\id EZK - Quechua Huallaga Huánuco Bible -Peru 2010 (DBL -2013) 
\h EZEQUIEL 
\toc1 Ezequiel 
\toc2 Ezequiel 
\toc3 Eze. 
\mt1 Ezequiel 
\ili Gamta disigrasya chayashuptiqui ¿imatataj rurayta yarpanqui? 
\ili ¿Llaquicunquichu? ¿Wañucurinquichu? U ¿manachu cäsupanqui? 
\im \bd ¿Pitaj caran?\bd* Ezequiel ninan caycan «Tayta Dios yanapan» ninanmi. Payga caran cürami. Wata 597 a.C. Babiloniapa raynin Nabucodonosorga achca mayur runacunata y mandajcunata Judá nasyunpita prësu apacuran. Chayno apacurmi Ezequieltapis apacuran. 
\im \bd ¿Maychötaj willacuran?\bd* Ezequiel goyaran Babiloniachömi. Babiloniaman jitaricar chay nasyuncho goyaycajcunata Tayta Dios ribilashanta willapashan öra payga quimsa chunca (30) watayojmi caycaran. 
\im \bd ¿Imaytaj willacuran?\bd* Runacuna yarpan wata 593–571 a.C. Ezequiel willacushanta. 
\im \bd ¿Imataj caycan cay librucho?\bd* Jerusalén siudäta y Templuta juchuchiptin Judá runacunapäga fiyupa llaquicuypämi caran. Chaymi waquenga Tayta Diosman yäracuyta cachaycuran. Waquenga llaquicuyman churacar ima ruraytapis mana camäpacuranchu. Waquinnami Tayta Diosta mañacuran chay ñacaycunata ushacächinanpaj. Ezequieltami ichanga Tayta Dios ricachiran llapantapis allchacächinanpaj cashanta. 
\ip Cay librucho caycan quimsa partimi. Capítulo 1–24 caycan Jerusalén juchuchisha (558 a.C.) cananpaj cashanta pichga watantin willacushanmi. Chaycho willacuycan Judá runacunata Tayta Dios castigananpaj cashantami. Mas jucaj partichöna rimaycan Judäpa bisïnun nasyun runacuna imanöpis ushacänanpaj cashanta (25–32). Babilonia ushacänanpaj cashanta ichanga mana ninchu. Mas jucaj partina caycan ushanancho willacushan (33–48). Babiloniacho Ezequielga willacuran chacraynaj caycaj runacunapämi. Paycunaga manami librinachu caran. Ni Tayta Dios yanapänantapis manami shuyarannachu. Chay ushanan particho rimaycan shamoj watacho alli cawayna cananpaj cashanpitami. Chayta wiyar paycuna shuyaraycaran yapay Templuta allchachinanpaj y yapayna Tayta Diosta adurananpaj. 
\c 1  
\s1 Dios jamaränan sillunta ricashan 
\p  
\v 1-3 Nogaga cä Buzipa wamran cüra Ezequielmi. Nogaga ray Joaquinta Babiloniaman apashan runacunawanmi Quebar mayu cantuncho caycarä. Chay öraga pichga watanami Babiloniacho caycaräcuna.\x * \xo 1:1-3 \xt 2Rey. 24.10–16; 2Crón. 36.9–10\x* 
\p Chay wichan noga quimsa chunca (30) watayoj quimsa quillan pichga junajninyoj caycashächömi ricarä syëlu quichacäcojta.\x * \xo 1:1-3 \xt Apoc. 19.11\x* Chaychömi \nd Tayta Diosta\nd* ricarä. 
\p Chaura \nd Tayta Diosga\nd* yataycamashpan ricachimaran  
\v 4 norte caj-läpita fiyu wayra wayraycämojta. Pucutay chaupinpitana illguy achicyashannöraj nina llojshiycämuran. Chay nina chaupinchöna fiyupa chillapyaypa chillapyaycämuran.  
\v 5 Chay chaupinchöna ricarä chuscoj runa-nirajcunata.\x * \xo 1:5 \xt Éxo. 25.18–22; 1Rey. 6.23–28; Apoc. 4.6\x* 
\v 6 Ichanga paycunapa cada-ünunpa caycaran chuscu cäran, chuscu älanpis.  
\v 7 Chaquincunaga caycaran derëchulla. Shilluncunana caycaran besërapa shillunno. Chaycunaga achicyaycachaycaran sumaj pichasha runsinöraj.  
\v 8 Paycunapaga älan rurincho caycaran runapa maquinno maquincuna. Chuscunpapis cärancuna y älancuna caycaran.  
\v 9 Cada-ünunpa älancunaga jucninpa jucaj älanwan tincunacuycaran. Aywashpanga manami guepapa cutejchu. Llapanpis ñaupallapami aywarcaycämuran.  
\v 10 Chay chuscu älayojcunapaga cärancuna caycaran caynömi: Ñaupaman ricaraj caj caycaran runapa cäranno. Derëchu caj-läman ricaraj cajna caycaran liyunpa cäranno. Ichoj caj-läman ricaraj cajna caycaran törupa cäranno. Guepa caj-läman ricaraj cajna caycaran ancapa cäranno.\x * \xo 1:10 \xt Eze. 10.14; Apoc. 4.7\x* 
\v 11 Chaynömi caran cärancunaga. Älancunataga janajpa quichasha carcaycaran. Chay älancunaga jucajpa älancunawanna töpanacuycaran. Yapay ishcay caj älancunaga cuerpunta chaparaycaran.  
\v 12 Chuscunpis paycunaga ñaupallapami aywarcaycämuran. Manami guepapaga cutejchu. Diospa munaynin maypapis apashallanpami aywarcaycaran.  
\v 13 Chay chuscu älayojcunaga caycaran nina shanshaycajnömi. Chaqui guerupa puntanman sindircur achquita apashanchïnömi,\x * \xo 1:13 \xt Apoc. 4.5\x* wac-läman cay-läman achicyaycachaycaran. Chay nina rataycäga caran fiyupa achicyaj. Chaypitami illguycuna llojshiycaran.  
\v 14 Chay älayojcunaga illguyno rätumi aywajpis cutimojpis. 
\p  
\v 15 Chay cawaj älayojcunata ricapaycashächo ricarä cada älayojpa chaquin lädun pampachöga juc ruyra caycajta.  
\v 16 Chaura chuscu ruyrancunaga caycaran chay-nirajlla. Achicyaycaran achicyaj «topacio» rumino. Chay ruyracunapa rurinpa mas juc ruyracunapis chacaraycaran.  
\v 17 Chaycunaga tumarej maypapis chuscun lädupami. Maygan lädumanpis aywananpäga manami ticrajrächu.  
\v 18 Ricarä chuscun ruyrancunapa charirajnincuna caycajta. Chay ruyran cantun tumarejna intërunpa caycaran achicyaypa achicyaycaj ñawicuna.\x * \xo 1:18 \xt Apoc. 4.8\x* 
\v 19 Chay älayojcuna aywaptenga ruyracunapis iwal witiycaran. Janajpa jogaricaptinpis ruyracunaga iwalmi jogaricaj.  
\v 20 Chay älayojcunaga maypapis aywaj Diospa munaynin apashanpami. Ruyrancunapis iwalmi aywaj. Chaynöga caycaran chay älayojcunacho caycaj Diospa munaynin ruyracunachöpis captinmi.  
\v 21 Älayojcuna aywaptin ruyracunapis iwalmi aywaj. Älayojcuna ichicuycuptin ruyrancunapis wiyacuycoj. Chay älayojcuna pampapita janajpa jogaricaptin ruyracunapis iwalmi jogaricaj. Chaynöga caycaran älayojcunacho caycaj Diospa munaynin ruyracunachöpis captinmi.\x * \xo 1:21 \xt Eze. 10.9–13\x* 
\p  
\v 22 Chay älayojcunapa uman jananpana mashtaraycaran jacuno, fiyupa achicyaj espëjunöraj.\x * \xo 1:22 \xt Apoc. 4.6\x* 
\v 23 Chay jacuno rurinpana älayojcunaga älanta derëchu quichasha caycaran. Älanpa puntancunana jucajwan jucaj töpanacusha caycaran. Ishcay caj älanna cuerpunta chaparaycaran.  
\v 24 Älayojcuna aywaptin älancuna imano wagashantapis sumaj wiyarä. Chayga wiyacaran: fiyupa chayasha mayu wagashanno,\x * \xo 1:24 \xt Apoc. 1.4–15; 19.6\x* llapanpaj munayniyojpa busninno, aypalla suldärucuna gaparpajno. Älayojcuna ichicuycuptenga älancunapis shuntacäcoj.  
\v 25 Chay älayojcunapa uman janajninpa jacuno mashtaraycaj jananpitana runa rimajtano wiyarä.  
\v 26 Chay jacuno jananchöna ricarä «zafiro» rumipitano rurasha sillun caycajta. Chay sillunchöna runa-niraj jamaraycajta ricarä.\x * \xo 1:26 \xt Eze. 10.1; Apoc. 4.2–3\x* 
\v 27 Chegllanno caycashanpita janaman ricarä achic-achicyaycachaycajta. Chay chegllanpita uramanna ricarä nina ratataycajtano.\x * \xo 1:27 \xt Eze. 8.2\x* Intëru lädunpana fiyupa achicyaypa achicyaycaran.  
\v 28 Chay achicyäga caycaran gori-chirapa tamyaptin pucutaycho turmanya shanshaypa shanshar achicyacurcushannöraj. Chaynötami \nd Tayta Diospa\nd* munayninta nogaga ricarä. Chayta ricaycur, nogaga gongurpacur umpurä urcöpis pampaman töpanancama. 
\c 2  
\s1 Ezequielta Tayta Dios gayashan 
\p  
\v 1 Chaypita wiyarä cayno nimajta: «Runa, sumaj ichicuy. Gamtami willapayta munä» nir.  
\v 2 Chayno niycämaptillanna Tayta Diospa Espiritun nogaman yaycamuran. Chayno yaycamurmi sumaj ichichimaran. Ichircurna wiyarä rimamoj parlapaycämajta.  
\v 3 Caynömi niycämaran: «Runa, gamtami Israelcunaman cachashayqui. Chay runacunaga mana wiyacoj carmi Nogapa conträ ricacusha. Unay caj awiluncunapis canan caycajcunapis nogapa conträmi ricacusha.  
\v 4 Gamtaga cachaycä mana tantiyaj, yarpayniynaj runacunamanmi. Paycunataga ‹Caynömi \nd Tayta Dios\nd* nin› ninqui.  
\v 5 Paycunaga pasaypa mana wiyacoj runacunami. Chaypis willapanqui wiyashunayqui captin mana wiyashunayqui captinpis. Chayno willapaptiquega musyanganami paycunacho profëta cashanta.  
\v 6 Runa, gamga ama manchacuychu paycunata. Ni imata nishuptiquipis ama manchacunquichu. Cashacunapa chaupincho caycajno carpis, alacrancunawan iwal tiyaycajno carpis ama manchacunquichu. Mana wiyacoj cayllawan fiyu ñawinpa ricapäshuptiquipis, imata nishuptiquipis ama manchacunquichu.  
\v 7 Gamga willapay noga nishäcunata. Wiyashpanga capaschari tantiyacunmanpis u manapis. Paycunaga carcaycan pasaypa mana wiyacoj runacunami.  
\v 8 Runa, gamga noga niycashäta sumaj wiyamay. Ama caychu paycunano mana wiyacöga. Cananga äyay. Cay amupaycashäta micucurcuy» nir. 
\p  
\v 9 Chauraga ricarä maqui nogaman macyaraycämojta. Chaychönami aptaraycaran isquirbisha caycaj rölluta.  
\v 10 Chay maquiga ricapaycaptë rölluta pachgariran. Ishcan-läpami isquirbisha caycaran.\x * \xo 2:10 \xt Zac. 5.1–4; Apoc. 5.1\x* Chay isquirbishaga caycaran: llaquicuypaj, nanächicur wagaypaj nishancunami. 
\c 3  
\p  
\v 1 Chaura nimaran: «Runa, cay isquirbisha caycaj rölluta micucurcuy. Nircur Israel nasyun runacunata willapaj ayway.» 
\p  
\v 2 Chayno nimaptin äyarcuptëga micuchimaran chay isquirbisha caycaj rölluta.  
\v 3 Nircur nimaran: «Runa, cay isquirbiraycajta entregashäta sacsanayquicama micuy.»\x * \xo 3:3 \xt Jer. 15.16; Apoc. 10.9–11\x* Chayno nimaptin nogaga micurä. Chaura shimëchöga abëjapa mishquinnöraj fiyupa mishquiran. 
\p  
\v 4 Chaymi nimaran: «Runa, noga imata ninäpaj caycashätapis Israel runacunaman aywaycur gam willanqui.  
\v 5 Gamtaga manami juc-nirajta rimaj runacunamanchu cachaycä. Chaypa ruquenga cachaycä marca-masiqui Israel runacunamanmi.  
\v 6 Gamtaga manami cachaycächu aypalla nasyun runacuna juc casta rimayta parlaptin sasataraj tantiyanata rimajman. Ichanga chayno nasyun runacunaman cachaptëpis chay runacunaga wiyacushunquimanmi.  
\v 7 Israel runacunami ichanga willapashayquita wiyashpanpis mana wiyacuyta munangapächu. Paycunaga manami noga willapashäta wiyacuyta munanchu. Llapan Israelcunami pasaypa chucru uma, rumi shongu.  
\v 8 Chaymi nogapis gamta ticrachishayqui paycuna chucru uma cashanno sinchi canayquipaj, paycuna rumi shongu cashanno sumaj sinchi canayquipaj.  
\v 9 Noga camacächishaj gagacunapitapis mas chucru caycaj asul rumino chucru canayquipämi. Paycunataga ama manchacuychu. May-jina mana wiyacur fiyupa rabyasha caycaptinpis ama manchacuychu.» 
\p  
\v 10 Mastapis cayno nimaran: «Runa, noga nishätaga sumaj wiyacushpayqui umayquiman churacuy.  
\v 11 Nircur ayway marca-masiquicuna prësu shamusha caycajman. Willapashayquita wiyacunan captinpis, mana wiyacunan captinpis ‹Caynömi \nd Tayta Dios\nd* nin› ninqui.» 
\p  
\v 12 Chaypita \nd Tayta Diospa\nd* Espiritun jogaricarcamaran. Jogariycämaptin wiyarä fiyupa gaparayparaj cayno nimojta: «¡Tiyashan pachachöga munayniyoj Tayta Dios sumaj alabasha cachun!»  
\v 13 Älayojcunapa älancunapis tacanacushpan juchu aywaycajnöraj wiyacaran. Ruyrancunapis chaynömi wiyacaycaran. Chaycunaga manchariypaj suynaran.  
\v 14 \nd Tayta Diospa\nd* Espiritun jogarimar chaypita apacamaran. Noganami aywacurä fiyupa llaquisha, rabyasha. Ichanga Tayta Diosmi sumaj charisha apaycämaran.  
\v 15 Nircur chayachimaran Tel Abib partiman, Quebar mayupa cantunman. Chaychömi tiyaycaran prësu shamoj Israelcuna. Chaypitaga ganchis junaj paycunawan goyarä. Imata niyta, ni imata ruraytapis manami musyarächu. 
\s1 Marcapa ricachacojninno cananpaj Ezequielta churashan 
\r (Eze. 33.1–9) 
\p  
\v 16 Ganchis junajpitaraj \nd Tayta Dios\nd* cayno nimaran:  
\v 17 «Runa, gamtaga churashcä Israelcunapa ricachacojnin canayquipämi.\x * \xo 3:17 \xt Isa. 21.6, 11; Jer. 6.17; Ose. 9.8\x* Imatapis gamta willapaptëga gamnami noga nishäta paycunata willapanquipaj. Chaynöpami paycunaga willapashana caycanga.  
\v 18 Capaschari juchayoj runata noga nëman ‹mana allita rurashayquipita wañunquimi› nir. Ichanga chay jucha rurajta mana tantiyachiptiqui, juchanta cachaycushpan allina cawananpaj mana willaptiqui, chay runa wañonga juchanpita. Ichanga chay runa wañushanpita noga gamtami tapushayquipaj.  
\v 19 Juchasapata willapaycaptiqui juchanta mana cachashpanga chay runa wañonga juchanpitami. Gamtami ichanga manana tapushayquipänachu.  
\v 20 Chaynöpis capas juc alli runa ñaupata cashanman cuticunman. Chayno cashanpita capas mana alliman chayananpaj camacächiptë wañunman. Gam mana willapashayquipitami chay runaga juchanpita wañonga. Nogaga manami yarpashänachu chay runa allita rurashanta. Ichanga chay runa wañushanpita gamtami tapushayquipaj.  
\v 21 Ichanga chay runata gam willapashpayqui juchata mana rurananpaj niptiqui chay runa wiyacur manana juchata rurashpanga cawangami. Chauraga gamtapis manami tapushayquipächu chay runapaj.» 
\s1 Ezequielpa shimin läbacäcushan 
\p  
\v 22 Chay jinallancho \nd Tayta Diosga\nd* maquinta janäman churarcur cayno nimaran: «Juclla guechwa pampaman ayway. Chaychömi willapäshayqui.»  
\v 23 Chaura jinan öra aywarä guechwa pampaman. Chaychömi yapay ricarä \nd Tayta Diospa\nd* munayninta. Quebar mayu cantuncho ricashäno ricarä. Chayta ricaycurmi gongurpacur umpurä urcöpis pampaman töpanancama.  
\v 24 Tayta Diospa Espiritunnami nogata ichircachimaran. Chaura Tayta Dios cayno nimaran: «Aywar, wasiquiman wichgacuycuy.  
\v 25 Runa, gamtaga wascacunawanmi liyar-ushashunquipaj. Chaynöpami mana llojshinquipänachu; ni Israel-masiquicunawanpis manana goturpanquipänachu.  
\v 26 Chayno, nogapis camacächishaj palagarniquiman galluyqui lagacäcunanpaj. Chaura manami rimanquipächu. Mana wiyacoj runacuna captinpis piñacunayquipaj manami rimayta pashtachinquipänachu.  
\v 27 Imatapis gamta niyta munashpä ichanga parlanayquipaj yapay camacächishaj. Chauraga yapay ninquipaj: ‹Caynömi \nd Tayta Dios\nd* nin› nir. Wiyacuyta munaj cäga wiyacongami. Wiyacuyta mana munaj cäga manami wiyacongachu. Chay runacunaga pasaypa mana wiyacojmi. 
\c 4  
\s1 Jerusalenman magaj yaycunanpaj cashan 
\p  
\v 1 «Runa, juc adöbita charircur ñaupayquiman churay. Nircur chay janancho Jerusalén siudätano dibujay.  
\v 2 Nircur curalapaycachiy suldärucuna yaycuycajtano. Curral wajtanpana yaycunanpaj allpata gotunqui. Siudäman yaycunanpaj escalëracunatapis churay. Pergacunata tunichinanpaj mäquinacunatapis churay.  
\v 3 Nircorga juc lätata ichichiy chaupiman gamtawan chay siudäta pergano raquishunayquipaj. Chaura gamga caycanquipaj siudäman pillyaj yaycuycaj contranmi. Chay señaltaga ruranqui Israelcunata musyachishpayquimi. 
\p  
\v 4 «Gamnami weguräcunqui ichoj caj lädullayquipa Israelcuna juchanpita imano ñacananpaj cashantapis musyachinayquipaj.  
\v 5 Chayno weguranqui quimsa pachac isgun chuncan (390) junajmi. Cada junaj wegurashayquega canga Israelcuna juc wata juchata rurashanpita-camami.  
\v 6 Chay junajcunata cumlircorga wegucunqui derëchu caj läduyquipana Judá runacuna juchanpita imano ñacananpaj cashantapis musyachinayquipaj. Chayno weguräcunqui chuscu chunca (40) junajcama. Cada junaj wegurashayqui canga Judäcuna juc wata juchata rurashanpita-camami.  
\v 7 Chaypitaga contrancuna curalaraycashan Jerusalén caj-lämanna ticranqui. Ricrayquita janacama paticunqui chay siudäta ima päsananpaj cashantapis rimanayquipaj.  
\v 8 Nogami liyarcushayquipaj maymanpis mana ticrapacunayquipaj ayca junajpis ñacanayquipaj caycaj junajcuna cumlinancama. 
\p  
\v 9 «Gamga quimsa pachac isgun chuncan (390) junaj ichoj caj lädullapa wegurashayqui junajcuna micunqui rïguta, sebädata, abënata, mijota, äbasta, alberjata tacurcachir rurasha tantata. Chaycunataga cashallanpita juc mancaman tacuchinqui.  
\v 10 Micuytaga rejsisha örallachömi micunqui. Cada junaj micunqui cuartu quïluta.  
\v 11 Yacutapis upunquipaj rejsisha örallami. Cada junaj upunqui medyu litruta.  
\v 12 Micuyniqui canga sebädapita rurasha tantanömi. Runapa jatun ishpaynin chucrusha shanshaycajwanmi cuwanqui. Chaytaga cuwanqui runacuna ricaycäshuptiquimi.» 
\p  
\v 13 Mastapis \nd Tayta Dios\nd* nimaran: «May nasyunmanpis jitarishächöga chayno mana micuna ganra micuycunallatami Israelcuna micongapaj.» 
\p  
\v 14 Chaura noga nirä: «\nd Tayta Dios\nd*, imaypis manami micushcächu ganra cajtaga. Manami micushcächu quiquillan wañusha uywapa aychanta, ni jirca animalcuna wañuchishantapis. Manami imaypis yawashcächu ganra aychataga.» 
\p  
\v 15 Chaymi Tayta Dios nimaran: «Chauraga runapa jatun ishpaywan tantayquita cuwanayquipa ruquin wäca carcawan cuwanqui.» 
\p  
\v 16 Mastapis nimaran: «Runa, nogami camacächishaj Jerusalencho micuy ushacänanpaj. Chauraga tupuyllapanami miconga. Runacunaga fiyupa llaquicushpanmi miconga. Yacupis tupushallanami canga. Chaura runacunaga upongapis mancha-manchallami.  
\v 17 Chay runacunapäga micuypis yacupis ushacangapämi. Jucnin-jucninpis fiyupa llaquicushpanmi ricapänaconga. Juchanpitami chayno ñacaycällar wañur ushacanga.» 
\c 5  
\p  
\v 1 Tayta Dios nimaran: «Runa, cananga shaprata afitacuna nabäjatano fïnu cuchilluta aptarcur shaprayquita, ajchayquita afitacuy. Nircur quimsa partiman raquircur balansawan pësanqui.  
\v 2 Atacayta ushaycorga juc partiman raquishayqui caj ajchayquita siudäpa chaupincho rupachinqui. Yapay juc partiman raquishayqui cajtana siudäpa wajtanpa acapa-acapa cuchuraycar tumachinqui. Yapay juc parti puchoj cajtana janajpa jitarir machirinqui. Chay siudächo tiyaj runacunataga nogami espädäta aptacurcur gaticachäshaj.  
\v 3 Chay ajchacunapita waquinta shuntarcur jacurashayquipa juc cantunman watacunqui.  
\v 4 Yapay chay shuntashayquipitapis waquinta ninaman rupachinqui. Chaypitami llapan Israel runacunaman nina chayangapaj.» 
\p  
\v 5 Caynömi \nd Tayta Dios\nd* nin: «Nogami camacächishcä Jerusalenga llapan marcacunapa, nasyuncunapa chaupincho cananpaj.  
\v 6 Ichanga Jerusalén runacuna mana munashachu nishäcunata, laynëcunata cumliyta. Chaynöpami paycunaga läduncho caycaj marca runacunapita, lädun nasyun runacunapita mas piyur fiyu ricacusha. Laynëcunata manami wiyacunnachu. Nishäcunatapis manami cumlinnachu. 
\p  
\v 7 «Chaypitami, Noga \nd Tayta Diosga\nd* në: Läduyquicho tiyaj nasyun runacunapita mas piyur mana wiyacojmi gamcunaga cashcanqui. Nishäcunata manami cumlishcanquichu. Ni tiyashayqui ñaupanpa caycaj nasyun runacunapa laynincunallatapis manami cumlishcanquichu.  
\v 8 Chaypitami noga \nd Tayta Diosga\nd* në: Nogapis ricacushaj gamcunapa contrayquimi. Llapan nasyuncuna ricacunanpämi castigashayqui.  
\v 9 Gamcuna fiyupa melanaypajcunata rurashayquicunapitami castigashayqui imaypis mana castigashäno. Chaynöga yapaypis manami castigashayquipänachu.  
\v 10 Chaymi taytancuna wamrancunata micucurcongapaj;\x * \xo 5:10 \xt Deut. 28.53–57; Jer. 19.9; Lam. 4.10\x* wamrancunapis taytancunata micucurcongapaj. Chaynömi gamcunataga castigashayqui. Waquinniqui cawaycar quëdaj cajtanami intëruman mashtarishayqui. 
\p  
\v 11 «Noga \nd Tayta Diosmi\nd* jurä: Rispitädu Templöta ganrachishpayqui fiyupa melanaypajcunata rurashayquimannömi nogapis mana cuyapaypa illgächishayqui. Manami perdunashayquichu.  
\v 12 Gamcuna quimsaman raquisha caycajpita juc partimi jinan siudächo wañonga fiyu gueshyawan, yargaywan. Yapay juc parti cajtanami contrancuna quiquin siudä ñaupancunacho wañuchenga. Yapay juc parti cajtanami machiypa-machir intëruman mashtarishaj. Paycunataga espädäta aptacurcurmi gaticachäshaj.  
\v 13 Chayno castigaycuptërämi fiyupa rabyasha caycashäta gasacächishaj. Chayrämi musyanga cachaycamashanpita fiyupa rabyawan noga \nd Tayta Dios\nd* chayno castiganäpaj nishätaga cumlishäta. 
\p  
\v 14 «Jerusalén, nogami camacächishaj ragällan canayquipaj. Chaynöpami läduyquipa caj nasyun runacuna ricashuptiqui canquipaj llaquipaypaj. Caminanticunapis llapanmi ricashunquipaj imano caycashayquitapis.  
\v 15 Gamcunapaj rabyasha cashpä imanöpis castigaptë, llapanmi ashllir wiyachipäshunquipaj. Sercayquipa tiyaj runacunapäpis ricacunanpämi canquipaj. Noga \nd Tayta Diosmi\nd* nishcä chayno cananpaj. 
\p  
\v 16 «Nogami camacächishaj wañuchicoj lëchacunanöraj gamcunacho fiyupa yargay cananpaj. Rasunpami camacächishaj gamcunaman yargay, wañuy chayamunanpaj, ima micuypis manana cananpaj.  
\v 17 Rasunpami camacächishaj gamcunachöga yargay, gueshya, wañuypis cananpaj. Micucoj animalcunapis wamrayquicunatami micucurcongapaj. Waquinniquinami guërracho wañunquipaj.\x * \xo 5:17 \xt Eze. 14.21; Apoc. 6.8\x* Noga \nd Tayta Diosmi\nd* chayno në.» 
\c 6  
\s1 Ïdulucunata adurajcunapaj rimashan 
\p  
\v 1 \nd Tayta Diosmi\nd* cayno nimaran:  
\v 2 «Runa, gamga Israel jircacuna caj läduman ricärir cayno willacuy:  
\v 3 ‹¡\nd Tayta Dios\nd* nishanta wiyay Israel jircacuna! Jircacunapaj, puytush lömacunapaj, guechwa pampacunapaj, mayucunapäpis \nd Tayta Diosga\nd* caynömi nisha: Gamcunapa janayquichömi fiyupa guërra canga. Ïdulucunata adurananpaj altunnin jircacunacho caycajcunatapis illgächishämi.  
\v 4 Illgächishaj insinsu rupachinancunata, uywacunata pishtarcur rupachinan altarcunatapis. Ïdulucunapa ñaupanchömi runacuna wañusha mashtarpanga.  
\v 5 Wañoj Israelcunatapis gotuycushaj ïduluncunapa ñaupanmanmi. Altarnincunapa ñaupanchömi tulluncunapis mashtaranga.  
\v 6 Gamcuna tiyashayqui siudäcunaga maychöpis illgashami canga. Nogata aduramänayquipa ruquin juccunata aduranayquipaj rurashayqui capillacunapis juchuchishami canga. Altarniquicunapis pasaypami illganga. Ïduluyquicunapis paquir-ushashami goturpanga. Insinsuta saumachinayquipaj rurashayqui altarniquicunapis juchuchishami canga. Gamcuna rurashayquega llapanmi illganga.\x * \xo 6:6 \xt Lev. 26.30–31\x* 
\v 7 Chaychica runami wañonga. Chayrämi tantiyacunquipaj noga rasunpa \nd Tayta Dios\nd* cashäta. 
\p  
\v 8 « ‹Chaypis nogami camacächishaj waquin Israelcunaga cawaycar quëdananpaj. Paycunaga juc-lä nasyuncunacho machicashami quëdanga.  
\v 9 Chay cawaycar quëdajcunaga prësu aywashan nasyuncunacho tiyashpan nogata yarpäramanga. Yarpärenga paycuna mana wiyacamaptin imano ñacashäta, nogata cachaycamar melanaypaj ïduluncunata aduraj aywacushantapis. Paycunaga melanaypajcunata quiquincuna rurashanta yarpärir pasaypami pengaconga.  
\v 10 Chayrämi tantiyacongapaj Noga \nd Tayta Dios\nd* cashäta. Tantiyacongapaj castiganäpaj nishäcunapis rasunpa cashanta.› » 
\p  
\v 11 \nd Tayta Dios\nd* nimaran: «Fiyupa rabyashpayqui macshucachay, jaytacachay. Melanaypaj mana allicunata Israelcuna rurashanpita almirashpayqui fiyupa gayaray. Juchanpitami paycunaga wañonga guërracho, yargaywan, gueshyawanpis.  
\v 12 Carucho caycajcunaga gueshyawanmi wañonga. Sercacho caycajcunaga guërrachömi wañonga. Cawaycar quëdajcunaga yargaypitami wañonga. Chayno ruraycuptërämi paycunapaj rabyasha caycashä päsanga.  
\v 13 Wañoj runacunaga ïdulucunapa ñaupancho, altarnincunapa ñaupancho mashtarpaycanga. Altu patacunacho, puytush lömacunacho, berdiraycaj yöracunapa chaquincunachöpis mashtarpanga. Encina yörapa chaquincunacho, ïduluncunapaj insinsucunata rupachishan altarcuna cashanchöpis jitarpaycanga. Chayta ricar-rämi tantiyaconga noga rasunpa \nd Tayta Dios\nd* cashäta.  
\v 14 Paycunataga castigashäpaj chunyaj chaqui jirca sur cajcho caycajpita norticho Ribla siudäcamami. Paycuna tiyaycashan nasyunta, tiyaycashan particunatapis ushajpämi usharishaj. Manchacuypaj chunyajmanmi ticrarachishaj. Chayrämi tantiyacongapaj noga \nd Tayta Dios\nd* cashäta.» 
\c 7  
\s1 Ushacay junaj chayamunanpäna cashan 
\p  
\v 1 \nd Tayta Dios\nd* nimaran:  
\v 2 «Runa, noga \nd Tayta Diosmi\nd* Israel nasyunta cayno në: ‹Ushacänayqui junaj chayaycämunnami. Intëru pacha ushacänanpäpis chayaycämunnami.  
\v 3 Ushacänayquipaj wallcanami pishin Israel. Llapan rabyäta pascacächinäpämi gamta castigashayqui. Imano rurashayquicunapitapis tapushayquimi. Melanaypaj mana allicunata rurashayquipitami castigashayqui.  
\v 4 Manami cuyapäshayquipächu. Rurashayquimannömi castigashayqui. Melanaypajcunata rurashayquipitaga llapanpitami rurashayquimanno castïguwan cutichishayqui. Chaynöpami gamcuna tantiyacunquipaj noga \nd Tayta Dios\nd* cashäta.› 
\p  
\v 5 «Noga, \nd Tayta Diosmi\nd* në: ‹Gamcunamanga gatinayllanpami disigrasya chayamoj aywan.  
\v 6 Wallcanami pishin ushacänayquipaj. Gamcuna ushacänayquipäga manami aycäpis pishinnachu.  
\v 7 Cay nasyuncho tiyajcuna, ushacänayquipaj caj junaj chayaycämunnami. Chay junäga janayquichönami. Llaquicuy junaj chayaycämunnami. Jircacunacho cushicur goyaypis manami canganachu.  
\v 8 Manapis aycällatanami rabyashpä gamcunata castigashayqui. Chaynöpami rabyä päsanga. Imano rurashayquicunapitapis tapushayquimi. Melanaypaj mana allicunata rurashayquipitami castigashayqui.  
\v 9 Manami cuyapäshayquipächu. Rurashayquimannömi castigashayqui. Melanaypajcunata rurashayquipitaga llapanpitami rurashayquimanno castïguwan cutichishayqui. Chaynöpami gamcuna tantiyacunquipaj noga \nd Tayta Dios\nd* castigaycashäta.› 
\p  
\v 10 «¡Ushacänayquipaj junaj janayquichönami! ¡Chay junaj chayamushanami! Mana allita rurayllanami, alli-tucuyllanami may-chaychöpis caycan.  
\v 11 Pï-maypis mana allillatana ruraycan. Ichanga paycuna manami jucnayllapis quëdangachu. Ni ima-aycanpis manami quëdangachu.  
\v 12 Örapis, junajpis chayamushanami. Ranticojpis ni rantejpis ama cushicuchunnachu. Fiyupa rabyashpämi castigashaj Israelcuna alli-tucushanpita.  
\v 13 Ranticojpis imanta ranticushantapis manami imaypis shuntanganachu. Llapan runacunata castiganäpaj willachishäga llapanmi cumlenga. Juchasapacunaga mayganpis manami cawangapänachu. 
\p  
\v 14 «Israelcuna alli-tucushanpitaga fiyupa rabyashpämi castigashaj. Chaymi guërraman aywananpaj trompëtata tucamuptinpis pipis manana aywanganachu.  
\v 15 Siudä rurichöga gueshyawan yargaywanmi runacuna wañonga. Wajtacho, chacracho caycajcunanami guërracho wañonga.  
\v 16 Waquenga mancharisha palumanöpis jircacunaman, puntacunaman gueshpir pacaconga. Gueshpejcunapis juchanpita llapanmi wañonga.  
\v 17 Llapanmi callpaynajna ricaconga. Manchariywanmi gongurnincunapis sicsicyanga.  
\v 18 Llapanmi llaquicushpan gachga röpacunata jaticonga. Ajchancunatapis galaypa rutuconga. Intëru cuerpunmi sicsicyanga. Pasaypa pengacuycarmi purengapis.  
\v 19 Guellaynincunatapis cällicunamanmi mashtarenga. Goritapis mana bälej ganratanömi jitarenga. Rabyar castigashä öraga manami salbangachu guellayninpis, ni gorinpis. Chaycunataga manami micongapächu; ni sacsangapäpischu. Paycunaga gorita guellayta charayta munayllawanmi jucha ruraymanpis chayasha.  
\v 20 Cuyayllapaj gori adurnucunata chararmi alli-tucuran. Chaynöpis chay adurnucunapitami melanaypaj ïduluncunata ruracarcäriran. Chaypitami chay adurnuncunata nogaga melanaypajman ticrarachishaj.  
\v 21 Chaymi noga camacächishaj juc-lä jäpa runacuna aywaycur suwapänanpaj, fiyu runacuna aywaycushpan guechunanpaj. Chay runacunaga chay adurnucunata pasaypami ganrachenga.  
\v 22 Chayno canga cay nasyunta noga cachaycuptëmi. Chaymi nogapaj sumaj cuyayllapaj caycaj rispitädu Templöta ganrachinanpäpis camacächishaj. Suwacuna shaycamushpanmi chayta ganrachenga. 
\p  
\v 23 «Nasyun intërucho wañuchinacuyllanami caycan. Siudächo tiyajcunaga intëruchömi mana allillatana rurarcaycan. Chaymi paycunapaj cadinata camariy.  
\v 24 Nogami camacächishaj fiyu runacuna chayaycamur siudächo tiyajcunapa wasincunata guechurgärinanpaj. Chaynöpami munayniyoj Israelcunapis manana alli-tuconganachu. Nogami camacächishaj rispitädu capillancunapis manacajman churasha cananpaj.  
\v 25 Paycunaga fiyupa mancharishami carcaycanga. Pï-maywanpis alli goyaytami munanga. Ichanga manami alli goyayta tarengapänachu.  
\v 26 Paycunapäga mana alli goyayllanami jananman jananmanpis chayangapaj. Mana alli willapallanami imaypis canga. Yanganami ashenga profëtatapis ‹Tayta Dios ¿ima nintaj?› nir tapucunanpaj. Tantiyachej cüracunapis manami canganachu. Alli willapänanpaj auquincunapis manami canganachu.  
\v 27 Raypis llaquicongami. Mandajcunapis llaquicuymanmi chayanga. Llapan runacunami manchariywan sicsicyanga. Rurashanmannömi paycunataga castigashaj. Imanömi paycuna jusgaran chaynömi paycunatapis jusgashaj. Chayrämi musyanga noga \nd Tayta Dios\nd* cashäta.» 
\c 8  
\s1 Melanaypajcunata Jerusalencho ruraycajta ricashan 
\p  
\v 1 Sojta wata sojta quilla pichga junajninna caran Babiloniaman apamashancunaga. Chay junaj nogaga jamaraycarä wasëcho mayur Judá runacunawan. Illajpita mayarä \nd Tayta Diospa\nd* munaynin nogaman chayamojta.  
\v 2 Chaymi ricärishächo ricarä runa-niraj ichiraycajta. Chegllanno caycashanpita uramanga caycaran nina ratataycajno. Janamanna ricarä llushwachasha fyërruno achic-achicyaycachaycajta.\x * \xo 8:2 \xt Eze. 1.27\x* 
\v 3 Chay runaga maquinwan ayparcamur ajchäpita charimaran. Chaura jinan öra Tayta Diospa espiritonga janajpa jogaricarcamaran. Nircur suyñuynëchöno ribilamashpan Jerusalenman chayachimaran. Chaycho cachaycamaran siudäman yaycuna ruri caj puncu ñaupanman. Chayga caycaran siudäpa norte caj-länincho. Chaychömi caycaran Tayta Dios melanäcushan ïdulupis.  
\v 4 Chay örallami ricarä Israelpa Tayta Diosninpa munayniyoj caynintapis. Guechwa pampacho ricapacushänömi caycaran.\x * \xo 8:4 \xt Eze. 1.28\x* 
\v 5 Chaycho Tayta Dios nimaran: «Runa, norte caj-läman ricäriy.» 
\p Chaura norte caj-läman ricaraycarä. Chaycho ricarä jawa caj puncu ñaupancho Tayta Dios fiyupa melanäcushan ïdulu caycajta.  
\v 6 Nircurna tapumaran: «Runa, ¿ricaycanquichu Israelcuna chayno melanaypaj mana allicunata ruraycashanta? Chayno captinmi nogapis rispitädu Templöpita witicuycä. Canan ricashayquipitapis mas piyur mana allicunatarämi ricanquipaj.» 
\p  
\v 7 Chaypita apamaran Templuman yaycuna sawan puncuman. Chaycho ricarä pergacho uchcu caycajta.  
\v 8 Chaura nimaran: «Runa, chay uchcuta jatunyächiy.» 
\p Uchcuta jatuncharga puncuta tarirä.  
\v 9 Chaymi nimaran: «Yaycuy. Chaychömi ricanquipaj fiyupa melanaypaj mana allicunata rurarcaycajta.»  
\v 10 Chaura yaycushpä ricarä intëru pergacho tucuy-niraj culebracuna, ganra animalcunapis dibujasha caycajta. Israelcunapa tucuy-niraj ïdulun-nirajcunatapis dibujashata ricarä.  
\v 11 Chay ïdulucunataga adurarcaycaran ganchis chunca (70) Israel auquincuna. Chay auquincunawan caycaran Safanpa wamran Jaazaniaspis. Cada-ünun charaycaran insinsu goshtachicunanta. Chay goshtachicunapita insinsupa goshtaynenga chacasharaj jatariycaran. 
\p  
\v 12 Chaycho nimaran: «Runa, ¿ricanquichu, cada Israel auquincuna ïduluncunata pacayllapa adurarcaycashanta? Paycunaga nircaycan: ‹\nd Tayta Diosga\nd* manami ricamanchïnachu. Payga caypita aywacushanami› nir.»  
\v 13 Mastapis nimaran: «Canan ruraycashanpita mas piyur mana allicunata rurajtapis ricanquipärämi.» 
\p  
\v 14 Nircur apamaran norte caj-läpita \nd Tayta Diospa\nd* Templunman yaycuna sawan puncuman. Chaychömi ricarä Tamuz diospaj warmicuna wagarcaycajta.  
\v 15 Chaymi Tayta Dios nimaran: «¿Chayta ricanquichu? Chaypitapis mas piyurtarämi ricanquipaj.» 
\p  
\v 16 Chaypita apamaran \nd Tayta Diospa\nd* Templun puncuman. Noga caycashäpita altar cajman ricärir chaupicho ricarä ishcay chunca pichganno (25) runacuna intita adurarcaycajta. Paycunaga Templuta guepapaycaran. Chayno cashpanmi inti yagamunan caj-läman umpur urcuntapis pampaman töpachir intita adurarcaycaran.\x * \xo 8:16 \xt Deut. 4.19\x* 
\p  
\v 17 Chaura Tayta Dios nimaran: «Runa, ¿ricanquichu? Fiyupa melanaypaj mana allicunata ruraycashpanpis Judá runacunaga mana yamacaypa mastarämi rurarcaycan. Cay nasyunchöga intëruchömi mana allita ruraycan, wañuchinacuycan. Yaparir-yaparirmi fiyupa rabyachiman. Melanaypajcunata rurashancunapa asyaynincunapis sengämanraj chayaycämun.  
\v 18 Chayno rurashanpitami nogapis fiyupa rabyashpä castigashaj. Paycunataga manami cuyapäshächu. May-jina gaparaypa mañacamaptinpis manami wiyashächu.» 
\c 9  
\s1 Jerusalenta castigananpaj caycajta ricashan 
\p  
\v 1 Chaypitanaga rinrillächo wiyarä sinchipa cayno nejta: «¡Siudäta castiganayquipaj caycajcuna yaycuyna. Cada-ünuyqui yaycuy illgächinayquipaj pillyacunayqui aptasha!» 
\p  
\v 2 Chay öra ricarä norte caj-lä puncupa sojtaj runacuna pillyacunan aptasha yaycaycämojta. Chay runacunapa chaupintana aywaycämuran juc runa lïnu röpasha. Chegllanchöna chararaycaran isquirbicunata. Yaycaramur ichicaycäriran runsipita altar caycajpa läduncho.  
\v 3 Chaura Israelcunapa Tayta Diosninpa achicyaynenga querubín anjilcunapa janancho caycashanpita witicuran Templuman yaycuna puncuman. Chayno witicurir \nd Tayta Diosga\nd* chegllancho isquirbicunata chararaycaj lïnu röpashata gayaycur  
\v 4 cayno niran: «Jerusalén siudäta tumamuy. Chay siudächo melanaypaj mana allicunata ruraycajta ricashpan llaquicur pësacuycajcunataga urcuncho señalay.»\x * \xo 9:4 \xt Apoc. 7.2–3; 9.4; 14.1\x* 
\p  
\v 5-6 Chaypitaga wiyarä pillyacunan aptasha runacunata cayno mandaycajta: «Gamcunapis siudäta tumamunayquipaj ayway paypa guepanta. Templöpita gallaycushpayqui mana cuyapaypa wañuchiy auquincunata, mösucunata, jipashcunata, wamracunata, warmicunatapis. Señalasha cajcunata ichanga ama wañuchinquichu.» Chaura paycunaga Templupa puncuncho caycaj auquincunapita-pacha wañuchiyta gallaycuran. 
\p  
\v 7 Nircur niran: «Templupa sawannin pampaman wañusha runacunata jitaycäriy. Chayno rurashpayqui Templuta ganrachiy-llapa.» 
\p Chayno niptin aywar siudächo caj runacunata wañuchiyta gallaycäriran.  
\v 8 Chaycamaga noga japallä caycarä. Chaymi umpurä urcöpis pampaman töpanancama. Nircur fiyupa llaquicur mañacushpä cayno nirä: «\nd Tayta Dios\nd*, ¿Jerusalencho tiyajcunata fiyupa rabyasha illgächishpayqui, ushajpächu illgächinqui wallcajllapis quëdasha caycaj Israelcunata?» 
\p  
\v 9 \nd Tayta Diosnami\nd* nimaran: «Israelcunawan Judäcunaga alläpanami juchata rurasha. Cay nasyunchöga mana allita rurajcunallami juntasha caycan. Cay siudächöpis manami allita rurannachu. Chay runacunaga caynömi nircaycan: ‹\nd Tayta Diosga\nd* manami ricamanchïnachu. Payga caypita aywacushanami› nir.  
\v 10 Paycunata nogaga mananami cuyapänachu. Chaypa ruquenga imano imata rurashallanpitapis llapanpitami tapushaj.» 
\p  
\v 11 Chaypita, chay lïnu röpasha chegllancho isquirbicunata chararaycäga cutiycamur niran: «Nimashayquitaga cumlishcänami» nir. 
\c 10  
\s1 Templupita Tayta Dios aywacushan 
\p  
\v 1 Chaypita, querubín anjilcunapa uman jananpa jacuno mashtaraycaj jananchöna ricarä sillunno yurircojta. Chayga caycaran «zafiro» rumipita rurashanömi.\x * \xo 10:1 \xt Eze. 1.26; Apoc. 4.2\x* 
\v 2 Chaychöga lïnu röpashata Tayta Dios niran: «Carrëtapa ruyrancuna caycashan cajman yaycuycur, querubín anjilcunapa chaquinpita juc aptay shansha rataycajta jorgamuy. Jorgarcamorga siudäman machiriy.»\x * \xo 10:2 \xt Apoc. 8.5\x* 
\p Chaura chay runaga ricapaycaptë yagacuycuran.  
\v 3 Chay öra chay querubín anjilcunaga caycaran Templupa sur caj-läduncho. Templu puncuchöna pucutay juntasha caycaran.  
\v 4 Chaura chay querubín anjilcunapa jananpita \nd Tayta Diospa\nd* achicyaynenga jogaricar aywar Templu puncuchöna wiyacuycuran. Pucutayna Templucho juntacurcuran. \nd Tayta Dios\nd* chaycho captin Templupa puncun sawan pampaga fiyupa achicyacurcuran.\x * \xo 10:4 \xt Éxo. 16.10; 24.16; Núm. 10.34\x* 
\v 5 Chay querubín anjilcuna älanta cuyuchiptenga suynashan wiyacaycaran Templupa jawa caj puncun sawancamaraj. Quiquin munayniyoj Tayta Dios parlaycajnöraj wiyacaran. 
\p  
\v 6 Chaycho chay lïnu röpasha caycaj runata Tayta Dios niran: «Querubín anjilcunapa chaupinpita, carrëtapa ruyrancuna caycajpita ninata jorgamuy» nir. Chaura chay runa aywar ichicuycuran ruyrapa läduncho.  
\v 7-8 Chay querubín anjilcunapa älan rurinchöga ricacaycaran runapa maquinno. Juc querubín anjilga ayparcur ninata jorgamuran. Nircur chay lïnu röpasha caycaj runata aptaparcuran. Paynami chasquircur aywacuran. 
\p  
\v 9 Chay querubín anjilcunapa lädunchöna ricarä chuscu ruyracunata. Cada-ünunpa läduncho caycaran juc ruyracama. Ruyracunaga achicyaycaran achicyaj topacio ruminöraj.  
\v 10 Chuscun ruyracuna caycaran chay-tamäñulla. Chay ruyracunapa rurinpa mas juc ruyracunapis lagaraycaran.  
\v 11 Chaycunaga aywaj maypapis chuscun lädupami. Maygan lädumanpis ricarashanpa aywananpäga manami ticrajrächu.  
\v 12 Cuerpuncunachöpis, wajtancunachöpis, maquincunachöpis, älancunachöpis intëruncho ñawincuna achicyaycaran.\x * \xo 10:12 \xt Eze. 1.18; Apoc. 4.8\x* Chuscun ruyracunachöpis ñawincuna achicyaycaran.  
\v 13 Chay ruyracunapa jutintapis «Tumarejcuna» niycajtami wiyarä.\x * \xo 10:13 \xt Eze. 1.15–21\x* 
\v 14 Chay querubín anjilcunapaga cada-ünunpa caran chuscu cärancuna. Rimir caj cäran caycaran querubín anjilpano. Chaypita caj cäran caycaran runapano. Chaypita caj cäran caycaran liyunpano. Ushanan caj cäran caycaran ancapano.\x * \xo 10:14 \xt Eze. 1.10; Apoc. 4.7\x* 
\p  
\v 15 Chay querubín anjilcunaga caran Quebar mayu cantuncho ricashäcunallami.\x * \xo 10:15 \xt Eze. 1.1–3\x* Chay älayojcunaga janajpana jataricarcäriran.  
\v 16 Chaycuna aywaptenga ruyrancunapis iwal aywaj. Janajpa jatarinanpaj älancunata quichaptin ruyracunapis manami cachacajchu.  
\v 17 Älayojcuna ichicaycäriptenga ruyrancunapis wiyacuycoj. Älayojcuna pampapita jatariptenga ruyrancunapis jogaricajmi. Chaynöga caycaran älayojcunacho ruyracunachöpis Tayta Diospa munaynin captinmi. 
\p  
\v 18 Chaura \nd Tayta Diospa\nd* achicyaynenga puncucho caycashanpita jogaricäcuran. Nircorga wiyacuycuran querubín anjilcuna caycashan jananmanna.  
\v 19 Chay querubín anjilcunana älancunata quicharcur pampapita jatariran. Nogaga ricarä imano jatariycajtapis. Ruyrancunapis charinacushalla jatariycaran. Chaycunata ricarä \nd Tayta Diospa\nd* Templun puncu inti yagamunan caj-lächo caycajman ichicuycojtapis. Israelcuna sirbishan Tayta Diospa achicyaynenga caycaran chay älayojcunapa jananchönami. 
\p  
\v 20 Chay querubín anjilcunaga Israelcuna sirbishan Tayta Diospa chaquincho ricashallämi caran. Quebar mayu lädunchömi chayno ricarä. Chayrämi tantiyacurirä pï cashantapis.  
\v 21 Paycunapaga cada-ünunpa caran chuscu cärancuna, chuscu älancunapis. Älancunapa rurincunachöna ricacaycaran runapa maquinno.  
\v 22 Cärancunaga caycaran Quebar mayu läduncho ricashä älayojcunapanölla. Chaycuna aywar ñaupallapa aywarcaycaran. 
\c 11  
\s1 Jucha ruraj mandajcunata castigananpaj cashan 
\p  
\v 1 Chaypita, \nd Tayta Diospa\nd* Espiritun jogarir apamaran Templupa puncun inti yagamunan caj läduman. Puncucho ricarä ishcay chunca pichgan (25) runacuna caycajta. Chaycho caycajta rejsirä Azurpa wamran Jaazaniasta, Benaiaspa wamran Pelatiasta. Paycunaga chaycho tiyaj runacunapa mandajninmi caran.  
\v 2 Tayta Dios nimaran: «Runa, chay runacunami mana allita rurayllata yarparcaycan. Siudächo tiyajcunatapis llutantami willaparcaycan.  
\v 3 Paycunami nin: ‹Wasicunata allchachishanchëga manami aycäpis canrächu. Caycho noganchïtaga manami imapis päsamäshunchu. Mancacho aycha sumaj churaraycajtanöpis manami imapis päsamäshunchu.›\x * \xo 11:3 \xt Eze. 24.1–14\x* 
\v 4 Runa, paycuna chayno cashanpita noga nishäta willanqui.» 
\p  
\v 5 Chaypitaga \nd Tayta Diospa\nd* Espiritunpa munaynincho ricacurä. Chaymi cayno rimachimaran: «\nd Tayta Dios\nd* caynömi nin: ‹Israelcuna, gamcunaga chaynömi parlarcaycanqui. Ichanga noga musyaycämi imata yarpaycashayquitapis.  
\v 6 Gamcunaga cay siudächo aypallajtami wañuchishcanqui. Wañushacunaga cällicunachöpis yäninmi mashtarpäcusha. 
\p  
\v 7 « ‹Chaypitami, noga \nd Tayta Diosga\nd* në: Jerusalenga mana bälejnömi canga. Ichanga chay mancacho wiñaraj aychanöga manami gamcunachu canquipaj. Chaypa ruquin mancacho sumaj churaraycaj aychanöga canga gamcuna wañuchishayquimi. Gamcunataga chay mancapita jitarishayquipämi.  
\v 8 ¿Guërracho caytaga manchacunquichu? Canan, gamcunachöga guërrami canga. Noga \nd Tayta Diosmi\nd* chayno cananpaj në.  
\v 9 Caypita jitarirmi gamcunataga juc-lä nasyun runacunapa maquinman cachaycushayqui. Chaynömi gamcunataga castigashayqui.  
\v 10 Sabliwan tucsiypami wañunquicunapaj. Gamcunataga noga castigashayquipaj Israelcho captiquipis. Chayrämi musyanquipaj noga rasunpa \nd Tayta Dios\nd* cashäta.  
\v 11 Siudäga gamcunapaj manami mancanöchu canga. Ni gamcunapis manami chay mancacho caycaj aychanöchu canquipaj. Gamcunataga noga castigashayquimi Israelcho captiquipis.  
\v 12 Chayrämi musyanquicunapaj noga rasunpa \nd Tayta Dios\nd* cashäta. Gamcunaga manami noga munashänöchu goyashcanqui. Ni laynëcuna nishantapis manami cumlishcanquichu. Chaypa ruquenga bisïnuyqui nasyuncunacho tiyaj runacuna rurashannöllami rurashcanqui› nir.» 
\p  
\v 13 Tayta Dios chayno nishanta willapaycaptillämi Benaiaspa wamran Pelatiasga wañusha tuniran pampaman. Chaura noganami urcöpis pampaman töpanancama umpurä. Sinchipa mañacur nirä: «¡Ay, \nd Tayta Dios\nd*! ¿Wallcallapis quëdasha caycaj Israelcunata ushajpächi illgächinqui?» 
\s1 Yapay conträtuta rurananpaj cashan 
\p  
\v 14 \nd Tayta Dios\nd* nogata nimaran:  
\v 15 «Runa, Jerusalencho tiyarcaycajcunaga famillyayquicunapaj, Israel-masiquicunapaj caynömi nin: ‹¡Paycunaga \nd Tayta Diospita\nd* caruchömi caycan! Cay nasyuncho caycaj chacracunaga noganchïpanami› nir. 
\p  
\v 16 «Chaymi Babiloniacho caycajcunata niy: ‹\nd Tayta Dios\nd* caynömi nin: «Gamcunataga nogami gargushcä. Mashtacächishcäpis juc-lä nasyuncunaman, mana rejsisha nasyuncunaman. Ichanga chay-quinrancho wallca watallami goyanquipaj. Gamcuna goyaycashayqui nasyuncunachöga quiquëmi caycäshaj aduramänayquipaj» nir.›  
\v 17 Mastapis cayno ninqui: ‹\nd Tayta Diosmi\nd* cayno nin: «Nogami shuntamushayquipaj maymanpis mashtacächishä nasyuncunapita. Intërupita cutiycachimurmi Israel nasyuncho caycaj chacracunataga goycushayquipaj» nir.› 
\p  
\v 18 «Paycunaga nasyunninman cutimongami. Cutiycamorga melanaypaj ïduluncunata jitarengami. Manami ruranganachu melanaypaj cajcunataga.  
\v 19 Nogami rucachishaj paycunapa rumi shongunta. Chaymi paycunamanga churashaj mushoj shonguta, mushoj espirituta.\x * \xo 11:19 \xt Sal. 51.10\x* 
\v 20 Chaura paycunaga goyangapaj laynëcuna nishanta cumlishpanna, nishäno rurashpanna. Paycunami canga acrashä runacuna. Noganami cashaj paycunapa Diosnin.\x * \xo 11:20 \xt Eze. 36.26–28\x* 
\v 21 Mana munashäta y melanaypaj ïdulucunata aduraycajcunatami ichanga imanölla rurashanpitapis jusgashaj. Noga \nd Tayta Diosmi\nd* chayno në.» 
\s1 Jerusalenpita Tayta Diospa achicyaynin aywacushan 
\p  
\v 22 Chay querubín anjilcuna jatarcur aywacuran llapan ruyrancunawan. Chaura Israelcuna sirbishan Tayta Diospa achicyaynin, chay älayojcunapa janancho caycajpis  
\v 23 jogaricar siudäpita carupa aywacuran. Aywacur chayaran siudäman inti yagamunan caj-lächo caycaj lömaman.\x * \xo 11:23 \xt Eze. 10.1–22; 43.2–5\x* 
\v 24 Chaypita Tayta Diospa Espiritun jogarimar Babiloniaman cashgan cutichimaran. Chaychömi caycaran waquin marca-masë prësu aywajcuna. Llapantapis suyñuynillächöno ricarä Tayta Diospa Espiritun ricachimaptinmi. Chaypitaga llapan ricaycashäcuna illgacäcuranna.  
\v 25 Noganami \nd Tayta Dios\nd* musyachimashanta willaparä prësu iwal aywashäcuna chaycho caycajcunata. 
\c 12  
\s1 Imanöpis prësu aywananpaj cashan 
\p  
\v 1 \nd Tayta Dios\nd* cayno nimaran:  
\v 2 «Runa, gamga tiyaycanqui mana wiyacoj runacuna tiyaycashanchömi. Chay runacunaga ricaycarpis mana ricajnömi, wiyaycarpis mana wiyajnömi carcaycan.\x * \xo 12:2 \xt Isa. 6.9–10; Jer. 5.21; Mar. 8.18\x* Chaynöga carcaycan mana wiyacoj runacuna cashpanmi. 
\p  
\v 3 «Chaymi runa, gamga artita ruray. Guepiquita camaricuy juc-läman prësu apashuptiqui aywacuycajno aywacunayquipaj. Junajpa, llapan ricaycäshuptiqui, wasiquipita llojshir juc-läman aywacuy. Chayno ricashushpayquega capaschari tantiyacunman mana wiyacoj runacuna cashpanpis.  
\v 4 Llapan ricaycäshuptiqui junajpa guepiquita wasiquipita jorgucuy prësu aywanayquipäno. Tardipapis, llapan ricaycäshuptiqui llojshicunqui prësu apashuptiqui aywacuycajno.  
\v 5 Nircur llapan ricaycäshuptiqui pergata uchcuy. Chay uchcupa guepiquiwan llojshinqui.  
\v 6 Pacha chacarcuptinnaga guepiquita aparicurcur aywacuy llapan runa ricaycäshuptiqui. Cärayquitaga chapacuy ñaupayquicho caycajcunata mana ricanayquipaj. Chay artita rurashpayquimi imano päsananpaj cashantapis Israelcunata musyachinqui.» 
\p  
\v 7 Chaura Tayta Dios nimashannölla nogaga artita rurashpä llapanta camaricurä. Junajpami llapan runa ricay, prësu apaptin aywacuycajno llojshirä. Tardipana maquëwan pergata uchcurä. Pacha chacarcuptinna llapan ricaycämaptin guepëta aparicurcur llojshicurä. 
\p  
\v 8 Warannin tutana \nd Tayta Diosga\nd* nogata nimaran:  
\v 9 «Runa, mana wiyacoj Israelcunaga capas tapushurayqui ‹¿imatataj ruraycanqui?› nir.  
\v 10 Chaymi gamga noga nishäta willanqui. Willanqui canan artita rurashayquino Jerusalencho caycaj mandajta, llapan Israelcunatapis päsananpaj cashanta.  
\v 11 Gamga willanqui paycuna tantiyacunanpaj ruraycashayquita. Gam rurashayquinölla paycunatapis päsananpaj cashanta willanqui. Paycunataga llapantami juc-läman prësu apangapaj. 
\p  
\v 12 «Paycunapa mandajnin chaycho caycäga guepinta aparicurcurmi aywacongapaj. Pacha chacarcuptinnami pergata uchcurcärir guepin aparisha llojshengapaj. Cäranta chapacurcur aywacongapaj ñaupancho caycajcunata mana ricananpaj.  
\v 13 Noganami lasyaypa charishaj. Nircurmi Babilonia nasyunman prësu apashaj. Ichanga chay nasyunta manami ricangapächu.\x * \xo 12:13 \xt 2Rey. 25.7; Jer. 52.4–11; Eze. 17.18–20\x* Chay nasyunllachönami wañongapis.  
\v 14 Payta washänanpaj caycaj suldärucunatana wacpa-caypa mashtarishaj. Chaynömi rurashaj waquin aypalla suldäruncunatapis. Nircurmi sablëta aptacurcur gaticachäshaj.  
\v 15 Juc-lä nasyuncunaman machiypa-machir prësu aywashpanrämi paycunaga musyanga noga rasunpa \nd Tayta Dios\nd* cashäta.  
\v 16 Chaypis camacächishämi juc ishcay runacuna guërracho mana wañunanpaj, gueshyawan yargaywan mana wañunanpaj. Chaynöpanami juc nasyuncunaman chayashpan willaconga ‹melanaypajcunatami rurarä› nir. Chayrämi musyanga noga \nd Tayta Diosnin\nd* cashätapis.» 
\s1 Castigananpaj cashanta yapay willacachishan 
\p  
\v 17 \nd Tayta Diosga\nd* nogata yapay nimaran:  
\v 18 «Runa, gamga micushayqui öra mancharishpayqui sicsicyay, yacuta upushayqui örapis llaquicuy.  
\v 19 Nircur, prësu shamoj runacunata cayno willapay: ‹Jerusalén runacunapaj, llapan Israelcunapäpis \nd Tayta Diosga\nd* caynömi nin: Gamcuna fiyupa mana allita rurashayquipitami juc junäga fiyupa llaquishalla micunquicunapaj, yacutapis fiyupa manchacashalla upunquicunapaj. Nasyunniquega quëdangapaj pasaypa illgächisha, chunyajmi.  
\v 20 Llapan siudäniquicunami illgächisha canga. Chaura intërumi chaqui jircano ricacongapaj. Chayrämi gamcuna musyanquipaj noga \nd Tayta Diosniqui\nd* cashäta› nir.» 
\p  
\v 21 \nd Tayta Diosga\nd* cayno nimaran:  
\v 22 «Runa, ¿imanirtaj chay Israelcunaga nircaycan ‹profëtacuna willacushanga quillapis watapis päsashanami. Ichanga willacushan manami cumlicanchu› nir?\x * \xo 12:22 \xt 2Ped. 3.4\x* 
\v 23 Cananga mana wiyacoj runacunata niy: ‹Caynömi \nd Tayta Dios\nd* nin: Nogami camacächishaj Israelcho chay rimayta yapayga manana parlananpaj. Nircur willanqui profëtäcunawan suyñuyninchöno ricachishäcuna cumlinanpaj wallcallana pishiycashanta.  
\v 24 Israelcunachöga manami yapay cangapänachu llullacuypa «Diosmi willamasha» nejcuna, ni engañar willacojcunapis.  
\v 25 Cananga quiquë \nd Tayta Diosmi\nd* rimaj-aywä. Chay nishäcunaga manapis aycällatami cumlicanga. Mana wiyacoj runacuna, chaycuna cumlejtaga quiquiquicunami ricanquipäpis. Nogami rimashaj. Nircur rimashätaga cumlishämi. Noga \nd Tayta Diosmi\nd* chayno në.› » 
\p  
\v 26 \nd Tayta Dios\nd* yapay nimaran:  
\v 27 «Runa, Israelcunaga parlarcaycan ‹Imapis cananpaj cashanta pay ricashanga unaytarämi cumlicangapaj› nir.  
\v 28 Chaymi cananga willay: ‹\nd Tayta Dios\nd* caynömi nin: Nishäcunaga manapis aycällatanami cumlicanga. Nishäcunaga nishänömi canga.› Noga \nd Tayta Diosmi\nd* chayno në.» 
\c 13  
\s1 Llulla profëtacunata castigananpaj cashan 
\p  
\v 1 \nd Tayta Dios\nd* yapay nimaran:  
\v 2 «Runa, noga nishäta rimay Israelcunacho caycaj profëtacunapaj.\x * \xo 13:2 \xt Jer. 23.9–32\x* Chay profëtacuna quiquincunapa yarpaynillanpita willacurcaycajta cayno ninqui: ‹Wiyay-llapa \nd Tayta Dios\nd* nishanta.  
\v 3 Tayta Diosga caynömi nin: Ay imanöraj canqui yarpayniynaj profëtacuna. Imatapis mana musyaycächiptëmi paycunaga quiquincuna yarpashallanta willacurcaycan. 
\p  
\v 4 « ‹Israelcuna, profëtayquicunaga caycan ragällan caycaj siudäcunacho caycaj atojcunanöllami.  
\v 5 Paycunaga manami imatapis rurashachu gamcunata chapäshunayquipaj. Pergatapis manami rurashachu castiganä junaj chayamuptin chapänanpaj.  
\v 6 «\nd Tayta Diosmi\nd* ricachimasha» nishancunapis manami rasun cajchu. Ima cananpaj cashanta nirpis llullacuycanmi. Paycunaga nircaycan «\nd Tayta Diosmi\nd* nimasha» nir. Paycunataga noga manami cachamushcächu. Chaypis ¿nishancunata cumlinätachu shuyarpaycan?  
\v 7 Noga imatapis mana niycaptëmi paycunaga «\nd Tayta Diosmi\nd* nimasha» nircaycan. Paycunaga mana ricashantami llullacuyllapa rimarcaycan. 
\p  
\v 8 « ‹Chaypitami llulla profëtacunata noga \nd Tayta Dios\nd* në: Gamcuna manami rasun cajtachu willacushcanqui. Suyñuychöno ricashayquitapis manami nogachu ricachishcä. Chaypitami nogaga gamcunapa contrayqui caycä. Noga \nd Tayta Diosmi\nd* chayno në.  
\v 9 Chay mana rasun cajta ricapacojcunata, llullacuyllapa willacojcunataga castigashämi. Chaymi paycunaga mana goturpangachu acrashä Israelcuna shuntacashancho; Israelcunapa jutin apuntarashanchöpis manami apuntarangachu; Israelcuna tiyanan pachamanpis manami cutimongachu. Chayrämi gamcuna musyanquipaj noga \nd Tayta Dios\nd* cashäta. 
\p  
\v 10 « ‹Paycunataga chayno päsanga acrashä runacunata «llapanpis allimi caycan» nir llullapashanpitami. Rasunpaga manami chaynöchu casha.\x * \xo 13:10 \xt Jer. 6.14; 8.11\x* Chay llulla profëtacunaga caycan tuninaycaj pergata jananpa iscuwan lajtashanöllami.  
\v 11 Chaymi chay lajtajcunata niy, perga tunicäcunanpaj cashanta. Fiyupa löcu tamyami tamyanga. Runtu tamyami ruminöcuna shicwamonga. Löcu wayra wayrämurmi sajtarenga.  
\v 12 Chayno perga tunicäcuptenga paycunata tapongapaj «¿Imanashataj cuyayllapaj lajtashayquega?» nir. 
\p  
\v 13 « ‹Chaymi noga \nd Tayta Dios\nd* në: Rabyashpämi camacächishaj fiyu wayra wayrämunanpaj; fiyupa löcuwan llogllapis aywananpaj; rumino runtu tamya shicwamunanpaj.  
\v 14 Pergata lajtashayquitapis ushajpämi tunirachishaj. Chauraga simintuncunapis alayrimi ricaraycanga. Perga juchuptin gamcunapis chaychömi wañunquipaj. Chayrämi musyanquicunapaj noga \nd Tayta Dios\nd* cashäta.  
\v 15 Chay pergata juchuchiptë, lajtajcunata castigaptëga fiyupa rabyasha caycashä päsangana. Chaura nishayquipaj: Pergaga manami imallanpis quëdashachu. Chay lajtajcunapis wañushami.  
\v 16 Cananga ¿maytaj Jerusalén runacunata llullacuyllapa willapaj Israel profëtacuna? ¿Maytaj «llapanpis allimi caycan» nir willapajcuna? Rasunpaga manami willacushannöchu casha. Noga \nd Tayta Diosmi\nd* chayno në.› 
\s1 Profetïsacunapaj Tayta Dios rimashan 
\p  
\v 17 «Runa, cananga nogapa jutëcho willacoj-tucoj warmicuna quiquinpa yarpaynillanpita willacojcunaman ayway. Nircorga paycunapa contran rimay.  
\v 18 Chay llulla profetïsacunata ninqui: ‹Caynömi \nd Tayta Dios\nd* nin: Ay imanöraj canqui runata engañar purejcuna. Gamcunami sintillucunata awarcaycanqui runacuna mäjicata rurar maquinman watacunanpaj. Jacucunatapis awarcaycanqui runacuna mäjicata rurar shucutacunanpaj. Chayno rurarcaycanqui acrashä runacunata engañashpayquimi. ¿Chayno acrashä runacunata engañayllapachu cawayta ashiycanqui?  
\v 19 Gamcunaga acrashä runacunata llullapar engañashpayquimi juc ishcay aptay sebädata, juc ishcay amuy tantata chasquinayqui-cashalla manacajman churaycämanqui. Chaymi cawananpaj caycaj runacunata engañar «wañunquipänami» niycanqui; wañunanpaj caycaj runacunatana «cawanquipämi» niycanqui. Chayno engañashayquitami paycunaga riguircaycan. 
\p  
\v 20 « ‹Chaypitami noga \nd Tayta Diosga\nd* cayno në: Mäjicata rurananpaj maquinman watacushan sintillu rurashayquipäga contranmi ricacö. Chaywanga runacunata shuntarcaycanqui äbicunata jaulawan charejnömi. Ichanga chay runacunata maquiquipita noga jorgushämi. Äbicunano libri puricunanpämi cachaycushaj.  
\v 21 Gamcunapa maquiquipita, mäjicata rurananpaj jacucunata shucupashayquipitapis acrashä runacunataga jorgushämi. Yapayga manami shuntanquipänachu. Chaynöpami gamcuna musyanquipaj noga \nd Tayta Dios\nd* cashäta.  
\v 22 Gamcunaga noga mana munashätami rurashcanqui. Chaymi llullacur engañashpayqui alli runacunata llaquicuyman churashcanqui. Fiyu runacunatanami ichanga shacyächishcanqui mana allicunata ruraycänanpaj, chaynöpana noga castiganäpaj caycajpita mana salbacunanpaj.  
\v 23 Chaypitami gamcunaga manana llullacuypa willacunquipänachu. Ni mäjicacunatapis manami ruranquipänachu. Acrashä runacunataga nogami maquiquipita jorgushaj. Chaynöpami gamcunaga musyanquipaj noga \nd Tayta Dios\nd* cashäta.› » 
\c 14  
\s1 Ïdulucunata adurajcunata castigananpaj nishan 
\p  
\v 1 Juc ishcay Israel auquincuna nogaman shamuran. Nircur paycunaga ñaupäman jamacuran.  
\v 2 Chaura \nd Tayta Dios\nd* nogata cayno nimaran:  
\v 3 «Runa, cay runacunaga llapan shongunpami ïdulucunallata sirbisha, adurasha. Juchayojyächicojcunallapämi yarparcaycanpis. Chayno caycaptenga ¿imanöpataj willashaj paycuna tapucamashanta?  
\v 4 Paycunawan parlar cayno niy: ‹\nd Tayta Diosga\nd* caynömi nin: Israelcunaga ïdulucunata adurarcushpanpis, juchayojyächinanpaj cajllaman yarparaycashpanpis profëtäta tapucoj aywarcaycämun. Chaypitami nogapis melanaypaj aypalla ïdulucunata charashanman-tupu paycunataga ayñita cutichishaj.  
\v 5 Chayno ruraptë Israelcunaga capaschari arpinticunmanpis ïdulucunata adurashanpita, nogata gongaycamashanpitapis› nir. 
\p  
\v 6 «Chaymi Israelcunata niy: ‹\nd Tayta Diosga\nd* caynömi nin: Arpinticuyna-llapa. Ïdulucunata adurayta cachaycäriyna. Melanaypajcunata ruraytapis cachaycäriyna.  
\v 7 Israelcho tiyaycaj Israel runapis u jäpa runapis nogata gongaycamar capas ïdulucunatana llapan shongunwan aduran, capas jucha rurayllaman fiyupa yarparan. Chayno rurarcur tapucamänanpaj profëtäman aywaj runataga quiquëmi ayñita cutichishaj.  
\v 8 Chay runawanga quiquëmi churacäshaj. Nircur waquin runacuna ricacunanpaj castigashaj. Acrashä runacunapitapis illgächishaj. Chayno rurashätaga llapan runami parlangapaj. Chaynöpami gamcunaga musyanquipaj noga \nd Tayta Dios\nd* cashäta. 
\p  
\v 9 « ‹Juc profëta, mana rasun cajta willacuptenga noga \nd Tayta Dios\nd* chayno camacächisha captëmi canga. Chauraga nogami chay profëtata castigar illgächishaj acrashä Israel runacunapita.  
\v 10 Tapucoj runatapis juchanpitaga castigashaj chay profëtata castigashänömi.  
\v 11 Chaynöpami Israel runacuna yapayga manana gongaycamangachu. Ni jucha ruraycunapäpis manana yarparanganachu. Paycunami canga acrashä runacuna. Noganami cashaj Diosnin. Noga \nd Tayta Diosmi\nd* chayno në.› » 
\s1 Jerusalenta castigananpaj cashan 
\p  
\v 12 \nd Tayta Dios\nd* nogata nimaran:  
\v 13 «Runa, juc nasyuncho tiyajcuna juchata ruraptin, noga nishäcunata mana cumliptin paycunata castigashämi. Nircur micuynincunatapis guechushämi. Nogami camacächishaj chay nasyuncho muchuy cananpaj, runacunapis, uywacunapis wañunanpaj.  
\v 14 Chay nasyuncho Noé, Daniel, Job tiyashpanpis paycuna quimsallanmi salbacunman alli runa cayninpa. Noga \nd Tayta Diosmi\nd* chayno në. 
\p  
\v 15 «Micucoj animalcunata juc nasyunman yurichiptë, chaycho tiyajcunata ushacurcuptin, chay nasyun chunyajna ricacuptenga animalcunata manchacuyllawan ni pipis manami chaypa purinmannachu.  
\v 16 Chay quimsaj runacuna chaycho tiyaycarpis manami salbanmanchu warmi ni ollgu wamrancunatapis. Quiquincunallami salbacunman. Chay nasyunnami ricacunman chunyaj pipis mana tiyanan. Noga \nd Tayta Diosmi\nd* chayno në. 
\p  
\v 17 «Capas chay nasyuncho guërrata gallaycachir noga camacächëman runatapis, uywatapis wañuchinanpaj.  
\v 18 Chay quimsaj runacuna chaycho tiyaycarpis manami salbanmanchu warmi ni ollgu wamrancunatapis. Quiquincunallami salbacunman alli runacuna cashanpita. Noga \nd Tayta Diosmi\nd* chayno në. 
\p  
\v 19 «Capas noga fiyupa rabyashpä chay nasyunman gueshyata chayachir camacächëman runapis, uywapis wañunanpaj.  
\v 20 Chaycho Noé, Daniel, Job tiyaycarpis manami salbanmanchu warmi ni ollgu wamrancunatapis. Quiquincunallami salbacunman alli runacuna cashanpita. Noga \nd Tayta Diosmi\nd* chayno në. 
\p  
\v 21 «Noga \nd Tayta Dios\nd* në: Mas piyur-rämi canga Jerusalenta chuscu casta castïguwan castigaptëga. Chay castïgucunaga caycan: guërra, yargay, gueshya, micucoj animalcuna.\x * \xo 14:21 \xt Apoc. 6.8\x* Chaycunaga runata, uywatapis wañuchengami.  
\v 22 Chaypis juc ishcayllaga cawaycar quëdangami. Paycunallami chaypita llojshenga warmi ollgu wamrancunawan. Gamcuna cajman paycunata chayachimuptë ricanquipaj imano goyashanta, imano juchacunata rurashantapis. Chaura gamcuna ninquipaj ‹Rasuntachari Jerusalentaga Tayta Dios castigasha› nir.  
\v 23 Paycuna imanöpis goyashanta y juchata rurashantapis ricarga cuentata gocunquipämi. Chayrämi gamcuna tantiyacunquipaj quiquincunapa juchanpita Jerusalenta castigashäta. Noga \nd Tayta Diosmi\nd* chayno në.» 
\c 15  
\s1 Israelta manacajlla übasman tincuchishan 
\p  
\v 1 \nd Tayta Dios\nd* nimaran: 
\b  
\q1  
\v 2 «Runa, ¿übas yörapa tullun imallapäga allichuraj? 
\q1 ¿Waquin guerucunapita mas allichuraj caycan? 
\q1  
\v 3 Tullonga manami imapäpis allichu. 
\q1 ¡Manami allichu waguicuna istägata ruranallapäpis! 
\q1  
\v 4 Yantallapämi alli. 
\q1 Garancunata nina rupar ushacurcuptin 
\q1 shongonga carbunyashanami caycan. 
\q1 Chaura imapäpis manami allinachu. 
\q1  
\v 5 Manaraj rupachisha caycällar 
\q1 imapäpis mana alli caycarga 
\q1 piyurnachari rupasha carnaga 
\q1 imapäpis mana bälejna canga. 
\p  
\v 6 «Chaypitami, noga \nd Tayta Dios\nd* cayno në: Imanömi übas yörapa tulluntapis ninaman rupachin, chaynömi Jerusalén runacunatapis ninaman gaycushaj.  
\v 7 Nogami paycunapa contran ricacushaj. Juc ninapita gueshpiptinpis juc ninanami rupacurconga. Paycunapa contran ricacuptërämi gamcunaga musyanquipaj noga \nd Tayta Dios\nd* cashäta.  
\v 8 Nogata mana sirbimashanpitami nasyunnintaga ticrarachishaj pasaypa chunyajman. Noga \nd Tayta Diosmi\nd* chayno në.» 
\c 16  
\s1 Mañösa warmiman Jerusalenta tincuchishan 
\p  
\v 1 \nd Tayta Dios\nd* nogata nimaran:  
\v 2 «Runa, Jerusalén runacunata willay fiyupa melanaypajcunata rurashanta.  
\v 3 Chaymi tincuchishpayqui ninqui: ‹\nd Tayta Diosga\nd* caynömi nin: Jerusalén, gamga canqui Canaancho yurejmi. Papäniquega casha Amorreo nasyunpita, mamayquina Het nasyunpita.  
\v 4 Yurishayqui junaj pupu watuyquita manami cuchuranchu. Manami mayllashurayquichu. Cachiwanpis manami cupashurayquichu. Manami ni pintushurayquipischu.  
\v 5 Gamtaga pipis manami cuyapäshurayquichu. Chaycunata rurananpäga manami pipis imatapis gocushachu. Yurishayqui junaj melanäcushushpayquimi pampacho jitaraycajta cachaycushurayqui. 
\p  
\v 6 « ‹Gampa ñaupayquipa noga päsarä. Yawarllachöraj jaytacachaycajta ricar «ama wañuychu.  
\v 7 Jircacho jacha wiñajno wiñay» nirä. Chaura nishänömi wiñar jatunyarayqui, niycällarna jipashyarayqui. Chuchuyquicuna wiñamusha, shaprayquipis wiñasha. Ichanga röpaynaj galalla caycarayqui. 
\p  
\v 8 « ‹Chaypitaga, ñaupayquipa yapay päsarä. Chaychöga jatuntana ricarä. Chay öraga allina caycarayqui majayoj canayquipaj. Chauraga gamwan camacashpanchi cäpäta mashtarcamur galalla caycaptiqui chaparcurä. Nircur alli goyänapaj parlaranchi. Chay örapita-pachami nogapana cashcanqui.\x * \xo 16:8 \xt Jer. 31.3–4; Ose. 2–3\x* Noga \nd Tayta Diosmi\nd* chayno në.  
\v 9 Gamta bäñarä. Yawarlla caycajta mayllarä. Perfümicunawan intëruyquita pichuparä.  
\v 10 Cuyayllapaj culur röpacunata jatiparä. Mas alli caj garapita llanguitapis jatiparä. Cuyayllapaj awasha röpata jatiparä. Lïnupita awasha wachcuwan wachcaparä.  
\v 11 Camaränayquipaj cuyayllapaj adurnucunata jatiparä. Ricrayquimanpis camaränanpaj achca brasalëtacunata jatiparä; wallgatapis wallgaparä.  
\v 12 Sengayquimanpis cuyayllapaj adurnuta waguiparä. Rinriquimanpis arëtita jatiparä. Umayquiman cuyayllapaj corönata jatiparä.  
\v 13 Chaura gamga guellaypitawan goripita adurnasha caycarayqui. Röpayquicunaga tucuy-niraj cuyayllapaj awasha lïnupita caran. Micojpis canqui alli caj tantata, abëjapa mishquinta, olivopa asëtinta. Cuyayllapaj ricacurmi raynana carayqui.  
\v 14 Cuyayllapaj captiquimi intëru nasyun runacunapis rejsishurayqui. Chay jatipashäwanmi cuyayllapaj camaraj caycarayqui. Noga \nd Tayta Diosmi\nd* chayno në. 
\p  
\v 15 « ‹Ichanga chayno cuyayllapaj cayniquiwan, pï-maypitapis rejsisha cayniquiwanmi mañösaman ticrashcanqui. Chaymi chaypa päsaj cajwanga pï-maywanpis cacushcanqui.  
\v 16 Röpayquicunawanmi tolducunata rurashcanqui puytush lömacunacho ïdulucunata aduranayquipaj. Nircorga chay tolducunachönami pï-maywanpis cacushcanqui. Rurashayquinöga manami imaypis cashachu ni mananami cangapänapischu.  
\v 17 Guellaypita, goripita cuyayllapaj aläjacunata goycushäpitami rurashcanqui ollgu runatano. Nircorga chaycunawan juchata rurashcanqui.  
\v 18 Cuyayllapaj achca culur röpayquicunataga jatipashcanqui chay rurashayqui ïdulucunatami. Nircorga saumachishcanqui nogapaj caj asëtïwan insinsöwan.  
\v 19 Noga gamta goycushä allinnin jarinapita rurasha tantatami, asëtitami, abëjapa mishquintami chay rurashayqui ïdulupaj rupachishcanqui alli jömuynin chayananpaj. Noga \nd Tayta Diosmi\nd* chayno në. 
\p  
\v 20 « ‹Warmi ollgu wamrayquicunatami wañuchishcanqui. Wamräcuna caycaptinmi ïdulucunata garashcanqui. Mañösa cashayquega ¿pishishärächu nogata masta rabyachimänayquipaj?  
\v 21 Chaychari wamräcunata sacrifisyuta rurarcur chay ïdulucunapäpis rupachishcanqui.  
\v 22 Melanaypaj pï-maywanpis cacuycällarmi mana yarpanquinachu wamra car imano cashayquitapis. Chay öraga caycarayqui galallami. Yawarllami jaytacachaycarayqui. 
\p  
\v 23 « ‹Noga \nd Tayta Diosmi\nd* në: ¡Ay imanöraj canqui Jerusalén! Chayno fiyupa mana allicunata rurasha caycashpayquipis  
\v 24 läsacunachörämi altarcunata rurashcanqui ïdulucunata aduranayquipaj, pï-maywanpis cacunayquipaj.  
\v 25 Cälli isquïnacunachömi capillacunata rurashcanqui pï-maywanpis cacunayquipaj. Pï-may päsajtapis «cacushun» nishcanqui. Chaynöpami pï-maywanpis cacurayqui.  
\v 26 Bisïnuyqui Egipto runacunawan amistäta rurar llapanwanmi cacushcanqui. Paycunaga sumaj jatusaj cuerpusapa runacunami. Chayno pï-maywanpis cacushpayquimi fiyupa rabyachimashcanqui.  
\v 27 Chayno cashayquipitami castiganäpaj maquëta jogarishcä. Chaymi nasyunniquitapis tacshayächishcä. Gamcunataga contrayqui Filistea runacunapa maquinmanmi cachaycurä. Pasaypa melanaypajcunata rurashayquipitami paycunaga pengacurcaycan.  
\v 28 Chayno pengaypaj ruraycarpis manami yamashcanquichu. Chaypa ruquenga Asiria runacunawanpis amistäta rurar cacushcanqui. Chaypis manami yamacarayquichu.  
\v 29 Nigusyanti Babiloniacunawanna sïguir cacushcanqui. Chaypis manami yamashcanquichu. 
\p  
\v 30 « ‹¿Pasaypa pirdicashachari caycarayqui au pï-maywanpis cacoj warmino pengaypaj ruranayquipäga?  
\v 31 Cälli isquïnacunachömi, läsacunachömi pï-maywanpis cacushcanqui. Ichanga gam manami pï-maywanpis guellaypaj cacoj warminöchu cashcanqui: Gamga manami pitapis «pägamay» nishcanquichu.  
\v 32 Runanta jucwan jananpaj warmi juccunata chasquejnömi cashcanqui.  
\v 33 Guellaypaj piwanpis cacoj warmitaga chay warmiwan cacoj runa päganmi. Gammi ichanga pägashunayquipa ruquin pï-maytapis cacushayqui cajtaga quiquiqui pägashcanqui. Gamwan juchata ruraj maypita shamunanpäpis pägajmi-canqui.  
\v 34 Pï-maywanpis cacushpayqui manami rurashcanquichu guellaypaj cacoj warmicuna rurashannöga. Manami pipis ashishurayquichu gamwan juchata rurananpaj. Paycunaga manami gamta pägashurayquipischu. Chaypa ruquenga gammi paycunata pägashcanqui. Chayno rurashpayquimi waquin guellaypaj cacoj warmicunapita mas jucno rurashcanqui. 
\s1 Jerusalén castigasha cananpaj cashan 
\p  
\v 35 « ‹Chaymi pï-maywanpis cacoj Jerusalén, wiyamay:  
\v 36 Noga \nd Tayta Diosmi\nd* gamta në: Gamga amistäta rurar parlapänacurmi mana pengacuypa gala-pachacushcanqui jucwan-jucwan cacunayquipaj. Melanaypaj ïduluyquicunatapis mana cachaypa adurashcanqui. Chaycunapaj rupachinayquipämi wamrayquicunapa yawarnintapis mashtashcanqui.  
\v 37 Chaypitami, nogaga shuntamushaj llapanta pï-maywanpis cacushayqui cajtaga, amatar cuyashayqui cajtapis, llapan chiquishayquicunatapis. Paycunata shuntashaj gampa ñaupayquiman. Paycunapa ñaupanchönami röpayquita lojtipäshayqui galallata llapan ricashunayquipaj. Chaynöpami pasaypa pengayman churashayqui.\x * \xo 16:37 \xt Apoc. 17.16\x* 
\v 38 Chaycho jusgarmi castigashayquipaj majayoj caycar majayojcunawan cacojtano, wañuchicojtano. Nircorga fiyupa rabyasha cashpämi wañunayquipaj nishaj.  
\v 39 Chay shamoj nasyun runacunapa maquinmanmi cachaycushayquipaj. Paycunami illgächenga pï-maywanpis cacunayquipaj rurashayquita, ïdulucunata aduranayquipaj rurashayquitapis. Paycunami guechushunquipaj röpayquicunata, camaränayquipaj jatirashayqui adurnuyquicunatapis. Nircorga pasaypa galallatami cachaycushunquipaj.  
\v 40 Paycunaga llapan runacunatami nenga sajmaypa wañuchishunayquipaj, sablincunawan cuchur-ushaypa wañuchishunayquipaj.  
\v 41 Wasiquicunata rupaycärachenga. Aypalla warmicunapa ñaupanchömi nenga imano canayquipäpis. Chaynöpami camacächishaj pï-maywanpis manana canayquipaj. Chauraga piwanpis mananami yapay canquipänachu. Manami cacunayquipaj pitapis päganquipänachu.  
\v 42 Chayrämi gampaj rabyasha caycashä päsarconga. Chauraga manami rabyashanachu cashaj. Allinami cashaj.  
\v 43 Gamga gongaycushcanquimi jipash car imano cashayquitapis. Chaymi fiyupa rabyachimashcanqui mana munashäcunata rurar, mana cachaypa melanaypajcunata rurashpayqui. Chaypitami, quiquiqui imanöpis rurashayquicunapita castigashayquipaj. Noga \nd Tayta Diosmi\nd* chayno në. 
\s1 Mamanman llojshisha 
\p  
\v 44 « ‹Llapan runacunami gampäga rimayta parlanga: «¡Mamallanrämi wawanga!» nir.  
\v 45 Gampa mamayquega casha Het nasyunpita, papäniquina Amorreo nasyunpita. Gampis runanta, wamrancunata chiquej warmipa wawanmi caycanqui. Chaynömi ñañayquicunapis runanta y wamrancunata chiquej.  
\v 46 Norte caj-lächömi caycasha mayur ñañayqui Samaria siudä llapan caseryuncunawan. Sur caj-lächönami caycasha shullca ñañayqui Sodoma siudä llapan caseryuncunawan.  
\v 47 Paycunata ricacurmi paycunano rurashcanqui. Paycunanömi melanaypajcunata rurashcanqui. Chayno ruraycarpis mana yamarmi paycuna rurashanpita mas piyur-raj mana allita rurashcanqui.  
\v 48 Chaypitami noga \nd Tayta Diosga\nd* në: ñañayqui Sodoma ni caseryuncunapis manami rurashachu caseryuyquicunawan gam rurashayquinöga.  
\v 49 Ñañayqui Sodomapa juchanga caynömi casha: Quiquinpis caseryuncunapis fiyupa alli-tucuran. Aypalla micuynin captinmi imapitapis mana yarpachacuypa goyaran. Ichanga manami imaypis yanapashachu pobrita ni pishïpacojcunatapis.  
\v 50 Paycunaga fiyupami alli-tucuran. Chayno cashpanmi ruraran noga pasaypa melanäcushäta. Chaymi imano cashantapis ricaycur illgarachirä.  
\v 51 Ichanga Samaria manami juchata rurashachu ni pullallantapis gamcuna juchata rurashayquinöga. Gamcunaga mana cachaypami melanaypaj juchata rurashcanqui. Chaymi juchayquicunaman tincurachisha paycunaga anjilitunölla caycan.  
\v 52 Paycuna juchata rurashanpita mas melanaypajcunata rurasha cashpayquimi paycunataga limyutanöna caycächinqui. Chaypitami gamga pengayman churasha canquipaj. Chaymi manacajman churasha cashpayquipis upällalla cacunquipaj. 
\p  
\v 53 « ‹Chaypitanaga nogami camacächishaj Sodoma, Samaria, caseryuncunapis ñaupata cashanno allina goyänanpaj. Gampis yapay allina goyänayquipämi camacächishaj.  
\v 54 Chaynöpami mana allita rurashayquipita pengacunquipaj. Chayno pengaycho cashayquita ricashpanmi paycunaga cushicongapaj.  
\v 55 Samaria, Sodoma, caseryuncunapis unay cashanno allinami goyanga. Gampis caseryuyquicunapis alli goyaychönami cangapaj.  
\v 56 Alli-tucushayqui wichanga ñañayqui Samariata castigaptë asipajmi canqui.  
\v 57 Chay wichanga mana allicunata rurashayqui manarämi mayacaranrächu. Cananmi ichanga Edom, Filistea siudäcuna, llapan bisïnuyquicunawan ashllir-ushashunqui. ¡Llapanmi manacajman churashunqui!  
\v 58 Cananga melanaypajcunata, mana allicunata rurashayquipita castigasha carpis chasquicunallayquimi. Noga \nd Tayta Diosmi\nd* chayno në. 
\p  
\v 59 « ‹Noga \nd Tayta Diosga\nd* mastapis në: Gamga parlashanchïta manami cumlishcanquichu. Nogami ichanga chayno mana rurashächu.  
\v 60 Nogaga yarparäshaj jipash cashayqui wichan conträtuta rurar parlacushanchïtami. Nircur gamwanga imaycamapis allina cananchïpämi conträtuta rurashun.  
\v 61 Mayur ñañayquita, shullca ñañayquita wamrayquicunano cananpaj gampa maquiquiman churamuptë yarpärinquipaj unay imano cashayquitapis. Chayrämi fiyupa pengacunquipaj. Ñañayquicuna maquiquicho cananpäga conträtuta rurar parlacushanchïchöpis manami ninchu.  
\v 62 Gamwanga yapaymi conträtuta rurashunpaj. Chaura gamcuna musyanquipaj noga \nd Tayta Dios\nd* cashäta.  
\v 63 Llapanpita perdunaptë gamga yarpärinquipämi fiyupa mana allicunata rurashayquita. Chayrämi fiyupa pengacunquipaj. Chaypitanaga manami alli-tucunquipänachu. Noga \nd Tayta Diosmi\nd* chayno në.› » 
\c 17  
\s1 Übasmanwan ancaman tincuchishan 
\p  
\v 1 \nd Tayta Dios\nd* cayno nimaran:  
\v 2 «Runa, gamga Israel runacunata tincuchiypa cayno willapay:  
\v 3 ‹\nd Tayta Diosga\nd* caynömi nin: 
\q1 « ‹Fiyupa jatuncaray ancami Libanuman chayasha. 
\q1 Älancunata quicharcuptin caruyajmi aypasha. 
\q1 Tucuy-niraj culur lümayojmi caycaran. 
\q1 Sedru guerupa ñawin aywajtami charisha. 
\q1  
\v 4 Nircur chay ñawin aywajtaga paquirir apacusha. 
\q1 Nigusyanticunapa nasyunninman chayaycachirnami 
\q1 aypalla nigusyanticuna tiyashan siudäman lantaycusha. 
\q1  
\v 5 Nircorga nasyunniquipita muruta acrarcurnami murusha. 
\q1 Aypalla yacu chayanan 
\q1 mayu cantuncho camarisha caycaj chacramanmi murusha. 
\q1  
\v 6 Chay muru wiñamushpan 
\q1 ticracuriran rämasapa lantaman. 
\q1 Mana ata carpis 
\q1 rämancunaga wiñar macyaraycaran anca caycashan cajman. 
\q1 Sapincunapis mas ruriman sapichaycaran. 
\q1 Chay lantaga chillguir fiyupami rämasapayaran. 
\b  
\q1  
\v 7 « ‹Chayno juc jatuncaray ancapis caycaran. 
\q1 Chaypis casha jatuncaray älayoj y lümasapa. 
\q1 Chaymi chay lantapa sapenga 
\q1 chay anca caycashan cajmanna yaycuycaran. 
\q1 Rämancunapis chay anca cajmanna macyaycaran 
\q1 mas achca yacuta ashishpan. 
\q1  
\v 8 Chay lantaga aypalla yacu chayanancho y 
\q1 alli allpachömi lantaraycaran. 
\q1 Chaychöga alli caycaran fiyupa rämasapayänanpaj, wayunanpaj, 
\q1 cuyayllapaj lanta cananpaj.› 
\p  
\v 9 «Nogapa jutëcho ninqui: ‹Caynömi \nd Tayta Dios\nd* nin: 
\q1 « ‹¿Chay lantaga allichuraj wayonga? 
\q1 ¡Manami! Rimir caj ancami sapintapis rachirenga. 
\q1 Chaura wayuyninpis marpucäconga. 
\q1 Mana callpacuypa, wallca runallawanmi sapinpita achurenga. 
\q1 Chaura chillguiycaj rämancunapis ushajpämi chaquicäconga. 
\q1  
\v 10 ¿Juc-läman witircachir lantaptin cawangachuraj? 
\q1 ¡Manami! Inti yagamunan caj-läpita wayrämushanmi chaquirachenga. 
\q1 Chillguinanpaj alli caycashanchömi ushajpaj chaquicäconga.› » 
\p  
\v 11 Mastapis \nd Tayta Dios\nd* nimaran:  
\v 12 «Tincuchiypa willapashayqui imapaj cashantapis tantiyashanta mana tantiyashantapis mä tapuy chay mana wiyacoj runacunata. Chay runacunata ninqui: ‹Babiloniapa raynenga Jerusalenman chayaycur Judäpa rayninta, yanapajnincunatapis prësu charisha. Nircur Babiloniaman apacusha.  
\v 13 Nircorga Judäpa rayninpa famillyanpita jucta acraran. Paywan parlacurnami jurachiran Babiloniapa raynin mandashannölla cumlinanpaj. Israelcho caj mas rispitädu, mas yachaj runacunatapis llapanta apacuran.  
\v 14 Chaynöpami Judá nasyonga Babiloniapa munayninchöna ricacuran. Contran jatariyta munarpis manana camäpacurannachu. Chaura rayga parlacushannölla cumlinanpaj caycaran.  
\v 15 Chayno parlacushanpis Judäpa raynenga Babiloniapa rayninpa\x * \xo 17:15 \xt 2Rey. 24.15–20; 2Crón. 36.10–13\x* contran ricacuran. Chaymi Egiptuman cachata cacharan, cawallucunata, suldärucunata mañacamunanpaj. ¿Gamcuna riguinquichu llullaparcur paycuna cawaycajlla gueshpinanpaj cashanta? ¿Conträtuta rurar parlacushanta mana cumlëga cawanmanchuraj?  
\v 16 ¡Manami! Babiloniapa rayninwan parlacushanta manacajman churar mana cumlëga Babiloniachömi wañonga. Judächo ray cananpaj churaj rayta mana wiyacushanpitami chayno wañonga. Noga \nd Tayta Diosmi\nd* chayno në.  
\v 17 Babiloniapa raynin pillyaj yaycuptin, siudäman yaycur aypalla runacunata wañuchiptin, Egiptupa faraonnenga washänanpaj manami cachangachu suldäruncunatapis, ni aypalla runatapis.  
\v 18 Judäpa raynenga parlacushanta cumlinanpaj aunircurpis mana cumlirmi manacajman churasha. Chayno rurashanpitami payga wañonga. 
\p  
\v 19 « ‹Noga \nd Tayta Diosmi\nd* jurashpä në: Judäpa raynenga manacajmanmi churasha jurar nogata aunimashanta. Paycunawan conträtuta rurar parlacushätapis manami cumlishachu. Chaypitami paycunataga castigashaj.  
\v 20 Wascawan lasyaypami charishaj Babiloniaman apachinäpaj. Chaychönami imanir nogata mana wiyacamashantapis tapushaj.\x * \xo 17:20 \xt Jer. 37.1–2; 52.4–11; Eze. 12.13\x* 
\v 21 Mas jinyu caj suldäruncunaga guërrachömi wañonga. Cawaycar quëdajcunanami machiypa-machir gueshpir aywaconga. Chayrämi gamcuna musyanquipaj noga \nd Tayta Dios\nd* nishäga rasunpa cumlishanta. 
\p  
\v 22 « ‹Noga \nd Tayta Diosmi\nd* në: Nogapis sedru guerupa ñawin wiñaycajta paquirishämi. Mas allinnin caj rämapa ñawintami paquirishaj. Nircur quiquëmi lantashaj mas altunnin puntaman.  
\v 23 Israelcho caycaj puntamanga mas altunninmanmi lantashaj. Chaycho alli wiñaptin rämanpis jatunyar mashtacanga, sumaj wayonga. Alli sedru gueruna canga. Chay yörapa chaquinchöga tucuy-casta animalcunami tiyanga. Rämancunachöpis gueshtata ruranga tucuy-casta äbicunami.  
\v 24 Chauraga jircacho caj yöracuna llapanmi musyanga noga \nd Tayta Dios\nd* cashäta. Nogaga alli-tucoj caj yöratami sajtarë. Nircorga tacshannin manacaj cajtanami jatunyächë. Nogami chaquirachë berdiraycaj yöratapis. Chaquisha caycaj yöratana yapay chillguichë. Noga Tayta Diosmi chayno në. Nishätaga llapantami cumlëpis.› » 
\c 18  
\s1 Rurashanpitaga cada-ünunmi jusgacanga 
\p  
\v 1 \nd Tayta Dios\nd* nimaran:  
\v 2 «¿Imanirtaj Israelchöga imaypis cay rimayta rimarcaycan: 
\q1 « ‹Papänincuna pochgoj übasta micuptin 
\q1 wamrancunapana quirun shimpan› nir?\x * \xo 18:2 \xt Jer. 31.29\x* 
\p  
\v 3 «Ichanga noga \nd Tayta Dios\nd* në: Israelchöga imaypis mananami yapayga chay rimayta rimanganachu.  
\v 4 Pipis juchata ruraj cajllami wañongaga. Chaynöga canga llapan cawajcuna nogallapa captinmi. Papänincunapis wamrancunapis nogallapami. 
\li1  
\v 5 «Alli runaga alli cajllatami ruran. 
\li1  
\v 6 Manami puytush lömacunaman witipanchu ïdulucunata adurananpaj micuyta rurachishanmanpis. 
\li1 Manami yäracunchu mana dios caycaptin Israelcuna ‹diosnë› nishancunaman. 
\li1 Manami jucpa warminwan cacunchu. 
\li1 Manami quilla gueshyanwan caycaj warmiwan cacunchu. 
\li1  
\v 7 Manami pitapis ñacachinchu. 
\li1 Manami charicurcunchu jagancuna rindata churashantapis. 
\li1 Manami pitapis suwapanchu. 
\li1 Manami ‹mana canchu› ninchu muchupacajcunatapis. 
\li1 Manami ‹mana canchu› ninchu röpaynajcunatapis.\x * \xo 18:7 \xt Mat. 25.35–40\x* 
\li1  
\v 8 Manami aypalla wawantawan cutichinanpächu guellaytapis ristan. 
\li1 Manami pitapis mana allitaga ruranchu. 
\li1 Manami pitapis chapanchu mana allita rurashanpitaga. 
\li1  
\v 9 Chaypa ruquenga laynëcuna nishantami wiyacun. 
\li1 Mandamintöcunacho niycashantapis llapantami cumlin. 
\p «Chayno ruraj runami rasunpa alli runaga. Chayno rurashanpita chay runaga cawangami.\x * \xo 18:9 \xt Lev. 18.5\x* Noga \nd Tayta Diosmi\nd* chayno në. 
\p  
\v 10 «Ichanga chay runapa wamran capas canman mana allita ruraj, wañuchicoj, imatapis  
\v 11 papänin mana rurashancunata ruraj: 
\li1 «Capaschari puytush lömacunacho ïdulucunata adurananpaj micuyta rurachishancho micöshinman. 
\li1 Capaschari runapa warminwan cacunman. 
\li1  
\v 12 Capaschari wacchacunatawan pobricunata ñacachinman. 
\li1 Capaschari waquin cajcunata suwapanman. 
\li1 Capaschari pipis jagan car rinda churashantapis duyñu-tucurcunman. 
\li1 Capaschari mana dios caycaptin Israelcuna ‹diosnë› nishanman yäracunman. 
\li1 Capaschari noga fiyupa melanäcushäta ruranman. 
\li1  
\v 13 Capaschari aypalla wawantawan cutichinanpaj guellaytapis ristanman. 
\p «¿Chayno caj runaga cawangachuraj? ¡Manami! Chayno melanaypajcunata rurashanpitaga wañongami. Chayno wañunanpäga quiquinmi juchayoj canga. 
\p  
\v 14 «Chayno mana alli runapa wamran capaschari canman. Papänin juchata rurashancunata capas musyanman. Chayno musyaycarpis capaschari papänin rurashannöga mana ruranmannachu: 
\li1  
\v 15 «Capaschari ïdulucunata rispitananpaj puytush lömacunacho micuyta rurachishanman mana witipanmanchu. 
\li1 Capaschari mana dios caycaptin Israelcuna ‹diosnë› nishanman mana yäracunmanchu. 
\li1 Capaschari juc runapa warminwan mana cacunmanchu. 
\li1  
\v 16 Capaschari pitapis mana ñacachinmanchu. 
\li1 Capaschari imata mañacuptinpis rindataga mana charinmanchu. 
\li1 Capaschari pitapis mana suwapanmanchu. 
\li1 Capaschari micuyniynajcunata garanman. 
\li1 Capaschari röpaynaj caycajtana röpata goycunman. 
\li1  
\v 17 Capaschari pobricunata yanapanman. 
\li1 Capaschari guellayta ristaycurpis achcataga wawanta mana cobranmanchu. 
\li1 Capaschari laynëcuna nishanta ruranman. 
\li1 Capaschari mandamintöcunacho niycashanta llapanta cumlinman. 
\p «Chaura chay runaga manami wañongachu papäninpa juchanpita. Chay runaga cawangami.  
\v 18 Papäninmi ichanga pitapis ñacachej cashanpita, suwacushanpita, marca-masincunacho mana allita rurashanpita, quiquinpa juchanpita wañonga. 
\p  
\v 19 «Gamcuna capas ninquiman: ‹¿Imanirtaj wamranpis mana ñacanchu papänin juchata rurashanpitaga?› nir. Chay wamranga mana ñacangachu rasun cajta, alli cajta rurasha cashpanmi, laynë nishanno cumlishanpitami. Chaypitami rasunpa cawanga.  
\v 20 Pipis juchata ruraj cajllami wañonga. Ni wamranpis manami wañongachu papänin juchata rurashanpitaga. Ni papäninpis manami wañongachu wamran juchata rurashanpitaga.\x * \xo 18:20 \xt Deut. 24.16\x* Allita ruraj cäga rurashanpita allitami chasquenga. Mana allita ruraj cajnami mana allita rurashanpita castigasha canga. 
\s1 Llapan cawanantami Tayta Diosga munan 
\r (Eze. 33.10–20) 
\p  
\v 21 «Capas mana allita ruraj runa jucha ruraycunallacho caycashanta cachaycun. Nircur laynëtana cumlir, alli cajta rurashpanga cawangami. Manami wañongachu.  
\v 22 Chaura mana alli rurashancunataga manami yarparäshänachu. Alli cajta rurashanpitami payga cawanga.  
\v 23 Nogaga manami munächu mana allita ruraj wañunantapis. Chaypa ruquenga munä allitana rurananta, chaynöpana cawananta.\x * \xo 18:23 \xt 2Ped. 3.9\x* Noga \nd Tayta Diosmi\nd* chayno në. 
\p  
\v 24 «Alli runa, allita ruraycashanta cachaycur capaschari mana allitana ruranman. Mana alli runacuna rurashanno melanaypätana ruraptenga ¿gamcuna yarpanquichu chay runa sïguir cawaycänanta? Nogaga manami yarpashäpänachu allita rurashanta. Chay runaga wañonga juchanpitami, aunishanta mana cumlishanpitami. 
\p  
\v 25 «Gamcunaga ninqui ‹Diosga mana allitami ruraycan› nir. Ichanga Israelcuna sumaj wiyamay. ¿Noga mana allita ruraycashätachu yarpanqui? Chaypa ruquenga ¿manachuraj gamcuna mana allitaga ruraycanqui?  
\v 26 Alli runa, alli ruraycashanta cachaycur mana allitana rurashpanga quiquinpa juchanpitami wañonga.  
\v 27 Mana allita ruraj runa, mana allita ruraycashanta cachaycur allitana, rasun cajllatana rurarga salbacur cawangami.  
\v 28 Sumaj tantiyacurir mana allita rurashancunata cachaycushpan allitana rurashpanga cawangami. Manami wañongachu. 
\p  
\v 29 «Israelcunaga capas nenga ‹Tayta Diosga mana allitami ruraycan› nir. Nogaga ¿mana allitachuraj ruraycä? Chaypa ruquenga gam Israelcunami mana allitaga rurarcaycanqui.  
\v 30 Chaypitami gam Israelcunataga imano rurashayquipitapis cada-ünuyquita jusgashayqui.\x * \xo 18:30 \xt Job 34.11; Sal. 62.11–12; Prov. 24.12; Jer. 17.10; Eze. 33.20; Mat. 16.27; Rom. 2.6\x* Noga \nd Tayta Diosmi\nd* chayno në. Mana allita ruraycashayquipitaga juclla arpinticuy mana alliman mana chayanayquipaj.  
\v 31 Jucha ruraycunataga cachaycäriyna. Alli shonguwanna y mushoj yarpaywanna allita ruray.\x * \xo 18:31 \xt Eze. 36.26\x* Israelcuna ¿imanirtaj wañunquiman?  
\v 32 Nogaga manami munächu pipis wañunanta. Mana allita ruraycashayquipita arpinticuy cawanayquipaj. Noga \nd Tayta Diosmi\nd* chayno në.\x * \xo 18:32 \xt Eze. 33.11; 2Ped. 3.9\x* 
\c 19  
\s1 Israelpa raynincunapaj llaquicushan 
\p  
\v 1 «Israelpa raynincunapaj gamga wañupacuycho cantanata cantay. Cayno cantay: 
\q1  
\v 2 «Mamayquega liyuncunapa chaupinchömi tiyasha.\x * \xo 19:2 \xt Gén. 49.9; 1Rey. 10.18–20\x* 
\q1 Chaychömi wawancunatapis uywasha. 
\q1  
\v 3 Juc wawallantami mas alli gueshpichisha jatun canancama. 
\q1 Cäsata chariyta yachacuycuran. 
\q1 Chaypitanaga runata micuytana gallaycuran. 
\q1  
\v 4 Chayno ruraycashantami juc-lä nasyuncuna mayaran. 
\q1 Chaymi uchcuman garpuycur chariran. 
\q1 Nircorga aushiwan Egipto nasyuncama apasha.\x * \xo 19:4 \xt 2Rey. 23.30–34; Jer. 22.10–12\x* 
\q1  
\v 5 Chaura maman liyonga shuyarayta yamacarna, 
\q1 yarpashanno mana captin 
\q1 jucaj wawantana ruquin churasha. 
\q1  
\v 6 Chay liyunpis jatunna carga waquin liyuncunawan 
\q1 iwalna aywaj y cutimoj. 
\q1 Chayno puriycashancho quiquillan cäsacuyta yachacuycuran. 
\q1 Runata micuytapis yachacuycuran. 
\q1  
\v 7 Palasyucunachöpis llapanta illgächiran. 
\q1 Siudäcunachöpis tucuy mana allita ruraran. 
\q1 Gaparashpanga pï-maytapis mancharachej. 
\q1  
\v 8 Chaura bisïnun marcacunacho tiyajcunaga paypa contranna jatariran. 
\q1 Chaymi trampata churaparan. 
\q1 Chaynöpami uchcuman garpuycur chariran. 
\q1  
\v 9 Aushiwan aparcur jaulaman wichgaycusha. 
\q1 Nircorga Babiloniapa rayninmanna apapasha. 
\q1 Babiloniachönami carsilman wichgasha 
\q1 Israel jircacunacho gaparar purejta pipis manana wiyananpaj.\x * \xo 19:9 \xt 2Rey. 24.8–15; Jer. 22.24–30\x* 
\b  
\q1  
\v 10 «Mamayquega casha yacu aywaycajpa läduncho\x * \xo 19:10 \xt Isa. 5.1–4; Jer. 2.21\x* 
\q1 übas lanta alli wayunanpaj, rämasapa caycajnömi. 
\q1 Payga caycaran übaspa sapinta achca yacu ushmashannömi. 
\q1  
\v 11 Rämancuna alli wiñar sinchi caran. 
\q1 Chaymi waquin rämancunaga raypa bäranpäraj caranpis. 
\q1 Fiyupa wiñaycällar pucutaycama chayaran. 
\q1 Pï-maypis rejsiran jatun cayninpa, 
\q1 cupösu rämayoj cayninpa. 
\q1  
\v 12 Ichanga rabyawan achuriycärir pampaman jitariran. 
\q1 Inti yagamunan caj lädupita wayra shamojna chaquirachiran.\x * \xo 19:12 \xt Jer. 52.1–11; Eze. 17.7–13\x* 
\q1 Chauraga wayuyninpis shicwacuranna. 
\q1 Sinchi rämancunapis chaquicäcuran. 
\q1 Chaura ninamanna waycuycäriran. 
\q1  
\v 13 Cananga chunyaj chaqui parti 
\q1 yacu mana cashanchömi yacunaypita lantaraycan. 
\q1  
\v 14 Rämancunapitana nina ratataycaj llojshiycan. 
\q1 Chay ninanami rupaycan chillguipancunatawan, wayuynintaga. 
\q1 Raypa bäranpäno sinchi rämancunaga manami cannachu. 
\p «Cayga caycan wañupacuycho cantanami. Chaymi llapan cumliptenga cay cantanata cantangapaj.» 
\c 20  
\s1 Israelcunawan Tayta Dios imano cashanpis 
\p  
\v 1 Ganchis wata, pichga quillan chunca junajninna caran Babiloniaman apamashancunaga. Chay junajmi juc ishcay Israel mayurcuna shamuran \nd Tayta Diosta\nd* tapucoj. Paycuna ñaupäman jamacaycäriran.  
\v 2 Chaymi \nd Tayta Dios\nd* cayno nimaran:  
\v 3 «Runa, gamga Israel mayurcunawan parlay. Paycunata ninqui: ‹\nd Tayta Diosga\nd* nin: ¿Gamcunaga tapucamajchu shamushcanqui? Tapucamaptiquipis manami willashayquipächu. Noga \nd Tayta Diosmi\nd* chayno në.› 
\p  
\v 4 «¡Runa, gam jusgay ari! Jusgashpayqui niy unay taytancuna mana cachaypa fiyupa melanaypajcunata rurashanta.\x * \xo 20:4 \xt Sal. 106\x* 
\v 5 Cayno ninqui: ‹\nd Tayta Diosga\nd* caynömi nin: Israelta acrashpä, paypita mirajcunata yanapänäpaj jurarmi alli parlacurä. Nircur paycunapa Diosnin cashäta Egiptucho musyachir jurashpä nirä: «Nogami cä gamcunapa \nd Tayta Diosniqui\nd*» nir.  
\v 6 Chay junajmi aunirä Egiptupita imanöpapis jorgunäpaj, acrashä nasyunman pushanäpaj. Chay nasyonga caran lëchipis, mishquipis yacunöraj aypalla cashan partimi. ¡Waquin nasyuncunapita mas cuyayllapämi caran!\x * \xo 20:6 \xt Éxo. 3.14–16; 6.2–8; 20.2\x* 
\v 7 Paycunataga llapantami nirä melanaypaj dioscunata ushajpaj illgächinanpaj. Chaynöpis willaparä noga \nd Tayta Diosnin\nd* caycaptëga Egiptucuna «diosnë» nishanta mana adurananpaj.\x * \xo 20:7 \xt Jos. 24.14\x* 
\p  
\v 8 « ‹Chayno parlaycaptëpis paycunaga conträmi ricacuran. Chaymi nishätapis mana wiyamashachu. Manami illgächishachu melanaypaj diosnincunata. Egiptucho charashan diosnincunatapis adurayta manami cachaycushachu. Nogaga yarparä paycunata castigaptë rabyasha caynë päsanantami; llapan rabyashäpita jamaycunäcama jinan Egiptullacho castigayta.  
\v 9 Ichanga juc-lä nasyun runacuna manacajman mana churamänanpämi, ñaupancho caycaj nasyun runacuna nogata mana jamurpämänanpämi mana castigarächu.\x * \xo 20:9 \xt Deut. 7.7–8; Sal. 106.8; Jer. 14.7; Eze. 36.22–23\x* Chay nasyuncunapa ricay-ñawinchömi aunirä Israelcunata Egiptupita jorgunäpäpis.  
\v 10 Nircur nogami Egiptupita jorgurä. Chaypitanaga chunyaj chaqui jircapa pusharä.  
\v 11 Chaychömi laynëcunata, mandamintöcunata willapar yachachirä. Willapashäcunata, mandamintöcunata cumlishpanga alli cawaytami tarin.\x * \xo 20:11 \xt Lev. 18.5\x* 
\v 12 Chaynöpis willaparä säbadu jamay junajcunacho jamananpaj.\x * \xo 20:12 \xt Éxo. 20.8–11; 31.13–17\x* Jamay junäga paycunapajwan nogapaj señalno cananpaj yachachirä. Chaynöpa noga \nd Tayta Diosnin\nd* cashäta yarpänanpämi yachachirä.  
\v 13 Chaypis paycunaga nogapa conträmi chunyajcho ricacuran.\x * \xo 20:13 \xt Éxo. 14.11; 15.24; 32; Núm. 11.1, 4\x* Mana wiyacamashpanmi laynëcunata mana cumlishachu. Mandamintöcuna cawayta tarichicoj caycaptinpis manami cumlishachu. «Jamay-junajmi canga» nishätapis pasaypa manacajmanmi churasha. Chaymi rabyasha caycashä pascacänanpaj paycunataga chunyajllacho castigar ushariyta yarparä.  
\v 14 Ichanga juc-lä nasyun runacuna manacajman mana churamänanpämi, Egiptupita jorgamushäta ricajcuna jamurpämänanta mana munarmi pasinsacurä. 
\p  
\v 15 « ‹Chunyajchöpis jurashpä nirä goycushä nasyunman mana yaycuchinäpaj.\x * \xo 20:15 \xt Núm. 14.26–35; Deut. 1.34–40\x* Chay nasyonga caran waquin nasyuncunapita mas alli cuyayllapaj, lëchipis, mishquipis yacunöraj achca cashanmi.  
\v 16 Paycunaga manacajman churashpanmi mandamintöcuna, laynëcuna nishantapis mana cumliranchu. «Säbadu jamay junajcho jamanqui» nishätapis manami rispitaranchu. Paycunaga ïdulucunata adurayllachömi cacuran.  
\v 17 Chaypis, fiyupami cuyaparä. Chaynöpami chunyajcho mana usharirächu.  
\v 18 Chaymi wamrancunata nirä: «Papäniquicunapa yupinpaga ama aywaychu. Ïdulucunata ama aduraychu.  
\v 19 Nogami \nd Tayta Diosniqui\nd* cä. Laynë nishanta, mandamintöcunata mana cachaycuypa cumliy.  
\v 20 Säbadu jamay-junajtapis sumaj rispitay. Jamay junäga caycan juc señalmi gamcunata acrashäta musyanayquipaj. Chayrämi musyanquipaj noga \nd Tayta Diosniqui\nd* cashäta» nir. 
\p  
\v 21 « ‹Chayno willapaycaptëpis wamrancunaga conträmi ricacuran. Mana wiyacamashpanmi laynëcunata mana cumlishachu. Mandamintöcuna cawayta tarichicoj caycaptinpis manami cumlishachu. Säbadu jamay-junajcunatapis manacajmanmi churasha. Chaymi rabyasha caycashä päsacänanpaj paycunataga chunyajllacho castigar ushariyta yarparä.  
\v 22 Ichanga juc-lä nasyun runacuna manacajman mana churamänanpämi, Egiptupita jorgamushäta ricajcuna jamurpämänanta mana munarmi pasinsacurä.  
\v 23 Chunyajcho jurashpä nirä intëru nasyuncunaman mashtacächinäpaj cashanta.\x * \xo 20:23 \xt Lev. 26.33\x* 
\v 24 Chaynöga mashtacächinä caran mandamintöcunata, laynëcunata mana cumlishanpita, säbadu jamay junajcunata manacajman churashanpita, taytancunapa ïduluncunata adurayllacho cacushanpita.  
\v 25 Chaypitami nogapis paycunapaj camacächirä mana alli laycunata, mana alli yachachicuycunata chaynöpana cawayta mana tarinanpaj.  
\v 26 Camacächirä ofrendancunatano guechpa wamrancunata ïduluncunapaj rupachinanpaj. Chaynöga camacächirä fiyupa mancharachinäpaj, chaynöpana noga \nd Tayta Diosnin\nd* cashäta musyananpaj.› 
\p  
\v 27 «Chaymi runa, Israel-masiquicunata cayno niy: ‹\nd Tayta Diosga\nd* caynömi nin: Taytayquicunapis mana munashäta rurarmi rabyachimaran. Rurananpaj nishäcunata manami cumliranchu.  
\v 28 Goycunäpaj aunishä partiman chayachirä. Chayman chayaycorga altunnin puytush lömacunata, cupösu yöracunata ricärerga jinan öra apaj adurar garayninta goycunanpaj. Chayman imatapis garaj nogata fiyupa rabyachimashpanmi. Insinsucunawan saumachej; bïnutapis tacshipaj.\x * \xo 20:28 \xt Deut. 12.2–3; Eze. 6.1–7; 16.15–22\x* 
\v 29 Paycunata tapurä: «¿Imataj gamcuna aduraj aywarcaycashayqui puytush lömaga?» nir. Chaymi aduraj aywashan puytush lömataga canancamapis «Bama» nin.› 
\p  
\v 30 «Israelcunata niy: ‹\nd Tayta Diosga\nd* caynömi nin: ¿Gamcunaga unay caj famillyayquicuna juchata rurashanmannöchu juchata rurayta munaycanqui? ¿Melanaypaj ïdulucunata aduraytachu munaycanqui?  
\v 31 Ofrendayquicunata garashpayqui, wamrayquicunata rupachishpayqui gamcunaga sïguirmi juchata ruraycanqui. ¿Chayno carcaycashpayquichi nogata tapucamaj shamunqui? Israelcuna, tapucamaptiquipis manami willashayquipächu. Noga \nd Tayta Diosmi\nd* chayno në. 
\p  
\v 32 « ‹Gamcuna yarpashayquega manami camacangachu. Gamcunaga nishcanqui: «Cay pachacho nasyuncuna imanöpis cashanno cashun. Paycunano guerupita, rumipita rurasha ïdulucunata adurashun» nir.  
\v 33 Ichanga noga \nd Tayta Diosmi\nd* në: Cananmi ichanga gamcuna mayanquipaj fiyupa munayniyoj cashäta. Sumaj castigarcurmi gamcunapa rayniqui cashaj.  
\v 34 Maychöpis nasyuncunacho, marcacunacho machicasha caycajtami jorgamushayqui. Fiyupa munayniyoj cashäta musyachir, rabyawan castigashpämi shuntamushayqui.  
\v 35 Marcacunapa chunyajnin chaqui jircamanmi pushashayquipaj. Chaychömi quiquë jusgashayquipaj.  
\v 36 Imanömi Egipto chunyajcho taytayquicunata jusgarä, chaynömi jusgashayquipaj. Noga \nd Tayta Diosmi\nd* chayno në.  
\v 37 Nogami gamcunataga sumaj acrashayquipaj uyshëru uyshancunata acrashanno. Nircorga conträtuta rurashanchïta cumlinayquipämi camacächishaj.  
\v 38 Gamcunapitaga raquishaj mana wiyacojcunata, conträ ricacojcunata. Nircurmi jorgamushaj juc-lä nasyuncho tiyarcaycashanpita. Ichanga Israel nasyunman manami yaycongapächu. Chayrämi gamcuna musyanquipaj noga \nd Tayta Dios\nd* cashäta. 
\p  
\v 39 « ‹Israel runacuna, nogami \nd Tayta Diosniqui\nd* cä. Mana wiyacamayta munashpayquega ayway ari mana bälej ïdulucunata aduraj. Ichanga amana manacajman churamaynachu mana bälej ïduluyquicunata ofrendayquicunawan adurashpayqui.  
\v 40 Llapayqui Israelcunaga aduramanquipaj acrashä rispitädu lömachömi. Chayga acrashä nasyuncho caycan altu puntami. Noga \nd Tayta Diosmi\nd* chayno në. Chaychömi paycunataga alli chasquishaj. Chaychömi nishaj ima ofrendata gomänanpäpis, rimir-punta shuntar raquishan micuyninta apapämänanpäpis. Imata nogapaj acrashancunatapis chasquishaj.  
\v 41 Nasyuncunacho canan machicasha caycajta shuntaptë llapan runacunami musyanga noga alli car santo cashäta. Chayrämi insinsuta rupachishayquipa jömuyninpis shongöpäno canga. 
\p  
\v 42 « ‹Unay famillyayquicunata goycunäpaj aunishä Israel nasyunman gamcunata chayachiptërämi musyanquicunapaj noga \nd Tayta Diosniqui\nd* cashäta.  
\v 43 Chaychörämi yarpärinquicunapaj juchata rurashayquita. Chayrämi quiquiquicunapis melananquipaj mana allita rurashayquicunapitaga.  
\v 44 Israel runacuna, juchata rurashayquimanno mana ñacachiptë, fiyupa mana allicunata rurashayquipitapis mana castigaptë gamcuna musyanquipaj noga \nd Tayta Dios\nd* cashäta. Nogaga rispitasha canä-raycumi gamcunata yanapäshayqui. Noga \nd Tayta Diosmi\nd* chayno në.› » 
\s1 Sur caj-lä parti imano cananpäpis nishan 
\p  
\v 45 Tayta Dios nimaran:  
\v 46 «Runa, ricäriy sur caj-läman. Nircur paycunapaj parlay. Nogapa jutëcho rimay sur caj-lächo caycaj munticunapaj.  
\v 47 Cayno niy: ‹Tayta Diosga caynömi nin: Gammanmi ninata sindiycushaj. Chay ninami ratarir chaquitapis ogutapis rupar ushacurconga. Chay ninaga ratangapaj mana upiypami. Chaura chay particho tiyaycaj runacunataga llapantami wapchanga norte caj-lächo tiyaycajpita sur caj-lächo tiyaycajcama.\x * \xo 20:47 \xt Jer. 5.14–17\x* 
\v 48 Llapan runacunanami ricangapaj noga Tayta Dios chay ninata sindishäta. Chay ninaga manami upengapächu.› » 
\p  
\v 49 Chaura noga nirä: «Ay Tayta Dios. Runacunaga nircaycan ‹payga mana tantiyashanchi cajpämi parlan› nir.» 
\c 21  
\s1 Tayta Diospa sablin chayashan 
\p  
\v 1 Chaura \nd Tayta Dios\nd* nimaran:  
\v 2 «Runa, Jerusalenmanna ricäriy. Nircur chaycho caj Templu imano cananpäpis rimay. Israel nasyun imano cananpäpis rimay.  
\v 3 Cayno niy: ‹\nd Tayta Dios\nd* caynömi nin: Gamcunapaga contrayquimi ricacö. Sablëta jorgurir llapantami wañuchishaj alli cajcunatapis juchasapacunatapis.  
\v 4 Rasunpami sablëta jorgushaj alli cajtapis juchasapa cajtapis, norte caj-lächo tiyajpita sur caj-lächo tiyajcama llapanta wañuchinäpaj.  
\v 5 Chaynöpami noga sablëta jorgushäta llapan runacuna musyangapaj. Chay jorgushätaga llapanta cumlinäcama manami cutichishächu.› 
\p  
\v 6 «Runa, fiyupa llaquicushpayqui wagay. Llapan runacunapa ñaupancho wagay.  
\v 7 ‹¿Imapitataj wagaycanqui?› nishuptiquega gam ninqui cay nasyunman mana alli chayamunanpaj cajta mayaycur wagaycashayquita. Ninqui, chay junäga llapan callpaynajno ricacunanpaj cashanta, pipapis manana balurnin cananpaj cashanta, manchariyllawan chaquincunapis sicsicyananpaj cashanta. Chayno cananpaj caj öraga chayaycämunnami. Manapis aycällatanami canga. Noga \nd Tayta Diosmi\nd* chayno në.» 
\p  
\v 8 \nd Tayta Dios\nd* nimaran:  
\v 9 «Runa, imano cananpaj cashantapis nogapa jutëcho willacuy. Chaymi ninqui: ‹Tayta Diosga caynömi nin: 
\q1 « ‹¡Sabli, sabli! 
\q1 Fiyupa afilashanami, achicyänanpaj llushwachashanami caycan. 
\q1  
\v 10 Wañuchinanpämi afilasha caycan. 
\q1 Achicyaycachänanpämi llushwachasha caycan. 
\q1 Chayno caycaptenga ¿wamrä Judäpa bastunninman yäracushwanchuraj? 
\q1 Sabliga ima guerutapis manami cäsunchu. 
\q1  
\v 11 Chay sablitaga afilasha, llushwachasha caycächin 
\q1 wañuchicojta aptaparcunanpämi. 
\q1  
\v 12 Runa, gamga gaparaypa gayacuy. 
\q1 Acrashä runacunataga chay sabliwan wañuchinanpämi caycan. 
\q1 Israelpa mandajnincunatapis llapanta wañuchinanpämi caycan. 
\q1 Paycunapis acrashä runacunawan iwal wañunanpämi caycan. 
\q1 Chaymi gamga llaquicushpayqui pëchuyquita tacacuy. 
\q1  
\v 13 Ñacayga chayamonganami. 
\q1 Ichanga ¿sablita bastun mana ichipaptenga imaraj canga? 
\qr Noga \nd Tayta Diosmi\nd* chayno në. 
\b  
\q1  
\v 14 « ‹Runa, gamga imano cananpaj cajtapis willacuy. 
\q1 Maquiquitapis jitayraj. 
\q1 Chay sabliga ishcay quimsa cutirämi chayamonga. 
\q1 Aypalla runacunata wañuchinanpämi chayamonga. 
\q1 Llapantami fiyupa manchaycächin. 
\q1  
\v 15 Chayno manchachiptinmi runacunapaga balurninpis mana canganachu. 
\q1 Chaymi aypallanpa wañuycachenga. 
\q1 Llapanpa wasincunamanmi wañuchicoj sablita churashcä. 
\q1 Chay sabliga achicyaycachänanpämi llushwachasha caycan. 
\q1 Wañuchinanpämi sumaj afilasha caycan. 
\q1  
\v 16 Sabli, ishcan-läman cuchuy. 
\q1 Jucaj-läman ticrarpis jucaj-läman ticrarpis cuchuy. 
\q1  
\v 17 Nogapis maquëta jitashämi 
\q1 rabyasha caycashä pascacänancama. 
\qr Noga \nd Tayta Diosmi\nd* chayno nishcä.› » 
\p  
\v 18 \nd Tayta Diosga\nd* yapay nimaran:  
\v 19 «Runa, ishcay nänita señalay Babiloniapa raynin sablinwan chaypa aywananpaj. Ishcan näni yarguranga juc nasyunllapita. Nircur näni raquejchöga letrëruta churanqui maygan siudäman chay näni aywaycashantapis musyananpaj.  
\v 20 Chay nänicunataga señalanqui Amón runacuna tiyashan Rabá siudäman chayananpaj, Judächo caycaj intërunpa curalasha Jerusalén siudäman chayananpaj.  
\v 21 Babiloniapa raynenga ichicuycusha ishcan-läman näni raquiycajchömi. Chaychömi surtita gatir lëchacunata chuncaycan; ïduluncunata tapucuycan; uywacunapa ñatinnincunata ricaycan.  
\v 22 Surtita gatishanga llojshisha derëchu caj-läman. Chay caj-lächöga Jerusalenmi caycan. Chaura chay caj-läpäga ray niran: ‹Pillyaj yaycuy, perga jananpa yaycunata ruray, intërunpa curalapaycuy, wañuchiy, magaj yaycur gaparpay, puncuncunata amiriy› nir.  
\v 23 Chayno cananpaj cashanta Jerusalén runacunaga manami riguinchu. Chaynöga paycuna mana riguinchu Babiloniapa rayninwan alli parlacusha cashpanmi. Ichanga mana allita rurashanpitami paycunataga prësu apaconga.  
\v 24 Chaypitami noga \nd Tayta Diosga\nd* në: Gamcuna mana allita rurashayquicuna, wañuchicushayquicunaga mayacashanami. Juchata rurashayquicunaga ricacaycanmi. Chaypitami prësu aywanquipaj.  
\v 25 Israelpa fiyu raynin, gammanga castïgu chayaycämunnami. Llapan juchayquipitami castïgu chayashunayquipäna caycan.\x * \xo 21:25 \xt Jer. 21.7\x* 
\v 26 Noga \nd Tayta Diosmi\nd* cayno në: Umayquicho caj vinchata y corönayquitapis illajpitami guechushunquipaj. Chauraga llapanpis mas jucnönami cangapaj. Manacajman churasha cajcuna allicho canga. Allicho caycajcunanami manacajman churasha canga.  
\v 27 Llapantapis cachaycushäpaj pasaypa juchusha ragällantami. Chaynöga canga noga cachamushä chayamur jusgaptinmi. Chaypitaga paypa munayninchönami canga. 
\s1 Amón runacuna castigasha cananpaj nishan 
\p  
\v 28 «Runa, gamga Israelcunata ashllej Amón runacunata\x * \xo 21:28 \xt Jer. 49.1–6; Eze. 25.1–7; Amós 1.3–15; Sof. 2.8–11\x* cayno niy: ‹Tayta Dios nin: 
\q1 « ‹Sabliga churaränanpita jorgushanami caycan. 
\q1 Wañuchiyta gallaycunanpaj listunami caycan. 
\q1 Achicyaypa achicyar ushajpaj illgächinanpaj llushwachashami caycan. 
\q1  
\v 29 Gamcuna ricapacushayquega manami rasun cajchu. 
\q1 Musyacojniquicunapis llullacuyllapami willaycäshunqui. 
\q1 Gamcunaga wañuchicoj runacunami canqui. 
\q1 Chaypitami örayqui chayamushana. 
\q1 Sabliga cuchongapaj gamcunapa cuncayquitami. 
\s1 Babilonia runacuna castigasha cananpaj nishan 
\p  
\v 30 « ‹¡Sabli, churaränayquimanna cutiy! Nogaga jusgashayquipaj maychöpis gueshpichishächömi, yurishayqui nasyunchömi.  
\v 31 Rabyashä nina ratariycajno caycajtaga gamchömi päsachishaj. Chaymi gamcunataga cachaycushayquipaj fiyu runacunapa, illgächicojcunapa maquinman.  
\v 32 Rupachisha, illgächishami canquipaj. Yawarniquipis nasyun intëruchömi mashtaranga. Chaura gamcunataga pipis manami yarpäshunquipänachu. Noga \nd Tayta Diosmi\nd* chayno nishcä.› » 
\c 22  
\s1 Jerusalencunapa juchan 
\p  
\v 1 \nd Tayta Dios\nd* cayno nimaran:  
\v 2 «Runa, gamga wañuchicojcuna tiyanan siudä imano cananpäpis rimay. Mana cachaypa melanaypajcunata rurashanta niy.  
\v 3 Chaymi cayno ninqui: ‹Caynömi \nd Tayta Diosga\nd* nin: Cay siudächo tiyaj runacunata wañuchejcuna, ganrayänayquipaj ïdulucunata rurajcuna, ushacänayquipaj caj öra chayaycämunnami.  
\v 4 Runacunata wañuchishpayquimi fiyupa juchata rurashcanqui. Melanaypaj ïdulucunata rurashayquiwanpis ganrayashcanquimi. Quiquiquimi camacächishcanqui ushacänayqui junaj juclla chayamunanpaj. Chaynöpami nogapis camacächishaj juc-lä marca runacuna ashllishunayquipaj, llapan nasyuncuna manacajman churar asipäshunayquipaj.  
\v 5 Gamcuna ïdulucunata aduraj cashayquita, mana allita ruraj cashayquitaga llapanmi musyan. Chayno cashayquipitami bisïnuyquicho caj, carucho caj nasyun runacunapis manacajman churar gamtaga asipäshunquipaj.  
\v 6 Israelcho mandaj caycajcunapis munashantami ruraycan. Chaymi pitapis wañuycächin.  
\v 7 Chaycho tiyajcunaga manami rispitanchu papäninta ni mamantapis.\x * \xo 22:7 \xt Éxo. 20.12; Lev. 19.3; Deut. 5.16; 27.16\x* Juc-lä runacunata fiyupami ñacachin. Biyüdacunatawan wacchacunataga imantapis guechun.\x * \xo 22:7 \xt Éxo. 22.21–22; Deut. 24.17\x* 
\v 8 Rispitamänan pachatapis manami rispitanquichu. Ni säbadu jamay junajcunatapis manami cäsushcanquichu.\x * \xo 22:8 \xt Lev. 19.30; 26.2\x* 
\v 9 Waquin runacunaga llullacushpanmi waquin wañunanpaj juchayoj caycan. Puytush lömacunacho ïdulucunapaj micuyta rurar fistata rurarcaycanqui. Fiyupa melanaypajcunatami ruranqui:  
\v 10 Waquenga märistanwan cacun. Waquinnami quilla gueshyanwan caycaj warmicunata charipacun.  
\v 11 Waquinnami majayoj warmicunawan cacun. Waquenga pengaypaj juchata ruraycan llumchuyninwan cacushpan. Waquenga lijïtimu pañin caycaptin charipacun.\x * \xo 22:11 \xt Lev. 18.7–20\x* 
\v 12 Waquinnami päguta chasquin juc runacunata wañuchinanpaj.\x * \xo 22:12 \xt Éxo. 23.8; Deut. 16.19\x* Waquinnami guellayta ristan achca wawantawan cutichinanpaj.\x * \xo 22:12 \xt Éxo. 22.25; Lev. 25.36–37; Deut. 23.19\x* Waquinnami suwapan. Waquinnami runa-masincunata ñacachin. Chayno rurar nogataga gongaycäramashcanquinami. Noga \nd Tayta Diosmi\nd* chayno në. 
\p  
\v 13 « ‹Nogaga fiyupa rabyashami caycä engañaypa rïcuyashayquipita, wañuchishayquipita.  
\v 14 Ama yarpaychu imano rurashayquipitapis castigaptë ichipämänayquipaj cashantaga. Noga nishäga nishämi. Chaymi nishätaga cumlishaj.  
\v 15 Intëru nasyuncunamanmi mashtacächishayqui. May-chay nasyuncunamanpis gargushayqui.\x * \xo 22:15 \xt Lev. 26.33\x* Chayno mashtacächishpämi ushajpaj limyuyächishayqui ganra caycashayquipita.  
\v 16 Waquin nasyuncunapa ricay-ñawincho gamcunataga pasaypa manacajmanmi churashayquipaj. Chayrämi gamcuna musyanquipaj noga \nd Tayta Diosniqui\nd* cashäta.› » 
\p  
\v 17 \nd Tayta Dios\nd* yapay nimaran:  
\v 18 «Runa, Israelcunaga nogapaj caycan cubripa, estañopa, fyërrupa, plömupa ganran chulluchicunacho quëdajnömi. Guellaypa ganran quëdaj mana bälejnömi caycan.  
\v 19 Chaymi noga \nd Tayta Dios\nd* në: Gamcunaga llapaniqui ticrashcanqui chulluchishanpa ganran imapäpis mana bälejnöna. Chaypitami Jerusalén chaupinman shuntashayqui.  
\v 20 Imanömi guellayta, cubrita, fyërruta, plömuta, estañota tallushata chulluchicunaman wiñanchi, nircur ninata waycunchi chulluchinanpaj, chaynömi nogapis fiyupa rabyashpä gamcunata shuntaycur juc pachacho chulluchishayqui.  
\v 21 Gamcunata siudäpa chaupinman shuntaycushpämi fiyupa rabyashpä chulluchishayqui.  
\v 22 Imanömi guellayta chulluchinchi jurnucho, chaynömi gamcunapis siudäpa chaupincho chullusha quëdanquipaj. Chaynöpami musyanquicunapaj noga \nd Tayta Dios\nd* rabyäta gamcunacho päsachishäta.» 
\p  
\v 23 \nd Tayta Dios\nd* yapay nimaran:  
\v 24 «Runa, gamga Israelcunata cayno niy: ‹Gamcunaga castigashami caycanqui. Tamya manami tamyamunchu. Yacupis manami canchu.  
\v 25 Profëtayquicunaga rabyar gaparpan aychata rachipänacunanpaj liyuncuna gaparpajnöraj. Paycunaga runacunata wañurachin. Bälej cösancunata, ima-aycantapis guechun. Chaymi runacuna wañuptin biyüdacunapis achca quëdan.  
\v 26 Cürayquicunaga laynëcunata manami cumlishachu. Rispitädu cösäcunatapis manacajmanmi churasha. Paycunapäga rispitädu cajpis, mana rispitädu cajpis iwal-llami. Chayno manami pitapis yachachinchu maygan limyu cashanta, ni maygan ganra cashantapis.\x * \xo 22:26 \xt Lev. 10.10\x* Säbadu jamay junajtapis manami cäsunchu. Nogatapis manami rispitamanchu.  
\v 27 Mandajniquicunaga carcaycan micunanpaj atojcuna aychata rachipänacojnömi. Paycunaga runacunata wañurachirmi ima-aycantapis apacushanwan rïcuyaycan.  
\v 28 Profëtayquicunaga manami rasun cajtachu willacun. Chaypa ruquenga tapyata ribucajnöllami pacaycan. Paycunaga «Diosmi willacaycächiman» ninmi. Chayno nirpis manami rasun cajtaga willacunchu. Rasunpaga noga manami willapashcächu.  
\v 29 Runacunaga suwacullar, imatapis mana allicunata rurallarmi cawan. Pobricunatawan muchupacajcunata ima-aycantapis guechun. Juc-lä runacunata tucuynöpa ñacachin.› 
\p  
\v 30 «Chay runacunacho noga ashishcä juc runata paycunata mana illgächinäpaj faburnin nogawan parlananpaj. Ichanga pitapis manami tarishcächu.  
\v 31 Chaynöpami rabyasha caycashäta paycunacho päsachishcä. Nircorga usharishcä rabyashä ninanöraj caycajwan. Paycuna jucta imanöpis rurashanpita quiquincunaman ticrachishcä. Noga \nd Tayta Diosmi\nd* chayno në.» 
\c 23  
\s1 Samariawan Jerusalén juchasapa ñaña cashan 
\p  
\v 1 \nd Tayta Dios\nd* yapay nimaran:  
\v 2 «Runa, juc cutichömi ishcay warmicuna caran\x * \xo 23:2 \xt Jer. 3.6–13; Ose. 2.2–20\x* chay mamapa wawallan.  
\v 3 Chay warmicunaga wamra jipash cashanpita-pachami Egiptucho jucwan-jucwan cacuran. Chaychömi chuchuncunata yatapaptinpis dëjacuran. Chaynöpami donsëlla caynintapis pirdichiran.  
\v 4 Mayur cajpa jutin caran Ahola. Shullcanpanami jutin casha Aholiba. Aholaga caycan Samariami. Aholiba cajnami caycan Jerusalén. Nogaga paycunawan majachacarä. Paycunachömi casha wamräcuna ollgupis warmipis. 
\p  
\v 5 «Aholaga nogapa maquëcho caycar mana rispitamashpan waynancunata fiyupa cuyacurcusha. Waynancunaga casha guërracho pillyayta yachaj Asiria runacuna,  
\v 6 murädu röpan jatisha, llapanpis paycunaga capitanlla, mandajcunalla, camaraj mösucuna, cawalluta muntasha purejcunalla.  
\v 7 Paycunaga casha Asiriacho mas mijurnin caj runacunami. Aholaga paycunawan cacusha. Chayno caycällarmi juc-lä runacuna adurashan ïduluncunatapis cuyacurcusha.  
\v 8 Egiptucho caycällarnami pï-maywanpis cacuyta yachacuycuran. Chaytaga manami gongashanachu. Jipash cashanpita-pachami achcajwan cacusha. Chayno cashpanmi donsëlla cayninta pirdiycachir mañösa cayman ticrasha. Pï-maywanpis cacoj warmina ricacusha.  
\v 9 Chaymi waynan Asiria runacunapa munayninman cachapaycushcä. Payga chaycunatami fiyupa cuyacurcusha-casha.  
\v 10 Nircorga Asiria runacunami jinayllatana cachaycusha. Wamrancunata warmita ollgutapis guechusha. Quiquintana wañuchisha sabliwan cuchuypa. Chaynöpami Samariapäga may-chaychöpis rimay caycaran. 
\p  
\v 11 «Chayno castigashanta ñañan Aholiba ricaran. Chaypis ñañanpita mas piyur-raj jucwan-jucwan puricusha.  
\v 12 Paypis ñañannömi fiyupa cuyacurcuran guërracho pillyay yachaj Asiria runacunata.\x * \xo 23:12 \xt 2Rey. 16.7–19\x* Chay runacunaga caran capitancunalla, mandajcunalla, pillyajcuna cuyayllapaj röpan jatishalla; cawalluta muntasha purejcunalla, camaraj mösucunalla.  
\v 13 Chaura tantiyacurirä paypis ganrayaycashanta, ñañan rurashannölla ruraycashanta.  
\v 14 Pay ichanga ñañanpitapis mas piyur-raj pï-maywanpis cacusha. Payga ricaran Babilonia runacunapa dibüjuncuna pergacunacho pucawan pintasha caycajta,  
\v 15 chegllancunapa cuyayllapaj wachcusha caycajta, turwanticunata umancunachöpis watasha caycajta. Llapanpis chaycunaga caran mandajcunata dibujashallan, Caldea runacunalla.  
\v 16 Babiloniacunata chayno dibujashata ricaycurmi paycunata fiyupa cuyacurcuran. Chaymi Babiloniaman cachata cacharan.  
\v 17 Chaura Babiloniacuna shaycamur paywan cacuran. Chaymi payga jucwanpis-jucwanpis cacur fiyupa ganrayaran. Chayno ganrayächiptin ushanantaga Babiloniacunata melanäcuranna.  
\v 18 Chaypitanaga pï-maypis ricaycaptinna jucwan-jucwan cacuran. Galapächulla cuerpunta pï-maytapis ricachiran. Chayno captin nogapis ñaupata ñañanta melanäcushänöna melanäcushcä.  
\v 19 Payga mas piyur mana pengacuypana pï-maywanpis cacuran. Jipash cashpan Egiptucho piwanpis cacushanta yarpärir piyurna ruracäcuran.  
\v 20 Chaychöga waynan Egipto runacunata fiyupa cuyacurcuran. Paycunaga cacushan öra bürrucunanöraj, cawallucunanöraj cacojpis.  
\v 21 Chayno rurashpanmi payga rurasha wamra jipash cashanno. Wamra jipash cashan wichanmi Egipto runacuna chuchuncunatapis llapchipar-ushaj.» 
\p  
\v 22 Aholiba, chaypitami \nd Tayta Diosga\nd* nishunqui: «Canan melanäcuycashayqui waynayquicuna contrayqui ricacunanpämi ticrachishaj. Intërupitami gamman shamonga.  
\v 23 Shamonga Babiloniacuna, Caldeacuna, Pecodcuna, Soacuna, Coacuna, intëru Asiriapitapis. Paycunaga llapanpis caycan camaraj mösucunallami, capitancunallami, mandajcunallami, jinyu runacunallami, pillyay yachajcunallami. Llapanpis caycan muntädu purejcunallami.  
\v 24 Gampa contrayquimi shamonga aypalla carrëtacunawan, aypalla suldärucunawan. Intërupa curalapaycushunquipaj, armancunawan, fyërru cascusha, chapacuna escüduncunawan. Noganami paycunata munaynëta goshäpaj imanöpis jusgashunayquipaj. Chaura paycunanami jusgashunquipaj laynincuna niycashanno.  
\v 25 Chaynöpami fiyupa rabyasha caycashäta gamcho päsacächishaj. Paycunanami fiyupa ñacachishunquipaj. Sengayquicunata, rinriquicunata rogurgärenga. Cawaycar quëdajcunatanami cuchuypa wañuchishunquipaj. Wamrayquicunata ollguta warmitapis guechushunquipaj. Chayno caycaptillayquimi cawaycar quëdaj cajcunataga nina rupar ushacurcushunquipaj.  
\v 26 Röpayquicunata guechushunquipaj. Bälej aläjayquicunatana apacongapaj.  
\v 27 Chaynöparämi Egiptucho pï-maywan cacushayquitapis jamachishayqui. Chaypitaga mananami ricärinquipänachu ni yarpanquipänapischu Egipto runacunataga.» 
\p  
\v 28 \nd Tayta Diosmi\nd* cayno nin: «Chiquishayqui melanäcushayqui nasyun runacunapa munayninmanmi cachaycushayquipaj.  
\v 29 Paycunaga fiyupami chiquishunquipaj. Ñacar arur chasquishayquicunatapis guechushunquipämi. Galapächullatana cachaycushunquipaj. Chauraga pï-maywanpis cacushayqui pengayniqui alayrimi ricaranga. Pï-maywanpis mana pengacuypa cacushayquipitami  
\v 30 cananga castïgu chayaycäshunqui. Gamga chay nasyuncho tiyajcunawanmi cacushcanqui. Ïdulucunata adurashantapis aduräshishcanqui.  
\v 31 Ñañayqui rurashannöllami gampis rurashcanqui. Chaypitami ñañayquita upuchishä castïgu cöpalläpita gamtapis upuchishayqui. 
\p  
\v 32 «Noga \nd Tayta Diosmi\nd* cayno në: 
\q1 «Ñañayquita upuchishä cöpallapitami upunquipaj.\x * \xo 23:32 \xt Sal. 75.8; Jer. 25.15–29; Hab. 2.16\x* 
\q1 Chay cöpaga caycan jatun, anchu, ucrumi. 
\q1 Chauraga pï-maypis asipäshunquipämi, manacajmanmi churashunquipaj. 
\q1  
\v 33 Ushajpaj illgächisha ragällanmi canquipaj. 
\q1 Chayta upurcorga ricacunquipaj machasha fiyupa nanapäcushami. 
\q1 Chayga ñañayqui Samaria upushan cöpami. 
\q1  
\v 34 Gonchuntinta ushajpämi upucurcunquipaj. 
\q1 Nircorga chay cöpata sajtarinquipämi. 
\q1 Chuchuyquitana gashargärinquipaj. 
\m Noga \nd Tayta Diosmi\nd* chayno cananpaj rimashcä.  
\v 35 Chaypitami noga \nd Tayta Dios\nd* në: Nogata gongaycamashayquipitami, cacharisha pï-maywanpis puricushayquipitami castïguwan fiyupa ñacanquipaj. Chaynöga ñacanquipaj llapan juchayquicunapitami.» 
\p  
\v 36 \nd Tayta Dios\nd* yapay nimaran: «Runa, Aholawan, Aholiba juchanpita imano cananpaj cashantapis willay. Melanaypaj ganracunata rurashanta mana pacaypa niy.  
\v 37 Paycunaga nogata cachaycamashpanmi ïdulucunata adurasha. Jinachöpis paycunaga wañuchicojmi caycan. Wamräcunatami ïdulucunapaj rupachisha.  
\v 38 Mastapis caynöraj rurasha: Rispitädu Templöta ganrachisha. Säbadu jamay junajcunacho rispitamänan junajcunatapis manacajman churasha.  
\v 39 Ïdulucunata adurashpan quiquinpa wamrancunata rupachishan junajllami rispitädu Templömanpis shaycamur ganrachisha. ¡Quiquëpa wasëchörämi chayno rurashapis! 
\p  
\v 40 «Carupita runacuna shamunanpaj cachancunawan gayachiran. Willachiptin chay runacunaga shamuran. Chaura ishcan ñañana chayajcunata jamachinanpaj bäñacuran, ñawincunata pintacuran, camarächinanpaj bälej aläjacunata jaticuran.  
\v 41 Nircur fiyupa alli jamacunamanna jamacaycäriran. Mësaga camarishana caycaran. Insinsutawan nogallapaj acrasha caycaj alli asyaj asëtitapis chayman churaran.  
\v 42 Chaypitana wiyacaran aypalla runacuna fistacho gaparpashan. Chayga chunyajpita shamoj runacunami caran. Paycunaga camaränanpaj warmicunata adurnaran. Ricrancunaman brasalëtacunata jatiparan. Umanmanpis corönata jatiparan.  
\v 43 Chaura nogaga yarpaynillächo nirä: ‹Cananga chay jucwan-jucwan cacoj warmicunawanmi cacoj-aywan. Ichanga chay warmicuna pasaypa pirdicashanami caycan. Ni jucwan-jucwan cacunanpäpis manami bälinnachu› nir.  
\v 44 Nishänöllami chay runacunaga jucwan-jucwan cacoj warmicunawanno cacusha. Chaynömi cacusha mana pengacoj warmicuna caycaj Aholawan y Aholibawan.  
\v 45 Ichanga juc junaj alli runacunami jusganga majayojcunawan cacoj wañuchicoj warmicunataga.\x * \xo 23:45 \xt Gén. 9.6; Lev. 20.10\x* Chay warmicunaga caycan majayojcunata guechupacojmi. Wañuchicushan yawarllami maquincunapis caycan.» 
\p  
\v 46 \nd Tayta Diosmi\nd* cayno nin: «Paycunapa contranmi aypalla runacunata cachashaj. Chay runacunaga mancharachengami, ima-aycantapis guechongami.  
\v 47 Chay aywaj runacunaga sajmaycällar wañuchichun. Sablincunawanpis tucsirgärichun. Wamrancunata wañuchichun ollguta, warmitapis. Wasincunatapis rupaycärachichun.  
\v 48 Nogami cay nasyunpita illgächishaj melanaypaj mana alli ruraycunata. Chaynöparämi llapan warmicuna ricaconga. Chauraga mananami chay warmicuna rurashannöga ruranganachu.  
\v 49 Chay ishcay warmicunaga castigashami canga pï-maywanpis cacushpan juchata rurashanpita, ïdulucunata adurar juchata rurashanpita. Chaynöpami musyanquicunapaj noga \nd Tayta Dios\nd* cashäta.» 
\c 24  
\s1 Timpuycaj mancaman tincuchishan 
\p  
\v 1 Isgun wata chunca quilla chunca junajninna caran Babiloniaman apamashancunaga. Chay junajmi \nd Tayta Dios\nd* cayno nimaran:  
\v 2 «Runa, canan junajta apuntay imay junaj caycashantapis. Canan junajmi Babiloniapa raynenga Jerusalenman yaycunanpaj magayta gallaycusha.\x * \xo 24:2 \xt 2Rey. 25.1; Jer. 52.4\x* 
\v 3 Chaymi mana wiyacoj runacunataga yarparänanpaj tincuchiypa willapay cayno nir: 
\q1 «Jatun mancata churcushun. 
\q1 Nircur yacuta wiñashun. 
\q1  
\v 4 Chaymanna wiñashun cuchusha caycaj aychacunata. 
\q1 Wiñashun chancanpita, matancanpita aycha cuchushata, 
\q1 tulluncunatapis allinnin cajta. 
\q1  
\v 5 Werannin uyshatapis pishtarcur chayman wiñashun. 
\q1 Nircur junta waycupaycushun sumaj timpunanpaj, 
\q1 tulluncunapis sumaj chayananpaj.» 
\p  
\v 6 \nd Tayta Dios\nd* tantiyachishpan caynömi nin: 
\b  
\q1 «¡Ay imanöraj canqui wañuchicoj Jerusalén siudä! 
\q1 Oxidasha caycaj mancanömi caycanqui. 
\q1 Oxidashanga imaypis mana llojshejnömi caycanqui. 
\q1 Juc-juclla jorguy cuchusha caycaj aychacunata. 
\q1 Mancachöga jucpis ama quëdachunnachu. 
\q1  
\v 7 Oxidasha mancanöga caycanqui siudächo pasaypa wañuchinacuylla captinmi. 
\q1 Wañuchicushan yawarpis manami allpachöchu mashtaraycan allpawan tacucäcunanpäga. 
\q1 Chaypa ruquenga allpaynaj gaga jananchömi mashtaraycan. 
\q1  
\v 8 Allpaynaj gagallacho yawar cacunanpämi camacächishaj. 
\q1 Chaytaga manami imawanpis chapangapächu. 
\q1 Chay yawarta ricarmi fiyupa rabyacurcushaj. 
\q1 Chaymi rurashanmanno Jerusalentaga castigashaj.» 
\p  
\v 9 Caynömi \nd Tayta Dios\nd* nin: 
\q1 «¡Ay imanöraj canqui wañuchicoj Jerusalén siudä! 
\q1 Noga quiquëmi ninata ratachishaj. 
\q1  
\v 10 Aypalla yantatami sumaj waycushaj. 
\q1 Timpuchir aychata sumaj chayachishaj. 
\q1 Yacun chaquinancama, tulluncunapis rupanancama yanushaj. 
\q1  
\v 11 Nircur wiñayniynaj caycaj mancatana churcushaj nina rataycajman. 
\q1 Chaura chay mancaga wayllaycällar ushajpaj pucayanga 
\q1 llapan ganran wayllayllawan llojshinancama, 
\q1 oxidashanpis illgänancama. 
\q1  
\v 12 Ichanga yangami chayno ninawanpis wayllachishcä. 
\q1 Oxidashanga ninawanpis manami illgashachu. 
\p  
\v 13 «Jerusalén, nogaga chaynömi mana pengacuypa pï-maywanpis cacur ganracushayquipita limyuyächiyta munashcä. Chayno ruraptëpis manami limyuyashcanquichu. Limyuyanquipäga rabyasha caycashäta gamcho pascacächiptërämi.  
\v 14 Noga \nd Tayta Diosmi\nd* chayno nishcä. Nishäga chaynömi canga. Quiquëmi chayno cananpaj camacächishäpis. Chaytaga manami cutiricushächu. Simrimi cumlishaj. Manami cuyapäshächu, ni pësacushäpischu. Imanöpis rurashayquipitami, imanöpis cashayquipitami castigashayquipaj. Noga \nd Tayta Diosmi\nd* chayno në.» 
\s1 Ezequielpa warmin wañushan 
\p  
\v 15 \nd Tayta Dios\nd* nogata cayno nimaran:  
\v 16 «Runa, gamtaga fiyupa cuyashayqui warmiquita illajpitami shuntacushaj. Chayno shuntacuptë ama llaquicunquichu ni waganquipischu.  
\v 17 Mana musyacaylla llaquicuy. Wañupacojcuna lütushannöga ama lütuychu. Ama puriychu gala umallaga, ni gala chaquillapis. Cärayquitapis ama chapacuychu. Wañupacushancho micunan micuycunatapis ama micuychu.» 
\p  
\v 18 Tutapaga runacunawan parlaycarä. Tardinaga warmë wañucuran. Warannenga Tayta Dios nimashannölla rurarä.  
\v 19 Chaura runacunaga tapumaran: «Chay ruraycashayquega nogacuna ¿imano canäpätaj? Mä willapämay.» 
\p  
\v 20 Chaura nogana nirä: «\nd Tayta Diosmi\nd* nogata nimasha  
\v 21 Israelcunata cayno ninäpaj: ‹Caynömi \nd Tayta Dios\nd* nin: Gamcunaga Templöta amatarmi cuyanqui; amatarmi almiranquipis. Chay Templuwanmi gamcunaga alli-tucuycanqui, munayniyoj-tucuycanqui. Ichanga chay Templuta noga ganrachishämi. Jerusalencho quëdamoj wamrayquicuna warmipis ollgupis runa wañuchiypami wañonga.  
\v 22 Gamcunapis Ezequiel rurashannöllami ruranayqui: Manami gagllayquitapis chapacunquipächu. Wañupacushancho micunan micuycunatapis manami micunquipächu.  
\v 23 Gala umalla, ni gala chaquillapis manami purinquipächu. Manami llaquicunquicunapächu. Ni waganquicunapäpischu. Juchayquicunapitami callpaynajnöna ricacunquipaj. Chayrämi jucniqui-jucniquipis shongullayquicho llaquicunquipaj.  
\v 24 Chaynömi gamcunapäga Ezequiel canga tantiyacunayquipaj. Pay rurashannöllami gamcunapis ruranquipaj. Chayrämi gamcunaga musyanquipaj noga rasunpa \nd Tayta Dios\nd* cashäta.› 
\p  
\v 25 «Runa, Israelcuna yäracuycashan Templutami illgarachishaj. Templu cuyayllapaj captinmi paycunaga fiyupa cushicuycan. Templunta amatar cuyan, amatar almiranpis. Chaynöllami wamrancunatapis ollguta warmita wañuchishaj.  
\v 26 Chayno päsashan junajmi juc runa gueshpiycamur willashunayquipaj chayamongapaj.  
\v 27 Chay junajmi upa caycashayquipita shimiqui pashtangapaj. Chaura chay gueshpimojwan parlanquipaj. Chaynöpami gamga canquipaj llapan runacuna musyananpaj señal. Chayrämi paycuna musyanga noga \nd Tayta Diosnin\nd* cashäta.» 
\c 25  
\s1 Amón imano cananpäpis rimashan 
\p  
\v 1 \nd Tayta Dios\nd* cayno nimaran:  
\v 2 «Runa, gamga Amón nasyun runacuna\x * \xo 25:2 \xt Jer. 49.1–6; Eze. 21.28–32; Amós 1.13–15; Sof. 2.8–11\x* caycashan cajmanna ricäriy. Nircur paycuna imano cananpäpis rimay.  
\v 3 Noga \nd Tayta Dios\nd* paycunapaj cayno nishäta parlay: ‹Templöta ganrachiptin, Israel pasaypa ushacasha caycaptin, Judá runacuna prësu aywaptin gamcunaga fiyupa cushicuypita «benëchu» nirayqui.  
\v 4 Chayno cashayquipitami gamcunataga cachaycushayquipaj inti yagamunan caj-lächo tiyajcunapa maquinman, paycunapa munayninchöna chacrayquicunapis cananpaj, tolduncunata ichichicarcärir tiyacaycärinanpaj. Paycunami micuyniquicuna poguptinpis micucarcärenga; lëchiquicunatapis upucarcärenga.  
\v 5 Rabá siudätami ticrachishaj camëllucuna tiyanan jircaman, Amón nasyuntana uyshacuna tiyanan jircaman. Chayrämi gamcuna musyanquipaj noga \nd Tayta Dios\nd* cashäta. 
\p  
\v 6 « ‹Noga \nd Tayta Diosmi\nd* në: Amón runacuna, Israelcuna mana alliman chayaptin, gamcunaga cushicuypitami pinticachar macshurayqui, manacajman churarayqui.  
\v 7 Chaypitami castigashpä juc nasyuncunapa maquinman cachaycushayquipaj. Chay nasyun runacunanami ima-aycayquitapis guechushunquipaj. Marcacunacho caycajtami sapipita jachata achurejno jitarishayqui. Nasyuncunapa chaupincho caycajtapis ushajpämi illgarachishayqui. Chayrämi musyanquipaj noga \nd Tayta Dios\nd* cashäta.› 
\s1 Moab imano cananpäpis rimashan 
\p  
\v 8 «Noga \nd Tayta Diosmi\nd* në: Moab nasyun runacunaga\x * \xo 25:8 \xt Isa. 15.1–16.14; 25.10–12; Jer. 48; Amós 2.1–3; Sof. 2.8–11\x* nin ‹Judäga waquin nasyuncunanöllami› nir.  
\v 9 Chaypitami Moabpa cantunpa yaycunata rurashaj. Nircorga juc cantupita juc cantucamami siudäniynajta cachaycushaj. Fiyupa almirashan Bet-jesimot, Baal-meón, Quiriataim siudäcunata illgächinanpämi camacächishaj.  
\v 10 Chaura inti yagamunan cajcho tiyaj runacunami charicarcärenga Moab nasyuntaga. Chaura Amón runacunanömi Moab runacunaga paycunapa maquincho canga. Chaynöpami imaypis manana Moab runacunapäga parlanganachu.  
\v 11 Chaynömi Moab nasyun runacunataga castigashaj. Chayrämi paycunaga musyanga noga \nd Tayta Dios\nd* cashäta. 
\s1 Edom imano cananpäpis rimashan 
\p  
\v 12 «Noga \nd Tayta Diosmi\nd* në: Judá runacunata Edom runacunaga\x * \xo 25:12 \xt Isa. 34.5–17; 63.1–6; Jer. 49.7–22; Eze. 35; Amós 1.11–12; Abd. 1–14; Mal. 1.2–5\x* fiyupa mana allita ruraypami ayñita cutichisha. Chaypitami fiyupa juchayoj ricacusha.  
\v 13 Chaypitami noga \nd Tayta Diosga\nd* në: Edom runacunata castigarmi illgächishaj chaycho tiyaj runacunata, uywantinta. Ushajpämi illgarachishaj. Chaymi Temán partipita-pacha Dedán particama runaga sabliwan wañonga.  
\v 14 Edom runacuna imano rurashanpitapis acrashä Israel runacunawanmi ayñita cutichishaj. Edom runacunataga paycunami imatapis ruranga noga fiyupa rabyasha caycashämanno. Chaynöpami Edom runacunaga musyanga noga ayñita cutiycächishäta. Noga \nd Tayta Diosmi\nd* chayno në. 
\s1 Filistea imano cananpäpis rimashan 
\p  
\v 15 «Noga \nd Tayta Diosmi\nd* në: Unaypita-pachami Filistea runacunaga\x * \xo 25:15 \xt Isa. 14.29–31; Jer. 47.1–7; Joel 3.4–8; Amós 1.6–8; Sof. 2.4–7; Zac. 9.5–7\x* acrashä Judá runacunawan chiquinacusha. Chaymi Judá runacunata ayñita cutichir pasaypa ushaycusha.  
\v 16 Chaypitami, noga \nd Tayta Dios\nd* në: Filistea runacunata castigar ushajpämi illgächishaj Ceret particho tiyaj runacunata. Lamar cantunpa quëdasha caycajcunatapis ushajpämi illgächishaj.  
\v 17 Fiyupami paycunataga ayñita cutichishaj. Fiyupa rabyawanmi castigashaj. Chayrämi paycuna musyanga noga \nd Tayta Dios\nd* cashäta.» 
\c 26  
\s1 Tiro siudä imano cananpäpis rimashan 
\p  
\v 1 Babiloniaman apamashancunaga chunca juc (11) wataman gallarej quilla, rimir junajninna caran. Chay junajmi \nd Tayta Dios\nd* cayno nimaran:  
\v 2 «Runa, Tiro\x * \xo 26:2 \xt Isa. 23; Joel 3.4–8; Amós 1.9–10; Zac. 9.1–4; Mat. 11.21–22; Luc. 10.13–14\x* siudächo tiyaj runacunaga Jerusalenpa contran cayno rimasha: 
\q1 « ‹¡Cananga mayancha! 
\q1 ¡May nasyunpitapis chayanan siudä 
\q1 cananga juchushami caycan! 
\q1 Paycunaga pasaypa mana allimannami chayasha. 
\q1 ¡Cananga nogamannami surti ticramusha! 
\q1 Noganami ima-aycawanpis rïcuyaycä› nir. 
\p  
\v 3 «Chaypitami noga \nd Tayta Dios\nd* në: 
\q1 «Tiro, nogaga gampa contrayquimi ricacö. 
\q1 Nogami camacächishaj juc-lä nasyun runacuna contrayqui ricacunanpaj. 
\q1 Paycuna shamonga lamar yacu wayrawan pullchajyar shamushannömi. 
\q1  
\v 4 Curalaraj pergayquicunatapis juchurgärachenga. 
\q1 Ricchacunayquipaj törri rurashayquicunatapis tunichenga. 
\q1 Ñuchu allpatapis pichaypami pichashaj. 
\q1 Allpaynaj gagatanömi cachaycushaj. 
\q1  
\v 5 Redata chaquichicuna 
\q1 lamar chaupincho caycajnömi ricaconga. 
\qr Noga \nd Tayta Diosmi\nd* chayno në. 
\q1 Tiro siudäpataga ima-aycantapis juc nasyun runacunami guechurir apaconga. 
\q1  
\v 6 Allinnin particho caycaj siudänincunacho tiyaycajcunatapis 
\q1 sabliwan wañuchenga. 
\q1 Chayrämi paycuna musyanga noga \nd Tayta Dios\nd* cashäta. 
\p  
\v 7 «Noga \nd Tayta Diosmi\nd* në: 
\q1 «Nogami camacächishaj norte caj-läpita 
\q1 Babiloniapa raynin Nabucodonosor Tiroman shamunanpaj. 
\q1 Paymi mas munayniyoj ray caycan. 
\q1 Payga cawalluncunawan y carrëtancunawanmi shamonga. 
\q1 Muntäducunapis aypallami shamonga. 
\q1 Aypalla suldärucunapis shamonga. 
\q1  
\v 8 Mas allinnin siudäcunacho tiyaycajcunatami 
\q1 sabliwan wañurgärachenga. 
\q1 Siudäpa intëru cantunpami yaycunanpaj pergata jatarachenga. 
\q1 Pillyaj yaycunanpaj escalëracunata ichichenga. 
\q1 Gamcunaman pillyaj yaycamoj suldärucunaga canga chapacuna escüdunwan-camami. 
\q1  
\v 9 Siudäniquita curalaraycaj pergatapis perga-tunichicunawanmi tangargärachenga. 
\q1 Suldäruyquicuna ricchacunan törriquitapis amiypami tunirachenga. 
\q1  
\v 10 Siudäcunata charir ima-aycantapis guechunanpaj yaycojnömi 
\q1 Babiloniapa raynenga puncuyquicunapa yaycamonga. 
\q1 Chauraga aypalla cawallucunami canga. 
\q1 Chaymi allpa goshtayno polbu jatarir chapacurcushunquipaj. 
\q1 Cawallu garchashan carrëtacuna wiyacaptin, 
\q1 muntäducuna purishan wiyacaptin, 
\q1 pergayquicunapis sicsicyangami. 
\q1  
\v 11 Intëru cällicunachöpis canga uchcoj-uchcoj lluchcargärishan 
\q1 cawallucunapa yupillanrämi. 
\q1 Chaycho tiyaj runacunataga sabliwanmi wañuchenga. 
\q1 Sinchi caycaj arcuyquicunatapis sajtargärengami. 
\q1  
\v 12 Ima-ayca charashayquitapis guechushunquipämi. 
\q1 Ranticunayquipaj caycächishayquitapis suwapäshunquipämi. 
\q1 Pergayquicunatanami juchurgärachenga. 
\q1 Fiyupa cuyayllapaj palasyuyquicunatapis juchurgärachengami. 
\q1 Lamarmanmi jitarenga rumicunata, guerucunata, 
\q1 muntuy-muntuy goturaycar quëdajtapis. 
\q1  
\v 13 Chaynöparämi cushicur birsur gaparpaycashayquitapis chawächishaj. 
\q1 Chayrämi arpayquicuna wagashanpis mana wiyacanganachu.\x * \xo 26:13 \xt Apoc. 18.22\x* 
\q1  
\v 14 Allpaynaj gagamanmi ticrarachishayquipaj. 
\q1 Redata mashtar chaquichicunallapänami ticrarachishayquipaj. 
\q1 Yapayga imaypis mananami jatarachishunquipänachu. 
\q1 Noga \nd Tayta Diosmi\nd* chayno cananpaj nishcä. 
\qr Noga \nd Tayta Diosmi\nd* chayno në. 
\p  
\v 15 «Tirotaga noga \nd Tayta Dios\nd* në: Ushacashayquita mayaycur, malubrashacuna gaparashanta wiyaycur, gamcho tiyaj runacunata wañuchishanta mayaycur lamar cantun nasyuncunacho tiyaycajcunaga manchariywan sicsicyangarämi.  
\v 16 Lamar cantuncho caycaj raycunaga jamaränancunapita jatarcur llaquicuyllawan jacurashancunata, cuyayllapaj burdasha röpancunatapis jorgonga. Nircur fiyupa mancharishpan sicsicyaycarmi pampaman jamaconga. Ricashushpayqui fiyupami mancharenga.  
\v 17 Chaymi wañushapaj cantanata cantapäshunquipaj. Caynömi nenga: 
\q1 « ‹¡Achachau! Imanöparaj chaynöga ruracashcanqui. 
\q1 Pï-maypitapis rejsisha caycaj siudä, lamar cantunpita illgashcanquimi. 
\q1 Gamga fiyupa munayniyojmi carayqui. 
\q1 Bisïnuyqui nasyuncunacho tiyajcunataga llapantami mancharachej-canqui. 
\q1  
\v 18 Cananga ushacar mana alliman chayashayquita mayaycärir, 
\q1 lamar cantun nasyuncunacho tiyaycajcunaga 
\q1 manchariypita sicsicyarcaycanmi. 
\q1 Canan illgashana captiquimi 
\q1 lamar chaupin tishgucunacho tiyajcunapis manchariywan ima ruraytapis mana camäpacunnachu› nir.\x * \xo 26:18 \xt Apoc. 18.9–10\x* 
\p  
\v 19 «Noga \nd Tayta Diosmi\nd* në: Pipis manana tiyashan siudäcunatano ragällantami cachaycushayquipaj. Lamarpita aypalla yacu llojshimur ñitishunayquipämi camacächishaj.  
\v 20 Chaymi unay wañojcuna caycashanman tallpucar chayanquipaj. Cay pachapitaga mas rurimanmi jitarishayqui. Chayga caycan imaypis ragälla caycashan nasyunmi. Chaychöga goyanquipaj wañojcunawan iwalmi. Gamchöga manami imaypis runacuna tiyangapänachu. Cay pachacho cawajcunaga tiyananpaj yapay manami jatarachishunquipänachu.  
\v 21 Illgächishpä fiyupa manchariypämanmi ticrachishayquipaj. Ashishushpayquipis mananami tarishunquipänachu.\x * \xo 26:21 \xt Apoc. 18.21\x* Noga \nd Tayta Diosmi\nd* chayno në.» 
\c 27  
\s1 Tiropaj llaquicushan 
\p  
\v 1 \nd Tayta Dios\nd* cayno nimaran:  
\v 2-3 «Runa, Tiro siudäpaj cantay wañushapaj llaquicur cantanata. Chay siudämi caycan lamar cantuncho. Chay siudämanmi chayan may nasyunpita aywarpis, lamar cantuncho tiyajcunapis. Chaychömi ranticunacurcaycan ima nigusyuncunatapis. Noga \nd Tayta Dios\nd* nishäta cayno ninqui: 
\q1 « ‹Tiro, gamga yarpanqui 
\q1 «Llapanpitapis mas cuyayllapaj büquimi cä» nir. 
\q1  
\v 4 Gam mandashayquega lamarpa chaupincamami chayaraycan. 
\q1 Arojcunami mas cuyayllapajta rurashurayqui. 
\q1  
\v 5 Senir jircapita pïno gueruta apaycamurmi cantuyquicunatapis intablasha. 
\q1 Tëla shucullpiqui warcuränanpaj ichiraj guerupäna apamusha Líbano jircacho caj sedrucunata. 
\q1  
\v 6 Yacupa purichishunayquipaj bäticunayquitanami rurasha Basancho caj encina guerucunapita. 
\q1 Chipre lamar cantunpita sipresta apaycamurna intëru janayquita chapar intablasha. 
\q1 Chaymanga marfilcunawanpis cañichiypa adurnasha. 
\q1  
\v 7 Wayra tangar apananpaj shucullpipis casha Egiptucho burdashan lïnupitami. 
\q1 Chay tëlanami bandërayquino caycaran. 
\q1 Tolduyquicuna caran murädu tëlacunapita, puca tëlacunapitapis. 
\q1 Chay tëlacunataga Elisa partipa lädun lamar cantunpitami apamuran. 
\q1  
\v 8 Yacupa tangachishojcunaga caran Sidonpita, Arvadpitami. 
\q1 Lamarpa manijashojcunaga caran gamcho tiyajcunami, fiyupa yachaj runacunami. 
\q1  
\v 9 Guebalpita caj rispitädu carpintërucunaga, yachaj runacunaga 
\q1 jinan örami allcharej imapis pirdicäcuptenga. 
\q1 Intërupita büquicunawan shamojcunaga 
\q1 gamwanmi ranticunacoj ima-aycata apamushantapis. 
\q1  
\v 10 Pillyapaj caycaj suldäruyquicunaga caycaran 
\q1 Persia, Lidia, Libia runacunami. 
\q1 Adurnashushpayqui waguirgärej chapacuna escüduncunata, fyërru cascuncunata. 
\q1 Chaycunawanmi camarächishoj-cashunqui. 
\p  
\v 11 « ‹Arvad runacunawan suldäruyquicunami curral pergayqui jananpaga intëru tumarejcho carcaycaran. Ricchacuna törricunachöna caycaran Gamad runacuna. Paycunapa chapacuna escüduncunana curral pergayquicunacho intëru tumarej waguiraycaran. Chaycunawanmi sumaj camarächishoj-cashunqui.  
\v 12 Gampaga ima-aycayquipis fiyupa aypallami caran. Chaymi Tarsispita shamojcunapis gampita rantej. Imatapis goshayquipitana paycuna pägashoj-cashunqui guellayta, fyërruta, estañota, plömuta.  
\v 13 Chayno, Greciapita, Tubalpita, Mesecpita shamojcunapis gampitami rantej. Paycunaga pägashoj-cashunqui rantisha runacunata, runsipita caj cösacunata.  
\v 14 Bet-togarma runacunana pägashoj-cashunqui cargapaj muntapaj cawallucunata, mülacunata.  
\v 15 Rodaspita shamoj runacunapis gampita rantej. Lamar cantunpa tiyajcunataga achca nasyuncunatami ranticoj-canqui. Paycuna pägashoj-cashunqui marfilta, ébano guerucunata.  
\v 16 Ima-aycayquipis ranticunayquipaj aypalla captinmi Edom runacunapis gampita rantej. Gam goshayquipa ruquin apapämushoj-cashunqui achicyaj granate rumicunata, muräduman tiñisha tëlacunata, burdasha tëlacunata, lïnu tëlacunata, cuestaj coral y rubí rumicunatapis.  
\v 17 Gamcunapitami rantej Judá, Israel runacunapis. Paycuna pägashoj-cashunqui Minit particho wayoj rïgucunata, pastilcunata, abëjapa mishquincunata, asëtita y balsamuta.  
\v 18 Damasco runacunanami rantishoj-cashunqui micuycunata, ima-aycata charashayquicunatapis. Paycuna pägashoj-cashunqui Helbonpita apamushan bïnuta, Saharpita apamushan yuraj millwacunata.  
\v 19 Uzalpita-pacha apapämushoj-cashunqui bïnuta, arucunapaj listu tacasha fyërrucunata, canëlata, alli asyaj cäñacunata. Chaycunataga goshoj-cashunqui ranticushayquicunapita pägarmi.  
\v 20 Dedanpita shamojcunaga gamman apamoj sillacunata.  
\v 21 Arabia runacunawan Quebarcho mandajcunapis gamcunawan ranticanacoj. Paycuna pägashoj-cashunqui manta uyshacunata, carnicunata, chïbucunatapis.  
\v 22 Sabächo, Raamacho tiyaj nigusyanticunaga gampitami rantej. Paycuna pägashoj-cashunqui mas allinnin caj perfümicunata, cuestaj cuyayllapaj rumicunata, goritapis.  
\v 23 Gamwanmi ranticunacoj Harán, Cane, Edén runacuna, chayno Sabächo, Asiriacho, Mediacho tiyaj llapan nigusyanticunapis.  
\v 24 Ranticoj-cashunqui fïnu tëlacunata, murädu röpacunata, burdashacunata, tucuy culur alfombracunata, mana rachej rinsasha wascacunatapis.  
\v 25 Tarsispitana büquicuna gatinayllanpa chayamoj llapan casta nigusyucunata apamushpan. 
\q1 « ‹Gamga ima-ayca riquësatapis cargacurcurmi lamar jananpa aywaj canqui. 
\q1  
\v 26 Lamarpa tangashojcunami apashurayqui jundunnin yacu jananpa. 
\q1 Jundu lamarcho caycaptiqui inti yagamunan caj-läpita shamoj fiyu wayranami 
\q1 ichic-ichiclla rurarishurayqui. 
\q1  
\v 27 Chaura lamarman tallpucashayqui junäga 
\q1 riquësayquicuna, ranticunayquipaj cajcunapis, 
\q1 llapan casta micuyniquicunapis, 
\q1 lamarpa apashojcunapis, manijajniquicunapis, 
\q1 uchcu chapapäshoj carpintërucunapis, nigusyantiquicunapis, 
\q1 pillyay yachajcunapis, llapan gamcho caycajcunapis 
\q1 lamarmanmi yaganga. 
\q1  
\v 28 Manijajcuna gaparpaptin 
\q1 lamar cuchuncunapis chucchongarämi. 
\q1  
\v 29 Chaura juc büquicunata tangachejcunapis llojshicurenga. 
\q1 Manijajcunapis allpaman pinticarpärenga. 
\q1  
\v 30 Paycunaga fiyupa callpaypami gaparpanga. 
\q1 Rabyawan fiyupa llaquicushpanmi gampaj waganga. 
\q1 Umancunaman allpata wiñaconga. 
\q1 Uchpachöpis gochpanga. 
\q1  
\v 31 Gampaj llaquicushpanmi ajchanta rutuconga. 
\q1 Lütu röpatapis jaticonga. 
\q1 Fiyupa llaquicushpanmi wagangapis. 
\q1  
\v 32 Chaymi gampäga wañushacunapaj cantanata cantanga. 
\q1 Gampaj llaquicushpan nenga: 
\q1 «¿Lamarcho caycaj Tiro siudämanga 
\q1 maygan siudällaraj tincunman caran?» nir. 
\q1  
\v 33 Lamar cantun nasyuncunapita imatapis chayachimuptin 
\q1 achca nasyuncho tiyajcunapämi aypächej-canqui. 
\q1 Ima-aycayqui, micuyniquicunapis aypalla captinmi 
\q1 cay pachacho caj raycunataga rïcuyächej-canqui. 
\q1  
\v 34 Cananga lamarmi illgächisha-cashunqui. 
\q1 Lamarman tallpucashami caycanqui. 
\q1 Llapan cösayquicuna y gamcho caj runacunapis 
\q1 gamwan iwalmi ruricama yagacarpusha. 
\q1  
\v 35 Imano päsashushayquitapis ricar lamar cantun nasyuncunacho tiyajcunaga llapanmi mancharisha carcaycan. 
\q1 Raynincunapis llaquishami carcaycan. 
\q1 Llaquicuycashanga alayrimi rejsicaycan. 
\q1  
\v 36 Imano caycajtapis ricashushpayqui fiyupami mancharircaycan 
\q1 juc-lä nasyun nigusyanticunaga. 
\q1 Fiyupa manchariypajmanmi ticrashcanqui. 
\q1 Para-simrinami illgashcanqui.› »\x * \xo 27:36 \xt Apoc. 18.11–19\x* 
\c 28  
\s1 Tiropa raynin imano cananpäpis rimashan 
\p  
\v 1 \nd Tayta Dios\nd* cayno nimaran:  
\v 2 «Runa, gamga Tiropa rayninta cayno niy: ‹\nd Tayta Diosmi\nd* cayno nin: 
\q1 « ‹Gamga pasaypami alli-tucurayqui. 
\q1 Mana Dios caycar, runalla caycashpayqui nishcanqui: «Nogaga diosmi cä. 
\q1 Jamaraycäpis dioscuna jamaränanchömi; lamarpa chaupinchömi caycäpis» nir. 
\q1 «Juc dios yarpashannömi yarpäpis» nir yarpashcanqui. 
\q1  
\v 3 ¿Gamga Danielpita mas musyaj yachajchuraj canqui? 
\q1 ¿Sasa tantiyana cajtapis llapantachuraj musyanqui? 
\q1  
\v 4 Musyaj, yachaj cayniquiwanmi 
\q1 rïcuyänayquiyaj ima-aycatapis aypallata tarishcanqui. 
\q1 Babulniquicunamanpis guellayta, gorita juntachishcanqui. 
\q1  
\v 5 Nigusyanti canayquipaj sumaj yachaj cashpayquimi 
\q1 rïcuyänayquicama ima-aycayquitapis mirachishcanqui. 
\q1 Ima-aycayquipis aypalla captinmi pasaypa alli-tucuycanqui. 
\p  
\v 6 « ‹Chayno captiquimi \nd Tayta Diosga\nd* nin: 
\q1 « ‹Gamga ninqui «juc diospa yarpayninno yarpayniyojmi cä» nir. 
\q1  
\v 7 Chaypitami camacächishaj gampa contrayqui 
\q1 mas fiyu jäpa runacuna shamunanpaj. 
\q1 Chaycunami sablinta jorgonga cuyayllapaj sumaj yachaj caycajta wañuchishunayquipaj. 
\q1 Chauraga allicho caycajtapis pasaypa manacajmanmi churashunquipaj. 
\q1  
\v 8 Ruri uchcumanmi gaycurishunquipaj. 
\q1 Lamarpa mas jundunninchömi rätu wañurinquipaj. 
\q1  
\v 9 Wañuchishunayquipaj caycajpa ñaupanchöpis gamga ¿jinallachuraj 
\q1 niycanquipaj «nogaga diosmi cä» nir? 
\q1 ¡Wañuchishojcunapa maquincho 
\q1 gamga manacaj runallami caycanquipaj! 
\q1  
\v 10 Mana aduramajcuna wañushannömi juc-lä jäpa runacunapa maquinwan wañunquipaj. 
\q1 Noga \nd Tayta Diosmi\nd* chayno rimashcä. 
\q1 Nogami nishcä chayno cananpaj.› » 
\s1 Tiropa rayninpaj llaquicur cantashan 
\p  
\v 11 \nd Tayta Dios\nd* cayno nimaran:  
\v 12 «Runa, gamga Tiropa rayninpaj llaquicushpayqui, runa wañuycho cantanata cantashpayqui cayno ninqui: ‹\nd Tayta Diosmi\nd* cayno nin: 
\q1 « ‹Gamga alli cuyayllapämi carayqui waquincuna ricacunanpaj. 
\q1 Gamga fiyupa yachajmi, cuyayllapämi carayqui. 
\q1  
\v 13 Edén wertachömi caycarayqui. 
\q1 Röpayquipis caycaran tucuy-niraj achicyaj rumicunawan burdashami. 
\q1 Chay achicyaj rumicunapa jutenga caynömi caran: 
\q1 Rubí, crisólito, jade, 
\q1 topacio, cornalina, jaspe, 
\q1 zafiro, granate, esmeralda. 
\q1 Aläjayquicuna, arëtiquicuna gorillapita caran. 
\q1 Chaycunaga gam yurishayquipita-pacha camarishanami caycaran. 
\q1  
\v 14 Juc querubín anjiltami churarä gamta täpashunayquipaj. 
\q1 Acrashä rispitädu jircachömi caycarayqui. 
\q1 Achicyaycachaycaj rumicunapa chaupinchömi purej canqui. 
\q1  
\v 15 Camasha cashayqui junajpita-pacha 
\q1 ima rurashayquicunapis allillami caran. 
\q1 Ichanga mana allita ruraytana gallaycurayqui. 
\q1  
\v 16 Achca nigusyuta arurmi 
\q1 mana alli ruraycunallaman, jucha rurayllamanna ticrashcanqui. 
\q1 Chaypitami ñaupäpita gargushcä; «Diospa jircan» nishayquicunapitapis jitarishcä. 
\q1 Querubín anjil täpaycäshojmi 
\q1 achicyaycachaycaj rumicunapa ñaupancho puriycajta jorgushurayqui. 
\q1  
\v 17 Cuyayllapaj carmi alli-tucurayqui. 
\q1 Allicho carmi yachaj cayniquitapis mana alliman ticrachishcanqui. 
\q1 Nogami gamta pampaman jitarishcä. 
\q1 Llapan raycunapa ñaupanman churashcä 
\q1 paycuna manacajman churar asipäshunayquipaj. 
\q1  
\v 18 Fiyupa aypallami juchayqui. 
\q1 Nigusyuta arur achcatami suwapashcanqui. 
\q1 Chayno rurarmi templuyquicunatapis ganrachishcanqui. 
\q1 Chaypitami, ninata ratarachishcä rupar ushacurcushunayquipaj. 
\q1 Llapanmi ricashunquipaj 
\q1 allpacho uchpayasha caycajta. 
\q1  
\v 19 Llapan rejsishojcunaga 
\q1 chaynöta ricashushpayqui fiyupami mancharisha caycan. 
\q1 Fiyupa manchariypaj ruracashami caycanqui. 
\q1 ¡Manami imaypis cutimunquipänachu!› » 
\s1 Sidón imano cananpäpis rimashan 
\p  
\v 20 \nd Tayta Dios\nd* cayno nimaran:  
\v 21 «Runa, gamga Sidón caj-läman\x * \xo 28:21 \xt Joel 3.4–8; Zac. 9.1–2; Mat. 11.21–22; Luc. 10.13–14\x* ricärir  
\v 22 cayno ninqui: ‹Caynömi \nd Tayta Dios\nd* nin: 
\q1 « ‹Sidón, nogami gampa contrayqui ricacö. 
\q1 Imano canayquipäpis nishä öra, 
\q1 santo cashäta musyacächishä öra, 
\q1 rejsicanga noga \nd Tayta Dios\nd* cashä. 
\q1 Chauraga gampa ñaupayquichömi alabasha cashaj. 
\q1  
\v 23 Gammanga tucuy-niraj gueshyatami chayachimushaj. 
\q1 Intëru cälliquicunachömi yawar mashtaranga. 
\q1 Wacpita caypita yaycur sabliwan cuchuypa wañuchiptinmi 
\q1 gamcho tiyaycajcunaga wañonga. 
\q1 Chaura noga \nd Tayta Dios\nd* cashä musyacangami. 
\q1  
\v 24 Israelga yapay mananami ñacanganachu. 
\q1 Bisïnun nasyun runacunaga casha tucshejno, shira rachejnöpis 
\q1 mananami manacajman churanganachu. 
\q1 Chaura noga \nd Tayta Dios\nd* cashä musyacangami. 
\p  
\v 25 « ‹Noga \nd Tayta Diosmi\nd* cayno në: Nasyuncunacho machicasha caycaj Israelcunata shuntamushämi. Nircorga santo cashäta musyachishaj llapan nasyun runacuna ricaycaptin. Chaura sirbimaj Jacobta goycushä nasyunchömi paypita mirajcunaga tiyacaycärenga.  
\v 26 Chaychöga allillanami goyangapaj. Wasicunata jatarachenga. Übascunata lantapaconga. Nogami castigashäpaj Israelcunata manacajman churaj bisïnun nasyun runacunataga. Chauraga Israelcunapa noga \nd Tayta Diosnin\nd* cashä musyacangami.› » 
\c 29  
\s1 Egipto imano cananpäpis rimashan 
\p  
\v 1 Babiloniaman apamashancunaga isgun wata chunca quillan chunca ishcay (12) junajninna caran. Chay junajmi \nd Tayta Dios\nd* nogata cayno nimaran:  
\v 2 «Runa, cananga Egipto caj-lämanna ricäriy. Nircur Egiptupa raynin faraonpaj, chayno llapan Egipto runacunapäpis\x * \xo 29:2 \xt Isa. 19.1–25; Jer. 46.2–26\x* 
\v 3 cayno ninqui: ‹Caynömi \nd Tayta Dios\nd* nin: 
\q1 « ‹Egiptupa raynin faraón, cananga nogami contrayqui ricacö. 
\q1 Gamga canqui jatuncaray waräcuy mayu yacullacho tiyacojnömi. 
\q1 Chayno carmi ninqui: «Nilo mayuga nogapami. Nogami rurashcä» nir. 
\q1  
\v 4 Jatun ansuylawanmi sengapita charichej-aywä. 
\q1 Nircurmi camacächishaj mayuyquicho caj 
\q1 pescäducunapis janayquiman lagacänanpaj. 
\q1 Mayuyquipita jorgushayquipaj 
\q1 janayquiman pescäducuna lagacasha caycajnintawanmi. 
\q1  
\v 5 Mayuyquicho caycaj pescäducunatawan iwalmi 
\q1 jitarishayquipaj chunyaj chaqui jircaman. 
\q1 Jäcoj pampamanmi chayanquipaj. 
\q1 Chaypitaga pampashunayquipaj manami pipis shuntashunquipänachu. 
\q1 Noga camacächishäpaj jirca animalcuna, aychata micoj äbicuna micushunayquipaj. 
\q1  
\v 6 Llapan Egipto runacunami musyangapaj noga rasunpa \nd Tayta Dios\nd* cashäta. 
\q1 Israelcunaga gammanmi guellicamuran yanapänayquipaj. 
\q1 Chaypis gamga cashcanqui challcucoj shogushnömi:\x * \xo 29:6 \xt 2Rey. 18.21; Isa. 36.6\x* 
\q1  
\v 7 Charicurcushuptiqui 
\q1 paquicäcur challcurishcanqui. 
\q1 Gamman tucnacamuyta munaptin 
\q1 paquicäcushpayqui tunichishcanqui. 
\p  
\v 8 « ‹Chaymi, noga \nd Tayta Dios\nd* në: Egipto, gamta magashunayquipaj shamonga sablincunawan. Wañuchenga runacunata, uywancunatapis.  
\v 9 Chaura pipis mana tiyanan chunyajmanmi ticranquipaj. Runacunana musyanga noga \nd Tayta Dios\nd* cashäta. Gamga nishcanqui: «Nilo mayuga nogapami. Nogami rurashcä» nir.  
\v 10 Chaypitami nogaga gampa contrayqui, mayuyquipa contran ricacö. Cananga ticrachishayqui manchariypaj chunyajmanmi. Chayno chunyäga canquipaj Migdolpita-pacha asta Etiopiapa lindan Sevenecama.  
\v 11 Gam cajpaga runacunapis ni animalcunapis manami purengapächu. Chuscu chunca (40) watayajmi chunyajlla cacunquipaj.  
\v 12 Egipto, nogami pasaypa illgächishayquipaj. Chuscu chunca (40) watacama siudäniquicunapis ragällan caconga. Waquin siudäcuna ragällan caycashanpita mas piyurmi quëdanquipaj. Gamcho tiyaj runacunatanami juc-lä nasyuncunaman gargurishaj. 
\p  
\v 13 « ‹Noga \nd Tayta Diosmi\nd* në: Chuscu chunca (40) watapitaraj Egipto runacunata may nasyunman gargushäpitapis shuntamushaj.  
\v 14 Prësu aywaj Egipto runacuna cutimunanpaj camacächiptë Egipto nasyunchöga tiyacaycärenga Patros partichömi. Chaychömi yuriranpis. Chaycho yapay mirarmi nasyunyanga. Ichanga manacaj nasyunllana canga.  
\v 15 Llapan nasyuncunapita mas wallca munayniyojllanami canga. Imaypis mananami waquin nasyuncunapita mas munayniyöga cangapänachu. Munayniynaj cashpanmi maygan nasyuntapis manana mandanganachu.  
\v 16 Israel runacunapis yapayga mananami Egiptuman yäracongapänachu. Chaypa ruquenga paycuna tantiyaconga Egiptuman guellicushpan mana allita rurashantami. Chauraga paycuna musyangapämi noga \nd Tayta Dios\nd* cashäta.› » 
\p  
\v 17 Babiloniaman apamashancunaga ishcay chunca ganchis (27) wataman gallarej quilla, rimir junajninna caran. Chay junajmi \nd Tayta Dios\nd* cayno nimaran:  
\v 18 «Runa, Babiloniapa raynin Nabucodonosormi suldäruncunata cachasha Tiro nasyun runacunata magananpaj. Chaycho chay-jina aruyllawanmi umancunapis galayasha, matancancunapis guerishana. Tiro nasyunman pillyaj aywashpanga suldäruncunapis ni quiquin ray Nabucodonosorpis manami imatapis tarishachu quiquincunapaj apananpäga.  
\v 19 Chaymi, noga \nd Tayta Dios\nd* në: Nogami camacächishaj Egiptuman Nabucodonosor yaycunanpaj. Nircur ima-aycantapis guechonga. Chay guechushanwannami suldäruncunata päganga.  
\v 20 Chayno Egiptupita Nabucodonosor ima-aycatapis charicurcunanpämi camacächej-aywä. Chaywanmi päganga Tiroman pillyaj aywaj suldäruncunata. Tiroman aywar payga nogapämi arusha. Noga \nd Tayta Diosmi\nd* chayno në. 
\p  
\v 21 «Chay wichanmi Israel runacunataga munayniyojyächishaj. Chaura, gam Ezequiel llapanpa ñaupancho rimanquipaj. Chayrämi musyangapaj noga \nd Tayta Dios\nd* cashäta.» 
\c 30  
\s1 Egipto castigasha cananpaj rimashan 
\p  
\v 1 \nd Tayta Dios\nd* cayno nimaran:  
\v 2 «Runa, gamga willapashpayqui cayno niy: ‹\nd Tayta Dios\nd* caynömi nin: 
\q1 « ‹¡Gamcunamanga fiyupa castïgu cananpaj junajmi chayaycämunna! 
\q1 Chaymi llaquicushpayqui wagay. 
\q1  
\v 3 Chay castïgu junäga rasunpami chayaycämunna. 
\q1 Wallcanami pishin \nd Tayta Dios\nd* castigashunayquipaj caycaj junajpäga. 
\q1 Chay junäga pachapis chacacäcongarämi. 
\q1 Nasyuncunapäga fiyupa manchariypämi cangapaj.\x * \xo 30:3 \xt Isa. 13.6; Joel 1.15; Sof. 1.14–18; Mal. 3.2; Apoc. 6.17\x* 
\q1  
\v 4 Egiptuchöga guërrami canga. 
\q1 Chaycho aypallata wañuchiptin, ima-aycantapis apacuptin, 
\q1 Egiptupa pergancunatapis juchuchiptin 
\q1 Etiopiaga manchariywan sicsicyangami. 
\p  
\v 5 « ‹Pillyachöga wañongami Etiopiapa, Libiapa, Lidiapa, llapan Arabiapa, Cubpa suldäruncunapis. Nogawan conträtuta rurasha caycaj yanapaj nasyun runacunapis wañongami. 
\p  
\v 6 « ‹\nd Tayta Diosga\nd* caynömi nin: 
\q1 « ‹Egiptuta yanapajcunaga 
\q1 Migdolpita-pacha Sevenecamami 
\q1 guërracho wañonga. 
\q1 Egipto munayniyoj cashpan alli chölu-tucushanpis 
\q1 manacajman churashami quëdanga. 
\qr Noga \nd Tayta Diosmi\nd* chayno në. 
\p  
\v 7 « ‹Illgächisha nasyuncuna caycajpitapis mas piyur illgächishami canga Egipto nasyonga. Siudänincunapis pasaypa juchur-ushashami canga.  
\v 8 Egiptucho nina rupananpaj camacächiptërämi, llapan yanapajcunatapis illgächiptërämi musyanga noga \nd Tayta Dios\nd* cashäta. 
\p  
\v 9 « ‹Egipto nasyun castigasha cananpäga wallcanami pishin. Chay junaj chayamuptinmi büquiwan cachata cachashaj mana yarpachacuypa caycaj Etiopiacunata willananpaj. Chaura chaychöga runacuna fiyupami mancharenga. 
\p  
\v 10 « ‹Noga \nd Tayta Dios\nd* në: Egiptupa ima-aycantapis illgächinanpaj cachashaj Babiloniapa raynin Nabucodonosortami.  
\v 11 Paymi suldäruncunawan aywanga chay nasyuncho caycajcunata illgächinanpaj. Chay suldäruncunaga caycan pasaypa fiyu runacunami. Egipto nasyunmanga yayconga sablinwan wañuchejmi. Chaymi chay nasyunchöga intërucho aypalla wañuyconga.  
\v 12 Camacächishaj Nilo mayu chaquicäcunanpaj. Chay nasyuntanami cachaycushaj fiyu runacunapa maquinman. Chay nasyuntaga juc-lä runacunawanmi usharishaj. 
\qr Noga \nd Tayta Diosmi\nd* chayno nishcä. 
\p  
\v 13 « ‹Noga \nd Tayta Diosmi\nd* në: 
\q1 « ‹Ïdulucunata rurashantapis llapantami illgächishaj. 
\q1 Menfis siudächo mana bälej diosnincunatapis ushajpämi illgächishaj. 
\q1 Chay nasyunmanga fiyupa manchariycunatami chayachishaj. 
\q1 Egiptucunata mandananpaj yapayga mananami cangapänachu. 
\q1  
\v 14 Patros partitaga ushajpämi juchur-ushacächishaj. 
\q1 Zoán siudätapis ninawanmi rupaycachishaj. 
\q1 Tebas siudätapis sumajmi jusgashaj. 
\p  
\v 15 « ‹Egiptupa curalasha caycaj Sin siudächömi fiyupa rabyasha caycashäta päsachishaj. Tebas siudätaga ushajpämi illgächishaj.  
\v 16 Egiptumanga ninatami sindipaycachishaj. Sin runacunanami nanaywan gochpanga. Curalaraycaj Tebas siudäpatanami pergancunata juchurachenga. Menfis siudämanga junajpami pillyaj yaycupaycärenga.  
\v 17 On siudächo, Bubastis siudächo tiyaj mösucunaga guërrachömi wañonga. Chaycho tiyaj warmicunatanami prësu apaconga.  
\v 18 Egipto munayniyoj caycashanta noga ushacächiptë, alli-tucurcaycashantapis ushacächiptë Tafnes siudächöga pachapis chacacäcongami. Chaycho tiyaj runacunatanami prësu apaconga.  
\v 19 Nogaga Egiptuta castigashaj imanöpis rurashanpitami. Chayrämi musyanga noga \nd Tayta Dios\nd* cashäta.› » 
\s1 Egiptupa faraonninta binsinanpaj cashan 
\p  
\v 20 Babiloniaman apamashancunaga chunca juc (11) wataman gallaycoj quilla ganchis junajninna caran. Chay junajmi \nd Tayta Dios\nd* cayno nimaran:  
\v 21 «Runa, nogami paquipashcä Egiptupa faraonninpa ricranta. Paquisha caycaj ricrantaga manami pipis jampipashachu, ni watapashapischu maquin callpacur yapay sablita aptarcunanpäpis.  
\v 22 Noga \nd Tayta Diosmi\nd* në: Egiptupa faraonninpa contranmi ricacushcä. Ishcan ricrantami paquipäshaj, sänu caycajtapis, paquishana caycajtapis. Chaynömi rurashaj aptaraycashan sablintapis cachapacunanpaj.  
\v 23 Egipto runacunataga mashtarishaj llapan nasyuncunamanmi. Intëru nasyuncunamanmi mashtacanga.  
\v 24 Babiloniapa raynintami callpayojyächishaj. Sablëtapis maquinmanmi aptapäshaj. Faraonpata ichanga ricrancunatapis paquipäshaj. Chaura payga contrancunapa ñaupancho nanaywan ataycanga.  
\v 25 Babiloniapa rayninpa ricran callpayoj cananpämi yanapäshaj. Faraonpa ricrantanami callpaynajta rurashaj. Babiloniapa rayninta sablëta aptapaptë, nircur Egipto runacunata wañuchiptin musyacangapaj noga \nd Tayta Dios\nd* cashä.  
\v 26 Egipto runacunataga may marcacunaman, may nasyuncunamanpis mashtarishämi. Chayrämi musyanga noga \nd Tayta Dios\nd* cashäta.» 
\c 31  
\s1 Faraonta sedru gueruman tincuchishan 
\p  
\v 1 Babiloniaman apamashancunaga chunca juc (11) wataman aywaj quimsa quillaman gallarinan junajnami caran. Chay junajmi \nd Tayta Diosga\nd* cayno nimaran:  
\v 2 «Runa, Egiptupa faraonninta, nasyunnincho caycaj llapan runacunatapis niy: 
\q1 «¿Imamanraj tincuchishwan munayniyoj cashayquitaga? 
\q1  
\v 3 Mä yarpäshun Asiria nasyunta. 
\q1 Chay nasyonga caran Libanucho caycaj sedrunömi. 
\q1 Fiyupa rämayoj car llapan muntita llantuparan. 
\q1 Fiyupa jatun cayllawanmi puntanga pucutaycamaraj chayaran. 
\q1  
\v 4 Pacha rurinpa aywaycaj yacumi yanapasha sumaj wiñananpaj. 
\q1 Chay yöra wiñaraycashan lädunpana mayucuna ruracasha. 
\q1 Chaypita aywarnami llapan yöracunata pargusha. 
\q1  
\v 5 Achca yacu chayar parguptinmi chay yöraga wiñasha 
\q1 waquin yöracunapita mas jatuncaray. 
\q1 Fiyupa rämayojyasha. 
\q1 Rämancuna jatunyarga may-maypa mashtacasha. 
\q1  
\v 6 Llapan casta äbicunami rämancunacho gueshtancunata ruraj. 
\q1 Chay yörapa chaquincho tucuy casta animalcuna wachaj. 
\q1 Chay yörapa llantuyninchöga achca nasyun runacunami tiyarcaycaran. 
\q1  
\v 7 Chay yöraga caycaran cuyayllapaj, jatuncaray, aypalla rämayoj. 
\q1 Chaynöga caycaran aypalla yacu ömiraptinmi. 
\q1  
\v 8 Tayta Diospa wertancho caycaj sedrucunaga\x * \xo 31:8 \xt Gén. 2.8–9\x* 
\q1 manami mayganpis chay sedruno jatun caranchu. 
\q1 Chay sedrupa rämannöga manami 
\q1 ima pïnupa rämanpis tincuranchu. 
\q1 Chaypanöga manami ima yörapa öjanpis caranchu. 
\q1 Tayta Diospa wertancho caycaj yöracuna 
\q1 chay sedruno cuyayllapäga manami mayganpis caranchu. 
\q1  
\v 9 Tayta Diosmi camacächisha chayno cuyayllapaj, rämasapa cananpaj. 
\q1 Chayno captinmi Tayta Diospa Edén wertancho caj yöracunaga chay sedruta chiquipaj. 
\p  
\v 10 «Chaypitami \nd Tayta Diosga\nd* Asiriapaj nisha: ‹Chay yöraga wiñasha fiyupa altuta puntancunapis pucutaycama chayananyaj. Llapanpita mas jatunta wiñasha cashpanmi alli-tucusha.  
\v 11 Chayno captinmi nogaga illgächishcä. Jäpa mandajpa maquincho cananpämi camacächishcä. Chaura chay mandäga imanöpis juchata rurashanmannömi ñacachisha.  
\v 12 Mas fiyunnin jäpa runacunami mutur sajtarir jinancho cachaycusha. Tuniptin rämancunaga paquirnami mashtacasha intëru jircacunaman, guechwa ragracunaman, yacu aywaj ragracunaman. Achca nasyun runacuna chay yörapa llantuncho tiyaycajcunana cachaycärir gueshpir aywacusha.  
\v 13 Cananga chay tunisha caycaj yöracho tiyananpänami tucuy casta äbicuna shamun. Tucuy casta micucoj animalcuna rämancunacho wegurpaycan.  
\v 14 Cananpitaga mananami maygan yörapis, ni yacu aywajpa ñaupancho cashpanpis fiyupaga jatunyanganachu. Ni may-jina pargusha cashpanpis puntan mananami pucutaycamaga chayanganachu. Ni mananami wiñanganapischu chay tunej sedruno jatuncaray canancamaga. Llapanpis caycan ushacänallanpämi, pacha rurinman chayanallanpämi. Chaychönami ñaupata wañojcunawan goturpanga. 
\p  
\v 15 « ‹Noga \nd Tayta Diosmi\nd* në: Wañushacuna chayananman chay sedru yöra chayaptenga camacächishcä llaquicuyllawan may ruricho caycaj yacupis chaquicäcunanpaj. Mayu aywajcunata, yacu urajcunatapis chaparcushcämi. Tunej sedru-raycumi camacächishcä Líbano munti llaquicunanpaj, llapan jirca yöracuna llaquicuywan wañutacäcunanpaj.  
\v 16 Wañushacuna chayashanman chayachiptë gaparashan wiyacaptenga waquin nasyuncunapis sicsicyashami. Wañushacuna caycashan pacha rurinchöna captin Edencho ñaupata caj yöracunapis pacha rurincho cushisha jamaycuran. Chaycunaga caran Libanucho caj yöracunapita mas cuyayllapaj cajninmi, mas alli pargusha cajmi.  
\v 17 Chay jatuncaray sedrunöllami paycunapis wañushacuna chayananman chayasha. Chaychönami tincusha pillyacho wañojcunawan, chay sedrupa llantuynincho tiyajcunawan. 
\p  
\v 18 « ‹Chay jatun sedrupa cuyayllapaj cayninman, jatun cayninmanga Edencho caj yöracuna manami mayganpis tincuranchu. Chaypis Edencho caj waquin yöracuna wañur pacha rurinman chayashannöllami chayanga. Mana rispitamajcunawan pillyacho wañoj runacunawan iwal goturpänanpämi chayanga. Chayno caycaptenga Egipto ¿gam yarpanqui paycunapita mas munayniyoj cashayquitachu? ¡Manami! Chaynöllami Egiptupa faraonninpis mandashan runacunapis ushacanga. Noga \nd Tayta Diosmi\nd* chayno në.› » 
\c 32  
\s1 Faraonta waräcuyman tincuchishan 
\p  
\v 1 Babiloniaman apamashancunaga chunca ishcay (12) wata, chunca ishcay (12) quillaman gallarej junajnami caran. Chay junaj \nd Tayta Dios\nd* cayno nimaran:  
\v 2 «Runa, Egiptupa raynin faraonta cantapay wañushapaj llaquicur cantanata. Cayno niy: 
\q1 «Gamga nasyuncunapa liyunninnömi caycanqui. 
\q1 Lamarcho caycaj waräcuynömi caycanqui. 
\q1 Mayuyquicho yacutapis bätinqui. 
\q1 Chaquiquicunawan yacuta cuyuycächinqui. 
\q1 Yacu aywajtana putcaycächinqui. 
\p  
\v 3 «\nd Tayta Diosga\nd* caynömi nin: 
\q1 «Chaychica runapa chaupincho caycajtapis 
\q1 redäta gamman jitamorga charishayquimi. 
\q1  
\v 4 Chaqui pampaman garachasha apashayqui. 
\q1 Chaychönami pampacho jitaraycajta cachaycushayqui. 
\q1 Camacächishaj llapan pärej äbicuna janayquiman ratamunanpaj, 
\q1 micucoj jirca animalcunapis aychayquita micur yamacänanpaj. 
\q1  
\v 5 Aychayquitaga altu puntacunamanmi mashtarishaj. 
\q1 Ismusha aychayquitanami ragra guechwacunamanpis juntachishaj. 
\q1  
\v 6 Pampachömi yawarniqui mashtaranga. 
\q1 Yawarniquega jircacunamanpis pillchir chayanga. 
\q1 Mayucunapis juntami ricaconga. 
\q1  
\v 7 Gamta illgächishpäga camacächishaj pacha chacacäcunanpaj, 
\q1 goyllarcunapis upicäcunanpaj. 
\q1 Pucutaywanmi intita chapashaj. 
\q1 Quillapis manami achicyanganachu.\x * \xo 32:7 \xt Isa. 13.10; Amós 8.9; Mat. 24.29; Mar. 13.24–25; Luc. 21.25; Apoc. 6.12–13; 8.12\x* 
\q1  
\v 8 Gampitami upichishaj syëlucho caycaj llapan achicyajcunata. 
\q1 Nasyunniquega chacajchömi ricaconga. 
\qr Noga \nd Tayta Diosmi\nd* chayno në. 
\p  
\v 9 «Mana rejsishayqui nasyuncunamanmi ushacashayqui willapaga chayanga. Chauraga achca marcacunacho fiyupami mancharenga.  
\v 10 Gampitami achca marca runacuna fiyupa chiyacasha ricaconga. Raycunapis upatashami ricaconga paycunapa ñaupancho sablëta wacman cayman cuyuchiptë. Gam ushacaptiquimi paycunaga quiquincuna wañunanpita mancharenga. 
\p  
\v 11 «Nogami në: Babiloniapa rayninpa sablinmi gamcunataga chayashunquipaj.  
\v 12 Nasyunniquicho aypalla runa caycajtaga chay fiyupa ollgoj pillyaj runacuna sablinwan wañuchinanpämi camacächishaj. Alli chölu-tucuycaj Egiptutaga chaynömi ushacächenga. Egiptucho aypalla runa caycajtapis usharengami.  
\v 13 Uywayquicuna yacuta upojtapis llapantami illgächishaj. Chauraga mananami lluchcacushpan yacuta putcachenganachu.  
\v 14 Chaypitanaga camacächishaj yacucuna chuya cananpaj, asëtinöllana aywananpaj. Noga \nd Tayta Diosmi\nd* chayno në.  
\v 15 Egipto nasyunta chunyajman ticrachiptërämi, chay nasyuncho imapis manana captinrämi, ni runapis manana tiyaptinrämi musyangapaj noga \nd Tayta Dios\nd* cashäta. 
\p  
\v 16 «Cay cantanaga caycan runa wañuycho fiyupa llaquicuypaj cantanami. Chaynömi juc-lä nasyun warmicuna Egiptupaj cantanga chaycho aypalla wañoj runacunapaj wagashpan. Noga \nd Tayta Diosmi\nd* chayno në.» 
\s1 Wañojcuna caycashanman Egipto chayashan 
\p  
\v 17 Babiloniaman apamashancunaga chunca ishcay (12) wata, chunca ishcay (12) quillaman aywaj chunca pichga (15) junajninna caran. Chay junajmi \nd Tayta Dios\nd* cayno nimaran:  
\v 18 «Runa, Egiptucho aypalla caycaj runacunata, munayniyoj nasyuncunacho caycaj runacunata wañushacuna chayananman garpuriy. Chay pacha rurinman chayajcunapäga llaquicuypaj cantanata cayno cantay: 
\q1  
\v 19 «Egipto ¿gamga waquin nasyunpita mas allichuraj canqui? 
\q1 Gampis pacha rurinman chayar chachacuy 
\q1 mala-muertipa wañojcuna caycashan cajman. 
\p  
\v 20 «Gamga guërracho wañojcunawanmi goturpanquipaj. Chaynömi llapan runacunawan ushacanquipaj. Chaypämi sabliga camarishana caycan.  
\v 21 Wañushacuna caycashanchöga mas munayniyoj mandajcunami Egipto runacunata, yanapajnincunata chasquicushpan cayno nenga: ‹¡Gamcunapis urämushcanquina! ¡Mala-muertipa wañojcunawan iwalnami caycanqui!› nir. 
\p  
\v 22 «Chaychömi caycan Asiria. Y llapan suldäruncunapis intërunpa tumarej pamparaycan. Paycunaga llapanpis guërrachömi wañusha.  
\v 23 Pacha rurinchöga mas rurichömi pamparpaycan. Suldäruncuna cawashan wichanga runacunata fiyupami mancharachiran. Chaypis guërrachömi wañusha. Canan Asiriacunaga pamparashan uchcutami tumaparaycan. 
\p  
\v 24 «Chaychömi caycan Elampis llapan suldäruncunawan pamparashan uchcupa ñaupancho. Paycunaga llapanpis guërrachömi wañusha. Cawashan wichan paycuna runacunata fiyupa mancharachej cashpanpis mala-muertipa wañojcuna caycashan pacha rurinmanmi chayasha. Cananmi ichanga pipis mana rispitaptin waquin wañojcunawan iwalna caycan.  
\v 25 Elamga llapan wañojcunapa chaupinchömi jitaraycan. Wañojcuna pamparashan uchcullami intërunpa tumaraycan. Chay runacunaga guërrachömi mala-muertipa wañuran. Paycunaga cawashan wichan runacunata fiyupami mancharachiran. Cananmi ichanga pipis mana rispitaptinna ñaupata wañojcuna caycashanchöna caycan. 
\p  
\v 26 «Chaychömi caycan Mesecpis Tubalpis. Y llapan suldäruncunapis intërunpa tumarej pamparaycan. Paycunaga llapanpis guërrachömi wañusha. Cawashan wichanga runacunata fiyupami mancharachiran. Cananmi ichanga mala-muertipa wañojcuna caycashan pacha rurinchöna carcaycan.  
\v 27 Paycunaga manami unay jinyu pillyajcuna pamparashanchöchu pamparaycan. Jinyu pillyajcunaga armantinmi pampacuranpis. Jawananmanmi churaparan sablincunata. Chapacuna escüduncunatapis jananmanmi churaparan. Paycuna cawashan wichanga jinyu cashpanmi runacunata mancharachej. 
\p  
\v 28 «Egipto, gamga manami chaynöchu pamparanquipaj. Gamga caycanquipaj mala-muertipa wañojcuna caycashanchömi. Guërracho wañojcunawan iwalmi cuchur-ushasha pamparanquipaj. 
\p  
\v 29 «Chaychömi caycan Edompis raynincunawan, mandajnincunawan. Fiyupa munayniyoj casha cashpanpis guërracho mala-muertipa wañojcunawan iwalmi caycan. 
\p  
\v 30 «Chaychömi carcaycan norte caj-läpa llapan mandajcunapis, Sidoncho mandajcunapis. Paycuna fiyupa munayniyoj casha cashpanpis, runacunata fiyupa mancharachisha cashpanpis guërracho mala-muertipa wañojcunawan iwalmi carcaycan. Cananmi ichanga pipis mana rispitaptin ñaupata wañojcuna caycashan cajchöna caycan. 
\p  
\v 31 «Chayta ricaycushpan faraonga suldäruncuna wañusha captinpis cushicongami. Paypis, suldäruncunapis guërrachömi wañonga. Noga \nd Tayta Diosmi\nd* chayno në.  
\v 32 Runacunata faraón fiyupa mancharachinanpaj camacächisha captëpis guërracho mala-muertipa wañojcunawan iwalmi pamparanga. Aypalla suldäruncunapis chaynömi pamparanga. Noga \nd Tayta Diosmi\nd* chayno në.» 
\c 33  
\s1 Profëta marcapa ricachacojninno cashan 
\r (Eze. 3.16–21) 
\p  
\v 1 \nd Tayta Dios\nd* cayno nimaran:  
\v 2 «Runa, gamga marca-masiquicunata willapay. Noga cayno nishäta willay: ‹May nasyunchöpis guërra cananpaj camacächiptë chay nasyuncho tiyaj runacunaga juctami acran ricachacojpaj.\x * \xo 33:2 \xt Isa. 21.6, 11; Jer. 6.17; Ose. 9.8\x* 
\v 3 Contran suldärucuna nasyunninman yaycuycajta ricar chay ricachacöga trompëtata tucashpan runacunata musyarachin.  
\v 4 Trompëtata tucamushanta wiyaycar mana cäsupaptin, contrancuna chayaycur chay runata wañuchiptin wañoj runaga quiquinmi juchayoj canga.  
\v 5 Chay runaga trompëtata tucamojta wiyaycarpis mana cäsupashachu. Chaymi wañushanpitaga quiquin juchayoj caycan. Tucamushanta wiyaycarga gueshpicunman caran. Chauraga manami wañunmanchu caran. 
\p  
\v 6 « ‹Ichanga capas chay ricachacoj runa ricanman contran suldärucuna aywaycämojta. Chayno ricaycarpis runacunata musyachinanpaj trompëtata mana tucaptin contrancuna chayaycur pitapis wañuchiptenga chay ricachacoj runami juchanpita wañonga. Chay runacuna wañushanpitaga ricachacoj runatami nogaga tapushäpaj.› 
\p  
\v 7 «Runa, chaynömi gamta nogaga churashcä Israelcunapa ricachacojninno canayquipaj. Nogami gamta willapäshayqui. Imano ruranäpaj caycashantapis gamnami runacunata willapanqui.  
\v 8 Capas mana allita ruraj runataga noga willachëman ‹wañunquimi› nir. Chayno niycaptë chay runa mana allita ruraycashanta cachaycunanpaj mana willaptiquega manami cachaycunmanchu mana allita ruraycashanta. Chay runaga juchanpitami wañonga. Ichanga chay runa wañushanpita gamtami tapushayquipaj.  
\v 9 Chay mana allita ruraj runa ruraycashanta cachaycunanpaj willapaycaptiqui mana cachaycuptenga chay runa quiquinpa juchanpitami wañonga. Chaura gamga manami wañunquipächu. 
\s1 Rurashanpitaga cada-ünunmi imanöpis canga 
\r (Eze. 18.21–32) 
\p  
\v 10 «Runa, gamga Israel runacunata niy: ‹Gamcunaga nircaycanqui: «Pasaypa mana allita rurajmi, juchata rurajmi caycanchi. Chaypitami cawaycällarna ismuycanchi. Chayno caycarga ¿imanöparaj cawashun?» nir.›  
\v 11 Ichanga noga \nd Tayta Diosmi\nd* jurashpä në: Nogaga manami munächu jucha ruraj runa wañunanta. Chaypa ruquenga munä mana allita ruraycashanta cachaycur allina cawanantami. Israelcuna mana allita rurarcaycashayquitaga cachaycuyna. ¿Imanirtaj wañuyta ashircaycanqui?\x * \xo 33:11 \xt Eze. 18.23, 32; 2Ped. 3.9\x* 
\p  
\v 12 «Runa, gamga marca-masiquicunata willapay: ‹Allillata ruraj runa jucha rurayman chayaptin, ñaupata allita rurashanpitaga manami salbacongachu. Mana allillata ruraj runa, mana alli ruraycashanta cachaycur allitana rurarga salbacongami. Ñaupata jucha rurashancunaga mananami chapachu canga. Chaymi allillata ruraj runa jucha rurayman chayaptin ñaupata allillata rurashanga castïgupita mana chapangachu.  
\v 13 Allita ruraycaj runataga capas nëman: «cawanquipämi» nir. Chay runa allita ruraj cashanman yäracushpan mana manchacuypa mana allita ruraptenga manami yarpäshänachu allita rurashancunataga. Chaypa ruquenga mana allita rurashanpitami wañonga.  
\v 14 Mana allita ruraj runata capas nëman: «wañunquipämi» nir. Chaura chay runa capas jucha ruraycashanta cachaycur alli cajtana rurar, rasun cajllatana ruranga.  
\v 15 Rindata charaycashancunata, suwacushancunata capas cutiycachinman. Nircur cumlinman alli cawayman chayachicoj laycuna imanöpis nishanta. Capas manana ruranmannachu mana allitaga. Chauraga rasunpami cawanga. Manami wañongachu.  
\v 16 Cananpita rasun cajta, alli cajllata rurashanpita chay runaga cawangami. Ñaupata juchata rurashancunataga manami yarpäshänachu.› 
\p  
\v 17 «Marca-masiquicunaga nin ‹Diosga mana allimi arriglaycan› nir. Rasunpaga quiquincunami pantasha carcaycan.  
\v 18 Allita ruraj runa, alli ruraycashanta cachaycur mana allitana rurashpanga juchanpitami wañonga.  
\v 19 Mana allita ruraj runana, jucha ruraycashanta cachaycur rasun cajta alli cajtana rurashpanga cawangami.  
\v 20 Chaypis gamcunaga yaparir-yaparir nircaycanqui: ‹Tayta Diosga mana allimi arriglaycan› nir. Ichanga cada-ünuyquitami Israelcunataga tapushayquipaj imanöpis rurashayquipita.»\x * \xo 33:20 \xt Job 34.11; Sal. 62.11–12; Prov. 24.12; Jer. 17.10; Eze. 18.30; Mat. 16.27; Rom. 2.6\x* 
\s1 Jerusalenta contrancuna charicurcushan 
\p  
\v 21 Babiloniaman apamashancunaga chunca ishcay (12) wata, chunca quillaman gallarej pichga junajninna caran. Chay junajmi Jerusalencho pillya caycajpita gueshpimoj runa chayamur willamaran «Jerusalentaga contranchïcunanami charicurcusha» nir.\x * \xo 33:21 \xt 2Rey. 25.3–10; Jer. 39.2–8; 52.4–14\x* 
\v 22 Chay runa chayamunan chacaymi \nd Tayta Diosga\nd* munayninta nogaman chayachimuran. Tutannin chay runa chayamuptenga Tayta Dios camacächiran rimayta yapay pashtachinäpaj. Chaypitaga mananami shimë läbacarannachu. 
\s1 Israelcunapa juchancuna 
\p  
\v 23 \nd Tayta Dios\nd* cayno nimaran:  
\v 24 «Runa, Israelcho ragällan caycaj siudäcunacho tiyaycaj runacunaga caynömi nircaycan: ‹Abrahamga caran japallanmi. Chayno caycashpanpis casha juc nasyunpa duyñunmi. Noganchi aypallaj caycashpanchëga masrächari cay nasyun intërupa duyñun cashun› nir.  
\v 25 Chayno nishanpita niy: ‹\nd Tayta Diosga\nd* caynömi nin: Gamcunaga yawar yawarllatami aychata micunqui, ïdulucunata aduranqui, wañuchicurcaycanqui. ¿Chayno ruraycarchu yarpaycanqui nasyunpa duyñun cayta?  
\v 26 Gamcunaga sabliquicunamanmi yäracuycanqui. Noga mana munashä cajtami rurarcaycanqui. Llapayquipis majayoj-purami cacunqui. ¿Chayno ruraycarchu yarpanqui nasyunpa duyñun cayta?› 
\p  
\v 27 «Mastapis niy: ‹\nd Tayta Diosga\nd* caynömi nin: Nogaga jutëpami jurä: Ragällan caycaj siudäcunacho tiyaycajcunapis guërrawanmi wañonga. Chacracunacho tiyaycaj cajtanami jirca animalcuna micucurconga. Gagacunacho, machaycunacho tiyaycajcunana gueshyawan wañonga.  
\v 28 Chay Israel nasyuntaga pasaypa chunyajtami cachaycushaj. Israel jircacunaga chunyajmi ricaconga. Chaypaga manami pipis purenganachu. Runacuna alli-tucurcaycashantapis manacajmanmi churashaj.  
\v 29 Paycuna melanaypaj juchata rurashanpitami noga camacächishcä chay nasyun chunyaj ragällan ricacunanpaj. Chayrämi paycuna musyanga Noga \nd Tayta Dios\nd* cashäta.› 
\p  
\v 30 «Gampäga perga wajtancunacho, wasi puncucunachöpis marca-masiquicuna parlarcaycan. Jucnin-jucninmi ninacurcaycan: ‹Mä \nd Tayta Dios\nd* Ezequielwan willachimashanchïta wiyaj aywashun-llapa› nir. \fig Siudäman yaycuna puncucho parlashan|src="HK00232B.TIF" size="span" loc="Eze. 33.30" ref="Eze. 33.30" \fig* 
\v 31 Chayno ninacurmi paycunaga aywarcaycämun. Nircur ñaupayquiman jamaycärin willapashayquita wiyananpaj. Ichanga wiyaycarpis manami wiyashantano ruranchu. Shimillanwanmi nogapaj allita riman. Shongunchöga yarparaycan mana allita ruraypa gänayllatami.  
\v 32 Paycunaga gamta ricashunqui juc jipashta u mösuta cuyar cantapashan birsuta cantaycajtanöllami, arpata llanupa tucar cantaycajtanöllami. Paycunaga nishayquicunata wiyaycarpis manami wiyacunchu.  
\v 33 Ichanga gam nishayquicuna llapanmi cumlenga. Chayno cumliptinrämi paycuna musyanga rasunpa juc profëta paycunacho cashanta.»\x * \xo 33:33 \xt Deut. 18.21–22; Jer. 28.9\x* 
\c 34  
\s1 Israelta mandajcunapaj rimashan 
\p  
\v 1 \nd Tayta Dios\nd* cayno nimaran:  
\v 2 «Runa, gamga Israel runacunata michej uyshëruno caycaj mandajcunapa contran\x * \xo 34:2 \xt Jer. 10.21; 23.1–6\x* rimay. Cayno ninqui: ‹\nd Tayta Dios\nd* caynömi nin: ¡Ay imanöraj canqui Israel runacunata michej uyshërucuna! Gamcunaga quiquillayquimi imapitapis cuydacurcaycanqui. ¿Uyshërucunaga manachu uyshata michinman täpanman?  
\v 3 Gamcunaga lëchinta upucarcärinqui. Millwancunapitanami röpayquita ruracarcärinqui. Mas werannin cajtana pishtacarcärinqui. Uyshata ichanga mana ricanquichu.  
\v 4 Gamcunaga manami ricanquichu agra caycaj uyshacunata. Manami jampinquichu gueshyaycajcunatapis. Manami watapanquicunachu maygan chaquin paquisha caycajtapis. Pantacajcunata manami shuntanquichu. Ogracaptinpis manami ashinquichu. Chaypa ruquenga magar-ushaycanqui, ñacaycächinquimi.  
\v 5 Chaymi uyshäcunaga uyshëruynaj ricacur wacpa-caypa machicar aywacusha.\x * \xo 34:5 \xt Núm. 27.17; 2Crón. 18.16; Jer. 50.6–7; Zac. 10.2; Mat. 9.36; Mar. 6.34\x* Chaytanami jirca animalcuna micucurcusha.  
\v 6 Intëru jircapa y altunnin puntacunapami mashtacäcusha. Cay pachachöga pantacashpan intërupami aywacusha. Manami mayganpis paycunapäga yarpachacunchu. Ni ashej aywananpäpis manami yarpanchu. 
\p  
\v 7 « ‹Chaymi uyshërucunano caycaj mandajcuna, chayno cashayquipita noga nishäta wiyamay.  
\v 8 Noga \nd Tayta Diosmi\nd* jurashpä në: Uyshäcunataga tucuy-niraj jirca animalcunami suwarcur-suwarcur micucurcusha uyshërun mana captin. Uyshërucunaga manami uysha ashej aywanchu. Chaypa ruquin uyshërucunaga quiquincunallami cuydacurcaycan. Manami uyshäcunataga ricanchu.  
\v 9 Chayno cashayquipita uyshërucuna sumaj wiyay noga  
\v 10 \nd Tayta Dios\nd* gamcunapaj nishäta: Uyshërucuna, cananpitaga gamcunapa contrayquimi ricacö. Chaymi llapan uyshäpaj tapushayqui. Manana uyshërö canayquipänami gargushayqui. Chaynöpami quiquiquicunapis manana cuydacunquipänachu. Uyshäcunataga shuntacushämi gamcuna sïguir manana micunayquipaj. 
\s1 Alli uyshëru imano cashanpis 
\p  
\v 11 « ‹Quiquin \nd Tayta Diosmi\nd* cayno nisha: Uyshäcunataga quiquëmi ricashaj.  
\v 12 Uyshëru\x * \xo 34:12 \xt Isa. 40.11\x* imanömi yarpachacun uyshancuna mashtacasha captin, chaynömi nogapis yarpachacushaj uyshäcunapäga. Chacaypa löcu wayra captin mashtacar maypa aywasha captinpis nogaga shuntamushämi.  
\v 13 Chaynömi juc-lä nasyuncunapa mashtacasha caycajta shuntamushaj. Nircorga quiquinpa nasyunninman cutichishaj. Israel alli jircacunaman, yacu cashancunamanmi gatishaj. Chay nasyuncho allinnin particunamanga intërumanmi gatishaj.  
\v 14 Allinnin guewa cashanmanmi michej gatishaj. Israelcho caj altu jircacunachömi alli guewata miconga. Alli guewa cashanchömi puñurpanga. Israelpa jircancho allinnin guewa cajtami micongapis.  
\v 15 Noga quiquëmi uyshäcunataga michishaj. Quiquëmi jamachejpis gatishaj.\x * \xo 34:15 \xt Sal. 23\x* Noga \nd Tayta Diosmi\nd* chayno në.  
\v 16 Ogracaj uyshäcunatami ashishaj.\x * \xo 34:16 \xt Luc. 15.4–7\x* Pantacasha caycajcunatami shuntamushaj. Waquinpa chaquincuna paquisha caycajtaga watapäshaj. Uyu cajtana ricashaj. Sänu cajta, werayasha cajtapis rurashanman-tupumi arriglashaj. 
\p  
\v 17 « ‹Noga \nd Tayta Diosmi\nd* në: Uyshäcuna wiyamay: Uyshacunataga uysha-masintawanmi jusgashaj. Carnicunatana chïbucunatawan jusgashaj.\x * \xo 34:17 \xt Mat. 25.31–34\x* 
\v 18 Alli guewata micushallayquiwan ¿manachu cuntintacunqui? ¿Imanirtaj guepacaj cajtaga lluchcacurcaycanquiraj? Chuya yacuta upurpis waquintaga chaquiquiwan putcachiparcaycanqui.  
\v 19 ¿Chayno lluchcacushayqui guewatachi waquin caj uyshäcunaga miconga? ¿Putcachishayqui yacutachi upongapis?  
\v 20 Chaypitami noga \nd Tayta Diosga\nd* cayno në: Wera uyshatawan uyu uyshataga sumajmi arriglashaj.  
\v 21 Wera cajcunaga tangarcur-tangarcurmi uyu cajcunata gargushcanqui. Tupaypami magashcanqui. Chaynöpanami gueshpichishcanqui.  
\v 22 Uyu uyshäcunataga noga salbashämi. Manami camacächishänachu suwa apananpäga. Uyshacunataga llapantami sumaj jusgashaj.  
\v 23 Nogami camacächishaj juc uyshëru paycunata ricananpaj. Chay uyshëruga canga sirbimajnë Davidmi. Paytami churashaj japallan uyshërö cananpaj. Chauraga paynami michejnin canga.\x * \xo 34:23 \xt Juan 10; Apoc. 7.17\x* 
\v 24 Noganami \nd Tayta Diosnin\nd* cashaj. Sirbimajnë Davidnami paycunapa mandajnin canga.\x * \xo 34:24 \xt Eze. 37.24\x* Noga \nd Tayta Diosmi\nd* chayno cananpaj nishcä. 
\p  
\v 25 « ‹Uyu uyshano caycaj acrashä runacunawanmi alli parlacushaj allillana goyänanpaj. Israel nasyunpitaga micucoj animalcunata illgächishämi. Chaura paycunaga jäcoj intëru jircacunacho mana manchacuypana tiyacongapaj. Munticunachöpis puñucongapaj.  
\v 26 Paycunataga rispitädu jircäpa ñaupanmanmi pushashaj. Chaychönami bindisyunta goshaj. Nistashan örami tamyatapis tamyachimushaj. Chaynömi paycunataga bindisyunta goshaj.  
\v 27 Frütacunapis alli wayonga. Chacracho micuycunapis allimi wayonga. Chaura paycunaga mana yarpachacuypana quiquinpa chacrancho goyäconga. Acrashä runacunataga jäpa runacunapa maquincho caycajtami salbashaj. Chayrämi musyangapaj noga \nd Tayta Diosnin\nd* cashäta.  
\v 28 Juc-lä nasyun runacuna paycunata mananami yapayga munaynincho chararanganachu. Ni micucoj animalcunapis micucurcongapänachu. Jaucanami goyäconga. Mananami pipis manchachenganachu.  
\v 29 Paycunapäga fiyupami micuycunatapis wayuchishaj. Chaura yapayga mananami muchuycho cangapänachu. Ni juc-lä nasyun runacunapis manami asipangapänachu.  
\v 30 Chayrämi Israelcuna musyangapaj noga \nd Tayta Diosnin\nd* yanapaycashäta, paycunaga acrashä runacuna cashantapis. Noga \nd Tayta Diosmi\nd* chayno në.  
\v 31 Gamcunami alli guewächo goyaj uyshäcuna canqui. Acrashä runacunami canqui. Noganami Diosniqui cä. Noga \nd Tayta Diosmi\nd* chayno në.› » 
\c 35  
\s1 Edom imano cananpäpis rimashan 
\p  
\v 1 \nd Tayta Dios\nd* cayno nimaran:  
\v 2 «Runa, Edomcho caycaj Seir\x * \xo 35:2 \xt Isa. 34.5–17; 63.1–6; Jer. 49.7–22; Eze. 25.12–14; Amós 1.11–12; Abd. 1–14; Mal. 1.2–5\x* jircaman ricäriy. Nircur chay jirca imanöpis cananpaj rimay.  
\v 3 Cayno ninqui: ‹\nd Tayta Dios\nd* caynömi nin: 
\q1 « ‹Seir jirca, nogami gampa contrayqui ricacö. 
\q1 Gamtami castigaj-aywä. 
\q1 Chauraga chunyajllana muntuy-muntuyllana quëdanquipaj. 
\q1  
\v 4 Siudäniquicuna illgänanpämi camacächishaj. 
\q1 Quiquiquinami chunyaj jirca ricacunquipaj. 
\q1 Chayrämi musyanquipaj noga \nd Tayta Dios\nd* cashäta. 
\p  
\v 5 « ‹Gamga imaypis Israelcunapa contranmi cashcanqui. Juchancunapita castïgucho caycaptinmi jananmanraj paycunawan guërrata rurarayqui.  
\v 6 Chaypitami noga \nd Tayta Dios\nd* jurashpä në: Wañunayquipämi camacächishaj. Chaura wañuyga gatiräshunquipaj. Gamga wañuchishayquipitami juchayoj canqui. Chaymi wañuyga gatiräshunquipaj.  
\v 7 Seir jirca, camacächishaj gam chunyaj canayquipämi. Nircur camacächishaj gam cajpaga pipis manana purinanpaj.  
\v 8 Nogami camacächishaj gamchöga intëru jircacunacho, puytush lömacunacho, ragra guechwacunacho, mayu cantuncunacho, guërracho pillyajcuna mashtaypa mashtar wañusha jitarpänanpaj.  
\v 9 Para-simri chunyaj canayquipämi camacächishaj. Mananami pipis tiyanganachu siudäniquicunacho. Chaura gamcuna musyanquipaj noga \nd Tayta Dios\nd* cashäta. 
\p  
\v 10 « ‹Seir jirca, gam nishcanqui: «Israel nasyuncho \nd Tayta Dios\nd* captinpis ishcan raycuna mandashanga nogapämi canga» nir.  
\v 11 Chayno nishayquipitami noga \nd Tayta Dios\nd* jurashpä në: Israelcunata chiquishayquinömi, rabyapashayquinömi, ollgucurcur rurashayquinömi nogapis rurashayqui. Gamta noga castigaptëmi musyanquipaj pï cashätapis.  
\v 12 Chayrämi gam musyanquipaj Israel jircacunata ashllishayquita noga \nd Tayta Dios\nd* llapanta wiyashäta. Gam nirayqui: «Pasaypa chunyajllami caycan. Cananmi ichanga llapanta ushacarcärishun» nir.  
\v 13 Gamga jatunta-jatunta rimarmi manacajman churamarayqui. Chayno parlashpayquega nogata chiquimar washämi parlarcaycarayqui. Chaytaga llapantami noga wiyashcä. 
\p  
\v 14 « ‹Noga \nd Tayta Diosmi\nd* cayno në: Gamta illgächiptëga munducho cajcuna llapanmi cushiconga.  
\v 15 Gamga cushicurayquimi Israelcuna partisyunta chasquishan nasyunta mana alliman churaptë. Chaynömi gamtapis rurashayqui. Edom nasyuncho caycaj intëru Seir jirca chunyajmanmi ticranquipaj. Chayrämi noga \nd Tayta Dios\nd* cashäta musyanquipaj.› 
\c 36  
\s1 Israel allichöna cananpaj cashan 
\p  
\v 1 «Runa, gamga, Israelcho caycaj jircacuna imanöpis cananpaj cashanta rimay. Cayno niy: ‹\nd Tayta Dios\nd* nishanta wiyay Israel jircacuna.  
\v 2 \nd Tayta Diosga\nd* caynömi nin: Israelpa contran cajcunaga yarpaycan «para-simri cacoj puntacunaga noganchïpana» nirmi.  
\v 3 Chaypitami noga \nd Tayta Diosga\nd* në: Gamcunataga wacpita-caypita shamur magashushpayquimi pasaypa ushashurayqui. Llapan juc-lä marca runacunami duyñu-tucurcushurayqui. Runacunanami asipäshushpayqui, manacajman churashurayqui.  
\v 4 Chaypitami Israel jircacuna, wiyay noga \nd Tayta Dios\nd* nishäta. Jircacuna, puytush lömacuna, mayucuna, guechwa ragracuna, pipis mana tiyashan ragäcuna, chunyaj siudäcuna, läduncho tiyajcuna suwapashan siudäcuna, manacajman churar asipasha caycaj siudäcuna wiyay noga nishäta.  
\v 5 Noga \nd Tayta Diosga\nd* caynömi në: Rabyasha rimashäcuna waquin runacunapäga caycan nina rataycajnömi. Chayno nishä masga caycan intëru Edom nasyunpämi. Paycunaga fiyupa cushicushpanmi acracushä nasyunta charicarcäriran. Chaycho tarishancunatapis manacajman churashpan apacuran.› 
\p  
\v 6 «Chaymi nogapa jutëcho rimay Israel nasyunpaj. Puntacunata, patacunata, mayucunata, guechwa ragracunata willapar cayno niy: ‹\nd Tayta Diosga\nd* caynömi nin: Juc-lä nasyun runacuna manacajman churar ashllishushayquipitami nogaga fiyupa rabyasha caycä.  
\v 7 Chaypitami, noga \nd Tayta Diosga\nd* jurashpä në: Ñaupayqui nasyuncho tiyaj runacunapis manacajman churasha ashllishami canga.› 
\p  
\v 8 «Gamcunami ichanga Israel jircacuna carcaycanquipaj jatusaj yöracuna juntasha. Jinachöpis wayuynincuna aypallami caycanga acrashä Israel runacuna micunanpaj. Israelcunaga cutimunanpänami carcaycan.  
\v 9 Gamcunataga nogami ricashayqui. Nircur camacächishaj yapay murusha, uryasha canayquipaj.  
\v 10 Gamcho tiyaj Israel runacunaga fiyupa aypallamanmi mirangapaj. Runacuna siudäcunaman juntanga. Juchusha caycajcunatapis yapay allchar jatarachenga.  
\v 11 Camacächishaj gamcunachöga runacunapis uywacunapis mirananpaj. Chaycunaga aypallamanmi miranga. Runacunapis caycanga unay cashanno aypallami. Unay cashayquipitaga mas allimi goyanquipaj. Chayrämi musyanquipaj noga \nd Tayta Dios\nd* cashäta.  
\v 12 Israel jircacuna, nogami camacächishaj acrashä runacuna janayquicho purinanpaj. Paycunaga gamcunachömi tiyangapaj duyñuyqui cananpaj. Nogapis manami camacächishänachu wamrancunata micunayquita. 
\p  
\v 13 «Juc-lä nasyun runacunaga ashllir manacajman churashushpayquimi nircaycan: ‹Israel jircacunaga runa micojmi. Marcatapis jaguiycun wamraynajtami› nir.  
\v 14 Cananpita ichanga mananami runacunata micunquipänachu. Ni marcatapis wamraynajta cachaycunquipänachu. Noga \nd Tayta Diosmi\nd* chayno në.  
\v 15 Yapayga manami camacächishänachu juc-lä nasyun runacuna ashllishunayquita. Chay nasyun runacuna yapayga manami ashllir manacajman churashunquipänachu. Gamcunaga imaypis mananami wamracunata micunquipänachu. Noga \nd Tayta Diosmi\nd* chayno në.» 
\p  
\v 16 \nd Tayta Diosga\nd* cayno nimaran:  
\v 17 «Runa, Israelcuna nasyunnincho tiyashpan chay nasyuntaga jucha rurashancunawanmi ganrachisha. Paycuna rurashan nogapäga caran fiyupa ganra, melanaypaj, warmita quilla gueshyan charishanno.  
\v 18 Chaymi runacunata wañuchishanpita, ïdulucunata adurar chay nasyunta ganrachishanpita rabyawan paycunata castigarä.  
\v 19 Jucha rurashanpita castigarmi juc-lä nasyuncunaman gargur mashtacächishcä.  
\v 20 Ichanga, may marcamanpis paycuna chayashanchöga nogata manacajmanmi churamaj. Chay particho tiyaj runacunana nej: ‹Paycunaga Dios acrashan runacunami. Acrashan caycarpis nasyunninpita jitaricämusha› nir.  
\v 21 Israelcuna may nasyunmanpis chayashpan rispitädu jutëta manacajman churaptinmi shongöpis fiyupa nanämaran. 
\p  
\v 22 «Chaypita, Israel runacunata gam niy: ‹\nd Tayta Diosga\nd* caynömi nin: Israelcuna, gamcunaga may nasyunmanpis chayashayquicho rispitädu jutëtami manacajman churarayqui. Chaypis jutë-raycumi chay nasyuncunapita jorgushayqui; manami gamcuna-raycuchu.  
\v 23 Chayno jorgushpämi nasyuncunata musyachishaj jutë rispitädu cashanta. Jutëta manacajman churasha captiquipis gamcunata jorguptëmi juc-lä nasyun runacunaga musyanga noga \nd Tayta Dios\nd* cashäta. Noga \nd Tayta Diosmi\nd* chayno në.  
\v 24 Chay nasyuncunapita nogami jorgamushayqui. Shuntarcurmi quiquiquicunapa nasyunniquiman cutichishayquipaj.  
\v 25 Chuya yacuwanmi mayllashayquipaj. Ganra caycajta limyuyächishayquipaj. Ïdulucunata adurashayquipita ganra caycajtapis limyuyächishayquimi.  
\v 26 Gamcunataga mushoj shongutami goshayqui. Mushoj espiritutapis goshayquimi. Gamcunapa rumi shonguyquitaga jorgushämi. Nircorga alli shongutanami churashaj.\x * \xo 36:26 \xt Sal. 51.10; Isa. 44.3; Eze. 18.31\x* 
\v 27 Gamcunamanmi Espiritöta churamushaj. Chaynöpami camacächishaj laynëcunata, mandamintöcunata cumlinayquipaj.\x * \xo 36:27 \xt Jer. 31.31–33; Rom. 8.5–6; Gál. 5.22–25; 1Juan 3.24\x* 
\v 28 Chaura unay taytayquicunata goycushä nasyunchömi tiyanquipaj. Gamcunami canquipaj acrashä runacuna. Noganami gamcunapa Diosniqui cashaj.\x * \xo 36:28 \xt Eze. 11.19–20\x* 
\v 29 Ganracushayquipitami limyuyächishayqui. Bindisyunta goshayquipaj rïgu alli wayunanpaj. Chaura yapayga mananami muchuy ni yargaypis cangapänachu.  
\v 30 Chayno camacächishaj frütacunapis alli wayunanpaj, chacracunachöpis micuy alli wayunanpaj. Chaura gamcunataga yargay manana captin juc-lä nasyun runacuna mananami pengayman churashunquipänachu.  
\v 31 Mana allita rurashayquipita, imanöpis goyashayquipita, juchasapa cashayquita yarpärishpayquega quiquiquicunami fiyupa pengacunquipaj.  
\v 32 Noga \nd Tayta Diosmi\nd* në: Ruranäpaj caycajtaga manami gamcuna-raycuchu rurashaj. Israel runacuna, gamcuna ichanga juchayquipita pengacunquiman. 
\p  
\v 33 « ‹Noga \nd Tayta Diosmi\nd* në: Llapan juchayquicunapita limyuyächishä junäga camacächishaj siudäniquicunacho yapay tiyanayquipänami, juchuchisha caycajcunatapis yapay jatarachinayquipänami.  
\v 34 Chunyaj chaqui jircaman ticrasha caycajpis aruna chacranami cangapaj. Chauraga chaypa purejcunapis ricangami.  
\v 35 Chaymi ricajcunaga nenga: «Cay chacraga chunyaj chaqui jircami caran. Cananga Edén\x * \xo 36:35 \xt Gén. 2.8; Isa. 51.3\x* wertano cuyayllapänami caycan. Illgächisha, juchuchisha, pirasyasha cashan siudäcunapis cananga runa tiyanannami caycan. Sumaj curalashanami caycan» nir.  
\v 36 Chaura bisïnun nasyuncunacho cawaycajraj runacuna musyanga illgasha caycajta noga \nd Tayta Dios\nd* allchachishäta, mana alliman ticrasha caycajcunatapis yapay murunaman ticrachishäta. Noga \nd Tayta Diosmi\nd* chayno nishcä. Chayno nishätaga rasunpami cumlishaj.› 
\p  
\v 37 «Noga \nd Tayta Dios\nd* në: Mas juctapis rurashärämi. Imata ruranäpäpis Israelcuna mañacamashanta camacächishämi. Chay particho tiyaj runacunataga uyshano mirananpämi camacächishaj.  
\v 38 Juchusha caycaj siudäcunachöpis runacunaga juntangami. Chay runacunaga aypallami caycangapaj fistacho rupachinanpaj Jerusalenman ñaupata apashan uyshacunanöraj. Chayrämi paycuna musyanga noga \nd Tayta Dios\nd* cashäta.» 
\c 37  
\s1 Chaquisha tullucuna cawarishan 
\p  
\v 1 \nd Tayta Dios\nd* yataycamashpan Espiritunwan apacamaran. Nircorga chayachimaran guechwa pampacho aypalla tullucuna mashtaraycajman.  
\v 2 Chaychöga \nd Tayta Dios\nd* intërupa purichimaran. Chay pampachöga tullu aypalla cashpan intërucho mashtaraycaran. Jinachöpis chaquir pasaypa yur'gasha caycaran.  
\v 3 Chaymi nimaran: «Runa, ¿cay tullucuna yapay cawarinmanchuraj?» Nogana nirä: «Tayta, gamllami musyanqui.» 
\p  
\v 4 Chaura \nd Tayta Diosga\nd* nimaran: «Chay tullucunata nogapa jutëcho willapay. Cayno niy: ‹Chaquisha tullucuna, Tayta Dios gamcunata willaycächimashanta wiyay-llapa.  
\v 5 \nd Tayta Diosmi\nd* gamcunata cayno nishunqui: Gamcunamanmi yaycuchishaj caway-jämayta. Chaura gamcunaga yapaymi cawarinquipaj.  
\v 6 Ancuyquicunata yurichishaj. Aychatapis wiñachimushaj. Garayquicunata yurichishaj. Nircorga gamcunaman yaycuchishaj caway-jämayta. Gamcunanami yapay cawayta gallaycunquipaj. Chaura gamcunaga musyanquipämi noga \nd Tayta Dios\nd* cashäta.› » 
\p  
\v 7 Chaymi nogaga Tayta Dios nimashanno tullucunata willaparä. Willapaycashächo wiyarä pagraraylla wiyacajta. Chayno wiyacaran tullucuna jucnin-jucnin mayninchöpis cananpaj cajman lagacayta gallaycuptinmi.  
\v 8 Nircur ricarä chay tullu jananpa ancuncuna, aychancuna yuriycajta, chay jananpana garanpis intërunta chapaycajta. Ichanga manaraj caranrächu cawananpaj jämaynin. 
\p  
\v 9 Chaura \nd Tayta Dios\nd* nimaran: «Runa, cawachicoj jämayta nogapa jutëcho gayacuy. Gayacushpayqui cayno ninqui: ‹Tayta Diosga caynömi nin: Cawachicoj jämay chuscun-läpita shamuy. Nircur caycho wañusha jitarpaycajcunaman cawarinanpaj yaycuy.› »  
\v 10 Nogaga Tayta Diospa jutincho willaparä imanöpis pay nimashannölla. Chaura chay cawayga shamur yaycuran wañusha caycajcunaman. Chay wañusha jitarpaycajcunana cawarimur jataricarcäriran.\x * \xo 37:10 \xt Apoc. 11.11\x* Yupaytapis mana atipaypaj aypallami suldärucunano caycaran. 
\p  
\v 11 Yapay Tayta Dios nimaran: «Runa, cay tullucunami Israel runacunaga carcaycan. Paycunaga cayno nirmi purircaycan: ‹Tullunchïcunapis chaquishanami caycan. ¿Imatanataj shuyäshunpis? Noganchi ushacänanchi öra chayamushanami› nir.  
\v 12 Chaypitami cananga Israelcunata nogapa jutëcho willapanqui. Cayno ninqui: ‹\nd Tayta Diosmi\nd* cayno nin: Acrashä runacuna, gamcuna pamparashayqui uchcu puncu chaparajta quicharejmi-aywä. Chaypita jorgurcurmi Israel nasyunman cutichishayqui.  
\v 13 Acrashä runacuna, pamparashayqui uchcuta quicharir jorguptëmi musyanquipaj noga \nd Tayta Dios\nd* cashäta.  
\v 14 Nogami gamcunaman yaycachishaj cawachicoj jämaynëta. Chaynöpami gamcuna cawarinquipaj. Nircur tiyachishayquipaj quiquiquicunapa nasyunniquicho. Chayrämi musyanquipaj noga \nd Tayta Dios\nd* nishä rasunpa cashanta. Noga \nd Tayta Diosmi\nd* në rasunpa chayno cananpaj.› » 
\s1 Judätawan Israelta jucllachananpaj cashan 
\p  
\v 15 \nd Tayta Dios\nd* yapay cayno nimaran:  
\v 16 «Runa, juc bastunman isquirbiy ‹Judá waquin sur caj trïbucunawan› nir. Chayno yapay juc bastunmanna isquirbiy ‹Efraín waquin norte caj trïbucunawan› nir.  
\v 17 Chayno isquirbircur ishcan bastunta chojpar jucllachanqui. Chaynöpami ishcan jucnayllanöna caycanga.  
\v 18 Marca-masiquicuna ‹Chayta imapaj ruraycashayquitapis willamay› nishuptiqui  
\v 19 gamna ninqui: ‹\nd Tayta Diosga\nd* caynömi nin: Efraín waquin Israel trïbucunawan chararaycashan bastunta shuntashaj. Chaytana Judäpa bastunnintawan jucllachar juc bastunllamanna ticrachishaj.› 
\p  
\v 20 «Chay isquirbishayqui bastuncunataga chay marca-masiquicuna ricaycäshuptiqui aptaranqui.  
\v 21 Nircur ninqui: ‹\nd Tayta Dios\nd* caynömi nin: May nasyunman tiyaj aywasha captinpis Israelcunataga jorgamushämi. Intërupitami juc pachaman shuntashaj. Nircur quiquincunapa nasyunninman pushashaj.  
\v 22 Cay pachachöga juc nasyunlla cananpämi paycunata jucllachashaj. Rayninpis jucnayllanami canga. Mananami ishcay nasyunnachu canga. Ni ishcay raycunapis manami mandanganachu.  
\v 23 Ïdulucunatapis manami aduranganachu ganrayänanpaj. Chaynöpami juchataga mana ruranganachu. Nogami perdunashaj conträ rurashanpita. Paycunami canga acrashä runacuna. Noganami Diosnin cashaj.  
\v 24 Sirbimajnë Davidllami raynin canga. Payllanami llapanpa michejnin canga.\x * \xo 37:24 \xt Eze. 34.24\x* Nogallatanami paycunaga wiyamanga. Laynëcunata, mandamintöcunatapis cumlenga.  
\v 25 Unay awiluncuna tiyashanchömi tiyanga. Chayga caycan sirbimaj Jacobta goycushä nasyunmi. Chaychömi tiyanga paycuna, wamrancuna, paycunapita mirar aywajcunapis. Sirbimajnë Davidllanami imaypis mandajnin caycanga.  
\v 26 Paycunawan alli parlashaj allillana goyänanpaj. Alli parlashäga para-simrinami canga. Paycuna aypallaman mirananpämi camacächishaj. Imaycamapis paycunacho caycänanpänami rispitädu Templötapis churashaj.  
\v 27 Paycunachömi tiyashaj. Nogami Diosnin cashaj. Paycunanami acrashä runacuna canga.\x * \xo 37:27 \xt 2Cor. 6.16; Apoc. 21.3\x* 
\v 28 Templö paycunacho imaycamapis captinmi waquin nasyun runacuna musyanga Israelcunata noga acracushäta.› » 
\c 38  
\s1 Gogpa contran rimashan 
\p  
\v 1 \nd Tayta Dios\nd* yapay cayno nimaran:  
\v 2 «Runa, cananga Magog particho caycaj Gogmanna ricäriy. Payga Mesecpawan Tubalpa mas mandajninmi.\x * \xo 38:2 \xt Apoc. 20.8\x* 
\v 3 Payta cayno ninqui: ‹\nd Tayta Dios\nd* caynömi nin: Mesecpawan Tubalpa mas mandajnin Gog, nogaga gampa contrayquimi caycä.  
\v 4 Gamtaga charichicuna aushicunawan shimiquipita charichicurcurmi apashayqui. Gamtaga cawallun muntädu cuyayllapaj alli röpasha caycaj suldäruntintami apashayqui. Chay suldäruyquicunaga caycan sablincunawan tucuy casta chapacuna escüduncunawanmi.  
\v 5 Paycunaga aywanga Persia, Etiopía, Libia runacunawan tacucashami. Chayno aywashpan llapanpis carcaycanga fyërru cascunwan, chapacuna escüdunwan.  
\v 6 Gamcunawanmi aywanga Gomerpa, Bet-togarmapa llapan suldäruncuna. Paycunaga norte caj-lä fiyupa carupitami caycan. Gamcunawan alli parlacusha carcaycajcunaga llapanmi aywanga. 
\p  
\v 7 « ‹Gamcunaga sumaj camaricuy. Gog, llapanmi gampa munaynillayquicho aywanga. Llapan suldärucunapis gamwan caycajcunaga camaricuchunna.  
\v 8 Cananpita achca watataga nishayquipaj guërracho ushacashan nasyunman pillyaj yaycunayquipaj. Chaypäga chay nasyun runacuna pillyashanpita gasacashanami caycangapaj. Paycunaga intërupami machicar aywacusha casha, imaycamapis illgächisha cananpaj. Chay örapämi ichanga mayna cutimur shuntacashana carcaycanga Israel jircacunacho. Chay öra paycunaga llapan nasyunpita cutimushana carcaycanga. Alli mana yarpachacuypana tiyarcaycangapis.  
\v 9 Yaycur chayanquipaj yana pucutaynöpis nasyun intëruta juntajpämi. Nasyunmanga intëruman juntaycärinquipaj löcu tamyano llapan suldäruyquicunawan, llapan nasyunpita yanapäshunayquipaj aywäshishoj runacunawan. 
\p  
\v 10 « ‹Noga \nd Tayta Diosmi\nd* në: Gog, chay wichanmi gam mana allicunata rurayta yarpanquipaj.  
\v 11 Chaymi cayno ninquipaj: «Yaycushaj mana pipis yanapashan nasyunman, allilla goyaycaj runacunaman, curaläni, puncuynaj, rancaynaj caycaj siudäcunaman.  
\v 12 Achca nasyuncunapita cutircur juc pachallaman shuntacasha caycaj runacunata ima-aycantapis guechushaj. Juchusha cashanpita, yapayna runacuna tiyaycashan siudäcunaman magaj yaycupaycushaj. Paycunaga aypalla uywayoj, chacrayojmi carcaycan. Cay pachachöga pachapa pupunchömi tiyarcaycanpis» nir.  
\v 13 Sabá, Dedán runacuna, Tarsis nigusyanticuna, waquin nasyun nigusyanticunapis tapushunquipaj: «¿Gamcuna suwacojchu shamushcanqui? ¿Suldäruyquicunatapis shuntashcanqui ima-aycantapis guechunayquipächu? ¿Guellayta, gorita, uywacunata, waquin ima-aycantapis aypallanpa apacunayquipächu shamushcanqui?» › 
\p  
\v 14 «Runa, chaymi cananga nogapa jutëcho Gogta willar cayno ninqui: ‹\nd Tayta Diosmi\nd* cayno nin: Acrashä Israelcuna alli tiyacurcaycashan wichan paycunata maganayquipaj aywanquipaj ¿au?  
\v 15 Norte caj-lächo caycaj mas carunninpitami aywanquipaj aypalla suldärucunawan, callpayojcunawan, muntädu aywajcunawanpis.  
\v 16 Nircorga acrashä Israelcunata maganquipaj. Gam Gog, chay partipaga juntacuycunquipaj yana pucutaynörämi. Öra chayamuptinnaga camacächishaj acrashä partiman shamunayquipaj. Gamwan imanöpis rurachishäta ricar-raj waquin nasyun runacuna musyangapaj noga munayniyoj cashäta. 
\p  
\v 17 « ‹Noga \nd Tayta Diosmi\nd* në: Gampämi noga nirä unay, Israelcho sirbimaj profëtacunawan willacachishpä. Chay wichan paycuna willacuran Israelcunata maganayquipaj noga aywachinäpaj cashantami.› 
\s1 Gog castigasha cananpaj cashan 
\p  
\v 18 «Noga \nd Tayta Diosmi\nd* në: Israelman Gog yaycuptin fiyupami rabyacurcushäpaj.  
\v 19 Fiyupa rabyashpämi camacächishaj chay wichan Israelchöga fiyupa timlur cananpaj.  
\v 20 Lamarcho caycaj pescäducuna, pärej äbicuna, micucoj animalcuna, culebracunapis ñaupächöga sicsicyangami. Chaynömi llapan runacunapis munducho cäga mancharenga. Jircacuna juchonga; gagacuna amicar cuchpanga. Llapanmi siudäta curalaraj pergacunapis juchucäconga.  
\v 21 Nogami Gogmanga chayachimushaj tucuy casta mana allicunata. Suldäruncunana quiquin-pura sabliwan wañuchinaconga. Noga \nd Tayta Diosmi\nd* chayno niycä.  
\v 22 Chay runacunataga achca gueshyawan castigashaj fiyupa ñacar jinan öra wañunanpaj. Chaynömi camacächishaj payman, suldäruncunaman, waquin marca runacuna yanapaycajmanpis fiyupa löcu tamyantin, runtu tamya, nina rataycaj asufri tamyananpaj.  
\v 23 Chayno rurarmi waquin nasyun runacunataga musyachishaj munayniyoj, Santo Dios cashäta. Chaura achca nasyun runacunami rejsimanga. Chaynöpami paycunaga musyanga noga \nd Tayta Dios\nd* cashäta.» 
\c 39  
\s1 Gog binsisha cananpaj cashan 
\p  
\v 1 «Runa, gamga nogapa jutëcho Gogpa contran rimay: ‹\nd Tayta Diosga\nd* caynömi nin: Mesecpawan Tubalpa mas mandajnin Gog, nogami gampa contrayqui ricacö.  
\v 2 Gamtaga pushamojmi-aywä. Japay-japayllami pushamushayquipaj may caru norte caj-läpita. Israel jircacunamanmi chayachimushayqui.  
\v 3 Nircurnami paquirishaj ichoj caj maquiquiwan aptaraycashayqui lëcha jitacunayquita. Derëchu caj maquiquicho chararaycashayqui lëchayquitapis cacharaycachishayquimi.  
\v 4 Gamga suldäruyquicunawan, juc nasyuncunapita yan'gaycäshoj runacunawan iwalmi Israel jircacunacho wañunquipaj. Chaychömi gamcunataga cachaycushayquipaj aycha micoj äbicuna, micucoj jirca animalcuna micushunayquipaj.  
\v 5 Lliuyaj pampachömi wañusha jitarpanquipaj. Noga \nd Tayta Diosmi\nd* chayno cananpaj nishcä.› 
\p  
\v 6 «Ninatami ratarachishaj Magog runacuna tiyaycashancho, lamar cantuncho sumaj chapasha tiyarcaycajcunachöpis. Chayrämi paycuna musyangapaj noga \nd Tayta Dios\nd* cashäta.  
\v 7 Nogami camacächishaj acrashä Israelcunachöga Santo jutë rejsisha cananpaj. Mananami mastaga camacächishänachu Santo jutë manacajman churasha cananpäga. Juc-lä nasyuncho tiyajcunapis musyangami nogalla Israelcunapa Santo \nd Tayta Diosnin\nd* cashäta.  
\v 8 Imay junajpis rimaycashä chayamongapämi. Chaycunaga cumlenganami. Noga \nd Tayta Diosmi\nd* chayno në. 
\p  
\v 9 «Chaura Israel siudäcunacho tiyajcunaga siudäpita llojshiycärir Gogpa pillyacunanta, tucuy casta chapacuna escüdunta, lëcha jitacunanta, lëchacunata, tucuy tamäñu lansacunata yanucunanpaj shuntanga. Chaymi paycunapaga yantan cangapaj ganchis watapaj aypaj.  
\v 10 Chauraga manami jircapa yantacoj, ni muntiman guerucuna mutojpis aywangapänachu. Chay pillyacunallanmi yantanpaj canga. Chaynöpanami paycuna suwapanga quiquincunata unay suwapajcunataga. Unay paycunata guechojcunatapis guechonga. Noga \nd Tayta Diosmi\nd* chayno në. 
\s1 Gogta pampananpaj cashan 
\p  
\v 11 «Chay wichan, Gogtaga Israelcho juc partita pampacunanpaj goycushäpaj. Lamarpa chimpancho caycaj Caminanticuna päsanan guechwa pampatami goycushaj. Chaymanmi Gogta llapan suldäruncunatawan pampanga. Chaymi chay partipaga pipis mana purengapänachu. Nircur chay partipa jutintana churapanga ‹Gogpawan suldäruncunapa Guechwa pampan› nir.  
\v 12 Chay nasyun limyu cananpaj Israelcunaga ganchis quillatarämi ushanga wañojcunata pampayta.  
\v 13 Paycunaga llapanpis mana jamaypa wañushacunata pampayllachömi carcaycanga. Chay junajmi noga musyachishaj munayniyoj cashäta. Chay junajtaga paycuna manami gongangachu. Noga \nd Tayta Diosmi\nd* chayno në. 
\p  
\v 14 «Chay ganchis quilla pampashanpitapis juc röpa runacunata churangaraj nasyunpa purimur ricapacamunanpaj, jitaraycajta tarishpanga pampananpaj, chay nasyuntaga limyutana cachaycunanpaj.  
\v 15 Chay ricapacoj aywaj runacuna ricapacur puriycashancho runapa tullunta tarerga lädunman juc señalta churanga pampajcuna pampanancama. Chayta pampanga ‹Gogpa suldäruncunapa Guechwa pampan› niycashanman.  
\v 16 Chaynöparämi nasyunta limyuyächenga. Chaynöpis chaychöga juc siudä cangapaj ‹Aypalla Suldärucuna› jutiyoj.» 
\p  
\v 17 \nd Tayta Dios\nd* cayno nimaran: «Runa, llapan äbicunatawan micucoj jirca animalcunata niy shuntacänanpaj. Israel jircacunaman shamuchun. Chaychömi paycunapaj noga micuyta churashaj. Chaura paycunana aychata miconga; yawartapis uponga.  
\v 18 Suldärucunapa aychanta miconga. Munducho mandajcunapa yawarnintana uponga, imanömi uyshapa, carnipa, chïbupa Basancho caj werannin töru-mallwacunapa yawarninta upun, chaynöraj.  
\v 19 Paycunapaj wañuchipänäpaj caycajpataga wiranta micongapaj däñapäcunancama. Yawartapis uponga machänancama.  
\v 20 Alli micuytami camaripäshaj cawallu aychacunawan, muntädu aywaj wañojpa aychancunawan, suldärucunapa aychanwan, waquin tucuy casta pillyajcunapa aychanwanpis. Chaycunatami sacsananyaj miconga. Noga \nd Tayta Diosmi\nd* chayno në.\x * \xo 39:20 \xt Apoc. 19.17–18\x* 
\s1 Israelcuna allina goyänanpaj cashan 
\p  
\v 21 «Chaynöpami juc-lä nasyuncunata musyachishaj munayniyoj cashäta. Llapan nasyun runacunami ricanga imano rurashanpitapis jusgashäta, castigashäta.  
\v 22 Chay junajpita-pacha Israelcunaga musyangami noga paycunapa \nd Tayta Diosnin\nd* cashäta.  
\v 23 Chaymi juc-lä nasyun runacunaga musyanga Israelcuna juchata rurashanpita y nishäta mana cumlishanpita prësu aywashanta. Jucha rurashanpita noga cachaycushäta, nircur contrancuna binsinanpaj, guërracho wañuchinanpaj camacächishätapis musyanga.  
\v 24 Nogaga castigarä mana wiyacushanpitami, ganra ricacushanpitami. Chaypitami nogaga cachaycurä. 
\p  
\v 25 «Chaypitami, noga \nd Tayta Diosga\nd* në: Cananmi ichanga Babiloniaman apashanpita Jacobpita miraj Israelcunata cutichishäna. Chayno paycunata cuyapashpämi camacächishaj pï-maypis rispitamänanpaj.  
\v 26 Paycunaga quiquinpa nasyunnincho allillana goyangapaj. Pipis mananami manchachenganachu. Chauraga gonganganami ñaupata pengaypaj goyashanta, conträ rurashantapis.  
\v 27 Paycunataga contran nasyuncunapita, juc-lä nasyuncunapita shuntarcurmi jucllachashaj. Chaytaga achca nasyun runacunami ricangapis. Chaynöpami Santo Dios cashäta musyachishaj.  
\v 28 Nogami nasyunninman yapay cutichishaj. Juc-lä nasyuncunaman prësu aywajcunataga manami jucnayllatapis chaycho cachaycushäpächu. Chayrämi musyangapaj noga \nd Tayta Diosnin\nd* cashäta.  
\v 29 Israelcunacho Espiritö captinmi yapayga manana cachaycushänachu. Noga \nd Tayta Diosmi\nd* chayno në.» 
\c 40  
\s1 Shamoj watacunacho Templu imano cananpaj cashanpis 
\p  
\v 1 Babiloniaman apamashancunataga ishcay chunca pichgan (25) watata ushaycaräcunana. Chay örami \nd Tayta Dios\nd* yataycamashpan illajpita ricapacachimar chayachimaran Israel nasyunman. Chayga caran wataman gallarej quilla chunca junajninchömi. Chaura chay wataga caycaran Jerusalenta jäpa runacuna charicarcärishanpita chunca chuscu (14) watanami.  
\v 2 Ricapacachimashpan chay Israel nasyunchöna Tayta Diosga churamaran altunnin jircaman. Chaypita ricarä sur cajnëpa aypalla jatusaj wasicuna juc siudänöraj caycajta.\x * \xo 40:2 \xt Apoc. 21.10\x* 
\v 3 Chayman Tayta Dios pushamaran. Chaychöna ricarä runsipita-niraj caycaj runata. Puncucho ichiraycaran. Aptaraycaran tuputa y lïnu curdilta.\x * \xo 40:3 \xt Apoc. 11.1; 21.15\x* 
\v 4 Chay runa nimaran: «Runa, sumaj ricay. Llapanta umayquiman churacuy mana gonganayquipaj. Ricachinäpaj caycajcunataga sumaj ricanqui. Cayman Diosga apamushurayqui noga gamta ricachinäpämi. Nircurna imatapis ricashayquita willanqui Israel runacunata.» 
\s1 Inti yagamunan caj-lächo caj curral puncu 
\p  
\v 5 Templupa\x * \xo 40:5 \xt 1Rey. 6; 2Crón. 3\x* caru ñaupanpaga intërupa tumarej curalaraycaran. Chay runa chararaycashan tupuga caran quimsa metru largu. Chaywan pergata tupuran. Tupuptin pergapa anchuynin caran quimsa metru, altuyninpis quimsa metru.  
\v 6 Nircorga aywaran inti yagamunan caj-läpa caycaj curral puncumanna. Puncu yaycunaman escalunpa wicharcur tupuran pergapa ruri caj isquïnancho caycaj puncucama. Tupuptin larguynin caran quimsa metru.  
\v 7-10 Chay puncu yaycuna läduncho cada läducho caycaran quimsa cuartucuna. Llapanpis chay tamäñulla caycaran: quimsa metru largu, quimsa metru anchu. Juc cuartupita jucaj cuartumanna jäcoj caycaran ishcay metru medyan. Mas rurichöpis Templuman caj-lächo caycaran jatun cuartu alar. Chay cuartupa larguynin caran chuscu metru. Chay ruri caj cuartupa perganna caycaran juc metru anchu. Tacsha cuartucunapa ushanan perga isquïnanpita jatun cuartu caycashancamaga caran quimsa metrumi. 
\p  
\v 11 Chaypitaga chay runa tupuran puncupa anchunta. Chay caran pichga metru anchu. Puncupa cuchunpita tupuptinna caran sojta metru medyan anchu.  
\v 12 Cada tacsha cuartupa puncun caj-läpa perga-mallwa caycaran. Chaycunata tupuptin caran pullan metrucama. Cada cuartucunanami caran quimsa metru anchu, quimsa metru largu.  
\v 13 Chaypitana jäcuraycaj pampataga tupuran ushajpaj ayca anchuynin cashantapis musyananpaj. Chaytaga tupuran jucaj-lächo caycaj cuartupa cuchunpita jucaj-lächo caycaj cuartupa cuchuncama. Chayno tupuptin yaycunapa anchuynin caran chunca ishcay metru medyan (12.5).  
\v 14-15 Nircur yaycurinapita ruri caj jatun cuartu alar sawan pampacho ushaycaj pergacama tupuran. Chayga caran ishcay chunca pichga (25) metru. Jatun cuartu alarga sawan pampaman llojshicasha caycaran.  
\v 16 Cada tacsha cuartucunapis bentänayoj caycaran. Ruripana rëjasnin caycaran. Jatun cuartu alarpapis bentänacuna caycaran. Raquej pergacunachöna caycaran dibujasha palmëracuna. 
\s1 Sawan pampa 
\p  
\v 17 Chaypitaga chay runa pushamaran sawan pampamanna. Chaycho quimsa chunca (30) cuartucunapis sawan pampaman ricaraycan. Chay pampapa intëru cantun tumarejpa rumiwan läjasha caycaran.  
\v 18 Chay läjasha caycäga intëru cantupa tumaraycaran puncu yaycuna perga ruricama päsaraycajpa isquïnallanpa.  
\v 19 Chay isquïnapita-pacha runaga sawan pampata tupuran ruri caj sawanman yaycunapaj caycaj puncucama. Chayno tupuptin caran pichga chunca (50) metru. 
\s1 Norte cajcho caj puncu 
\p  
\v 20 Norte caj-läpita sawan pampaman yaycurinapäpis caran. Chay runaga chay puncu yaycunata tupuran larguyninta, anchuynintapis.  
\v 21 Chaychöga caycaran inti yagamunan cajpita yaycuna cajcho cashan cajwan iwal-lla. Chay yaycurinacho cada läducho caycaran tacsha cuartucuna quimsa-cama, raquej pergacunapis, jatun cuartu alarpis. Tacsha cuartucunaga llapanpis chay tamäñulla caycaran. Chayga caycaran ishcay chunca pichga (25) metrun largu, chunca ishcay metru medyan (12.5) anchuynin.  
\v 22 Jatun cuartu alarpis, bentänacunapis, palma-nirajcunapis caycaran inti yagamunan caj puncucho caycashannölla. Chay caj-läpapis yaycunapäga caran ganchis escalunta wichäna. Jatun cuartu alarga sawan caj-läman caycaran.  
\v 23 Inti yagamunan caj-läpa puncu caycashanno, norte caj-läpita yaycamunachöpis ruri caj sawan pampaman yaycunapäpis juc puncu caycaran. Runaga tupuran sawanman yaycuna puncupita ruri caj sawanman yaycuna puncucama. Chayno tupuptin caran pichga chunca (50) metru. 
\s1 Sur cajman caj puncu 
\p  
\v 24 Chaypitaga chay runa pushamaran sur caj-lämanna. Chaychöpis yaycuna caycaran. Chaycho tupuran cuartucunata raquej pergata, jatun cuartu alarta. Tupuptin chaycunaga caran waquin caj yaycunacho tupushanwan iwal-lla.  
\v 25 Chaychöpis bentänancuna caycaran waquin cajpa cashannölla. Chay yaycunatapis tupuptin caran waquin cajwan iwal ishcay chunca pichga (25) metrun largu, chunca ishcay metru medyan (12.5) anchu.  
\v 26 Chay yaycunapa yaycunanpäpis ganchis escalun wichäna caycaran. Chaypapis jatun cuartu alarnenga sawan caj-läman caycaran. Cuartuta raquej pergacunachöpis palmacunaga dibujasha caycaran.  
\v 27 Sur caj-lächo caycaj puncu yaycunapapis ruri caj sawanman yaycunapaj juc puncu caycaran. Runaga tupuran sawanman yaycuna puncupita ruri caj sawanman yaycuna puncucama. Chayno tupuptin caran pichga chunca (50) metru. 
\s1 Sur caj-lä sawanpita ruri caj sawanman yaycuna 
\p  
\v 28 Chaypita pushamar yaycachimaran sur caj-lä sawanpita ruri caj sawancama. Nircur chay yaycunata tupuran. Tupuptenga caran waquin caj yaycunacunata tupushan tamäñullami.  
\v 29-30 Tacsha cuartuncuna, jatun cuartu alarpis, raquej pergacunapis llapan caran waquin cajwan iwal-lla. Chaychöpis bentänancuna caycaran waquin cajpa cashannölla. Chay yaycunatapis tupuptin caran waquin cajwan iwal ishcay chunca pichga (25) metrun largu, chunca ishcay metru medyan (12.5) anchu.  
\v 31 Raquej pergacunachöpis palmacuna dibujasha caycaran. Chaypa yaycunapäpis pusaj escalunta wichänami caycaran. Jatun cuartu alarga ur'gan sawan pampaman ricaraycaran. 
\s1 Inti yagamunan caj-lä sawanpita ruri cajman yaycuna 
\p  
\v 32 Chaypita pushamaran inti yagamunan caj-läpita yaycuna ruri cajcho sawan caycajman. Chaycho yaycunata tupuran. Tupuptenga chaypis waquin cajwan iwal-lla caran.  
\v 33 Tacsha cuartuncuna, jatun cuartu alarpis, raquej pergacunapis caran waquin cajwan iwal-lla. Chaychöpis bentänancuna caycaran waquin cajpa cashannölla. Chay yaycunatapis tupuptin caran waquin cajwan iwal ishcay chunca pichga (25) metrun largu, chunca ishcay metru medyan (12.5) anchu.  
\v 34 Raquej pergacunachöpis palmacuna dibujasha caycaran. Chaypa yaycunapäpis pusaj escalunta wichänami caycaran. Jatun cuartu alarga ur'gan sawan pampaman ricaraycaran. 
\s1 Norte caj-lä sawanpita ruri cajman yaycuna 
\p  
\v 35 Chaypitaga pushamaran norte caj-läpita yaycuna ruri cajcho sawan caycajman. Chaycho yaycunata tupuran. Tupuptenga chaypis waquin cajwan iwal-lla caran.  
\v 36 Tacsha cuartuncuna, jatun cuartu alarpis, raquej pergacunapis caran waquin cajwan iwal-lla. Chaychöpis bentänancuna caycaran waquin cajpa cashannölla. Chay yaycunatapis tupuptin caran waquin cajwan iwal ishcay chunca pichga (25) metrun largu, chunca ishcay metru medyan (12.5) anchuynin.  
\v 37 Raquej pergacunachöpis palmacuna dibujasha caycaran. Chaypa yaycunapäpis pusaj escalunta wichänami caycaran. Jatun cuartu alarga ur'gan sawan pampaman ricaraycaran. 
\s1 Norte caj yaycunacho jatun wasicuna 
\p  
\v 38 Jatun cuartu alarman yaycunachöpis juc cuartu caycaran. Chaychömi mayllaj rupachinanpaj caj pishtashan aychacunata.  
\v 39 Jatun cuartu alarchöga caycaran chuscu mësacuna, cada läduncho ishcay-cama. Chaychömi pishtaj rupachina sacrifisyupaj, juchapita sacrifisyupaj, cutichina sacrifisyupäpis.  
\v 40 Chay jatun cuartu alarpita jawachöpis norte caj-lä puncu yaycunachöga caycaran ishcay mësa-cama cada läducho.  
\v 41 Chaura chay yaycunachöga caycaran chuscu mësa ruricho, chuscu mësa jawacho. Llapanga caycaran pusaj mësa. Chay jananchöna pishtashan uywacunata camarej.  
\v 42-43 Jatun cuartu alarcho aychata rupachinanpaj camarinan mësacunaga chuscunpis caycaran rumipita llagllashalla. Tupuptin chay mësapa larguynin caran ganchis chunca pichga (75) sentïmetru largu, anchuyninpis ganchis chunca pichga (75) sentïmetru. Altuyninna caran pullan metru. Chaymanmi churaj Diospaj apashan aychata. Chay cuartu rurichöga intërupa tumarej caycaran patac sojta sentïmetru anchu. Chaymanmi churaj rupachinanpaj caj uywacunata pishtanan cösacunatapis. 
\s1 Cüracunapaj caj cuartucuna 
\p  
\v 44 Ruri caj sawan yaycunapa lädunchöpis ishcay cuarturaj caycaran. Jucäga caycaran norte caj-lä puncupa läduncho. Chayga ricaraycaran sur caj-lä yaycuna cajman. Jucajna caycaran sur caj-lä yaycuna ñaupancho. Chayga ricaraycaran norte caj-lä yaycunaman.  
\v 45 Chay runa nimaran: «Sur caj-läman ricaraycaj cuartoga caycan Templucho ima ruraycunachöpis aroj cüracunapämi.  
\v 46 Norte caj-läman ricaraycaj cuartoga caycan altarcho ima ruraychöpis aroj cüracunapämi. Chay caj cüracunaga Sadocpita mirar aywajmi. Paycunallami Leví trïbupita cäga yaycun \nd Tayta Dios\nd* caycashanman chaycho sirbinanpaj.» 
\s1 Ruri caj sawan pampawan Templu 
\p  
\v 47 Nircur chay runa tupuran ruri caj sawan pampatana. Chayga chuscun-läpapis iwal-lla caran. Pichga chunca (50) metru cada lädunpa caran. Altarga caycaran Templu puncupa ñaupancho.  
\v 48-49 Chaypitaga chunca escalunta wicharcur chayaräcuna Templucho jatun cuartu alar caycajman. Chay jatun cuartu alarman yaycuna caycajta tupuptin anchun caran ganchis metru. Pergancunapa anchunna wac-lädunpa cay-lädunpapis caycaran ishcay metru medyan. Chay jatun cuartu alar caran chunca metru anchu, sojta metru largu. Yaycurina perga isquïnapita wac-läman cay-lämanpis caycaran juc metru medyanwan-cama. Templuman yaycunapita wajtachöga wac-lä cay-lä ishcay pilancucuna ichiraycaran. \fig |src="UBS - Ezekiel Temple.PDF" size="col" loc="Ezekiel 40-41" ref="Ezequiel 40:48-49" \fig* 
\c 41  
\p  
\v 1 Chaypita runaga jinan öra pushamaran Templupa quiquin rurinman. Chaycho raquej pergata tupuran. Tupuptin wac-läman cay-lämanpis caran quimsa metrucama.  
\v 2 Quiquin yaycunapa anchuyninna caran pichga metru. Nircorga chay cuartutapis tupuran. Tupuptin larguynenga caran ishcay chunca (20) metru, anchunna chunca metru. Yaycurina perga isquïnapita wac-läman cay-lämanpis caycaran ishcay metru medyanwan-cama.  
\v 3 Chaypita chay runaga tupunanpaj yaycuran ruri caj cuartumanna. Raquej pergata tupuptin cada-lädunpa caran juc metrucama. Quiquin yaycuna jäcuraycajna caran quimsa metru anchu. Yaycurina perga isquïnapita wac-läman cay-lämanpis caycaran quimsa metru medyawan-cama.  
\v 4 Nircorga ruri caj cuartutana tupuran. Tupuptin chayga caran cada-lädunpa chunca metrucama. Chaypäga nimaran: «Cay cuartoga caycan mas rispitädumi» nir. 
\s1 Quiquin Templupa perganman guellichiypa jatarachishan cuartucuna 
\p  
\v 5 Nircur chay runa tupuran Templupa perganta jawa cajta. Tupuptin ractaynin caran quimsa metru. Chay Templupa perganman guellichiyllapa intërupa tumarej cuartucuna caycaran. Cuartoga puncupita cuchuman caran ishcay metru.  
\v 6 Chay cuartucunaga janay-janay caycaran quimsa jana. Cada janacho caycaran quimsa chunca cuartucuna. Templupa jawa caj pergantaga juc patacta jaguiypa pergaran cada jana jawa caj cuartupa tirantincunata churananpaj. Chaytaga ruraran tiranticunata churar Templuta mana uchcunanpaj.  
\v 7 Chaynöpami janancho-janancho caj cuartucunaga mas anchuna caycaran. Chay cuartucunaman yaycunanpäga juc escalëra caycaran. Chaynöpami chaupi cajman wichaj. Chaypitana janaj cajmanpis wichaj.  
\v 8 Noga ricarä, quimsa metru altuta simintuta pergashanpita jananmanraj Templupa pergantaga jatarachisha caycajta. Chaypitana Templupa perganman guellichisha caycaj cuartucunapis jatarachisha caycaran.  
\v 9-11 Cuartucunapa jawa caj perganpa anchuynin caran ishcay metru medyan. Templupa intëru wajtanpa tumariraycaj cuartucunapita jäcoj pampaman llojshinapäga caycaran norte caj-läpaj juc puncu, sur caj-läpäna juc puncu. Jäcoj pampana caran chunca metru anchu. Chay chimpanpana waquin cuartucunaman guellisha juc perga aywaraycaran. Chay pergaga ishcay metru medyan anchu caran. 
\s1 Templupa guepancho caj wasi 
\p  
\v 12 Templupa guepanpa rispitädu pampaman ricaraycaj caj wasi caran quimsa chunca pichgan (35) metru largu, anchuyninna chuscu chunca pichga (45) metrun. Chay wasipa perganpa anchuyninpis caran ishcay metru medyan. 
\s1 Templupa intërunta tupushan 
\p  
\v 13 Chay runa tupuran Templuta. Quiquin Templullata tupuptin caran pichga chunca (50) metru larguynin. Chaypitana Templupa guepancho caycaj rispitädu pampata, wasintinta, pergantinta tupuptin caran pichga chunca (50) metru largu.  
\v 14 Templupa ñaupan caj anchuynin, puncun pampa anchuynintenga caran pichga chunca (50) metru.  
\v 15 Nircorga tupuran Templupa guepancho caycaj wasita. Chayga caran rispitädu pampaman ricaraycaj. Tupuptin chay wasiga ishcan-lä pergantin caran pichga chunca (50) metru. 
\s1 Templu imano cashanpis 
\p Templu ruripis, yaycurinacho caycaj jatun cuartu alarpis  
\v 16 caycaran tablacunawan sumaj lagasha. Bentänacuna caycashan läduncunapapis tablawan lagasha caycaran. Pergaga pampapita bentänacama tablacunawan lagasha caycaran.  
\v 17 Mas rispitädu caj cuartupis jawaman caj cuartupis  
\v 18 juc ayway querubín anjilcunata dibujashan, juc ayway palmacunata dibujashan caycaran. Chay querubín anjilcunaga cada ünun caycaran ishcay casta cärayoj.  
\v 19 Jucaj-lä cäran runapa-niraj cäga ricaraycaran palma cajman. Jucaj-lä cäran liyunpa-niraj cajna ricaraycaran jucaj-lä palmaman. Chayno dibujashallami caycaran Templu intërupa  
\v 20 querubín anjilcuna, palmacuna. Chayno caycaran pampapita-pacha puncu janancama. 
\s1 Guerupita altar 
\p  
\v 21 Chaupicho caj jatun cuartupa puncunpa marcuncunaga caycaran chuscu isquïnayoj. Mas rispitädu cuartuman yaycunapa läduncho caycaran  
\v 22 guerupita altar-niraj. Chayta tupuptin anchunpis largunpis caran juc metrucama. Altuyninna caran juc metru medyan. Chayga caycaran chuscu isquïnancho wagrayoj. Cantuncunapapis guerupita adurnuncuna caycaran. Chay runana nimaran: «Cayga caycan \nd Tayta Diospa\nd* ñaupancho caycaj mësami» nir. 
\s1 Puncucuna 
\p  
\v 23 Jatun cuartuman yaycunapapis, mas rispitädu caj cuartuman yaycunapapis ishcay puncumi caycaran.  
\v 24 Cada puncu caycaran ishcay öja wac-läman cay-läman quichana.  
\v 25 Jatun cuartuman yaycuna caj puncucunachöga dibujasha caycaran querubín anjilcuna, palmacuna, imanömi pergacunacho caycaran, chayno. Jatun cuartu alarpita jawaman cajchöna guerupita rëjascuna caycaran.  
\v 26 Jatun cuartu alarpa bentänancunapis caycaran. Chay cuartuchöpis palmacuna dibujasha caycaran. Templuman guellisha caycaj cuartucunapis guerupita rëjasniyoj caycaran. 
\c 42  
\s1 Cüracunapa cuartuncuna 
\p  
\v 1 Chaypita, chay runa pushamaran norte caj-lächo caycaj jawa sawan pampamanna. Nircur yaycuchimaran chay norte caj-lächo cüracunapaj cuartucuna caycajman. Chayga ricaraycaran Templupa guepancho rispitädu jäcuraycaj pampaman y Templupa guepancho caycaj wasimanpis.  
\v 2 Chay cuartucunata tupuptin norte caj-läga caran pichga chunca (50) metrun largu. Anchuyninna caran ishcay chunca pichga (25) metrun.  
\v 3 Juc isquïnanga ricaraycaran chunca metru jäcuraycaj pampaman. Jucaj-lädupaga ricaraycaran rumiwan läjasha caycaj läduman. Chay cuartucunaga casha quimsa fïla. Cada fïla mas janallapita mas janallapita gallariycaran.  
\v 4 Chay cuartucunapa puncuncunaga norte caj-lällaman caycaran. Chay lädunpana päsaraycaran jäcoj pampa pichga metru anchu. Larguyninna caran pichga chunca (50) metru.  
\v 5 Mas jana caj fïlacho caycaj cuartucunaga mas tacsha caran. Chaupi caj fïlacho caycaj cuartucunana mas jatullan caran. Ushanan caj fïlacho caycaj cuartucunana mas jatun caran. Chaynöga caycaran cada fïlacho jaguiypa pergar gallarisha captinmi.  
\v 6 Chay cuartucunaga quimsa fïlami caycaran. Ichanga chay cuartucunapa pilancuncuna manami caranchu sawancho caycaj cuartucunapanöga. Chaypa ruquin cada fïlacho janajpita tacshaypa-tacshaypana aywaran cuartucunaga. 
\p  
\v 7-8 Guepa caj pergaman guelliraycaj cuartucuna llapanga caran ishcay chunca pichgan (25) metru largu. Chaypita cuartucuna ushaycashan isquïnacama perga aywaraycaran. Chayga caran yapay ishcay chunca pichgan (25) metru. Chaura cuchupa aywaycaj pergapita cuartucuna ushaycashan isquïnacamaga pichga chunca (50) metru jäcoj pampa caycaran.  
\v 9 Cuartucunaman jawa caj pampapita yaycunapäga caycaran inti yagamunan lädupita.  
\v 10 Chayga caycaran perga raquiycashan ushajcho. 
\p Sur caj-lächöpis cüracunapaj cuartucuna caycaran. Chayga ricaraycaran Templupa guepancho rispitädu jäcuraycaj pampaman y Templupa guepancho caycaj wasimanpis.  
\v 11 Chaycunapis caycaran norte caj-lächo caycaj cuartucunawan iwal-lla, tamäñunpis, imano raquisha caycashanpis. Chaypapis purinanpaj jäcoj pampa caycaran yaycunanpaj llojshinanpäpis norte caj-lächo caycajnölla.  
\v 12 Sur caj-lächo caycaj cuartucunaman yaycunanpaj caycaran juc puncu cuartucuna ushaycashan isquïnacho. Chay puncuga inti yagamunan caj-lämanmi ricaraycaran. 
\p  
\v 13 Chay runa nimaran: «Norte cajcho caycaj cuartucunapis, sur cajcho caycaj cuartucunapis cüracunapämi caycan. Chaycunaga fiyupa rispitädumi caycan. \nd Tayta Diosta\nd* sirbinanpaj yaycoj cüracunami chaychöga micun Diospaj goycushan mas rispitädu ofrendacunata. Chayman paycunaga churan rispitädu cananpaj goycushancunallatami. Chay cuartucunamanga churan: chaqui micuy ofrendacunata, juchapita sacrifisyuta, cutichina sacrifisyutapis.  
\v 14 Ruri caj sawanman cüracuna yaycuycurnaga ruricho sirbir jatiraycashan röpata manaraj rucacorga mananami llojshimunmannachu jawa sawan pampaman. Chay ruricho sirbir jatirashan röpaga caycan fiyupa rispitädumi. Chaymi chay röpataga rucacunanraj runacuna caycashanman llojshinanpaj.» 
\s1 Templupa cantun tumarej ima tamäñu cashanpis 
\p  
\v 15 Templucho ruri cajta tupuyta ushaycur chay runaga pushamaran inti yagamunan caj-lächo caycaj puncupita jawaman. Nircorga chay Templupa intëru wajtanpa cajtana tupuran.  
\v 16 Tupucunanta aptaraycashanwan tupuyta gallaycuran inti yagamunan caj-läpa. Tupuptin cantupita juc cantucama caran ishcay pachac pichga chuncan (250) metru.  
\v 17 Chaypita tupuran norte cajpana. Chaypis tupuptin cantupita juc cantucama caran ishcay pachac pichga chuncan (250) metru.  
\v 18 Chaypita tupuran sur caj-läpana. Tupuptin cantupita juc cantucama caran ishcay pachac pichga chuncan (250) metru.  
\v 19 Ushanantanaga tupuran inti yaganan caj-läpa caycaj guepan cajtana. Tupuptin cantupita juc cantucama caran yapay ishcay pachac pichga chuncan (250) metru.  
\v 20 Chaynömi chuscun-lädunpa tupuran. Chaura Templupa intërunpa tumarej perga curalaraycaran. Cada-lädunpa caycaran ishcay pachac pichga chuncan (250) metrucama. Chaynömi chay pergaga raquiycaran rispitädu cajtawan waquin jawacho cajcunata. 
\c 43  
\s1 Tayta Dios Templuman cutishan 
\p  
\v 1 Chaypitaga chay runa pushamaran inti yagamunan caj-läpa caycaj puncuman.  
\v 2 Chaypita ricarä Israelcunapa Tayta Diosninpa achicyaynin inti yagamunan caj-läpita aywaycämojta.\x * \xo 43:2 \xt Eze. 10.3–4, 18–19; 11.22–23\x* Suynashanga fiyupa wiyacaran chayasha mayu gaparajnöraj. Chaura cay pachaga fiyupa achicyacurcuran.\x * \xo 43:2 \xt Isa. 60.1–3\x* 
\v 3 Chay ricashäga caran Quebar mayu läduncho caycar ricashänömi, Jerusalenta illgächinanpaj aywaycämojta ricashänömi. Chaura nogaga rispitar umpurä urcöpis pampaman töpananyaj.  
\v 4 \nd Tayta Diospa\nd* achicyaynenga inti yagamunan caj-läpa caycaj puncupa yaycuran quiquin Templucama.  
\v 5 Chaypita \nd Tayta Diospa\nd* Espiritun janajpa jogacarcamaran. Nircorga apamaran ruri caj sawan pampaman. Chaycho ricarä Tayta Diospa achicyaynin Templu ruricho juntasha caycajta.\x * \xo 43:5 \xt 1Rey. 8.10–11\x* 
\p  
\v 6 Chay runaga ñaupäman shamur ichicuycuran. Chaycho caycashpä wiyarä Templupita-pacha  
\v 7 cayno niycämajta: «Runa, caymi caycan jamaränä, chaquë lluchcaränan. Caychömi imaycamapis tiyashaj Israelcunawan iwal.\x * \xo 43:7 \xt Éxo. 25.8\x* Paycunapis ni raynincunapis mananami yapayga nishäcunata mana cumlir rispitädu jutëtapis manacajman mana churanganachu. Raynincuna wañuptinpis mananami wañoj ray-nirajta leträtunta ruranganachu.  
\v 8 Manami ruranganachu palasyuncunapa puncuntapis Templupa puncun caycashan lädunpa cananpäga, ni guellichiyllapapis. Paycunaga rispitädu jutëta manacajman churasha melanashäcunata rurashpanmi. Chaypitami rabyashpä camacächishcä ushacänanpaj.  
\v 9 Amana mana allita rurachunnachu. Wañoj raynincunatanöpis amana rurachunnachu. Chauraga paycunawan iwalmi imaycamapis tiyashaj. 
\p  
\v 10 «Runa, gamga Israelcunata willay Templuta ricashayquita. Willay imano cashanta, ima tamäñu cashantapis. Chauraga capaschari juchancunapita pengacunmanpis.  
\v 11 Llapan rurashanpita pengacur llaquicuptenga willapay Templu imano caycajta ricashayquitapis, chaycunacho ima caycashanpäpis, yaycuna llojshina caycashanpäpis, ushajpaj imanöpis caycashanta. Chayno willapanqui laycunata imano cumlinanpaj cashantapis. Chay ricashayquitaga llapanta dibujapay imano caycashantapis tantiyacur arunanpaj. Llapan laycunatapis isquirbiy paycuna liguir cumlinanpaj.  
\v 12 Templupa laynenga caynömi caycan: Templu caycashanpa ñaupan pampacuna intëru cantun tumarej fiyupa rispitädumi canga.» 
\s1 Sacrifisyuta rupachina altar imano caycajtapis ricashan 
\p  
\v 13-17 Tupucunawan tupuptin altarpa\x * \xo 43:13-17 \xt Éxo. 27.1–2; 2Crón. 4.1\x* tamäñonga caynömi caran: Altarpa intëru cantunpa tumarej caycaran medyu metru altu sanja, anchuyninpis medyu metru. Sanjapa cantonga patacniyoj caycaran. Chay patacninpa altuyninna caran ishcay chunca pichga sentïmetru. 
\p Altarga caycaran chuscu isquïnayoj, quimsa jana, cada jana mas tacsha mas tacsha. Sanjapita gallaycunan cajpa altuynin caran juc metru. Ichanga sanja uchcuman jamasha cayninpa medyu metru altulla päsaraycämuran. Chaypa jananman churashan cajna chuscun isquïnanpa iwal caran. Ichanga medyu metrupa yaycucasha caycaran. Cada lädunna caran ganchis metru largu, altuyninna ishcay metru. Chay jananchöna ofrendacunata rupachicunapaj caycaran chuscun lädupa iwal tamäñu. Ichanga medyu metrupa yaycucasha caycaran. Cada lädunpa caran sojta metru largu, altuyninna ishcay metru. Janaj isquïnanchöna chuscun läducho päsacasha caycaran wagra-nirajcuna. Altarman rupachej wichänanpaj escalunna inti yagamunan caj-lädupa caycaran. 
\p  
\v 18 Nircur nimaran: «Runa, caynömi Tayta Dios nin: Uywata altarcho rupachinanpaj, uywapa yawarninwanpis altarta chajchunanpaj altarta rurarcuptenga cayno ruranquipaj:\x * \xo 43:18 \xt Éxo. 29.35–37\x* 
\v 19 Leví trïbu runa Sadocpita mirar aywaj cüracunallami caycan nogata sirbimänanpäga. Paycunataga juc töru-mallwata gonqui juchapita perdunasha cananpaj rupachinanpaj. Noga \nd Tayta Diosmi\nd* chayno në.  
\v 20 Chay wäcata pishtar wallcalla yawarninta charircur altarpa chuscun wagrancuna llauchiraycajta pichupanqui. Chuscun isquïnanta, patac caycajtapis llapanta pichupanqui. Chayno altarta ruraptiquega ofrendacunata rupachinayquipaj rispitädunami canga.  
\v 21 Nircorga chay töru-mallwapa aychanta jorgunqui. Chaytaga rupachinqui Templupita mas juc-lächo, maychöpis rupachinayquipaj caycashancho. 
\p  
\v 22 «Warannin junajna juchapa ruquin rupachinqui sänu cabra-mallwata. Cüracunana rispitädu cananpaj altarta camacächenga imanöpis töru-mallwata pishtashanwan rurashanno.  
\v 23 Chayno rurayta ushaycorga juc sänu töru-mallwatawan juc sänu uyshata  
\v 24 nogapaj pishtanqui. Chaytana cüracuna cachiwan cachichariycur nogata rispitamashpan rupachenga.  
\v 25 Waran-waran ganchis junajcama\x * \xo 43:25 \xt Lev. 8.33–35\x* juchapa ruquin rupachinquipaj juc cabra-mallwata. Chayno juc töru-mallwata, juc carnitapis pishtanqui. Chaycunaga sänu canga.  
\v 26 Cüracunaga waran-waranmi ganchis junajyaj chay altar rispitädu cananpaj nishäno cumlenga.  
\v 27 Chaynömi ruranquicuna ganchis junajyaj. Pusaj junaj cajchöna gallaycunqui nogapaj rupachina sacrifisyucunata y alli goyaypita sacrifisyu uywacunata rupachiyta. Chayno ruraptiquicuna nogaga cushishami chasquishayquipaj. Noga \nd Tayta Diosmi\nd* chayno në.» 
\c 44  
\s1 Inti yagamunan caj puncu 
\p  
\v 1 Chay runaga yapay pushamaran jawa caj sawan pampaman yaycuna puncuman. Chayga ricaraycaran inti yagamunan caj-läman. Chay öra puncuga wichgaraycaran. 
\p  
\v 2 Chaycho \nd Tayta Dios\nd* nimaran: «Cay yaycunaga wichgaräcongami. Manami pipis quichangachu. Israelcunapa noga \nd Tayta Diosninmi\nd* chaypaga yaycushcä. Chaymi mana pipis chaypaga yaycongachu.  
\v 3 Mandajmi ichanga jatun alar cuartullaman yayconga ñaupächo rispitädu micuyta micunanpaj. Payga sawanllapitami yayconga. Nircur chayllapami llojshengapis.» 
\s1 Picuna Templuman yaycunanpaj cashanpis 
\p  
\v 4 Chaypitana runaga nortipita yaycuna caycajpa pushamaran ruri caj sawan pampa Templupa chimpanman. Chaycho ricarä \nd Tayta Diospa\nd* achicyaynin Templucho juntasha caycajta. Chaura nogaga umpurä urcöpis pampaman töpanancama.  
\v 5 Chaura \nd Tayta Dios\nd* nimaran: «Runa, gamga sumaj wiyay Templucho imano lay cananpaj cajtapis willapashäta. Gamtami willashayqui Templuman picunalla yaycunanpaj llojshinanpaj cashantapis. 
\p  
\v 6 «Mana wiyacoj Israel runacunata cayno niy: ‹\nd Tayta Diosga\nd* caynömi nin: Israel runacuna, amana ruraynachu melanäcushäcunataga.  
\v 7 Gamcunaga jäpa runacunata Templöman yaycuchishpayquimi ganrachishcanqui. Chay runacunaga manami wiyacamanchu, manami señalacushachu.\x * \xo 44:7 \xt Gén. 17.10; Deut. 10.16; Rom. 2.25–29\x* Gamcuna pishtashayquipa yawarnincunata, wirancunata nogapaj churaptiqui chay jäpa runacunaga ricapaycäshunqui. Chaymi gamcunawan conträtu rurashätaga manacajman churaycanqui.  
\v 8 Manami cumlishcanquichu Templöcho ruranayquipaj nishäcunatapis. Chaypa ruquenga chay jäpa runacunatami Templöcho arunanpaj churashcanqui.› 
\p  
\v 9 «Chaypitami noga \nd Tayta Dios\nd* në: Templömanga manami yaycongachu Israelcunacho tiyaycaj mana wiyacamaj, mana señalacoj caj jäpa runacunaga.  
\v 10 Israelcuna ïdulucunata adurananpaj nogata manana wiyacamaptin Leví trïbu runacunapis nogata gongaycamaran. Chayno juchata rurashanpitami paycunaga pägunta chasquenga.  
\v 11 Chaypitami paycunaga Templöcho aronga puncu täpayllacho, imacunachöpis ichic-ichic ruraycunallachöna. Paycunami pishtanga rupachinanpaj runacuna apamushan uywata, runacuna garar goycunanpaj apamushan uywacunatapis. Nircorga imachöpis runacunata yanapänanpaj listu caycanga.  
\v 12 Paycunami yanaparcaycaran Israel runacuna ïdulucunata aduraptin. Chayno rurarmi Israelcunataga juchaman chayachisha. Chaypitami paycunaga pägunta chasquenga. Noga \nd Tayta Diosmi\nd* chayno në.  
\v 13 Paycunaga manami sirbimangachu cüra caycho. Rispitädu cösäcunatapis manami yatayllapis yataycongachu. Mas rispitädu cajmanga piyur manami yaycongapischu. Paycunaga fiyupa melanaypajcunata rurashanpitami pengaycho canga.  
\v 14 Paycunataga churashaj Templucho täpanallanpaj, chaycho ima ruraycunapis cajta ruranallanpämi. 
\s1 Cüracunapaj nishan 
\p  
\v 15 «Leví trïbu runa Sadocpita\x * \xo 44:15 \xt 2Sam. 15.24–29; 1Rey. 1.5–8, 32–45; 2.27, 35\x* mirajcunami ichanga cüra cashpan Templöcho sirbimanga. Paycunaga yaycamonga noga caycashä cajcama wirata, yawarta nogapaj churananpaj. Chayno sirbimanga Israelcuna nogata gongaycamaptinpis paycuna mana cachaycuypa sirbimashanpitami. Noga \nd Tayta Diosmi\nd* chayno në.  
\v 16 Templömanpis paycunaga yaycongami. Altarnëmanpis sirbimänanpaj shamonga. Paycunaga llapan nishätami wiyamanga.  
\v 17 Ruri caj sawanpa yaycorga jaticonga lïnupita rurasha sotänatami.\x * \xo 44:17 \xt Éxo. 28.39–43; Lev. 16.4\x* Ruri caj sawancho u Templucho imatapis rurashpan ama jatirangachu millwapita awasha röpataga.  
\v 18 Umanman jaticonga lïnu jïlupita awasha turwantita. Ajüruncuna canga lïnullapita. Südachicoj cajtaga imatapis ama wachcacongachu.  
\v 19 Jawa caj sawancho runacuna caycashanman manaraj llojshishpan Templucho imatapis rurar jatirashan lïnu röpataga rucaconga. Chay rucacushanta churayconga Templupa ñaupancho caycaj cüracunapa cuartullanman.\x * \xo 44:19 \xt Lev. 16.23\x* Nircur juc röpatana jaticonga. Rispitädu particunallacho chay röpacunata jatisha sirbimaptenga pampa runacunata manami imapis päsangachu. 
\p  
\v 20 «Ajchancunata galay-galay ama rutucongachu.\x * \xo 44:20 \xt Lev. 21.5\x* Ni ama alläpa wiñachengapischu. Chaypa ruquenga puntanpayllapa rutuconga.  
\v 21 Ni pï cürapis bïnuta upucurcorga Templu caycashan ruri caj sawanman ama yaycongachu.\x * \xo 44:21 \xt Lev. 10.9\x* 
\v 22 Cüraga runanpita raquicasha warmiwan ni biyüdawanpis ama majachacangachu. Chaypa ruquin majachacanga runawan manaraj cacoj donsëlla Israel jipashwan, man'chäga wañoj cürapa biyüdanwan.\x * \xo 44:22 \xt Lev. 21.7, 13–14\x* 
\p  
\v 23 «Cüracunaga acrashä runacunata yachachinan maygan rispitädu cashanta, maygan mana rispitädu cashantapis; ima limyu cashanta ima ganra cashantapis.\x * \xo 44:23 \xt Lev. 10.10\x* 
\v 24 Dimanduchöga paycunami arriglanga juc juezno. Dimanducho cajcunata cürami jusganga imanöpis laynë niycashanno. Laynëcuna nishanno llapanta cumlenga. Rispitamänan junaj fistacunacho imano rurananpaj yachachishäcunatapis cumlenga. Säbadu jamay junajnëcunachöpis rispitamashpan jamanga. 
\p  
\v 25 «Imaypis ama ayata yatangachu. Chauraga manami ganrayangachu.\x * \xo 44:25 \xt Lev. 21.1–4\x* Ayataga yatanga quiquinpa papänin, maman, ollgu wamran, warmi wamran, wauguin, u japallaraj pañin wañusha captillanmi.  
\v 26 Ayacunata yataypa ganrayashpanga limyuyarcurpis ganchis junajcamaraj shuyaranga.  
\v 27 Chaypitaga ima ruraytapis arunanpaj yapay Templucho ruri caj sawanman yaycorga juchanpa ruquin ofrenda uywataraj pishtanga. Noga \nd Tayta Diosmi\nd* chayno në. 
\p  
\v 28 «Cüracunaga ima partisyuntapis manami chasquengachu. Gamcunaga manami ima chacratapis paycunata raquipanquipächu. Nogallami paycunataga cawachishaj.\x * \xo 44:28 \xt Núm. 18.20–24\x* 
\v 29 Israelcuna nogapaj apamushan chaqui micuy ofrendacunata, juchapita sacrifisyupaj apamushan uywata, cutichina sacrifisyupaj apamushantapis paycunami miconga. Imaypis Israelcuna nogapaj churashan cäga paycunapämi canga.  
\v 30 Cüracunami chasquenga Israelcunapa micuyninta rimir-punta shuntar raquishan mas allinnin cajta, chayno waquin ofrendatapis mas allinnin cajta. Gamcunaga tantapaj jarinata agashpayqui rimir-punta jarina llojshimoj cajta paycunata goycunqui. Chayno rurashayquipitami gamcunamanga bindisyunnëta churamushaj.\x * \xo 44:30 \xt Núm. 18.8–19\x* 
\v 31 Cüracunaga ama micongachu ima animaltapis, ni buylaypa purej cajtapis quiquillan wañojta, u micucoj animal wañuchishantapis.\x * \xo 44:31 \xt Lev. 7.24; 22.8\x* 
\c 45  
\s1 Tayta Diospaj raquishan parti 
\r (Eze. 48.9–20) 
\p  
\v 1 «Israel runacunata cada trïbuta chacrata raquipänayquipaj surtita jitarga juc partita acranqui. Chay canga chunca ishcay kilömetru medya (12.5) larguynin, anchuyninna chunca kilömetru. Chayga \nd Tayta Diospaj\nd* acrashanmi cangapaj. Chaymi chay partiga rispitädu canga.  
\v 2 Chay partichöna Templupaj raquinqui juc pachacho chuscun-läpa iwalta. Chay canga ishcay pachac pichga chuncan (250) metrucama cada-lädunpa. Intëru cantun tumarejpana caycanga ishcay chunca pichgan (25) metru anchu tajta pampa.  
\v 3 ‹Tayta Diospaj› nir acrashayquichöga tupunqui juc pachata chunca ishcay kilömetru medyan (12.5) larguta, anchuynintana pichga kilömetruta. Chayga cangapaj rispitädu cajmi: Chaychömi Templu canga.  
\v 4 Chay raquisha caj partiga caycanga Templucho \nd Tayta Diosta\nd* sirbej cüracunapämi. Chaychömi cüracunaga wasincunata ruranga. Chaychömi Templupis ruracanga.  
\v 5 Chayno, yapay chunca ishcay kilömetru medyan (12.5) largu, pichga kilömetru anchu caj partina caycanga Templucho sirbircaycaj Leví trïbu runacunapaj. Chaynöpami paycunapis chay particho tiyananpaj siudänincunata ruraconga.  
\v 6 Ushanantana yapay tupunqui siudä cananpaj chunca ishcay kilömetru medya (12.5) larguyninta, ishcay kilömetru medyan anchuta. Chaytaga tupunqui rispitädu pacha cananpaj acrashayquipa ñaupancho. Chay caj partiga canga llapan Israel runacunapänami. 
\s1 Mandajpaj juc partita acrashan 
\r (Eze. 48.21–22) 
\p  
\v 7 «Chayno mandajpäpis juc partimi acrasha canga. Chay parti juc partiga rispitädu partipita inti yagamunan caj-läninman caycanga. Juc partina caycanga rispitädu partipita inti yaganan caj-läpa. Chaura inti yagamunan caj-lächo caycaj lindapita gallaycur inti yaganan caj-lächo caycaj lindacamaga chacran canga juc trïbu Israel runacunapäno.  
\v 8 Chay partiga canga Israelcunapa mandajninpa chacranmi. Chaynöpami mandajcunaga acrashä runacunata manana ñacachengachu. Chaura Israelcunaga cada trïbumi chacrancunata shuyni-cama charäconga. 
\s1 Mandaj imano rurananpäpis 
\p  
\v 9 «Noga, \nd Tayta Diosmi\nd* në: ¡Israel mandajcuna, amana mana alli cajtaga ruraynachu ni pitapis ama ñacachiynachu! ¡Llapantapis ruray rasun cajta, alli cajllatana! ¡Acrashä runacunapa chacranta ama guechuychu! Noga \nd Tayta Diosmi\nd* chayno në. 
\p  
\v 10 «Tupucunata, pësacunatapis llapayqui charay rasunpa aycatapis lasaj cajta.\x * \xo 45:10 \xt Lev. 19.36\x* 
\v 11 Llapan tuputapis ‹homer› tupuwanmi tincuchinqui. Homer canga ishcay pachac ishcay chuncan (220) litruta yaycojmi. ‹Bato› tupuga yayconga ishcay chunca ishcay (22) litru yacutami. Chaqui micuyta tupuna caj ‹efa› canman ishcay chunca ishcay (22) litruta yaycoj.  
\v 12 Ishcay chunca (20) ‹gera› nishanga lasanga ‹siclo› nishanmi. Chayga lasanga chunca (11) juc grämumi. Pichga chunca (50) ‹siclo› lasanga ‹mina› nishan. 
\p  
\v 13 «Caynömi ofrendata churanquicuna: Rïguta, sebädata cusicharcur raquinqui sojta chuncaman, llapantapis chay iwal-llata. Nircur chay raquishayqui cajpitana juctaga ofrendata churanqui.  
\v 14 Asëtitapis pachacman (100) raquinqui. Pachacman (100) raquishayqui cajpitana juctaga ofrendata churanqui.  
\v 15 Uyshacunatana ichanga Israelcho mas allinnin guewacho goyasha cajta ishcay pachacpita (200) juctaga ofrendata churanqui. Chayga canga chaqui micuy ofrendacunatawan, rupachina sacrifisyucunatawan, alli goyaypita sacrifisyutawan rupachinanpämi. Noga \nd Tayta Diosmi\nd* chayno në.  
\v 16 Israel nasyunchöga llapanmi chayno ofrendata gonga Israelpa mandajninman.  
\v 17 Chaura paynami musyaconga rupachina sacrifisyucunapaj, chaqui micuy ofrendacunata churananpaj, alli goyaypita sacrifisyucunapaj, bïnutapis llullu quillacunacho, säbadu jamay junajcunacho Israelcuna fistata rurashancho churananpaj. Chauraga Israelcuna juchanpita perdunashami canga. 
\s1 Templuta imano limyuyächinanpäpis 
\p  
\v 18 «Noga \nd Tayta Dios\nd* në: Wata gallarej quilla, rimir junajcho gamcunaga pishtananpaj sänu juc töru-mallwata apamunqui Templuta limyuyächinanpaj.  
\v 19 Chayno juchapita uywata pishtashanpa yawarninta cürana wallcallata charenga. Nircur chay yawarninwan pichonga Templuman yaycurina puncupa marcuncunata, altarpa chuscun isquïnancho patacninta, ruri caj sawanman yaycuna puncucunatapis.  
\v 20 Chaynölla ruranqui chay quilla ganchis caj junajchöpis mana yarpashapita, mana cuentata gocuypa jucha rurayman chayajcunapaj. Chayno ruraptiquimi Temploga limyuna canga. 
\s1 Pascua fista 
\p  
\v 21 «Chay gallarinan quillallacho chunca chuscu (14) junajcho gallaycärinqui Pascua fista rurayta. Chaychöga ganchis junaj micunqui lebadüraynaj tantallata.\x * \xo 45:21 \xt Éxo. 12.1–20; Núm. 28.16–25\x* 
\v 22 Chay junajcho mandäga ofrendata juc töru-mallwata rupachenga. Chayga canga quiquin mandaj juchata rurashanpita, chay nasyuncho llapan runacuna juchata rurashanpitapis.  
\v 23 Ganchis junaj fista captin cada junaj ofrendata apamonga ganchis töru-mallwata, ganchis uyshata. Chaycuna llapan canga sänulla \nd Tayta Diospaj\nd* rupachinanpaj. Mas jananmanpis cada junaj rupachenga juc chïbuta. Chayga canga juchapitami.  
\v 24 Cada töru-mallwata, cada uyshata rupachir jananman yapanga ishcay chunca quïlu chaqui micuy ofrendata, quimsa litru medyan asëtitapis. 
\s1 Ramäda fista 
\p  
\v 25 «Chayno, Ramädacunata\x * \xo 45:25 \xt Lev. 23.33–36; Núm. 29.12–38\x* ruranan fistatapis ruranquicuna ganchis quillaman aywaycaj chunca pichga (15) junajnincho. Chay fistachöpis ganchis junaj mandäga rupachenga juchapita rupachishannölla. Uywacunatapis aycatami rupachiran, chaynöta rupachenga. Chaqui micuy ofrendatapis asëtitapis churashantano churanga. 
\c 46  
\s1 Mandajpis, pampa runacunapis fistacunacho imano rurananpäpis 
\p  
\v 1 «Noga \nd Tayta Dios\nd* në: Ruri caj sawancho inti yagamunan caj-läman caycaj puncuga aruy junajcuna sojta junajmi wichgaräconga. Chaytaga quichanga säbadu jamay junajcunallacho, llullu quillallacho.  
\v 2 Mandäga yayconga jawa caj sawan pampapita ruri caj jatun cuartu alarman. Nircur ichicuyconga puncu ñaupallanman. Chay mandäga umponga urcunpis pampaman töpanancama. Chaycama cüracunaga rupachina sacrifisyupaj caycaj uywata rupachenga. Chayno alli goyaypita sacrifisyuta mandaj apashantapis nogata garamanga. Nircur-raj mandäga llojshenga. Quichashan puncutaga pacha chacänancama ama wichgangachu.  
\v 3 Säbaducuna, llullu quilla cashan junajcuna pampa runacunapis aduramanga chay puncu ñaupancho.  
\v 4 Säbadu jamay junajcho nogapaj rupachinanpaj mandäga apamonga sojta carni-mallwata, juc mächu carnita. Chaycunaga llapanpis canga sänu.  
\v 5 Cada carnita apamur ishcay chunca (20) quïlu chaqui micuyta churanga. Carni-mallwacunapäga churanga aycatapis munashallanpita. Cada ishcay chunca (20) quïlu chaqui micuy ofrendapäga apanga quimsa litru medyan asëtita.  
\v 6 Llullu quilla junäga rupachenga juc töru-mallwata, sojta cashnita, juc carnita. Chaycunaga llapanpis canga sänu.  
\v 7 Cada töru-mallwa apamushanpaj churanga ishcay chunca (20) quïlu chaqui micuy ofrendata; yapay chaynöta cada carnipaj; cashnicunapaj ichanga aycatapis munashallanta. Cada ishcay chunca (20) quïlu chaqui micuyta churashanmanna quimsa litru medyan asëtita churanga. 
\p  
\v 8 «Jatun cuartu alarman mandäga yaycongapis llojshengapis yaycushallanpami.  
\v 9 Fistacunacho runacuna nogata aduramaj yaycushpanga cayno ruranga: Norte caj puncupa yaycoj cäga sur caj puncupana llojshenga. Sur caj puncupa yaycoj cajna norte caj puncupa llojshenga. Yaycushan puncullapaga ama cutengachu. Chaypa ruquin jucaj-läpana llojshenga.  
\v 10 Mandäga runacunawan iwal yayconga. Nircur llojshengapis runacunawan iwal-lla.  
\v 11 Fistata rurashancunacho, rispëtuwan shuntacashancunachöga churanga ishcay chunca (20) quïlu chaqui micuy ofrendata cada töru-mallwata pishtashanpaj; yapay chaynöta cada carnipäpis; cashnicunapaj ichanga munashallanpita. Cada ishcay chunca (20) quïlu chaqui micuymanna churanga quimsa litru medyan asëtita. 
\p  
\v 12 «Shongun shacyaptillan mandaj nogapaj rupachina sacrifisyuta u alli goyaypita sacrifisyuta pishtananpaj apamuptenga inti yagamunan caj-lä puncuta quichapanga. Chaychöna ruranga säbadu jamay junajcho rurashanno. Chaypita llojshicuptinnaga puncuta yapay wichgarconga. 
\s1 Cada junaj ofrendata churananpaj 
\p  
\v 13 «Waran-waranmi tutapaga pishtanqui juc watayoj sänu cashnita. Chaytaga nogapaj rupachinqui.  
\v 14 Chaynölla, cada tuta nogapäga churanqui ganchis quïlu chaqui micuy ofrendata, juc litru asëtita. Chay asëtitaga jarinaman wiñanqui. Chaynölla imaycamapis ruranqui.  
\v 15 Rupachinayquipaj cashnita pishtayga, chaqui micuy ofrendata, asëtitapis churayga cada tuta waran-waranmi canga. Chaynöllami imaycamapis chaytaga ruranquipaj.\x * \xo 46:15 \xt Éxo. 29.38–42\x* 
\s1 Chacracunata mandaj imano ricananpäpis 
\p  
\v 16 «Noga \nd Tayta Dios\nd* në: Mandaj, maygan wamrantapis quiquinpa chacranta rachipaycuptin chay chacraga canga wamranpita mirajcunapänami.  
\v 17 Mandaj, uywayninta chacrata goycuptin ichanga chay chacra paypaj canga Cachaycunan wata chayamunancamallami.\x * \xo 46:17 \xt Lev. 25.10\x* Chay watapitaga yapay canga quiquin mandajpa chacranna. Chaypitaga canga wamrancunapita mirajpäna.  
\v 18 Mandajpäga manami lay canchu pitapis chacrata guechunanpaj. Wamrancunata erensyata goycuyta munashpanga quiquinpa cajtami goycunan. Chaura manami pipis chacraynaj quëdangachu. Acrashä runacunataga manami chacraynajtaga cachayconganachu.» 
\s1 Templupa cusinancuna cashan 
\p  
\v 19 Chaypitanaga chay runa llojshichimaran norte caj-läpa caycaj puncupa. Nircur pushamar yaycachimaran cüracunapaj caycaj cuartucunapa lädun yaycunapa. Chaypaga yaycuna caycaran norte caj-läman ricaraycaj cuartucunaman. Chay cuartucunaga cüracunallapämi caycaran. Chaychönami inti yaganan caj-läman togrishpan juc pachata ricachimaran.  
\v 20 Ricachimashpan nimaran: «Caychömi cüracuna yanonga juchapita sacrifisyuta u cutichina sacrifisyuta pishtashan aychacunataga. Chaychömi chaqui micuy ofrendacunatapis yanonga. Chayno rurarmi chaycunataga mana jorgongachu jawa caj sawan pampaman. Ni pampa runacunapis manami yatangachu chay rispitädu cajcunataga.» 
\p  
\v 21 Chaypitaga llojshichimaran jawa sawan pampamanna. Chaychöga purichimaran chuscun isquïnapa. Chayno purirmi cada isquïnacho ricarä tacsha jäcoj pampa caycajta.  
\v 22 Chaycunaga chay tamäñulla curalasha caycaran. Chay pampacunaga caran ishcay chunca (20) metru larguynin, anchuyninna chunca pichga (15) metrun.  
\v 23 Chaycho pergacuna curalaraycaj chaquinpana tullpacuna caycaran.  
\v 24 Chaycho cayno nimaran: «Cay tullpacunami caycan pampa runacuna ofrendata apamushan uywacunapa aychanta Templucho arojcuna yanunanpaj.» 
\c 47  
\s1 Templupita yacu pashtaycajta ricashan 
\p  
\v 1 Chaypitaga chay runa cutichimaran Templu puncumanna. Chaycho ricarä quiquin puncu rurinpita yacu llojshiycämojta.\x * \xo 47:1 \xt Isa. 44.3; Joel 3.18; Zac. 13.1; 14.8; Juan 7.38; Apoc. 22.1\x* Chay yacuga aywaycaran Templu ricaraycashan inti yagamunan caj-läman. Yacuga uraycaran Templupa derëchu caj-lädunpa, altarpa sur caj-lädunpa.  
\v 2 Chaypita llojshichimaran norte caj-lä puncupa. Nircur Templu wajtanpa tumachimaran jawapita yaycamuna inti yagamunan caj-läpa caycaj puncucama. Chaychöga puncu yaycunapa derëchu caj-lädunpa yacu llojshiycämuran.  
\v 3 Chaypita runaga curdilta aptacurcur aywaran inti yagamunan caj-läman. Pichga pachac (500) metruta tupuran. Nircorga yacupa jucaj chimpanman chimpachimaran. Yacuga cachi-putöcama chayaran.  
\v 4 Yapay pichga pachac (500) metruta tupuran. Nircur chay yacuta chimpachimaran. Chaura yacuga gongurnëcamana chayaran. Yapay pichga pachac (500) metruta tupuran. Nircur yapay chimpachimaran. Yacuga cheglläcamana chayaran.  
\v 5 Yapay pichga pachac metruta tupuran. Chaura yacuga caycaran jatun mayuna. Päsaytapis manana puydiränachu. Jatun mayumanna ticracurisha caycaran. Chaytaga bäñayparaj chimpana caran.  
\v 6 Chaycho runaga nimaran: «Llapan ricashayquita sumaj yarpayniquiman churacuy.» 
\p Nircorga mayu cantullanpa cutichimaran.  
\v 7 Chaycho ricarä mayupa ishcan-lä cantuncunapa aypalla yöracuna caycajta.  
\v 8 Chaymi runaga nimaran: «Cay yacuga aywaycan inti yagamunan caj-lämanmi. Chay yacuga Arabäpa päsashpan Cachi Lamarmanmi chayaycan. Chayman chayaptin lamar yacuga mishquejmanna ticraycan.  
\v 9 Maymanpis cay yacu chayashan cajchöga tucuy-niraj animalcunami cawanga. Chaynömi aypalla pescäducunapis canga. Cay mayu yacuga ashgaj yacucunata mishquej yacumanmi ticrarachenga. Chauraga llapanmi imapis yacuwan cawaj cäga cangana.  
\v 10 En-gadi partipita En-eglaim particamami pescäduta charejcunapis canga. Chay quinraychömi redancunatapis chaquichenga. Chaychöga Mediterráneo lamarcho cashannöraj aypalla tucuy casta pescäducunami canga. \fig Pescädu charejcua|src="HK00207B.TIF" size="span" loc="Ezekiel 47.10" ref="Eze. 47.10" \fig* 
\v 11 Mitu-mitucunacho, gochacunachöga yacu manami mishquejman ticrangachu. Chaychöga jinallami caycanga pochgoj yacu, chaypita cachita jorgunanpaj.  
\v 12 Chay mayupa ishcan-lä cantuncho wiñamongapaj tucuy casta frütata wayoj yöracunami. Öjancunapis mana shicwajmi canga. Imaypis chaynöllami wayuycanga. Cada quillami wayuynin caycanga. Chaynöga canga Templupita llojshej yacu parguptinmi. Wayuynincunaga canga micunapaj; öjancunana canga jampipaj.»\x * \xo 47:12 \xt Apoc. 22.2\x* 
\s1 Nasyunpa lindancuna 
\p  
\v 13 \nd Tayta Diosga\nd* caynömi nin: «Chunca ishcay trïbu Israel runacuna partisyunta chasquinanpaj caycaj chacracunaga caynömi caycan.\x * \xo 47:13 \xt Núm. 34.1–12\x* Josëpita mirajcunaga ishcay trïbunömi canga.  
\v 14 Nogaga unay caj awiluyquicunawan parlar aunishpä nirä cay chacrata goycunäpämi. Llapaniquipis iwal raquipänacuy ari. Cay nasyunmi gamcunapa partisyunniquicuna canga. 
\p  
\v 15 «Israelpa lindanga caynömi canga: Norte caj-läpa lindan canga Mediterráneo lamarpita gallaycushpan. Hetlón siudäpa päsaranga, chayno waquin siudäcunapapis Zedad siudäpa,  
\v 16 Berota siudäpa, Sibraim siudäpa (Chay siudäcunaga caycan Damascupita Hamatman aywajcho), nircur Hasar-haticón partipa (Chayga tincuycan Haurán partiwan).  
\v 17 Chaynömi norte caj-läpa tincoj lindaga aywaranga Mediterráneo lamarpita-pacha asta Hasar-enán siudäcama. Chaura norte caj-läpa Damascuwan Hamatga mas caruchöna caycanga. 
\p  
\v 18 «Inti yagamunan caj-läpa lindan canga Haurán y Damasco caycashanpita-pacha Cachi Lamarpa ñaupancho caycaj Tamar siudäcama. Chay lindaga aywaranga Jordán mayullanpa. Chaura Galaadpawan Israelpaga chaypami lindan canga. 
\p  
\v 19 «Sur caj-läpa lindan canga Tamar siudäpita gallaycushpan Meriba-cadescho caycaj yacuyaj. Chaypa päsarashpan chayanga mayu-mallwallanpa Mediterráneo lamarman chayanancama. 
\p  
\v 20 «Inti yaganan caj-läpa tincojna canga Mediterráneo lamar. Chayga aywaranga Egiptuwan tincojpita Hamatman yaycuna chimpancho caycaj lamar cantuncama. 
\p  
\v 21 «Chay nasyuntami chunca ishcay (12) Israel trïbu runacuna raquipänacunqui.  
\v 22 Chaymi canga gamcunapa partisyunniqui, chayno gamcunacho caycaj jäpa runacunapäpis, gamcunacho caycaptin wamrancuna yurejpapis. Paycunataga llapanta ricanquipaj jinan Israelcho yurishatanöna. Israelcunata chacrata raquipashpayqui paycunatapis raquipanqui imanöpis aypashanpita.  
\v 23 Jäpacunaga partisyunta chasquenga maygan trïbuchöpis tiyaycashan cajchömi. Noga \nd Tayta Diosmi\nd* chayno në. 
\c 48  
\s1 Nasyunta Israel trïbucuna raquipänacushan 
\p  
\v 1 «Norte caj-läpa lindan gallaycushpan Mediterráneo lamarpita aywaraycan Hetlonpa. Chaypa päsarashpan chayaraycan Hamatman yaycunapa Hasar-enanman (Chayga caycan Damascupawan Hamatpa sur caj lindan tincojchömi). Norte caj-läpita gallaycushpan cay trïbucuna raquipänacunanpaj caycan: 
\p «Norte caj-lächo inti yagamunan caj lindapita gallaycur inti yaganan caj-lächo caycaj lindacama canga Dan trïbupaj. 
\li1  
\v 2 «Dan trïbupa sur caj-länincho inti yagamunan caj lindapita gallaycur inti yaganan caj-lächo caycaj lindacama canga Aser trïbupaj. 
\li1  
\v 3 «Aser trïbupa sur caj-länincho inti yagamunan caj lindapita gallaycur inti yaganan caj-lächo caycaj lindacama canga Neftalí trïbupaj. 
\li1  
\v 4 «Neftalí trïbupa sur caj-länincho inti yagamunan caj lindapita gallaycur inti yaganan caj-lächo caycaj lindacama canga Manasés trïbupaj. 
\li1  
\v 5 «Manasés trïbupa sur caj-länincho inti yagamunan caj lindapita gallaycur inti yaganan caj-lächo caycaj lindacama canga Efraín trïbupaj. 
\li1  
\v 6 «Efraín trïbupa sur caj-länincho inti yagamunan caj lindapita gallaycur inti yaganan caj-lächo caycaj lindacama canga Rubén trïbupaj. 
\li1  
\v 7 «Rubén trïbupa sur caj-länincho inti yagamunan caj lindapita gallaycur inti yaganan caj-lächo caycaj lindacama canga Judá trïbupaj. 
\m  
\v 8 «Judäpa sur caj-läninman caycaj partitaga jaguiycunqui. Chaypa lindanpis canga inti yagamuna caj-läpita inti yaganan caj-läcama. Anchuynin canga chunca ishcay kilömetru medyan (12.5). Larguyninna canga waquin caj trïbuta raquipashayquiwan iwal tamäñu. Chay parti chaupinchönami Templu caycangapaj. 
\s1 Tayta Diospaj raquishan pacha 
\r (Eze. 45.1–6) 
\p  
\v 9 «Chay particho nogapaj jaguishan partiga canga chunca ishcay kilömetru medyan (12.5) larguynin, anchuyninna chunca kilömetru.  
\v 10 Chay partichöna juc pachacho caycanga cüracunallapaj acrasha juc parti. Norte caj-läpa sur caj-läpa tupuptin canga chunca ishcay kilömetru medyan (12.5) largu. Inti yagamunan caj-läpa, inti yaganan caj-läpana canga pichga kilömetru anchu. Chay raquishan chaupichönami caycanga nogapa Templö.  
\v 11 Chay partiga canga nogata sirbimänanpaj Sadocpita mirar aywaj acrasha caycaj cüracunapämi. Paycunaga manami waquin caj Israelcunanöga gongaycamaranchu. Waquin Israelcunaga nishäcunata manami cumliranchu. Leví trïbu runacunapis manami wiyacamaranchu. Sadocpita mirajcunami ichanga castan Leví trïbu runacuna rurashannöga manami ruraranchu.  
\v 12 Chaypitami nogapaj acrasha caycashan caj particho, Leví trïbu runacuna tiyaycashan läduncho cüracunapa partisyunnin canga. Chay caj partiga canga mas rispitädumi.  
\v 13 Cüracuna tiyashanman guellishana caycanga Leví trïbu runacunapa partisyunnin. Chayga canga chunca ishcay kilömetru medya (12.5) largu, anchuyninna pichga kilömetru. Nogapaj acrashan parti ushajpäga canga chunca ishcay kilömetru medya (12.5) larguynin, chunca kilömetru anchu.  
\v 14 Chay nasyunchöga chay partimi canga mas allinnin caj. Chay partitaga manami pitapis ranticunanchu, ni rucangachu u juctapis goycongachu. Chayga caycan nogapaj acrashami. 
\p  
\v 15 «Puchoj caj chunca ishcay kilömetru medya (12.5) larguynin y ishcay kilömetru medya anchu caycäga pampa runacuna tiyananpänami. Chayga manami rispitädunachu. Chay partichöga uywacunapis tiyangami. Pullan chaupichönami siudä caycanga.  
\v 16 Chay siudä canga chuscun lädupa iwal-lla. Cada lädupa larguynin canga ishcay waranga ishcay pachac pichga chuncan (2,250) metru.  
\v 17 Siudäpa ñaupanpana intëru tumarej caycanga tajta. Chay tajta caycashanpa anchuynin canga pachac ishcay chunca pichgan (125) metru. Chuscun-läpapis chayno iwal-lla caycanga.  
\v 18 Siudäpa ishcan-läninpa puchoj chacra caycanga nogapaj acrasha caycajpa ñaupancho. Chaypaga larguynin inti yagamunan caj-läpa canga pichga kilömetru. Inti yaganan caj-lämanpis juc chayno canga. Chay chacrachöga runacuna muronga. Chaycho micuy wayöga canga siudächo arojcuna micunanpämi.  
\v 19 Siudächo aroj Israel trïbu runacunaga maygan trïbu cashpanpis chay chacrata arongami.  
\v 20 Llapan chay raquisha caycaj parti, nogapaj raquishan rispitädu caycaj parti, siudäpaj raquishan parti llapanrämi canga chunca ishcay kilömetru medyan (12.5) cada lädunpa. 
\s1 Mandajpaj chacra 
\r (Eze. 45.7–8) 
\p  
\v 21-22 «Mandajpäga canga Judäpawan Benjamín trïbupa chacran tincojcho puchusha caycajmi. Chayga canga nogapajwan siudäpaj raquishanpa ishcan-lä cantuncho puchojmi. Chaypa anchuynin canga chunca ishcay kilömetru medyan (12.5). Inti yagamunan caj-läman aywararga chayaranga inti yagamunan caj-lächo lindan caycajcama. Inti yaganan caj-läpana chayaranga lamarcama. Nogapaj acrashanpis, Templupis, Leví trïbucuna tiyananpaj cajpis, siudä cananpaj cajpis caycanga chaupichömi. 
\s1 Waquin caj Israel trïbu runacunapa chacran 
\p  
\v 23 «Waquin caj trïbupa chacrancunaga sur caj-läman caynömi aywaraycanga: 
\li1 «Raquisha caycaj lindaman guelliraycanga inti yagamunan caj lindapita gallaycur inti yaganan caj-lächo caycaj lindacama canga Benjamín trïbupaj. 
\li1  
\v 24 «Benjamín trïbupa sur caj-länincho inti yagamunan caj lindapita gallaycur inti yaganan caj-lächo caycaj lindacama canga Simeón trïbupaj. 
\li1  
\v 25 «Simeón trïbupa sur caj-länincho inti yagamunan caj lindapita gallaycur inti yaganan caj-lächo caycaj lindacama canga Isacar trïbupaj. 
\li1  
\v 26 «Isacar trïbupa sur caj-länincho inti yagamunan caj lindapita gallaycur inti yaganan caj-lächo caycaj lindacama canga Zabulón trïbupaj. 
\li1  
\v 27 «Zabulón trïbupa sur caj-länincho inti yagamunan caj lindapita gallaycur inti yaganan caj-lächo caycaj lindacama canga Gad trïbupaj. 
\li1  
\v 28 «Gad trïbupa sur caj-lädunpa lindanga aywaranga Tamarpita-pacha Meriba-cadescho yacu caycajpa päsashpan. Egipto mayu-mallwapa päsaraycanga Mediterráneo lamarman chayanancama. 
\p  
\v 29 «Israel trïbu runacuna partisyunta chasquinanpaj caycäga chaynömi caycan. Gamcunaga chaynömi raquipänacunquipaj. Noga \nd Tayta Diosmi\nd* chayno në. 
\s1 Jerusalenpa puncuncuna 
\p  
\v 30-34 «Siudäga intëru cantunpa curalashami caycanga. Siudäga canga chuscu isquïnami. Cada lädunpa larguynin canga ishcay waranga ishcay pachac pichga chuncan (2,250) metru. Cada läduncho canga quimsa puncucuna. Cada puncu canga cada trïbu Israelcunapa jutinwan. Chayga caynömi canga: Norte caj puncucunapaga canga: Rubenpaj, Judäpaj, Levïpaj. Inti yagamunan caj-lädupana canga: Josëpaj, Benjaminpaj, Danpaj. Sur caj-lädupana canga: Simeonpaj, Isacarpaj, Zabulonpaj. Inti yaganan caj-lädupana canga: Gadpaj, Aserpaj, Neftalïpaj.  
\v 35 Curalaraycaj perga intëru tumarejpa larguynin canga isgun waranga (9,000) metru. Chay junajpitaga chay siudäta ‹\nd Tayta Dios\nd* tiyanan› nenganami.»\x * \xo 48:35 \xt Apoc. 21.12–13\x*