\id JDG - Quechua Huallaga Huánuco Bible -Peru 2010 (DBL -2013) 
\h JUECES 
\toc1 Jueces 
\toc2 Jueces 
\toc3 Jue. 
\mt1 Jueces 
\ili ¿Pitaj rasun caj Dios? ¿Pitaj Israelpa raynin? 
\ili ¿Imanirtaj Tayta Dios munashanno cawayga sasa caycan? 
\im \bd ¿Imataj caycan cay librucho?\bd* Cay libruchöga caycan Josué wañushanpitaraj päsashancunami. Chay wichanga Israelcho manarämi ray caranrächu. Israelcunaga gongaycuranna Josué alli goyayman churashanta. 
\ip Ichanga cay librucho cada rätu musyaycächimanchi Israelcuna quiquincuna munashanno cawacushanta. Manami jucnayllanachu mandajnin caran (17.6; 21.25). Ichanga cada rätumi mandaj jueznincunata Tayta Dios churaparan. Israelcunapa Tayta Diosninta adurananpa ruquin runacunaga juc dioscunatana aduraycaran. Moisés isquirbichishan laytaga manami cäsurannachu. Runacunaga tucuy mana allitanami ruraran. 
\ip Cay libro gallaycunancho musyachimanchi Israelcuna yaparir-yaparir mana allita rurashantami (2.11–23): 
\ib  
\ili 1) Mandaj jueznin cawashancamaga Israelcuna cawaj Tayta Dios munashannömi. Y jaucallami goyaj. 
\ili 2) Mandaj jueznin wañuptenga Tayta Diosta gongaycojna. Bisïnun nasyun runacunapa diosnincunatana aduraj. 
\ili 3) Chaura Tayta Diosga Israelcunapaj rabyacurcoj. Nircur contrancunapa maquinman cachaycoj. 
\ili 4) Chayno captinna Israelcunaga ñacaj. Chayraj Tayta Diosta ruwacur mañacoj. 
\ili 5) Mañacuptinna Tayta Diosga Israelcunata cuyapaj. Chaura yapay juc mandaj jueztana churapaj contrancunapita salbananpaj. 
\ib  
\ip Mandajnincuna wañuptinnaga Israelcuna chayno mana allillatami ruraran. Chaura capítulo 3.7–16.31 willamanchi chunca ishcay mandajcunapitami. Capítulo 17–21 caycan Israelcuna pasaypa pirdicashanmi. Chayno pirdicashanpitami ishcay willapacuna caycan. 
\c 1  
\s1 Judá y Simeón trïbu runacuna Adoni-bezecta prësu charishan 
\p  
\v 1 Josué wañushanpitaga Israelcuna \nd Tayta Diosta\nd* tapucuran: «¿Maygan caj trïbu runacunataj Cananeo runacunata magaj primëru aywanga, Tayta?» nir. 
\p  
\v 2 Chaura \nd Tayta Dios\nd* niran: «Primëru Judá trïbu pillyaj yaycuchun. Chay chacrataga paycunatami goycushaj.» 
\p  
\v 3 Chaymi Judá trïbu runacunaga Simeón trïbu runacunata niran: «Nogacunaga aypumashan chacramanmi yaycushaj. Chaycho tiyaj Cananeo runacunata magaj yaycöshimay ari. Nircurnami nogacunapis gamcunata töcashushayqui chacraman yaycöshishayqui.» Chaura Simeón trïbu runacunaga magäshinanpaj aywaran. 
\p  
\v 4 Bezecman yaycur Cananeo y Ferez runacunawan pillyaptinmi \nd Tayta Dios\nd* yanaparan binsir wañuchinanpaj. Chaymi chay pillyacho chunca waranga (10,000) runacunata wañuchiran.  
\v 5 Cananeo y Ferez runacunapa raynin caran Adoni-bezec. Payta y paywan caycaj runacunatapis llapantami binsiran.  
\v 6 Waquinta wañuycächiptin Adoni-bezecga gueshpir aywacuran. Chaura paycuna gatir aywashpan prësu chariran. Nircur maquinpa chaquinpa maman dëduncunata cuchuran. 
\p  
\v 7 Chaura ray Adoni-bezec niran: «Cananga Diosmi fiyu cashäman-tupu fiyupa ñacaycächiman. Nogapis ñaupata ganchis chunca (70) raycunapa chaquinpa maquinpa maman dëduncunatami cuchuchirä. Chaura paycunaga puchupacunallata micurmi cawaj.» Ray Adoni-bezectaga aparan Jerusalenman. Chaychöna wañuran. 
\s1 Judá trïbu runacuna Hebronta y Jerusalenta charishan 
\p  
\v 8 Judá runacunaga Jerusalenman pillyaj yaycuran. Chaycho tiyajcunataga llapanta sabliwan wañuchiran. Siudätapis rupaycachiran.  
\v 9 Chaypitaga Néguev particho, jircacunacho, löma lömacunacho tiyarcaycaj Cananeo runacunamanpis wañuchinanpaj yaycuran.  
\v 10 Cananeo runacuna Hebrón siudächo tiyarcaycajmanpis wañuchinanpaj yaycuran. Chay siudäpa rimëroga jutin caran Quiriat-arba. Chaycho wañuchiran Sesai runacunata, Ahimán runacunata, Talmai runacunata. 
\s1 Debir siudäta Otoniel charishan 
\r (Jos. 15.15–19) 
\p  
\v 11 Chaypitaga Debir runacunata magajna yaycuran. Chay siudäpa unayga jutin caran Quiriat-sefer.  
\v 12 Calebga niran: «Pipis cay siudäman pillyaj yaycur binsej cajtami wamrä Acsawan majachashaj.»  
\v 13 Chay siudäman yaycorga magar binsiran Calebpa shullcan Cenazpa wamran Otonielmi. Chaura Calebga wamran Acsata Otonielwan majacharan. 
\p  
\v 14 Chaypita Acsa runan Otonielwan aywacuycaptin runanga shacyächiran papäninta: «Chacrata gomay» ninanpaj. Chaura bürrunpita Acsa yarpuran. Chaymi papänin Calebga tapuran: «¿Imatataj munaycanqui?» nir. 
\p  
\v 15 Chaura wamran Acsa niran: «Ruwacushayqui ari papä. Neguevcho chacrata raquipämasha caycarga yacu pashtajyoj chacracunatapis raquipämay.» Niptin papänenga chacrata goycuran puntacunacho yacu pashtajyojtawan pampacho yacu pashtajyojta. 
\s1 Judá y Benjamín trïbu runacuna chacrata charishan 
\p  
\v 16 Queni runacunami caran Moisespa suyrun Hobabpita miraj runacuna. Paycuna Judá trïbu runacunawan iwal Palmëra siudäpita\f + \fr 1:16 \ft Palmëra siudäga Tamar siudämi caran. Chayga Cachi Lamar sur caj-läpami caran.\f* aywar chunyajcho tiyacaycäriran. Chay chunyäga caycaran Judá trïbu runacunapa chacranchöna. Aradpitaga sur caj-lächömi caycaran. Paycuna tiyarcaycaran jinancho tiyaj Judá runacunawan iwal. 
\p  
\v 17 Chaura Judá runacunaga parlacushannölla Simeón trïbuwan iwal aywaran. Nircurmi Cananeo runacuna Sefat siudächo tiyarcaycajta ushajpaj wañuchiran. Chay siudätapis illgächiran. Chaypitami jutintapis churaparan «Horma» nir.\f + \fr 1:17 \fk Horma \ft ninanga \fk ushacasha \ft ninanmi.\f* 
\v 18 Ichanga manami binsiranchu Gaza, Ascalón, Ecrón runacunata. Chay siudäcunapa läduncho caycaj chacracunatapis manami guechuranchu. 
\p  
\v 19 \nd Tayta Dios\nd* yanapaptinmi Judá trïbu runacunaga intëru jircapa caj chacracunata chariran. Pampacho tiyaj runacunataga manami garguyta puydiranchu. Chay runacunapaga pillyapaj carrëtancuna caran fyërrupitami.  
\v 20 Moisés nishannöllami Hebrón chacrataga Calebta ricachiran. Ñaupatanami Moisés niran paypaj cananpaj. Calebmi chay chacrapita garguran Anac casta runacunata. 
\p  
\v 21 Benjamín trïbu runacunami ichanga Jerusalencho tiyaycaj Jebús runacunata garguyta mana puydiranchu. Chaynöpami canancamapis Benjamín trïbu runacunawan Jebús runacunaga jinalla Jerusalencho tiyarcaycan. 
\s1 Manasés y Efraín trïbu runacuna Bet-el siudäta charishan 
\p  
\v 22 Josëpita miraj runacuna Bet-elman yaycunanpaj parlacuran. Paycunataga \nd Tayta Diosmi\nd* yanapaycaran.  
\v 23 Bet-el siudäpami ñaupataga jutin caran Luz. Chaymanmi runacunata cacharan ricapacamunanpaj.  
\v 24 Ricapacoj aywajcunaga tariran juc runa siudäpita llojshiycajta. Chaura paycunaga niran: «Imanöpa siudäman yaycuna cashantapis ricachimaptiquega manami wañuchishayquichu.» 
\p  
\v 25 Chaura mayninpa yaycunanpäpis ricachiran. Chaypitaga ricapacojcuna cutir Israel-masincunata willaran mayninpa yaycunanpäpis. Chaymi Israel runacuna yaycuycur chaycho tiyajcunata llapanta wañuchiran. Marcaman imano yaycunanpäpis ricachej runatawan famillyancunatami ichanga aunishannölla mana wañuchiranchu.  
\v 26 Chay runanami aywacuran Het runacuna tiyashan partiman. Chaycho tiyar siudäpa jutinta churaparan «Luz» nir. Canancamapis chayllami jutin. 
\s1 Manaseswan Efraín trïbu runacuna guechushan chacrapa lindancuna 
\p  
\v 27 Manasés castacuna manami garguyta puydiranchu Bet-seán, Taanac, Dor, Ibleam, Meguido siudächo tiyaj runacunata, chay siudäpa läduncho tiyajcunatapis. Jinallami chay Cananeo runacunaga tiyarcaycaran.  
\v 28 Chaypita Israelcuna aypallaman mirar munayniyoj cashpanrämi chay Cananeo runacunataga sinchi aruycunacho ñacachiran. Garguytami ichanga mana puydirannachu. 
\p  
\v 29 Efraín trïbu runacunapis manami garguyta puydiranchu Gezercho tiyarcaycaj Cananeo runacunata. Chaymi chay Cananeo runacunaga jinalla Efraín trïbu runacunawan iwal tiyarcaycaran. 
\s1 Waquin trïbu Israelcuna binsir guechushan 
\p  
\v 30 Zabulón trïbu runacunapis manami garguranchu Quitrón, Naalal siudäcunacho tiyaj Cananeo runacunata. Cananeo runacunawanga iwalmi tiyarcaycaran Zabulón trïbu runacuna fiyupa ñacay aruyman churasha captinpis. 
\p  
\v 31-32 Aser trïbu runacunapis garguyta mana puydiranchu Aco, Sidón, Ahlab, Aczib, Helba, Afec, Rehob siudäcunacho tiyaj Cananeo runacunata. Garguyta mana puydir läduncunallacho tiyacaycäriran. 
\p  
\v 33 Neftalí trïbu runacunapis manami garguyta puydiranchu Bet-semes, Bet-anat siudächo tiyaj Cananeo runacunata. Ichanga paycuna fiyupa ñacay aruycunaman churaran. Chayno rurar fiyupa ñacachiptinpis Cananeo runacunaga jinallanchömi tiyarcaycaran. 
\p  
\v 34 Dan trïbu runacunatami ichanga Amorreo runacuna mana yaycuchiranchu pampa chacraman. Chaymi tuna chacracunaman cutichiran chaycho tiyacunanpaj.  
\v 35 Chaynöpami jinalla tiyarcaycaran Amorreo runacunaga: Heres, Ajalón, Saalbim siudäcunacho. Guepatarämi José trïbu aypallaman mirar, munayniyoj car sinchi ñacay aruycunaman churaran Amorreo runacunataga.  
\v 36 Amorreo runacunapa lindan aywaraycaran Acrabimman aywar wichänapita, Selapita mas janacama. 
\c 2  
\s1 Tayta Diospa anjilnin Boquim particho yuripashan 
\p  
\v 1 \nd Tayta Diospa\nd* anjilnenga Gilgalpita aywaran Boquimman. Chaycho Israelcunata niran: «Nogami gamcunata jorgamurä Egipto nasyunpita. Nircorga unay caj famillyayquicunata ‹goycushayqui› nishä partiman pushamushcä. Paycunatami nirä: ‹Conträtuta rurar parlashanchïtaga manami gongashäpächu.  
\v 2 Ichanga gamcuna ama ni imanillarpis parlacunquichu chayashayqui pachacho tiyaj runacunawan. Parlacunayquipa ruquenga altarninta ushajpaj juchorgärachinqui.› Chayno nishäpis gamcunaga manami wiyacushcanquichu. ¡Ricay cananga imatashi rurashcanqui!  
\v 3 Chaypitami cananga läduyqui marcacunacho tiyarcaycaj runacunata mana gargushänachu. Cananpitaga paycunami, adurashan dioscunami gamcunapaj trampano cangapaj.» 
\p  
\v 4 Chayno \nd Tayta Diospa\nd* anjilnin parlayta usharcuptin Israelcunaga fiyupa wagaran.  
\v 5 Chaypitami chay pachapa jutinta churaparan «Boquim»\f + \fr 2:5 \fk Boquim \ft ninanga \fk wagaj \ft ninanmi.\f* nir. Nircur jinancho uywancunata \nd Tayta Diospaj\nd* pishtarcur rupachiran. 
\s1 Josué wañucushan 
\r (Jos. 24.29–31) 
\p  
\v 6 Josué willapayta usharcur «aywacuyna» niptin llapan Israelcuna aywacuran chacranman-cama.  
\v 7 Josué cawashancamaga llapan Israelcunami \nd Tayta Diosta\nd* rispitar adurarcaycaran. Josuëpa wiñay-masincuna cawashanyajpis adurarcaycaranmi. Paycunaga almiraypajcunata \nd Tayta Dios\nd* rurashanta llapantami ricaran.  
\v 8 \nd Tayta Diospa\nd* sirbejnin Josuëga wañucuran pachac chuncan (110) watayoj caycashanchömi.  
\v 9 Paytaga pampaycäriran quiquinpa chacran Timnat-seraman. Chayga caycaran Efraín trïbupa altu caj chacrancuna caycashanchömi, Gaas jircapa norte caj-länincho.  
\v 10 Chaypitaga Josuëpa wiñay-masincuna, Canaán partiman chayajcuna llapanna wañucuran. Guepa yurej runacunaga mananami musyarannachu \nd Tayta Dios\nd* nishancunata ni Israelcunata imano yanapashantapis. 
\s1 Israelcuna Tayta Diosta gongaycärishan 
\p  
\v 11 Israelcunaga \nd Tayta Diospa\nd* contran fiyupa juchatanami ruraran. Paycunaga gallaycäriran Baal dios-niraj ïdulucunata adurayta.  
\v 12 Gongaycäriranna Egiptupita jorgamushan unay awiluncunapa \nd Tayta Diosninta\nd* aduraytaga. Ñaupancho tiyaj runacunapa diosnincunatana aduraran. Chaymi \nd Tayta Diosga\nd* fiyupa rabyacurcuran.  
\v 13 \nd Tayta Diosta\nd* gongaycärir Baal dios-niraj ïduluta, Astoret diosa-niraj ïdulucunatana aduraran.  
\v 14 Chaypitami \nd Tayta Diosga\nd* Israelcunapaj fiyupa rabyaran. Chaymi camacächiran suwacuna yaycuycur imancunatapis apacunanpaj. Läduncunacho tiyaj, chiquej runacuna yaycuycur magaptinpis paycunaga mananami ichiparannachu.  
\v 15 Piwanpis Israelcuna pillyananpaj aywaptin \nd Tayta Dios\nd* rabyashpan paycunapa contranna ricacuran. Chaymi contrancunata mana binsejchu. Unay willapashannömi paycunataga \nd Tayta Dios\nd* manana yanaparanchu. Chaura Israelcunaga fiyupana ñacaranpis. 
\p  
\v 16 Chaypis quiquin \nd Tayta Diosmi\nd* mandaj juezcunata churaparan. Chay mandaj juezcunanami suwapar ñacachejcunapita chaparan.  
\v 17 Israelcunaga chay mandaj jueznincunatapis manami wiyacuranchu. Chaypa ruquenga Tayta Diosta gongaycärirmi mana bälej dioscunata aduraran. Unay awiluncunami ichanga \nd Tayta Diospa\nd* laynin nishannölla llapantapis ruraran. Unay cajcuna rurashannöga paycuna mana rurarannachu.  
\v 18 Chaypis \nd Tayta Diosga\nd* mandaj juezta churaran yanapänanpaj. Mandaj jueznin cawashancamaga llapan chiquejcunapitami washaran. \nd Tayta Diosmi\nd* paycunata cuyaparan fiyupa ñacar llaquicuptin.  
\v 19 Mandaj jueznin wañuptenga yapayna mana allicunata ruraran. Taytancuna rurashanpitapis mas piyur mana allitana ruraran. Mana bälej dioscunata adurarcaycaran. Manana cachaycäriranchu mana alli custumrincunata. Mana wanacurannachu. 
\p  
\v 20 Chaypitami \nd Tayta Diosga\nd* Israelcunapaj fiyupa rabyacurcur niran: «Cay runacunaga mananami cumlinnachu unay awiluncunawan conträtu rurashäta. Imata nishäcunatapis manami wiyacamannachu.  
\v 21 Chaynöpami nogaga manana gargushänachu lädun marcacunacho tiyarcaycaj runacunata Josué mana gargushantaga.»  
\v 22 Chayno rurashpanmi Tayta Diosga Israelcunata musyapayta munaran. Unay caj awiluncunano \nd Tayta Dios\nd* nishanta cumlishanta u manana cumlishantapis musyapaytami munaran.  
\v 23 Chaynöpami Josué mana illgächishantaga juc-lä nasyun runacunata manana gargurannachu. Gargunanpa ruquenga jinancho tiyacunanpäna cachaycuran. 
\c 3  
\s1 Canaanpita mana gargushan runacuna 
\p  
\v 1 \nd Tayta Diosga\nd* achca nasyun runacunata manana gargurannachu, Israel runacuna Canaanman pillyaj yaycuptin manaraj yurej runacunata musyapänanpaj.  
\v 2 Imaypis mana pillyacho caj Israelcuna pillyayta yachacunanpämi Tayta Diosga cachaycuran.  
\v 3 Quëdaran Filistea nasyunpa pichga mandajnincuna, llapan Cananeo runacunapis, Sidoncuna, Hev runacunapis Líbano jircacho tiyajcuna. Chay runacunaga tiyaran Baal-hermón jircapita-pacha Hamatcho gasha caycajcama.\x * \xo 3:3 \xt Jos. 13.2–6\x* 
\v 4 Chay runacunawanmi \nd Tayta Diosga\nd* musyapayta munaran Israelcunata unay caj famillyancunata Moisés yachachishancunata cumlishanta mana cumlishantapis ricananpaj.  
\v 5 Chaynöpami Israelcunaga tiyaran Het, Amorreo, Ferez, Hev, Jebús nasyun runacunawan iwal.  
\v 6 Chaura Israelcunapa wamrancunaga ollgupis warmipis majachacaran jäpa runacunapa wamrancunawanna. Paycunapa diosnincunatana aduraran. 
\s1 Otoniel salbashan 
\p  
\v 7 Israelcunaga fiyupa mana allita ruraran. \nd Tayta Diosta\nd* gongaycärir aduraran Baal dios-niraj ïdulucunata Asera diosa-niraj ïdulucunata.  
\v 8 Chayno ruraptinmi \nd Tayta Diosga\nd* fiyupa rabyashpan Mesopotamia nasyunpa raynin Cusan-risataimpa munayninman cachaycuran. Chaura Israelcunaga pusaj wata sirbiran ray Cusan-risataimta.  
\v 9 Ñacar sirbir-rämi \nd Tayta Diosta\nd* yarpärir mañacuran. Chaura \nd Tayta Diosnami\nd* camacächiran juc runa mandaj ricacur ñacaycho carcaycajta salbananpaj. Chay salbäga caran Calebpa subrinun Otonielmi. Otonielpa papänin Cenazga caran Calebpa shullcanmi.\x * \xo 3:9 \xt Jue. 1.12–13\x* 
\v 10 \nd Tayta Diospa\nd* Espiritunmi Otonieltaga yanaparan. Chaymi Israelcunapa mandaj jueznin pay caran. Mandaj jueznin car runacunata pushacurcur Otonielga pillyananpaj aywaran. \nd Tayta Dios\nd* yanapaptinmi paycunaga binsiran ray Cusan-risataimta.  
\v 11 Chaypitaga chuscu chunca (40) watacama Israelcuna jauca goyäcuran. 
\s1 Aod salbashan 
\p Otoniel wañushanpitana  
\v 12 Israelcunaga yapay fiyupa mana allitana ruraran. Chaymi \nd Tayta Dios\nd* yanaparan Moab nasyunpa raynin Eglontana Israelcunapita mas munayniyoj cananpaj.  
\v 13 Chaura ray Eglonga parlacuran Amón runacunawan, Amalec runacunawanpis. Israelcunata binsiycur yaycacaycäriran Jericó siudächo tiyananpaj.  
\v 14 Chaura Israelcunaga chunca pusaj (18) watami ray Eglonta sirbiran.  
\v 15 Ñacar sirbishpanrämi paycunaga \nd Tayta Diosta\nd* yarpärir mañacuran. \nd Tayta Diosnami\nd* camacächiran juc runa salbananpaj. Chay runaga caran Benjamín famillya, Gera jutiyoj runapa wamran. Jutin caran Aod. Payga ichoj caj maquillanwanmi imatapis ruraj. 
\p Juc cuti Israelcunaga impuesto pägashanta Aodwan apachiran ray Eglonman.  
\v 16 Manaraj apar Aodga sablita ruracuran ishcan-läpa fïnuyojta. Sablipa tamäñun caran pullan metruno. Sablitaga derëchu caj-lädun chegllanman jaticurcuran röpan rurinpa.  
\v 17 Nircur impuestuta apacurcur aywaran. Ray Eglonnami caran fiyupa wera runa.  
\v 18 Impuesto apashanta ray Eglonta goycushpan Aodga cuticuran aywäshejcunawan iwal.  
\v 19 Gilgalman chayaycashanchöna chayaran achca ïdulucuna caycashanman. Chaypita Aodga cutiran ray Eglonman. Chayaycur niran: «Tayta mandaj pacayllapa willashayqui.» 
\p Chaura rayga sirbejnincunata niran ñaupanpita upälla jawaman llojshicunanpaj.  
\v 20 Chaura wayrapänan cuartunchöga ray Eglón jamarashpan Aodwan ishcallanna caycaran. Ray Eglonpa ñaupanman witiycur Aodga niran: «Tayta mandaj gamtaga willashayqui Dios nishantami.» 
\p Niptin ray Eglonga sillunninpita jataricurcuran.  
\v 21 Chaura Aodga juclla ichoj caj maquinwan derëchu caj-lädunpita sablinta jorguriycur jinan öra Eglonta pachapa tucsipaycuran.  
\v 22 Llapan callpanwan tucsipaycuptin sabliga ushajpaj yaycucuycuran maquin charicunantinraj. Ray Eglón wera captin sabliga mana ricacaranchu. Aodga mananami chutarannapischu.  
\v 23 Nircur Aodga puncucunatapis sumajmi wichgarcuran. Rancarcuran. Quiquenga bentänapana llojshicuriran. 
\p  
\v 24 Aod aywacushanpitaraj aywaran raypa sirbejnincunaga. Puncucuna wichgaraycajta ricar paycunaga yarparan «wayrapänan cuartucho rayga ishpacuycan-imanchari» nir.  
\v 25 May öra shuyarpaycashancho ray mana llojshimuptinna paycunaga yarpachacuran. Chaymi puncucunata lläbiwanna quichariycäriran. Raynintaga tariran pampacho wañusha jitaraycajtana. 
\p  
\v 26 Raypa sirbejnincuna ima ruraytapis mana camäpacushancama Aodga carutana gueshpir aywacuran. Gilgalcho ïdulucuna caycajta päsarerga Seirat-läpana pacacuran.  
\v 27 Chaypa aywacushpannami chayaran Israelcuna tiyananman. Efraín casta tiyaycashan jircaman chayaycur tucaran trompëtanta llapan Israelcuna chayman shuntacänanpaj. Shuntacarcuptin llapanna jircapita uraran. Aodnami ñaupa-puntata aywashpan  
\v 28 niran: «Gamcunawanga iwalmi aywashun. Cananmi chiquimajninchi Moab runacunata binsinanchïpaj \nd Tayta Diosninchi\nd* yanapämäshun.» 
\p Chaymi paycuna aywaran Aodwan iwal, Moabman chimpana Jordán mayu bäduman. Chaycho shuyacaycärir manana pitapis päsachirannachu.  
\v 29 Chay öra Moab runacunataga wañuycärachiran chunca warangata (10,000). Wañojcunaga caran callpayoj jinyu suldärucunallami. Chaypitaga manami jucnayllapis gueshpiranchu.  
\v 30 Chaynömi Israelcunaga binsiran Moab runacunata. Chay junajpita-pacha pusaj chunca (80) watacama Israelcunapaj jauca goyayllana caran. 
\s1 Israelcunata Samgar salbashan 
\p  
\v 31 Aodpa guepantarämi caran juc mandaj juez Anatpa wamran Samgar. Paymi sojta pachac (600) Filistea runacunata wañuycachiran yuntata aruchicuna picallanwan. Samgarpis Israelcunataga jucpa munaynincho caycajtami salbaran. 
\c 4  
\s1 Sisarata Deborawan Barac binsishan 
\p  
\v 1 Aod wañushanpitanaga Israelcuna yapayna \nd Tayta Diosta\nd* mana cäsurannachu.  
\v 2 Chaymi \nd Tayta Diosga\nd* Canaán nasyunpa raynin Jabinpa munayninman cachaycuran. Chaura Hazor siudäpitanami llapan Israelcunataga mandaran. Jabinpa mandaj suldärunnami caran Sísara. Sisaraga tiyaran Haroset-goim siudächo.  
\v 3 Jabinpaga caran isgun pachacmi (900) pillyananpaj fyërru carrëtancunapis. Israelcunataga ishcay chunca (20) watanami fiyupa ñacachiran. Chayrämi paycunaga fiyupa llaquicur \nd Tayta Diosta\nd* mañacuran. 
\p  
\v 4 Chay wichan Israelcunapa mandaj jueznenga caycaran profetïsa Débora. Payga caran Lapidotpa warminmi.  
\v 5 Deboraga imaypis jamaraj palma yörapa chaquincho. (Chaymi llapan rejsiran «Deborapa palma yöran» nir.) Chay yöraga caran Efraín trïbupa chacrancuna caj jircacho, Ramäwan Bet-el tincojcho. Chaura Israelcunaga paymanmi aywaj imapitapis arreglananpaj. 
\p  
\v 6 Chaypita juc junajcho Débora gayachiran Baracta.\x * \xo 4:6 \xt Heb. 11.32\x* Payga caran Neftalí trïbu Abinoampa wamran. Tiyaran Cedescho. Chayaptin Baracta niran: «Israelcuna rispitashan \nd Tayta Diosmi\nd* nin Tabor jircaman aywaycur chunca waranga (10,000) runacunata Neftalí trïbutawan Zabulón trïbuta shuntanayquipaj.  
\v 7 Jabinpa mandaj suldärun Sisarata Tayta Diosshi pushamonga Cisoncho caycaj jatun pampaman. Payga gamcunawan pillyaj shamonga llapan suldäruncunawan, carrëtancunawanpis. Tayta Diosga binsinayquipämi camacächenga.» 
\p  
\v 8 Chaura Barac niran: «Gam aywäshimaptiquega aywashämi. Mana aywäshimaptiquega manami aywashächu.» 
\p  
\v 9 Chaura Deborapis niran: «Au, ishcanchïmi aywashun. Ichanga manami gamchu allichöga llojshinquipaj. Juc warmitami \nd Tayta Dios\nd* churanga Sisarata wañuchinanpaj.» 
\p Chaypita Deboraga Baracwan aywaran Cedes marcaman.  
\v 10 Baracga shuntaran Zabulontawan Neftalí trïbuta. Nircur acraran paypa munaynincho cananpaj chunca waranga (10,000) runacunata. Chay runacunawan aywaran. Deborapis iwal aywaran. 
\p  
\v 11 Moisespa suyrun Hobab castapa wamran Heber Queni runaga castancunapita shuynimi tiyaycaran Zaanaimcho caycaj «encina» yöra ñaupancho. 
\p  
\v 12 Tabor jircaman aypalla runacunawan Barac wichashanta willaran Sisarata.  
\v 13 Chaura Sisaraga fyërrupita isgun pachac (900) carrëtancunata, llapan suldäruncunata shuntacurcur aywaran Haroset-goimpita Cisón ragraman.  
\v 14 Chaura Baracta Débora niran: «Juclla ayway. Canan junajmi \nd Tayta Dios\nd* gampa munayniquiman Sisarataga cachayconga. Quiquin \nd Tayta Diosmi\nd* aywanga suldäruyquicunapa ñaupantapis.» 
\p Baracga Tabor jircapita urämuran chunca waranga (10,000) suldäruncunawan.  
\v 15 Barac pillyayta gallaycuptin \nd Tayta Dios\nd* pirdichiran Sisarapa carrëtancunata. Suldäruncunatapis mancharachiran. Quiquin Sisarapis carrëtanpita urarcur gueshpir aywacuran.  
\v 16 Baracga gaticacharan carrëtanwan gueshpejcunata, llapan suldärucunata Haroset-goimcama. Chay junäga Sisarapa suldäruncuna manami jucnayllapis cawaycäga quëdaranchu. 
\p  
\v 17 Chay wichan Hazorpa raynin Jabín alli carcaycaran Queni runa Heberpa famillyanwanga. Chaynöpami Sisaraga chaquillapa gueshpir aywacur chayaran Jaelpa witichinalla wasinman. Payga caran Heberpa warmin.  
\v 18 Sísara chayaptin jamachiran «Shacamuy tayta, ruriman yaycacamuy. Ama manchacuychu» nir. 
\p Chaura Sísara yaycuran ruriman. Jaelnami jacuwan chaparcuran.  
\v 19 Sisaraga yacunarmi yacuta mañacuran. Jaelnami lëchita jorgurcur goran. Nircur yapay chaparcuran Sisarataga.  
\v 20 Jaelta Sísara niran: «Gamga wasiqui puncullancho cacuycay. Pipis shamur ‹¿pillataj wasiquichöga caycan?› nir tapushuptiquega ‹Manami pipis canchu› ninqui.» 
\p  
\v 21 Sisaraga fiyupa uticasha carmi wañuypa puñucäcuran. Chaycama Jaelga mäsuta aptacurcur upällalla yaycurcur Sisarataga sentïdunpa labityapaycuran istägawan pampaman päsanancama. Istägan caran toldunta ichichinanpaj. Sisarataga chaynöpami wañuycachiran. 
\p  
\v 22 Sisarata ashir Baracga chayaran Jaelpa wasinman. Jaelga niran: «Shamuy. Ricachishayqui ashiycashayquita.» Chaura Barac yaycurir Sisarata tariran wañusha pampacho chutaraycajta. Umanpa istägaga labityaraycaran. 
\p  
\v 23 Chaynömi Tayta Diosga Israelcunapa ñaupancho fiyupa pengayman churaran Canaán nasyunpa raynin Jabinta.  
\v 24 Israelcunaga chay junajpita-pacha fiyupa chiquicarcäriran ray Jabinta. Chiquiycällarnami illgächiran. 
\c 5  
\s1 Deborawan Barac cantashan 
\p  
\v 1 Chay junajmi Deborawan Abinoampa wamran Baracga Tayta Diosta alabar cantaran: 
\q1  
\v 2 «\nd Tayta Diosta\nd* llapayqui alabay 
\q1 mandajcuna pillyaman runacunata pushashanpita; 
\q1 marca runacunapis shongun shacyaptin pillyaman aywashanpita. 
\q1  
\v 3 Raycunapis, llapayqui wiyamay. 
\q1 Mandajcunapis, wiyaycäramay. 
\q1 Israelcuna rispitar adurashan \nd Tayta Diostami\nd* alabä. 
\b  
\q1  
\v 4 «\nd Tayta Dios\nd*, Seirpita llojshimuptiqui, 
\q1 Edom nasyunpita aywacuptiqui, 
\q1 intëru allpami chucchuran. 
\q1 Syëlupis cuyuriranmi. 
\q1 Pucutaypis tamyamuranmi. 
\q1  
\v 5 Israelcuna rispitashan \nd Tayta Diospa\nd* ñaupanchöga 
\q1 llapan jircacunapis chucchuranmi. 
\q1 Sinaí puntapis chucchuranmi.\x * \xo 5:5 \xt Éxo. 19.18; Sal. 68.7–8\x* 
\b  
\q1  
\v 6 «Anatpa wamran Samgar\x * \xo 5:6 \xt Jue. 3.31\x* cashan wichanpis, 
\q1 Jael cashan wichanpis carupa puriyta manchacojmi. 
\q1 Caminanticunapis mananami näninpaga purirannachu. 
\q1 Juc-läpanami puriran. 
\q1  
\v 7 Israel castapa chacranpitaga 
\q1 llapanmi aywacuran. 
\q1 Chayno caycajta ricarmi noga Deboraga 
\q1 Israelcunapa mamannöpis jatarishcä. 
\q1  
\v 8 Israelcuna juc dioscunatana aduraptenga 
\q1 guërra jananchöna ricacoj. 
\q1 Ichanga Israelcuna chuscu chunca waranga (40,000) captinpis 
\q1 chapacuna escüdun ni lansanpis ni jucnayllapis manami caranchu. 
\b  
\q1  
\v 9 «Nogaga llapan shongöpami cushicö 
\q1 Israelcunapa mandajnincunapaj, 
\q1 pillyaj aywaj marca-masëcunapaj. 
\q1 \nd Tayta Diosta\nd* llapayqui alabay. 
\b  
\q1  
\v 10 «Rïcucunapis pobricunapis cantay. 
\q1 Caminanticunapis cantay. 
\q1  
\v 11 Uywata michicur goturpashpayquipis willacuy \nd Tayta Dios\nd* binsishantaga. 
\q1 Israelcuna binsishanta cushicur willacuy. 
\b  
\q1  
\v 12 «Ricchay, jatariy Débora. 
\q1 Juc birsuta cantay. 
\q1 Abinoampa wamran Barac 
\q1 prësuyquicunata apacuy. 
\b  
\q1  
\v 13 «Chaymi mandajnincunaga Israelcunawan pillyaman aywaran. 
\q1 Aywaran fiyupa munayniyoj chiquejcunawan pillyananpämi. 
\q1  
\v 14 Efraín trïbu waquenga aywaran pampaman. 
\q1 Paycunapa guepantami aywaran Benjamín trïbu suldärucunapis. 
\q1 Maquir castapa mandajnincunapis, 
\q1 Zabulón trïbu autoridäcunapis aywaran. 
\q1  
\v 15 Isacar trïbu mandajcunapis Deborawan aywaran. 
\q1 Baractaga yanaparan Isacar trïbumi. 
\q1 Paycunami guepanta pampaman aywaran. 
\b  
\q1 «Rubén trïbucunachömi ichanga 
\q1 jucta-jucta yarpar apänacuran. 
\q1  
\v 16 Pillyaman aywananpa ruquin 
\q1 uyshancunata ricar goyäcuran. 
\q1 Rubén trïbucunachöga jucta-jucta yarpar apänacuran. 
\b  
\q1  
\v 17 «Galaad castacunaga Jordán mayupa chimpanchömi 
\q1 pachacaraycar quëdasha. 
\q1 Dan trïbuga quëdasha büquicuna ichiränanchömi. 
\q1 Aser trïbuga quëdasha lamar cantuncho büquincunata cuydar. 
\q1  
\v 18 Altu jircacunachöpis, pampacunachöpis 
\q1 Zabulonwan Neftalïllami wañuyta cawaytapis mana manchaypa pillyasha. 
\b  
\q1  
\v 19 «Canaán partipitami achcaj raycuna shamuran Israelcunata magaj. 
\q1 Taanaccho Meguiducho caycaj ragra läduncho pillyaran. 
\q1 Ichanga manami apashachu guellayta ni imatapis. 
\q1  
\v 20 Goyllarcunapis Sisarapa contranmi pillyasha. 
\q1 Janaj pachapitami pillyamusha. 
\q1  
\v 21 Cisón ragrapa lloglla aywajmi 
\q1 chiquimajninchïcunataga apacusha. 
\q1 ¡Sumaj balurchay! ¡Mana guellanaypa aywashun! 
\b  
\q1  
\v 22 «Sisarapa cawalluncunaga maquitapis chojparcur chojparcurmi gueshpir aywacusha. 
\q1 Shilluncunapis pututuyllami wiyacasha. 
\q1  
\v 23 \nd Tayta Diospa\nd* anjilninnami willacun: 
\q1 ‹Merozcho tiyajcunaga manami aywashachu \nd Tayta Diospa\nd* suldäruncunata yanapaj. 
\q1 Chaypita castïgu chayachun› nir. 
\b  
\q1  
\v 24 «Queni runa Heberpa warmin Jaelga 
\q1 llapan warmicunapita mas rispitasha cachun. 
\q1  
\v 25 Sísara yacuta mañacuptin Jaelga lëchita goycuran. 
\q1 Cuyayllapaj tasunwan mas alli caj lëchitami goycuran. 
\q1  
\v 26 Nircorga jucaj maquinwan istägata aptarcur 
\q1 jucaj maquinwan mäsuta aptarcur 
\q1 Sisarata umapa labityapaycuran. 
\q1 Chauraga uma tullunta paquirir togshunpa päsariran. 
\q1  
\v 27 Sisaraga gochpar atipacuycaran Jaelpa ñaupancho. 
\q1 Atipacuycällarmi pampaman yagaran. 
\q1 Yagashallanchöna wañucäcuran. 
\b  
\q1  
\v 28 «Sisarapa mamannami llaquicushpan bentänapa ricchacushpan nin: 
\q1 ‹¿Imanirtaj mana chayamunchu carrëtan? 
\q1 ¿Imanirtaj guepacämun pillyapaj carrëtan?› 
\q1  
\v 29 Niptin waquin musyaj yachaj warmicunapis, 
\q1 quiquinpis nin: 
\q1  
\v 30 ‹Pillyar binsishpan imatapis guechushancunatami raquipänacuycanga. 
\q1 Suldärucunaga jucta-camachari ishcayta-camachari uywayninpaj warmita raquipänacuycan. 
\q1 Sisarapäga canga achca culur tëlacuna. 
\q1 Burdasha juc ishcay cuyayllapaj pañuylucunami binsej wallgacunanpaj canga.› 
\b  
\q1  
\v 31 «\nd Tayta Dios\nd*, chiquishoj cäga 
\q1 llapanpis chaynölla ushacächun. 
\q1 Gamta cuyashoj cajcuna ichanga 
\q1 inti cuyayllapaj achicyashanno cachun.» 
\b  
\p Chaypitaga chuscu chunca (40) watayaj chay Israel nasyuncho jauca goyaylla caran. 
\c 6  
\s1 Gedeonta Tayta Dios gayashan 
\p  
\v 1 Israelcunaga yapaypis \nd Tayta Diosta\nd* mana wiyacuranchu. Chaymi \nd Tayta Diosga\nd* Madián runacunapa munayninman ganchis wata cachaycuran.  
\v 2 Madián runacuna fiyupa ñacachiptin Israelcunaga manchacushpan pacacunancunata ruraran jirca gaga chaupincunacho, machaycunacho pipis mana yaycunancunacho.  
\v 3 Israelcunapa murupacuynin poguptin inti yagamunan caj-läpita magaj yaycoj Madián runacuna, Amalec runacuna.  
\v 4 Israelcunapa chacrancunacho tiyacaycärej. Micuynincunatapis ushaj. Chayno ruraj Gazacama. Chaura Israelcunaga muchupacajna. Uyshantapis, wäcantapis, bürruncunatapis apacoj.  
\v 5 Tolduncunata aparcamur uywancunawan tiyacaycärej. Llapanta ushaj. Aypalla camëlluncunawan shamoj. Chüpacano ima-aycatapis ushacurcoj.  
\v 6 Madián runacuna chayno ruraptinmi Israelcunaga wata-wata muchuran. Chayrämi \nd Tayta Diosta\nd* yarpärir mañacuran. 
\p  
\v 7 «Madián runacunapita salbamay» nir Israelcuna mañacuptin  
\v 8 \nd Tayta Diosga\nd* cachamuran juc profëtata. Profëtanami niran: «\nd Tayta Diosniquega\nd* Egiptucunapa uywaynin caycajtami jorgamushurayqui.  
\v 9 Manami Egiptullapitachu jorgamushurayqui. Jorgamushurayqui llapan ñacachishojcunapa munayninpitami. Paycunatanami ñaupayquipita gargusha. Chacrantanami gamcunata goycushurayqui.  
\v 10 Tayta Diosga ‹\nd Tayta Diosniquimi\nd* cä› nishurayqui. Amorreo runacuna ‹diosnë› nishantapis mana manchacunayquipämi nishurayqui. Cananga paycunapa chacranchömi tiyarcaycanqui. Gamcunami ichanga willapäshushayquita mana wiyacushcanquichu.» 
\p  
\v 11 \nd Tayta Diospa\nd* anjilnenga Ofracho «encina» yöra chaquincho jamacuycuran. Chay chacraga caran Abiezer famillyapita miraj Joaspa chacranmi. Chaychömi Madián runacuna mana ricananpaj Joaspa wamran Gedeón\x * \xo 6:11 \xt Heb. 11.32\x* rïguta wayraycaran pacayllapa, bïnupaj übasta lluchcanancho. 
\p  
\v 12 \nd Tayta Diospa\nd* anjilninna yuriparcur niran: «Gedeón, \nd Tayta Diosmi\nd* yanapaycäshunqui. Gamga callpayojmi jinyumi canqui» nir. 
\p  
\v 13 Chaura Gedeonga niran: «Ama rabyacunquichu Tayta. \nd Tayta Dios\nd* yanapaycämaptenga ¿imanirtaj llapan disigrasya chayaycäman? Unay caj awilöcunaga ‹Tayta Dios Egiptupita jorgamar tucuy milagrucunatami ruraran› nimaranchaj. Cananga ¿imanirtaj milagrucunata mana ruranchu? \nd Tayta Diosga\nd* gongaycäramashami. Cachaycamasha Madián runacunapa munayninmanmi.» 
\p  
\v 14 Chaura \nd Tayta Diosga\nd* sumaj ricapärir niran: «Gammi Israelcunataga salbanqui. Chaypämi callpayoj canqui. Jananmanpis Nogami yanapäshayqui.» 
\p  
\v 15 Chaypis Gedeonga niran: «Tayta, nogaga ¿imanöpataj salbashaj Israel-masëcunata? Manasés castachöga nogapa famillyä llapanpitapis mas wallcami. Nogapis manacajllami cä.» 
\p  
\v 16 Chaura \nd Tayta Dios\nd* niran: «Gammi salbanqui. Nogaga yanapäshayquimi. Madián runacunataga llapantapis juc runatanöllami binsirinquipaj.» 
\p  
\v 17 Gedeonna niran: «Rasunpa yanapämashayquita musyanäpaj mä juc milagruta ruray.  
\v 18 Micuyta aparaycamushaj micucurcunayquipaj. Tayta cutimunäcama amaraj aywacuyrächu ari.» 
\p Chaura Tayta Dios niran «Cutimunayquicama cayllachömi shuyaraycäshayqui.» 
\p  
\v 19 Gedeonga aywariycur cabra-mallwata pishtar yanuriran. Ishcay chunca (20) quïlu jarinapita lebadüraynaj tantatapis ruraran. Aycha calduta mancawan, aychantana canastawan aparan «encina» yöra cajman.  
\v 20 Chayachiptinmi Tayta Diospa anjilnenga niran rumi jananman aychata lebadüraynaj tantata churananpaj. Calduntapis jananman wiñachiran. Nishanno llapanta Gedeón rurarcuptin  
\v 21 anjilga aychatawan tantata bastunninwan töparcuran. Chaura ninaga rumipita ratarimur rupar ushacurcuran. \nd Tayta Diospa\nd* anjilninpis illgacäcuran.  
\v 22 Chayraj Gedeonga musyaran \nd Tayta Diospa\nd* anjilnin cashanta. Chaymi niran: «Taytallau tayta, anjilniquiwanmi ricanacushcä.» 
\p  
\v 23 Niptin \nd Tayta Diosga\nd* niran: «Ama llaquicuychu. Manami wañunquipächu. Jauca goyänayquipämi yanapäshayqui.» 
\p  
\v 24 Chaura Gedeonga \nd Tayta Diospaj\nd* juc altarta ruraran. Nircur jutinta churaparan: «\nd Tayta Diosmi\nd* jauca cawachicoj» nir. Chay altarga Abiezer casta tiyarcaycashan Ofrachömi caycan. 
\p  
\v 25 Chay chacaylla Gedeonta \nd Tayta Dios\nd* niran: «Papäniquipa wäcanpita allinnin caj töru ganchis watayoj cajta apanqui. Nircur Baalpaj papäniqui rurashan altarnintapis sajtarinqui. Ñaupancho Asera nishan diosata adurananpaj jawishan racu guerucunatapis sajtarinqui.  
\v 26 Nircur chay puytush lömacho ruranqui \nd Tayta Diospaj\nd* altarta. Töru apashayquita altar rurashayquiman apaycur Asera ïdulu gueruwan rupachinqui rupachina sacrifisyupaj.» 
\p  
\v 27 Chaura Gedeonga chunca uywaynincunata pushacurcur aywar llapanta ruraran \nd Tayta Dios\nd* nishanno, ichanga chacaypa. Chacaypaga ruraran papäninpa famillyancunata siudächo tiyajcunata manchacushpanmi.  
\v 28 Warannin tuta siudächo tiyaj runacunaga ricaran Baalpa altarnin juchushata. Altarpa ñaupancho Asera diosa-niraj ïdulupis mana carannachu. Mushoj altarcho töruta rupachishantana tariran.  
\v 29 Chaura runacunaga jucnin-jucnin tapunacuran: «¿Piraj caytaga ruraycusha?» nir. 
\p Pï rurashantapis tapucacharcaycashanchöraj musyaran Joaspa wamran Gedeón rurashanta. Chaymi aywaycärir Joasta niran:  
\v 30 «Wamrayqui Gedeonta jorgamuy wañuchinäpaj. ¡Paymi juchuchisha taytanchi Baalpa altarninta. Muturisha altarpa ñaupancho caycaj mamanchi Aseratapis!» 
\p  
\v 31 Chayno niptinmi Joasga juntaparaycaj runacunata niran: «¿Gamcunaga Baalpa faburninchi jatariycanqui? ¡Pipis Baalpa faburnin cäga manaräpis pacha waraptinmi wañuchicanga! Baalpa altarnintami Gedeón juchuchisha. Baal dios cashpanga quiquin pitapis castigachun.»  
\v 32 Chaura chay junajpita-pachami Gedeontaga jutichaparan «Jerobaal» nir. Nircur niran «Gedeonmi altarninta juchuchisha. Quiquin Baal castigachun.» 
\p  
\v 33 Chay wichanmi Madián runacuna, Amalec runacuna, inti yagamunan caj-lä runacunapis shuntacarcur Jordán mayuta chimparan. Nircur Jezreel pampacho pachacuran.  
\v 34 Chay örami \nd Tayta Diospa\nd* Espiritunpa munaynincho Gedeonga ricacuran. Chaymi payga uyshapa wagranta tucaran Abiezer famillya shuntacänanpaj.  
\v 35 Cachacunata cacharan Manasés trïbupis shuntacämunanpaj. Willachiran Aser trïbuman, Zabulón trïbuman, Neftalí trïbuman. Chaura paycunapis Gedeón cajman shuntacämuran. 
\p  
\v 36 Gedeonga Tayta Diosta mañacur niran: «Gam nimashayquino rasunpa Israelcunata salbanä cashanta musyanäpaj  
\v 37 millwa garachata churashaj ëraman. Wara tutapaj millwa garachalla ushmasha warämuptin, pampaga chaquilla captin rasunpami musyashaj nishayquino Israelcunata salbanäpaj cashanta.» 
\p  
\v 38 Chaura pay mañacushanno caran. Warannin tuta jatarcur Gedeonga millwa garachapita shullya yacuta gapchiran juc pusillu juntata.  
\v 39 Chaypis yapaymi Gedeonga Tayta Diosta niran: «Tayta, yapay niptë ama rabyacunquichu ari. Juc cutillana musyachimay. Cananga millwa chaquilla warämuchun, pampana ushmasha.» 
\p  
\v 40 Chay chacaypis Tayta Diosga ruraran Gedeón nishanno. Warannin tutapaj millwa garachaga chaquilla warämuran y pampana ushmasha. 
\c 7  
\s1 Madián runacunata Gedeón binsishan 
\p  
\v 1 «Jerobaal» nir jutinta churapashan Gedeonga iwal carcaycashan runacunawan tutalla aywaran. Chayno aywar Harod yacu pashtajpa ñaupanman pachacuran. Chaura Madián runacuna pachacushanga caycaran norte caj-läpana, More puntapa chaquin pampacho. 
\p  
\v 2 Gedeonta \nd Tayta Dios\nd* niran: «¿Imapätaj aypalla runata pushaycanqui? Madián runacunata chayno aypalla Israelcunawan binsichiptëga yarpangapaj quiquincunalla salbacushantami. Manami yarpangachu salbashätaga.  
\v 3 Chaymi manchacoj cäga wasinman-cama cuticunanpaj willay.»\x * \xo 7:3 \xt Deut. 20.8\x* 
\p Chaymi ishcay chunca ishcay waranga (22,000) runacuna cuticuran. Chunca warangallana (10,000) quëdaran.  
\v 4 Chaypis \nd Tayta Diosga\nd* niran: «Cananpis aypallarämi. Pushay yacu upoj. Chaychörämi noga musyachishayqui mayganwan aywanayquipaj cashanta, maygan quëdananpaj cashantapis.» 
\p  
\v 5 Chaura Gedeonga runacunata pusharan yacuta upunanpaj. Chaychöna \nd Tayta Dios\nd* niran: «Gongurpaycur yacuta upojcunata juc-läman acray. Allguno lapyaypa upojcunatapis shuyni raquiy.» 
\p  
\v 6 Maquillanpita lapyaypa upojcunaga caran quimsa pachaclla (300). Waquin cäga gongurpaycur upuran.  
\v 7 Chaura Gedeonta \nd Tayta Dios\nd* niran: «Chay quimsa pachac (300) runacunallawanmi salbashayqui. Llapan Madián runacunata munayniquiman churamushaj. Waquenga cuticuchun.» 
\p  
\v 8 Chaura waquin cajtaga cuticunanpaj Gedeón niran. Manaraj cuticuptin shuntaran puyñuncunatawan uyshapa wagrancunata. Acrashan quimsa pachac (300) runacunallawanna quëdacuran. Madián runacuna pampacho caycashan jan'ganman pachacuran. 
\p  
\v 9 Chay chacay Gedeonta \nd Tayta Dios\nd* niran: «Canan öra ayway Madián runacunaman. Munayniquimanmi paycunata cachaycushaj.  
\v 10 Pillyaj yaycuyta manchacorga primëru ayway uywayniqui Fura ishcallayqui chiquinacushayqui pachacaraycashanman.  
\v 11 Imata parlaycashantapis wiyanqui. Chayrämi mana manchacuypa yaycunquipaj.» 
\p Niptin Gedeonga aywaran uywaynin Fura ishcallan chiquinacushan pachacaraycashanta täpaycaj suldärucunapa ñaupancama.  
\v 12 Madianpita, Amalecpita, inti yagamunan caj-läpita shamojcunaga chüpacanöraj intëru pampacho aypacasha caycaran. Camëlluncunapis yupaytapis mana atipaypaj caycaran.  
\v 13 Chiquinacushan runacuna pachacaraycashanman chayaycur wiyaparaycashancho Gedeón wiyaran täpaj suldärucuna suyñushanta willapänacojta. Suyñushanta willapar niran: «Suyñuynëcho ricashcä sebäda tanta janapita cuchpämur toldunchïcunaman chayar tunirachejta.» 
\p  
\v 14 Chaura jucnenga niran: «Chayga canga Israel runa Joaspa wamran Gedeonpa sablinmi. Tayta Diosmi llapan Madián runacunata Gedeonpa munayninman cachayconga.» 
\p  
\v 15 Suyñuynincho imano ricashantapis willapänacushanta wiyaycur Gedeonga \nd Tayta Diosta\nd* alabaran. Nircur cutiran Israelcuna pachacaraycashanman. Chayaycur niran: «Tayta Diosmi munayninchïman cachayconga Madián runacunataga. Juclla yaycapaycärishun.» 
\p  
\v 16 Jinan öra quimsa pachac (300) suldäruncunata raquiran quimsa röpaman. Nircur aypuran uyshapa wagrancunata, wiñayniynaj puyñucunata. Puyñucuna rurinmanga achquita pacaran.  
\v 17 Suldäruncunata niran: «Madián runacuna tiyarcaycashan washa cantunman noga chayaycur rurashäno gamcunapis ruranqui.  
\v 18 Nogawan aywajcuna wagrata tucayta gallaycäriptëga gamcunapis tucamunqui Madián runacuna tiyarcaycashan cantuncunacho. Llapan callpayquipa gaparpanqui ‹¡\nd Tayta Diospa\nd* jutincho, Gedeonpa jutincho!› nir.» 
\p  
\v 19 Gedeonga pachac (100) runacunawan aywar chayaran Madián runacuna tiyarcaycashan jucaj cantunman täpaj suldärucuna pullan pagas rucananpäna caycaptin. Chaypitaga uyshapa wagrancunata tucayta gallaycäriran. Apashan puyñucunatapis paquergäriran.  
\v 20 Quimsan röpa iwal-lla wagracunata tucaran. Puyñuncunatapis paquergäriran. Ichoj caj maquinpa achquinta charararan. Derëchu cajwanna uyshapa wagranta tucaran. Llapan sinchipa gaparparan: «¡Guërraga \nd Tayta Diospa\nd* jutinchömi, Gedeonpa jutinchömi!» nir.  
\v 21 Chayno nir Israelcunaga ichicaycäriran jinallancho maypapis mana cuyucuypa Madián runacuna pachacaraycashan cantuncunacho. Chaura Madián runacunaga gaparashpan gueshpiyta munar wacpa caypa cörricachaycaran.  
\v 22 Chay quimsa pachac (300) Israelcunaga wagracunata jinalla tucarcaycaran. \nd Tayta Diosnami\nd* camacächiran Madián runacunaga quiquin-pura pantanacur pillyananpaj. Pillyashpanmi gueshpir aywacuran Bet-sitacama. Zereraman näni aywajpa aywacur chayaran Tabatpa ñaupan Abel-meholapa lindancama. 
\p  
\v 23 Madián runacuna pillyar gueshpiycashan örami willachiran Neftalí trïbuman, Aser trïbuman, Manasés trïbuman Madián runacunata gaticachänanpaj.  
\v 24 Gedeonga willacojcunata cacharan Efraín trïbucuna tiyarcaycashan jircacunaman, paycunapis Madián runacunata magaj shamur Bet-bara, Jordán mayuta päsanacunaman llallinanpaj. Efraín runacunaga willachishanno shuyacaycäriran.  
\v 25 Paycunaga chariran Madián runacunapa ishcay mandajninta Orebta, Zeebta. Orebta wañuchiran gagacho. Chay gagapa jutinmi cananga «Oreb Gaga.» Zeebtana wañuchiran canan jutin caycashancho. Chay partichömi bïnupaj übasta lluchcaj. Madián runacunata gaticacharcur Orebpawan Zeebpa umanta Gedeonman apaparan. Payga caycaran Jordanpa jucaj chimpancho. 
\c 8  
\s1 Madianpa raynincunata Gedeón prësu charishan 
\p  
\v 1 Efraín trïbu runacunaga Gedeonwan rimanacuran, manaraj Madián runacunaman aywar mana willachishanpita.  
\v 2 Efraín runacuna rabyacarcäriptinmi Gedeonga niran: «¿Noga rurashäpita mas allita rurashayquita manachu gamcuna tantiyanqui? Nogacuna achcata rurasha captëpis gamcuna rurashayquega mas allimi.  
\v 3 Tayta Diosga gamcunapa maquiquimanmi churamusha Madián runacunapa mandajnin Orebta, Zeebta. Gamcuna rurashayquiwan tincurachisha noga rurashäga manami aycäpischu.» Gedeón chayno nishanta wiyaycärir Efraín trïbu runacunaga ollguycashanpita chawarpuran. 
\p  
\v 4 Gedeón quimsa pachac (300) pillyaj aywäshejcunawan Jordán mayuta chimparan. Chiquinacushancunata gatishpan uticashana carcaycaran.  
\v 5 Sucotman chayaycur Gedeonga jinan runacunata mañacuran: «Ruwacushayqui. Yan'guëcunata garaycapamay. Fiyupa uticashami carcaycan. Nogacunaga gaticacharcaycä Madianpa raynincunatami Zebatawan Zalmunata.» 
\p  
\v 6 Chaura Sucotpa mandajnincunaga niran: «¿Zebatawan Zalmunataga prësu charaycanquinachi suldäruyquicunata garanäpäga?» 
\p  
\v 7 Chaura Gedeonpis niran: «Zebatawan Zalmunata prësu charimunäpaj \nd Tayta Dios\nd* camacächiptenga cutimur garayquitapis rachichir ushashaj jirca cashawanmi, shirawanmi.» 
\p  
\v 8 Chaypita päsar chayaran Penielman. Chaychöpis Sucotcho mañacushannölla mañacuran. Penielcho tiyajcunapis Sucotcuna nishannölla niran.  
\v 9 Chaura Gedeón niran: «Llapanta binsiycushpä cutimorga cay törritapis juchurachishämi.» 
\p  
\v 10 Zebawan Zalmunaga Carcorcho caycaran chunca pichga waranga (15,000) suldäruncunawan. Chayllanami caycaran puchoj suldäruncuna inti yagamunan cajpita shamöga. Pachac ishcay chuncan waranga (120,000) wañushana caran.  
\v 11 Gedeonga aywaran chunyajpa Nobaman, Jogbehaman inti yagamunan caj-läpa aywaj nänipa. Nircur illajpita yaycapaycuran.  
\v 12 Zebawan Zalmuna gueshpir aywacuran. Chaura Gedeonga gatir aywashpan prësu chariran. Llapan Madián suldärucunanami machiypa-machir gueshpir aywacuran. 
\p  
\v 13 Gedeonga pillyashanpita cutimur Heresta päsaycämushancho  
\v 14 Sucot mösuta prësu chariran. Nircur tapuran. Chay mösu willaran Sucotpa ganchis chunca ganchis (77) mandajnincunapa jutinta.  
\v 15 Chaura Sucotman chayar Gedeonga runacunata niran: «¿Yarparcaycanquichu Zebapaj Zalmunapaj rimaptë manacajman churamashayquita? Uticasha suldäröcuna caycaptin micuyta mañacuptëpis manami garamarayquichu. ‹Manaraj prësu chararaptiquega ¿imanöpataj garashayqui?› nimarayqui. Chay runacunaga cä ricay.» 
\p  
\v 16 Chayno nircur Gedeonga jirca cashawan, shirawan Sucotpa mandajnincunata astiran.  
\v 17 Peniel siudächöpis runacunata wañuchiran. Törrintapis juchuchiran.  
\v 18 Nircur Gedeonga Zebatawan Zalmunata tapuran: «Taborcho wañuchishayqui runacunaga ¿imanötaj caran?» nir. 
\p Chaura raycunaga niran: «Gam-nirajllami caran llapanpis. Raypa wamrancunano niraycajllami caran.» 
\p  
\v 19 Niptin Gedeonga ollguypa niran: «Chäga wauguëcunachaj casha. Lijïtimu wauguëcunatami wañuchishcanqui. Canan örapis \nd Tayta Diosga\nd* musyaycanmi. Gamcuna mana wañuchisha captiquega nogapis gamcunata manami wañuchïmanchu.» 
\p  
\v 20 Jinan öra mayur wamran Jeterta niran: «Cay raycunata wañuchiy.» 
\p Chaura wamranga wamra mösullaraj cashpan wañuchiyta manchacuran.  
\v 21 Chaura Zebawan Zalmunaga Gedeonta niran: «Quiquiqui wañurachimay jinyu cashpayquega.» 
\p Niptinmi quiquin Gedeón wañurachiran. Nircur Zebapawan Zalmunapa camëlluncunapa cuyayllapaj wallgancunata jorgucuriran. 
\p  
\v 22 Chaypita Israelcunaga Gedeonta niran: «Madián runacunapa munayninpita gammi salbamashcanqui. Cananga mandajnë cay. Wamrayquicunapis mandajnëna canga.» 
\p  
\v 23 Chaura Gedeón niran: «Nogapis, ni wamräcunapis gamcunapa mandajniquega manami cashäpächu. Mandajniquega canga \nd Tayta Diosmi\nd*.  
\v 24 Ichanga ruwacushayqui. Guechumushayqui surtïjacunata gomay.» 
\p Gori surtïjacunataga jatiraran chunyajcho tiyaj contran suldärucunami.  
\v 25 Chaura Israelcunaga guechushan surtïjacunata jacuta mashtaycur gotuparan. Nircur Gedeonta niran: «Caychömi caycan.» 
\p  
\v 26 Gori surtïjacunalla llapanga lasaran chunca isgun (19) quïluno. Camaränanpaj jaticushanta, aläjancunata, raycuna jatirashan murädu tëlata, camëlluncunapa wallgantaga shuyni goturan.  
\v 27 Chay goripita Gedeonga rurachiran juc pichërata. Nircur siudänin Oframan churaran. Israelcunaga pichërata adurar Tayta Diosta mana wiyacurannachu. Chay pichërami Gedeonpäpis famillyancunapäpis trampano caran. 
\p  
\v 28 Chaynömi Israelcunaga Madián runacunata binsiran. Manana Israelcunawanga pillyayta munarannachu. Gedeón cawashancamaga Israelcho chuscu chunca (40) wata jauca goyayllana caran. 
\s1 Gedeón wañushan 
\p  
\v 29-30 «Jerobaal» nir jutichapashan Gedeonga marcanman tiyaj aywacuran. Paypaga warmincuna caran achcami. Chaymi wamrancunapis caran ganchis chunca (70).  
\v 31 Shequem siudächöpis caran chïnan. Chay warmicho caj wamranpa jutin caran Abimelec. 
\p  
\v 32 Gedeón auquinna caycashancho wañuptin papänin Joás Ofracho pamparaycashallanman pampaycäriran. Chay siudäga caran Abiezer famillyapami. 
\p  
\v 33 Gedeón wañucushanpitanaga Israelcuna yapayna Tayta Diosta gongaycäriran. Cawaj Tayta Diosta gongaycärishpan mana bälej Baal dios-niraj ïdulucunatana aduraran. Chaymi «diosnë» ninanpaj Baal-berit ïdulutana acraran.  
\v 34 Llapan chiquejcunapita salbashan \nd Tayta Diostaga\nd* gongaycuranna.  
\v 35 Gedeonga fiyupa allitami ruraran Israelcunata salbananpaj. Chaypis manami rispitarannachu «Jerobaal» jutiyoj Gedeonpa famillyancunataga. 
\c 9  
\s1 Abimelec mandashan 
\p  
\v 1 Jerobaalpa wamran Abimelecga aywaran Shequemman mamanpita caj famillyancunawan parlaj. Paycunata niran:  
\v 2 «Gamcunaga musyarcaycanquimi famillyayqui cashäta. Chaymi ruwacö. Shequemcho mandajcunata shacyächiy ‹Jerobaalpa ganchis chunca (70) wamrancuna llapanga ama mandachunchu. Jucnaylla mandachonga› nir.» 
\p  
\v 3 Chayno Abimelec niptin lijïtimu famillyan captin yanapänanpaj auniran. Chaymi Shequem runacunata shacyächiran Abimelec nishanno cananpaj.  
\v 4 Aunirmi Baal-beritpa templuncho guellay caycajtapis ganchis chuncata (70) goycuran Abimelecta. Chay guellaywanna runa wañuchej guellacunata ashiran yanapänanpaj. Paycunawanna aywaran  
\v 5 papänin Jerobaal tiyashan Ofra siudäman. Chaychöna juc rumi janallanman apaycur-apaycur ganchis chunca (70) wauguincunata wañuycachiran. Pacacuyninpa gueshpiycuran shullca caj Jotam japallan.  
\v 6 Chaypitaga Shequem runacunawan Bet-milo runacuna shuntacaran rispitädu rumi «encina» yörayoj Shequemcho caycashanman. Chaychöna Abimelectaga mandaj raynin cananpaj churaran. 
\p  
\v 7 Chayta mayaycur Jotamga aywaran Gerizim puntaman. Chaypita callpaycur gayararan llapan shuntacasha caycajcuna wiyananpaj: 
\p «Shequem runacuna, canan nimushäta sumaj wiyay. ¡Chauraga capaschari gamcunatapis Tayta Dios wiyashunquiman! 
\p  
\v 8 «Juc cutichöshi llapan yöracunapis rayniyoj cayta munaran. Chaymi olivo yörata ruwaran ‹raynë cay› nir. 
\p  
\v 9 «Chayshi olivo yöraga niran: ‹Nogaga manami. Yöracunapa raynin canäpäga manami asëtitapis wayömannachu. Chay asëtiga amatar allimi Tayta Diostapis, runacunatapis rispitanapaj.› 
\p  
\v 10 «Mana munaptinshi yöracunaga ruwaran ïgus yöratana ‹raynë cay› nir. \fig Ïgus yöra|src="LB00085B.TIF" size="col" loc="Jue. 9.10" ref="Jue. 9.10" \fig* 
\p  
\v 11 «Chayshi ïgus yöraga niran: ‹Nogaga manami. Yöracunapa raynin canäpäga manami mishquej frütatapis wayömannachu.› 
\p  
\v 12 «Mana munaptinshi yöracunaga ruwaran übas yöratana ‹raynë cay› nir. 
\p  
\v 13 «Chayshi übas yöraga niran: ‹Nogaga manami. Yöracunapa raynin canäpäga mananami wayömannachu bïnupaj übastapis. Bïnuga runacunata cushicachinmi, Diospäpis allimi.› 
\p  
\v 14 «Llapan mana munaptinshi yöracunaga ruwaran shiratana ‹raynë cay› nir. 
\p  
\v 15 «Chayshi shiraga niran: ‹Rasunpa rayniqui canäta munarga rurëcho tiyay. Rayniqui canäta mana munaptiquega llanulla caycaptëpis nogapita nina ratarirmi Libanucho jatusaj sedrucunatapis rupacurconga.› 
\p  
\v 16 «Cananga mä nimay: ¿Allitachu rurashcanqui Abimelecta rayniquipaj churar? ¿Papänë Jerobaal gamcunata cuyapäshushayquinöchu cuyapashcanqui paypa famillyancunata?  
\v 17 Papänëga wañuyta cawaytapis partirmi pillyaran Madián runacunapa munayninpita salbashunayquipaj.  
\v 18 Gamcuna ichanga papänëpa famillyanta chiquicarcärishcanqui. Juc rumi janallancho wañuchishcanqui ganchis chunca (70) ollgu wamrancunata. Nircärir gamcunaga rayniqui cananpaj churashcanqui Jerobaalpa wachachipacuy wamran Abimelecta famillyayqui captillan.  
\v 19 Jerobaalta rispitar, famillyancunatapis alli ricasha captiquega allimi canquipaj Abimelecwan. Paypis gamcunawan allimi canga.  
\v 20 Chayno mana captenga Abimelecpita nina ratarir rupacurcuchun Shequemcho, Bet-milucho tiyajcunata. Shequempita, Bet-milupita nina ratarirna rupar ushacurcuchun Abimelectapis.» 
\p  
\v 21 Chayno nircur Jotamga gueshpir aywacuran Beer marcaman. Chaychöna tiyacuran wauguin Abimelecta manchacushpan. 
\p  
\v 22 Abimelecga Israelcunapa mandajnin caran quimsa wata.  
\v 23 Chayno caycaptinmi Tayta Dios camacächiran Abimelecwan Shequemcuna chiquinacunanpaj.  
\v 24 Chaynöga camacächiran Jerobaalpa ganchis chunca (70) ollgu wamrancunata Abimelec wañuchishanpita wañunanpaj, Shequemcunapis yanapashanpita wañunanpämi.  
\v 25 Shequemcunaga jircacunacho pacarächej suwacunata. Chay runacunataga churaran näninpa purejcunata asaltananpaj. Chayno ruraycashantami Abimelec mayaran. 
\p  
\v 26 Juc diyacho Ebedpa wamran Gaal wauguincunawan chayaran Shequemman. Chaycho tiyajcunawanga alli amïguta ruracarcäriran.  
\v 27 Nircorga llapan aywaran chacraman. Übasta shuntaycärir bïnuta ruraran. Nircur fistata ruraran «diosnë» nishancunapa templuncho. Cushicur micur upuran. Abimelecpa washanta rimaran.  
\v 28 Gaalga niran: «¿Pitäshi Abimelecga? Payga Jerobaalpa wamrallanchaj. Zebul-llami yanapajninpis. Noganchi Shequemcunaga ¿imataj canchi paypa uywayninno munaynincho caycänapäga? Noganchëga Shequem marcata jatarachej Hamorpa munaynincho cashun; ama Abimelecpaga.  
\v 29 ¡Noga gamcunapa mandajniqui cashpäga maynami illgarachëman Abimelecta!» Chayno nir mastapis niran: «¡Manacaj Abimelec suldäruyquicunata shuntarcur mä shamuy pillyananchïpaj!» 
\p  
\v 30 Gaal chayno rimar purishanta mayaycur Shequempa gobernadornin Zebulga fiyupa rabyaran.  
\v 31 Chaymi Aruma siudächo Abimelec caycaptin cachawan willachiran: «Ebedpa wamran Gaalmi wauguincunawan chayamusha cay Shequemman. Nircurmi runacunata yachaycächin gampa contrayqui ricacunanpaj.  
\v 32 Canan gamga chacaypa suldäruyquicunawan shamur jircaman pacacaycäriy.  
\v 33 Inti ratarcamushan öra siudäman yaycamunqui maganayquipaj. Gaal yanapajnincunawan gamcunata ichipäshunayquipaj llojshimuptin munashayquita ruranqui» nir. 
\p  
\v 34 Chaura Abimelecga chay chacay llapan suldäruncunawan aywaran Shequemman. Chuscu röpaman ruracarcur pacacaycäriran siudäpa läduncunaman.  
\v 35 Siudäman yaycuna sawan puncuman Gaal yargaramuptin Abimelecga suldäruncunawan pacarpaycashanpita llojshipäcamuran.  
\v 36 Chayta ricar Gaalga Zebulta niran: «¡Ricay, suldärucuna jircacunapita uraycämun!» 
\p Zebulna niran: «Manami. Gagacunapa llantuyninchaj gamtaga niräpushunqui runa-niraj.» 
\p  
\v 37 Niptinpis Gaalga niran: «Pachapa Pupun caj jircapitapis urarcaycämun suldärucuna. Juc röpana aywaycämun Musyacojcunapa Encina Yöranman näni aywajpa.» 
\p  
\v 38 Chaura Zebulga niran: «Cananpis mä ollgucachay ari, baduläqui. Gamga nirayqui ‹¿imataj canchi Abimelecpa uywayninno caycänapäga?› Masqui ricay manacajman churashayqui suldärucunata. ¡Canan mä ayway pillyaj!» 
\p  
\v 39 Chaura Shequem runacunawan Gaal aywaran Abimelecwan pillyananpaj.  
\v 40 Abimelec binsiptin Gaalga gueshpir aywacuran. Siudä puncuchöpis aypalla runa wañuran.  
\v 41 Abimelecga cuticuran Aruma siudäman. Zebulnami Shequempita garguran Gaaltaga wauguincunatawan. 
\p  
\v 42 Warannin junaj Shequemcho tiyaj runacuna chacraman aywaran. Chayta mayaycur Abimelecga  
\v 43 suldäruncunata quimsa röpaman raquircur jircaman pacacaycäriran. Runacuna siudäpita llojshiptin pacarpaycashanpita magananpaj llojshiran.  
\v 44 Pillyashpan Abimelecga pusharashan caj röpawan siudäpa puncunman llalliran. Ishcay caj röpa suldärucunana chacracho caycajcunata wañuchiran.  
\v 45 Chay junaj Abimelecga siudächo caycaj runacunata wañuycachir siudäta ushajpaj juchurgärachiran. Nircur cachita mashtaran mana pipis tiyananpäna. 
\p  
\v 46 Migdal-shequemcho tiyajcuna mayaran Abimelec imano rurashantapis. Chaymi pacacoj aywacuran El-berit curalasha caycaj templuman.  
\v 47 Llapan chaycho shuntacasha pacaraycashanta mayaycur  
\v 48 Abimelecga suldäruncunata pushacurcur aywaran Salmón jircaman. Nircur guerupa rämanta muturiycur matancacuran. Waquin runacunatapis niran: «¡Llapayqui nogano matancamuy!» nir.  
\v 49 Llapan rämata muturir-muturir matancacarcärir Abimelecpa guepanpa aywaran curalasha caycajcho templu caycajcama. Apashan rämacunata gotuycur sindipaycäriran. Chaycho wañuycachiran aypalla Migdal-shequem runacunata. Wañojcuna warmi ollgoga caran warangano (1,000). 
\p  
\v 50 Chaypita Abimelecga aywaran Tebes siudämanna. Chayar yaycur llapanta chariran.  
\v 51 Chay siudä pullan chaupichömi caran jatun törri. Chaymanmi warmi ollgupis pacacuran. Ruripita puncuta sumaj rancarcärerga törri jananman wicharan.  
\v 52 Abimelecga yaycushpan chayaran törri chaquincama. Törri puncucho ninata sindipaycunanpäna caycaran.  
\v 53 Niycaptin agacuna rumita janajpita juc warmi cachapaycamuran. Abimelecta umacho goycuran paquejpaj.  
\v 54 Chaura Abimelecga armanta apapaj yanapajninta jinan öra gayarcur niran: «Tucsiramay. Manami munächu nogapaj ‹warmilla wañuchisha› ninanta.» 
\p Niptin yanapajnenga sablinwan tucsiriran. Abimelecga chaynömi wañuran.  
\v 55 Abimelec wañushanta Israelcuna mayaycur wasinman-cama cuticuran. 
\p  
\v 56 Chaynöpami Abimelecga wañuran papäninta chiquishpan ganchis chunca (70) wauguincunata wañuchishanpita.  
\v 57 Shequem runacuna mana allita rurashanpitapis Tayta Diosga camacächiran paycuna wañunanpaj. Jerobaalpa wamran Jotam maldisyunta goshanga chaynömi cumlicaran. 
\c 10  
\s1 Tola mandaj juez cashan 
\p  
\v 1 Abimelec wañushanpita guepatanaga Isacar trïbupita Tola jutiyojna pillyaran Israelcunata salbananpaj. Payga caran Dodupa willcan, Fuapa wamran. Tolaga tiyaran Efraín parti altu chacracuna caycashan Samircho.  
\v 2 Payga Israelcunapa mandaj jueznin caran ishcay chunca quimsa (23) watami. Tola wañuptin pampaycäriran Samir marcaman. 
\s1 Jair mandaj cashan 
\p  
\v 3 Chaypitaga Galaad runa Jair jutiyojna yurimuran. Payga Israelcunapa mandaj jueznin caran ishcay chunca ishcay (22) wata.  
\v 4 Jairpaga ollgu wamrancuna caran quimsa chunca (30). Chay wamrancunaga llapanpis purej bürrun muntashalla. Siudänincunapis caran Galaad particho. Chay quimsa chunca (30) siudäcunatami canancamapis «Jairpa siudänincuna» nin. 
\p  
\v 5 Jair wañuptin pampaycäriran Camón siudäman. 
\s1 Israelcunata Amón runacuna ñacachishan 
\p  
\v 6 Chaypita Israelcunaga yapay \nd Tayta Diosta\nd* gongaycuranna. Aduraran achca ïdulucunata Baal dios-nirajta, Astoret diosa-nirajta. Aduraran Siria, Sidón, Moab, Amón, Filistea runacuna «diosnë» nishancunata. \nd Tayta Diosta\nd* gongaycärir manana sirbirannachu.  
\v 7 Chaymi \nd Tayta Diosga\nd* fiyupa rabyacurcuran. Cachaycuran Filistea runacunapa, Amón runacunapa munayninmanna.  
\v 8 Filistea runacunawan Amón runacunaga chunca pusaj (18) wata fiyupa ñacachiran Galaadcho tiyaj Israelcunata, Jordán mayu jucaj-lä chimpan Amorreo runacuna tiyashan cajcho tiyajcunataga.  
\v 9 Amón runacunaga Jordán mayutapis chimparanna, Judá, Benjamín, Efraín runacunata magaj. Chaura llapan Israel castacunaga fiyupa mancharir llaquicuran.  
\v 10 Chayrämi Israelcunaga \nd Tayta Diosta\nd* mañacuran yanapänanpaj. Chaymi niran: «Tayta Dios, gamta gongaycärir juchatami rurashcä. Manacajcunatami rispitar adurashcä.» 
\p  
\v 11 Chayno mañacuptin \nd Tayta Diosga\nd* niran: «Gamcunataga chaynöllami unaypita-pachapis ñacachishurayqui Egipto, Amorreo, Amón, Filistea,  
\v 12 Sidón, Amalec runacunapis Madián runacunapis. Paycuna ñacachishuptiqui ruwacur mañacamaptiqui llapanpa munayninpitapis salbashcämi.  
\v 13 Chaypis gamcunaga gongaycamashcanqui manacaj dioscunata adurashpayqui. Chaypitami cananga mana salbänachu.  
\v 14 ¡Chaycunaman ayway yanapäshunayquipaj! ¡Chaycuna salbashunqui ari!» 
\p  
\v 15 Chayno \nd Tayta Dios\nd* niptin Israelcunaga niran: «Nogacunaga fiyupa juchatami rurashcä. Cananga munashayquita ruramay ari Tayta. Imata ruramänayqui captinpis cananllaga salbaycamay ari.» 
\p  
\v 16 Chayno nirmi Israelcunaga juc-lä nasyun runacunapa manacaj diosnincunata aduraycashanta illgächiran \nd Tayta Diostana\nd* yapay adurananpaj. \nd Tayta Diospis\nd* manana munarannachu Israelcuna chaynölla ñacarcaycänantaga. 
\p  
\v 17 Amón runacuna shuntacarcur pillyananpaj aywar pachacuran Galaadcho. Israelcunapis shuntacarcur pillyananpaj aywar pachacuran Mizpacho.  
\v 18 Galaadcho tiyaj Israelcunawan mandaj jueznincunaga parlacuran «Pipis Amón runacunata maganapaj pushamajninchïtami churashun noganchi Galaadcunapa mandajninchi cananpaj» nir. 
\c 11  
\s1 Jefté rurashan 
\p  
\v 1 Jefté\x * \xo 11:1 \xt Heb. 11.32\x* caran jinyu suldäru Galaad runa. Pay caran cuerpullanwan gänapacoj warmipa wawanmi. Papäninna caran Galaad.  
\v 2 Galaadpa warminchöpis wamrancuna achcana caran. Chaymi wauguincuna jatunyar Jeftëtaga garguran wasinpita. Gargushpanmi niran: «Gamga canqui paytacuymi. Chaymi gamwanga mana raquipänacushwanchu papäninchïpa ima-aycantapis.»  
\v 3 Chaura Jeftëga wauguincunapita aywacur tiyacuran Tob particho. Achcaj fiyu runacunawan shuntacaycur runacunata asaltar puriran. 
\p  
\v 4 Chaypita unayllataga Amón runacuna aywaran Israelcunawan pillyaj.  
\v 5 Chayrämi Galaad marcapa mandajnincunaga Jeftëta gayachiran Tobcho tiyaycajta.  
\v 6 Cachacuna chayaycärir niran: «Shamuy. Amón runacunawan pillyaptë mandajnë canayquipaj.» 
\p  
\v 7 Jeftëna niran: «¿Gamcunaga manachu chiquimashpayqui gargamarayqui? ¿Ñacar-rächu yarpäramanqui?» 
\p  
\v 8 Chaura Galaadcunaga niran: «Rasunpami ñacarcaycä. Yanapaycamay ari. Aywaycushun ari Amón runacunawan pillyäshimänayquipaj. Gamna mandaj jueznëpis cay ari Galaadcho tiyajcunapaga.» 
\p  
\v 9 Niptin Jefté niran: «Pillyacho Amón runacunata binsinäpaj \nd Tayta Dios\nd* yanapämaptenga mandaj juezniquimi cashaj.» 
\p  
\v 10 Chaura mandajcunaga aunir niran: «\nd Tayta Dios\nd* musyanmi. Gam nishayquita llapantapis cumlishämi.» 
\p  
\v 11 Chaura Jeftëga paycunawan aywaran. Mizpachöna llapan Israelcuna churaran mandaj jueznin cananpaj. Chaycho \nd Tayta Diospa\nd* ñaupancho Jefté yapay niran primëru nishannölla.  
\v 12 Chaypitaga Amón runacunapa rayninta tapuchiran: «¿Gamga imatataj munanqui nogacunawan, magamänayquipaj nasyunnëman yaycamunayquipäga?» nir. 
\p  
\v 13 Jeftëpa cachancunata Amonpa raynenga niran: «Egiptupita gamcuna llojshicamurmi chacräcunata guechumarayqui Arnón mayupita-pacha, Jabocwan, Jordán mayu caycashancama. Cananga cutiycachimay manaraj imapis cashancama.» 
\p  
\v 14 Chaura Jeftëga yapay Amón runacunapa rayninman cachacunata cacharan. Cachacuna niran: 
\mi  
\v 15 «Jeftëga nin: Nogacunaga manami chacrayquicunata guechushcächu Moab runacunata, ni Amón runacunatapis.  
\v 16 Egiptupitaga Israel-masëcuna shacamuran chunyajllapami Puca Lamarman chayamunancama. Chaynöllami Cadescama chayamuran.  
\v 17 Shamur Edom nasyunpa raynintapis ruwacurä ‹nasyunniqui chaupillanpa päsacushaj› nir. Chaypis manami munaranchu.\x * \xo 11:17 \xt Núm. 20.14–21\x* Moab nasyunpa raynintapis ruwacurämi. Paypis manami munaranchu päsachimayta. Chaynöpami Cadesllacho pachacurä. 
\pi1  
\v 18 «Chaymi chunyajpa aywar tumamurä Edom\x * \xo 11:18 \xt Núm. 21.4\x* nasyunpa, Moab nasyunpa lindan lädullanpa Moabpa jan'ganman chayanäcama. Chaychönami pachacurä Arnón mayupa läduncho. Mayutami ichanga mana chimparächu, chaypita Moab nasyunna gallariptin. 
\pi1  
\v 19 «Chaypita cachacunata cacharä Amorreo runacunapa raynin Hesboncho caycaj Sehonman. Ruwacurä: ‹Chacrallayquipa päsacuycushaj chacräman› nir.  
\v 20 Chaura Sehonga risilashpanmi chacranpa päsanäta mana munaranchu. Chaypa ruquenga suldäruncunawan shamur pachacuran Jahazaman. Nircur magamänanpaj shamuran. 
\pi1  
\v 21 «Ichanga \nd Tayta Diosmi\nd* Israel-masëcunapa munayninman cachaycuran Sehontaga mandashancho caj llapan runacunatawan. Chaynöpami Amorreo runacunapa chacrantaga guechurä.  
\v 22 Charicarcärirä Amorreo runacunapa chacrantaga Arnón mayupita-pacha Jaboccama, chunyajpitana Jordancama.\x * \xo 11:22 \xt Núm. 21.21–24\x* 
\v 23 Cananga ¿imanirtaj guechumayta munaycanqui Amorreo runacunata guechurcur \nd Tayta Dios\nd* goycamashantaga?  
\v 24 Quemós diosniqui chacrata gosha-cashuptiquimi ichanga ‹Quiquëpa› ninquiman. Nogacunapis ‹quiquëpa› nëcuna \nd Tayta Diosnë\nd* goycamasha captinmi.  
\v 25 ¿Gamga Moabpa raynin Balac Ziporpa\x * \xo 11:25 \xt Núm. 22.1–6\x* wamranpita mas munayniyoj cashayquitachu yarpanqui? Payga manami nogacunata magamajchu shamuran.  
\v 26 Canancamaga nogacuna Hesboncho, Aroercho, läduncunachöga tiyaycäcuna quimsa pachac (300) watanami. Arnón mayu cantunpa caj siudäcunachöpis intëru chacrantincho tiyarcaycäcuna. ¿Imanirtaj mana rimacushcanquichu chaychica watantin tiyarcaycaptëga?  
\v 27 Nogacunaga manami gamcunata ashipashcächu. Gamcunami ichanga pillyata ashir abusaycämanqui. Ichanga \nd Tayta Diosllami\nd* juezga. Paymi Israelcunatapis Amón runacunatapis jusgamäshun.» 
\p  
\v 28 Chayno Jefté willachishanpis Amón runacunapa raynenga manami wiyacuranchu. 
\s1 Tayta Diosta Jefté aunishan 
\p  
\v 29 Chay öra Jeftëga \nd Tayta Diospa\nd* munaynincho ricacuran. Chaymi payga Galaadpa aywar Manasespa päsar chayaran Galaadcho caycaj Mizpaman. Chaypitana Amón runacunapa nasyunninman yaycunanpaj aywaran.  
\v 30 Jeftëga \nd Tayta Diosta\nd* aunir niran: «Amón runacunata binsinäpaj yanapämaptiquega  
\v 31 wasëman cutiptë pipis primëru taripämaj cajmi gampaj rupachina sacrifisyu canga.» 
\p  
\v 32 Chaypita Jeftëga Amón runacunapa chacranman yaycur \nd Tayta Dios\nd* yanapaptin binsiran.  
\v 33 Chiquinacushancunata aypallata wañuycachiran. Siudänincunatapis ishcay chuncatami (20) guechur charicarcäriran Aroerpita Minitcama, Abel-queramimcama. Chaynömi Israelcunaga binsiran Amón runacunata. 
\p  
\v 34 Mizpacho wasinman Jefté chayaptin jucnaylla warmi wamran tariparan gachwaraycar panderëtata tucaraycar. Japallanmi wamran caran. Manami masga caranchu.  
\v 35 Chaymi wamranta ricärir fiyupa llaquicushpan röpantapis rachiriran. Wamranta niran: «Ïja fiyupa llaquicuymanmi churaycamashcanqui. ¡Imamanraj gamga llojshiycämushcanquipis! Nogaga \nd Tayta Diostami\nd* aunishcä. ‹Pipis rimir taripämaj cajtaga gampämi rupachishaj› nishcämi. Nishätaga simri cumlishächari.»\x * \xo 11:35 \xt Núm. 30.2\x* 
\p  
\v 36 Wamranga niran: «\nd Tayta Diosta\nd* aunishayquino nogataga ruramay ari papä. Payga yanapasha-cashunquimi contrayqui Amón runacunata binsinayquipaj.  
\v 37 Ichanga ruwacushayqui papä. Runa yatäni wañunä caycaptenga ishcay quilla yanasäcunawan intëru jircapa wagar puricamushaj.» 
\p  
\v 38 Chaura Jefté wamranta auniran ishcay quilla yanasancunawan intëru jircapa wagar puricamunanpaj runa yatänillaraj wañucunan captin.  
\v 39 Ishcay quilla usharcuptin papäninman cutimuran. Chaura Tayta Diosta aunishanno wamranta rupachiran. Jeftëpa wamranga runa yatänilla wañucuran.  
\v 40 Chaypitami Israel casta jipashcunaga cada watalla Jeftëpa wamranpaj chuscu junaj wagaj. 
\c 12  
\s1 Efraín runacunawan Jefté pillyashan 
\p  
\v 1 Efraín trïbu runacunaga parlacurcur Jordán mayuta chimparan. Zafón marcaman chayaycärir Jeftëta niran: «¿Imanirtaj gamcunallaga nogacunata mana willamayllapa aywashcanqui Amón runacunawan pillyaj? Chaypitami wasintinta rupachishayqui.» 
\p  
\v 2 Niptin Jefté niran: «Amón runacunawanmi fiyupa rimanacurä. Gamcunamanpis willacachimurämi. Chaypis manami shamushcanquichu yanapämänayquipaj.  
\v 3 Chaynöpami wañuyta cawaytapis mana manchar aywashcä Amón runacunawan pillyaj. \nd Tayta Dios\nd* yanapämaptinmi binsishcä. Canan gamcunaga ¿imanirtaj shamushcanqui nogacunata magamänayquipaj?» 
\p  
\v 4 Efraín runacunaga ashllir niran: «Galaadcunaga Efrainpita raquicarcur puricachajllami canqui.» Chayno niptinmi Jeftëga Efraín runacunawan pillyaj llojshiran. Galaad runacunaga Efraín runacunata binsiran.  
\v 5 Efraín runacunata Galaad runacunaga Jordán mayu bäduta manana päsachirannachu. Efraín trïbu runacuna gueshpishpan «päsashaj» nir chayaptin paycuna tapoj Efraín trïbupita cashanta mana cashantapis. Chay runa «manami Efraín trïbupitachu cä» niptenga  
\v 6 tapoj «Shibolet» nir rimachinanpaj. Shimin mana aclaraptin «Sibolet» nej. Chayno rimaj cajtaga jinancho wañurachej. Chay öra Efraín trïbu runacuna wañuran chuscu chunca ishcaynin waranga (42,000). 
\p  
\v 7 Jeftëga Israelcunapa mandaj jueznin caran sojta watami. Wañuptinnaga pampaycäriran yurishan Galaad siudäman. 
\s1 Ibzán mandaj juez cashan 
\p  
\v 8 Jefté wañushanpita Israelcunapa mandaj jueznin jucna caran, Belén runa Ibzán.  
\v 9 Paypa wamran caran quimsa chunca (30) ollgu, quimsa chunca (30) warmi. Llapan wamrancunatapis majachacächiran juc-lä jäpa runacunallawan. Ibzanga Israelcunapa mandaj jueznin caran ganchis wata.  
\v 10 Wañuptinna paytaga Belenman pampaycäriran. 
\s1 Elón mandaj juez cashan 
\p  
\v 11 Ibzán wañushanpita mandaj juez caran Elón jutiyojna. Payga caran Zabulón trïbupitami. Israelcunapa mandaj jueznin caran chunca wata.  
\v 12 Wañuptin pampaycuran Ajalón marcanman. 
\s1 Abdón mandaj juez cashan 
\p  
\v 13 Elón wañushanpita Abdón jutiyojna Israelcunapa mandaj jueznin caran. Payga caran Piratoncho tiyaj Hilelpa wamran.  
\v 14 Abdonga Israelcunapa mandaj jueznin caran pusaj wata. Paypaga wamrancuna caran chuscu chunca (40). Willcancunana caran quimsa chunca (30). Wamrancunapis willcancunapis purej bürrun muntashalla.  
\v 15 Wañuptin pampaycäriran Piratonman. Chayga caran Efraín parti Amalec jircacho. 
\c 13  
\s1 Sansón yurishan 
\p  
\v 1 Israelcunaga yapay \nd Tayta Diosta\nd* gongaycäriranna. Chaymi \nd Tayta Diosga\nd* Filistea runacunapa munayninman chuscu chunca (40) wata cachaycuran.  
\v 2 Dan trïbu Manoa tiyaran Zora marcacho. Warmin caran wawata mana tarej.  
\v 3 Chay warmitami \nd Tayta Diospa\nd* anjilnin yuriparcur niran: «Gampaga manami imaypis wamrayqui cashachu. Cananmi ichanga gueshyaj ricacunquipaj. Wamrayquipis ollgumi yurenga.  
\v 4 Ichanga ama upunquichu bïnuta ni waquin ima machächicojtapis. Ama micunquichu Tayta Dios ‹ganra› nishan cajtaga.  
\v 5 Yurej wamrayquitaga Tayta Diosmi acraconga manaräpis yuriptillanna Nazareo cananpaj. Chaymi ajchanta imaypis ama rutucongachu.\x * \xo 13:5 \xt Núm. 6.1–5\x* Paymi gallaycongapaj Filistea runacunapa munayninpita Israelcunata salbayta.» 
\p  
\v 6 Chaura warmiga runanta willar niran: «Tayta Diospa cachanmi shamusha. Quiquin Tayta Diospa anjilnin-niraj almiraypämi casha. Manami maypita cashanta, ni pï cashantapis tapushcächu. Ni quiquinpis manami willamashachu.  
\v 7 Ichanga willamasha wamrä ollgu cananpaj cashanta. Cananpitaga amashi upushächu bïnuta, ni ima machächicojtapis. Tayta Dios ‹ganra› nishan micuytapis amashi micushächu. Wamranchïtaga Tayta Diosshi acracusha nazareo cananpaj manaräpis yuriptillanna. Wañunanyajshi Tayta Diosninchïpa munaynincho canga.» 
\p  
\v 8 Chaura Manoaga \nd Tayta Diosta\nd* mañacushpan niran: «\nd Tayta Dios\nd* ruwacushayqui ari. Yapay chay runata cachaycamuy. Wamra yurejta imano uywanäcunapäpis willamächun.» 
\p  
\v 9 Tayta Dios wiyaran Manoa mañacushanta. Chaymi anjilga yapay yuriparan Manoapa warmin chacracho caycajta. Manoa mana captin  
\v 10 warmiga cörriyllapa aywaran willaj. «¡Jucpun yuripämaj runa yapaymi yuripämasha!» niran. 
\p  
\v 11 Chaura Manoaga jinan öra aywaran runa caycashan cajman. Chayaycur niran: «¿Gamchu warmëta jucpun willaparayqui?» 
\p Chay runa niran: «Au nogami.» 
\p  
\v 12 Manoaga tapuran: «Willamashayquino captin ¿imanötaj wamrataga uywashaj? ¿Imatataj rurashaj?» nir. 
\p  
\v 13 \nd Tayta Diospa\nd* anjilninna niran: «Warmiquega cumlichun willapashäta:  
\v 14 Ama upuchunchu bïnuta. Übaspita rurar poguchisha cajta, ni ima machächicojtapis ama upuchunchu. Tayta Dios ‹ganra› nishan micuycunatapis ama micuchunchu. Nishänölla llapanta cumlichun.» 
\p  
\v 15-16 Manoaga mana musyaranchu \nd Tayta Diospa\nd* anjilnin cashanta. Chaymi niran: «Micunanchïpaj jamapaycay tayta. Cabra-mallwata pishtarir micuyta ruraramushaj.» 
\p Niptin anjil niran: «Shuyashpäpis manami micushunpächu. Chaypa ruquin cabra-mallwataga rupachina sacrifisyupaj rupachiy.» 
\p  
\v 17 Chaura Manoaga anjilta niran: «Jutillayquitapis willamay ari nimashayquino captin cushicur gamta agradësicunäpaj.» 
\p  
\v 18 Niptin anjil niran: «¿Imapätaj jutëta musyayta munanqui? Jutëga almiraypämi.» 
\p  
\v 19 Chaura Manoaga cabra-mallwata, chaqui micuy ofrendata churaran altar rumi jananman. Nircur \nd Tayta Diospaj\nd* rupachiran. Chaura \nd Tayta Diosga\nd* Manoata warmintinta ricachiran almiraypäta.  
\v 20 Altarpita nina ichirir janajpa aywaptin Manoa warminwan ricaran \nd Tayta Diospa\nd* anjilnin ninapa chaupincho syëluman wichaycajta. Chaura rispitashpan umpuran urcuncunapis pampaman töpananyaj.  
\v 21 Chayraj Manoaga musyaran chay runa \nd Tayta Diospa\nd* anjilnin cashanta. Chay junajpita-pacha manana maygantapis yuriparannachu.  
\v 22 Chaura Manoaga warminta niran: «Tayta Diostami ricashcanchi. Cananga wañushunchari.» 
\p  
\v 23 Warminna niran: «\nd Tayta Dios\nd* wañuchiyta munamashpanchëga manami chasquimashwanchu caran rupachina sacrifisyuta ni chaqui micuy ofrendata rupachishanchïtapis. Manami imatapis ricachimashwanchu caran. Manami imano cananpäpis willamashwanchu caran.» 
\p  
\v 24 Quillan cumliptin warmiga gueshyacuran ollgu wamrata. Jutintana churaparan «Sansón»\x * \xo 13:24 \xt Heb. 11.32\x* nir. Wamrataga wiñaynin-tupu \nd Tayta Dios\nd* llapanchöpis yanaparan.  
\v 25 Juc junaj Sansón caycaran Dan trïbu runacuna tiyashan Zorawan Estaol tincojcho. Chaychömi \nd Tayta Diospa\nd* Espiritun Sansonta yanapayta gallaycuran. 
\c 14  
\s1 Sansón majachacashan 
\p  
\v 1 Sansón juc junaj aywaran Timnat marcaman. Filistea jipashta ricar majanpaj munaran.  
\v 2 Wasinman cutiycur maman-taytanta niran: «Timnat marcachömi ricashcä Filistea jipashta. Chay jipashwan majachacänäpaj tapupämay.» 
\p  
\v 3 Chaura maman-taytanga niran: «¿Imanirtaj munanqui Filistea nasyun jipashwan majachacayta? Paycunaga manami Tayta Diosman riguinchu. Warmita munaptiquega caycanmi castanchïcuna, Israel-masinchïcuna.» 
\p Chaura Sansón niran: «Chay jipashtami cuyä. Payta ashipämay majäpäga.» 
\p  
\v 4 Sansonpa maman-taytanga mana musyaranchu \nd Tayta Dios\nd* camacaycächishanta. Tayta Diosmi Filistea runacunata imanöpa wañuchiytapis munaycaran. Chay wichanga Filistea runacunapa munayninchömi Israelcunaga caycaran.  
\v 5 Chaynöpami Sansonga maman-taytanwan aywaran Timnatman. Übas chacrapa Sansón päsaycaptin liyun pintipaycuran.  
\v 6 Chaura Sansonga \nd Tayta Diospa\nd* Espiritun yanapaptinmi liyuntaga cabra-mallwata liyun rachirishan-jina ushariran. Maman-taytanta ichanga mana willaparanchu.  
\v 7 Timnatman chayarnaga cuyashan jipashta tapuran majachacänanpaj. 
\p  
\v 8 Chaypita Sansonga cutiran parlashan warmita ashejna. Näninpa aywaycashancho Sansonga yaycuran wañuchishan liyunta ricaj. Liyunpa pachanchöga abëja timpuycaran. Mishquinpis junta caycaran.  
\v 9 Chaura maquinta jatiycur mishquita jorgucurir micupallapa aywacuran. Maman-taytanta tariparcur yawachiran. Chaura paycunapis micuran. Sansonga manami willaparanchu wañusha liyunpita mishquita jorgushanta. 
\p  
\v 10 Sansonpa papänin chayaran jipashpa wasinman. Fistata ruraran mösucunapa custumrin cashanno.  
\v 11 Filistea mösucunaga Sansonta manchacushpanmi quimsa chuncaj (30) aywaran.  
\v 12 Chay mösucunata Sansonga niran: «Juc adibinansata nishayqui. Ganchis junaj fista dürashancamami timpu caycan willamänayquipaj. Adibinaptiquega cada ünuyquitami juc shayaj mushoj röpata, alli lïnu röpata pägashayqui.  
\v 13 Mana willamashpayquimi ichanga gamcuna gomanqui cada ünuyqui juc shayaj mushoj röpata, alli lïnu röpata.» 
\p Chaura paycunaga niran: «Mä nimay ari adibinansataga. Wiyaytami munä.» 
\p  
\v 14 Chaura Sansón niran: 
\q1 «¿Imatäshi, imatäshi? 
\q1 Micucojpitami micuy yurisha. 
\q1 Callpayojpitami mishqui llojshisha.» 
\p Mösucunaga quimsa junajtapis manaraj adibinaranrächu.  
\v 15 Chaymi chuscu caj junajchönaga Sansonpa warminta niran: «Adibinansa ima ninan cashantapis tapupämay. Runayquita pashtapacachiy. Man'chäga quiquiquita, llapan famillyayquicunatawanmi rupachishayqui. ¡Gamcunaga gayachimashcanqui imätapis guechumänayqui-cashallami!» 
\p  
\v 16 Chaura warmenga Sansonta wagapashpan niran: «¡Manami cuyamanquichu! ¡Chiquimanquimi! Marca-masëcunata nishcanqui juc adibinansata. Nogatami ichanga mana willamashcanquichu.» 
\p Niptin Sansonga niran: «Mamäta taytätapis manami willashcächu. ¿Chaychuraj gamta willaycöman?» 
\p  
\v 17 Warmenga Sansonta wagaparan waran-waran fista ushacänancama. Yaparir-yaparir tapuycaptillan fista ushanan ganchis junajchöga willaycuran ima ninan cashantapis. Willaycuptenga marca-masin mösucunata warmi willaycuran.  
\v 18 Fista ushanan ganchis junajchöga inti manaraj yagaptin Filistea mösucuna Sansonta niran: 
\q1 «Abëjapa mishquinpitaga imapis mas manami mishquinnachu. 
\q1 Ni liyunpita mas callpayojpis manami canchu.» 
\p Sansonna paycunata niran: 
\q1 «Majä willashuptiquirämi musyashcanqui.» 
\p  
\v 19 Jinan öra Sansontaga \nd Tayta Diospa\nd* Espiritun charicurcuran. Chaymi Ascalón siudäman aywarcur wañuchiran quimsa chunca (30) runata. Chaypa röpan guechushancunatana mösucunataga adibinashanpita pägaran. Nircorga warmin pashtapacushanpita fiyupa rabyasha papäninpa wasinman cuticuran.  
\v 20 Chaycama Sansonpa warmintaga taytan majacharcuran Sansonpa amïgunwanna. 
\c 15  
\s1 Rïguta Sansón rupachishan 
\p  
\v 1 Chaypita unayllataga rïgu cosëcha wichan Sansonga warmin watucoj cutiran manta cabrata apacurcur. Chayaycur niran: «Warmëmanmi shamushcä. Mä cuartunman yaycurishaj.» Chaura suyronga yaycunanta mana munar  
\v 2 niran: «Nogaga yarpashcä cachaycushayquitana. Chaymi warmiquitaga entregaycushcä amïguyquitana. Canan gamga shullcanwanna majachacay mayurninpa ruquin. Shullcanga mas cuyayllapämi.» 
\p  
\v 3 Sansonna niran: «Cananmi ichanga Filistea runacunata rabyawan usharishaj. Quiquiquicunami juchayoj canqui.» 
\p  
\v 4 Chaypita aywacur chariran quimsa pachac (300) atojcunata. Nircur chupanpita ishcayta-cama shinrergäriran. Shinrishan chupanman wataparcuran mëchata.  
\v 5 Sindergärerga atojcunata garguriran Filistea runacunapa chacranpa. Chaynöpami rupaycachiran llapan rïgu rutöni caycajta, rutusha goturaycajtapis, übas chacracunata, olivo chacracunatapis.  
\v 6 Chaura Filistea runacunaga tapucacharan pï rurashantapis. Tapucachaycashanchömi mayaran Timnat runa Sansonpa warminta jucta goycushanpita rabyawan rurashanta. Chaymi Filistea runacunaga warmita taytantinta rupaycärachiran.  
\v 7 Chaura Sansón niran: «¡Cananmi ichanga mayaycamanqui! ¡Ayñita manaraj cutichishpäga jamaytapis mana tarishächu!» 
\p  
\v 8 Fiyupa rabyasha aywar achcaj Filistea runacunata wañuchiran. Chayno rurarcorga Etamcho caycaj machayman tiyaj aywacuran. 
\s1 Bürrupa quijädanwan Sansón wañuchishan 
\p  
\v 9 Filistea runacunaga Judá nasyunman yaycuycur tiyacaycäriran Lehi particama.  
\v 10 Chaura Judäcunaga tapuran: «¿Imanirtaj nogacunawan pillyaj shamushcanqui?» nir. 
\p Filistea runacunana niran: «Sansonta prësojmi shamushcä. Ayñitami cutichishaj.» 
\p  
\v 11 Chayno niptin Judá runacunaga quimsa waranga (3,000) aywaran Etam machayman. Chayaycärir Sansonta niran: «¿Manachu musyanqui Filistea runacuna noganchïpita mas munayniyoj cashanta? Musyaycarga ¿imanirtaj inrïduman gaycamashcanqui?» 
\p Niptin Sansonga niran: «Ayñillatami cutichishcä.» 
\p  
\v 12 Chaura Judá runacuna niran: «Nogacunaga shamushcä gamta prësurcur Filistea runacunaman entregaycunäpämi.» 
\p Niptinna Sansón niran: «Tayta Diospa jutincho aunimay quiquiquicuna mana wañuchimänayquipaj.» 
\p  
\v 13 Chaura paycuna aunir niran: «Nogacunaga manami wañuchishayquipächu. Filistea runacunallamanmi entregaycushayqui.» 
\p Chayno nircur ishcay mushoj wascawan liyaran. Liyarcärir jorgamuran pacarashan machaypita. 
\p  
\v 14 Lehiman chayachiptin Filistea runacunaga fiyupa cushicur tariparan. Chaura jinan öra \nd Tayta Diospa\nd* Espiritun Sansontaga charicurcuran. Chaymi Sansonga liyaraycashan wascatapis rupasha jïlutanölla rachiriran.  
\v 15 Rachir-usharerga bürrupa quijädan manaraj sumaj chaquej jitaraycajta aptarcur chayllawan wañuycachiran waranga (1,000) Filistea runacunata.  
\v 16 Nircur niran: 
\q1 «Bürrupa quijädallanwanmi 
\q1 gotuy-gotuy rurashcä. 
\q1 Bürrupa quijädallanwanmi 
\q1 wañuchishcä waranga runacunata.» 
\p  
\v 17 Chayno nircur wañusha bürrupa quijädanta jitariycuran. Chaypitami chay partipa jutin Ramat-lehi.  
\v 18 Nircur Sansonga fiyupa yacunaran. Chaymi \nd Tayta Diosta\nd* mañacushpan niran: «Tayta Dios, gammi munashcanqui llapan runata wañuchinäta. Cananga ¿imanirtaj cachaycamashcanqui yacunaypita wañunäpaj? ¿Imanirtaj cachaycamanqui mana yäracushoj runacuna prësu charimänanpaj?» 
\p  
\v 19 Chayno niptinmi Tayta Dios uchcuta ricacachiran Lehicho. Chaypita yacu llojshimuran. Chaura Sansonga uchcupita yacuta upuran. Chayraj callpanpis yapay yurircuran. Chaypitami Lehicho yacu pashtajta cananyaj rejsin «En-hacore» nishpan. 
\p  
\v 20 Filistea runacuna munayniyoj cashan wichan Sansonga Israelcunapa mandaj jueznin caran ishcay chunca (20) watami. 
\c 16  
\s1 Gaza marcacho Sansón 
\p  
\v 1 Juc cuticho Sansón aywaran Filistea runacunapa siudänin Gazaman. Chaycho ricaran cuerpunwan gänapacoj warmita. Chaymi wasinman aywaran waräcunanpaj.  
\v 2 Gazacuna musyaran siudächo Sansón caycashanta. Chaymi siudäman yaycuna puncucho goyarpoj shuyarpaycaran. Chacaypaga aywacuran warannin junaj pacha wararcuptin wañuchiyta yarpashpan.  
\v 3 Sansonga pullan pagascamalla warmipa wasincho pacararan. Aywacur siudäman yaycuna sawan puncuntaga rancantinta marcuntinta achuriran. Nircur matancacurcur apacuran Hebronpa chimpan jircacama. 
\s1 Dalilawan Sansón 
\p  
\v 4 Chaypita guepata Sorec pampacho tiyaj Dalilatana Sansonga cuyacurcuran.  
\v 5 Chaura Filistea runacunapa mandajnincuna aywaran Dalilawan parlaj. Dalilata niran: «Engañayllapa Sansonta tapuy. Fiyupa callpan mä ¿imanöpashi yurin? Callpayoj caycajtaga ¿imanöpashi binsishwan? Musyaycorga watashallami chararäshun. Willashuptiquega nogacuna cada ünö pägashayqui waranga pachacnin (1,100) guellaytami.» 
\p  
\v 6 Chaymi Dalilaga Sansonta tapuran: «¿Imanöpataj fiyupa callpayqui yurin? ¿Imano watashuptiquitaj atipacurpis mana cachacanquimanchu? Willamay ari.» 
\p  
\v 7 Sansón niran: «Ganchis chawar wascawan watamaptin callpä manami canganachu. Chauraga cashaj waquin runanöllanami.» 
\p  
\v 8 Chaura Filistea runacunapa mandajnincuna Dalilata apaparan ganchis chawar wascacunata. Chaywanna Sansontaga Dalila wataran.  
\v 9 Manaraj watar Dalilaga runacunata mayna pacaran. Watarcur sinchipa niran: «¡Sansón Filistea runacuna charishunqui!» 
\p Chaura Sansonga watuta rupasha jïlutano jinan öra rachiriran. Filistea runacuna mana musyaranchu Sansonpa callpan imanöpa yurishantapis. 
\p  
\v 10 Sansonta Dalila niran: «¡Llullapämashcanqui! Cananga rasun cajta willamay. Amana llullapämaynachu. ¿Imanöparätaj watarächishunquimanga?» 
\p  
\v 11 Chaura Sansón niran: «Manaraj imatapis watashan mushoj wascawan watamaptin ichanga callpä mana canganachu. Chauraga cashaj lluta runallanami.» 
\p  
\v 12 Chaymi Dalilaga mushoj wascacunawan liyaran. Nircur gayacuran: «¡Sansón Filistea runacuna charishunqui!» 
\p Chay örapis Dalilaga runacunata pacaraycächiran. Sansonga jatarcur llanu jïlutanölla llapan wascacunata rachiriran. 
\p  
\v 13 Dalilaga Sansonta niran: «Rasun cajtaga manami willamanquichu. ¡Llullapaycämanquillami! ¿Imanöparätaj gamtaga watashunquiman?» 
\p Niptin Sansón niran: «Tilarcho caycaj awaman ganchis ajcha pilltäta miñiy. Nircorga sumaj tacanqui. Chaymi ichanga callpä mana canganachu. Chauraga cashaj lluta runallanami.» 
\p Dalilaga Sansonta fiyupa puñucäcachiran. Nircur ganchis ajcha pilltanta awarcuran.  
\v 14 Painawan sumaj tacaran. Nircorga gayacuran: «¡Sansón, Filistea runacuna charishunqui!» nir. 
\p Niptin Sansonga puñuycashanpita jatarishancho tilarnintinta achuriycuran.  
\v 15 Chaura Dalila niran: «¡Llulla! Llulla caycashpayquega ¿imanirtaj ‹cuyä› nimanqui? Rasunpaga manami cuyamanquichu. Quimsa cutinami llullapämashcanqui. Manami willamanquirächu imanöpa callpayqui yurishantapis.» 
\p  
\v 16 Chaynölla rätun mas yaparir-yaparir Dalila tapuptinmi Sansonga yamacashana car «Wañucurë-imäman» niran.  
\v 17 Chaymi Dalilataga rasun cajta willaran. «Ajchätaga manami pipis rutumashachu iti cashäpita-pachapis. Nogataga manaraj yuriptillä Tayta Diosmi acramasha nazareo canäpaj. Chaymi ajchäta pipis ruturiycuptin callpaynajna ricacushaj. Chauraga lluta runallanami cashaj.» 
\p  
\v 18 Rasun cajta willashanta musyaycur Dalila willachiran mandaj Filistea runacunata: «¡Canan ichanga llapaniqui shamuy. Rasunpa cajtami Sansón willamasha!» nir. 
\p Chaura mandajcunaga guellayta apacarcärir Dalilaman aywaran. 
\p  
\v 19 Sansonta Dalila puñucächiran umanta millgayninman churarcur. Puñucäcuptin juc runata gayarcur Sansonpa ganchis ajcha pilltanta ruturachiran. Chaura Sansonpa callpan manana captin Dalilaga magaytana gallaycuran.  
\v 20 Gayacuran «¡Sansón Filistea runacuna charishunqui!» nir. 
\p Sansonga riccharaycamur yarparan imaypis salbacushannölla salbacuyta. Ichanga mana musyaranchu \nd Tayta Dios\nd* manana yanapashanta.  
\v 21 Chaura Filistea runacunaga jinan öra prësu charircur ñawintapis jorguran. Gaza siudäman prësu aparan. Chaychönami watarächiran runsi cadinawan. Carsilcho mulinu tangaycho aruchiran. \fig Sansón mulinu rumita tangashan|src="CO00945B.TIF" size="span" loc="Jue. 16.21" ref="Jue. 16.21" \fig* 
\v 22 Ichanga chaycho caycaptillan ajchan yapay wiñaran. 
\s1 Sansón wañushan 
\p  
\v 23 Chaypita unaytaga Filistea runacunapa llapan mandajnincuna shuntacaran Sansonta binsishanta yarpar cushicur anibersaryuta rurananpaj. Cushicushpanmi uywancunata pishtarcur rupachiran Dagón diosninpaj. Cantar nircaycaran: 
\q1 «Dagonmi munayninchïman churamusha 
\q1 chiquishanchi Sansonta.» 
\p  
\v 24 Ricashpan runacunapis diosninta adurashpan cantaran. Cantar niran: 
\q1 «Dagonmi munayninchïman churamusha 
\q1 chiquishanchi Sansonta, 
\q1 llapan micuyninchïcuna illgächejta, 
\q1 noganchi castata wañuchejta» nir. 
\p  
\v 25 Llapan cushisha carcaycaran. Chaymi Sansonta carsilpita jorgachimuran ricäcunanpaj. Carsilpita apaycachimuptin ricäcur asiparan. Ishcay pilancu chaupinman ichichiran.  
\v 26 Chaura Sansonga janchaypa pushaj mösuta niran: «Templupa pilancunta yatachimay. Tucnacuytami munä.» 
\p  
\v 27 Chay öra templu rurichöga carcaycaran Filistea runacunapa llapan mandajnincuna. Warmipis ollgupis junta carcaycaran. Templupa altusninchöpis quimsa warangano (3,000) Sansonta asipar ricäcur caycaran.  
\v 28 Chaymi Sansonga Tayta Diosta mañacur niran: «\nd Tayta Dios\nd* fiyupami ruwacö. Juc cutillana yapay yanapaycamay callpä yurinanpaj. Chaynöpami Filistea runacunataga ishcan ñawëta jorgushanpita juclla wañuchishaj.»  
\v 29 Chayno Tayta Diosta mañacurcur templuta tucnaraj ishcan pilancuta yatayllapa ashiran. Ishcan pilancuman tucnacurcur  
\v 30 sinchipa gapararan: «¡Cananga iwalmi wañushun Filistea runacuna!» nir. 
\p Chayno nirmi llapan callpanwan pilancucunata tangariycuran. Templu juchur ñitiriran llapan runacunata mandajnintinta. Wañushpanmi Sansonga aypalla runacunata wañuycachiran cawar wañuchishanpitaga mas aypallata. 
\p  
\v 31 Chaypita Sansonpa wauguincuna, llapan famillyancuna aywamuran. Cuerpunta apar pampaycäriran quiquin linda Zorawan Estaol marca tincojman. Chaychömi Sansonpa papänin Manoa pamparaycaran. Sansonga ishcay chunca (20) watami Israelcunapa mandaj jueznin caran. 
\c 17  
\s1 Micaiapa willapan 
\p  
\v 1 Efraín parti jircachömi tiyaran Micaía.  
\v 2 Paymi juc cuticho mamanta niran: «¿Yarpaycanquichu waranga pachacnin (1,100) guellayniqui suwaj runata maldisyunashayquita? Nogami chay suwapäshoj runa caycä.» Chayno niptinmi maman niran: «¡\nd Tayta Dios\nd* bindisyunninta goycushunqui ïju!»  
\v 3 Waranga pachacnin (1,100) guellayta wamran Micaía cutiycachiptin mamanga niran: «Cananga \nd Tayta Diospämi\nd* cay guellayta churä. Chay guellaywanmi rurachishaj juc ïduluta guerupita, juc ïdulutana guellaypita. Chaytaga gamtami entregaycö.» 
\p  
\v 4 Wamran cutiycachiptin ishcay pachacta (200) raquiran. Chayta aparan guellay tacajman. Paytanami ruwacuran juc ïduluta guerupita, juc ïdulutana guellaypita rurapänanpaj. Ïduluta rurarcuptin Micaiapa wasinman churaran. 
\p  
\v 5 Micaiapaga maynami caycaran capillan. Diosta mañacur jaticunanpämi efodta ruraran. Quiquin famillyacunalla «diosnë» nishancunapis achca caran. Nircur juc wamrantanami cüra cananpaj churaran.  
\v 6 Chay wichanga Israelcunacho manami ray caranchu. Chaymi cada ünun munashanno goyäcoj.\x * \xo 17:6 \xt Deut. 12.8; Jue. 21.25\x* 
\p  
\v 7 Judá runacuna tiyashan Belén marcachömi puricachaj mösu caran. Payga caran Leví trïbupitami.  
\v 8 Chay mösumi Belenpita aywacuran maychöpis tiyananpaj ashir. Efraín partipa puriycashancho chayaran Micaiapa wasinman.  
\v 9 Micaiaga tapuran: «¿Maypitataj shamunqui?» nir. 
\p Chaura niran: «Belenpitami shamushcä. Leví trïbupitami cä. Maycho tiyanäpäpis ashirmi puriycä» nir. 
\p  
\v 10 Niptinmi Micaiaga niran: «Caycho tiyacushun ari. Nogapa cürä cay. Chaura gamnami willapämar tantiyachimanqui. Watachöga pägashayqui chunca guellayta. Jananmanpis listumi goyanqui röpapita micuypitaga.» 
\p  
\v 11 Chayno niptinmi Leví trïbu mösuga chaycho tiyashpan Micaiapa wamrannöna ricacuran.  
\v 12 Chaynöpis cüra cananpaj Micaía churaptin paypa wasillanchöna tiyaran.  
\v 13 Leví mösu cüran captinmi Micaiaga yarparan \nd Tayta Diospa\nd* bindisyunninwan alli goyashanta. 
\c 18  
\s1 Dan trïbu runacunawan Micaía 
\p  
\v 1 Chay wichan Israelcunachöga manami ray caranrächu. Dan trïbu\x * \xo 18:1 \xt Jos. 19.47\x* runacunapapis quiquincunapaj ricachishan chacranman yaycuyta mana camäpacuranrächu. Chaynöpami maycho tiyananpäpis ricapacur purircaycaran.  
\v 2 Chaymi Dan trïbuga Zorawan Estaol tincojpita cacharan pichgaj jinyu runacunata, tiyananpaj chacrata ricapacamoj. Pichgaj runacuna aywar chayaran Efraín trïbu tiyarcaycashan jircaman. Aywaycashanchömi Micaiapa wasincho pachacuran.  
\v 3 Micaiapa wasinman yaycuycashancho Leví trïbu mösupa parlayninta rejsircäriran. Wasiman yaycurna tapuran: «¿Pitaj pushamusha-cashunqui? ¿Imatataj caychöga ruraycanqui? ¿Imamantaj shamushcanqui?» nir. 
\p  
\v 4 Tapuptin willaran Micaiawan imano parlashantapis, Leví trïbu mösuga cüran cananpaj imano churashantapis.  
\v 5 Chaura paycuna niran: «Tayta Diosta tapupämay. Mä allichush purimushäcuna.» 
\p  
\v 6 Niptin Leví trïbu mösuga niran: «Maypa aywarpis allilla purimunayquipaj \nd Tayta Diosmi\nd* chapäshunquipaj. Mana yarpachacuypa ayway.» 
\p  
\v 7 Chaypita, pichgaj ricapacoj aywajcunaga chayaran Lais siudäman. Chay siudächo tiyajcunaga mana yarpachacuypa tiyarcaycasha Sidón runacuna tiyashanno. Pipis mana rimaparanchu. Allilla goyäcuran. Ima-aycanpis mana pishiranchu. Sidón runacunapitaga caruchömi tiyarcaycaran. Ni piwanpis manami chayanacuranchu.  
\v 8 Chayno caycajta ricaycur pichgaj ricapacoj aywajcunaga cutiran Zorawan Estaol tincojcho waquin carcaycashanman. Chayaptin tapuran: «¿Ricapacamur purimushayqui imanötaj caycan?» nir. 
\p  
\v 9 Chaura paycuna niran: «Intërutami chay partipa purimushcäcuna. Alli chacrami. ¡Juclla aywashun chay chacrata charinapaj! ¡Chaycho tiyajcunata ushajpaj illgarachishun! ¡Cayllachöga ama jamarpäcushunchu!  
\v 10 Washaman chayaycärerga tarishun mana yarpachacuypa goyaycaj runacunata, aypalla chacrayojta, ima-aycanpis mana pishejta. Chay chacratami Tayta Dios goycamäshun.» 
\p  
\v 11 Zorawan Estaol tincojcho tiyarcaycashanpita sojta pachac (600) Dan runacuna pillyananpaj camaricushalla aywaran.  
\v 12 Judäman chayar pachacuran Quiriat-jearimpita inti yaganan caj-lächo. Chaypitami chay partipaga canancamapis jutin «Dan trïbu pachacunan.»  
\v 13 Chaypitana aywaran Efraín parti jircapa. Chaychöna chayaran Micaía tiyananman.  
\v 14 Lais parti chacrata ricapacojcunaga pichganmi waquin caj runacunata niran: «Gamcunaga manami musyanquirächu. Tagay wasicho caycan cürapa pichëran efod, chay famillyallapa diosnincuna. Ïdulunpis guellaywan chapyasha caycan. ¿Imatataj rurashun?» 
\p  
\v 15 Chayno nircur pichgaj ricapacojcunaga ñauparan Leví mösu tiyaycashan wasiman. Chayga caran Micaiapa wasin. Chayar saludaran.  
\v 16 Paycuna yaycushancamaga sojta pachac (600) Dan runacuna puncullacho shuyarpaycaran.  
\v 17 Chay pichgaj ricapacojcunaga rimir-puntata yaycuriycur capillacho caycaj guellaywan chapyasha ïduluta, cürapa efodninta, jinan wasiyojpa diosnincunatapis apacunanpaj jorgamuran. Micaiapa cürannami jawacho caycaran sojta pachac runacunawan. 
\p  
\v 18 Chay pichgaj runacuna yaycurir ïduluta, efodta, wasiyojpa diosnincunata jorguycajta ricar cüraga niran: «¿Imatataj rurarcaycanqui?» 
\p  
\v 19 Chaura paycunana niran: «Upälla. Nogacunawan aywacushun cürä canayquipaj. Nogacunatana tantiyachimanqui willapämanqui. ¿Manachu mas alli canman juc runallapa cüran cashayquipitaga juc trïbu Israelcunapa cüran captiqui?» 
\p  
\v 20 Chayno nishan alli caran cürapäga. Chaura Dan trïbu runacunaga ïduluta, efodta, wasiyojpa diosnincunata apacurcur aywacuran.  
\v 21 Chaypita päsarnaga ñaupa-puntanman churaran wamracunata, uywata, guepi apajcunata.  
\v 22 Micaía bisïnuncunawan shuntanacurcur guepanta aywashancamaga carutana aywaran.  
\v 23 Gatejcuna guepanta aywashpan gayarashanta wiyaycur Dan runacunaga Micaiata tapuran: «¿Imanaycanquitaj? ¿Imanirtaj chay-jina gayarämanqui?» nir. 
\p  
\v 24 Chaura Micaía niran: «Gamcunaga apacurcaycanqui ruracushä diosnëcunata. Cürätapis pushacuycanqui. Jinayllatami cachaycämanqui. Chayno ruraycämarpis ‹¿Imanaycanquitaj?› nimanquiraj.» 
\p  
\v 25 Chaura Dan runacunaga niran: «Ama rimapämaychu. Mana awantacushpan waquinnëga magashushpayqui llapayquita wañurachishunquimanmi.» 
\p  
\v 26 Paycuna aypallaj captin manchacushpan Micaiaga wasinman cuticuran. Dan runacunana aywaycashanpa aywacuran.  
\v 27 Micaía rurashancunata apacur cürantapis pushacuran. Llapanna Laisman chayaran. Chaycho tiyaj runacunaga mana yarpachacuypa alli goyarcaycaran. Chayno caycajtami llapanta sablinwan wañuycärachiran. Siudätapis rupaycärachiran.  
\v 28 Sidón siudäpitaga caruchömi caycaran. Chay runacunaga manami piwanpis chayanacuranchu. Chaynöpami pipis mana washaranchu. Jinachöpis paycunaga tiyaran ragran pampa Bet-rehob particho. Nircorga Dan runacunana siudäta yapay jatarachiran. Chaychöna tiyaran.  
\v 29 Ñaupa caj jutin Lais casha captinpis paycunaga Dan niran, unay caj awilunpa chay jutin casha captin. Danga caran Jacobpa wamranmi.  
\v 30 Chaymannami guellaywan chapyasha ïduluta churaran rispitar adurananpaj. Cüratana churaran Moisespa wamran Gersonpita miraj Jonatanta. Chaypita Dan trïbupaga juc-lä nasyunman prësu apanancama Jonatanpita mirar aywajcunallana cüran caran.  
\v 31 Tayta Dioswan Tincuna Toldu Silucho cashancamaga chay siudällachömi caycaran Micaiapa guellay chapyasha ïdulunga. 
\c 19  
\s1 Leví runapa chïnan 
\p  
\v 1 Israelcunacho manaraj ray captillan Efraín parti caru chacracho tiyaran Leví runa. Paymi majayoj caycar juc warmita aparan Judá nasyuncho caycaj Belén marcapita.  
\v 2 Chay warmi runanwan rimanacur cuticuran Belenman, papäninpa wasinman. Chaycho chuscu quilla tiyaycaptin  
\v 3 Leví trïbu runanga amistaj aywaran juc uywayninta pushacurcur ishcay bürrunta gaticurcur. Chayaptin warmenga papäninpa wasincho jamachiran.  
\v 4 Warmipa papäninpis cushisha jamachiran. Chaymi niran «goyapärishunraj.» Chaura Leví trïbu runaga uywaynin ishcan goyaran quimsa junaj suyrunpa wasincho micushpan, upushpan. 
\p  
\v 5 Chuscu junajman wararcamur ichanga tutallana jatariran cuticunanpaj. Llojshicuycaptinna suyronga mashanta niran: «Aywacunayquipäpis juc tantallatapis micucurcuyraj balurniqui cananpaj.» 
\p  
\v 6 Chaura jamacaycärir ishcan micuran upuran. Chaychömi suyronga ruwaran chay chacay cushisha yapay puñupänanpaj.  
\v 7 Leví trïbu runa aywacuyta munaptinpis suyrun amatar ruwaran. Chaura chay junäga manana aywacurannachu. 
\p  
\v 8 Pichga junajchöga Leví trïbu runa tutalla jatariran aywacunanpaj. Suyronga ruwaran «Manaraj aywacur imallatapis micucurcuy balurniqui yurinanpaj» nir. Chauraga llapan micur upur jamarparan intipis tumarinancamana.  
\v 9 Chaypita Leví trïbu runa aywacunanpäna camaricuran warminwan uywayninwan. Chaura suyronga niran «Tardinami. Intipis yagaycanna. Cayllacho puñucuy. Warana tutalla aywacunqui» nir.  
\v 10 Leví trïbu runaga manana munarannachu yapay puñuyta. Chaymi aywacuran warmintin uywaynintin, ishcay bürrun sillashata gaticurcur. Jebús nishan Jerusalenman chayaycashancho  
\v 11 uywaynenga Leví runata niran: «Jebús runacunapa siudällancho pachacushaga ¿manachu alli canman tayta?» 
\p  
\v 12 Chaura Leví runa niran: «Jäpa runacuna tiyashanmanga manami yaycushunchu maygan siudämanpis. Chaypa ruquenga chayashun Gabaa siudäcama.  
\v 13 Gabaachöraj, man'chäga Ramá siudächöraj pachacushonga.» 
\p  
\v 14 Chayno nishpanmi aywarcaycaran. Gabaaman chayaran inti yagaycaptinna. Chay siudächöga tiyaran Benjamín trïbu runacunami.  
\v 15 Näninpa aywaycashanpita pachacunanpaj siudäman yaycuran. Pipis mana «pachacushun» niptin Leví trïbu runaga läsallaman jamacuycuran. 
\p  
\v 16 Chacas chacasna juc auquin runa arushanpita päsaycaran. Chay auquenga caran Efraín parti altucho tiyaj. Gabaachöga tiyaycaran gorpay-tucullar. Jinan Gabaacho tiyajcunaga caran Benjamín trïbu runacunalla.  
\v 17 Läsacho ricashpan auquenga caminanti runata tapuran: «¿Maypitataj shamushcanqui? ¿Maypataj aywaycanqui?» nir. 
\p  
\v 18 Chaura Leví runaga niran: «Tardiyacäcushcämi. Chaymi caycho pachacuyta munashcä. Manami pipis pachächimashachu. Nogaga cuticuycä Judächo caycaj Belén marcaman aywashäpitami. Wasëga caycan Efraín parti altuchömi.  
\v 19 Guewapis ogshapis caycanmi bürröcuna micunanpaj. Quiquëcunapäpis caycanmi bïnu y tanta. Manami imapis pishinchu micunäpäga.» 
\p  
\v 20 Niptin auquenga niran: «Allichömi chayaycamunqui. Imatapis munashayquitaga nogami camaripäshayqui. Cay läsacho ichanga ama puñunquimanchu. Wasëman aywacushun.» 
\p  
\v 21 Chayno nirmi auquenga wasinman pusharan. Gorpancuna chaquincunata mayllacurir micushanyaj upushanyaj gorpanpa bürruncunata gararan.  
\v 22 Fiyupa cushisha caycashan öra siudächo tiyaj juchasapa runacuna wasiman juntapaycäriran. Waquinnami puncuta tacashpan auquinta niran: «¡Wasiquiman pachacamoj runata jawaman jitarimuy! Chay runataga bigulaytami munä.» 
\p  
\v 23 Chayno niptin wasiyöga niran: «Gamcunawanga rejsinacunchïmi. Ama melanaypaj ganra juchataga ruraychu ari. Cay runaga nogapa gorpämi.  
\v 24 Gorpätaga ama bigulaychu. Munaptiquega runa yatäni wamräpis caycanmi. Gorpäpa chïnanpis caycanmi. Paycunata jorgapämushayqui munashayquita ruranayquipaj. Cay runatami ichanga ama imatapis ruraychu.» 
\p  
\v 25 Chay runacunaga imata niptinpis auquinta mana cäsuranchu. Chaymi Leví runaga chïnanta jawaman garguran. Chaura chay runacuna llapan bigularan. Bigulaycällar warächiran. Pacha waraycaptinraj cachaycäriran.  
\v 26 Pacha waraycaptinna wasiman warmi cutiran. Puncuman chayaycullarna wañucäcuran.  
\v 27 Majanga aywacunanpaj tutalla puncuta quichariran. Quicharishanchöga warminta tariran quiquin puncucho jitaraycajta, maquincunapis puncu japarcunaman churashata.  
\v 28 Chaura puñuycashanta yarpar «Ricchay. Aywacushunna» niran. 
\p Chayno niptinpis warmenga mana rimacurannachu. Chaura wañushata bürrunman cargacurcur wasinman apacuran.  
\v 29 Wasinman chayaycachir cuchuran chunca ishcay (12) pedäsuman. Nircur Israelcuna tiyaycashanmanga intëruman juc pedäsuta-cama apachiran.  
\v 30 Chayta ricäga llapanpis niran: «Egiptupita llojshimushanchïpita-pacha manami imaypis ricashcanchïchu caynötaga. Cayno rurashanpitaga sumaj yarpachacushun. Imano rurananchïpäpis juclla parlacushun.» 
\c 20  
\s1 Gabaacho wañuchishanpita Israelcuna rabyashan 
\p  
\v 1 Chaura Israelcunaga shuntacaran Danpita-pacha Beersebacama. Galaadpitapis shuntacaran. Llapan shuntacaran Mizpaman \nd Tayta Diospa\nd* ñaupancho parlacunanpaj. Llapanpa yarpaynin tincuran.  
\v 2 Israelcunapaga cada trïbupami mandajnincunapis caycaran. Tayta Dios acrashan runacuna tiyashancho carcaycaj suldärucuna shuntacaran chuscu pachac waranga (400,000) chaquipa cajlla.  
\v 3 Benjamín runacunaga mayaran waquin Israelcuna Mizpacho shuntacashanta. Llapan shuntacasha carcaycashanchömi Leví trïbu runata tapuran: «¿imanöpataj warmiqui wañusha?» nir. 
\p  
\v 4 Wañoj warmipa runan niran: «Nogaga chayarä warmëwan Gabaa siudächo Benjamín trïbu tiyashanman pachacoj.  
\v 5 Chaycho tiyaj runacunami chay chacayga pachacushä wasiman juntapaycamuran wañuchimayta yarpar. Warmillätana llapan bigulaypa wañuycachisha.  
\v 6 Chaura nogaga ayata pidasyariycur apachishcä llapan Israel castaman Gabaacho fiyupa melanaypaj juchata rurashanta llapan Israelcuna musyananpaj.  
\v 7 Cananga Israelcuna llapayqui yarpachacuy imano ruranayquipäpis.» 
\p  
\v 8 Chaura llapan runacuna juc yarpaylla niran: «Mayganchïpis manami wasinchïman cutishunchu.  
\v 9 Cananga surtitana jitashun Gabaa siudäman maygan trïbu primëru yaycunanpäpis.  
\v 10 Cada trïbupitaga chuncajpita juc runami micuyta shuntamonga suldärucunapaj. Waquinninchïnami aywashun Gabaaman Israelcunacho juchata rurashanpita wañuchinapaj.» 
\p  
\v 11 Israelcunaga juc yarpaylla shuntacasha carcaycaran Gabaa siudäman pillyaj aywananpaj.  
\v 12 Benjamín trïbumanga llapanman cachata cacharan «¿Imanirtaj fiyupa juchataga rurashcanqui?  
\v 13 Gabaacho caycaj juchasapacunata juclla entregamay wañuchinäpaj. Chaynöparämi Israelcho jucha rurashan illganga» nir. 
\p Benjamín runacunaga chayno willachiptinpis manami cäsuranchu waquin Israelcuna nishanta.  
\v 14 Chaypa ruquenga Benjamín trïbu runacuna Gabaa siudäman llapan shuntacaran waquin caj Israelcunata ichipänanpaj.  
\v 15 Benjamín trïbu pillyapaj shuntacajcuna caran ishcay chunca sojta waranga (26,000). Chayga caran Gabaacho ganchis pachac (700) mejornin caycajta mana yupayllapa.  
\v 16 Benjamín runacunachöga caycaran ganchis pachac (700) runa ichoj caj maquinwan waracay yachaj. Chay runacunaga caran llënu maquimi. Cada waracaymi juc ajchallatapis chayachej.  
\v 17 Waquin Israelcunanami chuscu pachac waranga (400,000) pillyay yachajlla shuntacaran. 
\s1 Benjamín trïbu runacunata magashan 
\p  
\v 18 Israelcuna aywaran Bet-el siudäman. Chaychöna Tayta Diosta tapuran Benjamín trïbuman maygan trïbu rimir-puntata yaycunanpäpis. Chaura \nd Tayta Diosna\nd* musyachiran Judá trïbu primëru yaycunanpaj.  
\v 19 Chaynöpami llapan Israelcunaga tutalla aywar pachacuran Gabaapa chimpanman.  
\v 20 Benjamín trïbu runacunata wañuchinanpaj aywar Gabaapa chimpanman camacaran pillyananpaj.  
\v 21 Benjamín trïbu runacuna siudäpita aywar chay junäga waquin Israelcunata wañuycachiran ishcay chunca ishcay warangata (22,000).  
\v 22-24 Chaymi Israelcunaga Bet-elman aywaycur \nd Tayta Diospa\nd* ñaupancho wagaran pacha chacänancama. Yapay \nd Tayta Diosta\nd* tapuran wauguin Benjamín trïbu runacunaman pillyaj cutinanpaj mana cutinanpäpis. Chaura \nd Tayta Diosga\nd* musyachiran yapay cutinanpaj. Chaymi yapay balurcharan cutinanpaj. Warannin cutishpanmi Benjamincunataga yapay shuyaran rimir junaj pillyashan cajllacho.  
\v 25 Benjamincunaga yapaymi pillyananpaj Gabaapita aywar waquin Israelcunataga wañuchiran chunca pusaj warangata (18,000).  
\v 26 Chaura yapay Bet-elcho wagaran Israelcunapis suldärucunapis. Goyarpoj ayunaran. Rupachina sacrifisyucunata y alli goyaypita sacrifisyucunatapis rupachiran. 
\p  
\v 27-28 Chay wichanga \nd Tayta Diospa\nd* babulnin Bet-elcho caycaran. \nd Tayta Dios\nd* acrashan cüranami Finees caycaran. Payga caran Eleazarpa wamran, Aaronpa willcan. Israelcunaga \nd Tayta Diosta\nd* tapucuran: «¿Yapay aywashäcunarächu Benjamín wauguëcunata magaj u ‹binsimashanami› nirchu cachaycärishaj?» nir. Niptin \nd Tayta Dios\nd* niran: «Yapay ayway. Waraga yanapäshayquimi binsinayquipaj.» 
\p  
\v 29 Chaura Israelcunaga waquin aywar pacacaycäriran Gabaa siudä läduncunapa.  
\v 30 Yapay quimsa junaj cajcho Benjamín trïbuta magananpaj aywashpan Gabaapa chimpancho sumaj camacaran rimir junajno.  
\v 31 Chaura yapaymi Benjamincunaga siudäpita llojshiran waquin Israelcunata ichipaj. Siudäpita carutana gatishpanmi Israel castacunataga quimsa chuncatano (30) wañuchiran Gabaapita Bet-elman aywana nänicho y jircacunacho.  
\v 32 Benjamincuna yarparan yapay binsiycashanta. Israelcunaga siudäpita carumanmi gueshpiycaran guepanpa gatir nänicama aywananpaj.  
\v 33 Israelcunaga pacarpaycashanpita illajpita llojshipäcamuran. Nircur Baal-tamarcho pillyananpaj ichicaycäriran. Gabaa siudäpa läduncho pacarpaycajcunapis jinan öra llojshir  
\v 34 Gabaa siudäman yaycuran. Pillyay yachajcunalla caran chunca waranga (10,000) runa. Pillya fiyupa gallaycuran. Benjamín runacunaga mana musyaranchu paycunatana binsircaycashanta.  
\v 35 Benjamincunata binsinanpaj \nd Tayta Diosmi\nd* yanaparan Israelcunataga. Chay junaj Israelcunaga Benjamín trïbu runacunata wañuchiran ishcay chunca pichga waranga juc pachacninta (25,100).  
\v 36 Chayrämi Benjamín runacunaga musyaran pillyacho pirdishanta. 
\p Israel runacunaga gueshpircaycaran Benjamín trïbu gatiynin-tupu. Israelcunaga yäracurcaycaran Gabaaman pillyaj yaycunanpaj pacaraycaj runacunaman.  
\v 37 Pacaraj runacuna Gabaa siudäman yaycur sabliwan llapanta wañuchiran.  
\v 38 Siudäman yaycunanpaj pacarpajcunawanga mayna parlacuran «yana goshtay jatariptin musyanquinami siudäman yaycushäta» nir.  
\v 39 Waquin Israelcuna niran «Gueshpiycashächo goshtay jatarcojta ricarga Benjamincunata ichipämushäna.» 
\p Chay öra Benjamín runacunaga Israelcunata wañuycärachiran quimsa chuncatano (30). Chaymi paycunaga yarparan rimir cajno binsiycashanta.  
\v 40 Chayno gatircaycaptin siudäpita goshtay jatariyta gallaycuran. Benjamín runacuna siudäninman ricäriptin yana gontayraj jatariycaran.  
\v 41 Chayta ricärir Israelcunaga ichiparan. Benjamín trïbu runacunana imata ruraytapis mana camäpacuranchu jananchöna wañuy captin.  
\v 42 Chaymi jinan öra Israelcunapita gueshpir aywacuran chunyajman näni aywajpa. Gueshpirpis manana camäpacurannachu. Siudäpita shamoj caj Israelcunana chapacaycärir wañuchiran.  
\v 43 Benjamín trïbu runacunataga Israelcuna intërupana curalapaycäriran. Gueshpejcunata gatishpan wañuycärachiran Menuhapita-pacha Gabaaman inti yagamunan cajcama. 
\p  
\v 44 Chaynöpami Benjamín runacunaga wañuran chunca pusaj waranga (18,000).  
\v 45 Waquinnami cutishpan chunyaj jircapa gueshpir aywacuran Rimón gagaman. Chayman gueshpir aywarcaycajtami wañuycärachiran pichga warangata (5,000). Israelcunaga jinallami gaticacharan. Wañuycachiran yapay ishcay warangata (2,000).  
\v 46 Chay junaj Benjamín runacunaga wañuran ishcay chunca pichgan waranga (25,000) mas allinnin pillyajcunalla.  
\v 47 Sojta pachac (600) Benjamín runacunaga gueshpir aywacuran chunyajman. Paycunaga chuscu quilla tiyacuran Rimón gagacho.  
\v 48 Waquin quëdajcunatapis Benjamín runacunataga Israelcuna wañuchiran siudäman yaycuycur-yaycuycur, tarishan cajtaga llapanta. Uywancunatapis wañuchiran. Siudänincunatapis rupaycärachiran. 
\c 21  
\s1 Benjamín trïbu runacuna yapay mirashan 
\p  
\v 1 Mizpachöga Israelcuna llapanmi juraran Tayta Diospa jutincho Benjamín runacunawanga warmi wamrancunata mana majachananpaj.  
\v 2 Chaypita Bet-elchömi ichanga goyarpoj pacha chacänancama Tayta Diospa ñaupancho llaquicur wagashpan  
\v 3 niran: «¡Israelcunapa \nd Tayta Diosnin\nd*! ¿Imataj päsaycamasha? Cananga Israelcunacho pishiraycannachaj juc trïbu.» 
\p  
\v 4 Warannenga tutallana jatariran. Nircur juc altarta ruraran. Altarchöna Tayta Diospaj rupachina sacrifisyucunata y alli goyaypita sacrifisyucunatapis rupachiran.  
\v 5 Chaychömi tapunacuran: «Caycho caycajcuna ¿mayganchïtaj mana cashcanchïchu Mizpacho?» nir. Paycunaga \nd Tayta Diospa\nd* jutincho juraran «Mizpaman mana shamoj cajtaga wañuchishun» nir. 
\p  
\v 6 Israel runacunaga fiyupa llaquisha carcaycaran Benjamín runacuna wañushanpita. Chaymi nircaycaran: «Canan junajmi Israelpita juc trïbu illgashana.  
\v 7 ¿Imatataj rurashun cananga cawaycar quëdaj Benjamín trïbupaj warmita tarinapäga? Noganchëga \nd Tayta Diospa\nd* jutinchömi jurashcanchi warmi wamranchïcunawan paycunata mana majachanapaj.  
\v 8 ¿Caycho caycanchu maygallanpis Israelcuna Mizpacho \nd Tayta Diospa\nd* ñaupanman mana shuntacaj?» 
\p Chayno tapunacurmi yarpäriran Galaadcho caycaj Jabes marcapita mayganpis mana shamushanta.  
\v 9 Listata gayaptin chay partipitaga pipis mana cuntistaranchu.  
\v 10-11 Israelcunaga parlacarcärir chay partiman cacharan mas pillyay yachaj chunca ishcay waranga (12,000) suldärucunata, sabliwan llapan runata, wamrata, runa yatasha warmicunata wañuchinanpaj.  
\v 12 Chaura Jabescho tiyaj jipashcunaga caran chuscu pachacmi (400) runa yatäni. Chay jipashcunatami apamuran Canaancho caycaj Silo marcaman.  
\v 13 Jipashcunata chayaycachimuptin llapan parlacarcärir Rimón gagacho caycaj Benjamín runacunata willachiran «allina goyäshun» nir.  
\v 14 Chaura Benjamín runacunaga cutimuran. Israelcunana warminpaj entregaycuran Jabespita apamushan jipashcunata. Ichanga llapanpaj mana ayparanchu. 
\p  
\v 15 Israelcunaga fiyupa llaquicuran Benjamín trïbupaj. \nd Tayta Diosmi\nd* paycuna ushacänanpaj camacächiran.  
\v 16 Chaymi Israel mandajcunaga niran: «¿Imanöpataj canan tarishun warmita waquin caj Benjamín runacunapäga? Paycuna castaga ushajpämi warmicunapis wañusha.  
\v 17 Benjamín runacunaga Israel castacho simrimi miraycanman mana illgänanpaj. Chaynöpami juc trïbu mana pishirangachu Israelchöga.  
\v 18 Noganchëga warmi wamranchïcunata manami entregashunchu. Israel cajcunaga llapanchïmi Tayta Diospa jutincho jurar parlacushcanchi Benjamincunataga warmi wamranchïwan mana majachananchïpaj. ‹Aunishanchïta mana cumlerga juchayoj cashun› nishcanchïmi.  
\v 19 Imano captinpis cada watami Silucho\x * \xo 21:19 \xt 1Sam. 1.3, 21\x*\nd Tayta Diosta\nd* rispitashpan fistata ruran. Chayga caycan Bet-elpa norte caj wajtanchönami Bet-elpita Shequemman näni aywajman inti yagamunan cajcho, Lebonapa sur caj wajtanchöna.» 
\p  
\v 20 Chaymi Israel mandajcunaga Benjamín castacunata willachir niran: «Ayway Siluman. Übas chacracunaman pacacaycäriy.  
\v 21 Ricaj ricajlla shuyarpanqui. Silupita jipashcuna röpanpa gachwaraycar shamuptenga cada-ünuyqui jucta-cama apacunqui warmiquipaj.  
\v 22 Maman-taytan, turincuna nogacunaman quijacamuptin nishaj: ‹Nogacuna-raycu paycunata perdunaycuy ari. Jabes marcacho pillyashpä nogacunaga warmita manami llapanpäga tarishcäcunachu. Gamcunaga manami quiquiquichu wamrayquicunata entregashcanqui. Jurashayquipitapis manami juchayojchu canqui.› » 
\p  
\v 23 Chayno niptin Benjamín trïbu runacunapis auniran. Chaura cada ünun juc warmita-cama gachwarcaycajta apacuran. Chacrancunamanna cuticuran. Juchusha caycaj siudänincunatapis yapay allcharan. 
\p  
\v 24 Waquin caj Israelcunapis cuticuran cada ünun marcanman-cama, trïbun caycashanman cada famillya shuyni-cama. 
\p  
\v 25 Chay wichan Israelcunapaga manarämi raynin caranrächu. Israelcunaga quiquincuna yarpashallantami imatapis ruraj.\x * \xo 21:25 \xt Jue. 17.6\x*