\id 2PE  
\h 2 Petrus 
\toc1 Petrus susura kadua na 
\toc2 2 Petrus 
\toc3 2Pet 
\mt1 2 Petrus  
\mt2 Petrus susura kadua na  
\c 1  
\s1 Soda-moleꞌ  
\p
\v 1 Susuraꞌ ia neme au, Simon Petrus.\f + \fr 1:1 \ft Duduiꞌ dedea Yunani ruma manaduiꞌ nae, “Simon Petrus”. Duduiꞌ ruma bali, “Simeon Petrus”. Dedea \ft \+it Simeon\+it* nana, neme dedea Ibrani. Dedea Yunani a riꞌ nae, \+it Simon\+it*. De, lahenda malelaꞌ ruma rae, Simon Petrus ma Simeon Petrus nana, lahenda esa naden.\f* Au dadi uuꞌ Yesus Kristus atan. Au boe dadi uuꞌ Ria lahenda nadedenun, Ana nadenu leo basa mamanaꞌ ara, ela afada lahenda laꞌeneuꞌ Ana.  
\p Au duiꞌ susuraꞌ ia fee emi fo riꞌ mamahere Yesus Kristus. Huu no Manetualain dale roo-tetu Na, de Ana soi enoꞌ fo ela emi boe bisa mamahere Kristus, sama leoꞌ ami. Namahereꞌ ria beliꞌ mesan soaneuꞌ ita basa. Kristus boe dadi neuꞌ ita Manetualain na, ma Ria dadi Lahenda manasoi-manatefa sala-sikoꞌ.   
\p
\v 2 Au hule fo emi bisa malelaꞌ matalolole Manetualain, ma malelaꞌ matalolole ita Ramatuan Yesus. Ela Ara ratudu Sira dale malole kadodou nara neuꞌ emi, ela emi bisa masoda no tetu-temaꞌ, mole-dame, ma tesatei-tamadaleꞌ.   
\s1 Ramatuaꞌ a teka-here lahenda nara, boe ma naloo si leo Ria mai  
\p
\v 3 Yesus nanuu kuasa sama no Manetualain kuasa Na. Huu ria na, de Yesus fee ita basa hata fo ita parluu, ela tasoda roo-tetuꞌ tuka Ramatuaꞌ a hihii-nanaun. Ana tao leo naꞌ, nana huu ita talelaꞌ matetuꞌ Ana. Ma Ana naloo ita fo dadi teuꞌ Ria lahendan, nana huu Ria malole a, ma marela-masaꞌa naan seli.  
\v 4 Yesus fee ita katemaꞌ hata penting ara so. Huu fo maulu na Ana helu nau fee basa sira neuꞌ ita. Ria hehelu-barataa nara, malole na seli. Ana fee katemaꞌ sira reuꞌ ita, fo ela ita dale na bisa dadi sama leoꞌ Ramatuaꞌ a dale Na. Ma ita boe bisa lui teme nonoi-tatao tadaluꞌ fo lehenda nai dae-bafoꞌ ia rahiiꞌ taon, nana huu sira tuka noi sira hihii-nanau mesa nara, ta pake hahaeꞌ fa.   
\p
\v 5 Huu ria na, de au nau emi tebe-tebe sadia tao hihii-nanauꞌ malole.  
\q1 Emi mamahere Yesus, tehuu ria bei ta dai fa.  
\q2 Moi-tao maroo hihii-nanauꞌ malole.  
\q2 Malelaꞌ Ramatuaꞌ a, sona malole lena bali.   
\q1
\v 6 Tehuu bosoꞌ teꞌe adaꞌ noi ria.  
\q2 Emi manori masoda manenete aoꞌ.  
\q1 Tehuu ria bei ta dai boeꞌ.  
\q2 Fai bea ma emi hapu susa, sona emi muste manenete mahere, bosoꞌ heoꞌ.  
\q1 Tehuu tao lena neme ria mai bali.  
\q2 Tao basa-basan tuka Ramatuaꞌ a hihii-nanaun.   
\q1
\v 7 Tehuu bosoꞌ teꞌe adaꞌ ria.  
\q2 Matudu susue-lalaiꞌ neuꞌ ita toranoon lehenda kamahereꞌ.  
\q1 Tehuu ria bei ta dai fa.  
\q2 Emi muste masue-malaiao maroo.   
\p
\v 8 Maneniko soda bale-fai mara, tamba malole leo naꞌ maroo, sona emi malelaꞌ matalolole neuꞌ ita Ramatuan Yesus Kristus. De emi soda ma ta mana dadi taaꞌ fa, tehuu neni buna-boa malole. Huu fo nonoi-tatao malole ia ra, riꞌ tao fee emi bubuluꞌ matalolole Ni.  
\v 9 Maneniko lahenda bea ta nau tao leo naꞌ, sona ana afi adaꞌ mata. Ana sama leoꞌ poke ni, de ta nita loo-dae. Ramatuaꞌ a sae-safe heni lahenda ria sala-sikon, de dale na bisa lalao-lalafuꞌ so. Tehuu lahenda ria nafarene henin!   
\p
\v 10 Toranoo susue kara! Besaꞌ ia emi muste tebe-tebe mahehere ao mara. Ramatuaꞌ a teka-here emi dadi meuꞌ Ria lahendan, boe ma emi leo Ria meu. Besaꞌ ia, emi muste matudu mae, emi dadi meuꞌ Ria kileobobokin so. Maneniko hihii-nanauꞌ fo riꞌ bisinaꞌ a au afada a, tamba raroo nai emi masoda ma, sona neuꞌ ko emi ta tuda fa.  
\v 11 No ria na, Manetualain nau fee emi hihii-nanauꞌ kahereꞌ esa, fo riꞌ Ana soi enoꞌ, ma fee emi hak fo sipoꞌ Yesus Kristus dadi neuꞌ emi Mane ma, ela emi masoda maroo mo Ni. Huu fo Ria nana ita Ramatua na. Ma Ria boe, Lahenda Manasoi-manatefa ita sala-sikon.   
\s1 Ubeaꞌ taon de Petrus duiꞌ leo naꞌ?  
\p
\v 12 Emi bubuluꞌ hihii-nanauꞌ fo riꞌ bisinaꞌ a au afada a, ma emi manenete mahere, nana huu emi mamahere hata roo-tetuꞌ. Leo mae leoꞌ na, tehuu au nau afarereneꞌ asarerei fee emi hihii-nanauꞌ ia, fo ela emi bosoꞌ mafarene henin.  
\v 13 Au ta ataaꞌ emi fo mafarene henin. Au nau afarereneꞌ fee emi ela afi maroo hihii-nanauꞌ ia ra. Huu fo au bei asoda nai dae-bafoꞌ ia, de naraa au afarereneꞌ fee emi hihii-nanauꞌ ia ra.  
\v 14 Ta dooꞌ a soꞌ, te au mate. Ita Ramatuan Yesus Kristus nafada au nae leoꞌ na. Huu ria na de au bubuluꞌ memaꞌ so.  
\v 15 Tehuu besaꞌ ia au afarereneꞌ aroo neuꞌ emi, fo ela leo mae au mate boe, emi mafarene maroo hihii-nanauꞌ ia ra.   
\s1 Ita tita Yesus marela-masaꞌa Na so  
\p
\v 16 Maulu na au oo tia-lai kara tui emi, laꞌeneuꞌ ita Ramatuan Yesus Kristus. Ami boe tui mae, maneniko Ana natafali mai, neuꞌ ko mai no kuasa kahereꞌ. Tebe hete? Tehuu tuturaꞌ ta ria fa. Ami tui emi laꞌeneuꞌ noi hata fo parnaa ami mita mataꞌ a! Huu ria na, de ami bubuluꞌ Yesus nanuu kuasa, sama leoꞌ mane bauinaꞌ esa.  
\v 17-18 Laiꞌ esa de, ami sama-sama mo Yesus nai Ramatuaꞌ a lete lalao-lalafu Na lain. Boe ma Amaꞌ Manetualain nafada laꞌeneuꞌ Yesus marela-masaꞌa Na. Tepoꞌ ria, ami mamanene haraoe malole inaꞌ esa neme lalai mai nae,  
\q1 “Ia nana, Au Ana susue Ka.  
\q2 Ana tao na Au dale Ka namahoꞌo.”\x + \xo 1:17-18 \xt Mateos 17:1-5; Markus 9:2-7; Lukas 9:28-35\x*   
\p
\v 19 Dedeaꞌ ria tao na ita boe-boe tamahere, laꞌeneuꞌ basa hihii-nanauꞌ fo ita sipo neme Ramatuaꞌ a mana nesimata fai ulu nara mai. De, malole lenaꞌ emi tao tuka sira hehelu na! Huu fo sira hehelu na, sama leoꞌ dededeꞌ esa pila na nahaa nai mamana maiuꞌ. De, emi muste mamania-mamanene sira hehelu na, losaꞌ Yesus natafali mai. No ria na, emi boe-boe bubuluꞌ maroo. Ria sama leoꞌ emi mita ruu dulupilaꞌ a dei, besaꞌ ko ledo a tii mai fo nahaa-nakaledo soaneuꞌ basa-basan.   
\p
\v 20 Mafarereneꞌ, te Ramatuaꞌ a mana nesimata nara rafada memaꞌ laꞌeneuꞌ hihii-nanauꞌ dodouꞌ. Tehuu sira hehelu na, ta tuka hihii-nanau mesa nara fa.\f + \fr 1:20 \ft Dedea Yunani nai ia bisa nanuu sosoa-raraaꞌ telu. 1) Mana nesimata esa dedea na ta tuka ria hihii-nanau mesan; 2) ta hapu lahenda esa bisa bubuluꞌ mana nesimataꞌ a hehelu na sosoa-raraan teniꞌ beꞌi-barai mesan; 3) maneniko ita nau bubuluꞌ mana nesimatan esa hehelu na, sona ita muste tararaaꞌ ana no Ramatuaꞌ a Hara-dasin katemaꞌ.\f*  
\v 21 Nana huu hata fo ara duiꞌ a, ta naoka-nasamu neme hata fo riꞌ sira rahiiꞌ dedean. Tehuu ria naoka-nasamu nai Manetualain, tuka hata fo Ria Dula-dale Malalao-malalafu Na natudu si a.   
\c 2  
\s1 Lahenda manori-mafada mapuputaꞌ ara  
\p
\v 1 Maulu na, lahenda Israel ruma rae, sira dadi reuꞌ Manetualain mana nesimatan. Sekona te, ara rapuputaꞌ. Neuꞌ ko emi boe maneta moi lahenda leo naꞌ, nai emi talada. Huu fo lahenda ruma rae, sira ranori-rafada laꞌeneuꞌ Ramatuaꞌ a, tehuu ara rapuputaꞌ. Sira duduꞌa-aafi tadalun, ara ranori-rafada rafufuniꞌ ana. Huu ria na, de ara bisa sososoꞌ sira nanori-nafada pepeko-papaki nara. Maneniko emi mamania-mamanene sira nanori-nafadan, neuꞌ ko emi malulutuꞌ. Ara ralena rae, Ramatua Yesus nana ta sira malakan fa. Sekona te, Ana soi-tefa naa si pake beliꞌ mabera. No tatao leoꞌ na nara, de neuꞌ ko ara ralulutuꞌ lalaiꞌ.   
\p
\v 2 Leo mae leoꞌ na, tehuu neuꞌ ko lahenda dodouꞌ tuka si, ma ara ratudu parani nonoi-tatao tadaluꞌ, boe ta maeꞌ fa. No sira nonoi-tataon, de lahenda ta hadaꞌ ma ta tuka nanori roo-tetuꞌ fa.  
\v 3 Mesen mapuputaꞌ sira, mana tendetuu-dalesalaꞌ ara. Ara aadaꞌ maa nara rupa-rupaꞌ, ela bisa tipu-dai ra emi doi-talim. Tehuu bosoꞌ mafarene henin, te Manetualain Mana Ee Dedeaꞌ a, ta manasuku-manateeauꞌ fa. Neme fai a uluꞌ mai, Ana sadia huku si. Neuꞌ ko ara ralulutuꞌ.   
\p
\v 4 Conto leo-leoꞌ, fai a ulu na Ramatuaꞌ a eilaꞌo-limalopen rai nusatetu-ikutemaꞌ a, ruma tao salaꞌ. Tehuu Manetualain fo riꞌ dadi Mana Ee Dedeaꞌ, ta poꞌi si fa. Ana tuꞌu si leo naraka a reu, ma ena si rai bolo maiuꞌ madema a. Ara rahani nai mamanaꞌ ria losa ledo-fai na, te ara reu rataa Ni.   
\p
\v 5 Leoꞌ na boe neuꞌ lahenda tepo-lele uluꞌ ara. Tepoꞌ ria ara tao tadaluꞌ, ma ta tao daleꞌ neuꞌ Manetualain fa. Tehuu Manetualain ator, de Ria lahenda dale roos na esa, nade Noh natudu enoꞌ fo lahenda bisa rasoda roo-tetuꞌ. Tehuu ara ta nau ramanene ni boeꞌ. Huu ria na, de Manetualain fee faa inaꞌ a mai, ela tao nalulutuꞌ lahenda fo ta tao daleꞌ neuꞌ Ana. Ana fee Noh noo uma isi nara rasoda. Sira basa lahenda falu.\x + \xo 2:5 \xt Tutui Masososaꞌ 6:1—7:24\x*   
\p
\v 6 Fai a ulu na lahenda reme kota Sodom no kota Gomora leo-laꞌo tadalu raan seli. Boe ma, Manetualain huku si. Basa-basan fo rai naa, Ana hotu heni si losaꞌ dadi afu. Mate basa lahenda fo rai naa. Ria dadi conto soaneuꞌ lahenda fekeꞌ fo rasoda tadaluꞌ, ma ta tao daleꞌ neuꞌ Manetualain. Maneniko ara ta nau saledale-tuꞌetei nara, sona sira bisa bubuluꞌ memaꞌ ua-nale nara.\x + \xo 2:6 \xt Tutui Masososaꞌ 19:24\x*  
\v 7 Tehuu tepoꞌ ria, lahenda esa nade Lot, riꞌ roo-tetuꞌ. Ana sotaꞌ no lahenda parani nonoi-tatao tadaluꞌ, fo riꞌ ta nau ramanene neuꞌ Ramatuaꞌ a. Boe ma Ramatuaꞌ a poꞌi-tata na Lot neme naꞌ mai.\x + \xo 2:7 \xt Tutui Masososaꞌ 19:1-6\x*  
\v 8 Lot mesaꞌ ana riꞌ tao roo-tetuꞌ, tehuu ana leo nai lehenda Sodom ara talada. Tuka-tuka faiꞌ ana nita, ma namanene si ralena laka neuꞌ Ramatuaꞌ a Atoran nara. No ria tao feen dale na susa.   
\p
\v 9 Basa conto sira ratudu rae, Manetualain bubuluꞌ enoꞌ poꞌi-tata na lahenda fo ramanene Ni a, reme sosoba rupaꞌ ara mai. Ria boe bubuluꞌ enoꞌ natetaꞌ huhuku mabera neuꞌ lahenda fo rasoda pepeko-papakiꞌ. Ma Ana tao leo naꞌ naroo, losa ledo-fai fo Ana naetuꞌ basa lahenda ra dedea nara.  
\v 10 Soaneuꞌ lahenda fo rahiiꞌ rasoda noi makekeo-makakanuꞌ tuka sira hihii-nanau mesan, sira hapu huhukuꞌ mabera. Ara ta nau ramanene lahenda esa boeꞌ. Tantu Ramatuaꞌ a huku si.  
\p Mesen mapuputaꞌ sira koaoꞌ, ma raparani ran seli. Ara ta nau ratudu hada-horomata, ma ara ta biiꞌ dedea ramumulu Manetualain no eilaꞌo-limalope nara rai nusatetu-ikutema.  
\v 11 Sekona te, Ria eilaꞌo-limalopen rai nusatetu-ikutemaꞌ a baraꞌai nara lena mesen mapuputaꞌ sira. Leo mae leoꞌ na, tehuu eilaꞌo-limalope ra ta dedea ramumulu mesen sira rai sira Ramatua na matan. Ma ara boe ta sale mesen sira.   
\p
\v 12 Tehuu mesen mapuputaꞌ sira rahiiꞌ dedea ramumulu laꞌeneuꞌ basa hihii-nanauꞌ fo ara ta bubuluꞌ. Sira sama leoꞌ banda duduꞌa-aafi taaꞌ! Malole lenaꞌ hopu naa si, fo nalulutuꞌ asa! Huu fo sira ua-nalen ria. Tantu ara ralulutuꞌ, nana huu sira nonoi-tataon.  
\v 13 Ara tao susa takabaiꞌ fee lahenda. Neuꞌ ko Ramatuaꞌ a tao nasususaꞌ asa boe, nana huu sira nonoi-tataon ta laꞌe fa. Ara rahiiꞌ rame-rame tao nabua-naesaꞌ tadalu. Ara ratudu parani nonoi-tatao tadalu nara, fo ela basa lahenda bisa rita sira tadalu nara. Ara ta maeꞌ ralelaꞌ, boe ma ara tao ralulutuꞌ emi nade malolem. Maneniko ara raa feta sama-sama roo emi, sona ara nau tao tuka noi sira dale hihii tadalun.  
\v 14 Sira mata nara teteo-rerelu saka inaꞌ fo hohoke si. Ara tao noi tadaluꞌ laꞌo naroo. Ara rahiiꞌ saka lahenda fo riꞌ ta ramahere tebe-tebe neuꞌ Ramatuaꞌ a, ma duduku-papauꞌ asa ela tao tadaluꞌ tuka si. Ara saka eno tendetuu-dalesalaꞌ laꞌo naroo. Tantu Ramatuaꞌ a huku si!\x + \xo 2:14 \xt Tutui Masososaꞌ 6:5\x*   
\p
\v 15-16 Fai a ulu na mesen mapuputaꞌ sira, nana lahenda fo tuka eno roo-tetuꞌ, tehuu nai mabui boe ma ara heo enoꞌ. No ria na, sira sama leoꞌ fai a ulu na Balaam, fo riꞌ Bosor\f + \fr 2:15-16 \ft Nai duduiꞌ dedea Yunani maloleinaꞌ a nade na, manaduiꞌ \ft \+it Bosor\+it*, ma duduiꞌ ruma bali nae, \+it Beor\+it*. Katemaꞌ duduiꞌ dedea Yunani manaduiꞌ Bosor ana na nade, \+it Balaam\+it*. Susura Makamoiꞌ dedea Indonesia manaduiꞌ nae, \+it Bileam\+it*.\f* ana na. Ramatuaꞌ a mana nesimatan esa rian. Tehuu nahiiꞌ saka doiꞌ, huu ria na, de ana tao hihii-nanau tadaluꞌ ara. Laiꞌ esa de, Balaam saꞌe keledei. Keledei ra ta bisa dedea fa. Tehuu fai ria Ramatuaꞌ a tao na keledei ria dedea sama leoꞌ lahenda! Boe ma keledei ria nasaꞌai Balaam, nana huu ria tatao tadalu na. Keledei ria nau fee ni nateꞌe, ela ana bosoꞌ boe tao peko-pakiꞌ, sama leoꞌ lahenda kamulus.\x + \xo 2:15-16 \xt Susura Dudui Nadeꞌ a 22:4-35\x*   
\p
\v 17 Mesen mapuputaꞌ sira sama leoꞌ oe mataꞌ sosoa-raraa taaꞌ esa, nana huu meti heni oe na so. Sira boe sama leoꞌ masuꞌ fo ani a fuu henin, de sosoa-raraaꞌ taꞌa. Ramatuaꞌ a sadia memaꞌ mamana maiu-mahatuꞌ esa fo ela ena si.  
\v 18 Ara dedea bauinaꞌ, tehuu rouꞌ. Ara duduku-papauꞌ lahenda fo ela ara sosoa-piaoꞌ. Ara rahiiꞌ fufudi-leleꞌo lahenda fo riꞌ besaꞌ ko natafali leo eno roos a neu, ela ara tao seluꞌ salaꞌ.  
\v 19 Lahenda mapuputaꞌ sira helu rae, “Maneniko emi mamanene ami, sona emi poꞌilotaꞌ de tao tuka noi dale hihii mara!” Tehuu lahenda fo dedea leo naꞌ, ara ta bisa poꞌi rala ao nara reme sira tadalu nara mai, sama leoꞌ ata. Lahenda bea nataaꞌ hihii-nanauꞌ esa ator ana, sona ria sama leoꞌ ana dadi neuꞌ hihii-nanauꞌ ria ata na.  
\v 20 Kalu nau poꞌilotaꞌ temeꞌ tadalu dae-bafoꞌ fo riꞌ tao nakekeo-nakakanu ita, sona muste talelaꞌ ita Ramatuan Yesus Kristus. Tehuu maneniko bea nau heoꞌ nemeꞌ Ana mai, boe ma tao seluꞌ hihii-nanau tadaluꞌ leoꞌ maulu na, sona ria sama leoꞌ hihii-nanau tadaluꞌ a ator asa. Besaꞌ ia sira rasaliu lena bali!  
\v 21 Ramatuaꞌ a pareta Na malole, ma ara bubuluꞌ eno roo-tetu ria so, tehuu ara ta tao tuka, sona ta malole a. Malole lenaꞌ, kalu ara ta parnaa bubuluꞌ eno roo-tetuꞌ ria fa.  
\v 22 Dedea lasiꞌ laꞌe mesen mapuputaꞌ sira nae, “Maneniko busa a muta, ana fali neu naa seluꞌ ria mutas na.” Fekeꞌ bali nae, “Leo mae nadiu basa bafi esa oe so, tehuu ana fali neu loli seluꞌ tane bali.”\x + \xo 2:22 \xt Dedea Lasiꞌ a 26:11\x*   
\c 3  
\s1 Ita Ramatua na sakaꞌ natafali mai  
\p
\v 1 Toranoo susue kara! Ia nana au fee emi susuraꞌ kadua a. Nai susuraꞌ ia ra dua, au afarereneꞌ fee emi, ela emi bisa duꞌa-afi laꞌeneuꞌ hihii-nanauꞌ roo-tetuꞌ ara.  
\v 2 Mafarene fai a ulu na, Ramatuaꞌ a mana nesimata nara dedea-nafadan. Mafarene Yesus lahenda nadedenu nara boe. Afi matalolole laꞌeneuꞌ hata fo riꞌ ita Ramatua na pareta si, ela rafada emi a. Huu fo Ria riꞌ soi-tefa na emi meme sala-siko mara mai!  
\v 3 Mafarene leo iaꞌ dei: leo mae dae-bafoꞌ a bei ta noe fa, tehuu lahenda mamumulu-mamamaeꞌ ara tao tuka sira hihii-nanau ao-paa tadalu nara. Ara dedea ramumulu nonoi-tatao roo-tetuꞌ a.\x + \xo 3:3 \xt Yudas 1:18\x*  
\v 4 Ara dedea rae, “Yesus helu nae, Ana sakaꞌ natafali mai hete? Kalu leoꞌ na, sona Ana nai bea? Huu fo mulai neme ita bei-baꞌi nara mate, losaꞌ besaꞌ ia ta hapu esa nararali boeꞌ. Mulai neme Manetualain adu lalai no dae-bafoꞌ a, basa-basan bei ratetu.”   
\p
\v 5-7 Tehuu lahenda mapuputaꞌ sira, rafarene heni hihii-nanauꞌ esa. Riꞌ neme masososa na mai Manetualain noi dedeaꞌ a boe, lalai dadi memaꞌ. Manetualain adu na oe boe. Boe ma Ana tada bati oe a neme madaꞌ a mai, ma tao na madaꞌ a toda neme oe a mai. Manetualain dedea nae leoꞌ bea, sona ria nahere.\x + \xo 3:5-7 \xt Tutui Masososaꞌ 1:6-9\x* Nai mabui, boe ma Manetualain pake faa ina, de namate basa lahenda dae-bafoꞌ fo riꞌ rasoda nai Noh tepo-lelen.\x + \xo 3:5-7 \xt Tutui Masososaꞌ 7:11\x* Tehuu besaꞌ ia, Manetualain nafada memaꞌ, Ana sakaꞌ tao hata ubeaꞌ soaneuꞌ lalai no dae-bafoꞌ a. Besaꞌ ia Ana bei nahani, tehuu neuꞌ ko naraa laꞌe ledo-fain, te Ana nau hotu heni si. Neuꞌ ko Manetualain fee huhukuꞌ, ela tao nalulutuꞌ lahenda fo ta nau tao daleꞌ neuꞌ Ana. Leo mae leoꞌ na, tehuu lahenda mapuputaꞌ sira ta nau rafarene rae, tantu Manetualain tao tuka hata fo Ana dedea a.   
\p
\v 8 Toranoo susue kara! Bosoꞌ mafarene heni hihii-nanauꞌ ia. Ita Ramatua na ta reke ledo-fai sama leoꞌ ita. Tuka Ria, sona faiꞌ esa bisa sama leoꞌ teuꞌ rifun esa. Ma teuꞌ rifun esa, sama leoꞌ noi faiꞌ esaꞌ a boe.\x + \xo 3:8 \xt Sosoda Iꞌio-oꞌoaꞌ ara 90:5\x*  
\v 9 Maneniko ita Ramatua na helu sakaꞌ tao hihii-nanauꞌ esa, sona Ana taon naraa laꞌe ledo-fain, ma ta nahani fa. Lahenda ruma afi rae Ana noi-tao nababakoꞌ. Sekona te, taꞌa! Ana nanenete, nahani ledo-fain. Ita Ramatua na nau basa lahenda ra saledale-tuꞌetei nara, ma ratafali mai tuka Ni. Huu fo Ana ta nau lahenda ra bika-bati roo Ni losaꞌ dodoon.   
\p
\v 10 Tehuu maneniko ita Ramatua na natafali mai, ta hapu lahenda esa bubuluꞌ boeꞌ. Huu fo Ria mamai na noi nakekeꞌ a, sama leoꞌ naꞌo a masoꞌ nala uma daleꞌ. Neuꞌ ledo-fai ria, te basa hata a lalaꞌen rai lalai nanahotu heniꞌ, leo-leoꞌ ledo a, bulaꞌ a, ma ruuꞌ ara. Basa-basan sapu-lalo! Leoꞌ na boe, dae-bafoꞌ a noo basa oe-isin. Putu heni si!\x + \xo 3:10 \xt Mateos 24:43; Lukas 12:39; 1 Tesalonika 5:2; Daebafo Rupa-lole Bebeuꞌ a 16:15\x*   
\p
\v 11 De, neuꞌ ko basa-basan nanahotu heniꞌ, sona emi dadi lahenda rupa leo beaꞌ? Emi muste sadia leo-laꞌo tuka Ramatuaꞌ a hihii-nanaun. Emi boe muste masoda lalao-lalafuꞌ!  
\v 12 Ma emi muste mahani Ramatuaꞌ a mamai na. De, emi muste sadia fo tao ma fai ria mai lai-lai. Neuꞌ ledo-fai ria, te lalai nanahotu heniꞌ boe. Ma basa hata a lalaꞌen rai lalai nanahotuꞌ de noe heni si.   
\p
\v 13 Tehuu neuꞌ ko hapu lalai rupa-lole bebeuꞌ, ma dae-bafo rupa-lole bebeuꞌ. Manetualain helu nae leoꞌ na, ria riꞌ ita tahani. Nai naa hapu noi lahenda roo-tetuꞌ ara.\x + \xo 3:13 \xt Yesaya 65:17; 66:22; Daebafo Rupa-lole Bebeuꞌ a 21:1\x*   
\p
\v 14 De, toranoo susue kara! Fai fo emi bei mahani hihii-nanauꞌ ia ra, emi muste sadia dadi meuꞌ lahenda malole, tuka Ramatuaꞌ a uuku-susudin. No ria na, ta hapu lahenda esa bisa sale emi. Sadia fo masoda mole-dame boe.   
\p
\v 15a Huu fo ita Ramatua na nanenete, fo ela Ana bisa soi-tefa na emi meme sala-siko mara mai.   
\s1 Petrus duiꞌ nateꞌe susura na  
\p
\v 15b Sama na leoꞌ ita toranoon Paulus duiꞌ fee emi, laꞌeneuꞌ hihii-nanauꞌ dodouꞌ so, hete? Ramatuaꞌ a riꞌ fee ni duduꞌa-aafi tandeꞌ leo naꞌ, huu ria na de ana duiꞌ leo naꞌ boe.  
\v 16 Fai bea ma Paulus duiꞌ susuraꞌ, sona ana dedea hihii-nanauꞌ ia ra boe. Neme ria susura nara mai, memaꞌ hapu hihii-nanauꞌ ruma ita ta tala sosoa-raraan fa. Lahenda ruma tao rapuputaꞌ Paulus dale hihii na. Ara tao raputaꞌ hihii-nanauꞌ fekeꞌ ara rai Ramatuaꞌ a Susura Makamoi Na daleꞌ boe. Sira siꞌ, lahenda ao-mataꞌ ara, ma lahenda fo ta ramahere tebe-tebe fa. Lahenda rupa leo naꞌ ara, neuꞌ ko ralulutuꞌ.   
\p
\v 17 Toranoo susue kara! Emi bubuluꞌ mesen mapuputaꞌ sira eno masoda nara so. De, besa-besa oo! Huu fo ara ta nau ramanene atoran esa boeꞌ. Ara soba-soba rapuputaꞌ emi, fo ela emi heo meme eno roo-tetuꞌ a mai. Tehuu bosoꞌ mataaꞌ asa raseki emi. Emi muste manenete mahere.  
\v 18 Malole lenaꞌ, emi namahere ma namatua-namanaru naroo. Huu fo emi bubuluꞌ, ita Ramatuan Yesus Kristus Manasoi-manatefa ita sala-sikon. Ana nau natudu dale malole Na neuꞌ emi. Ma Ana nau emi boe-boe malelaꞌ Ana.  
\p Au nau basa lahenda ra soꞌu radedema Ni, neme besaꞌ ia mai losa doo na neu!\f + \fr 3:18 \ft Duduiꞌ dedea Yunani ruma tamba “Amin!” nai ia.\f*  
\q2 Soda-moleꞌ,  
\q2 Petrus