafada tuka Ria hihii-nanaun. Ria sama leoꞌ lahenda feꞌa heni parusa fo riꞌ ana ta selen fa.  
\v 14 De, bosoꞌ tao daleꞌ neuꞌ lahenda Farisi ra! Huu fo sira sama leoꞌ lahenda pokeꞌ natudu lahenda pokeꞌ a enoꞌ. Neuꞌ ko ara rame-rame tuda rala boloꞌ daleꞌ.”\x + \xo 15:14 \xt Lukas 6:39\x*   
\p
\v 15 Boe ma Petrus dedea nae, “Papa, mafada fee ami nasasama bisinaaꞌ a sosoa-raraan dei!”   
\p
\v 16 Yesus nataa nae, “Emi bei ta bubuluꞌ boeꞌ?  
\v 17 Sosoa-raraan leo iaꞌ: Hata fo ita taa-tinun, masoꞌ nesiꞌ bafaꞌ ara, naroo leo teiꞌ ara daleꞌ neu, boe ma kalua leo kakus daleꞌ neu.  
\v 18 Tehuu hata fo kalua neme bafaꞌ ara mai, ria riꞌ tao nakekeo-nakakanu lahenda, losaꞌ Manetualain boe nahiaꞌ ana, ma ta nau sipoꞌ ana.\x + \xo 15:18 \xt Mateos 12:34\x*  
\v 19 Huu fo hata tadaluꞌ dodouꞌ riꞌ kalua neme lahenda dale na mai! Sama leoꞌ: duꞌa-afi tadaluꞌ, naisa lahenda, hohoke, namanaꞌo, sakasii pepekoꞌ, ma dedea namumulu lahenda.  
\v 20 Hihii-nanauꞌ leo naꞌ ara, siꞌ tao rakekeo-rakakanu lahenda. Tehuu kalu noi riꞌ lahenda naa-ninu ma ta tao tuka hadas sasafe limaꞌ a, ria salaꞌ taꞌa.”   
\s1 Ramatua Yesus tulu-fali inaꞌ esa fo ta lahenda Yahudi fa  
\r (Markus 7:24-30)  
\p
\v 21 Boe ma Yesus foa ela mamanaꞌ ria, de leo nusaꞌ fo riꞌ naneneaꞌ no kota Tirus ma kota Sidon.  
\v 22 Inaꞌ esa nai naa, neme nusaꞌ ria mai. Ria ta lahenda Yahudi fa. Faiꞌ fo namanene Yesus nai naa, boe ma ana mai hule teteaꞌ nae, “Mane Daud tititi-nonosin, ee! Kasian neuꞌ au dei! Huu fo au ana feto ka nitu ra heke raan, kasian, ana doidoso naan seli so.”   
\p
\v 23 Tehuu Yesus neneeꞌ, ma ta nataa hata-hata esa boeꞌ. Boe ma ana mana tuka dea nara mai rafada Ni rae, “Papa, inaꞌ ia bou-bou tao tasibuꞌ. Malole lenaꞌ Papa mafadan fo naheoꞌ neme iaꞌ mai!”   
\p
\v 24 Yesus nataa si nae, “Manetualain nadenu Au mai fo tulu-fali ita lahenda Yahudi nara, nana huu ara laꞌo sala, sama leoꞌ bibi-lopo manasala-manamopoꞌ. Ana ta nadenu Au uu tulu-fali lahenda fekeꞌ.”   
\p
\v 25 Tehuu inaꞌ ria naneneaꞌ leo Yesus mai. Ana sundaꞌ undulaka na, ma hule tutulu-fafaliꞌ nae, “Ramatuaꞌ! Tulu-fali au dei.”   
\p
\v 26 Tehuu Yesus tuꞌu dedeaꞌ nae, “Ta naraa hai anaꞌ ara nanaa-nininun, fo tuꞌu fee busa ra.” [Sosoa-raraan nanafuniꞌ nae, Yesus muste tulu-fali Ria lahenda Yahudi nara dei, besaꞌ ko bisa tulu-fali lahenda fekeꞌ.]   
\p
\v 27 Tehuu inaꞌ ria balas nae, “Tebe, Papa! Tehuu busa ra rahani nai mei a fiki dale na. Sira boe raa hata fo riꞌ tuda nemeꞌ anaꞌ ara bika nara mai.” [Sosoa-raraan nae, faiꞌ fo anaꞌ ara raa, busa a boe naa. Leo mae Yesus tulu-fali Ria lahenda nara, tehuu Ria boe muste relu-natanae lahenda fekeꞌ.]   
\p
\v 28 Yesus namanene leoꞌ na, boe ma nafada nae, “Awii! Mama namahere tebe-tebe neuꞌ Au, oo! De mama fali leo, te hata fo mama hule a, dadi memaꞌ so!” Boe ma ana fali, te nita ana na teꞌe na aon so.   
\s1 Ramatua Yesus puli naa lahenda dodouꞌ  
\p
\v 29 Basa de Yesus no ana mana tuka dea nara foa ela mamanaꞌ ria, ara laꞌo tuka dano Galilea suu na. Ara ae leo leteꞌ esa lain reu, de Yesus natuuꞌ fo nanori-nafada si.  
\v 30 Boe ma lahenda dodouꞌ leo Ria mai. Ara roo lahenda ei helaꞌ, lahenda pokeꞌ, lahenda lukuꞌ, lahenda pakanaaꞌ, ma lahenda kamahedis fekeꞌ boe. Ara raneneaꞌ lahenda kamahedis sira reuꞌ Yesus ei Na. Boe ma Ana puli naa si.  
\v 31 Lahenda makadotoꞌ sira rita leoꞌ na, boe ma ara heran. Ara bei dea rae, “Ae! Kahereꞌ naan seli, oo! Lahenda ei helaꞌ, bisa laꞌo natetu. Lahenda pokeꞌ bisa nita-dae. Lahenda lukuꞌ bisa laꞌo. Ma lahenda pakanaaꞌ bisa dedea so! Tantu Manetualain riꞌ nonoi-tataon ia. Ria nana, Ramatuaꞌ fo riꞌ neme fai a ulu na mai, ita bei-baꞌin doꞌo-tabe Ni a.”   
\s1 Ramatua Yesus nahao lahenda rifun haa  
\r (Markus 8:1-10)  
\p
\v 32 Basa faiꞌ hida, boe ma Yesus naloo na ana mana tuka dea nara de nae, “Au kasian neuꞌ basa lahenda makadotoꞌ ia ra. Ruma reme dae dooꞌ mai, nate ara rabua faiꞌ telu ian, de nanaaꞌ taꞌa so. Malole lenaꞌ ara bosoꞌ fali no tei rouꞌ. Bosoꞌ losa ara saparao rai eno taladaꞌ.”   
\p
\v 33 Tehuu Yesus ana mana tuka dea nara rataa rae, “Papa! Ia nana mamana lino-nees, dooꞌ a neme koroꞌ a mai. Mae tao lee oo, ita ta bisa tahao lahenda makadotoꞌ ia ra fa.”   
\p
\v 34 Tehuu Yesus natane si nae, “Emi manuu roti hida?”  
\p Ara rataa rae, “Hituꞌ a! Ma ikaꞌ baiꞌ!”   
\p
\v 35 Boe ma Yesus nadenu lahenda sira basa si fo ratuuꞌ reuꞌ dae a.  
\v 36 Ana hai na roti kahituꞌ ara ma ikaꞌ sira, boe ma Ana hule makasi neuꞌ Manetualain. Boe ma Ana tetebi si, de fees reuꞌ ana mana tuka dea nara, fo ara babati fee basa lahenda sira.  
\v 37 Ara raa losaꞌ rabete. Basa de rabubua ra nanaa lenaꞌ ara henu lapaneu hitu.  
\v 38 Lahenda fo raa a, basa si bate touꞌ rifun haa. Bei ta rekeꞌ inaꞌ ma anaꞌ ara.  
\v 39 Basa de Yesus nadenu lahenda makadotoꞌ sira fali. Boe ma Ana saꞌe ofaꞌ fo ara leo nusa Magadan reu.\f + \fr 15:39 \ft Ta bubuluꞌ matetuꞌ mamanaꞌ ia nai bea fa. Duduiꞌ dedea Yunani fekeꞌ a duiꞌ nae, ‘Magdala’. Fekeꞌ bali duiꞌ nae, ‘Magdalan’.\f*   
\c 16  
\s1 Lahenda Farisi ma lahenda Saduki ra nau rahihiiꞌ ratuda Ramatua Yesus  
\r (Markus 8:11-13; Lukas 12:54-56)  
\p
\v 1 Laiꞌ esa de, lahenda Farisi ma lahenda Saduki hida leo Yesus mai. Ara nau ratatane aoꞌ ro Ni, fo ela rahihiiꞌ Ana. Huu ria na, ara hule Ni rae, “Papa! Matudu tanda heran dei, fo dadi buti nae, Papa hapu kuasa neme Manetualain mai.”\x + \xo 16:1 \xt Mateos 12:38; Lukas 11:16\x*   
\p
\v 2 Tehuu Yesus nataa nae, “Maneniko ledo a tena ma lalai haramea, sona emi mae, ‘Balahaꞌ te ta uda fa.’  
\v 3 Ma kalu ledo a tii ma oa keoinaꞌ a, emi mae, ‘Fai ia sakaꞌ uda.’ De maneniko emi bisa tanda malelaꞌ oa-ani leoꞌ na, ubeaꞌ taon de emi ta bisa tanda malelaꞌ hata fo Ramatuaꞌ a tao nai basa tepo-leleꞌ ia ra?  
\v 4 Emi lahenda besaꞌ ia malelaꞌ noi tatao tadaluꞌ a! Emi ta tao daleꞌ neuꞌ Manetualain! Leo mae emi hule tanda heran, tehuu Au ta fee fa. Huu fo maulu na Manetualain fee tanda heran, pake Ria mana nesi matan Yunus. De ria dai so!” Yesus dedea basa nae leoꞌ na, boe ma Ana foa ela si.\x + \xo 16:4 \xt Mateos 12:39; Lukas 11:29\x*   
\s1 Ramatua Yesus nanori nae, besa-besa moo lahenda Farisi ma lahenda Saduki ra fufudi-leleꞌon  
\r (Markus 8:14-21)  
\p
\v 5 Faiꞌ fo Yesus asa losa dano a talada, besa ko ana mana tuka dea nara rafarene rae, ara rafarene henin de ta reni roti ela tao tua-lepa.  
\v 6 Ana namanene si rae leoꞌ na, boe ma Ana nafada nae, “Emi muste besa-besa moo lahenda Farisi ma lahenda Saduki ra ralu tetei na.”\x + \xo 16:6 \xt Lukas 12:1\x*   
\p
\v 7 Ana mana tuka dea nara ramanene leoꞌ na, boe ma roi ramakokoaꞌ a. Ara dedearao nara rae, “Tou lasiꞌ a dedea nae ubeaꞌ ria? Bate Ana dedea nae leoꞌ na, nana huu ita ta teni roti fa, do?”   
\p
\v 8 Tehuu Yesus bubuluꞌ sira duduꞌa-aafin. Boe ma Ana dedea nae, “Ae! Emi talalu maan seli so! Ubeaꞌ taon, de emi dedea laꞌe-neuꞌ roti! Emi ta mamahere Au fa, do?  
\v 9 Emi bei ta bubuluꞌ Au kuasa Ka, do? Faiꞌ naa ra, Au tetebi roti bibiaꞌ kalimaꞌ sira fo fee lahenda rifun lima raa a, emi mabubua ma lena nara lapaneu rupia hida?\x + \xo 16:9 \xt Mateos 14:17-21\x*  
\v 10 Boe ma roti kahituꞌ fo riꞌ Au bati fee lahenda rifun haa a, leo beaꞌ bali? Emi mabubua ma lena nara lapaneu hida?\x + \xo 16:10 \xt Mateos 15:34-38\x*  
\v 11 Ubeaꞌ taon, de emi ta bubuluꞌ bisinaaꞌ a Au dedea Ka? Au ta dedea laꞌe-neuꞌ roti. Au nau afarereneꞌ fee emi, fo ela emi besa-besa moo lahenda Farisi ma lahenda Saduki ra nanori-nafadan. Huu fo sira nanori-nafadan, bisa fufudi-leleꞌo ra lahenda dodouꞌ, sama leoꞌ ralu teteiꞌ a tao na roti a aifuu.”   
\p
\v 12 Yesus dedea nae leoꞌ na, besaꞌ ko ara bubuluꞌ rae, Ana ta dedea laꞌe-neuꞌ roti. Tehuu Ana dedea laꞌe-neuꞌ lahenda Farisi ma lahenda Saduki ra nanori-nafada masala na.   
\s1 Petrus manaku nae, Ramatua Yesus, nana Kristus  
\r (Markus 8:27-30; Lukas 9:18-21)  
\p
\v 13 Basa boe ma Yesus asa leo nusaꞌ fo naneneaꞌ no kota Kaisarea Filipi. Nai eno taladaꞌ, Ana natane si nae, “Tuka lahenda ra dedean, ara rae, Au fo Ana Lahenda ia nana bea?”   
\p
\v 14 Ara rataa rae, “Ruma rae Papa nana, Yohanis Mana Saraniꞌ a nasoda seluꞌ. Fekeꞌ ara rae, Papa nana baꞌi Elia. Fekeꞌ ara bali rae, baꞌi Yeremia. Taꞌa sona Manetualain mana nesi mata fai ulu feke Na.”\x + \xo 16:14 \xt Mateos 14:1-2; Markus 6:14-15; Lukas 9:7-8\x*   
\p
\v 15 Yesus natane si bali nae, “Tuka emi, sona Au ia nana bea?”   
\p
\v 16 Boe ma Simon Petrus nataa nae, “Papa nana Kristus, Lahenda fo riꞌ fai a ulu na Manetualain helu nau feen mai a! Ma Papa nana, Anaꞌ neme Manetualain fo riꞌ nasoda naroo a!”\x + \xo 16:16 \xt Yohanis 6:68-69\x*   
\p
\v 17 Boe ma Yesus nae, “Simon, Yunus anan! O maua-manale! Huu fo ta lahenda dae-bafoꞌ a riꞌ nafada o hal-hal ia. Tehuu Au Papa Ka nai nusatetu-ikutemaꞌ a riꞌ nafada.  
\v 18 Nenene, ee! Besaꞌ ia Au nau fee o nade ‘Petrus’. Nadeꞌ ria sosoa na nae, ‘batu’.\f + \fr 16:18 \ft Yesus pake dedeaꞌ dua nai ia, lii nara hiiꞌ rae sama ra. Dedea Yunani nae, \ft \+it Πέτρος (Petros\+it*, nana nade lahendaꞌ), ma \+it πέτρᾳ (petra\+it*, sosoa na nae, batu).\f* Nana huu o namahere ma teaꞌ a leoꞌ batu, neuꞌ ko o dadi fanderen soa-neuꞌ Au lahenda kamahere kara. Leo mae ara hapu eese-rurumuꞌ losaꞌ mate boe oo, ara ranenete raroo.  
\v 19 Neuꞌ ko Au fee o haak, fo urus Au lahenda kara, sama leoꞌ o homu nusatetu-ikutema a koe na. Hata ubeaꞌ fo emi ta fee lelaꞌ neuꞌ ana nai dae-bafoꞌ ia, Manetualain boe ta fee lelaꞌ neuꞌ ana nai nusatetu-ikutemaꞌ a. Ma hata ubeaꞌ fo emi fee lelaꞌ neuꞌ ana nai dae-bafoꞌ ia, Manetualain boe fee lelaꞌ neuꞌ ana nai nusatetu-ikutemaꞌ a.”\x + \xo 16:19 \xt Mateos 18:18; Yohanis 20:23\x*   
\p
\v 20 Yesus dedea basa nae leoꞌ na, boe ma Ana padaꞌ asa fo bosoꞌ rafada esa boe, rae Ria nana Kristus.   
\s1 Ramatua Yesus nafada laꞌe-neuꞌ Ria mamate Na ma nasoda seluꞌ a  
\r (Markus 8:31—9:1; Lukas 9:22-27)  
\p
\v 21 Mulai neme faiꞌ ria mai, boe ma Yesus nafada ana mana tuka dea nara nae, “Au muste leo kota Yerusalem uu. Tehuu nai naa neuꞌ ko Au hapu doidoso dodouꞌ neme lasiꞌ ara, malaka agama Yahudi malaka nara, ma basa mesen agama ra. Neuꞌ ko ara raisa Au, tehuu fai binesa na, te Au asoda seluꞌ.”\f + \fr 16:21 \ft Nai dedea Yunani, ara mulai reke neme: faiꞌ ia (=1), balahaaꞌ (=2), binesaꞌ (=3), laiꞌ esa naar (=4). De nai dedea Yunani, τῃ τρίτῃ ἡμέρᾳ (tē tritē hēmera) “nai fai katelun” no sosoa nai dedea Rikou, nana riꞌ “binesaꞌ”. Mafarerene, Ramatua Yesus maten soda liman (faiꞌ esa). Balahaaꞌ, nana riꞌ soda neen (faiꞌ dua), Ramatua Yesus bei nai rates daleꞌ. Binesaꞌ, nana riꞌ mamason (faiꞌ telu), Ramatua Yesus nasoda seluꞌ. De tuka ita rereke fain, sona Ana mate hatuꞌ dua, boe ma Ana nasoda seluꞌ.\f*   
\p
\v 22 Yesus nafada nae leoꞌ na, boe ma Petrus hela Ni leo suuꞌ neu, fo nasaꞌai nae, “Papa bosoꞌ dedea leo naꞌ! Manetualain ta bisa noi nataaꞌ a leo naꞌ fa!”   
\p
\v 23 Tehuu Petrus dedean ria, ta tuka Manetualain hihii-nanaun. Huu ria na, de Yesus nasaꞌai natafaliꞌ ana nae, “Wee! Heoꞌ meme iaꞌ mai! Ria nana, nitu a malaka na riꞌ dedea! O bosoꞌ matabaa Au! O duꞌa-afi tuka noi lahenda dae-bafoꞌ a hihii-nanaun, ta tuka Manetualain hihii-nanaun fa!”   
\p
\v 24 Boe ma Yesus nanori-nafada ana mana tuka dea nara nae, “Lahenda fo nau tuka Au, sona tuka-tuka faiꞌ ana muste tuka nahere! Ana muste nafarene heni ria hihii-nanaun, fo tuka noi Manetualain hihii-nanaun. Leo mae lahenda nau raisa ni, ana muste tuka nahere, sama leoꞌ lahenda nasaa ai kake na fo neu mate.\x + \xo 16:24 \xt Mateos 10:38; Lukas 14:27\x*  
\v 25 Huu fo lahenda bea sadia mate nana huu ana tuka Au, neuꞌ ko nasoda naroo noo Manetualain. Tehuu lahenda bea nasoda soa noi ao-ina heheli na, neuꞌ ko ria masoda na sapu-lalo!\x + \xo 16:25 \xt Mateos 10:39; Lukas 17:33; Yohanis 12:25\x*  
\v 26 Nenene, ee! Leo mae o manuu katemaꞌ dae-bafoꞌ a oe-isin, tehuu maneniko Manetualain tipa heni o, sona onto ubeaꞌ? Leo mae o lepa muni katemaꞌ dae-bafoꞌ a oe-isin boe oo, o ta bisa seluꞌ neuꞌ sumane ma.   
\p
\v 27 Au afada emi basa hal-hal ia ra, nana huu Au ia, Ana Lahenda. Neuꞌ ko Au onda faliꞌ mai pake Au Papa Ka kuasa marela-masaꞌa Na, Ria eilaꞌo-limalopen rai nusatetu-ikutemaꞌ a sama-sama ro Au. Tepoꞌ ria, te neuꞌ ko Au balas lahenda ra tuka sira esa-esaꞌ ko nonoi-tataon.\x + \xo 16:27 \xt Mateos 25:31; Sosoda Iꞌio-oꞌoaꞌ ara 62:12; Roma 2:6\x*  
\v 28 Mafarereneꞌ matalolole! Neme emi basa ia mai, neuꞌ ko lahenda hida ta mate, losa fai hidaꞌ ara rita Au, Ana Lahenda a dadi Mane fo pareta.”   
\c 17  
\s1 Manetualain natudu Ramatua Yesus marela-masaꞌa Na  
\r (Markus 9:2-13; Lukas 9:28-36)  
\p
\v 1 Basa faiꞌ nee, boe ma Yesus naloo naa Petrus, Yakobis no fadin Yohanis, fo ara sama-sama ae leo lete madema esa lain reu, de noi mesaꞌ asa rai naa.  
\v 2 Losa lain, boe ma ara rita Yesus narupa feke. Mata-idun rahaa sama leoꞌ ledo, ma kakao-papaken dadi fula makadila.  
\v 3 Kekeneu te, ara rita Ni dedea no baꞌi Musa ma baꞌi Elia.  
\v 4 Boe ma Petrus noi namakokoaꞌ a losaꞌ ana dedea nafararaꞌu nae, “Papa! Ami nai ia malole na seli! De malole lenaꞌ ami mafoa maa laa anaꞌ telu. Esa fee Papa, esa fee baꞌi Musa, ma esa bali fee baꞌi Elia.”   
\p
\v 5 Petrus bei dedea nae leoꞌ na, kekeneu te, oaꞌ a onda mai de napoti naa si. Boe ma ara heran ramanene haraoeꞌ esa kalua neme oaꞌ ria mai nae, “Nenene! Yesus nana Au Ana susue Ka. Ana tao naa Au dale Ka namahoꞌo. Mamanene matalolole neuꞌ Ana!”\x + \xo 17:5 \xt 2 Petrus 1:17-18; Tutui Masososaꞌ 22:2; Sosoda Iꞌio-oꞌoaꞌ ara 2:7; Yesaya 42:1; Mateos 3:17; 12:18; Markus 1:11; Lukas 3:22; Tui Seluꞌ Laꞌe Neuꞌ Eno Sodaꞌ a 18:15\x*   
\p
\v 6 Ana mana tuka dea nara ramanene leoꞌ na, boe ma ara bii raan seli, losaꞌ ara lekubara reu.  
\v 7 Tehuu Yesus mai fafae si, ma nae, “Ae! Emi foa leo. Bosoꞌ biiꞌ!”  
\v 8 Boe ma ara botiꞌ laka nara, tehuu ara ta rita lahenda esa nai naa boeꞌ. Noi Yesus mesaꞌ ana.   
\p
\v 9 Ara mulai onda reme leteꞌ lain mai. Boe ma Yesus padaꞌ asa nae, “Hata fo besaꞌ ko emi mita ni a, bosoꞌ mafada esa boe! Au, Ana Lahenda ia, muste mate dei. Boe ma maneniko Au asoda seluꞌ, besaꞌ ko emi bole tui-mafada lahenda.”   
\p
\v 10 Boe ma ara ratane Ni rae, “Papa nana, tebe Kristus, tehuu baꞌi Elia nai bea? Huu fo mesen agama sira ranori-rafada rae, baꞌi Elia muste mai dei, besaꞌ ko Kristus mai. Tehuu tuka Papa, sona leoꞌ bea?”\x + \xo 17:10 \xt Maleaki 4:5\x*   
\p
\v 11 Yesus nataa nae, “Tebe. Baꞌi Elia muste mai fo soi enoꞌ soa-neuꞌ Kristus dei.  
\v 12 Nenene matalole! Baꞌi Elia mai so, tehuu lahenda ta ralelaꞌ ana fa. Ara tao rasususaꞌ ana, tuka sira hihii-nanaun. Leoꞌ na boe, neuꞌ ko ara tao Au, Ana Lahenda ia.”\x + \xo 17:12 \xt Mateos 11:14\x*   
\p
\v 13 Ara ramanene basa leoꞌ na, besaꞌ ko bubuluꞌ rae, baꞌi Elia fo riꞌ Yesus nafada a, nana riꞌ Yohanis Mana Saraniꞌ.   
\s1 Ramatua Yesus puli naa ana nitu hekeꞌ esa  
\r (Markus 9:14-29; Lukas 9:37-43)  
\p
\v 14 Yesus asa fali, te lahenda dodouꞌ rahani memaꞌ asa so. Boe ma touꞌ esa mai sundaꞌ undulaka na fo hule tutulu-fafaliꞌ neuꞌ Ana  
\v 15 nae, “Ramatuaꞌ! Kasian neuꞌ au ana ka dei! Huu fo ana namahedi hehedeꞌ, ma doidoso naan seli. Maneniko hedis ria foa, sona ana tuda nala oe daleꞌ, do ai-pilaꞌ daleꞌ. Ramatuaꞌ e, tulu-fali dei!  
\v 16 Au oo ni leo Ramatuaꞌ a ana mana tuka dea mara neu so, tehuu ara ta bisa puli ralan.”   
\p
\v 17 Yesus namanene leoꞌ na, boe ma nasapaa ana mana tuka dea nara nae, “Ae! Emi talalu! Au anori-afada emi kose-kose, tehuu emi ta bubuluꞌ matetuꞌ. Ma emi ta mamahere tebe-tebe neuꞌ Au! Au muste anenete oo emi losa fai hidaꞌ bali? Moo anaꞌ ria leo iaꞌ mai!”  
\v 18 Ara roo anaꞌ a neu, de Ana usi heni nitu a neme anaꞌ ria mai. Nitu a kalua ela anaꞌ ria, boe ma teꞌe na aon tutiꞌ a.   
\p
\v 19 Faiꞌ fo Yesus noo noi ana mana tuka dea nara mesaꞌ asa, boe ma ara ratane Ni rae, “Papa! Ubeaꞌ taon, de bisinaaꞌ a ami ta bisa usi mala nitu ria fa?”   
\p
\v 20 Yesus nataa nasafali asa nae, “Emi ta bisa usi nitu ria, nana huu emi ta mamahere tebe-tebe fa. Mafarereneꞌ! Maneniko emi mamahere tebe-tebe neuꞌ Au, leo mae noi bai anaꞌ sama leoꞌ ai deke anaꞌ a boe,\f + \fr 17:20 \ft Ramatua Yesus nararaꞌ lahenda namahere na noo ai deke anaꞌ esa. Nai ia, ai dekeꞌ a babau na riꞌ penting, ta rupa na fa. Susura Makamoiꞌ dedea Indonesia nae, ‘sasae dekeꞌ’, tehuu ria bei ta laꞌe matetuꞌ boe.\f* emi bisa pareta leteꞌ esa mae, ‘Leteꞌ, on! Marali eleꞌ muu!’ Tantu ana narali. De emi bisa tao sudi ubeaꞌ, sadi emi mamahere tebe-tebe neuꞌ Ramatuaꞌ a.\x + \xo 17:20 \xt Mateos 21:21; Markus 11:23; 1 Korintus 13:2\x*  
\v 21 [Tehuu nenene! Nitu rupa leo iaꞌ a memaꞌ makaresi na seli. Maneniko emi ta hule-haradoi ma puasa fo hule tutulu-fafaliꞌ neuꞌ Manetualain, sona emi ta bisa usi mala nitu rupa leo naꞌ.”]\f + \fr 17:21 \ft Tuka lahenda malelaꞌ ara ramahere rae duduiꞌ fo duiꞌ ana ta sala bai boeꞌ neme dedea Yunani teteaꞌ a ta mana duiꞌ nai lalane kadua hulu esan ia (lalane ka-21).\f*   
\s1 Ramatua Yesus nafada kalaiꞌ dua na laꞌe-neuꞌ Ria mamaten  
\r (Markus 9:30-32; Lukas 9:43-45)  
\p
\v 22 Lai esa de, Yesus noo ana mana tuka dea nara rabua rai propinsi Galilea. Ana nafada si nae, “Ta dooꞌ a soꞌ, te lahenda sakaꞌ seꞌo heni Au.  
\v 23 Boe ma ara raisa Au, Ana Lahenda ia. Tebe Au mate, tehuu fai binesa na, te Au asoda seluꞌ.”  
\p Ana mana tuka dea nara ramanene Ni dedea nae leoꞌ na, boe ma dale nara susa raan seli.   
\s1 Ramatua Yesus dedea laꞌe-neuꞌ uma mamasoꞌ a doi-bea na  
\p
\v 24 Yesus noo ana mana tuka dea nara leo koro Kapernaum reu, boe ma mana susu bea ra mai de ratane Petrus rae, “Emi Mesen ma bae Uma Mamaso Yahudi Ina a doi-bea na do, taꞌa?”\x + \xo 17:24 \xt Kalua reme Masir 30:13; 38:26\x*   
\p
\v 25 Petrus nataa nae, “Tantu bae!”  
\p Petrus fali, boe ma Yesus nafada nauluꞌ ana nae, “Ae, Simon! Soba o afi dei. Maneꞌ ara rai dae-bafoꞌ ia susu doi-bea neme bea mai? Neme sira ana nara, do neme lahenda fekeꞌ mai?”   
\p
\v 26 Petrus nataa nae, “Neme lahenda fekeꞌ mai!”  
\p Yesus nafada bali nae, “Kalu leoꞌ na, sona maneꞌ a ana nara ta bae fa, hete?  
\v 27 Leoꞌ na boe neuꞌ Uma Mamaso Yahudi Pusat a bea na. Tehuu ita ta bole tao fee mana susu bea ra ramanasa. De malole lenaꞌ, o muu dolu ikaꞌ nai dano. O mala ika masososaꞌ a, sona buka bafa na. Neuꞌ ko o hapu doi perak esa nai naa. Basa sona pake doiꞌ ria fo muu bae ita dua doi-bea na. Huu fo doiꞌ ria dai soa-neuꞌ ita dua.”\f + \fr 17:27 \ft Tuka-tuka teuꞌ, basa tou Yahudi fo teuꞌ dua hulu leo lain neu, muste bae doi-bea ela rahii reniꞌ Uma Mamaso Yahudi Ina a (les nai \ft \+it Kalua neme Masir\+it* 30:12-16). Ramatua Yesus tepo na, ara reke doi-bea ria neniꞌ doi \+it didrakma. Didrakma\+it* esa beli na, sama leoꞌ \+it dinari\+it* dua. \+it Dinari\+it* esa, sama leoꞌ tukan esa kadi na faiꞌ esa. Nai ia, Yesus nafada Petrus nae, neuꞌ ko ana hapu doi \+it stater\+it* esa, nai ikaꞌ a bafan daleꞌ. \+it Stater\+it* esa beli na, riꞌ \+it didrakma\+it* dua, do, \+it dinari\+it* haa — ria dai bae Yesus no Petrus doi-bea na.\f*   
\c 18  
\s1 Ramatua Yesus ana mana tuka dea nara ratatane aoꞌ rae, bea riꞌ bau lena  
\r (Markus 9:33-37; Lukas 9:46-48)  
\p
\v 1 Faiꞌ ria Yesus ana mana tuka dea nara mai ratane Ni rae, “Papa! Neme basa Manetualain lahenda nara mai, bea riꞌ bau lena?”\x + \xo 18:1 \xt Lukas 22:24\x*   
\p
\v 2 Boe ma Yesus naloo na ana aanaꞌ esa, de feen napadei neuꞌ sira talada.  
\v 3 Ana nae, “Nenene matalolole! Lahenda bea nau dadi neuꞌ Manetualain lahendan, ria muste narali duduꞌa-aafin ela dadi sama leoꞌ ana aanaꞌ fo ta natutua-nadedema aon.\x + \xo 18:3 \xt Markus 10:15; Lukas 18:17\x*  
\v 4 Huu fo lahenda bea naloe-nadae aon sama leoꞌ ana aanaꞌ ia, sona ria riꞌ lahenda bau-inaꞌ nai Manetualain mata Na.  
\v 5 Ma lahenda bea sipoꞌ lahenda aanaꞌ leo iaꞌ, nana huu namahere Au, sona ana sipoꞌ Au ria so.”   
\s1 Ramatua Yesus fee nafarereneꞌ laꞌe-neuꞌ lahenda fo riꞌ tao na lahenda fekeꞌ a tao salaꞌ  
\r (Markus 9:42-48; Lukas 17:1-2)  
\p
\v 6 Yesus nafada seluꞌ asa nae, “Maneniko lahenda bea tao na ana aanaꞌ esa, tuka eno masalaꞌ a, losaꞌ ta namahere Au, sona besa-besa, oo! Malole lenaꞌ lahenda heke batu bau-inaꞌ esa,\f + \fr 18:6 \ft Dudui dedea Yunani a nae, ‘batu papaleꞌ’ fo ara paken ela pale reniꞌ hade-gandum.\f* neuꞌ bolii na, fo dolu ni leo tasiꞌ daleꞌ neu.  
\v 7 Dae-bafoꞌ ia tebe-tebe mamana soe, huu fo hihii-nanauꞌ dodouꞌ riꞌ tao ra lahenda tuda rala sala-sikoꞌ daleꞌ. Tehuu lahenda fo soe raan seliꞌ a, nana siꞌ lahenda fo no ria tataon de lahenda fekeꞌ tao salaꞌ.   
\p
\v 8 Maneniko o tao salaꞌ muniꞌ lima ma, do, ei ma, sona tete henis! Huu fo malole lenaꞌ o masoꞌ nusatetu-ikutemaꞌ a no lima seseriꞌ, do ei seseriꞌ, beraꞌ ko no o ei-lima katematuam, ara tuꞌu o leo ai-pila naraka a muu.\x + \xo 18:8 \xt Mateos 5:30\x*  
\v 9 Maneniko o tao salaꞌ muniꞌ mata ma, sona edo henin! Huu fo malole lenaꞌ o masoꞌ nusatetu-ikutemaꞌ a no mata seseriꞌ, beraꞌ ko no o matam duas ara tuꞌu o leo ai-pila naraka muu.”\x + \xo 18:9 \xt Mateos 5:29\x*   
\s1 Ramatua Yesus fee nasasamaꞌ laꞌe-neuꞌ bibi-lopo manamopoꞌ esa  
\r (Lukas 15:3-7)  
\p
\v 10 Yesus dedea bali nae, “Besa-besa, oo! Bosoꞌ losa emi ta hika-hadaꞌ ana aana leo iaꞌ. Huu fo Manetualain eilaꞌo-limalopen rai nusatetu-ikutemaꞌ a riꞌ ranea si. Ma eilaꞌo-limalopen sira bisa masoꞌ faiꞌ bea a, fo reu rafada lahenda ia ra hihii-nanauꞌ nara nai Manetualain.   
\p
\v 11-13 Emi afi matalolole, huu fo Au nau fee nasasamaꞌ leo iaꞌ: Lahenda esa nanuu bibi-lopo natun esa. Faiꞌ esa boe ma bibi esa sala de laꞌo mesaꞌ ana. Emi dodoo ma nana, mana foo ria muste tao ubeaꞌ? Tantu ana foa ela bibi-lopo kasio hulu sioꞌ sira reuꞌ leteꞌ lain, boe ma neu saka bibi-lopo iseꞌ mana mopoꞌ ria.\x + \xo 18:11-13 \xt Lukas 19:10\x*  
\p Maneniko hapu faliꞌ ana, sona dale na namahoꞌo-natadale nita bibi-lopo iseꞌ mana mopoꞌ ria, lena neme nita bibi-lopon kasio hulu sio mana mopo taaꞌ sira. [Au, Ana Lahenda ia, mai ela poꞌi-tata lahenda fo riꞌ heo reme eno roo-tetuꞌ a mai.]\f + \fr 18:11-13 \ft Dudui Yunani malole inaꞌ, ma masososaꞌ a ta duiꞌ, mana duiꞌ fo nai kurung ia daleꞌ.\f*  
\v 14 Huu fo leo mae mopo noi ana aanaꞌ kamahereꞌ esa boe oo, Au Papa Ka nai nusatetu-ikutema a, ta nau fa.”   
\s1 Ramatua Yesus nafada eno na leoꞌ beaꞌ ela ita malolole seluꞌ to lahenda fo tao rasalaꞌ ita  
\p
\v 15 Yesus dedea seluꞌ nae, “Maneniko toranoom lahenda kamahereꞌ tao nasalaꞌ o, sona muste muu dama ni. Maneniko noi emi dua, sona besaꞌ ko mafada ria sala na. Kalu ana namanene o dedea-nafadam, sona emi dua malole ma seluꞌ ao mara.\x + \xo 18:15 \xt Lukas 17:3\x*  
\v 16 Tehuu maneniko ana ta nau namanene neuꞌ o, sona muu mala tia-laim esa-dua fo mo si sama-sama meu dama lahenda ria, ela dedea mo ni seluꞌ. Huu fo mana duiꞌ nai Manetualain Susura Makamoi Na daleꞌ nae, ‘Nai dedeaꞌ esa, muste hapu sakasii dua do telu tutui nara sama, besaꞌ ko bisa sipoꞌ asa.’\x + \xo 18:16 \xt Tui Seluꞌ Laꞌe Neuꞌ Eno Sodaꞌ a 19:15\x*  
\v 17 Tehuu maneniko ana bei ta nau namanene neuꞌ emi, sona meu mafada saraniꞌ ara. Ma kalu ana ta nau sipoꞌ saraniꞌ ara dedean no malole, sona tao ni sama leoꞌ lahenda fo ta nalelaꞌ Manetualain. Taꞌa, sona tao ni neuꞌ lahenda tadaluꞌ sama leoꞌ mana susu bea.   
\p
\v 18 Mafarereneꞌ matalolole Au dedea Ka! Kalu hata ubeaꞌ fo emi horo ta bole taon nai dae-bafoꞌ a, sona Manetualain boe horo leo naꞌ nai nusatetu-ikutemaꞌ a. Ma kalu hata ubeaꞌ fo emi ta horo bole taon nai dae-bafoꞌ a, sona Manetualain boe ta horo leo naꞌ nai nusatetu-ikutemaꞌ a.\x + \xo 18:18 \xt Mateos 16:19; Yohanis 20:23\x*   
\p
\v 19 Ma Au afada seluꞌ ae, maneniko lahenda dua neme emi mai daleꞌ esa, fo hule-haradoi, neuꞌ ko Au Papa Ka nai nusatetu-ikutemaꞌ a fee hata fo ara hule a.  
\v 20 Maneniko Au lahenda Ki dua do telu rabua-raesa fo hule-haradoi sama-sama, sona Au boe nai sira talada.”   
\s1 Ramatua Yesus fee nasasamaꞌ laꞌe-neuꞌ pegawe fo ta fee ampon neuꞌ ria tia-lain  
\p
\v 21 Boe ma Petrus mai natane Yesus nae, “Ramatuaꞌ, au nau atane baiꞌ. Maneniko au toranoo lahenda kamahere ka tao nasalaꞌ au kose-kose, sona au muste fee ampon neuꞌ ana losa laiꞌ hida? Losa laiꞌ hitu, do?”   
\p
\v 22 Yesus nataa ni nae, “Taꞌa! O muste fee ampon neuꞌ ana hitu laiꞌ hitu hulu (7 x 70),\f + \fr 18:22 \ft Dedea Yunani nai ia, bisa sosoa na nae, “hitu laiꞌ hitu hulu (7 x 70)”. Bisa boe, “laiꞌ hitu hulu hitu (77 x)”.\f* losaꞌ o reke doaꞌ asa.\x + \xo 18:22 \xt Lukas 17:3-4\x*  
\v 23 Emi muste tao tuka leoꞌ na, nana huu Manetualain sama leoꞌ maneꞌ esa bareken pegawe nara huta-buꞌun.  
\v 24 Tepoꞌ fo ana mulai bareken, boe ma nadenu ria lahendan neu naloo pegawe fo riꞌ nahuta ni doiꞌ, losa kefu-kafun.\f + \fr 18:24 \ft Susura Makamoiꞌ dedea Yunani nai ia duiꞌ nae, \ft \+it “\+it*τάλαντον\+it (talanton)\+it* rifun sanahulu (10.000)”. \+it Talanton\+it* esa, riꞌ lahenda mana noi esa kadin teuꞌ sanahulu lima losa dua hulu (teuꞌ 15-20). Susura Makamoiꞌ dedea Indonesia nai ia nae ‘talenta’.\f*  
\v 25 Tehuu pegawe ria ta bisa bae nala huta na. De maneꞌ a pareta nae, ‘Meu seꞌo lahenda ia noo sao-anan katemaꞌ, ela ara dadi ata. Ma seꞌo heni basa hata-heton, fo ela bae ria huta-buꞌun.’   
\p
\v 26 Pegawe ria namanene leoꞌ na, boe ma ana sundaꞌ undulaka na nai maneꞌ a matan, fo leleꞌo ni nae, ‘Adoo! Papa, ee! Papa mane fee au fai lelaꞌ baiꞌ dei! Neuꞌ ko au bae etu katemaꞌ huta kara.’  
\v 27 Maneꞌ a namanene leoꞌ na, boe ma kasian neuꞌ ana. De ana eꞌa heni tutiꞌ pegawe ria huta nara katemaꞌ, ma ana poꞌi ni.   
\p
\v 28 Tehuu pegawe ria kalua, boe ma neu dama tia-lain fo riꞌ nahuta ni doiꞌ baiꞌ.\f + \fr 18:28 \ft Susura Makamoi dedea Yunani nai ia duiꞌ nae, \ft \+it “\+it*δηνάριον\+it (deinarion)\+it* natun esa (100)”. \+it Deinarion\+it* esa, riꞌ lahenda mana noi esa kadi na faiꞌ esa. De maneniko nararaaꞌ ana noo τάλαντον\+it (talanton)\+it* rifun sanahulu (10.000) fo nai (lalane kadua hulu haan), sona hutaꞌ ia ra sosoa-raraaꞌ taꞌa.\f* Ana hopu na tia na, de rumu neuꞌ bolii na, ma nasapaa nae, ‘O bae huta ma besaꞌ ia leo!’   
\p
\v 29 Tia na namanene leoꞌ na, boe ma sundaꞌ undulaka na fo leleꞌo ni nae, ‘Adoo! Tia, ee! Fee au fai lelaꞌ baiꞌ dei! Neuꞌ ko au bae etu katemaꞌ huta kara.’   
\p
\v 30 Tehuu pegawe ria nae, ‘Ta bisa fa! Leo mae leoꞌ bea boe oo, muste bae adaꞌ besaꞌ ia!’ Boe ma ana tee tia na leo bui daleꞌ neu, losaꞌ ana bae etu katemaꞌ huta nara.  
\v 31 Maneꞌ a pegawe feke nara rita hata mana dadiꞌ ria, boe ma dale nara susa, de reu tui maneꞌ a.   
\p
\v 32 Maneꞌ a namanene leoꞌ na, boe ma naloo na pegawe mata mamae taaꞌ ria. Ana nasaꞌai ni nae, ‘Ae, lahenda tadaluꞌ on! O hule au kasian neuꞌ o, huu ria na de au eꞌa heni katemaꞌ huta mara so.  
\v 33 Tehuu ubeaꞌ taon de o ta kasian neuꞌ tia-laim ria, sama leoꞌ au kasian neuꞌ o?’  
\v 34 Maneꞌ a namanasa, losaꞌ ana nadenu si teen leo bui daleꞌ neu, fo ela ara ese-rumun, losa ana bae nabasa huta-buꞌun.”   
\p
\v 35 Yesus tui nateꞌe, boe ma Ana nafada nae, “Au Papa Ka nai nusatetu-ikutemaꞌ a bareken leo naꞌ boe. Maneniko emi ta tebe-tebe mafarene heni toranoo kamahere mara sala-sikon, sona neuꞌ ko Ana huku emi.”   
\c 19  
\s1 Lahenda Farisi ra saka enoꞌ fo rahihiiꞌ Ramatua Yesus laꞌe-neuꞌ namaetuꞌ  
\r (Markus 10:1-12)  
\p
\v 1 Yesus nanori-nafada basa sira, boe ma Ana laꞌo ela Galilea de leo propensi Yudea neu nai lee Yarden a seriꞌ.  
\v 2 Lahenda dodouꞌ tuka Ni, ma Ana puli na lahenda kamahedis ara rai naa.   
\p
\v 3 Lahenda Farisi hida mai fo nau rahihiiꞌ Yesus boe. Ara ratane rae, “Papa! Tuka ami atoran agama ma, maneniko touꞌ a sao, sona ana bole namaetuꞌ no sao na neniꞌ sudi eno ubeaꞌ a, do leo beaꞌ?”   
\p
\v 4 Tehuu Ana nataa nae, “Emi nana, lahenda fo malelaꞌ agama. Tehuu ubeaꞌ taon, de emi ta bubuluꞌ Manetualain Susura Makamoi Na isi-liin? Nai tutui masososaꞌ a, manaduiꞌ nae, ‘Manetualain adu na lahenda a, touꞌ ma inaꞌ.’\x + \xo 19:4 \xt Tutui Masososaꞌ 1:27; 5:2\x*  
\v 5 Ma nanaduiꞌ bali nae,  
\q1 ‘Huu ria na, touꞌ a muste foa ela ina-aman,  
\q2 fo neu nasoda daleꞌ esa no sao na,  
\q3 nana huu sira dua dadi esaꞌ so.’\x + \xo 19:5 \xt Tutui Masososaꞌ 2:24\x*   
\p
\v 6 Huu ria na, de maneniko Manetualain riꞌ tao naa sira dadi esaꞌ, sona lahenda bosoꞌ fee si ramaetuꞌ bali!”   
\p
\v 7 Lahenda Farisi sira ramanene Yesus dedea nae leoꞌ na, boe ma ratane bali rae, “Kalu leoꞌ na, sona ubeaꞌ taon de baꞌi Musa nae, lahenda bole ramaetuꞌ, sadi ana fee susura namaetuꞌ neuꞌ sao ina na dei?”\x + \xo 19:7 \xt Tui Seluꞌ Laꞌe Neuꞌ Eno Sodaꞌ a 24:1-4; Mateos 5:31\x*   
\p
\v 8 Boe ma Yesus nataa bali nae, “Baꞌi Musa nataaꞌ emi bei-baꞌim ramaetuꞌ ro sao ina nara, huu fo sira laka batuꞌ leoꞌ emi! Tehuu tepoꞌ fo Manetualain adu dae-bafoꞌ ia, Ria hihii-nanaun ta leo naꞌ fa.  
\v 9 Huu ria na de Au afada! Maneniko sao inaꞌ a hohoke nauluꞌ, sona touꞌ a bole namaetuꞌ. Tehuu maneniko sao inaꞌ a ta hohoke fa, te touꞌ a riꞌ namaetuꞌ noon, boe ma sao seluꞌ ina fekeꞌ, sona ana hohoke ria!”\x + \xo 19:9 \xt Mateos 5:32; 1 Korintus 7:10-11\x*   
\p
\v 10 Ana mana tuka dea nara ramanene Ni dedea nae leoꞌ na, boe ma ara dedea rae, “Kalu leoꞌ na, sona malole lenaꞌ bosoꞌ sao.”   
\p
\v 11 Yesus nataa si nae, “Ta basa lahenda ra bisa sipoꞌ Au dedea Ka. Noi lahenda fo riꞌ Manetualain teka-here si a.  
\v 12 Hapu lahenda manasao taaꞌ, nana huu neme boki ni a leo naꞌ. Hapu lahenda manasao taaꞌ, nana huu lahenda tao ni leoꞌ na. Ma lahenda ta nahiiꞌ sao fa, nana huu ria nau nalalaꞌo noi Manetualain nonoi-tataon. Lahenda bea bisa bubulu-nalelaꞌ nanori-nafadaꞌ ia, sona ela ana sipoꞌ.”   
\s1 Ramatua Yesus nafada fee ana aanaꞌ ara ua-naleꞌ  
\r (Markus 10:13-16; Lukas 18:15-17)  
\p
\v 13 Faiꞌ ria, lahenda ra oꞌo roo ana nara leo Yesus reu, fo ela Ana fua lima Na neuꞌ asa ma nafada fee si ua-naleꞌ. Tehuu ana mana tuka dea nara rasaꞌai lahenda sira.  
\v 14 Boe ma Ana namanasa no ana mana tuka dea nara nae, “Nemeꞌ na ela anaꞌ sira leo Au mai! Bosoꞌ ena-matabaa si! Huu fo lahenda leo iaꞌ ara, nana Manetualain lahendan.”   
\p
\v 15 Boe ma Ana fua lima Na neuꞌ ana aanaꞌ sira, ma hule fo Manetualain fee si ua-naleꞌ. Basa boe ma Ana laꞌo ela mamanaꞌ ria.   
\s1 Lahenda kamasuꞌi a saka enoꞌ fo nasoda naroo noo Manetualain  
\r (Markus 10:17-31; Lukas 18:18-30)  
\p
\v 16 Laiꞌ esa de, lahenda mai natane Yesus nae, “Papa Mesen! Au muste tao hihii-nanauꞌ malole leo beaꞌ, fo ela au bubuluꞌ matetuꞌ ae, au bisa masoꞌ nusatetu-ikutemaꞌ a. Huu fo au nau asoda aroo sama-sama oo Manetualain.”   
\p
\v 17 Yesus nataa nae, “Ubeaꞌ taon, de o matane Au laꞌe-neuꞌ ubeaꞌ riꞌ malole? Noi Manetualain riꞌ malole. Maneniko o nau masoda mo Ni, sona tuka pareta Na.”   
\p
\v 18 Lahenda ria natane seluꞌ nae, “Pareta a riꞌ ubeaꞌ?”  
\p Yesus nataa nae,  
\q2 “Bosoꞌ maisa lahenda;  
\q2 bosoꞌ hohoke;  
\q2 bosoꞌ mamanaꞌo;  
\q2 bosoꞌ sakasii pepekoꞌ;\x + \xo 19:18 \xt Kalua reme Masir 20:13-16; Tui Seluꞌ Laꞌe Neuꞌ Eno Sodaꞌ a 5:17-20\x*   
\q2
\v 19 fee hada-horomata neuꞌ o ina-amam;  
\q2 ma sue-lai toranoo ma sama leoꞌ o sue-lai ao-ina heheli ma.”\x + \xo 19:19 \xt Kalua reme Masir 20:12; Tui Seluꞌ Laꞌe Neuꞌ Eno Sodaꞌ a 5:16; Malaka Agama ra Atoran 19:18\x*   
\p
\v 20 Lahenda ria nataa Ni nae, “Basa pareta sira au tao si so. Bei kura ubeaꞌ bali?”   
\p
\v 21 Yesus namanene leoꞌ na, boe ma nae, “Maneniko o nau tuka Manetualain hihii-nanaun katemaꞌ, sona fali fo seꞌo heni katemaꞌ hata-hetom. Basa sona muu babati doiꞌ sira fee lahenda hata taaꞌ ara, besaꞌ ko mai fo tuka Au. Huu fo neuꞌ ko Manetualain balas fee o hata-heto dodouꞌ nai nusatetu-ikutemaꞌ a.”   
\p
\v 22 Lahenda ria namanene leoꞌ na, boe ma ana fali neun no dale susa, huu fo namasuꞌi naan seli.   
\p
\v 23 Boe ma Yesus dedea no ana mana tuka dea nara nae, “Mamahere Au, huu fo lahenda kamasuꞌi a susa laesaꞌ masoꞌ nusatetu-ikutemaꞌ.  
\v 24 Ria susa na, sama leoꞌ banda onta bau-inaꞌ a, masoꞌ leo oka na neu, nesiꞌ rarauꞌ a bolo na.”   
\p
\v 25 Ana mana tuka dea nara ramanene leoꞌ na, boe ma ara heran. Ara rataa rae, “Kalu leoꞌ na, sona bea riꞌ bisa masoꞌ nusatetu-ikutemaꞌ a?”   
\p
\v 26 Ana mete natalolole si, boe ma dedea nae, “Maneniko lahenda dae-bafoꞌ a riꞌ noi-tao, sona memaꞌ ta bisa fa. Tehuu kalu Manetualain riꞌ noi-tao, sona basa-basan bisa dadi!”   
\p
\v 27 Boe ma Petrus fee nafarereneꞌ nae, “Papa! Ami foa ela hata-hetom katemaꞌ so, fo tuka Papa. Tehuu ami hapu ubeaꞌ?”   
\p
\v 28 Yesus nataa nae, “Mamahere Au! Maneniko Manetualain tao na basa-basan dadi bebeu, neuꞌ ko Au Ana Lahenda ia, atuuꞌ nai kadera mana pareta bau-inaꞌ. Tepoꞌ ria, emi fo riꞌ tuka Au a, matuuꞌ nai kadera mana pareta kasanahulu duaꞌ sira boe, fo dadi mana ee dedeaꞌ soa-neuꞌ leo Israel kasanahulu duaꞌ ara.\x + \xo 19:28 \xt Mateos 25:31; Lukas 22:30\x*  
\v 29 Lahenda fo foa ela ria uma-loon, aꞌa-fadin, ina-aman, ana nara, ma oka-tinen fo tuka Au, neuꞌ ko ana sipo faliꞌ losa lena heni laiꞌ natun. Boe ma maneniko dae-bafoꞌ ia noe, ana nasoda naroo noo Manetualain.  
\v 30 Mafarereneꞌ! Tuka Manetualain duduꞌa-aafin, lahenda dodouꞌ matutua-madedema aoꞌ ara, nana siꞌ lahenda fo aanaꞌ raan seli. Tehuu lahenda maloe-madae aoꞌ ara, nana siꞌ lahenda bau-inaꞌ.”\x + \xo 19:30 \xt Mateos 20:16; Lukas 13:30\x*   
\c 20  
\s1 Nasasamaꞌ laꞌe-neuꞌ mana noi oka anggor  
\p
\v 1 Boe ma Yesus nanori-nafada nae, “Manetualain hohomu pareta na, sama leoꞌ nasasamaꞌ ia: lahenda manuu okaꞌ esa liꞌu nee balahaan, ana kalua neu saka lahenda fo roi oka anggor na.  
\v 2 Ana hapu lahenda mananoi, boe ma ara dedearaoꞌ fo roi faiꞌ esa, sona seseba na, doi perak esa, tuka beli biasa.\f + \fr 20:2 \ft Susura Makamoi dedea Yunani nai ia duiꞌ nae, “doiꞌ \ft \+it dinari\+it* esa”. \+it Dinari\+it*esa, riꞌ lahenda mana noi esa kadi na faiꞌ esa katemaꞌ.\f* Hala haraꞌ basa, boe ma ana nadenu si reu roi nonoiꞌ nai ria oka na.  
\v 3 Liꞌu sio balahaan, boe ma ana kalua leo pasar neu, de nita lahenda hida ratuu kukuaꞌ rai naa.  
\v 4 Ana nafada si nae, ‘Ae, aꞌa kara, ee! Emi nau moi nonoiꞌ nai au oka ka, do? Neuꞌ ko au bae emi no malole.’ Ara ramanene leoꞌ na boe ma rataa, de reu roi nonoiꞌ.  
\v 5 Liꞌu sanahulu dua ledo hanan, ma liꞌu telu leodaen, manuu okaꞌ a kalua neu saka lahenda mana noi bali.  
\v 6 Ledo leodaen, bate liꞌu lima, boe ma manuu okaꞌ ria kalua bali. Ana mete neu-mai, te bei hapu lahenda rapadei hihiiꞌ. Ana natane si nae, ‘Ubeaꞌ taon, de emi mapadei hihiiꞌ memeꞌ balahaaꞌ a mai losaꞌ leodaen ia, ma ta tao hata-hata esa boeꞌ?’   
\p
\v 7 Lahenda sira rataa ni rae, ‘Papa, ee! Ta hapu lahenda fee ami moi nonoiꞌ.’  
\p Boe ma manuu okaꞌ a nae, ‘Kalu leoꞌ na, sona emi meu moi nonoiꞌ nai au oka ka leo!’   
\p
\v 8 Basa jam nonoiꞌ a, boe ma manuu okaꞌ a naloo mandor na de nae, ‘Maloo lahenda mana noi ra, fo au bae sira esa-esa seseba nara. Mulai neme lahenda fo mai nesiꞌ buiꞌ, losa leo lahenda fo mai nauluꞌ a.’\x + \xo 20:8 \xt Malaka Agama ra Atoran 19:13; Tui Seluꞌ Laꞌe Neuꞌ Eno Sodaꞌ a 24:15\x*   
\p
\v 9 Boe ma mandor naloo lahenda mana noi ra, mulai neme liꞌu lima leodaen. Ana fee si esa na sipo doi perak esaꞌ.  
\v 10 Basa de mandor naloo lahenda mana noi fekeꞌ sira, losa leo lahenda fo roi nonoiꞌ reme liꞌu nee balahaan. Lahenda fo roi reme balahaa anan ria mai a, afi rae tantu ara sipo desi lena neme lahenda fo roi mulai reme liꞌu lima leodaen. Sekona te, sira boe sipo doi perak bei esaꞌ.  
\v 11 Ara sipo ra, boe ma ramumuu manuu okaꞌ a rae,  
\v 12 ‘Aweꞌ! Bos, ta bisa leo iaꞌ fa! Sira mai resiꞌ buiꞌ, roi nonoiꞌ noi jam esaꞌ a. Tehuu ami moi nonoiꞌ sota maan seli meme balahaa anan ria mai, losaꞌ ami puse makeoꞌ ara! Tehuu tao leoꞌ bea, de bos bae ami sama leoꞌ sira?’   
\p
\v 13 Boe ma manuu okaꞌ a nataa sira esa nae, ‘Aꞌa, ee! Au ta parnanake aꞌa fa. Huu fo aꞌa riꞌ sipoꞌ mae moi nonoiꞌ faiꞌ esa, sona seba doi perak esa. Tebe, hete? De au bae tuka ita nahelu na hete?  
\v 14 Malole lenaꞌ aꞌa sipo ma doi seseba ma fo fali leo. Maneniko au nau fee lahenda fo mai nesiꞌ buiꞌ a desi au fee aꞌa, sona ria nana au urusan ka.  
\v 15 Au riꞌ araa ator aok doi kara tuka au dale hihii ka. Ubeaꞌ taon de aꞌa eteꞌ ao ma, nana huu au dale malole ka?’   
\p
\v 16 Leoꞌ na boe, tepoꞌ fo Manetualain dadi mane soa-neuꞌ lahenda ra, Ana balas lahenda nara tuka Ria hihii-nanaun. De lahenda fo mai nesiꞌ buiꞌ, neuꞌ ko ana sipo babatiꞌ, sama leoꞌ lahenda fo mai nauluꞌ. Ma lahenda fo mai nauluꞌ, neuꞌ ko ana sipo babatiꞌ sama leoꞌ lahenda fo mai nesiꞌ buiꞌ.”\x + \xo 20:16 \xt Mateos 19:30; Markus 10:31; Lukas 13:30\x*   
\s1 Ramatua Yesus nafada kalaiꞌ telu na laꞌe-neuꞌ Ria mamate Na  
\r (Markus 10:32-34; Lukas 18:31-34)  
\p
\v 17 Boe ma Yesus asa mulai leo Yerusalem reu. Nai eno taladaꞌ, Ana naloo na ana mana tuka dea nara, de rabua ro noi mesaꞌ Ana. Boe ma Ana nafada bali nae,  
\v 18 “Emi nenene, ee! Besaꞌ ia ita sakaꞌ leo Yerusalem teu. Tehuu nai naa, lahenda seꞌo heni Au, Ana Lahenda ia, fee malaka agama Yahudi malaka nara, ma mesen agama ra. Ara raetuꞌ fo huku ramate Au.  
\v 19 Boe ma ara fee heni Au leo lahenda fekeꞌ fo riꞌ ta ralelaꞌ Manetualain. Ara ramumulu-ramamaeꞌ Au. Ma ara fepa-liꞌu ralulutuꞌ Au ao-ina Ka, basa de ara raisa Au nai ai kake a. Tetebes ara Au mate. Tehuu fai binesa na, te Au asoda seluꞌ.”   
\s1 Yakobis no Yohanis mama na hule fo soꞌu ana nara dadi lahenda bau-inaꞌ  
\r (Markus 10:35-45)  
\p
\v 20 Boe ma Sabadeus sao na noo ana nara Yakobis ma Yohanis, ara sama-sama leo Yesus mai. Boe ma ana sundaꞌ undulaka na, ma fee hada-horomata fo dodoe-taiboni neuꞌ Yesus.   
\p
\v 21 Yesus natane ni nae, “Mama parluu ubeaꞌ?”  
\p Ana nafada nae, “Leo iaꞌ Papa! Au hule fo, maneniko Papa matuuꞌ homu pareta, sona Papa soꞌu ma au ana ki ia ra duas, fo ara homu pareta sama-sama ro Papa. Au hule fo Papa fee esa natuuꞌ nai Papa boboa ona Ma, ma esa nai boboa ii Ma.”   
\p
\v 22 Yesus namanene ria huhule na, boe ma nafada Yakobis ma Yohanis nae, “Emi ta bubuluꞌ hata fo emi hule a. Huu fo neuꞌ ko Au hapu doidosoꞌ dodouꞌ. De leoꞌ bea? Dodoo maan nana emi mabeꞌi lepa doidoso ria sama-sama mo Au, do?”  
\p Dua si rataa ratalolole rae, “Papa e, talalu bisa!”   
\p
\v 23 Boe ma Yesus nataa si bali nae, “Tebe, emi boe neuꞌ ko lepa doidoso ria sama leoꞌ Au. Tehuu neuꞌ ko bea riꞌ natuuꞌ nai Au boboa ona, ma boboa ii Ka, ta Au riꞌ aetuꞌ fa. Manetualain riꞌ nanuu haak naetuꞌ ria. Ana naetuꞌ memaꞌ so, bea riꞌ natuuꞌ nai mamanaꞌ ria.”   
\p
\v 24 Ana mana tuka dea kasanahulu fekeꞌ ara ramanene dua si huhule na leo naꞌ, boe ma eteꞌ ao nara.  
\v 25 Tehuu Yesus naloo na basa si, boe ma nae, “Leo iaꞌ! Emi bubuluꞌ so, hete? Lahenda bau-inaꞌ fo riꞌ homu pareta biasa ranete anaraun ara, losaꞌ ta bisa rababale. Ma malaka reme lahenda nusaꞌ fo riꞌ ta ralelaꞌ Manetualain, ara fee pareta seli uukuꞌ a, losaꞌ sira anarau nara ta bisa botiꞌ laka nara.  
\v 26 Tehuu emi ta bole tao leo naꞌ! Neme emi mai bea nau dadi lahenda bau-inaꞌ, ana muste dadi sama leoꞌ ana uma daleꞌ fo nalalau lahenda fekeꞌ.\x + \xo 20:26 \xt Lukas 22:25-26\x*  
\v 27 Ma bea nau dadi malaka, ana muste tao aon sama leoꞌ ata.\x + \xo 20:27 \xt Mateos 23:11; Markus 9:35; Lukas 22:26\x*  
\v 28 Nenene, ee! Au boe leo naꞌ. Au, Ana Lahenda ia, mai fo alalau lahenda. Au ta mai fo lahenda ralalau Au. Au mai fo fee katemaꞌ soda Ka, ela soi-tefa lahenda dodouꞌ reme sira sala-siko nara mai.”   
\s1 Ramatua Yesus puli na lahenda pokeꞌ dua  
\r (Markus 10:46-52; Lukas 18:35-43)  
\p
\v 29 Boe ma Yesus asa laꞌo raroo. Fai fo ara kalua reme kota Yeriko mai, lahenda dodouꞌ tuka si.  
\v 30 Nai naa, lahenda pokeꞌ dua ratuu rai enoꞌ a suu na. Ara ramanene rae, Yesus neme Nasaret mai riꞌ laꞌo nesiꞌ naa, boe ma ara bobouꞌ rambera rae, “Ramatuaꞌ! Daud tititi-nonosin, ee! Ami mahani Ramatuaꞌ a doꞌ a so! Kasian neuꞌ ami dei!”   
\p
\v 31 Lahenda ra ramanenes bobouꞌ leoꞌ na, boe ma rasaꞌai si rae, “Ae! Emi dua bosoꞌ mahahara!”  
\p Tehuu ara bobouꞌ rambera ina bali rae, “Ramatuaꞌ! Daud tititi-nonosin, ee! Kasian neuꞌ ami dei!”   
\p
\v 32 Yesus namanene leoꞌ na, boe ma nateꞌe de natane si nae, “Emi nau Au tao ubeaꞌ soa-neuꞌ emi?”   
\p
\v 33 Ara rataa rae, “Ramatuaꞌ, ee! Tulu-fali ami, fo ela bisa mita-dae dei!”   
\p
\v 34 Ana namanene si dedea rae leoꞌ na, boe ma Ana kasian neuꞌ asa. Ana nafaroe mata nara, boe ma rita-dae tutiꞌ a. Basa de ara laꞌo tuka Ni.   
\c 21  
\s1 Ramatua Yesus masoꞌ kota Yerusalem sama leoꞌ Maneꞌ  
\r (Markus 11:1-11; Lukas 19:28-40; Yohanis 12:12-19)  
\p
\v 1 Yesus asa laꞌo raroo de losa rai koroꞌ esa nade Betfage, nai lete Saitun suu na.\f + \fr 21:1 \ft Nai leteꞌ ria ara feen nade ‘Saitun’, nana huu nai naa hapu oka ai huu saitun dodouꞌ. Ara biasa hee ai saitun boa na fo hapu mina na. Lete Saitun a dodoo na, bate kilo esa neme kota Yerusalem mai.\f* Koroꞌ ria naneneaꞌ noo kota Yerusalem. Ara hahae ao nara rai naa. Boe ma Ana nadenu ana mana tuka dean dua fo reu rauluꞌ.  
\v 2 Ana pareta si nae, “Emi dua leo koroꞌ a riꞌ eleꞌ meu. Emi meu, te neuꞌ ko mita keledei inaꞌ esa noo ana na, nanahekeꞌ rai naa. Emi meu sefi heni tali nara, fo hela meni si mai fee Au.  
\v 3 Tehuu maneniko lahenda natane emi nae, ‘Ubeaꞌ taon, de emi hela meni lahenda keledei na?’ Sona emi mataa mae, ‘Ramatuaꞌ a nau pake. Maneniko Ana pake basa, sona neuꞌ ko fee faliꞌ ana.’   
\p
\v 4 Basa ia ra muste dadi, tuka hata fo Manetualain mana nesi mata nara duiꞌ memaꞌ rae,   
\q1
\v 5 ‘Ae, lahenda Yerusalem emin!\f + \fr 21:5 \ft Susura Makamoi dedea Yunani nai ia, duiꞌ nae, “Sion ana feto na”. Sion nana riꞌ Yerusalem nade feken. De nai ia Sakaria pake dedea balaroe-balanauꞌ fo naloo bou-bou soa-neuꞌ kota Yerusalem lahenda nara.\f*  
\q2 Mai mete-relu nai ia dei!  
\q1 Huu fo emi Mane ma mai.  
\q2 Ana mai noo dale naloe-nadae aoꞌ.  
\q3 Ana mai saꞌe keledei anaꞌ.’ ”\x + \xo 21:5 \xt Sakaria 9:9\x*   
\p
\v 6 Boe ma ana mana tuka dea sira reu, ma tao tuka basa-basan sama leoꞌ Yesus helu si a.  
\v 7 Ara hela reni keledei inaꞌ ria noo ana na leo Yesus reu. Boe ma ara bela lafa nara reuꞌ keledei ria, ela Yesus saꞌe neuꞌ lain fo sakaꞌ leo kota daleꞌ reu.  
\v 8 Ara sakaꞌ masoꞌ kota daleꞌ, boe ma lahenda dodouꞌ hai ra lafa, ma lafa ana nara bela si reuꞌ enoꞌ lain. Ruma reu beta reni palam dooꞌ\f + \fr 21:8 \ft Mateos dudui tea na nae, ‘rana dooꞌ’. Tehuu ita bubuluꞌ neme Yohanis babati kasanahulu duan lalane kasanahulu telun nae palam dooꞌ.\f* fo kakari neuꞌ enoꞌ a talada. No ria na, ara tao tanda nae, ara sipoꞌ Ana sama leoꞌ lahenda bau-inaꞌ.  
\v 9 Lahenda ruma laꞌo uluꞌ Yesus resiꞌ mata, ma ruma resiꞌ deaꞌ boe. Ara heꞌi rame-rame rae,  
\q1 \it “Hosana!\it* Ami io-oa Manetualain!\f + \fr 21:9 \ft Sira dedea Aram na nae, \ft \+it ‘Hosana’\+it*. Ria sosoa fai ulu na nae, ‘ana poꞌi-tata naa lahenda’. Tepoꞌ fo Ramatua Yesus bei nasoda nai dae-bafoꞌ ia, ara biasa pake dedeaꞌ ia fo io-oa neuꞌ Manetualain.\f*  
\q2 Nana huu Daud tititi-nonosin mai!  
\q1 \it Hosana!\it* Ami io-oa Manetualain!  
\q2 Nana huu Manetualain nadenu Lahenda ia mai.  
\q1 \it Hosana!\it* Ami io-oa Manetualain!  
\q2 Nana huu Manetualain natuuꞌ pareta memaꞌ nai lalai poi na!”\x + \xo 21:9 \xt Sosoda Iꞌio-oꞌoaꞌ ara 118:26\x*   
\p
\v 10 Fai fo Yesus masoꞌ Yerusalem no rame-rame leo naꞌ, boe ma basa kota isiꞌ a kalua mai de ratane rae, “Awii! Bea riꞌ maiꞌ ia?”   
\p
\v 11 Lahenda makadotoꞌ sira rataa rae, “Ia nana, Manetualain mana nesi matan. Nade Yesus, lahenda Nasaret, neme propensi Galilea mai.”   
\s1 Ramatua Yesus masoꞌ leo Uma Mamaso Yahudi Ina a neu fo fate heni pasar nai naa  
\r (Markus 11:15-19; Lukas 19:45-48; Yohanis 2:13-22)  
\p
\v 12 Yesus asa laꞌo raroo, de masoꞌ leo Manetualain Uma Mamaso Yahudi Inan reu. Nai Uma Mamasoꞌ a kintal na, lahenda ra taon dadi neuꞌ pasar, de ara raseꞌo manupui kalasi fo riꞌ lahenda paken dadi tutunu-hohotuꞌ soa-neuꞌ huhule-haradoiꞌ. Yesus nita leoꞌ na, boe ma neu usi heni si. Ana rua nabuu mei fo riꞌ ara pake si ela lahenda nusa dea mai tukar doi nara a, ma fae naleka-natono baku fo ara pake si ela seꞌo reniꞌ manupuiꞌ a.  
\v 13 Ana nafada si nae, “Manetualain mana nesi mata na duiꞌ nae,  
\q1 ‘Au afoa Uma ia,  
\q2 fo ela lahenda bisa mai hule-haradoi nai ia.’  
\p Manetualain hihii-nanaun leo naꞌ, tehuu emi tao Uma ia dadi neuꞌ parampok ara mamana nabua-naesan!”\x + \xo 21:13 \xt Yesaya 56:7; Yeremia 7:11\x*   
\p
\v 14 Boe ma lahenda pokeꞌ, ma lahenda lukuꞌ ara leo Yesus mai nai Manetualain Uma Mamaso Yahudi na. De Ana puli na katemaꞌ asa.  
\v 15 Malaka agama Yahudi malaka nara, ma mesen agama ra rai naa boe. Ara rita Yesus tao tanda heran leo naꞌ, boe ma eteꞌ ao nara. Lena-lenaꞌ bali, fai fo ramanene anaꞌ sira bobouꞌ rame-rame rai Uma Mamasoꞌ a rae,  
\q2 \it “Hosana!\it* Ami io-oa Manetualain!  
\q2 Nana huu mane Daud a tititi-nonosin mai so!”   
\p
\v 16 Boe ma malaka sira rafada Yesus rae, “Ae! O mamanene anaꞌ sira dedean? Ria ta laꞌe fa!”  
\p Tehuu Yesus nataa si nae, “Au amanene. Te ubeaꞌ taon? Emi bei ta parnaa les nai Manetualain Susura Makamoi Na laꞌe-neuꞌ anaꞌ ara io-oa Manetualain, do? Mana duiꞌ nai naa nae,  
\q1 ‘Manetualain sadia memaꞌ ana boki beuꞌ ma ana aanaꞌ ara,  
\q2 fo ara io-oa Ni.’ ”\x + \xo 21:16 \xt Sosoda Iꞌio-oꞌoaꞌ ara 8:3\x*   
\p
\v 17 Boe ma Yesus asa kalua ela kota ria, de reu suku rai koro Betania.   
\s1 Ramatua Yesus pareta ai huuꞌ esa fo bosoꞌ naboa bali  
\r (Markus 11:12-14, 20-24)  
\p
\v 18 Balahaaꞌ balahaa anan, Yesus asa fali seluꞌ leo kota Yerusalem reu. Tehuu nai eno taladaꞌ, Ana namalaa.  
\v 19 Ana nita ai huuꞌ esa nai enoꞌ a suu na, lahenda biasa raa boan na.\f + \fr 21:19 \ft Dedea Indonesia pake ‘ai kaaꞌ’ dedea Yunani a nae συκῆ (sukē). Tehuu Manetualain Susura Makamoi Na natudu ai huuꞌ esa nai naa lahenda biasa selen, ma raa boa na. Nai Indonesia pooꞌ dulu, lahenda ta raa ‘ai kaaꞌ’ a boa na. De ‘ai kaaꞌ’ nai Manetualain Susura Makamoi Na, ta sama no ita ai kaan fo nai ia.\f* De Ana naneneaꞌ leo ai huuꞌ ria neu, fo nau mete nanenin, hapu boaꞌ, do taꞌa. Tehuu Ana losa ai huuꞌ ria, Ana ta nita boaꞌ esa boeꞌ, huu fo ai huuꞌ ria besaꞌ ko nadoo beu. Boe ma Ana dedea neuꞌ ai huuꞌ ria nae, “Huu no ta kalua boa ma fee Au, de neuꞌ ko o ta maboa soꞌ!” Ana dedea basa, boe ma ai huuꞌ ria namatuu tutiꞌ a.   
\p
\v 20 Ria ana mana tuka dea nara rita leo naꞌ, boe ma kekes ara. Ara ratane rae, “Ubeaꞌ taon, de kekeneu te, ai huuꞌ ia namatuu tutiꞌ a?”   
\p
\v 21 Boe ma Ana nataa si nae, “Nenene matalolole! Kalu emi mamahere tebe-tebe Manetualain, ma dale mara ta kadudua fa, emi bisa tao sama leoꞌ Au tao a. Emi boe bisa tao lena neme na. Conto leo-leoꞌ: emi bisa pareta leteꞌ esa narali leo tasiꞌ a neu. Tantu Manetualain fee leteꞌ ria narali tutiꞌ a, sadi emi mamahere tebe-tebe neuꞌ Ana.\x + \xo 21:21 \xt Mateos 17:20; 1 Korintus 13:2\x*  
\v 22 Basa hihii-nanauꞌ fo emi hule neuꞌ Manetualain, neuꞌ ko emi sipo si, sadi emi mamahere tebe-tebe neuꞌ Ana.”   
\s1 Malaka ra ratatane aoꞌ laꞌe-neuꞌ Ramatua Yesus haak Na  
\r (Markus 11:27-33; Lukas 20:1-8)  
\p
\v 23 Boe ma Yesus asa laꞌo raroo. Losa Yerusalem, boe ma ara masoꞌ seluꞌ leo Uma Mamaso Yahudi Ina a kintal na reu. Ana nanori-nafada laꞌenauꞌ Manetualain eno masoda Na, boe ma malaka agama Yahudi malaka nara, ma lasi hadas ara mai ratatane aoꞌ ro Ni rae, “Useleꞌ a bea riꞌ nadenu o mai tao liuaari nai ia? Bea riꞌ fee o haak ria?”   
\p
\v 24 Tehuu Ana bubuluꞌ ara saka enoꞌ fo nau ratuda Ni. Boe ma Ana balas nae, “Au boe nau atane emi. Emi mataa Au dei, besaꞌ ko Au ataa emi.  
\v 25 Au atane leo iaꞌ: Emi basa malelaꞌ Yohanis mana saraniꞌ a, hete? Bea riꞌ fee ni haak fo sarani lahenda? Manetualain do, lahenda dae-bafoꞌ a?”  
\p Boe ma ara afi reu-mai, ma ara dedearaoꞌ rae, “Awii! Nala seluꞌ ita ia so! Maneniko ita tataa tae, ‘Manetualain riꞌ fee haak’, neuꞌ ko Ana balas nae, ‘Kalu leoꞌ na, sona ubeaꞌ taon de emi ta mamahere Yohanis fa?’  
\v 26 Tehuu ita boe ta bisa tae, ‘Lahenda nai dae-bafoꞌ a riꞌ fee haak’, neuꞌ ko basa lahenda fo rai ia mai suu ita. Nana huu ara ramahere rae, Yohanis nana, Manetualain mana nesi matan.”  
\v 27 Huu ria na, de ara rataa Yesus rae, “Ami ta bubuluꞌ fa.”  
\p Boe ma Yesus balas nae, “Kalu leoꞌ na, sona Au boe ta parluu afada ae bea riꞌ fee Au haak.”   
\s1 Ramatua Yesus fee nasasamaꞌ laꞌe-neuꞌ touꞌ esa no ana manen dua  
\p
\v 28 Yesus dedea naroo no malaka sira nae, “Emi aafi ma leo beaꞌ neuꞌ nasasamaꞌ ia? Touꞌ esa no ana manen dua. Ana pareta ana uluꞌ a nae, ‘Ana ki on! Faiꞌ ia o muu moi nonoiꞌ nai okaꞌ dei.’   
\p
\v 29 Anaꞌ ria nataa nae, ‘Eeh! Au ta uu fa.’ Tehuu basa boe ma ana nasale dale de neu.\f + \fr 21:29 \ft Susura Makamoi dedea Rikou nai ia duiꞌ laꞌe matetu no dudui Yunani teteaꞌ. Tehuu feke neme manaduiꞌ Susura Makamoi dedea Indonesia TB1.\f*   
\p
\v 30 Boe ma touꞌ ria nadenu ana kadua a nae, ‘Ana ki on! Faiꞌ ia o muu moi nonoiꞌ nai okaꞌ dei.’  
\p Anaꞌ ria nataa nae, ‘Malole a papa. Neuꞌ ko au uu’. Sekona te ta neu fa.”   
\p
\v 31 Yesus tui basa nae leoꞌ na, boe ma natane si nae, “Au sakaꞌ atane leo iaꞌ: Neme anaꞌ sira dua mai, bea riꞌ tao tuka papa na paretan?”  
\p Ara rataa rae, “Masososaꞌ a!”  
\p Boe ma Ana dedea nae, “Hoo. Tehuu nenene matalolole, huu fo Au dedea teteaꞌ. Lahenda fo emi mae sira lahenda masala-masikoꞌ, leo-leoꞌ mana susu bea, ma ina manasosoa, neuꞌ ko ara dadi reuꞌ Manetualain lahendan rauluꞌ reme emi mai. Huu fo emi mataa neuꞌ Manetualain mae ya, tehuu ta tao tuka Ria hihii-nanaun fa.  
\v 32 Fai a ulu na Yohanis mana saraniꞌ a nanori-nafada emi eno na leo beaꞌ, fo emi bisa masoda roo-tetuꞌ. Tehuu emi ta nau mamahere ni. Sekona te, tepoꞌ fo lahenda masala-masikoꞌ ara ramanene Yohanis, sira saledale-tuꞌetei nara, de tuka ria nanori-nafadan. Emi bubuluꞌ basa sira so boe. Tehuu emi ta nau saledale-tuꞌetei mara, fo tuka Manetualain hihii-nanaun.”\f + \fr 21:32 \ft Lukas 3:12; 7:29-30\f*   
\s1 Ramatua Yesus fee nasasamaꞌ laꞌe-neuꞌ lahenda tadaluꞌ mana noi oka anggor  
\r (Markus 12:1-12; Lukas 20:9-19)  
\p
\v 33 Boe ma Yesus tui seluꞌ nasasamaꞌ esa bali nae, “Manuu daeꞌ esa nau sele ai anggor neuꞌ ria daen bibiaꞌ esa. Ana heu kofeoꞌ naan, ma tao bak fo ela hee oe anggor neuꞌ daleꞌ. Ma nafoa uma nanea demaꞌ esa. Ana seba okaꞌ ria fee mana noi ra, fo ara roin ela rabatiꞌ buna-boaꞌ ro ni. Boe ma ana leo nusa dea neu.\x + \xo 21:33 \xt Yesaya 5:1-2\x*   
\p
\v 34 Losa fai eetu boa anggor, boe ma manuu okaꞌ a nadenu ata nara leo mana noi ra reu, fo hule ria nuu babati na.  
\v 35 Tehuu mana noi sira ta tao daleꞌ neuꞌ ana uma daleꞌ ara. Esa hapu fefepa-liliꞌu, fekeꞌ a raisa ni, ma fekeꞌ a bali roi piaꞌ ana reniꞌ batu.  
\v 36 Tehuu manuu okaꞌ ria, nadenu seluꞌ ana uma dalen bubuaꞌ esa dodouꞌ lena heni masososaꞌ a. Tehuu mana noi sira tao tadalu leo naꞌ neuꞌ basa si boe.   
\p
\v 37 Mateꞌe na boe ma manuu okaꞌ a nadenu ana boki na. Ana afi nae, ‘Maneniko au fee ana boki ka neu, tantu ara sipoꞌ no malole, ma ramanene ni.’   
\p
\v 38 Tehuu mana noi ra rita anaꞌ ria, boe ma dedearao nara rae, ‘Ae, emi mete dei! Tou lasiꞌ a fee ana boki na mai so. Neuꞌ ko ria riꞌ sipo katemaꞌ tou lasiꞌ a posaka nara. De mai fo taisa ni, fo ela ita tanuu okaꞌ ia.’  
\v 39 Boe ma ara hopu ra anaꞌ ria tuꞌun leo okaꞌ deaꞌ neu de raisa ni.”   
\p
\v 40 Yesus tui basa, boe ma Ana natane si nae, “Au nau atane leo iaꞌ: maneniko manuu okaꞌ ria fali main, sona ana tao mana noi sira leoꞌ bea?”   
\p
\v 41 Lahenda Yahudi ra malaka nara rataa rae, “Tantu ana naisa basa lahenda tadaluꞌ sira. Boe ma ana seba okan ria neuꞌ lahenda fekeꞌ, fo neuꞌ ko naraa laꞌe ledo-fain, sona bati buna-boaꞌ.”   
\p
\v 42 Boe ma Yesus dedea no si nae, “Bate emi bei ta parnaa lees hata fo manduiꞌ nai Manetualain Susura Makamoi Na nae,  
\q1 ‘Hapu batu esa, tukan batu a tuꞌu henin so,  
\q2 tehuu besaꞌ ia batu ria dadi neuꞌ uma a batu natenden!  
\q1 Manetualain riꞌ here batu ria, boe ma natende ni.  
\q2 Huu ria na, ita tita ni malole na seliꞌ!’ ”\x + \xo 21:42 \xt Sosoda Iꞌio-oꞌoaꞌ ara 118:22-23\x*   
\p
\v 43 Yesus dedea naroo nae, “De, emi afi matalolole e. Fai a ulu na, Manetualain teka-here ita lahenda Yahudi a, fo dadi teuꞌ Ria lahendan. Tehuu no emi ta nau tao daleꞌ neuꞌ Au, de neuꞌ ko Manetualain teka-here lahenda fekeꞌ. Lahenda bea nasoda tuka Ria hihii-nanaun, riꞌ bisa dadi neuꞌ Ria lahendan.  
\v 44 [Au tui neuꞌ tea na. Au ia, nana riꞌ batu natendeꞌ ria. Lahenda bea tuda laꞌe batu ia, neuꞌ ko lahenda ria nalulutuꞌ. Ma kalu batu ria tuda laꞌe lahenda, neuꞌ ko lahenda ria nasosopuꞌ.]”\f + \fr 21:44 \ft Duduiꞌ dedea Yunani ruma ta duiꞌ lalane kahaahulu haaꞌ ia.\f*   
\p
\v 45 Malaka agama Yahudi malaka nara, ma lahenda Farisi ra ramanene Yesus tutui Na, boe ma ara bubuluꞌ rae, Ana dedea laꞌe-neuꞌ sira. Sira sama leoꞌ mana noi ra, ma tukan batu fo tuꞌu heni batu natendeꞌ ria.  
\v 46 De, ara ramanasa raan seli. Boe ma ara ator eno na fo nau hopu Ni. Tehuu ara bei lele lahenda kadodouꞌ, fo riꞌ rae Yesus nana Manetualain mana nesi matan. Huu ria na, de ara ta bisa tao Ni leoꞌ bea boeꞌ.   
\c 22  
\s1 Ramatua Yesus fee nasasamaꞌ laꞌe-neuꞌ lahenda fo ta nau leo feta kakabiꞌ a mai  
\r (Lukas 14:15-24)  
\p
\v 1 Boe ma Yesus dedea no si pake dedea nasasamaꞌ bali nae,  
\v 2 “Manetualain hohomu pareta na, sama leoꞌ maneꞌ esa kabi ana mane na.  
\v 3 Faiꞌ fo feta a nanasadiaꞌ, boe ma nadenu ata nara reu rafada lahenda fo ara hapu nalooꞌ a rae, ‘Mai leo, te feta sakaꞌ mulai.’ Tehuu lahenda sira ta nau mai fa.   
\p
\v 4 Ata sira fali mai si, boe ma rafada maneꞌ a. Maneꞌ a namanene leoꞌ na, boe ma nadenu ata feke nara nae, ‘Emi meu mafada lahenda ra, fo mai leo, te feta nanasadiaꞌ so. Au tati sapi, ma dode-nasu mina-malada so. Mafada si mai raa feta leo, huu fo basan nanasadiaꞌ so.’  
\v 5 Ata sira reu rafada rae leo naꞌ. Tehuu lahenda fo hapu nalooꞌ a, ara ta nau tao daleꞌ neu fa. Ruma leo oka-tinen daleꞌ reu, ruma leo mamana nonoi-tatao nara reu,  
\v 6 ma ruma hopu ra maneꞌ a ata nara, fo ese-rumu raisa si.   
\p
\v 7 Maneꞌ a namanene leoꞌ na, boe ma namanasa naan seli. De nadenu soldadu nara reu raisa lahenda fo riꞌ raisa ata nara. Boe ma soldadu ra hotu heni kota ria.   
\p
\v 8 Basa de maneꞌ a naloo na ata feke nara, nafada si nae, ‘Feta kakabiꞌ a nanasadiaꞌ so, tehuu lahenda fo au aloo si a, ta naraa mai raa au feta ka.  
\v 9 Besaꞌ ia, emi kalua leo eno rame a meu, mafada sudi bea fo maneta mo si rai naa a.’  
\v 10 Boe ma ata sira leo eno rame a reu. Ara raneta ro lahenda fo rai naa, roo dodouꞌ leo feta kakabiꞌ a mai. Lahenda malole ma lahenda tadaluꞌ ara mai ratuu rahenu mamana feta a.   
\p
\v 11 Boe ma maneꞌ a masoꞌ leo mamana feta a neu, de memete naleleiꞌ fui ra. Ana nita fui esa ta pake papake feta-dote fa.\f + \fr 22:11 \ft Lahenda malelaꞌ ruma rae, maneꞌ ia sadia kakao-papake feta soa-neuꞌ lahenda fo reme basa mamanaꞌ ain mai. Tehuu lahenda ia ta nau pake kakao-papakeꞌ ria fa. No ria na, ria nadadae maneꞌ a no ana na.\f*  
\v 12 Maneꞌ a natane ni nae, ‘Ae tia, ee! Ubeaꞌ taon, de o masoꞌ leo iaꞌ mai ta pake papake feta-dote fa?’ Tehuu lahenda ria noi namakokoaꞌ a.  
\v 13 Maneꞌ a pareta ata nara nae, ‘Puputu ma lahenda ia ei-liman, fo tuꞌun leo deaꞌ neu. Nemeꞌ na ela ana dola ma doidoso nai mamana maiuꞌ ele daleꞌ.’\x + \xo 22:13 \xt Mateos 8:12; 25:30; Lukas 13:28\x*   
\p
\v 14 Leoꞌ na boe, Manetualain naloo lahenda dodouꞌ, tehuu Ana teka-here noi bai anaꞌ fo dadi reuꞌ Ria lahendan.”   
\s1 Ramatua Yesus dedea laꞌe-neuꞌ bae doi bea fee mana pareta  
\r (Markus 12:13-17; Lukas 20:20-26)  
\p
\v 15 Lahenda Farisi ra ramanene Yesus dedea nae leoꞌ na, boe ma ara rala haraꞌ fo nau rahihiiꞌ Ana.  
\v 16 Boe ma radenu sira ata nara sama-sama ro lahenda reme Herodes partei politik na mai, fo reu ratatane aoꞌ ro Yesus. Ara io Ni rae, “Papa Mesen! Ami bubuluꞌ Papa dale ma roo-tetuꞌ. Papa ta mapuputaꞌ ma ta mete mataꞌ fa. Papa manori-mafada kokosen Manetualain Hara-dasin no matetuꞌ.  
\v 17 Besaꞌ ia ami nau matane hihii-nanauꞌ esa. Tuka ita agama Yahudi, ami bole bae bea fee mane bau-ina Roma, do taꞌa?”   
\p
\v 18 Tehuu Yesus bubuluꞌ ara nau edi-fule Ni, ela Ana dedea soaꞌ mana pareta Roma. Boe ma nataa nae, “Iku a lahenda dea-mataꞌ! Ubeaꞌ taon, de emi nau mahihiiꞌ Au meniꞌ nataneꞌ ria?  
\v 19 Soba matudu Au doi perak fo riꞌ lahenda bae reniꞌ doi bea nara!” Ara ratudu Ni doi perak esa.   
\p
\v 20 Boe ma Ana natane si nae, “Ia nana bea potreet na? Ma bea naden ia?”   
\p
\v 21 Ara rataa rae, “Ria nana mane bau-ina Roma.”  
\p Boe ma Yesus nafada si nae, “Kalu leoꞌ na, sona emi fee mana pareta hata fo mana pareta haak na. Ma fee Manetualain hata fo Manetualain haak Na.”   
\p
\v 22 Basa si ramanene Ni nataa nae leoꞌ na, boe ma ara heran, huu fo Ana nafada neuꞌ matetu na. Huu ria na, de ara ta bisa rahihiiꞌ Ana. Boe ma ara laꞌo ela Ni.   
\s1 Ramatua Yesus nanori-nafada laꞌe-neuꞌ lahenda mana mateꞌ a nasoda seluꞌ; ma sasao-aanaꞌ nai nusatetu-ikutemaꞌ a, do taꞌa?  
\r (Markus 12:18-27; Lukas 20:27-40)  
\p
\v 23 Lahenda reme partei Saduki rai naa boe. Lahenda ia ra ranori-rafada rae, lahenda mana mateꞌ ara ta rasoda seluꞌ. Fai ria, ara saka enoꞌ boe, fo nau rahihiiꞌ Yesus. Huu ria na, de ara mai ratatane aoꞌ ro Ni rae,\x + \xo 22:23 \xt Lahenda Nadedenuꞌ ara Tutuin 23:8\x*  
\v 24 “Papa Mesen! Baꞌi Musa duiꞌ ela ami hadas ia nae: maneniko touꞌ esa mate ela sao na, tehuu anaꞌ taꞌa, sona touꞌ ria fadi na muste sao na ina falu ria, fo ela boki fee aꞌa mana maten ria tititi-nonosiꞌ.\x + \xo 22:24 \xt Tui Seluꞌ Laꞌe Neuꞌ Eno Sodaꞌ a 25:5\x*  
\v 25 Tebe, fai a ulu na baꞌi Musa nanori-nafada nae leo naꞌ, tehuu besaꞌ ia ami sakaꞌ matane leo iaꞌ: toranoo touꞌ hitu. Uluꞌ a sao, tehuu maten, ma anaꞌ taꞌa. Boe ma fadiꞌ mana tukaꞌ ria a, sao na seluꞌ ina falu ria.  
\v 26 Ta doo bea boeꞌ te mate ni, ma anaꞌ taꞌa. Leoꞌ na boe neuꞌ fadi katelu a; sao na ina falu ria, tehuu mate ni, ma anaꞌ taꞌa boe. Leo-leo na losaꞌ fadi mateꞌa-teisusuꞌ a, boe mate ni.  
\v 27 Mateꞌe na boeꞌ ma ina falu ria mate ni.   
\p
\v 28 Besaꞌ ia ami sakaꞌ matane leo iaꞌ: inaꞌ ria parnaa sao touꞌ hitu so. Maneniko dae-bafoꞌ a noe, boe ma Manetualain fee lahenda mana mateꞌ ara rasoda seluꞌ, sona inaꞌ ria dadi neuꞌ bea sao ina na?”   
\p
\v 29 Yesus nataa si nae, “Maneniko emi matane leo naꞌ, sona emi sala ria so! Huu fo emi ta bubuluꞌ Manetualain Susura Makamoi Na isi-liin. Ma emi ta bubuluꞌ Ria kuasa kahere Na!  
\v 30 Matetu na, leo iaꞌ. Maneniko Manetualain fee lahenda mana mateꞌ ara rasoda seluꞌ, sira boe ta sao soꞌ, sama leoꞌ Ria eilaꞌo-limalopen rai nusatetu-ikutemaꞌ a.  
\v 31 Ma Au boe sakaꞌ dedea laꞌe-neuꞌ lahenda mana mateꞌ ara rasoda seluꞌ, do taꞌa. Nai baꞌi Musa susura na, hapu tutuiꞌ ai huu anaꞌ fo ai-pilaꞌ a naa ni, tehuu ta putun fa. Neme tutuiꞌ ria mai ita bubuluꞌ tae, lahenda mana mateꞌ a bisa nasoda seluꞌ. Huu fo Manetualain nafada baꞌi Musa nae,   
\q1
\v 32 ‘Au ia, nana o baꞌi mara Manetualain na.  
\q2 Siꞌ baꞌi Abraham, baꞌi Isak, ma baꞌi Yakob.  
\q3 Basa si doꞌo-tabe raroo Au losaꞌ besaꞌ ia.’  
\p Ita bubuluꞌ tae, tepoꞌ fo Manetualain dedea leo naꞌ, baꞌi sira mate si dooꞌ a so. Tehuu Manetualain nae Ria bei dadi neuꞌ sira Ramatuan laꞌo naroo. Huu ria na, de ita bubuluꞌ tae, sira sumane nara rasoda raroo, leo mae mate si dooꞌ a so. De leo mae lahenda mate, tehuu ana nasoda seluꞌ. Huu fo noi lahenda masodaꞌ a riꞌ doꞌo-tabe Manetualain, ta lahenda mana mateꞌ a fa, hete?”\x + \xo 22:32 \xt Kalua reme Masir 3:6\x*   
\p
\v 33 Lahenda Saduki ra ramanene Yesus nanori-nafada leo naꞌ, boe ma ara ta bisa balas hata-hata esa boeꞌ. Tehuu lahenda kadodouꞌ sira heran, ma beidea rae, “Ae! Lahenda ia nanori-nafadan talalu kahereꞌ, oo!”   
\s1 Ramatua Yesus nanori laꞌe-neuꞌ pareta fo penting naan seli  
\r (Markus 12:28-34; Lukas 10:25-28)  
\p
\v 34 Lahenda Farisi ra ramanene rae, Yesus naseki lahenda Saduki ra, boe ma ara rame-rame rabua fo nau ratatane aoꞌ ro Ni.  
\v 35 Sira lahenda malela agaman esa nahihiiꞌ soba Ni nae,  
\v 36 “Papa Mesen! Au sakaꞌ atane leo iaꞌ: ami atoran hadas, ma agama a pareta nara, dodouꞌ naan seli. Neme basa baꞌi Musa pareta nara, bea riꞌ penting naan seli?”   
\p
\v 37 Ana nataa ni nae, “Nai Manetualain Susura Makamoi Na daleꞌ, pareta fo penting naan seli a, nae leoꞌ ia:  
\q1 ‘Manetualain nana, emi Manetualain ma.  
\q2 De, emi muste sue-lai Ni \it lena\it* heni basa-basan.  
\q3 Huu ria na, emi muste mahiiꞌ maroo Ni,  
\q3 bubulu-malelaꞌ Ana,  
\q3 moi-tao mahere tuka Ria hihii-nanaun.’\x + \xo 22:37 \xt Tui Seluꞌ Laꞌe Neuꞌ Eno Sodaꞌ a 6:5\x*   
\p
\v 38 Pareta ria, riꞌ penting ma kahereꞌ naan seli!  
\v 39 Ma pareta kadua riꞌ nae leoꞌ ia:  
\q1 ‘O muste sue-lai lahenda fekeꞌ ara, sama leoꞌ o sue-lai ao-ina heheli ma.’\x + \xo 22:39 \xt Malaka Agama ra Atoran 19:18\x*   
\p
\v 40 Baꞌi Musa atoran na, ma Manetualain mana nesi mata nara nanori-nafadan katemaꞌ, huu na riꞌ pareta ia ra dua. Lahenda ta bisa tuka pareta fekeꞌ ara fa, kalu ana ta tuka nauluꞌ pareta bau-inaꞌ ia ra dua.”\f + \fr 22:40 \ft Lukas 10:25-28\f*   
\s1 Kristus nana, tebe mane Daud a tititi-nonosin, tehuu Ria boe dadi neuꞌ mane Daud *a Ramatua na  
\r (Markus 12:35-37; Lukas 20:41-44)  
\p
\v 41 Faiꞌ ria lahenda Farisi ra bei rabua nai naa, boe ma Yesus natane natafaliꞌ asa nae,  
\v 42 “Neme fai a ulu na mai Manetualain helu memaꞌ, fee Kristus mai fo poꞌi-tata naa Ria lahenda nara. Tuka emi duduꞌa-aafim, Kristus nana bea tititi-nonosin?”  
\p Ara rataa Ni rae, “Ria, nana mane Daud a tititi-nonosin.”   
\p
\v 43 Yesus dedea seluꞌ nae, “Kalu leoꞌ na sona ubeaꞌ taon, de Manetualain Dula-dale Malalao-malalafu Na nafada mane Daud a fo naloo Kristus nae, ‘Ramatuaꞌ’? Huu fo mane Daud a duiꞌ nae,   
\q1
\v 44 ‘Manetualain nafada au Ramatua ka nae,  
\q2 “Mai ia fo matuuꞌ nai Au boboa ona Ka, nai mamana hada-horomata.  
\q3 Neuꞌ ko Au tao a musu-noo mara roi raeꞌ neuꞌ O.’ ”\x + \xo 22:44 \xt Sosoda Iꞌio-oꞌoaꞌ ara 110:1\x*   
\p
\v 45 Neme duduiꞌ ria mai, ita bubuluꞌ tae, mane Daud a riꞌ naloo Kristus nae ‘Ramatuaꞌ’. De maneniko lahenda rae Kristus nana, noi mane Daud a tititi-nonosin, sona bei ta dai! Huu fo Ria boe mane Daud *a Ramatua na!”   
\p
\v 46 Lahenda Farisi ra ramanene Yesus dedea nae leoꞌ na, boe ma roi ramakokoaꞌ a, huu fo ta hapu lahenda esa bisa nataa Yesus boeꞌ. De mulai neme faiꞌ ria mai, boe ma ara biiꞌ nataneꞌ a, ma ta raparani rahihiiꞌ Ana soꞌ.   
\c 23  
\s1 Ramatua Yesus fee nasanedaꞌ fo besa-besa roo mesen agama ma lahenda Farisi ra  
\r (Markus 12:38-39; Lukas 11:43, 46; 20:45-46)  
\p
\v 1 Boe ma Yesus nanori-nafada ana mana tuka dea nara, sama-sama roo lahenda kadodouꞌ fo riꞌ tuka si.  
\v 2 Ana nafada nae, “Mesen agama, ma lahenda Farisi ra homu haak fo ranori-rafada baꞌi Musa atoran ara.  
\v 3 Huu ria na, de emi muste mamanene si ma tuka sira nanori-nafadan. Tehuu bosoꞌ tuka hata fo sira taon, nana huu ara ta tao tuka nanori-nafada nara fa.  
\v 4 Ara tao basa-basan, fo ela lahenda io si. Conto leo-leoꞌ: hata esa fo riꞌ Manetualain Hara-dasin manadui nai daleꞌ, lahenda Yahudi ra heken neuꞌ sira lakan, ma lima nara. Tehuu sira Farisi ra nuu nara tao si bau lena, fo ela lahenda io si rae, ‘Ae! Sira lahenda makamoiꞌ, oo!’  
\v 5 Ara tao basa-basan, fo ela lahenda io si. Conto leo-leoꞌ: hata esa fo riꞌ Manetualain Hara-dasin manadui nai daleꞌ, ara heken neuꞌ sira lakan, ma lima nara. Tehuu sira nuu nara tao si bau lena, fo ela lahenda io si rae, ‘Ae! Sira lahenda makamoiꞌ, oo!’\x + \xo 23:5 \xt Mateos 6:1; Tui Seluꞌ Laꞌe Neuꞌ Eno Sodaꞌ a 6:8; Susura Dudui Nadeꞌ a 15:38\x*   
\p
\v 6 Maneniko ara leo uma mamasoꞌ daleꞌ reu, do reu raa feta, ara saka mamana natuu malole inaꞌ, fo ela lahenda dodouꞌ rita si.  
\v 7 Maneniko leo pasar reu, sona ara saka noi hada-horomata, ara saka noi lahenda doꞌo si rae, ‘Soda-moleꞌ, papa mesen hada-horomata.’  
\v 8 Tehuu emi bosoꞌ tuka sira tataon ria! Ta bole lahenda raloo emi rae, ‘papa mesen’, huu fo emi Mesen ma noi esaꞌ a. Ma emi basa nana, toranooꞌ.  
\v 9 Bosoꞌ io lahenda nai dae-bafoꞌ ia mae, ‘papa’, huu fo emi Papam noi esaꞌ a nai nusatetu-ikutemaꞌ.  
\v 10 Lahenda ta bole ralao emi rae, ‘malaka’ huu fo emi Malakam noi esaꞌ a, riꞌ Au ia emi Ramatuam fo neme fai a ulu na Manetualain helu memaꞌ, nau fee Ni mai.  
\v 11 Huu ria na, de Au afada emi ta bole madedema ao mara sama leoꞌ lahenda mana saka hada-horomata sira. Neme emi bea mai nau dadi lahenda bau-inaꞌ, ria muste dadi sama leoꞌ ata fo nalalau lahenda fekeꞌ.\x + \xo 23:11 \xt Mateos 20:26-27; Markus 9:35; 10:43-44; Lukas 22:26\x*  
\v 12 Huu fo lahenda bea natutua-nadedema aon, neuꞌ ko Manetualain natuda ni. Tehuu lahenda bea naloe-nade aon, neuꞌ ko Manetualain soꞌu-fua ni.”\f + \fr 23:12 \ft Lukas 14:11; 18:14\f*   
\s1 Ramatua Yesus nasaꞌai malaka agama ra, nana huu ara dedea fekeꞌ, tao fekeꞌ  
\r (Markus 12:40; Lukas 11:39-42, 44, 47-52; 20:47)  
\p
\v 13 Boe ma Yesus dedea naroo nae, “Ae, emi mesen agama ma lahenda Farisi ra! Emi lahenda dea-mataꞌ! Neuꞌ ko emi hapu soe, huu fo emi ta nau mamahere Au, Lahenda fo riꞌ Manetualain helu memaꞌ, nau feen mai. Ma tadalu lena bali, emi matabaa ma lahenda ela bosoꞌ ramahere Au. Huu ria na, de ara ta bisa dadi reuꞌ Manetualain lahenda Na.   
\p
\v 14 [Ae, emi mesen agama ma lahenda Farisi ra! Emi lahenda dea-mataꞌ! Neuꞌ ko emi hapu soe, nana huu emi mapuputaꞌ ina falu ra, fo malea ma uma nara. Tehuu nai lahenda dodouꞌ matan, sona emi mapoti etu tadalu mara, mapadei hule-haradoi doo naa seli, ela lahenda rae emi dale mara makamoiꞌ. Tehuu neuꞌ ko Manetualain fee emi huhukuꞌ mabera ina.]\f + \fr 23:14 \ft Lalaneꞌ ia neꞌes ana nai dudui dedea Yunani mauluꞌ a.\f*   
\p
\v 15 Ae, emi mesen agama ma lahenda Farisi ra! Emi lahenda dea-mataꞌ! Neuꞌ ko emi hapu soe, huu fo emi saꞌe ofaꞌ sudi leo beaꞌ meu, ma onda-ae leteꞌ, fo saka noi lahenda esa, ela ana masoꞌ leo emi partei agama ma daleꞌ neu. Tehuu maneniko ana masoꞌ dadi neuꞌ Farisi, sona nonoi-tataon dadi tadalu lena bali. Neuꞌ ko ana hapu huhukuꞌ nai naraka bera lena laiꞌ dua neme emi mai.   
\p
\v 16 Ae! Emi dale pokeꞌ, tehuu ubeaꞌ taon de emi bei nau matudu enoꞌ fee lahenda fekeꞌ bali? Neuꞌ ko emi hapu soe, nana huu emi manori-mafada mafararaꞌu mae, ‘Maneniko lahenda tao hehelu-barataaꞌ pake sosoo-susupaꞌ ma seseiꞌ Uma Mamaso Yahudi Ina a, sona lahenda ria ta nanahekeꞌ no hehelu-barataa na. Tehuu maneniko ana tao hehelu-barataaꞌ pake sosoo-susupaꞌ ma seseiꞌ lilo pilas fo nai Uma Mamasoꞌ daleꞌ, sona besaꞌ ko ana nanahekeꞌ no hehelu-barataa na.’  
\v 17 Emi lahenda pakanaaꞌ! Manetualain tao lilo pilas a neu hata ta penting lena neme Ria Uma Mamaso Yahudi Ina Na. Huu fo Manetualain Uma Mamaso Yahudi Ina Na riꞌ tao na hata ria dadi lalao-lalafuꞌ.   
\p
\v 18 Emi boe manori-mafada mafararaꞌu mae, ‘Maneniko lahenda tao hehelu-barataaꞌ pake sosoo-susupaꞌ ma seseiꞌ mei tutunu-hohotuꞌ fo riꞌ nai Uma Mamaso Yahudi Ina, sona lahenda ria ta nanahekeꞌ no hehelu-barataa na. Tehuu maneniko ana tao hehelu-barataaꞌ pake sosoo-susupaꞌ ma seseiꞌ tutunu-hohotuꞌ fo riꞌ nai mei lain, sona besaꞌ ko ria nanahekeꞌ no hehelu-barataa na.’  
\v 19 Tebe-tebe emi pokeꞌ. Tantu mei tutunu-hohotuꞌ ria penting lena neme tutunu-hohotuꞌ fo riꞌ nai mei ria lain. Huu fo mei ria lalao-lalafuꞌ nai Manetualain matan, de Manetualain tao na basa tutunu-hohotuꞌ fo rai mei lain boe dadi lalao-lalafuꞌ.  
\v 20 Huu ria na, maneniko lahenda soo-supa ma seseiꞌ mei tutunu-hohotuꞌ a, sona malole lenaꞌ seseiꞌ mei ria, ma basa tutunu-hohotuꞌ fo rai mei a lain boe.  
\v 21 Ma kalu soo-supa ma seseiꞌ Uma Mamaso Yahudi Ina a, sona malole lenaꞌ seseiꞌ Uma Mamasoꞌ a sama-sama no Manetualain nade Na. Huu fo Ria riꞌ leo-naparasa nai naa.  
\v 22 Ma kalu lahenda soo-supa ma seseiꞌ nusatetu-ikutemaꞌ a, sona ria sama leoꞌ ana seseiꞌ Manetualain kadera pareta Na sama-sama no Ria nade Na, huu fo Ria riꞌ natuuꞌ homu pareta nai naa.\x + \xo 23:22 \xt Yesaya 66:1; Mateos 5:34\x*   
\p
\v 23 Ae, emi mesen agama ma lahenda Farisi ra! Emi lahenda dea-mataꞌ! Neuꞌ ko emi soe, nana huu emi fee Manetualain babatiꞌ esa neme babatiꞌ sanahulu mai, sona emi malela mara seli no bareken. Emi bareken basan-basan, losaꞌ leo bumbu mara rai emi oka-tinem boe hika-reke si. Conto leo-leoꞌ emi reke lutu-lutu emi darafoo ma, adas maꞌeeꞌ, ma jintan. Sekona te, emi mafarene heni Manetualain atoran penting nara! Huu fo emi ta masoda roo-tetuꞌ fa. Emi ta sue-lai lahenda kasian ara. Ma emi ta masoda tuka maroo Manetualain hihii-nanaun. Malole lenaꞌ emi tuka Manetualain atoran masososa Na dei, besaꞌ ko reke babatiꞌ esa neme babatiꞌ sanahulu mai fee neuꞌ Manetualain.\x + \xo 23:23 \xt Malaka Agama ra Atoran 27:30\x*  
\v 24 Emi dale pokeꞌ, tehuu ubeaꞌ taon de emi bei nau matudu enoꞌ fee lahenda fekeꞌ? Emi tao atoran losa leo lulutu-raraeꞌ a neu, fo madenu lahenda fekeꞌ ara tuka, tehuu Manetualain atoran penting naan seli a, emi ta tukan fa. Sama leoꞌ emi see heni pena-mumuu reme emi oe nininu ma mai. Tehuu banda selaꞌ leo-leoꞌ apa a, emi odo katemaꞌ ana!   
\p
\v 25 Ae, emi mesen agama ma lahenda Farisi ra! Emi lahenda dea-mataꞌ! Neuꞌ ko emi soe, nana huu emi safe noi bika-mako mara pooꞌ dea nara losa makadidilan tuka emi atoran agamam. Sekona te pooꞌ dale nara kekeoꞌ mesan, neniꞌ emi nonoi-tatao naꞌo, ma tendetuu-dalesala mara.   
\p
\v 26 Lahenda Farisi pokeꞌ emin! makamomoi mauluꞌ dale mara, no ria na bika-mako boe makamoi nai Manetualain matan!   
\p
\v 27 Ae, emi mesen agama ma lahenda Farisi ra! Emi lahenda dea-mataꞌ! Neuꞌ ko emi hapu soe, nana huu emi sama leoꞌ rates manacet fulaꞌ. Lahenda mete rita dea na, sona malole na seli. Tehuu nai daleꞌ, henuꞌ no lahenda mana mateꞌ a dui-aalun, ma basa maboo puruꞌ.\x + \xo 23:27 \xt Lahenda Nadedenuꞌ ara Tutuin 23:3\x*  
\v 28 Emi leo naaꞌ boe! Emi mahiiꞌ tao ao mara dadiꞌ lahenda makamoiꞌ. Lahenda mete emi neme deaꞌ mai, sama leoꞌ lahenda dale roos. Sekona te emi dale mara, henuꞌ no hihii-nanauꞌ tadaluꞌ. Huu fo emi dedea fekeꞌ, tao fekeꞌ, ma mafarene heni Manetualain pareta nara.   
\p
\v 29 Ae, emi mesen agama ma lahenda Farisi ra! Emi lahenda dea-mataꞌ! Neuꞌ ko emi hapu soe! Emi tao rates bau-inaꞌ soa-neuꞌ Manetualain mana nesi matan ma paroong matalolole lahenda roo-tetuꞌ ara roo-raten, tehuu emi bei madale tadaluꞌ.  
\v 30 Tehuu emi mae, ‘Uniꞌ ko leo ami masoda tepo leleꞌ esa moo ami bei-baꞌim, tantu ami ta tuka si fo maisa Manetualain mana nesi mata nara.’  
\v 31 No ria na, emi manaku ao mara mae, emi boe tadaluꞌ a sama leoꞌ bei-baꞌi mara.  
\v 32 De malole lenaꞌ emi maruꞌu-malosaꞌ ara bei-baꞌi mara tadalun!   
\p
\v 33 Tetebes ara emi tadaluꞌ sama leoꞌ meke manuu rasoꞌ. Bate emi mae Manetualain ta huku emi fa? Tantu Ana tuꞌu emi leo ai-pila naraka daleꞌ meu!  
\v 34 Nenene, ee! Neuꞌ ko Au fee emi Au lahenda nadedenu Kara, ela ara ranori-rafada ma ratudu emi Manetualain eno masoda roo-tetu Na. Tehuu neuꞌ ko emi maisa ruma, ma paku mamate ruma rai ai kakeꞌ. Emi liꞌu-fepa ruma rai uma mamasoꞌ ara daleꞌ, ma ruma bali emi ese-rumu si losaꞌ ara ralai reme kota esa mai leo kota fekeꞌ reu.  
\v 35 Fai a ulu na emi bei-baꞌim naisa Habel. Sekona te ria nana, lahenda dale roos. Emi bei-baꞌim raisa laꞌo raroo lahenda dale roo-tetuꞌ a neme tititi-nonosiꞌ esa leo tititi-nonosi fekeꞌ. Losa leo Sakaria, fo riꞌ Barakia ana na. Ara raisa ni nai Uma Mamaso Yahudi Ina a kintal na, naneneaꞌ mei tutunu-hohotuꞌ. Huu no emi tuka bei-baꞌi mara tadalu na, de emi muste lepa-masaa ma lahenda dale roo-tetuꞌ sira daa na katemaꞌ.  
\v 36 Tebe! Emi fo riꞌ bei masoda nai besaꞌ ia neuꞌ ko hapu huhukuꞌ, nana huu emi bei-baꞌi mara tao hihii-nanauꞌ tadaluꞌ sira nai fai a ulu na.”   
\s1 Ramatua Yesus kasian neuꞌ lahenda Yerusalem ara  
\r (Lukas 13:34-35)  
\p
\v 37 “Ae lahenda Yerusalem emin! Emi riꞌ maisa Manetualain mana nesi mata nara, ma pia maisa lahenda nadedenuꞌ fo nau mai tulu-fali emi. No ria na, au leleꞌo emi kose-kose fo leo Au mai, sama leoꞌ manu inaꞌ a nau nasuru-nahapaꞌ ana nara rai dila na daleꞌ. Tehuu emi ta nau fa.  
\v 38 Huu ria na, Manetualain ta nau tao daleꞌ neuꞌ emi kotam ma Uma Mamaso Yahudi Inam soꞌ. De balahaa-binesaꞌ, te dadi reuꞌ lino-nees.  
\v 39 Nenene matalolole! Ta dooꞌ a soꞌ te emi ta mita Au, tehuu neu ko fai bea ma Au atafali seluꞌ mai, sona emi io-oa Au ia Manetualain Anan. Emi manaku leo naꞌ, besaꞌ ko emi mita seluꞌ Au.”   
\c 24  
\s1 Ramatua Yesus nafada memaꞌ Uma Mamaso Yahudi Ina a hehea heni na  
\r (Markus 13:1-2; Lukas 21:5-6)  
\p
\v 1 Boe ma Yesus sakaꞌ laꞌo ela Uma Mamaso Yahudi Ina a. Ana kalua, boe ma ana mana tuka dea nara mai ratudun Uma Mamasoꞌ ria lole-napun.  
\v 2 Tehuu Ana nataa si nae, “Tebe Uma ia malole na seliꞌ! Tehuu nenene! Ta dooꞌ a soꞌ, te lahenda ra fate heni batu ia ra katemaꞌ.”   
\s1 Ramatua Yesus nafada nae, neuꞌ ko ana mana tuka dea nara hapu doidosoꞌ  
\r (Markus 13:3-13; Lukas 21:7-19)  
\p
\v 3 Yesus neu natuuꞌ nai lete Saitun. Boe ma ana mana tuka dea nara mai dedea ro noi mesaꞌ Ana rae, “Papa! Soba mafada seluꞌ bisinaaꞌ a Papa dedea ma. Fai hidaꞌ riꞌ Papa matafali mai? Ma tanda nara leo beaꞌ e? Boe ma dae-bafoꞌ a nonoe na leo beaꞌ?”   
\p
\v 4 Yesus nataa si nae, “Manea matalolole ao mara, oo! Fo ela bosoꞌ lahenda tipu-dai ralaꞌ emi.  
\v 5 Neuꞌ ko lahenda rupaꞌ ara mai fo fapa ara nara rae, ‘Au ia, nana Kristus, Lahenda fo riꞌ Manetualain helu neme uluꞌ mai.’ No ria na, ara tipu-dai lahenda dodouꞌ.  
\v 6 Maneniko emi mita lahenda ratatiao, do emi mamanene haraꞌ rae, natati aoꞌ nai basa mamanaꞌ ain, sona emi bosoꞌ bii. Huu fo hihii-nanauꞌ rupa leo naꞌ a, muste dadi. Tehuu dae-bafoꞌ a nonoe na bei ta losa fa.  
\v 7 Neuꞌ ko leo esa natati soaꞌ leo fekeꞌ. Nusaꞌ esa natati soaꞌ nusaꞌ fekeꞌ. Dae natakeko nai basa mamanaꞌ ain. Ma fai laa-roes boe masalae naan seli!  
\v 8 Tehuu basa sira nana besaꞌ ko tanda masososaꞌ, fo natudu nae dae-bafoꞌ a nonoe na naneneaꞌ so. Ria sama leoꞌ inaꞌ fo nameda hedis bobokiꞌ, nana huu ria ledo-fai boboki na naneneaꞌ.   
\p
\v 9 De emi muste manea matalolole ao mara! Huu fo neuꞌ ko ara mai ese-rumu raisa emi. Ma neuꞌ ko basa lahenda nusaꞌ ara eteꞌ ao nara ro emi, nana huu emi tuka Au.\x + \xo 24:9 \xt Mateos 10:22\x*  
\v 10 Tepoꞌ ria, te lahenda dodouꞌ boꞌe heni ao nara, ma ta nau ramahere Au soꞌ. Ara ramananasaaoꞌ, ma esa naseꞌo esa.  
\v 11 Neuꞌ ko manatipu-manadaiꞌ ara rae sira nana, Manetualain mana nesi matan. Ma lahenda dodouꞌ ramahere si.  
\v 12 Neuꞌ ko lahenda ra tadalu nara boe-boe tamba dodouꞌ, losaꞌ ta rasue-ralai ao soꞌ.  
\v 13 Tehuu lahenda fo nanenete losaꞌ mate, tantu Manetualain poꞌi-tata naan.\x + \xo 24:13 \xt Mateos 10:22\x*  
\v 14 Huu fo lahenda muste tui-beka Manetualain Tutui Malolen, losa dae-bafoꞌ a buku nara, fo ela basa lahenda bisa ralelaꞌ Manetualain eno masoda roo-tetu Na. Basa ria, besaꞌ ko dae-bafoꞌ a noe.”   
\s1 Ramatua Yesus nafada nae, neuꞌ ko lahenda tadaluꞌ mana tao malulutuꞌ esa mai  
\r (Markus 13:14-23; Lukas 21:20-24)  
\p
\v 15 Yesus dedea naroo nae, “Manetualain mana nesi matan Danial duiꞌ laꞌe-neuꞌ lahenda makaresiꞌ esa. Neuꞌ ko ana masoꞌ neu napadei nai mamana luli nai Manetualain Uma Mamaso Yahudi Ina na. De ana tao nakekeo-nakakanu mamanaꞌ ria. Huu ria na, Manetualain foa ela mamanaꞌ ria. Maneniko emi mita leo naꞌ, sona besa-besa, oo! (Bea riꞌ lees duduiꞌ ia, muste bubulu-nalelaꞌ natalolole!)\x + \xo 24:15 \xt Daniel 9:27; 11:31; 12:11\x*  
\v 16 Huu fo ria dadi tanda nae, fai susa-lela a nai lelesu bafaꞌ a so. Maneniko lahenda rai propensi Yudea rita leoꞌ na, sona ara ralai leteꞌ reu leo.  
\v 17 Maneniko bea kalua neme uma mai, sona bosoꞌ fali neu hai hata bali. Nalale fo nalaiꞌ, ela bosoꞌ hapu soe.  
\v 18 Lahenda fo nai oka-tine, bosoꞌ fali hai lafa hanas bali. Nalai naroo leo!\x + \xo 24:18 \xt Lukas 17:31\x*  
\v 19 Ina kairus ara, ma ina anutu ra kasian raan seli. Huu fo ara ta ralai rala fa.  
\v 20 De, malole lenaꞌ emi hule-haradoi fo ela soe ria, bosoꞌ naraa laꞌe fai uda, do fai mamasoꞌ.  
\v 21 Huu fo fai ria susa na masalae naan seli! Mulai neme Manetualain adu dae-bafoꞌ a losaꞌ besaꞌ ia, lahenda bei ta parnaa nita susa bau-ina rupa leo naꞌ. Ma neuꞌ ko lahenda ta nita seluꞌ susa rupa leo naꞌ a soꞌ.\x + \xo 24:21 \xt Daniel 12:1; Daebafo Rupa-lole Bebeuꞌ a 7:14\x*  
\v 22 Tehuu emi maua-manale maan seli, huu fo Manetualain tao eetu fai ria. Kalu taꞌa, sona ta hapu lahenda esa bisa nasoda boeꞌ. Tehuu no Manetualain sue-lai Ria lahendan teteka-hehere nara, de Ana tao eetu fai susa sira.   
\p
\v 23 Maneniko fai sira losa, sona emi mamanene lahenda rae, ‘Mete dei! Kristus nai ia!’ Ma lahenda fekeꞌ rae, ‘Kristus nai ele!’ Tehuu emi bosoꞌ mamahere!  
\v 24 Huu fo neuꞌ ko lahenda kalua ma fapa ara na nae, ‘Au ia, Kristus!’ Ma fekeꞌ a bali nae, ‘Au ia, Manetualain mana nesi matan.’ Neuꞌ ko ara tao tanda heran rupaꞌ ara pake nitu a kuasa na, fo rapuputaꞌ lahenda. Ara soba tipu-dai Manetualain lahenda nara!  
\v 25 De emi muste manea matalolole ao mara! Fai susa sira bei ta losa fa, tehuu Au afarereneꞌ memaꞌ fee emi so!   
\p
\v 26 Maneniko lahenda rafada emi rae, ‘Kristus nai moo loan ele!’ sona emi bosoꞌ leo naꞌ meu. Ma kalu ruma rae, ‘Kristus nai uma ia daleꞌ!’, sona emi bosoꞌ mamahere sira napuputan.  
\v 27 Huu fo Au ia, Ana Lahenda. Maneniko Au atafali seluꞌ leo dae-bafoꞌ ia mai, neuꞌ ko basa lahenda rita Au, sama leoꞌ lahenda rita relas a nahate neme dulu mai losa muri neu.\x + \xo 24:27 \xt Lukas 17:23-24\x*   
\p
\v 28 Maneniko Au atafali mai, neuꞌ ko emi bubuluꞌ Au nai bea. Sama leoꞌ lahenda bubuluꞌ rae, maneniko manupui mana naa poporaꞌ ara rabubuta rai mamanaꞌ esa, sona tantu hapu poporaꞌ nai naa.”\x + \xo 24:28 \xt Lukas 17:37\x*   
\s1 Ramatua Yesus nafada Ria natafali mai na  
\r (Markus 13:24-27; Lukas 21:25-28)  
\p
\v 29 Boe ma Yesus nafada selu ana mana tuka dea nara nae, “Maneniko basa fai susa-lela sira,  
\q1 ‘Neuꞌ ko ledo a dadi maiuꞌ,  
\q2 bulaꞌ a boe ta nahaa.  
\q3 Ruuꞌ ara ramomonuao reme lalai mai,  
\q2 ma basa-basa kuasa rai lalai liuaari.’\x + \xo 24:29 \xt Yesaya 13:10; 34:4; Yeskial 32:7; Yoel 2:10, 31; 3:15; Daebafo Rupa-lole Bebeuꞌ a 6:12-13\x*   
\p
\v 30 Boe ma basa lahenda ra rita tanda nai lalai rae, Ana Lahenda a sakaꞌ natafali mai. Basa lahenda nusaꞌ nai dae-bafoꞌ ia rita leoꞌ na, boe ma bii losaꞌ ara dola. Huu fo neuꞌ ko Au onda mai oo oaꞌ a, besaꞌ ko ara rita Au kuasa Ka ma Au marela-masaꞌa kara katemaꞌ.\x + \xo 24:30 \xt Daniel 7:13; Sakaria 12:10-14; Daebafo Rupa-lole Bebeuꞌ a 1:7\x*  
\v 31 Faiꞌ fo fufuuꞌ a nalii bau-inaꞌ, boe ma Au pareta Manetualain eilaꞌo-limalopen rai nusatetu-ikutemaꞌ a, reu rabubua basa Au lahenda teteka-hehere kara reme dae-bafoꞌ a buku nara mai, neme dulu losa muri; ma neme ii losa ona.”   
\s2 Fai susa ra dadi tanda neuꞌ Ramatua Yesus mamai na  
\r (Markus 13:28-31; Lukas 21:29-33)  
\p
\v 32 “Au hai conto neme ai huuꞌ a. Maneniko doo na mulai mofa, ria natudu tanda nae, fai hanas a naneneaꞌ so.  
\v 33 Leoꞌ na boe, kalu emi mita fai susa-lela sira mai, sama leoꞌ bisinaaꞌ a Au afada a, ria natudu tanda nae, Au mamai Ka naneneaꞌ so.  
\v 34 Besaꞌ ia, nenene matalolole! Neme basa lahenda fo rasoda nai besaꞌ ia, neuꞌ ko ruma bei ta mate fa, te fai susa-lela sira mai so.  
\v 35 Leo mae lalai ma dae-bafoꞌ sapu-lalo, tehuu Au Dedea-nafada Ki natea-namepe ma ta moi-mosa.”   
\s2 Ramatua Yesus nafada nae, Ria ledo-fai mamai na namanininoꞌ  
\r (Markus 13:32-37; Lukas 17:26-30, 34-36)  
\p
\v 36 “Ta hapu lahenda bubuluꞌ fai hidaꞌ Au atafali mai. Manetualain eilaꞌo-limalopen rai nusatetu-ikutemaꞌ a boe ta bubuluꞌ. Au boe ta bubuluꞌ. Noi Au Papa Ka riꞌ bubuluꞌ.  
\v 37 Huu fo Au ia, Ana Lahenda. Maneniko Au atafali mai, ria sama leoꞌ fai a ulu na tepoꞌ fo Noh bei nasoda.\x + \xo 24:37 \xt Tutui Masososaꞌ 6:5-8\x*  
\v 38 Faa ina ria bei ta mai fa, te lahenda raa-rinu mina-malada, ma rasao aoꞌ sama leo biasa na. Ara tao leo naꞌ raroo losaꞌ Noh masoꞌ leo ofa bau-inaꞌ ria daleꞌ neu.  
\v 39 Tehuu tepoꞌ fo faa ina a mai de lepa neni katemaꞌ asa, besaꞌ ko mata nara radilaꞌ, de bubuluꞌ mana dadi ubeaꞌ ria. Neuꞌ ko Au mamai Ka boe leoꞌ na.\x + \xo 24:39 \xt Tutui Masososaꞌ 7:6-24\x*  
\v 40 Tepoꞌ ria kalu lahenda dua roi nonoiꞌ nai okaꞌ, kekeneu te Manetualain noo esa, tehuu fekeꞌ a sona Ana foa elan.  
\v 41 Maneniko inaꞌ dua rapau hade, kekeneu te, Manetualain noo esa, tehuu fekeꞌ a sona Ana foa elan.   
\p
\v 42 Huu ria na, emi boe muste manea hatu-leledon, huu fo emi ta bubuluꞌ mae fai hidaꞌ emi Ramatua ma natafali mai.  
\v 43 Afi matalolole! Kalu uma ramatuaꞌ a bubuluꞌ nae selubaiꞌ hatu na naꞌo a sakaꞌ mai, sona tantu ana nanea naroo, fo ela naꞌo a bosoꞌ masoꞌ leo uman daleꞌ neu.  
\v 44 De emi boe muste sadia. Huu fo Au natafali mai Ka, noi nakekeꞌ a!”\x + \xo 24:44 \xt Lukas 12:39-40\x*   
\s1 Ramatua Yesus nanori-nafada nae, ata a muste tuka naroo malaka na hihii-nanaun  
\r (Lukas 12:41-48)  
\p
\v 45 Yesus dedea tamba nae, “Emi muste dadi sama leoꞌ ata fo riꞌ tuka naroo ria malaka na hihii-nanaun. Maneniko malaka na sakaꞌ leo dae dooꞌ neu, ana soꞌu ata leo naꞌ, fo urus basa uma isiꞌ a nanaa-nininun katemaꞌ.  
\v 46 Maneniko ramatua na fali ma nita ria ata na noi-tao natalolole, tantu dale na namahoꞌo no lahenda ria.  
\v 47 Mamahere Au, huu fo neuꞌ ko malaka ria fee ata a kuasa fo urus ria hata-heton katemaꞌ.   
\p
\v 48 Tehuu maneniko ata ria tadaluꞌ a, tantu ana dedea nai dale na nae,  
\v 49 ‘Malole a! Malaka a laꞌo so, bea bubuluꞌ nae fai hidaꞌ ana fali, oo!’ Afi nae leoꞌ na, boe ma ana mulai popoꞌo tia-lain ata fekeꞌ ara. Ma ana natuuꞌ naa-ninu mina-malada sama-sama no mana mafuꞌ ara.  
\v 50 Tehuu ta bubuluꞌ fa, kekeneu te malaka na fali main.  
\v 51 Boe ma malaka ria ese-rumu naan seli, basa te tuꞌun leo deaꞌ neu, fo ana leo sama-sama no lahenda dea-mataꞌ ara. Nai mamanaꞌ ria, basa si dola-ramatani, nana huu ara doidoso raan seli.”   
\c 25  
\s1 Ramatua Yesus fee nasasamaꞌ laꞌe-neuꞌ ana fetoꞌ ara rahani fo sipoꞌ mana kabi touꞌ  
\p
\v 1 Boe ma Yesus tuti seluꞌ dedea Na nae, “Emi muste mahehere ao mara fo sipoꞌ Au natafali mai Ka, sama leoꞌ nasasamaꞌ ia. Leo iaꞌ: hatuꞌ esa boe ma ana fetoꞌ sanahulu reni dedede anaꞌ, kalua reu sipoꞌ mana kabi touꞌ a nai sira tia-lain uma na.\x + \xo 25:1 \xt Lukas 12:35\x*  
\v 2 Tehuu neme sira sanahulu mai, lima pakanaaꞌ, ma lima malelaꞌ.  
\v 3 Pakanaaꞌ limas rafarene henin, de ta reni mina lenaꞌ.  
\v 4 Tehuu malelaꞌ limas, sona reni memaꞌ.   
\p
\v 5 Losa uma ria, te mana kabi touꞌ a bei ta mai boeꞌ. Doo-doo boe ma ana fetoꞌ sira teauꞌ, de suku renin.   
\p
\v 6 Fatilada boe ma kekeneu te ara ramanene lahenda raloo rae, ‘Ae! Mana kabi touꞌ a mai so! Mai fo ita teu sipoꞌ ana leo!’  
\v 7 Ana fetoꞌ sira ramanene leoꞌ na, boe ma ara foa belaꞌ a, de reu sadia dedede ana nara.  
\v 8 Tehuu ana feto pakanaaꞌ ara dedea ro tia-lai nara rae, ‘Ae, tia kara, ee! Bati fee ami mina baiꞌ dei, te ami dedede mara hii-hiiꞌ mate si!’  
\v 9 Tehuu ana feto malelaꞌ ara rataa rae, ‘Ae! Bosoꞌ mamanasaꞌ, te ta bisa fa. Huu fo ami mina ma ta dai soa-neuꞌ ita basa! Malole lenaꞌ emi meu asa nai kios.’  
\v 10 Boe ma ara reu asa mina. Tehuu ara kalua, boe ma mana kabi touꞌ a losa. De ana feto malelaꞌ ara sama-sama ro mana kabi touꞌ a, ma basa fui ra masoꞌ leo mamana feta a daleꞌ reu. Basa si masoꞌ rala uma daleꞌ, boe ma lahenda ra ena lelesu a.   
\p
\v 11 Ana feto pakanaaꞌ sira mai, boe ma ara dedelu lelesu a ma raloo rae, ‘Papa! Papa! Soi lelesu a dei!’  
\v 12 Tehuu ana nataa nae, ‘Ae, ta bisa fa. Huu fo au ta alelaꞌ emi!’\x + \xo 25:12 \xt Lukas 13:25\x*   
\p
\v 13 Huu ria na, emi boe muste mahehere ao mara ma manea maroo, huu fo emi boe ta bubuluꞌ Au mamai Ka laꞌe fai bea, do liꞌu hida.”   
\s1 Ramatua Yesus fee nasasamaꞌ laꞌe-neuꞌ ata fo urus malaka na doi-talin  
\r (Lukas 19:11-27)  
\p
\v 14 Boe ma Yesus tui seluꞌ nasasamaꞌ esa nae, “Maneniko Au laꞌo ela emi, sona emi muste moi-tao matalolole soa-neuꞌ Au, sama leoꞌ nasasamaꞌ ia. Leo iaꞌ: malaka esa sakaꞌ leo dae dooꞌ neu. Fai fo ana nahehere aon sakaꞌ laꞌo, naloo na ata nara de pareta si nae, ‘Emi pake doiꞌ ia ra dadi poko. Maneniko au fali, emi muste mafada au, emi onto hida.’  
\v 15 Boe ma ana fee ata nara doi lilo pilas\f + \fr 25:15 \ft Dedea Yunani nai ia duiꞌ nae, τάλαντον\ft \+it (talanton)\+it* lima. \+it Talanton\+it* esa, sama leoꞌ tukan esa kadi na teuꞌ sanahulu lima (teuꞌ 15). De \+it talanton\+it* lima, nana riꞌ kadi teuꞌ hitu hulu lima (teuꞌ 75).\f* fo rabubunaꞌ asa. Ana fee ata masosoaꞌ a doi lilo pilas saku lima, ata kadua a saku dua, ma ata katelu a saku esa, tuka sira esa-esaꞌ ko bebeꞌi-baraain. Boe ma ana leo dae dooꞌ neu.   
\p
\v 16 Ata sira sipo ra doiꞌ ara, boe ma ata masososaꞌ a kalua tutiꞌ a neu dagan. Ta doo bea boeꞌ, te ana onto doiꞌ saku lima.  
\v 17 Leoꞌ na boe ata kadua a. Ana onto doiꞌ saku dua bali.  
\v 18 Tehuu ata katelu fo riꞌ sipo doiꞌ saku esa a, ana neu ali boloꞌ, de nafuni malaka na doin ria.   
\p
\v 19 Dooꞌ a, besaꞌ ko malaka ria fali main. Boe ma ana nabubua na ata nara, de mulai parisaꞌ ria doin fo riꞌ ara urus a.  
\v 20 Ata masososaꞌ a masoꞌ mai, ma neni feen doiꞌ saku sanahulu, ana nae, ‘Papa! Ia doi mara. Faiꞌ naa raa papa fee au doiꞌ saku lima. Tehuu besaꞌ ia au onto saku lima bali.’   
\p
\v 21 Malaka ria namanene leoꞌ na, boe ma namahoꞌo. Ana nafada nae, ‘Malole! O nana ata malole. O makate nonoi-tataoꞌ, ma o tuka maroo au pareta ka, leo mae au ta nai ia fa. Huu no o bisa urus hihii-nanauꞌ aana leo iaꞌ, neuꞌ ko au soꞌu o fo urus hihii-nanauꞌ bau-inaꞌ. Neuꞌ ko au tao feta fo ita basa tamahoꞌo rame-rame.’   
\p
\v 22 Boe ma ata kadua a mai neni fee malaka na doiꞌ saku haa ma nae, ‘Papa! Maulu na papa fee au doiꞌ saku dua. Mitaꞌ au onto doiꞌ saku dua bali.’   
\p
\v 23 Malaka ria boe namahoꞌo. Ana nafada nae, ‘Malole! O boe, ata malole. O makate nonoi-tataoꞌ, ma o tuka maroo au pareta ka, leo mae au ta nai ia fa. Huu no o bisa urus hihii-nanauꞌ aanaꞌ leo iaꞌ, neuꞌ ko au soꞌu o ela urus hihii-nanauꞌ fo bau lena ia bali. Neuꞌ ko au tao feta fo ita basa tamahoꞌo rame-rame.’   
\p
\v 24 Basa de ata katelu a mai. Boe ma ana nafada nae, ‘Papa! Au bubuluꞌ papa nana lahenda ta namiminaꞌ fa. Nana huu papa a hai hata fo lahenda fekeꞌ tao, ma etu-oru hata fo lahenda fekeꞌ sele-tande.  
\v 25 Au biiꞌ, bosoꞌ losa doiꞌ ia ra mopo si, basa te papa a huku au. Huu ria na, de au afuni atalololen. Ia papa! Hai mafaliꞌ ana leo, te papa a doi saku isem ia tetu-tetu!’   
\p
\v 26 Malaka ria namanene leoꞌ na, boe ma nasapaa ni nae, ‘O nana ata tadaluꞌ, ma aomataꞌ! Kalu o bubuluꞌ mae, au hai hata fo lahenda fekeꞌ taon, ma etu-oru hata fo lahenda fekeꞌ sele-tande,  
\v 27 ubeaꞌ taon de o ta muu peda au doi ka nai bank? Fo ela au fali, sona bisa hapu buna na, leo mae bai anaꞌ, boe malole a!’   
\p
\v 28 Boe ma malaka ria nadenu ata feke nara nae, ‘Hai ma doiꞌ sira remeꞌ ana mai, feen leo ata fo riꞌ onto doiꞌ saku lima a.  
\v 29 Te lahenda fo urus natalolole hata fo ana homu a, neuꞌ ko ana hapu tambaꞌ dodouꞌ. Tehuu lahenda fo ta nau urus hata fo ana homu a, neuꞌ ko ara hai raa katemaꞌ asa remeꞌ ana mai.\x + \xo 25:29 \xt Mateos 13:12; Markus 4:25; Lukas 8:18\x*   
\p
\v 30 Hopu ma ata sosoa-raraaꞌ taꞌ ia. Roso menin fo tuꞌun leo deaꞌ neu. Pesin nemeꞌ na ela dola-namatani ma doidoso nai mamana maiuꞌ ele daleꞌ!’ ”\x + \xo 25:30 \xt Lukas 19:11-27; Mateos 8:12; 22:13; Lukas 13:28\x*   
\s1 Ramatua Yesus nafada laꞌe-neuꞌ dae-bafoꞌ a nonoe na tepoꞌ fo Ana nau naetuꞌ basa lahenda ra dedean  
\p
\v 31 Yesus dedea naroo nae, “Au, Ana Lahenda ia, neuꞌ ko onda faliꞌ mai pake Au Papa Ka kuasa marela-masaꞌa Na, sama-sama oo Ria eilaꞌo-limalopen rai nusatetu-ikutemaꞌ a. Boe ma Au atuuꞌ nai kadera mana pareta marela-masaꞌ a Ka lain, ela parisaꞌ basa lahenda masodan.\x + \xo 25:31 \xt Mateos 16:27; 19:28\x*  
\v 32 Neuꞌ ko basa lahenda fo parnaa rasoda nai dae-bafoꞌ ia, mai rasare Au. Boe ma Au heo heni si, sama leoꞌ mana foo a heo heni bibi-lopo ra reme bibi-kedaeꞌ ara mai, de dadi reuꞌ bubuaꞌ dua.  
\v 33 Lahenda fo rasoda tuka Manetualain hihii-nanaun, Au fee si reuꞌ boboa ona Ka. Tehuu fekeꞌ ara, Au fee si reuꞌ boboa ii Ka.  
\v 34 Tepoꞌ ria, Au homu pareta sama leoꞌ Maneꞌ. Neuꞌ ko Au afada lahenda fo rai Au boboa ona Ka ae, ‘Emi riꞌ sipo ua-naleꞌ neme Au Papa Ka mai. Masoꞌ daleꞌ mai, leo Ria uman fo riꞌ Ana sadia memaꞌ neme masososa na soa-neuꞌ emi a,  
\v 35 nana huu fai fo Au amalaa-aparoe, emi riꞌ fee Au ua. Au maamada-metehedu, emi riꞌ fee Au inu. Au mai sama leoꞌ lahenda dea, tehuu emi sipoꞌ Au nai emi uma mara daleꞌ.  
\v 36 Au ta anuu kakao-papakeꞌ, tehuu emi riꞌ fee Au kakao-papakeꞌ. Au amahedi-aparau, tehuu emi riꞌ mai urus Au. Au nai bui daleꞌ, tehuu emi riꞌ mai dama Au.’   
\p
\v 37 Lahenda dale roos fo rai Au boboa ona ka ramanene leoꞌ na, boe ma ara rataa ratafaliꞌ Au rae, ‘Ramatuaꞌ a mae, Ramatuaꞌ mamalaa-maparoe, de ami fee Papa mua. Ramatuaꞌ a maamada-metihedu, de ami fee Papa minu.  
\v 38 Ramatuaꞌ a sama leoꞌ lahenda dea, de ami sipoꞌ Papa masoꞌ leo ami umam daleꞌ mai. Ramatuaꞌ a kakao-papakeꞌ taꞌa, de ami fee.  
\v 39 Ramatuaꞌ a mamahedi-maparau, de ami meu urus. Ramatuaꞌ a nai bui daleꞌ, de ami meu tulu-fali. Tehuu faiꞌ bea riꞌ ami tao hihii-nanauꞌ leo naꞌ ara?’   
\p
\v 40 Neuꞌ ko Au ataa si ae, ‘Mamahere Au! Tepoꞌ fo emi tao hata leo naꞌ soa-neuꞌ Au lahendak fo riꞌ toꞌa-taa raan seli, sona emi tao soa-neuꞌ Au ria so!’   
\p
\v 41 Boe ma Au afada lahenda fo rai Au boboa ii Ka ae, ‘He, lahenda tadaluꞌ emin! Manetualain kutuk emi so. Maheoꞌ meme iaꞌ mai! Neuꞌ ko Au adenu lahenda reu tuꞌu emi leo ai-pila naraka manabasa taaꞌ a daleꞌ meu. Huu fo Manetualain sadia mamana doidosoꞌ ria soa-neuꞌ nitu ra ro sira malaka bau-ina na.  
\v 42 Au usi heni emi, nana huu tepoꞌ fo Au amalaa-aparoe, emi ta fee Au ua. Au maamada-metihedu, emi ta fee Au inu.  
\v 43 Au mai sama leoꞌ lahenda dea, tehuu emi ta sipoꞌ Au nai emi uma mara daleꞌ. Au ta anuu kakao-papakeꞌ, tehuu emi ta fee Au kakao-papakeꞌ. Au amahedi-aparau, tehuu emi ta mai urus Au. Au nai bui a, tehuu emi ta mai tulu-fali Au.’   
\p
\v 44 Lahenda tadaluꞌ sira ramanene leoꞌ na, neuꞌ ko rataa Au rae, ‘Ramatuaꞌ a mae, Ramatuaꞌ a mamalaa-maparoe, tehuu ami ta fee Papa mua. Ramatuaꞌ a maamada-metihedu, tehuu ami ta fee Papa minu. Ramatuaꞌ a sama leoꞌ lahenda dea, tehuu ami ta sipoꞌ Papa masoꞌ leo ami uma mara daleꞌ muu. Ramatuaꞌ a ta manuu kakao-papakeꞌ, tehuu ami ta fee fa. Ramatuaꞌ a mamahedi-maparau, tehuu ami ta meu urus. Ramatuaꞌ a nai bui daleꞌ, tehuu ami ta meu tulu-fali. Tehuu fai hidaꞌ a riꞌ ami tao Ramatuaꞌ a leo naꞌ?’   
\p
\v 45 Neuꞌ ko Au ataa si ae, ‘Mamahere Au! Fai fo emi ta tulu-fali lahenda manatoꞌa-manataaꞌ ara, sona ria sama leoꞌ emi ta tulu-fali neuꞌ Au.’  
\v 46 Boe ma lahenda tadaluꞌ sira hapu doidosoꞌ raroo losaꞌ doo na neu. Tehuu lahenda dale roos sira, rasoda ro Manetualain losaꞌ doo na neu.”\f + \fr 25:46 \ft Daniel 12:2\f*   
\c 26  
\s1 Lahenda Yahudi a malaka nara saka enoꞌ fo nau raisa Ramatua Yesus  
\r (Markus 14:1-2; Lukas 22:1-2; Yohanis 11:45-53)  
\p
\v 1 Yesus nanori-nafada si basa hihii-nanauꞌ sira katemaꞌ, boe ma Ana nafada ana mana tuka dea nara nae,  
\v 2 “Emi bubuluꞌ, bei faiꞌ dua bali, te ita fai malole na, nana riꞌ Feta Paska. Faiꞌ ria, te neuꞌ ko lahenda seꞌo heni Au, Ana Lahenda ia. Boe ma ara paku raisa Au nai ai kake a.”\x + \xo 26:2 \xt Kalua reme Masir 12:1-27\x*   
\p
\v 3 Faiꞌ ria, malaka agama Yahudi malaka nara, ma lasi hadas nara rabua rai Kayafas uman. Kayafas nana malaka agama Yahudi malaka bau-ina na.  
\v 4 Ara rasaka enoꞌ nau hopu ramanininoꞌ Yesus, fo raisa Ni.  
\v 5 Tehuu ara ator eno na rae, “Tahani dei! Ita bosoꞌ talale hopu Ni, huu fo fai malole a naneneaꞌ so. Bosoꞌ losa lahenda kadodouꞌ fo rahiiꞌ Ana, tao isu-oteꞌ.”   
\s1 Inaꞌ esa poꞌa mina boo meniꞌ mabeli neuꞌ Ramatua Yesus  
\r (Markus 14:3-9; Yohanis 12:1-8)  
\p
\v 6 Fai ria boe, Yesus asa reu raa-rinu nai lahenda esa uma na, nade Simon, nai koro Betania. Maulu na, lahenda rahiaꞌ Simon, nana huu ana hapu hedis kusta. Tehuu besaꞌ ia teꞌe na aon so.  
\v 7 Tepoꞌ fo ara bei raa-rinu, te inaꞌ esa mai naneta no Yesus. Ana homu neni boto esa, taon neme batu mabeli a mai.\f + \fr 26:7 \ft Lahenda ra bisa paa batu mabeli fo tao boto ria. Susura Makamoiꞌ Dedea Yunani nae boto ria ara taon neme batu a nade ἀλάβαστρος \ft \+it (‘alabastros’)\+it*. Meten nai Lukas babati kahitun lalane katelu hulu hitun losa katelu hulu falun (Lukas 7:37-38).\f* Boto ria isi na mina boo meniꞌ teaꞌ mabeli beraꞌ. Inaꞌ a beru natepa boto ria tatana na. Boe ma ana poꞌa mina a feen titi bai-bai nai Yesus laka Na, fo dadi tanda nae ana fee hada-horomata neuꞌ Ana.   
\p
\v 8 Tehuu Yesus ana mana tuka dea nara rita inaꞌ ria tao leo naꞌ, boe ma ara ramanasa, de dedearao nara rae, “Ae! Bosoꞌ tuꞌu heni hihiiꞌ mina boo meniꞌ mabeli beraꞌ ria!  
\v 9 Malole lenaꞌ ana seꞌo mina ria! Fo ela bati doi na, fee lahenda manatoꞌa-manataaꞌ ara!”   
\p
\v 10 Tehuu Yesus bubuluꞌ sira duduꞌa-aafin, boe ma Ana dedea nae, “Emi bosoꞌ tao masususaꞌ inaꞌ ia! Pesin nemeꞌ na! Au amahoꞌo, nana huu ana poꞌa mina boo meniꞌ ia neuꞌ Au ao-ina Ka.  
\v 11 Huu fo lahenda manatoꞌa-manataaꞌ ara tuka-tuka faiꞌ rai emi talada. Tehuu ta dooꞌ a, te Au ta sama-sama oo emi soꞌ.\x + \xo 26:11 \xt Tui Seluꞌ Laꞌe Neuꞌ Eno Sodaꞌ a 15:11\x*  
\v 12 Ma inaꞌ a poꞌa mina ia neuꞌ Au, nana huu ana sadia na nalaesaꞌ ao-ina Ka, sama leoꞌ poporaꞌ de tao rampe neu. Huu fo Au masoda ka ta dooꞌ a soꞌ.  
\v 13 Mafarene matalolole! Nai mamanaꞌ bea a, maneniko Manetualain Tutui Malole Na tui-bekan rule-feo dae-bafoꞌ ia, tantu sira boe tui inaꞌ ia malole na! Fo ela basa lahenda ra rafarene ni.”   
\s1 Yudas dedearaoꞌ noo malaka agama Yahudi ra, fo fee heni Ramatua Yesus leo sira lima nara neu  
\r (Markus 14:10-11; Lukas 22:3-6)  
\p
\v 14 Lahenda esa neme Yesus ana mana tuka dea kasanahulu dua nara, nade Yudas Iskariot. Faiꞌ ria boe, ana kalua neu saka malaka agama Yahudi malaka nara, fo nau fee heni Yesus leo sira lima nara neu.  
\v 15 Ana losa, boe ma natane si nae, “Papa kara, ee! Kalu au fali emi fo hopu Yesus, sona emi fee au ubeaꞌ?”  
\p Ara rataa rae, “Kalu o nau seꞌo heni Ni fee ami, sona ami bae.” Boe ma ara reke ra doi perak telu hulu fo fee Yudas.\x + \xo 26:15 \xt Sakaria 11:12\x*  
\v 16 Yudas kalua, boe ma ana mulai saka enoꞌ fo nau fee heni Yesus leo sira neu.   
\s1 Ramatua Yesus no ana mana tuka dea nara raa feta Paska  
\r (Markus 14:12-21; Lukas 22:7-14, 21-23; Yohanis 13:21-30)  
\p
\v 17 Tuka-tuka teuꞌ, lahenda Yahudi ra fai malolen fo riꞌ fetan faiꞌ hitu lalaꞌen. Ara hule fai malole ria rae, ‘Feta Roti Ta Pake Ralu Teteiꞌ’.\f + \fr 26:17 \ft Feta ria tao nafarereneꞌ tepoꞌ fo lahenda Yahudi ra bei-baꞌi nara kalua reme dae Masir mai. Tepoꞌ ria, ara rapue laꞌo, de ta hapu fai lelaꞌ fo tao sira roti tua-lepa na pake ralu-teteiꞌ fo ela reis. Lees nai \ft \+it Kalua reme Masir\+it* babati kasanahulu duan lalane kaneen ma kasanahulu liman \+it (Kalua reme Masir\+it* 12:6, 15).\f* Fai fo sakaꞌ mulai feta Paska ria, boe ma Yesus ana mana tuka dea nara mai ratane Ni rae, “Papa! Hatun ia ita muste buka ita fai malole na. De Papa nau ami meu hala bibi-lopo, ma sadia mamana feta Paska nai bean?”   
\p
\v 18 Ana nataa nae, “Emi leo kota daleꞌ meu, neuꞌ ko maneta mo touꞌ esa. Mafadan mae leo iaꞌ, ‘Aꞌa, ee! Papa Mesen nameda na ta doo a so te Ana maten. Ana hule mamanaꞌ nai aꞌa uma na, ela Ana paken fo tao feta Paska no Ria ana mana tuka dea nara.’ ”   
\p
\v 19 Ana mana tuka dea nara ramanene leoꞌ na, boe ma ara tao tuka Ria dedea Na, de ara sadia raa feta Paska nai naa.   
\p
\v 20 Nahatu, boe ma Yesus no ana mana tuka dean sanahulu duas ratuuꞌ raa feta.  
\v 21 Ara raa, boe ma Ana dedea nae, “Emi nenene! Neme emi mai, neuꞌ ko esa riꞌ naseꞌo heni Au leo lahenda fekeꞌ ara uu.”   
\p
\v 22 Ara ramanene leoꞌ na, boe ma dale nara susa. De sira esa-esa ratane Yesus rae, “Lahenda fo riꞌ Papa dedea ria a ta au fa, hete?”   
\p
\v 23 Ana nataa nae, “Lahenda fo naboro roti na leo mako ia daleꞌ neu sama-sama no Au, ria riꞌ neuꞌ ko naseꞌo heni Au.\x + \xo 26:23 \xt Sosoda Iꞌio-oꞌoaꞌ ara 41:10\x*  
\v 24 Mafarereneꞌ! Au, Ana Lahenda ia, muste mate sama leoꞌ ara duiꞌ memaꞌ nai Manetualain Susura Makamoi Na daleꞌ. Tehuu besa-besa! Lahenda fo sakaꞌ seꞌo heni Au, neuꞌ ko lepa na ria soe na! Malole lenaꞌ kalu mama na ta boki ni fa.”   
\p
\v 25 Yudas boe natane nae, “Tantu lahenda fo Papa mafada a, ta au fa, hete?”  
\p Yesus nataa nae, “Tebe o riꞌ mafada mae leo naꞌ. Te bea bali?”   
\s2 Ramatua Yesus nafada nae, roti ma oe anggor dadi tanda nafarereneꞌ neuꞌ Ana  
\r (Markus 14:22-26; Lukas 22:14-20; 1 Korintus 11:23-25)  
\p
\v 26 Ara bei raa, boe ma Yesus hai na roti baloꞌ esa, de hule makasi neuꞌ Manetualain. Ana tetebi roti ria, de loo fee ana mana tuka dea nara, ma nafada nae, “Roti ia, nana Au ao-paa Ka. Emi hai maan fo mia leo!”   
\p
\v 27 Basa de Ana hai na galas esa henuꞌ no oe anggor, boe ma Ana hule makasi neuꞌ Manetualain. Ana loo fee ana mana tuka dea nara, ma nafada nae, “Emi basa hai maan fo minu.  
\v 28 Huu fo oe anggor ia, nana Au daa Ka. Neuꞌ ko Au mate, Au daa Ka faa ela poꞌi-tata naa lahenda dodouꞌ reme basa sala-siko nara mai. Au Daa Ka besaꞌ ia natetu na hata fo Manetualain helu memaꞌ nemeꞌ fai a uluꞌ na mai. Hai maan fo minu leo!\x + \xo 26:28 \xt Kalua reme Masir 24:8; Yeremia 31:31-34\x*  
\v 29 Tehuu nenene matalolole! Mulai neme hatun ia mai, Au ta inu oe anggor soꞌ. Neuꞌ ko Au oo Papa Ka nai nusatetu-ikutemaꞌ matuuꞌ fo homu pareta, sona besaꞌ ko Au inu oo emi bali.”   
\p
\v 30 Boe ma ara soda sosodaꞌ esa fo io-oa Manetualain. Hatun ria boe, ara kalua leo lete Saitun reu.   
\s1 Ramatua Yesus nafada memaꞌ nae, neuꞌ ko Petrus nalena Ni  
\r (Markus 14:27-31; Lukas 22:31-34; Yohanis 13:36-38)  
\p
\v 31 Ara laꞌo, boe ma Yesus nafada memaꞌ ana mana tuka dea nara nae, “Neuꞌ ko hatun ia, emi basa malai ela Au. Huu fo ara duiꞌ memaꞌ nai Manetualain Susura Makamoi Na nae,  
\q1 ‘Neuꞌ ko Manetualain naisa mana foo a,  
\q2 de bibi-lopo nara ralai kofela.’\x + \xo 26:31 \xt Sakaria 13:7\x*   
\p
\v 32 Tebe Au mate. Tehuu maneniko Au asoda seluꞌ, sona Au uu ahani emi nai propensi Galilea.”\x + \xo 26:32 \xt Mateos 28:16\x*   
\p
\v 33 Tehuu Petrus nadedea laka nae, “Leo mae lahenda fekeꞌ ara basa si ralai ela Papa, tehuu au sona taꞌa!”   
\p
\v 34 Yesus nataa nae, “Petrus! Leoꞌ na do? Mamahere Au! Hatun ia, manuꞌ a bei ta koko-oa fa, te o mafada laiꞌ telu so, mae o ta malelelaꞌ Au!”   
\p
\v 35 Tehuu Petrus nafada teteaꞌ nae, “Papa! Maneniko Papa mate, au boe mate sama-sama. Au ta alai ela Papa fa!” Petrus nonoo feke nara boe esaꞌ ko nafadaꞌ aon nae leoꞌ na.   
\s1 Ramatua Yesus hule-haradoi nai oka Getsemani  
\r (Markus 14:32-42; Lukas 22:39-46)  
\p
\v 36 Boe ma Yesus asa laꞌo raroo leo lete Saitun reu, ara losa okaꞌ esa, nade \it Getsemani\it*.\f + \fr 26:36 \ft Nai dedea Ibrani, ‘Getsemani’ sosoa na nae, ‘hata hehee mina ai boa saitun’.\f* Nai naa, Ana nafada ana mana tuka dea nara nae, “Emi matuu mahani ia dei, huu fo Au sakaꞌ uuꞌ ele hule-haradoi.”  
\v 37 Tehuu Ana naloo no Petrus, Yakobis, ma Yohanis, fo telu si sama-sama ro Ni reu. Mulai neme oras ria mai, boe ma dale Na susa ma ta tama soꞌ.  
\v 38 Ara laꞌo raola baiꞌ, boe ma Ana nafada si nae, “Au dale Ka susa naan seli! Au ameda aan nonooꞌ nae Au sakaꞌ mate. Emi matuuꞌ maiꞌ ia, ma manea mo Au.”   
\p
\v 39 Ana lali dooꞌ a bai anaꞌ leo mata neu, boe ma sundaꞌ undulaka Na fo hule-haradoi nae, “Papa manasue-manalai! Kalu Papa mataa, sona bosoꞌ Au lepa-asaa doidosoꞌ ia. Tehuu bosoꞌ tuka Au hihii-nanau Ki; ela tuka noi Papa hihii-nanaum.”   
\p
\v 40 Ana hule-haradoi basa, boe ma fali leo ana mana tuka dean sira telu neu. Tehuu ara suku ramanee. Ana fafae nafoa si, boe ma Ana dedea no Petrus nae, “Ae, Petrus ee! Ubeaꞌ taon, de emi suku? Au nai naa noi hatemataꞌ, tehuu emi ta bisa manea baiꞌ boeꞌ!  
\v 41 Madidilaꞌ mata mara dei, ma foa fo manea mo Au! Huu fo tebe emi dale mara rahiiꞌ tao malole, tehuu ao-paaꞌ a ta nabeꞌi fa. De malole lenaꞌ hule-haradoi, fo ela maneniko emi hapu sosobaꞌ boe oo, bisa manenete.”   
\p
\v 42 Boe ma Ana neu hule-haradoi seluꞌ nae, “Papa! Maneniko Au riꞌ muste lepa-asaa doidoso ia, sona ela tuka Papa hihii-nanaum.”  
\v 43 Hule-haradoi basa, boe ma Ana fali leo ana mana tuka dean sira telu neu. Tehuu ara suku seluꞌ bali, huu fo mata nara rambera.   
\p
\v 44 Ana foa ela si, de neu hule-haradoi seluꞌ laiꞌ esa bali. Boe ma Ana hule seluꞌ Papa Na, fo bosoꞌ nataaꞌ Ana lepa-nasaa doidoso ria, tehuu ela tuka noi Papa hihii-nanaun.  
\v 45 Hule-haradoi basa, boe ma Ana fali neu fafae ana mana tuka dea nara nae, “Emi bei suku maroo, do? Foa leo! Te lahenda fo riꞌ nau seꞌo heni Au, Ana Lahenda, naneneaꞌ so. Besaꞌ ia ara nau hopu ra Au, fo fee heni Au leo lahenda tadaluꞌ ara lima nara.  
\v 46 Foa leo! Madidilaꞌ mata mara fo soba mete leo eleꞌ meu dei! Te lahenda fo riꞌ seꞌo heni Au a, ana mai so.”   
\s1 Lahenda bau-inaꞌ ara fee lahenda reu hopu Ramatua Yesus  
\r (Markus 14:43-50; Lukas 22:47-53; Yohanis 18:3-12)  
\p
\v 47 Yesus bei dedea nae leo naꞌ, te Yudas no lahenda dodouꞌ mai so. Ara reni tafaꞌ, ma ai tutukuꞌ, fo sakaꞌ hopu Ni. Ara tao leo naꞌ, tuka pareta neme malaka agama Yahudi malaka nara, ma lasiꞌ hadas ara.  
\v 48 Yudas nafada memaꞌ asa nae, “Emi mete matalolole, ee! Au deꞌi lahenda bea, sona emi hopu maan leo! Huu fo emi saka lahenda a nana, ri naꞌ!”   
\p
\v 49 Ara losa Yesus, boe ma Yudas laꞌo naroo mata Na neu, ma nae, “Soda-moleꞌ, Papa Mesen!” Boe ma Yudas holu Ni ma deꞌi.   
\p
\v 50 Yesus natane ni nae, “Yudas! O holu ma deꞌi Au nana sosoa na riaꞌ, do?” Boe ma lahenda kadodouꞌ sira tuturu mata reu, fo nau hopu Ni.   
\p
\v 51 Kekeneu te, Yesus ana mana tuka dean esa lesu na tafa na, de tati naetu lahenda esa ridoo na. (Lahenda fo riꞌ hapu hinaꞌ a, nana malaka agama Yahudi malaka bau-inaꞌ a ata na.)  
\v 52 Yesus nita leoꞌ na, boe ma nafada ni nae, “Sodoꞌ faliꞌ tafa ma neuꞌ mana na. Huu fo lahenda bea nai masoda na naminaꞌ tafaꞌ, neuꞌ ko raisan reniꞌ tafaꞌ boe.  
\v 53 O ta bubuluꞌ fa, do? Au bisa hule Papa Ka fo fee Ria eilaꞌo-limalopen rifu-natun\f + \fr 26:53 \ft Susura Makamoi Yunani nae \ft \+it legion\+it* sanahulu dua. Soldadu Roma legion esa, bate lahenda rifun nee.\f* reme nusatetu-ikutemaꞌ a mai, ela ara tulu-fali Au.  
\v 54 Tehuu bosoꞌ. Nemeꞌ na, fo ela lahenda ia ra hopu ra Au. Huu fo basa-basan manaduiꞌ memaꞌ nai Manetualain Susura Makamoi Na laꞌe-neuꞌ Au a, muste dadi.”   
\p
\v 55 Boe ma Yesus dedea no lahenda fo riꞌ mai hopu Ni nae, “Bate emi mae Au ia lahenda tadaluꞌ, de emi mai hopu Au meniꞌ tafaꞌ ma ai tutukuꞌ. Sekona te, tuka-tuka faiꞌ Au anori-afada emi nai Manetualain Uma Mamaso Yahudi Ina Na, tehuu ta hapu lahenda esa tao Au leoꞌ bea boeꞌ.\x + \xo 26:55 \xt Lukas 19:47; 21:37\x*  
\v 56 Tehuu nemeꞌ na! Mai, hopu ma Au leo! Huu fo basa-basa ia ra manaduiꞌ memaꞌ neme uluꞌ mai nai Manetualain Susura Makamoi Na.”  
\p Yesus ana mana tuka dea nara rita leoꞌ na, boe ma bii raan seli, de ara ralai ela Ni.   
\s1 Ara roo Ramatua Yesus leo lahenda mana ee dedea agama ra neu  
\r (Markus 14:53-65; Lukas 22:54-55, 63-71; Yohanis 18:13-14, 19-24)  
\p
\v 57 Lahenda sira hopu ra Yesus, boe ma roo Ni leo Kayafas fo riꞌ malaka agama Yahudi malaka bau-ina na uman neu, nana huu lahenda bau-inaꞌ ara tesa rai naa so. Sira nana, malaka agama Yahudi malaka nara, mesen agama ra, ma lasiꞌ hadas ara.  
\v 58 Tepoꞌ fo ara hopu roo Yesus, Petrus boe tuka nafufuniꞌ losa malaka bau-inaꞌ a uma na. Petrus masoꞌ leo kintal daleꞌ neu, de natuuꞌ sama-sama no lahenda fo rai naa. Huu fo ana nau bubuluꞌ neuꞌ ko hata ubeaꞌ dadi.  
\v 59 Nai uma ria daleꞌ, malaka agama Yahudi malaka nara dedearaoꞌ ro basa lahenda fo urus dedea agama. Basa si saka buti fo ela huku ramate Yesus.  
\v 60 Leo mae sira ratutuluꞌ sakasii pepekoꞌ dodouꞌ, tehuu ara ta hapu buti esa boeꞌ, fo bisa paken. Mateꞌe na ara hapu lahenda dua sakasii.  
\v 61 Dua si sakasii rae, “Ami parnaa mamanene Lahenda ia dedea nae, ‘Neuꞌ ko Au fate heni Uma Mamaso Yahudi Ina a. Tehuu nai faiꞌ telu dalen te, neuꞌ ko Au afoa aan seluꞌ.’ ”\x + \xo 26:61 \xt Yohanis 2:19\x*   
\p
\v 62 Malaka agama Yahudi malaka bau-ina na foa napadei neuꞌ basa lahenda matuuꞌ sira mata, boe ma ana natane Yesus nae, “O mamanene lahenda dodouꞌ kolaaꞌ O so. Tehuu ubeaꞌ taon, de O moi neneeꞌ a?”  
\v 63 Tehuu Yesus ta nataa hata-hata esa boeꞌ. Boe ma malaka bau-inaꞌ ria natane bali nae, “Au nau atane! Tehuu O muste mataa teteaꞌ sama leoꞌ O mataa neuꞌ Manetualain masodaꞌ nai nusatetu-ikutemaꞌ a. Lahenda rae, O ia nana Kristus, Manetualain Anan fo Ana helu memaꞌ neme fai a ulu na mai a. Tebe, do?”   
\p
\v 64 Yesus nataa ni nae, “Tebe, sama leoꞌ papa dedea ma. Tehuu mafarereneꞌ! Huu fo neuꞌ ko emi basa mita Au, Ana Lahenda ia. Neuꞌ ko Au atuuꞌ nai nusatetu-ikutemaꞌ a nai Manetualain boboa ona Na, fo homu pareta sama-sama oo Ria fo riꞌ mana kuasa. Boe ma neuꞌ ko Au onda fali mai oo oaꞌ a.”\x + \xo 26:64 \xt Daniel 7:13\x*   
\p
\v 65 Malaka bau-inaꞌ ria namanene Ni dedea nae leoꞌ na, boe ma namanasa naan seli, de noi siiꞌ badu manaru na. Ana dedea nambera, ma nafada basa lahenda fo ratuu rai naa nae, “Ae! Ita ta parluu mana sakasii soꞌ! Emi mamanene Ria dedea Na so. Ana soꞌu aon dadi neuꞌ Manetualain Anan. Ana namumulu-namamaeꞌ Manetualain ia so! Emi basa bubuluꞌ, tuka ita atoran agama na, maneniko bea tao aon sama no Manetualain, sona lahenda ria muste mate!  
\v 66 De besaꞌ ia emi sakaꞌ maetuꞌ mae, leoꞌ bea?”  
\p Basa si rataa rambera rae, “Tebe lahenda ia sala! De Ana muste hapu huhuku mamates!”\x + \xo 26:66 \xt Malaka Agama ra Atoran 24:16\x*   
\p
\v 67 Boe ma lahenda hida oruꞌ mata reu fo mudi radiu Yesus ape. Ara popoꞌo ramiminaꞌ Ana ma fapa Ni.\x + \xo 26:67 \xt Yesaya 50:6\x*  
\v 68 Ara ramumulu-ramamaeꞌ Ana rae, “O ia Kristus, hete? Soba O maneuꞌ masudin dei! Bea riꞌ poko O ia?”   
\s1 Petrus nafada laiꞌ telu nae, ria ta nalelaꞌ Ramatua Yesus  
\r (Markus 14:66-72; Lukas 22:56-62; Yohanis 18:15-18, 25-27)  
\p
\v 69 Faiꞌ ria Petrus bei natuu nai kintal daleꞌ. Boe ma ata inaꞌ esa mai de dedea no ni nae, “Bisinaaꞌ a o boe sama-sama mo Yesus, lahenda Nasaret ria, hete?”   
\p
\v 70 Tehuu ana nalena nai lahenda kadodouꞌ sira matan nae, “Taꞌa! Ubeaꞌ taon, de o matane leo naꞌ! Au ta alelaꞌ Ana fa.”  
\v 71 Petrus deaꞌ neu de napadeiꞌ nai lelesu bafaꞌ a. Boe ma inaꞌ fekeꞌ esa nita ni nai naa, de ana nafada lahenda fo riꞌ rai naa nae, “Ae, bisinaaꞌ a au ita lahenda ia sama-sama no Yesus, lahenda Nasaret ria.”   
\p
\v 72 Boe ma Petrus nadedea laka nae, “O bate mamulu! Au soo-supa! Au ta alelaꞌ Lahenda ria fa!”   
\p
\v 73 Ta doo bea boeꞌ, te lahenda fekeꞌ fo rai naa dedea ro ni rae, “O bosoꞌ boe tipu mae, o ta sama-sama mo lahenda ria! Huu fo ami mamanene o dedea ma, nana leoꞌ lahenda Galilea!”   
\p
\v 74 Tehuu ana mulai nadedea laka nae, “Ae! Au soo-supa pake Manetualain nade Na! Au ta alelaꞌ Lahenda ria fa!” Naraa laꞌe ana dedea nae leoꞌ na, boe ma manuꞌ a koko-oa.   
\p
\v 75 Petrus namanene manuꞌ a koko-oa, boe ma nafarene bisinaaꞌ a Yesus dedea na nae, “Manuꞌ a bei ta koko-oa fa, te o mafada laiꞌ telu so mae, o ta malelaꞌ Au.” Ana nafarene leoꞌ na, boe ma leo deaꞌ neu de dola nasaeedu.   
\c 27  
\s1 Ara roo Ramatua Yesus leo gubernor Pilatus neu  
\r (Markus 15:1; Lukas 23:1-2; Yohanis 18:28-32)  
\p
\v 1 Bei balahaa aanaꞌ, te basa lahenda fo riꞌ urus dedea agama, raetuꞌ raan nau raisa Yesus.  
\v 2 Huu ria na, de ara heke roo Ni neu nataa gubernor Pilatus. Huu fo ara nau gubernor huku naisa Ni.\f + \fr 27:2 \ft Tepoꞌ ria, lahenda Yahudi ra ta ranuu haak fo raisa lahenda. Huu ria na, de ara roo Ramatua Yesus leo mana pareta Roma neu.\f*   
\s1 Yudas londa naisa aon  
\r (Lahenda Nadedenuꞌ ara Tutuin 1:18-19)  
\p
\v 3 Yudas bubuluꞌ nae, Yesus hapu huhuku mamates, de ana nasale dale, nana huu ria riꞌ seꞌo heni Yesus. Boe ma ana fali leo malaka agama Yahudi malaka nara, ma lasiꞌ hadas ara neu, fo fee faliꞌ sira doi perak katelu hulun sira.  
\v 4 Ana nafada nae, “Au sala so, nana huu au fee heni Lahenda salaꞌ taaꞌ ia.”  
\p Tehuu ara rataa rae, “Ae! Ami ta tao daleꞌ neuꞌ o soꞌ! O riꞌ lepa-masaa ma salaꞌ ria.”  
\v 5 Boe ma Yudas tuꞌu heni doiꞌ sira leo Uma Mamaso Yahudi Ina a daleꞌ reu, de ana kalua neu londa naisa aon.   
\p
\v 6 Boe ma malaka agama Yahudi malaka nara reu hai ra doiꞌ fo riꞌ Yudas tuꞌu heni si a. Ara dedearao nara rae, “Ita ta bole peda faliꞌ doiꞌ ia ra leo peti doiꞌ daleꞌ reu, huu fo doi makekeo-makakanuꞌ ia.  
\v 7 Malole lenaꞌ ita teu asa ta mana tao ureꞌ daen bibia anaꞌ esa. Maneniko mate lahenda fui, ma lahenda ta ralelaꞌ ana, sona ita bisa tatoin neuꞌ naa.”  
\v 8 Boe ma ara pake doiꞌ sira, de reu asa ra dae ria. Huu ria na, losa besaꞌ ia lahenda hule dae ria rae, ‘Dae Daa’.\x + \xo 27:8 \xt Lahenda Nadedenuꞌ ara Tutuin 1:18-19\x*   
\p
\v 9 No ria na, ara tuka hata fo baꞌi Yeremia dedea memaꞌ nae,  
\q1 “Ara pake doi perak katelu huluꞌ sira, de asa si reuꞌ dae.  
\q2 Ara pake doiꞌ sira, nana huu asa lahenda sona beli na desi ria,  
\q3 tuka lahenda Israel ara naetu na.   
\q1
\v 10 Ara asa dae ria neme mana tao ureꞌ mai,  
\q2 tuka Manetualain pareta Na neuꞌ au.”\f + \fr 27:10 \ft Sakaria 11:12-13; Yeremia 18:2-4; 19:1-11; 32:6-15\f*   
\s1 Ramatua Yesus nataa gubernor Pilatus  
\r (Markus 15:2-5; Lukas 23:3-5; Yohanis 18:33-38)  
\p
\v 11 Lahenda ra roo Yesus losa gubernor, boe ma ana natane Yesus nae, “Leoꞌ bea? Tebe-tebe O nana, lahenda Yahudi ra Mane na, do?”  
\p Ana nataa nae, “Tebe. Papa dedea laꞌe ria so.”   
\p
\v 12 Malaka agama Yahudi malaka nara, ma lasiꞌ hadas ara rapaneneoꞌ Yesus laꞌe-neuꞌ hihii-nanauꞌ dodouꞌ, tehuu Ana ta nataa hata-hata esa boeꞌ.   
\p
\v 13 Boe ma gubernor a natane Ni nae, “O ta mamanene sira dedea na fa? Ara fee salaꞌ dodouꞌ soa-neuꞌ O. Tehuu ubeaꞌ taon de O ta sisipoꞌ asa fa!”   
\p
\v 14 Tehuu Ana ta nataa baiꞌ boeꞌ, losaꞌ gubernor a heran.   
\s1 Gubernor Pilatus naetuꞌ fo huku ramate Yesus  
\r (Markus 15:6-15; Lukas 23:13-25; Yohanis 18:39—19:16)  
\p
\v 15 Tuka-tuka teuꞌ, maneniko lahenda Yahudi ra tao feta Paska, sona lahenda kadodouꞌ ara biasa here lahenda mana hukuꞌ esa, ela gubernor a poꞌi ni.  
\v 16 Tepoꞌ ria, lahenda mana hukuꞌ esa, nade Barabas.\f + \fr 27:16 \ft Dudui dedea Yunani ruma duiꞌ rae, ‘Yesus Barabas’, ma ruma bali duiꞌ rae, ‘Barabas.’\f* Basa lahenda bubuluꞌ rae ria nana bea, huu fo makaresi na seli.  
\v 17 Faiꞌ ria boe, lahenda dodouꞌ leo gubernor Pilatus reu, hule fo ana poꞌi lahenda mana hukuꞌ esa sama leoꞌ bale-bale. Boe ma Pilatus natane si nae, “Malole! Tehuu au poꞌi bea? Nai ia, Barabas, ma Yesus fo riꞌ lahenda hule rae, Kristus, de here ao mara leo.”  
\v 18 (Gubernor dedea leo naꞌ, huu fo ana bubuluꞌ nae malaka agama Yahudi malaka nara roo Yesus feen leo ria neu, nana huu ara ramanasaꞌ Ana.)   
\p
\v 19 Gobernor a bei parisaꞌ dedeaꞌ ria, boe ma sao na haitua feen haraoeꞌ nae, “Papa! Besa-besa oo, huu fo Yesus nana Lahenda sala taaꞌ ria. Huu fo no Ria, de leodaeꞌ a au alamei, mei-afes tadaluꞌ. Losaꞌ besaꞌ ia boe au bei ameda aan ta malole a.”  
\v 20 Tehuu malaka agama Yahudi malaka nara, ma lasiꞌ hadas ara duduku-papauꞌ lahenda kadodouꞌ sira, hule gubernor a fo poꞌi Barabas, ma huku namate Yesus.  
\v 21 Boe ma ana natane seluꞌ asa bali nae, “Neme lahenda ia ra dua si mai, au poꞌi bea?”  
\p Basa si rataa belaꞌ a rae, “Barabas! Poꞌi Barabas!”   
\p
\v 22 Ana natane si nae, “Maneniko leoꞌ na, sona Yesus fo riꞌ lahenda hule rae Kristus a, au taon leoꞌ bea?”  
\p Basa si rahara belaꞌ a rae, “Paku maisa Ni neuꞌ ai kake a!”   
\p
\v 23 Gubernor a natane bali nae, “Te Ana nasalaꞌ ubeaꞌ? Au parisaꞌ Ana so, tehuu au ta hapu Ni sala hata esa boeꞌ!”  
\p Tehuu basa si rahara rambera bali rae, “Maisa Ni! Paku Ni neuꞌ ai kake a leo!”   
\p
\v 24 Ta doo bea boeꞌ, te bubuluꞌ nae, ana ta bisa tao hata-hata esa so boeꞌ, huu fo lahenda kadodouꞌ sira sakaꞌ tao tasibuꞌ. Huu ria na, de hai na oe fo safe lima na nai sira matan, ma nafada nae, “Au ta lepa-asaa Lahenda ia mamate Na! Emi riꞌ lepa-masaa man!”\x + \xo 27:24 \xt Tui Seluꞌ Laꞌe Neuꞌ Eno Sodaꞌ a 21:6-9\x*   
\p
\v 25 Lahenda kadodouꞌ sira rataa rambera rae, “Hoo, nemeꞌ na! Ela ami mo upu-ana mara siꞌ lepa-masaa Ria daa Na!”   
\p
\v 26 Pilatus namanene leoꞌ na, boe ma nae, “Neme emi mai!” Boe ma ana poꞌi Barabas, tuka sira hihii-nanaun. Boe ma ana pareta lahenda manea ra, fo fepa-liꞌu Yesus pake cambuk.\f + \fr 27:26 \ft Soldadu Roma ra pake cambuk fo riꞌ tao nemeꞌ tali paa rouꞌ uraꞌ hida. Boe ma heke duiꞌ kokouꞌ, do, besi matande nai tali peda na. Maneniko liꞌu-fepa kose-kose pake cambuk ria, sona posu heni ita roun.\f* Fepa-liꞌu basan, boe ma soldadu ra roo Yesus, fo sakaꞌ reu paku raisan nai ai kake.   
\s1 Soldadu ra ramumulu-ramamaeꞌ Ramatua Yesus  
\r (Markus 15:16-20; Yohanis 19:2-3)  
\p
\v 27 Boe ma soldadu ra hela roo Yesus leo sira kota musu na kintal maloa na neu. Nai naa, ara raloo ra sira nonoon batalyon esa.\f + \fr 27:27 \ft Soldadu ra mamanan ria ara hule tuka dedea Latin sona rae, \ft \+it praetorium\+it*. Soldadu ra mamanan ria, noo uma mana pareta a mamanaꞌ esa. Susura Makamoiꞌ dedea Yunani nae ara raloo sira nonoon \+it speira\+it* esa. \+it Speira\+it* esa, sona dedesi na soldadu natun nee.\f*  
\v 28 Ara fee Ni pake badu manaru pilas makaderaꞌ esa.\f + \fr 27:28 \ft Mateos duiꞌ nae, badu manaru ia ‘pilas makadera’. Markus duiꞌ nae, ‘pilas barakeoꞌ’.\f*  
\v 29 Ara hai ra ai makouꞌ a rana na, de ralanen tao silaka. Boe ma ara poroꞌ silaka makouꞌ ria neuꞌ Yesus laka Na, fo ramiminaꞌ Ana sama leoꞌ sakaꞌ soꞌu mane bebeuꞌ pake silaka mana pareta. Ara feen homu ai esa nai lima ona Na, sama leoꞌ teteꞌe mana pareta. Ara sundaꞌ undulaka nara rasare raan, ma ramumulu-ramamaeꞌ Ana rae, “Hada-horomata neuꞌ lahenda Yahudi ra Mane na.”  
\v 30 Ara mudi radiu Ni ape, ma hai ra teteꞌe ria nemeꞌ lima Na mai, fo fepa ramiminaꞌ laka Na.  
\v 31 Soldadu ra ramumulu-ramamaeꞌ basa Ni, boe ma ara olu heni badu manaru ria. Ara fee Ni pake seluꞌ Ria kakao-papaken. Basa de ara roo Ni leo kota Yerusalem a deaꞌ neu, fo nau reu paku Ni nai ai kake a losaꞌ maten.   
\s1 Ara paku Ramatua Yesus nai ai kake  
\r (Markus 15:21-32; Lukas 23:26-43; Yohanis 19:17-27)  
\p
\v 32 Ara roo Yesus, losa eno taladaꞌ ara raneta ro lahenda kota Kirene esa nade Simon, besaꞌ ko sakaꞌ masoꞌ leo kota daleꞌ neu. Ara raseti ni fo nasaa Yesus ai kake Na.  
\v 33 Ara losa mamanaꞌ esa, nade Golgotaa. (Dedea Aram, ria sosoa na nae, “Mamana laka duiꞌ.”)  
\v 34 Nai naa ara nau fee Yesus ninu anggor fo mana epoꞌ no modo-aidoo maliꞌ, ela Ana bisa nanenete hedis. Yesus mutiꞌ na baiꞌ, boe ma Ana natipa.\x + \xo 27:34 \xt Sosoda Iꞌio-oꞌoaꞌ ara 69:22\x*   
\p
\v 35 Boe ma ara paku Ni nai ai kake a. Basa de ara hela lot fo nau bubuluꞌ bea riꞌ hapu Ria kakao-papaken.\x + \xo 27:35 \xt Sosoda Iꞌio-oꞌoaꞌ ara 22:19\x*  
\v 36 Ara ratuu ranea Ni nai naa.  
\v 37 Ara duiꞌ nai papaꞌ esa boe nae,  
\qc “IA NANA YESUS, LAHENDA YAHUDI RA MANE NA”  
\p Ara paku papaꞌ ria neuꞌ Ria laka Na pooꞌ lai, fo dadi nafafadaꞌ nae tute na huu ubeaꞌ de ara huku ramate Ni.   
\p
\v 38 Nai naa, ara paku lahenda parampok dua nai ai kake a boe. Esa nai Ria boboa onan; esa nai boboa ii Na.   
\p
\v 39 Basa lahenda fo laꞌo resiꞌ naa, rita Ni. Ara peko bafa nara ma ramumulu-ramamaeꞌ Ana.\f + \fr 27:39 \ft Lahenda Yahudi ra biasa na, leleuꞌ laka nara fo dadi tanda nae ara ramamaeꞌ lahenda.\f* \x + \xo 27:39 \xt Sosoda Iꞌio-oꞌoaꞌ ara 22:8; 109:25\x*  
\v 40 Ara bobouꞌ Ana rae, “He! O mae bisa fate heni Manetualain Uma Mamaso Yahudi Ina Na, boe ma noi faiꞌ teluꞌ a, te mafoa maan seluꞌ, hete? Kalu tetebes ara Manetualain Anan O, sona soba poꞌi ma aom fo onda memeꞌ ai kake ria mai leo.”\x + \xo 27:40 \xt Mateos 26:61; Yohanis 2:19\x*   
\p
\v 41 Leoꞌ na boe, malaka agama Yahudi malaka nara, mesen agama, ma lasi hadas nara, ramamaeꞌ Ana rae,  
\v 42 “Ana poꞌi-tata naa lahenda fekeꞌ a, tehuu Ana ta bisa poꞌi-tata naa ao-ina heheli Na. Ana nae, Ria nana lahenda Israel Mane na! Kalu leoꞌ na, sona malole lenaꞌ Ana onda nemeꞌ ai ria mai. Kalu ita tita leo naꞌ, besaꞌ ko tamahere Ni.  
\v 43 Tebe-tebe Ria nana Manetualain Anan, sona ela  
\q1 ‘Ana namahena neuꞌ Manetualain.  
\q2 De maneniko Manetualain nahiiꞌ Ana,  
\q3 nemeꞌ na fo ela Manetualain riꞌ poꞌi-tata naa Ni.’ ”\x + \xo 27:43 \xt Sosoda Iꞌio-oꞌoaꞌ ara 22:9\x*   
\p
\v 44 Lahenda parampok sira dua boe, ramamaeꞌ Ana leo naꞌ.   
\s1 Ramatua Yesus mamate Na  
\r (Markus 15:33-41; Lukas 23:44-49; Yohanis 19:28-30)  
\p
\v 45 Boe ma maiuꞌ a napoti na mamanaꞌ ria neme ledo a namatetu losa liꞌu telu leodaen.  
\v 46 Liꞌu telu leodaen, boe ma Yesus naloo nambera pake dedea Aram nae, \it “Eli! Eli! Lema sabaktani?”\it* (Sosoa na nae, “Au Manetualain Ka! Au Manetualain Ka! Ubeaꞌ taon, de Papa foa ela Au leoꞌ ia?”)\x + \xo 27:46 \xt Sosoda Iꞌio-oꞌoaꞌ ara 22:2\x*   
\p
\v 47 Lahenda hida raneneaꞌ rai naa ramanene Ria haraoe Na. Boe ma ara rae, “Ae! Emi nenene dei. Ana naloo Elia, Manetualain mana nesi mata fai ulu na!”  
\v 48 Lahenda esa nalai neu hai lopu fo naboron leo anggor maꞌeis daleꞌ neu. Boe ma ana pau lopu ria neuꞌ teteꞌe a peda na, de loo ni neuꞌ Yesus bafa na, ela Ana nasamusi.\x + \xo 27:48 \xt Sosoda Iꞌio-oꞌoaꞌ ara 69:22\x*   
\p
\v 49 Tehuu lahenda fekeꞌ ruma bali dedea rae, “Tahani fo ela mete tasudi, Elia nau mai poꞌi-tata naa Ni do, taꞌa?”   
\p
\v 50 Yesus naloo nambera seluꞌ bali, boe ma mate Ni.   
\p
\v 51 Nai Uma Mamaso Yahudi Ina a, tema bau-inaꞌ esa nanapepeleꞌ fo babaa Manetualain Kama Malalao-malalafuꞌ a. Naraa laꞌe Yesus maten, boe ma temaꞌ ria sii bati duan, neme lain losa daeꞌ. Dae a natakeko, losaꞌ batu bau-inaꞌ ara ratahea.\x + \xo 27:51 \xt Kalua reme Masir 26:31-33\x*  
\v 52 Rates ara boe ratahuꞌa. Manetualain lahendan fo mate si a, Ana fee ruma rasoda seluꞌ.  
\v 53 Fai fo Yesus nasoda seluꞌ, boe ma ara kalua reme rates ara daleꞌ mai, de masoꞌ leo kota Yerusalem reu. Lahenda dodouꞌ rita si rai naa.   
\p
\v 54 Nai Golgotaa, malaka soldadu a no ria ei-liman ranea Yesus ai kake Na. Ara rita dae-bafoꞌ a natakeko, ma basa hihii-nanauꞌ mana dadiꞌ sira, boe ma bii raan seli. Ara dedearao nara rae, “Awii! Tebe-tebe Lahenda ia nana, Manetualain Anan!”   
\p
\v 55 Inaꞌ hida rai naa boe, ara rita Yesus mamate Na, tehuu mete reme dooꞌ a mai. Ara tuka Ni neme Galilea, huu fo sira siꞌ ralalau-raoonon neme uluꞌ mai.  
\v 56 Inaꞌ sira nana Maria neme koro Magdala, Maria esa bali (fo riꞌ Yakobis no Yusuf maman), ma Sabadeus sao na (fo riꞌ Yakobis no Yohanis maman).\x + \xo 27:56 \xt Lukas 8:2-3\x*   
\s1 Ara ratoi Ramatua Yesus  
\r (Markus 15:42-47; Lukas 23:50-56; Yohanis 19:38-42)  
\p
\v 57 Nai naa lahenda kamasuꞌi esa nade Yusuf, neme koro Arimatea mai. Ana tuka Yesus nanori-nafadan dooꞌ a so. Yesus mamate Na, laꞌe soda Limaꞌ. Balahaaꞌ laꞌe lahenda Yahudi ra fai huhule-haradoin. Huu ria na, de ledo a sakaꞌ tena, boe ma Yusuf saka enoꞌ fo nau naonda memaꞌ Yesus popora Na neme ai kake a mai.  
\v 58 Ana leo gubernor Pilatus neu, fo hule Yesus popora Na. Gubernor pareta fo ara fee ni poporaꞌ ria.  
\v 59 Boe ma Yusuf leo Golgotaa neu. Ana naonda Yesus popora Na neme ai kake ria mai. Ana poti natalolole poporaꞌ ria neniꞌ tema bebeuꞌ mabeli.  
\v 60 Tepoꞌ ria, lahenda ra besaꞌ ko paa basa boloꞌ esa nai lete batu, fo sadia memaꞌ bolo natoiꞌ fee Yusuf no kileoboboki nara, kalu ara mate. De Yusuf asa oꞌo reni Yesus popora Na, de rapeuꞌ Ana neuꞌ boloꞌ ria daleꞌ. Ara loli ra batu bau-inaꞌ esa, de tatana matalolole boloꞌ ria. Basa boe ma Yusuf asa fali.   
\p
\v 61 Faiꞌ ria, Maria neme Magdala ma Maria fekeꞌ, tuka losa naa boe. Ara ratuu rasare leo boloꞌ ria reu.   
\s1 Gubernor nadenu lahenda ra fo ranea nai Ramatua Yesus rates Na  
\p
\v 62 Balahaꞌ, naraa laꞌe lahenda Yahudi ra fai hahae aon. Boe ma malaka agama Yahudi malaka nara ro lahenda Farisi ra leo gubernor a reu.  
\v 63 Ara rafada rae, “Papa gubernor, ami mafarene tepoꞌ fo manatipu-manadaiꞌ ria bei nasoda a, ana parnaa nae leoꞌ ia: ‘Tebe Au mate, tehuu basa faiꞌ telu, te Au asoda seluꞌ.’\x + \xo 27:63 \xt Mateos 16:21; 17:23; 20:19; Markus 8:31; 9:31; 10:33-34; Lukas 9:22; 18:31-33\x*  
\v 64 Huu ria na, papa madenu soldadu ra fo ranea ratalolole rates ria losa faiꞌ telu. No ria na, Ria ana mana tuka dea nara ta bisa ramanaꞌo ra popora Na, fo tipu lahenda rae, Ana nasoda seluꞌ so. Huu fo maneniko ara tipu leoꞌ na, sona sira tipu-dain ria tadalu lena neme maulu na sira manaku rae Ria nana Kristus.”   
\p
\v 65 Gubernor namanene leoꞌ na, boe ma nataa nae, “Malole a boe! Tehuu emi manuu lahenda manea. De malole lenaꞌ mafada si, fo reu ranea ratalolole mamanaꞌ ria.”   
\p
\v 66 Ara roo sira lahenda manea nara leo mamanaꞌ ria reu. Losa naa, boe ma ara segel raisaꞌ batu fo nai rates a bafa na.\f + \fr 27:66 \ft Lahenda malela atoran ara rae, ara segel reniꞌ eno na riꞌ, fefeo aba-dooꞌ esa neuꞌ boloꞌ a suu na no batu fo nai boloꞌ a bafa na, besaꞌ ko didite raneten.\f* Ara radenu lahenda sira fo ranea rahere mamanaꞌ ria, ela lahenda fekeꞌ bosoꞌ mai oꞌo ra poporaꞌ ria.   
\c 28  
\s1 Ramatua Yesus nasoda seluꞌ!  
\r (Markus 16:1-10; Lukas 24:1-12; Yohanis 20:1-10)  
\p
\v 1 Mamaso na balahaan, boe ma Maria neme Magdala ma Maria fekeꞌ a, reu dama rates ria.  
\v 2 Kekeneu te, dae-bafoꞌ a natakeko naan seli. Manetualain eilaꞌo-limalopen rai nusatetu-ikutemaꞌ a, esa onda mai, de ana loli heni batu bau-inaꞌ fo riꞌ manatatanaꞌ nai boloꞌ a. Boe ma ana natuuꞌ neuꞌ batu ria lain.  
\v 3 Eilaꞌo-limalope ria mata-idun nahaa sama leoꞌ relas, ma kakao-papaken fula makadila.  
\v 4 Lahenda manea sira bii raan seli losaꞌ dere saꞌu-saꞌu, ma ara ta bisa rababale fa, sama leoꞌ lahenda mana mateꞌ.   
\p
\v 5 Eilaꞌo-limalope nai nusatetu-ikutemaꞌ fo riꞌ mai a, nafada inaꞌ sira nae, “Emi bosoꞌ bii! Au bubuluꞌ emi mai saka Yesus, Lahenda fo riꞌ ara paku ramaten nai ai kake a.  
\v 6 Tehuu Ana ta nai ia soꞌ. Huu fo Ana nasoda seluꞌ, sama leoꞌ nafada so a. Maiꞌ ia ela mita mataꞌ mamanaꞌ fo ara rapeuꞌ Ria popora Na. Mamanaꞌ ria rouꞌ so!  
\v 7 Besaꞌ ia emi malale fo fali leo! Meu mafada Ria ana mana tuka dea nara mae, Yesus nasoda seluꞌ so. Ana laꞌo nauluꞌ leo Galilea neu so. Ara muste reu raneta ro Ni nai naa, sama leoꞌ maulu na Ana helu si a. Mamahere leo! Fali leo, ela tui hata fo riꞌ au afada a!”   
\p
\v 8 Boe ma inaꞌ sira laꞌo ela mamanaꞌ ria. Ara bii, tehuu sira boe ramahoꞌo. Ara ralale fo fali reu tui basa hihii-nanauꞌ sira reuꞌ Yesus ana mana tuka dea nara.   
\p
\v 9 Tehuu losa eno taladaꞌ, boe ma kekeneu te Yesus mai naneta no si. Ana dedea nae, “Soda-moleꞌ!” Ara rita leoꞌ na, boe ma raneneaꞌ mata reu de holu ra ei Na, ma doꞌo-tabe Ni.  
\v 10 Boe ma Ana dedea nae, “Bosoꞌ bii, ee! Meu mafada Au ana mana tuka dea kara, fo ara reu rahani Au nai Galilea.”   
\s1 Lahenda manea ra reu tui laꞌe-neuꞌ hata mana dadiꞌ nai mamanaꞌ fo rapeuꞌ Yesus popora Na  
\p
\v 11 Inaꞌ sira bei rai enoꞌ taladaꞌ, te lahenda manea ra fali leo bendar a reu. Ara reu rafada malaka agama Yahudi malaka nara, basa hihii-nanauꞌ mana dadi sira.  
\v 12 Boe ma malaka sira ro lasiꞌ hadas ara ator raa eno na, de ena-oꞌo lahenda manea ra bafa nara reniꞌ doi dodouꞌ.  
\v 13 Malaka sira rafada rae, “Leo iaꞌ. Maneniko lahenda ratane, sona emi muste mataa mae, hatu na emi suku mamanee. Boe ma Ria ana mana tuka dea nara mai ramanaꞌo reni popora Na.  
\v 14 Ma kalu papa gubernor namanene hihii-nanauꞌ ria, sona emi bosoꞌ bii, huu fo neuꞌ ko ami ator tou lasiꞌ a.”   
\p
\v 15 Boe ma lahenda manea sira sipo ra doiꞌ ria. Ara tao tuka malaka sira hihii-nanaun. Huu ria na, de losaꞌ besaꞌ ia lahenda Yahudi ra bei ramahere tutui napuputaꞌ ria.   
\s1 Ramatua Yesus neu natudu aon neuꞌ ana mana tuka dea nara  
\r (Markus 16:14-18; Lukas 24:36-49; Yohanis 20:19-23; Lahenda Nadedenuꞌ ara Tutuin 1:6-8)  
\p
\v 16 Yesus ana mana tuka dean lahenda kasanahulu esaꞌ ara, ramanene inaꞌ sira tutui na, boe ma ara leo propinsi Galilea reu, ela raneta ro Ni nai leteꞌ esa, tuka Ria hehelu Na.\x + \xo 28:16 \xt Mateos 26:32; Markus 14:28\x*  
\v 17 Ara rita Ni nai naa, boe ma ara doꞌo-tabe neuꞌ Ana. Tehuu leo mae leoꞌ na boe oo, ruma dale nara bei kadudua.   
\p
\v 18 Boe ma Ana naneneaꞌ no si, ma dedea nae, “Manetualain fee Au kuasa, de Au pareta basa-basan fo rai lalai, ma basa-basan fo rai dae-bafoꞌ a.  
\v 19 De emi leo basa mamanaꞌ ain meu, sona emi muste tui-beka Au Tutui Malole Ka soa-neuꞌ basa lahenda nusaꞌ ara. Emi muste manori-mafada matalolole si, fo ela ara dadi reuꞌ Au ana mana tuka dea kara. Ma emi muste sarani si fo dadi tanda nae, sira rabua-raesa ro Amaꞌ a, ma Ria Ana Na, ma Ria Dula-dale Malalao-malalafu Na.\x + \xo 28:19 \xt Lahenda Nadedenuꞌ ara Tutuin 1:8\x*  
\v 20 Ma manori-mafada si, ela ara tao tuka basa pareta fo Au afadan neuꞌ emi a. Mafarereneꞌ! Au sama-sama oo emi, losaꞌ dae-bafoꞌ ia noe.”