\id 2JN 2jn - Quechua Huallaga Huánuco Bible -Peru 2010 (DBL -2013) 
\h 2 JUAN 
\toc1 2 Juan 
\toc2 2 Juan 
\toc3 2Juan 
\mt1 2 Juan 
\ili ¿Pï-maytapis wasinchïman pachächishunchu? 
\im \bd ¿Pitaj isquirbiran?\bd* Apóstol Juanmi isquirbiran. Jutinta mana isquirbirpis cay cartachöga quiquinmi «mayur ermänu» cashanta niycan. 
\im \bd ¿Picunapätaj isquirbiran?\bd* Cay carta caycan «acrashan warmi y wamrancunapämi». Chayno niptinmi waquin runa tantiyasha cay carta ermänucunata wasincho shuntaj warmipaj cashanta. Chaynöpis cay cartata tantiyasha llapan ermänucunata juc warmimanno tincuycächishanta. Chaymi runacuna yarpasha Éfeso siudächo caj ermänucunapaj y sercancho caycaj ermänucunapaj cay carta cashanta. 
\im \bd ¿Imaytaj isquirbisha?\bd* 1 Juan cartata apachishanpita manapis aycällatanami cay cartatapis isquirbiran. Runacuna yarpan wata 90 d.C. wichan isquirbishantami. 
\im \bd ¿Imataj caycan cay librucho?\bd* Wallcalla carpis cay cartachöga niycan 1 Juan cartacho nishallantami. Juan sumaj cushisha caycasha ermänucuna Tayta Dios munashanno cawaptin. Chay ermänucunaga goyaycasha Jesús nishanno jucnin-jucninpis cuyanacurmi (5–6). Chaynöpis willapasha llutanta yachachir puriycajcunapa yachachicuyninta mana chasquipänanpaj (7). Chay llutan yachachicojcunataga ni pachächiyllapis mana pachächinanpämi niycan (10). Ushanantanaga Juan niycan watucoj aywananpaj cashantami (12–13). 
\c 1  
\s1 Carta gallaycunan 
\p  
\v 1 Tayta Dios acrashan warmi y wamrancuna: 
\p Noga mayur ermänumi cartata apaycächimö. Gamcunataga llapan shongöpami cuyä. Manami nogallachu cuyä, man'chäga Tayta Diospa willacuyninta chasquicojcunapis cuyashunquimi.  
\v 2 Paypa willacuynenga shongunchïcunamanmi chayasha. Imaypis manami gongashunnachu. Chaypitami llapaniquita cuyä. 
\p  
\v 3 Chayno captinmi Tayta Diosninchïta y Wamran Jesucristutapis mañacuycä cuyapäshunayquipaj, llapan juchayquicunata perdunashunayquipaj y alli cawayta goycushunayquipäpis. 
\s1 Cuyanacur cawananpaj shacyächishan 
\p  
\v 4 Ermänucuna, gamcunawan shuntacaj ermänucunawanmi tincushcä. Paycuna Tayta Dios munashanno cuyanacur cawaycashanta ricarmi fiyupa cushicushcä.\x * \xo 1:4 \xt 3Juan 3\x* 
\v 5 Chaymi cananga ruwacushayqui jucninchi-jucninchïpis sïguir cuyanacullar cawaycänanchïpaj.\x * \xo 1:5 \xt Juan 13.34; 15.12, 17\x* Chayno niycashäga manami mushoj mandamintuchu. Chaypa ruquenga unaypita-pacha wiyashanchïmi.  
\v 6 Rasunpa cuyacojcunaga Tayta Diospa mandamintuncunatami wiyacun. Musyashanchïnöpis Tayta Diosninchëga gallarinanpita-pachanami nimashcanchi jucninchi-jucninchïpis cuyanacunanchïpaj.\x * \xo 1:6 \xt Juan 14.15, 23–24; 1Juan 5.3\x* 
\p  
\v 7 Cay pachacho achcaj runacunami llutanta yachachir purircaycan «Jesucristoga manami runaman ticrarcurchu shamusha» nir. Chaynöga nin engañacojcunami, anticristucunami.\x * \xo 1:7 \xt 1Juan 2.18; 4.1–3\x* 
\v 8 Gamcunaga sumaj cuydacuy ari mana engañashunayquipaj. Man'chäga yangami canga Jesucristupa willacuyninta willapashäcunapis. Llutan yachachicojcunata chasquir-imarga Tayta Dios aunimashanchïta manami chasquinquipächu.  
\v 9 Pï runapis llutan yachachicuyta chasquerga manami rasunpachu Tayta Diosninchïta chasquicusha. Llutan yachachicuyta mana chasquir Tayta Dios munashanno cawajcunami ichanga Jesucristuta y Tayta Diosninchïtapis rasunpa chasquicusha.\x * \xo 1:9 \xt 1Juan 2.22–23; 4.15\x* 
\v 10 Chaymi llutan yachachicojcuna chayamuptenga ama jamachinquichu. Ama wasiquimanpis «Jamalläshun» nir pachächinquichu.  
\v 11 «Jamalläshun» nerga «allimi engañaycanqui» nej-japuymi caycan. 
\s1 Carta ushanan 
\p  
\v 12 Willapänäpäga achcami caycan. Cartallachöga manami llapanta isquirbimömanchu. Chaymi llapanta willapänäpaj watucoj shamuyta yarpaycä.\x * \xo 1:12 \xt 3Juan 13–14\x* Tincurnami cushisha goturpäshunpaj. 
\p  
\v 13 Caycho caycaj ñañayquipa llapan wamrancunami wamayäshunqui. Paytapis Tayta Diosninchïmi acrasha.