\id 1CO  
\h 1 Korintus 
\toc1 Paulus susura masososa na fee lahenda kamahereꞌ rai kota Korintus 
\toc2 1 Korintus 
\toc3 1Kor 
\mt2 Paulus susura masososa na  
\mt2 fee lahenda kamahereꞌ rai kota Korintus  
\mt1 1 Korintus  
\c 1  
\s1 Soda-moleꞌ  
\p
\v 1 Susuraꞌ ia neme au mai, Paulus. Manetualain teka-here au dadi uuꞌ Yesus Kristus lahenda nadedenun so. Ma aꞌa Sostenes boe haitua fee emi haraoe soda-moleꞌ.  
\v 2 Au duiꞌ susuraꞌ ia fee emi, fo riꞌ Manetualain lahenda kamaheren rai kota Korintus. Ana teka-here emi fo dadi meuꞌ Ria lahenda lalao-lalafun nana huu emi mamahere Yesus Kristus. Ana tao na emi dadi lalao-lalafuꞌ, sama leoꞌ katemaꞌ lahenda kamahere fekeꞌ fo rai basa mamana ara. Huu fo sira boe hule tutulu-fafaliꞌ neuꞌ ita Ramatuan Yesus Kristus fo riꞌ Manetualain helu memaꞌ neme uluꞌ nau fee Ni mai. Ria nana ita too sira, Ramatua na.\x + \xo 1:2 \xt Lahenda Nadedenuꞌ ara Tutuin 18:1; Yoel 2:32\x*   
\p
\v 3 Au hule-haradoi neuꞌ Manetualain, ita Aman, ma Yesus Kristus, ita Ramatuan. Au hule fo Ara ratudu Sira dale malole nara reuꞌ emi, fo ela emi bisa masoda no tetu-temaꞌ, mole-dame, ma tesatei-tamadaleꞌ.   
\s1 Paulus hule makasi nana huu lahenda Korintus ara  
\p
\v 4 Fai bea ma au afarene emi, au dedea oo Manetualain ae, “Makasi dodouꞌ soaneuꞌ lahenda Korintus ara namahere na!” Manetualain natudu dale malole na neuꞌ emi, nana huu emi mamahere maroo Yesus Kristus, fo riꞌ Ana fee Ni mai.  
\v 5 De Ana fee emi mabeꞌi malalaꞌo nonoi lakaꞌ dodouꞌ, nana huu emi nanahekeꞌ mo Ni. Ria tao na emi mamasuꞌi nai dale mara. Huu ria na, de emi bubuluꞌ matetuꞌ nonori-nafadaꞌ ara, laꞌeneuꞌ Ria eno masoda na. Emi boe malelaꞌ eno ubeaꞌ riꞌ malole lena, fo mafada lahenda laꞌeneuꞌ Kristus.  
\v 6 Ria natudu nae, ami mafada emi nonori-nafadaꞌ fo laꞌeneuꞌ Kristus a, naoka-nasamu nahere nai emi dale mara. Huu ria na, emi mamahere mae, nonori-nafadaꞌ sira roo-tetuꞌ.  
\v 7 De, emi sipo basa hihii-nanau malole sira, fo riꞌ Manetualain Dula-Dale Na fee neuꞌ Ria lahenda nara so. Ta kura-kai hata esa boeꞌ. Besaꞌ ia, emi mahani fai fo neuꞌ ko Manetualain natudu ita Ramatuan Yesus Kristus soaneuꞌ basa lahenda ra.  
\v 8 Kristus riꞌ, nau tao natea-namepe emi, ela manenete maroo losaꞌ Ana natafali leo dae-bafoꞌ ia mai. No ria na, emi ta tuda, ma ta hapu lahenda bisa sale emi.  
\v 9 Ita bisa tamahere Manetualain Dedea-nafadan, huu fo Ana dedea ubeaꞌ sona tao naan dadi. Tantu Ana nau tao hihii-nanauꞌ ia ra soaneuꞌ emi. Ma Ria riꞌ soi enoꞌ, ela emi bisa malelaꞌ matalolole Ana Na, fo riꞌ ita Ramatuan Yesus Kristus.   
\s1 Emi lahenda saraniꞌ a muste teiꞌesa-daleꞌesa; bosoꞌ mabika-mabatiꞌ  
\p
\v 10 Toranoo susue kara emin! Au dedea hihii-nanauꞌ ia, uniꞌ ita Ramatuan Yesus Kristus nade Na. De, tebe-tebe au hule emi fo hahae nalelenaaoꞌ a leo. Tehuu afi fo emi masoda teiꞌesa-daleꞌesa, ma bosoꞌ mabika-mabatiꞌ. Emi muste sama-sama duꞌa-afi loa-naruꞌ, fo ela emi bubuluꞌ mae, emi manuu noi hihii-nanauꞌ esa.   
\p
\v 11 Huu fo lahenda neme susi Kloe uma isin riꞌ mai tui au nae, emi ruma malelenaaoꞌ maroo.  
\v 12 Leo iaꞌ: emi ruma mae, emi nana Paulus lahendan! Ma ruma rae, emi nana Apolos lahendan! Ma ruma bali rafada rae, emi tuka Petrus!\f + \fr 1:12 \ft Susura Makamoiꞌ dedea Yunani nae, “Kefas”. Kefas nana, Petrus nade feke na.\f* Fekeꞌ ara bali rae, emi mamanene noi Kristus!\x + \xo 1:12 \xt Lahenda Nadedenuꞌ ara Tutuin 18:24\x*   
\p
\v 13 Emi duduꞌa-aafim leo beaꞌ? Kristus kileobobokin ta bisa rabika-rabatiꞌ. Emi afi mae, au riꞌ mate nai ai-kake a soaneuꞌ emi? Taꞌa! Ara sarani emi a, pake au nade ka fo ela emi dadi meuꞌ au lahenda ki do? Ta leo naꞌ fa hete?  
\v 14 Au hule makasi neuꞌ Manetualain, nana huu tepoꞌ fo au oo emi nai naa, au ta sarani lahenda feke, tehuu au sarani noi aꞌa Krispus no aꞌa Gayus.\x + \xo 1:14 \xt Lahenda Nadedenuꞌ ara Tutuin 18:8; 19:29; Roma 16:23\x*  
\v 15 No ria na, ta bisa hapu lahenda rae, “Ara sarani au pake Paulus nade na, boe ma au dadi uuꞌ Paulus lahendan.”  
\v 16 (Au besaꞌ ko afarene. Au boe sarani Stefanus uma isin ruma. Tehuu au ta afarene ae sarani lahenda fekeꞌ bali do, taꞌa.)\x + \xo 1:16 \xt 1 Korintus 16:15\x*   
\p
\v 17 Kristus ta nadenu au fo uu sarani lahenda. Au nonoi laka ka, riꞌ afada lahenda laꞌeneuꞌ Ria Tutui Malole na. Tehuu maneniko au afada lahenda leoꞌ na, Kristus ta nahiiꞌ au dedea adedema ao ka, ela atudu au rolu-malela kara. Huu fo maneniko au dedea leoꞌ na, sona nakuraꞌ kuasa neme tutuiꞌ laꞌeneuꞌ Kristus mamate Na nai ai-kake a.   
\s1 Kristus sipo Ria kuasa na neme Manetualain mai  
\p
\v 18 Lahenda afi rae, ami tui-beka hihii-nanauꞌ koa-pakanaaꞌ laꞌeneuꞌ Kristus mamate Na nai ai-kake a. Tehuu lahenda rupa leo naꞌ a, neuꞌ ko bika-bati neme Manetualain mai. Sekona te, ita bubuluꞌ tae, Kristus mamate Na, natudu Manetualain kuasan fo riꞌ soi-tefa na ita teme sala-siko ara mai.  
\v 19 Ria sama leoꞌ baꞌi Yesaya parnaa duiꞌ nae,  
\q1 “Manetualain nae,  
\q1 ‘Basa hihii-nanauꞌ fo lahenda malelaꞌ ara bubuluꞌ,  
\q2 neuꞌ ko Au ofe heni si katemaꞌ,  
\q3 ela dadi reuꞌ hihii-nanauꞌ sosoa-raraa taaꞌ.  
\q1 Sira malela nara rupa leo beaꞌ boe,  
\q2 neuꞌ ko Au tuꞌu heni basa si,  
\q3 ela dadi reuꞌ hihii-nanauꞌ sosoa-raraa taaꞌ.’ ”\x + \xo 1:19 \xt Yesaya 29:14\x*   
\p
\v 20 Tebe fai a ulu na Manetualain dedea nae leoꞌ na. Boe ma besaꞌ ia, dadi leo beaꞌ? Lahenda manuu duduꞌa-aafi tandeꞌ ara, dadi leo beaꞌ? Mesen agama ra, dadi leo beaꞌ? Ma lahenda malela masesefi dedeaꞌ ara, dadi leo beaꞌ? Soba nenene! Manetualain tao naa si sama leoꞌ lahenda pakanaaꞌ! Ana faꞌu heni basa duduꞌa-aafiꞌ sosoa-raraa taaꞌ fo raoka-rasamu nai dae-bafoꞌ ia.\x + \xo 1:20 \xt Ayub 12:17; Yesaya 19:12; 33:18; 44:25\x*   
\p
\v 21-22 Manetualain maduduꞌa-aafi tandeꞌ. Leo mae lahenda dae-bafoꞌ a rae duduꞌa-aafi nara tandeꞌ, sira duduꞌa-aafin ta namadai fo ara bisa ralelaꞌ matetuꞌ Manetualain. Leo mae leoꞌ na, tehuu Manetualain pake Ria duduꞌa-aafi tande Na, fo soi enoꞌ fee lahenda dae-bafoꞌ a. Fai a ulu na, Ana afi nae, “Leo mae lahenda dae-bafoꞌ a rae Au lahenda nadedenu kara pakanaaꞌ, tehuu Au muste adenu lahenda, fo reu rafada si hihii-nanauꞌ roo-tetuꞌ laꞌeneuꞌ Au.” Huu fo Manetualain naetuꞌ nau pake heheluꞌ fo Ria lahenda nadedenu nara reni a, ela lahenda bisa ramahere Ni. Ana nau pake enoꞌ ria fo soi-tefa lahenda reme sala-siko nara mai.  
\p Tehuu lahenda dae-bafoꞌ a rae Manetualain eno Na, pakanaaꞌ. Huu ria na, de ara ta nau tao daleꞌ neuꞌ Ria lahenda nadedenu nara. Lahenda Yahudi ra hule noi tanda heran, ela ara bisa rita Manetualain kuasa Na. Ma lahenda Yunani ra nau ramanene noi sira duduꞌa-aafi tande mesa nara, besaꞌ ko ara ramahere.  
\v 23 Leo mae leoꞌ na, tehuu noi ami fo riꞌ dadi meuꞌ Ramatuaꞌ a lahenda nadedenu nara, meu mafada lahenda mae, “Manetualain fee Kristus mai, Lahenda fo riꞌ Ana helu memaꞌ neme fai a ulu na. Boe ma lahenda fekeꞌ ara paku raisa Ni nai ai-kake a.” Lahenda Yahudi ra ramanene tutuiꞌ ria, ara nau tipa henin, huu fo tuka sira duduꞌa-aafin, Lahenda fo Manetualain feen mai a, ta bisa maten fa. Lahenda Yunani ra ramanene tutuiꞌ ria, ara afi rae, “Tutui pakanaaꞌ ria!”  
\v 24 Tehuu lahenda ruma, Manetualain teka-here memaꞌ asa fo dadi reuꞌ Ria nuun. Sira ruma reme lahenda Yahudi, ma ruma reme lahenda fo ta Yahudi fa. Tuka sira, sona Kristus mamate Na natudu si nae, Manetualain kuasa Na bau na seliꞌ, ma Ria duduꞌa-aafin tandeꞌ a.  
\v 25 Ma leo mae lahenda dae-bafoꞌ a rae Manetualain eno na pakanaaꞌ, tehuu Ria duduꞌa-aafi tande Na lena sira. Ma leo mae ara rae Manetualain ta nanuu kuasa hata-hata esa boeꞌ, tehuu Ria kuasa Na bau lena sira.   
\p
\v 26 Toranoo susue kara emin! Emi bisa bubuluꞌ au dedea-nafada ka, mafarene emi natuu-napadeim tepoꞌ fo Manetualain teka-here emi, ela dadi meuꞌ Ria nuu-enan. Tuka lahenda dae-bafoꞌ a memete-rerelun, nai emi talada ta hapu lahenda malelaꞌ dodouꞌ, ta hapu lahenda dodouꞌ ranuu lelea-nonoreꞌ, ma ta hapu lahenda dodouꞌ reme kileobobokiꞌ fo ranuu nade bauinaꞌ.  
\v 27 Tehuu Manetualain nau pake lahenda fo riꞌ lahenda dae-bafoꞌ a rae pakanaa raan seli a, ela tao ramamaeꞌ lahenda fo rae sira malelaꞌ. Ma Ria boe nau pake lahenda fo riꞌ lahenda dae-bafoꞌ a rae ta ranuu kuasa hata-hata esa boeꞌ, ela tao ramamaeꞌ lahenda fo rae sira ranuu kuasa.  
\v 28 De Ana teka-here lahenda aanaꞌ nade taaꞌ, ma lahenda ta hika-hadaꞌ neuꞌ asa. Manetualain nau pake si, ela tao ra lahenda fo rae sira kahereꞌ a, dadi sama leoꞌ sira ta ranuu sosoa-raraaꞌ hata esa boeꞌ.  
\v 29 Ela, fai fo lahenda reu rasare Manetualain, ta hapu esa fapa ara na nae, ria kahereꞌ.   
\p
\v 30 Huu fo Manetualain riꞌ soi enoꞌ ela emi bisa dadi meuꞌ Yesus Kristus lahendan. Kristus mamate Na natudu fee Manetualain kuasan ma malela bauina Na, nana huu Yesus riꞌ soi enoꞌ fo ita bisa mole-dame too Manetualain. Yesus boe riꞌ tao na ita bisa tasoda roo-tetuꞌ ma lalao-lalafuꞌ. Ma Ria riꞌ poꞌi-tata na ita teme sala-sikoꞌ a mai.  
\v 31 Ria sama leoꞌ manaduiꞌ nai Susura Makamoiꞌ a nae,  
\q1 “Bea nau soꞌu-fua,  
\q2 malole lenaꞌ ara soꞌu-fua ita Ramatua na nonoi-tataon.  
\q2 Bosoꞌ ratutua-radedema ao nara!”\x + \xo 1:31 \xt Yeremia 9:24\x*   
\c 2  
\s1 Ita muste tafada basa lahenda ra, laꞌeneuꞌ Ramatua Yesus mamate na nai ai-kake a  
\p
\v 1 Toranoo susue kara emin! Maulu na au leo emi mai, au afada emi Manetualain nino Na fo riꞌ lahenda dae-bafoꞌ a ta bubuluꞌ. Tehuu au ta uni dedea-nafadaꞌ ria fo dedea koaoꞌ. Ma au boe ta pake dedea-nafada madema fo atudu au malela ka.  
\v 2 Tepoꞌ fo au sama-sama oo emi, au afi ae leo iaꞌ: au nau atudu noi hihii-nanauꞌ esa, riꞌ Yesus Kristus. Ria riꞌ, Lahenda fo neme uluꞌ mai Manetualain helu memaꞌ nau feen mai. Tehuu tepoꞌ fo Yesus mai, lahenda ra paku raisa Ni nai ai-kake a. Au alelaꞌ matetuꞌ noi hihii-nanauꞌ ria.   
\p
\v 3 Fai fo au sama-sama oo emi a, au ameda an ta abeꞌi, ma bii-amataꞌu.\x + \xo 2:3 \xt Lahenda Nadedenuꞌ ara Tutuin 18:9\x*  
\v 4 Au dedea-afada, ma tui-beka, pake dedea bale faiꞌ. Au ta pake dedea madema fo arorolu emi. Taꞌa! Tehuu fai fo au dedea leoꞌ na, lahenda ra bubuluꞌ rae, Manetualain Dula-dale Malalao-malalafu Na riꞌ ator au, ma Ria kuasa Na nai au.  
\v 5 Au afi ae, maneniko emi mamahere Manetualain, nana huu emi mamanene lahenda duduꞌa-aafi tanden, sona ta malole. Malole lenaꞌ emi mamahere Manetualain, nana huu Ana natudu kuasa Na neuꞌ emi.   
\s1 Manetualain nanori-nafada ita laꞌeneuꞌ duduꞌa-aafi tande roo-tetuꞌ  
\p
\v 6 Sekona te, fai fo ami dedea mo lahenda fo riꞌ ramahere teteaꞌ a, ami manori-mafada pake duduꞌa-aafi tandeꞌ. Tehuu ta tuka lahenda dae-bafoꞌ a duduꞌa-aafi tanden, do tuka hata fo besaꞌ ia mana pareta rahiiꞌ ranori-rafada ni a, te neuꞌ ko basan sapu-lalo.  
\v 7 Tehuu ami manori-mafada noi duduꞌa-aafi tandeꞌ fo onda neme Manetualain mai. Nai fai a ulu na, Manetualain nafuni hihii-nanauꞌ ia ra. Tehuu besaꞌ ia, Ana naetuꞌ fo nau soi hata nino ria reuꞌ loan soaneuꞌ ita, ela lahenda rita Manetualain rela-saꞌan fo ri nananita nai ita daleꞌ.  
\v 8 Tehuu lahenda fo besaꞌ ia homu pareta, ara ta bubuluꞌ matetuꞌ Manetualain duduꞌ-aafi tande Na. Huu fo maneniko ara bubuluꞌ, sona sira ta bisa paku raisa ita Ramatua marela-masaꞌa na nai ai-kake a.   
\p
\v 9 Nai Susura Makamoiꞌ a manaduiꞌ laꞌeneuꞌ Manetualain nino Na, fo bei mana mafuniꞌ nai fai a ulu na nae,  
\q1 “Hihii-nanauꞌ fo lahenda dae-bafoꞌ a bei ta parnaa mata nara rita,  
\q2 ma hihii-nanauꞌ fo lahenda dae-bafoꞌ a bei ta parnaa ridoo nara ramanene,  
\q2 ma lahenda dae-bafoꞌ a ta bisa dodoo-tatai ralan.  
\q1 Sekona te, Ramatuaꞌ a sadia memaꞌ basa hihii-nanauꞌ sira,  
\q2 soaneuꞌ lahenda fo sue-lai Ni.”\x + \xo 2:9 \xt Yesaya 64:4\x*   
\p
\v 10 Tebe fai a ulu na, lahenda ta bubuluꞌ hihii-nanauꞌ sira, tehuu besaꞌ ia Manetualain pake Ria Dula-dale Malalao-malalafu Na, fo soi hihii-nanauꞌ sira reuꞌ loa na soaneuꞌ ita.  
\p Manetualain Dula-dale Na, bubuluꞌ basa hihii-nanauꞌ ara. Huu fo Ria boe parisaꞌ Manetualain dale Na losa Ria bubuluꞌ basan.  
\v 11 Ita esaꞌ ko nanuuꞌ dula-dale hehelin nai ita dalen. Huu ria na, de ita lahenda dae-bafoꞌ a afi ma tao hihii-nanauꞌ fo ta sama. Ma ta hapu lahenda fekeꞌ bubuluꞌ matetuꞌ ita dalen, noi ita dula-dale na. Leoꞌ na boe soaneuꞌ Manetualain. Ta hapu lahenda esa bubuluꞌ Manetualain dale Na boeꞌ. Noi Ria Dula-dale Na riꞌ bubuluꞌ matetuꞌ.   
\p
\v 12 Ita sipo ta Manetualain Dula-dale Na so, ma Ria riꞌ ator ita. Huu ria na, de ita ta tuka lahenda nai dae-bafoꞌ ia duduꞌa-aafin. Huu fo Manetualain Dula-dale Na nai ita dalen, de ita bisa talelaꞌ basa hihii-nanauꞌ malole fo Ana taon soaneuꞌ ita so a.   
\p
\v 13 Hihii-nanauꞌ sira siꞌ biasa ita dedean. Ami mafada basa hihii-nanauꞌ fo Manetualain Dula-dale Na nanori-nafadan neuꞌ ami. Ami ta manori-mafada pake rolu-malelaꞌ tuka lahenda dae-bafoꞌ a duduꞌa-aafin. Tehuu soaneuꞌ lahenda fo ralelaꞌ Manetualain, ami manori-mafada si pake dedea lakaꞌ neme Ria Dula-dale Na mai.  
\v 14 Neuꞌ lahenda fo ta ralelaꞌ Manetualain Dula-dale Na, ramanene ami dedea-nafadam, tantu ara ta nau sipoꞌ fa. Ara afi rae, “Ubeaꞌ ria? Ta raa daleꞌ fa!” Lahenda ria ta bubuluꞌ hihii-nanauꞌ sira, nana huu ana ta nabua-naesa noo Manetualain Dula-dale Na.  
\v 15 Lahenda fo nabua-naesa noo Manetualain Dula-dale Na, sona besaꞌ ko ana bisa bubuluꞌ basa hihii-nanauꞌ sira, ma bisa bubuluꞌ roo-tetuꞌ a riꞌ ubeaꞌ. Tehuu lahenda kamahere taaꞌ ara, ta bisa bubuluꞌ ma uku-sudi rala lahenda kamahere ara nonoi-tataon.  
\v 16 Ta bisa fa! Huu fo manaduiꞌ nai Susura Makamoiꞌ a nae,  
\q1 “Bea riꞌ bisa bubuluꞌ Manetualain duduꞌa-aafin?  
\q2 Do bea riꞌ bisa ator Manetualain,  
\q3 fo Ana tao tuka lahenda ria pareta na?  
\q1 Ta hapu lahenda esa boeꞌ!”\x + \xo 2:16 \xt Yesaya 40:13\x*  
\p Sekona te ita bisa bubuluꞌ hihii-nanauꞌ sira, nana huu Kristus tulu-fali ita, fo bisa dodoo-tatai tuka Ria duduꞌa-aafin.   
\c 3  
\s1 Ita lahenda kamahereꞌ a muste toi-tao daleꞌ esa soaneuꞌ Manetualain, ma bosoꞌ tareresiꞌ ii-onaꞌ  
\p
\v 1 Toranoo susue kara emin! Tepoꞌ fo au nai naa, emi sama leoꞌ lahenda fo bei ta nabua-naesa natalolole noo Manetualain Dula-dale Na. Nana huu emi tuka noi hihii-nanau mesa mara, sama leoꞌ lahenda biasa. Huu ria na, de au ta bisa dedea oo emi, sama leoꞌ lahenda lasiꞌ, huu fo emi leoꞌ ana aanaꞌ.  
\v 2 Au muste anori-afada emi laꞌeneuꞌ hihii-nanauꞌ kafaꞌ, huu fo emi bei ta sadia sipoꞌ hihii-nanau beraꞌ, sama leoꞌ ana aanaꞌ de bei ta naa paaꞌ. Sekona te, emi muste dadi bara-aiꞌ, sama leoꞌ lahenda bauinaꞌ fo biasa naa paaꞌ. Tehuu besaꞌ ia emi bei sama leoꞌ ana boki beuꞌ fo ninu noi sosoeꞌ.\x + \xo 3:2 \xt Ibrani 5:12-13\x*  
\v 3 Huu fo emi bei duꞌa-afi sama leoꞌ lahenda fo tuka noi sira hihii-nanau mesan. Maneniko lahenda bea lena neme emi mai, sona emi mamanasaꞌ, ma mareresiꞌ ii-onaꞌ! Huu ria na, de au ae emi tuka noi hihii-nanau mesa mara. No ria na, emi sama leoꞌ lahenda biasa nai dae-bafoꞌ ia.  
\v 4 Huu fo emi ruma mae, emi nana Paulus lahendan! Ma ruma mae, emi nana Apolos lahendan! Kalu emi dedea leo naꞌ, sona matudu mae emi sama leoꞌ lahenda fo ta malelaꞌ Kristus.\x + \xo 3:4 \xt 1 Korintus 1:12\x*   
\s1 Emi nana, sama leoꞌ oka-tine esa  
\p
\v 5 Sekona te, Apolos nana, bea? Paulus nana, bea? Huu fo ami dua nana, noi lahenda nadedenuꞌ. Ami riꞌ matudu enoꞌ fo emi bisa mamahere Kristus. Apolos nalalaꞌo nonoi lakaꞌ tuka Ramatuaꞌ a pareta Na. Ma au boe leo naꞌ!  
\v 6 Au riꞌ afada masososa emi laꞌeneuꞌ Kristus. Ria sama leoꞌ au sele-tande bini-kee. Boe ma Apolos mai nanori-nafada emi. Ria sama leoꞌ ria riꞌ tetee-totoli bini-kee fo au sele a. Tehuu Manetualain riꞌ namomori-nadadadiꞌ bini-kee ria de nambau-ina.\x + \xo 3:6 \xt Lahenda Nadedenuꞌ ara Tutuin 18:4-11, 24-28\x*   
\p
\v 7 De, neuꞌ lahenda manasele-manatande ma manatetee-manatotoli bini-kee, sosoa-raraa taaꞌ. Noi Manetualain riꞌ penting. Huu fo Ria riꞌ namomori-nadadadiꞌ bini-kee ria.  
\v 8 Lahenda manasele-manatande, ma lahenda manatetee-manatotoli ra roi-tao reuꞌ esa. Ma basa lahenda fo ralalaꞌo Manetualain nonoi-tataon, neuꞌ ko Ana balas sira sosotan.  
\v 9a Huu fo ami sama-sama dadi meuꞌ Manetualain lahenda mananoin. Ma emi dadi sama leoꞌ Manetualain oka-tinen fo riꞌ Ana nau noi-taon.   
\s1 Emi sama leoꞌ uma esa  
\p
\v 9b Leoꞌ na boe, emi sama leoꞌ uma fo riꞌ Manetualain nau nafoan.  
\v 10 Manetualain natudu dale malole Na neuꞌ au so. Huu ria na, au sama leoꞌ malaka tukan. Boe ma Manetualain tulu-fali au de neme masososa na mai, au anori-afada emi basa hihii-nanau huu-pedaꞌ, fo afoa fanderen tea-mepeꞌ nai emi masoda ma. Ma lahenda fekeꞌ boe ranori-rafada emi, ela ara rafoa neuꞌ fanderen fo au tao a. Tehuu tukan ara sira esa-esa muste tao ratalolole fo rafoa no matetuꞌ.  
\v 11 Hapu fanderen tea-mepeꞌ so. Riꞌ Yesus Kristus. De, ta hapu lahenda bisa nafoa fanderen fekeꞌ nai emi dale mara, huu fo Manetualain peda-fua fanderen matetuꞌ a so.   
\p
\v 12 Tantu lahenda nau nafoa neuꞌ fanderen ria pake hata rupaꞌ ara. Ruma nau pake hata mabeli, leo-leoꞌ lilopilas, lilofulaꞌ, do batu makadilaꞌ. Ruma nau pake hata biasa, leo-leoꞌ ai-batu, nau, do fii.  
\v 13 Tehuu tukan ara nonoi-tataon neuꞌ ko nananitaꞌ, ma basa lahenda ra bubuluꞌ ria nonoi-tataon malole, do taꞌa. Huu fo neuꞌ ko dae-bafoꞌ a nonoen, Manetualain nau teteni ni, sama leoꞌ Ana pake aipilaꞌ fo natudu fee lahenda ra esa-esa nonoi-tataon tea-mepeꞌ, do taꞌa.  
\v 14 Kalu fefei-fofora lahenda esa nonoi-tataon pake ai-pilaꞌ, ma hata fo ana pake ni a bei tea-mepeꞌ, neuꞌ ko Manetualain feen seseba-babaeꞌ nai nusatetu-ikutemaꞌ.  
\v 15 Tehuu maneniko fefei-fofora lahenda nonoi-tataon pake ai-pilaꞌ, ma hata fo riꞌ ana paken nafoa neuꞌ fanderen ria lain a, ai-pilaꞌ a naa henis, sona Manetualain ta fee lahenda ria seseba-babaeꞌ hata esa boeꞌ. Tehuu tukan ria bei nasoda, leo mae sama leoꞌ lahenda nalai kalua neme uma fo ai-pilaꞌ a naa henin, ma ria kura baiꞌ maten.   
\s1 Emi nana, sama leoꞌ Manetualain uma mamason esa  
\p
\v 16 Emi muste bubuluꞌ mae, emi boe sama leoꞌ Manetualain uma mamason esa, ma Ria Dula-dale Na boe leo-naparasa nai daleꞌ.\f + \fr 3:16 \ft 1 Korintus 6:19; 2 Korintus 6:16\f*  
\v 17 Ma kalu lehenda tao nalutu Manetualain uma mamason, fo riꞌ Ria mamana leleo-naparasan, sona besa-besa o! Neuꞌ ko Manetualain tao nalulutuꞌ ana boe! Huu fo Manetualain uma mamaso na, lalao-lalafuꞌ, de emi boe muste lalao-lalafuꞌ.   
\p
\v 18 Emi bosoꞌ edi-fule seluꞌ ao-ina mara! Maneniko o tao aom malelaꞌ, ma bubuluꞌ basa-basan tuka lahenda dae-bafoꞌ besaꞌ ia rolu-malelan, sona tea na nana riꞌ o ta bubuluꞌ hata esa boeꞌ. Maneniko mameda maan mae, o ta bubuluꞌ hata-hata esa boe, besaꞌ ko o bisa mulai manori.  
\v 19 Duduꞌa-aafi tandeꞌ lahenda dae-bafo besaꞌ ia a, Manetualain tao si reuꞌ pakanaaꞌ. Sama leoꞌ manaduiꞌ nai Susura Makamoiꞌ a nae:  
\q1 “Lahenda nae ria duduꞌa-aafin tandeꞌ,  
\q2 tehuu neuꞌ ko Ramatuaꞌ a pake seluꞌ sira duduꞌa-aafi tadalun,  
\q3 fo hiki natafaliꞌ asa ela tao nalulutuꞌ si!”\f + \fr 3:19 \ft Ayub 5:13\f*   
\p
\v 20 Nai babati fekeꞌ manaduiꞌ nae,  
\q1 “Ita Ramatua na bubuluꞌ hata fo lahenda duduꞌ-aafi tandeꞌ ara dodoo-tatain,  
\q2 ma lehenda fo muste bubuluꞌ nau tao leo beaꞌ.  
\q1 Ria boe bubuluꞌ ara afi noi hihii-nanauꞌ mana dadi taaꞌ ara.”\f + \fr 3:20 \ft Sosoda Iꞌio-oꞌoa ara 94:11\f*   
\p
\v 21-22 De, emi bosoꞌ soꞌu-fua lahenda esa mae, ria kahereꞌ. Huu fo Manetualain riꞌ soꞌu lahenda fo nauli-nalaka emi. Basa-basan dadi reuꞌ emi nuum so. De, emi mauli-malaka mara, leo-leoꞌ; au, aꞌa Apolos, ma aꞌa Petrus,\f + \fr 3:21-22 \ft Susura Makamoiꞌ dedeaꞌ Yunani manaduiꞌ nae, \ft \+it Kefas\+it*. Kefas nana, Petrus nade feke na.\f* ami basa dadi meuꞌ emi nuum. Ma basa hihii-nanauꞌ nai dae-bafoꞌ ia boe, dadi reuꞌ emi nuum, leo mae emi mate do masoda, leo mae besaꞌ ia do ledo-fai bea, basa-basan dadi reuꞌ emi nuum so.  
\v 23 Ma emi dadi meuꞌ Kristus nuun. Ma Kristus dadi neuꞌ Manetualain nuun.   
\c 4  
\s1 Kristus lahenda nadedenun fo riꞌ Ana nadenu si leo basa mamanaꞌ ara reu  
\p
\v 1 De, emi muste tao ami leo iaꞌ: bosoꞌ soꞌu-fua ami, huu fo ami nana, noi Kristus lahenda nadedenun. Ma Manetualain namahere ami de manea matalolole basa Ria hihii-nanaun fo riꞌ maulu na nana nafuniꞌ.  
\v 2 Lahenda bea nanea ria malaka na hata-heton, ana muste dadi lahenda fo riꞌ tao tuka matetu na.  
\v 3 Au leo beaꞌ bali? Au oi-tao tuka matetu na do, taꞌa? Au ta tao daleꞌ ae emi uku-sudi au leo beaꞌ. Au boe ta tao daleꞌ ae lahenda fekeꞌ a uku-sudi au leo beaꞌ. Ma au boe ta uku-sudi ao-ina ka leo beaꞌ.  
\v 4 Huu fo leo mae au dale ka ae au malole a, bei ta tantu ria sosoa-raraan au malole. Penting Manetualain riꞌ uku-sudi au leoꞌ bea.  
\v 5 Boe ma emi bosoꞌ tao ao mara dadiꞌ lahenda mana ee dedeaꞌ, fo uku-sudi lahenda fekeꞌ ara. Mahani Ramatuaꞌ a natafali mai. Huu fo Ria riꞌ neuꞌ ko soi basa hihii-nanauꞌ reuꞌ loan. Ria riꞌ neuꞌ ko hela kalua basa hihii-nanauꞌ tadaluꞌ fo riꞌ lahenda rafunis rai maiuꞌ. Ana nau natudu basa hihii-nanauꞌ fo lahenda duꞌa-afin nai dale nara. Boe ma Manetualain nau nafada basa hihii-nanauꞌ malole fo lahenda ra tao a.   
\p
\v 6 Toranoo kara emin! Au dedea laꞌeneuꞌ au oo aꞌa Apolos, sama leoꞌ au fee conto ela emi bisa manori hihii-nanauꞌ esa neme ami mai, leo iaꞌ: \it Tao tuka noi basa hihii-nanauꞌ fo manaduiꞌ rai Susura Makamoiꞌ a daleꞌ. Bosoꞌ tao tuka fekeꞌ a bali\it*. Maneniko emi manori hihii-nanauꞌ ria, bosoꞌ mooꞌ noi seri, ma dedea bauinaꞌ nana huu tuka lahenda esa, ma ta hika-hadaꞌ lahenda fekeꞌ.  
\v 7 De, leoꞌ bea? Emi io ao mara lena lahenda fekeꞌ do? Bosoꞌ! Huu fo emi sipo basa-basan, nana hapu neme Manetualain mai. Maneniko leoꞌ na, sona ubeaꞌ taon de emi koao, sama leoꞌ emi riꞌ tuka-saka ao mara?  
\v 8 Sama na leoꞌ emi hapu-dai ma basa-basan fo emi parluu a. Leo-leoꞌ emi mamasuꞌi so! Emi tao ao mara dadiꞌ lahenda bauinaꞌ, sama leoꞌ maneꞌ, ma ami ta lolooꞌ lima mara neu baiꞌ boeꞌ. Sekona te, Manetualain riꞌ fee basa-basan fo emi parluu a. Tehuu maneniko tebe emi dadi mane, bate ami bisa homu pareta sama-sama moo emi hete?   
\p
\v 9 Manetualain nadenu ami meu leo basa mamanaꞌ nai dae-bafoꞌ ia, ela mafada lahenda laꞌeneuꞌ Kristus. Tehuu tuka au hahapu ka, sona nonooꞌ nae Manetualain tao na ami dadi lahenda mabuiꞌ, sama leoꞌ lahenda manahukuꞌ fo roi rahaniꞌ huhuku mamates. Boe ma Ana fee basa lahenda nai dae-bafoꞌ ia, ma Ria eilaꞌo-limalopen rai nusatetu-ikutemaꞌ a, ranilu ami.  
\v 10 Emi kahereꞌ maan seli! Huu fo lahenda tao emi neuꞌ manuu rolu-malelaꞌ, nana huu emi mabua-maesa mo Kristus. Tehuu ara tao ami neuꞌ koa-pakanaaꞌ, sekona te ami boe dadi meuꞌ Kristus lahendan. Ara rae emi riꞌ baraai mara seli. Tehuu ami kalanaꞌu. Ara soꞌu-fua emi, tehuu ara ta hadaꞌ ami baiꞌ boeꞌ.  
\v 11 Losaꞌ besaꞌ ia, ami mamalaa, ma maamada. Ami matasida-matasaiꞌ. Lahenda fepa-liꞌu ami. Ami sama leoꞌ lahenda maleu-malaaꞌ uma-loo taꞌa.  
\v 12 Ami moi-tao sota maan seli. Maneniko lahenda dedea rupaꞌ laꞌeneuꞌ ami, ami balas mae, “Ami hule fo Manetualain tao basa hihii-nanauꞌ malole soaneuꞌ emi.” Kalu lahenda tao rasususaꞌ ami, ami manenete.\x + \xo 4:12 \xt Lahenda Nadedenuꞌ ara Tutuin 18:3\x*  
\v 13 Maneniko lahenda dedea ramumulu ami nade malole ma, ami balas meniꞌ dedea balaroe-balanauꞌ. Leo mae leoꞌ na, tehuu lahenda bei tao ami neuꞌ kaseeꞌ, do kadafuꞌ de naraa tuꞌu-tapa henin.\x + \xo 4:13 \xt Ibrani 11:38\x*   
\p
\v 14 Au duiꞌ hihii-nanauꞌ ia ra, ta huu nau amamaeꞌ emi fa. Tehuu au nau asaꞌai emi, nana huu au sue emi sama leoꞌ ana boki kara. Huu ria na, de au afada emi fo matafali mai tuka eno roo-tetuꞌ.  
\v 15 Leo mae lahenda rifu-natun bisa ratudu emi enoꞌ laꞌeneuꞌ Kristus, tehuu noi au riꞌ dadi uuꞌ emi papa ma. Au riꞌ lahenda masososaꞌ fo afada emi laꞌeneuꞌ Yesus Kristus Tutui Malole Na. Huu ria na, de emi mamahere Ni. Au tao leo naꞌ, nana huu au abua-aesa atalolole oo Ni.  
\v 16 De au hule fo emi tuka matalolole au leleo-lalaꞌo ka.\x + \xo 4:16 \xt 1 Korintus 11:1; Filipi 3:17\x*   
\p
\v 17 Huu ria na, de au fee Timotius neu ela tulu-fali emi. Au sue ni sama leoꞌ au ana boki ka. Au amahere ni, huu fo ria boe nabua-naesa noo ita Ramatua na. Neuꞌ ko ana tulu-fali emi fo nafarereneꞌ fee emi au eno masoda ka. Au soda ka leo naꞌ, nana huu au abua-aesa oo Yesus Kristus, fo riꞌ Manetualain feen mai. Ma ria boe sama leoꞌ au anori-afada lahenda saraniꞌ fo rabua rai basa mamanaꞌ ain.   
\p
\v 18 Neme emi ruma mai afi rae, au ta dadi leo naaꞌ uu soꞌ. Huu ria na, de ara koao.  
\v 19 Tehuu maneniko ita Ramatua na nau, sona ta dooꞌ a soꞌ, te au leo kota Korintus uu. Boe ma neuꞌ ko au bubuluꞌ memaꞌ lahenda ia ra noi bafa koao nara do, sadiꞌ ko ranuu kuasa teteaꞌ!  
\v 20 Huu fo Manetualain nana, Maneꞌ fo nanuu kuasa. De Ria lahenda nara ta lalame maa nara fo rafofoa lahenda namaheren, tehuu ara pake kuasa matetuꞌ.  
\v 21 Emi hihii ma leo beaꞌ? Maneniko au mai, sona au dedea noo hara beraꞌ ma fee emi huhukuꞌ? Do au mai atudu susue-lalaiꞌ ma dale balaroe-balanauꞌ?   
\c 5  
\s1 Lahenda hohoke nai saraniꞌ a daleꞌ  
\p
\v 1 Au amanene rae, nai emi saraniꞌ a daleꞌ, lahenda esa hohoke. Sekona te, ana tao a, tadalu lena heni lahenda fo ta nalelaꞌ Manetualain. Huu fo ana suku noꞌ mama pala na laꞌo naroo!\x + \xo 5:1 \xt Tui Seluꞌ Laꞌe Neuꞌ Eno Sodaꞌ a 22:30\x*  
\v 2 Tehuu emi koao mara sona, sama leoꞌ nai emi talada ta hapu salaꞌ fa! Matetu na, emi muste maeꞌ, ma mameda susa. Lahenda leo naꞌ a, muste usi madoon nemeꞌ emi mai!   
\p
\v 3 Leo mae ita esa dooꞌ a no esa, tehuu au dale ka nai emi talada. De, au aetuꞌ lahenda tadaluꞌ ria dedea na, sama leoꞌ au nai naa memaꞌ.  
\v 4 Au anuu hak fo aetuꞌ leo naꞌ, nana huu Yesus dadi neuꞌ ita Ramatua na, ma au nana Ria lahenda nadedenun. Emi muste matuu mabua fo maetuꞌ dedeaꞌ ria meniꞌ Ramatuaꞌ a nade Na. Ma au dale ka boe sama-sama noo emi.  
\v 5 Emi muste fee lahenda ria leo nitu ra malaka na neu, fo ela lahenda ria tuꞌu-tapa heni basa hihii-nanauꞌ tadaluꞌ fo rai ria dale na. Maneniko ita Ramatua na natafali mai, sona Ana bisa soi-tefa na lahenda ria neme sala-sikon mai.\f + \fr 5:5 \ft Usi madoon neme emi talada, sosoa na nae, neme na fo ela ana hapu susa ma doidoso neme nitu ra malaka na. No ria na, Ramatuaꞌ a soi eno fo ana bisa saledale-tuꞌetei ela ana hapu sodaꞌ fai fo Yesus Kristus natafali mai.\f*   
\p
\v 6 Maneniko emi mabafa koao, sona ta malole! Bosoꞌ mafarene henin mae, ita epoꞌ raluteteiꞌ noi baiꞌ, fo tao na roti katemaꞌ a reis. Raluteteiꞌ a nana, sama leoꞌ lahenda ria tadalu na. Maneniko mataaꞌ ana tao tadaluꞌ nai emi talada, neuꞌ ko lahenda sarani fekeꞌ ara boe tao tadaluꞌ!\f + \fr 5:6 \ft Nai Susura Makamoiꞌ daleꞌ, raluteteiꞌ bai anaꞌ bisa tao na uuꞌ a reis, sama leo sala-siko baiꞌ tao nalutu lahenda dodouꞌ masodan.\f* \x + \xo 5:6 \xt Galatia 5:9\x*  
\v 7 Usi heni lahenda tadaluꞌ ria neme emi saraniꞌ a talada mai, sama leoꞌ maulu na lahenda Yahudi ra tuu-heni basa raluteteiꞌ neme sira uma na mai fo sadia raa feta Paska. No ria na, besaꞌ ko emi bisa dadi seluꞌ leoꞌ lahenda fo ta nanuu tadaluꞌ nai dale na. Emi muste dadi leo naꞌ. Maulu na ara hala bibi-lopo ana sala taaꞌ a, fo tao tutunu-hohotu Paska. Nai fai mabuiꞌ a ara raisa Manetualain Lahenda Malalao-malalafu Na, fo dadi tutunu-hohotuꞌ ela tao nalalao-nalalafu ita dale na.\x + \xo 5:7 \xt Kalua reme Masir 12:5\x*  
\v 8 Maulu na, lahenda Yahudi ra raa feta Paska pake roti tua-lepa fo riꞌ ta pake raluteteiꞌ. Besaꞌ ia, ita muste sama leoꞌ roti fo ta pake raluteteiꞌ fa. Huu ria na, de muste tanea ita ao na fo bosoꞌ tao hihii-nanau tadaluꞌ ara, ma bosoꞌ tao dale hedi lahenda fekeꞌ ara. Ita muste dedea roo-tetuꞌ laꞌo naroo. No ria na, lahenda rita rae, ita tao basa-basan tuka ita dale malole na.\x + \xo 5:8 \xt Kalua reme Masir 13:7; Tui Seluꞌ Laꞌe Neuꞌ Eno Sodaꞌ a 16:3\x*   
\p
\v 9 Maulu na, au parnaa duiꞌ susuraꞌ ae, “Bosoꞌ mabua moo lahenda mana hohoke.”  
\v 10 Au ta anuu daleꞌ ae, emi bosoꞌ mabua moo \it basa\it* lahenda dae-bafoꞌ fo ta tao daleꞌ neuꞌ Manetualain, riꞌ mana hohoke, mana tendetuu, mana tipu-dai lahenda hata-nuun, ma mana soko ra. Maneniko leoꞌ na, sona emi bisa bika-bati meme basa lahenda nai dae-bafoꞌ ia do? Tantu taꞌa!  
\v 11 Besaꞌ ia, au dedea a, riꞌ: emi bosoꞌ mabua moo lahenda fo nae ria lahenda saraniꞌ, sekona te ana hohoke, tendetuu, mana soko, mamumulu lahenda, mana mafuꞌ, ma tipu-dai lahenda hata-nuun. Ita bosoꞌ tabua too lahenda rupa leo naꞌ ara. Bosoꞌ matuuꞌ mia-minu moo si!   
\p
\v 12 Emi manuu hak fo uku-sudi lahenda saraniꞌ ara masoda na. Tehuu au ta anuu hak aetuꞌ dedeaꞌ soaneuꞌ lahenda fo ta namahere Manetualain.  
\v 13 Huu fo Ria riꞌ neuꞌ ko naetuꞌ dedeaꞌ soaneuꞌ lahenda fo ta namahere Ni. Ma emi bosoꞌ mafarene heni manaduiꞌ nai Manetualain Susura Makamoi Na nae, “Lahenda fo hule aon nae ria dadi neuꞌ Manetualain lahendan, tehuu ana tao hata tadaluꞌ laꞌo naroo, sona usi henin!”\x + \xo 5:13 \xt Tui Seluꞌ Laꞌe Neuꞌ Eno Sodaꞌ a 13:5; 17:7; 19:19; 22:21, 24; 24:7\x*   
\c 6  
\s1 Emi lahenda kamahereꞌ a bosoꞌ meni toranoo kamahere fekeꞌ leo mamana naetu dedeaꞌ  
\p
\v 1 Maneniko lahenda esa napaneneoꞌ lahenda sarani fekeꞌ, ubeaꞌ taon de emi leo mamana naetu dedeaꞌ a meu nai mana ee dedeaꞌ fo ta nalelaꞌ Manetualain? Ubeaꞌ taon, de bisa leo naꞌ? Malole lenaꞌ meuꞌ lahenda kamahereꞌ ara matan, fo sira siꞌ urus emi dedea ma!  
\v 2 Nonooꞌ leo emi ta bubuluꞌ, neuꞌ ko lahenda kamahereꞌ ara siꞌ raetuꞌ basa lahenda dae-bafoꞌ a dedea na. Ubeaꞌ taon, de dedeaꞌ a noi babau ana na ri naꞌ boe emi ta urus malan fa?  
\v 3 Matetu na, neuꞌ ko ita riꞌ taetuꞌ Manetualain eilaꞌo-limalopen rai nusatetu-ikutemaꞌ a dedean. De, tantu emi riꞌ muste urus dedea bale faiꞌ ara.\f + \fr 6:3 \ft Lahenda malelaꞌ ruma rae, dedeaꞌ “ita taetu dedeaꞌ eilaꞌo-limalopeꞌ rai nusatetu-ikutemaꞌ a” noi eilaꞌo-limalopeꞌ rai nusatetu-ikutemaꞌ a fo riꞌ ralena laka neuꞌ Manetualain.\f*  
\v 4 Tamba neuꞌ, kalu emi lahenda kamahereꞌ a madedea laꞌeneuꞌ hihii-nanau aanaꞌ ara, ubeaꞌ taon de emi kolaaꞌ dedeaꞌ sira leo mana ee dedeaꞌ fo riꞌ emi lahenda saraniꞌ ara ta hadaꞌ asa?   
\p
\v 5 Besaꞌ ia, au nau dedea hihii-nanauꞌ esa fo muste tao na emi maeꞌ. Leoꞌ bea? Sama leoꞌ ta hapu lahenda duduꞌa-aafi tandeꞌ esa nai emi talada fo urus hihii-nanau aanaꞌ ara, leo-leoꞌ dedeaꞌ fo toda nai ita toranoo na.  
\v 6 Tehuu lahenda kamahereꞌ esa nadedea no ria toranoon lahenda kamahereꞌ, nai mana ee dedeaꞌ a matan! Sekona te, mana ee dedeaꞌ ria ta namahere Manetualain!   
\p
\v 7 Ta hapu esa laꞌe boeꞌ hete? Maneniko emi kolaaꞌ toranoo lahenda kamahere mara rai mana ee dedeaꞌ ara, sona emi sala so. Malole lenaꞌ, maneniko toranoo kamahere ma tao nasalaꞌ, sona fee ampon neuꞌ ana. Ma kalu ana namanaꞌo emi hata-hetom, malole lenaꞌ nemeꞌ na ela ana hai neni hata sira!  
\v 8 Huu fo emi basa lahenda kamahereꞌ belaꞌ a, ubeaꞌ taon de emi nau tao salaꞌ fo mamanaꞌo emi toranoo kamahere mara hata-heton bali?   
\p
\v 9 Emi dadiꞌ ta bubuluꞌ hihii-nanauꞌ ia ra! Bosoꞌ mataaꞌ lahenda tipu-dai emi rae tao salaꞌ boe ta hata-hata fa. Nana huu lahenda fo ta nahiiꞌ tao roo-tetuꞌ, ana ta bisa dadi neuꞌ Manetualain kileobobokin. Soaneuꞌ lahenda mana sosoa-piao, mana soko, mana hohoke, touꞌ sao touꞌ,  
\v 10 lahenda naꞌo, mana tendetuu-dalesalaꞌ, mana mafuꞌ, mamumulu lahenda, tipu-dai lahenda hata-heton. Basa lahenda rupa leo naꞌ ara, ta bisa dadi reuꞌ Manetualain lahendan!   
\p
\v 11 Tebe maulu na emi ruma leo naꞌ boe! Tehuu Manetualain sae-safe heni emi sala-siko mara, de tao nalalao-nalalafu emi. Ma Ana soi enoꞌ, fo emi bisa malole seluꞌ mo Ni. Ana tao basa sira, nana huu emi mabua-maesa mo ita Ramatuan Yesus Kristus, ma mabua-maesa mo Manetualain Dula-dale Na boe.   
\s1 Kalu manea matalolole ao-paa ma, sona ria natudu nae, emi hada-horomata neuꞌ Manetualain  
\p
\v 12 Au anuu hak fo tao basa-basan. Tehuu basa-basan fo au tao a, bei ta tantu malole a soaneuꞌ au. Leo mae au anuu hak fo tao basa-basan, tehuu au ta nau hihii-nanau tadaluꞌ a pareta au.\x + \xo 6:12 \xt 1 Korintus 10:23\x*  
\v 13 Conto leo-leoꞌ lahenda rae, “Nanaa-nininuꞌ soaneuꞌ teiꞌ a, ma teiꞌ a soaneuꞌ nanaa-nininuꞌ.” Tehuu mafarereneꞌ, te neuꞌ ko Manetualain tao nalulutuꞌ dua si.  
\p Conto fekeꞌ bali, ita ta tanuu ao-paaꞌ, fo ela ita bisa hohoke. Ita tanuu ao-paaꞌ ela ita bisa toi-tao soaneuꞌ ita Ramatua na. Huu fo ita Ramatua na riꞌ naboi-nasamao ita ao-paa na.  
\v 14 Tepoꞌ fo ita Ramatuan Yesus mate a, Manetualain fee Ni nasoda seluꞌ. De, maneniko ita mate, sona Ana nanuu kuasa fo fee ita tasoda seluꞌ boe.   
\p
\v 15 Emi ao-paa ma dadi neuꞌ Kristus nuun, sama leoꞌ emi nana babatiꞌ neme Yesus ao-paa na mai. Tantu emi bubuluꞌ hihii-nanauꞌ ria so! De, maneniko au pake babatiꞌ neme Kristus ao-paa Na mai, fo uu abuan noo ina mana sosoa a, ao-paa na, sona leo beaꞌ? Bosoꞌ! Huu fo ria ta naraa fa!  
\v 16 Tantu emi bubuluꞌ, maneniko lahenda hohoke ina mana sosoa leo naꞌ, sona sira dua nanahekeꞌ dadi esaꞌ. Huu fo manaduiꞌ nai Susura Makamoiꞌ a nae, “Sira dua nanahekeꞌ dadi esaꞌ.”\x + \xo 6:16 \xt Tutui Masososaꞌ 2:24\x*  
\v 17 Tehuu lahenda bea nasoda daleꞌ esa no ita Ramatua na, sona ana dadi esaꞌ no Ni, sama leoꞌ sira dua rabua-raesa nai dula-daleꞌ esa.   
\p
\v 18 Maneniko o hapu lelaꞌ fo sosoa-piao, sona malai heni aom! Lahenda tao sala-siko rupaꞌ fo nalutu seluꞌ asa, ma nalutu lahenda fekeꞌ boe. Tehuu lahenda fo hohoke a, tao nalutu ria ao-paa na.  
\v 19 O ao-paa ma, sama leoꞌ Manetualain Dula-dale Malalao-malalafu Na uma mamason. Ria Dula-dale Na leo nai emi dale mara, huu fo Manetualain fee emi Ria Dula-dale Na. Huu ria na, de emi ta manuu hak, fo dadi malaka soaneuꞌ emi esaꞌ ko ao-paa mara. Tehuu ubeaꞌ taon, de nonooꞌ nae emi masoda ta bubuluꞌ hihii-nanauꞌ ia ra?\x + \xo 6:19 \xt 1 Korintus 3:16; 2 Korintus 6:16\x*  
\v 20 Kristus soi-tefa na emi neniꞌ beliꞌ mabera. De emi muste masoda hada-horomata neuꞌ ao-paa mara, ela matudu mae, emi boe hada-horomata neuꞌ Manetualain.   
\c 7  
\s1 Saoina-saotouꞌ ara  
\p
\v 1 Besaꞌ ia au nau duiꞌ laꞌeneuꞌ basa hihii-nanauꞌ fo emi matane nai emi susura ma daleꞌ nae, “Leoꞌ bea? Malole lenaꞌ touꞌ ara bosoꞌ sao do?”   
\p
\v 2 Leo iaꞌ: huu no lahenda bisa hapu lelaꞌ dodouꞌ fo tuda rala hohoke a daleꞌ, de malole lenaꞌ touꞌ ara esaꞌ ko noꞌ saon. Leoꞌ na boe soaneuꞌ inaꞌ ara esaꞌ ko noꞌ saon.   
\p
\v 3 Touꞌ ara! Bosoꞌ tipa sao ma hak na fo suku moꞌ ana. Ma sao-inaꞌ ara! Bosoꞌ tipa sao ma hak na fo suku moꞌ ana.  
\v 4 Huu fo sao-inaꞌ a fee ao-paa na fo dadi neuꞌ sao-tou na nuun. Ma sao-touꞌ a fee ria ao-paa na fo dadi neuꞌ sao-ina na nuun.  
\v 5 De emi boso esa tipa esa, huu fo emi dua manuu hak! Tehuu maneniko emi nau hule-haradoi, sona bosoꞌ afi hihii-nanau fekeꞌ ara fo nau suku mabua, malole lenaꞌ manenete baiꞌ dei. Sadi sao-inaꞌ ma sao-touꞌ dedearaoꞌ matalolole leo naꞌ. Ma kalu hule-haradoi basa, sona malole lenaꞌ dua si ralale fo suku rabua leo. Taꞌa sona masalaeꞌ a! Huu fo nitu ra malaka na mudaꞌ laesaꞌ duduku-papauꞌ lahenda fo ta nanenete nala.  
\v 6 Ia nana ta Manetualain atoran na fa, tehuu au duduꞌa-aafi mesa ka.  
\v 7 Tuka au aafi ka, malole lenaꞌ lahenda bosoꞌ sao, sama leoꞌ au. Tehuu Manetualain fee lahenda ra esa-esaꞌ ko babati-papalaꞌ natetu-naraa noon. Ana fee lahenda ruma sao ma ruma ta sao fa.   
\p
\v 8 Au nau afada touꞌ do inaꞌ manasao taaꞌ ara, ma ina falu ra ae, malole lenaꞌ kalu emi ta sao, sama leoꞌ au.  
\v 9 Tehuu maneniko ta bisa ranenete fa, sona malole a ara sao. Malole lenaꞌ lahenda sao, kalu taꞌa, sona hihii-nanau ao-paa na bisa tao nalutu ni.   
\p
\v 10 Ia nana ta noi nemeꞌ au mai fa. Au nau afada hata fo ita Ramatua na pareta lahenda manuu saoꞌ ara nae, sao-inaꞌ a ta bole namaetuꞌ noo sao-tou na.  
\v 11 Maneniko ana foa ela sao na, sona ana bosoꞌ sao seluꞌ bali. Tehuu maneniko ana nau sao seluꞌ, sona natafali neu sao seluꞌ sao-tou na. Leoꞌ na boe, sao-touꞌ a ta bole namaetuꞌ noo sao-ina na.\x + \xo 7:11 \xt Mateos 5:32; 19:9; Markus 10:11-12; Lukas 16:18\x*   
\p
\v 12 Ia neme au mai, ta neme ita Ramatua na mai fa. Ma soaneuꞌ lahenda fekeꞌ ara, au nau dedea leo iaꞌ: maneniko lahenda saraniꞌ fo sao-ina na ta namahere Kristus, ma kalu sao-ina na bei sadia nasoda sama-sama noo ni, sona bosoꞌ namaetuꞌ no inaꞌ ria.  
\v 13 Leoꞌ na boe, maneniko sao-inaꞌ fo sao na ta namahere Kristus, ma kalu sao-tou na nau nasoda sama-sama noo ni, sona ana bosoꞌ namaetuꞌ noo touꞌ ria.  
\v 14 Huu fo sao-touꞌ fo ta namahere Manetualain, ana dadi lalao-lalafuꞌ, nana huu nabua-naesa noo sao-ina na. Ma sao-inaꞌ fo ta namahere Manetualain, ana dadi lalao-lalafuꞌ, nana huu nabua-naesa noo sao-tou na. Kalu taꞌa, sona sira ana nara ta lalao-lalafuꞌ fa. Tehuu no enoꞌ ia, ara hapu eꞌe-dededeꞌ lalao-lalafuꞌ nai Manetualain matan.  
\v 15 Tehuu maneniko lahenda fo ta ramahere Manetualain, laꞌo ela ria sao-inan do sao-toun lahenda kamahereꞌ, sona pesin nemeꞌ na. Sao-inaꞌ do sao-touꞌ kamahereꞌ ara ta nanahekeꞌ leo naꞌ soꞌ. Huu fo Manetualain naloo emi fo dadi meuꞌ Ria lahendan, ela emi bisa masoda tetu-temaꞌ ma mole-dame.  
\v 16 Sao-ina kamahereꞌ emin! Emi bisa fee sao-tou mara sodaꞌ. Bate taꞌa. Ma sao-tou kamahereꞌ emin! Emi bisa fee sao-ina mara sodaꞌ. Bate ta leo naꞌ boeꞌ. Emi ta bubuluꞌ matetuꞌ fa.   
\s1 Emi natuu-napadeim leo beaꞌ, sona leo naꞌ leo, sadi emi daleꞌ esa moo Manetualain  
\p
\v 17 Leo mae leoꞌ na, tehuu tepoꞌ fo Manetualain naloo emi dadi meuꞌ Ria lahendan, sona lahenda ra esa-esaꞌ ko natuu-napadein leo beaꞌ, sona nasoda naroo leo naꞌ leo. Bosoꞌ naralin bali, huu fo Manetualain ator leo naꞌ so. Au anori-afada atoran ia nai basa saraniꞌ ara.   
\p
\v 18 Nasasamaꞌ leo-leoꞌ, emi parnaa sunat fo natudu nae, emi lahenda Yahudi, nai fai mabuiꞌ a besaꞌ ko mamanene Manetualain naloo emi, sona bosoꞌ malena sunat ria. Ma lehenda fo ta sunat, ramanene Manetualain naloo si dadi reuꞌ Ria nuun, sona bosoꞌ boe sunat dadi tanda nae, sira dadi reuꞌ Manetualain lahendan.  
\v 19 Maneniko parnaa sunat, sona ta nanuu sosoa-raraaꞌ fa. Ma kalu ta sunat, ria boe ta nanuu sosoa-raraaꞌ fa. Nanuu sosoa-raraaꞌ, nana riꞌ: ita tao tuka Manetualain pareta nara.  
\v 20 Tepoꞌ fo Manetualain teka-here emi dadi meuꞌ Ria lahendan, Ana ta nadenu emi sunat do taꞌa. De, nemeꞌ na, ela emi leo naꞌ mahere leo. Ta parluu marali soꞌ.   
\p
\v 21 Au afada nasasamaꞌ esa bali. Maneniko fai fo Manetualain naloo o, sekona te o bei dadi muuꞌ lahenda atan, sona dadi leo naꞌ leo! Tehuu uniꞌ ko leo tepo ria o ta ata fa, sona dadi leo naꞌ leo. Nana huu o ata do ta ata, ta hata-hata fa!  
\v 22 Tepoꞌ fo Manetualain naloo ata esa dadi neuꞌ Ria lahendan, ata ria dadi sama leoꞌ lahenda poꞌilotaꞌ fo noi-tao soaneuꞌ ria Ramatua na nai lain. Ma tepoꞌ fo Manetualain naloo lahenda poꞌilotaꞌ esa dadi neuꞌ Ria lahendan, besaꞌ ia lehenda ria dadi neuꞌ Kristus lahenda nadedenun.  
\v 23 Kristus tifa-bae etu emi neniꞌ beli mabera so! De, emi bosoꞌ dadi ata fee lahenda fekeꞌ.   
\p
\v 24 Toranoo susue kara emin! Tepoꞌ fo Manetualain naloo emi dadi meuꞌ Ria lahendan, emi natuu-napadeim leo beaꞌ, sona leo naꞌ leo. Bosoꞌ maralin bali. Nemeꞌ naꞌ, sadi emi daleꞌ esa moo Manetualain.   
\s1 Laꞌeneuꞌ lahenda manasaoꞌ taaꞌ ara  
\p
\v 25 Emi matane au laꞌeneuꞌ manasao taaꞌ ara. Ramatuaꞌ a ta nafada au laꞌeneuꞌ hihii-nanauꞌ ia. Tehuu emi bisa mamahere hata fo au dedea ni a, nana huu Ramatuaꞌ a natudu Ria dale malole Na neu au. Au aafi ka leo iaꞌ:  
\v 26 Besaꞌ ia ita hapu doidoso rupaꞌ ara. De maneniko lahenda a leo beaꞌ, sona ela ana leo naꞌ leo. Au maksud ka leo iaꞌ:  
\v 27 Maneniko o nanahekeꞌ moo sao-ina ma, sona boso mamaetuꞌ moo ni. Maneniko o ta nanahekeꞌ moo sao-ina ma, sona bosoꞌ saka enoꞌ fo sao seluꞌ.  
\v 28 Tehuu uniꞌ ko leo o sao, o ta sala fa. Ma kalu anafeto manasao taaꞌ esa sao, ria ta sala fa. Tehuu mafarereneꞌ te lahenda manasaoꞌ ara, neuꞌ ko hapu susa rupaꞌ nai dae-bafoꞌ ia. Au maksud ka ela emi bosoꞌ hapu susa leo naꞌ.   
\p
\v 29 Toranoo susue kara! Tuka au aafi ka, leo iaꞌ: ledo-fai boe-boe eetu, ma dae-bafoꞌ a nonoe na naneneaꞌ so. De lahenda fo nanuu sao-inaꞌ, bosoꞌ tao daleꞌ noi neuꞌ sao-ina na, tehuu ana muste tao daleꞌ neuꞌ Ramatuaꞌ a boe.  
\v 30 Leoꞌ na boe, maneniko bea dola, malole lenaꞌ natetea dale na fo bosoꞌ dola, ela ana bisa tao daleꞌ neuꞌ Ramatuaꞌ a. Maneniko bea namahoꞌo-natadale, malole lenaꞌ bosoꞌ tao aon leo naꞌ, ela ana bisa tao daleꞌ neuꞌ Ramatuaꞌ a. Maneniko bea ue-asa, malole lenaꞌ ana nasoda sama leoꞌ ta nanuu hata esa boeꞌ, ela ana bisa tao daleꞌ neuꞌ Ramatuaꞌ a.  
\v 31 Maneniko bea pake hata neme dae-bafoꞌ ia mai, malole lenaꞌ ana tao aon leoꞌ lahenda fo ta tiadea-radaꞌara neuꞌ hata-heto dae-bafoꞌ a, ela ana bisa tao daleꞌ neuꞌ Ramatuaꞌ a. Huu fo neuꞌ ko dae-bafoꞌ a eno soda na sapu-lalo.   
\p
\v 32 Au nau emi dale mara bosoꞌ dodaꞌ. Neuꞌ lahenda manasaoꞌ taaꞌ a, ledo-fain bei dodouꞌ de ana bisa tao daleꞌ neuꞌ Ramatuaꞌ a hihii-nanaun. Huu ria na, de ana bisa saka enoꞌ fo noi-tao malole, ela tao na Ramatuaꞌ a dale na namahoꞌo.  
\v 33-34 Tehuu lahenda manasaoꞌ a, boe muste tao daleꞌ neuꞌ dae-bafoꞌ ia hihii-nanaun. Ana nau tao daleꞌ neuꞌ Ramatuaꞌ a hihii-nanaun, ma ana muste saka enoꞌ fo tao namahoꞌo sao-ina na. Ria riꞌ tao na duduꞌa-aafin nabatiꞌ ii-onaꞌ.  
\p Leoꞌ na boe, ina falu ra, ma inaꞌ manasaoꞌ taaꞌ ara. Ara tao daleꞌ neuꞌ Ramatuaꞌ a hihii-nanaun, ela sira dalen, ma ao-ina nara bisa lalao-lalafuꞌ. Tehuu inaꞌ manasaoꞌ a, ria dale na nabatiꞌ ii-onaꞌ. Huu fo ana nau tao daleꞌ neuꞌ Ramatuaꞌ a hihii-nanaun, tehuu ria boe muste saka enoꞌ ela tao namahoꞌo sao-tou na.  
\v 35 Au afada emi hihii-nanauꞌ ia ra, ela emi hapu malole na. Au ta nau emi hapu eena-natabaaꞌ. Au ahiiꞌ emi tao roo-tetuꞌ, ma tao daleꞌ neuꞌ Ramatuaꞌ a hihii-nanaun, ela emi duduꞌa-aafim ta nabika-nabatiꞌ fa.   
\p
\v 36 Maneniko touꞌ a nahiiꞌ sao anafetoꞌ fo teu-fain naraa, sona ela ara sao. Lena-lenaꞌ kalu touꞌ ria ta nanenete fa. Ara tao leo naꞌ, ta sala fa. Boso losa ara ela-deiꞌ raroo, boe ma neuꞌ mateꞌe na touꞌ ria tao hihii-nanauꞌ ta malole ra.  
\v 37 Tehuu maneniko ana nanenete nabeꞌi, sona ana bosoꞌ nalale fo sao. Huu fo ria bubuluꞌ hata fo ria naetuꞌ a, de ana nanenete nalaꞌ dooꞌ a boe malole ana nanenete nalaꞌ dooꞌ a boe malole.  
\v 38 De, touꞌ a sao na inaꞌ fo riꞌ nahiiꞌ ana, malole a. Ma ta sao fa, ria malole lena bali.   
\s1 Laꞌeneuꞌ ina falu ra  
\p
\v 39 Sao-inaꞌ a nanaheke naisaꞌ no sao-tou na losaꞌ mate. Tehuu maneniko sao-tou na maten, sona ana bole sao seluꞌ, sadi sao-tou bebeu na boe, lahenda fo namahere Kristus.  
\v 40 Tuka au aafi ka, ina falu ria naua-nanale nan seli, kalu ana ta sao seluꞌ fa. Au afi ae lelea-nonoreꞌ ia neme Manetualain Dula-dalen fo riꞌ nai au.   
\c 8  
\s1 Laꞌeneuꞌ nanaaꞌ sosoko-tatakuꞌ  
\r (Tui Seluꞌ Laꞌe Neuꞌ Eno Sodaꞌ a 4:35, 39; 6:4)  
\p
\v 1 Besaꞌ ia, au nau dedea laꞌeneuꞌ paaꞌ fo lahenda soko reniꞌ a. Ita basa bubuluꞌ dodouꞌ, laꞌeneuꞌ hihii-nanauꞌ ia ra. Huu fo maneniko lahenda bubuluꞌ dodouꞌ, sona ana bisa koao, nana huu ana afi nae ria malelaꞌ lena lahenda fekeꞌ ara. Malole lenaꞌ, ita tasue-talaiao too lahenda fekeꞌ. Huu fo ria riꞌ tao na basa lahenda ra bisa ranenete ralaꞌ dooꞌ a.   
\p
\v 2 Maneniko lahenda nae ana nalelaꞌ basa-basan, sona natudu nae, ria rolu-lelan bei ta namadai.  
\v 3 Tehuu maneniko lahenda sue Manetualain, sona Manetualain nalelaꞌ ana, ria riꞌ penting.   
\p
\v 4 De, maneniko lahenda naa paaꞌ fo parnaa soko reniꞌ ana. Ita basa bubuluꞌ tae, hata fo lahenda soko ni nai dae-bafoꞌ ia, nana ta Manetualain ria fa. Huu fo ita bubuluꞌ tae, “Manetualain noi esaꞌ a” ma, “hata fo lahenda soko ni ma doꞌo-taben, sosoa-raraaꞌ taꞌa.”  
\v 5 Hapu hata dodouꞌ rai lalai ma dae-bafoꞌ a, fo lahenda rae, ‘ramatuaꞌ’ do ‘malaka’.   
\q1
\v 6 Tehuu soaneuꞌ ita, Manetualain noi esaꞌ a.  
\q2 Ria nana, ita Aman.  
\q1 Basa-basan raoka-rasamu rai Ria.  
\q2 Ita toi-tao basa-basan soaneuꞌ Ana.  
\q1 Ma ita Ramatuan, noi esaꞌ a.  
\q2 Riꞌ, Yesus Kristus.  
\q1 Manetualain pake Yesus,  
\q2 tepoꞌ fo Ana adu-tao basa-basan.  
\q1 Ma ita tasoda,  
\q2 nana huu Yesus riꞌ fee ita sodaꞌ.   
\p
\v 7 Tehuu lahenda ruma ta bubuluꞌ hihii-nanauꞌ sira. Ara bei dodoo-tatai raroo laꞌeneuꞌ hata fo ara soko a, sama leoꞌ maulu na parnaa sira dodoo-tatai. Huu ria na, fai bea ma ara raa paaꞌ fo parnaa lahenda soko reniꞌ, ara afi rae, “Nanaaꞌ ia dadi neuꞌ hata sosokoꞌ so! Maneniko au ua hata ia, au bei nanahekeꞌ oo hihii-nanau tadaluꞌ ara!” De, ria tao nalutu sira duduꞌa-aafin, losaꞌ ara ta afi roo-tetuꞌ soꞌ, nana huu sira dale nara ta tea-mepeꞌ fa.  
\v 8 Ria tute na huu ubeaꞌ? Nanaa-nininuꞌ ta bisa noo ita leo Manetualain teu fa hete? Maneniko ta taa nanaaꞌ sosoko fa, sona ita ta tamba tadaluꞌ. Ma kalu taa, ta tao na ita dadi lahenda malole fa hete?\f + \fr 8:8 \ft Tuka lahenda Korintus ra hada na, paa fo raseꞌo nai pasar a, muste reni si leo mamana sosokoꞌ a reu dei, besa ko reu raseꞌo nai pasar a fo lahenda asa. Lalaneꞌ ia sosoa na nae ita ta soko fa tehuu ita bisa taa paaꞌ fo lahenda fekeꞌ soko, ma fee ita taa a, sadi ita bosoꞌ soko ma tao fee lahenda fekeꞌ a tuda nala salaꞌ daleꞌ.\f*   
\p
\v 9 Tehuu besa-besa o! Leo mae o manuu hak fo tao hihii-nanauꞌ esa, bei ta tantu hihii-nanauꞌ ria dadi malole soaneuꞌ o. Uniꞌ ko leo toranoo lahenda kamahereꞌ esa dale na ta tea-mepeꞌ, maneniko ana nita o tao hihii-nanauꞌ ria, boe ma ana natundu, sona ria ta malole a fa!  
\v 10 O bubuluꞌ hihii-nanauꞌ ria mana dadi taaꞌ. Tehuu maneniko toranoo lahenda kamahereꞌ fo dale na ta tea-mepeꞌ, nita o matuuꞌ mua-minu nai uma sosokoꞌ, neuꞌ ko ana afi ubeaꞌ? Tantu ana afi nae hata sosokoꞌ a boe ta neni salaꞌ soaneuꞌ ria, leo mae ara soko reniꞌ.  
\v 11 O bubuluꞌ hihii-nanauꞌ dodouꞌ so. Tehuu maneniko o tao leo naꞌ, sona o tao malutu lahenda fo dale na ta tea-mepeꞌ. Ma lahenda ria nana, o toranoom lahenda kamahereꞌ. Kristus mate soaneuꞌ ria boe!  
\v 12 Malole lenaꞌ afi leo iaꞌ: maneniko o tao ma toranoom fo dale nara ta tea-mepeꞌ a, tao hihii-nanauꞌ fo riꞌ ara rae sala, o tao salaꞌ soaneuꞌ asa. Ma o tao salaꞌ soaneuꞌ Kristus boe.  
\v 13 De, maneniko au ua hata fo tao na au toranoo ki lehenda kamahereꞌ a tuda nala salaꞌ daleꞌ, malole lenaꞌ au bosoꞌ ua paaꞌ rupa leo naꞌ. Leo mae losa dodoo na neu boe bosoꞌ. Huu fo au ta nau sira tuda rala salaꞌ daleꞌ.   
\c 9  
\s1 Tepoꞌ fo Manetualain nadenu Ria lahenda nara, Ana fee si hak ma kuasa boe  
\p
\v 1 Bosoꞌ afi mae, au ta anuu hak fo duiꞌ leo iaꞌ fee emi. Huu fo Manetualain nadenu au uu afada lahenda laꞌeneuꞌ Ana. Au boe parnaa ita Yesus, ita Ramatua na. Au abua-aesa oo Ni laꞌo naroo, ma emi basa mamahere Ni, nana huu au nonoi-tatao ki.  
\v 2 Leo mae lahenda fekeꞌ ara ta sipoꞌ au dadi uuꞌ Ramatuaꞌ a lahenda nadedenun, tehuu tantu emi bubuluꞌ mae, Ramatuaꞌ a nadenu au fo afada Ria hehelu-baratan neuꞌ emi. Maneniko emi nau saka seluꞌ buti na, sona mete noi emi natuu-napadeim. Huu fo emi bei mabua-maesa moo ita Ramatua na!   
\p
\v 3 Au nau ataa atafaliꞌ soaneuꞌ lahenda fo riꞌ nahiiꞌ sale au a, leo iaꞌ:  
\v 4 Emi afi mae au oo Barnabas ta manuu hak sipo nanaa-nininuꞌ neme lahenda fo ami manori-mafada si a do?  
\v 5 Emi afi mae, ami ta manuu hak fo sao ina Saraniꞌ, ela bisa tuka fo sama-sama malalau nai mamana fekeꞌ do? Sekona te Ramatuaꞌ a lahenda nadedenu feken roo sira sao-ina nara. Ramatua Yesus fadi nara ma Petrus boe tao leo naꞌ!\f + \fr 9:5 \ft Susura Makamoiꞌ dedea Yunani manaduiꞌ nae, ‘Kefas’. Kefas nana, Petrus nade feke na.\f*  
\v 6 Do, emi afi mae noi au oo Barnabas riꞌ ta bole sipo nanaa-nininuꞌ neme lahenda fo ami manori si a, ma ami muste moi nonoiꞌ fekeꞌ fo hapu doi-tali ela ami masoda ma manori-mafada lahenda?  
\v 7 Emi aafim ria huu-pedan leo beaꞌ? Mete noi soldadu ra. Sira ta asa nanaaꞌ ma kakao-papakeꞌ. Mete noi lahenda mana noi nai oka anggor. Ta hapu esa horo ni nae, “O ta bole mua anggor boaꞌ sira!” Mete noi manafoo ra. Ria nanuu hak fo ninu sosoeꞌ neme bibi-lopo fo ana foo a.   
\p
\v 8 Au lahenda biasa ia, au ta dedea tuka duduꞌa-aafi mesa ka. Huu fo Manetualain Atoran nara rafada hihii-nanauꞌ sama leoꞌ na boe.  
\v 9 Nai baꞌi Musa atoran na daleꞌ manaduiꞌ nae, “Fai fo sapi a aai hade, ela loo heni deke na neme pule na mai, bosoꞌ rapa maisaꞌ bafa na fo ela ana bisa naa.” Emi afi mae, Ramatuaꞌ a naboi-nasamao noi sapi a do?\x + \xo 9:9 \xt Tui Seluꞌ Laꞌe Neuꞌ Eno Sodaꞌ a 25:4; 1 Timotius 5:18\x*  
\v 10-11 Taꞌa! Ana nafada nae Ria mete-relu ita boe! Huu fo manaduiꞌ boe nae, “Fai fo lahenda manafoi dae, ma lahenda manaetu-manaoru ra, roi nonoiꞌ, ara bubuluꞌ rae, neuꞌ ko sira hapu babatiꞌ boe.” Leoꞌ na boe, lahenda nadedenuꞌ Saraniꞌ ara bisa sipo sira nuu babatin, neme sosota nara mai. Maneniko ami manori-mafada emi hihii-nanauꞌ neme Manetualain Dula-dale Na, ria sama leoꞌ lahenda maue-maosa esa sele-tande. De, maneniko ami manori-mafada basa, sona naraa sipo nanaa-nininuꞌ neme emi mai.\x + \xo 9:10-11 \xt Roma 15:27\x*  
\v 12 Lahenda fekeꞌ fo ranori-rafada emi, ranuu hak sipo nanaaꞌ ma hata-nuu fekeꞌ neme emi mai hete? Ami manuu hak lena neme sira mai!  
\p Tehuu emi bubuluꞌ so. Ami ta parnaa pake ami hak ma fo partutu leo naꞌ fa. Ami manenete nai hihii-nanau rupaꞌ ara daleꞌ, ela bosoꞌ tao fee emi pupute-aaiꞌ. No ria na, emi mahiiꞌ mamanene Kristus Tutui Malolen fo ami tui-bekan soaneuꞌ emi.  
\v 13 Soba dodoo! Malaka agama fo riꞌ ralalau nai lehenda Yahudi ra Uma Mamaso Ina na, sira rasoda reme neneni-fefeeꞌ fo lahenda reni a. Ma lahenda fo nalalau nai mei tutunu-hohotuꞌ, ara bisa raa paaꞌ neme banda fo lehenda reni a.\x + \xo 9:13 \xt Tui Seluꞌ Laꞌe Neuꞌ Eno Sodaꞌ a 18:1\x*  
\v 14 Leoꞌ na boe, Manetualain hehelu-barataa Na nae, lahenda fo nanuu nonoi lakaꞌ tui-beka Kristus Tutui Malolen, ara bisa rasoda reme sira sosota na mai. Ria riꞌ laꞌe.\x + \xo 9:14 \xt Mateos 10:10; Lukas 10:7\x*   
\p
\v 15 Leo mae au anuu hak fo asoda leo naꞌ, tehuu au ta nau tao leo naꞌ fa. Au ta anuu daleꞌ duiꞌ susuraꞌ ia, fo ela emi fee au hata-heto. Au alalau emi dooꞌ a so, ma au ta hule hata-hata esa neme emi mai boeꞌ. De, malole lenaꞌ au mate, lena heni lahenda afi rae au alamemei.  
\v 16 Leo mae au tui-beka aroo Ramatuaꞌ a Tutui Malole Na neuꞌ lahenda, tehuu ria ta dadi neteꞌ fo au bisa dedea bauinaꞌ. Huu fo Manetualain nadenu au leo naꞌ, de au muste afada lahenda laꞌeneuꞌ Ana. Maneniko au ta tao leo naꞌ tuka au nonoi laka ka, sona au soe! Huu fo tantu au hapu huhukuꞌ.  
\v 17 Maneniko au oi-tao nonoi-tataoꞌ ia nana huu noi au hihii-nanau mesa ka, sona hata-heto fo au hapu a, sama leoꞌ lahenda mana noi a sipo kadi. Tehuu maneniko au oi-tao nonoi-tataoꞌ ia, nana huu Manetualain nadenu au, ria fekeꞌ. Huu fo Ana namahere au, de anea Ria hata-heto mabelin.  
\v 18 De, kalu leoꞌ na, sona au seseba-babae ka, ubeaꞌ? Au ta parluu sipo kadi! Au tui-beka Ramatuaꞌ a Tutui Malole Na, ma ta hule hata-hata esa boeꞌ. Ria riꞌ tao na au ameda aan dai so. Ma au ameda aan dai a, sama leoꞌ au seseba-babae ka. De, leo mae au anuu hak rupaꞌ ara leoꞌ lahenda fo nonoi laka na riꞌ tui-beka Tutui Malole, tehuu au ta nau pake katemaꞌ au hak ka.   
\p
\v 19 Au lahenda poꞌilotaꞌ fo oi-tao tuka au hihii ka. Lahenda ta nanuu hak fo nadenu au tao ia do, tao ria. Leo mae leoꞌ na, tehuu au tao ao ka sama leoꞌ ata, fo basa lehenda ranuu hak de radenu au. No ria na, au bisa tulu-fali lahenda dodouꞌ, ela ara bisa tuka rahere Manetualain.  
\v 20 De, maneniko au abua oo lahenda Yahudi, sona au tao ao ki leoꞌ lahenda Yahudi, fo tulu-fali lahenda Yahudi ra ela ralelaꞌ Manetualain. Maneniko au abua oo lahenda fo homu rahere Manetualain Atoran Na, au tao tuka Manetualain Atoran Na, fo au boe bisa tulu-fali si ela ralelaꞌ Manetualain, (leo mae au bubuluꞌ ae, tao tuka Atoran a ta bisa tao na au malole oo Manetualain).  
\v 21 Maneniko au abua oo lahenda fo ta bubuluꞌ Manetualain Atoran na, au dadi sama leoꞌ sira, fo apipipi-alalaꞌo oo si leo Manetualain reu. (Au ta apoꞌi Manetualain Atoran fo Ana naondan tuka baꞌi Musa, tehuu besaꞌ ia au asoda pake Kristus Atoran na.)\x + \xo 9:21 \xt Mateos 22:34-40; Markus 12:28-34; Lukas 10:25-28; 1 Korintus 13:1-8\x*  
\v 22 Soaneuꞌ lehenda Saraniꞌ fo dale na ta tea-mepeꞌ, au tao ao ka sama leoꞌ au dale ka ta tea-mepeꞌ, ela au bisa leleꞌo si fo ramahere tebe-tebe neuꞌ Manetualain. Ma soaneuꞌ basa lahenda ra, au tao ao ka sama leoꞌ sira, fo ela lahenda ruma bisa hapu sodaꞌ.  
\v 23 Au tao katemaꞌ hihii-nanauꞌ ia ra, fo ela basa lahenda ra bisa ramahere Ramatuaꞌ a Tutui Malole Na. No ria na, basa hihii-nanauꞌ malole fo riꞌ Manetualain nahiiꞌ feen neuꞌ ami a, ami bisa hapu ua-naleꞌ.   
\p
\v 24 Au fee nasasamaꞌ neme napoꞌi lalaiꞌ a. Lahenda dodouꞌ rapoꞌi lalaiꞌ, tehuu noi lahenda esa riꞌ hapu pareis. De, o muste malaiinaꞌ a fo hapu pareis soaneuꞌ Manetualain.  
\v 25 Basa lahenda fo tuka napoꞌi lalaiꞌ, ara muste ranenete ma tao tuka rahere noi hata fo mana manori a nafada a. Ara rapoꞌi lalaiꞌ sota mela-maku leoꞌ na, tehuu hapu noi silaka pareis manasapu-manalaloꞌ a. Tehuu maneniko ita tuka tahere Ramatuaꞌ a hihii-nanaun, sona ita hapu seseba-babaeꞌ manabasa taaꞌ.  
\v 26 De, au ta alai afararaꞌu fa. Tehuu au alai roos losa too a. Maneniko nararaaꞌ ana noo mana mapokoꞌ a, sona au ta poko sala fa, tehuu au poko laꞌe.  
\v 27 Tebe-tebe au tuka ahere, ma anori teteaꞌ ela au bisa anenete. Huu fo maneniko au afada lahenda laꞌeneuꞌ Manetualain, sekona te au riꞌ alena laka atoran, sona ta malole a, boe ma Manetualain kalua heni au eme napoꞌi lalaiꞌ a mai.   
\c 10  
\s1 Besa-besa moo hata fo lahenda sokoꞌ a!  
\p
\v 1 Toranoo susue kara! Emi bosoꞌ mafarene heni fai a ulu na ita bei-baꞌi nara tutuin, tepoꞌ fo rai mamana lino-nees. Manetualain natudu fee basa si enoꞌ, pake oaꞌ fo laꞌo nai sira matan. Boe ma Ana tada bati tasi oeꞌ a, ela napipipi-nalalaꞌo noo si kalua resiꞌ naa, de ara losa tasi seriꞌ noo sodaꞌ.\x + \xo 10:1 \xt Kalua reme Masir 13:21-22; 14:22-29\x*  
\v 2 Oaꞌ ria ma tasiꞌ a, dadi nasasamaꞌ esa. Huu fo ita bei-baꞌi nara ramahere baꞌi Musa napipipi-nalalaꞌo si, de ara tuka oaꞌ ria, ma sama-sama roo ni masoꞌ leo tasi oeꞌ daleꞌ reu. Ria sama leoꞌ ita fo riꞌ tamahere Kristus, boe ma sarani ela natudu nae, ita dadi teuꞌ Ria lahendan, ma tamanene Ni.  
\v 3 Ita bei-baꞌi nara basa si raa nanaa-nininuꞌ fo riꞌ Manetualain Dula-dale Na sadia fee si.\x + \xo 10:3 \xt Kalua reme Masir 16:35\x*  
\v 4 Ma basa si rinu oe fo riꞌ Manetualain Dula-dale Na sadia fee si. Ara rinu a, nana kalua neme batu bauinaꞌ fo Manetualain Dula-dale Na natudu fee si. Sira leo beaꞌ reu boe, batu ria nai naa. Batu ria nana riꞌ, Kristus.\x + \xo 10:4 \xt Kalua reme Masir 17:6; Susura Dudui Nadeꞌ a 20:11\x*  
\v 5 Tehuu Manetualain ta nahiiꞌ lahenda dodouꞌ sira nonoi-tataon. De, tepoꞌ fo ara laꞌo rule-feo mamana lino-nees maloa-manaru a, mate dodouinaꞌ rai naa. Boe ma ara ratoi sira lahenda nara rai mamanaꞌ dodouꞌ.\x + \xo 10:5 \xt Susura Dudui Nadeꞌ a 14:29-30\x*   
\p
\v 6 Basa sira dadi conto, ela ita bosoꞌ tahiiꞌ tao salaꞌ sama leoꞌ sira.\x + \xo 10:6 \xt Susura Dudui Nadeꞌ a 11:4\x*  
\v 7 Bosoꞌ soko-taku sama leoꞌ sira ruma. Nai Manetualain Susura Makamoi na manaduiꞌ nae, “Lahenda Israel ara ratuuꞌ raa-rinu rame-rame ma mulai doꞌo-tabe nai patong sapi anaꞌ a matan.”\x + \xo 10:7 \xt Kalua reme Masir 32:6\x*  
\v 8 Ita bosoꞌ sosoa-piao. Tepoꞌ ria ara hohoke leoꞌ na, de noi faiꞌ esa dalen mate lahenda rifun dua hulu telu.\x + \xo 10:8 \xt Susura Dudui Nadeꞌ a 25:1-18\x*  
\v 9 Ita bosoꞌ tao sala rupaꞌ ara, fo soba taneni Kristus ee huku ita do, taꞌa. Huu fo lahenda Israel ruma nau soba neuꞌ Manetualain leoꞌ na, boe ma Ana fee meke manuu rasoꞌ dodouꞌ fo aa ramate si.\x + \xo 10:9 \xt Susura Dudui Nadeꞌ a 21:5-6\x*  
\v 10 Ita boe bosoꞌ tamuu-tadau. Huu fo sira ruma ramuu-radau raroo, boe ma Manetualain nadenu Ria eilaꞌo-limalopen esa neme nusatetu-ikutemaꞌ a mai fo naisa si.\x + \xo 10:10 \xt Susura Dudui Nadeꞌ a 16:41-49\x*   
\p
\v 11 Hihii-nanauꞌ ria laꞌe lahenda Israel ara, fo dadi conto soaneuꞌ ita. Ara duiꞌ basa sira, ela ita bisa tanori ma bosoꞌ tao tuka sira sala na. Huu fo dae-bafoꞌ a nonoe na naneneaꞌ so.   
\p
\v 12 Mafarereneꞌ! Besaꞌ ia o afi mae, o bisa manenete maroo so. Tehuu o muste besa-besa ela o bosoꞌ tuda.  
\v 13 Fai bea ma o mahiiꞌ tao salaꞌ, lahenda fekeꞌ boe rameda rita sosoba leo naꞌ. Tehuu o bisa mamahere Manetualain tao tuka hata fo Ana dedean. Huu fo Ana ta nataaꞌ o hapu sosoba lena neme o nabeꞌi ma. Fai bea ma o hapu sosobaꞌ leo naꞌ, sona Ana fee o eno kalua. Ria boe nau tao na o manenete, ela o bosoꞌ tuda.   
\p
\v 14 De, toranoo susue kara! Maneniko lahenda nau raseti emi fo doꞌo-tabe neuꞌ sosoko-tatakuꞌ ara, sona malai kalua meme naaꞌ mai! Bosoꞌ mababakoꞌ bali!   
\p
\v 15 Au dedea soaneuꞌ emi manuu duduꞌa-aafi tandeꞌ. Emi muste dodoo-tatai ao mara ela bubuluꞌ matetuꞌ hata fo au dedea a.  
\v 16 Afi masudi hihii-nanauꞌ ia: maneniko ita tabua fo taa-tinu nai Ramatuaꞌ a mei na, boe ma hai galas a fo hule makasi neuꞌ Ana, ma ita tinu neme galas ria mai, ria sosoa na nae, ita tabua-taesa too Kristus. Tepoꞌ fo Ana mate, natiti-nanosiꞌ daa Na, ria sama leoꞌ ita boe mate. Maneniko ita tetebi roti fo taa, ria boe sosoa na nae ita tabua-taesa too Kristus. De, tepoꞌ fo Ana mate, ria sama leoꞌ ita boe mate.\x + \xo 10:16 \xt Mateos 26:27-28; Markus 14:22-24; Lukas 22:19-20\x*  
\v 17 Ita basa hapu babatiꞌ neme roti baloꞌ esa mai. De, basa-basan fo riꞌ hapu babatiꞌ neme roti esa mai, sama leoꞌ ita nanahekeꞌ dadi teuꞌ ao-inaꞌ esa, leo mae ita lahenda dodouꞌ.  
\v 18 Dodoo-tatai masudi fai a ulu na lahenda nusa Israel ara. Tepoꞌ fo ara hala banda nai mei tutunu-hohotuꞌ lain, fo doꞌo-tabe neuꞌ Manetualain, malaka agama fo hala a, riꞌ naa paaꞌ ria. Ria sosoa na nae, sira rabua-raesa roo Manetualain, ma sira boe rabua-raesa roo lehenda fo neni banda tutunu-hohotuꞌ ria a.\x + \xo 10:18 \xt Malaka Agama ra Atoran 7:6\x*   
\p
\v 19-20 Au dale ka leo beaꞌ? Lahenda fo ta nalelaꞌ Manetualain nau fee neneni-fefeeꞌ neuꞌ sira hata sosokon, ria sosoa-raraaꞌ taꞌa hete? Huu fo hata riꞌ ara sokon a, nana patong mates! Taꞌa! Au maksud ka leo iaꞌ: tepoꞌ fo ara hala banda dadi tutunu-hohotuꞌ soaneuꞌ sira hata sosokon, ara soko-taku neuꞌ dula-dale tadaluꞌ ara. Tehuu sira ta doꞌo-tabe neuꞌ Manetualain. De, au ta nau emi mabua-maesa moo dula-dale tadaluꞌ leo naꞌ ara.\x + \xo 10:19-20 \xt Tui Seluꞌ Laꞌe Neuꞌ Eno Sodaꞌ a 32:17\x*  
\v 21 Tepoꞌ fo emi mabua-maesa moo Manetualain, boe ma minu neme galas fo nai Ramatua ꞌa mei na, sona emi ta bole meu epo-seoꞌ noo dula-dale tadaluꞌ ara, ma minu neme sira galas na, tepoꞌ fo lahenda soko-taku neuꞌ asa. Huu fo ria sosoa na nae, emi mabua-maesa moo dula-dale tadaluꞌ ara. Leoꞌ na boe, maneniko emi mia nai Ramatuaꞌ a mei na, sona emi ta bole mia moo si nai sira mei na. Huu fo ria sosoa na nae, emi mabua-maesa moo dula-dale tadaluꞌ ara! Pakanaaꞌ e!  
\v 22 Emi afi leo beaꞌ? Nau tao ma ita Ramatua na namanasaꞌ do? Masalaeꞌ a ria! Emi afi mae baraai mara lena Ni do?\x + \xo 10:22 \xt Tui Seluꞌ Laꞌe Neuꞌ Eno Sodaꞌ a 32:21\x*   
\s1 Tao basa-basan fo soꞌu-fua madedema Manetualain nade na  
\p
\v 23 Bate emi mae, “Au bole tao sudi ubeaꞌ a. Huu fo ria nana au hak ka.” Tebe. Tehuu mafarereneꞌ, te ta basa hihii-nanauꞌ ara malole a soaneuꞌ o. Ma ta basa hihii-nanauꞌ ara, bisa tulu-fali fo tao natea-namepe o dale ma.\x + \xo 10:23 \xt 1 Korintus 6:12\x*  
\v 24 Bosoꞌ saka noi oontoꞌ soaneuꞌ o ao-ina heheli ma. Malole lenaꞌ, saka oontoꞌ soaneuꞌ lahenda fekeꞌ boe.   
\p
\v 25 De, au afada ae leoꞌ ia: maneniko asa paaꞌ nai pasar, sona mia neu. Bosoꞌ matane bali, “Paa sosokoꞌ ia do?” Do afi mae, “Au bole ua paaꞌ ia do taꞌa?”  
\v 26 Huu fo nai Manetualain Susura Makamoi Na manaduiꞌ nae, “Dae-bafoꞌ a noo oe-isin nana, ita Ramatua na nuun.”\x + \xo 10:26 \xt Sosoda Iꞌio-oꞌoaꞌ ara 24:1\x*   
\p
\v 27 Maneniko lahenda fo bei ta namahere Manetualain nae, “Mai teu taa-tinu nai uma!” Kalu emi nau meu, sona meu, ma mia basa-basan fo ara fee emi a. Bosoꞌ matane mae, “Au bole ua hata ia do, taꞌa?”  
\v 28 (Tehuu maneniko lahenda mai rala-isiꞌ rae, “Bosoꞌ mua ia, huu fo paaꞌ sosokoꞌ ia,” malole lenaꞌ o bosoꞌ mua. O muste tao daleꞌ neuꞌ lahenda ria dedea-nafadan.  
\v 29 Au dale ka leo iaꞌ, afi matalolole, tuka lahenda ria duduꞌa-aafin, bole mua do, taꞌa. Bosoꞌ afi noi malole a soaneuꞌ o ao-ina heheli ma.)  
\p Tehuu au bole tao tuka au hihii ka. Kalu lehenda fekeꞌ afi nae ana tao hihii-nanauꞌ esa ta malole a, ubeaꞌ taon de au boe ta bisa tao tuka au hihii ka, sekona te, hata tadaluꞌ ria soa noi neuꞌ lahenda ria?  
\v 30 Maneniko au hule makasi neuꞌ Manetualain, boe ma au ua, ubeaꞌ taon de lahenda sale au?   
\p
\v 31 De, emi nau mia do, minu do, tao sudi ubeaꞌ, sona tao basa-basan ela emi matudu Manetualain nade malole Na.  
\v 32 Bosoꞌ tao masususaꞌ lahenda Yahudi, do lahenda fo ta Yahudi fa, do Manetualain lahenda kamahere nara.  
\v 33 Tao sama leoꞌ au ia. Huu fo au soba-soba tao amahoꞌo sira basa nai basa hihii-nanauꞌ a. Au ta tao malole soa noi au. Tehuu au tao malole soaneuꞌ sira basa, ela ara hapu soda-moleꞌ boe.   
\c 11  
\p
\v 1 Emi mete au conto ka, ma tao tuka au eno masoda ka. Huu fo au mete Kristus conto na, ma tao tuka Ni.\f + \fr 11:1 \ft 1 Korintus 4:16; Filipi 3:17\f*   
\s1 Maneniko maso-kasasi, sona ina-touꞌ muste matudu hada-horomata tuka hadas a  
\p
\v 2 Au io emi, nana huu leo mae leoꞌ bea boe oo, emi mafarene au laꞌo naroo. Ma emi bei tao tuka basa hihii-nanauꞌ fo au anori-afadan soaneuꞌ emi a. Malole na seli!  
\v 3 Tehuu au nau afarereneꞌ fee emi hihii-nanauꞌ esa leo iaꞌ: bosoꞌ mafarene henin emi momori-dadadim neme beaꞌ mai. Touꞌ kamahereꞌ a, naoka-nasamu nai Kristus fo riꞌ dadi lakaꞌ neuꞌ ana. Inaꞌ a dadi neme touꞌ a mai. Ma Kristus neme Manetualain mai.\f + \fr 11:3 \ft Lahenda malelaꞌ dedea Yunani ra rae, \ft \+it kefale\+it* “lakaꞌ” sosoa na, 1) ao-inaꞌ a, laka na, ma 2) momori-dadadiꞌ. Tehuu nai dedea Yunani, \+it kefale\+it* sosoa na, ta “lahenda fo pareta fa”.\f*   
\p
\v 4 Fai fo touꞌ a hule-haradoi, do ana tui-beka Manetualain hehelu-barataan, sona bosoꞌ poti laka na. Ria sama leoꞌ ana tao namamaeꞌ Kristus, nana huu ana ta tuka ita biasa na.  
\v 5 Tehuu fai fo inaꞌ a hule-haradoi, do ana tui-beka Manetualain hehelu-baratan ana muste poti laka na. Kalu taꞌa, sona ria sama leoꞌ tao namamaeꞌ sao-tou na, nana huu ana ta tuka ita biasa na. Ma ria tao namamaeꞌ ao-ina heheli na boe, sama leoꞌ inaꞌ a keu kusiꞌ laka na.  
\v 6 Huu fo maneniko inaꞌ a ta nau poti laka na ela dadi tanda nae, ria hadaꞌ neuꞌ sao-tou na, sona malole lenaꞌ kuti eetuꞌ laka-doo na. Tehuu kalu ana nameda naan, laka kusi na tao namamaeꞌ ana, sona malole lenaꞌ poti etu laka na.   
\p
\v 7 Soba afi leo iaꞌ: touꞌ a ta parluu poti laka na, huu fo Manetualain adu touꞌ a sama leoꞌ Ria boe. Huu ria na, de touꞌ a dadi buna-boaꞌ natudu Manetualain marela-masaꞌan. Ma inaꞌ a boe dadi buna-boaꞌ natudu tou a kahere na.\x + \xo 11:7 \xt Tutui Masososaꞌ 1:26-27\x*  
\v 8 Huu fo Manetualain adu dae-bafoꞌ ia, Ana ta adu touꞌ a neme inaꞌ a mai. Tehuu Ana adu inaꞌ a neme touꞌ a mai.  
\v 9 Ma Ana ta adu touꞌ fee inaꞌ. Tehuu Ana adu inaꞌ fee touꞌ.\x + \xo 11:9 \xt Tutui Masososaꞌ 2:18-19\x*  
\v 10 De, malole lenaꞌ inaꞌ a poti laka na, ela lahenda bubuluꞌ rae, ria pake hak na fo hule-haradoi ma tui-beka Manetualain hehelu-baratan, tuka matetu na. Eilaꞌo-limalope rai nusatetu-ikutemaꞌ a boe bubuluꞌ rae inaꞌ a fee hadaꞌ neu touꞌ a, sona malole.  
\v 11 Tehuu maneniko sira rabua-raesa roo Manetualain, sona inaꞌ-touꞌ a ratulu-rafali ao.  
\v 12 Masososa na, Manetualain adu inaꞌ a neme touꞌ a mai. Tehuu inaꞌ a riꞌ boki touꞌ. Ma Manetualain riꞌ adu-tao na basa-basan dadi.   
\p
\v 13 Soba emi dodoo! Maneniko inaꞌ a hule-haradoi neuꞌ Manetualain, ma ta poti laka na tuka emi sona, ria malole a do, taꞌa?  
\v 14 Tuka emi hada ma nai kota Korintus, maneniko touꞌ a laka-doo na naruꞌ a, ria tao namamaeꞌ ana do?  
\v 15 Ma kalu inaꞌ a laka-doo na naruꞌ a, sona ria malole naa seli hete? Manetualain fee ni laka-doo naruꞌ ela napoti etu laka na. Ria riꞌ laꞌe.   
\p
\v 16 Tehuu maneniko bea nau nalelena aoꞌ naroo laꞌeneuꞌ hihii-nanauꞌ ia ra, mafarereneꞌ, te ami mauli-malaka, ma saraniꞌ ara, biasam ria.   
\s1 Maneniko matuu mia-minu nai Ramatuaꞌ a mei na sona bosoꞌ rupaꞌ ara  
\p
\v 17 Besaꞌ ia, au nau dedea hihii-nanauꞌ esa bali. Nai hihii-nanauꞌ ia daleꞌ au ta bisa io emi fa. Huu fo emi mabua, emi ta tao tuka matetu na, tehuu emi boe-boe tao liuaari.   
\p
\v 18 Masososa na, au amanene rae, tepoꞌ fo emi mabua tao kasasi, sona emi fifika-fafae. Au amanene dedeaꞌ sira, tantu ruma tebe leoꞌ na.  
\v 19 (Ria ta laꞌe fa, sekona te ita bisa tita bea riꞌ tuka Ramatuaꞌ a hihii-nanaun ma bea riꞌ ta tuka fa.)   
\p
\v 20 Fai bea ma emi lahenda saraniꞌ a mabua fo matuuꞌ mia nai Ramatuaꞌ a mei na, emi muste mafarene Ramatua Yesus. Ria riꞌ laꞌe. Tehuu emi ta leo naꞌ fa.  
\v 21 Buti na riꞌ, fai fo emi matuuꞌ mia-minu, ruma ta rahani lahenda fekeꞌ, ruma raa safa-safa mesan, ma fekeꞌ ara bali rinu mafuꞌ. Losaꞌ lahenda fekeꞌ a ta hapu babatiꞌ, de ramalaa.  
\v 22 Leo beaꞌ ia? Emi ta manuu uma fo mia-minu nai naa do? Do, emi nau mamumulu-mamamaeꞌ Ramatuaꞌ a sarani nara? Emi nau tao mamamaeꞌ lahenda hata taaꞌ ara? Emi nau au dedea ae leoꞌ bea? Nau au io emi nai hihii-nanauꞌ ia daleꞌ do? Bosoꞌ mamahena!   
\s1 Roti ma oe anggor, dadi tanda ela tafareneꞌ Yesus mamate Na  
\r (Mateos 26:26-29; Markus 14:22-25; Lukas 22:14-20)  
\p
\v 23 Ramatua Yesus nafada memaꞌ hihii-nanauꞌ leo iaꞌ a neuꞌ au, ma au feen neuꞌ emi bali. Tepoꞌ fo lahenda ra rahehere ao nara sakaꞌ raisa Ni, hatun ria Ana hai na roti baloꞌ esa.  
\v 24 Ana hule-haradoi hule makasi neuꞌ Manetualain. Boe ma Ana nafada ana mana tuka dea nara nae, “Mia roti ia. Huu fo ia nana Au ao-paa Ka. Neuꞌ ko ara tao ralulutuꞌ Au ao-paa Ka soaneuꞌ emi. De emi muste mia roti ia, ela mafarene Au.”   
\p
\v 25 Ara raa basa, boe ma Ana tao leo naꞌ neuꞌ galas oe anggor a boe nae, “Anggor ia sosoa na riꞌ: Manetualain nau heke hehelu bebeuꞌ noo emi. Ma Au muste atiti-anosiꞌ daa Ka losaꞌ Au mate, besaꞌ ko heheluꞌ ria bisa dadi. De, fai bea ma emi minu anggor leoꞌ ia, sona emi muste mafarene Au mamate Ka.”\x + \xo 11:25 \xt Kalua reme Masir 24:6-8; Yeremia 31:31-34\x*  
\v 26 Fai bea ma emi perjamuan fo mia roti leo iaꞌ, ma minu neme galaas leo iaꞌ, ria sama leoꞌ emi tui-beka seluꞌ Ramatuaꞌ a mamate Na, losaꞌ Ana natafali mai.   
\s2 Maneniko o dale ma ta roo-tetuꞌ, sona bosoꞌ matuu Ramatuaꞌ a mei na  
\p
\v 27 De lahenda bea naa roti ria, ma ninu neme galaas ria mai ela dadi nafarereneꞌ neuꞌ ita Ramatua na, tehuu ria dale na ta roo-tetuꞌ fa, neuꞌ ko Manetualain huku ni. Huu fo ria nana Ramatua Yesus ao-paan, ma daa Na. De, kalu lahenda dale na ta roo-tetuꞌ, sona ria ta naraa naa ma ninu nai naa, huu fo ria tao nadadae Ramatua Yesus.  
\v 28 Malole lenaꞌ, lahenda ra esaꞌ ko parisaꞌ ria dale na dei. Maneniko namahere tebe-tebe nae dale na roos a, besaꞌ ko ana bisa naa roti ma ninu anggor ria.  
\v 29 Tehuu lahenda ruma raa ma rinu ta reniꞌ dale roo-tetuꞌ. Huu fo ara afi rae, “Yesus mamate Na, sosoa-raraaꞌ taꞌa. Yesus ao-paa Na ta nanuu sosoa-raraaꞌ soaneuꞌ au.” Lahenda leo naꞌ a, lepa aon sira nonoi-tataon, nana huu neuꞌ ko sira hapu huhukuꞌ.  
\v 30 Huu ria na, de nai emi talada, hapu ruma ta tea-mepeꞌ, ruma hediꞌ-hedi, ma mate ruma.   
\p
\v 31 Tehuu maneniko ita parisaꞌ tatalolole ita dale nara, ita ta hapu huhukuꞌ leo naꞌ.  
\v 32 Maneniko ita Ramatua na huku ita, Ana tao leo naꞌ ela nanori-nafada ita tuka eno roo-tetuꞌ a. Ana ta nau ita hapu huhukuꞌ, ma talulutuꞌ sama-sama too basa lahenda nai dae-bafoꞌ ia.   
\p
\v 33 De, toranoo susue kara! Maneniko emi mabua fo matuuꞌ mia nai Ramatuaꞌ a mei Na, sona esa muste nahani esa.  
\v 34 Maneniko bea namalaa naan seli, sona malole lenaꞌ naa-ninu nai uma dei. Fo ela fai bea ma emi mabua, bosoꞌ hapu huhukuꞌ.  
\p Laꞌeneuꞌ hihii-nanauꞌ fekeꞌ fo emi matane a, neuꞌ ko au leo naaꞌ uu, besaꞌ ko au ator.   
\c 12  
\s1 Manetualain Dula-dale Na fee ita kuasa fo tao nonoi laka rupaꞌ ara  
\p
\v 1 Toranoo susue kara! Au nau emi bubuluꞌ laꞌeneuꞌ kuasa ria, ma babati-papalaꞌ fo Manetualain Dula-dale Na fee ita ela pake.  
\v 2 Emi bubuluꞌ mae, tepoꞌ fo bei ta dadi meuꞌ Manetualain lahenda nara, emi soko-taku hata haraꞌ taaꞌ. Emi moi tuka-tukaꞌ sira.  
\v 3 Huu ria na, au nau emi bubuluꞌ mae, tantu lahenda fo nabua-naesa noo Manetualain Dula-dale Malalao-malalafu Na, ta bisa nae, “Kutuk neuꞌ Yesus!” Ma, tantu lahenda fo ta nabua-naesa noo Manetualain Dula-dale Malalao-malalafu Na, ta bisa nae, “Yesus nana, au Ramatua ka!”   
\p
\v 4 Manetualain Dula-dale Na fee lahenda ra esaꞌ ko nooꞌ ria babati-papalan, ela ralalaꞌo sira nonoi laka feke nara. Tehuu basa babati-papalaꞌ sira reme Dula-daleꞌ esa mai.  
\v 5 Lahenda hapu babati-papalaꞌ rupaꞌ ara fo ralalau lahenda, tehuu sira basa ramanene neme noi Ramatuaꞌ esaꞌ a mai.  
\v 6 Lahenda hapu nonoi laka rupaꞌ ara fo ralalaꞌo Manetualain nonoi-tataon, tehuu noi Manetualain riꞌ tulu-fali si ela ralalaꞌo basa nonoi lakaꞌ ara.  
\v 7 Manetualain natudu Ria Dula-dale Na nai lahenda ra soda na neniꞌ esaꞌ ko enon, tehuu Ana nau basa si onto belaꞌ.  
\v 8 Ana fee Dula-dale Na kuasa na nai Ria lahenda nara. Ruma sipo kuasa de bisa ranuu duduꞌa-aafi tandeꞌ, ela fee lelea-nonoreꞌ noo matetuꞌ. Ma ruma sipo kuasa ela rafada ledo-ledo, hata fo ara bubuluꞌ ana.  
\v 9 Ruma bali, sipo kuasa ela ramahere tebe-tebe Manetualain, nana huu sira rabua-raesa ratalolole roo Ria Dula-dale Na. Ruma bali, sipo kuasa ela puli lahenda kamahedis.  
\v 10 Ruma bali, sipo kuasa ela tao tanda heran rupaꞌ fo natudu Manetualain marela-masaꞌa Na. Ruma bali, sipo kuasa ela tui-beka Manetualain hehelu-baratan neuꞌ Ria lahenda nara. Ruma bali, sipo kuasa ela bubuluꞌ rae dula-daleꞌ ria neme Manetualain mai do, taꞌa. Ruma bali, sipo kuasa ela bisa dedea pake dedea rupaꞌ ara. Ruma bali, sipo kuasa ela rafada fee dedeaꞌ sira sosoa-raraan ubeaꞌ.  
\v 11 Tehuu noi Dula-daleꞌ esa riꞌ tataon, de sira basa bisa roi-tao nonoi lakaꞌ sira. Ana fee babati-papalaꞌ neuꞌ lahenda ra esa-esa tuka Ria hihii-nanaun.\x + \xo 12:11 \xt Roma 12:6-8\x*   
\s2 Ao-inaꞌ esa, nanuu babatiꞌ rupaꞌ ara  
\p
\v 12 Au nau araraaꞌ babati-papalaꞌ sira roo lahenda ao-ina na. Ao-inaꞌ esa nanuu babatiꞌ rupaꞌ ara. Tehuu babatiꞌ sira nanahekeꞌ dadi reuꞌ ao-inaꞌ esa.\x + \xo 12:12 \xt Roma 12:4-5\x*  
\p Ria sama leoꞌ Kristus lahenda nara.  
\v 13 Ita basa tabua-taesa nai Dula-daleꞌ esa daleꞌ. Huu ria na, de tepoꞌ fo ita sarani, ita dadi sama leoꞌ lahenda nusaꞌ esa. Leo mae ita lahenda Yahudi do, lahenda fo ta Yahudi fa do, ata do, ta ata fa, Manetualain fee ita basa Dula-daleꞌ noi esaꞌ a. Ria sama leoꞌ ita basa tinu oe fo neni sodaꞌ neme oe dodoluꞌ esa mai.   
\p
\v 14 Tebe, ao-inaꞌ a, ta nanuu noi babatiꞌ esaꞌ a. Huu fo ria dadi neme babatiꞌ dodouꞌ mai.  
\v 15 Uniꞌ ko leo ei ma nae, “Limaꞌ ta au fa. De, au ta dadi uuꞌ babatiꞌ neme ao-ina ma mai.” Leo mae dedea nae leoꞌ na, tehuu ria bei babatiꞌ neme ao-ina ma mai. Tebe, hete?  
\v 16 Ma kalu ridoo ma nae, “Mataꞌ ta au fa. De, au ta dadi uuꞌ babatiꞌ neme ao-ina ma mai.” Leo mae dedea nae leoꞌ na, tehuu ria bei babatiꞌ neme ao-ina ma mai.  
\v 17 Dodoo masudin! Maneniko ao-ina ma dadi noi mataꞌ, sona bisa mamanene tao leoꞌ bea? Ma kalu ao-ina ma dadi noi ridooꞌ, sona bisa hae tao booꞌ a leo beaꞌ?   
\p
\v 18 Tehuu emi bubuluꞌ, Manetualain tao na ita dadi sama leoꞌ ao-inaꞌ esa, ma Ana ator babatiꞌ rupa nara tuka Ria hihii-nanaun.  
\v 19 Maneniko ita ao-ina na dadi noi babatiꞌ esa, sona ria ta nade ‘ao-inaꞌ’ soꞌ, hete?  
\v 20 Tehuu matetu na riꞌ, ita ao-paa na nanuu babatiꞌ rupaꞌ. Ria riꞌ dadi neuꞌ ao-ina katemaꞌ esa.   
\p
\v 21 Lahenda mata na ta bisa nae ta hika-hadaꞌ lima na nae, “Au ta parluu o fa!” Ma lahenda laka na ta bisa nafada ei na nae, “Au ta parluu o fa!”  
\v 22 Matetu na riꞌ, ao-inaꞌ a babatin fo ita tae ta baraaiꞌ, ma ta penting, tehuu ita parluu si.  
\v 23 Babatiꞌ fo ita tae sira sosoa-raraan noi baianaꞌ, tehuu ita taboi tatalolole si. Ma babatiꞌ fo ita maeꞌ asa, ita tapoti tatalolole si.  
\v 24 Tehuu babatiꞌ fo ita ta maeꞌ asa, ita ta tao si leoꞌ bea boeꞌ.  
\p Tehuu Manetualain nabubua na basa babatiꞌ ara fo dadi reuꞌ ao-inaꞌ esa. Ana ator de babatiꞌ fo ita tae ta penting fa boe, ita taboi tatalolole si,  
\v 25 huu fo Ana ta nahiiꞌ ita ao-ina na fifika-fafae. Ana nau basa babatiꞌ ara, esa mete-relu esa.  
\v 26 Maneniko babatiꞌ esa hapu susa, sona basa babatiꞌ ara rameda belaꞌ a. Ma kalu esa sipo hada-horomata, sona basa si ramahoꞌo.   
\p
\v 27 Leoꞌ na boe neuꞌ emi. Emi sama leoꞌ Kristus ao-ina katema-tua Na. Lahenda kamahereꞌ ara esa ko noꞌ babatin neme Kristus ao-ina Na mai.  
\v 28 Huu fo nai lahenda kamahereꞌ ara talada, Manetualain fee kuasa, ela tao nonoi laka rupaꞌ ara.  
\q2 Masososan, Ana nadenu lahenda ruma reu ralalaꞌo Ria hehelu-baratan.  
\q2 Kaduan, Ana pake lahenda ruma dadi reuꞌ Ria mana nesimatan.  
\q2 Katelun, Ana tao na lahenda ruma ranori ralelaꞌ laꞌeneuꞌ Ana.  
\q2 Ana fee kuasa neuꞌ lahenda ruma fo bisa tao tanda heran rupaꞌ ara, ela ratudu Ria marela-masaꞌan.  
\q2 Ruma bali hapu kuasa ela puli lahenda kamahedis.  
\q2 Ruma bali hapu babati-papalaꞌ ela tulu-fali lahenda.  
\q2 Ruma bali hapu babati-papalaꞌ ela bisa urus lehenda ra fo roi-tao sama-sama noo malole.  
\q2 Ma Ana fee kuasa neuꞌ lahenda ruma bali, ela ara bisa dedea pake dedea rupaꞌ ara.\x + \xo 12:28 \xt Efesus 4:11\x*   
\p
\v 29 Emi duduꞌa-aafim leo beaꞌ? Manetualain nadenu basa lahenda ra, fo reu tui-beka Ria hehelu Na do? Taꞌa. Ana tao na basa lahenda ra dadi reuꞌ Ria mana nesimatan do? Taꞌa. Ana tao na basa lahenda ra, ranori-rafada ralelaꞌ do? Taꞌa. Ana fee kuasa neuꞌ basa lahenda ra fo bisa tao tanda heran do? Taꞌa.  
\v 30 Ana fee kuasa neuꞌ basa lahenda ra fo puli lahenda kamahedis do? Taꞌa. Ana tao na basa lahenda ra bisa dedea pake dedea rupaꞌ ara do? Taꞌa. Ana tao na basa lahenda bisa rafada dedeaꞌ sira sosoa-raraan do? Taꞌa.   
\p
\v 31 Emi muste mahehere ao mara fo sipoꞌ, ma pake babati-papalaꞌ, manuu sosoa-raraaꞌ bauinaꞌ soaneuꞌ lahenda dodouꞌ.  
\p Leo mae leoꞌ na, tehuu au nau atudu emi eno-dala malole inaꞌ a.   
\c 13  
\s1 Susue-lalai matetuꞌ  
\p
\v 1 Uniꞌ ko leo au bisa dedea pake basa dedea rupaꞌ ara, dedeaꞌ lahenda dae-bafoꞌ do, dedeaꞌ neme Manetualain eilaꞌo-limalopen rai nusatetu-ikutemaꞌ a do, tehuu au ta anuu susue-lalaiꞌ baiꞌ boeꞌ, ria onto ubeaꞌ? Au dedea ka rouꞌ, sama leoꞌ meꞌo a nalii, do darom fo lii na nadolo.  
\v 2 Uniꞌ ko leo au anuu babati-papalaꞌ fo tui-beka Manetualain hehelu-baratan neuꞌ Ria lahenda nara, ma au bubulu-alelaꞌ basa hata nino a, ma basa hihii-nanauꞌ fo lahenda malelaꞌ ara bubuluꞌ, ma kalu au amahere tebe-tebe neuꞌ Manetualain, losaꞌ au bisa lali heni leteꞌ ara, tehuu au ta anuu susue-lalaiꞌ baiꞌ boeꞌ, ria sosoa-raraan ubeaꞌ? Au nonoi-tatao ka, sosoa-raraaꞌ taꞌa.\f + \fr 13:2 \ft Mateos 17:20; 21:21; Markus 11:23\f*  
\v 3 Leo mae au seꞌo heni katemaꞌ hata-heto ki, boe ma babati doi nara ela ahao lahenda manatoꞌa-manataaꞌ ara, do fee heni au ao-ina ka dadi tutunu-hohotuꞌ, tehuu au ta anuu susue-lalaiꞌ baiꞌ boeꞌ, ria sosoa-raraan ubeaꞌ? Au ta anuu neteꞌ fo atutua-adedema ao ka. Huu fo ria mana dadi taaꞌ! Ta onto hata esa boeꞌ.   
\q2
\v 4 Susue-lalaiꞌ a, nana balaroe-balanauꞌ.  
\q2 Susue-lalaiꞌ a, nana sabar.  
\q2 Susue-lalaiꞌ a, nana ta namanasaꞌ.  
\q2 Susue-lalaiꞌ a, nana ta natutua-nadedemaaoꞌ.  
\q2 Susue-lalaiꞌ a, nana ta koaoꞌ.   
\q2
\v 5 Susue-lalaiꞌ a, nana ta baraꞌaai fa.  
\q2 Susue-lalaiꞌ a, nana ta soa noi ao-ina heheliꞌ a.  
\q2 Susue-lalaiꞌ a, nana ta mudaꞌ laesaꞌ namanasa.  
\q2 Susue-lalaiꞌ a, nana ta napeda daleꞌ nalelaꞌ.   
\q2
\v 6 Susue-lalaiꞌ a, nana namahoꞌo neuꞌ hata roo-tetuꞌ,  
\q3 ma ta nahiiꞌ hata ta roo-tetuꞌ fa.   
\q2
\v 7 Susue-lalaiꞌ a, nana ta nalale balas lahenda nonoi tadalun.  
\q2 Susue-lalaiꞌ a, nana namahere naroo.  
\q2 Susue-lalaiꞌ a, nana namahena-nabani.  
\q2 Susue-lalaiꞌ a, nana nanenete naroo.   
\q2
\v 8 Susue-lalaiꞌ a ta namaetun.  
\p Tehuu hata fo Manetualain mana nesimata nara rafada a, mateꞌe na te ta parluu soꞌ. Ma kalu lahenda dedea pake dedea rupaꞌ ara, mateꞌe na te ta parluu soꞌ. Ma hata fo lahenda malelaꞌ ara bubuluꞌ a, mateꞌe na te sosoa-raraaꞌ taꞌa soꞌ.  
\v 9 Besaꞌ ia, ita bubuluꞌ noi baianaꞌ. Maneniko ita dadi teuꞌ Manetualain mana nesimatan, ita dedea-nafadan bei ta namadai fa.  
\v 10 Tehuu losa ledo-fain nai nusatetu-ikutemaꞌ a, te neuꞌ ko basa-basan namadai so. Tepoꞌ ria te, hihii-nanauꞌ fo bei ta namadai fa, sosoa-raraaꞌ taꞌa.   
\p
\v 11 Conto na leo iaꞌ: tepoꞌ fo au bei aanaꞌ, au dedea sama leoꞌ biasa ana aanaꞌ ara dedea a. Au boe duꞌa-afi sama leoꞌ biasa ana aanaꞌ a duaꞌ-afi. Tehuu besaꞌ ia au ambauinaꞌ so. Huu ria na, de au ta leo-laꞌo sama leoꞌ ana aanaꞌ soꞌ.   
\p
\v 12 Conto fekeꞌ bali: besaꞌ ia, ita bisa tita-dae baiꞌ, tehuu bei sama leoꞌ tita salaoꞌ ara nai tiroao fakiꞌ. Tehuu neuꞌ ko ita tita noo matetuꞌ, sama leoꞌ nai ita mata-idun. Besaꞌ ia au bubuluꞌ noi baianaꞌ. Tehuu neuꞌ ko au bisa bubuluꞌ basa-basan, sama leoꞌ Manetualain bubuluꞌ basa-basan laꞌeneuꞌ au ao-ina ka.   
\p
\v 13 De, ita muste tao hihii-nanauꞌ telu fo riꞌ rahere raroo, siꞌ:  
\q2 ita muste tamahere taroo Ramatuaꞌ a;  
\q2 ita muste tamahena-tabani taroo tae, neuꞌ ko Ana ator basa-basan dadi malole;  
\q2 ma ita muste tasue-talaiao taroo.  
\p Neme hihii-nanauꞌ ia ra telu mai, penting nan seli a, nana riꞌ, \it susue-lalaiꞌ\it*. Huu fo susue-lalaiꞌ a riꞌ malole lena neme basa-basan mai.   
\c 14  
\s1 Manetualain Dula-dale Na fee Ria lahenda nara esaꞌ ko noꞌ babati-papalan  
\p
\v 1 Saka enoꞌ fo masue-malaiao nai basa hihii-nanauꞌ ara daleꞌ. Huu fo ta hapu hihii-nanauꞌ fekeꞌ penting lena soꞌ. Saka enoꞌ fo Manetualain Dula-dale Na fee emi kuasa, ma babati-papalaꞌ ela emi bisa tao hihii-nanauꞌ malole ra. Ma malole na riꞌ, kalu emi hapu babati-papalaꞌ fo tui-beka Manetualain hehelu-barataan.  
\v 2 Kalu lahenda bea nanuu babati-papalaꞌ fo dedea pake dedea Dula-dale Malalao-malalafuꞌ, sona Manetualain Dula-dale Na fee ni kuasa, ela dedea hihii-nanauꞌ fo bei ta makaledoꞌ. Huu fo ana ta dedea noo lahenda fekeꞌ, ana dedea noo noi Manetualain. De lahenda fo rabua rai naa, ta hapu esa bubuluꞌ lahenda ria dedea-nafadan.  
\v 3 Tehuu maneniko lahenda nanuu babati-papalaꞌ fo tui-beka Manetualain hehelu-barataan, ana fee hehelu-barataaꞌ soaneuꞌ basa lahenda fo rai naa. Ana nafofoa lehenda namahere na neuꞌ Manetualain, natetea dale nara, ma ooe-nanasi lahenda manasusaꞌ ara.  
\v 4 Lahenda bea dedea pake dedea Dula-dale Malalao-malalafuꞌ, ana natetea noi ria ao-ina heheli na. Tehuu lahenda bea tui-beka Manetualain hehelu-barataan, ana natetea basa saraniꞌ a, ela ara boe-boe dadi tea-mepeꞌ.   
\p
\v 5 Au ahiiꞌ emi basa bisa dedea pake dedea Dula-dale Malalao-malalafuꞌ. Tehuu au hihii bau-ina ka, emi bisa tui-beka Manetualain hehelu-barataan. Huu fo lahenda bea tui-beka Manetualain hehelu-barataan, ria sosoa-raraan lena neme lahenda fo pake noi dedea Dula-dale Malalao-malalafuꞌ. Maneniko dedea pake dedea Dula-dale Malalao-malalafuꞌ, ria malole a boe, sadi lahenda bisa nafada dedeaꞌ ria sosoa na. No ria na, hehelu-barataꞌ ria boe-boe tao natetea basa lahenda saraniꞌ a de ara bisa bubuluꞌ.   
\p
\v 6 Toranoo susue kara! Dodoo-tatai masudi hihii-nanauꞌ ia. Uniꞌ ko leo au leo emi mai, boe ma au dedea pake dedea Dula-dale Malalao-malalafuꞌ de emi ta bubuluꞌ, emi onto ubea? Taꞌa hete? Maneniko au dedea oo emi, malole lenaꞌ au tui-beka Manetualain hihii-nanaun. Au tui neuꞌ loan hihii-nanauꞌ fo maulu na ta makaledoꞌ a. Leoꞌ na boe au tulu-fali emi ela bubuluꞌ matalolole hihii-nanauꞌ rupaꞌ ara. Ma au afarereneꞌ fee emi Manetualain Dedea-nafadan. Malole lenaꞌ au anori-afada emi. Ria besaꞌ ko nanuu sosoa-raraaꞌ soaneuꞌ emi hete?   
\p
\v 7 Leoꞌ na boe musik ara. Sira ta hata masodaꞌ fa, tehuu ara kalua lii rupaꞌ ara. Lahenda soda pake suling do, sasandu do, juk do, tehuu maneniko lii nara ta raraa fa, tantu lahenda ta bisa bubuluꞌ rae, ana naminaꞌ sosoda ubeaꞌ ria fa.  
\v 8 Ma kalu saki a lii na ta matetuꞌ, sona tao leoꞌ bea fo soldadu ra bisa bubuluꞌ tanda na, de rahehere ao nara fo reu musu? Ta bisa fa hete?  
\v 9 Leoꞌ na boe soaneuꞌ emi. Maneniko emi dedea pake dedea Dula-dale Malalao-malalafuꞌ, do pake dedeaꞌ fo lahenda ta bubuluꞌ matetuꞌ ana, ria sama leoꞌ emi dedea sosoa-raraaꞌ taaꞌ. Ria mana dadi taaꞌ, huu fo lahenda ta bisa bubuluꞌ o mae leoꞌ bea ria!  
\v 10 Dedea rupaꞌ dodouꞌ nai dae-bafoꞌ ia. Dedeaꞌ ara esaꞌ ko nooꞌ sosoa-raraan.  
\v 11 Tehuu maneniko au ta alelaꞌ lahenda fekeꞌ a dedean, ria sosoa-raraaꞌ taaꞌ soaneuꞌ au. Au ta bubuluꞌ sira, ma sira boe ta bubuluꞌ au. Ami esa noo esa dadiꞌ lahenda manamai.   
\p
\v 12 Leoꞌ na boe neuꞌ emi. Emi nau hapu kuasa ma babati-papalaꞌ neme Manetualain mai. Ria malole a. Tehuu malole lenaꞌ emi saka enoꞌ fo hapu kuasa ma babati-papalaꞌ ela emi bisa mafofoa meniꞌ lahenda kamahereꞌ dodouꞌ!   
\p
\v 13 De, lahenda bea dedea pake dedea Dula-dale Malalao-malalafuꞌ, sona malole lenaꞌ ana hule-haradoi neuꞌ Manetualain, fo fee ni babati-papalaꞌ ela bisa nafada dedea Dula-dale Malalao-malalafuꞌ ria sosoa-raraan.  
\v 14 Maneniko au hule-haradoi pake dedea Dula-dale Malalao-malalafuꞌ, au hule-haradoi uniꞌ dale ka, tehuu ta bubuluꞌ ae au dedea ubeaꞌ.  
\v 15 De, malole na riꞌ au tao leo beaꞌ? Au pake belaꞌ dua si, tehuu esaꞌ ko noꞌ ria ledo-fain. Au nau hule-haradoi uniꞌ dale ka. Ma au boe nau hule-haradoi pake dedeaꞌ fo au bubuluꞌ. Au nau soda sosoda iꞌio-oꞌoa neuꞌ Manetualain uniꞌ au dale ka. Ma au boe bisa soda pake dedeaꞌ fo au bubuluꞌ.  
\v 16 Maneniko o pake dedea Dula-dale Malalao-malalafuꞌ fo io-oa Manetualain neme o dale ma mai, boe ma lahenda fo nai naa ta bubuluꞌ hihii-nanauꞌ ria fa, tao leoꞌ bea fo ana bisa daleꞌ esa noo o? Fai bea ma o hule makasi neuꞌ Manetualain pake dedea Dula-dale Malalao-malalafuꞌ, tao leoꞌ bea fo ana bisa nataa nae, “Tebe!” Ta bisa fa hete? Huu fo ana ta bubuluꞌ o dedea ma.  
\v 17 O bisa hule makasi neuꞌ Manetualain mae leoꞌ na. Tehuu ria ta natetea-namemepe lahenda fekeꞌ dalen.   
\p
\v 18 Bate emi ta bubuluꞌ mae au dedea pake dedea Dula-dale Malalao-malalafuꞌ lena neme emi basa mai. Ma au hule makasi neuꞌ Manetualain, nana huu Ana tao na au bisa dedea leo naꞌ.  
\v 19 Tehuu maneniko lahenda kamehereꞌ ara rabua, malole lenaꞌ au anori-afada si pake noi dedea eetuꞌ, ela ara bisa bubuluꞌ, lole na lena heni au dedea amaloloa-amananaru pake dedea Dula-dale Malalao-malalafuꞌ, tehuu ara ta bubuluꞌ.   
\p
\v 20 Toranoo susue kara! Soaneuꞌ hihii-nanauꞌ sira, emi muste duꞌa-afi leoꞌ lahenda lasiꞌ. Bosoꞌ duꞌa-afi sama leoꞌ ana aanaꞌ ara! Tehuu soaneuꞌ hihii-nanauꞌ tadaluꞌ a, emi muste leoꞌ ana aanaꞌ fo ta tao ralelaꞌ hihii-nanauꞌ tadaluꞌ ara, huu fo sira dale nara lalao-lalafuꞌ.  
\v 21 Nai Manetualain Susura Makamoi Na, manaduiꞌ nae:  
\q1 “Ita Ramatua na dedea nae,  
\q2 ‘Au nau pake lahenda fo dedea pake dedea Dula-dale Malalao-malalafuꞌ,  
\q3 ela Au dedea fee lahenda nusa Israel ia ra.  
\q1 Tehuu leo mae Au dedea leo beaꞌ boe,  
\q2 ara ta nau ramanene Au.’ ”\x + \xo 14:21 \xt Yesaya 28:11-12\x*   
\p
\v 22 Huu ria na emi bubuluꞌ mae, maneniko lahenda dedea pake dedea Dula-dale Malalao-malalafuꞌ, ria dadi tanda soaneuꞌ lahenda fo \it bei ta\it* ramahere Manetualain, ela rita Ria kuasa Na. Tehuu ta tulu-fali lahenda fo riꞌ ramahere Manetualain \it so\it* a. Ma maneniko lahenda tui-beka Manetualain hehelu-barataan, ana tulu-fali lahenda fo riꞌ ramahere Ni \it so\it* a. Tehuu ta tulu-fali lahenda fo riꞌ \it bei ta\it* ramahere Ni.  
\v 23 Uniꞌ ko leo emi mabua, de emi basa dedea pake dedea Dula-dale Malalao-malalafuꞌ, boe ma lahenda kamahere taaꞌ, do lahenda fo ta bubuluꞌ hihii-nanauꞌ ia ra, masoꞌ rai emi talada, neuꞌ ko ara duꞌa-afi leo beaꞌ? Tantu ara rae, “Lahenda kamuluꞌ ia ra do!”   
\p
\v 24 Tehuu uniꞌ ko leo emi mafada neu loan na Manetualain hehelu-barataan, boe ma lahenda kamahere taaꞌ, do lahenda fo ta bubuluꞌ hihii-nanauꞌ ia ra, masoꞌ rai emi talada. Tantu lahenda sira nau ramanene hata fo emi dedean a. De, hata fo emi dedean a, natudu ria sala-sikon losaꞌ ana nau parisaꞌ nalulutuꞌ masoda heheli na.  
\v 25 Basa de ana manaku hihii-nanau tadaluꞌ fo bei nafuniꞌ nai dale na, boe ma ana sundaꞌ undulaka na fo doꞌo-tabe Manetualain nae, “Tebe-tebe Manetualain nai emi talada!”   
\s1 Basa hihii-nanauꞌ fo ita tao, sona tao tuka matetu na. Bosoꞌ liuaari  
\p
\v 26 Toranoo susue kara! Lahenda ra esaꞌ ko noꞌ ria babati-papalan. De, maneniko emi mabua, sona ruma soda sosoda iꞌio-oꞌoa neuꞌ Manetualain. Ruma ranori-rafada laꞌeneuꞌ Manetualain. Ruma tui neuꞌ loan hihii-nanauꞌ neme Manetualain mai, fo fai a ulu na bei nafuniꞌ. Ruma dedea pake dedea Dula-dale Malalao-malalafuꞌ. Ma ruma bisa rafada dedeaꞌ ria sosoa-raraan. Ara muste tao basa hihii-nanauꞌ sira, ela ratetea lahenda fekeꞌ ara namaheren.   
\p
\v 27 Maneniko ruma rahiiꞌ dedea pake dedea Dula-dale Malalao-malalafuꞌ, ria malole a. Bosoꞌ dodouꞌ. Leo mae noi lahenda dua do telu boe, dai so. Tehuu esa dedea basa, dei esa bali. Ma muste lahenda fekeꞌ bisa nafada sira dedea na sosoa-raraan.  
\v 28 Uniꞌ ko leo ta hapu lahenda bisa nafada dedeaꞌ ria sosoa-raraan, sona bosoꞌ dedea pake dedea Dula-dale Malalao-malalafuꞌ nai lahenda kadodou ara matan. Nemeꞌ na ela ara dedea leo naꞌ nai dale nara. Sira boe bisa dedea leoꞌ na roo Manetualain.   
\p
\v 29 Maneniko emi mabua, ela noi lahenda dua do teluꞌ a riꞌ tui-beka Manetualain hehelu-barataan. Fekeꞌ ara muste dodoo-tatai ratalolole sira dedea na.  
\v 30 Tehuu uniꞌ ko leo lahenda esa natuuꞌ nai naa, Manetualain nau feen bubuluꞌ hihii-nanauꞌ fo maulu na ta makaledoꞌ a, sona lahenda ria muste nafada heheluꞌ ria neuꞌ basa lahenda fo rai naa. Ma lahenda mana dedea nai mata a muste hahae, fo fee lelaꞌ neuꞌ lahenda riꞌ besaꞌ ko namanene neme Manetualain mai a, ela ana dedea.  
\v 31 Matetu na riꞌ, emi basa bisa tui-beka Manetualain hehelu-barataan. Tehuu nemeꞌ na ela lahenda esa dedea basa dei, besaꞌ ko ria nonoo na. No ria na, basa lahenda ra bisa ramanene, basa-basan bisa ranori, ma basa-basan rameda raan sira dale na boe-boe tea-mepeꞌ.  
\v 32 Mafarereneꞌ, lahenda fo tui-beka Manetualain hehelu-barataan, muste ator nalelaꞌ ao-ina na, fo nahani ela esa dedea basa dei, besaꞌ ko esa bali.  
\v 33 Huu fo nai Manetualain ta hapu liuaariꞌ. Basa-basan mana ator matalololeꞌ.  
\p Nai bea-bea oo, maneniko lahenda kamahereꞌ ara rabua, sona biasa leo iaꞌ:  
\v 34 Inaꞌ ara muste ratuu neneeꞌ. Ara bosoꞌ dedea dodouꞌ. Muste ramania-ramanene neuꞌ mauli-malaka ra. Huu fo Manetualain Atoran na boe nae leoꞌ na hete?  
\v 35 Maneniko bea nau natane hihii-nanauꞌ esa, sona fali neuꞌ uma dei natane sao-tou na. Huu fo inaꞌ ara isu-ote nai uma mamasoꞌ daleꞌ, sona tao mamaeꞌ!   
\p
\v 36 Ubeaꞌ taon de emi ta sipoꞌ hata fo au dedea ni a. Emi duduꞌa-aafim leo beaꞌ? Manetualain Dedea-nafadan ta neme emi mai fa! Ma Ria Dedea-nafadan ta fee noi emi nai kota Korintus! Afi matalolole dei!  
\v 37 Maneniko lahenda nae ria bisa tui-beka Manetualain hehelu-barataan, do afi nae ria sipo kuasa neme Manetualain Dula-dale Na mai, sona ana bubuluꞌ nae, hihii-nanauꞌ fo au duiꞌ fee emi a, ta atoran neme au mai fa, tehuu pareta ria neme Yesus, ita Ramatua na mai.  
\v 38 Maneniko lahenda bea ta nau sipoꞌ hihii-nanauꞌ ia ra, sona emi bosoꞌ sipoꞌ ana.   
\p
\v 39 Toranoo susue kara! Mahehere ao mara fo sipo kuasa ela emi bisa tui-beka Manetualain hehelu-barataan. Ma bosoꞌ horo lahenda mae, sira ta bole dedea pake dedea Dula-dale Malalao-malalafuꞌ.  
\v 40 De, maneniko emi mabua, sona malalaꞌo basa-basan noo matetu-maraaꞌ. Basa hihii-nanauꞌ esa dei, besaꞌ ko fekeꞌ a. Malalaꞌo basa-basan tuka atoran, bosoꞌ liuaari.   
\c 15  
\s1 Kristus nasoda seluꞌ neme mamate Na mai  
\p
\v 1 Toranoo susue kara! Au nau emi mafarene Manetualain Tutui Malolen fo neme uluꞌ mai au tui-bekan soaneuꞌ emi a. Emi sipo maan boe ma tuka mahere Tutui Malole ria.  
\v 2 Huu fo Tutui Malole ria, riꞌ bisa neni fee emi sodaꞌ, sadi emi homu mahere ni. Tehuu maneniko ta mamahere maroo Manetualain, sona emi namahere ma mana dadi taaꞌ.   
\p
\v 3 Au boe anori-afada emi hihii-nanauꞌ fo penting nan seli a, riꞌ maulu na parnaa lahenda ranori-rafadan neuꞌ au. Riꞌ: Kristus, fo Manetualain feen mai a, Ana mate ela soi-tefa na ita teme sala-sikoꞌ ara mai, natetu na manaduiꞌ memaꞌ neme uluꞌ mai nai Manetualain Susura Makamoi Na.\x + \xo 15:3 \xt Yesaya 53:5-12\x*  
\v 4 Boe ma ara ratoi Ni. Nai fai binesa na boe ma, Manetualain feen nasoda seluꞌ, natetu na manaduiꞌ memaꞌ neme uluꞌ mai nai Manetualain Susura Makamoi Na.\x + \xo 15:4 \xt Sosoda Iꞌio-oꞌoaꞌ ara 16:8-10; Mateos 12:40; Lahenda Nadedenuꞌ ara Tutuin 2:24-32\x*  
\v 5 Boe ma Kristus natudu ao-ina Na neuꞌ Petrus.\f + \fr 15:5 \ft Susura dedea Yunani a nae, “Kefas”. Kefas nana, Petrus nade feke na.\f* Ana natudu ao-ina Na neuꞌ ana mana tuka dean lahenda kasanahulu duaꞌ ara boe.\x + \xo 15:5 \xt Mateos 28:16-17; Markus 16:14; Lukas 24:34, 36; Yohanis 20:19\x*  
\v 6 Boe ma laiꞌ esa de, lahenda kamahereꞌ natun lima lenaꞌ rita Ni, huu fo Ana natudu ao-ina Na neuꞌ asa! Neme sira mai, kadodou na bei rasoda. Mate noi baianaꞌ.  
\v 7 Ana natudu ao-ina Na neuꞌ aꞌa Yakobis. Boe ma Ana natudu ao-ina Na neuꞌ basa lahenda nadedenu nara.   
\p
\v 8 Au riꞌ ita Ni mateꞌeoe. Huu fo au sama leoꞌ ana mateꞌa tei-susuꞌ, de bokin nesiꞌ buiꞌ.\x + \xo 15:8 \xt Lahenda Nadedenuꞌ ara Tutuin 9:3-6\x*  
\v 9 Ramatuaꞌ a lahenda nadedenu feke nara, basa si penting lena reme au mai. Kalu tuka matetu na, ta naraa au dadi uuꞌ Ria lahenda nadedenun. Huu fo maulu na, au riꞌ tao doidoso ma ese-rumu Manetualain lahenda nara rai basa mamanaꞌ ain.\x + \xo 15:9 \xt Lahenda Nadedenuꞌ ara Tutuin 8:3\x*  
\v 10 Tehuu Manetualain natudu Ria dale malole na neuꞌ au. Ria riꞌ tao na au dadi sama leoꞌ besaꞌ ia. Tepoꞌ fo Ana tao hihii-nanauꞌ malole soaneuꞌ au, Ana ta tutuꞌu hihiiꞌ ledo-fai. Mateꞌe na au riꞌ oi-tao mela-maku lena neme basa-basan mai! Sekona te, ta oi-tao pake au bebeꞌi-baraꞌaik fa, tehuu Manetualain dale malole Na riꞌ noi-tao nai au masoda ka.   
\p
\v 11 De, maneniko au riꞌ anori-afada, do lahenda nadedenu fekeꞌ ara siꞌ ranori-rafada, ria ta penting fa. Huu fo ami basa manori-mafada belaꞌ hihii-nanauꞌ esa. Ami tui-beka maroo lahenda laꞌeneuꞌ Manetualain Tutui Malole Na. Huu ria na, emi mamahere neuꞌ Tutui Malole ria.   
\s1 Lahenda mana mateꞌ ara neuꞌ ko rasoda seluꞌ  
\p
\v 12 Ami biasa manori-mafada mae, Kristus fo Manetualain feen mai a, Ana nasoda seluꞌ neme mamate Na mai. Ubeaꞌ taon, de emi ruma mae, “Lahenda mana mateꞌ ara ta rasoda seluꞌ fa”? Ria nete na riꞌ ubeaꞌ?  
\v 13 Uniꞌ ko leo lahenda mana mateꞌ a ta nasoda seluꞌ, ria sosoa na nae, Kristus boe ta nasoda seluꞌ!  
\v 14 Ma kalu Kristus ta nasoda seluꞌ, sona basa-basan fo ami biasa tafada lahenda ra, sosoa-raraaꞌ taꞌa. Ma emi namahere ma neuꞌ Ana, mana dadi taaꞌ!  
\v 15-16 Ma kalu tebe lahenda mana mateꞌ a ta nasoda seluꞌ, ami boe dadi sakasii pepekoꞌ laꞌeneuꞌ Manetualain. Huu fo ami biasa manori-mafada mae, “Manetualain riꞌ fee Kristus nasoda seluꞌ!” Tebe ami mafada mae leoꞌ na. Tehuu uniꞌ ko leo lahenda mana mateꞌ a ta nasoda seluꞌ, ria sosoa na nae, Manetualain ta parnaa fee Kristus nasoda seluꞌ.  
\v 17 Dodoo masudi hihiii-nanauꞌ ia: maneniko Kristus ta nasoda seluꞌ, sona emi namahere ma neuꞌ Manetualain nana mana dadi taaꞌ! Huu fo emi bei lepa-masaa sala-siko mara!  
\v 18 Ta noi ria fa, te fai a ulu na basa lahenda mana mateꞌ fo rabua-raesa roo Kristus, maneniko Kristus ta parnaa nasoda seluꞌ, sira boe mate, ma dooꞌ a reme Manetualain mai.  
\v 19 Ita tamahena-tabani neuꞌ Kristus tae, neuꞌ ko Ana sakaꞌ tao malole soaneuꞌ ita. Tehuu uniꞌ ko leo ita namahena na, dadi noi nai dae-bafoꞌ a, sona ria mana dadi taaꞌ! Ma ita dadi kasian lena neme basa-basan mai!   
\s1 Huu no Kristus nasoda seluꞌ, neuꞌ ko ubeaꞌ dadi?  
\p
\v 20 Sekona te ta leo naꞌ fa hete? Matetu na, riꞌ: Kristus, fo Manetualain feen mai a, nasoda seluꞌ neme mamate na mai! Ma ta noi Ria mesaꞌ ana, te neuꞌ ko lahenda kamahereꞌ fo mate si so boe, rasoda seluꞌ. Kristus sama leoꞌ puleulu-boasosaꞌ, de natudu nae, neuꞌ ko mana mateꞌ ara rasoda seluꞌ tuka Ni.  
\v 21 Fai a ulu na, noi lahenda esa riꞌ Adam, nalena laka Manetualain pareta Na. De, ria huhuku na, riꞌ mamates. Huhukuꞌ ria boe tuda laꞌe ita lahenda dae-bafoꞌ a katemaꞌ. Tehuu besaꞌ ia, lahenda esa bali, riꞌ Kristus fo nasoda tuka Manetualain pareta Na. Huu no Ria dale malole na, de lahenda mana mateꞌ ara bisa rasoda seluꞌ!  
\v 22 Basa lahenda fo ralena laka Manetualain pareta na, hapu huhuku mamates, sama leoꞌ Adam boe. Leoꞌ na boe, basa lahenda fo rabua-raesa roo Kristus, neuꞌ ko Manetualain fee si rasoda seluꞌ.   
\p
\v 23 Tehuu esa-esaꞌ ko noꞌ ledo-fain. Kristus dadi lahenda masososaꞌ fo riꞌ nasoda seluꞌ, sama leoꞌ bisinaꞌ a puleuluꞌ-boasosaꞌ. Ma kalu Ana natafali leo dae-bafoꞌ ia mai, besaꞌ ko Ria lahenda nara rasoda seluꞌ.  
\v 24 Basa ria, besaꞌ ko dae-bafoꞌ a noe. Tepoꞌ ria, te Kristus dadi Maneꞌ fo tao nalulutuꞌ basa pareta ra, ma basa mana kuasa maiu-mahatuꞌ fo riꞌ musu roo Manetualain. Kristus boe dadi Maneꞌ fo fee faliꞌ Ria hak pareta na neuꞌ Manetualain, Ria Aman.   
\p
\v 25 Ana muste homu naroo pareta a, losaꞌ Manetualain naseki basa-basan fo riꞌ soaꞌ Kristus, ela ara roi raeꞌ Ana.\x + \xo 15:25 \xt Sosoda Iꞌio-oꞌoaꞌ ara 110:1\x*  
\v 26 Hihii-nanauꞌ esa bali musu-noo ita lahenda dae-bafoꞌ a, riꞌ ita muste mate. Tehuu mateꞌe na, Manetualain naseki mamates a kuasa na. Ana tao leo naꞌ, de ta hapu lahenda mate soꞌ.  
\v 27 Nai Manetualain Susura Makamoi Na manaduiꞌ nae, “Manetualain naseki basa-basan ela raloe-radaeao nara reuꞌ Lahenda fo riꞌ Ana helu nau feen mai a.” Tehuu Manetualain ta naloe-nadaeao neuꞌ Ana. Huu fo Manetualain soꞌu naan dadi Malaka soaneuꞌ basa-basan.\x + \xo 15:27 \xt Sosoda Iꞌio-oꞌoaꞌ ara 8:6\x*  
\v 28 Maneniko basa-basan nai Manetualain Anan kuasa Na, neuꞌ ko Anaꞌ ria fee heni basa-basan reuꞌ Aman fo riꞌ soꞌu naan dadi Malaka soaneuꞌ basa-basan. Boe ma Manetualain pareta naroo basa lahenda ra, nai basa hihii-nanauꞌ daleꞌ.   
\s1 Uniꞌ ko leo lahenda mana mateꞌ ta nasoda seluꞌ  
\p
\v 29 Lahenda ruma nau sarani ela kati lahenda mana mateꞌ fo bei ta sarani. Tehuu maneniko lehenda mana mateꞌ a ta nasoda seluꞌ, ubeaꞌ taon de sira nau sarani soaneuꞌ lahenda mana mateꞌ?\f + \fr 15:29 \ft Lalaneꞌ ia ta makaledoꞌ a fa. Hadas leo-leoꞌ “sarani fo kati lahenda mana mateꞌ” ta hapun nai lalane fekeꞌ nai \ft \+it basa Manetualain Hehelu Bebeu na\+it*.\f*  
\v 30 Ma kalu lahenda mana mateꞌ a ta nasoda seluꞌ, ubeaꞌ taon de ami nau mataaꞌ ao mara maroo nai soe-salaꞌ a daleꞌ?  
\v 31 Huu fo tuka-tuka faiꞌ kura baiꞌ au mate! Tehuu toranoo susue kara! Au soo-supa, uniꞌ ko leo au mate boe, ta hata-hata fa. Au bisa botiꞌ laka ka, nana huu emi mabua-maesa maroo moo ita Ramatuan Yesus Kristus fo riꞌ Manetualain feen mai a.  
\v 32 Fai fo au bei nai kota Efesus, au asiao oo lahenda sira sama leoꞌ banda fui maꞌaaꞌ. Tehuu maneniko au ahuu-alena soa noi au ao-ina ka, ta soaneuꞌ Manetualain fa, sona ria mana dadi taaꞌ. Sosoa-raraaꞌ taꞌa! Maneniko lahenda mana mateꞌ a ta nasoda seluꞌ, malole lenaꞌ ita toi tuka-tukaꞌ lahenda dedean nae,  
\q1 “Mai fo ita rame-rame tao feta,  
\q2 ma taa-tinu mina-malada,  
\q3 huu fo balahaꞌ te ita mate so!”\x + \xo 15:32 \xt Yesaya 22:13\x*   
\p
\v 33 Emi bosoꞌ nanatipuꞌ fo afi leo naꞌ! Huu fo dedeaꞌ a nae,  
\q1 “Maneniko o eiꞌ esa moo lahenda tadaluꞌ ara,  
\q2 ria tao na o heo meme eno masoda roo-tetuꞌ a mai.”   
\p
\v 34 Bosoꞌ tao tadaluꞌ bali! Hahae leo! Ator o masoda ma! Tao noi roo-tetuꞌ! Matetu na emi muste maeꞌ, huu fo nai emi talada, bei hapu lahenda ta nalelaꞌ Manetualain.   
\s1 Maneniko ita tasoda seluꞌ, neuꞌ ko ita ao-ina na leo beaꞌ?  
\p
\v 35 Lahenda ra hiiꞌ rae ta ramahere de ara ratane, “Maneniko lahenda mana mateꞌ a nasoda seluꞌ, neuꞌ ko eno na leo beaꞌ? Ma sira ao-ina na dadi leo beaꞌ?”   
\p
\v 36 Koa-pakanaaꞌ, e! Maneniko sele-tande bini-kee, sona bini-kee ria muste purun nai dae daleꞌ dei, besaꞌ ko ana bisa mori.  
\v 37 Ma bini-kee fo ita sele-tanden, ria rupa-lolen ta sama leoꞌ hata fo nanupu ma nadoo. Ria bini-kee, leo-leoꞌ hade gandum do, hade do, bini-kee fekeꞌ.  
\v 38 Esaꞌ ko tukaꞌ ria rupa-lolen, tuka Manetualain hihii-nanaun. Ria riꞌ naetuꞌ fo sele-tande esaꞌ ko rupa-lolen.   
\p
\v 39 Banda ma lahenda boe leo naꞌ. Esaꞌ ko noꞌ ria rupa-lolen, tuka Manetualain hihii-nanaun. Lahenda a ao-ina na tuka lahenda a rupa-lolen. Banda ra ao-ina na, esaꞌ ko noꞌ ria rupa-lolen. Manupuiꞌ a noo ria nuun. Ikaꞌ a noo ria nuun. Ma fekeꞌ ara roo sira nuun.   
\p
\v 40 Hapu hata rai lalai, ma hapu hata rai dae-bafoꞌ a. Rai lalai a, ranuu lole-napuꞌ. Tehuu lole-napuꞌ ria, fekeꞌ neme hata fo rai dae-bafoꞌ a. Rai dae-bafoꞌ a boe ranuu lole-napuꞌ. Tehuu lole-napuꞌ ria, fekeꞌ neme hata fo rai lalai.  
\v 41 Nai lalai, ledo a lole-napun fekeꞌ; bulaꞌ a lole-napun fekeꞌ; ma ruuꞌ ara esaꞌ ko lole-napun. Esaꞌ ko noꞌ rupa-lolen. Esaꞌ ko noꞌ ria lole-napun. De, basa si ranuu lole-napuꞌ hete?   
\p
\v 42 Maneniko lahenda mana mateꞌ a nasoda seluꞌ, ria sama leoꞌ bisinaꞌ a bini-kee a. Maneniko natoi heni mana mateꞌ a, sona popora na puru ni hete? Tehuu maneniko nasoda seluꞌ, ana ta sama leoꞌ maulu na soꞌ. Maneniko nasoda seluꞌ, sona ana ta mate soꞌ.  
\v 43 Fai fo ita tatoi lahenda mana mateꞌ, tameda taan poporaꞌ ria makekeo-makakanuꞌ. Tehuu maneniko lahenda ria nasoda seluꞌ, sona ria marela-masaꞌa naan seli! Huu fo ana dadi malalao-malalafuꞌ! Fai fo lahenda ratoi heni lahenda mana mateꞌ a, sona ana ta bisa tao hata-hata esa so boeꞌ. Tehuu tepoꞌ fo ana nasoda seluꞌ, sona ria baraaiꞌ naa seli!  
\v 44 Tepoꞌ fo lahenda bei nasoda nai dae-bafoꞌ a, ana nasoda nai ao-paaꞌ daleꞌ. Tehuu fai bea ma ana mate ma nasoda seluꞌ, sona ana hapu sodaꞌ fo Manetualain Dula-dale Malalao-Malalafu Na feen. De ana ta sama leoꞌ maulu na soꞌ.   
\p
\v 45 Lahenda masososaꞌ fo sama leoꞌ ita a, riꞌ Adam. Tuka Manetualain Susura Makamoi Na manaduiꞌ nae, “ana dadi lahenda masodaꞌ, fo nasoda nai ao-paaꞌ daleꞌ.” Tehuu lahenda fo nai lain naan seliꞌ rupa-lolen leoꞌ Adam a, nana riꞌ Kristus. Ria riꞌ fee lahenda nasoda nai Dula-dale Malalao-malalafuꞌ a daleꞌ.\x + \xo 15:45 \xt Tutui Masososaꞌ 2:7\x*  
\v 46 Masososa na, riꞌ lahenda fo nasoda nai ao-paaꞌ daleꞌ, ma ao-paa na bisa mate. Tehuu maneniko nasoda seluꞌ, sona nasoda nai Dula-dale Malalao-malalafuꞌ a daleꞌ.  
\v 47 Lahenda masososaꞌ nai dae-bafoꞌ a, nana taon neme dae a mai. Tehuu lahenda kadua a, riꞌ Kristus, nana neme nusatetu-ikutemaꞌ a mai.  
\v 48 Ita fo riꞌ tasoda nai dae-bafoꞌ a, tanuu ao-paa sama leoꞌ lahenda masososaꞌ fo riꞌ Manetualain adun neme dae a mai. Tehuu maneniko ita mate ma tasoda seluꞌ sona ita rupa-lolen sama leoꞌ Kristus nai nusatetu-ikutemaꞌ.  
\v 49 Ita besaꞌ ia rupa-loleꞌ ara sama leoꞌ Adam fo Manetualain adun neme dae a mai. Tehuu neuꞌ ko ita kati rupa-lole bebeuꞌ, sama leoꞌ Kristus fo riꞌ neme nusatetu-ikutemaꞌ a mai.   
\p
\v 50 Toranoo susue kara! Au nau afada emi leo iaꞌ: ita fo dadi lahenda rupa-lole masososaꞌ, ita ao-paa na nemeꞌ daa ma duiꞌ a mai. Ao-paa leo naꞌ ta bisa sipo posaka fo dadi teuꞌ Manetualain anan nai nusatetu-ikutemaꞌ a. Ta bisa fa! Huu fo ao-paa leo naꞌ a, noe henin de ta bisa sipo posaka manabasa taaꞌ a soꞌ.   
\p
\v 51 De, nenene matalolole! Au sakaꞌ tui fee emi neuꞌ loa na, hihii-nanauꞌ nino esa. Neuꞌ ko lahenda kamahereꞌ ruma ta mate fa. Tehuu neuꞌ ko ita basa kati rupa-lole bebeuꞌ.  
\v 52 Tepoꞌ fo fufuuꞌ a lii mateꞌeoe na, basa ia ra dadi noo keke-kaiboiꞌ. Lalaiꞌ lena neme o hate mata ma. Tepoꞌ fo fufuuꞌ a nalii, fai ria boe lahenda mana mateꞌ ara rasoda seluꞌ. Ma kalu ara rasoda seluꞌ, sona ara ta mate ma ta puru seluꞌ soꞌ. Leoꞌ na boe soaneuꞌ ita fo bei tasoda a. Ita basa dadi rupa-lole bebeuꞌ.\x + \xo 15:52 \xt 1 Tesalonika 4:15-17\x*  
\v 53-54 Ita ao-inan fo besaꞌ ia bisa puru ni a, narali dadi neuꞌ rupa-loleꞌ fo ta bisa purun soꞌ! Ma ita fo besaꞌ ia bisa mate, tarali dadi teuꞌ rupa-loleꞌ fo ta bisa mate soꞌ! Ria tao tuka hata fo manaduiꞌ memaꞌ nai Susura Makamoiꞌ a nae,  
\q1 “Manetualain tao nalulutuꞌ mamates a kuasa na,  
\q2 ma naseki ni!  
\q1 Huu ria na, de ita ta mate soꞌ.”\x + \xo 15:53-54 \xt Yesaya 25:8\x*   
\q1
\v 55 “Hee, Mamates!  
\q2 O kuasa ma nai bea?  
\q1 Hee, Mamates!  
\q2 O nadede ma nai bea?”\x + \xo 15:55 \xt Hosea 13:14\x*   
\p
\v 56 Ubeaꞌ taon, de mamates a neni fee ita lahenda a tameda hedis? Ria nana huu ita tao salaꞌ. Ubeaꞌ taon, de ita sala-sikon nanuu kuasa leoꞌ na? Ria nana huu Manetualain Atoran na natudu nae, ita sala-sikon nalena laka neuꞌ Ria Pareta Na.  
\v 57 Tehuu besaꞌ ia, basa-basan dadi feke so! Ita basa hule makasi dodouꞌ neuꞌ Manetualain. Huu fo Ria riꞌ tao na ita taseki hihii-nanau tadaluꞌ ara, tuka ita Ramatuan Yesus Kristus, nonoi-tataon. Ma tebe Kristus riꞌ naseki!   
\p
\v 58 De, toranoo susue kara! Manenete mahere! Bosoꞌ keke-boiꞌ! Emi nonoi-tataom soaneuꞌ Manetualain muste tamba malole, ma tamba dodouꞌ. Huu fo emi bubuluꞌ mae, emi moi-tao sota maan seli soaneuꞌ ita Ramatua na, ta sota hihiiꞌ fa.   
\c 16  
\s1 Doiꞌ fo lahenda fee ela tulu-fali Manetualain lahenda nara  
\p
\v 1 Besaꞌ ia, au nau duiꞌ laꞌeneuꞌ doiꞌ fo riꞌ emi mabubua ma, ela tulu-fali Manetualain lahenda nara rai Yerusalem. Au afada lahenda kamahereꞌ ara rai propinsi Galatia, eno na leo beaꞌ sira muste rabubua doiꞌ. Besaꞌ ia emi boe muste tao tuka sira.\x + \xo 16:1 \xt Roma 15:25-26\x*  
\v 2 Leo iaꞌ: tuka-tuka fai mamasoꞌ, basa lahenda muste peda sira doin baiꞌ, neme sira sosota-bebeꞌi nara mai. Bosoꞌ mahani au mai, besaꞌ ko emi mulai urus fo mabubua doiꞌ.  
\v 3 Maneniko au mai, sona tudu ma emi lahendam fo mamahere si, ela reni doiꞌ tutulu-fafaliꞌ sira fee Manetualain lahenda nara rai Yerusalem. Neuꞌ ko au duiꞌ fee susuraꞌ ela mauli-malaka saraniꞌ fo rai naa ralelaꞌ asa.  
\v 4 Ma kalu emi afi mae malole lenaꞌ au tuka boe, sona ami bisa meu belaꞌ a.   
\s1 Paulus boboꞌo nau leo mamanaꞌ dodouꞌ neu  
\p
\v 5 Maneniko au laꞌo rule-feo propinsi Makedonia, sona besaꞌ ko au leo emi naaꞌ uu. Tehuu au bei nau leo Makedonia uu dei.\x + \xo 16:5 \xt Lahenda Nadedenuꞌ ara Tutuin 19:21\x*  
\v 6 Boe ma au nau leo amanoso baiꞌ oo emi; bate basa fai oe-faaꞌ esa katemaꞌ. Basa dei, emi bisa moo au leo mamanaꞌ esa uu bali.  
\v 7 Au ae ta oi tuli emi fa. Au nau leo amanoso oo emi, kalu Manetualain nau.  
\v 8 Tehuu au bei nau leo nai kota Efesus ia, losa fai malole Pentakosta, [riꞌ basa fai malole Paska a faiꞌ lima hulu].\x + \xo 16:8 \xt Malaka Agama ra Atoran 23:15-21; Tui Seluꞌ Laꞌe Neuꞌ Eno Sodaꞌ a 16:9-11\x*  
\v 9 Huu fo nai ia au hapu lela manaꞌahiiꞌ, de bisa oi-tao nonoi-tatao dodouꞌ, leo mae lahenda dodouꞌ ralena laka neuꞌ Manetualain nonoi-tataon.\x + \xo 16:9 \xt Lahenda Nadedenuꞌ ara Tutuin 19:8-10\x*   
\p
\v 10 Maneniko Timotius dadi leo emi mai, sona sipoꞌ ana noo malole, ela ana bosoꞌ teisusa-dalehedi. Huu fo ria nana ita Ramatua na lahenda mananoin sama leoꞌ au.\x + \xo 16:10 \xt 1 Korintus 4:17\x*  
\v 11 Bosoꞌ mataaꞌ lahenda mete ni reniꞌ mata iiꞌo nara. Tulu-fali ni, losaꞌ ana fali noo soda-moleꞌ, ela ana bisa natafali leo au mai. Huu fo au oo toranoo fekeꞌ ara mahani ni.   
\p
\v 12 Bei hihii-nanauꞌ esa bali. Au leleꞌo ita toranoon Apolos, ela ana neu dama emi ma toranoo fekeꞌ ara. Tehuu ana bei ta nau neu besaꞌ ia fa. Nemeꞌ na ela ana hapu lelaꞌ dei, besaꞌ ko leo naꞌ neu.   
\s1 Tao seluꞌ hihii-nanauꞌ esa  
\p
\v 13 Emi muste manea matalolole ao-ina mara! Emi muste manenete fo mamahere maroo Manetualain! Bosoꞌ biiꞌ! Baraꞌaai ao mara!  
\v 14 Emi tao sudi laꞌe ubeaꞌ a, sona matudu emi dale susue-lalai mara.   
\p
\v 15 Toranoo susue kara! Emi basa bubuluꞌ mae, aꞌa Stefanus noo ria uma isi nara siꞌ ramahere masososa Kristus nai propinsi Akaya. Sira roi-tao sota raan seli, fo ralalau basa lahenda kamahereꞌ ara rai naa. De, au hule fo\x + \xo 16:15 \xt 1 Korintus 1:16\x*  
\v 16 emi mamania-mamanene neuꞌ lahenda leo naꞌ a. Siꞌ lahenda fo roi-tao sota raan seli ela sama-sama ralalau lahenda kamahereꞌ ara.   
\p
\v 17 Au ahiiꞌ uu dama emi. Tehuu au dale ka namahoꞌo-natadale, huu fo aꞌa Stefanus, aꞌa Fortunatus, ma aꞌa Akaikus mai rai ia. No ria na, ara kati emi.  
\v 18 Sira ratetea au dale ka, sama leoꞌ ara ratetea emi dale mara boe. Emi muste fee hada-horomata neuꞌ lehenda rupa leo naꞌ ara.   
\s1 Paulus haitua haraoe soda-moleꞌ fee basa-basan  
\p
\v 19 Saraniꞌ fo rai propinsi Asia haitua fee emi haraoe soda-moleꞌ. Aꞌa Akila, sao-inan, susi Priskila,\f + \fr 16:19 \ft Susura Makamoiꞌ dedea Yunani duiꞌ nai ia nae, “Priska”. Priska ma Priskila nana nadeꞌ esa.\f* ma basa lahenda fekeꞌ fo biasa rabua rai sira uma na, haitua haraoe soda-moleꞌ, nana huu sira boe rabua-raesa raroo roo ita Ramatua na.\x + \xo 16:19 \xt Lahenda Nadedenuꞌ ara Tutuin 18:2\x*  
\v 20 Basa lahenda kamahereꞌ fo rai ia, haitua haraoe soda-moleꞌ boe.  
\p Maneniko emi mabua, sona esa sipoꞌ esa pake nadeꞌi lalao-lalafuꞌ, matetu-maraaꞌ soaneuꞌ lahenda kamahereꞌ ara.   
\p
\v 21 Soba mete dei! Au ia Paulus, au duiꞌ mata ki ae leoꞌ ia: \it Soda-moleꞌ!\it*   
\p
\v 22 Bea ta nanuu susue-lalaiꞌ neuꞌ ita Ramatua na, neuꞌ ko Manetualain feen huhukuꞌ.  
\p Au ahiiꞌ ateꞌa lahenda, pake ami lahenda Yahudi a dedea Aram nae, \it “Marana ta!”\it* Ria sosoa na nae, “Ramatuaꞌ! Mai leo!”   
\p
\v 23 Au hule fo Yesus, ita Ramatua na, natudu dale malole Na neuꞌ emi.   
\p
\v 24 Au sue emi basa, nana huu ita sama-sama tabua-taesa too Kristus, fo Manetualain feen mai a.  
\p Teꞌe adaꞌ ia leo. Soda-moleꞌ!  
\q2 Neme au,  
\q2 Paulus