\id MIC - Quechua Huallaga Huánuco Bible -Peru 2010 (DBL -2013) 
\h MIQUEAS 
\toc1 Miqueas 
\toc2 Miqueas 
\toc3 Miq. 
\mt1 Miqueas 
\ili ¿Acrashan runacunapita imatataj Dios munan? 
\ili ¿Imanirtaj marca-masincunapaj Miqueas llaquicun? 
\im \bd ¿Pitaj caran?\bd* Miqueas ninan caycan «¿Pitaj Tayta Diosno?» ninanmi. Pay caran chacra runami. Payga caran Jerusalenpa sercan Moreset jutiyoj marcapitami. 
\im \bd ¿Maychötaj willacuran?\bd* Norte cajcho Miqueas willacuran Israelpa capitalnin Samaria ushacänanpaj cashantami. Jerusalenchöpis willacuran mana allita ruraj mandajcuna castigasha cananpaj cashanta. 
\im \bd ¿Imaytaj willacuran?\bd* Profëta Amós, Oseas y Isaías cashan-wichanmi Miqueaspis profëta caran. Chay-wichanga Jotam, Acaz y Ezequiasmi Judächo ray caran (742–687 a.C.). 
\im \bd ¿Imataj caycan cay librucho?\bd* Miqueasga Samariapa y Jerusalenpa mandajnincunata mana manchacuypami willacuran. Chay mandajcunataga suwacushanpita y pobricunapa chacrancunata guechushanpitami piñacuran (1–3). Chaynöpis willacuycan arpinticuptin Jerusalenta salbananpaj cashanta y allina goyänanpaj cashanta (4–5). Nircur willacuycan castïgu cananpaj cashanta y salbananpaj cashanta. Chaynöpis payga llaquicuran Israelcuna pasaypa mana alliman chayashanpita (6–7). 
\ip Miqueas sumaj tantiyachicuycan imata rurananchïta Tayta Dios munashantapis. Chaymi palabrancho niycan: «Payga munan: Alli cajllata ruranayquitami, pï-maytapis cuyanayquitami, imata Tayta Dios nishushayquitapis wiyacur cumlinayquitami» (6.8). 
\c 1  
\s1 Samaria runacunata Tayta Dios jusgananpaj cashan 
\p  
\v 1 Miqueas tiyaran Moreset marcacho. Paytami \nd Tayta Dios\nd* willaparan Samaria, Jerusalén siudäcuna imano cananpaj cashantapis. Chayga caran Jotam,\x * \xo 1:1 \xt 2Rey. 15.32–38; 2Crón. 27.1–7\x* Acaz,\x * \xo 1:1 \xt 2Rey. 16.1–20; 2Crón. 28.1–27\x* Ezequías\x * \xo 1:1 \xt 2Rey. 18.1–20.21; 2Crón. 29.1–32.33\x* Judächo ray cashan wichanmi. 
\p  
\v 2 \nd Tayta Dios\nd* rimachiptin Miqueas cayno niran: 
\q1 «Llapaniqui runacuna wiyay. 
\q1 Intëru nasyuncho tiyajcuna wiyashpayqui sumaj tantiyacuy-llapa. 
\q1 Munayniyoj Tayta Diosmi rispitädu Templunpita-pacha 
\q1 nishunquipaj juchata rurashayquicunata. 
\q1  
\v 3 \nd Tayta Diosga\nd* tiyaycashan cajpitami llojshimonga. 
\q1 Nircorga puntallanpami shamonga. 
\q1  
\v 4 Pay lluchcashan cäga 
\q1 puntacunapis chullucäconga 
\q1 ninaman sërata churaycuptin chullucäcojnömi.\x * \xo 1:4 \xt Sal. 97.5\x* 
\q1 Guechwa pampacunapis 
\q1 aypalla yacu aywar ragrarishannömi ragracäconga. 
\q1  
\v 5 Chayno canga Jacobpita miraj Israelcuna mana wiyacoj cashanpitami, 
\q1 juchata rurashanpitami. 
\q1 ¿Maychötaj caycan Jacobpita miraj Israelcuna jucha rurashanga? 
\q1 ¡Jucha rurashanga Samariachömi caycan! 
\q1 ¿Maychötaj caycan Judäpita mirajcuna jucha rurashanga? 
\q1 ¡Jucha rurashanga Jerusalenchömi caycan!» 
\b  
\q1  
\v 6 Chaypitami Tayta Diosga cayno nin: 
\q1 «Samaria siudä ushajpaj juchunanpämi camacächishaj. 
\q1 Übasta lantananpaj yapyasha caycaj chacranömi ricaconga. 
\q1 Chay siudäpa perga rumincunatapis guechwa ragrapami mashtarishaj. 
\q1 Chayno rurariptë simintuncuna cashanpis alayrimi quëdanga. 
\q1  
\v 7 Rispitar adurashan ïduluncunatapis ruparachishaj, agullarishaj. 
\q1 Chaycunataga ruraran 
\q1 pï-maywanpis cacoj warmicunapita chasquishan guellaywanmi. 
\q1 Chaypitami yapay ticrachishaj 
\q1 pï-maywanpis cacoj warmicunata pägananpaj.» 
\s1 Miqueas llaquicushan 
\q1  
\v 8 Chaypitami fiyupa llaquicushpä wagashaj. 
\q1 Gara-chaquilla, röpaynajlla purishaj. 
\q1 Atoj-mallwa aullajno wagashaj. 
\q1 Avestruz äbipa wawanno gaparäshaj. 
\q1  
\v 9 Samariapa guerenga caycan ima jampiwanpis mana allchacajmi. 
\q1 Chay gueriga jogushami Judätapis. 
\q1 Jerusalén siudämanpis chayashami. 
\q1  
\v 10 Chaytaga ama willapaychu Gatcho tiyajcunata. 
\q1 Ni ama wagaypischu-llapa. 
\q1 Chaypa ruquenga fiyupa nanayllawan Bet-le-afracho gochpay-llapa. 
\q1  
\v 11 Safircho tiyajcuna nasyunniquipita juc-lämanmi prësu aywanquipaj galalla, fiyupa pengacur. 
\q1 Zaanáncho tiyajcuna, yanapäshunayquipaj manami pipis yargamongapächu. 
\q1 Beteselcho tiyajcuna, wagaptiquipis manami pipis cuyapäshunquipächu. 
\q1  
\v 12 Marotcho tiyajcunaga yanapänantami shuyarpaycaran. 
\q1 Nishan \nd Tayta Diosga\nd* camacächisha asta quiquin Jerusalén puncuncama mana alli chayananpämi. 
\q1  
\v 13 Laquis siudächo tiyajcuna, gamcunapis Israelcunano mana wiyacojmi cashcanqui. 
\q1 Gamcunami caminuta gorayqui Sión runacuna juchata rurananpäga. 
\q1 Chaypita cananga carrëtayquicunaman cawalluyquicunata watacuyna. 
\q1  
\v 14 Imaypis mana cutinayquipaj Moreset-gat-taga «Aywallä» nicuy. 
\q1 Israelpa raynincunapäga Aczib siudä canga charinanpaj toglla shuyaraycajnömi. 
\b  
\q1  
\v 15 Tayta Diosga cayno nin: «Maresa marcacho tiyajcuna, gamcunamanga 
\q1 yapaymi cachamushaj nasyunniquita charicurcunanpaj. 
\q1 Israelcho mas mana manchacoj cajpis Adulamcho caycaj machaymanmi pacacongapaj. 
\q1  
\v 16 Jerusalén siudächo tiyajcuna, 
\q1 fiyupa cuyashayqui wamrayquicunatami caru nasyunman apacongapaj. 
\q1 Chaymi ajchayquita rutucuy llaquicushayqui musyacänanpaj. 
\q1 Ajchayquita jichcaypa rutucuy wisculno gala-uma canayquicama.» 
\c 2  
\s1 Ñacachicoj rïcucuna castigasha cananpaj cashan 
\q1  
\v 1 ¡Ay cuyapaypämi ñacanga 
\q1 asta suyñuyninchöpis mana allita rurayllata yarpaycajcuna! 
\q1 Chay runacunaga imata rurananpäpis puydej munayniyoj cashpanmi 
\q1 pacha wararcuptinnaga chay yarpashanno ruran. 
\q1  
\v 2 Chacrata munaparga chay chacracunata guechucurin. 
\q1 Wasicunata munaparga chay wasicunatapis guechucurin. 
\q1 Runata warmintinta, wamrantinta ñacachin. 
\q1 Taytan maman cachapaycushan chacracunatapis engañaypa guechucurin. 
\p  
\v 3 Chaypitami chay runacunataga \nd Tayta Dios\nd* cayno nin: 
\q1 «Nogapis paycunata imano ruraytapis yarpaycänami. 
\q1 Disigrasyami paycunamanga chayangapaj. 
\q1 Chay ñacaypitaga manami gueshpengapächu. 
\q1 Chauraga manami alli-tucushpan purengapänachu. 
\q1 Chay wichanga cangapaj fiyupa llaquicuyllami. 
\q1  
\v 4 Chayno ñacaycho goyashan junajcunami paycunataga asipanga. 
\q1 Asiparmi cayno nengapaj: ‹Pasaypa ushacashami quëdasha. 
\q1 Ñaupataga Tayta Diospaj acrasha runacunami caran. 
\q1 Cananga jucpa maquinchönami caycan. 
\q1 Suldärunchïcunami binsiycur charicarcärisha. 
\q1 Chaymi chacrancunatapis raquipänacushcanchi› nir.» 
\q1  
\v 5 Chaynöpami \nd Tayta Dios\nd* acrashan runacuna chasquishanchöga 
\q1 chay fiyu runacuna imatapis mana chasquengapächu. 
\s1 Fiyu profëtacunapaj rimashan 
\p  
\v 6 Gam Israelcunaga nircaycanqui: 
\q1 «Ama willapämaynachu imapis cananpaj cajcunata. 
\q1 Mana alliga manami nogacunata chayamangachu.\x * \xo 2:6 \xt Isa. 30.10\x* 
\q1  
\v 7 Jacobpita mirajcuna caycaptë \nd Tayta Diosninchi\nd* manami nogacunawan rabyashachu caycan. 
\q1 Castigamänanpaj cashanta willacuptiquipis payga manami castigamangachu. 
\q1 Alli runacuna captëmi \nd Tayta Diosga\nd* imaypis yanapämanga.» 
\q1  
\v 8 Ichanga Tayta Dios nin: «Gamcunaga ñaupata carayqui acrashä runacunami. 
\q1 Cananmi ichanga conträna ricacushcanqui. 
\q1 Alli goyäcojcunata, alli puricojcunata punchuncunatapis guechuycanqui. 
\q1  
\v 9 Cushisha tiyashan alli wasincunapitami warmicunatapis gargurcaycanqui. 
\q1 Wamrancuna cushisha goyänanpaj cajtapis guechushcanqui. 
\q1  
\v 10 Jatariyna-llapa; aywacuyna-llapa. 
\q1 Cay pachaga manami jamaräcunayquipächu. 
\q1 Pasaypa mana allillata rurashayquipitami ushajpaj illganquipaj. 
\q1  
\v 11 ‹Tayta Diosga yanapäshunquipaj bïnu cananpaj, machächicojcuna cananpaj› nir 
\q1 willacojcunami gamcunapa profëtayqui cananpäga alli caycan. 
\s1 Acrashan runacunata Dios salbananpaj cashan 
\q1  
\v 12 «Israelcuna, gamcunataga llapaniquitami juc pachallaman shuntaj-aywä. 
\q1 Gamcunataga wallcalla quëdasha caycajllatapis shuntajmi-aywä. 
\q1 Chayno rurarmi jucllachashayqui uyshata canchanman gaycojno. 
\q1 Gamcunaga caycanquipaj uyshacuna alli guewacho caycajnömi. 
\q1 Chaychöga aypallanömi gaparpanquipaj.» 
\b  
\q1  
\v 13 Tayta Diosmi nänita ricachishushpayqui ñaupayquita aywangapaj. 
\q1 Gamcunanami guepanta aywanquipaj. 
\q1 Chayno aywarmi siudä puncunpa llojshinquipaj. 
\q1 Rayniqui \nd Tayta Diosnami\nd* gamcunapa ñaupayquita aywangapaj. 
\c 3  
\s1 Fiyu mandajcuna castigacänanpaj willacushan 
\p  
\v 1 Sumaj wiyay-llapa: 
\b  
\q1 Israelcunapa autoridänincuna, mandajnincuna, 
\q1 gamcunaga ¿manachu alli cajta ruranquiman? 
\q1  
\v 2 Chaypa ruquin gamcunaga alli cajta chiquiycanqui. 
\q1 Mana alli cajtana cuyaycanqui. 
\q1 Runacunataga pasaypanami garapachaycanqui. 
\q1 Chayno garapacharmi tullullantana cachaycunqui. 
\q1  
\v 3 Israelcunataga cawaycajtami ultacarcärinqui. 
\q1 Garancunata rachir-ushashpayqui tulluncunatapis paquirgärinquimi. 
\q1 Söpa mancaman wiñananpaj aychata rurashannömi gamcunaga ruraycanqui. 
\q1  
\v 4 Gamcunaga juc junaj \nd Tayta Diosta\nd* mañacunquipämi. 
\q1 Ichanga pay manami wiyashunquipänachu. 
\q1 Fiyupa mana allita rurashayquicunapitami 
\q1 gamcunapitaga juc-läpa ticracurcongapaj. 
\s1 Llulla profëtacunapaj parlashan 
\p  
\v 5 Chayno caj profëtacunata \nd Tayta Diosga\nd* nin: 
\q1 «Israelcunaga manami alli cajta ruranchu. 
\q1 Chaynöga caycan profëtacuna llullapaptinmi. 
\q1 Chay profëtacunaga pipis micuyta garaycoj cajta ‹allillami goyanquipaj› nin. 
\q1 Micuyta mana garaj cajtanami ichanga ‹Mana allimi goyanquipaj› nin. 
\q1  
\v 6 Chaypitami gamcunataga manana musyachishayquinachu imata ruranäpaj cajtapis. 
\q1 Ima cananpaj cajcunatapis manami willapäshayquinachu.» 
\b  
\q1 Chay profëtacunapäga intipis yagacongami. 
\q1 Paycunapäga pachapis chacacäcongami. 
\q1  
\v 7 Chay profëtacunaga, musyacojcunaga 
\q1 pasaypa pengaychömi ricaconga. 
\q1 Ruwacushanta Tayta Dios mana willaptin 
\q1 paycunaga imata niytapis manami camäpacongapächu. 
\q1  
\v 8 Nogatami ichanga \nd Tayta Diospa\nd* Espiritun yanapäman 
\q1 callpayoj canäpaj, 
\q1 alli cajllata ruranäpaj, 
\q1 balurchanäpaj. 
\q1 Chaynöpami Israelcunataga mana wiyacoj cashanta, juchayoj cashanta niycä. 
\s1 Jerusalén ushacänanpaj cashan 
\q1  
\v 9 Rayta mandäshej Israelcuna, 
\q1 Jacobpita mirajcunapa mandajnincunapis 
\q1 canan nishäta wiyamay. 
\q1 Gamcunaga manami alli cajta rurayta munanquichu. 
\q1 Lay nishancunatapis manami cumlinquichu.\x * \xo 3:9 \xt Amós 5.7\x* 
\q1  
\v 10 Chaypitami Jerusalén siudächöga waran-waranpis caycan mana alli ruraycunalla wañuchinacuylla.\x * \xo 3:10 \xt Hab. 2.12\x* 
\q1  
\v 11 Autoridäcunapis runacuna pacayllapa pägashan cajta alli arriglan. 
\q1 Cüracunapis guellayllapämi yachaycächin. 
\q1 Profëtacunapis guellayllapämi willacuycan. 
\q1 Chayno ruraycarpis «\nd Tayta Diosmi\nd* yanapaycäman» nir riguichin. 
\q1 «\nd Tayta Diosga\nd* noganchïwanmi caycan. 
\q1 Ima mana allipis manami chayamäshunchu» nin. 
\q1  
\v 12 Gamcunapa juchayquipitami 
\q1 Sión lömaga quëdanga yapyashano. 
\q1 Jerusalén siudä quëdangapaj muntuy-muntuy rumicuna goturaycajlla. 
\q1 Templu caycashan jircachöpis mana alli jachacunallana juntasha canga.\x * \xo 3:12 \xt Jer. 26.18\x* 
\c 4  
\s1 Tayta Dios alli mandananpaj cashan 
\r (Isa. 2.2–4) 
\q1  
\v 1 Shamoj watacunacho \nd Tayta Diospa\nd* Templun caycashan puntaga 
\q1 waquin puntacunapita mas rispitashami cangapaj. 
\q1 Chaymanmi shamongapaj achca nasyun runacuna. 
\q1  
\v 2 Aypalla runami shamunanpaj shacyächinacushpan cayno ninaconga: 
\q1 «Aywashun-llapa, Jacobpa \nd Tayta Diosninpa\nd* Templun caycashan jircaman wichänapaj. 
\q1 Chaychönami yachachimäshun imano goyänanchïpäpis. 
\q1 Chaynöpana pay munashanno llapantapis rurashunpaj» nir. 
\q1 Sionpitami \nd Tayta Diosga\nd* yachachenga. 
\q1 Jerusalenpitanami parlapämonga. 
\q1  
\v 3 Tayta Diosmi jusganga llapan nasyun runacunata. 
\q1 May carucho caycaj nasyuncunatapis imano cananpäpis nenga. 
\q1 Chaura chay runacunaga sablincunatapis rëjamanmi ticrachenga. 
\q1 Tucsicuna lansancunatapis ösimannami ticrachenga.\x * \xo 4:3 \xt Joel 3.10\x* 
\q1 Juc nasyunwan juc nasyun manami guërrata ruranganachu. 
\q1 Guërrapäpis manami yachachinaconganachu. 
\q1  
\v 4 Chauraga mana manchacuypanami runacuna goyangapaj. 
\q1 Cada-ünunnami jamarpäcongapaj übas yöranpa, ïgus yöranpa llantuncunacho.\x * \xo 4:4 \xt Zac. 3.10\x* 
\q1 Munayniyoj \nd Tayta Diosmi\nd* nisha chayno cananpaj. 
\q1  
\v 5 Waquin nasyun runacunaga 
\q1 diosnincunatami aduran. 
\q1 Noganchïmi ichanga imaypis \nd Tayta Diosninchi\nd* nimashallanchïta wiyacushun. 
\s1 Acrashan runacunata Tayta Dios salbananpaj cashan 
\p  
\v 6 \nd Tayta Diosga\nd* caynömi nin: 
\q1 «Chay junäga wegru uyshäcunata shuntashämi. 
\q1 Ogracasha caycajta, ñacaycajta canchanman shuntashaj. 
\q1  
\v 7 Chay wegrucunatami acrashaj. 
\q1 Chay ñacaycajcunatami munayniyoj nasyun cananpaj camacächishaj. 
\q1 Noga \nd Tayta Diosmi\nd* acrashä runacunataga Sión lömapita-pacha imaycamapis mandashäpaj.\x * \xo 4:7 \xt Isa. 40.11; Eze. 34.11–16; Sof. 3.19; Juan 10.7–16\x* 
\q1  
\v 8 Sión gammi caycanqui uyshacunata ricachacuna törri. 
\q1 Gammi canqui chaycho tiyajcunapa pacacunan. 
\q1 Yapaymi ñaupatano rispitädu canquipaj. 
\q1 Jerusalén yapaymi capital canquipaj.» 
\b  
\q1  
\v 9 Cananga ¿imanirtaj nanay chariptin warmi gaparajno gaparanqui? 
\q1 ¿Manachu rayniqui can? 
\q1 U ¿tantiyachishojniquichu wañusha? 
\q1  
\v 10 Sión siudächo tiyajcuna, nanaywan guempuycachay. 
\q1 Nanaycho caycaj warminöpis gaparay ari. 
\q1 Gamcunaga cay siudäpita aywacunquipämi. 
\q1 Chunyaj jircacunachömi tiyanquipaj. 
\q1 Babilonia nasyunmanmi prësu apashunquipaj. 
\q1 Chaypitanami \nd Tayta Diosga\nd* salbashunquipaj contrayquipa munayninpita. 
\b  
\q1  
\v 11 Cananga achca nasyun runacunami gampa contrayqui shuntacasha carcaycan. 
\q1 Paycunami cayno parlan: 
\q1 «¡Jerusalén ushacaycunman! 
\q1 ¡Chauraga fiyupa cushicurmi ricapashwan!» nir. 
\q1  
\v 12 Ichanga chay nasyun runacuna manami musyanchu 
\q1 \nd Tayta Diospa\nd* yarpaynin imano cashanta, ni imata rurananpaj yarpaycashantapis. 
\q1 Manami musyanchu rïguta ëraman shuntajno \nd Tayta Dios\nd* shuntaycashanta. 
\b  
\p  
\v 13 \nd Tayta Diosga\nd* caynömi nin: 
\b  
\q1 «Sión runacuna, jatarcärir ërayna-llapa. 
\q1 Nogami yanapäshayqui fyërrupita wagrayoj, runsipita shilluyoj töruno fiyupa callpayoj canayquipaj. 
\q1 Chaynöpami achca nasyun runacunata lluchcar-ushanquipaj. 
\q1 Mana allita ruraypa tarishan cösancunatapis gamcunami guechunquipaj. 
\q1 Nircorga llapanpaj munayniyoj noga \nd Tayta Diosniquitami\nd* goycamanquipaj.» 
\c 5  
\s1 Israelcunaman juc mandajta cachamunanpaj cashan 
\q1  
\v 1 Chaymi cananga Jerusalén runacuna chapacunayquipaj camaricuy. 
\q1 Gamcunamanga jäpa runacunami yaycamongapaj. 
\q1 Paycunami Israelcunapa mandajnintaga fiyupa magangapaj. 
\q1  
\v 2 Ichanga Judächo caj marcacunapita mas tacsha Belén Efrata marca, 
\q1 gamchömi Israelcunapa raynin yurengapaj.\x * \xo 5:2 \xt Mat. 2.6; Juan 7.42\x* 
\q1 Payga yurenga mas unay famillya aywarajpitami. 
\q1  
\v 3 Cananpitaga Tayta Dios cachaycushunquipämi. 
\q1 Ichanga manami unaycamachu cachaycushunquipaj. 
\q1 Chayga canga gueshyacunanpaj caycaj warmi gueshyacunancamallami. 
\q1 Chaypitaga chay yurejmi Israel-masincunawan shuntacanga. 
\q1 Shuntacanga prësu aywashanpita cutimojcunawan. 
\q1  
\v 4 Paynami marca-masincunataga \nd Tayta Diospa\nd* munayninwan mandanga. 
\q1 Uyshëru uyshata michejnöpis ricanga. 
\q1 Chaura paycunaga allillanami goyangapaj. 
\q1 Chaynöga cangapaj intëru munducho paytana pï-maypis rispitaptinmi. 
\q1  
\v 5 Pay mandaptenga alli goyaymi cangapaj. 
\q1 Asiria runacuna nasyunninchïman yaycamuptin, 
\q1 palasyunchïcunaman yaycuptin, 
\q1 paycunaman cachashun ganchis mandajninchïcunata, 
\q1 pusaj mas rispitädu runacunatapis. 
\q1  
\v 6 Chaura paycunami pushamäshun Asiria runacuna cajman, 
\q1 Nimrodcho\x * \xo 5:6 \xt Gén. 10.8–11\x* tiyajcunata binsiycur mandananchïpaj. 
\q1 Paycunami salbamäshunpaj Asiria runacuna nasyunninchïman yaycamuptinpis. 
\q1  
\v 7 Chaura Jacobpita miraj quëdajcunaga intëru nasyuncunachömi caycangapaj. 
\q1 Shullayta \nd Tayta Dios\nd* guewaman cada tuta chayachimushannömi caycanga. 
\q1 Chaycunataga manami runachu chayachimun. 
\q1 Chaypa ruquenga Diosllami chayachimun. 
\q1  
\v 8 Chaynöpis Jacobpita miraj quëdajcunaga intëru nasyuncunachömi aypacasha caycangapaj. 
\q1 Animalcunacho manchacuypaj liyun caycajnömi caycangapaj. 
\q1 Liyonga uyshacunata charishpan rachir-usharinmi. 
\q1 Cawaycajtaga manami ni jucnayllatapis cachaycunchu. 
\q1  
\v 9 Tayta Dios, gamga chaynömi illgächinquipaj contrayqui jatarejcunata. 
\s1 Pillyapis ïdulucunata aduraypis illgänanpäna cashan 
\p  
\v 10 \nd Tayta Diosga\nd* Payllaman yäracunanpämi Israelcunataga cayno nin: 
\q1 «Chay junäga cawalluyquicunatapis wañuchishämi. 
\q1 Guërrapaj caj carrëtayquicunatapis illgächishämi. 
\q1  
\v 11 Siudäniquicunatapis illgächishaj. 
\q1 Pacacunayquicunatapis ushajpämi juchurgärachishaj. 
\q1  
\v 12 Brüjucunatapis ushajpämi illgächishaj. 
\q1 Chaura gamcunachöga manami cangapänachu musyacojcunapis. 
\q1  
\v 13 Ïduluyquicunatapis, rispitashayqui wancacunatapis ushajpämi illgächishaj. 
\q1 Chayno ruraptëga imaypis manami aduranquipänachu 
\q1 quiquiquicuna ‹diosnë› nir rurashayquita. 
\q1  
\v 14 Rispitashayqui Asera diosa-niraj ïdulutapis ushajpämi jitarishaj. 
\q1 Siudäniquicunatapis ushajpämi juchurgärachishaj. 
\q1  
\v 15 Noga nishäta mana wiyacoj nasyun runacunatami ichanga fiyupa rabyawan castigashaj.» 
\c 6  
\s1 Israelcunata Tayta Dios jorgapashan 
\p  
\v 1 Israelcuna, \nd Tayta Dios\nd* nishanta wiyay-llapa. Paymi nin: 
\q1 «Lömacuna wiyaycäshuptiqui ichircur difindicuy ari. 
\q1 Imata rimashayquitapis puntacuna wiyachun. 
\q1  
\v 2 Mundu mana cuyucunanpaj tucnaraycaj simintuncunapis 
\q1 puntacunapis sumaj wiyay-llapa. 
\q1 Acrashä runacunatami jusgaj-aywä. 
\q1 Israel runacunatami imata rurashallantapis jorgapaj-aywä.\x * \xo 6:2 \xt Isa. 3.13; Ose. 4.1; 12.2\x* 
\q1  
\v 3 Israelcuna, mä canan nimay. 
\q1 Gamcunataga ¿imatataj rurashcä? 
\q1 ¿Imachötaj rabyachishcä? 
\q1  
\v 4 Gamcunataga uyway caycajta salbashpä 
\q1 Nogami Egiptupita jorgamurä.\x * \xo 6:4 \xt Éxo. 12.50–51\x* 
\q1 Nogami cachamurä Moisesta, Aaronta,\x * \xo 6:4 \xt Éxo. 4.10–16\x* Mariata\x * \xo 6:4 \xt Éxo. 15.20\x* 
\q1 llojshicamuptiqui paycuna pushamushunayquipaj. 
\q1  
\v 5 Acrashä runacuna, cananga yarpäriy 
\q1 Moabpa raynin Balac gamcunapa contrayqui imano yarpashantapis. 
\q1 Chaynöpis yarpäriy Beorpa\x * \xo 6:5 \xt Núm. 22–24\x* wamran Balaam imano nishantapis. 
\q1 Yarpäriy Sitimpita Gilgalcama\x * \xo 6:5 \xt Jos. 3.1–4.19\x* imano aywashayquitapis. 
\q1 Chaynöpami musyanqui noga \nd Tayta Diosniqui\nd* gamcunapaj allicunata rurashäta.» 
\s1 Tayta Dios imata munashanpis 
\p  
\v 6 Capas pillapis ninman: 
\q1 «¿Imalläwanraj aywashaj \nd Tayta Diospa\nd* ñaupanman? 
\q1 ¿Imallawanraj janaj pachacho caycajta adurashaj? 
\q1 ¿Paypa ñaupanmanga aywashaj rupachipänäpaj cajta apacurcurchuraj, 
\q1 u watayoj besërata apacurcurchuraj? 
\q1  
\v 7 ¿\nd Tayta Dios\nd* cushicunmanchuraj waranga uyshacunata paypaj pishtaptë? 
\q1 ¿Aypalla mayu aywaycajtanöraj asëtita goycuptë chasquinmanchuraj? 
\q1 ¿Paypa contran jatarishäpita, juchäcunapa ruquin, 
\q1 guechpa wamräta sacrifisyupaj pishtapaptë chasquimanmanchuraj?» 
\b  
\q1  
\v 8 Runa, \nd Tayta Diosga\nd* maynami nisha-cashunqui, 
\q1 alli cajllata, pay munashan cajllata ruranayquipaj. 
\q1 Payga munan: Alli cajllata ruranayquitami, 
\q1 pï-maytapis cuyanayquitami, 
\q1 imata Tayta Dios nishushayquitapis wiyacur cumlinayquitami.\x * \xo 6:8 \xt 1Sam. 15.22; Prov. 21.3; Ose. 2.19–20; 6.6; Amós 5.22–24; Zac. 7.9–10\x* 
\s1 Jerusalén runacunata castigananpaj nishan 
\p  
\v 9 \nd Tayta Diosga\nd* Jerusalén siudächömi gayaraycan. Payga cayno nin: 
\q1 «Siudächo caycajcuna llapayqui wiyay. 
\q1 Tantiyachejcunapis wiyay. 
\q1  
\v 10 Fiyu runacunapa wasinchöga 
\q1 ima-aycanpis caycan mana allita rurar shuntashallanmi. 
\q1 Chaynöpis chaychöga caycan chiquishä caj suwa tupullami. 
\q1  
\v 11 ¿Imanöpataj perdunashaj suwa balansayojta, 
\q1 pishejlla pësacunayojtaga?\x * \xo 6:11 \xt Lev. 19.35–36; Deut. 25.13–16; Amós 8.5\x* 
\q1  
\v 12 Cay siudächo caj rïcucunaga 
\q1 llapanpis ñacachicojcunallami. 
\q1 Llapanpis llullacunallami caycan. 
\q1  
\v 13 Chaypitami cananga gamcunata castigayta gallaycushayqui, juchayquicunapitapis illgächiyta. 
\q1  
\v 14 Micurpis manami sacsanquipächu. 
\q1 Jinallami yargaycanquipaj. 
\q1 Ima-aycatapis shuntar churanquipaj. 
\q1 Chayno churarpis manami imatapis jorgunquipächu. 
\q1 Imallatapis quëdachisha captiquega 
\q1 Nogami camacächishaj guërrachöna ushacänanpaj. 
\q1  
\v 15 Murupacurpis manami shuntapacunquipächu. 
\q1 Olivota agarpis asëtinwan manami imatapis ruranquipänachu. 
\q1 Übasta lluchcarpis manami bïnuta upunquipänachu. 
\q1  
\v 16 Chaynöga cangapaj ray Omriwan, ray Acabpa\x * \xo 6:16 \xt 1Rey. 16.23–34; 21.25–26\x* famillyancuna nishancunata, 
\q1 rurashancunata, wiyacur rurashayquipitami. 
\q1 Chaypitami cananga noga camacächishaj Jerusalenta illgächinanpaj. 
\q1 Chaycho tiyaj runacunataga pasaypa manacajmanmi churanga. 
\q1 Llapan nasyun runacunami jamurpangapaj acrashä runacunataga.» 
\c 7  
\s1 Israelcuna pirdicashan 
\q1  
\v 1 ¡Cuyapaypämi caycä! 
\q1 Cosëchata ushaycur chacracho quëdajcunata ashejnöllanami caycä. 
\q1 Manami tarënachu micuyta munashä übasta ni ïgustapis. 
\q1  
\v 2 Chaynömi cay munduchöga manana cannachu allita rurajcuna, ni Tayta Dios nishanta rurajcunapis.\x * \xo 7:2 \xt Sal. 12.1\x* 
\q1 Imay örapis wañuchinacuyllatami ashircaycan. 
\q1 Jucnin-jucninpis llullapänacun mana alliman chayachinacunanpaj. 
\q1  
\v 3 Mana alli ruraypäga fiyupa yachajmi carcaycan. 
\q1 Mandaj autoridäcunaga imapitapis pägananta munarcaycan. 
\q1 Juezcunapis pacayllapa pägaptenga chasquinmi. 
\q1 Munayniyojcunaga imatapis munashantami ruran. 
\q1  
\v 4 Paycunacho mas rispitasha caj runacunapis cashanömi caycan. 
\q1 Mas yäracuypaj runapis shiranömi caycan. 
\q1 Imano captinpis chayamongapänami llapanpita jusgasha cananpaj junaj. 
\q1 Chaytaga maynami willacojcuna willacuran. 
\q1 Chay öraga runacuna manami ima ruraytapis camäpacongapächu. 
\q1  
\v 5 Ama riguiychu runa-masiqui imata nishushayquitapis. 
\q1 Ama yäracuycho ni maygan amïguyquitapis. 
\q1 Warmiquitapis llapantaga ama willapaychu. 
\q1  
\v 6 Ollgu wamrancunaga papäninta pasaypa manacajmanmi churaycan. 
\q1 Warmi wamrancunapis mamanta chiquicarcärishami. 
\q1 Llumchuycunapis suyrancunata chiquircaycanmi. 
\q1 Chaymi, cada runapa contranga caycan quiquin famillyalla.\x * \xo 7:6 \xt Mat. 10.35–36; Luc. 12.53\x* 
\q1  
\v 7 Nogami ichanga \nd Tayta Diosllata\nd* shuyäcuycäshaj. 
\q1 Salbamaj Tayta Diosnilläman yäracushaj. 
\q1 Payga wiyamangami. 
\s1 Tayta Diosga Israelcunata salbangami 
\p  
\v 8 Israelcuna cayno nin: 
\q1 «Nogacunata chiquimaj nasyun runacuna, 
\q1 mana allicho caycajta ricamar ama cushipämaychu. 
\q1 Mana alliman chayasha, tunisha caycarpis jatarishämi. 
\q1 Intëröpami yanauyaycaj chacay caycan. 
\q1 Ichanga \nd Tayta Diosmi\nd* achicyajman apamanga. 
\q1  
\v 9 \nd Tayta Dios\nd* mana munashanta rurarmi juchata rurashcä. 
\q1 Chaymi awantashaj castigamaptinpis. 
\q1 Payga imano cashätapis jusgamangami. 
\q1 Nircorga allimi arriglamanga. 
\q1 Tayta Diosga achicyajmanmi jorgamanga. 
\q1 Paymi salbamanga. 
\q1  
\v 10 Chaytaga ricangami chiquimajcunapis. 
\q1 Chaura paycunaga fiyupa pengay-tucushami ricaconga. 
\q1 Paycunaga caynömi tapumaran: ‹¿Maychötaj caycan \nd Tayta Diosniqui\nd*?› nir.\x * \xo 7:10 \xt Sal. 79.10; Joel 2.17\x* 
\q1 Paycunataga ricashaj nogapita mas piyur ruracasha caycajtami. 
\q1 Paycunaga cangapäpis cällicho caycaj mituta lluchcar-ushashanömi. 
\b  
\q1  
\v 11 «Jerusalén siudä, chayaycämunnami 
\q1 intëruyquipa curalaraj pergayquicuna allchachisha cananpaj caj junaj. 
\q1 Lindayquicunapis mas carupana cangapaj. 
\q1  
\v 12 Jerusalén, intërupitami runacuna gamman shamongapaj. 
\q1 Chay junäga chayaycämunnami. 
\q1 Gammanga shamongapaj: 
\q1 Asiriapita Egiptucamami, 
\q1 Nilo mayupita Éufrates mayucama, 
\q1 juc lamarpita juc lamarcama, 
\q1 juc puntapita juc puntacama. 
\q1  
\v 13 Chay nasyun runacunapa nasyunnenga chunyajman ticrashami quëdanga. 
\q1 Chaynöga canga chaycho tiyaj runacuna 
\q1 juchancunapitami y mana allita rurashanpitami. 
\s1 Israelcuna allichöna cananpaj mañacushan 
\q1  
\v 14 «Tayta Dios, sirbishojcunataga ricaycuy ari. 
\q1 Nogacunaga caycä gampa uyshayquinömi. 
\q1 Quiquilläcuna shatachömi carcaycä. 
\q1 Micuy fiyupa wayunan allpami intëröpa tumaparaycäman. 
\q1 Unay pushamushayquino, yapay pushamay ari. 
\q1 Pushamay Basancho Galaadcho caycaj alli guewacunaman. 
\q1  
\v 15 Nogacunatapis milagrucunata ricachimay. 
\q1 Egiptupita jorgamushpayqui ricachishayquino ricachimay. 
\q1  
\v 16 Chaytaga waquin nasyuncunapis ricangami. 
\q1 Ricashpan fiyupa munayniyoj caycashpanpis pasaypa pengay-tucushami quëdanga. 
\q1 Äyacashami ricaconga. 
\q1 Imata ruraytapis manami camäpacongachu. 
\q1  
\v 17 Culebracunano, waquin garachaypa purejcunanöpis allpatami miconga. 
\q1 Pacarpaycashanpitapis sicsicyaycarmi llojshimonga \nd Tayta Diospa\nd* ñaupanman. 
\q1 Tayta Dios, gamtaga fiyupami manchacushunquipaj. 
\s1 Runacunata Tayta Dios perdunashan 
\q1  
\v 18 «Gamnöga manami juc Dios canchu. 
\q1 Gamga perdunanquimi mana allita rurajtapis. 
\q1 Chaynöpis gonganquimi nogacuna wallcalla quëdaj 
\q1 acrashayqui runacuna juchata rurashäta. 
\q1 Imaycamapis manami rabyashallaga cacunquichu. 
\q1 Gamga nogacunata cuyamashayquita musyachimanquimi. 
\q1  
\v 19 Nogacunata yapay cuyapaycamay ari. 
\q1 Juchäcunatapis ama yarpaynachu. 
\q1 Nogacunapa juchätaga jitarpuy 
\q1 mas jundunnin lamarman. 
\q1  
\v 20 Tayta Dios, cumliycuy ari Jacobta aunishayquita, 
\q1 Abrahamta cuyapänayquipaj aunishayquitapis. 
\q1 Chaynömi unay awilöcunata aunirayqui.»\x * \xo 7:20 \xt Gén. 12.1–3; 17.6–8; 28.13–15; Luc. 1.55, 73\x*