\id JHN - Powari Standard Project
\ide UTF-8
\h योहन
\toc3 योहन
\toc2 योहन
\toc1 योहन लक लिख्यो यीसु मसीह साजरा बारता
\mt2 योहन के व्दारा लिखा यीसु मसीह का सुसमाचार
\mt1 योहन लक लिख्यो यीसु मसीह को साजरा बारता
\imt परिचय
\ip योहन लक लिख्यो यीसु को कथा मा यीसु ला परमेस्वर को सबद को रुपमा चोवायो गयो से। जोन ना मानूस देह मा आय के आमरो बीचमा रह्यो से। यो कथा एको लाय लिख्यो गयो से, का एला बाचन वारा भरोसा करेत का यीसु च परन कियो हुओ सूटकारा देवन वारा परमेस्वर को टूरा से। अना वय भरोसा करके जिंदगी ला पाय सकासे।
\ip पहले यीसु ला परमेस्वर को सबद को रुपमा चोवायो गयो से। वोको मंघा मा कहानी मा पुढ़ा को सात चकित करनवारा काम ला दरसायो गयो से। उन लक यो मालुम होवासे का यीसु परन कियो गयो सूटकारा देवन वारा परमेस्वर को टूरा से।
\ip दुसरो हिस्सा मा जोन सिक्सा से, वोमा यो समजायो गयो से का चकित होवन वारा काम को काजक अरथ से? अना यो भी सांगो गयो से, का काही लोकगीन ना यीसु पर भरोसा करके अखीन वोको चेला बन गईन। अना काही लोकगीन वोको विरोध करके विरोधी बन गईन। अना भरोसा राखन लाय मुकर गईन।
\ip अध्याय 13 लक 17 तकन यीसु ला धरान वालो रात को, यीसु को चेलागीन संग गोस्टी करत, कूरूस मा चघायो जानो को पयले संजा को बेरामा चेलागीन ला समजावनो, आखीर मा कूरूस मा लटकानो, अना वोको कबर लक जिवनो अना चेलागीन को पुढ़ा परगट होवनो को बारे मा सेत। \xt 20:31\xt* योहन यीसु को लक दियो जान वालो अमर जीवन पर जोर देव से। यो असो दान से जो अबा सुरु होवा से। अना उनला भेटा से जोन यीसु को सांगयो रास्ता मा चलासे। अखीन यीसु ला खरो जीवन अना पंथ को रुप मा अपनावा से। योहन आत्मिक गोस्टी ला समजावन लाय साधारन चीज को उदाहरन देवासे। जसो पानी, भाकरी, दियो को उजाड़ो, मेढा को चरवाहा अना अंगूर को बेला, फर चोवान।
\iot रुपरेखा
\io1 1. भूमिका योहन बप्तिस्मा देन वालो। \ior 1:1-18 \ior*
\io1 2. अना यीसु का पयलो चेला यीसु को लोक सेवा। \ior 1:19—12:50 \ior*
\io1 3. यरुसलेम मा आखरी का काही दिवस। \ior 13:1—20:31 \ior*
\io1 4. पिरभू को मरो मा लक जीवनो अना ओको चोवनो गलील मा मंग लक चोवनो। \ior 21\ior*
\c 1
\s सबद को देह रुपमा आवनो
\p
\v 1 सबमा सूरू मा सबद होतो। अना सबद परमेस्वर\f + \fr 1:1\fr*\ft परमेस्वर\ft*\f* को संगा होतो। अखीन सबद परमेस्वर होतो। 
\v 2 वोच सुरुमा परमेस्वर को संगा होतो। 
\v 3 सबच काही वोकोच लक जलम भयो से, उनमा लक कोनी भी चीज वोको बगर जलम नही भयेव। 
\v 4 वोको मा जिंदगी होतो, अना वा जीन्दगी मानूस गिनको उजाड़ो होतो। 
\v 5 अखीन उजाड़ो इंधारो मा चमकासे अना इँधारो \f + \fr 1:5\fr*\ft अँधेरा \ft*\f* वोला नही अपनाय सकयेव।
\p
\v 6 परमेस्वर को कन लक एक मानूस आयो, वोको नाव योहन होतो। 
\v 7 उ सच्चो उजाड़ो को बारे मा सबला गवाही देन आयेव होतो, का सब वोको गोस्टी ला मानके भरोसा करेत। 
\v 8 उ खुद उजाड़ो नहोत, मंग उ सच्चो उजाड़ो को बारे मा साँगन आयेव होतो। 
\v 9 उ उजाड़ो जोन खरो से, वा हरेक मानूस मा उजाड़ो कर देसे। असो उजाड़ो दुनिया मा आवनवारा होतो।
\p
\v 10 उ दुनिया मा होतो, अना सप्पा दुनिया वोको लक जलम लेयी होती, तरी दुनिया को लोक गीनना वोला नही चिन्हो। 
\v 11 उ आपरो घर मा आयो, अना वोकोच घरवारो ना वोला धुतकार\f + \fr 1:11\fr*\ft ठुकरा\ft*\f* देइन। 
\v 12 पर जितरो ना वोला आपनाय लेइन, उनला वोना परमेस्वर को टूरा-टुरी होवन को हक देइस। मनजे जोन लोकगीन वोको नाव पर भरोसा राखासे। 
\v 13 की जसो रकत लक मानूस जलम होवासे, ओनो पिरकार लक वय जलम नही लेईन तरी उनको अजी स्वता परमेस्वर से।
\p
\v 14 अना सबद देह मा आयो अना दया अखीन खराई\f + \fr 1:14\fr*\ft सच्चाई\ft*\f* लक आमरो बीच मा रहयो अना आमी ना उ परमेस्वर को टूरा को महिमा आपरो डोरा लक चोवयो सेजन।
\p
\v 15 योहन ना वोको बारे मा गवाही दियो से। अना हाकल के कव्हयो “यो वोच से जोन को बारे मा मिना साँगयो होतो, जोन मोरो मँघा आवनवालो से, मोरो लक मोठयो से, काहेकि उ मोरो लक पयले होतो।”
\p
\v 16 काहे का वोको मोठयो दया लक एक नही पर आमी ला दुई बार दया मिलि से। 
\v 17 एको लाय का मोसे को नियम\f + \fr 1:17\fr*\ft नियम\ft*\f* ता मोसे ना दियो से। पर खराई अना दया यीसु मसीह सूटकारा देवन वालो लक धाड़ियो गयो से। 
\v 18 कबच कोनी न परमेस्वर ला नही चोयोसेस, पर परमेस्वर को टूरा नाच परमेस्वर ला चोवयोसेस, काहेका जोन वोकोच कन लक आईसे, वोनाच परमेस्वर ला चोवायोसेस।
\s योहन को गवाही
\r (मत्ती 3:1-12; मरकुस 1:1-8; लूका 3:1-18)
\p
\v 19 जबा यहूदिगीन ना यरुसलेम मा याजक अना लेवी दासगिन ला योहन लक यो पुसन काजी धाड़ीन का “तु कोन आस?”
\p
\v 20 ता वोना यो गवाही देइस अना बिना संका को राजी भय गयो। “की मी मसीह नही सेव।” 
\v 21 तबा उनना योहन लक पुसिन, “मंग तु कोन आस?” “का तू भविस्यवक्ता एलिय्याह आस?” योहन ना कव्हयो “मि एलिय्याह नही सेऊ” तो “का कोनी मोठयो भविस्यवक्ता सेव?” योहन ना कहीस, नही। 
\v 22 तबा उनना वोको लक पुसिन का तू कोन आस? जोन ना आमला धाड़ीसेस उनला आमी काजक साँगबिन? “तू आपरो बारेमा काजक कव्हसेस?” 
\v 23 योहन ना कव्हयो, जसो भविस्यवक्ता यसायाह ना साँगिसेस “जंगल मा एक हाकलनवारा को आवाज का पिरभू को पंथ\f + \fr 1:23\fr*\ft रास्ता\ft*\f* ला सरल करो।” मि वोच सेव।
\p
\v 24 वय मोसे को नियम को गुरू को कन लक धाडो गयो होतिन। 
\v 25 उनना योहन लक पलट के पुसिन, “तू ना ता मसीह ना तो भविस्यवक्ता ना ता एलिय्याह आस। मंग तु काय साठी बप्तिस्मा देसेस?”
\p
\v 26 तबा योहन ना जवाब दियो, “मि तो तुमी ला पानी मा बप्तिस्मा देवासू, पर तुमारो बीच मा एक मानूस उभो से, जेनला तुमी नही जानसो। 
\v 27 मतलब मोरो मँघा आवनवालो से, जोन मोरो लक ज्यादा साजरो से, मि जोन को जूता की दोरी खोलन लायक भी नही सेउ।”
\p
\v 28 यो गोस्टी यरदन नदी को वोनागन बैतनिहा गाँव मा भयो होतो जहान योहन बप्तिस्मा देत होतो।
\s परमेस्वर को पाठी
\p
\v 29 दुसरो दिवस मा योहन बप्तिस्मा देवनवारा ना यीसु ला आपरो कन आवता चोइस अना कहीस, चोवो यो परमेस्वर को पाठी\f + \fr 1:29\fr*\ft पाठी\ft*\f* से, जो दुनिया को पाप ला उचल ले जावसे। 
\v 30 जोन को बारेमा मीना सांग्यो होतो, क एक मानूस मोरो मंघा आवन वारा से यो वोच से, जोन मोरो लक साजरो से काहेका उ मोरो लक पूढा होतो। 
\v 31 अना मी वोला चिन्हत नही होतो। पर यो काजी मी पानी मा बप्तिस्मा देवसू का यो गोस्टी इसरायल जाती मा सब ला मालुम भई जाहेति।
\p
\v 32 अना योहन ना यो गवाही देइस, मी ना परेवा को जसो आतमा ला सरग लक उतरतो चोयी सेऊ अना आतमा आयके वोको वरता रुक गयो। 
\v 33 अना मी ता वोला चिन्हत\f + \fr 1:33\fr*\ft जानता\ft*\f* नही होतो। पर जोन परमेस्वर ना मोला पानी लक बप्तिस्मा देवन लाय धाड़िसेस, वोना मोला सांगीस, का तुमी जोको वरता आतमा ला उतरतो अना रुकतो चोवजोस वोच पवितर आतमा लक बप्तिस्मा देवनवारा से। 
\v 34 अखीन मीना चोवयो अना मि सांगुसू, का योच परमेस्वर को टूरा आय।
\s यीसु को पहिला चेला
\p
\v 35 दुसरो दिवस योहन ओको दुई चेला को संगा उभो होतिन। 
\v 36 जबा उनना यीसु ला चलता चोयो, तबा कव्हन लगयो, चोवो यव परमेस्वर को पाठी आय।
\p
\v 37 तबा वय दुई चेला ना यव आयकिन ता यीसु को संगा भय गईन।
\p
\v 38 यीसु ना मुरक के उनला मंघा आवता चोयो, ता पुसासे, तुमी कोन ला चोवासेव? तबा उनना कहिन, हे गुरू तू कहाँन रव्हसेस?
\p
\v 39 तबा यीसु ना चेलाहुन ला कव्हसे, “चलो अना चोय लेव” तबा वोना जायके वोको रव्हन को जघा चोयो अना वोको संगा रहयो, यो महातनी बेरा होती।
\p
\v 40 जोन चेला योहन को गोस्टी आयकिन होतीन यीसु को मंघा भई गयी होतीन, उन दुही मा लक समोन अना एक अंद्रियास नाव को होतो। 
\v 41 अंद्रियास पयले आपरो सगो भाऊ समौन ले भेटयो अना वोला कव्हयो “आमला बचावन वारो मसीह मिल गयो से।”
\p
\v 42 तबा अंद्रियास ना समौन ला यीसु को जवर आनिस। तबा वोना टकटकी लगायके ओला चोयके कहीस, “तु योहन को टूरा समौन आस, तू पतरस\f + \fr 1:42 \fr*\ft लहान गोटा\ft*\f* कहलाजोस।”
\s यीसु ना फिलिप्पुस अना नतनएल ला हाकलीस
\p
\v 43 दुसरो दिवस यीसु ना गलील जानो को निरनय लेवो,। उ फिलिप्पुस लक भेटयो अना ओको लक कव्हयो “मोरो मंघ होय लेव।” 
\v 44 फिलिप्पुस, अन्दिरयास, अना पतरस को नगर बैतसेदा को रव्हन वारा होतीन। 
\v 45 फिलिप्पुस नतनएल लक भेटयो अना वोको लक कव्हयो जेनको बारेमा भविस्यवक्ता मोसे ना, मोसे को नियम मा अना पवीतर भविस्यवक्ता गीनना पवीतर गिरंथ मा सांगिने, उ हमला मिल गयो से, उ यूसुफ को टूरा यीसु आय, जोन नासरत नगर मा रव्हासे।
\p
\v 46 नतनएल ना वोको लक कहीस, का कोनी साजरो चीज नासरत नगर लक हीट सकासे?
\p फिलिप्पुस ना वोको लक कव्हयो, आयके चोय ले।
\p
\v 47 यीसु ना नतनएल ला आपरो कन आवत चोवके वोको बारेमा कव्हयो, “चोवो एकोमा कपट नहात, यो खरो-खर इसरायली से?”
\p
\v 48 नतनएल ना वोको लक कव्हयो, तू मोला कसो जानासेस?
\p यीसु ना वोला जवाब दियो, ओको लक पुढा की फिलिप्पुस ना तोला हाकलीस, जबा तु अँजीर को झाड़ को खाल्या होतो, तबा मिना तोला चोवयो होतो।
\p
\v 49 नतनएल ना वोला जवाब दियो, “हे गुरू तू परमेस्वर को टूरा, अना इसरायल जाती को महा राजा आस।”
\p
\v 50 यीसु ना उनला जवाब दियो, “मीना जो तोरो लक कव्हयो का मिना तोला अँजीर को झाड़ को खाल्या चोवयो सेव का तू एकोलाय भरोसा राखासे? तू एको लक मोठो-मोठो काम चोवजोस।” 
\v 51 मंग वोको लक सांग्यो मी तूमी लक खरो-खर सांगसू का, “तुमी सरग ला उघड़ो हुयो अना परमेस्वर को सरगदूत गिनला वरता जातो अना मानूस को टूरा\f + \fr 1:51 \fr*\ft यीसु खुद को बारेमा कव्हासेत\ft*\f* ला खाल्या उतरतो चोवने।”
\c 2
\s काना नगर मा लगन
\p
\v 1 मंग परो को दिवस गलील छेतर को काना नगर मा कोनी को बिहाव होतो, अना यीसु की माय भी उता होती। 
\v 2 यीसु अना वोका चेला गीन भी नेवता मा आयो होतीन। 
\v 3 जबा पिवनो को लाई अंगूर को रस खत्म भय गयो। ता यीसु की माय ना कहीस, “अता उनको जवर ता अंगूर को रस नाहती।”
\p
\v 4 यीसु न कहीस। अवो माय, अबा मोरो काजक काम से? अबा यो काम करनो की बेरा नहात।
\p
\v 5 ओकी माय नौकर गीनला कव्हासे, उ जोन काही करन ला सांगेत वोच करने।
\p
\v 6 उता यहूदी-जात सुध्द करन को रिती-रिवाज को लक गोटा को सह\f + \fr 2:6\fr*\ft छय\ft*\f* गजब मोठो भांडो राखी होतीन, उनमा एक-एक मा संबर\f + \fr 2:6 \fr*\ft एक सव\ft*\f* लिटर को लगभग रस समावत होत्यो। 
\v 7 यीसु ओन्हीसीन कव्हसे, भांडो मा पानी भर देव, अना यीसु को कव्हन लक, ओन्हीसीन भांडो ला टोंड तकन लबा-लब भर देयि होतीन। 
\v 8 तबा वोना ओन्हीसीन कव्हासे, हेड़के हांडी रांधिया को जवर ले जावो। 
\v 9 जबा हांडी रांधिया ना वा पानी ला चाखीस, जोन अंगूर को रस बन गयो होतो। अना ओन्हीसीन नही जान पाईन का किता लक आइसे, पर वोको नौकर गीनला यो सब कान्ड मालुम होतो। तबा हान्डी राँधिया ना नवरदेव ला हाकलके कहीस, 
\v 10 “हर कोनी मानूस पुढा निट-नाट अंगूर को रस देवासे, अना जबा लोकगीन को जिव भर जासे तबा फिको देवासे, पर तुना अबा लक निट-नाट अंगूर रस बचाय राखिसेस।” \fig गोटा को मड़का मा पानी भरतो हुयो|alt="Filling water in the stone jars" src="LB00135C.TIF" size="col" copy="Horace Knowles ©" ref="2:7"\fig*
\p
\v 11 यीसु ना गलील को काना नगर मा आपरो यो पयलो निसान दिसाय के आपरी महिमा ला दिसाइस। अना ओको चेला ना वोको पर भरोसा ठेइन।
\s यीसु ला मंदिर ला सफा करनो
\r (मत्ती 21:12-13; मरकुस 11:15-17; लूका 19:45-46)
\p
\v 12 येको मंघा वा अना वोकी माय अना भाऊ अना चेला कफरनहुम नगर ला गईन अना उता काही दिवस रहीन। 
\v 13 यहूदिगीन को फसह\f + \fr 2:13 \fr*\ft बलीदान को तिहार\ft*\f* को तिहार जवर होतो, अना यीसु यरुसलेम ला गयो। 
\v 14 वोना मंदिर मा मेढा परेवा बईल बिकनवालो अना सोना-चांदी ला बदलन वारो ला बसा चोवसे, 
\v 15 एकोलाई वोने रस्सी को कोड़ा बनायीस अना सब मवेसीहुन ला बाहेर मंदिर लक हेड़ देयो होत्यो। अना सोनार गीन को पैसा ला बगराय देयो होतो, अना पीढा\f + \fr 2:15\fr*\ft बसन को इसटूल या टेवल\ft*\f* ला उलट देयो होतो। 
\v 16 अना परेवा बिकन वारो ला साँगीस, इनला इता लक ले जावो! मोरो परमेस्वर को घर ला, धंधा करन को सराव नोको बनाव। 
\v 17 तबा ओको चेला गीनला हेत आई, का गिरंथ मा लिखयो से, “तोरो घर को लाई मोरी धुन मोला खाय डाकेत।”
\p
\v 18 एतरो पर यहूदी लोक ओको लक कव्हासेत। तु असो काम करासेस, ता आमी ला काही निसान दिसाव।
\p
\v 19 यीसु ना उनलक जवाब मा कव्हासे, “यो मंदिर ला पाड़ देव, अना मी एला तीन दिवस मा उभो कर देहू।”
\p
\v 20 यहूदी लोकगीन ना कहिन, “यो मंदिर ला बनावन मा छियालीस साल लगीसेत। अना का तु वोला तीन दिवस मा उभो कर देवजोस?” 
\v 21 पर वोना आपरो देह रुपी मंदिर को बारे मा कव्हयो होतो। 
\v 22 अना जबा उ मरो मा लक जित्तो भयो, तबा ओको चेला गीनला हेत आई, का वोने उनलक यो कव्हयो होतो, अना उनना परमेस्वर को पवितर गिरंथ अना उ परमेस्वर की गोस्टी पर, जोन यीसु ना साँगयो होतो भरोसा राखीन।
\s यीसु मानूस को मन ला जानासे
\p
\v 23 यीसु यरुसलेम नगर मा फसह को तिहार मा होतो, अना उ जोन निसान दिसावत होतो, ओला चोवके लोकगीन यीसु नाव पर भरोसा ठेइन। 
\v 24 पर यीसु ना आपरो आप ला, उनको भरोसा मा नही छोड़ीस, काहेकी उ उन मानूस को मन ला जानत होतो। 
\v 25 यो काजी वोला मानुसहिन ला गवाही देवन को जरूरत नही होतो।
\c 3
\s यीसु को नीकुदेमुस ला सिक्सा
\p
\v 1 याजक अना मोसे को नियम को गुरू गीनमा नीकुदेमुस नाव को एक मानूस होतो जोन यहूदी लोकगीन को मुखिया\f + \fr 3:1 \fr*\ft सरदार\ft*\f* होतो। 
\v 2 वोना रात मा यीसु को जवर आयके वोको लक कहीस, “हे पिरभू तू परमेस्वर कन लक गुरू\f + \fr 3:2\fr*\ft मूलमा रब्बी लिखयो से जोन को मतलब गूरू अना सतगूरू होवासेत।\ft*\f* होयके आईसेस, काहे की जो निसान तु दिसावासेस, अदी परमेस्वर वोको संग नही सेत तो उ नही दिसा सकासे।”
\p
\v 3 यीसु ना खरो जवाब देइस, ओला साँगीस, की अदी कोनी मानूस नवतो रीती लक जलम नही लेवासे, तो उ परमेस्वर को राज कभी नही चोय सकेत।
\p
\v 4 नीकुदेमुस न ओको लक कहीस मानूस जब बुड़गा भय गयो, तबा उ कसो जलम ले सकासे? का वा आपरी माय को कोख लक दुसरो बार जलम लेहेत।
\p
\v 5 यीसु ना खरो जवाब ओला देईस, “मी तुमी लक कव्हसू, जब तकन कोनी मानूस, पानी अना आतमा लक नही जलम लेहेत, ता उ परमेस्वर को राज मा धस नही सकासे। 
\v 6 काहे की जोन तन लक जलमो से उ तन सेत, अना जोन आतमा लक जलमो से वा आतमा सेत। 
\v 7 काहे चकित होवा सो, की मीना तोरो लक साँगिसेव, तोला नवतो रीती लक जलम लेनो जरूरी से। 
\v 8 वारा जितानी कन चाव्हासे उता कन चलासे, अना तु वोको सबद आयकासे, पर नही जानासो की वा किता लक आवासे अना किता लक जासे? जोन कोनी आतमा लक, जलमो से उ असोच से।”
\p
\v 9 नीकुदेमुस ना वोला जवाब देइस, “असो-कसो होय सकसे?”
\p
\v 10 यो आयक के यीसु ना वोको लक कहीस, “तु इसरायल लोक को गुरू होयके भी, यो गोस्टी ला नही समझीसेस।” 
\v 11 मी तोरो लक खरो कव्हसू, “आमी जोन गोस्टी जानसेजन वोला कव्होसेजन, अना जोन आमी ना चोवोसेजन ओकी गवाही देवासेजन, अना तुमी आमरो गवाही पर भरोसा नही करासो। 
\v 12 जबा मीना तुम लक, धरती की गोस्टी सांगिसेव, तो तुमी न भरोसा नही ठेवासो, अना मी तुमला सरग की गोस्टी सांगु तो कसो भरोसा ठेवने।”
\p
\v 13 कोनी सरग मा नही चघयो से, पर उ चघयो से जोन सरग मा लक खाल्या उतरयो से। मजे “मानूस को टूरा” जोन सरग मा से। 
\v 14 अना जोन रीत लक, मोसे भविस्यवक्ता ना जंगल मा, सरप ला, वरता चघायो होतो। वोच रीत लक जरुरीसे की “मानूस को टूरा” भी वरता मा चघायो जाय। 
\v 15 एकोलाय जोन कोनी, वोको पर भरोसा राखेत, उ अमर जीवन पाहेत। 
\v 16 काहेका परमेस्वर ना संसार लक एतरो माया राखियो, का वोना आपरो चहतो एकच टूरा ला दे देईस। एकोलाय जोन कोनी वोको पर भरोसा राखेत, उ नास नही होहेत पर अमर जीवन पाहेत। 
\v 17 परमेस्वर ना आपरो टूरा ला दन्ड देवन ला नही, पर संसार ला सूटकारा\f + \fr 3:17\fr*\ft मुक्ती, मोक्छ, पाप लक बेगरो करन को लाय\ft*\f* देवन लाय धाड़ीसेस।
\p
\v 18 “ जोन कोनी ओको पर भरोसा राखेत, वो दन्ड नही पाहेत, पर जो लोकगीन भरोसा नही करयेत, वो खोटो मानो जाहेती। ऐको मायना असो से का उनना, परमेस्वर को एकलो चहेतो टूरा को नाव पर भरोसा नही राखिन। 
\v 19 अना दन्ड को यो कारन से, की उजाड़ो जगत मा आयो पर मानुसगिन ना इंधारो ला उजाड़ो लक ज्यादा माया करीन, काहेका, उनको काम खोटो होतीन। 
\v 20 काहेका जोन कोनी खोटो काम करनवालो को संगी से, उ उजाड़ो लक गुस्सा राखासे। अना उजाड़ो को जवर नही आवासेत, कहीं असो न होहे की उनको काम पर दोस लगाहेत। 
\v 21 पर जोन खराई पर चलासे, वा उजाड़ो को जवर आवासे, का उनको काम जोन परमेस्वर लक कियो गयो सेत पुडा आहेत।”
\s यीसु को बारे मा योहन को गवाही
\p
\v 22 येको मंघा यीसु, अना वोका चेला, यहुदिया देस मा आई होतीन, अना यीसु उनको संग रव्हके बप्तिस्मा देवन लगयो। 
\v 23 योहन भी सालेम नगर को जवर बप्तिस्मा देवत होतो, काहे का उता लगत पानी होतो, अना लोक गीन आयके बप्तिस्मा लेवत होतीन। 
\v 24 योहन वोना बेरा तकन जेल मा नही डाकयो गयो होतो।
\p
\v 25 उता योहन को चेला को काही यहूदी लोकगीन संग सुध्दी को बारे मा बैस भयी। 
\v 26 अना उनना योहन को जवर आयके, वोको लक कहिन, “हे गुरू जोन मानूस यरदन नदी को वोनागन तोरो संग होतो। अना जोकि तुना गवाही देईसेस, चोव उ बप्तिस्मा देवासे, अना सबच वोको जवर आवासेत।”
\p
\v 27 योहन ना जवाब देइस, “जब तकन मानूस ला सरग लक नही दियो जाय सका, तब तकन वा काही नही पाय सकासे। 
\v 28 तुमी ता खुदच मोरो गवाही सेव, की मीना साँगयो मी मसीह नही सेव, पर वोको पुढा धाड़ो गयो सेव। 
\v 29 जोन की नवरी से, उ नवरा से, पर नवरा को संगी जो उभो से, वोकी आयकसेस अना नवरा को सबद लक खुस होवासे। अता मोरो खुसि पूरी भय गयी। 
\v 30 जरुरी से की उ बढ़े अना मी घटत रहुँ।”
\p
\v 31 जोन वरता लक आवासे, उ सब लक बेस से, जो धरती लक आवासे उ धरती को से, अना उ धरती को गोस्टी कव्होसे, जोन सरग लक आवासे वा सब लक वरता से। 
\v 32 जोन काही ओना चोयोसे अना आयकीसेस ओकी च गवाही ला देवासे अना कोनी वोकी गवाही नही अपनावासे। 
\v 33 जिनना वोकी गवाही अपनाय लेईसेत वोना यो गोस्टी पर छाप\f + \fr 3:33\fr*\ft मुहर\ft*\f* लगा देइसेत की परमेस्वर खरो से। 
\v 34 काहे की जोनला परमेस्वर ना धाड़ीसेस उ परमेस्वर की गोस्टी कव्होसे, काहे की उ आतमा नाप-नाप के नही देवासे। 
\v 35 बाबूजी टूरा लक माया राखासे अना ओना चीज ला जोन ओको जवर से टूरा को हात\f + \fr 3:35 \fr*\ft अधिकार\ft*\f* मा दे देसे। 
\v 36 जो टूरा पर भरोसा करासे, उ अमर जीवन पाहे। पर जो टूरा ला नही मानासे, उ जीवन ला नही चोय सके। पर परमेस्वर को गुस्सा वोको पर रव्होसे।
\c 4
\s यीसु अना सामरी बायका
\p
\v 1 मोसे को नियम को गुरू गिनला मालुम भयो का, यीसु योहन लक लगत चेला बनावासे अना उनला बप्तिस्मा देवासे। 
\v 2 पर यीसु खुदच बप्तिसमा नही देत होतो पर ओको चेला गीन पानी मा बप्तिस्मा देवत होतीन। 
\v 3 तबा यीसु यहुदिया छेतर ला छोड़के मंग गलील छेतर ला चलो गयो। 
\v 4 अना वहान लक होयके उ सामरिया छेतर ला जावनो जरुरी समजयो।
\p
\v 5 एकोलाय उ सामरिया छेतर ला आयो ता सुखार नगर कठा आयो, यो नगर उ जघा को जवर से, जोन याकूब न आपरो टूरा यूसुफ ला देयि होतीस। 
\v 6 जबा यीसु थक गयो तो आयके जहान याकूब को बिहर होतो बस गयो। ओनो बेरा दिवस को टिकाटिक 12 बजया होतीन, यो बिहर ला याकूब खन्दो होतो।
\p
\v 7 एतरो मा एक सामरिया की रव्होन वाली बायका पानी भरन ला आई। यीसु ना ओको लक कहीस, “का मोला पानी पियाव।” 
\v 8 काहे का ओको चेला ता, नगर मा जेवन लेवन ला गई होतिन।
\p
\v 9 सामरी बायका वोला कव्हसे; तु ता यहूदी जात को सेस अना मि सामरी बायका आऊ, मोला पानी कायला मांगासेस। (काहे की यहुदी, सामरी लोकगीन को कोनी बरतन भांडो काम मा नही आनत होतीन)
\p
\v 10 यीसु ना सांगीस, का तु परमेस्वर को बरदान ला चिन्हतीस, ता यो भी चिन्हतीस की उ कोन से, जो तोरो लक कव्होसे, का मोला पानी पियाव, तो तु मोरो लक मांगतीस। अना मि तोला जिंदगी को पानी देवतो। 
\v 11 बायका न ओला कहीस, हे पिरभू, पानी भरन ला ता बालटी नाहती, बिहर भी गहरो से, ता वो जीवन को लाई पानी तोरो जवर किता लक आहे? 
\v 12 यो तो आमरो अजी याकूब जोनना आमला यो बेहेर देइसेस। जोन मा ओना अना ओको लेकरा अना ओको मवेसी हुनार ना पीई सेजन। का तु आमरो अजी याकूब लक मोठो सेस?
\p
\v 13 यीसु कव्हासे, जोन कोनी यो पानी ला पीवासे वा मंग तहान होय जाहे। 
\v 14 पर जोन कोनी यो पानी पीहे जोन मी देवासू, उ सदा लक तहान नही होहेत। पर उ पानी एक झिरिया बन जाहेत, जोन हरामेसा तकन पिझरत रहेत।
\p
\v 15 बायका वोला कहीस, हे पिरभू, वा पानी मोला देव जोन लक मोला तहान नही लगहेत अना मी एतरो दुहूर पानी भरन आहू।
\p
\v 16 यीसु वोला कव्हासे, जाय अना आपरो नवरा ला बुलायके आन।
\p
\v 17 ता बायका ओला कव्होसे, “मि बगर नौरा की सेव।”
\p यीसु न वोला जवाब देसे, तु सहीच कव्होसेस, का मोरो कोनी नौरा नहाति। 
\v 18 काहे की तु पाँच नौरा बनाय लियो से अना जोको जवर तु अता होत उ भी तोरो नवरा नाहती। मोला तुना यो खरो साँगलीस।
\p
\v 19 बायका ना यीसु ला कव्हसे, हे पिरभू, “मोला असी लगासे की तु कोनी मोठो भविस्यवक्ता आस।” 
\v 20 आमरो अजी-दाजी\f + \fr 4:20 \fr*\ft बाप-दादा\ft*\f* ना योच पहाड़ पर बलिदान चघाईसेत, पर तुम्हि कव्होसेव की वा जघा जिता बलिदान चघावनो से, यरुसलेम मा से।
\p
\v 21 यीसु ना बायका ला कव्हासे, की अवो बाया, मोरो गोस्टी मा भरोसा ठेव, वा बेरा आवासे, अजीहुन को अराधना तुमी ना ता पहाड़ पर, ना यरुसलेम नगर मा करोह। 
\v 22 तुम जेनला नही जानसो वोला बलिदान चघावसो, आमी जेनला जानसेजन वोला बलिदान चघावसेजन, काहेका सूटकारा यहूदिगीन लक से। 
\v 23 पर वा बेरा आवासे पर अबा से वोमा खरो भगत सरग को दआजी की पूजा आतमा अना खराई लक करयेत। काहे का सरग को दआजि आपरो लाय असो ही भगत ला तपाससे\f + \fr 4:23\fr*\ft ढुढा से\ft*\f*। 
\v 24 परमेस्वर आतमा से अना जरुरी से का वोकी बलिदान करनवारा आतमा अना खराई लक वोकी बलिदान करयेत।
\p
\v 25 बायका कव्होसे मि जानसेउ का मसीह जोन खिस्त\f + \fr 4:25 \fr*\ft अभिसिक्त\ft*\f* कहलावोसे उ आवनवारा सेत, जब उ आहे तबा सबच गोस्टी हमला सांग देहे।
\p
\v 26 यीसु ओला कव्हासे। मि तोरो लक गोस्टी करुसेऊ, “मी वाच सेव।”
\s चेला की वापिस
\p
\v 27 वाच बेरा मा चेला आय जासेत, अना यीसु ला बाई संग गोस्टी करत चोवसेत अना चकित भय जासेत। एको मंग कोनी ना असो नही पुसिन, तु काजक चाव्हसेस अना यो बाई लक काजक गोस्टी करसेस?
\p
\v 28 तब च मंग बायका ना आपरो भांडो ला उतच सोड़ देइस, अना नगर ला धायके लोकहुन ला सांगासे, 
\v 29 “चलबिन एक मानूस ला चोवो, जोन मोरो बारे मा सबच काही सांग देईसेस, कहीं वोच तो मसीह नही से?” 
\v 30 एको लाय वय लोकगीन नगर ला‌ सोड़के अना यीसु को जवर आइन।
\p
\v 31 वोनोच बेरा चेला ना यीसु ला बिनती करीन, “गुरू, काही जेव लेव।”
\p
\v 32 यीसु उन लक कव्हासे, “जेवन लाय मोरो जवर उ जेवन से जेनला तुमी नही जानोसो।” 
\v 33 एतरो मा ओको चेला आपस मा यो कव्हन लगीन, “का कोनी ना वोको लाय काही जेवन ला आनी सेत?”
\p
\v 34 यीसु ना उनला कव्हासे, जोन मोला धाड़ीसेस, वोकी मरजी पर चलहु, अना वोको काम ला पूरो करू, योच मोरो जेवन से। 
\v 35 यीसु कव्हासे, का तुमी नही कव्होसो, का अब कटनी ला चार महिना रहय गईसेत? पर मि तुमी लोकगीन लक कव्हुसू, डोरा ला उचलके उन्हारी\f + \fr 4:35 \fr*\ft फसल\ft*\f* ला चोवो। वय कटनी को लाय पक गईसेत। 
\v 36 अबा कापनवालो रोजी पाहेत अना अमर जीवन को लाय फर सँगरेत, जिनको लाय बोवन वालो अना कापनवालो दुही मिलके खुसी मनाहेत। 
\v 37 काहे का यो हाना खरो बससे, एक से ता बोवासे अना दुजो से तो कापसे। 
\v 38 मिना तुमला वा खेत कापन लाय धाड़िसेउ, जिनमा तुमी ना मेहनत नही करयत। दुजा ऐमा मेहनत करीसेत अना तुमला वोको मेहनत को फर मिलिसे।
\s सामरीहिन को भरोसा राखनो
\p
\v 39 ता उ यहुदिया ला सोड़के मंग लवटके गलील ला चली गयो। ओनो बायको को गवाही ला जो यीसु ना ओको बारे मा सब काही कही होतीस यो गवाही ला आयक के ओनो नगर को लगत सो सामरीहुन ना यीसु मा भरोसा कर लेइन। 
\v 40 एको लाय जबा वय सामरी यीसु जवर आइन त यीसु लक बिनती करिन का तु आमरो इता रुक। वा दुई दिवस उतच रहयो।
\p
\v 41 लगत लोकगीन ना वोको सिक्सा ला आयकीन अना वोको पर भरोसा करन लगीन। 
\v 42 अना सामरीगिन वा बाई ला बोलिन का, अता त आमी तोरो कव्हन लक भरोसा नही करबिन। आमी खुदच वोला आयक लेई सेजन। अना आमी जान सेजन, का उ खरो-खर मा संसार को बचावनवारो से।
\p
\v 43 जबा दुई दिवस बीत गईन, तबा यीसु वहान लक गलील छेतर ला गयो। 
\v 44 यीसु खुदच गवाही देवत होतो का आपरो देस मा भविस्यवक्ता को मान नही होवा। 
\v 45 जबा यीसु गलील छेतर ला पहुचियो, तबा लोकगीन ना वोको मिजवानी करीन। काहेका यीसु तिहार को दिवस यरुसलेम मा जो काही कियो होतो, ओला सबला गलील छेतर का रहोन वालो ना चोइन होतीन, काहे का तिहार मा वय सबच उतच होतीन।
\s राजा को करमचारी को टूरा ला साजरो करनो
\p
\v 46 यीसु मंग गलील छेतर को काना नगर मा आयो, जिता वोने पानी ला अंगूर को रस बनायी होतीस। उता एक करमचारी होतो, जोन कफरनहुम नगर को रव्होन वालो होतो, वोको टूरा बीमार होतो। 
\v 47 जबा उ करमचारी ना कव्हयो, का यीसु यहुदिया छेतर लक गलील छेतर मा आइसे, तब उ वोको जवर आयो। अना ओको लक पिराथना करासे का, उ चलके वोको टूरा ला साजरो कर दे, काहेका वा मरनो पर होतो। 
\v 48 यीसु ना वोला कहीस, का तुमी निसान अना चमतकार ला चोयके मोरो पर भरोसा करोसो।
\p
\v 49 यो गोस्टी पर करमचारी ना ओको लक कहीस, पिरभू किरपा कर अना मोरो टूरा को मरन को पुढा चल।
\p
\v 50 यीसु ना वोला कहीस, “जाय तोरो टूरा जित्तो से,”
\p उ वोको कव्हन पर भरोसा करके चलो गयो।
\p
\v 51 उ रास्ता पर जाय रहयो होतो, एतरो मा वोको दास गीन आयके वोला कव्हन लगीन, की तोरो टूरा जित्तो से।
\p
\v 52 वोना उन ला पुसयो, का उ कोन सो बेरा मा साजरो भयो। उनना वोला कहिन, “काल दिवस को एक बजे वोको बुखार ठीक भयो।” 
\v 53 तबा उ समज गयो का ठीक वोच बेरा यीसु ना कहीस होतो, का जाय तोरो टूरा जित्तो से। अना वोने आपरो सप्पा घर सकट भरोसा करन लगयो।
\p
\v 54 यो यीसु को दुसरो निसान होतो। जो वोने यहुदिया छेतर लक आयके गलील छेतर मा दिसाईस।
\c 5
\s अड़तीस साल को रोगी ला साजरो करनो
\p
\v 1 एको काही रोज बाद मा यीसु यहूदी लोकहुन को एक तिहार बेरा मा यरुसलेम तीरथ ला गयो। 
\v 2 यरुसलेम मा भेड़ बेसकुड़ को जवर एक कुन्ड से, इब्रानी भासा मा येला बेतहसेदा कहयो जासे। एको जवर पाँच छप्पर बनयो सेत। 
\v 3 वोमा लगत सा बीमार अँधरा, लँगडा, अना लकवा वालो पड़या रहोत होतिन। वय पानी ला हिलन की रास्ता चोवत होतीन। 
\v 4 काहे का पिरभू को सरग दुत बेरा-बेरा मा कुन्ड मा उतरके पानी ला हिलावत होतीन। पानी हिलन को बेरा जोन मानूस पहेले कुन्ड मा उतरत होतो, चाहे उ कोनी भी रोग लक होयहेत, उ साजरो भय जात होतो। \f + \fr 5:4 \fr*\ft काही जूनो लिखयो नकल मा यो पद नहात।\ft*\f* 
\v 5 उता कन एक मानूस होतो जोन अड़तीस बरस लक बीमार होतो। 
\v 6 जबा यीसु ना वोला वहान लेटो चोयीस अना यो जानके का उ एतरो लम्बो बेरा लक रोगी से ता यीसु ओला कव्हासे, “का तू साजरो होवनो चाव्हासे?”
\p
\v 7 बीमार ना कहीस, पिरभू! मोरो कोनी नाहात, की जोन पानी हिलन को बेरा मोला कुन्ड मा उतारहेत। मोरो उतरनो को पुढ़ा च, कोनी दुसरो मोरो लक पयले उतर जासे।
\p
\v 8 यीसु ना वोला कहीस, उभो होय! आपरो दरी ला उचल अना हिंड।
\p
\v 9 गदने उ मानूस चाँगलो भय गयो, अना आपरो दरी ला उचलके हिंडन लगयो। 
\v 10 ओला हिंडतो चोयके यहुदी अधिकारी ना ओनो मानूस कव्हन लगीन की तोला कउन ना साजरो करीसेस? काहेकि यो ता बिसराम को दिवस से यो कानुन को बिरोध मा से, आज को दिवस तोला आपरो दरी उचलनो भी साजरो नहोती। 
\v 11 वोना उन ला जवाब देइस, “जोन मानूस मोला साजरो करीसेस, वोच न मोला कहिसेस, आपरो दरी ला उचल अना हिंडबिन।”
\p
\v 12 उनना वोको लक पुसिन, “उ कोन मानूस से? जोन तोला कहिसेस, दरी उचल अना हिंड।”
\p
\v 13 पर उ मानूस जोन साजरो भयो होतो, नही जानत होतो का उ कोन आय, काहेका ओनो जघा लगत भीड़ होती एकोलाई यीसु ओको लक दुहूर चली गयो होतो।
\p
\v 14 येने गोस्टी को मंघा, रोगी यीसु ला मंदिर मा भेटयो। यीसु ना वोला कहीस, चोव! तु साजरो भय गईसेस, मंग पाप नोको करबिन, नही ता अखिन कोनी मोठी आफद तोरो पर आन पड़ेहत।
\p
\v 15 ओना जायके यहूदि अधिकारीहुन ला कव्ह देसे, उ यीसु होतो, जेने मोला चांगलो करीसेस। 
\v 16 काहेकि यीसु ना बिसराम दिवस मा साजरो करन को काम करीसे, एकोलाई यहुदीहुन ओला सतावन लगीन। 
\v 17 यीसु ना उनला जवाब देईस, मोरो दाअजी अजी हमेसा काम करतो रव्हसे, एकोलाई मि भी काम करासेऊ। एकोलाई यहुदी ओला मार डाकन को कोसिस करत होतीन।
\p
\v 18 नाच केवल एकोलाई का उ बिसराम ला तोड़ रहयो होतो बल्कि उ परमेस्वर ला आपरो बाबूजी भी कव्हत होता। अना एकोलाई अपरो आपला परमेस्वर को जसो ठहरात होतो।
\s टूरा को हक
\p
\v 19 ऐना रिती यीसु ना उन लक साँगीस, मि तुमी लक खरो कव्हासेऊ, “टूरा खुदच काही नही कर सका, केवल परमेस्वर दाअजी जोन वोला करन ला कव्हासे, काहे का जोन काम ला दाअजी करासे, वसोच टूरा भी वोच रिती लक करासे।” 
\v 20 काहे का परमेस्वर दाअजी टूरा ला माया राखासे। अना जोन-जोन काम उ खुद करासे, उ सबला वोला दिसावासे अना यो काम लक मोठो काम वोला दिसाये। काहे का तुमी चकित होवो। 
\v 21 जसो की दाअजी मरयो हुयो ला जित्तो उचलासे, अना जिंदगी भी देसे। वसोच टूरा भी जेनला उ चाव्हासे ओला जित्तो कर देसे। 
\v 22 दाअजी कोनी को न्याय नही करासे, पर न्याय करन साठी हक टूरा ला देइसेस। 
\v 23 मनजे कोनी टुआ को मान करहेत वसोच दाअजी को मान करहेत। जोन टूरा को मान नही करासे, उ दाअजी को जोने वोला धाडीसेस, मान नही करासे।
\p
\v 24 मि तुमी लक खरो सांगिसेउ,“ जोन मोरी गोस्टी आयक के मोरो धाड़नवालो पर भरोसा करासे, वोको जवर अमर जीवन से अना ओको पर सजा की हुकूम नही होवासे। पर उ मिरतु लक पार भयके जीवन मा धसेत।” 
\v 25 मि तुमी लक खरो सांगिसेउ, “उ बेरा आवासे अना अबा भी से, जोनमा मरया हुया परमेस्वर दाअजी को टूरा की आवाज आयकेत। अना जोन कोनी आयकेत वय जित्तो होयेती।” 
\v 26 “काहे की जोन रिती लक दाअजी जीवन राखासे, वोच रिती लक वोना टूरा ला भी यो हक दियो से का आपरो आप मा जीवन राखे। 
\v 27 वरन वोला न्याय करन को भी हक दियो गईसे, एको लाय उ मानूस को टूरा से। 
\v 28 एको लाय चकित नोको हुओ, काहे का उ बेरा आवासे का जेतरा मरा हुआ सेत, वय वोकी आवाज आयक के मरघट्टी लक हिटहेत। 
\v 29 जिनना साजरो करीसेत, वय जीवन को लाय \f + \fr 5:29 \fr*\ft मरो मे से जी उठना\ft*\f* अना जोनना बुरो करीसेत, वय सजा को लाय, जित्तो होयेती।”
\s यीसु को बारे मा गवाही
\p
\v 30 “मि आपरो लक काही नही कर सकु, जसो आयकासेऊ वसोच न्याय करासेउ, काहेकि मोरो न्याय खरो से काहेका मि आपरी मरजी लक नही पर आपरो धाड़न वालो की मरजी ला चाहव्सेउ।”
\p
\v 31 अदी मि आपरो गवाही\f + \fr 5:31 \fr*\ft प्रमान\ft*\f* आपच देवासु, तो यो गोस्टी खरो नाहती। 
\v 32 एक अखीन से जो मोरी गवाही देसे, अना मि जानासू का जोन यो गोस्टी ला पुरुप करासे, उ खरो से। 
\v 33 तुमी ना लोक गीनला योहन को जवर पुछन लाई धाड़यात अना वोना खरो गवाही सांगिसेस। \f + \fr 5:33\fr*\ft बयान दिया\ft*\f* 
\v 34 मि मानूस को गवाही पर आसरित नही सेऊ। तरी मि एकलाय कव्हासेउ जेकोलक तुमरो बचाव भय सकेत। 
\v 35 योहन ओनो दियो को जसो होतो जोन जलतो हुयो से अना उजाड़ो देसे। अना तुमी काही बेरा को लाई ओको उजाड़ो को खुसी मनावन चाव्हत होता। 
\v 36 पर मोरो जवर जोन गवाही से, उ योहन की गवाही लक मोठी से। अना जोन काम परमेस्वर दाअजी ना मोला पूरो करन लाई, देईसेस। मजे वय योच काम सेत, जोन मि करुसेउ, वय मोरो सबुत\f + \fr 5:36 \fr*\ft सबुत\ft*\f* सेती, का परमेस्वर दाअजी ना मोला धाड़ीसेस। 
\v 37 परमेस्वर दाअजी ना जेना मोला धाड़ीसेस, मोरी गवाही देईसेस। तुमी लोकहुन ना ओको गोस्टी कबच नही आयकियत अना न तुमीना ओको रूप चोयीसेव। 
\v 38 अखिन नाच तुमी आपरो भीतर ओको खबर ला अपनायो सेव। काहेकी तुमी ओमा बिस्वास नही राखासेव जेनला परमेस्वर दाअजी ना धाड़ीसेस। 
\v 39 तुमी गिरंथहुन मा वाचासो, काहेका तुम्हि समजासो की ओमा अमर जिंदगी तुमला मिलेहत। अना यो वाचासो जोनमा मोरो बारे मा सबूत कहयो गयो से। 
\v 40 मंगच तुमी जिंदगी पावन लाई मोरो जवर नही आवन चाव्हसो।
\p
\v 41 मि मानूस लक मान- मरयादा नही चाव्हसेउ। 
\v 42 पर मि जानसेउ का तुमी मा परमेस्वर को माया नहात। 
\v 43 मि आपरो दाअजी को नाव लक आईसेऊ मंग तुमी लोकहून मोला नही अपनावा सेव। अदी कोनी आपरो नाव लक आहे तो ओला तुमी अपनाय लेहो। 
\v 44 तुमी मोरो पर बिस्वास कसो कर सकासेव? काहेकि तुमी ता एकमेक लक मान- मरयादा चाव्हासेव। अना उ मान- मरयादा जोन एक परमेस्वर को कन लक से, नही चाव्हासेव। 
\v 45 यो नोको समजो का मि परमेस्वर दाअजी को पुढ़ा तुमी पर दोस लगाव सेउ। तुमी पर दोस लगावन वालो मोसे से, जोन पर तुमी ना आस राखयत। अदि तुमी मोसे पर सही मा बिस्वास करासेव 
\v 46 ता तुमी मोरो मा भी बिस्वास करतत काहेकि मोसे ना मोरो बारे मा लिख्यो से। 
\v 47 जबा तुमी, जोन ओना लिख्यो सेस ओमा बिस्वास नही करासेव, “ता मोरो गोस्टी मा बिस्वास कसो करोह?”
\c 6
\s पाँच हजार मानूस ला जेवानो
\r (मत्ती 14:13-21; मरकुस 6:30-44; लूका 9:10-17)
\m
\v 1 एको मंघा यीसु गलील नगर को तिबिरियास नाव को झील को वोनागन चली गयो। 
\v 2 अना ओको मंघा एक मोठी भीड़ वोको मंघा भय गई, काहे का उनना रोगीहुन ला साजरो करन लाय अदभुत हिदान चोवायो होता। 
\v 3 तबा यीसु पहाड़ मा चघके आपरो मंघा आवनवालो चेलाहुन को संग उता बस गयो। 
\v 4 यहूदिगीन को फसह को तिहार जवर होतो। 
\v 5 जबा यीसु ना एक मोठी भीड़ ला आपरो जवर आवत चोवीस, तबा ओना फिलिप्पुस लक पुसिस, हमि इनको लाई जेवन किता लक आनबिन? 
\v 6 यीसु यो गोस्टी ओको परिक्सा लेवन को लाई कही होतीस, काहे का उ खुदच जानत होतो, का उ काजक करन जाय रही से?
\p
\v 7 फिलिप्पुस न ओला जवाब देईस, का दुई सौ सिक्का \f + \fr 6:7\fr*\ft एक दिवस भर की मजदुरी एक सिक्का होतो\ft*\f*की जेवन भी उनला ला कम पड़हेत। पर हरेक झनला जरा-जरा बाँटनो पर जरा लगत बाँटा नही आहेत।
\p
\v 8 ओको चेला मा एक अखिन, जोन समौन पतरस को भाऊ अन्दिरयास होतो, ओना यीसु ला कहीस, 
\v 9 इता एक टूरा से, जोको जवर, जौ को पांच भाकर अना दुई मसरी सेती। पर एतरो लोकहुन लाय नही होवन की।
\p
\v 10 यीसु न कहीस, लोकहुन ला गवथ मा बसाय देव। तबा मरद-माना\f + \fr 6:10 \fr*\ft मानूस\ft*\f* जिनकी गिनती पांच हजार को करिब होती। बर्रा मा गवथ पर बसाय देईन। 
\v 11 तबा यीसु ना भाकर लेइस, अना परमेस्वर ला धनवाद करके लोकहून ला पगंत मा परस देइन, वसोच मसरी ला भी मन को मरजी लक बाट देइन। 
\v 12 जबा वय जेयके के अघा गईन, तबा यीसु आपरो चेला गीन ला कहीस, बचयो टुकड़ा-टाकड़ी ला सकेल लेव, नास नोको करो। 
\v 13 तबा जेवन को मंघा उनना जौ को भाकरी को बारा टोपली टुकड़ा-टाकड़ी ला जमा करीन।
\p
\v 14 यीसु को यो चमत्कार चोयके लोकहुन ना कहयो, “पिक्को मा यो भविस्यवक्ता से जोन संसार मा आवन वारो होतो।” 
\v 15 यीसु ना यो जानके क वय मोला राजा बनान लाय धरन चाव्हासेत, एकोलाय उ पहाड़ पर चली गयो।
\s यीसु को पानी पर चलनो
\r (मत्ती 14:22-33; मरकुस 6:45-52)
\p
\v 16 जब झूलाखाली भई, ता ओको चेला झील को कन गईन। 
\v 17 अना नाव मा चघके सागर को ओनागन, कफरनहुम नगर ला जावन लगीन। ओना बेरा जेवन रात भई गई होती। अना यीसु उनको कठा नही आयो होतो। 
\v 18 मोठो आंधड़ आवन लगी अना पानी मा लहर चलन लगी, 
\v 19 तबा वय डोंगा चलात-चलात सह किलोमीटर तकन निकल गईन। तबा उनना यीसु ला सागर पर चलता, अना नाव को कठा आवता चोयीन, तो डराय गईन। 
\v 20 तबा यीसु उनला कव्हसे, डराव नोको, “काहेकि मि सेऊ।” 
\v 21 मंग उनना ओला गदने नाव मा चघाय लेईन, ता गदने डोंगा वोना जघा पर पहुच गयी, जिता उनला जानो होतो।
\s लोक ला यीसु को चोवनो
\p
\v 22 दुसरो दिवस लोकहून को ओना भीड़ ना जोन झील को ओनागन रह गयी होती, चोयिन का वहान केवल एक डोंगा होतो, अना अपरो चेलाहुन को संग यीसु नही गयो होतो, पर ओको चेलागीन च चले गयो होतीन। 
\v 23 तबा ओनाच बेरा मा, काही लोक नाव तिबिरियास लक वोना जघा को जवर आइन, जहान उनना पिरभू को पिराथना-धनवाद करके ना भाकर जेयी होतीन। 
\v 24 तबा लोकगीन ना चोयीन का यहान, यीसु अना चेला गीन नहात, ता वय नहानी डोंगी मा चघके, यीसु ला ढुंढत-ढांढत कफरनहुम मा पहुँचईन।
\s यीसु जिन्दगी को भाकर
\p
\v 25 झील को ओनागन जबा वय लोक यीसु लक मिलिन ता उनना ओला सांगीन, ओ गुरू, इता तु कब लक आईसेस?
\p
\v 26 यीसु उनला कव्हासे। खरो-खर तुमी मोला एकोलाय नही पुसासेव, की तुम्हिना अचंभा वालो निसान चोयोसेव, पर भाकर जेयके अघाइसो। 
\v 27 नास होवन वालो जेवन लाई मेहनत कायलाई करोसो? पर उ जेवन लाई मेहनत करो, जोन अमर जीवन लाई से। काहेकि उ जेवन मानूस को टूरा देहे, काहेका परमेस्वर दाअजी ना यो देन को हक वोला देईसेस। मजे परमेस्वर ना छाप लगाइसे।
\p
\v 28 एतरो आयक के उनना कहीन, परमेस्वर को काम करन ला आमी का करबिन।
\p
\v 29 यीसु ना जवाब देइस, परमेस्वर का काम यो से की तुमी मोरो भरोसा पर करो काहेकी परमेस्वर ना मोला धाड़िसेस।
\p
\v 30 तब ओन्हीसीन कहिन, मंग तु कोनतो निसान दिसावासेस की आमी चोवके तोरो भरोसा पर करबिन। 
\v 31 आमरो बाप-दादा ना जंगल मा मन्ना\f + \fr 6:31 \fr*\ft सरग की भाकर\ft*\f* खाईन, जसो लिखयो से, वोना उनला खावन लाई सरग की भाखर देइस।
\p
\v 32 यीसु ना कहीस, का मि तुम लक खरो कव्हसू, “का मोसे ना तुम्हिला वा भाकर सरग लक नही देइस, पर मोरो दाअजी तुमला सच्ची भाखरी सरग लक देसे। 
\v 33 काहे का परमेस्वर की भाकर वाच से जोन सरग लक उतरीसे अना संसार ला जिंदगी देसे।”
\p
\v 34 तबा ओन्हीसीन कहिन, हे पिरभू यो भाकर हमला सबा बेरा देजोस।
\p
\v 35 यीसु ना उनला कहीस, “जिंदगी की भाकर मि सेव, जो मोर कगर\f + \fr 6:35 \fr*\ft जवर\ft*\f* आवासे, ओला कभ्भु भुख नही लगेत, अना जोन मोरो पर भरोसा ठेवासे, ओला कभ्भु तहान नही लगेत।” 
\v 36 तुमना मोला चोय भी लियत ता भी भरोसा नही ठेवासो। 
\v 37 जोन कोनी ला परमेस्वर दाअजी मोरो कठा धाड़ासे, उ मोरो कठा आहेत। अना जो कोनी मोरो कठा आहेति ओला मि कभ्भुच नही हेड़ु। 
\v 38 काहे का मि आपरी मरजी ला नही पर परमेस्वर की मरजी पूरी करनलाय सरग लक आईसेऊ। 
\v 39 परमेस्वर की मरजी यो से की जिनला ओना मोला देईसेस उनमा लक मि कोनी ला नही खोउँ, पर आखीर मा ओला जित्तो कर देहुँ। 
\v 40 काहेकी परमेस्वर की मरजी यो से की जोन कोनी मोला चोहे, अना मोरो पर भरोसा ठेये उ अमर जिंदगी पाहेत।
\p
\v 41 एको लाय यहूदिगीन वोको पर कुड़कुड़ान लगीन, की ओना कव्हयो होतो की जोन भाकर सरग लक उतरीसे, उ मि सेव। 
\v 42 अना उनको कव्हनो यो होतो, का यो यूसुफ को टूरा यीसु नहाती का, जोनको माय-अजी ला आमी जाना सेजन? ता उ कसो कव्हसे का, मि सरग लक आईसेऊ?
\p
\v 43 यीसु उनला जवाब देसे, आपस मा नोको कुड़कुड़ाओ। 
\v 44 कोनी मोर कठा नही आय सका, जब तकन दाअजी परमेस्वर जोन मोला धाड़िसेस, ओला नोको झीक लेय। 
\v 45 भविस्यवक्ता गीनको लेख मा यो लिखयो से। वय सब परमेस्वर को कन लक सिकायो होयेति। जोन कोनी ना दाअजी लक आयकिया अना सिकाया होयेत, उ मोर कठा आहेति। 
\v 46 एको अरथ यो नहोती का कोनी ना दाअजी ला चोयीसेस, पर वाच जोन परमेस्वर कन लक आयीसे ओनाच दाअजी ला चोयीसे। 
\v 47 मि तुम लक खरो साँगुसु, जोन कोनी भरोसा करासे वाच अमर जिंदगी पाहेत। 
\v 48 मि जिंदगी की भाकर सेव। 
\v 49 तुमरो आजा-पुरखागीन ना जंगल मा मन्ना\f + \fr 6:49 \fr*\ft सरग की भाकर\ft*\f* खाईन पर वय मर गईन। 
\v 50 यो वा भाखर से, जोन सरग लक उतरीसे, एकोलाय जोन कोनी ओनो भाखर ला खाहे उ नही मरेत। 
\v 51 जीवन की भाकर जोन सरग लक उतरी से, मि सेव। जोन यो भाकर मा लक खाये उ सदा जित्तो रहेत, अना जोन भाकर मि संसार को जिन्दगी को लाय देहुँ, उ मोरो देह से।
\p
\v 52 येने गोस्टी पर यहूदिगीन आपस मा झगड़न लगीन, यो मानूस कसो हमला आपरो देह खावन लाई दे सकासे?
\p
\v 53 यीसु उन ला कहीस, मि खरो-खरो साँगुसु की जबा तकन मानूस को टूरा को माँस नही खाओ, अना मोरो खून नही पिवने, तबा तकन, तुमरो मा जिंदगी नही रहेत। 
\v 54 जोन मोरो माँस खावसे अना खून पिवासे, अमर जिंदगी ओकोच से, अना आखीर मा ओला मंग जीत्तो करू। 
\v 55 काहे का मोरो माँस सहीच मा खावन की चीज से अना मोर खून सही मा पिवन की चीज से। 
\v 56 जोन मोरो माँस खावासे अना मोरो खून पिवासे, उ मोरो मा अडिग\f + \fr 6:56 \fr*\ft मजबुत\ft*\f* बनयो रहोसे, अना मि ओमा बनयो रहुसु। 
\v 57 जसो जित्तो परमेस्वर ना मोला धाड़ीसेस अना जिंदगी देइसेस वसोच जोन मोरो माँस ला खावसे। उ भी जित्तो रहेत। 
\v 58 जो भाकर सरग लक उतरी याच से, उ भाकर को जसो नही जेनला तुमरो आजा-पुरखा ना खाईन अना मर गईन। जोन कोनी यो भाकर खाये उ सदा जित्तो रहेत।
\p
\v 59 यीसु ना यो गोस्टी कफरनहुम गाँव को एक सभाघर मा सिक्सा देवतो बेरा कहीस।
\s अमर जिन्दगी को गोस्टी
\p
\v 60 ओको चेला मा लक बहुत लोकगीन यो आयक के कहिन यो गजब कठीन सिक्सा से, येला कोन आयक सकासे।
\p
\v 61 यीसु न आपरो मन मा यो जानके का चेला आपस मा यो गोस्टी लक कुड़कुड़ावा सेति, उन लक पुसिस, का यो सिक्सा तुमला कठिन लगासे। 
\v 62 अदी तुमी मानूस को टूरा ला जिता उ पयले होतो, उता वरता जातो चोहो ता का होहे? 
\v 63 आतमा ता जिन्दगी देन वालो से, माँस लक कोनी फायदा नही से, जो गोस्टी मीना तुमी लक कव्हसू, वय आतमा अना जिन्दगी दुही सेत। 
\v 64 पर तुम मा लक काही ता असो सेति जोन नही करासेत, काहे का यीसु पुढ़ा च लक जानत होतो का कोन मोरो भरोसा नही करह, अना कोन मोला धरायहे। 
\v 65 अना ओना कहीस, एको लाई मिना तुमी लक कव्हयो होतो का जबा तकन कोनी को दाअजी को कन लक यो वरदान न देयो जाहेत तबा तकन उ मोरो कठा नही आय सका।
\p
\v 66 एतरो पर ओको चेला मा लक लगत सा उलटो मंग गईन अना कोनी लगत सँग नही चलिन। 
\v 67 तबा यीसु ना बारा चेला लक कहीस, का तुमी भी हमेसा सोड़के जानो चाहोसो?
\p
\v 68 समौन पतरस नाव को चेला ना कहीस, हे पिरभू! आमी कोन को जवर जाबोन, अमर जिंदगी की गोस्टी ता तोरोच जवर सेत। 
\v 69 अना आमी ना भरोसा कर लिया अना जान लिया का परमेस्वर को पवीतर जन\f + \fr 6:69\fr*\ft पवीतर व्यक्ति\ft*\f* तु ही सेस।
\p
\v 70 यीसु न जवाब देइस, का मिना तुमी बारा ला नही निवाड़ी सेव, ता भी तुमी बारा मा लक एक से जो सैतान\f + \fr 6:70 \fr*\ft साँगड़\ft*\f* कन लक से। 
\v 71 यो ओना समोन इस्करियोति को टूरा यहूदा लाय कहि होतीस। काहे की वाच बारा मा लक एक होतो जेने यीसु ला धराय होतीस।
\c 7
\s यीसु को भाऊ गीनको अबिस्वास
\p
\v 1 एको मंघा, यीसु ना गलील मा फिरयो, काहेका उ यहुदिया ला नही फिरन चाव्हत होतो, काहेका वहान को यहुदी अधिकारी ओला मार डाकन चाव्हत होतीन। 
\v 2 यहूदिगीन को झोपड़ी को तिहार कठा होतो। 
\v 3 एको लाई यीसु को भाऊ लोकगीन ना ओको लक कहीन, यो जघा ला सोड़के यहुदी नगर मा जाय, काहेका जोन काम तु करासेस, ओला तोरो मघा चलनवारो चोवेत। 
\v 4 जोन जग जाहीर होवनो चाव्हासे वा लूक के काम नही करासेत। जब तू असो काम करासेस ता सबको पूढा आपरो काम दिसाव। 
\v 5 काहेका यीसु को भाऊहुन तकन ओमा भरोसा नही करत होतीन।
\p
\v 6 तब यीसु ना उन लक कहीस, तुमरो लाई हरेक बेरा साजरो से, पर मोरो लाई अबा साजरो बेरा नही आईसे। 
\v 7 यो दुनिया तुमरो लक बैर नही करासे, पर मोरो लक बैर करासे, काहेका मी उनको बिरोध मा यो गवाही देवासू का उनको काम बुरो सेति। 
\v 8 ऐना तिहार मा तुमी लोक जावो, मि अबा यो तिहार मा नही जाहु, काहे की मोरो बेरा पूरो नही भईसे। 
\v 9 असी गोस्टी कव्हन को मंघा यीसु गलील नगर मा रुक गयो।
\s झोपड़ी को तिहार मनानो
\p
\v 10 जबा तिहार मा ओको भाऊहुन चली गईन ता उ भी गयो पर उ खुल्लो रुप लक नही, चुप्पई चाप गयो होतो। 
\v 11 यहूदी मुखिया यीसु ला तिहार मा यो कव्हके तलास कर रही होतीन का, “उ मानूस किता से?”
\p
\v 12 लोकगीन ओको बारे मा चुप्पई लक लगत पिरकार को गोस्टी कर रही होतीन, काही कव्हत होतिन, का उ साजरो मानूस से, अना काही कव्हत होतीन, नही उ लोकगीन ला भरमावासे। 
\v 13 ता भी यहूदिगीन को भेव लक कोनी मानूस ओको बारे मा नही साँगत होतो।
\s यरुसलेम मा यीसु को पिरवचन
\p
\v 14 जबा तिहार अरधो बीत गयो होतो, तबा यीसु मंदिर मा गयो अना ओना पिरवचन देवनो सुरु कियो। 
\v 15 तबा यहूदिगीन चकित होयके कव्हन लगीन, यो मानूस कबच वाचन करन लाई पाठसाला नही गयी से, मंग एतरो काही कसो लक जानासे?
\p
\v 16 यीसु ना जवाब देइस, मि जोन पिरवचन ला देसू उ मोरो कन लक नही, पर मोरो धाड़न वालो परमेस्वर को कन लक से, जोन ना मोला धाड़ीसेस। 
\v 17 अदी मानूस उ करनो चाहे, जोन मोठो दाअजी को मरजी से ता उ यो जान जाहे का जोन पिरवचन मि देवासू, उ मोठो परमेस्वर को से, मंग मि आपरो कन लक नही देय रही सेउ। 
\v 18 जोन आपरो टोंड लक कव्हन चाव्हासे, उ आपरो बड़ाई चाव्हासे, पर जोन आपरो धाड़न वालो की बडाई चाव्हासे, वाच खरो से, अना ओमा अन्याय\f + \fr 7:18 \fr*\ft खोट\ft*\f* नाहती। 
\v 19 का तुमला मोसे को नियम ला नही देई गयी से? मंग तुम्हि मा लक कोनी मोसे को नियम पर नही चलासे। तुमी मोला कायलाई मार डाकन चाव्हासो?
\p
\v 20 लोकहुन ना जवाब देइन, “तोरो पर भूत घुस गयी से जोन तोला मारन को तक्का पर से।”
\p
\v 21 यीसु उनला जवाब देसे की, मि तुमरो लाई एक अदभुत काम ला करयो अना तुम्हि ता चकित भयो सेव। 
\v 22 एनाच मकसद लक मोसे ना तुमला खतना को रिवाज सौप देयि होतो। (असो नही का यो रिवाज मोसे को कन लक से, पर तुमरो आजा-पुरखा लक चलके आय रहयो होतो।) अखीन तुमी बिसराम दिवस मा टुराहुनार को खतना करासेव। 
\v 23 जबा पवीतर दिवस मानूस को खतना कियो जासे, तबा मोसे को नियम को हुकूम बनो रव्हासे, तो तुमी मोरो पर काहे गुस्सा करासो की मिना एक मानूस ला पूरी तरीको लक साजरो करीसेऊ। 
\v 24 गोस्टी जसी से वसो चोवके न्याय करो, टोंड चोवके न्याय नोको करो।
\s का यीसु च मसीहा आय?
\p
\v 25 तबा यरुसलेम का रव्हनवालो लोकहुन मा लक काही ना कहिन, “का यो वोच मानूस नही से, जोनला लोक मार डाकन चाव्हसेत?” 
\v 26 चोवो, उ ता लोकहुन को बीच खुल्लमखुल्ला\f + \fr 7:26\fr*\ft साफ-साफ\ft*\f* गोस्टी कर रही से अना कोनी ओला काही नही कव्ह सका सेत, का यो नही होय सका यहुदी मुखिया ला सही मा मालुम भयो, का योच खरोखर मसीह से? \f + \fr 7:26\fr*\ft परमेस्वर का धाडयो हुयो। \ft*\f* 
\v 27 “येला तो हमी जानसेजन, का यो कहाँन को से? पर जब मसीह आहेत, तबा कोनी नही जान पाहेत, की उ कहाँन को सेत?”
\p
\v 28 यीसु ना मंदिर मा जोर लक कहयो, “का तुमी सच मा नही जानासेव, मि कोन सेऊ अना किता लक आयीसेऊ?” मि आपरो हक लक नही आयीसेऊ, काहेका जोन ना मोला धाड़ीसेस उ सच्चो से, तुमी ओला नही जानासेव। 
\v 29 मि ओला जानासू, काहेका मि ओको कन लक आयी सेऊ, अखीन ओने मोला धाड़िसेस।
\p
\v 30 मंग वय ओला बंदी बनावन को कोसिस करन लगीन, पर कोनी भी ओको पर हात नही डाक सकया। काहेकि ओको बेरा अबा नही आयी होती। 
\v 31 मंग भीड़ मा लक लगत सा लोक ओको पर भरोसा कर लेईन। अना कव्हन लगीन, “मसीह जबा आहे तबा का येको लक लगत निसान करेत जोन एना चोवायीसेस।”
\s यहुदी हुनको यीसु ला धरान की कोसिस
\p
\v 32 मुखिया याजक अना मोसे को नियम को गुरू गीन ना सुनगुन-सुनगुन यो गोस्टी ला लोकगीन ला करत आयकिन, एकोलाई मोठा याजक अना मोसे को नियम को गुरु ना ओला धरन लाई सिपाही धाड़िन। 
\v 33 तबा यीसु ना कहीस, “मी काही बेरा तुम्हरो संग सेव, तबा मि आपरो धाड़न वालो परमेस्वर को जवर चलो जाहुँ। 
\v 34 तुमी मोला ढुँढ-ढाँढ\f + \fr 7:34\fr*\ft खोज करो\ft*\f* करहो, पर मि तुमला नही मिलुँ, काहेका मि जिता जासू, वहान तुमी नही आय सकसो।”
\p
\v 35 यहुदी अधिकारी आपसी मा कहिन, “उ किता को जघा ला जासे का हमी ओला नही पायबिन?” का उ युनानी नगर ला ता नही जासे का वहान तितिर-बितिर रव्हन वाला यहुदी गीनला, युनानी मा सिक्सा सांगेह? 
\v 36 यो गोस्टी को का मतलब से? का उ कव्हसे का तुमी मोला तपासो पर नही पायबिन, अखिन जिता मि जाहु उता तुमी नही आय सकबिन।
\s जिन्दगी को पानी को नद्दी
\p
\v 37 तिहार को आखरी दिवस मा यीसु उभो हुयो, अना जोर लक कव्हन लगयो, “जोन कोनी भी तहान होय, उ मोरो कठा आयेत।” 
\v 38 जोन कोनी बिस्वासी होयके मोरो मा लक पिहे, पवितर गिरंथ मा असो लिख्यो से, ओको भितर लक जिंदगी को पानी को झरना\f + \fr 7:38\fr*\ft धारा\ft*\f* बोह जाहेत। 
\v 39 यीसु ना यो गोस्टी पवीतर आतमा को बारे मा साँगयो होतो, जेनला ओको पर भरोसा ठेवन वालो पावन वालो होतीन। काहे की पवीतर आतमा अबा तकन नही उतरयो होतो। काहे की यीसु आपरो महिमा अबा तकन नही भेटयो होतो।
\p
\v 40 भीड़ मा लक काही लोकहुन ना यीसु ला यो कव्हत आयकिन अखिन कहिन, “यो मानूस ता वाकई मा भविस्यवक्ता आय!”
\p
\v 41 अना दुसरो ना कहिन, “उ ता मसीह आय!”
\p पर कोनी-कोनी कव्हन लगीन, “का मसीह गलील नगर लक आहेत?” 
\v 42 का पवितर गिरंथ मा यो लिख्यो से? का मसीह दाऊद को खानदान, बैतलेहम गाँव मा जलम लियो, अना दाउद को नगर लक आहेत, जहान दाऊद रव्हत होतो। 
\v 43 तबा असो गोस्टी को कारन लक, भीड़ मा फुट पड़ गई। 
\v 44 उनमा लक काही लोकगीन ओला धरनो चाव्हत होतीन, पर वा कोनी को हात मा नही आयो।
\s यहुदी मुखिया को अबिस्वास
\p
\v 45 जबा सिपाही वापिस होयके मुखिया याजक अना मोसे को नियम को गुरू जवर आइन। तबा उनना सिपाही लक पुसिन, “तुमी काय लाई ओला नही आनयत?”
\p
\v 46 सिपाही ना साँगिन, “आज तकन आमिना ओको जसो कोनी मानूस ला गोस्टी करता नही चोया!”
\p
\v 47 मोसे को नियम को गुरू गीनना उनला कहीन, “का तुमी भी भरमाया गया सेव?” 
\v 48 कोनी भी यहुदी मुखिया अना मोसे को नियम को गुरू गीनना ओको पर भरोसा नही करीन? 
\v 49 यो लोक जोन मोसे को नियम नही जानासेति‌ वय सापित सेति।
\p
\v 50 नीकुदेमुस जोन पुढा वोको जवर आयो होतो, उ उनमा लक एक होतो, उनला कहीस। 
\v 51 का आमरो मोसे को नियम मा, असो नही लिख्योसेत? का जबा तकन वोको बारे मा यो जान नही लेव, उ काजक करासे, कसो दन्ड ठहरायो जाहेती?
\p
\v 52 ओन्हीसिन ओला जवाब देईन, का तु भी गलीली सेस? तू ढूढ-ढान्ड कर अना खोज, का गलील मा कोनी भविस्यवक्ता भयो से? 
\v 53 तबा वय सब वहान लक आपरो घर ला चली गईन।
\c 8
\s बैस्या बायका ला छिमा
\p
\v 1 यीसु मंग जैतून पहाड़ पर चली गयो। 
\v 2 पहट ला मंदिर मा आयो, तबा सब लोकगीन मंदिर मा आवन लगीन, यीसु वहान बसके उनला सिक्सा देवन लगयो। 
\v 3 तबा यहुदी अगुवा अना मोसे को नियम को गुरू गीन एक बायको ला आनीन जोन छिनाला\f + \fr 8:3 \fr*\ft व्यभिचार \ft*\f* करत धरी गई होती। ओला बीच मा उभी करके यीसु लक कहीन, 
\v 4 “हे गुरूजी, या बायको छिनाली करत धराय गईसे। 
\v 5 मोसे को नियम मा हम ला हुकूम देईसेस की असी बायको ला गोटा लक मारो जाय, एको बारे मा तोरी काजक राय से?” 
\v 6 ओन्हीसीन यीसु ला फसावन लाय यो गोस्टी पुस रही होतीन, जोनको लक उनला कोनी असो बहाना मिल जाहेत का ओको पर दोस लगाय सकेत। पर यीसु खाल्या नवके अखिन आपरी कंरगी लक जमीन मा लिखन लगयो।
\p
\v 7 काहेकि जबा वय ओको लक पुसत रहिन, एकोलाई यीसु सीधो तनके उनलक बोलिस, “तुमी मा लक जोन पापी नहात वाच सबलक पयले एने बायका ला गोटा मारे।” 
\v 8 अना मंग उ जमीन मा वोनो भयके लिखन लगयो। 
\v 9 जबा लोकहुन ना असो आयकिन, तबा मोठो लक नहानो तकन, एक-एक करके उता लक हिट गईन। असो यीसु च उता एकलो रह गयो। यीसु को मोहरा वा बायको अबा भी उभी होती। 
\v 10 तबा यीसु उभो भयो अना ओनो बायका लक बोलिस, “ओ बायका, वय सब किता गईन? का कोनी ना तोला दोसी नही ठहरायीन?” 
\v 11 बायका कव्हासे, “हे पिरभू! कोन्हीसीन नही।” यीसु ना कहीस, “मि भी तोला दन्ड नही देहुँ, जाय अना मंग कबच पाप नोको करजोस।”
\s जगत को उजाड़ो यीसु
\p
\v 12 मंग वहान पायो जावन वाला लोक गीनला यीसु ना कहीस, “जगत को उजाडो मि सेव। जोन मोरो मंघा चलहेत कबच इंधारो मा नही रहेत, पर ओला उजाड़ो मिल्हेत जोन जिंदगी देवासे।”
\p
\v 13 एतरो पर मोसे को नियम को गुरू यीसु लक कव्हासेत, “तु आपरी गवाही\f + \fr 8:13\fr*\ft गवाही\ft*\f* खुदच देसेस, एकोलाई तोरी गवाही खरी नहात।”
\p
\v 14 तबा यीसु ना उन ला साँगिस, “अदी मि आपरो पुरूप खुदच देवासु ता भी मोरो पुरूप खरो से, काहे की मि जानासेऊ की मि किता लक आयीसेऊ, अना किता लक जावासू। पर तुमी नही जानासेव की मि किता लक आयीसेऊ अना किता लक जावासेऊ। 
\v 15 तुमी मानूस की उसुल पर न्याय करोसो, मि कोनी को नियाव नही करूँ। 
\v 16 तरी अदी मि न्याय करूँ, ता मोरो न्याय खरो से। काहे की मि एकलो नही सेव। पर मोठो दाअजी अजी, जेना मोला धाड़ीसेस, उ अना मि मिलके न्याय करासेत। 
\v 17 मि आपरी गवाही खुदच देवासेऊ अना मोठो दाअजी अजी भी, जेना मोला धाड़ीसेस, मोरो कन लक गवाही देसे। 
\v 18 एक तो मि खुदच आपरी गवाही देवासु। अना दुजो से परमेस्वर बाबूजी, जोन ना मोरो कनलक गवाही देइसेस, जोन ना मोला धाड़िसेस।”
\p
\v 19 ऐतरो मा लोकहुन यीसु ला कव्हासेत, “तोरो अजी किता से?” यीसु ना कहीस, “तुमी नही जानासो, का मि कोन सेऊ? अना मोरो अजी ला भी नही जानासो, अदि तुमी जानतत, ता मोरो अजी ला भी जान लियो रव्हतत।”
\p
\v 20 यीसु ना या गोस्टी उनला मंदिर मा सिक्सा देतो बेरा भन्डार घर मा कहीस, तरी कोनी ना ओला नही धरीन, काहेकि ओको बेरा अबा नही आयो होतो।
\s यीसु किता को से, यहुदी ना नही जान पाईन
\p
\v 21 यीसु ना मंग एक गन उन ला कहीस, “मि चली जाहु, तुमी मोला ढुंढ-ढान्ड करने, पर तुम्हि आपरो पापहुन मा मर जाहो। जिता मि जावासेऊ वहान तुमी नही आय सकने।”
\p
\v 22 मंग यहुदी अगूवा कव्हन लगीन, “का तुमी सोचसो का उ आपरो खुदच ला मार देहे? काहेकि ओना कहिसेस तुमी वहान नही आय सकने जहान मि जावासेऊ।”
\p
\v 23 ओना उन ला कहीस तुमी धरती का सेव, मि वरता\f + \fr 8:23 \fr*\ft ऊपर\ft*\f* लक आयी सेऊ। अना तुमी दुनियाँ का आव, मि दुनिया को नही आऊ। 
\v 24 एको लाई मिना तुमला कव्हयो, की तुमी पाप मा मरोह। काहे की तुमी भरोसा नही ठेवो, की मि वाच सेऊ।
\p
\v 25 मंग ओन्हीसीन ओको लक पुसिन, “तु कोन आस?”
\p यीसु ना उन लक जवाब देइस, मि सुरू लक तुमला साँगत आयीसेऊ, वाच सेऊ। 
\v 26 तुमरो बारे मा मोला लगत गोस्टी कव्हनो से, अना तुमरो न्याय करनो से। पर मोरो धाड़न वालो परमेस्वर खरो से। मीना जोन गोस्टी ओको लक आयकीसेऊ। वाच मि जगत लक कव्हसू।
\p
\v 27 वय नही समज पाईन की आमी ला उ परमेस्वर दाअजी को बारे मा कव्हासे। 
\v 28 तबा यीसु न कहीस जबा तुमी मानूस को टूरा वरता मा चघावने, तो जान लेवने की मि वाच आऊ। अना मि आपरो आप लक काही नही करासू। पर जसो मोरो परमेस्वर दाअजी ना सिकाईसेस वसोच गोस्टी कव्हसू। 
\v 29 मोरो धाड़नवालो मोरो सँग से, ओने मोला एकलो नही सोड़ीसेस, यो काजी सदा वाच काम करासू, जोको लक परमेस्वर खुस रव्हासे।
\p
\v 30 यीसु की यो गोस्टी ला आयक के लगत लोकइन ना ओको बिस्वासी होय गयीन।
\s पाप लक सूटकारा को पिरवचन
\p
\v 31 तबा यीसु ना वोको पर भरोसा राखनवालो यहूदी गीनला कहीस, अदी तुमी मोरो गोस्टी ला आयको, ता खरो मा मोरो चेला कहलाहो। 
\v 32 अना खराई ला जान लेवने तो खराई तुमला सूटकारा देहेत।
\p
\v 33 ओन्हिसीन यीसु लक सवाल पुसासेत, “आमी तो अबराहम को खानदान\f + \fr 8:33 \fr*\ft खानदान\ft*\f* को सेजन। आमी कोनी का गुलाम नही भयो, मंग तु कसो कव्हासेव तुमिला सूटकारा मिलहेत?”
\p
\v 34 यीसु ना उन ला जवाब देइस, मि तुमला खरो-खरो कव्हुसू। हर कोनी जोन पाप करासे, पाप को दास से। 
\v 35 कोनी दास हमेसा घर मा नही रव्ह सका, पर टूरा हमेसा संग रव्होसे। 
\v 36 तबा अदी टूरा तुमला सूटकारा देहेत, तबा सच्ची मा तुमी पाप लक सूटकारा पाहो।
\p
\v 37 मि जानासु की तुमी अबराहम को खानदान का सेव। मंग मोरो सबद तुमरो मनमा नही समावासे, तबच तुमी मोला मार डाकनो चाव्हासेव। 
\v 38 मि वाच कव्हुसू जोन मिना आपरो परमेस्वर अजी को इता चोविसेऊ। अना तुमी वाच करोसो जोन तुमीना आपरो अजी सैतान लक आयकासेव। 
\v 39 एतरो पर ओन्हिसीन यीसु ला जवाब देइन, “आमरो अजी ता अबराहम से।”
\p यीसु ना कहीस, “अदी तुमी अबराहम की औलाद होतत ता अबराहम को जसो काम करतत। 
\v 40 पर तुमी ता मोरो जसो मानूस ला मार डाकन चाव्हसेव, जेने तुमला उ खराई ला साँगिसेस जो मोठो परमेस्वर लक आयकीसेस। अबराहम ना ता असो नही करयो होतो। 
\v 41 तुमी आपरो अजी को काम करोसो।” मंग ओन्हीसीन यीसु लक कहीन, “आमी छिंडरापन लक नही जनम नही लियासेजन। आमरो एकच अजी परमेस्वर से अना उ पवीतर से।”
\p
\v 42 यीसु ना उन लक कहीस अदी परमेस्वर तुमरो अजी होतो ता तुमी मोरो लक माया राखतत। काहे की मि परमेस्वर कन लक हिटके आईसेऊ, अना अबा यहान सेऊ। मि खुद नही आईसेऊ, पर ओना मोला धाडीसेस। 
\v 43 एकोलाई तुमी मोरो समाचार नही आयकासो, एकोलाई नही समजासो का मि काजक कह रही सेऊ। 
\v 44 तुमी आपरो अजी सैतान कन लक सेव, अना आपरो अजी को लालसा ला पूरी करनो चाव्हासेव। उ ता सुरू लक खूनी से, खराई लाय सच्चो नही रव्हे। काहे की सच ओमा नहाती, जबा उ झुठो सांगासे ता आपरो आचरन च लक सांगासे, काहे की उ झुठो से, अना झुठो को अजी से। 
\v 45 “पर काहेकि मि खराई कव्ह रही सेउ एकोलाई तुमी मोरो भरोसा नही करतत।” 
\v 46 तुमी मा लक कोन मोला पापी होवन को लानछान लगाय सकासे। अदी मि खराई लक कव्हसू, तो तुमी मोरो भरोसा कायलाई नही करतत। 
\v 47 जोन मानूस परमेस्वर को होवासे, उ परमेस्वर की गोस्टी ला आयकासे, तुमी एकोलाय नही आयको की परमेस्वर कन लक नही सेव।
\s यीसु अबराहम को पहले रव्हसे
\p
\v 48 यो आयक के यहूदिगीन ना ओला कहिन, “का हमी खरो नही सांगासेजन, का तू सामरी आस अना तोरो मा भूत से?”
\p
\v 49 यीसु ना जवाब देईस, मोरो मा कोनी भूत नहात। पर मि आपरो अजी को मान करुसु अना तुमी मोरो बेईज्जती करोसो। 
\v 50 पर मि आपरी बड़ाई नही चाव्हासेऊ, पर एक से जोन मोरी बड़ाई चाव्हासे अना न्याय करासे। 
\v 51 मि तुमला खरो कव्हसु की अदी कोनी मानूस मोरो कव्हो गयो गोस्टी ला आपनासे ता उ मिरतु ला कबच नही चोहेत।
\p
\v 52 एतरो पर यहुदी अगूवा गीनना ओला कहिन, “अता आमला मालुम भय गयो से का तोरो मा कोनी भूत से। अबराहम अना भविस्यवक्ता गीन मर गयो सेत। अना तु कव्हसेस अदि कोनी मोरी गोस्टी ला आपनाहे ता ओकी मिरतु कभ्भू नही होयेत। 
\v 53 का तु आमरो पुरखा अबराहम लक मोठो आस? जोन मर गयो, अखिन भविस्यवक्ता भी मर गयीन। तु अपरो आप ला काजक समजासे?”
\p
\v 54 यीसु ना जवाब देईस, अदी मि आप आपरी बड़ाई करु ता मोरी बडाई काही नही, पर मोरी बडाई करन वालो मोरो परमेस्वर बाबूजी से, जेनला तुमी कसो की उ आमरो परमेस्वर आय। 
\v 55 अना तुमी तो ओला नही जानो, पर मि ओला जानसेऊ, अना अदी मि कहुँ की ओला नही जानु तो मि तुमरो जसो झुठो ठहरू। पर मि ओला जानासेऊ, अना ओको सबद\f + \fr 8:55\fr*\ft गोस्टी\ft*\f* मा चलासेऊ। 
\v 56 तुमरो पुरखा अबराहम मोला चोवन की आसा लक लगत खुस होतो, अना ओना चोय लेइस अना खुसी मनाईस।
\p
\v 57 मंग यहूदी अगूवागीन ना ओला कहीन, “अब तकन तु पचास बरस को नही भईसेस, मंग तु ना अबराहम ला कसो चोय लियोसे?”
\p
\v 58 यीसु ना उनला कहीस, “मि तुमी लक खरो कव्हसु, की पुढा अबराहम पैदा भयो, एको लक पुढा मि सेउ।”
\p
\v 59 तबा ओन्हीसीन ओला मारन लाई गोटा उचलीन पर यीसु हिटके मंदिर लक चलो गयो।
\c 9
\s जन्म को अँधरा ला साजरो करनो
\p
\v 1 मंग जातो बेरा ओना एक मानूस ला चोवीस, जोन जनम लक अँधरा होतो। 
\v 2 एतरो पर यीसु को चेलाहुन ना ओको लक पुसिन, “हे गुरू कोन ना पाप करीसेस, की यो अँधरा जनम लेइसे, यो मानूस ना, का ओको माय-अजी ना?”
\p
\v 3 यीसु ना जवाब देइस, “ना तो ओना पाप करीसेस, ना ओको माय-अजी ना, पर यो एकोलाय अँधरो भयो की परमेस्वर को काम दिसायो जाहे। 
\v 4 जोन मोला धाडिसेस आमीला ओको काम दिवस मा करनो से अना उ रात आनो पर से, जोनमा कोनी काम नही कर सका। 
\v 5 जबा तकन मि दुनिया मा सेउ, तबा तकन दुनियाँ को उजाड़ो सेव।”
\p
\v 6 असो कव्हके ओना धरती मा थुकीस, अना वा थुक लक माटी ला सानिस अना उ माटी ला अँधरा को डोरा मा लगायके रगड़ देईस। 
\v 7 अना ओला कहीस “जाय सीलोह को कुन्ड मा धोय ले! मंग अँधरा ना जायके डोरा ला धोय लेइस, जबा उ मंघा वापिस भयो ता ओला चोवन लगयो।”
\p
\v 8 तबा सेजारवारा अना जोन्हीसीन ओला पयले भीक मांगत चोवत होतीन, कव्हन लगीन, का यो वाच मानूस नही से, जोन बसके ना भीक मांगत होतो?
\p
\v 9 काही लोकगीन ना कहिन, “यो वाच से” दुसरो ना कहिन, “नही, यो उ नही से, ओको जसो चोवासे।”
\p एतरो पर अँधरा ना कहीस, “मि वाच सेव।”
\p
\v 10 तबा वय ओको लक पूसन लगीन, “तोरो डोरा कसो उघड गईन?”
\p
\v 11 वोना जवाब देइस, “यीसु नाव को एक मानूस ना माटी गिली करीस, अना मोरो डोरा मा लगायके मोरो लक कहीस, जाय अना सीलोह मा जायके धोय ले! अना मि जायके धोयो बस एतरो पर मोला चोवन लगयो।”
\p
\v 12 मंग लोकहुन ना वोको लक पुसिन, “उ किता से?”
\p वोना कहीस, “मि नही जानु।”
\s मोसे को नियम को गुरूहुन लक जाँच पड़ताल
\p
\v 13 लोक ओला जोन पयले अँधरा होतो, मोसे को नियम को गुरू को जवर आनीन। 
\v 14 जोन दिवस मा यीसु ना माती ओदी करके अँधरा ला डोरा उघाड़ो होतीस, वा बिसराम दिवस होतो। 
\v 15 मंग एक गन मोसे को नियम को गुरू ना ओको लक पुसिन, “का ओको डोरा कसो उघड़ीन?” ओना सांगीस, “ओना मोरो डोरा पर ओदी माती लगाइस, मंग मिना धोयो अना अता मि चोय सकासू।”
\p
\v 16 एतरो पर काही मोसे को नियम को गुरू कव्हन लगीन, यो मानूस परमेस्वर को कन लक नहात, काहेकि उ बिसराम दिवस को पालन नही करासे।
\p ओतरो पर दुसरो ना कहीन, “कोनी पापी मानूस भला असो निसान कसो दिसाय सकासे?” असो परकार लक उनमा आपसी मा फूटफैर भय गई।
\p
\v 17 वय एक गन मंग ओनो अँधरा लक कहिन, “ओको बारे मा तु काजक कव्हासेत? काहेकि ऐना बिसय ला तु जानासेस की ओने तोला डोरा देईसेस।” तबा ओना कहीस, “उ भविस्यवक्ता आय।” 
\v 18 यहूदी अगुवाहुन ना ओनो बेरा ओको पर बिस्वास नही करीन की उ मानूस अँधरा होतो अना ओला डोरा लक चोवन लगयो होतो। तबा ओको माय-अजी ला बुलवाइन। 
\v 19 अना उनको लक पुसीन, “का यो च तुमरो टूरा आय! जोनको बारे मा तुम्हि सांगासेव की उ अँधरा होतो? मंग यो कसो चोवन लगयो।”
\p
\v 20 ओको माय-अजी ना जवाब देइन, “का हमी ता जानसेजन की यो हमरो टूरा आय, अना यो अँधरा जलम लियो होतो। 
\v 21 पर हमी अता नही जानसेजन की अबा कसो चोवासे? अना नही जानासेजन का येको डोरा कोन ना उघाडीसेस? एको लक पुस लेव अता उ अकलवर से, आपरो बारे मा उ खुदच साँग देहे।” 
\v 22 यो गोस्टी ला ओको माय-बाबूजी ना एको लाई कहिन का वय यहूदी अगुवागीन लक डरात होतिन। काहेकि यहुदी अगुवाहुन यो गोस्टी लक एक मन भयो होतिन, का अदी कोनी कहेत की उ मसीह से, ता वोला मंदीर को सभा लक हेड़ दियो जाहे। 
\v 23 एकोलाई ओको माय-अजी ना कहीन, “उ मोठो भय गयो से, ओकोच लक पुस लेव।”
\p
\v 24 तबा उनना उ मानूस ला जोन अँधरा होतो दुसरो गन बुलाइन, अना कहिन, “खरो साँग, जोन तु साजरो भयो से, ओको कारन परमेस्वर को बड़ाई कर! हमिला मालुम से की उ मानूस पापी आय।”
\p
\v 25 एको पर ओना जवाब देइस, “मि नही जानु की उ पापी से का न्यायी से, मि ता बस यो जानासेऊ की मि अँधरा होतो, अना अता चोवन लगयो।”
\p
\v 26 यो गोस्टी पर उनना ओको लक पुसिन, “ओना तोरो सँग काजक करीसेस? ओना तोरो डोरा कसो उघाडीसेस?”
\p
\v 27 असो गोस्टी पर ओना जवाब दियो, मि ता तुमला साँग दियो, पर तुमी नही आयकत!अता दुसरो गन कायलाई आयकनो चाव्हासो? का तुमी भी ओको चेला बननो चाव्हासो?
\p
\v 28 एको पर वय ओला बेज्जत करीन अना कहिन, “तुच ओको चेला सेस, पर आमी ता मोसे भविस्यवक्ता को चेला आजन। 
\v 29 आमी ता जानासेजन का परमेस्वर ना मोसे भविस्यवक्ता लक गोस्टी करी होतिस, पर एला नही जान पाया की उ किता लक आयीसे?”
\p
\v 30 ओना उन ला जवाब देइस, “या ता अचंभा से, तुम्हिला मालूम नहात कि वा किता को आय? पर ओना मोरो डोरा उघाड़ीसेस। 
\v 31 हमि जानसेजन, का परमेस्वर पापी गीनको नही आयकासे पर अदी कोनी परमेस्वर को भगत से अना ओकी मरजी पर चलासे ता उ ओकी आयकसे। 
\v 32 जूनो जमाना लक यो कभ्भू आयकनो मा नही आयो का कोनी ना जलम लक अँधरा को डोरा उघाड़यो से। 
\v 33 अदी यो मानूस परमेस्वर को कन लक नही होतो, ता यो काही भी नही कर सकतो।”
\p
\v 34 उनना जवाब देइन, “का तु खरो-खर मा पाप मा रहयोसेस, अना पाप लक जलम लेयीसेस। अना अता तु हमला सीकावासे?” अना उनना वोला बाहेर हेड़ देयीन।
\s मन को अँधरापन
\p
\v 35 यीसु ना आयकिस की उनना ओला बाहेर हेड देइन, अना जबा वोला मिलयो ता कहीस, “का तु मानूस को टूरा पर भरोसा करासेस?”
\p
\v 36 ओना मानूस ना जवाब देइस का, “हे पिरभू, उ कोन आय, जोको पर मि भरोसा राखु?”
\p
\v 37 यीसु ना ओला कहीस, “तु ना ओला चोवीसेस, अना जोन तोरो सँग गोस्टी करा से वोच आय!”
\p
\v 38 ओना कहीस, “हे पिरभू मि भरोसा करासू।” अना ओला परनाम करीस। 
\v 39 तबा यीसु ना कहीस, “मि यो संसार मा न्याय करन ला आइसेऊ। काहेकी जोन नही चोवासेत वय चोवेत, अना जो चोवासेत वय अँधरा भय जाहेत।”
\p
\v 40 जोन मोसे को नियम को गुरू ओको सँग होतिन, “उनना यो गोस्टी आयक के ओको लक कहिन, का हमि अँधरा सेजन?”
\p
\v 41 यीसु ना उनला साँगीस, “अदी तुम्हि अँधरा नही होतत, तो मोला पापी नही ठहरतत। पर अब कव्हसो की हमि चोवसेजन, एकोलाय, तुम्हरो पाप बनो रव्हासे।”
\c 10
\s चरवाहा अना मेढा गीन को बोधकथा
\p
\v 1 यीसु ना कहीस मि तुमला खरो-खर कव्हासू, जोन कोनी बेसकुड़ लक मेंढा को कोठा मा नही धसासे, पर कोनी दुसरो परकार लक धसासे, उ चोट्टा अना डाकु आय। 
\v 2 पर जोन मानूस बेसकुड़ लक भीतर धसासे, उ मेढा को चरानवालो से। 
\v 3 जबा उ आपरो मेढा हुनला बाहेर हेड़ देसे अना उनको मोहरा-मोहरा चलासे। अना मेढा ओको आवाज ला आयकासेत अना ओको मंघा चलासेत। 
\v 4 जबा उ आपरी सप्पा मेंढ़ा ला बाहेर हेड़ लेवासे, ता उनको पुढा-पुढा चलासे, अना मेढा ओको मंघा-मंघा होय जासेति। काहेका वय ओको आवाज जानासेत। 
\v 5 पर वय पराया को मंघा नही जासेत, पर ओको लक परायेत काहेका वय परायो को आवाज नही जानासेत। 
\v 6 यीसु ना उन लक यो बोधकथा कहीस, पर वय नही समझ पाईन का यो का गोस्टी से जोन वा उनलक कव्हसे।
\s यीसु साजरो चरानवालो
\p
\v 7 तबा यीसु ना उन लक सांगयो, मि तुमी लक सही-सही कव्हसु, मेढा गीनको बेसकुड़ मि सेव। 
\v 8 जेतरो मोरो लक पुढ़ा आइन, वय सबच चोट्टा अना डाकु सेति, पर मेढा गीनना उनकी नही आयकिन। 
\v 9 बेसकुड़ मि सेव, अदी कोनी मोरो लक भितर धसेत, तो सूटकारा पाहेत, अना भीतर बाहेर आवनो-जावनो करहेत अना चारा पाहेत। 
\v 10 चोट्टा अखीन कोनी काम लाई नही आवासे, पर चोरी करन अना मार डाकन बरबाद करन ला आवासे। मि एकोलाय आई सेउ, की वय जिंदगानी पाहेत, अना लगत लक पाहेत। \fig मेंढागिन को कोठा मा मेढ़ा को चरान वालो|alt="Shepherd with his sheep in sheepfold" src="LB00014C.TIF" size="span" copy="Horace Knowles ©" ref="10:7"\fig*
\p
\v 11 मि साजरो चरानवालो सेव, साजरो चरान वालो मेढा गीन लाई आपरो जान देवासे। 
\v 12 बनिहार जोन ना तो मेढा को चरान वालो से अना मेढा को मालीक आय, बीघा ला आवता चोवके मेढा गिनला सोड़के पराय जासे, अना बीघा उनला धर लेवासे, अना छित्तरा देवासे। 
\v 13 उ एक बनिहार आय अना वोला मेंढा गीनको फिकर नहात, एकोलाय वा उनला सोड़के पराय जावासे। 
\v 14 मि साजरो चरानवालो सेउ, मि आपरी मेढागिन ला जानासेऊ अना मोरो मेढा मोला जानासे। 
\v 15 जसो बाबूजी मोला जानासे अना मि बाबूजी ला जानासु अना मि मेढा लाई आपरो जान देवासेउ।
\p
\v 16 मोरो अखीन मेढा सेत, जोन यो मेंढ़ा खोली को नाहती, मोला उनला आननो जरुरीसेत। वय मोरो आवाज आयकेत, तबा एक करप अना एक चरानवालो होयेत। 
\v 17 बाबूजी एको लाई मोरो लक माया राखासे, की मि आपरो जान देवासेउ की ओला मंग ले लेहु। 
\v 18 मोरो जिंदगानी कोनी मोरो लक नही हीसक सकासे। पर मि ओला आपच देवसेउ, मोला ओला देवनो को भी हक से अना ओला मंग लेवन को हक से। यो हुकूम मोरो बाबूजी लक मोला मिलिसे।
\p
\v 19 या गोस्टी को कारन लक यहूदिगीन मा मंग फुट पड़ गई। 
\v 20 उनमा लक लगत कव्हन लगीन, ओमा भुत से, अना उ बैताड़ से, ओकी कायलाई आयकासेव? 
\v 21 अखीन लोकहुन ना कहिन, यो गोस्टी असो मानूस को नही जोनमा भुत-पलित से। का भुत-पलित अँधरा की डोरा उघाड़ सका सेत?
\s यहूदिगीन को यीसु मा भरोसा नही करनो
\p
\v 22 ओनो दिवस मा यरुसलेम मा मंदिर को उदघाटन दिवस मनायो जात होतो, अना जाड़ो की बेरा होतो। 
\v 23 यीसु मंदिर मा सुलेमान को अँगना मा फिरत होतो। 
\v 24 तबा यहूदिगीन ना ओला घेर लेइन, अना पुसन लगीन, “तु कब तकन हमला संका मा राखजोस? अदी तु मसीह आस ता हमला साँग दे।”
\p
\v 25 यीसु उनला साँगिस, “मिना तुम्हि ला साँगीसेव पर तुमला भरोसा नहाय।” मि आपरो बाबूजी को नाव लक जोन काम करासू, वाच मोरो पूरुप से। 
\v 26 पर तुमी भरोसा नही राखोसो, काहेकी मोरी मेढा गीनमा लक तुम्ही नही सेव। 
\v 27 मोरी मेढा मोरी गोस्टी ला आयकासेत, मि उनला जानासेऊ अना वय मोरो मंघा-मंघा चलसेति। 
\v 28 मि उनला अमर जिंदगी देवासु, वय कभ्भू च नास नही होहेत। अना कोनी उनला मोरो हात लक नही हिसकेत\f + \fr 10:28 \fr*\ft छुड़ायेत\ft*\f*। 
\v 29 उनला मोरो दाअजी ना मोला देइसेस, अना कोनी उनला दाअजी को हात लक नही हिसक सकेह। 
\v 30 मी अना मोरो अजी दूई एकच सेजन।
\p
\v 31 मंग यहूदी अगुवाहुन ना ओला मारन लाई गोटा\f + \fr 10:31\fr*\ft पत्थर\ft*\f* उचलीन। 
\v 32 एतरो पर यीसु ना कहीस की, मि तुमला आपरो बाबूजी को लगत सा काम चोवायो, उनमा लक कोन तो भला काम लक मोला गोटा मारासो।
\p
\v 33 यहूदिगीन ना जवाब देईन “भलो काम को लाई नही पर तु परमेस्वर की निन्दा करासेस एको लाई आमी मारासेजन। तु मानूस होयके भी आपरो आप ला, परमेस्वर मानासेत।” 
\v 34 यीसु उनला कव्हसे, का यो भी तुमरो मोसे को नियम अना गिंरथ मा लिखियो से? का मिना कहयो सेऊ, “तुमी सबच परमेस्वर सेव?” 
\v 35 आमी जानसेजन का गिरंथ जोन कव्हासे उ हमेसा को लाई सच्चो से, अना परमेस्वर ना उन लोक हुनला परमेस्वर कहयो, जोन लोक हुनला ओको बारता दियो गयो होतो।
\p
\v 36 “अता जोनला बाबूजी ना चघावा ठयरायके जगत मा धाड़ीसेस, का तुमी एकोलाई ओला कव्हसो, तु परमेस्वर की निन्दा करासेस? एकोलाय मि ना कव्हयो, मि परमेस्वर को टूरा सेउ। 
\v 37 अदी मि आपरो दाअजी को मरजी को जसो काम नही करासू, ता मोरो भरोसा नोको करो। 
\v 38 पर अदि मि आपरो मोठो दाअजी को काम करासेउ, ता चाहे मोरो बिस्वास नोको करो, पर काम पर ता बिस्वास करो। जोन लक तुम्हिला पता लग जाय का बाबूजी मोरो मा से अना मी बाबूजी मा सेऊ।”
\p
\v 39 तबा उनना मंग ओला धरन को कोसिस करीन, पर उ उनको हात लक बूचक गयो। 
\v 40 मंग उ यरदन नदी को वोनागन पराय गयो। जिता योहन पुढा बप्तिस्मा देवत होतो, अना उतच रहयो। 
\v 41 तबा लगत लोक ओको कठा आयके कव्हन लगीन, योहन ना तो कोनी निसान नही दिसाइस, पर जोन काही योहन ना येको बारे मा सांगी होतीस, उ सब खरो से। 
\v 42 अना उता लगत लोकगीन ना यीसु पर भरोसा करीन।
\c 11
\s लाजर को मरनो
\p
\v 1 एक आदमी को नाव लाजर होतो, उ आपरो बहिन मरियम अना मारथा को संग बैतनिय्याह नगर मा रव्हत होतो, उ बिमार भई गयो। 
\v 2 या वाच मरियम से, जेना पिरभू पर इतर डाकके ओको पाय ला चुन्दी लक मलन लगीन। वोको भाऊ लाजर बीमार होतो। 
\v 3 एको लाई ओकी बहिन गीनना ओको जवर खबर धाड़िन, “ओ पिरभू, अता चोव, जेनको लक तु माया राखसेस, उ बीमार पड़यो से।”
\p
\v 4 यो आयक के यीसु ना कहीस, “यो बीमारी मरन लाय नहाय, पर परमेस्वर की महिमा लाय भईसे, जेनालक परमेस्वर को टूरा की महिमा होय।”
\p
\v 5 यीसु मारथा, ओकी बहिन अना लाजर सब लक माया राखत होतो। 
\v 6 जबा ओना आयकिस की लाजर बीमार से, तबा उ जहान होतो उतच दुई दिवस अखीन रूकयो। 
\v 7 तबा उ चेला गीन लक कहीस, “आव आमी यहुदिया ला चलबीन।” 
\v 8 चेला गीनना कहिन, “गुरू, अबा तो यहूदी तोला गोटा मारत होतीन, अना अबा तु उता जावासेस?”
\p
\v 9 यीसु ना जवाब देईस, “का दिवस मा 12 तास नही होवासे? अदी कोनी दिवस-दिवस मा चलासे ता खोद्दा नही खावासे, काहेकि यो जगत को उजाड़ो चोवासे। 
\v 10 पर अदी कोनी राति मा चलासे ता खोद्दा खावासे, काहेकि उ इंधारो मा चलासे।” 
\v 11 यो गोस्टी सांगनो पर यीसु ना कहीस, “हमरो संगी लाजर जप मा से, मि ओला जगान जावासु।”
\p
\v 12 तबा चेला ना ओला कहिन हे पिरभू अदी उ जप मा से, तो उ साजरो भई जाहे।
\p
\v 13 यीसु ना तो वोको मौत को बारे मा सांगी होतीस, पर वय समजीन की जप को बारे मा सांगसेस। 
\v 14 तबा यीसु ना उन लक सप्पा-सप्पा कह देईस “लाजर मर गई से, 
\v 15 अखीन मि खुस सेव का आमी उता नही होता, का तुमी भरोसा करहो। पर आव, आमी ओको कठा जाबिन।”
\p
\v 16 तबा थोमा, “जोन दिदमुस\f + \fr 11:16\fr*\ft जुड़या\ft*\f* कहलावसे, आपरो संगी चेला गीन ला कव्हसे, आव, हमि भी ओको सँगा मरन ला चलबिन।”
\s यीसु खुद पुनरुत्थान अना जीवन आय
\p
\v 17 उता पहुचनो पर यीसु ला मालुम भयो, की लाजर ला मरयो अना मरघट्टी मा राखो चार दिवस भई, 
\v 18 जोन बैतनिय्याह यरुसलेम को जवर कोनी तीन किलोमीटर \f + \fr 11:18\fr*\ft दोन मील \ft*\f*की दुरी पर होतो। 
\v 19 लगत यहूदिगीन मारथा अना मरियम को जवर ओको भाऊ की मौत पर सान्ती देवन लाई आई होतीन।
\p
\v 20 जबा मारथा ना यीसु को आवन को खबर आयकिस, ता ओला मिलन को लाई गई, पर मरियम घर मा बसी रहयी। 
\v 21 मारथा ना यीसु लक कहीस, हे पिरभू! अदी तु यहान होतो, ता मोरो भाऊ कभ्भूच नही मरतो 
\v 22 अखीन अबा भी मि जानासेऊ की जोन कही तु परमेस्वर लक माँगजो ता परमेस्वर तोला देहे। 
\v 23 यीसु ना ओको लक कहीस, तोरो भाऊ जिँदो भई जाहे।
\p
\v 24 मारथा ना ओला कहीस, मि जानासेऊ की आखीर दिवस मा सबको जित्तो होवनो \f + \fr 11:24\fr*\ft मर हुओ मे से जी उठना\ft*\f* को बेरा उ जी उठेत।
\p
\v 25 यीसु ना ओला कहीस, जित्तो होवनो, अना जिंदगी मि सेउ, जोन कोनी मोरो पर भरोसा करेत, उ अदी मर भी जाहेत ता भी जीहेत। 
\v 26 अना जोन कोनी जित्तो से अना मोरो पर भरोसा करासे, उ अमर काल तकन नही मरेह। का तु भरोसा करसेस?
\p
\v 27 ओना ओला कहीस, हव पिरभू, मि भरोसा करुसेउ, की तुच परमेस्वर को टूरा मसीह आस, जोन जगत मा आवनवालो होतो।
\s यीसु को रड़नो
\p
\v 28 यो कहके मारथा चली गई, अना आपरी बहिन मरियम ला बुलाके चुप्पी लक कहीस, गुरू यहान से अना तोला बुलावसेत। 
\v 29 यो आयक के उ एकदम उठके ओको जवर आई। 
\v 30 यीसु अबा गाँव मा नही पहुचियो होतो, पर ओना जघा मा होतो, जिता मारथा ना ओला मिली होती। 
\v 31 तबा जोन यहूदी ओको सँग घर मा होतीन अना ओला सान्ती देय रही होतीन, यो चोयके मरियम एकदम उठके बाहेर गई, ता वय यो समझीन की उ मरघट्टी पर रोवन ला जावासे ता ओको मंघा भय गईन।
\p
\v 32 जबा मरियम उता पहुची जिता यीसु होतो, ता ओला चोवके ओको पाय पर पड़ गई अना कहीस, हे पिरभू! अदी तुमी इता होतत, ता मोरो भाऊ नही मरतो।
\p
\v 33 जबा यीसु ना ओला अना उन यहूदिगीन ला जोन ओको सँग आई होतीन रड़ता चोवयो, ता आतमा मा लगत उदास अना बैचेन भयो।
\p
\v 34 अना कहीस, तुमी ना ओला किता रखिसेव? उनना ओला कहीन हे पिरभू चलके चोव लेव।
\p
\v 35 यीसु रड़यो। 
\v 36 तबा यहूदी कव्हन लागीन, चोवो उ ओको लक केतरो माया राखासे? 
\v 37 पर उनमा लक काही ना कहीन, का यो जोन अँधरा की डोरा खोलिस, यो भी नही कर सकिस, की यो मानूस न मरतो।
\s लाजर को जित्तो कियो जानो
\p
\v 38 यीसु मन मा मंग लगत उदास भयो मरघट्टी पर आयो। उता एक गुफा होती, अना एक गोटा ओको पर राखियो होतो। 
\v 39 यीसु ना कहीस, गोटा ला हटाय देव?
\p उ मरयो हुयो की बहिन मारथा ओला कव्हन लगीस, हे पिरभू! ओमा लक अता ता बदबु आवासे, काहेका ओला मरयो हुयो चार दिवस भई गई सेत। 
\v 40 यीसु ना वोला कहीस, का मिना तोला नही कव्हयो होतो? की अदी तु भरोसा करजोस ता परमेस्वर की महिमा ला चोवजोस। 
\v 41 तबा उनना वो गोटा ला हटाईन, यीसु ना डोरा उठायके कहीस, हे बाबूजी! मि तोरो धनवाद करू सेऊ, की तु ना मोरी आयक लेई सेस। 
\v 42 मि जानसु तु हमेसा मोरी आयकिसेस, पर जोन भीड़ इता-उता उभी से, उन ला भी भरोसा भय जाहे की तु ना मोला धाडिसेस, यो काजी मि ना असो कहीसेउ।
\p
\v 43 यो कहके ओने मोठी आवाज लक हाकलीस, हे लाजर हिट आव।
\p
\v 44 जोन मर गयो होतो उ कफन लक हात पाय बंधयो हिट आयो। अना ओको टोन्ड अंगोछा लक लिपटो होतो। यीसु ना कहीस, ओला उघाड़ देव अना जान देव।
\s यीसु को विरोध मा साजिस
\r (मत्ती 26:1-5; मरकुस 14:1,2; लूका 22:1,2)
\p
\v 45 तबा जोन यहूदी मरियम को जवर आयो होतिन, अना ओको यो काम चोईन, उनमा लक लगत गीनना भरोसा करीन। 
\v 46 पर उनमा लक काही ना मोसे को नियम को गुरू को जवर यीसु को काम को खबर \f + \fr 11:46\fr*\ft समाचार\ft*\f* देईन। 
\v 47 एतरो पर मुखिया याजक अना मोसे को नियम को गुरू ना मोठी सभा बुलाईन अना कहिन, हमि का करबीन, यो मानूस तो लगत निसान चोवायोसे? 
\v 48 अदी हमि ओला असोच सोड़ देबीन, तो सबच ओको पर भरोसा कर लेहेत, अना रोमी आयके आमरी जघा अना लोक दुही पर हक जमा लेहेत।
\p
\v 49 तबा उनमा लक काइफा नाव को एक मोठो मुखिया याजक होतो। ओना कहीस, तुम काही भी नही जानो, 
\v 50 अखीन नही समजासो, का तुमरो लाई यो भलो से, की हमरो काजी एक मानूस मरेत, अना सप्पा लोक को नास नोको होय। 
\v 51 यो गोस्टी ओने आपरो कन लक नही कहीस, पर आवन वारो गोस्टी ला जानके, मोठो मुखिया याजक होवनो को कारन लक सांगीस, का यीसु ओना लोकगीन लाई मार दियो जाहेत। 
\v 52 अना ना केवल उन लोक को लाय पर एकोलाय की परमेस्वर की गुमयो हुयो सँतान एकठ्ठो भयी जाहे।
\p
\v 53 अखीन ओनो दिवस लक वय ओला मार डाकन की सलाह करन लगीन। 
\v 54 एको लाई यीसु ओनो बेरा लक यहूदिगीन मा खुलो रित लक नही घुमयो, पर उता लक जंगल को जवर छेतर मा इफराईम नाव को एक नगर मा चली गयो, अना चेला गीन संगा उतच रव्हन लगयो।
\p
\v 55 यहूदिगीन को फसह को तिहार जवर होतो। अना लगत सा लोक बलिदान को पुढा देहात लक यरुसलेम मा गईन, की आपरो आप ला पवीतर करयेत। 
\v 56 एको लाई वय यीसु ला ढुढन लगीन, अना मंदिर मा उभा होयके आपस मा कव्हन लागिन, तुमी का सोचासो? का उ तिहार मा नही आहे। 
\v 57 मोठो मुखिया याजक अना मोसे को नियम को गुरू ना यो हुकूम देईन, का अदी कोनी यो जाने की यीसु किता से ता सांगे, ताकि ओला धर\f + \fr 11:57 \fr*\ft पकड़\ft*\f* लेबो।
\c 12
\s यीसु को पाय मा इतर डाकनो
\r (मत्ती 26:6-13; मरकुस 14:3-9)
\p
\v 1 यीसु फसह को तिहार लक छह दिवस पुढा बैतनिय्याह नगर मा आयो, जिता लाजर होतो। जेनला यीसु ना मरो मा लक जित्तो करी होतिस। 
\v 2 उता उनना ओको लाई जेवन\f + \fr 12:2 \fr*\ft भोजन\ft*\f* तैय्यार करी होतीन, अना मारथा सेवा करत होती। लाजर उनमा लक एक होतो, जोन ओको सँगा जेवन लाई बसयो होतो। 
\v 3 तबा मरियम ना जटामाँसी को ढाई किलो सुध्द कीमती इतर\f + \fr 12:3\fr*\ft खुसबु देने वालो सेंट\ft*\f* आनके यीसु को पाय पर डाकीस, अना चुन्दी लक ओको पाय ला मलन लगीस अना इतर की महक लक सारो घर महकन लगयो। 
\v 4 पर ओको चेला मा लक यहूदा इस्करियोति नाव को एक चेला जोन ना ओला धरायो, कव्हन लगयो। 
\v 5 यो इतर तो तीन सौ सिक्का मा बेचो भी जाय सकासे अना गरिब गोर गीनला दियो जाय सकासे। 
\v 6 यो बात ओना एको लाई नही कहीस, की ओला गरीब गोर की चिंता होती, पर एको लाई कहीस, की उ चोट्टा होतो, अना ओको जवर ओकी पियुसी\f + \fr 12:6 \fr*\ft थैली\ft*\f* रहोत होती। अना ओको मा जो काही डाकयो जावत होतो उ हेड़ लेत होतो। \fig संगमरमर को सीसी|alt="Alabaster jars" src="HK00142C.TIF" size="col" copy="Horace Knowles ©" ref="2:12"\fig*
\p
\v 7 यीसु ना कहीस, ओला रव्हन देव, ओला मोरो गाड़ो जावन को दिवस को लाय करन देव। 
\v 8 काहे की गरीब गोर तो तुमरो सँगा हमेसा रव्हेत,, पर मि तुमरो सँगा हमेसा\f + \fr 12:8 \fr*\ft हरेक बेरा तकन बन्या रहेतिन\ft*\f* नही रहुँ।
\s लाजर को विरोध मा साजिस
\p
\v 9 जबा यहूदी को मोठी भीड़ यो जान गईन, का उ उता से, ता वय केवल यीसु को काजी नही, बल्कि एको लाई भी आइन, का लाजर ला चोवबोन, जेनला ओने मरयो हुयो मा लक जित्तो करी होतिस। 
\v 10 तबा मोठा मुखिया याजक ना लाजर ला भी मारन की साजिस करीन। 
\v 11 काहेकि ओको काजी लगत सा यहूदी ओको पक्स मा भय गई होतीन, अना ओको पर भरोसा कर रही होतिन।
\s यरूसलेम मा जीत को सँग धसनो
\r (मत्ती 21:1-11; मरकुस 11:1-11; लूका 19:28-40)
\p
\v 12 दुसरो दिवस लगत सा लोकगीन ना जोन तिहार मा आई होतीन उनना आयक के की यीसु यरुसलेम मा आय रहयो से। 
\v 13 लोकगीन खजुर की डारी लेईन, अना ओला मिलन को लाई हिटिन। “अना चिल्लाके कव्हन लगीन।” बड़ाई होय, “धन्य से इसरायल को राजा।” जो पिरभू\f + \fr 12:13 \fr*\ft सरवसक्तिमान परमेस्वर\ft*\f* को नाव लक आवासे।
\p
\v 14 जबा यीसु ला गदही को एक बच्चा मिलयो, ता उ ओको पर बस गयो। जसो ओको बारे मा लिखि से।
\q1
\v 15 “अवो सिय्योन की टूरी, भेव नोको राख,
\q1 देख, तोरो राजा गदही को बछेरु पर
\q2 चघके\f + \fr 12:15 \fr*\ft महिमा से भरकर\ft*\f* चलत आय रही से।”
\p
\v 16 यीसु को चेलागीन यो गोस्टी नही समजयो होतीन, पर यीसु को महिमा मिलन को मंघा उनला हेत आयी, का यो वोको बारे मा लिखीसे अना लोक गीनना वोको संग असोच कियो होतो।
\p
\v 17 तब भीड़ मा वय मानूस गीन गवाही देयीन, जोन बेरा लाजर ला मरघट्टी लक हाकल के यीसु ने जित्तो कियो होतो वोच बेरा चोयो होतीन। 
\v 18 एको लाई लगत लोक गीन यीसु को आवभगत करन लाई हिटीन। ओन्हीसीन आयकीन का यीसु ना यो निसान चोवाइसेस। 
\v 19 यो सब चोय के मोसे को नियम को गुरू ना एकमेक लक कहिन, “चोव रहिसेव ना, तुमी लक काही नही होय सका। चोवो सप्पा संसार ओको मंघा चल रही से।”
\s युनानीहुन लक यीसु ला ढुढनो
\p
\v 20 जोन लोक तिहार को बेरा मा पूजा करन आई होतीन, उनमा काही यूनानी होतीन। 
\v 21 उनना फिलिप्पुस को जवर आयके यो बिनती करीन, महोदय, आमी यीसु पिरभू लक मिलन आईसेजन। फिलिप्पुस गलील छेतर को बैतसेदा नगर को रव्हन वालो होतो।
\p
\v 22 उ गयो अना अन्दिरयास ला यो सांगिस, तबा अन्दिरयास अना फिलिप्पुस गईन अना उनना यीसु ला एको बारे मा खबर देईन। 
\v 23 यीसु ना उन लक कहीस, उ बेरा आय गईसे, जबा मानूस को टूरा महिमा ला पाय लेहे। 
\v 24 मि तुमी लक खरो सांगासेउ जबा तकन गँहु को बीज माती मा पड़के मर नही जासे तबा तकन उ एकलो रव्होसे, पर अदी उ मर जावासे ता लगत फर देवासे। 
\v 25 जोन आपरो जान लक माया करासे, उ ओला नास करासे, अना जोन यो संसार मा आपरो जान लक बैर करासे, उ ओला अमर जिन्दगी कोलाय सुरक्सित राखासे। 
\v 26 अदी कोनी मोरो दास बननो चाव्हासे तो मोरो मंघा चले, जिता मि सेउ, उता मोरो चेला भी रव्हेत, अदी कोनी मोरी सेवा करनो चाव्हासे ता बाबूजी ओको मान करेत।
\s कूरूस को मिरतु को ईसारा
\p
\v 27 “अब मोरी मन बेचेन से, का मि यो कहुँ, बाबूजी, यो बेरा को आफद लक मोला बचाव? काहेका यो काजी मि यो बेरा तकन पहुची सेउ। 
\v 28 ओ बाबूजी! लोकगीन मा आपरो नाव की महिमा कर।”
\p ओनो बेरा मा यो सरग लक आवाज आई, का मिना आपरो नाव की महिमा करीसेव, अना मंग ओको महिमा करू।
\p
\v 29 इता उता लोक गीनना आयक के कहिन बादल गरजियो, काही लोकगीन ना कहिन, एक सरगदूत ना वोला काही सांगयो से।।
\p
\v 30 यीसु ना सांगीस यो आवाज मोरो लाई नही, बलिक तुमी लोकगीन लाय से। 
\v 31 अब यो संसार को न्याय होवा से, अब यो संसार को मुखिया हेड़ दियो जाहे। 
\v 32 अना मि जबा धरती लक वरता उचलो जाहुँ। तबा सब मानूस गीनला आपरो कन झीक लेहुँ। 
\v 33 ऐना सबद लक यीसु ना ईसारा करीस, का ओकी मिरतु कोन तरीको लक होयेत?
\p
\v 34 लोकगीन ना असो सांगीन, मोसे को नियम हमला यो सिक्सा देसे की मसीह सदा रहेत, मंग तु यो कायलाय कव्हसेस, की मानूस को टूरा ला वरता जानो जरूरी से? यो मानूस टूरा\f + \fr 12:34 \fr*\ft सकितसाली बेटा\ft*\f* कोन आय?
\p
\v 35 एतरो पर यीसु ना उन ला कहीस, अता कम बेरा से की उजाड़ो तुमरो संग से। जबा तकन उजाड़ो तुमरो जवर से पुढा बढ जाओ। कहीं असो न होहे की इंधारो\f + \fr 12:35 \fr*\ft अँधकार\ft*\f* तुमला घेर ले। जोन इंधारो मा चला से वा नही जान सका की किता जावसे? 
\v 36 जबा तकन उजाड़ो तुमरो जवर से उजाड़ो पर भरोसा ठेवो, जोन लक तुम्हि उजाड़ो की सँतान बन सको। असो कव्हनो पर यीसु चली गयो अना उनको लक लुक गयो।
\s यहूदिगीन को अबिस्वास
\p
\v 37 मंग यीसु ना उनको पुढ एतरो निसान चोवाइस, मंग उनना भरोसा नही करीन। 
\v 38 एकोलाय भविस्यवक्ता यसायाह को यो कव्हनो पूरो भयो का,
\q1 ओ पिरभू! हमरो साजरो खबर पर कोन भरोसा ठेइस ?
\q2 अना पिरभू को हात को ताकत कोन पर परगट भयो से?
\p
\v 39 वय एको लाई भी भरोसा नही कर सकीन, का भविस्यवक्ता यसायाह ना यो कव्हयो होतो,
\q1
\v 40 मोठो परमेस्वर ना उनको डोरा ला अँधरा कर देइस
\q2 अना उनको अक्कल ला सटया देइस। परमेस्वर ना कव्हयो,
\q2 कहीं असो न होहे की वय डोरा ला चोयेत,
\q2 अना अक्कल लक समजेत।
\q2 अना मोरो मंघा भय जाहेत।
\q2 अना मि उन ला साजरो कर देहुँ।
\p
\v 41 यसायाह ना यो सबच एको लाई साँगीस, की उनना यीसु की महिमा ला चोयी होतो, अना वोको बारे मा सांगीस
\p
\v 42 मंग अधिकारी मा लक काही ना ओको भरोसा करीन, पर मोसे को नियम को गुरू को पुढा ओला नही अपनात होतीन। उनला डर होतो की सभा लक उनला कही नोको ठुकराय दियो जाय। 
\v 43 उनला परमेस्वर को मान लक ज्यादा, मानूस को मान को माया होतो।
\s यीसु को बचन लक सजा
\p
\v 44 यीसु ना हाकलके कहीस, “जोन मोरो पर भरोसा करासे उ मोरो पर नही पर जोनना मोला धाड़िसेस ओको पर करासे। 
\v 45 अना जोनना मोला चोवीसेस, ओना मोरो धाड़न वालो ला चोवीसेस। 
\v 46 मि जगत मा उजाड़ो होयके आईसेऊ, एकोलाय जोन कोनी मोरो पर भरोसा करेत, उ इंधारो मा नही रव्हेत। 
\v 47 अदी कोनी मोरी गोस्टी ला आयकसे अना नही मानासे ता मि ओला सजा नही देहु। काहेकि मि जगत ला अपराधी ठहरावन को लाय नही, पर जगत ला सूटकारा\f + \fr 12:47\fr*\ft अजादी\ft*\f* देवन ला आईसेऊ। 
\v 48 जोन मोला बेकार जानासे अना मोरी गोस्टी नही अपनावासे, ओला अपराधी ठयरावन वालो तो एक से, जेना गोस्टी मिना सांगीसेउ, वा बितो दिवस मा ओको न्याय करयेत। 
\v 49 काहे की मिना आपरो कन लक गोस्टी नही करिसेऊ, पर बाबूजी जोनना मोला धाड़िसेस ओना मोला हुकूम देईसेस, मि काजक कहुँ, अना मि काजक सांगीन? 
\v 50 अना मि जानासेऊ का ओको हुकूम अमर जिंदगी से, एकोलाय मि जेना गोस्टी ला सांगासु, बाबूजी ना मोला जसो सांगीसेस, वसोच सांगासु।”
\c 13
\s यीसु लक चेला को पाय धोवनो
\p
\v 1 फसह को तिहार को पुढा जबा यीसु ना जान लियो का मोरी बेरा आय गयो से, का मी जगत ला सोड़के बाबूजी को जवर जावनो से, ता आपरो लोकगीन लक जोन जगत मा होतीन, उनलक जसो माया उ राखत होतो, आखरी बेरा भी वसोच माया राखिस।
\p
\v 2 अना जबा सैतान\f + \fr 13:2 \fr*\ft इबलीस\ft*\f* समोन को टूरा यहूदा इस्करियोति को मन मा यो गोस्टी डाक चुकयो होतो, का ओला धरवाए। 
\v 3 यीसु ना यो जानके की, बाबूजी ना सब काही मोरो हात मा कर देईसेस। अना मि परमेस्वर को जवर लक आईसेऊ, अना परमेस्वर को जवर जासू। 
\v 4 जेवन लक उठके आपरो कपरा\f + \fr 13:4\fr*\ft कपरा\ft*\f* ला उतार देईस, अना गमछा लक आपरी कम्मर ला बाँधिस 
\v 5 तबा बरतन मा पानी भरके चेला को पाय धोवन लगयो, अना गमछा लक पोसन लगयो। 
\v 6 जबा उ समौन पतरस को कठा गयो, तबा पतरस ना ओला कहीस, का “हे पिरभू, का तु मोरो पाय धोवसेस?”
\p
\v 7 यीसु ना साँगीस, “जोन मि करासेऊ, तु ओला अबा नही जानस, पर एको मंघा समज जाजोस।”
\p
\v 8 पतरस ना ओला कहीस, “तोला मी आपरो पाय कभ्भू नही धोवन देहू।” असो आयक के यीसु ना कहीस, अदी तू मोला तोरो पाय नही धोवन देजोस ता हरामेसा को लाय तोरो मोरो काही नाता नहात।
\p
\v 9 समौन पतरस ना ओला कहीस, हे पिरभू ता मोरो पाय ला च नही पर हात अना डोस्का ला भी धोय देव।
\p
\v 10 यीसु ना ओला कहीस जोन आंग खोर लियो सेत, वोला पाय को सिवा अखीन काही धोवन को जरूरत नहाय, पर वा सुध्द से। तुम्हि सुध्द सेव पर सबच नही। 
\v 11 उ आपरो धरानवालो ला जान गयो होतो, एको लाई ओना कहीस, तुम्हि सब का सब सुध्द नहाव।
\p
\v 12 जबा उ उनको पाय धोय चुकयो, अना आपरो कपरा डाकके बस गयो, ता उन लक कव्हन लगयो, का तुम्हिला समजमा आयो! मिना तुमरो सँग काजक करीसेव? 
\v 13 तुमी मोला गुरू अना पिरभू कव्हसो अना साजरो च कव्हसो, काहे का मि वाच सेऊ। 
\v 14 अदी मी पिरभू अना गुरू होयके तुमरो पाय धोयो, तो यो जरुरी सेत का तुमी भी एकमेक को पाय धोवो। 
\v 15 काहे की मिना तुमला उदाहरन चोवायो सेऊ, का जसो मिना तुमरो सँग करीसेऊ तुमी भी वसोच करो। 
\v 16 मि तुमी लक खरो कव्हसू, दास आपरो पिरभू लक मोठो नही होवासे, अना ना धाडयो गयो आपरो धाड़न वालो लक, 
\v 17 तुमी यो गोस्टी जानासेव, अना अदी उन पर चलो तो धन्य सेव।
\p
\v 18 मी तुम्हि सबको बारेमा नही सांगासेऊ, काहेका जोनला मिना निवाड़ी सेव ओला मि जानासू। पर यो एको लाय भयो से का, पवितर गिरंथ को उ गोस्टी पूरो भयी जाय “का जोन ना मोरो जेवन जेयो सेत, वोनाच मोला लात मरा सेत।” 
\v 19 अता मि तुमला हेत दिलासू, का जबा यो गोस्टी भय जाहे तो तुमी भरोसा करो। की मि वाच सेव। 
\v 20 मि तुमी लक खरो कव्हासू जोन मोरो धाड़न वारो ला अपनावसे, उ मोला अपनावासे अना जोन मोला अपनावसे उ मोरो धाड़नवालो ला अपनावासे।
\s दगाबाज को कन ईसारा
\r (मत्ती 26:20-25; मरकुस 14:17-21; लूका 22:21-23)
\p
\v 21 यो गोस्टी ला साँगके यीसु आतमा मा बैचेन भयो अना ओना गवाही देइस मि तुमी लक खरो कव्हसु, की तुमी मा लक एक से, जोन मोला धराहे। 
\v 22 चेला गीनला संका भई की वा कोन को बारे मा सांगासे? ता वय एकमेक कन चोवन लगीन। 
\v 23 उन चेला मा लक एक जोन यीसु लक माया करत होतो, ओको छाती कन नवके बसत होतो। 
\v 24 तबा समौन पतरस ना ओला ईसारा करके पुसयो, साँग, उ कोन को बारे मा कव्हासे?
\p
\v 25 तबा ओना ओच तरिका लक यीसु की छाती कन नवके ओको लक पुसिस, हे पिरभू उ कोन आय?
\p
\v 26 यीसु ना वोकोलक सांगीस, जोनला मि यो भाकर को टुकड़ा डुबा के देहुँ वाच से, ओना टुकड़ा ला डुबायके समोन इस्करियोति को टूरा यूदूस ला देईस। 
\v 27 टुकड़ा लेवन को मंघा सैतान ओमा समाय गयो। तबा यीसु ना कहीस, जोन काम तु करन चाव्हासेस वा गदने कर। 
\v 28 पर बसन वालो मा लक कोनी नही जान पायो, का यो गोस्टी ओना ओला काय लाई कहीस। 
\v 29 यहूदा को जवर पियुसी रव्हत होतो एकोलाय काही-काही ना समजीन का यीसु ओला यो कव्हासे जो काही हमला तिहार को लाई पाहिजे उ लेके आन। या यो कहीस, गरीब गोर ला काही देव।
\p
\v 30 येने परकार लक उ टुकड़ा धरयो अना बाहेर हीट गयो, वा रात को बेरा होती। 
\v 31 जबा उ बाहेर चली गयो ता यीसु ना कहीस अबा मानूस को टूरा को बड़ाई\f + \fr 13:31 \fr*\ft महिमा\ft*\f* होवासे, अना परमेस्वर की महिमा ओमा भयोसे। 
\v 32 अदी ओमा परमेस्वर की महिमा होवासे, तो परमेस्वर भी आपरो लक ओकी महिमा करेत, अना तुरतई करेत। 
\v 33 ओ टूराहुन, मि जरा सो बेरा तकन तुमरो जवर सेउ, मंग तुम्हि मोला ढुंढने, जसो की मि यहूदिगीन लक कव्हसू, जिता मि जावासेऊ, उता तुमी नही आय सको, वसोच तुम्हिला भी कव्हासू। 
\v 34 मि तुम्हिला एक नवतो हुकूम देवासु, का एकमेक लक माया करो, जसो मि तुम्हरो लक माया राखासु, वसोच तुम्हि एकमेक लक माया राखो। 
\v 35 अदी आपसी मा माया राखो, ता सबच जान जाहेत, का तुम्हि मोरो चेला आव।
\s पतरस ला मना करन को ईसारा
\r (मत्ती 26:31-35; मरकुस 14:27-31; लूका 22:31-34)
\p
\v 36 समौन पतरस ना ओला कहीस, हे पिरभू तु किता जावसेस? यीसु ना जवाब देइस, जिता मि जावसु उता तु नही आय सकस, पर येको मंघा मोरो मघानी आवजोस।
\p
\v 37 पतरस ना ओला कहीस, हे पिरभू अबा मि तोरो मंघा काय लाई नही आय सकु? मि तो तोरो लाई आपरो जान भी दे देहुँ।
\p
\v 38 यीसु ना जवाब देइस, का तु मोरो लाई आपरो जान देजोस? मि तोरो लक खरो सांगासु का कुकड़ा चिल्लावन को पहले तु मोरो नाव लक तीन डाई मुकर जाजोस।
\c 14
\s परमेस्वर को कठा पहुचन को रास्ता
\p
\v 1 तुमरो मन बैचेन नोको होय, तुम्हि परमेस्वर पर भरोसा राखिसो, मोरो पर भी भरोसा राखो। 
\v 2 मोरो बाबूजी को घर मा लगत सा रव्हन को जघा सेत, अदी नही होतो ता मि तुम्हिला सांग देतो। काहे की मि तुमरो लाय जघा\f + \fr 14:2 \fr*\ft जगह\ft*\f* तैय्यार करन जावासू। 
\v 3 अना अदी मि जायके तुमरो लाई जघा तैय्यार करासू, ता मंग आयके तुमला आपरो सँग ले जाहुँ। की जिता मि रव्हुसु, उतच तुम्हि भी रव्हो। 
\v 4 अना जिता मि जावनो पर सेव, तुम्हि उता को रास्ता ला जानासेव।
\p
\v 5 थोमा ना कहीस, हे पिरभू हमला मालूम नहाय, का तु किता जावसेस। ता रास्ता कसो जानबोन?
\p
\v 6 यीसु ना ओला कहीस, रास्ता, खराई अना जीवन मिच आव। मोरो बगर कोनी बाबूजी को जवर नही जाय सका। 
\v 7 अदी तुमी मोला जानने, ता मोरो बाबूजी ला भी जानने। पर अब तुम्हि ओला जान गयो सेव अना चोवासो।
\p
\v 8 फिलिप्पुस ओला कव्हसे, हे पिरभू! बाबूजी ला हमला चोवा। याच हमरो लाई लगत से।
\p
\v 9 यीसु ना ओला कहीस, हे फिलिप्पुस, मि एतरो दिवस तकन तुमरो जवर रहयो, अना का तु मोला नही जानासे? एको लाई जोन ना मोला चोय लियो ओना बाबूजी ला चोय लेइसेस। तु कायलाय कव्हसेत की बाबूजी ला हमला चोवाय? 
\v 10 का तोला भरोसा नहात? का मि बाबूजी मा सेव अना बाबूजी मोरो मा से, यो गोस्टी जोन तुमी लक कव्हसु आपरो आपच लक नही कव्हसू पर बाबूजी जोन मोरो मा से, आपरो काम करासे। 
\v 11 मोरोच भरोसा करो की मि बाबूजी मा सेव अना बाबूजी मोरो मा से। नही ता काम लक च मोरो भरोसा करो।
\p
\v 12 यीसु ना उनला खरो साँगीस, जोन मोरो पर भरोसा करासे, जसो काम मि करासू, वसोच काम उ भी करेत, वरन ओको लक भी मोठो काम करेत। 
\v 13 मि तुम्हि लोकगीन लक खरोखर कव्हसू-अना जोन काही तुम्हि मोरो नाव लक माँगने ता वा पूरो होहेत। जोनलक मोरो लक बाबूजी की महिमा होहे। 
\v 14 अदी कोनी बात ला तुम्हि लोकगीन मोरो नाव लक माँगो ता मि ओला करहुँ।
\s पवीतर आतमा को वायदा
\p
\v 15 अदी तुमी मोरो लक माया राखने ता मोरी हुकूम ला मानने 
\v 16 मि बाबूजी लक बिनती करुहुँ अना उ तुमला एक अखीन सहारा देहे की उ सदा तुमरो सँग रहे 
\v 17 मजे खराई को आतमा, जेनला ना तो जगत अपनाव सकासे, ना ओला जानासे, काहे की उ तुमरो संग च रव्हासे अना तुममा च होहे।
\p
\v 18 मि तुमला फिरतहा नहि छोड़ू, मि तुमरो जवर आवासेऊ। 
\v 19 जरासो देर मंघा यो जगत मोला नही चोवहे। पर तुमी मोला चोवहो, एको लाई की मि जित्तो सेव, तुमी भी जित्तो रव्हो। 
\v 20 उ दिवस तुमी जानने की मि आपरो बाबूजी मा सेव, अना तुम्हि मोरो मा सेव अना मि तुमरो मा सेव।
\p
\v 21 जोनो को जवर मोरो हुकूम सेत अना उ ओला मानासे। वाच मोरो लक माया राखासे, अना मी ओको लक माया राखुँ। अना आपरो आप ला ओको पर परगट करुह।
\p
\v 22 एक यहूदा नाव को चेला जो इस्करियोति नही होतो, ओला कहीस, “हे पिरभू, का भयो का तु आपरो आप ला हमि पर दिखान चाव्हासेस अना जगत पर नही।”
\p
\v 23 यीसु ना जवाब देईस, अदी कोनी मोरो लक माया राखेह, ता उ मोरो सबद ला मानेह। अना मोरो बाबूजी ओको लक माया राखेह, अना हमि ओको जवर आवबिन अना ओको सँग रव्हबिन। 
\v 24 जोन मोरो माया नही राखा, उ मोरो गोस्टी ला नही मानासे अना जोन गोस्टी तुमीना आयकीसेव, उ मोरो नही पर बाबूजी को से, जोनना मोला धाड़िसेस।
\p
\v 25 यो गोस्टी मिना तुमरो सँग रहतो बखत कव्हसू। 
\v 26 पर जबा उ सहायक मजे पवीतर आतमा आहेत, जोनला बाबूजी मोरो नाव लक धाडे़त, उ तुम लोकगीन ला सबच गोस्टी सिखाहे। अना सब काही हेत कराहे, जोनला मिना कहीसेउ।
\p
\v 27 मि तुमला सान्ती देय के जासू, आपरो सान्ती तुमला देवासु। जसो जगत देसे वसो मि तुमला नही देहुँ, तुमरो मन बेचैन नोको होयेत, अना नोको डराव। 
\v 28 तुमी आयकासेव का मिना तुमला कव्हयो होतो, मि जावासू अना तुमरो जवर मंग आहू, अदी तुम्हि माया राखिसेव तो यो गोस्टी लक खुस होवो की मि बाबूजी को जवर जावासू, अना बाबूजी मोरो लक मोठो से। 
\v 29 मिना तुमला असो होवनो को पुढा कव्ह देइसेव, की जबा उ भय जाहे, ता तुमी भरोसा करहो। 
\v 30 मि अबा तुमरो सँग अखीन गोस्टी नही करू। काहे का यो जगत को अधिकारी आवासे, मोरो पर ओको काही हक नही। 
\v 31 पर यो एकोलाय होवासे, की जगत जानेह की मि बाबूजी लक माया राखासू, अना जसो बाबूजी ना मोला हुकूम देइसेस वसोच करूसू, उठो, यहान लक चलो।
\c 15
\s यीसु सही को अंगूर को बेला
\p
\v 1 खरो अंगूर की बेला मि सेव। अना मोरो बाबूजी कास्तकार से। 
\v 2 जोन डाली मोरो मा से अना नही फरासे, ओला उ काट डाकासे, अना जो फरासे, ओला छाटासे, जोन लक अखीन फरेत। 
\v 3 तुम्हि तो उ गोस्टी लाय सुध्द सेव जोन मिना सांगासेऊ, 
\v 4 तुम्हि मोरो मा बनो रव्हो, अना मि तुमरो मा, जसो डार अदी अंगूर बेला मा बनी रव्हसे, ता तबच फर सकेत।
\p
\v 5 मि अंगूर बेला सेव, तुमी डार सेव, जोन मोरो मा बनो रव्हासे, अना मि ओमा, उ लगत फर फरासे, काहेकि तुम्हि मोरो लक बेगरो भयके, तुम्हि काही नही कर सको। 
\v 6 अदी कोनी मोरो मा बनो नोको रव्हेत, ता उ डार को जसो फेक दियो जावासे, अना सूक जावासे, अना लोक गीन उनला एकठ्ठो करके स्तो मा झोक देवासेत, अना वय जर जासेत। 
\v 7 अदी तुम्हि मी मोरो मा बनयो रव्हो अना मोरो गोस्टी तुमी मा बनी रव्हो, तो जोन चाव्हो माँगने तो उ तुमरो लाय भई जाहे। 
\v 8 मोरो बाबूजी की बड़ाई योच लक होवासे, तुम्हि लगत सा फर आननो, तबाच तुम्हि मोरो चेला कहलाने।
\p
\v 9 जसो बाबूजी ना मोरो लक माया राखीसेस, वसोच मिना तुमी लक माया राखीसेऊ, मोरो माया मा बनो रव्हो। 
\v 10 अदी तुमी मोरो हुकूम ला मानने तो मोरो माया मा बनयो रव्हने। जसो की मीना आपरो बाबूजी को हुकूम ला मानीसेऊ, अखीन ओको माया मा बनयो रहोसेऊ।
\p
\v 11 मिना यो गोस्टी तुम्हि लक एकोलाय कहीसेउ, की मोरो खुसी तुम्हि मा बनो रव्हो, अना तुम्हरो खुसी पूरो भई जाहे। 
\v 12 मोरो हुकूम यो से की जसो मिना तुम्हि लक माया राखीसेऊ, वसोच तुम्हि भी एकमेक लक माया राखो। 
\v 13 एको लाई मोठो माया कोनतो से?का कोनी आपरो संगी को लाई आपरो जान देदे? 
\v 14 जोन हुकूम मि तुम्हिला देसु, अदी ओला मानने तो तुम्हि मोरो संगी सेव। 
\v 15 अता अबा लक मि तुम्हिला दास नही कहुँ, काहे की नौकर ला मालुम नही रव्हासे का वोको मालीक काजक करासे?पर मि ना तुमला संगी कहीसेउ, काहे की मिना जोन गोस्टी आपरो बाबूजी लक आयकासेऊ, वय सबच तुमला साँग देइसेउ। 
\v 16 तुम लोकगीन ना मोला नही निवाड़ो सेव पर मिना तुमला निवाड़ी सेव अना तुमला ठहराई सेउ की तुमी जायके फर आनो अना तुमरो फर बनो रहे। की तुम्हि मोरो नाव लक जोन काही बाबूजी लक माँगो, उ तुमला देहे। 
\v 17 यो गोस्टी को हुकूम, मि तुमला एको लाई देवसु की तुमी एकमेक लक माया राखो।
\s जगत लक बइर
\p
\v 18 अदी जगत तुमरो लक बइर राखासे तो तुम्हि जानासो की ओना तुमरो लक पुड़ा मोरो लक बयिर राखिस। 
\v 19 अदी तुमी जगत का होतत, तो जगत तुमरो लक माया राखतो, पर एको काजी की तुमी जगत को नही सेव, काहेका मि ला जगत मा लक निवाड़ी सेव। एकोलाय जगत तुमी लक बइर राखासे। 
\v 20 जोन गोस्टी मिना तुमी लक कहीसेउ, वोला हेत राखो, दास आपरो पिरभू लक मोठो नही होवासे, अदी ओन्हीसीन मोला तगाईन, तो तुमला भी तंगाहेत। अदी ओन्हिसीन मोरी गोस्टी मानीन, तो तुमरो भी मानहेत। 
\v 21 पर यो सबच काही वय मोरो नाव को कारन तुमी लोक सँग करहेती। काहे की वय मोरो धाड़न वालो ला नही ओरखासेस।
\p
\v 22 अदी मि नही आतो, अना उनलक गोस्टी नही करतो, तो वय पापी नही ठयरतिन, पर अबा उनला उनको पाप लाई कोनी बहाना नाहती। 
\v 23 जोन मोरो लक बइर राखसेत, उ मोरो बाबूजी लक भी बइर राखसेत। 
\v 24 यदी मिना उनमा वय काम नही करतो जोन कोनी ना नही करयो सेत, ता वय पापी नही ठयरतत। पर अबा तो उनना मोला अना मोरो बाबूजी दुही ला चोवीसेत अना दुही लक बइर कियो, 
\v 25 यो एकोलाय भयो का वा सबद पूरो होय, जोन उनको मोसे को नियम मा लिखीसे, “उनना मोरो लक बेकार च बइर करीसेत।”
\p
\v 26 पर जबा उ सहायक आहे मजे खराई को आतमा जेनला मि तुमरो जवर बाबूजी को कन लक धाड़हु मजे सत को आतमा, जोन अजी को कनलक हीटासेत वो मोरो गवाही देहेत। 
\v 27 अना तुमी भी मोरो गवाही सेव काहे की तुमी सुरु मा मोरो सँग रही सेव।
\c 16
\p
\v 1 यो गोस्टी मिना तुमी लक एकोलाय सांगासू का तुम्हि डावाडोल नोको होव। 
\v 2 वय तुम्हिला पिराथना सभा अना समाज लक हेड़ देहेत, इतरोच नही पर उ बेरा आवासे, की जो कोनी तुमला मार डाकेह, उ समजेत की मि परमेस्वर की सेवा करुसु। 
\v 3 असो वय एकोलाय करयेत, की उन बाबूजी ला नही जानासेत, अना मोला भी नही जानासेत। 
\v 4 पर यो गोस्टी मिना एकोलाय तुमी लक सांगीसेउ की जबा एको बेरा आहे तो तुमला हेत आहे की मिना तुम्हि लक पुढा च सांग दियो होतो।
\s पवीतर आतमा को काम
\p
\v 5 मि ना सुरु मा तुम्हि लक यो गोस्टी एकोलाय नही सांगयो, काहे की मि तुम्हारो सँग होतो, पर अबा मि आपरो धाड़नवालो को जवर जावासू अना तुम्हि मा लक कोनी मोरो लक नही पुसेत, तु कहाँन जासेस? 
\v 6 पर मिना जोन गोस्टी तुमी लक सांगीसेउ एकोलाय तुम्हारो मन सोक लक भरीयो से। 
\v 7 ता भी मि तुम्हि ला खरो सांगासू, का मोरो जावनो तुमरो लाय साजरो से, काहेकी अदी मि नही जाऊ तो उ सहायक तुमरो जवर नही आहेत, पर अदी मि जाउ तबा ओला तुमरो जवर धाड़ू। 
\v 8 उ आयके जगत ला पाप अना नेकी अना न्याय को बारेमा बेजवाब करेत। 
\v 9 पाप को बारे मा एकोलाय की वय मोरो पर भरोसा नही करयेत। 
\v 10 अना नेकीपन को बारे मा एकोलाय की मि बाबूजी को जवर जासू अना तुमी मोला मँग नही चोहो। 
\v 11 न्याय को बारे मा एकोलाय का जगत को मुखिया दोसी ठयरायो गई से।
\p
\v 12 मोला तुम्हि लक अखीन भी लगत सी गोस्टी कव्हनो से, पर अबा तुमी उनला सहन नही कर सकेत। 
\v 13 पर जबा उ असो खराई को आतमा आहे, ता तुमला सबच खराई को रास्ता सांगेत, काहेकी उ आपरो कन लक नही सांगेत पर जोन-जोन काही आयकेत वाच ला सांगेत अना आवनवालो गोस्टी तुमला सांगेत। 
\v 14 उ मोरी बड़ाई करेत, काहेकि उ मोरो गोस्टी लक तुम्हिला सांगेत। 
\v 15 जोन काही बाबूजी को से, उ सबच मोरो से, एकोलाय मिना कव्हयो का उ मोरी गोस्टी मा लक तुम्हिला सांगेत।
\s दुख ला सुक मा बदलेत
\p
\v 16 जरासो बेरा को बादमा तुम्हि मोला नही चोवने पर जरासो बेरा को बाद मंग मोला चोवने।
\p
\v 17 यो गोस्टी आयक के यीसु को काही चेलागीन एकमेक लक सांगन लगीन, यो अमीला काजक सांगासे? जरासो बेरा मा तुमी मोला नही चोवने, मँग जरासो बेरा मा तुम्हि मोला चोवने। 
\v 18 तबा चेला गीन ना कहीन, “ यो जरासो बेरा” कव्हसे, एको काजक मतलब से, अमीला समजमा नही आवासेत?
\p
\v 19 यीसु जानत होतो का वय वोको लक काही सवाल करनो चाव्हासेत, तबा यीसु ना कव्हयो, तुम्हि एकमेक लक बिचार करासो, का यो “जरासो बेरा मा मोला नही चोवने मंग जरासो बेरा मा मोला चोवने” को काजक मतलब सेत? 
\v 20 मि तुम्हिला खरो सांगासू का “तुम्हि रड़तो रव्हने अना जगत खुसहाली मनाहेत, तुम्हिला दुख होहेत पर तुमरो दुख खुसहाली मा बदल जाहेत। 
\v 21 लेकरा जलम लेवन को पुढा बायका ला दरद होवासे, काहे की ओकी दुख को बेरा आय जासे, पर जबा वा लेकरा को जलम भयी जासे ता वा खुसहाली मनावासे, का एक मानूस तन जलम लेयीसेस, अना वा मुसीबत ला हेत नही करासे। 
\v 22 वसोच परकार लक तुम्हिला अबा सोक से पर मि तुमी लक मँग मिलहु अना तुमरो मन खुसहाली लक भर जाहे। अना तुमरो खुसहाली कोनी तुम लक नही हिसक सकेत।”
\p
\v 23 वोना दिवस तुम्हि लोक मोला काही नही पुसने, मि तुमरो लक खरो-खर सांगासू, “अदी मोरो नाव लक तुम्हि बाबूजी लक काही माँगने, ता उ मोरो नाव लक तुम्हिला देहेत। 
\v 24 अबा तकन तुम्हि लोक ना मोरो नाव लक काही नही माँगीसेव, माँगो तो तुम्हिला भेटेत, जोनलक तुमरो खुसहाली पूरो भई जाहेत।”
\s मी दुनियाँ ला जीत लियो सेऊ
\p
\v 25 मिना यो गोस्टी तुम्हिला उदाहरन लक सांगीसेउ, पर उ बेरा आवासे, मि तुम्हिला उदाहरन लक नही सांगू पर अबा मी तुम्हिला बाबूजी को बारे सपा-सपा साँगु। 
\v 26 ओनो दिवस तुम्हि लोक मोरो नाव लक माँगने अना मि तुम्हिला यो नही सांगासु, की मि तुमरो लाय बाबूजी लक बिनती करुहुँ। 
\v 27 काहे की परमेस्वर तो खुदच तुम्हिला माया करासे। काहेका तुम्हिना मोरो लक माया करयो से, अना यो भी भरोसा करासेव की मि बाबूजी को कनलक आईसेऊ। 
\v 28 मि बाबूजी को कन लक जगत मा आयीसेऊ, अना मि मंग जगत ला सोड़के बाबूजी को जवर जावासू।
\p
\v 29 तब यीसू ना चेलागीन ना कहीन, चोव, अता तो तु खोलके सांग दियोसे, अना कोनी उदाहरन नही सांगासेस। 
\v 30 अता हमि जान गई सेजन की तु सबच काही जानासेस, अता जरूरत नहात, की कोनी तोरो लक काही पुसेत, एकोलाय अमी भरोसा करासेजन की तु परमेस्वर को कन लक आईसेस।
\p
\v 31 यो आयक के यीसु ना उन लक जवाब दियो, का तुम्हि अता भरोसा करासेव। 
\v 32 चोवो, उ घडी आवासे, की तुमी सबच भटक जाहो अना आपरो-आपरो रास्ता लेहो, अना मोला एकलो सोड़ देहो। ता भी मि एकलो नही सेव, पर बाबूजी मोरो सँगमा से। 
\v 33 मि ना यो गोस्टी तुमला एकोलाय सांगीसेऊ की तुमला मोरो सान्ती मिल्हे, जगत मा तुम्हिला दुख होवासे, पर हिम्मत राखो! मि ना जगत ला जीत लियोसेऊ।
\c 17
\s मुख याजकीय यीसु को पिराथना
\p
\v 1 यीसु ना यो गोस्टी कहीस, अना आपरो डोरा सरग कन उचलके कहीस, अगो बाबूजी! वा बेरा आय गयोसे, आपरो टूरा को बड़ाई कर, की टूरा भी तोरो बडाई करहे, 
\v 2 काहेकि तुना ओला सबच मानूस जाति पर हक देईसेस, जोनलक उ उन सबला अमर जिंदगी दे, जोनला तूना वोला सोपयो सेत। 
\v 3 अना अमर जिंदगी योसे की वय तोला एकच खरो परमेस्वर अना यीसु मसीह ला, जेनला तु ना धाड़ीसेस जानेत। 
\v 4 “जोन काम तुना मोला करन लाय देइसेस ओला पूरो करके मिना धरती पर महिमा करयो सेऊ, जोन जगत बनान को पुढा, मोरो तोरी सँग होतो। 
\v 5 अता हे बाबूजी! तु आपरो सँग मोरी महिमा वा महीमा लक कर जोन जगत को पैदा होवन लक पुढा, मोरो तोरो सँग होतो।”
\p
\v 6 मिना तोरो नाव वोना मानूसगिन पर उजागर कियो से, जोन लोक गीनला तुना जगत मा मोला देइसेस, वय तोरी होतीन अना तुना उनला मोला देईसेस, अखीन उनना तोरो सबद ला मना लेईसेत। 
\v 7 अबा वय जान गईसेजन जोन काही तुना मोला देईसेस, उ सबच तोरो कन लक से। 
\v 8 काहेकि जोन गोस्टी तुना देइसेस मिना उनला धाड़ीसेऊ, अना उनना ओनो गोस्टी ला भरोसा लक अपनाय लियो सेत अना खरो मा जान लेयीसेत, का मि तोरो मा लक हिटि सेऊ। ओन्हिसीन जान लियो सेत का तुना मोला धाड़ीसेस।
\p
\v 9 मि उनको लाई बिनती करासू। जगत को लाई बिनती नही करुहू। पर उनको लाई जिनला तुना मोला देइसेस, काहेकि वय तोरा सेती। 
\v 10 अना जोन काही मोरो सेत, वय सबच तोरो सेत अना जोन तोरो से उ मोरो से, अना इनलक मोरो बड़ाई उजागर भई। 
\v 11 मि दुनिया मा नही रहुँ, पर यो लोकगीन दुनिया मा रहेत, अना मि तोरी जवर आवासेऊ, हे पवीतर बाबूजी, आपरो उ नाव लक जोन तुना मोला देईसेस, उनकी रक्सा कर, वय आमरो जसो एक रहेत। 
\v 12 जबा मि उनको सँग होतो, मिना तोरो उ नाव लक, जोन तुना मोला देइसेस, उनको रक्सा कर, अना नास होवनवालो टूरा ला सोड़के उन लोकगीन मा लक कोनी नास नही भयो। एकोलाय की पवितर गिरंथ मा जोन कहो गयो उ पूरो होए। 
\v 13 अबा मि तोरो जवर आवासू अना यो गोस्टी जगत मा कव्हसू, की वय मोरो खुसहाली आपरो मा पूरो पाहेत। 
\v 14 मिना तोरो गोस्टी उनला पहुचा देईसेऊ। अना जगत ना उनलक बइर करीस, काहे की जसो मि जगत को नही, वसोच वय भी जगत का नहाति। 
\v 15 मि यो बिनती नही करुहु की तू उनला जगत लक उचल लेहे, पर यो की तु उनला ओनो दुस्ट लक बचाव राख, 
\v 16 जसो मि जगत को नही। वसोच वय भी जगत का नहात। 
\v 17 खराई को दवारा उन ला पवीतर कर, तोरो सबद खराई से। 
\v 18 जसो तुना मोला जगत मा धाड़िसेस, वसो मिना मि उनला जगत मा धाड़िसेत। 
\v 19 अना उनको लाई मि आपरो आप ला पवीतर करुसेऊ काहेकि वय भी खराई को कन लक पवीतर कियो जाहेत।
\s सब भरोसा राखनवारा लाय पिराथना
\p
\v 20 मि केवल इनको लाई बिनती नही करुहु, पर उनको लाई भी जोन इनको सबद लक मोरो पर भरोसा करासेत। 
\v 21 की वय सबच एक होय जाहेत। जसो तु हे बाबूजी मोरो मा सेस, अना मि तोरो मा सेव, वसोच वय आमरो मा होहेत। जेना लक जगत भरोसा करहे की तुना मोला धाड़िसेस। 
\v 22 उ महिमा जेनला तुना मोला देईसेस मिना उनला देईसेऊ, की वसोच एक होहेत। जसो की हमी एक सेजन। 
\v 23 मि उन मा अना तु मोरो मा की वय सिध्द भयके एक जाहेत अना जगत जानहेत की तुना मोला धाडिसेस अना जसो तुना मोरो लक माया राखिसेस, वसोच उनलक भी माया राख।
\p
\v 24 हे बाबूजी मी चाव्हुसु की जिनला तुना मोला देईसेस, जिता मि सेव, उता वय भी मोरो सँग होहेत। की वय मोरी महिमा ला चोहेत जोन तुना मोला देइसेस। काहे की जगत को पैदा होवन को पुढा तुना मोरो लक माया राखयोस।
\p
\v 25 हे न्यायी बाबूजी जगत ना मोला नही जानिस पर मिना तोला जानीसेऊ, अना इनना भी जानिन का तुना मोला धाड़िसेस। 
\v 26 मिना तोरो नाव उन लोकगीन ला साँगयो, अना साँगतो रहुँ। की जोन माया तुना मोरो लक करीसेस, वोच माया उनमा रव्हे। अना मि उनमा रहुँ।
\c 18
\s यीसु को धरायो जानो
\r (मत्ती 26:47-56; मरकुस 14:43-50; लूका 22:47-53)
\p
\v 1 यीसु यो गोस्टी साँगके आपरो चेला को सँगा किदरोन नाला को वोनागन गयो। उता एक बारी होती, जोन मा उ अना ओको चेला गईन। 
\v 2 ओको धरानवालो यहूदा भी उ जघा जानत होतो, काहेकि यीसु आपरो चेला को सँगा उता जात होतो। 
\v 3 तबा यूदूस, सिपाही गीनको दल ला लेयके अना मुखिया याजक अना मोसे को नियम को गुरू कन लक सिपाही ला लेयके, दियो, टेमा अना हतियार धरके उता आयो। 
\v 4 तबा यीसु उ सब गोस्टी ला जोन ओको पर आवनवालो होती, जानके हिटयो, अना उनला कहीस कोन ला ढुँढोसेव?
\p
\v 5 उनना ओला जवाब देईन,
\p यीसु नासरी ला, यीसु ना उनला कहीस, मि सेव
\p ओको धरानवालो यहूदा भी उतच उभयो होतो। 
\v 6 ओको कव्हन पर की मि सेऊ, वय मँघा पछलके जमीं पर गिर गईन। 
\v 7 तबा ओना मंग उनलक पुसयो, तुमी कोन ला ढुँढोसेव?
\p वय बोलिन का यीसु नासरी ला! 
\v 8 यीसु ना जवाब देइस मि तो तुमला कह देइसेउ, की मि सेव, अदी मोला ढुँढोसो तो इनला जावन देव। 
\v 9 यो एकोलाय भईसे की उ सबद पूरो होहे जोन ओना कव्हयो होतिस, “जोनला तुना मोला दियो होतोस, उनमा लक मिना एक ला भी नही खोयो।”
\p
\v 10 एतरो पर समौन पतरस ना, तलवार झीकके अना मोठो मुखिया याजक को दास पर चलायके ओको उज्जो कान ला काप देइस, यो दास को नाव मलखुस होतो। 
\v 11 तब यीसु ना पतरस लक कहीस, आपरी तलवार म्यान मा राख, जोन बटकी बाबूजी ना मोला देइसेस, का मि ओला नही पीहुँ?
\s हन्ना को पुढा यीसु
\p
\v 12 तबा दरोगा ना सिपाही ला हुकूम देईस, तबा यहूदिगीन को दास गीन अखीन सिपाईगीन ना यीसु ला धरके बाँध लेइन। 
\v 13 अना पुढा ओला हन्ना को जवर लेगइन, काहेकि उ ओना बरस को मोठो मुखिया याजक होतो जोन काइफा को ससुर होतो। 
\v 14 यो वाच काइफा होतो, जेना यहूदिगीन ला सलाह दियो होतो की हमरो लोकगीन को लाई एक मानूस ला मरनो साजरो से।
\s पतरस को मुकरनो
\r (मत्ती 26:69,70; मरकुस 14:66-68; लूका 22:55-57)
\p
\v 15 समौन पतरस अना एक अखीन चेला यीसु को मँघा भय गइन, यो चेलाला मोठो मुखिया याजक ओरखत होतो, एकोलाय उ यीसु को सँग मोठो याजक को आँगन मा गयो। 
\v 16 पर पतरस बाहेर डहलान मा उभो होतो तबा दुसरा चेला जोनला मोठो मुखिया याजक ओरखत होतो, बाहेर हिटके अना चौकीदार लक कहके पतरस ला भीतर ले आइस। 
\v 17 वय दासी जोन चौकीदार होती पतरस लक कहीस, कहीं तु भी यो मानूस को चेला मा लक तो नही आस,
\p ओना कहीस, मि नही सेव,
\p
\v 18 दास अना सिपाही थन्डी को मारे अँगेठा पैटाय के स्तो तापत होतीन अना पतरस भी उनको सँग होतो।
\s मोठो याजक को यीसु लक पुसाताछी
\r (मत्ती 26:59-66; मरकुस 14:55-64; लूका 22:66-71)
\p
\v 19 तबा मोठो मुखिया याजक ना यीसु लक ओको चेला को बारे मा अना ओको सिक्सा को बारे पुसयो। 
\v 20 यीसु ना जवाब देइस, मिना जगत लक खुलके गोस्टी करिसेऊ, मिना सभाघर अना मंदिर मा जिता सबच यहूदिगीन एकठ्ठो होत होतीन, हमेसा सिक्सा देवत रहयो, अना छिपयो मा काही नही कव्हयो। 
\v 21 तुमी मोला कायलाई पुसा सो? आयकन वालो ला पुसो, की मिना उनलक काजक सांगीसेऊ?
\p
\v 22 जबा ओना यो कहीस, तो सिपाही मा लक एक ना जो जवर उभो होतो, यीसु ला चाटा मारके कव्हन लग्यो, का तु मोठो मुखिया याजक ला यो रिती लक जवाब देईसेस?
\p
\v 23 यीसु ना जवाब देइस, अदी मिना बुरो कव्हसू, तो वा बुराई की गवाही दे, पर अदी भलो कव्हसू तो मोला कायलाई मारासो?
\p
\v 24 हन्ना ना ओला बँधयो हुयो काइफा मोठो मुखिया याजक को जवर धाड़ दियो।
\s पतरस को दुसरो अना तीसरो बार मना करनो
\r (मत्ती 26:71-75; मरकुस 14:69-72; लूका 22:58-62)
\p
\v 25 समौन पतरस उभो होयके स्तो ताप रहयो होतो।
\p तबा उनना ओला कहीन, कहीं तु भी ओको चेला तो नहात?
\p
\v 26 मोठो मुखिया याजक को दास गीनमा लक एक जोन ओको खानदान लक होतो, जेनको कान पतरस ना कापयो होतिस, ओना कहीस, का मिना तोला ओको सँग बारी मा नही चोवयो?
\p
\v 27 पतरस ना मंग मना कर देइस, अना कुकड़ा ना एकदम लक चिल्लाय देइस।
\s राजा पीलातुस को पुढा यीसु
\r (मत्ती 27:1,2,11-14; मरकुस 15:1-5; लूका 23:1-5)
\p
\v 28 पहट को बेरामा वय यीसु ला काइफा को जवर लक किला मा ले गईन पर भीतर नही धसीन, काहेका उनला असुध्द होवन को डर होति। अबा फसह को तिहार को जेवन नही करी होतिन। 
\v 29 तबा पीलातुस उनको जवर बाहेर हिट गयो, अना कहीस, तुमी यो मानूस पर कोन गोस्टी लक दोस लगावसो?
\p
\v 30 उनना ओला जवाब देइस, अदी उ कुकरमी नही होतो, तो हमी ओला तोरो हात नही सौपता।
\p
\v 31 पीलातुस ना उनलक कहीस, तुमी येला ले जाके मोसे को नियम लक न्याय करो! यहूदिगीन ओला कहिन, हमी ला यो हक नहात की कोनी ला जान लक मारबोन।
\p
\v 32 यो एको लाई भयो का यीसु की उ गोस्टी पूरी होहे जोन ओना यो ईसारा देतो बेरा कव्हयो होतीस, की ओकी मौत कसी रीत लक होहे।
\p
\v 33 तबा पीलातुस किला मा अँदर धसके अना यीसु ला मंग लक पुसयो की का तु यहूदिगीन को राजा आस?
\p
\v 34 यीसु ना जवाब देइस, “का तु यो गोस्टी आपरो कन लक कव्हसेस का दुसरो मोरो बारे मा तोरो लक कव्हसेत?”
\p
\v 35 पीलातुस ना जवाब देइस, का मि यहूदी आऊ ?तोरोच जात वारा अना मुखिया याजक ना तोला मोरो हात मा सौपीसेत। तुना का करीसेस?
\p
\v 36 यीसु ना जवाब देइस, मोरो राजपाठ यो जगत को नही से। अदी मोरो राजपाठ यो जगत को होतो, तो मोरो सिपाही इनलक लड़तीन अना मि यहूदिगीन को हात मा नही सौपयो जातो। पर मोरो राज इता को नहाती।
\p
\v 37 पीलातुस ना ओला कहीस, तो का तु यहुदीगीन को राजा आस?
\p यीसु ना जवाब देइस, तु कव्होसेस की मि राजा सेउ, मिना एकोलाय जन्म लेइसेउ अना जगत मा आयीसेऊ, की खराई को गवाही देऊ। जो कोनी भी खराई को से, उ मोरो आवाज ला आयकासे।
\p
\v 38 पीलातुस ना ओला कहीस की खराई काजक से?
\s मिरतुदन्ड को हुकूम
\r (मत्ती 27:15-31; मरकुस 15:6-20; लूका 23:13-25)
\p यो साँगके उ मंग यहूदिगीन को जवर लक हिट गयो, अना उन लक कहीस, मि तो ओमा काही दोस नही पाऊ। 
\v 39 पर तुमरो यो रीती लक की मि फसह को तिहार मा तुमरो लाई एक आदमी ला छोड़ देहू, एकोलाय का तुम्हि चाव्हासो की मि तुमरो लाई यहूदिगीन को राजा ला सोड़ देहू?
\p
\v 40 तबा उनना मँग चिल्लायके कहीन, एला नही पर हमरो लाई बरब्बा ला छोड़ दे! अना बरब्बा डाकु होतो।
\c 19
\p
\v 1 येको पर पीलातुस ना यीसु ला कोड़ा लगवाइस। 
\v 2 सिपाई ना कांटा झाड़ को मुकुट गुथके ओको डोस्का मा राखिन अना ओला बेजनी कपरा पहनाय देईन। 
\v 3 अना ओको जवर आयके कव्हन लगीन, हे यहूदी को राजा नमस्कार\f + \fr 19:3\fr*\ft नमस्ते\ft*\f* अना ओला झापड़ भी मारिन।
\p
\v 4 तबा पीलातुस ना मंग बाहेर हिटके लोक गीनला कहीस, चोवो मि ओला तुमरो जवर मँग बाहेर आनासू, जोनलक तुम्हि जानो का उ निरदोस से। ओमा काही भी दोस नहात। 
\v 5 तबा यीसु कांटा को मुकुट अना बैजनी कपरा डाकयो हुयो बाहेर हिटयो। अना पीलातुस ना उनलक कहीस, “चोवो यो मानूस ला।”
\p
\v 6 तबा मुखिया याजक अना सिपाही ना ओला चोवीन। तो चिल्लाके कहिन, का ओला कूरूस मा चघाव!
\p पीलातुस ना ओला कहीस, तुम्हिच ओला आन के कूरूस पर चघाओ! काहेकि ओमा काही दोस नही पायो सेऊ।
\p
\v 7 यहूदी गीनना ओला जवाब देइन, “हमारो भी मोसे को नियम को लक, उ जरुर मार डाकन को काबील से, काहेकी ओना आपरो आपच परमेस्वर को टूरा बनाईसेस।”
\p
\v 8 जबा पीलातुस ना यो गोस्टी आयकीस तो अखीन भेव समाय गयो अना यीसु लक कहिस, “तु किता को सेस?” पर यीसु ना ओला काही भी जवाब नही देइस।
\p
\v 9 अना मंग किला को भीतर गयो अना यीसु लक कहिस, तु किता को सेस? पर यीसु ना ओला काही भी जवाब नही देइस। 
\v 10 एतरो पर पीलातुस ना ओला कहीस, मोरो लक काहे नही कव्हासे? का तु नही जानस की तोला छोड़ देवन को हक मोला से, अना तोला कूरूस मा चघा वन को हक मोला से।
\p
\v 11 यीसु ना जवाब देइस, “अदी तोला वरता लक नही दियो जाहे तो तोरो मोरो पर काही भी हक नही से। एकोलाय जोन मोला तोरो हात धरायो से ओको पाप लगत से।”
\p
\v 12 एतरो पर पीलातुस ना ओला सोड़ देनो चाहयो, पर यहूदी गीनना चिल्लाके कहीन, अदी तु एला सोड़ देजोस तो तोरी भक्ति कैसर को संगी नही से। जोन कोनी आपरो आप ला राजा बनावासे। उ कैसर को सामना करासे।
\p
\v 13 यो गोस्टी आयक के पीलातुस यीसु ला बाहेर लायो, अना उ जघा एक चबुतरा होती जो इबरानी मा गब्बता कहलासे अना उता न्याय आसन पर बसयो 
\v 14 यो फसह को तिहार की तैय्यारी को दिवस होतो, अना यो बेरा छटवो तास को लगभग की होती। तबा ओना यहूदिगीन लक कहीस, “चोवो तुमरो राजा!”
\p
\v 15 पर वय चिल्लाइन, ले जाव, ले जाव! अना ओला कूरूस मा चघाव,
\p पीलातुस ना उन लक कहीस, का मि तुमरो राजा ला कूरूस पर चघाऊ!
\p मुखिया पुजारी ना जवाब देइस, कैसर ला छोड़ हमरो कोनी राजा नहाय! 
\v 16 तबा उनना यीसु ला उनको हात सौप देइस, ताकि उ कूरूस मा चघाव जाहे।
\s यीसु ला कूरूस मा चघावनो
\r (मत्ती 27:32-44; मरकुस 15:21-32; लूका 23:26-43)
\p
\v 17 तबा वय यीसु ला ले गईन, अना उ आपरो कूरूस उठायके उ जघा तकन बाहेर गयो, जो कवटी को जघा कहलावासे अना इबरानी मा गुलगुता। 
\v 18 उता उनना ओला अना ओको सँगा अखीन दोन मानूस ला कूरूस पर चघाईन, एक को इता अना एक ला उता, अना बीच मा यीसु ला। 
\v 19 पीलातुस ना एक दोसपतर\f + \fr 19:19\fr*\ft कागद की चिठ्ठी\ft*\f* लिखवाके‍ कूरूस पर लगा देइस, अना ओमा यो लिखयो होतो, यीसु नासरी, यहूदिगीन को राजा। 
\v 20 यो दोसपतर लगत सा यहूदिगीन ना वाचिन काहेकि उ जघा जिता यीसु कूरूस मा चघाव गयो होतो। नगरको जवर होतो, अना पतर\f + \fr 19:20\fr*\ft चिठ्ठी\ft*\f* इबरानी मा अना लतीनी अना यूनानी मा लिखयो होतो। 
\v 21 तबा यहूदिगीन को मुखिया याजक ना पीलातुस लक कहीस, “यहुदि गिनको को राजा” मत लिखने पर यो की “ओने कहीस मि यहुदी को राजा सेउ।”
\p
\v 22 पीलातुस ना जवाब देइस, मि ना जो लिख दियो उ लिख दियो।
\p
\v 23 जबा सैनिक यीसु ला कूरूस मा चघा देईन तो ओको कपरा आन के चार करीन, हर सिपाही को लाई एक पराय अना कुरता भी लेईन, पर कुरता बिन सिवन को वरता लक खाल्या तकन बुनयो हुवो होतो। 
\v 24 एकोलाय उनना आपसी मा कहिन,
\q1 हमि एला नही फाड़बोन पर एको पर चिठ्ठी डाकबिन की यो कोन की होहे।
\q2 यो एकोलाय की पवितर गिरंथ मा जोन कव्हयो गयो उ पूरो भये।
\p उनना मोरो कपरा आपस मा बाँट लेइन अना मोरो पल्लु\f + \fr 19:24\fr*\ft पल्लु \ft*\f* पर चिठ्ठी डाकिन।
\p
\v 25 अता सिपाही ना असो ही करीन यीसु को कूरूस जवर ओकी माय, अना ओकी माया की बहिन, कलोपास की बायको\f + \fr 19:25\fr*\ft घरवाली\ft*\f* मरियम, अना मरियम मगदलीनी उभी होती। 
\v 26 जबा यीसु ना आपरी माय अना ओनो चेला ला जेनला उ माया राखत होतो। जवर उभो देखिस ता आपरी माय लक कहीस हे बाया\f + \fr 19:26 \fr*\ft बायका\ft*\f* देख यो तोरो टूरा से।
\p
\v 27 तबा ओना चेला लक कहीस, यो तोरो माय से। अना वोच बेरा लक उ चेला ओला आपरो घर ले गईन।
\s यीसु को मिरतु
\r (मत्ती 27:45-56; मरकुस 15:33-41; लूका 23:44-49)
\p
\v 28 एको मँघा यीसु ना यो जानके की अता सब काही पूरो भयो, पवितर गिरंथ मा जोन कहो गयो उ पूरो भयो, तब कह्यो “मि तहान सेउ।”
\p
\v 29 उता अंगूर रस भरो हुयो एक बरतन राखियो होतो, अता उनना अंगूर को रस माफिलायो हुयो स्पंज ला जुफा मा राखके ओको तोन्ड लक लगाइन। 
\v 30 यीसु ना उ पित मिलयो अंगूर को रस टोंड मा लेइस अना कहीस “पूरो भयो।”
\p अना डोस्का डाखके परान छोड़ देइस।
\s भाला लक यीसु ला छेदनो
\p
\v 31 यो बिसराम-दिवस लक पहेले तैय्यारी को दिवस होतो। यहूदी गीनना पीलातुस लक बिनती करीन का उनको टगंड़ी तोड़ दियो जाय अना उनको देह उतारो जाय, जोनलक पवीतर दिवस मा वय कूरूस पर नोको रहेत। काहेकि उ सब्त का मोठो दिवस होतो। 
\v 32 एकोलाय सैनिक ना आयके कूरूस मा टगयो, पहेलो अना दूसरो, मानूस को टेगड़ी टोड़िन, जोन यीसु को संग कूरूस मा चघायो गयो होतीन। 
\v 33 पर जबा यीसु को जवर आयके चोविन की उ मर चुकयो तो ओकी टाँग नही तोड़ीन। 
\v 34 पर सिपाही मा लक एक ना बरछी लक ओको पसरी मा मारयो, अना ओमा लक तुरंत रकत अना पानी हिटियो। 
\v 35 जेना यो देखीस ओने गवाही देइस, अना ओकी गवाही देईसेस अना ओको गवाही खरो से उ खूदच जानासे का खरो कव्हसे जेनको लक तुमी भी भरोसा राखो। 
\v 36 यो गोस्टी एको लाई भई का पवितर गिरंथ मा कव्हयो गयो होतो, उ पुरो भयो। “ओकी एक भी हाड़ नही तोड पाहे।” 
\v 37 मँग एक जघा पवितर गिरंथ पर यो लिखो से “जोनना वोला छेदयो, वाच वोको कन चोवयो।”
\s यीसु को गाड़ो जानो
\r (मत्ती 27:57-61; मरकुस 15:42-47; लूका 23:50-56)
\p
\v 38 यो गोस्टि को बाद अरिमितिया को यूसुफ ना जोन यीसु को चेला होतो, पर यहूदी गीनको भेव लक यो गोस्टी ला लुकाय राखत होतो। युसुफ ना पीलातुस ला साँगीस, का “तु यीसु को लास ला मोला देव।”
\p तबा पीलातुस ना कव्हयो का ले जाय। 
\v 39 नीकुदेमुस जोन पुढा रात ला यीसु को कठा गयो होतो, वोच पचास सेर लुभान अना गवारपाठा ले गयो। 
\v 40 तबा उन्ना यीसु को लास ले गईन, अना यहूदिगीन को गाड़ो जानो को रिवाज लक ओला सुगंधित सामान को सँगा कपरा मा लपटिन। 
\v 41 ओनो जघामा जिता यीसु कूरूस मा चघाव गयो होतो, एक बारी होती अना उ बारी मा एक नवतो मरघट्टी होती जेमा कोनी ना राखियो गयो होतो। 
\v 42 एकोलाय यहूदिगीन की तैय्यारी को दिवस सूकीरवार को कारन उनना यीसु ला वोचमा राख्यो, काहेकि वा मरघट्टी जवर होती।
\c 20
\s यीसु को जिन्दो होवनो
\r (मत्ती 28:1-8; मरकुस 16:1-8; लूका 24:1-12)
\p
\v 1 हफ्ता को पहिले दिवस मरियम मगदलीनी पहेटिया मा मरघटी मा आइन, अना गोटा ला मरघट्टी लक हटयो हुयो चोवीन। 
\v 2 तबा वय धाव के समौन पतरस अना उ दुसरो चेला को जवर जेनको लक यीसु माया राखत होतो आयके कहिन, वय पिरभू ला मरघट्टी मा लक हेड़के ले गईन, अना अमीला पता नहात, वोला किता राख दियो!
\p
\v 3 तबा पतरस अना उ दुजो चेला हिटके मरघट्टी को कन चली गईन। 
\v 4 वय दोंनो सँग-सँग धाव रह्यो होतिन, पर दुसरो चेला पतरस लक पुड़ढा मरघट्टी\f + \fr 20:4 \fr*\ft मसान घाट\ft*\f* मा पहुचयो। 
\v 5 अना उ वोनो होयके कपरा पड़ो चोवयो, ता भी उ भीतर नही गयो। 
\v 6 तबा समौन पतरस ओको मंघा-मंघा पहुचियो, अना मरघट्टी \f + \fr 20:6 \fr*\ft कब्रस्थान \ft*\f* को भीतर गयो, अना कपरा पड़ा चोविस 
\v 7 अना उ गमछा जोन ओको डोस्का\f + \fr 20:7 \fr*\ft कवटी\ft*\f* लक बँधो होतो, अलग एक जघा गुन्ड के राखियो होतो। 
\v 8 तबा दुसरो चेला भी जोन मरघट्टी पर पुढा पहुचियो होतो, भीतर गयो अना चोयके भरोसा करीन। 
\v 9 वय तो अबा तकन पवितर गिरंथ की उ गोस्टीच ला नही समजयो होतीन, की ओको मरो मा लक जिँदो होवनो से। 
\v 10 तबा यो चेला आपरो घर लवट गईन।
\s मरियम मगदलीनी ला दिसनो
\r (मत्ती 28:9-10; मरकुस 16:9-11)
\p
\v 11 पर मरियम रोवती हुई मरघट्टी को जवर च बाहेर उभी रही, अना रोवती-रोवती मरघट्टी को कन नवके, 
\v 12 दुई सरगदूत ला पाढरो कपरा घालयो हुयो एक ला मुंडेसा अना दुसरो ला पैताना मा बस्यो चोयी, जिता यीसु को लास राखी होतीन। 
\v 13 उनना ओकोलक कहीन अवो बायका तु काय ला रोवासेस?
\p ओना उनलक कहीस, वय मोरो पिरभू ला उचलके ले गईन, अना मोला मालूम नहात की ओला किता राखीसेत?
\p
\v 14 यो कही अना वा यीसु ला उभो चोयी, पर वा नही वोरख सकी का उ यीसु आय। 
\v 15 यीसु ना ओला कहीस, अवो बाई तु काय लाय रोवासेस कोन ला ढुढासे?
\p ओना माली समजके ओला कहीस, हे पिरभू अदी तु ना ओला उचल लेइसेस। तो मोला सांग ओला किता राखीसेस अना मि ओला ले जा? 
\v 16 यीसु ना ओला कहीस, मरियम! ओना मंघा मुरकके ओला इबरानी मा कहिस “हे गुरु”
\p
\v 17 यीसु ना कहीस, मोला नोको छुवस। काहेकि मि अबा तकन बाबूजी को जवर वरता नही गयो, पर मोरो भाऊ को जवर जावके उन लक सांग दे, की मि आपरो बाबूजी अना तुमरो बाबूजी अना आपरो परमेस्वर अना तुम्हरो परमेस्वर को जवर वरता जावासु।
\p
\v 18 मरियम मगदलीनी ना जायके चेलागीन चेला गीनला साँगिस, मिना पिरभू ला चोवीसेऊ, अना ओना मोला यो गोस्टी कहीस।
\s चेलागीन ला चोवनो
\r (मत्ती 28:16-20; मरकुस 16:14-18; लूका 24:36-49)
\p
\v 19 ओनो दिवस जोन हप्ता को पहेलो दिवस होतो, झुलाखाली को बेरा जबा उता को बेसकुड़ जिता चेला होतीन, यहूदिगीन को भेव को मारे बंद होतो। तबा यीसु आयो अना उनको बीच मा उभो होयके उनलक कहीस, “तुमला सान्ती मिलहे।” 
\v 20 अना यो सांग के ओना आपरो हात अना आपरो पंजर उनला चोवायो तबा चेलागीन पिरभू ला चोवके खुसी लक भय गईन। 
\v 21 यीसु ना मँग उनलक कहीस, “तुमला सान्ती मिलहे। जसो बाबूजी ना मोला धाड़ीसेस, वसो ही मि भी तुमला धाड़िसेउ।” 
\v 22 यो साँगके ओना उन पर फुकिस। अना उन लक कहीस, “पवीतर आतमा लेव। 
\v 23 जिनको पाप तुमी छिमा करो वो उनको लाई छिमा कियो जाहे। जिनला तुमी राखसेव वय राखो गईसेत।”
\s थोमा ला चोवनो
\p
\v 24 पर बारा मा लक एक मजे थोमा जोन दिदमुस कहलावासे। जबा यीसु आयो ता उनको सँग नही होतो। 
\v 25 जबा चेलागीन ओको लक कव्हन लागीन, हमी ना पिरभू ला चोवीसेजन, तबा ओना उन लक कहीस,
\p जबा तकन मि ओको हात मा खिल्ला का छेद न चोय लुँ, अना खिल्लो को छेद मा आपरी वोट ना डाक लुँ, अना ओको छेद मा आपरो हात न डाख लु, तबा तकन मि भरोसा नही करुँ।
\p
\v 26 आठ दिवस को मंघा ओको चेलागिन मंग घर को भीतर आइन, अना थोमा उनको सँग होतो। अना किवाड़ बँद होतीन। तबा यीसु आयो अना उनको बीच मा उभो होयके कहीस, तुमला सान्ती मिलहे। 
\v 27 तबा ओना थोमा लक कहीस, आपरी बोट इता आनके मोरो हात ला चोय। अना आपरो हात आनके मोरो छेद मा डाक। अना अबिस्वासी नोको पर बिस्वास करन वालो बन।
\p
\v 28 यो आयक के थोमा ना जवाब देइस। हे मोरो, पिरभू हे मोरो परमेस्वर।
\p
\v 29 यीसु ना ओला कहीस, “तु ना मोला चोवीसेस एको लाई भरोसा करसेस, धन्य सेत वय जेने मोला बिन चोय भरोसा करासेत।”
\s यो पुस्तक को मकसद
\p
\v 30 यीसु ना अखीन लगत सा निसान चेला को पुढा चोवाईस। जोन यो किताब मा लिखयो नही गई सेत। 
\v 31 पर एको कारन लक लिखी गई से की तुमी लोकगीन भरोसा करो, की यीसु जोन से उ परमेस्वर को धाड़ो गयो से। अना कव्हनो मा मसीह से। अना ओको नाव मा भरोसा करनो लक जीवन मिलासे।
\c 21
\s तिबिरियास झील को किनार मा चेला गीनला चोवनो
\p
\v 1 येको मंघा यीसु ना तिबिरियास झील को किनार मा मगं चेला गीनको जवर आपरो आप ला दिसायो। यो असो भयो, 
\v 2 समौन पतरस अना थोमा जोनला दिदमुस भी कहव्सेत। अना गलील को काना नगर को नतनएल अना जबदी को टूरा अना ओको चेला मा दोन दिगर जन इकठ्ठा भईन। 
\v 3 समौन पतरस ना उनको लक कहीस, “मि मसरी पकड़न लाई जावासू।” वय ओला कहिन “हमि भी तोरो सँग चला सेजन।”
\p वय चले गइन, नाव मा चघके मसरि पकड़न लगीन, पर उ रात उनला काही नही भेटियो। 
\v 4 पहट को बेरा यीसु किनारे पर उभो होतो, पर चेला गीन नही चिन्हो का यो यीसु से। 
\v 5 तबा यीसु ना उन लक कहीस, ओ भाऊ तुमरो कठा कितरो मसरी सेत?
\p तबा वय जवाब देईन, काही नाहती।
\p
\v 6 ओना उन लक कहीस, नाव की उज्जो कना जाल डाकहो तबा तो तुम पाहो। एकोलाई: उनना जाल डाकिन, अना लगत सारी मसरी जेनला उनला झिकत नही बनयो।
\p
\v 7 तबा ओनो चेला ना जेनला यीसु माया राखत होतो। ओना पतरस ला कहीस, यो तो पिरभू से। समौन पतरस ना यो आयकिस, तो ओना कमर मा गमछा डाकके अना झील मा कूद गयो। 
\v 8 पर दुसरो चेला नहानी डोंगी मा मसरी लक भरो जाल खिचत-खिचत आइन। वहान लक सिरफ 100 मिटर दुहुर लक धरती को किनार होतो। 
\v 9 वय धरती मा उतरीन होतीन अना कोयले को स्‍तो अना ओको पर मसरी राखी गई होती अना भाकर चोवीन। 
\v 10 यीसु ना उन लक कहीस “तुमीना जोन मसरी अबा धरियासेव, ओमा लक काही आनो।”
\p
\v 11 समौन पतरस ना डोंगी मा चघके एक सौ तिरेपन मोठो मसरी लक भरो हुवो जाल धरती मा झिकिस। अना एतरी मसरी होवनो पर भि जाल नही फटयो। 
\v 12 यीसु ना उनलक साँगीस, आव, आमी जेवन करबीन। चेला गीन मा कोनी ला एतरो हिम्मत नई भयो की ओला पुसेत, की तु कोन आस? काहे की वय जानत होतीन की यो पिरभू च से। 
\v 13 यीसु आयो अना भाकर आन कन उनला देइस, अना वसोच मसरी भी। 
\v 14 यो तिसरो गन से की यीसु मरो मा लक जित्तो होवनो को मंघा चेला गीन ला चोयो।
\s यीसु अना पतरस
\p
\v 15 जेवन करनो को मंघा यीसु समोन पतरस लक कहीस, की हे समौन, योहन को टूरा, का तु मोला माया राखसेस का?
\p ओना कहीस, “हव, पिरभू, मि तोरो लक माया राखुसु तु तो जानसेस।”
\p ओने ओला कहीस, “मोरो मेंढ़ा गीन ला चराव।” 
\v 16 ओना मंग दुसरो गन ओला कहीस,
\p हे समौन योहन को टूरा का तू मोरो लक माया करासेत,
\p तबा समौन यीसु लक कहीस, हव पिरभू तु जानासेस की मि तोरो लक माया राखसू ओने मंग कहीस, मोरो मेढा ला चराव। 
\v 17 ओने मंग तीसरो डाई ओला कहीस, हे समौन योहन को टूरा, का तु मोरो लक माया राखसेस।
\p मंग पतरस उदास भय गयो की ओने तीसरो गन असो कह देइस। का तु मोला माया राखसेस? अना एतरो पर ओने कह देइस, का हे पिरभू तु तो सब काही जानासेस की मि तोरो लक माया राखसु का नही।
\p यीसु ना मंग कहीस मोरी मेढा ला चराव। 
\v 18 मि तोरो लक खरो मा कव्हुसु की जबा तु जवान होतोस तो आपरो कमर बाँधके जिता चाहत होतो जात होतोस, पर जब तु सयानो होजोस तो आपरो हात पसार जोस, अना दुसरो तोरी कमर बाँधके जिता तु नही चाहवजोस उता तोला ले जाहेत। 
\v 19 ओना ऐना गोस्टी लक ईसारा देईस की पतरस कसो मौत लक परमेस्वर की बड़ाई करेत। अना तबा ओना ओला कहीस, मोरो मँघा भयजाहे।
\s यीसु अना ओको माया को चेला
\p
\v 20 पतरस ना मुरकके उ चेला ला मंघा आवता चोवीस, जेनको लक यीसु माया राखत होतो अना जेना जेवन को बेरा ओको छाती कन नवके पुछिस होतीस, हे पिरभू तोरो धरान वालो कोन से? 
\v 21 ओला चोवके पतरस ना यीसु लक कहीस हे पिरभू एको काजक हाल होहे?
\p
\v 22 यीसु ना ओला कहीस अदी मि चाहु की उ मोरो आनो तकन रुकयो रह। ता मोला एकोलक काजक, तु मोरो मंघा भय जाय।
\p
\v 23 एको लाई भाऊ गीन मा यो गोस्टी फैल गई की उ चेला नही मरेह, ता भी यीसु ना ओला नही कहीस की उ नही मरेह, पर यो की “अदी मि चाहुँ की उ मोरो आनो तकन रुकयो रह, तो तोला एको लक काजक?”
\s निचोड
\p
\v 24 यो वाच चेला से, जोन ऐना गोस्टी की गवाही देवासे। अना जेना ऐना गोस्टी ला लिखि से अना हमी जानसेजन की ओकी गवाही खरो से।
\p
\v 25 अखीन भी लगत सा काम सेत, जोन यीसु ना करीसेस। अदी वय एक-एक करके बयान करी जातीन ता मि समझुसु की जोन किताब लिखी जातीन, वय जगत मा नही समातीन।