\id 1PE 1pe - Quechua Huallaga Huánuco Bible -Peru 2010 (DBL -2013) 
\h 1 PEDRO 
\toc1 1 Pedro 
\toc2 1 Pedro 
\toc3 1Ped. 
\mt1 1 Pedro 
\ili ¿Mandajcunata y autoridäcunata wiyacushwanchu? 
\im \bd ¿Pitaj isquirbiran?\bd* Apóstol Pedrumi dictaran Silvano isquirbinanpaj (5.12). Silvanutami juc rimaychöga Silas nej. 
\im \bd ¿Picunapätaj isquirbiran?\bd* Rimëru Jesucristuman riguejcunataga mana riguejcunami gaticachaj. Chaymi ermänucunaga Romapa munaynincho caycaj nasyuncunapa machicasha caycaran. Apóstol Pedroga cay cartata apaycächin «Ponto, Galacia, Capadocia, Asia y Bitinia probinsyacunacho mashtacasha caycaj ermänucunaman» (1.1–2). 
\im \bd ¿Imaytaj isquirbiran?\bd* Romapitami cay cartata isquirbiran. Runacuna yarpan wata 64 o 65 d.C. isquirbishantami. 
\im \bd ¿Imataj caycan cay librucho?\bd* Ñacarpis cushisha Tayta Diosta alabananpämi willapaycan (1.3–9). Chaynöpis niycan mana allicunapita witicur Tayta Dios munashanno cawananpaj (1.15–2.12). Paycunaga chayno cawanan «Tayta Dios acracushan, sirbej cürancuna, shunäcushan nasyun runacuna» carmi (2.9). 
\ip Romapa autoridänincunapis ermänucunataga gaticachajmi. Ichanga Pedro niycan chay autoridäcunata wiyacunanpämi (2.13–15). 
\ip Chay wichan runacunaga yarparan cay pacha ushacänanpäna caycashantami (4.7). Chaymi Pedro niycan jucnin-jucnin alli ricanacur cuyanacunanpaj, wasincunamanpis juc ermänucunata pachächinanpaj y Jesucristuman yäracur ñacashanpitapis cushicunanpaj (4.8–9, 12–16). Ushanantanaga yachaycächin mayur ermänucuna sumaj yachachinanpaj, waquin ermänucunata alli ricananpaj. Yachaycächin jipash mösucuna mayur ermänucunata wiyacunanpaj, llapan ermänucuna pitapis rispitashpan umildi goyänanpaj. Yachaycächin Jesucristuman riguir tucuypita cuydacunanpaj, dyablu binsinantapis mana dëjacunanpaj (5.1–11). 
\ip Carta ushananchöga wamayaycan y dispidicuycan (5.12–13). 
\c 1  
\s1 Salüdun 
\p  
\v 1 Ponto, Galacia, Capadocia, Asia y Bitinia probinsyacunacho mashtacasha caycaj ermänucuna: 
\p Noga Pedro, Jesucristupa apostulninmi cay cartata gamcunaman apaycächimö. Tayta Diosninchi acrashan carpis cay pachachöga mashtacashami carcaycanchi.  
\v 2 Ermänucuna, gamcunataga manaraj yuriptiquimi Tayta Diosninchi mayna acrashurayqui. Espíritu Santutapis gamcunaman cachamusha Jesucristuta chasquicur pay munashanno cawanayquipämi. Chaymi perdunashana caycanqui Jesucristo gamcuna-raycu wañur yawarninta jichashanpita. 
\p Tayta Diosninchi cuyapaycushunqui ari alli cawanayquipaj. 
\s1 Mana ushacaj erensyanchi 
\p  
\v 3 ¡Tayta Diosninchïta alabashun! Taytanchi Jesucristupa papänin Tayta Diosmi cuyapämashpanchi mushoj cawayta gomashcanchi yapay yurishanöna cananchïpaj. Cananga Jesucristo wañushanpita cawarimusha\x * \xo 1:3 \xt Juan 3.3–7; Rom. 6.4–13; 1Ped. 1.22\x* captinmi yäracunchi noganchïpis wañushanchïpita cawarimunanchïpaj cashanta.  
\v 4 Chayno cananpaj captinmi musyanchi mana ismoj, mana ushacaj, ima ganrawanpis mana tacuraj erensyata chasquinanchïpaj cashanta. Chay erensyataga Tayta Diosninchïmi gamcunapaj caycächin.  
\v 5 Payman yäracushayquipitami Tayta Diosninchi munayniyoj cashpan imapitapis chapaycäshunqui. Chaymi ushanan junajcunachöga erensyayquita chasquinquipaj. 
\p  
\v 6 ¡Chayno caycaptenga cushicuy-llapa! Cay pachacho cawashayquicama fiyupa ñacarpis ama llaquicuychu.  
\v 7 Ichanga tucuy ñacaycunata päsar ichipaptinchïrämi Tayta Diosninchïman yäracushanchi musyacan. Gori alli cashanta musyanapäga ninawanrämi chulluchinchi. Chaynömi gamcunapis ñacar-raj Tayta Diosman mas yäracunqui. Gamcuna yäracushayquega goripita masmi bälin. Chaymi imano ñacarpis llapan shonguyquipa yäracuptiquega Jesucristo cutimushpan alli cawayman churashunquipaj. 
\p  
\v 8 Gamcunaga Jesucristuta mana ricasha caycarpis cuyaycanquimi. Canan mana ricarpis payllaman yäracurmi cawaycanqui.\x * \xo 1:8 \xt Juan 20.29\x* Chayno cushisha cawashayquega tantiyaytapis mana atipaypämi.  
\v 9 Gamcunaga chayno cushisha yäracur cawarcaycanqui Tayta Dios salbasyunta tarichishushayquipitami. 
\p  
\v 10-11 Tayta Dios salbasyunta tarichishunayquipaj cashantaga paypa profëtancunapis unaynami willacuran. Chayno willacunanpämi Espíritu Santu paycunata tantiyachiran Tayta Dios cachamushan Cristo cay pachaman shamur ñacananpaj cashanta. Chaynöpis tantiyachiran wañushanpita cawarircamur llapanpaj munayniyoj cananpaj cashanta. Chayno tantiyachiptinmi profëtacuna cushicur musyayta munaran Cristo imay shamunanpaj cashantapis.  
\v 12 Musyayta munaptin Tayta Dios musyachiran willacuycashanga mana paycunapaj cashanta, sinöga gamcunapaj cashanta. Cananmi ichanga willacojcunata Espíritu Santu yanapaycan Jesucristupa willacuyninta willacur mana pipis musyashancunata tantiyachishunayquipaj. Chaycunataga anjilcunapis ricaytami munaran. 
\s1 Juchata mana aparicunapaj 
\p  
\v 13 Chaura sumaj tantiyacurir Tayta Diosninchi munashanno mana yamacaypa caway. Ama gongaychu Jesucristo cutimur Tayta Diosninchïpa ñaupanman pushashunayquipaj cashanta.  
\v 14 Tayta Diospa wamran caycarga pay nishancunatana wiyacuy. Jesucristuta manaraj chasquicur shonguyqui munashannölla unay cawashayquinöga ama cawaynachu.  
\v 15 Chaypa ruquenga acramajninchi Tayta Dios juchaynaj cashanno gamcunapis juchata mana ruraypana caway-llapa.  
\v 16 Tayta Diospa palabranchöpis niycan: «Nogaga santumi cä. Chayno caycaptenga gamcunapis nishäcunata wiyacamar santu cay-llapa.»\x * \xo 1:16 \xt Lev. 11.44–45; 19.2\x* 
\p  
\v 17 Gamcuna «taytä» nishayqui Tayta Diosga llapantami iwal rican. Payga llapan runatami jusganga imanöpis cawashanman-tupu. Chayno caycaptenga cay pachacho cawashayquicama Tayta Diosta rispitar caway.  
\v 18 Gamcunaga mamayqui taytayquipita-pachami jucha rurayllacho cawarayqui. Chayno cawaycaptiquimi Tayta Diosninchëga rantiypa-japuy jorgusha-cashunqui. Rantisha-cashunqui manami goripa chaninwanchu, ni guellaypa chaninwanpischu.  
\v 19 Chaypa ruquenga juchaynaj wamran Jesucristupa yawarninwanmi rantisha-cashunqui. Payga sänu uyshata Tayta Diospaj pishtashannömi wañusha.  
\v 20 Noganchi-raycu Jesucristo wañunanpäga Tayta Diosninchi niran cay pachata manaraj camallarnami. Ichanga guepatarämi gamcuna-raycu wañunanpaj shamusha.  
\v 21 Wañushanpitami Tayta Diosninchi Jesucristuta cawarircachimur janaj pachaman apacusha. Chaymi yäracuycanqui Tayta Dios llapan aunishanta cumlishunayquipaj cashanta. Chayta musyarmi Diosninchïman yäracurcaycanqui. 
\p  
\v 22 Alli willacuyninta chasquicusha carmi juchata mana ruranquinachu. Juchata mana rurarga llapan ermänucunawan alli ricanacuytami yachacushcanqui. Chayno caycaptenga llapan shonguyquicunawan cuyanacur caway.  
\v 23 Chaypämi mushoj cawayta chasquicur yapay yurishano carcaycanqui. Alli cawaytaga manami mama-taytapitachu tarishcanchi; chaypa ruquenga imaycamapis cawaj Tayta Diosninchïpitami. Paymi mushoj cawayta gosha-cashunqui alli willacuyninta chasquicuptiqui. Chay alli willacuynenga mana ushacajmi.\x * \xo 1:23 \xt Juan 3.3–7; Stg. 1.18; 1Ped. 1.3\x* 
\v 24 Alli willacuynin mana ushacaj cashantaga Tayta Diospa palabranchöpis niycan: 
\q1 «Llapan runacunapis guewanöllami. 
\q1 Cuyayllapaj cashanpis waytano ushacajllami. 
\q1 Guewapis chaquicäcunmi, waytapis wañuytacäcunmi. 
\q1  
\v 25 Tayta Diospa palabranmi ichanga imaypis mana ushacanchu».\x * \xo 1:25 \xt Isa. 40.6–8\x* 
\p Chay alli willacuynintami willapäshurayqui salbasha canayquipaj. 
\c 2  
\p  
\v 1 Chaymi mana allicunataga ama ruraynachu. Ama engañaychu. Ama alli-tucuychu. Ama inbidyösu caychu. Ama washata rimaychu.  
\v 2 Chaypa ruquenga iti wamra pasaypa chuchunashanno gamcunapis Tayta Diospa palabranta yachacur caway. Chaynöpami yachacushun Tayta Dios munashanno alli cawanapaj.  
\v 3 Gamcunaga maynami tantiyacushcanqui Tayta Diosninchi alli cashanta.\x * \xo 2:3 \xt Sal. 34.8\x* 
\s1 Jesús cawaj rumi-japuy cashan 
\p  
\v 4 Tayta Jesucristuman guellicushun ari. Payga cawaj rumimi. Paytami runacunaga manacajman churaran. Tayta Diosmi ichanga payta cuyar acrasha.  
\v 5 Gamcunapis cawaj rumi-japuymi carcaycanqui. Rumita-japuymi payga shuntaycämanchi templunta jatarachinanpaj. Chaynöpis acrasha-cashunqui templuncho sirbej cüracunano canayquipämi. Jesucristu-raycumi Tayta Diosga acrasha-cashunqui pay munashan ofrendacunata garanayquipaj.  
\v 6 Tayta Diospa palabranchöpis niycan: 
\q1 «Sionmanmi juc rumita churaj-aywä 
\q1 isquïnancho puntu rumi cananpaj. 
\q1 Chay rumiga cangapaj llapanpita mas allimi. 
\q1 Payman yäracoj cäga manami manacajllapäga yäracongachu.»\x * \xo 2:6 \xt Isa. 28.16\x* 
\m  
\v 7 Yäracuycajcunapäga pay allimi. Mana yäracojcunapämi ichanga isquirbiraycan: 
\q1 «Wasi pergajcuna ‹mana allichu› nishan rumiga 
\q1 isquïnancho puntu rumirämi caycan.»\x * \xo 2:7 \xt Sal. 118.22\x* 
\m  
\v 8 Mas juc partichöpis nin: 
\q1 «Tacacänanpaj rumi, tunichicoj rumimi caycan.»\x * \xo 2:8 \xt Isa. 8.14–15\x* 
\m Paycunaga tacacan Tayta Jesucristupa alli willacuyninta mana wiyacushpanmi. Paycunapäga ñaupatanami Tayta Dios distinaran chayno cananpaj. 
\p  
\v 9 Gamcunami ichanga canqui Tayta Dios acracushan, sirbej cürancuna, payllapaj raquicushan nasyun runacuna,\x * \xo 2:9 \xt Éxo. 19.5–6\x* quiquin Tayta Diospa marcan runacuna.\x * \xo 2:9 \xt Isa. 43.20; Tito 2.14\x* Paymi jucha ruraypitaga chacaypita-japuy achicyajmanno jorgamashcanchi.\x * \xo 2:9 \xt Isa. 9.2\x* Chaymi Tayta Diosninchi almiraypajcunata rurashanta willacunayquipaj carcaycanqui.  
\v 10 Ñaupataga manami Tayta Diosninchïpa marcanchu cashcanqui. Cananmi ichanga Tayta Diosninchi acrashan marca runacunana caycanqui. Ñaupataga Dios manami cuyasha-cashunquichu. Cananmi ichanga fiyupa cuyashunqui.\x * \xo 2:10 \xt Ose. 1.6, 9; 2.23\x* 
\p  
\v 11 Ermänucuna, cay pachachöga gorpanöllami carcaycanqui. Chaymi cuyay-munaypaj caway-llapa. Llutan yarpashayquicunataga ama ruraychu ari shonguyqui may-jina munaptinpis.\x * \xo 2:11 \xt Sal. 119.19\x* 
\v 12 Tayta Diosman mana yäracojcunapa chaupincho cawarpis cuyay-munaypaj caway. Canan wichan «llutantami ruraycan» nimashapis, lebantamashapis Taytanchi Jesucristo cutimushan junajrämi musyanga allita rurashanchïta. Chayrämi Tayta Diosta alabanga. 
\s1 Autoridäcunata wiyacunanchïpaj cashan 
\p  
\v 13 Taytanchi Jesucristuta pipis manacajman mana churananpaj mayur autoridäcunata, Romapa mandajninta wiyacuy. Paycunapa maquinchömi caycanchïpis.  
\v 14 Romapa mandajnin churashan autoridäcunatapis wiyacuy. Paycunaga caycan mana alli rurajcunata castigananpaj, alli rurajcunata alliman churananpämi.  
\v 15 Autoridäcunata rispitar alli cawaptiquega Tayta Diosta mana wiyacojcuna manami contrayqui rimanganachu. Chayno cawanayquitami Tayta Diosninchi munan. 
\p  
\v 16 Chaymi gamcunaga unay cawayniquicunata cachaycur libri runacunanöna caway-llapa. Ichanga ama «librinami cä» nir llutancunata ruraychu. Chaypa ruquenga Diosninchïpa sirbejnincunano caway.  
\v 17 Llapan runacunata rispitay. Ermänucunatapis cuyay. Tayta Diosninchïta manchapacur caway. Nasyunta mandaj runatapis rispitay. 
\s1 Uywaycuna imano cawananpäpis 
\p  
\v 18 Uywaycuna, patrunniqui alli captinpis u fiyu captinpis rispitar wiyacuy.  
\v 19 Diospa maquincho cawashayqui-raycu, mana juchayqui caycaptin ñacachishuptiquipis ama jagayaychu. Mana jagayaypa ñacaycunata päsarga Diospaj allimi caycanqui.  
\v 20 Llutanta rurashayquipita ñacachishuptiquimi ichanga quiquiquipa juchayquipita ñacarcaycanqui. Allita ruraycarpis ñacaycunata päsarmi ichanga Tayta Diospaj alli caycanqui.  
\v 21 Chayno ñacanapämi Tayta Diosga acramashcanchi. Jesucristupis noganchi-raycumi ñacasha. Chaynöpami tantiyachimashcanchi ñacarpis mana jagayaypa cawanapaj.  
\v 22 Payga manami ima juchatapis ruraranchu. Pitapis manami llullaparanchu.\x * \xo 2:22 \xt Isa. 53.9\x* 
\v 23 Runacuna ashlliptinpis payga manami ashlliranchu. Ñacachiptinpis manami juraparanchu. Chaypa ruquenga Tayta Diosninchïpa maquinmanmi cachaycuran pay jusgananpaj.\x * \xo 2:23 \xt Isa. 53.7\x* 
\v 24 Juchaynaj caycarpis Jesucristo cruscho wañuran juchata rurashanchïpita perdunashana cananchïpämi, Tayta Diosninchi munashannöna cawananchïpämi. Payta däñar-ushashanpitami noganchëga allchacashana caycanchi.\x * \xo 2:24 \xt Isa. 53.5\x* 
\v 25 Ñaupataga ogracasha uyshanömi cashcanqui.\x * \xo 2:25 \xt Isa. 53.6\x* Cananmi ichanga cuyamajninchi Jesucristumanna cutishcanqui. Uyshancunata uysha michej alli ricashannömi payga imapitapis ricaycäshunqui. 
\c 3  
\s1 Majayojcuna imano cawananpäpis 
\p  
\v 1 Warmicuna, gamcunapis majayquita wiyacuy.\x * \xo 3:1 \xt Efe. 5.22; Col. 3.18\x* Wiyacur alli cawaptiquega runayquipis Jesuspa alli willacuyninta tantiyacongami. Alli cawashayquita ricarmi pipis mana willapaycaptillanna Tayta Jesucristuman yäraconga.  
\v 2 Alli cawashayquita ricar, Tayta Diosninchïta rispitashayquita ricarmi quiquillan tantiyaconga. 
\p  
\v 3 Cuyayllapaj warmi canayquipäga manami ajchayquita allchacuyllachu, manami gorita churacuyllachu, alli röpata jaticuyllapischu. Chaycunaga janallayquitami camarächin.\x * \xo 3:3 \xt 1Tim. 2.9\x* 
\v 4 Chaypa ruquenga yarpachacuy pï-maywanpis alli cawanayquipaj. Chayno cashayquimi Tayta Diospäga mas bälin may-jina adurnacushayquipitapis. 
\p  
\v 5 Tayta Dios munashanno cawaj unay warmicunapis adurnacunallanpäga manami yarpachacuranchu. Man'chäga Tayta Diosman yäracushpan runanta wiyacur cawananpämi yarpachacoj.  
\v 6 Sarapis runan Abrahamta wiyacur sumaj rispitarmi ricaran.\x * \xo 3:6 \xt Gén. 18.12\x* Chaymi Sara wiyacur cawashanno gamcunapis allillata rurar mana manchacuypa caway. Chayno cawarga Saramanmi llojshinqui. 
\p  
\v 7 Ollgu cajcuna, gamcunapis warmiquiwan sumaj tantiyanacur goyanquiman. Alli ricanquiman.\x * \xo 3:7 \xt Efe. 5.25; Col. 3.19\x* Warmicunaga manami gamcunano callpayojchu. Chaypis warmi-ollgutami Tayta Diosninchëga salbamashcanchi. Warmiquiwan mana alli goyaptiquega mañacushayquitapis Tayta Dios manami wiyashunquichu. 
\s1 Llapanchi alli cawashun 
\p  
\v 8 Chayno caycaptenga llapaniquipis juc shongulla caway. Cuyapänacuy. Chay yawar caycajnölla cuyanacuy. Yanapänacuy. Ama alli-tucuychu.  
\v 9 Runa-masiqui chiquishuptiquipis gamcunaga ama chiquiychu. Ashllishuptiquipis ama ashlliychu. Chaypa ruquenga Tayta Diosninchïta mañacuy chiquishojniquitapis bindisyunta gonanpaj. Gamcunapis bindisyunta chasquinayquipämi Tayta Diosga acrasha-cashunqui.  
\v 10 Tayta Diospa palabranchöpis niycan: 
\q1 «Pipis alli cawayta munarga cushisha goyayta munarga 
\q1 llutancunata ama rimachunchu. 
\q1 Ama llullacuchunchu. 
\q1  
\v 11 Mana allicunataga ama rurachunchu. Allillata rurachun. 
\q1 Piwanpis alli cawayta ashichun. 
\q1  
\v 12 Alli runacunataga Tayta Dios allimi rican. 
\q1 Mañacushantapis wiyanmi. 
\q1 Mana allita rurajcunatami ichanga ricaytapis mana munanchu.»\x * \xo 3:12 \xt Sal. 34.12–16\x* 
\p  
\v 13 Allillata ruraptiquega ¿piraj ima mana allitapis rurashunquiman?  
\v 14 Allita ruraycarpis ñacar-imarga cushicuy.\x * \xo 3:14 \xt Mat. 5.10\x* Pitapis ama manchacuychu. Ama llaquicuychu.  
\v 15 Chaypa ruquenga Tayta Jesucristuman yäracur pay munashanno caway.\x * \xo 3:15 \xt Isa. 8.12–13\x* 
\p Imaypis camaricushalla carcaycay «Jesucristuman, aunishancunaman ¿imanirtaj yäracunqui?» nir tapushuptiqui tantiyachinayquipaj.  
\v 16 Ichanga alli shimillayquipa, manacajman mana churayllapa tantiyachinqui. Chayno Tayta Jesucristuman yäracur alli cawaptiquega contrayquicunapis pengacongami «llutanta rimashcä» nishpan.  
\v 17 Tayta Dios munaptenga allimi canman allita rurashayquipita ñacaptiquipis. Llutanta rurashayquipita ñacarmi ichanga quiquiqui pengaypaj ñacanqui. 
\p  
\v 18 Jesucristupis juchanchi-raycumi juc cutilla wañusha Tayta Diospa ñaupanman chayachimänanchïpaj. Payga juchaynaj caycarmi juchasapacunapa ruquinchi wañusha. Wañuptinpis Espíritu Santumi cawarachimuran.  
\v 19 Cawarircamurnami aywaran unaypitana prësu wichgaraycaj almacunatapis willapaj.  
\v 20 Chay almacunaga Noé cashan wichan Tayta Diosta manami wiyacuranchu. Chaypis arpinticunanpaj Tayta Diosga shuyararan Noé büquita rurayta ushanancamami. Büqui rurayta usharcuptin büquiman pusaj runallami yaycuran. Paycunallami yacu janancho wampuypa salbacuran dilubyupita.\x * \xo 3:20 \xt Gén. 6.1–7.24\x* 
\v 21 Chayno salbasha captinmi chay büquita wampuchej yacuga bautisacushayqui yacu-japuy caycan. Bautisacunqui manami bäñacunayquipächu, man'chäga perdunashunayquipaj arpinticur Tayta Diosta mañacunayquipämi. Chaynöpami salbashana caycanqui Jesucristo wañushanpita cawarimusha captin.  
\v 22 Payga cawarircamur syëlumanmi cuticusha. Cananga Tayta Diosninchïpa derëchu caj-lädunchönami caycan. Chaychöga llapan anjilcunapis, munayniyojcunapis Jesucristupa munayninchönami caycan. 
\c 4  
\s1 Tayta Dios munashannöna cawananpaj shacyächishan 
\p  
\v 1 Jesucristo cay pachacho ñacasha caycaptenga gamcunapis ñacayta ama manchacuychu. Payno ñacarmi yachacunqui jucha ruraycunata cachaycuyta.  
\v 2 Chaynöpami juchallata ruraj runacunanöga mana cawanquipänachu. Man'chäga Tayta Dios munashannöllanami cawanquipaj.  
\v 3 Unaymi ichanga gamcunapis jucha rurajcunawan iwal juchallata rurashcanqui. Chaymi shonguyqui munashancunallata rurarayqui, mana pengacuypa jucwan-jucwan juchata rurar puricurayqui, upyallar purirayqui, fistacunacho tucuyta rurarayqui, melanaypaj ïdulucunatapis adurarayqui. Unay chayno cawasha carpis cananga amana chayno cawaynachu.  
\v 4 Cananga mana tallupaptiquinami juchallata rurajcunaga imanir jucha ruraycunata cachaycushayquitapis mana tantiyanchu. Chaymi washayquita riman.  
\v 5 Chaypitami paycunaga cuentata gonga Tayta Diosninchi llapan runacunata jusganan junaj. Payga manami cawaycajcunallatachu jusganga. Man'chäga wañushacunatapis jusgangami.  
\v 6 Chaymi alli willacuytaga canan wañushana caycajcunatapis willaparan. Chay willacuyta chasquicojcunaga wañurpis cawarircamushpan Tayta Diospa ñaupanchönami imaycamapis cawanga. 
\s1 Yanapänacur cawanapaj shacyächishan 
\p  
\v 7 Cay pacha ushacänanpaj caj öra chayaycämunnami. Chayno caycaptenga allillana cawanayquipaj yarpachacuy. Mana gongaypa Tayta Diosninchïta mañacuy.  
\v 8 Jucniqui-jucniquipis cuyanacur caway. Rasunpa cuyanacorga imapitapis perdunanacuy.\x * \xo 4:8 \xt Prov. 10.12; 1Cor. 13.7\x* 
\v 9 Pipis wasiquiman chayamojtaga cushisha jamachiy. Nircorga washanta ama rimaychu.\x * \xo 4:9 \xt Rom. 12.13\x* 
\v 10 Tayta Diosninchi imapäpis yachayta goshushayquiman-tupu jucniqui-jucniquipis yanapänacunqui. Payga tucuyta yachanayquipämi yarpayta gosha-cashunqui.  
\v 11 ¿Alli willacuyta willacunayquipächu yachayta goshurayqui? Chauraga Tayta Dios nishancunata willacuy. ¿Juccunata yanapänayquipächu yachayta goshurayqui? Chauraga Tayta Dios yanapäshushayquiman-tupu yanapay. Chaynöpami runacuna Jesucristuta chasquicur Tayta Diosninchïta cushisha alabanga. Payga imaycamapis munayniyojmi caycan. Y imaycamapis alabasha caycullächun. Amén. 
\s1 Ñacarpis cushicunanpaj shacyächishan 
\p  
\v 12 Ermänucuna, Jesucristuta chasquicushayquipita ñacarga ama llaquicuychu «¿Imanirtaj cayno ñacaycä?» nir.  
\v 13 Chaypa ruquenga cushicuy Jesucristo ñacashanno ñacashpayqui. Ima ñacaycho carpis pay cay pachaman munayninwan cutimuptin paywan tincurnami fiyupa cushicunquipaj.\x * \xo 4:13 \xt Rom. 8.17; 1Ped. 4.1\x* 
\v 14 Jesucristuman yäracushayquipita pipis ashllir-ushashuptiqui cushicuy. Gamcunawanga caycan munayniyoj Tayta Diospa Espíritu Santunmi. [Runacuna ashllishushpayquega Jesucristutami manacajman churaycan. Gamcunami ichanga ashllishuptiquipis payman yäracuycanqui.] 
\p  
\v 15 Runa-masiquita wañuchishayquipita, suwa cashayquipita, metichi cashayquipita, mana allita rurashayquipita ñacarga pengaypämi canquipaj.  
\v 16 Jesucristuman yäracushayquipita ñacarga ama pengacuychu. Chaypa ruquenga salbashushayquipita Tayta Diosninchïta alabay. 
\p  
\v 17 Tayta Dios jusgananpaj caj timpu chayamushanami. Tayta Diosga payman yäracoj cajcunatami jusgayta gallaycusha. Diosman yäracojcunapis jusgasha caycaptenga ¿imanöraj canga Tayta Diospa alli willacuyninta mana chasquicojcuna? 
\q1  
\v 18 Tayta Dios munashanno cawajcunapis sasataraj salbacuycaptenga 
\q1 ¿imanöraj ñacanga juchasapacunawan fiyu runacunaga?\x * \xo 4:18 \xt Prov. 11.31\x* 
\p  
\v 19 Chaymi Tayta Diosninchi camacächiyninpa ñacajcunaga ama llaquicuychu. Paypa maquinman bïdayquita churaycuy. Nircur sïguir allillata rurar cawashun. Payga aunishancunata cumlinmi. 
\c 5  
\s1 Mayur ermänucuna imano cananpäpis shacyächishan 
\p  
\v 1 Mayur ermänucuna, nogapis gamcunano mayur yäracojmi cä. Jesucristo ñacashancunata quiquëmi ricashcä. Jesucristo munayninwan cutimuptin llapanchïmi paypa ñaupancho caycäshunpaj. Chaymi gamcunata willapä:  
\v 2 Ermänucunata\x * \xo 5:2 \xt Juan 21.15–17\x* ricanayquipaj churashuptiquega sumaj ricay uysha michej uyshancunata ricashanno. Mana guellanaypa cushi-cushilla Dios munashanno ricay. Guellay-raycullaga ama ricaychu.  
\v 3 Nishayqui-nishayquitaga ama rurachiychu. Chaypa ruquenga alli shimillayquipa shacyächiy. Paycuna ricacushunayquipaj Tayta Dios munashanno alli caway.  
\v 4 Chauraga llapanchïta michimajninchi\x * \xo 5:4 \xt Heb. 13.20\x* Jesucristo cutimur «Allitami rurashcanqui» nimäshun. Chaynöpami paypa ñaupancho imaycamapis cushisha cawashunpaj. 
\p  
\v 5 Jipash mösupis, mayur ermänucunata wiyacuy. Chaynölla jucniqui-jucniquipis mana alli-tucuypa rispitanacuy. 
\q1 «Alli-tucojcunataga Tayta Diosninchi manami yanapanchu. 
\q1 Umildicunatami ichanga cuyapar yanapan.»\x * \xo 5:5 \xt Prov. 3.34; Stg. 4.6\x* 
\p  
\v 6 Chayno caycaptenga Tayta Diosninchïta rispitar mana alli-tucuyllapa caway. Chayno cawaptiquimi Jesucristo cutimur «Allitami rurashcanqui» nishunquipaj.\x * \xo 5:6 \xt Mat. 23.12; Luc. 14.11; 18.14; Stg. 4.10\x* 
\v 7 Tayta Diosninchi cuyaycäshuptiquega ima yarpachacuyniquicunatapis paypa maquinman churaycuy.\x * \xo 5:7 \xt Sal. 55.22; Mat. 6.25–34\x* 
\p  
\v 8 ¡Sumaj alcäbu caway-llapa! Contrayqui dyabluga yargasha liyunnömi puriycan tarishan cajtaga usharinanpaj.  
\v 9 Chayno caycaptenga dyabluta ama cäsupaychu. Musyashanchïnöpis cay pachachöga manami nogallanchïchu ñacarcaycanchi. Waquin ermänunchicunapis ñacarcaycanmi. Chaymi Tayta Diosninchïman yäracur Pay munashanno imaypis caway. 
\p  
\v 10 Noganchi-raycu Jesucristo wañusha captinmi Tayta Diosninchi cuyapäshushpayqui acrasha-cashunqui ñaupancho imaycamapis cawanayquipaj. Juc timpu ñacaycuna päsarcuptinnami alliman churashunquipaj, sumaj balurta goshunquipaj, allillata cachishunquipaj.  
\v 11 ¡Tayta Diosninchi llapanpaj munayniyoj cashanpita imaypis alabasha caycullächun! Amén. 
\s1 Carta ushanan 
\p  
\v 12 Ermänunchi Silvanumi\x * \xo 5:12 \xt Hech. 15.22, 40\x* cay carta isquirbiyta yanapämasha. Payga sumajmi Taytanchi Jesucristuman yäracun. Cay cartata gamcunaman apaycächimö ima ñacaycho captiquipis Tayta Diosninchi yanapaycäshushayquita tantiyacunayquipämi. Payman yäracuytaga ama cachaycuychu. 
\p  
\v 13 Babiloniacho\f + \fr 5:13 \ft Chay wichan ermänucunaga \fk Roma \ft siudätami \fk Babilonia \ft niran. Masta musyanayquipaj liguinqui: Apoc. 14.8; 16.19; 17.5; 18.2, 10, 21.\f* caycaj ermänunchicunapis wamayäshunquimi. Wamrä-japuy caycaj cuyashä Marcuspis wamayäshunquimi.\x * \xo 5:13 \xt Hech. 12.12, 25; 13.13; 15.37–39; Col. 4.10; Film. 24\x* 
\v 14 Ermänucuna wamayänacur jucniqui-jucniquipis saludanacuy. 
\p Taytanchi Jesucristuman yäracojcuna, llapayquipäpis alli goyay caycullächun. [Amén.]