\id PHM - Powari Standard Project
\ide UTF-8
\h फिलेमोन
\toc3 फिलेमोन
\toc2 फिलेमोन
\toc1 फिलेमोन को नाव पौलुस की चिठ्ठी
\mt2 फिलेमोन के नाव पौलुस का पत्र
\mt1 फिलेमोन को नाव पौलुस की चिठ्ठी
\imt परिचय
\ip फिलमोन को नहानी किताब पेरीत पौलुस कन लक लिख्यो गयी होती \xt 1:1\xt* पौलुस जेल मा होतो जबा ओना एला लिख्यो होतीस, जेको अरथ से का उ सायद रोम लक लिख रहयो होतो। अदी उ रोम मा होतो ता यो ईसा को जलम को लगभग 61 बरस मंघा लिख्यो गयो होहे, जोन का ओनाच बेरा से जबा ओना ईसाई लिख्यो होतो।
\ip उनना यो चिठ्ठी फिलमोन नाव को एक मानूस ला लिख्यो होतो। फिलमोन चरच को एक सदस्य होतो अना एक सेवक को मालीक भी होतो। पौलुस ना ओला यो पुसन को साठी रोकयो का उ आपरो सेवक उनसिमुस ला सजा नोको देहे जोन फिलमोन लक पराय गयो होतो। रोम देस को कानून को कनलक फिलमोन ला उनेसिमुस को मौत को घाट उतारन को हक होतो। पौलुस उनेसिमुस ला ईसाई भाऊ को नाव मा अपनावन को साठी फिलमोन ला बढ़ावा देवन को लाई पौलुस पेरीत तरक ला काम मा आनासे अना यो भी सलाह देवासे का उनेसिमुस ला पौलुस को संगा सेवा करन को अनुमती दियो जाहे। \xt 1:13-14\xt*
\iot रूपरेखा
\io1 1. पौलुस मा फिलमोन को आवभगत करासे। \ior 1:3\ior*
\io1 2. तबा पौलुस उनेसिमुस को कना लक पुसासे का फिलमोन ओला एक ईसाई भाऊ को रुप मा अपनाय लेहे। \ior 1:4-21\ior*
\io1 3. पौलुस यातरा करन साठी आपरो मरजी को ऐलान करके खतम करासे। अना सुब कामना गीनला धाड़ासे। \ior 1:13-14\ior*
\c 1
\s भुमिका
\p
\v 1 मसीह यीसु को बँदी बनयो पौलुस कन लक अना भाऊ तीमुथियुस को कन लक जोन आमरो माया को संग कामकाज करन वालो से, फिलेमोन 
\v 2 अना बहिन अफफिया अना आमरो संगी सैनिक अरखिप्पुस अना फिलमोन को घर की कलीसिया को नाव।
\p
\v 3 आमरो बाबूजी परमेस्वर अना पिरभू यीसु मसीह को कन लक दया अना सान्ती तुमला भेटासे।
\s फिलमोन को माया अना बिस्वास
\p
\v 4 मी फिलमोन सबच बेरा परमेस्वर को धनवाद करुसेउ, अना आपरी पिराथना मा भी तोला हेत करुसेउ। 
\v 5 काहेकि मि तोरो उ भरोसा अना माया को चरचा आयकीसेऊ जोन सबच पवीतर लोकगीन को सँगा अना पिरभु यीसु पर से। 
\v 6 मि पिराथना करासेऊ का भरोसा मा तोरो संगती होवनो तुमरी सप्पा भला को पहिचान मा, मसीह को लाई परभाव डाखन वालो भइ जाहेत। 
\v 7 काहेकि हे भाऊ मोला तोरो माया लक लगत खुसहाली अना सान्ती भेटासे, काहे की तुना परमेस्वर को सप्पा पवीतर लोकगीन को “मन ला हिवरो कर देईसेस।”
\s उनेसिमुस को साठी बिनती
\p
\v 8 यो काजी मि जोन गोस्टी साजरी से, ओकोसाठी अदी मोला मसीह मा मोठयो हिम्मत से, मजे असो करन साठी तुमला हुकूम दियो जाय सके की काजक करनो जरुरी से। 
\v 9 लेकिन मि बुड़गा पौलुस तुमी लक माया करुसु, मि एको अलावा तुमी लक बिनती करुसेऊ। मि असो एकोलाय करुसेउ की मि मसीह यीसु को राजदुत सेव, अना अबा को बेरा मा ओको लाई बँदी सेव। 
\v 10 मि तुमरो लक बिनती करासू। आपरो लेकरा उनेसिमुस को साठी जोन मोरो बंधन मा पैदा भयो से। 
\v 11 उ तो पुढ़ा तुमरो लाई काही काम को नाहोतो, पर अबा तुमरो अना मोरो लाई मोठो काम को से।
\p
\v 12 ओला मजे जो “मोरो दिल को टुकड़ा से,” मि ओला अबा तुमरो कठा लवटाय देईसेऊ। 
\v 13 मि ओला यहान आपरो कठा राखनो चाव्हउसु होतो की उ तोरी कन लक यो बंधन मा जोन साजरो बारता को काजी से, मोरी सेवा करहेत। 
\v 14 पर मिना तोरो मरजी को बिना काही नही करन चाव्हयो, की तोरी यो किरपा दबाव लक नही पर खुसहाली लक होय।
\p
\v 15 काय का मालुम होव्हे की उ तोरो लक काही दिवस को साठी यो कारन लक अलग भयो की हरामेसा तोरो कठा रहेत। 
\v 16 पर अब लक दास को जसो नही पर दास लक भी साजरो, मजे भाऊ को जसो रह। जोन मोरो ता खास चहेतो से पर अब देह मा अना पिरभु मा भी, तोरो भी खास पयारो होय।
\p
\v 17 एकोलाय अदी तु मोला आपरो सँगा को संगी समझीसेस, ता ओला असो रीती लक आपनावजो जसो की मोला। 
\v 18 अदी ओना तोरी काही अन्याव करीसेस, या ओको पर तोरो करज आवासेत, ता मोरो नाव लक लिख लेव जोस। 
\v 19 मि पौलुस आपरो हात लक लिखसेउ की मि आपच भर देहू। अना एको कव्हन को काही जरुरत नही की मोरो करजा जोन तोरो पर से, उ तु च आस। 
\v 20 अगो भाऊ यो खुसी मोला तोरो कन लक मिलेह। पिरभू मसीह मा मोरो जी हिवरो कर देहे।
\p
\v 21 मि तोरो हुकूम मानन को भरोसा राखके तोला लिख सेव, अना यो जानासेऊ की जोन काही मि कव्हुसेउ, तु ओको लक कहीं बड़के करजोस। 
\v 22 अना असो भी की मोरो लाई मिजवान खोली तैय्यार राखजोस। मोला आस से की तुमरी पिराथना कन लक मि तुमला दे दियो जाहुँ।
\s अखट्ट नमस्कार
\p
\v 23 एपफ्रास जोन मसीह यीसु मा मोरो सँग बँदी से, 
\v 24 अना मरकुस अना अरिस्तखुरस अना देमास अना लूका जोन मोरो संग काम करनवारा सेत, इनको तोला नमस्कार।
\p
\v 25 आमरो पिरभु यीसु मसीह को दया तुमरो आतमा पर होवती रह। आमीन।