\id MAL - Quechua Huallaga Huánuco Bible -Peru 2010 (DBL -2013) 
\h MALAQUÍAS 
\toc1 Malaquías 
\toc2 Malaquías 
\toc3 Mal. 
\mt1 Malaquías 
\ili ¿Tayta Dios munashanno goyayta yamacanquichu? 
\ili ¿Imanötaj manacajman churashcanchi Tayta Diosta? 
\im \bd ¿Pitaj caran?\bd* Malaquías ninan caycan «willacojnë» ninanmi. Cay librupita mas juc partichöga paypita manami alläpa musyanchïchu. 
\im \bd ¿Maychötaj willacuran?\bd* Judá nasyunpa capitalnin Jerusalenchömi willacuran. Pay willacuran Judächo caycaj runacunapämi. Chaynöpis pay willacuran Edom nasyuncho caj runacunapämi. 
\im \bd ¿Imaytaj willacuran?\bd* Malaquías willacuran Esdras y Nehemías (460 a.C.) cashan-wichanmi. 
\im \bd ¿Imataj caycan cay librucho?\bd* Malaquiasga Tayta Diospa willacuyninta willacuran tapuypa y quiquin rispundiypa acrashan runacunawan sojta cuti Tayta Dios parlaycajno. Conträtuta rurar Tayta Dios goshan laycunata Israelcunaga cumliyta yamacäcuran. Tayta Diosmanpis manana yäracurannachu. Parlachiypa isquirbishancho Israelcunaga llaquicur niycasha: «Tayta Dios mana cuyamanchïchu» nir, (1.2–5) «Cay pachacho mana alli ruraycuna captin Tayta Diosga manami imatapis rurashachu» nir (2.17; 3.5; 3.13–4.3). 
\ip Chaura Diosga Israelcunapa juchanta jorgaparan. Chaytaga Esdras y Nehemías libruchöpis rimaycanmi. Juchan caran: juc-lä warmicunawan majachacashan (Mal. 2.11–15; Esd. 9–10; Neh. 13.23–27), diesmucunata mana churashan (Mal. 3.8–10; Neh. 13.10–14), cüracuna pirdicashan (Mal. 1.6–2.9; Neh. 13.1–9), wacchacunata, biyüdacunata, juc-lä runacunata mana alli ricashan (Mal. 3.5; Neh. 5.1–13). Nircur cay libro ushanancho rimaycan Moisespaj y profëta Eliaspaj (4.4–6). 
\c 1  
\p  
\v 1 Cay willacuyga caycan Israel runacunapaj \nd Tayta Dios\nd* willacachishanmi. Chaytaga willacachiran profëta Malaquiaswanmi. 
\s1 Tayta Diospa cuyacuynin Israelcunapaj imano cashanpis 
\p  
\v 2 \nd Tayta Diosmi\nd* nin: «Nogaga gamcunata cuyämi». Gamcunanami ichanga ninqui: «¿Imanöpataj musyäcunaman cuyamashayquita?» nir. Chayno gamcuna niptiquimi \nd Tayta Dios\nd* nin: «¿Manachu chay wauguilla caran Jacobwan Esaüga? Chaypis nogaga Jacobtami cuyarä.  
\v 3 Esaütami ichanga chayno mana cuyarächu.\x * \xo 1:3 \xt Gén. 25.23–26; Rom. 9.13\x* Esaú castacunapa achca puntayoj nasyunnin caycajtapis chunyajmanmi ticrarachirä. Alli chacrancunatanami jirca animalcuna tiyanallanpaj ticrarachirä.» 
\p  
\v 4 Esaú casta Edom runacunaga\x * \xo 1:4 \xt Isa. 34.5–17; 63.1–6; Jer. 49.7–22; Eze. 25.12–14; 35.1–15; Amós 1.11–12; Abd. 1–14\x* caynömi nin: «Cäsi ushajpämi ushamashcanchi. Ichanga yapaymi juc nasyun cananchïpaj mirashun» nir. Munayniyoj \nd Tayta Diosmi\nd* ichanga nin: «Paycuna siudänincunata yapay allchaptinpis nogaga yapaymi illgächishaj. Paycunapa nasyunninpa jutenga canga ‹Mana alli nasyun› nir, ‹\nd Tayta Dios\nd* para-simri rabyapashan nasyun› nir.  
\v 5 Israelcuna, gamcunaga ñawiquipami ricanquipaj Edomta imano päsashantapis. Chaymi ninquicunapaj: ‹\nd Tayta Diosga\nd* fiyupa munayniyojmi. Munayniyoj cashanga Israel nasyunpitapis mas carucamami chayan› nir.» 
\s1 Cüracunata Tayta Dios piñacushan 
\p  
\v 6 Munayniyoj \nd Tayta Diosga\nd* cüracunapaj nin: «Wamracunaga papäninta rispitanmi. Uyway runacunapis mandajninta rispitanmi. Noga gamcunapa papäniqui caycaptëga ¿imanirtaj mana rispitamanquichu? Gamcunapa mandajniqui caycaptëga ¿imanirtaj mana rispitamanquichu? Gamcunaga manacajmanmi churaycämanqui. Chaypis ninquiraj: ‹¿Imanöpataj manacajman churaycä?› nir.  
\v 7 Manacajman churaycämanqui mana alli caj ofrendacunata apamushpayquimi. Chayno ruraycarpis tapumanquiraj: ‹¿Imachötaj gamta manacajman churaycä?› nir. Gamcunaga manacajman churaycämanqui altarnëta manacajtanölla ricashpayquimi.  
\v 8 Nogapaj uywacunata gaprata, wegruta, gueshyaycajta apamushpayqui ¿allitachuraj rurarcaycanqui?\x * \xo 1:8 \xt Lev. 22.18–25; Deut. 15.21\x* Chaycunataga mä mandajniquicunaman apapay. Chaynöta goycuptiqui paycuna ¿cushishachuraj chasquishunqui? ¿Yanapäshunquichuraj?  
\v 9 Mä gamcuna mañacamay cuyapänäpaj. Ichanga ¿chayno ofrendacunata garaycämaptiqui cushishachuraj chasquishayqui? ¿Yanapäshayquichuraj?  
\v 10 Ima alliraj canman maygallayquipis Templupa puncunta wichgarcuptiqui. Chaura manami pipis manacajllapäga altarnëcho ninata ratachinmannachu. Nogaga manami cushicöchu gamcuna rurashayquipita. Ima ofrendata goycamashayquicunatapis manami chasquishayquichu.\x * \xo 1:10 \xt Isa. 1.13; Amós 5.21–24\x* 
\v 11 Mundu intërucho may-chaychöpis nogataga rispitamanmi. May-chaychöpis nogapa jutëcho insinsuta rupaycächinmi. Nogapäga alli ofrendallatami churanpis.  
\v 12 Gamcunami ichanga jutëta manacajman churaycanqui ‹\nd Tayta Diospa\nd* altarnenga manami rispitäduchu. Chaymi ofrendata churashanchïcunapis mana imananpischu› nishpayqui.  
\v 13 Gamcunaga nircaycanqui: ‹¡Cay aruyga aburrïrumi!› nir. Chayno nishpayqui manacajmanmi churarcaycämanqui. Gamcunaga suwacurcurmi uywata nogapaj apaycämunqui. Wegru wäcata, gueshyaycaj uywatami apaycämunqui. ¿Chay ofrendacunata nogaga chasquishächuraj?  
\v 14 Maldisyunädumi canga allinnin caj uywanta nogata goycamänanpaj aunircur gueshyaj uywallantana pishtapämäga. Nogaga cä munayniyoj Raymi. Llapan nasyun runacunapis manchacamanmi.» 
\c 2  
\s1 Cüracuna castigasha cananpaj cashan 
\p  
\v 1 Munayniyoj \nd Tayta Diosga\nd* cüracunata mastapis nin: «Cananga cüracuna gamcunapämi cay willacuy:  
\v 2 Gamcuna noga nishäta mana ruraptiquega, llapan shonguyquipa mana rispitamaptiquega maldisyunädu canayquipämi camacächishaj. Gamcunaga manami llapan shonguyquipachu rispitarcaycämanqui. Chaypitami cüra cashpayqui bindisyunta chasquishayquitapis maldisyunman ticrachishaj. 
\p  
\v 3 «Chaypitami gamcunapita mirajcunataga castigashaj. Nogapaj pishtanayquipaj apamushayqui uywacunapa ashashnintami cärayquiman machiparishayqui. ¡Chaynöpis chay ashashcunawan iwalmi jitarisha canquipaj!  
\v 4 Chaynöpami tantiyaconga chayno cananpaj noga camacächishäta. Chaynöga rurashaj Leví\x * \xo 2:4 \xt Núm. 3.11–13\x* runacunawan conträtu rurashä mana illgänanpämi. Noga munayniyoj \nd Tayta Diosmi\nd* chayno në. 
\p  
\v 5 «Leví\x * \xo 2:5 \xt Núm. 25.12–13\x* runacunawan conträtu rurashäga caran paycuna allilla goyänanpaj, alli cawananpämi. Chaynöga conträtuta rurarä rispitamar manchacamänanpämi. Chaura paycunaga rasunpami rispitar manchacamaran.  
\v 6 Leví runacunaga yachachej rasun cajllatami. Paycunaga manami manacajta rimajchu. Paycunaga nogawan allillami goyaran. Chaynöpis achcajtami mana allipa aywaycajta cutichiran.\x * \xo 2:6 \xt Deut. 33.8–10\x* 
\v 7 Cüracunapa aruynenga caycan runacuna noga pï cashätapis musyananpaj yachachiymi.\x * \xo 2:7 \xt Lev. 10.11; Deut. 21.5\x* Cüracunamanga llapan runacunami aywanman yachachishanta wiyananpaj. Paycunaga nogapa willacojnëmi caycan. 
\p  
\v 8 «Ichanga gamcuna cüracunaga alli ruray cajta cachaycärishcanquimi. Mana allita yachachishayquiwanmi achcajta llutanpa aywacunanpaj cachaycushcanqui. Chayno rurashpayquimi gamcunaga manacajman churashcanqui Leví runacunawan conträtu rurashäta.  
\v 9 Noga nishäcunata mana cumlishayquipitami, runacunata yachachishpayquipis jucta mas alli juctana mana alli ricashayquipitami noga camacächishaj llapan runacuna mana bälejtano ricashunayquipaj, manacajman churashunayquipaj.» Munayniyoj Tayta Diosmi chayno nin. 
\s1 Rimir caj warminwan raquicashanpita piñacushan 
\p  
\v 10 ¿Manachu llapanchïpapis jucnaylla caycan taytanchëga? ¿Manachu llapanchïtapis camamashcanchi juc Dioslla?\x * \xo 2:10 \xt Isa. 63.16; 64.8; Ose. 11.1–4; Efe. 4.6\x* Chayno caycaptenga ¿imanirtaj jucninchi-jucninchïpis llullapänacunchi? Chayno rurarga manami cumliycanchïchu unay caj awilunchïcunawan Tayta Dios conträtu rurashanta.  
\v 11 Judá runacunaga manami cumlinchu Tayta Dios nishanta. Jerusalenchöwan Israelchöga fiyupa melanaypajcunatami rurarcaycan. Judá runacunaga mana rasunpa caj diosta aduraj warmicunawan majachacashpanmi \nd Tayta Dios\nd* cuyashan Templunta manacajman churasha.  
\v 12 Chayno rurajcunataga pï captinpis, munayniyoj Diospaj ofrendata apamoj captinpis \nd Tayta Dios\nd* illgaraycachinman cay nasyunninchïpita. 
\p  
\v 13 Chaypis, gamcunaga mas piyur-raj rurarcaycanqui: \nd Tayta Diospa\nd* altarninta weguiquiwan ushmaycächinqui. Ofrendata goycushayquicunata \nd Tayta Dios\nd* manana chasquishuptiquimi fiyupa llaquicur wagarcaycanqui.  
\v 14 Gamcunaga ninquiraj: «¿Imanir-raj mana chasquimanchïchu?» nir. Chaynöga caycan \nd Tayta Diospa\nd* ricay ñawincho mösu car gam warmiwan majachacashpayqui aunishayquita mana cumlishayquipitami. Pay warmiqui caycaptinpis, payllawan tiyanayquipaj aunisha caycarpis cachaycushcanquimi.  
\v 15 ¿Manachu Diosga ishcantapis jucnayllano cananpaj ruraran? ¿Imanirtaj jucnayllano cananpäga rurasha? Payga munan runacunapa wamrancunaga payllapäna acrasha canantami. Chayno caycaptenga ama cachaycuychu mösu caycällar majachacar aunishayqui warmiquita.  
\v 16 Israelcuna adurashan munayniyoj \nd Tayta Diosga\nd* nin: «Nogaga melanäcömi majanpita raquicajta. Chayno rurarga juc runata magaycaj-japuymi caycan.»\x * \xo 2:16 \xt Gén. 2.24; Prov. 5.18; Mar. 10.2–9; Efe. 5.21–33\x* 
\p Chaymi imatapis shonguyquicuna munashallantaga ama ruraychu. Majayquita ama jananpaychu. 
\s1 Fisyu chayamunanpäna cashan 
\p  
\v 17 \nd Tayta Diosga\nd* gamcunata wiyashuyta yamacashanami caycan. Chaypis nircaycanquiraj: «¿Imatataj nishcä wiyayta yamacänanpäga?» nir. Gamcunaga nishcanqui: «\nd Tayta Diosga\nd* allimi rican mana allita rurajcunatapis. Chayno ruraptinpis payga allimi rican» nir.\x * \xo 2:17 \xt Job 21.7–16; Hab. 1.2–4, 13; Mal. 3.14–15\x* Chaynöpis asipashpayquimi gamcunaga nircaycanqui «¿Maytaj alli arriglaj Tayta Dios?» nir. 
\c 3  
\p  
\v 1 Chaymi munayniyoj Tayta Diosga nin: «Willacojnëtami cachamoj-aywä nänita allchapämänanpaj.\x * \xo 3:1 \xt Mat. 11.10; Mar. 1.2; Luc. 1.76; 7.27\x* Gamcuna shuyaycashayqui Cachaga illajpitami Templuman yaycoj-aywan. ¡Chayamojnami-aywan gamcuna ricayta munarcaycashayqui cacha conträtuta apamöga!» 
\p  
\v 2 Pay chayamushan junäga ¿piraj awantanman? Chayno ¿piraj ichiraycanman paypa ñaupanchöga?\x * \xo 3:2 \xt Isa. 13.6; Eze. 30.2–3; Joel 1.15; 2.11; Amós 5.18–20; 8.9–14; Sof. 1.14–18; Apoc. 6.17\x* Payga cangapaj lijyanömi chayacasha ganra caycajtano limyuyächimänanchïpaj. Payga fyërruta chulluchir limyuyächejnömi ruranga.\x * \xo 3:2 \xt Mat. 3.10–12\x* 
\v 3 Payga gorita, guellayta ninacho limyuyächejno Leví runacunata limyuyächinanpämi jamayconga. Chaypitarämi paycunaga Tayta Diospaj ofrendanta churangapaj imanöpis rurananpaj caycashanno.  
\v 4 Chayrämi Tayta Diosga cushiconga Judá runacuna, Jerusalén runacuna ofrendanta goycuptin unaycuna cushicushanno. 
\p  
\v 5 Munayniyoj Tayta Diosmi nin: «Nogaga shamushaj gamcunata jusganäpämi. Chaynöpis brüjuta rurajcuna, majayoj caycar jucwan cacojcuna, llullacuypa jurajcuna, arupacojcunata ñacachejcuna, biyüdacunatawan wacchacunata ñacachejcuna, jäpa runacunata mana alli ricajcuna, nogata mana rispitamajcuna castigasha cananpämi camacächishäpaj. 
\s1 Diesmuta churananpaj caj 
\p  
\v 6 «Nogami cä Tayta Diosga. Manami ni imanillarpis rucacashcächu.\x * \xo 3:6 \xt Núm. 23.19; Heb. 13.8; Stg. 1.17\x* Chaymi gamcuna Jacobpita mirajcunapis mana ushajpäga ushacashcanquichu.  
\v 7 Gamcunaga unay caj castayquicunapita-pachapis yachachishäcunata manami cumlishcanquichu. Noga munayniyoj Tayta Diosmi në: Nogamanna cuticamuy-llapa. Chauraga nogapis gamcunata yapay yanapäshayquinami.\x * \xo 3:7 \xt Isa. 55.7; Zac. 1.3\x* Ichanga gamcuna nircaycanqui: ‹¿Cutimushäcuna? ¿Imapitataj cutimushäcuna?› nir.  
\v 8 ¿Runaga Diosta suwapanmanchuraj? ¡Gamcunami ichanga suwapämashcanqui! Chaypis tapuycämanquiraj: ‹¿Imachötaj suwapashcäcuna?› nir. ¡Diesmucunacho, ofrendacunachömi suwapämashcanqui!  
\v 9 Rasunpami llapayqui chay nasyuncho cajcunaga suwaparcaycämanqui. Chaypitami maldisyunädu carcaycanqui.  
\v 10 Charashayqui cajcunapa diesmunta ushajpaj apamuy Templöman.\x * \xo 3:10 \xt Lev. 27.30; Núm. 18.21–24; Deut. 12.6; 14.22–29; Neh. 13.12\x* Chauraga wasëcho micuy cangami. Chayno rurashpayqui mä musyapämay. Chauraga syëlupa bentänancunatapis quichapäshayquimi gamcunaman mas alli bindisyunta churamunäpaj.  
\v 11 Manami camacächishänachu micuyta ushaj curucuna micuyniquita ni übasniquitapis ushacurcunanpäga.  
\v 12 Chauraga llapan nasyun runacunami ‹Dios yanapashan› nishunquipaj. Gamcunapa nasyunniquega cangapaj pï-maypis munapänanmi. Noga munayniyoj Tayta Diosmi chayno nishcä.» 
\s1 Fiyucunawan alli runacuna imano cashanpis 
\p  
\v 13 Tayta Diosga nin: «Gamcunaga nogapaj rimashcanqui fiyu shimiquiwanmi. Chaypis tapumanquiraj: ‹¿Imatataj nishcäcuna gampaj mana allitaga?› nir.  
\v 14 Gamcunaga caynömi nishcanqui: ‹Diosta sirbiyga yangami. ¿Imataraj jorgushun pay nimashanchïta rurashpanchi, munayniyoj Tayta Diospa ñaupancho lütu röpata jatisha purishpanchi?  
\v 15 Noganchëga ricashcanchïmi alli chölu-tucojcuna cushisha goyajta, fiyu runacuna rurashanga imapis alli llojshipashanta. Paycunaga Tayta Diosta musyapaytami munan. Chaypis manami ima castïgupis paycunaman chayanchu› nir.»\x * \xo 3:15 \xt Mal. 2.17\x* 
\p  
\v 16 Chaura Tayta Diosta rasunpa rispitar wiyacojcunalla quiquin-pura parlaran. Tayta Diosnami llapan parlashancunata wiyaran. Chaura Tayta Dios ricapaycaptin libruman isquirbicaran payta rispitajcunapa jutincuna. 
\p  
\v 17 Munayniyoj Tayta Dios nin: «Juc junäga paycuna yapay acrashä runacunanami cangapaj. Juc tayta imanömi sirbej wamranta cuyapan, chaynömi nogapis paycunata cuyapäshaj.\x * \xo 3:17 \xt Sal. 103.13\x* 
\v 18 Chayrämi gamcunaga musyanquipaj alli cajcunata imano ricashäta, mana alli cajcunata imano ricashätapis; nogata sirbimajcunata imano ricashäta, nogata mana sirbimajcunata imano ricashätapis.» 
\c 4  
\s1 Tayta Dios jusganan junaj chayamunanpaj cashan 
\p  
\v 1 Munayniyoj \nd Tayta Diosmi\nd* nin: «Wallcanami pishin jurnucho nina rataycajno chayamunanpaj caj junaj. Chay junäga llapan alli-tucojcuna, fiyu runacuna rupangapaj ninacho ogsha rupaycajnörämi. Chay junaj chayamur rupaptin manami ni imallanpis quëdangapächu.  
\v 2 Gamcuna, rasunpa rispitamar wiyacamajcunapämi ichanga salbacoj caynë cangapaj mana gueshyanayquicunapaj inti ratamushanno. Chaura gamcunanami cushicuypita pinticachanquipaj besëracuna wichgarashanpita llojshir pañashannöraj.  
\v 3 Chay camariycashä junaj chayamuptin gamcunaga ñuchu allpatanörämi fiyu runacunata lluchcargärinquipaj.» 
\s1 Ushananta willapashan 
\p  
\v 4 \nd Tayta Dios\nd* nin: «Horeb\x * \xo 4:4 \xt Éxo. 19.16–20.20; 24.1–17; Deut. 5.1–3\x* puntacho sirbimajnë Moisesta willapashä laycunata wiyacuy-llapa. Chaycunaga caran llapan Israelcuna wiyacunanpaj nishäcunami, mandamintöcunami. 
\p  
\v 5 «Masqui wiyamay: Shamunä junaj manaraj chayamuptin profëta Eliastami\x * \xo 4:5 \xt 1Rey. 17–21; 2Rey. 2.1–12; Mat. 11.14; 17.10–13; Mar. 9.11–13; Juan 1.21\x* cachamoj-aywä. Chay junäga cangapaj fiyupa manchariypaj y jatun diyami.  
\v 6 Eliasmi camacächengapaj papänincunapis wamrancunawan amistananpaj; wamrancunapis papänincunawan amistananpaj.\x * \xo 4:6 \xt Luc. 1.17\x* Chaynöpami noga shamushpä nasyunniquiman maldisyunta mana chayachimushänachu.»