\id JOS - Quechua Huallaga Huánuco Bible -Peru 2010 (DBL -2013) 
\h JOSUÉ 
\toc1 Josué 
\toc2 Josué 
\toc3 Jos. 
\mt1 Josué 
\ili Tayta Dios aunishan particho tiyaycaj runacunata ¿imanöpataj Tayta Dios binsiran? 
\ili Y chay partitaga ¿imanöpataj cada trïbuta raquiparan? 
\im \bd ¿Imataj caycan cay librucho?\bd* Josué jutiga «TAYTA DIOSNINCHI salban» ninanmi caycan. Josuëtaga Moisesmi acraran Israelcunata pusharaj mandajnin cananpaj. 
\ip Capítulo 1–12 musyaycächimanchi Tayta Dios aunishan partita Israelcuna guechushantami. Tayta Diosninchëga Josuëta niran: «Moisesta yanapashänömi gamtapis mana cachaypa yanapäshayqui. Chaymi cawashayquicamaga mana pipis binsishunquicunapächu» (1.5). Chaymi Jericó siudächo guërra gallaycuptin quiquin Tayta Dios ushacächiran chay Jericó runacunata. Chaypitana Israelcuna juc shongulla yanapänacur pillyaran. Ichanga Tayta Diosmi paycunata yanapaycaran (8.1; 10.14; 23.10). 
\ip Tayta Diosga caynömi Josuëta willaparan: «Yaparir-yaparir yachacuy cay lay isquirbichishätaga. Pagasta junajtapis yarpachacuy nishannölla cumlinayquipaj. Chauraga ima rurashayquipis allimi llojshipäshunquipaj» (1.8). 
\ip Capítulo 13–22 musyachimanchi cada trïbu tiyananpaj imanöpis raquipashantami. Chaychöga runacunapa y marcacunapa achca jutincunami caycan. Chaymi alli canman Josué libruta liguir chimpancho caycaj mäpantawan liguiptiqui. 
\ip Libro ushanan capítulo 23–24 musyachimanchi Josué dispidicushanta y Israelcuna Tayta Diosllata sirbinanpaj yapay aunishanta. 
\c 1  
\s1 Josuëta Tayta Dios willapashan 
\p  
\v 1 Nunpa wamran Josuëtana \nd Tayta Dios\nd* willaparan sirbejnin Moisés wañushanpita. Josuëga caran Moisespa yanapajninmi. Paytami niran: \fig |src="QuechuaDeHuallaga_ConquestCanaan.PDF" size="span" loc="across from 1st page of Joshua" ref="Josué 1:1" \fig* 
\v 2 «Sirbimajnë Moisés wañucushanami. Cananga gamna chimpachinqui Jordán mayuta llapan Israelcunata goycunäpaj caycaj partiman.  
\v 3 Moisesta aunishänömi gamcunata goycushayqui chayanayquipaj caycaj partitaga.  
\v 4 Gamcunatami goycushayquipaj chunyajpita gallaycur Libanucama, Éufrates mayupita gallaycur Het runacuna tiyashan chacrancunatawan Mediterráneo lamarcama.  
\v 5 Moisesta yanapashänömi gamtapis mana cachaypa yanapäshayqui.\x * \xo 1:5 \xt Deut. 31.6–8; Heb. 13.5\x* Chaymi cawashayquicamaga mana pipis binsishunquicunapächu.\x * \xo 1:5 \xt Deut. 11.24–25\x* 
\p  
\v 6 «Ama manchacuychu. Sumaj balurchay.\x * \xo 1:6 \xt Deut. 31.6, 7, 23\x* Cay runacunataga gammi raquipanquipaj unay famillyayquicunata aunishä chacrata.  
\v 7 Gamga ama manchacuychu. Sumaj balurchay. Sirbimajnë Moisés llapan layta yachachishushayquita cumliy. Llapantapis cumliy imano ruranayquipäpis niycashannölla. Chauraga ima rurashayquichöpis yanapäshayquipämi.  
\v 8 Yaparir-yaparir yachacuy cay lay isquirbichishätaga. Pagasta junajtapis yarpachacuy nishannölla cumlinayquipaj. Chauraga ima rurashayquipis allimi llojshipäshunquipaj.  
\v 9 Noga \nd Tayta Diosniquimi\nd* maychöpis yanapäshayquipaj. Nogami niycä mana manchacunayquipaj, sumaj balurchanayquipaj.» 
\s1 Guërraman yaycunanpaj Josué camaricushan 
\p  
\v 10 Chaypitaga mandajcunata Josué niran:  
\v 11 «Gamcuna llapan runacunata willay mircapancunata camaricunanpaj. Cananpita quimsa junajtami Jordán mayuta chimpashun \nd Tayta Diosninchi\nd* gomänanchïpaj caycaj partita charinanchïpaj.» 
\p  
\v 12 Rubén trïbuta, Gad trïbuta, pullan caj Manasés trïbutapis Josuëga niran:  
\v 13 «Yarpäshun \nd Tayta Diosta\nd* sirbej Moisés imata nimashanchïtapis. Pay nimaranchi cay particho chacrata \nd Tayta Dios\nd* goycamaptinchi alli cawananchïpaj cashantami.  
\v 14 Gamcunaga Jordán mayupa cay chimpancho Moisés raquipäshushayqui chacrallachöna cachaycäriy warmiquita, wamrayquicunata, uywayquicunata. Ollgu cajmi ichanga pillyapaj alli caycajcuna llapaniqui aywanqui pillyanayquipaj llapanta camaricusha. Waquin Israel-masiquicunapa ñaupanta aywanqui pillyäshinayquipaj.  
\v 15 Paycunata \nd Tayta Dios\nd* alli chacrata goycushpan gamcunano jamananpaj yan'ganqui. \nd Tayta Dios\nd* goycunanpaj caj chacrata paycunapis guechunanpaj yanapanqui. Chaypita gamcunaga cuticamunqui mayupa cay chimpanman chacrayqui cananpaj \nd Tayta Diosta\nd* sirbej Moisés ricachishushayquita charicarcärinayquipaj.»\x * \xo 1:15 \xt Núm. 32.28–32; Deut. 3.18–20; Jos. 22.1–6\x* 
\p  
\v 16 Chaura paycuna niran: «Nimashayquitaga cumlishäcunami. Maymanpis cachamashayquimanmi aywashaj.  
\v 17 Moisés cawaycashpan imata nimashantapis cumlishänömi gam nimashayquitapis cumlishäcuna. Ichanga gamtapis \nd Tayta Diosninchi\nd* yanapaycushunqui Moisesta yanapashanno.  
\v 18 Nishayquita mana cumlejta, mana wiyajcunataga wañuchishunmi. Gamtami ichanga në mana manchacunayquipaj, sumaj balurchanayquipaj.»\x * \xo 1:18 \xt Núm. 27.20; Deut. 34.9\x* 
\c 2  
\s1 Ricapacojcunata Jericöman Josué cachashan 
\p  
\v 1 Josuëga ishcaj runacunata cacharan Jordán mayupa washa chimpanman pacayllapa yaycur ricapacamunanpaj. Paycunata niran: «Chay partita intërupa ricapacamuy. Jericó siudäta sumaj ricapacamunqui.» 
\p Chaura paycuna Sitim partipita aywaran. Jericó siudäman chayaran cuerpunwan gänapacoj Rahab\x * \xo 2:1 \xt Heb. 11.31; Stg. 2.25\x* jutiyoj warmipa wasinman. Nircur chayllacho pachacuran.  
\v 2 Maymanpis pachacushanta ricarmi Jericó siudäpa rayninta willaycäriran «Canan chacaymi shamusha Israelcuna cay partita ricapacoj» nir. 
\p  
\v 3 Chaura rayga runacunata cacharan Rahab cajman. Chayar niran: «Wasiquiman pachacamoj runacunata gargamuy. Chay runacunaga ricapacojmi shamusha.» 
\p  
\v 4 Warmiga runacunata mayna pacaycusha caran. Chaymi ray cachashan runacunata niran: «Runacunaga chayamushami. Ichanga manami musyashcächu maypita shamushantapis.  
\v 5 Siudä puncuta wichganan öra pacha chacaycaptinnaga aywacushami. Manami musyächu maypa aywacushantapis. Gamcuna juclla gaterga taripanquimanmi.» 
\p  
\v 6 Rasunpaga chay runacunata pacaycuran wasin jananman wicharcachirmi. Paycunaga pacaraycaran lïnu manöjucuna goturaycaj rurincho.  
\v 7 Ray cachashan runacunaga Rahab nishanta riguirmi ashej aywaran prësu charinanpaj Jordán mayuta chimpanan bäducama. Ashej aywaj runacuna llojshiriptenga siudäpa puncunta wichgacurcuran. 
\p  
\v 8 Rahabga ricapacoj aywajcuna manaraj puñuptillan wicharcur niran:  
\v 9 «Nogaga musyänami cay partita \nd Tayta Dios\nd* goycushushayquita. Tayta Diosga camacächisha gamcunata fiyupa manchacunäpaj. Chayamushayquipitami caychöga llapan fiyupa manchariycan.  
\v 10 Musyaycäcunami Egiptupita shacamuptiqui Puca Lamar yacuta päsamunayquipaj \nd Tayta Dios\nd* chaquichishanta.\x * \xo 2:10 \xt Éxo. 14.21\x* Musyaycäcunami Jordán mayupa washa chimpancho caycaj Amorreo nasyunpa raynin Sehonta Ogta\x * \xo 2:10 \xt Núm. 21.21–35\x* suldäruncunatawan wañuchishayquita.  
\v 11 \nd Tayta Diosniquega\nd* janaj pachachöpis cay pachachöpis fiyupa munayniyojmi. Chaymi fiyupa mancharishcäcuna. Manami pipis gamcunawan pillyananpaj baluranchu.  
\v 12 Chaymi ruwacö. Juclla ñaupächo juraycuy, gamcunata cuyapashpä pacashäno nogapa famillyätapis cuyapänayquipaj. Cuyapämänayquipaj cashanta musyanäpaj juc señalta cachapämay.  
\v 13 Nogacuna casta cajtaga ama wañuchinquichu mamäta, papänëta, turëcunata, ñañäcunatapis. Wañunäcunapita salbaycäramanqui ari.» 
\p  
\v 14 Chaura ricapacoj aywaj runacuna niran: «Nogacuna nishäta pitapis mana willacuptiquega nogacunapis salbamashayquinömi gamcunata salbashayqui. Nogacunata cay partita \nd Tayta Dios\nd* goycamaptenga cuyapashpä palabräta cumlishämi.» 
\p  
\v 15 Rahabga tiyaran siudäta curalaraj pergacho. Chaymi runacunata wasipa bentänanpa wascawan warcuyllapa urächiran wajtaman gueshpicunanpaj.  
\v 16 Manaraj urächirmi paycunataga niran: «Aywacuy jircaman. Quimsa junaj pacaräcunqui ashishojcuna siudäman cutimunancama. Chaypita ichanga aywacunquina.» 
\p  
\v 17 Niptin paycuna niran: «Nogacunaga jurar aunishäta cumlishämi.  
\v 18 Cay marcaman Israelcuna yaycamuptenga gam cay bentänaman cay puca wascata warcunqui. Gam famillyacuna chaypäga papäniqui, mamayqui, turiquicuna, ñañayquicuna, llapaniqui shuntacanqui.  
\v 19 Mayganpis cay wasipita llojshej cajmi ichanga quiquinpitana wañuptinpis. Chaura nogacunaga manami juchayojnachu cashaj paycuna wañushanpita. Cay wasicho caycajta maygantapis wañuchiptin ichanga nogacuna juchayoj cashaj.  
\v 20 Canan parlashanchïta gamchush pashtapacunqui; chauraga nogacuna canan jurar aunishäta manami cumlishänachu.» 
\p  
\v 21 Niptin Rahabga «Nishayquinömi rurashaj» niran. Chaypita runacunaga dispidicur aywacuran. Rahabnami bentänanman puca wascata warcuran. 
\p  
\v 22 Chay ishcay ricapacoj aywaj runacunana jircacho pacarpäcuran quimsa junajcama. Chaycama suldärucunaga intërupa ashiran. Mana tarirnaga Jericó siudämanna cuticuran.  
\v 23 Cuticuriptinrämi pacaraycashan jircapita llojshirir aywacuran. Jordán mayuta päsarir Josué cajman chayaran.  
\v 24 Imano cashantapis willapar niran: «\nd Tayta Diosga\nd* intërutami chay pachata munayninchïman churamusha. Chaycho tiyajcunaga yaycunanchïpaj cashanta musyarmi mancharir ima ruraytapis mana camäpacunnachu.» 
\c 3  
\s1 Israelcuna Jordán mayuta chimpashan 
\p  
\v 1 Chaypita warannenga chacallana Josuëga llapan Israelcunawan Sitimpita llojshiran. Aywar chayaran Jordán mayuman. Mayupa cay chimpallanman pachacuran.  
\v 2 Quimsa junajpitaga mandajcuna tumar Israelcunata nutificaran:  
\v 3 «\nd Tayta Dios\nd* conträtu rurashan babulta Leví cüracuna apaycajta ricarga maycho caycashanchïpitapis juclla guepanta aywanqui.\x * \xo 3:3 \xt Núm. 10.33–36\x* 
\v 4 Mayuta chimparcorga manami nänita rejsinquirächu. Chaymi mana ogracänayquipaj guepallanta aywashun. Ichanga apashan babulman ama alläpa witipanquichu. Waranga metrupano guepallanta aywanqui.» 
\p  
\v 5 Josuëna runacunata niran: «Warami ricashun milagruta \nd Tayta Dios\nd* rurajta. Chaymi llapaniqui purificacur limyuyay.»  
\v 6 Warannin junajna cüracunata niran: «Tayta Dios conträtuta rurashan babulta runacunapa ñaupanpa päsachiy.» 
\p Chaura cüracunaga Tayta Dios conträtu rurashan babulta aparan runacunapa ñaupanta.  
\v 7 Chaypitana \nd Tayta Diosga\nd* Josuëta niran: «Cananpitaga llapan Israelcuna musyanga Moisesta yanapashäno gamtapis yanapaycashäta. Chaymi paycunaga fiyupa rispitashunquipaj.  
\v 8 Gammi babulta apaj cüracunata ninqui Jordán mayuman yaycurir cantunman ichicaycärinanpaj.» 
\p  
\v 9 Chaymi Josuëga Israelcunata gayaran: «Shamuy-llapa \nd Tayta Dios\nd* nishanta willanäpaj.  
\v 10 Cananmi gamcuna musyanquipaj munayniyoj cawaj Tayta Dios noganchïcho caycashanta. Gamcuna mayuta päsariptiquega paymi ñaupayquita aywar ushajpaj wañuchenga Cananeo, Het, Hev, Ferez, Amorreo, Jebús runacunata.  
\v 11 Chaynöpis munayniyoj Tayta Dios conträtuta rurashan babulta cüracunami Jordán mayuta päsachenga.  
\v 12 Canan acray chunca ishcay (12) runacunata cada trïbupita jucta.  
\v 13 Cay pachata munaynincho chararaj \nd Tayta Diosninchïpa\nd* conträtu babulninta apaj cüracuna yacuman yaycurcuptenga janapita shamoj mayu chapacäconga chaquillapana päsananchïpaj,» nir. 
\p  
\v 14 Chaypita llapan Israelcuna Jordán mayuta chimpananpaj tolduncunata shuntacarcärir aywacuran. Paycunapa caru ñaupanta cüracunaga Tayta Diospa babulninta aparan.  
\v 15 Cosëcha wichan Jordán mayuga aypalla car jicha-jichami aywaj. Chayno captinpis babulta apaycaj cüracuna mayuman yaycur chaquincunata yacu ushmarcuptin  
\v 16 janapita shamoj yacuga chaquicäcuran. Saretán particho caycaj Adam siudäpa ñaupancho gochacäcuran. Cachi Lamarman uraj yacuna aywaycällar ushacaran. Chaynöpami yacuga raquicaran. Chaura Israelcunaga Jericó siudäpa derëchunman chimparan.  
\v 17 Jordán mayuta yacu chaquishapa llapan Israelcuna päsanancamami \nd Tayta Dios\nd* conträtu rurashan babulta apaj cüracunaga mayu chaquisha chaupincho ichirpaycaran. 
\c 4  
\s1 Jordán mayupita chunca ishcay rumita jorgushan 
\p  
\v 1 Llapanna Jordán mayuta chimpariptin Josuëta \nd Tayta Dios\nd* niran:  
\v 2 «Chunca ishcay (12) runata acray cada trïbupita juc-cama.  
\v 3 Chay runacunata niy, cüracuna ichiraycashan mayu chaupinpita chunca ishcay (12) rumicunata apananpaj. Nircur apanga canan tardi pachacushayqui cajman.» \fig Jordán mayupita rumicunata jorgushan|src="HK00129B.TIF" size="span" loc="Jos. 4.1" ref="Jos. 4.1–3" \fig* 
\p  
\v 4 Chaura acrashan chunca ishcay (12) runacunata gayarcur Josuëga  
\v 5 niran: «\nd Tayta Diosninchïpa\nd* babulnin pullan Jordancho caycashanpita cada ünuyqui jucta-cama rumita matancacarcäramuy. Chauraga apamushayqui rumi canga chunca ishcaymi (12).  
\v 6 Chay rumicunaga cangapaj gamcuna yarpänayquipämi. Wamrayquicuna ‹¿Imapätaj cay rumicunaga?› nir tapushuptiqui  
\v 7 ninquipaj: ‹\nd Tayta Diospa\nd* babulninta Jordán mayuta chimpaycächiptinmi yacu chaquicäcuran. Jordancho imano cashantapis Israelcuna yarpänanpämi chay rumicunaga› nir.» 
\p  
\v 8 Chaura paycunaga Josué nishannölla Jordán mayu chaupinpita rumin matancacarcärir aywaran Israelcuna goturpaycashan cajman. Chaychöna Josuëta \nd Tayta Dios\nd* nishanno pachacushan cajman churaran.  
\v 9 Josuëpis Tayta Dios conträtu rurashan babulta mayu chaupincho cüracuna matancasha ichirächishan cajman chunca ishcay (12) rumicunata churaran. Chay rumicunaga jinallarämi caycan. 
\p  
\v 10 \nd Tayta Dios\nd* conträtuta rurashan babulta apaj cüracunaga Jordán mayu chaupincho ichirpaycaran Israelcuna imano rurananpäpis Josuëta Tayta Dios nishanno rurashancama. Llapantapis ruraran Josuëta Moisés willapashannölla. Cüracuna mayucho ichirashancama runacunaga apurä päsaran.  
\v 11 Llapan päsarcuptenga cüracunapis \nd Tayta Diospa\nd* babulninta päsachiran. Nircorga yapay ñaupa-puntaman churacaran.  
\v 12 Guepanmanna pillyäshinanpaj aywaj Rubén, Gad, pullan Manasés trïbu runacuna churacaran. Paycunaga pillyananpaj camaricushallana Moisés nishanno Israelcunapa ñaupa-puntanta aywaran.  
\v 13 Paycunaga chuscu chunca waranganömi (40,000) babulpa ñaupanta aywaran pillyananpaj camaricusha. Jericó aywaj pampaman chayaran.  
\v 14 Chay junaj Israelcuna Josuëta rispitananpaj \nd Tayta Dios\nd* camacächiran. Chaura Israelcunaga Moisesta rispitashannöna Josuëtapis rispitaran. 
\p  
\v 15 Chaypitana Josuëta \nd Tayta Dios\nd* niran:  
\v 16 «Cüracunata niy Conträtu babulta matancaycajcuna Jordán mayupita llojshinanpäna.» 
\p  
\v 17 Chaura Josuëga cüracunata niran mayupita llojshinanpaj.  
\v 18 Jordán mayupita cüracuna llojshimur chaqui allpamanna lluchcarcuptin jinan öra mayuga cashganman cutiran. Mayuga yapay jicha-jichana aywaran. 
\p  
\v 19 Jordán mayuta Israelcunaga päsaran juc watamanna gallarej quilla chunca junajcho. Paycunaga Jericöpa sercan Gilgalman chayar chaycho tolduncunata ichichiran.  
\v 20 Chaychömi Josuëga Jordán mayupita apamushan chunca ishcay (12) rumicunata gotuchiran.  
\v 21 Israelcunata niran: «Cananpita achca watata wamrayquicuna ‹¿Imapätaj cay rumi?› nir tapushuptiqui  
\v 22 willapanqui Israelcuna Jordán mayuta yacu chaquishapa imano päsashantapis.  
\v 23 Paycunata willapanqui päsanayquipaj Jordán mayuta \nd Tayta Dios\nd* chaquichishanta. Unay Puca lamarta nogacuna päsanäcunapäpis chaynömi chaquichiran.  
\v 24 Chayno ruraran \nd Tayta Dios\nd* fiyupa munayniyoj cashanta intëru munducho musyananpämi. Gamcunapis Tayta Diosllata imaycamapis rispitanqui.» 
\c 5  
\s1 Gilgalcho Israelcuna señalacushan 
\p  
\v 1 Jordán mayuta päsar chayashan particho tiyaj Amorreo runacunapa raynincuna, Mediterráneo lamar ñaupancho tiyaj Cananeo runacunapa raynincuna mayaran Israelcuna päsananpaj \nd Tayta Dios\nd* Jordán mayuta chaquichishanta. Chaymi fiyupa mancharishpan Israelcunata ichipaytapis mana munarannachu. 
\p  
\v 2 Jordán mayuta chimparcuptinmi Josuëta \nd Tayta Dios\nd* niran: «Rumipita cuchillucunata rurarcur Israelcunata chiullacunanpa punta garanta cuchupay unay taytancunano señalasha cananpaj» nir. 
\p  
\v 3 Chaura Josuëga cuchilluta rurarcur Aralot jircacho ollgu caj Israelcunata señalaran.  
\v 4 Egiptupita llojshimoj pillyapaj alli caj runacunaga llapanmi chunyajcho wañushana caran. Chaymi Josuëga señalaran.  
\v 5 Egiptupita llojshimojcuna señalasha captinpis chunyajpa shamushancho yurejcunaga señalänillarämi carcaycaran.  
\v 6 Israel runacunaga chuscu chunca (40) watami chunyajpa puriran. Egiptupita llojshicamuptin pillyapaj alli caycajcunapis maynami wañuran. Chay runacunaga \nd Tayta Diosta\nd* manami wiyacuranchu. Chaymi \nd Tayta Dios\nd* juraran ñaupa caj famillyancunata aunishan nasyunman manana yaycunanpaj. Chay nasyunchöga lëchipis mishquipis yacunöraj aypallami caycan.\x * \xo 5:6 \xt Núm. 14.28–35\x* 
\v 7 Chaynöpami Josuëga señalaran chay runacunapa wamrancunata. Wañoj taytancunapa ruquinna cananpaj Tayta Dios churaran. Paycunaga señalänillarämi caran caminanti cashpan.\x * \xo 5:7 \xt Gén. 17.9–14\x* 
\v 8 Ushajpaj ollgu cajcunata señalaycuptin allchacänancama jinallancho goyäcuran.  
\v 9 Chaypitana Josuëta \nd Tayta Dios\nd* niran: «Canan señalashayquiwanmi ichanga Egiptucho unay castayquicuna uyway cashanpita pengaycho caycajta jorgushcä.» Chaypitami canancamapis chay partipa jutin Gilgal. 
\p  
\v 10 Gilgalga Jericó pampachömi caycan. Israelcuna Gilgalcho goyaycaptinmi Pascua fista\x * \xo 5:10 \xt Éxo. 12.1–13\x* junaj chayaran. Chayga caran wata gallaycunan Nisán quilla chunca chuscu (14) junajninchömi. Chay tardimi Pascua fistata ruraran.  
\v 11 Warannin junajnami lebadüraynaj tantatawan ancasha rïguta micuran. Chaycunaga jinancho wayoj micuynami caran.  
\v 12 Chay junajpitaga mananami maná\x * \xo 5:12 \xt Éxo. 16.35\x* carannachu. Chaymi Israelcunaga micuran Canaán particho caycaj wayojllatana. 
\s1 Josuëta Tayta Diospa suldäruncunapa mandajnin yuripashan 
\p  
\v 13 Jericó siudä sercancho puriycashanchömi Josué ricaran sablin aptasha runa ichiraycajta. Chaymi ñaupanman witiycur tapuran: «¿Gamga caycanqui nogacunapa faburnëchu u conträcunapa faburninchu?» nir. 
\p  
\v 14 Niptin chay runa niran: «Manami mayganiquipapis cächu. Nogaga \nd Tayta Diospa\nd* suldäruncunapa mandajninmi caycä.» 
\p Chaura Josuëga gongurpacur umpuran urcunpis pampaman töpanancama. Nircur chay suldäruta tapuran: «¿Imallachöraj yanapäman tayta?» nir. 
\p  
\v 15 Chaura \nd Tayta Diospa\nd* suldäruncunapa mandajnenga niran: «Llanguiquita jorguy. Caycashayqui partiga fiyupa rispitädumi.» 
\p Chaura Josuëga llanguinta jorguran. 
\c 6  
\s1 Jericó siudäman imano yaycunanpäpis tantiyachishan 
\p  
\v 1 Israelcuna mana yaycunanpämi Jericó siudäpa puncuntaga chaycho tiyajcuna wichgacarcamuran. Chauraga mananami pipis yaycuranchu ni llojshiranpischu.  
\v 2 Josuëta \nd Tayta Dios\nd* niran: «Maquiquimannami churashcä Jericó siudäta, rayninta, suldäruncunatapis.  
\v 3 Chaymi gamcunaga cada junaj juc cuti siudä wajtanpa tumanqui. Chayno ruranqui sojta junajcama.  
\v 4 Tayta Diospa babulninta apajcunapa ñaupantana ganchis cüracuna aywanga uyshapa wagranta tucaraycar. Ganchis junaj cajchömi ichanga ganchis cutina siudäpa wajtanpa tumanqui. Tumashayquicamaga cüracuna wagracunata tucarcaycanga.  
\v 5 Tucaycashanpita guërrapäna tucayta gallaycuptin llapan callpayquipa gaparpanqui. Chaura jinan örami siudäpa pergancuna juchucäconga. Juchuptin jinan öra siudäman yaycucaycärinqui.» 
\p  
\v 6 Chayno niptin cüracunata gayaycur Josué niran: «\nd Tayta Diospa\nd* babulninta apay. Apajcunapa ñaupantana ganchis cüracuna aywanqui uyshapa wagran aptasha.»  
\v 7 Runacunatanami Josué niran: «Llapaniqui siudä wajtanpa tumamunqui. Pillyapaj acrasha cajcunaga \nd Tayta Diospa\nd* babulninpa ñaupanta aywachun.» 
\p  
\v 8 Josué nishannölla llapan aywaran. Ganchis cüracuna aywaran \nd Tayta Diospa\nd* babulninta aparcaycashanpa ñaupanta wagracunata tucaraycar.  
\v 9 Paycunapa ñaupantanami pillyajcunaga aywarcaycaran. Waquin pillyajcunanami aywaran babulta apaycashanpa guepanta.  
\v 10 Pillyajpaj cajcunataga Josué nishana caran: «Upällalla aywanqui. Llapan callpayquiwan gaparpänayquipaj nishä öraraj gaparpanquipäga.» 
\s1 Jericó siudäman yaycushan 
\p  
\v 11 Josuëga chay junaj siudä curalasha caycaj wajtanpa \nd Tayta Diospa\nd* babulninta apajcunawan juc cutilla tumachiran. Nircorga pacharpaycashanman cutiran warannincama.  
\v 12 Warannin tutaga tutalla Josué jatariran. Cüracunapis \nd Tayta Diospa\nd* babulninta yapay tumachiran.  
\v 13 Ganchis cüracunaga aywaran \nd Tayta Diospa\nd* babulninpa ñaupanta mana ichiypa, tucayta mana chawaypa. Pillyapaj cajcunaga aywarcaycaran ñaupanta. Waquin pillyajcunanami \nd Tayta Diospa\nd* babulninpa guepanta aywarcaycaran. Wagracunataga mana chawaypa tucaycaran.  
\v 14 Chay junajpis Jericó siudäta chayno tumarcur pacharpaycashanman cuticuran. Chaynölla waran-waran tumaran sojta junajcama. 
\p  
\v 15 Ganchis junajchönaga tutalla jatariran. Nircur chay siudäta tumaran imaypis tumashanno. Chay junajmi ichanga tumaran ganchis cuti.  
\v 16 Ganchis caj tumaycho cüracuna guërrapäno wagrata tucarcuptin Josuëga runacunata niran: «¡Gaparpay! ¡Cay siudätaga \nd Tayta Dios\nd* maquinchïmannami churasha!  
\v 17 Siudäta, llapan ima-aycapis chaycho caycajcunataga ushajpaj illgächishun. \nd Tayta Diosmi\nd* chayno nisha.\x * \xo 6:17 \xt Deut. 13.15–16; 20.16–18\x* Cuerpunwan gänapacoj Rahabta, wasincho pacacusha caycajllata ama wañuchishunchoga. Chay warmiga ricapacoj cachamushanchïtami pacaran.  
\v 18 Chay siudächo cajtaga imatapis ama apacunquichu. Chaycho cajcunataga ushajpaj illgächinanchïpämi Tayta Dios nimasha. Pay nishanta maygayquipis mana cumliptiquega maldisyunmi Israelcunaman chayamäshun.  
\v 19 Gori, guellay, runsipita, fyërrupita imapis cajcunami ichanga canga \nd Tayta Diospaj\nd*. Chaycunataga churashun \nd Tayta Diospaj\nd* churaraycashan cajman.» 
\p  
\v 20 Wagracunata mas jucnötana tucayta gallaycuptin Israelcunapis mana chawaypa gaparparan. Chaura siudäta curalaraycaj perga juchucäcuran.\x * \xo 6:20 \xt Heb. 11.30\x* Jinan öra Israelcunapis yaycucaycärir siudäta charicarcäriran.  
\v 21 Sabliwan wañuchiran, ollguta, warmita, mösuta, auquincunata, wäcancunata uyshancunata, bürruncunata. Chaynöpami chaycho cajtaga llapanta illgächiran. 
\p  
\v 22 Ricapacoj cachashan ishcaj runacunatana Josué niran: «Cuerpunwan gänapacoj warmipa wasinman cörriy. Aunishayquino jorgamuy llapan famillyantawan.»  
\v 23 Chaura paycuna yaycuriycärir Rahabta, papäninta, mamanta, turincunata, llapan famillyancunatawan jorguran. Nircur pusharan Israelcuna tiyaycashanpita juc-läman mana pipis tarinanman.  
\v 24 Chaypita cajtaga ushajpämi rupachiran siudächo cajta. Jorguran gorita, guellayta, runsita, fyërrullata. Nircur churaran \nd Tayta Diospaj\nd* churaraycashan cajman.  
\v 25 Rahabtami ichanga llapan famillyancunatawan mana wañuchiranchu. Payga Jericöman ricapacoj cachashantami pacaran.\x * \xo 6:25 \xt Heb. 11.31\x* Chaypita-pachami Rahabpa famillyancunaga Israelcunacho tiyan. 
\p  
\v 26 Chaypita Josuëga \nd Tayta Diospa\nd* jutincho jurar niran: 
\q1 «Pipis cay Jericó siudäta yapay jatarachëga 
\q1 maldisyunädumi canga. 
\q1 Simintuta chutar pergaj cajpaga 
\q1 guechpa wamranmi wañonga. 
\q1 Cay siudäpa puncunta jawej cajpaga 
\q1 ñuñush wamranmi wañonga.»\x * \xo 6:26 \xt 1Rey. 16.34\x* 
\p  
\v 27 \nd Tayta Diosga\nd* Josuëta imachöpis yanaparan. Chaymi Josuëpäga may-chaychöpis parlaj. 
\c 7  
\s1 Acanpa juchan 
\p  
\v 1 Judá trïbupita miraj Acán jutiyoj runami caran Carmipa wamran, Zabdipa willcan, Zarapa willcanpa mas willcan. Ushajpaj illgächinanpaj Tayta Dios nishantami Acanga waquinta quëdachicuran. Chaypitami Israelcunapis Tayta Diospa ñaupanchöga juchayojna ricacuran. Chaymi \nd Tayta Diosga\nd* llapan Israelcunapa contran fiyupa rabyacurcuran. 
\s1 Jucnayllapa juchanpita Israelcunata castigashan 
\p  
\v 2 Josuëga Jericöcho caycashanpita runacunata cacharan Hai jutiyoj siudäman ricapacoj aywananpaj. Chay siudäga caycan Bet-avenpa läduncho, y Bet-elman inti yagamunan caj-lächo. Aywaycärir Haitaga intëruta ricapacamuran.  
\v 3 Cutiycäramurna Josuëta willaran: «Hai siudäman yaycunapäga manami llapanchïpärächu. Chaymanga aywashun ishcay quimsa warangalla siudäta guechunanchïpaj. Chaycho täpajcunaga wallcajllami.» 
\p  
\v 4 Chayno nirmi Hai siudäman yaycunanpaj aywaran quimsa waranga (3,000) runacuna. Haicho tiyajcunaga pillyar binsishpan gaticachämuran.  
\v 5 Israelcunataga siudä puncunpita-pacha uraypa gatiran rumita jorgunan cajcama. Chayno gaticacharmi wañuchiran quimsa chunca sojtan (36) Israelcunata. Chaura runacunaga mancharir llaquicushpan manana munarannachu pillyaj aywayta. 
\p  
\v 6 Chaura Josuëpis, rispitädu mayurcunapis llaquicuypita röpancunata rachiran. Umancunamanpis ñuchu allpata wiñacuran. \nd Tayta Diospa\nd* babulnin caycashanpa ñaupanman gongurpacur urcuncunapis pampaman töpasha umpuraran pacha chacänancama.  
\v 7 Gongurparaycashan öra Josuëga niran: «¡\nd Tayta Dios\nd*! Cayno cananpäga ¿imapäraj cay runacunata Jordán mayuta päsachimurayqui? ¿Amorreo runacuna ushamänanpächu cayman pushamashcanqui? ¡Nogacunapäga allimi canman caran Jordán mayuta mana chimpamuyllapa tiyacuptë!  
\v 8 ¡Tayta Dios! Israelcuna contrancunapa ñaupanpita gueshpishanpitaga ¿imataraj rurashaj?  
\v 9 Cay particho tiyaycaj Cananeo runacuna musyaycärerga shuntacarcurmi shamonga usharamänanpaj. Chaura jutëcunapis gongacanganachari. Chayno captenga ¿imanöparaj runacuna musyanga llapanpaj munayniyoj cashayquita?» 
\p  
\v 10 Chaura \nd Tayta Dios\nd* niran: «¿Imanirtaj gongurparaycanqui? Jatariy.  
\v 11 Israelcunami juchata rurasha. Willapashäta mana wiyacurmi conträtu rurashäta mana cumlishachu. Llapanta illgächinanpaj cajtami charicarcärisha.\x * \xo 7:11 \xt Deut. 13.16; Jos. 6.17–19\x* Mana alli caycashanta musyaycarmi suwacusha. Nircärirmi cösancuna caycashanman pacaycärisha.  
\v 12 Chayno rurashanpitami Israelcunataga contrancuna gaticachanga. Quiquincunami munan ushajpaj wañuytapis. ‹Illgächiy› nishäta pacaraycächishanta juclla mana illgächiptiquega mananami yanapäshayquinachu.  
\v 13 Cananga willapay llapan runacunata. Wara nogapa ñaupäman shamunanpaj purificacur limyuyächun. Israel runacunapa \nd Tayta Diosninmi\nd* cayno në: ‹Ushajpaj illgächinayquipaj nishätami gamcunaga charicarcärishcanqui. Pacaraycächishayquita manaraj illgächir, manaraj jitarerga contrayquicunata manami binsinquipächu.›  
\v 14 Wara tuta nogaman shamunquicuna cada trïbu shuyni-cama. Maygan trïbutapis nishä cäga shamonga castanpa castanpa shuyni-cama raquicarcur. Chay castapitanami maygantapis noga nishä caj famillyaga ushajpaj shamonga. Chay famillya cajmi ollgu cajcunata nogapa ñaupäman pushamonga.  
\v 15 Mayganpis ‹illgächinqui› nishäta pacaraycächejtaga parlashäta mana wiyacushanpita, disigrasyaman Israelcunata churashanpita wamrancunatawan llapan ima-aycantapis rupachinqui.» 
\s1 Acanta wañuchishan 
\p  
\v 16 Chayno niptinmi warannin tutaga Josué chacalla jatariran. Nircorga cada trïbuta shuyni-cama gayachiran. Chaura Tayta Dios niran Judá trïbu juchayoj cashanta.  
\v 17 Chaura Josuëga niran castanpa castanpa shuyni-cama shamunanpaj. Chaychönami acraran Zera castata. Chay castapitanami acraran Zabdi famillyata.  
\v 18 Zabdi famillya juc juclla ollgu cajcuna aywaptin Acán juchayoj cashan taripacaran. Payga caran Carmipa wamran, Zabdipa willcan, Zerahpa willcanpa mas willcan. Paynami caran Judá trïbupita. 
\p  
\v 19 Chaura Acanta Josué niran: «Ïju, \nd Tayta Diosta\nd* rispitashpayqui mana pacaypa willacuy ima rurashayquitapis.» 
\p  
\v 20 Acannami declaracur niran: «Rasunpami Israelpa \nd Tayta Diosninpa\nd* contran juchata rurashcä.  
\v 21 Jericó siudächo tiyajcunapa imancunatapis illgächinapaj yaycur tarirä Babiloniacho awashan cuyayllapaj jacuta, ishcay pachac guellayta, gori bärata. Bäraga lasaran pullan quïlupita masmi. Chaycunataga cuyashpämi apacurä. Nircorga toldö rurimanmi pampaycushcä. Guellaytaga mas rurinmanmi pampaycushcä.» 
\p  
\v 22 Chaura Josuëga runacunata cacharan Acanpa toldunman. Chaymi paycuna tarimuran pacashantaga llapanta, guellaypis mas rurincho caycajta.  
\v 23 Aparan llapan Israelcunawan Josué caycashanman. Chaura paycunana \nd Tayta Diospa\nd* ñaupanman churaran.  
\v 24 Nircur Acantana Acor ragraman aparan. Aparan pacashan guellayta, gorita, jacuta, ollgu y warmi wamrancunata, wäcancunata, bürruncunata, uyshancunata. Acanpa cajtaga llapantami ima-aycantapis tolduntinta pichaypa aparan. 
\p  
\v 25 Chaychöna Josuëga Acanta niran: «¿Imanirtaj nogacunata disigrasyaman jitarpamashcanqui? Cananga quiquiquitami \nd Tayta Dios\nd* disigrasyaman jitarpushunqui.» 
\p Chayno niyta usharcuptin llapan Israelcuna sajmaycällar Acanta llapan famillyantawan wañuchiran. Nircur rupaycärachiran.  
\v 26 Chay rupachishanpa jananmanmi aypalla rumicunata goturan. Chay rumicunaga jinallarämi canancamapis goturaycan. Chaypitami chay guechwa pampapa jutintapis canancama «Acor pampa»\f + \fr 7:26 \fk Acor Pampa \ft ninanga \fk Disigrasya Pampa \ft ninanmi.\f* nin. Acanta wañuycachiptinna \nd Tayta Diosga\nd* rabyashanpita allchacaran. 
\c 8  
\s1 Israelcuna Hai siudäman yaycushan 
\p  
\v 1 Josuëta \nd Tayta Dios\nd* niran: «Ama manchacuychu. Ni guellanaypischu. Pillyapaj caj runacunata shuntarcur juclla ayway Hai siudäman. Hai siudächo tiyaycajcunataga raynintinta nogami binsichishayqui. Paycunapa chacrancunawan siudäninpis gamcunapanami canga.  
\v 2 Haicho tiyaycajcunataga raynintawan, Jericöcho tiyaycajcunata raynintawan wañuchishayquinömi wañuchinquipaj. Uywancunata ima-aycantapis shuntashayquitaga quiquiquicunapäna apacunqui. Illajpita siudäman yaycunayquipaj sumaj camaricuy. Siudämanga guepanpa yaycunqui.» 
\p  
\v 3 Chaura Josuëga pillyapaj caj quimsa chunca waranga (30,000) runacunata acraran Hai siudäman yaycunanpaj. Nircur paycunataga Haiman chacaypa cacharan.  
\v 4 Willapar niran: «Sumaj wiyamay. Gamcunaga siudäpa guepan caj-läman aywaycärir pacacaycärinqui. Juclla yaycunayquipaj camaricusha carcaycanqui.  
\v 5 Waquin runacunawanga nogami ñaupanpa yaycushaj. Magamänanpaj siudäpita llojshipäcamuptenga primëru gaticachämashanchïnömi gueshpej-tucushaj.  
\v 6 Nogacuna gueshpir aywacuptë paycunaga gatimar yarpanga yapay manchaycächimashanchïtami.  
\v 7 Chaura gamcuna pacarpaycashayquipita siudäman yaycucaycärinqui. \nd Tayta Diosninchïmi\nd* chay siudäta gamcunata entregashunquipaj.  
\v 8 Yaycur siudäta cañapaycärinqui \nd Tayta Dios\nd* nishanno. Niycashätaga rasunpa ruranqui.» 
\p  
\v 9 Chayno nirerga Josué paycunata cacharan. Chaura paycunaga aywaycärir pacacuran Haipita Bet-elman aywaj chaupiman Hai siudäpita inti yaganan caj-läman. Josuënami chay chacayga pachacaraycashallancho wararan.  
\v 10 Warannenga Josué tutalla jatarcur suldäruncunata yuparan. Quiquin Josuëga Israel mayurcunawan ñaupa-puntanta aywaran Hai siudäman pillyaj yaycunanpaj.  
\v 11 Llapan runacunawan aywashpanmi siudä chimpanman pachacuran. Hai siudäpawan Israelcunapa chaupincho caycaran ragra.  
\v 12 Chaypita Josuëga pichga waranga (5,000) runacunata cacharan Bet-elwan Hai tincoj siudäpa jana wajtanman chaycho pacaraycaj waquin runacunawan pacacunanpaj.  
\v 13 Chaura suldärucunaga ishcan läduman churanacusha carcaycaran. Pullan caj caycaran siudäpa norte caj wajtancho, pullan cajna siudäpa chimpancho. Chay chacay Josuëga ragracama ñaupacuran. 
\p  
\v 14 Chimpancho caycashanta ricar Hai siudäpa raynenga llapan suldäruncunawan juclla aywaran Israelcunawan Jordán aywaj pampacho pillyananpaj. Ichanga waquin Israelcuna siudäpa jana wajtancho pacaraycashanta mana musyaranchu.  
\v 15 Josuëga suldäruncunawan Hai runacunapita gueshpej-tucur chunyajman näni aywajpa aywacuran.  
\v 16 Chaymi Hai suldärucunataga raynin niran gaticachänanpaj. Gatishpan siudäninpita carucamana aywaran.  
\v 17 Bet-elcho, Haicho tiyajcunaga manami jucpis siudänincho quëdaranchu. Llapanmi Israelcunata gatiran. Chaura siudänintaga mananami pipis täparannachu.  
\v 18 Chaura Josuëta \nd Tayta Dios\nd* niran: «Cananga Hai siudämanna lansayquita togriy pillyaj yaycunanpaj. Nogami maquiquiman churashaj.» 
\p Niptin Josuëga lansanta togriran yaycunanpaj.  
\v 19 Chaura pacaraycajcunaga jinan öra siudäman yaycur cañapaycäriran. 
\p  
\v 20 Hai runacuna guepanpa ticraycuptenga siudäninpita yana gontayraj jatariycasha. Gueshpiycaj Israel runacunapis ñaupancho captinmi maypa gueshpiytapis mana camäpacurannachu.  
\v 21 Josuëwan llapan Israelcuna goshtayta ricashpan musyaran pacarajcuna siudäman yaycushantana. Chaymi jinan öra paycunapis cutiran Hai runacunata wañuchinanpaj.  
\v 22 Siudäman yaycoj Israelcunapis guepanpana gatiran. Chaura Hai runacunaga chaupichöna ricacuran. Israelcunaga ishcan lädupita curalacurcuran. Chaynöpami Hai runacunataga ushajpaj wañuycärachiran.  
\v 23 Cawaycajtaga chariran Hai siudäpa raynillantana. Nircur Josuëman apaparan. 
\p  
\v 24 Gatej Hai runacunata ushajpaj wañuycachir siudäman cutiran quëdajcunata wañuchinanpäna.  
\v 25 Chay junaj Hai runacuna warmi ollgu wañuran chunca ishcay warangami (12,000).  
\v 26 Josuëga lansanta jogar togriraycaran Haicho tiyajcunata ushajpaj wañuchinancamami.  
\v 27 Animalcunatawan marcacho tarishan cuyayllapaj cajcunatami ichanga imatapis mana illgächiranchu. Man'chäga Josuëta \nd Tayta Dios\nd* nishannölla quiquincunapaj apacuran.  
\v 28 Chaynömi Josuëga Hai siudäta rupachiran. Canan caycashanno ragällanta cachaycuran.  
\v 29 Haipa raynintana Josué wañurcachir gueruman warcuran. Inti yagarcuptinnami ichanga jorgachiran. Nircur siudäman yaycuna puncuman jitaycachiran. Jananmanna achca rumita gotuchiran. Chay rumicunaga jinallami goturaycan. 
\s1 Ebal jircacho layta Josué liguishan 
\p  
\v 30 Chaura Ebal jircacho \nd Tayta Diospaj\nd* juc altarta Josué pergaran.  
\v 31 \nd Tayta Diospa\nd* sirbejnin Moisés ñaupatanami Israelcunata niran imano rurananpäpis. Layninchöpis isquirbiraycaran «Altartaga llaglläni rumipita ruranqui»\x * \xo 8:31 \xt Éxo. 20.25\x* nir. Chay altarchöna Israelcunaga rupachina sacrifisyuncunata rupachiran. Alli goyaypita sacrifisyu uywancunatapis pishtaran.  
\v 32 Nircur llapan runacuna ricaycaptin Josuëga altarta pergashan rumicunapa jananman isquirbiran Moisés yachachishan layninta.\x * \xo 8:32 \xt Deut. 27.2–8\x* 
\v 33 Chaypitami Israel runacuna, paycunawan caycaj jäpa runacuna, rispitädu mayur runacuna, juezcunapis ishcay partiman shuntacaran Tayta Diospa bindisyunninta chasquinanpaj. Moisés nishannömi pullan runacuna shuntacaran Ebal jirca chaquinman, pullannami shuntacaran Gerizim jirca chaquinman. Chay jircacuna chaupincho caycaj pampaman \nd Tayta Dios\nd* conträtu rurashan babulta apaycur Leví trïbu cüracuna ichiraran. 
\p  
\v 34 Chaypita Josuëga Tayta Diospa laynin imano niycashantapis liguiparan, bindisyunta chasquinanpaj cajta, maldisyun chayananpaj cajtapis.  
\v 35 Moisés isquirbishan laycunata Israelcuna wiyananpämi Josuëga juctapis mana cachaypa liguiparan. Chay junajmi chaycho caycaran ollgucuna, warmicuna, wamracuna paycunawan caycaj lagacoj juc-lä nasyun runacunapis.\x * \xo 8:35 \xt Deut. 11.29; 27.11–14\x* 
\c 9  
\s1 Gabaón runacuna Josuëta engañashan 
\p  
\v 1 Amorreo, Cananeo, Ferez, Hev, Jebús runacunapa raynincunami mayaran waquin siudäcunata Israel runacuna ushacächishanta. Chay raycunaga tiyaran jircacuna cashan partipa, lömacuna cashan partipa, Mediterráneo lamar cuchunpa asta Libanucama. Chay particunaga caran Jordán mayu chimpan inti yaganan caj-läpami.  
\v 2 Mayaycur chay raycunaga parlacuran Josuëta Israelcunata illgächinanpaj.  
\v 3 Gabaoncho tiyaj Hev runacunaga Jericó siudätawan Hai siudäta Josué illgächishanta mayar  
\v 4 engañananpaj parlacuran. Paycunaga aywaran sajpi custalnincunata, rimindasha bïnu wiñacunancunata bürrunman cargacarcärir.  
\v 5 Quiquincunapis jaticuran sajpi rimindasha röpacunata, rimindasha llanguincunata. Nänipa aywar micunanpäpis aparan mupallisha chucru tantallata.  
\v 6 Israelcuna pachacaraycashan Gilgalman chayar Josuëtawan Israelcunata niran: «Nogacunaga fiyupa carupitami shamushcä. Gamcunawan alli cananchïpaj conträtuta rurashun ari.» 
\p  
\v 7 Niptin Israelcunaga chayaj Hev runacunata niran: «Gamcunaga capaschari sercallachöpis tiyanqui. Chaura ¿imanöpataj alli goyänanchïpäpis conträtuta rurashun?»\x * \xo 9:7 \xt Éxo. 23.32; 34.12; Deut. 7.2; 20.15–16\x* 
\p  
\v 8 Niptinpis Josuëta niran: «Nogacunaga mandamashayquitami rurashaj.» 
\p Chaura Josué tapuran: «¿Maytaj canqui? ¿Pï castataj caycanqui?» nir. 
\p  
\v 9 Paycunana niran: «\nd Tayta Diosniqui\nd* fiyupa munayniyoj cashanta mayaycärirmi nogacunaga fiyupa carupita shamushcä. Mayashcämi Egiptucho imano imata rurashantapis.  
\v 10 Mayashcämi Jordán mayu washa chimpancho tiyaj Amorreo runacunapa ishcay raynincunata Tayta Diosniqui imano ushacächishantapis. (Paycunaga caran Hesbonpa raynin Sehonwan Basanpa raynin Ogmi. Og-ga Astarotchömi\x * \xo 9:10 \xt Núm. 21.21–35\x* tiyaran.)  
\v 11 Chaynöpami mandajnëcunawan marca-masëcuna nimasha: ‹Mircapayquita ruracarcärir ayway paycuna cajman. Chayaycärir ruwacunqui munaynincho cananchïpaj. Munaynincho car alli goyänapaj paycunawan parlar conträtuta rurashun› nir.  
\v 12 Yargamunäpämi cay tantataga rurarä. Acaycajllatarämi wiñacamurä. Cananga ricashayquinöpis mupallishanami, chucrushanami caycan.  
\v 13 Cay garacunamanpis mushojmanmi bïnuta wiñacamurä. Cananga rachishana caycan. Röpäcunapis llanguëcunapis mushojmi caran. Cananga rachishana caycan. Nogacunaga fiyupa carupitami shamushcä.» 
\p  
\v 14 Gabaón runacuna micunanpaj apamushanta ricar Israelcunaga riguiran. Ichanga \nd Tayta Diosta\nd* mana tapucuranchu.  
\v 15 Chaynöpami Josuëga paycunawan conträtuta ruraran mana wañuchinacunanpaj, alli goyänanpaj. Waquin mandaj Israel runacunapis Josué nishannölla Tayta Diospa jutincho jurar auniran. 
\p  
\v 16 Chaypita quimsa junajtaga Israelcuna mayaran Gabaón runacuna sercallancho tiyashanta.  
\v 17 Chaura ashej aywashpan quimsa junaj aywaycho tariran Gabaón runacunapa siudänincunata. Paycunapa siudänincuna caran Gabaón, Cafira, Beerot, Quiriat-jearim.  
\v 18 Chaycho tariycärirpis Israelcunaga manami wañuchiranchu. Quiquin Israelcuna rispitashan \nd Tayta Diospa\nd* jutinchömi llapan mandajcuna jurasha caran Gabaón runacunataga mana wañuchinanpaj. 
\p Gabaón runacunawan conträtuta rurashanpitami Israelcunaga mandajnincunapaj fiyupa rabyaran.  
\v 19 Chaura mandajcunana niran: «Nogacunaga jurashcä \nd Tayta Diosninchïpa\nd* jutinchömi mana wañuchinapaj. Chaynöpami cananga mana imata ruraytapis puydinchïchu.  
\v 20 Jina cachaycärishun. Ama wañuchishunchu. Jurashäcunata mana cumliptëga Tayta Diospis rabyacurcunmanmi.» 
\p  
\v 21 Chaynöpami mandajcuna waquin Israelcunata willaparan mana wañuchinanpaj. Gabaón runacunataga churaran Israelcunapa yantacojnin, yacu ashtajnin cananpaj. Chaynöpami mandajcunaga conträtuta rurashanta cumliran. 
\p  
\v 22 Josuënami Gabaón runacunata gayaycur niran: «Sercallacho tiyarcaycashpayquega ¿imanirtaj ‹carupitami shamushcä› nir llullapämashcanqui?  
\v 23 Chaypitami gamcunataga maldisyun chayashunquipaj. Imaycamapis uywayllami canquipaj. Nogacunapa Diosnëpa wasinmanmi yantata churamunqui mana pishiypa. Yacutapis apamunqui imay örapis ushacashan örami.» 
\p  
\v 24 Chayno niptin Josuëta paycuna niran: «Nogacunaga llullapashcä wañuchimänayquita fiyupa manchacushpämi. Nogacuna mayarä fiyupa munayniyoj \nd Tayta Diosniqui\nd* sirbejnin Moisesta mayna nishanta, gamcunata cay partitaga intëruta goycushunayquipaj cashanta, caycho tiyajcunataga ushajpaj wañuchinayquipaj cashantapis.  
\v 25 Cananga nogacuna gamcunapa maquiquichömi caycä. Nimashayquitami imatapis rurashaj tayta.» 
\p  
\v 26 Chaynöpami Josuëga mana munaranchu Gabaón runacunata Israelcuna wañuchinanta.  
\v 27 Ichanga Gabaón runacunata churaran llapan Israelcunapaj, \nd Tayta Diospa\nd* altarninpaj yantacamunanpaj, yacucamunanpaj. Chaura maychöpis Tayta Dios acrashanmanga paycunallanami apamoj. Canancamapis Gabaón runacunaga chaynöllarämi cawan. 
\c 10  
\s1 Amorreo runacunata ushacächishan 
\p  
\v 1 Jerusalén siudäpa raynin Adonisedec mayaran Jericó siudäta, rayninta ushacächishannölla Hai siudäta, raynintapis Josué ushacächishanta. Gabaón runacunawan alli cawananpaj Israel runacuna conträtuta rurashantapis mayaran.  
\v 2 Gabaón siudäga ray tiyashan siudänömi jatun caran. Hai siudäpitapis mas jatunmi caran. Chaycho tiyaj runacunapis pillyayta yachaj runacunami caran. Israel runacuna magaptin Gabaón runacuna yanapänanpaj cashanta yarparmi Adonisedecwan Jerusalencho tiyaj runacunapis pasaypa manchariran.  
\v 3 Chaymi ray Adonisedecga willachiran sercanpa tiyaj raycunata: Hebronpa raynin Hohamta, Jarmutpa raynin Pireamta, Laquispa raynin Jafiata, Eglonpa raynin Debirta. Paycunaman willachir niran:  
\v 4 «Gabaón runacunami Israel runacunawan, mandajnin Josuëwan alli cawananpaj conträtuta rurasha. Chayno caycaptenga Gabaón runacunata magäshimänayquipaj shamuy ari.» 
\p  
\v 5 Chaura Amorreo runacunapa pichgan raynincuna shuntacaran. Shuntacaran Jerusalenpa, Hebronpa, Jarmutpa, Laquispa, Eglonpa raynincuna. Cada-ünun suldäruncunawan-cama aywaran Gabaonpa ñaupanman pachacaycärir paycunata wañuchinanpaj. 
\p  
\v 6 Chaura Gabaón runacunapis Josué Gilgalcho tiyaycashanman willachir niran: «Amorreo runacunapa raynincunami shuntacasha nogacunata wañuchimänanpaj. Uywayniqui caycaptëga yanapaycallämay tayta. Juclla shaycamuy washämänayquipaj.»  
\v 7 Chayno niptinmi Josuëga llapan suldäruncunawan Gilgalpita aywaran.  
\v 8 \nd Tayta Diosnami\nd* Josuëta niran: «Gamcuna ama manchacuychu. Nogami paycunataga munayniquiman churamushcä llapanta wañuchinayquipaj. Manami mayganpis ichipäshunquipächu.» 
\p  
\v 9 Gilgalpita Josuëga suldäruncunawan aywaran chacaypa. Nircur Amorreo runacunaman illajpita yaycuran.  
\v 10 Tayta Diosnami camacächiran Israelcunata fiyupa manchacunanpaj. Chaynöpami Israelcunaga aypallata Gabaoncho wañuchiran. Gueshpejcunatanami gatiran Bet-horonman näni aywajpa. Gatishpan Amorreo runacunataga wañuchiran Azeca wichancho, Maceda wichancho.  
\v 11 Amorreo runacuna Israelcunapita ayguishpan Bet-horonta urarcaycaptinmi \nd Tayta Diosga\nd* jatusaj rumicunatano runtu tamyata tamyachimuran. Chay runtu tamyawanmi Israelcuna sabliwan wañuchishanpita mas aypalla wañuran. 
\p  
\v 12 Amorreo runacunata Israel runacuna wañuchinanpaj \nd Tayta Dios\nd* camacächishan junajmi Josuëga \nd Tayta Diosta\nd* mañacur llapan Israelcunapa ñaupancho niran: 
\q1 «Tayta Dios, Gabaón janancho inti päracuycuchun. 
\q1 Quillapis Ajalón pampa janancho päracuycuchun.» 
\q1  
\v 13 Chaura intiwan quillaga rasunpa päracuycuran 
\q1 Israelcuna contrancunata ushajpaj wañuchinancama. 
\p Jaser\x * \xo 10:13 \xt 2Sam. 1.18\x* libruchöpis chayno päsashan isquirbiraycanmi: Pullan syëluchömi intipis päracuycuran juc junaj intëru.  
\v 14 Chay junaj intita tacyachishannöga manami pï runa mañacuptinpis \nd Tayta Dios\nd* tacyachiranchu. Chay junajmi \nd Tayta Diosga\nd* Israel runacunata yanaparan contrancunata ushacächinanpaj. 
\p  
\v 15 Chaypitaga llapan Israel runacunawan Josué cuticuran pachacaraycashan Gilgalman. 
\s1 Pichgan raycunata Josué wañuchishan 
\p  
\v 16 Amorreo runacunapa pichgan raynincunaga gueshpir pacacaycäriran Macedacho caycaj machay uchcuman.  
\v 17 Chaymi chay machay uchcucho pacarpaycashanta Josuëta willaran.  
\v 18 Chaura Josuëga niran: «Jatusaj rumicunata cuchpapaycäriy machay puncuman. Chaywan chaparcäriy uchcu puncuta. Nircur täpajcunata churay.  
\v 19 Gamcunaga ama jinallanchöga cacuychu. Contranchïpa guepanta ayway wañuchinayquipaj. \nd Tayta Diosninchïmi\nd* maquiquiman cachaycusha ushajpaj wañuchinayquipaj. Chauraga siudänincunaman cutinanta ama dëjashunnachu» nir. 
\p  
\v 20 Chaymi Amorreo runacunata Josuëwan Israel runacuna binsir aypallata wañuchiran. Juc ishcayllanami gueshpir aywacur yaycucaycäriran curalasha siudänincunaman.  
\v 21 Israelcunaga manami wañuranchu ni jucnayllapis. Llapanpis cutimuran sänulla Macedacho Josué caycashanman. Chaypitaga Israelcunapa contran manami pipis rimaranchu. 
\p  
\v 22 Chaura Josuëga runacunata niran: «Machay puncuta quichariycärir pichgan raycunata jorgamuy.»  
\v 23 Chaura Israelcunaga machay uchcupita jorgamuran Jerusalenpa, Hebronpa, Jarmutpa, Laquispa, Eglonpa raynincunata.  
\v 24 Josuëman chayaycachiptin, payga llapan Israel runacunata gayachiran. Nircur paywan caycaj mandaj suldärucunata niran: «Cayman shaycamur raycunapa cuncanpita lluchcay.» Chaura paycunaga nishanno ruraran.  
\v 25 Josué niran: «Gamcunaga ama manchariychu. Sumaj balurchay. Pitapis ama manchacuychu. Llapan contrayquitapis \nd Tayta Diosga\nd* canan rurashannömi ruranga.» 
\p  
\v 26 Chaypita Josuëga Amorreo runacunapa raynincunata wañuchiran. Nircur jucta-cama guerucunaman warcuchiran. Chay guerucunachömi tardicama warcurparan.  
\v 27 Inti yagacuycaptinraj Josuëga guerucunacho warcuraycajta jorgachiran. Nircur pacacushan machayllaman jitaycärir jatuncaray rumicunawan puncuta pergarcäriran. Chayga canancamapis jinallarämi caycan. 
\s1 Waquin siudäcunata charishan 
\p  
\v 28 Maceda siudätapis chay junajlla Josuëga suldäruncunawan chariran. Nircur chaycho tiyajcunata sablinwan cuchuypa ushajpaj wañuchiran. Macedapa raynintapis wañuchiran Jericöpa rayninta wañuchishanno. 
\p  
\v 29 Chaypita Josuëga llapan Israelcunawan Libna siudäman chayar magaj yaycuran.  
\v 30 Chay siudätapis raynintinta \nd Tayta Diosga\nd* Israelcunapa munayninman cachaycuran. Chaycho caj runacunataga ushajpämi wañuchiran. Libnapa raynintapis wañuchiran Jericöpa rayninta wañuchishanno. 
\p  
\v 31 Libnapitana Josuëga llapan Israelcunawan aywaran Laquis siudäman. Chay siudäpa lädunman pachacurcur magaj yaycuran.  
\v 32 Warannin junajna \nd Tayta Diosga\nd* Laquis siudäta Israelcunapa maquinman cachaycuran Libnachöno rurananpaj. Chaura Israelcunanami chaycho cajtaga wañuchiran llapan runacunata, uywacunatapis.  
\v 33 Chaymi Gezer siudäpa raynin Horam llapan suldäruncunawan aywaran Laquischo tiyajcunata yanapänanpaj. Jina cajtami Josuëga suldäruncunawan binsir llapanta wañuchiran. 
\p  
\v 34 Laquis siudäpitana Josuëga llapan Israelcunawan aywaran Eglón siudäman. Lädunman pachacaycärir magaj yaycuran.  
\v 35 Nircur Laquischo runacunatawan uywacunata wañuchir ushashannöllami chaychöpis chay junajlla llapanta wañuchir usharan. 
\p  
\v 36 Eglonpitaga Israelcuna aywaran Hebrón\x * \xo 10:36 \xt Jos. 15.13; Jue. 1.10\x* siudämanna. Chaychöpis magaj yaycuran.  
\v 37 Chay siudäta chariycärir chaycho tiyajcunataga llapantami raynintinta wañuchiran. Uywacunatapis ushajpaj wañuchiran siudäpa ñaupan marcacunacho tiyaycajcunatawan. Egloncho rurashannömi ruraran. 
\p  
\v 38 Chaypitaga Josuëwan llapan Israelcuna aywaran Debir\x * \xo 10:38 \xt Jos. 15.15; Jue. 1.11\x* siudämanna. Chayaycärir magaj yaycuran.  
\v 39 Hebroncho, Libnacho wañuchir ushashannöllami Debir siudäpa rayninta, chaycho tiyaj runacunata, ñaupan marcacunacho tiyaj runacunatapis sabliwan wañuchiypa usharan. 
\p  
\v 40 \nd Tayta Dios\nd* nishannöllami Israel runacunawan Josuëga wañuchir usharan jircacho tiyaj runacunatawan raynincunata, Neguevcho tiyaj runacunatawan raynincunata, lömacunacho tiyaj runacunatawan raynincunata, Jordán pampaman aywaj uränacho tiyaj runacunatawan raynincunatapis.\x * \xo 10:40 \xt Jue. 1.9\x* Chaymi chay wañojcuna tiyashanga llapanpis Israel runacunapäna caran.  
\v 41 Chay runacunatami wañuchir usharan Cades-barneapita-pacha Gazacama, Gosenpita-pacha Gabaoncama.  
\v 42 Chayno ushacächinanpaj Israel runacuna yäracushan \nd Tayta Dios\nd* yanapaptinmi pachacarashanman mana cutiyllapa llapan chay runacunata ushacächiran. 
\p  
\v 43 Chaypitana Josuëga llapan Israelcunawan cuticuran Gilgalcho pachacarashan tolduncunaman. 
\c 11  
\s1 Jabinta yanapajnincunatawan binsishan 
\p  
\v 1 Israelcuna imano rurashantapis mayaycur Hasorpa raynin Jabinga cachancunata cachacuran Madonpa raynin Jobabman, Simronpa rayninman, Acsafpa rayninman,  
\v 2 Jordán guechwapita norte caj-lächo tiyaj raycunaman, Cirenet gocha chaquin sur caj-lächo tiyaj raycunaman, Dor siudäpita inti yaganan cajcho tiyaj raycunamanpis.  
\v 3 Cachacuran Cananeo runacunapa raynincunaman, inti yagamunan caj-lächo tiyaptinpis, inti yaganan caj-lächo tiyaptinpis. Cachacuran Amorreo, Het, Ferez, jircacho tiyaj Jebús runacunaman, Mizpacho caycaj Hermón punta chaquincho tiyaj Hev runacunamanpis.  
\v 4 Chaura llapan raycunami aywaran cada-ünun suldäruncunawan, cawalluncunawan, guërrapaj caj carrëtancunawan. Chaymi llapan suldärucunaga yupaytapis mana atipaypaj fiyupa aypallana caran.  
\v 5 Chay suldärucunaga Israelcunata magaj yaycunanpaj pachacuran Meromcho yacu caycaj ñaupanman. 
\p  
\v 6 Chaymi Josuëta \nd Tayta Dios\nd* niran: «Chay runacunata ama manchacuychu. Wara cayno öra ñaupayquichömi wañusha caycangapaj. Cawalluncunapa ancuncunatapis cuchurgärinqui. Pillyapaj caj carrëtancunatapis rupaycachinqui.» 
\p  
\v 7 Chaura Josuëga llapan suldäruncunawan illajpita magaj yaycapaycäriran Merom yacu cajcho pacharpaycaptin.  
\v 8 \nd Tayta Diosmi\nd* Israel runacunapa munayninmanna cachaycuran. Chaynöpami gaticachar chayachiran Sidoncho caj siudäcunaman, Misrefot-maimman. Inti yagamunan cajpana chayachiran Mizpa pampacama. Chayno pillyar manami jucnayllatapis cawaycajtaga cacharanchu.  
\v 9 Josuëga \nd Tayta Dios\nd* nishannöllami contrancunapa cawalluncunapa ancuncunata cuchurgäriran. Guërrapaj caj carrëtacunatapis rupargärachiran. 
\p  
\v 10 Chaypita cutimur Josuëga chariran Hazor siudäta. Raynintapis wañuchiran. Chay siudämi caran magaj aywananpaj llapan shuntacaycur parlacushan.  
\v 11 Chay siudächo tiyajcunatapis ushajpaj wañuchiran. Nircur siudätapis rupaycärachiran.  
\v 12 Josuëga waquin siudäcunatapis chaynölla ruraran Israelcunapa contran parlacojcunapataga. Binsiycur raynincunatapis wañuchiran. \nd Tayta Diospa\nd* sirbejnin Moisés nishannömi ushajpaj illgächiran.  
\v 13 Ichanga Israelcuna manami rupachiranchu altu patacho caj siudäcunata. Hazor siudällatami rupachiran.  
\v 14 Chay siudäcunacho tiyajcunata llapanta wañurcacherga quiquincunapänami shuntacarcäriran uywacunata, llapan ima-aycatapis. 
\s1 Moisés nishancunata Josué cumlishan 
\p  
\v 15 Moisesta \nd Tayta Dios\nd* nishannöllami Josuëga llapantapis cumliran.  
\v 16 Chaymi Josuëga intëru chay partita guechuran quiquincunapäna cananpaj. Guechuran Néguev partita, Gosenta, Jordán mayu lädun pampa aywajcunata, llapan jircacunata, llapan pampa guechwacunatapis.  
\v 17 Seir läducho caycaj Halac puntapita-pacha Líbano pampacho caycaj Baal-gadcamami llapanman yaycuran. Baal-gadga Hermón punta chaquinchömi caycan.  
\v 18 Chayno yaycunanpäga chay marcacunacho caycaj raycunawan achca watami pillyaran.  
\v 19 Hev runacunapa siudänin Gabaonllami quëdaran Israel runacunawan alli parlar conträtuta rurayninpa. Chaypita cajtaga llapantami wañuchiran.  
\v 20 Chay runacunata manaraj ushajpaj wañuchiptinmi chaycho tiyaj runacunapa shonguncunata \nd Tayta Dios\nd* chucruyächiran Israel runacunapa contran jatarir pillyananpaj. Chaymi Moisesta \nd Tayta Dios\nd* nishannölla chay runacunata mana cuyapaypa ushajpaj wañuchiran.\x * \xo 11:20 \xt Deut. 7.16\x* 
\p  
\v 21 Chay wichanmi Josuëga wañuchiran Anac casta runacuna Hebroncho, Debircho, Anabcho tiyarcaycajta. Marcancunatapis juchuchir-usharan. Canan Judá runacunawan Israel runacuna tiyaycashan jircacunacho tiyaj Anac runacunatapis wañuchiran.\x * \xo 11:21 \xt Jue. 1.10–11\x* 
\v 22 Chauraga intëru Israelcho manami ni jucnayllapis cawaycäga quëdaranchu jatusaj Anac casta runacuna. Anac casta runacuna cawaycarga quëdaran Gazacho, Gatcho, Asdodllachöna. 
\p  
\v 23 Moisesta \nd Tayta Dios\nd* nishannöllami llapan siudäcunatawan chacracunata Josué shuntaran. Nircur shuyni-cama raquiparan Israelpita miraj chunca ishcay trïbucunata. 
\p Chaypitaga guërra mana captin Israelcuna jaucallana goyäcuran. 
\c 12  
\s1 Moisés binsishancuna 
\p  
\v 1 Jordán mayuta manaraj päsar ishcay raycunata wañurcachir nasyunnincunata Israel runacuna guechuran. Chay raycunaga mandaran Arnón mayupita-pacha Hermón puntacamami. Chay caran Jordán mayu chimpan inti yagamunan caj-läpami.  
\v 2 Binsir wañuchiran Amorreo runacunapa raynin Sehonta. Payga Hesbonchömi tiyaran. Sehonga mandaran Arnón mayupa lädun Aroer siudäpita-pacha Jaboc mayucamami. Chay mayuga Amón runacunapa lindanmi caran. Chay raypa munayninchömi caran pullan Galaadpis.  
\v 3 Chay raypa maquinchömi caran Jordanpa lädun pampapis Cineret gochapita-pacha Cachi Lamarcama, Bet-jesimotpita sur caj-läpa aywarna Pisga punta chaquincama. 
\p  
\v 4 Binsir wañuchiran Basanpa raynin Ogtapis. Payllanami caycaran Refaí famillyaga. Og tiyaran Astarotcho, Edreicho.  
\v 5 Ogpa maquincho caycaran Hermón puntapita, Salcapita intëru Basán parti Gesur lindacama, Maaca lindacama. Pullan Galaadpis paypa maquinchömi caycaran. Paypa maquincho caycaran Hesbonpa raynin Sehonpa lindancamami.\x * \xo 12:5 \xt Núm. 21.21–35; Deut. 2.26–3.11\x* 
\p  
\v 6 Chay raycunatami Moiseswan Israelcuna binsiran. Nircur chay chacracunataga raquipaycuran Rubén trïbuta, Gad trïbuta, pullan caj Manasés trïbuta.\x * \xo 12:6 \xt Núm. 32.33; Deut. 3.12\x* 
\s1 Josué binsishancuna 
\p  
\v 7 Israelcunawan Josué Jordán mayuta päsarcur achca raycunatami binsiran. Chay raycuna mandashan particuna caran Líbano pampacho caj Baal-gadpita-pacha Seir partiman aywaj Halac jircacamami. Chay particunata Josuëga shuyni-camami raquiparan Israel trïbucunata.  
\v 8 Chaura Israelcuna chasquishan caran achca puntayoj parti, lamar läduncho caj löma lömacuna, Jordán lädun pampacuna, chunyaj chaqui jircacuna, Néguev partipis. Chay particunaga caran Het, Amorreo, Cananeo, Ferez, Hev, Jebús runacunapami. 
\li1  
\v 9 Israelcunaga wañuchiran Jericöpa rayninta, 
\li1 Bet-elpa ñaupancho caycaj Haipa rayninta, 
\li1  
\v 10 Jerusalenpa rayninta, 
\li1 Hebronpa rayninta, 
\li1  
\v 11 Jarmutpa rayninta, 
\li1 Laquispa rayninta, 
\li1  
\v 12 Eglonpa rayninta, 
\li1 Gezerpa rayninta, 
\li1  
\v 13 Debirpa rayninta, 
\li1 Gederpa rayninta, 
\li1  
\v 14 Hormapa rayninta, 
\li1 Aradpa rayninta, 
\li1  
\v 15 Libnapa rayninta, 
\li1 Adulampa rayninta, 
\li1  
\v 16 Macedapa rayninta, 
\li1 Bet-elpa rayninta, 
\li1  
\v 17 Tapuapa rayninta, 
\li1 Heferpa rayninta, 
\li1  
\v 18 Afecpa rayninta, 
\li1 Saronpa rayninta, 
\li1  
\v 19 Madonpa rayninta, 
\li1 Hazorpa rayninta, 
\li1  
\v 20 Simrón-meronpa rayninta, 
\li1 Acsafpa rayninta, 
\li1  
\v 21 Taanacpa rayninta, 
\li1 Meguidupa rayninta, 
\li1  
\v 22 Cedespa rayninta, 
\li1 Carmelocho caycaj Jocneampa rayninta, 
\li1  
\v 23 Dorpa rayninta jinan Dorcho, 
\li1 Gilgalcho caycaj Goimpa rayninta, 
\li1  
\v 24 Tirsapa rayninta. 
\m Chaura llapan wañoj raycunaga caran quimsa chunca jucwanmi (31). 
\c 13  
\s1 Guechuypaj quëdaj chacracuna 
\p  
\v 1 Josué pasaypa auquinna caycaptin \nd Tayta Dios\nd* niran: «Gamga pasaypa edänami caycanqui. Guechuypaj caycaj particunaga achcarämi caycan.  
\v 2 Jinallarämi caycan Filistea runacuna tiyashan, Gesur runacuna tiyashanpis.  
\v 3 Chay partiga jircantin caycan Egipto nasyunman inti yagamoj läduncho caycaj Sihor mayupita-pacha Ecronpa norte caj-länincho caycaj lindancamami. Chaycamami chayaraycan Canaán nasyonga. Chay manaraj guechushayqui particunacho caycan Filistea runacunapa pichga mandajnin tiyashan siudäcunami. Chay siudäcunaga caycan Gaza, Asdod, Ascalón, Gat, Ecrón. Aveo runacuna tiyashan partipis guechuypärämi caycan.  
\v 4 Aveo runacuna tiyashan partiga sur caj-läpami caycan. Manami guechushcanquirächu Cananeo runacuna tiyashan particunata. Chay particunaga caycan Sidón runacuna tiyashan Meharapita Afeccamami. Afecga Amorreo runacunapa lindancamami caycan.  
\v 5 Caycanrämi Gibli runacuna tiyarcaycashan particuna. Líbano partipis caycanrämi Libanuman inti yagamunan caj-läpaga ushajpaj, Hermón puntapa chaquincho Baal-gadpita-pacha Hamatman yaycunacama.  
\v 6 Israel runacunapa ñaupanpitaga nogami gargushäpaj Sidón runacunata, altu jircacunacho tiyarcaycajtapis Libanupita-pacha Misrefot-maimcama.\x * \xo 13:6 \xt Jue. 3.3–4\x* Gamnami noga nishänölla Israel runacunata chacrata raquipanqui.\x * \xo 13:6 \xt Núm. 33.54\x* 
\v 7 Chay chacrataga raquipanqui isgun trïbu Israelcunallatana pullan Manasés trïbutawan.» 
\s1 Rubén, Gad, Manasés trïbupa chacrancuna 
\p  
\v 8 Jordán mayuman inti yagamunan caj-lächo caycaj chacracunata Moisesllanami raquipasha caran Rubén trïbuta, Gad trïbuta, pullan caj Manasés trïbutaga.\x * \xo 13:8 \xt Núm. 32.33; Deut. 3.12\x* 
\v 9 Paycunapaj caran: 
\pi1 Arnón mayu läduncho caycaj Aroer siudäpita, Arnón ragracho caycaj siudäcunapita-pacha Diboncamami, llapan Medeba pampa patapis.  
\v 10 Paycunatami goycuran Hesbonpa raynin Sehón mandashan siudäcunata Amón runacunapa lindancama.  
\v 11 Paycunallatami goycusha Galaadta, Gesur runacunapa chacranta, Maaca runacunapa chacranta, Hermón punta aywaj altu jircacunata, Basán chacratapis Salcacama.  
\v 12 Goycuran Basán partipa raynin Og mandashancunatapis. Og tiyaran Astarotcho y Edreichömi. Payllanami caycaran Refaí castaga. Refaí runacunata wañurcachirmi marcancunata Moisés guechuran.  
\v 13 Gesurcho, Maacacho tiyaj runacunatami ichanga mana garguranchu. Canancamapis Israel runacunawan iwal jinallami tiyarcaycan. 
\b  
\p  
\v 14 Leví trïbu cajcunataga Moisés manami imatapis goranchu. Paycunapäga caran Tayta Diospaj Israelcuna apashancunallami.\x * \xo 13:14 \xt Deut. 18.1; Jos. 13.33\x* Chaynömi \nd Tayta Dios\nd* niran. 
\b  
\p  
\v 15 Moisesga Rubén trïbu runacunata ayca castapis cashanpitami chacrata raquiparan. 
\pi1  
\v 16 Paycunapa chacran caran Arnón mayu läduncho caycaj Aroer siudä, Arnón ragracho caycaj siudä, llapan Medeba pata pampapis  
\v 17 Hesboncama. Paycunapa caran pata-pata Dibón, Bamot-baal, Bet-baal-meón,  
\v 18 Jahaza, Cademot, Mefaat,  
\v 19 Quiriataim, Sibma, lömacho caycaj Zaret-sahar,  
\v 20 Bet-peor, Bet-jesimot, Pisga puntaman aywaj tunacuna.  
\v 21 Rubén trïbu runacunallapämi caran intëru pampacho caycaj siudäcuna, Hesboncho tiyaj Sehón llapan mandashancuna. Sehonga Amorreo runacunapa rayninmi caran. Paytawan paypa munaynincho caycaj Madián runacunapa mandajnincunatami Moisés wañuchiran. Chay mandajcuna caran Evi, Requem, Zur, Hur, Reba.  
\v 22 Paycunawan pillyar achca runacunatami Israel runacuna wañuchiran. Chaychömi Beorpa wamran adibinapacoj Balaamtapis wañuchiran.  
\v 23 Rubén trïbu tiyananpämi chacrata raquiparan ayca castapis cashanpita. Chaynöpami chay siudäcunapis marcantin Rubén trïbullapaj caran Jordán mayucama. 
\b  
\p  
\v 24 Moisesga Gad trïbutapis ayca castapis cashanpitami chacracunata raquiparan. 
\pi1  
\v 25 Paycuna chasquiran Jazerta, Galaadcho caycaj llapan siudäcunata, pullan Amón partita Rabá chimpancho caycaj Aroer marcacama.  
\v 26 Chasquiran Hesbonta, Ramat-mizpata, Betonimta, Mahanaimpitana Debir particama.  
\v 27 Guechwa pampa aywajcho paycunapäga caran: Bet-aram, Bet-nimra, Sucot, Zafón. Chaycunallanami caran Hesbonpa raynin Sehonpa munaynincho caj chacracuna. Chaura paycunapa chacran caran jatun, Jordán mayuman inti yagamunan cajpita-pacha Cineretcho gocha caycashan ura isquïnancama.  
\v 28 Chay siudäcunatawan marcacunata Gad trïbu runacunami castanpa castanpa chasquiran. 
\b  
\p  
\v 29 Pullan Manasés trïbutapis Moisesga chacrata raquiparan ayca castapis cashanpitami. 
\pi1  
\v 30 Paycunapa caran Mahanaimpita norte caj-läpami. Chaymi paycunapa chacran caran Basán partipa raynin Og mandashancuna, Jairpita miraj runacuna guechushan sojta chunca (60) marcacuna, Basancho waquin marcacunapis.  
\v 31 Paycunapämi caran pullan Galaadpis, Astarotwan Edrei siudäcunapis. Chay chacracuna caran Manasespa wamran Maquirpita pullan mirajpämi ayca castapis cashanpita. 
\b  
\p  
\v 32 Llapan chaycunatami Moisés aypuran Jordán mayuta manaraj päsar Jericó chimpan Moab pampacunacho caycar.  
\v 33 Leví trïbu runacunatami ichanga chacracunata mana aypuranchu. Paycunataga niran: «Gamcunataga quiquin \nd Tayta Diosmi\nd* aunishanno cawachishunqui.»\x * \xo 13:33 \xt Núm. 18.20; Deut. 18.2\x* 
\c 14  
\s1 Canaán partita Josué raquipashan 
\p  
\v 1 Israel runacuna waquin trïbucunaga chacrata chasquiran Canaán partichömi. Chay chacracunataga raquiparan cüra Eleazar, Nunpa wamran Josué y Israelcunapa mandajnincunami.  
\v 2 Chacrataga raquiparan surtita jitarcur jitarcurmi. Raquiparan Israelcunapita isgun trïbu runacunata, pullan Manasés trïbu runacunata. Imano raquipänanpäpis Moisesta \nd Tayta Dios\nd* nishannömi llapanta raquiparan.\x * \xo 14:2 \xt Núm. 26.52, 56; 34.13\x* 
\v 3 Rubén trïbuta, Gad trïbuta, pullan Manasés trïbutaga Moisés ñaupatanami raquiparan Jordán mayuta manaraj päsar.\x * \xo 14:3 \xt Núm. 32.33; 34.14–15; Deut. 3.12–17\x* Leví trïbu runacunatami ichanga maychöpis mana raquiparanchu.  
\v 4 Mana raquipaptinpis waquin trïbucunapa chacranchömi siudäcunatawan chacracunata chasquiran uywancunawan chaycho tiyananpaj. Josëpita miraj ishcay trïbucunaga Manasés trïbuwan Efraín trïbumi caran.  
\v 5 Israelcunaga chacrata raquipänacuran Moisesta \nd Tayta Dios\nd* nishannöllami. 
\s1 Caleb chasquishan chacracuna 
\p  
\v 6 Gilgalcho Josué caycaptinmi Judá trïbu-masincunawan Cenez casta Jefonepa wamran Caleb aywaran Josuëta ruwacoj. Caleb niran: «Musyanquimi Cades-barneacho caycaptinchi sirbejnin Moisesta \nd Tayta Dios\nd* gampäwan nogapaj imata nishantapis.\x * \xo 14:6 \xt Núm. 14.30\x* 
\v 7 Cades-barneapita Moisés intëru Canaán chacrata ricapacoj cachamashan öra chuscu chunca (40) watayojmi caycarä. Cutiycur nogaga willarä llapantami imano chacra cashantapis.\x * \xo 14:7 \xt Núm. 13.1, 30\x* 
\v 8 Nogawan waquin aywajcunaga runacunata manchacächillarmi willaran. Paycuna chayno niptinpis nogaga \nd Tayta Diosman\nd* llapan shongöpa yäracur runacunata shacyächirä.  
\v 9 Chaymi Moisesga \nd Tayta Diospa\nd* jutincho jurashpan nimaran: ‹Yaycur purishayqui chacraga canga gampämi, gampita mirajcunapämi. Gampaj canga Tayta Diosta wiyacushayquipita, nishanta cumlishayquipitami.›\x * \xo 14:9 \xt Núm. 14.24\x* 
\v 10 \nd Tayta Dios\nd* Moisesta chayno nishanpitaga chuscu chunca pichga (45) watanami. Chay wichanga chunyajllaparämi purircaycaranchi. Cawaycärämi \nd Tayta Dios\nd* nimashanno. Cananga caycä pusaj chunca pichgan (85) watayojnami.  
\v 11 Cananpis callpä jinallarämi caycan ñaupata Moisés ricapacoj cachamashannölla. Ñaupata pillyar wac-läman cay-läman chayar pillyashäno cananpis pillyämanrämi.  
\v 12 Chaymi gamta ruwacö. Aypalla puntayoj chacrata goycamay ari \nd Tayta Dios\nd* nishanno. Gam musyashayquinöpis chaycho tiyarcaycan jatusaj runa Anac castacunami. Siudänincunapis jatusaj intëru cantunpa sumaj curalashami. \nd Tayta Dios\nd* aunimashanno yanapämaptenga gargushämi quiquëpana paycunapa chacran cananpaj.» 
\p  
\v 13 Chaura Josuëga bindisyunta Calebta goran. Nircur Hebrón partita goycuran paypaj, wamrancunapaj, miraj famillyancunapäpis cananpäna.  
\v 14 Chaynöpami Hebrón partiga Calebpa, paypita mirajcunapa chacran ricacuran. Canancamapis paycunapami caycan. Calebga llapantapis ruraj Israelcunapa \nd Tayta Diosnin\nd* nishannöllami.  
\v 15 Hebronpa unay caj jutenga caran Quiriat-arbami. Chayno jutin caran Arba jutiyoj runa chaycho tiyashanpitami. Arbaga munayniyoj runami caran. Payga jatuncaray Anac castami caran. 
\p Chaypitaga chay particho jauca goyayllana caran. 
\c 15  
\s1 Judá trïbupa chacrancuna 
\p  
\v 1 Surtita jitaptin Judá trïbuta töcashan chacra sur caj-läpa caran Edom nasyunpa lindanpa päsar Zin chunyajcama. 
\p  
\v 2 Sur caj-läpaga lindan gallaycuran Cachi Lamarpa ura chupanpitami.  
\v 3 Chaypita Acrabim cuestapa päsar Zin nishan chunyajman chayaran. Chaypa päsarna Cades-barnea sur caj-läpa aywararan Hezroncama. Chaypita wichaypana Adarcama aywar tumaran Carcacama.  
\v 4 Carcapitana päsaraycaran Asmonman. Chaypita chayaraycaran Egiptucho pampa caycaj yacu aywajman. Chaypitana tincuraycaran lamar Mediterraneoman. Chaynömi lindan caycaran sur caj-läpaga. 
\p  
\v 5 Inti yagamunan caj-läpana lindan caran Cachi Lamar cuchullanpa Jordán mayuman chayashancama. 
\pi1 Chaypitaga norte caj-lä lindanna gallaycuran.  
\v 6 Norte caj lindan chayaraycaran Bet-hoglapa. Chaypa päsar chayararan Bet-arabäpa norte caj lädunman. Wichanpa chayararan Bohán Ben-Rubén gagaman.  
\v 7 Acor pampapita päsaraycaran wichanpa Debirman chayananyaj. Chaypa päsar chayaraycaran Gilgalman. Gilgalga caycaran Aduminpa chimpan ragra yacu aywaj sur caj lädunchömi. Chaypita linda aywaraycaran En-semescho yacu pashtaj caycajpa. Nircorga päsaraycaran En-rogelyaj.  
\v 8 Chaypitami Jebús runacuna tiyashan sur caj-läpa päsar Ben-hinom ragrapa päsararan. Chaychöga Jerusalennami caycan. Ben-hinom ragrapa lindan wichaypana aywar chayaran jirca puntacama. Chayga Jerusalenpita inti yaganan caj-läpami caycan. Chaypitanami lindan chayaran Refaim Pampa norte caj cuchuncama.  
\v 9 Chaypa päsar puntapitaga lindan uraraycaran Neftoacho yacu pashtaj caycajman. Chaypita päsar chayararan Efrón jircacho caycaj siudäcunaman. Chaypa päsar tumaran Baalaman. Chay siudäpa jucaj jutenga caran Quiriat-jearim.  
\v 10 Baalapita päsashpan inti yaganan caj-läpa tumaraycaran Seir puntaman. Chaypita Quesalonpa päsararan Jearim puntapa norte caj-läninpa. Chaypitaga uraypana aywararan Bet-semesman chayananyaj. Nircur Timnapa päsaraycaran  
\v 11 Chaypitami Ecrón siudäpa wajtancho caycaj puntaman chayararan. Chaypitana puntanpa tumaraycaran Sicronman. Baala puntapa päsaraycaran Jabneelman chayananyaj. Chaypa päsar lamar Mediterraneoman tincuycaran. 
\p  
\v 12 Chaypitaga lindan gallarejwan tincunanpaj aywararan Mediterráneo lamar cantullanpa. 
\m Chaynömi Judá trïbupa lindan caran. Chaytanami quiquin-pura raquipänacuran ayca castapis cashanpita. 
\s1 Hebrontawan Debirta Caleb charishan 
\r (Jue. 1.10–15) 
\p  
\v 13 Jefonepa wamran Calebta Josuëga chacracunata goycuran Judá trïbupa chacrancho. Chay partichömi \nd Tayta Dios\nd* nishanno Hebronta goycuran. Chayga caran Anac castacuna tiyashan siudämi.  
\v 14 Anac runacunaga Sesai famillya, Ahimán famillya, Talmai famillyami caran. Chay quimsa famillya Anac runacunatami Caleb garguran.\x * \xo 15:14 \xt Jue. 1.20\x* 
\v 15 Chay famillyacunata garguycur Calebga Debir siudächo tiyajcunamanna aywaran. Chay siudäpa unayga jutin caran Quiriat-sefer.  
\v 16 Chay siudäman aywar Caleb niran: «Pipis cay siudäman yaycur binsej cajtami wamrä Acsawan majachashaj» nir. 
\p  
\v 17 Chay siudäman yaycuycorga chariran wauguin Cenazpa wamran Otonielmi. Chaura Calebga wamran Acsata goycuran Otonieltana warminpaj.  
\v 18 Otonielga warmin Acsata wasinpa pushacuycashanchöna niran: «Papäniquita ruway muruna chacratapis raquipäshunayquipaj» nir. 
\p Chaura bürrunpita Acsaga yarpuran. Chaymi papänin Calebga tapuran: «Ïja, ¿imatataj munaycanqui?» nir. 
\p  
\v 19 Chaura wamran Acsa niran: «Ruwacushayqui ari papä. Neguevcho caycaj chunyaj chacrata raquipämasha caycashpayquega yacuyoj chacratapis raquipämay.» 
\p Niptin papänenga chacrata goycuran puntacunacho yacu pashtajtawan pampacho yacu pashtaj chacrata. 
\s1 Judá trïbupa siudänincuna 
\p  
\v 20 Ayca castapis cashanpitami Judá trïbu runacunaga siudäcunata chasquiran. 
\p  
\v 21 Paycunapaj siudäcuna sur caj-lä parti Edomman tincojchöga caran: 
\pi1 Cabseel, Edar, Jagur,  
\v 22 Cina, Dimona, Adada,  
\v 23 Cedes, Hazor, Itnán,  
\v 24 Zif, Telem, Bealot,  
\v 25 Hazor-hadata, Queriot, Hezrón, (Hezronpa jucaj jutin caran Hazor.)  
\v 26 Amam, Sema, Molada,  
\v 27 Hazar-gada, Hesmón, Bet-pelet,  
\v 28 Hazar-sual, Beerseba, Bizotia,  
\v 29 Baala, Iim, Esem,  
\v 30 Eltolad, Quesil, Horma,  
\v 31 Siclag, Madmana, Sansana,  
\v 32 Lebaot, Silhim, Silhim, En-rimón. 
\pi1 Chay ishcay chunca isgun (29) siudäcuna caran marcancunawan-camami. 
\p  
\v 33 Inti yaganan caj-lä lömacunachömi Judá trïbu runacunapa siudänincuna caran: 
\pi1 Estaol, Zora, Asena,  
\v 34 Zanoa, En-ganim, Tapúa, Enam,  
\v 35 Jarmut, Adulam, Soco, Azeca,  
\v 36 Saaraim, Aditaim, Gedera, Gederotaim. Chay chunca chuscu (14) siudäcuna caran marcancunawan-camami. 
\pi1  
\v 37 Chay particho waquin caj siudäcunapis caran Zenán, Hadasa, Migdal-gad,  
\v 38 Dileán, Mizpa, Jocteel,  
\v 39 Laquis, Boscat, Eglón,  
\v 40 Cabón, Lahmam, Quitlis,  
\v 41 Gederot, Bet-dagón, Naama, Maceda. Chay chunca sojta (16) siudäcuna caran marcancunawan-camami. 
\pi1  
\v 42 Waquin siudäcuna caran Libna, Eter, Asán,  
\v 43 Jifta, Asena, Nezib,  
\v 44 Keila, Aczib, Maresa. Chay isgun siudäcuna caran marcancunawan-camami. 
\pi1  
\v 45 Ecronpis, llapan marcancunapis,  
\v 46 Ecronpita Mediterráneo lamarcama aywar Asdodpa ñaupancho caycaj marcacunapis Judá trïbupami caran. 
\pi1  
\v 47 Asdod siudäpis Judá trïbucunallapami caran llapan marcancunawan jircancunawan-cama, Gaza siudäpis llapan marcancunawan jircancunawan-cama. Mediterráneo lamar cuchunpa aywashpan Egipto ragracama chayaraycaran. 
\p  
\v 48 Judá trïbucunapäga jircacuna cashan caj particho siudäcuna caran: 
\pi1 Samir, Jatir, Soco,  
\v 49 Dana, Quiriat-sana, (Chaypaga jucaj jutin caran Debir.)  
\v 50 Anab, Estemoa, Anim,  
\v 51 Gosén, Holón, Gilo. Chay chunca juc (11) siudäcuna caran marcancunawan-camami. 
\pi1  
\v 52 Paycunapämi caran Arab, Duma, Esán,  
\v 53 Janum, Bet-tapúa, Afeca,  
\v 54 Humta, Quiriat-arba, (Quiriat-arbapaga jucaj jutin caran Hebrón.), Sior siudäcuna. Chay isgun siudäcuna caran marcancunawan-camami. 
\pi1  
\v 55 Chaynöpis paycunapämi caran Maón, Carmel, Zif, Juta,  
\v 56 Jezreel, Jocdeam, Zanoa,  
\v 57 Caín, Gabaa, Timna siudäcuna. Chay chunca siudäcuna caran marcancunawan-camami. 
\pi1  
\v 58-59 Paycunapaj caran Halhul, Bet-sur, Gedor, Maarat, Bet-anot, Eltecón siudäcuna. Chay sojta siudäcuna caran marcancunawan-camami. 
\pi1  
\v 60 Paycunapämi caran Quiriat-baal, (Quiriat-baalpa jucaj jutenga caran Quiriat-jearim.) Rabá siudä marcancunawan-cama. 
\p  
\v 61-62 Chunyaj chaqui jircachöpis Judá trïbucunapaj caran: 
\pi1 Bet-arabá, Midín, Secaca, Nibsán, Cachi siudä, En-gadi. Chay sojta siudäcuna caran marcancunawan-camami. 
\b  
\p  
\v 63 Judá trïbu runacunaga manami garguyta puydiranchu Jerusalencho tiyaycaj Jebús runacunata. Canancamapis jinallami Jebús runacunaga tiyarcaycan Judá trïbu runacunawan iwal.\x * \xo 15:63 \xt Jue. 1.21; 2Sam. 5.6; 1Crón. 11.4\x* 
\c 16  
\s1 Pullan Manasés trïbupa, Efraín trïbupa chacrancuna 
\p  
\v 1 Josëpita miraj runacuna chasquishan chacracunaga Jordán mayupita gallaycur inti yagamunan caj-läpa päsararan Jericó pucyucuna caycashancama. Chaypitami chunyaj chaqui jircapa päsararan Bet-el jircacunaman chayashancama.  
\v 2 Bet-elpa jucaj jutenga Luzmi caran. Chaypita päsaraycaran Arac runacuna tiyarcaycashan Atarotman chayanancama.  
\v 3 Chaypitana mashtaypa aywaraycaran inti yaganan cajpa. Jaflet runacuna tiyarcaycashanpa caran Bet-horonpa ura caj lindan caycashancama. Chaypa päsararan Gezerman chayanancama. Chaypita päsar chayaraycaran Mediterráneo lamarmanna.  
\v 4 Chay siudäcuna, jircacuna, ragracunapami Josëpa wamran Manasespita miraj runacunapa, Josëpa wamran Efrainpita miraj runacunapa partisyunnin caran. 
\s1 Efraín trïbupa chacrancuna 
\p  
\v 5 Efraín trïbupa lindanga inti yagamunan caj-läman aywaraycaran: 
\pi1 Atarot-adarpita asta Jana caj Bet-horoncamami.  
\v 6 Chaypitaga aywaraycaran Mediterráneo lamarcama. Norte caj-läpa lindan gallaycuran Micmetatpita. Chaypitaga inti yagamunan caj-läman linda aywaraycaran Taanat-silocama. Chaypitana päsaraycaran Janoapa.  
\v 7 Nircur sur cajpana aywaraycaran Atarotpa, Naaratpa Jericöman chayanancama. Chaypita päsar chayararan Jordán mayucama.  
\v 8 Tapuapita-pacha linda aywaraycaran inti yaganan caj-läpa Canächo ragra yacucama. Chaypita päsar chayararan Mediterráneo lamarcama. Chaycunami Efraín trïbu runacunapa lindan caran. Chaytanami raquipänacuran ayca castapis cashan-tupu.  
\v 9 Efraín trïbu runacunapa juc ishcayllaga siudänincuna marcancunawan pullan Manasés trïbu runacunapa chacranchöpis caranmi. 
\b  
\p  
\v 10 Efraín trïbu runacunaga manami garguranchu Gezer siudächo tiyaj Cananeo runacunata.\x * \xo 16:10 \xt Jue. 1.29\x* Chay runacunataga chacracho tiyashanpita arrindullata cobraran. Canancamapis Cananeo runacunaga paycunawan iwal tiyarcaycan. 
\c 17  
\s1 Manasés trïbupa chacran 
\p  
\v 1 Surtita jitaptinmi pullan Manasés trïbu runacuna chacrata chasquinanpäna surti yarguran. Paycunaga Josëpa guechpa wamran Manasespita mirajcunami caran. Manasespa guechpa wamranga Maquirmi caran. Maquirpa wamranga Galaadmi caran. Maquirpita miraj runacuna pillyayta alli yachaptinmi chacrata entregaran Jordán mayu chimpan inti yagamunan caj-läpa caycaj Galaad, Basán partita.  
\v 2 Jordán mayu chimpanpanami Manasés trïbu waquin castacuna surtita jitaypa chasquiran. Paycunaga caran Abiezer, Helec, Asriel, Shequem, Hefer, Semida casta runacuna. Chay runacunaga Josëpa wamran Manasespita mirajcunami caran. 
\p  
\v 3 Manasés trïbupitami juc runa caran Zelofehad jutiyoj. Payga caran Heferpa wamran, Heferna Galaadpa wamran, Galaadna Maquirpa wamran, Maquirna Manasespa wamran. Zelofehadpaga manami caranchu ollgu wamrancuna. Warmillami wamrancuna caran. Chay warmi wamrancunapa jutincunami caran Maala, Noa, Hogla, Milca, Tirsa.  
\v 4 Paycuna aywaran cüra Eleazarman, Josuëman y mayur mandajcunaman. Chayar niran: «\nd Tayta Diosninchi\nd* Moisesta nishanno nogacunatapis chacrata aypumay waquin famillyäcunata töcashancho.»\x * \xo 17:4 \xt Núm. 27.1–7\x* Niptin Josuëga Tayta Dios nishanno chacrata raquipaycuran waquin caj famillyancunatawan iwal. 
\p  
\v 5 Chaynöpami Manasés trïbuga Jordanta manaraj päsar chasquiran Basantawan Galaadta. Jordanta päsarcurpis chasquiran chunca partitaraj.  
\v 6 Pullan Manasés trïbu runacunapaj chunca particuna caran ollgupis warmipis chacrata chasquishanpitami. Galaad partitami Manasespita waquin mirajcuna chasquiran. 
\pi1  
\v 7 Manasés trïbupa chacranpa lindancunaga Aserpita aywaraycaran Micmetatcama. Chayga caycan Shequempa chimpanmi. Chaypita sur caj-läpa aywaraycaran Tapuacho yacu ishtanquicama.  
\v 8 Tapúa parti Manasés trïbupa captinpis quiquin lindacho caycaj Tapúa siudäga caran Efraín trïbupami.  
\v 9 Tapúa pucyupitanami Manasés trïbu runacunapa chacranpa lindan Caná ragra cuchullanpa aywararan Mediterráneo lamarcama. Caná ragra norte caj-lä Manasespa captinpis juc ishcayllaga siudäcuna chay chimpacho Efraín trïbu runacunapami caran.  
\v 10 Imano captinpis Efraín trïbupana caran ragra aywaraycashanpita uramanga. Manasés trïbupana caran nortiman cäga. Norte caj-läpaga lindan caran Mediterráneo lamar cantunpa. Norte caj isquïnanpana lindan tincuraycaran Aser trïbupa lindanwan, inti yagamunan cajpana Isacar trïbupa lindanwan. 
\pi1  
\v 11 Isacar y Aser trïbupa chacranchöpis Manasés trïbupaga caran Bet-seán, Ibleam, Dor, Endor, Taanac, Meguido siudäcuna marcancunawan-cama. 
\b  
\p  
\v 12 Chay particunata chasquirpis chaycho tiyaycaj Cananeo runacunata manami garguyta camäpacuranchu.  
\v 13 Chaypita Israelcuna achcaman mirashpanna chay Cananeo runacunataga chacracho tiyashanpita arrinduta pägachiran. Chaypis manami gargurannachu.\x * \xo 17:13 \xt Jue. 1.27–28\x* 
\s1 Josëpita mirajcuna muntita charicarcärishan 
\p  
\v 14 Josëpita miraj runacunaga aywaycur Josuëta niran: «Nogacunataga \nd Tayta Diosninchi\nd* yanapämasha aypallaman miranäpämi. Chauraga ¿imanirtaj wallcalla chacrata raquipämashcanqui?» 
\p  
\v 15 Niptin Josuëga niran: «Efraín jircacuna gamcunapaj mana aypaptenga Ferez runacuna, Refaí runacuna tiyashan munticunaman aywaycur chacrata quichanqui chaychöpis tiyanayquipaj.» 
\p  
\v 16 Niptin paycuna niran: «Rasunpami Efraín jircacunaga mana aypämanchu. Ichanga chay pampacho tiyaj Cananeo runacunapaga carrëtancunapis fyërrupitami. Chaynöllami Cananeo runacuna caycan Bet-seancho, marcancunacho, Jezreel pampachöpis.» 
\p  
\v 17 Chaura Josuëga Josëpita miraj Manasés trïbu runacunatawan Efraín trïbu runacunata niran: «Gamcunaga canqui aypallajmi. Munayniyojmi canqui. Chaymi chay partitapis gamcunata goycö.  
\v 18 Chay muntiyoj jircacunapis gamcunallapämi canga. Chaycho caycaj munticunata chagur chacracunata quichanquipaj. Pampacho tiyaj Cananeo runacuna fiyupa munayniyoj captinpis, fyërrupita carrëtancuna caycaptinpis gargunquipämi.» 
\c 18  
\s1 Waquin trïbucunapa chacrancuna 
\p  
\v 1 Israelcuna llapan shuntacaran Tayta Dioswan Tincuna Tolduta Silo marcacho ichichinanpaj. Chaypäga maynami guechuran Cananeo runacunapa chacranta.  
\v 2 Ichanga ganchis trïbu Israelcunata manarämi raquiparanrächu. 
\p  
\v 3 Chaymi Israelcunata Josué niran: «Unay caj awiluyquicunapa \nd Tayta Diosnenga\nd* maynami chacrata goshurayqui. ¿Imanirtaj gamcunaga cayllacho carcaycanqui? ¿Manachu juclla chacra charej aywanqui?  
\v 4 Gamcunaga cada trïbupita acray quimsaj runata. Paycunatami cachashaj intëru chacrata ricapacamunanpaj. Cutiycamurna willamanga imano jatun cashantapis. Chayrämi musyashun imanöta-cama cada trïbuta raquipänäpäpis.  
\v 5 Chay ricapacoj aywaj runacunami chacrataga raquenga ganchis partiman. Ichanga ama raquengachu sur caj-lächo Judá trïbu chasquishan chacrata ni norte caj-lächo Josëpita miraj trïbucuna chasquishan chacratapis.  
\v 6 Ganchisman raquiycur may maycho cashantapis isquirbimuchun cutiycamur entregamänanpaj. Noganami \nd Tayta Diospa\nd* ñaupancho surtita jitashaj chay particunata aypunäpaj.  
\v 7 Leví trïbu runacunami ichanga chacrata mana chasquengachu. Paycunataga quiquin \nd Tayta Diosmi\nd* cawachenga. Rubén, Gad, pullan Manasés trïbu runacunataga \nd Tayta Diosta\nd* sirbej Moisés maynami chacrata raquipasha manaraj Jordán mayuta päsamur.» 
\p  
\v 8 Chacra raquejcunaga aywananpaj camaricuran. Josuënami niran: «Gamcuna intëru chacrata ricar tumamunqui. Raquir apuntamunqui. Ushaycärir cay Siluman cutimunqui apuntashayquita entregamänayquipaj. Noganami pita töcananpäpis \nd Tayta Diospa\nd* ñaupancho surtita jitashaj.» 
\p  
\v 9 Chaura chay runacuna aywar manaraj aypushan intëru chacrata tumamuran. Cada partita siudänincunatawan apuntayllapa raquiran. Ganchis partiman rurarcur cutiran Josué tiyaycashan Siluman.  
\v 10 Josuënami jinan Silullacho \nd Tayta Diospa\nd* ñaupancho surtita jitaran cada partita maygan trïbutapis aypunanpaj. 
\s1 Benjamín trïbupa chacran 
\p  
\v 11 Chacrata aypunanpaj surtita jitaptin Benjamín trïbupäga cada castapaj caran Judá trïbupawan Josëpa wamrancuna Manasespawan Efraín trïbupa chacrancuna chaupincho. 
\pi1  
\v 12 Benjamín trïbu runacunapa chacranpa norte caj lindanga Jordán mayupitami gallaycuran. Chaypita Jericó norte caj-läpa päsar inti yaganan caj-läpa wichararan. Jirca partipa päsarcur Bet-avén chunyaj chaqui jircapana päsararan.  
\v 13 Chaypita sur caj-läpa tumashpan Luzpa päsar Atarot-adarpa uraraycaran. Luzpa jucaj jutenga Bet-elmi caycan. Atarot-adarga juc lömachömi caycan. Chay lömaga ura caj Bet-horón sur caj chimpanchömi caycan. 
\pi1  
\v 14 Chaypita lindaga ticraycaran lamar Mediterráneo läduman Bet-horonpa chimpan punta ura isquïnanpa. Chaypa lindan päsaraycaran Quiriat-baalcama. (Quiriat-baalpa jucaj jutin caran Quiriat-jearim.) Chayga caran Judá trïbupa siudäninna. Chaynömi inti yaganan caj-läpa lindan caran. 
\pi1  
\v 15 Sur caj-läpa lindan gallariran Quiriat-jearimpa isquïnan inti yaganan cajpita. Chaypa aywar linda chayaran Neftoacho yacu pashtajcama.  
\v 16 Chaypita uraraycaran Refaim Pampa norte caj cuchuncama. Chayga jirca chaquinchömi caycan. Chaypitaga Ben-hinom ragrami gallaycun. Chay linda Ben-hinom ragrallanpa päsashpan Jebús runacuna tiyashan löma sur caj-läpami aywararan. Chaypitami aywararan En-rogelcho yacu pashtajcama.  
\v 17 Chaypita norte caj-läpa tumaraycämuran En-semesman. Chaypa päsaraycaran lindan Gelilotman chayananpaj. Chayga caycan Aduminpa chimpanchöna. Nircur uraraycaran Bohán Ben-Rubén jutiyoj gagamanna.  
\v 18 Chaypita Jordán pampa cuchuncho caycaj jircacuna norte caj-läninpa päsashpan Jordán pampapana uraraycaran.  
\v 19 Bet-hogla norte cajpa päsaraycaran, Cachi Lamarpa norte caj-lädunman chayananpaj. Chaychömi Jordán mayu ushaycan. Chaynömi caran sur caj lindan. 
\pi1  
\v 20 Inti yagamun caj-läpana lindan aywaraycaran Jordán mayu cuchullanpa. 
\m Chaynömi Benjamín trïbuta raquipashan chacrapa intëru lindan caran. 
\b  
\p  
\v 21 Benjamín trïbu runacuna castanpa-castanpa chasquishan chacracho quiquin-pura raquipänacunanpaj siudäcuna caran: 
\pi1 Jericó, Bet-hogla, Emec-casis,  
\v 22 Bet-arabá, Zemaraim, Bet-el,  
\v 23 Avim, Pará, Ofra,  
\v 24 Quefar-haamoni, Ofni, Geba siudäcuna. Chay chunca ishcay (12) siudäcuna caran marcancunawan-cama. 
\pi1  
\v 25 Waquin chasquishan siudäcuna caran Gabaón, Ramá, Beerot,  
\v 26 Mizpa, Cafira, Mozah,  
\v 27 Requem, Irpeel, Tarala,  
\v 28 Zela, Elef, Jebús, (Jebuspa jucaj jutin caran Jerusalén.), Gabaa, Quiriat. Chunca chuscu (14) siudäcuna marcancunawan-cama caran. 
\pi1 Chaynömi caran Benjamín trïbuta raquipashan chacraga. 
\c 19  
\s1 Simeón trïbupa chacran 
\p  
\v 1 Chaypitana chacrata aypunanpaj surtita yapay jitaptin yargamuran Simeón trïbupäna. Chaymi Simeón trïbu runacuna chacranta chasquiran Judá trïbu runacunapa chacranpa chaupincho.  
\v 2 Chaura paycunapäga caran: 
\pi1 Beerseba, Seba, Molada,  
\v 3 Hazar-sual, Bala, Ezem,  
\v 4 Eltolad, Betul, Horma,  
\v 5 Siclag, Bet-marcabot, Hazar-susa,  
\v 6 Bet-lebaot, Saruhén siudäcuna. Chay siudäcunaga caycaran chunca quimsami (13) marcancunawan-cama. 
\pi1  
\v 7 Chaypa jananmanpis paycunapämi caran cayno jutiyoj siudäcuna: En-rimón, Eter, Asán. Chay siudäcunapis caran marcancunawan-camami.  
\v 8 Chayno sur caj-läpapis paycunallapämi caran Baalat-beer siudächo caycaj jircacunapis. Chayga caycan Néguev particho caycaj Ramatmi. 
\pi1 Chayno jutiyoj chacracunami caran Simeón trïbu runacunapaj.\x * \xo 19:8 \xt 1Crón. 4.28–33\x* 
\v 9 Simeón trïbupa chacranga caycaran Judá trïbupa chacran chaupinchömi. Judá trïbupaga aypallami caran chacran. Chaynöpami Judá cajpa chacranta waquintaga rachipaycuran Simeón trïbutana. 
\s1 Zabulón trïbupa chacran 
\p  
\v 10 Chacrata aypunanpaj surtita yapay jitaptin yargamuran Zabulón trïbupäna. 
\pi1 Paycunapa chacranga chayaran Saridcamami.  
\v 11 Chaypa päsarar lindan aywaraycaran inti yaganan caj-lä Maralacama. Chaypa päsarar chayaraycaran Dabesetpa. Chaypa päsaycaran Jocneampa chimpancho caycaj ragramanna.  
\v 12 Saridpitaga lindan aywaraycaran inti yagamunan caj-läpana Quislot-taborcama. Chaypa päsar chayararan Daberatman. Chaypitana wicharaycaran Jafiaman.  
\v 13 Chaypitaga linda aywararan inti yagamunan caj-läpana. Gat-heferpa päsaycaran. Ita-cazinpa päsar chayaraycaran Rimonman. Chaypitana tumariycämuran Neapa.  
\v 14 Norte caj-läpana linda tumaraycaran puntallanpa Hanatoncama. Chayno tumararmi chayararan Jefte-el pampaman.  
\v 15 Chay particho caycaran chunca ishcay (12) siudäcuna marcancunawan-cama. Chay siudäcuna waquenga caran Catat, Naalal, Simrón, Idala, Belén. 
\pi1  
\v 16 Chaynömi caran Zabulón trïbu runacuna castanpa-castanpa chacrata chasquishan siudäcunapis marcancunawan-cama. 
\s1 Isacar trïbupa chacran 
\p  
\v 17 Chacrata aypunanpaj yapay surtita jitaptin llojshiran Isacar trïbupäna.  
\v 18 Paycunapa chacranchöga caycaran cay siudäcuna: 
\pi1 Jezreel, Quesulot, Sunem,  
\v 19 Hafaraim, Sihón, Anaharat,  
\v 20 Rabit, Quisión, Abez,  
\v 21 Remet, En-ganim, En-hada, Bet-pases siudäpis.  
\v 22 Lindan päsaraycaran Taborpa, Sahazimapa, Bet-semespa Jordán mayuman chayanancama. Paycunapa siudänin llapanga caran chunca sojtami (16) marcancunawan-cama. 
\pi1  
\v 23 Chaynömi caran Isacar trïbu runacuna castanpa-castanpa chacrata chasquishan siudäcuna marcancunawan-cama. 
\s1 Aser trïbupa chacran 
\p  
\v 24 Chacrata aypunanpaj surtita yapay jitaptin yargamuran Aser trïbupäna.  
\v 25 Chay chacrachöga cay siudäcunami caycaran: 
\pi1 Helcat, Halí, Betén, Acsaf,  
\v 26 Alamelec, Amad, Miseal. Inti yaganan caj-läpaga lindan päsaraycaran Carmelo jircapa, Sihor-libnatpa.  
\v 27 Chaypita inti yagamunan caj-läpa tumar Bet-dagonpa päsar chayaran Jefte-el pampacama. Jefte-el pampachöga Zabulón trïbu runacunapa lindanwanmi tincuraycaran. Chaypita norte caj-läpa tumar päsararan Bet-emecpa, Neielpa, Cabulman chayashancama.  
\v 28 Chaypita päsaraycaran Abdonman, Rehobman, Hamonman, Canäman, asta jatuncaray Sidón siudäman chayanancama.  
\v 29 Chaypita tumar lindan Ramäpa päsaraycaran Tiro siudäcama. Tiroga intërunpa curalashami caran. Chaypitaga chayaycaran Hosaman. Chaypa päsar chayaraycaran Mediterráneo lamarman. Aser trïbu runacunapa siudänincuna caycaran Mahaleb, Aczib,  
\v 30 Uma, Afec, Rehob. Paycunapa siudänincuna llapanga caran ishcay chunca ishcaymi (22) marcancunawan-cama. 
\pi1  
\v 31 Chaynömi caran Aser trïbu runacuna castanpa-castanpa chasquishan siudäcuna marcancunawan-cama. 
\s1 Neftalí trïbupa chacran 
\p  
\v 32 Chacrata aypunanpaj yapay surtita jitaptin llojshiran Neftalí trïbupänami. 
\pi1  
\v 33 Paycunapa chacranpa lindan gallariycaran Helefpita. Päsaraycaran Alón-saananimpa, Adami-necebpa, Jabneelpa, Lacumpa Jordanman chayanancama.  
\v 34 Inti yaganan cajpana lindan aywaraycaran Aznot-taborpa. Chaypa päsaraycaran Hucoccama. Sur caj-läpaga lindan tincuycaran Zabulón trïbupa lindanwan. Inti yaganan caj-läpana lindan tincuycaran Aser trïbupa lindanwan. Inti yagamunan caj-läpa lindan tincuycaran Jordán mayucama.  
\v 35 Paycunapa curalasha siudänincuna caran Sidim, Zer, Hamat, Racat, Cineret,  
\v 36 Adama, Ramá, Hazor,  
\v 37 Cedes, Edrei, En-hazor,  
\v 38 Irón, Migdal-el, Horem, Bet-anat, Bet-semes. Paycunapa siudänincuna llapanga caran chunca isgunmi (19) marcancunawan-cama. 
\pi1  
\v 39 Chaynömi lindancuna caran Neftalí trïbu runacuna castanpa-castanpa chasquishan siudänincuna marcancunawan-cama. 
\s1 Dan trïbupa chacran 
\p  
\v 40 Chacrata aypunanpaj yapay surtita jitaptin llojshiran Dan trïbupäna. 
\pi1  
\v 41 Paycunapa siudänincuna caycaran Zora, Estaol, Ir-semes,  
\v 42 Saalabín, Ajalón, Jetla,  
\v 43 Elón, Timnat, Ecrón,  
\v 44 Elteque, Gibetón, Baalat,  
\v 45 Jehud, Bene-berac, Gat-rimón,  
\v 46 Mejarcón, Racón. Paycunapämi caran Jope siudäpa lädun particunapis. 
\pi1  
\v 47 Chayno captinpis aypushan chacrata Dan trïbu runacuna manami guechuyta camäpacuranchu. Chaymi Lesemman wicharan chaychöna tiyananpaj. Lesem runacunawan pillyar wañuchirmi chaychöna tiyacuran. Chay marcapa jutinta rucachiran Dan jutin cananpäna. Chaymi trïbupa jutin Dan cashanno marcapa jutinpis caran.\x * \xo 19:47 \xt Jue. 18.1–29\x* 
\pi1  
\v 48 Chaynömi caran Dan trïbu runacuna castanpa-castanpa chacrata chasquishan siudäcuna marcancunawan-cama. 
\s1 Josuëpa chacran 
\p  
\v 49 Israel runacunata raquipayta ushaycuptin, Nunpa wamran Josuëtapis chacrata ricachiran waquin caj trïbucuna chasquishan chaupincho.  
\v 50 \nd Tayta Dios\nd* nishannömi Josué mañacuptin siudäta aypuran. Chaymi chasquiran Efraín jircacho caj Timnat-sera siudäta. Josuëga chay siudäta allchar wasicunatapis yapay jatarachir chaycho tiyacuran. 
\p  
\v 51 Llapan chacratami cüra Eleazar, Josué, mandaj runacuna surtita jitarcur-jitarcur Israelcunata raquiparan. Tincuna Toldu puncuchömi \nd Tayta Diospa\nd* ñaupancho surtita chayno jitaran. Tincuna Tolduga Silo marcachömi caran. Chaynöpami llapan chacracunata raquipayta usharan. 
\c 20  
\s1 Pacacuna siudäcunata acrashan 
\r (Núm. 35.6–34; Deut. 4.41–43; 19.1–13) 
\p  
\v 1 Chaypitanami Josuëta \nd Tayta Dios\nd* niran:  
\v 2 «Israel runacunata niy pacacuna siudäcunata acrananpaj.\x * \xo 20:2 \xt Núm. 35.6–32; Deut. 4.41–43; 19.1–13\x* Chayno rurananpämi Moisesta nirä.  
\v 3 Pipis illajpita runa-masinta mana yarpashapita wañuycacherga chay siudäman gueshpir aywaconga pacacunanpaj. Chauraga wañojpa famillyan manami wañuchengachu.  
\v 4 Pacacuyta munaj cäga maygan siudäpa puncunmanpis chayaycur willaconga imanöpa wañupacushantapis siudächo tiyaj mayur runacunapa ñaupancho. Chaura paycunanami siudäman yaycachenga. Ricachenga maynincho tiyananpäpis.  
\v 5 Contran mana caycar runa-masinta wañupacusha captinmi wañojpa lijïtimu castancuna guepanta chayaptin mayur runacunaga mana entregangachu.  
\v 6 Chaypa ruquenga chaycho tiyaj runacunami jusgar nenga wañupacoj runa yarpaypa u mana yarpaypa wañuchishantapis. Mana yarpaypa wañuchishanta niptenga chay siudällachömi tiyaconga mandaj cüra wañushancama. Chaypitarämi wasinman cuticonga.» 
\p  
\v 7 Chaura Israelcunaga acraran pacacunanpaj caj siudäcunata. Neftalí trïbupa chacranchöga acraran Galileacho caycaj Cedes siudäta. Efraín trïbupa chacranchöga acraran Shequem siudäta. Judá trïbupa chacranchöpis acraran Quiriat-arba siudäta. (Quiriat-arbapa jucaj jutin caran Hebrón).  
\v 8 Jericöta päsar Jordán mayu washa chimpachömi acraran Beserta, Ramot-ta, Golanta. Beserga Rubén trïbu runacuna tiyashan chunyaj pampachömi caycan. Ramotga Galaadchömi caycan. Basanga Manasés trïbu runacuna tiyashanchömi caycan.  
\v 9 Chay siudäcuna caran Israel runacuna, Israel runacunacho tiyaj jäpa runacunapis mana yarpaypa runa-masinta wañupacushanpita chayman pacacunanpämi. Chayman pacacuptinmi wañojpa famillyancuna mana wañuchejnachu. Chaycho tiyaj runacunanami shuntacaycur chay runata jusgaj yarpaypa u mana yarpaypa wañuchishantapis musyananpaj. 
\c 21  
\s1 Leví trïbupa siudänincuna 
\r (1Crón. 6.54–81) 
\p  
\v 1 Chaypitanami Leví trïbupa mandajnincuna Canaancho caycaj Silo marcaman aywaran Eleazar cürawan, Josuëwan, Israel runacunapa waquin autoridänincunawan parlananpaj.  
\v 2 Chayaycur niran: «\nd Tayta Diosmi\nd* Moisesta niran siudäcunata, guewayoj jircacunata raquipämänayquipaj. Chaynöpami canga tiyanäpäpis, uywäcunata uywanäpäpis.»\x * \xo 21:2 \xt Núm. 35.1–8\x* 
\v 3 Chayno niptinmi \nd Tayta Dios\nd* nishannölla Israelcunaga quiquincunapa siudänincunata goycäriran juc ishcayta, uywancunapäpis guewayoj jircacunata. 
\p  
\v 4 Rimëru surtita jitaran Aaronpita mirajcuna siudäcunata chasquinanpaj. Aaronpita mirajcunaga Coat casta runacunami caran. Paycunami chasquiran chunca quimsa (13) siudäcunata. Chay siudäcunaga caran Judá trïbu, Simeón trïbu, Benjamín trïbu chasquishan partichömi.  
\v 5 Waquin caj Coat castacuna chasquiran chunca siudäcunata. Chay siudäcunaga caycaran: Efraín, Dan, pullan Manasés trïbu chasquishan partichömi.  
\v 6 Chaypitaga surtita jitaran Gersón casta runacuna siudäcunata chasquinanpäna. Paycunami chasquiran chunca quimsa (13) siudäcunata. Chay siudäcunaga caran Isacar trïbu, Aser trïbu, Neftalí trïbu, Basancho caj pullan Manasés trïbu chasquishan partichömi.  
\v 7 Merari casta runacunanami chasquiran chunca ishcay (12) siudäcunata. Chay siudäcunaga caran: Rubén trïbu, Gad trïbu, Zabulón trïbu chasquishan partichömi. 
\p  
\v 8 Chaynömi Israelcunaga Moisesta \nd Tayta Dios\nd* nishannölla surtita jitaypa Leví trïbucunata raquiparan siudäcunatawan uywancunapaj jircacunata. 
\p  
\v 9 Judá trïbu runacunami, Simeón trïbu runacunami chay siudäcunata goycuran.  
\v 10 Chay siudäcuna caran Aaronpita miraj Coat casta runacunapämi. Paycunapämi rimir-puntata surti llojshiran. 
\p  
\v 11 Aaronpita miraj runacunatami raquiparan Judá trïbu runacuna tiyashan jircacunacho caycaj Quiriat-arba siudäta, läduncho caj jircacunatapis uywancunapaj. Quiriat-arbapa jucaj jutinmi Hebrón caran. Chay siudäga caran jatusaj Anac castapa capitalninmi.  
\v 12 Chay siudäpa mas washa-länincho caycaj jircacunatawan marcacunatami ichanga Jefonepa wamran Calebta Josué entregaran. 
\p  
\v 13 Aaronpita mirajcuna Hebrón siudäta chasquishanga caran runata wañupacur pacacunan siudämi. Chay siudäta goycushanpita juc siudäcunatapis yaparanraj. Chay siudäcunaga caran: Libna,  
\v 14 Jatir, Estemoa,  
\v 15 Holón, Debir,  
\v 16 Aín, Juta, Bet-semes. Chay isgun siudäcunaga llapanpis caycaran guewayoj jircancunawan-cama. 
\p  
\v 17 Benjamín trïbupitana chasquiran Gabaón, Geba,  
\v 18 Anatot, Almón siudäcunata. Chaura caran chuscu siudäcuna. Llapanpapis caycaran guewayoj jircancunawan-cama. 
\p  
\v 19 Chaura Aaronpita mirajcunaga chunca quimsa (13) siudäcunatami chasquiran guewayoj jircancunatawan-cama. 
\b  
\p  
\v 20 Leví trïbu Coat castacuna waquenga siudäcunata chasquiran Efraín trïbu chasquishan particho. 
\p  
\v 21 Paycunami chasquiran Efraín trïbu tiyashan jircacunacho caycaj Shequem siudäta. Chay siudäga caran mana yarpaypa runata wañupacojcuna pacacunanpämi. Chaynöpis chasquiran Gezerta,  
\v 22 Kibsaimta, Bet-horonta. Chaymi Efraín trïbupita chasquiran chuscu siudäcunata guewayoj jircancunatawan-cama. 
\p  
\v 23 Dan trïbupitanami chasquiran Elteque, Gibetón,  
\v 24 Ajalón, Gat-rimón siudäcunata. Chaura Dan trïbupita chasquiran chuscu siudäcunata. Chaycunaga caycaran guewayoj jircancunawan-camami. 
\p  
\v 25 Pullan Manasés trïbupitapis chasquiran Taanactawan Gat-rimonta. Chaura pullan Manasés trïbupita chasquiran ishcay siudäcunata guewayoj jircancunatawan-cama. 
\p  
\v 26 Coat castapa siudänincuna llapanga caran chuncana. Chay siudäcunaga caycaran guewayoj jircancunawan-cama. 
\b  
\p  
\v 27 Leví trïbu Gersón casta runacunapis siudäcunata chasquiran. 
\p Paycunaga pullan caj Manasés trïbupita chasquiran Basancho caycaj Golanta. Chay siudäga caran mana yarpashapita runata wañupacur pacacunanpämi. Chayno Beestera siudätapis chasquiran guewayoj jircancunatawan-cama. 
\p  
\v 28 Isacar trïbupitana chasquiran Cisón, Daberat,  
\v 29 Jarmut, En-ganim siudäcunata. Chaynömi chay chuscu siudäcunata chasquiran guewayoj jircancunatawan-cama. 
\p  
\v 30 Aser trïbupitana chasquiran Misael, Abdón,  
\v 31 Helcat, Rehob siudäcunata. Chaura chasquiran chuscu siudäcunata guewayoj jircancunatawan-cama. 
\p  
\v 32 Neftalí trïbupitami chasquiran Galileacho caycaj Cedes siudäta (Cedesga caran mana yarpashapita runata wañupacur pacacunan siudämi.), Hamot-dorta, Cartanta. Chaymi Neftalí trïbupita quimsa siudäcunata chasquiran guewayoj jircancunatawan-cama. 
\p  
\v 33 Chaura Gersón castaga chasquiran chunca quimsa (13) siudäcunata guewayoj jircancunatawan-cama. 
\b  
\p  
\v 34 Leví trïbu runacunapa ushanan castaga Merari castami caran. 
\mi Merari casta runacunapis Zabulón trïbupita siudäcunata chasquiran. Chay siudäcuna caran Jocneam, Carta,  
\v 35 Dimna, Naalal. Chaymi Zabulón trïbupita chuscu siudäcunata chasquiran guewayoj jircancunatawan-cama. 
\p  
\v 36 Rubén trïbupitana chasquiran Beser, Jahaza,  
\v 37 Cademot, Mefaat siudäcunata. Chaura Rubén trïbupita chuscu siudäcunata chasquiran guewayoj jircancunatawan-cama. 
\p  
\v 38 Gad trïbupitami chasquiran Galaadcho caycaj Ramot-ta. (Chay siudäga caran mana yarpashapita runata wañupacur pacacunan siudämi.) Chayno chasquiran Mahanaim,  
\v 39 Hesbón, Jazer siudäcunatapis. Chaura Gad trïbupita chuscu siudäcunata chasquiran guewayoj jircancunatawan-cama. 
\p  
\v 40 Chaura Leví trïbu Merari casta runacunaga chasquiran chunca ishcay (12) siudäcunata llapantapis guewayoj jircancunatawan-cama. Chay castaga ushanan cajnami caran. 
\p  
\v 41 Israel runacunapa chacrancho Leví trïbu runacuna chasquishan siudänincuna ushajpäga caran chuscu chunca pusajmi (48). Chay siudäcunaga llapanpis caycaran guewayoj jircancunawan-camami.  
\v 42 Llapan chay siudäcunapa läduncho caj jircacunatapis chasquiran uywancunapämi. 
\s1 Tayta Dios aunishanta cumlishan 
\p  
\v 43 Chaynömi Israelcunata \nd Tayta Diosga\nd* chacrata raquiparan unay awiluncunata aunishannölla. Chaura Israelcunaga yaycur chaychöna tiyacuran.  
\v 44 Binsinanpaj \nd Tayta Dios\nd* yanapaptinmi contran runacuna imanöpapis ichipayta mana camäpacuranchu. Chaynöpami unay awiluncunata \nd Tayta Dios\nd* aunishanno Israel runacunaga imapitapis mana llaquicuypa jaucana tiyacuran.  
\v 45 Israelcunata unay aunishantaga llapantami \nd Tayta Dios\nd* cumliran. Juc shimilla imapaj nishantapis manami gongaranchu. 
\c 22  
\s1 Rubén, Gad, pullan Manasés trïbu cuticushan 
\p  
\v 1 Chaypitana Josuëga Rubén trïbuta, Gad trïbuta, pullan Manasés trïbuta  
\v 2 gayarcur niran: «\nd Tayta Diosta\nd* sirbej Moisés nishushayquita gamcunaga llapantanami cumlishcanqui. Noga nishäcunatapis llapantami wiyacushcanqui.  
\v 3 Gamcunaga canancamapis Israel-masiquicunata manami cacharishcanquichu. \nd Tayta Diosninchïpa\nd* mandamintuncunatapis llapantami cumlishcanqui.  
\v 4 Chaymi Israel-masinchïcuna cananga \nd Tayta Dios\nd* aunimashanchïnölla allina goyarcaycan. Chauraga Jordán mayupa washa chimpancho \nd Tayta Diospa\nd* sirbejnin Moisés goycushushayquimanna cuticuy.\x * \xo 22:4 \xt Núm. 32.20–32; Jos. 1.12–15\x* 
\v 5 Ichanga canan noga munä Moisés llapan layta yachachishushayquinölla mana gongaypa cumlinayquitami. Chayno nir niycä \nd Tayta Diosninchïta\nd* llapaniquipis cuyanayquipämi, pay munashannölla goyänayquipämi, pay nishancunata cumlinayquipämi, \nd Tayta Dios\nd* nishannölla llapan shonguyquipa llapan bïdayquipa rispitar payta sirbinayquipämi.» 
\p  
\v 6 Chayno alli goyänanpaj willaparcur Josuëga bindisyunta goran. Nircur «cuticuyna» nir despacharan. Chaura paycunapis cuticuran famillyancuna tiyashan tolduncunaman-cama. 
\p  
\v 7 Jordán mayuta manaraj päsarmi pullan Manasés trïbuta Moisesga Basancho chacrata ricachiran. Manasés trïbu pullan cajtanami Jordán mayuta päsarcur Josué chacrata ricachiran waquin caj Israelcunatawan iwal. Chacrata Moisés raquipashan caj pullan Manasés trïbuta bindisyunta goycur Josuëga wasinman cuticuptin  
\v 8 niran: «Binsishayqui runacunapita ima-aycantapis shuntamushayquiwan fiyupa rïcumi cutiycanqui. Achcatami uywatapis, goritapis, guellaytapis, runsitapis, fyërrutapis apaycanqui. Röpacunatapis achcatami apaycanqui. Chayno apaycarga siudäniquicunaman chayaycur marca-masiquicunata raquipanqui.» 
\p  
\v 9 Chayno niptin Rubén trïbu, Gad trïbu, pullan Manasés trïbu runacuna Israel-masincunawan Silo marcacho caycashanpita Galaadman cuticuran. Moisesta \nd Tayta Dios\nd* nishannömi paycunapa chacrancuna Galaadcho caran. 
\s1 Jordán mayu läduncho altarta rurashan 
\p  
\v 10 Rubén trïbu, Gad trïbu, pullan Manasés trïbu runacuna chacrancunaman cuticuran. Cuticuycashancho Jordán mayu cantunman chayaycärir altarta pergaran. Chayga caran Canaanman caj-lädullachöraj. \fig Jordán mayu läduncho altarta rurashan|src="HK00252B.TIF" size="col" loc="Jos. 22.10" ref="Jos. 22.10" \fig* 
\v 11 Waquin Israelcuna mayaran Canaán linda tincoj Jordán mayu cantuncho Rubén trïbu, Gad trïbu, pullan Manasés trïbu juc altarta pergashanta.  
\v 12 Mayaycärir jinan öra llapan Israelcuna Siluman shuntacaran altar pergaj castancunawan pillyaj aywananpaj. 
\p  
\v 13 Manaraj pillyaj aywarmi cüra Eleazarpa wamran Fineesta Galaadman cacharan Rubén trïbu, Gad trïbu, pullan Manasés trïbu runacunawan parlananpaj.  
\v 14 Fineeswan aywaran Israelcunapa chuncaj mandajnincunapis. Paycunaga Silucho caycaj cada trïbupa mandajninmi caran.  
\v 15 Galaadman chayaycur Rubén, Gad, pullan caj Manasés trïbu runacunata niran:  
\v 16 «Israel-masinchïcunami musyayta munaycan. ¿Imanirtaj gamcunaga Israel runacuna rispitashan \nd Tayta Diospa\nd* contran ricacushcanqui? ¿Imanirtaj \nd Tayta Diosta\nd* mana rispitanquichu? ¿Imanirtaj juc altarta ruracarcärishcanqui?\x * \xo 22:16 \xt Jos. 12.5–6, 13–14\x* 
\v 17 ¿Manachu manchacunqui Peor particho juchata rurajcunata imano ushacächishanta yarpärillarpis? Juchata rurar llapanchïtami ganrachimashcanchi. Chaypitaga canancamapis manami limyuyasharächu caycanchi.\x * \xo 22:17 \xt Núm. 25.1–9\x* 
\v 18 ¿Imanirtaj gamcunapis \nd Tayta Diospa\nd* contran jatarir juc diostana aduranayquipaj chay altarta ruracurcushcanqui? Chayno rurashayquipita \nd Tayta Dios\nd* fiyupa rabyacur llapanchïtachari ushacächimäshun.  
\v 19 Chasquishayqui chacracuna ganra cashanta yarparga nogacuna tiyashä cajman shacamuy tiyanayquipaj. Chaychömi \nd Tayta Diospa\nd* Rispitädu Toldunpis caycan. Shacamorga nogacuna cajchömi gamcunapis chacracunata chasquinquipaj. Imano carpis juc altartaga ama ruraychu. Juc altarta jataracherga \nd Tayta Diospa\nd* contran, nogacunapa conträmi jatariycanqui.  
\v 20 Ama gongaychu Zerapa wamran Acán jucha rurashanta. Payga ‹Ushajpaj illgächiy› nishantami quiquinpaj apacuran. Chayno rurashanpitami Tayta Diosga noganchi Israelcunapäga fiyupa rabyacurcuran. Chay öraga manami Acán japallanchu juchanpita wañuran.»\x * \xo 22:20 \xt Jos. 7.1–26\x* 
\p  
\v 21 Chaura, Rubén trïbu, Gad trïbu, pullan Manasés trïbuga mandaj Israelcunata niran:  
\v 22 «Munayniyoj \nd Tayta Diosllami\nd* musyan. Manami mana wiyacoj caypitachu, ni paypita witicunäpächu cay altarta rurashcä. Canan örami musyaycan. Gamcunatapis musyachishunquimi. Llutan yarpaypa rurasha captëga mana cuyapaypa wañuycärachimay.  
\v 23 \nd Tayta Diospa\nd* contran jatarir rupachina sacrifisyucunata rupachinäpaj, chaqui micuy ofrendacunata u alli goyaypita sacrifisyuta rupachinäpaj chay altarta rurasha captëga quiquin \nd Tayta Dios\nd* jusgamächun.  
\v 24 Wara warantin \nd Tayta Diosta\nd* aduranäpaj aywaptë wamrayquicuna nogacunapita mirajcunata capaschari michar ninman: ‹Gamcunaga ¿imanirtaj yarpanqui Israelcunapa \nd Tayta Diosnin\nd* gamcunapapis Diosniqui cashanta?  
\v 25 Nogacuna adurashä \nd Tayta Diosmi\nd* Jordán mayuta churasha shuynina canapaj. Chaymi gamcuna Rubén, Gad trïbucuna caycho \nd Tayta Diosta\nd* aduranayqui mana camacanchu› nir. Chayno wamrayquicuna niptenga wamräcuna \nd Tayta Diosta\nd* manami aduranganachu. 
\p  
\v 26 «Chayno mana ninanpämi chay altartaga rurashcäcuna. Manami rupachina sacrifisyu uywacunata rupachinäcunapächu ni ima sacrifisyucunatapis rupachinäpächu.  
\v 27 Chaypa ruquin chay altarga canga gamcunawan nogacuna, wamranchïcunapis alli parlashanchi musyacänanpämi. Nogacunapis \nd Tayta Diostami\nd* sirbishaj. Pay caycashanmanmi nogacunapis rupachina sacrifisyöcunata apashaj rupachinäpaj. Alli goyaypita sacrifisyucunata pishtanäpäpis chaymanmi apashaj. Chayno waquin sacrifisyucunatapis apashaj. Chaura wamrayquicunapis manami michanganachu: ‹Gamcuna \nd Tayta Diosta\nd* aduranayquega manami camacanchu› nir.  
\v 28 Pipis chayno nimaptin wamräcunapis caynömi nenga: ‹¡Wiyay-llapa! Unay castäcuna Tayta Diospa altarninta rurashanga manami rupachina sacrifisyucunata rupachinäpächu ni ima sacrifisyupäpischu casha. Chaypa ruquenga caycan nogacunapis gamcunano \nd Tayta Diosta\nd* sirbiycashä musyacänanpämi.›  
\v 29 Nogacuna manami yarpächu juc altarta rurarpis \nd Tayta Diospa\nd* contran jatariyta. \nd Tayta Diospa\nd* altarnin Rispitädu Toldun ñaupancho mayna caycaptenga ¿imapänataj rupachina sacrifisyuta, chaqui micuy ofrendata y waquin sacrifisyuta rupachinäpaj juc-lächo altarta ruräman?» 
\p  
\v 30 Rubén, Gad, pullan caj Manasés trïbu runacuna chayno nishanta wiyaran cüra Finees, Israel mandajcunapis. Chayno nishanga paycunapaj alli caran.  
\v 31 Chaura cüra Eleazarpa wamran Fineesga niran: «Cananmi ichanga musyashcä \nd Tayta Dios\nd* llapanchïwan caycashanta. Manami llutan yarpaywanchu gamcunaga rurashcanqui. Allita yarpar rurashayquipitami \nd Tayta Dios\nd* mana castigamäshunchu.» 
\p  
\v 32 Chaypitanaga Fineespis aywäshejcunapis Galaadpita Canaanman cuticuran. Waquin Israel-masincuna caycashanman chayaycur willaparan Jordanpa jucaj-läduncho caycaj trïbucuna imano nishantapis.  
\v 33 Chayno willaptin paycunaga cushicushpan Tayta Diosta alabaran. Chay junajpita-pacha manana willanacurannachu Rubén, Gad trïbupäga. Manana yarparannachu chay trïbucuna tiyashanta illgächiytapis.  
\v 34 Chay örami Rubén, Gad trïbu runacunaga chay altarpa jutinta churaparan «Testïgu» nir. Chayno jutinta churaparan «Cay altarmi llapanchïta yarpächimäshun noganchïpis \nd Tayta Diosman\nd* yäracushanchïta» nir. 
\c 23  
\s1 Josué llapan Israelcunata willapashan 
\p  
\v 1 Israelcunataga \nd Tayta Dios\nd* yanaparan unaycamana jaucalla goyänanpaj, piwanpis mana pillyananpaj. Josuëpis pasaypa auquinna caycaran.  
\v 2 Chaymi Israelcunata ushajpaj shuntachimuran auquincunata, mandajcunata, juezcunata, mandaj suldärucunata. Nircur niran: «Nogaga edänami cä.  
\v 3 Gamcuna ricashcanquimi cay nasyuncho tiyaj runacunata gamcuna-raycu \nd Tayta Dios\nd* imano rurashantapis. \nd Tayta Diosmi\nd* pillyasha gamcunapa faburniqui.  
\v 4 Trïbunpa-trïbunpa chasquinayquipämi chay runacuna tiyashan particunata surtita jitaypa aypushcä. Manami shuntashanchi siudäcunallatachu aypushcä. Sinöga guechuypaj cajcunatapis Jordán mayupita gallaycur asta Mediterráneo lamarcamami aypushcä.  
\v 5 Chay guechunayquipaj caj siudäcunacho tiyaycaj runacunataga \nd Tayta Diosmi\nd* gargongapaj. Chaymi \nd Tayta Dios\nd* aunishushayquino chay chacracunata chasquinquipaj. 
\p  
\v 6 «Gamcunaga Moisés isquirbishan laycunata llapanta cumliy. Juctapis ama gonganquichu.  
\v 7 Ñaupayquicho tiyarcaycajraj jäpa runacunawanga ama tacucaychu. Paycuna adurashan diosnincunatapis ama aduranquichu. Chay dioscunapataga ni jutillantapis ama rimarcuychu, ni juraypischu jutinchöga.  
\v 8 \nd Tayta Diosnillanchïman\nd* mana cachariypa yäracunqui, canancama yäracushayquino.  
\v 9 \nd Tayta Diosmi\nd* gargusha jatusaj marcacunacho tiyaj munayniyoj runacunata. Canancamaga pipis manami ichipäshurayquichu.  
\v 10 Gamcunaga jucnayllami waranga (1,000) runacunatapis ayguichinquiman.\x * \xo 23:10 \xt Deut. 32.30\x* Aunishannöpis \nd Tayta Diosninchïmi\nd* gamcunapa faburniquega pillyanga.\x * \xo 23:10 \xt Deut. 3.22\x* 
\v 11 Chaymi llapan shonguyquipa \nd Tayta Diosta\nd* cuyay. Pay munashanno cawar llapan layninta cumliy.  
\v 12 Mana wañuchishayqui runacunawan iwal tiyashpayqui wamrayquicunata paycunapa wamrancunawan majachaptiquega  
\v 13 \nd Tayta Diosninchi\nd* chay runacunata manami gargonganachu. Chaypa ruquenga chay runacuna gamcunapaj canga redano, trampano, asticunano, ñawiquicho casha caycajnömi. Chaura gamcunaga manami ni jucnayllapis quëdanquipächu \nd Tayta Dios\nd* goshushayqui alli chacracho. 
\p  
\v 14 «Nogaga wañucushänami. Ichanga llapan shonguyquipa yarpay \nd Tayta Dios\nd* imata rurananpaj aunishantapis cumlishanta. Aunishantaga manami ni jucnayllatapis gongashachu.  
\v 15 \nd Tayta Diosninchi\nd* yanapämänanchïpaj aunimashanchïcunata cumlishannöllami payta mana wiyacuptiquega ushacächishunayquipaj nimashanchïcunatapis cumlengapaj. Chaura manami ni jucnayllapis cay alli chacra goshushayquichöga quëdanquipächu.  
\v 16 Tayta Dioswan conträtuta rurar parlashayquita mana cumlishpayqui, Diosta gongaycärir juc dioscunata aduraptiqui \nd Tayta Diosga\nd* gamcunapaj fiyupami rabyacurcongapaj. Chauraga manapis aycällatanami cay alli chacrapita illganquipaj.» 
\c 24  
\s1 Wañucunanpäna caycashancho Josué willapashan 
\p  
\v 1 Chaypitana Josuëga llapan Israelcunata Shequemman gayachiran. Gayachiran rispitädu auquincunata, mandajcunata, juezcunata, mandaj suldärucunata. Tayta Diospa ñaupancho  
\v 2 llapan runacunata niran: «Israelpa \nd Tayta Diosninmi\nd* nin: ‹Ñaupataga mas unay awiluyqui Taré\x * \xo 24:2 \xt Gén. 11.27\x* y wamran Abrahamwan Nacor tiyaran Éufrates mayu cantunchömi. Chaycho tiyar juc dioscunatami aduraj.  
\v 3 Éufrates mayu cantunpitami Abrahamtaga pushacamurä.\x * \xo 24:3 \xt Gén. 12.1–9\x* Nircur purichirä intëru Canaán nasyunpa. Nogami aypallaman mirananpaj camacächishcä. Canaanchömi Abrahampa wamran Isaac yuriran.\x * \xo 24:3 \xt Gén. 21.1–3\x* 
\v 4 Isaacpanami wamrancuna caran Jacobwan Esaú.\x * \xo 24:4 \xt Gén. 25.24–26\x* Esaüpita mirajcunatami goycurä aypalla puntayoj Seir\x * \xo 24:4 \xt Gén. 36.8; Deut. 2.5\x* partita. Jacobnami llapan wamrancunawan aywacuran Egiptuman.\x * \xo 24:4 \xt Gén. 46.1–7\x* 
\v 5 Chaura nogaga chayman cacharä Moisestawan Aaronta. Gamcunata jorgamunäpaj Egipto runacunata castigar aypallata wañuchirä.\x * \xo 24:5 \xt Éxo. 3.1–12.42\x* 
\v 6 Chaynöparämi cacharimuran Israel runacuna Egiptupita yargamunanpaj. Shacamuptinmi Egipto suldärucuna guërrapaj carrëtancunawan cawalluncunawan Puca Lamarcama gatimuran.  
\v 7 Chaymi unay castayquicunaga yanapänäpaj mañacamaran. Chaura Egipto runacunapäga nogami fiyupa chacayman ticrarachirä. Lamar yacucho Egipto runacuna shingaypa wañunanpäpis camacächirä. Gamcunaga musyarcaycanquimi Egiptucho imano rurashätapis. 
\p « ‹Chaypita shacamur gamcunaga unaycamami chunyajcho tiyashcanqui.  
\v 8 Nircurnami Jordanpa chimpan Amorreo runacuna tiyarcaycashanman pushamurä. Amorreo runacuna contrayqui jatarir gamcunawan pillyaran. Chaura nogami gamcunata yanaparä binsir illgächinayquipaj. Nircur nasyunnintapis quiquiquicunapäna charicarcärishcanqui.\x * \xo 24:8 \xt Núm. 21.21–35\x* 
\v 9 Chaypita Ziporpa wamran Balac Moab runacunapa raynenga gamcunata magashunayquipaj camaricuran. Manaraj pillyar Balacga Beorpa wamran Balaamtami gayachiran gamcunata maldisyunta gochishunayquipaj.  
\v 10 Nogaga manami camacächirächu Balaam maldisyunta goshunayquita. Chaymi payga bindisyuntana goshurayqui.\x * \xo 24:10 \xt Núm. 22.1–24.25\x* Chaynömi gamcunata salbarä.  
\v 11 Chaypita Jordán\x * \xo 24:11 \xt Jos. 3.14–17\x* mayuta chimpar Jericöcama chayamushcanqui. Jericöcho tiyaj runacuna gamcunawan pillyaptinpis paycunata binsinayquipämi yanaparä. Chaynöpami Amorreo, Ferez, Cananeo, Het, Gerges, Hev, Jebús runacunata ushajpaj illgächinayquipäpis yanaparä.\x * \xo 24:11 \xt Jos. 6.1–21\x* 
\v 12 Amorreo runacunapa ishcay raynincunata noga mancharachiptëmi pillyaj aywaptiqui gueshpir aywacuran. Manami sabliquiwanchu ni lëchayquiwanpischu binsirayqui.\x * \xo 24:12 \xt Éxo. 23.28; Deut. 7.20\x* 
\v 13 Nogaga gamcunata goycushcä mana ñacashayqui chacracunatami, siudäcunatami. Chaymi chay siudäcunachöna cananga tiyarcaycanqui. Mana lantashayqui wayojtami übastapis, asëtünastapis micurcaycanqui.›\x * \xo 24:13 \xt Deut. 6.10–11\x*» 
\p Mastapis Josué niran:  
\v 14 «Chaymi gamcunaga \nd Tayta Diosta\nd* amatar manchacushpayqui rispitar caway. Éufrates mayu läduncho tiyashpan, Egipto nasyuncho tiyashpan unay castanchïcuna rispitar adurashan dioscunataga ama aduraynachu. Chaypa ruquenga \nd Tayta Diosllatana\nd* sirbir aduranqui.  
\v 15 \nd Tayta Diosninchïta\nd* sirbiyta mana munarga canan niy pita sirbinayquipaj cashantapis. ¿Éufrates mayu läduncho tiyar unay castanchïcuna sirbishan diostachu sirbinquipaj? U ¿Caycho tiyaj Amorreo runacuna sirbishan dioscunatachu sirbinquipaj? Nogami ichanga famillyäcunawan \nd Tayta Diosllata\nd* sirbishaj.» 
\p  
\v 16 Niptin, runacunaga niran: «¡\nd Tayta Diospis\nd* ama munachunchu nogacuna payta cachaycur juc dioscunata sirbinätaga!  
\v 17 Quiquin \nd Tayta Diosmi\nd* Egiptucho uyway caycajta noganchïtapis unay castanchïcunatapis jorgamaranchi. Quiquinchïmi ricashcanchi almiraypaj milagrucunata rurashantapis. Shamuptinchïpis paymi imapitapis chapämashcanchi achca nasyuncunapa päsamuptë.  
\v 18 Canan tiyaycashanchi particunacho tiyaj Amorreo runacunata, waquin runacunatapis \nd Tayta Diosmi\nd* gargur ushacächisha. Chaypitami payta imaypis sirbishäcuna. Payllami Tayta Diosninchi caycan» nir. 
\p  
\v 19 Chayno niptin Josué niran: «Gamcunaga manami \nd Tayta Diosta\nd* sirbiyta puydinquipächu. Payga santumi. Japallanta adurananchïtami munan. Payta mana wiyacur juchata ruraptiquega manami awantashunquipächu.  
\v 20 \nd Tayta Diosta\nd* cachaycur juc dioscunatana aduraptiquega pay fiyupa mana allicunawanmi castigashunquipaj. Alli goyänayquipaj yanapäshushayquimannöllami castigashunquipäpis ushajpaj illgächishunayquicama.» 
\p  
\v 21 Chaura Israelcunaga niran: «Manami juc dioscunataga adurashächu. Nogacunaga \nd Tayta Dios\nd* japallantami sirbishaj.» 
\p  
\v 22 Niptin Josué niran: «Gamcunaga quiquiquimi aunishcanqui \nd Tayta Diosta\nd* rispitar sirbinayquipaj.» 
\p Chaura paycuna «Au tayta» niran. 
\p  
\v 23 Josuënami niran: «Chaura, gamcunaga ‹diosnë› nir charaycashayquicunata ushajpaj jitariy. Nircorga \nd Tayta Dios\nd* japallantana llapan shonguyquipa rispitay.» 
\p  
\v 24 Niptin runacuna niran: «Nogacunaga \nd Tayta Diosllatami\nd* sirbishaj. Pay nimashallantami cumlishäpis.» 
\p  
\v 25 Chaura Josuëga Shequemcho chay junajllami Israelcunawan conträtuta ruraran. Chayno conträtuta rurarmi Tayta Diospa laynincunatapis willaparan.  
\v 26 Llapan willapashancunatami Josuëga isquirbiran laynincunata \nd Tayta Dios\nd* isquirbichishan libruman. Parlacushanta yarpänanpämi jatun wancata ichichiran encina jacha chaquinman. Chay jacha lädunchömi rispitädu pacha caran.  
\v 27 Nircur runacunata Josué niran: «Cay wancami testïgu caycan \nd Tayta Dios\nd* imata nimashanchïtapis. Payta imaypis sirbinayquipaj conträtuta rurashayquipäpis chay wancami testïgu caycan. Chayno aunircurpis mana cumliptiquega cay wancami cärashunqui \nd Tayta Dios\nd* castigashunayquipaj.» 
\p  
\v 28 Chayno llapanta willaparcurnami Josuëga runacunata marcancunaman cuticunanpaj niran. 
\s1 Josué wañushan 
\r (Jue. 2.6–10) 
\p  
\v 29 Chaypita manapis aycällatanami Nunpa wamran Josuëga wañucuran. Payga \nd Tayta Diosta\nd* sirbejmi caran. Josué wañucuran pachac chuncan (110) watayoj caycashancho.  
\v 30 Wañuptin pampaycäriran quiquinpa chacran Timnat-seraman.\x * \xo 24:30 \xt Jos. 19.49–50\x* Chayga caycan Efraín trïbupa jircanchömi Gaas puntapita norte caj-läduncho.  
\v 31 Josuëpis wiñay-masincunapis ricaranmi Israel runacunata yanapar milagrucunata \nd Tayta Dios\nd* rurashanta. Chaymi Josuëwan wiñay-masincuna cawashanyäga Israelcuna \nd Tayta Dios\nd* munashanno cawaran. 
\s1 Josëpa tullunta Israelcuna pampashan 
\p  
\v 32 Israel runacunaga Josëpa tulluncunata Egiptupita apamushanta Shequemman\x * \xo 24:32 \xt Gén. 50.24–25; Éxo. 13.19\x* apaycur chacrancho pampaycuran. Chay chacrataga Josëpa papänin Jacobmi rantiran pachac (100) guellaywan Hamorpa\x * \xo 24:32 \xt Gén. 33.19; Juan 4.5; Hech. 7.16\x* wamrancunapita. Hamorga Shequempa papäninmi caran. Chay chacratami Josëpa wamrancunapita mirajcunata goycuran. 
\s1 Eleazar wañushan 
\p  
\v 33 Aaronpa wamran Eleazar wañucuptinna wamran Fineespa chacran lömacho caycajman pampaycäriran. Chayga Efraín trïbu runacuna tiyashan jircacunacho caycaj Gibea marcachömi caycan.