\id GAL - Powari Standard Project
\ide UTF-8
\h गलातियो
\toc3 गलातियो
\toc2 गलातियो
\toc1 गलातियो को नाव पौलुस की चिठ्ठी
\mt2 गलातियो के नाम पौलुस का पत्र
\mt1 गलातियो को नाव पौलुस की चिठ्ठी
\imt परिचय
\ip गलातियो को यो किताब ला पेरीत पौलुस ना लिख्यो सेत। \xt 1:1 \xt* यो एक चिठ्ठी होतो, जोन ला पौलुस, ना गलातियो को कलीसिया गिनला, मसीह को जलम लेवन को मघानी 48-57 साल को बीच को बेरा मा लिख्यो होतो। असो लगासेत का गलातिया साइद रोमन पिरान्त गलातिया मा रव्हनवालो लोक हुन लाय होतो। विदवान गिनला अखीन मालूम नहाय का, जबा पौलुस ना यो चिठ्ठी लिख्यो होतो तबा कहाँन रव्हत होतो। परा इफिसुस अना कुरुन्थी दुई मा लक कोनी एक जघा को सहेर को असो सेत।
\ip पौलुस ना गलातिया को यहूदी अना गैरयहुदी दुई परकार को ईसाई गिनको काजी लिख्यो सेत। वोना बिसेस करके एक खोटो सिक्सा को सामना करन काजी लिख्यो गयो होतो, जोनमा असो सांगयो गयो होतो, का सबा ईसाई हुनला यहूदी धरम मानके खतना करवानो जरुरी सेत। काहेका ईसाई गिनको बीचमा जूनो यहूदी लोक गीन होतिन जोन गैर यहुदीगीन को खतना को लाय दबाव बनावत होतिन। उनना पौलुस को पेरीत होवनो मा भी सवाल करीन, पौलुस ना आपरो काही किस्सा सांग के आपरो पेरीत होवन को दावा ला सिद्द करयो। \xt 1:11—2:14 \xt* अना वोना यो समजा के साजरो बारता को बचाव करीस का सूटकारा सिरप यीसु मसीह मा बिस्वास करके च भेट सकासेत। \xt 2:16\xt* यो वोना दयालूपन को फर सेत जोन परमेस्वर चोवायो सेत यो कोनी लोक को करम को कारन नाहती।
\iot रुपरेखा
\io1 1 पौलुस आपरो चिठ्ठी को सुरुवात गलातियो को कलीसिया ला नमस्कार लक करयो सेत। \ior 1:1-5\ior*
\io1 2 तब पौलुस ना खुद को बारेमा सांगयो का पयले खुद कसो यहुदी नियम को अनुसार चलत होतो। अना आपरो रक्सा को लाय वोमा चलन को कोसीस करयो पर वोको कोनी फायदा नही भेटयो। \ior 1:6—2:21\ior*
\io1 3 एको मघा उ सूटकारा को नियम को बारे मा लिखा सेत। 3 अना 4 पद
\io1 मंग उ साजरो मसीही जिंदगी जीवन को लाय काही सदारन निरदेस देवासेत। आजादी अना जिम्मेदारी \ior 5:6-10 \ior*
\io1 5. पौलुस ना आपरो चिठ्ठी ला एक अखट्ट अभिवादन अना बिनती को संग यो हेत करन को समज देके पूरो करासेत का परमेस्वर लक एक नयो मानूस मा बदलाव होवनो बहारी नेम धरम लक जादा जरुरी सेत। जसो का खतना कियो जावनो \ior 6:11-18\ior*
\c 1
\s अभिवादन
\p
\v 1 यो चिठ्ठी मि पौलुस को कन लक लिख्यो गयी से। जोन ला खुदच यीसु मसीह अना परमेस्वर बाबूजी ना मोला पेरीत\f + \fr 1:1\fr*\ft पेरीत\ft*\f* ठहराईसेस। जेने ओला मरयो हुवो मा लक मंग लक जित्तो करीसेस जोन ना तो मानूस को कन लक अना ना कोनी मानूस कन लक पेरीत ठहरायो गयो सेव। 
\v 2 मि अना जेतरा भाऊ-बहिन मोरो संग सेति, गलातिया छेतर की कलीसिया ला हात जोड़ासेजन।
\p
\v 3 आमरो बाबूजी परमेस्वर अना पिरभु यीसु मसीह तुमी लोकगीन ला दया अना सान्ती देहे।
\p
\v 4 मसीह ना आमरो पापगीन को साठी आपरो ला बलिदान करदेइस। जेनको लक की उ आमरो बाबूजी परमेस्वर की मरजी को लक एना बेरा को पापी जुग लक आमरो सूटकारा करेत। 
\v 5 ओकी महिमा जुग-जुग तकन बनी रव्हे। आमेन।
\s एकच साजरो बारता से
\p
\v 6 मोला अचंभा होवासे की जेना तुमी लोकगीन ला मसीह को दया\f + \fr 1:6 \fr*\ft मसीह का अनुग्रह\ft*\f* कन लक हाकलीस। ओला तुमी एतरो लहाकी लक सोड़ के कोनी दुजो साजरो बारता का मंघा होय गयत। 
\v 7 वाकई मा, “दुजो कोनी साजरो बारता” नहाती, पर काही लोक तुममा सांती भँग करसेति। अना मसीह को साजरो बारता ला अकारत करनो चाव्हसेत। 
\v 8 पर जोन साजरो बारता मिना तुमला आयकवाईसु, अदी कोनी खुदच हमि या कोनी सरग को दूत कायलाई नही होहे, ओनो बेगरो साजरो बारता तुमला आयकावाहे ता उ सापित होहे। 
\v 9 जोन काही मि कवह चुकीसेव, वाच मंग कवहसु जोन साजरो बारता तुमला मिलयो से अदी कोनी दुजो अलग साजरो बारता तुमला आयकावासे। ता उ सापित से।
\p
\v 10 अता मि कोन को दया चाव्हसेउ? मानूस को या परमेस्वर को? अदी मि मानूसगिन ला राजी करन चाव्हतो तो, तो मि मसीह को दास बनन काबिल नही होतो।
\s पेरीत पौलुस कन लक सांगो गयो साजरो बारता मानूस रचयो नही से।
\p
\v 11 अगो भाऊ अना बहिनगीन। मि तुमी लोकगीन ला दिलासु। की मिना जो साजरो बारता आयकाईसेउ। उ मानूस लिखयो नही से। 
\v 12 मिना कोनी मानूस को मदद लक ओला नही अपनायो अना नही सिकयो , पर ओला खुदच यीसु मसीह ना मोरो पर दिसाईसेस।
\p
\v 13 का तुमी लोकगीन आयकासेव, की जबा मि यहुदी धरम नियम मा चलनवारो होतो ता मोरो सुभाव कसो होतो? मि परमेस्वर की कलीसिया ला लगत तँगात\f + \fr 1:13 \fr*\ft सताता\ft*\f* होतो। अना ओला नास\f + \fr 1:13 \fr*\ft मारता\ft*\f* करत होतो। 
\v 14 जसो मोरो आजा पुरखा नियम धरम खुसी\f + \fr 1:14 \fr*\ft जागरुक तरह से \ft*\f* लक मनावत होतीन, वसोच मि भी मनावत होतो। अना यहुदी धरम नियम पालनो मा मोरो संगी साथी यहुदी गीन लक सब मा बढ़के होतो।
\p
\v 15 पर परमेस्वर ना मोला माय को गरभ लक बेगरोच कर लेई होतीस अना मोरो पर दया करके ना मोला हाकलीस। 
\v 16 परमेस्वर ना मोला आपरो टूरा ला दिसाईस अना मोला अलग कर देईस का मि यीसु को साजरो बारता ला परजात ला सांगु। एको मंघा मिना कोनी निरो मानूस \f + \fr 1:16 \fr*\ft माँस अना रकत के बगैर \ft*\f* खून को रिस्तेदार लक नही पुसयो। 
\v 17 अना मी यरुसलेम को पेरीत गीन ला भी नही पुसयो। पर मि एकदम लक अरब देस ला चली गयो, अना मि दमिसक नगर वापिस आय गयो। 
\v 18 पर तीन बरस मंघा, पतरस लक खबर लेवन साठी यरुसलेम नगर गयो। अना उनको संगा एक पँदरवाड़ी\f + \fr 1:18 \fr*\ft पँद्रह दिवस तकन \ft*\f* रहयो। 
\v 19 पर मोरी भेंट\f + \fr 1:19\fr*\ft मूलाकात\ft*\f* वहान कोनी लक नही भई, केवल पिरभु को भाऊ पेरीत याकूब लक भई। अखीन वहान कोनी लक नही भई।
\p
\v 20 परमेस्वर जानासे की जोन गोस्टी मी तुमला लिखीसेव, ओमा काही खोट नाहती।
\p
\v 21 ऐको मंघा मि सीरिया अना किलकिया छेतर मा आयो। 
\v 22 ओना बेरा यहुदिया छेतर की कलीसिया जोन मसीह मा से। मोला साजरो लक नही जानत होतीन। 
\v 23 अना एतरोच आयकिन होतीन की “जोन मानूस हमला पयले सतावत होतो, उ अबा भरोसा को साजरो बारता आयकवाई रही से। जेनला उ पुढ़ा नास करत होतो।” 
\v 24 वो मोरो बारे मा परमेस्वर को बड़ाई करत होतीन।
\c 2
\s पेरीत कन लक पौलुस को काम की मानता
\p
\v 1 चौदह बरस बीतन को मंगा मि बरनबास को संगा यरुसलेम गयो। अना तीतुस ला संगा ले गयो। 
\v 2 मि परमेस्वर को सांगयो लक उता गयो। अना जोन साजरो बारता मि परजात गीन \f + \fr 2:2\fr*\ft यहुदी जाति के अलावा दुसरे जाति में\ft*\f* मा सांगिसेउ। वाच मिना उनला सांग दियो, पुड़ा पेस कियो। पर एकलो मा उनला जोन मोठो समजो जावत होतीन। की कहीं मोरी यो बेरा की या पिछलो दौड़ धुप अकारत न होय जाय। 
\v 3 पर कोनी ना तीतुस ला जोन मोरो संगा होतो अना यूनानी से, खतना करान को साठी मजबुर नही करीन। 
\v 4 यो उन दोगला भाऊगीन लक भयो। जोन चोरी लक धस आया होतीन की हमारो ओनो सुट की जोन यीसु मसीह मा हमला मिलीसे। भेद आन के ना हमला दास बनाऐत। 
\v 5 आमी ना जरा सो देर लाय भी उनको कब्जा मा रव्हनो ला नही मानया। पर एकोलाय की साजरो बारता को खराई तुममा बनी रव्हे।
\p
\v 6 पर वय लोक जो मान महातम को समजो जावत होतिन, वय कसा होतीन मोला एकोलक काही काम नाहाति; परमेस्वर कोनी को पक्स नही करा-उनलक जोन काही समझो जावत होतीन, मोला काही भी नही मिलीसे। 
\v 7 पर एको बदला मा जबा उनना चोवयो की जसो लक पतरस ला खतना कियो हुयो लोकगीन को भरोसा साठी, साजरो बारता को काम सौपयो गई से, वसोच मोला बिन खतना कियो परजात लोकगीन को साठी साजरो बारता को काम सौपयो गयो से। 
\v 8 काहेकि जोन परमेस्वर ना पेरीत पतरस लक खतना करनवालो मा अगुवाई को काम मोठो असरदार तरीको लक करवाइ, ओनाच मोरो लक भी परजात गीन मा असरदार काम करवाइसेस। 
\v 9 जबा उनना ओना दया ला चिन्हिन जोन मोला मिली होतो ता याकूब, कैफा अना योहन ना जो कलीसिया को खम्बा समजो जावत होतीन, मोला अना बरनबास को संगती को उज्जो हात दियो की आमी परजात जातिगीन मा अना वय खतना करन वालो मा, काम करयेत। 
\v 10 उनना आमी लक केवल योच बिनती करीन की गरीबगीन की हेत लेहेत। यो काम ला करन को साठी मि भी जोस मा रहयो। 
\v 11 पर जबा कैफा अन्ताकिया आयो तो मिना ओको पुढ़ा ओको बिरोध कियो। काहेका उ दोसी होतो।
\s पौलुस को कन लक पतरस को विरोध
\p
\v 12 काहेकि याकूब को यहान लक काही लोकगीन को आवन लक पुढ़ा, उ परजात गीन को संग जेवन करत होतो। पर जबा वय आइन ता खतना वालो को भेव लक उन लक हट गयो अना एक कना करन लगयो। 
\v 13 सुटयो यहूदिगीन ना भी यो छल मा ओको संग देइन, यहान तकन की बरनबास भी उन लोकगीन को छल को कारन बहक गयो। 
\v 14 पर यो चोय के की वय लोक साजरो बारता को खराई को लक जिंदगी नही कर रही होतीन ता सब को पुढ़ा मिना पतरस लक कव्हयो, जबा तु यहूदी भयके परजात गीन की जसो जिंदगी करसेस। ता तु गैरयहुदिगीन ला यहुदी को जसो चलन ला काय साठी कव्हसेस?
\s भरोसा कन लक धरमी ठरहनो
\p
\v 15 आमी ता जलम लक यहूदी जाति सेजन, पापी परजात गीन मा लक नही। 
\v 16 आमी जानसेजन से की मानूस मोसे को नियम लक नही पर मसीह यीसु पर भरोसा करनो लक धरमी ठहरायो जासे। यो काजी आमी ना भी मसिहा यीसु पर भरोसा करीसेजन की आमी मोसे को नियम को लक नही पर मसीह पर भरोसा करन लक धरमी ठहरबोन। काहेकि मोसे को नियम लक कोनी भी मानूस देह धरमी \f + \fr 2:16\fr*\ft पवीतर \ft*\f* नही ठहरायो जाहे। 
\v 17 आमी जो मसीह मा धरमी ठहरायो जावन, अदी खुदच पापी हिटबोन ता का मसीह पाप को दास से? कभीच नही। 
\v 18 जेनला मि एक बार नास कर चुकीसेव, अदी ओला मंग बनासु तो खुदच ला दोसी ठहरासू। 
\v 19 काहेकि मोसे को नियम को काम कन लक मि नियम को साठी कूरूस मा चघायो गयो की परमेस्वर मसीह को लाई जित्तो रह सकु। 
\v 20 मि मसीह को सँग सुली पर टाँगयो गयो सेव। अता मि जित्तो नही रहयो, पर मसिहा मोरो मा जित्तो से, अना अबा मि जोन तन मा जित्तो सेउ, तो केवल ओनो भरोसा लक जित्तो सेउ जोन परमेस्वर को टूरा पर से, जेने मोरो लक माया करीस अना मोरो साठी आपरो आप ला दे देइस। 
\v 21 मि परमेस्वर को दया ला अकारत नही ठहराउ। काहेकि अदी नेकीपन मोसे को नियम को काम कन लक मिल सकसे तो मसीह को मरनो अकारत से।
\c 3
\s भरोसा लक आतमा को फर मिलसे
\p
\v 1 मुरख गलातियो, कोन ना तुमला मोह लेईस? तुमरी डोरा को पुढ़ा यीसु मसीह ता साजरो तरिको लक कूरूस मा चघायो हुयो दिसायो गयो होतो। 
\v 2 मि तुमी लक केवल एतरोच जानन चाव्हसु की तुमना आतमा ला का मोसे को नियम को काम लक पाइसेव, या भरोसा लक साजरो बारता ला आयकन लक? 
\v 3 का तुमी एतरो मुरख सेव की आतमा की रिती लक सुरू करके अता आँग की रिती पर सारहो? 
\v 4 का तुमी ना एतरो आफद अकारत ही उचलीयत? का वय खरो मा अकारत होतीन? 
\v 5 जोन तुमला आतमा देवासे अना तुममा अचंभा को काम करासे, उ का एकोसाठी करासे की तुमना मोसे को नियम को काम करयत या एकोसाठी की तुमना साजरो बारता पर भरोसा करयात?
\p
\v 6 ऐना रिती लक अबराहम ना परमेस्वर पर \f + \fr 3:6 \fr*\ft विस्वास \ft*\f* मा बिस्वास करीस , अना यो वोको लाय नेकी गिनयो गयो। 
\v 7 अता यो जान लेव की भरोसा करनवारा च अबराहम की सँतान\f + \fr 3:7 \fr*\ft खानदान \ft*\f* सेत। 
\v 8 अना पवितर गिरंथ ना पयले लक यो जानके की परमेस्वर गैरयहूदी ला भरोसा लक नेक ठहरायो जाहे, पुढ़ा च लक अबराहम ला साजरो बारता आयकवाय देइस: “की सप्पा लोक गीन तोरो मा किरपा\f + \fr 3:8\fr*\ft आसीस \ft*\f* पाहेति।” 
\v 9 एकोसाठी जोन बिस्वास करसेति, वय बिस्वासी अबराहम को संगा आसीस पाहेति।
\p
\v 10 एकोसाठी जो लोक मोसे को नियम को काम पर भरोसा राखासेति, वय सबच सिराप को कब्जा मा सेत, काहेकि लिखीसे, जोन कोनी मोसे को नियम को किताब मा लिखयो सबच हुकूम को पालन नही करा, उ सिरापित\f + \fr 3:10 \fr*\ft दोसी \ft*\f* से। 
\v 11 एकोसाठी यो गोस्टी खुलो से की मोसे को नियम को काम कन लक परमेस्वर को नजर मा कोनी न्यायी ठहरायो नही जाहे, काहेकि नेक मानूस भरोसा \f + \fr 3:11\fr*\ft विस्वास \ft*\f* लक जित्तो रव्हसे। 
\v 12 पर भरोसा को मोसे को नियम को काम लक कोनी नाता नहाय। पर “जोन ओको गोस्टीहुन को पालन करेत उ उनको काजी जित्तो\f + \fr 3:12 \fr*\ft जीवन पायेगा \ft*\f* रहेत।”
\p
\v 13 मसीह ना हमला आन के मोसे को नियम को काम को सिराप लक छुड़ायीस अना खुदच आमरो साठी सिरापित बन गयो, काहेकि लिखीसे, “जोन कोनी लकड़ी को कूरूस मा लटकायो जावसे उ सिरापित \f + \fr 3:13 \fr*\ft दोसी \ft*\f* से।” 
\v 14 यो एकोसाठी भयो की अबराहम को आसिरवाद यीसु मसीह मा परजात तकन पहुचे अना आमी भरोसा को कन लक ओना आतमा ला पावबिन, जोको परन कियो गयी से।
\s कानुन अना वायदा
\p
\v 15 भाऊ गीन, मि मानूस की रिती पर कव्हसू मानूस को वायदा भी जबा एक बार पक्को भय जावसे तो ओला कोनी रध्द नही करासे अना ना ओमा काही जोड़से। 
\v 16 ऐना रीती लक परन अबराहम अना ओको खानदान\f + \fr 3:16 \fr*\ft सँतान \ft*\f* लक कियो गयो होतो। पवितर गिरंथ नही कव्हसे, अना उनको खानदान गीन लक, “जसो की लगतगीन ला ईसारा, पर उनको खानदान ला, मान लेव तोरो खानदान लकच” जोन मसीह से। 
\v 17 मोरो कव्हनो यो से जोन लिखयो लेख कन लक परमेस्वर पक्को कियो जाय चुकी से ओला चार सी तीस बरस मंघा होवन वालो मोसे को नियम को काम रध्द नही कर सकसे अना न ओको किरिया\f + \fr 3:17\fr*\ft वायदा \ft*\f* ला बेकार बनाय सकसे। 
\v 18 अदी मोसे को नियम को जरिया लक वारिसपन सुपरुत कर दियो जातो, तो परन लक ओको कोनी नातो नही पर वायदा कन लक ही परमेस्वर ना ओला अबराहम ला देवन को दया करीसेस।
\p
\v 19 तबा मोसे को नियम को काम को का मकसद से? जेने खानदान की परन दियो गई होती, ओको आवन को बेरा तकन नियम जुल्म को काजी जोड़ देई गई होती। उ सरगदूत गीन कन लक बिचवई को जरिया लक ठहरायो गयी से। 
\v 20 बिचवई को काम दुई को बीच मा कियो जावसे; पर परमेस्वर एक से।
\s नियम को मकसद
\p
\v 21 ता का मोसे को नियम को काम अना परमेस्वर को परन मा विरोध से? कबच नहि। अदी असो कानुन की मुनादी भई होती, जोन जीवन देवनो मा होती, तो मोसे को नियम ला पालन लक ही मानूस नेक ठहरतो। 
\v 22 पर पवितर गिरंथ ना सबच काही पाप को ताकत को कब्जा मा बँदी बनाय देइसेस, जोन लक यीसु मसीह मा कन लक भरोसा करनवारा भरोसा को साठी परन पूरो कियो जाय।
\p
\v 23 पर भरोसा को आवन को पुढ़ा आमी मोसे को नियम संग मा बंदी होता, अना भरोसा को आवन पर आमी ओको कब्जा मा रहया। 
\v 24 ऐना रिती लक मसीह तकन पहुचन को साठी मोसे को नियम आमरो रखवारी करत होती। जोन भरोसा लक आमी लक न्यायी ठहरायो जावबिन। 
\v 25 पर भरोसा आवनो लक आमी रखवालो का कब्जा मा नही रहया।
\p
\v 26 काहे की तुमी सप्पा को सप्पा यीसु मसीह मा भरोसा करन को काजी परमेस्वर की संतान सेव। 
\v 27 काहेकि जितरो लोकगीन न मसीह को बप्तिस्मा ले लेइसेत, उनना मसिहा ला धारन कर लेइसेत। 
\v 28 अब न कोनी यहूदिगीन सेत अना न कोनी यूनानी, न कोनी दास से अना न कोनी अजाद, न कोनी मरदमाना से, न कोनी आई-माई। तुमी सप्पा यीसु मसीह मा एक भई गया सेव। 
\v 29 अदी तुमी लोक मसीह का सेव, तो अबराहम का खानदान सेव अना परन को वारिसदार\f + \fr 3:29\fr*\ft हक रखने वालो\ft*\f* भी सेव।
\c 4
\s आमीला परमेस्वर को संतान बनावासे
\p
\v 1 मोरो कव्हन को मतलब यो से जबा तकन वारिस नाबालिग से, उ सप्पा जायदाद को पिरभु होतो हुयो भी दास लक कोनी तरिको लक बेगरो से। 
\v 2 उ बाबूजी कन लक नियत बेरा तकन पालक अना घर रखवालो को बस मा रव्हसे। 
\v 3 एने रिति, जब तकन आमी नाबालिग होता तबा तकन दुनिया को उसुल गीन\f + \fr 4:3\fr*\ft आदि सिक्सा\ft*\f* को कब्जा मा दास बनयो हुयो होतो; 
\v 4 पर बेरा पूरो भय जावन पर परमेस्वर ना मोसे को नियम लाई आपरो टूरा ला धाड़िसेस उ एक बायका लक पैदा भयो, 
\v 5 जोन लक उ मोसे को नियम लक कब्जा मा रव्हनवालो ला सुड़ाय सकेह अना आमी परमेस्वर की गोद लिया सँतान बन जावबिन।
\p
\v 6 तुमी लोक सँतान ही सेव। एको पुरुप यो से की परमेस्वर ना आमरो मन मा आपरो टूरा को आतमा ला धाड़िस। जोन पुकार के यो कव्हसे, “बाबूजी, अजी।” 
\v 7 एकोलाय अब तुमी दास नही, सँतान सेव अना संतान होवन को नातो लक तुमी परमेस्वर की दया लक वारिस\f + \fr 4:7 \fr*\ft हकवाले \ft*\f* भी सेव।
\s गलातिगीन को बारे मा संत पौलुस की चिंता
\p
\v 8 तुमी लोक पुढ़ा, जबा तुमला परमेस्वर को अक्ल नही मिलयो होतो, असो देवतागीन की सेवा-जापता करत होतो, जिनको करनो वाकई मा साजरो नाहाती। 
\v 9 पर अबा तुमी परमेस्वर ला वोरख लियो सेव या असो कव्हबिन की परमेस्वर ना तुमला अपनाय लेइसेस, तो तुम्ही कसो मंग उन बेजोर अना बेसार उसुल गीन की आसरा ले सकासेव? का तुमी एक गन मंग उनकी सेवा अपनावन चाव्हसो? 
\v 10 तुमी लोक मुख दिवस, माह, मौसम अना बरस मनासेव। 
\v 11 मोला भेव से, कहीं असो न होयहेत की मिना तुमी लोकगीन को बीच मा बेकार मेहनत करीसेव।
\p
\v 12 भाऊ अना बहिनगीन। तुमी मोरो जसो बनों, जेने रिति लक मि तुमरो जसो बन गयो सेव, योच तुमरो लक मोरो बिनती से। तुमी लोकगीन ना मोरो सँगा कोनी गलती अन्याव नही करी सो। 
\v 13 तुमी जानासो की मोरो देह बीमार होवनो को काजी मोला तुमला पयलो गन साजरो बारता आयकवानो को मौका मिलिसे। 
\v 14 ऐना रिती लक मि आपरो आँग की हिनो होवनो को काजी तुमी लोकगीन को साठी परीक्सा बनीसे, मंग भी तुमीना न तो मोरो गुस्सा करीसेव, अना न मोरो बारे मा घिरना चोवाईसेव, एको सिवा तुमना मोरो असो सेवा-सत्कार करीसेव, मानो जसो मि परमेस्वर को दूत या खुदच यीसु मसीह सेव। 
\v 15 ओना बेरा तुमी लोक आपरो ला साजरो समजत होतो, अता तुमी लोकगीन को उ गवाही किता गयो? मि तुमी लोकगीन को बारे मा यो तो कव्ह सकत होतो। की अदी होय सकतो तो तुमी आपरी डोरा भी हेड़ के दे दिया रव्हतत। 
\v 16 का मि तुमरो दुस्मन एकोसाठी बन गयी सेव की मि लोकगीन लक खरो-खरो कव्हसू।
\p
\v 17 जोन लोक तुमरो पर दया करके मिलान चाव्हसेत। पर वय साजरो मकसद लक असो नही कर रही सेत। वय तुमला मोरोलक अलग करनो चाव्हसेत, जोकोलक तुमी उनला आपरो पर हुकुमत करन देव। 
\v 18 यो साजरो गोस्टी से की लोक तुमरी दया चाव्हसेत पर यो साजरो मकसद लक होय अना सदा रह, केवल ओनो बेरा तकन नही जबा तकन मि तुमरो बीच पायो जावासू। 
\v 19 मोरो चहेतो लेकरा। जबा तकन तुममा मसीह को स्वरुप नही बन जावा। तबा तकन मि तुमरो लाई मंग जच्चा की पीड़ा सह रही सेव। 
\v 20 मि कितरो चाव्हसु की अबा तुमरो बीच रव्हतो जेनको लक मि सही भासा को उपयोग कर सकु, काहेकि मोरी समझ मा नही आवा की मि तुमला काजक कहुँ।
\s दुन नियम एक बँदीपन को अना दुजो सूटकारा को
\p
\v 21 तुमी जोन मोसे को नियम को बस मा रव्हन चाव्हसो, मोला यो साँगो, का तुमी यो नही आयको की कानुन तुमला का कव्हसे? 
\v 22 ओमा लिखीसे की अबराहम को दुई टूरा होतीन एक सेविका लक अना दुजो आजाद बायको लक। 
\v 23 सेविका को टूरा को पैदा होवनो प्रकति को कन लक भयो। पर छुट्टो बायको को टूरा को पैदा होवनो परन कन लक। 
\v 24 ऐना गोस्टी को एक दिखयो मायना से। या दुई बायको दुई वायदा को नामना सेति। एक सीनय परवत को, जेनको लक दास पैदा होवासेत अना वा हाजिरा से। 
\v 25 हाजिरा अरब देस को सीनय परवत मानो जासे, जोन अबा को यरुसलेम को जसो से, काहे की वा आपरी संतानगीन को सकट सेवा मा से। 
\v 26 पर वरता को यरुसलेम आजाद से, अना वा आमरी माय से। 
\v 27 काहेकि लिखीसे,
\q1 “ओ बँझलु, तु जोन नही जानासेस,
\q2 पिरभु मा खुस रव्ह। तु जोन जनन को दुख नही जानस, खुसी लक झुम उचल,
\q1 काहेकि तजी हुई की लेकरा,
\q2 बयाही हुयी की लेकरा\f + \fr 4:27 \fr*\ft सादी करी हुई \ft*\f* लक लगत सेत।”
\p
\v 28 “ओ भाऊ गीन, तुमी इसहाक को जसो परन को लेकरा सेव। 
\v 29 पर जसो ओनो बेरा आँग को कनलक पैदा हुयो ता आतमा को कनलक जनमो हुयो ला सतावत होतो, वसोच अबा भी होवासे। 
\v 30 पर पवितर गिरंथ मा काजक लिखीसे? दासी अना ओको टूरा ला हेड़ देव, काहेकि दासी को टूरा तो खुल्लो बायको को टूरा को सँग हक रखन वालो नही होहे।” 
\v 31 एको साठी हे भाऊ गीन, आमी दासी का नई सेजन पर खुल्लो बायको को लेकरा सेजन।
\c 5
\s मसीह कन लक दियो गयी छुट
\p
\v 1 मसीह ना छुट्टो रव्हन लाई हमरो सूटकारा\f + \fr 5:1\fr*\ft सूटकारा\ft*\f* करीसेस, एकोसाठी तुमी लोक पक्का रव्हो। अना मंग गुलामी को जुआड़ी मा नोको फंदहो।
\p
\v 2 मि पौलुस, तुमी लोकगीन लक यो कव्हसु अदी तुमी सुद होवन को नियम करावासो, तो तुमी लोकगीन ला मसीह लक कोनी फायदा नही होहे। 
\v 3 मंग मि हर एक खतना करानवालो ला पूरो जोर लक कव्हसू की ओला सप्पा मोसे को नियम को पालन करनो से। 
\v 4 अदी तुमी आपरी धरमी पन को साठी मोसे को नियम पर आसरा रखनो चाव्हसो, तो तुमी ना मसीह लक आपरो नाता तोड़ लेईसेव अना परमेस्वर की दया ला खोय देइसेव। 
\v 5 काहेका आतमा लक आमी भरोसा लक आस कियो हुया, धरमिपन को रस्ता चोविसेजन। 
\v 6 अदी आमी यीसु मसीह लक जुड़या सेजन, तो खतना कोनी काम को नाहती। पर भरोसा से, जोन माया कन लक असर डाकासे।
\p
\v 7 तुमी लोक साजरो उन्नती कर रहया होतत। तुमी लोकगीन ला कोन ना पुढ़ा बढ़नो लक रोकिस की तुमी खरो गोस्टी ला नोको मानो? 
\v 8 असो सीक तुमरो हाकलन वालो को कन लक नही। 
\v 9 जरा सो खमीर\f + \fr 5:9\fr*\ft ब्रेड भाकर में डाला जाने वाला पाउडर\ft*\f* पूरो गुथो हुयो कनीक ला खमीर बनाय देसे। 
\v 10 मोला पिरभु मा तुमी पर सत से की तुमी कोनी अखीन बिचार धारा ला नही अपनाहो। पर तुमला घबरावनवालो चाहे उ कोनी काहे न होहे, सजा पाहे।
\p
\v 11 पर ओ भाऊ अदी मि अबा तकन खतना को परचार करतो आईसेव तो काहे सतावो जावुसु? मंग तो कूरूस को रास्ता पर जोन ठोकर होती, उ खतम भय गई। 
\v 12 भलो होतो की जोन तुमला भटकाय देवासे, वय खुदच आपरो आँग काप डाकतीन।
\s पवीतर आतमा को जीवन
\p
\v 13 ओ भाऊ गीन तुमी सूटकारा पावन को लाई हाकलो गयो सेव, यो सूटकारा आँग की मनसा पूरी करन लाई नही होइसे, पर माया लक एक दुजो की सेवा करो। 
\v 14 काहेकि सप्पा मोसे को नियम यो कव्हयो लक एकच सबद लक पूरो भय जावसे। तु आपरो पड़ोसी लक आपरो जसो माया\f + \fr 5:14\fr*\ft पिरेम\ft*\f* राख। 
\v 15 पर अदी तुमी एक दुसरो ला दात लक काटो सो अना फाड़ खावोसो, तो सतरक रव्हने की कही एक दुसरो ला सत्यानास नोको कर देहो।
\p
\v 16 पर मि कव्हसू की पवीतर आतमा को जसो चलोह तो तुमी आँग की मनसा ला कोनी रिती लक पूरी नही करहो। 
\v 17 काहे की आँग तो पवीतर आतमा को विरोध मा अना पवीतर आतमा आँग को विरोध मा लालसा करासे, यो तो एक दुसरो को विरोधी\f + \fr 5:17 \fr*\ft सतरू\ft*\f* सेत, जोन तुमी करनो चाव्हसो ओला नही कर सकोह। 
\v 18 पर अदी तुमी पवीतर आतमा को चलाय चला सो तो मोसे को नियम को बस मा नही रहयो।
\p
\v 19 अबा आँग को काम खुलोसेत, मजे छिंडरापन, खोटो करम कामुकता, 
\v 20 मुरत पुजा, जादु टोना, गुटबन्दी, बैर, झगड़ा, ईरसा, गुस्सा, बिरोध, फुट, अधरम 
\v 21 छल, नसा, रँगरेली, अना ऐना तरह का काम सेत, जिनको बिसय मा मि तुमला चितासु जसो पयले चितोनी देय चुकयो, की असो-असो कामवारा तो परमेस्वर को राज का हकदार\f + \fr 5:21\fr*\ft उत्तराधिकारी\ft*\f* नही होव्हेत।
\p
\v 22 पर पवीतर आतमा को फर माया, उत्साह, सान्ती, धीरज, दयालुपन, भलाई अना भरोसा सेत। 
\v 23 नरमदिली अना संयम सेत। असो-असो मोसे को नियम को विरोध मा कोनी कानुन नही से। 
\v 24 जोन मसीह यीसु को सेत, उनना आपरो आँग ला बुरो मनसा अना लालसा गीन सकट कूरूस मा चघायो देईसेत। 
\v 25 अदी आमी पवीतर आतमा की सलाह को लक जिंदगी बिताबिन तो हमला पवीतर आतमा कन लक जिंदगी मिल गई से।
\s मानूस जोन बोवासे वाच कापासे
\p
\v 26 आमी झुठो घमन्ड नोको करबिन एक दुजो लक ला नही भडकाबिन अना एक दुजो लक जरन नही करबिन।
\c 6
\p
\v 1 भाऊगीन अना बहिनगीन। अदी यो मालुम चलतो का कोनी ना कोनी गलत काम करीसेस तो तुमी लोक जोन आतमिक सेव, ओला नरम\f + \fr 6:1\fr*\ft सीधो \ft*\f* तरीका लक साजरो करबिन। तुमी खुदच सतरक रव्हने कहिं असो न होय की तुमी भी परिक्सा मा पड़ जाहो। 
\v 2 असो बोझ लक मोसे को नियम मा एक दुसरो की मदद करबिन अना येने रिती लक मसीह को हुकूम पूरो करबिन। 
\v 3 काहेकि अदी कोनी समझसे की मि काही सेव। जबकि काही नही से तो उ आपरो आप ला ठगसे। 
\v 4 हर कोनी आपरो काम ला परख लेहे, तबा ओको पड़ोसी को काम मा नही पर आपरो पर गरब करन को बेस कारन होव्हे। 
\v 5 काहेकि हरएक मानूस ला आपरो बीड़ा खुदच उठानो पड़हे।
\p
\v 6 जोन मानूस गोस्टी को सिक्सा पावसे, उ आपरी सबच साजरो चीज मा आपरो सिक्सक ला सामिल करे।
\p
\v 7 धोखा नोको खावने। परमेस्वर को ठठ्ठा नही करयो जाय सका। मानूस जोन बोवासे। वाच कापासे। 
\v 8 जोन आपरी आँग की आदत को लाई बोवासे, उ आँग की माटी मा विनास की फसल कापासे; पर जोन पवीतर आतमा को लाई बोवासे, उ पवीतर आतमा की माटी मा अमर जीवन की फसल कापासे। 
\v 9 आमी भलाई करत-करत हिम्मत न हारबिन काहेकि अदी आमी पक्को बनी रहबिन तो बेरा आवनो पर जरुर फसल कापबिन। 
\v 10 एकोलाय जबा तकन आमी ला डाव मिलसे, आमी सबको भला करसेजन। मुख रुप लक उन लोकगीन की जोन भरोसा को कारन आमरो परिवार का सेत।
\s आमी सप्पा परकार लक नयो संसार बनबिन।
\p
\v 11 चोवो, मिना कसो मोठो-मोठो सबद मा तुमला आपरो हात लक लिखिसेव। 
\v 12 जोन लोक दिखावा को काम लक झुठी बड़ाई पावनो चाव्हसेत। वय देह को खतना करवान को साठी तुमला रोकासेति यो एकोलाय की मसीह को कूरूस को कारन उन पर जुरुम नही कियो जाय। 
\v 13 काहेकि सुध्द कियो हुया लोक खुदच मोसे को नियम पालन नही करासेत, बलकि वय तुमरो खतना करन चाव्हसेत जेनको लक वय यो गोस्टी कर सकबिन की आपरो-आपरो आँग मा यो धरम नियम अपनाय लियो से। 
\v 14 पर असो नही होहे की मि आमरो पिरभु यीसु मसीह को कूरूस को अलावा कोनी अना गोस्टी पर गरब करुह, जेनको कन लक दुनिया मोरी नजर मा अना मि दुनिया को नजर मा कूरूस मा चघायो जाय चुकयो। 
\v 15 कोनी को खतना भयो अना नही येको कोनी मानता नही से, मानता यो गोस्टी को से की आमी पूरो रुप लक नयो संसार बन जाबोन। 
\v 16 यो नियम को लक चलनवारो पर अना परमेस्वर को इसरायल पर सान्ती अना तरस होय।
\p
\v 17 अबा लक कोनी मोला तँग नोको करने। मि यीसु को धब्बा ला आपरो बदन मा राखके रव्ह रही सेव।
\p
\v 18 भाऊ अना बहिन गीन। हमरो पिरभु यीसु मसीह की आतमिक दया तुमी लोकगीन पर बनी रहये। आमेन।