\id MRK - Powari Standard Project
\ide UTF-8
\h मरकुस
\toc3 मरकुस
\toc2 मरकुस
\toc1 मरकुस लक लिख्यो यीसु मसीह को साजरा बारता
\mt2 मरकुस के व्दारा लिखा यीसु मसीह का सुसमाचार
\mt1 मरकुस लक लिख्यो यीसु मसीह को साजरा बारता
\imt परिचय
\ip मरकुस को नवा करार, इंजील को साजरा बारता को चार किताब लक एक से। यो मा यीसु मसीह को जिंदगानी को बारे मा लिख्यो से, साजरी बारता, मजे “साजरा खबर” सेत, “साजरा बारता” को किताब को लेखक, मत्ती, मरकुस, लूका अना योहन सेत। यो किताब यीसु को मरनो को मंघा लिख्यो सेत। मरकुस को किताब चारो साजरा बारता को किताब मा सब लक नहान किताब से। यो भी मसीह को जलम को मंघा 65-70 साल को बीच लिख्यो गयो सेत, काही गियानीगिन अना गजब लोकगीन, को असो माननो से, का यो रोम राज को ईसाईगिन ला बढ़ावा देवन काजी, लिख्यो गयो होतो। योहन, मरकुस, पेरीत पौलुस, अना बरनबास को एक सँगी होतो, पर जब वोला आपरो मिसनरी या मा वय संग नही ले गईन। तबा वोको मान ला गजब चोट लगयो, मजे बेइज्जती जसो लगन लगयो होतो \xt पेरीत 13:13\xt* मंग मरकुस बरनबास को संगा या मा ले गयो। \xt पेरीत 15:37-39\xt* मरकुस अना पतरस दुई। \xt 1 पतरस 5:13\xt* गाढो संगी होतिन। यो यीसु के जीवन ला डोरा लक नही चोवयो होतो। गियानी को माननो सेत का मरकुस ला पतरस ना जोन गवाही दियो होतो। वोच यो साजरा बरता को आधार सेत। साजरा बारता को आखीर मा मरकुस ना यीसु को आखीर सिक्सा चेला बननो पर आधारित सेत।
\ip मरकुस लक लिखयो सजरा बारता को दोन बिसय मजे, यीसु को सच्चो चेला बननो या आखट्ट को भबिस्य को बारे मा यीसु लक दियो गयो सिक्सा।
\ip मरकुस लक लिख्यो सजरा बारता मा यीसु ला नरम सेवक या आपरो बाप को इक्सा पुरो करनो मा हमेसा तैयार, असो परमेस्वर ला यो दोन रुप मा दरसा यो गयो से, यो साजरा बारता को अखट्ट यीसु को चेला गीनला दियो गयो महान आदेस से।
\iot रूपरेखा
\io1 1. मरकुस को किताब को भुमिका \ior 1:1-13\ior*
\io1 2. यीसु को यातरा को बारे मा मरकुस लिख्यो से। जबा उ मा गलील नगर मा होत्यो \ior 1:14—9:50 \ior*
\io1 3. यीसु ना यरुसलेम नगर की यातरा को बारे मा सांगीस \ior 10:1—12:44\ior*
\io1 4. यरुसलेम नगर मा यीसु को बेरा मा, वोकी खबर। \xt 13:1-37\xt*
\io1 5. मरनो अना जित्तो होवनो अना आखरी सिक्सा लक लिखनो खतम होवासे। \ior 14:1—16:20\ior*
\c 1
\s योहन बप्तिस्मा देवनवालो को परचार
\r (मत्ती 3:1-12; लूका 3:1-18; योहन 1:19-28)
\p
\v 1 यो परमेस्वर को टूरा\f + \fr 1:1\fr*\ft परमेस्वर को टूरा\ft*\f* यीसु मसीह को साजरा बारता से। 
\v 2 येको सुरुवात जसो की यसायाह भविस्यवक्ता को किताब मा लिखयो गयो होतो। की आयको,
\q1 परमेस्वर ना कहीस “मि एक दुत ला धाड़ूसू,
\q2 जो तोरो लाई रास्ता सुधारेत।”
\q1
\v 3 “बियाबान मा कोनी हाकल रहयो होतो,
\q2 की पिरभु को गाडादान ला तैय्यार करो अना
\q2 ओको पगदन्डी ला सीधो करो।”
\p
\v 4 एकोलाय योहन आयो, अना मुनादी करयो “आपरो पाप लक मन हटाव अना बप्तिस्मा लेव, तब परमेस्वर तुमरो पाप ला छिमा करयेत।” 
\v 5 अना यहुदिया छेतर लक अना यरुसलेम नगर का गजब सा रव्हन वारा हिटके योहन जवर आइन। अना आपरो पाप ला मानके यरदन नदी मा लक बप्तिस्मा\f + \fr 1:5 \fr*\ft पानी मा बुड़की लगावनो\ft*\f* लेइन।
\p
\v 6 योहन ऊट को चुन्दी को कपरा घालत होतो। अना आपरी कमर मा चमड़ा को पट्टा बान्धत होतो। अना फाफा\f + \fr 1:6 \fr*\ft जंगली किड़ा या एक परकार को सेंगा\ft*\f* सहेद जेवत होतो। 
\v 7 अना यो परचार करत होतो की “मोरो मंघा उ आवन वालो से जो मोरो लक ताकतवर से। मि यो काबिल नही सेऊ, की नवके ओको सेन्डिल की दोरी खोलू। 
\v 8 मि तो तुमला पानी लक बप्तिस्मा देसू पर, उ तुमला पवीतर आतमा\f + \fr 1:8\fr*\ft परमेस्वर को आत्मा जोन निराकार रुपमा मानूस को हिरदय मा काम करा से, अना परमेस्वर को जघा मा होयके काम करा से।\ft*\f* लक बप्तिस्मा\f + \fr 1:8\fr*\ft पाप को लाय मरनो अना भलो काम को लाय जिवनो।\ft*\f* देहे।”
\s यीसु को बप्तिस्मा अना परिक्सा
\r (मत्ती 3:13—4:11; लूका 3:21-22; 4:1-13)
\p
\v 9 ओना बेरा मा यीसु ना गलील छेतर को नासरत नगर लक आयके, यरदन नदी मा योहन लक बप्तिस्मा लेइस। 
\v 10 जसोच यीसु पानी लक हिटीस वसोच बादल उघड़तो हुयो अना पवीतर आतमा परेवा को जसो ओको वरता उतरतो चोवीस। 
\v 11 अना बादल लक आवाज भई “की तु मोरो चहेतो टूरा आस, तोरो लक मि बेहद खुस सेउ\x - \xo 1:11\xo*\xt मत्ती 12:18; मरकुस 9:7\xt*\x*।” 
\v 12 तबा परमेस्वर की पवीतर आतमा ना गदने ओला जंगल कन ले गयो। 
\v 13 अना जंगल मा चालीस दिवस तकन सैतान ना ओकी परिक्सा लेईस, अना उ जंगल-को जनावर को संग रहयो; अना सरगदूत ओकी सेवा करता रहीन।
\s यीसु को सेवा को सुरुवात
\r (मत्ती 4:12-17; लूका 4:14-15)
\p
\v 14 योहन ला जेल मा डाकनो को मंघा, यीसु ना, गलील छेतर मा आयके, परमेस्वर को राज को साजरा बारता ला परचार करन लगयो। 
\v 15 अना कव्हयो “बेरा भई गई से, परमेस्वर को राज कठा आय गई से पाप ला छोड़ो\x - \xo 1:15\xo*\xt मत्ती 3:2\xt*\x* अना साजरा बारता पर भरोसा राखो।”
\s चार ढीमर ला हाकलनो
\r (मत्ती 4:18-22; लूका 5:1-11)
\p
\v 16 गलील को झील को कगर जावत-जावत, ओना समौन अना ओको भाऊ अन्दिरयास ला झील मा जाल डाकत देखीस, काहेकि वय ढिमर होतीन। 
\v 17 अना यीसु ना उन लक कहीस “मोरो मंघा आव! ता मि तुमला मसरी धरन की जघा लोकगीन ला परमेस्वर को राज मा आननो सिकाहु।” 
\v 18 वय गदने जाल ला सोड़के ओको मंघा भय गईन।
\p
\v 19 काही दूहुर जायके ओना जबदी को टूरा याकूब, अना ओको भाऊ योहन ला, नाव मा जाल ला सुधारता चोविस। 
\v 20 ओना गदने उनला हाकलीस, अना वय आपरो बाबूजी जबदी ला बनिहार को सँग नाव पर सोड़के, यीसु को मंघा चली गईन।
\s यीसु बुरो आतमा वालो मानूस ला साजरो करनो
\r (लूका 4:31-37)
\p
\v 21 यीसु अना चेलागीन कफरनहुम नगर मा आइन। अना उ गदने यहुदी गीन को बिसराम को दिवस मा पिराथना घर\f + \fr 1:21\fr*\ft यहुदि गिनको पिराथना घर \ft*\f* मा जायके सिक्सा देवन लगयो। 
\v 22 अना लोक गीन ओको सिक्सा लक चकित भईन, काहे की उ उनला मोसे को नियम को गुरू जसो नही, पर अधिकार लक सिक्सा देवत होतो।\x - \xo 1:22\xo*\xt मत्ती 7:28-29 \xt*\x*
\p
\v 23 अना ओनो बेरा, यहुदीगीन को सभाघर मा एक मानूस होतो। जोनमा एक भुत होतो। 
\v 24 ओना चिल्लायके कव्हयो “ओ यीसु नासरी हमरो लक तोरो काजक काम से? का तु आमीला नास करन ला आईसेस? मी तोला जानासू, तू कोन आस? परमेस्वर कन लक धाड़ो गयो पवीतर मानूस आस!”
\p
\v 25 यीसु ना भूत-पलीत ला डटकार के कहीस “उघो-मुघो रव्ह, अना ओमा लक हिट जाय।”
\p
\v 26 तबा भुत ओला मरोड़ के अना मोठो आवाज लक बेमीया के ओमा लक हिट गयो। 
\v 27 एको लाई सब लोकगीन अचंभा करता हुया आपस मा गोस्टी करन लगीन की “यो कसो गोस्टी आय? यो तो कोनी नवो सिक्सा से? उ अधिकार को संग भुत ला भी हुकूम देवासे, अना वय ओको हुकूम मानासेती।”
\p
\v 28 एकोलाय या गोस्टी गलील छेतर को इतानी-उता लगत देस मा फैल गयो।
\s लगत सा रोगीगीन ला चांगलो करनो
\r (मत्ती 8:14-17; लूका 4:38-41)
\p
\v 29 जसोच यीसु पिराथना घर चेलागीन याकूब अना योहन को संग समौन अना अन्दिरयास को घर आयो। 
\v 30 समौन की सासु बीमारी लक खाट मा लेटी होती एकोलाय वोको बारे मा यीसु ला सांगिन। 
\v 31 तबा ओना जवर जायके ओको हात धर के ओला उचलीस अना ओको बुखार उतर गयो अना वा वोकी सेवा करन लगि।
\p
\v 32 झुलाखाली जबा दिवस बुडतो बेरा भय गयो तो लोक सब बीमार ला अना जिनमा भुत आतमा होतीन यीसु को जवर आनीन। 
\v 33 अना नगर को सप्पा लोकगीन बेसकुड़ को जवर एकठ्ठो भइन। 
\v 34 अना यीसु लगत लोकगीन जोन गजब-गजब को बीमारी\f + \fr 1:34\fr*\ft रोग से\ft*\f* लक परेसान होतीन, उनला साजरो करीस, अना लगत बुरो आतमा ला हेड़िस। पर उनला बोलन लक मना करीस। काहे की वय ओला चिन्हत होतीन।
\s एकलो मा यीसु को पिराथना करनो
\r (लूका 4:42-44)
\p
\v 35 यीसु पहट को बेरा दिवस हिटन लक लगत पुढा, जाग के हिटयो, अना एकांत जघा मा गयो, उता पिराथना करन लगयो, 
\v 36 तबा समौन अना ओको संगी ओला ढुंढन ला गईन। 
\v 37 जबा उ मिलयो, तो ओको लक कहिन “की सब लोक तोला ढुंढ रही सेत।”
\p
\v 38 ओना उन लक कहीस “आव हमि अखीन कोनी गांव-बस्ति मा जाबिन, की मि उता भी साजरा बारता सांगु, काहे की मि परचार करन लाई आइसेव।”
\p
\v 39 अता उ सप्पा गलील छेतर मा यहूदी गीन को पिराथना घर मा जायके गोस्टी सांगत होतो अना बुरो आतमा ला हेड़त होतो।\x - \xo 1:39\xo*\xt मत्ती 4:23; 9:35\xt*\x*
\s कोढ को रोगी ला साजरो करनो
\r (मत्ती 8:1-4; लूका 5:12-16)
\p
\v 40 एको मंघा एक कोढी यीसु कठा आयके ओको लक बिनती करन लगयो अना ओको पुढा टोघरा टेकके कव्हयो! “यदि तु चाव्हसेस तो मोला साजरो कर सकसेस।”
\p
\v 41 ओना ओको पर दया करके हात बड़ाइस, अना ओला छुयके कहीस “मि चाव्हसू की तु साजरो होय जाय।” 
\v 42 अना ओको कोढ सजरो भय गयो अना उ साजरो भय गयो। 
\v 43 तबा यीसु न चेताय के वोला सार करीस। 
\v 44 मंघा ओको लक कहीस “आयक! कोनी ला काही नोको कव्हजोस। पर जायके आपरो आप ला याजक\f + \fr 1:44\fr*\ft अरपन करन वालो पुजारी\ft*\f* ला दिखाजोस, अना आपरो साजरो होवन को बारे मा जो काही मोसे ना ठहराईसेस, ओला चढावा चढाजोस, का उनला गवाही भई जाय।”
\p
\v 45 पर उ जयके यो गोस्टी ला लगत सांगन लगयो अना यहान तकन परचार भयो। की यीसु मंग खुल्लम-खुल्ला नही फिरयो। पर बाहेर जायके जगंली जघा मा रहयो। अना चारो कन लक लोक ओको जवर आवत होतिन। अना कोनी मोठयो नगर मा नही जाय सकयो।
\c 2
\s यीसु न लकवा रोगी ला चांगलो करनो
\r (मत्ती 9:1-8; लूका 5:17-26)
\p
\v 1 काही दिवस को बाद यीसु मंग कफरनहुम नगर मा आयो, अना असी खबर फैल गई का पहले जाहन यीसु रुकत होतो वोनच घर मा यीसु आयो से। 
\v 2 मंग एतरो लोक इकठ्ठो भईन की किवाड़ को जवर पाय राखन लाय जघा नही होती अना यीसु उनला साजरा बारता आयकन लगयो। 
\v 3 अना चार मानूस एक लकवा को मारयो हुयो ला, ओको कठा आनीन। 
\v 4 पर जबा वय जमघट को कारन ओको जवर नही पहुच सकीन, ता जोन छपरी मा यीसु होतो वोको सड्डन ला उघाड देईन। अना जोन खाट मा लकवा को मारयो हुवो होतो वोला वय उतार देईन। 
\v 5 यीसु ना उनको भरोसा देखिस अना उ लकवा को मारो हुयो ला कहीस “ओ टूरा, तोरो पाप छिमा भईन।”
\p
\v 6 वहान पर काही मोसे को नियम को गुरू जी गीन उता बसी होतिन वय आपरो-आपरो मन मा सोचन लगीन। 
\v 7 की “यो मानूस असो काय लाई कव्हसे? यो ता परमेस्वर की निन्दा करासे। परमेस्वर ला सोड़ कोनी पाप ला छिमा कर सकासे”
\p
\v 8 गदने यीसु ना आपरो आतमा मा जान लेइस, वय आपरो मन मा असो विचार कर रही सेत, एकोलाय यीसु न कहीस “तुमी असी गोस्टी कायला सोचासेव” 
\v 9 का वोको लक यो कव्हनो खरोसे का, तोरो पाप छिमा भयो, या का यो कव्हनो, ज्यादा सरल से? “का अपरी खाट उचल” अना चल ? 
\v 10 पर जेनको लक तुम जान लेव की “मी मानूस को टूरा\f + \fr 2:10\fr*\ft मानूस को टूरा\ft*\f* ला धरती पर पाप छिमा करन को भी हक से।” ओना ओनो लकवा को रोगी लक कहीस, 
\v 11 “मि तोला कहुँसू की उठ, आपरी खाट उचल अना आपरो घर ला जाय।”
\p
\v 12 उ गदने उठयो अना आपरी खाट ला उठायके, सबको पुढा लक हिटके चलो गयो, एतरो पर सबच अचंभा करन लगीन अना परमेस्वर को बड़ाई करता हुया, यो कव्हन लगीन “की आमी ना असो कभी नही चोयो।”
\s यीसु ना लेवी ला हाकलनो
\r (मत्ती 9:9-13; लूका 5:27-32)
\p
\v 13 मंग यीसु हिटके गलील झील को किनार मा गयो अना सिक्सा देवन लग्यो, तबा सप्पा भीड़\f + \fr 2:13\fr*\ft जनता\ft*\f* ओको जवर आई। 
\v 14 जात-जात उ ना हलफई को टूरा लेवी ला, जमा पटान की नाका मा बस्यो चोवयो, अखीन उ वोको लक साग्यो “मोरो मघा आव।” ता उ ओको मंघा भय गयो।
\p
\v 15 लेवी को, घर मा जबा यीसु जेवन कर रहयो होत्यो, वहान पर लगत सा जमा वसूल करन वारो पापी अना चेला गीन, वोको मंघा आवन वालो सब लोकगीन वोको संग जेवन मा बसया होतीन। 
\v 16 फरिसी अखीन यहूदि मोसे को नियम को गुरू, ना यो चोयके की उ ता पापी गीन अना जमा वसुलन वारो को संग जेवन करासे, ओको चेला गीन ला कहिन “यीसु जमा वसुलन वालो अना पापगिन को संग काहे खावासे पिवासे।”
\p
\v 17 जबा यीसु आयकिस ता असो कव्हन लगयो “साजरो गीनला बईद\f + \fr 2:17 \fr*\ft डाक्टर \ft*\f* को काजक जरुरत से? पर बीमार\f + \fr 2:17\fr*\ft रोगी \ft*\f* ला से मि नेक मानूस ला नही पर पापी गीन ला हाकलन लाय आयी सेऊ।”
\s उपास को सवाल
\r (मत्ती 9:14-17; लूका 5:35-39)
\p
\v 18 योहन को चेला अना मोसे को नियम को गुरू को चेला उपास करत होतीन, एकोलाय मोसे को नियम को गुरू ओला आयके असो कहिन, की योहन का चेला अना धरमगुरू का चेला काहे उपास राखासेति? पर तोरा चेला उपास नही राखत।
\p
\v 19 यीसु ना उन लक कहीस की “जबा तकन बराती नवरदेव को संग मा रव्हासे, तबा तकन का वय उपास कर सका सेति? नवरदेव को संग बराति भुखा नही रव्ह सकत 
\v 20 पर वय दिवस आहेत की नवरदेव उन लक बेगरो कियो जाहे, ओनो बेरा वय उपास करहेति।”
\p
\v 21 “नयो कपरा को थेगड़ जुनो घालन को कपरा मा कोनी नही लगावासेत; काहे की उ थेगड़ ओमा लक काही खिच डाकहे, मन्जे नयो जुनो लक अखीन उ फट जावासे। 
\v 22 नवा अंगूर को रस ला जुनो चमड़ा को थैला मा कोनी नही राखत नही ता अंगूर रस चमड़ा को थैला ला फाड़ डाकेह अखीन अंगूर रस अना चमड़ा को थैला दुही नास भई जाहे एको लाई नवा अंगूर रस ला नयो चमड़ा को थैला मा भरो जावसे।”\fig अंगूर को रस राखन को थैला|alt="Wineskin bag" src="LB00145C.TIF" size="col" copy="Horace Knowles ©" ref="2:22"\fig*
\s यहुदिगिन को बिसराम दिवस मा सवाल
\r (मत्ती 12:1-8; लूका 6:1-5)
\p
\v 23 असो भयो का उ यहुदीगीन को बिसराम को दिवस मा खेत मा लक भयके जावत होतो अना ओको चेला चलत-चलत बाल\f + \fr 2:23 \fr*\ft गहूँ की बाली\ft*\f* तोड़न लागीन। 
\v 24 तबा फरिसी गीन यीसु लक कहिन “चोय; या लोकगीन मोसे को नियम लक बिसराम को दिवस मा असो कायलाई करयेत जोन साजरो नाहत?”
\p
\v 25 यीसु उनला कव्हन लगयो “का तुमी कबच नही बाचीसेव की जबा दाऊद राजा अना ओको सँगी भुखा होतिन, तबा उनना काजक करी होतिन? 
\v 26 ओना कायलाई अबियातार मुखिया याजक को बेरा, याजक को घर मा जायके, परमेस्वर को भेंट को भाकर खाईन मोसे को नियम लक जिनला खावनो याजक ला छोड़ अखीन कोनी ला बेस नही होतो अखीन आपरो संगीगिन ला भी देइस।”
\p
\v 27 अखीन ओना उन लक कहीस “बिसराम को दिवस मानूस लाय बनयो से, न की मानूस बिसराम दिवस लाय। 
\v 28 एकोलाय मानूस को टूरा बिसराम को दिवस को भी मालिक से।”
\c 3
\s यीसु ना सुको हात वालो मानूस ला चंगो करनो
\r (मत्ती 12:9-14; लूका 6:6-11)
\p
\v 1 मंग जबा यीसु पिराथना घर\f + \fr 3:1\fr*\ft अरधनालय\ft*\f* मा गयो अना उता एक मानूस होतो जेनको हात सुकयो होतो। 
\v 2 धरम गुरू ओला दोस लगावन लाई ओको दाव देखत होतीन की देखबिन, उ बिसराम को दिवस मा ओला साजरो करेत का नही। 
\v 3 ओना सुक्को हातवालो मानूस ला कहीस “बीच मा उभो होय।”
\p
\v 4 अना उन लक कव्हसे “का मोसे को नियम लक बिसराम दिवस साजरो करन लाई नही से? का जान ला बचावन लाई नही से” तबा वय चुपई भई गईन। 
\v 5 यीसु ना फरिसी को कड़ो मन ला चोयके उदास भय गयो, अना हिजड़ के चारो कन चोयीस अखीन ओनो मानूस ला कहीस “आपरो हात बढाव।” ओना बढाईस, अखीन ओको हात साजरो भई गयो। 
\v 6 तबा फरिसी बाहेर जायके गदने हेरोदि गीन को राजा को लोक गीन संग मा ओको विरोध मा सलाह\f + \fr 3:6\fr*\ft सम्मति \ft*\f* करन लगासेत, की कसो करके ओला नास करबिन।
\s झील को कठा भीड़
\p
\v 7 अखीन यीसु चेला को संगा गलील झील को कन चली गयो। यहुदिया छेतर अखीन गलील लक एक मोठी भीड़ ओको मंघा भई गई। 
\v 8 अखीन यहुदिया अखीन येरुसलेम नगर अखीन इदुमिया लक अखीन यरदन नदी को पार अना सूर अना सैदा को इता उता लक एक मोठयो भीड़ यो आयक के की उ कसो अचंभा को काम करासे ओको जवर आइन। 
\v 9 \x - \xo 3:9 \xo*\xt मरकुस 4:1; लूका 5:1-3\xt*\x*अखीन ओने आपरो चेला लक कहीस “भीड़ भई गई से एको लाई मोरो लाई एक नान्होसो नाव तैय्यार राखने जेनको लक वय मोला नही दबाय सकेत।” 
\v 10 काहे की ओना लगत ला साजरो करत होतो; एकोलाय जेतरा लोक कोढ को बीमार होतीन, ओला छुवन लाई ओको पर गिरत पड़त होतीन। 
\v 11 अना बुरो आतमा जबा ओला ताकत होतीन तो ओको पुढा गिरत पड़त होतीन अखीन चिल्लाय के कव्होत होतीन की “तु परमेस्वर को धाड़ो हुयो पवीतर टूरा आस”
\p
\v 12 यीसु ना उनला डटकार के हुकूम देसे, मोरो बारे मा कोनी ला नोको सांगना की “मी कोन सेव”
\s यीसु कन लक बारा पेरीत ला ठहरानो
\r (मत्ती 10:1-4; लूका 6:12-16)
\p
\v 13 यीसु मंग पहाड़ पर गयो अना जिन ला उ चाव्हत होतो उनला आपरो कठा हाकलीस। अना वय ओको कठा चली गईन। 
\v 14 तबा ओना बारा मानूस ला बेचयो अना उनला पेरीत ठहाराइस की वय ओको सँग- सँग रहेत अखीन उ उनला धाड़ेह की वय साजरी बारता परचार करेत, \f + \fr 3:14\fr*\ft परचार करे \ft*\f* 
\v 15 अखीन बुरो आतमा को हेड़न को हक राखेत।
\p
\v 16 अखीन वय यो सेति समौन जेनको नाव ओना पतरस राखिस। 
\v 17 अखीन जबदी को टूरा याकूब अना याकूब को भाऊ योहन जेनको नाव ओना बुअनरगिस मजे गरजन को टूरा\f + \fr 3:17 \fr*\ft सामरत को टूरा \ft*\f* राखिस। 
\v 18 अखीन अन्दिरयास अना फिलिप्पुस अना बरतुल्मै अना मत्ती अना थोमा अना हलफई को टूरा याकूब अना तद्दै अना समौन कनानी 
\v 19 अना यूदूस इस्करियोति, जेने ओला धराइस।
\s यीसु अना बालजबूल\f + \fr 3:20\fr*\ft सैतान\ft*\f*
\r (मत्ती 12:22-32; लूका 11:14-23; 12:10)
\p
\v 20 तबा यीसु घर आयो अना असी भीड़ उमड़ी की यीसु अना ओको चेला ला जेवन की बेरा\f + \fr 3:20\fr*\ft भाकर को खा नही सके। \ft*\f* नही मिली। 
\v 21 जबा ओको नातावारा ना यो आयकिन तो ओला धरान लाई हिटीन काहे की वय कव्हत होतीन की ओको दिमाग ठीकान मा नाहत।
\p
\v 22 अखीन मोसे को नियम को गुरू जोन येरुसलेम लक आई होतिन यो कव्हत होतीन “ओमा बुरो आतमा\f + \fr 3:22 \fr*\ft बालजबुल \ft*\f* से,” अना यो भी की “उ बुरो आतमा को मुखिया बालजबूल को सक्ति लक बुरो आतमा ला हेड़ासे\x - \xo 3:22\xo*\xt मत्ती 9:34; 10:25\xt*\x*।”
\p
\v 23 अना उ उनला जवर हाकलके उन लक हाना\f + \fr 3:23\fr*\ft द्रस्टांत \ft*\f* देके साँगन लगयो “सैतान\f + \fr 3:23\fr*\ft बालजबुल \ft*\f* कसो सैतान ला हेड़ सकसे?” 
\v 24 अना अदी कोनी को राज मा फुट पड़ जासे ता उ घर काय लाई अडिग रव्ह सकसे? 
\v 25 अना अदी कोनी घर मा फुट पड़ जाहे ता उ घर कायलाई अडिग रव्ह सकासे? 
\v 26 अदी सैतान आपरो विरोध करेत अना आपरो मा फुट डाकेह ता उ कायलाई बनो रव्ह सकासे? ओको ता सत्यानास होय जाहे।
\p
\v 27 “पर कोनी ताकतवर\f + \fr 3:27\fr*\ft बलवन्त \ft*\f* मानूस को घर मा जायके जबा तकन बाँध नही लेहे, तब तकन ओको घर लुट नही सका।”
\p
\v 28 “मि तुमी लक खरो बात सागुंसू, की मानूस को सब पाप अना निन्दा जोन वय करसेति, छिमा कियो जाहेति। 
\v 29 पर जोन कोनी पवीतर आतमा को विरोध मा निन्दा\f + \fr 3:29\fr*\ft पवीतर आत्मा को निन्दा \ft*\f* करेत, उ कबच छिमा नही कियो जाहे पर उ अमर पाप को दोसी ठहरेति\x - \xo 3:29\xo*\xt लूका 12:10\xt*\x*।” 
\v 30 काहेकि वय यो कव्हत होतीन, की ओमा बुरो आतमा से।
\s यीसु की माय अना भाउ
\r (मत्ती 12:46-50; लूका 8:19-21)
\p
\v 31 यीसु की माय अना ओको भाऊ आइन, अना बाहेर उभा भयके ओला हाकलन धाड़ीन। 
\v 32 अना भीड़ ओको आजुबाजु बसी होतीन, अखीन ओन्हीसीन ओला कहीन “चोवो, तोरी माय अना तोरो भाऊ बहिन बाहेर तोला ढुढासेत।”
\p
\v 33 ओना जवाब साँगीस का “कोन मोरो माय अना भाऊ सेत” 
\v 34 ओना नजर इता-उता घुमायके कव्हसे “दिसो, यो आय मोरो माय अना भाऊ। 
\v 35 काहेकि जोन कोनी परमेस्वर को मरजी पर चलासे, वोच मोरो भाऊ अना बहिन अना माय आय।”
\c 4
\s बीज बोवन वालो को उदाहरन
\r (मत्ती 13:1-9; लूका 8:4-8)
\p
\v 1 यीसु मंग झील को कगर सिक्सा देवन लागयो असी भीड़ जमघट भई की उ झील मा एक नाव पर चघके बस गयो, अना सारी भीड़ भुई मा झील को कगर मा उभी रहयी\x - \xo 4:1\xo*\xt लूका 5:1-3\xt*\x*। 
\v 2 अना उ उनला हाना मा लगत सी गोस्टी सिकावन लगयो। अना आपरो परवचन मा उनलक कहीस।
\p
\v 3 “आयको एक बोनी करन वालो बीज बोवन ला हिटयो। 
\v 4 अखीन बोवतो बेरा काही ता रास्ता को कगर गिरयो अना पक्सी ना आयके ओला चुग लेइस। 
\v 5 अना काही ता गोटाडी जमीन पर गिरयो, जिता ओला लगत माटी नही मिलनो लक अखीन गहरो न होवनो लक गदने उग आयो 
\v 6 अना जबा दिवस हिटयो ता ओला जराय डाकिस, अना जड़ नही धरन लक सूक गयो। 
\v 7 अना काही ता झाड़ी मा गिरयो, अना झाड़ी न मिलके दबाय डाकिस। अना ओमा फर नही लगयो। 
\v 8 पर काही साजरो जमीन मा गिरयो अना उगयो, ता जो काही बोयो गयो से ओमा कोनी तीस गुना अखीन कोनी साठ गुना अना कोनी सौगुना फर लगयो।”
\p
\v 9 यीसु कव्हसे, “जेका कान सेति वय जरुर आयक लेयेत।”\f + \fr 4:9 \fr*\ft जोन को हिरदय से उ आयक लेव। \ft*\f*
\s हाना को मतलब
\r (मत्ती 13:10-17; लूका 8:9-10)
\p
\v 10 जबा यीसु एकलो रव्ह गयो ता ओको सँगी ना जोन बारा होतीन येने किस्सा को मतलब पुसिन। 
\v 11 ओना उन लक साँगीस, “तुमला ता परमेस्वर राज को भेद\f + \fr 4:11\fr*\ft परमेस्वर के राज \ft*\f* को लुकयो गोस्टी सांगयो गई से, पर बाहेर वालो ला नही, एको लाई हाना देके आयकायो जाहेत।”
\q1
\v 12 एकोलाय का “वय डोरा लक चोवयेत पर,
\q2 उनला सुझाई नही पड़हेत,
\q1 अना वय आयकेत,
\q2 पर समझ मा नही आहेत,
\q1 कही असो ना भई जात का वय परमेस्वर को कन मुड़ जाहेत,
\q2 अना परमेस्वर उनला छिमा कर देहेत।”
\s यीसु लक बीज बोवनवारा हाना की बखान
\r (मत्ती 13:18-23; लूका 8:11-15)
\p
\v 13 मंग यीसु ना कहीस, “का तुमी यो हाना नही समझीयत? ता मंग अखीन गोस्टी ला कसो समझने? 
\v 14 बोवन वालो गोस्टी बोवासे। 
\v 15 जो रास्ता को कगर का सेत, जिता गोस्टी बोयो जासे, यो वय सेत की जबा उनना आयकिन ता सैतान गोस्टी ला जोन बोयो गयो से उचल ले जासे। 
\v 16 अना वसो जो गोटाड़ी जमीन पर बोयो जासे यो वय सेत, की जो गोस्टी ला आयक के खुसहाली लक अपनाय लेवसे। 
\v 17 पर परमेस्वर को गोस्टी उनको भीतर सदा को लाई जड़ नही धरयो। वय जरा सो दिवस लाई रव्हसेत; येको मंघा जबा गोस्टी को काजी लक उन पर मुसीबत आवासे ता वय ठोकर खावसेत। 
\v 18 अना जोन झाड़ी मा सेत, यो वय सेत जिनना गोस्टी ला आयकिन 
\v 19 अना संसार को चिन्ता अना धन को लोभ अना अखीन चीज गीन को बुरो लोभ उनमा समायके उन ला दबाय देसेत। अना उ बेफर भई जावसे। 
\v 20 अना जोन साजरी जमीन मा बोयो गयो सेत, यो वय सेत, जोन गोस्टी आयक के अपनाय लेसेत अना फसल आनासेत, कोनी तीस, कोनी साठ अखीन कोनी सौ गुना।”
\s दियो को हाना
\r (लूका 8:16-18)
\p
\v 21 यीसु ना उन लक कहीस,\x - \xo 4:21 \xo*\xt लूका 11:33\xt*\x* “घर को भितर दियो एकोलाय नही आनसेत, की हमी ओला खाट को खाल्या डलिया मा राखबीन पर एकोलाय आनसेत की फूल पर राखेत? 
\v 22 काहेकि कोनी चीज लुकी नही, पर उघाड़ो जाहेत। अना ना काही छुपयो मा से जेनला सब ना चोवयेत\x - \xo 4:22\xo*\xt मत्ती 10:26; लूका 12:2\xt*\x* 
\v 23 कान खोल लेव अना आयक लेव।”
\p
\v 24 मंग ओना उनलक कहीस;\x - \xo 4:24\xo*\xt मत्ती 7:2; लूका 6:38\xt*\x* “चाक पाक रव्हने, की का आयकासो? जेना तरिका लक तुमी दुसरो ला परखसो, ओको लक लगत तुमला परखो जाहे जेना नाप लक तुमी कोनी ला नापसो, वाच नाप परमेस्वर तुमरो लाई नापेह, ओको लक भी लगत नापेह। 
\v 25 काहेकि जेनको जवर से, ओला दियो जाहे। पर जेनको जवर नाहती ओको लक जोन ओको जवर से, हिसक लियो जाहे\x - \xo 4:25\xo*\xt मत्ती 13:12; 25:29; लूका 19:26\xt*\x*।”
\s उगन वालो बीज को हाना
\p
\v 26 मंग ओना कहीस “परमेस्वर को राज\f + \fr 4:26\fr*\ft परमेस्वर का राज \ft*\f* असो से, जसो कोनी मानूस जमीन मा बीज बोवासे। 
\v 27 अना उ रात मा सोय जासे अना दिवस ला जागासे अना उ बीज असो बढासे की उ नही जान पावसे। 
\v 28 जमीन आप लक आप फसल ला बनासे अना गँहु अँकुर बनासे अना बढ़ासे अना दाना पकासे। 
\v 29 पर जबा फसल पक जावसे, तबा उ इरा चलावासे, काहेकि कटनी को बेरा आय जासे।”
\s राई को बीज को हाना
\r (मत्ती 13:31,32,34; लूका 13:18,19)
\p
\v 30 मंग यीसु ना कहीस “परमेस्वर को राज कोनको जसो से। परमेस्वर को राज ला समझन लाई कोन सो हाना ला काम मा लेवबिन। \f + \fr 4:30\fr*\ft द्रस्टांत\ft*\f* 
\v 31 उ राई को दाना जसोकि जबा जमीन मा बोयो जासे, ता जमीन को सब बीजा लक नहानो होवासे। 
\v 32 पर जबा बोयो जासे ता उगके सब हिवरो साग लक मोठो भई जावासे, अना ओको असो मोठो डार हिटासेत की बादल\f + \fr 4:32\fr*\ft आसमान\ft*\f* का पक्सी ओको पर गोदा बनावासेत।”
\p
\v 33 अखीन यीसु उनला यो तरीको लक लगत सा हाना दे देयके उनको समझ को जसो गोस्टी साँगन लग्यो 
\v 34 अखीन बिना हाना साँगयो उन ला काही नही साँगत होतो, पर एकलो मा उ आपरो चेला ला सब गोस्टी ला समझावत होतो।
\s यीसु ना आँधी ला साँत कियो
\r (मत्ती 8:23-27; लूका 8:22-25)
\p
\v 35 ओनो दिवस जबा दिवस बुड़ गयो ता ओना उन लक कहीस “आव हमी झील को ओनागन चलबिन।” 
\v 36 अना उ भीड़ ला छोडके आपरो संगीगिन को सँग नाव पर चघके चली गयो अना ओको सँग अखीन नाव होतीन। 
\v 37 तबा मोठी आँधड़ आयी अना पहला चलन लक नाव मा पानी भरन लगयो। 
\v 38 अना यीसु जहाज को मंघा गद्दी मा झोप रहयो होत्यो, तबा चेलागीन ना जगाय के कहिन “हे गुरुजी हमि नास होय रही सेजन, का तोला हमारो चिंता नाहत?”
\p
\v 39 तबा ओना जाग के आँधी अना पानी ला हुकूम देइस। “सानत हो अना थमजा” अना आँधी वोतरो बेरा मा थम गई। अखीन मौसम सानत भय गयो। 
\v 40 ओना उन लक कहीस; “कायलाई डरासो? का तुमला अबा तकन भरोसा नहाय?”
\p
\v 41 अखीन वय गजब डराय गईन होतीन, अना आपसी मा कव्हन लगीन की “यो कसो मानूस से की जेकी हुकूम ला वारा अना पानी को लहर भी मानासेती?”
\c 5
\s यीसु भूत झोमयो मानूस ला सुधारसे
\r (मत्ती 8:28-34; लूका 8:26-39)
\p
\v 1 यीसु अना ओको चेला झील को ओनागन गिरोसेनियो नाव को जघा मा पहुचीन। 
\v 2 अना जबा उ नाव लक उतरीन तो गदने एक मानूस जेने पर बुरो आतमा धसी होतो, मरघट्टी लक हिटके ओला मिलयो। 
\v 3 उ मरघट्टी म रव्हत होतो। अना कोनी ओला साकल लक बाँध नही पाइन। 
\v 4 काहे की उ लगत गन साकल लक बाँधयो गयो होतो पर ओना उन साँकल ला भी तोड़ दियो होतो। अना बेडी ला भी टुकड़ा-टुकड़ा कर डाकिस, अना कोनी ओला बस नही कर पाइन काहेका उ लगत बलवान होतो। 
\v 5 उ रोज-रोज मरघट्टी अना पहाड़ मा बेमियात होतो। अना आपरो आप ला गोटा लक घायल करत होतो।
\p
\v 6 उ यीसु ला दुहुर च लक चोवके धायो। अना वोनो होयके डोस्का टेकिस। 
\v 7 अना उचो आवाज कव्हसे “हे यीसु सब लक वरता मा रव्हन वालो मोठो परमेस्वर को टूरा, मोरो लक तोरो का काम? मि तोला परमेस्वर को किरया देवसू की मोला तकलीफ नोको देस।” 
\v 8 काहेकी यीसु न वोको लक कहीस “अरे भूत-पलीत यो मानूस मा लक हिट जाय।”
\p
\v 9 यीसु ना ओको लक पुसीस की “तोरो काजक नाव से?”
\p ओना जवाब देइस “सार संगाड़ से। काहे की हमि लगत सारी सेजन” 
\v 10 अना वय वोको लक गजब बिनती करीन “आमीला यो छेतर लक नोको हेड़स।”
\p
\v 11 उता पहाड़ी को ढलान मा खालमानी को एक करप चरत होतो। 
\v 12 सार-सांगड़ ना यीसु लक गीड़गीड़ायके बिनती करीन की “आमीला खालमानी मा डाक देव।” 
\v 13 तबा यीसु ना ओला हुकूम देइस। की हिट जाव, तबा सारो सार संगाड़ ओमा लक हिटके खालमानी को करप मा धस गई। अना करप जिनको गिनती दोन हजार को होती, लवकर झपट के झील मा धस पड़यो। अना बूड़ के मर गयो।
\p
\v 14 अना चरानवारा ना धायके नगर अना गांव मा यो खबर बिखराय देइन। 
\v 15 अना असो भयो ता ओला देखन ला लोक आइन। यीसु को जवर आयके वय वोनो मानूस ला जेमा भुत-पलीत झोमयो होत्यो कपरा घालयो हुयो अना बड़िया डिमाक चोयके डराय गीन। 
\v 16 अना चोवनवारा गीनना उनला सांगीन, का भुत झोमयो हुयो मानूस अना खालमानी को सप्पा हाल, कसो भयो?
\p
\v 17 अना वय ओला बिनती करके कव्हन लागीन, की हमरो सिवानो लक चली जाय।
\p
\v 18 अना जबा उ नाव पर चघन लगयो। तो उ जोन मा पयले भुत पलित होतीन, ओकोलक बिनती करन लगयो, की “मोला आपरो सँगा आवन दे।”
\p
\v 19 पर ओना ओला मना कर देईस अना ओला कव्हासे, “आपरो घर ला जाव अना जो काही पिरभु ना तोरो पर दया करीसेस, वोनो मोठो काम ला साँग।”
\p
\v 20 उ जायके दिकापुलिस मा यो गोस्टी को परचार करन लगयो। की यीसु ना मोरो लाई कसो मोठो काम करीसेस। अखीन सप्पा ना मोठो अचंभा करीन।
\s याईर की मरी टूरी अना एक रोगी बायका
\r (मत्ती 9:18-26; लूका 8:40-56)
\p
\v 21 जबा यीसु मंग नाव लक ओनागन गयो ता एक मोठी भीड़ ओको जवर आयी, अना उ झील को जवर होतो। 
\v 22 अना याईर नाव को सभाघर को मुखिया मा लक एक मानूस आयके, ओको पाय पड़न लगयो। 
\v 23 अना ओना यो साँगके बिनती करन लगयो, की “मोरी नहानी टूरी मरन पर से, तु आयके ओको पर हात राखजो ता वा साजरी भई जाय अना जित्तो रव्हे।”
\p
\v 24 तबा उ सँग गयो अना मोठी भीड़ ओको मंघा भई गई यहान तकन की लोकगीन ओको पर गिरत पड़त होती।
\p
\v 25 अना एक बायको जोनको बारा बरस लक लाल धोवा\f + \fr 5:25\fr*\ft खून बहने की बिमारी \ft*\f* जावत होती। 
\v 26 अना जेना बइद गीन लक लगत दुख उचलीस होतीस, अना आपरो सब काही खरच डाकिस पर काही फायदा नही मिलयो होतो, पर अखीन रोग बढ गयो होतो। 
\v 27 यीसु को चरचा आयक के भीड़ मा लक ओको मंघा आई अना कपरा को पल्लु ला छिवलेइस। 
\v 28 काहेकि उ कव्हत होती “अदी मि ओको कपरा को पल्लु\f + \fr 5:28 \fr*\ft झालर\ft*\f* ला च छिव लेहु तो साजरी भई जाहु।”
\p
\v 29 अना गदने ओको रकत बहनो बंद भई गयो। अना ओना आपरो देह मा जान लेइस, की मि ओना बीमारी लक साजरी भई गई सेव। 
\v 30 यीसु ना गदने आपरो मा जान गयो, की मोरो लक ताकत हिटी से, अना भीड़ ला मुरकके पुसिस, “कोन से जेने मोरो कपरा को पल्लु ला छुवीस?”
\p
\v 31 ओको चेला ना ओला कहिन “तु चोवसेस की भीड़ तोरो पर गिर पड़ से, अना तु कव्हसेस; की कोन ना मोला छुईसेस?” 
\v 32 तबा ओना ओला चोवन लाई चवतरफा नजर दौड़ाइस। 
\v 33 तबा वा बायको यो जानके की मोरी कसी भलाई भई से डरात अना कापत आयी, अना यीसु को पाय पड़के, ओको लक सबच हाल खरो-खर सांगिस। 
\v 34 ओना ओको लक कहीस; “टूरी तोरो भरोसा लक तु साजरो भईसेस। सान्ती लक जाव अना सारो संकट लक बची रव्ह।”
\p
\v 35 उ असो कव्हत होतो की सभाघर को मुखिया को घर लक खबर आई की “तोरी टूरी ता मर गई अब काय लाई गुरुजी ला दुख देवासेस।”
\p
\v 36 जोन गोस्टी वय कर रही होतीन, ओकी अनसुनी करके यीसु ना ओना सभाघर को मुखिया ला कहीस “नोको डराव; बस भरोसा राख।” 
\v 37 अना ओना पतरस अना याकूब अना वोको भाऊ योहन ला छोड़ अना कोनी ला आपरो सँग आवन नही देइस। 
\v 38 अना सभाघर को मुखिया को घर मा पहुचियो ता ओना लोकगीन मा हलचल चोविस। 
\v 39 तबा ओना भीतर जायके भीड़ ला कहीस “तुमी कायला बेचैन सेव, अना रडसो? टूरी मरी नही से पर जपमा से।”
\p
\v 40 लोकगीन ओकी हसी उडाईन, पर ओना सबला बाहेर हेडके टूरी को माय-बाप अना उनको सँगी ला आन कन भीतर गयो, जिता वा टूरी होती। 
\v 41 अना टूरी को हात धरके\f + \fr 5:41 \fr*\ft हात धरके \ft*\f* ओको लक कहीस, “तलीता कुमी।” जेनको लक मतलब से, “हे टूरी मि तोरो लक कव्हसू, उभो होय।”
\p
\v 42 अना टूरी गदने जाग के चलन फिरन लगीन। अना वा बारा बरस की होती। यो चोवके लोकगीन ला लगत अचंभा भयो। 
\v 43 मंग ओने उनला कड़ो हुकूम देइस, की यो गोस्टी कोनी ला नोको साँगने। अखीन असो कहीस का “टूरी ला काही जेवन लाई देव।”
\c 6
\s नासरत नगर मा यीसु को बेज्जती
\r (मत्ती 13:53-58; लूका 4:16-30)
\p
\v 1 उता लक हिटके यीसु आपरो गाँव नासरत मा आयो। अना ओको चेला ओको मंगा भई गईन। 
\v 2 यहुदीगीन को बिसराम दिवस\f + \fr 6:2\fr*\ft पवीतर दिवस \ft*\f* उ पिराथना घर मा सिक्सा देवन लगयो। लगत लोक ओकी आयक के अचंभा भईन अना कव्हन लगीन “यो मानूस ला यो गियान ओला कोन ना देईसेस? एको हात लक कसो-कसो अचंभा को काम होवासेत?” 
\v 3 क उ बढ़ई को टूरा नहाय? जो मरियम लक पैदा भयो से अना जोन याकूब योसेस यहूदा अना सिमोन को भाऊ से। का ओकी बहिन गीन आमरो बीच मा नही सेत? लोकगीन ओको कारन लक ठोकर खाईन।
\p
\v 4 यीसु ना उनलक कहीस, “\x - \xo 6:4\xo*\xt योहन 4:44\xt*\x*भविस्यवक्ता को का आपरो नगर आपरो कुटुंब अना घर को सिवाय कोनी जघा मा कोनी बेज्जती नही होवासे।”
\p
\v 5 मंग काही बिमार पर हात धरके उनला साजरो करके काही अचंभा को काम नही कर सकयो, काहेका उनना यीसु पर भरोसा नही राखिन। 
\v 6 अना उनको अबिस्वास लक वोला मोठो अचंभा भयो! मंग उ गाँव-गाँव सिक्सा देवत फिरयो। \f + \fr 6:6\fr*\ft अचंभा उपदेस \ft*\f*
\s बारा चेला ला धाड़नो
\r (मत्ती 10:5-15; लूका 9:1-6)
\p
\v 7 बारा चेलागीन ला हाकलीस\f + \fr 6:7\fr*\ft बुलायो \ft*\f* अना उनला दोन-दोन करके धाड़ीस। अना भुत पलित कहाड़न को हक देइस। 
\v 8 अना उन ला साँगीस, की “रस्ता मा जावतो बेरा लाठी ला सोड़ काही नही लेवने। ना भाकर-वाकर, झोला-झंकड़ अना न बसनी मा पैसा-वैसा काही नोको ठेवने। 
\v 9 पर पनही घालने, अना कहीस, दुई दुई कुरता नोको धरने।” 
\v 10 अना “तुम्ही जोन घर मा जावने तो वोना नगर छोड़न तकन उतच रव्हने। 
\v 11 \x - \xo 6:11\xo*\xt पेरीत 13:51; लूका 10:4-11\xt*\x* जेने घर मा तुमरो आवभगत नही होहेत, अना तुमरी गोस्टी नही आयकेत तबा आपरो पाय की धुल भी झड़ाय देने का उनको पर गवाही होहेत”
\p
\v 12 अना उनना जायके परमेस्वर की साजरा बारता को परचार करन लगीन, का पाप लक मन ला हटाव। 
\v 13 अना उ लगत भुत-पलीत ला हेड़त अना बीमारगिन पर तेल लगाय के साजरो करत होतिन।\x - \xo 6:13\xo*\xt याकूब 5:14\xt*\x*
\s योहन बप्तिस्मा देवनवालो ला मारनो
\r (मत्ती 14:1-12; लूका 9:7-9)
\p
\v 14 \f + \fr 6:14 \fr*\ft हेरोदेस अंतीपास, गलील प्रान्त को प्रसासक \ft*\f*हेरोदेस राजा ना यीसु को बारे मा चरचा आयकिस का लोक कव्हसेत, “योहन बप्तिस्मा देवनवालो मर गयो, अब जित्तो भयी से, एको लाई वोको लक यो अचंभा को काम होवासेत।”
\p
\v 15 पर काही लोक सोचत होतीन। “का उ एलिय्याह से अना कोनी जुनो जुग का भविस्यवक्ता मा लक एक समजत होतीन।”
\p
\v 16 पर हेरोदेस राजा कव्हत होतो की “योहन जोनको मिना डोस्का कपवायो सेव, उ जित्तो भई गई से।” 
\v 17 राजा हेरोदेस ना आपरो सिपाही हुकूम देके योहन ला धरके जँजीर लक बाँधके जेल मा डाक दियो, ओना यो एको लाई करीस, काहेकि हेरोदेस ना हेरोदियास लक बिहा करयो होतो अना वा ओको भाऊ फिलिप्पुस की बायको होती।\x - \xo 6:17\xo*\xt लूका 3:19-20\xt*\x* 
\v 18 काहेका योहन हेरोदेस ला कहीस “मोसे को नियम लक असो साजरो नहाय की तुमी आपरो भाऊ बहु ला राखो।” \f + \fr 6:18\fr*\ft उचित नही \ft*\f*
\p
\v 19 एको लाई हेरोदियास योहन की गुस्सा करत होती, अना वा ओला मारन की तक्का मा रहोत होती, पर हेरोदेस को कारन मार नही सकी। 
\v 20 काहे का हेरोदेस योहन ला एक नेक अना पवीतर मानूस मानत होतो, येको लाय उ डरात होतो अना वोकी रक्सा करत होतो\f + \fr 6:20 \fr*\ft भय, रक्सा\ft*\f*। जबा उ ओकी आयकत होतो, तब उ लगत डरात होतो, पर ओको गोस्टी खुसी लक आयकत होतो।
\p
\v 21 अना ठीक बेरा जबा हेरोदेस ना आपरो जलम दिवस मा मुख सेनापति अना गलील\f + \fr 6:21\fr*\ft गलील नगरवासी \ft*\f* को मुख मानुसिन ला मोठो जेवन मा बुलाइस। 
\v 22 तबा वोकी भाउबहु हेरोदियास की टूरी ना नाचके हेरोदेस अना वोको पाहुना हुनला खुस करीस। तबा राजा ना वा टूरी लक कहीस, का “तु माँग मि तोरी मरजी ला पूरी करुँ। 
\v 23 अना वोना कसम खाइस का आपरो अरधो राज भी तोला दे देहू\f + \fr 6:23\fr*\ft आधी सम्पती \ft*\f*।”
\p
\v 24 तबा वा टूरी आपरो माय जवर जायके? पुसिस,
\p अवो मायँ, मी काय माँगु? तबा वोकी माय ना वोला कहीस “योहन बप्तिस्मा देवनवालो को डोस्का।”
\p
\v 25 वा लवकर राजा जवर जायके कहीस, का “मि चाह्वसू का तु मोरो लाय भानी मा योहन बप्तिस्मा देवनवारा को डोस्का देजोस।”
\p
\v 26 तबा राजा कुम्हलाय गयो पर अपरो कसम खानो को कारन मना नही करीस। 
\v 27 अता राजा ना एकदम सिपाही ला धाडके वोको मान कापन को हुकूम देइस। उ गयो अना जेल मा वोको मान ला कापियो 
\v 28 अना वोला भानी मा आनके टूरी ला दे दियो, अना टूरी ना आपरो माय ला दे देईस। 
\v 29 यो आयक के ना योहन का चेला ऐना आइन, अना ओको लास ला मरघट्टी मा लीजाए के राखिन।
\s पेरीतगिन को लवटनो अना एकान्त मा रव्हनो
\r (मत्ती 14:13,14; लूका 9:10)
\p
\v 30 मंग पेरीतगीन \f + \fr 6:30 \fr*\ft पेरीत \ft*\f* यीसु को कठा एकठ्ठा भईन अना जोन काही उनना करयो होतीन, अना जनता ला सिकायो होतिन वा सब यीसु ला सांगीन। 
\v 31 यीसु ना आपरो चेलागीन ला कहीस, “चलबिन एकलो मा जाबिन, काहेकि यहान लोकगीन आवनो-जावनो करासेत, हमला जेवन को अना सुस्तान ला भी बेरा नाहत।” \f + \fr 6:31\fr*\ft भीड़ के होवने से वय खा नही पाय \ft*\f*
\s पाँच हजार को भीड़ ला जेवानो
\r (मत्ती 14:15-21; लूका 9:11-17)
\p
\v 32 एकोलाय वय नाव मा चघके, एक सुनसान जघा मा चली गयीन। 
\v 33 लगत लोक ऐना ना उनला जावत चोय लेईन अना चिन्ह लेईन तबा सब हिट के पाय-पाय धावके उन लक पुढा पहुचीन। 
\v 34 वोना खाल्या उतरके मोठी भीड़ चोयिस अना उन पर तरस आयो। काहेका वय असी मेढा \x - \xo 6:34\xo*\xt मत्ती 9:36\xt*\x*जसो होतीन जिनको कोनी रखवालो नही होतीन। उ उनला सिकावन लगयो, 
\v 35 जबा दिवस बुढतो बेरा भयी होती, वोका चेला आयिन अना वोला कव्हन लगीन, “यो सुनसान जगह से। अना महातनी बेरा भय गयो। 
\v 36 इनला साँग का इता उता गाव अना बस्ति मा जायके जेवन लाय काही आनबीन।”
\p
\v 37 तबा यीसु ना जवाब देइस “त तुमीच उनला काही खान लाय देव, उनना कहिन, का आठ महिना को बनी को सिक्का \f + \fr 6:37 \fr*\ft दीनार एक दिवस की मजदुरी \ft*\f* की भाकर खरिद आनबिन अना उन लाय देबिन?”
\p
\v 38 वोना उन लक कहीस “जायके चोवो तुमरो जवर केतरी भाकर सैत?”
\p उनना पता करीन ता “पाँच भाकर अना दुई मसरी सेत।”
\p
\v 39 यीसु ना चेलागिन ला हुकूम देइस, की सब ला हिवरो गवथ मा पंगत मा बसाय देव। 
\v 40 वय संबर-संबर अना पन्नास-पन्नास करके पंगत मा बस गइन। 
\v 41 वोना उन पाँच भाकर अना दुई मसरी ला लियो अना सरग कन चोयके परमेस्वर ला धन्य वाद करीस। अना भाकर ला तोड़के चेला ला देवत गयो। अना वय लोकगीन मा परसन लगीन अना वसोच दुई मसरी ला भी उन मा परोस देइन। 
\v 42 अना सब पोट भर जेय लेइन 
\v 43 चेलाइन ना भाकर अना मसरी को टुकड़ा को बारा टोपली भरके उचलीन। 
\v 44 वय करिब पाँच हजार मानूसगिन जेवन करीन!
\s यीसु को पानी पर चलनो
\r (मत्ती 14:22-33; योहन 6:15-21)
\p
\v 45 तबा वोना एकदम आपरो चेलाइन ला नाव पर चघन ला मजबुर करीस का चेला गीन वोको लक पुड़ा वोना गन बैतसैदा ला चली जाहेत। तबा मंघा ओना भीड़ ला सार करीस। 
\v 46 अना उनला सार करके यीसु पहाड़ पर पिराथना करन गयो। 
\v 47 जबा दिवस बुडता सँजा बेरा भई ता यीसु एकलोच भुई मा होतो, अना नाव झील को बीच मा होती। 
\v 48 जबा यीसु ना चोयो की वय खेवत-खेवत घबराय गईन, काहे का वारा उल्टी चलत होती ता रात को 3 बजे को करीब मा उ झील पर चलत-चलत उनको जवर आयो, अना पुढा होवनो चाहत होतो। 
\v 49 पर चेलागीन ना यीसु ला झील पर चलतो चोयके वय समजिन का भुत से। अना चिल्लान लगीन।
\p
\v 50 काहेका सब वोला चोय के घबराय गईन, पर वोना एकदम उन लक कव्हयो “हिम्मत राखो। मि सेउ, नोको डराव!” 
\v 51 तबा उ उनको जवर नाव मा आयो ता वारा थम गई तब वय लगत चकित भय गईन। 
\v 52 उन ला एतरो भीड़ ला जेवन करानवालो चमत्कार समजमा नही आयो। एकोलाय उनको मन कड़ो भय गयो होतो।
\s यीसु गन्नेसरत छेतर मा बीमारगीन ला साजरो करयो
\r (मत्ती 14:34-36)
\p
\v 53 वय उतरके गन्नेसरत गाँव मा धाड़िन अना नावघाट मा नाव लगाईन। 
\v 54 जबा वय नाव लक खाल्या उतरीन ता उता का लोकगीन गदने यीसु ला चीन्ह लेइन। 
\v 55 तबा यहुदिया अना इता-उता परान लगीन अना सब लोक बीमार गीनला खाट पर डाकके जितानि-उता खबर मिलयो का उ वहान से उतच लक आनन लगीन 
\v 56 अना जिता-जिता गाँव नगर अना बस्ति मा उ जावत होतो लोक बीमारगीन ला बाजार मा राखके ओको लक बिनती करत होतीन, का उ उनला आपरो कपरा को छोर ला छुवन दे, अना जेतरा वोला छुवत होतीन, वय सप्पा साजरो भय जात होतीन।
\c 7
\s रिति-रिवाज को सवाल
\r (मत्ती 15:1-9)
\p
\v 1 तब फरिसी अना मोसे को नियम को गुरू, जोन येरुसलेम नगर लक आयो होतीन ओको आखा-पाखा जुमला भईन। 
\v 2 अना ओको चेला गीनला बिना हात धोये के\f + \fr 7:2\fr*\ft हात सुद्ध कियो बिना \ft*\f* जेवन जेवत चोइन।
\p
\v 3 काहे का फरिसी अना सब यहूदी अना मुखिया बिना हात धोवन को नेम कियो जेवत नही होतीन, काहेकि बाप दादो की रिवाज मा चलत होतीन, 
\v 4 अना बाजार लक आयके, पानी लक आपरो आप ला सुध्द \f + \fr 7:4 \fr*\ft सुध्द \ft*\f* करत होतीन तबच जेवत होतीन। असो बेजा सारो रिवाज ला मानके चलत होतीन, जसो कटोरा करसा ताँबा को भाँडो ला धोवनो अना माँजनो।
\p
\v 5 फरिसी मुखिया अना मोसे को नियम को गुरू गिन ओको लक पुसिन “असो काय बात से? का तोरो चेला गीन बापदादा को रिती रिवाज नही चला सेत अखीन बिना हात धोये जेवासेत?”
\p
\v 6 यीसु ना उन लक कहीस,
\q1 “यसायाह भविस्यवक्ता ना तुम्हि कपटीगीन को लाय सहीच लिख्योसे”
\q1 “वय लोक गीन टोन्ड लक मोरो आदर करासेत,
\q1 पर इनको दिल मोरो लक लगत दूहुर सेत।
\q2
\v 7 वय फालतू मा मोरो भगती करासेत,
\q2 अना मानूस को सिक्सा ला धारमिक नियम को रुपमा सबला सिकावासेत\f + \fr 7:7 \fr*\ft मानूस को सिक्सा ला धरम को सिक्सा बनावासे। \ft*\f*।”
\q1
\v 8 “तुमी परमेस्वर को हुकूम ला टालासो अना मानूस को रीती रिवाज ला पालन करोसो।”
\p
\v 9 यीसु ना उनलक कहीस, “तुम्हि लोक बेजा चलाक सेव, परमेस्वर की हुकूम ला तोड़के खुदच की रिति रिवाज ला मानासेव।” 
\v 10 तुमहि ला मोसे ना सांगयो होतो, “आपरो माय-बाप को आदर करने, अना जोन कोनी माय-बाप ला बुरो कहे, उ मार दियो जाय” 
\v 11 पर तुम्हि सांगासो कोनी मानूस आपरो माय-बाप कहेत का, जोन काही पालन को खरचा से, ओला मि परमेस्वर ला भेट \f + \fr 7:11\fr*\ft खरचा ला परमेस्वर ला सोपनो \ft*\f* करासेऊ। 
\v 12 ता वोला आपरो माय-बाप को लाय काही नही करन देसो। 
\v 13 यो तरीका लक तुम्हि आपरो रीत लक परमेस्वर को हुकूम ला टाल के ना आपरी रीती रिवाज ला मानासो।
\s मानूस की असुध्द करनवारी गोस्टी
\r (मत्ती 15:10-20)
\p
\v 14 यीसु ना जनता ला आपरो कठा बुलाके उन ला साँगीस, “तुमी सब मोरी गोस्टी ला आयको अना समजो। 
\v 15 असी कोनी बाहरी चीज नहात जोन मानूस को भीतर जायके वोला असुद करे। जोन भीतर लक बाहेर आवासे ता वा च असुद करासे। 
\v 16 जोको कठा कान से, उ मोरी आयको\f + \fr 7:16\fr*\ft यो पद जूनो लेख मा नहात। \ft*\f*।”
\p
\v 17 जबा उ जनता को कठा लक घर मा गयो, त चेला गीन वोको लक हाना को बारे मा पुसन लगीन, 
\v 18 यीसु ना कहीस “का तुमी एतरो नासमज सेउ का? तुम्हिला एतरो समज नहात? का जोन चीज बाहेर लक मानूस को भीतर जासे वा मानूस ला असुद नही करासे। 
\v 19 काहे की उ मन मा नही पर सीध्दो पोट मा जावासे, अना हगतबेरा बाहेर हीट जासे,” असो परकार यीसु ना सब जेवन को चीज ला पवीतर ठयरायो।
\p
\v 20 यीसु ना मंग साँगयो, “जोन मानूस मा लक हिटासे वोच, ओला असुद करासे। 
\v 21 काहेका भीतर मन लक खोटो बिचार, मजे छिनालापन, चोरी, जान लक मारनो, 
\v 22 लोभ, खोटो गोस्टी, छल, लुचपन, खोटो नजर, निन्दा, अहम अना मुरखता हिटसे, 
\v 23 यो सब खोटो गोस्टी मानूस को भीतर लक हिटासे, यो मानूस ला असुध्द करासे।”
\s गैरयहुदी टूरी ला साजरो करनो
\r (मत्ती 15:21-28)
\p
\v 24 मंग यीसु उता लक सुर अना सैदा देस को सीवमेढ मा आयो अना एक घर मा गयो। उ चाहत होतो की कोनीला पता नोको चले, पर उ लुक नहि सकयो। 
\v 25 एक बायको, जोकि लहान टूरी, एक भूत को कब्जा मा होती वा यीसु को बारे मा आयक के आई। अना यीसु को पाय पडन लगी, 
\v 26 वा बायको गैरयहूदी होती। जोन सीरिया देस की रव्हनवारी होती। वोना यीसु लक बिनती करी का मोरी टूरी लक भूत ला हेड़ दे। 
\v 27 यीसु ना वा बायको लक कहीस, “पुढा टुरागीन ला अघान दे, काहे का टूरा को भाकर कुतरा को पुढा डाकनो साजरो नहाय।”
\p
\v 28 “वोना जवाब देईस।” पिरभु या बात खरो से, “पर कुतरा जुठन-जाठन जेवासेत।”
\p
\v 29 यीसु ना वोको लक कहीस, “तोरो भरोसा को कारन, भूत तोरी टूरी मा लक हिट गयो।”
\p
\v 30 जबा वा बायको आपरो घर मा जायके चोयी, टूरी खाट मा सोयी होती, अना भूत हिट गयो होतो।
\s यीसु ना बेहरा अना गुंगो मानूस ला साजरो करयो
\p
\v 31 मंग सुर सैदा को देस लक हिटके, दिकापुलिस\f + \fr 7:31\fr*\ft दहानगर\ft*\f* मजे दहा नगर लक होतो, गलील को सागर कठा पहुचयो। 
\v 32 अना लोकगीन एक बावरो ला जो हकलात होतो, ओको जवर आनीन अना बिनती करीन की ओको पर हात राख 
\v 33 तबा वा बावरो ला भीड़ कन लक अलग ले गयो, अना आपरो बोट ला ओको कान मा डाकीस अना थुक के ओकी जुबान ला छुईस 
\v 34 अना सरग कना देखके ओना पोट भर सांस लेके कहीस, “इप्फत्तह” मजे “उघड जाय।”
\p
\v 35 अना ओको कान उघड़ गईन अना जुबान को बंधन भी उघड़ गई मंग उ सप्पा-सप्पा बोलन लगयो। 
\v 36 तबा ओना उनला कहीस, यो गोस्टी को कोनी ला परचार नोको सांगने, पर मना करनो पर वय अखीन ओको बारे मा सांगन लगीन, 
\v 37 अना वय लगत चकित भयके कव्हत होतीन, “वोना जोन काही भी करीसेस, साजरोसे। उ मुक्कोपन ला बोलन अना भैरागीन ला आयकन को ताकत देसे।”
\c 8
\s चार हजार लोक गीनला जेवानो
\r (मत्ती 15:32-39)
\p
\v 1 ओनो दिवस मा जबा मोठी भीड़ एकठ्ठी भई अना उनको कठा काही जेवन ला नही होतो। तबा ओना आपरो चेला इन ला जवर बुलायके, उनला साँगीस। 
\v 2 मोला यो भीड़ ला चोवके तरस आवासे, काहेका अज तीन दिवस भयो, मोरो संग सेत, उनको कठा जेवन लाय काही नहात। 
\v 3 अदी मि इनला भुखो घर धाड़ूसु, तबा यो रस्ता मा बेहोस भय जाहेत, उनमा लक लगत लोक बेजा दुहुर लक आई होतीन।
\p
\v 4 यीसु को चेला गीन वोला जवाब देईन। यो सुनसान जघा मा एतरो जेवन कहान मिलहेत?
\p
\v 5 यीसु ना उनलक कव्हयो, तुमरो जवर केतरी जेवन सेत?
\p उनना जवाब देईन सात भाकर!
\p
\v 6 तबा ओना जनता ला जमीन मा बसन लाय कहीस, यीसु ना सात भाकर धरके परमेस्वर ला धन्यवाद देईस। अना भाकर को टुकड़ा करके चेला गीन ला देइस, तबा वय उनला परसन लगीन। 
\v 7 उनको कठा काही लहान-लहान मसरी होतीन, वोला वसोच परमेस्वर ला धन्य वाद देके, उनला परसन ला कहीस। 
\v 8 तबा वय लोक जेयके अघाय गईन, अना चेला गीन बचयो सात टोपली भरके उचलीन। 
\v 9 अना लोक चार हजार को करीब मा होतीन। तबा उनला वोना सार करीस। 
\v 10 अना उ झट आपरो चेला गीन को संग नाव मा चघके दलमनुथा नाव को जघा मा चली गयो।
\s फरिसि लोक कन लक सरग लक निसान को माँग
\r (मत्ती 16:1-4)
\p
\v 11 \x - \xo 8:11\xo*\xt मत्ती 12:38; लूका 11:16\xt*\x*मोसे को नियम को गुरू आयके यीसु संग बैस करन लगीन, अना ओला परखन लाई ओको कन लक काही सरग लक निसान मांगन लगीन। 
\v 12 \x - \xo 8:12\xo*\xt मत्ती 12:39; लूका 11:29 \xt*\x*ओना आपरी मन लक पोट मा सांस भरके कहीस, यो बेरा को लोकगीन कायलाई निसान ढुंढासे? मि तुमरो लक खरो सांगुसू, यो बेरा को लोकगीन लाय काही निसान नहात।
\p
\v 13 अना उ उनला वहान सोड़के अना नाव पर चघयो अना वोनागन गयो।
\s फरिसी अना हेरोदेस को खोटो सिक्सा
\r (मत्ती 16:5-21)
\p
\v 14 चेलागीन भाकर राखनो भूल गयो होतीन। अना नाव मा उनको कठा एकच भाकर होतो। 
\v 15 \x - \xo 8:15 \xo*\xt लूका 12:1\xt*\x*ओनो बेरा यीसु ना उनला ध्यान देवाके कव्हसे, चोवो! फरिसी गुरूगीन को खमीर\f + \fr 8:15\fr*\ft बिरेड बनावन को एक पाउडर सेत\ft*\f* अना हेरोदेस राजा को खमीर लक चाकपाक रव्हने।
\p
\v 16 एको पर वय आपसी मा बेस करके कव्हन लगीन, आमरो कठा भाकर नहात, एकोलाय यो असो सांगासे।
\p
\v 17 यीसु ना यो जानके उनलक कहीस, तुमी आपस मा मन मा काहे सोचसो? का आमरो कठा भाकर नहात। का तुमला अबा तकन समज मा नही आयो से, का तुमरो “अक्ल मा गोटा पड़ गयो से?” 
\v 18 \x - \xo 8:18\xo*\xt मरकुस 4:12 \xt*\x*तुमरो “डोरा से का चीज को बीज”, अना “कान से का परसा को पान” अना तुमला हेत नहाय?
\p
\v 19 जब मिना पांच हजार मानूस लाई भाकर तोड़ो होतो तबा तुमना केतरी टोपली भाकर को टुकड़ा उचलो होतो। उन ना कहीन बारा।
\p
\v 20 जबा चार हजार मानूस लाय सात भाकर ला दियो, तबा तुमी ना केतरो टोपली भरके उचलो होतो,
\p उन ना कहीन सात।
\p
\v 21 यीसु ना उनला कहीस का तुमी अबा तकन नही समजयोसेव?
\s बैतसैदा मे एक अँधरा ला साजरा करनो
\p
\v 22 वय बैतसैदा गांव मा आइन। तबा लोकगीन एक अँधरा ला ओको जवर आनीन अना ओको लक बिनती करके कव्हन लगीन एला साजरो कर। 
\v 23 अना यीसु ना अँधरा ला हात धरके गाँव को बाहेर ले गयो, अना ओना ओको डोरा मा लगावन साठी थुकीस, अना ओदो हात करके आपरो हात वोको डोरा मा राखके वोला पुसिस का तोला काही चोवसे?
\p
\v 24 डोरा उचलके ओना कहीस की मि लोकगीन ला झाड़ जसो चलतो चोवसू।
\p
\v 25 मंग दुबारा ओना अँधरा को डोरा मा हात राखीस तबा ओला साजरो-साजरो चोवन लगयो। 
\v 26 यीसु ना ओला यो साँगके धाडीस, मंग यो गाँव मा दुबारा पाय नोको राखजोस। पर आपरो घर जाय।
\s पतरस को यीसु ला मसीह माननो
\r (मत्ती 16:13-20; लूका 9:18-21)
\p
\v 27 यीसु आपरो चेला गीन को सँग, कैसरिया फिलिप्पी को आखा-पाखा को गाँव मा आयो। रास्ता मा ओना चेलागीन लक असो पुछिस का लोक मोरो बारे मा काजक कव्हसेत?
\p
\v 28 \x - \xo 8:28 \xo*\xt मरकुस 6:14-15; लूका 9:7-8\xt*\x*उनना कहिन कोनी योहन बप्तिस्मा देवन वालो कव्हासेत अना कोनी भविस्यवक्ता एलिय्याह अना काही को कव्हनो से का कोनी जुनो भविस्यवक्ता मा लक एक से।
\p
\v 29 \x - \xo 8:29 \xo*\xt योहन 6:68-69\xt*\x*उ उन लक पुसासे? तुम मोला काजक कसो? मि कोन आँवू?
\p पतरस ओला कहीस, तु परमेस्वर को कन लक “सूटकारा देवन वालो मसीह आस।”
\p
\v 30 तबा उ उनला चेतायके हुकूम देइस, तुमी मोरो बारे मा कोनी लक नोको साँगने।
\s यीसु को आपरी मौत अना जित्तो होवन को बारे मा साँगनो
\r (मत्ती 16:21-23; लूका 9:22)
\p
\v 31 मंग यीसु उनला सिकावन लग्यो का “मानूस को टूरा” को लाय यो जरुरी सेत का उ लगत दुख उठाएत सयानो, मुखिया याजक, अना मोसे को नियम को गुरू लक नकारो जाय, अना मार डाको जाए। मंग तीन दिवस को मंघा जित्तो भय जाए। 
\v 32 यो गोस्टी ला आयक के मंग पतरस वोला एककन ले जायके डाटन लगिस। 
\v 33 पर वोना पलट के चेला ऐना ला चोविस, अना पतरस ला डाटके कहीस, हे सैतान मोरो पुढा लक दुहूर भय जाय, तु परमेस्वर को नही पर मानूस को गोस्टी पर मन लगावसेस।
\s यीसु को मंघा चलन को मतलब
\r (मत्ती 16:21-28; लूका 9:23-27)
\p
\v 34 \x - \xo 8:34 \xo*\xt मत्ती 10:38; लूका 14:27 \xt*\x*वोना गरदी लक चेला गीनला जवर बुलायके सांगिस, अदी कोनी मोरो मंघा आवन चाव्हासे, उ आपरो आप ला तज देय। अना आपरो कूरूस ला उचलके मोरो मंघा आहेत। 
\v 35 \x - \xo 8:35 \xo*\xt मत्ती 10:39; लूका 17:33; योहन 12:25\xt*\x*काहे का जो आपरो परान ला बचावनो चाव्हासे, उ वोला खोय देहे। अना जो कोनी मोरो अना मोरो साजरो बारता साँगन लाय आपरो परान खो देयेत, उ ओला सुरक्सित पाहेत। 
\v 36 काहे का अदी मानूस सारो जगत ला पायके ना, आपरो जान की हानि उठायेत ता का फायदा? 
\v 37 काहेकि मानूस आपरो जान को बदला मा, का दे सकसे? 
\v 38 जो कोनी यो खोटो अना पापी पीढ़ी बेरा मा मोरो लक अना मोरो गोस्टी लक लजाहे ता मानूस को टूरा भी जबा आपरो पवीतर सरगदूत को सँग आपरो परमेस्वर बाबूजी को महिमा मा आहे, तबा उ भी उनला आपरो कव्हन लाय लजाहे।
\c 9
\p
\v 1 अना यीसु जनता लक कव्हासे, मि तुमरो लक खरो कव्हुसू, का जोन यहान उभो सेत उनमा लक कोनी कोनी असो से, का जबा तकन परमेस्वर को राज ताकत लक आयो नही चोव लेहेत, तबा तकन वय नही मरहेत।
\s यीसु को रुप बदलनो
\r (मत्ती 17:1-13; लूका 9:28-36)
\p
\v 2 एक हफ्ता को मंघा यीसु ना पतरस याकूब अना योहन गिनको सँग एक लगत उच्चो पहाड़ को वरता गयो। अना उता उनको पुढा यीसु को रुप बदल गयो।\x - \xo 9:2 \xo*\xt 2 पतरस 1:17-18 \xt*\x* 
\v 3 ओको कपरा असो चमकन लग्यो जसो कोनी बरेठ धरती मा असो पाँढरो नही कर सकत, एतरो पाँढरो होतो। 
\v 4 अना उनला भविस्यवक्ता मोसे अना एलिय्याह चोयो, वय यीसु को सँग गोस्टी करत होतीन। 
\v 5 तबा पतरस यीसु ला कव्हासे, हे गुरू जी! हमरो यहान रव्हनो साजरो से, एकोलाय आमी तीन मान्डो बनाबिन एक तोरो एक मोसे अना एक एलिय्याह लाय। 
\v 6 काहेका वय बेजा भेवमा होतीन एकोलाय काजक जवाब देवनो से वोला समजमा नही आयो।
\p
\v 7 तबा एक बादल ना उनला ढाक लेईस। अना वय बादल मा लक यो आवाज आयकू आयी, का यो मोरो चहेतो टूरा आय, एको आयको\x - \xo 9:7\xo*\xt मत्ती 3:17; मरकुस 1:11; लूका 3:22\xt*\x*। 
\v 8 तबा उनना एकाएक आख-पाखा चोइन, अना यीसु को सीवाय आपरो सँग कोनी ला नही पायीन।
\p
\v 9 पहाड़ लक उतरतो बेरा वोना हुकूम देइस, का जबा तकन मानूस को टूरा मरके जित्तो नही होवासे। तबा तकन जोन काही तुम्ही ना चोयीसेव कोनी लक नोको साँगने।
\p
\v 10 उनना यो गोस्टी ला हेत करके आपसी मा बातचीत करन लगीन, का मरो मा लक जी उठनो काजक से? 
\v 11 अना चेला गीन कव्हन लगीन, मोसे को नियम को गुरू काय लाय कव्हासेत? पयले एलिय्याह को आवनो पक्को सेत?\x - \xo 9:11\xo*\xt मत्ती 11:14\xt*\x*
\p
\v 12 वोना जवाब देइस, एलिय्याह सच मा पुढा आयके सब काही सुधारेत? पर मानूस को टूरा को बारे मा कायलाई लिखीसे की उ लगत दुख उचले अना निकम्मो गिनो जाहे। 
\v 13 अना मि तुम लक कव्हसु, का एलिय्याह तो आय गयो से? अना जसो ओको बारे मा लिखयो से उ सबच पूरो भय गयो से।
\s यीसु भूत झोमयो टूरा ला साजरो करनो
\r (मत्ती 17:14-21; लूका 9:37-43)
\p
\v 14 जब यीसु चेला गीन को कठा आयो, तो चोयीस का उनको आखा-पाखा भीड़ जमा होती; अना मोसे को नियम को गुरू उनको सँग बैस करत होतीन। 
\v 15 अना ओला चोयकेना सब गजब चकित भईन अना ओको कन धावके ओला दन्डवत करीन। 
\v 16 यीसु ना चेलागीन लक पुछिस तुमी इनको सँग कायला बैस करोसो।
\p
\v 17 भीड़ मा लक एक ने ओला जवाब देइस, हे गुरुजी मि आपरो टूरा ला जेनको पर भूत झोमो से वोला तोरो कठा आनयो होतो। 
\v 18 जितानी-उतानी वा ओला धरके अना पटक देसे, ओला मिरगी आवासे मिना तोरो चेला ला भूत कहाडन लाय कव्हयो, पर वय कोनी काम को नाहत ओला नही कहाड़ सकीन।
\p
\v 19 यो आयक के ओना जवाब देइस तुम्ही अबिस्वासी काहे बनयो सेव? मि कब लक तुमरो सहुँ? बिमार ला मोरो कठा आनो।
\p
\v 20 तबा उ बीमार ला ओको कठा आनीन, तब ओना डोरा भरके ओला चोइस, अना वा भूत ओला मरोड़न लगयो, अना जमीन मा पटकन लगयो, अना उ टोन्ड लक फेसकुड़ फेकन लगयो।
\p
\v 21 तबा यीसु ना ओको बाबूजी ला कहीस, एको हाल कब लक से? ओना साँगीस का नहानपन लक से। 
\v 22 अना वोना ओला नास करन ला कभी स्तो मा, कभी पानीमा पड़ात होतो, पर तु काही कर सकासेस, ता हमरो पर तरस खायके एला साजरो कर।
\p
\v 23 यीसु ना ओला कहीस, अदी जोन भरोसा राखासेत, वोको लाय सब काही होय सकासे।
\p
\v 24 टूरा को बाबूजी ना तुरत गिड़गिड़ाय के कहीस, हे पिरभु मी बिस्वास राखुसू तु मोरो अबिस्वास को उपाय कर।
\p
\v 25 जबा यीसु ना चोविस की लोकगीन धावके भीड़ लगावसे, तो ओना भूत ला हुकूम देइस। हे गुंगो अना बावरो भूत! एको मा लक हिट जाय, अना एको मा दुबारा नोको धसजोस।
\p
\v 26 तबा भूत बेमियायके ओला लगत मरोड़के वोमा लक हिट गयो। अना उ टूरा मरो जसो भय गयो, एतरो तकन की लोग कव्हन लगीन, उ मर गईसे। 
\v 27 पर यीसु ना ओको हात धरके ओला उचलीस, अना उभो भय गयो।
\p
\v 28 जबा उ घर मा आयो, तो ओको चेला ना ओको लक एकलो मा पुसिन, आमी ओला काय ला नही कहाड़ सकया।
\p
\v 29 वोना उनला साँगीस की असो भूत-पलित बिना पिराथना कियो नही हिटासे।
\s यीसु आपरी मिरतु को बारे मा दुबारा साँगनो
\r (मत्ती 17:22,23; लूका 9:43-45)
\p
\v 30 मंग यीसु अना चेलागिन उता लक हिटके अना गलील मा लक जावत होतो, उ नही चाव्हत होतो का कोनी जान पाहे, का वय वहान पर सेत। 
\v 31 काहेका उ केवल आपरो चेला गीन ला सिक्सा देवत अना कव्हत होतो। मानूस को टूरा मानूस गीन को हात धराय देहेत अना वोला मार दियो जाहेत, अना उ मरनको तीन दिवस मघा जित्तो भय जाहेत।
\p
\v 32 पर या सबद उनको समज मा नही आई। पर वय पुसन लक डरात होतिन।
\s सब लक मोठो कोन?
\r (मत्ती 18:1-5; लूका 9:46-48)
\p
\v 33 अना वय कफरनहुम नगर मा आइन, घर मा धसन को मंघा यीसु चेलागीन ला पुसासे की रास्ता मा तुमी कोन गोस्टी लक बैस कर रहया होता।
\p
\v 34 पर वय ऊगो मुगो भय गईन, काहेका उ रास्ता मा यो बैस करत होतीन, का आमरो मा कोन मोठो से?\x - \xo 9:34 \xo*\xt लूका 22:24 \xt*\x* 
\v 35 \x - \xo 9:35 \xo*\xt मत्ती 20:26-27; 23:11; मरकुस 10:43-44; लूका 22:26\xt*\x*तबा यीसु बस गयो अना वय बारा ला हाकलके कव्हसे? अदी कोनी मोठो होवनो चाव्हसे, तो सब लक लहान बन जाय, अना सबको दास बनेह। 
\v 36 अना एक नहानो सो टूरा ला आपरो कन्हिया मा धरके कव्हासे। 
\v 37 \x - \xo 9:37 \xo*\xt मत्ती 10:40; लूका 10:16; योहन 13:20 \xt*\x*जो कोनी मोरो नाव लक असो टूरा मा लक कोनी एकच ला भी अपनावसे उ मोला अपनावासे अना जो कोनी मोला अपनावासे, उ मोला नही मोरो धाड़न वालो परमेस्वर ला अपनावासे।
\s जोन विरोधी नही उ पक्स मा से
\r (लूका 9:49-50)
\p
\v 38 तबा योहन ना ओको लक साँगीस, हे गुरूजी आमी ना एक मानूस ला तोरो नाव लक भूत-पलीत ला हेडतया देखाया अना ओला अमीना मना करीसेजन, 
\v 39 यीसु ना कहीस का वोला मना नोको करो। काहे का असो कोनी नहात जोन मोरो नाव लक अचंभा को काम करे अना मोला बुरो कहे। 
\v 40 काहेका जोन आमरो विरोध मा नहात, उ आमरो कना से।\x - \xo 9:40 \xo*\xt मत्ती 12:30; लूका 11:23\xt*\x* 
\v 41 जोन कोनी तुमला मसीह होवन को कारन मोरो नाव लक एक गिलास थन्डो पानी देहे, मी तुमला खरो कव्हासू तो वोला आसीस मिलेह।\x - \xo 9:41 \xo*\xt मत्ती 10:42 \xt*\x*
\s पाप को कारन नोको बननो
\r (मत्ती 18:6-9; लूका 17:1,2)
\p
\v 42 जोन कोनी ऐना लहान लक जोन मोरो पर भरोसा ठेवासे, अना कोनी पाप को कारन बनकर उनको भरोसा तोड़ देसे, ता भलो होतो की एक मोठो चक्की को पाट वोको गरो मा बांधके वोला समुदर मा डाक दियो जातो। 
\v 43 अदी तोरो हात तोरो पाप को कारन बनासे, ता उ हात ला कापके फेक दे, भलो से की तु टुन्डो भयके जीवन पावजोस पर दुई हात को रहतो नरक मा नही पड़जोस, जहान को स्तो कभ्भू नही बुझेत। 
\v 44 जहान कीड़ा नही मरन को अना स्तो नही बुझन को\f + \fr 9:44\fr*\ft यो पद जूनो दस्तावेज मा नहात।\ft*\f*। 
\v 45 अदी तोरो पाय तोला पाप को कारन बनासे, तुमी वोला काप डाक, चांगलो जिंदगी योच से का तुमी लगड़ा भयके परमेस्वर को राज मा जावो पर दोन पाय को रहतो नरक मा जानो साजरो नहात। 
\v 46 जहान कीड़ा नही मरन को अना ना स्तो बुझन को\f + \fr 9:46\fr*\ft यो पद जूनो दस्तावेज मा नहात।\ft*\f* 
\v 47 अखीन अदी तोरो डोरा तोला पाप को कारन बनासे ता ओला हेड़ दे, भोकना भयके परमेस्वर को राज मा धसनो तोरो लाई साजरो से दुई डोरा धरके नरक मा जानो लक।\x - \xo 9:47\xo*\xt मत्ती 5:29\xt*\x* 
\v 48 जिता उनको कीड़ा नही मरा अना स्तो नही बुझा। \f + \fr 9:48 \fr*\ft यो पद जूनो दस्तावेज मा नहात। \ft*\f*
\p
\v 49 जसो नोन बलिदान ला सुध्द करासे, वसोच हर एक मानूस स्तो लक सूद कियो जाहे।
\p
\v 50 नोन त साजरो से, पर अदी नोन को स्वाद चलो जाहे, त कोनती सी चीज लक नमकीन करयो जाहे, एकोलाय आपरो मा नोन राखो,
\p अना आपस मा मेल जोल राखो।
\c 10
\s छोड़ छुट्टी को बारे मा यीसु को सिक्सा
\r (मत्ती 19:1-12; लूका 16:28)
\p
\v 1 यीसु मसीह ना ओना जघा ला सोड़ देइस अना यहुदिया को छेतर लक होयके यरदन नदी को पार आयो। अना भीड़ ओको कठा एकठ्ठा भई अना वय अपरो रिति लक उनला सिक्सा देवन लगयो।
\p
\v 2 फरिसी दल को लोक यीसु को जवर आइन, अना वोको परिक्सा लेवन को ठानके पुसन लागीन। का मोसे को नियम लक नवरा आपरी बायको ला छोड़ासे? का यो खरो से?
\p
\v 3 ओना उन लक कहीस गुरुजी मोसे ना तुम ला काजक हुकूम देइसेस?
\p
\v 4 उनना कहिन गुरुजी मोसे ना ता आपरी बायको ला कागद मा लिखके छोड़छुट्टी देवन को हुकुम दियोसे\x - \xo 10:4 \xo*\xt मत्ती 5:31\xt*\x*।
\p
\v 5 यीसु ना उनला कहीस, तुमरो गोटा जसो मन होवन को कारन ओना तुमरो लाय असो हुकूम लिखीसेस। 
\v 6 सुरुआत मा परमेस्वर ना मरद अना बायको ला बनाईस। 
\v 7 एकोलाय मानूस आपरो माय बाबूजी ला सोड़हेत अना आपरो बायको को संग च रहेत। अना वय दुही एकच तन होहेत। 
\v 8 असो परकार अबा वय दुई नही पर एकच देह सेत। 
\v 9 एकोलाय जोन ला परमेस्वर ना जोड़ीसेस ओला मानूस अलग नोको करेत।
\p
\v 10 चेला गीनना घर पहुचके यो बारे मा यीसु लक मंग सवाल करीन। 
\v 11 यीसु उनला कहीस, जोन कोनी आपरी बायको ला सोड़ के दुसरी पाठ करेत, ता उ पयली को विरोध मा खोटो काम करासे\x - \xo 10:11 \xo*\xt मत्ती 5:32; 1 कुरिन्थियो 7:10-11\xt*\x*। 
\v 12 अना अदी बायको आपरो नवरा ला सोड़के दुसरो लक पाठ करेत ता वा खोटो काम करासे।
\s यीसु नहानो लेकरागीन ला आसिरवाद देसे
\r (मत्ती 19:13-15; लूका 18:15-17)
\p
\v 13 लोक यीसु को जवर लेकरा गीनला आनीन, का उनला आसीरवाद देये। अना चेलागीन उनला डटकारन लगीन। 
\v 14 यीसु ना यो चोयके गुस्सा लक उनलक कहीस, लेकराइन ला मोरो जवर आवन देव अना उनला मना नोको करो। काहे का परमेस्वर को राज असोच लोकगीन को से। 
\v 15 मी तुम लक खरो कव्हसु, जोन कोनी परमेस्वर को राज लेकरा को समान नही अपनाहेत, वय ओमा कभी धस नही पाहेत।\x - \xo 10:15\xo*\xt मत्ती 18:3\xt*\x* 
\v 16 अना ओना ओला कन्हिया मा राखके ओको पर हात राखीस अना उनला आसीस देइस।
\s जुवान धनी मानूस अना अमर जीवन
\r (मत्ती 19:16-30; लूका 18:18-30)
\p
\v 17 अखीन जबा यीसु जतरा को लाई हिटत होतो। तबा एक मानूस धावत आयो, अना ओको पुढा टोघरा टेकके ओना यो पुसयो, ओ साजरो गुरु! मि अमर जीवन ला पावन लाई का करू?
\p
\v 18 यीसु ना ओको लक कहीस, तु मोला साजरो काहे कव्हासे? परमेस्वर ला सोड़के कोनी बेस नहात। 
\v 19 तु हुकूम ला जानासेस का कोनी को जियान नोको लेवने, छिनाली नोको करने, चोरी नोको करने, झुठो पुरुप नोको देने, छल नोको करने, आपरो माय बाबूजी को आदर करने।
\p
\v 20 ओना यीसु ला कहीस, हे गुरुजी एने गोस्टी ला ता मि नहानपन लक मानता आयीसेऊ।
\p
\v 21 यीसु ना ओला नजर गड़ायके ध्यान लक चोयीस, अना ओको दिल मा माया उमड़ गयो। यीसु ना ओला कहीस, तोरो मा एक गोस्टी की कमी से, जाय अना जो तोरो तिजोरी माल से ओला गरीब गोर इनला देदे, अना आयके मोरो मंघा चल तब तु परमेस्वर को राज मा मजे सरग मा धन पावजोस। 
\v 22 यो आयक के ओको टोन्ड उदास भय गई, अना उ टोन्ड उतारके घर चली गयो, काहेका उ लगत धनी होतो।
\p
\v 23 यीसु ना आसपास मा चोयके आपरो चेला गीनला कव्हयो धनवान को परमेस्वर को राज मा धसनो गजब कठिन से।
\p
\v 24 यीसु की गोस्टी ला आयक के चेला चकित भईन, तब यीसु ना उनला जवाब देइस, ओ लेकरागिन जोन धन पर भरोसा राखासेत, उनको परमेस्वर को राज मा धसनो गजब कठिनसे। 
\v 25 ऊट ला सुई को छेद लक पार होय जानो सरल से। पर धनी मानूस को परमेस्वर को राज मा धसनो सरल नहात। \fig सहेर को परकोट अना बेसकुड़ को बाहेर ऊट बिकतो हुयो बयपारी|alt="Merchant leading a camel outside a city wall and gate" src="HK00041C.TIF" size="col" copy="Horace Knowles ©" ref="10:25"\fig*
\p
\v 26 चेलागीन गजब चकित भयके कव्हन लगीन, अता कोन को सूटकारा होय सकासे?
\p
\v 27 यीसु ना उनला चोयके कहीस, मानूसगिन लक ता असो नही होय सकासे, पर परमेस्वर को लाय सरल से।
\p
\v 28 पतरस न ओको लक कहीस, देख, आमी त सब काही छोड़- छाड़ के तोरो मंघा आईसेजन।
\p
\v 29 यीसु खरोपन लक उनला कव्हासे, जोन मोरो अना साजरा बारता को कारन, आपरो घर, भाऊ, बहिन, माय अना बाप अना लेकरा अना खेत ला सोड़ दियो से। 
\v 30 अना योच जीवन मा सौ गुना पाहेत, घर, भाऊगीन, बहिनगीन, मायगीन, लेकरागीन अना खेत, इन सबको संग सताव अना आवन वारा जुग मा हरामेसा को लाय जिन्दगी भेटेत। 
\v 31 पर वय जोन पुढा सेत, वय मंघा होहेत, अना जो मंघा सेत, वय पुढा होयेत।\x - \xo 10:31\xo*\xt मत्ती 20:16; लूका 13:30\xt*\x*
\s आपरी मौत को बारे मा यीसु को तीसरो भविस्यवानी
\r (मत्ती 20:17-19; लूका 18:31-34)
\p
\v 32 यीसु अना वोको चेला येरुसलेम नगर जावनवारी रस्ता मा लक जावत होतिन। अना यीसु पुढा-पुढा चलत होतो, तबा उन बारा ला वोना आपरो पर आवनवालो मुसीबत को बारे मा सांगिस यो आयक के चेलागीन चकित होय गईन, अना ओको मंघा आवनवालो लोकगीन डराय गईन। 
\v 33 चोवो, आमी येरुसलेम नगर ला जावासेजन, अना “मानूस को टूरा” मुखिया याजक अना मोसे को नियम को गुरू गीनको हात मा सोप दियो जाहेत, अना वोला जान लक मारन को दन्ड देवन काजी, गैर यहुदीगीन को सुपरत कर दियो जाहे। 
\v 34 वय वोको मजाक उड़ाहेत, थुकेत अना मार डाकेत, अना उ तीन दिवस मा जित्तो होय जाहेत।
\s याकूब अना योहन की बिनती
\r (मत्ती 20:20-28)
\p
\v 35 तबा जबदी को टूरा याकूब, अना योहन ना यीसु को कठा आयके कहिन, “हे गुरुजी, हमी चाव्हसेजन का तोरो लक जो काही भी माँगबिन, तु हमरो लाय करजोस।”
\p
\v 36 ओना उन लक कहीस, की “तुम काजक, चाव्हसो? मि तुमरो लाई काजक करु?”
\p
\v 37 उनना ओको लक कहिन “जबा तु महिमा को सँग सिहासन मा बसजोस तबा, आमी मा लक एक ला उज्जो अना दुसरो ला डाखयो मा बसाजोस।”
\p
\v 38 यीसु ना उन ला कहीस “तुम्ही नही जानासेव, का काजक माँगसो? जोन दुख को बटकी मि पीवन पर सेउ, वोला तुमी वोला पी सकसो? अना का जसो मी बप्तिस्मा लेवन ला तैय्यार सेव, वसोच तुमी भी बप्तिस्मा लेवन ला तैय्यार सेव?”\x - \xo 10:38 \xo*\xt लूका 12:38\xt*\x*
\p
\v 39 उनना ओको लक कहिन की, “हव हमि ले सकासेजन।”
\p एतरो पर यीसु ना कहीस “जोन बटकी मि पीवन पर सेउ, ओला तुमी भी पीहो अना जोन बप्तिस्मा मोला लेनो से वोला तुमी लेहो, 
\v 40 मंग परमेस्वर ना जिनको लाई जघा तैय्यार करीसेस उनला च दियो जाहे। अना कोनी ला आपरो उज्जो अना डाख्यो बसानो मोरो काम नाहत।”
\p
\v 41 असो आयक के दहा चेलागीन याकूब अना योहन पर गुस्सा होय गईन। 
\v 42 यीसु ना चेला गीन ला जवर हाकलके कहीस,\x - \xo 10:42\xo*\xt लूका 22:25-26 \xt*\x* “तुमी जानसो का जोन दुसरो लोकगीन को राजा अना अधिकारी जानो जावासे, उ आपरी जनता पर हक जमावासेत। 
\v 43 पर तुम्ही मा असी बात नाहत पर जो तुम्ही मा पयले होवनो चाव्हासे व पयले तुमरो दास बनेह\x - \xo 10:43\xo*\xt मत्ती 23:11; मरकुस 9:35; लूका 22:25-26\xt*\x*। 
\v 44 जो तुम्ही मा मुखिया होवनो चाव्हासे व सबका दास बने। 
\v 45 काहे की मानूस को टूरा आपरी सेवा करान लाय नही, पर सेवा करन ला अना सबको लाय पाप को दाम चुकावन अना सूटकारा देवन आयो से। अना लगत लोक गीनला सोड़ान को लाय आपरो परान देदे।”
\s अँधरा बरतिमाई ला डोरा देवनो
\r (मत्ती 20:29-34; लूका 18:35-43)
\p
\v 46 यीसु अना ओको चेला यरीहो लक होयके जाय रही होतीन, तिमाई को टूरा बरतिमाई एक अँधरा भिखारी होतो, अना सड़क को कगर मा बसयो होतो। 
\v 47 जबा ओना आयकिस, की उ नासरत वालो यीसु से, जोन जावासे, ता हाकल के कव्हन लगयो, “हे यीसु नासरी दाऊद को सन्तान! मोरो पर दया कर!”
\p
\v 48 लगत लोक ओला डटकारन लगीन की चुप रव्ह, पर उ अखीन जोर-जोर लक हाकलन लगयो, “हे दाऊद को सन्तान मोरो पर दया कर।”
\p
\v 49 यीसु रुकयो अना कहीस, “ओला बुलाव,” लोकइन ना ओला बुलाइन
\p अना कहीन की “हिम्मत राख, उभो होय! उ तोला हाकलासे”
\p
\v 50 उ आपरी चद्दर फेकके उछल पड़यो, अना यीसु जवर आयो।
\p
\v 51 यीसु ना ओको लक पुसिस की “का चाव्हसेस मि तोरो लाई करु?”
\p अँधरा ना जवाब देइस की “गुरुजी मि चोवन चाव्हुसु।”
\p
\v 52 यीसु ना कव्हयो “जा तोरो भरोसा ना तोला साजरो करीसेस,”
\p अना उ चोवन लग्यो अना यीसु को मँघा भय गयो।
\c 11
\s यरुसलेम मा जीत लक धसनो
\r (मत्ती 21:1-11; लूका 19:28-40; योहन 12:12-19)
\p
\v 1 जबा वय येरुसलेम को कगर जैतून पहाड़ पर, बैतफगे अना बैतनिय्याह गाँव को जवर आइन। यीसु आपरो चेला मा लक दुई ला यो कहके धाड़ीस 
\v 2 की “ओना नगर मा जावो, अना जसो ही तुमी धसो तो तुमला पाटरू बच्चा चोयेत। जोन पर कोनी नही बसयो से, ओला खोलके आनने। 
\v 3 अदी तुम ला कोनी पुछेत असो काहे करोसो, त कव्हने की मोरो मालिक ला एको काम से, उ ओला गदने इता धाड़ देहेत।”
\p
\v 4 उनना जायके उ पाटरू ला बाहेर बेसकुड़ को जवर चौक मा बन्धो पाईन, अना खोलन लगीन। 
\v 5 अना उनमा लक जोन उता उभा होतीन, कोनी कोनी कव्हन लगीन, “की यो का करोसो? गढव को पाटरू ला काय ला खोलोसो?”
\p
\v 6 उनला जसो यीसु न कहि होतीस, वसोच उनला कव्ह देईन, तबा उनना उनला जावन देईन। 
\v 7 अना उनना उ पाटरू ला यीसु को जवर आनके आपरो कपरा ओमा डाक देईन, अना उ ओमा बस गयो। 
\v 8 लगत लोकगीन ना आपरो कपरा रास्ता मा बिछाइन, अना काही ना खेत मा लक नहानी-नहानी डारी काटके फैलाय देइन। 
\v 9 अना जोन ओको पुडा-पुढा जावत, अना मंघा चलो आवत होतीन, चिल्लाय के कव्हत होतीन, “ओ पिरभू अमीला बचा! धन्य से उ, जोन पिरभु को नाव लक आवासे। 
\v 10 हमरो बाबूजी दाऊद को राज जोन आय रही से; उ धन्य से, वरता बादल मा जय जयकार हो!”
\p
\v 11 अना उ येरुसलेम पहुचके मंदिर मा आयो। अना चहु तरफा सब चीजहुन ला चौवके, बारा चेलागिन को सँग बैतनिय्याह गाँव गयो। काहेकि झुलाखाली बेरा भई गयो होतो।
\s यीसु ना अँजीर को झाड़ ला सराप दियो
\r (मत्ती 21:18; 19)
\p
\v 12 दुसरो दिवस जबा यीसु अना चेलागीन बैतनिय्याह लक आय रही होतीन, तबा यीसु मसीह ला भुख लगी। 
\v 13 अना उ दुहुर लक अँजीर को झाड़ चोवके जवर आयो, जोन पत्ता लक ढकयो होतो। पर पत्ता ला छोड़ ओमा काही नही मिलयो, काहेकि फर को बेरा नही होती।
\p
\v 14 एतरो पर ओना झाड़ लक कहीस “अता सदा लक कोनी तोरो फर नही खाहेत!” अना ओको चेला आयकत होतीन।
\s मँदिर लक धँधा करनवालो ला हेड़नो
\r (मत्ती 21:12-17; लूका 19:45-48; योहन 2:13-22)
\p
\v 15 मंग यीसु अना ओको चेला येरुसलेम मा आइन, अना उ मंदिर मा गयो। अना उता जो लेन-देन करत होतीन, उनला बाहेर हेड़न लगयो। अना सोना-खुरो बिकन वालो की पीढा, अना परेवा बिकन वालो की पीढा ला उलट देइस। 
\v 16 अना मंदिर मा लक होयके कोनी ला, बरतन धरके आवन-जावन नही देइस। 
\v 17 अना सीकान को लाय उनलक कहीस, “का पवीतर गिरंथ मा नही लिखियो से? की मोरो घर सब देस को लोकगीन को लाय पिराथना करन को घर\f + \fr 11:17\fr*\ft पिराथना का मंदिर\ft*\f* कहलाहे पर तुमी ना एला डाकूगीन को अड्डा बनाय डाकिसेव।”
\p
\v 18 यो आयक के मुखिया पुजारी अना मोसे को नियम को गुरू ओला नास करन को तक्का चोवन लगीन। सब लोक ओको सिक्सा लक चकित होतीन एकोलाय वय डरात होतीन।
\p
\v 19 अना झुलाखाली होवनो पर यीसु अना ओको चेला नगर लक बाहेर चली गईन।
\s सूक्को अँजीर को झाड़ लक सिक्सा
\r (मत्ती 21:20-22)
\p
\v 20 मंग पहट ला जबा वय उता लक जावत होतीन, त चेलागिन उ अँजीर को झाड़ जड़ ला सूक्को चोइन। 
\v 21 तब पतरस ला वा गोस्टी हेत आई, अना ओना यीसु ला कहीस, “ओ गुरू जी चोव! यो अँजीर को झाड़ जेनला तुना सराप दियो होतो, उ सूक गयो से।”
\p
\v 22 यीसु ना ओला साँगिस का “परमेस्वर भरोसा पर ठेवो।” 
\v 23 मि तुमी लक खरो कव्हसु “की जोन कोनी मन मा संका नही राखेत अना भरोसा राखके यो पहाड़ लक कहे, की तु उखड़ अना यहान समुदर मा पड़ जाय त ओको लाई वसो होय जाहेत।”\x - \xo 11:23\xo*\xt मत्ती 17:20; 1 कुरिन्थियो 13:2\xt*\x* 
\v 24 एकोलाय मि तुमी लक कव्हसु, की जो काही तुमी पिराथना करके माँगोह त भरोसा कर लेव की तुमला मिल गयो अना तुमरो लाई वसो होय जाहेत। 
\v 25 \x - \xo 11:25 \xo*\xt मत्ती 6:14-15\xt*\x*अना जबा कभी तुमी उभा होयके पिराथना करासो, त तुमरो मन मा कोनी को बारे मा काही विरोध से ता छिमा करहो, एकोलाय की तुमरो सरग को बाबूजी भी तुमरो गलती छिमा करेत। 
\v 26 अना तुमी अदी छिमा नही करहो, त तुमरो बाबूजी परमेस्वर भी जो सरग मा से, तुमरो गलती छिमा नही करेत। \f + \fr 11:26\fr*\ft यह लेख पुराने दस्तावेज में नही मिलता। \ft*\f*
\s यीसु को हक पर सवाल
\r (मत्ती 21:23-27; लूका 20:1-8)
\p
\v 27 यीसु अना वोको चेला येरुसलेम नगर मा आइन, अना जबा उ मंदिर मा फिरत होतो त मुखिया याजक अना मोसे को नियम को गुरू, अना सयाना ओको जवर आयके पुछन लगीन, 
\v 28 “तु यो काम कोन हक लक करसेस? अना असो हक तोला कोन न देईसेस की असो काम करजोस?”
\p
\v 29 यीसु ना उन लक कहीस, “अदी तुमी मोला जवाब देहो, ता मि तुमला साँगु की मि यो काम कोन हक लक करासू।” 
\v 30 योहन को बप्तिस्मा देवनो, का सरग को परमेस्वर को कन लक से, का मानूस को कन लक से? अता साँगो।
\p
\v 31 तबा वय आपसी मा बैस करन लगीन, की अदी आमी कहबिन सरग को कन लक सेत त उ कहेत मंग तुमी ना ओको काय लाई नही भरोसा ठेयत? 
\v 32 अदी आमी असो कव्हबिन का उ मानूस को कन लक सेत? ता लोकगीन को भेव सेत, काहे की सब जानत होतिन, योहन सचमूच मा भविस्यवक्ता होतो। 
\v 33 एकोलाय उनना यीसु ला जवाब देईन, “आमी नही जानासेजन।”
\p यीसु ना उन लक कहीस। “मि भी तुमला नही साँगु, की यो काम कोनतो हक लक करूसू?”
\c 12
\s बुरो ठेकेदार को उदाहरन
\r (मत्ती 21:33-46; लूका 20:9-19)
\p
\v 1 मंग यीसु मुखिया याजकगिन, अना सास्तरी, सियानो गिनलक उदाहरन मा गोस्टी सांगन लगयो, कोनी मानूस ना अंगूर को बारी लगाईस अना ओको चारो कना रुधान रूधिस अना रसा को कुन्ड खन्दिस अना जगेली को लाय मचान वारो ढाबा बनायो अना कास्तकार गिनला ओको ठेका देयके परदेस चली गयो। 
\v 2 मंग फर को बेरा मा ओना कास्तकारगिन को जवर एक दास ला धाडिस, की कास्तकारगिन लक अंगूर को बारी को फर को हिस्सा लेय। 
\v 3 पर उनना दास ला धरके पीटीन अना छुछो हात वापिस कर देईन। 
\v 4 मंग मालीक ना एक अखीन दास ला उनको जवर धाडिस। उनना ओको डोस्का फोड देईन अना ओको बेइज्जती करीन 
\v 5 मंग ओना एक अखीन ला धाडिस, उनना ओला भी मार डाकिन, तबा ओना अखीन लगत सा हिनला भी धाड़िस उनमा लक उनना काही ला पीटीन अना काही ला मार डाकिन। 
\v 6 अता एकच रह गयो होतो, जोन ओको चहेतो टूरा होतो, आखीर मा ओना उनको जवर यो सोचके धाड़िस की वय मोरो टूरा को मान करयेत। 
\v 7 पर उन कास्तकार ना आपस मा कहिन, योच ता वारिस से आव आमी एला मार डाकबिन तबा राज पाठ आमरी होय जाहे 
\v 8 अना उनना ओला धरके मार डाकिन अना अंगूर को बारी को बाहेर फेक देईन।
\p
\v 9 एको लाई अंगूर को बारी को मालिक का करेत, उ आयके उन कास्तकार ला मारेत अना अंगूर को बारी दुजो ला दे देहे। 
\v 10 का तुमी ना पवितर गीरंथ मा यो नही बाचिसेव?
\q1 “जेने गोटा ला कारिगर ना नकारो होतीन
\q1 वोच कोनो को गोटा भय गयो।
\q2
\v 11 असो पिरभु परमेस्वर को कन लक भयो
\q2 अना हमरो नजर मा चमत्कार से।”
\p
\v 12 तबा उनना ओला धरन चाहीन काहेकि समझ गईन होतिन की ओना आमरो खिलाफ मा असो उदाहरन कहीसे पर वय लोक लक डरान अना ओला सोड़ के चली गईन।
\s राजा कैसर ला जमा पटानो
\r (मत्ती 22:15-22; लूका 20:20-26)
\p
\v 13 तबा उनना यीसु ला गोस्टी मा फसावन को लाई काही मोसे को नियम को गुरू अना हेरोदि गीनला ओको जवर धाड़िन 
\v 14 उनना आयके ओको लक कहिन हे गुरु आमी जानसेजन की तु खरो सेस अना कोनी को चिंता नही करस काहे की तु मानूस को टोंड चोवके बात नही करस, पर परमेस्वर को रास्ता खराई लक साँगासेस त का मोसे को नियम लक कैसर\f + \fr 12:14\fr*\ft रोम को मोठो राजा कैसर\ft*\f* को जमा पटावनो साजरो से का नहात?
\p
\v 15 आमी देबिन या नही देबिन? ओना उनको कपट जानके उनला कहीस “मोला कायलाई परखोसो?” “एक सिक्का मोरो जवर आनो की मि ओला चोय लेउ।”
\p
\v 16 वय आन के देयीन अना ओना उनलक कहीस, “यो छाप अना नाव कोन को से?”
\p उनना कहीन “कैसर को।”
\p
\v 17 यीसु ना कहीस “जो कैसर को से, उ कैसर ला अना जो परमेस्वर को से, ओला परमेस्वर ला देव।”
\p तबा वय ओको पर लगत अचंभा करन लगीन।
\s मरो मा लक जित्तो होवनो अना सादी
\r (मत्ती 22:23-33; लूका 20:27-40)
\p
\v 18 \x - \xo 12:18\xo*\xt पेरीत 23:8\xt*\x*मंग सदुकी लोक भी कहोसेत की “मरो मा लक जित्तो होवनो नहाय” ओको जवर आयके ओको लक पुसिन, 
\v 19 “हे गुरूजी मोसे गुरुजी ना आमरो लाई लिखीसेस, की अदी कोनी को भाउ बिना औलाद कियो मर जाहे, अना ओकी बायका रह जाहे त ओ भाउ की बायका लक बिहा कर सके अना आपरो भाऊ को लाई औलाद पैदा करेत। 
\v 20 सात भाउगीन होतीन, जिनलक पयलो भाऊ बिहा करके बिना ओलाद कियो मर गयो। 
\v 21 तबा दुजो भाउ ना वा बायका लक बिहा कर लेइस, अना बिना ओलाद को मर गयो। अना वसोच तीसरो ना करीस 
\v 22 अना सातोगीन लक औलाद नही भई, सब को मंघा वा बायका भी मर गई। 
\v 23 एको लाई जित्तो होवनो को मंघा वा उनमा लक केकी बायको होहे? काहे की वा त सातई की बायको भई गई होती।”
\p
\v 24 यीसु ना उन लक कहीस, “का तुमला भुल नही भई से, अना का तुमी ना कभी पवितर गीरंथ नही वाचीसेव अना का परमेस्वर की ताकत ला नही जानासो?” 
\v 25 काहेकि जबा मरया हुया लक वय जी उठेत, त वय न त बिहा करयेत, अना न त बिहा मा दिया जाहेत, पर सरग मा दूत को जसो रहेत। 
\v 26 मरयो हुयो को जीवनो को बारे मा, का तुमी ना मोसे को किताब मा, “झाड़ी की कथा” ला नही वाचयत, की परमेस्वर ना कहीस “की मि अबराहम अना इसहाक अना याकूब को परमेस्वर सेव?” 
\v 27 परमेस्वर मरो हुयो का नही, वरन जित्तो को परमेस्वर से, “एकोलाय तुमी मोठो भूल मा पड़या सेव।”
\s सब लक मोठी हुकूम
\r (मत्ती 22:34-40; लूका 10:25-28)
\p
\v 28 मोसे को नियम को गुरू गीन मा लक एक ना आयके, उनला बैस करता आयकीस, अना यो जानके की ओना उनला साजरो रिति लक जवाब देईसेस ओकोलक पुसिस, “सब लक मोठी हुकूम कोनतो से?”
\p
\v 29 यीसु ना ओला जवाब देइस “सब हुकूम लक मोठो हुकूम यो से, की हे इसरायल सुन! पिरभु आमरो परमेस्वर एकच पिरभु से, 
\v 30 अना तु पिरभु आपरो परमेस्वर लक आपरो सारो मन, सारो परान अना सारो बुध्दि अना सारो सक्ति लक माया राखजोस 
\v 31 अना दुसरी या से की तु आपरो पड़ोसी लक आपरो जसो माया राखजोस। एकोलक मोठी अना कोनी हुकूम नही।” 
\v 32 मोसे को नियम को गुरू ना ओको लक कहीस “हे गुरूजी बिलकुल ठीक! तु ना खरो कहिसेस, की उ एकच से अना ओला सोड़ अना कोनी नहात। 
\v 33 अना वोको लक सारो मन, सारो अक्ल, अना सारो परान अना सारो ताकत लक माया राख, अना पड़ोसी लक आपरो जसो माया राख योच दुही हुकूम सप्पा होमन को बलिदान अना बलिदान लक बढके से।”
\p
\v 34 \x - \xo 12:34\xo*\xt लूका 10:25-28\xt*\x*जबा यीसु ना चोयीस की ओना “समजदारी” लक जवाब देईसेस, त ओकोलक कहीस, तु परमेस्वर को राज लक दुहूर नहात,
\p अना कोनी ला मंग ओको लक काही पुसन को हिम्मत नही भई।
\s मसीहा कोन को टूरा से?
\r (मत्ती 22:41-46; लूका 20:45-47)
\p
\v 35 मंग यीसु ना मंदिर मा सिक्सा देवत हुयो यो कहीस, “मोसे को नियम को गुरू कसो कव्हासेत की मसीह दाऊद को टूरा आय?” 
\v 36 दाऊद ना खुदच पवीतर आतमा मा होयके कहिसेस,
\q1 पिरभु ना मोरो पिरभु ला कव्हासे,
\q2 मोरो उज्जो बस
\q2 जबा तकन मि तोरो जरन वालो बैरी ला तोरो पाय को पीढो नोको कर देहुँ।
\p
\v 37 दाऊद त आपच ओला पिरभु कव्हसे मंग उ ओको टूरा कहान लक ठहरो? अना भीड़ को लोक ओको खुसी लक आयकत होतीन।
\s गियानी सास्तरी लक सतरक
\r (मत्ती 23:1-36; लूका 20:45-47)
\p
\v 38 ओना आपरो सिक्सा मा उनलक कहीस, “मोसे को नियम को गुरू गीन लक चाकपाक रव्हने, जोन लम्बो चोगा पहिनके फिरसेत अना बाजार-हाट मा नमस्कार 
\v 39 सभाघर मा मोठो-मोठो कुरसी अना जेयन को भोज मा मुख मुख जघा चाव्हसेत। 
\v 40 वय बेवा गीनको घर हड़प जासेत अना दिसावन लाई लगत देर तकन पिराथना करसेत। यो लगत दन्ड पाहेत।”
\s कँगाल बेवा को दान
\r (लूका 21:1-4)
\p
\v 41 उ मँदिर को दान पेटी को पुड़ा बसके देख रहयो होतो की लोक मँदिर को खजाना मा कोनी रीत लक पैसा डाकसेत अना लगत धनवान ना लगत मा लक काही डाकिन। 
\v 42 एतरो मा एक कँगाल बेवा ना आयके दुई दमड़ी जोन एक अधेला को बराबर होवासे डाकिस। 
\v 43 तबा ओना आपरो चेला ला जवर बुलायके उनलक कहीस, “मि तुमी लक खरो कव्हसु की मँदिर को दान पेटी मा डाकन वालो मा लक यो कंगाल बेवा ना सब लक बढके डाकीस 
\v 44 काहे की सब ना आपरो धन को बढ़ती मा लक डाकिन, पर यो तो आपरो सप्पा कमाई को धन दान कर देइसेस जोन काही वोको जवर होतो। एने आपरो घटी मा लक जो काही ओको जवर होतो।”
\c 13
\s यीसु ला मंदिर को नास की बारे मा साँगनो
\r (मत्ती 24:1,2; लूका 21:5,6)
\p
\v 1 जबा यीसु मंदिर लक हिट रहयो होतो, त ओको चेला मा लक, एक ना ओला कहीस, हे गुरुजी चोव, कसो मोठो गोटा अना कसो सुंदर मकान सेत!
\p
\v 2 यीसु ना ओला कहीस, का तुमी यो मोठा- मोठा घर चोवसो, यो गोटा पर गोटा नही बचेत जो नोको पड़ेत।
\s मुसीबत अना दुख
\r (मत्ती 24:3-14; लूका 21:7-19)
\p
\v 3 जबा उ जैतून को पहाड़ पर मंदिर को पुढा बसयो होतो, त पतरस, याकूब अना योहन अना अन्दिरयास ना एक कन जायके ओला पुसिन, 
\v 4 “आमी ला साँग की यो गोस्टी कब होहेत? अना जबा यो सब गोस्टी पूरी होवन पर होयेत ओनो बेरा को काजक निसान होहेत?”
\p
\v 5 यीसु उनलक कव्हन लगयो, “होसियार रव्हने” का कोनी तुमला नोको बहेकाय। 
\v 6 काहेका लगत सा मोरो नाव लक आयके कहेत, “मि मसिहा आऊ!” अना लगत लोक ला बहेकायेत। 
\v 7 जबा तुम लड़ाई-वड़ाई की चरचा आयको, त नोको घबराने, काहेकी इनको होवनो जरुरी से, पर ओनो बेरा अन्त नही होहेत। 
\v 8 काहेकि जाति पर जाति, अना देस- देस पर चढाई करयेत। जघा-जघा भुईडोल होहेत, अना गिरानी पड़हेत, यो तो जचकि को पयलो दुख को जसो से।
\p
\v 9 \x - \xo 13:9\xo*\xt मत्ती 10:17-20; लूका 12:11-12\xt*\x*पर तुमी आपरो बारे मा होसियार रव्हो, काहेकी लोकगीन तुमला मोठी सभामा सौपेत अना तुमला सभाघर पंचायत मा पिटेत। अना मोरो कारन हाकिम अना राजा गीनको पुढा उभा कियो जाहो, असो परकार लक उन पर गवाही होयेत। 
\v 10 पर जरुरी से की पुढा साजरो बारता सब देस गीनमा आयकवायो जाहेत। 
\v 11 जबा वय तुमला ले जायके कचहरी मा सोपेत, ता पयले लक चिन्ता नोको करने की आमी काजक कव्हबिन पर जोन काही तुमला ओना बेरा सांगोसे वोच कव्हने। काहेकि बोलन वारा तुमी नही सेव, पर पवीतर आतमा से। 
\v 12 भाऊ ला भाऊ अना बाप ला टूरा मार डाकन ला सोपेत, अना लेकरागीन माय- बाप को खिलाप मा जायके उनला मरवाय डाकेत। 
\v 13 \x - \xo 13:13 \xo*\xt मत्ती 10:22 \xt*\x*अना मोरो नाव को कारन सबच लोकगीन तुमी लक बैर करयेत, पर जोन अन्त तकन धीरज धरयो रहेत, वोकोच सूटकारा होयेत।
\s मोठो आफद की बेरा
\r (मत्ती 24:15-28; लूका 21:20-24)
\p
\v 14 \x - \xo 13:14\xo*\xt दानिय्येल 9:27; 11:31; 12:11\xt*\x*एकोलाय जबा तुमी ओनो “उजाड़नवारी बेकार चीज” ला जोन साजरो नहात, उता उभी चोवो, जहान वोको होवनो साजरो नहात। एला बाचनवालो समझ लेहे, तबा जो यहुदिया नगर मा होहे, वय पहाड़ मा पराय जाय, 
\v 15 \x - \xo 13:15\xo*\xt लूका 17:31 \xt*\x*जोन छत मा होयेत, उ आपरो घर लक काही लेवन ला खाल्या नोको उतरे अना भीतर जाये, 
\v 16 अना जोन खेत मा होहेत, उ आपरो कपरा लेवन को लाई मंघा नोको मुरके। 
\v 17 ओनो दिवस मा जोन पोट लक अना दुध पिलावन वारी होहेत, उनको लाई हाय से। 
\v 18 अना पिराथना करो की असो थन्डी मा नोको होय। 
\v 19 \x - \xo 13:19\xo*\xt परकासित वाक्य 7:14\xt*\x*काहेका वय दिवस असो आफद होयेत, जसो परमेस्वर ना दुनिया बनायो से तब लक अबा तकन नही भयो से। ना ता कभ्भू होयेत। 
\v 20 अदी पिरभु उन दिवस ला कम नही करतो त कोनी नही बचतो पर ओनो बेचयो हुयो को मानूस को कारन जिनला ओना बेचीसेस, ओनो दिवस ला घटाइसेस।
\p
\v 21 ओनो बेरा अदी कोनी तुमिलक कहे, चोवो, मसीह इता से या उता से, त भरोसा नोको करने 
\v 22 काहे की खोटो मसीहा अना खोटो भविस्यवक्ता उभो होयेत, अना निसान आना अचँभा काम चोवाहेत की अदी होय सके ता बेचयो हुया ला भी भरमाहेत। 
\v 23 पर तुमी सतरक रव्हने, मिना तुमला सबच गोस्टी पयले लक साँग देईसेउ।
\s मानूस को टूरा को आवनो
\r (मत्ती 24:29-31; लूका 21:25-28)
\p
\v 24 “ओनो दिवस मा दुख को मंघा दिन अँधारो भई जाहेत” अना चँदा को उजाड़ो नही होहेत।\x - \xo 13:24\xo*\xt परकासित वाक्य 6:12\xt*\x* 
\v 25 \x - \xo 13:25 \xo*\xt परकासित वाक्य 6:13\xt*\x*अना बादल लक तारागीन पड़ेत, अना बादल को सक्ति हिलायो जाहे। 
\v 26 \x - \xo 13:26 \xo*\xt परकासित वाक्य 1:7 \xt*\x*तबा लोक मानूस को टूरा ला मोठी ताकत अना महिमा को सँगा बादल मा आवता चोव्हेत। 
\v 27 ओनो बेरा उ आपरो सरग दूत गीनला धाड़के, धरती को एकछोर लक धरती को दुसरो छोर तकन, चहु दिसा लक आपरो निवाड़ो लोकगीन ला जमा करयेत।
\s अँजीर को झाड़ को हाना
\r (मत्ती 24:32-35; लूका 21:29-33)
\p
\v 28 अँजीर को झाड़ लक यो हाना लक यो सिक्सा सीको, जबा ओकी डार मुलाम होय जासेत, अना पत्ता हिटासेत, ता तुमी जान लेसो की गरमी जवर आय गई से। 
\v 29 येने रिती लक जबा तुमी यो गोस्टी ला होता चोव्हो, ता जान लेव की बेरा जवर च नहाय, पर बेसकुड़ मा से। 
\v 30 मि तुमी लक खरो कव्हसू, की जबा तकन यो सबच गोस्टी पूरी नोको होय जाय, तबा तकन यो पीढी को लोकगीन बनयो रहेति। 
\v 31 बादल अना धरती टल जायेत, पर मोरी गोस्टी कभ्भूच नही टलेत।
\s ओनो बेरा को कोनीला पता नहात
\r (मत्ती 24:36-44)
\p
\v 32 “वा बेरा कब आहे कोनीला पता नहात? न सरग को दूत अना ना टूरा पर सीरप परमेस्वर बाबूजी\x - \xo 13:32\xo*\xt मत्ती 24:36 \xt*\x*।” 
\v 33 देखो, जागत रव्हो अना तैय्यार रव्हने, काहेकि तुमीला पता नहात का वा बेरा कब आहे? 
\v 34 \x - \xo 13:34 \xo*\xt लूका 12:36-38 \xt*\x*यो उ मानूस को दसा जसो से, जोन परदेस ला जातो बेरा आपरो घर ला सोड़के जासे, आपरो दास ला हक देसे, अना हर कोनीला ओको काम देवासे अना चौकीदार ला जागन को हुकूम देवासेत। 
\v 35 एकोलाय जागत रव्हो, काहेकी तुमीला पता नहात की घर को मालिक कबा आहे? सन्जा ला या अरधी रात या कुकड़ा को चिल्लान को बेरा, या पहट ला या दिवस हिटन को बेरा। 
\v 36 असो नोको होय की उ आहे अना तुमला झोपत पाहे। 
\v 37 एको लाई मि जो तुमला कव्हसु, तुम सब लक कव्हसु, जागत रव्हो!
\c 14
\s यीसु को विरोध मा साजिस
\r (मत्ती 26:1-5; लूका 22:1,2; योहन 11:45-53)
\p
\v 1 दुई दिवस को मंघा पास्का अना बलिदान को तिहार होवन वालो होतो। मुखिया याजक अना मोसे को नियम को गुरू यो बात को तक्का मा होतिन की ओला कसो छल लक धरके मार डाकबिन। 
\v 2 पर कव्हत होतीन की “तिहार को दिवस मा नही, एकोलाय की कही असो न होय की लोकगीन मा बगावत होय जाय।”
\s यीसु को बैतनिय्याह गाँव मा आवभगत
\r (मत्ती 26:6-13; योहन 12:1-8)
\p
\v 3 \x - \xo 14:3 \xo*\xt लूका 7:37-38\xt*\x* यीसु जबा बैतनिय्याह समौन कोढ़ी को घर जेवन करन लाई बसयो होतो, तबा एक बायको सील बँद सीसी मा सुध्द जटामाँसी को बेसकीमती इतर आनी, अना सील तोड़के तेल ला ओको डोस्का मा रिचाय देइस 
\v 4 पर कोनी आपरो मन मा गुस्सा होयके कव्हन लगीन, यो इतर ला बेकार काहे कर दियो? 
\v 5 काहे की यो इतर ला तीन सौ खुरोको सिक्का मा जोन एक साल की मजदुरी से बिकके कँगालगीन मा बाट दियो जातो, अना वय ओला गुस्सा करके बोलन लगीन।\fig सीसी मा जटामासी को इतर|alt="Jars with spikenard" src="HK00117C.TIF" size="col" copy="Horace Knowles ©" ref="14:3"\fig*
\p
\v 6 यीसु ना कहीस, “ओला छोड़ देव ओला काहे सतावासो? ओना ता मोरो सँग भलाई करीसेस। 
\v 7 कंगाल तुमरो सँग सदा रहेत, अना तुमी जबा चाव्हने तबा उनलक भलाई कर सकासो। पर मि तुमरो सँग सदा नही रहुँ। 
\v 8 जोन काही ओना कर सकीस, ओना करीस, ओना मोरो गाड़न को तैय्यारी मा पुढ़ा लक मोरो देह मा तेल रिचाइस। 
\v 9 मि तुमी लक खरो सांगासु, की सारो संसार मा जिता- जिता साजरो बारता की जाहे, उता ओको हेतमा यो काम की चरचा भी कियो जाहे।”
\s यूदस यीसु ला धरान लाई तैय्यार हुयो
\r (मत्ती 26:14-16; लूका 22:3-6)
\p
\v 10 तबा यूदूस इस्करियोति जो बारा मा लक एक होतो, मुखिया याजक गीनको जवर गयो की यीसु ला उनको हात धराय दे। 
\v 11 वय यो आयक के खुस भईन अना ओला रुपये देवन को परन करीन, अना उ मौका तलासन लगयो की ओला कोनी तरीका लक धरवाहु।
\s चेला गिनको सँग फसह को जेवन
\r (मत्ती 26:17-25; लूका 22:7-14,21-23; योहन 13:21-30)
\p
\v 12 पाठी को बलिदान तिहार को पयलो दिवस जोन मा वय फसह को बलिदान करत होतीन, ओको चेला ना ओला पुसिन, “तु किता चाव्हसेस की आमी जायके तोरो लाई फसह को पाठी को बलिदान को तैय्यारी करबिन?”
\p
\v 13 ओना दुई चेला ला यो कहके धाड़िस, “नगर मा जाव अना एक मानूस घघरा मा पानी लेयके जावतो चोयेत ओको मंघा होय जाने।” 
\v 14 अना उ जेना घर मा जाहे, ओनो घर को मालिक लक कहने, गुरूजी कव्हसे की “कनघर” जिता मि आपरो चेला गीन को सँग फसह को जेवन जेवहु। उ किता से? 
\v 15 उ तुमला एक सजी अना तैय्यार मोठी अटारी मा खोली दिसाएत, उता हमरो लाई तैय्यारी करने।
\p
\v 16 चेला गीन हिटके सहर मा पहुचीन अना जसो उनलक ओना कव्हयो होतो, वसोच पायीन अना फसह को जेवन तैय्यार करीन।
\p
\v 17 जबा झुलाखाली भय गई त उ बारा चेला गीनको सँगा आयो। 
\v 18 जबा वय बसके जेवन कर रही होतीन त यीसु ना कहीस, मि तुमिलक खरो कव्हुसू की “तुमी मा लक एक, जो मोरो सँगा जेवन कर रही से, उ मोला धराहे।”
\p
\v 19 चेला गीन उदास भई गईन अना वय एक-एक करके ओला पुसन लगीन, “का उ मि सेव?”
\p
\v 20 यीसु उनलक कहीस, “उ बारा मा लक एक से, जो मोरो संग ठाव मा हात डाकीसेस। 
\v 21 काहेका मानूस को टूरा ता जसो वोको बारे मा लिखयो से, की उ मारो जाहेत पर हाय ओना मानूस पर जेनको लक उ बैरी को हात धरायो जाहे। अदी उ मानूस को जनमच नही होतो, ता ओको लाई साजरो होतो।”
\s पिरभु-भोज
\r (मत्ती 26:26-30; लूका 22:14-20; 1 कुरिन्थियो 11:23-25)
\p
\v 22 जबा वय जेय रही होतीन तो, यीसु ना भाकर लेइस अना परमेस्वर ला धन्य वाद देके ना तोड़िस, अना चेला गीनला देइस अना कहीस, “लेव यो मोरो तन आय।”
\p
\v 23 मंग ओना कटोरा लेके परमेस्वर ला धन्य वाद देइस, अना चेलागीन ला देइस अना उन सब ना ओमा लक पीइन। 
\v 24 अना यीसु उनलक कहीस, “यो मोरो खून से, जोन लगतगीन को लाई बहायो गयो से, जोन परमेस्वर की करार से। 
\v 25 मि तुमी लक खरो कव्हसू की अंगूर को रस ओनो दिवस तकन मंग कभी न पीहुँ, जबा तकन परमेस्वर को राज मा नयो अंगूर को रस नही पीहुँ।”
\p
\v 26 मंग वय भजन गायके, बाहेर जैतून को पहाड़ पर गईन।
\s यीसु पतरस को मना करन ला साँगनो
\r (मत्ती 26:31-35; लूका 22:31-34; योहन 13:36-38)
\p
\v 27 तबा यीसु ना उनलक कहीस, “तुमी सब मोला छोड़के पराय जाहो, काहेकि लिखीसे, मि रखवालो ला मारु, अना मेढ़ा तितर-बितर भय जाहेत।” 
\v 28 पर मि आपरो जित्तो उठन को मंघा तुमी लक पयले गलील छेतर ला जाहुँ।\x - \xo 14:28 \xo*\xt मत्ती 28:16\xt*\x*
\p
\v 29 तर पतरस ना ओला कहीस, “अदी सब सोड़ जाहेत पर मि नही सोड़ू।”
\p
\v 30 यीसु ना पतरस लक कहीस, “मि तुमिलक खरो कव्हसू, की आज येने रात ला कुकड़ा को दुई बार चिल्लावन लक पयले, तु तीन बार मोरो नाव ला मना करजोस।”
\p
\v 31 पर पतरस अखीन जोर देयके कव्हासे, “अदी मोला तोरो सँग मरनो भी पड़ेत, ता भी मि तोला मना नही करुह।”
\p येने रिति लक सबच चेला ना कहिन।
\s यीसु की गतसमनी बाग मा पिराथना
\r (मत्ती 26:36-46; लूका 22:39-46)
\p
\v 32 मंग यीसु अना ओको चेला गतसमनी नाव को एक जघा मा आइन अना ओना आपरो चेला ला कहीस, “यहान बसा रव्हो, जबा तकन मि पिराथना करके आवुसू।” 
\v 33 अना उ पतरस अना याकूब अना योहन ला आपरो सँगा ले गयो, अना लगत बैचेन अना परेसान होवन लगयो, 
\v 34 अना ओना उनलक कहीस, “मोरो मन लगत उदास से, यहान तकन की मि मरन पर सेउ, तुमी यहान रुको अना जागत रव्हो।”
\p
\v 35 मंग उ पुढा बढ़यो अना जमीन पर गिरके पिराथना करन लगयो की अदी होय सके ता या घड़ी मोरो पर लक हट जाय, 
\v 36 अना कहीस, “ओ परमेस्वर बाबूजी, तोरो लक सब काही होय सकासे, येने दुख को कटोरा ला मोरो जवर लक हटाय ले, ता भी जसो मि चाव्हसु वसो नोको पर जोन तु चाव्हासेस, वाच होय।”
\p
\v 37 मंग उ वापिस आयो अना उनला झोपत पायके पतरस ला कहीस, “हे समौन, तु झोपासेस? का तु जरासी देर भी नही जाग सकयोस तू कोनी काम को नाहत? 
\v 38 जागतो अना पिराथना करता रव्हो, की तुमी परिक्सा मा नोको पड़हो, काहेका आतमा ता तैय्यार से पर आँग कमजोर से।”
\p
\v 39 अना उ चलो गयो अखीन ओनो सबद लक पिराथना करीस। 
\v 40 मंग आयो ता उनला झोपत पायीस, काहे की उनला जपरी लगी गई होती अना नही जानत होतीन की ओला का जवाब देबिन।
\p
\v 41 मंग तिसरो बार उन ला झोपत चोयीस ता कहीस, “का तुमी अबा तकन जप मा सेव? अना आराम कर रही सेव! अता घड़ी आय पहुचयो, चोवो! मानूस को टूरा बैरीगीन पापी को हात धरायो जाहे। 
\v 42 उठो अना चलो! चोवो मोरो धरानवालो जवर आय गई से।”
\s यीसु ला धोखा लक धरो जावनो
\r (मत्ती 26:47-56; लूका 22:47-53; योहन 18:3-12)
\p
\v 43 उ यो कव्हत च होतो की यूदूस जोन बारा मा लक एक होतो, आपरो सँग मुखिया याजक अना मोसे को नियम को गुरू अना सयानो को कन लक एक मोठी भीड़ लेके गदने पहुचियो जोन्हासीन तलवार अना लाठी धरी होतीन। 
\v 44 यूदस ना उनला यो साँगी होतीस की जेनला मि चुम लेहु वाच से, ओला धर लेने।
\p
\v 45 उ आयो, अना गदने ओको जवर जायके कहीस, “हे गुरू!” अना ओला चुमीस। 
\v 46 तबा उनना ओला धर लेईन। अना ओला बाँध देईन 
\v 47 उनको चेला मा लक एक ना तलवार खीचिस अना मुखिया याजक को दास को कान ला काट देइस। 
\v 48 यीसु ना उनलक कहीस “का तुमी मोला डाकु समझके तलवार अना लाठि लयके मोला धरन ला हिटि सेव? 
\v 49 मि ता हरपल तुमरो सँग रहयो, अना मंदिर मा सिक्सा देवत रहयो, अना तुमीना मोला नही धर सकयत, पर यो ऐकोलाई भयो की पवितर गीरंथ की गोस्टी पूरी होय।”\x - \xo 14:49\xo*\xt लूका 19:47; 21:37\xt*\x*
\p
\v 50 असो होवन पर ओको चेला ओला सोड़के पराय गईन।
\p
\v 51 एक जवान आपरो मलमल को चददर घालयो ओको मंघा चल रहयो होतो, अखीन लोकगीन ओला पकड़नो चाहीन। 
\v 52 पर उ मलमल चददर ला छोड़के पराय गयो।
\s यीसु ला यहुदी की मोठी सभा को पुढा ले जावनो
\r (मत्ती 26:57-68; योहन 18:12,13,19-24; लूका 22:54,55,63-71)
\p
\v 53 यीसु मुखिया याजक को जवर ले जायो गयो, अना सब मोठा याजक, अना सयाना, अना मोसे को नियम को गुरू, ओको जवर एकठ्ठो भईन। 
\v 54 पतरस दुहुर लक चोवके मंघा-मंघा मुखिया याजक को आँगन तकन गयो, अना सिपाही गीनको सँग बसके स्तो तापन लगयो। 
\v 55 मुखिया याजक अना यहुदीगीन की मोठी सभा यीसु मारन डाकन लाई ओको विरोध मा पुरुप की खोज मा होतीन पर काही गवाही नही मिलयो। 
\v 56 काहेकि वय ओको बारे मा झुठी गवाही देवत होतीन अना उनको गवाही एक दुसरो लक नही मिलत होती।
\p
\v 57 तबा काही लोक जाग के ओको विरोध मा झुठी गवाही देवन लगीन, उनना कहिन, 
\v 58 “आमी ना यो सांगतो आयकीसेजन, ‘मि यो हात को बनायो मंदिर ला नास कर देहू, अना तीन दिवस मा दुजो बनाहु। जोन हात लक नही बनो रहेत\x - \xo 14:58\xo*\xt योहन 2:19\xt*\x*।’” 
\v 59 एतरो मा भी उनको गवाही एक जसो नही होतो।
\p
\v 60 तबा मुखिया याजक ना बीच मा उभो होयके यीसु लक पुसिन, “तु काहे जवाब नही देवासेस? यो लोक तोरो खिलाप मा का गवाही देसेत?”
\p
\v 61 पर उ चुप रहयो, अना काही जवाब नही देइस। मुखिया याजक ना मंग ओला पुसयो, “का तु सब लक मोठो परमेस्वर परम धन्य को टूरा मसीह आस?”
\p
\v 62 यीसु ना कहीस, “मि सेउ, अखीन तुमी मानूस को टूरा ला सब लक ताकत वर परमेस्वर को उज्जो कन बसा, अना बादल को बदली मा आवता चोवो।”
\p
\v 63 तबा मुखिया याजक ना आपरो कपरा फाड़के कहिन “अता आमीला पुरुप को का जरुरत से? 
\v 64 तुमीना यो निन्दा आयकासेव, तुमरी का राय से?”
\p वय सब कव्हन लगीन यो परान दन्ड को लायक से।
\p
\v 65 तबा सिपाही गीन ओको पर थुकन अना टोन्ड ढाकन अना ओला थप्पड़ मारन लगीन अना कव्हन लगीन, “अता जान के साँग, की कोन ना तोला मारिसेस?”
\s पतरस यीसु को लक मुकर जावनो
\r (मत्ती 26:69-75; लूका 22:56-62; योहन 18:16-18,25-27)
\p
\v 66 जबा पतरस आँगन मा उभो होतो, तो मुखिया याजक की एक दासी वहान आयी। 
\v 67 अना पतरस स्तो ताप रहयो होतो, ता ओना ओला ध्यान लक चोवीस, तबा कव्हासे, “तु भी यीसु नासरी को सँग होतो।”
\p
\v 68 उ मुकर गयो अना कहीस “मि नही जानु अना नही समझु की तु का कव्हसेस?” मंग उ बाहेर दरवाजा मा गयो अखीन \f + \fr 14:68\fr*\ft काही हात लक लिखयो दस्तावेज मा कुकड़ा चिल्लायो असो लिखयो नहात।\ft*\f*कुकड़ा ना चिल्लाय देइस।
\p
\v 69 वा दासी ओला चोवके उनलक जो कठा उभा होतीन, मंग कव्हन लगीन “यो उनमा लक एक से।”
\p
\v 70 पर उ मंग मुकर गयो। जरा देर मंघा उनना जो जवर उभा होतीन मंग पतरस लक कहीस, “सही मा तु उनमा लक एक सेस; काहेकि तु भी गलीली सेस।”
\p
\v 71 तबा पतरस ना कहीस, “मि कसम खावसु की अदी मि झुठो कव्हासू ता परमेस्वर मोला सजा दे।”
\p
\v 72 तबा कुकडा ना दुबारा चिल्लाय देइस। पतरस ला उ गोस्टी जो यीसु ना ओला कहि होतीस हेत आई “कुकड़ा को दुई बार चिल्लान को पुढा तु तीन बार मोरो इन्कार करजोस।” अना पतरस आखरी मा सोचिस, की मिना पिरभु को नाव ला मना करीसेव, एकोलाय उ फुट-फुट के रोवन लगयो।
\c 15
\s पीलातुस को पुढा यीसु
\r (मत्ती 27:1,2,11-14; लूका 23:1-5; योहन 18:28-38)
\p
\v 1 पहट होतो मुखिया याजक, सयाना अना मोसे को नियम को गुरू ना अना सप्पा यहुदी गीन को मोठो सभा ना न्याय करके यीसु ला बंधवायो, अना ओला धरके ना पीलातुस को हात मा दे देइन।
\p
\v 2 पीलातुस ना ओको लक पुसिस, “का तु यहूदी गीन को राजा आस?” ओना ओला जवाब देइस “असो तु खुदच कव्हासेस।”
\p
\v 3 मुखिया याजक गीन ओको पर गजब लान-छान लगावत होतीन। 
\v 4 पीलातुस ना ओला कहीस “का तु काही जवाब नही देस? चोव यो तोरो पर केतरी गोस्टी लक लानछान लगावसेत?”
\p
\v 5 यीसु ना मंग जवाब नही देइस, यहान तकन की पीलातुस ला मोठो अचंभा भयो।
\s यीसु की मिरतु सजा को हुकूम
\r (मत्ती 27:15-26; लूका 23:13-25; योहन 8:39—19:16)
\p
\v 6 पीलातुस वोनो तिहार मा कोनी एक बन्दी ला जेनला वय लोकगीन चाहवत होत्यो उनको लाई छोड़ देवत होतो। 
\v 7 बरब्बा नाव को एक मानूस होतो, उ जेल मा होत्यो उ सासन को खिलाफ खुनी लडाई मा लोक गीन को संगी होतो उ रकत कियो होतो। अना बन्दी होतो। 
\v 8 अना भीड़ वरता जायके वोको लक पिराथना करन लगीन, का जसो तुमी रिती-रिवाज को लक करता आइसेस, वसोच करो। 
\v 9 पीलातुस न उनला जवाब देईस, “का तुमी चाव्हासेव का मी तुमरो लाई यहूदी गीन को राजा ला छोड़ देऊ?” 
\v 10 काहेकि पीलातुस जानत होतो की मुखिया याजक गीन ना ओला जरनोठी लक धराय होतीन।
\p
\v 11 पर मुखिया याजक गीन ना लोक गीन ला उकसाईन का पिलातुस लक यीसु को जघा बरब्बा ला उनको लाई छोड़न को माग करे। 
\v 12 यो आयक के पीलातुस ना उनलक मंग पुसिस, “ता जेनला तुमी यहूदी गीन को राजा कसो, ओको सँग मि का करू? तुमी काजक चाव्हसो?”
\p
\v 13 वय मंग चिल्लाइन, “ओला कूरूस मा चघाव!”
\p
\v 14 पीलातुस ना उनलक कहीस, “काहे येने काजक जुरुम करीसेस?”
\p पर वय अखीन जोर लक चिल्लाईन, “ओला कूरूस मा चघा!”
\p
\v 15 तबा पीलातुस ना भीड़ ला खुस करन की मनसा लक, बरब्बा ला उनको लाई छोड़ देइस। अना यीसु ला कोड़ा लगवाय के सुपरुत कर देइस की कूरूस मा चघायो जाहे।
\s सिपाही को कन लक यीसु को बेइज्जती
\r (मत्ती 27:27-31; योहन 19:2,3)
\p
\v 16 सिपाही ओला सरकारी मोठो किला को भीतरी आँगन मा ले गईन, अना सप्पा पलटन ला हाकल लेइन। 
\v 17 तबा उनना ओला बैजनी रँग को कपरा घालिन अना काँटा को डगाली को मुकुट बनायके ओको डोस्का पर राखिन। 
\v 18 यो कहके ओला नमस्ते करन लगीन, “हे यहूदी गीन को राजा, अमर रव्ह!” अना वोको मजाक उडावन लगीन 
\v 19 वय ओको डोस्का मा घागरा काड़ी मारके ओको पर थुकिन अना टोंगरा टिकाय के ओला नमस्कार करतो रहीन। 
\v 20 जबा वय ओको मजाक कर लेइन, ता ओला ओकोच बैजनी रँग को कपरा उतारके ओनाच पर डाकिन; तबा ओला कूरूस मा चघान को लाई बाहेर ले गईन।
\s यीसु ला कूरूस मा चघावनो
\r (मत्ती 27:32-44; लूका 23:26-43; योहन 19:17-27)
\p
\v 21 जब यीसु ला कूरूस पर लटकान लेय जावत होतिन त रस्ता मा एक मानूस लक भेंटीन, जोनको नाव सिमोन होतो।\x - \xo 15:21\xo*\xt रोमियो 16:21\xt*\x* (वा सिकन्दर अना रुफुस को बाबूजी होतो) उ कुरेनी मानूस गाँव लक आय रहयो होतो; उनना ओला बेगार मा धर लेईन की यीसु को कूरूस ला उचल चलेह। 
\v 22 वय यीसु ला गुलगुता नाव की जघा मजे कवटी नाव की जघा मा आनीन। 
\v 23 वहान ओला दरद नासक दवा मिलयो अंगूर को रस देवन लगीन पर ओना नही लेइस। 
\v 24 तबा उनना ओला कूरूस मा चघा इन अना कपरा पर चिठ्ठी डाकिन की कोन ला काजक मिलेह, ओला बाट लेईन। 
\v 25 अना सक्कारी नौ बजे को बेरा होतो। जबा उनना ओला कूरूस मा चघा इन होतीन। 
\v 26 अना ओको दोस पतर पर यो लिख देईन की “यहूदिगीन को राजा।” 
\v 27 उनना ओको सँग दुई डाकु ला भी कूरूस मा चघाव गयो, एक उज्जो कन अना एक डाखियो कन। दुही ला कूरूस मा चघाइन 
\v 28 तबा पवीतर गिरंथ को उ गोस्टी की उ दोसीगीन को संग गिनो जाहे, पूरो भयो। \f + \fr 15:28 \fr*\ft यो पद जूनो दस्तावेज मा नहात। \ft*\f*
\p
\v 29 अना रास्ता लक कटन वारा डोस्का हला-हलाय के असो कव्हके ओकी निन्दा करत होतीन, “वाह! मंदिर को नास करनवालो अना तीन दिवस मा बनावन वालो!\x - \xo 15:29\xo*\xt मरकुस 14:58; योहन 2:19\xt*\x* 
\v 30 कूरूस पर लक उतर के आपरो आपच ला बचाव लेव।”
\p
\v 31 येने रिती लक मुखिया याजक मोसे को नियम को गुरू सकट, आपस मा मजाक लक कव्हत होतीन, येने अउर लोकगीन ला सूटकारा देइस पर आपरो आप ला नही बचाय सकयो।
\p
\v 32 इसरायल को राजा, मसीह अता कूरूस मा लक उतर, आव अखीन, “आमी चोवबिन अना भरोसा करबिन।” अखीन जोन ओको सँग कूरूस मा चघायो गईन होतीन, वय भी ओकी निन्दा करत होतीन।
\s यीसु को जियान छोड़नो
\r (मत्ती 27:45-56; लूका 23:44-49; योहन 19:28-30)
\p
\v 33 दुफारी होवनो पर सप्पा देस मा अँधारो छाय गयो। अना महातनी बेरा तीन बजे तकन रहयो। 
\v 34 महातनी बेरा यीसु ना मोठो आवाज लक चिल्लाय के कहीस, “इलोई-इलोई लमा सबक्तनी?” जेनको मजे, “हे मोरो परमेस्वर, हे मोरो परमेस्वर, तु ना मोला कायलाई छोड़ दियोस?”
\p
\v 35 जो जवर उभा होतीन, उनमा लक काही ना आयक के कहिन, “आयको, उ एलिय्याह ला हाकलासे।” 
\v 36 एक सिपाही ना धावके स्पंज ला सिरका मा डुबाइस अना घागरा काड़ी मा राखके ओला चखाइस अना कहीस, “रुको, देखबिन, एलिय्याह ओला सूलि लक उतारन लाई आवासे का नही।”
\p
\v 37 तबा यीसु ना लगत जोर लक चिल्लाय के जियान छोड़ देइस।
\p
\v 38 अना मंदिर को पड़दा वरता लक खाल्या तकन फटके दुई भई गयो।
\p
\v 39 \f + \fr 15:39\fr*\ft काही जूनो हात को लिखयो दस्तवेज मा “यीसु जोर लक चिल्लायो अना जीव सोड़ दियो असो लिखयो से।”\ft*\f*जोन दरोगा (वोको हात को खालया 100 सिपाई होतिन) कूरूस को पुढा उभा होतो, जबा ओला येने रिती लक चिलावत अना जियान छोड़ता चोवीस, ता ओना कहीस, “खरो से यो मानूस परमेस्वर को टूरा होतो!”
\p
\v 40 \x - \xo 15:40 \xo*\xt लूका 8:2-3\xt*\x*लगतसी बायको भी दुहुर लक चोय रही होतीन। उनमा मरियम मगदलीनी, नहानो याकूब अना योसेस की माय मरियम, अना सलोमी होतिन। 
\v 41 वा बायकागिन, जबा यीसु गलील मा होतो, वोकी सेवा करत होतिन। अना लगतसा बायका ओको मंघा येरुसलेम आई होतीन।
\s यीसु ला गड़ायो जानो
\r (मत्ती 27:57-61; लूका 23:50-56; योहन 19:38-42)
\p
\v 42 जबा झुलाखाली भय गई ता सब्त\f + \fr 15:42\fr*\ft यहूदि गिनको अराम दिवस\ft*\f* को एक दिवस पुढ़ा को दिवस होतो अना तैय्यारी को दिवस होतो। 
\v 43 अरिमितिया को रव्हनवालो यूसुफ आयो, जो मोठीसभा को मेम्बर हो तो अना खुदच परमेस्वर को राज की रास्ता चोवत होतो। उ हिम्मत करके पीलातुस जवर गयो अना यीसु को लास ला माँगिस। 
\v 44 यो आयक के पीलातुस ला अचंभा भयो की उ एतरो जल्दी मर गयो। अना 100 सिपाही को अधिकारी ला हाकलके पुसिस, “का ओला मरन ला देर भई?” 
\v 45 वोना अधिकारी को जवाब आयक के पीलातुस ना लास ला यूसुफ ला दे देइस। 
\v 46 तबा ओना मलमल को एक कपरा खरिद लेइस, अना लास ला उतारके ओला चादर मा लपटिस, अना एक मरघटी मा जो चट्टान मा खोदी गई होती राखिस। अना मरघट्टी मा धसन को जघा पर एक गोटा अड़ा देइस। 
\v 47 मरियम मगदलीनी अना योसेस की माय मरियम चोवत होतीन की ओको लास कहाँन राखयो गयो से?
\c 16
\s यीसु मरो हुयो लक जित्तो होय जावनो
\r (मत्ती 28:1-8; लूका 24:1-12; योहन 20:1-10)
\p
\v 1 जबा बिसराम दिवस बीत गयो, ता मरियम मगदलीनी अना याकूब की माय मरियम अना सलोमी, ना यीसु को तनमा मलन काजी सुगंधित चीज खरीद के आनीन। 
\v 2 हफ्ता को पयले दिवस पहट\f + \fr 16:2\fr*\ft इतवार\ft*\f* ला, दिवस हिटन को पयले वय मरघट्टी पर आइन। 
\v 3 ता वय आपस मा कव्हत होतीन, “की आमरो लाई मरघट्टी मा धसन को जघा को गोटा कवन लुड़काहे?” 
\v 4 जबा उनना चोइन तो गोटा लुड़को हुयो से अना उ लगत मोठो होतो। 
\v 5 ता मरघट्टी मा जायके देखनो पर उनना एक जवान ला पाँढरो कपरा घालयो हुयो जेवनो बसा चोवीन, ता वय लगत डराय गईन।
\p
\v 6 ओना मानूस ना उनलक कहीस “नोको डराव, तुमी यीसु नासरी ला, जो कूरूस पर चघाव गयो होतो ढुँढोसो। उ जित्तो होय गयो से, इता नहात, चोवो, याच उ जघा से, जिता उनना ओला राखी होतीन। 
\v 7 \x - \xo 16:7 \xo*\xt मत्ती 26:32; मरकुस 14:28\xt*\x*पर तुमी जाव, अना ओको चेला गीन अना पतरस लक कव्हजोस की उ तुमी लक पयले गलील जाहे। जसो ओना तुमी लक कव्हयो होतो, तुमी ओला वहान चोवने।”
\p
\v 8 अना वय यीसु को मरघट्टी लक हिटके पराय गईन, काहे की सही मा वय डराय गई होतीन, एकोलाय उनना कोनी लक काही गोस्टी नही कहीन।
\s मरियम मगदलीनी ला यीसु को चोवनो
\r (मत्ती 28:9-10; योहन 20:11-18)
\p
\v 9 हफ्ता को पयले दिवस पहट होतो बेरा यीसु जी उचलके पयले मरियम मगदलीनी ला जोन पर लक सात बुरो आतमा हिटी होती, चोयो। 
\v 10 ओना जायके यीसु को संगीगिन ला, जो दुखी होतीन अना रडत होतीन खबर देइन। 
\v 11 उनना यो आयक के की यीसु जित्तो से अना मरियम ना चोविसेस, ता उनना भरोसा नही करीन।
\s दुई चेला ला यीसु को चोवनो
\r (लूका 24:13-35)
\p
\v 12 एको मंघा यीसु दुसरो रुप मा उनमा लक दुई ला जबा वय गाँव को कन जाय रही होतीन चोयो। 
\v 13 उनना भी जायके दुजो ला खबर देईन, पर उनना उनको भरोसा नही करीन।
\s अकरा चेलागीन ला यीसु को चोवनो
\r (मत्ती 28:16-20; लूका 24:36-49; योहन 20:19-23; पेरीत 1:6-8)
\p
\v 14 मंघा यीसु उन अकरा चेलागीन ला भी, जबा वय जेवन करन बसी होतीन, चोयो, अना उनको अबिस्वास अना गोटा जसो मन को कारन उनला डाटिस। काहेकि जोन्हासीन ओको जित्तो उचलनो को मंघा ओला चोयो होतीन, ओन्हासीन ओको पर भरोसा नही करीन। 
\v 15 \x - \xo 16:15\xo*\xt पेरीत 1:8\xt*\x*अना यीसु उनलक कहीस, “तुमी सप्पा संसार मा जायके सप्पा लोकगीन ला साजरो बारता सांगो। 
\v 16 \x - \xo 16:16\xo*\xt पेरीत 1:9-11\xt*\x*जो लोकगीन भरोसा करेहत अना बप्तिस्मा डुबकी लेहेत, ओको च सूटकारा होव्हे, पर जो भरोसा नही करेहत, वोको पर दन्ड को हुकूम ठहरेत। 
\v 17 भरोसा करनवालो मा यो निसान होवेती, की वय मोरो नाव लक बुरो आतमा ला हेड़ेति नवी-नवी भासा बोलहेति, 
\v 18 सरप गीन ला उचल लेहेत, अना जहेर पी जाहेत ता भी उनकी काही हानि नही होव्हेत, वय बीमार गीन पर हात राखेत अना वय चाँगलो भय जाहेत।”
\s यीसु को सरग उचलो जानो
\r (लूका 24:50-53; पेरीत 1:9-11)
\p
\v 19 एको मंघा पिरभु यीसु चेलागीन लक गोस्टी करन को मंघा, सरग मा उचल लियो गयो, अना परमेस्वर को उज्जो कन बस गयो। 
\v 20 तबा\f + \fr 16:20\fr*\ft यो पद जूनो हात लक लिख्यो मा नहात।\ft*\f* उनना हिटके जघा-जघा परचार करन लागिन, अना पिरभु परमेस्वर उनको संग-संग काम करतो रहयो। अना गजब हिदान लक उनको गोस्टी ला पक्को करत रहयो। आमीन।
\cls