\id MAT - Powari Standard Project
\ide UTF-8
\h मत्ती
\toc3 मत्ती
\toc2 मत्ती
\toc1 मत्ती लक लिख्यो यीसु मसीह को साजरा बारता
\mt2 मत्ती के व्दारा लिखा यीसु मसीह का सुसमाचार
\mt1 मत्ती लक लिख्यो यीसु मसीह को साजरा बारता
\imt परिचय
\ip मत्ती रचित साजरा बारता उन चार किताब मा लक सेत। जोन यीसु को जिंदगानी को बारेमा सांगा से। उनमा लक हरेक ला गाँसपल कव्हा सेत। गाँसपल को मजे साजरा बारता होवा सेत। यीसु को मरनो को मघा मत्ती, मरकुस अखीन योहन, को इन किताब लिख्यो गयो से। मत्ती रचित साजरा बारता को यो किताब कबा लिख्यो गयो से? यो पक्को रुप लक मालुम नाहत। लेकिन यीसु को जलम को साठ साल मघा यो लिख्यो गयो होयेती। योच परकार यो किताब कहाँन लिख्यो गयो से अमीला मालुम नाहत? परा काही लोक हुन को माननो से का यो किताब इसरायल देस मा साईद येरुसलेम नगर मा लिख्यो होहेत।
\ip यो किताब को लेखक मत्ती से, जोन यीसु को हाकलनो को पयले जमा लेवन वालो होतो, उ लेवी नाव लक भी जानो जावा से। मत्ती 12 पेरीत लक एक होतो। यहूदी बाचन वालो को लाय यो किताब लिख्यो गयो से, असा यो गोस्टी लक अमीला पता चला से का, 60 लक जादा सन्दर्भ जोन यो किताब मा पायो जावासे, उ यहूदी गिनको जूनो करार लक सेत। उ सांगनो चाव्हासेत, का यीसु परमेस्वर को निवाड़ो गयो अभिसिक्त, अना सूटकारा देवन वालो से, जोन को बारे मा पयलो लक च भविस्यवानी कियो गयो होतो। मत्ती ना परमेस्वर को राज को बारेमा च लगत सो गोस्टी लिख्यो से। यहुदी गिनको असो मानता होतो का, अभिसिक्त एक राजनैतिक राज को राजा होयेत। लेकिन मत्ती यो बिचार ला चुनौती देवासेत, अना परमेस्वर को आत्मिक राज मा जोर देवासेत। परमेस्वर हजारो साल पुढ़ा आपरो लोकगीन लक कियो गयो वादा ला पूरो कियो। यो साजरा बारता केवल यहूदी जात मा यीसु पैदा भयो, यो काजी उनको च नाहती, पर सारो संसार को से।
\ip मत्ती रचित साजरा बारता ला गजब सावधानी लक जमायो गयो से। एको सुरुवात यीसु मसीह को जलम को बखान लक होवासे। अना गलील छेतर मा मुनादी, सिक्सा, बीमार ला साजरा करनो, को सेवा को बारेमा सांगा से। एको मघा यो साजरा बारता मा, यीसु की गलील लक, यरुसलेम नगर तकन की यातरा अना यीसु को जीवन को आखीर हफ्ता को, बखान से; जेनको आखीर हद ओकी कूरूस पर टँगाव जावनो, अना मरके जित्तो उचलनो को बारेमा सांगयो गयो से। यो साजरो बारता मा यीसु ला एक महान गुरू को रुप मा सांगयो गयो से। ओला परमेस्वर को बिधान ला समझावन को हक से, यो किताब जूनो अवर नवा करार दुई ला जोड़ा सेत वोको नमूना पहाड़ी उपदेस मा सेत अध्याय \xt 5—7 \xt* तकन परमेस्वर ना मोसे ला जोन नेम गीरथ मा दियो से एको तुना अमी वोको ला करबीन \xt नेम को किताब 19:3—23:25 \xt*
\iot रुपरेखा
\io1 1. यीसु को खानदान अना यीसु को जलम योहन बप्तिस्मा देवनवारा को सेवा काम। \ior 1—4 \ior*
\io1 2. यीसु को बप्तिस्मा अना परिक्सा गलील मा यीसु को जनसेवा गलील लक येरुसलेम नगर तकन सपर। \ior 5—25 \ior*
\io1 3. येरुसलेम मा आखीर हफ्ता पिरभू यीसु को मरो लक जिवनो अना चोवनो। \ior 26—28 \ior*
\c 1
\s यीसु को खानदान
\r (लूका 3:23-38)
\p
\v 1 अबराहम को सन्तान, दाऊद को सन्तान \f + \fr 1:1\fr*\ft पीढ़ी \ft*\f* यीसु मसीह को खानदान को पवीतर किताब मा जानकारी। 
\v 2 अबराहम लक इसहाक जलम लेईस, इसहाक लक याकूब जलम लेईस, याकूब लक यहूदा, अखीन वोको भाऊ, जलम लेइन। 
\v 3 यहूदा अखीन तमार लक फिरिस, अना जोरह जलम लेईस। फिरिस लक हिस्रोन जलम लेईस, अखीन हिस्रोन लक एराम जलम लेईस। 
\v 4 एराम लक अम्मीनादाब जलम लेईस, अम्मीनादाब लक नहसोन, अखीन नहसोन लक सलमोन जलम लेईस। 
\v 5 सलमोन अखीन राहब लक, बोअज जलम लेईस। बोअज अखीन रुत लक, ओबेद जलम लेईस। अखीन ओबेद लक, यिसै जलम लेईस। 
\v 6 यिसै लक दाऊद राजा जलम लेईस। अखीन दाऊद लक सुलेमान, उ ऊरियाह को बायको ले जलम लेईस। 
\v 7 सुलेमान लक रहबाम जलम लेइस। रहबाम लक अबिय्याह जलम लेईस, अखीन अबिय्याह लक आसा जलम लेईस। 
\v 8 अखीन आसा लक यहोसापात जलम लेईस, यहोसापात लक योराम जलम लेईस। अखीन योराम लक उजिय्याह जलम लेईस। 
\v 9 उजिय्याह लक योताम जलम लेईस, योताम लक अहाज जलम लेईस। अखीन अहाज लक हिजकिय्याह जलम लेईस। 
\v 10 हिजकिय्याह लक मनस्से जलम लेईस। मनस्से लक अमोन जलम लेईस। अमोस लक योसियाह जलम लेईस। 
\v 11 अखीन बँदी भई केन बेबीलोन जावन को बेरा मा योसियाह लक यकुन्याह, अखीन ओको भाऊ जलम भइन।
\p
\v 12 बेबीलोन नगर मा पहुचनो को बादमा यकुन्याह ले सालतिएल जलम भयो। अना सालतिएल लक जरुब्बाबिल जलम लेईस। 
\v 13 अना जरुब्बाबिल लक अबिहुद जलम लेईस अना अबिहुद लक इल्याकिम जलम लेईस, अना इल्याकिम लक अजोर जलम लेईस। 
\v 14 अना अजोर लक सदोक जलम लेईस, अना सदोक लक अखिम जलम लेईस, अना अखिम लक इलीहुद जलम लेईस। 
\v 15 अना इलीहुद लक इलियाजार जलम लेईस, अना इलियाजार लक मत्तान जलम लेईस, अना मत्तान लक, याकूब जलम लेईस। 
\v 16 अना याकूब लक युसुफ जलम लेईस, जो मरियम को नवरा होतो। अना मरियम लक यीसु, जोन यीसु मसीह\f + \fr 1:16\fr*\ft अभिसिक्त\ft*\f* कहलावसे जलम लेईस।
\p
\v 17 असो अबराहम लक, दाऊद लक, सब 14 पीढ़ी भयो। अना दाऊद ले, बेबीलोन देस बन्दी होयके जावन तकन 14 पीढ़ी, अना बन्दी होयके बेबीलोन जावन को बेरा ले, मसीह लक 14 पीढ़ी भयो।
\s यीसु मसीह को जलम
\r (लूका 1:26-38; 2:1-7)
\p
\v 18 यीसु मसीह को जलम असो भयो। जबा वोकी माय मरियम की पक्की, युसुफ को संग भई। तबा उनको मिलन\f + \fr 1:18\fr*\ft संगमा सोवनो\ft*\f* को पूढा, वा पवीतर आतमा कन लक, पोट ले भई गई। 
\v 19 वोको होवन वारा नवरा युसुफ एक नेक मानूस होतो। यो गोस्टी सांग के उ वोकी बेइज्जती करनो नही चाव्हत होतो। एकोलाय उ चुप्पई लक बिहाव तोड़न को बिचार बनायो। 
\v 20 जबा उ असो बिचारत होतो, तबच सपना मा पिरभु को सरगदूत आयो, अना वोला कव्हन लग्यो “अगा युसुफ! दाऊद को टूरा, नोको डराय, तु आपरी बायको मरियम संग लगन कर, काहेका वोको पोट मा जोन लेकरा सेत, उ परमेस्वर को पवितर आतमा कन लक सेत। 
\v 21 अना मरियम टूरा ला जलम देहे, अना तु वोको नाव यीसु राखजोस, काहेका उ अपरा लोकगीन ला, उनको पाप लक बचा हेत।”
\p
\v 22 असो होवन को यो कारन से का, पिरभु न जेना गोस्टी ला, भविस्यवक्ता गीन लक सागिसेस, उ पूरो भई जाये। 
\v 23 “आयको एक कुँवारी टूरी पोट लक रहेत, अना एक टूरा ला जलम देहे। अखीन वोको नाव इम्मानुएल ठेयो जाहे, मजे परमेस्वर आमरो संग मा से।”
\p
\v 24 तबा युसुफ जप लक जगयो, पिरभु को सरगदूत ना जसो सांगयो होतो, वसोच उ वोको लक लगन करके आपरो घर आनिस। 
\v 25 अना जब तकन वा टूरा जलम नहि लियो तबा तकन उ मरियम को संग नहि सोयो अना यूसुफ न, वोको नाव यीसु राखिस। \f + \fr 1:25\fr*\ft टूरा गिनको लाय रोवनो\ft*\f*
\c 2
\s पंचाग देसनवारा गिनको आवनो
\p
\v 1 राजा हेरोदेस \x - \xo 2:1 \xo*\xt लूका 1:5 \xt*\x* जबा राज कर रहयो होतो। वोच बेरा मा, यहुदिया को, बैतलेहम नगर मा, यीसु को जलम\x - \xo 2:1 \xo*\xt मीका 5:2; लूका 2:4-7 \xt*\x* भयो। तबच काही बेरा बाद, बिदवान जोन तारा ला चोव के पंचाग देखन वारा, येरुसलेम नगर मा आइन। 
\v 2 “उनना पुसीन यहूदिगीन को आजच जलम हुयो लेकरा राजा कहाँन से? काहेका हमीना वोको तारा ला बादल मा देखीसेजन अना हमी वोकी पिराथना करन आयसेजन।”
\p
\v 3 जबा असो गोस्टी राजा हेरोदेस न आयकिस, वसोच उ थरथराय गयो। अखीन सप्पा यरुसलेम को लोकगीन सटिया गईन। 
\v 4 तबा वोना मुखिया याजक, अना मोसे को नियम को गुरू ला, जमा करीस। अना उनको लक पुसीस “का मसीह को जलम कहाँन होवनवारा से”
\p
\v 5 भविस्यवक्ता गीनना राजा ला कहिन, “पवीतर गींरथ मा असो लिख्यो सेत का यहुदिया छेतर को” बैतलेहम नगर मा उ जलम लेवन वारा सेत,
\q1
\v 6 वो यहूदा देस को बैतलेहम, नगर,
\q2 तु यहूदा देस को कोनी नगर लक कम नामी नाहत।
\q1 काहेका तोरो लक एक राजा होहेत
\q2 जोन मोरो इजरायली परजा ला मारग चोवाहेत।
\p
\v 7 तबा हेरोदेस न पंचाग देसनवारा ला उगो-मुगो बुलाइस। अना यो गोस्टी ला पक्को करीस। का तारा ठीक कोनी बेरा मा चोयो होतो। 
\v 8 मंग राजा उनला बैतलेहम धाड़ीस। अना कहीस, जाव अना वोना लेकरा को बारे मा साजरी लक “पता लगावो” अना जबा उ तुमला मिल जाहे त मोला सांगो बल्कि मी भी आयके वोकी पिराथना कर सकु।
\p
\v 9 मंग उ राजा की गोस्टी ला आयक के, चली गइन। उ तारा ला बादर मा उनना देखी होतीन होती। उ उनको पुढ़ा-पुढ़ा जाय रहयो होतो, मंग जबा उ जघा आई जहान उ टूरा होतो त तारा वोको वारता रुक गयो।
\p
\v 10 जबा उनना असो देखिन त वय लगत खुसी भईन। 
\v 11 वय वोना घर मा गईन, अना उनना वोकी माय मरियम लेकरा को संग होति, उता माय अना लेकरा को दरसन करीन। अना टोंगरा टेकके, नमस्कार करन लगीन। \x - \xo 2:11 \xo*\xt यसायाह 60:6 \xt*\x*अना आपरी-आपरी पेटी खोलके, ओमा लक मुदरो, लुभान अना गन्धरस को भेट चघाईन। \fig लुभान, धूप दानी अखिन धूप कुन्ड|alt="Frankincense branch, censer and incense altar" src="BK00116C.TIF" size="col" copy="Horace Knowles ©" ref="2:11"\fig*
\p
\v 12 पर परमेस्वर न एक सपना मा उनला चेताय देइस का वय वापसी हेरोदेस को जवर नोको जावो तबा वय एक दुसरो मारग लक अपरो देस ला लवट गईन।
\s मिसर देस ला जावनो
\p
\v 13 जबा वय चली गईन त यूसुफ ला सपना मा पिरभु को एक सरग दुत न पिरगट होयके कहीस, उभो होय अना माय अना लेकरा ला धरके उगो-मुगो लक मिसर चली जाय, अना मी जबा तकन तोला नहि कहु, उतच रव्हने काहेकी हेरोदेस एना टूरा ला मारवा डाकन को लाई ढुन्डेत।
\p
\v 14 तबा यूसुफ उभो भयो, अना माय अखीन लेकरा ला धरके रात मा मिसर देस को लाई चली गयो। 
\v 15 अना हेरोदेस राजा को मरनो तकन, वहाँच रहयो। एको लाई की जेनो गोस्टी ला, पिरभु ना भविस्यवक्ता गीनको टोन्ड लक, सांग्यो होतो, उ पूरो भयो “मी ना आपरो टूरा ला मिसर लक हाकलिसेव\x - \xo 2:15 \xo*\xt होसे 11:1 \xt*\x*।”
\s लेकरा गिनला मारनो
\p
\v 16 जबा राजा हेरोदेस ना यो चोवयो का, पंचाग चोवनवारा ना, मोला चुथिया बनाईसेस, तबा उ हिजड़ गयो अना लोकगीन ला धाड़के, पंचाग देसनवारा लक सांग्यो बेरा मा, बैतलेहम नगर अना ओको इतानी-उतानी को जघा मा जेतरा, दुई साल अना ओको लक कम उमर को लेकरा होतीन। उन सब ला मरवाय डाकीस।
\p
\v 17 तबा जोन गोस्टी यीरमीयाह भविस्यवक्ता ना जोन बचन कव्हयो होतो, उ पूरो भयो।
\q1
\v 18 “रामाह मा एक दुखी आवाज आयकु आई।\x - \xo 2:18 \xo*\xt यिर्मयाह 31:15 \xt*\x*
\q2 रड़ना अना चिल्लानो की मोठी आवाज आई राहेल नाव की बायको,
\q1 आपरो टूरा ऐना लाई रड़त होती।
\q2 अना सान्ती लक चुप नही होवत होती काहे की
\q2 वय मर गईन।”\f + \fr 2:18\fr*\ft लेकरा गिनको लाय रोवनो\ft*\f*
\s मिसर देस ले लवटनो
\p
\v 19 राजा हेरोदेस को मरन को मंघा, पिरभु को एक सरगदूत ना मिसर मा युसुफ ला चोयो, अना कहीस! 
\v 20 “उठ, उ टूरा अना-ओकी माय ला धर के इसरायल देस मा चली जाय। काहे का जोन टूरा को जान लेवन चाहत होतीन, वय मर गईन।”
\p
\v 21 तब उ उठयो! अना टूरा अना ओकी माय ला धरके, इसरायल देस मा आय गयो। 
\v 22 पर यो आयक के अरखिलाउस आपरो बाप राजा हेरोदेस की जघा, यहुदिया मा राज कर रही से वहाँन जावन लाई डराय गयो। मंग सपना मा परमेस्वर लक चेतावनी पायके गलील परदेस मा चली गयो। 
\v 23 अना नासरत नाव को नगर मा जाय के रव्हन लगयो जोन लक वा गोस्टी पूरो भयी जाय जोन भविस्यवक्ता गीन लक सांग्यो गयो होतो, की “उ नासरी कहलाएत।”\x - \xo 2:23\xo*\xt मरकुस 1:9-24; लूका 2:39; 4:16; योहन 1:45-46 \xt*\x*
\c 3
\s योहन बप्तिस्मा देवनवारा
\r (मरकुस 1:1-8; लूका 3:1-18; योहन 1:19-28)
\p
\v 1 ओनो दिवस मा, योहन बप्तिस्मा \f + \fr 3:1\fr*\ft जसो यीसु मारो गयो गाड़ो गयो, जिंदो भयी गयो वसोच पानी मा बुड़नो मन्जे यीसु को संग मरनो अना बुड़ के हीटनो मन्जे यीसु जसो जिन्दो भयो वसोच पाप को लाय मरके नेकी करन को लाय जिंदो होवनो। \ft*\f* देवन वालो, यहुदिया देस को सुनसान जंगल मा आयो अना परचार करन लगयो। 
\v 2 \x - \xo 3:2\xo*\xt मत्ती 4:17; मरकुस 1:15\xt*\x*अपरो पाप लक दुहूर भय जाव, काहे की सरग को राज\f + \fr 3:2\fr*\ft परमेस्वर की महिमा\ft*\f* कठा आय गई से। 
\v 3 योहन वोच से जोन को गोस्टी यसायाह भविस्यवक्ता न कहिसेस का:
\q1 “जंगल मा एक मानूस हाकल रहयो से
\q2 का परमेस्वर की रास्ता ला तैयार करो,
\q2 अना वोकी सरक\f + \fr 3:3\fr*\ft सड़क\ft*\f* सरल करो”\x - \xo 3:3\xo*\xt यसायाह 40:3\xt*\x*
\p
\v 4 योहन को कपरा ऊट को चुन्दी लक बनयो होतो। अना आपरी कमर मा चमड़ा को पट्टा बांधत होतो। ओको जेवन फाफा अना सहेद होतो।\x - \xo 3:4\xo*\xt 2 राजा 1:8\xt*\x* 
\v 5 तबा येरुसलेम नगर, अना सारो यहुदिया देस, अना यरदन नदी को इतानी-उतानी को सब जघा, का लोक ओको जवर हिटके आइन। 
\v 6 उनना आपरो-आपरो पाप ला मानके यरदन नदी मा ओको लक बप्तिस्मा\f + \fr 3:6\fr*\ft यहूदी गिनको सुद्ध होवन को एक नियम सेत। जोनमा पानी मा आपरो पाप ला मानके डुबकी लगावनो पड़ासेत। \ft*\f* लेईन।
\p
\v 7 \x - \xo 3:7\xo*\xt मत्ती 16:1; 11:12; 23:13-36\xt*\x*जबा योहन न लगत सा मोसे को नियम को सिक्सक अना सदुकि फरिसी इनला बप्तिस्मा लेवन काजी आपरो जवर आवत चोविस, ता उनलक कहीस “हे सरप को अवलाद, तुमीला कोनी ना हेत दिलाइसेस, का आवन वालो कोप लक बचो” 
\v 8 वोनो काम गीनला चोवके तुमी अपरो पाप लक मन हटाव अना आपरो आप मा साजरो फर पावो। \f + \fr 3:8\fr*\ft साजरो काम करो। \ft*\f* 
\v 9 अना असो नोको सोचो, का तुमी यो कहेके दंड लक बच सकासेव का अबराहम तुमरो पुरखा से, मी तुमरो लक कव्हसु का परमेस्वर एना पहाड़ी को गोटा मा लक अबराहम को लाई आवलाद पैदा कर सकासे।\x - \xo 3:9 \xo*\xt योहन 8:33\xt*\x* 
\v 10 अता टँगिया झाड़ की जड़ पर राखियो से, जेना-जेना झाड़ साजरो फर नही आना से, उ कापो अना स्तो मा झोको जाहेत।\x - \xo 3:10\xo*\xt मत्ती 7:19\xt*\x* 
\v 11 मि ता तुमी ला पानी लक “पाप लक मन हटाव को बप्तिस्मा देवासेउ, पर जोन मोरो मंघा आवन वालो से, उ मोरो लक ताकतवर से, मि ओको सेन्डिल उचलन को लाईक नही सेऊ। उ तुमला पवीतर आतमा अना स्तो लक बप्तिस्मा देहे। 
\v 12 ओको सुपड़ो, ओको हात मा से, उ आपरो खरीयान साजरो लक सफा करेत। अना आपरो गहुँ ला आपरो ढोला मा जमा करेत पर भुसा ला ओना स्तो मा पेटाहे जोन कबच नही झिझाहेत।”
\s यीसु को बप्तिस्मा
\r (मरकुस 1:9-11; लूका 3:21-22; योहन 1:31-34)
\p
\v 13 ओना बेरा मा यीसु ना गलील छेतर लक, यरदन नदी को किनार मा, योहन लक बप्तिस्मा लेवन वोको जवर आयो। 
\v 14 पर योहन यो सांगके, ओला रोकन लग्यो “मोला ता तोरो हात लक, बप्तिस्मा लेवनो से, अना तु मोरो जवर आयीसेस”
\p
\v 15 यीसु ना ओला जवाब देइस “अबा ता असो च होवन दे, काहे की आमी ला येना रित लक सबच धरम-करम ला पूरो करनो से।” तबा योहन, यीसु को गोस्टी ला मान लेइस।
\p
\v 16 जसोच यीसु बप्तिस्मा लेइस, त वसोच बाहेर आयो तबा वोको लई सरग को किवाड़ उघड़ गयो, अना वरता लक\f + \fr 3:16\fr*\ft बादल अलग होवना\ft*\f* परमेस्वर को आतमा ला परेवा को जसो आपरो वरता उतरता चोइस। 
\v 17 अना सरग लक आवाज आयकु आई “यो मोरो चहेतो टूरा से, जेना लक मि सब लक ज्यादा खुस सेव।” \x - \xo 3:17\xo*\xt मत्ती 12:18; 17:5; मरकुस 9:7; लूका 9:35 \xt*\x*
\c 4
\s यीसु को परिक्सा खो जानु
\r (मरकुस 1:12-13; लूका 4:1-13)
\p
\v 1 वोना बेरा आतमा यीसु ला जंगल मा ले गईस, का सैतान वोकी परिक्सा लेहे।\x - \xo 4:1\xo*\xt इब्रानियो 2:18; 4:15\xt*\x* 
\v 2 यीसु चाड़ीस दिवस, अना चाड़ीस रात लक उपास करतो रहयो, मंग वोला भुख लगी। 
\v 3 तबा परखन वालो ना ओको जवर आयके कहीस “अदी तु परमेस्वर को टूरा सेस ता कव्हका यो गोटा भाखरी बन जाए।”
\p
\v 4 यीसु ना जवाब देइस, का गिरंथ मा असो लिख्यो से, मानूस सिरफ जेवन च लक नही, जित्तो रव्हासे, पर हरेक सबद जोन परमेस्वर को टोन्ड लक हिटासे वोको लक जित्तो रव्हासेत।
\p
\v 5 तबा सैतान यीसु ला पवीतर नगर मा लेगइस अना ओला मंदिर करसा को वरता मा उभो कर देइस। 
\v 6 अना ओला कहीस “अदी तु परमेस्वर को टूरा आस, ता खाल्या कुद जाय, काहे का पवीतर गीरंथ मा लिख्यो से, उ तोरो बारे मा आपरो सरगदूत गिनला हुकूम देहे, अना वय तोला हातो-हात उचल लेहेत। कहीं असी ना होय का तोरो पाय मा ठोकर लगे।”\x - \xo 4:6\xo*\xt भजनसंहिता 119:11-12\xt*\x*
\p
\v 7 यीसु ना ओला कहीस, पर पवीतर गीरंथ मा असो भी लिख्यो से “अपरो पिरभु मोठो परमेस्वर की परीक्सा नोको लेवजोस।”\x - \xo 4:7\xo*\xt नेम को किताब 6:16\xt*\x*
\p
\v 8 मंग बालजबूल ओला एक लगत मोठो पहाड़ पर ले गईस, अना सारो जग को राज माया महिमा चोवाय के 
\v 9 ओला कहीस “अदी तु टोंगरा टेकके मोरी आराधना करजोस, ता मि यो सब काही तोला दे देहू।”
\p
\v 10 तबा यीसु ना ओला जवाब देइस, हट जाय सैतान! काहेका धरम की किताब मा लिख्यो से “तु अपरो पिरभू व परमेस्वर की आराधना करो अना अखिन वोकिच सेवा करो।”\x - \xo 4:10\xo*\xt नेम को किताब 6:13\xt*\x*
\p
\v 11 एको पर सैतान वोला सोड़के चली गयो अना सरगदुत आयके वोकी सेवा करन लगीन। \f + \fr 4:11\fr*\ft सेवा करनो\ft*\f*
\s गलील मा यीसु को सेवा को सुरुवात
\r (मरकुस 1:14,15; लूका 4:14,15,31)
\p
\v 12 जबा यीसु ना यो आयकीस, का योहन धराय गयो से। ता उ गलील नगर ला चली गयो।\x - \xo 4:12\xo*\xt मत्ती 14:3; मरकुस 6:17; लूका 3:19-20\xt*\x* 
\v 13 अना उ नासरत नगर ला छोडके कफरनहुम नगर मा रव्हन लगयो। जो झील को जवर जबूलून अना नप्ताली को देस मा से।\x - \xo 4:13\xo*\xt योहन 2:12\xt*\x* 
\v 14 असो परकार लक यसायाह भविस्यवक्ता को कव्हयो गयो गोस्टी पूरो भयो।
\q1
\v 15 “जबूलून अना नप्ताली को देस, झील को रास्ता लक यरदन नदी को वोनागन,
\q2 गैर यहुदीगीन को गलील
\q1
\v 16 जोन लोक अंधार मा बसी होतीन,
\q2 उनना मोठी उजाड़ो चोविन,
\q1 अना जोन मरन को देस अना सावली मा बसी होतीन,
\q2 उन पर उजाड़ो चमकयो।”\x - \xo 4:16\xo*\xt यसायाह 9:1-2 \xt*\x*
\p
\v 17 ओना बेरा लक यीसु ना पिरचार करन लगयो का “पाप लक मन ला हटाव मन फिराओ काहे का सरग को राज जवर आई से।”\f + \fr 4:17\fr*\ft मन को बीचार बदलो \ft*\f*\x - \xo 4:17\xo*\xt मत्ती 3:2\xt*\x*
\s पयलो चेलागिन ला हाकलनो
\r (मरकुस 1:16-20; लूका 5:1-11; योहन 1:35-42)
\p
\v 18 यीसु गलील को झील को जवर, हिंड रहयो होतो, ओना दुई भाऊ गीन समौन जेनको नाव पतरस भी कहलावसे, अना ओको भाउ अन्दिरयास ला झील मा जाल डाकत चोविस; काहे का वय धिवर होतीन। 
\v 19 यीसु ना उन लक कहीस “मोरो मंघा आव, ता मि तुमला मसरी धरन की जघा लोकगीन ला परमेस्वर को राज मा आननो सिकाहु।” 
\v 20 वय तुरुत जाल ला सोड़के ओको मंघा चलन लगीन।
\p
\v 21 वहान लक पुढा बढ़नो पर यीसु चोवयो का जबदी को टूरागिन याकूब, अना योहन दूई भाऊगीन अपरो बाप जबदी को संग नाव मा जाल ला तैय्यार करत होतिन। ता यीसु न उनला हाकलीस, 
\v 22 वय तुरूत नाव अना आपरो बाप ला सोड़के वोको मंघा चली गईन।
\s यीसु लक रोगिगिन ला साजरा करनो
\r (लूका 6:17-19)
\p
\v 23 यीसु सारो गलील मा हिंडत-हिंडत उनको पिराथना घर मा सिक्सा देवन लगयो होतो। अना राज को साजरो बारता को बारे मा सांगत होतो। अखीन लोक गीन की हर बीमारी, अना कमजोरी, ला साजरो करत होतो।\x - \xo 4:23\xo*\xt मत्ती 9:35; मरकुस 1:39\xt*\x* 
\v 24 अना वोको नाव सफा सीरिया देस मा, फैल गयो। अखीन लोकगीन सप्पा बीमार ला, अना दुखी मानूस गीन ला अना जिनमा भुत-पलित झोमयो होतिन, मिरगी वारा, लकवा वारा ला ओको जवर आनीन। अना उ उनला साजरो करत होतो। 
\v 25 गलील अना दहानगर मा येरुसलेम नगर, यहुदिया छेतर अना यरदन नदी को ओनांगन लक भीड़ ओको मंघा भय गई।
\c 5
\s यीसु को पहाड़ मा सिक्सा
\p
\v 1 यीसु एना मोठो भीड़ ला चोवके पहाड़ी पर चघ गयो।\x - \xo 5:1 \xo*\xt लूका 6:17; मरकुस 3:13; योहन 3:6 \xt*\x* अना जबा बस गयो, तबा ओको चेला ओको जवर आइन। 
\v 2 अना उ यो कव्हतो हुयो सिक्सा देवन लगयो।
\s धन्यवचन
\r (लूका 6:20-23)
\q1
\v 3 \x - \xo 5:3 \xo*\xt यसायाह 66:2; भजनसंहिता 40:17 \xt*\x*धन्य सेत वय, जो मन को गरीब\f + \fr 5:3\fr*\ft दीन\ft*\f* सेत।
\q2 काहे का सरग को राज उनको सेत।
\q1
\v 4 धन्य सेत वय, जो सोक करासेत,
\q2 काहे का वय सान्ती पाहेत।
\q1
\v 5 धन्य सेत वय, जोन नरम\f + \fr 5:5\fr*\ft नम्र\ft*\f* सेत!
\q2 काहे का वय धरती का मालीक होयेत।
\q1
\v 6 धन्य सेत वय जो धरम का भुको अना तहान सेत,
\q2 काहे का वय, अघा जाहेत।
\q1
\v 7 धन्य सेत वय जोन रहमदिल सेत,
\q2 काहे का वोको पर रहम कियो जाहेत।
\q1
\v 8 धन्य सेत वय, जोनको मन सुध्द सेत,
\q2 काहे उ परमेस्वर ला, चोहेत।
\q1
\v 9 धन्य सेत व, जो मेल करानवारा सेत,
\q2 काहेका उ परमेस्वर का टूरा कहलाहेत।
\q1
\v 10 धन्य सेत वय, जोन धरम को कारन लक तगांयो जासेत,
\q2 काहेका सरग को राज उनको च से।\x - \xo 5:10\xo*\xt 1 पतरस 3:14\xt*\x*
\p
\v 11 धन्य सेव तुमी, जबा, मानूस मोरो कारन, तुमरो बेज्जाती करेहत। तुमरो पर अत्याचार अपमान करेहत अना अखीन झुठो, दोस लगाहेत।\x - \xo 5:11\xo*\xt 1 पतरस 4:14\xt*\x* 
\v 12 तबा खुसी लक मगन होवना, काहे का तुमरो लाई सरग मा, मोठो फर से तुमरो पूढा को भविस्यवक्ता गीन ला भी एनाच रीत लक सतायो होतीन।\x - \xo 5:12\xo*\xt पेरीत 7:52 \xt*\x*
\s नोन अना दियो
\r (मरकुस 9:50; लूका 14:34,35)
\p
\v 13 तुम्हि धरती को नोन सेव, पर अदी नोन को सुवाद बिगड़ जाहेत ता कोन सी जिनुस लक वोला नमकीन कियो जाहेत। मंग वा कोनी काम को नाहती, एको लाई का बाहेर फेको जाहेत, अना मानूस को पाय खाल्या खुंदयो जाहेत।\x - \xo 5:13\xo*\xt कुलुस्सियो 4:6\xt*\x*
\p
\v 14 तुमी एना जग की उजाड़ो सेव, जोन नगर पहाड़ी मा बसो से, वा लूक नही सकत।\x - \xo 5:14 \xo*\xt योहन 8:12; 9:5\xt*\x* 
\v 15 अखीन लोक गीन दियो पैटाय के फुल को खाल्या डलिया मा नही राखत, पर फूल पर राखासेत, तबा ओना घर का सारो लोक गीन ला उजाड़ो भेटासे।\x - \xo 5:15\xo*\xt मरकुस 4:21; लूका 8:16; 11:33\xt*\x* 
\v 16 वोको च जसो तुमरो भी उजाड़ो मानूस को पुढा चमकेत, काहे का उ तुमरो भलो काम ला देख के तुमरो बाप की सरग मा बड़ाई होहेत।\x - \xo 5:16\xo*\xt 1 पतरस 2:12\xt*\x*
\s पवीतर गिरंथ को सिक्सा
\p
\v 17 यो नोको समजो का, मि पवीतर गीरंथ या भविस्यवक्ता मोसे को नियम ला, लोप करन लाय आई सेऊ, पर मी तो वोला पूरो करन लाई आई सेव। 
\v 18 काहे की मि तुमरो लक खरो कव्हसु, का जबा तकन सरग अना धरती टल न जाहेति। तबा तकन मोसे को नियम\f + \fr 5:18\fr*\ft सब चीज को अंत से, पर यो उपदेस सच्चो से। \ft*\f* लक एक मातरा एक बिन्दु भी, बिना पूरो हुये नही टलेत।\x - \xo 5:18\xo*\xt लूका 16:17\xt*\x* 
\v 19 एको लाई जो कोनी, एना नहानो लक नहानो , हुकूम ला कोनी एक ला तोड़के अना वसोच लोक गीन ला सिखाहे, उ सरग को राज मा सब लक नहानो कहलाहे पर जो कोनी एना हुकूम ला मानहेत अना उनला वसोच सिखाहे, उ सरग को राज मा मोठो कहलाहे। 
\v 20 काहे की मि तुम लोक गीन कव्हसु, की अदी तुमरो नेकी को काम, मोसे को नियम को गुरू लक अना, फरिसी गीन लक बड़के नही होहेत। ता तुम्हि सरग को राज मा कदीच भीतर नही धस सकेत।
\s गुस्सा आवनो अना जान लक मारनो
\p
\v 21 तुमी आयकि सेव का जुनो जुग का लोक गीन ला कव्हयो गयो होतो, का जान लक नोको मारने, अना जोन जान लक मारहेत, उ कचहरी मा, सजा को काबील होहेत। 
\v 22 पर मि तुमी लक यो कव्हासु, का जोन कोनी आपरो भाऊ पर हिजड़ेत, उ कचहरी मा सजा को काबील होहेत, अना जोन कोनी आपरो भाऊ ला निकम्मो कहे, ता उ मोठी सभा मा सजा को काबील होहेत, अना जो कोनी कहे अरे मुरख! ता उ नरक की स्‍तो को सजा को हिस्सेदार होयेत।
\p
\v 23 एकोलाय अदी तुम्हि आपरी भेट होमन कुन्ड को जवर आनने, अना उता तुम्हिला हेत आहेत का तोरो भाऊ को मन मा तोरो लाय, काही विरोध से, 
\v 24 ता आपरी भेट उतच होमनकुन्ड को पुढा सोड़ देव अना जायके पहले आपरो भाऊ लक मेल-मिलाप कर। अखीन तबा आयके आपरी भेंट चघाने।
\p
\v 25 कचहरी जातो बेरा मी रास्ताच मा अपरो मुद्दई लक मेल मिलाप कर लेवो, कहीं असो नोको होहेत का वय तुमला न्याय करन वालो ला सोप दे अना सिपाई तुमला जेल मा डाक दे। 
\v 26 मि तुम्हि लक खरो कव्हसु, की जबा तकन तुमी पैसा-पैसा भर नही देहो, तबा तकन उता लक सूट नही सकने।
\s छिनाला करनो
\p
\v 27 तुम्हि लोकगीन आयकि सेव की कव्हयो गयोसे, का छिनालापन नोको करना। 
\v 28 पर मि तुम लक कव्हसु, की जोन कोनी कोनी बायको पर बुरो नजर डाखेत, उ ओको लक मन मा छिनाली कर लेवासे। 
\v 29 अदी तोरी उज्जो डोरा तोला ठोकर खिलावासे, ता ओला हेड़के फेक दे काहे का तोरो लाई यो साजरो से, की तोरो तनमा लक एक आंग खराब होय जाहेत, अखीन तोरो सप्पा तन नरक मा नोको डाख्यो जाय।\x - \xo 5:29\xo*\xt मत्ती 18:9; मरकुस 9:47\xt*\x* 
\v 30 \x - \xo 5:30\xo*\xt मत्ती 18:8; मरकुस 9:43\xt*\x*अदी तोरो उज्जो हात तोला ठोकर खवाये ता वोला काप के फेक देवने। काहेका तुम्हारो लाय योच साजरो से का तुम्हारो तन मा लक एक खराब होय जाहेत अखीन तोरी सप्पा काया नरक मा नोको डाकयो जाहेत।
\s सोड़ सुट्टी देवनो
\r (मत्ती 19:9; मरकुस 10:11,12; लूका 16:18)
\p
\v 31 असो भी कव्हयो गयो होत्यो, जोन कोनी अपरी बायको ला सोड़-सुट्टी देवनो चाव्हसे, ता उ दे-दे। 
\v 32 पर मी तुम्हिला कव्हसू, का जोन कोनी अपरी बायको ला छिनालापन को सिवा, काही अखीन कारन लक सोड़-सुट्टी देवासे, त उ छिनाली करवासेत। अना जो कोनी वोना छोड़ी हुई लक बिहा करासे त उ छिडरापन करासेत।\x - \xo 5:32\xo*\xt मत्ती 19:9; मरकुस 10:11-12; लूका 16:18; 1 कुरिन्थियो 7:10-12\xt*\x*
\s कसम
\p
\v 33 तुम्हि आयकि सेव का पयले को जुग मा लोकगीन ला कव्हयो गयो होत्यो। का झुठी किरिया नोको खाना, पर पिरभु लाई अपरी कसम ला पूरी करने। 
\v 34 पर मी तुमला यो कव्हसु, का कभीच किरया नोको खावने न त सरग की काहेका उ परमेस्वर को सिघासन आय।\x - \xo 5:34\xo*\xt याकूब 5:12 \xt*\x* 
\v 35 ना ता धरती की काहेकि वा वोको पाय की चौकी आय। ना ता येरुसलेम की काहेकि उ महा राजा को नगर आय। 
\v 36 तुम्हि अपरी डोस्की की भी किरिया नोको खावने। कासेकि तु अपरा चुन्दी गीन ला कारा अना पांढरा नही कर सकासेस। 
\v 37 पर तुमरी गोस्टी हव ता हव अना नही ता नही होय। कासेकि जोन एकोलक जादा होवासे वा बुराई लक होवासे।
\s बदला
\r (लूका 6:29-30)
\p
\v 38 तुम्हि आयकि सेव का कहयो गयो होत्यो। डोरा को बदला डोरा, अना दाँत को बदला दाँत। 
\v 39 पर मी तुमला यो कव्हसू, का बुराई को बीरोध नोको करने। पर जोन कोनी तोरो उज्जो गाल मा झापड़ मरेत, ता वोको कन दुसरो गाल कर देवने। 
\v 40 अदी कोनी तोरो पर मुकदमा करके, तोरो कुरता ला लेवनो चाहे ता वोला पचिया भी दे देने। 
\v 41 जोन कोनी तोला कोस भर मा लीजाहे त वोको संग मा दुई कोस चली जाजोस। 
\v 42 जोन कोनी तोरो लक मगे, वोला देजोस। अना जोन कोनी तोरो लक उधार लेनो चाव्हसे वोको लक टोन्ड नोको मोड़जोस।
\s सतरू लक माया
\r (लूका 6:27,28,32-36)
\p
\v 43 तुम्हि आयकि सेव का कव्हयो गयो होत्यो। का अपरो संगी लक माया राखो, अना अपरो बयरी लक बईर। 
\v 44 पर मी तुम्हिला यो कव्हसू का अपरा बयरी गीन पर माया राखो। अखीन तूम्हि अपरो सतावन वारा गीन लाई पिराथना करने। 
\v 45 जेनको लक तुम्हि अपरो सरग को परमेस्वर बाबूजी की सन्तान कहलाने। कासेकी उ साजरो अना बुरो दुई, को लाय दिवस हेड़ासे। अखीन ईमानदार अना बैईमान, धरमी-अधरमी दुई पर बादर- पानी बरसासेस। 
\v 46 कासेकी अदी तुम्हि अपरो लक माया राखन वारा, लक माया राखने । ता तुमरो लाई का फर होयेत? का बरगन लेवन वारा भी असो नही करेत। 
\v 47 अदी तुमी केवल अपरो भाऊ ला नमस्कार करो। त कौनतो मोठो काम करीसेव? का गैरयहुदी भी असो नही करासेत। 
\v 48 एकोलाय तुमी सिध्द बनो। जसो तुमरो सरग को परमेस्वर बाबूजी सिध्द से।
\c 6
\s दान
\p
\v 1 \x - \xo 6:1\xo*\xt मत्ती 23:5\xt*\x*तूम्हि होसियार रव्हने, मानूसगिन ला दिसान काजी, नेकी को काम नोको करो। नही ता अपरो परमेस्वर बाबूजी लक सरग मा काही भी फर नही पावने।
\p
\v 2 जबा तुम्हि दान करने, ता आपरो पूढा तुर्रा बाजा नोको बजाओ, जसो कपटीगीन पिराथना घर सभा अना गल्ली मा करा सेत। जोन लक लोकगीन वोकी बड़ाई करेत। मी जसो तुमरो लक खरो सांगासू का, वय अपरो करनी को फर पाय चुकेत। 
\v 3 पर जबा तु दान करजोस, त जो तोरो उज्जो हात करेत, उ तोरो डाखिया हात ला मालूम नही पडहेति। 
\v 4 जोन लक तोरो दान लुको रहेत, अना तबा तोरो बाप चुपचाप मा चोवसे तोला करनी को फर देहे।
\s पिराथना
\r (लूका 11:2-4)
\p
\v 5 \x - \xo 6:5\xo*\xt लूका 18:10-14\xt*\x*जबा तुम्हि पिरथना करने, ता बगला भगत को जसो नोको करने। कासेकी लोकगीन ला चोवन लाई, पिराथना घर मा अना रास्ता, चौगड्डा मा ऊभा होयके, पिराथना करनो, चहेतो लगासे, मी तुम्हिला खरो सांगासू, का वय अपरो करनी को फर पाय लेहेत। 
\v 6 पर जबा तुम्हि पिराथना करने, ता अपरी खोलीमा जायके, अना घर को किवाड़ लगायके अपरो परमेस्वर बाबूजी लक एकांत मा पिराथना करने, तबा तुम्हरो बाबूजी परमेस्वर जोन एकलो मा चोवासे, उ तुम्हिला करनी को फर देहे।
\p
\v 7 तूम्हि पिराथना करतो बेरा मा गैर-यहूदिगीन लोकगीन को जसो बक-बक नोको करने वय समजासेत का लंबी-लंबी पिराथना करनो लक उनकी पिराथना आयकि जाहे। 
\v 8 एकोलाय तुम्हि उनको जसो नोको बनने काहेका तुम्हरो परमेस्वर बाबूजी तुमरो माँगन को पुढ़ा जानासे का तुम्हि ला काजक-काजक चीज गीन की जरुरत से। 
\v 9 एकोलाय तुम्हि लोक गीन असो रित लक पिराथना करने,
\q1 ओ आमरो परमेस्वर बाबूजी तू जोन सरग मा सेव
\q2 तोरो नाव पवीतर मानो जाय।
\q1
\v 10 अखीन तोरो राज आय,
\q2 तोरो मनसा जसो सरग मा पूरो होवासेत वसोच धरती मा पूरो होहे,
\q2
\v 11 आमरो दिवस भर को जेवन आज अमीला देव,
\q2
\v 12 अना जसो हमिना अपरा बूरो करन वारा ला छिमा करीसेजन,
\q2 वसोच तु भी हमरो बुराई ला छिमा कर।
\q2
\v 13 अना हमला परिक्सा मा नोको डाख,
\q2 पर बुराई लक बचाव, काहेकि राज् अना मोठयो ताकत अना महिमा हमेसा तोरो रहेत।
\p
\v 14 \x - \xo 6:14\xo*\xt मरकुस 11:25-26\xt*\x*एकोलाय अदी तुमी मानूस को अपराध ला छिमा करने , ता तुम्हरो सरग को परमेस्वर बाबूजी भी तुम्हिला छिमा करेत। 
\v 15 अना अदी तुमी मानूस गीन को अपराध छिमा नही करने, ता तुम्हरो बाबूजी परमेस्वर भी तुम्हरो अपराध ला छिमा नही करहेत।
\s उपास
\p
\v 16 जबा तुमी उपास करहो, ता बगला भगत गिन जसो तुमरो टोन्ड पर उदासी नही छाय रव्हे, काहे का वय आपरो टोन्ड उतारके रहोसेत, एको लाई का लोकगीन उन ला उपासी जानेत। मि तुम लक खरो कहुसेऊ की वय आपरो ईनाम पाय चुकीन। 
\v 17 पर जबा तु उपास करजोस ता आपरो डोस्की पर तेल मलन अना टोन्ड धोयके रव्हजोस। 
\v 18 ताकि लोक नही पर तोरो बाप जो छुपयो मा से तोला उपासी जाने। यो दसा मा तोरो बाप जो छुपयो मा देखासे, तोला फर देहेत।
\s सरग मा धन
\r (लूका 12:33,34)
\p
\v 19 \x - \xo 6:19 \xo*\xt याकूब 5:1-3\xt*\x*आपरो लाई धरती मा तिजोरी मा धन जमा नोको करोह जिता कन कीड़ा अना काई बिगाड़सेत, अना जिता चोर सेंध लगावसेत अना चुरावसेत। 
\v 20 पर आपरो लाई सरग को तिजोरी मा धन इकठ्ठा करोह। जिता न ता कीडा अना न काई बिगाड़ा सेत, अना जिता चोर न ताका करासेत अना चुरा नही सकेत। 
\v 21 काहे क जिता तोरो तिजोरी मा धन सेत उता तोरो मन भी लगयो रहेत।
\s तन अना दियो
\r (लूका 11:34-36)
\p
\v 22 तन को दियो डोरा सेत, एको लाई अदी तोरो डोरा साफ सेत ता तोरो सप्पा तन भी उजाड़ो होयेत। 
\v 23 पर यदि तोरो डोरा बुरो सेत, ता तोरो सप्पा तन भी ईंधारो होहेत। एकोलाय वा उजाड़ो जोन तोरो मा से अदी इंधारो होहेत, ता वा इंधारो कसो मोठो होहेत।
\s परमेस्वर अना धन-माया
\r (लूका 16:13; 12:22-31)
\p
\v 24 कोनी भी गुलाम मानूस दुई मालीक को सेवा नही कर सकासे। काहेका उ एक लक बइर अखीन दुसरो को संग माया राखेत। अना एक लक गाढोपन अना दुसरो ला नीच जानेत। तुमी परमेस्वर अना धन दुही की सेवा नही कर सकासो।
\p
\v 25 एको लाई तुमी आपरो जान लाई यो चिंता नोको करने की आमी का खावबीन अना का पीवबीन। अना आपरो तन लाई का काजक पहरबीन, का जान जेवन लक, अना देह लक, कपरा बड़के नाहत? 
\v 26 बादल का पकसी ला चोवो। वय ना ता बोवासे, ना च कापासे, अना ना च खरीयान मा जमा करासेत, मंग उनको सरग को परमेस्वर बाबूजी उनला खिलावासे। का तुम्हि उन लक लगत कीमती नही सेव? 
\v 27 तुम्हि मा लक कोन से, जो चिन्ता करके आपरी उमर मा एक घडी भी बढाय सकासे?
\p
\v 28 अना कपरा लाई काहे चिन्ता करासो? जंगल का फुल पर मन लगावो का वय कसा बढ़ासेत वय न तो मेहनत करासेत, न कापासेत। 
\v 29 एतरो मा भी मि तुम लक कव्हसु का राजा सुलेमान भी, आपरो महिमा सप्पा धन माया मा उनमा लक कोनी को जसो कपरा नही डाकयो होतो।
\p
\v 30 एकोलाय जबा परमेस्वर बर्रा की गवथ ला, जो आज से अना काल स्तो की भट्टी मा झोकी जाहे, असो कपरा पहिनासे, ता हे कच्चो भरोसा वालो, तुमी ला उ उन लक बड़के, काहे नही पहिनाहे? 
\v 31 एको लाई तुमी चिन्ता करके यो नोको कव्हना, की आमी का जेवबीन, अना का पीवबीन, या का घालबीन। 
\v 32 काहे का गैरयहुदीगीन यो सब चीज को खोज मा रव्हासेत। पर तुमरो सरग को परमेस्वर बाबूजी जानासे, की तुमला यो सब चीज गीन की जरुरत से। 
\v 33 एको लाई पूढ़ा तुमी परमेस्वर की राज अना ओको न्याय की खोज करोह ता या सब चीज भी तुम ला मिल जाहेत। 
\v 34 अता काल की चिन्ता नोको करो। काहे का काल का दिवस आपरी चिन्ता आप कर लेहे। अज को लाई अज को दुख लगत से।
\c 7
\s दुजो गीन पर दोस नही डाकना
\r (लूका 6:37,38,41,42)
\p
\v 1 दोस नोको लगावो, जेनको लक तुमरो पर भी दोस लगायो जाहेत। काहेकी, 
\v 2 \x - \xo 7:2\xo*\xt मरकुस 4:24\xt*\x*जोन रीती लक तुमी दोस लगावासो, ओनोच रीती लक तुम पर भी दोस लगायो जाहेत, अना जोन पायली मा तुमी नापासेव, ओनोच पायली लक तुमला भी नापो जाहेत। 
\v 3 जबा तु आपरो भाऊ को डोरा को तिनका ला चोवासेस, तोला आपरो डोरा को लठ्ठा तोला नही सुजासे? 
\v 4 जबा तोरी च डोरा मा लठ्ठा से, ता तु आपरो भाऊ लक कसो कव्ह सकासेस, आन मि तोरो डोरा लक तिनका हेड़ देवासू? 
\v 5 हे कपटी पुढ़ा आपरो डोरा मा लक, लठ्ठा हेड़ ले, तबा तु आपरो भाऊ की डोरा लक तिनका साजरो रिती लक चोयके हेड़जोस।
\p
\v 6 पवीतर चीज कुतरा गीन ला नोको देव, अना आपरो मोती खालमानी को पुढा नोको डाको, असो नोको होय की वय उन ला पाय खाल्या खुँदेत अना पलट के तुमला फाड़ डाकेत।
\s मांगो ता भेटेत
\r (लूका 11:9-13)
\p
\v 7 माँगो ता तुमला दियो जाहेत ढुँढो ता तुमी पाहो। खटखटाओ ता तुमरो लाई उघाड़ो जाहेत 
\v 8 काहे का जो कोनी माँगासे, ओला मिलासे, अना जोन ढुँढासे, वोला भेटा सेत, अना जो खटखटावसे, ओको लाई उघाड़ो जासे। 
\v 9 तुमी मा लक असो कोन मानूस से, का अदी ओको टूरा ओला भाकर माँगासे, ता उ ओला पथरा देसे? 
\v 10 अना मसरी माँगासे, ता ओला सरप देसे? 
\v 11 अता जबा तुमी बुरो होयके, आपरा लेकरा ला साजरी चीज देवासो, ता तुमरो सरग को परमेस्वर बाबुजी आपरो माँगन वालो ला साजरी चीज काहे नही देहे?
\p
\v 12 \x - \xo 7:12\xo*\xt लूका 6:31\xt*\x*योको लाई जो काही तुमी चाव्हसो की मानूस तुमरो सँग करे, तुमी भी उनको सँग वसोच बरताव करो, काहे का पवीतर गिरंथ अना मोसे को नियम अना भविस्यवक्ता गीन की सिक्सा याच से।
\s सकड़ो अना चौड़ो रास्ता
\r (लूका 13:24)
\p
\v 13 सकड़ो बेसकुड़ लक जाव, काहेका चकरो से उ बेसकुड़ अना सिधो से उ रस्ता जोन नास कन जावासेत। अना लगत सा लोक सेत, जोन ओना रस्ता लक जावासेत। 
\v 14 काहेका सकड़ो से उ बेसकुड़ अना कठिन से उ रास्ता जोन, जिंदगी कन पहुचासे। अना जरासा लोक सेत, जोन ओला भेटासेत।
\s जसो झाड़ वसोच फर
\r (लूका 6:43,44,46; 13:25-27)
\p
\v 15 खोटो भविस्यवक्ता गीन लक होसियार रव्हने, जोन साजरा कपरा घाल के मेढा को हुलीया मा तुमरो जवर आवासेत, पर भीतर लक फाड़न वारा बिघा को जसो सेत। 
\v 16 उनको फर लक तुमी उन ला चिन्ह लेहो, का लोकगीन झाड़ी लक अंगूर, अना काँटादार झाड़ लक अँजीर तोड़ासेत ? 
\v 17 यो रीती लक साजरो झाड़ साजरो फर आनासे, अना निकम्मो झाड़ निकम्मो फर आनासे। 
\v 18 साजरो झाड़ बुरो फर नही आन सका, अना निकम्मो झाड़ साजरो फर नही आन सका। 
\v 19 जोन-जोन झाड़, साजरो फर नही आनासे, उ कापके स्तो मा डाकयो जाहे।\x - \xo 7:19\xo*\xt मत्ती 3:10; लूका 3:9\xt*\x* 
\v 20 येना रिती लक उनको फर लक, तुमी उन ला चीन्ह लेहो।\x - \xo 7:20\xo*\xt मत्ती 12:33\xt*\x* 
\v 21 जोन मोला हे पिरभु, हे पिरभु! कव्हसे, उनमा लक हरेक सरग को राज मा नही जाय सकत। पर जोन मोरो, परमेस्वर बाबूजी को मरजी लक चलासे, उ जाय सकासेत। 
\v 22 ओनो दिवस मा मोला लगत सा लोक गीन कहेत, हे पिरभु हे पिरभु, का आमी ना तोरो नाव लक आवन वारो गोस्टी नोको सांगो? अना तोरो नाव लक बुरो आतमा भूत-पलित ला नही हेडिया? अना तोरो नाव लक लगत सा ताकत को काम नही करियो? 
\v 23 तबा मि उन लक सपा-सपा मना कर देहुँ, अना सांगू, अरे, बुरो करम करनवालो, मोरो जवर लक चली जावो मी तुमीला नही जानासू।
\s घर बनान वारा दुई मानूस
\r (लूका 6:47-49)
\p
\v 24 एकोलाय जो कोनी मोरो गोस्टी ला आयक के मानासे, उ वा अक्कलवर मानूस जसो से, जेना आपरो घर ला गोटा पर बनावासे। 
\v 25 अना बरसात भई पूरा आई, अना आंधड चली अना उ घर लक टक्कराई मंग नही पड़यो, काहेका ओकी पाया गोटा मा डाकी गई होती।
\p
\v 26 पर जो कोनी मोरी गोस्टी ला आयकसे अना उन पर नही चलासे, उ वोना मानूस को जसो से, जोन आपरो घर रेत पर बनावासेत। 
\v 27 अना पानी बरसयो, अना पूरा आई, अना आँधड़ चली, अना ओना घर लक टक्कराई अना वा घर पड़के सत्यानास भई गई।
\s यीसु को हक
\p
\v 28 जबा यीसु या गोस्टी कह चुकयो, ता असो भयो की भीड़ ओको सिक्सा लक चकित भय गईन।\x - \xo 7:28\xo*\xt मरकुस 1:22; लूका 4:22-32\xt*\x* 
\v 29 काहेकि उ उनको मोसे को नियम को गुरू जसो, नही पर अधिकारी जसो उनला सिक्सा देवत होतो।
\c 8
\s कोढ़ को रोगी ला साजरो करनो
\r (मरकुस 1:40-45; लूका 5:12-16)
\p
\v 1 जबा उ ओनो पहाड़ लक खाल्या आयो, ता एक मोठी भीड़ ओको मँघा भय गई। 
\v 2 अना एक कोढ़ी ना जवर आयके ओला हात जोड़ के नमस्कार करीस अना कहीस, ओ पिरभु! अदी तु चाव्हासेत, ता मोला साजरो कर दे।\x - \xo 8:2 \xo*\xt हिटनो 4:6 \xt*\x*
\p
\v 3 एतरो पर यीसु ना अपरो। हात बढायके ओला छीइस, अना कहीस, मि चाव्हुसु! तु साजरो भई जाय, अना उ गदने कोढ लक साजरा भय गयो। 
\v 4 यीसु ना ओला कहीस, कोनी लक नोको कव्हजोस! पर मंदिर मा जायके आपरो आप ला याजक ला दिखावजोस, अना जसो पवीतर गिरंथ मा भेट चढावा मोसे भविस्यवक्ता ना तय करीसेस ओला चढावजोस, एको लाई की लोकगीन पर पूरुप मजे गवाही भई जाहेती।
\s एक सुबेदार को भरोसा
\r (लूका 7:1-10)
\p
\v 5 जबा यीसु कफरनहुम नगर मा आयो। ता एक सुबेदार ना ओको जवर आयके ओको लक पिराथना करीस। 
\v 6 हे पिरभु! मोरो दास घर मा लकवा को बीमारी लक लगत दुख मा सेत।
\p
\v 7 यीसु ना कहीस “चल मि आयके ओला साजरो करासू”
\p
\v 8 सुबेदार ना जवाब देइस की ओ पिरभू! मी यो लायक नही सेउ का तु मोरी घर को छत को खाल्या आवजोस, ओ पिरभु तू तो इता लक सांग दे, ता मोरो दास साजरो भय जाहे। 
\v 9 काहे का मि भी अधिकारी सेऊ सरकार को नौकरी करासु अना सिपाई मोरो बस मा सेति जबा मि एक ला कव्हसु जाय। ता उ जासे अना दुसरो ला, आव! ता उ आवासे अना जबा आपरो दास लक कव्हसु, यो कर! ता उ करासे।
\p
\v 10 यो आयक के यीसु ला अचंभा भयो, अना जोन ओको मंघा होतीन, उन लक कहीस, मि तुमला ला खरो कव्हसु की मिना इसरायल देसमा असो बिस्वास नही पायो। 
\v 11 अना मि तुमी लक कव्हसु, की दिवस उगती अना दिवस बुड़ती लक लगत सा लोक आयके अबराहम अना इसहाक अना याकूब को संग सरग को राज मा बसेत।\x - \xo 8:11 \xo*\xt भजनसंहिता 107:3\xt*\x* 
\v 12 पर राज की संतान बाहेर इंधारो मा डाक दियो जाहे उता रोनो अना दाँत को पीसनो होहे।\x - \xo 8:12\xo*\xt मत्ती 13:38; लूका 13:28\xt*\x* 
\v 13 तबा यीसु ना सुबेदार लक कहीस, जाय! जसो तोरो बिस्वास से वसोच तोरो संग मा होहे।
\p अना ओको दास ओनोच घड़ी मा साजरो भय गयो।
\s कई रोगी गीन ला साजरो करनो
\r (मरकुस 1:29-34; लूका 4:38-41)
\p
\v 14 यीसु जबा पतरस को घर मा आयो, तबा ओकी सासु ला बुखार धरयो होतो। 
\v 15 ओना ओला हात लक, छीइस अना ओको बुखार उतर गयो। अना वा उभी होय के, ओकी सेवा करन लगी।
\p
\v 16 जबा झुलाखाली भई तबा ओको, जवर लगत सा लोकगीन ला आनीन। जिनमा भुत-पलित होतिन अना, बीमार ला ओना हुकूम देक साजरो करीस। 
\v 17 \x - \xo 8:17\xo*\xt यसायाह 53:4\xt*\x*एकोलाय जोन गोस्टी यसायाह भविस्यवक्ता कन, लक पवीतर गिरंथ मा लिख्यो से पूरो भयो का “ओना आपच आमरी कमजोरी ला ले लेइस, अना बीमारी ला उचल लेईस।”
\s यीसु को चेला बनन की कीमत
\r (लूका 9:57-62)
\p
\v 18 यीसु ना जबा आपरो आप ला भीड़ लक घीरो चोवके, उ झील को ओनांगन जावन की हुकूम देईस। 
\v 19 तबा एक मोसे को नियम को गुरू ना ओको जवर आयके कहीस, हे गुरुजी! जिता-जिता तू जाजोस उतच-उतच मि तोरो सगं आहुँ।
\p
\v 20 यीसु ना उन लक कहीस, कोल्हिया गीन को लाय खोदरा अना बादल का पकसी गीन को बसेरा होवासेत पर मानूस को टूरा लाई डोस्की राखके अराम करन को जघा नहात।
\p
\v 21 एक अखीन चेला ना ओला कहीस, हे पिरभु मोला जावन दे, का आपरो बाप ला गड़ाय देहुँ।
\p
\v 22 यीसु ना ओला कहीस, तु मोरो मंघा भय जाय, अना मुरदा ला आपरो मुरदा गाड़न दे।
\s आँधड़ ला थामनो
\r (मरकुस 4:35-41; लूका 8:22-25)
\p
\v 23 जबा उ नाव पर चघयो, ओको चेला मंघा भय गईन। 
\v 24 अना देखो झिलमा एक मोठो आँधड़ उठयो। अना नाव लहर लक ढकन लगी। मगं उ जपमा होतो। 
\v 25 तबा चेला ना ओला जगाईन। अना कहिन, हे पिरभु हमला बचा व हम मर जाबीन।
\p
\v 26 ओना कहीस, अरे कच्चो भरोसा कमजोर बिस्वासवारा! काय ला डरावसो? तबा आँधी अना पानी ला डाटन लगिस, ता सफा उगा-मुगा भय गईन।
\p
\v 27 अना वय अचंभा भयके कहिन, यो कसो मानूस से का आँधड़ अना, पानी एको हुकूम मानासेत।
\s बुरो आतमा वालो ला साजरो करनो
\r (मरकुस 5:1-20; लूका 8:26-39)
\p
\v 28 जबा ओनागन गदरनियो को देस मा पहुँचीन, ता दुई मानूस जिनमा भुत-पलित झोमी होती, मरघट्टी लक हिटके ओला भेटिन वय एतरो ताकत वर होतीन, का ओ रास्ता लक कोनी नही जा सकत होतीन। 
\v 29 वय हाकल के कहिन, ओ परमेस्वर को टूरा, आमरो लक तोरो काजक काम से? का तु बेरा को पयले, अमीला, दुख देवन आईसेस?
\p
\v 30 उनको लक काही दुहुर पर एक खालमानी की हेड़ चरत होती। 
\v 31 बुरो आतमा ना उन लक यो कहके पिराथना करीन, का तु हमला हेड़ासेस, ता खालमानी को हेड़ मा धाड़ दे। 
\v 32 ओना उनला हुकूम देइस, तबा वय हिटके खालमानी मा धस गईन। अना चोवो सप्पा, हेड़ जोर लक झपट के पानी मा चली गयो।
\p
\v 33 उनको चरान वारा, पराय के नगर मा यो गोस्टी ला साँगीन, जिनमा भुत-पलित होतीन उनको सप्पा हाल आयकावईन। 
\v 34 तबा सबच नगर का लोक गीन यीसु लक भेटन साठी हिट के गईन, अना ओला देखके पिराथना करीन, की हमरो देस लक चली जाय।
\c 9
\s लकवा वालो ला साजरो करनो
\r (मरकुस 2:1-12; लूका 5:17-26)
\p
\v 1 मंग यीसु नाव मा चघके ओनागन गयो, अना आपरो नगर मा आयो। 
\v 2 अना देखिन का लकवा वारा, ला खाट पर धरके ओको कठा आनीन। यीसु ना उनको बिस्वास देखके, लकवा को रोगी ला कहीस, अरे टूरा हिम्मत राख! तोरो पाप छिमा भईन।
\p
\v 3 एको पर कई मोसे को नियम को गुरू ना सोचिन का यो तो परमेस्वर की निन्दा करासे।
\p
\v 4 यीसु ना उनको मन की गोस्टी ला जानके कहीस, तुमी आपरो-आपरो मन मा बुरो बिचार कायलाई करासेव। 
\v 5 सरल का से? यो कव्हनो का तोरो पाप छिमा भईन, अना यो कव्हना का उभो होय, अना चल फिर। 
\v 6 पर एकोलाय तुमी जान लेव, का “मानूस को टूरा” ला धरती पर पाप छिमा करन को, अधिकार से, तबा ओना लकवा को रोगी ला कहीस, उभो होय! अना आपरी खाट ला उठाव, आपरो घर जाय।
\p
\v 7 उ लकवा को रोगी उभो होयके, आपरो घर चली गयो। 
\v 8 लोक असो देखके डराय गईन, अना परमेस्वर की बड़ाई करन लगीन, जेना मानूस ला असो अधिकारी ठहराईसेस।
\s मती ला हाकलनो
\r (मरकुस 2:13-17; लूका 5:27-32)
\p
\v 9 वहान लक लगत पुढा बढके यीसु न मत्ती नामको मानूस ला बरगन वसुली करन वालो चौबट्टा पर बसयो चोयो त वोको लक कहीस,“ मोरो मंघा भय जाव।”
\p उ उभो होयके वोको मंघा भय गयो।
\p
\v 10 \x - \xo 9:10\xo*\xt लूका 15:1-2 \xt*\x*जबा उ घर मा जेवन मा बसयो, ता लगत सा जमा वसूल करन वारो पापी आयके यीसु अना ओको चेला संग जेवन लाय बस गईन। 
\v 11 असो देखीके फरिसी गीन ना ओको चेला ला कहिन, तोरो गुरूजी बरगन लेवन वारा अना पापी गीन को संग काय ला जेवन करासे?
\p
\v 12 असो आयक के यीसु ना उनको लक कहीस, बईद साजरो लाई नही से, पर बीमार गीन लाई जरूरी से। 
\v 13 एको लाई तुमी जायके एको अरथ सीक लेव। मि पुजा चढानो नही, पर दया चाहुसेऊ, काहे की मि न्यायी ला नही, पर पापी गीन ला बुलावन आईसेऊ।\x - \xo 9:13\xo*\xt मत्ती 12:7\xt*\x*
\s उपास को सवाल
\r (मरकुस 2:18-22; लूका 5:33-39)
\p
\v 14 तबा योहन का चेला गीन ओको जवर आयके कहिन, का कारन से? आमी अना फरिसी एतरो उपास करासेत, पर तोरा चेला उपास नही करत।
\p
\v 15 यीसु ना उन लक कहीस की जबा तकन बराती नवरदेव को संग मा रव्हासे , सोक कर सकासेत? पर वय दिवस आहेति जबा नवरदेव उनको लक अलग कियो जाहे। ओनो बेरा मा उपास करयेत।
\p
\v 16 कोरो कपरा को नाड़ा जूनो कपरा पर कोनी नही लगाय सकत, काहे की उ नाड़ा ओ कपरा ला काही अखीन खीच लेवसे, अना उ लगत फट जासे। 
\v 17 अना लोक नवा अंगूर को रस ला जुनो कुप्पा मा नही भरत, काहे का असो करन लक कुप्पा फट जासे, अना अंगूर को रस बह जासे अना कुप्पा नास भय जासे पर नयो अंगूर को रस नयो कुप्पा मा भरासेत अना वय दुही बचया रहोसेत।
\s मरी टूरी अखीन रोगी बायको
\r (मरकुस 5:21-43; लूका 8:40-56)
\p
\v 18 यीसु उन लक यो गोस्टी कर रहयो होतो। तबच एक समाज को मुखिया आयके दुई हात जोड़के नमस्कार करीस अना कहीस, मोरी टूरी मर गई। चलके आपरो हात ला ओको पर राख, ता वा जित्तो भयी जाहे।
\p
\v 19 यीसु उभो होयके आपरा चेला गीन को संग मा, ओको मंघा चलन लगीन।
\p
\v 20 एक बायको जोनको बारा बरस लक लाल धोवा जान की बीमारी होती। मंघा लक आयके ओको कपरा को कगर सेव ला छीव लेईस। 
\v 21 काहे का वा आपरो मन मा कव्हत होती। अदी मि ओको कपरा ला छी लेहुँ ता साजरी भयी जाहुँ।
\p
\v 22 यीसु ना मुरकके, ओला देखिस अना कहीस, अवो टूरी हिम्मत राख, तोरो बिस्वास ना तोला साजरो करीसेस। अता वा बायको ओनो बेरा मा साजरो भयी गई।
\p
\v 23 जबा यीसु मुखिया को घर मा पहुचियो। अना बंसरी बजावन वारा अखीन, भीड़ ला हुल्लड़ करतो देखीस। 
\v 24 तबा कहीस हट जाओ “टूरी मरी नही पर जप मा से।” एको पर ओकी हसी उडावन लगीन। 
\v 25 पर जबा भीड़ हेड़ पर देईन, ता उ भीतर जायके टूरी पर को हात धरीस, अना वा जित्तो भय गई। 
\v 26 अना या गोस्टी सप्पा देस मा फैल गई।
\s दोन अन्धरागिन ला साजरो करनो
\p
\v 27 जबा यीसु उता लक पुढ़ा बढ़यो, ता दुई अँधरा ओको मंघा असा हाकलत हुया आइन, ओ राजा दाऊद की संतान, आमरो पर रहम कर!
\p
\v 28 जबा उ घर मा गयो, ता वय अँधरा ओको जवर आइन, अना यीसु ना उनको लक कहीस, का तुमला भरोसा से? का मि असो कर सकासु?
\p उनना कहिन का हव पिरभु।
\p
\v 29 तबा ओना ओको डोरा ला छीवके कहीस, तुमरो को भरोसा लक, तुमरो लाय होय जाय। 
\v 30 अना उनका डोरा खुल गईन, अना यीसु ना उन ला चिता के कहीस, सतरक रव्हने, कोनी एना बात ला नोको जाने।
\p
\v 31 पर उनना हिटके सप्पा देस मा साजरा बारता यस फैला देईन।
\s एक मुका ला साजरो करनो
\p
\v 32 जबा उ बाहेर जाय रहयो होतो, ता लोक एक मुका ला जेनको मा भुत-पलित होती, यीसु को जवर आनीन। 
\v 33 जबा उ भूत-पलित अना बुरो आतमा ला हेड देइस, तबा मुका बोलन लगयो। एतरो पर भीड़ ना अचंभा करके कहीस, इसरायल देस मा असो कदीच नही चोवीसेव।
\p
\v 34 \x - \xo 9:34\xo*\xt मत्ती 10:25; 12:24; मरकुस 3:22; लूका 11:15\xt*\x*पर फरिसी गिनना कहीन “यो ता सैतान को मुखिया को मदद लक बुरो आतमा भूत-पलित ला हेड़से।” 
\v 35 \x - \xo 9:35\xo*\xt मत्ती 4:23; मरकुस 1:39; लूका 4:44 \xt*\x*यीसु सब नगर-गाँव मा फिरत होतो। अखीन सब पिराथना घर मा साजरो गोस्टी को मुनादी करत होतो करत होतो। अना राज को साजरो बारता आयकावत होतो। हर तरीका की बीमारी अना कमजोरी ला दुहुर करत होतो। 
\v 36 \x - \xo 9:36\xo*\xt मरकुस 9:34\xt*\x*जबा ओना भीड़ ला देखीस, ता ओला लोकगीन पर तरस आयो काहेका वय ओनो मेढा को जसो सेत। जिनको कोनी रखवालो नहाय। अना दुखी, भटको हुओ सेत। 
\v 37 \x - \xo 9:37\xo*\xt लूका 10:2\xt*\x*तबा ओना आपरा चेला गीन ला कहीस “खेत लगत पिकयो सेत, पर बनिहार जरा सा सेत। 
\v 38 एकोलाय खेत का मालिक! पिरभु लक बिनती करो। का वय आपरो फसल ला कापन लाई बनिहार धाड़ेत”।
\c 10
\s यीसु को बारा चेलागीन
\r (मरकुस 3:13-19; लूका 6:12-16)
\p
\v 1 तबा यीसु अपरा बारा चेला गीन ला, जवर हाकल के, उनला भूत-पलित ला हेड़न को हक देइस अना उ ताकत लक उनला हरेक बिमारी अना दुखला साजरा करन को हक देइस। 
\v 2 वय बारा पेरीत गीन को नाव यो सेत। पहलो समौन जेनला पतरस कव्हासेत। अना ओको भाऊ अन्दिरयास, जबदी को टूरा याकूब, अना ओको भाऊ योहन 
\v 3 फिलिप्पुस, अना बरतुल्मै थोमा अखीन बरगन लेवन वारा मत्ती, हलफई को टूरा याकूब अना तद्दै। 
\v 4 सिमोन कनानी, अना यूदस इस्करियोति जेना वोला धरवायो होतो।
\s बारा चेलागिन को काम
\r (मरकुस 6:7-13; लूका 9:1-6; 10:4-12)
\p
\v 5 यीसु ना वय बारा चेलागीन ला, यो हुकूम देके धाड़ीस। का “गैर यहुदी को घरमा नोको जाने, अना सामरी लोकगीन, को कोनी नगर मा धसनो। 
\v 6 पर इसरायल को घरानो, की गुमो मेढा को जवर जाओ।” 
\v 7 अना चलता-चलता यो गोस्टी करो, का सरग को राज जवर से। 
\v 8 बिमारी ला साजरो करो, मरो हुवो ला जित्तो करो, कोढी ला साजरो करो, अखीन भूत-पलित बुरो आतमा ला हेड़ो, तुमी न फुकट मा पाइसेव, त फुकट मा देवो।
\p
\v 9 अपरो पीवसी मा न ता खुरो मुदरो, सोनो अना न ता रुपया, अना न ता ताँबा राखो। 
\v 10 \x - \xo 10:10\xo*\xt 1 कुरिन्थियो 9:7-14; 1 तीमुथियुस 5:18\xt*\x*रास्ता लाई कोनी जरुरत को जिनुस नोको ठेव। जसो झोला, दुई कुरता, न ता सेन्डिल, अना न ता लाठी राखना, जहान तुम ठैयर जोस वहान सब जिनुस मिल जाहेती, काहेकी बनिहार ला वोको, बनी मिलनो जरूरी से।
\p
\v 11 “जोन नगर या गाँव मा जाओ, ता पता लगाओ, का कोनी लायक सेत, उनको च याहान रव्हने, उता लक नोको हिटने। 
\v 12 अना घर मा धसोतो-धसतो वोला असीस देवने। 
\v 13 अदी वोको घर का लोक लायक होयेत, ता तुमरो सान्ती असीस उनला भेटे, पर अदी वय लायक नहात, ता तुमरो, असीस तुमरो जवर आई जाहे। 
\v 14 \x - \xo 10:14 \xo*\xt पेरीत 13:51\xt*\x*जो कोनी तुमला नही रोकेत, अना तुमरी गोस्टी नही आयकेत, वोनो घर अना नगर लक हिटके, अपरो पाय की बारु झड़ाय लेवनो। 
\v 15 \x - \xo 10:15 \xo*\xt मत्ती 12:36\xt*\x*मी तुमरो लक खरो कव्हसू, का न्याय को दिवस वोनो नगर की दसा लक, सदोम अना गमोरा देस की दसा, लगत सहन लायक होयेत।”
\s आवन वालो संकट
\r (मरकुस 13:9-13; लूका 21:12-17)
\p
\v 16 “चोवो! मी तुमला मेढा जसो, बिघा गीन को बीच मा धाड़सू। एकोलाय सरप जसो चतूर, अना परेवा जसो भोलो बनने।”\x - \xo 10:16\xo*\xt लूका 10:3\xt*\x*
\p
\v 17 पर लोकगीन लकन होसियार रव्हने, काहेका वय तुमला मोठि सभा मा सोपेत, अना अपरी पंचायत मा, तुमला कोड़ा मारहेत।\x - \xo 10:17\xo*\xt लूका 12:11 \xt*\x* 
\v 18 तुमला मोरो लाई मालगुजार, अना राजा गीन को पूढा जानो पड़ेत जोन लक गैर यहूदी मा गवाही भई जाय, 
\v 19 जबा वय तुमला धरायेत ता तुम्हिला काय सांगनो सेत, कसो कव्हनो सेत एको चिंता नोको करना। काहेका वोना बेरा तुम्हीला काय बोलनो सेत, सांग दियो जाहेत। 
\v 20 हेत राखो, तुम्ही बोलनवारा नही सेव, “तर तुमरो परमेस्वर बाबूजी को आतमा तुमरो भितर लक बोलेत।”
\p
\v 21 “भाऊ-भाऊ ला अना बाप टूरा ला, मरवान लाई सोफेत, अना टूरा माय-बाप को बिरोध मा, उभो होयके उनला मरवा डाकेत।”\x - \xo 10:21\xo*\xt मीका 7:6; मत्ती 10:35 \xt*\x* 
\v 22 “मोरो नाव को कारन सबच लोक गीन, तुमरो लक बैरी करेत। पर जो आखरी तकन धीरज धरेत, वोच बचायो जाहेत।\x - \xo 10:22\xo*\xt मत्ती 24:9; 13; मरकुस 13:13 \xt*\x* 
\v 23 जबा वय लोकगीन तुमला एक नगर मा परेसान करयेत, ता दुसरो नगर ला पराय जाना, मी तुमला खरो कव्हासू, तुमी इसरायल को सबच नगर मा हिन्ड नही सकेत, का मानूस को टूरा आजा हेत।”
\p
\v 24 “चेला अपरो गुरु लक मोठो नही होवत, अना दास अपरो पिरभु मजे मालिक लक।\x - \xo 10:24 \xo*\xt लूका 6:40; योहन 13:16; 15:20\xt*\x* 
\v 25 \f + \fr 10:25\fr*\ft बाल जबूल सैतान को मुखिया \ft*\f*चेला को गुरू लक अना दास को, मालिक मजे पिरभु को बरोबर होवनो च, लगत से। जबा उनना घर को मालिक ला सैतान कहिन ता वोको घर को दुसरो लोकगीन लक तो अखिन बुरो बरताव करहेत।”\x - \xo 10:25 \xo*\xt मत्ती 9:34; 12:24; मरकुस 3:22; लूका 11:15\xt*\x*
\s कोनी लक भेव माननो से?
\r (लूका 12:2-7)
\p
\v 26 “एकोलाय भेव नोको खाव! जोन लुकयो सेत,\x - \xo 10:26 \xo*\xt मरकुस 4:22; लूका 8:17\xt*\x* उघड़ जाहेत। अना जोन काही छिपयो सेत, वा परगट होयेत।” 
\v 27 “जो मी तुमला इंधारो मा सांग सू वोला तुमी उजाडो मा मुनादी करने अना जोन, कानो कान आयकासेव, वोला छत लक आयकावो।” 
\v 28 “जोन तन ला मारसे उन लक नोको डराय जावो, पर वोला डराव जो आतमा ला मार सकासे अना आतमा अना तन दुहि ला नरक मा नास कर सकासे। 
\v 29 का पैसा मा चिड़िया नही बिकासे? तब भी तुमरो परमेस्वर बाबूजी की इक्सा को बिना, उन मा लक एकात भी जघा पर, नही पड़ सकत। 
\v 30 अरे तुमरो डोस्की का चुन्दी भी सप्पा गिनयो हुया सेत। 
\v 31 एकोलाय नोको डराय जावो, तुमी लगत चिड़िया लक बड़के सेव।”\fig सपाट छत, जुनो बेरा को इसरायल मा मकान|alt="Flat-roofed, olden house in Israel" src="LB00234C.TIF" size="col" copy="Horace Knowles ©" ref="10:27"\fig*
\s यीसु ला माननो अना छोड़नो
\r (लूका 12:8-9)
\p
\v 32 “जो कोनी मानूस को पुढा मोला अपना लेहत, वोला मी भी अपरो परमेस्वर बाप को पुढ़ा सरग मा अपना लेहुँ 
\v 33 \x - \xo 10:33 \xo*\xt 2 तीमुथियुस 2:12\xt*\x*पर जो कोनी मानूस को पुढ़ा मोरो लक, मुकर जाहेत, वोको लक मी भी अपरो परमेस्वर बाबूजी को पुढा सरग मा, मुकर जाहिन।”
\s यीसु को आवनो अना वोको फर
\r (लूका 12:51-53; 14:26,27)
\p
\v 34 असो नोको समजो का, मी धरती पर सान्ती-करान आईसेऊ। नही पर तरवार चलवान आईसेऊ। 
\v 35 मी ता आई सेव का मानूस वोको बाबूजी लक, अना टूरी वोकी माय लक अना बहू वोकी सासू लक, बेगरो कर देहू। 
\v 36 मानूस का बैरी ओको घरच का, लोग होहेत।\x - \xo 10:36\xo*\xt मीका 7:6\xt*\x*
\p
\v 37 “जेनको माय अना बाप मोरो लक, लगत चहेतो सेत, वय मोरो काबिल नाहत। अना जोन, टूरा-टूरी ला मोरो लक लगत चाव्हासे वय मोरो लायक नाहत।” 
\v 38 अना जोन आपरो कूरूस ला धरके दुख उचल के मोरो मंघा नही चलेत वय भी मोरो काबिल नाहत।\x - \xo 10:38 \xo*\xt मत्ती 16:24; मरकुस 8:34; लूका 9:23\xt*\x* 
\v 39 उ जोन आपरो जान बचावन लो कोसीस करा से, वय ओला खोय देहेत, अना जो मोरो कारन आपरो जान खोवासे, ओला जिंदगी मिलहे।
\s पोहनाई को फर
\r (मरकुस 9:41)
\p
\v 40 “जो तुमरो सतकार करासेत, उ मोरो सतकार करासेत। अना जोन मोरो सतकार करासेत, वय मोरो धाड़न वारा को सतकार करासेत।\x - \xo 10:40\xo*\xt लूका 9:48; 10:16; योहन 13:20; मरकुस 9:37\xt*\x* 
\v 41 जोन लोक गीन भविस्यवक्ता ला, भविस्यवक्ता जानके सतकार करासेत, वय भविस्यवक्ता को बदला पाहेत अना जो नेक मानूस ला नेक जानके सतकार करासेत वय नेकी को बदला पाहेत। 
\v 42 कोनी लोक गीन एना नहानसो मा लक, मोरो चेला जान के बस एक गिलास थन्डो पानी पिलाहे। मी तुमला खरो कव्हासू, उ काही रीती लक आपरो ईनाम नही खोहे।”
\c 11
\s यीसु अना योहन बप्तिस्मादेवन वारा
\r (लूका 7:18-35)
\p
\v 1 आपरो बारा चेला गीन, ला हुकूम देवन को मघा यीसु वहान लक हीट गयो। गलील छेतर को नगर-नगर मा परचार करन लगयो।
\p
\v 2 योहन ना जेल मा यीसु मसीह को काम की गोस्टी आयकिस, अना आपरो चेला गीनला वोको लक, यो पूसन ला धाड़िस 
\v 3 का आवनवालो तूच से का आमी दुसरो, को रस्ता चोवोबिन?
\p
\v 4 यीसु ना जवाब देइस जो काही तुमीना, आयकीसेव अना चोयोसेव सबा जायके योहन लक सांगो। 
\v 5 का अँधरा चोवासे लंगडो चलासे। कोढी गीन साजरो होवासे अना भैरा आयकसे, मुरदा जित्तो होवासे। अना गरिब गिनला साजरो बारता आयकोवासेत। 
\v 6 अना धन्य “किस्मत वारा से” उ जोन मोला अपनावा सेत।
\p
\v 7 जबा वय वहान लक चले गइन तबा यीसु योहन को बारेमा सागन लग्यो। जंगल मा तुमी काजक चोवन आयो सेव? घागरा गवथ\f + \fr 11:7\fr*\ft नदी नाला कठा को हिवरी घास जो बास जसी रव्हसे\ft*\f* ला? जोन वारा मा हिला सेत। नहीं! 
\v 8 मंग तुम्ही काजक चोवन आयीसेव? का एक मानूस ला जोन साजरो झंगा घालासेत? असो मानूस तो राज भवन मा च रव्हासेत। 
\v 9 मंग काजक लाय आयो सेव? का कोनी भविस्यवक्ता ला चोवन आयो सेव? हव मि तुमी लक कव्हसू, का भविस्यवक्ता लक मोठयो सेत ला। 
\v 10 यो वोच मानूस से, जोनको बारेमा असो गिरंथ मा लिख्यो से “चोव! मी आपरो दुत ला तोरो पुढा धाड़ासू। जोन तोरो लाई रस्ता तैय्यार करयेत।” 
\v 11 “मि तुमी लक खरो-खरो सागांसू, योहन बप्तिस्मा \f + \fr 11:11\fr*\ft पाप लक मरनो अना नेकी को लाय जिवनो \ft*\f*देवन वालो लक कोनी मोठो मानूस जलम नही लियो सेत। मंग सरग को राज मा सब लक, लहान मानूस योहन बप्तिस्मा देवनवारो लक मोठो सेत। 
\v 12 योहन बप्तिस्मा देवन वालो को दिवस लक, अबा तकन सरग को राज भयानक लड़ाई झेलत आयो से, अना हिन्सा को ताकत लक एला हिसकन को कोसीस चालू सेत।” 
\v 13 योहन बप्तिस्मा देवन वारो तकन सारो भविस्यवक्ता अना मोसे को नियम, आवन वालो गोस्टी को बारेमा सांग्यो होतो। 
\v 14 \x - \xo 11:14 \xo*\xt मत्ती 17:10-13; मरकुस 9:11-13\xt*\x*अना अदी तुम्ही मोसे को नियम अना भविस्यवक्ता गीनना जो काही कह्यो होतो वोला अपनान तैयार सेव, जोनको आवन को बारेमा कह्यो होतो यो योहन वोच एलिय्याह से। 
\v 15 यो गोस्टी ध्यान धरके आयको।
\p
\v 16 “आज को जुग को लोकगीन को बरोबरी कोन लक करू? वय असो लेकरा को जसो सेत, जोन हाटमा बसके एक दुसरो लक हाकल के कव्हासे। 
\v 17 अमिना तुम्हारो लाय बंसरी बजायो अखीन तुमी नही नाचयत! अमीना सोक को गाना गायो, अना तुम्ही नहीं रडयो।” 
\v 18 काहे की योहन बप्तिस्मा देवन वालो आयो, जोन ना जेवत होतो, अना काही पिवत होतो, लोक वोला कव्हत होतिन, एकोमा बुरो आतमा से। 
\v 19 “मंग मानूस को टूरा आयो, जोन सबको जसो जेवन करा सेत, तरी वय लोक कव्हासेत। चोवो! यो अघोरी गजब खावन-पीवन वारा मानूस, अना बरगन लेवन वारा, अना पापी गीन को संगी सेत।” तरी काम लक अक्ल सहीमा कसो सेत पता चलासेत।
\s बिना बिस्वासी पर हाय
\r (लूका 10:13-15)
\p
\v 20 मंग यीसु उन नगर ला धिक्कारन लगिस जोन मा वोना अदभुत काम करयो होतो। काहेका वोनो नगर का लोकगीन पाप करनो नही सोड़यो होतो, अना आपरो मनला नही बदलो होतीन। 
\v 21 अरे अभागो खुराजीन नगर, अरे अभागो बैतसैदा नगर तुम्ही मा जोन अचरज को काम कियो गयो सेत। अदि नास कियो नगर, सुर अखीन सैदा मा होत्यो। त वहान की जनता, रड़त-रड़त गम मनाय के, कबा लक पाप लक मन ला हटाय लेई होतिन। 
\v 22 पर मी तुमरो लक सागसू, का न्याय को दिवस, नास कियो नगर सुर अना सैदा को जसो हाल भयो होतो, अबा वोको लक ज्यादा खराब दसा ऐना नगर की भई जाहेत। 
\v 23 हे कफरनहुम नगर! का तू सरग लक, वरता करयो जाहेत? नही तु तो पताल लक जादा धस जाहेत। काहेका, जोन ताकत को काम तोरो, अँदर मा कियो गयो से। वोच काम सदोम नगर मा करयो, जातो ता उ आज तकन बनयो रव्हतो। 
\v 24 \x - \xo 11:24 \xo*\xt मत्ती 10:15; लूका 10:12\xt*\x*पर मी तुम लक कव्हासू, का न्याय को दिवसमा इनको हाल सदोम अना गमोरा देस लक जादा बूरो भई जाहेत।
\s बोझ लक दबया हुयो लाई आराम
\r (लूका 10:21,22)
\p
\v 25 वोच बेरा यीसु ना कव्हयो परमेस्वर बाबूजी सरग, अना धरती को पिरभु, मी तोरो धनवाद करासू, का तूना यो गोस्टी ला अक्कलवर अना समजदार लोकगीन लक, लूकाईसेस अना लेकरागिन पर परगट करयो से। 
\v 26 हे परमेस्वर बाबूजी तोला असोच साजरो लगिसेस।
\p
\v 27 \x - \xo 11:27\xo*\xt योहन 3:35; 13:3; 17:2 \xt*\x*मोरो परमेस्वर बाबूजी मोला, सब काही भेटयो से, अना टूरा ला कोनी नही जानासे, बस परमेस्वर बाबूजी, अना परमेस्वर ला कोनी नही जानासे, बस टूरा! अना टूरा जोन पर परगट करवानो, चाव्हासे वा परमेस्वर लक भेट कर सकासे।
\p
\v 28 ओ! सब मेहनत करन वारा, बोझा को खालया दबो लोकगीन, मोरो कठा आओ मि तुमला चैन देहू। 
\v 29 मोरो जुआड़ी आपरो पर धरलो अना मोरो लक सीको। काहेका मी आतमा मा नरम, अना मन को गरीब सेव तबा तूमी आपरो मन मा चैन पावने। 
\v 30 काहेका मोरो जुआड़ी सरल अना मोरो बोझा हलको से।
\c 12
\s पवीतर दिवस को प्रभु
\r (मरकुस 2:23-28; लूका 6:1-5)
\p
\v 1 वोना बेरा बिसराम दिवस मा यीसु, चेला गिनको संग खेत लक होयके, जावत होतिन। अना चेला गीनला भूख लगी। अना वय गहुँ को बाल तोड़के खावन लगीन। 
\v 2 फरिसी अना मोसे को नियम को गुरूगिन ना यो चोवके, वोको लक कहिन “चोव! तोरो चेलागिन वा करासेत जोन बिसराम दिवस मा मोसे को नियम अनुसार करनो साजरो नाहत।”
\p
\v 3 एको पर यीसु उनला पुसीस, काय तुम्हिना नही बाचीसेव? का राजा दाऊद अना वोको संगीगिन, भूखा होतिन। तो काजक करीन? 
\v 4 उ कसो परमेस्वर को घर मा गईन, अना चढवा को भाकर ला जेइन जबकि मोसे को नियम लक वोला याजक सोड़ कोनिला, जेवन को हक नाहत। 
\v 5 काय तुमी पवीतर गिरंथ मा नही बाची सेव? का पवीतर दिवस, मा याजक मंदिर मा मोसे को नियम अना विधि-विधान ला तोड़न पर, भी पापी नही ठहरासे। 
\v 6 पर मी तुमी लक कव्हसू, यहान पर जोनसे, उ मंदिर लक मोठयो से। 
\v 7 \x - \xo 12:7\xo*\xt मत्ती 9:13\xt*\x*अदी तुमी ला एको मजे मालुम होत्यो “मी पुजा चघानो लक खुसी नही होवासू, पर दया लक खुसी होवासू। त तुमी बेकसूर ला पापी नही ठयरायोसेत। 
\v 8 मानूस को टूरा तो पवीतर दिवस को भी पिरभु से।”
\s सुक्को हात वालो मानूस ला चंगा करनो
\r (मरकुस 3:1-6; लूका 6:6-11)
\p
\v 9 यीसु वहाँन लक चलके ना उनको, पिराथना घर मा आयो। 
\v 10 उता एक मानूस होतो जेनको हात सूक गयो होत्यो उनना यीसु पर दोस लगावन लाई पुसिन, काय मोसे को नियम लक पवीतर दिवस मा बिमार ला साजरो करनो खरोसे? उनना यीसु ला यो काजी पुसियो होतिन, का वय वोला दोसी साबीत करे।
\p
\v 11 वोना उनला सांगिस तुमरो मा असो कोन सेत? जोनको, एकच मेढा होय, अना वा बिसराम को दिवस मा खोदरा, मा पड़ जाय, मंग तुम्ही वोला धरके बहार नही कहाड़ेत?\x - \xo 12:11\xo*\xt लूका 14:5\xt*\x* 
\v 12 अता तुमच मोला सांगो, मानूस मेढा लक कितरो किमती से? एकोलाय पवीतर दिवस, मा मोसे को नियम लक भला करनो साजरो से। 
\v 13 तबा यीसु ना उ मानूस ला कव्हयो,
\p “आपरो हात बढा वोना आपरो हात बढाईस अना वा हात भी दुसरो, हात जसो भई गयो।” 
\v 14 एको पर फरिसी गुरूगिन पिराथना घर लक बाहेर हिटीन, वय यीसु ला मारन को बिचार करन लगीन।
\s परमेस्वर को निवाड़ो हुयो दास
\p
\v 15 तबा यीसु न उनको मनकि बात जानके, वहान लक चली गयो अना लगत लोकगीन वोको मघा भई गईन अना वोना सबला साजरो कर देईस। 
\v 16 अना उनला असो हुकूम देइस, का मी तूमला साजरो करीसेव यो बात कोनिला नोको साँगजोस। 
\v 17 असो भविस्यवक्ता यसायाह को कव्हनो, पूरो भयो।
\q1
\v 18 “आयको! एला मिना बेची सेव यो मोरो चहेतो दास आय,
\q2 मी एकोलक गजब खुस सेव,
\q1 मी वोको पर आपरो आतमा डाखू अना,
\q2 उ गैर यहुदी मा सहि न्याय को बारे मा सागेत।
\q1
\v 19 यो न तो बैस करयेत अना हाकलेत,
\q2 अना कोनी चौबट्टा कन एको आवज आयकु आयत।
\q1
\v 20 यो ना तो कुचलो हुओ घागरा गवथ ला तोड़ेत अना,
\q2 न इझतो दियो ला इझाएति बुझाहेती,
\q1 जब तकन न्याय ना भई जाये।”
\q2
\v 21 “वोको नाव मा सप्पा गैरयहुदी को लोक गीन भरोसा राखेत।”
\s यीसु अना बालजबुल
\r (मरकुस 3:20-30; लूका 11:14-23)
\p
\v 22 तबा लोकगीन एक अँधरा, गुंगो, भुत-पलित झोमयो, मानूस ला, वोको जवर आनीन, यीसु ना वोला साजरो कर देइस। अना उ गुंगो बोलन अना चोवन लग्यो। 
\v 23 एको मा सब लोकगिन ला लगत अचरज भयो अना वय कव्हन लगीन “का यो मानूस दाऊद को टूरा से”
\p
\v 24 जबा फरीसि गिन यो आयकिन तबा कव्हन लगीन\x - \xo 12:24 \xo*\xt मत्ती 9:34; 10:25 \xt*\x* “यो ता बुरो आतमा को मुखिया, बालजबूल की मदद लक भूत-पलित ला हेड़से।”
\p
\v 25 यीसु ला उनको विचार मालुम भय गयो। उ उनला बोलयो “हरेक वा राज जोनमा फूट होवासेत वा नास भयी जासे वसोच हरेक नगर अना घराना जोनमा फुट पड़ जासे वा नास भयी जासे।” 
\v 26 तरी यदि सैतान च अपरो आपला बाहेर हेडे़त। तबा उ आपरो च विरोधी भय जासे, मंग ओको राज कसो बनो रहेत? 
\v 27 भलो अदी मि बालजबूल बुरो आतमा की मदद, लक भूत-पलित ला हेड़ासू, ता तुमरो खानदान कोन की मदद लक हेड़ासे? एकोलाय वयच तुमरो फैसला करयेत। 
\v 28 मी परमेस्वर को आतमा की मदद लक, भूत-पलीत बुरो आतमा ला हेड़ासू, ता बेसक परमेस्वर को राज तुमरो जवर आई गईसे।
\p
\v 29 मंग असो कोनतो मानूस से जोन कोनी मोठयो पहलवान को घरमा धसके, ना वोला बिना हराये, अना बिना बान्धे वोको घर को माल लूट सकसे।
\p
\v 30 जो मोरो संग नहात उ मोरो बिरोध मा सेत अना जोन बगरो मेंढा गीनला जमा करनो मा मोरी मदद नहीं करासेत वा उनला छितरान वारा से।\x - \xo 12:30\xo*\xt मरकुस 9:40; लूका 9:50\xt*\x* 
\v 31 यो साठी मि तुम लक कव्हसु “की मानूस को सप्पा पाप बिरोध अना निन्दा, छिमा कियो जाहेत, पर परमेस्वर को आतमा पवीतर आतमा की निन्दा छिमा नही कियो जाहेत।” 
\v 32 “जोन कोनी मानूस को टूरा को विरोध मा बात कहे\x - \xo 12:32\xo*\xt लूका 12:10\xt*\x* ओको अपराध छिमा कियो जाहे, पर जोन कोनी पवीतर आतमा को बिरोध मा काही कहे ओको गुनाह न ता येना जुग मा, ना आवनवारा जुग मा छिमा कियो जाहे।”
\s झाड़ अना ओको फर
\r (लूका 6:43-45)
\p
\v 33 “तुम्ही लोक ला मालुम सेत का साजरो फर आनन लाय साजरो झाड़ लगानो पाहिजे अना बुरो झाड़ लक बुरो च फर मिलासेत। काय की झाड़ आपरो फर लक चीन्हो जासे।”\x - \xo 12:33 \xo*\xt मत्ती 7:16-20 \xt*\x* 
\v 34 “अरे सरप का टुराहुन! तुमी खोटो होयके कसो साजरो गोस्टी कव्ह सकासेव?” मानूस को सबद जोन वोको मन मा भरयो से, वाच टोन्डमा भड़-भड़ आवासे।\x - \xo 12:34 \xo*\xt मत्ती 3:7; 23:33; लूका 3:7\xt*\x* 
\v 35 एक साजरो मानूस, जोन साजरोपन वोको मनमा जमासेत वोच मा लक साजरा गोस्टी हेड़ासेत। जबकि एक बुरो मानूस, जोन बुराई वोको मनमा सेत वो च मा लक बुरो गोस्टी हेड़ासेत।
\p
\v 36 मि तुमी लक कव्हसू, का जोन-जोन खोटो अना फालतू सबद मानूस कव्हसेत, न्याय को दिवस वय हर एक ओनो गोस्टी को लेखा देहेत। 
\v 37 काहे की तु आपरी गोस्टी को कारन निरदोस, “अना आपरी गोस्टी च को कारन दोसी ठहरायो, जाजोस।”
\s सरग को निसान की मांग
\r (मरकुस 8:11,12; लूका 11:29-32)
\p
\v 38 \x - \xo 12:38 \xo*\xt मत्ती 16:1; मरकुस 8:11; लूका 11:16\xt*\x*एको पर काही मोसे को नियम को गुरू अना, फरिसी गुरू ना ओला कहिन “ओ गुरू हमि तोला अचरज निसान परगट करतो चोवनो चाव्हसेजन।”
\p
\v 39 \x - \xo 12:39\xo*\xt मत्ती 16:4; मरकुस 8:12\xt*\x* एको जवाब मा यीसु ना कहीस “एना जुग को बुरो अना दुस्ट लोकगीन च अचरज निसान चोवनो चाव्हासेत पर योना भविस्यवक्ता को अचरज निसान ला सोड़ून अखिन कोनी अचरज निसान उनला नही भेटेत।” 
\v 40 जसो योना भविस्यवक्ता तीन रात-दिवस लक मगर को पोटमा रहयो, वसोच मानूस को टूरा ला तीन रात-दिवस धरती को भीतर रव्हनोसेत। 
\v 41 न्याय को दिवस निनवे नगरी को निवासी अज् को यो पीढी को लोकगिन संग उभो होयेत अना उनला दोसी ठैयरायत। काहेका नीनेवा नगरी को वासी गिनना योना को परचार लक मन बदलयो होतीन। अना यहाँन ता कोनी योना लक मोठयो मौजूद से। 
\v 42 “न्याय को दिवस दक्सिन की रानी यो पीढी को लोकगिन को संग उभो होयती अना उनला गुनाहगार ठैरायती। काहेकि वा सुलेमान को गियान आयकन को साठी धरती को छोर लक आई होती अना चोवो यहान उ से जोन सुलेमान लक मोठयो सेत।”
\s अधूरो सूधार लक आफद
\r (लूका 11:24-26)
\p
\v 43 “जबा कोनी भूत-पलित कोनी मानूस ला सोड़ा सेत तबा उ अराम की खोज मा सूनसान जघा को लाय हिन्डा सेत। जबा वोला वसो जघा नही भेटासेत।” 
\v 44 तबा वा कव्हसेत जोन घरला मी सोड़यो होती, मी वहान लवट जाहिन तबा वा उतानी लवटा सेत अना अबा वोला सफा चक्काक सजो सजायो मिलासेत। 
\v 45 मंग वा लवटा सेत, अखिन अपरो संग सात भूत-पलित आनासेत। जोन वोको लक जादा बुरी होवा सेती। मंग वय सबअ आयके जुमला भयी के रव्हसेती अना वोना मानूस को दसा पयले लक लगत बूरो भयी जावा सेत।
\s यीसु की माय अना भाऊ
\r (मरकुस 3:31-35; लूका 8:19-21)
\p
\v 46 यीसु अबा भीड़ लक गोस्टी सांगत होतो तबा ओकी माय अना भाऊ, बाहेर उभया होतीन, अना ओको लक गोस्टी करन लाय बाट चोवत होतिन। 
\v 47 कोनी ना यीसु लक कहीस “तोरी माय अना तोरो भाऊ बाहेर उभा सेत अना तोरो लक गोस्टी करनो चव्हसेत।”
\p
\v 48 जवाब मा यीसु ना सांगन वालो ला कव्हयो “कउन से मोरी माय? कउन सेत मोरो भाऊ-बन्ध” 
\v 49 मंग वोना हात लक आपरो चेला गीन कन ईसारा करके सांगन लगयो “चोवो यो मोरि माय अना भाऊ से। 
\v 50 काहेका जोन मोरो सरग को परमेस्वर को कव्हनो मा चलासे अना वोको मन को मुताबिक काम करासे, वोच मोरो भाऊ बहिन अना मायसे।”
\c 13
\s बीज बोअन को उदाहरन
\r (मरकुस 4:1-9; लूका 8:4-8)
\p
\v 1 यीसु वोच दिवस घर सोड़के झील को किनार मा उपदेस देवन बस गयो। अना उपदेस देवन लगयो। 
\v 2 वोको आखा-पाखा एतरो मोठयो, भीड़ जमा भई गई, की तो नावमा जायके बस गयो। अना लोकगिन कगर मा उभा रव्हिन।\x - \xo 13:2 \xo*\xt लूका 5:1-3\xt*\x* 
\v 3 वोना बोधकथा लक लगत गोस्टी समजावून सांगयो,
\p “उत एक च मानूस धान्य पेरन गयो होतो। 
\v 4 उ पेरत होतो तरी काही दाना बाटमा गीर गयो उनला पक्सी आयके खाय गयीन। 
\v 5 वोको मा काही खडखड़ी जमीन मा गीरी उतानी माती की कमी होती। दाना लवकरच फुटली, अना माती खोल नव्हती। 
\v 6 पर जबा दिवस को ऊन पड़यो तबा झुडुप मा जर गयो, अना जड़ी जास्त खोल मा बड़यो नव्हती, महुन लवकर च झाड बड़ गयो।” 
\v 7 काही बीज कांटा को झाड़ी मा गिरिन, काँटा मोठो भई गईन अना, फसल ला दबा देइन। 
\v 8 काही बीज साजरो जमीन मा पड़यो वय रोपां ना धान्य देइन काही ना संभर गुना काहीना साठ गुना काहींना तीस गुना। \fig यीसु सागर को कीनार मा भीड़ ला सिकावत हुया|alt="Jesus teaching the crowd by the sea" src="LB00299C.TIF" size="span" copy="Horace Knowles ©" ref="13:2"\fig*
\p
\v 9 मग यीसु कहीस “जरा तुमरो कान आहेत तर आयको! मि काजक कव्हसू।”
\s बोध कथा को मतलब
\r (मरकुस 4:10-12; लूका 8:9,10)
\p
\v 10 मंग यीसु को चेला गीन यीसु कठा आयके ओको लक कहीन “तु लोकगीन ला बोधकथा सांग-सांग के काहे सिक्सा देवासेस”
\p
\v 11 जवाब मा यीसु ना उनलक कव्हयो “सरग राज को लुकयो भेद ला जानन को हक बस तुमरो च जवर सेत उनला नही।” 
\v 12 काहेका जोनको जवर जरासो सेत वोला अखिन दियो जाहेत अना वोको जवर लगत भयी जाहेत परा जोन को जवर काही नाहोती वोको लक जितरो वोको जवर सेत वा हिसक लियो जाहेत।\x - \xo 13:12\xo*\xt मत्ती 25:29; मरकुस 4:25; लूका 8:18; 19:26\xt*\x* 
\v 13 महुन मी उनलक बोधकथा मा गोस्टी सांगासू। उ चोवत-चोवत अँधरा भई जासेत, वसोच आयक सेत तरी उनला समजमा नही आवासे। 
\v 14 उनको बारे मा भविस्यवक्ता यसायाह ना असो लिखीसेस
\q1 तुमी आयकजो पर समजमा नहीं आयेत,
\q2 तुमी चोवजो, “पर तुमिला नही दिसेत।”\x - \xo 13:14 \xo*\xt यसायाह 6:9-10\xt*\x*
\q1
\v 15 काहे का ऐना लोकगीन ला “अक्ल मा गोटा” पड गयी सेत
\q2 ज्यादा आयक सेत,
\q2 इनना डोरा बंद कर लईसेत कदी असो न होहे,
\q1 का वय डोरा लक चोवके,
\q2 अना कान लक आयक के;
\q2 मन मा समज लेहेति,
\q1 अना बदल जाय अना,
\q2 मि उनला साजरो करू।
\p
\v 16 पर धन्य सेत तुमरो डोरा, का वय चोवसेत अना तुमरो कान वय आयकसे।\x - \xo 13:16\xo*\xt लूका 10:23-24\xt*\x* 
\v 17 मि तुमी लक खरो कव्हसू तुमी जोन गोस्टी चोवसो, वोला कितरो नेक भविस्यवक्ता गीन चोवनो, अना आयकन चाव्हत होतो। पर उनको किस्मत मा असो नही होत्यो।
\s बीज पेरनवालो उदाहरन ला समजावनो
\r (मरकुस 4:13-20; लूका 8:11-15)
\p
\v 18 “तबा आयको, अखिन सीको का पेरनवालो को बोधकथा काजक सेत” 
\v 19 जोन परमेस्वर को राज को बारे मा साजरा बारता आयक सेत तरी वा नहीं समजासेत। उ एक बीज को जसो से जोन रस्ता मा पड़ गयो अना सैतान आवा सेत अना उनलक जोन काही बोयो गयो सेत हिसक लेवासेत। 
\v 20 खडखड़ी ज़मीन मा पडयो बीज उन लोकगिन को लाय सेत। जोन एला आयक सेत अना खुसी लक साजरा बारता ला अपनावा सेत। 
\v 21 मंग यो उनमा गहराई लक नही धसन को कारन लगत उसीर तकन नही रव्हासेत एकोलाय जबा साजरा वारता को कारन मुसिबत आवासेत ता वय एकच बारमा हार मान लेवासेत। 
\v 22 कांटादार झाड़ी को बीच गिरो बीज उन लोक गिनको लाय सेत। जोन साजरा बारता आयक सेत। मंग यो जिंदगी को चिंता अना धन को पिरेम साजरा बारता मा आड़ो आवासेत अना वय फलवन्त नही होवासेत। 
\v 23 जो साजरो जमीन पर बोयो गयो से, वोच से जोन साजरा बारता आयक सेत समजासेत अना फर आनासेत कोनी सौगुना कोनी साठ गुना अना कोनी तीस गुना।
\s जँगली बीज को उदाहरन
\p
\v 24 यीसु ना उनला एक अखीन बोधकथा सागंयो। सरग को राज ओना मानूस को जसो से जोन आपरो खेतमा साजरो बीज बोयो। 
\v 25 पर जबा लोकगीन झोपत होतीन, तबा उनको बयरी आयो, अना गहुँ मा जँगली गवथ को बीज बोयके चली गयो। 
\v 26 जबा अँकुर फुटयो अना फसल लगयो तबा जँगली गवथ भी दिसयो। 
\v 27 एको साठी दास गीन आयके मालिक लक बिनती करन लगीन, मालिक का तु ना खेत मा साजरो बीज नही बोयो होतो ता ओमा जँगली गवथ को बीज कसो आ गई? 
\v 28 मालिक ना जवाब देइस, का यो सब बयरी को करामत से तबा दास पुसीन, अबा तोरी मनमा काजक सेत? आमी जायके उनला जमा करबीन? 
\v 29 मालिक ना जवाब दियो नही, कही असो ना होयेत, का निंदत-निंदत जँगली गवथ को संग साजरो गहुँ झाड भी उखड़ जाहेत, तबा ज्यादा नुकसान भई जाहेति, यो साठी अबा फसल आवन देव। 
\v 30 कापन को बेरा मा मि साँगु का जँगली गवथ ला काप लेव अना जलान काजी बोझा बान्ध लेव अना साजरो वालो गहुँ ला खरीयान मा ठेव देव।
\s राई को बीज को बोधकथा
\r (मरकुस 4:30-32; लूका 13:18,19)
\p
\v 31 यीसु उनला अखिन एक बोधकथा सांगिस “सरग को, राज राई को बीज जसो से जेनला कोनी मानूस ना आन कन, आपरो खेत मा पेरिस। 
\v 32 उ बीज सब लक नहानो बीज होवासे पर जब बढ जासे, ता सब साग-भाजी लक मोठो भय जासे; अना असो झाड़ बन जासे की बदल को पक्सी, भी ओको डगाली पर बसेरा करसेति।”
\s खमीर को बोधकथा
\r (लूका 13:20,21)
\p
\v 33 यीसु ना उनला एक अखीन बोधकथा सांगयो सरग को राज डबल रोटी मा डाखन वालो खमीर पावडर जसो से। जोन ला आन कन एक बायको ना दहा किलो कनीक मा डाख दियो, अना सफा दहा किलो कनीक खमीर बन गयो।
\s बोधकथा ला बवजनो
\r (मरकुस 4:33,34)
\p
\v 34 यीसु बोधकथा मा याच सब गोस्टी साँगत होतो बिना बोधकथा को कोनी ला काही नही कव्हत होतो। 
\v 35 जेनको लाई भविस्यवक्ता को यो लिखी बात पूरो होवा से, का:
\q1 मि मा सबला साँगु अना
\q2 जोन गोस्टी जग बनावन को पयले लक छिपयो, होतो ओला मि सबला साँगु।\x - \xo 13:35\xo*\xt भजनसंहिता 78:2\xt*\x*
\s जँगली बीज को उदाहरन ला सांगनो
\p
\v 36 यीसु लोकगीन ला सार करके घर आयो। वोको चेला गीनना, ओको कठा आयके साँगन लगीन, का खेत को जँगली गवथ को बीज को कथा को मजे काजक सेत अमीला समजाव?
\p
\v 37 यीसु ना उनला जवाब देईस “साजरो बीज बोवनवालो मानूस को टूरा आय।” 
\v 38 अना खेत सारो जग सेति साजरो बीज राज को सँतान सेत। अना जँगली गवथ को बीज सैतान बुराई को सन्तान सेत। 
\v 39 जोन बैरी ना ओला बोइस, उ इबलीस से कटनी जेनको मतलब दुनियाँ को आखीर अना काटनवारा सरगदूत सेति। 
\v 40 एकोसाठी जसो जँगली गवथ समटो जासेत अना जलायो जासेत वसोच दुनियाँ को आखीर होयेत। 
\v 41 मानूस को टूरा सरगदूत ला धाड़ेत, अना वय ओको राज मा लक सब ठोकर को कारन गीनला अना बुरो करम करन वालो ला समटेत, 
\v 42 अना उनला स्तो को कुन्ड मा डाकेत, जिता रोवनो अना दाँत पीसनो होहेत। 
\v 43 ओनो बेरा नेक मानूस आपरो बाप को राज मा दिवस जसो चमकेत जेनला आयकनो से आयक लेव।
\s लुकयो हुयो खजानो को उदाहरन
\p
\v 44 सरग को राज खेतमा लुकयो हुवो, धन को जसो सेत। जेनला कोनी मानूस ला भेटयो अना उ ना पाय लेइस अना उ तिजोरी मा लूकाय देईस, अना खुसी लक जायके आपरो सब काही बीक देईस अना ओना खेत ला ले लेईस।
\s अनमोल मोती को बोधकथा
\p
\v 45 अखीन सरग को राज वोना सेठ को जसो से, जोन सब लक बढ़िया मोती को खोजमा होतो। 
\v 46 जबा वोला एक किमती मोती मिलयो, ता आपरो सब काही बिकके, ना उ मोती ला ले लेइस।
\s जाल को बोधकथा
\p
\v 47 अखीन सरग को राज सागर मा डाख्यो, जाल को जसो से जो हर जात को मसरी ला धर आनीस। 
\v 48 अना जबा जाल भर गयो तबा धिवर वोला झिकसे अना किनार मा आन के साजरो-साजरो मसरी ला बेचके, आपरो ढुटी मा डाख लेवासे, अना खराब मसरी ला फेक देसे। 
\v 49 दुनियाँ को आखीर असोच होयेत। सरगदूत गीन आयके न्यायी गीन लक, दूस्टगीन ला अलग करहेती। 
\v 50 अना उन ला स्तो को कुन्ड मा डाख देहेत, वहान लोकगीन रड़त अना दात किटकिटात रहेत।
\s जुनो अना नवा सिक्सा को महातम
\p
\v 51 का तुमी लोकगीन यो गोस्टी,
\p ला समजासो? चेलागीन जवाब देईन। हव!
\p
\v 52 यीसु ना उनला कहीस एको लाई हर एक मोसे को नियम को गुरू जोन सरग राज को चेला बनयो सेत ओनो घर को मुखिया को जसो से, जोन आपरो पेटखोली लक नवा अना जुना चीजला हेड़ासे।
\s नासरत नगर मा यीसु को बेइज्जती
\r (मरकुस 6:1-6; लूका 4:16-30)
\p
\v 53 यो बोधकथा ला पूरो करके वहाँन लक चलयो गयो। 
\v 54 अखिन आपरो देस मा आय गयो। मंग वोना यहूदी सभाघर मा उपदेस देवनो चालू करयो। एको लक हरेक अचरज मा पड़ के कव्हन लगीन “असो अक्कल अखिन चमत्कार एला कहाँन लक भेटयो से, 
\v 55 का उ बढ़ई को टूरा नाहाय? का एको माय को नाव मरियम नाहती? याकूब, यूसुफ, सिमोन अखीन यहूदा एकोच भाऊ बहीन आमरो बीच मा नाहत? 
\v 56 अना का एकी सप्पा बहिन, हमरो बीच मा नही रहीसेत” 
\v 57 एना रिती लक उनना यीसु लक ठोकर खाईन।
\p पर यीसु ना उनला कहीस\x - \xo 13:57\xo*\xt योहन 4:44\xt*\x* “भविस्यवक्ता को आपरो नगर, अना आपरो घर ला सोड़ अना कही बेज्जती नही होवासेत।” 
\v 58 अना ओना वहान उनको कड़ो मन अना अबिस्वास को कारन, लगतसा अद्भुत काम नही करीस।
\c 14
\s योहन बप्तिस्मा देवन वालो की हत्या
\r (मरकुस 6:14-29; लूका 9:7-9)
\p
\v 1 ओना बेरा गलील को राजा हेरोदेस, ना यीसु की चरचा आयकिस। 
\v 2 अना वोना अपरा अधिकारी गीनला कहीस, “यो योहन बप्तिस्मा देवन वालो से जोन मरयो हुवो लक जित्तो, भईसे। योच कारन वोको जवर चमत्कार करन को ताकत से।”
\p
\v 3 असो से का ओच हेरोदेस होतो जोनना योहन ला बंदी बनायो होतो, संकली मा बाँध, बंदीघर मा डाक देयि होतीस जेना हेरोदियास को कव्हनो पर असो करियो होतो, जोन पहले ओको भाउ फिलिप्पुस को बायको होती। 
\v 4 योहन बप्तिस्मा देवनवालो ना हेरोदेस लक काही बेरा लाई कहीस तु हेरोदियास लक बिहा करके संग रव्हनो तोरो लाई साजरो नहोती। 
\v 5 हेरोदेस ओला मार डाकनो चाव्हत होतो, पर उ यहुदी लोकहुन लक डरात होतो काहेकि वय ओला भविस्यवक्ता मानत होतीन।
\p
\v 6 पर जबा राजा हेरोदेस को जलम दिवस आयो, तो हेरोदियास, की पोरी ना हेरोदेस अना ओको मेहमानहून को पुढा नाच के हेरोदेस ला लगत खुस करीस 
\v 7 का राजा ना “वचन हारके” कहयो, जो काही तु मोरो लक मांगजोस मि तोला देहुँ।
\p
\v 8 तबा उ टूरी आपरो माय को जवर जायके सलाह मांगीस ता वा आपरी माय को सलाह मानके राजा लक भानी मा योहन बप्तिस्मा देवनवालो को डोस्का ला मांगीस।
\p
\v 9 तबा राजा सठ भई गयो, तरी चार को बीच मा वचन को हारन को कारन लक ओने टूरी को मरजी अनुसार असो करनलाई हव कव्ह देईस। 
\v 10 तबा टूरी को मरजी को अनुसार राजा ना जेल लक योहन को डोस्का मंगवायो। 
\v 11 तबा सिपाही ना ओको डोस्का ला भानी मा आनिस अना टूरी ला दे देईस अना टूरी ना आपरी माय ला दे देइस। 
\v 12 जबा योहन को चेला गीन ला पता चलयो तबा चेलागीन आयके योहन को लास ला ले जायके दफनाय देईन अना जायके यीसु ला सांग देइन।
\s पाँच हजार मानूस गीनला जेवानो
\r (मरकुस 6:30-44; लूका 9:10-17; योहन 6:1-14)
\p
\v 13 जबा यीसु ना योहन को बारे मा खबर आयकिस, मंग नाव मा चघके एक सुनसान जघा मा चली गयो। तबा लोकगीन ना ओको बारे मा आयकिन ता नगरहुन लक पैदल हिटके ओको मंघा होय गयीन। 
\v 14 जबा यीसु डोंगा लक बाहेर हिटके कगर पर आयो ता ओना एक मोठी गरदी ला चोयीस। ओला उन पर तरस आयी अना ओना उनको बिमार हुन ला चांगलो करीस।
\p
\v 15 जबा झुलाखाली बेरा भई ता, ओको चेला गीन ना ओको कठा आयके कहीन, वसोच उसीर भयी गयी से, अखिन यो सुनसान जघा से तु लोकगीन ला सार कर, की वय बस्ति मा जायके, आपरो लाई जेवन लेहेत।
\p
\v 16 मंग यीसु ना जवाब देईस उनको जानो जरुरी नाहत! तुमिच इनला जेवन लाई देव।
\p
\v 17 चेला ना यीसु लक कहीन, की आमरो कठा पाँच भाकर अना दुई मसरी सेत।
\p
\v 18 यीसु ना कहीस “मोरो कठा आनो।” 
\v 19 तबा वोना लोकगीन ला गवथ पर बसन लाई कहीस अना पाँच भाकर अना दुई मसरी ला लेके सरग कन चोवके परमेस्वर ला धन्य वाद देईस। अना भाकर ला तोड़के चेला गीन ला देइस। अना चेलागीन ना लोक गीनला देइन। 
\v 20 जबा सबच खायके अघाय गईन, ता चेलागिन ना बचो टुकड़ा-टाकड़ी को बारा टोपली उचलीन। 
\v 21 अना खानवारा लेकरा अना बायका गीनला छोडके, पाँच हजार मानूस को करिब होतीन।
\s यीसु को पानी पर चलनो
\r (मरकुस 6:45-52; योहन 6:15-21)
\p
\v 22 तबा ओना आपरो चेला गीनला गदने नाव पर चघन को लाइ मजबुर करीस, का वय पयले झिलको ओनागन चली जाहेत। 
\v 23 उ लोकगीन ला सार करके पिराथना करन, अलग पहाड़ पर चली गयो अना झुलाखाली बेरा ला उ वहान एकलो होतो। 
\v 24 तबा तकन बेरा नाव किनार लक लगत दुहुर चले गयो होतो। अना लहरमा डगमग-डगमग होय रही होती काहेकि वारा उलटो चलत होती।
\p
\v 25 अना यीसु सक्कारी को 3-6 बजे को बीच मा झील पर चलतो हुयो, उनको कठा आयो। 
\v 26 झील मा ओला चलतो चोवके, ओको चेला गीन डराय गईन। अना कव्हन लगीन “यो भुत से” अना “पोक-पोका के” चिल्लान, लगीन।
\p
\v 27 तबा यीसु ना उन लक कहीस, नोको डराव हिम्मत राखो!
\p
\v 28 पतरस ना ओला जवाब देइस, अदी तु पिरभु सेस ता मोला पानी पर अपरो, जवर आवन की हुकूम देव।
\p
\v 29 ओना कहीस चल, अना पतरस नाव लक उतरके, यीसु को जवर जान लाई पानी पर चलन लगयो। 
\v 30 पर वारा ला चोवके डराय गयो। अना जबा बुड़न लगयो, ता चिल्लाय के कव्हन लगयो “हे पिरभु मोला बचाव”
\p
\v 31 यीसु ना झट हात बढायके ओला थाम लियो, अना कहीस “हे कच्चो भरोसा वालो मानूस, तु ना काय लाई संका करीसेस”
\p
\v 32 जबा वय नाव मा चघ गईन, ता वारा थम गई। 
\v 33 ऐतरो पर जोन नाव मा होतीन ओला नमस्कार करके कहिन “खरो-खर तु सब लक मोठो परमेस्वर को टूरा आस।”
\s गन्नेसरत मा रोगी गीन ला साजरो करनो
\r (मरकुस 6:53-56)
\p
\v 34 वय झील को ओनागन जघा मा उतरके गन्नेसरत नगर मा पहुचीन। 
\v 35 उता का लोकगीन गदने यीसु ला चीन्ह लेइन अना अगल-बगल का सप्पा देस, मा खबर ला साँग देइन तबा सब लोक बीमार गीनला ओको कठा आनीन। 
\v 36 अना ओको लक पिराथना करन लगीन, का उ उनला आपरो कपरा को, कगर को सेव ला छीवन दे; अना जेतरा गीनना ओला छिईस, वय बच के साजरो भय गईन।
\c 15
\s रिती रिवाज पालन को सवाल
\r (मरकुस 7:1-13)
\p
\v 1 मंग कही फरीसी और यहूदी मोसे को नियम को गुरू येरुसलेम नगर लक यीसु को जवर आयीन अना वोला पूसिन 
\v 2 “तोरो चेलागिन अमरो आजा पुरखा को नेम-धरम को पालन काहे नहीं करासेत? वय बिना हात जेवन करासेत।”\fig यहूदिगिन को हात धोवन को रीत|alt="Ceremonial washing" src="LB00280C.TIF" size="col" copy="Horace Knowles ©" ref="15:2"\fig* .
\p
\v 3 यीसु ना जवाब दियो “अपरो रीती-रिवाज को कारन तुम परमेस्वर को बिधि ला काहे तोड़ासेव” 
\v 4 काहेका परमेस्वर ना कव्हयो होतो, आपरो दआजी अना आपरो माय को आदर करो। अना जेव उनला बूरो कहेत उ मार डाख्यो जाय। 
\v 5 तरी तुमी यो सिकावा सेत, का अदि लोक को जवर असो काही से जोन वय अपरो दआजी अना माय की मदद करन को लाय बवज सका सेत। लेकिन कव्हसेत “यो परमेस्वर चघावा को से।” 
\v 6 अबा उनला आपरो दाआजी ला सम्मान देवन की जरुरत नाहोत, असो परकार तुम्ही परमेस्वर को हुकूम नही मानासेव जोनलक तुम्ही आपरो सिक्सा को पालन करवायो सेव। 
\v 7 अरे बगला भगतहुन! यसायाह भविस्यवक्ता को बानी तुमरो पर कितरो सही बसासेत। 
\v 8 परमेस्वर कव्हासेत अमी आपरो सब लक परमेस्वर को गौरव करासेजन पर उनको दिल सहीमा मोरो लक लगत दूहुर सेत। 
\v 9 अना वय फालतू मा मोरो भगती करासेत, काहेका वय खुद को बनायो विधी-विधान मानूसगीन ला सिकावा सेत, असो जसो का मोरोच बिधान सेत।
\s असुध्द करन वालो गोस्टी
\r (मरकुस 7:14-23)
\p
\v 10 तबा वोना लोकगीन ला आपरो, कठा हाकल के कव्हयो। आयको अना समजो। 
\v 11 जोन टोन्ड मा जासे उ मानूस ला असुध्द नही करा, पर जोन टोन्ड लक हिटासे वाच मानूस ला असुध्द करासे।
\p
\v 12 तबा चेला ना आयके ओको लक कहीन का तु जानासेत, की फरिसी गीन ला यो गोस्टी लगत बुरो लगिसेत?
\p
\v 13 यीसु न जवाब देईस का जोन झाड़ मोरो सरग को परमेस्वर दआजी ना नही लगाइसेस उखाड़ दियो जाहे। 
\v 14 \x - \xo 15:14 \xo*\xt लूका 6:39 \xt*\x*उनला जावन देव; वय अँधरा, रास्ता ला दिसावन वारा मानूस सेत। अना अँधरा-अँधरा ला रस्ता चोवाय ता दुई गड्ढा मा पड़ जाहेत।
\p
\v 15 यो आयक के पतरस ना वोला कह्यो यो आहना को काजक मतलब सेत।
\p
\v 16 वोना कहीस का तुमी भी अबा तकन नासमज सेव? 
\v 17 का तुमी नही जानासेव का जोन काही टोन्ड मा जासे उ पोटमा पड़ासे अखीन हगतबेरा पोट लक हिटासे? 
\v 18 पर जोन काही टोन्ड मा लक हिटसे, उ मन लक हिटासे, अना उ मानूस ला असुध्द करासे। 
\v 19 काहेकि बुरो विचार हत्या, पराय बायको संग सोवनो, छिनालापन, चोरी, झुठी गवाही अना निन्दा बिरोध मन मा लक हिटा सेत, 
\v 20 या वोच सेत जोन मानूस ला असुध्द करासेत, पर हात बिना धोयो जेवन करनो, मानूस ला असुध्द नही करा।
\s कनानी जाति की बायको को बिस्वास
\r (मरकुस 7:20-30)
\p
\v 21 यीसु उता लक हिटके सुर अना सैदा, को देस कन चली गयो। 
\v 22 उ परदेस लक एक कनानी बायका हिटी, अना चिल्लायके कव्हन लगी हे पिरभु दाऊद की संतान मोरो पर रहम कर, मोरी टूरी ला भुत-पलित लगत सताय रहिसे।
\p
\v 23 पर उनना ओला जवाब नही देइस, तबा ओको चेला ना आयके ओको लक कव्हयो, एला सार कर, काहेकि वा हमरो मंघा चिल्लावत आय रहीसे।
\p
\v 24 ओना जवाब देइस का इसरायल को घरानो की भटकी हुयी मेढा ला सोड़ मि कोनी को जवर नही धाड़ो गई सेव।
\p
\v 25 पर वा आई अना यीसु ला नमस्कार करके कव्हन लगी हे पिरभु मोरी मदद कर।
\p
\v 26 ओना ओक लक कहीस, की टुरागीन की भाकर आन के कुतरा, को पुढा डाकनो साजरो नहात। 
\v 27 बायका न कहीस पिरभु यो गोस्टी खरो सेत, पर कुतरा गीन भी जुठन-काठन ला जेवसेत। जोन मालीक को ठाव मा बचासे।
\p
\v 28 येना गोस्टी पर यीसु ना ओला कहीस, अवो बाया तोरो बिस्वास मोठो से जसो तु चाव्हसेस, तोरो लाई वसोच होहे, अना ओको टूरी ओनो बेरा साजरी भय गयी।
\s कई बीमार गीन ला साजरो करनो
\p
\v 29 यीसु उता लक हिटके गलील छेतर मा झील को कठा आयो अना एक पहाड पर जायके बस गयो। 
\v 30 तबा भीड़ पर भीड़ ओको कठा आई। वय आपरो सँगा लँगडा गुँगा हात-पाय लुला, अना लगत लोकगीन ला ओको कठा आनीन, अना ओना उनला साजरो करीस। 
\v 31 जबा लोकगीन ना चोवीन, की गुँगा बोलासेत अना हात-पाय लुला गीन साजरो भय गईन। अना लँगडा चलन लगीन अना अँधरा चोवन लगीन, तबा ता अंचम्भा करके इसरायल वासी परमेस्वर की बड़ाई करन लगीन।
\s यीसु चार हजार लोक गीनला जेवानो
\r (मरकुस 8:1-10)
\p
\v 32 यीसु ना आपरो चेला गीन ला हाकलीस, अना कहीस, मोला या भीड़ पर तरस आवासे काहे की वय तीन दिवस लक मोरो सँग से अना उनको लाई जेवन लाई काही नाहत? मि उनला भुखो, कसो धाड़ू। असो ना होहे की वय, रास्ता मा थक जाहेत।
\p
\v 33 चेला गीन ना ओला कहिन, हमी एना जँगल मा एतरो भाकर किता लक आनबीन। की हमि एना भीडला खिलाबीन?
\p
\v 34 यीसु ना उन लक पुसिस, “का तुमरो जवर केतरी भाकर सेत?”
\p उनना साँगिन का, “सात, भाकर अना जरासी मसरी सेत।”
\p
\v 35 तबा यीसु लोकगीन ला जमीन मा बसन लाई कहीस, 
\v 36 अना उन सात भाकर अना मसरी ला आन के सरग को परमेस्वर ला धन्यवाद देके तोड़ीस, अना आपरो चेला गीन ला देवत गयो। 
\v 37 अना भीड़ जेयके अघाय गईन। अना चेला गीन ला बचा हुया भाकर को टुकड़ा बटोरन लाई कहीस। सबा तुकड़ा सात डलिया उचलिन। 
\v 38 जेवन वालो मा बायका अना लेकरु, गीनला छोडके चार हजार को करिब मरद गीन होतीन।
\p
\v 39 तबा उ भीड़ ला सार करके, नाव मा मगदन देस को मेंड मा आयो।
\c 16
\s सरग को चिन्ह को मांग
\r (मरकुस 8:11-13; लूका 12:54-56)
\p
\v 1 \x - \xo 16:1\xo*\xt मत्ती 12:38; लूका 11:29-30\xt*\x*मंग फरीसी अखिन सदूकी यीसु को जवर आयिन वय ओला ताड़न चाव्हत होतीन एकोलाइ ओन्हीसीन ओकोलक कोनी चमत्कार करन लाई कहीन, मनजे मालुम कर सकेत का ओला परमेस्वर को मंजुरी मिली से की नही, 
\v 2 ओना जवाब देयो दिन लुकन पर तुमी लोक कव्हसेव “आज मौसम साजरो रव्हेत, काहेका बादर लाल सेत” 
\v 3 अना दिन उगन पर तुमी कव्हासेव “आज आँधड़ आहेत, काहेका बादल धुँधरो अना लालसे” तुमी बादल को चिन्हानी ला बाचनो जानासेव, पर आपरो बेरा को चिन्हानी ला नही जानासेव। 
\v 4 \x - \xo 16:4 \xo*\xt मत्ती 12:39; लूका 11:29\xt*\x* यो दिवस को बूरो अना परमेस्वर ला नही माननवारा लोक मोला एक चिन्हानी मांगासेत मंग योना को चिन्हानी ला सोड़ उनला अना कोनी चिन्हानी नही दियो जाहे। ऐतरो सांगके
\p उ उनला छोडके चली गयो।
\s फरीसीगुरू अना सदुकिगुरु गीन को सिक्सा को खमीर
\r (मरकुस 8:14-21)
\p
\v 5 चेला गीन झील को वोनागन गईन, मंग वय भाकर लेनो बिसर गईन। 
\v 6 \x - \xo 16:6 \xo*\xt लूका 12:1 \xt*\x*यीसु न उनला कहीस हुसियार रव्हो, फरिसी गुरूगीन अना सदुकि गुरूगीन को खमीर लक आपरो ला बचाय राखो। 
\v 7 वय आपस मा विचार करन लगीन, हमी भाकर नही आनीसेजन एकोलाय उ असो कव्हासे। 
\v 8 यो जानके का वय आपस मा काजक कव्हसेत यीसु न उनला कहीस, अरे कच्चो भरोसा राखनवारा! तुमी आपस मा काजक विचार करासो, का हमरो जवर भाकर नहात? 
\v 9 \x - \xo 16:9\xo*\xt मत्ती 14:17-21 \xt*\x* का तुमी अब तकन नही समजयत? का तुमीला वय पाँच हजार को लाय पाँच भाकर हेत नहोत? हेत करो, तुम्ही ना केतरी टोपली उचलयत होता? 
\v 10 \x - \xo 16:10\xo*\xt मत्ती 15:32-38 \xt*\x*वा सात भाकर मा चार हजार मानूस जेयके ना केतरो डलिया उचालयत होता? 
\v 11 तुम्हीला बोध नाहत, का मीना तुमीला भाकर को बारेमा नही कहयो, मंग फरिसी गुरुगीन अना सदुकि गुरुगीन को खमीर मनजे बिचार लक हुसियार रव्हन लाई कहयो होतो। 
\v 12 तब उन चेलाहुन ला समज मा आयो, का वोना पोड़ी को खमीर ला नही कहयो, पर फरिसी गुरूगीन अना सदुकि गीनको सिक्सा लक हुसियार रव्हन ला कहयो।
\s पतरस को यीसु ला मसीह माननो
\r (मरकुस 8:27-30; लूका 9:18-21)
\p
\v 13 जबा यीसु कैसरिया फिलिप्पी को परदेस मा आयो ता अना ओना अपरो चेला लक पुसयो लोकगीन का कव्हसेत की मानूस को टूरा कउन से? 
\v 14 \x - \xo 16:14\xo*\xt मत्ती 14:1-2; मरकुस 6:14-15; लूका 9:7-8\xt*\x*उनना कहीन काही लोक योहन बप्तिस्मा देवन वालो कव्हसेत, अना काही लोकगीन एलियाह अना काही यीरमीयाह अना भविस्यवक्ता गीन मा लक, कोनी एक कव्हासेत। 
\v 15 यीसु ना उनला पुसिस, तुमी मोरो बारे मा काजक कव्हसेव? “का मि कउन सेउ?” 
\v 16 \x - \xo 16:16\xo*\xt योहन 6:68-69\xt*\x*समौन पतरस न जवाब देईस, तु जित्तो परमेस्वर को टूरा मसीह आस। 
\v 17 यीसु न वोला जवाब देईस, हे समौन, योहन को टूरा तु धन्य सेस, काहेका मानूस को मन की गोस्टी नाहत, पर मोरो दाअजी परमेस्वर ना जोन सरग मा से, येनो गोस्टी ला तोरो मन मा डाखी सेस। 
\v 18 अना मी तोला कव्हसू का तु पतरस सेस, अना मी येनो गोटा पर अपरी कलीसिया बनाऊ अना मिरतु वोको, पर ताकतवर नही होहेत। 
\v 19 \x - \xo 16:19\xo*\xt मत्ती 18:18; योहन 20:23\xt*\x*मी तोला सरग राज की कुन्जी देसू, अना जोन काही तु धरती पर बाँधबिन उ सरग मा बँधेत, अना जो काही तु धरती पर उघाड़बिन, वय सरग मा उघडेत। 
\v 20 तबा यीसु ना चेला गीन ला चितायके कहीस, तुमी कोनी ला नोको सांगने का मी मसीह सेऊ।
\s आपरी मौत को बारे मा यीसु की गोस्टी
\r (मरकुस 8:31-33; लूका 9:22)
\p
\v 21 उ बेरा लक यीसु अपरो चेला ला सांगन लग्यो, जरुरी से का मी येरुसलेम नगर जाऊ अना सियानोगिन अना मुखिया याजक, अना मोसे को नियम को गुरू को हात लक लगत दुख उठाऊ अना मि मार दियो जाऊ अना तीसरो दिवस मंघा मि जित्तो भय जाऊ। 
\v 22 येको पर पतरस पिरभु ला अलग लिजाय, के डाटन लग्यो अना कहयो “हे पिरभु! परमेस्वर तोरो पर दया करेत तोरो सँग असो कबच नही होहे!” 
\v 23 वोना मंघा पछलके पतरस लक कहीस “हे सैतान मोरो पुढ़ा लक दुहुर भयी जाय” तु मोरो लाई रास्ता को ठोकर सेस, कहेका तु परमेस्वर लक आयो बिचार पर नही, पर मानूस की सुभाव लक गोस्टी करासेस।
\s यीसु को मंघा चलन को मतलब
\r (मरकुस 8:34—9:1; लूका 9:23-27)
\p
\v 24 \x - \xo 16:24\xo*\xt मत्ती 10:38; लूका 14:27\xt*\x*तबा यीसु न अपरो चेला लक कहीस, यदि कोनी मोरो माघा आवनो चाव्हसो, ता अपरो आप मा मुकरके, अपरो कूरूस खुदच उचलेह अना मोरो मंघा होय जाय। 
\v 25 \x - \xo 16:25\xo*\xt मत्ती 10:39; लूका 17:33; योहन 12:25\xt*\x*काहेका जोन कोनी अपरो जान बचावनो चाव्हासे, वय वोला खोय देहेत, अना जो कोनी मोरो, लाय अपरो जान खोहेत वय वोला पाहेत। 
\v 26 यदि मानूस सप्पा जग ला पाय लेहेत, अना अपरो जान को हानी उठायहेत, ता वोला का नफा होयहेत, यो मानूस अपरो जान को बदला का देहे? 
\v 27 \x - \xo 16:27\xo*\xt मत्ती 24:27 \xt*\x*ता मानूस को टूरा अपरो सरगदूत को संग अपरो, बाप को गौरव मा आहेत, अना वोनो बेरा मा उ हर एक ला, उनको काम को अनुसार बदला देहे। 
\v 28 मी तुमला खरो सांगसेऊ का जो यहान उभो सेत, उनमा लक काही असो सेत का उ जब तकन, मानूस को टूरा ला राज मा आवता नही चोव लेहेत, तब तकन नही मरहेत।
\c 17
\s यीसु को रुप बदलो जानो
\r (मरकुस 9:2-13; लूका 9:28-36)
\p
\v 1 सह दिवस मंघा यीसु, पतरस, याकूब अना ओको भाउ योहन संगा एकलो मा वरता पहाड़ पर गयो। 
\v 2 वहान उनको पुढा वोको रुप बदल गयो, अना वोको टोन्ड दिन को जसो चमकन लगयो। अना वोको कपरा उजारो भय गयो। 
\v 3 मंग तीन चेला हुन ना चोवयो, मोसे अना एलिय्याह भविस्यवक्ता यीसु संग गोस्टी कर रव्हयो सेत।
\p
\v 4 तबा पतरस ना यीसु ला कव्हयो, ओ पिरभु, कितरो साजरो से का हमि यहान सेजन, मी यहान तीन मान्डो बनाहूँ एक तोरो लाय, एक मोसे को लाय, अना एक एलिय्याह को लाय। 
\v 5 \x - \xo 17:5 \xo*\xt मत्ती 3:17; 12:18; मरकुस 1:11; लूका 3:22; 2 पतरस 1:17-18\xt*\x*जबा उ असो कव्हच रहयो होतो, तबा एक पाँढरो, बादर न उनला ढाक लियो, अना उ बादल लक एक आवाज आयी यो मोरो एकच चहेतो, टूरा से, जेनको लक मी गजब खुसी सेव “एकी आयको!” 
\v 6 जब चेला गीन न असो आयकिन, वय ऐतरो डराय गईन का वय टोन्ड को बल, पड़ गइन। 
\v 7 यीसु ना जवर आयके उनला छीवके कव्हसे। उभो होवो “डराव नोको।” 
\v 8 तबा वय वरता नजर करीन, अना उनला यीसु को सीवाय, कोनी नही चोवयो।
\p
\v 9 जब वय पहाड़ लक खाल्या, उतर रहयो होतिन। यीसु ना उनला हुकूम देइस, जब तकन मानूस को टूरा मुरदा लक जित्तो नही भई जाए, यो बात कोनी ला नोको सांगने। 
\v 10 मंग यीसु को चेलागिन वोको लक पूसिन “मोसे को नियम को गुरू काय लाय कव्हासेत? पयले एलिय्याह को आवनो पक्को सेत।” 
\v 11 वोना जवाब देइस एलिय्याह आ रहयो सेत, उ सब काही साजरो कर देहेत। 
\v 12 \x - \xo 17:12\xo*\xt मत्ती 16:21\xt*\x*पर मी तुमरो लक कव्हसू, का एलिय्याह आय गइसे। अना लोकगीन ला वोला चीन्हो नाहत, अना मन चाहो वोको संग करीन, असोच मानूस को टूरा ला तंगाहेत। 
\v 13 तबा चेलागिन को समजमा आ गयो का यो योहन बप्तिस्मा देवन वारा, को बारेमा अमीला सांगा से।
\s बुरो आतमा को सिकार टूरा ला साजरो करनो
\r (मरकुस 9:14-29; लूका 9:37-43)
\p
\v 14 जबा वय भीड़ को जवर आइन, तबा यीसु को जवर एक मानूस आयो। अना टोघरा टेकके, असो कव्हन लग्यो। 
\v 15 पिरभु मोरो टूरा पर रहम कर काहेका, वोला मीरगी आवासे। अना वोला मिरगी एतरो बिकराल आवा सेत का उ बार-बार स्तो अना पानी मा पड़ जासे। 
\v 16 मी वोला तोरो चेला गीन को कठा आनयो होतो। पर वय वोला साजरो, नही कर सकिन।
\p
\v 17 तबा यीसु ना जवाब दियो अरे भिरस्ट हुयो आबिस्वासी लोकहुन मी कितरो बेरा तुम्हरो संग अखिन रव्हिन? वोला मोरो जवर आनो। 
\v 18 यीसु ना बुरो आतमा ला हुकूम देके डटकारीस अना बुरो आतमा टूरा मा लक हिट गयो, अना टूरा वोच बेरा साजरो भई गयो।
\p
\v 19 तबा चेला गीन एकान्त, मा यीसु को जवर आयके ना ओको लक पुसन लगीन “हमी वोला, काहे हेड़ नही सकयो”
\p
\v 20 तबा यीसु ना जवाब दियो, आपरो भरोसा को कमी कारन लक, काहेका, मी तुमला खरो-खरो सांगसू का यदि तुमी मा राई को बीज, को बराबर भरोसा से अना यो पहाड़ लक कव्हने “यहान लक हट अना उता जा!” तो उ सरक जाहेती। अना तुमरो, लाय काही भी कठिन नहात। 
\v 21 \f + \fr 17:21\fr*\ft यो वचन हात को लिखयो मा नही भेटासे।\ft*\f* पर यो जाती पिराथना न अना उपवास, को सिवाय कोनी उपाय लक नही हिटा से।
\s आपरी मौत को बारे लक यीसु की दुसरी गोस्टी
\r (मरकुस 9:30-32; लूका 9:43-45)
\p
\v 22 जबा वय गलील छेतर मा जमा भई होतिन, तबा यीसु ना उनला कव्हयो “मानूस को टूरा लोक गीन को हात मा धरान वालो सेत। 
\v 23 जोन वोला मार डाखेत, तरी तीसरो दिवस उ जित्तो भयी जाहेत।” एको पर यीसु को चेलागिन लगत दुखी भयी गयीन।
\s मंदिर को जमा पटावनो
\p
\v 24 जबा वय कफरनहुम नगर मा पहुचिन तबा मंदिर को बरगन वसुलन वारा पतरस को कठा आयके पुसिन, का तोरो गुरु मंदिर को बरगन देवासे?
\p
\v 25 पतरस ना कहीस हाँ देवासे,
\p जबा पतरस घर मा आयो। तबा यीसु ना पयले समौन लक पूछिस “तोरो का राय से? धरती को राजा गीन बरगन कोन लक वसुलसे, आपरो लेकरा लक या परायो लक”
\p
\v 26 तबा पतरस ना जवाब दियो का परायो लक तब,
\p यीसु ना वोला कहीस, “तब तो लेकरा छुट गयो।” 
\v 27 पर आमी उन लोकहुन ला नाराज नही करबिन एकोलाई झील पर जाय अना अपरो गल फेक अना मंग जोन पयली मसरी धराहे ओको टोंड उघाड़ तोला चारअना को सिक्का मिलेह। ओला आन के मोरो अना आपरो लाई उनला दे-दे।
\c 18
\s सरग राज मा मोठो कोन?
\r (मरकुस 9:33-37; लूका 9:46-48)
\p
\v 1 \x - \xo 18:1\xo*\xt लूका 22:24 \xt*\x*वय बेरा चेला गीन यीसु को जवर आयके, पुसन लगीन “सरग राज मा सब लक मोठयो कोन से?”
\p
\v 2 तबा यीसु ना एक लेकरा ला आपरो कठा, बुलाईस अना बीच मा उभो करके कहीस। 
\v 3 \x - \xo 18:3 \xo*\xt मरकुस 10:25; लूका 18:17\xt*\x*मी तुमरो लक खरो कव्हसू, का जबा तकन तुमरो मन लेकरा गीन को जसो नही होयेत, तुमी सरग को राज मा कभी नही धस सकत। 
\v 4 सरग को राज मा सब लक महान वा से जोन खुद ला नरम\f + \fr 18:4 \fr*\ft नम्र\ft*\f* राखा सेत, अना लहान लेकरा जसो बन जासे। 
\v 5 अना जोन कोनी लोक गीन मोरो नाव लक असो, एक लेकरा ला अपनावा से उ मोला अपनावा से।
\s पाप करन की परिक्सा
\r (मरकुस 9:42-48; लूका 17:1,2)
\p
\v 6 पर जोन कोनी असो लहान अना नरम मोरो बिस्वासी मा एक ला भी ठोकर खेलावासे, तो वोको लाय यो साजरो से। का वोको गरो मा गोटा बान्ध के सागर मा डाख दियो जाय। 
\v 7 “आड़- फाटा तो आवनो सेत पर आड़- फाटा को कारन मोला दुनिया को लोकगिन लाय दुख सेत मोला दुखसे वोको लाय जोन बाधा को कारन बना सेत एकोलाय।”
\p
\v 8 \x - \xo 18:8\xo*\xt मत्ती 5:30 \xt*\x*यदि तोरो हात या तोरो पाय ठोकर खिलायो, ता वोला काप केना फेक दे, काहेका तोरो लाय य लगड़ो होयके अमर जिंदगी मा धसनो एको लक ज्यादा साजरो, से का तु दुई हात अना दुई पाय से, पर कभी नही इझन वालो स्तो मा डाख्यो जायेती। 
\v 9 \x - \xo 18:9 \xo*\xt मत्ती 5:29 \xt*\x*यदि तोरा डोरा तोला ठोकर खिलाये तो वोला कहाड़ के, फेक दे अना भोकना होयके जिंदगी मा धस जा एको लक साजरो, से का “दुई डोरा से अना नरक को स्तो मा डाख्यो जाय।”
\s गुमी हुयी मेढ़ा को उदाहरन
\r (लूका 15:3-7)
\p
\v 10 \x - \xo 18:10 \xo*\xt मत्ती 5:29 \xt*\x*चोवो ऐना लहान मा लक कोनी, एक ला भी बेकार नोको समजो। काहेका मी तुमी लक कव्हसू, इनको सरगदूत सरग मा हमेसा मोरो परमेस्वर दाआजी को पुढा रव्हसेत। 
\v 11 काहेका मानूस को टूरा गुमयो हुवो ला ढुढन अखिन सूटकारा देवन काजी आयो से।
\p
\v 12 “तुम्ही ला काजक लगा सेत? एक मानूस को कठा 100 मेढ़ा से। उनमा लक एक मेंढा गुम जाय, ता उ निन्यानवे ला पहाड़ी मा सोड़ के एक ला ढूढन चलो जाहेत। 
\v 13 अना जब उ मेंढा वोला मिल जासे, तो मी तुमी लक खरो सागसू उ 99 लक वा एक को लाय लगत खुस होवासेत। 
\v 14 असोच तुमरो सरग को परमेस्वर दआजी नही चाव्हसेस, का कोनी ऐना लहान लक एक भी नास भई जाय।”
\s अपराधी गीन को लाई सलुक जब कोनी पाप करासेत
\p
\v 15 \x - \xo 18:15\xo*\xt लूका 17:3\xt*\x*अगर तोरो भाऊ तोरो खिलाफ पाप करा सेत, ता वोको जवर जायकर वोको गलती दिसाव। लेकिन यो काम एकान्त मा दुई को बीचमा करो, यदी उ तोरो गोस्टी मानासे ता तुना अपरो भाऊ ला आपिस जीत लियो सेत। 
\v 16 लेकिन उ अगर तोरी गोस्टी नही माना सेत, तो एक दुजो मानूस ला आपरो संग ले जाय, जोन लक वय समजायेती, मंग समजमा नही आहेत, तो वय पुरुप भयी जाय। जसो का गीरंथ मा कहयो सेत। यदी उ तुमरो गोस्टी मानासे ता तुमीना अपरो भाऊ ला बचाय लियो सेव। 
\v 17 अदि नही माना सेत ता कलिसिया मा जायके सांग, पर उ कलिसिया को भी नही मानहेत, तो वोला गैरयहुदी जमा लेवनवालो मुरतीपुजा वालो जान।
\s रोकनो अना मौका देवनो
\p
\v 18 \x - \xo 18:18 \xo*\xt मत्ती 16:19; योहन 20:23\xt*\x*मी तुमी लक खरो कव्हसू, जोन काही तुमी धरती मा बान्धने, उ सरग मा बन्ध जाहेती, अना जोन जानकारी तुमी धरती मा खोलने, वा सरग मा उधड़ जाहेती।
\p
\v 19 मंग मी तुमरो लक खरो कव्हसू, यदि तुमी मा लक दुई मानूस धरती पर कोनी बात को लाई एक मन होयके वोला मांगसेत, ता वय मोरो बाप को कना सरग मा से उनको लाई होय जाहेत। 
\v 20 काहेकि जहान दुई या तीन लोक गीन मोरो नाव पर जमा होसेत, मी उनको बीच मा रव्हसू।
\s बेरहम नौकर को उदाहरन
\p
\v 21 \x - \xo 18:21\xo*\xt लूका 17:3-4\xt*\x*तब पतरस न जवर आयके यीसुला कहीस, हे पिरभु यदी मोरो भाऊ पाप करासे ता मी केतरी बार वोला छिमा करू? का सात बार तकन?
\p
\v 22 यीसु न वोला कहीस “मी तोरो लक, यो नही कव्हसू का सात बार तकन, नही पर सात बार को सत्तर गुना तकन।” 
\v 23 तो सरग राज को बरोबरी उ राजा लक कियो जाय सका सेत वोना कहयोका मी दिवान को लेखा-जोखा जाचनो चाव्हासू। 
\v 24 जबा वय हिसाब लेवन लगयो, ता वोको पुढा एक असो मानूस ला लायो गयो, जोन को पर दसो लाख रुपिया को करजा होतो। 
\v 25 वोको जवर करजा भरन काजी काही नही होत्यो। ता मालिक ना कहीस, यहान येकि बायको, अना टूरा-टूरी अना जोन काही येको सेत। सब बिकके करजा चुकायो जाय। 
\v 26 येको पर वोना दास पाय पडके, कहीस, हे मालीक धीरज धर, मी सब काही भर देहू। 
\v 27 तबा मालिक ना तरस खाय के करजा छिमा कर दियो।
\p
\v 28 पर जबा वय दास बाहेर हिटयो, ता वोको संगी नौकर मा लक एक वोला भेटयो जोन वोको सौ सिक्का, को करज दार होत्यो। तबा उ नौकर संगी को गरो धरके कहीस “मोरो करजा भर” 
\v 29 एको पर वोको संग काम करन वालो संगी पाय पड़के, वोको लक गिड़गिड़ान लगयो “धीरज धर मी सब भर देहू।” 
\v 30 पर उ नही मानयो “अना वोला कयद खाना मा डाक दियो, का जबा तकन करज भर नही देसे तबा तकन कयद खाना मा रव्हे।” 
\v 31 वोको एक संगी दास यहान जोन भयो होत्यो, चोयके लगत उदास भयो अना जायके, अपरो मालीक मजे राजाला सबा हाल सांगीस। 
\v 32 तबा उ मालीक ना दास ला हाकलके कहीस “का हे पापी तु न मोरो जवर पिराथना करियो, अना मी न तोरो, वय पुरा करज छिमा कर देइसेउ।” 
\v 33 एकोलाइ जसो मी तोरो पर दया करीसेव, वोसच का तोला भी अपरो संगी दास पर रहम नही करनो होतो। 
\v 34 अना वोको मालिक मजे राजाना हिजड़के, वोला दन्ड देवन वालो को हात मा सोप दियो। अना जेल मा डाख दियो गयो अना करजा को पायी-पायी चुकान लाय कहयो।
\p
\v 35 येना पिरकार यदि तुमी मा लक हर एक अपरो भाऊ को मन लक छिमा करयेत, ता मोरो बाप जोन सरग मा से तुमी भी वसोच छिमा करयेत।
\c 19
\s छोड़ छुट्टी को बारे यीसु की सिक्सा
\r (मरकुस 10:1-12)
\p
\v 1 यीसु आपरो सिक्सा पुरो करन को मघा, गलील परदेस लक चले गयो, अना यरदन नदी को वोना गन यहुदिया, छेतर को सीव मा आयो। 
\v 2 एक मोठी भीड़ वोको मंघा भई गई, अना यीसु ना वहाँन को लोकगीन ला साजरो कर देइस।
\p
\v 3 तबा काही फरिसी गुरु गीन यीसु को कठा आइन अना वोकी परिक्सा, करन लाय सांगिन का मोसे को नियम को अनुसार कोनी भी कारन लक आपरो बायको, ला छोड़-छुट्टी देवनो सही से?
\p
\v 4 यीसु ना जवाब दियो “काय तुमी लोकगीन पवीतर गिरंथ, मा असो नही बाची सेव? का दुनिया बनावन वारा परमेस्वर ना सुरुमा उनला, मानूस अना बायको बनाईस।” 
\v 5 \x - \xo 19:5\xo*\xt पैदाइस 2:24\xt*\x*अना कव्हयो का एकोलाय मानूस आपरो माय-बाबूजी ला सोड़हेत अना आपरो बायको को संग रव्हसे। अना वय दुई एक देह होवेती। 
\v 6 असो परकार अबा परमेस्वर वय दूई ला एकच तन कहयो सेत ता उनला कोनी बेगरो नोको कर सका सेत?
\p
\v 7 \x - \xo 19:7\xo*\xt मत्ती 5:31\xt*\x*उनना यीसु ला कव्हयो तबा मोसे ना आपरो नियम मा बायको, ला छोड़-छुट्टी को बेरा मा लिखके, देवनो को हुकूम काहे दियो से?
\p
\v 8 यीसु ना जवाब दियो “मोसे ना यो हुकूम तुमरो गोटा जसो मन चोव के, तुमला आपरी, बायको ला छोड़न को हुकूम देइसेस पर सुरु लक असो कोनी रीत नहाय।” 
\v 9 \x - \xo 19:9\xo*\xt मत्ती 5:32; 1 कुरिन्थियो 7:10-11\xt*\x* मी तुमी लोकगीन लक सांगासू, का छिनालापन को सीवा अखीन कोनी कारन लक आपरो, बायको ला छोड़-छुट्टी देके, अना दुसरो पाठ करयेत, तो उ खोटो काम करासे।
\p
\v 10 चेला गिनना वोला कहिन यदि नवरा-बायको, को बीचमा असो समस्या सेत, तो बिन बायको को रव्हनो साजरा सेत।
\p
\v 11 यीसु ना उनला कहीस सबा यो सिक्सा, ला नही अपना सकसे। पर जोनला यो वरदान दियो गयोसे, वोच अपना सका से। 
\v 12 काहेका काही लोकगीन माय को गरभ लक, हिजड़ा होवासे, अना काही लोकगीन ला मानूस गीन हिजड़ा बना देइसेस, अना काही सरग राज लाय हिजड़ा बनिसेस, जोन यो सिक्सा अपना सका से, उ अपना लेवे।
\s लेकरागीन ला आसिरवाद
\r (मरकुस 10:13-16; लूका 18:15-17)
\p
\v 13 वोना बेरा काही लोकगीन लेकरागिन ला, यीसु को जवर आनीन, एकोलाय का उन पर आपरो हात राखके पिराथना करे, पर चेला गीन उनला डाटन लगीन। 
\v 14 यीसु ना कव्हयो लेकरा गिनला मोरो, जवर आवन देव, उनला रोको नोको, काहे का सरग को राज असोच हुनको से।
\p
\v 15 अना उ उन पर हात रखके वहान लक चली गयो।
\s धनी मानूस अना अमर जीवन
\r (मरकुस 10:17-31; लूका 18:18-30)
\p
\v 16 एक बेरा एक मानूस यीसु को कठा आयो। वोको लक कहीस ओ गुरुजी “मी अमर जिंदगी पावन को लाई कोनतो, साजरो काम करूँ”
\p
\v 17 यीसु ना वोको लक कव्हयो, साजरो काजक से? तू मोरो लक साजरो काम को बारेमा काजक, लाय पुसासे? भला केवल एक च से पर तु अमर जिंदगी चाव्हसेस, ता हुकूम ला मान।
\p
\v 18 वोना पुसयो “कोनतो हुकूम”
\p यीसु ना कव्हयो, तु हत्या नोको करबिन छिनाली नोको करबिन, चोरी नोको करबिन, खोटो गवाही नोको देवजो। 
\v 19 आपरो माय बाप को आदर करनो अना आपरो, सेजारी ला आपरो समान माया करनो।
\p
\v 20 उ जवान ना वोला कहीस “यो सब हुकूम मी हमेसा लक मानिसेव। अबा मोरो मा कोनतो कमी से”
\p
\v 21 यीसु ना वोको लक कहयो, “अदि तु सिध्ध होवनो चाव्हासे, ता जाय अना आपरो धन-सम्पति खोल के सब माल ला बीकदे, अना कँगालगिन ला देव, तब तोला सरग मा धन मिलहेत, अखीन मोरो मंघा आव।”
\p
\v 22 जबा उ जवान ना यो गोस्टी आयकिस, उ गजब दुखी भई गयो, काहेकि उ गजब धनी होतो।
\p
\v 23 मंग यीसु ना अपरो चेला गिनला कहीस, “मी तुमला खरो सांगासू, का धनी को सरग को राज मा धसनो लगत कठीन से।” 
\v 24 मि मंग तुमला कव्हसू, का परमेस्वर को राज मा धनी लोक को धसनो लक सरल ऊट को सुई, को छेद लक बाहेर सरल हिटनो से।
\p
\v 25 यो आयक के चेलाहुन लगत चकित भई गईन, “अना उनना पुसिन, मंग कोन को बचाव होय सकासे”
\p
\v 26 यीसु ना उनको कन चोवके जवाब दियो “यो ता मानूस लक नामुमकिन सेत, पर परमेस्वर को लाई, सब काही सरल से।”
\p
\v 27 तबा पतरस ना यीसु कना चोवके कहयो, हमी लोकगीन ता आपरो सबच काही सोड़के तोरो मंघा आयीसेत, ता हमला काजक मिलनो सेत?
\p
\v 28 यीसु ना आपरो चेलागिन ला कव्हयो, मि तुमला खरो कव्हसेऊ, का नवतो जुग मा जबा मानूस को टूरा महिमा को सिघासन मा बसेह, तबा तुमी जो मोरो मंघा आयोसेव बारा सिघासन मा बसके परमेस्वर को लोकहुन को न्याय करोह। 
\v 29 अना जोन कोनी लोक गीन मोरो नाव लाय, आपरो घर बार, भाऊ बहिन, माय-बाप, लेकरा बारा अना खेत ला सोड़ासे, उ संबर गुना पाहेत, अना अमर जिंदगी को अधिकारी होयेत। 
\v 30 \x - \xo 19:30\xo*\xt मत्ती 20:16; 21:31,32; लूका 13:30 \xt*\x* पर गजब सेत जो पयलो सेत, वय आखरी भई जाहेत, अना जो आखीर सेत, उ पयलो भई जाहेत।
\c 20
\s अंगूर को बगीचा को बनिहार
\p
\v 1 सरग को राज एक जमींदार को किस्सा जसो से। जोन भुन्सारे आपरो अंगुर को बगीचा मा काम करन बनिहार लावन हिटयो। 
\v 2 ओना खुरो को एक रुपया\f + \fr 20:2\fr*\ft रोमन सरकार को एक दिनार मजे एक दिवस को बनी से।\ft*\f* मा ठहरायके नौकर बनिहार ठहरायो। अना उनला आपरो अंगूर को बगीचा मा काम करन लाई धाड़ देईस। 
\v 3 मंग बनिहारी बेरा जमींदार मंग घर लक हिटयो अना हाट मा गयो। वोला काही बनिहार लोकहुन ला हाट मा इता-उता हिंडत चोवयो। 
\v 4 तबा वोना उनलक कहयो, तुम्हि भी मोरो अंगुर को बगीचा मा जाव, अखिन काम करो, तुमला तुमरो बेस बनी देहुँ। 
\v 5 वय बगीचा मा काम करन लाई चली गईन, मंग कोनी ला दुफरिया बेरा मा अना कोनी ला महातनी बेरा मा जायके वसोच कव्हके आनिस। 
\v 6 तबा कोनी पील-पील दिवस मा मंग हाट गयो, अना मंग काही लोकहुन ला हाट मा इता-उता उभो चोईस। ओना उनलक पुसिस, तुमी यहान फालतू मा दिवस भर काय लाई उभा रव्हसेव? 
\v 7 ओन्होसीन जवाब देईन, का कोनी ना आमला काम पर नही राखिन। तबा ओना उनलक कहयो, बेस से ता तुमी जाव, अना बगीचा मा काम करो।
\p
\v 8 जबा दिवस बुड़ गयो तबा अंगूर को बगीचा को मालिक ना आपरो मुनीम ला कहीस, नौकर बनिहार ला हाकल लेव अना आखरी मा लगयो नौकर लक सुरु करके जो पयले लक लगायो गयो, सबला पगार दे देव। 
\v 9 असो परकार जोन नौकर बनिहार पील-पील दिवस मा काम मा लगयो होतिन, उनमा लक हरेक ला खुरो को एक रुपया मिलयो। 
\v 10 तबा जोन पुढा आई होतीन उनना यो समझीन का हम ला लगत भेटेत। पर उन ला भी एक-एक खूरो को एक रुपया मिलयो। 
\v 11 उनना रुपया तो धर लेईन, मंग वय जमींदार पर कुड़कुड़ान लगीन। 
\v 12 उनना कहिन, एक तास काम करनवालो ला ओतरो च पगार देईसेस, जेतरो आमीला भी देईसेस, जबकि आमी ता कड़कड़ातो ऊन मा दिवस भर काम करया सेजन।
\p
\v 13 ओना मालक ना जवाब देइस, अरे संगी, मि तुमरो काही हानी भयी का? का तुना मोरो लक एक खुरो को सिक्का बिनी नही ठहरायो होतो? 
\v 14 जोन तोरो से उचल ले, अना पराय जाय। मोरी मरजी या से की जेतरो तोला देहुँ, वोतरोच मंघा वालो ला भी देहुँ। 
\v 15 का यो साजरो नहात? का मि आपरो माल ला जसो चाहुँ वसोच करुँ, का मोरो नेकी ला तु बुरो चोवोसेस? 
\v 16 \x - \xo 20:16 \xo*\xt मत्ती 19:30; मरकुस 10:31; लूका 13:30 \xt*\x*याच रिती लक जो मंघा सेत वय पुढा होहेत। अना जो पुढा सेत वय मंघा होहेत।
\s आपरी मौत को बारे मा यीसु की तीसरी गोस्टी
\r (मरकुस 10:32-34; लूका 18:31-34)
\p
\v 17 यीसु येरुसलेम नगर जातो बेरा बारा चेला गीन ला एकलो मा ले गईस। अना रास्ता मा उन ला कव्हन लगयो, 
\v 18 “आयको हमि येरुसलेम नगर जासेजन, अना ‘मानूस को टूरा’ मुखिया याजक अना मोसे को नियम को गुरू गीन को हात धरयो जाहेत। अना वय वोला जान लक मारन को काबील दन्ड ठयराहेत। 
\v 19 अना वोला गैरयहुदी गिनको हात मा सौप देहेत। अना वय वोको मजाक मा उड़ाहेत, अना कोड़ा लक मारेत। अखीन कूरूस मा चघायेत, अना उ तीसरो दिवस जित्तो भई जाहेत।”
\s एक माय की बिनती
\r (मरकुस 10:35-45)
\p
\v 20 तबा जबदी को बायको आपरो टूरागिन को संग यीसु कठा आयके नमस्कार करीस, अना कव्हन लगी,
\p
\v 21 “मोरो टुरा गिनला तोरो राज मा एक उज्जो अना एक ला डावो कन बसाजोस।”
\p यीसु ना कहीस, “यो तु काजक मांगिसेस?”
\p
\v 22 तोला मालुम नहात तू काजक कव्हासेत? “जोन दुख की बटकी मी पिवनवालो सेव, का तुम्हि भी पिवने?”
\p वय यीसु लक कहिन? “हमी पीवबीन।”
\p
\v 23 तबा यीसु उनला कहीस “यदी पिवने तबा भी कोनी ला डाखियो-उज्जो बसानो मोरो काम नाहत, काहेका उ तो परमेस्वर बाबुजी को काम से, वोच ला मालूम से, का कोनी बसन वारो से।”
\p
\v 24 यो आयक के दहा चेलागीन वय दुई भाऊ पर गुस्सा भईन। 
\v 25 \x - \xo 20:25\xo*\xt लूका 22:25-27 \xt*\x* यीसु ना उन ला जवर हकलके कहीस “तुमी ला मालुम सेत गैरयहुदी लोकगिन को अधिकारी उन पर हक जतावासेत। अना जोन मोठा सेत, वय उन पर अधिकार जमावा सेत। 
\v 26 \x - \xo 20:26\xo*\xt मत्ती 23:11; मरकुस 9:35; लूका 22:25-27\xt*\x*पर तुम मा असो नोको होय, पर जो कोनी तुम मा मोठो होवनो चावहासे, उ तुमरो दास बने। 
\v 27 जो तुमरो मुखिया होवनो चाव्हासे उ तुमरो दास बने। 
\v 28 मी एको लाई नही आईसेव, का मोरो कोनी सेवा करे। पर मानूस को टूरा एकोलाय आईसेस क उ खुदच सेवा चाकरी करे। अना लगत लोकगीन को सूटकारा लाई आपरी जान देदेहेत।”
\s दुई अँधरा ला साजरो करनो
\r (मरकुस 10:46-52; लूका 18:35-43)
\p
\v 29 जबा वय यरीहो नगर लक हिटत होतीन, ता एक मोठी भीड़ ओको मंघा भयी गयीन। 
\v 30 अना दुई अँधरा रास्ता को किनार मा बसया होतीन। असो आयक के का यीसु जाय रहीसे, हाकलके कव्हन लगीन “हे पिरभु दाऊद की सँतान हमरो पर रहम कर।”
\p
\v 31 लोक गीन उनला डटकार के कहिन “उगो-मूगो रव्हो।” पर वय अखीन चिल्लाय के कहिन, “हे पिरभु दाऊद को सन्तान हमरो पर रहम कर।”
\p
\v 32 तबा यीसु ना उभो होयके, हाकलके कहीस, “तुमी का चाव्हासेव, मी तुमरो लाय काजक करू?”
\p
\v 33 उनना ओको लक कहिन, “हे पिरभु आमरो डोरा उघड जाय।”
\p
\v 34 यीसु ना तरस खायके उनको डोरा ला छुईस अना वय देखन लगीन, अना ओको मंघा होय गईन।
\c 21
\s यरुसलेम मा जीत लक धसनो
\r (मरकुस 11:1-11; लूका 19:28-40; योहन 12:12-19)
\p
\v 1 जबा वय येरुसलेम को कठा, जैतून पहाड़ मा बैतफगे गाँव को जवर आइन, ता यीसु ना दुई चेला गीनला यो कहके धाडीस, 
\v 2 पुढा को गाँव मा जावो। उता जसो च जावने तुमीला एक गाढव बँधी हुई, अना ओको संग पाटरू मिलेहत। उनला सोड़के मोरो जवर आनो। 
\v 3 अदी तुम लक कोनी काही कहे, तो कव्हना की पिरभु ला ऐको काम से, तबा उ गदने उनला धाड देहेत।
\p
\v 4 यो एकोलाय भयो की जो गोस्टी भविस्यवक्ता गिनको कन लक कव्हयो गयो होतो। उ पूरो होहेत,
\q1
\v 5 “सिय्योन की टूरी लक सांग, चोव!
\q2 तोरो राजा तोरो जवर आवासे,
\q1 उ नरम से अना गदही को पाटरू पर बसी से,
\q2 अना लादु को बच्चा मा।”
\p
\v 6 चेला गीन ना जायके, जसो यीसु ना उनको लक कही होतीस, वसो च करीन। 
\v 7 अना गाढव अना पाटरू ला आनके ओको, पर आपरा कपरा डाकिन, अना यीसु ओको पर बस गयो। 
\v 8 तबा लगत सा लोकगीन ना आपरो, कपरा रास्ता मा बिछाइन, अना लोकगीन झाड़ लक, डगाली गीन ला काटके रास्ता मा बिछाईन। 
\v 9 जोन लोकगीन को भीड़ पुढा-पुढा जावत अना मंघा-मंघा चली आवत होती। अना जोरलक कव्हत होती, “दाऊद को सन्तान की बड़ाई होय! धन्य से उ जो पिरभु को नाव लक आवासे, वरता बादल मा बड़ाई होय!”
\p
\v 10 जबा उ येरुसलेम मा भीतर आइन, ता सारो नगर मा खलबली मच गई, अना लोक गीन कव्हन लगीन, “यो कोन आय?”
\p
\v 11 लोकगीन ना कहिन, “यो गलील परदेस को नासरत नगर को भविस्यवक्ता यीसु आय।”
\s मंदिर लक धन्धावालो ला हेड़नो
\r (मरकुस 11:15-19; लूका 19:45-48; योहन 2:13-22)
\p
\v 12 यीसु ना परमेस्वर को मंदिर मा जायके, मंदिर मा लेवन देन करनवालो सबच लोकहुन ला हेड देईस। अना सोन्ना-खुरो वालो को इसटूल अना परेवा बिकन वालो की चौकी ला उलट देईस। 
\v 13 अना उनलक कहीस, “गीरंथ मा लिखयो से, मोरो घर पिराथना को घर कहलायेत पर तुम्हिना यो जघाला डाकूगीन को अड्डा बनाय डाकयत।”\x - \xo 21:13\xo*\xt यसायाह 56:7; जकर्याह 7:11\xt*\x*
\p
\v 14 तबा यीसु जवर अँधरा लगँड़ा-पांगड़ा मंदिर मा आइन। अना ओना, सबला च साजरो करीस। 
\v 15 मंग जबा मुखिया याजक अना मोसे को नियम को गुरूगिन असो अचँभो काम ला जोन ओना करयो होतो, अना टुरागिन ला मंदिर मा “ दाऊद की सन्तान को बड़ाई होय” आवाज करता चोवके वय “लाल पिवरा भय गईन।”
\p
\v 16 अना ओला कव्हन लगीन, “तु आयक यो काजक कव्हासेत?” यीसु ना उन लक कहीस, “हव का तुमी ना गीरंथ मा यो कबच नही वाचिसेव? टूरागीन अना दुध पिवता लेकरा को टोन्डलक तु ना गजब स्तुति कराईसेस।”\x - \xo 21:16\xo*\xt भजनसंहिता 8:2 \xt*\x*
\p
\v 17 तबा उ उनला सोड़के नगर को बाहेर बैतनियाह गाँव मा गयो, अना रात बिताईस।
\s बिना फर को अँजीर को झाड़
\r (मरकुस 11:12-14,20-24)
\p
\v 18 सक्कार ला जबा उ नगर ला वापिस होय रहयो होतो, ता ओला भुख लगी। 
\v 19 रास्ता को किनारो मा अँजीर को झाड़ चोयके उ ओको जवर गयो। तब पान ला छोड़ ओमा अखीन काही नही पायो अना झाड़ लक कहीस, “अता लक तोरो मा कबच फर नही लगहेत।” अना अँजीर को झाड़ तुरूत सूक गयो।
\p
\v 20 यो चोयके चेला तुरूत अँचम्भा भय गईन अना उनना कहीन, “यो अँजीर को झाड़ तुंरुत कसो सूक गयो।”
\p
\v 21 यीसु ना उन ला जवाब देके कहीस, मि तुमी लक खरो कव्हसु, “अदि तुमरो मा बिस्वास से, अना तुमरो मा संका नाहत तो तुम्ही येतरोच नही, जोन मी ना अंजीर को झाड़ लक करीसेऊ, बल्कि अदि तुम यो पहाड़ लक कव्हो, उचल अना सागर मा डूब जाय ता वसोच भयी जाहेत।\x - \xo 21:21\xo*\xt मत्ती 17:20; 1 कुरिन्थियो 13:2\xt*\x* 
\v 22 जोन काही तुमी पिराथना मा बिस्वास करके, मांग लेव वय सबच तुमला मिल जाहेत।”
\s यीसु को हक पर सवाल
\r (मरकुस 11:27-33; लूका 20:1-8)
\p
\v 23 यीसु मंदिर मा जायके सिक्सा, देवत ही होतो, ता मुखिया याजक अना सायनो लोक गीनना ओको जवर आयके पुसिन, “तु यो काम कोनतो अधीकार लक करासेस? अना असो अधिकारी तोला कोन बनाइसेस?”
\p
\v 24 यीसु ना उन ला कव्हयो, “मि भी तुमला एक बात पुसा सेऊ, अदी मोला तुमी सांगो ता मि भी तुमला सांगु, का यो काम कोनतो हक लक करासेऊ, अना कोन ना अधिकारी ठयराइसेस? 
\v 25 योहन की बप्तिस्मा किता लक होतो? सरग को कन लक या मानूस को कन लक?”
\p तबा वय आपसी मा बहस करन लगीन, अदी हमी कव्हबीन सरग को कन लक, ता उ हम लक कहे, मंग तुमी ना ओको बिस्वास काय लाई नही कियत? 
\v 26 तबा वय डराय गइन अना असो कव्हन लगीन “अदी आमी कव्हबिन का मानूस की कन लक, ता हमला भीड़ को डर से, काहे की वय सबच योहन ला भविस्यवक्ता मानासेत।”
\p
\v 27 अता उनना यीसु ला जवाब देईन, “हमी नही जान सेजन।” यीसु भी उन ला कहीस, “ता मि भी तुमला नही सांगु का यो काम कोन, सो अधिकार लक करासेऊ अना कोन अधिकारी ठयराइसेस।”
\s दुई टूरा को उदाहरन
\p
\v 28 “अता सांगो, तुम्ही लोक येको बारे मा काजक बिचार करा सो? एक मानूस को दोन टूरा होतिन। उ मोठो को जवर गयिस अना कहयो, ‘अज बेटा अंगूर को बाड़ी मा जाय अना काम कर’ 
\v 29 ओना जवाब देईस, मि नही जाहुँ, पर मंघा मा पस्तायो अना गयो। 
\v 30 मंग बाप ना दुजो ला भी जायके असोच कहीस, ओना जवाब देईस, हव जी! जासू, पर नही गयो। 
\v 31 एना दुही मा लक कोन ना बाप की मरजी ला पूरो करीस?”
\p उनना कहिन “पयलो ना!”
\p यीसु ना उन लक कहीस, “मि तुमला खरो कव्हसु की जमा लेवन वारा अना बेसिया गीन भी तुम लक पुड़ा परमेस्वर को राज मा भीतर धसेत।” 
\v 32 काहेकि योहन धरम को रास्ता दिखावन लाई, तुमरो जवर आईसे, अना तुम ना ओको बिस्वास नही करयात, पर बरगन लेवन वारा, अना बेसिया ओको पर बिस्वास करीन। अना तुमी यो चोयके मंग नही पस्तायत! नाच भरोसा करयत।\x - \xo 21:32\xo*\xt लूका 3:12; 13; 7:29-30 \xt*\x*
\s कंतरी कास्तकार गीन को उदाहरन
\r (मरकुस 12:1-12; लूका 20:9-19)
\p
\v 33 एक अखीन उदाहरन ला आयको, एक घर को मालिक होतो, जेना अंगूर को बारी लगाईस, ओको आस-पास रुधान रूधिस, ओमा अंगूर को रसा को कुन्ड खोदिस अना गुम्मट बनाइस, अना खेती करन वारा गिनला ओको ठेका देयके परायो देस मा चली गयो। 
\v 34 जबा फर को बेरा आयो, ता ओना आपरा दास गीन ला ओको, फर लेवन लाई किसान को कठा धाडीस। 
\v 35 पर कास्तकार ना ओको दास हिन ला पकड़के, कोनी ला, पीटन अना कोनी ला मार डाकीन। अना कोनी ला पथराव करीन। 
\v 36 मंग ओना पहलो लक लगत अखीन दास गीन ला धाडीस, अना ओन्हीसिन उन लक भी वसोच करीन, 
\v 37 अखट्ट मा ओना आपरो टूरा ला उनको जवर यो सोचके धाडिस की वय मोरो टूरा को मान करयेत। 
\v 38 पर किसान ना टूरा ला चोयके आपसी मा कहिन, यो ता हकदार से आओ येला मार डाकबोन अना ऐको जायजाद ला ले लेवबोन। 
\v 39 अता ओन्हीसिन ओला पकड़ीन अना अंगूर को बारी लक बाहेर हेड़के मार डाकिन। 
\v 40 एको लाई जबा अंगूर को बारी को मालिक मजे पिरभु आहे। ता उन कास्तकार गीनको संग का करेत? \fig अंगूर की बाड़ी मा मांढो|alt="Watchtower in a vineyard" src="HK00105C.TIF" size="col" copy="Horace Knowles ©" ref="21:33"\fig*
\p
\v 41 ओन्हीसिन उनको लक कहीस, उ उना कंतरी कास्तकार गीन ला बुरो रिती लक नास करेत, अना अंगूर को बारी को ठेका दुजो किसान गीनला दे देहे जोन फर देवन को बेरा मा फर देहेत।
\p
\v 42 यीसु ना उन लक कहीस, का तुमीना कभीच पवितर गीरंथ मा यो नही वाचिसेव?
\q1 “जेना गोटा ला राज मिस्तरी गीनना ठुकरायो सेत,
\q2 उ कोन्टो को सिरा को गोटा भय जाहे।
\q1 याच पिरभु की कन लक भईसे,
\q2 अना आमरि नजर मा अचँम्भा से।”
\p
\v 43 एकोलाय मि तुमी लक कव्हसु, का परमेस्वर को राज तुम लक ले लियो जाहे अना असो लोक गीनला जो ओको फर आनेह, दियो जाहे। 
\v 44 जो यो गोटा पर गिरेह, उ चकनाचुर भय जाहे, अना जेनको पर उ गिरेह, ओला पीस डाकेत।
\p
\v 45 मुखिया याजक अना फरिसी ओको उदाहरन लक आयक के समज गईन की उ उनको बारे मा कव्हासे। 
\v 46 अना ओन्हीसिन ओला पकड़नो चाहीन, पर लोकगीन लक डराय गईन काहे, की वय ओला परमेस्वर को मोठो भविस्यवक्ता मानत होतीन।
\c 22
\s बिहाव जेवन को उदाहरन
\r (लूका 14:15-24)
\p
\v 1 यीसु मंग एना उदाहरन लक लोकहुन ला कव्हन लग्यो। 
\v 2 सरग को राज असो से जसो, एक मोठो मानूस मजे राजा ना अपरो टूरा को बिहा करीसेस। 
\v 3 वोना अपरा दास ला धाडिस का निवता दियो गयो, लोकगीन ला बिहा को जेवन मा आवन लाय कव्ह, पर वय आवनो नही चाहिन। 
\v 4 मंग वोना अखिन दास गीनला असो, सांग के धाडिस का निवता दियो गयो, लोकगीन ला कव्हने, “का छपन्न भोग अना पलियो हुया जनावर भी तैय्यार से। आव अना बिहा को जेवन करो।” 
\v 5 पर वय जेवन मा नही आइन पर कोनी अपरो, खेत चली गयो अना कोनी अपरो, काम-धाम मा चली गयो। 
\v 6 काही लोकगीन न दास गीनला मारिन, अना बेज्जती करीन। 
\v 7 तबा राजा ला गुस्सा आयो अना अपरी सेना धाड़के, उनला नास करीस, अना धड़काय डाकिस। 
\v 8 तबा वोना अपरो दास ला कहीस, बिहा को जेवन ता तैय्यार से पर निवता दियो गयो, लोक काबील नही होतीन। 
\v 9 एकोलाय चौवक पर जावो अना जेतरा लोक, तुमला मिलहेत सबला बिहा को जेवन, मा बुलायके आनने। 
\v 10 अखीन उन दास गीन न रास्ता मा जायके, का बुरा का साजरो भला जेतरा मिरिन सबला जोड़ीन, अना बिहा वालो घर पाहुना लक, गसा-गस भर गयो।
\p
\v 11 जबा राजा पाहुना गिनला चोवके भीतर आयो, ता वोना वहान एक मानूस ला चोयो, का जेना बिहा का कपरा नही पेहनो होतो। 
\v 12 वोना पुसीस का अगा संगी तुना बिहा, को कपरा कायलाय नही डाकिसेस? उ उगा-मुगा भय गयो। 
\v 13 तबा राजा न दास गीनला कहीस, ऐका हात-पाय बांधके इंधारो मा डाक देव, वहान रोवनो अना दात पिसनो होहेत।\x - \xo 22:13\xo*\xt मत्ती 8:12; 25:30; लूका 13:28\xt*\x*
\p
\v 14 काहेकी हाकलो गयो लगत सेत पर निवड़ो हुयो जरासो सेत।
\s कैसर राजा ला जमा पटावनो
\r (मरकुस 12:13-17; लूका 20:20-26)
\p
\v 15 तबा फरिसी न जायके आपस मा विचारन लगीन का वोला कसो रिती लक फसावबिन। 
\v 16 अखीन उनना अपरो चेला गीन ला हेरोदियोगीन को संग वोको जवर असो कव्हन लाई धाडिस हे गुरू हमी जानासेजन का तु खरो सेस, अना परमेस्वर को रस्ता खराई लक सिकावा सेस, अना कोनी की चिंता नही करासेस, काहेकि तु मानूस को टोन्ड चोयके गोस्टी नही करसेस। 
\v 17 एकोलाय हमला सांग तु का सोचसेस? मोसे को नियम लक केसर राजा ला जमा पटावनो साजरो से का नही?
\p
\v 18 यीसु न उनको मनकि कपट जानके कहीस, हे कपटी मोला कायला परखा सेव? 
\v 19 रोमन देस को राजा ला जमा पटावन वालो सिक्का ला मोला दिसाव
\p तबा वय वोको जवर एक खुरो को सिक्का आनीन। 
\v 20 वोना उन लक पुसीस यो नाव अना छाप कोन को से?
\p
\v 21 उनना वोला कहिन केसर को
\p तबा उन लक कहीस जोन केसर, को से वोला केसर ला अना जोन परमेस्वर को से वोला परमेस्वर ला देव।
\p
\v 22 असो आयक के उन न अचंभा करीन अना वोला सोड़के चली गईन।
\s मरया हुवो लक जिवनो अना बिहाव
\r (मरकुस 12:18-27; लूका 20:27-40)
\p
\v 23 वोना दिवस सदुकी गुरुजी कव्हत होतीन का मरया हुया का जित्तो होवनो नहात, यीसु को जवर आइन अना ओला पुसिन,\x - \xo 22:23\xo*\xt पेरीत 23:6; 8\xt*\x* 
\v 24 हे गुरू, मोसे गुरुजी ना कव्हयो होतिस, का अदी कोनी मानूस बंझला मर जाहेत, ता ओको भाऊ ओकी बायको लक बिहा करके, ना आपरो भाऊ को नाव लक लेकरा पैदा कर सकासे। 
\v 25 अब आमरो यहान सात भाऊ होतिन, पयलो बिहा करीस अना मर गईस अना सन्तान नही होवन को काजी आपरी बायको ला आपरो भाउ लाई सोड़ गयो। 
\v 26 असो तरीका लक दुजो अना तीसरो ना भी करीस अना सात गीन तकन असोच भई। 
\v 27 सबच को संग वा बायको भी मर गई। 
\v 28 अता जित्तो होवनो पर वा सात गीन मा लक कोन की बायको होहे? काहे की वा सबच की बायको भई गई होती।
\p
\v 29 यीसु ना सांगिस, “तुमी पवितर गीरंथ अना परमेस्वर की ताकत ला नही जानासो एकोलाय भुल मा पड़ीसेव। 
\v 30 काहे की मरयो हुयो मा लक जित्तो होवनो पर वय न ता बिहा करयेत अना न ता बिहा मा दियो जाहेत, पर सरग मा सरगदूत जसो रहेत। 
\v 31 पर मरयो हुया लक जित्तो होवनो, को बारे का तुमी ना यो नही बाचिसेव जोन परमेस्वर ना तुमला कहिसेस, 
\v 32 मि अबराहम, इसहाक अना याकूब को परमेस्वर सेव। उ मरयो हुया को नही पर जित्तो को परमेस्वर से।”\x - \xo 22:32\xo*\xt हिटनो 3:6; 15; 16 \xt*\x*
\p
\v 33 भीड़ ना यो आयकिन ता ओको सिक्सा लक चकित भईन।
\s सब लक मोठी हुकूम
\r (मरकुस 12:28-34; लूका 10:25-28)
\p
\v 34 जबा फरिसी गुरू ना आयकिन का यीसु ना सदुकि गीन ला उगा-मुगा कर देईसेस, ता वय एकजुट भई गइन। 
\v 35 उनमा लक एक मोसे को नियम को गुरु गिनना ओला परखन लाई ओला सवाल पुसिन, 
\v 36 हे गुरू सांग की पवीतर गिरंथ मा सब लक मोठी हुकूम कोनतो से?
\p
\v 37 ओना सांगिस, तुमी आपरो पिरभु परमेस्वर लक आपरो सप्पा मन अना आपरो सप्पा आतमा अना आपरी सप्पा बुध्दि को संग माया राखजोस। 
\v 38 सब लक मोठी हुकूम ता याच से। 
\v 39 अना वोको जसी या दुसरी भी से की तुमी आपरो सेजारी लक आपरो जसो माया राखने। 
\v 40 या दुही हुकूम सेत जोन सप्पा पवीतर गिरंथ अना मोसे को नियम अखीन सफा भविस्यवक्ता गीन को मूल सेत।\x - \xo 22:40 \xo*\xt मत्ती 7:12\xt*\x*
\s मसीहा को बारेमा सवाल
\r (मरकुस 12:35-37; लूका 20:41-44)
\p
\v 41 जबा फरिसी गुरू जमा गईन, ता यीसु ना उनलक पुसिस, 
\v 42 मसीह को बारे मा तुमी का जानासेव?
\p उ कोन को टूरा आय? उनना कहिन का दाऊद को। 
\v 43 ओना उन लक पुसिस ता दाऊद परमेस्वर को आतमा मा होयके ओला पिरभु काई लाई कव्हासे?
\q1
\v 44 पिरभु ना मोरो पिरभु लक कहीस,
\q2 मोरो उज्जो कन बस
\q2 जबा तकन की मि तोरो, बैरी गीन ला
\q2 तोरो पाय को खाल्या नही कर देहुँ।\x - \xo 22:44\xo*\xt भजनसंहिता 110:1\xt*\x*
\p
\v 45 भलो जबा दाऊद ओला पिरभु कव्हासे ता उ ओको टूरा कसो होहेत? 
\v 46 एको लाई जवाब मा कोनी भी एक बात नही कहे सकीन। ओनो दिवस लक कोनी ला मंग ओको लक काही पुसन की हिम्मत नही भई।
\c 23
\s मोसे को नियम को सिक्सक अना फरिसी गुरु लक सतरक
\r (मरकुस 12:38-39; लूका 11:43-46; 20:45-46)
\p
\v 1 तबा यीसु ना भीड़ अना चेला ला कहीस, 
\v 2 मोसे को नियम को गुरू अना फरिसी गुरु मोसे भविस्यवक्ता की पिढो पर बसो सेत। 
\v 3 एको लाई वय तुमला जोन काही करन अना मानन ला कहेत वाच करना अना मानने पर उनको जसो काम नोको करना। काहेका वय काही कव्हासेत अना काही करासेत। 
\v 4 वय असो बोझा ला जेनला उचलनो कठिन सेत बाँधके उन मानूस को खांद पर राखासेत, पर खुदच आपरी करंगी लक भी खिसकानो नही चाव्हत। 
\v 5 वय आपरा सब काम दिसान लाई करासेत वय आपरी ताबीज ला चौड़ो करासेत अना कपरा की किनारो, ला बढावासेत।\x - \xo 23:5\xo*\xt मत्ती 6:1\xt*\x* 
\v 6 जेवन को बेरा मा मुख्य-मुख्य जगह अना पिराथना घर मा बैठकी लाई मुख्य-मुख्य आसन को चहेतो सेत। 
\v 7 अना बाजार मा नमस्कार करनो साजरो लगासे। अना मानूस को बीच मा गुरू कहलानो साजरो लगासे। 
\v 8 पर तुमी ना ता गुरू कहलावना काहेकि तुमरो एकच गुरू से अना तुम सब गुरू भाऊ आव। 
\v 9 धरती पर कोनी ला आपरो बाबूजी नोको कव्हने, काहेकि तुमरो एकच बाप से जोन सरग मा से। 
\v 10 अना मालिक भी नोको कहलाने काहे की तुमरो एकच मालिक से\f + \fr 23:10\fr*\ft एक च मालीक होवना\ft*\f*, अना की मसीह। 
\v 11 जो तुमरो मा मोठो होहेत, उ तुमरो दास बनेह।\x - \xo 23:11\xo*\xt मत्ती 20:26-27; मरकुस 9:35; 10:43-44; लूका 22:26\xt*\x* 
\v 12 जोन कोनी आपरो आप ला मोठो बनाहेत, उ नहानो कियो जाहेत अना जोन कोनी आपरो आप ला नहानो बनाहे, उ मोठो कियो जाहे।\x - \xo 23:12\xo*\xt लूका 14:11; 18:14 \xt*\x*
\s मोसे को नियम सिक्सक अना फरिसी गुरुगीन की पाखन्ड ला धिक्कार
\r (मरकुस 12:40; लूका 11:39-42; 11:44; 11:52; 20:47)
\p
\v 13 हे कपटी मोसे को नियम को गुरू अना फरिसी गुरू, गीन तुम पर हाय। तुम मानूस को लाई सरग को राज को किवाड़ बंद करोसो, न ता खुदच ओमा धस सक सो, अना न ता ओमा धसन वारा हिन ला धसन देसो। 
\v 14 हे कपटी गियानी अना फरिसी गुरूगीन, तुम पर हाय! तुमी बेवा को घर ला खाय डाखासेव, अना चोवन लाई मोठी बेरा तकन पिराथना करोसो, एको लाई तुमला लगत सजा मिलहेत।\f + \fr 23:14\fr*\ft यो पद जूनो हात लक लिखयो दस्तावेज मा नाहती।\ft*\f*
\p
\v 15 हे कपटी मोसे को नियम को गुरू अना फरिसी गुरू, तुम पर हाय। तुमी एक मानूस ला आपरो पक्स मा आनन को लाई मजे यहुदी बनान काजी सारो, पानी परवान एक करासो अना जबा उ मत मा आय जासे ता ओको गत बिल्ला देवसो अना वोला दुगनो नरक मा जावन काजी बनाय देवासो।
\p
\v 16 हे अँधरा गुरू तुमी पर हाय, तुमी सिकावा सेव, “अदी कोनी मंदिर को किरिया खावा से, तो कोनी गोस्टि नहात, मंग सोन्नो की किरया खाय ता ओको, लक बँध जावासेत।” 
\v 17 अगो अन्धरा बेडिमाक कोन को जादा मायना सेत, सोन्नो का उ मंदिर, जोन मा सोन्नो पवितर होवासेत? \f + \fr 23:17 \fr*\ft या सोन्नो का मँदिर मा राखयो वेदी \ft*\f* 
\v 18 मंग कव्हसो, की अदी कोनी होमन कुन्ड की किरिया खासे ता कोनी गोस्टी नाहत। पर अदी वा होमन कुन्ड को चघावा को किरिया खासे तो वा बन्ध जासे। 
\v 19 हे अँधरा, कोन मोठो से भेट या होमन कुन्ड जेना लक चघावा पवीतर होवासे? 
\v 20 एकोलाय जेना होमन कुन्ड की कसम खासे, वा वोकी अना वोको पर ठेई हुई सबच जीनुस की कसम खासे। 
\v 21 जोन मंदिर की कसम खासे वा वोकी अना वोमा रव्हन वालो परमेस्वर की भी कसम खासे। 
\v 22 अखीन जोन सरग की कसम खासे, उ परमेस्वर को सिघासन अना वोको, पर बसनवालो की कसम खासे।\x - \xo 23:22\xo*\xt मत्ती 5:34\xt*\x*
\p
\v 23 कपटी मोसे को नियम को गुरू अना फरिसी गीन धिक्कार से तुमला तुमी पुदिना, सौप अना जीरा को दसमांस ता देवासेव, पर धरम बेवस्था की सही गोस्टी न्याय, अना दया अखीन बिस्वास ला छोड़ सो। भलो होतो स्वता तुमी असो सिक्सा को पालन करतत अना सबला असोच सिक्सा देवतत। 
\v 24 अरे अँधरा लगंडा तुमी मुगंसा ला ता छनाय डाकसेत, पर ऊट घीटक जासेत।
\p
\v 25 अरे कपटी मोसे को नियम को गुरू अना फरिसी गीन, तुमरो पर धिक्कार से तुमी बटकि अना भानी ला ओरिया-ओरिया, साजरो लक माजासेव, पर तुमरो भीतर हिन्सा अना सुवारत सेत। 
\v 26 अरे अँधरा फरिसी, पुढा बटकी अना भानी को भीतर लक साजरो मलके, बाहेर लक भी सुध्द भय जावो।
\p
\v 27 अरे कपटी मोसे को नियम को गुरू अना फरिसी गीन तुमरो, पर धिक्कार से! तुमी चुनो पोतयो कबर को जसो सेव, जेनको ओरिया, से ता सुन्दर चोवसे पर भीतर मुरदा की हडडी, अना सबच पिरकार की खोटो करम अना गंधगी भरिसे।\x - \xo 23:27\xo*\xt पेरीत 23:3 \xt*\x* 
\v 28 येनच रिति लक तुमी भी ओरिया लक, मानूस ला न्यायी चोवसे, पर भीतर लक कपट अना बुरो करम अधरम लक भरया हुयो सेत।
\s मोसे को नियम को गुरू अना फरिसी गुरु पर सजा की भविस्यवानी
\r (लूका 11:47-51)
\p
\v 29 अरे कपटी मोसे को नियम को गुरू अना फरिसी गीन तुमरो, पर धिक्कार से तुमी भविस्यवक्ता गीनको मरघट्टी बनातत, अना न्यायी गीनको कबर ला सुधारसो। 
\v 30 अना कव्हसो आमी आपरो बाप-दादा गिनको, बेरा मा होतिन, ता भविस्यवक्ता गीनको, खून मा भागी नही होतिन। 
\v 31 एको लक तो तुमी खुद च गवाहि देवसो का आमी भविस्यवक्ता गिनको हत्यारा की सन्तान सेजन। 
\v 32 अता तुमी आपरो बाप-दादा गिनको, कसर पूरो कर लेव। 
\v 33 ओ सरप अना नाग को सन्तान, तुमी नरक को दन्ड लक कसो, बच सकासो?\x - \xo 23:33 \xo*\xt मत्ती 3:7; 12:34; लूका 3:7\xt*\x* 
\v 34 एकोलाय चोवो मि तुमरो कठा, भविस्यवक्ता गीन अक्कलवर अना मोसे को नियम को गुरू गीनला धाडासू। अना तुम उनमा लक काही ला मार डाखेत, अना काही ला कूरूस मा चघायेत, अना काही ला आपरो पिराथना घर लक, हेड़ने अना कोडा मारके, नगर-नगर मा उनला कुदाने। 
\v 35 जोन मा न्यायी हाबिल लक, बिरिक्याह, को टूरा जकरयाह लक, जोन ला तूमी ना मंदिर अना होमन कुन्ड को जघा, को बीचम बीच मा खून बोहायो होतो। जितरो धरमीगिन को रकत धरती मा बोयो गयो से। उ सब तुमरो डोस्का पर पड़हेत। 
\v 36 मी तुमी लक खरो कव्हसू, यो बात वोना बेरा को लोकगीन पर आहेत।
\s यरुसलेम लाई रोवनो
\r (लूका 13:34,35)
\p
\v 37 ओ येरुसलेम नगर, ओ एरुसलेम नगर, तू भविस्यवक्ता गीनला मार डाखासे। अना जोन तोरो कठा धाडो गयो, उन पर तू गोटा मारसे, कितरो बार मी चहायो का जसो कुक्कड़ी आपरो, बच्चागिन ला आपरो पंखा को खालया जमा करा से। वसोच मी तोरो, लेकरा गिनला जमा कर लेऊ पर तुना नही चाव्हयो। 
\v 38 चोवो तुमारो घर तुमारो लाय बिरान छोड़यो जावासे। 
\v 39 कायका मी तुमला कव्हसू, क जबा तकन तुमी लोक नही कव्हने, धन्य से जो पिरभु को नाव लक आवासे। तबा तकन तुमी मोला कभी नही चोवने।
\c 24
\s मंदिर को नास होवनो को बारे मा सांगनो
\r (मरकुस 13:1-2; लूका 21:5-6)
\p
\v 1 जबा यीसु मंदिर लक हिटके दुहुर जाय रहयो होतो। तबा वोको चेला गीन वोको जवर आइन, अना मंदिर कना ईसारा करके ध्यान देवन कव्हन लगीन। 
\v 2 तबा यीसु ना उन लक कव्हयो हव तुमी यो सब चोव रही सेव मी तुमरो लक खरो सांगसू इनमा एक भी गोटा नही सोड़यो जाहेत सब खाल्या फेकयो जाहेत।
\s संकट अना मुसीबत
\r (मरकुस 13:3-13; लूका 21:7-19)
\p
\v 3 जबा उ जैतून को पहाड़ मा बसो होतो, तबा चेला हुन ना वोला नीजी तौर मा कहीन, सांगो यो गोस्टी कबा होयेत? मनजे अखीन संसार को अखट्ट को काजक हिदान होयेत? तोरो आवन को अना दुनियाँ को आखीर को काजक हिदान होहेत?
\p
\v 4 यीसु ना जवाब दियो, सतरक रव्हने तुमीला कोनी नोको बहकाय। 
\v 5 लगत सो लोक गीन आयके, ना तुम्ही ला सांगेत का मी मसीह सेउ। अना गजब, लोक गीन बहक जाहेत। 
\v 6 तुमी लडाई-वडाई की गोस्टी आयको, तबा नोको डरावना काहेका असो होवनो जरुरी से, पर यो आखीर नाहत। 
\v 7 लोक को विरोध मा लोक, अना राज को विरोध मा राज, उभो होहेत। जघा-जघा मा गीरानी पडहेत, अना भुईडोल होहेत। 
\v 8 असो मान लेव का लेकरा होवन को दरद जसो दरद को सुरुवात से।
\p
\v 9 वोना बेरा लोक तुमला धराके मार डाखेत, अना तगांहेत, अना मोरो नाव को कारन सब जाती को लोकगीन तुमरो बैरी भई जाहेती।\x - \xo 24:9\xo*\xt मत्ती 10:22 \xt*\x* 
\v 10 वोना बेरा मा गजब बिस्वासी गीन को भरोसा थन्डो पड़ जाहेत, अना वय एक दुसरो ला धरायेत, अना एक दुसरो लक घीरना करयेत। 
\v 11 गजब सो खोटो भविस्यवक्ता पैदा हो जाहेत, अना गजब लोकगीन ला बहका देहेत। 
\v 12 अधरम अना बुरो करम बढनो लक सब लोकगीन को माया थन्डो भई जाहेती। 
\v 13 पर जोन अखीर धीरज राखेत, सब सह लेहेत, वोच बचायो जाहेत।\x - \xo 24:13\xo*\xt मत्ती 10:22 \xt*\x* 
\v 14 यो परमेस्वर को राज को साजरो बारता सारो संसार मा लोकगीन जवर मुनादी करयो जाहेत। तबा सारो, संसार मा गवाही भय जाहेत तबा आखीर आ जाहेत।
\s मोठो संकट को सुरुआत
\r (मरकुस 13:14-23; लूका 21:20-24)
\p
\v 15 यो काजी जब तुमी उ उजाड़न वालो, बेकार चीज ला चोवो, जेनको चरचा भविस्यवक्ता दानीयल को किताब मा से, पवीतर जघा मा उभो चोवयो। (जो वाचेत वोला समजमा आय जाहेत) 
\v 16 तब जोन यहुदिया नगर मा से उ सब पहाड़ी मा पराय जाय। 
\v 17 अना जोन घर को छत मा से उ जुनूस लेवन ना उतरे।\x - \xo 24:17\xo*\xt लूका 17:31\xt*\x* 
\v 18 अना जोन खेत मा से, उ आपरो कपरा धरन काजी मघा नोको लवटे\f + \fr 24:18\fr*\ft वापिस न मुडके। \ft*\f*। 
\v 19 वोना दिवस मा जोन पोट लक से, अना जोन अना वय माय जिनको नहानसो लेकरा सेत, वा बायकोगिन को गजब आफत सेत। 
\v 20 तुमी पिराथना करो का जाड़ो को मौसम मा पवीतर दिवस मा नोको धावनो पडे़त। 
\v 21 काहेका वोना बेरा मा असो आफद आहेत, जोन सारो जग बनान को बेरा लक, अबा तकन नही आइसेस, अर ना कभी आहेत।\x - \xo 24:21\xo*\xt दानिय्येल 12:1; परकासित वाक्य 7:14 \xt*\x* 
\v 22 अदी वय दिवस कम नही करयो, जातो ता कोनी को भी तन साजरो नही बचतो पर निवाड़ो गयो, मानूस को कारन वय दिवस घटायो, गयो से।
\p
\v 23 वोना बेरा कोनी सांगेत, का यीसु मसीह वहान सेत, का यहान सेत, तो तुमी बिस्वास नोको करजोस। 
\v 24 काहेका खोटो मसीहा अना खोटो भविस्यवक्ता उभो होयेती, अना मोठयो-मोठयो चमतकार करतब दिसाहेत। उनको मकसद निवाड़ो गयो मानूस गीन ला बहकानो से। 
\v 25 समजो मी ना तुमी ला पहले लक सांग दियो सेव।
\p
\v 26 एको लाय यदि कोनी सांगेत, का चोवो यीसु जंगल मा सेत। किवाड़ लगायके राखने बाहेर नोको हिटने, अना वा घर मा से, तो बिस्वास नोको करने।\x - \xo 24:26\xo*\xt लूका 17:23-24\xt*\x* 
\v 27 काहेका जसो बीजरी दिन\f + \fr 24:27\fr*\ft बिजली के चमक के समान। \ft*\f* उगती लक हिट के दिवस बुडती तकन चमका से वसोच मानूस को टूरा आहेत।
\p
\v 28 जहा लास सेत वहाँच गीधाड़ जमा होयेती।\x - \xo 24:28 \xo*\xt लूका 17:3\xt*\x*
\s मानूस को टूरा को दुबारा लक आवनो
\r (मरकुस 13:24-27; लूका 21:25-28)
\p
\v 29 वोना दिवस मा अचरज दुख को मघा दिन इन्धार भई जाहेत। अना चन्दा को उजार खतम भई जाहेत। अना बादल मा जोन नक्सतर सेत, उ सब हिलायो जाहेत। तबा तारा चान्दनी बादल लक पड़ जाहेत।\x - \xo 24:29 \xo*\xt परकासित वाक्य 6:12-13\xt*\x* 
\v 30 तबा मानूस को टूरा को हिदान बादल मा चोहेत, अना सब धरती को लोकगीन आपरो, सीना ला पिटेहेत। अना मोठयो, ताकत अना महिमा को संग बादल मा मानूस को टूरा ला आवता दिसेत।\x - \xo 24:30\xo*\xt दानिय्येल 7:13; जकर्याह 12:10-14; परकासित वाक्य 1:7 \xt*\x* 
\v 31 अना उ तुर्रा का मोठयो आवाज को संग, आपरो, सरगदूत गीन ला धाड़ेत अना सप्पा दुनिया पासुन आपरो निवाड़ो लोकगीन ला जमा करयेत।
\s अँजीर को झाड़ को सिक्सा
\r (मरकुस 13:28-31; लूका 21:29-33)
\p
\v 32 अँजीर को झाड़ को उदाहरन लक सीको, जबा वोको डगाली नरम होवासे अना पान हिटासे, तबा तुमला मालूम भई जासे, का उनहारो को मौसम आय गयोसे। 
\v 33 असोच जबा तुम्हीला असो गोस्टी होवतो दिसेत। तो समज जावने का यो बेरा कठा नाहत, बल्की बेसकुड़ मा सेत। 
\v 34 तुमरो लक खरो-खरो सागंसू, जब लक यो गोस्टी पूरो नही होयेत। तबा तकन यो जुग को आखीर नही होहेत। 
\v 35 बादल अना धरती टल जाहेत, पर मोरो कव्हयो कदीच नही बदलेत।
\s जागत रव्होन की सिक्सा
\r (मरकुस 13:32-37; लूका 17:26-30,34-36)
\p
\v 36 वोना दिवस अना वोना बेरा को बारेमा कोनीला मालूम नाहत, ना सरग दूत गिनला, ना मानूस को टूरा ला यो गोस्टी बस परमेस्वर बाबुजी ला मालूम सेत।
\p
\v 37 जसो नूह को परलय को बेरा मा होतो, वसोच मानूस को टूरा को भी आवनो होहेत। 
\v 38 काहेका परलय को बेरा को पयले, जोन दिवस तकन नूह जहाज मा नही चघयो होतो। वोना दिवस तकन लोकगीन जेवत-पिवत अना बिहा करत होतीन। 
\v 39 अना पानी-पूरा आयो, अना सबला बाहाय के ले गयो\f + \fr 24:39 \fr*\ft परलय को घटना \ft*\f*अना मानूस गीनला काही पता नही चलो, वसोच मानूस को टूरा को भी आवनो होहेत। 
\v 40 वोना बेरा मा दुई जन खेत मा सेत, एक सोड़ दियो जाहेत, अना दुसरो उचल लियो जाहेत। 
\v 41 दुई बायका चकिया मा कनीक पीसत होतीन, वा मा लक एक उचल लियो जाहेती, अना दुसरी ला सोड़ दियो जाहेती। 
\v 42 यो काजी तुमी जगत रव्हो अना पिराथना करत जावो, काहेका तुमीला यो मालुम नाहत का, खेत का मालिक मजे पिरभु कबा आवनवारो सेत। 
\v 43 पर तुमी यो जान लेव का घर को मालिक ला मालुम होवतो का चोर कबा धसन वारा सेत। मंग उ जागत रव्हतो अना घर मा चोरी होवतो।\x - \xo 24:43\xo*\xt लूका 12:39-40 \xt*\x* 
\v 44 यो कारन लक तुमी तैय्यार रव्हो जोन बेरा मा तुम्ही नही सोचा सेव वोच बेरा मानूस को टूरा आजाहेत।
\s बिस्वासमंद नौकर अना दुस्ट नौकर
\r (लूका 12:41-48)
\p
\v 45 असो बिस्वास काबील अना अक्कलवारा दास कोन सेत? जोनला वोका मालीक ना नौकर गीन को वरता, मुकतियारी मा राखेत का सबला सहि बेरा मा वोला जेवन देहेत। 
\v 46 “धन्य से उ दास जेनको मालीक जबा आवासेत, तो वोला उ मालीक वसोच, करता पाहेत।” 
\v 47 मी तुमरो लक खरो कव्हसू, का उ आपरो सब धन माया को पर वोला मूनिम राखेत। 
\v 48 “दूसरो पक्स मा एक बुरो दास से, जोन अपरो मन मा कव्हा सेत। मोरो मालिक लगत दिवस भयो लवटो नाहत। अबा उसीर से। 
\v 49 अना आपरो संगी नौकर गिनला मारन लगे। अना बेवडा\f + \fr 24:49\fr*\ft पियक्कड़\ft*\f* को संग जेवन अना पीवन लगे। 
\v 50 तबा वोना दास को मालीक असो दिवस आहेत, जोन दिवस अना पलको बारेमा कोनी नही सोचयो होतो। 
\v 51 तबा उ वोला कड़ो सजा देहेत। अना पाखन्डी गिनला वोको संग डाख देहेत, जहान रड़नो अना दात किचकीचानो होहेत।\f + \fr 24:51\fr*\ft वोला लगत कड़ो सजा भेटेत\ft*\f*
\c 25
\s दहा कुवारी को उदाहरन
\p
\v 1 “वोना दिवस सरग को राज वय दहा कुँवारी टूरी को जसो होयेत। \x - \xo 25:1\xo*\xt लूका 12:35 \xt*\x*जोन अपरी टेमा धरके नवरदेव ला मिरन हिटीन।” 
\v 2 उनमा पाँच मुरख अना, पाँच हुसियार होतिन। 
\v 3 मुरख न अपरी टेमा धरीन। तरी अपरो संग तेल नही आनीन। 
\v 4 पर अक्कलवर गीन न अपरी, टेमा को संग कुप्पी मा भरके तेल आनीन। 
\v 5 जबा नवरदेव को आवनो मा उसीर भई। ता वय सब उघंन लगीन, अना झोप गइन।
\p
\v 6 अरधी रात ला धुम मची चोवो नवरदेव आवासे। वोको लक मिरन लाय चलो। 
\v 7 तबा वय सब कुँवारी टूरी गीन जगके अपरी टेमा साजरी करन लगीन। 
\v 8 अना मुरखगीन न अक्कलवर लक कहीन, “अपरो कुप्पी को तेल देव। काहेकि हमारो टेमा बुझसे।” 
\v 9 पर अक्कलवर गीन न कहिन, आमरो लाय अना तुमरो लाय तेल पुन्ज जाय इतरो तेल नाहती। भलो त योच से की तुमी बिकन वालो को कठा जायके, अपरो लाई आनो। 
\v 10 जबा वय लेवन साठी जावत होतीन, त नवरदेव आय गयो। अना जोन तैय्यार होतीन वय वोको संग बिहा के घर मा चली गईन, अना किवाड़ बंद कियो गयो।
\p
\v 11 \x - \xo 25:11\xo*\xt लूका 13:25\xt*\x*एको मंघा वय दुसरी कुँवारी टूरी गीन, आयके कव्हन लगीन, “हे पिरभु-हे स्वामी हमरो लाई किवाड़ उघाड दे।” 
\v 12 वोना कहीस मी तुमला खरो कव्हसू, “मी तुमला नही चिन्हू तुमी कोन सेव?”
\p
\v 13 \x - \xo 25:13\xo*\xt मरकुस 13:35-37; मत्ती 24:42-44 \xt*\x*एको लाई जगता रव्हो, तुमी वो दिवस अना उ बेरा को बारेमा मालुम नाहत।
\s मोहर की बोधकथा
\r (लूका 19:11-27)
\p
\v 14 “सरग को राज वोना मानूस जसो होयेत।” \x - \xo 25:14\xo*\xt मत्ती 21:33; मरकुस 13:34\xt*\x*जोन परदेस जातो बेर आपरा, दास गिनला हाकलके, आपरी संपति उनको सुपरुत कर देईस। 
\v 15 वोना एक ला खुरो को सिक्का लक भरयो पाँच पिवसी, दुसरो ला दोन अना तिसरो ला एक पिवसी उनको योगता को अनुसार दियो। अना मालिक यातरा मा हीट गयो। 
\v 16 तबा जेना ला पाँच सिक्का लक भरयो पिवसी मिलयो होतो। उ लवकर जायके लेवन-देन करीस। अना आपरो अवकात को लक अखीन पाँच सिक्का को पिवसी कमा लेइस। 
\v 17 असोच जोन ला दुई मिलयो होतो, ओना अखीन दुई कमायो। 
\v 18 पर जोन ला एक मिलयो होतो। उ जायके माटी खोदिस, अना आपरो मालिक को रुपया को पिवसी ला जमीन मा लूका देइस।\fig सोन्नो को सिक्का|alt="Talents" src="HK00168C.TIF" size="col" copy="Horace Knowles ©" ref="25:15"\fig*
\p
\v 19 लगत बेरा बीतन को मंघा उनको आयो। अना दास गीनला लेखा जोखा मांगिस। 
\v 20 जोन ला पाँच पिवसी सिक्का मिलयो होतो। ओना अखीन पाँच पिवसी सिक्का आनके कहीस, ओ मालीक तुना मोला पाँच पिवसी सिक्का दियो होतो। मि ना अखीन पाँच पिवसी सिक्का कमाई सेउ। 
\v 21 ओको मालिक ना ओला कहीस, सबास साजरो बिस्वासी दास तु जरा सो मा लायक हिटसेस। मि तोला लगत चीज गीन को वरता, अधिकारी बनाहुँ। आपरो पिरभु को सँग खुसी मनाओ।
\p
\v 22 अखीन जेनको कठा दुई पिवसी सिक्का होतीन, ओना भी आयके असोच साँगिस, हे मालिक तुना मोला दुई पिवसी सिक्का दियो होतो, चोव मिना अखीन दुई कमायो। 
\v 23 ओको मालिक ओला कव्हयो साबास साजरो, अना बिस्वासी दास तु जरा सो मा लायक हिटयो से, यो काजी तोला लगत चीज को अधिकार देहुँ, तु भी आव अना आपरो मालिक को सँग खुसी मनाओ।
\p
\v 24 जोन ला एक पिवसी सिक्का मिलयो होतो। ओना आयके कव्हयो, हे मालिक मोला मालुम सेत, का तु कठोर मानूस सेस, तु जहान नही बोवसेस वहान कापा सेस। अना जहान नही छिड़का सेस, वहान लक बटोरा सेस, तोला जवाब देवन को मोरो अवकात नही होत्यो। 
\v 25 यो काजी मि डराय गयो होतो, अना जायके तोरो मोहर ला जमीन मा छिपाय दियो। चोव जो तोरो से उ यो से।
\p
\v 26 ओको मालिक ना ओला जवाब देइस, वो नीच अना कोढया दास तु जानसेस, का मि जहान नही बोयि सेव, वहान लक कापा सेउ। अना जहान मि नही बोयो सेऊ, वहान लक कापासेऊ। 
\v 27 तो तोला सोचनो होतो, का मोरो रुपया महाजन गीन ला दे देतो। तबा मी आयके आपरो धन ला ब्याज समेत ले लेतो। 
\v 28 एको अवकात नाहती यो काजी वा सिक्का को पिवसी ओको लक ले लेव। अना जेनको जवर दहा पीवसी सिक्का से ओला देदेव। 
\v 29 काहेका हरेक उ मानूस ला, जेनना जो काही वोको कठा होतो वोला सही रीत लक बौजिसेत ओला अखीन दियो जाहेत। अना जितरो ओको जरुरत सेत, वोको लक जादा मिल्हेत। पर उनलक जेनको कठा होतो। पर उ साजरो रीत लक नही बवजअ सेत, ओको कठा लक, बचो-कुचो सब ले लियो जाहेत।\x - \xo 25:29 \xo*\xt मत्ती 13:12; मरकुस 4:25; लूका 12:40 \xt*\x* 
\v 30 एकोलाय वो बेकार दास ला बाहेर इन्धार मा ढकेल देव, “जहाँन लोक रड़ेयेत अखीन दात किच किचानो होहेत।”\x - \xo 25:30\xo*\xt मत्ती 8:12; 22:13; लूका 13:28\xt*\x*
\s नियाव करन को बेरा
\p
\v 31 जबा मानूस को टूरा आपरो गौरव को सँग, सरगदूत को सँग आहेत, अना गौरव को सिघासन मा बसेत।\x - \xo 25:31\xo*\xt मत्ती 16:27; मत्ती 11:28 \xt*\x* 
\v 32 ता सबच जातिहुन ओको पुढ़ा संगरो जाहेत अना उ एक ला दुसरो लक वसोच बेगरो करेत, जसो एक गडरिया अपरी मेंढा ला सेरी लक बेगरो करासे 
\v 33 अना \f + \fr 25:33\fr*\ft सच्चो मानूस को बारेमा सांगयो जावा सेत।\ft*\f*मेढा गीन ला उज्जो कन अना सेरी गीन, ला डाकयो कन उभो करुँ। 
\v 34 तबा मि आपरो उज्जो कन वालो लक कहुँ, ओ मोरो बाबूजी को धन्य साबास लोक आव वो राज को अधिकरि भय जावो, जोन सारो जग बनन को पहिले तुमरो लाइ, राजा ना तैय्यार कियो होतो। 
\v 35 काहे का मि भुखो होतो अना तुमी ना, मोला जेवन दियो अना जबा मि तहान होतो, ता तुमी ना मोला पानी पिलायो अना मि परदेसी होत्यो, अना तुमी ना मोला आपरो घर मा रुकवायो। 
\v 36 मि नंगा होतो, अना तुमी ना मोला झंगा दियो, अना मि बीमार होतो अना तुमी ना मोरो सुधि लियो अना, मि जेल मा होतो अना तुम मोरो लक भेटन आयो।
\p
\v 37 तबा नेक मानूसगीन ओला जवाब देहेत, हे पिरभु आमी ना कबा तोला, भूखा चोयो अना जेवन दियो अना कबा, तु तहान होतो अना हमी ना पानी पिलायो। 
\v 38 आमी ना कब तोला परदेसी चौयो, अना आपरो घर मा रुकवायो अना कब तु नंगरा होतो, अना हमीना झंगा दियो। 
\v 39 आमी ना कब तोला बीमार चोयो अना जेल मा चोयो, अखीन तोरो लक भेटन आयो। 
\v 40 तबा राजा उनला जवाब देहेत, मि तुम लक खरो कहुसेउ, का तुमी ना मोरो यो नहान-नहान भाऊ गीन मा लक कोनी, एक को सँग करीसेव उ मोरो सँग, करीसेव।
\p
\v 41 तबा उ आपरो डाकयो कन, वालो लक सांगेत ओ सापित \f + \fr 25:41\fr*\ft यो सैतान को मघानी चलनवालो ला कह्यो गयो से।\ft*\f*लोकगीन मोरो पुढा लक, कभी नही बुझन वालो अमर स्तो मा जावो, जोन इबलीस अखीन ओको सरगदूत गीन लाइ तैय्यार से, 
\v 42 काहे का मि भुखो होत्यो अना तुमी ना मोला जेवन नही देयेत, मि तहान होतो अना तुमी ना मोला पानी नही देइसेव। 
\v 43 मि परदेसी होतो अना तुमी ना मोला, आपरो घर मा जघा नही दियो, मि नंगरो होतो अना तुमी ना झंगा नही पहिनायत। मि बीमार होतो अना जेल म होतो, अना तुमी ना मोरो सुधी नही लियत।
\p
\v 44 तबा वय जवाब देहेत, हे पिरभु हमी तोला कब भुखो अना, तहान, परदेसी अना नंगरो, बीमार जेल मा चोयो, अना हमी ना तोरो सेवा नही करयो। 
\v 45 तबा उ उनला जवाब देहत, मी तुमिला खरो कव्हसू जोन ऐना लहान लेकरा को सँग मा काही नही करयत वसोच मोरो सँग नही करयत। 
\v 46 अना वय अमर सजा भोगेत पर नेक मानूस, अमर जिंदगी मा धसेत।
\c 26
\s यीसु को विरोध मा साजीस
\r (मरकुस 14:12; लूका 22:1,2; योहन 11:45-53)
\p
\v 1 जबा यीसु यो सबच गोस्टी को सिक्सा देवनो पुरो भयो, तबा आपरो चेला गीन, ला कव्हन लगियो। 
\v 2 “तुमी लोकहुन जानसो, का दुई दिवस को मंघा फसह को तिहार से। अना मानूस को टूरा बैरीहुन को हात मा कूरूस मा चघावन लाय धरायो जावन वारो से।”\x - \xo 26:2\xo*\xt हिटनो 12:1-27\xt*\x*
\p
\v 3 तबा मुखिया याजक अना सयानो लोकगीन काइफा नाव को मोठो मुखिया याजक, को आँगन मा जमा भईन। 
\v 4 अना ओन्हीसीन कोनो तरकीब लक यीसु ला धरन अना मार डाकन को मन बनाईन। 
\v 5 मंग वय कव्हत होतीन, “आमला यो तिहार को दिवस नही करनो पाहिजे नही ता लोकहुन मा दंगा फसाद भयी सकासे।”
\s बैतनिय्याह मा यीसु की मिजवानी
\r (मरकुस 14:3-9; योहन 12:1-8)
\p
\v 6 यीसु बैतनियाह गांव मा सिमोन को घर मा जोन कोढ को, बीमारी लक होतो वोको घर रुकयो। 
\v 7 \x - \xo 26:7 \xo*\xt लूका 7:36-50\xt*\x* तबा एक बायको यीसु को जवर आयी जबा यीसु जेवन लाई बसयो होतो, ओना एक कीमती इतर संगसंगमरमर को बरतन मा भरके आनिस अना ओना यीसु को डोस्की पर उबड़ाय देइस। 
\v 8 चेलाहुन ना असो चोयके गुस्सा होय गयीन, अना पुसन लगीन, एतरो कीमती इतर नास कायलाई करीसेव? 
\v 9 यो इतर ला आमी बिकता ता एक मोठो दाम मिलतो अना ओनो धन लक आमी गरीबहुन ला दे देता।
\p
\v 10 यीसु जान गयो का वय काजक कव्ह रही सेत। एकोलाई उनलक कव्हयो, “तुमी ऐना बायका ला काहे तंगा रही सेव? ओना ता मोरो लाई भलाई करीसेस।” 
\v 11 काहेका गरीब-गोर गीन, हमेसा तुमरो सँग रहेत, पर मि तुमरो सँग हमेसा नही रव्हन वालो सेऊ। 
\v 12 मोरो गाड़ो जावनो को तैय्यारी को लाय ओना मोरो तन मा, यो सुगंध वारो इतर उडेलीसेस। 
\v 13 मी खरो साँगसू का जबच कभी सारो जग मा जबा परमेस्वर को साजरो बारता मुनादी कियो जाहेत, तबा वहान यो गोस्टी को, चरचा जरुर कियो जाहेत।
\s युदूस चेला को धोखा
\r (मरकुस 14:10,11; लूका 22:3-6)
\p
\v 14 तबा यूदस इस्करियोति जोन बारा चेला मा एक चेला होतो। उ मुखिया याजक, को कठा गयो, अना ओको लक कहयो। 
\v 15 अदी मि यीसु ला तुमला धराय देहुँ, ता तुमी लोक मोला काजक देव्हो? तबा उनना यहूदा ला खुरो को तीस सिक्का, देन को मनसा करीन 
\v 16 वोच बेरा यहूदा यीसु ला धरावन को मौका ताकन लगयो।
\s चेला गीन को सँग बेखमीर भाकर को आखीर जेवन
\r (मरकुस 14:12-21; लूका 22:7-13,21-23; योहन 13:21-30)
\p
\v 17 बेखमीर भाकर को तिहार को पयलो दिवस मा चेला गीन यीसु को जवर आयके, पुसन लगीन, “तोरो का मरजी सेत, का आमी तोरो खावन को लाई बेखमीर जेवन को तैय्यारी किता जायके करबिन?”
\p
\v 18 ओना कहीस नगर मा फलानो मानूस को, कठा जायके ओको लक साँगजोस, गुरुजी कव्हसे मोरो जावन को बेरा, जवर आय गई से। मि आपरो चेला गीन को सँग, मा तोरो घर मा बलिदान को तिहार मनाहुँ।
\p
\v 19 तबा चेला गीन ना यीसु को, हुकूम मानिन अना बलिदान को तिहार लाय तैय्यारी करीन।
\p
\v 20 जबा जेवन रात भयो तबा वय, बारा चेला गीन को सँग, जेवन करन लाई बस्यो। 
\v 21 जबा वय जेवन करत होतीन, तबच, यीसु चेला गीन ला कव्हन लगियो, “मी तुमरो लक खरो कव्हसू का तुमरो लक एक मोला धराय देहे।”
\p
\v 22 एको पर वय गजब उदास भय गईन। अना हर एक ओको लक पुछन लगीन, ओ पिरभु का उ मि सेव?
\p
\v 23 वोना जवाब देईस जोन मोरो सँग ठाव मा हात, डाकीसेस वोच से। 
\v 24 मानूस को टूरा को बारे मा असो लिखयो से, उ ता जावसे पर ओना मानूस पर, हाय जेना लक मानूस को टूरा धरायो जाहे। अदी उ जलम नही लेतो, ता साजरो होतो।
\p
\v 25 तबा वोको धरान वालो यूदस कव्हयो, हे गुरू का उ मिच आऊ? यीसु ना कहीस,
\p “तु ता अपरो टोंड लक साँग दियोस।”
\s पवीतर जेवन
\r (मरकुस 14:22-26; लूका 22:14-20; 1 कुरिन्थियो 11:23-25)
\p
\v 26 जब वय जेवन करत होतीन, तबा यीसु ना भाकर लेईस। अना धन्य वाद माँग के ना तोड़के, चेला गीन ला देवन लगयो। अना कहीस, “या मोरो तन से।” 
\v 27 मंग बटका ला लेइस, अना परमेस्वर ला धनवाद देइस। अना चेला गिनला कहीस, “तुमी सब येला पी लेव।” 
\v 28 “यो मोरो रक्त से, जोन परमेस्वर को करार ला स्थापित करासेत। अना मोरो रक्त लगत लोकगिन को पापहुन को छिमा को लाय बोहायो गयो सेत।” 
\v 29 मि तुमी लक कव्हसू का मी वोना दिवस तकन अंगूर रस नहीं पीविन जबा तकन अपरो परमेस्वर बाबूजी को राज मा तुम्हारो संग नवतो अंगूर रस नही पीहुँ।
\p
\v 30 तबा वय भजन करतो हुवो, जैतून नाव को पहाड़ मा गईन।
\s पतरस को मना करन को बारेमा सांगनो
\r (मरकुस 14:27-31; लूका 22:31-34; योहन 13:36-38)
\p
\v 31 \x - \xo 26:31 \xo*\xt जकर्याह 13:7\xt*\x*तबा यीसु ना उनला साँगीस, आज-राती तुम सबको मोरो पर लक भरोसा उठ जाहेत। काहेका गिरंथ मा लिख्यो से, “मि चरानवालो ला, मारिन अना करप को मेढा गीन, इतानि-उतानी पराय जाहेत। 
\v 32 \x - \xo 26:32 \xo*\xt मत्ती 28:7\xt*\x*पर जित्तो होवन मँघा, तुमी लक पयले गलील को पहाड़ मा जाहुँ।”
\p
\v 33 एको पर पतरस ना कहीस, “चाहे सबा तोरो पर लक बिस्वास सोड़ देहेत पर मी आखीर तकन बिस्वास करीन।”
\p
\v 34 यीसु ना वोको लक कहीस, मी तोला खरो कव्हसू “आज राती कुकड़ा को बाग देवन, को पयले तु तीन बार मुकर के कहजोस, मि यीसु ला नही जानासू उ कोन से?”
\p
\v 35 तबा पतरस ना कहीस, “तोरो सँग मरनो भी पडे़त ता मर जाहुँ,”
\p सबच चेला गीन ना भी असोच कहिन।
\s गतसमनी बाग मा पिराथना
\r (मरकुस 14:32-42; लूका 22:39-46)
\p
\v 36 मंग यीसु उनको संग वोना जघा मा गयो जोन गतसमनी कहलावा सेत। अना आपरो चेला गीनला कव्हन लगयो, “इतानि बस जावो, जबा तकन मि उता जायके ना पिराथना करासू।” 
\v 37 मंग यीसु पतरस अना जबदी को दुई टूरा गीनला आपरो सँग ले गयो, अना दुखी लक उदास भय गयो। 
\v 38 मंग वोना अपरो संगी गिनला कव्हयो, “मोरो मन लगत उदास सेत, असो लगा सेत जसो मोरो जान हीटन वालो सेत। तुम्ही मोरो संग इतानी च रूको, अना चौकस रव्हो।”
\p
\v 39 मँग उ जरासो, पयले जायके, टोन्ड को बल पड़यो अना असो पिराथना करन लगयो। “ओ मोरो परमेस्वर बाबू, अदी भय सकासे ता या दुखको बटकी मोरो पुढा लक टल जाय, पर जसो मि चाव्हुसू, वसो नही, पर तु जसो चाव्हसेस वसोच तोरो मरजी ला पूरी कर।”
\p
\v 40 तबा उ आपरो चेला गीनको कठा गयो, अना वय झोपत होतीन तब यीसु पतरस लक कहीस, “का तुमी यो लायक भी नही सेव का मोरो सँग एक घडी जाग सकासेव? 
\v 41 जागत रव्हो! अना पिराथना करो, का तुमी परिक्सा मा नोको पड़ो। आतमा ता तैय्यार से, पर तन कमजोर से।”
\p
\v 42 मंग उ दुसरो बेरा जायके ना असो, पिराथना करन लगयो। “हे परमेस्वर मोरो बाबूजी अदी यो बटकी, मोरो बिना पिये नही हट सकसे ता तोरो मरजी पूरी कर।” 
\v 43 तबा ओना मंग उन ला, झोपत पाइस, काहे का उनको डोरा मा जप होती।
\p
\v 44 उनला उता छोडके, मंग चली गयो। अना वसोच तीसरो, बार पिराथना करीस। 
\v 45 तबा ओना चेला गीन को कठा आयके उनलक कहीस, अबा झोपो अना अराम करो, चोवो वा बेरा आय गई से, अना मानूस को टूरा पापी गीनको हात धरायो जाहेती। 
\v 46 उभो होय! चोवो मोरो धरान वालो कठा आय गईन।
\s यीसु ला धोखा लक धरानो
\r (मरकुस 14:43-50; लूका 22:47-53; योहन 18:3-12)
\p
\v 47 यीसु असो साँगत च होतो। तबा च, यूदस जोन बारा चेला गीनमा एक होतो आयो, अना ओको सँग मुखिया याजकगीन, अना सियानो गीन, गजब भीड़ को सँग हात मा लाठी, तलवार धरके ना आइन। 
\v 48 वोको धरान वालो युदूस ना ईसारा करीस, जोन ला भी चुमु वाच यीसु से, ओला तुमी धर लेवने।
\p
\v 49 मंग युदूस यीसु को कठा आयके, कहीस गुरू जी नमस्कार! अना ओला खुब चुमीस।
\p
\v 50 यीसु ना ओको लक कहीस, ओ सँगी जोन काम को लाई तु आईसेस, ओला कर। तबा लोकगीन यीसु को कठा आयके वोला धर लेइन। 
\v 51 यीसु को सँगी मा लक एक, तरवार खीच लेइस, अना मोठो मुखिया याजक को दास को, कान काट देइस। 
\v 52 तबा यीसु ना कव्हयो, “आपरो तरवार आपरो मियान मा राख ले, काहेकि जोन तरवार चलावासेत, वय तरवार लक मारो जासे। 
\v 53 का तोला मालुम नहात? का अबा मि पिराथना करहुँ अना सरगदूत गीन को बारा दल लक ज्यादा मोरो कठा आय जाहेत।” 
\v 54 पर मी अदी असो करीन ता पवितर गीरंथ मा जो लिख्यो से, उ पूरो कसो होहे? एकोलाय, “असो होवनो जरुरी से।”
\p
\v 55 वोना बेरा यीसु ना भीड़ लक कव्हयो, “\x - \xo 26:55 \xo*\xt लूका 19:47; 21:37\xt*\x*का तुमी तरवार डन्डा अना हतियार धरके मोला असो धरन काहे आयीसेव? जसो का मी डाकु सेऊ, मि हर दिवस तुमला मंदिर मा सीक्सा देवत होतो, तबा तुमीना मोला नही धराइ सेव।”
\p
\v 56 पर असो सब एकोलाय भई से का भविस्यवक्ता गीन, “को कही गई गोस्टी पूरी होहेत।” तबा सबा चेला गीन वोको कठा, लक पराय गईन।
\s मोठी सभा को पुढ़ा यीसु
\r (मरकुस 14:53; लूका 22:54,55; योहन 18:13,14,19-24)
\p
\v 57 जोनना यीसुला धरी होतिन, वय यीसु ला धरके काइफा नाव को मोठयो मुखिया याजक को कठा ले गईन। जहान मोसे को नियम को गुरू गीन अना सियानो गीन, अना यहुदी नेताहुन जमा भई होतीन। 
\v 58 पतरस दुहुर लक वोको, मंघा-मंघा मोठो मुखिया याजक को आँगन तकन गयो। अना भीतर जायके, का होवासे देखन लाई सिपाही गीन, को सँग बस गयो। 
\v 59 मुखिया याजक अना सब पंचयात, यीसु ला मार डाकन को लाई, वोको विरोध मा अरोप अना खोटो, गवाही को खोज मा होतीन। 
\v 60 पर लगत खोटो गवाह आवन को मंघा, भी कोनी मुद्दा नही पाईन। आखीर मा दुई जन आइन 
\v 61 अना कहीन “एना साँगीसेस की मि परमेस्वर को मंदिर ला पाड़ देहुँ, अना तीन दिवस मा जसो को तसो कर देहुँ।”\x - \xo 26:61 \xo*\xt योहन 2:19\xt*\x*
\p
\v 62 तबा मुखिया याजक उभो होयके कहीस, “तु कोनी जवाब नही देवासेत, लोकगीन तोरो विरोध मा, गवाही देवा सेत।” 
\v 63 पर यीसु उगो-मुगो रहयो। मुखिया पुजारी ना ओको लक कहीस, “मि तोला जित्तो परमेस्वर की किरया देवासू, की अदी तु परमेस्वर को टूरा मसीह सेस, ता आमी ला कव्ह दे।”
\p
\v 64 यीसु ना जवाब देयिस, “हव मी सेऊ। पर मी तुमी लक यो भी कव्हुसेउ, अता मानूस को टूरा ला सब लक ताकतवर परमेस्वर को उजो कन बसया हुया, अना बदल मा आवता चोवने।”
\p
\v 65 मोठोयाजक असो आयक के आपरो, कपरा फाडके कहीस, “एना परमेस्वर की निन्दा बिरोध करीसेस, अता हम ला गवाह को का मतलब? 
\v 66 तुम्ही ना परमेस्वर को बिरोधमा सांगतो आयकीसेव, अबा तुम्ही काजक सोचासेव?”
\p “ओन्हीसीन जवाब देइन यो मार डाकन को काबिल से।”
\p
\v 67 तबा ओन्हिसीन ओको टोन्ड मा थुकिन। अना ओला मुक्का मारिन अना काही ना चाटा मारीन अना कहिन।\x - \xo 26:67\xo*\xt यसायाह 50:6\xt*\x* 
\v 68 “हे मसीह हमरो कन लक आवन वारो गोस्टी ला साँग अना कव्हो, का तोला कोन ना मारिस?”
\s पतरस को मना करनो
\r (मरकुस 14:66-72; लूका 22:56-62; योहन 18:15-18,25-27)
\p
\v 69 अना पतरस बाहेर आँगन मा, बसयो होतो की एक बनिहारिन ना ओको जवर आयके कहीस, तु भी ता गलीली यीसु को सँगी आस।
\p
\v 70 अना पतरस ना जवाब देईस, ओना सब को पुढ़ा यो कहके मनाही करीस, अना कहीस, मि नही जानासेऊ, की तु कउन को बारे कव्हसेस। 
\v 71 जबा उ बाहेर डहलाना मा चली गयो, ता दुसरी बनिहार ना पतरस ला चोयके, जोन लोक वहान होतीन कहीस, यो भी ता यीसु नासरी को सँग होतो।
\p
\v 72 मंग पतरस ना मना कर देईस अना सांगीस, मि कसम खासू, का मि ओना मानूस ला नही जानु।
\p
\v 73 जरा देर मंघा जोन वहान उभया होतीन, ओन्हिसीन पतरस को जवर आयके कहीस, खरो खर तू भी उन मा लक एक सेस। काहे की तोरी बोली तोरो भेद सांगासे।
\p
\v 74 तबा उ धिक्कारन लगयो, अना कसम खावन लगयो, की मि वो मानूस ला नही जानु।
\p अना तुरुत, कुकड़ा ना चिल्लाय देईस। 
\v 75 तबा पतरस ला यीसु की कही हुयी सबद हेत, आई की, कुकड़ा को बाग देनो को पहिले तु तीन डाई मोरो मनाही करजोस। अना उ बाहेर जायके जोर लक रड़न लगयो।
\c 27
\s पीलातुस को पुढा यीसु
\r (मरकुस 15:1; लूका 23:1,2; योहन 18:28-32)
\p
\v 1 जबा दिवस हिटयो, तबा सब मुखिया याजक, अना सियानो गीन, आपसी मा विचार करीन, का यीसु मार डाख्यो जाय। 
\v 2 उनना यीसु ला बाँधीन, अना वोला पिलातुस राजा ला सोप देईन।
\s युदूस की आत्महत्या
\p
\v 3 जबा, यीसु को धरानवारा, यूदस ना चोवयो, का वोला दन्ड मिल्यो से। तब उ, गजब पस्तायो, अना उ खुरो को तीस सिक्का, वापिस आनिस।\x - \xo 27:3\xo*\xt पेरीत 1:18-19\xt*\x* 
\v 4 मीना निरदोस मानूस को खून को सौदा, अना पाप करीसेव।
\p तबा मुखिया यजक गिन सांगीन, हमला एको लक, काजक कामसे? तूच जान।
\p
\v 5 एको पर यूदूस ना, खूरो को सिक्का ला, मंदिर मा फैक दियो, अना वहान लक चलयो गयो, अना जायके फाँसी मा झूल गयो।
\p
\v 6 मुखिया याजक गीन खुरो को सिक्का, ला सकल लेइन। अना कव्हन लगीन, मोसे को नियम लक यो सिक्का ला खजाना मा राखनो, पाप से। काहेका यो तो खून को किमत से। 
\v 7 यो काजी आपसी मा, विचार करन को बादमा, उनना परदेसी गीन ला दफनान काजी, उन सिक्का लक, कुम्भार को जमीन खरीद लेइन। 
\v 8 योच कारन लक, आज तकन, उ जमीन खून को जमीन कहलावसे।
\p
\v 9 तबा काजक भविस्यवक्ता यीरमीयाह को लिख्यो, पूरो होवासे, उनना खुरो को तीस सिक्का लियो, ओतरो रकम लक इसरायल को लोकहुन ना, बेकिमती मानूस लाय राखी सेस। 
\v 10 अना उनना यो सिक्का कुम्भार को जमीन लाय, दे दियो से जसो पिरभु ना, मोला हुकूम देइसेस।
\s राजपाल पीलातुस को यीसु ला सवाल पुसनो
\r (मरकुस 15:2-5; लूका 23:3-5; योहन 18:33-38)
\p
\v 11 अबा यीसु राजपाल को पूढ़ा उभो होत्यो। राजपाल ना वोला पुसयो, का तू यहूदिगीन को राजा आस?
\p यीसु ना जवाब दियो, तु खुदच कव्हसेस। 
\v 12 मुखिया याजक, अना सियानोगीन, वोको पर लान-छान लगावत होतिन। पर यीसु ना कोनी जवाब नही दियो।
\p
\v 13 एको पर पिलातुस ना यीसु ला कव्हयो, “का तू नही आयकासेत? का यो तोरो विरोध मा कितरो गवाही देवासे।”
\p
\v 14 मंग भी यीसु ना काही सबद नही सांगयो। एको पर राजपाल ला, गजब ताजुब भयो।
\s मिरतु की सजा देवनो
\r (मरकुस 15:6-15; लूका 23:13-25; योहन 18:39; 19:16)
\p
\v 15 हरेक फसह सन-तीहार को बेरा मा राज पाल, लोकहीन को मनको अनुसार, एक कैदी ला छोड़त होतो। 
\v 16 वोच बेरा यीसु को संग बरब्बा नाव को एक मानूस, जेल मा होतो। 
\v 17 पिलातुस राजा ना लोकइन ला साग्यो। “तुमी काजक चव्हासो? मी तुमरो लाय कोनी ला छोडू? बरब्बा ला का यीसु ला? जो मसीह कहलावसे।” 
\v 18 उ जानत होत्यो का, यीसु ला जलन, लक धरायो गयो से।
\p
\v 19 जबा राजपाल पिलातूस न्याय आसन मा बसो होतो। ता वोकी बायको ना वोको जवर खबर धाड़ी होती, “वोना सीधो-नेक मानूस को संग काही नोको करजोस, मी ना वोको बारेमा एक सपना चोवीसेऊ जोनलक अज मी दिवस भर बेचैन होती।”
\p
\v 20 पर मुखिया याजक अना बुजुरुग यहूदी नेतागिन ना भीड़ ला बहेका लेइन, का वय पिलातुस लक बरब्बा ला सोड़न अना यीसु ला मरवान की माँग करेत। 
\v 21 जवाब मा राजपाल ना अखीन पुछयो, “तुम्ही काजक चव्हासो? दोंनो मा कोनी ला छोडनो से?”
\p उनना जवाब दियो, “बरब्बा ला!” 
\v 22 एको पर पिलातुस न उन लक कव्हयो, “मी यीसु जोन मसीह कहलावा से वोको का करु?” सबना जवाब देइन, “एला कूरूस मा चघा देव।”
\p
\v 23 पिलातुस ना कहीस “काहे ओना काजक, बुरो करीसेस?”
\p पर वय अखीन चिल्लावसेत अना कव्हसेत, “ओला कूरूस मा चघा ओ।”
\p
\v 24 जब पिलातुस ना चोवयो, का यीसु ला बचावन को लाय कोनी, चांस नाहती। तबा उ उदास भई गयो, अना वोना पानी बुलवायके, ना हात धोवके सांगीस, “मी यो मानूस को खून को, दोसी नही सेव, तुमच जानो।”
\p
\v 25 तबा सप्पा भीड़ ना जवाब देइन, “एको खून को बदला, आमी अना, हमरो सन्तान ला मिले।”
\p
\v 26 तब पिलातुस न उनको लाय, बरब्बा ला छोड़ देइस। अना यीसु ला कोडा लगवाइस, अना कूरूस मा चघान, काजी सिपाई गीन को हातमा सोप देइस।
\s सिपाही कन लक यीसु को बेईज्जती
\r (मरकुस 15:16-20; योहन 19:2,3)
\p
\v 27 एको मंघा राजपाल को सिपाही गीन, यीसु ला राजभवन को भीतर ले गइन। अना उनना यीसु को कठा सिपाही गीन, ला जमा कर लेइन। 
\v 28 उनना यीसु को कपरा उतार के, वोला, लाल चोगा पहनाइन। 
\v 29 अना झाड़ी को काँटा को मुकुट गुथ के वोको, डोस्की मा राखीन। अना वोको, उज्जो हात मा एक घागरा काड़ी धरा देइन। तबा वोको पुढा टोगंरा टेकके, असो मजाक करन लगीन। यहूदिगीन को राजा ला नमस्कार! 
\v 30 उनना वोको पर थुकिन, अना घागरा काड़ी लक वोको डोस्की मा मारिन। 
\v 31 असो मजाक करन को मंघा यीसु को, चोगा ला उतार लेइन, अना वोको कपरा पहना देइन। एको मंघा वय यीसु ला कूरूस मा चघा वन काजी ले गइन।
\s यीसु ला सुली मा चघावनो
\r (मरकुस 15:21-32; लूका 23:26-43; योहन 19:17-27)
\p
\v 32 नगर लक हिटतो बेरा मा, सैनीक गीन, एक कुरेन देस को रव्हनवारा, सिमोन नामको मानूस ला धरीन। अना वोला यीसु को कूरूस उचलन लाई कहीन। 
\v 33 वय गुलगुता मजे कवटी नाव को, जघा मा पहूचीन। 
\v 34 वहान लोकगीन पीत मिलयो अंगूर को रस, यीसु ला पीवन लाय देइन, यीसु वोला चख्यो, पर नही पीवयो।
\p
\v 35 सीपाई गिनना, यीसु ला कूरूस मा चघा देइन। अना वोको कपरा ला आपसी मा बाट लेइन। 
\v 36 एको मंघा वय वहान बसके पहेरा देवन लगीन। 
\v 37 यीसु को डोस्की को वरता मा दोस पतर लटका देइन। वोमा लिख्यो होता, यहूदिगीन को राजा यीसु से। 
\v 38 यीसु को संग, उनना दोन डाकुगीन ला, कूरूस मा चघा देइन। एक ला उज्जोकन, अना एक ला डायोकन।
\p
\v 39 उता लक आवन-जावन वारा लोकगीन, यीसु को निन्दा बदी करत अना डोस्का हिलात। 
\v 40 \x - \xo 27:40\xo*\xt मत्ती 26:61; योहन 2:19\xt*\x*यो कव्हत होतीन, यो मंदिर ला गीरावन वारा, अना तीन दिवस मा, मंग बनान वालो, यदि तु परमेस्वर को टूरा आस, तो आपरो आप ला बचा। अना, कूरूस लक खाल्या आव।
\p
\v 41 असोच मोसे को नियम को गुरू सयानो अना मुखिया याजकगीन, भी कव्हत-कव्हत मजाक करत होतीन। 
\v 42 “यो ना दूसरो ला बचाई सेस, पर आपरो आप ला नही बचा य सकसे, यो तो इसरायल जात को राजा से, अबा यो कूरूस लक खाल्या उतरे ता, हमी एको पर बिस्वास कर बीन। 
\v 43 यो परमेस्वर पर बिस्वास राखासेत। यदि सचमा परमेस्वर एको लक खुस सेत तो अबा एको बचाव कर लेहत। काहेका यो ना साग्यो होतो, का मी परमेस्वर को टूरा सेव।”
\p
\v 44 डाकुगीन यीसु को संग, सूली पर चघीन होतीन, वय भी असोच खरो-खोटो सांगन लगीन।
\s यीसु को जान हिटनो
\r (मरकुस 15:21-32; लूका 23:26-43; योहन 19:17-27)
\p
\v 45 दूफार 12 बजे लक 3 बजे को बेरा लक, सारो देस मा इन्धार छायो, रहयो। 
\v 46 अना तीन बजे, यीसु ना जोर लक कव्हयो, “एली-एली लेमा सबकतानी,” जोन ओ मोरो परमेस्वर! ओ मोरो परमेस्वर! तूना, मोला काहे छोड़ देइसेस।
\p
\v 47 यो आयक के जवर उभो लोकगीन, बोलन लगीन, यो भविस्यवक्ता एलिय्याह ला हाकल से। 
\v 48 उन मा लक एक धावके ना, स्पंज आन लेइस अना वोला अंगूर रस सिरका, मा डुबाय के, घागरा काड़ी मा लगाके यीसु ला, पीवन दियो।
\p
\v 49 पर बाकी बचयो लोकगीन ना सांगिन, चोवो एलिय्याह वोला बचा वन काजी आवासे, का नही।
\p
\v 50 तबा यीसु ना मंग ऊचो आवाज मा हाकलके, आपरो जान छोड़ दियो।
\p
\v 51 वोच बेरा मंदिर को पड़दा वरता लक, खाल्या तकन फट गयो, अना दोन टुकड़ा भई गई। जमीन हिलन लगी, भुईडोल भई अना, चट्टान फट गइन। 
\v 52 मरघट्टी उघड़ गयो, अना गजबसो पवीतर सन्त महातमा, देह समेत दुबारा जित्तो भई गईन। 
\v 53 अना वय यीसु को जित्तो, होवन को मंघा मरघट्टी लक हिट के, अना पवीतर नगर मा जायके, लगत लोक ला चोवन लगीन।
\p
\v 54 सेना को मुखिया, अना पहरादार, सैनीक गीन भुईडोल अना, यो सब गोस्टी चोयके गजब डराय गइन। अना बोलन लगीन, खरो खर पक्को मा यीसु च परमेस्वर को टूरा आय।
\p
\v 55 वहान गजब सी आई-माई गीन दुहूर लक चोवत होतीन। वय यीसु को सेवा करन वालो, गलील छेतर लक उनको संग-संग आई होतिन।\x - \xo 27:55 \xo*\xt लूका 8:2-3\xt*\x* 
\v 56 उनमा मरियम मगदलनी, याकूब अना यीसु को माय अना जबदी को टूरा गीन को माय होती।
\s यीसु ला गड़ायो जानो
\r (मरकुस 15:42-47; लूका 23:50-56; योहन 19:38-42)
\p
\v 57 सन्जा होवन को मंघा, अरिमितिया नगर को, एक धनी महाजन आयो। वोको नाव युसुफ होतो, उ खुद यीसु को चेला बन गयो, होतो। 
\v 58 वोना पिलातुस राजपाल को कठा जायेके, यीसु को लास मागीस, अना पिलातूस ना हुकूम करीस, का देह वोला सौप दियो जाय। 
\v 59 युसुफ देह धरकेना, वोला सुध्द मलमल को कफन मा लपेट के। 
\v 60 नवो मरघट्टी मा ठेव दियो जोनला, वोना आपरो लाय चट्टान मा, खुदवायो होत्यो। उ मरघट्टी को, धसन को जघा मा एक मोठो गोटा लुढकाके चले गयो। 
\v 61 मरियम मगदलनी दूसरी मरियम कबर को पुढा बसी होतिन।
\s कबर पर पहिरा देवनो
\p
\v 62 दुसरो दिवस मजे सूकिरवार को, मंघा पवीतर दिवस मा मुखिया पुजारी मोठयो पुरोहित अना, फरिसी गुरु गीन एक संग, पिलातुस को घरमा गइन। 
\v 63 अना बोलिन की अमीला हेत से पिरभु, क उ धोकाबाज न आपरो, जिंदगी मा असो सांग्यो होतो, का मी तीन दिवस मघा जित्तो भई जाहू।\x - \xo 27:63\xo*\xt मत्ती 12:40; 16:21; 17:23; 20:19; मरकुस 8:31; 9:31; 10:33-34; लूका 9:22; 18:31-33\xt*\x* 
\v 64 कहि असो न होहे का चेला उचलके, ले जाये अना जनता लक सांगन लगेत, का यीसु जित्तो भई गईसे, यो मंघा को धोका लक जादा खोटो होहेत, यो काजी तीन दिवस लक कबर को, सुरक्सा को इन्तेजाम कियो जाय।
\p
\v 65 पिलातुस ना कव्हयो “तुमरो कठा पहरेदार से” जाओ! अना जसो साजरो लगसे, वसोच तुमी करो।
\p
\v 66 वय चले गइन, अना उनना कबर को, दरवाजा मा राख्यो गोटा मा मूहर लगा देइन।
\c 28
\s यीसु को मरो मा लक जीवनो
\r (मरकुस 16:1-10; लूका 24:1-12; योहन 20:1-10)
\p
\v 1 सब्त को मघा जबा इतवार हफ्ता को सक्कारी बेरा लाल बादल मा, मरियम मगदलीनी अना दूसरो बाया मरियम कबर ला जाँचन आइन। 
\v 2 काहेका सरग लक पिरभु को सरग दुत वहान उतरियो होतो। एको लाई वोनोच बेरा एक मोठयो भुई डोल आयो। अना सरग दुत वहान आयके एक गोटा ला लुढकाय देइस अना वोको पर बसगयो 
\v 3 वोको रूप बादर की उजाड़ जसो चमचमात होती। अना वोका कपरा बरफ को जसो सप्पा होतीन। 
\v 4 वय सिपाई जोन कबर पर पहरा देत होतीन। डर को मारे कापन लगीन, अना मरो जसो भयी गयिन।
\p
\v 5 सरगदूत ना आई-माई लक कहीस। नोको डराव, मी जानासू, तुम्ही यीसु ला ढुंढ रही सेव। जोनला कूरूस मा चघा यो गयो होतो। 
\v 6 उ यहान नहात, उ जित्तो भई गई से। जसो, वोना साग्यो होतो। आव, अना चोवो, जहान यीसु ला ठेवो गयो होतो। 
\v 7 अबा तुमी लवकर जायके ना, वोको चेला गीन ला सांगो का, यीसु मरो मा, जित्तो भई गई से। उ तुमरो लक पुढ़ा, गलील परदेस मा जाहेती। वहान उ तुम्ही ला चोहेत, चोवो मीना तुम्ही लोक गीन ला यो खबर सांग देई सेव।
\p
\v 8 आईमाई गीन गदने मरघट्टी को जवर लक, डराय के चले गइन। अना अचंभा अना खुसी लक, चेला गीन ला यो खबर आयकवान लाय लवकर-लवकर धाइन।
\p
\v 9 यीसु एकाएक रस्ता मा, आई-माई गीन लक भेटयो अना सूकी रव्हो असो कहीस। तबा वय यीसु को कठा गईन, अना पाय पड़के वोको स्तुती करीन। 
\v 10 यीसु ना उन लक कहीस नोको भेव करो, जाओ अखीन यो खबर, मोरो भाऊ गीन ला आयको आयो। अना मी उनला, गलील परदेस मा भेटू वय वहान जाय।
\s पिहरा देन वालो की खबर
\p
\v 11 आईमाई गीन रस्ता मा होतीन। का काही सीपाई नगर मा आइन। अना सारो हाल, मुखिया याजकगीन ला कहिन। 
\v 12 तबा मोठो याजक अना मुखिया सियानो गीन मिल्के अपसी मा विचार करीन। अना सिपाई गीन ला भारी रकम देके ना सांगीन। 
\v 13 लोकगीन ला कव्हने, का रात मा, जबा हमी झोपयो होता। ता यीसु को चेला गीन आइन, अना वोला चोरा के ले गइन। 
\v 14 यो बात राजा ला मालूम पड़हेत, तो हमी समझाय देबीन। अना तुमी चिन्ता नोको करो।
\p
\v 15 चौकीदार गीन, रुपीया ले लेइन, अना वसोच करीन, जसो उनना सिकि होतिन। वसोच सांगन लगीन, अना योच कहानी फैल गयो। अखीन यहूदिगीन अबा लक, असोच माना से।
\s यीसु को चोवनो अना आखीर हुकूम
\r (मरकुस 16:14-18; लूका 24:36-49; योहन 20:19-23; पेरीत 1:6-8)
\p
\v 16 तबा चेला गीन गलील छेतर मा वोना पहाड़ी मा गइन। जहान जान लाय यीसु ना उनला कव्हयो होतो।\x - \xo 28:16\xo*\xt मत्ती 26:32; मरकुस 14:28\xt*\x* 
\v 17 उनना यीसु ला चोवीन, अना वोकी अराधना करीन। पर कोनी-कोनी ला सक भयो। 
\v 18 तबा यीसु ना, उनको जवर आयके सांगीस। मोला सरग मा अना धरती को पूरो अधिकारी बनायो गयो सेत। 
\v 19 \x - \xo 28:19\xo*\xt पेरीत 1:8\xt*\x*यो काजी तुमी जाओ, अना सब गैर यहुदी लोक गीन ला चेला बनाओ। अना उनला, परमेस्वर बाबूजी अना टूरा यीसु मसीह, अना पवीतर आतमा को नाव लक, पानी मा बप्तिस्मा देवो। 
\v 20 अना मीना जोन-जोन हुकूम देइसेव। सब उनला माननो सिकावो, चोवो संसार को आखीर तकन, मी तुमरो संग सेव।