\id HEB - Quechua Huallaga Huánuco Bible -Peru 2010 (DBL -2013) 
\h HEBREOS 
\toc1 Hebreos 
\toc2 Hebreos 
\toc3 Heb. 
\mt1 Hebreos 
\ili Jesucristuman yäracushanchïpita ñacarga ¿unay cawashanchïmanchu cuticurinchi? 
\ili ¿Sïguirchuraj ofrendacunata sacrifisyucunata churaycäshun salbacunanchïpaj? 
\im \bd ¿Pitaj isquirbiran?\bd* Cay cartata isquirbëga manami jutinta rimanchu. Chaymi mana musyanchïchu pï isquirbishantapis. Cay librutaga isquirbiran Jesucristuman yäracoj Israel runami. 
\im \bd ¿Picunapätaj isquirbiran?\bd* Cay carta caycan Jesucristuman yäracoj Israel runacunapämi. Cay libruta isquirbëga chay runacunawan sumajmi rejsinacuran. Paycunaga ñacashpanmi fiyupa llaquisha caycaran (10.35–39). Waquenga Tayta Jesucristuman yäracuycashanpita cachaycuytana munaycaran. 
\im \bd ¿Imaytaj isquirbiran?\bd* Manami musyacanchu imay isquirbishanpis. Waquin yarpan manaraj wata 70 d.C. captin isquirbishantami. Chayno yarpan Templuta juchuchishanpaj mana rimacuptinmi. Jerusalencho caycaj Templutaga wata 70 d.C. juchuchiran. 
\im \bd ¿Imataj caycan cay librucho?\bd* Cay librucho niycan Tayta Dios munashanno cawananpaj ñaupata Tayta Dios imano musyachishantapis. Cananga niycan «Canan wichan ichanga Tayta Dios Wamran Jesucristutana cachamusha munashano cawanapaj tantiyachimänanchïpaj» nir (1.2). Unay caj Testamentupaj rimashpan musyaycächimanchi Jesusga anjilcunapita mas munayniyoj cashantami (1.4–2.9). Payga Moisespitapis (3.3), Josuëpitapis (4.8), cüracunapa mandajnin Aaronpitapis mas munayniyojmi caycan (5.1–10; 7.20–8.6). Pay conträtuta rurashanga unay caj conträtupita mas allimi caycan (8.7–13). Chaynöpis Jesús rurashanga waquin sacrifisyucunapita mas allimi caycan. Chaymi niycan «Jesucristumi ichanga juc cutilla wañusha runacunata juchanpita salbananpaj» (10.12). 
\ip Jesucristo mas munayniyoj cashanta willaparcurna ermänucuna imano cawananpäpis willapaycan. Tayta Diosman yäracunanpäpis shacyaycächin. Nircur willapaycan Tayta Diosman unay yäracoj warmi ollgu runacuna imano cawashantapis. Chay runacunaga Tayta Dios aunishanta waquillanta ricarpis mana cachaycuypami yäracuran (11.1–12.13). 
\ip Cay carta ushaycan llapan ermänucunata saludashpanmi (13.24). 
\c 1  
\s1 Gallarinan 
\p  
\v 1 Unay caj awilunchicunata Tayta Diosga tucuynöpami achca cuti willapaj imano cawananpäpis. Chaynömi profëtacunawanpis tantiyachiran pay munashanno cawananpaj.  
\v 2 Canan wichanmi ichanga Wamran Jesucristutana Tayta Dios cachamusha munashanno cawanapaj tantiyachimänanchïpaj. Wamranwanmi mundutapis ruraran. Nircur Wamrantami churasha llapantapis maquincho chararänanpaj.  
\v 3 Wamranmi musyachimanchi Tayta Dios imano munayniyoj cashantapis. Wamranta rejserga quiquin Tayta Diostapis rejsinchïmi.\x * \xo 1:3 \xt Juan 1.1–3; Col. 1.15–17\x* Llapan camashancunatapis munaynincho Wamran chararaptinmi canancamapis caycanraj. Wamranga llapan juchanchïcunata perdunamänanchïpämi cruscho wañurcur syëluman cutiran. Chaychönami cananga Tayta Diospa derëchu caj-läduncho jamaraycan. 
\s1 Diospa Wamranga anjilcunapitapis mas munayniyoj cashan 
\p  
\v 4 Chaymi Diospa wamranga anjilcunapitapis mas munayniyoj caycan. Anjilcunataga maygantapis manami wamrachacuranchu.  
\v 5 Manami imaypis Diosga anjilcunata cayno niranchu: 
\q1 «Gamga wamrämi canqui. 
\q1 Canan junajpitaga taytayquinami cä.»\x * \xo 1:5 \xt Sal. 2.7\x* 
\m Chayno manami maygan anjilpäpis niranchu: 
\q1 «Nogami cashaj papänin. 
\q1 Paynami wamrä canga»\x * \xo 1:5 \xt 2Sam. 7.14; 1Crón. 17.13\x* nir. 
\m  
\v 6 Wamran Jesucristuta cay pachaman cachamushpan ichanga Tayta Dios niran: 
\q1 «Llapan anjilnëcunapis rispitar payta adurachun».\x * \xo 1:6 \xt Deut. 32.43; Sal. 97.7\x* 
\m  
\v 7 Anjilcunapänami Tayta Dios cayno niran: 
\q1 «Anjilnëcunatami camashcä wayrano munashäpa aywananpaj, 
\q1 munashäta rurar ninano cananpaj.»\x * \xo 1:7 \xt Sal. 104.4\x* 
\m  
\v 8 Wamranpämi ichanga niran: 
\q1 «Gam mandashayquega mana ushacajmi canga. 
\q1 Gamga llapantapis allimi mandanqui. 
\q1  
\v 9 Alli cajta cuyanqui, mana alli cajta chiquinqui. 
\q1 Chaymi gamtaga Tayta Diosniqui acrashurayqui. 
\q1 Waquin yanasayquicunapitami acracushurayqui. 
\q1 Sumaj cushicachishurayqui.»\x * \xo 1:9 \xt Sal. 45.6–7\x* 
\m  
\v 10 Chaynöpis niran: 
\q1 «Tayta, gallarinanpita-pachami cay pachatapis gamga tacyachishcanqui. 
\q1 Quiquiquimi syëlutapis rurashcanqui. 
\q1  
\v 11 Llapanmi chaycunapis illgangapaj. 
\q1 Gammi ichanga jinalla caycanquipaj. 
\q1 Llapan chaycunaga röpanömi ushacanga. 
\q1  
\v 12 Röpata dublajnömi rurarinquipaj. 
\q1 Rucarachinquipäpis röpanta rucacushannöllami. 
\q1 Gammi ichanga imaypis cashayquinölla caycanquipaj. 
\q1 Gamga imaypis chaynöllami cawaycanquipaj.»\x * \xo 1:12 \xt Sal. 102.25–27\x* 
\m  
\v 13 Tayta Diosga manami maygan anjiltapis nishachu: 
\q1 «Cay derëchu caj lädöman jamacuy 
\q1 llapan chiquishojcunata munayniquiman churanäcama» nir.\x * \xo 1:13 \xt Sal. 110.1\x* 
\m  
\v 14 ¿Manachu llapan anjilcunapis caycan Tayta Dios munashanta ruranallanpaj?\x * \xo 1:14 \xt Mat. 4.11; Luc. 1.19\x* Paycunataga Tayta Dios cachamusha Jesusta chasquicojcunata yanapänanpämi. 
\c 2  
\s1 Salbamajninchi Jesucristuta wiyacunapaj shacyächishan 
\p  
\v 1 Chayno caycaptenga wiyashanchïcunata sumaj wiyacuypaj. Mana wiyacorga llutanmanpis chayashwanmi.  
\v 2 Ñaupata Diosninchi anjilnincunawan willacachir yachachishanga caran runacuna cumlinanpaj laymi. Chaymi chay layta mana wiyacojcunawan jucha rurajcunaga castigasha caran.  
\v 3 Chayno caycaptenga salbamajninchi Jesucristuta mana wiyacur ¿imanöparaj salbacushwan? Salbamänanchïpaj cashantaga quiquin Tayta Jesusmi rimëru willacusha. Nircurnami payta wiyajcunapis llapanta musyachimashcanchi.  
\v 4 Chaycuna rasunpa cashanta quiquin Tayta Diosmi musyachimashcanchi milagrucunata rurachishpan, almiraypajcunata rurachishpan, acrashancunatapis yachayta gor Espíritu Santuta cachamushpan. 
\s1 Salbamänanchïpaj Jesús runaman ticrashan 
\p  
\v 5 Tayta Diosga manami anjilcunapa maquinmanchu churasha cay munduta mushojman ticrachinanpaj cajtapis, man'chäga Jesuspa maquinmanmi.  
\v 6 Chaymi Tayta Diospa palabranchöpis juc runa cayno niran: 
\q1 «¿Imataj runa, payta yarpänayquipäga? 
\q1 ¿Imataj ushacajlla runaga caycan llaquinayquipäga? 
\q1  
\v 7 Runataga anjilcunapita mas mënus munayniyojllatami rurarayqui. 
\q1 Chaypis camacächishcanqui munayniyoj cananpaj, rispitasha cananpämi. 
\q1  
\v 8 Cay pachacho cajtaga 
\q1 llapantapis runapa munaynincho cananpämi churashcanqui.»\x * \xo 2:8 \xt Sal. 8.4–6\x* 
\m Chayno nerga llapantapis cay pachacho camashancunata runapa munaynillanmanmi churasha. Chayno captinpis manami ricanchïrächu runapa munaynincho llapan cashanta.  
\v 9 Chayno captinpis Jesusmi ichanga llapantapis munayninchöna chararaycan. Chayno cananpämi Tayta Dios cuyamashpanchi Payta cay pachaman cachamusha noganchi-raycu ñacar wañunanpaj. Chaymi juc rätulla anjilcunapita wallca munayniyoj cananpaj churasha captinpis cananga llapanpitapis mas munayniyoj car Tayta Diospa ñaupanchöna jamaraycan.\x * \xo 2:9 \xt Fil. 2.6–11; Heb. 12.2\x* 
\p  
\v 10 Tayta Dios camashallanmi llapanpis caycan. Pay munaptinmi ima-aycapis caycan. Chayno carmi wamrancunata ñaupanman chayachinan-raycu quiquin camacächisha Jesús fiyupa ñacar wañunanpäpis. Jesusmi llapanchïta salbamänanchïpaj ñaupanchïta aywasha.  
\v 11 Jesuspis, payman yäracoj cajcunapis juc taytallapitami caycanchi. Chaymi Tayta Jesusga payman yäracojcunata mana pengacuypa «chay taytallapitami canchi» nin.  
\v 12 Tayta Diospa palabranchöpis niycan: 
\q1 «Gampämi wauguëcunata pañëcunata willapäshaj. 
\q1 Shuntacaycurmi gamta alabashayqui.»\x * \xo 2:12 \xt Sal. 22.22\x* 
\m  
\v 13 Mastapis niycan: 
\q1 «Nogaga payllamanmi yäracushaj.»\x * \xo 2:13 \xt Isa. 8.17\x* 
\m Chaynöpis nin: 
\q1 «Tayta Dios tarichimashan wamräcunawan nogaga caychömi caycä.»\x * \xo 2:13 \xt Isa. 8.18\x* 
\p  
\v 14 Noganchïpis runalla carmi ñacanchi, wañunchïpis. Chaymi Jesuspis noganchïno runa yurir ñacaytapis, wañuytapis tarisha. Noganchïno yurircur wañurmi Jesusga wañuypaj munayniyoj caycaj dyabluta binsisha.  
\v 15 Chaynöpami imaypis wañuyta manchacuycar cawashanchïpita jorgamashcanchi wañuy chayamuptin manana manchacunanchïpaj.  
\v 16 Rasunpapis Jesusga cay pachaman manami anjilcunata yanapajchu shamusha. Payga shamusha Abrahampita mirar aywajcunata yanapänanpämi.  
\v 17 Chaymi payga runalla cay pachaman shamusha car cuyapäcoj mas mandaj cüranchi ricacusha. Cuyapäcoj mas mandaj cüranchi carmi cruscho wañusha Tayta Diosninchi llapan juchanchïpita perdunamänanchïpaj.  
\v 18 Jesustaga cay pachacho dyablu ñacachiranmi; juchatapis rurachiyta munaranmi. Chaymi noganchïta ñacachimaptinchïpis juchata rurachiyta munamaptinchïpis Jesusga cuyapämashpanchi yanapämanchi. 
\c 3  
\s1 Moisespita mas munayniyoj Jesús cashan 
\p  
\v 1 Ermänucuna, gamcunataga quiquin Tayta Diosmi acrasha-cashunqui payllapäna canayquipaj. Chaymi Jesús pï cashantapis sumaj musyay. Payga caycan Tayta Dios cachamushan apostulninchïmi, yanapäcoj mas mandaj cüranchïmi.  
\v 2 Jesusga Tayta Dios nishannöllami llapanta wiyacuran imanömi Moisespis wiyacuran, chayno. Payga marca-masincunata mandaran Tayta Diospa wasinta ricaj-japuymi. \x * \xo 3:2 \xt Núm. 12.7\x* 
\v 3-4 Llapan wasicunatapis simri jucmi jatarachin. Chaynömi ima-aycata camajpis Tayta Dios caycan. Payga llapan camashanpitapis mas munayniyojmi caycan. Chaynömi Jesuspis Moisespita mas rispitädu caycan. Moisesga wasita ricajnöllami caran. Jesusmi ichanga wasi arucänanpaj camacächejno caran.  
\v 5 Moisesta Israel runacunaman wasicho capuralno cananpaj Tayta Dios cachaptin llapantami wiyacuran. Payga Israelcunata willaparan shamoj watacunacho Tayta Dios imata ninanpaj cashantapis.  
\v 6 Jesusmi ichanga mana capuralnachu. Payga quiquinpa wasinchöna caycan Tayta Diospa wamran cashpanmi. Noganchïpis Jesusman mana yamacaypa yäracur nishancunata imaypis cumlerga Tayta Diospa wamrannami caycanchi. 
\s1 Tayta Diosman yäracojcuna payta wiyacur cawananpaj shacyächishan 
\p  
\v 7 Chaymi Espíritu Santu cayno nishanta sumaj tantiyacushun: 
\q1 «Gamcuna canan junaj sumaj wiyacunquiman Tayta Dios nishanta. 
\q1  
\v 8 Alli wiyacushpayqui ama shonguyquitapis chucruchiychu 
\q1 Tayta Diosta ñaupata mana wiyacojcunanöga. 
\q1 Paycunaga chunyajchömi Tayta Diosta musyapayta munaran. 
\q1  
\v 9 Chuscu chunca watantin llapan rurashäta ricasha carcaycarpis 
\q1 unay awiluyquicunaga musyapämayta munaran. 
\q1  
\v 10 Chaynöpami chay runacunapäga rabyacurcurä. 
\q1 Rabyacurcurmi cayno nirä: 
\q1 ‹Cay runacunaga shongun munashannömi puricuycan. 
\q1 Noga willapar tantiyachishätaga manami rurayta munashachu.› 
\q1  
\v 11 Chaymi rabyashpä cayno nirä: 
\q1 ‹Jamananpaj aunishämanga manami yaycuchishächu› nir.»\x * \xo 3:11 \xt Deut. 12.9–10; Sal. 95.7–11\x* 
\p  
\v 12 Ermänucuna, gamcunapis sumaj tantiyacuy. Cuydä canquiman chucru shongu. Cuydä munayniyoj Tayta Dios nishancunata mana wiyacoj canquiman.  
\v 13 Chaypa ruquenga waran-waran jucniqui-jucniquipis shacyächinacuy Tayta Dios munashanno cawanayquipaj. Chaynöpami canan junaj sumaj wiyacunqui shonguyquicuna mana chucruyänanpaj.  
\v 14 Imaycamapis Jesucristuman yäracur pay munashanno cawashpanchëga paypa yanapajninmi caycanchi. Chaymi mana cachaypa payman yäracorga noganchïpis payno cashunpaj. 
\p  
\v 15 Chaymi Tayta Diospa palabranchöpis niycan: 
\q1 «Gamcuna canan junaj sumaj wiyacunquiman Tayta Dios nishanta. 
\q1 Alli wiyacushpayqui ama shonguyquitapis chucruchiychu 
\q1 Tayta Diosta ñaupata mana wiyacojcunanöga.»\x * \xo 3:15 \xt Sal. 95.7–8\x* 
\p  
\v 16 ¿Picunataj caran Tayta Dios willapashanta wiyaycashpanpis contran ricacojcunaga? Chay contran ricacojcunaga caran Moisés Egipto nasyunpita jorgamushan runacunami.  
\v 17 ¿Picunapätaj Tayta Diosga chuscu chunca (40) watantin rabyasha cacuran? Mana riguishpan juchata rurajcunapämi. Chay juchayojcunaga chunyajcho puriycällarmi wañuran.  
\v 18 ¿Picunapätaj Tayta Diosga juraran jamayta tarinanpaj caycaj chacraman mana yaycunanpaj? Tayta Diosga chayno juraran willapashanta mana wiyacojcunapämi.\x * \xo 3:18 \xt Núm. 14.1–35\x* 
\v 19 Tayta Dios nishannöllami mana wiyacoj Israelcunaga «Jamayta tarichishayquipaj» nishan chacraman mana yaycuranchu. 
\c 4  
\s1 Tayta Diosman yäracojcuna jamayta tarinanpaj cashan 
\p  
\v 1 Tayta Diosninchïmi ichanga aunishanta jinalla shuyaraycächimanchi: «Alli jamaytami tarichishayqui» nir. Gamcunapis mana wiyacorga cuydä chay jamayta mana tarinquimanchu.  
\v 2 Unay Israelcuna wiyashannömi noganchïpis alli goyayta tarichimänanchïpaj caj willacuyta wiyashcanchi. Ichanga alli willacuyta wiyashpanpis paycunaga manami wiyacuranchu.  
\v 3 Noganchi riguejcunami ichanga Tayta Dios alli jamayta tarichimänanchïpaj cajman chayashunpaj. Mana riguejcunataga Tayta Dios niran: 
\q1 «Jamayta tarichinäpaj aunishäman manami yaycuchishächu»\x * \xo 4:3 \xt Sal. 95.11\x* nir. 
\m Chayno niran manami alli jamayta mana camarisha carchu. Alli jamaytaga camariran cay pachata camallarnami.  
\v 4 Tayta Diosga palabrancho juc pachachöpis niycanmi ganchis junaj cajpäga: 
\q1 «Llapanta camarcurna ganchis caj junajchöga Tayta Dios jamaran.»\x * \xo 4:4 \xt Gén. 2.2\x* 
\m  
\v 5 Tayta Diospa palabrancho juc pachachöpis yapay niycanmi: 
\q1 «Jamayta tarichinäpaj aunishäman manami yaycuchishächu» nir.\x * \xo 4:5 \xt Sal. 95.11\x* 
\p  
\v 6 Chay nishannöllami unay Israel runacuna mana wiyacoj cashpan Tayta Dios aunishan jamayta mana tariranchu. Chaypis noganchëga Tayta Dios aunishan jamayta chasquishunpaj pay nishancunata wiyacur-rämi.  
\v 7 Chay jamayta chasquinanchïpämi Tayta Diosga ray Davidta tantiyachiran cayno isquirbinanpaj: 
\q1 «Gamcuna canan junaj sumaj wiyacunquiman Tayta Dios nishanta. 
\q1 Alli wiyacushpayqui ama shonguyquitapis chucruchiychu.»\x * \xo 4:7 \xt Sal. 95.7–8\x* 
\p  
\v 8 Israel runacunata Josué jamayta tarichisha captenga\x * \xo 4:8 \xt Deut. 31.7; Jos. 22.4\x* Tayta Dios canan junaj alli jamayta tarichinanpaj cajta manami ninmanchu caran.  
\v 9 Chaymi Tayta Diosman yäracoj runacunapäga canan caycanraj alli jamayta tarinanpaj junaj.  
\v 10 Imanömi Tayta Diosninchïpis llapanta camaycur jamaran chaynömi Tayta Dios jamayta tarichishanman yaycorga llapan aruypitapis jamanga.  
\v 11 Chayno caycaptenga sumaj yarpachacushun Tayta Dios camarishan jamayta tarinanchïpaj. Cuydä Israel runacuna mana wiyacoj cashanpita jamayta mana tarishanno noganchïpis mana wiyacoj carga jamayta mana tarishwanchu. 
\p  
\v 12 Tayta Diospa palabranga fiyupa munayniyojmi. Cawajmi. Ishcan-läpa afilasha sablipitapis mas fïnumi.\x * \xo 4:12 \xt Isa. 49.2; Efe. 6.17\x* Runapa shonguncamami chayan. Tulluncunatapis päsarir togshuncamami chayan. Runa imata yarpashallantapis, imata munashallantapis taripanmi. Llap-llapantami musyacächin. \fig Ishcan-läpa afilasha sabli|src="LB00202B.TIF" size="col" loc="Heb. 4.12" ref="Heb. 4.12" \fig* 
\v 13 Chaymi Tayta Dios camashan cäga paypita mana pacacunchu. Paypäga llapanpis ricacajllami caycan. Chaymi imata rurashallanchïtapis jusgamäshunpaj. 
\s1 Mas mandaj cüra Jesucristo cashan 
\p  
\v 14 Chaynöpis Tayta Diospa wamran Jesusga caycan llapanpita mas mandaj cüranchïmi. Canan payga caycan Tayta Diospa ñaupanchömi. Chaymi payllaman imaypis yäracuycäshun. Guepaman ama cutishunchu.  
\v 15 Noganchïta dyablu juchata rurachiyta munamashanchïnöllami Tayta Jesustapis juchata rurachiyta munaran. Chaypis Tayta Jesusga manami juchaman tuniranchu. Taytanchi Jesusga noganchïno runa cayta päsasha carmi rejsiycämanchi; cuyapämanchi.  
\v 16 Chayno caycaptenga mana manchacuypa amatar cuyacoj Tayta Diosninchïta mañacushun cuyapaycamänanchïpaj. Chaymi mañacushanchi öra yanapämäshun. 
\c 5  
\p  
\v 1 Mandaj cüra cananpäga Tayta Diosmi runacunapita acran. Chay cüraga caycan Tayta Diospaj ofrendata, uywacunata pishtarcur garananpämi. Chaycunataga ruran juchancunapita perdunasha cananpämi.  
\v 2 Cüracunapis runalla cashpanmi imallachöpis pantan. Chaymi runacuna mana musyayninpa juchata ruraptin tantiyashpan cuyapan.  
\v 3 Chayno imallachöpis pantaj cashpanmi quiquinpa y waquin runacunapa juchanpitapis uywata pishtan.\x * \xo 5:3 \xt Lev. 9.7\x* 
\v 4 Quiquillanpitaga manami mayganpis cüracunapa mandajnin canmanchu. Tayta Diosmi maygantapis churan mandaj cüra cananpaj. Aarontapis chaynömi churaran.\x * \xo 5:4 \xt Éxo. 28.1\x* 
\p  
\v 5 Chayno Jesucristupis manami quiquinpa munaynillanpitachu mandaj cüra cayman chayasha. Man'chäga Tayta Dios churaptinrämi mandaj cüra cayman yaycusha. Paytami Tayta Dios niran: 
\q1 «Gamga wamrämi canqui. 
\q1 Canan junajpitaga taytayquimi cä.»\x * \xo 5:5 \xt Sal. 2.7\x* 
\m  
\v 6 Tayta Diospa palabrancho juc pachachöpis niycan: 
\q1 «Melquisedecnömi gamga imaycamapis cüra canqui.»\x * \xo 5:6 \xt Sal. 110.4\x* 
\p  
\v 7 Jesucristoga cay munducho goyaycashpan wagayparaj, gayacuyparämi ruwacuran. Wañuypita salbacoj Tayta Diosta mañacuran «Yanapaycallämay munashayquino llapanpis camacaycunanpaj» nir. Tayta Dios nishanta ruraj captinmi mañacushanta wiyaran.  
\v 8 Jesusga Tayta Diospa wamran caycarpis ñacashpanmi cruscho wañuran. Chaynömi Tayta Diospa buluntäninta wiyacuyta yachacuran.\x * \xo 5:8 \xt Juan 10.18; Fil. 2.8\x* 
\v 9 Chayno Tayta Diosta wiyacoj cashanpitami payta wiyacoj cajtaga salbananpaj munayniyoj caycan.  
\v 10 Chaymi Tayta Diosga churasha Melquisedecno imaycamapis mas mandaj cüra cananpaj. 
\s1 Guepaman mana cutiypa cawananpaj willapashan 
\p  
\v 11 Jesucristo mandaj cüranchi cashanta willapänäpäga achcarämi caycan. Ichanga willapaptëpis gamcuna guellanarmi tantiyayta mana atipanquipächu.  
\v 12 Cananyäga gamcuna maynami yachachicojpis canquimanna. Chaypis juc yachachiypärämi caycanqui. ¿Gamcunaga Tayta Diospa palabranta yapay-yapay willapänallätachu shuyarpaycanqui? Pishi wamra chucru micuyta manaraj micojnöpis lëchillata shuyarpaycanqui.  
\v 13 Lëchillataraj munaycarga chuchuycaj wamranöllarämi carcaycanqui. Chaura ¿imanöparaj musyanquiman Tayta Dios munashanno cawayta?\x * \xo 5:13 \xt 1Cor. 3.2\x* 
\v 14 Chucru micuymi ichanga rucu runacunapäna caycan. Rucu runacunaga musyannami maygan alli cashanta maygan mana alli cashantapis. Chayno caj runaga tantiyannami Tayta Dios munashanno cawayta. 
\c 6  
\p  
\v 1 Chaymi Jesucristupa willacuyninta ichic-ichicllata yachacushallanchïwanga ama cacushunchu. Chaypa ruquenga mastana yachacushun. Manami yaparir-yaparir yachachëmannachu arpinticuypita, salbacunapaj Tayta Diosman yäracunanchïpaj cashanpita,  
\v 2 bautisacunanchïpaj cashanpita, Jesusman yäracojcuna Espíritu Santuta chasquishanpita, wañojcuna cawarimunanpaj cashanpita, cay pacha ushacaptinna Tayta Dios jusgananpaj cashantapis.  
\v 3 Tayta Dios yanapämaptinchëga chaycunapitapis masta yachacushunmi. 
\p  
\v 4 Juc runa Jesucristuman riguishana caycar, Tayta Diospa cuyacuyninta musyaycar, Espíritu Santuta chasquicusha caycar,  
\v 5 Tayta Diospa alli willacuyninta wiyacushana caycar, shamoj junajcunacho ima päsananpaj cajtapis musyaycar  
\v 6 Tayta Diosta ñïgaptenga manami puydishwannachu Tayta Diosman yapay cutichiyta. Chay runaga Tayta Diospa contran carmi Jesucristuta yapay crusificajnöna caycan. Chay runa-jananmi waquin runacunapis Jesucristuta manacajman churan. Sumaj yachacuycarpis Jesuspa contran jatarir guepaman cuterga manana cutimuyta yarpannachu.  
\v 7 Gamcunaga chacranömi caycanqui. Tamya alli chayashan chacraga duyñunpaj allimi wayun. Chay chacraga Tayta Diospa bindisyunnintami chasquin.  
\v 8 Cashayoj mana alli jachacunallata wayoj chacrami ichanga mana bälinchu. Chayno carmi chay chacraga maldisyunädu ricacun. Chaymi rupaycachinna. Cuydä gamcunapis Tayta Diospa contran ima caycanquiman.\x * \xo 6:8 \xt Gén. 3.17–18\x* 
\p  
\v 9 Cuyay ermänucuna, chayno nirpis manami yarpächu gamcuna chucru shonguyar Jesucristuman manana yäracunayquipaj cashantaga. Chaypa ruquenga yarpä Tayta Dios munashanno imaypis cawarcaycashayquitami.  
\v 10 Imano ñacarpis payman yäracushayquitaga Tayta Diosninchi manami gongangachu. Manami gongangachu ermänucunawan cuyanacur yanapänacushayquitapis.  
\v 11 Jesucristuta chasquicushayquipita-pacha alli cawashayquinölla Tayta Dios munashanno imaypis caway. Chayno cawashayquipitami Tayta Dios shuyaraycächishushayquita chasquinquipaj.  
\v 12 Chaymi guellacuna-japuy janan shongullaga ama canquichu. Man'chäga unay runacuna yäracushanno mana yamacaypa sumaj yäracuy. Chayrämi shuyashayquitapis chasquinquipaj. 
\s1 Tayta Diosga aunishancunata cumlej cashan 
\p  
\v 13 Tayta Diospita mas munayniyöga pipis manami canchu. Chaymi Abrahamta aunirga juc testïguta mana ashiranchu; manchäga quiquillanmi jurar auniran:  
\v 14 «Nogaga bindisyunta goshayquipaj. Gampita mirajcunapis aypallaman mirananpämi yanapäshayqui.»\x * \xo 6:14 \xt Gén. 22.16–17\x* 
\v 15 Chaymi Abrahamga mana yamacaypa shuyarayninpa Tayta Dios aunishanta chasquiran. 
\p  
\v 16 Runa imatapis aunir Tayta Diospa jutinchömi juran. Chayrämi jucninpis aunishanta cumlinanpaj cashanta riguin.  
\v 17 Chaynöllami Tayta Diospis quiquillan jurar auniran. Chaymi awilunchïcunaga yäracuran: «Quiquin aunishantaga Tayta Dios llapantami cumlenga. Aunishantapis manami cutiricongachu» nir.  
\v 18 Tayta Diosninchëga manami llullacunchu. Chaymi canan noganchïpis musyanchi jurashanta, aunimashanchïta cumlinanpaj cashanta. Chaymi payman yäracoj cajcunaga cushisha shuyäcunchi Tayta Dios aunimashanchïta imay öra carpis cumlimänanchïpaj cashanta.  
\v 19 Tayta Dios imatapis aunishanta cumlej captinmi noganchïpis guepaman mana cutiypa cushisha payta shuyaraycäshun. Chaynöpami mas rispitädu cajta chaparaycaj tëlata\x * \xo 6:19 \xt Lev. 16.2\x* päsar Tayta Diospa ñaupanman chayashunpaj.  
\v 20 Chaymanga Jesucristumi yaycusha noganchïpis Tayta Diospa ñaupanman chayananchïpaj. Chaynöpami payga Melquisedecno imaycamapis mas mandaj cüra ricacusha. 
\c 7  
\s1 Jesusga Melquisedecno cüra cashan 
\p  
\v 1 Melquisedecga caran Salempa raynin. Payga syëlucho caycaj munayniyoj Tayta Diospa cüranmi caran. Chay wichanmi Abraham raycunawan pillyar binsiycushpan cutiycämuran. Chayno cutiycämuptinmi Melquisedecga tariparan. Nircur chaychömi bindisyunta goran.  
\v 2 Abrahamnami pillyar, binsiycur ima-aycatapis apamushanpita\x * \xo 7:2 \xt Gén. 14.17–20\x* diesmuta Melquisedecta goycuran. Melquisedec ninanga caycan: «Alli ray» ninanmi; Salempa raynin ninanpis «Alli goyäcuy marcapa raynin» ninanmi.  
\v 3 Chay runapaga manami musyacanchu pï papänin, ni pï maman cashanpis. Chayno manami musyacanchu ima famillya cashanpis. Manami musyacanpischu maycho yurishan, ni maycho wañushanpis. Payga Tayta Diospa wamran cüra cashanno imaycamapis cürami caycan. 
\p  
\v 4 Sumaj tantiyacushun, Melquisedec munayniyoj cüra captinmi unay awilunchi Abrahampis pillyacho llapan gänamushan cajcunapita diesmuta payta raquipaycuran.  
\v 5 Moisés isquirbishan laychöga niycan Levïpita mirajcuna cüra cashpan paycunalla diesmuta chasquinanpämi. Paycunaga Abraham castalla caycarpis chasquin llapan Israelcuna apamushanta.\x * \xo 7:5 \xt Núm. 18.21\x* 
\v 6 Levïpita mirar aywajpa wamran mana caycashpanpis Melquisedecga Abrahampita diesmuta chasquiran. Nircur Melquisedecga Abrahamta bindisyunta goran. Abrahamtaga Tayta Dios bindisyunta gonanpaj maynami auniran.  
\v 7 Musyashanchïnöpis bindisyunta gojpitaga manami mas munayniyojchu bindisyunta chasquëga.  
\v 8 Cay pachachöga wañojlla caycarmi Levïpita miraj cüracuna diesmuta chasquiycan. Melquisedecpämi ichanga Tayta Diospa palabrancho niycan pay mana wañushanta.  
\v 9 Diesmuta chasquiycaj Levïpita mirar aywaj cüracunapis pägaranmi Melquisedecta Abraham pägaptenga.  
\v 10 Abrahamta Melquisedec taripaj aywashan wichanga Leví manaraj yurirpis unay caj awilun Abrahamcho maynami caycaran. 
\s1 Ishcay cüracuna 
\p  
\v 11 Layta goshan örami Levïpita miraj cüracunata Tayta Diosga churaran. Chay casta cüracunaga runacunapaj manami alli cawayta apamuranchu. Chaymi Tayta Diosga churasha Melquisedecno caj cürataraj. Payga manami Aarón castapitanachu casha.  
\v 12 Chayno cüra cayta rucacherga laytapis ticrachinanmi caran.  
\v 13 Canan Melquisedecno caycaj cüraga manami Levïpita mirar aywajchu. Chaypa ruquenga yurisha Israel trïbupita carpis juc trïbupitami. Manami cüra cananpaj acrasha caj trïbupitachu yurisha.  
\v 14 Musyashanchïnöpis Tayta Jesusga Judá trïbupitami yurisha. Chay trïbupita cüra cananpaj cajtaga Moisés nishan laycho manami ni imanillarpis rimacuranchu. 
\p  
\v 15 Cananmi ichanga sumaj tantiyacaycan Jesusga Melquisedecno juc casta cüra cashan.  
\v 16 Manami laycho nishannöchu Leví trïbupita canan caj cürataga Tayta Dios churasha. Chaypa ruquenga mana wañojtanami cüranchi cananpaj churasha.  
\v 17 Chaymi paypäga Tayta Dios nisha: 
\q1 «Melquisedecnömi gamga imaycamapis cüra canqui.»\x * \xo 7:17 \xt Sal. 110.4\x* 
\m  
\v 18 Chayno nerga musyachimanchi cüracunata churanapaj ñaupa caj lay mana bälishantana.  
\v 19 Moisés isquirbishan layta yachacurpis runacuna manami Tayta Dios munashanno cawashachu. Cananmi ichanga noganchïpaj caycan mas yäracunapaj. Paymi Tayta Diospa ñaupanman chayachimanchi. 
\p  
\v 20 Waquin cüracunataga Tayta Dios manami imatapis jurashpan auniranchu.  
\v 21 Jesús cüra cananpaj churashpanmi ichanga jurashpan niran: 
\q1 «Tayta Diosmi aunisha. 
\q1 Aunishantaga manami cutiricongachu. 
\q1 ‹Melquisedecnömi gamga imaycamapis cüra canqui› » niran.\x * \xo 7:21 \xt Sal. 110.4\x* 
\m  
\v 22 Chayno aunishanpitami musyanchi Tayta Jesús chay mushoj conträtuta bälichinanpaj cashanta. 
\p  
\v 23 Unayga gatinayllami achca cüracuna aruran. Juc wañucuptenga jucna yaycuran.  
\v 24 Jesusmi ichanga mana wañushpan cüra caypitaga imaypis mana rucangachu.  
\v 25 Chaymi payga pï-maytapis salbananpaj imaycamapis caycan. Pay nishanta wiyacushpan Tayta Diosman yäracojtaga salbangami. Jesusga imaycamapis cawaj cashpanmi Tayta Diosta ruwacun payman yäracojcunapaj. 
\p  
\v 26 Chay-niraj mas mandaj cürami pishiycämaranchi. Jesusga Tayta Dios munashannömi cawan. Ima juchanpis manami canchu. Imaypis manami juchata rurashachu. Juchayoj runacunapa chaupinpita raquirmi Tayta Diosninchëga syëluman shuntacuran ñaupancho cawananpaj.  
\v 27 Payga manami cay pachacho mandaj cüracunanöchu. Chay cüracunaga waran-waranmi uywacunata pishtan, quiquinpa juchanpita, nircur llapan runacunapa juchanpitapis.\x * \xo 7:27 \xt Lev. 9.7\x* Chaypa ruquin Jesusga juc cutillami cruscho wañusha pipis payman yäracorga salbacunanpaj.  
\v 28 Moisés isquirbishan laywanga ushacaj runacunatami mandaj cüra cananpaj churasha. Chaymi runalla cashpan sasataraj Tayta Dios munashanno ruran. Tayta Diospa wamran Jesusmi ichanga juchaynaj caycan. Chaymi Tayta Diosga jurashpan wamrantana churasha mandaj cüra cananpaj. 
\c 8  
\s1 Mushoj conträtu jucno cashan 
\p  
\v 1 Cay parlaycashanchïta tantiyacur cushicunchi. Canan caj mandaj cüranchi Jesusga syëluman cuticur Tayta Diospa derëchu caj-lädunman aywaycurmi jamaraycan.\x * \xo 8:1 \xt Sal. 110.1\x* 
\v 2 Chaychömi cananga quiquin Tayta Dios jatarachishan adurana wasicho noganchïpa cüranchi caycan. Chay wasiga manami runa rurashanchu, man'chäga Tayta Dios rurashanmi. 
\p  
\v 3 Cay pachacho mas mandaj cürataga Tayta Dios churasha paypaj ofrendata apar altarcho rupachinanpämi. Chaynöllami Tayta Jesuspis ofrendatano Tayta Diospaj apaycan.  
\v 4 Cay pachallacho car Tayta Jesusga manami mandaj cüra canmanchu caran. Cay pachachöga Moisés isquirbishan laycunacho nishannömi mayna cüracuna caycan ofrendacunata apananpaj.  
\v 5 Cay pachacho caj mandaj cüracunaga Tayta Diospaj ofrendata apaycur rupachin syëlucho caycaj Templu-nirajta rurashallanchömi. ¿Imanöpataj syëlucho caj-niraj Templu cashanta musyanchi? Moisés Tincuna Tolduta rurananpaj caycaptin Tayta Dios niran: «Sumaj yarpay chunyaj jircacho imanöta ricachishätapis. Nircur ricashayquitanölla aruchinqui.»\x * \xo 8:5 \xt Éxo. 25.40\x* 
\v 6 Cananga Jesucristunami rimir caj cüracunapitapis mas alli caj mas mandaj cüranchi caycan. Payga chay rimir conträtu laycunapitapis mas alli caj conträtutami apamusha. Chay conträtoga Tayta Dios mas alli cajta aunishanchömi caycan. 
\p  
\v 7 Unay caj conträtu rasunpa alli casha captenga mananami yapay noganchïwan conträtu canmannachu caran.  
\v 8 Unay conträtuta runacuna cumliyta mana camäpacuptinmi Tayta Dios niran: 
\q1 «Tayta Diosmi nin: 
\q1 Juc junajmi yapay mushoj conträtuta rurashaj Israel runacunawan y Judá runacunawan. 
\q1  
\v 9 Chay conträtoga manami canganachu unay caj awiluncunawan rurashänöga. 
\q1 Chay conträtutaga rurarä Egipto nasyuncho carcaycajta maquinpita janchacurcur jorgamushpämi. 
\q1 Awiluncunaga nogapa caycashpanpis chay conträtu rurashäta manami cumliranchu. 
\q1 Chaymi nogaga paycunata mana cäsupashcänachu. 
\q1  
\v 10 Israelcunawanga caynömi mushoj conträtuta rurashaj: 
\q1 Laynëcunatami paycunapa shongunman isquirbishaj. 
\q1 Yarpayninmanpis churashaj. 
\q1 Paycunami acrashä runacuna canga, noganami Diosnin cashaj. 
\q1  
\v 11 Noga pï cashätapis musyananpaj mananami jucnin-jucninpis yachachinacongapänachu. 
\q1 Noga pï cashätapis mas jatunpita tacshacama llapannami musyangapaj. 
\q1  
\v 12 Llapan juchancunatami perdunashaj. 
\q1 Chayno perdunaycorga mananami yarpäshänachu ima jucha rurashancunatapis.»\x * \xo 8:12 \xt Jer. 31.31–34\x* 
\m  
\v 13 Chayno Tayta Dios mushoj conträtuta rurananpaj parlarga tantiyaycächimanchi unay caj conträtu auquisyashana cashantami. Chayno auquisyasha car mana allina carga manapis aycällatanami illganga. 
\c 9  
\s1 Unay caj conträtu imano cashanpis 
\p  
\v 1 Unay caj conträtuchöga niycaran Tayta Diosta adurana wasicho imanöpis adurananchïpämi. Chayga cay pachacho adurananchïpämi caran.  
\v 2 Chayno conträtuta rurashpanmi Tayta Diosta rispitana Toldupis\x * \xo 9:2 \xt Éxo. 26.1–30\x* cayno caran: Rimir caj cuartu caran Rispitädu cuartu. Chaycho caycaran candilëru,\x * \xo 9:2 \xt Éxo. 25.31–40\x* mësa Tayta Diospaj churashan tantawan.\x * \xo 9:2 \xt Éxo. 25.23–30\x* 
\v 3 Chay cuartupita ruriman caj cuartuna caycaran Mas Rispitädu caj. Chayta chaparaycaran racta pipis mana yaycunanpaj.\x * \xo 9:3 \xt Éxo. 26.31–33\x* 
\v 4 Chaycho caycaran goripita insinsu rupachicuna.\x * \xo 9:4 \xt Éxo. 30.1–6\x* Chayno caycaran Tayta Dioswan conträtu rurashan babul.\x * \xo 9:4 \xt Éxo. 25.10–16\x* Chayga caran intërun goriwan chapyasha. Chay babul rurincho churaraycaran goripita juc tasun. Chay tasunchöna caycaran maná.\x * \xo 9:4 \xt Éxo. 16.33\x* Chaynöpis babulcho caycaran Aaronpa bäran. Chay bäranga unay chillguiranshi.\x * \xo 9:4 \xt Núm. 17.8–10\x* Chayno caycaran chunca mandamintucuna isquirbiraycashan läja rumipis.\x * \xo 9:4 \xt Éxo. 25.16; Deut. 10.3–5\x* 
\v 5 Chay babulpa chapananchönami caycaran goripita rurasha ishcay querubín anjilcuna chaycho Tayta Dios caycashanta musyachir. Chay querubincunami babulpa chapanan janancho ñaupaman älan quichasha caycaran. Chaychömi runacunapa juchanta Tayta Dios perdunaj.\x * \xo 9:5 \xt Éxo. 25.18–22\x* Maspis caycanrämi chaycunapita tantiyachinäpäga. 
\p  
\v 6 Unay cüracuna rurashantaga musyanquinami. Waran-waranmi Tincuna Tolducho caycaj Rispitädu caj cuartullaman yaycoj laycuna nishanno llapanta rurananpaj.\x * \xo 9:6 \xt Núm. 18.2–6\x* 
\v 7 Ruri caj Mas Rispitädu cuartuman ichanga mas mandaj cüralla watacho juc cuti yaycoj. Uywapa yawarninta apacurcurmi yaycoj. Chay yawartaga apaj quiquinpa juchanpita y runacunapis mana tantiyaypa juchata rurashanpita perdunasha cananpämi.\x * \xo 9:7 \xt Lev. 16.2–34\x* 
\v 8 Mas Rispitädu caj cuartuman mas mandaj cüralla yaycusha captinmi Espíritu Santu tantiyachimanchi unay caj conträtu nishannölla rurarga noganchïpis Tayta Diospa ñaupanman mana chayananchïpaj cashanta.  
\v 9 Chaynömi canancamapis caycan. Unay caj conträtu nishanno Tayta Diospaj ofrendata apar rupachishancunapis manami runacunapa yarpayninta rucacächiranchu.  
\v 10 Unay caj conträtuchöga isquirbiraycan imata micunanchïpaj imata mana micunanchïpäpis, imata upunanchïpaj imata mana upunanchïpäpis, chaynölla yacuwan limyuyänanchïpäpis. Chaycunataga runacuna cumlinan caran Tayta Dios llapanta mas allipaj rucacächinancamallami. 
\s1 Mushoj conträtu imano cashanpis 
\p  
\v 11 Mushoj conträtuchöga Jesucristunami mandaj cüranchi caycan. Paymi syëlucho caycaj adurana wasiman yaycusha. Chay wasiga manami cay pachacho runa rurashanchu caycan, man'chäga quiquin Tayta Dios rurashannami.  
\v 12 Syëlucho Mas Rispitädu cuartuman yaycunanpäga manami cay pachacho cüracuna rurashanno chïbupa törucunapa yawarninta aparcurchu yaycusha, man'chäga quiquinpa yawarninta jicharmi yaycusha. Cada wata yaycunanpa ruquenga juc cutillami syëlucho caycaj Mas Rispitädu cuartuman yaycusha chasquicojcunata salbananpaj.  
\v 13 Unay caj conträtuchöga niycan törucunapa chïbucunapa yawarninta y ternërata rupachishancunapa uchpancunatapis runacunapa jananman machipänanpämi.\x * \xo 9:13 \xt Núm. 19.1–22\x* Chay nishannölla machipaptinmi runacuna ricanallanpäga limyuna caran. Yarpaynin ichanga manami rucacaranchu.  
\v 14 Jesucristo quiquin buluntäninpa yawarninta cruscho jichaycaptenga manami janallanpachu limyu caycanchi. Man'chäga jucha rurashanpita perdunasha car yarpayninpis rucacashanami caycan. Chayno cananchïpämi Espíritu Santu Jesucristuta yanaparan Tayta Dios munashanno noganchi-raycu cruscho wañunanpaj. Chayno perdunamashcanchi cushishalla Tayta Dios munashanno cawar sirbinanchïpämi. 
\p  
\v 15 Jesucristo wañuyninpana yapay conträtuta rurasha Tayta Dios llapan acrashan cajcuna aunishanta chasquinanpaj. Jesucristo wañuyninpami unay caj conträtucho nishancunata mana cumlishanchïpitapis perdunamashcanchi. 
\p  
\v 16 Cananga tistamintupitana parlashun. Maychöpis tistamintuga bälin tistamintucoj wañuptinrämi.  
\v 17 Tistamintucoj manaraj wañuptenga chay tistamintu manami bälinrächu. Imay junajmi wañun chayrämi bälin chay tistamintuga.  
\v 18 Chaymi unay caj conträtu bälinanpäpis uywataraj pishtachiran yawarninta jichananpaj.  
\v 19 Llapan runacuna shuntacasha caycaptin Moisesga imanöpis laycuna nishanta ushajpaj liguiparan. Liguipayta ushaycorga töru-mallwacunapa yawarninwan chïbucunapa yawarnin yacuwan tacusha caycajman guerupa puntancho puca millwa watasha caycajta jatirpur liguishan laycunata chajchuran. Llapan runacuna caycashan cajmanpis chajchuran.  
\v 20 Chayno rurashpan Moisés niran: «Cay yawarga Tayta Dioswan gamcuna conträtu rurashan bälinanpämi.»\x * \xo 9:20 \xt Éxo. 24.6–8; Zac. 9.11; Mat. 26.28\x* 
\v 21 Chay yawarwanmi chajchuran Tayta Diosta rispitana Tolduta, chay Toldu rurincho caycajcunatapis ushajpaj.  
\v 22 Laychöga niycan imapis Tayta Diospa cananpäga yawarwan chajchusha cananpärämi. Yawarta jichayparämi runacuna jucha rurashanpitapis Tayta Diosninchi perdunan.\x * \xo 9:22 \xt Lev. 17.11\x* 
\s1 Jesucristo wañuyninpa juchanchïpita perdunamashanchi 
\p  
\v 23 Syëlucho caycaj-nirajta rurasha captinpis Moisesga Tolduta y llapan imancunatapis uywapa yawarninwanrämi chajchuran Tayta Dios alli ricananpaj. Syëlucho adurana wasita y llapan imancunata ichanga mas bälej yawarwanraj chajchunan caran.  
\v 24 Jesucristoga manami cay pachacho runa rurashallan Mas Rispitädu cuartumanchu yaycusha. Payga yaycusha quiquin syëlumanmi. Canan payga Tayta Diospa ñaupanchömi noganchïpaj mañacuycan.  
\v 25 Chayman yaycunanpäga quiquinpa yawarninta juc cutillami jichasha. Cay pachacho mandaj cüracunami ichanga cada watalla uywacunapa yawarninta apacurcur Mas Rispitädu caj cuartuman yaycun.  
\v 26 Paycunanölla rurarga cay pachata camashanpita-pacha ¿ayca cutiraj Jesucristo wañunman caran? Achca cuti wañunanpa ruquenga ushanan junajcunacho juc cutillami wañusha juchanchïcunapita perdunamänanchïpaj.  
\v 27 Chayno juc cutillami pï-maypis wañun. Chaypitaga cawarimonga imano goyashanpitapis jusgasha canallanpänami.  
\v 28 Jesucristupis juc cutillami wañuran llapanta juchancunapita perdunananpaj. Cay pachaman yapay cutimushpanga mananami runacunata juchanpita perdunangapächu. Chaypa ruquenga cutimonga payman yäracur shuyaraycajcunata pushacunanpänami.\x * \xo 9:28 \xt Isa. 53.12\x* 
\c 10  
\s1 Jesucristoga juc cutilla wañusha runacunata juchanpita salbananpaj 
\p  
\v 1 Moisés isquirbishan laycunaga mas alli caj chayamunanpaj cajpa llantuyninnöllami. Chaymi wata-wata uywacunata juchancunapita rupaycächiptinpis runataga mana rucachishachu.  
\v 2 Uywacunata altarcho rupachishallanwan runacuna perdunasha carga manami juchayoj cashanta yarparaycanmannachu. Manami wata-wata uywacunata apaycanmanchu juchata rurashanpita rupaycächinanpaj.  
\v 3 Chaypa ruquin wata-wata uywacunata rupachishanga juchayoj cashantami yarpaycächin.  
\v 4 Chayno car törucunapawan chïbucunapa yawarnenga manami yarpayninpita jucha rurashancunata pitapis gongachinchu. 
\p  
\v 5-6 Chaymi Jesucristo cay pachaman shamur niran: 
\q1 «Gamga manami cushicunquichu uywacunata pishtapäshushallayquipita, 
\q1 ni chaqui micuycunata garashushallayquipitapis. 
\q1 Aychata rupachipäshushallayquipitaga manami perdunanquichu. 
\q1 Chaycunapa ruquenga runaman ticrarcur yurinäpämi camacächishcanqui. 
\q1  
\v 7 Chaymi nirä: ‹Caychömi caycä, gam munashayquita ruranäpaj, 
\q1 imanömi nogapaj isquirbiraycan, chayno› nir.»\x * \xo 10:7 \xt Sal. 40.6–8\x* 
\m  
\v 8 Chayno rimëru nerga Jesucristo tantiyachimanchi lay nishanno ofrendacunata apapaptinpis, animalcunata pishtarcur rupachiptinpis Tayta Diosga mana cushicushantami.  
\v 9 Nircur Jesucristoga Tayta Diosta niran: «Cayman shamushcä gam munashayquita ruranäpämi» nir. Chaynöpami Tayta Diosga unay caj conträtuta mana bälichishanachu. Mushoj conträtutana rurasha.  
\v 10 Tayta Dios munashanta rurar Jesucristoga noganchi-raycu wañuran juchanchïcunapita Tayta Dios perdunamänanchïpämi. Uywacunata wata-wata pishtananpa ruquin Payga juc cutillami yawarninta jichasha. 
\p  
\v 11 Llapanmi Israel cüracunaga waran-waran Tayta Diospaj custumrinta ruraycan uywacunata pishtar rupachishpan. Chay rurashancunawanga manami pï runatapis juchanpita perdunanchu.\x * \xo 10:11 \xt Éxo. 29.38\x* 
\v 12 Jesucristumi ichanga juc cutilla wañusha runacunata juchanpita salbananpaj. Wañushanpita cawarircamur Tayta Diospa ñaupanmannami jamaycusha.  
\v 13 Cananga chaycho shuyaraycan contrancunata paypa munayninman Tayta Dios churanancamami.\x * \xo 10:13 \xt Sal. 110.1\x* 
\v 14 Tayta Jesucristoga cruscho wañushallanwanmi pay munashanno cawaj runacunapa juchancunata perdunasha.  
\v 15 Chaycuna rasunpa cashanta willamashpanchïmi Espíritu Santu cayno nin: 
\q1  
\v 16 «Tayta Diosmi nin: 
\q1 Israelcunawanga caynömi conträtuta rurashaj: 
\q1 Laynëcunatami paycunapa shongunman isquirbishaj. 
\q1 Yarpayninmanpis churashaj imaypis mana gongananpaj.»\x * \xo 10:16 \xt Jer. 31.33\x* 
\m  
\v 17 Chayno mastapis nin: 
\q1 «Chayno perdunaycorga mananami yarpäshänachu ima jucha rurashancunatapis.»\x * \xo 10:17 \xt Jer. 31.34\x* 
\m  
\v 18 Chayno llapan juchapita perdunasha caycaptinnaga ¿imapänataj juchacunapa ruquin yapayga ima ofrendatapis goycäshun? 
\s1 Tayta Dios munashanno cawanapaj yachachishan 
\p  
\v 19 Ermänucuna, noganchi-raycu Jesús wañushanpitami Tayta Diospa ñaupanman chayayta mana manchacunchïnachu. Cananga Mas Rispitädu caj cuartuman yaycoj-japuynami Tayta Diosninchïwan tincunchi.  
\v 20 Jesucristumi wañushpan noganchïtaga alli caminuta ricachejno, altarta chaparaycaj tëlata quichajnöpis Tayta Dioswan tincuchimashcanchi. Manami imapis chapämanchïnachu.  
\v 21 Cananga Tayta Jesucristumi syëlucho adurana wasichöga mas mandaj cüranchi caycan.  
\v 22 Chaymi Tayta Diosninchïmanga llapan shongunchïwan guellicushun. Payman yäracunanchïpämi chuya yacuwan mayllajnöpis Tayta Jesús llapan juchanchïta perdunamashcanchi. Chaymi cananga bäñacushanöna caycanchi Tayta Diospa ñaupanman yaycunanchïpaj.\x * \xo 10:22 \xt Lev. 8.30; Eze. 36.25\x* 
\v 23 Chaynöpis ñaupanman apamänanchïpaj auniycämashaga payta chasquicushanchïnölla guepaman mana cutiypa Tayta Dios munashanno cawashun.  
\v 24 Jucninchi-jucninchi cuyapänacur imallawanpis yanapänacushun.  
\v 25 Tayta Diosta aduranapaj waquin shuntacayta mana munashannöga ama cashunchu. Chaypa ruquenga sumaj shacyächinacuy Tayta Jesucristo cutimunanpäna caycaptenga. 
\p  
\v 26 Jesucristuman yäracuycashanpita apripösu juchata ruraptenga jampi manami cannachu. Ima ofrendata churaptinpis Tayta Dios manami perdunanganachu.  
\v 27 Chay-niraj runacunataga fisyu finalcho infiernullanami shuyaraycan.\x * \xo 10:27 \xt Isa. 26.11\x* 
\v 28 Moisés isquirbishan layta mana cumlir juchata ruraptin ishcaj u quimsaj runa cäraptenga mana cuyapaypana wañuchin.\x * \xo 10:28 \xt Deut. 17.6; 19.15\x* 
\v 29 Chayno caycaptenga Diospa Wamranta manacajman churar juchata rurashanpita ¿manachuraj fiyupa castigasha canga? Tayta Dioswan conträtuta rurarmi Jesucristoga juchanchïcunapita yawarninwan perdunamashcanchi. Chaynöpis cuyacoj Tayta Diospa Espíritu Santunta manacajman churashanpita ¿manachuraj mas fiyupa castigasha canga?\x * \xo 10:29 \xt Éxo. 24.8; Heb. 13.20\x* 
\v 30 Juchata rurajcunapäga Tayta Dios nisha: «Llutanta rurashanman-tupu quiquëmi runacunataga jusgashaj.»\x * \xo 10:30 \xt Deut. 32.35\x* Caynöpis ninmi: «Acrashä runacunatapis jusgashämi.»  
\v 31 Chayno captin ¡fiyupa manchariypämi canga cawaj Tayta Dios charishuptiquega! 
\p  
\v 32 Chayno caycaptenga gamcuna Jesucristuman riguir pay munashanno cawashayqui wichan imano ñacashayquitapis yarpay. Chay-jina ñacarpis gamcunaga manami guepaman cutishcanquichu.  
\v 33 Waquinniquega llapan runa ricaymi ashllir-ushasha, magar-ushasha cashcanqui. Waquinniquitaga ñacajcunawan shuntacaptiquimi ñacachisha-cashunqui.  
\v 34 Gamcunaga Jesucristuman riguir pay nishanno rurashanpita carsilcho cajcunatapis cuyapashpayqui shacyächishcanquimi. Chaymi ima-aycayquita guechushuptiquipis mana llaquiypa cachapaycushcanqui. Chayno cashcanqui syëlucho mana ushacajcunata chasquinayquipaj cashanta musyarmi.  
\v 35 Chayno captenga gamcuna mana yamacaypa imano ñacarpis Tayta Diosman yäracuy. Chayno carmi Tayta Diospa ñaupanmanpis chayanquipaj.  
\v 36 Cay pachacho ñacarpis gamcunaga Tayta Diosman yäracuy. Chaynöpami Tayta Dios munashanno cawar Pay aunishancunata chasquinquipaj.  
\v 37 Tayta Diospa palabranchöpis niycan: 
\q1 «Shamunanpaj cäga chayamongapänami. 
\q1 Manapis aycällatanami chayamonga. 
\q1  
\v 38 Alli runaga yäracamashanpitami cawayta tarengapaj. 
\q1 Guepaman cutejcunami ichanga shongöman mana tincunchu.»\x * \xo 10:38 \xt Hab. 2.3–4\x* 
\m  
\v 39 Noganchëga manami guepaman cutejcunano infiernuman gaycusha cananchïpächu caycanchi. Chaypa ruquenga Jesucristuman yäracushanchïpitami salbashana caycanchi. 
\c 11  
\s1 Unay runacuna Tayta Diosman yäracushan 
\p  
\v 1 Tayta Diosman yäracurmi musyanchi pay aunimashanchïcunata llapanta cumlinanpaj cashanta. Chaymi aunimashanchïcunata manaraj ricarpis shuyaraycanchi chasquicunanchïpaj.  
\v 2 Tayta Dios munashanno cawaj unay runacunatapis payman yäracushanpitami alli ricaran. 
\p  
\v 3 Tayta Diosman yäracurmi musyanchi ruracänanpaj Tayta Diosninchi niptillan cay pachapis janaj pachapis ruracashanta. Chaynöpami canan llapan ricaycashanchïtapis camasha imapis mana cashanpita.\x * \xo 11:3 \xt Gén. 1.1; Sal. 33.6, 9; Juan 1.3\x* 
\p  
\v 4 Abelpis Tayta Diosman yäracurmi allinnin caj uyshanta Tayta Diospaj aparan. Wauguin Cainmi ichanga mana allinllanta aparan. Chaynöpami Abel apashanta chasquir Tayta Dios musyachiran pay munashanno cawaj runa cashanta. Chaymi Abel unayna wañusha captinpis canancama pay rurashanta yarpanchi.\x * \xo 11:4 \xt Gén. 4.3–10\x* 
\p  
\v 5 Enocpis Tayta Diosman yäracuptinmi manaraj wañuptin Tayta Dios payta syëluman apacuran. Tayta Diospa palabranchöpis niycan Enocga Tayta Dios munashanno cawashantami.\x * \xo 11:5 \xt Gén. 5.21–24\x* 
\v 6 Tayta Diosman mana yäracorga manami imaypis Tayta Dios munashannöchu cawashun. Tayta Diosman yäracunanchïpäga riguishun pay caycashanta, payman yäracojcunataga yanapashantapis. 
\p  
\v 7 Noëpis Tayta Diosman yäracurmi tamyata manaraj rejsirpis chaqui allpallacho büquita ruraran. Chayno ruraran cay pachacho dilubyu captin wamrancuna y llumchuynincunapis mana ushacänanpaj. Chaynöpis Noé yäracuyninpami runacunata willaparan jucha rurashancunata mana cacharerga dilubyuwan shengaypa ushacänanpaj cashanta. Nishanno runacuna ushacaptinpis yäracuyninpami Noëga salbacuran.\x * \xo 11:7 \xt Gén. 6.13–22\x* 
\p  
\v 8 Abrahampis Tayta Diosman yäracurmi marcanta cachaycur mayman aywananpaj cashantapis mana musyaycar aywacuran.\x * \xo 11:8 \xt Gén. 12.1–5\x* 
\v 9 Chaynöpis aunishanta riguirmi Tayta Dios ricachishan nasyunman chayaran. Chaychömi Abrahamga toldu wasillacho puricachaj runanölla tiyaran. Chaynöllami wamran Isaacpis y Isaacpa wamran Jacobpis Tayta Dios aunishan nasyuncho tiyaycarpis tolducunallacho tiyaran.\x * \xo 11:9 \xt Gén. 35.27\x* 
\v 10 Abrahamga chayno tiyaran quiquin Tayta Dios jatarachishan janaj pachacho mana ushacaj marcaman aywananpaj cashanta musyarmi.\x * \xo 11:10 \xt Heb. 13.14\x* 
\p  
\v 11 Abraham Tayta Diosman yäracuptinmi auquinna caycaptinpis y warmin Sara chacwanyashancama wawata mana tarej caycaptinpis yanaparan wamran yurinanpaj.\x * \xo 11:11 \xt Gén. 17.19; 18.11–14; 21.2; Rom. 4.17–22\x* 
\v 12 Chaynöpami Abraham fiyupa auquinna caycaptin wamran yuriran. Chay wamranpita mirajcunami yupaytapis mana atipaypaj caycan goyllarcunanöraj u lamar cantuncho agunöraj.\x * \xo 11:12 \xt Gén. 15.5; 22.17; 32.12\x* 
\p  
\v 13 Chay runacunaga gorpay-tucullarmi cay pachacho goyaran. Chacraynaj-japuymi puriran. Tayta Dios aunishan partiman mana chayaranchu. Chaypa ruquenga carullapitami ricaran. Chaypis paycunaga cushicur sumaj yäracuran. Ichanga aunishanta manaraj chasquir wañucuran.\x * \xo 11:13 \xt Gén. 23.4; 1Crón. 29.15; Sal. 39.12\x* 
\v 14 Cay pachacho gorpanölla purishanta musyarmi tantiyachimanchi famillyancunapaj alli marcata ashishanta.  
\v 15 Paycunaga manami yarparashachu llojshimushan marcanman cutiyta. Llojshimushan marcanpaj yarpararga chay marcanman cuticunmanmi caran.  
\v 16 Unay tiyashan marcanpitapis syëlucho caycaj marca mas alli cashanta musyarmi chayno shuyaran. Chay marcaman chayanancunapaj cashanta musyarmi paycunaga Tayta Diosninchïman yäracuran. Chayno yäracushanpitami Tayta Diospis mana pengacunchu paycunapa Diosnin cayta. Chaymi chay marcata camarishana paycunata shuyaraycächin. 
\p  
\v 17 Abrahampis Tayta Diosman yäracurmi wamran Isaacta altarcho rupachinanpaj listu caycaran. Rupachinanpäga Tayta Diosmi niran Abraham wiyacoj cashanta musyananpaj.\x * \xo 11:17 \xt Gén. 22.1–14\x* 
\v 18 Chayno wañurcachir rupachinanpaj listu caycaran paypita aypallaman mirananpaj Tayta Dios aunisha caycaptinpis.\x * \xo 11:18 \xt Gén. 21.12\x* 
\v 19 Chaymi Abrahamga yäracuran: «Munarga wañushacunatapis Tayta Dios cawarachimongami» nir. Chaynöpami Abrahamga wamranta mana wañuchiranchu. «Wamrä cawarimushanönami» nir cutichicuran.\x * \xo 11:19 \xt Gén. 22.13\x* 
\p  
\v 20 Isaacpis Tayta Diosman yäracurmi shamoj watacunacho imano cananpaj cashantapis musyar Jacobwan Esaú alli cawananpaj bindisyunta goran.\x * \xo 11:20 \xt Gén. 27.27–29, 39–40\x* 
\p  
\v 21 Jacobpis Tayta Diosman yäracurmi pasaypa auquinna caycar tucrunman tucnacuycullarna Josëpa wamrancuna alli goyänanpaj bindisyunta goran.\x * \xo 11:21 \xt Gén. 47.31–48.20\x* 
\p  
\v 22 Josëpis Tayta Diosman yäracurmi wañunanpaj caycarna niran Israel runacuna Egiptupita aywacunanpaj cashanta. Chaymi paycunata niran: «Caypitaga Tayta Dios jorgushunquipämi. Jorgushuptiquega tullöcunatapis apacunqui» nir.\x * \xo 11:22 \xt Gén. 50.24–25; Éxo. 13.19\x* 
\p  
\v 23 Moisespa maman-taytanpis Tayta Diosman yäracurmi Egipto nasyuncho ray mandashanta mana wiyacuranchu. Chay rayga mandaran ollgu wamracunata yuriycullaptin llapanta wañuchinanpämi. Chayno mandasha caycaptinpis Moisés cuyayllapaj wamra cashanta ricaycur quimsa quillantin pacarächicuran.\x * \xo 11:23 \xt Éxo. 2.2\x*\x * \xo 11:23 \xt Éxo. 1.22\x* 
\p  
\v 24 Moisespis Tayta Diosman yäracurmi ray faraonpa shuntacushan willcan carpis faraón casta cayta mana munaranchu.\x * \xo 11:24 \xt Éxo. 2.10–12\x* 
\v 25 Faraonpa wasincho cawananpa ruquenga Israel-masincunawan ñacarmi cawaran.  
\v 26 Egiptucho ima-aycayojpis cananpa ruquenga Jesucristo ñacananpaj cashannömi ñacayta munaran. Payga tantiyaran Diosninchi munashanno cawarga syëluman chayar premyuta chasquinanpaj cashantami. 
\p  
\v 27 Moisesga yäracurmi Tayta Diosta ricaycajnöpis ray faraonta mana manchaypa Egiptupita aywacuran.\x * \xo 11:27 \xt Éxo. 2.15\x* 
\v 28 Tayta Diosman yäracurmi Moisesga Pascua fistata rurar yawarwan puncupa marcunta llushichiran. Israel runacuna chayno rurananpaj niran wañuchicoj anjil yawarta ricaycur guechpa cajtaga pitapis mana wañuchinanpämi.\x * \xo 11:28 \xt Éxo. 12.21–30\x* 
\p  
\v 29 Israel runacunapis Tayta Diosman yäracurmi Puca Lamarta chaqui allpapa päsaran. Egipto runacunami ichanga Tayta Diosman mana yäracur guepanpa yaycur llapan shengaypa ushacaran.\x * \xo 11:29 \xt Éxo. 14.21–31\x* 
\p  
\v 30 Israel runacunapis Tayta Diosman yäracurmi Jericó marcata usharan. Ganchis junaj tumaparcaycaptillan Jericöpa perga curralninpis juchur ushacaran.\x * \xo 11:30 \xt Jos. 6.12–21\x* 
\p  
\v 31 Jucwan-jucwan cacoj Rahab warmipis Tayta Diosman yäracurmi Israel runacunata pacaran chay marcata ricapacoj chayaptin.\x * \xo 11:31 \xt Jos. 2.1–21\x* Chaynöpami chay marca runacuna ushacaptinpis payga mana wañuranchu. Jericó runacunaga chayno ushacaran Tayta Diosta wiyacuyta mana munashanpitami.\x * \xo 11:31 \xt Jos. 6.22–25\x* 
\p  
\v 32 Tayta Diosman yäracoj runacuna warmicuna maspis carcaycanmi gamcunata willapänäpaj. Ichanga timpumi pishin Gedeonpita,\x * \xo 11:32 \xt Jue. 6.11–8.32\x* Baracpita,\x * \xo 11:32 \xt Jue. 4.6–5.31\x* Sansonpita,\x * \xo 11:32 \xt Jue. 13.2–16.31\x* Jeftëpita,\x * \xo 11:32 \xt Jue. 11.1–12.7\x* Davidpita,\x * \xo 11:32 \xt 1Sam. 16.1–1Rey. 2.11\x* Samuelpita\x * \xo 11:32 \xt 1Sam. 1.1–25.1\x* y profëtacunapita willapänäpaj.  
\v 33 Waquenga Tayta Diosman yäracurmi nasyuncunatapis binsiran. Chaynöllami Tayta Diosninchi munashannölla runacunata alli arriglaran. Waquin cajnami Tayta Dios aunishancunatapis chasquiran. Waquintaga liyuncunapis mana micuranchu.\x * \xo 11:33 \xt Dan. 6\x* 
\v 34 Waquintaga ninapis manami ruparanchu.\x * \xo 11:34 \xt Dan. 3\x* Y sabliwan wañuchinanpaj caycaptinpis gueshpicuranmi. Chay runacunaga callpaynajna caycarpis sumaj balurcharan. Chaymi chiquejnin suldärucuna maychica captinpis binsiran.  
\v 35 Chaynöllami Tayta Diosman yäracoj warmicunapis ricaran wañusha castancuna chutaraycashanpita cawarimojta.\x * \xo 11:35 \xt 1Rey. 17.17–24; 2Rey. 4.25–37\x* 
\p Waquin runacunatanami Tayta Diosman yäracuptinpis runacuna ñacachiypa wañuchiran. Chayno ñacachiptinpis paycunaga llapan shongunwanmi Tayta Diosman yäracuran. Paycunaga Tayta Diosta ñïgachinan-casha ñacachiptinpis wañuran cawarcamur imaycamapis cawananpaj cashanta musyarmi.  
\v 36 Chaynöllami waquin yäracojcunataga ashllir-usharan, magar-usharan,\x * \xo 11:36 \xt Jer. 20.2; 37.15\x* cadinawan watarächiran, carsilman wichgaran.\x * \xo 11:36 \xt 1Rey. 22.26–27; 2Crón. 18.25–26; Jer. 20.2; 37.15; 38.6\x* 
\v 37 Waquintaga sajmaypami wañuchiran.\x * \xo 11:37 \xt 2Crón. 24.21\x* Waquintanami siruchuwan cuchuypa wañuchiran. Waquintanami sabliwan tucsiypa wañuchiran.\x * \xo 11:37 \xt Jer. 26.23\x* Waquinnami fiyupa pobri cashpan uysha garachapita y cabra garachapita röpanta ruracurcur marcan-marcan chiquisha puriran.  
\v 38 Tayta Diosninchi munashanno cawashanpitami paycunata chiquiran. Chayno chiquiptinmi paycunaga puriran chaqui jircacunapa y chunyaj ragracunapa. Paycunaga machaycunallachömi puñuranpis. Tayta Dios munashanno cawaptinmi paycunataga runacuna chiquiran. 
\p  
\v 39 Llapan shongunwan yäracushanpitaga Tayta Diosninchi paycunata chasquiran wamrancunana cananpaj. Chayno yäracuycarpis Tayta Diosninchi aunishan cumlicashantaga mayganpis manami ricaranchu.  
\v 40 Tayta Diosga mas allitami shuyaraycächimanchi unay yäracojcunapäpis noganchïpäpis. Chaymi Jesucristo shamur cruscho wañushanpita paycunapis noganchïpis perdunashana caycanchi. 
\c 12  
\s1 Imaypis Jesucristuman yäracunanchïpaj cashan 
\p  
\v 1 Chayno achca runacunami Tayta Diosninchïman yäracusha. Chaymi paycuna ricaycämashaga cörrinanpaj guepinta cachaycojno noganchïpis llapan juchata rurashanchïta cachaycushun. Nircorga Tayta Diosman yäracur pay munashannölla cawashun.  
\v 2 Tayta Diosman chayno yäracur cawananchïpäga Jesucristo imano cawashantapis ricacushun. Juchayoj runatano pengaypaj cruscho wañuchinanpaj cashanta musyarpis payga Tayta Dios munashannömi cawaran. Imano ñacarpis Tayta Dios munashanno cawaran syëlucho cushisha imaycamapis cawananpaj cashanta musyarmi. Cananga cawarircamur Tayta Diospa derëchu caj-lädunchönami mandananpaj jamaraycan.\x * \xo 12:2 \xt Fil. 2.6–11; Heb. 2.9\x* 
\p  
\v 3 Ermänucuna, ñacarga tantiyacuy Jesucristupis ñacashanta. Allita ruraptinpis juchasapacunaga fiyupami chiquiran. Chayta ricacushpanchi imano ñacarpis mana yamacaypa pay munashanno cawashun.  
\v 4 Gamcuna may-jina ñacaptiquipis manami mayganiquitapis Tayta Diosman yäracushayquipita wañuchishunquirächu.  
\v 5 Gamcunaga ¿Tayta Diosninchïpa palabrancho niycashanta gongaycärishcanquinachu? Palabranchöga caynömi nin: 
\q1 Ïju, Tayta Diosninchi piñacushuptiquega ama jagayanquichu. 
\q1 Pay willapäshuptiqui ama manacajman churanquichu. 
\q1  
\v 6 Tayta Diosga cuyashan wamrancunatami piñacun 
\q1 imanömi taytanpis cuyay wamranta piñacun, chayno.\x * \xo 12:6 \xt Job 5.17; Prov. 3.11–12\x* 
\p  
\v 7 Pï runapis cuyashan wamrantaga piñacunmi. Tayta Diosninchïpis wamran captinchïmi allipaj piñacamanchi. Chaymi ñacaycho caycarpis «Allipämi Tayta Diosnë piñacaycäman» nir chasquicunqui.  
\v 8 Tayta Diosninchïpis llapan wamrantami piñacun pay munashanno cawananpaj. Mana piñacushuptiquega manami paypa wamrannachu caycanqui. 
\p  
\v 9 Noganchïtapis llutancunata rurashaga mamanchi taytanchi piñacurmi uywamashcanchi sumaj wiyacoj cananchïpaj. Chayno piñacaycämashapis jagayänanchïpa ruquenga wiyacushcanchïmi. Chayno caycaptenga ¿imanirtaj mana wiyacushwanchu ñaupanman apamänanchïpaj Tayta Diosninchi piñacaycämashaga?  
\v 10 Mamanchi taytanchïpis maquincho cashanchïcamallami llutanta rurashanchïpita piñacamaj canchi. Alli yachacunanchïpaj piñacamashpanchïpis aybësi juchaynaj caycashami llutalla piñacamashcanchi. Tayta Diosninchïmi ichanga mana llutallaga piñacamanchïchu. Chaypa ruquenga mana juchallicuypa pay munashanno cawananchïpämi piñacamanchi.  
\v 11 Piñacamashanchi öraga fiyupami llaquicunchi, nanämanchïmi. Wiyacurmi ichanga alli cawayta tarinchi. Tayta Dios munashanno cawayta yachacunchi.\x * \xo 12:11 \xt Deut. 8.5; 1Sam. 7.14; 1Cor. 11.31–32\x* 
\p  
\v 12 Ermänucuna, chayno caycaptenga ñacaycuna chayamuptinpis ama llaquicuychu. Callpayquicuna mana captinpis chaquiquicuna uticasha captinpis balurchay Tayta Diosninchi munashanno cawanayquicunapaj.\x * \xo 12:12 \xt Isa. 35.3\x* 
\v 13 Maypa aywanayquipäpis wicsu caminucunataga allchay wegrucunapis mana tuninanpaj. Chaymi Tayta Dios munashanno cawaptiquega witiycachajcunapis mana witiconganachu wegru runa tunishan-japuy. Juchaman manami tunenganachu. Man'chäga allillanami cawanga.\x * \xo 12:13 \xt Prov. 4.26\x* 
\s1 Tayta Diosta manacajman mana churananpaj shacyächishan 
\p  
\v 14 Llapanwanpis allilla ricanacunqui. Tayta Diosninchi munashallanta ruranqui. Man'chäga pipis manami Tayta Diospa ñaupanman chayangachu.  
\v 15 Chaymi ima-aycanöpapis Tayta Dios munashanno caway. Pitapis ama jagayächiychu. Pitapis jagayächerga benënuyoj ashgaj jachanömi waquincunapäpis canquipaj. Chayno carga juccunatapis mana allimanmi chayachinquipaj.\x * \xo 12:15 \xt Deut. 29.18\x* 
\v 16 Esaüno jucha ruraycunacho ama cawanquichu. Esaüga Isaacpa guechpa wamran car chasquinan caran guechpa cay bindisyuntami. Chayno captinpis pachan-raycullami mayur cay derëchunta juc lätu micuyllawan rucaycuran.\x * \xo 12:16 \xt Gén. 25.29–34\x* 
\v 17 Nircurnami chay bindisyunta taytanpita chasquiyta munar may-jina wagarpis mana chasquirannachu. Guechpa cayninta ranticushanta shuntayta mana puydirannachu.\x * \xo 12:17 \xt Gén. 27.30–40\x* 
\p  
\v 18 Gamcunaga manami Sinaí jircaman chayaj Israel runacunanöchu chayashcanqui. Paycunawan chay jircacho Tayta Diosninchi rimir caj conträtuta ruraptenga ninapis, chacaypis y fiyupa wayrapis caranmi.  
\v 19-20 Chaynöpis trompëta fiyupa wagamuran y Tayta Dios manchariypaj parlamurmi niran: «Runapis uywapis jirca chaquillanmanpis wichaj cäga sajmaypa wañuchisha cachun.»\x * \xo 12:19-20 \xt Éxo. 19.12–13\x* Chayta wiyarmi chay runacuna fiyupa mancharir Moisesta ruwaran payllana Tayta Dios nishancunata wiyananpaj. Tayta Diosninchi paycunata parlapämunanpa ruquenga munaran Moisesllana paycunata parlapänanta.\x * \xo 12:19-20 \xt Éxo. 19.16–22; 20.18–21; Deut. 4.11–12; 5.22–27\x* 
\v 21 Chayno manchariypaj captinmi Moisespis niran: «Manchariyllawanmi fiyupa sicsicyaycä.»\x * \xo 12:21 \xt Deut. 9.19\x* 
\p  
\v 22 Canan gamcunami ichanga Sión lömaman, syëlucho caycaj Jerusalenman chayashcanqui. Chay siudäga cawaj Tayta Diosninchïpa marcanmi. Chaychöga yupaytapis mana atipaypämi anjilcuna Tayta Diosninchïta cushisha alabarcaycan.  
\v 23 Tayta Diosman unay yäracojcunapa jutincunapis syëlucho apuntaraycashanmanmi chayashcanqui. Pï-maytapis jusgaj Tayta Diosninchïpa ñaupanmannami chayashcanqui. Pay munashanno cawaj runacunapa almanwanpis tincushcanquimi.  
\v 24 Jesucristumanpis maynami chayashcanqui. Paymi wañuran noganchïwan Tayta Dios mushoj conträtuta rurar salbamänanchïpaj. Yawarninta Abel jichashanga wañuchejnin maldisyunädu cananpämi caran.\x * \xo 12:24 \xt Gén. 4.10\x* Jesucristo wañur yawarninta jichashanmi ichanga juchanchïcunapita perdunasha cananchïpaj caycan. 
\p  
\v 25 Chaymi Tayta Diosninchïpa shiminta wiyarga ama upa-tucushunchu. Unay awilunchicunaga cay pachachömi Tayta Diosninchïpa shiminta wiyaran. Mana wiyacuptinmi ichanga llapanta wañuchiran. Pipis manami gueshpiranchu.\x * \xo 12:25 \xt Éxo. 20.22\x* Cananga syëlupitana Tayta Diosninchïpa shiminta wiyarcaycanchi. Paypa shiminta mana wiyacorga ¿gueshpishwanchuraj?  
\v 26 Israel runacunata Tayta Diosninchi Sinaí jircacho parlapaptin chay jircapis fiyupami sicsicyaran. Cananpis Tayta Diosninchëga palabrancho niycanmi: «Yapaymi munduta sicsicyachishaj. Cananga manami mundullatachu sicsicyachishaj, man'chäga syëlutawanmi.»\x * \xo 12:26 \xt Hag. 2.6\x* 
\v 27 «Yapaymi» nerga musyachimanchi llapan camashancunata sicsicyachir illgarachinanpaj cashantami. Chayno ruraptinmi syëlucho caycaj mana ushacajcunallana quëdanga. 
\p  
\v 28 Noganchïpis Tayta Diosninchïpa maquincho cawaycarnaga manami sicsicyar ushacäshunnachu. Chaymi payta agradësicur llapan shongunchïwan adurashun. Pay nishantaga imaypis wiyacushun.  
\v 29 Man'chäga usharamashwanmi. Payga fiyupa rataycaj ninanömi.\x * \xo 12:29 \xt Deut. 4.24; 9.3; Mat. 3.12; 2Tes. 1.7–8\x* 
\c 13  
\s1 Tayta Dios munashanno cawananchïpaj shacyächishan 
\p  
\v 1 Ermänucuna famillya-purano imaypis cuyanacur caway.  
\v 2 Chaynölla pipis wasiquiman pachacoj chayamuptin cushishalla pachächinqui. Unaypis chayno pachächishanchömi mana musyaycar anjilcunatapis pachächiran.\x * \xo 13:2 \xt Gén. 18.1–8; 19.1–3; Rom. 12.13; 1Ped. 4.9\x* 
\v 3 Carsilcho caycajcunatapis ama gonganquichu quiquiquicuna carsilcho caycaj-japuy. Ñacajcunatapis cuyapanquiman quiquiquicunapis ñacaycho caycaj-japuy.\x * \xo 13:3 \xt Mat. 25.35–46\x* 
\p  
\v 4 Llapayqui majayoj caycajcuna majayquiwan cuyanacur alli caway. Majayquita jananpar jucwan ama cacuychu. Tayta Diosninchëga jusgangami majanta jananpajcunata y majaynaj caycar jucwan-jucwan cacojcunatapis. 
\p  
\v 5 Chaynöpis guellaypäga ama yargaj caychu. Chaypa ruquenga Tayta Diosman yäracur cushisha caway.\x * \xo 13:5 \xt 1Tim. 6.6–10\x* Ama gongaychu Tayta Diosninchi palabrancho cayno nishanta: «Imaypis manami cachaycushayquichu. Gamcunataga imaypis yanapäshayquimi.»\x * \xo 13:5 \xt Deut. 31.6, 8; Jos. 1.5; Fil. 4.11–13\x* 
\v 6 Chayno niycämaptinchëga llapan shongunchïwan yäracur nishun: 
\q1 «Tayta Diosga yanapaycämanmi. 
\q1 Chaymi imatapis mana manchacöchu. 
\q1 ¿Imataräshi ruramanman runa-masëga?»\x * \xo 13:6 \xt Sal. 118.6\x* 
\p  
\v 7 Tayta Diospa palabranta ñaupata willacojcunataga sumaj ricacunquiman. Paycunaga wañuy janancho caycarpis Tayta Diosnillanchïmanmi yäracuran. Chaymi paycuna alli cawashanno cawanquiman. Rimashantapis ama gonganquichu. 
\p  
\v 8 Jesucristoga imaypis chaynöllami caycan. Manami rucacanchu. Unay wichanpis, canan wichanpis, shamoj watacunapis cashannöllami caycan.  
\v 9 Chaymi llutan yachachicojcuna yachachishantaga ama chasquipaychu. «Tayta Dios munashanno alli cawanayquipaj rejsishallata micuy» nirpis manacajcunallata yachachishunqui. Tayta Diosninchëga alli ricashunqui manami imatapis rejsishacunallata micuptiquirächu. Man'chäga pay cuyapäcoj carmi imachöpis yanapäshunqui. 
\p  
\v 10-11 Unay caj conträtuchöga mas mandaj cüracunapis uywacunata pishtarcur yawarllantami mas rispitädu cuartuman yaycachej runacunapa juchan perdunasha cananpaj. Nircur chay uywacunapa aychantaga tiyashan marcapita jorgurirmi rupachej.\x * \xo 13:10-11 \xt Lev. 16.27\x* Tolducho sirbej cüracunaga chay aychata manami micojchu. Noganchïmi ichanga Jesucristo wañuyninpa mas juc casta ofrendatana Tayta Diospa altarninpita chasquinchi.  
\v 12 Jesucristutapis marcapita jorgurcurmi wañuchisha juchanchïcunapita perdunasha cananchïpaj.  
\v 13 Chayno marcapita jorgurcur wañuchisha caycaptenga noganchïpis Jesucristuta gatiräshun. Pay ñacashanno ñacananchi captinpis o payta runacuna jamurpashanno jamurpämänanchi captinpis gatiräshun.  
\v 14 Noganchëga cay pachacho gorpanölla car mana ushacaj marcatami shuyaraycanchi. 
\p  
\v 15 Chaymi Jesucristuman yäracur Tayta Diosta imay örapis llapan shongunchïwan alabashun. Payta alabashanchëga alli caj ofrendami caycan.\x * \xo 13:15 \xt Lev. 7.12; Sal. 50.14, 23; Ose. 14.2\x* 
\v 16 Chaynöpis mana gongaypa alli cajcunata ruray. Jucniqui-jucniqui imallawanpis yanapänacuy. Chaycunami Tayta Diospaj alli ofrenda caycan. 
\p  
\v 17 Ermänucuna, Tayta Diospa palabranta willapäshoj mayur ermänucunata wiyacuy. Tayta Diosta cuentata gonanpaj cashanta musyarmi paycunaga gamcunapaj waran-waran yarpachacuycan sumaj ricashunayquipaj. Chayno caycaptenga cushishalla yachachishunayquipaj imachöpis yanapay. Chapata ruraptiquega willapäshushayquipis yangallapämi canga. 
\p  
\v 18 Nogacunapäpis Tayta Diosninchïta mañacuy. Nogacunapis pay munashannömi cawayta munä. Payga shongöcunatapis musyaraycanmi.  
\v 19 Chaynöpis Tayta Diosta mañacuy gamcunaman yapay cutimunäpaj. 
\s1 Ushanan 
\p  
\v 20-21 ¡Alli cawayta gomajninchi Tayta Dios imaypis yanapaycushunqui pay munashanno cawanayquicunapaj! Tayta Diosga Jesucristutami wañushanpita cawarachimusha. Jesucristoga yawarninta jicharmi cruscho wañuran mushoj conträtuta rurananpaj.\x * \xo 13:20-21 \xt Éxo. 24.8; Heb. 10.29\x* Chaymi cananga pay caycan alli michimajninchi.\x * \xo 13:20-21 \xt Isa. 40.11; Eze. 34; Luc. 15.4–5; Juan 10.1–16\x* ¡Chaypita Tayta Dios noganchïcho buluntäninta rurachun! ¡Chayno cashanpita Jesucristoga imaycamapis alabasha caycullächun! Amén. 
\p  
\v 22 Ermänucuna, sumaj chasquicuy shacyächishpä willapashäcunata.  
\v 23 Ermänunchi Timoteopis carsilpita llojshimushanami. Pay chayamuptenga ishcanëmi shamushaj. 
\p  
\v 24 Salüdöta goycuy llapan mayur ermänucunata, waquin ermänucunatapis. Cay Italiacho caycaj ermänucunapis salüdunta gamcunapaj apaycächimunmi. 
\p  
\v 25 Tayta Dios cuyapar yanapayculläshunqui alli cawanayquipaj. Amén.