\id HEB - RELLI PROJECT
\ide UTF-8
\h హెబ్రీ
\toc3 హెబ్రీ
\toc2 హెబ్రీ
\toc1 హెబ్రీయులుకు రాసిల పత్రిక
\mt2 హెబ్రీయులుకు రాసిన పత్రిక
\mt1 హెబ్రీయులుకు రాసిల పత్రిక
\imt అగరొ కొత
\ip హెబ్రీయులు పుస్తకం ప్రోత్సాహకరమైలా పత్రిక. యెడ యేసు బడేంచ పుర్ననిబందన ప్రవచలనాలుకు క్యాకిరి నెరవేర్చిసో దిగిపించిలీసి. యెడ ఉపన్యాసం పనికిరి రాసివురొ యీసి. హెబ్రీయులురె పుర్న నిబందంన గురించి 60 కు ఉంపరె ప్రవచనాలు అచ్చె. యెడానె యేసురె క్యాకిరి నెరవేరిసేయో ఇంకా యూదునెరొ ప్రదానయాజకుడురొ విదులుకు స్పస్టముగా దిగిపించిలీసి. యే కారనంగా యూదు క్రైస్తువులుకు ప్రోత్సహించితె యే పుస్తకం ఉద్దేసించబొడిసి. యేసు దర్మసాస్త్రముకు క్యాకిరి పూర్తి కొరిసో, సడ ద్వారా యాజకూనె ఇంకా బలీనె అర్పించిలా అవసరం నీకుంటా హెబ్రీయులు పుస్తకమురె దిగదివ్వె. యేసు సొబ్బి పాపోనెకు, ఇంకా సొబ్బి కలోనుకు గుట్టెబెల్లాక బలి అర్పించిసి. అం కల్రె క్రైస్తువులు కూడా పురువుంపరె నమ్మకం దీగివ్వురొ ఇంకా తా ఉంపరె నమ్మకముకు సాద్యం కొర్లా మనమగా యేసుక్రీస్తుకు అనుసరించితె హెబ్రీయులుకు రాసిలా పత్రికరె ప్రోత్సాహముకు పొందివొచ్చు \xt 12:21\xt*.
\ip హెబ్రీయులుకు రాసిలా పత్రిక కేసె రాసిసేవో కాకు తెలిసిని. ఈనె పండితులు అపోస్తులుడైలా పౌలు, లూకా నీనే బర్నబా రాసికిరి రొవ్వొచ్చుబులి కొయిసె. ఇంకా రాసిలా తారీకు కూడా తెలిసిని గని, క్రీస్తు జొర్నొకు 70 బొచ్చురోనె అగుంతాక యెడ రాసికి రొవ్వొచ్చు బులికిరి బడేలింకె నమ్మితోసె. కైంకిబుల్నే క్రీ .స. 70 రె యెరూసలేము నాసనమైసి. ఈనె యే పత్రిక రాసిలాలింకె యెరూసలేము గురించి ఇంకా నాసనం యీలాని. హిబ్రూ పుస్తకం రోము పట్నమురె రాసిసె \xt 13:24\xt* ఈనె మరి యెడ బడే సంగాల్రె ప్రసారమైసి.
\iot సంగతీనె
\io1 1. పురువురొ ప్రవక్తానె ఇంకా దేవదూతనెకన్నా యేసు గొప్పీట బులి రచయిత దిగదీసి \ior 1:1–4:13\ior*
\io1 2. యెట్టె సెయ్యె యెరూసలేమురె పురువు మందిరంరె సేవకొర్లా యాజకూనెకన్నా యేసు గొప్పీటబులి దిగదూసి \ior 4:14–7:18\ior*
\io1 3. పురువు మోసేకు దిల్లా దర్మసాస్త్రం ద్వారా పురువు తా ప్రజానెసంగరె కొరిగిల్లా పుర్న ఒప్పందం కన్నా యేసు పరిచర్య గొప్పీట \ior 8:1–10:31\ior*
\io1 4. యేసు సొబ్బివిదాలుగా గొప్పీట బులి వివరించిలా తర్వాతరె, రచయిత బడే ఆచరనాత్మకమైలా సూచనలు దూసి \ior 10:32–13:17 \ior*
\io1 5. ఆకరుగా రచయిత కుండె ప్రోత్సాహకమైలా కొతానె సంగరె ఇంకా సుబాకాంక్సలు సంగరె పత్రికకు పూర్తి కొరిసి \ior 13:18-25 \ior*
\c 1
\s తా పో ద్వారా పురువు కొతలగువురొ
\p
\v 1 పూర్వకల్రె బడే సమయాల్రె బడే విదాలుగా పురువు ప్రవక్తానె ద్వారా అం పితురులు సంగరె కొతాలగిసి. 
\v 2 ఈనె యే కల్రె చివరగా తా పోకు సొబ్బిటంపరె వారసుడుగా నియమించిసి. తా ద్వారా ప్రపంచముకల్లా కొరిసి. 
\v 3 సెయ్యె పురువు మహిమ దీకిరి తేజస్సుకు, సెయ్యె దైవత్వము గల్లా పోలిక పిందిగీకిరి, తా సక్తిగల కొతాదీకిరి సొబ్బిటుకు నిర్వహించికిరి మనమాన్రొ పాపం విసయమురె క్సమించిలాటైకిరి సొబ్బిటంపరె అదికారి యీకిరి, తంకె కన్నా కెత్తో స్రేస్టమైకిరి, రొల్లా పరలోకంరె గొప్పతా యీలా పురువురొ బత్తొకైలా అత్తొఆడుకు బొసిరిసి.
\s పో దూతలు కన్నా గొప్పతా
\p
\v 4 పురువు తా పోకు దేవదూతలకన్నా కెత్తో స్రేస్టమైలా నా దీసి. సే నా సొబ్బిటకన్నా గొప్పీట. 
\v 5 ఈనె పురువు తా దూతానె సంగరె కొయిలాని.
\q1 తువ్వు మో పో,
\q2 మియ్యి ఆజి తొత్తె బో యీంచి.
\q1 మియ్యి తొత్తె బోబులి
\q2 ఇంకా సెయ్యె మెత్తె పోబులికిరి.
\q1
\v 6 ఈనె పురువు తా అగుంతా పోకు
\q2 యే లొకొకు ఇంకా పొడదిల్లాబెల్లె
\q1 పురువురొ దూతలల్లా తాకు
\q2 నమస్కారము కొరిమంచిబులి కొయిలీసి.
\p
\v 7 ఈనె తా దూతానె ఆత్మ యీకిరి,
\q1 తా సేవకునెకు నియ్య జొలానెగా కొరిగిల్లాట బులి
\q2 తా దూతానె గురించి కొయిలీసి. 
\v 8 ఈనె తా పో గురించి
\q1 ఈనె పురువు తో సింహాసనము కెబ్బుకూ తాసి,
\q2 తో పరిపాలన తో ప్రజానెకు న్యాయమైలాటగా \f + \fr 1:8 \fr*\ft పురువాక తొం రాజ్యం\ft*\f*తాసి బులిసి.
\q1
\v 9 తువ్వు నీతికి ప్రేమించికిరి దుర్నీతికు ద్వేసించుసు
\q1 సడకాక పురువు తో తోటిలింకెంపరల్లా
\q2 తొత్తె హెచ్చించిలాపనికిరి
\q2 ఆనందపొడిలాపనికిరి ఏర్పర్చిగిచ్చి.
\q1
\v 10 ఈనె ప్రబూ తువ్వు ఆదిరాక బూమికి పునాది పొగిసు.
\q2 మెగొనంకా తో అత్తోనె సంగరాక కొరిసు.
\q1
\v 11 సడ అంతం యీజూసి ఈనె తువ్వు తాసు.
\q2 సడానల్లా కొన్నానెపనాక పుర్నయిజెవొ.
\q1
\v 12 చొక్కాపనాక సడకు మడిచిపూసు.
\q2 సడకు కొన్నపనాక మార్చిపీవు ఈనె
\q1 తువ్వు కెబ్బుకూ గుట్టెపనాక తాసు.
\q2 తో బొచ్చొరోనె తగ్గినింతె బులి కొయిలీసి.
\q1
\v 13 ఈనె మియ్యి తో సత్రువూనెకు
\q2 తో గొడ్డోనెకు పిడచెక్కపనికిరి కొర్లాజాంక
\q2 మోబత్తొ కైల అత్తొ ఆడుకు బొసురొబులి
\q2 తా దూతానె సంగరె కా గురించి ఈనెన్నా కెబ్బైనన్నా కొయిలాని.
\p
\v 14 ఈనె ఉంచినె యే దేవదూతానె కేసెబుల్నె పురువుకు సేవకొరిలా ఆత్మానెగా రక్సన పొందిలాలింకు పురువు పొడదిల్లా పరిచారకులైకిరి అచ్చొ.
\c 2
\s గొప్ప రక్సన
\p
\v 1 సడకు అమె అగుంతా సునిలా సంగతీనెకు సడదీకిరి నాతప్పిజీకుంటా తాండ్రొ విసయాల్రె బడే జాగర్త కలిగికిరి రొమ్మంచి. 
\v 2 కైంకిబుల్నే దేవదూతానె సంగరె అం పూర్వికులుకు దిల్లా వాక్యము సత్యమైలాట. సడకు అంగీకరించికిరి నాచలిగిల్లాలింకె సడకు తగిలా సిక్స పొందిగివ్వె.
\p
\v 3 ఎత్తె గొప్ప రక్సనకు అమె నిర్లక్స్యము కొర్నే క్యాకిరి తప్పించిగీపారొ? సా రక్సన ప్రబువు బోదించిలందరె ఆరంబమైకిరి, తంకెదీకిరి కూడ సున్లాలింకెదీకిరి అముకు సొత్తొబులికిరి నిరూపించబొడిసి. 
\v 4 పురువు తా చిత్తందీకిరి అద్బుతానెదీకిరి ఆచ్చర్యకార్యాలుదీకిరి బడే పరిసుద్దాత్మ వరాలు సంగరె తా సాక్సం దీసి.
\s అముకు రక్సన బిత్తురుకు సలిపించిలాట
\p
\v 5 అమె కొతాలగితల్లా యే లోకం బుల్నే అయితల్లా సే లోకముకు పరిపాలించితె పురువు తా దూతానెకు అదికారం దిల్లాని. 
\v 6 \f + \fr 2:6 \fr*\ft కీర్తన, 8; 4-6\ft*\f*ఈనె జొనె గుటెపక్కరె యాకిరి ద్రుడముగా సాక్స్యం కొయిలీసి.
\q1 ఓ దేవా తువ్వు మనమకు జ్ఞాపకము కొరిగిత్తె సెయ్యె కేపాటీట.
\q2 సాదారనమైలా మనమకు దరిపించిగిత్తె కేపాటీట.
\q1
\v 7 తువ్వు తంకు దేవదూతనెకన్నా కొంచెము తక్కువగా కొరిసు.
\q2 మహిమ గౌరవం సంగరె తాకు కిరీటం లొగిసు.
\q2
\v 8 తో అత్తొపైటంపరె తంకు అదికారం దీసు.
\q1 తా గొడ్డొనెతొల్లె సొబ్బి రొయిదీసు.
\q2 సెయ్యె సొబ్బి లోపర్చిలాబెల్లె తంకు
\q1 నాలోపర్చికుంటా కేటకు సడదిల్లాని.
\q2 ఉంచినె అమె సొబ్బి తాకు
\q1 లోపరచబొడువురొ ఇంకా దిగిలానింతొ.
\p
\v 9 ఈనె పురువురొ క్రుపవలరె సెయ్యె‍ ప్రతి మనమ కోసం మొర్నొ అనుబవించిలపనికిరి దూతానెకన్నా కుండె తక్కువలింకెపనికిరి కొర్లా యేసు మొర్నొ పొందిలా వల్లరె మహిమా ప్రబావము దీకిరి కిరీటం పిందిలాపనికిరి తాకు దిగిలించొ. 
\v 10 కా నిమిత్తము సొబ్బి అచ్చొ కా వలరె సొబ్బి కలిగిలీసొ సెయ్యె బడెలింకయిలా పోనుకు మహిమకు దన్నెతందుకు తా రక్సనకర్తకు కొస్టోనె ద్వారా సంపూర్నుడుగా కొరితె తాకు ఇస్టమైసి. 
\v 11 పరిసుద్దం కొరిలాలింకు పరిసుద్దం యీలాలింకు సొబ్బిలింకు జొన్నాక బో. యే కారనం దీకిరి తంకు అన్నబయినె, అప్పబొయినీనెగా డక్కితందుకు యేసు లజ్జొపొడిలాని.
\p
\v 12 \f + \fr 2:12 \fr*\ft కీర్తన 22, 22\ft*\f*సడకు సెయ్యె పురువుదీకిరి
\q1 తూ కొరిలాంచ గురించి,
\q2 తో నా గురించి మో అన్న బయినుకు ప్రకటించిమి.
\q2 ఈనె సమాజం మొజిరె తో గిత్తొ గైకిరి స్తుతించుంచి బులిసి.
\p
\v 13 \f + \fr 2:13 \fr*\ft యెసయా 8, 17, 18\ft*\f*ఈనె “మియ్యి తాకు నమ్మిగీకిరి అచ్చి” బులి ఇత్తొ “మియ్యెను పురువు మెత్తె దిల్ల పిల్లానెను బులి కొయిలీసి.” 
\v 14 ఈనె సే పిల్లానె మనమరొ దేకు పిందిగిల్లా యేసురొ రొగొతొ మొసొ గలిగిలాలింకె యీలందరె సే ప్రకారమాకా మొర్నొరొ అదికారం కలిగిలా అపవాదిరొ సక్తికు మొర్నొదీకిరి నాసనం కొరిసి. 
\v 15 ఈనె యాకిరి జీవిత కలొ అల్లా మొర్నొడొరొదీకిరి దాస్యముకు లోబడిలాలింకు చొడిపించిసి.
\p
\v 16 \f + \fr 2:16 \fr*\ft యెసయా 41, 8, 9\ft*\f*సెయ్యె దేవదూతానె సాయం కొరితందుకునీ. ఈనె యెడకు బదులుగా అబ్రాహామురొ సంతానముకు సాయం కొరితందుకాక అయిసి బులి స్పస్టమైలీసి.
\p
\v 17 ఈనె మనమానె పాపం క్సమాపన కలిగితె పురువురొ దయగల నమ్మకమైలా ప్రదానయాజకుడుగా రొయికిరి సొబ్బి విసయాల్రె సెయ్యె తా అన్నబయినె అప్పబొయినినుకు పాలివాడుగాయీసి. 
\v 18 సెయ్యె సోదింపబొడికిరి స్రమపొడిసి గనుక, సోదింపబొడిలాలింకు సహాయము కొరితె అచ్చి.
\c 3
\s యేసు మోసే కన్నా గొప్పీట
\p
\v 1 పురువుసంగరె డక్కబొడిలా మో తోటి విస్వాసులైలా అన్నబయినె అప్పబొయినీనె! అమె పొందిగిల్లా విస్వాసము వల్లరె అం ప్రదానయాజకుడుగా పురువు ద్వారా పొడదిల్లా యేసంపరె మనుసు దీగునొండి.
\p
\v 2 పురువురొ గొర్రె మోసే నమ్మకముగా రొల్లపనాక యెయ్యెకూడ సెయ్యె నియమించిలా సొబ్బిపైటిరె నమ్మకముగా అచ్చి. 
\v 3 యెయ్యె మోసేకంటె బడే మహిమకు అర్హుడుగా యేసుకు బచ్చిగిచ్చి. గొరొకన్నా సడ బందిలాట బడే గనత పొందుసి. 
\v 4 ఈనె ప్రతీగొరొకు కేసోజొనెదీకిరి బదింపించుసె. యెడసొబ్బి బందిలాట పురువు జొన్నాక. 
\v 5 పురువు అగురుకు కొయితల్లా సంగతీనెకు సాక్స్యార్దముగా మోసే పరిచారకుడైకిరి పురువు గొరొబిత్తరల్లా నమ్మకముగా అచ్చి. 
\v 6 ఈనె క్రీస్తు పో యీకిరి తా గొరొ వుంపరె నమ్మకముగా అచ్చి. దైర్యము, నిరీక్సన వలరె ఉత్సాహముకు చివరదాకా స్దిరముగా రొన్నే అమ్మాక తా గొరొ యీకిరచ్చొ.
\s పురువురొ ప్రజానెకు విస్రాంతి
\p
\v 7 ఈనె సడకు పరిసుద్దాత్మ యాకిరి కొయిలీసి.
\q1 ఉంచినె తొమె పురువురొ స్వరము సునిలపనైనే
\q2
\v 8 ఈనె బొనొరె సోదన దినొరె
\q1 తొం పితరులు పురువుకు విరోదంగా రగ్గొ పుట్టించిలాపనికిరి
\q2 తొం మనుసునుకు కటినము కొరిగిత్తెనాండి.
\q1
\v 9 నలపై బొచ్చొరొనె మో కార్యమునెకు దిక్కిరి,
\q2 తొం పితురూనె మెత్తె పరీక్సించికిరి సోదించిసె.
\q1
\v 10 ఈనె మియ్యి సే తరములింకె వల్లరె విసిగిజేంచి
\q2 తొమె కెబ్బుకు తొం హ్రుదయ ఆలోచనరె తప్పిజిల్లీసొ.
\q2 మో బట్టోనుకు తెలిసిగిన్నార్లీసొ.
\q1
\v 11 గనక మియ్యి రగ్గొసంగరె తంకు ప్రమానము కొర్లాపనికిరి
\q2 తంకె మో విస్రాంతిరె ప్రవేసించినింతె బులి కొయిలించి.
\p
\v 12 అన్నబయినే జీవముగల్లా పురువు సడికిరిబాజిల్లాపనికిరి విస్వాసమునీల దుస్టహ్రుదయము తొంబిత్తరె కేసెయినెను గుటెబెల్లె అచ్చికీవొబులి బులి జాగ్రర్తగా దిగ్గునోండి.
\p
\v 13 యెడకు బదులుగా పాపము వల్లరె కలిగిలా బ్రమదీకిరి తొంబిత్తరె కేసైనను కటినపర్చిగీకిరి నారొల్లపనికిరి ఆజి బుల్లా సమయము తల్లాబెల్లాక ప్రతిదినె జొనుకు జొనె బుద్దికొయిగీండి.
\p
\v 14 కైంకిబుల్నే అగరెదీకిరి అముకు తల్లా ద్రుడ విస్వాసము అంతముదాకా గట్టిగా దరిగిన్నే క్రీస్తురె బాగస్తులైకిరి రోంచొ.
\q1
\v 15 \f + \fr 3:15 \fr*\ft కీర్తన 95, 7, 8\ft*\f*ఆజి తొమె తా స్వరం సునిలాపనైనే
\q2 తొం పితరులు పనికిరి పురువుకు విరోదంగా బుల్లికిరి,
\q2 తొం హ్రుదయములుకు కటినపర్చిగిన్నాసి
\q1 బులి లేకనాల్రె రాసికిరి అచ్చి.
\p
\v 16 \f + \fr 3:16 \fr*\ft సంక్యా 14, 1-35\ft*\f*పురువురొ గొల సునికిరి తాకు విరోదంగా రగో పుట్టించిలా యే ప్రజానె కేసే? అంకల్లా మోసే ద్వారా ఐగుప్తు దీకిరి బయలుదేరికిరి అయిలాలింకాక నీనా? 
\v 17 కా అంపరె నలపై బొచ్చొరోనె సెయ్యె రగో పొడిసి? పాపము కొర్లాలింకంపరాక నీనా? తంకల్లా మొడానెగా బొనొరె జొడిజీసె. 
\v 18 తా విస్రాంతిరె ప్రవేసించినింతెబులి కా గురించి ప్రమానము కొరిసి? అవిదేయులైలలింకె గురించాకనీనా. 
\v 19 ఈనె అవిస్వాసము సంగరె తంకె జెన్నారిసెబులి గ్రహించిలించొ.
\c 4
\p
\v 1 తా విస్రాంతిరె ప్రవేసించిమంచి బుల్లా వాగ్దానము ఇంకా టారికిరిరొల్లా తొంబిత్తరె కేసైనెను గుటెబెల్లె సే వాగ్దానము నాకడిగీకుంటా తప్పిజిమ్మొకీవో బులి డొరొ కలిగికిరి తమ్మంచి. 
\v 2 తంకె ప్రకటించిలాపనికిరి అముకంకా సువార్త ప్రకటించబొడిసి. ఈనె తంకె సునిలలింకెదీకిరి విస్వాసము కలిక్కిరి మిసికిరినింతే గనుక సునిలా వాక్యము తంకు వ్యర్దమైజేసి. 
\v 3 ఈనె స్రుస్టి ఆరంబం తీకిరి తా సొబ్బిపైటినె సంపూర్తి కొరికిరి అచ్చి.
\q1 యే విస్రాంతి గురించి గనక మియ్యి రగోసంగరె
\q2 తంకు ప్రమానము కొర్లాపనికిరి తంకె మీ విస్రాంతి
\q1 దూంచిబుల్లా దెసొరె తంకె ప్రవేసించినింతె బులి కొయిలించి.
\q2 సెయ్యె కొయిలా కొతా సునికిరి
\q1 విస్వాసులైలా అమె సే విస్రాంతిరె ప్రవేసించిలించొ.
\p
\v 4 ఈనె “పురువు సత్తరొ దినోరె తా కార్యముసొబ్బి ముగించికిరి విస్రమించిసి” బులి సత్తర దినొగురించి సెయ్యె గుటె పక్కరె కొయికిరి అచ్చి.
\p
\v 5 యెడానీకిరి యేచోటురాక తంకె మోవిస్రాంతిరె ప్రవేసించినింతె బులి కొయికిరి అచ్చి. 
\v 6 ఈనెను కేసో కుండె మంది విస్రాంతిరె ప్రవేసించుసెబుల్లా కొతా నిచ్చయము గనక అగరె సువార్త సునిలాలింకె విస్వసించిలానింతె గనక ప్రవేసించిలానింతె.
\q1
\v 7 \f + \fr 4:7 \fr*\ft కీర్తన 95, 7, 8\ft*\f*“ఆజి తొమె పురువురొ కొతా సునిలాపనైనే
\q2 తొం మనుసూనెకు కటినపర్చిగిత్తెనాండి”
\q1 బులి బడే పొచ్చాడె కొయిలా ప్రకారము ఎత్తెకలో
\q2 అయిలా తరువాత దావీదు గ్రందమురె
\q1 ఆజి బుల్లా గుటె దినొరె నిర్నయించిసి.
\p
\v 8 \f + \fr 4:8 \fr*\ft ద్వితీ 31, 7 యెహోసువా 22, 4\ft*\f*యెహోసువ తంకు విస్రాంతి కలిగించినె సే తరువాతరె పురువు వాగ్దానం కొరిలా ఇంగుటె దినొగురించి సెయ్యె నాకొయికుంటా రొయిత. 
\v 9 గనక పురువు సత్తరొ దినొరె విస్రాంతి కడిగిల్లాపనాక పురువురొ మనమానుకంకా విస్రాంతి అచ్చి. 
\v 10 \f + \fr 4:10 \fr*\ft ఆదికాండము 2, 2\ft*\f*కైంకిబుల్నే పురువు తా పైటీనుకు ముగించికిరి విస్రమించిలా ప్రకారము తా విస్రాంతిరె ప్రవేసించిలాట కూడ తా పైటీనుకు ముగించికిరి విస్రమించుసి. 
\v 11 గనక అవిదేయత వల్లరె తంకె పొడిజెల్లపనికిరి అంబిత్తరె కేసైనను నాపొడిజీకుంటా సే విస్రాంతిరె ప్రవేసించితందుకు ప్రయత్నం కొరిమండి.
\p
\v 12 కైంకిబుల్నే పురువురొ వాక్యము సజీవమైలా బలముగలిగిలాటైకిరి దీటఅంచుగలిగిలా కత్తిపనాట కెటువంటి కడ్గముకన్నా వాడిగా రొయికిరి పొర్నొఆత్మానెకు కీల్లుకు మూలుగునెకు యిడకడుకుంటా దూరికిరి హ్రుదయమురొ తలంపూనెకు ఆలోచనానెకు పరిక్సించిలీసి. 
\v 13 ఈనె పురువురొ ద్రుస్టిరె నాదిగిదిల్లాట కిచ్చినీ. అమ్మె సొబ్బీ దిగితల్లా పురువుకాక లెక్క కొయిమాసి. సే పురువురొ అంకీనెకు యే స్రుస్టిరె రొల్లా సొబ్బి మరుగునీకిరి తేటగా అచ్చి.
\s యేసాక గొప్ప ప్రదాన యాజకుడు
\p
\v 14 పురువురొ సముకముద్వారా జెల్లా పురువురొ పో యీలా యేసు బుల్లా గొప్ప ప్రదానయాజకుడు అముకు అచ్చి గనక అమె పొందిగిల్లా విస్వాసముకు గట్టిగా దరిగిమ్మా. 
\v 15 అం ప్రదానయాజకుడు అం బలహీనతానె దీకిరి, అం దీకిరి సమాన అనుబవం కలిగిలాట. సొబ్బివిసయాల్రె అంపనాక సోదింపబొడినన్నా సెయ్యె పాపం నీలాటైకిరి అచ్చి. 
\v 16 గనక అమె కనికరం పొందికిరి సమయానుకూలమైల సహాయము కోసం క్రుప పొందితె దైర్యము సంగరె క్రుపా సింహాసనం పక్కరకు జెమ్మా.
\c 5
\p
\v 1 ప్రతి ప్రదానయాజకుడు మనమానెతీకిరి ఏర్పాటు కొరిగీకిరి పాపోనె కోసం అర్పనానెకు బలీనెకు అర్పించితె పురువు విసయమైలా కార్యములు జరిగించితె మనమానె గురించి నియమించబొడిసి.\fig ప్రదాన యాజకుడు, తా కొన్నానెరె సంగరె ఇంకా బొత్తిస్తంబము|alt="High priest with his priestly clothes and censer" src="HK00267C.TIF" size="col" copy="Horace Knowles ©" ref="5:1"\fig*
\p
\v 2 సెయ్యంకా బహీనతసంగరె ఆవరింపబొడికిరి తల్లందరె సెయ్యె కిచ్చి నాఅరకైలాలింకంపరె బట్టొతప్పిలాలింకంపరె ఓర్పుకలిగిలాటైకిరి అచ్చి. 
\v 3 \f + \fr 5:3 \fr*\ft లేవి 9, 7\ft*\f*సే కారనం వల్లరె మనమానె పాపోనె కోసం క్యాకిరొ సాకిరాక తా కోసంకూడా కోసం అర్పనము కొరివలిసిలాటైకిరి అచ్చి. 
\v 4 \f + \fr 5:4 \fr*\ft నిర్గమ 28, 1\ft*\f*ఈనె కేసైనన్నా యే గనత తాకు సెయ్యాక పొందిగిన్ని గని అహరోనుకు డక్కిపించిలాపనికిరిరాక పురువుదీకిరి డక్కిపించిగీకిరి ప్రదానయాజకుడుగా యే గనత పొందుసి.
\p
\v 5 \f + \fr 5:5 \fr*\ft కీర్తన 2, 7\ft*\f*సాకిరాక క్రీస్తుకూడ ప్రదానయాజకుడైతందుకు తాకు సెయ్యాక గౌరవించబొడిలాని గని,
\q1 తువ్వు మో పో బులి
\q2 మియ్యి ఉంచినె తొత్తె జొర్నొకొరించి బులి
\q1 తాదీకిరి కొయిలాపనాక తాకు పురువు హెచ్చించిసి.
\p
\v 6 \f + \fr 5:6 \fr*\ft కీర్తన 110, 4\ft*\f*సే ప్రకారమాక
\q1 తువ్వు మెల్కీసెదెకురొ క్రమము చొప్పురె నిరంతరము తల్లా
\q2 యాజకుడుగా అచ్చు బులి ఇంగుటె పక్కరె కొయిలీసి.
\p
\v 7 \f + \fr 5:7 \fr*\ft మత్త 26, 36-46; మార్కు 14, 32-42; లూకా 22, 39-46\ft*\f*యేసు బూమంపరె రొల్లా దినోన్రె గొప్ప కందసంగరె అంకిరె పని కడిగీకిరి, తాకు మొర్నొ తీకిరి రక్సించిలాటకు ప్రార్దన కొరిసి. యాచనలకు సమర్పించికిరి తగ్గింపు జీక కలిగికిరి రొల్లాబల్లె సెయ్యె అంగీకరించబొడిసి. 
\v 8 సెయ్యె పో గా రొయికిరి సెయ్యె పొడిలాస్రమవల్లరె విదేయతకు సుగ్గిచ్చి. 
\v 9 ఈనె సెయ్యె సొబ్బి విసయాల్రె సంపూర్నసిద్ది పొందిలాటైకిరి తాకు విదేయులైలాలింకు నిత్యమైలా రక్సనకు దీతందుకు కారకుడైకిరి అచ్చి. 
\v 10 ఈనె తాకు పురువు యాజకుడైలా మెల్కీసెదెకురొ క్రమము చొప్పురె ప్రదానయాజకుడుగా పురువు నిర్నయించిసి.
\s విస్వాసం తీకిరి బాజిల్లాలింకు హెచ్చరించువురొ
\p
\v 11 యెడగురించి అమె కొయివలిసిలాంచ బడే సంగతీనె అచ్చెగాని తొమె సునితె బద్దకస్తులైలందరె వివరించువురొ కొస్టొ. 
\v 12 కలొసంగరె దిగినె తొమె బోదకునెగా తమ్మాసి గని పురువురొ కొతానె విసయంరె అగరొ మూలపటొనెకు తొముకు ఇంకా జొనె కొయివురైలీసి. తొమె దుద్దొపిలాలింకెపనాక అచ్చొ గాని బలమైలా కద్ది కైలాలింకె పనికిరినింతొ.
\p
\v 13 ఈనె దుద్దొపీలా సొబ్బిలింకె పిల్లానాక గనక నీతి వాక్యవిసయమురె తప్పు ఒప్పునె గురించి అనుబవజ్ఞానం నీలాటపనికిరి అచ్చి. 
\v 14 పరిపూర్నులు అయిలాలింకె తంకె అనుబవం సంగరె మేలు కీడులుకు ఆలోసించిలా జ్ఞానం కలిగికిరి తాసె. తంకాక బలమైలా కద్ది కావాలి.
\c 6
\p
\v 1 కాబట్టి క్రీస్తు బోదరొ మూలపటోనె గురించి పదేపదే చర్చించువురొ మానిగీకిరి పరిపూర్నత పొందితే అగురుకు పరిపూర్నత పొందితందుకు కొనసాగించిమా. గోరమైలా పైటినె సడికిరి, మారుమనస్సు పొందివురొ, పురువురె విస్వాసము.
\p
\v 2 బాప్టీసం గురించి బోద, ముండొంపరె అత్తోనెపొగిలాట గురించి మొర్లిలింకె పునరుత్దానముకు నిత్యమైలాతీర్పు బుల్లా యే పునాదీనె ఇంక ఇంకా నాపొక్కుంటా రొమ్మండి.
\p
\v 3 పురువు అనుమతిదిన్నే అమె అగురుకు సాకిరి కొరిమండి.
\p
\v 4 విస్వాసంరె తొలిగిజిల్లా జొనె ఇంకా పచ్చాత్తాపం బిత్తురుకు క్యాకిరి అయిపారి? గుటె సారి ఎలిగించబొడికిరి, పరలోకసంబందమైలా వరముకు చక్కిదిక్కిరి పరిసుద్దాత్మరె పాలుపొందికిరి. 
\v 5 పురువురొ వాక్యముకు అయితల్లా కలొరొ సక్తుల గురించి అనుబవపూర్వకంగా తెలిసిగిల్లాలింకె. 
\v 6 ఈనె తంకవిసయమురె పురువురొ పోకు ఇంకా సిలువపొగితె సొబ్బిలింకగరె తాకు అవమానము కొరిలీసె గనుక సాలింకు ఇంకా మారుమనుసు పొందిలాపనికిరి కొరువురొ అసాద్యము.
\p
\v 7 కైంకిబుల్నే నేల సడంపరె అత్తమానూ పొడిలా పనిపీకిరి కేసె బిల్లోకొరిలీసో తంకు అనుకూలమైలా పచ్చకు పచ్చిపించికిరి పురువు ఆసీర్వాదం దూసి. 
\v 8 ఈనె కొంటానె తుప్పానె గచ్చ తీగానెకు సడుంపరె బొడదిల్లాబెల్లె సడ నాపైటికైలాట బులి విసర్జించిలాటబులి సాపము పొందిలాట బులి ఆకరుకు నియ్య దీకిరి పుడ్డుపూసె.
\p
\v 9 గనక ప్రియమైలాలింకే, అమె యాకిరి కొయినన్నా తొమె అడకన్నా బొల్టైలా రక్సనకరమైలా స్దితిరాక అచ్చొబులి గట్టిగా నమ్మిలించొ. 
\v 10 తొమె కొర్లా కార్యముకు తొమె విస్వాసునెకు పరిచర్య కొరికిరి ఇంక పరిచర్య కొరువురొ వల్లరె తా నా దీకిరి దిగిదిల్లా ప్రేమకు పసిరిజీతె పురువు అన్యాయస్తుడునీ. 
\v 11 అమె కేట గురించి ఎదురు దిగిలించో సడ పొందితె ఆసక్తి దిగిపించిలాలింకెపనికిరి ఆకరి వరకూ రొమ్మాసి బులి మో గొప్ప ఆస.
\p
\v 12 తొమె బద్దకస్తులైకిరి నీకుంటా విస్వాసం దీకిరి, ఓర్పుదీకిరి పురువు దిల్లా వాగ్దానముకు పొందిగిమ్మాసి బులి అం ఆస.
\s నమ్మకమైలా పురువురొ వాగ్దానం
\p
\v 13 పురువు అబ్రాహాముకు వాగ్దానము కొరిలాబెల్లె తాకన్నా గొప్పీటనీ గనక స్వయంగా తా తోడు బులికిరాక యే ప్రమానము కొరిసి. 
\v 14 కచ్చితముగా మియ్యి తొత్తె ఆసీర్వదించుంచి బులి సొత్తాక తొత్తె బడేజనముగా విస్తరించుంచి బులి కొయిసి. 
\v 15 సే కొతా నమ్మిలా అబ్రాహాము ఓర్పుదీకిరి ఎదురు దిగిసి. గనక పురువురొ వాగ్దానపలము పొందిగిచ్చి. 
\v 16 మానమానె తంకన్నా గొప్పీట తోడు బులి ప్రమానము కొరుసె. తంకె ప్రతీ వివాదముకు ప్రమానం దీకిరాక పరిస్కారము జరిగివొ. 
\v 17 పురువు తా వాగ్దాన విసయమురె తా ఉద్దేసముకు నామార్చిగిల్లాటైకిరి, వాగ్దానముకు పొందిగిత్తె వారసులైలాలింకు సడ స్పస్టము కొరిగిచ్చి. సడవల్లె వాగ్దానముకు తా ఉంపరె ప్రమానం కొరికిరి ద్రడపర్చిగిచ్చి.
\p
\v 18 సడకు మార్పునీలా యే దీట విసయాల్రె పురువు సొరొకొతాకొయిని. సెయ్యె దిల్లాంచ కోసం ఎదురు దిగిలాలింకు గొప్ప ప్రోత్సాహం కలిగిలాపనికిరి యాకిరి కొరిసి. 
\v 19 యే నిరీక్సన అం జీకానెకు నాపిట్టిగిబాజీకుంటా స్దిరముగా రొయిదీతె లంగరు పనికిరి. సడ కచ్చితముగా స్తిరముగా, తెరబిత్తరెకు ప్రవేసించిలాపనికిరి కొరిలీసి. 
\v 20 కెబ్బుకు మెల్కీసెదెకు క్రమము చొప్పురె ప్రదానయాజకుడైలా యేసు తాండ్రెబిత్తరె అంకన్నా అగరె అమె పక్సముగా ప్రవేసించిసి.
\c 7
\s యాజకుడైలా మెల్కీసెదెకు
\p
\v 1 \f + \fr 7:1 \fr*\ft ఆదికాండము 14, 17-20\ft*\f*అబ్రాహాము యుద్దంరె చార్లింకు రొజానుకు ఓడించికిరి బుల్లికిరి అయితల్లాబెల్లె సాలేముకు రొజా ఇంకా గొప్ప పురువురొ యాజకుడైలా మెల్కీసెదెకు అబ్రాహాముకు మిసిగీకిరి తాకు ఆసీర్వదించిసి. 
\v 2 సెల్లె అబ్రాహాము సొబ్బిఆండ్రె దొస్టొవొంతు తాకు దీసి. సెయ్యె సాలేము రొజాయిలందరె తా నా కు అగరె నీతికి రొజాబులికిరి తరువాత తా నాకు సమాదానపు రొజాబులి అర్దం.
\p
\v 3 మెల్కేసెదెకు బో గురించైనన్నా మా గురించైనన్నా వంసావలి కోసమైనా జొర్నొ మొర్నొ గురించన్నా ఆదారానె నీలాటైకిరి, జీలాకలొల్లా నిత్యము యాజకుడైలా పురువురొ పో కు పోలికిరి అచ్చి. 
\v 4 దిగోండి యెయ్యె కెత్తొ గొప్పీటొ. మూల పురుసుడైలా అబ్రాహాము యుద్దమురె సెయ్యె పొందిగిల్లా సొబ్బివస్తువూనెరల్లా దొస్టొవొంతు దీసి. 
\v 5 ఈనె లేవి‍రొ పోనె యాజకత్వము పైటి పొందిలాలింకె తంకన్నబయినె అబ్రాహాము వంసమురె జొర్నైనన్నా, దర్మసాస్త్రము చొప్పురె తా సొంత మనమానైలా ఇస్రాయేలు ప్రజానె పక్కరె దొస్టొవొంతుకు కడిగిత్తందుకు ఆజ్ఞకు పొందికిరి అచ్చె.
\p
\v 6 గాని మెల్కేసెదెకు లేవీ వంసముకు నాచెందినన్నా, పురువురొ వాగ్దానాలు పొందిగిల్లా అబ్రాహాము పక్కరె దొస్టొవొంతు కడిగీకిరి తాకు ఆసీర్వదించిసి. 
\v 7 ఆసీర్వాదం పొందిలాటకన్నా ఆసీర్వాదం దిల్లాట గొప్పీటబులి కొయితె సందేహం నియ్యి.
\p
\v 8 ఈనె లేవి క్రమముకు దిగినె మొర్నొకు గురైలాలింకె దొస్టొవొంతు కడిగిల్లీసె. గాని మెల్కేసెదెకు క్రమము చొప్పురె దిగినె కెబ్బుకూ జీవించిలాట కడిగిచ్చి బులి లేకనము కొయిలీసి.
\p
\v 9 ఈనెమాను గుటె విదముగా కొయిమాసిబుల్నే అబ్రాహాము దొస్టొవొంతు దిల్లాపనికిరైనే దొస్టొవొంతు కడిగిత్తల్లా లేవియులుకూడా దొస్టొవొంతు పురువుకు దిల్లాపనికిరాక. 
\v 10 క్యాకిరిబుల్నే అమె సడ గురించి కొతాలగినె మెల్కీసెదెకు అబ్రాహాముకు మిసిగిల్లాబెల్లె లేవీ ఇంకా జొర్నైలాని గాని తా పితరులురొ దేరాక అచ్చి. 
\v 11 సె లేవీయులు యాజకూనెగా సంపూర్నముగా కొర్నే అహరోనుకు బదులుగా, మెల్కీసెదెకు యాజకుడు క్రమమురె ఇంకాజొనె యాజకుడు అయివలిసిలా అవసరం రొయితానీ.
\p
\v 12 ఎడానీకిరి యాజకూనె మార్చబొడినే యాజకదర్మము కూడా మార్చుబొడుసి. 
\v 13 కా గురించి యే సంగతీనె కొయిసెవొ సే అం ప్రబువు వేరె వంసమురె జొర్నైసి. సే వంసమురోట కేసైనను కెబ్బే బలిపీటము పక్కరె పరిచర్య కొరిలానింతె. 
\v 14 అం ప్రబువు యూదా సంతానమురె జొర్నైసి బుల్లాట స్పస్టమాక .సె గోత్రవిసయమురె యాజకూనె గురించి మోసే కిచ్చికొయిలాని.
\s మెల్కీసెదెకు పోలికిరి రొల్లా వేరె పూజరి
\p
\v 15 మెల్కీసెదెకు పోలికిరి రొల్ల వేరె యాజకుడు అయికిరి అచ్చి బులి అమె కొయిలా సంగతీనె బడే స్పస్టముగా అచ్చె.
\p
\v 16 సెయ్యె మనమాన్రొ ఆజ్ఞానెకు నియమాలు వల్లరె యాజకుడుగా నియమించబొడిలాని గాని నిత్యము జీకిరిరొల్ల సక్తిదీకిరి యాజకుడుగా నియమించబొడిసి. 
\v 17 క్యాకిరిబుల్నే తువ్వు నిరంతరము మెల్కీసెదెకు క్రమము చొప్పురె యాజకుడైకిరి అచ్చుబులి తా విసయంరె లేకనానె కొయిలీసె. 
\v 18 సె దర్మసాస్త్రము కేటకు సంపూర్నసిద్ది కలిగించిలాని గని అగరెదిల్లా ఆజ్ఞ బలహీనమైలాటైలందరె ప్రయోజనంనీలందరె సడకు నివారనకొరికిరచ్చి. 
\v 19 కైంకిబుల్నే మోసేకు దిల్లా దర్మసాస్త్రం కేటకు పరిపూర్తి కొరిలాని. ఈనె అముకు గొప్ప నిరీక్సన దీసి సడ ద్వారా అమె పురువు పక్కు చేరిగిల్లించొ. 
\v 20 యెడ విసయంరె పురువు ప్రమానము కొరిసి. ఈనె పొదర్లింకె యాజకూనెగా రొయితె కేసే ప్రమానం కొరిలానింతె. 
\v 21 ఈనె
\q1 యేసు ప్రమానము ద్వారా యాజకుడు యీసి.
\q2 ఆ విసయమురె పురువు తాసంగరె తా కొతా నామార్చిగీకుంటా
\q2 కెబ్బుకూ యాజకుడుగా తాసు బులి ప్రబువు
\q1 ప్రమానం కొరిసి బులి కొయిసి.
\p
\v 22 యే ప్రమానం ద్వారా యేసు స్రేస్టమైలా నోనిబందనకు బాద్యుడైసి.
\p
\v 23 ఈనె బడేలింకె యాజకూనె యీసెగాని మొర్నొ వల్లరె సే యాజకపైటికి కొనసాగించినారిసె.
\p
\v 24 ఈనె యెయ్యె నిరంతరము జీకిరిరొల్లాట గనుక మార్పునీలా యాజకత్వము కలిగిలాటయీసి.
\p
\v 25 యెయ్యె తా సంగరె పురువు పక్కు అయిలాలింకు పక్సముగా, విజ్ఞాపనము కొరితందుకు నిరంతరము జీవించిలీసి గనుక తంకు సంపూర్నముగా రక్సించితె సమర్దుడైకిరి అచ్చి.
\p
\v 26 యేసు పవిత్రుడు, నిర్దోసి, కల్మసంనీలాట, పాపోనెరె, నాచేరుకుంటా ప్రత్యేకముగా రొల్లాట మెగొమండలముకన్నా వేరుగా హెచ్చయిలాటైకిరి యాట ప్రదానయాజకుడు అముకు సొరిపొడిలాట. 
\v 27 యెయ్యె పొదరె ప్రదానయాజకూనె వల్లరె అగరె తా సొంత పాపోనె కోసం తర్వాతరె ప్రజానె పాపోనె కోసం దినెదినెకు బలీనెకు అర్పించితె అవసరంనీకుంటా సొబ్బిలింకుకోసం గుట్టెబెల్లాక తాకు సెయ్యాక బలి అర్పించిగిచ్చి. 
\v 28 దర్మసాస్త్రము బలహీనమైలా మనమానుకు ప్రదానయాజకూనెగా నియమించిసి. గాని దర్మసాస్త్రము తర్వాతరె అయిలా ప్రమానము తా పో ద్వారా నియమించబొడికిరి సంపూర్నము కొరిసి.
\c 8
\s యేసాక అం ప్రదాన యాజకుడు
\p
\v 1 అమె వివరించితల్లా సంగతీనె సారాంసం కెడబుల్నే, అముకు సాటపనా ప్రదానయాజకుడు జొనె అచ్చి. సెయ్యె పరలోకంరెరొల్లా గొప్పీట\f + \fr 8:1 \fr*\ft మహామహుని\ft*\f*సింహాసమునకు బత్తొకైలా అత్తొ ఆడుకు ఆసీనుడైకిరి బొసిరికిరి అచ్చి. 
\v 2 సెయ్యె అతిపరిసుద్దస్తలమురె బుల్నే మనమసంగరె నీకిరి ప్రబువాక స్దాపించిలా సొత్తాయిలా గుడారముకు పరిచారకుడు యీకిరి అచ్చి.
\p
\v 3 ప్రతీ ప్రదానయాజకుడు అర్పనలకు ఇంకా బలీనెకు పురువుకు బలిదీతె నియమించబొడిసి. సాకిరాక అం ప్రదానయాజకుడు కిడైనా అర్పించవలిసికిరచ్చి. 
\v 4 దర్మసాస్త్రం ప్రకారము అర్పనానె అర్పించితె యాజకూనె అచ్చె. గనుక యెయ్యె బూమంపరె రొన్నే కెబ్బుకూ ప్రదానయాజకుడుగా రొయితాని.
\p
\v 5 మోసే గుడారము అమర్చిగిల్లాబెల్లె పొరొతొ ఉంపరె తొత్తె దిగిదెల్ల మాదిరి చొప్పురె సమస్తముకు కొరితందుకు జాగర్తపొడు బులి పురువుదీకిరి హెచ్చిరింపబొడిల ప్రకారమురె యే యాజకూనె పరలోకసంబందమైలా వస్తువూనెరొ నీడ రూపమైలా గుడారము బిత్తెరె సేవ కొరిలీసె. 
\v 6 ఈనె యేసు ఉంచినె మరిబూతుయీల వాగ్దానాలురె నియమించిలా మరిబూతుయీల నిబందనకు పురువుకు మనమానెకు మొజిరొవ్యక్తిగా గొప్ప సేవకత్వము పొందికిరి అచ్చి.
\p
\v 7 కైంకిబుల్నే సే అగరె నిబందన లోపము నీలాట యీనె దీటోనిబందనకు అవకాసం రొయితని. 
\v 8 \f + \fr 8:8 \fr*\ft యిర్మియా 31, 31-34\ft*\f*ఈనె పురువు తా మనమాన్రొ తప్పూనె తెలిసిగీకిరి యాకిరి కొయిలీసి
\q1 “ప్రబువు ఇదిగొ గుటె కలొ అయిలీసి.
\q2 సెల్లె ఇస్రాయేలు గొరొలింకెదీకిరి యూదా
\q1 గొరొలింకెదీకిరి మియ్యి నో నిబందన కొరుంచి బులి కొయిసి.
\q1
\v 9 ఎడ మియ్యి ఐగుప్తు దెసొ దీకిరి
\q2 అంకె పితరులుకు దోరకు రప్పించితె
\q2 తంకు అత్తొ దరిగిల్లా దినో దీకిరి మియ్యి
\q2 కొరిలా నిబందనపనాట నీ.
\q1 కెడబుల్నే తంకె మో నిబందనరె నమ్మకంగా నింతె
\q2 గనుక మియ్యి తంకు విసయంరె
\q1 పట్టించిగిల్లానీ బులి కొయిలీసి.
\q1
\v 10 సె దినో ఈనె తరువాత ఇస్రాయేలు
\q2 గొరొలింకు సంగరె మియ్యి కొరిలా నిబందన కిడబుల్నే
\q2 తంకె మనసురె మో దర్మవిదీనె రొయిదీంచి
\q1 తంకె హ్రుదయము ఉంపరె సడ రాసుంచి
\q2 మియ్యి తంకు పురువొ యీకిరి తాంచి
\q1 తంకె మెత్తె జనముగా తాసె.
\q1
\v 11 తంకె బిత్తెరె కేసెను
\q2 ‘ప్రబువుకు తెలిసిగిన్నెంతె’ బులి
\q2 తా పట్టనంలింకె యీనెను తంక అప్ప
\q1 బోయినీనె ఈనెను బోదించినీ
\q1 ఈనె తంకెబిత్తరె చెన్నిలింకె మొదలుదీకిరి
\q2 బొడొలింకె జాంక సొబ్బిలింకె మెత్తె తెలిసిగివ్వె.
\q1
\v 12 మియ్యి తంకె తప్పూనె క్సమించికిరి
\q2 ఇంకా తంకె పాపోనె కెబ్బుకూ గుర్తు కొరిగిన్ని బులి కొయిసి.”
\p
\v 13 పురువు నో నిబందన బులి కొయివురొ వల్లరె అగరోట పుర్ననిబందనగా కొరిసి. కిడబుల్నే కిడపుర్నాటవొ సడ అంతరించిజీతె సిద్దముగా అచ్చి.
\c 9
\s బూమంపరె ఇంకా పరలోకంరె ఆరాదన
\p
\v 1 అగరె నిబందనరె ఆరాదనకు నియమానె ఈనె యేలొకో కూడ పరిసుద్దస్తలం నియమాలు దివ్వురొ యీసి.
\p
\v 2 కైంకిబుల్నే అగరె గుటె గుడారము ఏర్పర్చబొడిసి తాండ్రె బొత్తిస్తంబముకు, బల్లకు, సడ వుంపరె రొయిదిల్లా పురువుకు అర్పించిలా రొట్టీనె అచ్చె. సడకు పరిసుద్దచోటు బులి నా.\fig గుడారమురొ బిత్తరె బాగము|alt="Interior of tabernacle" src="BK00278C.TIF" size="span" copy="Horace Knowles ©" ref="9:2"\fig*
\p
\v 3 దీటొ తెరకు తెనిపొక్కరె అతిపరిసుద్దమైలా చోటురె గుడారము తాసి. సడ బడే అతిపరిసుద్దస్తలం. 
\v 4 తాండ్రె సాంబ్రానీ దూపంపొగిలా సున్న పెడి అచ్చి. సొబ్బియాడుకూ సున్నరేకులుదీకిరి రొల్లా నిబందన మందసము అచ్చి. సే మందసమురె మన్నా సంగరె తల్లా సున్నరొ గిన్నె, చిగిరించిలా అహరోను అత్తొబడ్డి, రాసికిరి రొల్లా దీట నిబందన పలకలు అచ్చె. 
\v 5 సడంపరె కరునాపీటముకు ఉంపరె మహిమ సంగరె రెక్కానె పిటిగీకిరి రొల్లా కెరూబులు అచ్చె. ఈనె ఉంచినె వివరముగా కొయివురొ యీనీ.
\p
\v 6 యెడ యాకిరి ఏర్పాటు కొరిలాబెల్లె యాజకూనె సేవకొరికుంటా, నిత్యము అగరె గుడారము బిత్తురుకు జోసె. 
\v 7 \f + \fr 9:7 \fr*\ft లేవీయకాండము 16, 2-34\ft*\f* గాని బొచ్చుర్రె గుటెబెల్లె మాత్రమాక ప్రదానయాజకుడు జొన్నె తా కోసం తా మనమానె కోసం నాతెలిసికుంటా కొరిలా పాపోనె కోసం పురువుకు అర్పించిలా రొగొతొ దరిగీకిరి దీటొవ గుడారమురె ప్రవేసించివొ.
\p
\v 8 ఎడవల్లరె సే అగరె గుడారము ఇంకా నియమించిలాబెల్లె అతిపరిసుద్దచోటురె ప్రవేసించిలా బట్టరె డొరొపొడిలానీ బులి పరిసుద్దాత్మ తెలియపర్చిలీసి. 
\v 9 సె గుడారము వుంచినె కలోకు ఉదాహరనగా అచ్చి. యే ఉదాహరనరొ అర్దం కిడబుల్నే మనస్సాక్సి విసయమురె ఆరాదికుడైలాటకు సంపూర్నత నాకలిగించినార్లా అర్పనానెకు, జంతుబలీనెకు అర్పించిసె. 
\v 10 ఎడ నో క్రమము జరిగిలా కలొ అయిలాజాంక నియమించిబొడిసి. కైకుంట, పీకుంటా బడే విదములయిలా సుద్దీకరన పద్దతీనె సొబ్బీ దేరొ ఆచారమూనె మాత్రమాక.
\p
\v 11 ఈనె క్రీస్తు అయితల్లా మేలులువిసయమురె ప్రదానయాజకుడుగా అయికిరి, సెయ్యె నిత్యమైలా విమోచన సంపాదించికిరి అత్తోనెదీకిరి నాకొర్లాట నీకిరి, యే స్రుస్టికి నాసంబందించిలాట, మరి గనమైలా పరిపూర్నమైలా గుడారము సంగరె సేవకొర్లీసి. 
\v 12 మేకలురొ గయినెరొ రొగొతొసంగరె నీకిరి సొబ్బిలింకరొ నిత్యమైలా రక్సన కోసం తా సొంత రొగొతొదీకిరి గుట్టెబెల్లాక అతిపరిసుద్దచోటుకు ప్రవేసించిసి.
\p
\v 13 కైంకిబుల్నే మేకలరొ, ఎద్దులరొ రొగొతొకు మలినమైలాలింకంపరె గయిదూడరొ పోసొ జల్లువురొ వలరె దే బయల్రె పవిత్రం కలిగిలీసి. 
\v 14 నిత్యుడైలా ఆత్మ సంగరె తాకు సెయ్యె పురువుకు నిర్దోసిపనికిరి అర్పించిగిల్లా క్రీస్తురొ రొగొతొ నిర్జీవమైలా ఆచారమూనె సడికిరి అమె జీవముగలిగిలా పురువుకు సేవించితె తో మనస్సాక్సికి కెత్తో బడే సుద్దికొరిసి.
\p
\v 15 యే కారనం వలరె అగరె నిబందన కలోరె జరిగిలా అపరాదము దీకిరి విడుదల కలిగితె సెయ్యె మొర్నొ పొందితందుకు పురువుసంగరె డక్కబొడిలాలింకెపనికిరి నిత్యమైలా వారసత్వం గురించి వాగ్దానము పొందితె నిమిత్తము సెయ్యె నో నిబందనకు మొజిరొ మనమగా అచ్చి.
\p
\v 16 మొర్నొసాసనం కేటె అచ్చొ సెట్టె మొర్నొ సాసనం రాసిలాలింకెరొ మొర్నొ అవసరము. 
\v 17 సె నియమం రాసిలాలింకె మొర్నొ పొందినాక సడ చెల్లుసి. సడ రాసిలాలింకె నామొర్జిన్నే సడ కెబ్బుకైనన్నా చెల్లునీ. 
\v 18 ఈనె యే కారనం వలరె అగరె నిబందనకూడ రొగొతొ నాఉపయోగించిలాపనైనే చెల్లుబాటు యిలానీ. 
\v 19 దర్మసాస్త్రం ప్రకారమురె మోసే ప్రతి ఆజ్ఞకు మనమానె సంగరె కొయిలా తరువాత సెయ్యె పనిదీకిరి, రొగొతొరంగు గల్లా, గొర్రెబల్లోనెదీకిరి, హిస్సోపు దీకిరి, గయీన్రొ, మేకలురొ రొగొతొనె కడిగీకిరి మనమానంపరె దర్మసాస్త్రం ఉంపరె జల్లిసి.
\p
\v 20 “సే తరువాత మోసే తంకసంగరె పురువు యే నిబందన రొగొతొ తొముకు దిల్లీసి యెడకు నిబందన గుర్తుగా ఆచరించు బులి కొయిసి.”
\p
\v 21 సాకిరాక గుడారము ఉంపరె సేవ పాత్రానె సొబ్బిటంపరె సే రొగొతొ జల్లిసి.
\p
\v 22 ఈనె దర్మసాస్త్రప్రకారమురె సొబ్బి వస్తువూనెకు రొగొతొదీకిరి సుద్ది కొరిమంచిబులి, రొగొతొ నాచిందించికుంటా పాపక్సమాపన కలిగినీ బులి కొయిపారొ.
\s క్రీస్తురొ బలియాగం దీకిరి పాపోనెకు కడిపీవురొ
\p
\v 23 పరలోకంరె రొల్లాంచకు పోలికిరి రొల్లా వస్తువూనె యాంచ బలీనె వలరె సుద్దికొరువురొ అచ్చి బులి ఈనె పరలోక సంబందమైలా యెడకంటె స్రేస్టమైలా బలినె వలరె సుద్దికొరుమాసి. 
\v 24 సడ వల్లరె సొత్తయిలా పరిసుద్దచోటురె పోలికిరి మనమానె అత్తోనె సంగరె కొరిలా పరిసుద్దచోటురె క్రీస్తు ప్రవేసించలానీ గాని, ఉంచినె అం కోసం పురువుకు సన్నిదిరె దిగిదీతందుకు పరలోకమురె ప్రవేసించిసి.
\p
\v 25 సెత్తాక నీ, ప్రదానయాజకుడు ప్రతీ బొచ్చురొ గయీన్రొ రొగొతొ కడిగీకిరి అతిపరిసుద్దచోటురె ప్రవేసించిసి, ఈనె క్రీస్తు సాకిరి బడేసార్లు తాకు సెయ్యె అర్పించిగిత్తె ప్రవేసించిలానీ. 
\v 26 సాకిరి ఈనెమాను జగత్తుపునాది మొదలు దీకిరి సెయ్యె బడే సారులు స్రమపొడివురొ యీసి. ఈనె సెయ్యె యుగములు సమాప్తిరె తాకు సెయ్యె బలిగా అర్పించిగిత్తందుకు పాపం కడిగిత్తె గుటెసారి ప్రత్యక్సపర్చబొడిసి.
\p
\v 27 మనమానల్లా గుటె సారి మొర్నొపొందిమంచి బులి నియమించబొడిసి. సే తరువాత పురువు సంగరె తీర్పు తీర్చబొడుసి.
\p
\v 28 దీటోసారంకా క్రీస్తుకూడ బడే పాపోనె బరించితె గుటెసారి అర్పించిబొడికిరి తా కోసం కనిపెట్టికిరి రొల్లాలింకు రక్సన నిమిత్తము పాపము నీకుంటా ప్రత్యక్సమైసి.
\c 10
\p
\v 1 దర్మసాస్త్రము అయితల్లా మేలులురొ నీడగలిగిలాటాక గాని సే వస్తువూనెరొ సొత్తయిలా స్వరూపముగలిగిలాట నీ. ఈనె సే యాజకూనె ప్రతి బొచ్చొరొ అర్పించిలా గుటె విదమైలా బలీనె సడానుకు దన్నైలాలింకు కెబ్బుకు పరిపూర్నం కొరినారిసె. 
\v 2 సాకిరి కొరిలాలింకు సేవించిలాలింకె గుటె సారి సుద్దికొరిలా తరువాతరె తంకమనస్సాక్సికు పాపం కోసం జ్ఞాపకం రొన్ని ఈనె సడకు అర్పించితె మానిపూసె నీ. 
\v 3 ఈనె సే బలీనె అర్పించివురొ వల్లరె పాపోనె జ్ఞాపకము అయిలీసె. 
\v 4 కైంకిబుల్నె గయీన్రొ, మేకలురొ, రొగొతొ పాపోనెకు కడువురొ అసాద్యము.
\p
\v 5 ఈనె యే కారనం వల్లరె సెయ్యె యే లొకొరె ప్రవేసించిలాబెల్లె యాకిరి కొయిలీసి.
\q1 “బలి కు అర్పనకు తువ్వు కోరిలాను గని
\q2 మెత్తె గుటె దేకు‍ సిద్దం కొరిసు.
\q1
\v 6 బలిపీటమంపరె గయీనుకు పుడ్డువురొ
\q2 ఇంకా పాపం కోసం బలీనె అర్పించువురొ తొత్తె ఇస్టమైలాటనీ.
\q1
\v 7 సెల్లె మియ్యి గ్రందపుచుట్టరె
\q2 మోగురించి రాసిలా ప్రకారము
\q2 దేవా, తో చిత్తము నెరవేర్చిలాపనికిరి ఇదిగొ మియ్యి అయించి.”
\p
\v 8 దర్మసాస్త్రం ప్రకారం అర్పించితల్లా యెడానల్లా ప్రకారం, బలీనె అర్పనానె బలిపీటమంపరె గయీనె పుడ్డువురొ పాపం కోసం బలీనె అర్పించివురొ తువ్వు కోరిలాను బులి సడ తొత్తె ఇస్టమైలాటనీ బులి అగరె కొయిలాపనాక. 
\v 9 తరువాత సెయ్యె తో చిత్తము నెరవేర్చితె ఇదిగొ మియ్యి అయికిరి అచ్చి బులి కొయిలీసి. సెయ్యె అగరోటకు మరిపీకిరి దీటోటకు స్తిరపర్చిసి. 
\v 10 ఈనె యేసుక్రీస్తు గుటె దే రె గుటె సారాక సొబ్బిటి కోసం పురువుకు అర్పించిగివురొ వలరె అమె అల్లా పాపందీకిరి పవిత్రపర్చబొడించొ.\fig బలి పీటమురె బలి దివురొ|alt="Burnt offering on an altar" src="HK00256C.TIF" size="col" copy="Horace Knowles ©" ref="10:10"\fig*
\p
\v 11 ఈనె ప్రతీ యాజకుడు ప్రతీ దినె తా సేవరె, గుటె విదమైలా బలీనె బడేసార్లు అర్పించిసి కాని అర్పన ద్వారా పాపోనెకు కెబ్బుకూ కడువురొ యీలానీ.
\p
\v 12 యెయ్యె ఈనె పాపోనె కోసం కెబ్బుకూ టారిలా గుట్టాక బలి అర్పించికిరి పురువు బత్తొకైలా అత్తొ ఆడుకు బొసికిరి అచ్చి, 
\v 13 సెల్లె దీకిరి తా సత్రువూనె తా పాదమునెకు పాదపీటము కొర్లాజాంక కనిపెట్టిలీసి. 
\v 14 కైంకిబుల్నే గుటె అర్పనవల్లరె యెయ్యె పరిసుద్దపరిచిలాలింకు కెబ్బుకూ సంపూర్నునెగా కొరిసి. 
\v 15 యే విసయంరె పరిసుద్దాత్మకూడ అముకు సాక్సం దిల్లీసి.
\q1
\v 16 సెయ్యె అగరె యాకిరి కొయిసి.
\q2 ఈనె సె దినోయిలాబెల్లె తరువాత మియ్యి
\q1 తంకెదీకిరి కొర్లా నిబందన యెడ
\q1 మో దర్మనియమానెకు తంక హ్రుదయమునెరె రొయిదీసె
\q2 తంక మనసూన్రె రాసుంచి బులి కొయిలా తరువాతరె.
\p
\v 17 తంక పాపోనెకు “తంక అక్రమమునెకు ఇంక కెబ్బుకూ జ్ఞాపకము కొరిగిన్నీ బులి” ప్రబువు కొయిలీసి. 
\v 18 యెడ క్సమాపన కేటె కలుగుసొ సెట్టె పాపం కోసం బలీనె అర్పించివురొ ఇంక కెబ్బుకూ రొన్నీ.
\s ప్రోత్సాహం ఇంకా హెచ్చరిక
\p
\v 19 అన్నబయినె, అప్పబొయినీనె అమె అతిపరిసుద్దచోటురె ప్రవేసించితందుకు యేసు మొర్నొ ద్వారా పరిపూర్నమైలా స్వాతంత్రం కలిగికిరి అచ్చొ, 
\v 20 నోట, ఇంకా జీవంగలిగిలాటైలా, తా దే బుల్లా తెర ద్వారా అముకు బట్టొ పిటిగీకిరచ్చి.
\p
\v 21 పురువురొ గొరొంపరె అముకు గొప్ప యాజకుడు అచ్చి. 
\v 22 గనుక మనస్సాక్సిరె కల్మసము నీకుంటా ప్రోక్సింపబడిలా సుద్దహ్రుదయము గలిగిలాలింకె, నిర్మలమైలాబొల్ట పనిసంగరె గద్దిగిల్లా దే సంగరె గలిగిలాలింకెపని రొకిరి, విస్వాసవిసయమురె సంపూర్న నిరీక్సన కలిగికిరి యదార్దమైలా హ్రుదయము సంగరె అమె పురువురొ సన్నిదికి జెమ్మా.
\p
\v 23 వాగ్దానము కొర్లాట నమ్మకమైలాట ఈనె అమె నిరీక్సన విసయమైలాట అమె ఒప్పిగిన్నె కచ్చితంగా దరిగిమా. 
\v 24 ఇంకా ప్రేమించికుంట, బొల్టపైటీనె కొరితందుకు జొనెకు జొనె ప్రొత్సహించిగిమ్మండి. 
\v 25 కుండెలింకె సంగంగా కూడిగిల్లాపనికిరి తొమె కూడ సంగమురె కూడిగిత్తె మానిగితెనాండి ప్రబువు అయిల దినొ సమీపించిలీసి గనుక మరి బూతు జొనుకు జొనె ప్రొత్సాహించిగీండి.
\p
\v 26 అమె సత్యము గురించి అనుబవజ్ఞానం పొందిగిల్లా తరువాత బుద్దిపూర్వకముగా పాపము కొర్నే పాపోనెకు బలి ఇంక రొన్ని. 
\v 27 గాని న్యాయపు తీర్పుకు డొరొసంగరె ఎదురుదిగిమంచిబులి విరోదీనెకు నియ్యపనా సిక్స ఇంకా రోసి.
\p
\v 28 కేసెయీనెను మోసే దర్మసాస్త్రముకు నా ఆచరించికుంటా రొన్నే దీలింకె తిల్లింకె సాక్సీనెరొ కొతంపరె, నాకనికరించికుంటా తంకు మొర్నొ సిక్స పొగుసె. 
\v 29 సాకిరితన్నుగా పురువురొ పోకు గొడ్డోనెతొల్లె మండిపీకిరి, తాకు పవిత్రపర్చిలా నిబందన రొగుతొ అపవిత్రం బులి బావించికిరి క్రుపకు మూలమైలా పురువురొ ఆత్మకు దూసించిలాట కెత్తొ బూతు సిక్సకు పాత్రుడో తొమె ఆలోసించుగునోండి. 
\v 30 పగతీర్చువురొ మోపైటి, మియ్యాక ప్రతిపలం దూంచి బులి ప్రబువు కొయిలీసి. ఈనె ప్రబువు తా మనమానుకు తీర్పు తీర్చుంచి బులికిరి కొయిలాట అముకు తెలుసు.
\p
\v 31 జీవముగలిగిలా పురువురొ అత్తరె పొడువురొ బడే గోరము.
\p
\v 32 ఈనె పురువు తొముకు వెలిగించిలాతర్వాతరె స్రమదీకిరి కూడిల గొప్ప పోరాటము సహించిగిల్లా పూర్వదినోనుకు జ్ఞాపకము దన్నెగీండి. 
\v 33 గుటె విదముగా దిగినె, తొమె సొబ్బిలింకెదీకిరి నిందానె, బాదానె అనుబవించువురొ వల్లరె, సే సమయంరె స్రమానె అనుబవించిలాలింకెదీకిరి పాలిబాగస్తులైసొ. 
\v 34 క్యాకిరిబుల్నే తొమె కైదురె స్రమపొడిలాలింకు ఆదరించిసొ తొమె ఇంకా స్రేస్టమైలాట స్తిరమైలాటకు వారసత్వం పొందిగిమ్మొ బులి జనికిరి, తొం ఆస్తికు వొరిదీగిత్తందుకంకా సంతోసముగా ఒప్పిగిచ్చొ. 
\v 35 ఈనె తొం దైర్యముకు సడదీతెనాండి. సడకు ప్రతిపలముగా గొప్ప బహుమానము మిలుసి. 
\v 36 తొమె పురువురొ చిత్తముకు నెరవేర్చిలాలింకైకిరి తా వాగ్దానముకు పొందితె తొముకు ఓర్పు అవసరమైకిరి అచ్చి. 
\v 37 “లేకనానెరె కొయిలాపనికిరి
\q1 ఇంక కలొ బడే కొంచెమాక అచ్చి. అయితల్లాట
\q2 ఆలస్యం నా కొరికుంటా ఆసి.
\q1
\v 38 మోఅగరె నీతిమంతుడైలాట
\q2 విస్వాసమూలంగాక జీవించుసి గాని
\q2 సెయ్యె పొచ్చుకు బాజిన్నే
\q2 తా వల్లరె మెత్తె సంతోసము రొన్నీ.”
\p
\v 39 ఈనె అమె నసించిజీతందుకు పొచ్చుకుబాజిల్లాలింకెనింతో గాని ఆత్మకు రక్సించిగిత్తందుకు విస్వాసము కలిక్కిరి అచ్చొ.
\c 11
\s విస్వాసం
\p
\v 1 విస్వాసము బుల్లాట నిరీక్సింపబొడిలాట సత్యస్వరూపముకు, అంకికి నా దిగిదెల్లాట దిగిదిల్లీబులి రుజువైకిరి అచ్చి. 
\v 2 ఏ విస్వాసం ద్వారా అం పూర్వికులు పురువు దీకిరి మెప్పుపొందిగిచ్చె.
\p
\v 3 లొకొ పురువురొ వాక్యము వల్లరె నిర్మానమైనకిరిఅచ్చి. సడబట్టాక అంకికి దిగిదిల్లాటల్లా నాదిగిదిల్లా పదార్దాలుసంగరె నిర్మించబొడిసి బులి విస్వాసముసంగరె గ్రహించిగిలించొ.
\p
\v 4 విస్వాసముసంగరె హేబెలు కయీను కన్నా స్రేస్టమైలా బలి పురువుకు అర్పించిసి. పురువు తా అర్పనానె కోసం సాక్సం దిల్లాబెల్లె సెయ్యె తా విస్వాసముసంగరె నీతిమంతుడుబులి సాక్స్యము పొందిసి. సెయ్యె మొర్జిన్నన్నా తా విస్వాసముగురించి కొతాలగిలీసె.
\p
\v 5 విస్వాసముసంగరె హనోకు నామొర్జిల్లా అగరాక పురువు కొనిగీబాజీసి. సెయ్యె కాకు దిగదిల్లానీ కైంకి బుల్నే లేకనానె కొయిలాపనాక సెయ్యె నామొర్జిల్లా అగరె పురువుకు ఇస్టంగా రొయితై.
\p
\v 6 విస్వాసమునీకుంటా పురువుకు ఇస్టంగా రొవ్వురొ అసాద్యము పురువుపక్కు అయిలాలింకె సెయ్యె అచ్చిబులికిరి తాకు కుజ్జిలాలింకు పలితం దూసిబులి నమ్మిమంచి.
\p
\v 7 విస్వాసముసంగరె నోవహు సడ నా దిగిలా సంగతీనె గురించి పురువుసంగరె హెచ్చరించబొడిలా బెల్లె బయబక్తులు గలిగిలాలింకె తా గొరొలింకు రక్సన కోసం గుటె పడవ సిద్దం కొరిసి సడసంగరె సెయ్యె లొకొ ఉంపరె నేరం మోపికిరి విస్వాసము సంగరె కలిగిలా నీతికి వారసుడు యీసి.
\p
\v 8 పురువు అబ్రాహాము డక్కిలాబెల్లె విస్వాసము సంగరె సె డక్కకు లోబొడికిరి సెయ్యె స్వాస్ద్యముగా కడిగిల్లా చోటుకు బయలుదేరికిరి జేసి. ఈనె కేటికి జెమ్మంచో సెడ నా తెలిసిగీకుంటా బయలుదేరికిరి జేసి. 
\v 9 విస్వాసము సంగరె సెయ్యె తా సంగరె సే వాగ్దానముకు సమాన వారసుడు యీలా ఇస్సాకు యాకోబు బుల్లాలింకె గుడారమురె రొల్లాబెల్లె పొదరెలింకెరొ దెసొరె రొల్లాపనాక వాగ్దాన దెసొరె పరదేసులుగా జీవించిసె. 
\v 10 ఈనె పురువు కిడకు సిల్పిగా నిర్మానకుడైకిరి అచ్చొ సాస్వతమైల పునాదీనె పనికిరి సే పట్నము కోసం అబ్రాహాము ఎదురు దిక్కికుంటా అచ్చి.
\p
\v 11 విస్వాసము సంగరె అబ్రాహాము మొంత్రకలోరె బో యీసి ఇంకా సారా గర్బము అయినెను సక్తి పొందిసి సెయ్యె పురువుకు నమ్మిసి తా వాగ్దానము నెరవేర్చిసి. 
\v 12 సెడసంగరె మొర్నొకు పక్కుయీనెను సె జొన్నెదీకిరి సంక్యకు మెగొరె నక్సత్రములుపనికిరి, సొంద్రొ బల్లిపనికిరి గొనినార్లా సంతానము కలిగిసి.
\p
\v 13 అంకె సె వాగ్దానము బుల్లా పలము నా అనుబవించుకుంటా బాజీసె, దూరుతీకిరి దిక్కిరి వందనము కొరికిరి సెయ్యె బూమి అంపరె పరదేసులైకిరి యాత్రికులైకిరి అచ్చెబులి ఒప్పిగీకిరి, విస్వాసము గలిగిలాలింకైకిరి మొరిజేసె.
\p
\v 14 యాకిరి కొయిలాలింకె తంకస్వదేసముకు కుజ్జిలించొ బులి తంకె నిరూపించిగిల్లీసె. 
\v 15 తంకె కే దెసోదీకిరి అయిసెవొ సే దెసొకు జ్ఞాపకం కొరిగిన్నే ఇంకా జేతందుకు తంకు అవకాసం కలిగికిరి అచ్చి. 
\v 16 ఈనె తంకె ఇంక స్రేస్టమైలా దెసొ బులి పరలోకసంబంమైలా దెసొకు కోరిగిల్లీసె. సడసంగరె సెయ్యె తంకె పురువు బులిగిత్తందుకు పురువు తంకు కోసం లజ్జొపొడిని కైంకిబుల్నే తంకోసం గుటె పట్నము సిద్దిపర్చికిరి అచ్చి.
\p
\v 17 పురువు వాగ్దానము కొరిలా అబ్రాహాముకు తా జొర్నైలా జొన్నె పో కు బలిదేబులి మగిలాబెల్లె సెయ్యె తాకు జొర్నైలా ఏకైక పోకు బలిదీతె సంతోసముగా ఒప్పిగిచ్చి. 
\v 18 ఈనె పురువు తాసంగరె ఇస్సాకువలరె తొత్తె జొర్నైలా సంతానంవల్లరె కలిగిలాటాక మియ్యి వాగ్దానం కొరిలా సంతానం ఊసి బులి కొయిసి. 
\v 19 పురువు మొర్జిల్లాలింకంకా జీపించితందుకు సక్తిగల్లాటబులికిరి జనిలాటైలా అబ్రాహాము తా పో యీలా ఇస్సాకుకు మొర్నొతీకిరి బుల్లికిరి దీసి.
\p
\v 20 విస్వాసముసంగరె ఇస్సాకుకు జరగవలిసిలా సంగతీనె విసయమైకిరి యాకోబుకు ఏసావుకు ఆసీర్వదించిసి.
\p
\v 21 విస్వాసముసంగరె యాకోబు మొర్నొ కలొ అగరె యోసేపు పోనె జొనెజొనుకు ఆసీర్వదించికిరి తా అత్తొబడ్డి మొదలు ఉంపరె ఆనిగీకిరి పురువుకు పూజించిసి.
\p
\v 22 యోసేపు తాకు మొర్నొ కలో అయిలాబెల్లె విస్వాసముసంగరె ఇస్రాయేలు పోనె ఐగుప్తుకు సడదీకిరి జెవ్వురొ గురించి కొతాలక్కిరి తా అస్తికానె తంకె సంగరె దనిజాండిబులి ఆజ్ఞాపించిసి. 
\v 23 మోసే జొర్నైలాబెల్లె తా మా బో సె సన్నిపిల్లకు బొల్లెరొవురొ దిక్కిరి విస్వాసముసంగరె రొజాజ్ఞకు నాడొరొకుంటా తింటమసోనె తాకు నుచ్చిదీసె.
\p
\v 24 మోసే బొట్ట యీలాబెల్లె విస్వాసముసంగరె రొజారొ జో రొ పో బులి కొయిగిత్తె ఇస్టపొడిలానీ. 
\v 25 కుండె కలొ పాపబోగము అనుబవించువురొకన్నా పురువురొ మానమానెదీకిరి కొస్టొనె అనుబవించువురొ బొల్టబులిగిచ్చి.
\p
\v 26 ఐగుప్తురొ పలియ సంపద అల్లా అనుబవించువురొకన్నా క్రీస్తుకోసం గొప్ప అవమానం పొందితె బొల్టబులి, అగురుకు పొందిగివ్వొలిసిలా బహుమానం కోసం ద్రుస్టిరెదీగీకిరి యాకిరి కొయిసి.
\p
\v 27 విస్వాసము సంగరె మోసే నాదిగదిల్లా పురువుకు దిక్కుంటా స్తిరమైలాబుద్దికలిక్కిరి రొజా ఆజ్ఞకు నాడొరికిరి ఐగుప్తుకు సడదీకిరి బాజీసి.
\p
\v 28 ఇస్రాయేలురొ తొలిచూరు పిల్లానుకు మొర్నొదూత నామొరదీకుంటా విస్వాసముసంగరె పస్కాకు ఆచరించికిరి సే రొగుతొకు ద్వారాలుకు మక్కిసె.
\p
\v 29 విస్వాసముసంగరె తంకె ఆరిజిల్లా నేలంపరె సలిలాపనికిరాక గొర్ర సొంద్రొతీకిరి సలిగీకిరి బాజీసె. ఐగుప్తులింకె సాకిరికొరితెజేకిరి బుడ్డిజీసె.
\p
\v 30 విస్వాసముసంగరె సత్రదినోజాంక ఎరికో పట్నం చుట్టూ బుల్లిలా తరువాతరె యెరికో గోడానె కూలిజీసె. 
\v 31 విస్వాసముసంగరె రాహాబు బుల్లా దర్నింట దెసొకుపరిసీలించిలాలింకు సమాదానంగా నుచ్చిదిల్లందరె అవిదేయులైలాలింకెదీకిరి నానసించుకుంటా తప్పించబొడిసి.
\p
\v 32 ఇంక కెడ కొయిమంచి? గిద్యోనుకు, బారాకు, సమ్సోను, యెప్తా, దావీదు, సమూయేలు తంకు గురించి ప్రవక్తానె గురించి వివరించితందుకు సమయం చాలిని. 
\v 33 తంకె విస్వాసముదీకిరి రాజ్యాలుకు జయించిసె. నీతికార్యమునెకు జరిగించిసె. వాగ్దానాలుకు పొందిగిచ్చె. సింహాలురొ తుండొనె బుజ్జిపించిసె. 
\v 34 నియ్యకు రొల్లా బలము చల్లార్చిసె. టికిలి బుసానెకు తప్పించిగిచ్చె. బలహీనునెగా రొయికిరి బలపర్చబొడిసె. యుద్దంరె పరాక్రమసాలులైసె. సత్రుసేనలుకు పొక్కదీసె.
\p
\v 35 విస్వాసందీకిరి మొట్టానె మొర్నిజిన్నె తంకలింకు పునరుత్తానమువలరె ఇంకా పొందిగివ్వె. ఇంకాకుండెలింకె యీనె ఇంకా స్రేస్టమైలా పునరుత్తానము పొందిగిమ్మాసిబులికిరి విడుదల కావాలిబులి కొరిలాని. 
\v 36 ఇంక కుండె లింకె అవమానాలుకు, కొరడామడ్డొనె ఇంకా బందకాలుకు కైదికు అనుబవించిసె. 
\v 37 పొత్రొనె సంగరె మరిపించిసె, రంపాలుసంగరె కట్టిపించిగిచ్చె, సోదింపబొడిసె, కడ్గము సంగరె మొరిదీపించిగిచ్చె, గొర్రె చొమ్మోనె మేక చొమ్మోనె పొగ్గీకిరి, దరిద్రులుగా రొయికిరి కొస్టోనె పొడికిరి హింసించబొడిసె, 
\v 38 బొనొరె పొరొతొంపరె గొరోనెరె బూమి తొల్లె రొల్ల సొరంగమురె బుల్లికుంటా అచ్చె. సాలింకు యే లోకొ యోగ్యమైకిరి నీ.
\p
\v 39 అంకె అల్లా విస్వాసముసంగరె సాక్సం కడిగిల్లాలింకె ఈనెను, అంకె పురువుసంగరె వాగ్దానపలము అనుబవించినారె. 
\v 40 కైంకిబుల్నే అమె నీకుంటా తంకె సంపూర్నునె యీనాసి బులి పురువు అం కోసము ఇంక స్రేస్టమైలాటకు అగరాక సిద్దపర్చిసి.
\c 12
\s అం బో యీల పురువు
\p
\v 1 ఎత్తె గొప్ప సాక్సిసమూహం అం చుట్టూ ఆవరించికిరితల్లందుకు తేలికగా చిక్కూనె దిల్లా పాపముకు సడదీకిరి, అం అగరె రొయిదిల్ల పందెమురె ఓపికదీకిరి దొమిడిమా. 
\v 2 విస్వాసముకు కర్తైకిరి సడకు కొనసాగించిలా యేసు ఆడుకు దిక్కుంటా, సెయ్యె అమె అగరె రొయిదిల్ల ఆనందం కోసం అవమానముకు లెక్కనాకొరుకుంటా సిలువుకు సహించికిరి పురువు సింహాసనంరొ బత్తొకైలా అత్తొ ఆడుకు ఆసీనుడు యీకిరి అచ్చి.
\p
\v 3 తొమె నాఅలిసికిరి తొం పొర్నొనె నావిసుకుపొడికుంట రొల్లపని పాపాత్ములు తాకు వ్యతిరేకముగా కొరిలాంచకు సహించిగిల్లాటకు గురించి ఆలోచించోండి.
\p
\v 4 తొమె పాపము సంగరె పోరాడుటరె రొగొతొ గొలిలాపన ఇంక సడకు ఎదురించిలానీ. 
\v 5 పురువు తా పోనె జో నె సంగరె కొతాలగినె ప్రొత్సాహపరిచిలా కొతానె పసిరిజీసోనా?
\q1 మో పో ప్రబువు కొరిలా సిక్సకు నాత్రునికరించికిరి
\q2 సెయ్యె తొత్తె హెచ్చిరించిలాబెల్లె విసిగితెనా.
\q1
\v 6 కైంకి బుల్నె ప్రబువు సెయ్యె
\q2 ప్రేమించిలా పతీలింకు సిక్సించికిరి
\q2 తాకు స్వీకరించిలా ప్రతీ పోకు సరికొరుసి.
\p
\v 7 సిక్సాపలము పొందితె తొమె సహించిలీసొ. పురువు పోనెపనాక తొముకు దిగిలీసి. బో నాసిక్సించిలా పో కేసైనా అచ్చెనా? 
\v 8 పో యీలాలింకె అల్లా సిక్సరె పాలుపొందిలీసె, తొమె నాపొందినె పొదర్లింకాక గాని పోనె నీ.
\p
\v 9 ఈనె దే సంబందులైకిరి బోనె తంకు సిక్సంచిలాపన అచ్చె. తంకె బిత్తెరె డొరొబీతి కలిగికిరి అచ్చొ సాకిరి ఈనె ఆత్మానెకు బో యిలా తాకు మరి బడే లోబొడికిరి జీమంచి నీ! 
\v 10 తంకె కుండె దినోనె తాకు యిస్టము యీలబెల్లె అముకు సిక్సించిసె గాని అమె తా పరిసుద్దతరె పాలుపొందిమంచిబులి అం మేలు కోసమాక సెయ్యె సిక్సించిలీసి. 
\v 11 ఈనె ఉంచినె సొబ్బిసిక్స బాదగా దిగదూసి సంతోసముగా దిగిదిన్నీ. ఈనె తాండె అబ్యాసము కలిగిలాలింకు సడ నీతిబులి సమాదానమైల పలాలు దూసి.
\s పురువురొ క్రుపకు నాఅంగీకరించిలాలింకు హెచ్చరిక
\p
\v 12 ఈనె అలిసిజిల్లా అత్తోనె నీరసించిజిల్లా మోకాల్లుకు బలపరచోండి.
\p
\v 13 ఈనె సొట్టగొడ్డొ నా బెనుక్కుంటా బొల్లెయిజిల్లా నిమిత్తము తొం గొడ్డొనుకు బట్టోనె తిన్నగా కొరిగీండి.
\p
\v 14 సొబ్బిలింకె సంగరె సమాదానముగా పరిసుద్దత కలిగిరొయితందుకు ప్రయత్నించొండి. పరిసుద్దత నీకుంటా కేసె ప్రబువుకు దిగినింతె. 
\v 15 తొమె కేసెయీనెను పురువురొ క్రుపకు నా పొందికుంటా తప్పుజూసుకివో బులి చేదు యీలా సెరొ కిరయీనెను తొంబిత్తరె మొలిచికిరి బడేలింకె అపవిత్రూనె యీజోసొ కీవో దిగ్గీండి, 
\v 16 గుటె పూట కద్దికోసం తా జ్యేస్టత్వపు హక్కు బిక్కిలా ఏసావుపనా దైవబీతినీలా దర్నిట పనాట అచ్చెకీవొ బులి జాగర్తగ దిగ్గీండి.
\p
\v 17 ఏసావు సే తరువాత బో పక్కరె ఆసీర్వాదము కడిగిమంచి బులి అంకీనెరె పని సడదీకిరి కెత్తో స్రద్దసంగరె కుజ్జినన్నా సెయ్యె మారుమనుసు పొందితె అవకాసం మిల్లాని సెయ్యె సడదీసి బులి తొముకు తెలుసు.
\p
\v 18 \f + \fr 12:18 \fr*\ft నిర్గమకాండము 19, 16-22 20, 18-21 ద్వితియో 4, 11, 12 5, 22-27\ft*\f* తొమె ఇస్రాయేలులింకె అత్తొ సంగరె సుంగీకిరి తెలిసిగిల్లపన, పుడ్డితల్లానియ్య, వొందారొ కమ్మిల మెగొకు సంగరె ఆక్రమించిలా, తుపానుకు కమ్మిల సీనాయి పొరొతొ పక్కు అయిలానీ.
\p
\v 19 బూరసబ్దముకు, కొతానె సబ్దముకు తొమె అయికిరినింతొ. సే సబ్దము సునిలాలింకె మరి కే కొతా కొయినాసి బులి బతిమాలిగిల్లీసె.
\p
\v 20 కైంకిబుల్నే తంకె సే కొయిలా ఆజ్ఞానెకు సునితె తట్టిగిన్నారిసె ఇంకా సే పొరొతొకు సుంగిల్లా జంతువుయీనెనూ పొత్రొనె సంగరె మరికిరి మొరదిమ్మాసి.
\p
\v 21 ఈనె సడ దిగితే కెత్తో బయంకరముగా రొల్లందరె మోసే మియ్యి కెత్తో డొరిజేకిరి వొనికిలించి బులిసి.
\p
\v 22 ఉంచినైనె తొమె అయిలాట, సీయోను బుల్లా పొరొతొకు జీవం కలిగిలా పురువురొ పట్నము బుల్లా పరలోకపు యెరూసలేముకు హొజారొజారు కొల్దీ దేవదూతానె పక్కు అయిసొ.
\p
\v 23 పరలోకమురె రాసికిరి రొల్లా పురువురొ అగరొ పోరొ సంగముకు, తంకె మహోత్సవముకు సొబ్బిలింకూ న్యాయాదిపతి యీలా పురువు పక్కరకు సంపూర్నస్తితి పొందిలా నీతిమంతునెరొ ఆత్మానె పక్కరకు అయిసు,
\p
\v 24 నోనింబందనకు మొజిరెమనమైలా యేసుపక్కరకు హేబెలుకన్నా ఇంకా స్రేస్టముగా పలికిలా వొలికించిలా రొగుతొ పక్కు తొమె అయికిరి అచ్చొ.
\p
\v 25 తొముకు బుద్ది కొయిలాలింకు ఎదురునాకొయికుంటా దిగ్గీండి. తంకె బూమంపరె తీకిరి బుద్ది కొయిలాలింకు కొత నాసునుకుంటా తప్పించిగిన్నె పరలోకం దీకిరి బుద్దికొయిలాటకు విసర్జించిలా అమె తప్పించిగిన్నారొ బుల్లాట మరి సొత్తాకనీనా. 
\v 26 సెల్లె సెయ్యె సబ్దము బూమికి కదిలించిసి ఈనె ఉంచినె మియ్యి ఇంకగుటె సారి బూమికు మాత్రమాకనీ గని మెగొకూడ కదిలించిమి బులి కొతాదీసి. 
\v 27 “ఇంకగుటె బెల్లె” బుల్లా కొతా కెడ కొయిలీసి బుల్నె, కదిలించినార్లాంచ మిగిల్లాపనికిరి, కదిలించబొడిలంచకు బుల్నె స్రుస్టించబొడిలాంచకు కడిపెవురాక.
\p
\v 28 సడవల్లరె అమె నిచ్చలమైలా రాజ్యము పొందిగీకిరి, పురువుకు ఇస్టమీలపన తాకు హెచ్చించుకుంటా డొరొసంగరె క్రుతజ్ఞతలు చెల్లించిమండి.
\p
\v 29 కైంకిబుల్నే అం పురువు దహించిలా నియ్యైకిరి అచ్చి.
\c 13
\s పురువుకు ఇస్టమైలా బొల్టసేవ
\p
\v 1 క్రీస్తురె అన్నబయినె అప్పబొయినీనె పనికిరి జొనుకు జొనె ప్రేమించిగీండి. 
\v 2 ఆతిద్యము కొరువురొ పసిరిజీతెనాండి సడవలరె కుండెమంది నాజనికిరి దేవదూతానెకు ఆతిద్యం దీసె.
\p
\v 3 తొమె తంకె సంగరె బందింపబొడిలాపనాక బందకమురొల్లలింకు జ్ఞాపకము కొరిగీండి. తొమె స్రమల్రె అచ్చొబులిగీకిరి, ఈనె స్రమల్రె రొల్లాలింకు జ్ఞాపకము కొరిగీండి.
\p
\v 4 బ్యా సొబ్బి విసయాల్రె గనమైలాట, గొయిత, నెయిపొ దీలింకె జొనంపరె జొనె నమ్మకంగా రొమ్మంచి. నీతినీలాలింకు దర్నిపైటికొరిలాలింకు పురువు తీర్పు దూసి. 
\v 5 పలియాసనీకుంటా తొముకు కలిగిలాటదీకిరి త్రుప్తిపొందిగీండి తొత్తె కేమాత్రము సడిదిన్నీ, తొత్తె కెబ్బుకూ ఎడబాసినీ బులి సెయ్యె కొయిసి. 
\v 6 ఈనె
\q1 ప్రబువు మెత్తె సాయం కొరిలాట.
\q2 మియ్యి డొరినీ
\q1 మెత్తె కేసైనెను కిడకొరిపారె?
\q2 బులి బొల్ట దైర్యముదీకిరి కొయిపారి.
\p
\v 7 తొముకు పురువురొ వాక్యము బోదించికిరి, తోవుంపరె బొడిలింకెగా రొల్లలింకు జ్ఞాపకము కొరిగీకిరి, తంకె మొర్నొజాంక తంకరొ జీవించిలా ప్రవర్తనపలముకు‍ స్రద్దగా తలంచిగీకిరి తంకె విస్వాసముకు అనుసరించొండి.
\p
\v 8 యేసుక్రీస్తు కాలె, ఆజి గుటెపనాక అచ్చి కెబ్బుకు గుటెపనాక తాసి.
\p
\v 9 బడెరకాలుయిలా పొదరొ బోదసంగరె తొం బట్టొదీకిరి నాబుల్లిజాండి. కద్దివల్లరె నీకుంటా, క్రుపసంగరె హ్రుదయము బొల్లెకొరిగినె బొల్టాకద్దినెవల్లరె ప్రవర్తించిలాలింకు కిచ్చి ప్రయోజనము కలిగిలానీ.
\p
\v 10 యూదునెరొ ప్రార్దన చోటురె సేవ కొరువురొ యాజకూనెకు అమె బలిపీటము ఉంపరె అర్పించిలాట కైతె అదికారము నీ. 
\v 11 ఉంచినెజాంక పాపపరిహారార్దచోటురె యూదు ప్రదానయాజకుడు పసువుల రొగొతొ దన్నెలిసె, సె జంతువుల కలేబరమునె గుడారము దోరె పుడ్డిపీలీసె. 
\v 12 సడవల్లరె యేసుకూడ తా రొగొతొ సంగరె మనమానెకు పరిసుద్దం కొరితె పట్నం దోరె కొస్టొపొడిసి. 
\v 13 ఈనె అమె తా నింద పొడికిరి బరించిగీకిరి గుడారము దోరకు తా పక్కు జెమ్మా. 
\v 14 స్తిరమైలా పట్నము అముకు బూమంపరె నీ గాని అయితల్లా పట్నం కోసం ఎదురు దిగిలించొ.
\p
\v 15 ఈనె తా సంగరె అమె పురువుకు కెబ్బుకు స్తుతియాగము కొరిమా బులి తా నామముకు ఒప్పిగిల్లా జిబ్బొపలము అర్పించించొ. 
\v 16 బొల్టకొరువురొ, జొనుకు జొనె సాయం కొరువురొ తొమె పసిరిజేతేనాండి. సాకిరి కొరువురొ తాకు ఇస్టమైలా బలి.
\p
\v 17 తొం ఉంపరె నాయకులుగా రొల్లాలింకె లెక్క ఒప్పకొయిలాలింకెపనికిరి తొం ఆత్మానెకు జొగిలీసె తంకె బాదసంగరె సే పైటి కొర్నే తొత్తె ప్రయోజనమునీ గని ఈనె బాదసంగరె నీకిరి ఆనందము సంగరె కొరిలాపనికిరి తంక కొతా సునికిరి తంకు లోబొడికిరి రోండి.
\p
\v 18 అం కోసం ప్రార్దనకొరండి అమె సొబ్బి విసయమురె యోగ్యముగా ప్రవర్తించిలాపని బొల్ట మనస్సాక్సి కలిక్కిరి అచ్చొ. 
\v 19 ఈనె మియ్యి మరి బేగా తొం పక్కు అయిలాపనికిరి బడే ప్రార్దన కొరుబులి తొముకు బతిమాలిగిల్లించి.
\s దండము, ఆకరు కొతానె
\p
\v 20 అం గొప్ప జొగులొతాయీలా యేసు బుల్లా అం ప్రబువు నిత్యమైలా నిబందంన సంబందమైలా రొగొతొవల్లరె మొర్నొదీకిరి ఉటిలా సమాదానకర్తైలా పురువు. 
\v 21 ప్రతీ బొల్టవిసయమురె తా చిత్తప్రకారము కొరితందుకు తొముకు సిద్దపరిచిమాసి. యేసు క్రీస్తుద్వారా తాకు అనుకూలమైలాంచకు తొంబిత్తరె జరిగించిలీసి. యేసుక్రీస్తు ద్వారా యుగయుగములుకు మహిమ కలిగిమాసి.
\p
\v 22 అన్నబయినె అప్పబొయినీనె తొమె, ఈనె యే హెచ్చరిక కొతా సహించిగీండి తొముకు బతిమాలిగిల్లించి. సడకాక యెడకు బొడ్డూట కొరిలాని.
\p
\v 23 అం అన్నబయిల తిమోతికు విడుదల కలిగిసి బులి తెలిసిగీండి సెయ్యె బేగా అయిలాబెల్లె తా సంగరె అయికిరి తొముకు దిగుంచి.
\p
\v 24 తొమంపరె నాయకులైలాలింకల్లా పురువురొ మనమానెకు మో దండము కోండి. ఇటలీలింకంకా తొముకు దండమూనె కొయిలీసె.
\p
\v 25 క్రుప తొం సొబ్బిలింకు తోడైకిరి రొమ్మాసి.