\id HEB  
\h Ibrani 
\toc1 Susuraꞌ fee lahenda Ibrani fo besaꞌ ko ramahere Yesus Kristus ma foa ela sira bei-baꞌi nara agama na 
\toc2 Ibrani 
\toc3 Ibr 
\mt2 Susuraꞌ fee lahenda  
\mt1 Ibrani  
\mt2 fo besaꞌ ko ramahere Yesus Kristus  
\mt2 ma foa ela sira bei-baꞌi nara agama na  
\c 1  
\s1 Manetualain fee Ria Anan fo riꞌ kahereꞌ lena neme mana nesimata fai ulu nara  
\p
\v 1 Fai a ulu na, Manetualain pake Ria mana nesimata nara, fo dedea ro ita bei-baꞌin lahenda Ibrani ra.\f + \fr 1:1 \ft a: Dedea \ft \+it Ibrani\+it* ia, nana lahenda nusa Yahudi nade feken. Lahenda Yahudi fo ramahere Yesus Kristus, nana lahenda rae, “lahenda Sarani Ibrani”, nana huu sira fekeꞌ reme toranoo lahenda Yahudi fo bei homu rahere atoran agama Yahudi paraaꞌ.\f* Ana pake eno rupaꞌ ara, fo dedea lai dodouꞌ no si.\f + \fr 1:1 \ft b: Manetualain nafada Ria hehelu nara, pake eno rupaꞌ ara. Natutuduꞌ leo-leoꞌ: Ana nafada neuꞌ Abraham pake hehelu-barataaꞌ, neuꞌ Musa pake atoran agama, neuꞌ Daud pake sosoda iꞌio-oꞌoa, neuꞌ Yeremia pake nasasamaꞌ.\f*   
\p
\v 2 Tehuu besaꞌ ia, Ria fee Ana Na mai fo dedea mataꞌ no ita.  
\q1 Neme masososa na mai, Manetualain here na Anan ia,  
\q2 fo pareta sama-sama no Ni.  
\q1 Tepoꞌ fo Ana adu lalai no dae-bafoꞌ a, ro basa oe-isi nara,  
\q2 Ria Ana na boe adu sama-sama no Ni.   
\q1
\v 3 Ramatuaꞌ a Ana na, natudu Ria Papa Na kaheren,  
\q2 sama leoꞌ ledo a haa na bukaꞌ neme tiroao a mai.  
\q3 Huu fo Ria rupa-lolen sama leoꞌ Papa Na.  
\q1 Ma neme Ria Dedea-nafada kahere Na mai,  
\q2 Ana nalalaꞌo basa-basan fo rai lalai no dae-bafoꞌ a.  
\q1 Ana soi enoꞌ,  
\q2 fo sae-safe heni lahenda ra sala-sikon,  
\q3 ela ara dadi malalao-malalafuꞌ.  
\q1 Basa boe ma Ana fali leo nusatetu-ikutemaꞌ a neu,  
\q2 de natuuꞌ nai Manetualain boboa ona Na,  
\q3 nai mamanaꞌ fo riꞌ marela-masaꞌa nan seli.   
\s1 Manetualain Ana na kahereꞌ nan seli, lena neme eilaꞌo-limalope rai nusatetu-ikutemaꞌ a  
\p
\v 4 Manetualain eilaꞌo-limalopen reme nusatetu-ikutemaꞌ a, tebe kahereꞌ. Tehuu Ria Ana Na kahereꞌ nan seli, lena neme sira basa mai. Manetualain pangkat na, nai lain nan seli. Ma Ana fee pangkat na neuꞌ Ana Na so. Huu ria na, de Ana Na, lena neme Ria eilaꞌo-limalopen fo rai nusatetu-ikutemaꞌ a.   
\p
\v 5 Manetualain parnaa nafada neuꞌ Ana Na nae,  
\q1 “Faiꞌ ia, Au soꞌu O, fo homu pareta.”\x + \xo 1:5 \xt Sosoda Iꞌio-oꞌoaꞌ ara 2:7\x*  
\p Manetualain boe nafada nae,  
\q1 “Au nana, Ria Aman.  
\q2 Ma Ria nana, Au Ana Ki.”\x + \xo 1:5 \xt 2 Samuel 7:14; 1 Israel no Yahuda Tutui na 17:13\x*  
\p Manetualain dedea memaꞌ nae leoꞌ na laꞌeneuꞌ Ria Ana Na, tehuu Ana ta parnaa dedea leo naꞌ laꞌeneuꞌ Ria eilaꞌo-limalopen rai nusatetu-ikutemaꞌ a.   
\p
\v 6 Tepoꞌ fo Manetualain fee Ana kahere Na mai, Ria boe pareta eilaꞌo-limalpen rai nusatetu-ikutemaꞌ a nae,  
\q1 “Ae! Eilaꞌo-limalope emin!  
\q2 Emi muste meu fee hada-horomata,  
\q3 ma doꞌo-tabe neuꞌ Au Ana Ka dei!”\x + \xo 1:6 \xt Tui Seluꞌ Laꞌe Neuꞌ Eno Sodaꞌ a 32:43; Lukas 2:13-14\x*   
\p
\v 7 Manetualain boe dedea laꞌeneuꞌ Ria eilaꞌo-limalopen rai nusatetu-ikutemaꞌ a nae,  
\q1 “Au tao eilaꞌo-limalope Kara rai nusateu-ikutemaꞌ a,  
\q2 dadi sama leoꞌ ani a.  
\q1 Au tao ata Kara,  
\q2 dadi sama leoꞌ aipilaꞌ.”\x + \xo 1:7 \xt Sosoda Iꞌio-oꞌoaꞌ ara 104:4\x*  
\p Manetualain dedea nae leoꞌ na, huu fo sira nana adaꞌ noi Ria lahenda nadedenun.   
\p
\v 8 Tehuu Ana dedea fekeꞌ laꞌeneuꞌ Ana boki Na bali nae,  
\q1 “O nana, Manetualain.  
\q2 Neuꞌ ko O matuuꞌ nai kadera pareta a, losa doo na neu.  
\q2 Neuꞌ ko O homu kuasa fo pareta no dale roo-tetuꞌ.   
\q2
\v 9 O dale Ma namahoꞌo mita lahenda fo riꞌ nasoda roo-tetuꞌ.  
\q2 Tehuu O dale Ma susa, mita lahenda fo riꞌ nasoda napuputaꞌ.  
\q1 O dale Ma namahoꞌo,  
\q2 Huu fo Au poꞌa mina neuꞌ O laka Ma,  
\q3 fo soꞌu O dadi Maneꞌ lena neme fekeꞌ ara mai.”\x + \xo 1:9 \xt Sosoda Iꞌio-oꞌoaꞌ ara 45:7-8\x*   
\p
\v 10 Manetualain boe dedea neuꞌ Ana Na nae,  
\q1 “Ana Ki, on!  
\q2 O ia nana, Ramatuaꞌ fo riꞌ pareta memaꞌ neme uluꞌ mai so.  
\q3 O riꞌ madenu fo lalai dadi memaꞌ.  
\q3 O riꞌ pareta fo dae-bafoꞌ a dadi memaꞌ.   
\q1
\v 11-12 Neuꞌ ko lalai no dae-bafoꞌ a noe heni si.  
\q2 Neuꞌ ko lalai no dae-bafoꞌ a mopo si.  
\q3 Tehuu O riꞌ masoda maroo.  
\q1 Neuꞌ ko O tuꞌu heni lalai no dae-bafoꞌ a,  
\q2 sama leoꞌ lahenda tuꞌu heni kakao-papake saiꞌ ara.  
\q1 Neuꞌ ko O kati lalai no dae-bafoꞌ a,  
\q2 sama leoꞌ lahenda kati kakao-papake bebeuꞌ.  
\q1 Tehuu O ta leo naꞌ fa.  
\q2 Nana huu O masoda losa doo na neu.”\x + \xo 1:11-12 \xt Sosoda Iꞌio-oꞌoaꞌ ara 102:26-28\x*   
\p
\v 13 Manetualain boe dedea neuꞌ Ana Na nae,  
\q1 “Ana Ki, on!  
\q1 Mai matuuꞌ nai ia, nai mamana marela-masaꞌa nan seli,  
\q2 nai Au boboa ona Ka.  
\q1 Neuꞌ ko Au tao a O musunoo mara,  
\q2 losaꞌ ara roi raeꞌ O.”\x + \xo 1:13 \xt Sosoda Iꞌio-oꞌoaꞌ ara 110:1\x*  
\p Manetualain dedea memaꞌ leoꞌ na laꞌeneuꞌ Ana Na, tehuu Ana ta parnaa dedea leo naꞌ laꞌeneuꞌ eilaꞌo-limalopen rai nusatetu-ikutemaꞌ a.  
\v 14 Ria eilaꞌo-limalope nara nana tebe penting. Huu fo Ana nadenu si, fo reu urus basa Ria lahendan fo riꞌ Ana soi-tefa naa si reme sala-siko nara mai. Leo mae leoꞌ na, tehuu Manetualain Ana Na, bei lena neme sira basa mai.   
\c 2  
\s1 Bosoꞌ tipa heni Ramatuaꞌ a tutui soda-mole kahere na  
\p
\v 1 Huu ria na, ita muste homu tahere hata fo tamanenen laꞌeneuꞌ Manetualain Ana Na, ela ita bosoꞌ tafarene henin.  
\v 2 Fai a ulu na Ramatuaꞌ a pake Ria eilaꞌo-limalopen neme nusatetu-ikutemaꞌ a mai, fo nafada hehelu Na neuꞌ ita bei-baꞌi nara. Basa heheluꞌ sira nana tebe. Maneniko ara ralena laka hehelu Ni ria, tantu ara hapu huhukuꞌ.  
\v 3 Tebe nai fai a ulu na leo naꞌ. Tehuu besaꞌ ia Ramatuaꞌ a Ana Na soi eno bebeuꞌ ela fee sodaꞌ neuꞌ lahenda dae-bafoꞌ a. Ana nafada eno masoda kahereꞌ ia, neuꞌ lahendan fo ralalau Ni nai dae-bafoꞌ a. Basa de ara rafada ita, ela tamahere. Tehuu kalu ita ta tao daleꞌ neu fa, sona ita soe ia so!  
\v 4 Manetualain fee kuasa, de ara tao tanda heran rupaꞌ ara. Ana naonda fee si Dula-dale Na, de ara tao hata fekeꞌ dodouꞌ tuka Ria hihii-nanaun. Huu fo basa sira, de ita bubuluꞌ tae, eno masodaꞌ ria nana, memaꞌ tebe.   
\s1 Ubeaꞌ taon de Manetualain Ana Na naloe-nadae aon fo dadi lahenda dae-bafoꞌ?  
\p
\v 5 Au dedea laꞌeneuꞌ dae-bafo rupa-lole bebeuꞌ fo sakaꞌ mai. Tehuu Manetualain ta parnaa nafada eilaꞌo-limalopen rai nusatetu-ikutemaꞌ a nae, neuꞌ ko sira siꞌ urus dae-bafoꞌ a. Huu fo neuꞌ ko lahenda dae-bafoꞌ a riꞌ urus.  
\v 6 Nai Manetualain Susura Makamoi Na, baꞌi Daud parnaa natane laꞌeneuꞌ lahenda dae-bafoꞌ a beli na nae,  
\q1 “Manetualain!  
\q1 Ubeaꞌ taon de, Ramatuaꞌ a relu-matanae lahenda dae-bafoꞌ a?  
\q1 Ubeaꞌ taon de, Ramatuaꞌ a sue-lai si?  
\q2 Huu fo sira nana adaꞌ noi lahenda dae-bafoꞌ biasa!   
\q1
\v 7 Tehuu Ramatuaꞌ a fee si kuasa,  
\q2 de hisadeina sira dadi sama ro eilaꞌo-limalope rai nusatetu-ikutemaꞌ a so.  
\q1 Ramatuaꞌ a boe fee si hada-horomata,  
\q2 ma soꞌu si,   
\q3
\v 8 de ara pareta basa-basan fo Ramatuaꞌ a adu-tao a.”\x + \xo 2:8 \xt Sosoda Iꞌio-oꞌoaꞌ ara 8:5-7\x*  
\p De, tuka baꞌi Daud duduin ria, Manetualain tao na lahenda dae-bafoꞌ a dadi malaka, ela urus basa-basan fo Ana adu naa si so a. Sekona te ita bei ta parnaa bubuluꞌ lahenda dae-bafoꞌ esa, pareta basa-basan leoꞌ na boeꞌ.   
\p
\v 9 Tehuu Esa riꞌ bisa pareta basa-basan. Ria nana riꞌ, Yesus. Ana mai leo lalai nai dae-bafoꞌ a, fo dadi lahenda dae-bafoꞌ de lepa doidoso losaꞌ mate. Ana mate leoꞌ na, ela natudu Manetualain dale malole Na neuꞌ lahenda dae-bafoꞌ a. Basa ria boe ma Manetualain io Ni, ma soꞌu nadedeman, de Ana pareta basa-basan, fo Manetualain adu naa si a.  
\v 10 De, naraa Manetualain fee Yesus lepa doidoso, fo ela Yesus bisa soi eno sodaꞌ soaneuꞌ lahenda dae-bafoꞌ a. Manetualain nau basa lahenda dodouꞌ bisa rasoda sama-sama ro Ni nai nusatetu-ikutemaꞌ a. Manetualain riꞌ adu na basa-basan. Ma basa-basan fo rasoda a, nana huu Ria.   
\p
\v 11 Tantu Manetualain sipoꞌ asa no malole lahenda fo Yesus tao naa si dadi lalao-lalafuꞌ, ela ara dadi reuꞌ Ramatuaꞌ a ana nara. Manetualain boe Yesus Papa Na. No ria na, Yesus noo sira Papaꞌ esaꞌ a. Huu ria na de, Yesus ta maeꞌ hule si nae,  
\q1 “Emi ia nana, Au toranoo boki kara.”   
\p
\v 12 Huu fo Yesus nafada Papa Na so nae,  
\q1 “Au nau afada toranoo kara,  
\q2 laꞌeneuꞌ Papa Ka malole Na!  
\q1 Au nau soda nai sira basa talada,  
\q2 laꞌeneuꞌ Papa Ka kahere Na!”\x + \xo 2:12 \xt Sosoda Iꞌio-oꞌoaꞌ ara 22:23\x*   
\p
\v 13 Yesus boe dedea naroo nae,  
\q1 “Au amahere aroo Manetualain.”  
\p Boe ma Yesus dedea bali nae,  
\q1 “Mete dei! Au nai ia,  
\q2 sama-sama oo Manetualain anan,  
\q3 fo riꞌ Ana fee heni si leo Au mai, ela urus asa.”\x + \xo 2:13 \xt Yesaya 8:17, 18\x*   
\p
\v 14 Huu no Ramatuaꞌ a anan sira, nana lahenda dae-bafoꞌ, de Yesus boe muste dadi lahenda dae-bafoꞌ sama leoꞌ sira. Ana muste dadi lahenda dae-bafoꞌ dei, besaꞌ ko Ana bisa mate. Nai Ria mamate Na, besaꞌ ko Ana bisa neu nalea na kuasa neme nitu ra malaka na mai. Huu fo malaka tadaluꞌ ria, riꞌ homu kuasa fo urus basa hata fo nanahekeꞌ no mamates a.  
\v 15 Ma ana tao na lahenda debafoꞌ a biiꞌ laꞌeneuꞌ mamates, losaꞌ ara tuka ria hihii-nanaun, sama leoꞌ ata. Tehuu besaꞌ ia Yesus bisa poꞌi-tata na lahenda dae-bafoꞌ a reme sira bibii-namataꞌun mai so.  
\v 16 Huu fo tea na nana, Yesus ta mai fo tulu-fali Ramatuaꞌ a eilaꞌo-limalopen nai nusatetu-ikutemaꞌ a. Tehuu Ana mai ela tulu-fali baꞌi Abraham tititi-nonosin, fo riꞌ ita ia.  
\v 17 Huu ria na de Yesus dadi sama leoꞌ ita fo riꞌ dadi teuꞌ Ria toranoon so. No ria na, Ana bisa dadi neuꞌ ita malaka agama madema nan seli, de tulu-fali ita ela tuka Manetualain hihii-nanaun. Ria boe natudu dale kasian Na neuꞌ ita. Ma Ana dedea ubeaꞌ, sona Ana tao tukan. Fai a ulu na ita bei-baꞌi nara hule malaka agama ra malaka bau-ina na tao tutunu-hohotuꞌ, ela Ramatuaꞌ a sae-safe heni sira sala-sikon. Besaꞌ ia, Yesus riꞌ dadi neuꞌ tutunu-hohotuꞌ, de Ramatuaꞌ a sae-safe heni ita sala-sikon so.  
\v 18 Tepoꞌ fo Yesus nasoda nai dae-bafoꞌ ia, Ana hapu doidosoꞌ dodouinaꞌ. Ruma duduku-papauꞌ Ana, ela tao salaꞌ. Leo mae leoꞌ na, tehuu ta rala Ni fa. Huu ria na de, maneniko bea duduku-papauꞌ ita fo tao salaꞌ, sona Yesus bisa tulu-fali ita, ela bosoꞌ rala ita.   
\c 3  
\s1 Manetualain Ana Na kahereꞌ lena baꞌi Musa  
\p
\v 1 De, leo iaꞌ toranoo kara emin! Manetualain here na emi, ma tao emi neuꞌ lahenda lalao-lalafuꞌ, de neuꞌ ko emi masoda sama-sama mo Ni nai nusatetu-ikutemaꞌ a. Huu ria na, emi muste afi lutuꞌ-lutu laꞌeneuꞌ Yesus. Huu fo ita manaku tae, Ria nana Manetualain Lahenda Nadedenun, ma Ria boe ita Malaka Agama Madema Nan Seli.  
\v 2 Tepoꞌ fo Manetualain nadenu Yesus, Ana tao tuka Ramatuaꞌ a hihii-nanaun katemaꞌ. No ria na, Ana dadi sama leoꞌ baꞌi Musa. Huu fo baꞌi Musa boe tao tuka Manetualain hihii-nanaun, tepo fo ana nalalau ita bei-baꞌi fai ulu nara.\x + \xo 3:2 \xt Susura Dudui Nadeꞌ a 12:7\x*  
\v 3 Leo mae leoꞌ na, tehuu Yesus kahereꞌ lena baꞌi Musa. Huu fo Yesus nana, sama leoꞌ malaka uma-loo. De, tea na nana, malaka uma-loo a kahereꞌ lena neme ata nai uma ria daleꞌ.  
\v 4 Lahenda ra esa-esaꞌ ko nafoaꞌ ria uma-loon. Tehuu Manetualain nafoa basa-basan.  
\v 5 De, baꞌi Musa tao tuka Manetualain hihii-nanaun, tepoꞌ fo ana dadi ata fee Ramatuaꞌ a uma isi nara. Tepoꞌ ria Ana nafada memaꞌ hata fo neuꞌ ko Manetualain nau tao ni a.  
\v 6 Yesus boe tao tuka Manetualain hihii-nanaun, tehuu Ria nana ta ata sama leoꞌ baꞌi Musa fa. Huu fo Ria nana, Kristus, Manetualain Anan fo riꞌ Ana here memaꞌ neme fai a ulu na mai, fo nau feen leo dae-bafoꞌ ia mai. Ma Kristus tebe-tebe urus nalelaꞌ Papa Na uma isi nara. De, maneniko homu tahere ita namahere na, ma tamahena taroo Kristus, ita boe bisa dadi teuꞌ Ria uma isin.   
\s1 Bosoꞌ masadea foa ela namahere mara sama leoꞌ bei-baꞌi ra, nana huu ara ta bisa masoꞌ leo dae fo Manetualain helu ela hahae ao nara  
\p
\v 7 Huu ria na, ami muste pasaꞌ ridoo mara ela nenene matalolole hata fo Manetualain Dula-dale Malalao-malalafu Na nafada nae,  
\q1 “Faiꞌ ia, maneniko emi mamanene Manetualain haraoe Na,   
\q2
\v 8 emi bosoꞌ laka batu,  
\q3 sama leoꞌ lahenda sira,  
\q3 fo riꞌ laꞌo reu-mai losaꞌ teuꞌ haa hulu nai mamana lino-nees.  
\q1 Ara ta nau tao daleꞌ neuꞌ Musa,  
\q2 losaꞌ kurabaiꞌ Manetualain riꞌ  
\q3 ta bisa nanenete no si soꞌ.   
\q1
\v 9-10 Moi dodooꞌ ana leo!  
\q1 Teuꞌ haa hulu Au tao tanda heran rupaꞌ ara  
\q2 nai sira matan!  
\q1 Tehuu ara soba Au kose-kose.  
\q1 Huu ria na, de Au boe amanasa neuꞌ asa ae,  
\q2 ‘Emi, talalu man seli!  
\q2 Huu fo emi masadea foa ela Au eno Ka so,  
\q3 de tuka noi emi eno peko-paki mara!’   
\q2
\v 11 Au ta anenete relu laꞌe emi tadalu leoꞌ na mara soꞌ.  
\q2 Huu ria na, de Au kutuk emi ae,  
\q3 ‘Emi ta bole masoꞌ meu hahae ao mara sama-sama mo Au.’ ”\x + \xo 3:11 \xt Sosoda Iꞌio-oꞌoaꞌ ara 95:7-11\x*   
\p
\v 12 De, toranoo kara emin! Besa-besa ela bosoꞌ losa neme emi mai ruma tao salaꞌ, losaꞌ ana ta namahere soꞌ, basa de nasadea foa ela Manetualain fo riꞌ nasoda naroo.  
\v 13 Malole lenaꞌ, tuka-tuka faiꞌ emi matetea esa no esa dalen. Bosoꞌ mahani bali! Nana huu emi mudaꞌ laesaꞌ nanatipuꞌ, fo tao salaꞌ losa emi boe laka batu, ma ta tao daleꞌ neuꞌ Manetualain.  
\v 14 Ita bisa dadi tia-lai ma eiꞌ esa to Yesus Kristus so, sadi ita tamahena taroo Ni, sama leoꞌ tepoꞌ fo ita besaꞌ ko mulai tamahere Ni.   
\p
\v 15 Ramatuaꞌ a Dula-dale Malalao-malalafu Na boe dedea leo naꞌ nae,  
\q1 “Faiꞌ ia, maneniko emi mamanene Manetualain haraoe Na,  
\q2 emi bosoꞌ laka batu, sama leoꞌ lahenda sira,  
\q3 fo riꞌ laꞌo reu-mai losaꞌ teuꞌ haa hulu nai mamana lino-nees,  
\q2 nana huu ara ralena laka neuꞌ Musa.”\x + \xo 3:15 \xt Sosoda Iꞌio-oꞌoaꞌ ara 95:7-8\x*   
\p
\v 16 Besaꞌ ia au nau atane leo iaꞌ: lahenda fo ramania-ramanene neuꞌ Musa, basa de hiru rasadea ni a, nana bea? Bea bali, kalu ta ita bei-baꞌin, fo riꞌ besaꞌ ko Musa napipipi-nalalaꞌo noo si kalua reme dae Masir a mai.  
\v 17 Boe ma lahenda fo riꞌ tao ra Manetualain dale Na hanas a losaꞌ teuꞌ haa hulu a, nana bea? Bea bali, kalu ta ita bei-baꞌin fa. Ara rasoda peko-pakiꞌ nai mamana lino-nees, losaꞌ ara mate, de ratoi si reuꞌ na.  
\v 18 Ma lahenda fo riꞌ hapu kutuk neme Manetualain mai, losa ara ta bole masoꞌ leo dae ria reu, ela hahae ao nara sama-sama ro Ni, nana bea? Bea bali, kalu ta ita bei-baꞌin fa. Ara ta nau ramanene neuꞌ Manetualain fa.”\x + \xo 3:18 \xt Susura Dudui Nadeꞌ a 14:1-35\x*  
\v 19 De, teteaꞌ so, hete! Ita bei-baꞌin ta masoꞌ leo dae ria reu, fo hahae ao nara sama-sama ro Manetualain, nana huu ara ta ramahere Ni fa.   
\c 4  
\s1 Kalu tamahere Yesus Kristus, ita bisa tasoda mole-dame to Manetualain, sama leoꞌ ita hahae aoꞌ ara to Ni  
\p
\v 1 Tehuu besaꞌ ia ita muste afi naruꞌ, nana huu Ramatuaꞌ a bei helu nae, Ria lahenda nara bisa hahae ao nara sama-sama roo Ni. De, bosoꞌ losa neme emi mai ruma riꞌ tipa heni hata fo Ramatuaꞌ a helu so a.  
\v 2 Ita tamanene tutui malole ria so, sama leoꞌ ita bei-baꞌin boe. Tehuu no ara ta ramahere tutuiꞌ ria fa, de ara ta onto hata-hata esa boeꞌ.  
\v 3 Tehuu kalu ita tamahere, sona ita bisa hahae aoꞌ ara sama-sama too Manetualain. Fai a ulu na Ana helu leo naꞌ neuꞌ ita bei-baꞌi nara so, tehuu basa de namanasa ma nafada si nae,  
\q1 “Au ta anenete mete-relu emi tadalu leoꞌ na mara soꞌ.  
\q1 Huu ria na, de Au kutuk emi ae,  
\q2 ‘Emi ta bole masoꞌ leo naꞌ meu,  
\q2 fo hahae ao mara sama-sama moo Au.’ ”  
\p De ita bubuluꞌ tae, tepoꞌ fo Ramatuaꞌ a adu lalai noo dae-bafoꞌ a, Ana ator memaꞌ so, ela Ria lahenda nara bisa hahae ao nara, ma rasoda sama-sama roo Ni.\x + \xo 4:3 \xt Sosoda Iꞌio-oꞌoaꞌ ara 95:11\x*  
\v 4 Nai tutuiꞌ laꞌeneuꞌ Manetualain adu lalai noo dae-bafoꞌ a, hapu duduiꞌ laꞌeneuꞌ Manetualain hahae aon nae,  
\q1 “Ramatuaꞌ a noi-tao nabasa si,  
\q2 de balahaꞌ, naraa no fai kahitun,  
\q3 boe ma Ana hahae aon.”\x + \xo 4:4 \xt Tutui Masososaꞌ 2:2\x*   
\p
\v 5 Ma nai babati fekeꞌ bali, Manetualain dedea neuꞌ ita bei-baꞌin nae,  
\q1 “Emi ta bole masoꞌ leo naꞌ meu,  
\q2 fo hahae ao mara sama-sama moo Au soꞌ.”\x + \xo 4:5 \xt Sosoda Iꞌio-oꞌoaꞌ ara 95:11\x*   
\p
\v 6 De, Manetualain nau fo lahenda nara hahae ao nara, fo rasoda sama-sama roo Ni. Tehuu ita bei-baꞌin fo ramanene rauluꞌ tutui malole ria, ara ta bisa masoꞌ leo naꞌ reu, nana huu ara ta tao tuka Ramatuaꞌ a hihii-nanaun.  
\v 7 Tehuu Ramatuaꞌ a here na ledo-fai fekeꞌ, de Ria lahenda nara bisa masoꞌ reu hahae ao nara sama-sama ro Ni. Huu fo Ana pake baꞌi Daud de dedea nae,  
\q1 “Faiꞌ ia, kalu emi mamanene Manetualain haraoe Na,  
\q2 bosoꞌ tao ma emi dale mara mepeꞌ a sama leoꞌ batu,  
\q3 tehuu nenene matalolole leo.”\x + \xo 4:7 \xt Sosoda Iꞌio-oꞌoaꞌ ara 95:7-8\x*   
\p
\v 8 Baꞌi Daud dedea nae, “faiꞌ ia”, ana ta nafada laꞌeneuꞌ fai a riꞌ, tepoꞌ fo Yosua napipipi-nalalaꞌo noo bei-baꞌi ra upu-anan masoꞌ leo dae Kanaan reu. Baꞌi Daud dedea nae leoꞌ na, tehuu lahenda sira mate si dooꞌ a so.\x + \xo 4:8 \xt Tui Seluꞌ Laꞌe Neuꞌ Eno Sodaꞌ a 31:7; Yosua 22:4\x*  
\v 9 Huu ria na, ita bubuluꞌ tae, Ramatuaꞌ a ator na ledo-fai fekeꞌ, fo Ria lahenda nara bisa hahae ao nara, ela rasoda sama-sama roo Ni.  
\v 10 Ma lahenda fo masoꞌ leo naꞌ neu ela hahae aon sama-sama noo Manetualain, ana hahae neme nonoi-tataon mai, sama leoꞌ Ramatuaꞌ a boe hahae neme Ria nonoi-tataon mai, naraa laꞌe fai kahitu na, tepoꞌ fo Ana adu basa dae-bafoꞌ ia.\x + \xo 4:10 \xt Tutui Masososaꞌ 2:2\x*  
\v 11 De, mahehere ao mara ela emi bisa masoꞌ meu hahae ao mara, fo masoda sama-sama moo Manetualain. Bosoꞌ losa ta hapu esa masoꞌ leo naꞌ neu boeꞌ, nana huu ana ta nau namenene Ramatuaꞌ a Dedea-nafadan, sama leoꞌ ita bei-baꞌi nara.   
\p
\v 12 Manetualain Dedea-nafada nara ratudu eno masoda matetuꞌ. Sira ranuu kuasa fo masoꞌ leo ita dale nara reu, ela teteni ita duduꞌa-aafin, ma ita hihii-nanaun katemaꞌ. Dedea-nafadaꞌ sira tebe tande na lena heni felas esa, hina aopaaꞌ a losa dui-aalun, de fee basan pelaꞌ-pela.  
\v 13 Nai lalai no dae-bafoꞌ a katemaꞌ, ta hapu esa nananafuniꞌ neme Manetualain mai, huu fo Ana bisa nita matetuꞌ basa-basan. Ma neuꞌ ko ita muste teu tasare Ni, ela tui basa-basan fo ita tao so a.   
\s1 Yesus dadi Malaka Agama Madema kahereꞌ nan seli lena neme malaka agama rupa-lole paraaꞌ ara  
\p
\v 14 Ita muste homu tahere ita namahere na, nana huu Manetualain Anan, Yesus, dadi neuꞌ ita malaka agama madema nan seli so. Huu fo Ana nai Manetualain matan nai nusatetu-ikutemaꞌ a, fo nasalaꞌe neuꞌ ita.  
\v 15 Ana bisa nasalaꞌe natalolole ita, huu fo Ana bubuluꞌ nae, ita nana lahenda dae-bafoꞌ. Maneniko lahenda duduku-papauꞌ ita ela tao salaꞌ, sona mudaꞌ laesaꞌ rala ita. Yesus boe nanaduduku-papauꞌ sama no ita, tehuu ta parnaa rala Ni fa.  
\v 16 Huu ria na, mai fo ita tapararani oaꞌ ara taneneaꞌ too Manetualain nai kadera pareta Na. Huu fo Ria riꞌ dale malole. De, maneniko ita hule-haradoi neuꞌ Ana, sona tantu Ana nau natudu dale kasian Na, fo tulu-fali ita naraa laꞌe ledo-fain.   
\c 5  
\p
\v 1 Lahenda fo ara soꞌu ni, ela dadi malaka agama madema nan seli, ria nonoi laka na riꞌ muste tulu-fali lahenda, ela urus sira tututi-nanaton ro Manetualain. Ana muste sipo na sira neneni-fefeen ma banda tutunu-hohotun, fo fee heni si reuꞌ Ramatuaꞌ a. Ria boe muste fee tutunu-hohotu banda, ela Ramatuaꞌ a sae-safe heni lehenda sala-sikon.  
\v 2 Maneniko lahenda ta nalelaꞌ eno masoda matetuꞌ a, do lahenda heo neme eno masodaꞌ ria mai, sona malaka agama a ta tao rasususaꞌ asa fa. Ria dale Na malole a neuꞌ asa, nana huu ria boe lahenda, fo mudaꞌ laesaꞌ ralan sama leoꞌ sira.  
\v 3 Huu no ria lahenda fo rala ni sama leoꞌ sira, de malaka agama ria boe muste fee tutunu-hohotu banda, ela Ramatuaꞌ a sae-safe heni ria sala-sikon.\x + \xo 5:3 \xt Malaka Agama ra Atoran 9:7\x*  
\v 4 Lahenda ta bisa soꞌu aon fo dadi malaka agama madema nan seli. Adaꞌ noi Manetualain riꞌ nanuu hak fo here lahenda leoꞌ na, sama leoꞌ fai a ulu na Ana soꞌu na Musa aꞌan Harun.\x + \xo 5:4 \xt Kalua reme Masir 28:1\x*   
\p
\v 5 Leoꞌ na boe neuꞌ Kristus. Ana ta soꞌu ao Na fo dadi malaka agama madema nan seli. Huu fo fai a ulu na Manetualain riꞌ soꞌu Ni nae,  
\q1 “O ia nana, Au Ana ki,  
\q2 Faiꞌ ia, Au soꞌu O, fo homu pareta.”\x + \xo 5:5 \xt Sosoda Iꞌio-oꞌoaꞌ ara 2:7\x*   
\p
\v 6 Babati fekeꞌ nai Ramatuaꞌ a Susura Makamoi Na, Ana nafada boe nae,  
\q1 “O dadi malaka agama, fo rupa-loleꞌ esa mo Melkisedek fai uluꞌ ria,  
\q2 tehuu O dadi malaka agama losa doo na neu.”\x + \xo 5:6 \xt Sosoda Iꞌio-oꞌoaꞌ ara 110:4\x*   
\p
\v 7 Tepoꞌ fo Yesus soda na nai dae-bafoꞌ ia sakaꞌ basan, boe ma Ana hule-haradoi ta pake hahaeꞌ fa ma dola, hule tutulu-fafaliꞌ neuꞌ Manetualain ela natetea Ni. Huu fo Ana bubuluꞌ nae, Ramatuaꞌ a kuasa Na, bisa fee Ni sodaꞌ. Boe ma Manetualain namanene neuꞌ Yesus, nana huu Ana tuka matetuꞌ Ramatuaꞌ a hihii-nanaun.\x + \xo 5:7 \xt Mateos 26:36-46; Markus 14:32-42; Lukas 22:39-46\x*  
\v 8 Yesus nana, Manetualain Anan. Leo mae leoꞌ na, tehuu Ana muste hapu doidoso, fo Ana nanori tuka Ramatuaꞌ a hihii-nanaun.  
\v 9 Tebe-tebe Ana tao tuka matetuꞌ Ramatuaꞌ a hihii-nanaun katemaꞌ. Huu ria na, de besaꞌ ia Ana dadi Ai-huu Masodaꞌ soaneuꞌ basa lahenda fo ramahere Ni, ela ara bisa rasoda raroo ro Manetualain.  
\v 10 Ramatuaꞌ a soꞌu na Yesus dadi malaka agama, fo rupa-loleꞌ esa no Melekisedek malaka agama fai uluꞌ ria so.   
\s1 Emi namahere ma neuꞌ Kristus bosoꞌ tuꞌu henin  
\p
\v 11 Bei hapu hata dodouꞌ fo au nau dedean laꞌeneuꞌ Kristus no Melkisedek, tehuu susa laesaꞌ au afada hata sira neuꞌ makaledo na, nana huu emi bei sama leoꞌ ana aana pakanaaꞌ, de bei ta bisa bubuluꞌ matetuꞌ fa.  
\v 12 Sekona te, emi mamahere dooꞌ a so. Tuka matetu na, emi muste dadi mesen so, de bisa manori-mafada lahenda fekeꞌ. Tehuu tuka matetu na, emi bei sama leoꞌ ana boki beuꞌ a bei ta bisa naa, huu fo besaꞌ ko bisa ninu noi sosoeꞌ. Emi bei parlu lahenda fo nanori-nafada emi basa hata huu-peda neme Ramatuaꞌ a Susura Makamoi Na mai.  
\v 13 Au bisa araraaꞌ emi mo ana boki beuꞌ a leo naꞌ, nana huu emi bei ta bubuluꞌ matetuꞌ nanori huu-pedaꞌ laꞌeneuꞌ Kristus, ela emi bisa masoda roo-tetuꞌ.\x + \xo 5:13 \xt 1 Korintus 3:2\x*  
\v 14 Tehuu maneniko ana boki beuꞌ nambau-ina, sona ana ta ninuu sosoeꞌ soꞌ, tehuu ana naa nanaa mepeꞌ. Ria sama leoꞌ lehenda fo nanori, losaꞌ ana bubuluꞌ matetuꞌ Ramatuaꞌ a nanori-nafadan, fo ela ana nalelaꞌ nae bea riꞌ malole, ma bea riꞌ tadaluꞌ.   
\c 6  
\p
\v 1 De, emi muste manori nanoriꞌ fo lena ria bali, nana huu emi manori nanori huu-pedaꞌ dooꞌ a laꞌeneuꞌ Kristus so. Huu ria na de, besaꞌ ia ta parlu manori masarerei nanoriꞌ huu-pedaꞌ, fo laꞌeneuꞌ lahenda foa ela sala-siko nara; nanoriꞌ laꞌeneuꞌ lahenda fo ramahere Manetualain;  
\v 2 nanoriꞌ laꞌeneuꞌ sarani; nanoriꞌ laꞌeneuꞌ lalaa limaꞌ fo sipoꞌ Ramatuaꞌ a Dula-dale Malalao-malalafu Na; nonoriꞌ laꞌeneuꞌ neuꞌ ko Manetualain fee mana mateꞌ ara rasoda seluꞌ; ma nanoriꞌ laꞌeneuꞌ neuꞌ ko lahenda rasare Ramatuaꞌ a, ela sipo Ria naetu na nae, bea riꞌ bole nasoda naroo no Ni, ma bea riꞌ taꞌa.  
\v 3 Tehuu maneniko Ramatuaꞌ a fee lelaꞌ, sona mai ita lali kalas. Nana huu au nau anori hata fo lena bali.   
\p
\v 4-6 Sekona te, hapu lahenda bubuluꞌ Kristus nanori-nafadan, ma rameda ra Manetualain dale malole Na so, losaꞌ Ana fee si Ria Dula-dale Malalao-malalafu Na. Ara bubuluꞌ Ramatuaꞌ a Dedea-nafadan, ma rameda ra kuasan, fo riꞌ neuꞌ ko Ana paken kalu dae-bafoꞌ a noe. Leo mae leoꞌ na, tehuu ara tuꞌu-tapa heni namahere nara, boe ma rasadea foa ela Kristus so. Huu ria na, de ta bisa hapu enoꞌ ela ara ratafali hule ampon, fo rasoda malole ro Manetualain soꞌ. Maneniko lahenda ta nau saledale-tuꞌeteiꞌ leo naꞌ, ria sama leoꞌ sira siꞌ paku ramate Ramatuaꞌ a Ana Na nai ai kake a, boe ma ara ramumulu-ramamaeꞌ Ana nai lahenda dodouꞌ matan.   
\p
\v 7 Lahenda rupa leo naꞌ a, sama leoꞌ dae fo ta neni buna-boa malole fa. Sekona te, kalu uda a mai, sona dae mandadiꞌ a, bisa neni buna-boaꞌ fo nanuu sosoa-raraaꞌ neuꞌ maue-maosa. Boe ma Manetualain naonda ua-naleꞌ, fo tao na dae ria, buna-boan tamba dodouꞌ.  
\v 8 Tehuu, lahenda fo hiru nasadea Kristus, sama leoꞌ dae fo mori ko-kauꞌ. Ma ko-kauꞌ sira ta ranuu sosoa-raraaꞌ hata-hata esa boeꞌ. Ta doo bea boeꞌ te, Manetualain mai fo natuda huhukuꞌ neuꞌ dae ria. Basa de Ana hotu heni buna-boaꞌ fo ta ranuu sosoa-raraaꞌ hata-hata esa boeꞌ.\x + \xo 6:8 \xt Tutui Masososaꞌ 3:17-18\x*   
\p
\v 9 Toranoo susue kara emin! Leo mae au dedea no hara beraꞌ baiꞌ leoꞌ na, tehuu au boe bubuluꞌ ae, emi ta hiru masadea Kristus fa. Huu fo emi mamahere Ni, ma masoda mara nanuu buna-boa malole boe.  
\v 10 De, mafarereneꞌ te, Manetualain dale Na roo-tetuꞌ, ma Ana ta nafarene heni emi sosota mara. Emi moi-tao sota man seli, fo tulu-fali Ria lahenda nara, ma sue-lai si. Tebe emi malalaꞌo Ria nonoi-tataon name uluꞌ mai. Ma emi bei tao leo naꞌ maroo.  
\v 11 Tehuu besaꞌ ia, au nau fo emi basa moi-tao sota lena bali, ela tao tuka leo naꞌ maroo losaꞌ babasa na. No ria na, neuꞌ ko emi sipo basa hata malole, fo emi mamahehenaꞌ neme Manetualain mai.  
\v 12 Sadi emi bosoꞌ aomataꞌ! Emi muste tuka natutuduꞌ neme lahenda fo ramahere Manetualain dooꞌ a so. Huu fo sira ramahena-rabani raroo Ni, losaꞌ ara sipo hata fo Ana helu so a.   
\p
\v 13-16 Natutuduꞌ leo-leoꞌ ita baꞌin Abraham. Fai a ulu na Manetualain heke hehelu no ni pake sosoo-susupaꞌ. Maneniko lahenda dae-bafoꞌ a soo-supa, ana biasa pake Manetualain nade Na, ela Ramatuaꞌ a dadi neuꞌ ria sakasii na, nana huu Ramatuaꞌ a lena neme ria mai. Ma kalu hapu dedeaꞌ, basa lahenda bubuluꞌ rae, lahenda ria dedea na laꞌe, nana huu ana soo-supa pake Manetualain nade Na. Ria nana memaꞌ lahenda dae-bafoꞌ a enon. Tehuu tepoꞌ fo Manetualain tao sosoo-susupaꞌ no baꞌi Abraham, Ana pake Ria nade Na, nana huu ta hapu esa lena neme Ria mai boeꞌ. Ana helu nae,  
\q1 “Neuꞌ ko Au fee o ua-naleꞌ dodouinaꞌ,  
\q2 neuꞌ o mo tititi-nonosi mara.  
\q1 Neuꞌ ko ara tamba dodouꞌ,  
\q2 losaꞌ ta hapu lahenda bisa reke rala si.”\x + \xo 6:13-16 \xt Tutui Masososaꞌ 22:16-17\x*  
\p Manetualain helu basa nae leoꞌ na, boe ma baꞌi Abraham namahere, ma namahena-nabani naroo neuꞌ Ramatuaꞌ a, leo mae dooꞌ a besaꞌ ko ana sipo hata fo Ramatuaꞌ a helu a.  
\v 17 No ria na, ita bubuluꞌ maneniko Ramatuaꞌ a tao hehelu-barataaꞌ no Ria lahendan, sona Ana heke hehelu-barataaꞌ ria pake sosoo-susupaꞌ, ela dadi tanda namahereꞌ nae, hata fo Ana helu a tebe, ma ta naralin fa.  
\v 18 Hata dua nana ta bisa rarali fa. Masososaꞌ a, riꞌ Ramatuaꞌ a hehelu Na. Ma kaduan, riꞌ Ria sosoo-susupan fo riꞌ Ana pake ni dadi tanda namahereꞌ neuꞌ hehelu Na. De, maneniko Ramatuaꞌ a helu hata esa, tantu Ana tao tukan, nana huu Ana ta bisa dedea fufudiꞌ fa. Huu ria na, de bosoꞌ ita dale na dodaꞌ neuꞌ Ria hehelu-barataan. Ita talai teu saka sodaꞌ a nai Ria a, de besaꞌ ia ita tahani ma tamahena taroo Ni.  
\v 19 No ria na, ita dale na tama, sama leoꞌ ofaꞌ esa hana seli nafa a, de nafu nai namo seseeꞌ a so. Ita tamahena-tabani neuꞌ Yesus Kristus fo riꞌ dadi neuꞌ ita malaka agama madema nan seli so. Fai a ulu na, naraa laꞌe lahenda Yahudi ra fai malolen, malaka agama madema masoꞌ nesiꞌ tema manapepeleꞌ fo babaa Kama Malalao-malalafuꞌ nan seli, ela nasare Manetualain nai naa.\x + \xo 6:19 \xt Malaka Agama ra Atoran 16:2\x*  
\v 20 Tehuu besaꞌ ia Yesus masoꞌ nauluꞌ neu so, fo soi enoꞌ fee ita. Ria boe malaka agama madema nan seli, fo rupa-loleꞌ esa no Melkisedek fai uluꞌ ria. Tehuu Yesus kahereꞌ lena neme malaka agama rupa-lole paraaꞌ, nana huu Ana ta parnaa hahae nalalaꞌo Ria nonoi-tataon.\x + \xo 6:20 \xt Sosoda Iꞌio-oꞌoaꞌ ara 110:4\x*   
\c 7  
\s1 Melkisedek nana, malaka agama fo dema lena malaka agama Lewi no tititi-nonosi nara  
\p
\v 1-3 Fai a ulu na, Melkisedek dadi maneꞌ kota Salem. Ria boe malaka agama fee lahenda fo doꞌo-tabe neuꞌ Manetualain Madema Nan Seli. Ria nade na sosoa-raraan nae, “Mane Dale Roos”. Ma mane Salem sosoa na nae, “Mane Mole-dame”. Ta hapu esa bubuluꞌ Melkisedek momori-dadadin boeꞌ. Ta hapu esa bubuluꞌ ria ina-aman, ma bei-baꞌi nara. Ta hapu esa bubuluꞌ ria boboki na, ma mamate na. Lahenda bubuluꞌ adaꞌ noi ria riꞌ mane kota Salem, ma malaka agama fee Manetualain. Tehuu ria sama leoꞌ Manetualain Ana Na, nana huu ria boe malaka agama fo riꞌ nalalaꞌo naroo ria nonoi-tataon.  
\p Laiꞌ esa de, maneꞌ hida roo soldadu nara mai, fo ralea ra hata-heto nemeꞌ baꞌi Abraham tia-lai nara. Basa de, baꞌi Abraham sama-sama noo tia-lai nara reu ratati, losaꞌ ara raseki maneꞌ sira. Boe ma baꞌi Abraham asa hai faliꞌ hata-heto sira katemaꞌ. Baꞌi Abraham fali neun, boe ma Melkisedek kalua neme kota Salem mai, de neu sipoꞌ ana. Boe ma ana dedea fee baꞌi Abraham ua-naleꞌ nae, “Ela leoꞌ bea na Manetualain Madema Nan Seli, fee o ua-naleꞌ.” Basa ria, boe ma baꞌi Abraham bati fee Melkisedek babatiꞌ esa neme babatiꞌ sanahulu, neme basa hata-heto fo riꞌ ana sapu naa si a. Ana fee leoꞌ na, huu fo Melkisedek nana, malaka agama neme Manetualain Madema Nan Seli.\x + \xo 7:1-3 \xt Tutui Masososaꞌ 14:17-20\x*   
\p
\v 4 Afi matalolole laꞌeneuꞌ Melkisedek ia! Baꞌi Abraham bati feen babatiꞌ esa neme babatiꞌ sanahulu, neme basa hata-heto malole nan seli, fo riꞌ ana hai faliꞌ so a. De tea na, Melkisedek nana, lahenda bauinaꞌ.  
\v 5 Sekona te tepoꞌ ria, Manetualain bei ta soꞌu lehenda fo dadi malaka agama fa. Losa baꞌi Abraham soro ni Lewi, besaꞌ ko Manetualain soꞌun no ria tititi-nonosi nara, fo dadi malaka agama fee baꞌi Abraham tititi-nonosin katemaꞌ. Boe ma Manetualain naonda fee atoran nae, lahenda neme leo Lewi mai ranuu hak sipo buna-boaꞌ babatiꞌ esa neme babatiꞌ sanahulu, neme sira toranoo leo feken fo rai Israel.\x + \xo 7:5 \xt Susura Dudui Nadeꞌ a 18:21\x*  
\v 6 Tehuu Melkisedek nana, ta Lewi tititi-nonosin fa. Leo mae leoꞌ na, tehuu baꞌi Abraham bati fee ni babatiꞌ esa neme babatiꞌ sanahulu, nana huu ana tao Melkisedek neuꞌ lahenda kahereꞌ. Tepoꞌ ria, baꞌi Abraham sipo hehelu-barataaꞌ neme Manetualain mai, ela fee ni ua-naleꞌ. Leo mae leoꞌ na, tehuu Melkisedek boe dedea nae, “Ela leoꞌ bea na Manetualain Madema Nan Seli, fee o ua-naleꞌ.”  
\v 7 Ia boe dadi buti nae, Melkisedek nana, lahenda bauinaꞌ. Nana huu lahenda fo dedea fee ua-naleꞌ, tantu ana bau lena neme lahenda fo sipo ua-naleꞌ.   
\p
\v 8 Basa malaka agama ra ranuu hak fo sipo babatiꞌ esa neme babatiꞌ sanahulu mai. Tehuu no sira adaꞌ noi lahenda dae-bafoꞌ, de mateꞌe na sira boe mate. Malaka agama Melkisedek boe sipo babatiꞌ esa neme babatiꞌ sanahulu mai. Tehuu ana nasoda naroo, nana huu Ramatuaꞌ a Susura Makamoi Na ta nafada nae mate ni.  
\v 9-10 Huu no baꞌi Abraham bati fee Melkisedek babatiꞌ esa, neme babatiꞌ sanahulu, neme hata-heto sira mai, sona lahenda bisa afi rae, ria boe lepa-nasaa na tititi-nonosin fo bei ta boki si fa. No ria na, ita bisa tae ana bae memaꞌ soron Lewi nuu babatin esa neme babatiꞌ sanahulu mai.\f + \fr 7:9-10 \ft Lahenda Yahudi ra tao lahenda tititi-nonosin neuꞌ bini-kee nai bei-baꞌi a ao-ina na so.\f*   
\s1 Ita parlu malaka agama rupa-lole bebeuꞌ, nana huu malaka agama rupa-lole paraaꞌ ara ta rabeꞌi sae-safe matetuꞌ lahenda sala-sikon  
\p
\v 11 Tepoꞌ fo Lewi tititi-nonosi nara dadi malaka agama, Ramatuaꞌ a here na baꞌi Musa aꞌan Harun, fo dadi malaka agama madema masososaꞌ. Malaka agama ra nonoi laka nara, siꞌ ratudu enoꞌ ela lahenda bisa nasoda lalao-lalafuꞌ, ma malole ro Ramatuaꞌ a. Leo mae sira tao tuka atoran ara katemaꞌ, tehuu malaka agama rupa-loleꞌ leoꞌ Harun, sona ana ta nabeꞌi tao naa si lalao-lalafuꞌ matetuꞌ. Huu ria na, de ara parlu malaka agama fekeꞌ, fo rupa-lolen sama leoꞌ Melkisedek.  
\v 12 Tehuu maneniko malaka agama rupa-lole bebeuꞌ kati malaka agama rupa-lole paraaꞌ, sona atoran paraaꞌ a boe muste kati heni si.   
\p
\v 13 De, tea na nana malaka agama rupa-lole bebeuꞌ a, riꞌ Yesus. Huu fo boki Ni neme leo fekeꞌ mai ta neme Lewi leo na mai fa. Tuka baꞌi Musa atoran na, malaka agama rupa-loleꞌ leoꞌ Harun, neme adaꞌ noi Lewi leo na mai, ta bole neme leo fekeꞌ mai fa.  
\v 14 Tehuu basa lahenda ra bubuluꞌ rae, ita Ramatuan Yesus Kristus bokin neme Yahuda leo na mai. Tuka baꞌi Musa atoran na, ta hapu malaka agama neme leo ria mai fa.   
\p
\v 15 Tehuu Manetualain ta pake atoran paraaꞌ ria soꞌ, nana huu besaꞌ ia Yesus, dadi malaka agama rupa-lole bebeuꞌ, leoꞌ Melkisedek.  
\v 16 Tuka baꞌi Musa atoran na, malaka agama rupa-lole paraaꞌ ara muste reme Lewi leo na mai. Tehuu Yesus ta neme leo ria mai fa. Leo mae leoꞌ na boe, tehuu Manetualain soꞌu naan, fo dadi malaka agama rupa-lole bebeuꞌ, nana huu Ana nanuu kuasa de nasoda naroo, ma ta hapu esa tao nalulutuꞌ Ana boeꞌ.  
\v 17 Huu fo manaduiꞌ nai Ramatuaꞌ a Susura Makamoi Na nae,  
\q1 “O dadi malaka agama rupa-loleꞌ esa mo Melkisedek fai uluꞌ ria,  
\q2 tehuu O dadi malaka agama losaꞌ doo na neu.”\x + \xo 7:17 \xt Sosoda Iꞌio-oꞌoaꞌ ara 110:4\x*   
\p
\v 18 Ria sosoa na nae, atoran paraaꞌ a ta nanuu kuasa fo tulu-fali lahenda ra. Huu ria na, de Manetualain natika atoran paraaꞌ, fo riꞌ fai a fulu na Ana feen neuꞌ baꞌi Musa a.  
\v 19 Leo mae lahenda nasoda, ma tao tuka atoran paraaꞌ sira, tehuu sira bei ranuu sala-sikoꞌ. Huu ria na, de besaꞌ ia Ramatuaꞌ a soi enoꞌ malole so, fo ela ita bisa tasoda mole-dame to Ni.   
\s1 Yesus nana, Malaka Agama kahereꞌ lena neme malaka agama rupa-lole paraaꞌ ara  
\p
\v 20-21 Fai a ulu na, tepoꞌ fo Manetualain soꞌu Lewi tititi-nonosin dadi malaka agama, Ana ta helu fa, ma ta soo-supa hata-hata esa noo si boeꞌ. Tehuu tepoꞌ fo Manetualain soꞌu Yesus dadi malaka agama, Ana helu nae,  
\q1 “Au ia, Ramatuaꞌ!  
\q1 Au soo-supa, neuꞌ ko Au ta arali hata fo Au helu so a.  
\q1 Au soꞌu O dadi malaka agama,  
\q2 ela O malalaꞌo maroo nonoi-laka Ma.”\x + \xo 7:20-21 \xt Sosoda Iꞌio-oꞌoaꞌ ara 110:4\x*   
\p
\v 22 Ma Manetualain helu leoꞌ na, Ana pake Yesus fo dadi tanda namahehereꞌ fee ita nae, Ana nau tao hehelu-barataaꞌ malole noo ita.   
\p
\v 23 Fai a ulu na, malaka agama rupa-lole paraaꞌ a muste hapu kakatiꞌ laꞌo naroo, nana huu mate si. Huu ria na, de malaka agama ra muste dodouꞌ asa.  
\v 24 Tehuu Yesus nana, malaka agama rupa-lole bebeuꞌ fo riꞌ nasoda naroo, ma nalalaꞌo naroo Ria nonoi-laka Na. De ta parluu hapu lahenda kati Ni fa.  
\v 25 Huu ria na, Yesus bisa fee sodaꞌ neuꞌ basa lahenda fo nau resiꞌ Ana, leo Manetualain reu. Ana bisa tao leo naꞌ losa doo na neu. Ma Ana dadi neuꞌ sira lahenda kamaheren, de nasare Manetualain kose-kose, ela tulu-fali si.   
\p
\v 26 Yesus nana, malaka agama madema nan seli, fo naraa noo ita. Huu no Ria nana, Lahenda Malalao-malalafuꞌ, fo ta nanuu salaꞌ hata-hata esa boeꞌ. Ria ta sama noo lahenda dae-bafoꞌ, fo tao adaꞌ noi sala-sikoꞌ. Manetualain soꞌu nadedema Ni, lena neme basa-basan fo rai dae-bafoꞌ, ma rai nusatetu-ikutemaꞌ a.  
\v 27 Huu ria na, de Yesus malole lena neme basa malaka agama rupa-lole paraaꞌ ara. Fai a ulu na, ara muste tunu-hotu banda tuka-tuka faiꞌ, ela Manetualain sae-safe heni sala-siko nara. Basa ria, besaꞌ ko ara tao tutunu-hohotuꞌ fee lahenda ra. Tehuu Yesus ta parlu tao nasarerei leo naꞌ fa, nana huu Ana fee heni ao-ina Na noi laiꞌ esaꞌ a, fo dadi tutunu-hohotuꞌ. Ria dai so, de Ramatuaꞌ a sae-safe heni lahenda ra sala-sikon.\x + \xo 7:27 \xt Malaka Agama ra Atoran 9:7\x*   
\p
\v 28 Tuka baꞌi Musa atoran na, ara soꞌu lahenda dae-bafoꞌ a fo dadi malaka agama. Tehuu sira bei ranuu sala-sikoꞌ. Huu ria na, de Manetualain tao hehelu bebeuꞌ nae, Ana nau soꞌu Ana Na, fo dadi malaka agama madema nan seli. Huu fo Ana Na, tuka naroo Ria hihii-nanaun.   
\c 8  
\s1 Manetualain pake Kristus ela tao hehelu-barataa bebeuꞌ fo malole lena hehelu-barataa paraaꞌ  
\p
\v 1 Penting au afada emi leo iaꞌ: besaꞌ ia ita tanuu malaka agama madema nan seli, kahereꞌ lena neme fai uluꞌ ara mai. Ria nana riꞌ Yesus. Fai a lu na, Ana natuuꞌ homu pareta nai nusatetu-ikutemaꞌ a, nai Manetualain Madema Nan Seli boboa ona Na.\x + \xo 8:1 \xt Sosoda Iꞌio-oꞌoaꞌ ara 110:1\x*  
\v 2 Ma Ana nalalaꞌo nonoi laka Na nai uma mamaso teaꞌ a. Manetualain riꞌ tao uma mamasoꞌ ria, ta lahenda dae-bafoꞌ a riꞌ tao fa.   
\p
\v 3 Malaka agama madema nan seli biasa neni neneni-fefeeꞌ, ma tutunu-hohotuꞌ soaneuꞌ Manetualain. Huu ria na, de Yesus boe muste neni tutunu-hohotuꞌ.  
\v 4 Tehuu Yesus ta nalalaꞌo nonoi laka Na, nai dae-bafoꞌ a fa. Nana huu nai dae-bafoꞌ a hapu malaka agama, fo riꞌ fee neneni-fefeeꞌ ma tutunu-hohotuꞌ neuꞌ Manetualain, tuka baꞌi Musa atoran na.  
\v 5 Ara ralalaꞌo sira nonoi laka nara nai Laaꞌ Huhule-haradoiꞌ, fo rupa-lolen tuka uma mamaso teaꞌ a nai nusatetu-ikutemaꞌ a. Tepoꞌ fo baꞌi Musa nau tao Laaꞌ ria, Manetualain feen nafarereneꞌ nae, “Mafarereneꞌ matalolole! O muste tao tuka matetuꞌ rupa-loleꞌ, fo Au atudu neuꞌ o nai leteꞌ ria lain so a!”\x + \xo 8:5 \xt Kalua reme Masir 25:40\x*  
\v 6 Tehuu Yesus nonoi laka Na kahereꞌ nan seli lena neme malaka agama rupa-lole paraaꞌ ara. Huu fo besaꞌ ia, Manetualain heke hehelu-barataa malole lena bali. Ana pake Yesus dadi neuꞌ lelete, ela lahenda dae-bafoꞌ a bisa mole-dame roo Manetualain.   
\p
\v 7 Fai a ulu na, Ana heke hehelu-barataaꞌ noo baꞌi Musa, tepoꞌ fo Ana naonda atoran sira. Leo mae leoꞌ na, tehuu lahenda dae-bafoꞌ a ta bisa rasoda lalao-lalafuꞌ matetuꞌ tuka atoran sira. De, ara ta bisa malole roo Manetualain fa. Huu ria na, besaꞌ ia parluu hehelu-barataaꞌ fo malole lena bali.  
\v 8 Fai a ulu na, Manetualain nasaꞌai lahenda nara, nana huu ara ralena laka rasarerei Ria atoran paraa na. Tepoꞌ fo Ana ta nanenete soꞌ, boe ma namanasa, de Ana nafada nae,  
\q1 “Nenene matalolole, huu fo Au ia, Ramatuaꞌ!  
\q1 Tantu Au tao hehelu-barataa bebeuꞌ  
\q2 o lahenda nusa Israel,  
\q2 ma leo Yahuda.   
\q1
\v 9 Heheluꞌ fo riꞌ neuꞌ ko Au hekenee-barataa o si a,  
\q2 ta sama noo hehelu fo fai a ulu na Au hekenee-barataan  
\q3 o sira bei-baꞌi nara.  
\q1 Fai a ulu na Au tai a lima nara,  
\q2 de apipipi-alalaꞌo o si kalua reme dae Masir a mai.  
\q1 Tehuu ara ta tao tuka  
\q2 hata fo ara helu-barataa roo Au a.  
\q3 Huu ria na, de Au ta nau tao daleꞌ neuꞌ asa soꞌ.   
\q1
\v 10 Heheluꞌ fo riꞌ Au hekenee-baratan o lahenda nusa Israel,  
\q2 isi na leo iaꞌ:  
\q1 “Neuꞌ ko Au peda atoran Ka neuꞌ sira duduꞌa-aafin daleꞌ.  
\q2 Neuꞌ ko Au duiꞌ pareta Ka nai sira dale nara.  
\q1 Boe ma, Au dadi uꞌ sira Ramatua na,  
\q2 ma sira dadi reuꞌ Au lahenda kara.   
\q1
\v 11 Neuꞌ ko ta parlu ara ranori-rafada sira tia-lain,  
\q2 ma sira toranoo nara rae,  
\q3 ‘Emi muste malelaꞌ Ramatuaꞌ a!’  
\q2 fo ela sira basa ralelaꞌ Au,  
\q3 mulai neme aanaꞌ a mai losa bauinaꞌ a.   
\q1
\v 12 Huu no Au nau atudu dale kasian Ka neuꞌ asa,  
\q2 de Au afarene heni sira sala-sikon katemaꞌ.”\x + \xo 8:12 \xt Yeremia 31:31-34\x*   
\p
\v 13 Tepoꞌ fo Ramatuaꞌ a dedea nae, Ana nau heke hehelu-barataa bebeuꞌ noo si, ria sosoa na nae, hehelu-barataa paraaꞌ a mana dadi taaꞌ so. Ta dooꞌ a soꞌ te, mopo ni.   
\c 9  
\s1 Ramatua Yesus dadi tutunu-hohotuꞌ malole lena tutunu-hohotu paraaꞌ ara  
\p
\v 1 Besaꞌ ia au nau fee nafarereneꞌ leo iaꞌ: tepoꞌ fo Manetualain heke hehelu-barataa masososaꞌ a noo ita bei-baꞌi nara, Ana naonda atoran fo ara tao uma mamasoꞌ, ela ara bisa doꞌo-tabe Ni tuka atotan ria hihii-nanaun.  
\v 2 Nai uma mamasoꞌ ria, nanuu kintal ma laaꞌ bauinaꞌ esa. Nai laaꞌ ria kama mata na, hapu mamana pepeda dededeꞌ, ma mei fo riꞌ malaka agama ra pake ni ela peda roti, fo ara fee neuꞌ Manetualain. Kama nai mata ria, ara hule ni sona rae, \it Manetuelain Kama Malalao-malalafu Na\it*.\x + \xo 9:2 \xt Kalua reme Masir 26:1-30; 25:23-40\x*   
\p
\v 3 Hapu tema maloaina esa mana pepeleꞌ, ela babaa kama fekeꞌ esa fo riꞌ ara hule rae, \it Manetualain Kaman Malalao-malalafuꞌ Nan Seli\it*.\x + \xo 9:3 \xt Kalua reme Masir 26:31-33\x*  
\v 4 Nai tema mana pepeleꞌ ria mata na, hapu mei lilopilas esa, ela hotu reniꞌ ai maboomeniꞌ soaneuꞌ Manetualain. Ma nai Kama Malalao-malalafuꞌ Nan Seli daleꞌ, hapu peti lilopilas esa, fo riꞌ ara hule rae, \it Peti Hehelu-barataaꞌ\it*. Nai peti ria daleꞌ ara peda hata fai uluꞌ, ela nafarereneꞌ fee lahenda laꞌeneuꞌ Manetualain hehelun, fo Ana hekenee-barataa noo si a. Hapu tofles lilopilas esa nai naa, fo peda roti \it manna\it* nai daleꞌ. Roti ria, nana fai a ulu na Manetualain naonda neme lalai mai fee ita bei-baꞌi nara, tepoꞌ fo ara ramalaa rai mamana lino-nees. Nai peti ria boe hapu baꞌi Harun teteꞌen, fo riꞌ fai a ulu na parnaa natabuku. Ma batu bebelaꞌ fo riꞌ Manetualain pake ni de duiꞌ Ria atoran, fo tepoꞌ ria Ana feen neuꞌ baꞌi Musa a rai naa boe.\x + \xo 9:4 \xt Kalua reme Masir 30:1-6; 25:10-16; 16:33; Susura Dudui Nadeꞌ a 17:8-10; Kalua reme Masir 25:16; Tui Seluꞌ Laꞌe Neuꞌ Eno Sodaꞌ a 10:3-5\x*  
\v 5 Nai peti ria tatana na nanuu patung kahereꞌ dua. Patung sira rupa-lolen sama leoꞌ Manetualain eilaꞌo-limalope madilan reme nusatetu-ikutemaꞌ a mai, rapadei ma dila nara nananapelaꞌ rapoti ra peti ria, nana huu mamanaꞌ ria natudu fee Manetualain dale kasian Na neuꞌ lahenda dae-bafoꞌ a. Tehuu besaꞌ ia, au ta anuu ledo-fai, fo dedea alulutuꞌ laꞌeneuꞌ hata sira.\f + \fr 9:5 \ft Dudui dedea Yunani nai ia nae, Ramatuaꞌ a eilaꞌo-limalope madila nara reme nusatetu-ikutemaꞌ a mai, nade \ft \+it ‘kerubim’\+it*. Ramatuaꞌ a eilaꞌo-limalope biasan reme nusatetu-ikutemaꞌ a mai, ara hule si sona rae, \+it ‘anggelos’\+it*. Sira ta ranuu dilaꞌ fa. Meten nai, \+it Tutui Masososaꞌ\+it* babati katelun lalane kadua hulu haan (3:24); ma \+it Kalua reme Masir\+it* babati kadua hulu liman lalane kasanahulu falun losa kadua hulu duan (25:18-22).\f*   
\p
\v 6 Sira pepeda-fufua hata-heton nai Manetualain Laaꞌ Huhule-haradoin daleꞌ nana, tebe leo naꞌ. Tuka-tuka faiꞌ malaka agama ra masoꞌ-kalua leo kama fo nai mata ria reu, ela ralalaꞌo sira nonoi laka nara rai naa.\x + \xo 9:6 \xt Susura Dudui Nadeꞌ a 18:2-6\x*  
\v 7 Tehuu adaꞌ noi malaka agama Yahudi ra malaka bau-ina na, riꞌ bole masoꞌ leo Manetualain Kama Malalao-malalafun ria daleꞌ reu. Ma ana ta bole masoꞌ neu sudi laꞌe ledo-fai ubeaꞌ fa, ana bisa masoꞌ neuꞌ teuꞌ esa sona noi laiꞌ esa. Ma kalu masoꞌ neu, ana muste neni banda tutunu-hohotuꞌ a daa na, ela pisi neuꞌ Peti Hehelu-barataaꞌ ria tatana na. Daa ria sosoa na nae, ela Manetualain sae-safe heni malaka agama ria no lahenda nara sala-sikon katemaꞌ, leo mae salaꞌ fo ara taon a ta rameda raan fa.\x + \xo 9:7 \xt Malaka Agama ra Atoran 16:2-34\x*   
\p
\v 8 Manetualain pake Dula-dale Malalao-malalafu Na, fo fee ita bubuluꞌ tae, maneniko tema maloa ria bei babaa enoꞌ fo masoꞌ leo Kama Malalao-malalafuꞌ nan seli neu, ria sosoa na nae, lahenda dae-bafoꞌ a bei ta bisa leo Ramatuaꞌ a mata Na reu, kalu bei pake atoran paraaꞌ a.  
\v 9 Basa sira dadi natutuduꞌ de Ramatuaꞌ a Dula-dale Na pake ni, ela nanori ita fo riꞌ tasoda nai besaꞌ ia. Fai a ulu na, ita bei-baꞌi nara reni neneni-fefeeꞌ ma banda tutunu-hohotuꞌ, fee leo malaka agama ra reu, ela Manetualain sae-safe heni sira sala-sikon. Leo mae ara reni tutunu-hohotuꞌ dodouꞌ leoꞌ na, tehuu tutunu-hohotuꞌ sira ta bisa tao lalao-lalafu sira dale nara, ma ta bisa namopo sira namemeda sala-sikon nai dale nara.  
\v 10 De, hata fo ara tao ni a, tuka adaꞌ noi atoran agama. Hapu atoran agama fo pareta nae, ara ta bisa raa ia, ma ta bisa rinu ria fa. Hapu atoran fekeꞌ nae, ara muste radiu oe ma safe rou-raa nara tuka atoran a hihii-nanaun. Sekona te, basa atoran sira, ator adaꞌ noi nai lahenda a pooꞌ dea na, ta bisa ator lahenda dale na fa. Leo mae leoꞌ na, tehuu atoran sira muste laꞌo raroo, losaꞌ Manetualain kati neniꞌ atoran bebeuꞌ.   
\p
\v 11 Tehuu besaꞌ ia, Lahenda fo riꞌ Manetualain helu memaꞌ neme fai a uluꞌ mai a, nai ia so. Ria nana riꞌ Kristus. Ana mai, fo dadi neuꞌ ita malaka agama madema nan seli, ma Ana tao hata malole fee ita so.\f + \fr 9:11 \ft Dudui dedea Yunani maloleinaꞌ a manaduiꞌ nae, “Ana tao hata malole soaneuꞌ ita \ft \+it so.”\+it* Tehuu duduiꞌ ruma bali manaduiꞌ nae, “Ana \+it nau\+it* tao hata malole soaneuꞌ ita.”\f* Ana nalalaꞌo Ria nonoi laka Na, sama leoꞌ malaka agama rupa-lole paraaꞌ a, tehuu Ana noi-tao nai uma mamasoꞌ, fo kahereꞌ nan seli. Uma mamasoꞌ ria, ta nai dae-bafoꞌ a, huu fo ta lahenda dae-bafoꞌ a riꞌ tao ni fa.  
\v 12 Kristus boe masoꞌ leo Kama Malalao-malalafu Nan Seli ria daleꞌ neu, fo nasare Manetualain sama leoꞌ malaka agama madema rupa-lole paraaꞌ ara tao, teuꞌ esa laiꞌ esa. Ma fai fo Ana masoꞌ neu, Ana neni daa soaneuꞌ Manetualain boe. Tehuu ria fekeꞌ. Huu fo Kristus ta neni daa neme banda tutunu-hohotuꞌ a mai fa. Ana neni a, nana Ria daa Na, huu fo Ana mate so, fo dadi tutunu-hohotuꞌ soaneuꞌ ita. Tehuu Kristus neni daa Na masoꞌ neu noi laiꞌ esaꞌ a, fo losa doo na neu poꞌi-tata na ita teme sala-sikoꞌ ara mai.   
\p
\v 13 De, Kristus daa Na, tebe kahereꞌ lena neme banda a daa na mai. Tuka baꞌi Musa atoran na, lahenda fo tao salaꞌ, makekeo-makakanuꞌ, ta naraa masoꞌ reu fo doꞌo-tabe Manetualain. Muste leo malaka agama a reu fo tao tutunu-hohotuꞌ, ela tutunu-hohotuꞌ ria daa na tao lalao-lalafu si seluꞌ. Hapu tutunu-hohotuꞌ dodouꞌ, hule bibi-kedaeꞌ a daa na, ma sapi a daa na. Hapu atoran esa nae, maneniko lehenda oi laꞌe mana mateꞌ a, sona ria dadi makekeo-makakanuꞌ nai Ramatuaꞌ a mata Na so. Kalu lahenda ria nau dadi lalao-lalafuꞌ seluꞌ, sona malaka agama a muste huru afu nemeꞌ hotu sapi tenaꞌ a mai. Basa nana neni afu ria, fo karin neuꞌ lahenda makekeo-makakanuꞌ ria, fo ela ana dadi lalao-lalafuꞌ seluꞌ.\x + \xo 9:13 \xt Malaka Agama ra Atoran 16:15-16; Susura Dudui Nadeꞌ a 19:9, 17-19\x*   
\p
\v 14 Maneniko banda a daa na tao makamoi lahenda ao-ina makekeo-makakanu na, lena-lenaꞌ bali Kristus daa Na! Huu fo Ria daa Na, tao na ita poꞌi-tata teme sala-sikoꞌ a mai, ma tao lalao-lalafu ita dale na boe. Ita sala-sikon, tao na ita bika-bati teme Ramatuaꞌ a mai. Tepoꞌ fo Kristus mate, Manetualain Dula-dalen fo nasoda naroo a, tulu-falin, de Ana fee heni ao-ina Na neuꞌ Ramatuaꞌ a, sama leoꞌ banda tutunu-hohotu matetuꞌ a. De, besaꞌ ia ita bisa doꞌo-tabe matetuꞌ neuꞌ Manetualain fo nasoda naroo a.   
\p
\v 15 Huu no Kristus daa kaheren ria, de Manetualain pake Ni, ela heke hehelu-barataa bebeuꞌ noo basa lahenda fo Manetualain naloo si dadi reuꞌ Ria lahendan. Tepoꞌ fo Kristus maten ela soi-tefa lahenda, Ria boe soi-tefa na ita bei-baꞌi nara reme sala-sikoꞌ, fo ara tao ni nai fai a ulu na, tepoꞌ fo Manetualain heke hehelu-barataa paraaꞌ noo si. Huu ria na, sira boe bisa rasoda raroo roo Manetualain.   
\p
\v 16 Au pake natutuduꞌ lahenda sipo posakaꞌ, sama leoꞌ amaꞌ esa tao susura posakaꞌ fo neuꞌ ko fee posakaꞌ neuꞌ ana na. Tehuu maneniko anaꞌ ria papa na maten, sona besaꞌ ko bole homu posakaꞌ ria.  
\v 17 Maneniko papa na bei nasoda, sona ria ana na bei ta bisa sipo posaka, fo papa na helu memaꞌ nai susura posakaꞌ ria so a.  
\v 18 Leoꞌ na boe Manetualain hehelu-barataa masososan, fo riꞌ Ana hekenee-barataan no ita bei-baꞌi nara. Maneniko esa mate nauluꞌ dei, besaꞌ ko ara bisa sipo hata fo Ramatuaꞌ a helu so a. Huu ria na, de sira tutunu-hohotun pake banda a daa na ela dadi buti nae esa mate so.  
\v 19 Tepoꞌ ria baꞌi Musa nabubua na ita bei-baꞌi nara, ela nafada katemaꞌ pareta nai atoran fo Ramatuaꞌ a naonda ni a. Boe ma, baꞌi Musa hala sapi ma bibi, fo hai na daa nara, de epoꞌ noo oe. Ana pake tali pilas boe, fo puputu neuꞌ airana doo lutuꞌ a. Basa de ana naboron neuꞌ daa ria, fo pisin leo Manetualain Susura Makamoi Na lain neu, ma leo basa anarau nara neu.  
\v 20 Fai fo baꞌi Musa pisi daa ria, ana dedea boe nae, “Daa ia, dadi tanda nae, Manetualain heke hehelu-barataaꞌ noo emi. Maneniko emi tao tuka Ria pareta nara katemaꞌ, neuꞌ ko Ana fee basa-basan fo Ana helu a.”\x + \xo 9:20 \xt Kalua reme Masir 24:6-8\x*  
\v 21 Baꞌi Musa pisi daa leo Laa Huhule-haradoiꞌ a neu boe, ma basa rou-raaꞌ rai na fo riꞌ ara pake si ela doꞌo-tabe neuꞌ Manetualain a.\x + \xo 9:21 \xt Malaka Agama ra Atoran 8:15\x*  
\v 22 Tuka Ramatuaꞌ a atoran na, kurabaiꞌ basa-basan fo makekeo-makakanuꞌ a, muste tao makamoi si pake daa. Huu ria na, maneniko lahenda dae-bafoꞌ a nau dadi lalao-lalafuꞌ neme sala-siko nara mai, sona muste pake tutunu-hohotuꞌ a daa na.\x + \xo 9:22 \xt Malaka Agama ra Atoran 17:11\x*   
\p
\v 23 Hata fo au tuin laꞌeneuꞌ ita bei-baꞌi nara, ma sira Laaꞌ Huhule-haradoi na, basa sira nana adaꞌ noi natutuduꞌ, fo ela ita bisa bubuluꞌ Manetualain uma mamaso tea na nai nusatetu-ikutemaꞌ a. Maneniko malaka agama rupa-lole paraaꞌ ara sakaꞌ masoꞌ leo Laaꞌ ria daleꞌ reu, fo doꞌo-tabe Manetualain, ara muste tao lalao-lalafuꞌ basa-basan pake banda tutunu-hohotuꞌ a daa na dei. Manetualain uma mamason nai nusatetu-ikutemaꞌ a boe muste lalao-lalafuꞌ. Tehuu muste pake daa tutunu-hohotuꞌ fo kahereꞌ lena neme banda a daa na mai.  
\v 24 Kama Lalao-lalafu Nan Seli, fo riꞌ Kristus leo daleꞌ neu a, nana ta kama nai Laaꞌ Huhule-haradoiꞌ fo lahenda dae-bafoꞌ a tao fa. Laaꞌ nai dae-bafoꞌ a, nana adaꞌ noi natutudu neme tea na mai. Tehuu Kristus masoꞌ matan leo nusatetu-ikutemaꞌ a neu ela nasalaꞌe ita nai Manetualain mata Na.  
\v 25 Fai a ulu na, malaka agama madema nan seli tuka-tuka teuꞌ muste masoꞌ nasarerei leo Kama Makamoi Nan Seli ria neu, ma neni banda a daa na, ela fee neuꞌ Manetualain. Tehuu Kristus ta leo naꞌ fa. Ana parlu masoꞌ leo naꞌ neu adaꞌ noi laiꞌ esaꞌ a, ma neni noi Ria daalilo Na.  
\v 26 Maneniko tuka-tuka teuꞌ, Ana muste masoꞌ leo naꞌ neu sama leoꞌ malaka agama paraaꞌ ria, sona sosoa na nae, Ana muste mate nasarerei. Tehuu Ana ta tao leo naꞌ fa. Ana dadi tutunu-hohotuꞌ adaꞌ noi laiꞌ esaꞌ a, ela tuꞌu-tapa heni basa salaꞌ fo lahenda tao, mulai neme dae-bafoꞌ a masososa na losa babasa na.  
\v 27 Tea na, nana lahenda mate noi laiꞌ esaꞌ a. Tehuu basa ria te, ana muste mai nataa nai Manetualain mata Na ela Ramatuaꞌ a parisaꞌ ana.  
\v 28 Leoꞌ na boe, Kristus. Ana mate ma fee heni ao-ina Na, fo dadi tutunu-hohotuꞌ noi laiꞌ esaꞌ a. Ma neuꞌ ko Ana natafali mai. Tehuu Ana ta urus lahenda sala-sikon, nana huu Ana tao nabasa nonoi lakaꞌ ria so. Tehuu neuꞌ ko Ana urus a, nana riꞌ Ana fee sodaꞌ neuꞌ basa lahenda fo ramahena-rabani neuꞌ Ana.\x + \xo 9:28 \xt Yesaya 53:12\x*   
\c 10  
\s1 Kristus mate noi laiꞌ esaꞌ a, fo lahenda bisa rasoda malole roo Manetualain losa doo na neu  
\p
\v 1 Maneniko ita nau bubuluꞌ matetuꞌ Manetualain hihii-nanaun, atoran fo Ana fee neuꞌ ita bei-baꞌi nara, bei ta makaledoꞌ a fa. Nana huu ria adaꞌ noi salaoꞌ neme hata malole, fo riꞌ Ramatuaꞌ a nau feen neuꞌ ita. De leo mae lahenda tuka atoran sira, ma reni banda tutunu-hohotuꞌ laꞌo naroo boe, ria ta bisa tao makamomoi matetuꞌ sira sala-siko nara.  
\v 2 Maneniko atoran ria bisa tao na mopo matetuꞌ sira sala-sikon, sona ara ta reni banda tutunu-hohotuꞌ, nana huu ara ta rameda salaꞌ nai dale nara soꞌ. Sekona te ta leo naꞌ fa.  
\v 3 Tuka-tuka teuꞌ, ara hule rasarerei ela Manetualain sae-safe heni sira sala-sikon,  
\v 4 nana huu banda a daa na ta bisa nanuu kuasa fo tuꞌu heni matetuꞌ lahenda sala-sikon.   
\p
\v 5-6 Huu ria na, de tepoꞌ fo Kristus mai nai dae-bafoꞌ a, Ana nafada nae leo iaꞌ:  
\q1 “Manetualain!  
\q1 Ramatuaꞌ a ta namahoꞌo neuꞌ banda tutunu-hohotuꞌ ma neneni-fefee fekeꞌ fo ara reni a.  
\q2 Ara hala raisa banda dodouinaꞌ,  
\q3 fo dadi tutunu-hohotuꞌ.  
\q2 Boe ma ara tunu banda dodouinaꞌ,  
\q3 fo hule ampon.  
\q1 Leo mae leoꞌ na, tehuu Ramatuaꞌ a ta namahoꞌo fa.  
\q2 Huu ria na, de Ramatuaꞌ a nadenu Au leo dae-bafoꞌ ia mai,  
\q3 fo dadi lehenda dae-bafoꞌ sama leoꞌ sira.”   
\p
\v 7 Basa ria, boe ma Yesus nafada nae,  
\q1 “Ramatuaꞌ! Au nai ia so!  
\q2 Au mai fo tao tuka Ramatuaꞌ a hihii-nanaum,  
\q3 sama leoꞌ Ramatuaꞌ a mana nesimata nara duiꞌ memaꞌ laꞌeneuꞌ Au so.”\x + \xo 10:7 \xt Sosoda Iꞌio-oꞌoaꞌ ara 40:7-9\x*   
\p
\v 8 De, Kristus dedea masososa a, nana riꞌ:  
\q1 “Ramatuaꞌ a ta namahoꞌo neuꞌ banda tutunu-hohotuꞌ ma neneni-fefee fekeꞌ fo ara reni a,  
\q2 Ara hala banda dodouinaꞌ,  
\q3 fo dadi tutunu-hohotuꞌ.  
\q2 Boe ma ara tunu banda ra,  
\q3 fo hule ampon.  
\q1 Leo mae leoꞌ na, tehuu Ramatuaꞌ a ta namahoꞌo fa.”  
\p De, leo mae sira tao tuka matetuꞌ baꞌi Musa atoran ara, tehuu Manetualain ta namahoꞌo fa.  
\v 9 Tepoꞌ fo Yesus nafada nae,  
\q1 “Au mai fo tao tuka Ramatuaꞌ a hihii-nanaun.”  
\p Sosoa na nae, Kristus mai fo tuꞌu-tapa heni eno paraaꞌ a, basa nana katin neniꞌ eno bebeuꞌ.  
\v 10 Ramatuaꞌ a hihii-nanaun, riꞌ Yesus Kristus dadi tutunu-hohotuꞌ, de Ana mate laiꞌ esa, soaneuꞌ ita lahenda dae-bafoꞌ a. No ria na, Ana tao na ita dadi lahenda lalao-lalafuꞌ losa doo na neu.   
\p
\v 11 Tuka-tuka faiꞌ, malaka agama rupa-lole paraaꞌ ara ralalaꞌo raroo sira nonoi laka nara, ma hala kokosen banda tutunu-hohotuꞌ ara. Sekona te, tutunu-hohotuꞌ sira ta parnaa ranuu kuasa, fo tuꞌu-tapa heni lahenda sala-sikon.\x + \xo 10:11 \xt Kalua reme Masir 29:38\x*  
\v 12 Tehuu ita Malaka Agama Madema Nan Seli, riꞌ Kristus, fee heni ao-ina Na de maten dadi tutunu-hohotuꞌ soaneuꞌ ita. Ma Ana dadi tutunu-hohotuꞌ noi laiꞌ esaꞌ a, Ana soi enoꞌ fo bisa tuꞌu heni ita lahenda dae-bafoꞌ a sala-sikon katemaꞌ. Basa ria, besaꞌ ko Ana neu natuuꞌ nai Manetualain boboa ona Na, nai mamana marela-masaꞌa nan seli.  
\v 13 Nai naa, Ana nahani losaꞌ Manetualain tao na musunoo nara roi raeꞌ Ana.\x + \xo 10:13 \xt Sosoda Iꞌio-oꞌoaꞌ ara 110:1\x*  
\v 14 Ria tutunu-hohotun fo laiꞌ esaꞌ a, tao naetu naroo salaꞌ a kuasa na soaneuꞌ lahenda fo riꞌ Kristus tao lalao-lalafu si a.   
\p
\v 15 Manetualain Dula-dale Malalao-malalafu Na boe nafada hata fo sama leoꞌ na soaneuꞌ ita. Ana parnaa dedea nae,   
\q1
\v 16 “Emi Ramatua ma nafada nae leo iaꞌ:  
\q2 Au heke hehelu-barataa bebeuꞌ oo Au lahenda kara,  
\q2 Au tao atoran kara rai sira duduꞌa-aafin,  
\q2 ma Au duiꞌ pareta Ka nai sira dale nara.”\x + \xo 10:16 \xt Yeremia 31:33\x*   
\p
\v 17 Boe ma Ana nafada tamba nae,  
\q1 “Neuꞌ ko Au ta afarene sira sala-sikon soꞌ.  
\q2 Ma Au afarene heni sira nonoi-tataon,  
\q3 fai fo ara ralena laka Au atoran kara.”\x + \xo 10:17 \xt Yeremia 31:34\x*   
\p
\v 18 Ria sosoa na nae, maneniko Manetualain sae-safe heni lahenda sala-siko nara, sona ta parlu lahenda reni tutunu-hohotuꞌ, fo tao masufu Ramatuaꞌ a dale Na soꞌ.   
\s1 Ita bosoꞌ bii-tamataꞌu mai tasare Manetualainꞌ  
\p
\v 19 De leo iaꞌ, toranoo kara emin! Yesus fee Ria daa Na faa, fo tao masufu Manetualain dale Na. Huu ria na, de besaꞌ ia, ita ta bii-tamataꞌu tasare Ni, nai Ria mamana Malalao-malalafun nan seli nai nusatetu-ikutemaꞌ a.  
\v 20 Mafarene Kama Malalao-malalafuꞌ paraaꞌ ria! Nai naa, hapu tema maloaina manapepeleꞌ, fo lahenda ta bole masoꞌ reu rasare mataꞌ, nai Manetualain. Tehuu noo Yesus mamate na, Ana soi eno bebeuꞌ, ela lahenda bisa dedea mataꞌ roo Manetualain.  
\v 21 Lena-lenaꞌ bali, Yesus dadi malaka agama kahereꞌ, de nalalau ma ator Manetualain uma isi nara.  
\v 22 Huu no ria dadi neuꞌ ita hak na, sona mai ita masoꞌ leo naꞌ teu, fo tasare ma dedea mataꞌ too Manetualain. Tehuu ita muste tamahere tebe-tebe neuꞌ Ana noo dale roo-tetuꞌ. Yesus mamate Na tao nalalao-nalalafu ita dale na, losaꞌ ita ta duꞌa-afi hata tadaluꞌ ara soꞌ. Ma ita boe muste tasoda lalao-lalafuꞌ, sama leoꞌ malaka agama rupa-lole paraaꞌ ara muste radiu oe dei, besaꞌ ko masoꞌ neu nalalau Ramatuaꞌ a.\x + \xo 10:22 \xt Malaka Agama ra Atoran 8:30; 16:4; Yeskial 36:25\x*  
\v 23 Mai ita homu tahere basa-basan, fo riꞌ ita manaku laꞌeneuꞌ Manetualain. Ma ita boe muste tamahena neuꞌ Ana, huu fo tantu Ana tao tuka Ria hehelu-barataan.  
\v 24 Ma mai ita saka enoꞌ fo leleꞌo ita toranoo kamaheren nara, ela ita basa tatudu susue-lalaiꞌ dodouꞌ, ma toi-tao hata malole rupaꞌ ara.  
\v 25 Au amanene rae lahenda ruma ta nau rabua roo sira toranoo kamahere nara soꞌ. Tehuu bosoꞌ leo naꞌ! Emi muste mabua ao mara fo matetea esa no esa dalen. Lena-lenaꞌ bali, nana huu Ramatuaꞌ a ledo-fain natafali mai na, naneneaꞌ so. Mafarereneꞌ fee si leo naꞌ!   
\p
\v 26 Toranoo susue kara emin! Tebe-tebe ita bubuluꞌ laꞌeneuꞌ Yesus Kristus eno roo-tetu Na so. Tehuu maneniko ita tasadea Yesus, ma tao salaꞌ laꞌo naroo, sona sosoa na nae, ta hapu tutunu-hohotu fekeꞌ soꞌ, fo bisa sae-safe heni ita sala-siko nara.  
\v 27 Ita tahani noo bibii-namataꞌu, nana huu Manetualain mai fee huhukuꞌ neuꞌ ita. Aipila naraka fo pila na bauinaꞌ a manasadiaꞌ so, ela nau nalulutuꞌ basa lahenda fo ralena laka neuꞌ Ana.\x + \xo 10:27 \xt Yesaya 26:11\x*  
\v 28 Fai a ulu na, maneniko lahenda esa tipa heni baꞌi Musa atoran na, ma lahenda dua-telu dadi sakasii, sona lahenda fo riꞌ tao salaꞌ a, muste hapu huhuku mamates, ma ta hapu ampon soꞌ.\x + \xo 10:28 \xt Tui Seluꞌ Laꞌe Neuꞌ Eno Sodaꞌ a 17:6; 19:15\x*  
\v 29 Tehuu besaꞌ ia, maneniko lahenda namumulu-namamaeꞌ Manetualain Ana Na, ria sama leoꞌ ana ta hika-hadaꞌ neuꞌ Yesus daan, fo Ana feen faa ela tao lalao-lalafu lahenda ria. Ma ana ta tao daleꞌ neuꞌ Manetualain hehelun, fo Ana nanahekeꞌ no lahenda a pake daa ria. Ma ria boe tao nasaꞌ neuꞌ Manetualain Dula-dalen, fo riꞌ natudu dale malole na fee lahenda ria. Moi dodooꞌ ana! Lahenda rupa leo iaꞌ a tantu lepa huhukuꞌ, bera lena neme lahenda fo nalena laka baꞌi Musa atoran na.\x + \xo 10:29 \xt Kalua reme Masir 24:8\x*  
\v 30 Manetualain parnaa dedea nae,  
\q1 “Au anuu hak, fo balas lahenda a tadalu na.  
\q2 Ma tantu Au tao tuka leoꞌ na.”  
\p Ma manaduiꞌ bali nae,  
\q1 “Manetualain nana, Ramatuaꞌ.  
\q2 Neuꞌ ko Ana natetaꞌ huhukuꞌ neuꞌ Ria lahenda nara.”\x + \xo 10:30 \xt Tui Seluꞌ Laꞌe Neuꞌ Eno Sodaꞌ a 32:35, 36\x*   
\p
\v 31 Mafarereneꞌ, huu fo Manetualain nasoda naroo! Lahenda tantu ao na maninis a, maneniko Ramatuaꞌ a hopu naa si so!   
\p
\v 32 Emi muste mafarene, tepoꞌ fo emi besaꞌ ko mulai bubuluꞌ laꞌeneuꞌ Kristus, basa boe ma emi duduꞌa-aafi mara dadi makaledoꞌ. Leo mae tepoꞌ ria emi hapu doidoso ma susa dodouꞌ, tehuu emi manenete, ma mamahere maroo Kristus.  
\v 33 Hapu lahenda radadae emi, ma tao ramamaeꞌ emi nai lahenda dodouꞌ matan. Hapu ruma tao leo naꞌ neuꞌ emi tia-lai lahenda kamahereꞌ ara boe.  
\v 34 Emi manuu kasian mo matudu dale malole mara neuꞌ lahenda manahukuꞌ nai bui daleꞌ. Maneniko lahenda namanaꞌo neni emi hata-hetom, emi sipoꞌ no tesatei-tamadaleꞌ, nana huu emi bubuluꞌ mae, neuꞌ ko emi sipo hata fo malole lena, lahenda ta bisa namanaꞌo nenin fa.  
\v 35 Huu ria na, de emi muste homu mahere namaherem ria. Neuꞌ ko Ramatuaꞌ a balas fee emi dodouinaꞌ.  
\v 36 De, manenete! Maneniko emi tao tuka Ramatuaꞌ a hihii-nanaun laꞌo naroo, neuꞌ ko emi sipo basa-basan fo Ana helu nae fee neuꞌ emi a.  
\v 37 Ramatuaꞌ a mana nesimata nara duiꞌ laꞌeneuꞌ Lahenda fo Sakaꞌ Mai a nae,  
\q1 “Ta dooꞌ a soꞌ te, Lahenda fo Sakaꞌ Mai a, toda mai.  
\q2 Bosoꞌ etu namahena-nabaniꞌ, huu fo Ana ta nahani fa.   
\q1
\v 38 Lahenda fo dale na roos a,  
\q2 neuꞌ ko hapu sodaꞌ,  
\q3 nana huu ana namahere Au.  
\q1 Tehuu maneniko bea heoꞌ neme Au mai,  
\q2 Au dale Ka ta namahoꞌo fa.”\x + \xo 10:38 \xt Habakuk 2:3-4\x*   
\p
\v 39 Tehuu ita nana, lahenda fo ta heoꞌ teme Manetualain mai fa. Lahenda rupa leo naꞌ a, neuꞌ ko bika-bati nemeꞌ Ria mai. Tehuu ita nana lahenda fo tamahere Manetualain. Boe ma ita hapu sodaꞌ de tasoda taroo too Ni.   
\c 11  
\s1 Ita muste tamahere taroo Manetualain, sama leoꞌ lahenda fai uluꞌ ara  
\p
\v 1 Maneniko ita tamahere Manetualain, ria sosoa na nae, ita tamahere taroo Ni. Maneniko Ana helu nau tao hata esa, sona ita bubuluꞌ tae, tantu Ana tao tuka heheluꞌ ria. Leo mae ita bei ta sipo hata-hata esa boeꞌ, tehuu ita tamahere taroo.  
\v 2 Tebe ita bei-baꞌin ruma ramahere leoꞌ na. Huu ria na, Manetualain sipoꞌ asa no malole boe.   
\p
\v 3 Dae-bafoꞌ a no lalai fo tita si besaꞌ ia a, ita tamahere tae, Manetualain riꞌ adu basa ia ra. Tehuu Ana ta adu pake hata fo hapu ni so, de lahenda dae-bafoꞌ a bisa ritan. Basa-basan fo hapu si a, dadi nana huu pake noi Ria Dedea-nafadan.\x + \xo 11:3 \xt Tutui Masososaꞌ 1:1; Sosoda Iꞌio-oꞌoaꞌ ara 33:6, 9; Yohanis 1:3\x*   
\s2 Habel  
\p
\v 4 Habel namahere Manetualain. Huu ria na, ana neni neneni-fefeeꞌ malole lena aꞌan Kaen. Manetualain sipoꞌ no malole neuꞌ Habel ma neneni-fefeen, nana huu ria dale na roos. De, leo mae mate ni dooꞌ a so, tehuu ita bei bisa tanori nemeꞌ ana mai, nana huu ria namahere na.\x + \xo 11:4 \xt Tutui Masososaꞌ 4:3-10\x*   
\s2 Henok  
\p
\v 5 Henok boe namahere Manetualain. Huu ria na de, Ramatuaꞌ a nahene-naaeꞌ ana leo nusatetu-ikutemaꞌ a neu, ela bosoꞌ mate ni. Lahenda rasakaꞌ ana, tehuu ta raneta roo ni fa, nana huu Ramatuaꞌ a naaeꞌ ana so. Ramatuaꞌ a sipoꞌ ana no malole, huu fo Ramatuaꞌ a nae, “Henok nana, lahenda fo tao na Au dale Ka namahoꞌo.”\x + \xo 11:5 \xt Tutui Masososaꞌ 5:21-24\x*   
\p
\v 6 De leo iaꞌ, toranoo kara! Tea na, nana Manetualain ta sipoꞌ no malole neuꞌ lahenda, fo ta namahere Ni. Lahenda fo nau leo Manetualain neu, ana muste namahere nae, memaꞌ Ramatuaꞌ a nai basa mamana. Ma ana muste namahere nae, Ramatuaꞌ a nau tulu-fali lahenda fo saka Ni a.   
\s2 Noh  
\p
\v 7 Noh boe namahere Manetualain. Huu ria na, Noh namahere Ramatuaꞌ a tepoꞌ fo Ana nafada memaꞌ nae, “Noh! Mafarereneꞌ! Neuꞌ ko Au tao alulutuꞌ dae-bafoꞌ ia pake faainaꞌ, fo lahenda bei ta parnaa rita fa.” Leo mae Noh boe bei ta parnaa nita rupa leo naꞌ a, ana namania-namanene neuꞌ Manetualain, ma tao ofaꞌ fo ela uma isi nara hapu sodaꞌ. Huu no ria namahere na, de Ramatuaꞌ a tao ni neuꞌ lahenda dale roos. Tehuu basa lahenda fo ta ramahere fa, Ramatuaꞌ a fee si huhuku mabera.\x + \xo 11:7 \xt Tutui Masososaꞌ 6:13-22\x*   
\s2 Baꞌi Abraham foa ela ria koro-tadun  
\p
\v 8 Baꞌi Abraham boe namahere Manetualain. Huu ria na, de Manetualain naloo ni nae, “Abraham! Foa ela o koro-tadum fo leo mamanaꞌ esa muu, neuꞌ ko Au atudun neuꞌ o. Neuꞌ ko dae ria dadi neuꞌ o tititi-nonosi mara posakan.” Namanene leoꞌ na, boe ma ana tao tuka Ramatuaꞌ a hihii-nanaun, leo mae ana ta bubuluꞌ nae leo beaꞌ neu fa.\x + \xo 11:8 \xt Tutui Masososaꞌ 12:1-5\x*  
\v 9 Tepoꞌ fo ana losa nai dae ria, boe ma nafoa mamana leleo na, de ana leo sama leoꞌ lahenda manamai nai dae fo Ramatuaꞌ a helu basa, nau fee ni a. Basa de ana ni Isak, ma upun Yakob boe leo reuꞌ na, huu fo Ramatuaꞌ a helu basa nau fee dae ria ela dadi neuꞌ sira posakan.\x + \xo 11:9 \xt Tutui Masososaꞌ 35:27\x*  
\v 10 Ana namahehenaꞌ neuꞌ ko nasoda nai kota esa kahereꞌ nan seli. Manetualain riꞌ tao gambar fo nafoa kota ria.   
\s2 Mama Sara  
\p
\v 11 Sara, baꞌi Abraham sao na, boe namahere Manetualain. Leo mae ana bei ta parnaa boki fa, ma namalasi kokoo so, tehuu Ramatuaꞌ a tataon, de ana bisa dadi neuꞌ lahenda nusa bauinaꞌ esa bei-baꞌin. Ana namahere nae, tantu Manetualain tao tuka hata fo Ana helu so a.\x + \xo 11:11 \xt Tutui Masososaꞌ 18:11-14; 21:2\x*  
\v 12 Huu ria na, de leo mae namalasi kokoo boe, ana bei bisa boki na tititi-nonosiꞌ dodouꞌ, losaꞌ ta hapu lahenda reke rala si. Huu fo sira dedesi na sama leoꞌ ruuꞌ nai lalai, ma soroaeꞌ nai tasiꞌ a suu na.\x + \xo 11:12 \xt Tutui Masososaꞌ 15:5; 22:17; 32:12\x*   
\s2 Baꞌi kamahere ara ma ramahena nusa-namo esa  
\p
\v 13 Ita bei-baꞌin, baꞌi Abraham, baꞌi Isak, ma baꞌi Yakob boe ramahere raroo Manetualain losaꞌ ara mate. Tehuu ara bei ta sipo nusa-namo fo Ramatuaꞌ a helu so a. Leo mae leoꞌ na boe, ara ramahena raroo no dale namahoꞌo, nana huu ara rai dooꞌ a tehuu rita dae ria so. Ara manaku rae, sira nana noi lahenda manamai, fo leo lalai nai dae-bafoꞌ ia.\x + \xo 11:13 \xt Tutui Masososaꞌ 23:4; 1 Israel no Yahuda Tutui na 29:15; Sosoda Iꞌio-oꞌoaꞌ ara 39:13\x*  
\v 14 Sekona te, tea na nana lahenda fo dedea rupa leo naꞌ, ara rahiiꞌ ran seli hapu mamanaꞌ esa ela dadi neuꞌ sira dae posakan.  
\v 15 Maneniko nusa-namo fo ita bei-baꞌi nara rahiiꞌ ran seli a, riꞌ baꞌi Abraham dae fua-funin, sona tantu hapu lelaꞌ dodouꞌ fo fali leo naꞌ reu.  
\v 16 Tehuu nusa-namo fo ara rahiiꞌ ran seli a, riꞌ nusa-namo kahereꞌ nan seli nai nusatetu-ikutemaꞌ a.  
\p Huu ria na, Manetualain sipoꞌ asa no malole, de ara dadi reuꞌ Ria lahendan.  
\p Huu fo Ana sadia memaꞌ kota esa soaneuꞌ asa nai nusatetu-ikutemaꞌ a.   
\s2 Baꞌi Abraham fee heni anan Isak  
\p
\v 17-18 Baꞌi Abraham boe namahere tebe-tebe neuꞌ Manetualain, tepoꞌ fo Ramatuaꞌ a nau fefei-fofora ria namahere na. Huu ria na, ana tao tuka Ramatuaꞌ a pareta na, de fee heni anan Isak dadi neuꞌ tutunu-hohotuꞌ.\x + \xo 11:17-18 \xt Tutui Masososaꞌ 22:1-14\x* Sekona te, fai a ulu na Ramatuaꞌ a helu laꞌeneuꞌ anaꞌ ria nae, “Neme o anam ia mai, neuꞌ ko o hapu tititi-nonosiꞌ dodouꞌ, losaꞌ ara dadi lahenda nusa kahereꞌ.”\x + \xo 11:17-18 \xt Tutui Masososaꞌ 21:12\x*  
\v 19 Tehuu baꞌi Abraham afi nae, Manetualain nanuu kuasa, fo fee lahenda mana mateꞌ ara rasoda selu. Tebe ria, nana huu tepoꞌ ria sama leoꞌ ana hapu faliꞌ anan fo dadi neuꞌ tutunu-hohotuꞌ so a.   
\s2 Baꞌi Isak  
\p
\v 20 Baꞌi Isak boe namahere Manetualain. Huu ria na de, ana hule fo ela Ramatuaꞌ a fee ua-naleꞌ neuꞌ ria anan Yakob no Esau.\x + \xo 11:20 \xt Tutui Masososaꞌ 27:27-29, 39-40\x*   
\s2 Baꞌi Yakob  
\p
\v 21 Baꞌi Yakob boe namahere Manetualain. Huu ria na, tepoꞌ fo ana sakaꞌ mate, ana napadeiꞌ ruꞌu-ruꞌu ma teleꞌ-tele homu teteꞌe na, fo doꞌo-tabe Ramatuaꞌ a. Boe ma ana hule Ramatuaꞌ a fee ua-naleꞌ neuꞌ upun fo reme anan Yusuf mai.\x + \xo 11:21 \xt Tutui Masososaꞌ 47:31—48:20\x*   
\s2 Baꞌi Yusuf  
\p
\v 22 Baꞌi Yusuf boe namahere Manetualain. Tepoꞌ fo ana sakaꞌ mate, namahere nae, neuꞌ ko Manetualain napipipi-nalalaꞌo noo Ria lahenda Israel nara kalua reme dae Masir mai. Huu ria na, de ana helu si, fo maneniko ara laꞌo ela dae Masir, sona ara muste reni faliꞌ ria dui-aalun.\x + \xo 11:22 \xt Tutui Masososaꞌ 50:24-25; Kalua reme Masir 13:19\x*   
\s2 Baꞌi Musa ina-ama nara  
\p
\v 23 Baꞌi Musa ina-ama nara boe ramahere Manetualain. Tepo fo mama na boki ni, boe ma ara rafunin losa bulaꞌ telu, nana huu ara rita ao na tibuꞌ-tibu. Ma ara ta biiꞌ mane nusa Masir a, leo mae ana pareta ria lahenda nara nae, “Maisa memaꞌ ana touꞌ fo boki si reme lahenda Ibarani ra mai!”\x + \xo 11:23 \xt Kalua reme Masir 2:2; 1:22\x*   
\s2 Baꞌi Musa  
\p
\v 24 Tepoꞌ fo baꞌi Musa nambau-ina, ana namahere Manetualain boe. Fai a ulu na mane Masir a anafeto na soꞌu nan, dadi neuꞌ ria anan. Leo mae leoꞌ na, tehuu ana ta nau lahenda tao ria neuꞌ mane Masir a kileobobokin.\x + \xo 11:24 \xt Kalua reme Masir 2:10-12\x*  
\v 25 Ana afi nae, malole lenaꞌ nasoda nai susa sama-sama noo Ramatuaꞌ a lahenda nara, lena neme nasoda no amahoꞌo nai tadaluꞌ fo adaꞌ noi hatemataꞌ.  
\v 26 Ana nataaꞌ lahenda radadae ni, nana huu namahena neuꞌ Kristus, Lahenda fo riꞌ Manetualain helu nau fee Ni mai a. Ana nanenete leoꞌ na, nana huu bubuluꞌ nae neuꞌ ko Ramatuaꞌ a balas ana neniꞌ sesebaꞌ fo malole lena neme basa hata-heto nai dae Masir.   
\p
\v 27 Baꞌi Musa boe namahere Manetualain, tepoꞌ fo ana hule lelaꞌ neuꞌ mane Masir a, fo noo ita bei-baꞌi nara kalua reme ria dae na mai. Leo mae maneꞌ a namanasa nan seli, tehuu baꞌi Musa ta bii ni fa. Baꞌi Musa namahere naroo Manetualain fo riꞌ ta nananitaꞌ, sama leoꞌ ana nita mataꞌ Ana.\x + \xo 11:27 \xt Kalua reme Masir 2:15\x*   
\p
\v 28 Baꞌi Musa boe namahere Ramatuaꞌ a, tepoꞌ fo ara rahehere ao nara sakaꞌ laꞌo ela dae Masir. Ana tao tuka Ramatuaꞌ a pareta Na, ma nadenu ita bei-baꞌi nara tao Paska masososaꞌ, ma pau bibi-lopo fo dadi banda tutunu-hohotuꞌ. Basa de hai ra bibi-lopo ria daa na, fo tao tanda neuꞌ uma nara. Hatun ria, Ramatuaꞌ a eilaꞌo-limalopen neme nusatetu-ikutemaꞌ a mai naisa katemaꞌ ana uluꞌ fo rai dae Masir. Tehuu ana ta masoꞌ neu naisa nai ita bei-baꞌin uma nara, nana huu ana nita daa ria nai sira uma nara faratanan.\x + \xo 11:28 \xt Kalua reme Masir 12:21-30\x*   
\s2 Ita bei-baꞌi nara  
\p
\v 29 Tepoꞌ fo ita bei-baꞌi nara kalua reme dae Masir mai, sira boe ramahere Manetualain. Huu no sira namaheren ria, boe ma Ramatuaꞌ a tada bati oe fo nai Tasi Pilas a, de ara laꞌo no sodaꞌ nai dae tuuꞌ a. Tehuu soldadu Masir fo usi si a, bolo reuꞌ naa de mate basa si.\x + \xo 11:29 \xt Kalua reme Masir 14:21-31\x*   
\s2 Mama Rahab  
\p
\v 30 Tepoꞌ fo ita bei-baꞌi nara masoꞌ rai dae Kanaan, sira boe ramahere Manetualain. Ara tuka pareta Na, ma laꞌo rule-feo kota Yeriko tembok na deaꞌ, losa faiꞌ hitu. Boe ma, tembok ria hea neu tutiꞌ a.\x + \xo 11:30 \xt Yosua 6:12-21\x*   
\p
\v 31 Fai a ulu na Rahab fo riꞌ dadi ina manasosoa-piao nai kota ria. Huu no ana namahere Manetualain, de ana sipoꞌ no malole lahenda Israel ara manalalafa nara, ma nafuni si rai uma na. Basa de Ramatuaꞌ a tao nalulutuꞌ basa lahenda Yeriko ra, nana huu ara ta nau ramanene Ni. Tehuu Ramatuaꞌ a fee sodaꞌ neuꞌ Rahab, nana huu ria namahere na.\x + \xo 11:31 \xt Yosua 6:22-25; 2:1-21\x*   
\s2 Lahenda fekeꞌ dodouꞌ ramahere Manetualain boe  
\p
\v 32 Au bei bisa dedea loa-naruꞌ bali, laꞌeneuꞌ lahenda fekeꞌ fo riꞌ ramahere Manetualain. Tehuu au ta hapu ledo-fai fo tui alulutuꞌ laꞌeneuꞌ Gideon, Barak, Simson, Yefta, Daud, Samuel, ma Manetualain mana nesimata feke nara.\x + \xo 11:32 \xt Mana Ee Dedeaꞌ ara 6:11—8:32; 4:6—5:31; 13:2—16:31; 11:1—12:7; 1 Samuel 16:1—1 Maneꞌ ara 2:11; 1 Samuel 1:1—25:1\x*  
\v 33 Basa si ramahere Manetualain. Huu ria na, ruma ratati raseki maneꞌ ara. Ruma homu pareta no dale roos, de rasalaꞌe lahenda fo ta nanuu salaꞌ fa, ma huku lahenda masalaꞌ ara. Ruma sipo hata fo Ramatuaꞌ a helu so a. Ma ruma raseki singa.\x + \xo 11:33 \xt Daniel 6:1-27\x*   
\p
\v 34 Ruma ramate aipilaꞌ maroropeꞌ a. Ruma Ramatuaꞌ a poꞌi-tata naa si reme lahenda fo nau raisas pake tafaꞌ. Ruma baraꞌaiꞌ taꞌa, tehuu Manetualain tao naa si baraꞌaiꞌ. Ruma Ramatuaꞌ a tao si dadi reuꞌ mana musu kahereꞌ, losaꞌ ara seti heni soladadu reme mamana fekeꞌ mai.\x + \xo 11:34 \xt Daniel 3:1-30\x*  
\v 35 Hapu inaꞌ boe, ara sipo faliꞌ sira kileobobokin, fo Ramatuaꞌ a fee si rasoda selu so a.  
\p Tehuu ruma hapu eese-rurumuꞌ, nana huu ara ramahere Manetualain. Ara rahiiꞌ mate, fo ela sira bosoꞌ hiru rasadea Ramatuaꞌ a. Sira ta etu tututi-nanato nara roo Ni. De, ara ramahehenaꞌ rae, neuꞌ ko Ramatuaꞌ a soꞌu naa si, ela hapu sodaꞌ fo malole na seli nai nusatetu-ikutemaꞌ a.\x + \xo 11:35 \xt 1 Maneꞌ ara 17:17-24; 2 Maneꞌ ara 4:25-37\x*  
\v 36 Ruma hapu namumulu-namamaeꞌ, ma liliꞌu-fefepaꞌ. Hapu fekeꞌ ara bali lake ei nara reni ailake nai bui daleꞌ.\x + \xo 11:36 \xt 1 Maneꞌ ara 22:26-27; 2 Israel no Yahuda Tutui na 18:25-26; Yeremia 20:2; 37:15; 38:6\x*  
\v 37 Ruma mate, nana huu pia si reniꞌ batu. Ruma mate, nana huu lahenda ra roi horoꞌ ao-ina nara. Ruma mate, nana huu raisa si pake tafaꞌ. Ruma rasoda toꞌa-taa ma pake papakeꞌ nemeꞌ adaꞌ noi banda rouꞌ a mai, nana huu lahenda ese-rumu ma tao rasususaꞌ asa, losaꞌ usi heni si,\x + \xo 11:37 \xt 2 Israel no Yahuda Tutui na 24:21\x*  
\v 38 de ara ralai reu leo rai mamana lino-nees, rai leteꞌ ara, rai leaꞌ ara, ma rai boloꞌ fo nai dae daleꞌ. Lahenda ta hika-hadaꞌ neuꞌ lahenda ia ra, ma usi heni si, reu leo rai mamana ta malole. Sekona te, sira namahere na kahereꞌ nan seli, losaꞌ lehenda fo nai dae-bafoꞌ ia ta naraa leo sama-sama roo lahenda ia ra.   
\p
\v 39 Ramatuaꞌ a io basa si, nana huu ara ramahere Ni. Tehuu losaꞌ sira mate boe, ara bei ta sipo hata fo riꞌ Ramatuaꞌ a helu so a.  
\v 40 Ana nau tao tuka hehelu Na, pake enoꞌ fo malole lena. Nana huu Ana nau, ita fo riꞌ besaꞌ ia talelaꞌ Kristus, ma sira fo riꞌ fai a ulu na mate si so a, ita basa bisa tasoda taroo sama-sama too Ni.   
\c 12  
\p
\v 1 De, ita fo besaꞌ ia tasoda a, leoꞌ bea? Ita sama leoꞌ lahenda fo tuka napoꞌi lalaiꞌ a. Fai a ulu na ita bei-baiꞌin fo ramahere Manetualain a, sira sama leoꞌ manilu ra rapadei eo, fo rafofoa ita ao marasee. Tehuu maneniko ita bei manahekeꞌ too sala-sikoꞌ a, ria tao na ita ta talai tala fa. Huu ria na, de ita muste tuꞌu-tapa heni sala-sikoꞌ sira katemaꞌ, fo ela ita bisa talaiinaꞌ a. Manetualain riꞌ here na ita ela tuka napoꞌi lalaiꞌ a, de ita muste tanenete fo talai taroo losa too a.  
\v 2 Ma ita muste talai sona bosoꞌ memete ii-onaꞌ, tehuu mete tasuu tinoꞌ Yesus. Ria riꞌ soi enoꞌ, de ita bisa tamahere Manetualain. Ma neuꞌ ko Ana tulu-fali ita ela bisa tamahere taroo losaꞌ babasa na. Mafarene do, taꞌa? Tepoꞌ fo Yesus doidoso nai ai kake a, lahenda ramumulu-ramamaeꞌ Ana, tehuu nanenete naroo. Ana bubuluꞌ, maneniko basa Ria doidoso na, sona neuꞌ ko Ana namahoꞌo. Tebe ria. Ana mate, basa boe ma Manetualain naaeꞌ Ana, fo natuuꞌ neuꞌ Ramatuaꞌ a boboa ona Na, ela dua si pareta belaꞌ a.  
\v 3 Leo mae lahenda tao tadadalu Ni, tehuu Ana nanenete naroo. De, emi bosoꞌ mafarene heni Yesus doidoson ia, fo ela emi boe bisa manenete maroo, ma bosoꞌ sota.   
\s1 Manetualain nau nasaꞌai ma nanori-nafada ita, sama leoꞌ amaꞌ esa nanori ana na  
\p
\v 4 Emi soaꞌ hata tadaluꞌ ara so, tehuu emi bei ta soaꞌ asa no teteaꞌ fa, losa emi daa ma faa. Tebe, hete?  
\v 5 Bate emi mafarene heni Manetualain Dedea-nafadan, fo Ana nafadan neuꞌ emi, sama leoꞌ amaꞌ esa dedea noo ana na nae,  
\q1 “Ana ki on!  
\q1 Maneniko ita Ramatua na fee huhukuꞌ, fo nanori-nafada o, ela masoda tuka eno matetuꞌ a,  
\q2 sona, o bosoꞌ ta hika-hadaꞌ fa!  
\q1 Ma maneniko Ana nasaꞌai fo nanori-nafada o,  
\q2 sona, o dale ma bosoꞌ nasalaꞌ.   
\q1
\v 6 Ita Ramatua na nasaꞌai ma nanori-nafada lahenda fo Ana sue-lai a.  
\q2 Memaꞌ basa lahenda fo Ana sipoꞌ naa si dadi reuꞌ Ria anan,  
\q3 Tantu Ana nasaꞌai ma nanori-nafada si.”\x + \xo 12:6 \xt Ayub 5:17; Dedea Lasiꞌ a 3:11-12\x*   
\p
\v 7 De, maneniko Manetualain nasaꞌai ma nanori-nafada emi, ela masoda tuka eno matetuꞌ a, sona manenete. Ana tao leo naꞌ, nana huu emi dadi meuꞌ Ria anan so. Amaꞌ ara muste rasaꞌai ma ranori-rafada ana nara, losaꞌ anaꞌ sira ralelaꞌ rasoda tuka eno roo-tetuꞌ.  
\v 8 Maneniko Manetualain ta nasaꞌai ma nanori-nafada emi sama leoꞌ Ria ana feke nara, sona sosoa na nae, Ria anan ta emi fa.   
\p
\v 9 Ita biasa fee hada-horomata neuꞌ ita papa boki na nai dae-bafoꞌ ia, nana huu tepoꞌ fo ita bei aanaꞌ a, ana nasaꞌai ma nanori-nafada ita. Ria nana laꞌe so. Tehuu lena-lenaꞌ bali, ita muste tamania-tamanene neuꞌ Manetualain, huu fo Ria nana ita Aman nai nusatetu-ikutemaꞌ a, ma Ana nau nasaꞌai ma nanori-nafada ita, ela tasoda tuka Ria eno roo-tetu Na.  
\v 10 Ita papa boki na nasaꞌai ma nanori-nafada ita adaꞌ noi hatemataꞌ, tuka hata fo ana nae malole a. Tehuu Manetualain bubuluꞌ hata fo ita parlu tanorin. Huu ria na, de Ana nasaꞌai ma nanori-nafada ita ela tasoda lalao-lalafuꞌ sama leoꞌ Ria.  
\v 11 Maneniko hapu nasaꞌaiꞌ, sona tebe ta malole a fa. Tehuu doo-doo boe ma ita dale na tama, nana huu ita tasoda tuka Ramatuaꞌ a hihii-nanaun.   
\p
\v 12-13 Toranoo kara emin! Tao baraꞌaai emi limam fo sotaꞌ, ma makakafa emi eim fo nambera so. Bosoꞌ malai maputaꞌ, tehuu malai roos a maroo, ela sira fo ta bisa-bisa fa boe, ao nara rasee fo bisa ralai raroo. Emi muste tao matetea dale mara, ela manenete maroo ma mamahere Kristus.\x + \xo 12:12-13 \xt Yesaya 35:3; Dedea Lasiꞌ a 4:26\x*   
\s1 Bosoꞌ tipa heni Manetualain dale malole Na neuꞌ emi a  
\p
\v 14 Toranooꞌ fo mamahere Kristus! Emi muste mahehere ao mara masoda mole-dame esa mo esa. Ma saka maroo eno na, fo masoda lalao-lalafuꞌ. Lahenda fo ta lalao-lalafuꞌ, ta bisa nita Manetualain fa.   
\p
\v 15 Mafofoa esa no esa, fo ela bosoꞌ neme emi ruma mai heoꞌ heni ao mara, losaꞌ ta rameda rita Manetualain dale malole Na. Manea matalolole fo bosoꞌ mataaꞌ esa nahehediꞌ esa dalen nai emi talada. Huu fo ria sama leoꞌ raso maliꞌ, de tao nalutu lahenda dodouꞌ.\x + \xo 12:15 \xt Tui Seluꞌ Laꞌe Neuꞌ Eno Sodaꞌ a 29:18\x*  
\v 16 Besa-besa ma manea fo bosoꞌ hapu ruma raseseboꞌ. Besa-besa ma manea fo bosoꞌ hapu ruma ta tao daleꞌ neuꞌ Manetualain, sama leoꞌ Esau. Esau nana, baꞌi Isak ana ulu na. Faiꞌ esa de, Esau fali neni laas na. Ana hule nanaaꞌ bikaꞌ esa neme fadin Yakob mai, ma baen pake ria hak ulu-bau-ina na.\x + \xo 12:16 \xt Tutui Masososaꞌ 25:29-34\x*  
\v 17 Tehuu ta doo bea boeꞌ te, ita bubuluꞌ Esau nasaledale. Fai fo aman Isak nau hule Ramatuaꞌ a fee ua-naleꞌ neuꞌ ana ulu na, Isak ta bisa hule soꞌ, nana huu Esau fee heni hihiiꞌ hak na so. Huu ria na, de leo mae ana dola boe, ana ta bisa hapu faliꞌ hata fo maulu na ana tuꞌu heni ni so a.\x + \xo 12:17 \xt Tutui Masososaꞌ 27:30-40\x*   
\p
\v 18 Leo iaꞌ, toranoo kara! Ita bisa leo Manetualain mata Na teu, ela tuka eno bebeuꞌ fo riꞌ Ana soi feen neuꞌ ita so a. Tehuu fai a ulu na ita bei-baꞌi nara bei ta bisa leo naꞌ fa. Tepoꞌ fo Manetualain heke hehelu-barataaꞌ noo si, ara raneneaꞌ leteꞌ esa, nade Sinai. Nai leteꞌ ria lain hapu aipilaꞌ a pila. Hapu ani inaꞌ a boe. Ma leteꞌ ria boe maiuinaꞌ a napoti nan, losaꞌ tao naa si bii ran seli.  
\v 19 Ara ramanene fuu-fuuꞌ a lii na, basa de Ramatuaꞌ a haraoe kahere na kalua neme leteꞌ ria mai. Ramanene Ramatuaꞌ a dedea na, boe ma ara boe-boe bii, losaꞌ hule Musa rae, “Adoo! Ami ta bisa manenete mamanene haraoeꞌ ia soꞌ!”\x + \xo 12:19 \xt Kalua reme Masir 19:16-22; 20:18-21; Tui Seluꞌ Laꞌe Neuꞌ Eno Sodaꞌ a 4:11-12; 5:22-27\x*  
\v 20 Tebe sira ta ranenete fa, nana huu hata fo Ramatuaꞌ a pareta a, bera na seli. Ana nafada nae, “Ta bole hapu esa molo ei na maiꞌ leteꞌ ia! Leo mae lahenda, do banda! Bea riꞌ molo ei na maiꞌ leteꞌ ia, muste pia ni neniꞌ batu losaꞌ mate.”\x + \xo 12:20 \xt Kalua reme Masir 19:12-13\x*  
\v 21 Hata fo ara ritan nai leteꞌ ria, tebe ao nara maninis a. Losaꞌ baꞌi Musa boe dere saꞌu-saꞌu.\x + \xo 12:21 \xt Tui Seluꞌ Laꞌe Neuꞌ Eno Sodaꞌ a 9:19\x*   
\p
\v 22 Tehuu besaꞌ ia enoꞌ leo Ramatuaꞌ a neu nana nanasoiꞌ so, ma ita bisa dedea mataꞌ too Ni. Besaꞌ ia ita leo leteꞌ esa teu, nade Sion. Ma kota Yerusalem a nai naa. Ta kota Yerusalem nai dae-bafoꞌ a fa, tehuu kota Yerusalem bebeuꞌ nai nustetu-ikutemaꞌ a, riꞌ Manetualain mamana leleo na. Nai naa Ramatuaꞌ a eilaꞌo-limalopen dodouꞌ losa rifun, ara tao feta rame laesaꞌ.  
\v 23 Kota ria boe, dadi mamana nabuaꞌ soaneuꞌ basa lahenda fo ramahere Kristus. Ramatuaꞌ a tao susura dudui nadeꞌ nai nusatetu-ikutemaꞌ a, de duiꞌ sira basa esa-esa nade nara rai susuraꞌ ria. Nai na boe neuꞌ ko Manetualain parisaꞌ ma uku-sudi basa lahenda ra masoda na. Ma lahenda fo fai a ulu na Manetualain sipoꞌ asa no malole a, nana huu ara ramahere Ni, basa si tesa rai naa boe.  
\v 24 Ma nai naa boe Yesus dadi lelete soaneuꞌ Manetualain no lahenda dae-bafoꞌ a. Yesus mate daa na faa, fo ela Ramatuaꞌ a bisa heke hehelu-barataa bebeuꞌ noo ita. Huu ria na, de Yesus daa na, tao masufu Manetualain dale Na. Tehuu ia fekeꞌ neme Habel daa na nai Tutui Masososaꞌ. Tepoꞌ fo Kaen naisa Habel a, Habel daa na faa a, tao na Manetualain dale Na hanas a, losaꞌ Ana huku Kaen.\x + \xo 12:24 \xt Tutui Masososaꞌ 4:10\x*   
\p
\v 25 Pasaꞌ matalolole ridoo mara, ela nenene hata fo Manetualain nau nafadan neuꞌ emi a. Bosoꞌ tao sama leoꞌ ita bei-baꞌi nara, fo tipa heni baꞌi Musa dedea na, tepoꞌ fo ana dadi neuꞌ Manetualain mana nesimatan nai dae-bafoꞌ ia. Basa boe ma Ramatuaꞌ a huhuku si. Muda neuꞌ ita bali! Maneniko ita ta nau tamanene Ni dedea neme nusatetu-ikutemaꞌ a mai, tantu Ana fee ita huhuku maberaina!\x + \xo 12:25 \xt Kalua reme Masir 20:22\x*  
\v 26 Tepoꞌ fo ita bei-baꞌi nara rapadeiꞌ rai lete Sinai, Ramatuaꞌ a haraoen fo riꞌ kahereꞌ a, tao na dae a losaꞌ natakeko. Besaꞌ ia Ana helu nae,  
\q1 “Neuꞌ ko Au tao aa dae a natakeko seluꞌ laiꞌ esa bali,  
\q2 tehuu ta noi dae a riꞌ natakeko fa,  
\q3 te lalai boe natakeko.”\x + \xo 12:26 \xt Hagai 2:6\x*   
\p
\v 27 Tepoꞌ fo Ramatuaꞌ a nafada nae, Ana nau tao na basa-basan ratakeko “laiꞌ esa bali”, ria sosoa na nae, Ramatuaꞌ a nau fafaeꞌ basa-basan, fo Ana adu naa si rai lalai ma dae-bafoꞌ ia so a, losaꞌ bea fo ta bisa nanenete, sona mopo si. Bea bisa nanenete, sona neuꞌ ko ana ta sapu-lalo soꞌ.   
\p
\v 28 Manetualain homu pareta nai nusatetu-ikutemaꞌ a. Ria ta bisa nalulutuꞌ fa. Tetu-tema! Nana huu Ana nau sipo na emi, ela dadi meuꞌ Ria lahendan, sona mai fo ita hule makasi neuꞌ Ana, doꞌo-taben, ma soꞌu-fua tadedema Ni, nana huu Ria kahere na!  
\v 29 Tehuu ita boe muste besa-besa, nana huu Manetualain nasa-bolii Na, sama leoꞌ aipilaꞌ fo naa heni laesaꞌ basa-basan.\x + \xo 12:29 \xt Tui Seluꞌ Laꞌe Neuꞌ Eno Sodaꞌ a 4:24\x*   
\c 13  
\s1 Ita muste tasoda malole esa no esa  
\p
\v 1 Toranoo susue kara emin! Au nau afarereneꞌ fee emi hata hida.  
\p Bosoꞌ mafarene henin, sue-lai maroo emi toranoo lahenda kamahere mara.   
\p
\v 2 Bosoꞌ mafarene henin ela sipoꞌ lahenda fo emi ta malelaꞌ asa fa, nai uma-lom no dale loaꞌ. Toranooꞌ hida parnaa sipoꞌ lahenda leoꞌ naꞌ, sekona te lahenda sira nana, Manetualain eilaꞌo-limalopen reme nusatetu-ikutemaꞌ a mai.\x + \xo 13:2 \xt Tutui Masososaꞌ 18:1-8; 19:1-3\x*   
\p
\v 3 Bosoꞌ mafarene henin mafadulu neuꞌ lahenda nai bui a, te sira nanahopuꞌ nana huu ramahere Kristus. Huu ria na, de emi muste tulu-fali si, sama leoꞌ emi boe nanahopuꞌ.  
\p Ma bosoꞌ mafarene henin tulu-fali lahenda fo hapu eese-rurumuꞌ. Urus matalolole si, sama leoꞌ emi riꞌ sipo doidoso ria.   
\p
\v 4 Sao kabi a riꞌ, makamoiꞌ. Tehuu bosoꞌ losa kakabi makamoiꞌ ria dadi makekeo-makakanuꞌ. Tantu Manetualain huku basa lahenda fo hohoke a.   
\p
\v 5 Bosoꞌ tendetuu doi-tali. Tehuu emi muste masoda meniꞌ hata fo emi manuu a boe dai so. Manetualain dedea so nae,  
\q1 “Au ta bisa afarene heni emi.  
\q2 Au ta bisa foa ela emi fa.”\x + \xo 13:5 \xt Tui Seluꞌ Laꞌe Neuꞌ Eno Sodaꞌ a 31:6, 8; Yosua 1:5\x*   
\p
\v 6 De, matetea dale mara, sama leoꞌ lahenda parnaa duiꞌ nae,  
\q1 “Huu fo au Ramatua ka nau tulu-fali au,  
\q1 de au ta bii-amataꞌu fa.  
\q1 Ta hapu lahenda esa,  
\q2 bisa duduku-papauꞌ au boeꞌ.”\x + \xo 13:6 \xt Sosoda Iꞌio-oꞌoaꞌ ara 118:6\x*   
\s1 Bosoꞌ matafali tuka atoran agama paraaꞌ a, tehuu mamahere maroo Kristus  
\p
\v 7 Bosoꞌ mafarene heni emi mauli-malakam, fo parnaa ara ranori-rafada Manetualain Dedea-nafadan soaneuꞌ emi a. Afi matalolole sira eno masoda nara, ma nanatuka sira namahere na. Hata fo ara ramahere ni a, riꞌ:   
\q1
\v 8 Yesus Kristus, ta parnaa nararali fa.  
\q1 Neme masososa na mai, besaꞌ ia, ma losa doo na neu,  
\q3 Ria bei sama nahere.   
\p
\v 9 Huu ria na, de emi bosoꞌ matukalele neuꞌ nanori-nafada masalaꞌ a. Manetualain natetea emi dale mara, nana huu Ana natudu fee emi dale malole Na so. Ta huu no emi tuka atoran laꞌeneuꞌ nanaa-nininuꞌ fa. Atoran leo naꞌ a, sosoa-raraaꞌ taꞌa.   
\p
\v 10 Fai a ulu na, nai Manetualain Mamana Huhule-haradoi Na matan, hapu mei tutunu-hohotuꞌ soaneuꞌ banda tutunu-hohotuꞌ ara. Malaka agama fo nalalau nai naa, nanuu hak naa paa lenaꞌ neme mei ria mai. Tehuu besaꞌ ia, ita tanuu mei fekeꞌ.\f + \fr 13:10 \ft Lahenda rae, ia nana laꞌeneuꞌ mei natuuꞌ a, sekona te taꞌa. Mei ia nana natudu Ramatua Yesus momopo-mamaten nai ai kake a. Ita balas tutunu-hohotuꞌ ria teniꞌ ita io-oa taroo soaneuꞌ Manetualain. Meten nai lalane kasanahulu lima na daeꞌ.\f* Ma malaka agama rupa-lole paraaꞌ a, ta nanuu hak fo naa-ninu nai naa.  
\v 11 Fai a ulu na, tuka-tuka teuꞌ malaka agama madema nan seli, neni banda tutunu-hohotuꞌ a daa na, fo neu tao si reuꞌ Manetualain Kama Malalao-malalafun Nan seli daleꞌ. No ria na, Ramatuaꞌ a nafarene heni sira sala nara. Boe ma ara reni banda sira, fo hotu si rai koroꞌ a deaꞌ.\x + \xo 13:11 \xt Malaka Agama ra Atoran 16:27\x*  
\v 12 Leoꞌ na boe neuꞌ Yesus. Ria boe dadi tutunu-hohotuꞌ ela Manetualain bisa sae-safe heni lahenda sala-sikon. Ma tepoꞌ fo Ana doidoso a, ara hela roo Ni, leo kota Yerusalem a deaꞌ neu fo raisa Ni.  
\v 13 Huu ria na, mai fo ita leo Yesus teu ela tamahere taroo Ni. Leo mae lahenda radadae ita, tehuu ita muste sadia sipoꞌ, sama leoꞌ Ria boe.  
\v 14 Ita leo lalai nai dae-bafoꞌ ia. Tehuu ita tamahehenaꞌ, leo nai kota bebeuꞌ nai nusatetu-ikutemaꞌ a losa doo na neu.  
\v 15 Huu no Yesus dadi tutunu-hohotuꞌ soaneuꞌ ita, de ita ta parlu teni fee Ni banda tutunu-hohotuꞌ soꞌ. Tehuu tutunu-hohotu fekeꞌ, fo muste teni taroo fee Manetualain, riꞌ iꞌio-oꞌoa ela soꞌu-fua Ria nade Na.  
\v 16 Ma bosoꞌ mafarene henin tao hata malole soaneuꞌ lahenda fekeꞌ. Maneniko ara parlu hata ubeaꞌ, sona tulu-fali si. Huu fo basa sira boe dadi sama leoꞌ tutunu-hohotuꞌ fo tao na Manetualain namahoꞌo.   
\p
\v 17 Emi muste mamania-mamanene neuꞌ basa lahenda, fo urus emi a. Sira ranea emi sumane mara hatu-leledon. Neuꞌ ko ara muste rataa ao nara sira nonoi-tataon nai Manetualain matan. De, mamania-mamanene matalolole si, ela ara bisa tui no dale namahoꞌo. Bosoꞌ losa ara tui no dale hediꞌ, nana huu emi foa ela Yesus Kristus eno masoda na. No leo naꞌ a, emi ta onto soꞌ.   
\s1 Manadui susuraꞌ ia, hule makasi ma hule-haradoi fee lahenda Ibrani ra  
\p
\v 18 Hule-haradoi maroo fee ami. Ami dale mara tebe roos a, ma ami nau tao maroo hata malole.  
\v 19 Lena-lenaꞌ bali, hule-haradoi fo au bisa lai-lai fali leo emi uu.   
\p
\v 20-21 Manetualain riꞌ tao natatama ita dale na. Au hule Ni tulu-fali emi, ela emi bisa tao tuka Ria hihii-nanaun katemaꞌ. Au hule fo Ana tulu-fali ita basa, ela dadi teuꞌ lahenda fo tao tamahoꞌo Ria dale Na. Manetualain pake Yesus Kristus daan fo faa, ela heke hehelu-barataaꞌ bebeuꞌ noo ita. Hehelu-barataꞌ ria laꞌo naroo losa doo na neu. Boe ma Manetualain fee ita Ramatuan Yesus Kristus nasoda seluꞌ. Besaꞌ ia, Yesus naboi-nasamao ita sama leoꞌ manafoo fo kahereꞌ nan seli. Huu ria na ita soꞌu tadedema Ria nade na, ma io-oa taroo Ni! Tebe ria.   
\s1 Soda-moleꞌ  
\p
\v 22 Toranoo susue kara emin! Au hule fo emi sipoꞌ no malole ma dale loaꞌ au lelea-nonore ki ia. Susuraꞌ ia, lii na eetuꞌ a.  
\v 23 Tutuiꞌ fo au nau emi basa bubuluꞌ. Riꞌ: ita toranoon Timotius kalua neme bui daleꞌ mai so. Maneniko ana lai-lai leo au mai, neuꞌ ko ami dua sama-sama meu dama emi.   
\p
\v 24 Au haitua haraoe soda-moleꞌ fee emi mauli-malaka mara, ma haraoe soda-moleꞌ fee emi basa fo mamahere Yesus Kristus. Toranooꞌ reme propinsi Italia ara haitua haraoe soda-moleꞌ boe.   
\p
\v 25 Au hule fo Manetualain natudu dale malole Na neuꞌ emi basa.  
\q2 Noi ri naꞌ so!