\id ROM - Powari Standard Project
\ide UTF-8
\h रोमियो
\toc3 रोमियो
\toc2 रोमियो
\toc1 रोमियो को नाव पौलुस की चिठ्ठी
\mt2 रोमियो के नाव पौलुस की पत्री
\mt1 रोमियो को नाव पौलुस की चिठ्ठी
\imt परिचय
\ip रोमियो को किताब पौलुस पेरीत ना करीब 54-58 ईस्वी सन को बीच लिख्यो से। पौलुस ना रोम नगर को यातरा लक पयले वोना यो चिठ्ठी, रोम नगर की ईसाई गिनला निरदेस देवन लाय धाड़यो। जोन दुई यहुदी अना गैर यहुदी गिनको लाय, उनना कुरुन्थी सहेर लक यो चिठ्ठी लिख्यो होतो। जहाँन वोना बेरा उ रुकयो होतो। पौलुस ना यो एको लाय लिख्यो होतो का सबा रास्ट \xt 16:26\xt* यीसु मा भरोसा करके वोको हुकूम मान सके।
\ip रोमियो को किताब हरेक जघा अना हरेक बेरा ईसाई गिनको लाय लगत माहतम को किताब सेत। काहेका पौलुस सपा-सपा रीत लक अना साजरा लक समजावा सेत, का यीसु च मसीह च लक आमरो सूटकारा से। पौलुस ना यीसु मसीह को साजरा बारता ला जूनो करार लक भी जोड़यो। लगत सो बिदवान मानासेत, का किताब मा सब लक जरुरी पद \xt 1:6 \xt* से। जोन कव्हासे मोला साजरो बरता लक कोनी लाज सरम नाहती। काहेका यो सबको लाय, जोन बिस्वास करासेत, उनको लाय, सूटकारा को लाय, परमेस्वर को ताकत से। पयले यहुदी गिनको लाय मंग गैरयहुदी गिनको लाय। रोमियो को पयलो हिस्सा \xt 1—12 \xt* गहरो लक धरम सास्तर से। अना दुसरो हिस्सा \xt 13—15 \xt* मा मसीह जीवन को लाय लगत काम को निरदेस सेत।
\iot रुपरेखा
\io1 1 पौलुस न आपरो चिठ्ठी साधारन रुप लक खुद को बारे मा सांगतो हुयो, उ कोनी ला लिखत होतो। \ior 1:1-15\ior*
\io1 2 ओको बाद उ यीसु मसीह को लक मानूस गीनको दसा अना उनको होवन वालो सूटकारा को बारेमा लिखी सेत। \ior 1:16—11:36 \ior*
\io1 3 ओको बाद यीसु मसीह जिंदगी साठी लगत कम को निरदेस देवासेत। \ior 12:1—15:13 \ior*
\io1 4 उन रोम को अध्याय मा कलीसिया मा लोग गिनला लगत सुब कामना सांग के रोमियो को किताब लिखनो खतम कर देईस। \ior 16 \ior*
\c 1
\s अभिवादन
\p
\v 1 पौलुस को यो चिठ्ठी से। जोनला यीसु मसीह ना सेवक अना पेरीत को नाता लक निवड़ले आहेत। अना परमेस्वर को साजरा बारता सांगन लाय बुलायो सेत।
\p
\v 2 परमेस्वर ना आपरो भविस्यवक्ता गिन लक असो पयले च करार कियो होतो। असो पवितर गिरंथ मा लिख्यो सेत। 
\v 3 त मानूस मा दाऊद को कुटुम्ब को होता। 
\v 4 परंतु मोठ्या सामरथ लक मरनो लक जित्तो होवन को कारन। अना वोको पवितरपन को कारन उ परमेस्वर को टूरा से, असो दरसायो जासे। 
\v 5 वोच यीसु को खासम-खास चेला होवन को मौका मोला भेटयो सेत। जोन लक मी सबा देस को लोकगिन ला यीसु मा बिस्वास करन अना वोला मानन मा मदद करबिन। 
\v 6 यो गोस्टी मा तुमी रोम को सबा रव्हन वारो भी सामिल सेव।
\p
\v 7 अबा मी सब रोमीला लिखासू का परमेस्वर तुम सब लक पिरेम करासेत।
\p अना आपरो जवर बुलावा सेत। तुमी सप्पा लोक ला आमरो पिरभू यीसु मसीह अना वोको परमेस्वर दादाजि कन लक दया अखिन सान्ती भेटेत।
\s धनवाद को पिराथना
\p
\v 8 पयले मी तुम सबको लाय यीसु मसिहा को कनलक परमेस्वर ला धनवाद देवासू। काहेका सबा दुनिया मा इतानि- उतानी तुमरो च बिस्वास को चरचा होवासेत। 
\v 9 यो गोस्टी को परमेस्वर गवाह से, जोन मी सांगा सेऊ उ खरो से। जोन परमेस्वर को टूरा को बारेमा साजरो बारता आयकवा के पुरो मन लक मी वोको सेवा करासेऊ। 
\v 10 परमेस्वर जाना सेत, मि हरेक बेरा तुमरो लाय पिराथना करा सेऊ। मी कव्हसेऊ का परमेस्वर उनको भलो करे। मी बिचार करा सेऊ का कसो तुमरो जवर आऊ। 
\v 11 मी तुमिला आपरो डोरा लक चोवनो चाव्हासू। जोन लक मी तुमला आतमा मा मजबूत करन लाय एक नवीन आसीरवाद बाटू। 
\v 12 मोरो मतलब सेत का जबा अमी आपस मा भेट करहेत ता दुई पक्स को बिस्वास बढेत।
\p
\v 13 मोरो संगी हुन का तुमीला हेत से? लगत बार मीना तुमरो जवर आवन को योजना बनयो। पर मी काय सांगू कहीना कही आड़-फाटा को करन मोरो आवनो फयिल भयि गयो। मी तुमरो संग बदलयो जीवन जिवनो चाव्हसू जसो यहुदीगिन संग जिवासू। 
\v 14 मोरो पर यूनानिगिन अना गैर यूनानिगिन, अक्लवर अना मुरख, सब को करजा सेत। 
\v 15 एकोलाय मी तुमी रोम को रव्हवासी लोक ला भी साजरा बारता को उपदेस देवन तैय्यार सेऊ।
\s साजरा बारता को ताकत
\p
\v 16 साजरो बारता आयकवान काजी मोला काही सरम-लाज नाहती। यो तो परमेस्वर को ताकत से, जोन हरेक भरोसा राखन वारा, पयले यहूदी लोकगीन, अना मघा गैरयहुदी लोकगीन को लाय, मुकती\f + \fr 1:16\fr*\ft सूटकारा \ft*\f* को जरिया से। 
\v 17 साजरा बारता\f + \fr 1:17\fr*\ft सूसमाचार \ft*\f* मा “परमेस्वर को नेकपन” जो सुरु लक आखीर तकन भरोसा पर टिकीसे, असो परगट भईसे, जसो का मोसे को नियम मा लिखीसे। “नेक मानूस बिस्वास लक जित्तो रहेत।”
\s मानूस जाती को गलती\f + \fr 1:18\fr*\ft पाप \ft*\f*
\p
\v 18 परमेस्वर को यो गुस्सा सरग लक, वय सबा पाप अना लोकगीन को खोटो काम को बिरोधमा परगट होवा सेत। जोनको खोटो तरिका सच्चाई ला जानन लाय रोकासेत। 
\v 19 परमेस्वर उनला सजा देवासेत। काहेका जोन गोस्टी परमेस्वर को बारेमा जाननो को काबिल से, वा उनको लाय हरामेसा लक सेत। कारन परमेस्वर ना स्वता हरामेसा साठी बनायो सेत।
\p
\v 20 जबा लक परमेस्वर ना दुनिया ला बनायो सेत। तबा लक परमेस्वर को नही चोवन वालो गुन, वोको अमर सक्ती, अना वोको महान आचरन दुई सपा-सपा रुपमा चोवयो गयो सेत। उनला परमेस्वर ना बनाइसेत असो सांगयो जावासेत ता कोनी बहाना नाहोती। 
\v 21 वय परमेस्वर ला जना सेत, तरी वय परमेस्वर को आदर नही करतत। ना च वोको धनवाद करतत। एको अलावा उनको बकवास बिचार सेत। अना उनको रिकामो डिमाक मा इन्धार भर गयो सेत। 
\v 22 वय खुदच ला अकलवर समजके ना चूथीया बन गईन। 
\v 23 अमर परमेस्वर को पूजा करन को जघामा नास होवन वालो, जनावर, पक्सी सरप डेडुर को जसो बनायो कलाकारी अना फोटु को पुजा करा सेत।
\p
\v 24 यो कारन लक परमेस्वर ना उनला मन को इक्सा लक, सोड़ दियो। वय असुध्ध भई गईन, अना आपसी मा आपरो देह को अनादर मजे खोटो करम करन लगीन। 
\v 25 काहेका उनना परमेस्वर को खरो को बदला मा, खोट ला अपनायो से। अना संसार को चीजगिन को भगती-सेवा करीन, ना की दुनिया बनावन वारा परमेस्वर को। आमेन।
\p
\v 26 एकोलाय परमेस्वर ना उनला खोटो करम करन लाई सोड़ देईसेस। उनको बायका गीन भी बायको जवर बायका सोवन लगीन अना बायका-बायका च आपसी मा खोटो काम करन लगीन। 
\v 27 वसोच मरद भी बायका को संग सोवनो छोड़ केना, आपसी मा मरदमाना खोटो काम करन लगीन। अना खुद आपरो पाप लक, दन्ड पावन लगीन।
\p
\v 28 अना काहेका उनना परमेस्वर ला ओरखन लक मना कर देयिन। ता परमेस्वर ना उनला वसोच बेडिमाक रव्हन दियो। अना वय मन मरजी लक खोटो-खोटो काम करन लगयो। जोन करनो पायजे नाही। 
\v 29 एको लाय वय सब परकार को अन्याय करन लगीन अना खोटो काम\f + \fr 1:29\fr*\ft व्यभिचार \ft*\f*, लोभ बुराई लक भर गईन। वय ईरसा, जान लेवनो, बैर छल-कपट, अना खोटो बिचार लक भर गइन। 
\v 30 बदनाम करन वारा, परमेस्वर ले घिरना राखन वारा, ढिट, जिद्दी, डीग हाकन वारा, बुराई राखन वारा, माय-बाप को हुकूम नही मानन वारा। 
\v 31 अठ्ठिया, बिस्वास करन वारा ला धोका देवन वारा, बन गइन अना उनको मन मा माया अना दया नाहती। 
\v 32 वय परमेस्वर को हुकूम ला, जानबुझ के, असो-असो काम करन लगीन। जेनको फर मरनो सेत, तोभी वय वसोच काम करासे, अना करनवारा लक खुस होवासे।
\c 2
\s परमेस्वर को न्याय
\p
\v 1 अगो मोरो संगीहुन! तुमी जोन गोस्टी मा दुसरो ला फैसला मा खोटो ठैयरावा सो, वोच काम तुमी करासेव, \x - \xo 2:1 \xo*\xt मत्ती 7:1; लूका 6:37\xt*\x*तुमी कोनी भी सेव तुमरो बहाना को कारन तुमिला कोनी सूट नाहती। 
\v 2 अमीला मालूम सेत का, परमेस्वर सही से। अना एनो गोस्टी को बिरोध मा फैसला देवासेत।
\p
\v 3 तरी तुमी वोना काम करतत जोन को बारेमा तुमी दुसरो को फैसला करतत। का तुमिला असो लगा सेत का परमेस्वर को फैसला तुमी ला बचा देहेत? 
\v 4 मंग तू वोको मोठो दया अना धिरज लक सहन करनो ला हीन मानतत। अना तु यो गोस्टी को कन धियान नही देवा सेत। का वोको दया तोला पाप सोड़न को लाय मौका देवा सेत।\x - \xo 2:4 \xo*\xt 2 पतरस 3:15\xt*\x* 
\v 5 तरी तुम्ही जिद्दी सेव, अना तुम्हरो गोटा को दिल से। कारन तुम्ही आपरो सजा ला अखिन बढावा देवा सेव। एक दिवस परमेस्वर को कोप अना सही फैसला तुम्हरो पुढा आहेत। 
\v 6 काहेका नियाव को दिवस मा अमिना जोन काम करयो सेत वोको अनुसार अमिला ईनाम भटेत।\x - \xo 2:6 \xo*\xt भजनसंहिता 62:12 \xt*\x* मजे “जसो करनी तसोच भरनी” 
\v 7 काही लोकहुन साजरा करतत, अना मान गौरव, अना अमर जिंदगी चाव्हा सेत। परमेस्वर उनला अमर जिंदगी देहेत। 
\v 8 काही लोकहुन सुवारथी सेत, अना गलत काम करा सेत, सही काम करन लाय, वोको हुकूम ला नही माना सेत। उनको मा परमेस्वर को गुस्सा दिसायेत। 
\v 9 हरेक मानूस, जोन बूरो करासे, वोका पर दुख अना सकंट आहेत, पयले यहूदी पर, मंग गैरयहूदी पर। 
\v 10 हरेक मानूस जोन साजरो काम करासे, वोला महिमा मान, अना सान्ती मिल्हेत, पहले यहूदी मंग गैरयहूदी गीनला। 
\v 11 परमेस्वर कोनी को तरफदारी नही करा से।
\p
\v 12 जोन मोसे को नियम को जाने बगेर पाप करा से, वोला बिना मोसे को नियम को दन्ड भेटेत। अना जोन को कना मोसे को नियम से, अना पाप करीसेस, वोको नियाव मोसे को नियम, को लक होहेत। 
\v 13 काहेका परमेस्वर को कठा मोसे को नियम को आयकन वाला नही, पर वोको लक चलन वारा नेक ठहरायो जावासेत। 
\v 14 मंग जो गैरयहुदी सेत अना उनको कठा मोसे को नियम नाहती, वय आपरो सुभाव लक, मोसे को नियम को बात ला मानसे। ता वय मोसे को नियम नही होवन को मंघा, भी आपरो हिरदय मा मोसे को नियम\x - \xo 2:14 \xo*\xt पेरीत 10:35 \xt*\x* ठेवा सेत। 
\v 15 असो वय मोसे को नियम ला आपरो हिरदय मा लिख्यो दिसासेत, अना उनको अक्कल भी यो गोस्टी को गवाही देवा से। अना उनको आपस को विचार उनला, कभी दोसी अना कभी निरदोस ठैयरावा सेत। 
\v 16 यो वोना दिवस होहेत, जोन दिवस साजरो बारता को लक यीसु मसीह को लक मोसे, परमेस्वर मानूस गीन को लुकी बात को, न्याय करके दन्ड देहेत।
\s यहुदीगिन अना मोसे भविस्यवक्ता को नियम
\p
\v 17 अना तुम जोन यहूदी कहलावा सो। अना तुम मोसे को नियम मा भरोसा राखासो, अना परमेस्वर मा घमन्ड राखासो। 
\v 18 अना परमेस्वर को काजक मरजि सेत? तुमला मालूम सेत। अना मोसे को नियम को सिक्सा पायके, तुमिला खरो अना खोटोमा परख सेत। 
\v 19 अना तु आपरो आप मा भरोसा राखासे, का मी अन्धरा गिन ला रास्ता चोवान वारा, अना इन्धार मा पडयो मानूस गीन को, उजाड़ सेऊ। 
\v 20 अना मुरख ला सिकावन वारा, अना लेकरागिन ला सिक्सा देवन वारा सेउ। अना गियान अना खराई को नमूना सेऊ, मोला यो सबा मोसे को नियम लक भेटयो से। 
\v 21 पर तु मुनादी करा सेत, का चोरी नोको करो। अना तू खुदच चोरी करा सेत। पर तुमी स्वता ला सिक्सा नही देवा सो, पर दुसरो ला सिक्सा देवसो। तुमरो तो दियो खाल्या इंधार सेत। 
\v 22 तुम कव्हसो छिनाला नोको करो, अना का खुदच करासो। तुमी मुरत लक घिरना करासो, अना मंदिर ला लुटा सो। 
\v 23 तुम मोसे को नियम मा घंमड करा सो, तरी मोसे को नियम को हुकूम ला तोड़ा सो, अना परमेस्वर ला बेइज्‍जत करा सेव। 
\v 24 काहेका जसो मोसे को नियम मा लिखीसे, गैरयहुदी मा परमेस्वर को नाव को बदी होवासे। कारन तुमरो यो काम।
\p
\v 25 यदि तुमी मोसे को कानून को पालन करा सेत। ता किमती सेत तुमरो खतना! पर तुमी मोसे को कानून ला तोड़ा सेव। ता खतना लका तुमरो काजक फायदा? 
\v 26 यदि गैरयहुदी को खतना नहीं होवासे, अना मोसे को हुकूम माना सेत। ता खतना को कोनी जरुरत नाहोती। 
\v 27 जोन बिना खतना को, मोसे को नियम को पूरो हुकूम ला माना सेत, उ तुमरो न्याय करयेत। काहेका जोन हुकूम मोसे को नियम मा लिख्यो सेत, वोला तुमी यहुदी होवन को बाउजूद भी तोड़ासो। 
\v 28 यो सब को बाद, जोन एक असली यहूदी से, सहीमा खतना करायो सेत। यो उ मानूस नाहाय जोन बहारी तौरमा यहूदी सेत। वोको लाय खतना देह को सपायी सेत। 
\v 29 तरी असली यहूदी वा मानूस सेत। जोनको दिल को खतना सेत। अना यो परमेस्वर को आतमा को काम सेत, कोनी लिख्यो कानून को नाहोती। असो मानूस को परमेस्वर बड़ाई करा सेत कोनी मानूस नही।
\c 3
\s यहूदी अना गैर-यहूदी दुई पाप को अधीन
\p
\v 1 ता यहूदी होवन को काजक फयदा सेत, अना खतना को काजक हेलु सेत? 
\v 2 नही फायदा तो सेत। काहेका सब लक पयले तो कानून उनला च भेटयो होतो।\x - \xo 3:2 \xo*\xt रोमियो 9:4; भजनसंहिता 147:19-20; 103:7\xt*\x* 
\v 3 यदि यहुदी मा लक काही अबिस्वासी हिटयो तो काजक फरक पडसे। का उनको हुकूम तोडनो परमेस्वर को हुकूम ला बिगाड देहेत। 
\v 4 पक्को नही! अदि हरेक मानूस खोटो सेत ता का भयव, परमेस्वर तो खरो से। जसो गीरंथ मा लिख्यो से,
\q1 “जबा तू सांगेत, तबा तु सही मनो जाहेत,
\q2 अना जबा तोरो फैसला होयेत, तोरो जीत होयेत।”
\p
\v 5 तरी का होयेत? अदी आमरो खोटो काम करनो लका परमेस्वर को अधिकार अखिन लगत रूप लक चोवासेत। का अमी कव्ह सका सेत का परमेस्वर अमीला सजा देवा सेत वा खोटो सेत? यदि आमरो अधरम परमेस्वर को न्यायीपन दिसावसे तो आमी काय सांगबिन? 
\v 6 असो पुसनो सुभाविक सवाल सेत। तरी यो सवाल को कोनी मतलब नाहोती। यदि परमेस्वर अन्यायी होतो, तो उ जग को न्याय कसो कर सकेत।
\p
\v 7 लेकिन का होयेत अगर मोरो खोटो वोको खराई ला अखिन सफा-सफा रुपलक उभो करके परमेस्वर को महीमा को काम करा सेत? मोला अबा भी पापी को रूपमा काहे धिक्कारो जानो पायजे? 
\v 8 काहे नही कव्हबीन? “अमिला बुराई करन देव, जोन लक साजरो भय जाय।” काही लोकहुन, सहीमा असो आरोप लगाय के मोरो बेइज्जती करयो सेत। उनको भी निन्दा होयेत, जसो होवनो पायजे।
\s कोनी मानूस नेक नाहती।
\p
\v 9 मंग का अमी यहुदी गैरयहुदी को संग तखड़ी मा तौलन मा बजनदार सेत? बिलकुल नाही। मिना पयलेच समजायो सेत का, यहुदी अना गैरयहुदी दुयी पाप को ताकत को भितर च सेत। 
\v 10 जसो लिख्यो से
\q1 कोनी भी असो नाहोति जोन न्यायी होय,
\q2
\v 11 कोनी अक्लवर नाहोति,
\q2 जोन परमेस्वर को अराधना करतत।
\q1
\v 12 सबा परमेस्वर लक दूहुर भयो सेत।
\q2 वय सबच वाईट सेत। कोनी असो काम करासेत नाही।
\q2 जोन परमेस्वर को नजर मा सही सेत। एकच नाही।
\q1
\v 13 उनको गरो उघाड़ो हुवो मठ को जसो सेत। उनको गोस्टी मा छल कपट सेत।
\q2 अना उनको ओठ मा सरप को जहर सेत।
\q1
\v 14 उनको भासा कड़ु बिक अना सराप लक भरयो सेत।
\q1
\v 15 उनला मारपीट करनो अना जान लक मारन को घायी सेत।
\q2
\v 16 उनको रस्ता सत्यानास, अना बिपत लक भरयो सेत।
\p
\v 17 ओन्हीसीन सान्ती को रास्ता नही जान पाईन।
\q2
\v 18 अना उनको डोरामा परमेस्वर को भेव नाहती।
\p
\v 19 आमी जान सेजन का मोसे को नियम जोन काही सांगा सेत, वा वय लोकगीन ला सांगा सेत, जोन कायदा को अधीन सेत। जोन को लक हरेक मानूस को जुबान मा ताला लगी जाय। अना परमेस्वर को पूढा सारो जग सजा को काबील मानो जाय। 
\v 20 काहे का मोसे को नियम को लक कोनी भी मानूस तन परमेस्वर को पूढा धरमी ठहरायो नही जाहेती। मोसे को नियम केवल पाप को गियान करासेत।
\s भरोसा लक पाप ले सूटकारा
\p
\v 21 तरी अबा परमेस्वर ना लोकगिन को संगा रव्हन को एक असो तरकीब हेड़यो सेत। जोनको कानून लक कोनी मतलब नाहोती। जबकि मोसे अना सबा भविस्यवक्ता गिन ना कानून को पक्स मा गोस्टी कियो सेत। 
\v 22 बिना भेद-भाव को परमेस्वर ना सबा बिस्वासी गिनको लाय, यीसु मसीह मा भरोसा ठेवनो लका परमेस्वर को न्यायीपन दरसायो गयो सेत। 
\v 23 हरेक मानूस ना पाप करयो सेत। अना परमेस्वर कन लक दियो तेज बचाव लक लगत दुहूर सेत। 
\v 24 पर परमेस्वर को किरपा लक फुकट मा दियो, भेट सबला पिरभू यीसु कन लक सूटकारा देयके सहीमा धरमी बनयो गयो सेत। 
\v 25 परमेस्वर ना यीसु मसीह ला लोकहुन को लाय बली को रूपमा दे दियो। जोन लक वोको बोहायो गयो रकत लक वा साधन बन जाय। जेनको लक लोकहुन को पाप ला, वोको मा भरोसा राखन लका माफी कर दियो जाय। परमेस्वर आपरो न्यायीपन दिसावन लाय, जुनो बेरा मा धिरज धरयो। अना लोकगिन को पाप ला अनदेखयो कर देत होता। 
\v 26 पर परमेस्वर अबा को बेरामा पाप ला अनदेखयो नही करतत। पर उ पाप ला हटाय के आपरो धरमी पन दिसावा सेत। अना यीसु मा बिस्वास करन वालो ला साजरो राखा सेत।
\p
\v 27 एकोलाय कोनी ला आपरो उपर घमंड करन को अधिकार नही रहयो, वोको तो कोनी जघा नाहती, कोनतो नियम को कारन लक, का मोसे को नियम को कारन लक, नही पर भरोसा को नियम को कारन लक, 
\v 28 काहे का आमी मान सेजन का मानूस मोसे को नियम को करमकांड लक अलग, भरोसा लक धरमी ठहरायो जावासेत। 
\v 29 का परमेस्वर केवल यहूदी गीन को परमेस्वर से? का उ गैरयहुदी को परमेस्वर नही सेत। उ सचमूच मा गैरयहुदी को भी परमेस्वर सेत। 
\v 30 काहेका केवल एकच परमेस्वर से। जोन खतना कियो यहूदी गीन ला उनको भरोसा लक नेक ठहरायेति वसोच गैरयहुदी ला उनको भरोसा लक नेक ठहरायो सेत। 
\v 31 तो का हमी यो भरोसा लक मोसे को नियम ला रद्द करासे? कभी नही पर हमी मोसे को नियम ला खरो ठहरावसेजन।
\c 4
\s अबराहम को उदाहरन
\p
\v 1 का अमी कहबिन, अबराहम को जोन आमरो जाति को अजी सेत? वोको अनुभव काजक सेत?\f + \fr 4:1\fr*\ft मजे “अबा अमी अबराहम को बारेमा काजक कव्हबीन?जोन तन को हिसाब लक आमरो पूरखा से वोला काजक भेटयो?” \ft*\f* 
\v 2 यदि अबराहम वोको नेक काम को कारन, नेक गिनयो जातो। तो काही गरब को गोस्टी होतो। तरी परमेस्वर को नजर मा वोको काम, काही महात्व को नाहोति? 
\v 3 गिरंथ कव्हसेत, “अबराहम ना परमेस्वर मा बिस्वास करीस, , अना वोको बिस्वास को कारन परमेस्वर ना वोला सही मानयो।” 
\v 4 काम करन वालो मानूस ला बनी दियो जावा सेत। तरी वा भेट नाहोती। वोला काही असोच भेटयो होतो। 
\v 5 तर यदि कोनी मानूस काम करन को बजाय वोना परमेस्वर मा बिस्वास करा सेत, जोन पापी ला भी सोड़ देवा सेत। ता वोको बिस्वास च वोको नेक होवन को कारन बन जावा सेत। 
\v 6 राजा दाऊद, असो मानूस ला धन्य कव्हसेत। जोनला परमेस्वर बिना काम करे नेक माना सेत।
\q1
\v 7 “धन्य से उ जोन को पाप छिमा भयो सेत,
\q2 अना उनको खोटो करम ढाकयो गयो सेत!
\q1
\v 8 धन्य से उ मानूस,
\q2 जोन को पाप को लेखा-जोखा परमेस्वर नहि राखासे।”
\p
\v 9 क असो धन्य बचन खतना कियो यहूदी काजी सेत, या गैरयहुदी काजी सेत? आयको आमी का सांगि सेजन, “अबराहम ना परमेस्वर मा बिस्वास करीस, अना यो वोको लाय नेकी गीनो गयो।” 
\v 10 वोला कसो नेक मानूस गीनो गयो? का वोना बेरा लक, वोला आपरो खानदान ला खतना कराके बेगरो करन को बिधान भेटयो होतो। का नहि? वोना बेरा लक असो बिधान नही आयो होतो। उ तबा बिना खतना को होतो। 
\v 11 बाद मा वोको खतना कियो गयो, अना वोको खतना यो दिसान को एक निसान होतो। का वोको बिस्वास को कारन परमेस्वर ना वोको खतना लक पयले नेक इन्सान मान लियो होतो। अना एकोलाय अबराहम उन सबको दआजी सेत। जोन परमेस्वर मा भरोसा राखा सेत। अना वोको लका नेक मानूस को रूप मा स्वीकार कियो जावा सेत। चाहे उनको खतना नहीं हुयो होय।\x - \xo 4:11 \xo*\xt पैदाइस 17:10-11\xt*\x* 
\v 12 अबराहम खतना करन वालो को भी दआजी से। मजे, खतना करवान वालो को अलावा, बिस्वास को वोच जिंदगी ला भी जीवा सेत। जोन खतना करन लक पयले आमरो दआजी अबराहम ना जीयो होतो।
\s बिस्वास लक सूटकारा
\p
\v 13 जबा परमेस्वर ना अबराहम अना वोको खानदान लका वादा कियो होतो, का दुनिया लक वोको सम्बंध होयेत। ता वोना असो एकोलाय नही करयो, का अबराहम ना कानून को पालन कियो होतो। बल्कि एकोलाय का उ मानत होतो, अना परमेस्वर लक नेकी को रुपमा स्वीकार कियो गयो होतो। 
\v 14 काहेका परमेस्वर जोन वादा करा सेत। वोला कानून को पालन करन वालो ला दियो जावा सेत, ता बिस्वास को काजक मतलब सेत? अना परमेस्वर को वादा बेकार सेत। 
\v 15 कानून परमेस्वर को गुस्सा ला कम करा सेत। तरी जितानी कानून नोहोति, उतानी हुकूम तोड़न को सवाल च नाहती।\x - \xo 4:15 \xo*\xt रोमियो 3:20; 5:13; 7:8,10\xt*\x*
\p
\v 16 अना एकोलाय यो वादा बिस्वास को अधार मा होतो। जोनलक वादा ला सबा अबराहम को खानदान लाय, पक्को परमेस्वर को कन लक भेट दियो जाय। नाच केवल कानून ला मानन वाला लोकगिन लाय, बल्कि उन लोक गिनको लाय भी जोन अबराहम ला माना सेत। काहेका अबराहम सबा बिस्वासी गिनको दआजी आय। 
\v 17 जसो का गीरंथ कव्हासेत, “मीना तोला लगत देस को दआजी बनायो सेत। वोना परमेस्वर को नजरमा अबराहम आमरो दआजी से।” जोनको असो बिस्वास होतो का, परमेस्वर मरयो हुया ला जिंदगी देवा सेत। अना जोन नाहती वा भी बन जावा सेत।\x - \xo 4:17 \xo*\xt पैदाइस 17:5; यसायाह 48:13\xt*\x* 
\v 18 सबा मानूस को आस को बिरोध मा आपरो आस ला मनमा सपना मा चोय के अबराहम ना बिस्वास करयो, एकोलाय उ कहयो हुया गोस्टी को कारन लगत देस को दआजी बनयो। जसो लिखयो होतो, “तोरो खानदान लगत होयेत।” 
\v 19 अबराहम करीब सम्बर साल को होतो। तरी वोको बिस्वास कमजोर नाहोति। जबा वोना आपरो देह को बारेमा बिचार करयो, जोन पयले लक कोनी काम को ना होतो, अना सारा भि लेकरा जलम देवन को काबिल नाहोती। 
\v 20 वोको बिस्वास ला वा नहीं सोड़यो, अना उ वादा मा सक नही करयो, वोको बिस्वास मा ताकत होतो, अना वा जोस लक भर गयो अना परमेस्वर को स्तुति करयो। 
\v 21 अना वोला पक्को भरोसा होतो का परमेस्वर आपरो परन ला जरूर पूरो करयेत। 
\v 22 यो बिस्वास को कारन उ नेक मानूस कहलायो 
\v 23 मोसे को नियम को यो बचन न केवल अबराहम लक, 
\v 24 बल्कि आमरो लक भी सम्बन्ध राखासे। यदि आमी परमेस्वर पर भरोसा राखा सेजन। पिरभू यीसु ला मरयो हुयो मा लक जित्तो करिसेत, तो हमी असोच भरोसा को कारन नेक मानूस मानो जाबिन। 
\v 25 वोच यीसु आमारो पाप को कारन धरयो गयो, अना हमला पाप छिमा कर नेक मानूस ठयरावन काजी जित्तो भयो।
\c 5
\s परमेस्वर लक मेल
\p
\v 1 अब आमी बिस्वास को लक परमेस्वर को नजरमा नेक मानूस सेजन, ता अमी आमरो पिरभु यीसु मसीह लक परमेस्वर संग मिलाप कर लेयबीन।\x - \xo 5:1 \xo*\xt रोमियो 3:24; 3:28; 4:24; यसायाह 53:5 \xt*\x* 
\v 2 उ अमिला परमेस्वर को किरपा मा बिस्वास को लका आनयो सेत जोनमा अमी अबा सेजन। अना अमिला असो आस सेत का परमेस्वर को महीमा मा आमरो हिस्सादारी सेत।
\p
\v 3 इतरोच नहि आमी दुख अना तकलिफ मा भी, घमंड करबीन। काहेका आमी जाना सेजन का, दुख तकलिफ लक धिरज, पैदा होवा सेत। 
\v 4 धीरज परमेस्वर को मंजूरी अना सेत। अना वोको मन्जूरी उम्मीद पैदा करतत। 
\v 5 अना आस अमिला निरास नहीं होन देवा सेत। काहेका पवितर आतमा कन लका जोन अमिला दियो गयो सेत। परमेस्वर को पिरेम आमरो हिरदय मा, उबड़ायो गयो सेत।
\p
\v 6 जबा अमी अता बेसहारा होतिन। तबच सही बेरा मा पापीगिन लाय मसीह ना आपरो बली दियो। 
\v 7 कोनि नेक इंसान को लाय मरनो कोनी मुस्किल काम सेत का? हव असो भी होय सका सेत कोनी असो करन को हिम्मत कर सका सेत। 
\v 8 परा परमेस्वर ना अमिला दिसायो का उ आमरो लक कितरो माया करा सेत। जबा अमी अबा पापी होतिन। तब च मसीह आमरो लाय मरयो। 
\v 9 यदि आमी मसिहा को खून को कारन धरमी ठहरायो गयो, तो आमी पक्को मसिहा मा परमेस्वर को गुस्सा लक बच जाबीन। 
\v 10 आमी परमेस्वर को बैरी होतिन, पर जबा परमेस्वर को संग आमरो मेल, वोको टूरा को मरन लक भई गयो। तब परमेस्वर को सगं मेल हो जान को कारन लक, वोको टूरा को जीवन लक पक्को आमरो सूटकारा हो जाहेति। 
\v 11 इतरोच नही, अबा तो आमरो पिरभू यीसु मसीह कन लक परमेस्वर ले आमरो मेल भई गयो। एकोलाय आमी वोको लक परमेस्वर पर भरोसा राखके घमंड करासेजन।
\s आदम लक मरनो अना मसिहा लक जिवनो
\p
\v 12 यो गोस्टी बिचार करन जोग से। का एकच मानूस लक जग मा पाप आयो, अना पाप लक मौत, असो परकार सबा मानूस मा यो मौत फैल गई। काय से की सबच पापि सेत। 
\v 13 मोसे को नियम को पुढ़अ जग मा पाप होति, पर नियम नही होवन को कारन पाप को लेखा नही लियो जात होतो। 
\v 14 मंग आदम ले मोसे लक मरनो, उन लोकगीन पर राज करत होति। जोन ना आदम को जसो कोनी हुकूम ला नही तोड़ी होति मजे पाप नही कियो होतो। आदम उ मानूस को रुप से, जोन आवन वालो होतो। 
\v 15 मंघ आदम को गलती, अना परमेस्वर को बरदान ला, कोनी बरोबरी नही से, यो सच्चो से की, एकच मानूस को गलती को कारन लक सबच लोक मरीन पर यो फर लक कदी जादा महान सेत। परमेस्वर को दया, अना वो दया लक भरो वरदान, जो एकच मानूस यीसु मसीह लक, सबला छिमा भेटयो से। 
\v 16 एक मानूस को गलती अना परमेस्वर को बरदान को बरोबरी नाहती। एक को गलति को कारन लक दन्ड को हुकूम दियो गयो। पर गजब गलती को मघा बरदान दियो गयो, जोन लक पाप लक छिमा मिल गयो। 
\v 17 यो सचसे का मरन को राज, एक मानूस को गलति को कारन, एक च लक सुरु भई। पर एको फर लक कहि लगत जोन लोकगीन ला परमेस्वर को किरपा अना धरमिपन को बरदान ज्यादा लक ज्यादा मिलहेत। वय एकच मानूस यीसु मसीह को लक पाप को छिमा भेटत। 
\v 18 एकोलाय जसो एक गलति, सब मानूसगिन को लाय दन्ड को, हुकूम को कारन भयो। वसोच एक नेकी को काम भी, सब मानूस को लाय जीवन को कारन ठैयरेत। 
\v 19 काहेका जसो एक मानूस को हुकूम नही मानन को कारन गजब लोकगीन पापी ठहरिन, वसोच एक मानूस को हुकूम माननो लक, गजब लोकगीन नेक ठहरायो गइन। 
\v 20 कानून ला खोटो तरीका लक बढान को लाय पेस कियो गयो होतो। परा जबा पाप बढयो तबा परमेस्वर को किरपा भी लगत बढ़ गयो। 
\v 21 एकोलाय जसो पाप मौत को कारन सासन करा सेत। वसोच परमेस्वर की किरपा को भी नियम, अमीला यीसु मसीह को कारन अमर जीवन को कन लेजावा सेत।
\c 6
\s पाप को लाय मरनो अना मसिहा को लाय जिवनो
\p
\v 1 मसीह मा अमी काजक कव्हबीन? का आमी पाप करत रहबीन, का किरपा गजब होहेत?\x - \xo 6:1 \xo*\xt रोमियो 3:5-8\xt*\x* 
\v 2 पक्को रूप लक नहीं! अमी पाप करन लाय मरयो सेत। मंग अमी योमा कसो रव्हबीन?\x - \xo 6:2 \xo*\xt गलातियो 2:19; 1 पतरस 2:24 \xt*\x* 
\v 3 तुमी, पक्को जाना सेव का, जब अमी मसीह यीसु को संग बपतिस्मा ले रहयो होतो। तो अमीला वोको संग मरनो को बपतिस्मा दियो गयो होतो। 
\v 4 मंग आमरो बपतिस्मा लक अमी वोको संग दफनायो गयो अना वोको मौत मा साझा करयो, असो परकार लक जसो मसीह को दआजी, को सानदार ताकत लक मरनो लक जित्तो भयो। वसोच अमिला भि नवा जिंदगी भेटेत।
\p
\v 5 जब लक अमी मरनो को संग, वोको संग एक भयी गयो सेत। ता जसो उ जित्तो से, वसोच अमी भी वोको संग जित्तो रव्हबीन। 
\v 6 अमी यो जाना सेजन का, आमरो मा जोन जूनो मानूस होतो, उ यीसु को संगच मा सूली मा चघा दियो होतो जोनलक आमरो पाप वालो देह नास भयी जाय। अना अमी पाप को गुलामि लक सोड़ाया गयो मनूससेजन। 
\v 7 काहेका जोन मर गई सेत, उ पाप लक सूट गयो अना निरदोस ठहरो सेत। 
\v 8 एकोलाय यदी आमी यीसु मसीह को संग मर गयो। तो आमरो भरोसा यो से, का आमी वोको संग जीवबीन भी। 
\v 9 काहेका यो जाना सेजन का यीसु मसीह मरो हुवो मा लक जित्तो भई के दुबारा नही मरन को। अना वोको पर मंग मिरतु को राज नही होवन को। 
\v 10 काहेका जोन मर गयो से तो उ एकच बार पाप को काजी मर गयो सेत। अना जोन जित्तो से उ तो उ परमेस्वर को काजी जित्तो से। 
\v 11 असोच तूमी स्वता पाप को काजी मरो, अना परमेस्वर को काजी यीसु मसीह मा जित्तो समझो।
\p
\v 12 एकोलाय पाप तुमारो नासमान तन मा, राज नोको करे। का तुमी वोको मुताबिक चलन लगो। या वोको लालच को लक जीवन करो। 
\v 13 अना आपरो आँग ला बदी को हथियार होवन को लाय पाप ला नोको सोपो। तुमी अपरो आप ला मरो हुया मा लक जित्तो समझके अपरो आप ला परमेस्वर ला दे देव। अना आपरो देह ला धरमिपन को हतियार बनन काजी परमेस्वर ला सोप देव। 
\v 14 तबा तुमरो पर पाप को राज नही होयेति। काहेका तुमी मोसे को नियम को दास नही पर किरपा को आधीन सेव।
\s नेकपन को दास
\p
\v 15 मंग काजक, अमी दुबारा पाप करबीन? काहे का अबा अमी कानून को नही पर परमेस्वर को किरपा को अधिन सेजन। अमी कोनी परकार लक पाप नहि कर सकत। 
\v 16 जबा तुमिला मालुम सेत, का कोनी को मानन लाय जबा तुम्ही तैयार होवा सेव। ता दास को रूपमा आपरो-आपला देवा सेव। तो वो तुमरो मालिक अना तुमी गुलाम भयी जासो। जोन पाप करा सेत वा पाप को गुलाम सेत जोनको फर मिरतू सेत। चाहे हुकूम माननो जोनको फर नेकी सेत। 
\v 17 पर परमेस्वर को लाय धन्यवाद! तुमी एक बेरा पाप करन को लाय पाप को गुलाम होतो। पर अबा आपरो दिल लक भेटयो सिक्सा को माननवारा भई गयो, जेन को साँचा मा ढालो गयो सेत। 
\v 18 अना पाप को कब्जा लक छुडायो जाके नेकपन को दास बन गयो सेत। 
\v 19 मी तुमारो आँग को निरबलता को कारन मानूस को रीत लक कव्हसू। जसो तुमरो देह ला कुकरम को लाय बुराई अना खोटो करम को दास बनाके सोपो होतो। वसोच अबा आपरो देह ला धरमी होवन को कजि, वोको दास बनाके सोपो।
\p
\v 20 जबा तुमी पाप को दास होतो। तो धरम को कन लक सूट होति। 
\v 21 अबा जोन बात मा तूमी लज्जित होवा सो, उनमा वोना बेरा तुमीला काजक भेटत होतो। काय का वोको अन्त तो मरनो सेत। 
\v 22 पर अबा पाप को कब्जा लक सूटकारा पायके अना परमेस्वर को दास बनके तुमला फर मिल्यो से, जेनको लक तूमी पवीतर भई जावासो। अना वोको अन्त अमर जीवन सेत। 
\v 23 काहेका पाप को बनी तो मरनो से, पर परमेस्वर को बरदान आमरो पिरभू यीसु मसीह मा अमर जीवन सेत।
\c 7
\s बिस्वासी को मोसे को नियम को लाय मरनो
\p
\v 1 अगो भाऊहुन! सहि मा का तुमी समजा सेव? जबा तकन मानूस को जिंदगी सेत तबा तकन च वोको लाय कानून सेत। का तुमी नही जानासो? 
\v 2 समजन को लाय यो उदाहरन सेत। काहेका सादि-सूदा भी मोसे को नियम को लक आपरो मरद को जित्तो जी वोको लक बन्धो रव्हसेत। पर यदि वोको मरद मर जावासे, तबा वा आपरो मरद लक सूट जासेत।\x - \xo 7:2 \xo*\xt मत्ती 5:32\xt*\x* 
\v 3 एकोलाय यदि कोनी बायका आपरो मरद को जित्तो जी वा कोनी दुसरो मरद को भई जाय। ता वोला छिनाल कव्हा सेत। तरी वोको मरद मर जाय तो वा मोसे को नियम अनुसार वा वोको लक वोको लक सूट गई, अना कोनी दुसरो मरद को भई जाय तो कोनी पाप नाहती। 
\v 4 अगो मोरो भाऊ हुन असोच मसीह को देह को लक तुमी कानून को लाय मर गयो सेव। एकोलाय अबा तुमी कोनी दुसरो लक नातो जोड़ सका सेव। वोको लकजोन मरयो हुया लक मंग जित्तो भयो सेत। जोन लक अमी परमेस्वर को लाय साजरो काम कर सकत। 
\v 5 जबा अमी मानूस को जसो जिंदगी बितावा सेत। ता कानून लक दियो गयो पाप को लालच आमरो देहमा काम करा सेत। अना येको आखीर मौत से। 
\v 6 तर अबा कानून लक सूटकारा भेटयो सेत। काहेका जोन कानून ना अमीला बांधयो होतो वोको काजी अमी मर गयो सेत। अना अबा, जूनो लिख्यो कानून लक नही, बल्कि आतमा को नवा रीत लक अमी आपरो मालिक को सेवा करा सेजन।
\s पाप अना नेम
\p
\v 7 अमी काजक कव्हबीन? का कानून खुदच पापी से बिलकूल नही! पर यो कानून होतो जोन ना सांगयो का पाप काजक सेत? अगर कानून यो नही सांगयो होतो का लोभ नोको करो, तो मोला मालूम नही होतो का लोभ करनो पाप सेत। 
\v 8 पर पाप ना डाव चोवके हुकूम लक, मोरो मा, सब परकार को लोभ पैदा करीस। काहेका बिना मोसे को नियम को पाप मुरदा से। 
\v 9 मी तो मोसे को नियम बिना पयले जित्तो होतो। पर जबा हुकूम आयो तबा पाप जी गई, अना मी मर गयो। 
\v 10 अना वोच हुकूम जेन जीवन को लाई होती। मोरो लाय मरन को कारन बनी। 
\v 11 काहेका पाप ना मौका पायके हुकूम लक मोला बहकायो, अना वोको लक मोला मार डाख्यो।\x - \xo 7:11 \xo*\xt पैदाइस 3:13\xt*\x*
\p
\v 12 एकोलाय मोसे को नियम पवीतर सेत, अना हुकूम भी न्याय अना भला सेत। 
\v 13 तो का उ जोन साजरो होती। मोरो काजी मरनो को कारन बनी? कभी नही! पर पाप वोना साजरो चीज लक मोरो लाय मरनो पैदा करनवारा बनी। का वोको पाप पूढा चोवयेती। अना हुकूम को लक पाप गजब बेकार साबीत भई जाये।
\p
\v 14 काहेका अमीला मालूम सेत, का कानून तो आत्मिक सेत। अना मी हाड़-माँस को मानूस सेऊ। जोन पाप को हात बिकयो गुलाम सेऊ। 
\v 15 मोला मालूम नाहती, मी काजक करा सेऊ। काहेका जोन मी करनो चाव्हअ सेऊ, मी नही करा सका सेऊ। पर जोन लक मोला घिरना आवा सेत, वोच काम मोरो लक होवासेत। 
\v 16 यदी मी जोन नही चव्हासू, अना वोच करासू, तो मी मान लेवसू का कानून साजरो सेत। 
\v 17 एकलाय मी सहीमा उ नही सेऊ। जो असो काम करा सेत। बल्कि यो वा पाप सेत। जोन मोरोमा रव्हसेत। 
\v 18 मोला मालूम सेत। का नेकी मोरो मा नाहती। मजे मानूस को सुभाव मा। भलो मोरो मनमा साजरो करन को मरजी सेत। परअ मी साजरो नही कर सका सेऊ।\x - \xo 7:18 \xo*\xt पैदाइस 6:5; 8:21\xt*\x* 
\v 19 वा नेकी को काम जो मी करनो चाव्हसू, नही करा सका सेऊ, पर मी बदी करा सेऊ जोन मी करनो नही चाव्हसू। 
\v 20 अबा मी जोन नही चव्हासू वोच करासू तो करनवारा मी नही सेव। पर पाप जोन मोरो मा बसो हुवो सेत।
\p
\v 21 एकोलाय मी आपरो आपमा यो नियम चोवअ सेऊ। जबा मि नेकी करनो चाव्हसू, ता मोरो मा बदी चोवासेस। 
\v 22 मी यो भीतर को परमेस्वर को नियम लक खुस सेऊ। 
\v 23 तर मोरो देहमा काम करन को एक बेगरो कानून चोवअ सेत। एक असो कानून जोन वोना कानून को खिलाफ लड़अ सेत। जोनला मोरो डिमाक मंजूर करा सेत। यो मोला पाप को कानून कोलाय कैदी बनावा सेत। जोन मोरो देहमा काम करा सेत। 
\v 24 मी एक दुखी मानूस सेऊ! मोला यो देह लक कउन सोड़ाहेत? जोन मोला मरासेत। 
\v 25 परमेस्वर को लाय धनवाद जोन आमरो पिरभू यीसु मसीह कोलक यो करा सेत। मंग मोरो यो हालत सेत।
\p आपरो दम मा मी आपरो मन लक सिरप परमेस्वर को कानून को सेवा करा सका सेऊ। जबकि मोरो आदत मा पाप को कानून काम करा सेत।
\c 8
\s पवीतर आतमा लक जीवन
\p
\v 1 अबा यीसु मसीह को संग मा रव्हन वालो पर कोनी दन्ड को हुकूम नाहती। 
\v 2 आत्मा को कानून, जोन अमिला मसीह यीसु मा जिंदगी देवा सेत। वा अमिला पाप अना मिरतु को कानून लक सूटकारा दे दियो सेत। 
\v 3 यो काम ला कानून नहीं कर सकयो, तबा परमेस्वर ना आपरो स्वता को टूरा लक यो काम करायो। जसो कमजोर देह लक अमी पाप करा सेजन, वसोच देह मा परमेस्वर ना आपरो टूरा ला धाड़ीस। जोन लक पाप ला निरस्त कर देवे। 
\v 4 परमेस्वर ना असो करयो सेत, यो साठी का कानून को नेक जरुरत पुरो करयो जाय। यो कारन लका अमी मानूस को सुभाव को अनुसार नाही। तर आतमा को सुभाव को अनुसार चलनो पूरो भयी जाय। 
\v 5 जोन लोक मानूस को सुभाव को अनुसार बिचार मा रव्हा सेत। वोको मन मानूस को इक्सा अनुसार रव्हसेत। तरी जोन लोक आतमा को अनुसार रव्हअ सेत। वोको मन आतमा ला काजक पहिजे, यो इक्सा को लाय ब्यस्त रव्हअ सेत। 
\v 6 तन मा मन लागवनो तो मिरतू सेत, पर पवीतर आतमा मा मन लगावनो जीवन अना सान्ती सेत। 
\v 7 काहेका तन मा मन लगावनो तो, परमेस्वर लक बैर करनो सेत। काहेका असो ता ना तो परमेस्वर को नियम को लक सेत, अना ना होय सका सेत। 
\v 8 अना जोन मानूस को इक्सा मा ब्यस्त रव्हा सेत। ते परमेस्वर ला आनंद नाही देव सकत।
\p
\v 9 पर जबा परमेस्वर को आतमा तुम मा रव्हा सेत। तो तुमी देह को दसा मा नही, पर आतमिक दसा मा सेव। यदि कोनी मा मसीह को आतमा नाहती तो उ मसीह को लोक नाहती। 
\v 10 यदि मसीह तुमी मा रव्हा सेत, तो पाप को कारन देह मरयो हुया सेत। तर परमेस्वर को सूटकारा को नेक कानून को कारन पवीतर आतमा तुमरो जीवन मा सेत। 
\v 11 जोन ना यीसु ला मरयो हुयो मा लक जित्तो करयो। अना वोको आतमा तुम लोकगीन मा रव्हअ सेत। वा च तुमरो नासवान देह ला भी जीत्तो करा देहेत।
\p
\v 12 एकोलाय मोरो संगी हुन! आमरो पर यो देह को करजा तो सेत, पर अमिला मानूस को स्वाभाविक मरजी को अनुसार जित्तो रव्हअनो नाहती। भलो च आमरो मन असो करन लाय साठी उकसावे। 
\v 13 पर यदि तुमी आपरो मानूस सुभाव को अनुसार रव्हअ सेव, ता तुमी मरन वालो सेव। तरी आतमा लक मनला मार के जिंदगी को दिवस बितावअ सेव। ता जित्तो रव्हन को मौका सेत। यो काजी आतमा लक बुरो करम ला मार डाखो।\x - \xo 8:13 \xo*\xt गलातियो 6:8; इफिसियो 4:22\xt*\x* 
\v 14 जोन आतमा को अनुसार जिंदगी बितावा सेत वा च परमेस्वर को सन्तान सेत। 
\v 15 परमेस्वर तुम्हिला आपरो आतमा को गुलाम नही बनावा सेत। यो काजी तुम्हीला परमेस्वर को सन्तान बननो मा भेव लगअ सेत। तरी आतमा तुम्हिला परमेस्वर को लेकरा बनावा सेत। अना वोनअ च आतमा को ताकत को कारन तुम्ही परमेस्वर ला दआजी कव्हा सेव। 
\v 16 ता परमेस्वर को आतमा स्वता आमरो आतमा को संग मिलके कव्हा सेत।\f + \fr 8:16 \fr*\ft मजे आमरो आत्मा को संग एकच गवाही देवासेत।\ft*\f* का अमी परमेस्वर को लेकरा सेजन। 
\v 17 अदी अमी वोको लेकरा सेजन। ता वोको दियो गयो आसीरवाद मा आमरो च हक सेत। अना जबा अमी मसीह को संग सेजन ता वोको संग अमिला दुख उचलनो पायिजे। तबच अमीला वोको संग गौरव भेटेत।
\s आवन वारा महिमा
\p
\v 18 मोरो असो माननो सेत, का अबा अमी जोन काही भी दुख भुगत रव्हयो सेजन, वोको तवल मा वोना गौरव को संग जोन अमिला मिलनवारो सेत, लगत हलको सेत। 
\v 19 परमेस्वर को सबच रचना, परमेस्वर को लेकरा गिनको जलम होवन को रस्ता लगत आस लक चोवअ सेत। 
\v 20 यो दुनिया को सबच रचना बेआस होतो, यो जगत आपरो मरजी लक बेआस नहि होतो, तरी असो बनावन वारो को मरजी होतो। 
\v 21 मंग अबा भी आस होतो। का दुनिया आपरो गुलामी लक अजाद होवके, परमेस्वर लेकरा गिनको संग गौरव को संग हिस्सादारी करयेत। 
\v 22 अमीला मालुम सेत, का अज लका पूरो रचना दुख अना दरद लक कुन्हाय रव्हयो सेत। 
\v 23 पर अकेलो दुनिया को रचना च नही कुन्हावअ सेत। मंग परमेस्वर को भेटयो लका एक आतमा भी सेत। वा भी आपरो भितर ढुकअ सेत, काहेका अमी यो काजी परमेस्वर को रस्ता चोवा सेजन। का वो अमिला आपरो लेकरा बनाय के आमरो पुरो जिंदगी को सूटकारा कर देवे। 
\v 24 अमी बचायो गयो सेत यो गोस्टी को आमरो मनमा आस सेत। तरी अमी जोन गोस्टी को उमेंद करा सेजन। वोला अमी आपरो डोरा लक चोवासेजन, ता आमरो आस पुरो भयी जासेत। जोन चोवअ सेत, वा अबा आस नाहती। 
\v 25 परअ अबा आमरो आस कियो गयो चीज अमीला नही चोवा सेत। मजे अबा धिरज को संग रस्ता चोवनो बाकी सेत।
\p
\v 26 वोना परकार आतमा भी आमरो मदद करन आवा सेत। जसो अमीसेजन। काहेका अमीला मालुम नाहती का अमिला पिराथना कसो करनो पायजे। आतमा स्वता परमेस्वर लका आमरो लाय तकलीफ को संग पिराथना करा सेत, जोन सबद लक सांगयो नही जासेत। 
\v 27 परमेस्वर आमरो दिल ला चोवअ सेत। अना वोला मालूम सेत, का आमरो आतमा को काजक बिचार सेत? काहेका आतमा आपरो लोकहुन को कन लक, अना आपरो इक्सा को अनुसार, परमेस्वर लक पिराथना करा सेत।
\p
\v 28 अमिला मालूम सेत, का परमेस्वर जोनको लक पिरेम राखअ सेत, उनको सबा चीजमा साजरा काम करा सेत। अना उनला आपरो उद्देस्य को अनुसार हकलयो सेत। 
\v 29 काहेका जेनना वोला पयले लक जान लियो सेत, अना उनला पयले लक ठहरायो सेत। का परमेस्वर को टूरा को रुप होय। जेनको लक यीसु लगत भाऊ गीनमा पहलौटा ठहरेत। 
\v 30 मंग जोन ला वोना पयलो लक ठहरायो, उनला हाकलिस भी उनला नेक मानूस ठहरायो, अना उनको बड़ाई भी करयो सेत।
\s यीसु मसिहा लक परमेस्वर माया करासे
\p
\v 31 येना सबअ गोस्टीहुन ला चोवता हुया, अमी काजक कव सका सेजन? अगर परमेस्वर आमरो कन लक सेत, ता आमो बिरोध कोन कर सका सेत? 
\v 32 परमेस्वर न आपरो सगो टूरा ला आमी सबको काजी मौत को सुपरुत कर दियो। उ यीसु को संग आमीला सबा काही, काहे नही देहेत? 
\v 33 परमेस्वर को निवाड़ो हुवो पर कोनी दोस लगाहेत। जबा उनला निरदोस ठहरानवारा खुदच परमेस्वर सेत। 
\v 34 मंग कोनी सेत जोन अमीला दन्ड को हुकूम देहेत? यीसु मसीह सेत जोन मर गयो होतो। अना मुरदा लक जित्तो भई सेत। अना परमेस्वर को जेवनो कना सेत। अना उ आमरो लाय निवेदन करा सेत। 
\v 35 कोन अमीला यीसु मसीह को माया लक अलग कर सका सेत। का दुख का मुसिबत का उपदरा नगांपन, का गिरानी, का जोखिम, का तरवार, 
\v 36 जसो मोसे को नियम मा लिख्यो सेत का
\q1 “तोरो लाय आमी दिवस भर घात कियो जाय रहयो सेत।
\q1 आमी बलि होवन वारा मेढा जसो समजो जावअ सेत।”
\p
\v 37 पर ऐना सब गोस्टी मा अमीला यीसु लक पूरो जीत भेटासेत। वोना अमी लक गजब माया राखासेत। 
\v 38 मोला मजबूत भरोसा सेत का नातो मिरतू, ना जीवन, ना सरगदूत ना नरक दूत ना अबा को बेरा, ना आवन वारा बेरा ना कोनी अचंभा ताकत, ना अधिकारी 
\v 39 ना बादल मा ना कोनी पताल को कोनी ताकत अना ना सारो दुनिया को कोनी चीज, अमीला परमेस्वर को वोना माया लक बेगरो कर सकासेत। जोन आमी ला आमरो पिरभू यीसु मसीह मा लक भेटयो सेत।
\c 9
\s परमेस्वर अना वोको निवाड़ो हुया लोक
\p
\v 1 मी खरो कव्हासेऊ, मी मसीह को सेऊ। मोरी भितरी आतमा, पवितर आतमा को हुकूम मानअ सेत। मी खोटो नही कव्हासेऊ। 
\v 2 सचमुच मा, मोरो दुख कितरो मोठो सेत। मोरो दिलमा लगत दरद सेत। मोला लगत सोक सेत, मोरो मन हरामेसा दुखी रव्हअ सेत। 
\v 3 अदी मी आपरो सगो रकत को कुटुम्बी लोक गिन लाय, मी उनको सराप आपरो डोस्का मा राख लेवतो। अना मसीह कन लक सरापित भयी जातो। अना मसीह लक बेगरो हो जातो। असो मोरो मरजी सेत।\x - \xo 9:3 \xo*\xt हिटनो 32:32\xt*\x* 
\v 4 वय परमेस्वर को लोख सेत। परमेस्वर ना उनला आपरो लेकरा बनायो। अना आपरो गौरव उनको समोर दिसायो। परमेस्वर ना उनको संग करार कियो अना उनला कानून दियो। उनको पूजा सच्चो सेत। उनला परमेस्वर को वादा भेटयो सेत। 
\v 5 वय जाहीर हिबरू घराना को सेत। अना मसिहा भी उनको च घराना को से। परमेस्वर जोन सबा पर सासन करा सेत, वोको हरामेसा बड़ाई होवे!\f + \fr 9:5 \fr*\ft उ परमपरधान परमेस्वर से वोको स्तूती जूग-जूग तकन होय।\ft*\f*
\p
\v 6 असो नाहोती का परमेस्वर ना आपरो बचन पूरो नही करयो। काहेका जोन इसरायल को खानदान सेत। वय सबच यिसरायली नाहती। 
\v 7 अना ना च अबराहम को खानदान को सबा सचमुच मा अबराहम को खानदान को सेत। बल्कि जसो परमेस्वर ना कव्हयो, “तोरो खानदानी इसहाक को लक आपरो परम्परा बढ़ाहेत।” 
\v 8 मजे असो नाहती का देह लक जलम लियो च लेकरा परमेस्वर को खानदानी सेत। बल्कि परमेस्वर को बचन ला मानन वालो भी परमेस्वर को खानदान को सेत। 
\v 9 बचन मा असो कहयो गयो होतो। “सही बेरा मा मी लवट आहूँ, अना सारा ला लेकरा होयेत।”
\p
\v 10 इतरो च नही, जबा रिबका भी एक मानूस, आमरो पुरखा इसहाक लक पोट लक भयी 
\v 11 पर वोको एक लेकरा ला निवाड़ो अना यो पूरो तौर लक परमेस्वर को खुद को यदेस्य को परिनाम होतो, परमेस्वर ना कहयो यो मोरो निवाड़ो गयो मानूस सेत। 
\v 12 टुराहुन को जलम लेवन को पयले अना उनको काही भलो-बुरो करन को पयले च कहयो गयो होतो। का “मोठयो लहान को दास होयेत।” एकोलक असो मालुम होवासेत का, हाकलन वालो खुदच तय करा सेत, का कोनीला निवाड़नो सेत। यो मानूस को करम पर नही पर हाकलन वालो को मरजी पर सेत। 
\v 13 गिरंथ मा लिखयो सेत। “मिना याकूब ला निवाड़यो पिरेम करयो, अना एसाव ला नकार दियो।”
\p
\v 14 मंग अमी काजक सांगबीन परमेस्वर अन्याय करा से? कबच नही। 
\v 15 पक्कोच नही! काहेका परमेस्वर मोसे भविस्यवक्ता ला कहयो होतो “मी जोन कोनी पर दया करन को बिचार करहीन, वोच पर दया करहीन।” 
\v 16 एकोलाय यो मानूस को इक्सा या वोको मेहनत पर नही, पर दया करनवारा परमेस्वर को इक्सा पर सेत। 
\v 17 काहेका गिरंथ मा मिसर देस को राजा फराओ लक परमेस्वर कव्हसेत, “मी ना तोला एकोलाय वरता उचली सेव, का तोरो मा आपरा ताकत दिसाऊ, अना सप्पा धरती मा आपरा नाव को परचार करू।” 
\v 18 एकोलाय परमेस्वर जोन पर चव्हासेत रहम करासेत। अना जोनला चाहे हटिला बना देवा सेत।
\s परमेस्वर को गुस्सा अना दया
\p
\v 19 एकोलाय तू साइद मोरो लक कव्हजोस “अदि मानूस को काम मा, परमेस्वर को मरजी सेत। ता वा मा आमरो काजक दोस से?” आखीर मा परमेस्वर को इक्सा को विरोध कोन कर सका सेत? 
\v 20 मानूस भला तू कोन आस? जोन परमेस्वर ला जवाब पलटा जोस? का कोनी रचना आपरो रचनवालो ला पूस सका सेत, “तूना मोला असो काहे बनायो सेत?” 
\v 21 का कुम्भार ला यो अधिकार नहि? का उ माती को एक लोदा आन कन एक भान्डा साजरा काम काजी, अना दुसरो सधारन काम को काजी बनाये।
\p
\v 22 पर योमा काजक सेत? यदि परमेस्वर ना आपरो गुस्सा दिसावन साठी अना आपरो ताकत परगट करन को लाय उन लोकगिन को जोन गुस्सा को लाय होतिन, अना जोनको नास होवन वालो होतो। गजब धिरज लक उन भान्डा ला सहन कियो। 
\v 23 जोन लक उ उन लोक गिन को फयदा को लाय, जोनला दया को लाय बनायो होतो, अना जोनला वा आपरो महिमा करन लाय बनायो होतो। उनमा आपरो महिमा चोवा सके। 
\v 24 असो दया को भान्डो आमी सेजन। जोनला परमेस्वर ना सिरप यहूदी लक नही, पर गैरयहूदी लक भी हाकलिसेत। 
\v 25 जसो उ भविस्यवक्ता होसे को किताब मा कव्हसेत
\q1 “जोन मोरो परजा नही होतिन,
\q2 मी उनला आपरो परजा कहूँ,
\q1 अना जोन मोरो चहेतो नही होति,
\q2 उनलक मि माया करहू।”
\q1
\v 26 अना जोन जघामा परमेस्वर ना उनको लक असो कव्हो होतो “तुमी मोरो परजा नही सेव,
\q2 उतच वय जित्तो परमेस्वर को सन्तान कहलायेती।”
\p
\v 27 अना भविस्यवक्ता यसायाह इसरायल को बारे मा हाकलके कव्हसेत का “इसरायल लोकगीन को गिनती सागर को बालू जसो काहे ना होहेत, पर उनमा लक काही च बचायो जाहेत।” 
\v 28 काहेका पिरभू पूरो रुप लक, लवकर धरती मा आपरा गोस्टी पूरो करयेत। 
\v 29 जसो यसायाह भविस्यवक्ता को किताब मा लिख्यो सेत। यदि सेना का परमेस्वर ना आमरो काजी काही खानदान बचाके नही ठेवो होतो, तो आमी सदोम अना गमोरा नगर जसो पूरो सत्यानास हो गयो होतो।
\s इसरायल अना साजरा बारता
\p
\v 30 ता मंग अमी काजक कहबीन? अमी यो नतिजा मा पोहोचयो सेजन, का गैर यहुदीहुन, परमेस्वर को संग आपरो संबंध साजरा करन को कोसीस नही करत होतिन। मंग उनको बिस्वास को लक उनको संग सही संबंध होतो। 
\v 31 पर परमेस्वर को लोगहुन, जोन एक असो कानून चाव्हत होतिन। जोन परमेस्वर को संग सही संबंध राखेत पर उनला नही मिल्यो। 
\v 32 अना काहे नही मिल्यो काहेका वय बिस्वास पर निरभर नहि होतिन, पर वय आपरो करम मा निरभर होतिन। एको लाय उनला ठोकर को गोटा मा खोद्दा लगयो। अना काहे नही लगहेत? 
\v 33 गिरंथ काजक कव्हासेत? “चोवो, मी सिय्योन मा एक गोटा राखा सेऊ, जोनमा लोकहुन खोद्दा खाहेत, एक चट्टान जोन लक वय पड़ जाहेत। तरी जोन कोनी वोको मा बिस्वास करहेत, वा कभ्भू निरास नही होयेत।”
\c 10
\p
\v 1 अगो मोरो संगीहुन, मोरो पुरो मन लक चव्हा सेऊ, का मोरो लोकगिन बच जाय, मि उनको लाय पिराथना कसो करू? 
\v 2 मी तुमिला सांगासेऊ, वय परमेस्वर को लाय खूप काम करनो चाव्हा सेत। लेकिन उनको यो काम सच्चो भगति अना गियान लक नाहती। 
\v 3 वय वोना नेकी को रस्ता ला नही जानत होतिन, जोनला परमेस्वर सिकावनो चाव्हत होतो। अना उनना खुदच आपरो लाय नेकी को रस्ता बनावन को कोसीस करयो। अना उनना परमेस्वर लक सांगयो नेकी को रस्ता ला नही अपनायो। 
\v 4 काहे का यीसु मसीह सबच पिरकार लक कानून ला पूरो करासेत। अना हरेक भरोसा राखन वारा ला नेक रस्ता देवा सेत।
\s सबको सूटकारा
\p
\v 5 नेक काम को बारेमा जोन कानून भेटासेत वोको बारे मा मोसे ना लिखयो सेत, जोन कानून ला मानहेत वा वोको कारन जित्तो रहेत। 
\v 6 पर जोन भरोसा लक नेक सेत, वोको लाय असो लिख्यो सेत, का तुमी आपरो मन मा असो विचार नोको करो, का सरग मा वरता कोन चघेत? मजे मसीह ला खाल्या आनन लाई। 
\v 7 या नरक मा खाल्या कोन जाहेत? मसीह ला मरयो हुयो मा लक वरता आनन काजी। 
\v 8 पर मोसे को नियम मा असो लिख्यो सेत। का बचन तोरो जवर तोरो होठ मा अना तोरो मन मा सेत। यो वोच भरोसा को बचन सेत जोन ला आमी मुनादी कर सेजन। 
\v 9 यदि तुमी असो स्विकार करा सेव, का यीसु च पिरभू सेत। अना बिस्वास करो का परमेस्वर ना वोला मरयो हुयो लक जित्तो करयो सेत, तो तुम्हि बच जाहो। 
\v 10 काहे का मन मा भरोसा राखन लक मानूस नेक बन जासे अखिन परमेस्वर लक सही संबंध भई जासे। अना स्वीकारनो लक हमीला बचायो जावा सेत। मजे आमरो सूटकारा होवा सेत। 
\v 11 काहे का गीरंथ असो कव्हासेत का “जोन कोनी बिस्वास करहेत उ कभी नही लजाहेत।” 
\v 12 अबा यहूदी अना गैर यहुदीमा काही भेद-भाव नही सेत, एको लाय उ सबको पिरभू सेत। अना आपरो सब नाव लेवन वारा पर दया करासेत। 
\v 13 काहेका जोन कोनी पिरभू को नाव लेहेत वो बचायो जाहेत।
\p
\v 14 पर जोन पर उनना भरोसा नही करीसेस वय वोका कसो नाव लेहेत? अना जोन को बारेमा नही आयकिसेस, वोको पर कसो भरोसा ठेहेत? अना मुनादी करन वारा को बिना वय कोन लक आयकेत? 
\v 15 अना यदी मुनादी करनवारा ला धाडयो ना जाय, तो कसो सांगेत? जसो का गिरंथ मा लिख्यो सेत, “उनको पाय कितरो खुबसुरत अना साजरो सेत, जोन साजरो बारता आयकावसे?” 
\v 16 पर सबना उ साजरो बारता पर कान नही लगायो। भविस्यवक्ता यसायाह कव्हसेत “ओ पिरभू कोन ना आमरो साजरा बारता पर भरोसा ठेविसेस।” 
\v 17 एकोलाय भरोसा आयकन लक, अना आयकनो मसीह को बचन लक होवासेत।
\p
\v 18 पर मी कव्हसू, का उनना नही आयकिन? जरूर आइकिसेस; काहेका लिख्यो सेत,
\q1 “उनको आवाज सारो जगत मा,
\q1 अना उनको बचन धरती को छोर तकन पहुच गयो सेत।”
\p
\v 19 मी मंग कव्हसू। का इसरायल लोकगीन ला मालूम नही होतो? पयले ता मोसे भविस्यवक्ता कव्हासेत,
\q1 मी गैर यहुदी लोक लक तुमरो मन मा जलन पैदा करहू।
\q2 मी एक मुरख देस लक तुमिला गुस्सा दिलवाहू।
\p
\v 20 मंग यसायाह भविस्यवक्ता मोठो दिलेरि को लक कव्हसेत,
\q1 “जोन मोला नही ढूढत होतीन, उनला मि भेंट गयो।
\q2 अना जोन मोला पुसत भी नही होतिन उन पर मी परगट भई गयो।”
\p
\v 21 पर इसरायल को बारे मा उ असो कव्हसेत। “मी सारो दिवस आपरो हात हुकूम नही मानन वारा अना झगड़ा करन वारा परजा को कन पसारो रह्यो।”
\c 11
\s परमेस्वर को दया अना इसरायल
\p
\v 1 मी पूसा सेऊ, का परमेस्वर ना आपरो लोकहुन ला बिसरा दियो से। नही असो नाहती मि खुदच एक इसरायली अना अबराहम को खानदान को सेऊ, मी, बेंजामिन को कुल को एक मानूस सेऊ। 
\v 2 परमेस्वर ना आपरो लोक गिनला नही बिसरो सेत। जोनला वा सूरूवात लक निवाड़ो सेत। तुमी जाना सेव, गिरंथ को वोना जघा मा काजक कव्हसेत, जहा एलियाह इसरायल को खिलाप मा पिराथना करासेत। 
\v 3 “हे पिरभु, उनना तोरो भविस्यवक्ता गिनला मार डाख्यो सेत। अना तोरी वेदि हुन ला तोड़ दियों सेत। बस मी च बचयो सेऊ। अना वय मोला मारन को कोसीस मा सेत।” 
\v 4 परमेस्वर ना वोला जवाब दियो, “मीना अपरो लाय असो सात हज़ार मरदमाना गिनला राखयो सेऊ, जोनना खोटो बाल देवता को पूजा नहीं करयो सेत।” 
\v 5 वसोच हाल यहान भी सेत। परमेस्वर की किरपा लक उन लोक गिनको एक लहान संख्या बचयो सेत। जोनला परमेस्वर निवाड़ो सेत। 
\v 6 वोको पसंद किरपा पर अधारित सेत। ना च काम मा, काहेका अगर परमेस्वर को पसंद लोकगिन पर आधारित होतो ता वोको किरपा सहीमा किरपा नही होतो।
\p
\v 7 मंग काजक? इजराइल को लोक गिन ला वा नही भेटयो जोनको उनला तलास होतो। यो बस लहान सो एक समूह होतो। जोनला परमेस्वर ना निवाड़ो, वोच ला भेटयो सेत। बाकि सब परमेस्वर को हाकलनो पर भयरा भयि गयिन 
\v 8 जसो गीरंथ कव्हसेत, “परमेस्वर ना उनको मन अना हिरदय ला बेरस बना दियो, यो दिवस मा वय अन्धरा अना भयरा बन गयो सेत।” 
\v 9 अना दाऊद कव्हासेत, वय धरयो जाय सकत,
\q1 अना आपरो जेवन मा फँस सका सेत।
\q2 वय पड़ सकत, अना उनला सजा दियो जाय सका सेत।
\q1
\v 10 उनको डोरा ला अधंरा कर दियो जाय जोन लक वा चोव ना सकेत।
\q2 अना उनला हरामेसा आपरो आफद को खाल्या नवाय।
\p
\v 11 एकोलाय मी कव्हासेऊ, का उनना एकोलाय खोद्दा खायो का वय पड़के नास भयी जाय? पक्को च नही। बल्कि उनको खोटो करनो लक गैर यहूदी लोक ला सूटकारा भेटयो। जोनलक यहूदिगिन मा जलन पैदा होय। 
\v 12 असो परकार अदि उनको गलती करन लक सारो जगत ला मोठयो फायदा सेत। अना अदी उनको गवड़नो लक गैरयहूदी गिनला फायदा सेत। तो उनको पुरो होवनो लगत काही होहेत।
\p
\v 13 अबा मी तुम गैरयहूदी लक मी कव्हासेऊ, तुमी तो यहुदी नाहोती। काहेका मि खास लक गैरयहूदी गिनको लाय पेरीत सेऊ, मी आपरो काम को लाय पूरो मेहनत करा सेऊ। 
\v 14 यो आस लक का मी उनको भी भितर मा जलन पैदा करनो चाव्हा सेऊ जोनलक वय भी बचायो जाय मि एकोलाय मेहनत करा सेऊ। 
\v 15 काहेका अदी भगवान को लक उनको नकार दियो जानो लक जगत मा परमेस्वर को संग मेल मिलाप पैदा होवासेत। मंग उनको अपनायो जानो का मरयो हुवो लक जिलायो जानो नही होहेत।
\p
\v 16 अदि आमरो भेंट को एक हिस्सा पवितर से ता का वा सबअ पवितर नाहती? अदि झाड़ को जड़ पवितर सेत, ता वोको डगाल भी पवितर सेत। 
\v 17 यदि काही डगाली तोडके बेगरो कर दियो गयो सेत। अना तुमी गैरयहुदिगिन! जो बन जैतून सेव उनको जघा मा कलम लगायो गयो से अना जैतून को जड़ अना वोको चिकनाई को भागीदार बने। 
\v 18 तुमी आपरो आप ला डगाली लक बड़के नोको समझो। यदि तुमी घमन्ड करनो चाव्हासो, त हेत राखो क तुमी जड़ ला नही पाल रहयो सेव। बल्कि जड़ तुमिला पाल रहयो सेत।
\p
\v 19 तुमी कव्हसेव “डगाली एकोलाय कापके अलग कर दियो गयो का मोला बान्धो जाय।” 
\v 20 बेस से, वय तो अबिस्वासी को कारन कापके अलग कर दियो गयो, अना तुमरो भरोसा बल मा आपरो जघा पर बनो हुयो सेव। एकोलाय गरब नोको करो, वरन भेव मानो। 
\v 21 यदि परमेस्वर असल डगाली पर रहम नही करयो, तो उ तुम पर भी रहम नही करेत। 
\v 22 एकोलाय परमेस्वर को दयालुपन अना कठोरपन दुई गोस्टी पर बिचार करो। पापी लोग काजी उ कठोर सेत, अना तुमरो लाय परमेस्वर को दयालुपन सेत, पर सरत यो से, का तुमी वोकी दयालुपन को लायक बनो रव्हो। नही तो तुमला भी कापके अलग कर दियो जाहेति। 
\v 23 दुसरो कन यदि वय अबिस्वासी बनो नही रहेत, तो वय भि साटो जाहेत। काहेका परमेस्वर उनला दुबारा लगानो को ताकत राखा सेत। 
\v 24 यदि तुमी आपरो गुन लक बन जैतून को डगाली सेव, अना वोला कापके आपरो गून को बिरोध मा असली जैतून मा कलम लगायो गयो सेव। तो वय कहि ज्यादा सरल लक आपरो आचरन को लक, आपरो निज जैतून मा कलम लगायो जा सकेत।
\s परमेस्वर को रहम सबको लाय
\p
\v 25 अगो मोरो संगीहुन! यो एक छिपयो सच्चो गोस्टी सेत। जोन तुम्हिला सांगा सेऊ। यो गोस्टी तुम्हिला चेताहेत का तुमी कितरो अक्कलवर सेव? इसरायिल को लोकहुन को यो हरामेसा को जिद्द नाहती। मंग यो तबा तकन चलयेत, जबा तकन पूरो गैरयहूदी परमेस्वर को जवर ना आय जाय। 
\v 26 अना असो रिति लक सारो इसरायल ला बचायो जाहेत। जसो गीरंथ मा लिख्यो सेत
\q1 बचावन वारा सिय्योन लक आहेत,
\q2 अना सबा नीचपन ला याकूब लक दुर करयेत।
\q1
\v 27 तबा मी उनको पाप गिनला हिसक लेहू अना
\q2 उनको संग यो करार करहीन।
\p
\v 28 साजरो बारता को हिसाब लक तो तुमारो लाय वय परमेस्वर को बैरी सेत, पर निवाड़ो होवन को कारन, वय बाप दादा को जमाना लक चहेतो सेत। 
\v 29 परमेस्वर आपरो मनला नही बदला सेत। जोनला वा निवाड़ो सेत वोला वा आसीरबाद भी देवा सेत। 
\v 30 जसो तुमीना जूनो जमाना मा परमेस्वर को हुकूम ला नही मानयो सेव, वसोच, यहूदी गिन भी हुकूम नहि मानयो सेत। पर अबा तुम्हिला परमेस्वर को दया भेटयो सेत। 
\v 31 वसोच यहुदीगिन भी परमेस्वर को हुकूम ला नही माना सेत, जोन लक तुमरो जसो उनला भी परमेस्वर को दया भेटेत। 
\v 32 काहेका परमेस्वर ना सबला हुकूम नही मानन को लाय, बन्दी बनाके राखिसेस जेनको लक उ सब पर रहम करे।
\s परमेस्वर को स्तुती
\p
\v 33 आहा! परमेस्वर को धन अना अक्ल अना गियान कितरो गंभीर सेत! वोको बिचार कसो अथाह अना
\q2 वोको रस्ता ला कोनी नही जान सकासेस।
\q1
\v 34 “पिरभू को अक्ल ला कोन जानयो सेत?
\q2 या वोको सला देवन वालो कोन सेत?
\q1
\v 35 या कोन ना पयले वोला काही दियो से,
\q2 जोनको बदला वोला दियो जाय?”
\p
\v 36 काहे का वोच को कन लक, अना वोच को लक अना वोच को लाय सब काही सेत। वोको महिमा सदा तकन होवत रवहे आमेन।
\c 12
\s जित्तो पिरभू को सेवा
\p
\v 1 अगो मोरो संगीहुन! परमेस्वर को दया ला हेत कराके मी तुम्हि लक बिनती करा सेऊ। का अपरो आप ला परमेस्वर को लाय जित्तो बली को रूपमा परमेस्वर को सेवा अना वोला खुस करन लाय दे देव। योच सच्चो पूजासेत। असो पूजा तुमीला करनो सेत। 
\v 2 तुम्हि आपरो आप ला दुनिया को माफीक नोको बनाओ लेकिन परमेस्वर ला अपरो मन ला बदलन को पूरो मौका देव। तबा तुमला परमेस्वर को इक्सा को बारेमा पता चल जाहेत। जोन साजरा सेत अना वोला साजरो लगासेत। अना सिध्द भी सेत।
\p
\v 3 अना मी परमेस्वर को किरपा को वजा लक हरेक ला कव्हसेऊ। अपरो आप ला जरुरत लक जादा हुसियार नोको समजो। आपरो बिचार मा सयंम बरतो। अना परमेस्वर ना तुम्हिला जोन बिस्वास देयि सेत, वोको अनुसार खुद को बरोबरी करो। 
\v 4 आमरो देह को लगत हिस्सा सेत। अना सबको अलग-अलग काम सेत। 
\v 5 वसोच अमी भी लगत सेजन। मंग मसीह मा एक देह सेजन। अना देह को आंग होवन को कारन एक दुसरो लक जुड़यो सेजन। 
\v 6 एकोलाय अमी आपरो अलग-अलग बरदान ला वोना किरपा को अनुसार, बवजा सेजन, जोन परमेस्वर न अमिला दियो सेत। अदि आमरो बरदान परमेस्वर को सन्देस सांगनो सेत, ता अमिला एला वोना बिस्वास को संग करनो पायजे जो आमरो जवर सेत। 
\v 7 अदी सेवा करन को बरदान सेत, ता अमीला सेवा करनो पाहिजे। अगर अमिला सिकावन को बरदान भेटयो सेत, ता अमिला सिकावनो पाहिजे। 
\v 8 अदि यो दुसरो को जोस भरन को वरदान सेत, ता वोला वोच करनो पायजे। जोन कोनी दूसरों को संग साझा करनो को सेत ता दया लक करनो पायिजे। जोनको जवर अधिकार सेत। वोला कड़ी मेहनत करनो पायजे। जोन कोनि दूसरों पर दया करा सेत। वोला खुसी-खुसी करनो पायिजे।
\p
\v 9 पिरेम पूरो ईमानदारी लक होवनो पाहिजे। बुराई लक बेगरो भयी जाव, जोन साजरो सेत वोला धरो। 
\v 10 भाऊ-भाऊ मा जसो पिरेम होवासे वसोच एक दूसरो लक पिरेम राखो, आपसी मा एक दूसरो को आदर करो। अना एक दूसरो लक बढ चढ़के करो। 
\v 11 कोसीस करनो मा अलाली नोको करो, पवीतर आतमा मा को जोस मा भरयो रव्हो, पिरभू को सेवा करतो रव्हो। 
\v 12 आपरो आस मा खुसहाली करो, दूख मा पक्को रव्हो, पिराथना मा हमेसा लगे रहयो। 
\v 13 पवीतर लोकगीन ला काही चीज को जरुरत हो उनला हिस्सादार बनावो, पोहनाई करनो मा लग्यो रव्हो।
\p
\v 14 आपरो सतावन वालो ला आसीस देव, उनला सराप नोको देव। 
\v 15 खुसहाली करन वारा को संग खुसहाली करो रडन वारा को सगं रडो। 
\v 16 आपसी मा एक मन राखो घमन्ड नोको करो, पर गरीब लोक गीन को संगती करो। अना आपरो नजर मा बिचार के अक्लवर नोको बनो।
\p
\v 17 बुराई को बदला मा कोनी को बुराई नोको करो। 
\v 18 जहान तकन हो सका सेत, तुमी जी भरके सब मानूसगिन को संग साजरो मेल-मिलाप राखो। 
\v 19 ओ मोरो चहेतो लोकगीन आपरो पलटा नोको लेव पर परमेस्वर को गुस्सा ला मौका देव, कहेका लिख्यो से पलटा लेवनो मोरो काम सेत, पिरभू कव्हसेत मि च बदला लेहू। 
\v 20 पर यदि तोरो बैरी भुको सेत, तो वोला जेवन देव; यदि तहान से तो वोला पानी पिलाव, काहेका असो करनो लक तू वोको डोस्का मा स्तो को इंगरा को ढेर लगाजोस। 
\v 21 बुराई लक नोको हारो, पर बुराई ला भला लक जीत लेव।
\c 13
\s तुमरो राज को अधिकारी गिनको अधिन रव्हनो
\p
\v 1 सबअ राज को अधिकारी गिनको पालन करनो पाहिजे। काहेका कोनी भी अधिकार परमेस्वर को हुकूम को बिना मौजुद नाहती। अना मौजुद अधिकारी गिन परमेस्वर लक राख्यो गयो सेत। 
\v 2 जोन मौजूद अधिकारी गिनको बिरोध करा सेत वा परमेस्वर को हुकूम को बिरोध करा सेत, अना जोन कोनी असो करा सेत उ आपरो पर नियाव आना सेत। 
\v 3 राजा अना सासकगिन उन लोक हुनला नही डरावा सेत, जोन साजरा काम करा सेत, पर वय वोला च डरावा सेत, जोन बुराई करा सेत। अदी तुमी सासन लक नही डरनो चाव्हा सेव, तो भलो काम करो, तुमरो बड़ाई होहेत। 
\v 4 काहेका वय परमेस्वर को सेवक सेत। जोन तुम्हारो भलो को लाय काम कर रहयो सेत। परा अगर तुम्ही बुराई करतत ता उन लक डरो, काहेका दंड देवन को ताकत उनला भेटयो सेत। अना बुराई करन वालों ला सजा देवा सेत। 
\v 5 यो कारन लक तुमला अधिकारी गिनको पालन करनो पाहिजे। ना च परमेस्वर की सजा को कारन, बल्कि डिमाक लक भी।
\p
\v 6 यो च कारन सेत, का तुम्ही जमा पटावा सेव। काहेका हरेक अधिकारी परमेस्वर को काम करा सेत। अना आपरो करतब ला पूरो करा सेत।\x - \xo 13:6 \xo*\xt मत्ती 22:21; मरकुस 12:17; लूका 20:25\xt*\x* 
\v 7 एकोलाय हरेक को हक देव, जोनला जमा पटानो से, उनको जमा पटाओ, जोको लक डरानो जरुरी से, वोको लक डराव, जोनको आदर करनो से, वोको आदर करो।
\s सब हुकूम को सार एक दुसरो लक पिरेम
\p
\v 8 आपसी मा पिरेम ला छोड़ अना काही बात को करजा नोको चाहो। काहेका जोन दुसरो लक माया राखासे उ नियम धरम ला पूरो कर सेस। 
\v 9 यो का छिनालापन नोको करो, कोनिला जान लक नोको मारो, चोरी नोको करो, लोभ नोको करो, इनला छोड़ अना कोनी हुकूम सेस तो यो सब बातको निचोड़ यो हुकूम मा सेत। का आपरो सेजारी लक आपरो समान माया राख। 
\v 10 माया आपरो सेजारी को काही बुराई नही करा से, एकोलाय माया राखनो नियम ला पूरो करनो से।
\p
\v 11 बेरा ला चिन्हके असोच करो, एकोलाय का अबा तुमारो लाय जप लक जगन को बेरा आय गयो सेत। काहेका जोन बेरा अमीना भरोसा राख्यो होतो, वोना बेरा को बिचार लक सूटकारा कठा होति। 
\v 12 अबा रात बित गयी सेत, दिवस हिटनवारा सेस एकोलाय आमी इन्धार को काम ला छोड़-छोड़के उजाड को हतियार घालो। 
\v 13 आमी दिवस को लक खरो चाल-चलबिन। आमी रगिलोपन नसा पानी गन्दोकाम, अना छिनालापन जलन अना देह को वासना झगड़ा-रगडा लक दुहुर रव्हबिन। 
\v 14 तुमी पिरभू यीसु मसीह ला घालो अना देह को इक्सा पूरो करन को कोसिस नोको करो।
\c 14
\p
\v 1 जोन भरोसा मा निरबल सेत वोला आपरो संगती मा ले लेव, पर वोको सक पर विवाद नोको करो।\x - \xo 14:1 \xo*\xt कुलुस्सियो 2:16\xt*\x* 
\v 2 एक को भरोसा से का वा सब जेवन कर सका सेत, पर दुसरो मा भरोसा कमजोर सेत। उ बस हिवरो साग-भाजी च जेव सेत। 
\v 3 साकाहारी मांस खावनो गलत सेत, असो तय नोको करे। काहेका साकाहारी-माँसाहारी दूई ला परमेस्वर अपनाइसेस। 
\v 4 तू कोन सेत जोन दूसरो दास पर दोस लगावासेत? वोको उभो रव्हनो, अना पड़ जावनो, वोको पिरभू तय करा सेत बल्की मी यो कव्हसू का वोला उभो कर दीयो जाहेत, काहेका परमेस्वर च वोला उभो रखा सका सेत।
\p
\v 5 कोनी तो एक दिवस ला, दूसरो दिवस लक ज्यादा साजरो समजासे। अना कोनी सबच दिवस ला एक जसो माना सेत, हर एक मानूस यो आपरो मन मा तय करलेवे। 
\v 6 आपरो बिचार लक जोन कोनी दिवस ला माना सेत, उ परमेस्वर को लाय माना सेत। जो जेव सेत, उ पिरभू लाय जेवा सेत। अना जोन नही जेव सेत उ परमेस्वर को लाय नही जेव सेत। अना परमेस्वर को धनवाद करासे। 
\v 7 काहेका आमरो लक कोनी, अपरो लाय नही जित्तो रव्हअ सेत, अना कोनी अपरो लाय मरअ सेत। 
\v 8 यदि आमी जित्तो होवन लाय जित्तो सेजन, अना आमी मर जावअ सेत, तो पिरभू लाय मर जावअ सेत। मंग अबा जित्तो रहबीन, या मर जाबीन सब पीरभू को लाय सेत। 
\v 9 काहेका यीसु मसीह यो काजी मरयो अना जित्तो भई गयो, काहेका उ मरो हुवो अना जितो दुई को पिरभू बन जाये। 
\v 10 तू आपरो भाऊ पर काहे दोस लगावअ सेत या तू काहे आपरो भाऊ ना नीच समजा सेत? जबा आमी सबच ला परमेस्वर को नियाव आसन को पूढा उभो होवनो सेत। 
\v 11 काहेका लिख्यो सेत पिरभू कव्हासेत,
\q1 “का मोरो जिंदगी को कसम,
\q2 हरेक टोघरा मोरो पुड़ा टीकेत अना हर एक जुबान परमेस्वर ला हाकलेत।” 
\v 12 एकोलाय अमी लक हरेक परमेस्वर ला आपरो लेखा देवनो सेत।
\p
\v 13 एकोलाय आमी एक मेक ला दोस लगावनो सोड़के ना आपसी मा तय करलेव। का कोनी आपरो भाऊ को रस्ता मा खोद्दा को कारन नोको पैदा करे अना जाल बिछायेति। 
\v 14 मी जाना सेऊ अना पिरभू यीसु मसीह को चेला होवन को नाता लक, मोरो भरोसा सेत। का कोनी चिज असुध्द सेत, पर कोनी यो सोचा सेत, का फलानो चीज सुध सेत। तो उ वोको लाय सुध भई जावअ सेत। 
\v 15 यदि तुमी आपरो जेवन को कारन लक आपरो भाऊ गिनला दुख देवा सो, तो तुमी माया को मारग पर नही चलअ सो। जोन मानूस काजी यीसु मसीह मर गयो, तुमी आपरो जेवन को कारन वोको नास को कारन नोको बनो। 
\v 16 एकोलाय वोको नजर मा जोन साजरो सेत, उ निन्दा को कारन नोको बने। 
\v 17 काहेका परमेस्वर को राज खावन-पिवन लाय नही, पर उ न्याय सान्ती अना खुसि को बारे मा सेत। जो पवीतर आतमा लक भेटा सेत। 
\v 18 जोन एना गोस्टी लक यीसु मसीह को सेवा करा सेत, परमेस्वर उ को चहेतो अना मानूस गीन मा सतकार को काबील ठयरा सेत।
\p
\v 19 आमी असो गोस्टी मा लगो रहबिन, जोन लक सान्ती बनावन मा बढावा मिले। 
\v 20 यो सच से का सब काही आपरो मा सुध्द सेत, पर जेवन लक दुसरो ला परमेस्वर को कठा आवनो मा रस्ता मा खोद्दा को कारन पैदा करनो बुरो सेत। 
\v 21 साजरो तो यो सेत, का मांस अना दारू ला नोको खाय पिये, अना कोनी असो काम नोको करो, जोन को लक कोनी भाऊ अना बहिन खोद्दा खाय, अना आपरो रस्ता लक भटक जाय। 
\v 22 तोरो जो भरोसा सेत, वोला तुमी परमेस्वर को पूढा आपरो तय कियो बिचार, आपरो च कठा ठेवो, धन्य से उ जोनको मन वोला दोसी नही ठहरावा सेत, जबा उ आपरो मनला परख के चलअ सेत। 
\v 23 काहेका जोन जेवन को बारे मा संका करा सेत, अना तबा भी जेव सेत, तो उ दन्ड को भागी सेत। काहेका उ यो काम भरोसा को लक नही करतत। अना जोन काम भरोसा को लक नही सेत उ पाप सेत।
\c 15
\s हमेसा दुसरो को हित करो
\p
\v 1 अमी जोन आतमिक रूपमा ताकतवर सेत। उनला कमजोर लोक गिनको सहनो पाहिजे। अमी बस आपरो आपला खुस नोको करो। 
\v 2 आमरो मा लक हरेक, एकमेक को साजरोपन, को बढ़ोतरी को लाय उनको भावना को संग आतमा मा जोस लक भरो। 
\v 3 यहाँन तकन का मसीह ना भी खुद ला खुस नही कियो होतो। बल्कि जसो मसीह को बारेमा गीरंथ कव्हअ सेत “उनको बेइज्जती जोनना तोरो बेइज्जती कियो सेत। मोरो पर आय गयो सेत।” 
\v 4 हरेक वा गोस्टी जोन गिरंथ मा पयले लक लिख्यो गयो सेत, अमिला सिक्सा देवन साठी सेत। जोन लक धीरज अना बढ़ावा गिरंथ लक मिलतो रहेत। जोन लक अमिला आस भटेत। 
\v 5 परमेस्वर च धिरज अना सान्ती को देवन वालो से। उ तुमी लोक गीनला असो बरदान देहे, का तुमी यीसु मसीह को सिक्सा को लक आपसी मा मेल-मिलाप को बिचार मा बढ़ावा बनाये राखो। 
\v 6 जेनको लक सबा मिलके एकच आवाज मा आमरो पिरभू यीसु मसीह को परमेस्वर दआजि को बड़ाई करत रव्हबिन।
\s सबको लाय साजरा बारता
\p
\v 7 जसो यीसु मसीह ना अमीला आपरो परमेस्वर को महिमा काजी अपनाई सेत, वसोच तुमी एक मेक ला भाऊ चारा लक अपनाने 
\v 8 मि यो कव्हनो चव्हासू का यीसु मसीह खतना वालो लोक गीनको दास एकोलाय बनयो, का उ बाप दादा लक कियो गयो परन पूरो कर सकेत। अना यो पुरुप कर दे, का परमेस्वर सच्चो वादा करा सेत। 
\v 9 अना एकोलाय भी का गैरयहूदी गिनला परमेस्वर को दया भेटे, अना वय स्तुती करे। जसो गिरंथ मा लिख्यो सेत,
\q1 “एकोलाय गैर यहूदि गिनको बीचमा तोला ओरखा हिन
\q2 अना तोरो नाव को महिमा गावइन।”
\p
\v 10 अना असो भी लिखयो सेत,
\q1 अरे! गैर यहूदि हुन परमेस्वर को परजा संगा खुसि मनाओ।
\p
\v 11 मंग असो भी “ओ सब गैरयहुदि लोकगीन पिरभू को स्तुति करो, अना सप्पा देस को लोकगीन वोको बडाई करयेत।”
\p
\v 12 मंग भविस्यवक्ता यसायाह कव्हसेत “यिसै को बंस को मानूस चोहेत, उ गैरयहुदी गिनमा सासन करन आहेत। अना वय वोको मा आरो आस ठेयेत।” 
\v 13 अबा आस को परमेस्वर, तुमला भरोसा करन मा पूरो खुसि अना सान्ती लक भरदे। जेनको लक पवीतर आतमा को ताकत लक तुमरो आसा बढत जाय।
\s पौलुस को सेवा
\p
\v 14 ओ मोरो संगीहुन! जहान तकन तुमरो बारेमा मी खुदच बेखटका सेव, अना भरोसा सेत, का तुम खुद च साजरा अना सप्पा गियान लक भरो हुयो सेव। अना तुमी ला एतरो मालुम सेत, का एक मेक ला समजा सको। 
\v 15 तोभी मि ना काही-काही हेत दिलावन काजी तुमीला लगत हिम्मत जुटाय के लिखी सेउ। यो वोना किरपा को कारन भयो, जोना परमेस्वर ना मोला दियो सेत। 
\v 16 का मी गैरयहुदी गिनको लाय यीसु मसीह को दास बनू, अना परमेस्वर को साजरो बारता को सेवा याजक को जसो करू, का गैरयहुदी रुपी मोरि भेंट पवीतर आतमा लक पवीतर होयके चढ़ायो जाय। 
\v 17 एको लाय मोला यीसु मसीह मा, वोना गोस्टी को बारेमा, जोन परमेस्वर को बारे मा से। बडाई करन को कारन भेटयो से। 
\v 18 उन गोस्टी ला छोड़, मी कोनी दुसरो गोस्टी करन को हिम्मत नही करू, जोन यीसु मसीह मा गैरयहुदी गिनला, परमेस्वर को हुकूम मानन को रस्ता दिसान को काम मोरो बचन, करम, 
\v 19 अना निसान अखीन अचँभा काम को ताकत लक, अना पवीतर आतमा को ताकत लक, मोरो हात लक भई सेत। यहान लक का मि ना येरुसलेम लक, इतानी उतानी सब जघा इल्लुरिकुम तकन यीसु मसीह को साजरो बारता ला पूरो-पूरो सांगिसेऊ। 
\v 20 पर मोरो मनमा यो उमंग सेत। का जहान-जहान यीसु मसीह को नाव नही लियो गयो से, वहान साजरो बारता आयकाव, असो न हो का दुसरो को रद्दा मा घर बनाऊ। 
\v 21 पर जसो लिखिसे वसोच हो “जोन को जवर वोको साजरा बारता नही पहुचिसेस, वय चोहेत। अना जोन ना नही आयकिसेस, वो च समजेत।”
\s पौलुस को रोम जावन को योजना
\p
\v 22 एकोलाय मी बार-बार तुमी लोक गीनको कठा आवनो लक रुकयो रव्हयो सेऊ।\x - \xo 15:22 \xo*\xt रोमियो 1:13\xt*\x* 
\v 23 परअ अबा ऐना देस मा मोरो काम को लाय जघा नाहती। अना लगत साल लक तुमरो कठा आवन को मनसा सेत। 
\v 24 एकोलाय जबा मी स्पेन ला जाहु तो तुमरो कठा लक जाहु, काहेका मोला वोना यातरा मा मुलाकात होयहेत असो आस सेत। अना जबा तुमरो संगति लक मन भर जाए तबा मोला काही दुहुर पूढा धाड़ जोस। 
\v 25 परअ अभिसिन मी, पवीतर लोकगीन को सेवा करन को लाय येरुसलेम नगर जावासू। 
\v 26 काहेका मकीदुनिया अना अखया को संगती करनवारा लोक गीनला, यो साजरा लगिसेस, का येरुसलेम को पवीतर लोकगीन मा गरिब लोक गिनको लाय काही चन्दा करे। 
\v 27 उनला साजरा तो लग्यो, परअ वय उनको करजदार भी सेत, काहेका गैर यहुदी उनको आतमिक बात मा हिस्सादार बनिन, तो उनको यो फरज सेत। का देह को बारेमा उनको सेवा करे। 
\v 28 एकोलाय मि यो काम पूरो करके, अना उनला यो चन्दा सुरक्सित सोपके, तुमारो जवर लक स्पेन जाबिन। 
\v 29 मोला भरोसा से का, जबा मी तुमरो जवर आसिन तो यीसु मसीह को आसिरवाद आनीन।
\p
\v 30 अबा ओ संगीहुन! आमरो पिरभू यीसु मसीह अना पवीतर आतमा को माया लक, मि तुमी लक बिनती करासू, का मोरो लाय परमेस्वर लक पिराथना करनो मा मोरो संग लग्यो रव्हो। 
\v 31 जेनको लक मी यहुदिया को भरोसा नही ठेवनवारा लोकगीन लक बचयो रव्हू। अना मोरो येरुसलेम को सेवा पवीतर लोक मा मानता होहे। 
\v 32 जोनलक परमेस्वर को इक्सा को अनुसार मी खुसी-खुसी तुमरो जवर आयके तुमरो संग खुसी मनाऊ। 
\v 33 पूरो सांती को धाम परमेस्वर तुमरो संग रव्हे। आमीन।
\c 16
\s एकलो रुप नमसकार
\p
\v 1 मी किंखेया नगर को कलीसिया की खास सेविका आमरो बहिन फिबे को लाय तुमी लोकगीन लक सिपारिस करके कव्हसू। 
\v 2 का तुमी पिरभू मा वोला असो रित लक अपनाने जसो परमेस्वर को लोक गिनको लायक सेत। वोला तुमरो लक जसो मदद पाहिजे तसोच वोकी मदद करो। काहेका वा मोरो समेत लगत लोक गिनको मदद करियो सेत।
\p
\v 3 प्रिस्किल्ला अना अक्किला ला जोन यीसु मसीह मा मोरो संग काम करनवारा सेत। उनला मोरो नमस्कार।\x - \xo 16:3 \xo*\xt पेरीत 18:2\xt*\x* 
\v 4 उनना मोरो जान को लाय आपरो जीवन ला जोखिम मा डाख दियो होतिन, अना केवल मी च नही पर गैरयहुदी गिनको सारो कलीसिया भी उनको धनवाद करासेत।
\p
\v 5 उनको घरमा जोन कलीसिया से, वोला भी नमस्कार मोरो चहेतो इपैनितुस ला, जो मसीह को लाय आसिया मा पयलो फर सेत, नमस्कार 
\v 6 मरियम ला, जोन ना तुमारो लाय गजब महेनत करीसेस, वोला नमस्कार। 
\v 7 अन्द्रुनीकुस अना युनियास जोन मोरो रिस्तेदार सेत, अना मोरो सग कैद भई होतिन, अर वय पेरीत गीन मा नामी गामी सेत। अना मोरो लक पयले मसीह मा सेती, नमस्कार।
\p
\v 8 अम्पलियातुस ला, जोन पिरभू मा मोरो चहेतो से नमस्कार। 
\v 9 उरबानुस ला जेना मसीह मा आमरो संग काम करनवारा सेत, अना ओ मोरो चहेतो इस्तखुस को नमस्कार। 
\v 10 अपिल्लेस ला जो मसीह मा सच्चो अना काबील से, वोला नमस्कार। अरिस्तुबुलुस को घराना ला नमस्कार 
\v 11 मोरो रिस्तेदार हेरोदियोन ला नमस्कार। नरकिस्सुस को घराना को जेन लोक पिरभू मा सेत, उनला नमस्कार।
\p
\v 12 तुरूफेना अना तुरूफोसा ला जेन पिरभू मा महेनत करसेति वा ला नमस्कार। मोरो चहेतो पिरसिस ला जेन ना पिरभू मा गजब मेहनत करीसेस नमस्कार। 
\v 13 रुफुस ला जोन पिरभू मा बेचो होवासे। अना वा की माय ला जोन मोरो भी माय लगासेत। वा दूई ला नमस्कार 
\v 14 असुंक्रितुस अना फिलगोन अना हिर्मेस अना पतरुबास अना हिर्मास अना उनको सगी भाऊ गिनला नमस्कार। 
\v 15 फिलुलुगुस अना यूलिया अना नेरयुस अना वाकि बहिन, अना उलुम्पास अना उनको सग को सब पवीतर लोकगीन ला नमस्कार।
\p
\v 16 आपस मा पवीतर चुम्मा लक नमस्कार करो। तुमला यीसु मसीह को सबा कलीसिया गीन को कन लक नमस्कार।
\p
\v 17 अबा ओ भाऊ अना बहिन गीन, मि तुमरो लक बिनती करासू का जोन लोकगीन वोना सिक्सा को विरोध मा जोन तुमीना पाइसेव, फूट डाखन अना ठोकर खावन को कारन सेत। उनला ताड़ लेव अना उन लक दुहुर रव्हो। 
\v 18 आपरो पोट को सेवा करनवारा, अना चिकनो-चिकनो साँग के सिदो-सादो मन को लोकगीन ला बहकानवारा, असो लोकगीन पिरभू यीसु मसीह को सेवा नही करा सेस, पर वय आपरो सेवा करसेस। 
\v 19 तुमरो हुकूम मानन को चरचा सब लोकगीन मा फैल गयो सेत, एको लाय मी तुमरो लाय खुसी मनावसू, पर मी यो चव्हासू, का साजरो लक अक्कलवर अना बुराई को लाय भोला बनो। 
\v 20 सान्ती को परमेस्वर सैतान ला तुमारो लात मा लवकर खुदवा देहेत।
\p आमरो पिरभू यीसु मसीह को किरपा तुमरो पर होतो रव्हे।
\p
\v 21 मोरो संग काम करनवारा तीमुथियुस को, अना मोरो रिस्तेदार लूकियुस, अना यासोन अना सोसिपतरुस को तुमला नमस्कार।
\p
\v 22 मी चिठ्ठी लिखन वारा तिरतियुस को पिरभू मा तुमला नमस्कार।
\p
\v 23 गयुस जोन मोरो अना सब कलीसिया को पोहनाइ करनवारा, अना यो नगर को खजांची एरास्तू अना भाऊ क्वार्तुस तुमी लोक गिनला नमस्कार कव्हसेत। 
\v 24 आमरो पिरभू यीसु मसीह को किरपा तुम सब पर बनो रवहे। आमेन
\s परमेस्वर की स्तुति
\p
\v 25 वोना अमर परमेस्वर को स्तुति हो, जोन तुमी लोकगीन ला मोरो साजरा बारता अना यीसु मसीह को बारता को लक मजबूत राखन मा ताकतवर सेत। यो साजरो बारता वोना राज को सुरुवात से, जोन जुग-जुग लक लुको सेत। 
\v 26 पर अबा परगट हो गयो से। यो भविस्यवक्ता गिन को भविस्यवानी मोसे को नियम को लक अमर परमेस्वर को हुकूम लक, सब लोक गीन मा मुनादी कियो गयो से। जेनको लक वय भरोसा को लक अधिनता स्विकार करे।
\p
\v 27 वोच केवल एक गियान को रुप परमेस्वर को महिमा यीसु मसीह लक जूग-जूग तकन होहे आमेन