\id 1JN 1jn - Quechua Huallaga Huánuco Bible -Peru 2010 (DBL -2013) 
\h 1 JUAN 
\toc1 1 Juan 
\toc2 1 Juan 
\toc3 1Juan 
\mt1 1 Juan 
\ili ¿Rasunpachu Jesucristoga noganchïno tulluyoj y aychayoj caran? 
\ili ¿Picunataj caycan Tayta Diospa rasun caj wamrancunaga? 
\im \bd ¿Pitaj isquirbiran?\bd* Cay libruchöga jutinta manami willacunchu. Ichanga ermänucuna imaypis nisha cay libruta apóstol Juan isquirbishantami. 
\im \bd ¿Picunapätaj isquirbiran?\bd* Cay cartata Juan isquirbiran sumaj rejsishan ermänucunapämi. Waquin yarpan Efesucho caj ermänucunapaj isquirbishantami. 
\im \bd ¿Imaytaj isquirbiran?\bd* Waquin yarpan wata 90 d.C. wichan isquirbishantami. 
\im \bd ¿Imataj caycan cay librucho?\bd* Cay rimir caj San Juan cartachöga fäsi tantiyana rimaycunawanmi willapaycämanchi. Yachaycächishanta ishcay u quimsa cutimi cay cartacho cutipan. Quimsa yachachicuypämi parlaycan: 1) Chaycho niycan noganchi runano rasunpa tulluyoj y rasunpa aychayoj Jesús shamushantami. 2) Ermänucuna alli ricanacur cuyanacunanpäpis niycan. 3) Jucha ruraycuna imano cashanta y Tayta Diospa wamrancuna imano cashantapis niycan. 
\ip Chay wichan llutan yachachicojcunaga yachachej runacunapa cuerpun pasaypa mana alli cashantami. Chaymi paycuna mana riguejchu noganchi runano Tayta Diospa wamran shamushanta. Chaura Juanga achca cuti niycan chay llutan yachachicojcuna llutanta yarpaycashanta (1.1–4; 2.20–25; 4.1–6; 5.1–12). 
\ip Ermänucuna alli ricanacur cuyanacunanpaj achca cuti riman (2.7–11; 3.11–24; 4.7–21). Jesusga Tayta Diospa wamran caycarpis noganchïno runamanmi ticraran y noganchi-raycumi wañuran. Chayno caycaptenga jucninchi-jucninchïpis cuyanacushun (2.5, 6; 3.16; 4.8–12). 
\ip ¿Picunataj caycan Tayta Diospa rasunpa wamrancuna? Tayta Diospa rasunpa wamrancunaga caycan juchanpita cunfisacojcunami y Tayta Dios munashanno cawajcunami. Chaymi mas alli caycan Tayta Diosta wiyacur jucnin-jucninpis cuyanacushan. Chayno cawajcunami mana ushacaj cawayta tarenga (1.5–2.2; 2.28–3.10; 5.13–21). 
\c 1  
\s1 Gallarinan 
\p  
\v 1 Gamcunaman isquirbimö Cawachicoj Palabrapitami.\f + \fr 1:1 \fk Cawachicoj Palabra \ft niycan Taytanchi Jesucristupämi.\f* Payga gallarinancho imapis manaraj captin maynami caycaran.\x * \xo 1:1 \xt Juan 1.1; 1Juan 2.13–14\x* Nogacunaga rimashantami wiyashcä. Quiquintami ñawëwan ricashcä. Maquëwanpis yatashcämi.\x * \xo 1:1 \xt Juan 1.1, 4; 6.68\x* 
\v 2 Paytaga cawachicoj captin Tayta Diosmi cachamur rejsichisha. Nogacunaga payta ricashcämi.\x * \xo 1:2 \xt Juan 1.14, 18\x* Chaymi gamcunata willapä mana ushacaj cawayta tarinayquipaj.  
\v 3 Ricashäcunatami, wiyashäcunatami willapä gamcunapis nogacunawan juc yarpaylla caycänapaj. Rasunpa juc yarpayllami cawanchi Tayta Dioswanpis, wamran Jesucristuwanpis.  
\v 4 Caycunataga isquirbimö fiyupa cushisha cawananchïpämi. 
\s1 Tayta Dios achquino cashan 
\p  
\v 5 Cananga Jesucristo willapämashantami willapäshayqui. Payga nimasha: «Tayta Diosga achquimi. Pay cashanchöga ima chacaypis manami canchu» nir. Chay nimashantaga llapantami willapaycä.  
\v 6 Chaymi chacaycho puriycar «Tayta Dios munashannömi cawaycä» nerga llullacuycanchïmi. Manami rasun cajtachu ruraycanchi.  
\v 7 Tayta Diosninchi munashanno cawarmi ichanga achicyajcho puriycanchi. Chayno caycanchi Tayta Diosga achqui captinmi. Chaymi jucninchi-jucninchïpis cuyanacur alli ricanacunchi. Chaynöpis Tayta Diospa wamran Jesús yawarninta jichashanwanmi llapan juchanchïpita perdunamanchi. 
\p  
\v 8 «Manami juchata rurashcächu» nerga quiquillanchïmi engañacuycanchi. Manami rasun cajtachu rimaycanchi.  
\v 9 Mana pacaypa «Juchayojmi cä» nishami ichanga Tayta Diosninchi perdunamäshun. May-jina juchasapa captinchïpis payga alli carmi, cuyapäcoj carmi perdunamanchi.  
\v 10 «Manami juchayojchu cä» nerga Tayta Diostami llullata-japuy ricaycanchi. Tayta Dios «Llapan runapis juchayojllami» nishancunata manacajmanmi churaycanchi. Chayno carga willacuyninta manami rasunpa chasquicushcanchïrächu.\x * \xo 1:10 \xt Prov. 20.9\x* 
\c 2  
\s1 Jesucristo abogädunchi cashan 
\p  
\v 1 Wamräcunano caycajcuna, caycunataga isquirbimö juchata mana ruranayquipämi.\x * \xo 2:1 \xt Rom. 6.11–14\x* Jucha rurayman chayaptinchi-ima ichanga juchaynaj abogädunchi caycan Tayta Diospa ñaupancho faburninchi ichinanpaj. Payga Jesucristumi.  
\v 2 Payga wañusha juchanchïcunapita Tayta Dios perdunamänanchïpämi;\x * \xo 2:2 \xt 1Juan 4.10\x* manami nogallanchïpa juchanchïta perdunamänanchïpächu, chaypa ruquenga llapan runapämi. 
\p  
\v 3 ¿Imanöpataj musyanchi Tayta Diosta rejsishanchïta? Mandamintuncunata wiyacurmi musyanchi.\x * \xo 2:3 \xt Juan 14.15, 21, 23\x* 
\v 4 «Tayta Diosta rejsëmi» nir mandamintuncunata mana wiyacorga llullacuycanmi. Manami rasun cajtachu riman.  
\v 5 Mandamintuncunata wiyacojcunami ichanga Tayta Dios cuyacoj cashanta tantiyan. Chaynöpami musyacan Tayta Dios munashanno cawashanchi.  
\v 6 Chaymi pipis «Tayta Dios munashannömi cawaycä» nerga Jesucristo cawashanno cawachun. 
\p  
\v 7 Cuyay ermänucuna, manami mushoj mandamintutachu isquirbimö. Chaypa ruquenga unaypita-pacha musyaycashayqui «jucniqui-jucniqui cuyanacuy» nishan mandamintullatami yarpaycächë. Chay mandamintutaga gamcuna wiyashcanquinami.  
\v 8 Ichanga imano carpis mushoj mandamintunömi.\x * \xo 2:8 \xt Juan 13.34; 15.12\x* Cay mushoj mandamintutami Jesús yachachir cumliran. Paynömi gamcunapis cumliycanqui. Chayno rurarga chacaypita achquiman llojshirej-japuymi caycanqui. 
\p  
\v 9 Pipis «achquichömi caycä»\x * \xo 2:9 \xt Rom. 13.12–14\x* nishpan juc ermänuta chiquerga chacajllachörämi caycan.  
\v 10 Yäracoj-masinta cuyaj cäga achquichömi caycan. Chayno cawarga manami jucha rurayman chayanchu.  
\v 11 Yäracoj-masinta chiquej cajmi ichanga chacaycho caycan. Chacaypa purerga mayman aywashantapis manami musyanchu. Chacayllacho captinmi ñawinpis chacasha caycan. 
\q1  
\v 12 Wamräno caycajcuna, gamcunamanga cartacaycämö 
\q1 noganchi-raycu Jesucristo wañuyninpa Tayta Dios juchanchïcunata perdunamashanchïpitami. 
\q1  
\v 13 Taytacuna, gamcunamanga cartacaycämö 
\q1 gallaycunanpita-pacha cashan Tayta Jesucristuta rejsishayquipitami. 
\q1 Jipashcuna mösucuna, gamcunamanga cartacaycämö 
\q1 dyabluta ichipashayquipitami. 
\q1  
\v 14 Wamräno caycajcuna, gamcunamanga cartacaycämö 
\q1 Tayta Diosta rejsiptiquimi. 
\q1 Taytacuna, gamcunamanga cartacaycämö 
\q1 gallaycunanpita-pacha cashan Tayta Jesucristuta rejsishayquipitami. 
\q1 Jipashcuna mösucuna, gamcunamanga cartacaycämö 
\q1 callpayoj captiquimi, Tayta Dios munashanno cawaptiquimi, dyabluta ichipasha captiquimi. 
\p  
\v 15 Wamräno caycajcuna, cay pachacho juchata rurajcuna-japuyga ama cawaychu. Juchata rurashancunatapis ama yachacuychu.\x * \xo 2:15 \xt Stg. 1.27\x* Jucha rurajcunaga Tayta Diosta manami rasunpachu cuyan.  
\v 16 Paycunaga cuerpun munashallantami ashin. Yargaj car ñawin ricashanta quiquinpaj canantami munan. Llapanpitapis mas alli ricasha caytami ashin. Chayno cawananchïtaga manami Tayta Diosninchïchu camacächin. Man'chäga runacunallami camacächin shongun munapashallanta ashir.  
\v 17 Cay pachaga ushacangami. Jucha ruraypis ushacangami. Tayta Dios munashanno cawajcunami ichanga mana ushacaj cawayta tarenga. 
\s1 Jesucristupa contrancuna jatarinanpaj cashan 
\p  
\v 18 Wamräno cajcuna, ushanan junajcunachönami caycanchi. Anticristo shamunantaga wiyashcanquinami. Maynami shamusha anticristucunaga. Chaynöpami musyanchi ushacay junajcunachöna caycashanchïta.  
\v 19 Chay runacunaga noganchi cajpitami llojshisha. Paycunaga janan shongullami noganchïwan shuntacaran. Rasunpa noganchïno cashpanga manami witicunmanchu caran. Chaynöpami musyanchi noganchïno mana yäracushanta. 
\p  
\v 20 Gamcunamanga Jesucristumi Espíritu Santuta cachamusha. Chaymi tantiyanquina llutanta yachachishuptiquipis mana chasquinayquipaj.\x * \xo 2:20 \xt 1Cor. 2.10–16\x* 
\v 21 Gamcunaga rasun cajta tantiyanquinami. Chaymi cartacaycämö llutan yachachej llullacunata mana chasquinayquipaj.  
\v 22 ¿Pitaj llulla? Llullaga Jesús Tayta Dios cachamushan Cristo cashantami ñïgan. Chayno ñïgajmi anticristuga. Payga ñïganmi Tayta Diostapis Wamran Jesustapis.  
\v 23 Wamran Jesustapis ñëgäga Tayta Diostapis ñïganmi. Jesusman yäracurmi ichanga Tayta Diosmanpis yäracun.  
\v 24 Gallarinanpita-pacha wiyashayquicunata sumaj yarparay. Gallarinanpita-pacha wiyashayquita mana gongarga, gamcunapis goyarcaycanqui Tayta Dios munashanno y wamran munashannömi.  
\v 25 Jesucristoga quiquinmi aunimashcanchi imaycamapis cawananchïpaj. 
\p  
\v 26 Chaymi cay cartataga isquirbimö llullapäcojcunata mana chasquipänayquipaj.  
\v 27 Jesucristo cachamushan Espíritu Santuga gamcunawanmi caycan. Chaymi pipis yachachishunayqui mana nistacanchu. Gamcunataga Espíritu Santumi rasun cajllata yachaycächishunqui. Manami imaypis llullapäshunquichu. Chaymi Espíritu Santu yachachishushayquino, Jesucristo munashannölla caway-llapa. 
\p  
\v 28 Wamräno cajcuna, cananga Jesucristo munashannölla caway. Chaynöpami pay cutimuptin cushisha caycäshunpaj. Manami pengacushunpächu. 
\p  
\v 29 Musyanchïmi Jesucristo juchaynaj cashanta. Chaymi pipis juchata mana ruraptenga musyanchi Tayta Diospa wamran cashanta. 
\c 3  
\s1 Tayta Diospa wamrancuna imano cashanpis 
\p  
\v 1 Sumaj tantiyacushun, Tayta Diosninchëga fiyupami cuyamanchi. «Wamräcunami canqui» nimanchi.\x * \xo 3:1 \xt Juan 1.12\x* Rasunpami wamrancuna canchi. Chaytami juchasapa runacunaga Tayta Diosta mana rejsishpan mana tantiyanchu.  
\v 2 Cuyay ermänucuna, cananga Diospa wamranna carpis manami musyanchïrächu imano cananchïtapis. Ichanga musyanchïmi Jesucristo cutimushan junäga quiquin-niraj cananchïpaj cashanta. Paytaga rasunpa quiquintami ricashunpaj.  
\v 3 Chaymi Jesucristo cutimunanta shuyäcuycarga Jesucristo cawashanno juchata mana ruraypa cawashun. 
\p  
\v 4 Juchata rurarga Tayta Diospa mandamintuncunatami mana cumlinchu. Pipis juchata rurajcunaga Tayta Diospa contranmi caycan.  
\v 5 Gamcuna musyanquinami llapan juchanchïta perdunamänapaj\x * \xo 3:5 \xt Juan 1.29\x* Jesucristo cay pachaman shamushanta. Payga juchaynajmi.  
\v 6 Tayta Dios nishanta wiyacojcunaga manami juchata rurannachu. Juchata ruraj cajmi ichanga Jesucristo pï cashantapis mana tantiyanchu, mana rejsinpischu. 
\p  
\v 7 Cuyay ermänucuna, pipis cuydä engañargushunquiman. Allita rurajcunaga Jesusno allimi.  
\v 8 Juchata ruraj cajcunami ichanga dyablupa munaynincho caycan. Dyabluga gallarinanpita-pachapis juchatami ruran. Chaymi Tayta Diospa wamran Jesusga shamusha dyablu camacächishanta illgächinanpaj.\x * \xo 3:8 \xt Heb. 2.14–15\x* 
\p  
\v 9 Tayta Diospa wamranna cajcunaga manami jucha rurayllacho goyannachu. Tayta Diospa wamrancunaga Tayta Dios munashannönami cawan. Chaymi paypa wamran carnaga manana juchata rurannachu.  
\v 10 Diospa wamran cajcunapis, dyablupa wamrancunapis maysi rejsipayllami. Pipis juchata ruraj cäga, ermänucunata chiquej cäga manami Diospa wamranchu. 
\s1 Pï-maywanpis cuyanacunanchïpaj cashan 
\p  
\v 11 Jucninchi-jucninchïpis cuyanacunanchïpaj cashantami Tayta Diosninchi unaypita-pacha willapämashcanchi.\x * \xo 3:11 \xt Juan 13.34; 15.12\x* 
\v 12 Ama cashunchu Cainnöga. Payga dyablu munashanta rurarmi wauguin Abelta wañuycachiran.\x * \xo 3:12 \xt Gén. 4.8\x* ¿Imapitataj wañuchiran? Wauguin Abelga Tayta Dios munashantami ruraran. Cainmi ichanga juchallata ruraj. Chaynöpami wauguinta chiquir wañuycachiran.  
\v 13 Chaymi cuyay ermänucuna, Tayta Dios munashanno cawaptinchi juchallata ruraj runacuna chiquimashapis ama llaquicushunchu.  
\v 14 Noganchëga cuyanacurmi musyanchi wañuypita alli cawaymanna päsashanchïta.\x * \xo 3:14 \xt Juan 5.24\x* Juc ermänuta mana cuyaj cäga wañusha-japuyllami caycan.  
\v 15 Pipis ermänucunata chiquej cäga wañuchicojmi. Gamcunaga musyanquimi wañuchicojcunaga mana ushacaj cawayta mana tarinanpaj cashanta.  
\v 16 Jesucristoga noganchi-raycumi wañusha.\x * \xo 3:16 \xt Juan 15.13\x* Chaynöpami musyanchi cuyacuy imano cashantapis. Noganchïpis ermänucuna-raycuga wañuytapis ama manchacushunchu.  
\v 17 Juc ermänu muchupacaycho caycajta rïcu caycar mana yanapaptenga ¿imanöpataj Tayta Dios cuyashanno chay runa cuyanman?  
\v 18 Cuyay ermänucuna, janan shongullaga ama cuyanacoj-tucushunchu. Chaypa ruquenga cuyanacushpayqui imaypis yanapänacur caway. 
\p  
\v 19 Chaynöpami wamran cashpanchi Tayta Dios munashanno cawanchi. Chayrämi shongunchïpis Tayta Dios ricaycämasha alli canga.  
\v 20 Jucha rurashanchïpita shongunchi llaquisha caycaptinpis Tayta Diosninchëga perdunamäshunmi. Payga alli shongu carmi shongunchïtapis rejsin.  
\v 21 Cuyay ermänucuna, jucha rurashanchïpita perdunashana cashaga shongunchïpis manami llaquishanachu caycan. Chauraga Tayta Diospa ñaupancho allinami caycanchi.  
\v 22 Imata mañacushanchïtapis paymi tarichimäshun. Mandamintuncunata wiyacusha, munashanno rurashaga yanapämäshunmi.  
\v 23 Mandamintonga nimanchi wamran Jesucristuman riguinanchïpaj, jucninchi-jucninchïpis cuyanacunanchïpämi.\x * \xo 3:23 \xt Juan 13.34; 15.12, 17\x* 
\v 24 Mandamintunta wiyacorga Dios munashannömi cawaycanchi. Paypis noganchïwanmi caycan. Chaytaga quiquin Tayta Diospa Espíritu Santunta chasquicusha carmi musyanchi. 
\c 4  
\s1 Llutan yachachicojcuna imano cashanpis 
\p  
\v 1 Cuyay ermänucuna, cay pachachöga achcajmi llullacur profëta-tucurcaycan. «Espiritumi munayninwan tantiyachimasha» nejcunata llapantaga ama riguiychu. Chaypa ruquenga sumajraj mayapay. Mayapanqui Tayta Diospa Espiritunpa munayninwan parlaycashanta u jucpa munayninwan parlaycashantapis.  
\v 2 «Jesucristoga runaman ticrarcurmi shamusha» nir willacuptenga Tayta Diospa Espiritunpa munayninwan caycashantami musyanqui.  
\v 3 «Jesucristoga manami runaman ticrashachu» nir willacuptenga manami Tayta Diospa Espiritunchu rimaycächin. Chaypa ruquenga anticristupa munayninwanmi rimaycan. Pay shamunantaga wiyarayquinami. Cananga maynami cay pachachöna caycan.\x * \xo 4:3 \xt Mat. 7.15; 2Juan 7\x* 
\p  
\v 4 Wamräno caycajcuna, gamcunaga Diospa wamranmi caycanqui. Noganchïta yanapämajninchi Espíritu Santuga cay pachacho caj contranchïpita mas munayniyojmi caycan. Chaymi llutan yachachicojcunataga mayna ichipashcanqui.  
\v 5 Paycunaga juchasapallami. Chaymi juchallata rimaptin juchasapa-masincuna wiyan.\x * \xo 4:5 \xt Juan 15.19\x* 
\v 6 Noganchïmi ichanga Diospa wamran canchi. Diosman yäracoj cajcunaga willapashanchïta wiyacamanchïmi. Mana yäracojcunami ichanga mana wiyamanchïchu.\x * \xo 4:6 \xt Juan 8.47\x* Chaynöpami rejsishun Tayta Diospa Espiritunpa munayninwan pï rimaycashanta y anticristupa munayninwan pï rimaycashantapis. 
\s1 Tayta Dios cuyacoj cashan 
\p  
\v 7 Cuyay ermänucuna, Tayta Diosninchëga cuyacojmi. Chaymi jucninchi-jucninchïpis cuyanacushun. Cuyacojcunaga Diospa wamranmi. Quiquin Diostapis rejsinmi.  
\v 8 Mana cuyacojcunami ichanga Diosta mana rejsinchu. Diosga cuyacojmi.  
\v 9 Dios cuyamashanchïta musyachimashpanchïmi japallan Wamranta cay pachaman cachamusha. Noganchi-raycu shamurmi payga mana ushacaj cawayta tarichimashcanchi.\x * \xo 4:9 \xt Juan 3.16\x* 
\v 10 Chaynöpami musyachimashcanchi cuyacoj cashanta. Manami noganchïchu paytaga cuyashcanchi. Chaypa ruquenga paymi noganchïta cuyamashcanchi. Chaymi wamranta cachamuran wañur juchanchïcunata perdunamänanchïpaj. Chaynöpami cuyacoj cashan musyacan. 
\p  
\v 11 Cuyay ermänucuna, chayno Tayta Diosninchi cuyaycämashaga jucninchi-jucninchïpis cuyanacushun.  
\v 12 Tayta Diostaga manami pipis ricashachu.\x * \xo 4:12 \xt Juan 1.18\x* Chaypis jucninchi-jucninchi cuyanacushaga noganchïwanmi caycan. Noganchïwan carmi yanapaycämanchi pay cuyacoj cashanno noganchïpis cuyacoj cananchïpaj. 
\p  
\v 13 Espíritu Santuta gomashanchïpitami musyanchi Tayta Dios noganchïwan caycashanta y noganchïpis pay munashanno cawaycashanchïta.\x * \xo 4:13 \xt Rom. 8.9; 1Juan 3.24\x* 
\v 14 Nogacunaga quiquëcunami ricashcä Tayta Diosninchi salbacoj Wamranta cay pachaman cachamushanta. Chaytami willacurcaycä.\x * \xo 4:14 \xt Juan 3.17\x* 
\v 15 Pipis «Jesusga Tayta Diospa wamranmi» nir yäracojcunawanga Tayta Diospis caycanmi. Chay runapis Tayta Dios munashannömi cawan. 
\p  
\v 16 Chaypitami cananga Tayta Dios cuyamashanchïta musyanchi. Cuyamaptinchïmi payman yäracuycanchi. Payno cuyacoj carga noganchïpis Tayta Dios munashannömi cawaycanchi, y paypis noganchïwanmi caycan.  
\v 17 Noganchëga cay munducho cawaycanchi Jesucristo cawashannömi. Chaynöpami Tayta Dios cuyacoj cashanga masna noganchïcho musyacaycan. Chaymi Jesucristo cutimunan junäga pay munashanno cawashpanchi mana manchacushunpänachu.  
\v 18 Rasunpa cuyanacushaga manami manchacuy canchu. Pipis cuyanacorga manchacuyta gongaycunmi. Mana cuyacojcunami ichanga fiyupa manchacun. Chaynöpami musyanchi cuyacuyta manaraj yachashanta. 
\p  
\v 19 Rimëru Tayta Dios cuyamashanchïpitami noganchïpis cuyanacuycanchi.  
\v 20 Pipis «Nogaga Diostami cuyä» niycar juc ermänuta mana cuyaj cäga llullacunmi. Diosta mana ricaycarga ¿imanöparaj «Diostami cuyä» ninman runa-masintapis mana cuyaycarga?  
\v 21 Noganchïtaga Tayta Diospa mandamintuncho nimanchi: «Diosta cuyarga ermänuyquitapis cuyay»\x * \xo 4:21 \xt Mat. 5.44–45; Mar. 12.29–31\x* nirmi. 
\c 5  
\s1 Tayta Diosta wiyacur wamrancuna cashanchi 
\p  
\v 1 Pipis «Jesusga Tayta Dios Cachamushan Cristumi» nej cäga Tayta Diospa wamranmi caycan. Tayta Diosta cuyarga paypa wamrancunatapis cuyanmi.  
\v 2 Tayta Diosta cuyarnaga mandamintuncunatapis wiyacurnaga musyanchïmi wamrancunata cuyaycashanchïta.  
\v 3 Tayta Diosta cuyajcunaga mandamintuncunatami wiyacun.\x * \xo 5:3 \xt Juan 14.15; 2Juan 6\x* Mandamintuncunacho niycashanta cumliyga manami sasachu.\x * \xo 5:3 \xt Deut. 30.11; Mat. 11.30\x* 
\v 4 Tayta Diospa wamran cajcunaga juchata rurachiyta munaptinpis witicunmi. Tayta Diosman yäracurmi cay pachacho mana alli cajcunata binsishana.  
\v 5 ¿Piraj cay pachacho mana alli cajcunata binsin? Tayta Diospa Wamran Jesucristo cashanta riguejcunami binsin. 
\s1 Jesucristo salbamajninchi cashan 
\p  
\v 6 Jesucristoga cay pachaman shamur, yacuchömi bautisacuran. Cruscho wañur yawarnintapis jicharan. Chaycunataga Espíritu Santumi musyachimanchi. Pay musyachimashanchëga rasun cajllami caycan.  
\v 7 Quimsa testïgucunami musyachimanchi Jesucristoga Tayta Dios cachamushan cashanta. [Syëlucho Tayta Dios, Wamran y Espíritu Santu. Quimsanmi jucllachacasha caycan.]  
\v 8 Cay pachachöpis quimsa testïgumi musyachimanchi: Espíritu Santu, bautisacushan yacu y crusificaptin yawarta jichashan. Quimsanpis jucnayllatami niycan.  
\v 9 Juc testïgu willamashanchïtapis riguiycarga masrämi riguishwan Tayta Dios willachimashanchïta. Tayta Diosga willaycächimanchi Jesucristo Wamran cashantami.\x * \xo 5:9 \xt Juan 5.32–37; 8.18\x* 
\v 10 Jesucristo Tayta Diospa Wamran cashanta willachiptin tantiyacoj cäga llapan shongunwanmi payman riguin. Tayta Dios Wamranpaj willacachishanta mana riguejcunami ichanga Tayta Diosta llullamanno churan.  
\v 11 Tayta Diosga willachimashcanchi Wamran Jesucristuman riguir mana ushacaj cawayta tarinanchïpaj cashantami. Chay cawayga Wamrallanchömi caycan.  
\v 12 Tayta Diospa Wamranman yäracojcunaga mana ushacaj cawaytami tarin. Mana yäracoj cajmi ichanga chay cawayta mana tarengachu.\x * \xo 5:12 \xt Juan 3.36\x* 
\s1 Ushanan 
\p  
\v 13 Gamcunamanga cartata apaycächimö Tayta Diospa Wamranman riguishayquipita mana ushacaj cawayta tarishayquita musyanayquipämi.\x * \xo 5:13 \xt Juan 20.31\x* 
\p  
\v 14 Noganchëga rasunpami Tayta Diosman yäracunchi. Chaymi Tayta Diosninchëga Pay munashanta mañacuptinchi wiyamanchi.  
\v 15 Payga llapan mañacushanchïtami wiyamanchi. Chaynöpami yäracunchïna tarichimänanchïpaj caycashanta.\x * \xo 5:15 \xt Mat. 7.7–11; Luc. 11.9–13; Juan 15.7, 16; 16.23–24; 1Juan 3.21–22\x* 
\p  
\v 16 Wañuyman mana chayachicoj juchata riguej-masin ruraycashanta musyarga Tayta Diosninchïta mañacuchun perdunananpaj. Ichanga wañuyman chayachicoj juchapis canmi. Chay juchata rurasha cajcunapaj mañacunayquipämi ichanga mana nëchu.  
\v 17 Mana alli rurayga llapanpis juchallami. Waquin juchami ichanga wañuyman mana chayachicunchu. 
\p  
\v 18 Musyashanchïnöpis, Tayta Diospa wamrancunaga jucha rurayllacho manami goyannachu. Tayta Diospa Wamran Jesucristumi dyablupita chapaycämanchi.  
\v 19 Noganchëga musyanchïmi Tayta Diospa wamran cashanchïta. Cay pachacho juchallancho caycajcunami ichanga dyablupa maquincho carcaycan.  
\v 20 Musyanchïmi Tayta Diospa Wamran Jesús cay pachaman shamushanta. Paymi tantiyachimashcanchi Tayta Diosta rejsinapaj. Cananga Wamran Jesucristuman yäracurnami cawaycanchi. Paymi caycan mana ushacaj cawayta tarichicoj quiquin Dios.\x * \xo 5:20 \xt Juan 17.3\x* 
\v 21 Wamräno caycajcuna, ima ïdulucunamanpis ama yäracunquichu. [Amén.]