\id PHP - Powari Standard Project
\ide UTF-8
\h फिलिप्पियो
\toc3 फिलिप्पियो
\toc2 फिलिप्पियो
\toc1 फिलिप्पयो को नाव पौलुस की चिठ्ठी
\mt2 फिलिप्पियो के नाव पौलुस का पत्र
\mt1 फिलिप्पियो को नाव पौलुस की चिठ्ठी
\imt परिचय
\ip पौलुस ना फिलिप्पियो मा बिस्वासीगीन ला ईसा मसीह को जलम को करीबन 61 साल मंघा चिठ्ठी लिख्यो। जेल मा रव्हन को बाद उनना सायद रोम मा लिख्यो होतीस \xt 1:13\xt* यो चिठ्ठी फिलिप्पियो नगर मा पायो जावन वालो चरच ला लिख्यो होतीस। फिलिप्पी को बारे मा आमी पेरीत को काम को किताब लक जरा लगत जान सकासेजन। फिलिप्पियो मकीदुनिया राज को राजधानी होती। यो पयलो चरच भी होतो जेला मकीदुनिया मा बनायो गयो होतो। पौलुस अना सिलास ना एक संगा चरच सुरुवात करी होतीन अना उनला एक रात को लाई जेल मा भी राखियो गयो होतो जबा वय वहान होतीन \xt पेरीत 16\xt*
\ip एने चिठ्ठी ला लिखनो मा पौलुस को कई मकसद होय सकासेत। उनना ओना मौका को साठी चरच ला धनवाद देवन को लाई काम करीन। जो उनना होतिन जबा उनना आयकिन का उ जेल मा धाड़ियो होतो \xt 4:10-19 \xt* उनना जेल मा उनकी हाल मा उनला बढ़ावा देईन अना तीमुथियुस अना एपाफरोडिटस ला चरच को बिनती करीन मजे वय उनको सुवागत करेत अना उनको अगुवाई को मान करेत। \xt 2:19-30 \xt*
\iot रूपरेखा
\io1 1. पौलुस फलिप्पीयो मा चरच नमस्कार लेक चिठ्ठी सुरुवात करासे। \ior 1:1-11\ior*
\io1 2. एको मंघा उ हालचाल को बारे मा काही जानकारी अना काही चिंतागीन ला मिलावासे जो ओको कठा से। \ior 1:3—2:30 \ior*
\io1 3. मंग उ ईसाई जिंदगी जीवनो को लाई कई बेवहारिक हुकूम देवासे। \ior 3:1—4:9 \ior*
\io1 4. पौलुस ना फिलिप्पियो चरच को उनको ईनाम को लाई धनवाद देयके अना आपरो नमस्कार धाड़के खतम करीस। \ior 4:10-23\ior*
\c 1
\s भुमिका
\p
\v 1 मसीह यीसु को दास पौलुस अना तीमुथियुस को कन लक, सबच पवीतर लोगहुन को नाव जोन मसीह यीसु मा होयके कलिसीया को मुखिया अना दासगीन को सकट फिलिप्पी नगर मा रव्हसेत। \fig फिलिप्पियों को सहेर|alt="City of Philippi" src="HK00363C.TIF" size="span" copy="Horace Knowles ©" ref="1:1"\fig*
\p
\v 2 आमरो बाबूजी परमेस्वर अना पिरभु यीसु मसीह कन लक तुमला दया अना सान्ती मिलत रव्हे।
\s पौलुस को पिराथना अना धनवाद
\p
\v 3 मि जबा-जबा तुमला हेत करूसेऊ तबा-तबा आपरो परमेस्वर को धनवाद करासेऊ, 
\v 4 अना जबा कभी तुमी सबच को लाई बिनती करूसेऊ, ता हमेसा खुसी को संगा पिराथना करसेऊ। 
\v 5 एकोलाय की तुमी पयले दिवस लक आन के आज तकन साजरो बारता को फैलान मा मोरो संग रव्हसेव। 
\v 6 मोला यो गोस्टी को भरोसा से की जेने तुमी मा साजरो काम सुरू करीसेस वाच ओला यीसु मसीह को दिवस तकन पूरो करेत। 
\v 7 तुमी मोरो मन मा आय बसी सेव, एकोलाय का मि तुमी सब को लाई असोच बिचार करूसेऊ अना मोरी संग बंधन मा रव्हन मा अना साजरो बारता को लाई जवाब अना सबुती देवनो मा तुमी मोरो संगा धरमी अना दया मा संगी सेव। 
\v 8 ऐमा परमेस्वर मोरो गवाह से का मि मसीह यीसु को जसी माया राखके तुमरो सबको मोठो लालसा करासेऊ।
\p
\v 9 मि यो पिराथना करासेऊ का तुमरो माया गियान अना सप्पा तरीका को अक्ल सकट अखीन भी बड़त जाय। 
\v 10 यहान तकन का तुमी साजरो लक साजरो गोस्टीहुन ला चहेतो जाननो, अना मसीह को दिवस तकन खरो बनयो रव्हो अना परख नोको जावनो। 
\v 11 ओना धरमिपन को फर लक जोन यीसु मसीह को कन लक होवासेत, भरपुर होवत जावो जोको काजी परमेस्वर को महिमा अना बड़ाई होवती रह।
\s पौलुस को बँदी रव्हन लक साजरो बारता को बड़ावा
\p
\v 12 अगा भाऊगीन मि चाव्हसेऊ का तुमी जानलेव का मोरो पर जोन बीतयो से, ओकोलक साजरो बारता को बड़ावा भयी से। 
\v 13 यहान तकन का कैसर को राजभवन को सप्पा जनता अना बचयो सब लोकगीन मा यो दिसयो से। का मि मसीह मा बंधन मा सेव। 
\v 14 मोरो बेड़ी मा होवन को काजी उन मा लक कई लोकगीन पिरभु मा जोन मोरा भाऊ सेत, भरोसा बांधके परमेस्वर को बचन बिन डर को आयकावान को अखीन भी हिम्मत करासेत।
\p
\v 15 काही ता छल अना झगड़ा को काजी मसीह को परचार करासेत अना काही भलो मरजी को काजी। 
\v 16 कई एक गीन ता असो जानके का मि साजरो बारता को लाई जवाब देवन को लाई राखयो गयो सेव, माया लक परचार करासेत। 
\v 17 अना कई एक ता सीधोपन लक नही पर बिरोध लक मसीह को कथा आयकोवासेत, असो सोचके का मोरो बंधन मा होवनो लक मोरो लाई संकट पैदा होहेत।
\p
\v 18 ता का भयो? चाव्ह यो का हर तरीको लक, चाव्ह बहान लक चाव्ह खरो रूप लक, मसीह को कथा आयकावायो जावसे, अखीन मि एकोलक खुस सेव अना खुस रहूँ भी।
\s जित्तो रव्हनो मसीह से
\p
\v 19 काहेका मि जानसेऊ का तुमरो पिराथना लक, अना यीसु मसीह को आतमा को दान कन लक एको फर मोरो सूटकारा होहे। 
\v 20 मि यो खुल्लो दिल लक मनसा अना आसा राखासेऊ का मि कोनी गोस्टी मा नोको सरमाऊ, पर मोरो तन लक हमेसा मसीह को बड़ाई मोठो ताकत लक होत रव्हे, अबा मि चाव्ह जित्तो रव्हु या मर जाहुँ, पर वसोच बड़ाई होवतो रव्हे। 
\v 21 काहेकि जित्तो रव्हनो मसीह से, अना मर जावनो फायदा से। 
\v 22 पर अदी तन मा जित्तो रव्हनोच मोरो काम को लाई फायदामन्द से ता मि नही जानासेऊ का कोन ला बेचूँ। 
\v 23 काहेकि मि दुही को बीच मा अथपर मा टँगीसेऊ; मरजी ता चलासे का हिटके मसीह को जवर जाऊ, काहेकि यो लगतच साजरो से। 
\v 24 पर आँग मा रव्हनो तुमरो काजी अखीन जरूरी से। 
\v 25 एकोलाय मोला असो भरोसा से ऐना रिती लक मि जानासेऊ की मि जित्तो रहुँ, अना तुमी सब को सँग रहुँ एना रिती लक तुमी भरोसा मा पक्को होता जाव अना ओमा खुसी रव्हो। 
\v 26 अखीन तुमी मोरो बारे मा जोन घमन्ड करोसो, मंग उ मोरो तुमरो जवर आवन को मंघा मसीह यीसु मा लगत बड़ जाये।
\p
\v 27 एतरो करो का तुम्हारा चाल-चलन मसीह को साजरोबारता को काबिल होय का चाव्ह मि आयके तुमला चोऊ, चाव्ह नही आऊँ, तुमरो बारे मा योच आयकू का तुमी एकच आतमा मा पक्को सेव। अना एक चित्त भयके साजरो बारता को भरोसा को लाई मेहनत करत रव्हना। 
\v 28 अना कोनी गोस्टी मा बिरोधिगीन लक भय नही खावासो। यो उनको लाई सत्यानास को खुल्लो हिदान से, पर तुमरो लाई मुकती को अना यो परमेस्वर कन लक से। 
\v 29 काहेका मसीह काजी तुमी पर यो दया भयी का नाच ओको पर भरोसा करो पर ओको लाई दुख भी उचलो। 
\v 30 तुमला वसोच मेहनत करनो से, जसो तुमी ना मोला करता चोयोसेव, अना अबा भी आयकासेव का मि वसोच करूसेऊ।
\c 2
\s मसीह की रहम अना मोठो दिल
\p
\v 1 ऐना तरीका लक अदी मसीह मा काही सान्ती, अना माया लक हिम्मत, अना आतमा को संगती अना काही करूना अना दया से, 
\v 2 ता मोरो यो खुसी पूरी करो का एकच मन रव्हो, अना एकच माया, एकच चित, एकच मनसा एकच बिचार राखो। 
\v 3 बिरोध अना बनावटी बड़ाई को लाई काही नोको करो, पर दीनता लक एक दुजो ला साजरो समझो। 
\v 4 हर एक आपरो हित को नही, पर दुजो को हित को भी चिन्ता करेत। 
\v 5 जसो मसीह यीसु को बिचार, सुभाव होतो वसोच तुमरो भी सुभाव होय।
\q1
\v 6 जेना परमेस्वर को खुदच रूप मा होयके भी,
\q2 परमेस्वर को बरोबर होवन को आपरो बस मा राखन को चीज नही समझीस।
\q1
\v 7 पर आपरो खुदच ला काही नही असो कर देईस,
\q2 अना दास को खुदच रूप धारन कर लेईस,
\q1 अखीन गरीब मानूस को,
\q2 जसो बन गयो।
\q1
\v 8 अखीन मानूस को रूप मा आयके आपरो आप ला खुदच दिनहिन कर लेईस, अना यहान तकन हुकूम मानन वालो रहयो की मिरतु हव,
\q2 कूरूस को मिरतु ला सह लेईस।
\q1
\v 9 एने काजी परमेस्वर ना ओला लगत मोठो कर देईस,
\q2 अना ओला उ नाव दे दियो जोन सबच नावगीन मा वरता से।
\q1
\v 10 काहेका जोन सरग मा अना धरती मा अना पाताल मा से,
\q2 वय सबच यीसु को नाव,
\q2 पर टोंगरा टेकेत।
\q1
\v 11 अना परमेस्वर बाबूजी को बड़ाई को साठी हरेक जुबान कबुल करेहेत का,
\q2 यीसु मसीह च पिरभु से।
\s संसार मा उजाडो जसो चमको
\p
\v 12 एकोलाई अगा मोरो चहेतो, जेना तरीका लक तुमी हमेसा लक हुकूम मानतो आयासेव, वसोच अबा भी नही केवल मोरो संग रव्हत हुयो पर खास रुप लक अबा मोरो दुहूर रव्हन पर भी भेव लक अना कापत हुयो आपरो-आपरो मुकती को काम पूरो करत जावो; 
\v 13 काहेकि परमेस्वर च से जोन ना आपरी साजरो मरजी को लाई तुमरो मन मा मरजी अना काम, दुही गोस्टी को करन को असर डाकीसेस। 
\v 14 सबच काम बगर कोसे अना बगर बिवाद को करने। 
\v 15 मजे तुमी निरदोस नेक अना सीधो होयके टेड़ो अना जिद्दी लोकगीन को बीच परमेस्वर को बेकसूर औलाद बनया रव्हो, जिनको बीच मा तुमी जिंदगी को बचन लियो हुयो संसार मा जलतो दियो को जसो दिससो।
\p
\v 16 की मसीह को दिवस मोला घमन्ड करन को काजी होय की न मोरो दौड़ अना मोरो मेहनत करनो बेकार भयो।
\p
\v 17 अदी मोला तुमरो भरोसा रुपी बलिदान अना सेवा को संगा आपरो खून भी बोहानो पड़ेह, मंग भी मि खुस सेऊ अना तुमी सब को संगा खुसी मनावसेऊ। 
\v 18 वसोच तुमी भी खुसी मनावो अना मोरो संगा खुस रव्हो।
\s तीमुथियुस अना इपफ्रुदीतुस
\p
\v 19 मोला पिरभु यीसु मा आस से की मि तीमुथियुस ला तुमरो जवर तुरुतच धाड़ुह, जोकोलक तुमरो दसा आयक के मोला सान्ती मिलेह। 
\v 20 काहेकि अता मोरो जवर कोनी असो नाहती जो सुध्द मन लक तुमरी चिन्ता करहे। 
\v 21 काहेकि सबच आपरी सुवारत को खोज मा रव्हसेत, नाच यीसु मसीह की। 
\v 22 पर ओला ता तुमीना ता परखया सेव, अना जानच लेईसेव, की जसो टूरा बाबूजी को संगा करासे, वसोच ओना साजरो बारता को फैलावन मा मोरो संगा सेवा करीसेस। 
\v 23 एकोलाई मोला आस से का जसोच मोला जान पड़हेत का मोरी का दसा होहे, तसोच मि ओला तुरंत च धाड़ देहुँ। 
\v 24 अना मोला पिरभु मा भरोसा से की मि खुदच जल्दीच आहू।
\p
\v 25 पर मिना इपफ्रुदीतुस ला जोन मोरो भाऊ अना संगकरमी अना संग को पेरीत अना तुमरो दूत अना कामवारी गोस्टी मा मोरी दास से, तुमरो जवर धाड़नो जरुरी समझियो। 
\v 26 काहेकि ओको मन लगत तुमी सबच मा लगयो होतो, यो काजी उ बैचेन रव्हत होतो, काहेकि तुमी ना ओकी बीमारी को हाल आयकिया होतो। 
\v 27 बाकई मा उ बीमार ता होय गयो होतो यहान तक का मरन पर होतो, पर परमेस्वर न ओको पर दया करीसेस, अना नाच केवल ओको पर, मोरो पर भी की मोला सोक पर सोक नही होहे। 
\v 28 एकोलाई मिना ओला धाड़न को अखीन भी कोसिस करियो की तुमी ओला मंग भेटके खुसी भयी जावो। अना मोरो भी सोक घट जाहे। 
\v 29 एकोलाई तुमी पिरभु मा ओला लगत खुसी को संग भेंट करने अना असोहुन को मान करने। 
\v 30 काहेकि उ मसीह को काम को लाई आपरो परान पर मुसीबत उचलके मिरतु को जवर आय गयो होतो मन्जे जोन घटी तुमरो कन लक मोरी सेवा मा हुयी ओला पूरो करो।
\c 3
\s खरो धारमिकता
\p
\v 1 एकोलाई अगा भाऊ मोला तुमला यो घड़ी-घड़ी लिखनो मा, काही दुख नही होवा का पिरभु मा खुसी रव्हो। काहेकि ऐमा तुमरो रक्सा होवासे। 
\v 2 कुतरा गीन, बुरो करनवारा गीन अना खोटो खतना लक सजग रव्हो। 
\v 3 खरो खतना वारा ता आमिच सेजन जोन परमेस्वर को आतमा मा भगती करसेजन, मसीह यीसु पर घमन्ड करसेजन अना तन पर भरोसा नही राखासेजन। 
\v 4 मि ता तन पर भरोसा राख सकत होतो। अदि कोनी को तन पर भरोसा राखन को बिचार से ता मोला ओकोलक कही लगत होय सकासे। 
\v 5 आठवो दिवस मोरो खतना भयो। इसरायल जाति को बिन्यामीन गोत को सेऊ। इबरानी हुन को इबरानी, नियम को कानुन पालनो को नजर लक फरिसी सेऊ। 
\v 6 कट्टरता को बारेमा मि कलीसिया को खूब सतावन वालो अना मोसे को नियम को धरमिपन को कन लक खरो अना निरदोस होतो। 
\v 7 पर जोन गोस्टी मोरो फायदा को होती उनला च मिना मसीह को काजी हानि समझ लेईसेउ। 
\v 8 एकोलक बड़के मि आपरो पिरभु यीसु मसीह को गियान को मोठो महिमा को काजी सबच गोस्टी ला बेकार समझासेउ। जोको काजी मिना सब चीजगीन को हानि उचली सेऊ। 
\v 9 मि ओनो धरमिपन लक मसीह मा पायो जाऊ जो मोसे को नियम लक नही पैदा होवासे पर मसीह पर बिस्वास करन लक मिलासे, मजे ओनो धारमिकता लक जो केवल भरोसा को साठी परमेस्वर लक मिलासे। 
\v 10 का मि ओको मिरतु को समानता ला पाय सकुह, जोकोलक ओको अना ओको जित्तो उचलन को ताकत ला अना ओको संगा दुखहुन मा संग होवन को भेद ला जान लेहुँ। 
\v 11 का मि भी मरयो हुयो को मंग लक जित्तो होवन ला पाय सकु।
\s मसीहगीन लाई निसाना
\p
\v 12 यो नही की मोला मिल गयो से या पक्को होय गयो सेऊ पर मकसद ला पुरो करन लाई पुढा बड़त जावासेऊ जोन को लाई मसीह यीसु ना मोला धरयो होतो। 
\v 13 अगा भाऊगीन, मोरो सोच असो नहोय की मि पाय लेईसेउ पर यो एक काम करासेऊ की जो गोस्टी मंघा रव्ह गयीसेत, उनला भुलके पुढा को गोस्टी को कना बड़तो हुयो 
\v 14 निसाना कना धाव रहीसेऊ का उ ईनाम पाहुँ जोको लाई परमेस्वर ना मोला मसीह यीसु मा वरता हाकलीसेस।
\p
\v 15 एकोलाई आमी मा लक जेतरो पक्को सेत योच बिचार राखेत, अना कोनी गोस्टी मा तुमरो अलग-अलग बिचार सेत ता परमेस्वर वोला भी तुम पर आन दिसाय देहे। 
\v 16 जेना नाप तक आमी पहुच गयी सेजन ओनाच लक आचरन करबिन।
\p
\v 17 भाऊगीन तुमी सब मिलके मोरो जसो चाल चलो। अना उनला धियान लक दिसो, जोन ऐना रिती लक चलसेत। जेनको नमुना तुमी आमी मा दिससो। 
\v 18 काहेका मि तुम लक कई लोक खोटो चालचलन राखसेत। पुढा कई गन कव्ह चुकी सेऊ अना अबा भी रोय-रोय के कव्हसू की असा लगत सेत, जोन आपरो चाल चलन अना सुभाव लक मसीह को कूरूस को दुस्मन सेत। 
\v 19 उनको खातमा नास से, उनको पोट देवता से, वय आपरो बेसरमी को गोस्टी ला महिमा करासेत अना संसारिक चीजगीन पर मन लगाय रव्हसेती। 
\v 20 पर आमरो रव्हन साठी जघा सरग मा से, जहान लक आमी सुटकारा करनवालो पिरभु यीसु मसीह को आवन को रस्ता बड़ी बेसबरी लक कर रहया सेजन। 
\v 21 उ आपरी ताकत को असर लक जेनको लक उ सबच चीजगीन ला आपरो बस मा कर सकासे, आमरो दुखी तन सुखी तन को रूप बदल के, आपरो महिमा वालो तन जसो बनाय देहे।
\c 4
\p
\v 1 एकोलाई अगा मोरो चहेतो भाऊ तुमी जोन मोरो आँनद अना मुकुट सेव, तुमला चोवन ला मोरो जीव तरससे, हे चहेतोगीन, पिरभु मा ऐना रिति पक्को रव्हो।
\s बरताव की सिक्सा
\p
\v 2 मि यूओदिया अना सन्तुखे दुही ला बिनती करासेऊ की वय पिरभु मा एक मन एक बिचार रव्हे। 
\v 3 अगा मोरो खरो संग करमी, मि तोला लक भी बिनती करासेऊ की तु ऐना आई माईगीन को सहायता करजोस जिन्होसीन मोरो संग अना क्लेमेन्स अना मोरो अखिन संग करमी सकट जिनको नाव जीवन को किताब मा लिखयो से, साजरो बारता को साठी मेहनत करीसेस।
\p
\v 4 पिरभु मा हमेसा खुसी मनाव, मि मंग कव्हसू की खुसी मनाव।
\p
\v 5 तुमरो कोमलता सब भला मानूस पर दिसायी जाहे। पिरभु जवर सेस। 
\v 6 कोनी भी गोस्टी को चिंता नोको करहो, पर हरेक गोस्टी मा पिराथना अना निवेदन लक तुमरो बिनती, धनवाद को संग परमेस्वर को पुढा पेस कियो जाहे। 
\v 7 तबा परमेस्वर को सान्ती, जो समझ लक हटके से, तुमरो हिरदय अना तुमरो बिचारहुन ला मसीह यीसु मा संभालके राखे।
\p
\v 8 एकोलाई हे भाऊगीन जोन-जोन गोस्टी खरो सेत, अना सुहानो मान भाव को सेत अना जोन-जोन नियाव वारो सेत, जोन-जोन गोस्टी पवीतर सेत, जोन-जोन गोस्टी मन ला खुस करासेत अना साजरो अना बड़ाई वालो सेत उन ला मन लगाय राखो। 
\v 9 जोन काही तुमना मोरो लक सीखयासेव अना अपनायो सेव, आयकिया अना चोयासेव, उनको मंघा चलोह अना परमेस्वर जो सान्ती को सोता से, तुमरो संगा रह।
\s दान को लाई धनवाद
\p
\v 10 मि पिरभु मा लगत धनवाद देवसेऊ का एतरो दिवस को मंघा मोरो लाई तुमरो चिन्ता मंग लक जाग गयी से। एमा बगर संका को पयलेच तुमला मोरो चिन्ता होतो पर यो बिचार ला सांगन लाई मौका नही मिलयो। 
\v 11 मि आपरो कोनी कमी को लाई यो नही कव्हसू, काहेका मिना हरेक हाल मा संतोस रव्हनो सीक लेईसेउ। 
\v 12 मि हिनो दसा अना भरयो पुरयो दसा मा रव्हनो जानासेऊ, हरेक गोस्टी अना हरेक हाल मा मिना संतोस होवनो भुखो रव्हनो अना घटनो बढनो सीक लेईसेऊ 
\v 13 जो मोला ताकत देवासे ओको लक मि सबच काही कर सकासेउ।
\p
\v 14 मंगच तुमना भलो करयासेव का मोरो दुख मा संगी रहयात। 
\v 15 अगो फिलिप्पिन हुन, जसो का तुमी खुदच जानासेव, साजरो बारता को पिरचार को काम मा जबा मि मकीदुनिया लक सार भयो ता तुमला छोड़ कोनी अखिन कलीसिया लेवन देन को बारे मा मोरो संगा सामिल नही भयी। 
\v 16 ऐना रिती लक थिस्सलुनीके नगर मा भी तुमना मोरो सहायता को लाई एकच गन नहि, पर कई गन धन धाड़यात। 
\v 17 यो गोस्टी नोहोय की मि धन चाव्हसेउ, पर असो फर चाव्हसेउ जोन तुमरो लाभ को लाई बड़तो जाये। 
\v 18 मोरो जवर सब काही से अना लगत से। तुमना इपफ्रुदीतुस को हात लक जोन दान धाड़ीसेव वोला पायके मि संतोस सेऊ। उ ता मन ला खुस कर देवन वालो खुसबु अना अपनायो जावन वालो बलिदान से, जोको लक परमेस्वर खुस होवासे। 
\v 19 मोरो परमेस्वर भी आपरो ओना धन लक जो महिमा सकट मसीह यीसु मा से तुमरो हरेक जरुरत ला पूरी करेत। 
\v 20 आमरो परमेस्वर अना बाबूजी को महिमा जुग-जुग तकन होवत रव्हे। आमेन।
\s आखरी नमस्कार
\p
\v 21 हरेक पवीतर मानूस ला जोन मसीह यीसु मा से, मोरो नमस्कार। जोन मोरो संगी भाऊ से, तुमला नमस्कार कव्हसेजन। 
\v 22 सब पवीतर लोकगीन को, खास रीतीलक कैसर को घराना को, तुमला नमस्कार! 
\v 23 पिरभु यीसु मसीह को किरपा तुमरो आतमा को संग रव्हे।