\id EPH - Quechua Huallaga Huánuco Bible -Peru 2010 (DBL -2013) 
\h EFESIOS 
\toc1 Efesios 
\toc2 Efesios 
\toc3 Efe. 
\mt1 Efesios 
\ili ¿Llapantapis maquincho chararaycaj Tayta Diospita mas juc munayniyoj canchuraj? 
\ili ¿Imatataj ruraycanchi ermänucuna juc shongunölla cawananpaj? 
\im \bd ¿Pitaj isquirbiran?\bd* Apóstol Pablo. 
\im \bd ¿Picunapätaj isquirbiran?\bd* Cay carta caran Éfeso siudächo caycaj ermänucunapämi. 
\im \bd ¿Imaytaj isquirbiran?\bd* Romachöna carsilcho caycashanpitami wata 62 d.C. wichan cay cartata Pablo isquirbiran. 
\im \bd ¿Imataj cay librucho caycan?\bd* Achca nasyuncunata Roma maquincho chararashan-wichanga Éfeso caran jatuncaray siudämi. Chay siudämanga Pablo chayaran ishcay cutimi. Ishcay cuti cajcho aywar chay siudächo Pablo goyaran ishcay wata mas (Hech. 18.19–21; 19.1–20.1). Efesucho caycaj ermänucunaga sumajmi Tayta Diosman yäracuran. Paycunaga Tayta Diosman yäracur fiyupami ñacaran (Apocalipsis 2.1–3). Chaura Pablo shacyaycächin. Y willapaycan imano goyänanpäpis. 
\ip Cay carta gallariycan Tayta Jesucristuta cachamur achca bindisyunta Tayta Dios gomashanchïpita alabashpanmi (1.3–14). Chaypitana sïguir Tayta Diosta agradësicun y mañacun (1.15–23). Nircur rimaycan Jesús imatapis rurashancunapita. Pay cruscho wañuyninpami cananga llapanchi salbacuycanchi. Israel runa carpis mana Israel runa carpis juc shongullana Tayta Diosta sirbircaycan (2.1–22). Pablo sumaj cushicun chayno Tayta Diosman yäracur juc shongunöllana cawaptinmi (3.1–13). Chayno cushisha carmi Tayta Diosta mañacur alabaycan (3.14–21). 
\ip Waquin caj yachachishanga caycan imanöpis rurananpaj cajmi. Chaura ermänucunaga juc shongunölla alli ricanacur Tayta Diospa maquincho goyäshun. Chayno cawananchïpaj Jesucristumi cruscho wañuran (4.1–5.20). Wasinchïchöpis juc shongunölla alli ricanacur cushisha cawashun (5.21–6.9). 
\ip Cay carta ushananchönaga shacyaycächin munayniyoj espiritucuna cay pachacho imata ruraptinpis sïguir Tayta Jesucristuman yäracuycänanchïpami (6.10–20). Ushanantaga Efesucho caj ermänucunapita dispidicun wamayashpan. Chaynöpis paycunapaj mañacuycan Tayta Diosta y Tayta Jesucristuta (6.21–24). 
\c 1  
\s1 Carta gallaycunan 
\p  
\v 1 Éfeso\x * \xo 1:1 \xt Hech. 18.19–21; 19.1\x* siudächo caycaj ermänucuna: 
\p Noga Pablumi cay cartata apachicamö. Nogataga Jesucristupa apostulnin canäpaj Tayta Diosninchïmi acramasha. Gamcunapis Tayta Dios acrashan carmi Jesucristuman yäracur pay munashanno carcaycanqui.  
\v 2 Tayta Diosninchi y Taytanchi Jesucristo cuyapaycushunqui ari alli cawanayquipaj. 
\s1 Tayta Diosta Pablo agradësicushan 
\p  
\v 3 ¡Tayta Diosninchïta alabashun! Paymi Taytanchi Jesucristupa taytan. Paymi Jesucristu-raycu syëlupita-pacha tucuy bindisyunta gomanchi.  
\v 4 Pay-raycumi cay pachata manaraj camar Tayta Diosninchi acramashcanchi perdunasha car paypa ñaupancho juchaynaj cawananchïpaj.  
\v 5 Jesucristu-raycu cuyapämashpanchïmi unaypita-pachana acramaranchi wamrachacamänanchïpaj. Chaynöga camacächisha quiquin munashannömi.  
\v 6 Chaynöga rurasha cuyapämashanchïpita imaypis Tayta Diosninchïta alabananchïpämi. Cuyay wamran-raycumi Tayta Diosga chasquimashcanchi.  
\v 7 Wamran Jesucristo cruscho wañur yawarninta jichashanpitami\x * \xo 1:7 \xt Mar. 10.45; 14.24; Heb. 9.12–14\x* juchanchïcunata Tayta Diosninchi perdunamashcanchi.\x * \xo 1:7 \xt Col. 1.14\x* 
\v 8 Chaynöpis cuyapämashpanchïmi alli yarpayta gomashcanchi sumaj tantiyacunanchïpaj. 
\p  
\v 9 Tayta Diosga quiquillan musyashanta musyachimashcanchi. Chaymi Tayta Diosninchi unaypita-pacha yarpashanga Jesucristo chayamuyninpa cumlisha.  
\v 10 Unaypita-pachami Tayta Diosga yarparan syëlucho caycajcunapis, cay pachacho caycajcunapis Jesucristupa munaynincho cananpaj. Chaycunataga nishan junajmi cumlenga. 
\p  
\v 11 Nogacunatapis Jesucristu-raycumi Tayta Diosga unaypita-pacha acracamasha erensyata chasquinäpaj. Tayta Diosninchëga llapantapis yarpashanno ruraj carmi aunimashan partisyunta gomanga.  
\v 12 Rimëruga camacächisha nogacunaraj Jesucristupa alli willacuyninta chasquicunäpaj, pay munayniyoj cashanpita alabanäpaj.  
\v 13 Gamcunapis alli willacuyninta wiyar Jesucristuta chasquicurmi salbasyunta tarishcanqui. Chaynöpami Tayta Diosninchi aunishan Espíritu Santuta chasquicushcanqui señalashano paypäna canayquipaj.\x * \xo 1:13 \xt Luc. 24.49; Juan 14.26; 16.13–15; Hech. 1.4; 2.33\x* 
\v 14 Chay Espíritu Santupa munaynincho cawarmi\x * \xo 1:14 \xt 2Cor. 1.22\x* musyanchi syëluman chayar chasquinanchïpaj cashanta. Chayno Tayta Diosninchi camacächisha imaycamapis alabananchïpämi. 
\s1 Ermänucunapaj Tayta Diosta Pablo mañacushan 
\p  
\v 15 Taytanchi Jesucristuman alli yäracushayquita, ermänucunawan cuyanacushayquita musyä.  
\v 16 Chaymi mana gongaypa Tayta Diosninchïta mañacur gamcunapaj agradësicuycä.  
\v 17 Chaynöpis Jesucristupa taytan Diostami mañacö Espiritunwan sumaj tantiyachishunayquipaj. Chaynöpami Tayta Dios imano cashantapis musyanquipaj.  
\v 18 Payta mañacö imaypis alli yarpayta goshunayquipaj. Chayrämi musyanquipaj imapaj salbashushayquitapis; chasquinayquipaj caycaj erensya fiyupa alli cashanta;  
\v 19 Payman yäracojcunataga Tayta Diosninchi fiyupa munayninwan yanapashanta, chay munaynenga imamanpis mana tincushanta. Chay munayninwanmi Tayta Diosninchëga  
\v 20 Jesucristuta wañushanpita cawarircachimur syëlucho derëchu caj-lädunman jamachisha.\x * \xo 1:20 \xt Sal. 110.1\x* 
\v 21 Chaynöpami Jesucristuta Tayta Diosninchi churasha pï-may runapitapis, anjilcunapitapis, dyablucunapitapis cay bïdacho juc bïdachöpis mas munayniyoj cananpaj.  
\v 22 Chaynöpami Tayta Diosninchëga llapantapis Jesucristupa maquillanmanna churar\x * \xo 1:22 \xt Sal. 8.6\x* inlisyapapis umanno cananpaj churasha.  
\v 23 Chaura inlisyapäga Jesucristo caycan cuerpupa umannömi. Chaymi paypa maquincho captinchi may-chaychöpis noganchïwan caycan. Pay munashanno cawananpaj cumlëtunami caycan.\x * \xo 1:23 \xt Col. 1.18\x* 
\c 2  
\s1 Cuyapämashpanchi Tayta Dios salbamashanchi 
\p  
\v 1 Unayga gamcuna juchata rurar wañushanömi caycarayqui.  
\v 2 Chaymi Tayta Diosta mana wiyacoj runacunapa yupillanpa gamcunapis purirayqui. Satanás munashanno juchata rurarmi goyarayqui. Cananpis Tayta Diosta mana wiyacojcunataga Satanasmi munaynincho chararaycan.\x * \xo 2:2 \xt Efe. 6.11–12; Col. 1.13\x* 
\v 3 Unayga llapanchïpis paycunanömi munashanchïno yarpashanchïno cawacuranchi. Chayno cawashanchïpitami waquin juchasapacunatanöpis Tayta Dios castigamänanchïpaj caycaran.\x * \xo 2:3 \xt Col. 3.6\x* 
\p  
\v 4 Ichanga Tayta Diosninchi fiyupa cuyapäcoj carmi cuyapämashcanchi.  
\v 5 Chaymi Jesucristuta cawarachimuyninpa jucha rurayllanchïcho wañushano caycajta cawarishamannöna ticrachimashcanchi.\x * \xo 2:5 \xt Col. 2.13\x* (Tayta Diosninchëga cuyapäcoj cayninpami salbashurayqui.)  
\v 6 Jesucristuta Tayta Diosninchi cawarachir noganchïtapis cawarachimashcanchi. Nircurna syëlucho Jesucristuta ñaupanman mandananpaj jamachishanno noganchïtapis mandananchïpaj ñaupanman jamachimashcanchi.  
\v 7 Chayno jamachimashcanchi pay fiyupa cuyapäcoj cashanta shamoj watacunacho pï-maypis tantiyacunanpaj. 
\p  
\v 8 Tayta Diosninchi cuyapäcoj carmi Jesucristuman yäracuptiqui salbashurayqui. Manami imatapis rurashcanquichu salbasha canayquipaj. Chaypa ruquenga quiquin Tayta Diosninchi munarmi salbashurayqui.  
\v 9 Manami allicunata rurashayquipitachu salbashurayqui. Chaymi pipis mana alli-tucongachu «caytami wactami rurashcä» nir.  
\v 10 Noganchïtaga Tayta Diosninchïmi mushoj cawayta gomashcanchi. Jesucristu-raycumi pay noganchïta camamashcanchi allita rurar cawananchïpaj. Chayno cawananchïpäga unaypitanami distinamashcanchi. 
\s1 Jesucristoga juc yarpaylla cawananchïta munashan 
\p  
\v 11 Gamcuna yarpay mana Israel runacuna cashayquita. Israelcunaga runacuna señalaptinmi «señalasha canchi» niran. Gamcunatami ichanga mana señalasha captiqui «señalacöni jäpa runacuna» nir jamurpäshurayqui.  
\v 12 Yarpay manaraj Jesucristuman yäracushayquita, mana Israel casta cashayquita y jäpa runa car Tayta Diosninchïpa conträtuncho aunishancunatapis mana chasquishayquita. Cay pachacho gamcunaga cawarayqui Tayta Diospita mana musyaypami, Diospita imatapis mana shuyaraypami.  
\v 13 Cananmi ichanga ñaupata carucho casha carpis Jesucristo yawarninta jichashanpita Tayta Diospa ñaupanchöna caycanqui. 
\p  
\v 14 Quiquin Jesucristumi jauca goyayta gomashcanchi.\x * \xo 2:14 \xt Juan 14.27\x* Paymi Israel runa captinpis mana Israel captinpis juc castanöllana cananpaj shuntasha. Pay wañushpanmi chaparaj tapyata juchurachejnöpis chiquinacur cawaycajta amistachisha.  
\v 15 Jesucristoga laycunata manacajlla cananpämi ticrachisha.\x * \xo 2:15 \xt Col. 2.14\x* Chaynöpami Israel runacunatawan mana Israel runacunataga juc castanöllana allilla cawanapaj amistachimashcanchi.  
\v 16 Jesucristo cruscho wañurmi Israelcunatawan mana Israel runacunataga jucnayllanöna cananpaj amistachisha. Chaynöpami chiquinacuyta ushacächisha. Chayno rurashpanmi paycunataga Tayta Dioswan amistachisha.\x * \xo 2:16 \xt Col. 1.20\x* 
\v 17 Jesucristo cay pachaman shamorga alli willacuyninta willacuran Tayta Diospita carucho caycaj mana Israel runacunapäpis, Tayta Diospa ñaupancho caycaj Israelcunapäpis.\x * \xo 2:17 \xt Isa. 57.19\x* 
\v 18 Cananga Jesucristu-raycumi Espíritu Santu yanapämäshun Israel runapis mana Israel runapis Tayta Diosninchïman chayananchïpaj. 
\p  
\v 19 Chaymi cananga manana caru marcapitanachu ni jäpanachu canqui, chaypa ruquenga salbashana cajcunanöllami Tayta Diosninchïpa wamrancunana caycanqui.  
\v 20 Chaynöpami gamcunaga Tayta Diosninchïpa inlisyannöna carcaycanqui. Apostulcuna, profëtacuna yachachishancunaga inlisyapa simintunnömi caycan. Jesucristunami inlisyapa isquïnancho puntu rumi caycajno caycan.\x * \xo 2:20 \xt Isa. 28.16; Mat. 21.42\x* 
\v 21 Jesucristo simintu rumino caycajmanga yäracojcuna shuntacaycan sumaj wataypa pergar jatarachishano cananpämi. Chayno jatariycächimanchi payllapa inlisyanna cananchïpämi.  
\v 22 Jesucristuman yäracurmi gamcunapis chay inlisyaman churasha carcaycanqui.\x * \xo 2:22 \xt 1Cor. 3.16–17; 1Ped. 2.4–5\x* Chaymi Tayta Diospa Espiritun gamcunawan cayninpa Tayta Diosga gamcunawan caycan. 
\c 3  
\s1 Mana Israelcunata willapänanpaj Pabluta Tayta Dios churashan 
\p  
\v 1 Noga Pablo, Jesucristupita y mana Israel cajcunata alli willacuyta willapashä-jananmi prësu caycä.  
\v 2 Tayta Dios gamcunata cuyapäshushpayquimi cachamasha.\x * \xo 3:2 \xt Col. 1.25\x* 
\v 3 Tayta Diosninchëga tantiyachimasha pay japallan musyashancunatami.\x * \xo 3:3 \xt Gál. 1.12\x* Chaytami gamcunata cay cartacho willaycämö.  
\v 4 Chaymi cay cartata liguir musyanquipaj pipis mana musyashanta Jesucristupita imata musyashätapis.  
\v 5 Chaytaga Tayta Dios manami pitapis unay musyachiranchu. Cananmi ichanga apostulcunata, profëtacunatapis Espíritu Santuwan Tayta Dios musyachisha.  
\v 6 Tayta Dios ñaupata mana musyachishanga caynömi caycan: Jesucristupa alli willacuyninta chasquirmi mana Israel runacunapis salbasyunta tarenga. Israelcunawan iwalmi Tayta Diosninchi aunishantapis chasquengapaj. Chaynöpami juc castanöllana canga.\x * \xo 3:6 \xt Col. 1.26–27\x* 
\v 7 Chay alli willacuyninta willacunäpämi Tayta Diosninchi cuyapämar nogataga churamasha. 
\p  
\v 8 Tayta Diosman llapan yäracojcunapita mas mana bälej caycaptëpis\x * \xo 3:8 \xt 1Cor. 15.9\x* Tayta Diosninchïmi cuyapämar acramasha mana Israel runacunaman Jesucristupa almiraypaj alli willacuyninta chayachinäpaj.  
\v 9 Acramasha llapanta camaj Tayta Dios unaypita-pacha yarpashancunata willacunäpämi.  
\v 10 Chaynöpami cananga Jesucristuman yäracojcuna cayninpa dyablucunapis anjilcunapis tantiyaconga Tayta Diosninchi llapanpaj yarpaysapa cashanta.  
\v 11 Chaytami Tayta Diosninchi unaypita-pacha yarparan. Chaymi cananga chay nishan cumlishana caycan Jesucristo noganchi-raycu wañushanpita.  
\v 12 Noganchïpis Jesucristuman yäracurmi mana manchacuypana Tayta Diosninchïpa ñaupanman chayashun.  
\v 13 Cananga alli willacuyta willacushäpita carsilcho wichgaraptëpis gamcuna ama llaquicuychu ari. Chaypa ruquenga caycan gamcuna allicho canayquipämi. 
\s1 Jesucristo cuyacoj cashan 
\p  
\v 14 Llapan chaycunapitami gongurpacuycur gamcunapaj Tayta Diosta mañacö.  
\v 15 Paymi camasha syëlucho cawajcunatapis, cay pachacho cawajcunatapis. Paypitami llapanpis cawajcunaga.  
\v 16 Llapanpäpis munayniyoj captin paytami mañacö Espíritu Santu imaypis shonguyquicunata shacyächinanpaj.  
\v 17 Chaynöpami yäracuptiqui Jesucristo gamcunawan caycangapaj. Chaynöpis mañacö gamcunapa cuyacuyniqui jacha sumaj sapichasha cashanno, wasipa simintun sumaj pergasha cashanno cananpaj.  
\v 18 Chayno carmi yäracojcunaga tantiyacunquipaj Jesucristo fiyupa cuyamashanchïta. Pay cuyacoj cashanta tupuyta munashaga canman may anchumi, may carumi, may rurimi, may altumi.  
\v 19 Jesucristo cuyamashanchïnöga manami pipis cuyamanchïchu. Chaymi payta mañacö chay cuyacuyninta sumaj tantiyachishunayquipaj. Chaynöpami Tayta Dios munashanno waran-waran cushishalla cawashunpaj. 
\p  
\v 20 ¡Cananga Tayta Diosninchïta alabayculläshun! ¡Payga fiyupa munayniyoj carmi mañacushanchïpitapis, yarpashanchïpitapis masta yanapämanchi!  
\v 21 ¡Tayta Diosninchïta llapan ermänucuna imaypis alabaycullächun! ¡Jesucristoga imaypis alabasha caycullächun! Amén. 
\c 4  
\s1 Jucnayllano cawanapaj Espíritu Santu yanapämashanchi 
\p  
\v 1 Jesucristupita prësu caycarpis gamcunata ruwä Tayta Dios munashanno imaypis cawanayquipaj. Chayno cawanayquipämi Tayta Diosninchïpis salbasha-cashunqui.  
\v 2 Mana alli-tucuypa, mana jamurpänacuypa cuyanacur caway-llapa. Jucniqui-jucniquipis pasinsacuy, awantacuy.\x * \xo 4:2 \xt Col. 3.12–13\x* 
\v 3 Juc famillyano alli ricanacur cawanayquipaj Espíritu Santu yanapaycäshuptiquega piwanpis mana chiquinacuyllapa caway-llapa. 
\p  
\v 4 Jesucristuman yäracojcunaga llapanchïmi juc cuerpunölla caycanchi. Jucnayllami Espíritu Santupis. Llapanchïpis shuyaraycanchi Tayta Dios aunimashallanchïtami.  
\v 5 Jucnayllami Taytanchi Jesucristoga. Jucnayllamanmi yäracuycanchi. Jucnayllami bautismupis.  
\v 6 Jucnayllami Tayta Diosninchëga. Paymi llapanchïpa taytanchi. Payga llapanchïtami maquincho chararaycämanchi. Payga llapanchïtami munashanta ruraycächimanchi. Payga llapanchïwanmi caycan. 
\p  
\v 7 Juc famillyanölla captinchïpis cada-ünunchïtami ima rurayta yachananchïpäpis Jesucristo gomashcanchi quiquin munashanno.  
\v 8 Chaymi Tayta Diosninchïpa palabranchöpis cayno nin: 
\q1 «Prësucunata apacurcurmi janajman aywacusha. 
\q1 Chaypitanami runacunata yachachimusha.»\x * \xo 4:8 \xt Sal. 68.18\x* 
\p  
\v 9 ¿Ima ninantaj «janajman aywacusha» ninanga? Chaynöga niycan Jesucristo rimëru cay pachaman urämusha captinmi.  
\v 10 Chay quiquin cay pachaman urämojllami janajmanpis cuticusha llapantapis maquincho chararänanpaj. 
\p  
\v 11 Paymi yachayta goshpan waquintaga churasha apóstol cananpaj, waquintana profëta cananpaj, waquintana alli willacuyninta willacunanpaj, waquintana pastor car yachachicoj cananpaj.  
\v 12 Paycunata chayno churasha Jesucristupa cuerpunno caycaj yäracojcunata yachachinanpaj. Chaynöpami yäracojcunaga pitapis yanapanga. Chaura Jesucristupa cuerpunno caycaj inlisyaga mas sinchinami canga.  
\v 13 Chayrämi llapanchi jucnayllano car Tayta Diosninchïpa Wamranman yäracushunpaj y imano cashantapis sumaj musyashunpaj. Chauraga sinchina carmi Jesucristo cawashanno noganchïpis Tayta Diosninchi munashanno cawashunpaj. 
\p  
\v 14 Chayno cawarga manami pishi wamranönachu cashunpaj pipis llutanta riguichimänanchïpaj. Llutan yachachicojcuna alli-tucullar manami engañamäshunnachu. Manami cashunnachu chaquisha öjata wayra wac-läman cay-läman apashanno.  
\v 15 Chaypa ruquenga cuyanacur rasun cajta willacullar cawashunpaj. Chaynöpami Jesucristo cashanno noganchïpis cawashunpaj. Chayno captenga Jesucristumi umano caycan, y yäracojcunanami paypa cuerpunno caycan.  
\v 16 Chaymi Jesucristuman yäracojcunaga caycan juc cuerpupa llapan moguncuna sumaj charinacusha car yanapänacushanno. Chayno carga wiñayllanta wamra tantiyacushanno noganchïpis Tayta Dios munashanno cawananchïpaj tantiyacushun.\x * \xo 4:16 \xt Col. 2.19\x* 
\s1 Jesucristuman yäracur juc casta cawaytana tarishanchi 
\p  
\v 17 Cananga Tayta Jesucristupa jutincho gamcunata willapä: Tayta Diosman mana yäracoj runacunanöga amana goyaynachu. Paycunaga manacajcunata yarpallarmi cawan.  
\v 18 Yarpayninpis fiyupa pantacashanami. Shongunpis fiyupa chucruyashami. Chayno cashpanmi Tayta Diosninchi munashanno cawananpäpis mana yarpachacunnachu.  
\v 19 Pengacuyninpis manami canchu. Shongun munashallanta ruran. Chaymi tucuy ganracunata rurallar cacun. Mana musyannachu imano cawashantapis.\x * \xo 4:19 \xt Rom. 1.21–25\x* 
\p  
\v 20 Gamcunami ichanga Jesucristupita yachacushcanqui alli cawanayquipaj, manami juchata ruranayquipächu.  
\v 21 Gamcunaga Jesucristupa alli willacuyninta wiyacushcanquimi. Chaynöpami pay munashanno alli cawayta yachacushcanqui.  
\v 22 Chaymi juchata rurar ñaupata cawashayquinöga amana cawaynachu. Llutan yarpayniqui engañashushayquita cachaycuy.\x * \xo 4:22 \xt Col. 3.9\x* 
\v 23 Llutan yarpashayquita cachaycur jucnöna yarpay.  
\v 24 Mushoj runanöna cay-llapa.\x * \xo 4:24 \xt Col. 3.10\x* Tayta Diosninchëga ruramashcanchi Pay munashanno allita rurar, juchata mana ruraypa, rasun cajllata rurar cawananchïpämi. 
\p  
\v 25 Chayno caycaptenga amana llullapänacuynachu.\x * \xo 4:25 \xt Zac. 8.16\x* Llapaninchïpis jucnayllanöna caycarga rasun cajllatana rimashun.\x * \xo 4:25 \xt Rom. 12.5\x* 
\p  
\v 26 Rabyarpis jucha ruraymanga ama chayaychu.\x * \xo 4:26 \xt Sal. 4.4; Stg. 1.19–20\x* Rabyar-imarga chay junajlla ushacächinquiman.  
\v 27 Satanás juchata rurachishunayquipäga ama achäquita ashipaychu. 
\p  
\v 28 Suwacunyaj cäga ama suwacuchunnachu. Alli aruycunachöna aruchun. Chaynöpami imallanpis canga pobricunata yanapänanpaj. 
\p  
\v 29 Ganracunataga ama rimanquichu. Chaypa ruquenga wiyajcunapis shacyäcunanpaj alli cajllata rimanqui. 
\p  
\v 30 Espíritu Santuta ama jagayächiychu. Espíritu Santuwanmi Tayta Diosninchëga señalashurayqui Paypa cashayqui musyacänanpaj. Chayno señalasha cajcunallami Jesucristo cutimushan junäga salbaconga. 
\p  
\v 31 Amana pitapis nanaparaychu, rabyapaychu, chiquinacuychu, gayapaychu, ashlliychu. Llutancunatapis ama ruraynachu.  
\v 32 Chaypa ruquenga jucniqui-jucniquipis alli ricanacur caway. Tayta Diosninchi Jesucristu-raycu perdunashushayquinölla gamcunapis perdunanacuy.\x * \xo 4:32 \xt Col. 3.13\x* 
\c 5  
\s1 Tayta Diospa wamran car imano cawananchïpäpis cashan 
\p  
\v 1 Tayta Diosninchi cuyashan wamrancuna caycarga quiquinman llojshiy.  
\v 2 Jesucristo noganchïta cuyamashanchïno gamcunapis runa-masiquita cuyapay. Cuyamashpanchïmi Jesucristo noganchi-raycu wañuran jucha rurashanchïpita salbasha cananchïpaj. Chayno rurashanga Tayta Diospa shongunman tincoj alli ofrendami caran.\x * \xo 5:2 \xt Éxo. 29.18; Sal. 40.6\x* 
\p  
\v 3 Gamcunaga Tayta Dios acrashanmi canqui. Chaymi ama jucwan-jucwan cacunquichu. Ima ganracunatapis ama ruranquichu. Imapäpis yargaj ama canquichu. Chaycunapäga ama ni parlanquipischu.  
\v 4 Chaynöpis ganra rimaycunata ama rimaychu. Manacajcunatapis ama rimaychu. Llutanman chayachicoj rasyacunata ama parlaychu. Chaycunaga manami allichu. Chaypa ruquenga Tayta Diosllata agradësicuy.  
\v 5 Gamcuna musyanquimi jucwan-jucwan cacojcunaga, ima ganracunatapis rimajcunaga, imapäpis yargajcunaga ïdulucunata adurajno carcaycashanta. Paycunaga Tayta Diospa maquinman ni Jesucristupa maquinmanpis manami chayangachu. 
\p  
\v 6 Chayno caycaptenga juchata ruranayquipaj pipis engañayta munashuptiqui ama cäsupaychu. Chayno mana allicunata rurashanpitami mana wiyacojcunataga Tayta Diosninchi fiyupa castiganga.  
\v 7 Chaymi paycunanöga ama imatapis llutancunata ruraychu.  
\v 8 Gamcunapis unayga chacajcho caycajnömi juchata rurar goyarayqui. Cananmi ichanga Jesucristuta chasquicur achicyajllacho caycajno cawaycanqui. Jesucristuta chasquicushana caycarga waran-waran pay munashannöna caway.  
\v 9 Jesucristo munashanno cawarga cuyapäcojmi canchi, allillatami ruranchi, rasun cajllatami rimanchïpis.  
\v 10 Tayta Diosninchi munashan maygan cashantapis sumaj tantiyacur pay munashannöna caway.  
\v 11 Tayta Diosta mana wiyacoj runacuna llutancunata ruraptinpis gamcunaga ama paycunano ruraynachu. Chaypa ruquenga llutan ruraycashanta tantiyachiy.  
\v 12 Paycuna pacayllapa juchata rurashancunaga fiyupa pengacuypämi.  
\v 13 Ichanga achqui achicyaptin imapis cashan musyacanmi. Chaynömi Jesucristupa willacuynin achquino car chay ruraycashancuna jucha cashanta mayacächin.  
\v 14 Chaymi llutan rurajcuna tantiyacunanpaj rimaypis cayno nin: 
\q1 «Puñuycajcuna ricchay. 
\q1 Wañushacuna caycashanpita jatarimuy. 
\q1 Jesucristunami achquipäshunquipaj.» 
\p  
\v 15 Chaymi imano cawarcaycashayquipäpis sumaj yarpachacuy. Mana tantiyacoj runano cawanayquipa ruquenga sumaj yarpachacurir Tayta Diosninchi munashannöna caway.  
\v 16 Canan wichanga fiyupa mana alli goyaymi caycan. Gamcuna ichanga timpu cashancama ima-aycanöpapis allita rurar caway.\x * \xo 5:16 \xt Col. 4.5\x* 
\v 17 Mana tantiyacoj runanöga ama cawaychu. Chaypa ruquenga Diosninchi munashanno cawanayquipaj sumaj tantiyacuy.  
\v 18 Ama upyaychu. Machashacunaga pirdicashami goyan. Chaypa ruquenga Espíritu Santu munashanno cushisha caway.  
\v 19 Chayno cushicur shuntacashayquichöpis salmucunawan, imnucunawan, cörucunawan shacyächinacuy. Llapan shonguyquiwan Tayta Diosta alabar goyay.  
\v 20 Chaynölla ima captinpis Jesucristuman yäracur Tayta Diosninchïta agradësicuy.\x * \xo 5:20 \xt Col. 3.16–17\x* 
\s1 Majayojcuna imano cawananpäpis cashan 
\p  
\v 21 Jesucristuta manchapacur cawaycarnaga rispitanacur jucniqui-jucniquipis alli goyay. 
\p  
\v 22 Majayoj warmicuna, Jesucristuta wiyacushayquinölla runayquitapis rispitar wiyacuy. \x * \xo 5:22 \xt Col. 3.18; 1Ped. 3.1\x* 
\v 23 Runanmi warmipa umanno caycan Jesucristo inlisyapa uman cashanno. Jesucristo inlisyata salbasha captinmi inlisyaga paypa cuerpunno caycan.  
\v 24 Inlisya Jesucristuta wiyacushanno warmicunapis runanta wiyacuchun. 
\p  
\v 25 Warmiyoj runacuna, Jesucristo inlisyata cuyashanno warmiquita cuyanquiman.\x * \xo 5:25 \xt Col. 3.19; 1Ped. 3.7\x* Jesucristoga inlisya-raycumi wañuymanpis chayasha.  
\v 26 Chayno wañushpanmi bautismuwan y alli willacuyninwan inlisyapa juchancunata perdunasha payllapäna cananpaj.  
\v 27 Chaymi inlisyataga quiquinpa ñaupanman chayachenga achicyaypa achicyaycajta, juchaynajta, allita; mana shillpiyashatachu, ni ganratachu.\x * \xo 5:27 \xt 2Cor. 11.2; Apoc. 21.2, 9\x* 
\v 28 Chaynöllami runacunapis quiquinpa cuerpunta cuydacushanno warminta cuyanman. Runa warminwan jucnayllanöna cashpanmi pipis warminta cuyaj cäga quiquin cuydacushanno caycan.  
\v 29 Pipis manami quiquinpa cuerpuntaga apripösu malubracunmanchu. Chaypa ruquenga alli cawananpaj micun, cuydacun. Chaynömi Jesucristupis inlisyataga ricaycan.  
\v 30 Inlisyaga Jesucristupa cuerpunnömi caycanchi.  
\v 31 Tayta Diosninchïpa palabranpis nin: «Chaypitami runaga mamanpa taytanpa maquinpita yargun warminwan mana raquicaypa tiyananpaj. Chayno tiyarmi ishcan ricacun jucnayllanöna.»\x * \xo 5:31 \xt Gén. 2.24\x* 
\v 32 Chayga fiyupa almiraypaj tantiyaytapis mana atipaypämi caycan. Ichanga Jesucristuman y payman yäracojcunamanmi tincuycächimanchi.  
\v 33 Chaymi runaga warminta cuyanman. Warmipis runanta rispitanman. 
\c 6  
\s1 Wamracuna maman-taytanwan imano cananpäpis 
\p  
\v 1 Wamracuna, Jesucristuman yäracuycarnaga mamayqui-taytayquita rispitar wiyacuy. Chayno wiyacunayquega camacanmi.\x * \xo 6:1 \xt Col. 3.20\x* 
\v 2 Runacuna alli cawananpämi Tayta Diospa mandamintunchöpis niycan: «Mamayquita taytayquita alli ricanqui.  
\v 3 Chaynöpami cay pachacho edäyänayquicama alli cawanquipaj.»\x * \xo 6:3 \xt Éxo. 20.12; Deut. 5.16\x* Cay mandamintuga aunishanwan caj mandamintupita mas rimir caj mandamintumi caycan. 
\p  
\v 4 Mama-taytacunapis wamrayquicunata ama jagayächinquimanchu.\x * \xo 6:4 \xt Col. 3.21\x* Chaypa ruquenga alli shimillayquipa tantiyachinqui Jesucristo munashanno cawananpaj. 
\s1 Uywaycuna patruncunawan imano cananpäpis 
\p  
\v 5 Uywaycunapis, cay pachacho caj patrunniqui nishushayquicunata llapanta ruranqui Jesucristuta wiyacuycajno. Rispitanqui y llapan shonguyquiwan manchapacunqui.  
\v 6 Patrunniquipa ñaupanchöraj ruranayquipa ruquenga mana ricaycäshuptiquipis nishushayquita sumaj ruranqui. Jesucristuman yäracuycarga mana guellanaypa llapan buluntäniquiwan aruy.  
\v 7 Patrunniqui mandashuptiquega wiyacunqui. Cushi-cushilla ruranqui Tayta Diosninchïpa ñaupancho alli llojshinayquipaj. Runacuna ricaycäshuptillayquega ama ruraj-tucunquichu.  
\v 8 Gamcuna musyanquinami uyway carpis mana uyway carpis allita rurashanchïpita syëlucho Jesucristo premyuta gomänanchïpaj caycashanta.\x * \xo 6:8 \xt Col. 3.22–25\x* 
\p  
\v 9 Patruncuna, gamcunapis uywayniquitaga alli ricay. Ollgöparcur ollgöparcorga ama aruchinquichu. Gamcuna tantiyacuy uyway carpis patrun carpis syëlucho caycaj patrunninchïpa munaynincho caycashanchïta.\x * \xo 6:9 \xt Col. 4.1\x* Payga llapanchïtapis iwalmi ricamanchi.\x * \xo 6:9 \xt Deut. 10.17; Col. 3.25\x* 
\s1 Satanasta ichipänapaj 
\p  
\v 10 Ermänucuna, Jesucristo fiyupa munayniyoj car yanapäshushayquiwan sumaj callpachacuy ari.  
\v 11 Tayta Diosninchi chapacunayquipaj camaripäshushayquita llapanta jaticuy.\x * \xo 6:11 \xt Rom. 13.12–14; 1Tes. 5.8\x* Chaynöpami Satanás engañayta munashuptiqui ichipanquipaj.  
\v 12 Noganchëga manami runa-masinchïwanchu guërracho caycanchi, chaypa ruquenga llutanta rurachicoj Satanaswan, munayniyoj dyablucunawanmi. Chaycunami cay pachacho mandaj y munayniyoj caycan. Chacaycho cawajno jucha ruraj runacunami chay mandajcunapa munaynincho caycan.  
\v 13 Chaymi Satanás juchata rurachiyta munashuptiqui mana ruranayquipaj Tayta Diosninchi camaripäshushayquita jaticur ichipay. Sumaj camaricurcur ichipashaga dyablucuna manami juchata rurachimäshunchu ni engañamäshunpischu. 
\p  
\v 14 Chayno caycaptenga pï-maywanpis rasun cajllata parlashun.\x * \xo 6:14 \xt Isa. 11.5\x* Chaynöpami chegllayquita sumaj wachcacushano caycanquipaj. Allillata ruraj cashayquina cachun chapacuna chalëcuyquino.\x * \xo 6:14 \xt Isa. 59.17\x* 
\v 15 Gamcunaga listu caycay alli cawayta tarichicoj willacuyta willacoj aywanayquipaj. Chaynöpami juc suldäru bötasninta jaticurcur listu caycajno caycanquipaj.\x * \xo 6:15 \xt Isa. 52.7\x*\fig Suldäruno camaricusha cananpaj nishan|src="WA04009B.TIF" size="col" loc="Ephesians 6.15" ref="Efe. 6.10–18" \fig* 
\v 16 Chaynöpis Tayta Diosman llapan shonguyquiwan imay örapis yäracuy. Chaynöpami yäracushanchëga escüdu-japuy chapämanchi dyablu mana allicunaman chayachimänanchïta.\x * \xo 6:16 \xt Sal. 7.13\x* 
\v 17 Salbasha cashayquina juc cascuno cachun.\x * \xo 6:17 \xt Isa. 59.17\x* Tayta Diosninchïpa palabranta Espíritu Santu goshushayquina sablino cachun.\x * \xo 6:17 \xt Heb. 4.12\x* Chaycunata churacuy Satanasta sumaj ichipänayquipaj. 
\p  
\v 18 Chaynöpis simri Tayta Diosninchïta mañacuy.\x * \xo 6:18 \xt Col. 4.2–4\x* Espíritu Santu shacyächishushayquinölla ermänucunapäpis mana gongaypa mañacuy. Imaypis mayaj-mayajlla caycay mana yamacaypa.  
\v 19 Nogapäpis Tayta Diosta mañacuy willacuyninta willacur mana manchacuypa pitapis willapänäpaj. Nogaga pï-maytapis willapaycä Tayta Diosninchi salbashantami.  
\v 20 Tayta Diosninchïmi chay willacuyta willacunäpaj cachamasha. Chaypitami cananga prësu caycä. Chaypis Tayta Diosninchïta mañacuycuy ari mana manchacuypa pitapis willapänäpaj. 
\s1 Carta ushanan 
\p  
\v 21 Ermänunchi Tíquico\x * \xo 6:21 \xt Hech. 20.4; 2Tim. 4.12\x* chayamurmi willashunquipaj imano goyashäta, imata rurashätapis. Payga allimi yanapämasha Jesucristupa willacuyninta willacuptë.  
\v 22 Chaymi cachaycämö imano caycashätapis willashunayquipaj, shacyächishunayquipaj.\x * \xo 6:22 \xt Col. 4.7–8\x* 
\v 23 Tayta Diosninchi y Taytanchi Jesucristo yanapayculläshunqui allilla cawanayquipaj, cuyanacunayquipaj, sumaj yäracunayquipaj.  
\v 24 Taytanchi Jesucristuta llapan shongunwan cuyajcunata Tayta Diosninchi cuyapar imaypis yanapaycullächun. [Amén.]