\id LUK - Powari Standard Project
\ide UTF-8
\h लूका
\toc3 लूका
\toc2 लूका
\toc1 लूका लक लिख्यो यीसु मसीह को साजरा बारता
\mt2 लूका के व्दारा लिखा यीसु मसीह का सुसमाचार
\mt1 लूका लक लिख्यो यीसु मसीह को साजरा बारता
\imt परिचय
\ip लूका रचित सुसमाचार नवा करार की उन चार किताब गीन लक एक आय, जेको मा यीसु को जिंदगी को बारे मा से। उन हर एक किताब गीनला साजरा बारता कह्यो गयो सेत। यीसु को मरन को बाद मत्ती, मरकुस, अखिन योहन ना यो किताब गिनला लिख्यो से। लूका न सीरप यीसु को जिंदगी को बारता च नही लिख्यो, बल्की ओको मरन को बाद ओको चेलागिन को काम को बारे म भी लिख्यो। “पेरीत को काम” नाव की किताब मा एको बारे मा वाचन ला भेटयो सेत। लूका को साजरा बारता कहांन अखिन कब लिख्यो गयो से एको बारे मा पक्को मालूम नहाय? पर लगत सो वाचन वालो यो माना सेत का लूका लक लिख्यो साजरा बारता यीसु को जलम को करीब 70 साल को बाद लिख्यो गयो से।
\ip या किताब को लेखक खुद लूका आय जोन बईद होतो। ओको लिखन को तरीका अखीन भासा लक यो पता चला से का लूका एक पढ़यो लिख्यो मानूस होतो। लूका चाहत होतो की यीसु को जिंदगी को घटना ला सही-सही लिख्यो जाये, अखिन घटनागीन जसो भयी ठीक वसोच लिख्यो जाये, जोन लक उनको बारेमा वाच के फायदा होये। लूका यहूदी नहीं होतो। \xt कुलुस्सियो 4:10-14\xt* ओना असो परकार लक लिख्यो का गैरयहूदी भी ओकी लिखित साजरा बारता सरलता लक समज सके, जोन परकार लक यहूदी रीति रिवाज गिनको बारे मा लिखयो गयो से, ओको लक यो पता चलयो से। \xt 1:8\xt*
\ip लगत मातरा मा लूका लक लिख्यो साजरा बारता मत्ती अना मरकुस को किताब गीन जसी से। तीन च किताब गीनमा उच घटना गीनको बारेमा एक जसो सांगयो गयो सेत। पर लूका को किताब मा बप्तिस्मा देवन वालो योहन को जलम को बारे मा सब लक ज्यादा जानकारी मिला से। लूका मा “माफी को बारे मा सब लक ज्यादा लिख्यो से।” अध्याय \xt 3:3; 11:4; 17:3-4; 23:24; 24:47\xt* अना पिराथना \xt 3:21; 5:16; 6:12; 11:1-12; 22:32\xt* वालो मा जोर देवासे।
\iot रुपरेखा
\io1 1. भूमिका \ior 1:1-4 \ior*
\io1 2. योहन बप्तिस्मा देवनवारा, अना यीसु को जलम, बचपना। \ior 1:5—2:52 \ior*
\io1 3. योहन बप्तिस्मा देवनवारा को जनता सेवा। \ior 3:1-20\ior*
\io1 4. यीसु को बप्तिस्मा अना परखो जानो। \ior 3:21—4:13 \ior*
\io1 5. गलील नगर मा यीसु को जनसेवा। \ior 4:14—9:50\ior*
\io1 6. गलील ले येरुसलेम नगर तकन यातरा। \ior 9:51—19:27 \ior*
\io1 7. येरुसलेम नगर मा आखीर हफ्ता। \ior 19:28—23:56 \ior*
\io1 8. परभू को जित्तो होवनो, चोवनो अना सरग जानो। \ior 24:1-53 \ior*
\c 1
\s परिचय
\s थियुफिलुस को समरथन
\p
\v 1 ओ पियारो थियुफिलुस, जोन गोस्टी हमरो संग मा बितो से। मि ना उनला लिखन को मन बनाइ सेव हमरो लक 
\v 2 पयले यीसु को उन गोस्टी ला चोवन अखीन आयकन वालो दास होतिन। उनना सबच गोस्टी ला हमि तकन धाडिसेस। 
\v 3 एकोलाई अगो थियुफिलुस अबा मोला यो साजरो लगि से, का उनच, गोस्टी ला खरो-खरो जाँचकेना, एक को मघा एक, ठिख-ठाख मालुम करके लिखु। 
\v 4 जेनको लक तू जानले, का वा गोस्टी, अना जोन को गियान तुना पाईसेस। कसो अटल से?
\s योहन बप्तिस्मा देवन वालो को जनम को बारे सांगनो
\p
\v 5 यहुदिया को राजा हेरोदेस\f + \fr 1:5 \fr*\ft यहुदिया को राजा \ft*\f* को बेरा मा, अबिय्याह को दल मा, जकरयाह नाव को एक याजक होत्यो। अखीन वोको बायको हारून\f + \fr 1:5 \fr*\ft मुसा गुरुजी को संगी\ft*\f* को खानदान की होति। अखीन वोको नाव एलीसीबा होती। 
\v 6 वय दुई परमेस्वर\f + \fr 1:6 \fr*\ft यहोवा परमेस्वर\ft*\f* को नजर मा नेक होतीन। वय पिरभु को सबच, हुकूम ला मानत होतीन। 
\v 7 उन को कोनी लेकरा बारा नही होतिन। काहेका एलीसीबा वाखड होती, अखीन उ बुड़गा भई गई होतो।
\p
\v 8 जब जकरयाह आपरो दल को सगंमा परमेस्वर को पुजा-पाट करत होतिन। 
\v 9 तबा धुप-जलावन काजी, जकरयाह याजक को नाव लक चिठ्ठी हिट्यो। का उ मंदिर मा पिरभु को पूढा धुप जलाये। 
\v 10 तबा धूप जालावन को बेरा मा, सबच बिनती करत होतिन।
\p
\v 11 ओच बेरा मा पिरभु को सरगदूत ओला धुप वेदी\f + \fr 1:11 \fr*\ft एक बरतन जोनमा स्‍तो रखकर सुगँधित द्रव्य जलावासे।\ft*\f* को उज्जो कन चोवयो। 
\v 12 जकरयाह डराय गयो, अखीन ओको “घिघगि बंध गयो।” 
\v 13 पर सरगदूत\f + \fr 1:13\fr*\ft खास स्वरगीय जीव जोन परमेस्वर को काम करासेत। \ft*\f* न ओला सांगिस, ओ जकरयाह, भेव नोको खावजोस, काहेका तोरो पिराथना परमेस्वर ना आयक, लेइस। अखीन तोरि बायको एलीसीबा लक, तोरो लाय एक टूरा होहेत, अखीन तु वोको नाव योहन राखजोस। 
\v 14 तोला खुसी होहे। अखीन गजब लोकगीन, वोको जनम को कारन, खुसी मनाहेत। 
\v 15 काहे का उ पिरभु को पुढ़ा, मा महान होयेत। अखीन अंगूर को रस, अर दारु, कभी नही पिहेत। अखीन उ आपरो माय को पोट लक, पवीतर आतमा लक भरो होयेत। 
\v 16 अखीन भटको हुओ, इसरायल\f + \fr 1:16 \fr*\ft इसहाक को टूरा याकूब जोन बारा गोत को अजी भयो। \ft*\f* को गजब लोकगीन ला, उनको परमेस्वर को रास्ता मा आनेत। 
\v 17 उ एलिय्याह\f + \fr 1:17 \fr*\ft जूनो करार को लगत मोठो भबिस्यवक्ता\ft*\f* को आतमा अखीन ताकत मा, पुढा-पुढा चलेत, क आजा पुरखागीन को मन ला, लेकरा-बारा मा लगा देहेत। अखीन हुकूम नही मानन वालो ला, नेक बना देहेत। अखीन पिरभु को लाई, साजरो लोकगीन ला, तैय्यार करयेत।
\p
\v 18 जकरयाह ना सरगदूत सांग्यो, यो कसो होयेत? काहेकी मी, अखीन मोरो बायको, दूई को बुडगापन से।
\p
\v 19 तब सरगदूत ना वोला जवाब दियो, मी जिबराइल सरगदूत सेव। जोन परमेस्वर को पुढा उभो रहुसु, अखीन तोरो लक बात करन, अखीन यो खबर आयकावन काजी इता आईसेव। 
\v 20 जोन दिवस तकन यो गोस्टी पूरो होहेत, ओना दिवस तकन तू गुंगो रव्हजो। काहेका तू मोरी गोस्टी पर भरोसा नही मानीसेस।
\p
\v 21 लोग गीन जकरयाह को “बाट जोहत होतिन” अखीन चकित भईन। काहे का मंदिर मा, वोला उसीर भई गई होती। 
\v 22 जब उ बाहेर हिटयो, तो उ बोल ना सकयो, तब लोकगीन जान गईन, का मंदिर \f + \fr 1:22 \fr*\ft यहुदि गिनको मंदिर जोनला राजा सुलेमान ना बनवायो होतो। \ft*\f*पर कोनी दरस-परस भयो से। अखीन उ ईसारा करत होतो, अखीन गुगों भय गयो होतो।
\p
\v 23 जब वोको सेवा को दिवस पूरो भयो, तो उ आपरो घर चलो गयो। 
\v 24 काही बेरा को बादमा वोको बायको एलीसीबा पेट लक भई। वो 5 मास तकन आपरो ला छुपाय राखयो। 
\v 25 अखीन कव्हन लगयो, मोरो कलंक दुर करन काजी, पिरभु न किरपा करीसेस।
\s यीसु को जनम को पूढा सांगनो
\p
\v 26 छँटवो महीना मा, परमेस्वर कन लक, एक कुँवारी को कन जिबराइल सरगदूत\f + \fr 1:26 \fr*\ft परमेस्वर को मुख्य स्वरगदूत जोन सँदेस आनत अखिन लेजात होतीन। \ft*\f* नाव को, सरग दूत ला धाडिस। वा टूरी गलील छेतर को, नासरत नगर मा, रव्हन वालो होती। 
\v 27 \x - \xo 1:27 \xo*\xt मत्ती 1:18\xt*\x*जोकि पक्की राजा दाऊद\f + \fr 1:27 \fr*\ft यिसै को टूरा जोन भेड़ चरावन वालो होतीन। \ft*\f* को खानदान मा, यूसुफ नामको टूरा संग भई होती। ओ कुँवारी टूरी को नाव मरियम होती। 
\v 28 सरग दूत ना, ओको कठा जायके सांगिस, नमस्कार\f + \fr 1:28 \fr*\ft खुसहाली अना जय तोरो होय। \ft*\f* मरियम, पिरभु को किरपा तोरो पर भईसे।
\p
\v 29 अखीन, यो बात ला आयक के, वा टूरी घबराय गई, अखी मनमा सोचन लगी, यो कसी गोस्टिसे? 
\v 30 तबा सरगदूत ना कहीस, मरियम तु भेव नोको कर, परमेस्वर को किरपा तोरो पर भईसे। 
\v 31 चोव! तु पोट लक होवजोस, अखीन तोरो लक एक टूरा जनम लेहे, तु ओको नाव यीसु\f + \fr 1:31\fr*\ft परमेस्वर आमरो संग से\ft*\f* राखजो।\x - \xo 1:31 \xo*\xt मत्ती 1:21\xt*\x* 
\v 32 उ महान होहे अखीन पिरभु को टूरा कहलाहे। परमेस्वर वोको आजा-पुरखा, दाऊद को सिघासन\f + \fr 1:32\fr*\ft दाउद को राज-पद\ft*\f* वोला देहे। 
\v 33 अना उ तोरो पुरखा, याकूब को घराना मा, जुग-जुग लक राज करहे, अखीन वोको राज अमर\f + \fr 1:33\fr*\ft हमेसा को लाय बनो रहेत \ft*\f* रहेत।
\p
\v 34 मरियम ना सरगदूत ला कहीस, यो कसो होहे, मी तो, कोनी मरद को संग नही सोयी सेऊ।
\p
\v 35 सरगदूत ना वोला साँगिस, पवीतर आतमा को ताकत तोरो पर आहेत, अखीन मोठो परमेस्वर तोरी, रक्सा करहे। एको लाई उ पवीतर, जो जनम लेवन-वालो से, परमेस्वर को टूरा कहलाहे। 
\v 36 अखीन देख, तोरो कुटुम्ब मा एलीसीबा लक वोला बुड़गीपन मा टूरा होवन वालो से। अब वोको छँटवो महीना से। 
\v 37 काहे की परमेस्वर की गोस्टी खरी ठयरासे। कभी खोटो\f + \fr 1:37 \fr*\ft निस्फल \ft*\f* नही होवासे।
\p
\v 38 मरियम ना सांगिस, चोव, मी, पिरभु की सेविका सेउ। मोला तु जसो सांगासे, वसोच गोस्टी भई जाहे। तब सरगदूत ओको कठा लक चलो गयो।
\p
\v 39 वो ना बेरा मा, मरियम लवकर तैय्यार भई अखीन आपरो कुटुम्बी एलीसीबा को यहूदा देस को पहाड़ी गांव मा गई। 
\v 40 वो जकरयाह को घर मा गई। अखीन एलीसीबा ला नमस्कार करीस। 
\v 41 जेंधावर एलीसीबा ना, मरियम को नमस्कार आयकिस, तसोच, वोको लेकरा पोट मा उचलो, अना उ पवीतर आतमा लक भर गई। 
\v 42 अना वा चिल्ला के कहीस, तु सबच आई-माई गीनमा धन्य से। अना धन्य से तोरो पोट को फर। 
\v 43 मोरो ऊँचो किस्मत से का, मोरो पर दया कसो भई? पिरभू को माय मोरो घरमा आई सेस। 
\v 44 काहेका, जसो तोरो नमस्कार मीना आयकीसेव, लेकरा मोरो पोट मा, खुसी लक उछल पडयो। 
\v 45 तू धन्य सेस, जोन ना बिस्वास लक असो करीसेस, का पिरभू ना जोन गोस्टी साँगीसेस, वो पूरी भई जाहेत।
\s मरियम को गाना
\p
\v 46 एको पर मरियम असो गावन लगी,
\q1 “मोरी जीव (मन) पिरभु को गुन-गान करासे।” 
\v 47 मोरो जीव, आपरो मुक्ती देवन वालो,
\q2 परमेस्वर को खुसी मनावसे। 
\v 48 काहे का वोना आपरो सेविका को गरीबी\f + \fr 1:48 \fr*\ft दीनता\ft*\f* पर,
\q2 किरपा करीसेस। अब लक सब पीड़ी,
\q1 मोला धन्य कहेति। 
\v 49 काहे का, गजब सक्तिसाली परमेस्वर ना,
\q2 मोरो लाय मोठयो काम करीसेस,
\q1 पवीतर से वोको नाव। 
\v 50 वोको तरस वोको भविस्यवक्ता गीन पर,
\q2 पीढ़ी-पीढ़ी लक बनो रव्हसे। 
\v 51 परमेस्वर ना अपरो ताकत दिखाईसेस, वोना घमन्डी गीन ला,
\q2 छितराय देईसे। 
\v 52 वोना मोठो अधिकारी गिनला,
\q1 उनको सिघासन लक उतार दियो से।
\q2 अखीन, गरिब\f + \fr 1:52 \fr*\ft दीन \ft*\f* ला, महान बनायो से।
\q1
\v 53 वोना भुखो-लाघो गिनला, साजरो-साजरो जेवन देइसेस।
\q2 अखीन धनी गिनला,
\q2 रिकामो हात लौटा दियो से।
\q1
\v 54 वोना अपरो दया, ला ध्यान देके ना, आपरो दास इसरायल ला
\q2 संभालयो से। 
\v 55 जसो कसम, हमरो बाप-दादा लक खायो होतो।
\q1 का अबराहम अखीन ओको सन्तान पर,
\q2 परमेस्वर को करुना सदा बनो रहेत।
\p
\v 56 तीन महीना मरियम एलीसीबा को घर रहकेना, अपरो घर आय गई।
\s योहन बप्तिस्मा देवन वालो को जलम
\p
\v 57 एलीसीबा को जचकी को बेरा पूरो भयी। अखीन वोना एक टूरा ला जलम दियो। 
\v 58 जब वोको पड़ोसी, अखीन रिस्तेदार ना यो बात आयकिन, का पिरभु को किरपा से। तब सब वोको संग खुसी मा सामील भईन।
\p
\v 59 आठवा दिवस टूरा को खतना\f + \fr 1:59 \fr*\ft नाव रखना\ft*\f* को बेरा आयो। तब लोकगीन वोको नाव वोको बाबूजी जकरयाह को नाव पर, राखन चाव्हत होतीन। 
\v 60 पर वोको माय ना सांगीस, नही, एको नाव योहन राखबिन।
\p
\v 61 तब वोना लोकगीन कव्हन लगीन, तुम्हारो कुटुम्ब मा, कोनी को असो नाव नहात। 
\v 62 तब लोकगीन ईसारा करके वोको बाबूजी लक पुसन लगीन, उ का नाव राखन चाव्हसेस।
\p
\v 63 वोना पाटी मागंके ओमा योहन नाव लिख्यो। 
\v 64 वोच बेरा मा, जकरयाह को जुबान खुल गयो, अखीन उ परमेस्वर को धन्यवाद करन लगयो। 
\v 65 तब सब सेजारीगीन मा भेव छाय गयो। अखीन उनको गांव को आखा-पाखा मा अना यहुदिया देस मा यो गोस्टी को चरचा फैल गयो। 
\v 66 सब आयकन वारा मन मा विचार के, ना कव्हन लगीन, का यो लेकरा का बनहेत? काहे का सचमूच मा पिरभु को “वोको पर हात होतो।”
\s जकरयाह को भजन
\p
\v 67 योहन को दादजी जकरयाह, पवीतर आतमा लक भर गयो। अखीन असो कव्हत, आवन वारो गोस्टी साँगन लग्यो।
\q1
\v 68 धन्य से इसरायल को परमेस्वर, वोना आपरो लोकगीन को सूधी लेवासे,
\q2 अखीन उनको मोक्स करोसे। 
\v 69 अखीन आपरो दास दाऊद को घराना,
\q1 लक एक सूटकारा देवन वालो
\q2 सींग\f + \fr 1:69\fr*\ft यो ताकत को निसान से। \ft*\f* हिटिसे। 
\v 70 उ आपरो पवीतर भविस्यवक्ता को टोन्ड ले,
\q1 पूरानो जमाना लक, यो कव्हतो आयो सेस। 
\v 71 क उ बैरी अखीन सब
\q2 बैरी हुन को हात लक,
\q2 हमीला सूटकारा करीसेस। 
\v 72 का आमरो बाबूजी दादजी पर
\q1 दया करके आपरी
\q2 पवीतर वायदा ला हेत करयेत। 
\v 73 वोना किरया खायके ना,
\q1 हमारो पुरखा अबराहम लक, असो सांग्यो होतो। 
\v 74 क उ हमारो दुस्मन को हाथ लक,
\q2 हमीला छुड़ाय लेहेत।
\q1
\v 75 जोन को लक हमी बेधड़क,
\q1 पवीतर, अखीन न्यायी पन लक
\q2 वोको सेवा करयेत। 
\v 76 उ टूरा सब लक मोठो परमेस्वर को भविस्यवक्ता कहलाव जोस,
\q1 तू पिरभू को पूढ़ा चलन वालो दूत बनजो!
\q1 तू वोको मारग
\q2 तैय्यार करजो। 
\v 77 अखीन वोको लोकगीन ला,
\q1 उनको पाप छिमा को कन लक,
\q2 मुकती को गियान देवजोस। 
\v 78 हमारो परमेस्वर को यो माया,
\q1 अखीन दया लक, हमी ला सरग लक,
\q1 उजाड़ो मिलहेत। 
\v 79 जेनको लाय उ इन्धीयारो अखीन,
\q2 मरन को सावली मा, जो लोग बस्यो से,
\q2 वोला उजाडो देवजो! अखीन हामरो पाय ला सान्ती को रास्ता मा ले जाहेत।
\p
\v 80 लेकरा योहन मोठो होवन लग्यो, अखीन वोको आतमा बल बढन लगयो! उ इसरायल को सामने चोवनो को पूढ़ा सुनसान जघा मा रव्हन लग्यो।
\c 2
\s पिरभू यीसु को जनम
\r (मत्ती 1:18-25)
\p
\v 1 ओना बेरा मा राजा औगुस्तुस कैसर को कना लक हुकूम हिटयो, क सारो जग का लोकईन को नाव लिखवान की जाये। 
\v 2 यो पयलो नाव लिखवाई वोना बेरा भयो, जब किवरिनियुस सीरिया को राजा होतो। 
\v 3 सब लोग आपरो-आपरो नाव लिखवान काजी आपरो नगर मा गइन।
\p
\v 4 मंघा यूसुफ अखीन मरियम, आपरो नाव लिखावन काजी गलील को नासरत नगर ले, यहुदिया मा दाऊद को नगर बैतलेहम मा गईन। 
\v 5 वहान दूई युसूफ अना मरियम जोनको पक्की भयी होती जायके आपरो नाव लिखवान गईन। 
\v 6 जब उ दोई वोच नगर मा होतीन, तब मरियम को जचकि को बेरा भई गयी।
\s चरवाहागिन ला सरगदूत को सन्देसा
\p
\v 7 उनको रुकन को लाय सराय मा, जघा नही होतो। यो काजी वय गाई-बईल को कोठा मा रुकिन। अखीन वोको पयलो टूरा वहांच भयो, अखीन वोला कपरा मा लपेट केना, गव्हान मा राखीस। 
\v 8 देस मा केतरा गडेरिया होतीन, जोई रात ला मैदान मा रहके, आपरो करप को निगरानी करत होतिन। 
\v 9 तबा परमेस्वर को एक सरगदूत, उनको जवर आयके, उभो भयो। अना पिरभू को तेज, चमकन लगयो, तबा उन गजब डराय गईन। 
\v 10 परमेस्वर को सरगदूत उनला कव्हसे, नोको डराव चोवो, मी तुम्ही ला मोठयो खुसी को साजरो बारता सांगसू। जो सब लोग लाय होहे। 
\v 11 आज दाऊद को नगर मा तुमरो लाय एक पाप मोचक जन्म लेईसे योच मसीह\f + \fr 2:11\fr*\ft अभिसिक्त\ft*\f* पिरभू से। 
\v 12 योको यो निसान सेत का तुमही एक टूरा ला कपरा मा लिपटो गव्हान मा रख्यो पावजो।
\p
\v 13 तबा एकाएक लक उ परमेस्वर को सरग दूत संग अना दूतगिन भी परमेस्वर की भक्ती करत अना यो सांगत चोवयो।
\q1
\v 14 सरग मा परमेस्वर की बड़ाई अना
\q2 धरती मा उन मानूस लक जिन लक खुस से, अखीन सान्ती होय।
\s मेढा चरावनवारो गीन लक भेंट
\p
\v 15 जब पिरभू को सरगदूत उनको जवर लक सरग मा गईन। तो गडरिया ना आपस मा कव्हन लगीन। आओ हमि बैतलेहम जायके, जो हमला परमेस्वर को दुत सांगिसेस देखबिन।
\p
\v 16 तब उनना गदने जायके मरियम अना यूसुफ ला, अखी गव्हान मा उ टूरा ला पड़यो चोविन। 
\v 17 ऐना ला चोवके, उनना वा सबद जो यो टूरा को बारे मा सरगदूत सागयो होतो, उन लक सांगन लगीन 
\v 18 अना गडरिया को गोस्टी आयक के सब आयकन वालो ना अचंभा करीन। 
\v 19 पर मरियम यो सब कव्हनो ला, आपरो मन मा सोचत होती। 
\v 20 अखीन गडरिया जसो उनला कव्हयो होतो, वसोच चोवके, वोना लोकगीन, परमेस्वर को बड़ाई अना भक्ति करत-करत लवट गईन।
\s यीसु को नाव राखनो
\p
\v 21 सरगदूत को कव्हन को लक, आठ दिवस को मंघा, जब लेकरा को खतना\f + \fr 2:21\fr*\ft नावकरन\ft*\f* को बेरा आयो। तब वोको नाव यीसु राखयो, काहे का सरगदुत ना, पुढा मा असोच सांगयो होतो\x - \xo 2:21 \xo*\xt लूका 1:31\xt*\x*।
\s यीसु को अरपन कियो जानो
\p
\v 22 मोसे को नियम को लक, जब लेकरा को अरपन लक सुध्द करन को दिवस आयो। ता वय ओला येरुसलेम मा आनीन की पिरभू को पुढा\f + \fr 2:22 \fr*\ft परमेस्वर को पुढ़ा \ft*\f* लाहेत। 
\v 23 जसो का मोसे को नियम मा लिख्योसे, हर एक पयलो टूरा, पिरभू को लाय पवीतर मानो जाय। 
\v 24 अखीन एको लाय भी का, उ मोसे को नियम को हुकूम लक, परेवा को एक जोड़ा, या दोन बच्चा पिरभू को लाय बली चघाइन। \f + \fr 2:24 \fr*\ft बलिदान चघायो \ft*\f*
\s सिमोन को गाना
\p
\v 25 ओना बेरा येरुसलेम नगर मा, सिमोन नाव को, एक नेक मानूस रव्हत होतो। उ इसरायल को सान्ती को बाट चोवत होतो। पवीतर आतमा ओको पर होतो। 
\v 26 अखीन पवीतर आतमा लक, मिल्यो जानकारी को लक, जब तकन उ मसीह पिरभू को दरसन ना करलेहे नही मरन को, असो वोला बरदान होतो। 
\v 27 उ पवीतर आतमा ले मिलो जानकारी\f + \fr 2:27\fr*\ft आतमा को सिकावनो लक\ft*\f* को लक, मंदिर मा आयो। “जब माय-बाप लेकरा यीसु को लाय, मोसे को नियम पूरो करन, वोला भित्तर लाईन।” 
\v 28 तबा सिमोन ना लेकरा ला, अपरो कन्हिया मा लियो, अखीन परमेस्वर को धन्य करत कव्हन लगयो।
\q1
\v 29 हे मालीक! अब तु अपरो कव्हन को लक,
\q2 सान्ती लक आपरो दास सार कर।
\q1
\v 30 काहेका मोरो डोरा ना
\q2 ओको सूटकारा मोला चोविसे।
\q1
\v 31 जो ला तुना सब लोकगीन
\q2 को पूढा मा दिखवा सेस।
\q1
\v 32 यो दुसरो लोकगीन लाय लुको गोस्टी
\q1 को खुलासा\f + \fr 2:32\fr*\ft उजाड़ देवन लाय \ft*\f* लाई आखिन तोरी पर जा इसरायल ला मान\f + \fr 2:32\fr*\ft महिमा\ft*\f*
\q2 देवन वालो उजाड़ो से।
\p
\v 33 टूरा को बारे मा यो गोस्टी आयक के ओको माय बाप चकित भय गईन। 
\v 34 सिमोन ना उनला, अखीन आसीस दियो। अना लेकरा को माय मरियम ला कहीस। अवो यो लेकरा, एक असो निसान से, जोन को लोकईन विरोध करयेत, यो कारन लक इसरायल मा बहुत लोकगीन को पड़नो, अखीन जी उचलनो होयहेत। 
\v 35 अखीन एक तरवार, वोको हिरदय को आरपार, छेद देहेत। जेनको लक लोकगीन को, मन को बात टोन्ड मा आ जाहे।
\s हन्ना की गवाही
\p
\v 36 हन्ना नाव को एक भविस्यवक्तनी बाई होती। जो आसेर को खानदान मा, फनुऐल को टुरि होती। वा गजब बुड़गी होती। वा लगन को बाद मा, केवल सात साल, अपरो नवरा संग जित्तो रहि होती। 
\v 37 अखीन मंघा, वा बेवा भई गई होती अना ओको चऊरासी बरस लक बेवा होती। वा मंदिर को बाहेर नही हिटत होती, अखीन उपास पिराथना करत-करत, रात दिवस परमेस्वर को सेवा मा रव्हत होती। 
\v 38 वा भी वोच बेरा मा आयकेना, परमेस्वर ला धनवाद देवन लगी। अखीन जोन लोग येरुसलेम नगर को सूटकारा को रस्ता, चोवत होतीन, उन सबला वा लेकरा को बारे मा सांगन लगि।
\s नासरत नगर ला वापस लवटनो
\p
\v 39 मोसे को नियम को लक पिरभू लाय सब कुछ पूरो करन को मंघा, ओना गलील छेतर मा, अपरो नगर नासरत\f + \fr 2:39 \fr*\ft नासरत एक पहाड़ी छेतर जोन गलील कहलावासे। \ft*\f* मा लवट गइन\x - \xo 2:39 \xo*\xt मत्ती 2:23\xt*\x*। 
\v 40 लेकरा यीसु मोठो होवन लग्यो, अखीन उ अक्ल लक भरपुर होतो गयो। काहे का “परमेस्वर को हात वोको पर होतो” मजे किरपा होतो।
\s मंदिर मा लेकरा यीसु
\p
\v 41 यीसु को माय-बाप हर साल बलिदान तिहार\f + \fr 2:41 \fr*\ft बलिदान को तिहार \ft*\f* मनावन ला, येरुसलेम नगर जावत होतयो। 
\v 42 जबा यीसु बारा साल को भयो, तबा उ आपरो रीती को लक, तिहार मनावन काजी, येरुसलेम नगर मा गईन। 
\v 43 तिहार को रोज, पूरो होवन को मंघा, वो लवट गईन, मंग लेकरा यीसु येरुसलेम मा रह गयो, वोको माय-बाप यो बात नही जानत होतीन। 
\v 44 वय समझत होतीन का, उ यातरी दलमा सेत। येको लाय उ एक दिवस को यातरा पूरो करन को बाद मा, वोला आपरो कुटूम्ब अखीन जान-पहचान का लोकगीन मा ढुन्ढ-ढान्ड करन लगीन। 
\v 45 जब यीसु उनला नही मीलयो, तब ढुंढत-ढान्डत येरुसलेम नगर पँहुचिन। 
\v 46 तीन दिवस को बाद मा, उनला यीसु मंदिर मा मिल्यो। उ बसके ना, धरम गुरूगीन लक सवाल-जवाब करत पायो गयो। 
\v 47 सब आयकन वारा, अक्ल अखीन सवाल-जवाब पर चकीत भई गईन। 
\v 48 वोको माय-बाप भी वोला चोवके ना, अचंभा भई गइन। वोको माय ना वोला कहीस, टूरा, तू ना आमरो संग मा असो काहे करीसेस? देख, तोरो बाप अखीन मी, चिन्ता मा होतीन, अखीन तोला ढुढ़त होतिन। \fig यरूसलेम मा मंदिर|alt="Temple in Jerusalem" src="LB00250C.TIF" size="span" copy="Horace Knowles ©" ref="2:41"\fig*
\p
\v 49 तब यीसु ना कव्हयो, का तुम्ही मोला काहे ढुन्ढ-ढान्ढ काहे करासो? तुम्ही नही जानसो, की मी पक्को, आपरो बाबूजी को घर मा रहू। 
\v 50 पर यो गोस्टी, कोनी ला समझ नही आयो।
\p
\v 51 यीसु उनको संग येरूसलेम नगर लक आपरो घर नासरत नगर मा आयो। अखीन, उ आपरो माय-बाप को आधीन रहयो। वोको माय ना यो सब गोस्टी आपरो मन मा, सजोय के राखीस। 
\v 52 यीसु अक्ल अना ताकत\f + \fr 2:52 \fr*\ft आयु\ft*\f* मा, अखीन परमेस्वर अना मानूस को किरपा मा बढतो गयो।
\c 3
\s योहन बप्तिस्मा देवन वालो को साजरो बारता
\r (मत्ती 3:1-12; मरकुस 1:1-8; योहन 1:19-28)
\p
\v 1 तिबेरियुस को, सरकार को पांचवा साल होत्यो। कैसर को राज मा पोंतियुस पिलातुस, यहुदिया गलील को राजपाल होतयो। दोनी भाऊ, फिलिपी इतूरैया, तरखोनीतिस राज को राजा, अखीन लुसानियस, अबिलेने राज को, राजा होत्यो, अना गलील मा हेरोदेस राजा होतो। 
\v 2 हन्ना अखीन काइफा, मुखिया याजक होतो। वोना दिवस मा, परमेस्वर को कव्हनो, सूनसान जघा मा जकरयाह को टूरा, योहन को कठा पहुचो। 
\v 3 उ यरदन नदी को आजू-बाजू को छेतर मा, घुम-घाम के न पाप छिमा, अखीन पाप लक मन हटाव, बप्तिस्मा, को बारे मा, परचार करन लगयो। 
\v 4 जसो भविस्यवक्ता यसायाह को पवीतर किताब मा लिख्यो से,
\q1 “सून-सान जघा मा चिलावन वालो को आवाज।
\q1 पिरभू को रास्ता ला तैय्यार करो!
\q2 अखीन वोको रास्ता
\q2 ला सीधो करो”
\q1
\v 5 दुई टवरिया को बीच को खोदरा, भर दियो जाय,
\q2 हर एक पहाड-पहाड़ी खाल्या करो।
\q1 टेडो-टाडो रस्ता सिधो करो,
\q2 उबड-खाबड रस्ता ला समान करो। 
\v 6 अना हरेक लोकगीन परमेस्वर को आतमा छुट्टकारा\f + \fr 3:6\fr*\ft मोक्स\ft*\f*
\q1 ला चोवयेत।
\p
\v 7 \x - \xo 3:7\xo*\xt मत्ती 12:34; 23:33\xt*\x*जोन लोक बप्तिस्मा लेवन ला आवत होतीन, योहन उनला कव्हत होत्यो, हे सरप को लेकरा कोन तुम्हीला सांगीसेस, की परमेस्वर को हिजरनो लक पराय जाओ। 
\v 8 \x - \xo 3:8\xo*\xt योहन 8:33 \xt*\x*आपरो मन ला पाप लक हटाय के पस्तावा करो, अना साजरो भई जाओ, अखीन साजरो-साजरो काम करो। तुम्ही आपरो मन मा असो मत सोचो, हमी अबराहम को खानदान को सेत। मि तुम्ही ला सांगासु, परमेस्वर ऐना गोटा लक, अबराहम को लाय, लेकरा जनमा सकसे। 
\v 9 \x - \xo 3:9 \xo*\xt मत्ती 7:19 \xt*\x*अबा झाड़ को जड़ मा, टँगिया से। जो झाड़ साजरा फर नही देवासे, वोला काटपीट के ना, स्तो मा पेटाय दियो जाहेत।
\p
\v 10 तबा लोग गीन योहन लक पुसयो, तो हमि काजक करबीन?
\p
\v 11 तबा वोना जवाब दियो, जोको कना दोन कुरता से, वोला देदो, जोन को कठा नहाती, अना जोन को कठा जेवन को सेत, वो भी वसोच करयेत।
\p
\v 12 \x - \xo 3:12 \xo*\xt लूका 7:29 \xt*\x*अना जमा पटानवारा \f + \fr 3:12 \fr*\ft टेक्स, कर \ft*\f* अधिकारी गीन ओको जवर बप्तिस्मा-लेवन आइन, अखीन वोला पुछीन, गुरूजी हमला का करनो से सांगो?
\p
\v 13 तब योहन ना कव्हयो, जितरो ठहरायो गयोसे वोको लक जादा नोको लेवने।
\p
\v 14 सीपाहि गीन पुसन लगीन, अखीन आमरो लाय काजक हुकूम से? तबा उ सांगयो, कोनी लक पैसा नोको एठने। अखीन झुठो दोस नोको लगावने,
\p पर आपरो तनखा मा जिन्दगी करो, घूस नोको लेवने।
\p
\v 15 जबा आस लगायके होतीन अना योहन को बारे मा आपरो मन मा सोच बिचार कर रही होतीन। का योच ता मसीह नहात? 
\v 16 यो काजी योहन कहीस, तुम्ही अपरो-आपरो मनमा काजक सोचसो, कही मी मसीह सेऊ? सच-मूच मा मी मसीह नही सेव। काहे का मि, तो तुम्ही ला पानी मा बप्तिस्मा\f + \fr 3:16 \fr*\ft पानी मे बप्तिस्मा, डुबकी लगाना या जल स्संकार\ft*\f* देवासू, पर उ आवन वालो मसीहा, मोरो ले जादा ताकतवर से। मी वोको जूता को दोरी, खोलन को काबील नही सेव, उ तुम्हीला, पवीतर आतमा, अखीन स्तो लक बप्तिस्मा देहेत। 
\v 17 वोको हात मा सूपड़ो से, उ आपरी खरीयान ला साजरो रीती लक सफा करहे। अपरो गँहु ला कोठी मा जमा करयेत। अखीन भुसा-भासी ला, कभ्भू नही बुझन वालो स्तो मा, डाक देहेत।
\p
\v 18 योहन असो अजब-गजब उदाहरन समेत सिक्सा, जनता ला आयकावत होतो। 
\v 19 \x - \xo 3:19\xo*\xt मत्ती 14:3-4; मरकुस 6:17-18\xt*\x*पर योहन ना राजा हेरोदेस ला, वोको भाऊ हेरोदियास बहू को बारे मा, अखीन वोको सब गलत काम को लाई, वोला बूरो-भलो ठासन लगयो। 
\v 20 तब राजा ना, योहन ला धरवायके जेल मा डाक देईस। अखीन आपरो खोटो काम को, हद पार कर देईस।
\s यीसु को बप्तिस्मा
\r (मत्ती 3:13-17; मरकुस 1:9-11)
\p
\v 21 जबा सबा लोकगीन बप्तिस्मा लेईन, तबा यीसु भी बप्तिस्मा लेवन को बाद, परमेस्वर लक पिराथना करन लगीस। तबा बादल खुल गयो। 
\v 22 \x - \xo 3:22\xo*\xt मत्ती 3:17; मरकुस 1:11; लूका 9:35\xt*\x*अखीन परेवा को देह जसो, पवीतर आतमा वोको पर उतर गयो, अखीन सरग लक यो आवाज आयो, तू मोरो चहेतो टूरा आस, मी तोरो लक गजब खुसी सेव।
\s यीसु को खानदान
\r (मत्ती 1:1-17)
\p
\v 23 जब यीसु ना परमेस्वर को सेवा सुरु करीस। ओना बेरा उ तीस बरस को होतो। लोग ओला यूसुफ को टूरा समझत होतिन। यूसुफ एली को टूरा होतो, 
\v 24 अखीन उ मत्तात को टूरा, अखीन उ लेवी को टूरा, अखीन उ मलकी को टूरा, अखीन उ यन्ना को टूरा, अखीन उ यूसुफ को, टूरा 
\v 25 अखीन उ मत्तित्याह को टूरा, अखीन उ आमोस को टूरा, अखीन उ नहूम को टूरा, अखीन उ असल्याह को टूरा, अखीन उ नोगहा को टूरा, 
\v 26 अखीन उ मात को टूरा, अखीन मत्तित्याह को, अखीन उ सिमी को, अखीन उ योसेख को, अखीन उ योदाह को, 
\v 27 उ योहान को, अखीन उ रेसा को, अखीन उ जरुब्बाबिल को, अखीन उ सालतिएल को, अखीन उ नेरी को, 
\v 28 अखीन उ मलकी को, अखीन उ अद्दि को, अखीन उ कोसाम को, अखीन उ इलमोदाम को, अखीन उ एर को, 
\v 29 अखीन उ यहोसु को, अखीन उ एलीएजर को, अखीन उ योरीम को, अखीन उ मत्तात को, अखीन उ लेवी को 
\v 30 अखीन उ सिमोन को, अखीन उ यहूदा को, अखीन उ यूसुफ को, अखीन उ योनाम को, अखीन उ इलयाकीम को 
\v 31 अखीन उ मेलेआह को, अखीन उ मिन्नाह को, अखीन उ मत्तात को, अखीन उ नातान को, अखीन उ दाऊद को, 
\v 32 अखीन उ यिसै को, अखीन उ ओबेद को, अखीन उ बोअज को, अखीन उ सेलह को, अखीन उ नहसोन को, 
\v 33 अखीन उ अम्मीनादाब को, अखीन उ अरनी को, अखीन उ हिसरोन को, अखीन उ पेरेस को, अखीन उ यहूदा को, 
\v 34 अखीन उ याकूब को, अखीन उ इसहाक को, अखीन उ अबराहम को, अखीन उ तेरह को, अखीन उ नाहोर को, 
\v 35 सरुग को, अखीन उ रऊ को, अखीन उ पेलेग को, अखीन उ एबर को, अखीन उ सेलेह को 
\v 36 अखीन उ केनान को, अखीन उ अरपछद को, अखीन उ सेम को, अखीन उ नूह को, अखीन उ लामेक को, 
\v 37 अखीन उ मथूसेलह को, अखीन उ हनोक को, अखीन उ यारेद को, अखीन उ महल्लेल को, अखीन उ केनान को, 
\v 38 अखीन उ एनोस को, अखीन उ सेत को, अखीन उ आदम को, अउर अखीन उ परमेस्वर को टूरा होतो।
\c 4
\s यीसु को परिक्सा
\r (मत्ती 4:1-11; मरकुस 1:12,13)
\p
\v 1 यीसु पवीतर आतमा लक पूरो भरके ना, यरदन नदी लक लवटयो। तबा आतमा वोला सूनसान मा लेगइस। 
\v 2 वोना जघा बालजबूल\f + \fr 4:2\fr*\ft सैतान\ft*\f* चालीस दिवस तकन वोको परीक्सा लेवत रहयो। यीसु उन दिवस मा काही नही जेविस, जबा चालीस दिवस बीत गयो, तबा वोला गजब भूख लग्यो।
\p
\v 3 बालजबूल ना वोला सांग्यो, यदी तु परमेस्वर को टूरा आस, तो यो गोटा ला हुकूम देव, का यो भाकर बन जाहेत।
\p
\v 4 पर यीसु ना जवाब देइस। गिरंथ मा लिखीसे। मानूस भाकर लक नही, पर परमेस्वर को गोस्टी लक जित्तो रहेत।
\p
\v 5 मंग बालजबूल वोला, वरता उठायके ना ले गईस, अखीन पलभर मा जग को राज चोवाइस। 
\v 6 अखीन बालजबूल ना वोला कहीस, मी तोला यो सबच राज अना महिमा देदेहू। यो मोरो अधिकार मा से, मि जोनला चाँहू ओला दे सकासू। 
\v 7 यदी तू मोरो पाँय पड़जोस अना नमस्कार करजोस, ता यो सबा तोला देदेहू।
\p
\v 8 तबा यीसु ना जवाब देइस, गिरंथ मा लिखीसे, तू आपरो पिरभू परमेस्वर ला नमस्कार \f + \fr 4:8 \fr*\ft पिराथना\ft*\f* करजो, अखीन वोको च सेवा\f + \fr 4:8 \fr*\ft महिमा\ft*\f* करजो।
\p
\v 9 तबा बालजबूल ना, वोला येरुसलेम नगर, को मंदिर को छेन्डी मा, उभो करयो। अखीन कव्हयो, यदि तू परमेस्वर को टूरा से, तो खाल्या कूद जाय। 
\v 10 काहेका गिरंथ मा लिखीसे, तोरो लाय परमेस्वर आपरो सरगदूत ला हुकूम देहेत, अखीन वो तोला बचाहेत। 
\v 11 कही तोरो पाँय मा खोद्दा, नोको लग जाय।
\p
\v 12 यीसु ना जवाब देइस, यो लिखी से, तू आपरो पिरभू परमेस्वर को परिक्सा\f + \fr 4:12 \fr*\ft परखना\ft*\f* नोको करजो।
\p
\v 13 असो परिक्सा लेवन को बाद, बालजबूल सैतान वोको जवर लक, पराय गयो।
\s यीसु को सेवा काम को सुरुवात
\r (मत्ती 4:12-17; मरकुस 1:14,15)
\p
\v 14 यीसु आतमा को ताकत लक भरके, गलील छेतर मा हिट आयो। वोको चरचा, आखा-पाखा को सबा जघा मा फैल गयो। 
\v 15 उ सभाघर मा जायके ना, सिक्सा देवन लग्यो। अखीन लोकगीन वोको बड़ाई करन लगीन।
\s नासरत नगर मा यीसु को बेइज्जती
\r (मत्ती 13:53-58; मरकुस 6:1-6)
\p
\v 16 जबा यीसु आपरो नगर नासरत मा आयो। जहाँ उ पालो गयो होतो। तबा उ आपरो आदत को लक पवीतर दिवस\f + \fr 4:16 \fr*\ft सब्त को दिवस\ft*\f* सभाघर मा गयो। उ गिरंथ बाचन ला उभो भयो। 
\v 17 तबा वोला भविस्यवक्ता यसायाह को किताब दियो गयो, गिरंथ खोलके ना उ जघा हेड़यो, जहा लिखो से।
\q1
\v 18 पिरभू को आतमा मोरो वरतासे, काहेका वोना मोला निवाड़ी सेस,
\q2 का मी गरीब-गोर ला साजरो बारता आयकावाहु,
\q1 वोना मोला धाड़ीसेस। जोको लाया मी बन्दी लोकगीन को सूटकारा,
\q2 अखीन अँधरा गीन ला डोरा चोवन को,
\q1 खबर सुनाऊ। मी दलीत लोकगीन ला, सोड़ाऊ।
\q2
\v 19 अखिन पिरभू को किरपा को साल, \f + \fr 4:19\fr*\ft परमेस्वर को खुसी होवन को साल \ft*\f*
\q2 ला सबला साजरा बारता आयकावसू। \fig गुंडो हुयो किताब|alt="Scroll" src="HK00150C.TIF" size="col" copy="Horace Knowles ©" ref="4:16"\fig*
\p
\v 20 यीसु ना किताब ला बंद कर दियो, अखीन दास को हात मा धरा दियो, अखीन सबा बस गईन। सभाघर मा, सबकी नजर यीसु पर होतो। 
\v 21 तबा यीसु ना कव्हयो, यो गोस्टी आज पवितर गीरंथ मा पूरो भई।
\p
\v 22 सब लोग गीन वोकी किरपा को बात आयक के चकीत भई गईन। अखीन आपस मा कव्हन लगीन। का यो सचमा यूसुफ को टूरा नहाय?
\p
\v 23 वोना उन लक कहीस, तुम्ही मोरो पर यो हाना जरुर कहजोस, हे बईद, अपरो आप ला साजरो कर, जो काही हमि न आयकी सेजन। जोन काम कफरनहुम नगर मा किरीसेस, ओला अपरो देस मा कर। 
\v 24 अना वोना कहीस मि तुमी लक खरो कव्हसू, कोनी खरो भविस्यवक्ता अपरो देस मा मान-सम्मान नही पावासे।\x - \xo 4:24 \xo*\xt योहन 4:44\xt*\x* 
\v 25 अना मी तुमी ला खरो कव्हसू, की एलिय्याह को दिवस मा जबा साढ़े तीन साल तकन बादल बन्द रहीसेस, यहान तकन क सारो देस मा मोठयो गिरहानी पडयो, त इसरायल मा लगत बेवा होतिन। 
\v 26 पर एलिय्याह उनमा लक कोनी को जवर नही धाड़यो गयो होतो। उ एकच सैदा को सारपत को एक बेवा को जवर धाड़ो गयो होतो। 
\v 27 अखीन एलिसा भविस्यवक्ता को बेरा इसरायल म गजब सो कोढी होतिन, पर नामान सिरयानी ला छोड़ उनमा लक, कोनी ला साजरो नही करीस।
\p
\v 28 यो गोस्टी ला आयक के, जेतरा लोग गीन सभाघर मा होतिन, सबच “लाल-पिवरो” भयी गईन। 
\v 29 अना उठके ओला नगर लक बाहेर हेड़ीन, अना जोन पहाड मा उन को नगर बसो से, ओको वरता मा ले चलिन, की ओला वहान लक खाल्या ढकल दे। 
\v 30 पर उ उनको बिचमा लक, हिटके चली गयो।
\s भूत लग्यो मानूस ला साजरो करनो
\r (मरकुस 1:21-28)
\p
\v 31 मग उ गलील छेतर को, कफरनहुम नगर मा गयो, अना पवीतर दिवस\f + \fr 4:31 \fr*\ft मोसे के नियम लक सब्त का दिवस यहुदियो का सप्ताह का पहेला एक खास दिवस जोनमा वय सिरप अराधना करत होतिन अना कोनी भी काम करन को मनाही होतो।\ft*\f* मा लोग गीन ला, सिक्सा देवन लग्यो। 
\v 32 उनना वोको सिक्सा ले चकित भई गईन।\x - \xo 4:32\xo*\xt मत्ती 7:28-29\xt*\x* काहेका उ गोस्टी अधिकार सकट होत्यो। 
\v 33 सभाघर मा, एक मानूस होतो, जोन एक असुध्द भुत-पलित झोमो होतो। ओना चिल्लायके कव्हयो। 
\v 34 ओ यीसु, नासरी, हमरो लक तोरो काजक काम से? का तु आमीला नास करन ला आईसेस? मी तोला जानासू, तू कोन आस? तु परमेस्वर को पवीतर मानूस आस।
\p
\v 35 यीसु न वोला डटकार के हुकूम देइस, उघा-मूघा रव्ह अना वोको लक हीट जाय, तब भूत वोला बीच मा पटककर बिना हानि पहुचाए, हीट गयो।
\p
\v 36 योच लाइ सबा ला, अचंभा भयो, अना वय आपस मा बोलन लगीन। ये कसो ताकत अना हक से, यो भूत ला हुकूम देवासे, अना वा हिट जासे। 
\v 37 तबा यीसु की यो गोस्टी अगल-बगल जघा मा होवन लगी।
\s यीसु ना गजब लोकगीन ला, साजरो करीस
\r (मत्ती 8:14-17; मरकुस 1:29-34)
\p
\v 38 उ सभाघर लक उभो होयके, समौन के घर मा गईस। अखीन समौन की सास ला गजब बुखार होतो। अना उनना वोको लाय वोको लक बिनती करीन। 
\v 39 तबा यीसु ना ओको जवर उभो, होयके, बुखार ला हुकूम देयके डाटीस, अना बुखार उतर गयो। अना उ एकदम उठके उनको सेवा करन लग्यो।
\p
\v 40 दिवस बुड़तो बेरा मा, जोन-जोन को घर मा बिमार होतिन उनना वोको जवर आनीन, अना उन सबपर हात ठेवके सबला साजरो करीस। 
\v 41 भूत बेमियात-बेमियात कव्हन लगीन, तु परमेस्वर को टूरा आस, अना हीट गइन, पर यीसु उनला डाटके नही बोलन को हुकूम देइस।
\p काहेका भूत जानत होतिन का यो मसीह सूटकारा देवनवारा सेत।
\s सभाघर मा सिक्सा देवनो
\r (मरकुस 1:35-39)
\p
\v 42 यीसु पहट को बेरा घर लक हिटके, अना एकांत जघा मा गयो। लोग वोला ढुढ़त-ढाढ़त ओको जवर आइन। अखीन बिनती करके कव्हन लगीन, तु हमि ला सोड़के नोको जास। 
\v 43 पर वोना उनलक कव्हयो, मोला अखीन देस मा जावनो से, अना परमेस्वर को साजरो बारता, आयकानो जरुरी से, काहेका मोला योच काजी धाड़ो गयो से।
\p
\v 44 अना उ गलील छेतर यहुदिया \f + \fr 4:44\fr*\ft यहुदिया परदेस\ft*\f* को सब, सभाघर मा, साजरा बारता सांगन लगयो।
\c 5
\s पहलो चेला गीनला हाकलनो
\r (मत्ती 4:18-22; मरकुस 1:16-20)
\p
\v 1 \x - \xo 5:1\xo*\xt मत्ती 13:1-2; मरकुस 3:9-10\xt*\x*जनता जबा, परमेस्वर को गोस्टी आयकन को लाई, सबा जमा होय गईन। तबा यीसु गनेसरत झील को कीनार मा, उभो होत्यो। 
\v 2 वोना झील को किनार मा, दुई नाव होतो, अखीन ढीमर जाल धोवत होतीन। 
\v 3 वोना मा लक एक नाव, समोन को होतो। नाव मा यीसु बस गयो, अखीन समोन ला जघा लक जरा हटान ला, कव्हयो, अखीन यीसु सिक्सा\f + \fr 5:3\fr*\ft परमेस्वर को बचन\ft*\f* देवन लगयो।
\p
\v 4 जबा सिक्सा देके ना भई गयो, तबा यीसु ना समोन ला कव्हयो, गहरो मा नाव लेचल, अखीन अपरो जाल डाख।\fig डोगा मा ढीमर मसरी धरतो हुयो|alt="Fishermen in boat and catch fish" src="HK00208C.TIF" size="span" copy="Horace Knowles ©" ref="5:4"\fig*
\p
\v 5 समोन ना कव्हयो, हे मालीक, हमी रात भर मेहनत करीसेजन, अखीन काही “हात नही लगयो\f + \fr 5:5 \fr*\ft काही नही मिलयो\ft*\f*” तोरो कव्हनो को सनुसार, मी जाल डाखासु।\x - \xo 5:5\xo*\xt योहन 21:3\xt*\x* 
\v 6 जबा वोना जाल डाखीस, तबा गजब मसरी\f + \fr 5:6 \fr*\ft लगत सो मसरी \ft*\f* जाल मा फस गईन, अखीन जाल फाटन लगी।\x - \xo 5:6\xo*\xt योहन 21:6 \xt*\x* 
\v 7 तबा समोन आपरो संगीइन ला, हाकलिस, अखीन सबा आय केन, जाल हेड़न लगीन, नाव मसरी लक एतरो भर गयो, का नाव बुड़न लगी। 
\v 8 असो चमत्कार चोवकेना, समोन यीसु को पाय मा पड़ गयो। अखीन वोला कहीस, हे मालीक मोरो जवर लक जाय, काहे का मी पापी मानूस सेव।
\p
\v 9 काहेकि एतरो मसरी ला समट लेवन को कारन ओला अना ओको संगीगिन ला अचंभा भयो। 
\v 10 वहान जबदी को टूरा याकूब, अखीन योहन भी होत्यो। तब जोन समोन को संगी होतिन, अचंभा करन लगीन, तबा यीसु, समोन लक कहीस, भेव नोको करो अबा, लक तू मानूस ला, परमेस्वर को राज मा आनजोस। 
\v 11 अना उनना नाव ला किनारे जघा मा, आनीन अना सबा काही ला सोड़के वोको मंघा गईन।
\s कोढ को रोगी ला साजरो करनो
\r (मत्ती 8:1-4; मरकुस 1:40-45)
\p
\v 12 जबा उ कोनी नगर मा गयो होत्यो, ता वहान एक कोढी मानूस आयो। अना यीसु को पायमा, तोन्ड को बल पड़के ना बिनती करन लगयो, हे पिरभू! यदि तु चाव्हजोस, ता मोला साजरो कर सकासेस।
\p
\v 13 वोना हात छिवके कहीस, मी चाव्हसू, तू साजरो भय जास, वोच बेरा वोको कोढ साजरो भय गयो। 
\v 14 यीसु ना वोला हुकूम दियो, यो गोस्टी तू कोनीला नोको सांगजोस, पर आपरो आप ला मुखिया याजक ला दिसाजोस, अना जोन चढावा चढ़ावन ला मोसे गुरूजी ना सांगिसेस, उ भेंट चढाजोस, तबा लोक गीन ला गवाही भई जाहे, का तू साजरो भय गइसेस।
\p
\v 15 मंग यीसु की गोस्टी गजब फैलत गई, भीड़ वोकी गोस्टी आयकन लाई, अना अपरी बीमारि लक साजरो होवन लाई, जमा भईन। 
\v 16 पर यीसु उन लक बेगरो होयके जगंल मा जायकेना, पिराथना करन लगियो।
\s लकवा को रोगिला साजरो करनो
\r (मत्ती 9:1-8; मरकुस 2:1-12)
\p
\v 17 एक रोज यीसु, सिक्सा दे रहयो होतो। मोसे को नियम को गुरू अखीन मुखिया याजकगिन, वोको कठा बस्या होतिन। वय गलील, अना यहुदिया छेतर को हर, एक गाँव लक येरुसलेम नगर मा आयो होतिन। रोगिन ला साजरो करन को लाय, पिरभू को ताकत यीसु को संग होत्यो। 
\v 18 वोच बेरा काही लोग गीन खाट मा एक लकवा को रोगि ला आनीन। वय वोला भीतर ली जायके, यीसु को पूढा राखन चाव्हत होतिन। 
\v 19 पर गरदी को कारन लक, वोला भीतर नही आन सकिन, ता वय सपरी मा चघ गईन। अना सड्डन कापके, रोगिला जहान यीसु बस्यो होतो, वहान पूढा मा खाट ला, खाल्या उतार देइन। 
\v 20 उनको भरोसा ला चोवके, यीसु कव्हयो, जा भाऊ, तोरो पाप छिमा भय गयो।
\p
\v 21 एको पर मोसे को नियम को गुरू लेखक, अना पुरोहित एक दुसरो ला, जवाब करन लगीन। का यो परमेस्वर को निन्दा करन वारा कोन से? परमेस्वर को सिवाय कोन, पाप छिमा कर सकासे?
\p
\v 22 उनको यो जवाब जान के यीसु ना उनला जवाब दियो। तुमारो मन मा यो जवाब काहे, उभो रहयो से? 
\v 23 सबा लक सरल का से? यो कव्हनो तोरो पाप छिमा भय गयो। का उठ चल? 
\v 24 पर एकोलाय का तुमला मालूम भई जाये, का मानूस को टूरा ला, धरती मा पाप छिमा करन को अधिकार से। तबा उ लकवा को रोगी ला कहीस, उभो होयके आपरी खाट उचल, अना घर जाय।
\p
\v 25 वोनोच बेरा उ सबको पूढा उभो भयो, अना जोन खाट मा उ झोपयो होतो, वोला उचल के परमेस्वर को बड़ाई करत-करत आपरो घर चली गयो। 
\v 26 वय सबा चकीत भय गईन, अना परमेस्वर को भजन बड़ाई करन लगीन। अना सबा डराय के कव्हन लगीन। आज तकन अमीना असो काम नही परख पायी सेजन।
\s लेवी ला हाकलनो
\r (मत्ती 9:9-13; मरकुस 2:13-17)
\p
\v 27 मंघा उ बाहेर गयो अना उ लेवी नाव को एक जमा वसूल करन वालो ला वसूल करन को नाका पर जायके बसयो चोयो, अना उ वोला कहीस मोरो मंघा भई जाय। 
\v 28 तबा उ सारी चिज ला सोड़के उभो भयो अना ओको मंघा भय गयो।
\p
\v 29 तबा लेवी ना अपरो घर मा वोको लाय एक मोठो जेवन देईस, अना वहान पर जमा वसूल करन वालो, अखीन बेजा लोग वोको संग मा जेवन करन ला बस गईन, वहान लगत मानूस होतिन। 
\v 30 एको पर मोसे को नियम को गुरू, अना लेखक भन्नात यीसु को चेला गीन ला कव्हन लगीन, तूमी जमा वसूल करन वालो अधिकारी अना पापी गीन\f + \fr 5:30 \fr*\ft अधरमी \ft*\f* को संग मा काहे जेवन करासो?\x - \xo 5:30\xo*\xt लूका 15:1-2\xt*\x*
\p
\v 31 यीसु ना जवाब देईस बइद साजरोगिन लाई नाहाय, लेकिन बिमार लाई जरुरी से। 
\v 32 नेक मानूस गीन ला नही पर पापी गी ला पस्तावा करन काजी हाकलन आईसेव।
\s उपास को सवाल
\r (मत्ती 9:9-13; मरकुस 2:13-17)
\p
\v 33 उनना यीसु ला कहिन, योहन को चेला गीन बार-बार उपास राखासे। अना पिराथना मा लग्यो रव्हसे, अना मोसे को नियम को गुरू चेलागिन भी वसोच करासेत पर तोरा चेलागिन काहे जेवत रव्हासेत?
\p
\v 34 तबा यीसु ना उन लक कहीस की जबा तकन बराती नवरदेव को संग मा रव्हासे, त बराति कसो उपास रव्ह सकासेत? 
\v 35 पर वोना दिवस आवन वारा से। जबा मि इनको लक दुहुर भई जाहू उना दिवस मा वय उपास करयेत।
\p
\v 36 वोना अखीन एक उदाहरन उनको लक कहीस। कोनी मानूस नयो कपरा मा जुनो कपरा को तनी नही लगाय सकासेत। काहेकि जूनो कपरा फट जाहे अखीन जुनो कपरा मा नवतो कपरा को तनी नही लगा सकासे काहेका जूनो तनी टुट जाहेत। एकोलाय नयो मेल नही खायेत। 
\v 37 अखीन कोनी नवा अंगूर को रस जुनो चमड़ा को कुप्पा मा नही डाखत। नही तो नयो वालो अंगूर रस छागल ला फाड़के बोह जाएत अखीन छागल नास भई जाहेत। 
\v 38 मंग नवा अंगूर को रस नवो छागल मा डाखनो खरो से। 
\v 39 कोनी मानूस जुनो अंगूर को रस पिवके नयो नही चाव्हासे। सांगासे क जुनो च साजरो से।
\c 6
\s बिसराम दिवस को सवाल
\r (मत्ती 12:1-8; मरकुस 2:23-28)
\p
\v 1 तबा यीसु अखीन वोको चेला गीन, पवीतर दिवस \f + \fr 6:1\fr*\ft सब्त को दिवस\ft*\f*मा, एक खेत मा लक जावत होतो। आखिन वोको चेला गीन, सेंग तोडके, अना हात लक मल के, जेवत-जेवत जावत होतीन। 
\v 2 तबा मोसे को नियम को गुरू मा, काही कव्हन लगीन, मोसे को नियम लक जोन काम पवीतर दिवस मा, करनो मनाहिसेत, तुमी वोच काम कायलाय करोसो।
\p
\v 3 मंग यीसु न उनला जवाब देइस, का तुमीना यो नही बाचिसेव? दाऊद राजा अखीन वोको संगी गीनला, जबा भूख\f + \fr 6:3\fr*\ft खाली पोट\ft*\f* लग्यो होतो। तबा वय का करीन? 
\v 4 वय परमेस्वर को घर मा गईन, अना भेंट की भाखर ला आन के, अपरो संगीगिन सगं जेविन, जोनला मोसे को नियम लक याजक\f + \fr 6:4\fr*\ft मंदिर को पुजारी\ft*\f* ला सोड़के, कोनी ला जेवन करनो खरो नहात।
\p
\v 5 अखीन वोना उनला सांग्यो, मानूस को टूरा पवीतर दिवस को भी पिरभू सेत।
\s सुकयो हात वालो ला साजरो करनो
\r (मत्ती 12:9-14; मरकुस 3:1-6)
\p
\v 6 एक बेरा यीसु, पवीतर दिवस सभाघर मा जायके, सिक्सा देवन लगयो। अना वहान एक मानूस होतो, जेनको उज्जो हात सूकयो होतो। 
\v 7 मोसे को नियम को गुरू आना धरमगुरू, एना गोस्टी को तक्का मा होतीन, की अदी यीसु पवीतर दिवस मा साजरो करासे, ता वय ओको पर दोस लगाय सकसेत। 
\v 8 यीसु उनको मन को विचार जानत होतो, येको लाय वोना सुक्को हातवालो मानूस ला कहीस, बीच मा उभो होय जाय! तब उ उठ के उभो भय गयो। 
\v 9 यीसु ना उनला कव्हयो, मि तुमी लक पुससू मोसे को नियम लक पवीतर दिवस मा भलो करनो साजरो से का खोटो से? जान बचानो या जान ला लेवनो? 
\v 10 तबा वोना इता-उता सबला चोवीस, अना मानूस लक कहीस, अपरो हात बढ़ाव, वोना वसोच करीस अखीन वोको हात जसो को तसोच साजरो भई गयो।
\p
\v 11 वय लोग गीन गजब गुस्सा भय गईन, अना आपसी मा बिचार करन लगीन, का हमी यीसु को संग मा का करबीन?
\s बारा चेला गीन ला निवाड़नो
\r (मत्ती 10:1-4; मरकुस 3:13-19)
\p
\v 12 यीसु वोना दिवस मा पहाड़ी मा पिराथना करन गयो, अना परमेस्वर लक पिराथना करनो मा पूरी रात बिताइस। 
\v 13 जबा दिवस भयो तो वोना अपरो, चेला गीनला हाकल के ओमा लक बारा चेला गीनला निवाड़ो, अखीन उनला पेरीत\f + \fr 6:13\fr*\ft खबर देके धाड़यो गयो खबरी\ft*\f* कहीस। 
\v 14 अना वय यो सेत, समोन जेनको नाव, वोना पतरस राखीस। अखीन वोको भाऊ अन्दिरयास, अना याकूब, अना योहन, अना फिलिप्पुस, आना बरतुल्मै। 
\v 15 अना मत्ती, अना थोमा, आना हलफई को टूरा याकूब अना सिमोन ला जोन धरमोत्साही\f + \fr 6:15 \fr*\ft जेलोतेस\ft*\f* कहलावासेत, 
\v 16 याकूब को टूरा यहूदा अना युदस इस्करियोति ला जोन बिन भरोसावालो होतो, जेना यीसु ला धरवायो भी होतियो।
\s सिक्सा देनो अना साजरो करनो
\r (मत्ती 4:23-25)
\p
\v 17 तबा यीसु उनको संगा मा, खाल्या आयके, बर्रा मा उभो भयो। अना वोको चेलागीन, अना जनता को गरदि, सप्पा यहुदिया छेतर, येरुसलेम नगर, आना सूर अना सैदा, सागर को जवर लक लगत सा लोक, 
\v 18 जसो की वोको आयकन वारा, आपरी बीमारी लक, साजरो होवन लाय, वोको कठा आइन। वय भुत-पलित लक भुकतन वारा, लोकगीन ला साजरो करत होतो। 
\v 19 सबा लोकगीन यीसुला छिवन को कोसीस करत होतिन, काहेका वोको लक ताकत हिटके ना, सबला साजरो करत होतो।
\s आसीरवाद अना सोक गोस्टी
\r (मत्ती 5:1-12)
\q1
\v 20 यीसु ना आपरो चेला गीन, को कना चोवयो, अना यो कहीस,
\q2 “धन्य सेव तुमी जो गरिब सेव काहेका, परमेस्वर को राज तुमरोच सेत।”
\q1
\v 21 धन्य सेव तुम्ही जोन भुखो सेव,
\q2 काहेका तुमी अघाय जाहो।
\q1 धन्य सेव तुमी, अबा रोवसो
\q2 काहेका तुमला हसनो पड़हेत।
\p
\v 22 धन्य सेव तुमी जबा मानूस को टूरा को कारन लक लोक तुमरो लक बुराई करे, अना तुम ला हेड देहेत, आना तुमरो निंदा करते, अखीन तुमरो नाव ला बुरो जानके काप\f + \fr 6:22 \fr*\ft मसीह लक तुम्ही बेगरो कियो जाहो।\ft*\f* देहेत।\x - \xo 6:22\xo*\xt 1 पतरस 4:14\xt*\x* 
\v 23 वोच दिवस खुसी होवने, अखीन खुसहाली मनाने काहेका, सरग मा मोठो फर\f + \fr 6:23\fr*\ft सरग को अमर जीवन\ft*\f* सेत, उनको आजा पुरखा भविस्यवक्ता गीनको संग, असोच करयो सेत।\x - \xo 6:23\xo*\xt पेरीत 7:52\xt*\x*
\q1
\v 24 अखीन हाय तुमरो पर जोकी धनवान सेव,
\q2 येको लाय तुमी आपरो सान्ती पाय गयो सेव।
\q1
\v 25 धिक्कार सेत “तुमरो पर, अता अघाय सेव,
\q2 काहेका तुम, ला भुखो रव्हनो पडे़त।”
\q1 धिक्कार सेत तुमला, जोन अबा हासोसेव काहेका,
\q2 तुमला रोवनो अखीन दुख मनानो पड़हेत।
\p
\v 26 धिक्कार से जबा मानूस तुमला भला कहेत, काहेकि उनको बाप-आजा ना, भी खोटो भविस्यवक्ता गीनको सँगा असोच बरताव करयो होतीन।
\s बयरी लक माया
\r (मत्ती 5:38-48; 7:12)
\p
\v 27 पर मि तुमी आयकन वारा गिनला कहुँसू आपरो बैरी गीन लक माया राखो, जोन तुमरो लक बैर राखासे, उनको भलाई करो। 
\v 28 तुम ला जोन सराप देवासे उनला आसीस देव। जो तुमरो बेईज्जति करासे, उनको लाय पिराथना करो। 
\v 29 अना तोरो एक गाल मा झापड़ मारासे तबा दुसरो गाल ला भि देदे। जोन तोरी पचिया ला हिसकवासे वोला झंगा भी देदे। 
\v 30 जोन कोनी तोरो लक मांगासे, वोला देवने, अखीन जो चिज ला हिसकासे वोको लक नोको मागंने। 
\v 31 जसो तुमी चाव्हासेव का लोग गीन तुमरो संग करेत, तुमी भि उनको संग मा वसोच करो।\x - \xo 6:31\xo*\xt मत्ती 7:12\xt*\x*
\p
\v 32 अखीन तुमी आपरो चाव्हन वालो को संग मा माया राखासेव, ओमा का बड़ाई से? काहे की पापी गीन भी आपरो चाव्हन वालो को संग मा असोच करासे। 
\v 33 अखीन तुमी आपरो भलो करन वालो संग मा, भलो करासो, असो मा तुमरो का बड़ाई से? काहे की पापी भी असोच करासे। 
\v 34 जोन लक मिलन को भरोसा ठेवा सो उनला उधार देवासो, तो तुमरो काजक बड़ाई से? काहेकी पापी भी सबला, उधारी देव से। क मंग वोतरोच पाय सके। 
\v 35 पर मिले न नोको मिले, पर माँगन वालो ला उधारी देव, यो तुमरो लाय मोठो फर होयेत। अना तुम्ही परमेस्वर को, टूरा-टूरी कहलाने, काहे की जोन परमेस्वर ला नही मानासे, अखीन बुरो भी सेत, ओको पर भी, परमेस्वर भलो सेत। अना आपरो सतरु लक, माया करो। 
\v 36 जसो परमेस्वर दयालू से, वसोच तुमी दयालु बनो।
\s दोस नोको लगाव
\r (मत्ती 7:1-4)
\p
\v 37 तुम्हि न्याय नोको करो अना “नोको बोट उठाव, नही तो तुमरो पर भी उठायो जाहेत।” छिमा देदो, तो तुमला भी छिमा कर दियो जाहेत। 
\v 38 देवो तो तुमला भी दियो जाहेत, लोकगीन ठुस-ठुस के गजब, तुमरो आचर मा डाखेत। काहेकि जोन नाप लक तुम नापिसेव, वोच लक तुमरो लाय नापयो जाहेत।
\p
\v 39 मंग वोना उनला यो हाना डाखिस, “का अँधरा-अँधरा ला रस्ता चोवाय सकासे? दुई खोदरा मा पड़ जाहेत\x - \xo 6:39\xo*\xt मत्ती 15:14\xt*\x*।” 
\v 40 का चेला आपरो गुरूले मोठो होयेत, नही, आपरो गुरू को जसो भई जाहेत योच लगत से।\x - \xo 6:40\xo*\xt मत्ती 10:24-25; योहन 13:16; 15:20\xt*\x*
\p
\v 41 तु आपरो भाऊ को डोरा मा तिनका, काय लइ चोवासेस, पयले आपरो डोरा मा को लठ्ठा नही चोवसे। 
\v 42 जबा तोला आपरो डोरा को, लठ्ठा नही चोवासे, तबा आपरो भाऊ ला कसो कह सकसे? अगा भाउ, रव्हजोस, तोरो डोराको तिनका हेड़देसू। अगा कपटी पयले, आपरो डोरा लक लट्टा हेड, तबा, आपरो भाऊ को डोरा मा लक, तिनका हेड़न काजी, साजरो लक चोवजोस।
\s जसो झाड़ वसोच फर
\r (मत्ती 7:16-20; 12:33-35)
\p
\v 43 असो साजरो झाड़ नोहोय जेव निकम्मो फर आनेत, अखीन असो नोहोय का निकम्मा झाड़ सजरो फर आनेत। 
\v 44 अना सप्पा झाड़ अपरो फर लक चिन्हो जासेत काहेका लोग गीन झाड़ी मा लक अँजीर नही तोड़त अखीन कांटा को झाड़ लक अंगूर नही तोड़ासेत।\x - \xo 6:44\xo*\xt मत्ती 12:33\xt*\x* 
\v 45 साजरो मानूस अपरो मन को साजरा पेटखोली लक सजरो गोस्टी हेड़ासे अना बुरो मानूस अपरो आतमा को पेटखोली लक बुरी- बुरी गोस्टी हेड़ासेस काय की जेनो आतमा मा ठुसीसे वाच वोको टोंड पर अवासे।\x - \xo 6:45\xo*\xt मत्ती 12:34 \xt*\x*
\s घर बनावनवारा दुई मानूस
\r (मत्ती 7:24-27)
\p
\v 46 जबा तुमी मोरो कव्हनो नही मानो ता कायलाय मोला हे पिरभू, हे पिरभू! कव्हसो 
\v 47 जोन मोरो जवर आवासे अखीन मोरी गोस्टी आयकासे वोला मी ओरखूसु अना मी तुमला सांगसू का उ कोन को जसो से। 
\v 48 उ वोनो मानूस को जसो से जोन घर बनावतो बेरा मा धरती ला खोदकर गहेरी करके ना वोना चट्टान मा पाया डाकीस अखीन जबा पूरा को धार वोना घर मा लगी अना वोनो घर ला नही हलाय सकीस काहेकी उ घर पक्को बनयो होतो। 
\v 49 पर जोन आयक के नही मानसे उ मानूस वोको जसो से जोन चट्टान मा पाया खोदन को जघा जमीन मा बिना पाया को घर बनावासे अना जबा पूर आवासे, त वोको घर नास भय जासे।
\c 7
\s सुबेदार को भरोसा
\r (मत्ती 8:5-13)
\p
\v 1 जबा उ लोग गीन ला, गजब सी गोस्टी सांग चुकयो तबा कफरनहुम नगर मा आयो। 
\v 2 वहान एक सूबेदार को, एक नौकर बिमारी लक, मरन वालो होतो। सुबेदार वोला गजब चाव्हत होत्यो। 
\v 3 यीसु की गोस्टी ला आयक के, सुबेदार यहूदिगीन आपरा सयानो गीनला, अना कई नावी मानूस, ला यीसु को जवर, बिनती करन धाड़िन, का जायके वोको नौकर ला बचाय लेय। 
\v 4 गुरू गीन यीसु को कठा आइन, अखीन बिनती करके कव्हन लगीन। उ सूबेदार यो काबील सेत, का वोको नौकर ला, तू साजरो कर दे। 
\v 5 काहे का, यो सभाघर ला वोच ना बनवाइसेस। अना उ आमरो लोक गीन लक माया राखासे।
\p
\v 6 यीसु उनको, संग-संग गयो, वय वोको, घर को, कठा पहुचयो होतिन, सुबेदार ना आपरो संगी गीनको जवर, यीसु को लाय यो खबर धाडीस। पिरभू दुख नोको उठावस, काहेकी, मी यो काबिल नही सेव, का तुमी मोरो छत मा आव। 
\v 7 एको काजी मी तोरो कठा नही आईसेव, पर तू वहाँच लक हुकूम दे, अना मोरो दास साजरो भय जाहेत। 
\v 8 मी खुदच सरकारी अधिकारी सेव। अना सिपाई मोरो हात को खाल्या सेत, अना जबा मी, एक ला कव्हसू, तु जाय, तो उ जासे अना दूसरो ला कव्हासू तू आव तो उ आवासे। अखीन अपरो दास ला कव्हासू का तु यो कर त उ करासे।
\p
\v 9 यो आयक के यीसु ला अचंभा भयो, वोना आपरो मंघा आवन वालो ला कव्हयो, असो भरोसा ठेवन वालो मी, इसरायल लोक मा नही चोवीसेव।
\p
\v 10 अना खबरिया, जबा घर मा आइन, तबा उ दास सजरो भय गयो होतो।
\s बेवा बायको को टूरा ला जित्तो करनो
\p
\v 11 काही दिवस को मंघा, यीसु नाईन नाव को नगर मा गयो। गजब जनता, अखीन चेला गीन वोको संगमा होतिन। 
\v 12 जब वय नगर मा भीतर धसन को जघा मा गयीन, तब लोक साकोली मा एक लास बाहेर ले जावत होतीन। उ आपरो माय को एकच टूरा होतो, अना वोकी माय बेवा होती, नगर को लगत जनता वोको संग होतीन। 
\v 13 वोला चोवके यीसु पिरभू दया लक भर गयो, अखीन वोको लक काहीस, रड़स नोको 
\v 14 तबा वोना जवर आयके सकोली ला छिइस अखीन उचलन वारा उभो भईन। तबा वोना कव्हासे ओ जुवान तोला कव्हसू का उठ जाय, 
\v 15 तबा मुरदा जाग के ना बस गयो, अखीन वोना वोकी माय ला सोप देइस।
\p
\v 16 यो चोवके सबा डराय गईन, अउर वय, परमेस्वर को बड़ाई करके कव्हन लगीन, का हमारो बिच मा एक मोठयो भविस्यवक्ता आईसे, अखीन परमेस्वर आपरो लोक-बाग गीन पर किरपा करीसेस।
\p
\v 17 अना ओको बारे मा यो गोस्टी सप्पा यहुदिया अना अगल-बगल को सब देस मा फैल गयो।
\s योहन बप्तिस्मा देवनवारा को सवाल
\r (मत्ती 11:2-19)
\p
\v 18 योहन को चेला गीन, यो गोस्टी वोला सांगिन। 
\v 19 तबा योहन आपरो चेला मा लक दोन ला, यीसु पिरभू को कठा, यो पूसन ला धाड़िस, का आवनवालो तू च आस? का दुसरो सेत, हमि वोको बाट चोयबीन।
\p
\v 20 तबा वय लोक ओको जवर आवा सेत ता उनना कहिन योहन बप्तिस्मा देन वालो यो कव्हके पूसन ला धाड़िसेस। “का आवनवालो तू च आस, का अखीन कोनी सेत?” 
\v 21 ओना बेरा, ओना गजब बिमार ला दया लक साजरो करीस, अँधरा गीनको डोरा उघाड़ो, अना भूत-पलीत ला भगायो। 
\v 22 वोना उनलक कहीस, जोन काही तुम्ही ना चोवीसेव, अखीन आइकू सेव, जायके योहन लक साँगने का, अँधरा चोवा से, लंगडा हिडंसे, कोढी साजरो होवासे, बहेरा आयकासेत, मरयो हुयो जित्तो होवासे, अखीन गरिब गोर\f + \fr 7:22\fr*\ft कंगाल\ft*\f* गीनला, परमेस्वर को साजरो बारता सांगासेत। 
\v 23 अना धन्य “किस्मत वारा से” उ जोन मोरो बारे मा ठोकर ना खाय।,
\p
\v 24 जबा योहन को चेला चले गइन, त यीसु योहन को बारे मा लोग गीन ला संगिस, “तुमी जंगल मा का चोवन गयो होतो? का हवा लक हिलतो, झाड़-झड़ुला ला। 
\v 25 तुमी का चोवन गयो होतो? का नरम कपरा पहरो हुवो मानूस ला, जोन सजरा कपरा पहिरिसेस, अना सुख लक रव्हसे? उ महीमा लक राज दरबार मा रव्हसे। 
\v 26 तबा तुमी का चोवन ला गयो होतो, का कोनी भविस्यवक्ता ला? मि तुमरो लक कव्हसु, उ भविस्यवक्ता लक मोठो सेत। 
\v 27 यो वोच से जेनको बारे मा लिखिसे, चोव मी, आपरो दूत ला, तोरो पूढ़ा-पूढ़ा धाड़सु, जो तोरो पूढ़ा लक रस्ता सीधो\f + \fr 7:27\fr*\ft रास्ता साजरो करहेत।\ft*\f* करयेत। 
\v 28 मि तुमी ला कव्हसू, जोन बायको लक जलमो से, उनमा कोनी योहन लक मोठो नहात। पर जोन परमेस्वर को राज मा, सबा लक नाहनो सेत, उ योहन लक मोठो सेत।”
\p
\v 29 सबा जनता अखीन जमा लेवन वारा अधिकारी गीन, जबा यो आयकिन तो, उनना योहन को बप्तिस्मा लेवन को कारन, परमेस्वर को न्यायीपन ला खरो मान\f + \fr 7:29\fr*\ft परमेस्वर पर भरोसा \ft*\f* लेईन। 
\v 30 अखीन धरमगुरू अना मोसे को नियम को गुरू ना, वोको बप्तिस्मा नही लेइन, अखीन परमेस्वर ना उनको लाय, जोन तरकिब हेड़ो होतो, वोला नापास\f + \fr 7:30\fr*\ft परमेस्वर को गोस्टी ला सांगनो \ft*\f* कर देईन।
\p
\v 31 यीसु ना कव्हयो, अता मी, यो जुग को लोकगीन ला, कोनी को जसो समझू, यो कोनी को समान सेत? 
\v 32 वय वोना टूरागिन को जसो से, जो हाट मा बस्यो एक दुसरो लक हाकलके कव्हासे, अमीना तुमरो लाय बंसरी बजाया, अखीन तुमी नही नाचिसेउ, हमी दुखी भयी सेजन, अखीन तुमी नही रड़ीसेव। 
\v 33 योहन बप्तिस्मा देवन वालो कभी जेवन नही जेवो, न कभी दारू पिविस, मंग तुमीना कव्हयो, एको मा बालजबुल से। 
\v 34 मानूस को टूरा जेवन करतो अना पिवतो आयो सेत अना तुम्ही कव्हसो चोवो, यो मानूस कसो अघोरी सेत? यो तो, बरगन लेवन वारा पापी गिनको संगी सेत। 
\v 35 पर परमेस्वर की अक्कल अपरो सबा परजा को लक खरो दिसाईसेस।
\s फरीसी को घरमा पापनी बायको ला छिमा करनो
\p
\v 36 कोनी मोसे को नियम को गुरू न बिनती करीस, की मोरो संग जेवन कर, तबा धरमगुरू को संग, ठाव मा बस्यो। 
\v 37 नगर मा एक पापी बायको होति। वोला पता चलयो, का यीसु मोसे को नियम को गुरू को घर मा जेवन ला बसीसे, वहान वोना एक सीसी मा इतर आनिस। 
\v 38 अखीन रड़त-रड़त यीसु को पाय को जवर उभी भई, अना अपरो आसूँ लक, ओको पाय ला धोवन लगी, अखीन अपरो चुन्दी लक पाय ला पोछन लगी। अना पाय को चुम्मा लेवन लगी, अना इतर ला मलन लगी। 
\v 39 जोन मोसे को नियम को गुरू यीसु ला निवता देई होतिस, असो चोवके! मन च मा कव्हन लग्यो “यदि यो मानूस भविस्यवक्ता होतो तो जान लेतो का यो बायको कसी से अना काजक करासे? काहे की वातो पापी होती।”
\p
\v 40 वोको मन को बिचार जान के यीसु वोला कव्हयो ओ सिमोन! मि तोला काही कव्हनो चाव्हसू।
\p वोना जवाब देइस गुरूजि सांगो।
\p
\v 41 तबा यीसु न कहीस, कोनी साउकार का दुई करजदार होतिन, एक पाँच सौ दीनार\f + \fr 7:41\fr*\ft एक दिवस को बन्नी\ft*\f*, अना दुजो पचास दीनार लेई होतिस। 
\v 42 उनको जवर काही पटावन ला नही होतो। तो उ साउकार ना उनको करजा छिमा कर देईस। वोना दुई मा कोनी साउकार लक लगत माया करयेत।
\p
\v 43 सिमोन ना उत्तर दियो, मोरो समज मा मी तय करासू वोच से, जोनला लगत दे दियो गयो से।
\p वोना वोको लक कहीस, की तु साजरो कव्हासेस। 
\v 44 अना वोनो बायको कन मुरकके, सिमोन ला सांगिस, का तु या बायको ला चोयोसेस, मि तोरो घर मा आयो, पर तु मोरो पाय धोवन लाई पानी नही देईस। पर या बायको, मोरो पाय ला आसूँ लक भिगोय के, अपरो चुन्दी लक पोछिसेस। 
\v 45 तुना मोला चूमा नही देईस, पर जबा लक मि आईसेऊ, या मोरो पाय ला चुमनो नही छोड़िस। 
\v 46 तुना डोस्का पर जैतून तेल लगावन नही देईस, पर येना मोरो पाय मा इतर मलन लगी। 
\v 47 येको लाय मि तोला सांगसु, या बायको को लगत पाप, छिमा भई सेति। काहेका यो मोरो लक, लगत माया करासे। पर जेनको जरासो छिमा भयोसे, वा जरासो माया करासे।
\p
\v 48 तबा यीसु वोना बायको ला कहीस, आव बाया जाय तोरो पाप छिमा भय गई सेति।
\p
\v 49 तबा जोन, यीसु को संग जेवन लाय बसाया होतीन। वय बिचारन लगीन यो कोन से? जो पाप ला छिमा करासे।
\p
\v 50 तबा यीसु न वा बायको लक कहीस, तोला तोरो बिस्वास साजरो मोक्स देइसेस, तु सान्ती लक घर जाय।
\c 8
\s यीसु की चेलीगिन
\p
\v 1 योको मंघा उ नगर-नगर अना गाँव-गाँव परमेस्वर को राज को साजरो बारता साँगत होतो। 
\v 2 अना बारा चेला भी वोका संग होत्यो, अना गजब आई-माई गीन, जोन भुत-पलित लक, अखीन बिमारी लक, साजरी भयी होतिन। अना उनको नाव यो सेत। मरियम मगदलीनी जेनको मा सात भूत\f + \fr 8:2\fr*\ft बुरी आतमा\ft*\f* होतिन। 
\v 3 अना राजा हेरोदेस को खजांची खोजा की बायको, अना योअन्ना अना सुसन्ना अना लगत आई-माई गीन होतिन, अना यो आपरो धन-माया\f + \fr 8:3\fr*\ft संपति\ft*\f* लक, पिरभू को सेवा करत होतिन।
\s बीज बोवन वालो को उदाहरन
\r (मत्ती 13:1-9; मरकुस 4:1-9)
\p
\v 4 जबा, मोठि भीड़ ओको कठा एकठ्ठो भईन, \f + \fr 8:4 \fr*\ft बोधकथा \ft*\f*अना नगर-नगर को लोक हुन जमा होवन लगीन, तबा वोना उदाहरन लक सांगिस।
\p
\v 5 एक बीज-बोवनवालो, बीज-बोवन हिटयो। बोनी करत बेरा, काही बीज रास्ता को कठा पड़यो। अना उनला बादल को पक्सी न आयके खाय लियो। 
\v 6 अना काही बीज चट्टान पर पड़यो अना उगयो, अखीन माटी न मिलन लक सूक गयो। 
\v 7 काही बीज कांटा को झाड़ को बिच मा पड़यो अना झाड़ झकड़ संग-संग बढके ना ओला दबाय देईस। 
\v 8 अना काही बीज साजरो जघा मा पड़यो अना उगके सौ गुना फर लायो। यो कहके ओना उचो आवाज लक कहीस, सबा ध्यान धरके आयको।
\s उदाहरन को काय मतलब से?
\r (मत्ती 13:10-17; मरकुस 4:10-12)
\p
\v 9 वोको चेला गीन पुसन लगीन, यो उदाहरन को काजक मतलब से? तबा वोना सांगिस, 
\v 10 “तुम ला परमेस्वर को राज को, छुपयो गोस्टी को समझाय दियो गयो से। पर परायो ला, उदाहरन लक आयकवायो जासे। एकोलाय का वय चोवकेना बिना चोवो जसो भयी जाय, अखीन आयकनो पर भी नही समजेत\f + \fr 8:10\fr*\ft मन मा अँधरापन हो जाहेत। \ft*\f*।”
\s बीज बोवन वालो उदाहरन को मतलब
\r (मत्ती 13:18-23; मरकुस 4:13-20)
\p
\v 11 उदाहरन को मतलब असो से, बीज तो परमेस्वर को गोस्टी से। 
\v 12 “रास्ता को किनार का बीज वय सेती। जोना आयकीस, तबा बालजबूल \f + \fr 8:12\fr*\ft सैतान\ft*\f*उनको मन लक, गोस्टी उचल ले जासे। कही असो नाहती की भरोसा राखेत, अना साजरो बिस्वास लक सूटकारा मिल जाये। 
\v 13 चट्टान मा पड़ियो बीज वय सेत, जोन परमेस्वर को गोस्टी ला खुसी-खुसी लक आयकासेव सेत, अना मानन लगासे। पर उथलो भरोसा राखासे, काहेका उनमा जड़ नही रव्हासे, अखीन परिक्सा को बेरा मा सब भरोसा खतम होय जासे। 
\v 14 जोन बीज कांटा को झाड़ पर पड़ासे, उ वय लोग सेत, जोन परमेस्वर को गोस्टी ला, आयकन पर, पयले धन-माया की चिंता, रोज को जिंदगी को सुक, लोभ-माया को कारन, उन मा फर नही लगासे। 
\v 15 साजरी जघा पर पड़ियो हुयो बीज, वय लोक होत्यो, जोन गोस्टी ला आयक केना, वोना बिचारीस, अखीन साजरो मन लक, अपनावसेत, अना धिरज लक फर आनासे।”
\s फूला पर दियो
\r (मरकुस 4:21-25)
\p
\v 16 दियो पेटावनो को मंघा, बरतन लक नही ढाकासे, अखीन ना खाट को खाल्या ठेवासे। मंघ फूल मा राखसेत, का भीतर अवन वालो ला, उजाड़ो दिसेत\f + \fr 8:16\fr*\ft दिया को फुल मे मडनो पर उजाड़ो \ft*\f*।
\p
\v 17 काही, लुको नहात, जोन उघाड़ो ना जाहेत, अखीन उ सबला दिसेत, अखीन काही लुकयो नहात, जोन सबला ना दिसेत। \f + \fr 8:17\fr*\ft उजाले से सब चीज उजागर होती\ft*\f*
\p
\v 18 “एको लाय होसियार रव्हो, का तुमी काजक आयकसेव? काहेका जेनको जवर सेत, वोला अखीन दियो जाहेत। अखीन जेनको जवर नहात, पर जोन सेत, उ सप्पा ले लियो जाहेत, जोनला वो आपरो समजासे।”
\s यीसु की माय अखीन भाऊ
\r (मत्ती 12:46-50; मरकुस 3:31-35)
\p
\v 19 वोको भाऊ, अखीन माय, वोको जवर आइन। पर भिड को कारन लक, यीसु लक, नही मिल सकिन। 
\v 20 कोनी ना सांगिस का, “तोरो माय अखीन भाऊ, बाहेर उभो सेत, वय भेंट करन आइसेस।”
\p
\v 21 वोना फट ने जवाब देईस, मोरी माय अखीन भाऊ वोच से, जोन परमेस्वर को गोस्टी आयका सेत, अखीन मानासेत।
\s यीसु आँधड़ गरड़ ला सान्त करासे
\r (मत्ती 8:23-27; मरकुस 4:35-41)
\p
\v 22 अना एक दिवस यीसु, अखीन वोको चेला, डोंगा पर चढिन। वोना अपरो चेला लक कहीस, “आव हमी झिल को वोना गन जाबिन।” अना वोना नाव ला खोल देईन। 
\v 23 जबा नाव चलन लगी, तो यीसु झोप गयो, तबा झिल मा आँधड़ चली, अना डोंगा पानी मा, बुड़न लगयो। अना वय संकट मा पड़ गेईन।
\p
\v 24 तबा उनना, जवर आयके वोला जगाईन, अना कव्हयो, मालीक-मालीक हमी नास भई जाबिन, तबा वोना, आँधड़ अखीन पानी ला डटकार के हुकूम देइस, अखीन आँधड़ थम गयो, अना उनको मन मा, सुकुन आयो।
\p
\v 25 तबा वोना उनला कहीस, “कसो, तुमरो भरोसा कहांन से?” अना वय डराय गयो होतीन, अना चकित होय के कव्हन लगीन “उ कोन आय जोकी हुकूम पानी अना आँधड़ भी मान सेती।”
\s भूत झोमयो मानूस ला साजरो करनो
\r (मत्ती 8:28-34; मरकुस 5:1-20)
\p
\v 26 अना वय गिरोसेनियो नाव को देस मा पहुचीन। जोन ओनागन गलील परदेस को पुढा मा से। 
\v 27 जबा व डोंगा लक खालया मा उतरियो, तो उ नगर मा एक मानूस होतो। जेनको मा भूत-पलित धसी होतीन। उ बिना कपरा को रव्हत होतो, न तो घर मा रव्हत होतो, उ मरघट्टी को जघा मा रहोत होत्यो। 
\v 28 व यीसु ला चोवयो, तो चिलवन लग्यो, अना ओको पुढा मा, पड़यो, अना उच्चो आवाज लक कव्हन लग्यो। “ओ मोठो, परमेस्वर को टूरा यीसु! मोला तोरो लक का काम से? तोरो लक बिनती करासू, मोला दुख नोको दे।” 
\v 29 काहेका उ भूत-पलित ला हिटन को हुकूम देवत होतो। व ओला घड़ी-घड़ी झूमत होतो अना ओला साँकल अना बेड़ी मा बांधत होतिन, पर उ बंधन ला पटा-पट तोड़ देत होतो। अना जंगल मा भागतो फिरतो रहोत होतो।
\p
\v 30 यीसु न ओको लक पुसीस की, तोरो काजक नाव से।
\p वोना सांगिस, मोरो नाव सार संगाड़ से, काहेका वोको भितर मा, लगत सारी बुरो आतमा होती। 
\v 31 वोना बिनती करीस हमला नरक मा जावन को हुकूम नोको देव।
\p
\v 32 वहान, पहाड मा खालमानी को एक मोठो करप चर रहयो होतो। एको लाय उनना, ओको लक बिनती करीन, हमला उनमा धसन देव। यीसु ना कहीस जाय! 
\v 33 तबा भूत-पलित ओनो मानूस लक हिटके, खालमानी मा धस गईन। अना हेड जोर लक झपटयो, अना झिल मा जायके बुड़ गयीन, अना मर गयीन।
\p
\v 34 तबा चरानवारा गीन, असो कान्ड चोय के पारय गेईन। अना नगर मा जाय के सबला सांगिन। 
\v 35 लोग यो चोवन, लाई यीसु को कठा आइन, अखीन उ भुत वालो मानूस ला चोवके ना भेव मा पड़ गईन। काहेका उ मानूस कपरा घाल केना सान्त यीसु को कठा बस्यो होतो। 
\v 36 अना चोवनवारा गीनना उनला सांगीन का भुत लक झोमयो हुयो मानूस कसो रिति लक साजरो भयी से।
\p
\v 37 तबा गिरोसेनियो छेतर को आखा-पाखा को लोकगीन, बिनती करन लगीन, तुम्ही यहान लक चली जाव, काहे का लोग गजब भेव मा पड गई होतीन। यीसु नाव मा चघ के ना लवट गयो। 
\v 38 जोन मानूस लक बुरो आतमा हिटी होती। उ यीसु लक बिनती करके कव्हन लग्यो, मोला आपरो सँगा रव्हन दे। तबा
\p
\v 39 यीसु ना कव्हयो, “का तु घर जाय, अखीन लोकगीन ला सांगजो, का परमेस्वर ना तोरो लाय, काजक-काजक काम करीसेस।” उ चले गयो अखीन सबा, नगर-नगर मा, यो गोस्टी ला परचार करन लग्यो।
\p का यीसु ना मोरो लाय कसो मोठो काम करयो से।
\s याईर की मरी टूरी अना धोवा को रोगी बायका
\r (मत्ती 9:18-26; मरकुस 5:21-43)
\p
\v 40 जबा यीसु लवट गयो, तबा लोग गीन वोको मान करीन, काहे का सबा वोको बाट जोहत होतीन। 
\v 41 वोना बेरा सभाघर मा, याईर नाव को एक मुखिया आयो। अखीन यीसु को पाव पड़के, ना बिनती करन लग्यो, का मोरो घर चल,
\p
\v 42 काहेका वोकी एकच टूरी होती। वोको, उमर 12 साल होति, व आखीर सांस लेवत होति। यीसु वोको संग जावन लग्यो। रस्ता मा भीड़, यीसु ला, दबान लगीन। 
\v 43 एक बायको बारा बरस लक लाल धोवा को बीमारी लक, परेसान होती, वा साजरो होवन को लायक भी नहोती। वा आपरो सबा धन, बैद को जवर, इलाज मा लगा देयि होती, पर उ साजरो नही भई। 
\v 44 वा आयके ना, कपरा को छोर ला, छिव लेयी, अखीन वोको रकत बहनो, बंद भई गई। 
\v 45 तबा यीसु ना कव्हयो, “मोला कोन छिवी से?” सबको मना करन को मघा, पतरस ना कव्हयो,
\p “गुरूजी, तुम्ही भीड़ लक घिरोसव, अखीन भीड़ तोरो पर पड़ासे।”
\p
\v 46 यीसु ना कव्हयो, “कोनी ना जरुर मोला छिवी सेस, काहे का मी ना समज गई सेव, का मोरो लक, साजरो होवन वालो ताकत हिटी से।” 
\v 47 तबा वा बायको ना चोयी, का मी लुक नही सकसू, तबा थरथारान लगी, यीसु को पाय पड़के ना, सब लोकगीन को पूढा सांगन लगी, का काहे छिवीसेव, अखीन उ कसो साजरो भई गई। 
\v 48 यीसु ना वोला कव्हयो “बेटी, तोरो भरोसा ना तोला साजरो करीसेस। तू सान्ती लक घर जाय।”
\p
\v 49 यीसु साँगत होत्यो, तबच उ सभाघर को मुखिया लक एक मानूस आयो। अखीन कव्हयो, “तोरी टूरी मर गई, तु गुरूजी ला सांग दे।”
\p
\v 50 यो आयक के, यीसु न कव्हयो, “भेव नोको खाय, भरोसा राख, उ साजरो भई जाहेती।”
\p
\v 51 जब यीसु याईर को घर मा, पहुचयो। तो वोना पतरस योहन अना याकूब, अखीन टूरी को माय-बाबूजी को सीवा कोनी ला भीतर नही, आवन दियो। 
\v 52 सब रड़त होतीन, यीसु ना कहेयो “नोको रडो, यो मरी नहाति, पर जप मा से।”
\p
\v 53 लोकगीन यीसु को मजाक उडावन लगीन, काहेका, सब जानत होतीन। का वा मर गईसे। 
\v 54 यीसु ना टूरी को हाथ धरके ना कव्हयो, टूरी उठ ओ। 
\v 55 तबा टूरी को जीव लवट के आई गई, अखीन उ जाग के ना बस गई। यीसु न कव्हयो, एला काही जेवन देव। 
\v 56 वाको माय-बाबूजी चकीत भई गईन। पर यीसु न कव्हयो, यो चरचा कोनीला नोको सागजोस।
\c 9
\s बारा पेरीतगिन ला धाड़नो
\r (मत्ती 10:5-15; मरकुस 6:7-13)
\p
\v 1 तबा यीसु ना, 12 चेला गिनला हाकलिस। अना उनला, भुत-पलित, बुरो आतमा हेड़न अना बिमारी साजरो करन की ताकत, अखीन अधिकार देईस। 
\v 2 अना उनला, परमेस्वर को राज को परचार करन लाई, अखीन बिमार गीनला, साजरो करन लाई, धाडीस। 
\v 3 वोना उनको लक कहीस, का रास्ता लाई काही नोको आनने रुपिया-पैसा, लाठी-वाठी, खानो-पिनो को समान, कुरता-पचिया झोला-झंकड़ नोको राखने। 
\v 4 जेनो घर मा, तुमी उतरनो, वहान रव्हने, अखीन वहान लक, सार होवने। 
\v 5 जोन कोनी तुम्हिला नही पुसेत, उ नगर लक हिटके ना, आपरो पाय को बारू ला झड़ाय लेने जोन उनको विरोध मा, गवाही होयेत।
\p
\v 6 अखीन वोना हिटके ना, गांव-गांव मा परमेस्वर को साजरो बारता, आयकावत होतिन। अखीन गजब लोग गिनला, हिन्ड-हिन्ड के, साजरो करन लगीन।
\s हेरोदेस को उलझन
\r (मत्ती 14:1-12; मरकुस 6:14-29)
\p
\v 7 तबा चौथाई देस को राजा हेरोदेस, यो सबा ला आयक के, भेव खाय गयो। अखीन सांगन लग्यो, योहन मरयो हुयो जित्तो, भई से। 
\v 8 अना काही कव्हन लग्यो, का भविस्यवक्ता एलिय्याह, अखीन काही सांगत होतिन, का कोनी जुनो भविस्यवक्ता, \f + \fr 9:8 \fr*\ft जूनो भविस्यवक्ता \ft*\f* जिव गईसे। 
\v 9 तबा हेरोदेस राजा ने कहीस, योहन जोनको मिना, डोस्का कपवायो डाखिसेव, यो कोन आय? जेनको बारे मा, असो गोस्टी आयकुसु, अना उ यीसु ला देखनो की मन कर लेइस।
\s यीसु लक पाँच हजार मानूस ला जेवन करानो
\r (मत्ती 14:13-21; मरकुस 6:30-44; योहन 6:1-14)
\p
\v 10 मंग पेरीतगीन लवट के, जोन काही करयो होतो, उ यीसु ला सांगीन, अना उ उनला, आपरो संग, बैतसेदा नाव को नगर मा ले गईस। 
\v 11 यो जान के, भिड़ ओको माघा भई गई, अना उ खुसी लक ओको संग मा मिलयो। अखीन उन को लक, परमेस्वर को राज गोस्टी करन लगयो। अखीन जोन लोग गीन साजरो होवनो चाव्हत होतिन, उनला साजरो करीस।
\p
\v 12 जबा दिवस बुड़ता बेरा भयो, तबा 12 पेरीतगीन ना, आयके वोको लक कहिन, भीड़ ला सार कर दे, वय चारो कन का गांव, अना बस्ती मा जाय के, रव्हन को इन्तेजाम करयेत, काहे की हमि, एक सुनसान जघा मा, सेजन।
\p
\v 13 ओना उनको लक कहीस, तुमी उनला जेवन ला देव,
\p उनना कहिन, हमरो जवर पांच भाकर अना दूई मसरी, ला सोड़ अखीन कहि नहात। का तू कव्हसे, की हमि जायके, सबा लोकगीन लाय, जेवन आनबीन?
\p
\v 14 वहान पाँच हजार मानूस होतिन। मघं उ आपरो चेला गीनला, कहीस, उन ला पचास-पचास की पंगत मा बसाय देव।
\p
\v 15 उन ना असोच करीन, सबला बसाय देईन। 
\v 16 तबा वोना पांच भाकर अना दोई मसरी लेईस, अउर सरग को कन चोवके ना, धन्य वाद कहीस, अउर तोड़-तोड़ के चेला गीनला देईस, क वय लोग गीन ला परसे। 
\v 17 तबा सारा लोग खायकर खुसी भईन, अना चेला गीन ना, बचया हुयो टुकड़ा गीन ला, 12 डलीया मा उठाईन।
\s पतरस को यीसु ला मसीह माननो
\r (मत्ती 16:13-20; मरकुस 8:27-30)
\p
\v 18 जबा उ एकांत मा, पिराथना कर रहयो होतो। अखीन चेला वोको संग मा होतीन। ता वोना उनको लक पुसीस, लोकगीन मोला का कव्हसे?
\p
\v 19 तबा चेलागिन जवाब देईन, योहन बप्तिस्मा देवन वालो, अना कोनी-कोनी, एलिय्याह अखीन गियान की सजरी-सजरी गोस्टी सांगन वालो, जुनो भविस्यवक्ता जिव गई से।
\p
\v 20 वोना वोको लक पुसिस, अखीन तुमी मोला, का कसो?
\p पतरस ना जवाब देईस, तू परमेस्वर का मसीह \f + \fr 9:20 \fr*\ft परमेस्वर को अभिसिक्त\ft*\f*आस।
\p
\v 21 यीसु ना अपरो चेलागिन ला, कड़ाई लक हुकूम देइस, का यो गोस्टी कोनी ला, नोको सांगने।
\s आपरी मौत को बारे यीसु को सांगनो
\r (मत्ती 16:21-23; मरकुस 8:31-33)
\p
\v 22 यीसु ना सांग्यो मानूस को टूरा लाय लगत दुख उठानो जरूरी से, अखीन सियानो अना मुखिया याजक अना मोसे को नियम को गूरू लक उ नकारो जाय, अना उ तिसरो दिवस मरयो हुयो लक जित्तो होहेत।
\s यीसु को मंघा चलन को मतलब
\r (मत्ती 16:24-28; मरकुस 8:34—9:1)
\p
\v 23 तबा यीसु ना सबा लक कव्हयो, जो मोरो मघ आवन चाव्हासे, आपरो आप ला नकारे, रोज कूरूस उठायके\f + \fr 9:23 \fr*\ft दुख उचल के मोरो मघा चलो \ft*\f* मोरो मघा आहेत। 
\v 24 काहे का, जोन आपरो जान बचावनो चाव्हासे, उ वोला खो देहेत, अना जोन मोरो कारन आपरो जान खो देहेत\f + \fr 9:24\fr*\ft जो मोरो लाय आपरो परान दे\ft*\f*, वोच वोला पाहेत। 
\v 25 वोना मानूस ला, का फायदा? जोन खुदला नास कर दे, अखीन जगत को धन पाय जाय। 
\v 26 जोन मोला अखीन, मोरो कव्हनो ला मानन लाय, लाज करयेत, मानूस को टूरा आपरो तेज को संग आहेत तो वोला सबको पुआ नकार देहत, अखीन जोन सबको पुढा वोला मान लेहेत, वो वोला परमेस्वर अखीन पवीतर सरगदूत, को पुढा मान लेहेत। 
\v 27 मि तुम्ही लोक गीन ला, खरोखर सांगासू, यहान काही लोकगीन सेत, जबा लक परमेस्वर को राज ला नही चोव लेत, वो नही मरहेत।
\s यीसु को रुप बदलनो
\r (मत्ती 17:1-8; मरकुस 9:2-8)
\p
\v 28 यो गोस्टी को हपता भर बाद मा, यीसु पतरस योहन अना याकूब ला, आपरो सगंमा, पहाड़ मा ले गयो। अना वहान परमेस्वर लक पिराथना करन लगीन। 
\v 29 पिराथना करत-करत, यीसु को टोंड चमकन लग्यो, कपरा उजरो भय गयो। 
\v 30 एकदम चेला गीनला, यीसु को संग, दुई मानूस गोस्टी करत चोवयो, वोना मोसे, अखीन एलिय्याह भविस्यवक्ता होत्यो। 
\v 31 वय दुई मा लगत तेज होत्यो, उ काही येरुसलेम मा होवन वारा, घटना को बारेमा, सांगत होत्यो। 
\v 32 पतरस अखीन वोको सगीं जपमा होतिन, मंग वय जप लक जाग गयो होतिन। ता वोना यीसु अखीन वय दुई ला तेज समेत चोईन। 
\v 33 वय दुई, यीसु को जवर लक, बिदा हो रहयो होतो। तबा पतरस, यीसु ला कव्हयो, मालीक, कितरो साजरो होतो, का हमि तिन मान्डो गाड़बोन, एक तोरो, एक मोसे, अखीन एक एलिय्याह काजी, वोला पता नही होत्यो। क उ काजक, सांग रहि सेस?
\p
\v 34 उ सांग रहयो होतो, का एक बादल न आयके, वोना पर छाय गयो, अना वय डराय गइन। 
\v 35 बादल लक यो आवाज आयो, यो मोरो चहेतो टूरा आय अना मोरो निवाड़ो हुया से, एको आयको।
\p
\v 36 आवाज आवन को मघा, यीसु एकलो चोवयो, चेलागिन यो बारे मा काही, नही सांगिन।
\s बुरो आतमा वालो टूरा ला साजरो करनो
\r (मत्ती 17:14-18; मरकुस 9:14-27)
\p
\v 37 दुसरो दिवस जबा, वय पहाड़ लक उतरीन, तबा गजब लोकगीन मिलन ला आइन। 
\v 38 अना भिड़ मा लक, एक मानूस ना चिल्लाय के कव्हयो, हे गुरू मी तोरो लक बिनती करासू, का मोरो एकच टूरा से, वोको पर किरपा कर। 
\v 39 वोला एक भूत धरसे, अना उ एकदम बेमियासे, आँग ऐठासे, टोन्ड मा फेसकुड़ आवासे, अखीन वो भूत वोलो कठनाई लक छोड़ासे। 
\v 40 मि ना तोरो चेला गीन, लक बिनती करीसेव, का वोला हेड़ देव, पर कोनी नही हेड सकिन।
\p
\v 41 तबा यीसु ना जवाब दियो, ओ अबिस्वासी अना केड मानूस, मि कबा तकन तुमरो संग मा रहु? वोला यहान आनो।
\p
\v 42 जसो टूरा समोर मा आयो, बुरो आतमा वोला धर के ना मरोड़ दियो, पर यीसु ना वोला डटकार के वोला परान को हुकूम दियो, उ टूरा साजरो भय गयो, अखीन वोला वोको बाबूजी ला सोप देइस।
\s आपरी मौत को बारे मा यीसु मंग सांगासे
\r (मत्ती 17:22,23; मरकुस 9:30-32)
\p
\v 43 सबा लोग गीन परमेस्वर कन लक यीसु को काम चोवके ना, चकित भई गईन। तब यीसु ना आपरो चेला गीन ला कह्यो 
\v 44 तुम कान धरके ना मोरो गोस्टी ला आयको, मानूस को टूरा मानूसगिन लक धराय जान वारा सेत। 
\v 45 पर यो गोस्टी उनला, समज मा नही आयो, काहेका परमेस्वर ना, उनको समजन को बुध्धि ला, हर लियो होतो। उनला यो बारे मा, बिनती करनलाय लाय भेव लगत होतयो।
\s सब लक मोठो कोन?
\r (मत्ती 18:1-5; मरकुस 9:33-37)
\p
\v 46 चेलागिन, आपसी मा कव्हन लगीन। आमी मा कोन मोठो सेत? 
\v 47 यीसु ना उनको दिल को गोस्टी जान, एक लेकरा ला उभो करके, 
\v 48 अना उन लक कव्हयो, जोन मोरो नाव लक, असो लेकरा ला आपरो समजा से, उ मोला आपरो समजा से, अना जोन कोनी मोला आपरो समजा से, परमेस्वर वोला आपरो समजा से, काहेका तुम्ही लक, जोन कोनी नान्हो सेत, वोच सबा मा मोठयो सेत।
\s जोन विरोध नही करा उ पक्स मा से
\r (मरकुस 9:38-40)
\p
\v 49 योहन यीसु को जवर आयके ना, कव्हन लग्यो, गुरूजी एक मानूस से, जो तोरो नाव लक बुरो आतमा हेड़ासे, पर उ हमरो संगी नहाय।
\p
\v 50 तबा यीसु ना कहीस, वोला मना नोको करो। जोन आमरो विरोध मा नहात उ आमरो कना से।
\s सामरिया छेतर मा विरोध
\p
\v 51 यीसु येरुसलेम नगर जावन लाय, आपरो मन मा ठान लियो, काहेका वोको वरता उचलन को, बेरा जवर, आय गयो होतो। 
\v 52 यीसु ना आपरो पुढा सन्देसा देवन वालो ला धाडीस, समरिस्थान मा, सामरी लोक को लोकगीन रव्हत होतिन। 
\v 53 पर उन लोकगीन ना वोला नही रोखिन, काहे की वय येरुसलेम जावत होतिन। 
\v 54 यो चोव के वोको चेला याकूब अखीन योहन कव्हासेत, हे पिरभू तु हुकूम दे, हमि बादल लक स्तो पड़ाये के ना, गाँव ला भस्म कर डाकबो?
\p
\v 55 पर यीसु ना उनला डटकार देइस अना कहीस, तुमला मालुम सेत तुमी कोनतो आतमा को सेव? काहेका मानूस को टूरा लोकगीन ला मारन नही पर बचान आइसेत।
\s यीसु को चेला बनन को किमत
\r (मत्ती 8:19-22)
\p
\v 56 अखीन उ दुसरो गाँव मा चले गईन।
\p
\v 57 रस्ता मा जावत-जावत, कोनी ना वोला सांगिस, तुम्ही जँहा-जँहा जावासो, मि संग-संग आवासू।
\p
\v 58 तबा यीसु ना वोला कव्हयो, कोल्हिया को, रव्हन को ठिकनो से, बादर को पक्सी चिड़िया-चुनगुन काजी गोदा से, पर मानूस को टूरा ला डोस्का लुकान को जघा नहती। \fig पहाड़ी को खोदरा मा लेकरागिन को संग कोल्हिया|alt="Fox with kits in a hole" src="BK00051C.TIF" size="col" copy="Horace Knowles ©" ref="9:58"\fig*
\p
\v 59 वोना दुसरो ला कहीस, मोरो मंघा आय, पर वोना जवाब दियो, हे पिरभू मोला पयले मोरो बाबूजी ला गाड़ के ना आवन दे,
\p
\v 60 यीसु ना कव्हयो, मुरदा ला मुरदा गाड़न दे। पर तुम्ही जायके ना, परमेस्वर को राज को गोस्टी, सबला सांगो।
\p
\v 61 दुसरो ना कव्हयो, हे पिरभू मि आपरो घर लक बिदाई लेके आवासेऊ, तबा मी तोरो मंघा आँहू
\p
\v 62 यीसु ना कव्हयो, जो नांगर को मुठ मा हात धरके ना, मंघा चोवासे वो परमेस्वर को राज मा काबिल नहात।
\c 10
\s सत्तर चेलागिन ला धाड़नो
\p
\v 1 यो सबको मंघा पिरभू अखीन बहात्तर चेला गीनला निवाड़ के जोन-जोन गाँव-नगर मा जावनवालो होत्यो, उता दुई-दुई करके आपरो पूढा धाड़िस। 
\v 2 यीसु ना उनला कहीस, पिक्को फसल गजब सेत, पर बनीहार जरासो सेत। यो काजी खेत को मालीक लक बिनती करो, का फसल कापन लाय, बनीहार धाड़हे। 
\v 3 जावो मि तुम्ही ला बिघा गीन को बीच मा, मेढा-सेरी को बच्चा जसो धाड़ासू। 
\v 4 तुम्ही झोला पियुसी, सेंडिल, कपरा काही नोको आनने अखीन रास्ता मा कोनी लक, नमस्कार नोको करने। 
\v 5 जबा कोनी घरमा भितर जावो, तबा सबा लक पूढा असो सांगने, का “यो घर को कल्यान होय।” 
\v 6 अदी कोनी कल्यान को काबिल सेत, तो वा घर मा, कल्यान रुक जाहेत, नही तो उ, तुमरो कठा लवट आहेत। 
\v 7 वोच घर मा रव्हने, अखीन उनको कठा जो सेत, वोच जेवन करने, घर-घर नोको फिरने। काहेका बनीहार ला वोको बन्नी मिलन को\f + \fr 10:7\fr*\ft बनीहार ला बनी मिलनो पाहिजे। \ft*\f*, हक सेत। 
\v 8 कोनी गावँ-नगर मा तुम्ही जावासो, आदर को सगं जोन परसा से, जेवन करने। 
\v 9 उता को बिमार गिनला साजरो करने, अखीन उनला सांगने, “परमेस्वर को राज तुमरो कना सेत।” 
\v 10 पर जोन गाँव-नगर मा जावासो, अखीन वहान को लोग गीन, तुमारो आदर नही करासेत, तो बजार-हाट मा जायके कव्हने, 
\v 11 आमरो पाय मा धुल सेत, आमी झाड़ देसेजन। पर तुम्ही जान लेव, का परमेस्वर को राज, तुमरो कठा आईसे। 
\v 12 मि तुम्ही ला सांगासु, वो दिवस लक सदोम-अमोरा नगर जसो, उ नगर मा सत्यानास\f + \fr 10:12\fr*\ft मन नहि मुरकायो गयो से ता नास भई जाहेत। \ft*\f* आय जाहेत।
\s बिस्वास नही करनवालो सहेर ला धिक्कार
\r (मत्ती 11:20-24)
\p
\v 13 यीसु कव्हयो, “खुराजिन अखीन बैतसेदा नगर ला, धिक्कार से, जोन अचंभा को काम परमेस्वर को ताकत लक, यो नगर मा भयोसे, सूर अखीन सिदोन नगर मा होतो, तो वय लोकगीन पस्तावा कर, मन बदल के, परमेस्वर को कठा, आय गईन होतिन। 
\v 14 यो काजी, न्याय को बेरामा, सूर अना सैदा नगर को दसा, जादा खराब होहेत। 
\v 15 अना हे कफरनहुम नगर, तू का सरग लक वरता कियो जावजोस? नही, तू खाल्या नरक लक गिराय दियो जाहेत।”
\p
\v 16 जोन तुम्हारो आयक सेत, उ मोरि आयकासे, जोन तुम्हारो बेइज्जती करासे, उ मोरो बेइज्जती करासे, अखीन परमेस्वर\f + \fr 10:16\fr*\ft परमेस्वर मोला जोन ना मोला धड़यो से\ft*\f* को भी बेइज्जती करासे।
\s सत्तर चेलाहुन को लवटनो
\p
\v 17 सत्तर चेला गीन खुसी लक, लवट के आयके कव्हन लगीन, हे पिरभू, तोरो नाव लक बुरो आतमा भी आमरो कब्जा मा सेत।
\p
\v 18 यीसु ना जवाब दियो, मी ना सैतान ला, बिजली को घाई सरग लक पड़तो, चोविसेव। 
\v 19 मि ना सरप, मेहदल, अखीन बयरी को सारो ताकत ला, कुचलन को हक\f + \fr 10:19\fr*\ft बैरी की सक्ति मा तुम्हरो हक से\ft*\f* देवासू, अखी काही भी तुम्हिला, हानी नही करयेत। 
\v 20 तरि यो काजी खुस नोको होवने, का बुरो आतमा तुमरो बस मा सेत पर एकोलक खुस होवो का तुमरो नाव सरग मा लिख्यो सेत।
\s यीसु खुसी ले भर गयो
\r (मत्ती 11:25-27; 13:16,17)
\p
\v 21 वोच बेरा उ पवीतर आतमा लक खुसी मा भर गयो अना कव्हसेत, “हे बाबूजी, सरग अना धरती को मालीक, मि तोरो धनवाद करासू, का तूना यो गोस्टी ला, मोसे को नियम को गुरू अखीन समजदार लक लुकाके राखिसेस। अखीन नहानो लेकरा गीन पर, उजागर करीसेस। हाँ हे बाबूजी तोला, असोच साजरो लगिसेस।”
\p
\v 22 मोरो बाबूजी न मोला सबा कछु सोप देईसेस। अना कोनी नही जानासे, का टूरा कोन आय? केवल बाबूजी, अना बाबूजी, कोन सेत, कोनी नही जानासे, केवल टूरा? अखीन जोन पर टूरा उजागर\f + \fr 10:22\fr*\ft बेटा जोन पर उजागर करनो चाहेत वोच जानेत। \ft*\f* करनो चाव्हासे, वोको पर उजागर करासे।
\p
\v 23 तबा चेला गीन कन, मुरकके ना एकलो मा कव्हयो, “धन्य सेत तुमरो डोरा, जोन यो गोस्टी चोवासे। 
\v 24 काहे का, मि तुम्ही लक कव्हसू, का गजब राजा भविस्यवक्ता, यो चोवनो चाहत होत्यो। पर उ नही चोव सकिन, आयकन चाव्हत होतिन, पर उ नहि आयकिन।”
\s साजरो सामरी को उदाहरन
\p
\v 25 एक मोसे को नियम को गुरू, यीसु को परिक्सा लेवन काजी आयो। अना पुसिस, हे गुरूजी, अमर जीवन को अधिकारी होवन लाय, मी काजक करु?
\p
\v 26 यीसु ना कव्हयो, मोसे को नियम मा का लिखी सेस? अता तुमी का बाचासो?
\p
\v 27 वोना जवाब दियो, तू आपरो पिरभू परमेस्वर लक आपरो सारो मन अना आपरो सारो परान अना आपरो सारो ताकत अना आपरो सारो अक्ल को संग पिरेम\f + \fr 10:27\fr*\ft पूरी तौर लक परमेस्वर ला जान\ft*\f* करो। अखीन आपरो सेजारी, लक आपरो जसो माया राखो।
\p
\v 28 यीसु ना वोला ला सांगीस, तु ना खरो सांगीसेस योच कर, तो तू जित्तो रव्हजोस।
\p
\v 29 एको पर एक गुरू ना आपरो आप ला, जादा खरो दिसान काजी यीसु ला सवाल करीस, लेकिन मोरो सेजारी कोन आय?
\p
\v 30 यीसु वोला एक उदाहरन सांगन लग्यो। एक मानूस येरुसलेम लक, येरीयो नगर जावत होत्यो। वोला डाकू गीन घेर लेइन, वोला मारपीट के लुट लेइन अखीन अधमरो करके सोड़ देइन। 
\v 31 एकाएक एक याजक वहान लक, पार भयो। वोला चोवके ना उतरा के चलीगयो। 
\v 32 असोच एक लेवी आयो उ भी चोवके, कतरा के चले गयो। 
\v 33 अबा एक सामरी लोक को आदमी वोला चोवके ना, दया\f + \fr 10:33\fr*\ft तरस करया \ft*\f* लक भर गयो। 
\v 34 उ वोको कना गयो अखीन, अंगूर को रस डालके ना, मरहम पट्टी करीस, अना आपरो सवारी मा बसाय के, बइद को जवर लेगइस। ताकि ओको सेवा\f + \fr 10:34\fr*\ft देख-रेख \ft*\f* कियो जाहे। 
\v 35 बइद ला दोन सौ दीनार देके कहीस, का अखीन लगहे तो मी आनके दे देहू अखीन रोगी को सेवा करजोस।
\p
\v 36 यीसु ना गुरू ला पुसयो उन तीनो लक, कोन उ मानूस को सेजारी पड़ोसी कहलावासे। 
\v 37 वोना जवाब देइस का, जोन ना वोको काम आइसे, यीसु कव्हयो जाओ तुमी असोच किरपा करो।
\s मरियम अना मारथा को घर मा यीसु
\p
\v 38 यीसु चेलागीन को संग एक गाँव मा गईन अखीन, वोना गाव मा मरियम अखीन, मारथा नाव को दूई बहिन रव्हत होतीन उनको घर यीसु अखीन वोको चेलागीन, पहूनाई मा गईन। 
\v 39 मरियम नाव ओकी एक बहिन होती, सबा काम धाम छोड़ केना यीसु को कठा, बस के पिरभू को गोस्टी ध्यान लक, आयकत\f + \fr 10:39 \fr*\ft पिरभू की गोस्टी ला ध्यान लक आयकनो \ft*\f* होती। 
\v 40 अखीन मारथा काम करत-करत हिजड़ गई अखीन कहीस, पिरभू तोला मोरो चिन्ता नही सेती की मोरी बहिन ना मोला सेवा को काम करन को लाई एकलोच छोड़ देईसेस? एको लाई ओला हुकूम दे का मोरी हात बटाये।
\p
\v 41 तबा पिरभू ना सागींस मारथा, तू गजब चिंता करासेस। 
\v 42 मरियम ना मोरो कठा, बसके संसार को सबा लक\f + \fr 10:42 \fr*\ft संसार को सब लक अच्छी चीज गोस्टी जोन मरियम ला भेटयो \ft*\f*, साजरो हिस्सा निवाड़ो सेस, ऊ कभी नही सुड़ायो जाहेत।
\c 11
\s यीसु चेलागिन ला पिराथना सिकानो
\r (मत्ती 6:9-13)
\p
\v 1 यीसु कोनी जघा मा, पिराथना करत होतो। जबा पिराथना पूरो भयो, तो वोको चेला गीन मा, एक ना कव्हयो, पिरभू योहन गुरूजि ना, आपरो चेला गिनला, जसो पिराथना सिकाइसेस, वसोच अमीला पिराथना करनो सिकाव।
\q1
\v 2 वोना कव्हयो जबा तु पिराथना करने, तो असो कव्हने, हे, आमरो बाबूजी
\q1 तोरो नाव पवीतर मानो जाहेत, तोरो राज आहेत।
\q1
\v 3 अमरो दिवस भर को जेवन, अमीला देव।
\q1
\v 4 हमिना जसो हरेक बुराई करनवालो ला,
\q2 छिमा करीसेजन वसोच,
\q2 आमरो बुराई ला छिमा कर,
\q2 अखीन हमीला परिक्सा मा नोको डाख।
\s पिराथना को बारेमा यीसु को सिक्सा
\r (मत्ती 7:7-11)
\p
\v 5 तबा यीसु ना, उन लक कव्हयो, तुम्ही मा लक कोन सेत। वोको एक संगी अरधो रात मा, जायके वोला कहे, मोला तीन भाकर देव\f + \fr 11:5\fr*\ft भाकर उधार लेवना\ft*\f*, 
\v 6 मोरो घर मा संगी आइसे। वोला जेवन परसन लाय, काही नाहत। 
\v 7 उ भीतर लक कव्हन लग्यो, मोला दुख नोको देव, किवाड़ बंद से, अखीन लेकरा-बारा झोपीसेस। यो काजी बिछोना लक जाग के ना, काही नही दे सकसू। 
\v 8 मी तुम्हिला सागंसू, का उ टोन्ड फोड के मांगीसेस, यो काजी जेतरो जरुरत से, वोको संगी वोला जरुर देहेत। 
\v 9 अखीन मी सांगसू, क मांगजोस तबा दियो जाहेत, ढुढने, पावने, किवाड़ खटखटाने, तो उघाडो, जाहेत। 
\v 10 काहेका जो कोनी मांगा से, वोला भेटासे। अखीन जो ढुढासे, उ पावासे, अखीन जोन खटखटासे वोको काजी किवाड़ उघाड़ासे। 
\v 11 तुम्ही मा कोनतो आसो बाबूजी से, जबा टूरा भाकर मांगहे, त वोला गोटा दे देहे, मसरी मांगहे, त सरप दे देहेत। 
\v 12 ना डिम, मांगेत तो मेहदल देहेत। 
\v 13 अता जबा तुम्ही बुरो होयके, आपरो लेकरा बारो-ला, साजरो चीज देवनो जानासो, तो सरग को बाबूजी, परमेस्वर आपरो मांगन वालो ला, पवीतर आतमा काहे नही देहेत।
\s यीसु अना सैतान को बालजबुल
\r (मत्ती 12:22-30; मरकुस 3:20-27)
\p
\v 14 मंग वोना, एक गुंगो बुरो आतमा ला कहाड़िस। जबा उ बुरो आतमा हिट गयो तो, गुंगो हाका देवन लगयो, अखीन लोकगीन चकित भई गईन। 
\v 15 पर काही लोग गीन कव्हन लगीन, का, यो बुरो आतमा को मुखिया, बालजबुल को सहायता लक बुरो आतमा ला हेड़ासे।
\p
\v 16 काही लोग गीन वोको परिक्सा लेवन काजी, बादल लक निसान\f + \fr 11:16 \fr*\ft बादल का चिन्ह\ft*\f* मांगन लगीन। 
\v 17 उनको मन को बात जानके ना, यीसु कव्हन लगयो, जोन राज मा फुट पड़ जासे, उ सत्यानास हो जासे, अना जोन घरमा फुट पड़ जासे उ नास होवजासे। 
\v 18 अदी बालजबुल आपरो विरोध करयेत, तो वोको राज कसो बनो रहेत? काहेका, तुम्ही कव्हसो का, मि सैतान\f + \fr 11:18\fr*\ft बालजबूल\ft*\f* को सहयाता लक बुरो आतमा हेड़ासु। 
\v 19 अदी मि बालजबुल की सहायता लक बुरो आतमा ला हेड़ासेत तबा तूमी तय करो, तुमरो औलाद कोनी को साहयता लक हेड़ासेत? एकोलाय वोच तुमरो न्याय करयेत। 
\v 20 पर अदी मि परमेस्वर को ताकत\f + \fr 11:20\fr*\ft परमेस्वर की सक्ती\ft*\f* लक बुरो आतमा हेडासु, तो परमेस्वर को राज तुम्हारो कठा आईसेस।
\p
\v 21 जबा कोनी ताकतवर मानूस, हतियार बान्ध लेवासे अना आपरो घर को चौकीदारी आँगन मा कर रहयो से, तो धन को सुरक्सा को चिन्ता नही रव्हासे। 
\v 22 पर कोनी मोठयो पहलवान चढ़ाई करके, वोको हतियार जोनमा वोला भरोसा होतो वोला हिसकसे, अखीन वोको सम्पती लुटा से, अखीन बाट देवासे।
\p
\v 23 जोन मोरो संग नहात, उ मोरो बिरोध मा सेत, अखीन जो मोरो संग नही सेत, उ बटोरनो सोड़ केना, छितरावा सेत।
\s अधूरो चँगाई लक मुसीबत
\r (मत्ती 12:43-45)
\p
\v 24 जबा भूत पलीत, मानूस लक हीट जावासे, अखीन सूखो जमीन मा, चैन नही मिलासे। तो, उ जहान लक हिटयो से, वहान लक जावासे। 
\v 25 अखीन आके आपरो घरला, झाड़ो बोहरो, सजो पावासे। 
\v 26 ता उ जायकेना, अपरो लक सात बुरो आतमा ला, आपरो सगं ले आवासे, अखीन वय वो मा समाके बास करासेत। अखीन उ मानूस को हाल, मंघा पूढा लक बूरो भई जासे।
\s साजरो कोन से?
\p
\v 27 जबा उ यो गोस्टी सांग रहयो होतो, तबा भीड़ मा लक, एक बाई ना जोर लक हाकलीस। धन्य से उ पोट, जेनको लक तू जनम लेइसेस। अखीन जोन माय को दूध पीवी सेस।
\p
\v 28 यीसु ना कव्हयो, हाँ पर धन्य सेत उ, जोन परमेस्वर को गोस्टी आयक के, वोला मानसे।
\s भविस्यवक्ता योना को निसान
\r (मत्ती 12:38-42)
\p
\v 29 जब गजब भीड़ हो लोक होत्यो तो, उ कव्हन लग्यो, यो जूग\f + \fr 11:29\fr*\ft पीढ़ी\ft*\f* को लोक गीन खोटो सेत, उ हिदान ढुन्ड़ासे, पर योना भविस्यवक्ता को हिदान ला सोड़, अखीन कोनी हिदान, उनला नही दियो जाहेत। 
\v 30 जसो योना भविस्यवक्ता, निनवे माहानगर को लोग गिनको लाय, एक हिदान बन गयो होतो। वसोच मानूस को टूरा, यो पीढ़ी काजी हिदान\f + \fr 11:30\fr*\ft यीसु इस पीढ़ी का चिन्ह\ft*\f* सेव। 
\v 31 न्याय को दिवस, दक्सिन देस को महारानी, यो पीढ़ी को लोग गीन संग मा, उभी होयती, अखीन इनला खोटो ठहराय देहेत। काहेका, उ राजा सुलेमान को अक्ल को, गोस्टी आयकन काजी, धरती को छोर\f + \fr 11:31\fr*\ft दुहुर देस को निवास\ft*\f* लक आई होति। अखीन चोवो मि वोको लक महान सेव, 
\v 32 न्याय को दिवस, निनवे नगर को लोकगीन, यो पीढ़ी को लोकगीन संग उभो होहेत, अना इनला दोसी मानेत, काहेका उनना, योना भविस्यवक्ता को संदेसा आयकके ना पस्तावा करयो होतो, अखीन चोयो सेस, क मी योना लक भी मोठो सेव।
\s आँग को दियो
\r (मत्ती 5:15; 6:22,23)
\p
\v 33 दियो पेटाके कोनी वोला तहखाना मा, मंग डलीया उबड़ा के नही ठेवासे, पर फूल मा ठेवासे, जोन लक भीतर आन जान वालो\f + \fr 11:33\fr*\ft जो घर मे अँदर मजे जाने वालो लोग\ft*\f* ला उजारो चोहे। 
\v 34 तुमरो, तन को, दियो तुमरो डोरा सेत, अदी तुमरो डोरा साजरो से, तर तुमरो सारो आँग मा उजाड़ो से, पर उ खराब भयि जाहेत, तर आँग भी इन्धार भई जाहेत। 
\v 35 एको लाय दोन गोस्टी ध्यान राखन को से, जोन यो उजाड़ो तुमरो मा से उ कहिं, इन्धार न होयेत जायेत। 
\v 36 अदी तुम्हारो सारो तन मा उजाड़ो सेत, अखीन वोको कोनी भी हिस्सा, इन्धारो मा नाहत, तो उ वसोच हमेसा लक चमकत रव्हासे जसो दियो आपरो उजाड़ो लक सबा ला चकाचक कर देसे।
\s सास्तरी अना फरीसी पर हाय!
\r (मत्ती 23:1-36; मरकुस 12:38-40)
\p
\v 37 यीसु सागंत होतो, तबच एक मोसे को नियम को गुरू ना कव्हयो, गुरूजी हमरो संग जेवन कर, यीसु भीतर जायके न, जेवन करन बस गयो। 
\v 38 मोसे को नियम को गुरू यो चोवके, चकीत भय गयो, का यीसु बिना हात पाय धोवके, जेवन बस गयो। 
\v 39 पिरभू ना कव्हयो, हे मोसे को नियम को गुरू, तुम्ही विधि-विधान लक हात-पाय धोवके ना, गडू-गिलास भानी ला बहार लक माजा सो, पर तुम्हारो भीतर मा ला लक बुराई भरोसे। 
\v 40 अरे मुरख, जो बाहेर को हिस्सा बनइसेस, वोच भीतर भी बनाइसेस। 
\v 41 जोन भीतर सेत, वोला तुम्ही दान करदेव, अखीन चोवो सबच सुध्द भय जाहेत।
\p
\v 42 हे मोसे को नियम को गुरू, तुम लक धिक्कार से, काहेका पोदीना, सोप, अखीन हरेक हिवरो साग को, दसवा पराय लेवासो, पर परमेस्वर को, माया अखीन न्याय को लक, तुम्ही लापरवाही करा सेव। तुम्हारो लायक यो साजरो होवतो, का तुम्ही वोला भी मानासेव, अखीन येला भी।
\p
\v 43 मोसे को नियम को गुरू तुम्हारो पर धिक्कार सेत, तुम्ही सभाघर मा, हरेक समाजीक काम मा, ऊचो आसन चाव्हासो, अखीन बजार मा सबा परनाम करहेती, तुम्ही यो सबा माया राखासेव। 
\v 44 धिक्कार से तुम पर, काहेका, तुम्ही चुना पुतो सफा मरघट्टी सेव, जोन नही दिससे का, भितर मा का सेत, लोग तुमीला साजरो समज के, लोग तुमरो कव्हनो मा चलासे।
\p
\v 45 एक मोसे को नियम को गुरू कव्हसे, हे गुरूजी, तुम्ही असो कव्हसो, आखिन आमरो बेइज्जती करासो।
\p
\v 46 यीसु ना कव्हयो, हे मोसे को नियम को गुरू गीन तुमला धिक्कार सेत, तुम्ही मोठो-मोठो नियम को बोझा जनता पर लाद देसो, जो उ नही उचल सक से। अखीन वो भारी बोझा ला तुम्ही बोट भी नही, लगा सकासो। 
\v 47 तुम पर धिक्कर सेत, जुनो जमाना मा, मोठो-मोठो भविस्यवक्ता गीनला, तुमारो बाप-दादा गीन मार डाखिन अखीन तुम्ही उनको मठ बनासेव 
\v 48 असोमा तुम्ही गवाही सेव का तुम्हरो बाप दाद ना खोटो काम करी सेस मारके उनको मठ बनाइसेस 
\v 49 यो कारन परमेस्वर कव्हासे, मि उनको जवर चेलागीन ला धाड़ासू उन मा लक काही ला सताहेत अखीन काही भविस्यवक्ता ला मार डाखेत 
\v 50 जोन लक दुनिया बनान को बेरा ले अब तकन जितरो भविस्यवक्ता गीनको खून बोहाय गयो सेत वोको हिसाब योच पीढ़ी को लोकईन लक लियो जाहेत। 
\v 51 मि कव्हसू भविस्यवक्ता हाबिल पासुन जकरयाह वरीच जोनला भविस्यवानी को घर अना वेदी को भितर म खून कर दियेत।
\p
\v 52 मोसे को नियम को गुरू तुम पर धिक्कार सेत, तुम्ही ना गियान को कुन्जी हिसकसेव, अना तुम्ही खुदच नही धसेव अखीन कोनी ला भी नही धसन देसो।
\p
\v 53 यीसु वहान लक जावन लग्यो, त मोसे को नियम को गुरू गीन वोला फसावन काजी, सवाल-जवाब करन लगीन। 
\v 54 अखीन वोको विरोध मा वोला मार डाखन लाय डाव ढुढन लगीन।
\c 12
\s बगला भगतगिन को विरोध
\r (मत्ती 10:26-27)
\p
\v 1 यीसु कोनी जघा मा पिराथना करत होतो। जबा पिराथना पूरो भई गयो हो तो। गरदी एतरो तकन बढ गई की लोकगीन एक दुजो पर पड़त होतीन। तबा यीसु चेला गीन लक कव्हन लग्यो। मोसे को नियम को गुरूगीन को कपट\f + \fr 12:1\fr*\ft खमीर\ft*\f* लक सतरक रव्हने। 
\v 2 असो काही झाको नाहत जोन उघाडो न जाहेत अखीन अदी लुको नहात जोन जानो ना जाये। 
\v 3 एकोलाय जो काही तुम्हीना इन्धार मा सांग सेव उ उजयाला मा आयको जाहेत। अखीन जो काही तुम्हीला खोली मा सांगे सेव उ अटारी को वोरता लक सबला परचार करो।
\s कोनी लक भेव खावनो?
\r (मत्ती 10:28-31)
\p
\v 4 ओ मोरो संगी हुन तुम्हीला सांगसू जो तुमी लोक गीनको तन ला नास करयेत उन लक नोको डराव पर एको मघा अखीन काही नही कर सकेत। 
\v 5 मी तुम्ही ला चोवके कव्हसू कोनी लक डराव ये वोको लक डरो जो मरनो को बाद मा जोनला नरक मा डाकन को अधिकार सेत वोको लक डराओ।
\p
\v 6 उ दुई पैसा मा पाँच चिड़िया मिलासे मंग भी परमेस्वर उन मा लक एक ला नही भूलासे। 
\v 7 तुम्ही भेव नोको खाव तुम्हारो जान गजब सो चिड़िया गीन लक जादा कीमती सेत परमेस्वर ना तुम्हारो डोस्का को चुन्दी गिनके राखिसेस।
\s यीसु ला माननो अना नोको माननो
\r (मत्ती 10:32,33; 12:32; 10:19,20)
\p
\v 8 मि तुम्‍ही लक कव्हासू जो कोनी मानूस गीनको पुढा मोला मानसे मानूस को टूरा सरगदूत अखीन परमेस्वर को सामने मान लेवासु का यो ला मी जानासू। 
\v 9 पर जो मानूस गीन को पुढा मोला मुकर जायेत अखीन सांगासे कोन यीसु से? तो मी परमेस्वर अखीन सरगदूत गीन को पूढा सांगू मी भी यो ला नही जानासू यो कोन सेत?
\p
\v 10 जोन कोनी मानूस को टूरा को विरोध मा गोस्टी सांगेत वोको दोस छिमा हो जाहेत, पर जोन कोनी पवीतर आतमा\f + \fr 12:10 \fr*\ft सुध्द आतमा \ft*\f* को विरोध मा निन्दा करेत वोको अपराध छिमा नही होयेत। 
\v 11 जबा लोग गीन तुम्हीला सभाघर मा न्यायलय मा अधिकारी\f + \fr 12:11\fr*\ft न्यायधीस\ft*\f* गीन को कठा लिजायेत तो हमी काजक सांगबीन सोचके नोको घबराने। 
\v 12 काहेका वोच बेरा मा काजक कव्हनो सेत पवीतर आतमा तुम्ही ला सीका देहेत।
\s एक मूरख धनवान को उदाहरन
\p
\v 13 भीड़ लक एक मानूस चिल्लायो, हे गुरू! मोरो भाऊ लक हुकूम देव, का धन को बटवारा कर देवे।
\p
\v 14 यीसु ना कव्हयो कोन ना मोला तुम्हारो न्यायी ठहराई सेस। 
\v 15 यीसु ना भीड़ लक कव्हयो कोनी को सम्पती वोको जान लक बड़के नही होय सका से, पर यो काजी आपरो आप ला लोभ लक बचाये राखो।
\p
\v 16 वोना एक उदाहरन लक समजावन लग्यो कोनी धनवान को जमीन मा गजब फसल पीकी। 
\v 17 तबा उ आपरो मन मा विचार करन लग्यो फसल राखन काजी अता मी काजक करु? 
\v 18 अखीन वोना सोचीस का घर मा ढोला गिनला तोड के उनला मोठी बनाके ना वहान गँहु ठे देहू। 
\v 19 तबा मि आपरो मन ला सांगू, “हे मोरो मन, तोरो जवर लगत बरस को साठी लगत सी जायदाद राखीसे। सुख मनाय अना जेवन कर, खुसी मनाव।”\f + \fr 12:19\fr*\ft खुसहाली करना\ft*\f* साजरो-साजरो रव्हो अखीन चैन लक जिंदगानी करेत। 
\v 20 पर परमेस्वर ना ओला साँगीस, हे मन्द डिमाक! आजच रात मा तोरो पिरान तोरो लक हर लियो जाहे, तबा तु अपरो धन सम्पती ला काजक करजोस अखीन जोन राखी सेस कोन को भई जाहेत?
\p
\v 21 जोन मानूस आपरो काजी धन जोड़ासे वा यो मुरख जसो सेत, परमेस्वर को नजर मा कोनी धनी नहात।
\s परमेस्वर पर भरोसा
\r (मत्ती 6:25-34)
\p
\v 22 मंग आपरो चेला गीन ला कव्हासे, ऐना करन लक मि तुमरो लक कव्हसू, “आपरो जान लाई असो कव्हके चिन्ता नोको करने, की हमी काजक जेवन करबीन देह मा काजक पहनबीन? 
\v 23 काहेका जान सेत तो जेवन सेत, अखीन तन सेत तो कपरा सेत। 
\v 24 कावरा पर ध्यान देव! वा ना बोवासे ना कापासे ना कोठी मा ठेवासे तबा भी परमेस्वर वोला पालासे तुम्ही कावरा अखीन पंखेरु ला बढ़के सेव। 
\v 25 तुम्ही मा असो कोन सेत जो चिन्ता करके ना आपरो जिंदगी को बेरा बढा सकासे? 
\v 26 अदी एतरो नान्होसो काम तुम्ही नही कर सकसो ता काजक लाय चिन्ता करोसेव?”
\p
\v 27 “पहाड़ी को तराई कन ध्यान देव वहान जंगल को फुल कसो बढासे वोना आसो चोवसे का राजा सुलेमान को महिमा अना राजसी कपरा वोको पूढा फैल सेत। 
\v 28 यो काजी बर्रा को गवथ ला जोन आज सेत कल स्तो को भट्टा मा डाख्यो जाहेत परमेस्वर वोला असो हरो भरो राखासे, तो हे कच्चो भरोसा राखन वालो! तुम्हीला काहे साजरो कपरा नही पहनायेत?”
\p
\v 29 “तुम्ही सक नोको करो का काजक जेवबीन अखीन काजक पहनबीन? 
\v 30 काहेका संसार को सप्पा मानूस मजे गैरयहुदी खुद जानासे का तुम्ही ला ये पाहिजेत। 
\v 31 पर सब लक पुढा परमेस्वर को राज अखीन न्याय ला खोजो तबा सबा चीज तुम्ही ला मिल जाहेत। 
\v 32 हे नान्हो हेड़ डराव नोको! परमेस्वर को इक्सा सेत, का तुम्ही ला राज देहेत।”
\s सरग म धन
\r (मत्ती 6:19-21)
\p
\v 33 “आपरो धन-सम्पती बिक देव अना दान कर देव, अना आपरो कना असो पियुसी राखो, जोन जूनो नही होवासे, मजे सरग मा असो धन जमा करो जोन कमी नही होवासेत अना जोन को जवर चोर नही जावासेत, अना किड़ा काही बिगाड़ सकत। 
\v 34 काहे का जहा तिजोरी मा तुमरो धन से, वहाच तुमरो मन लगो रव्हेत।”
\s झोपो नोको
\p
\v 35 “दियो पेटाव के ठेयो अखीन अपरो कमर बान्ध के ना तैय्यार रव्हने, 
\v 36 अना तुम्ही वोना दास को जसो बनो, जोन आपरो मालीक को बाट जोहत रव्हसे का लग्न को जेवन करके ला कबा आहेत? अखीन मी किवाड़ खोलू। 
\v 37 धन्य सेत वय दास जेनला वोको मालीक को आवनो पर जागतो मिल्हेत, मी तुम्ही लक खरो कव्हसू, मालीक उन ला पूरी तैय्यारी को सँगा जेवन लाय बसाहे, अना जवर आयके उनको सेवा करहे। 
\v 38 धन्य सेत उ दास, जबा वोको मालीक रात मा कभ्भू भी आहेत, अना वोला निगरानी करतो पाहेत। 
\v 39 यो साजरो लक समजलो का, यदि घर को मालीक ला मालूम हो तो का चोर कबा आवन वालो सेत, तो घर मा सेन्ध नही लगन देतो। 
\v 40 तुमी तैय्यार रव्हने जोन बेरा तुम्हि वोको आवन को मन मा विचार नही आनिसेव वोच बेरा मानूस को टूरा आय जाहेत।”
\s भरोसा को लायक अना नालायक नौकर
\r (मत्ती 24:45-51)
\p
\v 41 तबा पतरस पुसयो पिरभू का यो उदाहरन तुम्ही हमरो लाय सांगासो का सबको लाय सेत?
\p
\v 42 तबा यीसु ना कव्हयो, उ बिस्वास को काबील को ईमानदार मूनीम कौन सेत? जेनको मालीक आपरो नौकर चाकर पर मूनीम ठयरावा सेत, जोनलक उनला बेरा मा जेवन भेटेत। 
\v 43 धन्य सेत उ दास जो मालीक को अवन को बेरा मा वसोच करतो पाहेत। 
\v 44 मी तुम्ही लक खरोखर सांगसू उ वोला आपरो सब सम्पती पर अधिकारी बनायेत। 
\v 45 पर उ दास असो मन मा सोचन लगे, का मोरो मालीक ला आवन ला उसीर सेत, अना नौकर बनिहारिन ला मारन पीटन लगे, अना नसा बाजी एसो अराम करन लगेत। 
\v 46 तबा उ दास को मालीक असो दिवस आहेत, जोन दिवस को बारे मा उ मन मा विचार नही आनो होतो। तबा वोला गजब मोठो दन्ड देहेत, अना वोको हिस्सा भरोसा नही राखन वारा लोकगीन को संग होहेत।
\p
\v 47 आपरो मालीक को मन को गोस्टी जानके न जोन दास ना काही तैय्यार नही करयो, ना वोकी मन मुताबीक काम करीस, उ गजब मार खायेत। 
\v 48 पर जोना अनजान मा मार खावन को काम करी सेस, उ जरासो मार खायेत, जोनला दियो गयो सेत, वोको लक गजब हीसाब मागो जाहेत। जोन ला गजब सोपो गई सेस वोको लक गजब लियो जाहेत।
\s यीसु को आवन को बारेमा
\r (मत्ती 10:34-36)
\p
\v 49 मी धरती मा स्तो पेटावन काजी आई सेव। मी कीतरो चाव्हसू क उभो होयके धधक जाहेत। 
\v 50 मोला एक अखीन बप्तिस्मा लेनो से। अखीन जबा तकन यो पूरो नही होवासे मी गजब दुखीसेव। 
\v 51 का तुम्ही सोचसो का मी धरती मा सान्ती अना मेल करान आयो सेऊ, नही मी फूट डालन आइसेव। 
\v 52 काहे का एक घर मा पाँच मानूस सेत तो उन मा फूट होहेत, तीन दोन को विरोध अना दोन तीन को विरोध करेत। 
\v 53 वय एकमेक को विरोध करेत बाप टूरा को अखीन टूरा बाप को, माय टूरी को अना टूरी माय को, सास बहु को अखीन बहु सास को विरोध करेत।
\s बेरा को लच्छन
\r (मत्ती 16:2,3)
\p
\v 54 यीसु ना भीड़ ला कव्हन लगीस, अदी तुमी दिवस डूबती लक बादल चोवासो तो कव्हसो, का बरसात होवन वालो सेत, अखीन असोच होवासे। 
\v 55 जबा दक्सिन को वारा चलासे तो कव्हासो का लपट चलहेत अखीन असोच होवासे। 
\v 56 वो कपटी गीन, तुम्ही बादल अखीन धरती को मौसम ला चीन्हासो तबा यो बेरा को लच्छन ला काय नही परख सकसो?
\s नालिस करनवारा लक समजोता
\r (मत्ती 5:25,26)
\p
\v 57 तुम्ही खुदच न्याय काहे नही करासो, का काजक भलो सेत? 
\v 58 जबा तुम आपरो विरोधी को संग अदालत मा जावासो तो रास्ता मा वोको लक रिहाई को कोसिस करने, कही असो ना होयेत का उ तुमला न्यायी को कठा ले जाहेत। 
\v 59 मी तुम्ही लक कव्हसू जबा तकन एक-एक कवड़ी नही भरजो तबा तकन सूटकारा नही होवेत।
\c 13
\s आपरो पाप लक पस्तावा करो
\p
\v 1 वोना बेरा काही लोग गीन, यीसु ला, काही गलीली मानूस गीनको बारे मा सांगन आइन, जिनको खून को बरोबरी बलिदान कियो गयो जनावर लक, राजपाल पिलातुस ना करयो होतो। 
\v 2 तबा यीसु ना उन लोग गीनला कहीस, तुम्ही काजक सोचासो का यो गलीली मानूस बाकी लोकगीन लक लगत पापी सेत, यो कारन लक, उन पर आफद आइसेस। 
\v 3 असो गोस्टी नहात मी तुमी ला सागंसू, का तुमी पस्तावा कर मन नही बदलने, तो वसोच नास होय जाने। 
\v 4 अखीन तुमी काजक, सोचासो का सीलोह मा मीनार पड़न को कारन 18 लोकगीन मर गईन, उ येरुसलेम को सब रव्हन वारा लक जादा पापी होतिन। 
\v 5 असो नहात अदी तुमी पस्तावा कर, मन नही बदलने तो असोच नास भई जाने।
\s बेफर अँजीर को झाड
\p
\v 6 तबा यीसु ना उनला, एक उदाहरन सांग्यो, कोनी, मानूस को अंगूर को बारी मा, एक अँजीर को झाड़ होत्यो। उ वोमा फर खोजन आयो पर वोला, एक भी फर नही मिलयो। 
\v 7 तबा वोना अंगूर को बगीचा को माली ला कहीस, चोव! मी तीन- साल लक, यो अँजीर को झाड़ मा फर खोजन आयो, पर एकच फर नही पायो। एला, काप डाखो काहे का यो फालतू मा जघा घेरासेत। 
\v 8 पर माली ना कव्हयो, मालीक यो साल अखीन रव्हन दे, मी एको, चारि कन खन्दकेना येको, जड़ मा मी खात डाखसू। 
\v 9 तबा मंग भी नही फलेत, त काप दियो जाहेत।
\s कुबड़ी बायको ला पवीतर दिवस मा साजरो करनो
\p
\v 10 पवीतर दिवस\f + \fr 13:10\fr*\ft सब्त\ft*\f* मा यीसु कोनी, सभाघर मा उपदेस देवत होत्यो। 
\v 11 वहान एक बाई होती जोन ला 18 साल लक, एक कमजोर करन वालो, बुरो आतमा झोमो होत्यो वा वोवन केना, कुबड़ी भई गई होती। वा कसी, भी सीधी नही होय सकत होती। 
\v 12 यीसु ना वोला चोवके, ना बुलायो अखीन वोला कहीस, हे बाई तु साजरी भई गइसेस। 
\v 13 अखीन वोना वोको, पर हात रख्यो, उ वोच बेरा साजरो भई गई अखीन, परमेस्वर ला धन्यवाद बड़ाई देवन लगी।
\p
\v 14 तबा सभाघर को मुखिया गीन, हिजड़\f + \fr 13:14\fr*\ft गुस्सा लक भर गयो \ft*\f* गईन काहेका, यीसु ना पवीतर दिवस मा बाई ला साजरो करीस, तबा लोकगीन कव्हन, लगीन 6 दिवस काम को सेत, वोना दिवस मा साजरो होव, अना पवीतर दिवस मा नोको आव।
\p
\v 15 पर पिरभू ना कहीस, हे कपटी गीन का पवीतर दिवस मा तुम आपरो जानवर गधा बईल गीनला डोगा मा पानी देवसो का नही? 
\v 16 का साजरो नाहती, का यो बायका जोन अबराहम को टूरी सेत, जोनला सैतान ना अठरा साल लक बन्धो होतो, पवीतर दिवस यो बंधन लक सुटाई जाय? 
\v 17 यीसु को यो गोस्टी आयक केना, वोको सब बिरोध करनवारा लजा गईन, अना सप्पा लोकगीन वोना महीमा को काम चोवके खुसी लक भर गईन।
\s राई को दाना
\r (मत्ती 13:31,32; मरकुस 4:30-32)
\p
\v 18 यीसु ना कव्हयो परमेस्वर को, राज कोन को जसो सेत, मी एको बरोबरी काजक लक करु? 
\v 19 सरग को राज एक राई को दाना जसो सेत, जोनला कोनी मानूस ना बगीचा मा लगायो, वा गजब मोठयो भयी गयो, अखीन पक्सी ओना झाड़ को डार मा बसेरा करन लगीन।
\s खमीर को कहानी
\r (मत्ती 13:33)
\p
\v 20 मंघा यीसु ना कव्हयो, “परमेस्वर को राज को बरोबरी काजक लक करु? 
\v 21 वो खमीर को जसो सेत जोनला लेय के, एक बायको ना दहा किलो कनीक मा मिला दियो सबा 10 कीलो आप खमीर बन गयो।”
\s तंगगल्लि
\r (मत्ती 7:13; 14:21-23)
\p
\v 22 यीसु गाँव-गाँव नगर-नगर सीकावत, येरुसलेम नगर को कन, जाय रहयो होतो। 
\v 23 कोनी ना पुसयो ओ पिरभू! का जरा सो लोक गीन सूटकारा पाहेत?
\p एको पर यीसु ना कव्हयो, 
\v 24 सकड़ो किवाड़ लक, धसनो को पूरो-पूरो कोसीस करो, काहेकि मी तुमी ला कव्हसू, कोसीस करनो पर भी गजब लोकगीन धसन को लायक भी नही रहेत। 
\v 25 जब घरा को मालीक उभो भई केना, किवाड़ लगा देहेत, तबा तुम्हि बाहेर लक खट-खाटावने, अखीन कव्हने आमरो लाय किवाड़ उघाड़!तब उ तुम्हिला सांग देहत, तुम्ही कहान लक आइसेव, मी नही जानासू? 
\v 26 तबा तुमच कव्हने, आमी तोरो संग जेवन करीसेस, तुमी बजार मा उपदेस देत होतो। 
\v 27 पर उ तुमरो लक, कव्ह देहत, “अरे अन्याय को काम करन वालो, \f + \fr 13:27\fr*\ft बुरा करन वालो\ft*\f* मी तुम्ही ला नही जानासू तुम्ही कोन सेव? तुमी मोरी नजर लक हट जाओ!” 
\v 28 जबा तुमी ही अबराहम इसहाक याकूब अखीन, सबा भविस्यवक्ता गीनला, परमेस्वर को राज मा चोवने, पर अपरो आप ला उन लक बेगरो चोयके तुम्हि रोवने अखीन पस्तावा करने \f + \fr 13:28\fr*\ft तड़प-तड़प कर रोवना\ft*\f*। 
\v 29 दिन उगती, दिन बुड़ती, उत्तर अखीन दक्सिन का लोक गीन आहेत अखीन, परमेस्वर को राज मा मोठोयो, जेवनार मा जेवन करयेत\f + \fr 13:29\fr*\ft परमेस्वर को राज मा जेवन करेत \ft*\f*। 
\v 30 चोवो जोन मघा सेत, उ पुढा भई जाहेत। अखीन जो पुढा सेत, उ मंघा भई जाहेत।
\s राजा हेरोदेस को कपट
\r (मत्ती 23:37-39)
\p
\v 31 वोच बेरा मा काही मोसे को नियम को गुरू जी गीन, आयके सांगन लगीन, हे गुरूजी तुम्ही यहान लक, बिदाई लेलो काहेका, राजा हेरोदेस तुमी, ला मार डाखनो चाव्हासे।
\p
\v 32 यीसु ना उनला कव्हयो, जाके ना उ कोल्हिया ला कव्हने, मी आज काल अखीन परो, बुरो आतमा गीन ला हेड़ासू, अखीन रोगी गीनला साजरो करासू, अखीन परो को दिवस मोरो काम पूरो भई जाहेत। 
\v 33 आज काल अखीन परो को दिवस मोला चलनो से, काहेका यो नही होय सकासे, का कोनी परमेस्वर को भविस्यवक्ता येरुसलेम तीरथ लक, बाहेर मारो जाहेत।
\s येरुसलेम नगर को लाय यीसु को माया
\r (मत्ती 23:37-39)
\p
\v 34 यो येरुसलेम नगर तु भविस्यवक्ता गीनको हत्‍या करासे अखीन तोरो कना, जोन परमेस्वर को गोस्टी आना सेत, वोला गोटा लक मार डाकासेत, मीना कितरो बार चाहयोसेव, का तोरो सन्तान गीनला, इक्कठो करू, जसो कुकडी आपरो बच्चा गीन, ला पंखा को खाल्या, लुकाय लेवासे असोच सबा ला, लुकाय लेऊ, पर तु ना मोरो एक नही चलन दियो। 
\v 35 अता तुम्हारो घर तोरो लय, छोड़ दियो\f + \fr 13:35\fr*\ft तुमरा जीवन उजडो हुया\ft*\f* जाहेत। मी तुमी लक खरो सांगासू, तुम्हि मोला जबा तकन नही चोवने, तबा तकन तुम्हि आवन वारो बेरा मा असो नही सागंने, का धन्य से उ जोन पिरभू को नाव लक आवासे।
\c 14
\s फरीसी को घरमा यीसु
\p
\v 1 यीसु पवीतर दिवस मा कोनी, मोसे को नियम को गुरू को यहान जेवनार मा गयो होतो, लोग वोला फसावन को ताक मा होतिन। 
\v 2 यीसु को पुढा एक जलोदर को रोगी आयो। 
\v 3 यीसु ना मोसे को नियम को गुरू गीन ला पुसिस, “का मोसे को नियम लक पवीतर दिवस मा कोनी रोगीला साजरो करनो खरो काम सेत का खोटो काम सेत?”
\p
\v 4 तबा वोना ऊगा-मूगा रह गईन, तबा यीसु ना उ रोगि ला हात धरके ना साजरो कर देइस, अना वोला बिदाई दे देइस। 
\v 5 तबा यीसु ना उनला कहीस, अदी कोनी को टूरा या बईल बिहर मा पड़ जाहेत, तो तुमी मा कोन सेत जो पवीतर दिवस मा वोला बिहर लक नही हेडेत?
\p
\v 6 अखीन वय वोको जवाब देवन को लायक भी ना होतिन।
\s लहान बननो
\p
\v 7 जेवनार मा आयो लोग गीन बसन लाय ऊचो-ऊचो जघा निवाड़न लगीन, असो चोवके ना यीसु एक उदाहरन लक, समजावन लगीन। 
\v 8 जबा कोनी लगन मा नेवता देवासे, ता सबा लक मूख जघा मा नोको बसने। का मालुम तुमरो लक मोठो लोक ला घरवाला ना नेवता\f + \fr 14:8\fr*\ft कोनी लहान मानूस ला मोठो बसन को जघा मा नही बसन देवनो \ft*\f* देइसेस। 
\v 9 अना जोना दुई ला निवता देइसेस, वोच आय के सांगेत, का उभो भय अखीन खाल्या जायके बस, तबा लजानो पड़ेत। 
\v 10 यो काजी जबा तुमला न्योता मिल्हे तो पूढा नोको बसने, मंघा जायके, बसने, तबा घर को मालीक आयके सागेत, अगो संगी पूढा बस, ता तुमरो महिमा होयेत,\f + \fr 14:10\fr*\ft तेरी मान बढाई करेंत\ft*\f* 
\v 11 काहेका जोन आपरो आप ला, मोठयो मानासे उ लहान कियो जाहेत, अखीन जो लहान सेत, उ मोठयो करो जाहेत\f + \fr 14:11\fr*\ft वोला मोठो कियो जाहेत \ft*\f*।
\p
\v 12 मंग यीसु ना निवता देवन वालो, ला सांग्यो। जबा तुमी दूफर या रात मा जेवनार देवो, तबा संगी गीन ला नोको हाकलो अना आपरो, भाऊ कुटुम्ब, धनी सेजारी गीनला नोको हाकलो, कही असो ना होय का आपरो, घर मा नेवता देके, ना बदाला चुकाय देहेत। 
\v 13 पर जब तुमी, जेवनार देव तो अँधरा लगंडा लूलो ला हाकलो। 
\v 14 तबा उ तुमी धन्य भई जाने, काहेका, उनको कठा बदला देन काजी काही नहात, अखीन तुमला परमेस्वर को अदालत मा, नेक गिनको जित्तो होवन को मघा फर भेटेत।
\s मोठो जेवनार को उदाहरन
\r (मत्ती 22:1-10)
\p
\v 15 वोको संग जेवन करन वालो मा लक, एक मानूस यो गोस्टी आयक के सांगिस, धन्य से उ जोन परमेस्वर को राज मा जेवन करयेत।
\p
\v 16 वोना ओको लक कव्हयो, कोनी मानूस ना गजब मोठो जेवनार दियो। अना गजब लोक हीनला न्योता दियो। 
\v 17 जबा जेवन तैय्यार भय गयो, ता वोना आपरो दास को हात मा न्योता हारो गीनला, सांग के धाडिस, “आव अबा जेवन तैय्यार से”। 
\v 18 पर वय सबा वोको लक माफी माँगन लगीन, पहलो ना नौकर लक, कव्हयो, “मी ना खेत लेयी सेव, वोला चोवन जानो से तोरो लक मोरो अरज से, का मोरो कन लक माफी मांग लेवजो।” 
\v 19 अखीन एक ना कव्हयो “मी ना पाँच जोड़ी बईल लेईसेव, अना उनला परख करनो से। तोरो लक मोरो बिनती से, का मोरो कन लक माफी मांग लेव जोस।” 
\v 20 अखीन एक ना कव्हयो, “मोरो लगन भइ सेस एको लाय मी नही आ सकसू।” 
\v 21 दास ना लवट के आपरो मालीक ला यो सबा हाल सांगीस, तबा मालक हिजड़ के ना आपरो नौकर ला कहीस, “लवकर नगर को बाजार सरक, गली मा जायके ना गरीब गोर, अँधरा लगडा लूलो गीन ला यहान ले आओ।” 
\v 22 तबा दास कहीस, मालीक तोरो हुकूम पूरो भई से, पर अबा जघा खाली सेस। 
\v 23 ता मालीक ना दास ला कहीस, “सड़क मा अखीन रुधान बाहेर जितरो लोक, चोहेत सबला आनो जीनको लक घर भर जाहेत।” 
\v 24 काहेका मी सबा लक कव्हसू, जोनला न्योता दियो होतो, उनमा लक कोनी जेवन नही जेव पाहेत।
\s चेला बनन को कीमत
\r (मत्ती 10:37-38)
\p
\v 25 यीसु को संग-संग एक मोठयो भीड़ चलत होत्यो, यीसु ना भीड़ को लोग गीन लक असो सांग्यो, 
\v 26 “अदी कोनी मोरो कन आवासे अखीन आपरो माय बाप नवरी, सन्तान, भाऊ बहिन अखीन यहाँ लक की आपरो जान लक बैर\f + \fr 14:26\fr*\ft आपरो जीवन लक पिरेम नही राखासे\ft*\f* नही करत, तो उ मोरो चेला नही होय सकासे?” 
\v 27 जोन आपरो कूरूस उचलके, नही ले जावासे, अखीन मोरो मंघा नही चलासे, उ मोरो चेला नही होय सकेत\f + \fr 14:27\fr*\ft नही होय सकत\ft*\f*।
\p
\v 28 तुमी मा कोन असो सेत, जोन मीनार बनवानो चाव्हासे, अखीन पुढा घर मा बस के, ना खरचा को अन्दाज हिसाब नही करयेत। अखीन यो ना चोवेत, का वोको जवर केतरा रुपया सेत। 
\v 29 कही असो ना होयेत, का पाया डाकन को मघा, घर को काम अधूरो छोड़ देहेत, अखीन चोवन वोरो, मजाक उड़ावत कहेत, “यो घर बनान को लायक भी नाहती।” 
\v 30 यो मानूस ना घर बनान काजी नीव डाखीस, पर पूरो करन को लायक भी नहाय। 
\v 31 अना कोन राजा होयेत, जोन दूसरो राजा लक, लडाई मा जावासे, अखीन पूढा बसके, यो विचार नही करासे, का जोन राजा बीस हजार सेना को, फौज को संग वोको पर चढ़ाई कर रही सेस, तो का उ दहा हजार सैनीक को फौज लक, सामना कर सकासे का नही। 
\v 32 यदि उ सामना नही कर सकासेत, तबा दूसरो राजा को, कन सान्ती को लाय, राजदूत लक बिनती धाड़ देहेत। 
\v 33 असोच तुम्ही लक जोन कोनी, सबा काही नही छोड़ देसे, उ मोरो चेला नहात।
\s बे सवाद नोन
\r (मत्ती 5:13; मरकुस 9:50)
\p
\v 34 “नोन साजरो सेत, पर वोको स्वाद बिगड जाय, तो कसो नमकीन होय सकासेत? 
\v 35 उ ना तो जमीन को खात को काम को से, एकोलाय लोकगीन वोला बाहेर फेक देवासे। जोन को कान होयेत, उ आयक लेव।”
\c 15
\s गुमयो हुयो मेंढा की किस्सा
\r (मत्ती 18:12-14)
\p
\v 1 यीसु को सिक्सा आयकन लाय, सबा पापी अना जमा लेवन वारा, अधिकारी\f + \fr 15:1\fr*\ft बुरा करने वाला करज ब्याज वसुलने वालो सरकार\ft*\f* आवत होतिन। 
\v 2 पर सास्तरी अखीन मोसे को नियम को गुरू मोसे को नियम को गुरुगीन, कुडकूडान लगीन, अना कव्हन लगीन यो तो पापी लोक गीन, संग मिलसे उनको च संग जेवन करासे। 
\v 3 तबा वोना एक उदाहरन सांगन लग्यो
\p
\v 4 तूम्ही लक कोन सेत, जेनको जवर 100 मेढा सेत, अखिन वोमा लक, एक गुम जाहेत, तबा 99 ला जंगल मा छोड़के, उ एक ला जबा तकन ना भेटेत, ढुन्ढत ना रह। 
\v 5 अखीन जबा उ मिल जावसे, तबा उ गजब खुसी होवासे, अखीन मेंढा ला कन्धा मा उचल लेवसे। 
\v 6 अखीन आस पड़ोस को लोक घर को लोक संगी गीन, ला इक्कठो करके कव्हसे, का खुसी मनावो मेढा गुम गयो, होत्यो मिल गयो से। 
\v 7 मी तुमी लक सांगसू, असोच एक पाप लक मन ला हटाव अना पस्तावा करन वालो, पापी को बारे मा सरग मा इतरोच खुसी होवासे, जितरो की 99 असो न्यायी को बारे मा नही होवासे। जोन ला मन बदलन को जरूरत नही सेती।
\s गुमयो हुयो सिक्का
\p
\v 8 कोनी असो बाया होवती जोको जवर दहा मुन्दरी को सिक्का \f + \fr 15:8 \fr*\ft दहा चलन के सिक्के\ft*\f* होहेत, वोमा लक एक गुम जाये, ता उ दियो पेटाय के, अखीन घर झाड बुहार के, जबा तकन ना मिल जाहेत, जान लगाय के ढुन्ढत रही। 
\v 9 अखीन जबा उ मुन्दरी को सिक्का मिल जासे, उ आपरो सहेली अना सेजारीन ला इक्कठो करासे, अखीन कव्हसे, का मोरी सिक्का गुम गयो, होतो मिल गयो से, मोर संग खुसी मनाओ। 
\v 10 मी तुमी लक कव्हसू, का असोच एक पाप ला सोड़ो हुया, पापी को बारेमा, सरग मा परमेस्वर को, सरगदूत गीन खुस होवासेत।
\s भूलीयो हुयो पोरगा
\p
\v 11 मंग यीसु ना कव्हयो, कोनी मानूस को दोन टूरा होतीन। 
\v 12 उनमा लक लहान ना आपरो, बाबूजी लक कव्हसे, बाबूजी, धन मा लक जोन मोरो हिस्सा सेत, मोला देदे। वोना आपरो धन बाँट दियो। 
\v 13 लगत दिवस बीत गयो, लहान टूरा सब धन जमा करके, ना लगत दूर देस मा जिंदगी बितान चले गयो। अखीन वहान आपरो धन खरचा कर डाखीस, अखीन कंगाल भई गयो। 
\v 14 तबा उ देस मा गजब गीरानी पड गयो, अखीन वोको कन, जेवन लाय दाना नही होतो। 
\v 15 तबा उ देस मा एक मानूस को, कन उ गयो, अखीन वोला वोना खालमानी चरावन को, लाय नौकरी मा राख लियो। 
\v 16 वोको मालीक खालमानी गीन ला, खावन काजी जो सेंगा देवत होतो वोच ला उ लहानो टूरा भी खावत होतो। 
\v 17 जबा उ एक दिवस सोचन लग्यो, मोरो बाबूजी को घर मा कितरो बनिहार सेत, उनला भरपेट जेवन भेटासे अखिन मी भूखो मर रहीसेव। 
\v 18 अबा मी उठके, ना आपरो बाबूजी को कठा जाहू, अखीन वोको लक सांगू, का बाबूजी मी ना सरग को विरोध मा अखीन तोरो विरोध मा पाप करीसेव। 
\v 19 अबा मी तोरो टूरा कहलान को, काबील नहिसेव, अबा मोला आपरो एक बनिहार जसो राखले। 
\v 20 तबा उभो भयो अखीन आपरो, बाबूजी को कठा जावन लग्यो। वा अबा दूहूरच होत्यो, का वोको बाबूजी ना वोला चोवके उ तरस लक, भर गयो।
\p अखीन परायके ना गरो लगाय लियो अना चुमन लग्यो। 
\v 21 तबा टूरा ना वोला कव्हयो, बाबूजी मी ना सरग को विरोध मा अखीन तोरो नजर मा पाप करीसेव। अबा मि यो लायक नही सेव, का तोरो टूरा कहलाउ। 
\v 22 पर वोना आपरो दास गीन ला कहीस, झटाक ना साजरो लक साजरो कपरा हेडके वोला पहनाव, अखीन वोको बोट मा मुन्दरी अना पायमा पनहि पहनवो। 
\v 23 अखीन पलियो हुओ बोकरा आनके, मारो जेवन करो खुसी मनाओ। 
\v 24 काहेका मोरो टूरा मर गयो होतो, मंग लक जित्तो भय गयो से। गुम गयो होतो, अबा मिल गयो से। अना सबा खुसी मनान लगीन।
\p
\v 25 पर वोको मोठो टूरा खेत मा होत्यो। जबा उ घर को कठा, आयो ता वोना गानो बजानो को आवाज आयकिस। 
\v 26 तबा दास ला हाकल के पुसिस, यो सबा काजक से? 
\v 27 तबा वोना वोला कहीस, तोरो भाऊ आइसे, अना तोरो बाबूजी ना बोकरा कटवायो सेस।
\p
\v 28 एको पर उ हिजड़ गयो अखिन भीतर नही गयो। तबा वोको बाबूजी वोला बाहेर आयके, वोला मनान लग्यो। 
\v 29 तबा मोठयो टूरा ना आपरो, बाबूजी ला जवाब दियो, मि एतरो साल तोरो चाकरी करीसेव, अखीन मि तोरो हुकूम ला कभीच नही टालेसेव, तो तु ना कभी मोला सेरी को पाठी नही दियो से का मि आपरो संगी गीन को संग खुसी मनाऊ। 
\v 30 पर जब तोरो लहान पोरगा, आयो जो रन्डीबाजि सरो धन खरचा कर दियो से मंग तू बोकरा कटवायो से। 
\v 31 तबा बाबूजी कव्हसे बेटा मि हमेसा तोरो संग सेव जोन काही मोरोसे उ सबा तोरो से। 
\v 32 पर अबा खुसी मनाव काहेका, तोरो लहान भाऊ मर गयो होतो, मंग जित्तो भई गई से। गुम गयो होतो अबा मिल गयो से।
\c 16
\s बैमान भंडारी
\p
\v 1 यीसु ना चेला गीनला कव्हयो, “एक धनवान को एक मूनीम होत्यो। धनवान को पूढा लोकगीन, कव्हन लगीन का खँजाचि तोरो, माल ला उड़वासे।” 
\v 2 तबा धनवान ना मूनीम ला हाकल के, पुसिस, यो काजक आयकसु? तू आपरो हिसाब-किताब जचवा मि तोला नौकरी लक हेडसू। 
\v 3 तबा दिवान कव्हसेत मि काय करु, माती खदन को ताकत नाहती यो काम तो मोरो लक, नही होयेत? मोला कोनी भिख भी नही देहेत, मालीक तो हेड देहेत। 
\v 4 दिवान कसे तबा का करनो से मोला समजमा आय गई से। लोग गीनको फायदा कराय देसू, जोन मुसिबत मा काम आहेत।
\p
\v 5 वोना आपरो मालीक को एक-एक करजदार गीन ला बुलायो अखीन पहलो ला पुछिस, तोरो पर कितरो करजा सेत? 
\v 6 वोना कव्हयो तीन हजार लीटर जैतून तेल, तबा खंजाचि कव्हयो, आपरो करजा को रसिद आन बसके ना वोमा 15 संबर लीटर लिख दे। 
\v 7 अखीन दुसरो ला पुसयो, तू कितरो को करजदार सेत? तबा वोना जवाब देइस, 100 मन गँहु तबा खंजाची ना कहीस, 80 लिख दे
\p
\v 8 मालीक ना वो अन्यायी मूनीम को बडाई करीस, काहेका उ चलाकी लक काम करीस, यो जुग मा भी असोच लोग परमेस्वर को लोकगीन लक लगत चतुर सेत।
\p
\v 9 एको लक मी सांगा सेऊ, यो अन्याय को धन लक, आपरो लाय असोच संगी बनाय लेव, जसो खंजाची ना बनायो होतीस, ताकि सरग मा तुमी अमर निवास मा रव्हने। 
\v 10 जोन नहान-नहान गोस्टी मा बिस्वास काबिल सेत, उ लगत मा भी बिस्वास को काबिल सेत, अना जो लहान-लहान गोस्टी मा अबिस्वासी सेत, उ लगत मा अबिस्वासी ईमानदार सेत। 
\v 11 अदी तुमी संसार को, धन मा बिस्वास को काबिल नही सेव, तो खरो धन परमेस्वर तुमी ला, काहे सौपे 
\v 12 अदी तुमी परायो धन मा बिस्वास को काबिल नही सेव तो तुमरो आपरो, धन तुम्ही ला कसो मिलेहेत।
\p
\v 13 कौनी मानूस दुई मालीक को चाकरी नही कर सका; उ एक लक बैर धरे अखीन, दुजो लक माया धरे या एक ला, आदर देहेत अखीन दुजोलक अपमान करयेत, तुमी परमेस्वर अना धन दुई को सेवा एक संग नही कर सकसेव।
\s यीसु को काही सिक्सा
\r (मत्ती 11:12,13; 5:31,32; मरकुस 10:11,12)
\p
\v 14 मोसे को नियम को गुरू गिन धन-दौलत लक माया करत होतीन एकोलाय, यीसु को गोस्टी आयक के मजाक उड़ावत होतीन, 
\v 15 एको पर यीसु ना कव्हयो, तुमी लोकगीन को पुढ़ा सच्चो होवन को ढोंग करासो पर परमेस्वर तुमरो दिल ला जानासे, जोन चीज मानूस को नजर मा उच्चो से दुनिया को धन-दौलत, वा परमेस्वर को नजर मा बेकार से।
\p
\v 16 मोसे को नियम अना भविस्यवक्ता योहन बप्तिस्मा देवन वालो तकन रहयो, वोना बेरा लक परमेस्वर को राज को साजरो बारता, आयकोआय रव्होसेत, अना हरेक वोमा जान काजी जबरन कोसीस करासेत। \f + \fr 16:16 \fr*\ft धरम \ft*\f* 
\v 17 \f + \fr 16:17\fr*\ft आकास\ft*\f* बादल अना धरती दुई सरक जाहेत, पर मोसे को नियम को एक-एक गोस्टी \f + \fr 16:17\fr*\ft मातरा\ft*\f* नही टलयेत बल्कि सबा पूरो होयेत।
\p
\v 18 \f + \fr 16:18 \fr*\ft दुस्करम\ft*\f* जोन नवरा अपरी बायको ला छोड़के अना दुसरो पाठ करयेत, उ वोको संग छिंडरापन करासे, अना जो अपरो नवरा ला छोड़के, दुसरो मानूस लक संग रव्होसे, व वोको संग पाप करासे।
\s धनी मानूस अखीन गरीब लाजर
\p
\v 19 एक धनवान मानूस रव्हत होतो। उ गजब मंहगो ऊचो-ऊचो कपरा घालत होत्यो, अना रोज साजरो-साजरो जेवन करत होतो। 
\v 20 वोको घर को बेसकूड़ मा एक गरिब लाचार मानूस पडयो रहत होत्यो, वोको नाव लाजर होत्यो, वोको आँग भर फोडा-फुन्सि होत्यो। 
\v 21 उ धनवान मानूस को जूठो-काठो गिरो-पड़ो जेवन जेत होत्यो, अखीन कुतरा वोको फोडा ला जिबली चाटत होत्यो।
\p
\v 22 उ गरिब एक दिवस मर गयो, अखीन सरगदूत वोला धरकेना अबराहम को कोरा मा राखदेइन। मंग धनवान भी मर गयो, अना वोला भी माती देइन। 
\v 23 उ नरक मा दूख भोगन लग्यो, आपरो डोरा वरता उठायके ना, दूर लक अबराहम अखीन वोको कोरा मा गरिब लाजर ला चोवयो। 
\v 24 वोना हाकलिस, अबराहम दादजी मोरो पर दया कर, अखीन लाजर ला धाड़, उ आपरो बोट ला पानी मा फिलायके, मोरो तोन्ड मा डाखेत काहेका, मि इस्तो मा तड़पासू।
\p
\v 25 तबा अबराहम ना वोला सांगिस, हेतकर मोरो लाल, तोरो जीवन मा कसो-कसो सुख मिलिसेस, अखीन लाजर को जीवन मा कितरो मोठो-मोठो दुख होतो, अबा वोला चैन मिलि सेस, अना तोला दुख। 
\v 26 अखीन तोरो अना हमारो, बिच मा गहरो खोदरा सेत, एको लाय यदि कोनी तोरो कठा, जावन चाव्हासे, तो भि नही जाय सकत, ना कोनी वोना गन लक एनागन आय सकत। 
\v 27 तबा धनवान ना जवाब दियो दादजी, मोरो बिनती सेत क लाजर ला मोरो बाबूजी को गाँव मा धाड, 
\v 28 काहेका मोरो पाँच भाऊ सेत, उ उनको पुढ़ा एना गोस्टी ला चेतायेत, असो नहोय की वय भी एना तकलीफ की जघा मा आहेत।
\p
\v 29 तबा अबराहम ना कव्हयो, उनको कना मोसे को नियम अना भविस्यवक्ता गिनको पवीतर गिरंथ से, वय उनको गोस्टी मानेत 
\v 30 तबा धनवान मानूस कव्हासे, अबराहम दादजी, वोना कहान आयकेसी? पर मूरदा लक कोनी उनको कठा जाहेत, तबा वय पस्तावा करके ना मन बदलेत। 
\v 31 एको पर अबराहम कव्हसे, जबा वय मोसे को नियम अना भविस्यवक्ता गिनको पवीतर गिरंथ को नही मानासे, तो कोनी मूरदा लक, जी उठेत ता वोको भि नही समजेत।
\c 17
\s पाप अना छिमा
\r (मत्ती 18:6; 7; 21; 22; मरकुस 9:42)
\p
\v 1 यीसु ना आपरो चेला गीन, ला कव्हासे, “पक्को पाप को लोभ मानूस को पूढा जरुर आहेत, मंग उ मानूस ला धिक्कार सेत, जोन को लक मानूस पाप को लोभ मा पड़ासे! 
\v 2 जोन मानूस ऐना लहान लोक गीनको पाप को कारन सेत, वोको सजा यो से का, गरो मा चकिया को गोटा बान्धके, ना सागर मा डाख दियो जाये।”
\p
\v 3 \f + \fr 17:3 \fr*\ft जोन पछताए वोला माफ करो\ft*\f* “एकोलाय सतरक रव्हने, अदी तुमारो कोनी भाऊ गलति पाप करासे ता वोला नोको डाटो पर समजा लेव, अखीन उ पस्तावा करासे, ता वोला छिमा कर। 
\v 4 अदी कोनी दिवस मा सात बार तोरो विरोध मा पाप करासे, अखीन पस्तावा के छिमा मांगासे ता छिमा करदेव।”
\s भरोसा
\p
\v 5 तबा चेलागीन पिरभू ला कव्हासेत, आमरो भरोसा ला बढ़ाव,
\p
\v 6 पिरभू कव्हासेत, अदी तुमला राई को दाना बरोबर भरोसा होत्यो, अना सहतूत को झाड़ ला हुकूम देवतो, का उखड अना सागर मा लगी जाय! ता उ तोरो हुकूम ला मानतो।
\s एक नांगरिया को फरज
\p
\v 7 “यदि तुमारो दास नांगर धरकेना खेत लक लवटसे, या सेरकी सेरी चरा के ना लवटासे, तो तुमी मा लक असो कोन सेत? जोन सांगेत आ अबा जेवन करले। 
\v 8 अना यो नही कहे, की मोरो जेवन तैय्यार कर, अना मि जबा तकन जेव नही लेऊ, तबा पासुन तैय्यार रव्हके मोरी सेवा कर, एको मंघा तु भी जेव लेजोस। 
\v 9 का मालीक आपरो दास ला एको, लई धनबाद देनो चाव्हासे, का ओना कव्हनो मानीसेस? 
\v 10 हमी भी वसोच सेजन, जसो सबरई हुकूम को माननो को मंघ, हमी नालायक दास सेजन, काहेकी हमना अपरो करम करी सेजन।”
\s दहा कोढी गिनला साजरो करनो
\p
\v 11 यीसु येरुसलेम नगर जावत-जावत सामरिया अना गलील, परदेस को सिवमेढो मा लक होय कना, जाय रहिया होतिन। 
\v 12 कोनी गाँव मा धसीन, ता उन ला दहा कोढी मिलिन वय गाँव को सिव मेढो पर उभा होतिन। 
\v 13 वय उच्चो आवाज मा कहिन, का यीसु हमरो पर दया कर!
\p
\v 14 यीसु ना उनला चोवके उनला कहीस, जावो!
\p “अना अपरो आप ला याजक ला देखाव\f + \fr 17:14 \fr*\ft आपरो गुरू ला दिखा\ft*\f*” जबा वय जाय रहया होतीन, त रास्ता मा च साजरा भय गईन। 
\v 15 तबा वोमा लक एक असो चोय केना, का मी सजरो भय गयो कहेकर उच्चो आवाज लक, परमेस्वर को पिराथना बड़ाई करत, लवट गयो। 
\v 16 उ यीसु ला धन्यवाद देता-देता वोको पाय पर टोन्ड को बल पड़ गयो, अना उ सामरी होतो। 
\v 17 एको मघा यीसु ना सांग्यो, “का दहा साजरो नही भयो, तो मंग नउ कहान सेत? 
\v 18 अखीन ऐना परदेसी ला छोड़ केना, असो कोनी नई हिटयो जेव लवट केना, परमेस्वर की बड़ाई करतो?” 
\v 19 तबा यीसु न वोको लक कहीस, “का उभो होय जाय काहेका, तोरो भरोसा ना तोला साजरो करीसेस।”
\s परमेस्वर को राज को आनो
\r (मत्ती 24:23-28,37-41)
\p
\v 20 एक बेरा मा मोसे को नियम को गुरू ना यीसु लक पुसिस, का परमेस्वर को राज कबा आहेत? तबा यीसु न वोला जवाब दियो, “परमेस्वर को नही चोवन वारा रुप मा राज आहेत, काहेका वा परगट नाहत। तो लोग गीनला कसो चोहेत? 
\v 21 लोक यो नही सांगासे ता चोवो उ यहान से उता सेत, काहेका परमेस्वर को, राज तुमारो बीच मा सेत।”
\p
\v 22 यीसु ना आपरो चेला गीनला सांगिस, एक बेरा असो आहेत, जबा तुम मानूस को टूरा एक दिवस चोवनो चाव्हने, पर वोला नही चोवने। 
\v 23 लोक तुम्ही लक कव्हेत, चोवो उ वहान से, चोवा उ यहान से, ता तुमी उता नोको जावने, अखीन उनको मंघा नोको जावने। 
\v 24 काहेका जसो बादल मा बिजली कड़कासे अखीन यो छोर लक उ छोर तकन चमका से, वसोच तुमी मानूस को टूरा को आवन को बेरा होयेत। 
\v 25 पर पुढा बेजा दुख उठानो पडे़त, यो जरुरी सेत का लोक गीन, वोला नकारेत। 
\v 26 जसो भविस्यवक्ता नूह को बेरा मा हुओ होत्यो, वसोच मानूस को टूरा को दिवस मा भी होयेत। \f + \fr 17:26 \fr*\ft लोग बेफिकर होतीन \ft*\f* 
\v 27 भविस्यवक्ता नूह को पानी जहाज मा बसन तकन, लोकगीन जेवन अना सादी ब्याह करत होतीन। तबा परलय आयो अना सबला बुड़ा देइस अना सबा सत्यानास\f + \fr 17:27\fr*\ft नास होय गयीन\ft*\f* भई गइन। 
\v 28 लूत को बेरामा भी असोच भयो, लोग जेवन करत रहयो, घर बनावत होत्यो\f + \fr 17:28\fr*\ft न्याय आ गयो। \ft*\f* पौधा लगावत होतिन 
\v 29 पर जोन दिवस लूत ना सदोम नगर सोड़यो परमेस्वर ना बादल लक स्तो बरसायके, सबला नास कर डाख्यो। \f + \fr 17:29 \fr*\ft जूनो एक नगर जोनको नाव सदोम होतो\ft*\f* 
\v 30 मानूस को टूरा को आवन को बेरा मा असोच होयेत।
\p
\v 31 वोना दिवस जोन अटारी मा सेत, वो समान लेवन लाय घर मा खाल्या नोको आहेत, अखीन जोन खेत मा सेत, उ मंघा नोको लवटे। 
\v 32 लूत को बायको ला हेत करो\f + \fr 17:32\fr*\ft लुत की बायको नोन को मुन्डा बन गई\ft*\f*। 
\v 33 जोन आपरो जान सुरक्षीत रखनो चाव्हासे, उ वोला गुमा देहेत अखीन, जोन आपरो जान देहेत, उ जित्तो रहेत\f + \fr 17:33 \fr*\ft अमर रहेत \ft*\f*। 
\v 34 मी तुम लक कव्हसू, वोना रात दूई झन एक खाट मा झोपेत, एक उचल लियो जाहेत, अखीन दुजो सोड़ दियो जाहेत\f + \fr 17:34 \fr*\ft धरती मा रह जाहेती \ft*\f*। 
\v 35 “दोन बाया संग-संग चक्कीया मा दरत रहेत अना एक ला उचल लियो जाहेती अखीन दुसरी ला सोड़ दियो जाहेती।” 
\v 36 “दुई जन खेत मा सेत, एक उचल लियो जाहेत, अखीन दुजो सोड़यो जाहेत\f + \fr 17:36 \fr*\ft परमेस्वर को मन मुताबिक न्याय होहेत। \ft*\f*।”
\p
\v 37 यो आयक के चेलागिन, न पुसयो, “हे पिरभू यो कहान, होयेत?”
\p तबा यीसु ना कव्हयो, “जहान लास सेत, वहाँच गीधाड़ इक्कठो होवासे।”
\c 18
\s न्यायधीस अना बेवा को किस्सा
\p
\v 1 मंग यीसु ना हमेसा पिराथना करनो से, अखीन हिम्मत नही छोडनो से समझावन काजी, एक किस्सा सांगीस। 
\v 2 कोनी नगर मा एक न्यायी रव्हत होतो, जोन नातो परमेस्वर को भगती करत होतो ना डरत होतो अना मानूस गीन को भेव खावत होत्यो। 
\v 3 वोच नगर मा एक बेवा रव्हत होती, जो वोका कठा आय आयके, कव्हत होती, मोरो बदला, देव अखीन मोला, मुकदमा करन वालो लक बचा। 
\v 4 काही बेरा तकन उ नही मानिस, पर आखीर मा मन मा बिचारन लगीस, का मोला ना तो परमेस्वर को भेव से ना ता कोनी लोकगीन को भेव सेत। 
\v 5 पर मोला रोज वा बेवा परेसान कर डाखीस, एको लाय मी आज एको, न्याय कर देसू कही असो ना होयेत, का बार-बार आयके, ना मोरो नाक मा दम कर देहेत।
\p
\v 6 यीसु पिरभू कव्हसे, आयको! यो अन्यायी न्यायी का कव्हसे? 
\v 7 एकोलाय का परमेस्वर आपरो पूढा, बेचयो लोक गीनको, बदला लेहे जो रात दिवस, वोकी दोहाई देवासे। का उ उनको बारे मा देर करयेत? 
\v 8 मी तुमरो लक कव्हसू, उ एक दम सटाकना उनको बदला लेहे, तबा मानूस को टूरा जबा आहेत त का उ धरती मा बिस्वास पाहेत?
\s फरीसी अखीन जमा लेवन वालो को उदाहरन
\p
\v 9 जोन आपरो उपर न्यायी होवनको, भरोसा राखत होतिन, उन लक एक उदाहरन सांगीस। 
\v 10 “दोन मानूस मंदिर मा पिराथना करन लाय, गइन एक मोसे को नियम को गुरू होतो, अखीन एक जमा लेवन वारा होतो।”
\p
\v 11 मोसे को नियम को गुरू उभो-उभो असो, पिराथना\f + \fr 18:11\fr*\ft बिनती\ft*\f* करत होतो। “परमेस्वर मी तोला धनवाद देवासू, का मी दुसरो लोकगीन जसो, लोभी, अन्यायी, गलत काम करन वालो नहि सेव, अखीन यो जमा वसूली करन वालो, अन्धेर करन वालो जसो नही सेव। 
\v 12 मी हफ्ता मा दूई दिवस उपास रव्हसू, अखीन आपरो सप्पा आय, को दसवा हिस्सा दान करासू।”
\p
\v 13 जमा वसूली करन वालो, पापी अधिकारी काही दूहुर मा उभो होतो, वोला सरग कना, डोरा उठानो तकन को हिम्मत नही होतो। उ आपरो छाती पीट-पीट के ना कव्हत होत्यो, “परमेस्वर मोरो पर दयाकर।” 
\v 14 यीसु ना कव्हयो, “मी तुमरो लक कव्हसू, उ पहलो नही पर यो मानूस पाप लक सूटकारा पाय के अना न्यायी ठहराय के आपरो घर गयो।” काहेका “जोन कोनी आपरो आप ला ऊचो करासे, उ खाल्या कियो जाहेत, पर जोन आपरो आप ला खाल्या करासे, उ ऊचो कियो जाहेत।” \f + \fr 18:14 \fr*\ft जोन लहान से वा मोठो कियो जाहेत।\ft*\f*
\s लेकरा गिनला आसिरवाद
\r (मत्ती 19:13-15; मरकुस 10:13-16)
\p
\v 15 लोक गीन यीसु को कठा, लहान- लहान लेकरा ला जवर आनीन का उ उनला छिव दे। चेला गीन ना यो चोवके, ना डाटन लगीन। 
\v 16 पर यीसु न लेकरा गीनला, आपरो जवर बुलायो, अखीन कव्हयो, लेकरा गीनला मोरो कठा, आवन देव, नोको मना करो, काहेका परमेस्वर को राज इनको जसा लोक गीनको सेत। 
\v 17 मी तुमरो लक खरो कव्हसू, जोन मानूस लहान-लहान लेकरा गीन जसो, परमेस्वर को राज ला नही अपनायेत, उ वोमा कभी नही धसनो पाहेत।
\s धनी मानूस अना अमर जिन्दगी
\r (मत्ती 19:16-30; मरकुस 10:17-31)
\p
\v 18 एक मुखिया ना यीसु लक असो पुसयो, ओ सब लक साजरो गुरु, अमर जीवन को वारसान, बनन लाय मी काजक करु?
\p
\v 19 यीसु ना वोला सागीस, “मोला साजरो गुरू काहे कव्हसो? परमेस्वर ला सोड़ अखीन कोनी साजरो नहाय। 
\v 20 तुमी सप्पा हुकूम ला तो जानसो, बूरो नजर लक नोको चोवो, छिनाली नोको करो, कोनी ला जान लक नोको मारो, चोरी नोको करो खोटो, गवाही नोको देव, आपरो माय बाप को आदर करो।”\f + \fr 18:20\fr*\ft माय-बाप की सेवा\ft*\f*
\p
\v 21 वोना जवाब दियो “यो सबा मी तो बचपन लक मानसू।”
\p
\v 22 यीसु ना यो आयक के ओको, लक सांगीस, “तोरो मा एक बात की कमीसे। आपरो सप्पा बिग दे तिजोरी खोलके अखीन गरीब गोर मा बाट के ना मोरो मंघा आव। तब सरग मा धन मिल्हेत।” 
\v 23 उ यो आयक के ना गजब उदास भय गयो, काहेका उ गजब धनवान होत्यो।
\p
\v 24 यीसु ना वोला उदास चोवके ना कहीस, “धनवान लोक गीनको, परमेस्वर को राज मा धसनो कठीन सेत 
\v 25 पर ऊँट को सूज्जी को नाक लक हीटनो सरल से। ” पर उनको परमेस्वर को राज मा धसनो कठीन से।
\p
\v 26 येको पर आयकन वालो, लोक गीन कव्हन लगीन, तो कोन सूटकारा पाय सकासे?
\p
\v 27 यीसु ना जवाब दियो जोन मानूस लक नही होय सकासे वा परमेस्वर कर सकासे।
\p
\v 28 तबा पतरस ना कव्हयो, चोव, अमी लोकगीन आपरो सबा कही छोड़-छोड़ केना, तोरो माघा-मघा आय गयो सेजन। 
\v 29 यीसु ना जवाब दियो, मी तुम्ही लोक हिनला खरो सांगसू, असो कोनी नहात जोन ना परमेस्वर को राज लाय, घर बार, अना बायको अना भाऊ गीन अना माय-बाबूजी अना बाल-बच्चा छोड़-छाड़ देईसेस। 
\v 30 यो जुग मा वोला, कई गुना मील्हेत अखीन अमर जीवन भी मील्हेत।
\s दुख भोगन को बारे मा तीसरो बारा सांगनो।
\r (मत्ती 20:17-19; मरकुस 10:32-34)
\p
\v 31 मंग यीसु बारा चेला गीनला अलग-थलग करके उन लक सांगीस, आयको हमी येरुसलेम नगर जाय रहयो सेत, मानूस को टूरा बारे मा जोन काही भविस्यवक्ता गीनना पवीतर गीरंथ मा लिखयो सेत, उ सप्पा पूरयो होवन वालो सेत। 
\v 32 काहेकि मी गैरयहुदी गीनको हात मा सौप दियो जाहेत, वोना मोरो मजाक उड़ाहेत, मोरो बेईज्जती करयेत अना मोरो पर थूकेत। 
\v 33 वय वोला कोड़ा मारेत अखीन मार डाखेत। पर उ तीन दिवस मा जित्तो भई जाहेत।
\p
\v 34 उनला यो सबद समजमा नही आयो काहेका, परमेस्वर ना उनको, समज ला बंद कर दियो।
\s अँधरा ला डोरा देवनो।
\r (मत्ती 20:17-19; मरकुस 10:32-34)
\p
\v 35 जब यीसु येरीयो नगर को कठा पहुचयो, वहान एक अँधरा रास्ता को कीनार मा बसके, भीख माँग रहयो होतो। 
\v 36 वोना भीड़ भाड़ जावन को आवाज आयकीस, अखीन पुसो यो काजक होवासे?
\p
\v 37 तबा लोकगीन वोला सांगिन यीसु नासरी जाय रहि सेस।
\p
\v 38 तबा उ जोर लक हाकलन लग्यो, “ओ यीसु दाऊद को खानदान मोरो पर दया कर!”
\p
\v 39 तबा पूढा चलन वालो लोग गीन, ना चुप्प होवन काजी डाटन लगीन, पर उ अखीन जोर लक, वसोच हाकलीस। “ओ दाऊद को औलाद, मोरो पर दया कर।”
\p
\v 40 यीसु थम गयो अखीन वोला वोको कठा, लावन को हुकूम दियो जबा उ जवर आयो, तबा यीसु ना पुछयो 
\v 41 तु काजक चाव्हासे, मी तोरो लाय काजक करु?
\p वोना जवाब दियो मालीक मी चोवन चाव्हासू।
\p
\v 42 यीसु कव्हसे, तो चोव, तोरो भरोसा ना तोला साजरो करीसेस।
\p
\v 43 वोच बेरा उ चोवन लग्यो, अखीन उ परमेस्वर को स्तुती बड़ाई करन लग्यो अखीन यीसु को, मघा जावन लग्यो सारी जनता यो चोवके, ना परमेस्वर को स्तूती करन लगीन।
\c 19
\s जमा लेवन वालो जक्कई
\p
\v 1 यीसु येरीयो नगर मा धसके, ना जाय रहयो होतो। 
\v 2 वहान जक्कई नाव को एक मानूस होत्यो, जो जमा लेवन वालो को मुखीया होतो, उ गजब धनवान सेत। 
\v 3 उ यीसु ला चोवनो चाव्हत होतो, उ चोव नही सकत होत्यो, काहेका उ खुज्जा होतो। 
\v 4 वोना यीसु ला देखन काजी पुढा धावके, ना उमर को झाड़ मा चघ गयो, काहेका यीसु वोच रस्ता लक, जावन वालो होतो। 
\v 5 जबा यीसु वोना जघा मा पहूचो तबा वरता, नजर घुमाय के कव्हन लग्यो, ओ जक्कई तू खटाक ने खाल्या आव! काहेका, आज मी तोरो घर मा रुकन वालो सेव।
\p
\v 6 उ एक दम उतर केना, खुसी लक आपरो घर ले गयो। 
\v 7 यो चोवकर सप्पा लोक गीन, कुड़ कुड़ा के कव्हन लगीन, उ तो एक पापी मानूस को, यहाँ पाहूना सेत
\p
\v 8 जक्कई न उभो होयके पिरभू यीसु ला कव्हयो। हे मालीक चोव! मी आपरो धन को आरधो हिस्सा मी कंगाल गीन ला देवासू, अखीन काही अन्याव करके, ना राखीसेव तो वोला, मी चौगुना वापस देवासू।
\p
\v 9 तबा यीसु ना कव्हयो, अबा यो घर मा सूटकारा आयो से, एको लाय का यो भी अबराहम को एक टूरा सेत। 
\v 10 काहे का मानूस को टूरा गुमो हुओ ला ढुढ़न अखीन वोला सूटकारा देवन काजी आई सेव\f + \fr 19:10 \fr*\ft खोये हुए ला मोक्स देवना\ft*\f*।
\s दहा मूहर को उदाहरन
\r (मत्ती 25:14-30)
\p
\v 11 जबा वोना यो गोस्टी ला आयकत होतिन, तो वोना एक उदाहरन सांगन लगीस। काहेका वय लोकगीन, येरुसलेम नगर को कठा होतिन अखीन उ समजत होतिन, का परमेस्वर को राज अबासीन आवन वालो सेत। 
\v 12 एक धनी मानूस होतो, उ दुर देस जावन लग्यो, का राज पद पाय केना आपस लवट आयो। 
\v 13 वोना आपरो दास मा लक, दहा ला बुलायके, ना उनला दहा मोहर दियो, अखीन कव्हयो मोरो लवट के आवत तकन धन्धा करने। 
\v 14 पर उ नगर को रव्हासी गीन, वोको लक बैर राखत होतिन, अखीन वोको मंघा दूत गीन लक खबर पायो, हमी नही चाव्हसेत का तू आमरो पर राज करयेत।
\p
\v 15 जबा उ राज पद पाय के, लवटो तो असो भयो का वोना, आपरो दास गीनला बुलायो, अखीन पुसन लग्यो का, कोन-कोन न कितरो कमाई सेस? 
\v 16 तबा पहलो ना आयके कव्हयो, मालीक तोरो दहा मोहर लक मी अखीन दहा कमाई सेव। 
\v 17 तब वोना कव्हयो वाह साजरो दास गीन, मा तू एकच बिस्वास को काबील सेस। अबा 10 नगर मा अधिकार राख। 
\v 18 तबा दूसरो ना कव्हयो मालीक मी तोरो, मोहर लक पाँच मुहर कमाई सेव। 
\v 19 तबा वोना वोला भी कव्हयो, तु पाँच नगर पर अधिकार राख।
\p
\v 20 तीसरो ना आयके कव्हयो, हे मालीक देख यो तोरो मोहर से जसो को तसो मी गमछा मा बान्ध के राखी सेव। 
\v 21 काहेका मी जानासू, तू गजब कठोर मानूस से एको, लाय मोला तोरो लक भेव लगीस, का कहि मी जानासू, जोन तू ना नही राखीसेस, वोला उचल लेवासे अखीन जो तू ना नही बोयो सेस, वोला काप लेवासे? 
\v 22 तबा वोना वोला कव्हयो, हे दुस्ट दास! मी तोरो टोन्ड लक, हिटयो गोस्टी लक, तोला दन्ड देवासू, तू मोला जानत होतो का मी कठोर मानूस सेव, जो मीना नही ठेवी सेव, वोला उचल लेवासू, अखीन मी जो नही बोयि सेव, वोला मी कापसू। 
\v 23 तो तूना यो मोहर ला माहाजन कठा ठेव देतो मी आकेना, ब्याज समेत ले लेतो।
\p
\v 24 अखीन जोन कठा होतिन, उनलक कव्हयो का उ मोहर वोको लक, ले लेव अखीन जोको कठा, दहा मोहर सेत वोला, देदो। 
\v 25 उनना कव्हयो, मालीक वोको, कठा तो दहा मोहर सेत। 
\v 26 \f + \fr 19:26 \fr*\ft लगत दिया जायेत \ft*\f* मी तुम्ही लक कव्हसू, का जोको कठा सेत, वोला अखीन दियो जाहेत, अखीन जोको कठा नही सेत, वोको लक जो सेत, वे भी ले लियो जाहेत। 
\v 27 पर मोरो उन बैरी गीनला जोन नही चाव्हत, होतिन का मी राज करु, उनला आन केना मार डाखो।
\s येरुसलेम नगर मा यीसु को धसनो
\r (मत्ती 21:1-11; मरकुस 11:1-11; योहन 12:12-19)
\p
\v 28 अखीन यीसु ये गोस्टी कव्हयो अना उ येरुसलेम नगर को कना, उनको पूढा चलयो। 
\v 29 जबा यीसु जैतून पहाड़ को कठा, बैतफगे अना बैतनिय्याह गाँव को जवर पहूचयो, तबा वोना, दोन चेला गीनला 
\v 30 “असो सांगत पठाय दियो का पूढा को गाँव मा, जाव जबा तुम्ही वहाँन, पहूचजो तबा तुम्हिला, खूटा मा बन्धो एक गधी को बछेरु मिल्हेत, जोको पर अबा कोनी, सवारी नही करीसेन 
\v 31 वोला छोड़ केना आनो यदि कोनी तुमला पूछेत, तो कव्हजोस का यीसु पिरभू ला, एको जरुरत से।”
\p
\v 32 जोन चेला गीनला धाड़ीस होतीस, वोना जसो यीसु ना सांग्यो होतो, तसोच पाईन। 
\v 33 जबा वय बछेरु ला छोड़त होतिन, तबा वोको मालीक आयकेना कव्हसे “तुम्हि काहे छोड़ोसो।”
\p
\v 34 तबा उनना जवाब देइन का, “यीसु पिरभू ला एको जरुरत से, वोच हमीला धाडीसेस।” 
\v 35 वय बछेरु ला वोको कठा, आनीन अखीन लोक गीन ना चद्दर बिछा के वोमा यीसु ला, बसाय देइन। 
\v 36 जसो-जसो यीसु पूढा बड़तो गयो, लोक गीन वोको पूढा रास्ता मा, चद्दर बिछात होतिन।\fig यरूसलेम मा यीसु को जीत को जुलुस|alt="Jesus’ Triumphant entry to Jerusalem" src="LB00315C.TIF" size="span" copy="Horace Knowles ©" ref="19:36"\fig*
\p
\v 37 जबा वय जैतून पहाड़ को, उतार मा पहुचियो तबा सब चेला गीन, खुसी होयके ना जोन काम उनना चोयो होतो, उ सबा अचंभा होवन वालो काम को, हेत कर केना सबा लक, उच्चो आवाज मा परमेस्वर को, स्तुती करन लगीन 
\v 38 \f + \fr 19:38 \fr*\ft महिमा हो\ft*\f* धन्य से उ राजा जो पिरभू को, नाव लक आवासे सरग मा सान्ती सबा लक, ऊचो सरग मा महिमा।
\p
\v 39 भीड़ मा काही मोसे को नियम को गुरू होतिन, वोना यीसु लक कहिन गरुजी चेला गीनला डटकार 
\v 40 यको पर यीसु ना जवाब दियो “मी तुम लक कव्हसू, यदि वोना चूप रहयो, ता गोटा चिलावन लगेत।”
\s येरुसलेम नगर को लाय रोवनो
\p
\v 41 जबा यीसु जवर आयो अना, नगर ला चोवयो अखीन उ रोवन लग्यो। 
\v 42 अना बोलयो, “कितरो साजरो, होतो का तू आज को दिवस, यो समज पातो का कोनतो, बात मा तोरि सान्ती, से?” पर अबा यो बात तोरी डोरा लक लुको हुओ सेत। 
\v 43 तोरो पर उ दिवस आहेत, जबा तोरो बैरी तोरो चारो लक घेर लेहति अखीन, तोरो पर दड़ब डाखेत। 
\v 44 तोला अखीन तोरो मा निवास करन वालो, तोरि सन्तान ला माती मा मिला देहति, अखीन तोरो मा एक भी गोटा तरा उपर नही रव्हेत, काहेका तूना उ साजरो दिवस ला नही चिन्हिसेस, जब परमेस्वर ना तोरि सुधि लेइसेस।
\s मंदिर म बिकनवालो ला कहाड़नो
\r (मत्ती 21:12-17; मरकुस 11:15-19; योहन 2:13-22)
\p
\v 45 यीसु मंदिर मा धसिस अखीन, बिकन वालो ला यो सांगत बाहेर कहाडिस, का 
\v 46 लिखो से परमेस्वर को घर पिराथना को, घर होयेत, पर तूमना वोला डाकू को, अड्डा बना दियो से\f + \fr 19:46\fr*\ft डाकू को रव्हन को जघा \ft*\f*।
\p
\v 47 यीसु हर रोज मंदिर मा उपदेस देवत होतो, अखीन मोसे को नियम को गुरू मुखिया याजक अखीन, जनता गीन यो डाव ढुढत होतिन\f + \fr 19:47 \fr*\ft मौका खोजत होतीन \ft*\f*, का यीसु को कसो नास कियो, जाय। 
\v 48 पर उनला नही सुझत होतो का, काजक करे? काहेका, जनता यीसु को बात लक खुसी होतिन।
\c 20
\s यीसु को अधिकार पर सवाल
\r (मत्ती 21:23-27; मरकुस 11:27-33)
\p
\v 1 एक रोज यीसु मंदिर मा, जनता ला साजरो बारता सांगत होतो। का मोसे को नियम को गुरू, लेखक, मुखिया याजक ओको कठा आइन। 
\v 2 अखीन वोला पुसीन, यो तू हमला सांग का कोनतो, अधिकार लक यो काम करासे? उ कोन आय जोना तोला यो अधिकार देइसेस?
\p
\v 3 तबा यीसु ना जवाब दियो, मि भी तुम्ही लक एक सवाल पूसासू, अखीन तुमी सांगो 
\v 4 योहन बप्तिस्मा देवन वालो को बप्तिस्मा, सरग कन लक होतो, का मानूस को कन लक होतो?
\p
\v 5 वय आपसी मा सलाह करासे, हमि सरग कन लक सांगबीन तो उ कहेत, का तुम्ही योहन पर भरोसा काहे नही ठेवासो? 
\v 6 अदी हमि सांगबीन का मानूस कन लक तबा जनता हमला गोटा लक मार-मार के ना मार डाखेत। काहेका लोक गीन ला यो भरोसा होतो, का योहन परमेस्वर को भविस्यवक्ता आय। 
\v 7 एको लाय उनना जवाब दियो का, आमी नही जानसेजन, का योहन कोन कन लक से।
\p
\v 8 एको पर यीसु ना उन लक, कव्हयो “तबा मि भी तुम्ही लक नही सांगसू, का मि कोनतो अधिकार लक यो काम करासू।”
\s अंगूर को बाडी का उदाहरन
\r (मत्ती 21:33-46; मरकुस 12:1-12)
\p
\v 9 तबा यीसु जनता ला यो उदाहरन सागन लग्यो, एक किसान आपरी अंगूर को बारी, किसान गीनला ठेका मा देयके, ना गजब दिवस काजी, परदेस मा चले गयो। 
\v 10 जबा बेरा भयो ता उ मालीक ना आपरो एक दास ला धाड़िस, का अंगूर को बारी को बटाई देय दे। पर किसान गीन वोला, मर-पीट के ना रिकामो हात पराय देइन। 
\v 11 मंग उ मालीक ना दुसरो दास ला धाड़िस, अना वोला भि वसोच मार-पीटके ना रिकामो हात लवटा दियो। 
\v 12 मंग मालीक ना तिसरो नौकर ला धाड़िस, अखीन उनना वोला भी घायल करके ना कहाड़ देइन। 
\v 13 तबा अंगूर को बारी को मालीक ना सोचिस, का मी काय करू? मि आपरो चहेतो टूरा ला धाड़सु, साइद वोना लोक गीन वोको आदर करयेत। 
\v 14 जबा किसान ना वोला चोविन तो, आपस मा बिचारन लगीन, यो ता ओको वारिस आय, आओ एला मार डाखो, का यो बारी हमेसा लक आमरो भई जाहेत। 
\v 15 अखीन वोला अंगूर को बारी लक, बाहेर कहाड़ केना मार डाखिन।
\p एकोलाय अबा अंगूर को बारी को मालीक उनको संग का, करयेत? 
\v 16 उ आयके ना वोना किसान गीनला नास करयेत, अखीन अंगूर को बारी ला दुसरो ला देहेत।
\p उनना यो आयक के ना ओला कहिन, परमेस्वर करे असो नोको होयहेत।
\p
\v 17 वोना उनको कना चोवके ना कहीस,
\q1 अखीन का लिखोसे? जोन गोटा ला मिस्तरी ना नकारो सेस,
\q2 वोच कोनटा\f + \fr 20:17 \fr*\ft सिरे का पत्थर \ft*\f* को सप्पा बजन सहन वालो, गोटा भई गईस।
\p
\v 18 जोन कोनी वो गोटा मा पडे़त, चकनाचूर भई जाहेत। अखीन गोटा जोनको पर पडहेत उ पिस जाहेत।
\s कैसर राजा ला जमा पटानो
\r (मत्ती 22:15-22; मरकुस 12:13-17)
\p
\v 19 वोच बेरा मुखिया याजक, अखीन मोसे को नियम को गुरू लिखनवारा, समज गइन का यो उदाहरन आमरो पर लक सांगिसेस, ओना यीसु ला पकड़न चाहत होतिन, पर जनता लक भेव खाइन। 
\v 20 वय यो ताका मा होतिन, का भेद लेवन काजी कोनि मानूस ला धाड़ेत जोन झुठो बहाना लक नेक बनके वोला कोनी ना कोनी गोस्टी मा पकड़ेत, अना वोला अधिकारी को हात को सुपरुत करहेत। 
\v 21 वोना गीनना वोला पुसिन, हे गुरू हमि जानसेजन का तू खरो, सांगासेस अखीन सिकावासे। परमेस्वर को मारग खराई लक, सांगासेस अखीन कोनी, तरफदारी नही करासे। 
\v 22 ता अबा सांग मोसे को नियम लक का अमीला राजा कैसर ला, जमा को सिक्का देवनो खरो, से का खोटो से?
\p
\v 23 वोना उनको होसियारी, समज गयो अखीन कव्हयो, 
\v 24 एक रुपया को सिक्का\f + \fr 20:24 \fr*\ft दीनार एक दिवस को बनी \ft*\f* मोरो कठा आनो,
\p तबा जनता लक पुछयो योमा कोन को छापा सेत अखीन कोको नाव सेत? लोगगीन कहिन राजा कैसर को।
\p
\v 25 तबा उ उनला कहीस, जोन राजा कैसर को सेत, उ राजा कैसर ला देव, अखीन जो परमेस्वर को, से वो परमेस्वर ला देव।
\p
\v 26 वय लोकगीन वोला मिसा लक पकड़न को ताका मा होतिन, यो काजी नेकी को भेस धरके ना काही लोक गिनला ओको कठा मिसा लक धाड़िन, का वय वोको कोनी सबद पकड़े, अखीन वोला अधिकारी गीन लक, सिकायत करके ना धराय देहत।
\s दुबारा जित्तो होवनो अना बिहा
\r (मत्ती 22:23-35; मरकुस 12:18-27)
\p
\v 27 एको बाद काही सदूकी गुरूगीन, यीसु को जवर आइन जोन मरन को बाद जी उचलनो नही\f + \fr 20:27\fr*\ft सदूकी\ft*\f* मानत होतिन। उनना वोला यो सवाल करीन, 
\v 28 गुरूजी, मोसे गुरूजी ना आमरो लाय, एक नियम बनाइसेस, का कोनी को भाऊ बिना सन्तान को मर जासे, तो वोको भाऊ उ बेवा ले बिहा करके ना आपरो भाऊ को, काजी सन्तान पैदा करेत\f + \fr 20:28\fr*\ft खानदान \ft*\f*। 
\v 29 एक परिवार मा सात भाऊ होतिन मोठो ना बिहा करकेना नवरी आनीस, अखीन उ बझला मर गयो। 
\v 30 दुजो अखीन तिसरो 
\v 31 असो सातो भाऊ वा बायको, लक बिहा करके ना बिना सन्तान को मर जावासे। 
\v 32 आखीर मा उ बायको भी मर जासे। 
\v 33 अबा सांगो जित्तो होवनो को बाद मा वा बायको, कोन की बायको होयेत? उ तो सातो को बायको होति।
\p
\v 34 यीसु ना कव्हयो एना जुग मा मरद-बायको, को बिहा होवासे। अखीन नवरा-नवरी होवासे। 
\v 35 पर आवन वालो जुग मा जबा, सप्पा मुरदा जित्तो होवनो भई जाहेत\f + \fr 20:35 \fr*\ft मरनो मा लग्न नही होहेत। \ft*\f*, वहान बर-बिहा नही होयेत। 
\v 36 पर सबा जी उचलनो को मंघा अमर होयके ना, सरग दुत जसो परमेस्वर को सन्तान बन जाहेत। 
\v 37 \f + \fr 20:37 \fr*\ft मी जिन्दो को परमेस्वर सेऊ\ft*\f* पर यो गोस्टी को की मरयो हुयो जित्तो जित्ता होवासे, मोसे ना स्तो पेटायो झाड़ी को किस्सा मा सांगिसेस, जहान उ पिरभू कव्हासे का मि अबराहम, इसहाक अना याकूब को परमेस्वर सेउ। 
\v 38 उ मुरदा को नही पर जित्तो को परमेस्वर सेत। कायको लाय का वोको, पूढा सबा जित्तो सेत।
\p
\v 39 एको मंघा मोसे को नियम को गुरू अना लेखक गीन कहिन का, तू ना साजरो सांगिसेस। 
\v 40 अखीन यीसु लक कोनी सवाल पुसन को, हिम्मत नही भयो।
\s मसीह कोनको सन्तान?
\r (मत्ती 22:41-46; मरकुस 12:35-37)
\p
\v 41 मंग यीसु ना उनला पुसयो, मसीह ला राजा दाऊद को, सन्तान काहे कव्हासेत? 
\v 42 राजा दाऊद खुदच आपरो भजन को पवीतर किताब मा कव्हासे, परमेस्वर ना मोरो मालीक लक कव्हयो। 
\v 43 मोरो उज्जो बस जबा तकन मि तोरो बयरी गीन ला तोरो पाँय को खाल्या को पीढ़ो नही कर देवासू। \f + \fr 20:43 \fr*\ft चरनो की चौकी \ft*\f* 
\v 44 राजा दाऊद ता वोला पिरभू कव्हासे त मंग वा कसो वोको सन्तान से?
\s गियानी गीन लक होसियार
\r (मत्ती 23:1-36; मरकुस 12:38-40)
\p
\v 45 जबा सबा लोक गीन आयकत होतिन, तबा वोना आपरो चेला गीनला कव्हासे, 
\v 46 लेखक मोसे को नियम को गुरू ले होसियार रव्हो। जोन ला, लम्बो-लम्बो कपरा पहननो अखीन, फिरनो चाव्हासेत अखीन उनला, बजार मा नमस्कार अखीन, सभाघर मा उच्चो आसन 
\v 47 वय बेवा गीनको घर अना धन चट करासे अना दिसावन को लाय लम्बो-लम्बो पिराथना करोसे, उनला कठोर दन्ड मिलहेत।
\c 21
\s कंगाल बेवा को दान
\r (मरकुस 12:41-44)
\p
\v 1 मंग वोना डोरा उठय के, ना धनी गीनला आपरो-आपरो दान पेटी मा डाखत चोवो, 
\v 2 वोना एक गरिब बेवा ला, वोमा दोन दमड़ी डाखत चोयो, तबा वोना कव्हयो, मि तुम्ही लक खरो सांगासू, का यो गरिब बेवा ना सबा मा बड़के दान डाखयो से। 
\v 3 तबा वोना कव्हयो, मी तुम्ही लक खरोखर सांगासू, का यो गरिब बेवा ना सबा मा बड़के, दान डाखिसे। 
\v 4 यो तो आपरो सप्पा कमाई को धन दान कर देइसेस, बाकि लोग गीन आपरो बढत लक, उलफा रुपिया डाखिन।
\s मंदिर को नास को बारे मा सांगनो
\r (मत्ती 24:1,2; मरकुस 13:1,2)
\p
\v 5 जबा काही लोकगीन मंदिर को, बारे मा कव्हत होतिन, का यो कसो सुन्दर गोटा अना भेंट को, चीज लक सजायो गयो से? 
\v 6 तबा यीसु ना कव्हयो, वोना दिवस आहेत, जोन मा यो जोन काही तूम्हि चोवासो, उनमा लक कोनी गोटा लक गोटा नही बचेत, सबा नास कर दियो जाहेत।
\s संकट को बारे मा सांगनो
\r (मत्ती 24:3-14; मरकुस 13:3-13)
\p
\v 7 उनना वोला पुसिन “हे गुरू यो सबा कबा होयेत? अना यो बात पूरो होवन को, का निसान सेत?”
\p
\v 8 तबा उ कव्हसे “होसियार रव्हो का कोनी, तुमिला नोको भरमाय, काहेका गजब लोकगीन मोरो, नाव लक आहेत अखीन सांगेत, का मी वोच सेव अना यो, भी का बेरा जवर आय गयो से, तुमी उनको मंघा नोको जावने।” 
\v 9 जबा तुम्ही लडाई-बलवा को, चरचा आयकने तो नोको, घबराने, इनको पुढा होवनो जरुरी से, पर वोना बेरा अन्त नही होयेत।
\p
\v 10 तबा वोना उन लक कव्हयो, लोक पर लोक अखीन, राज पर राज चढ़ाई करयेत। 
\v 11 अखीन मोठयो-मोठयो भुईडोल होयेत, अना जघा-जघा गिरानी पड़ेत, मरही आहेत अना वरता बादल मा, मोठो-मोठो निसान चोवेत। 
\v 12 पर इनलक पूढा लोग मोरो नाव को कारन, तुमला धराय देहेत, अखीन तगांयेत अना सभाघर मा सोपेत, अना जेल मा डाख देयेत, अना राजा न्यायईगिन को पूढा लेजायेत। 
\v 13 यो तुमारो लाय गवाही को बेरा होयेत। 
\v 14 एकोलाय आपरो-आपरो, मन मा ठान लेवका हमि उनको पूढा का कव्हनो से? यो चिन्ता नोको करने। 
\v 15 काहेका मि तुमीला असो बोल अना अक्ल देहू, का तुमारो विरोध करनवालो, काप नही सकेत। 
\v 16 तुमारो माय-बाप अना, भाऊ कुटुम्ब, अना संगी भी तूमीला धराय देहेत, अना यहान तकन का तुमी लक कोनी-कोनी, ला मरवा डाखेत। 
\v 17 मोरो नाव को कारन सबा लोक तूमी लक बैर करेत। 
\v 18 पर तुमरो डोस्का को, एक चुन्दी भी नहीं उखान सकेत। 
\v 19 पर आपरो धिरज लक, तूमी आपरो पिरान बचाय राखो।
\s येरुसलेम नगर को नास को बारे मा सांगनो
\r (मत्ती 24:15-21; मरकुस 13:14-19)
\p
\v 20 जबा तूमी चोवने का, येरुसलेम नगर सेना लक, घिरो सेत तबा जान लेवने, का वोको नास कठा सेत। 
\v 21 वोना बेरा जो यहुदिया परदेस मा सेत, उ पहाड़ी मा पराय जाय, अना जोन येरुसलेम नगर को भीतर सेत, उ बाहेर हीट जाय, अखीन जोन देस मा नाहती उ सहर मा नोको जाय। 
\v 22 काहेका उ बदला को दिवस होयेत, जोन मा पवीतर गिरंथ मा लिखयो सबा बात पूरो भई जाहेत। 
\v 23 वोना बायको को लाय, दूख को दिवस होयेत, जोन पेट ले सेत, अना वा लेकरा ला दूध पिलाय सेति। काहे का धरती मा गजब मोठो विपदा आ जाहेत। 
\v 24 लोकगीन तलवार लक, काप दियो जाहेत। अना उनला बन्दी बनाय के ना, गैरयहुदी लोकिगीन मा लीजाय लेहेत। अना गैरयहुदी लोकगीन को लक, येरुसलेम नगर, जबा तकन बेरा पूरो ना भई जाय रवदो जाहेत।
\s मानूस को टूरा को दुबारा आवनो
\r (मत्ती 24:29-31; मरकुस 13:24-27)
\p
\v 25 दिन-चन्दा तारा मा हिदान होयेत, सागर गरजेत अखीन पूरा-पानी लक, धरती को सबा मानूस लोक घबरा जाहेत। 
\v 26 भेव को कारन मा अना संसार मा होवन वारा अचंभा को काम को कारन आवनवालो बेरा को बाट जोहत-जोहत, लोकगीन को जान ठिकानो पर नही रहेत। काहे का बादल को ताकत डुलायो जाहेत। 
\v 27 तबा उ मानूस को टूरा मोठो ताकत न महिमा को, संग बादल म आवत चोहेत। 
\v 28 जबा यो बात होवन लगेत, तबा आपरो, मान सीधो करके ना उठने, काहेका तुमारो सूटकारा जवर होहेत।
\s अंजीर को झाड़ को उदाहरन
\r (मत्ती 24:32-35; मरकुस 13:28-31)
\p
\v 29 वोना एक उदाहरन लक समजायो, अँजीर को झाड़ ला चोवो, 
\v 30 जबा उन मा नवा पान आवासे, तबा तुम्ही जान लेवासो का उनहारी को मौसम आय गयो सेत। 
\v 31 तुमी जबा असो होवत चोवने, तबा यो जान लेने का परमेस्वर को राज जवर सेत।
\p
\v 32 मी तुम्ही लक खरो सांगासू, का जबा लक यो बात नही होयेत, यो पीढ़ी को अन्त नही होयेत। 
\v 33 बादल अना धरती टल जाहेत, पर मोरो बात नही टलहेत।
\s जागली करो
\r (मत्ती 24:36-44; मरकुस 13:32-37)
\p
\v 34 एकोलाय होसियार रव्हने, असो ना होहेत एने जीवन को, भोग-विलास, नसा-पानी अना संसार को, चिन्ता मा तुमारो मन लग जाहेत, अना एकदम वोना दिवस जाल जसो आ जाहेत। 
\v 35 काहेका धरती मा रव्हन वालो, सबा पर असोच एकदम लक आफत आ जाहेत। 
\v 36 एकोलाय जागतो रव्हो अखीन, पिराथना करो का आवन वालो घटना लक, बचके न असो ताकत लक भर जावो का मानूस को टूरा पुढा उभो रह सको।
\p
\v 37 यीसु दिवस मा मंदिर मा उपदेस देवत होतो, अना रात मा उ नगर को बाहेर हिटके ना जैतून पहाड़ मा रात बितात होतो। 
\v 38 अना पहेट मा उपदेस आयकन काजी मंदिर मा लोक आवत होत्यो।
\c 22
\s यीसु को विरोध मा चाल
\r (मत्ती 26:1-5; मरकुस 14:1-2; योहन 11:45-53)
\p
\v 1 बेखमिरी भाकर को तिहार जोन ला, बलिदान तिहार कव्हसेत, \f + \fr 22:1\fr*\ft फसह; बलिदान करन वालो तिहार \ft*\f* जवर आय गई। 
\v 2 मोसे को नियम को गुरू अना लेखक, मुखिया याजक, यीसु ला मार डाखन को उपाय ढूढत होतिन, पर वय जनता लक भेव करत होतिन।
\s बिस्वास घाती चेला
\r (मत्ती 26:14-16; मरकुस 14:10,11)
\p
\v 3 वोना बेरा मा सैतान ना यूदस इस्करियोति, मा धस गयो, यूदस बारा चेला मा एक होत्यो। 
\v 4 वोना मोसे को नियम को गुरू अना मुखिया याजक लक, यीसु ला धरान को बारेमा चरचा करीस, का यीसुला उनको, हात धराय देयेत। 
\v 5 वोना खुस भई गयिन अना धन देवन को लोभ देईन। 
\v 6 यूदस भिड लक अलग यीसुला, धरान को डाव ढुढन लगिस।
\s चेला गीनको संग बलीदान को आखीर जेवनो
\r (मत्ती 26:17-25; मरकुस 14:12-21; योहन 13:21-30)
\p
\v 7 बेखमिरी भाकर को दिवस आयो, वोना दिवस पाठी को बलिदान करनो जरुरी होत्यो। 
\v 8 यीसु पतरस अना योहन ला यो सांगके धाड़िस, “जाओ बलिदान तिहार को तैयारी करो, का अपन सबा संग-संग जेवन करबीन।”
\p
\v 9 उनना यीसुला पुसिन, “कहाँ तैयारी करबीन हमला सांग का तोरो मन मा काय सेत?”
\p
\v 10 यीसु ना जवाब दियो, “जसो नगर मा धसने वसोच तुम्ही ला, एक मानूस घघरा मा पानी लेयके जावतो चोयेत, वोको मघा-मघा जावने अना उ जोन घर मा जायेत, वोच घर मा जावने। 
\v 11 अना उ घर को मालक ला सांगने का, गुरूजी यहान बलिदान तिहार मनानवालो सेत, मिजवान खोली कोनतो से? जहा उ आपरो चेला गीनको संग जेवन करहेत। 
\v 12 उ तुमला सजो अटारी मा खोली दिसाएत वहाँच तैयारी करने।”
\p
\v 13 वोना चले गइन अखीन यीसु ना जसो सांगो होतो, वसोच पाइन अखीन वहान बलिदान तिहार को जेवन तैय्यार करन लगीन।
\s पवीतर जेवन
\r (मत्ती 26:26-30; मरकुस 14:22-26; 1 कुरिन्थियो 11:23-25)
\p
\v 14 जबा बेरा भयो, तबा यीसु चेला गीनको संग जेवन लाय बस्यो। 
\v 15 यीसु ना उनलक कव्हयो, “मोरो दिल मा यो गोस्टी होत्यो, का मी को बलिदान तिहार मा तुमारो संग मा जेऊ। 
\v 16 काहेका जबा तकन परमेस्वर को, राज पूरो रिती लक नहि आ जाहेत, मी मंग जेवन नहि करु।”
\p
\v 17 एको मंघा यीसु ना बटकी लियो, अना परमेस्वर ला धनवाद देके कव्हयो “एला, आपसी मा बाट लेने 
\v 18 काहेका मि तूमी लक कव्हसू, का अज को मघा जबा तकन परमेस्वर को राज पूरी रिति लक नही आ जाहेत, मी अंगूर रस नही पिवन को।”
\p
\v 19 यीसु ना भाकर लियो अखीन, परमेस्वर लक पिराथना करके चेलागिन ला भाकर दियो, अखीन सांगीस यो मोरी देह आय, मोरो हेत करन को लाय असोच करने। 
\v 20 यो जेवन को बाद मा यो सांगत बटकी दियो अना कहो, “यो बटकी मोरो रकत को वायदा को नवतो करार सेत जो तुमरो लाई बहायो गयो से।”
\p
\v 21 चोवो! जोन पातर मा जेवसे, वोच मा छेद करन वारा मोरो, संग से अखीन वोको हात ठाव मा से\f + \fr 22:21 \fr*\ft भजन 41:9 मोरो संग उ से जोन मोला धराहेत।\ft*\f*। 
\v 22 काहेका मानूस को टूरा ता जसो वोको लाय पक्को, करयो गयो से वसोच होहेत। “पर धिक्कार से वो मानूस ला, जो वोला धराय रहीसेस।”
\p
\v 23 वोना एक दूजो लक पूसन लग्यो का, हमी लोक गीनमा कोन सेत?
\s मोठयो कोन सेत?
\p
\v 24 चेला गीन मा विवाद बड़ गयो का, हमरो मा मोठयो कोन से?\f + \fr 22:24\fr*\ft मत्ती 18:1 आमरो मा मोठो कोन से?\ft*\f* 
\v 25 तबा यीसु ना कव्हयो, “गैरयहुदी लोकिगीन को, राजा उन पर सासन करासे, अना जोन उन पर अधिकार राखासे, उ उपकार करन वालो कहलावासे”\f + \fr 22:25\fr*\ft जोनको हात मा बिधि से उ ताकतवर उपकार करन वालो सेत।\ft*\f*। 
\v 26 पर तुमी असो नोको होवने, पर जो तुमरो मा मोठयो से, उ लहान जसो अना जो मुखिया से उ सेवा करन वालो को जसो बनेत। 
\v 27 कायलाई का मोठयो कोन से, जो जेवन करन बस्यो से? का उ जोन सेवा करासे ? का उ नही जो जेवन करन बसो सेस? पर मी तुमारो बीचमा नौकर जसो सेव।
\p
\v 28 पर तुम्ही मोरो परिक्सा मा, हमेसा मोरो सगं रहयो। 
\v 29 अना जसो परमेस्वर ना मोरो लाय एक राज ठयरायो से। 
\v 30 वसोच मी तुमारो लाया ठयरावासू, जोन लक तुम्ही मोरो राज मा मोरो संग राजगद्दी मा बसो, संग जेवन करो, अना इसरायल राज को 12 गोत को नियायी\f + \fr 22:30\fr*\ft मत्ती 19:28; जोन पिरभू को संग बनयो से, उ न्याय करन काबील होहेत\ft*\f* बन जाओ।
\s पतरस को मुकरन को बारे मा सांगनो
\r (मत्ती 26:31-35; मरकुस 14:27-31; योहन 13:36-38)
\p
\v 31 पतरस ओ समौन चोव सैतान ना तुम्ही लोग गीनला मांग लियो से का गँहु जसो तुम्ही ला फटके। 
\v 32 पर मी तोरो लाय पिराथना करूसेव का तोरो भरोसा, ना चलो जाय, अना जबा, तु वापस आवजोस, ता आपरो संगी भाऊ गीनला थामजोस।
\p
\v 33 पतरस ना वोला कहीस, का पिरभू!मी तोरो संग मा जेल जान लाय अखीन मरन लाय राजी सेव।
\p
\v 34 पर यीसु न कव्हयो, पतरस मी तोरो लक कव्हसू का आज कुकड़ा को चिल्वनो को पूढा, तू मोला तीन बार नकारजोस।
\s पीवसी झोला अना तरवार
\p
\v 35 यीसु ना चेला गीनला कहीस, जबा मीना पियुसी, झोला अखीन सेंडिल को, बिना धाड़यो होतो तबा,
\p “काही चीज की कमी भई का?”\f + \fr 22:35 \fr*\ft काही नही होतो पर कोनी कमी नही हुयो। \ft*\f*
\p
\v 36 वय जवाब देईन का कोनी चीज की नहीं, एतरो पर यीसु ना कव्हयो, पर अबा मी कव्हसू अबा जेनको, कठा पियुसी से वोला धर लेव वसोच, झोला अखीन तरवार आपरो झंगा बिक केना आनलो। 
\v 37 काहे का मी तुम्ही लक कव्हसू, का यो जोन लिखयो से का उ दोसीगीन को संग गिनो गयो\f + \fr 22:37\fr*\ft यसायाह 53:12 उ बुरा करन वालो को संग गिनयो गयो।\ft*\f*। वोको मोरो पर पूरो होवनो जरुरी से, काहेका मोरो बारे मा यो गोस्टी पूरो होवनो पर सेत।
\p
\v 38 उनमा कव्हयो, हे पिरभू चोव यहान दोन तरवार सेत! वोना कव्हयो लगत से?
\s जैतून पहाड़ मा यीसु को पिराथना
\r (मत्ती 26:31-35; मरकुस 14:27-31; योहन 13:36-38)
\p
\v 39 तबा उ बाहेर हिटके आपरो आदत लक जैतून पहाड़ मा गयो अना चेला गीन, उनको मंघा भई गइन। 
\v 40 वोना जघा पहूचकेना वोना उन लक, कव्हयो तुम्ही परिक्सा मा नोको, पडजोस यो काजी पिराथना करो।
\p
\v 41 तबा उ काही जरासो दूरी बनाय के, ना चेला गीन लगी अलग पिराथना करन लग्यो। 
\v 42 हे परमेस्वर मोरो बाप, यदि तोरी इक्सा से तो यो दुख ला मोरो पूढा लक हटाय, ले। मंग मोरो नही तोरो मनसा, मोरो जीवन मा पूरो होहे। 
\v 43 तबा यीसु ला एक सरगदूत दिख्यो, जोना, वोला ताकत देतो रहयो। 
\v 44 यीसु संकट लक दूखी भय गयो अखीन गजब दूखी मन लक परमेस्वर लक पिराथना करन लग्यो। अखीन वोको पसी रकत को बुन्द जसो, थेम-थेम जघा मा टपकन लगीन।
\p
\v 45 तबा उ पिराथना करके ना उठयो, तबा आपरो चेला गीन, को जवर आयो चेला गीन उदास मन लक सो रहयो होतीन, तबा यीसु ना कव्हयो, तुमी काहेला सोवसो। 
\v 46 उठो अखीन पिराथना करो, क तुम्ही परिक्सा मा नोको पड़ो।
\s यीसु ला धोका लक पकड़वानो
\r (मत्ती 26:47-56; मरकुस 14:43-50; योहन 18:3-12)
\p
\v 47 तबा उ कव्हत होतो का एक भीड़ को, पूढा-पूढा, यीसु को चेला यूदस आयो, उ यीसु को कना चूमा लेवन काजी, बढयो। 
\v 48 तबा यीसु ना कव्हयो हे यूदस का तू चुम्मा लेयके, मानूस को टूरा धरा रहोसे।
\p
\v 49 तबा यीसु को चेला गीन कव्हन लगीन, पिरभू का हमी तरवार चलाबीन? 
\v 50 अखीन उनमा लक एक ना तरवार कहाडके ना मुखिया पुजारी को, दास को जेवनो कान उड़ाय देईस।
\p
\v 51 तबा यीसु न कव्हयो बंद करो\f + \fr 22:51\fr*\ft यहाँन तकन रव्हन देव। \ft*\f* यो खून खराबा, अखीन वोको कान ला, वोको जगहा मा धरके ना, साजरो कर दियो।
\p
\v 52 तबा यीसु ना मुखिया पुजारी अखीन, मंदिर को रक्सक को मुखीया, अना सयानो गीन, जो वोना भीड़ मा लाठी-वाठी तरवार धरके ना आयो होतिन, उनला कव्हयो का तुम्ही मोला, डाकू वाकू समझकेन, हथीयार धर के मोला मारन आयीसेव। 
\v 53 जबा मी मंदिर मा हर रोज तुमारो, संग होतो तबा तुमना मोला नही धरयात\f + \fr 22:53 \fr*\ft लूका 19:47;21:37 मोला नही धरयो\ft*\f* पर यो तुमारो बेरा से, वोका पर इन्धारो को अधिकार से। मतलब मोला मालूम से का सैतान मोरो, संग काजक करन वालो से।
\s पतरस को मुकरनो
\r (मत्ती 26:57,58,69-75; मरकुस 14:53,54,66-72; योहन 18:12-18,25-27)
\p
\v 54 मंग वोला धरकेना, मुखिया याजक को घर मा पहूचा देइन। पतरस काही दूरी बनाय के, ना यीसु को मघा-मघा जावन लग्यो। 
\v 55 अखीन आँगन मा अघेटा पेटायो होतीन, वहांच पतरस उनको बीच मा जायके बस गयो। 
\v 56 एक टूरी जो उनकी दासी होती पतरस ला, स्तो को उजाड़ो मा, चोवके ना कव्हन लगीस, यो भी वोको संग होतो।
\p
\v 57 पर पतरस मना करके ना कव्हासे, बाई मी वोला नही जानासू।
\p
\v 58 जरा देर को मघा कोनी दूसरो ना पतरस ला चोवके कव्हयो, “तू भी वोमा लोक गीनको संगी मा लक एक आस! पतरस ना कव्हयो, नही भाऊ मी नही सेउ।”
\p
\v 59 एक तासको बाद मा कोनी मानूस ना पक्को चीन्ह केना कव्हयो “खरो खर यो वोको संग होतो काहेका, यो भी गलीली मानूस से।”
\p
\v 60 पतरस ना कव्हयो “हुट भाऊ, मी नही जानासू, का तुम्ही काजक सागसो?” उ जसो बोल रहयो होतो।
\p वसोच कुकड़ा ना चील्लायो, कोक रे कोक। 
\v 61 अना पीरभू ना लवट के पतरस कना चोवयो, तबा पतरस ला हेत आयो का पिरभू ना वोला, काय कव्हयो होतो? का अज कुकड़ा को चिल्लान को पूढा तो मोरो, तीन बेरा मुकर करजोस। 
\v 62 अना उ बाहेरे हिटके ना बिलख-बिलख के रोवन लग्यो।
\s यीसु को बेइज्जती
\r (मत्ती 26:67,68; मरकुस 14:65)
\p
\v 63 यीसु को पहरा देवन वालो सीपाही गीन, यीसु ला मजाक मा उड़ान लगीन अखीन वोला मारन पीटन लगीन। 
\v 64 ओनो डोरा मा पट्टी बान्धके ना वोला मारत होतिन अना कव्हत होतीन, का आवन वारो गोस्टी सांग अबा तोला कोन ना मारेत।
\s पंचायत मा यीसु
\r (मत्ती 26:59-66; मरकुस 14:55-64; योहन 18:19-24)
\p
\v 65 अखीन उनना योको गजब निन्दा करके ना, वोको विरोध मा गजब गोस्टी सांगन लगीन। 
\v 66 जबा दिवस हिटयो ता गजब सयानो, अना मुखिया याजक मोसे को नियम को गुरू गीन लेखक, इक्कठो भईन अना वोला, आपरो पंचायत मा आनके पुसन लगीन।
\p
\v 67 अदी तुम्ही मसीह सेव ता हमला सांग!
\p अना उनना कहीस, यदि मी तुम्ही लक कँहू ता, भरोसा नही करबीन। 
\v 68 अना यदि मी पुसू ता जवाब नही देवजोस। 
\v 69 पर अता मानूस को टूरा सबा लक मोठो, ताकत को परमेस्वर को उज्जो बस्यो चोवने।
\p
\v 70 एतरो पर सप्पा को सप्पा सांगन लगीन, ता का तूच परमेस्वर को टूरा आस?
\p यीसु ना जवाब दियो तुम्ही कव्हासो का मीच आँव!
\p
\v 71 येको पर उनना कव्हयो “अबा आमला अखीन गवाही को, का जरुरत से?” आमी ना ता खुद वोकोच तोन्ड लक आयकसेजन।
\c 23
\s पिलातूस राजा को पूढा यीसु
\r (मत्ती 27:1,2,11-14; मरकुस 15:1-5; योहन 18:28-38)
\p
\v 1 तबा सबा पंचायत उभो भय गइन, अखीन पिलातुस न्यायी को कठा ला गइन। 
\v 2 अना सबा असो दोस लगावन लगीन, का यो राजा कैसर ला जमा देवन लाय मना करासे, अखीन आपरो आप ला राजा कव्हासे, अना लोग लोक गीनला राजा को खिलाफ भड़कावसे।
\p
\v 3 तबा पिलातुस न्यायी ना पूसयो का यो बात खरो सेत? का तू यहूदी लोकी को राजा आस?
\p तबा यीसु ना कव्हयो, तू खुदच सांगासे।
\p
\v 4 तबा पिलातुस ना मोसे को नियम को गुरू अना, मुखिया याजक लोक गीनला सांगीस, मोला यो मानूस मा काही खोट नही चोवासे।
\p
\v 5 पर वय मजबूती लक सांगीन, यो गलील परदेस लक सबा यहुदिया मा उपदेस देके ना, लोकगीन ला उकसावासे। 
\v 6 यो आयक के पिलातुस ना पुसयो, का यो गलीली मानूस आय? 
\v 7 अना यो जानके का यो राजा हेरोदेस को राज को अधिकार मा सेत, वोना वोला राजा हेरोदेस को कठा धाड़ीस, काहेका उ वोना दिवस मा येरुसलेम नगर मा होतो।
\s राजा हेरोदेस को पूढा यीसु
\p
\v 8 राजा हेरोदेस ना यीसु ला चोवके गजब खुसी भयो, काहेका वोला गजब दिवस लक चोवन को आस होत्यो। काहेका व आयको होतो का यीसु गजब अचंभा भरो निसान चोवासेत। 
\v 9 उ वोको लक गजब सवाल करत रहयो, पर यीसु उघा मुघा रहयो। 
\v 10 अना पुरोहित अना मोसे को नियम को गुरू, मुखिया याजक देह मन लक वोको, पर दोस मढन लगीन। 
\v 11 तबा राजा हेरोदेस ना आपरो सीपाही गीनको संग, वोला खरो-खोटो कव्हके वोको मजाक उड़ाइन, अना माजाकी कपरा घालके वोला, पिलातुस न्यायी को जवर लवटा देइन। 
\v 12 वोच दिवस लक न्यायी पिलातुस अना राजा हेरोदेस संगी-संगी बन गइन, एको मंघा एकमेक को बैरी होतिन।
\s पिलातुस कन लक यीसु ला पिरान दन्ड देवनो
\r (मत्ती 27:15-26; मरकुस 15:6-15; योहन 18:39; 19:16)
\p
\v 13 पिलातुस न मोसे को नियम को गुरू अना मुखिया याजकगीन ला बुलाके सांगयो, 
\v 14 “तुम्हिना यो मानूस ला जनता ला, बहकावन वालो सांग के ना मोरो कठा आनी सेव, अना मीना तुमरो पूढा जायके यो मानूस मा जाँच करयो, अना एकोमा कोनी खोट नही पाइसेव। 
\v 15 न राजा हेरोदेस ना, काहेका वोना वोला मोरो कठा धाड़ देइसेस, अना चोवो, मी वोको मा असो खोट नही पायोसेऊ, का वोला पिरान दन्ड दियो जायेत। 
\v 16 यो काजी मी वोला, पिटवा केना सोड़ देसू।” 
\v 17 काहे का यो तिहार मा एक कैदी ला सोड़नो जरुरी\f + \fr 23:17\fr*\ft सोड़ने को लाय मजबूर होवना\ft*\f* होत्यो।
\p
\v 18 पर सप्पा चिलावन लगीन, का अमरो काजी बरब्बा नाव को कैदी ला, सोड़ देव अना येला मार डाको। 
\v 19 बरब्बा कोनी झगड़ा को कारन लक, बन्दी घर मा टाक दियो होत्यो।
\p
\v 20 पर राजा पिलातुस ना यीसु ला, सोड़न को मनसा लक, जनता ला अखीन समजायो। 
\v 21 पर जनता चिलान लगीन, का “ वोला कूरूस मा चघावो! कूरूस मा चघावो!”
\p
\v 22 राजा ना तिसरो बार कव्हयो, “काहे यो मा कोनतो, खोट सेत?” मीना वोको मा कूरूस मा चघावन को लाय कोनी गोस्टी नही पाई सेव! एकोलाय मी वोला, पिटावाये केना सोड़ा सेऊ।
\p
\v 23 पर जनता चिल्ला चिल्लाके, वोको मंघा पड़गइन,
\p अना चिल्लानो गजब बढ गयो। अना चिलावन लगीन का, वोला कूरूस पर चघावो। 
\v 24 तबा राजा पिलातुस ना हुकूम देइस, का उनको निरनय को अनूसार कियो जाय। 
\v 25 तबा बरब्बा जोन हिन्सा अना जानलक मारन को आरोप मा होतो वोला छोड़ देइस, अना यीसु ला उनको मनसा को लक उनला सोप देइस।
\s यीसु ला कूरूस मा चघायो जानो
\r (मत्ती 27:32-44; मरकुस 15:21-32; योहन 19:17-27)
\p
\v 26 एक कुरेनी नगर को मानूस जोको नाव सिमोन होतो, उ गाव लक आ रहयो होतो। वोला धरकेना वोको पर कूरूस ला लाद देइन, अना वोला यीसु को मंघा मंघा चलन को हुकूम देइन।
\p
\v 27 जनता को गजब भीड़ उनको मंघा- मंघा चल रहयो होतिन। उनमा काही आई माई होतिन, जो आपरो छाती पीटत वोको लाय रोवत होतिन। 
\v 28 यीसु ना उनको कन मुरक के कव्हयो, वो येरुसलेम नगर को टूरी तुम्ही मोरो लाई नोको, रड़ो पर आपरो लाय अना आपरो, लेकरा गीन लाई रोओ। 
\v 29 काहेका उ दिवस आय आहेती, जबा लोक गीन कहेत का वा बायको धन्य से जो वाखाड से, अना लेकरा को जलम पासुन दुध नही पिवाइसेस। 
\v 30 तबा लोक गीन पहाड़ी ला कहेत, का आमरो पर पहाड़ी पड़ जाय अना पहाड़ ला कहेत, का हमला ढाक लेव।\x - \xo 23:30 \xo*\xt होसे 10:8; परकासित वाक्य 6:16\xt*\x* 
\v 31 काहे का यदि कोनी हरो-भरो झाड लक असो करासेत, ता वोको सूक्को काड़ी को काजक हाल होवते।
\p
\v 32 वय यीसु को संग दूई आपराधी गीन ला मारन लाय ले गइन। 
\v 33 वय कवटी नाव की जघा मा पहूचीन वहान, उनना यीसु ला अना दोन अपराधी इनला कूरूस पर चघाइन, एक ला वोको उज्जो कन अना दुजो ला डाख्या कना। 
\v 34 यीसु ना कहीस, हे बाबूजी इनला, छिमा कर काहेका यो नही जानासे, का यो काजक कर रहीसेत,
\p तबा उनना चिठ्ठी टाक केना यीसु का कपरा ला आपस मा बाट लेइन\f + \fr 23:34 \fr*\ft जुआ खेले; भजन 22:18\ft*\f*। 
\v 35 जनता उभी होयके यो सब चोय रही होतीन। मुखिया गीन यो कहके, \f + \fr 23:35 \fr*\ft मजाक; भजन 22:7\ft*\f* येसु को मजाक करत होतीन, का वोना दूसरो ला बचाइसेस। यदि यो परमेस्वर को मसीह से अना यदि परमेस्वर येला बेचयो सेस, ता यो आपरो आप ला बचाये।
\p
\v 36 सीपाही गीन मजाक करन लगीन, वोना वोला सिरका देता\f + \fr 23:36 \fr*\ft अंगूर का कड़वा रस \ft*\f* कव्हन लगीन। 
\v 37 यदि तू यहूदिगीन को राजा आस, ता आपरो आप ला बचाव।
\p
\v 38 येसु को कूरूस पर भी लिखयो होत्यो। “यो यहूदी गीन को राजा से।”
\s मन बदलनवालो पापी
\p
\v 39 कूरूस पर टगों एक खोटो काम करन वालो यीसु निन्दा करके, ना कव्हन लगीस, तू मसीह आस ना? ता खुद बच अना हमला बचाव।
\p
\v 40 पर दूसरो न वोला डटकार देईस अखीन कव्हयो, का तोला परमेस्वर को भेव नहात? तू भी वोच दन्ड भोग रहयो सेस, जोन वोला मीलो से? 
\v 41 पर हमी आपरो करनी को दन्ड पाय रही सेजन, पर यो तो नेक से। 
\v 42 तबा यीसु ला कहीस येसु जब तोरो राज आहेत तो मोला हेत राखजोस।
\p
\v 43 येसु ना वोला कहीस, मी तोरो लक खरो, सागांसू का आजच तू सरग मा मोरो संग होवजोस।
\s यीसु को पिरान तजनो
\r (मत्ती 27:45-56; मरकुस 15:33-41; योहन 19:28-30)
\p
\v 44 दोफारी को बेरा होतो वोना बखत तीसरो पहर मा सप्पा देस मा इन्धार छाय गयो। 
\v 45 दिनो उजयारी चेले गयो अना मंदिर को पड़दा\f + \fr 23:45 \fr*\ft मंदिर को कपरा जोनमा पवीतर अखीन परम पवीतर जघा बेगरो रव्हासेत। \ft*\f* बीच लक फटके दोन टुकड़ा भय गयो। 
\v 46 यीसु ना ऊचो लक चिल्लायो हे दाअजी जी मी आपरो आतमा ला तोरो हात मा सोपसू\f + \fr 23:46\fr*\ft आतमा परमेस्वर को जवर सौपना \ft*\f* अखीन वोको जान हिट गयो।
\p
\v 47 सेना को मुखीया यो चोवके ना परमेस्वर को भजन बड़ाई करन लग्यो, अना कव्हयो खरो खर यो मानूस न्यायी होतो।
\p
\v 48 गजब जनता यो चोवन लाय इक्कठो भय गयो होतो, उ सब यो चोवके ना अपरो मन मा रोवत ललावत लवट गइन। 
\v 49 यीसु को जान पहचान को लोक गीन दूहर उभो होतीन, अना उनमा काही आई-माई होतीन, वा गलील परदेस लक यीसु को मंघा-मंघा आई होतीन। अना यो सब चोवत होतीन।
\s यीसु को गाड़ो जानो
\p
\v 50 यूसुफ नाव को एक भला मानूस होतो, वोको अँदर कोनी कपट नही होत्यो, अना उ नेक मानूस होतो। 
\v 51 वोको यो काम मा कोनी हात नही होतो, उ यहूदिगीन को परदेस अरिमितिया गाँव को निवासी होत्यो। अना उ परमेस्वर को राज को बाट जोहत होत्यो। 
\v 52 वोना राजा पिलातुस को कठा जायके, ना यीसु को लास ला मांग लेइस। 
\v 53 वोना लास ला कूरूस लक खाल्या उतार केना, मलमल को साजरो कफन मे लपेट केना, असो खोली जसो मरघट्टी मा ठेव दियो जहान कोनी ला नही राखयो होत्यो, उ कबर चट्टान मा खुदो होतो। 
\v 54 वोना दिवस सूकीरवार होतो, अना पवीतर दिवस सुरु होवन वोरो होतो।
\p
\v 55 जोन आई माई गलील परदेस लक आयी होतीन, उनना यूसूफ को मघा-मघा जायके ना मरघट्टी ला चोवीन, का यीसु को लास ला कसो ठेयो गयो से?
\p
\v 56 तबा उनना आयके सुगंधित चीज अना इतर तैय्यार करीन अखीन पवीतर दिवस मा हुकूम को लक आराम करीन।
\c 24
\s यीसु को जित्तो होवनो
\r (मत्ती 28:1-10; मरकुस 16:1-8; योहन 20:1-10)
\p
\v 1 हफ्ता को पहलो दिवस मा दिवस उगन को पूढा, बेजा सुगंधित चीज इतर आन के तैय्यार करयो होतीन लेके मरघट्टी मा आइन। 
\v 2 अना उनना मरघट्टी को गोटा लुड़को पाइन, 
\v 3 अना खोली जसो कबर मा धसके चोवीन, पर पिरभू यीसु की लास नहोती। 
\v 4 वा ऐना बात ला चोवके चकीत भई गइन, तबा दोन मानूस चमकतो जामा घालयो उनको जवर आयके उभो भय गइन। 
\v 5 जबा वय थरथराय के जमीन कना नजर ला खाल्या करके उनना उनला कहीन, का तुम्ही जित्तो ला मरया हुवा मा काहे ढुडासेव? 
\v 6 उ यहान नहात पर मरयो हुयो जित्तो भय गईसे, अना हेत करो का वोना गलील मा रव्हतो बेरा काजक कव्हयो होतो? 
\v 7 का यो जरुरी से, का मानूस को टूरा पापी लोक गीनको, हात लक धरयो जाहे अना कूरूस पर चघावो जाहे, अना परो को दिवस जित्तो भय जाहे।
\p
\v 8 तबा उनला वोको यो गोस्टी हेत आई। 
\v 9 तबा मरघट्टी लक लवट केना, उनना वय अकरा लोक गीनला अना सबला गोस्टी कहीन, अखीन आयकवाइन। 
\v 10 जोन चेलागीन लक यो गोस्टी कहीन, कबर मा जान वालो आई-माई वा मरियम मगदलीनी अना योअन्ना अखीन याकूब की माय मरियम अना लगत आई-माई होतीन। 
\v 11 पर उनला यो गोस्टी किस्सा-कन्था जसो लग्यो, यो काजी उनना उनको भरोसा नही करीन। 
\v 12 तबा पतरस उभो भयो अना मरघट्टी चोवन काजी पराय गयो, अना उ वोनो होयके, चोयो वहान पर कफन च होतो, जोन भयो वोला सोचत-सोचत अचंभा करत आपरो घर चलो गयीन।
\s इम्माऊस ला जानो
\r (मरकुस 16:12,13)
\p
\v 13 वोच दिवस उन मा लक दुई जन इम्माऊस नाव को गाँव मा जावत होतीन, उ गाँव येरुसलेम नगर लक कोनी अकरा किलो मीटर दुहुर होतो। 
\v 14 अना यो सबा घटना जो येरुसलेम नगर मा हुयो होतो, वोच मा आपस मा बातचीत करत होतीन। 
\v 15 जबा वय आपस मा बात करत होतिन, तबच यीसु उनको संग-संग चलन लगयो। 
\v 16 पर उनको डोरा ला असो बंद कर दियो होतो, का वय वोला नही चीन्ह सकिन। 
\v 17 वोना उनला पुसयो तुम्ही आपस मा चलत-चलत काजक बोलासो गा?
\p तबा वय उभो होयके उदास भय गईन। 
\v 18 यो आयक के क्लियूपास नाव को मानूस ना कव्हयो, का तम्ही येरुसलेम नगर मा एकलो परदेसी सेस, जोन यो नही जानासो का? येना दिवस मा काजक-काजक भयो से।
\p
\v 19 यीसु ना उनला पुसयो कोनतो, बात गा?
\p उनना वोको लक कव्हयो परमेस्वर को भविस्यवक्ता यीसु नासरी को बारे मा उ सबा लोक गीनको बीच परमेस्वर को काम अना गोस्टी ला 
\v 20 मोसे को नियम को गुरू अना मुखिया याजक ना वोला धरवाके, वोला जान लक मारन को दन्ड दिलवाइन अना कूरूस पर चघाय डाकिन 
\v 21 हमिला यो आस होत्यो का योच हमरो इसरायल लोक ला सूटकारा दिलाहेत, अना यो घटना परो को दिवस घटो होतो। 
\v 22 अमरो बीच लक काही आई-माई सक्कारी मरघट्टी मा गई होतीन, उनना हमला चकित कर देइन। 
\v 23 वोना कव्हत होतीन, का लास गायब से अना, सरगदूत ना हमला सांगिसेस का यीसु जित्तो से। 
\v 24 तबा हमरा संगी गीन मरघट्टी मा गईन, अना उनना चोइन का खरो-खर, लास गायब से।
\p
\v 25 तबा यीसु कव्हासेत, हे कम भरोसा को, तुमरी अक्कल मा गोटा पड गयो का, तुम्ही भविस्यवक्ता गीन पवीतर गीरंथ ला नही समजासो? 
\v 26 का यो जरुरी नहात? का मसीह यो सबा दुख उठायके, महिमा मा जाय। 
\v 27 तबा यीसु ना मोसे गुरूजी अना, सब भविस्यवक्ता गीनको पवितर गीरंथ लक, वोको बारे मा जोन काही लिख्यो से उ सबा समजाय दियो।
\p
\v 28 येतरो मा उनको गाँव आय गयो पर यीसु पुढा बढन लगयो। तबा 
\v 29 उनना यीसु ला कहिन, का गोधुली बेरा भय गईसे, अता तु हमरो घर मा रुक जा। 
\v 30 जबा उ उनको संग जेवन करन बस्यो, ता वोना भाकर लेय के परमेस्वर ला धन्य वाद देके तोड़िस, अना उनला देवन लग्यो। 
\v 31 तबा उनको डोरा उघड़ गयो अना उनना वोला चिन्ह लेइन। तबा उ वहान लक गायब हो गयो।
\p
\v 32 उनना आपसी मा सांगन लगीन, जबा उ रस्ता म आमी लक, गोस्टी करत होतो अना पवितर गीरंथ लक सांगत होतो, ता हमरो मन मा खुसी होयेत होतो।
\p
\v 33 वय वोच बेरा उभो भईन, अना येरुसलेम नगर लवट गइन, अना उन अकरा चेला अखीन उनको संगि गिनला जमा भयो पाइन।
\p
\v 34 उ कव्हत होतिन पिरभू खरो-खर, मरयो हुयो जित्तो भयो से। अना वोको, चेला समौन ला चोविसेस।
\p
\v 35 तबा उनना रस्ता को सकड्या गोस्टी उनना सांग दियो।
\s यीसु चेलागिन ला दिसनो
\r (मत्ती 28:16-20; मरकुस 16:14-18; योहन 20:19-23; पेरीत 1:6-8)
\p
\v 36 वोना यो घटना को पर गोस्टी करत होतीन, का यीसु उनको बीच मा आयके, उभो भयो अना कव्हयो, तुमला सान्ती मिल्हे।
\p
\v 37 पर वोन चकीत भई गइन अना, डर के सोचन लगीन कोनी आतमा भूत से। 
\v 38 यीसु ना उन लक कव्हयो, तुम लोग गीन काहे घबरा रही सेव? तुमरो मन मा काहे सका से? 
\v 39 मोरो हात अना पाय चोवयो मीच सेव, मोला टटोर के चोवो काहेका, आतमा को हाड-मास नही होतो, जसो तुम्ही मोला चोव रही सेव।
\p
\v 40 यो सांग के ओना कहकर उ ना वोला आपरो, हात अना पाय दिसायो। 
\v 41 जबा खुसी को मारे ले, वोला भरोसा नही भयो, ता वय आचरज करन लगीन, ता वोना उनको लक पुसिस, का तुमरो कठा कहि जेवन को सेत। 
\v 42 वोना वोला भुजिं मसरी को टुक्का देईस। 
\v 43 वोना वोला लेइस, अना उनको पूढा जेव लेइस।
\p
\v 44 यीसु ना चेला गीन ला कहीस, मीना तुमरो संग रहतो बेरा कव्हयो होतो, की जो काही मोसे को नियम अना, भजन भविस्यवक्ता गिनको कीताब मा लिखयो, से सबा को पूरो होवना जरूरी से।
\p
\v 45 तबा वोना उनको अक्कल ला उघाड़ देइस, का उनला पवितर गीरंथ समजमा आ सके। 
\v 46 अना उन लक कहीस, पवीतर गिरंथ मा असो लिखयो, से का मसीह दुख उठायेत अना परो को दिवस मरो लक, जिव जाहेत। 
\v 47 अना येरुसलेम लक सुरू करके सबच लोक गीनमा वोको नाव लक पाप की छिमा लाई मनफिरावन अना पस्तावा को परचार करयो। 
\v 48 तुमी यो गोस्टी को गवाह सेव। 
\v 49 चोवो! जोनको वादा मोरो बाबूजी ना कियो से, मी वोला तुमरो पर उतारीन, अखीन जब तकन सरग लक सक्ती नही भेटेत तुम्ही येरुसलेम-नगर मा रव्हने काहेका, जबा उ वरदान आहेत, तबा तुम्ही परमेस्वर को ताकत लक, भरपूर होय जाने।
\s यीसु को सरग मा उचलनो
\r (मरकुस 16:19,20; पेरीत 1:9-11)
\p
\v 50 असो सांगत-सांगत वो चेला गीनला बैतनिय्याह गाँव तकन ले गयो, अना उनना आपरो हात उठायके, न आसीस देइस।\f + \fr 24:50 \fr*\ft आसीरवाद \ft*\f* 
\v 51 यीसु आसीस देत-देत उन लक बेगरो भय गयो, अना सरग मा उचल लियो गयो\f + \fr 24:51 \fr*\ft उचल लिया गया\ft*\f*। 
\v 52 चेलागिन वोला परनाम करके वोको स्तुति करत खुसी लक, येरुसलेम नगर लवट गइन। 
\v 53 अना मंदिर मा परमेस्वर को बड़ाई करन लगीन।