\id COL - Powari Standard Project
\ide UTF-8
\h कुलुस्सियो
\toc3 कुलुस्सियो
\toc2 कुलुस्सियो
\toc1 कुलुस्सियो को नाव पौलुस की चिठ्ठी
\mt2 कुलुस्सियो के नाव पौलुस का पत्र
\mt1 कुलुस्सियो को नाव पौलुस की चिठ्ठी
\imt परिचय
\ip कुलुस्सियों की चिठ्ठी पौलुस पेरीत को \xt 1:1\xt* लक कलीसिया लक लिखी गयी होती। ओना यो चिठ्ठी तब लिख्यो होतो जब उ जेल मा होतो, साईद रोम मा, मसीह को जलम को करीब ग 60 साल को बाद। कुलुस्सियों, इफिसियों अखीन फिलेमोन यो चिठ्ठी पौलुस न जेल मा रहतो हुयो लिख्यो होतो येकोलायी येला जेल चिठ्ठी कह्यो जावा से।
\ip ओना यो चिठ्ठी कुलुस्से सहर को कलिसीया ला लिख्यो होतो। पौलुस न कुलुस्से मा म कलिसीया सुरू नहीं करयो; हालाँकि वोना \xt 2:1\xt* मा उल्लेख करयो से, पर येकोलायी काही जिम्मेदारी महसुस करी होती। यो सम्भव से की इपफरासन कलिसीया को स्थापना करयो हालाँकि यो कुलुस्से लक होतो। पौलुस कुलुस्से की कलिसीया मा काही गलत सिक्सा को बारेमा होतो। वोना ओको बारे मा चिठ्ठी लिखन मा लगत खरचा करयो, होय सका से का यहूदी मसीही गीनको एक झुम्मड़ रहयो होहेत, जोन जूनो करार लक यहूदी गिनको नेम मानन को लाय दूसरों मसीही भाऊगीन ला मजबूर करन की कोसिस कर रह्यो होतो, खास रूप लक खतना। पौलुस खास रूप लक लिख्यो से का मसीह ला परमेस्वर को कन लक \xt 1:15-20\xt* सुवीकार करयो जावन को अलावा काही नही या कोनी दूसरों को जरूरत से अखिन मानूस को तरक मा आधारित सिक्सा बेकार सेत। \xt 2:8\xt*
\iot रूपरेखा
\io1 1. पौलुस न कुलुस्सियों को कलीसीया ला नमस्कार करके चिठ्ठी ला सुरू करासेत। \ior 1:1-2 \ior*
\io1 2. मंग उ मसीह को महानता को बारे मा लिख्यो से, खास रूप लक कुलुस्सियों मा खोटो सिक्सा को जवाब मा। \ior 1:3—3:4 \ior*
\io1 3. पौलुस को काही चिठ्ठी मा, उ अखट्ट मा सांगासे, जोन साजरो मसीही जीवन लाय काही खास निरदेस देवासे। \ior 3:5—4:6\ior*
\io1 4. पौलुस दूसरी कलिसीया मा जोर लक वाचयो जावन वाली चिठ्ठी को लाय सुभकामना अखिन निरदेस देवासे। \ior 4:7-18\ior*
\c 1
\p
\v 1 पौलुस कन लक, जोन परमेस्वर को मनसा लक मसीह यीसु को धाडयो गयो पेरीत सेत। अना आमरो भाऊ तीमुथियुस को कन लक यो चिठ्ठी 
\v 2 मसीह मा वोना पवीतर अना बिस्वासी भाऊ गीन को नाव जोन कुलुस्से नगर मा रव्हसेत। आमरो अजी परमेस्वर को कन लक तुमला किरपा अना सान्ती भेटत रव्हे।
\s धनवाद को पिराथना
\p
\v 3 जब हमी तुमरो लाय पिराथना करसेजन, तो हमी सदा हमारो पिरभु यीसु मसीह को बाबूजी परमेस्वर ला धन्यवाद देसेजन। 
\v 4 काहेकि हमीना यीसु मसीह मा तुमरो परमेस्वर को पवीतर लोकगीन काजी माया अना भरोसा को बारे मा आयकु सेत। 
\v 5 जबा खरो साजरा बारता पयले तुमरो कठा आयो, तो तुमीना आस लक आयकीस। अना तुमरो भरोसा अना पिरेम वोना चीज़ मा नीव पडयो सेत जोन तुमी आस करासेव। जोन सरग मा तुमरो लाय सुरक्सित ठेवो जावासेत। 
\v 6 साजरा बारता आसीरवाद आनासेत। अना पूरो दुनिया मा फर-फुल रहयो से। जसो का तुमीना पयलो बार परमेस्वर को किरपा को बारे मा आयकयासेव। अना खरो खर यो पता चलयो होतो। 
\v 7 तुमीना हमारो चहेतो संगी चाकर एपफ्रास लक परमेस्वर को किरपा को बारे मा सीखयासेव, जोन आमरो कन लक मसीह को वफादार बिस्वासी काम करनवारा सेत। 
\v 8 ओना आमला बेखटका वोना माया को बारे मा सांगिसेस। जोन ला आतमा न तुम्हीला दियो सेत।
\p
\v 9 एना कारन लक हमी न लगातार तुमरो लाई पिराथना करता रहया, जब लक हमीना तुमरो बारे मा आयका सेत। हमी परमेस्वर लक तुमरो मरजी को लक सबा गियान अना समझ को आतमा लक भरन लाय कव्हसू, जोन वोको आतमा देवासेत। 
\v 10 तब जब तुमी पिरभू को रुप मा जिंदगी बितान काबिल होवजोस अना हमेसा आपरो चाल चलन लक वोला खुस करजोस ता तुमरो जिंदगी मा सबा परकार को साजरो करम पैदा करबिन, अना तुमी परमेस्वर को गियान मा बढ़बिन। 
\v 11 ओको बड़ाई को ताकत को जसो सबच परकार की ताकत लक ताकतवर होत जावने, यहान तकन की खुसहाली को सँग हर परकार लक धीरज अना सहनसीलता दिसाय सकोह, 
\v 12 अना खुसी-खुसी परमेस्वर बाबजी को धन्यवाद, जेना आमला यो काबिल बनायीसेस की जोनना तुमिला उजाड़ को राज मा आपरो पवीतर लोक गीन काजी राखिसेत, वोमा आपरो वारसाना हिस्सादारी राखन काजी साजरा बना दियो सेत। 
\v 13 वोना हमला इंधार को अधिकारी को ताकत लक छुड़ाय अखीन हमला अपरो चहेतो टूरा को राज मा सुरक्सित कर दियो सेत। 
\v 14 जोन लक आमी ला सूटकारा मिलिसेत। मजे, हमारो पाप छिमा भई सेत।
\s मसीह को साजरोपन अना ओको काम
\p
\v 15 मसीह नही चोवनवारा परमेस्वर को चोवनवारा रुप सेत। उ पहलोटा टूरा से। जोन सबा बनायो गयो चीज लक साजरा सेत। 
\v 16 काहेका वोच मा सबा चीजगीन बनायो गयो सेत, चाहे वा सरग को होहे अना भूई को, चोवयो, अना बिनो चोवन वारा, का सिघासन, का सरकार, का राजा को अधिकार, सबचीज वोकोच लक वोको लाय बनायो गयो सेत। 
\v 17 मसीह सप्पा चीजहुन लक पयले होतो, अना वोको संग सब चीजहुन वोमा सही जघा मा होती। 
\v 18 उ आपरो देह, कलीसिया को मुखिया से; उ देह को जिंदगी को जरिया से। उ पयले पैदा हुया टूरा सेत, जोनला मरन लक जित्तो करयो गयो सेत। जोनलक वा एकलोच सबा चीजगिन मा पयलो जघा हो सकेत। 
\v 19 काहेका यो परमेस्वर को खुद को फैसला होतो, का टूरा खुद पूरो जनमन परमेस्वर सेत। 
\v 20 टूरा लक, परमेस्वर ना पूरो बिरह्मांड ला आपरो आप लवटान को फैसला करीसेस। परमेस्वर ना आपरो टूरा को रकत लक कूरूस मा मेल मिलाप बनाय अखीन यो काजी सरग मा अना धरती मा, सबा चीजगिन ला लवटा के आनेत।
\p
\v 21 एक बार जबा तुमी परमेस्वर लक लगत दूहुर होतो। अना तुम मन लक बैरी होतो, जोन आपरो कियो गयो खोटो काम अना बिचार को कारन लक होतो। 
\v 22 पर अब, आपरो टूरा की देह को मरनो लक, परमेस्वर ना तुमला, पवीतर, सूद्ध अखीन बेकसूर होवन लाय अपरो पुढ़ा आनन काजी, तुमला मेल मिलाप कर आपरो संगी बना लियो सेत। 
\v 23 अदी तुम भरोसा को नीव मा पक्को रूप लक बनो रव्हो अना वा साजरा बारता को आस ला जोन तुमी आयकु सेव, नही छोड़यो, जोनको परचार बादल को खाल्या, सारो दुनिया मा कव्हयो गयो अना वोको दास मी पौलुस बनीसेव।
\s कलीसिया को दास को रूप मा पौलुस को काम
\p
\v 24 अना अब मी तुमरो काजी आपरो दुख को बारे मा खुससेव, काहेका मोरो देह को दुख को बीचमा मी आपरो देह, कलीसिया को कन लक मसीह को दुख ला पूरो करन मा मदद कर रहयो सेव। 
\v 25 अना मोला परमेस्वर लक कलीसिया को दास बना दियो गयो सेत। जोनना मोला यो काम करन को लाय आपरो काम दियो सेत। यो पूरो रीत लक अपरो खबर साँगन को काम सेत। 
\v 26 जूनो जमाना लक वा लुकयो गोस्टी सेत, जोन वोना सबा मानुसगिन लक सबा लोकगीन लक छिपायो गयो होती, सेत। पर अब आपरो पवीतर लोकगीन ला पता चलयो सेत। 
\v 27 परमेस्वर को योजना आपरो लोकगीन को लाय आपरो लुकयो बारता मालूम करानो सेत। यो धन अना गौरव दिलान वालो भेद से जोन वोको कठा सब परजात लोकगीन को लाय आस सेत। अखीन वा राज यो सेत का मसीह तुमरो मा सेत। मजे तुमी परमेस्वर को महिमा मा हिस्सा लेवन वारा सेव। 
\v 28 एकोलाय हमी सबला मसीह यीसु को परचार कर सेजन। आमी मसीह मा सबा सम्बव गियान को संग आमी उनला चिताय देवा सेत, अना उनला सिकावसेत। जोनलक हरेक मानूस ला मसीह को संग एक पक्को मानूस को रूप मा परमेस्वर को पुड़ा लायो जा सकेत। 
\v 29 असो करन काजी, मी मसीह यीसु को ताकतवर ताकत ला काम मा आनके अखीन जोन काम करासू। वोको लाय मी मेहनत भी करासू।
\c 2
\p
\v 1 मी चाव्हसू का तुम्ही ला मालुम पड जाय का तुम्हारो अना उनको लाय जोन लौदीकिया मा सेत, अना उन सबको लाय जोन मोरो टोन्ड ला नही चोविसेत, वय नही जानत का मी कसो काम करासू। 
\v 2 जोन लक उनको मन मा सान्ती होवे अना आपस मा एक दुसरो लक पिरेम मा बंधके बढ़ते जाय। अना वय समझ के पूरो पक्को रुप लक वो पूरो धन ला पा जाय जोन को फर परमेस्वर को भेद मजे मसीह ला चिन्हनो सेत। 
\v 3 जिनमा बुध्दि अना गियान को सप्पा धन छुपयो रव्हसेति।
\p
\v 4 यो मि एकोलाय कव्हसू की कोनी मानूस तुमला ललचानवारी गोस्टी लक धोखा नोको देहे। 
\v 5 अखीन मि देह को मनसा लक तुमी लक दुहूर सेव, ता भी आतमिक मनसा लक तुमरो लक कगर सेव अना तुमरो साजरो जिंदगी ला अना तुमरो भरोसा ला जोन मसीह मा से मजबुती चोवके ना खुस सेव।
\p
\v 6 एकोलाय तुमीना मसीह यीसु ला पिरभु करके अपनायो लेईसेव वसोच ओमा चाल चलत जावने। 
\v 7 ओमाच जड़ धरता अना बढ़ता जावने अना जसो तुमी सिकाया गया वसोच मा भरोसा मा पक्को होवतो जावने, अना लगत धनवाद करत रव्हने।
\p
\v 8 सतरक रव्होने की कोनी तुमला ओना संसार को गियान अना बेकार छल लक आपरो सँगा नोको कर लेहे, जोन मानूस को उसुल गीन अना संसार की जुनो सिक्सा को जसो से। पर मसीह को जसो नही। 
\v 9 काहेकि ओमा परमेस्वर की सप्पाच सिध्दता सप्पा देह लक रव्हसे। 
\v 10 अना तुमी ओमाच पूरो होय गया सेव जोन सप्पा सरकार अना अधिकार को वरता से।
\p
\v 11 ओमा तुमरो असो खतना हुयो से जोन हात लक नही हुयो मजे मसीह को खतना जोको लक सारिरीक देह उतार देई जावसे। 
\v 12 अना ओकोच संगा बपतिस्मा मा गाड़यो गया अना ओमाच मोठो परमेस्वर को ताकत पर भरोसा करके, जेने ओला मरयो हुया मा लक जित्तो उचलीस ओको संगा जित्तो उचलेह। 
\v 13 ओना तुमला, जोन आपरो दोस अना आँग को खतना बिना दसा मा मुरदा होतीन, ओको संगा जिलाइस अना आमरो सब दोस ला छिमा करहे। 
\v 14 अना नेम को उ लिखयो पन्ना जोन आपरो नाव पर अना आमरो विरोध मा होतो मिटाय डाकीस, अना ओला कूरूस पर खिल्ला लक ठोकवाय करके पुढ़ा लक हटाय देईस। 
\v 15 अना ओना सब परधानता अना अधिकार ला वरता लक उतारके उनको खुल्लम खुल्ला तमासा बनाईस अना कूरूस को कन लक ओको पर जय को संगा ललकारीस।
\p
\v 16 यो काजी जेवन पिवनो अना तिहार पावन अना नयो चंदा अना पवीतर दिवस को बारे मा तुमरो कोनी न्याय नोको करेत। 
\v 17 काहेकि यो सब आवनवालो गोस्टी को सावली से; पर मुल देह गोस्टी मसीह को आय। 
\v 18 कोनी मानूस आत्म हीनता अना सरगदूत गीन की पूजा पाठ करायके तुमला साजरी दौड़ को ईनाम लक छुछो नोको करेत। असो मानूस चोवयो हुयो गोस्टी मा लगयो रव्हसे अना आपरी आँग को अक्ल पर बेकार मा फुलसे, 
\v 19 अना ओना सब लक वरता परमेस्वर ला नही आपनावा से जेनको लक सप्पा देह जोड़गीन अना पाठ को कनलक पालयो पोसयो पायके अना एक संगा मिलके मोठो परमेस्वर को कना बड़त जासे।
\s मसीह को संगा मरनो अना जित्तो होवनो
\p
\v 20 जबकि तुमी मसीह को सँगा संसार को जूनो सिक्सा लक मर गया सेव, ता मंग कायलाई उनका जसो जोन संसार का सेत जिंदगी बितावासो? तुमी असी उसुल गीन को वस मा काहे रव्हसो। 
\v 21 की एला नोको छुवने, ओला नोको चाखने, अना ओला हात नोको लगावने? 
\v 22 या सब चीजगीन काम मा आनत-आनत नास होय जाहेति। काहेकि या सबचीज मानूसगिन को हुकूम अना सिक्सागीन को जसो से। 
\v 23 ऐना बिधि बिधान मा आपरी मनसा को कनलक बनायी गयी भक्ति को रिती, अना आतमा हीनता अना देह को योगाभ्यास को मरजी लक गियान को नाव ता से, पर सारिरीक लालसागीन ला रोकनो मा एना लक कोनी फायदा नही होवासे।
\c 3
\p
\v 1 एको लाई जबा तुमी मसीह को सँगा जिलाया गईसेव ता सरग को चीज ला ढुंढन मा रव्हो, जहान मसीह पायो जावसे। अना परमेस्वर को उजो कना जित्तो उचलीस सेस। 
\v 2 धरती को नही पर सरग को चीज गीन की बिचार मा रव्हो 
\v 3 काहेकि तुमी ता मर गयासेव अना तुमरो जिंदगी मसीह को सँगा परमेस्वर मा छुपयो से। 
\v 4 जबा मसीह जोन आमरो जिंदगी से उ जबा दिसे तबा तुमी भी ओको महिमा सँगा दिसाय जाहो।
\p
\v 5 एको लाई आपरो उन आँग ला मार डाको जोन धरती मा रव्हसेत मजे छिनालापन असुध्दता, नीच काम बुरो कामना अना लोभ ला जोन मुरत पुजा को बरोबर से। 
\v 6 एनच कारन परमेस्वर को गुस्सा हुकूम नही मानन वालो पर पड़से 
\v 7 अना जबा तुमी ऐना बुराईगीन मा जिंदगी मा काटत होता इनको जसो चाल चलत होता।
\p
\v 8 पर तुमी भी ऐना सब ला मजे गुस्सा, ताव, बैरभाव, निन्दा अना टोंड लक बक-बक बँद कर देव 
\v 9 अना एक दुजो लक झुठो नोको बोलने काहेकि तुमी ना जुनो मानुसरुप ला ओको कामगीन सकट उतार डाकईसो। 
\v 10 अना नयो मानूस रुप ला डाक लेईसेव, जोन आपरो बनावन वालो को जसो गियान मिलन को लाई नयो बनतो जावसे 
\v 11 ओमा ना ता परजात न काही यहूदी से न खतना ना काही खतनावालो, न जंगली, न कारो पानी मा रव्हनवारा न दास अना न छुट्टो: केवल मसीह सब कुछ अना सब मा से।
\p
\v 12 एको लाई परमेस्वर को बेचयो जसो जोन पवीतर अना पिरेम को से। मोठी दया ना भलाई अना दीनता अना दयालू पन अना सहनसिलता धारन कर लेव 
\v 13 अना अदी कोनी ला कोनी पर दोस देवन को कोनी कारन से ता एक दुजो ला सह लेव अना एक दुसरे को दोस छिमा करोह, जसो पिरभु ना तुमरो दोस छिमा करीसे वसोच तुमी करो। 
\v 14 ऐन सब सुभाव मा माया जुड़से जोन सबला एक संगा बाँध लेव। 
\v 15 मसीह को सान्ती जोको लाई तुमी एक देह होयके बुलाय भी गया सेव। तुमरो मन मा राज करेत, अना तुमी धन्यवाद देवनो नोको छोड़नो। 
\v 16 मसीह को गोस्टी ला आपरो हिरदय मा लगत बसन देव अना सिध्द गियान सहित एक दुजो ला सिकाहो अना चिताहो अना आपरो मन मा दया को सँगा परमेस्वर को लाई धनबाद भजन अना स्तुति गान अना आतमिक गीत गावनो से 
\v 17 गोस्टी मा या काम मा जोन काही भी करोह सब यीसु पिरभु को नाव लक करोह, अना ओको नाव लक परमेस्वर बाबूजी को धन्यवाद करने।
\s नयो जिंदगी को समाजिक करतब
\p
\v 18 हे बायकागीन जसो पिरभु मा साजरो से; वसोच आपरो घरवालो को बसमा रव्हने।
\p
\v 19 हे नौरागीन आपरी-आपरी बायको लक माया राखो, अना उन लक कठोर नोको होवने।
\p
\v 20 हे टुरागीन सब गोस्टी मा आपरो माय दादजी को हुकूम पालन करोह। काहेकि पिरभु ला खुसी होवासे।
\p
\v 21 हे टुरावालो आपरो टुरागीन ला सतावहो नोको। कही असी न होहे का उनको हिम्मत कम होय जाये।
\p
\v 22 हे दास गीन जोन आँग को जसो तुमरो मालिक से सब गोस्टी मा उनको हुकूम को भगती करोह, मानूस ला खुस करनवालो वालो जसो दिसावन को लाई नही पर मन को सीधाई अना परमेस्वर को भेव लक। 
\v 23 जो काही तुमी करोसो, तन मन लक करोह, यो समझके की मानूस लाई नही पर पिरभु लाई करोसो; 
\v 24 काहेकि तुमी जानासो की तुमला बदला मा पिरभु लक सान्ती मिलहेत; तुमी पिरभु मसीह को सेवा करोसो; 
\v 25 काहेकि जोन बुरो करासे उ आपरी हानी को फर पाहे, वहान कोनी को पक्स नही करा
\c 4
\p
\v 1 अगो मालिक हुन आपरो-आपरो दास गीन लक नियाव लक साजरा बेवहार करो। असो समझके का सरग मा तुमरो एक मालीक सेत।
\p
\v 2 पिराथना मा लगा रव्हो, अना धनवाद को संग जागत रव्हो।
\s काही बेवहार को लाय सलाह
\p
\v 3 अना एको सँगा आमरो लाई पिराथना करोह की परमेस्वर आमरो लाई गोस्टी आयकावान को असी बेसकुड़ खोल दे, की आमी मसीह को ओना भेद को बखान कर सकबिन जेनको कारन मि बँदी सेव 
\v 4 अना ओला असी दिसाऊ जसी मोला करनो साजरो से।
\p
\v 5 मौका ला बेस जानके बाहेर वारा गीन को सँगा सोच समझ के लक बेवहार करोह। 
\v 6 तुमरो गोस्टी सदा दया सँगा अना साफ होय की तुमला हर मानूस ला बेस रिति लक जवाब देवनो आय जाहे।
\s आखरी नमस्कार
\p
\v 7 माया को भाऊ अना बिस्वास काबिल दास, तुखिकुस, जोन पिरभु मा मोरो संगी करमी सेति, मोरी सब गोस्टी तुमला साँग देहे। 
\v 8 मिना ओला एकोसाठी तुमरो कठा धाड़यो होतो की तुमला आमरी दसा मालुम पड़ जाहे। अना उ तुमरो दिल ला सान्ती देहे। 
\v 9 ओको सँगा मिना उनेसिमुस ला धाडिसेव जोन बिस्वास काबील अना माया को भाऊ अना तुमी मा लक से। यो तुमला यहान की सप्पा गोस्टी साँग देहे।
\p
\v 10 अरिस्तखुरस, जोन मोरो सँगा बँदी से, अना मरकुस जोन बरनबास को भाउ कहलावसे जोन को बारे मा तुमीना हुकूम पायासेव की अदी उ तुमरो कठा आहे ता ओको लक साजरो तरिका लक बरताव करने। 
\v 11 अना यीसु जोन युस्तुस कहलावसे तुमला नमस्ते कवहसे खतना करयो लोकगीन मा लक केवल योच परमेस्वर को राज को साठी मोरो संग काम करनवारा अना मोरो सान्ती को कारन रहीसे।
\p
\v 12 एपफ्रास जोन तुम्हरो संगी सेत, अना मसीह यीसु को दास सेत वोको कन लक तुम्हिला नमस्कार कव्हसेत। अना हमेसा तुम्हारो लाय पिराथना करासेजन की, जोन लक तुमरो मा कोनी कमी नोको रव्हे अना पूरो भरोसा लक परमेस्वर को मनसा मा पक्को रव्हो। 
\v 13 मी खुद वोको सबूत सेव का उ तुम्हारो अना लौदीकिया अना हियरापुलिस वालो लोकगीन लाय गजब मेहनत करासेत। 
\v 14 चहेतो बइद लूका अना देमास को तुम्हिला नमस्कार।
\p
\v 15 लौदीकिया नगर को भाऊ हुन ला अखीन नुमफास अना वोको घर को कलीसिया ला नमस्कार सांगजोस। 
\v 16 जबा यो चिठ्ठी तुम्ही लोकगीन को पुड़ा बाच लियो जाये तो यो चिठ्ठी लौदीकिया को कलीसिया मा बाचो जाय, अना जोन चिठ्ठी लौदीकिया मा सेत वोला तुम्ही बाचजोस। 
\v 17 अना अरखिप्पुस लक सांग जोस का पिरभू को जोन सेवा तोला सोपो गइ सेत वोला होसियारी लक पूरो कर।
\p
\v 18 मी पौलुस को आपरो हात लक लिखयो नमस्कार! मोरो हतकड़ी अना बेड़ी हेत राखजोस,
\p तुम पर किरपा होतो रव्हे। आमीन!