\id HEB - Powari Standard Project
\ide UTF-8
\h इब्रानियो
\toc3 इब्रानियो
\toc2 इब्रानियो
\toc1 इब्रानियो को नाव पौलुस की चिठ्ठी
\mt2 इब्रानियो के नाव पौलुस का पत्र
\mt1 इब्रानियो को नाव पौलुस की चिठ्ठी
\imt परिचय
\ip इब्रानियो को किताब एक जोस पैदा करन वारो चिठ्ठी से। जोन दरसावा सेत का कसो यीसु ना जूनो करार को लगत भविस्यवानी गिनला पूरो करीस। यो एक उपदेस को जसो लिख्यो गयो होतो। इब्रानियो को जूनो करार लक 60 लेक जादा परसंग से। जोन सफा-सफा चोवासेत का यीसु कसो भविस्यवानी अखीन यहूदी महायाजक को काम ला पूरो करयो से। एना कारन लक यो किताब यहूदी ईसाई गिनला जोस दिलावन वालो होतो। इब्रानियो ना चोवायो का कसो यीसु ना कानून ला पूरो करयो, जोन लक याजक गिनला दुबारा बली देवनो नोको पड़े। यीसु सबको पाप को लाय एक बार हरामेसा को लाय बली होतो। आमरो बेरा मा ईसाई गीन इब्रानियो को चिठ्ठी लक बढ़ावा पाय सका सेत। का वय यीसु को मघा चलतो बेरा जोन आमरो लाय परमेस्वर पर भरोसा करनो संभव बनावासेत। अखीन संगमा वोको पर भरोसा करतो रव्हनो। \xt 12:2\xt*
\ip इब्रानियो ला कोनना लिख्यो से यो कोनीला मालुम नाहती पर विदवान गीनना पेरीत पौलुस, लूका या बरनबास जसो मा लक कोनी सेत। लेख को तिथी भी मालुम नाहती। लेकिन लगत लोक गिनको असो मानता सेत का, ईसा को जलम को मघानी सन 70 को पहले लिख्यो गयो से काहेका अना 70 मा यरुसलेम नगर ला नास करयो होतिन। पर यो चिठ्ठी मा लेखक यरुसलेम नगर को बारेमा गोस्टी करासेत। असो जसो अबा नास नही भयो सेत। इब्रानियो ला रोम सहेर मा में लिख्यो गयो होतो। अना असो लगासे का लगत चरच मा धाड़यो गयो होतो। \xt 13:24\xt*
\iot रूपरेखा
\io1 1. लेखक चोवायो से का यीसु भविस्यवक्ता अखीन सरगदूत गीन लक लगत बेस से। \ior 1:1—4:13\ior*
\io1 2. मंग वा चोवायो से का यीसु उन याजकगीन लक बेस से जोन यरुसलेम मा परमेस्वर को मंदिर मा सेवा करासेत। \ior 4:14—7:28\ior*
\io1 3. संगमा यीसु को सेवा को काम वोना जुनो करार लक बेस से जोन ला परमेस्वर ना आपरो परजा को काजी मोसे को नियम दियो होतो। \ior 8:1—10:31 \ior*
\io1 4. यो समजावन को मघानी का यीसु हरेक परकार लक साजरो से, लेखक लगत परकार लक बरताव को निरदेस देवासे। \ior 10:32—13:17\ior*
\io1 5. अखट्ट मा लेखक काही बढ़ावा अखीन नमस्कार को संग चिठ्ठी ला खतम करासे। \ior 13:18-25\ior*
\c 1
\s परमेस्वर आमरो लक आपरो टूरा को लक गोस्टी करीसेस
\p
\v 1 जूनो जमाना मा, परमेस्वर आपरो कन लक बोलन वालोगिन लक, लगत परकार ले पुरखागिन संग बोलयो। 
\v 2 परंतु या अखट्ट दिवस मा उ अमी लक आपरो टूरा लक बोलला, जोनला परमेस्वर ना सप्पा गोस्टी को वारिस बनाइसेस। वोनाच सप्पा दुनिया ला बनाइसेस। 
\v 3 उ ता टूरा परमेस्वर को गौरव को उजाड़ सेत। अना उ जनमन परमेस्वर जसोच सेत। अना सप्पा काही वोकोच सामरथ लक संभालासे। सर्वांना पाप पासुन मुक्त करायो अना असो करन को मंघा उ सरग मा महान गौरव लक परमेस्वर को उजो हातमा बस्यो।
\p
\v 4 वोको पद सरग दूतगिन लक वरता भेटयो सेत। काहे का वोला जोन नाव वारसाना भेटयो सेत। उ उनको नाव लक लगत साजरो सेत। 
\v 5 “का परमेस्वर ना कदी कोनी सरगदुत लक असो नही कव्हयो?”
\q1 “तु मोरो टूरा आस!
\q2 आज मि तोला जलमायो सेउ।”
\p अना मी वोको लाय,
\q1 अजी बनयो सेऊ,
\q2 “अना उ मोरो टूरा होयेत।”
\p
\v 6 मंग परमेस्वर दुनिया समोर आपरो “पयलो टूरा” लाय असो कव्हसे का
\q1 “परमेस्वर को सप्पा देवदूत वोको अराधना करो।”
\p
\v 7 जबा परमेस्वर देवदूत को बारे मा कव्हासेत।
\q1 “उ आपरो देवदूत ला वारा,
\q2 अना आपरो सेवकहुन ला स्तो की लपट बनावासे।”
\p
\v 8 पर टूरा को बारे मा, “ओ परमेस्वर! तोरो सिघासन हरामेसा जुग-जुग तकन टिकेत अना तुमरो राज करन को छड़ी नियाव को कारज छेतर सेत।” 
\v 9 तोला साजरापन भावासेत अना पाप लक नफरत करासेत। एकोलाय परमेस्वर ना तोला पिरेम लक निवाड़ो सेत। “अना यो आदर मान तोला तोरो संगीगिन लक जास्ता देईसेस।” 
\v 10 अना मंग,
\q1 “हे पिरभु सुरुच मा तुचना धरती को पाया डाकिस,
\q2 अना बादल तोरोच हात को बनायो से।”
\q1
\v 11 वोको नास होहेत, पर तु बनयो रव्हजोस।
\q2 सप्पा वय कपरा सारखे जुनो हो जाहेत पर तु एक सो बनो रव्हसेस।
\q1
\v 12 अना उनला चद्दर जसो लपेटून देहिन।
\q2 मजे वा कपरा जसो बदलीन जाहेत।
\q1 पर तुम्ही एक सारखे सेव अना तोरो सालगिन को अंत होनार नाही।
\q2 अखीन तु वोला चद्दर को जसो लपेटजोस अना वय सबच कपरा को जसो जुनो भई जाहेति अना फट जाहेति।
\p
\v 13 अना कोन तो देवदूत ला उ असो कव्हयो होतो की,
\q1 “मी तोरो बैरी
\q2 ना तोरो पाय खाल्या ओयना देहिन
\q2 मोरो उज्जो कना बस।”
\p
\v 14 वय सप्पा आतमा परमेस्वर को सेवा नही करासेत काय? का सबच सरगदुत दास नाहती जोन उन लोकगीन को सेवा साठी धाड़यो जासेत जोन मुकती को बारिस सेत।
\c 2
\s मोठो सूटकारा
\p
\v 1 एकोलाय अमिला जोन खबर भेटयो सेत। वोको कन आपरो बारीकी लक धियान देवनो पाहिजे। वा गमावू नका अना मारग भटक जाबिन। 
\v 2 कारन देवदूत जोन सबद बोलयो वा पक्को रव्हयो अना हरेक झन ला सजा अना हुकूम तोड़न को नेमको बदला भेटयो, 
\v 3 “इतरो मोठ्या तारन लक अमी धियान नही दियो सेत ता अमी कसौ सूट जाबोन?” जबकि स्वता पिरभु ना पयले सूटकारा को मुनादी करयो होतो। अना जोन लोकगीन ना वोकी आयेकले, उनना यो सही सेत असो सिध्ध करयो। 
\v 4 वोच बेरा परमेस्वर ना सप्पा परकार को चिमत्कार अना अद्भुत गोस्टी करयो, अना पवितर आतमा भेटी वोको इक्सा अनुसार बाटयो। उ ना वोकी गवाही ला बड़ायो।
\s मसिहा सूटकारा देवनवारा सेत
\p
\v 5 जोन आवनवालो नवीन दुनिया सेत। वोको बारे मा परमेस्वर ना देवदूतगिन ला नियुक्त नाही करयो। 
\v 6 धरम गिरथ मा एक जघा असो चेताय गयो सेत
\q1 “ओ परमेस्वर, मानूस का सेत का तू वोको देख रेख करतोस?
\q2 मजे मानूस को टूरा को तु चिन्ता करजोस
\q1
\v 7 तू जरासो बेरा साठी वोला देवदूत लक लहान कियो सेत। अना ओला गौरव
\q2 अखिन सन्मान को मुकुट दियो से, अना वोला तैय्यारी मा आपरो हात को काम पर हक्क देइसेस।
\q2
\v 8 अना वोना उनला सप्पा गोस्टी मा राज दियोसेत।”
\p असो कहयो सेत का परमेस्वर ना “सप्पा गोस्टी” मा नियुक्त कियो। एको साप मतलब सेत, सप्पा काही समायो सेत। 
\v 9 परंतु, मानूस अबा सप्पा गोस्टी मा राज करतो दिसत नाही। पर आपरो यीसुला चोवो, जोनला काही बेरा साठी देवदूत को मुकाबला मा नीचो कियो। या साठी की, परमेस्वर को किरपा लाय वा सर्वांसाठी मरयो। अता आपरो मरनो को दुख को कारन वोला गौरव व सन्मान को मुगुट पहनायो गयो। 
\v 10 फक्त इतरोच खरो च सेत, का जोनना सप्पा गोस्टी बनायो। अना वा सर्वां को रक्सन करयो, या साठी का वोना लगत सो टूरा-टूरी ला वोको गौरव वाटन साठी मसीह ला दुख देके पुरो करयो। अबा यीसु उनको सूटकारा ठैयरो अता कोन सेत?
\p
\v 11 परमेस्वर ना उनला पाप पासुन सुद्ध करासे। अना जोन सुद्ध सेत, उ सबको एकच अजी सेत। एकोलाय यीसु ला उनला कुटुंब माननो मा कोनी लाज नही लगासेत। 
\v 12 अना उ परमेस्वर ला कव्हसेत
\q1 “तू जोन करयो सेत, उ मी मोरो लोकगीन ला सांगिन,
\q2 मी उनको सभा मा तोरो स्तुती करीन।”
\p
\v 13 उ अखिन कव्हसेत “मी मोरो विस्वास वोको मा ठेविन।” अना उ मंग कव्हसेत “इतानी मी सेऊ” मजे मोरो बरोबर परमेस्वर ना जोन सन्तान देइसेस, अमी समेर सेत।
\p
\v 14 उ लेकरागिन ला सांगतो, “यो लोकगिन मोरो स्वता को देह अना रक्त सेत, एकोलाय यीसु स्वता उनको सारखा भयो अखिन वोको स्वभाव मानूस सारखा भय गयो, यासाठी की वोना आपरो मरनो लक सैतान को नास करे।” जोन को मरनो मा हक सेत। 
\v 15 अना जोन लोक ला सप्पा जीवन मा मरनो को भेव सेत। अना वय मरन को दास सारखे जगत मा होतीन, उनला त मुक्त करावे। 
\v 16 यो कारन उ देवदूतगिन को नही तर अबराहम को खानदान को लोक गिन ला सभांला सेत। 
\v 17 यो कारन खुद सप्पा गोस्टी को बिच मा उ उनको भाऊ सरिसो होवनो पाहिजे। एको लाय का लोकगिन को पाप को लाय को बदला मा बली देवन साठी परमेस्वर को संबंधित असो गोस्टी तो दयालू अना बिस्वासी असो परमुख याजक सेत। 
\v 18 कारन जबा उना परिक्सा को बेरा दुख सहयो सेत। एकोलाय उ परिक्सा मा पड़यो मानूस गिन को मदत करू सकासेत।
\c 3
\s यीसु मोसेस लक महान सेत
\p
\v 1 एकोलाय पवीतर भाऊ अना बहिन हुन! तुमी सरग मा हाकलो जान को हिस्सादार सेव। यीसु पर धियान लगाव जोन आमी ला पेरीत अना मुखिया याजक मानिसेजन। 
\v 2 जसो परमेस्वर को सारो घराना मा मोसे भरोसा को काबिल बनो रहयो, वसोच उभी आपरो ठहरानवारा को डोरा मा भरोसा को काबिल बनो रहयो। 
\v 3 जसो घरको बनावन वारा घर लक जादा आदर को काबिल होवासेत वसोच यीसु भी मोसे लक बड़के महिमा अना आदर को लायक समझो गयो। 
\v 4 काहेका हरेक घर कोनी ना कोनी लक बनायो जासेत। पर सक्ड़या चीजला बनावन वारा परमेस्वर सेत। 
\v 5 परमेस्वर को सारो घराना मा मोसे तो नौकर जसो भरोसा को काबिल रहयो का मघा मा होवनवालो गोस्टी को पुरुप भई जाय। 
\v 6 पर मसिहा तो टूरा जसो परमेस्वर को घराना को वारिस सेत। अदी आमी आपरो भरोसा अना आस मा घमंड ला आखीर तकन मजबुति लक थाम सेजन त हमच वोको घराना सेजन।
\s परमेस्वर को लोकगीन काजी आराम
\p
\v 7 एकोलाय जसो पवीतर आतमा कव्हसेत अदी आज तुम वोको हाकलनो आयको 
\v 8 तो आपरो मन ला गोटा वानी नोको करो। जसो जगंल मा परिक्सा को बेरा उनना करिया होता जेनको लक परमेस्वर हिजर गयो होतो। 
\v 9 उता तुमरो आजा बाबा गीन ना मोला परखिन अना चाड़ीस साल तकन मोरो काम चोविन। 
\v 10 एकोलाय मीना यो बेरा को लोकगीन लक हिजर के सागयो इनको मन हमेसा लक इतानी उतानी हिंडा सेत अना ऐना ना मोरो रस्ता ला नही चिन्होसेत 
\v 11 तबा मीना हिजर के किरिया खायो वय मोरो बिसराम को जघा मा नही जाय सकेत।
\p
\v 12 अगो भाऊ अना बहिनहुन होसियार रव्हो कदि असो नोको होये का तुमरो लक कोनी को मन दुस्ट स अना अबिस्वासी भई जाय अना तुम जित्तो परमेस्वर लक दुहुर भई जावो। 
\v 13 जब तकन आज को दिवस कहलावसेत तबा तकन तुमी रोज एक दूजो ला बढ़ावा देव, कदी असो नोको भई जाय का तुमरो लक कोनी मानूस पाप मा पड जाय अना वोको मन गोटा जसो भई जाय। 
\v 14 अदी आमी आपरो पयलो भरोसा पर आखीर तकन मजबूत बनो रव्हसेत तो आमी मसीह को हिस्सादार बनयो सेत।
\p
\v 15 जबकि कव्हयो गयो सेत,
\q1 अदी आज तुमी वोको आवाज आयको,
\q2 तो आपरो मन ला असो कड़ो नोको करो,
\q2 जसो का उनना हिजरान को बेरा कियो होतो।
\p
\v 16 काहेका कोन लोक गिनना आयक के मोसे ला हिजराइन? का सहीमा उन लोकगीन नही जोन मोसे को सगं मिसर देस लक हिटी होतिन। 
\v 17 उ कोन लोकगीन लक चाड़ीस साल तकन गुस्सा करीस का उन लक नही जोन ना पाप करिया अना उनको लास जगंल मा पडयो रहयो। 
\v 18 परमेस्वर ना कोनी लक किरिया खाईस? का तुमी मोरो अराम को जघामा नही जा सकेत। का उन लक नही का जोनना हुकूम नही मानिन? 
\v 19 तो एकोलाय आमी चोवसेजन का अबिस्वास होवन को कारन लक वय धसनो नही पाइन।
\c 4
\p
\v 1 एकोलाय जबा वोको बिसराम को जघा मा धसनो को वायदा अबा तकन बनयो हुयो सेत, तो आमी ला सतरक रव्हनो पाहिजे। का तुमरो लक कोनी वोको लायक ना रव्हेत। 
\v 2 काहेका अमीला उनको च जसो साजरो बारता आयकु आय गयो सेत। पर जोन साजरा बारता उनना आयकयो वोको कोनी फायदा नही भयो। काहेका आयकन वालो बिस्वास नही करयो। 
\v 3 अबा चोवो, अमीला जोन बिस्वास सेजन। वोना बिसराम मा धसयो सेत। जसो का परमेस्वर ना सांगयो से। “मीना गुस्सा मा किरिया खाय के कव्हयो होतो। ‘वय कदीच मोरो बिसराम मा सामिल नही होयेत।’” जबा संसार को बनानको मघा वोको काम पूरो हो गयो होतो। 
\v 4 वोना सातवो दिवस को बारे मा गीरंथ मा कही असो कव्हयो सेत। “परमेस्वर ना सातवो दिवस आपरो सब काम निपटा केन बिसराम करीसेस।” 
\v 5 अना मंग यो जघा मा भी कव्हयो “वय कदी मोरो बिसराम मा सामिल नही होयेत।” 
\v 6 जोनला पयले साजरा बारता आयकायो गयो होतो। वय अपरो हुकूम नही मानन को कारन बिसराम मा नहि धस सकयो। पर दुसरो मानूस लाय अबा भी बिसराम को बेसकुड़ खुल्यो सेत। 
\v 7 एकोलाय परमेस्वर ना मंग एक खास दिवस पक्को करयो। अना वोला नाव दियो “आज” काही साल बितन को मघा दाऊद लक परमेस्वर ना वोना दिवस को बारे मा गीरंथ मा कहयो होतो। “जोनको बारे मा अमी अबा कव्हसेजन।” अदी आज वोको आवाज आयको, “तो आपरो मनला निठ्ठूर नोको करो।”
\p
\v 8 काहेका अदी यहोसु ना उनला बिसराम दियो होतो। तो उ एको मघा आवनवालो कोनी अखीन दिवस को चरचा नही करतो। 
\v 9 एकोलाय परमेस्वर को लोकगीन को लाय अबा भी बिसराम को दिवस बाकी सेत। 
\v 10 काहेका जोन कोनी परमेस्वर को बिसराम मा धसा सेत, आपरो काम ले बिसराम पाय जावासते। वसोच जसो परमेस्वर ना आपरो काम लक पाय गयो। 
\v 11 एकोलाय, आमी भी वोना बिसराम को जघा मा धसनो काजी भीड़यो रव्हो। कहि असो ना होहे की वसोच हुकूम नही मानन को कारन, कोनी मानूस गडढा मा पड जाय।
\p
\v 12 काहेका परमेस्वर को बचन जित्तो, अना ताकतवर, अना कोनी भी दुइ धारवालो तरवार लक पैनो सेत। उ जान मन जोड अना मास ला आर को पार छेदन लायक सेत, अना मनको बिचार अखीन भावना ला परखसेत। 
\v 13 परमेस्वर लक कोनी भी चीज लुको नाहती। वोको डोरा को सामोर सब काही उघड़ो सेत। वोकोच लेखा अमी ला देवनो सेत।
\s मोठो याजक यीसु
\p
\v 14 परमेस्वर को टूरा यीसु आमरो मुखिया याजक से। जोन सरग लक आयो से, अना लवट गयो। एकोलाय अमी आपरो बिस्वास को बचन ला मजबूती लक धरयो रहबीन। 
\v 15 काहेका आमरो मुखिया याजक असो नाहती का आमरो कमजोरी मा अमी लक दुहुर भयी जाय। काहे का पाप ला सोड़ के सब गोस्टी मा आमरो जसो परखो गयो सेत। पर उ बेकसूर हिटयो। 
\v 16 एकोलाय आमी पूरो भरोसा को संग, किरपा को सिघासन को जवर जाबिन, जोनलक अमिला दया भेटेत। यो आमरो जरुरत मा आमरो सायता करहेत।
\c 5
\p
\v 1 हरेक महायाजक मानुसगिन लक लियो जावासेत। अना मानूसगिन को कन लक, परमेस्वर को बारे मा काम करासेत। वोला एकोलाय ठहरायो जासे का पाप को भेट अना बली दुई चघाय। 
\v 2 काहेकी वा खुद च कमजोरी लक घिरो रव्हसेत। यो काजी वा अगियानी अना भुलो भटको को संग सहनभुती को बरताव करे। 
\v 3 एकोलाय वोला आपरो पापगिन लाय अना वसोच लोकगिन को लाय पापगिन को बली चघानो पड़ासेत। 
\v 4 यो मान कोनी ला आपरो आप नही भेटासेत। जब तकन हारून जसो परमेस्वर को कन लक ठैयरायो नही जावासेत।
\p
\v 5 असोच मसीह ना भी महायाजक बनन को गौरव स्वता नही लियो।
\q1 बल्कि परमेस्वर ना वोको लक कहयो,
\q2 “तू मोरो टूरा आस आज मीना तोला जलमायो सेउ ।”\fig महायाजक आपरो कपरा अना धुपदानी को संग|alt="High priest with his priestly clothes and censer" src="HK00267C.TIF" size="col" copy="Horace Knowles ©" ref="5:5"\fig*
\p
\v 6 असोच उ अखीन एक जघा मा कव्हसेत,
\q1 “तू मलिकिसिदक को रित लक
\q2 सदा को याजक सेत।”
\p
\v 7 यीसु आपरी देह मा रव्हत बेरा, हकल-हकल के अना आसू बोहा-बोहा के परमेस्वर लक पिराथना अना बिनती करीस, अना बिनती, भगती को कारन वोको आयको गई। 
\v 8 टूरा होवनो को बाउजुद भी वोना दुख उचल-उचल के हुकूम माननो सिकिस। 
\v 9 अना एक बार पुरो होवन को मघा उन सबको लाय जोन वोको हुकूम मानासेत। उ अमर सूटकारा को ठिकान बन गयो। 
\v 10 अना परमेस्वर को कन लक मलिकिसिदक को रीत लक वोला महायाजक बनायो गयो।
\s भरोसा खंडित करनवारा को बिरोध चीतोनी
\p
\v 11 एको बारेमा आमरो जवर कव्हन लाय लगत सेत मंग समझानो कठिन सेत। काहेका तुम्हरो समज लगत मध्दो सेत। 
\v 12 सहीमा तुमीला अबा तकन सिक्सक बन जानो होतो। पर तुम्हीला तो अबा कोनी असो मानूस को जरुरत सेत। जोन तुम्हिला नवा सिरो लक परमेस्वर को सिक्सा को सुरुवात को गोस्टी सिकायेत। तुम्हिला बस अबा दूध च पाहीजे, जेवन नही। 
\v 13 जोन अबा दुध-मुहा लेकरा सेत। वोला नियम को बचन ला चिन्हनो नही आवासेत। 
\v 14 पर जेवन तो सियानो काजी सेत जोनला खरो-खोटो को गियान सेत।
\c 6
\p
\v 1 एकोलाय आव अमी मसीह को बुनियाद को सिक्सा ला सोड़के पक्को बनन को सिक्सा कन बड़बीन। अमीला उन सूरुवाती गोस्टी कन नहि बड़नो सेत। ज सो मरनो कन ले जावन वालो काम, को लाय मन मुरकानो, परमेस्वर पर बिस्वास परमेस्वर में बिस्वास, 
\v 2 बपतिस्मा को सिक्सा, अखीन हात धरनो, अना मरो हुवो लक जित्तो उठनो, अना न्याव जोनलक आमरो अमर जीवन पक्को होहेत। 
\v 3 अना अदी परमेस्वर चव्हसेत तो आमी असोच करबिन। 
\v 4 जोनला एक बार उजाड़ भेटयो सेत, जोन सरग को बरदान चीख लियो सेत। जोन पवितर आतमा को हिस्सादार बन गयोसेत।
\p
\v 5 जोन परमेस्वर को बचन को साजरोपन अना आवन वालो जुग को ताकत को अनुभव भय गयो सेत। 
\v 6 यदि वय भटक जाहिन तो उनला मन मुरकाके लवटानो मुस्किल सेत। उनना जसो आपरो ढंग लक नवा सिरा लक परमेस्वर को टूरा ला मंग कूरूस मा चघायो अना वोको सबको सामोर बेइज्जती करयो।
\p
\v 7 जोन जघा मा बार-बार पानी पड़ासेत। धरती बरसात को पानी पिवासेत। तब जोतन बोवन वारा लाय फायदा होवासेत। मंग धरती झाड़ उपजाय के परमेस्वर को आसिरवाद पावासेत। 
\v 8 पर अदी उ काँटादार झाड़ उपजान वारा ज़मीन सेत। तो बेकाम अना सापित होवन को कारन, आखीर मा स्तो पेटानो पड़येत।
\p
\v 9 मोरो चहेतो भाऊहुन! मंग आमी असोच सांगिसेजन। मंग अमीला पक्को भरोसा सेत। का तुमरो दसा एको लक कही साजरा सेत। अना तुमी मुकती को मारग पर चलासेव। 
\v 10 परमेस्वर बैईमान नाहती। उ तुमारो काम अना तुमरो पिरेम ला, नही बिसरा सकत। जो तुमी ना वोको नाव को महिमा को लाय करयो सेव। अना पवीतर सन्तगिन को सेवा करासो, अना अबा भी करासो। 
\v 11 अमी चाव्हसेजन, का तुमरो मा लक हरेक जिंदगी भर असोच कड़ो मेहनत करतो रव्हे। अदि तुम्ही असो करासेव, ता तुम्ही पक्को च जोनको आस राखासेव वोला पाय जाहो। 
\v 12 तुमी लोक अलाली नोको करो। पर उन लोकगीन को नकल करो। जोन आपरो भरोसा अना धिरज को कारन लक उन चीज गिनला पा रहयो सेत जोनको परमेस्वर वायदा कियो होतो।
\p
\v 13 जब अबराहम लक परमेस्वर ना परन कियो होतो। तब परमेस्वर ना चोवयो, मोरो लक मोठो कोनी नाहती, जेनको मी करिया खाऊ ता वोना आपरो च किरिया खायो। 
\v 14 अना कव्हयो मी सच्ची-मुच्ची मा तुम्हिला लगत आसीरवाद देहिन। अना तोरो खानदान को लोकगीन ला बेगिनती कर देहिन। 
\v 15 अबराहम ना लगत बेरा तकन धिरज धरन को मघा वायदा को फर पाइस। 
\v 16 लोक आपरो लक मोठो को नाव को, किरिया खावासेत। अना उनको झगड़ा रार करार को संग, खतम भई जासे। 
\v 17 एकोलाय जब परमेस्वर ना करार को वारसाना गिन पर। अवर सफा-सफा आपरो करार ला बिना बदले पूरो करनो चव्हत होतो। एकोलाय वोना किरिया खा के करार करीस। 
\v 18 उ ऐना दुई नही बदलन वारा गोस्टी, मन्जे करिया अना करार, खोटो नही होय सकत। एकोलक अमी जोन परमेस्वर को सरनमा सेत। अमिला असो लगासेत का आमरो आस बिलकुल सही सेत। 
\v 19 यो आस आमरो आतमा को लाय एक मजबूत लंगर को जसो सेत। जोन पड़दा को वोनागन भीतर सरग को मंदिर मा पहुचावा सेत। 
\v 20 जहान यीसु आमरो सब लक पयलो दूत को रुप मा धस चुकयो सेत। काहेका उ मलिकिसिदक को जसो सदा को काजी महायाजक बन गयो सेत।
\c 7
\s मलिकिसेदक याजक
\p
\v 1 यो मिलिकिसिदक सालेम को राजा होतो। अना सब लक मोठयो परमेस्वर को याजक होतो। जब अबराहम राजागीन ला मार के लवट रहयो होतो। ता उ अबराहम लक मिलयो अना वोला आसीरवाद दियो। 
\v 2 अबराहम ना सब चीज को दसवा अंस दियो। मलकीसेदेक को मजे धरमी राजा। उ सालेम को भी राजा से। मन्जे सान्ती को राजा। 
\v 3 उ राजा को न तो अजी सेत, ना माय सेत, अना कोनी खानदान सेत। वोको जिंदगी को नातो सुरुवात से, ना आखीर सेत। उ परमेस्वर को टूरा जसो सेत। अना उ हमेसा लक याजक बनो रव्हासेत।
\p
\v 4 अबा तुमी यो विचार करो का, मलकीसेदेक कीतरो महान सेत। जोनला आजा-पुरखा अबराहम ना आपरो लूट को, सब लक साजरा हिस्सा को, दसवा हिस्सा दियो। 
\v 5 मोसे को नियम अनुसार लेवी को सन्तान गिनमा जोन याजक पद पावत होतिन। उनला च अबराहम को खानदानी आपरो भाऊ गीन लक दसवा हिस्सा लेवन को हुकूम होतो। 
\v 6 मंग मिलिकिसिदक ना, जोन लेवी को खानदानी नहीं होतो। अबराहम लक दसवा हिस्सा लियो। अना वोना अबराहम ला आसीरवाद दियो। और जोनको जवर परमेस्वर को करार होतो। 
\v 7 यो गोस्टी मा कोनी सक नाहती का जोन आसीरवाद देवासेत। उ आसीरवाद लेवन वालो लक मोठो होवासेत। 
\v 8 गिरंथ कव्हसेत का जोन दसवा हिस्सा लेवासेत उ हरामेसा जित्तो रव्हसेत। मंग जोन लेवीगिन दसवा हिस्सा लेवा सेत, वय सब मरनवालो सेत। 
\v 9 तो अमी यो कव्ह सकसेत का दसवा अंस लेवनवारा लेवीगिन ना मलिकिसिदक ला अबराहम लक दसवा अंस दियो। 
\v 10 काहेका वोना बेरा मा वय आपरो अजी अबराहम को देहमा होतीन। जबा अबराहम ना मलिकिसिदक ला भेट दियो होतो।
\p
\v 11 इसरायली जनता ला लेवी गिनको याजक को आधार मा, नियम मिलयो होतो। यदी यो याजकपन को लक पूरो भयी जातो। मंग एक दुसरो याजक को चरचा कायको लाय कियो जातो। जोन हारून को खानदान लक नही, बल्की मलिकिसिदक को जसो आ जाय। 
\v 12 जबा मोठो याजक बदल गयो तो नियम बदलनो जरुरी सेत। 
\v 13 यो गोस्टी जोन याजक को बारेमा कव्हयो गयो सेत, उ दुजो खानदान को सेत। अना उ खानदान को कोनी मानूस ला वेदी को सेवा को हक नही मिलयो सेत। 
\v 14 काहेका यो गोस्टी सफा सेत, का आमरो पिरभू यीसु यहूदा कुर लक सेत। अना मोसे ना यो कुर को याजक पद को बारेमा काही चरचा नही करयो सेत।
\s मलिकसेदक जसो याजक कोनी नाहती
\p
\v 15 आमरो दावा अखीन साफ भई जासेत, जबा मलिकिसिदक को जसो अखीन एक याजक पैदा हो जासेत। 
\v 16 जोन देह को हुकूम को नियम लक नाहती। पर कदी नास नही होवनवारा जिंदगी, को ताकत को लक ठहरायो गयो सेत। 
\v 17 काहेका वोको बारेमा असो गवाही लिखयो सेत। “तू मलिकिसिदक को रित मा सदा को याजक सेत।” 
\v 18 असो पयलो हुकूम कमजोर अना बेफर होवन को कारन मीट गयो। 
\v 19 काहेका नियम काही पूरो नही कर सकयो। सब को सब अधुरो सेत, तब अमीला एको लक साजरा आस दियो गयो सेत। अना एको कन लक आमी परमेस्वर को कठा पहुच सकासेजन।
\p
\v 20 यो वादा को सगं च यीसु ला ठहरायो गयो। जबकि वय बीन करार को याजक ठैयरायो गयो। 
\v 21 काहेका मसीह को ठहरायो जानको बेरा पिरभू परमेस्वर ना किरिया खाई होती। “जसो का पवीतर गिरथ कव्हसेत।”
\q1 पिरभु ना करार कियो से,
\q2 मंग उ ना ओकोलक पस्तावा करेत,
\q1 की तू सदा लक याजक बनो रव्हजोस।
\p
\v 22 असो आमी चोवा सेजन का यीसु जोन नियम को करार लेवासेत। उ कही जादा साजरा सेत।
\p
\v 23 एको अलावा पयले को याजक लगत गिनतीमा ठहरायो जावत होतो। काहेका मरनो को कारन जादा बेरा लक याजक पदमा बनयो रव्हनो मुस्किल होतो। 
\v 24 पर यीसु सदा लक बनयो रव्हन वालो याजक सेत। एकोलाय वोको याजकपद कोनी को नाहती, पर हमेसा वोकोच सेत।
\p
\v 25 योच कारन सेत का जोन लोक गीन यीसु लक परमेस्वर को सरन लेवासेत वा उनला पूरो रित लक बचावनो को ताकत राखासेत। काहेका उ उनको कन लक बिनती करन काजी हमेसा लक जित्तो सेत। 
\v 26 अबा अमीला असो महायाजक मिलयो सेत। जोन एक पवीतर, निरदोस, बेदाग, पापगिन लक बेगरो, अना सरग लक वरता होयेत। यो गोस्टी सहीच होत्यो। 
\v 27 पर जोन दुसरो महायाजक गीन, पयले आपरो पाप को काजी, मंग परजा को पाप को काजी हर रोज बली चघावसेत। पर यीसु ला एको जरुरत नाहती। काहेका वोना यो काम हमेसा लाय, एक च बार मा कर डाखिसेस। जबा वोना आपरो बली चघायो। 
\v 28 काहेका मोसे को नियम तो कमजोर मानूस ला महायाजक ठैयरावा सेत। पर नियम खतम होवन को मघा, परमेस्वर को करार लक उ टूरा महायाजक ठैयरावो जावासेत, जोन सदा को लाय पूरो सिध्ध बना दियो गयो सेत।
\c 8
\s यीसु आमरो मोठो याजक
\p
\v 1 यो गोस्टी को सार यो सेत का, आमरो एक असो महायाजक सेत। जोन सरग मा मोठो गौरव को काबिल परमेस्वर को सिघासन को उजो कन बिराजमान भई गयो। 
\v 2 वोना सही अना पवीतर जघा अना तम्बु को सेवक सेत। जोन मानूसगिन को लक नही, पर परमेस्वर लक स्थापित कियो गयो सेत।
\p
\v 3 हरेक महायाजक बली चघाव, अना भेट चघान को लाय ठहरायो सेत। एकोलाय यो जरुरी सेत का वोको जवर चघान काजी काही ना काही हो। 
\v 4 अदी यीसु धरती मा रव्हतो तो उ याजक भी नही होतो। काहेका मोसे को नियम लक भेट चघान को लाय याजक सेत। 
\v 5 पवितर आरधना को जघा, उनको सेवा सरग को सही गोस्टी को सावली सेत। एकोलाय जबा मोसे पवितर तम्बू ला बनावन वालो होतो। तबा च वोला चितायो गयो होतो। “धियान रव्हे का तू हरेक चीज ठीक वोको च नकल करजोस जोन तोला पहाड़ी मा दिसायो होतो।” 
\v 6 अबा जोन सेवा मसिहा ला भेटयो से, वा कहीं जादा वरता सेत। काहेका उ एक असो करार को बिचवई सेत। जोन जादा लक जादा से, अना वा साजरा वायदा पर अधारित सेत।
\p
\v 7 अदी पयलो करार साजरो होतो। तो वोको जघा मा दुसरो को का जरुरत सेत? 
\v 8 परमेस्वर उन लोकगीन को निंदा करतो हुया कव्हसेत
\q1 “पिरभू यो कव्हसेत, वा दिवस आवासेत जबा मी इसरायल को घराना
\q2 अना यहूदा को घराना काजी एक नवा करार स्थापित करुहू।
\q1
\v 9 यो वोना विधान को जसो नाहती,
\q2 जोनला मी उनको आजा बाबा को लाय वोना बेरा दियो होतो।
\q1 जबा मीना उनला मिसर देस लक हेडन काजी उनको हात धरयो होतो।” पिरभू असो कव्हसेत “उनना मोरो करार लक हट गईन। वोको पालन नही करीन,
\q2 यो काजी मिना भी उनला तज दियो।
\q1
\v 10 पिरभू असो कव्हसेत, वा बेरा बितन को मघा मी इसरायल को लाय यो करार करहू।
\q2 मी आपरो नवा करार,
\q1 उनको मन मा ठेव देहू,
\q2 अना उनको दिलमा लिख देहू।
\q1 मी उनको परमेस्वर होहुँ,
\q2 अना वय मोरी परजा होहेत।”
\q1
\v 11 यो जरुरी नाहती का एक मानूस दुसरो ला सिक्सा देवे।
\q2 मजे भाऊ एक दुजो ला सागेत
\q2 “पिरभू को गियान ले लेव।
\q1 काहेका लहान अना मोठो सबको सब ला
\q2 मोरो बारे मा पता चल जाहेति।”
\q1
\v 12 काहेका मी उनको बदी को बारे मा दयावन्त रहू
\q2 अना उनको पाप ला कदी हेत नही करू।
\p
\v 13 नवा करार आन के पयलो करार ला जूनो ठहरा दियो सेव। अना जोन चीज जुनो अना जर-जर हो जासे वोको मिट जानो जरुरि सेत।
\c 9
\s संसारीक अना सरगीय अराधना
\p
\v 1 अबा आयको, पयलो करार मा भी सेवा को बारेमा हुकूम होतो, अखिन एक मानूस को हात को बनयो, आपरो अराधना को पवीतर जघा होतो। 
\v 2 एक तम्बु उभो कर दियो गयो। वोको पुड़ा खोली मा टवरी राखन को चीज टेबिल मा होतो। अना चढावा को भाकर होति, वा पवीतर जघा कहलात होतो। 
\v 3 तम्बु मा दुसरो पड़दा को मघा को खोली, परम पवीतर जघा कहलात होतो। 
\v 4 उता धुपदान को सोनो को वेदी, अना करार को सोनो मढो मन्जुसा होति। अना मन्जुसा मा सोना को कटोरा मा मन्ना होती। हारून को छड़ी जोन मा फर लग गयो होती, उ भी वोच जघा मा होती। अना कानून को गोटा को पटिया होति। 
\v 5 अना मन्नजुसा को वरता दया को आसन ला ढाकन वारा महिमा मय करुब होतिन। ऐना सबको बारे मा लम्बो चौड़ो लिखन को कोनी जरुरत नाहती।\fig आराधना लय को तंबू को भितर को हिस्सा|alt="Interior of tabernacle" src="BK00278C.TIF" size="span" copy="Horace Knowles ©" ref="9:2"\fig*
\p
\v 6 परमेस्वर ना असो च तम्बु मा अराधना को जघा बनान ला कव्हयो होतो। सेवा को बिधी बिधान करन काजी याजक हरेक बेरा पुड़ा को खोली मा जात होतो। 
\v 7 पर महायाजक साल मा एकच बार दुसरो खोली मा, रकत लेके जावत होतो। जोनला वो आपरो पाप अना जनता को पाप छिमा काजी चघावत होतो। 
\v 8 एकोलक पवीतर आतमा, तम्बु मा यो दिसानो चाव्हसेत, का जबा तकन वोको पुड़ा पवीतर जघा उभो सेत। तब तकन दुसरो खोली को रस्ता बंद सेत। 
\v 9 उ तम्बू आज को बेरा मा एक उदाहरन सेत। जोन मा असो चघावा अना बली चघायो जावासेत। जोन लक अराधना करनवालो को मन सिध्द नही होवा सेत। 
\v 10 काहेका वय बस जेवन-वेवन को चीज अना रकम-रकम को आँग धोवनो सेत। जोन हुकूम वोना बेरा मा देह को सुधार को लाय ठहरायो गयो होतो।
\p
\v 11 पर जबा मसिहा आवनवारा साजरो-साजरो चीज को महायाजक बनके आयो। अखीन मोठो अना सिध्द तम्बु लक होयके आयो। जोन हात को बनयो यो दुनिया को नाहती। 
\v 12 अना बोकरा अना नाटा को रकत लक नही, पर आपरो च रकत लेके, एक च बार, पवीतर जघा मा धस गयो। अना अमरता को सूटकारा मिल गयो से। 
\v 13 काहेकि जबा बकरा गीन अना बैइल बछेरु को रकत, अना कलोर को राख, असुध्द लोकगीन पर छिड़को जानो, उनको देह ला, सुधद करन को लाई उनला पवीतर करासे। 
\v 14 मग मसीह को रकत, जोन ना अपरो आप ला अमर आतमा लक, बेकसूर बली को रुप मा परमेस्वर ला दे दियो। आमरो मन ला मरो हुवो काम लक, काहे पवीतर नही करयेत। अना अमला जित्तो परमेस्वर को काबिल काहे नही बनाहेत।
\p
\v 15 मसीह पयलो करार को भितर, कियो गयो गुनाह, को छिमा को लाय मर गयो सेत। अना अबा उ एक नवा करार को बिचवई से। परमेस्वर जोन ला हाकल सेत, उनला अबा वोको करार लक अमर काल तकन सूटकारा को हक मिलासेत।
\p
\v 16 करार को बारे मा करार करनवारा को मिरतू को परमान पतर देवनो पड़सेत। 
\v 17 काहेकि असो करार मरनोच पर पक्को होवासेत। अना जबा तकन करार बाँधनवालो जित्तो रव्हसे, तबा तकन इकरार नामा कोनी काम को नाहती। 
\v 18 एकोलाय रकत को बिना पयलो करार को सुरुवात नही भयो होतो। 
\v 19 काहेका जब मोसे ना सारो जनता को पुड़ा करार को किताब को सबा हुकूम ला पढ़के आयकाईस। तो वोना पानी, लाल चोगा, अना जूफा को संग बछिया अना बोकरा को रकत लियो। अना वोला पवीतर गिरथ अना सप्पा जनता पर छिड़क हुया, 
\v 20 उ ना हुकूम दियो होतो। यो वोना करार को रकत सेत। जोनला परमेस्वर ना तुमरो लाय ठेविसेस। 
\v 21 मोसे ना तम्बु अना सेवा मा लगनवारा सबा बरतन पर भी, रकत छिड़क दियो होतो। 
\v 22 करार को लक हमेसा, सबा काही खून को बव्हनो लक पवीतर कियो जावत होतो। अना रकत को बिना छिमा नही मिलासेत।
\s पाप को लाय यीसु को बली
\p
\v 23 जोन सरग को चीज गीन को बस सावली होती। अदी उनको सुध्द होवन काजी असो नेम जरुरी होतो। तो खुद सरग को चीजगिन ला सूद्द करन काजी, एक साजरा लक साजरा बली तो जरुरी च सेत। 
\v 24 मसीह हात को बनयो हुया वोना पवीतर जघा मा नही धसयो। जोन सही को पवीतर जघा को सावली सेत। वोना सिद्दो सरग मा च धसयो। जोन लक मसीह अबा आमरो कन लक सरग मा परमेस्वर को कठा हाजिर हो सके। 
\v 25 यहान को तम्बू को महायाजक कोनी दुसरो को रकत आन के हर साल पवीतर जघा मा धसत होतो। पर मसीह ला बार-बार आपरो आप ला चघान को जरुरत नहती। 
\v 26 अदी असो होतो, तो दुनिया को सुरुवात लक वोला बार-बार दुख उठानो पड़तो। पर अबा जुग को आखीर मा एक च बार परगट भयो। जोको लक खुद को बली देके पाप ला मिटा देवे। 
\v 27 जसो मानूस को लाय एक बार मरनो, अना एको मघा उनको नियाव होवनो लेखा सेत। 
\v 28 वसोच मसीह, लगत लोकगीन को पाप लक मुकती काजी, एकच बार आपरो आप ला चघा दियो। मसीह अबा दूसरो बार परगट होयेत। पाप को कारन नही, पर जोन लोक वोको रस्ता चोवासेत। उनला मुक्ती दिलावन आहेत।
\c 10
\s एकच मोठो बली
\p
\v 1 काहेका करार, जोनमा आवन वारा साजरो चीज को छाप सेत। पर उ असल नाहती, एकोलाय वय लोकगीन एक जसो बलिदान हर साल बिना चूके चघाव सेत। पर उ जवर आवनवारा ला सिध्द नही बना सकेत। 
\v 2 नही तो उनको चघानो काय लाय बंद नही होवा सेत। यदि सेवा करन वालो को मन एकच बार मा पवीतर भई जासेत। तो बार-बार अखीन बली चघानो जरूरी नाहती। अना उनको मन उनला बारम्बार पाप मा नही ठहरायती। 
\v 3 पर वय हर साल पाप ला हेत करासेत। 
\v 4 काहेका बकरा अना बैइल को रकत मानूस को पाप ला दुहुर नही करासेत।
\p
\v 5 योच कारन दुनिया मा आवन को बेरा असो कव्हसेत।
\q1 बली अना चढावा तू नही चाव्हसेत
\q2 पर मोरो काजी एक देह तैय्यार कियो गयो सेत।
\q1
\v 6 जनावर को बली अना होमन पाप बली चढावा लक
\q2 तू खूसी नही होवासेत
\q1
\v 7 मोरो बारे मा पवीतर किताब को एक हिस्सा मा असो लिखयो सेत
\q2 तबा मीना कव्हयो चोव मी आवासू
\q2 जेनको लक परमेस्वर को मनसा पूरो करू।
\p
\v 8 मोसे को नियम मा वरता तो असो कव्हसेत हे भगवान बलीदान तोरो काजी चघायो जावासेत पर वोको लक भी तू खूस नहास तोला पाप बली होम बली अना भेंट बलिदान काही नही पाहिजेत। 
\v 9 मग उ असो भी कव्हसेत, चोव मी तोरो मनसा पूरो करन काजी आवासू। असो परकार उ पयलो करार ला रद्द करासेत, अना दुसरो ला चलावसेत। 
\v 10 वोच भगवान को मनसा को लक, यीसु मसीह को देह ला एकच बार चघानो लक पूरो भयो, अना आमी सब पवीतर भई गईन।\fig होमन कुन्ड मा होमबलि|alt="Burnt offering on an altar" src="HK00256C.TIF" size="col" copy="Horace Knowles ©" ref="10:10"\fig*
\p
\v 11 हरेक याजक तो उभो भयके हर रोज सेवा करासेत, अना बार-बार एकच बली ला चघाव सेत। जोन कदी पाप लक दुहुर नही कर सका सेत। 
\v 12 पर यो मानूस तो पाप को एवज मा हमेसा काजी एकच बलिदान चघायके परमेस्वर को जेवनो कन बस गयो। 
\v 13 जहान यीसु यो बात को लाय बाट चोव रहयो सेत का वोको बैरी वोको पाय को पीढ़ो कब बनहेती 
\v 14 काहेका वोना एकच बार चढावा चघाके जोन पवीतर कियो जानो सेत उनला हमेसा काजी सिध्द बना दियो।
\p
\v 15 एको बारेमा पवीतर आतमा को गवाही आमरो कठा सेत काहेका पवीतर गिरथ मा पिरभू असो कव्हसेत
\q1
\v 16 बेरा आवनो पर,
\q2 मी उनको लक नवा करार करहू पिरभू कव्हसेत,
\q1 मी आपरो नियम उनको मन मा राखू,
\q2 अना उनको दिल मा लिखू।
\p
\v 17 मंग उ असो भी कव्हसेत मी उनको पाप हुन ला अना उनको खोटो करम अधरम को काम ला कदी हेत नही करीन। 
\v 18 अना जबा इनको पाप छिमा भई गई सेत, तो मंग पाप को बली नही रहयो
\s आमी भरोसा आन कन परमेस्वर को कठा आवबिन
\p
\v 19 अगो भाऊ अना अवो बहिनहुन, अबा अमीला पूरो भरोसा भई गयो सेत का आमी यीसु को रकत लक पवीतर जघा मा धस सकसेत। 
\v 20 यीसु ना आमरो काजी जित्तो अना नवा रस्ता हेड़ ख दियो सेत। जोन वोको देह रुपी पड़दा लक होयके जावासेत। 
\v 21 अबा आमरो कठा एक महान याजक सेत जो परमेस्वर को घर मा ठहरायो गयो सेत 
\v 22 एकोलाय आव आमी आपरो दोसी मन ला खरो करन काजी दिलमा छिड़काव करबीन अना आपरो देह ला सफा पानी लक धोवके बेकपट दिल लक पूरो भरोसा लक परमेस्वर को कठा जाबिन। 
\v 23 आमी आपरो आस को गवाही देवन काजी पक्को अना अटल रहन को परन करिया सेत। काहेका जोन ना अमीला बचन देइसेस वा भरोसा काबिल सेत। 
\v 24 अमीला यो बात पर धियान देवनो सेत की आमी कसो एक दुसरो ला पिरेम अखीन दुसरो को उपकार काजी उकसात रव्हबिन। 
\v 25 अना एक दुसरो संग जमा होवनो नोको छोड़ो। जसो कितरो लोकगीन को असोच रित सेत। अना एक दुसरो ला बढ़ावा देवत रव्हो, जसो-जसो विपदा को दिवस जवर आवता चोवो असोच करो।
\p
\v 26 काहेका खरो ला जानन को मघा अदी आमी जानबुझके पाप करतो रहबीन तो पाप को लाय कोनी बली बाकी नाहती। 
\v 27 पर एक खूब भयानक दन्ड बाकी रव्हसेत नियाय को अना एक गजब को स्तो जोन हुकूम नही मानन वालो ला गिटक लेहेत। 
\v 28 जबा मोसे को नियम नही मनन वारा ला दोन अना तिन झन को गवाही लक बिना दया को मारन लाय हुकूम लिखिसेस 
\v 29 तो जोनना परमेस्वर को टूरा को हुकूम ला तोड़के वोला आपरो पाय मा खुंदिसेस, अना वोको रकत को करार जोन वोला पवीतर ठहरसेस वोन वोला असुध्द ठहरा देइसेस अना दया को आतमा को अपमान करीसेस वोको काजक हाल होहेत वोला आपरो डिमाक लक सोचो। 
\v 30 काहेका आमी वोला जानासेजन जोनना कहिसेस का बदला लेवनो मोरो काम सेत, मीच बदला देहू अना मंग यो का पिरभू आपरो लोकगीन को न्याय करयेत। 
\v 31 जित्तो परमेस्वर को हातमा पडनो कितरो भयानक गोस्टी सेत।
\p
\v 32 पर तुमी वोना मघा को गोस्टी ला हेत करो। जोन मा तुमी उजाड पाय के दुख अना मोठो विपदा मा पक्को रहयो होतो। 
\v 33 तुमी लोकगीन मा काही ला सब को चोवत-चोवत बेइज्जती अना अतियाचार सहनो पडयो मजे काही को असो हालत को हिस्सादार बननो पडयो। 
\v 34 तुमीना आपरो जोन लोकगीन जेलमा होतिन उनको सुदी लियो अना जबा तुमी लोकगीन को धन जपत कर लियो गयो तो तुमीना हूँ लक चूँ नही कव्हयो, काहेका तुमी जानत होतो का एको लक कही साजरा अना हमेसा को संपति तुमरो कठा सेत। 
\v 35 एकोलाय तुम लोकगीन आपरो पूरो भरोसा नोको छोडो एको ईनाम मोठो सेत। 
\v 36 तुम लोकगीन ला धिरज को जरुरत सेत जोन लक परमेस्वर को मनसा पूरो करन को मघा तुमिला वा मिल जाय जोन को वायदा परमेस्वर कर चूकयो सेत। 
\v 37 काहेका पवीतर गिरथ असो कव्हसेत “जोन आवन वारा सेत उ जरासि बेरा मघा आहेत उ उसीर नही करयेत। 
\v 38 पर मोरो न्यायी जन भरोसा लक जित्तो रहेत, अना उ मघा हट जाय तो मोरो मन वोको लक खूसी नही होयेत।” 
\v 39 पर आमी हटनवालो नही का नास भई जाबिन पर भरोसा राखनवारा सेत का आपरो जानला बचाबिन।
\c 11
\s भरोसा
\p
\v 1 बिस्वास मन्जे जोन आस अमी करे सेजन, वोको लाय पक्को होवनो। अना अमी जोन गोस्टी ला नही चोवासेजन। पर वोको खातिर निस्चित होवनो ला बिस्वास कव्हसेत। 
\v 2 एकोलाय जूनो जमाना मा लोकगिन परमेस्वर को मान भेटयो।
\p
\v 3 बिस्वास को कारन अमिला समजमा आवासेत, का यो जगत ला, परमेस्वर ना सबद लक बनायो सेत। यासाठी जोन-जोन दिसासेत, वा जेन दिसत नाही, वोको पासुन बनायो गयो सेत।
\p
\v 4 हाबिल को बिस्वास को कारन काईन को लक साजरा बलिदान परमेस्वर ला देइसेस। वोको छय को कारन वोको देवन को परसंसा भयी उ नेक मानुसमा आदरनीय होता। अना बिस्वास को कारन उ अजून च मरन को तरी च बोलासेत। 
\v 5 हनोक ला मरनार नाही यो गोस्टी मा बिस्वास होता। वोना ऐवज मा वोला परमेस्वर आपरो संग लेगयो। परंतु कोनीच वोला सापड़ा नहि सक्यो, यो कारन लक वोला लेजात होतिन। पवितर गींरथ सांग सेत का हनोक ला लेजावन को पयले वोना परमेस्वर ला खुस करयो। 
\v 6 अना बिस्वास को सिवाय कोनी गोस्टी लक परमेस्वर ला खुस नही कर सकत। कारन हरेक झन जोन वोको जवर आवासे, वोला असा बिस्वास होवनो जरूरी सेत। का परमेस्वर सेत, अना जोन वोला सच्चो लक तपासन वालो ला वोको जवाब देवासेत।
\p
\v 7 बिस्वास को च कारन लक नूह ला भबिस्य मा घटनवालो घटना को बारे मा परमेस्वर को इसारा ला समजयो, अना जोन ला तो चोव सकत नहोती। वा परमेस्वर को हुकूम ला मानयो अना एक जहाज नाव बनायो, ज्यामध्ये उ अना वोको कुटुंब वाचले। एको परिनाम असा भयो की, जघा को निंदा भयो। अना बिस्वास लक नूह ला परमेस्वर जवर ला नेक मानूस ठैरायो गयो। 
\v 8 बिस्वास को कारन को कारन अबराहम ला असो सांगयो का वोला जोन जघा मा जावन साठी परात जानको होतयो, पर उ कितानी जात होता उनला मालूम नही होता। तरी उना हुकूम मानयो अना गयो। 
\v 9 बिस्वास को कारन जोन धरती को वायदा कियो गयो होतो। उ धरती मा वय इसहाक अना याकूब तकन परदेसी जसो तम्बू मा रव्हन लगयो। अना वारसाना हक्क नही तजयो। 
\v 10 अबराहम ना असो करयो, काहेका उ वोना पक्को पाया वालो नगर को बाट चोवत होतिन। जेनको बनान वारा परमेस्वर सेत।
\p
\v 11 बिस्वास को कारन च, अबराहम बूड़गा भयी गयो होतो। अना सारा वाखड़ होती। जोनना बचन दियो होतो। वोको पर बिस्वास करके पोट लक भयी अना अबराहम बाप बना दियो। 
\v 12 अखिन असो परकार यो एका मानूस पासुन जोन मरियल सारखा होता। बादल को तारागिन अना सागर कगर को रेत जसो बेगिनत अवलाद भयी। 
\v 13 बिस्वास ला आपरो मनमा ठेयके लोकगिन मरन पाय लियो। पर बचन दियो चीज भेटयो नाही। उनना दूहुर च लक वोको स्वागत करीन। अना वय ओरख ला का अमी तो यो धरती मा परदेसी अना अनजान सेत। 
\v 14 वय लोक जोन असो गोस्टी करासेत, वय असो दीसात होतिन जसो एक असो देस को खोज मा होतिन जोन उनको आपरो सेत। 
\v 15 अदी वय वोना देस को बारेमा सोचयो होतो जोनला सोड़ दियो होतिन। तो उनको दुबारा लवटन को मौका होतो। 
\v 16 परंतु उनला सरग को एक उत्‍तम राज इक्सा सेत। एकोलाय परमेस्वर उनको परमेस्वर कहलानो मा अजिबात संकोच नाही करासेत। कारन वोना उनको साठी एक नगर तइयार कियो सेत।
\p
\v 17 बिस्वास को कारन च अबराहम ना, जब परमेस्वर वोला परखत होतो। इसहाक को बलि चघायो। वोच जोन लक करार कियो होतो। अपरो एकठिया टूरा को जबा बलि देवन वालो होतो। 
\v 18 तरी च परमेस्वर वोला कहयो, “इसहाक लक तोरो खानदान वाढेल।” 
\v 19 परंतु अबराहम ला लगयो का, परमेस्वर ना मरयो हुयो ला भी जित्तो कर सकासेत। अना उपमा दियो जाय ता वोना इसहाक ला मरन को मंघा उलट पाय लियो।
\p
\v 20 बिस्वास को कारन च इसहाक ना याकूब अना एसाव ला उनको भबिस्य को बारेमा आसिरवाद दियो।
\p
\v 21 बिस्वास को कारन च याकूब ना ने, जब उ मर रहयो होतो। यूसुफ को हरेक टूराहुन ला आसीरवाद दियो अना अपरो लठीको को सहारा वोवन के परमेस्वर को पिराथना करयो।
\p
\v 22 बिस्वास को कारन च जबा युसुफ को मरन को बेरा आयो, तबा वोना मिसर देस लक हिटन काजी इसरायल लोकहुन ला सांगयो अना वोको हाड़ को बारेमा हुकूम दियो।
\p
\v 23 बिस्वास को आधार मा च मोसे को माय-बाप ना वोला तीन महिना लुकाउन कारन पयलेच उनला मालूम होतो का यो कौनी साधारन लेकरा नाहती। अना वय राजा को हुकूम लक भेव नही खायो।
\p
\v 24 बिस्वास को कारन च मोसे जब मोठो भयो, तबा उना फिरौन को नाती कहलावन लक नकार दियो। 
\v 25 वोना पाप को छिनभर को सूक को ऐवज मा परमेस्वर को संतगिन को गैरव मा पर सहन करन्या साठी निवड़ले। 
\v 26 मिसर देस को खजाना को अपेक्सा मसीह साठी बेइज्जत होवनो वोला जादा किमती लगयो। कारन वोको नजर आवन वालो बेरा मा भेटनवालो बक्सीस मा होतो।
\p
\v 27 बिस्वास को कारन च उनना मिसर देस ला राजा को भेव को परवा कियो बगेर सोड दियो। काहेका उ नही दिसनवालो परमेस्वर ला चोवत होतिन। 
\v 28 बिस्वास को कारन ओरान्डा को तिहार मा मोसे ना नेम को पालन करयो अना रकत छिड़काव करयो। या साठी का सिग को टूरागिन को नास करनवारा दूत इसरायिल को सिग को टूरा गिनला नोको छिये।
\p
\v 29 बिस्वास च को कारन लोक वारले धरती सारखे लाल सागर पार कर लियो। परंतु जबा मिसरी लोकगीन यो करत होतिन तो बुडले।
\p
\v 30 बिस्वास को कारन, लोक सात दिवस भोवती फिरले मघा यरीहो को सहर को बाजू को मोठो दिवाल पड गयो। 
\v 31 बिस्वास को कारन राहाब नावकी बेसिया हुकूम नही माननवालो को संग नास नही भयी काहेकी वा ने भेदिया गिनला सान्ती लक लूका के राखयो होतो।
\p
\v 32 अता मी अखिन काय सांगू? गिदोन, बारक, सीमसोन, इफ्ताह, राजा दाऊद, समूएल अना भविस्यवक्ता गिनको बारे मा का सांगू? 
\v 33 उनना आपरो बिस्वास लक राजगिनला आपरो अधिन कर लियो, नियाव को पालन करयो, वादा को फर पायो। अना बाघ को तोंड बंद कर दियो। 
\v 34 स्तो को धगाड़ी ला सान्त करीन, तरवार को धार लक बच गइन, कमजोरी ला ताकत बनाइन, लडाई मा बीर बनिन, अना परदेसी सेना ला मारके भगाइन।
\p
\v 35 आई-माई गिनना दुबारा जित्तो होवन को कारन लक, आपरो मरोयो हुया ला दुबारा पाइन। काही लोकगीन ला मोठयो दुख दियो गयो पर उनना सूटकारा नही चाहयो, जेनको लक की वय एक साजरा मग जित्तो होवनो ला पाय सकेत। 
\v 36 काहींना बेड्या ठोकली अना काहींना चाबूक मारयो मजाक उड़ानो सांकल बेड़ी अना जेल लक काही लोकगीन को परिक्सा लियो गयो सेत। 
\v 37 काहींना गोटा फेकयो, अना आरीमा फाड डाखिन, अना काहिला तलवारमा मारयो। वय गरीब होतिन, छल अना वाईट अतियाचार को सिकार बन गईन। वय मेंढा को अना सेरी को चमड़ा पघंर के इतानी-उतानी फिरले। 
\v 38 योदुनिया उनको काबील नही होतो, वय रेतिला ज़मीन पहाड कन्दरा अना धरती को खोह मा लुकत हिडीन।
\p
\v 39 उनको बिस्वास को कारन यो सर्वां को कौतुक भयो। परंतु जोनना परमेस्वर ला दियो मोठा करार को फर नही भेटयो। सब को साजरो गवाही दियो गयो। 
\v 40 काहेका परमेस्वर ना आमरो पर नजर राखके एक योजना बनायो होतो। उ चाव्हत होतो का आमरो संग सिध्ध बन जाबिन।
\c 12
\p
\v 1 काहेका अमी गवाही को इतरो मोठ्यो गरदी लक घिरयो हुयो सेजन। जोन अमिला बिस्वास को मन्जे काय सेत? यो गोस्टी को पुरुप सेत। एकोलाय आओ बाधा पहुँचान वालो हरेक चीजला अना वोना पाप को जोन सरड़ मा अमिला उलझा लेवासेत। फटाक नारी फेंकके अना उ दौड़मा धावनो सेत, आओ अमी धीरज लक धावबिन। 
\v 2 आमरो बिस्वास को नेता अना वोला पुरो लक उसे सिद्ध करन वालो यीसु पर नजर लगावो। जोनला आपरो समोर हाजिर आँनद को लाय कूरूस मा दुख झेलयो, वोको लाजको कोनी चिंता नहीं होतयो। अना परमेस्वर को सिंघासन को उजो हातमा बस गयो।
\p
\v 3 वोको धियान करो! जोनना जिसने पापीहुन को असो बिरोध एकोलाय सहयो। जोन लक थक हार के तुमरो मन नोको बस जाय। 
\v 4 पाप को विरोध मा आपरो लड़ाईमा तुमला एतरो सहनो नही पड़यो का रकत बोहानो पड़यो। 
\v 5 तुमी वोना हिम्मत को बचन ला बिसार दियो सेव। जोन तुमीला टूरा होवन को नातोलक कह्यो गयो सेत।
\q1 “ओ मोरो टूरा पिरभू को अनुसासन ला नोको टालजोस,
\q2 वोको डाट को कभीच बुरो नको मानजोस,
\q1
\v 6 काहेका पिरभू उनला डाँटासेत जोन लक पिरेम करासेत।
\q2 वसोच जसो अजी आपरो लेकरा ला सजा देवासेत। जोन वोको चहेतोसेत।”
\p
\v 7 मुस्किल ला अनुसासन को रूपमा सहन करो। परमेस्वर तुम्हारो संग आपरो टूरा को जसो बरताव करासेत। असो कोनतो टूरा सेत जोनला आपरो अजी लक सजा नही दियो गयो सेत? 
\v 8 यदि तुम्हिला वसोच सजा नही दियो गयो सेत जसो सबला सजा दियो जावासेत। तो तुम्ही आपरो अजी लक जलम लियो टूरा नही सव अना आपरो बाप को सच्चो संतान नहीं सेऊ। 
\v 9 अना मंग यो भी का इन सब ला वय अजी भी जोनना आमरो देहला जलम दियो सेत। अमिला सजा देवासेत। अना एकोलाय अमी उनला मान देवासेत। मंग अमी अपरो आत्माहुन को अजी को अनुसासन को कितरो जादा अधीन रव्हतो हुयो जीवनो पाहिजे 
\v 10 आमरो अजीगिन ना जरा सो बेरालाय जसो उनला साजरो लगयो, अमीला सजा दियो, पर परमेस्वर अमीला आमरो भलाई को लाय सजा देइसेस। जोनलक अमी वोको पवितरपन को हिस्सादार बनबीन। 
\v 11 जोन बेरा सजा दियो जाय रहयो होती, वोना बेरा सजा साजरो नही लगासेत। है, बल्कि दुख लगासेत। पर काही भी होय, वय जोन सजा को अनुभव करासेत। वोको लाय मंग नेकी अना सान्ति अना साजरा फर भेटासेत।
\p
\v 12 एकोलाय लिलवा भाजी जसो हात, अना दरद वारा टोघरा ला ताकतवर बनालेव। 
\v 13 आपरो पाय साठी एक मारग तइयार करा, जेनको लक अपंग भटकेत नाही, तर चागलो भयी जाहेत।
\p
\v 14 सर्वां संग सान्ती लक पवितर बनन को कोसीस करा। काहेका पवितर मानूस च पिरभू ला चोहेत। 
\v 15 एना गोस्टी को ध्यान राखो का कोनी मानूस परमेस्वर को किरपा लक मुरक ना जाय, अना तुम्हीला दुख देवन काजी अखिन लगत लोक गिनला खराब करन काजी कोनी झंझट को जड़ नोको फूटेत। 
\v 16 आयको कोनी भी छिनालापन नोको करे, या वोना एसाव को जसो परमेस्वर लक दुहुर अना बुरो ना भयी जाय, जोनना सबलक मोठो टूरा होवन को अधिकार ला बस एक निवाला भर जेवन को लाय बिक दियो होतो। 
\v 17 तुमिला मालुम सेत। वोला जोन बरदान भेटयो होतो। वोला मंग पावन लाय खूप रडला, तरी आपरो अजी को मन बदलन मा नाकबिल रहयो।
\p
\v 18 तुम्ही स्तो लक जरतो हुयो वोना पहाड़ को जवर नहि आयो, जोनला छिव सकासेत। ये नातो स्तो को धगाड़ी सेत, ना कारो बद्दल सेत, न आँधड़ सेत। 
\v 19 यो ना तो तुर्रा फुकन को सोर या असी कोनी आवाज जोनला आयकन वारा गीन ना बिनती करीन की अबा मंग आमरो लक काही नोको कहे। 
\v 20 कारन उनला जोन हुकूम दियो गयो होतो वोला सहनो कठीन होतो। “अगर कोनतोच जनावर पहाड़ ला छीवे तर वोला गोटा लकमारयो जाहेती।” 
\v 21 उ नजारा ते इतरो भयानक होतो का मोसे कहयो, “मी भीतर लक थरथर कापत होता।”
\p
\v 22 पर तुम्ही सरग को यरुसलेम जवर, जित्तो परमेस्वर को सहेर, सिओन पहाड़ मा पहुचयो सेत। वहान आपरो हजारो देवदूत को संग आनंद मनावा सेत। 
\v 23 परमेस्वर को पयलो संतानहुन, जोनको नाव सरग मा लिखयो सेत। उनको सभा को जवर पहुँच चुकयो सेव। तुम्ही सबको न्याय करनवालो परमेस्वर अखिन वोना नेक, सिद्ध मानूस को आत्माहुन, 
\v 24 अना नवीन करार को बिचवई यीसु विराजमान सेत। जोन को सींचो गयो रकत हाबिल को रकत को अपेक्सा जादा चांगलो सबद बोलासेत।
\p
\v 25 सतरक रव्हो, का कोनी बोलनवारा को सबद नोको नकारो, जोनना धरती मा चेतायो होतो। उनको सबद ला नही आयकलो। वय नहि बच सकयो। ता सरग कन भेटयो चेतावनि लक कसो बच सकासेत? 
\v 26 वोको आवाज ना वोना बेरा धरती ला डोलाय दियो होतो। परंतु अता वोना बचन दियो सेत का, “मी पुन्हा एक बेर धरती नाही तर सरग ला डोलहिन।” 
\v 27 यो सबद “पुन्हा एक बेर” तइयार करयो हरेक गोस्टी को बारे मा इसारा मिलासेत। का जोन चीज डोलायो जाहेत मजे वोको नास होहेत, अना जोन नही डोलहेत मन्जे हरामेसा लक रव्हेत।
\p
\v 28 एकोलाय जबा अमीला असो अटल राज भेटनवारा सेत। तो आव आमी परमेस्वर को धनवाद मानके भेव को संग, परमेस्वर को असो भगती करबीन जोन वोला पावन भई जाय। 
\v 29 कारन आपरो परमेस्वर भस्म करनवारा स्तो सेत।
\c 13
\s आमी परमेस्वर ला कसो खुस करबीन
\p
\v 1 भाऊ बन्ध जसो एकमेक लक पिरेम करो। 
\v 2 पाहुनायी आव भगत करनो नोको बिसरो। काहेका काही लोकहुन योच विसरू नोको, काहेका अनजानो मा लोकगिन ना देवदूत को स्वागत करयो सेत। 
\v 3 कैदीहुन को सूदी लेव जसो तुम्ही उनको बरोबर कैदी सेऊ, जोन पर अतियाचार होवासेत, उनला भी हेत करो। काहेका तुमरो पर भी अतियाचार होय सकासेत।
\p
\v 4 लग्न को सबला आदर करनो पाहिजे लग्न को सेज ला पवितर राखो। काहेका परमेस्वर छिनाला करनवारा, गाली बकन वालो ला सजा देहेत।
\p
\v 5 पैसा को लोभा पासुन आपरो जीवन मुक्त करा। तुमरो जवर जोन सेत वोकोच लक समाधान करो। काहेका परमेस्वर खूदच कव्हसेत, “मी तोला कधीच नही सोड़ीन, अना नाही मी तोला आपरो लक बगरो करहीन।” 
\v 6 एको लाई हमि हिम्मत लक कव्हसेजन,
\q1 “पिरभु मोरो मदत करासेते,
\q2 मोला कधीच भेव नाही।
\q2 एखादी मानूस मोरो काय कर सकेत?”
\p
\v 7 आपरो पेरीत को हेत राखो, जिनना तुमिला परमेस्वर को गोस्टी आयक वाईन अना ध्यान लक उनको चालचलन को फर ला चोयके उनको भरोसा को मंघा होय जाव। 
\v 8 यीसु मसीह कल भी वसोच होतो, जसो आज सेत, अना हरामेसा वसोच रव्हेत। 
\v 9 हर प्रकार को अजब को सिक्सा मा नोको भरमो, तुम्हारो मन कोलाय यो साजरो सेत। का किरपा लक मजबूत बनयो रवहो, जेवनो पिवनो को नेम धरम लक नही। जोन लक कदिच कोनी को भलो नही भयो सेत। जोनना यो सब मानीसेत।
\p
\v 10 आमरो च जवर एक वेदी सेत। जोन संसार को तम्बु मा भगती करासेत उनला यो वेदी को जेवन को अधिकार नाहती। 
\v 11 काहेका मुख्य याजक जोन बली को जनावर को रकत पापबली को लाय पवितर जघा मा ले जावासेत। वोला तम्बु को बाहेर धड़कावासेत। 
\v 12 एकोलाय यीसु ना सहेर को बेसकुड़ को बाहेर दुख भोगयो, जोनलक उ आपरो रकत लक जनता ला पवितर करे। 
\v 13 तर मग आपरो जोन तरास को सामना करयो। वोच अपमान सहन करतो हुयो वोको बरोबर तम्बू को बाहेर चलो। 
\v 14 कारन आपरो जवर इतानी आमरो कोनी कायम नगर नाहती, अमी तो आवनवालो नगर को खोजमा लग्यो सेत। 
\v 15 अता आओ अमी यीसु को लक परमेस्वर ला स्तुति रूपी बलि चघाव जोन उनको होठ को फर सेत। जोनना वोको नाव चिन्हा सेत। 
\v 16 भलाई करनो अना संग मा दया चोवानो ना भुलो, काहेकि असी बली लक परमेस्वर खुस होवासे।
\p
\v 17 आपरो मारग दिसावन वालो को हुकूम मानो, वोको अधीन रव्हो। हुकूम मानो। वय तुमरो असो देख-रेख करासेत। जसो उन मानूस को लेखा जोखा उनला च देवनो सेत। उनको हुकूम मानो, जोनलक उनको काम खुसी बन जाय, उनला बोझा जसो नोको लगे। काहेका वोको लक तुम्हिला कोनी फायदा नाहती।
\p
\v 18 आमरो साठी पिराथना करत रव्हो। अमिला भरोसा सेत का आमरो मन सूध्ध सेत। काहेका आमी सबच गोस्टी मा साजरी चाल चलन को बरताव राखसेजन। 
\v 19 मी बिनती करुसेउ की तुमी अखीन लगत आमरो लाय पिराथना करो जोनलक मी तुमरो कठा मंग लवकर आय सकु।
\s आसिरवाद
\p
\v 20 जोनना मेढा गीन को महान रखवालो, आमरो पिरभु यीसु को रकत लक वोना अमर सांती करार मा मोहर लगाके परमेस्वर मरयो हुयो लक जित्तो कर देइस। 
\v 21 तुमला सबा साजरो साधन लक भर देवे, जेनको लक तुमी वोको मनसा पूरो करो। अना यीसु मसीह लक उ आमरो भीतर वोना सब काही परगट करे जोन वोला भावासेत। ओकी महिमा सदा तकन बनयो रव्हे। आमिन।
\s निचोड़
\p
\v 22 अगो भाऊहुन मी तुमी लक बिनती करासू, का एना सिक्सा ला तुमी धियान धरके आयको, काहेका मी एला बिस्तार लक नही पर सार-सार लिखिसेव। 
\v 23 तुमीला मालूम होहे का, आमरो भाऊ तीमुथियुस सूट गयो सेत, अदी वा लवकर आ जाहेत, तो मी भी वोको संग आयके तुमरो लक भेंट करू।
\p
\v 24 आपरो सबा नेतागीन अना सब संतहुन ला नमस्कार सांगजोस। इटली को रव्हनवारा तुमीला नमस्कार कव्हसेत।
\p
\v 25 तुम सब पर परमेस्वर को किरपा होहे। आमिन