\id EPH - Powari Standard Project
\ide UTF-8
\h इफिसियो
\toc3 इफिसियो
\toc2 इफिसियो
\toc1 इफिसियो को नाव पौलुस की चिठ्ठी
\mt2 इफिसियो के नाव पौलुस का पत्र
\mt1 इफिसियो को नाव पौलुस की चिठ्ठी
\imt परिचय
\ip मसीह को जनम को 60 साल पहिले इफिसियों की चिठ्ठी अखिन कुलुस्सियों की चिठ्ठी करीब संग मा लिख्यो गयो। पेरीत पौलुस यो सुचित करयो का वा चिठ्ठी को लेखक वोच आय \xt 1:1।\xt*
\ip कुलुस्सियों की चिठ्ठी को जसो नीजी सुभेच्छा नहीं पायो जावासेत। मंग लगत विद्वान गिनको यो माननो से का पौलुस नाच यो चिठ्ठी लिख्यो सेत। योच वजह लक पिरान्त को बेगरो-बेगरो मन्डली मा या चिठ्ठी घुमाय के बाचयो जाय। असो पौलुस को इरादा होतो, जब ओन या चिठ्ठी लिखी तब पौलुस यो बतायो से का वय जेल मा होतो, \xt 3:1; 4:1; 6:20\xt* जब तुखिकुस इफिसियों की कलिसीया ला मिलन इफिसियों जाय रह्यो होतो तब पौलुस न या चिठ्ठी ओको हात मा धाड़यो \xt 6:21-22\xt*
\ip इफिसियों लगत मोठो सहर होतो, वोना बेरा मा एसिया माइनर पिरान्त को राजधानी होती। सहर म अर्तमिस नामको गीरीक देवता को एक मोठो मंदिर होतो जेनको कारन लक इफिसियों नगर जग जाहीर होतो, \xt पेरीत 19:23-31\xt* यो इफिसियों की मन्डली की सुरूवात जोरदार भयी पर बाद म वा कमजोर होतयो चोवन लगयो \xt परकासित वाक्य 2:1-7\xt* परमेस्वर न अपरो लोक गीनला निवाड़ के यीसु मसीह लक कसो उनको पाप गीन लक सूटकारा दिलायो या गोस्टी पौलुस को चिठ्ठी को पहलो हिस्सा मा सपा-सपा से, वा कलिसीया को बरोबरी उ तन लक करयो से का जोनको डोस्का मसीहच आय अखिन वोको कोना को गोटा वा इमारत से जेनको कोना को गोटा मसीह आय किताब को दूसरों हिस्सा मा मसीह जीवन कसो जीवनो पाहिजे येको बारेमा सांगयो से। हय।
\iot रुपरेखा
\io1 1. पौलुस खुद को परिचय देय के इफिसियों ला सुभेच्छा देवा से। अध्याय \ior 1:1-2\ior*
\io1 2. बाद मा वा कलिसीया लक मसीह को रिस्ता कसो होवनो पाहिजे सांगा सेत। \ior 1:3—3:21\ior*
\io1 3. बाद मा पौलुस मसीही जीवन कसो जीवनो पाहिजे येको बारे मा सांगा सेत। \ior 4:1—6:20\ior*
\io1 4. पौलुस आखरी सब्द लिख के चिठ्ठी ला खतम करासेत। \ior 6:21-24\ior*
\c 1
\p
\v 1 यो चिठ्ठी पौलुस को कन लक, जोन परमेस्वर को मरजी लक मसीह यीसु को पेरीत से, इफिसुस का रव्हनवारा सन्तगिन अना मसीह यीसु मा बिस्वासी गिन को नाव से। 
\v 2 तुमला आमरो बाबूजी परमेस्वर अना पिरभु यीसु मसीह को कन दया अना सान्ती भेटयो जाय।
\s मसीह मा रव्हन वालो ला आतमिक आसीस
\p
\v 3 आमरो पिरभु यीसु मसीह को बाबूजी अना परमेस्वर धन्य होय। जेना आमीला मसीह मा सरगीय जघा मा सप्पा परकार की आतमिक आसिरवाद देईसेस। 
\v 4 परमेस्वर आमी ला संसार को पैदा होवनो लक पयले मसीह मा, ओको पुड़ा पवीतर अना बेकसूर होवन लाय निवाड़ी सेस। 
\v 5 आमरो पुढ़ा ओको जो पिरेम से ओकोच काजी ओना यीसु मसीह को कन लक आमीला आपरो लेकरा को रुप मा आपनायो जान को लाई ठहरायीसेस। योच ओको मरजी होती अना योच ओको मकसद भी होतो। 
\v 6 ओना असो एकोलाई करीस की उ आपरी महिमा वालो किरपा को काजी खुदच ला खुस करे। ओना आमीला जोन ओको चहेतो लेकरा मा से, छुट्टो भाव लक देयीसेस। 
\v 7 ओको चढ़ावा मिरतु को कन लक अब आमी आपरो पाप हुन लक सूटकारा को मजा ले रही सेजन। ओको भरपुर किरपा को काजी आमीला आपरो पापहुन को माफी मिलसेत। आपरो वोच पिरेम को जसो जेनला उ मसीह को कन लक आमी पर दिसान चाव्हत होतो। 
\v 8 ओना आमीला आपरी मरजी को भेद ला सांगीसेस। 
\v 9 जसो की मसीह को कन लक उ हमला दिसानो चाव्हत होतो। 
\v 10 परमेस्वर की असी योजना होती की सही बेरा आवनो पर सरग मा अना धरती मा को सबच चीजहुन ला मसीह मा संगरो जाहेत।
\p
\v 11 सबच गोस्टी परमेस्वर को नियाव अना योजना को कन लक कियो जावसे। परमेस्वर ना आपरो निजि मकसद को काजी च हमला ओनोच मसीह मा संत बनन लाई बेचयो से। यो ओकोच कन लक भयो जेनला परमेस्वर ना सब लक सूरू लक पयलेच लक ठहरायीसेस। 
\v 12 जेकोलक आमी ओकी महिमा को तारीफ को काजी बन सकबिन। आमी मनजे जिनना आपरी सबच आसा मसीह पर निसान ला कर दियासेजन।
\p
\v 13 जबा तुमना ओनो सत्य को खबर ला आयकियात जो तुमरो मोक्स को साजरो बारता होतो, अना जेने मसीह पर तुमना बिस्वास करिया होता, ता जेने पवितर आतमा को बचन दियो होतो, मसीह को जरीया लक ओको छाप परमेस्वर को कन लक तुमी लोकहून पर लगायी गयी होती। 
\v 14 उ आतमा आमरो वारिसपन को छुड़ोती को रुप मा ओनो बेरा तक को लाई हमला देयि गयी से, जब तक का उ हमला जो ओको आपरो सेत, सप्पा परकार लक सूटकारा नही दे देहे। ऐको काजी लोक ओकी महिमा को बड़ाई करेहेत।
\s इफिसिगीन लाई पौलुस को पिराथना
\p
\v 15 एकोलाई जबा लक मिना पिरभु यीसु मा तुमरो ओना भरोसा को खबर तुमरो माया को बारे मा जोन सबच पवीतर लोकगीन लाई से, आयकीसेऊ 
\v 16 मि तुमरो लाई परमेस्वर को सदा धनवाद कर रही सेउ। आपरी बिनती गीन मा तुमला हेत करूसेव, 
\v 17 मि पिराथना कियो करुसेउ की हमरो पिरभु यीसु मसीह को परमेस्वर तुमला विवेक अना दैवीय दरसन की असी आतमा को ताकत देवासे जेकोलक तुमी ओनो महिमा वान मोठो बाबूजी ला जान सको। 
\v 18 मि बिनती करूसेव की तुमरो मन को डोरा उघड़ जाहेत अना तुमी उजाड़ को दरसन कर सकने ताकि तुमला मालुम चल जाहे की उ आसा काजक से जेनको लाई तुमला ओना हाकलीसे। अना जेने उतराधिकार ला उ आपरो सबच लोकहुन ला देहे, उ केतरो बलवानना भरपुर से। 
\v 19 आमी बिस्वासी गीन लाई ओकी ताकत बिन तुलना रुप लक केतरी महान से। यो ताकत आपरी महान ताकत को ओनो काम को जसो से, 
\v 20 जेनला ओना मसीह मा पूरी करीसेस, जबा ओना ओला मरयो हुयो मा लक जित्तो करके आपरी जेवनो कना सरगीय जघा मा 
\v 21 परमेस्वर ना उनला हरेक अधिकार पन, हक, ताकत, पिरभुपन अना नामी पद लक लगत वरता जघा देवासे चाव्ह यो ऐना जमाना का होय अना आवन वार जमाना को, 
\v 22 ओना सबच काही मसीह को पाय को खाल्या डाक देईस, अना उनच को सब पर हक देयके कलीसिया को वरता ठहरायीसेस। 
\v 23 कलीसिया मसीह की तन से, मसीह को सबरो रुप से, जोन सब काही सब तरीका लक पूरो रुप तक धाड़ देसे।
\c 2
\s मसीह कन लक जीवन मिलनो
\p
\v 1 एक बेरा होतो जब तुमी लोक उन गुनाह हुन अना पापहुन को काजी आत्मिक रुप लक मरया हुयो होता। 
\v 2 जोन मा तुमी पयले ऐना संसार की बुरी रिती पर चलत हुयो अना ओनो आतमा को पिछा करत हुयो जीवत होता जो ऐना धरती को वरता की आत्मिक सक्तिहुन को मालिक सेत। वा आतमा अब उन मानुसहुन मा काम कर रही सेजोन परमेस्वर की हुकूम नही मानासेत। 
\v 3 उनमा आमी भी पयले आपरो देह की मोह मा दिवस बितात होता, देह अना मन को मरजी ला पूरो करत होता, अना अखीन संसार को दुसरो लोकगीन को जसो बरताव लक परमेस्वर को गुस्सा की लेकरा होता।
\p
\v 4 पर परमेस्वर जोन दया को धनी से, आपरो ओना मोठो माया को कारन जेना ओना आमी लक माया राखिसेस। 
\v 5 ओनो बेरा जबकि आमी आपरो पापहुन को काजी आमी आत्मिक रुप लक अबा मरया हुया होता ओना आमीला मसीह को संग-संग ओना हमला भी जिंदगी देईसेस, परमेस्वर को किरपा लक तुमरो सूटकारा भयीसे।
\p
\v 6 काहेकि आमी यीसु मसीह मा सेजन एकोलाई परमेस्वर ना हमला मसीह कोसंग च मंग लक जित्तो उचलीस अना ओको संगा च सरग को सिहासन पर बसाईस। 
\v 7 ताकि उ आवन वालो हर युग मा आपरो दया को साजरो धनला दिसाये जेनला ओना मसीह यीसु मा आपरी दया को रुप मा आमी पर चिन्हित करीसेत। 
\v 8 परमेस्वर को दया कन लक आपरो भरोसा को काजी तुमरो सूटकारा भयीसे। योयो तुमला तुमरी कन लक नही मिलीसे, पर यो ता परमेस्वर को दियो हुयो दान से। 
\v 9 अखिन नाता करम लक असो ना होय का कोनी गरब करयेत। 
\v 10 काहेकि परमेस्वर हमरो बनावन वालो से। ओना मसीह यीसु मा हमारो बनावनो एकोलाई करीस सेस हमि भलो काम करबिन जिनला परमेस्वर ना पयले लक च एकोलाई तैयार करीसे का उनला करतो हुयो आपरो जिंदगी बिताबिन।
\s मसीह मा इक्का लक रव्हनो
\p
\v 11 एकोलाई तुमी हेत राखो वय लोक जोन आपरो तन मा मानूस को हात लक कियो हुयो खतना को काजी आपरो आपला “खतना करयो वालो” सांगासेत, विधरमी को रुप मा जन्मो तुमी लोकहुन ला “खतना को बिना” कव्हत होतीन। 
\v 12 ओनो बेरा तुमी बिना मसीह को होतत, तुमी इसरायल को पंगत लक बाहेर होतीन। परमेस्वर ना आपरो भविस्यवक्ता गीनला जोन वचन देयि होतीस उन पर आधार पर वायदा से अनजान होतो। अना ऐना संसार मा बिना परमेस्वर को निरासा मा जिंदगी जिवत होता। 
\v 13 पर तुम जोन पयले परमेस्वर मा दुहुर रव्हत होता अना अबा मसीह यीसु को बलिदान को कन लक तुमी जवर आई गया सेव। 
\v 14 यहुदी अना गैरयहुदी बीच मा एक दुसरो लक नफरत करत होतीन अना बेगरो भय गयी होतीन। बेस असो जसो उन को बीच कोनी भीत उभी होय गयी होय। लेकिन मसीह ना खुदच आपरी तन को बलिदान देय के नफरत की ओनो भीत ला गिराय देईस अना मेल कर दियो। 
\v 15 अना आपरो देह मा गुस्सा मजे, मोसे को नियम ला जोन हुकूम नियम गिरंथको सहारा पर होतीन, मिटाय देइसेस, की दुही ला आपरो मा एक नवो मानूस बनायके मेल कराय देइसेस। 
\v 16 अना कूरूस मा गुस्सा ला निपटाय करके दुही ला एक देह बनायके परमेस्वर लक मेल कराइसेस। 
\v 17 ओना आयके तुमला जो दुहुर होता अना उनला भी जोन जवर होतीन; मेल मिलाप को साजरो बारता ला आयकवाइसेस। 
\v 18 काहेकि यीसु मसीह को कन लक यहुदी अना गैरयहुदी दुही एकच आतमा लक परमेस्वर बाबुजी को जवर धाड़ियो गयो।
\p
\v 19 अब एको कन लक ना ता तुम्ही अनजान रहयो अना ना च परायो रहयो पर अब त तुमी संत मानूस हुन को संगा परमेस्वर को देस का संगी साथी भय गया सेव। 
\v 20 तुमी एक असा घर सेव जोन पेरीतहुन अना भविस्यवक्ता हुन को नीव पर उभो से, अना खुदच मसीह यीसु जेनको लगत महत्तम को कोनटा को गोटा से। 
\v 21 जोको लक सप्पा बनयो हुयो काम एक सँगा मिलके पिरभु मा एक पवीतर मंदिर बनतो जावसे, 
\v 22 जोन मा तुम आतमा लक परमेस्वर को रव्हन वालो जघा होवन साठी एक सँग बनाया जावोसो।
\c 3
\s गैरयहुदीगीन मा पौलुस को सेवा को काम
\p
\v 1 एकोलाई मि, पौलुस तुमी गैरयहुदीहुन लाई मसीह यीसु को काजी बन्दी सेव, तुमिलक एक बिनती करनो चाव्हसु। 
\v 2 तुमरो कल्यान काजी बढ़ावा देवन को लाई परमेस्वर ना दया को संग जो काम मोला सोपीसेस, ओको बारे मा तुमीना जरुरच आयकयो होहे। 
\v 3 का उ यो भेदभरी योजना दरसन को कन लक मोला दिसायी गयी होती, जसो की मि तुमला सार रुप मा लिख चुकी सेउ। 
\v 4 अना अदि तुमी ओला वाचन करोह ता मसीह को बारे मा भेद भरयो सत्य मा मोरी बारिक नजर को समझ तुमला भय जाहेत। 
\v 5 यो भेद बखान पयलो को पीढ़ी को लोकहून ला वसो नही दिसायो गयो होतो जसो अबा ओको आपरो पवितर पेरीत हुन अना भविस्यवक्ता हुन को आत्मा को कन लक दिसायो जाय चुकी से। 
\v 6 यो भेद से का यहुदीहुन को संगा गैरयहुदी भी संग वारिस सेत, एकच देह को आंग सेत अना मसीह यीसु मा जोन बचन आमला दियो गयी से, ओमा संग हिस्सादार सेत।
\p
\v 7 साजरो बारता को काजी मि ओनो साजरो बारता को पिरचार करन वारा एक सेवक बन गयो, जोन ओको ताकत को जसो परमेस्वर को दया परमेस्वर को दियो दान को रुप मोला सोपयो गयो होतो। 
\v 8 अदि अखिन सभच संतहुन मा मि नहानो लक भी नहानो सेउ पर मसीह को अमर धन रुपी साजरो बारता को गैरयहुदी मा पिरचार करन को यो दया मोला दियो गयो। 
\v 9 अखीन मि सबच मानूसगिन पर उ भेद खोलन की कोसिस करुँह, जोन जुग-जुग लक सप्पा संसार को बनावनवालो परमेस्वर मा छुपयो रही से। 
\v 10 एकोलाय अबा कलीसिया लक परमेस्वर को कई तरीका को गियान ओना मुखिया अना अधिकारी पर जोन सरगीय जघा मा सेति, प्रकट कियो जाहेत। 
\v 11 ओना जूनो जमाना मनसा को जसो पुरो भयो जोन ओना आमरो पिरभु मसीह यीसु मा पुरो कियो होतो। 
\v 12 मसीह पर बिस्वास को काजी आमी परमेस्वर तकन भरोसा अना निडरपन को संगा पहुच राखासेजन। 
\v 13 एकोलाय मि बिनती करुसेव की जोन दुख तुमरो लाई मोला होई रही सेत, उनको लाई हिम्मत ठेवने, कायसेकि ओमा तुमरो महिमा सेत।
\s इफिसि लोकगीन को लाई मसीह को माया
\p
\v 14 मि योच लाई ओना मोठोबाबूजी को पुड़ा टोंगरा टेकसेऊ। 
\v 15 ओकोच लक सरगमा अना धरती पर, हर एक घराना को नाव राखियो जावसे, 
\v 16 मि पिराथना करुसेउ की उ आपरी महिमा को आपरो धन लक आपरी आतमा को कनलक तुमरो भीतरी मानुसपन ला ताकत रुप लक सक्ती देहे। 
\v 17 अना भरोसा लक मसीह तुमरो दिल मा निवास करेत, तुमी जड़ अना पाया माया टिकेहेत। 
\v 18 जेकोलक तुम्ही सबच पवीतर लोकगीन को सँगा यो समझन को सक्ति मिल जाहे का मसीह को माया केतरो फैलो, सबच जघा, मोठो अना गम्भीर से। 
\v 19 अना तुमी मसीह को ओना माया ला जान लेव जोन सबच पिरकार लक गियान लक हटके से जेकोलक का तुमी परमेस्वर को सबच भरपुरी लक भरपुर होय जाहो।
\p
\v 20 अबा ओनो परमेस्वर को लाई जोन असो ताकतवर से, ओना ताकत कन लक जोन हमि मा काम करासे, की आमरी बिनती अना मन लक कहीं लगत बढ़के काम कर सकसे, 
\v 21 ओको महिमा कलीसिया मा अना मसीह यीसु मा पीढ़ी लक पीढ़ी तकन जुग-जुग होवत रव्ह। आमीन।
\c 4
\s मसीह को बदन मा एकता
\p
\v 1 एकोलाय मि जोन पिरभु को होवन को काजी बन्दी बनो हुयो सेव, तुमी लक बिनती करुसेउ का तुमला आपरो जिंदगी वसोच जीवनो चाहिसे जसो का संतहुन को से। 
\v 2 हमेसा दीन रुप अना कोमलता रुप अना धीरज को सँगा बरताव करने। एक दुजो को माया लक सव्हतो रव्हने। 
\v 3 उ सांती, जोन तुमला आपसी मा बांधी राखासे, ओकोलक पैदा आतमा को एकता ला बनाय राखन को लाई हर पिरकार को कोसिस करत रव्हो। 
\v 4 एकच बदन अना एकच आतमा से: असोच तुमला भी जबा हाकलया गयत ता एकच आसा मा भागीदार होवन को लाई हाकलयो गयो। 
\v 5 एकच पिरभु एकच, भरोसा एकच बपतिस्मा 
\v 6 परमेस्वर एकच से अना उ सबको बाबूजी से। ओच सबको मालिक से हर कोनी को लक उ कामकरन वालो से, अना हर कोनी मावाच समायो हुयो से।
\p
\v 7 पर आमी मा लक हर मानूस ला मसीह को दया लक एक खास दान मिलीसेस। 
\v 8 एकोसाठी गिंरथ कव्हसे,
\q1 “उ वरता पर चघयो,
\q2 अना बन्धुवाई ला बाँध ले गइसेस।
\q2 अना मानूसगिन ला दान देईसेस।”
\p
\v 9 अबा चोवो, जबा उ कव्हसे, उ उचो पर चघयो काजक मतलब से? केवल योच की उ धरती को खाल्या जघा मा उतरीसेस। 
\v 10 अना उ जो उतरी से यो वाच से जोन सबच बादल गीन लक भी वरता चघ गयो की सबच काही पूरो कर देहे। 
\v 11 ओना काही ला पेरीत, काही ला भविस्यवक्ता\f + \fr 4:11\fr*\ft भविस्यवकता\ft*\f* काही ला साजरो बारता को सांगन वालो अना काही ला परमेस्वर को मानूस को रक्सा करनवालो पासवान\f + \fr 4:11\fr*\ft रखवाला\ft*\f* अना काही ला गुरुजी\f + \fr 4:11\fr*\ft पढ़ानेवाला\ft*\f* ठहराय देईसेस। 
\v 12 मसीह ना उनला यो दियो दान संत मानूस की सेवा को काम को लाई तैयार करन ला देइस ताकि हमी जोन मसीह को तन सेजन, आतमा मा अखिन पिक्को होवबिन। 
\v 13 जबा तकन की आमी सबच भरोसा मा अना परमेस्वर को लेकरा को गियान मा एक नही होय जावबिन। अना पक्को मानूस ना बन जावबिन, अना मसीह को पूरो डीलडोल तकन न बढ़ जावबिन। 
\v 14 एकोलाई हमी असो लेकराच न बनबिन जो हर कोनी असी नयी सिक्सा को हवा लक उछल जावबिन, जो आमरो रस्ता मा बव्हसे, लोकगीन को छल परन बेवहार लक, असी कपटता लक, जो ठगावन लक भरी योजना ला पेरीत करासे, इता-उता भटकाय दियो जावसे। 
\v 15 पर हमी माया को संग सत्य कव्हत हुयो हरेक पिरकार लक मसीह को जसो बनन काजी तरक्की करत जावबिन। मसीह डोस्का से, 
\v 16 जोको लक सप्पा बदन, सप्पा जोड़ मा एक सँगा बँधके अना संची होयके, सप्पा बदन को बेस तरीका लक ओमा होवासे, आपरो आप ला बढ़ावसे, अना माया मा तरक्की होवासे।
\s मसीह मा नवो जिंदगी
\p
\v 17 एकोलाय मि यो कव्हसू अना पिरभु मा चिताव सेव की जसो खोटो काम करनवालो आपरो मन को बेकार बिचार पर जीवन करत होतीन, तुमी वसो नोको जीवन करने, 
\v 18 उनको अक्कल अंधार भय गयी। वय परमेस्वर लक मिलन वारो जिंदगी लक दुहूर होय गयीसेत। काहेकि वय अगियानी अना उनको मन कठोर भय गयी से। 
\v 19 वय लाज सरम ला तजके लुचपन मा लगी गयीन अना उनना आपरो आप ला इन्दरी तपस्या मा लगाय देईन। का सबरो परकार को नीच काम, लालची होयके करन लगीसेत।
\p
\v 20 पर मसीह को बारे मा तुमीना जोन जानीसेव, उ ता असो नहाय। 
\v 21 मोलाकोनी संका नही से का तुमीना ओको बअरे मआयकिया सेव, अना उ सत्य जोन यीसु मा पायो जावसे, ओको जसो तुमला ओको चेला हुन को रूप मा सिक्सा भी दियो गयीसे। 
\v 22 यहान तक तुमरो जुनो जिंदगी को तरीका को सम्बन्ध से तुमला सिक्सा दियो गयो होती का तुमी आपरो जुनो मानुसपन ला उतार फेकने जोन ओको भटकावन वारो मरजी हुन को लाई खराब बनयो हुयोसे। 
\v 23 जेकोलक बुध्दि अना आतमा मा तुमला नयो कियो जाय सके। 
\v 24 अना नयो मानूस रुप ला डाक लेवने, जोन परमेस्वर को जसो खराई की धरमिपन अना पवितरता मा बनायो गयो से।
\p
\v 25 यो काजी तुमी खोटो कव्हनो तज देने। अना आपरो पड़ोसी लक खरो सांगने, कायसेकि आमी आपस मा एक दुसरो का आँग सेजन। 
\v 26 गुस्सा मा आयके पाप नोको करने। दिवस बुढ़न लक पयले अपरो गुस्सा ला साँत कर लेने। 
\v 27 सैतान ला आपरो पर मौका नोको देने। 
\v 28 जो चोरी करनवालो से मंग चोरी नोको करेत, पर आपरो हात लक मेहनत करेत खुदच आपरो हात लक कोनी काम, जेकोलक जरुरत मा पड़यो हुयो ला देवनको लाई ओको कठा काही होहे। 
\v 29 कोनी फालतू गोस्टी तुमरो टोंड लक नही निकलनो पाहिजे, पर केवल असी गोस्टी हिटनो पाहिजे जोन ओना बेरा की जरुरत को जसो तरक्की को साठी साजरो होय, जोको लक की आयकन वालो पर दया होय। 
\v 30 परमेस्वर की पवीतर आतमा ला दुखाने नोको, कहेका परमेस्वर को धन को रुप मा जोको लक तुमी पर सूटकारा को दिवस को साठी आतमा को संगा छाप लगय दियो गईसे। 
\v 31 सब परकार की कडुवाहट, ताव, गुस्सा, मुसीबत अना निन्दा सब परकार को ईरसा तुमी आपरो भीतर लक हेड़ फेकने। 
\v 32 आपसी मा एक दुसरो को दया अना रहमसील बनने, अना परमेस्वर ना मसीह मा जसो तुमरो गलती ला छिमा कियो गईसे। वसोच तुमी भी एक दुसरो की गलती ला छमा करने।
\c 5
\p
\v 1 तुमी लोकगीन परमेस्वर को चहेतो सन्तान सेव एकोलाय साजरो लेकरा को जसो परमेस्वर लक जित्तो रव्हने 
\v 2 अना माया मा चलोह जसो मसीह ना भी आमी लक माया करीस अना आपरो खुदच ला परमेस्वर को कठा सुख देवनवारी खुसबुदार चढ़ावा बनके आमरो लाई परमेस्वर ला चढ़ाय देईसेस
\p
\v 3 तुमरो बीच छीनाला अना हर कोनी तरीका को असुध्दता अना लोभ को चरचा तक नही होवनो चाहिसे, जसो का संत लोकगीन को लाई बेस से, 
\v 4 तुमी मा ना त घिनोनी भासा ला काम मा नही आननो चाहसे, ना मुरखताको गोस्टी या भद्दा हसी अना ठठ्ठा। यो तुमरो जसो नही से। लेकिन तुमरो बीच धनवाद च दियो जाहे। 
\v 5 कायसेकि तुमी पिक्को लक जानसेव का असो कोनी भी मानूस जोन दुराचारी सेत, अपवितर अना लोभी सेत, जो एक मुरतिपूजक होवन जसो से। मसीह को अना परमेस्वर को राज को वारसाना नही पाय सका।
\p
\v 6 तुमला कोनी कोरी गोस्टी लक नोको ठगेह, कायसेकि एनेच गोस्टी को कारन लक हुकूम ला नही मानन वालो पर परमेस्वर को गुस्सा कोप भई जासे। 
\v 7 एकोलाय तुमी असो लोकगीन को सँगी नोको बनने। 
\v 8 यो मि एकोलाई कव्ह रही सेउ का एक बेरा होतो जबा तुमी अँधार लक भरयो होतो पर अबा तुमी पिरभु को मंगा चलन वारा को रुप मा उजाड़ो लक भरपुरो होय। एकोलाई उजाड़ो को टूरा को जसो सुभाव करने। 
\v 9 काहेकि उजियाड़ो को फर सब परकार को भलो काम अना धरमिपन अना सत्य से। 
\v 10 हरेक बेरा यो परखन को जतन करो का परमेस्वर ला कोनतो गोस्टी खुस करासे। 
\v 11 असो काम जोन अंधार लक भरयो सेत, उन बेकार को काम मा हिस्सा नोको बाटने पर उनको भाडा फोड़ करने। 
\v 12 काहेकि जोन काम छुपयो मा उनको कन लक कियो जासे। उनको गोस्टी ला करनो भी सरम करनो जसो से। 
\v 13 पर जोन काम ला परगट कियो जासे। वय सबच उजियाड़ो लक परगट होसेत, काहेकि जोन सबच काही ला परगट करासे, उ उजियाड़ो से। 
\v 14 येनेच कारन लक यीसु कवत होतो की अगो झोपन वालो,
\q1 जपलक उठना,
\q2 अना मरयो हुयो लक जित्तो होय,
\q1 तो मसीह की उजियाड़ो तोरो पर चमकेह।
\p
\v 15 एकोलाय सतरक रवह, की तुमी कसी चाल चला सो। बेअकल को जसो नही बल्कि अकलवर को जसो चलोह। 
\v 16 बेरा ला पूरो-पूरो साजरो करम करन लाई बोवजने, कायसेकि दिवस बुरा सेति। 
\v 17 ऐना कारन बेअकल नोको बनो, पर यो जान लेव की पिरभु की मनसा काजक से।
\p
\v 18 दारू ला पीवके बोलनवारा ना होवने, काहेकि एको लक लुच्चाई होवासे, पर एको उलट आतमा लक भरजाव। 
\v 19 आपसी मा भजन पिराथना गान अना आतमिक गीत गावने अना आपरो-आपरो मन मा पिरभु लाई गावत अना किरतन करत रव्हने। 
\v 20 सबच कोनी गोस्टी को लाई आमरो पिरभु यीसु मसीह को नाव पर हमरो मोठो बाबूजी परमेस्वर को हरदम धनवाद करने।
\s बायको अना मरदमाना
\p
\v 21 अना मसीह को डर लक एक दुसरो को आसरीत रव्हने।
\p
\v 22 ओ बायकोहुन आपरो-आपरो घरवालो को आसरीत रव्होने, जसो की तुमी पिरभु को आसरीत सेव। 
\v 23 कायसेकि नौरा ता बायको को डोस्का से, जोन परकार लक मसीह भी कलीसिया को डोस्का से। अना खुदच बदन को पाप हरन वालो पाप मोचक से। 
\v 24 पर जसो कलीसिया मसीह को वस मा सेत, वसोच बायकोगीन भी हरेक गोस्टी मा आपरो-आपरो घरवालो को वस मा रव्हनो जरुरि सेत।
\p
\v 25 ओय घरवालो आपरी बायको लक माया करने। वसोच का जसो मसीह ना भी कलीसिया लक माया राखिसेस, अना आपरो खदच ला ओन्हीसीन लाई चघाय देइसेस। 
\v 26 जेकोलक का उ ओला पिरभु को सेवा मा पानी को नहावनो लक पवीतर करके हमरो आवाज पुकारन लक परमेस्वर ला चघायके पवीतर बनाय। 
\v 27 एने रीती उ कलीसिया ला एक असी नवती नौरी को उपमा मा खुदच को लाई पेस कर सकासे जोन बेडाग होय, बेझुर्रि होय असी अखिन कोनी कमी नही होय। बल्कि उ पवितर रव्हे अना हरदम बेकसूर होय। 
\v 28 ऐना तरीका लक जरुरी से की नौरा भी आपरो बायको लक आपरो बदन को जसो माया करेत, जोन आपरो बायको लक माया करासे। उ खुदच आपरो आप लक माया राखासे। 
\v 29 कोनी आपरो बदन लक ता कबच गुस्सा नही राखा पर उ ओला पाला पोससे, अना ओको धियान राखासे वसोच जसो मसीह आपरी कलीसिया को 
\v 30 काहेकि आमी ओको बदन को हिस्सा सेजन। 
\v 31 एकोलाई गिरंथ कव्हसे: “मानूस आपरो माय-बाबूजी ला छोड़के आपरी बायको लक मिलयो रहयो। अना वय दुही एक बदन होयेती।” 
\v 32 यो छुपयो गोस्टी लगत काम की से, पर मि यो गोस्टी मसीह अना कलीसिया को बारे मा कव्ह रही सेव। 
\v 33 एकोलाई काही भी होय, तुममा ला हरेक ला आपरी बायको लक वसोच माया करनो चाहिसे जसो तुमी खुदच अपरो आपला करोसो। अना एक बायको ला भी आपरो मरद को डर मानत हुयो ओको मान करनो चाहिसे।
\c 6
\s लेकरा अना माय बाबूजी
\p
\v 1 अरे लेकरागीन, पिरभु मा आपरो माय-बाबूजी को हुकूम ला मानोह, काहेकि योच बेस से। 
\v 2 आपरो माय बाबूजी को आदर करो, यो पयली हुकूम से, जोको सँग परन भी से। 
\v 3 जोको लक तोरो सँग साजरो होय अना तु धरती पर लगत दिवस जित्तो रव्हजोस। 
\v 4 अगो बाबूजी गीन, तुमी आपरो लेकरागीन ला गुस्सा नोको दिलाने, पर पिरभु को सिक्सा अना दियो गयो हुकूम मा उनको पालन पोसन करहो।
\s नौकर अना मालिक
\p
\v 5 हे नौकर गीन जसो तुमी मसीह को हुकूम मानसो, ओनो रिती लक डरात अना कापत बिनकपट को सच्चो मन लक उनको भी हुकूम मानोह जोन आँग को रितीलक तुमरो मालिक सेत। 
\v 6 मानूस ला खुस करन जसो नही, पर मसीह को नौकर को जसो हिरदय लक परमेस्वर को मरजी ला पूरी करहो। 
\v 7 जोस को संगा एक नौकर को रुप मा असो काम करोह मानोह जसो यो सेवा ला मानूस की नही पर, पिरभु को जानके साजरी मरजी लक करहो। 
\v 8 असो जानके क, चाहे नौकर होय, छुट्टो होय, अदि कोनी साजरो काम करासे, उ पिरभु लक वसोच ईनाम पाहे।
\p
\v 9 हे मालिक गीन, तुमी भी धमकी देवनो छोड़ो अना उनको सँग असो बेवहार करने। हेत राखो, काहेका तुमी जानसो, का उनको अना तुमरो दुई को मालिक सरग मा सेत, अना उ कोनी को पक्स नही करासेत।
\s पिरभु को अभेद हतियार धर लेव
\p
\v 10 मतलब यो से का पिरभु मा रव्ह के ओकी लगत च ताकत को संग आपरो आपला ताकतवर बनावो। 
\v 11 परमेस्वर को पुरोच हतियार ला धर लेवो। ताकि तुमी सैतान को योजना ला सामना कर सकोह। 
\v 12 काहेकि आमरो लड़ाई ता तन को लक नहाय, बल्कि सब लक मोठो मुखिया, अधिकारी अँधियारो को संसारिक ताकत अना दुस्टता राखन वालो आतमिक सेना लक से, जोन बादल मा रव्हसेत। 
\v 13 एकोलाय परमेस्वर को सबच हतियार डाक लेवने, जोको लक तुमी बुरो दिवस मा सामना कर सकहो अना सबच काही पूरो करके पक्को रव्ह सकने।\fig रोमन सिपाही|alt="Roman soldier" src="LB00196C.TIF" size="col" copy="Horace Knowles ©" ref="6:10"\fig*
\p
\v 14 ऐना रिती लक खराई लक नोको चुकने अना धरमी बनयो रव्हने, 
\v 15 पाय मा मेल मिलाप को साजरो बारता को तैय्यारी को पनही डाकके पक्को रव्हने। 
\v 16 एने सबलक मोठी गोस्टी यो से का भरोसा को ढाल को रुप मा ले लेवो। जोको लक तुमी ओनो सबच जलतो हुयो तीर हुन ला बुझाय सको, जो बदी को कनलक छोड़यो गयी सेत। 
\v 17 अना सूटकारा को टोप अना आतमा को तलवार, जोन को परमेस्वर गोस्टी जो की आतमा को तलवार से, लेव लेने। 
\v 18 हरेक बिनती अना बिनती लक पवीतर आतमा मा सदा पिराथना करत रव्हने। अना यो मन मा हेत राखके सतरक रव्हने की कोसिस लक सबच पवीतर लोकगीन को साठी सदा पिराथना करतो रवहने। 
\v 19 अना मोरो लाई भी पिराथना करने की बोलतो बेरा मोला असो ताकत को गोस्टी दियो जाय की मि हिम्मत लक साजरो बारता को छुपयो गोस्टी ला दिखाय सकुह। 
\v 20 जोको लाई मि साकल लक बँधयो हुयो राजदुत जसो सेवा कर रही सेउ। पिराथना करने की मि जेना रीती लक मोला बोलनो से, ओनोच रिती लक बगैर डर को संगा साजरो बारता को पिरवचन कर सकु।
\s आखरी हात जोड़नो
\p
\v 21 तुखिकुस, जोन माया वालो भाऊ से अना पिरभु मा बिस्वास लायक दास से, तुमला मोरो हाल को बारे मा सांगेह की तुमी जान सकोह की मि कोन सो हाल मा सेव। 
\v 22 मि ओला यो मतलब लक तुमरो कठा धाड़ रही सेव की तुमी आमरो बारे मा जान सकोह अना उ तुमरो दिल मा सान्ती दे सके।
\p
\v 23 अगो भाऊहुन, तुमी सब ला मोठो परमेस्वर बाबूजी अना पिरभु यीसु मसीह कन लक सान्ती अना भरोसा सकट माया मिलेह। 
\v 24 जोन आमरो पिरभु यीसु मसीह लक खरो माया राखासे; उन पर परमेस्वर को किरपा होवती रह।